പേരാമ്പ്ര : മേപ്പയൂർ ഗവ.ഹയര്‍ സെക്കൻഡറി സ്‌കൂളില്‍ വിദ്യാര്‍ഥിയെ മര്‍ദിച്ചെന്ന പരാതിയില്‍ അധ്യാപകനെ സസ്പെൻഡ് ചെയ്തു. ഹൈസ്കൂൾ വിഭാഗം ഗണിത അധ്യാപകന്‍ കെ.സി.അനീഷിനെയാണ് അന്വേഷണ വിധേയമായി പതിനാല് ദിവസത്തേക്ക് സസ്‌പെൻഡ് ചെയ്തത്.&nbsp;
ഒമ്പതാം ക്ലാസ് വിദ്യാര്‍ഥിയുടെ രക്ഷിതാവ് നല്‍കിയ പരാതിയിലാണ് നടപടി. ചൊവ്വാഴ്ച ക്ലാസ് മുറിയില്‍വച്ച് വിദ്യാർഥിയെ മര്‍ദിച്ചെന്നാണ് പരാതി. മര്‍ദനത്തെ തുടര്‍ന്ന് വിദ്യാര്‍ഥിയുടെ തോളെല്ലിന് പരുക്കുണ്ടെന്നും ചികിത്സയിലാണെന്നും രക്ഷിതാവും പ്രധാന അധ്യാപകനും അറിയിച്ചിരുന്നു. വടകര ജില്ലാ വിദ്യാഭ്യാസ ഓഫിസര്‍ നടത്തിയ പ്രാഥമിക അന്വേഷണത്തിലും അധ്യാപകൻ വിദ്യാർഥിയെ മർദിച്ചതായി‌ സ്ഥിരീകരിച്ചു. ഈ സാഹചര്യത്തിലാണ് അധ്യാപകനെ സസ്‌പെൻഡ് ചെയ്യുന്നതെന്ന് ഡിഡിഇ ഉത്തരവില്‍ വ്യക്തമാക്കി. അധ്യാപകൻ കൈകൊണ്ട് കുട്ടിയുടെ തോളെല്ലിന് അടിക്കുകയും കൈ മടക്കി ഇടിക്കുകയും ചെയ്തുവെന്ന് പരാതിയിൽ പറയുന്നു.

മേപ്പയൂർ ഹയര്‍ സെക്കൻഡറി സ്‌കൂളിലെ വിദ്യാർഥിക്ക് മർദനം, തോളെല്ലിന് പരുക്ക്; അധ്യാപകനെ സസ്പെൻഡ് ചെയ്തു

Perambra

ഹൈദരാബാദ്: 'പുഷ്പ 2' പ്രീമിയറിനിടെയുണ്ടായ അപകടത്തില്‍ യുവതി മരിച്ച സംഭവത്തില്‍ നടന്‍ അല്ലു അര്‍ജുനെതിരെ കേസെടുക്കും. താരത്തിന് പുറമെ അപകടം നടന്ന സന്ധ്യ തിയേറ്റർ മാനേജ്‌മെന്റിനെതിരെയും താരത്തിന്റെ സെക്യൂരിറ്റി ടീമിനെതിരെയും കേസെടുക്കുമെന്നും പൊലീസ് പറഞ്ഞു.അല്ലു അര്‍ജുന്റെ സെക്യൂരിറ്റി ടീം വീഴ്ചവരുത്തിയതാണ് ഇത്രയും വലിയ ദുരന്തത്തിന് വഴിവെച്ചത് എന്ന് ഹൈദരാബാദ് സെന്‍ട്രല്‍ സോണ്‍ ഡി.സി.പി പറഞ്ഞു. അല്ലു അര്‍ജുന്‍ സിനിമയുടെ പ്രീമിയറിന് എത്തുമെന്ന് തിയേറ്റർ മാനേജ്‌മെന്റിന് അറിയാമായിരുന്നെങ്കിലും ഈ വിവരം പൊലീസിനെ അവസാന നിമിഷം മാത്രമാണ് അറിയിച്ചത്.
രാത്രി 9.30 ഓടെയാണ് താരവും കുടുംബവും തിയേറ്ററില്‍ എത്തിയത്. തുറന്ന ജീപ്പില്‍ താരത്തെ കണ്ടതോടെ ആളുകള്‍ തിക്കിത്തിരക്കി എത്തുകയായിരുന്നു. ആളുകളെ താരത്തിന്റെ സെക്യൂരിറ്റി ടീം മര്‍ദിക്കുകയും ഇത് തിക്കിനും തിരക്കിനും കാരണമാവുകയുമായിരുന്നു. തുടർന്നാണ് പൊലീസ് ലാത്തിച്ചാർജ് നടത്തിയത്.
ഇന്നലെ രാത്രി ഹൈദരാബാദിലെ സന്ധ്യ തിയേറ്ററിലായിരുന്നു സംഭവം. ഹൈദരാബാദ് സ്വദേശി രേവതി(39)യാണ് മരിച്ചത്. രേവതിയുടെ 9 വയസുകാരനായ മകന്‍ ഗുരുതരാവസ്ഥയില്‍ ആശുപത്രിയിലാണ്. ഷോ കാണാൻ നായകനായ അല്ലു അർജുൻ എത്തുമെന്നു വിവരം ലഭിച്ചതോടെ തിയേറ്റർ പരിസരത്തേക്ക് ജനക്കൂട്ടം ഒഴുകിയെത്തി. തിരക്കേറിയതോടെ ആളുകൾ തമ്മിൽ ഉന്തും തള്ളുമുണ്ടായി. ആൾക്കൂട്ടത്തെ നിയന്ത്രിക്കാൻ പൊലീസ് ലാത്തി വീശി. അതിനിടയിൽ‌പ്പെട്ടാണ് സ്ത്രീ മരിച്ചത്.&nbsp;

'പുഷ്പ 2' റിലീസിനിടെ യുവതിയുടെ മരണം; അല്ലു അർജുനെതിരെ കേസ്

ആലപ്പുഴ: ദേ​ശീ​യ​പാ​ത​യി​ൽ​ ​ക​ള​ർ​കോ​ട് ​ഭാ​ഗ​ത്ത് ​കാ​റും​ ​കെ.​എ​സ്.​ആ​ർ.​ടി.​സി​ ​ഫാ​സ്റ്റ് ​പാ​സ​ഞ്ച​ർ​ ​ബ​സും​ ​കൂ​ട്ടി​യി​ടി​ച്ചുണ്ടായ അപകടത്തിൽ ഒരു മെഡിക്കൽ വിദ്യാർത്ഥി കൂടി മരണപ്പെട്ടു. എടത്വ പള്ളിച്ചിറ സ്വദേശി ആൽവിൻ ജോർജ് ആണ് മരിച്ചത്. അപകടത്തിൽ പരിക്കേറ്റ് ഗുരുതരാവസ്ഥയിൽ എറണാകുളത്തെ ആശുപത്രിയിൽ ചികിത്സയിൽ കഴിയവേയാണ് അന്ത്യം. ഇതോടെ അപകടത്തിൽ മരിച്ചവരുടെ എണ്ണം ആറായി.
കഴിഞ്ഞ തിങ്കളാഴ്‌ച രാത്രി ​ 9.30​ ​ഓ​ടെ​ ​ക​ള​ർ​കോ​ട് ​ച​ങ്ങ​നാ​ശേ​രി​ ​മു​ക്കി​ലാ​യി​രു​ന്നു​ ​അ​പ​ക​ടം.​ ​ഗു​രു​വാ​യൂ​രി​ൽ​ ​നി​ന്ന് ​കാ​യം​കു​ള​ത്തേ​ക്ക് ​വ​രി​ക​യാ​യി​രു​ന്ന​ ​ഫാ​സ്റ്റ് ​പാ​സ​ഞ്ച​റും​ ​വ​ണ്ടാ​നം​ ​ഭാ​ഗ​ത്തു​നി​ന്നു​ ​ആ​ല​പ്പു​ഴ​ ​ഭാ​ഗ​ത്തേ​ക്ക് ​വ​രി​ക​യാ​യി​രു​ന്ന​ ​ട​വേ​ര​ ​കാ​റു​മാ​ണ് ​കൂ​ട്ടി​യി​ടി​ച്ച​ത്
&nbsp;

കളർകോട് വാഹനാപകടം; ചികിത്സയിലായിരുന്ന ഒരു വിദ്യാർത്ഥി കൂടി മരിച്ചു

Kerala

കോ​ഴി​ക്കോ​ട്: നാ​ലു​പേ​രു​മാ​യി യാ​ത്ര ചെ​യ്ത സ്കൂ​ട്ട​ർ മോ​ട്ടോ​ർ വാ​ഹ​ന വ​കു​പ്പ് ക​സ്റ്റ​ഡി​യി​ലെ​ടു​ത്തു. ക​ഴി​ഞ്ഞ ദി​വ​സം മോ​ട്ടോ​ർ വാ​ഹ​ന​വ​കു​പ്പ് വെ​ള്ളി​മാ​ട്കു​ന്ന് ജെ.​ഡി.​ടി കോ​ള​ജ് പ​രി​സ​ര​ത്തു​ ന​ട​ത്തി​യ പ​രി​ശോ​ധ​ന​യി​ലാ​ണ് മൂ​ന്നും നാ​ലും പേ​രെ വെ​ച്ചു​ള്ള യാ​ത്ര പി​ടി​കൂ​ടി​യ​ത്. നാ​ലു​പേ​രെ വെ​ച്ചു​ള്ള യാ​ത്ര ന​ട​ത്തി​യ സ്കൂ​ട്ട​ർ ക​ഴി​ഞ്ഞ ദി​വ​സം മോ​ട്ടോ​ർ വാ​ഹ​ന​വ​കു​പ്പ് ഉ​ദ്യോ​ഗ​സ്ഥ​രെ​ത്തി കോ​ള​ജ് പ​രി​സ​ര​ത്തു​നി​ന്ന് ക​സ്റ്റ​ഡി​യി​ലെ​ടു​ത്തു.
വാ​ഹ​നം ഓ​ടി​ച്ച യാ​ത്ര​ക്കാ​ര​ന്റെ ലൈ​സ​ൻ​സും സ​സ്‍പെ​ൻ​ഡ് ചെ​യ്തു. ര​ണ്ടും മൂ​ന്നും പേ​രെ വെ​ച്ച് ബൈ​ക്ക് ഓ​ടി​ച്ച മ​റ്റു മൂ​ന്നു​പേ​രു​ടെ ലൈ​സ​ൻ​സും ആ​ർ.​ടി.​ഒ പി.​എ. ന​സീ​റി​ന്റെ നി​ർ​ദേ​ശ​പ്ര​കാ​രം സ​സ്‍പെ​ൻ​ഡ് ചെ​യ്തു. രൂ​പ​മാ​റ്റം വ​രു​ത്തി​യ​തും അ​മി​ത​മാ​യ ലൈ​റ്റ് ഘ​ടി​പ്പി​ച്ച​തു​മാ​യ വാ​ഹ​ന​ങ്ങ​ൾ പി​ടി​കൂ​ടി പി​ഴ ചു​മ​ത്തി​യ​താ​യി മോ​ട്ടോ​ർ വാ​ഹ​ന​വ​കു​പ്പ് അ​റി​യി​ച്ചു. എ.​എം.​വി​ഐ​മാ​രാ​യ എ.​കെ. മു​സ്ത​ഫ, ആ​ർ. റി​നു​രാ​ജ്, വി.​പി. രാ​​ജേ​ഷ് എ​ന്നി​വ​ര​ട​ങ്ങി​യ സം​ഘ​മാ​ണ് പ​രി​ശോ​ധ​ന ന​ട​ത്തി​യ​ത്.

നാലുപേരുമായി യാത്ര; സ്കൂട്ടർ മോട്ടോർ വാഹന വകുപ്പ് കസ്റ്റഡിയിലെടുത്തു

Kozhikode

വടകര: ഐടിഐകളിലെ പഠന സമയക്രമം രാവിലെ 8 മണിയിൽ നിന്നും 7: 30 ആക്കുകയും രണ്ടാമത്തെ ഷിഫ്റ്റിന്റെ സമയം വൈകിട്ട് 5:30 വരെ നീട്ടുകയും ചെയ്ത നടപടി വിദ്യാർത്ഥികളെ വല്ലാതെ ബുദ്ധിമുട്ടിലാക്കിയിട്ടുണ്ടെന്ന് കെ എസ് യു. പുതിയ സിലബസ് പ്രകാരം 60 ദിവസം (400 മണിക്കൂര്‍) ക്ലാസുകളാണ് കുറയേണ്ടത്. എന്നാൽ പത്തുമാസം ട്രെയിനിങ് നടക്കുകയാണ് എങ്കിൽ പുതിയ ഉത്തരവ് പ്രകാരം ട്രെയിനികൾക്ക് 30 ദിവസം മാത്രമാണ് കുറവ് വരുന്നത്. അപ്പോൾ നിലവിലുള്ള സമയം വീണ്ടും കുറയ്ക്കേണ്ടതാണ്. 7:30 മുതൽ മൂന്ന് വരെ എന്നത് 8:40 മുതൽ 3 വരെ എന്നും 10 മൂതൽ 5.30 എന്നത് 10 മുതൽ 4.10 വരെ എന്നുമായി ക്രമീകരിക്കണമെന്ന് വടകര ഐടിഐ യൂണിറ്റ് സമ്മേളനം ആവശ്യപ്പെട്ടു. കെഎസ്‌യു ജില്ലാ ജനറൽ സെക്രട്ടറി രാഹുൽ ചാലിൽ ഉദ്ഘാടനം ചെയ്തു.
സജിത്ത് മാരാർ, അജ്നാസ് താഴത്ത്, അഖിൽനാഥ് തുടങ്ങിയവർ ആശംസകൾ നേർന്നു. യുണിറ്റ് പ്രസിഡന്റ് ഷരോൺ, സെക്രട്ടറി അബൂബക്കർ, സിദ്ധാർത്ഥ്, വൈസ് പ്രസിഡന്റ് സവ്യ, ജനറൽ സെക്രട്ടറി അബിൻ, സഫാദ്, ട്രഷറർ വസിഷ്ട് എന്നിവർ ഭാരവാഹികളായി ചുമതലയേറ്റു.&nbsp;

ഐ ടി ഐകളിലെ പഠനസമയക്രമം പുന:പരിശോധിക്കുക; കെഎസ്‌യു

Vadakara

ആരാധകർ കാത്തിരുന്ന അല്ലു അർജുൻ ചിത്രം ‘പുഷ്പ 2’ റിലീസായി മണിക്കൂറുകൾക്കകം എച്ച്.ഡി പതിപ്പ് ഓൺലൈനിൽ ചോർന്നു. ‘പുഷ്പ: ദ റൈസി’ന്‍റെ സീക്വലായി എത്തിയ ‘പുഷ്പ: ദ റൂൾ’ വ്യാഴാഴ്ച‍യാണ് റിലീസായത്. വ്യാജ പതിപ്പ് ഓൺലൈനിൽ വന്നത് സിനിമാരംഗത്ത് ആശങ്കയായിട്ടുണ്ട്.
അനധികൃത വെബ്സൈറ്റുകളായ തമിഴ്റോക്കേഴ്സ്, മൂവീറൂൾസ്, ഫിൽമിസില്ല തുടങ്ങിയവയിലൂടെയാണ് ചിത്രം ചോർന്നത്. ചിത്രത്തിന്‍റെ ബോക്സോഫീസ് കലക്ഷനെ വ്യാജ പതിപ്പിന്‍റെ പ്രചാരണം ബാധിച്ചേക്കും. അതേസമയം ബിഗ് സ്ക്രീനിൽ ചിത്രം കാണാനുള്ള ആവേശത്തിലാണ് ആരാധകർ. ഇന്നും നാളെയും വാരാന്ത്യത്തിലും പല തീയേറ്ററുകളിലും ബുക്കിങ് പൂർണമായിക്കഴിഞ്ഞു.

’റിലീസായി മണിക്കൂറുകൾക്കകം ‘പുഷ്പ 2’ ഓൺലൈനിൽ ;ചോർന്നത് എച്ച്.ഡി പതിപ്പ്

തിരുവനന്തപുരം: കണ്ണൂര്‍ എ.ഡി.എം. ആയിരുന്ന നവീന്‍ ബാബു ആത്മഹത്യ ചെയ്ത സംഭവത്തില്‍ സി.ബി.ഐ. അന്വേഷണം ആവശ്യമില്ലെന്ന് സര്‍ക്കാര്‍. അന്വേഷണം ശരിയായ ദിശയിലാണെന്നും അതുകൊണ്ടുതന്നെ സി.ബി.ഐ. അന്വേഷണം ആവശ്യമില്ലെന്നുമാണ് സര്‍ക്കാര്‍ നിലപാട്. ഇക്കാര്യം നാളെ(വെള്ളി) സര്‍ക്കാര്‍ ഹൈക്കോടതിയെ അറിയിക്കുമെന്നാണ് റിപ്പോര്‍ട്ടുകള്‍.
നവീന്‍ ബാബുവിന്റെ മരണവുമായി ബന്ധപ്പെട്ട് അദ്ദേഹത്തിന്റെ കുടുംബത്തിന്റെ എല്ലാ ആശങ്കകളും പരിശോധിക്കുമെന്നും സര്‍ക്കാര്‍ അറിയിച്ചിട്ടുണ്ട്. പോലീസ് അന്വേഷണം തൃപ്തികരമല്ലെന്നും സി.ബി.ഐ. അന്വേഷണം വേണമെന്നും ആവശ്യപ്പെട്ട് നവീന്‍ ബാബുവിന്റെ ഭാര്യയാണ് ഹൈക്കോടതിയെ സമീപിച്ചത്. നവീന്‍ബാബുവിനെ കൊന്ന് കെട്ടിത്തൂക്കിയതാണെന്ന സംശയമുണ്ടെന്നും സംഭവത്തില്‍ പി.പി. ദിവ്യയുടെ പങ്കിനെക്കുറിച്ച് സമഗ്രമായ അന്വേഷണം നടത്തിയില്ലെന്നും ഹര്‍ജിയില്‍ ആരോപിച്ചിരുന്നു.&nbsp;
നാളെയാണ് ഹൈക്കോടതി ഈ ഹര്‍ജി പരിഗണിക്കുന്നത്.എല്ലാ തരത്തിലുള്ള വിവരങ്ങള്‍ ശേഖരിച്ചുള്ള അന്വേഷണമാണ് പോലീസിന്റെ ഭാഗത്തുനിന്ന് ഉണ്ടായിട്ടുള്ളത്. തുടര്‍ന്നും കുടുംബത്തിന്റെ എല്ലാ ആശങ്കകളും പരിശോധിച്ചായിരിക്കും അന്വേഷിക്കുകയെന്നുമാണ് സര്‍ക്കാര്‍ സ്വീകരിച്ചിരിക്കുന്ന നിലപാട്. ഇത് സംബന്ധിച്ച റിപ്പോര്‍ട്ട് വെള്ളിയാഴ്ച കോടതിയില്‍ സമര്‍പ്പിക്കും.

നവീൻ ബാബുവിന്റെ മരണം;സി.ബി.ഐ. അന്വേഷണം ആവശ്യമില്ലെന്ന് സര്‍ക്കാര്‍

വടകര: സംസ്ഥാന ബജറ്റ് ഫണ്ടിൽ നിന്നും ചോറോട് പഞ്ചായത്തിലെ 20, 21 വാർഡുകളിലൂടെ കടന്നു പോകുന്ന കല്ലറക്കൽ തോട് ഡ്രൈനേജ്‌ കം ഫുട്പാത് നിർമ്മാണത്തിനായി അനുവദിച്ച 1.5 കോടി രൂപയുടെ പ്രവൃത്തിയുടെ ഉദ്ഘാടനം വടകര കെ.കെ. രമ എം എൽ എ നിർവഹിച്ചു. പ്രവൃത്തി പൂർത്തീകരിക്കുന്നതിലൂടെ ഏറെ കാലമായുള്ള പ്രദേശവാസികളുടെ വലിയ ആവശ്യങ്ങളിൽ ഒന്നാണ് യഥാർഥ്യമാകാൻ പോകുന്നതെന്ന് എം.എൽ.എ പറഞ്ഞു. ചോറോട് ഗ്രാമ പഞ്ചായത്ത്‌ പ്രസിഡന്റ്‌ പി.പി. ചന്ദ്രശേഖരൻ അദ്ധ്യക്ഷത വഹിച്ചു.&nbsp;
വാർഡ് മെമ്പർ വി.പി അബൂബക്കർ സ്വാഗതം പറഞ്ഞ ചടങ്ങിൽ മൈനർ ഇറിഗേഷൻ അസിസ്റ്റന്റ് എഞ്ചിനീർ ഹബി പദ്ധതി റിപ്പോർട്ട്‌ അവതരിപ്പിച്ചു. വടകര ബ്ലോക്ക്‌ പഞ്ചായത്ത് മെമ്പർ ശ്യാമള കൃഷ്ണാർപിതം, വാർഡ് മെമ്പർ ആബിദ.എൻ.സി, സി.വി ബാബു , വിസി ഇഖ്ബാൽ, അഡ്വക്കേറ്റ് നജ്മൽ പി ടി കെ ,സദാശിവൻകെ കെ , മഹമൂദ് വിപി എന്നിവർ ആശംസകൾ അർപ്പിച്ചു സംസാരിച്ചു. കമ്മറ്റിയുടെ ചെയർമാൻ ലത്തീഫ്.പി.പി നന്ദി പറഞ്ഞു.

കല്ലറക്കൽ തോട് ഡ്രൈനേജ്‌ കം ഫുട്പാത്ത്; പ്രവൃത്തി ഉദ്ഘാടനം ചെയ്തു

ചോറോട്: ഒതയോത്ത് മന്ദാകിനി (53) അന്തരിച്ചു. പരേതരായ ബാലക്കുറുപ്പിന്റെയും രാധയുടെയും മകളാണ്. ഭർത്താവ്: ഷാജി. മക്കൾ: ശരണ്യ, അശ്വതി. മരുമക്കൾ: രാഗേഷ്, രാഗിത്ത്. സഹോദരങ്ങൾ: തങ്കമണി, പ്രീത, സിന്ധു, ബിന്ദു, രാജേഷ്, പരേതനായ സുരേഷ്.

ചോറോട് ഒതയോത്ത് മന്ദാകിനി അന്തരിച്ചു

Obituary

വടകര :കഞ്ചാവ് കടത്തുന്നതിനിടയിൽ പിടിയിലായ പ്രതിക്ക് മൂന്ന് വർഷം കഠിന തടവും ഇരുപതിനായിരം രൂപ പിഴയും വിധിച്ചു. കണ്ണൂർ ആലക്കോട് അനക്കഴി കവല വെള്ളാട് മഞ്ഞക്കടവ് സ്വദേശി വടക്കേ കുട്ടി ഹൗസിൽ ജോബി ആന്റണിയെയാണ് (34) വടകര എൻ ഡി പി എസ് കോടതി ജഡ്ജ് വി ജി ബിജു ശിക്ഷിച്ചത്. പിഴ അടച്ചില്ലെങ്കിൽ ഒരു മാസം കൂടി കഠിന തടവ് അനുഭവിക്കണം.&nbsp;
2017 നവംബർ 27 നാണ് കേസിനാസ്പദമായ സംഭവം. കണ്ണൂർ റെയിൽവേ സ്റ്റേഷന്റെ പടിഞ്ഞാറു ഭാഗത്തെ കവാടത്തിനടുത്ത് വെച്ച് 5 കിലോ 300 ഗ്രാം കഞ്ചാവുമായി പ്രതിയെ കണ്ണൂർ ടൗൺ പോലീസാണ് അറസ്റ്റ് ചെയ്തത്. പ്രോസിക്ക്യൂഷന്‌ വേണ്ടി പബ്ലിക് പ്രോസിക്യൂട്ടർ അഡ്വ.വി കെ ജോർജ് ഹാജരായി.

കഞ്ചാവുമായി അറസ്റ്റിലായ പ്രതിക്ക് കഠിന തടവും പിഴയും  വിധിച്ചു

കടമേരി : സംസ്ഥാന ന്യൂനപക്ഷ ക്ഷേമ വകുപ്പിൻ്റെ ആഭിമുഖ്യത്തിൽ ആർ.എ.സി ഹയർ സെക്കൻഡറി സ്കൂൾ പ്ലസ് ടു വിഭാഗം വിദ്യാർഥികൾക്ക് ഏകദിന സൗജന്യ വ്യക്തിത്വ വികസന- കരിയർ ഗൈഡൻസ് ക്യാമ്പ് (ട്യൂണിങ്) സംഘടിപ്പിച്ചു. പിന്നാക്ക വിഭാഗത്തിൽപ്പെട്ട തെരഞ്ഞെടുക്കപ്പെട്ട 100 വിദ്യാർത്ഥികൾക്കാണ് പരിശീലനം നടന്നത്.&nbsp;
ക്യാമ്പിന്റെ ഉദ്ഘാടനം ജില്ലാ പഞ്ചായത്ത് മെമ്പർ വി.എം വിമല നിർവഹിച്ചു. പ്രിൻസിപ്പൽ മുസ്തഫ കുറ്റിയിൽ അധ്യക്ഷനായി. മൈനോരിറ്റി കോച്ചിംഗ് സെൻറർ പേരാമ്പ്ര റീജണൽ സെൻറർ പ്രിൻസിപ്പൽ ഡോ. മുഹമ്മദ് ജമാൽ മുഖ്യ പ്രഭാഷണം നടത്തി. വിവിധ സെഷനുകളിലായി റസീന യൂനുസ്, ഫൈസൽ എളേറ്റിൽ എന്നിവർ ക്ലാസ്സെടുത്തു. എ൦.കെ മുഹമ്മദലി, ആ൪ വിജയൻ, കരിയർ ഗൈഡ് ഹാരിസ് മുച്ചിലോട്ടുമ്മൽ, ഹെഡ്മാസ്റ്റർ മുഹമ്മദ് കാങ്ങാട്ട് , ജമാൽ കുറ്റിയിൽ, പി.പി ഷാഹിദ് എന്നിവർ സംസാരിച്ചു.

ഏകദിന സൗജന്യ വ്യക്തിത്വ വികസന - കരിയർ ഗൈഡൻസ് ക്യാമ്പ്  നടത്തി

കൊല്ലം: പൂജ ബംപര്‍ ഭാഗ്യക്കുറിയുടെ ഒന്നാം സമ്മാനമായ 12 കോടി അടിച്ച ഭാഗ്യവാനെ തിരിച്ചറിഞ്ഞു. കരുനാഗപ്പള്ളി സ്വദേശി ദിനേശ് കുമാറിനെയാണ് ഭാഗ്യം തേടിയെത്തിയത്. കൊല്ലത്തെ ജയകുമാര്‍ ലോട്ടറി സെന്ററില്‍നിന്നാണ് ദിനേശ് ലോട്ടറി എടുത്തത്. JC 325526 എന്ന ടിക്കറ്റിനാണ് സമ്മാനം അടിച്ചത്.
ദിനേശ് കുമാര്‍ സ്ഥിരമായി ലോട്ടറി എടുക്കാറുള്ളയാളാണെന്ന് ജയകുമാര്‍ ലോട്ടറി സെന്ററിലുള്ളവര്‍ പറഞ്ഞു. 2019-ല്‍ രണ്ടോ മൂന്നോ ടിക്കറ്റിന് 12 കോടി രൂപ നഷ്ടമായ ആളാണ് ദിനേശ്. നവംബര്‍ 22-ാം തീയതിയാണ് അദ്ദേഹം ലോട്ടറി എടുക്കുന്നത്. പത്ത് ടിക്കറ്റാണ് എടുത്തത്. ഏജന്‍സി വ്യവസ്ഥയില്‍ ടിക്കറ്റ് എടുത്തുകൊണ്ടു പോയതിനാലാണ്, ഏജന്റിന് ആകാം ഇക്കുറി ഒന്നാം സമ്മാനം അടിച്ചതെന്ന് കരുതിയത്. പക്ഷേ അദ്ദേഹം ഏജന്റ് അല്ല. കരുനാഗപ്പള്ളിയില്‍ ഫാം ബിസിനസ് നടത്തുന്നയാളാണ് ദിനേശ് എന്നും ജയകുമാര്‍ ലോട്ടറി സെന്ററിലുള്ളവര്‍ പറഞ്ഞു.ഭാര്യക്കും രണ്ടുമക്കള്‍ക്കുമൊപ്പമാണ് ദിനേശ്, ജയകുമാര്‍ ലോട്ടറി സെന്ററിലെത്തിയത്.&nbsp;

പൂജ ബംപര്‍; 12 കോടിയുടെ ഭാഗ്യം കരുനാഗപ്പള്ളി സ്വദേശി ദിനേശ് കുമാറിന്

പ്രോട്ടീനിന്റെ മികച്ചൊരു കലവറയാണ് മുട്ട. മുതിര്‍ന്നവര്‍ക്കും കുട്ടികള്‍ക്കും ഒരുപോലെ ആരോഗ്യദായകമായ ഭക്ഷണം കൂടിയാണിത്. മുട്ടയുടെ വെള്ള കഴിയ്ക്കുമെങ്കിലും പലരും മുട്ടയുടെ മഞ്ഞക്കരു ഒഴിവാക്കാറാണ് പതിവ്. എന്നാല്‍ മുട്ടയുടെ മഞ്ഞ കഴിക്കുന്നതുകൊണ്ട് നിരവധി ഗുണങ്ങളുണ്ട്.
അനാരോഗ്യകരമായ കൊഴുപ്പ് അടങ്ങിയിട്ടുണ്ടെന്ന് കരുതിയാണ് മുട്ടയുടെ മഞ്ഞ കഴിക്കുന്നത് പലരും ഒഴിവാക്കുന്നത്.വിറ്റാമിനുകളായ എ, ഡി, ഇ, കെ തുടങ്ങിയവയുടെ കലവറയാണ് ഈ മഞ്ഞക്കരു.
രോഗ പ്രതിരോധശേഷി കൂട്ടാനും കണ്ണുകളുടെ ആരോഗ്യം സംരംക്ഷിക്കാനും ഇത് കഴിക്കുന്നത് നല്ലതാണ്. അതിനൊപ്പം കാത്സ്യത്തെ ആഗിരണം ചെയ്യാനും എല്ലുകളുടെ ആരോഗ്യവും ചര്‍മത്തിന്റെ ആരോഗ്യവും മെച്ചപ്പെടാനും മുട്ടയുടെ മഞ്ഞ കഴിക്കുന്നത് ഗുണം ചെയ്യും.
കൂടാതെ സിങ്ക്, ഇരുമ്പ്, കാത്സ്യം തുടങ്ങിയ ധാതുക്കളും മഞ്ഞക്കരുവില്‍ അടങ്ങിയിട്ടുണ്ട്. വിറ്റാമിന്‍ ബി 2-വിന്റെ മികച്ച ഉറവിടം കൂടിയാണിത്. ഇത് ചുവന്ന രക്താണുക്കളുടെ ഉത്പാദനത്തിന് അത്യാവശ്യമാണ്.
ഹൃദയാരോഗ്യം സംരക്ഷിക്കാനും മഞ്ഞക്കരു കഴിക്കാം. കൊളസ്‌ട്രോള്‍ രോഗികള്‍ ഡോക്ടര്‍ പറയുന്ന അളവില്‍ മാത്രം ഇവ കഴിക്കുന്നതാണ് നല്ലത്. മഞ്ഞക്കരുവില്‍ അടങ്ങിയിരിക്കുന്ന കോളിന്‍ തലച്ചോറിന്റെ ആരോഗ്യത്തിനും നല്ലതാണ്.&nbsp;

മുട്ടയുടെ മഞ്ഞക്കരു കഴിക്കാറില്ലേ ? ഇക്കാര്യങ്ങൾ  അറിഞ്ഞിരിക്കണം

Health

കണ്ണൂർ:‘കട്ടൻചായയും പരിപ്പുവടയും’ എന്ന പേര് തന്റെ ആത്മകഥക്ക് ഉപയോഗിക്കില്ലെന്നും അത് ത​ന്നെ പരിഹസിക്കാൻ ഡി.സി. ബുക്സ് മനപ്പൂർവം നൽകിയതാണെന്നും സി.പി.എം കേന്ദ്രകമ്മിറ്റിയംഗം ഇ.പി. ജയരാജൻ. പേര് എന്താണെന്ന് തീരുമാനിച്ചിട്ടില്ല. എന്തായാലും ആ പേര് സ്വീകരിക്കില്ലെന്നും അദ്ദേഹം കണ്ണൂരിൽ മാധ്യമങ്ങളോട് പറഞ്ഞു.
ആത്മകഥ എഴുതികൊണ്ടിരിക്കുകയാണ്. ഡിസംബർ വരെയുള്ളത് പൂർത്തിയായി. ഡിസംബർ വരെയുള്ള ജീവിതമാണ് അതിലുണ്ടാകുക. ബാക്കിയുള്ള ജീവിതചരിത്രം അടുത്ത ഭാഗത്തുണ്ടാകും. ആത്മകഥക്ക് രണ്ടോ മൂന്നോ ഭാഗം വരെയുണ്ടാകാം.പ്രസാധകരെ തീരുമാനിച്ചിട്ടില്ല. പ്രസിദ്ധീകരണത്തിന് അനുമതി തേടി ഒട്ടേറെ പ്രസാധകർ സമീപിച്ചിട്ടുണ്ട്. പാർട്ടിയുടെ അനുമതി തേടിയശേഷം പുസ്തകം പുറത്തിറങ്ങുമെന്നും അദ്ദേഹം വിശദീകരിച്ചു. സമൂഹമാധ്യമങ്ങളിൽ ആത്മകഥയെന്ന പേരിൽ പ്രചരിച്ച ഭാഗങ്ങൾ തന്റേതല്ലെന്നും അതിനെതിരെ ഡി.സി ബുക്സിനെതിരായ നിയമ നടപടികൾ നടക്കുന്നതായും അദ്ദേഹം പ്രതികരിച്ചു.&nbsp;

കട്ടൻചായയും പരിപ്പുവടയുമല്ല; ആത്മകഥക്ക് പുതിയ പേരിടുമെന്ന്  ഇ.പി. ജയരാജൻ

വടകര: മണിയൂര്‍ മന്തരത്തൂരില്‍ കിണറ്റില്‍ അജ്ഞാത മൃതദേഹം. കീഴന താഴെയില്‍ പാലക്കണ്ടി അഹമ്മദിന്റെ ഉടമസ്ഥതയിലുള്ള കെട്ടിടത്തിനു സമീപത്തെ കിണറില്‍ ഇന്നു രാവിലെ പതിനൊന്നരയോടെയാണ് മൃതദേഹം കണ്ടെത്തിയത്.
മന്തരത്തൂര്‍ യുപി സ്‌കൂള്‍ റോഡിനോട് ചേര്‍ന്ന കിണറില്‍ കമിഴ്ന്നു കിടക്കുന്ന നിലയിലാണ് മൃതദേഹമുള്ളത്. വെള്ളത്തില്‍ പൊങ്ങിയ നിലയിലുള്ള മൃതദേഹത്തില്‍ ഷര്‍ട്ടും ട്രൗസറും കാണുന്നുണ്ട്. ഇവിടെയുള്ള കട കുറേകാലമായി തുറക്കാറില്ല. വടകര പോലീസും ഫയര്‍ഫോഴ്‌സും സ്ഥലത്തെത്തി.

മന്തരത്തൂരില്‍ കിണറ്റില്‍ അജ്ഞാത മൃതദേഹം കണ്ടെത്തി

പാലപ്പിള്ളിയില്‍ മാലിന്യകുഴിയില്‍ വീണ കാട്ടാന ചരിഞ്ഞു. തിരികെ കയറ്റാനുള്ള ശ്രമങ്ങള്‍ തുടരുന്നതിനിടെയാണ് ആന ചരിഞ്ഞത്. തൃശ്ശൂര്‍ സുവോളജിക്കല്‍ പാര്‍ക്കില്‍നിന്ന് ഡോക്ടര്‍മാരടങ്ങുന്ന സംഘം എത്തിയാണ് കാട്ടാന ചരിഞ്ഞതായി ഔദ്യോഗികമായി സ്ഥിരീകരിച്ചത്.
പുലര്‍ച്ചെ ആറുമണിയോടെയാണ് കാട്ടാന ആള്‍താമസമില്ലാത്ത വീട്ടിലെ ഉപയോഗ ശൂന്യമായ സെപ്റ്റിക് ടാങ്കില്‍ വീണത്. രാവിലെ കുഴിയില്‍ വീണുകിടക്കുന്ന കാട്ടാനയ്ക്ക് സമീപം കാട്ടാനക്കൂട്ടവുമുണ്ടായിരുന്നുവെന്ന് നാട്ടുകാര്‍ പറയുന്നു. കാട്ടാനക്കൂട്ടത്തെ തുരത്തിയതിന് ശേഷമാണ് കാട്ടാനയെ തിരികെ കയറ്റാനുള്ള ശ്രമങ്ങള്‍ തുടങ്ങിയത്.വനംവകുപ്പ് അധികൃതരും സ്ഥലത്തെത്തിയിരുന്നു. ജെ.സി.ബി എത്തിച്ച് കുഴി വലുതാക്കിയ ശേഷം ആനയ്ക്ക് കയറി പോകാനുളള വഴിയൊരുക്കാനുള്ള ശ്രമങ്ങളാണ് നടന്നത്. എന്നാല്‍, ഇത് ഫലം കാണുന്നതിന് മുന്‍പ് കാട്ടാന ചരിയുകയായിരുന്നു.&nbsp;

പാലപ്പിള്ളിയില്‍ മാലിന്യകുഴിയില്‍ വീണ കാട്ടാന ചരിഞ്ഞു

ആലപ്പുഴ: കളര്‍കോട് വാഹനാപകടത്തിന് തൊട്ടുമുന്‍പ് അപകടത്തില്‍പ്പെട്ട വിദ്യാര്‍ഥികള്‍ കാറില്‍ പോകുന്നതിന്റെ സിസിടിവി ദൃശ്യങ്ങള്‍ പുറത്ത്. അപകടത്തില്‍പ്പെട്ട വെളുത്തനിറത്തിലുള്ള ടവേര കാറില്‍ വിദ്യാര്‍ഥികള്‍ വണ്ടാനത്തെ പെട്രോള്‍ പമ്പിലെത്തി ഇന്ധനം നിറയ്ക്കുന്നതിന്റെ സിസിടിവി ദൃശ്യങ്ങളാണ് പുറത്തുവന്നത്.
500 രൂപയ്ക്കാണ് വിദ്യാർഥികൾ ഇവിടെനിന്ന് കാറിൽ ഇന്ധനംനിറച്ചത്. ഇതിനുശേഷം മറ്റുവിദ്യാർഥികളെ കൂട്ടാനായി പോയി. തുടർന്ന് കാറിൽ സിനിമയ്ക്ക് പോകുന്നതിനിടെയാണ് കളർകോടുവെച്ച് അപകടത്തിൽപ്പെട്ടത്. അപകടത്തിൽ അഞ്ച് മെഡിക്കല്‍ വിദ്യാര്‍ഥികള്‍ മരിച്ചിരുന്നു.
അതിനിടെ, വിദ്യാര്‍ഥികള്‍ സഞ്ചരിച്ച കാര്‍ വാടകയ്‌ക്കെടുത്തതാണെന്ന് പോലീസ് സ്ഥിരീകരിച്ചു. അപകടത്തില്‍ പരിക്കേറ്റ വിദ്യാര്‍ഥി ഗൗരീശങ്കര്‍, വാടകയായി ഉടമയ്ക്ക് ആയിരം രൂപ ഗൂഗിള്‍ പേ ചെയ്ത് നല്‍കിയെന്നു മൊഴി നല്‍കി. കാറോടിച്ചത് ഗൗരീശങ്കറായിരുന്നു. ഇതോടെ വാഹന ഉടമയുടെ മൊഴി തെറ്റാണെന്ന് തെളിഞ്ഞതായി ആലപ്പുഴ സൗത്ത് പോലീസ് പറഞ്ഞു.അപകടത്തില്‍ മരിച്ച കണ്ണൂര്‍ സ്വദേശി മുഹമ്മദ് അബ്ദുള്‍ ജബ്ബാറുമായുള്ള സൗഹൃദം കൊണ്ടാണ് വാഹനം സിനിമയ്ക്കു പോകാന്‍ നല്‍കിയതെന്നാണ് വാഹന ഉടമയായ വളഞ്ഞവഴി സ്വദേശി ഷാമില്‍ഖാന്‍ മോട്ടോര്‍ വാഹന വകുപ്പിനോടും പോലീസിനോടും പറഞ്ഞത്.

അപകടത്തിന് മുൻപുള്ള സിസിടിവി ദൃശ്യങ്ങള്‍ പുറത്ത്; വിദ്യാര്‍ഥികള്‍ കാര്‍ വാടകയ്‌ക്കെടുത്തതാണെന്ന് സ്ഥിരീകരിച്ച് പോലീസ്

കളര്‍കോട് അപകടത്തിന് മുൻപുള്ള സിസിടിവി ദൃശ്യങ്ങള്‍ പുറത്ത്; വിദ്യാര്‍ഥികള്‍ കാര്‍ വാടകയ്‌ക്കെടുത്തതാണെന്ന് സ്ഥിരീകരിച്ച് പോലീസ്

കോഴിക്കോട്: പ്രമേഹമുള്ളവർ യാത്രകളിൽ നേരിടുന്ന ഭക്ഷണപ്രശ്നത്തിന് പരിഹാരം കാണാൻ ഇന്ത്യൻ റെയിൽവേ കാറ്ററിങ് ആൻഡ് ടൂറിസം കോർപ്പറേഷൻ ശ്രമം തുടങ്ങി. ആദ്യഘട്ടമെന്നോണം രാജ്യത്ത് സർവീസ് നടത്തുന്ന പ്രീമിയം തീവണ്ടികളിലാണ് പുതിയ ഭക്ഷണമെനു സജ്ജമാക്കിയത്.
വന്ദേഭാരത്, രാജധാനി തീവണ്ടികളിൽ ഇതുവരെ സസ്യ (വെജ്), സസ്യേതര (നോൺവെജ്) ഭക്ഷണങ്ങൾ മാത്രമാണ് ഐ.ആർ.സി.ടി.സി. നൽകുന്നത്. യാത്രാടിക്കറ്റ് ബുക്ക് ചെയ്യുമ്പോൾതന്നെ അവരവർക്ക് ആവശ്യമായ ഭക്ഷണം ഓർഡർ ചെയ്യാനുള്ള സൗകര്യം വിനിയോഗിക്കാം.നിലവിലെ ഈ രണ്ടുതരം വിഭവങ്ങൾക്കുപുറമേ, പ്രമേഹരോഗികൾക്കുള്ള സസ്യഭക്ഷണം, പ്രമേഹരോഗികൾക്കുള്ള സസ്യേതരഭക്ഷണം എന്നിവയും ഒാർഡർ ചെയ്യാം. ഇതിനുപുറമേ, ജൈനമത വിശ്വാസികൾക്കുള്ള ഭക്ഷണവും ഓർഡർ ചെയ്യാം.&nbsp;

പ്രീമിയം ട്രെയിനുകളിൽ പ്രമേഹമുള്ളവർക്ക് പ്രത്യേക ഭക്ഷണം

സംസ്ഥാനത്ത് സ്വര്‍ണവിലയില്‍ നേരിയ വര്‍ധന. പവന് 80 രൂപ വര്‍ധിച്ച് 57,120 രൂപയായി. 7130 രൂപയായിരുന്ന ഗ്രാമിന്റെ വില 7140 ലും എത്തി.
അന്താരാഷ്ട്ര വിപണിയായ എംസിഎക്സില്‍ 10 ഗ്രാം 24 കാരറ്റ് സ്വര്‍ണത്തിന്റെ വില 77,038 രൂപയാണ്. ആഗോള വിപണിയില്‍ സ്പോട് ഗോള്‍ഡിന്റെ വില ട്രോയ് ഔന്‍സിന് 2,649.41 ഡോളര്‍ നിലവാരത്തിലുമാണ്.വെള്ളിയാഴ്ച റിസര്‍വ് ബാങ്കിന്റെ മോണിറ്ററി പോളിസി പ്രഖ്യാപനം ഉള്ളതിനാല്‍ നിക്ഷേപകരുടെ നീക്കം കരുതലോടെയാണ്. അതുകൊണ്ട് തന്നെ താത്കാലികമായാണെങ്കിലും സ്വര്‍ണത്തിന്റെ ഡിമാന്റില്‍ ഇടിവുണ്ടായി.

സ്വര്‍ണവിലയില്‍ നേരിയ വര്‍ധന ;80 രൂപ വര്‍ധിച്ച് പവന് 57,120 രൂപയായി

ആലപ്പുഴ: കളർകോട് അഞ്ചു മെഡിക്കൽ വിദ്യാർഥികളുടെ മരണത്തിനിടയാക്കിയ സംഭവത്തിൽ കാറോടിച്ച വിദ്യാർഥിയെ പ്രതിയാക്കി ആലപ്പുഴ സൗത്ത് പോലീസ് കോടതിയിൽ റിപ്പോർട്ടു നൽകി. സി.സി.ടി.വി. ദൃശ്യങ്ങളുടെയും ദൃക്‌സാക്ഷിമൊഴിയുടെയും അടിസ്ഥാനത്തിലാണ് റിപ്പോർട്ട്. വാഹനമോടിച്ച വിദ്യാർഥിയുടെ വീഴ്ചയാണ് അപകടകാരണമെന്നാണ് റിപ്പോർട്ടിൽ പറയുന്നത്. അശ്രദ്ധമായി വാഹനമോടിച്ച് അപകടം വരുത്തിയതിന് ഭാരതീയ ന്യായസംഹിത 106 (പഴയ ഐ.പി.സി. 304 എ) പ്രകാരമാണു കേസ്.
എഫ്.ഐ.ആർ. തയ്യാറാക്കിയപ്പോൾ കെ.എസ്.ആർ.ടി.സി. ഡ്രൈവറെ കുറ്റക്കാരനാക്കിയിരുന്നു. എന്നാൽ, അന്വേഷണത്തിൽ ഡ്രൈവറുടെ ഭാഗത്ത് വീഴ്ചയില്ലെന്നു കണ്ടെത്തി. അപകടത്തിന്റെ സി.സി.ടി.വി. ദൃശ്യങ്ങൾ പുറത്തുവന്നിട്ടും എഫ്.ഐ.ആറിൽ ഡ്രൈവർ ഗുരുതരകുറ്റം ചെയ്തതായുള്ള പരാമർശത്തിൽ പ്രതിഷേധം ഉയർന്നിരുന്നു. ഡ്രൈവറുടെയും കണ്ടക്ടറുടെയും മൊഴി രേഖപ്പെടുത്തിയാണ് വിദ്യാർഥിക്കെതിരേ കേസെടുത്തത്.

കളർകോട് അപകടം;കാറോടിച്ച വിദ്യാർഥിയെ പ്രതിചേർക്കും; ബസ് ഡ്രൈവറെ ഒഴിവാക്കി

തിരുവനന്തപുരം: ബി.ജെ.പി വിട്ട് കോൺഗ്രസിൽ ചേർന്ന സന്ദീപ് വാര്യർ മുതിർന്ന കോൺഗ്രസ് നേതാവും മുൻ മുഖ്യമന്ത്രിയുമായ എ.കെ. ആന്റണിയെ സന്ദർശിച്ചു. തിരുവനന്തപുരത്തെ അദ്ദേഹത്തിന്റെ വസതിയിലാണ് സന്ദർശിച്ചത്. ആന്റണിയുടെ അനുഗ്രഹവും ഉപദേശങ്ങളും മുന്നോട്ടുള്ള പ്രയാണത്തിൽ പ്രധാനമാ​ണെന്ന് സന്ദീപ് വാര്യർ പറഞ്ഞു.
ഇന്നലെ കെ.പി.സി.സി ആസ്ഥാനത്ത് സന്ദീപ് വാര്യർക്ക് സ്വീകരണം നല്‍കിയിരുന്നു. ബി.ജെ.പിയെന്ന സ്വേച്ഛാധിപത്യ സംവിധാനത്തില്‍ നിന്നും പുറത്ത് വന്ന് കോണ്‍ഗ്രസെന്ന ജനാധിപത്യ-മതേതര സംവിധാനത്തിന്റെ ഭാഗമായി പ്രവര്‍ത്തിക്കാന്‍ കഴിയുന്നതില്‍ അഭിമാനവും സന്തോഷവുമുണ്ടെന്ന് അദ്ദേഹം പറഞ്ഞു.&nbsp;

സന്ദീപ് വാര്യർ എ.കെ.ആന്റണിയെ സന്ദർശിച്ചു

സോള്‍: ദക്ഷിണ കൊറിയന്‍ പ്രതിരോധമന്ത്രി കിം യോങ് ഹ്യുന്‍ രാജിവെച്ചു. രാജി അംഗീകരിച്ചതായി പ്രസിഡന്റ് യൂന്‍ സുക് യോള്‍ അറിയിച്ചു. പട്ടാള ഭരണം ഏര്‍പ്പെടുത്തിയതുമായി ബന്ധപ്പെട്ട പ്രതിഷേധങ്ങളെത്തുടര്‍ന്നാണ് രാജി. സൗദി അറേബ്യയിലെ അംബാസഡര്‍ ചോയ് ബ്യുങ് ഹ്യുക്കിനെ പുതിയ പ്രതിരോധമന്ത്രിയായി നാമനിര്‍ദ്ദേശം ചെയ്തതായി പ്രസിഡന്റിന്റെ ഓഫീസ് അറിയിച്ചു.
ഇതിനിടെ, ഭരണ പ്രതിസന്ധി മറികടക്കാന്‍ പട്ടാള ഭരണം ഏര്‍പ്പെടുത്തിയ പ്രസിഡന്റ് യൂന്‍ സുക് യോളിനെ പുറത്താക്കാന്‍ ഇംപീച്ച്‌മെന്റ് നീക്കവുമായി പ്രതിപക്ഷം രംഗത്തെത്തിയിരിക്കുകയാണ്. പട്ടാളഭരണം ഏര്‍പ്പെടുത്തിയതിനെതിരെ പ്രതിഷേധം ശക്തമായിരുന്നു. തുടര്‍ന്ന് ആറു മണിക്കൂറിനുള്ളില്‍ പ്രസിഡന്റ് സൈനിക നിയമം പിന്‍വലിച്ചു. ഇതിനു പിന്നാലെയാണ് പ്രസിഡന്റിനെതിരെ അടിയന്തര ഇംപീച്ച്‌മെന്റ് പ്രമേയം അവതരിപ്പിച്ചത്.

പട്ടാള ഭരണം; ദക്ഷിണ കൊറിയന്‍ പ്രതിരോധമന്ത്രി രാജിവെച്ചു

കോഴിക്കോട്: പാളയം പച്ചക്കറി മൊത്തവ്യാപാരകേന്ദ്രത്തില്‍ ഒക്ടോബര്‍ 10-ന് ഒരു കിലോഗ്രാം മുരിങ്ങയുടെ വില 62 രൂപ. എന്നാല്‍, ബുധനാഴ്ച അഞ്ചിരട്ടി ഉയര്‍ന്ന് 320 രൂപയായി. തക്കാളിക്ക് നവംബര്‍ 25-ന് വില 28 രൂപയായിരുന്നു. ബുധനാഴ്ചത്തെ മൊത്തവില 44 രൂപ -കിലോയ്ക്ക് 16 രൂപ കൂടി.
കാരറ്റ്, ബീറ്റ്‌റൂട്ട്, കേബേജ്, കോവക്ക, വെള്ളരി, എളവന്‍, കക്കിരി, കറിവേപ്പില, വഴുതന ഇങ്ങനെ നിത്യോപയോഗ പച്ചക്കറികള്‍ക്കെല്ലാം വിലയേറി. മൊത്തവിപണിയിലെ വിലയാണ് മുകളില്‍ പറഞ്ഞതെങ്കില്‍ ചില്ലറമാര്‍ക്കറ്റില്‍ എത്തുമ്പോള്‍ നാലുരൂപയിലധികം കിലോയ്ക്ക് വില വര്‍ധിച്ചേക്കാം.
മണ്ഡലകാലത്ത് പൊതുവേ ആവശ്യക്കാര്‍ ഏറും. അതുകൊണ്ടുതന്നെ വിതരണത്തില്‍ കുറവുണ്ടാവും.കുറച്ചുദിവസമായി ന്യൂനമര്‍ദത്തെത്തുടര്‍ന്ന് തമിഴ്‌നാട്ടില്‍ ഉള്‍പ്പെടെ രൂപപ്പെട്ട ഫെയ്ഞ്ചല്‍ ചുഴലിയും കനത്തമഴയും കൃഷിനാശത്തിനിടയാക്കിയെന്നതാണ് മറ്റൊരു കാരണം.
ബുധനാഴ്ച പാളയം മാര്‍ക്കറ്റിലെ മൊത്തവില
മുരിങ്ങ 320
തക്കാളി 44
കറിവേപ്പില 50
ബീറ്റ്‌റൂട്ട് 68
കേബേജ് 25
മത്തന്‍ 13
എളവന്‍ 10
വെള്ളരി 09
കക്കിരി 21
വഴുതന 20
വെണ്ട 36
കാരറ്റ് 59
മുളക് 27
പയര്‍ 42
ചെറിയ ഉള്ളി 47
കയ്പ 30

ഒരു കിലോ മുരിങ്ങയ്ക്ക്  320 രൂപ;പച്ചക്കറിവില കുതിക്കുന്നു

ന്യൂഡൽഹി: റിസർവ് ബാങ്ക് ഓഫ് ഇന്ത്യയുടെ (ആർബിഐ) പുതിയ ഗവർണറായി റവന്യൂ സെക്രട്ടറി സഞ്ജയ് മൽഹോത്രയെ നിയമിച്ചു. 2024 ഡിസംബർ 12 മുതൽ മൂന്ന് വർഷത്തേക്കാണ് നിയമനം. ശക്തികാന്ത ദാസിന്റെ കാലാവധി അവസാനിക്കാനിരിക്കെയാണ് നിയമനം.
രാജസ്ഥാൻ കേഡറിൽ നിന്നുള്ള 1990 ബാച്ച് ഐഎഎസ് ഓഫിസറാണ് സഞ്ജയ് മൽഹോത്ര. കാൻപുരിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജിയിൽ നിന്ന് കംപ്യൂട്ടർ സയൻസിൽ എൻജിനീയറിങ് ബിരുദധാരിയായ മൽഹോത്ര യുഎസിലെ പ്രിൻസ്റ്റൻ യൂണിവേഴ്‌സിറ്റിയിൽ നിന്ന് പബ്ലിക് പോളിസിയിൽ ബിരുദാനന്തര ബിരുദവും നേടിയിട്ടുണ്ട്. വൈദ്യുതി, ധനകാര്യം, നികുതി, വിവര സാങ്കേതിക വിദ്യ തുടങ്ങി വിവിധ വകുപ്പുകളിൽ അദ്ദേഹം പ്രവർത്തിച്ചിട്ടുണ്ട്.2018 ഡിസംബറിൽ ചുമതലയേറ്റ ശക്തികാന്ത ദാസ് ബെനഗൽ രാമറാവുവിന്റെ ഏഴുവർഷത്തെ കാലാവധിക്കുശേഷം ഏറ്റവും കൂടുതൽ കാലം ആർബിഐ ഗവർണറായി സേവനമനുഷ്ഠിച്ചയാളാണ്.&nbsp;

സഞ്ജയ് മൽഹോത്ര റിസർവ് ബാങ്ക് ഗവർണർ; ബുധനാഴ്ച ചുമതലയേൽക്കും

തിരുവനന്തപുരം : സംസ്ഥാനത്തു വ്യാഴാഴ്ച മുതൽ 4 ദിവസം ഇടിമിന്നലോടു കൂടിയ മഴയ്ക്കു സാധ്യത. തെക്കു കിഴക്കന്‍ ബംഗാള്‍ ഉള്‍ക്കടലിനും ഭൂമധ്യ രേഖയ്ക്കു സമീപമുള്ള ഇന്ത്യന്‍ മഹാസമുദ്രത്തിനും മുകളിലായി സ്ഥിതി ചെയ്യുന്ന ന്യൂനമര്‍ദത്തിന്റെ സ്വാധീനഫലമായാണ് മഴ. ഡിസംബര്‍ 12 മുതല്‍ 14 വരെ ഒറ്റപ്പെട്ട സ്ഥലങ്ങളില്‍ ശക്തമായ മഴയ്ക്കു സാധ്യതയുള്ളതിനാല്‍ ജാഗ്രത പാലിക്കണമെന്നു കേന്ദ്ര കാലാവസ്ഥ വകുപ്പ് അറിയിച്ചു.
വ്യാഴാഴ്ച പത്തനംതിട്ട, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും വെള്ളിയാഴ്ച പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം, കാസര്‍കോട് ജില്ലകളിലും ഒറ്റപ്പെട്ട സ്ഥലങ്ങളില്‍ ശക്തമായ മഴയാണ് പ്രവചിക്കുന്നത്. ഈ ജില്ലകളില്‍ യെലോ അലര്‍ട്ടാണ്.
വരും മണിക്കൂറുകളില്‍ ന്യൂനമർദം വീണ്ടും ശക്തിപ്രാപിച്ച് ഡിസംബര്‍ പതിനൊന്നോടെ തെക്കുപടിഞ്ഞാറന്‍ ബംഗാള്‍ ഉള്‍ക്കടലില്‍ ശ്രീലങ്ക - തമിഴ്നാട് തീരത്തിനു സമീപം എത്തിച്ചേരാന്‍ സാധ്യതയുണ്ട്. ഇതിന്റെ ഫലമായാണ് സംസ്ഥാനത്ത് വ്യാഴാഴ്ച മുതല്‍ മഴ ശക്തമാകുന്നത്. വ്യാഴം, വെള്ളി ദിവസങ്ങളില്‍ കേരള തീരത്തും വെള്ളിയാഴ്ച ലക്ഷദ്വീപ് തീരത്തും മീൻപിടിക്കാൻ പോകരുത്. വ്യാഴം, വെള്ളി ദിവസങ്ങളില്‍ കേരള തീരത്ത് മണിക്കൂറില്‍ 35 മുതല്‍ 45 കിലോമീറ്റര്‍ വരെയും ചില അവസരങ്ങളില്‍ മണിക്കൂറില്‍ 55 കിലോമീറ്റര്‍ വരെയും വേഗത്തില്‍ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.

സംസ്ഥാനത്ത് വ്യാഴാഴ്ച മുതൽ മഴ കനക്കും; യെലോ അലർട്ട്

പാലക്കാട്: പാലക്കാട് ഉപതിരഞ്ഞെടുപ്പുമായി ബന്ധപ്പെട്ട് ചുമതലകള്‍ നല്‍കിയില്ല എന്ന ചാണ്ടി ഉമ്മന്‍ എം.എല്‍.എ.യുടെ ആരോപണത്തിന് മറുപടിയുമായി രാഹുല്‍ മാങ്കൂട്ടത്തില്‍ എം.എല്‍.എ. ചാണ്ടി ഉമ്മന്‍ സഹോദരതുല്യനാണ് എന്നും അദ്ദേഹത്തിന്റെ സാന്നിധ്യം തന്റെ വിജയത്തില്‍ വലിയ പങ്കുവഹിച്ചിട്ടുണ്ടെന്നും രാഹുല്‍ മാങ്കൂട്ടത്തില്‍ പറഞ്ഞു. ചാണ്ടി ഉമ്മന്‍ അതൃപ്തി അറിയിച്ചത് പാര്‍ട്ടി നേതൃത്വത്തെയാണെന്നും അതില്‍ അഭിപ്രായം പറയേണ്ടത് നേതൃത്വത്തില്‍ ഉള്ളവരാണെന്നും രാഹുല്‍ പറഞ്ഞു.
'നേതൃത്വത്തോട് അഭിപ്രായം പറയാനുള്ള സ്വാതന്ത്ര്യം എല്ലാ പാര്‍ട്ടി പ്രവര്‍ത്തകനുമുണ്ട്. എന്റെയും അദ്ദേഹത്തിന്റെയും പാര്‍ട്ടി നേതൃത്വം ഒന്നുതന്നെയാണ്, അവിടെ അദ്ദേഹം ഉയര്‍ത്തിയിരിക്കുന്ന ആരോപണത്തിന് മറുപടി പറയേണ്ടത് പാര്‍ട്ടി നേതൃത്വമാണ്, ഞാനല്ല. പാലക്കാട് ഉപതിരഞ്ഞെടുപ്പ് സമയത്ത് ചാണ്ടി ഉമ്മന്‍ പാലക്കാട് വന്നിരുന്നു. അദ്ദേഹത്തിന്റെ സാന്നിധ്യം പാര്‍ട്ടിയുടെ വിജയത്തിന് ഗുണപരമായ സ്വാധീനം ചെലുത്തുകയും ചെയ്തിരുന്നു. പാലക്കാട് എനിക്ക് ലഭിച്ച 18840 വോട്ടിന്റെ ഭൂരിപക്ഷത്തില്‍ ചാണ്ടി ഉമ്മന്റെ സംഭാവനയും ഉണ്ട്,' രാഹുല്‍ പറഞ്ഞു.
'പ്രചാരണത്തിന്റെ ആദ്യ ദിവസങ്ങളില്‍തന്നെ അദ്ദേഹം പാലക്കാട് ഉണ്ടായിരുന്നു, ഭവന സന്ദര്‍ശനത്തിന് കൂടെവന്നിരുന്നു. പാലക്കാട് നടന്ന കണ്‍വെന്‍ഷനിലും ചാണ്ടി ഉമ്മന്‍ പങ്കെടുത്തിരുന്നു. തിരഞ്ഞെടുപ്പ് നടക്കുന്ന മറ്റിടങ്ങളിലേക്കും പോകേണ്ടിവന്നതുകൊണ്ടാണ് അദ്ദേഹത്തിന് മുഴുവന്‍ സമയവും പാലക്കാട് ഉണ്ടാകാന്‍ കഴിയാതിരുന്നത്.രാഹുല്‍ പറഞ്ഞു.

ആരോപണത്തിന് മറുപടി പറയേണ്ടത് നേതൃത്വം ;ചാണ്ടി ഉമ്മന്‍ സഹോദരതുല്യനെന്നും രാഹുല്‍ മാങ്കൂട്ടത്തില്‍

സംസ്ഥാനത്ത് സ്വര്‍ണ വിലയില്‍ ഇന്നും വര്‍ധന. പവന് 600 രൂപ കൂടി 57,640 രൂപയായി. ഒരു ഗ്രാം സ്വര്‍ണത്തിന്റെ വില 75 രൂപ കൂടി 7205 രൂപയുമായി.
രാജ്യത്തെ കമ്മോഡിറ്റി വിപണിയായ എംസിഎക്സില്‍ 10 ഗ്രാം 24 കാരറ്റ് സ്വര്‍ണത്തിന്റെ വില 77783 രൂപയാണ്. ആഗോള വിപണിയില്‍ സ്‌പോട് ഗോള്‍ഡിന്റെ വില ട്രോയ് ഔണ്‍സിന് 2,637 ഡോളര്‍ നിലവാരത്തിലുമാണ്.

സ്വര്‍ണത്തിന് 600 രൂപ കൂടി പവന്  57,640 രൂപയായി

കോട്ടയം: പാലക്കാട് ഉപതിരഞ്ഞെടുപ്പുമായി ബന്ധപ്പെട്ട് തനിക്ക് ചുമതല നല്‍കാതിരുന്നതില്‍ അതൃപ്തി പരസ്യമാക്കി ചാണ്ടി ഉമ്മൻ എം.എല്‍.എ.എല്ലാവർക്കും ചുമതലകൾ നൽകിയപ്പോൾ തനിക്ക് മാത്രം ഒന്നും തന്നില്ലെന്ന് അദ്ദേഹം പറഞ്ഞു.
കെ.സുധാകരന്റെയും വി.ഡി. സതീശന്റെയുമെല്ലാം നേതൃത്വത്തിൽ പാർട്ടി ശക്തമായി മുന്നോട്ടുപോയിക്കൊണ്ടിരിക്കുകയാണ്. എന്നാൽ ആരെയെങ്കിലും മാറ്റിനിർത്തേണ്ടതുണ്ടോ എന്ന് ചാണ്ടി ഉമ്മൻ ചോദിച്ചു.എല്ലാവരേയും ചേർത്തുപിടിച്ച് കൊണ്ടുപോയേ മതിയാവൂ. ആരെങ്കിലും തഴയപ്പെടുന്ന അവസ്ഥയുണ്ടായാൽ അത് അം​ഗീകരിക്കാൻ സാധിക്കില്ല. ചിലർ മാറിനിൽക്കുകയും ചിലർ ഉൾപ്പെടാതെ വരികയും ചെയ്യുന്നു. അതിന് കെ.പി.സി.സി പ്രസിഡന്റിനെ മാറ്റേണ്ടതില്ല. സംഘടന പുനഃസംഘടിപ്പിക്കുമ്പോൾ എല്ലാവരേയും ഉൾപ്പെടുത്തുകയാണ് വേണ്ടതെന്നും അദ്ദേഹം അഭിപ്രായപ്പെട്ടു."എല്ലാവരേയും തുല്യമായി കരുതുന്ന നേതാക്കൾ വരണം. ലക്കാട്ടെ ഉപതിരഞ്ഞെടുപ്പുമായി ബന്ധപ്പെട്ട് എല്ലാവർക്കും ചുമതല കൊടുത്തിരുന്നു, എനിക്കൊഴിച്ച്. അതെന്താണെന്ന് അറിയില്ല. ഇക്കാര്യത്തിൽ കൂടുതൽ ചർച്ചയ്ക്ക് തയ്യാറല്ല. അതുകൊണ്ടാണ് പാർട്ടി വിളിക്കുമ്പോൾ പോകണമെന്ന നിലപാടിലേക്കെത്തിയത്." ചാണ്ടി ഉമ്മൻ പറഞ്ഞു.

'പാലക്കാട്ട് എല്ലാവര്‍ക്കും ചുമതല നല്‍കി, എനിക്ക് ഒന്നും തന്നില്ല'; നേതൃത്വത്തോടുള്ള അതൃപ്തി പരസ്യമാക്കി ചാണ്ടി ഉമ്മൻ

Search Results for: 05.12.2024