കൊച്ചി:കളമശേരിയിൽ മിന്നലേറ്റ് സ്‌ത്രീ മരിച്ചു. ലൈല എന്ന സ്ത്രീയാണ് മരിച്ചത്. വെള്ളിയാഴ്‌ച രാത്രി 10.45നായിരുന്നു സംഭവം. വീട്ടിലേക്ക് കയറുന്നതിനായി കാറിൽ നിന്ന് പുറത്തേക്കിറങ്ങിയപ്പോഴാണ് മിന്നലേറ്റത്. ഇവരുടെ മൃതദേഹം കളമശേരി മെഡിക്കൽ കോളേജ് ആശുപത്രിയിലേക്ക് മാറ്റി.

വീട്ടിലേക്ക് കയറാൻ കാറിൽ നിന്നിറങ്ങവേ മിന്നലേറ്റ്  സ്‌ത്രീ മരിച്ചു

Kerala

ബെഗുസരായി: ബീഹാറില്‍ ഇടിമിന്നലേറ്റ് 13 പേര്‍ മരിച്ചു. ബെഗുസരായി, ദര്‍ഭംഗ, മധുബനി, സമസ്തിപുര്‍ എന്നീ നാലു ജില്ലകളിലായാണ് ഇടിമിന്നലേറ്റുള്ള മരണം റിപ്പോര്‍ട്ട് ചെയ്തിരിക്കുന്നത്. ബെഗുസരായിയില്‍ അഞ്ചുപേരും ദര്‍ഭംഗയില്‍ നാലുപേരുമാണ് ഇടിമിന്നലേറ്റ് മരിച്ചത്. മധുബനിയില്‍ മൂന്നുപേരും സമസ്തിപുരില്‍ ഒരാളും മരിച്ചു.
ബുധനാഴ്ച രാവിലെ ശക്തമായ കാറ്റും മഴയും ഇടിമിന്നലും ആലിപ്പഴ വര്‍ഷവും ഈ ജില്ലകളില്‍ റിപ്പോര്‍ട്ട് ചെയ്തിട്ടുണ്ട്. ഇതിനേ തുടര്‍ന്നാണ് ഇടിമിന്നലേറ്റുള്ള മരണമുണ്ടായത്. സംഭവത്തില്‍ മുഖ്യമന്ത്രി നിതീഷ് കുമാര്‍ അനുശോചനം രേഖപ്പെടുത്തി. മരിച്ചവരുടെ കുടുംബങ്ങള്‍ക്ക് നാലുലക്ഷം രൂപവീതം സഹായധനം പ്രഖ്യാപിച്ചിട്ടുണ്ട്. പ്രകൃതി ദുരന്തങ്ങള്‍ ഒഴിവാക്കാന്‍ ആളുകള്‍ ദുരന്തനിവാരണ വകുപ്പിന്റെ നിര്‍ദ്ദേശങ്ങള്‍ കൃത്യമായി പാലിക്കണമെന്നും അദ്ദേഹം അഭ്യര്‍ഥിച്ചു.&nbsp;

ബീഹാറില്‍ ഇടിമിന്നലേറ്റ് 13 പേര്‍ മരിച്ചു

National

കോഴിക്കോട്: ചാത്തമംഗലത്ത് ഇടിമിന്നലേറ്റ് വീട്ടമ്മ മരിച്ചു. താത്തൂർ എറക്കോട്ടുമ്മൽ ഫാത്തിമയാണ് മരിച്ചത്. ശനിയാഴ്ച വെെകുന്നേരം അഞ്ചുമണിയോടെയാണ് സംഭവം നടന്നത്. വീടിന് പുറത്തുനിൽക്കുമ്പോൾ ഇടിമിന്നലേറ്റ് പരിക്കേൽക്കുകയായിരുന്നു.&nbsp;
ഉടൻ തന്നെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. മൃതദേഹം പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.

ചാത്തമംഗലത്ത് ഇടിമിന്നലേറ്റ് വീട്ടമ്മ മരിച്ചു

Kozhikode

കുട്ടനാട്: പാടത്ത് ക്രിക്കറ്റുകളിക്കുകയായിരുന്ന യുവാവ് ഇടിമിന്നലേറ്റ് സ്മാര്‍ട്ട്‌ഫോണ്‍ പൊട്ടിത്തെറിച്ച് മരിച്ചു. ഒപ്പമുണ്ടായിരുന്ന സുഹൃത്തിന് പരിക്കേറ്റു. എടത്വാ ഒന്നാം വാര്‍ഡ് കൊടുപ്പുന്ന പുതുവല്‍ വീട്ടില്‍ ശ്രീനിവാസന്റെ മകന്‍ അഖില്‍ പി. ശ്രീനിവാസന്‍ (29) ആണ് മരിച്ചത്. ഒപ്പം കളിക്കാനുണ്ടായിരുന്ന ശരണ്‍ എന്ന യുവാവിനാണ് പരിക്കേറ്റത്. ഇയാളുടെ പരിക്ക് സാരമുള്ളതല്ല.
ഞായറാഴ്ച മൂന്നരയോടെയാണ് സംഭവം. എടത്വാ പുത്തന്‍വരമ്പിനകം പാടത്ത് ക്രിക്കറ്റ് കൂട്ടുകാര്‍ക്കൊപ്പം കളിക്കുകയായിരുന്നു അഖില്‍. ഫീല്‍ഡ് ചെയ്യുന്നതിനിടെ കോള്‍ വന്നു. ഫോണെടുത്ത് സംസാരിക്കവേയാണ് ശക്തമായ മിന്നലുണ്ടായി ഫോണ്‍ പൊട്ടിത്തെറിച്ചത്. അഖിലിന്റെ ചെവിയുടെയും തലയുടെയും നെഞ്ചിന്റെ ഭാഗത്തും ഗുരുതരമായി പൊള്ളലേറ്റിരുന്നു.വണ്ടാനത്തുള്ള ആലപ്പുഴ മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയെങ്കിലും ജീവന്‍ രക്ഷിക്കാനായില്ല.&nbsp;

ക്രിക്കറ്റുകളിക്കിടെ മിന്നലേറ്റ് ഫോണ്‍ പൊട്ടിത്തെറിച്ച് അപകടം; യുവാവ് മരിച്ചു

തൃശ്ശൂര്‍: അങ്കമാലിയില്‍ മിന്നലേറ്റ് ഒരാള്‍ മരിച്ചു. അങ്കമാലി വേങ്ങൂര്‍ സ്വദേശി വിജയമ്മയാണ് മരിച്ചത്. മൃതദേഹം അങ്കമാലി ലിറ്റില്‍ ഫ്‌ളവര്‍ ആശുപത്രി മോര്‍ച്ചറിയിലേക്ക് മാറ്റി. അങ്കമാലി നഗരസഭ കൗണ്‍സിലറായ എ.വി. രഘുവിന്റെ അമ്മയാണ് വിജയമ്മ.
ഇന്ന്(ബുധനാഴ്ച്ച) ഉച്ചയ്ക്ക് ശേഷം അങ്കമാലിയില്‍ കനത്ത മഴയും ഇടിമിന്നലും ഉണ്ടായിരുന്നു. വൈകിട്ട് നാലുമണിയോടെ വീട്ടുമുറ്റത്ത് ഉണക്കാനിട്ട തുണികള്‍ എടുക്കാനായി പുറത്തേക്കിറങ്ങിയതായിരുന്നു വിജയമ്മ. അപ്പോഴാണ് മിന്നലേല്‍ക്കുന്നത്.തുടര്‍ന്ന് അടുത്തുള്ള ലിറ്റില്‍ ഫ്‌ളവര്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

വീട്ടുമുറ്റത്ത് ഉണക്കാനിട്ട തുണികള്‍ എടുക്കാനായി പുറത്തേക്കിറങ്ങിയപ്പോൾ മിന്നലേറ്റു ;സ്ത്രീക്ക് ദാരുണാന്ത്യം

തിരുവനന്തപുരം: മിന്നലേറ്റ് 18കാരന് ദാരുണാന്ത്യം. ആറ്റിങ്ങൽ സ്വദേശി മിഥുൻ (18) ആണ് മരിച്ചത്. നെടുമങ്ങാട് തിരിച്ചിട്ടപാറയിൽവച്ച് തിങ്കളാഴ്ച ഉച്ചയ്ക്ക് 12 മണിയോടെയാണ് മിഥുന് മിന്നലേറ്റത്. കൂടെയുണ്ടായിരുന്ന സുഹൃത്തിനും മിന്നലേറ്റു.
രാവിലെയാണ് മിഥുൻ രണ്ട് സുഹൃത്തുക്കൾക്കൊപ്പം താന്നിമൂട് തിരിച്ചിട്ടപാറയിൽ എത്തിയത്. 12 മണിയോടെ പ്രദേശത്ത് ശക്തമായ മഴയും ഇടിമിന്നലും ഉണ്ടായി. ഈ സമയം മിഥുനും സുഹൃത്തും അവിടെയുള്ള ക്ഷേത്രത്തിന് സമീപത്തെ പാറക്കല്ലിനടിയിൽ കയറി നിന്നു. ഇവിടെവച്ചാണ് ഇരുവർക്കും മിന്നലേറ്റത്. ഇവർക്കൊപ്പമുണ്ടായിരുന്ന മറ്റൊരു സുഹൃത്താണ് താഴെയെത്തി നാട്ടുകാരെ വിവരമറിയിച്ചത്. തുടർന്ന് നാട്ടുകാരും പൊലീസുമെത്തി ഇരുവരെയും ജില്ലാ ആശുപത്രിയിൽ എത്തിച്ചെങ്കിലും മിഥുൻ മരണപ്പെടുകയായിരുന്നു.&nbsp;

ഇടിമിന്നലേറ്റ് 18കാരന് ദാരുണാന്ത്യം; സുഹൃത്തിന് പരിക്ക്

കൊല്ലം: പുനലൂര്‍ മണിയാറില്‍ രണ്ട് സ്ത്രീകള്‍ ഇടിമിന്നലേറ്റ് മരിച്ചു. ഇടക്കുന്നം സ്വദേശികളായ സരോജം, രജനി എന്നിവരാണ് മരിച്ചത്. ചൊവ്വാഴ്ച രാവിലെയാണ് സംഭവം.
സ്വകാര്യ വ്യക്തിയുടെ പറമ്പില്‍ ജോലിചെയ്യുന്നതിനിടെയാണ് ഇരുവർക്കും മിന്നലേറ്റത്. രാവിലെ മുതൽ പ്രദേശത്ത് ചെറിയ തോതിൽ മഴയും ഇടിമിന്നലും ഉണ്ടായിരുന്നു. പരിക്കേറ്റ ഉടൻതന്നെ ഇവരെ പുനലൂർ താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം മോർച്ചറിയിലേക്ക് മാറ്റിയിട്ടുണ്ട്. പോസ്റ്റ് മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും.

പുനലൂരിൽ പറമ്പിൽ ജോലിചെയ്യുന്നതിനിടെ രണ്ട് സ്ത്രീകൾ ഇടിമിന്നലേറ്റ് മരിച്ചു

തിരുവന്തപുരം: കോൺഗ്രസ് എടുക്കാച്ചരക്കാകുമെന്ന് തിരുവനന്തപുരം ഡി.സി.സി പ്രസിഡന്‍റ് പറയുന്ന ഫോൺ സംഭാഷണം പുറത്ത്. പ്രാദേശിക നേതാവുമായിട്ടുള്ള പാലോട് രവിയുടെ ഫോൺ സംഭാഷണമാണ് പുറത്തുവന്നിട്ടുള്ളത്. പഞ്ചായത്ത് തെരഞ്ഞെടുപ്പിൽ കോൺഗ്രസ് മൂന്നാമതാകും. തദ്ദേശ ഭരണ തെരഞ്ഞെടുപ്പോടെ കോൺഗ്രസ് നാമാവശേഷമാകും. മുസ്ലിം ഇതര പാർട്ടികൾ സി.പി.എമ്മിലേക്കും മറ്റ് പാർട്ടികളിലേക്കും പോകും. കോൺഗ്രസിലുള്ളവർ ബി.ജെ.പിയിലേക്കോ മറ്റ് പാർട്ടികളിലേക്കോ പോകും. കോൺഗ്രസ് എടുക്കാച്ചരക്കാകും തുടങ്ങി കോൺഗ്രസിനെതിരെ ഗുരുതരമായ ആരോപണങ്ങൾ ഉന്നയിക്കുന്ന ഫോൺസംഭാഷണമാണ് പുറത്തുവന്നിട്ടുള്ളത്.
60 അസംബ്ലി മണ്ഡലങ്ങളിൽ കാശ് കൊടുത്ത് ബി.ജെ.പി വോട്ട് കരസ്ഥമാക്കും. മാർക്സിസ്റ്റ് പാർട്ടി കേരളത്തിൽ ഭരണം തുടരുകയും ചെയ്യും. ഇതാണ് കേരളത്തിൽ സംഭവിക്കാൻ പോകുന്നതെന്നും അദ്ദേഹം പറയുന്നു.
കോൺഗ്രസിന് നാട്ടിൽ ഇറങ്ങിനടന്ന് ജനങ്ങളോട് സംസാരിക്കാൻ ആളില്ല. എങ്ങനെ കാലുവാരാമെന്നാണ് നേതാക്കൾ ചിന്തിക്കുന്നത്. പുല്ലംപാറയിലെ പ്രാദേശിക നേതാവ് ജലീലുമായുള്ള സംഭാഷണമാണ് പുറത്തുവന്നിരിക്കുന്നത്. തിരുവനന്തപുരം ഡി.സി.സി അധ്യക്ഷന്‍റെ ഫോൺ സംഭാഷണം ഇത്തരത്തിൽ പുറത്തുവന്നത് കോൺഗ്രസിന് വലിയ ക്ഷീണമാണ് ഉണ്ടായിരിക്കുന്നത്. എന്നാൽ ഏതു സാഹചര്യത്തിലാണ് ഇത്തരത്തിൽ ഒരു ഫോൺ സംഭാഷണം പുറത്തുവന്നതെന്ന് വ്യക്തമല്ല.

എങ്ങനെ കാലുവാരാമെന്നാണ് നേതാക്കൾ ചിന്തിക്കുന്നത്; കോൺഗ്രസ് എടുക്കാച്ചരക്കാകുമെന്നും തിരുവനന്തപുരം ഡി.സി.സി പ്രസിഡന്റിന്റെ ഫോൺ സംഭാഷണം

തിരുവനന്തപുരം: അപകടകരമായ രീതിയില്‍ ജലനിരപ്പുയര്‍ന്നതിനെ തുടര്‍ന്ന് സംസ്ഥാനത്ത് എട്ട് ഡാമുകളില്‍ റെഡ് അലേര്‍ട്ട് പ്രഖ്യാപിച്ചു. മൂഴിയാര്‍, പൊന്മുടി, കല്ലാര്‍കുട്ടി, ഇരട്ടയാര്‍, ലോവര്‍ പെരിയാര്‍ തുടങ്ങിയ ഡാമുകളിലാണ് റെഡ് അലേര്‍ട്ട് പ്രഖ്യാപിച്ചത്. തൃശൂരിലെ ഷോളയാര്‍, പെരിങ്ങല്‍കുത്ത് ഡാമുകളിലും വയനാട് ബാണാസുരസാഗര്‍ ഡാമിലും റെഡ് അലര്‍ട്ട് പ്രഖ്യാപിച്ചിട്ടുണ്ട്.
ഡാമുകള്‍ക്കരികില്‍ താമസിക്കുന്നവര്‍ക്ക് ജാഗ്രത നിര്‍ദ്ദേശം നല്‍കി. ജലനിരപ്പുയര്‍ന്നതിനെ തുടര്‍ന്ന് വിവിധ നദികളില്‍ ഓറഞ്ച്, യെല്ലോ അലേര്‍ട്ടുകളും പ്രഖ്യാപിച്ചിട്ടുണ്ട്. ബംഗാൾ ഉൾക്കടലിൽ ശക്തി കൂടിയ ന്യൂനമർദ്ദം സ്ഥിതി ചെയ്യുന്ന സാഹചര്യത്തിലാണ് കേരളത്തിൽ മഴ ശക്തമാകുന്നത്. ഇന്ന് ഏഴ് ജില്ലകളിൽ ഓറഞ്ച് അലര്‍ട്ട് പ്രഖ്യാപിച്ചിരിക്കുകയാണ്. പത്തനംതിട്ട, കോട്ടയം, എറണാകുളം, ഇടുക്കി, തൃശൂര്‍, പാലക്കാട്, മലപ്പുറം ജില്ലകള്‍ക്കാണ് ഓറഞ്ച് മുന്നറിയിപ്പ്. പത്തനംതിട്ട, കോട്ടയം, പാലക്കാട്, മലപ്പുറം, കോഴിക്കോട്, വയനാട്, ജില്ലകളിൽ മഞ്ഞ അലര്‍ട്ടായിരിക്കും.

മഴ ശക്തം; സംസ്ഥാനത്തെ എട്ട് ഡാമുകളിൽ റെഡ് അലർട്ട്

തിരുവനന്തപുരം: ജീവപര്യന്തം തടവുശിക്ഷ അനുഭവിച്ചുവരുന്നതിനിടെ കണ്ണൂർ സെൻട്രൽ ജയിലിൽനിന്ന് കൊടുംകുറ്റവാളിയായ ​ഗോവിന്ദച്ചാമി ചാടിപ്പോയ സംഭവത്തിൽ സമ​ഗ്ര അന്വേഷണത്തിന് നിർദേശം നൽകി മുഖ്യമന്ത്രി പിണറായി വിജയൻ. നിലവിൽ നടന്നുവരുന്ന പോലീസ് അന്വേഷണത്തിനും വകുപ്പുതല പരിശോധനകൾക്കും പുറമെയാണ് പ്രത്യേകമായ സമഗ്ര അന്വേഷണം. മുൻ കേരള ഹൈക്കോടതി ജഡ്ജി ജസ്റ്റിസ് സി.എൻ. രാമചന്ദ്രൻ നായർ, മുൻ സംസ്ഥാന പോലീസ് മേധാവി ജേക്കബ് പുന്നൂസ് എന്നിവർക്കാണ് അന്വേഷണത്തിന്റെ ചുമതല.
സംഭവത്തിന്റെ പശ്ചാത്തലത്തിൽ മുഖ്യമന്ത്രി അടിയന്തരമായി വിളിച്ച ഉന്നതതല യോഗത്തിലാണ് പ്രത്യേക അന്വേഷണം അടക്കമുള്ള കാര്യങ്ങളിൽ തീരുമാനമെടുത്തത്. സംസ്ഥാന ചീഫ് സെക്രട്ടറി ഡോ. എ. ജയതിലക്, പോലീസ് മേധാവി റവാഡ ചന്ദ്രശേഖർ,ആഭ്യന്തര അഡിഷണൽ ചീഫ് സെക്രട്ടറി ബിശ്വനാഥ് സിൻഹ, പൊതുമരാമത്ത് വകുപ്പ് സെക്രട്ടറി കെ. ബിജു, ജയിൽ മേധാവി ബൽറാം കുമാർ ഉപാധ്യായ, ഇന്റലിജൻസ് അഡീഷണൽ ഡിജിപി പി. വിജയൻ എന്നിവരാണ് മുഖ്യമന്ത്രി വിളിച്ച യോഗത്തിൽ പങ്കെടുത്തത്.
കണ്ണൂർ സെൻട്രൽ ജയിലിൽ ഉണ്ടായത് അത്യന്തം ഗൗരവമുള്ളതും വിശദമായ പരിശോധന നടത്തി നടപടി സ്വീകരിക്കേണ്ടതുമായ സംഭവമാണെന്ന് മുഖ്യമന്ത്രി യോഗത്തിൽ പറഞ്ഞു. അടുത്ത മൂന്ന് മാസത്തിനകം സംസ്ഥാനത്തെ പ്രധാനപ്പെട്ട നാല് ജയിലുകളിലും വൈദ്യുതി ഫെൻസിങ് പൂർണതോതിൽ പ്രവർത്തനക്ഷമമാക്കണമെന്ന് യോ​ഗത്തിൽ തീരുമാനമെടുത്തു. സൂക്ഷ്മതലത്തിൽ ദൃശ്യങ്ങൾ പകർത്താൻ കഴിയുന്ന ഇന്റലിജൻഡ് സിസിടിവി നാല് പ്രധാന ജയിലുകളിൽ സ്ഥാപിക്കും. ഇതിനുള്ള നടപടി അടിയന്തരമായി തുടങ്ങും,
ജയിൽ ജീവനക്കാർ തുടർച്ചയായി ഒരേ സ്ഥലത്ത് തുടരുന്നത് കണക്കിലെടുത്ത്, അതുമൂലം ഉണ്ടാകുന്ന പ്രശ്നങ്ങൾ ഒഴിവാക്കാൻ ഓരോ സ്ഥലത്തും അഞ്ച് വർഷം പൂർത്തിയാക്കിയവരെ മറ്റിടങ്ങളിലേക്ക് മാറ്റും. ജയിലിനകത്ത് ഇൻ്റലിജൻസ് പ്രവർത്തനങ്ങൾ ശക്തിപ്പെടുത്തും. ശിക്ഷിക്കപ്പെട്ട കൊടും ക്രിമിനലുകളിൽ പലരെയും ഇപ്പോൾ അതീവ സുരക്ഷാ ജയിലിലാണ് പാർപ്പിക്കുന്നത്. ഇത്തരക്കാർക്ക് അന്തർ സംസ്ഥാന ജയിൽ മാറ്റം കൂടി ആലോചിക്കും.
ജയിലുകളിൽ ഇപ്പോൾ വീഡിയോ കോൺഫറൻസിങ് സംവിധാനമുണ്ട്. അത് ശക്തിപ്പെടുത്താനുള്ള നടപടികൾ സ്വീകരിക്കും. ജയിലിനകത്ത് തടവുകാർക്ക് ലഭ്യമാകുന്ന സൗകര്യങ്ങൾ വർധിപ്പിക്കാൻ നടപടി സ്വീകരിക്കും. താങ്ങാനാവുന്നതിൽ കൂടുതൽ തടവുകാർ ജയിലുകളിൽ ഉള്ള സാഹചര്യത്തിൽ പുതിയ ഒരു സെൻട്രൽ ജയിൽ ആരംഭിക്കും. ഇതിനായി കോട്ടയം, പത്തനംതിട്ട മേഖലകളിൽ സ്ഥലം കണ്ടെത്താൻ ശ്രമിക്കുമെന്നും യോഗം തീരുമാനമെടുത്തു. നിലവിൽ നടക്കുന്ന അന്വേഷണങ്ങൾ അതിവേഗം പൂർത്തിയാക്കാനും മുഖ്യമന്ത്രി നിർദേശം നൽകി.

ഗോവിന്ദച്ചാമിയുടെ ജയില്‍ചാട്ടം; സമ​ഗ്ര അന്വേഷണത്തിന് നിർദേശം നൽകി മുഖ്യമന്ത്രി

കൊല്ലം: തേവലക്കരയില്‍ എട്ടാം ക്ലാസുകാരൻ മിഥുന്‍ ഷോക്കേറ്റ് മരിച്ചതില്‍ സ്‌കൂള്‍ മാനേജ്‌മെന്റിനെതിരെ നടപടിയെടുക്കുന്ന കാര്യത്തിൽ വിദ്യാഭ്യാസ വകുപ്പ് ഇന്ന് തീരുമാനമെടുക്കും. വീഴ്ചയില്ലെന്നാണ് മാനേജ്‌മെന്റിന്റെ വിശദീകരണം. വൈദ്യുതി അപകടങ്ങളുടെ പശ്ചാത്തലത്തില്‍ വൈദ്യുതി മന്ത്രി വിളിച്ച ഉന്നതതല യോഗവും ഇന്ന് നടക്കും.
സ്‌കൂളില്‍ കളിക്കുന്നതിനിടെയാണ് 13 വയസുകാരനായ മിഥുന്‍ ഷോക്കേറ്റ് മരിച്ചത്. രാവിലെ ക്ലാസ് തുടങ്ങുന്നതിന് മുമ്പ് കൂട്ടുകാരോടൊത്ത് കളിക്കുന്നതിനിടെ ചെരുപ്പ് സൈക്കിള്‍ ഷെഡിന് മുകളിലേക്ക് വീണു. ഇതെടുക്കാനായി ഷെഡിന് മുകളിലേക്ക് കയറിയപ്പോള്‍ വൈദ്യുതി ലൈനില്‍ തട്ടി ഷോക്കേല്‍ക്കുകയായിരുന്നു.&nbsp;

മിഥുന്റെ മരണം; സ്‌കൂൾ മാനേജ്‌മെന്റിനെതിരെ നടപടിയെടുക്കുന്ന കാര്യത്തിൽ ഇന്ന് തീരുമാനമുണ്ടായേക്കും

തി​രു​വ​ന​ന്ത​പു​രം: ത​ദ്ദേ​ശ തെ​ര​ഞ്ഞെ​ടു​പ്പി​ന്​ മു​ന്നോ​ടി​യാ​യു​ള്ള ക​ര​ട് വോ​ട്ട​ർ പ​ട്ടി​ക സം​സ്ഥാ​ന തെ​ര​ഞ്ഞെ​ടു​പ്പ് ക​മീ​ഷ​ൻ പ്ര​സി​ദ്ധീ​ക​രി​ച്ച​തോ​ടെ ആ​ഗ​സ്റ്റ് ഏ​ഴു​വ​രെ പ​ട്ടി​ക​യി​ൽ പേ​രു​ചേ​ർ​ക്കാ​നും തി​രു​ത്ത​ലു​ക​ൾ വ​രു​ത്താ​നും അ​വ​സ​രം. നി​യ​മ​സ​ഭ, ലോ​ക്സ​ഭ തെ​ര​ഞ്ഞെ​ടു​പ്പു​ക​ളി​ൽ വോ​ട്ട്​ ചെ​യ്ത​വ​ർ ത​ദ്ദേ​ശ വോ​ട്ട​ർ പ​ട്ടി​ക​യി​ലും പേ​ര് ഉ​ണ്ടോ എ​ന്ന്​ ഉ​റ​പ്പു​വ​രു​ത്ത​ണം.
കാ​ര​ണം ര​ണ്ടി​നും വെ​വ്വേ​റെ വോ​ട്ട​ർ പ​ട്ടി​ക​യും തെ​ര​ഞ്ഞെ​ടു​പ്പ് ക​മ്മി​ഷ​നു​ക​ളു​മാ​ണ്. വി​ല്ലേ​ജ്, താ​ലൂ​ക്ക് ഓ​ഫി​സു​ക​ളി​ലും സം​സ്ഥാ​ന തെ​ര​ഞ്ഞെ​ടു​പ്പ് ക​മ്മി​ഷ​ന്റെ sec.kerala.gov.in വെ​ബ്സൈ​റ്റി​ലും പ​ട്ടി​ക പ​രി​ശോ​ധി​ക്കാം.
പ​ട്ടി​ക​യി​ൽ പേ​രു​ണ്ടോ
വെ​ബ്സൈ​റ്റി​ലെ വോ​ട്ട​ർ​മാ​ർ​ക്കു​ള്ള സേ​വ​ന​ങ്ങ​ൾ (voters services) എ​ന്ന ഭാ​ഗ​ത്ത് search voter ഭാ​ഗ​ത്ത് തി​ര​ഞ്ഞാ​ൽ പ​ട്ടി​ക​യി​ൽ പേ​രു​ണ്ടോ എ​ന്ന് അ​റി​യാം.
ജി​ല്ല, ത​ദ്ദേ​ശ സ്ഥാ​പ​നം, വോ​ട്ട​ർ തി​രി​ച്ച​റി​യ​ൽ കാ​ർ​ഡ് ന​മ്പ​ർ (കേ​ന്ദ്ര തി​ര​ഞ്ഞെ​ടു​പ്പ് ക​മ്മി​ഷ​ൻ ന​ൽ​കി​യ EPIC CARD ലെ ​ന​മ്പ​ർ) അ​ല്ലെ​ങ്കി​ൽ പേ​ര് എ​ന്നി​വ ഉ​പ​യോ​ഗി​ച്ചു തി​ര​യാം.
സി​റ്റി​സ​ൺ റ​ജി​സ്​​ട്രേ​ഷ​ൻ
പ​ട്ടി​ക​യി​ൽ പേ​രു​ചേ​ർ​ക്കാ​നും തി​രു​ത്താ​നും സ്ഥാ​ന​മാ​റ്റ​ങ്ങ​ൾ വ​രു​ത്താ​നും മൊ​ബൈ​ൽ ഫോ​ൺ ന​മ്പ​ർ ഉ​പ​യോ​ഗി​ച്ച് ഒ​ടി​പി ല​ഭി​ച്ച് ആ​ദ്യം റ​ജി​സ്റ്റ​ർ ചെ​യ്യ​ണം. Citizen Registration ഭാ​ഗ​ത്ത് ക്ലി​ക്ക് ചെ​യ്താ​ണ് ഇ​തു നി​ർ​വ​ഹി​ക്കേ​ണ്ട​ത്. ഒ​രു ഫോ​ൺ ന​മ്പ​റി​ൽ നി​ന്നു പ​ര​മാ​വ​ധി 10 പേ​ർ​ക്ക് ഇ​ത്ത​രം സേ​വ​ന​ങ്ങ​ൾ ന​ട​ത്താം.
പേ​രു ചേ​ർ​ക്കാ​ൻ
2025 ജ​നു​വ​രി ഒ​ന്നി​നോ അ​തി​നു മു​ൻ​പോ 18 വ​യ​സ്സ് പൂ​ർ​ത്തി​യാ​യ പൗ​ര​ന്മാ​ർ​ക്കു Additions എ​ന്ന ഭാ​ഗ​ത്ത് ക്ലി​ക്ക് ചെ​യ്ത് ഫോം ​നാ​ല് പൂ​ർ​പ്പി​ച്ച് അ​പേ​ക്ഷി​ക്കാം.
ഫോ​ട്ടോ അ​പ്‌​ലോ​ഡ് ചെ​യ്യ​ണം. മ​റ്റൊ​രു പ​ഞ്ചാ​യ​ത്തി​ലോ ന​ഗ​ര​സ​ഭ​യി​ലോ വോ​ട്ട് ഉ​ണ്ടാ​യി​രു​ന്ന​വ​ർ​ക്ക് പു​തി​യ സ്ഥ​ല​ത്ത് പേ​രു ചേ​ർ​ക്കാ​ൻ ഈ ​ഫോം ഉ​പ​യോ​ഗി​ക്കാം. പ​ഴ​യ സ്ഥ​ല​ത്തെ വോ​ട്ട​റാ​യി​രു​ന്ന കാ​ര്യ​മോ വോ​ട്ട​ർ ഐ.​ഡി ന​മ്പ​റോ പൂ​രി​പ്പി​ക്കാ​ൻ ഫോ​മി​ൽ സൗ​ക​ര്യ​മു​ണ്ട്.
പോ​ളി​ങ് സ്റ്റേ​ഷ​ൻ ക​ണ്ടു​പി​ടി​ക്കാ​ൻ
Locate Polling Station എ​ന്ന ഭാ​ഗ​ത്ത് ക്ലി​ക്ക് ചെ​യ്ത് ഏ​തു പോ​ളി​ങ് സ്റ്റേ​ഷ​നി​ലാ​ണ് കു​ടും​ബാം​ഗ​ങ്ങ​ളോ അ​യ​ൽ​വാ​സി​ക​ളോ ഉ​ൾ​പ്പെ​ടു​ന്ന​ത് എ​ന്ന് ആ​ദ്യ​മേ ക​ണ്ടെ​ത്തി​യാ​ൽ മ​റ്റ് അ​പേ​ക്ഷ​ക​ൾ പൂ​രി​പ്പി​ക്കു​ക എ​ളു​പ്പ​മാ​കും.
അ​പേ​ക്ഷ​ക​ളി​ൽ നി​യോ​ജ​ക​മ​ണ്ഡ​ലം (വാ​ർ​ഡ്) ക​ഴി​ഞ്ഞ് ഭാ​ഗം ന​മ്പ​ർ എ​ന്നു കാ​ണു​ന്ന ഭാ​ഗ​ത്ത് ഈ ​പോ​ളി​ങ് സ്റ്റേ​ഷ​ന്റെ പേ​രാ​ണ് ചേ​ർ​ക്കേ​ണ്ട​ത്.
വി​വ​ര​ങ്ങ​ൾ തി​രു​ത്താ​ൻ
നി​ല​വി​ൽ വോ​ട്ട​ർ പ​ട്ടി​ക​യി​ലു​ള്ള​വ​ർ​ക്ക് വി​വ​ര​ങ്ങ​ൾ തി​രു​ത്തു​ന്ന​തി​ന് Corrections എ​ന്ന ഭാ​ഗം തി​ര​ഞ്ഞെ​ടു​ത്ത് ആ​വ​ശ്യ​മാ​യ വി​വ​ര​ങ്ങ​ൾ ന​ൽ​കി ഫോം 6​ൽ അ​പേ​ക്ഷി​ക്കാം.
സ്ഥാ​ന​മാ​റ്റ​ത്തി​ന്
ഒ​രു പ​ഞ്ചാ​യ​ത്തി​ലോ ന​ഗ​ര​സ​ഭ​യി​ലെ​യോ മ​റ്റൊ​രു വാ​ർ​ഡി​ലേ​ക്കോ ഒ​രു വാ​ർ​ഡി​ലെ ത​ന്നെ മ​റ്റൊ​രു മേ​ൽ​വി​ലാ​സ​ത്തി​ലേ​ക്കോ വോ​ട്ട​ർ പ​ട്ടി​ക​യി​ൽ മാ​റ്റം വ​രു​ത്താ​ൻ Transposition എ​ന്ന ഭാ​ഗം ക്ലി​ക്ക് ചെ​യ്ത് ഫോം ​ഏ​ഴി​ൽ അ​പേ​ക്ഷി​ക്ക​ണം.
പ്ര​വാ​സി​ക​ൾ​ക്ക്
Pravasi Additions എ​ന്ന ഭാ​ഗ​ത്ത് ക്ലി​ക്ക് ചെ​യ്ത് പാ​സ്പോ​ർ​ട്ട് വി​വ​ര​ങ്ങ​ൾ ന​ൽ​കി അ​പേ​ക്ഷി​ക്കാം.
ഹി​യ​റി​ങി​ന്​ നേ​രി​ട്ട്​ ഹാ​ജ​രാ​ക​ണം
Application Status എ​ന്ന ഭാ​ഗ​ത്ത് ക്ലി​ക്ക് ചെ​യ്താ​ൽ പു​രോ​ഗ​തി അ​റി​യാം. ഓ​ൺ​ലൈ​നാ​യി അ​പേ​ക്ഷി​ക്കു​മ്പോ​ൾ ഹീ​യ​റി​ങ്ങി​നു​ള്ള കം​പ്യൂ​ട്ട​ർ ജ​ന​റേ​റ്റ​ഡ് നോ​ട്ടി​സ് ല​ഭി​ക്കും. Download Hearing Notice എ​ന്ന ഭാ​ഗ​ത്ത് ഇ​ത് ഡൗ​ൺ​ലോ​ഡ് ചെ​യ്യാം.
ഇ​തി​ലെ തീ​യ​തി​യി​ൽ ആ​വ​ശ്യ​മാ​യ രേ​ഖ​ക​ൾ സ​ഹി​തം നേ​രി​ട്ടു ഹാ​ജ​രാ​ക​ണം. ആ​റു​മാ​സ​ത്തി​ൽ കൂ​ടു​ത​ലു​ള്ള വാ​ട​ക​ക്ക​രാ​ർ, ഒ​രു വ​ർ​ഷ​ത്തി​ൽ ഏ​റെ​യു​ള്ള എ​ൽ.​പി.​ജി ക​ണ​ക്‌​ഷ​ൻ തു​ട​ങ്ങി​യ​വ വാ​ട​ക​ക്ക്​ താ​മ​സി​ക്കു​ന്ന​വ​ർ​ക്ക് രേ​ഖ​യാ​യി ഉ​പ​യോ​ഗി​ക്കാം.
വി​ദ്യാ​ഭ്യാ​സം, ജോ​ലി തു​ട​ങ്ങി​യ ആ​വ​ശ്യ​ങ്ങ​ൾ കാ​ര​ണം സ്ഥ​ല​ത്തി​ല്ലെ​ങ്കി​ൽ ഇ​ല​ക്റ​ൽ റ​ജി​സ്ട്രേ​ഷ​ൻ ഓ​ഫി​സ​ർ​ക്ക് (ഇ.​ആ​ർ.​ഒ). അ​പേ​ക്ഷ സ​മ​ർ​പ്പി​ച്ചാ​ൽ വി​ഡി​യോ കോ​ൾ സം​വി​ധാ​ന​ത്തി​ലൂ​ടെ ഹീ​യ​റി​ങ് അ​നു​വ​ദി​ക്കാ​മെ​ന്നു സം​സ്ഥാ​ന തി​ര​ഞ്ഞെ​ടു​പ്പ് ക​മ്മി​ഷ​ൻ വ്യ​ക്ത​മാ​ക്കി​യി​ട്ടു​ണ്ട്. എ​ന്നാ​ൽ, ഇ​ക്കാ​ര്യ​ത്തി​ൽ ഇ.​ആ​ർ.​ഒ​യു​ടെ​താ​ണ് അ​ന്തി​മ​തീ​രു​മാ​നം.

ത​ദ്ദേ​ശ തെ​ര​ഞ്ഞെ​ടു​പ്പി​ന്​ മു​ന്നോ​ടി​യായി ആഗസ്റ്റ് ഏഴുവരെ പട്ടികയിൽ പേരുചേർക്കാം, തിരുത്താം

Search Results for: mandalam president