ന്യൂഡൽഹി: കോൺഗ്രസ് നേതാവും രാജ്യസഭാംഗവുമായ സോണിയാ ഗാന്ധി ആശുപത്രിയിൽ. വ്യാഴാഴ്ച രാവിലെയാണ് സോണിയയെ ഡൽഹിയിലെ ഗംഗ റാം ആശുപത്രിയിൽ പ്രവേശിപ്പിച്ചത്. ഉദരസംബന്ധമായ അസുഖത്തെ തുടർന്നാണ് സോണിയയെ ആശുപത്രിയിൽ പ്രവേശിപ്പിച്ചതെന്നാണ് വിവരം.
സോണിയയുടെ ആരോഗ്യനില തൃപ്തികരമാണെന്നാണ് സൂചന. ഡോക്ടർമാരുടെ നിരീക്ഷണത്തിലാണെന്നും വെള്ളിയാഴ്ച ആശുപത്രി വിട്ടേക്കുമെന്നും ഡോക്ടർമാർ അറിയിച്ചു.

സോണിയാ ഗാന്ധി ആശുപത്രിയിൽ

National

ന്യൂഡല്‍ഹി: യുപിഎ സര്‍ക്കാരിന്റെ ഭരണകാലത്ത് 2008-ല്‍ സോണിയാ ഗാന്ധിക്ക് കിട്ടിയ ജവഹര്‍ലാല്‍ നെഹ്റുവിന്റെ സ്വകാര്യ കത്തുകള്‍ തിരികെ നല്‍കണമെന്ന് പ്രൈം മിനിസ്റ്റേഴ്സ് മ്യൂസിയം ആന്‍ഡ് ലൈബ്രറി (പിഎംഎംഎല്‍). ഇത് സംബന്ധിച്ച് പിഎംഎംഎല്‍ അംഗം റിസ്വാന്‍ ഖാദ്രി ഡിസംബര്‍ 10-ന് രാഹുല്‍ ഗാന്ധിക്ക് കത്തെഴുതി.
സോണിയാ ഗാന്ധിയുടെ കൈവശമുള്ള കത്തുകള്‍ തിരികെ നല്‍കണമെന്നും അല്ലെങ്കില്‍ ഫോട്ടോ കോപ്പികളോ ഡിജിറ്റല്‍ പകര്‍പ്പുകളോ ലഭ്യമാക്കണമെന്നും കത്തില്‍ ആവശ്യപ്പെട്ടു. ചരിത്രപരമായി ഏറെ പ്രാധാന്യമുള്ളതാണ് ഈ കത്തുകള്‍. 1971-ല്‍ നെഹ്റു മെമ്മോറിയല്‍ മ്യൂസിയം ആന്റ് ലൈബ്രറി (ഇപ്പോള്‍ പിഎംഎംഎല്‍)യില്‍ ജവഹര്‍ലാല്‍ നെഹ്റു തന്നെയാണ് ഇവ ഏല്‍പ്പിച്ചത്. 2008-ല്‍ ഇത് 51 പെട്ടികളിലാക്കി സോണിയാ ഗാന്ധിക്ക് അയച്ചു.എഡ്വിന മൗണ്ട് ബാറ്റണ്‍, ആല്‍ബര്‍ട്ട് ഐന്‍സ്റ്റീന്‍, ജയപ്രകാശ് നാരായണ്‍, പത്മജ നായിഡു, വിജയ ലക്ഷ്മി പണ്ഡിറ്റ്, അരുണ ആസഫ് അലി, ബാബു ജഗ്ജീവന്‍ റാം, ഗോവിന്ദ് ബല്ലഭ് പന്ത് തുടങ്ങിയ പ്രമുഖരും നെഹ്‌റുവും തമ്മിലുള്ള കത്തിടപാടുകള്‍ ഈ ശേഖരത്തിലുണ്ട്.

'സോണിയയുടെ കൈവശമുള്ള നെഹ്റുവിന്റെ കത്തുകള്‍ തിരികെ നല്‍കണം'; രാഹുലിന് കത്തയച്ച് പി.എം.എം.എല്‍

കൽപറ്റ: വയനാട് ലോക്സഭ ഉപതെരഞ്ഞെടുപ്പ് പ്രചാരണ പ്രവർത്തനങ്ങൾക്ക് തുടക്കം കുറിക്കാൻ യു.ഡി.എഫ് സ്ഥാനാർഥി പ്രിയങ്ക ഗാന്ധിയും രാഹുൽ ഗാന്ധിയും ഇന്ന് വയനാട്ടിലെത്തും. വൈകിട്ടോടെ മൈസൂരുവിൽ എത്തുന്ന ഇരുവരും റോഡ് മാർഗമായിരിക്കും ബത്തേരിയിലെത്തുക.
നാമ നിർദേശ പത്രിക സമർപ്പിക്കുന്ന നാളെ സോണിയ ഗാന്ധിയും കോൺഗ്രസ് അധ്യക്ഷൻ മല്ലികാർജുൻ ഖാർഗെയും വയനാട്ടിലെത്തും. വർഷങ്ങളുടെ ഇടവേളക്ക് ശേഷമാണ് സോണിയ കേരളത്തിലെത്തുന്നത്. സോണിയയും രാഹുലും പ്രിയങ്കയും ഒരുമിച്ച് വയനാട്ടിലെത്തുന്നതും ആദ്യമാണ്.
കഴിഞ്ഞ രണ്ടു തവണ രാഹുൽ വയനാടിനെ പ്രതിനിധീകരിച്ച് മത്സരിച്ചപ്പോഴും ആരോഗ്യ പ്രശ്നങ്ങളെ തുടർന്ന് സോണിയക്ക് എത്താൻ കഴിഞ്ഞിരുന്നില്ല.നാളെ രാവിലെ 11ന് കൽപറ്റ ബസ് സ്റ്റാൻഡ് പരിസരത്ത് നിന്നും റോഡ് ഷോ ആയി രണ്ടു കിലോമീറ്ററോളം സഞ്ചരിച്ചായിരിക്കും പ്രിയങ്ക പത്രിക സമർപ്പിക്കുക. റോഡ് ഷോയിൽ സോണിയയും ഖാർഗെയും രാഹുലും ഒരുമിച്ച് അണിനിരന്നേക്കും.

വർഷങ്ങൾക്ക് ശേഷം സോണിയ ഗാന്ധി നാളെ വയനാട്ടിലേക്ക്; രാഹുലും പ്രിയങ്കയും ഇന്നെത്തും

ന്യൂഡൽഹി: കോണ്‍ഗ്രസ് മുന്‍ അധ്യക്ഷ സോണിയാ ഗാന്ധിയുടെ ആത്മകഥയൊരുങ്ങുന്നു. പുസ്തക പ്രസാധകരായ ഹാര്‍പ്പര്‍ കോളിന്‍സുമായി കരാര്‍ ഒപ്പുവെച്ചെന്ന് റിപ്പോര്‍ട്ട്. പുസ്തകവുമായി ബന്ധപ്പെട്ട ജോലികള്‍ കുറച്ചു വര്‍ഷങ്ങളായി നടന്നുവരികയായിരുന്നു.
അതേസമയം, ആത്മകഥ പ്രസിദ്ധീകരിക്കുന്നതുമായി ബന്ധപ്പെട്ട് ഔദ്യോഗിക പ്രഖ്യാപനം നടന്നിട്ടില്ല. സോണിയാ ഗാന്ധിയും ഇതേക്കുറിച്ച് പ്രതികരണം നടത്തിയിട്ടില്ല. ഹാര്‍പ്പര്‍ കോളിന്‍സിന്റെ ചീഫ് എക്‌സിക്യൂട്ടിവ് ഓഫീസര്‍ അനന്തപത്മനാഭനാണ് വിഷയത്തെക്കുറിച്ച് ഹിന്ദുസ്ഥാന്‍ ടൈംസിനോട് പ്രതികരിച്ചത്. ഇന്ത്യയില്‍ പെന്‍ഗ്വിന്‍ റാന്‍ഡം ഹൗസാണ് സോണിയാ ഗാന്ധിയുടെ ആത്മകഥ പ്രസിദ്ധീകരിക്കുക. കൂടുതല്‍ വിവരങ്ങള്‍ ഔദ്യോഗിക പ്രഖ്യാപനത്തില്‍ അറിയിക്കുമെന്നാണ് വിവരം.
നെഹ്‌റു കുടുംബത്തില്‍നിന്നുള്ള ആദ്യത്തെ സമഗ്ര ആത്മകഥയായിരിക്കും ഇത്. അപ്രതീക്ഷിതമായി കൊല്ലപ്പെട്ടതിനാല്‍ ഇന്ദിരാഗാന്ധി, രാജീവ് ഗാന്ധി എന്നിവരുടെ സമ്പൂര്‍ണ ജീവിതചരിത്രങ്ങള്‍ എഴുതാന്‍ സാധിച്ചിരുന്നില്ല.&nbsp;

സോണിയാ ഗാന്ധിയുടെ ആത്മകഥയൊരുങ്ങുന്നു ;ഉടൻ പുറത്തിറങ്ങിയേക്കുമെന്ന് റിപ്പോർട്ട്

ന്യൂഡല്‍ഹി: കോണ്‍ഗ്രസ് പാര്‍ലമെന്ററി പാര്‍ട്ടി ചെയര്‍പേഴ്‌സണായി സോണിയാ ഗാന്ധിയെ തിരഞ്ഞെടുത്തു. കോണ്‍ഗ്രസ് അധ്യക്ഷന്‍ മല്ലികാര്‍ജന്‍ ഖാര്‍ഗെയാണ് സോണിയയുടെ പേര് നിര്‍ദേശിച്ചത്. കെ.സുധാകരന്‍ ഗൗരവ് ഗോഗോയ്, താരിഖ് അന്‍വര്‍ എന്നിവര്‍ പിന്തുണയ്ക്കുകയും ചെയ്തു.
ശനിയാഴ്ച ചേര്‍ന്ന പാര്‍ലമെന്ററി പാര്‍ട്ടി യോഗത്തിലാണ് സോണിയാഗാന്ധിയെ ചെയര്‍പേഴ്സണ്‍ സ്ഥാനത്തേക്ക് നിര്‍ദേശിച്ചത്. പ്രതിപക്ഷ നേതൃസ്ഥാനത്തേക്ക് രാഹുല്‍ഗാന്ധിയെത്തണമെന്ന് പാര്‍ലമെന്ററി പാര്‍ട്ടി യോഗം നേരത്തെ പ്രമേയം പാസാക്കുകയും ചെയ്തിരുന്നു.സോണിയാ ഗാന്ധി ഇത്തവണ രാജസ്ഥാനില്‍നിന്നാണ് രാജ്യസഭയിലേക്ക് തിരഞ്ഞെടുക്കപ്പെട്ടത്. .

കോണ്‍ഗ്രസ് പാര്‍ലമെന്ററി പാര്‍ട്ടി ചെയര്‍പേഴ്‌സണായി സോണിയാ ഗാന്ധിയെ തിരഞ്ഞെടുത്തു

പേരാമ്പ്ര: പേരാമ്പ്രയിൽ സ്വകാര്യ ബസ് ബൈക്കിലിടിച്ച് വിദ്യാർഥി മരിച്ചു. ബൈക്ക് യാത്രികൻ മുളിയങ്ങൾ ചെക്യലത്ത് ഷാദിൽ ആണ് മരിച്ചത്.&nbsp;
ഉച്ചയ്ക്ക് രണ്ട് മണിയോടെ പേരാമ്പ്ര സെൻ്റ് ഫ്രാൻസിസ് പള്ളിക്ക് സമീപമാണ് അപകടമുണ്ടായത്. പേരാമ്പ്ര ഡിഗ്നിറ്റി കോളജിലെ രണ്ടാം വർഷ വിദ്യാർഥിയായ ഷാദിൽ പരീക്ഷ കഴിഞ്ഞ് വീട്ടിലേക്ക് മടങ്ങുമ്പോഴാണ് അപകടമുണ്ടായത്. അമിത വേഗതയിലെത്തിയ സ്വകാര്യ ബസ് ബൈക്കിലിടിക്കുകയായിരുന്നു.
നാട്ടുകാർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. അപകടത്തിനു പിന്നാലെ, പ്രദേശത്ത് മരണപ്പാച്ചിൽ നടത്തുവെന്നാരോപിച്ച് നാട്ടുകാർ സ്വകാര്യ ബസുകൾ തടഞ്ഞു.

പേരാമ്പ്രയിൽ സ്വകാര്യ ബസ് ബൈക്കിലിടിച്ച് വിദ്യാർഥി മരിച്ചു

Perambra

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ആയഞ്ചേരി വള്ള്യാട് സ്വദേശി പി സാബിര്‍ (26) ആണ് മരിച്ചത്.
സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. ഇരുവര്‍ക്കുമൊപ്പം മറ്റൊരു യുവാവ് കൂടി വിനോദയാത്ര സംഘത്തിലുണ്ടായിരുന്നെങ്കിലും ഇദ്ദേഹം കുത്തേല്‍ക്കാതെ രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്.
കടന്നൽ കൂടിന് കല്ലെറിഞ്ഞപ്പോൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.

ഊട്ടിയിലേക്ക് വിനോദയാത്രപോയ ആയഞ്ചേരി സ്വദേശിയായ യുവാവ് കടന്നൽ കുത്തേറ്റ് മരിച്ചു

ഊട്ടിയിലേക്ക് വിനോദയാത്രപോയ ആയഞ്ചേരി സ്വദേശി കടന്നൽ കുത്തേറ്റ് മരിച്ചു

കൊയിലാണ്ടി: കൊല്ലം പിഷാരികാവ് ക്ഷേത്രകാളിയാട്ട മഹോത്സവത്തിന്റെ ഭാഗമായി ഏപ്രില്‍ 5,6, തിയ്യതികളില്‍ സുരക്ഷശക്തമാക്കുന്നതിനോടൊപ്പം ദേശീയപാതയില്‍ വാഹനക്രമീകരണവും ഏര്‍പെടുത്താന്‍ അധികൃതര്‍ തീരുമാനിച്ചു. റൂറല്‍ എസ്പി കെ.ഇ.ബൈജുവിന്റെ നിര്‍ദ്ദേശാനുസരണം വടകര ഡിവൈഎസ്പി ഹരിപ്രസാദ്, കൊയിലാണ്ടി സിഐ ശ്രീലാല്‍ ചന്ദ്രശേഖരന്‍ എന്നിവരുടെ നേതൃത്വത്തിലായിരിക്കും ക്രമീകരണങ്ങള്‍.
ക്ഷേത്ര പരിസരങ്ങളിലും മറ്റും സിസിടിവി. ക്യാമറകള്‍ സജ്ജീകരിച്ച് നിരീക്ഷണം ശക്തമാക്കും. റുറല്‍ജില്ലയിലെ വിവിധ സ്റ്റേഷനുകളില്‍ നിന്നായി 300 ഓളം പോലീസുകാരാണ് ഡ്യൂട്ടിയില്‍ ഉണ്ടാവുക. മഫ്ടി, വനിതാ, പിങ്ക് പോലീസ് നിരീക്ഷണവുംഡ്രോണ്‍ നിരീക്ഷണവും രണ്ടുദിവസങ്ങളിലും ഉണ്ടാവുമെന്ന് പോലീസ് അറിയിച്ചു.ഏപ്രില്‍ 5 ന് വലിയവിളക്ക് ദിവസം ദേശീയപാതയില്‍ കാലത്ത് 10 മുതല്‍ രാത്രി 10 വരെ കോഴിക്കോട് ഭാഗത്ത് നിന്ന് വരുന്ന വലിയ വാഹനങള്‍. പാവങ്ങാട് അത്തോളി, ഉള്ളിയേരി പേരാമ്പ്ര വഴി പയ്യോളിയില്‍ കയറണം. ചെറിയ വാഹനങ്ങള്‍ ചെങ്ങോട്ടുകാവ് ബൈപ്പാസ് വഴി മൂടാടി ഹൈവേയില്‍ പ്രവേശിക്കണം. വടകര ഭാഗത്തു നിന്നു വരുന്ന വലിയ വാഹനങ്ങള്‍ പയ്യോളി, പേരാമ്പ്ര, ഉള്ളിയേരി, അത്തോളി പാവങ്ങാട് വഴി പോകണം, ചെറിയ വാഹനങ്ങള്‍ മൂടാടിയില്‍ നിന്നും ബൈപ്പാസില്‍പ്രവേശിച്ച് ചെങ്ങോട്ടുകാവില്‍ കയറണം. വടകരയില്‍ നിന്നും കൊയിലാണ്ടിയിലേക്ക് വരുന്ന ലൈന്‍ ബസുകള്‍ കൊല്ലം ചിറക്കു സമീപം നിര്‍ത്തി തിരിച്ച് പോകണം. കൊയിലാണ്ടി ഭാഗത്തു നിന്നുള്ള ബസുകള്‍ കൊല്ലം പെട്രാള്‍ പമ്പില്‍ നിര്‍ത്തി തിരിച്ച് പോകണം. ഏപ്രില്‍ ആറിന് പകല്‍ രണ്ട് മുതല്‍ രാത്രി 10 വരെ നേരത്തെയുള്ള രീതിയിലാണ് ട്രാഫിക്ക് ക്രമീകരിച്ചതെന്ന് പോലീസ് അധികൃതര്‍ അറിയിച്ചു.

പിഷാരികാവ് ഉത്സവം: 5,6 തിയ്യതികളില്‍ ഗതാഗതക്രമീകരണവും വന്‍ സുരക്ഷ

Koyilandy

പിഷാരികാവ് ഉത്സവം: 5,6 തിയ്യതികളില്‍ ഗതാഗതക്രമീകരണവും വന്‍ സുരക്ഷയും

ന്യൂ ഡല്‍ഹി : വളയത്ത് നിന്ന് കാണാതായ യുവതിയേയും മക്കളെയും കണ്ടെത്തി. നിസാമുദീനില്‍ നിന്നാണ് മൂവരെയും കണ്ടെത്തിയത്. മൂന്നു പേരും ഡല്‍ഹിയില്‍ എത്തിയതായി പോലീസിന് വിവരം ലഭിച്ചിരുന്നു. നിസാമുദീന്‍ റെയില്‍വേ സ്റ്റേഷന് സമീപത്തെ എടിഎമ്മില്‍ നിന്നു പണം പിന്‍വലിച്ചതായും അന്വേഷണസംഘം കണ്ടെത്തിയിരുന്നു. ഇതിന്റെ അടിസ്ഥാനത്തില്‍ ഡല്‍ഹിയിലെത്തിയ യുവതിയുടെ ഭര്‍ത്താവും സഹോദരനും നടത്തിയ പരിശോധനയിലാണ് നിസാമുദീന്‍ബസ് സ്റ്റാന്റില്‍ നിന്ന് ഇവരെ കണ്ടെത്തിയത്.
കഴിഞ്ഞ മാസം 28 നാണ് യുവതിയെയും മക്കളെയും കാണാതാവുന്നത്. ഇവര്‍ സഞ്ചരിച്ച സ്‌കൂട്ടര്‍ വടകര റെയില്‍വേ സ്റ്റേഷനില്‍ ഉപേക്ഷിച്ച നിലയില്‍ പോലീസ് കണ്ടെത്തുകയുണ്ടായി. യുവതി ട്രെയിന്‍ ടിക്കറ്റ് എടുത്തുവെന്ന വിവരത്തെ തുടര്‍ന്നു ഇതരസംസ്ഥങ്ങളിലേക്ക് കൂടി പോലീസ് അന്വേഷണം വ്യാപിച്ചിരുന്നു. ഡല്‍ഹിയില്‍ നിന്ന് ഇവരെയും കൂട്ടി ബന്ധുക്കള്‍ നാട്ടിലേക്ക് തിരിച്ചിട്ടുണ്ട്. വളയം സ്റ്റേഷനില്‍ എത്തിച്ച ശേഷം നാദാപുരം മജിസ്‌ട്രേട്ട് കോടതിയില്‍ ഹാജരാക്കും.

വളയത്ത് നിന്ന് കാണാതായ യുവതിയേയും മക്കളെയും കണ്ടെത്തി

നാദാപുരം : പെരുന്നാളാഘോഷത്തിന്റെ മറവിൽ പൊതുസ്ഥലത്തുവെച്ച് പടക്കംപൊട്ടിച്ച കേസിൽ രണ്ടുസ്ഥലത്തായി 65 ആളുടെ പേരിൽ പോലീസ് കേസെടുത്തു. വാണിമേൽ ഭൂമിവാതുക്കൽ ടൗണിൽ 50 ആളുടെപേരിലും കല്ലാച്ചി ടൗണിൽ 15 ആളുടെ പേരിലുമാണ് കേസെടുത്തത്. വാണിമേൽ കുളപ്പറമ്പ്, ഭൂമിവാതുക്കൽ എന്നിവിടങ്ങളിലാണ് പടക്കംപൊട്ടിച്ചത്. കുളപ്പറമ്പിൽ പോലീസ് ഒട്ടേറെത്തവണ വിലക്കിയെങ്കിലും പടക്കംപൊട്ടിക്കുന്നത് തുടർന്നു. തിരക്കേറിയ കല്ലാച്ചി-നാദാപുരം റോഡിൽവെച്ച് പടക്കംപൊട്ടിച്ചതുമൂലം ഏറെസമയം ഗതാഗതം തടസ്സപ്പെട്ടു. പോലീസ് സ്ഥലത്തെത്തിയതോടെയാണ് പടക്കംപൊട്ടിക്കുന്ന സംഘം പിൻവാങ്ങിയത്. കുളപ്പറമ്പിൽ പടക്കംപൊട്ടിക്കുന്ന രംഗങ്ങൾ പോലീസുതന്നെ മൊബൈലിൽ ചിത്രീകരിച്ചിരുന്നു. കല്ലാച്ചിയിൽ പടക്കംപൊട്ടിക്കുന്ന രംഗങ്ങൾ സാമൂഹികമാധ്യമങ്ങളിൽ വ്യാപകമായി പ്രചരിക്കുന്നുണ്ട്.
പെരുന്നാളാഘോഷത്തിന്റെ മറവിൽ പൊതുസ്ഥലത്തുവെച്ച് പടക്കംപൊട്ടിക്കരുതെന്ന സന്ദേശം വായിക്കണമെന്ന്‌ പോലീസ് ഉദ്യോഗസ്ഥർ പള്ളിക്കമ്മിറ്റി ഭാരവാഹികൾക്ക് നിർദേശംനൽകിയിരുന്നു. ഇതനുസരിച്ച് പോലീസിന്റെ നിർദേശം പാലിക്കണമെന്ന പള്ളിക്കമ്മിറ്റി ഭാരവാഹികളും ഇമാമുമാരും വെള്ളിയാഴ്ചമുതൽ പള്ളികളിൽനിന്ന്‌ നിർദേശംനൽകിയിരുന്നു.

പൊതുസ്ഥലത്ത് ഗതാഗതം തടസ്സപ്പെടുത്തി പടക്കംപൊട്ടിച്ച് ആഘോഷം; 65 ആളുടെപേരിൽ കേസ്

Nadapuram

വളയം: ചെറുമോത്ത് നിന്ന് യുവതിയേയും രണ്ടു മക്കളേയും കാണ്മാനില്ലെന്ന് പരാതി. പോലീസ് അന്വേഷണം ഊര്‍ജിതം.കുറുങ്ങോട്ട് ഹൗസില്‍ ആഷിത (29), മക്കളായ മെഹ്‌റ ഫാത്തിമ (10), ലുക്ക്മാന്‍ (5) എന്നിവരെയാണ് കാണാതായത്.
കഴിഞ്ഞ വെള്ളിയാഴ്ച മുതലാണ് മൂവരേയും കാണാതായത്.വസ്ത്രങ്ങള്‍ വാങ്ങിക്കാനുണ്ടെന്ന് പറഞ്ഞാണ് ആഷിത മക്കളേയും കൂട്ടി വളയത്തെ ഭര്‍തൃ വീട്ടില്‍ നിന്ന് ഇറങ്ങിയത്. പിന്നീട് വീട്ടില്‍ തിരിച്ചത്താത്തതിനെ തുടര്‍ന്ന് വളയം പോലീസില്‍ പരാതി നല്‍കുകയായിരുന്നു. ചോറോട് സ്വദേശിയാണ് ആഷിത. ഇവരെ കണ്ടെത്താനുള്ള പരിശ്രമത്തിലാണ് പോലീസ്. ഇതു സംബന്ധിച്ച സൂചന കിട്ടിയതായി പോലീസ് അറിയിച്ചു.

വളയത്ത് യുവതിയേയും രണ്ടു മക്കളേയും കാണ്മാനില്ലെന്ന് പരാതി

നാദാപുരം: പേരോട് പടക്കം പൊട്ടിക്കുന്നതിനിടെ അപകടം. രണ്ട് പേര്‍ക്ക് പരിക്ക്. കല്ലാച്ചി സ്വദേശി മുഹമ്മദ് ഷഹറാസ് (26),പൂവള്ളതില്‍ റയീസ് (26) എന്നിവര്‍ക്കാണ് പരിക്കേറ്റത്. ഷഹറാസിന്റെ വലത് കൈപ്പത്തി തകര്‍ന്ന നിലയിലാണ്. രാത്രി ഏഴ് മണിയോടെ പേരോട് – ഇയ്യങ്കോട് റോഡിലാണ് അപകടം. ഇവര്‍ സഞ്ചരിച്ചിരുന്ന കാറിനും കേട് പാടുകള്‍ സംഭവിച്ചു.കെ എല്‍ 18 വൈ 3733 നമ്പര്‍ കാറിന്റെ ഗ്ലാസുകള്‍ സ്‌ഫോടനത്തില്‍ തകര്‍ന്നു.&nbsp;
കാറില്‍ നിന്ന് ശേഷിയേറിയ പടക്കം തീ കൊളുത്തി പുറത്തേക്ക് എറിയുന്നതിനിടെ കാറിനുള്ളില്‍ നിന്ന് തന്നെ പടക്കം പൊട്ടി തെറിക്കുകയായിരുന്നു. നാദാപുരം പോലീസ് സ്ഥലത്ത് പരിശോധന നടത്തി.

പേരോട് പടക്കം പൊട്ടിക്കുന്നതിനിടെ അപകടം ;രണ്ട് പേര്‍ക്ക് പരിക്ക്,ഒരാളുടെ കൈപ്പത്തി തകര്‍ന്ന നിലയിൽ

നാദാപുരം: കടമേരി ആർഎസി ഹയർസെക്കൻഡറി സ്കൂളിലെ പ്ലസ് വൺ പരീക്ഷയിൽ ആൾമാറാട്ടം നടത്തിയ സംഭവത്തിൽ വിദ്യാഭ്യാസ വകുപ്പ് അന്വേഷണം നടത്തും. പരീക്ഷ എഴുതേണ്ട വിദ്യാർഥിക്കെതിരേ ജുവനയിൽ ജസ്റ്റിസ്‌ ബോർഡിന് റിപ്പോർട്ട് നൽകും. വിദ്യാർഥിയുടെ പ്ലസ് വൺ രജിസ്‌ട്രേഷൻ റദ്ദാക്കാൻ സാധ്യതയുണ്ട്. ആൾമാറാട്ടം നടത്തിയ മുചുകുന്ന് പുളിയഞ്ചേരി സ്വദേശി കെ.കെ. മുഹമ്മദ് ഇസ്മയിലിന്റെ അറസ്റ്റ് കഴിഞ്ഞദിവസം പോലീസ് രേഖപ്പെടുത്തിയിരുന്നു. ഇയാൾ ഹാൾടിക്കറ്റിൽ കൃത്രിമം നടത്തുകയായിരുന്നു.
ആർഎസി. ഹയർസെക്കൻഡറി സ്കൂളിൽ ഓപ്പൺസ്കീമിൽ പ്ലസ് വൺ ഇംഗ്ലീഷ് ഇംപ്രൂവ്മെൻറ് പരീക്ഷയെഴുതുന്ന മലപ്പുറം സ്വദേശിയായ മുഹമ്മദ് മിസ്ഹബ് എന്ന വിദ്യാർഥിക്ക് പകരമായാണ് ബിരുദവിദ്യാർഥിയായ മുഹമ്മദ് ഇസ്മായിൽ പരീക്ഷയെഴുതാനെത്തിയത്. രണ്ടുപേരും കടമേരി റഹ്‌മാനിയ കോളേജിൽ മതപഠനത്തിനെത്തിയതിനെ തുടർന്നുള്ള പരിചയമാണ്. ഇവർ താമസിക്കുന്നത് ഒരേ ഹോസ്റ്റലിലാണ്.

കടമേരിയിൽ പ്ലസ് വൺ പരീക്ഷയിൽ ആൾമാറാട്ടം നടത്തിയ സംഭവം;വിദ്യാർഥിയുടെ രജിസ്‌ട്രേഷൻ റദ്ദാക്കിയേക്കും

നാദാപുരം: കടമേരിയില്‍ പ്ലസ്ടു പരീക്ഷയിൽ ആള്‍മാറാട്ടം നടത്തിയ ബിരുദ വിദ്യാര്‍ഥി പിടിയില്‍. മുചുകുന്ന് പുളിയഞ്ചേരി സ്വദേശി കെ.കെ. മുഹമ്മദ് ഇസ്മയില്‍ (18) ആണ് അറസ്റ്റിലായത്. ആര്‍.എ.സി. ഹയര്‍ സെക്കന്‍ഡറി സ്‌കൂളില്‍ പ്ലസ്‌വണ്‍ ഇംഗ്ലീഷ് ഇംപ്രൂവ്‌മെന്റ് പരീക്ഷ എഴുതുന്ന വിദ്യാര്‍ഥിക്ക് പകരം ബിരുദ വിദ്യാര്‍ഥിയായ മുഹമ്മദ് ഇസ്മായിലാണ് പരീക്ഷ എഴുതാനെത്തിയത്. മലപ്പുറം സ്വദേശിയായ മുഹമ്മദ് മിസ്ഹബിന് പകരമാണ് ബിരുദ വിദ്യാർഥിയായ മുഹമ്മദ് ഇസ്മായിൽ പരീക്ഷ എഴുതാനെത്തിയത്. കടമേരി റഹ്മാനിയ കോളേജിൽ മതപഠന വിദ്യാർത്ഥികളാണ് രണ്ടു പേരും.
ക്ലാസില്‍ പരീക്ഷ ഡ്യൂട്ടിയിലുണ്ടായിരുന്ന അധ്യാപകന് സംശയം തോന്നി ചോദ്യം ചെയ്തതപ്പോഴാണ് ആള്‍മാറാട്ടം മനസിലായത്. ഹാള്‍ ടിക്കറ്റില്‍ കൃത്രിമം നടത്തുകയായിരുന്നു. അധ്യാപകന്‍ വിവരം അറിയിച്ചതിനെ തുടര്‍ന്ന് പ്രിന്‍സിപ്പാള്‍ വിദ്യാഭ്യാസ അധികൃതര്‍ക്കും പോലീസിലും പരാതി നല്‍കി.
തുടര്‍ന്ന് നാദാപുരം പോലീസെത്തി പ്രതിയെ കസ്റ്റഡിയില്‍ എടുത്ത് സ്റ്റേഷനിലെത്തിച്ച് അറസ്റ്റ് രേഖപ്പെടുത്തി. പ്രതിയെ നാള കോടതിയില്‍ ഹാജരാക്കുമെന്ന് പോലീസ് അറിയിച്ചു.

കടമേരിയിൽ പ്ലസ് വൺ പരീക്ഷയിൽ ആള്‍മാറാട്ടം; ബിരുദ വിദ്യാര്‍ഥി പിടിയില്‍

Search Results for: kozhikkode