ഇടുക്കി: വൈദ്യുതി ലൈനിലേക്ക് വീണ മരച്ചില്ല വെട്ടി നീക്കുന്നതിനിടെ ഷോക്കേറ്റ് ലൈൻമാൻ മരിച്ചു. കാഞ്ഞാർ സംഗമംകവല മാളിയേക്കൽ കോളനിക്കു സമീപം കോണിക്കൽ കെ.എ. അൻസ് (45) ആണ് മരിച്ചത്. ഏലപ്പാറ കോഴിക്കാനം കിഴക്കേ പുതുവലിൽ ലൈനിൽ കിടന്ന മരം വെട്ടിമാറ്റുന്നതിനിടെ ഷോക്കേൽക്കുകയായിരുന്നു. ഉടൻ തന്നെ ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരണം സംഭവിച്ചു.

വൈദ്യുതി ലൈനിലേക്ക് വീണ മരച്ചില്ല വെട്ടി നീക്കുന്നതിനിടെ  ലൈൻമാൻ ഷോക്കേറ്റ് മരിച്ചു

Kerala

തൃശൂർ: മൂത്രം പരിപാവനവും പരിശുദ്ധവുമാണെന്നും സകലവിധ അസുഖങ്ങള്‍ക്കും അത് കുടിക്കാമെന്നും ആശുപത്രികൾ കയറിയിറങ്ങേണ്ടതില്ലെന്നും നടൻ കൊല്ലം തുളസി. തൃശൂരിൽ യൂറിന്‍ തെറാപ്പി സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കുടിച്ചു തുടങ്ങിയാൽ കുറച്ചുകാലം കൂടി ജീവിക്കാമെന്നും ചികിത്സ ചെലവുകൾ താങ്ങാനാവാത്ത പാവപ്പെട്ടവരെ കണ്ടെത്തി അവരെ പറഞ്ഞു മനസ്സി​ലാക്കേണ്ട ധാർമികമായ കടമ നമുക്കുണ്ടെന്നും അദ്ദേഹം കൂട്ടിച്ചേർത്തു.
‘എല്ലാ വൈദ്യശാസ്ത്രവും പരാജയപ്പെടുമ്പോഴും എല്ലാ വാതിലുകളും കൊട്ടിയടയുമ്പോഴും എന്തിനെയും കയറി പ്രാപിക്കാൻ ശ്രമിക്കുന്ന മാനസികാവസ്ഥ എല്ലാവർക്കും ഉണ്ടാവാറുണ്ട്. എനിക്ക് കാൻസർ പിടിപെട്ടപ്പോൾ കുറച്ചുനാൾ കൂടി ജീവിച്ചിരിക്കണമെന്ന മോഹം കാരണം പല വഴികളും തേടിയിരുന്നു. അ​ക്കൂട്ടത്തിലാണ് യൂറിൻ തെറാപ്പിയെ കുറിച്ചറിയുന്നത്. ഞാൻ വിജയിച്ചു. എനിക്കിപ്പോൾ 75 വയസ്സായി. എന്റെ ബലത്തിന്, ശക്തിക്ക് എന്റെ രക്ഷകനായി യൂറിൻ ഉള്ളിടത്തോളം ഞാൻ നിൽക്കും, ഉറപ്പാണ്. നമ്മൾ തമ്മിൽ ഇനിയും കാണണമെന്നുണ്ടെങ്കിൽ നിങ്ങൾ ഇപ്പോൾ തന്നെ മൂത്രം കുടിച്ചു തുടങ്ങിക്കോ. ഒരു ചെലവുമില്ല. ആശുപത്രിയിൽ പോകണ്ട, ഡോക്ടറെ കാണണ്ട, മെഡിക്കൽ ഷോപ്പിൽ പോകണ്ട. അറിയുക, കുടിക്കുക. പലരും ഉപയോഗിക്കുന്നുണ്ട്. എന്നാൽ, പറയാൻ ചമ്മലാണ്. ഇന്നല്ലെങ്കിൽ നാളെ ലോകം ഉറക്കെ പറയുന്ന അവസരം വരും. ഞാൻ ഇക്കാര്യം ഉറക്കെപ്പറയുന്നതിന് വളരെ മ്ലേച്ചമായ തെറികൾ കേൾക്കേണ്ടിവന്നിട്ടുണ്ട്. എന്റെ മൂത്രം ഞാൻ കുടിക്കുന്നതിനാണ് ഞാനീ തെറി കേൾക്കുന്നത്’ -കൊല്ലം തുളസി പറഞ്ഞു.
‘മൂ​ത്രം പരിപാവനമാണ്, പരിശുദ്ധമാണ്, ഉപയോഗപ്രദമാണ്. അസുഖം വന്നാൽ ആശുപത്രികൾ കയറിയിറങ്ങി സാധാരണക്കാരന്റെ ജീവിതം താറുമാറാകും. ലക്ഷക്കണക്കിനും കോടിക്കണക്കിനും രൂപ ചെലവായാലും ജീവൻ തിരിച്ചുകിട്ടാത്ത അവസ്ഥയാണ് ആധുനിക ലോകത്ത്. വിലയില്ലാതെ കിട്ടുന്ന വസ്തുവാണ് മൂത്രം. ഭാര്യയറിയാതെ ഭർത്താവിനും ഭർത്താവറിയാതെ ഭാര്യക്കും കുടിക്കാം. ഇതിന് ഒരു നാറ്റവുമില്ല. നിങ്ങളുടെ സകലവിധ അസുഖങ്ങൾക്കും നാണമില്ലാതെ മാനമില്ലാതെ കുടിക്കുക. നമ്മുടെ മൂത്രമാണ്, അന്യന്റേതല്ല. കുടിച്ചു തുടങ്ങിക്കോ. കുറച്ചുകാലം കൂടി ജീവിക്കാം, പണച്ചെലവില്ല. മെഡിക്കൽ ചെലവുകൾ താങ്ങാനാവാത്ത പാവപ്പെട്ടവരെ കണ്ടെത്തി അവരെ പറഞ്ഞു മനസ്സി​ലാക്കേണ്ട ധാർമികമായ കടമ നമുക്കുണ്ട്’ -കൊല്ലം തുളസി കൂട്ടിച്ചേർത്തു.
മൂത്രം കുടിക്കരുത്, വിഷാംശമുണ്ടെന്ന് വൈദ്യശാസ്ത്രം
മുമ്പും മൂത്രം കുടിക്കുന്നതിന് പ്രോത്സാഹനവുമായി കൊല്ലം തുളസി രംഗത്തെത്തിയിരുന്നു. എന്നാൽ, ശരീരത്തിന് ആവശ്യമില്ലാത്ത വിഷാംശങ്ങളടങ്ങിയതാണ് മലവും മൂത്രവുമെന്നും മൂത്ര ചികിത്സ അശാസ്ത്രീയമാണെന്നുമുള്ള മുന്നറിയിപ്പുമായി ഡോക്ടർമാർ രംഗത്തെത്തി. ക്രിയാറ്റിനും അമോണിയയും ഉൾപ്പെടെയുള്ളവ മൂത്രത്തിലൂടെ ശരീരം പുറംതള്ളുന്നുണ്ടെന്നും രോഗം മാറ്റാൻ കഴിയുമെന്നത് ശാസ്ത്രീയ പരിശോധനയിലും മറ്റും തെളിയിക്കാൻ കഴിയാത്ത കാര്യമാണെന്നും വെറും പൗരാണികത മാത്രം പറഞ്ഞാൽ ശാസ്ത്രമാവില്ലെന്നുമായിരുന്നു ​ഡോക്ടർമാരുടെ മുന്നറിയിപ്പ്.

പരിപാവനം പരിശുദ്ധം, എല്ലാ അസുഖങ്ങള്‍ക്കും കുടിക്കാം’; മൂ​ത്ര ചികിത്സയെ പിന്തുണച്ച്  കൊല്ലം തുളസി

അന്തിക്കാട്: രണ്ടു വയസുകാരനെ വീടിന് സമീപമുള്ള പാടത്ത് വെള്ളത്തിൽ മുങ്ങി മരിച്ച നിലയിൽ കണ്ടെത്തി. പഴുവിൽ വെസ്റ്റ് ജവഹർ റോഡിൽ തറയിൽ സിജൊയുടെ മകൻ ജെർമിയാണ് മരിച്ചത്. ഞായറാഴ്ച വൈകീട്ട് 3.30 ഓടെയായിരുന്നു സംഭവം.
കുട്ടിയെ കാണാതായതോടെ വീട്ടുകാർ അന്വേക്ഷിച്ചപ്പോഴാണ് വെള്ളം നിറഞ്ഞ പാടത്ത് മരിച്ച നിലയിൽ കണ്ടത്. പഴുവിലിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു.
വീടിന് സമീപത്തെ ഗെയ്റ്റ് ആരോ തുറന്നപ്പോൾ കുട്ടി അതു വഴി പാടത്തേക്ക് ഇറങ്ങിയതാകാമെന്നാണ് നിഗമനം. അന്തിക്കാട് പൊലീസ് മേൽ നടപടി സ്വീകരിച്ചു. മാതാവ്: സീമ. സഹോദരങ്ങൾ: ജെയ്ഡൻ, ജോഷ്വ.

രണ്ടു വയസുകാരൻ പാടത്ത് മുങ്ങിമരിച്ച നിലയിൽ

വടകര: തിരഞ്ഞെടുപ്പിനോട് അനുബന്ധിച്ച് കാഫിർ പ്രയോഗം നടത്തി സമൂഹത്തിൽ വർഗീയ ചേരിതിരിവും സംഘർഷങ്ങളും കലാപങ്ങളുമുണ്ടാക്കാൻ പ്രേരിപ്പിക്കുന്ന സ്ക്രീൻഷോട്ട് തയ്യാറാകുകയും പ്രചരിപ്പിക്കുകയും ചെയ്ത രാജ്യ ദ്രോഹികളായ കുറ്റവാളികളെ ഒരു മാസം പിന്നിട്ടും അന്വേഷിച്ചു കണ്ടുപിടിക്കാൻ തയ്യാറാവാത്ത പോലീസ് നടപടി പ്രധിഷേധാർഹമാണെന്ന് യു ഡി എഫ്. പോലീസിനു പരാതി കൊടുത്തിട്ടും നിരവധി തവണ ആവിശ്യപെട്ടിട്ടും സമരങ്ങൾ നടത്തിയിട്ടും പ്രതികളെ പിടികൂടാതെ പോലീസ് നടപടി ദുരൂഹവും ഉത്കണ്ഠാജനകവുമാണ്.
സമൂഹത്തിന്റെ ഭദ്രത തകർക്കുന്ന അപകടകാരികളായ പ്രതികളെ ഉടൻ പിടികൂടണമെന്ന് ആവിശ്യപെട്ടുകൊണ്ട് മെയ്‌ 30 വ്യാഴാഴ്ച രാവിലെ 10 മണിക്ക് യു ഡി എഫ് -ആർ എം പി സംയുക്താഭിമുഖ്യത്തിൽ വടകര എസ് പി ഓഫീസിനു മുമ്പിൽ ധർണ നടത്തും. കെ. മുരളീധരൻ എം.പി ഉൽഘാടനം ചെയ്യും. കെ. കെ രമ എം എൽ എ ഉൾപ്പടെ യു ഡി എഫ് - ആർ എം പി സംസ്ഥാന ജില്ലാ നേതാക്കൾ പങ്കെടുക്കുമെന്ന് യു ഡി എഫ് നേതാക്കൾ അറിയിച്ചു.

കാഫിർ പ്രചരണത്തിലെ പ്രതികളെ പിടികൂടുക: യു ഡി എഫ് -ആർ എം പി ധർണ 30 ന് വടകരയിൽ

Vadakara

കായംകുളം: കായംകുളത്ത് 14കാരനെ ക്രൂരമായി മർദിച്ച സംഭവത്തിൽ പ്രതിയായ ബി.ജെ.പി നേതാവ് കുഴഞ്ഞുവീണ് മരിച്ചു. ബി.ജെ.പി കാപ്പിൽ കിഴക്ക് ബൂത്ത് പ്രസിഡന്റ്‌ ആലമ്പള്ളിൽ മനോജാണ് വീട്ടിൽ കുഴഞ്ഞു വീണ് മരിച്ചത്. ഞായറാഴ്ച ഉച്ചക്കായിരുന്നു സംഭവം.
കഴിഞ്ഞ ഞായറാഴ്ചയാണ് കൃഷ്ണപുരം കാപ്പിൽ കിഴക്ക് വി.എസ് നിവാസിൽ ഷാജി– ഫാത്തിമ ദമ്പതികളുടെ മകൻ ഷാഫിയെ മനോജ് മർദിച്ചത്. ഗുരുതര പരിക്കേറ്റ കുട്ടി ആലപ്പുഴ മെഡിക്കൽ കോളജ് ആശുപത്രിയിൽ ചികിത്സയിലാണ്. കേസിൽ റിമാൻഡിലായിരുന്ന മനോജിന് വ്യാഴാഴ്ചയാണ് ജാമ്യം ലഭിച്ചത്.

14കാരനെ മർദിച്ച് പരിക്കേൽപിച്ച ബി.ജെ.പി നേതാവ് കുഴഞ്ഞുവീണ് മരിച്ചു

കോട്ടയം: വടവാതൂരില്‍ ഭാര്യയുടെ കാമുകനെന്ന് സംശയിച്ച് യുവാവ് ബന്ധുവിനെ കൊലപ്പെടുത്തി. വണ്ടിപ്പെരിയാര്‍ സ്വദേശിയായ അജീഷ് ആണ് ബന്ധുവായ ചെങ്ങളം സ്വദേശി രഞ്ജിത്തിനെ(40) കൊലപ്പെടുത്തിയത്. ആക്രമണത്തില്‍ രഞ്ജിത്തിന്റെ സുഹൃത്തിനും പരിക്കേറ്റിട്ടുണ്ട്.
ശനിയാഴ്ച രാത്രിയായിരുന്നു സംഭവം. വഴിയില്‍ പതിയിരുന്ന അജീഷ്, രഞ്ജിത്തിനെയും സുഹൃത്തിനെയും വാക്കത്തി കൊണ്ട് ആക്രമിച്ചെന്നാണ് വിവരം. സംഭവത്തിന് ശേഷം പ്രതി രക്ഷപ്പെട്ടു. ഇയാള്‍ക്കായി പോലീസ് അന്വേഷണം ആരംഭിച്ചു.
രഞ്ജിത്തും സുഹൃത്തായ റിജോയും ജോലികഴിഞ്ഞ് ബസില്‍ വന്നിറങ്ങിയതായിരുന്നു വടവാതൂര്‍ കവലയില്‍. തുടര്‍ന്ന് താമസസ്ഥലത്തേക്ക് നടന്നുപോകുന്നതിനിടെ പതിയിരുന്ന അജീഷ് ആക്രമണം നടത്തുകയായിരുന്നു. ആദ്യ വെട്ടേറ്റത് റിജോയ്ക്കാണ്. വെട്ടേറ്റ റിജോ സമീപത്തെ സ്വകാര്യ ആശുപത്രിയിലേക്ക് ഓടിക്കയറി. തന്റെ കൂടെയുള്ള ഒരാള്‍ക്കും വെട്ടേറ്റിട്ടുണ്ടെന്ന് റിജോ ആശുപത്രിയിലുള്ളവരെ അറിയിച്ചു. അവിടെ നിന്ന് ആളുകളെത്തിയപ്പോള്‍ വെട്ടേറ്റ് രക്തത്തില്‍ കുളിച്ച് കിടക്കുന്ന രഞ്ജിത്തിനെയാണ് കണ്ടത്. തുടര്‍ന്ന് ആശുപത്രിയിലെത്തിച്ചെങ്കിലും വൈകാതെ രഞ്ജിത്ത് മരിച്ചു.

ഭാര്യയുമായി ബന്ധമെന്ന് സംശയം: യുവാവിനെ വെട്ടി കൊലപ്പെടുത്തി

കൊയിലാണ്ടി: ഉള്ളിയേരി കാണയങ്കോട്ട് ലോറിയും ബൈക്കും കൂട്ടിയിടിച്ച് ഒരാൾ മരിച്ചു. ഉള്ളിയേരി മുണ്ടോത്ത് പറാട്ടാം പറമ്പത്ത് പ്രബീഷിന്റെ മകൻ അഭിഷേക് (17) ആണ് മരിച്ചത്. ഞായറാഴ്ച രാവിലെ 6.30നാണ് അപകടം. അമിത വേഗത്തിൽ എത്തിയ ബൈക്ക് ലോറിയിൽ ഇടിക്കുകയായിരുന്നു.കൊയിലാണ്ടി: ഉള്ളിയേരി കാണയങ്കോട്ട് ലോറിയും ബൈക്കും കൂട്ടിയിടിച്ച് ഒരാൾ മരിച്ചു. ഉള്ളിയേരി മുണ്ടോത്ത് പറാട്ടാം പറമ്പത്ത് പ്രബീഷിന്റെ മകൻ അഭിഷേക് (17) ആണ് മരിച്ചത്. ഞായറാഴ്ച രാവിലെ 6.30നാണ് അപകടം. അമിത വേഗത്തിൽ എത്തിയ ബൈക്ക് ലോറിയിൽ ഇടിക്കുകയായിരുന്നു.

ഉള്ളിയേരിയിൽ ബൈക്ക് ലോറിയിൽ ഇടിച്ച് ഒരു മരണം

Koyilandy

തിരുവനന്തപുരം: കെ.എസ്.യു സംസ്ഥാന കാമ്പിനിടെ അംഗങ്ങൾ ചേരിതിരിഞ്ഞ് മർദനം. നെയ്യാർ ഡാമിൽ നടക്കുന്ന സംസ്ഥാന കാമ്പിലാണ് കൂട്ടയടി. പ്രവർത്തകർ തമ്മിൽ പൊരിഞ്ഞ തല്ലാണ് നടന്നത്. ഗ്രൂപ്പ് സമവാക്യങ്ങളെ ചൊല്ലിയാണ് തർക്കം നടന്നത്. കഴിഞ്ഞ ദിവസം അർധരാത്രിയോടെയാണ് സംഭവം. അക്രമത്തിനിടെ നിരവധി പ്രവർത്തകർക്കു പരുക്കേറ്റു.
ഇതിനിടെ, രാജീവ് ഗാന്ധി ഇൻസ്റ്റിറ്റ്യൂട്ടിന്റെ ജനൽ ചില്ലുകൾ പ്രവർത്തകർ തകർന്നു.സംഭവം ഏറെ ഗൗരവത്തോടെ കാണാനാണ് ​കെ.പി.സി.സി തീരുമാനം. ഈ വിഷയത്തിൽ ഇന്നുതന്നെ അന്വേഷണ റിപ്പോർട്ട് സമർപ്പിക്കാൻ കെ.പി.സി.സി ആവശ്യപ്പെട്ടിരിക്കുകയാണ്. ഇതിനായി മൂന്നംഗ സമിതിയെ നിയോഗിച്ചു.
മാതൃസംഘടനയിലേതുപോലെ കെ.എസ്.യുവിനകത്തും ഗ്രൂപ്പ് നിലനിൽക്കുന്നുണ്ട്. എന്നാൽ, അടുത്ത കാലത്തായി ഗ്രൂപ്പുകൾക്കുള്ളിൽ ​പുതിയ സമവാക്യങ്ങൾ ഉടലെടുത്തതായും ഇവർ തമ്മിലുള്ള മൂപ്പിളമ തർക്കമാണ് മർദത്തിലേക്ക് നയിച്ചതെന്നുമാണ് അറിയുന്നത്. ഇതിനിടെ, കാമ്പിൽ ഡി.ജെ സംഘടിപ്പിച്ചിരുന്നു. ഇതിനിടെയുണ്ടായ വാക്കുതർക്കമാണ് സംഘർഷത്തിൽ കലാശിച്ചതെന്ന് പറയുന്നവരുണ്ട്.

കെ.എസ്.യു സംസ്ഥാന കാമ്പിൽ ചേരി തിരിഞ്ഞ് കൂട്ടത്തല്ല്; നിരവധി പേർക്ക് പരുക്ക്

തൃശ്ശൂര്‍: കളിക്കുന്നതിനിടെ തോട്ടിലെ വെള്ളത്തില്‍ മുങ്ങിയ കുട്ടിയെ രക്ഷിക്കാനിറങ്ങിയ പതിനാലുകാരന്‍ ചെളിയില്‍ പൂണ്ട് മരിച്ചു. വെള്ളറക്കാട് കക്കാട്ടുപാറയില്‍ വ്യക്തിയുടെ തോട്ടില്‍ (പറമ്പ് നനയ്ക്കാനുണ്ടാക്കിയ കുഴി) ശനിയാഴ്ച രാവിലെ പത്തരയോടെയാണ് അപകടം. എടപ്പാള്‍ ചെമ്പകശ്ശേരി പുരുഷോത്തമന്റെയും അബിതയുടെയും മകന്‍ അക്ഷയ് ആണ് മരിച്ചത്.
വേനലവധിക്ക് വെള്ളറക്കാട്ടെ അമ്മവീട്ടില്‍ എത്തിയ അക്ഷയ് തോടിനു സമീപത്തെ പറമ്പില്‍ കളിക്കാന്‍ പോയതാണ്. ഈ സമയം അയല്‍പ്പക്കത്തെ വീട്ടിലെത്തിയ കുട്ടികള്‍ പാടവും പറമ്പും കാണാനെത്തി. ഇക്കൂട്ടത്തിലൊരു കുട്ടി തോട്ടിലിറങ്ങിയപ്പോള്‍ വെള്ളത്തില്‍ മുങ്ങി. നിലവിളി കേട്ട് ഓടിയെത്തിയ അക്ഷയ് വെള്ളത്തിലിറങ്ങി കുട്ടിയെ പുറത്തെടുക്കാന്‍ ശ്രമിച്ചു. ബഹളം കേട്ട് എത്തിയ നാട്ടുകാരന്‍ ഹരിലാല്‍ ആദ്യം വീണ കുട്ടിയെയും രക്ഷിക്കാനിറങ്ങി തോട്ടിലെ വെള്ളത്തില്‍ കുടുങ്ങിയ മറ്റുള്ളവരെയും കരയ്‌ക്കെത്തിച്ചു.
ഈ സമയം അക്ഷയ് വെള്ളത്തില്‍ മുങ്ങിത്താഴുകയായിരുന്നു. നീന്തലറിയാമായിരുന്നിട്ടും അക്ഷയ് വെള്ളത്തിനടിയിലെ ചെളിയില്‍പ്പെടുകയായിരുന്നു. ഓടിയെത്തിയ നാട്ടുകാര്‍ക്ക് ഏറെ പരിശ്രമിച്ചിട്ടും അക്ഷയ്യെ കണ്ടെത്താനായില്ല. കുന്നംകുളം അഗ്‌നിരക്ഷാസേന സ്ഥലത്തെത്തി. സ്‌കൂബ ഡൈവര്‍ സുരേഷ്‌കുമാര്‍ ഇരുപതോളം അടി താഴ്ചയില്‍നിന്ന് മൃതദേഹം കണ്ടെത്തി പുറത്തെത്തിച്ചു.
അസിസ്റ്റന്റ് സ്റ്റേഷന്‍ ഓഫീസര്‍ ജയകുമാര്‍, ബെന്നി മാത്യു, രവീന്ദ്രന്‍, റഫീഖ്, നവാസ്, ബാബു, എം.ജി. ആദര്‍ശ്, ടോണി ജോസ്, ഹരി സി. പിള്ള, ആര്‍.കെ. ജിഷ്ണു, എം.ജി. ശ്യാം, ശരത് സ്റ്റാലിന്‍, വിഷ്ണുദാസ്, രഞ്ജിത്ത് എന്നിവര്‍ രക്ഷാപ്രവര്‍ത്തനത്തില്‍ പങ്കെടുത്തു. വട്ടംകുളം ടെക്നിക്കല്‍ ഹയര്‍ സെക്കന്‍ഡറി സ്‌കൂളിലെ ഒന്‍പതാംതരം വിദ്യാര്‍ഥിയാണ്. സഹോദരി: അവന്തിക.

തോട്ടില്‍ മുങ്ങിയ കുട്ടിയെ രക്ഷിക്കാനിറങ്ങി: 14-കാരന്‍ ചെളിയില്‍ പൂണ്ട് മരിച്ചു

കോഴിക്കോട്: സ്വർണവിലയിൽ ഇന്ന് വൻ ഇടിവ്. പവന് 800 രൂപ കുറഞ്ഞ് 46,280 രൂപയാണ് ഇന്നത്തെ വില. ഗ്രാമിന് 100 രൂപ കുറഞ്ഞ് 5785 രൂപയായി. ഇന്നലെ ഈ മാസത്ത ഏറ്റവുമുയർന്ന വിലയായ 47,080 രൂപയായിരുന്നു പവൻ വില. തുടർച്ചയായി വില കയറിയ ശേഷമാണ് ഇന്ന് പവന് 800 രൂപ കുറഞ്ഞത്.
രാജ്യാന്തര ഓഹരിവിപണികളിലുൾപ്പടെ വൻ നേട്ടമുണ്ടായ പശ്ചാത്തലത്തിലാണ് സ്വർണത്തിന് വില കുറഞ്ഞത്. നിക്ഷേപകർ ഓഹരികളിലേക്ക് തിരിയുന്നതായാണ് അനുമാനം. നവംബർ 13ന് 44,360 രൂപയായിരുന്നു സ്വർണവില. മൂന്നാഴ്ചകൊണ്ട് ഇത് 47,080 വരെ വർധിച്ചു. 2720 രൂപയുടെ വർധനവാണ് പവനുണ്ടായത്.

പവന് 800 രൂപ കുറഞ്ഞ് 46,280 രൂപയാണ് ഇന്നത്തെ വില

Search Results for: stop