കൊല്ലം: സ്കൂൾ സമയം മാറ്റാൻ സർക്കാർ തീരുമാനിച്ചിട്ടില്ലെന്ന് പൊതുവിദ്യാഭ്യാസ മന്ത്രി വി. ശിവൻകുട്ടി. വിദ്യാഭ്യാസ കലണ്ടർ പ്രകാരം 220 ദിവസം പ്രവൃത്തിദിവസമാക്കിയതിന് കോടതി വിധിപ്രകാരമാണ്. ഇതിനെ പല വിദ്യാഭ്യാസ സംഘടനകളും ചോദ്യംചെയ്തിരുന്നു. കൊല്ലം സെന്റ് അലോഷ്യസ് ഹയർസെക്കൻഡറി സ്‌കൂളില്‍ നടന്ന പൊതുവിദ്യാഭ്യാസ വകുപ്പിലെ ഫയലുകള്‍ തീര്‍പ്പാക്കുന്ന മേഖലാതല അദാലത്തിനെത്തിയ അദ്ദേഹം വാർത്തസമ്മേളനത്തിൽ സംസാരിക്കുകയായിരുന്നു.
ദുരിതാശ്വാസ ക്യാമ്പുകളിൽ കഴിയുന്ന കുട്ടികളെ എത്രയുംവേഗം പഠനത്തിലേക്ക് തിരികെക്കൊണ്ടുവരുകയാണ് ലക്ഷ്യം. ഇക്കാര്യത്തിൽ സംസ്ഥാന സ്ട്രീം എന്നോ സി.ബി.എസ്.ഇ എന്നോ വ്യത്യാസമുണ്ടാകില്ല. ദുരന്തം വിദ്യാഭ്യാസ മേഖലയെ എങ്ങനെ ബാധിച്ചുവെന്നത് സംബന്ധിച്ച് റിപ്പോർട്ട് തയാറാക്കും. വയനാട് വിദ്യാഭ്യാസ ഡെപ്യൂട്ടി ഡയറക്ടറുടെ നേതൃത്വത്തിൽ ഇതിനുള്ള പ്രവർത്തനം ആരംഭിച്ചുവെന്നും മന്ത്രി'അറിയിച്ചു..

സ്കൂൾ സമയം മാറ്റാൻ സർക്കാർ തീരുമാനിച്ചിട്ടില്ലെന്ന് മന്ത്രി ശിവൻകുട്ടി

Kerala

ബംഗളൂരു: മലയാളി നഴ്‌സിംഗ് വിദ്യാര്‍ത്ഥിനിയെ ബംഗളൂരുവില്‍ മരിച്ച നിലയില്‍ കണ്ടെത്തി. പാലക്കാട് സ്വദേശിനി അതുല്യ ഗംഗാധരന്‍ (19 വയസ്) ആണ് മരിച്ചത്. പാലക്കാട് ജില്ലയിലെ പുതുക്കോട് സ്വദേശി ഗംഗാധരന്റെ മകളാണ് മരിച്ച അതുല്യ.ബംഗളൂരുവില്‍ താമസിക്കുന്ന ഹോസ്റ്റല്‍ പ്രവര്‍ത്തിച്ചിരുന്ന കെട്ടിടത്തിന്റെ മുകളില്‍ നിന്ന് താഴേക്ക് വീണ നിലയിലാണ് അതുല്യയുടെ മൃതദേഹം കണ്ടെത്തിയത്. . ബിഎസ്‌സി നഴ്‌സിംഗ് ഒന്നാം വര്‍ഷ വിദ്യാര്‍ത്ഥിനിയായിരുന്നു.
മരണത്തിന് കാരണമെന്താണെന്ന് ഇനിയും വ്യക്തമായിട്ടില്ല.അന്വേഷണം നടക്കുകയാണ് നിലവില്‍. പോസ്റ്റ്‌മോര്‍ട്ടം നടപടികള്‍ പൂര്‍ത്തിയാക്കിയ ശേഷം അതുല്യയുടെ മൃതദേഹം ചൊവ്വാഴ്ച പാലക്കാട്ടെ വീട്ടില്‍ എത്തിക്കുമെന്ന് ബന്ധുക്കള്‍ അറിയിച്ചു.അമ്മ: ബിജിത. സഹോദരന്‍: അഖില്‍ (ദുബായ്).സംസ്‌കാരം ചൊവ്വാഴ്ച തിരുവില്വാമല ഐവര്‍മഠം ശ്മശാനത്തില്‍

ബെംഗളൂരുവില്‍ ഹോസ്റ്റല്‍ കെട്ടിടത്തില്‍നിന്ന് വീണ് മലയാളി നഴ്‌സിങ് വിദ്യാര്‍ഥിനി മരിച്ചു

National

കൊ​ച്ചി: വ​യ​നാ​ടി​ന് കൈ​ത്താ​ങ്ങു​മാ​യി ലു​ലു ഗ്രൂ​പ് ചെ​യ​ര്‍മാ​ന്‍ എം.​എ. യൂ​സു​ഫ​ലി. മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക് അ​ഞ്ചു​കോ​ടി രൂ​പ കൈ​മാ​റി. മു​ണ്ട​ക്കൈ, ചൂ​ര​ല്‍മ​ല മേ​ഖ​ല​ക​ളി​ലെ പു​ന​ര​ധി​വാ​സ പ്ര​വ​ര്‍ത്ത​ന​ങ്ങ​ള്‍ക്കാ​യാ​ണ് സ​ഹാ​യം.&nbsp;
യൂ​സു​ഫ​ലി​ക്കു​വേ​ണ്ടി ലു​ലു ഗ്രൂ​പ് ഇ​ന്ത്യ ‍ഡ​യ​റ​ക്ട​ര്‍ ആ​ന്‍ഡ് സി.​ഇ.​ഒ എം.​എ. നി​ഷാ​ദ്, ലു​ലു ഗ്രൂ​പ് റീ​ജ​ന​ല്‍ ഡ​യ​റ​ക്ട​ര്‍ ജോ​യ് ഷ​ഡാ​ന​ന്ദ​ന്‍ എ​ന്നി​വ​ര്‍ ചേ​ര്‍ന്നാ​ണ് മു​ഖ്യ​മ​ന്ത്രി പി​ണ​റാ​യി വി​ജ​യ​ന് തു​ക കൈ​മാ​റി​യ​ത്.

വ​യ​നാ​ടി​ന് കൈ​ത്താ​ങ്ങു​മാ​യി യൂ​സു​ഫ​ലി ;ദു​രി​താ​ശ്വാ​സ നി​ധി​യി​ലേ​ക്ക് അ​ഞ്ചു​കോ​ടി രൂ​പ കൈ​മാ​റി

കൽപറ്റ: വയനാട് ഉരുൾപൊട്ടൽ ദുരന്തബാധിതരെ പുനരധിവസിപ്പിക്കുന്നതിന്റെ ഭാഗമായി 100 വീടുകൾ നിർമിച്ച് നൽകുമെന്ന് മുസ്‌ലിം ലീഗ് സംസ്ഥാന അധ്യക്ഷൻ സാദിഖലി ശിഹാബ് തങ്ങൾ പറഞ്ഞു.
ദുരിതബാധിതരുടെ അതിജീവനത്തിന് ആവശ്യമായ തൊഴിൽ, ചികിത്സ, വിദ്യാഭ്യാസം തുടങ്ങിയ സമഗ്രമായ പുനരധിവാസ പാക്കേജ് നടപ്പാക്കുമെന്നും അദ്ദേഹം പറഞ്ഞു. അതിനാവശ്യമായ ഫണ്ട് സമാഹരണവുമായി മുന്നോട്ടുപോകാനാണ് തീരുമാനം. മുസ്‌ലിം ലീഗിന്റെ സഹായ നിധിയിലേക്ക് സംഭാവന നൽകിയവരുടെ വിശ്വാസം പൂർണമായും സംരക്ഷിക്കുമെന്ന് തങ്ങൾ കൂട്ടിച്ചേർത്തു.പുനരധിവാസ പദ്ധതിക്കായി സർക്കാർ സഹകരണവും ലഭിക്കുമെന്നാണ് പ്രതീക്ഷിക്കുന്നതെന്ന് പാർട്ടി ജനറൽ സെക്രട്ടറി പി.കെ.കുഞ്ഞാലിക്കുട്ടിയും വ്യക്തമാക്കി.&nbsp;

വയനാട് ദുരന്തം: മുസ്‌ലിം ലീഗ് 100 വീടുകൾ നിർമിച്ചു നൽകും

ദമ്മാം: മലയാളി യുവാവ്​ ഹൃദയാഘാതത്തെ തുടർന്ന് ​ മരിച്ചു. എ.ജി.സി കാർ അക്​സസറീസ് എന്ന കമ്പനിയിലെ ജീവനക്കാരൻ അത്തോളി കുന്നത്തറ സ്വദേശി അയൂബ് (34) ആണ്​ മരിച്ചത്​.
കുഴഞ്ഞു വീണതിനെ തുടർന്ന് ദമ്മാം സെൻട്രൽ ആശുപത്രിയിൽ പ്രവേശിപ്പിച്ചെങ്കിലും മരിച്ചു. ദമ്മാമിൽ ഒപ്പമുണ്ടായിരുന്ന കുടുംബം രണ്ടുദിവസം മുമ്പാണ്​ നാട്ടിലേക്ക്​ പോയത്​.സഹോദരന്റെ വിവാഹത്തിൽ പ​ങ്കെടുക്കാൻ അടുത്തയാഴ്ച അയൂബും നാട്ടിലേക്ക് പോകാനിരിക്കെയാണ് മരണം. മൃതദേഹം നാട്ടിലെത്തിക്കാനുള്ള നടപടിക്രമങ്ങൾ പൂർത്തിയായി വരുന്നതായി കമ്പനി അധികൃതർ അറിയിച്ചു

അത്തോളി സ്വദേശി ദമ്മാമിൽ നിര്യാതനായി

Gulf

അടൂർ: പിഞ്ചുമക്കളോടൊപ്പം ഭാര്യവീട്ടിലേക്ക് സ്കൂട്ടറിൽ പോക​വേ നിയന്ത്രണം വിട്ട് ഡിവൈഡറിൽ ഇടിച്ച് പിതാവ് മരിച്ചു. ഒപ്പം സഞ്ചരിച്ച രണ്ടു മക്കൾ പരിക്കുകളോടെ രക്ഷപ്പെട്ടു. അടൂർ പറന്തൽ ഇടക്കോട് ജീസസ് വില്ലയിൽ തോമസ് ബെന്നി (45) ആണ് മരിച്ചത്. ആറും മൂന്നും വയസുള്ള മക്കളായ സേറ മേരി തോമസ്, ഏബൽ തോമസ് ബെന്നി എന്നിവർ പരിക്കുകളോടെ രക്ഷപ്പെട്ടു.
കെ.പി റോഡിൽ അടൂർ കരുവാറ്റ ജങ്ഷനിലുള്ള സിഗ്നലിനു സമീപം തിങ്കളാഴ്ച ഉച്ചയ്ക്കായിരുന്നു അപകടം. പറന്തൽ ഭാഗത്തു നിന്നും കൊട്ടാരക്കര കലയപുരത്തുള്ള ഭാര്യയുടെ വീട്ടിലേക്ക് പോകും വഴിയാണ് അപകടമുണ്ടായതെന്ന് ബന്ധുക്കൾ പറഞ്ഞു. പരിക്കേറ്റു കിടന്ന തോമസ് ബെന്നിയേയും മക്കളേയും നാട്ടുകാർ അടൂർ ജനറൽ ആശുപത്രിയിൽ എത്തിച്ചെങ്കിലും തോമസ് ബെന്നി മരിച്ചു.ഭാര്യ ബ്ലെസി വിദേശത്തു ജോലി ചെയ്യുകയാണ്. അടൂർ അഗ്നി രക്ഷാ നിലയത്തിനു സമീപം വഴിയോരത്ത് പഴക്കച്ചവടം നടത്തുകയായിരുന്നു തോമസ് ബെന്നി.&nbsp;

മക്കളോടൊപ്പം പോകവേ സ്കൂട്ടർ  നിയന്ത്രണം വിട്ട് അപകടം;പിതാവ് മരിച്ചു

തിരുവനന്തപുരം: തിരുവനന്തപുരത്ത് മൂന്ന് പേർക്ക് കൂടി അമീബിക് മസ്തിഷ്കജ്വരം സ്ഥിരീകരിച്ചു. മെഡിക്കൽ കോളജിൽ ചികിത്സയിൽ കഴിയുന്ന യുവാക്കൾക്കാണ് രോഗം സ്ഥിരീകരിച്ചത്. കഴിഞ്ഞ മാസം 23 ന് മരിച്ച കണ്ണറവിള സ്വദേശിയായ യുവാവിനും രോഗം സ്ഥിരീകരിച്ചിരുന്നു.
കണ്ണറവിളയ്ക്കു സമീപത്തെ കാവിന്‍കുളത്തില്‍ കുളിച്ചതിനു ശേഷമാണ് പനി സ്ഥിരീകരിക്കുന്നതും മരിക്കുന്നതും. ഇതേ കുളത്തിൽ കുളിച്ച മൂന്ന് പേർക്കാണ് ഇന്ന് രോഗം സ്ഥിരീകരിച്ചത്.

തിരുവനന്തപുരത്ത് മൂന്ന് പേർക്ക് കൂടി അമീബിക് മസ്തിഷ്കജ്വരം സ്ഥിരീകരിച്ചു

കോഴിക്കോട് : ഒളവണ്ണയില്‍ വീട് ഇടിഞ്ഞ് ഭൂമിക്കടിയിലേക്ക് താഴ്ന്നു. സക്കീര്‍ എന്നയാളുടെ വീടാണ് തകര്‍ന്നത്. വലിയ ശബ്ദത്തോടെയാണ് വീട് ഇടിഞ്ഞുതാഴ്ന്നത്.&nbsp;
താഴത്തെ നില പൂര്‍ണമായി ഭൂമിക്കടിയിലായി. വീട്ടിലുണ്ടായിരുന്നവര്‍ ഓടിമാറിയതിനാല്‍ വലിയ അപകടം ഒഴിവായി. പ്രദേശം നേരത്തേ ചതുപ്പ് നിലമായിരുന്നു

കോഴിക്കോട് ഒളവണ്ണയിൽ ഇരുനില വീട് ഭൂമിക്കടിയിലേക്ക് താഴ്ന്നു

Kozhikode

അദാനി ഗ്രൂപ്പ് ചെയർമാൻ സ്ഥാനം ഒഴിയുകയാ​ണെന്ന് പ്രഖ്യാപിച്ച് ഗൗതം അദാനി.2030ക​ളുടെ തുടക്കത്തിൽ ചെയർമാൻ സ്ഥാനം ഒഴിയാനാണ് 62കാരനായ അദാനിയുടെ പദ്ധതി. 70 വയസാകുമ്പോഴേക്കും ഗ്രൂപ്പിന്റെ നിയന്ത്രണം മക്കൾക്കും മരുമക്കൾക്കും കൈമാറാനാണ് തീരുമാനം.
സോപ്പ്, എണ്ണ, ഹാൻഡ് വാഷ്, അരി, കൽക്കരി, വൈദ്യുതി എന്നിവയുടെ വിൽപന മുതൽ റോഡ് നിർമാണം, വിമാനത്താവളങ്ങളുടെ പ്രവർത്തന നിയന്ത്രണം, തുറമുഖങ്ങളുടെ നിർമാണവും നിയന്ത്രണവും നിലവിൽ അദാനി ഗ്രൂപ്പിനുണ്ട്.&nbsp;
ബിസിനസിന്റെ സുസ്ഥിരതക്ക് തലമുറ മാറ്റം ആവശ്യമാണെന്നാണ് രാജിവെക്കുന്നതിനെ കുറിച്ച് ഗൗതം അദാനി പ്രതികരിച്ചത്. അദാനി അര​ങ്ങൊഴിയുന്നതോടെ മക്കളായ കരൺ, ജീത്, മരുമക്കൾ പ്രണവ്, സാഗർ എന്നിവർ 213 ബില്യൺ ഡോളർ ആസ്തിയുള്ള ബിസിനസ് സാമ്രാജ്യത്തിന്റെ അവകാശികളായിരിക്കും.&nbsp;

അദാനി ഗ്രൂപ്പ് ചെയർമാൻ സ്ഥാനം ഒഴിയുകയാ​ണെന്ന് പ്രഖ്യാപിച്ച് ഗൗതം അദാനി

കുറ്റ്യാടി: എം ഐ യു പി സ്കൂൾ റിട്ടയേർഡ് അധ്യാപകനായ വി വി മുഹമ്മദ് തൻറെ വ്യക്തിപരമായ കാര്യങ്ങൾക്കായി നീക്കിവെച്ച പെൻഷൻ തുകയിൽ നിന്നും ഒരു ലക്ഷം രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് കൈമാറി. ഒരുലക്ഷം രൂപയുടെ ചെക്ക് അദ്ദേഹത്തിൻറെ കയ്യിൽ നിന്നും കെ പി കുഞ്ഞമ്മത് കുട്ടി എം എൽ എ ഏറ്റുവാങ്ങി.

പെൻഷൻ തുകയിൽ നിന്നും ഒരു ലക്ഷം ദുരിതാശ്വാസനിധിയിലേക്ക്

Kuttiadi

കൊയിലാണ്ടി: വയനാട് പുനരധിവാസ പദ്ധതികൾ പ്രായോഗികമാക്കാൻ ഏകോപനം അനിവാര്യമാണെന്ന് കൊയിലാണ്ടിയിൽ ചേർന്ന വിസ്ഡം ഇസ്ലാമിക് ഓർഗനൈസേഷൻ ജില്ലാ പ്രതിനിധി സമ്മേളനം അഭിപ്രായപ്പെട്ടു. ദുരിത ബാധിതരുടെ ആവശ്യങ്ങൾ മനസ്സിലാക്കി ആരോഗ്യം, ഭവനം, ചികിത്സ വിദ്യാഭ്യാസം, തൊഴിൽ എന്നീ മേഖലകൾ ഉൾപ്പെടുന്ന വിധം പുനരധിവാസ പാക്കേജ് വേണമെന്നും കൗൺസിൽ ആവശ്യപ്പെട്ടു. കൗൺസിൽ വിസ്ഡം ഇസ്ലാമിക് ഓർഗനൈസേഷൻ സംസ്ഥാന സെക്രട്ടറി നാസർ ബാലുശ്ശേരി ഉൽഘാടനം ചെയ്തു.&nbsp;
ജില്ലാ പ്രസിഡണ്ട് ടി.പി.അബ്ദുൽ അസീസ് അദ്ധ്യക്ഷത വഹിച്ചു. കെ.ജമാൽ മദനി, അസ്ഹർ അത്തേരി , സ്വാലിഹ് അൽ ഹിക്മി, ടി.എൻ ഷക്കീർ സലഫി, സി.പി. സാജിദ് നൌഫൽ അഴിയൂർ, റഷീദ് ഹസൻ പേരാമ്പ്ര, കെ.അബ്ദുൽ നാസർ മദനി, വിവിധ വിഷയങ്ങൾ അവതരിപ്പിച്ചു. അമറുൽ ഫാറൂഖ്, ഒ കെ.അബ്ദുൽ ലത്തീഫ്,വി.കെ സുബൈർ,അബ്ദുസലാം പോനാരി, അബൂബക്കർ ജാതിയേരി, കെ.അബ്ദുൽ റഷീദ്, വി.വി. ബഷീർ, വി.യൂനുസ്, ബിസ്മി ഇമ്പിച്ചി മമ്മദ് എന്നിവർ സംസാരിച്ചു.

വയനാട് പുനരധിവാസ പദ്ധതികൾക്ക് ഏകോപനം വേണം; വിസ്ഡം

Koyilandy

വടകര: ചോറോട് ഈസ്റ്റ് പ്രദേശവാസികളുടെ വർഷങ്ങളായുള്ള ആഗ്രഹം പൂവണിയുന്നു. ഏകദേശം പതിനഞ്ചോളം വർഷമായി തോട് നിർമ്മാണം എന്ന ആവശ്യം ഉന്നയിക്കപ്പെടുയാണ് ഇവിടെ. വയലുകൾ നികത്തിയും താഴ്ന്ന സ്ഥലങ്ങളിലും വീടെടുത്ത് താമസിക്കുന്നവർ മഴക്കാലമാവുന്നതോടെ ആധിയിലാണ്. പറമ്പിലും മുറ്റത്തും വിടിനകത്തും വെള്ളം കയറുന്നതിൽ ഭയത്തോടെയാണ് ജീവിക്കുന്നത്. കഴിഞ്ഞ ഒരാഴ്ച്ചയിലധികം ദിവസം ഇവിടങ്ങളിൽ വെള്ളപ്പൊക്കമായിരുന്നു. നിരവധി വീടുകളിൽ നിന്നും ആളുകൾ മാറി താമസിക്കേണ്ടി വന്നു. പ്രായമായവരെയും അസുഖ ബാധിതരായവരെയും കസേരകളിൽ ഇരുത്തിയാണ് അരയ്ക്കുമേൽ വെള്ളത്തിലൂടെ സന്നദ്ധ പ്രവർത്തകർ സുരക്ഷിത സ്ഥലങ്ങളിൽ എത്തിച്ചത്. നിരവധി വാഹനങ്ങൾ സ്റ്റാർട്ട് ചെയ്യാൻ കഴിയാതെ തള്ളിനീക്കി മറ്റുവിടുകളിലേക്ക് മാറ്റുകയായിരുന്നു. വീട്ടിനകത്തെ എല്ലാ സാധനങ്ങളും ഫർണ്ണിച്ചറുകളും ഉയർത്തി വെക്കുകയും ചെയ്യേണ്ടി വന്നു.&nbsp;
മഴക്കാലത്ത് മാത്രമല്ല കുറ്റ്യാടി ഇറിഗേഷൻ കനാലിന്റെ ഭാഗമായ അഴിയൂർ ബ്രാഞ്ച് കനാലിൽ വെള്ളം തുറന്നു വിടുമ്പോഴും ഇവിടങ്ങളിൽ ബുദ്ധിമുട്ട് അനുഭവപ്പെടുന്നു. വിലങ്ങിൽ താഴ, പുതിയോട്ടിൽ താഴ, കേളോത്ത് താഴ, കണ്ണ്യാറത്ത് താഴ, ചാത്തോത്ത് താഴ. കുളങ്ങരത്ത് താഴ എന്നീ പ്രദേശങ്ങളിലെ അമ്പതിൽ പരം വീടുകൾ വെള്ളപ്പൊക്ക ഭീഷണിയിലാണ്. മാപ്ലക്കണ്ടി താഴ മുതൽ തോട് നിലവിലുണ്ട്. ഇത് നടക്കുതാഴ- ചോറോട് കനാലിലേക്ക് എത്തിച്ചേരുന്നു. ചോറോട് ഈസ്റ്റിൽ നിന്നും മാപ്ലക്കണ്ടിതാഴ വരെ ഏകദേശം ഇരുന്നുറ് മീറ്റർ നീളത്തിൽ രണ്ട് മീറ്റർ വീതിയിൽ തോട് നിർമ്മിച്ചാൽ ഈ പ്രദേശമാകെ രക്ഷപ്പെടുമെന്നാണ് കരുതുന്നത്. പഞ്ചായത്തംഗം പ്രസാദ് വിലങ്ങിൽ ഭരണസമിതിയിൽ ആവശ്യപ്പെടുകയും പ്രസിഡണ്ട് പി.പി. ചന്ദ്രശേഖരൻ പ്രദേശവാസികളുടെ ദുരിതം നേരിട്ട് കണ്ട് ബോധ്യപ്പെടുകയും ചെയ്തതിനാൽ ഭരണ സമിതി 36 20000 രൂ പ തോട് നിർമ്മാണത്തിനായ് അനുവദിച്ചു. എത്രയും പെട്ടന്ന് സ്ഥലം അനുവദിച്ച് എസ്റ്റിമേറ്റ് തയ്യാറാക്കിയാൽ ഈ സാമ്പത്തിക വർഷം തന്നെ പണി പൂർത്തിയാക്കാൻ കഴിയുന്നതാണ്.

ചോറോട് ഈസ്റ്റ് നിവാസികളുടെ ദുരിതത്തിന് പരിഹാരം; തോട് നിർമ്മാണത്തിന് 36 ലക്ഷം അനുവദിച്ചു

Vadakara

പാര്‍ട്ടി പ്രഖ്യാപിച്ചതിന് പിന്നാലെ രാഷ്ട്രീയത്തില്‍ സജീവമാവുകയാണ് വിജയ്. ദളപതി 69 ആയിരിക്കും താരത്തിന്റെ ഒടുവിലത്തെ ചിത്രം. എച്ച് വിനോദ് ആണ് സിനിമസംവിധാനം ചെയ്യുന്നത്. ഇപ്പോഴിതാ ചിത്രത്തെക്കറിച്ചുള്ള പുതിയ അപ്ഡേറ്റാണ് പുറത്തു വരുന്നത്. ചിത്രത്തില്‍ മലയാളി താരം മമിത ബൈജുവും പ്രധാന വേഷത്തില്‍ എത്തുമെന്നാണ് റിപ്പോര്‍ട്ടുകള്‍.
ചിത്രത്തില്‍ ഒരു സുപ്രാധന റോളിലായിരിക്കും മമിത എത്തുകയെന്നാണ് റിപ്പോർട്ട്. എച്ച് വിനോദും വിജയ്‌യും ചേര്‍ന്ന് സിനിമയുടെ ലുക്ക് ടെസ്റ്റുകള്‍ ചെന്നൈയില്‍ ആരംഭിച്ചതായും റിപ്പോര്‍ട്ടുകളുണ്ട്. ലുക്ക് ടെസ്റ്റ് പൂര്‍ത്തിയാക്കിയ ശേഷം സിനിമയുടെ ചിത്രീകരണം ആരംഭിക്കുമെന്നാണ് സൂചന.സിനിമയുടെ ഔദ്യോഗിക പ്രഖ്യാപനം സ്വാതന്ത്ര്യ ദിനത്തോട് അനുബന്ധിച്ച് ഉണ്ടാകുമെന്നും അഭ്യൂഹങ്ങളുണ്ട്

'ദളപതി 69'ല്‍ മമിത ബൈജുവും പ്രധാന വേഷത്തില്‍ എത്തുമെന്ന് റിപ്പോർട്ട്

ധാക്ക: ബംഗ്ലാദേശ് പ്രധാനമന്ത്രി ഷെയ്ഖ് ഹസീന രാജിവെച്ചു.സർക്കാരിനെതിരായ വിദ്യാർഥിപ്രക്ഷോഭം ശക്തമാകുന്നതിനിടെയാണ് രാജി. നേരത്തെ, 45 മിനിറ്റുളളിൽ രാജിവെയ്ക്കണമെന്ന് സൈന്യം പ്രധാനമന്ത്രിക്ക് അന്ത്യശാസനം നൽകിയിരുന്നു. ഞായറാഴ്ച പ്രതിഷേധം രൂക്ഷമായെങ്കിലും പ്രക്ഷോഭകാരികളെ ഭീകരവാദികളെന്ന് വിശേഷിപ്പിച്ച പ്രധാനമന്ത്രി ഷെയ്ഖ് ഹസീന അക്രമികളെ ശക്തമായി നേരിടുമെന്നു നിലപാടിലായിരുന്നു. എന്നാൽ, സൈന്യം നേരിട്ട് നിലപാട് അറിയിച്ചതോടെയാണ് തീരുമാനം മാറ്റിയത്.
ഷെയ്ഖ് ഹസീനയുടെ രാജി ആവശ്യപ്പെട്ടുള്ള വിദ്യാർഥിപ്രക്ഷോഭത്തിൽ 91 പേർ കൊല്ലപ്പെട്ടു. ഇരുനൂറിലേറെപ്പേർക്ക് പരിക്കേറ്റു. പ്രക്ഷോഭകർക്കെതിരേ ഭരണകക്ഷിയായ അവാമിലീഗ് പ്രവർത്തകർ രംഗത്തുവന്നതാണ് സംഘർഷത്തിൽ കലാശിച്ചത്. 14 പോലീസുകാരും കൊല്ലപ്പെട്ടു.&nbsp;

ബം​ഗ്ലാദേശ് കലാപം; പ്രധാനമന്ത്രി ഷെയ്ഖ് ഹസീന രാജിവെച്ചു

ലണ്ടൻ: ഇംഗ്ലണ്ടിന്റെ ഇതിഹാസ ക്രിക്കറ്റ്​ താരങ്ങളിൽ ഒരാളായ ഗ്രഹാം തോർപ്പ്​ (55) അന്തരിച്ചു. അസുഖത്തെ തുടർന്ന്​ മെയ്​ മുതൽ തോർപ്പ്​ ആശുപത്രിയിലായിരുന്നു.
1993 മുതൽ 2005 വരെ ഇംഗ്ലണ്ടിനായി 100 ടെസ്​റ്റുകളിൽ കളത്തിലിറങ്ങിയ തോർപ്പ്​ 6744 ടെസ്​റ്റ്​ റൺസും 16 സെഞ്ച്വറികളും നേടിയിട്ടുണ്ട്​. 82 ഏകദിനങ്ങളിലും കളത്തിലിറങ്ങി. കൗണ്ടി ക്രിക്കറ്റിൽ സറേ ജഴ്​സിയണിഞ്ഞ തോർപ്പ്​ ഫസ്​റ്റ്​ ക്ലാസ്​ ക്രിക്കറ്റിൽ 20000ത്തിലേറെ റൺസും നേടിയിട്ടുണ്ട്​. 2022ൽ അഫ്​ഗാനിസ്​താൻ ഹെഡ്​കോച്ചായി നിയമിതനായതിന്​​ പിന്നാലെ അസുഖം മൂർച്ഛിച്ചതിനെത്തുടർന്ന്​ സ്ഥാനമേറ്റെടുത്തിരുന്നില്ല. 2010ൽ ഇംഗ്ലണ്ടി​െൻറ ബാറ്റിങ്​ കോച്ചായും സേവനമനുഷ്​ടിച്ചു.

ഇംഗ്ലീഷ്​​ ക്രിക്കറ്റ്​​ ഇതിഹാസം ഗ്രഹാം തോർപ്പ്​ അന്തരിച്ചു

സ്തനത്തിലെ കോശങ്ങൾ പെരുകുകയും നിയന്ത്രണാതീതമായി വികസിക്കുകയും ചെയ്യുമ്പോൾ ഉണ്ടാകുന്ന അർബുദമാണ് സ്തനാർബുദം. സമയബന്ധിതമായ സ്‌ക്രീനിംഗ് രോ​ഗം നേരത്തേ കണ്ടെത്തുന്നതിനും സമയബന്ധിതമായ ചികിത്സയ്‌ക്കും സഹായിക്കും.
35 നും 55 നും ഇടയിൽ പ്രായമുള്ള സ്ത്രീകളിലാണ് ബ്രെസ്റ്റ് ക്യാൻസർ കൂടുതലായി കാണുന്നത്.സ്തനാർബുദം നേരത്തെ കണ്ട് പിടിക്കാനുള്ള ആദ്യപടിയാണ് സ്വയം പരിശോധന എന്നത്. എന്നാൽ ഇത് ഒരിക്കലും മാമോഗ്രാമിന് പകരമല്ല. സ്തനാർബുദം കണ്ടുപിടിക്കാൻ സഹായിക്കുന്ന മെഡിക്കൽ രീതിയാണ് മാമോഗ്രാം.ഇത് ചെയ്യുമ്പോൾ സ്തനങ്ങളിലെ വ്യതിയാനങ്ങളെല്ലാം കണ്ടുപിടിക്കാൻ കഴിയും.മാമോഗ്രാം ചെയ്യുന്നതിലൂടെ ക്യാൻസർ സാധ്യതകളും കണ്ടെത്താം.
സ്തനാർബുദത്തിന്റെ പ്രധാനപ്പെട്ട ലക്ഷണങ്ങൾ
1. മുലക്കണ്ണിൽ വരുന്ന നിറവ്യത്യാസവും മാറ്റവും
2. സ്തനവലിപ്പത്തിലെ മാറ്റം.
3. മുലക്കണ്ണുകളിൽ നിന്നുള്ള സ്രവങ്ങൾ.
4. രക്തം കലർന്നതോ മഞ്ഞ കലർന്ന നിറത്തിലോ സ്രവങ്ങൾ കാണുക.
5. ലിംഫിന് സമീപത്ത് വേദന ഉണ്ടാകുന്നത്.
6. മുലക്കണ്ണ് ഭാ​ഗത്തോ സ്തനത്തിലോ ചുവപ്പ് നിറം കാണുക.
7. വേദനയുള്ളതോ അല്ലാത്തതോ വിവിധ വലിപ്പത്തിലുള്ള മുഴകൾ, കല്ലിപ്പ് തുടങ്ങിയവ
8. സ്തനങ്ങളുടെ തൊലിപ്പുറത്തുണ്ടാകുന്ന നിറവ്യത്യാസം, വ്രണങ്ങൾ, കുത്തുകൾ പോലെയുള്ള പാടുകൾ.
9. കക്ഷത്തിലും കഴുത്തിലും ഉണ്ടാകുന്ന മുഴകൾ, വീക്കം എന്നിവ

സ്തനാർബുദം; ഈ ലക്ഷണങ്ങൾ അവ​ഗണിക്കരുത്

Health

തിരുവനന്തപുരം: ആര്യനാട് കരമനയാറിൽ കുളിക്കാനിറങ്ങിയ 4 പേർ മുങ്ങി മരിച്ചു. അനിൽ കുമാർ (50), അദ്വൈത് (22), ആനന്ദ് (25), അമൽ (13) എന്നിവരാണ് മരിച്ചത്. ആര്യനാട്-മുന്നേറ്റ് മുക്കിൽ കടവിൽ കുളിയ്ക്കാനിറങ്ങിയതായിരുന്നു നാല് പേരും.&nbsp;
അനിൽ കുമാറിന്റെ മകനാണ് അമൽ. ബന്ധുക്കളാണ് മരിച്ച മറ്റ് രണ്ടു പേർ. അനിൽകുമാറിന്റെ വീട്ടിൽ വിരുന്നിനെത്തിയതായിരുന്നു ബന്ധുക്കൾ. പുരയിടത്തിൽ വളം ഇട്ടതിന് ശേഷം ഇവർ കരമനയാറ്റിൽ കുളിക്കാൻ ഇറങ്ങിയപ്പോഴായിരുന്നു അപകടം.ഐജി അർഷിദ അട്ടല്ലൂരിയുടെ ഡ്രൈവറായിരുന്നു അനിൽകുമാർ.&nbsp;

കരമനയാറിൽ കുളിക്കാനിറങ്ങിയ അച്ഛനും മകനുമടക്കം നാല് പേർ മുങ്ങി മരിച്ചു

കുറ്റ്യാടി: വയനാട്ടിലെ ഉരുൾപൊട്ടൽ ദുരന്തം ഉണ്ടായ മുണ്ടക്കൈ, ചൂരൽമല പ്രദേശങ്ങൾ സന്ദർശിച്ച് കെ പി കുഞ്ഞമ്മദ് കുട്ടി എം എൽ എ. ഹൃദയം നുറുക്കുന്ന കാഴ്ചകളാണ് അവിടെ കാണാൻ സാധിച്ചത് എന്ന് അദ്ദേഹം പറഞ്ഞു. സംസ്ഥാന സർക്കാർ സംവിധാനങ്ങളും, രക്ഷാപ്രവർത്തകരും, സൈന്യവും ചേർന്ന് മികച്ച രീതിയിൽ രക്ഷാപ്രവർത്തനം ഏകോപിപ്പിച്ചു കൊണ്ടുപോകുന്നുണ്ട്.&nbsp;
മേപ്പാടിയിലെ ദുരിതാശ്വാസ ക്യാമ്പും സന്ദർശിച്ചു. ദുരിതാശ്വാസ ക്യാമ്പുകളിൽ മനശാസ്ത്ര കൗൺസിലിങ്ങിനുള്ള സൗകര്യവും ഏർപ്പെടുത്തിയിട്ടുണ്ട്. വിവിധ സന്നദ്ധ സംഘടനകളാണ് രക്ഷാപ്രവർത്തനത്തിലും സമാശ്വാസ പ്രവർത്തനങ്ങളിലും സജീവമായുള്ളത്. ദുരന്തമുഖത്ത് സേവനം നടത്തുന്ന ഊരാളുങ്കൽ കോ-ഓപ്പറേറ്റീവ് സൊസൈറ്റിയുടെയും ഡിവൈഎഫ്ഐയുടെയും പ്രവർത്തകരോട് വിവരങ്ങൾ ചോദിച്ചറിഞ്ഞു. ഈ ദുരന്തത്തെയും നമ്മൾ ഒറ്റക്കെട്ടായി അതിജീവിക്കുമെന്ന് അദ്ദേഹം കൂട്ടിച്ചേർത്തു.&nbsp;

വയനാട്ടിലേത് ഹൃദയം നുറുക്കുന്ന കാഴ്ചകൾ, നമ്മൾ ഒറ്റക്കെട്ടായി അതിജീവിക്കും; കെ പി കുഞ്ഞമ്മദ് കുട്ടി എം എൽ എ

കോട്ടയം: വയനാ പുനരധിവാസത്തിനായി മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക് കേരള കോൺഗ്രസ് എം ചെയർമാൻ ജോസ് കെ. മാണി എം.പി ഒരു മാസത്തെ ശമ്പളം കൈമാറി.സി.എം.ഡി.ആർ.എഫ് പോർട്ടൽ വഴിയാണ് തുക കൈമാറിയത്. ദുരന്തബാധിത പ്രദേശങ്ങൾ സന്ദർശിച്ച അദ്ദേഹം പ്രാദേശിക വികസന ഫണ്ടിൽ നിന്നും ഒരു കോടി രൂപ നൽകുമെന്ന് നേരത്തെ പ്രഖ്യാപിച്ചിരുന്നു.
മന്ത്രി റോഷി അഗസ്റ്റിനും ചീഫ് വിപ്പ് ഡോ. എൻ. ജയരാജും പാർട്ടി എം.എൽ.എമാരും ഒരു മാസത്തെ ശമ്പളം മുഖ്യമന്ത്രിയുടെ ദുരിതാശ്വാസനിധിയിലേക്ക് കൈമാറുവാൻ തീരുമാനമെടുത്തിട്ടുണ്ട്. പാർട്ടിയുടെ മുഴുവൻ ഘടകങ്ങളും പോഷക സംഘടനകളും പരമാവധി തുക മുഖ്യമന്ത്രിയുടെ ദുരിതാശ്വാസനിധിയിലേക്ക് കൈമാറണമെന്ന നിർദ്ദേശം നൽകിയിട്ടുണ്ടെന്നും ജോസ് കെ. മാണി അറിയിച്ചു.

ജോസ് കെ. മാണി എം.പി ഒരു മാസത്തെ ശമ്പളം ദുരിതാശ്വാസ നിധിയിലേയ്ക്ക് കൈമാറി

വടകര: ചോറോട് ഗ്രാമ പഞ്ചായത്തിൽ വയോജന സൗഹൃദമാക്കുന്നതിന്റെ ഭാഗമായി വയോജന ശില്പശാല സംഘടിപ്പിച്ചു. ഗ്രാമ പഞ്ചായത്ത് പ്രസിഡണ്ട് പി.പി. ചന്ദ്രശേഖരൻ ഉദ്ഘാടനം ചെയ്തു. കിലയുടെ ഫാക്കൽറ്റി മനോജ് കൊയപ്ര പദ്ധതി വിശദീകരണം നടത്തി. ക്ഷേമകാര്യ സ്ഥിരം സമിതി അദ്ധ്യക്ഷ ശ്യാമള പൂവ്വേരി അദ്ധ്യക്ഷത വഹിച്ചു. പഞ്ചായത്തംഗം പ്രസാദ് വിലങ്ങിൽ സ്വാഗതവും ഐ.സി.ഡി. എസ് സൂപ്പർവൈസർ സീന പി.ടി.കെ. നന്ദിയും പറഞ്ഞു. വാർഡ് ഗ്രാമസഭകളിൽ നിന്നും തിരഞ്ഞെടുക്കപ്പെട്ട അഞ്ച് വീതം പ്രതിനിധികൾ, പഞ്ചായത്തംഗങ്ങൾ, ആശാവർക്കർമാർ, അങ്കണവാടി വർക്കർമാർ, സി.ഡി.എസ്. മെമ്പർമാർ, ഹരിത സേന ഭാരവാഹികൾ എന്നിവർ ശില്പ്ശാലയിൽ പങ്കെടുത്തു.

വയോജന ശില്പ്ശാല നടത്തി

വടകര: കെ എസ് എസ് പി യു പഴങ്കാവ് യൂണിറ്റ് കൺവെൻഷൻ നടത്തി. വടകര നഗരസഭ വൈസ് ചെയർമാൻ പി കെ സതീശൻ ഉദ്ഘാടനം ചെയ്തു. പി കെ ദാമു, കെ ബാലകൃഷ്ണൻ , കെ വി ശശിധരൻ , പി സുധ, കെ പി രാധാകൃഷ്ണൻ, ടി ടി കെ മോഹനൻ, സി രാഘവൻ എന്നിവർ സംസാരിച്ചു. മുതിർന്ന പെൻഷൻകാരെ ആദരിക്കുകയും, പുതിയ മെമ്പർമാരെ സ്വീകരിക്കുകയും വിവിധ പരീക്ഷകളിൽ വിജയം നേടിയ വിദ്യാർത്ഥികളെ അനുമോദിക്കുകയും ചെയ്തു.

കെ എസ് എസ് പി യു പഴങ്കാവ് യൂണിറ്റ് കൺവെൻഷൻ നടത്തി

മനാമ: ഹൃദയാഘാതത്തെത്തുടർന്ന് അഴിയൂർ കുഞ്ഞിപ്പള്ളി സ്വദേശി ബഹ്റൈനിൽ നിര്യാതനായി. പള്ളിപ്പറമ്പത്ത് ഹാരിസ് (48) ആണ് മരിച്ചത്. മനാമ സൂഖിലെ റീഗൽ സൂപ്പർ മാർക്കറ്റ് ജീവനക്കാരനായിരുന്നു. ഭാര്യ; റുബീന (അഴിയൂർ. ബാഫഖി റോഡ് ). മൃതദേഹം നാട്ടിലേക്ക് കൊണ്ട് പോകുന്നതിനുള്ള നടപടിക്രമങ്ങൾ ബഹ്‌റൈൻ കെ.എം.സി.സി മയ്യത്ത് വിങിന്റെ നേതൃത്വത്തിൽ നടക്കുന്നു.

ഹൃദയാഘാതം; അഴിയൂർ സ്വദേശി ബഹ്റൈനിൽ നിര്യാതനായി

വടകര: ചെറിയ മഴയിൽ പോലും നനഞ്ഞൊലിച്ച ഏറാമല വില്ലേജ് ഓഫീസിൽ അടിയന്തിരമായി അപാകതകൾ പരിഹരിക്കണമെന്ന് യുവജനതാദൾ എസ് വടകര നിയോജക മണ്ഡലം കമ്മിറ്റി ആവശ്യപ്പെട്ടു. പുതുതായി പണി കഴിപ്പിച്ച കെട്ടിടത്തിന് ഈ നില തുടരുന്നത് അപകടകരമാണ്. ഓർക്കാട്ടേരിയിൽ സ്ഥിതിചെയ്യുന്ന ഏറാമല വില്ലേജ് ഓഫീസ് കെട്ടിട നിർമ്മാണത്തിലെ അപാകതകൾ കാരണം ചുമരുകൾ വെള്ളം എടുക്കുന്നത് സംബന്ധിച്ച് വില്ലേജ് ഓഫീസറുമായി യുവജനതാദൾ എസ് വടകര മണ്ഡലം കമ്മിറ്റി അംഗങ്ങൾ ഇടപെട്ട് സംസാരിച്ചു. യുവജനതാദൾ എസ് ജില്ലാ പ്രസിഡണ്ട് ഹരിദേവ് എസ് വി, വടകര നിയോജക മണ്ഡലം പ്രസിഡണ്ട് രഞ്ജിത് കുമാർ ഏറാമല, മണ്ഡലം ജനറൽ സെക്രട്ടറി പുനത്തിൽ ബിനിജ, അനുനന്ദ് എസ്, ആദിത്യൻ എസ് തുടങ്ങിയവർ സന്നിഹിതരായി.

നനഞ്ഞൊലിച്ച് ഏറാമല വില്ലേജ് ഓഫീസ്; ഇടപെട്ട് യുവജനതാദൾ എസ്

വടകര: മരണവീട്ടില്‍ തെങ്ങ് കടപുഴകി വീണ് നാല് പേര്‍ക്ക് പരിക്ക്. ഇതില്‍ രണ്ടു പേരുടെ പരിക്ക് ഗുരുതരമാണ്. നടക്കുതാഴ ചാക്യപുറത്ത് വീട്ടില്‍ ഞായറാഴ്ച ഉച്ചയ്ക്ക് രണ്ട് മണിക്ക് ശേഷമാണ് അപകടം. ചാക്യപുറത്ത് വാസു മരണപ്പെട്ടിരുന്നു. ഇതിന്റെ ദുഃഖാചരണം നടക്കുന്നതിനിടയിലാണ് വീട്ടുവളപ്പിലെ തെങ്ങ് കടപുഴകി വീണത്. വാസുവിന്റെ മരുമക്കളായ പ്രദീപന്‍, ബൈജു എന്നിവര്‍ക്ക് സാരമായ പരിക്കേറ്റു.
ഇവരെ കണ്ണൂര്‍ മിംസ് ആശുപത്രിയില്‍ പ്രവേശിപ്പിച്ചു. പുത്തൂര്‍ ട്രെയിനിംഗ് സ്‌കൂള്‍ സ്വദേശി ബാബുവിനെ വടകര സഹകരണാശുപത്രിയില്‍ പ്രവേശിപ്പിച്ചു. നിസാര പരിക്കേറ്റ മേപ്പയില്‍ സ്വദേശി ബാബുവിന് പ്രാഥമിക ശുശ്രൂഷ നല്‍കി. ഇവരെല്ലാം വീട്ടുമുറ്റത്ത് കസേരയില്‍ ഇരിക്കുമ്പോഴാണ് തെങ്ങ് കടപുഴകി ഇവര്‍ക്ക് മീതെ വീണത്‌. ഓട്‌മേഞ്ഞ വരാന്തയുടെ ഞാലി തകര്‍ന്നു.

വടകരയില്‍ മരണവീട്ടില്‍ തെങ്ങ് കടപുഴകി വീണ് നാലു പേര്‍ക്ക് പരിക്ക്

മലപ്പുറം : പുറംകടലില്‍ അജ്ഞാത മൃതദേഹം കണ്ടെത്തി. താനൂര്‍ ഹാര്‍ബറില്‍നിന്ന് തെക്ക് ഉണ്ണിയാല്‍ ഭാഗത്ത് പുറംകടലിലാണ് 60 വയസ്സ് പ്രായം തോന്നിക്കുന്ന പുരുഷന്റെ മൃതദേഹം കണ്ടെത്തിയത്. തിങ്കളാഴ്ച രാവിലെ താനൂര്‍ ഹാര്‍ബറില്‍നിന്ന് മത്സ്യബന്ധനത്തിന് പോയ 'ഖൈറാത്ത്' വള്ളത്തിലെ തൊഴിലാളികളാണ് മൃതദേഹം കണ്ടത്.തുടര്‍ന്ന് ഹാര്‍ബറിലെത്തിച്ചു.
വിവരമറിഞ്ഞ് മറൈന്‍ എന്‍ഫോഴ്‌സ്‌മെന്റ് പോലീസും താനൂര്‍ പോലീസും സ്ഥലത്തെത്തി. മൃതദേഹത്തിലുള്ളത് മത്സ്യത്തൊഴിലാളികള്‍ ധരിക്കുന്നരീതിയിലുള്ള വസ്ത്രമാണെന്ന് പോലീസ് പറഞ്ഞു. തുടര്‍ നടപടികള്‍ക്കായി മൃതദേഹം തിരൂര്‍ ജില്ലാ ആശുപത്രി മോര്‍ച്ചറിയിലേക്ക് മാറ്റി.&nbsp;

താനൂര്‍ പുറംകടലില്‍ അജ്ഞാത മൃതദേഹം കണ്ടെത്തി

ബെം​ഗളൂരു: ആശ്രമത്തിൽ മൂന്നാം ക്ലാസുകാരനെ പേന മോഷ്ടിച്ചെന്നാരോപിച്ച് ക്രൂരമായി മർദിക്കുകയും മുറിയിൽ പൂട്ടിയിടുകയും ചെയ്തതായി പരാതി. റായ്ച്ചൂരിലെ രാമകൃഷ്ണ ആശ്രമത്തിലാണ് സംഭവം. ആശ്രമത്തിന്റെ ചുമതലയുള്ള വേണുഗോപാലും സഹായികളും ചേർന്ന് മർദിച്ചെന്നാണ് കുട്ടിയുടെ കുടുംബത്തിന്റെ ആരോപണം. സംഭവത്തിൽ കുറ്റക്കാർക്കെതിരെ പോലീസ് കേസെടുത്തു.
ആശ്രമത്തിൽ താമസിച്ച് പഠിക്കുന്ന മൂന്നാം ക്ലാസുകാരനാണ് ദുരനുഭവം ഉണ്ടായത്. മകനെ കാണാൻ ആശ്രമത്തിൽ അമ്മ എത്തിയതോടെയാണ് വിവരം പുറത്തറിയുന്നത്. കണ്ണിനുൾപ്പെടെ കാര്യമായി പരിക്കേറ്റ കുട്ടി ആശുപത്രിയിൽ ചികിത്സയിലാണ്. അധ്യാപകനും മുതിർന്ന രണ്ടു കുട്ടികളും ചേർന്ന് വിറകും ബാറ്റും ഉപയോ​ഗിച്ച് തന്നെ മർദിച്ചുവെന്നും പിന്നീട് റെയിൽവേ സ്‌റ്റേഷനിൽ ഭിക്ഷ യാചിക്കാൻ ഇരുത്തിയെന്നും കുട്ടി വെളിപ്പെടുത്തയതായി മാധ്യമങ്ങൾ റിപ്പോർട്ട് ചെയ്തു.കുട്ടിയെ രക്ഷപ്പെടുത്തിയതായും വിവരം അധികൃതരെയും വനിതാ-ശിശുക്ഷേമ വകുപ്പിനെയും അറിയിച്ചിട്ടുണ്ടെന്നും ബാലാവകാശ പ്രവർത്തകനായ സുധർശൻ അറിയിച്ചു.&nbsp;

പേന മോഷ്ടിച്ചെന്നാരോപിച്ച് മൂന്നാം ക്ലാസുകാരന് ക്രൂര മർദനം

വടകര: പ്രസവാനന്തരം കൃത്യമായ മുലയുട്ടൽ, മാതാവിന്റെയും, കുട്ടിയുടെയും പൂർണ ആരോഗ്യത്തിന് അനിവാര്യമാണെന്ന് വടകര ജില്ലാ ആശുപത്രി സൂപ്രണ്ട് ഡോ. സരള നായർ. ഒരാഴ്ച നീണ്ടുനിൽക്കുന്ന മുലയൂട്ടൽ ബോധവത്കരണ പരിപാടിയുടെ തുടക്കം കുറിച്ചു കൊണ്ട് ജില്ലാ ആശുപത്രിയിൽ നടന്ന ചടങ്ങിൽ സംസാരിക്കുകയായിരുന്നു അവർ. ഇന്ത്യൻ അക്കാദമി ഓഫ് പീഡിയാട്രിക് വടകര പ്രസിഡന്റ്‌ ഡോ. എം. നൗഷീദ് അനി ചടങ്ങിൽ ആദ്യക്ഷം വഹിച്ചു.&nbsp;
ഐ. എ. പി. സംസ്ഥാന വൈസ് പ്രസിഡന്റ്‌ ഡോ. പ്രശാന്ത് പവിത്രൻ, ഡോ. പി. സി. ഹരിദാസ്, ഡോ. ജിതേഷ്, എയ്ഞ്ചൽസ് എക്സിക്യൂട്ടീവ് ഡയറക്ടർ പി. പി. രാജൻ, നഴ്സിംഗ് സുപ്രണ്ട് സൗദാ ബീഗം, ഹെൽത്ത് ഇൻസ്‌പെക്ടർ ആർ. കെ. സുരേഷ് ബാബു എന്നിവർ പ്രസംഗിച്ചു. നിയോ നെറ്റോളജിസ്റ്റ് ഡോ. നൗഷീദ് അനി, ജില്ലാ ആശുപത്രി ശിശു രോഗ വിദഗ്ദൻ ഡോ. ജിതേഷ് എന്നിവർ ക്ലാസ്സിന് നേതൃത്വം നൽകി. ആശാ വർക്കേഴ്സ്, അംഗന വാടി, നഴ്സിംഗ് ജീവനക്കാർ ബോധവത്കരണ ക്ലാസ്സിൽ പങ്കെടുത്തു.

മുലയൂട്ടൽ ബോധവത്കരണ പരിപാടിക്ക് തുടക്കമായി

ചെര്‍പ്പുളശ്ശേരി(പാലക്കാട്): സാമൂഹിക മാധ്യമങ്ങളില്‍ സ്ത്രീത്വത്തെ അപമാനിക്കുന്ന തരത്തിലുള്ള അഭിപ്രായപ്രകടനം നടത്തിയ ഒരാള്‍ അറസ്റ്റില്‍. കിഴൂര്‍റോഡ് തരുവക്കോണം പന്തലിങ്ങല്‍ സുകേഷിനെയാണ് (37) ചെര്‍പ്പുളശ്ശേരി പോലീസ് അറസ്റ്റ് ചെയ്തത്.
വയനാട് ദുരന്തത്തില്‍ അമ്മയെ നഷ്ടപ്പെട്ട കുട്ടികള്‍ക്ക് മുലപ്പാല്‍ നല്‍കാന്‍ സന്നദ്ധമാണെന്നറിയിച്ച് യുവതിയിട്ട പോസ്റ്റില്‍ സുകേഷ് സ്ത്രീത്വത്തെ അപമാനിക്കുന്ന രീതിയില്‍ കമന്റിട്ടെന്ന പരാതിയിലാണ് അറസ്റ്റ്.&nbsp;

വയനാട് ദുരന്തം; മുലപ്പാൽ നൽകാൻ സന്നദ്ധതയറിയിച്ച പോസ്റ്റിൽ അശ്ലീല കമന്റ്, ഒരാൾ അറസ്റ്റിൽ

പേരാമ്പ്ര: കഴിഞ്ഞ ആറ് ദിവസങ്ങളിലായി ചെറുവണ്ണൂർ ഗ്രാമപഞ്ചായത്തിലെ ആവള യു. പി. സ്കൂളിൽ ഉണ്ടായിരുന്ന വെള്ളപ്പൊക്ക ദുരിതാശ്വാസ ക്യാമ്പിൽ കഴിഞ്ഞവർ വീടുകളിലേക്ക് മടങ്ങി. ആവള, പെരിഞ്ചേരിക്കടവ്, കാഞ്ഞിരക്കുനി, കക്കറമുക്ക് മേഖലയിൽ നിന്ന് വീടുകളിൽ വെള്ളം കയറിയ 31 കുടുംബങ്ങളാണ് വീടുകളിലേക്ക് മടങ്ങിയത്.&nbsp;
ആരോഗ്യ വകുപ്പിന്റെയും സന്നദ്ധ പ്രവർത്തകരുടെയും നേതൃത്വത്തിൽ വീടുകളിൽ ശുചീകരണ പ്രവർത്തനം നടന്നു. സമാപന പരിപാടിയിൽ ഗ്രാമപഞ്ചായത്ത് പ്രസിഡന്റ് എൻ. ടി. ഷിജിത്ത് അദ്ധ്യക്ഷത വഹിച്ചു. വൈസ് പ്രസിഡന്റ് ആദില നിമ്പ്രാസ്, ഗ്രാമപഞ്ചായത്ത് അംഗങ്ങളായ ഏ. കെ. ഉമ്മർ, ശ്രീഷാ ഗണേഷ്, മോനിഷ, ബിജിഷ, ഗ്രാമപഞ്ചായത്ത്‌ സെക്രട്ടറി കെ. സുമേഷ്, വില്ലേജ് ഓഫീസർ പ്രകാശൻ, ഹെൽത്ത് ഇൻസ്പെക്ടർ നവീൻ, ഒലിപ്പിൽ മമ്മു, വിജയൻ ആവള, കൊയിലോത്ത് ഗംഗാധരൻ, രജീഷ് ടി. കെ, കെ. കുമാരൻ, ജിജോയ് ആവള, മൊയ്തു കുനീമ്മൽ, അസീസ് പി. എം എന്നിവർ സംസാരിച്ചു. ക്യാമ്പിലെ കുടുംബാംഗങ്ങൾക്കുള്ള അവശ്യസാധനങ്ങളുടെ കിറ്റ് വിതരണം ഗ്രാമപഞ്ചായത്ത് പ്രസിഡന്റ് നിർവഹിച്ചു.

ആവളയിലെ ദുരിതാശ്വാസ ക്യാമ്പിൽ കഴിഞ്ഞവർ വീടുകളിലേക്ക് മടങ്ങി

Perambra

ഒഞ്ചിയം: കണ്ണൂക്കരയിൽ എസ്ഡിപിഐ ഒഞ്ചിയം പഞ്ചായത്ത് കമ്മിറ്റി ഓഫിസ് ഉദ്ഘാടനം എസ്ഡിപിഐ വടകര മണ്ഡലം പ്രസിഡന്റ് ഷംസീർ ചോമ്പാല നിർവ്വഹിച്ചു. പഞ്ചായത്ത് പ്രസിഡന്റ് റഹീസ് എംകെ അധ്യക്ഷത വഹിച്ച ചടങ്ങിൽ കോഴിക്കോട് ജില്ലാകമ്മിറ്റി അംഗം ഷറഫുദ്ദീൻ വടകര, ചോമ്പാല ബ്രാഞ്ച് പ്രസിഡന്റ് അഷറഫ് വിപി, മാടാക്കര ബ്രാഞ്ച് സെക്രട്ടറി റഹീസ് പികെ, കണ്ണൂക്കര ബ്രാഞ്ച് പ്രസിഡന്റ് ഗഫൂർ, ഒഞ്ചിയം ബ്രാഞ്ച് പ്രസിഡന്റ് ഫിറോസ് എംപി, നാദാപുറം റോഡ്‌ ബ്രാഞ്ച് സെക്രട്ടറി ആബിദ് തങ്ങൾ, മാളിയേക്കൽ ബ്രാഞ്ച് പ്രസിഡണ്ട് അൻവർ വിപി.ഷബീർ കണ്ണൂക്കര എന്നിവർ ആശംസകൾ അർപ്പിച്ചു സംസാരിച്ചു. ഒഞ്ചിയം പഞ്ചായത്ത് സെക്രട്ടറി ഉനൈസ് ഇകെ സ്വാഗതവും ഒഞ്ചിയം പഞ്ചായത്ത് വൈസ് പ്രസിഡന്റ് ഫായിസ് നാദാപുരം റോഡ് നന്ദിയും പറഞ്ഞു.

എസ്ഡിപിഐ ഒഞ്ചിയം പഞ്ചായത്ത് കമ്മിറ്റി ഓഫീസ് ഉദ്ഘാടനം ചെയ്തു

ചേർത്തല: ക്ഷേത്രക്കുളത്തിൽ നീന്തുന്നതിനിടെ പ്ലസ് വൺ വിദ്യാർഥി മുങ്ങി മരിച്ചു. പരേതനായ രതീഷിന്റെയും സന്ധ്യയുടെയും മകൻ ആദർശ് (അമ്പാടി- 16) ആണ് മരിച്ചത്. ചാരമംഗലം ഡിവിഎച്ച്എസ്എസിലെ വിദ്യാർഥിയാണ്. മൂന്ന് സുഹൃത്തുക്കൾക്കൊപ്പം പെരുമ്പാറ തൃപ്പൂരക്കുളത്തിൽ നീന്തുന്നതിനിടെയാണ് അപകടം.
ഒപ്പമുണ്ടായിരുന്ന സുഹൃത്തുക്കൾ പിടിച്ചുകയറ്റാൻ ശ്രമിച്ചെങ്കിലും വിജയിച്ചില്ല. കൂട്ടുകാരുടെ നിലവിളികേട്ട് എത്തിയ നാട്ടുകാർ ഉടനെ ആദർശിനെ കരയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ചേർത്തല താലൂക്ക് ആശുപത്രിയിൽ. സഹോദരങ്ങൾ: ആദിത്യൻ, ആർദ്ര.

ക്ഷേത്രക്കുളത്തിൽ നീന്തുന്നതിനിടെ പ്ലസ് വൺ വിദ്യാർഥി മുങ്ങി മരിച്ചു

വയനാട് ഉരുള്‍പൊട്ടലിന്റെ പശ്ചാത്തലത്തില്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് ധനസഹായവുമായി തെന്നിന്ത്യൻ താരം അല്ലു അർജുൻ. 25 ലക്ഷം രൂപയാണ് കേരളത്തിനായി അല്ലുഅർജുൻ നൽകിയത്. കേരളം എല്ലായ്‌പ്പോഴും തനിക് ഒരുപാട് സ്നേഹം നൽകിയിട്ടുണ്ടെന്നും കേരളത്തിന്റെ ദുഃഖത്തിൽ പങ്കുചേരുന്നുവെന്നും അല്ലു അർജുൻ സോഷ്യൽ മീഡിയയിൽ കുറിച്ചു.
'വയനാട്ടിലെ ഈയിടെയുണ്ടായ ഉരുൾപൊട്ടലിൽ ഞാൻ അതീവ ദുഃഖിതനാണ്. കേരളം എല്ലായ്‌പ്പോഴും എനിക്ക് വളരെയധികം സ്‌നേഹം തന്നിട്ടുണ്ട്, കേരളാ മുഖ്യമന്ത്രിയുടെ ദുരിതാശ്വാസ നിധിയിലേക്ക് പുനരധിവാസ പ്രവർത്തനങ്ങൾക്ക് 25 ലക്ഷം സംഭാവന ചെയ്തുകൊണ്ട് എൻ്റെ പരമാവധി ചെയ്യാൻ ഞാൻ ആഗ്രഹിക്കുന്നു. നിങ്ങളുടെ സുരക്ഷയ്ക്കും ശക്തിക്കും വേണ്ടി പ്രാർത്ഥിക്കുന്നു' എന്നാണ് സോഷ്യൽ മീഡിയയിൽ കുറിച്ചിരിക്കുന്നത്.

വയനാടിനായി അല്ലു അർജുൻ 25 ലക്ഷം നൽകി

ചെന്നൈ: മുഖ്യമന്ത്രി എം.കെ. സ്റ്റാലിനെ കുറിച്ച് അപകീര്‍ത്തി പരാമര്‍ശം നടത്തിയ ബി.ജെ.പി. നേതാവ് അറസ്റ്റില്‍. ബി.ജെ.പി.യുടെ ചെന്നൈ നോര്‍ത്ത് ജില്ലാ പ്രസിഡന്റ് കബിലനാണ് അറസ്റ്റിലായത്. കഴിഞ്ഞാഴ്ച ചെന്നൈയിലെ പെരവള്ളൂരില്‍ നടന്ന പൊതുയോഗത്തില്‍ പ്രസംഗിക്കുമ്പോള്‍ നടത്തിയ പരാമര്‍ശത്തിന്റെ പേരില്‍ ഡി.എം.കെ. പോലീസില്‍ പരാതി നല്‍കിയിരുന്നു.
കേസെടുത്ത പെരവള്ളൂര്‍ പോലീസ് ഞായറാഴ്ച വ്യാസാര്‍പാടിയിലുള്ള വീട്ടിലെത്തി കബിലനെ അറസ്റ്റ് ചെയ്യുകയായിരുന്നു.

എം.കെ. സ്റ്റാലിനെ കുറിച്ച് അപകീര്‍ത്തി പരാമര്‍ശം നടത്തിയ ബി.ജെ.പി. നേതാവ് അറസ്റ്റില്‍

ആമ്പല്ലൂർ: ഒമ്പത് മാസം പ്രായമുള്ള കുഞ്ഞ് ബക്കറ്റിലെ വെള്ളത്തില്‍ വീണു മരിച്ചു. നെന്മണിക്കര തലവണിക്കര കൊളോട്ടില്‍ രാജേഷിന്‍റെയും അമൃതയുടെയും മകള്‍ നീലാദ്രിനാഥാണ് മരിച്ചത്. 10 ദിവസം മുമ്പാണ് അപകടമുണ്ടായത്.
ഉറങ്ങിക്കിടക്കുകയായിരുന്ന കുട്ടിയെ കാണാതായപ്പോള്‍ നടത്തിയ അന്വേഷണത്തില്‍ വീട്ടിലെ ബക്കറ്റില്‍ വീണ് കിടക്കുന്ന രീതിയില്‍ കണ്ടെത്തുകയായിരുന്നു.ഉടന്‍ തന്നെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. വിദഗ്ധ ചികില്‍സക്കായി പിന്നീട് കൊച്ചിയിലെ സ്വകാര്യ ആശുപത്രിയിലേക്കും മാറ്റിയെങ്കിലും ഞായറാഴ്ച രാവിലെ മരിച്ചു.

ഒമ്പത് മാസം പ്രായമുള്ള കുഞ്ഞ് ബക്കറ്റിലെ വെള്ളത്തില്‍ വീണു മരിച്ചു

റിയാദ്: വയനാട്ടിലുണ്ടായ ഉരുൾപൊട്ടൽ ദുരന്തത്തിൽ ഇരയായവര്‍ക്ക് വേണ്ടി സൗദി രാജാവ് സല്‍മാന്‍ രാജാവും കിരീടാവകാശി അമീർ മുഹമ്മദ് ബിന്‍ സല്‍മാനും ഇന്ത്യന്‍ രാഷ്​ട്രപതി ദ്രൗപതി മുര്‍മുവിന് അനുശോചന സന്ദേശമയച്ചു.
ഈ ദുരന്തത്തിന്‍റെ വേദന ഞങ്ങള്‍ അങ്ങയോട് പങ്കിടുന്നു. കാണാതായവര്‍ സുരക്ഷിതമായി അവരുടെ കുടുംബങ്ങളിലേക്ക് മടങ്ങിവരട്ടെ. പരിക്കേറ്റവര്‍ വേഗം സുഖം പ്രാപിക്കട്ടെ. മരിച്ചവരുടെ കുടുംബങ്ങള്‍ക്കും ഇന്ത്യയിലെ ജനങ്ങള്‍ക്കും ഞങ്ങളുടെ അഗാധമായ അനുശോചനവും ആത്മാർഥമായ ദുഃഖവും പങ്കുവെക്കുന്നതായും സന്ദേശത്തിൽ വ്യക്തമാക്കി.

ഉരുൾപൊട്ടൽ ;സൗദി രാജാവും കിരീടാവകാശിയും അനുശോചിച്ചു

തി​രു​വ​ന​ന്ത​പു​രം: മു​ണ്ട​ക്കൈ, ചൂ​ര​ല്‍മ​ല ഉ​രു​ള്‍പൊ​ട്ട​ല്‍ ദു​ര​ന്ത​ത്തി​ല്‍ ന​ഷ്ട​മാ​യ രേ​ഖ​ക​ള്‍ ല​ഭ്യ​മാ​ക്കു​ന്ന​തി​ന് ന​ട​പ​ടി​ക​ളാ​കു​ന്നു. എ​സ്.​എ​സ്.​എ​ല്‍.​സി, പ്ല​സ് ടു ​സ​ര്‍ട്ടി​ഫി​ക്ക​റ്റു​ക​ള്‍ ന​ഷ്ട​പ്പെ​ട്ട​തി​ന്‍റെ വി​വ​ര​ങ്ങ​ള്‍ മേ​പ്പാ​ടി ഗ​വ. ഹൈ​സ്‌​കൂ​ള്‍ പ്ര​ധാ​നാ​ധ്യാ​പ​ക​നെ രേ​ഖാ​മൂ​ലം അ​റി​യി​ക്കാം.
ജി​ല്ല വി​ദ്യാ​ഭ്യാ​സ ഓ​ഫി​സ്, വി​ദ്യാ​ഭ്യാ​സ ഉ​പ​ഡ​യ​റ​ക്ട​ര്‍ കാ​ര്യാ​ല​യം എ​ന്നി​വി​ട​ങ്ങ​ളി​ലും അ​റി​യി​ക്കാം. ഇ​തി​നാ​യി പ്ര​ത്യേ​ക സൗ​ക​ര്യ​ങ്ങ​ള്‍ ഒ​രു​ക്കി​യ​താ​യി ജി​ല്ല വി​ദ്യാ​ഭ്യാ​സ ഓ​ഫി​സ​ര്‍ അ​റി​യി​ച്ചു. ഫോ​ണ്‍: 8086983523, 9496286723, 9745424496, 9447343350, 9605386561.

ഉ​രു​ള്‍പൊ​ട്ട​ല്‍ ദു​ര​ന്ത​ത്തി​ല്‍ ന​ഷ്ട​മാ​യ രേ​ഖ​ക​ള്‍ വീണ്ടെടുക്കാം

കു​ന്ദ​മം​ഗ​ലം: വ​യ​​ട്ടി​ൽ ഉ​രു​ൾ​പൊ​ട്ട​ലു​ണ്ടാ​യ മു​ണ്ട​ക്കൈ, ചൂ​ര​ൽ​മ​ല പ്ര​ദേ​ശ​ത്തെ പു​ന​ര​ധി​വാ​സ പ്ര​വ​ർ​ത്ത​ന​ങ്ങ​ളി​ൽ പ​ങ്കു​ചേ​രു​മെ​ന്ന് സ​മ​സ്ത കേ​ര​ള ജം​ഇ​യ്യ​തു​ൽ ഉ​ല​മ ജ​ന​റ​ൽ സെ​ക്ര​ട്ട​റി​യും കേ​ര​ള മു​സ്‌​ലിം ജ​മാ​അ​ത്ത് സം​സ്ഥാ​ന പ്ര​സി​ഡ​ന്റു​മാ​യ കാ​ന്ത​പു​രം എ.​പി. അ​ബൂ​ബ​ക്ക​ർ മു​സ്‌​ലി​യാ​ർ പ​റ​ഞ്ഞു.
കേ​ര​ള മു​സ്‌​ലിം ജ​മാ​അ​ത്തി​ന്റെ ആ​ഭി​മു​ഖ്യ​ത്തി​ലാ​ണ് പു​ന​ര​ധി​വാ​സ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​വു​ക. സ​ർ​ക്കാ​ർ സം​വി​ധാ​ന​ങ്ങ​ളു​മാ​യി ചേ​ർ​ന്ന് വീ​ട് ഉ​ൾ​പ്പെ​ടെ​യു​ള്ള അ​ടി​സ്ഥാ​ന​സൗ​ക​ര്യം ഒ​രു​ക്കി​ന​ൽ​കും. ഇ​ക്കാ​ര്യ​മ​റി​യി​ച്ചും ര​ക്ഷാ​പ്ര​വ​ർ​ത്ത​ന​ങ്ങ​ളെ അ​ഭി​ന​ന്ദി​ച്ചും കാ​ന്ത​പു​രം മു​ഖ്യ​മ​ന്ത്രി​യു​മാ​യി ആ​ശ​യ​വി​നി​മ​യം ന​ട​ത്തി.
മ​ർ​ക്ക​സി​ന്റെ നേ​തൃ​ത്വ​ത്തി​ൽ ആ​ദ്യ​ഘ​ട്ട സ​ഹാ​യം ഇ​തി​ന​കം ന​ൽ​കി. എ​സ്.​വൈ.​എ​സ് സാ​ന്ത്വ​നം പ്ര​വ​ർ​ത്ത​ക​ർ ദു​ര​ന്ത​മു​ഖ​ത്തും ചാ​ലി​യാ​ർ തീ​ര​ങ്ങ​ളി​ലും നി​ല​മ്പൂ​രി​ലെ​യും മേ​പ്പാ​ടി​യി​ലെ​യും ആ​ശു​പ​ത്രി​ക​ളി​ലും ദു​രി​താ​ശ്വാ​സ ക്യാ​മ്പു​ക​ളി​ലും സേ​വ​ന​രം​ഗ​ത്ത് സ​ജീ​വ​മാ​ണെ​ന്നും പു​ന​ര​ധി​വാ​സ​ത്തി​ന് പി​ന്തു​ണ ന​ൽ​കു​മെ​ന്നും കാ​ന്ത​പു​രം മു​ഖ്യ​മ​ന്ത്രി​യെ അ​റി​യി​ച്ചു.

വയനാടിന്റെ പുനരധിവാസ പ്രവർത്തനങ്ങളിൽ പങ്കുചേരുമെന്ന് കാന്തപുരം

തിരുവനന്തപുരം: സംസ്ഥാനത്ത് വീണ്ടും മഴ ശക്തമാകുമെന്ന മുന്നറിയിപ്പുമായി കേന്ദ്ര കാലാവസ്ഥാ വകുപ്പ്. ഇന്ന് ആറ് ജില്ലകളിൽ മഞ്ഞ അലർട്ടുണ്ട്. ആലപ്പുഴ, എറണാകുളം,കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലാണ് അലർട്ട്. വടക്കൻ കേരള തീരം മുതൽ തെക്കൻ ഗുജറാത്ത്‌ തീരം വരെ ന്യൂനമർദപാത്തി സ്ഥിതിചെയ്യുന്നതിനാൽ ഒറ്റപ്പെട്ടയിടങ്ങളിൽ അതിശക്തമായ മഴക്കുള്ള സാധ്യതയാണ് പ്രവചിക്കുന്നത്.
അടുത്ത മൂന്ന് മണിക്കൂറിൽ കൊല്ലം, ആലപ്പുഴ ജില്ലകളിൽ ഒറ്റപ്പെട്ടയിടങ്ങളിൽ ഇടത്തരം മഴക്കും മണിക്കൂറിൽ 50 കിലോമീറ്റർ വരെ വേഗതയിൽ വീശിയേക്കാവുന്ന ശക്തമായ കാറ്റിനും സാധ്യതയുണ്ട്. കോട്ടയം, ഇടുക്കി, എറണാകുളം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴക്കും മണിക്കൂറിൽ 40 കിലോമീറ്റർ വരെ വേഗതയിൽ വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
6ന് രാത്രി 11.30 വരെ 1.9 മുതൽ 2.5 മീറ്റർ വരെ ഉയർന്ന തിരമാലക്കും കള്ളക്കടൽ പ്രതിഭാസത്തിനും സാധ്യതയുളളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കേണ്ടതാണ്. അഞ്ച് മുതൽ എട്ട് വരെ മധ്യ അറബിക്കടലിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ മണിക്കൂറിൽ 65 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.കടൽക്ഷോഭം രൂക്ഷമാകാൻ ശക്തമാകാൻ സാധ്യതയുള്ളതിനാൽ അപകട മേഖലകളിൽ താമസിക്കുന്നവർ ജാഗ്രത പാലിക്കണമെന്നും ആവശ്യമായ ഘട്ടത്തിൽ മാറി താമസിക്കണമെന്നും കാലാവസ്ഥ വകുപ്പിന്‍റെ നിർദേശമുണ്ട്. മലയോര മേഖലയിലേക്കുള്ള രാത്രി സഞ്ചാരം പൂർണമായി ഒഴിവാക്കണം.

സംസ്ഥാനത്ത് വീണ്ടും മഴ ശക്തമാകും; ഇന്ന് ആറ് ജില്ലകളിൽ മഞ്ഞ അലർട്ട്

തിരുവനന്തപുരം: യുവാവിന്റെ മരണം അമീബിക് മസ്തിഷ്കജ്വരം മൂലമാണെന്ന് സംശയം. പ്രാഥമിക പരിശോധനാഫലത്തിൽ തലച്ചോറിലെ അണുബാധ മൂലമാണ് മരണമെന്നാണ് കണ്ടെത്തിയിട്ടുള്ളത്. തിരുവനന്തപുരം മെഡിക്കൽ കോളേജിൽ ചികിത്സയിലിരിക്കേ ജൂലായ് 23 നാണ് നെല്ലിമൂട് സ്വദേശി അഖില്‍ മരിച്ചത്.
രണ്ട് ദിവസം മുമ്പ് സമാനലക്ഷണങ്ങളോടെ മെഡിക്കല്‍ കോളേജില്‍ പ്രവേശിപ്പിച്ച അനീഷെന്ന യുവാവിന്റെ നില ​ഗുരുതരമാണ്. അനീഷിന്റെ സാമ്പിൾ തിങ്കളാഴ്ച പരിശോധനയ്ക്ക് പരിശോധനക്കയയ്ക്കുമെന്നാണ് അധികൃതരിൽനിന്ന് ലഭിക്കുന്ന വിവരം.

യുവാവിന്റെ മരണം അമീബിക് മസ്തിഷ്കജ്വരം മൂലമാണെന്ന് സംശയം ;6 പേര്‍ കൂടി ചികിത്സയില്‍

കൊച്ചി : മറുനാട്ടുകാരൻ ട്രെയിനിൽനിന്ന് തള്ളിയിട്ട് കൊലപ്പെടുത്തിയ റെയിൽവേ ടിക്കറ്റ് എക്സാമിനർ വി. വിനോദിന്റെ അമ്മ നിര്യാതയായി. മഞ്ഞുമ്മൽ മൈത്രി നഗർ 6-ാം ലെയിൻ മാന്തുരുത്തി‍ൽ (ലളിതാ നിവാസ്) എസ്. ലളിത (67) യാണ് ശാരീരിക അവശതകൾക്കൊടുവിൽ ഞായറാഴ്ച മരണത്തിന് കീഴടങ്ങിയത്. മകന്റെ മരണം ഇവരെ പൂർണമായും തളർത്തിയിരുന്നു.
ഭക്ഷണം കഴിക്കാതായത് ശാരീരികവിഷമതകൾ കൂട്ടി. ഇടപ്പള്ളി ചുറ്റുപാടുകര തീയാട്ടിൽ റോഡിൽ ഗോകുലംവീട്ടിൽ മകൾ സന്ധ്യയ്ക്കൊപ്പമായിരുന്നു അവസാനനാളുകളിൽ താമസം. മകന്റെ മരണശേഷം മഞ്ഞുമ്മലിലെ വീട്ടിൽ ഇടയ്ക്കെത്തി മടങ്ങുമായിരുന്നു.ഏപ്രിൽ രണ്ടിനായിരുന്നു വിനോദിനെ മറുനാടൻ തൊഴിലാളിയായ രജനീകാന്ത് കൊലപ്പെടുത്തിയത്. എറണാകുളം-പട്ന ട്രെയിനിൽ വെച്ചായിരുന്നു സംഭവം.&nbsp;

മറുനാടൻ തൊഴിലാളി ട്രെയിനിൽനിന്ന് തള്ളിയിട്ട് കൊലപ്പെടുത്തിയ ടി.ടി.ഇ. വിനോദിന്റെ അമ്മ നിര്യാതയായി

കോഴിക്കോട്: പോക്‌സോ കേസിലുൾപ്പെട്ട നടൻ കൂട്ടിക്കൽ ജയചന്ദ്രൻ ഒളിവിലെന്ന് പോലീസ്. പരാതിയിൽ കേസെടുത്തതോടെ നടൻ ഒളിവിൽപ്പോവുകയായിരുന്നുവെന്ന് കസബ പോലീസ് പറഞ്ഞു. താമസസ്ഥലവും സുഹൃത്തുക്കളുടെയും ബന്ധുക്കളുടെയും വീടും പരിശോധിച്ചിരുന്നുവെന്നാണ് പോലീസ് നൽകുന്ന വിവരം. ഇയാളുടെ മൊബൈൽ ഫോൺ സ്വിച്ച് ഓഫാണ്. എവിടെയാണ് ഒളിവിലെന്നതുസംബന്ധിച്ച് ഇതുവരെ ഒരുസൂചനയും ലഭിച്ചില്ലെന്നും പോലീസ് പറഞ്ഞു.
അന്വേഷണം തുടരുന്നതിനിടെ കോഴിക്കോട് പോക്‌സോ കോടതിയിൽ ജാമ്യാപേക്ഷ നൽകി. എന്നാൽ, ജൂലായ്‌ 12-ന് ജാമ്യാപേക്ഷ തള്ളി. പിന്നീട് മുൻകൂർജാമ്യാപേക്ഷയുമായി ഹൈക്കോടതിയെ സമീപിച്ചു. ഈ ഹർജിയിൽ അടുത്തയാഴ്ചയാണ് വാദം കേൾക്കൽ.

പോക്‌സോ കേസ്: നടൻ കൂട്ടിക്കൽ ജയചന്ദ്രൻ ഒളിവിലെന്ന് പോലീസ്

കാസർകോട്: കനത്ത മഴയുടെ പശ്ചാത്തലത്തിൽ കാസർകോട് ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. കാസർകോട് ജില്ലയിൽ ഇന്ന് റെഡ് അലർട്ടാണ്. നാളെ ഓറഞ്ച് അലർട്ടും പ്രഖ്യാപിച്ചിട്ടുണ്ട്.
പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കാണ് നാളെ ജില്ലാ കളക്‌ടർ ഇമ്പശേഖർ അവധി പ്രഖ്യാപിച്ചിരിക്കുന്നത്. ട്യൂഷൻ സെന്ററുകൾ, അങ്കണവാടികൾ, മദ്രസകൾ എന്നിവയ്‌ക്കും അവധി ബാധകമാണ്. മോഡൽ റസിഡൻഷ്യൽ സ്‌കൂളുകൾക്ക് അവധി ബാധകമല്ല.

കനത്ത മഴ തുടരുന്നു;കാസർകോട് ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി

മലപ്പുറം: കനത്ത മഴയില്‍ മലപ്പുറം വഴിക്കടവ് ആദിവാസി നഗര്‍ ഒറ്റപ്പെട്ടു. പുന്നപ്പുഴയില്‍ ജലനിരപ്പുയര്‍ന്നതോടെയാണ് പുഞ്ചക്കൊല്ലി, അളക്കല്‍ ആദിവാസി നഗറുകള്‍ ഒറ്റപ്പെട്ടത്. നീലഗിരി മേഖലയില്‍ കനത്ത മഴ പെയ്തതോടെയാണ് പുന്നപ്പുഴയില്‍ ജലനിരപ്പ് ഉയര്‍ന്നത്.
വഴിക്കടവിനേയും പുഞ്ചക്കൊല്ലി അളക്കല്‍ നഗറിനേയും ബന്ധിച്ചിരുന്ന കോണ്‍ക്രീറ്റ് പാലം 2018ല്‍ ഉണ്ടായ പ്രളയത്തില്‍ ഒലിച്ചുപോയിരുന്നു. അതിനുശേഷം മുളകൊണ്ട് ഉണ്ടാക്കിയ ചങ്ങാടമാണ് ഈ പ്രദേശത്തുള്ളവര്‍ പുഴ കടക്കാന്‍ ഉപയോഗിച്ചിരുന്നത്. പുഴയില്‍ പെട്ടന്ന് ജലനിരപ്പ് ഉയര്‍ന്നതോടെ ഇവര്‍ക്ക് ചങ്ങാടം ഉപയോഗിച്ച് പുഴകടക്കാന്‍ സാധിക്കാതെ വന്നതോടെയാണ് ഈ മേഖലയില്‍ ഉള്ളവര്‍ ഒറ്റപ്പെട്ട അവസ്ഥയിലായത്.&nbsp;

മലപ്പുറത്ത് കനത്ത മഴ; വഴിക്കടവ് ആദിവാസി നഗര്‍ ഒറ്റപ്പെട്ടു

തിരുവനന്തപുരം: സംസ്ഥാനത്ത് അതിതീവ്ര മഴയ്ക്ക് സാധ്യത തുടരുന്നു. കേന്ദ്ര കാലാവസ്ഥാ വകുപ്പ് പുതുക്കിയ മഴ മുന്നറിയിപ്പ് പുറപ്പെടുവിച്ചു. നേരത്തെ റെഡ് അലര്‍ട്ട് പ്രഖ്യാപിച്ച നാലുജില്ലകളില്‍ തിങ്കളാഴ്ച മുന്നറിയിപ്പ് തുടരും. ഇതിന് പുറമേ കാസര്‍കോടും റെഡ് അലര്‍ട്ട് പ്രഖ്യാപിച്ചിട്ടുണ്ട്.
അഞ്ച് വടക്കന്‍ ജില്ലകളിലാണ് തിങ്കളാഴ്ച റെഡ് അലർട്ട്. മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ തിങ്കളാഴ്ച അതിതീവ്ര മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില്‍ 204.4 മില്ലി മീറ്ററിൽ കൂടുതല്‍ മഴ ലഭിക്കാം. ഇടുക്കി, എറണാകുളം, തൃശ്ശൂര്‍, പാലക്കാട് ജില്ലകളില്‍ ഓറഞ്ച് അലര്‍ട്ടാണ്. പത്തനംതിട്ട, ആലപ്പുഴ, കോട്ടയം ജില്ലകളില്‍ മഞ്ഞ അറിയിപ്പാണ്. കൊല്ലത്തും തിരുവനന്തപുരത്തും മഴ മുന്നറിയിപ്പില്ല.
ചൊവ്വാഴ്ച കണ്ണൂര്‍, കാസര്‍ഗോഡ് ജില്ലകളില്‍ ഓറഞ്ച് അലര്‍ട്ടാണ്. മലപ്പുറം, കോഴിക്കോട്, വയനാട് ജില്ലകളില്‍ മഞ്ഞ മുന്നറിയിപ്പും പ്രഖ്യാപിച്ചിട്ടുണ്ട്.ശക്തമായ മഴ ലഭിച്ചുകൊണ്ടിരിക്കുന്ന മലയോര മേഖലയില്‍ മണ്ണിടിച്ചില്‍, ഉരുള്‍പൊട്ടല്‍, മലവെള്ളപ്പാച്ചില്‍ സാധ്യതയുണ്ട്. വെള്ളച്ചാട്ടങ്ങള്‍, ജലാശയങ്ങള്‍, മലയോര മേഖലകള്‍ എന്നിവിടങ്ങളിലേക്കുള്ള വിനോദ യാത്രകള്‍ മഴ മുന്നറിയിപ്പ് മാറുന്നത് വരെ ഒഴിവാക്കണമെന്ന് നിര്‍ദേശമുണ്ട്.

വടക്കന്‍ ജില്ലകളിൽ അതിതീവ്ര മഴയ്ക്ക് സാധ്യത ;ജാഗ്രതാനിർദ്ദേശം

കണ്ണൂർ: വളപട്ടണം മോഷണക്കേസിൽ കൃത്യം നടന്ന് പന്ത്രണ്ടാം ദിവസമാണ് പ്രതിയെ പൊലീസ് പിടികൂടിയത്. ഇക്കഴിഞ്ഞ 20ാം തീയതിയാണ് മോഷണം നടക്കുന്നത്. പക്ഷേ മോഷണവിവരം പുറത്തറിഞ്ഞത് നാല് ദിവസങ്ങൾക്ക് ശേഷമായിരുന്നു.&nbsp;
മോഷണം നടന്ന വീടിന്റെ തൊട്ടടുത്ത് തന്നെയാണ് പ്രതി ലിജീഷ് താമസിക്കുന്നത്. ലിജീഷ് അടക്കം 215 പേരെ കേസുമായി ബന്ധപ്പെട്ട് പൊലീസ് ആദ്യഘട്ടത്തിൽ ചോദ്യം ചെയ‌്തു. കോഴിക്കോട് മുതൽ ബംഗളൂരു വരെയുള്ള സിസിടിവ് ദൃശ്യങ്ങൾ, സമാനമായ രീതിയിൽ ഭവനഭേദനം നടന്ന പഴയ 63 കേസുകൾ എന്നിവയെല്ലാം അന്വേഷണസംഘം പരിശോധിച്ചു. ഒടുവിലാണ് റൂമിൽ നിന്ന് പ്രതി പുറത്തേക്കിറങ്ങുന്ന ദൃശ്യങ്ങൾ ലഭ്യമായത്. പിന്നീട് ഇത് കേന്ദ്രീകരിച്ചായിരുന്നു കൂടുതൽ അന്വേഷണം.രണ്ടുതവണയാണ് ലിജീഷ് അയൽപക്കത്തെ അരി വ്യാപാരിയുടെ വീട്ടിൽ മോഷണത്തിന് കയറിയത്. രണ്ടും ഒരേ സമയങ്ങളിൽ. വീടിനെ കുറിച്ച് നന്നായി അറിയാവുന്ന, വീട്ടിൽ ആൾ ഉടനൊന്നും വരില്ലെന്ന് കൃത്യമായി ബോധ്യമുള്ള ആളാണ് മോഷണത്തിന് പിന്നിലെന്ന് ഇതോടെ പൊലീസിന് മനസിലായി.&nbsp;
സിസിടിവിയിൽ ലിജീഷിന്റെ ദൃശ്യങ്ങൾ അവ്യക്തമായിരുന്നു. ഇയാളുടെ ശരീരഭാഷ മനസിലാക്കുന്നതിനായി നാട്ടിലെ പലർക്കും ദൃശ്യങ്ങൾ അന്വേഷണ സംഘം കൈമാറി. അങ്ങനെയാണ് ഈ രൂപത്തിന് ലിജീഷുമായി സാദൃശ്യങ്ങളുണ്ടെന്ന് ചിലർ വിവരം നൽകുന്നത്. മറ്റൊരു സുപ്രധാന തെളിവ്, കൃത്യം നടത്തിയ സമയത്ത് ലിജീഷ് ധരിച്ച ടീഷർട്ട് ആയിരുന്നു. ഇതേ ടീഷർട്ട് നേരത്തെ കണ്ടിട്ടുള്ളവർ അത് സംബന്ധിച്ചും വിവരം കൈമാറി.കാര്യങ്ങൾ ഏറെക്കുറെ വ്യക്തമായതോടെ വീട്ടിലെത്തി ലിജീഷിനെ പൊലീസ് തന്ത്രപരമായി കൂട്ടികൊണ്ടുവരികയായിരുന്നു. ചോദ്യം ചെയ്യലിന്റെ ആദ്യഘട്ടത്തിലൊന്നും പ്രതി പൊലീസിനോട് സഹകരിച്ചില്ല. ഒടുവിൽ വീടിന്റെ പറമ്പിനോട് ചേർന്ന് ഇയാൾ കത്തിച്ച ടീഷർട്ടിന്റെയും ഗ്ളൗസിന്റെ ഭാഗങ്ങൾ കൊണ്ടുവന്നു കാണിച്ചു. ഫിംഗർ പ്രിന്റും ഒത്തുവന്നതോടെ കള്ളൻ കുടുങ്ങുകയായിരുന്നു.
മോഷണം നടത്തിയ സ്വർണവും പണവും കിടപ്പു മുറിയിൽ പ്രത്യേകം പണികഴിപ്പിച്ച അറയിലാണ് ലിജീഷ് ഒളിപ്പിച്ചത്. ഗൾഫിലായിരുന്ന ലിജീഷ് നാട്ടിലെത്തി വെൽഡിംഗ് വർക്കുകൾ ചെയ്തു വരികയായിരുന്നു.&nbsp;

തൊണ്ടിമുതൽ കിടപ്പു മുറിയിൽ പ്രത്യേകം പണികഴിപ്പിച്ച അറയിൽ;വളപട്ടണം മോഷണക്കേസിലെ പ്രതിയെ കുടുക്കിയത് ഇങ്ങനെ

Kannur

തിരുവനന്തപുരം:മാധ്യമപ്രവർത്തകൻ ആര്‍ റോഷിപാലിനെതിരായ വധഭീഷണിയില്‍ കേസെടുത്ത് പൊലീസ്. നിസാര്‍ കുമ്പിള അടക്കം എട്ട് പേര്‍ക്കെതിരെയാണ് കേസെടുത്തിരിക്കുന്നത്.&nbsp;
ഭീഷണിപ്പെടുത്തല്‍, കുറ്റകൃത്യം ചെയ്യാനുള്ള പൊതു ഉദ്ദേശ്യം എന്നീ കുറ്റങ്ങള്‍ ചുമത്തിയാണ് കേസെടുത്തിരിക്കുന്നത്. റിപ്പോർട്ടർ മാനേജിംഗ് എഡിറ്റർ ആൻ്റോ അഗസ്റ്റിൻ്റെ പരാതിയിൽ തിരുവനന്തപുരം സിറ്റി സൈബർ പൊലീസാണ് കേസെടുത്തത്.പാലക്കാട് ഉപതിരഞ്ഞെടുപ്പ് റിപ്പോര്‍ട്ടിങിന്റെ ഭാഗമായി നല്‍കിയ വാര്‍ത്തകള്‍ക്ക് പിന്നാലെയാണ് സാമൂഹിക മാധ്യമങ്ങളിലൂടെ റോഷിപാലിനെതിരെ കൊലവിളി നടത്തിയത്.

ആര്‍ റോഷിപാലിനെതിരായ കൊലവിളി; പൊലീസ് കേസെടുത്തു

Search Results for: sathyanadhan