മാനന്തവാടി: മരിച്ചിട്ടും അവഗണനയില്‍നിന്ന് മോചനമില്ലാതെ ആദിവാസികുടുംബം. ആദിവാസി വയോധികയുടെ മൃതദേഹം സംസ്‌കരിക്കുന്നതിന് കൊണ്ടുപോകാന്‍ മണിക്കൂറുകളോളം ആംബുലന്‍സിനായി കാത്തിരുന്നിട്ടും ലഭിക്കാത്തതിനെത്തുടര്‍ന്ന് ഓട്ടോയില്‍ കൊണ്ടുപോവുകയായിരുന്നു. പട്ടികവര്‍ഗവികസനവകുപ്പ് മന്ത്രിയുടെ മണ്ഡലത്തിലെ ആദിവാസികുടുംബമാണ് ഈ ദുരിതം നേരിട്ടത്.
മാനന്തവാടി എടവക വീട്ടിച്ചാല്‍ നാലുസെന്റ് കോളനിയിലെ ചുണ്ട(80)യുടെ മൃതദേഹമാണ് സംസ്‌കരിക്കാനായി ഓട്ടോയില്‍ കൊണ്ടുപോകേണ്ടിവന്നത്. ഞായറാഴ്ച രാത്രി ഏഴോടെയാണ് ചുണ്ട മരിച്ചത്. വീട്ടില്‍നിന്നു രണ്ടുകിലോമീറ്ററോളം ദൂരമുള്ള ശ്മശാനത്തില്‍ തിങ്കളാഴ്ച ഉച്ചയ്ക്ക് രണ്ടിനു മൃതദേഹം സംസ്‌കരിക്കാനാണ് ബന്ധുക്കള്‍ തീരുമാനിച്ചത്. ആംബുലന്‍സിന്റെ സേവനത്തിനായി പട്ടികവര്‍ഗ പ്രമോട്ടറെ അറിയിക്കുകയും ചെയ്തിരുന്നു.
മണിക്കൂറുകളോളം കാത്തിരുന്നിട്ടും ആംബുലന്‍സ് എത്താത്തതിനെത്തുടര്‍ന്ന് വൈകീട്ട് മൂന്നരയോടെ മൃതദേഹം ഓട്ടോയില്‍ കയറ്റിക്കൊണ്ടുപോവുകയായിരുന്നു. വിവരമറിഞ്ഞ് എടവക ഗ്രാമപ്പഞ്ചായത്ത് പ്രസിഡന്റ് ബ്രാന്‍ അഹമ്മദ്കുട്ടിയുടെ നേതൃത്വത്തിലുള്ള ജനപ്രതിനിധികള്‍ മാനന്തവാടി ട്രൈബല്‍ ഓഫീസിലെത്തി കുത്തിയിരുന്ന് പ്രതിഷേധിച്ചു. തുടര്‍ന്ന് നടത്തിയ ചര്‍ച്ചയില്‍ ആംബുലന്‍സ് ആവശ്യപ്പെടാന്‍ കാലതാമസം വരുത്തിയ പ്രമോട്ടറെ സസ്‌പെന്‍ഡ് ചെയ്ത് വിശദമായ അന്വേഷണം നടത്തി നടപടിയെടുക്കാമെന്ന ഉറപ്പില്‍ പ്രതിഷേധം അവസാനിപ്പിച്ചു.

ആംബുലന്‍സ് ലഭിച്ചില്ല; ആദിവാസി സ്ത്രീയുടെ മൃതദേഹം കൊണ്ടുപോയത് ഓട്ടോയിൽ

Kerala

തിരുവനന്തപുരം: ആശുപത്രിയിൽ ചികിത്സയിൽ കഴിയുന്ന മുൻ മുഖ്യമന്ത്രി വി.എസ്.അച്യുതാനന്ദന്റെ ആരോഗ്യനില മാറ്റമില്ലാതെ തുടരുന്നുവെന്നു മെഡിക്കൽ ബുള്ളറ്റിൻ. പട്ടത്തെ എസ്‌യുടി ആശുപത്രിയിലെ തീവ്രപരിചരണ വിഭാഗത്തിലാണ് അദ്ദേഹം ചികിത്സയിൽ കഴിയുന്നത്.&nbsp;
ഉപകരണങ്ങളുടെ സഹായമില്ലാതെ വിഎസ് സ്വയം ശ്വസിച്ചു തുടങ്ങിയതായി അദ്ദേഹത്തിന്റെ പഴ്സനൽ സ്റ്റാഫ് അംഗമായിരുന്ന വി.കെ. ശശിധരൻ സമൂഹമാധ്യമത്തിൽ ഇന്നലെ കുറിച്ചിരുന്നു. വെന്റിലേറ്ററിന്റെ സഹായം ഇപ്പോൾ ആവശ്യമായി വരുന്നില്ലെന്നും അദ്ദേഹം പറഞ്ഞു.

വിഎസിന്റെ ആരോഗ്യനിലയിൽ മാറ്റമില്ല: മെഡിക്കൽ ബുള്ളറ്റിൻ

തിരുവനന്തപുരം: അടുത്ത വർഷത്തെ സംസ്ഥാന സ്കൂൾകലോത്സവം, കായികമേള ശാസ്ത്രമേള എന്നിവ നടക്കുന്ന ജില്ലകൾ പ്രഖ്യാപിച്ചു. സ്കൂൾ കലോത്സവം തൃശ്ശൂരിലും കായികമേള തിരുവനന്തപുരത്തും ശാസ്ത്ര മേള പാലക്കാട്ടും സ്പെഷ്യൽ സ്കൂൾ മേള മലപ്പുറത്തും നടക്കും.
ഈ വർഷം 63-ാമത് സംസ്ഥാന സ്കൂൾ കലോത്സവം ജനുവരി 4 മുതൽ 8 വരെ തിരുവനന്തപുരത്താണ് നടന്നത്. 1008 പോയന്റുകൾ നേടി തൃശ്ശൂർ ജില്ല ഒന്നാം സ്ഥാനവും പാലക്കാട് -1007ഉം പോയിന്‍റുകൾ നേടിയിരുന്നു.കായിക മേള ‘സ്കൂൾ ഒളിമ്പിക്സ്’ എന്ന പേരിലാണ് നടത്തുന്നത്.

അടുത്ത സ്കൂൾ കലോത്സവം തൃശൂരിൽ, കായികമേള തിരുവനന്തപുരത്ത്

തിരുവനന്തപുരം: സെക്രട്ടേറിയേറ്റിൽ വീണ്ടും പാമ്പിനെ പിടികൂടി. ഇന്ന് രാവിലെ പത്തരയോടെ ദർബാർ ഹാളിന് പിൻഭാഗത്തായി ഭക്ഷ്യവകുപ്പ് സി സെക്ഷനിലാണ് പാമ്പിനെ കണ്ടെത്തിയത്. രാവിലെ ജീവനക്കാരെത്തിയതോടെയാണ് പാമ്പിന്റെ സാന്നിദ്ധ്യം ശ്രദ്ധയിൽപ്പെട്ടത്.
ഹൗസ് കീപ്പിംഗ് വിഭാഗം പാമ്പ് പിടിത്തക്കാരെ എത്തിച്ച് നടത്തിയ പരിശോധനയിൽ പാമ്പിനെ കണ്ടെത്തി. അരമണിക്കൂറിലധികം പരിശ്രമിച്ചാണ് ഇതിനെ പിടികൂടിയത്. ചേരപ്പാമ്പിനെയാണ് സെക്രട്ടേറിയേറ്റിൽ കണ്ടെത്തിയതെന്നാണ് വിവരം. ഫയൽ റാക്കുകൾ കൂട്ടിയിട്ടിരുന്ന സ്ഥലത്താണ് പാമ്പുണ്ടായിരുന്നത്. സെക്രട്ടേറിയറ്റിൽ ഇതേഭാഗത്ത് കുറച്ച് മാസങ്ങൾക്ക് മുമ്പ് പാമ്പിനെ കണ്ടെത്തിയിരുന്നു.

സെക്രട്ടേറിയറ്റിൽ വീണ്ടും പാമ്പ്; കണ്ടെത്തിയത് ഭക്ഷ്യ വകുപ്പിന്റെ ഓഫീസിൽ

തിരുവനന്തപുരം: കേരള ക്രിക്കറ്റ് ലീഗ് ലേലത്തിൽ ഇന്ത്യൻ ക്രിക്കറ്റ് താരം സഞ്ജു സാംസണെ കൊച്ചി ബ്ലൂ ടൈഗേഴ്‌സ് 26.80 ലക്ഷം രൂപയ്ക്ക് സ്വന്തമാക്കി. സഞ്ജുവിന്റെ അടിസ്ഥാന വില 3 ലക്ഷമായിരുന്നെങ്കിലും കൊച്ചി ബ്ലൂ ടൈഗേഴ്‌സ്, തൃശൂർ ടൈറ്റൻസ്, ട്രിവാൻഡ്രം റോയൽസ് എന്നിവർ തമ്മിലുള്ള കടുത്ത ലേലമാണ് വില ഉയരാൻ കാരണമായത്. ഇതോടെ കെസിഎൽ ചരിത്രത്തിലെ ഏറ്റവും വിലയേറിയ കളിക്കാരനായി സഞ്ജു.
തിരുവനന്തപുരം: കേരള ക്രിക്കറ്റ് ലീഗ് ലേലത്തിൽ ഇന്ത്യൻ ക്രിക്കറ്റ് താരം സഞ്ജു സാംസണെ കൊച്ചി ബ്ലൂ ടൈഗേഴ്‌സ് 26.80 ലക്ഷം രൂപയ്ക്ക് സ്വന്തമാക്കി. സഞ്ജുവിന്റെ അടിസ്ഥാന വില 3 ലക്ഷമായിരുന്നെങ്കിലും കൊച്ചി ബ്ലൂ ടൈഗേഴ്‌സ്, തൃശൂർ ടൈറ്റൻസ്, ട്രിവാൻഡ്രം റോയൽസ് എന്നിവർ തമ്മിലുള്ള കടുത്ത ലേലമാണ് വില ഉയരാൻ കാരണമായത്. ഇതോടെ കെസിഎൽ ചരിത്രത്തിലെ ഏറ്റവും വിലയേറിയ കളിക്കാരനായി സഞ്ജു.

കെസിഎൽ താരലേലം; സഞ്ജുവിനെ റെക്കോ‌‌‌ർഡ് തുകയ്ക്ക് സ്വന്തമാക്കി കൊച്ചി ബ്ലൂ ടൈഗേഴ്‌സ്

തിരുവനന്തപുരം: സംസ്ഥാനത്തുണ്ടാകുന്ന വാഹനാപകടങ്ങളിലും അപകടമരണങ്ങളിലും ചെറിയ ശതമാനത്തിനെങ്കിലും കാരണമായി തെരുവുനായ്ക്കൾ.കഴിഞ്ഞ വർഷമുണ്ടായ 3875 വാഹനാപകട മരണങ്ങളിൽ 17 മരണത്തിന്‌ കാരണമായത് തെരുവിൽ അലഞ്ഞ മൃഗങ്ങളായിരുന്നുവെന്നാണ് പോലീസിന്റെ കണക്ക്.ഇക്കൊല്ലം ഇതുവരെയുണ്ടായ 956 മരണങ്ങളിൽ ആറെണ്ണത്തിന് കാരണവും തെരുവു നായ്ക്കളാണെന്നും ഉദ്യോഗസ്ഥർ ചൂണ്ടിക്കാട്ടി.
കഴിഞ്ഞ വർഷമുണ്ടായ 48841 റോഡപകടങ്ങളിൽ 147 അപകടങ്ങൾക്ക് കാരണമായത് പ്രധാനമായും തെരുവുനായ്ക്കളാണ്. കാട്ടുപന്നി വാഹനത്തിലിടിച്ച ഏതാനും സംഭവങ്ങളുമുണ്ടായി. മൃഗങ്ങൾ കാരണമായ അപകടങ്ങളിൽ 127 പേർക്ക് ഗുരുതരമായ പരിക്കേറ്റിരുന്നു. 33 പേർക്ക് ചെറു പരിക്കുകളുമുണ്ടായി. മൃഗങ്ങൾ കാരണമുണ്ടായ മൊത്തം അപകടങ്ങളിൽ 118 എണ്ണം ഗുരുതര പരിക്കുകൾക്ക് കാരണമായ അപകടങ്ങളാണെന്നും ഉദ്യോഗസ്ഥർ ചൂണ്ടിക്കാട്ടി.&nbsp;
പോലീസ് കേസ് രജിസ്റ്റർ ചെയ്ത 147 അപകടങ്ങളിൽ നാലെണ്ണത്തിൽ മാത്രമാണ് വാഹനയാത്രക്കാർക്ക് പരിക്കേൽക്കാതിരുന്നത്.വാഹനങ്ങൾക്ക് കുറുകെ തെരുവിൽ അലയുന്ന മൃഗങ്ങൾ അപ്രതീക്ഷിതമായി ചാടുന്നതാണ് അപകടങ്ങൾക്ക് ഇടയാക്കുന്നതും അവ ഗുരുതരമാക്കുന്നതെന്നും ഉദ്യോഗസ്ഥർ പറഞ്ഞു.മൊത്തം അപകടമരണത്തിന്റെ ഒരു ശതമാനത്തിൽ താഴെമാത്രമാണ് ഇത്തരം അപകടങ്ങളെങ്കിലും എല്ലാ വർഷവും ഇത് മാറ്റമില്ലാതെ തുടരുന്നുണ്ട്.

തെരുവുനായകൾ കാരണമായ വാഹനാപകടങ്ങൾ; കഴിഞ്ഞ വർഷം മരിച്ചത് 17 പേർ

Search Results for: parliament