അഴിയൂർ: പഞ്ചായത്ത് മുസ്ലീം ലീഗ് കമ്മിററിയുടെ ആഭിമുഖ്യത്തിൽ ഈ വർഷം ഹജ്ജ് കർമ്മത്തിന് പോകുന്നവർക്ക് ലീഗ് ഓഫിസിൽ വെച്ച് യാത്രയയപ്പ് നൽകി. മുസ്ലീം ലീഗ് പഞ്ചായത്ത് പ്രസിഡണ്ട് യു.എ.റഹീം അധ്യക്ഷത വഹിച്ചു. ജനറൽ സെക്രട്ടറി പി.പി.ഇസ്മായിൽ സ്വാഗതം പറഞ്ഞു. വടകര മണ്ഡലം വൈസ് പ്രസിഡണ്ട് കാസിം നെല്ലോളി, സെക്രട്ടറി പ്രെഫ. പാമ്പള്ളി മഹമൂദ്, ടി.സി.എച്ച് അബൂബക്കർ ഹാജി, യൂസഫ് കുന്നുമ്മൽ , പി.കെ കാസിം, നവാസ് നെല്ലോളി, ഹാരിസ് മുക്കാളി, ജംഷിദ് ഹുദവി, ചെറിയ കോയ തങ്ങൾ, അബൂബക്കർ കടവിൽ, സഫീർ കല്ലാമല, മുഹമ്മദ് പാണത്തോടി, നിസാർ വി എന്നിവർ സംസാരിച്ചു. സാജിദ് നെല്ലോളി, മഹമ്മൂദ് ഫനാർ, ജബ്ബാർ നെല്ലോളി, അബ്ദുറസാക്ക് അഴിയൂർ, സഫീർ പുല്ലമ്പി എന്നിവർ സംബന്ധിച്ചു.

യാത്രയയപ്പ് നൽകി

Vadakara

വടകര: അടക്കാതെരു ശാഖ വനിതാ ലീഗ് സംഗമം നടത്തി. വനിതാ ലീഗ് സംസ്ഥാന ജനറൽ സെക്രട്ടറി അഡ്വ പി. കുൽസു ഉദ്ഘാടനം ചെയ്തു. ഹൈറുന്നിസ്സ സലാം അധ്യക്ഷത വഹിച്ചു. യൂത്ത് ലീഗ് ദേശീയ സെക്രട്ടറി നജ്മ തബ്ഷീറ മുഖ്യ പ്രഭാഷണം നടത്തി. പി. കെ. സി റഷീദ്, വടക്കയിൽ റഫീക്ക്, ഇക്ബാൽ കുളൂർക്കണ്ടി, ഒതയോത്ത് അബ്ബാസ്, ഹാരിസ് കോരം വളപ്പിൽ, പി. കെ. സി ഇല്യാസ്, സുബൈബ മൊട്ടേമ്മൽ, റജീന മൻസൂർ, പി. കെ. സി അഷ്‌റഫ്‌, ഗഫൂർ തിണ്ടച്ചേരി എന്നിവർ ആശംസ പ്രസംഗം നടത്തി.&nbsp;
സലൂജ ഫൈസൽ സ്വാഗതവും ഫാഷിത മൻസൂർ നന്ദിയും പറഞ്ഞു. ഭാരവാഹികളായി പ്രസിഡന്റ് ഹൈറുന്നിസ്സ സലാം, സെക്രട്ടറി സലൂജ ഫൈസൽ, ട്രഷറർ റംല വടക്കയിൽ, വൈസ് പ്രസിഡന്റ് അഫ്സത്ത് ഗഫൂർ തിണ്ടച്ചേരി, സൈനബ മമ്മു പറമ്പത്ത്, ബുഷ്‌റ താഴെ പുനത്തിൽ, ജോ സെക്രട്ടറി അഫ്സത്ത് കണ്ടിയിൽ, നുസ്രത്ത് റഹീം, ഷാഹിദ ചെട്ടിയാംക്കണ്ടി എന്നിവരെ തിരഞ്ഞെടുത്തു.

വനിതാ ലീഗ് സംഗമം നടത്തി

അഴിയൂർ: ഗ്രാമ പഞ്ചായത്ത്‌ പ്രസിഡന്റ്‌ അയിഷ ഉമ്മറിനെ ആക്രമിച്ചവരെ ഉടൻ അറസ്റ്റ് ചെയ്യണമെന്ന് കോഴിക്കോട് ജില്ല മുസ്ലീം ലീഗ് ട്രെഷറർ സൂപ്പി നരിക്കാട്ടേരി. അഴിയൂർ ലീഗ് ഹൌസിൽ ചേർന്ന പ്രവർത്തക സംഗമം ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം. യൂ എ റഹീം, ഇസ്മയിൽ പി പി, അലി എ വി, അൻവർ ഹാജി, ആയിഷ ഉമ്മർ, ശ്യാമള, റഹീം പി പി, ജലീൽ ടി സി എച്ച് എന്നിവർ സംസാരിച്ചു.

'ഗ്രാമ പഞ്ചായത്ത്‌ പ്രസിഡന്റിനെ ആക്രമിച്ചവരെ ഉടൻ അറസ്റ്റ് ചെയ്യണം'

കോഴിക്കോട്: മുഖ്യമന്ത്രിയെ പറയാൻ ആയിട്ടില്ലെന്ന എ.എ. റഹീമിന്റെ പ്രസ്താവനയ്ക്ക് മറുപടി പറഞ്ഞ് കെ.എം. ഷാജി. മുഖ്യമന്ത്രിയെ പറയാൻ ഏത് കോഴ്സാണ് പഠിക്കേണ്ടത്. മുഖ്യമന്ത്രി എന്ന ആന കുത്തിയിട്ട് വീണിട്ടില്ല. പിന്നെയാണോ ആനപ്പിണ്ടം തടഞ്ഞ് വീഴുന്നതെന്നും കെ.എ ഷാജി പരിഹസിച്ചു. കോഴിക്കോട്ട് മാധ്യമങ്ങളോട് സംസാരിക്കുകയായിരുന്നു ഷാജി.
"മുഖ്യമന്ത്രിയെ പറയാൻ ഷാജി ആയിട്ടില്ലെന്നാണ് റഹീം പറയുന്നത്. അതിന് ഏത് കോഴ്സാ പഠിക്കേണ്ടത്, ഏത് കോളേജിലാ പോകേണ്ടത്. എങ്ങിനെയാണ് അത് പറയാനുള്ള അവസരമെന്ന് റഹീം പറഞ്ഞുതന്നാൽ കൊള്ളാം. കാരണം, അത് റഹീമിന് മനസ്സിലാകുന്ന കാര്യങ്ങൾ ആണല്ലോ. ആനുകൂല്യങ്ങൾ പറ്റാൻ ഏത് തരത്തിലാണ് സംസാരിക്കേണ്ടത്".
കേരളത്തിലെ ജനങ്ങളുടെ ചെലവിലാണ് മുഖ്യമന്ത്രിയും അദ്ദേഹത്തിന്റെ ഭാര്യയും പേരക്കുട്ടിയും വരെ യാത്രചെയ്യുന്നത്. നാടിന്റെ ചെലവിലാണ് യാത്രയെങ്കിൽ ആ മുഖ്യമന്ത്രിയെ ജനാധിപത്യ രീതിയിൽ വിമർശിച്ചിരിക്കുമെന്നും ഷാജി പറഞ്ഞു.

പിണറായി എന്ന ആന കുത്തീട്ട് വീണിട്ടില്ല, പിന്നെയാണോ ആനപ്പിണ്ടം; റഹീമിന് മറുപടിയുമായി കെ.എം ഷാജി

മലപ്പുറം: പാണക്കാട് സാദിഖലി ശിഹാബ് തങ്ങൾക്കെതിരായ മുഖ്യമന്ത്രി പിണറായി വിജയന്റെ പരാമർശത്തിനെതിരേ മുസ്‌ലിം ലീഗ്. പരാമർശം ദൗർഭാഗ്യകരവും സമൂഹം ഉൾക്കൊള്ളാത്തതുമാണെന്ന് ദേശീയ ജനറൽസെക്രട്ടറി പി.കെ. കുഞ്ഞാലിക്കുട്ടി പറഞ്ഞു. സാദിഖലി തങ്ങൾ ജമാഅത്തെ ഇസ്‌ലാമിയുടെ അനുയായിയെപ്പോലെ പ്രവർത്തിക്കുന്നുവെന്നായിരുന്നു മുഖ്യമന്ത്രി പറഞ്ഞത്.
സർക്കാരിനു ചെയ്യാൻപറ്റാത്തത് പാണക്കാട്ടെ തങ്ങൾ ചെയ്യുന്നതിലുള്ള അസൂയയാണ് മുഖ്യമന്ത്രിക്ക്. മുനമ്പം വിഷയത്തിലടക്കം മതസൗഹാർദം കാത്തുസൂക്ഷിക്കാൻ സാദിഖലി തങ്ങളുടെ ഇടപെടൽ ജനങ്ങൾ കാണുന്നുണ്ട്. ജനങ്ങളുടെ ഹൃദയത്തിലാണ് പാണക്കാട് തങ്ങന്മാരുടെ സ്ഥാനമെന്നും അതിന് സർക്കാരിന്റെ ഗുഡ് സർട്ടിഫിക്കറ്റിന്റെ ആവശ്യമില്ലെന്നും കുഞ്ഞാലിക്കുട്ടി പറഞ്ഞു.
രാഷ്ട്രീയപ്രക്ഷുബ്ധതയുടെ കാലത്ത് ശിഹാബ് തങ്ങൾ എടുത്ത അതേ നിലപാടുതന്നെയാണ് സാദിഖലി തങ്ങളും സ്വീകരിക്കുന്നത്. മുനമ്പം വിഷയം കത്താതിരിക്കാൻ മുന്നിൽനിന്ന് പ്രവർത്തിച്ചത് അദ്ദേഹമാണ്. എന്നാൽ, പ്രശ്നം അവസാനിക്കരുതെന്ന ബി.ജെ.പി.യുടെ നയം തന്നെയാണ് സി.പി.എമ്മിനുമുള്ളത്. രാഷ്ട്രീയനേട്ടമുണ്ടാക്കാൻ ഏതറ്റംവരെയും പോകാമെന്ന സി.പി.എം. നിലപാടിന്റെ ഭാഗമാണിത്. ഗതികേടിന്റെ അറ്റമാണ് മുഖ്യമന്ത്രിയുടെ പരാമർശം.സന്ദീപ് വാരിയരുടെ കോൺഗ്രസ് പ്രവേശത്തോടെ യു.ഡി.എഫാണ് വിജയിക്കാൻ പോകുന്നതെന്ന പ്രതീതി മണ്ഡലത്തിലുണ്ടായി. ഇത് മതേതരവിശ്വാസികളുടെ വോട്ട് യു.ഡി.എഫിന് അനുകൂലമായി ഏകീകരിക്കുമെന്ന ഭയത്തിലാണ് ഇത്തരം പ്രസ്താവനകൾ.സന്ദീപ് വാരിയർ പാണക്കാട്ട്‌ വന്നത് നല്ല സന്ദേശമാണു നൽകുകയെന്നും അതിന് അനുകൂല സ്വാധീനമുണ്ടാകുമെന്നും കുഞ്ഞാലിക്കുട്ടി കൂട്ടിച്ചേർത്തു.

സാദിഖലി തങ്ങൾക്കെതിരായ മുഖ്യമന്ത്രിയുടെ പരാമർശം ദൗർഭാഗ്യകരം;സർക്കാരിന്റെ ഗുഡ് സർട്ടിഫിക്കറ്റ് വേണ്ടെന്നും കുഞ്ഞാലിക്കുട്ടി

കൽപറ്റ: വയനാട് ഉരുൾപൊട്ടൽ ദുരന്തബാധിതരെ പുനരധിവസിപ്പിക്കുന്നതിന്റെ ഭാഗമായി 100 വീടുകൾ നിർമിച്ച് നൽകുമെന്ന് മുസ്‌ലിം ലീഗ് സംസ്ഥാന അധ്യക്ഷൻ സാദിഖലി ശിഹാബ് തങ്ങൾ പറഞ്ഞു.
ദുരിതബാധിതരുടെ അതിജീവനത്തിന് ആവശ്യമായ തൊഴിൽ, ചികിത്സ, വിദ്യാഭ്യാസം തുടങ്ങിയ സമഗ്രമായ പുനരധിവാസ പാക്കേജ് നടപ്പാക്കുമെന്നും അദ്ദേഹം പറഞ്ഞു. അതിനാവശ്യമായ ഫണ്ട് സമാഹരണവുമായി മുന്നോട്ടുപോകാനാണ് തീരുമാനം. മുസ്‌ലിം ലീഗിന്റെ സഹായ നിധിയിലേക്ക് സംഭാവന നൽകിയവരുടെ വിശ്വാസം പൂർണമായും സംരക്ഷിക്കുമെന്ന് തങ്ങൾ കൂട്ടിച്ചേർത്തു.പുനരധിവാസ പദ്ധതിക്കായി സർക്കാർ സഹകരണവും ലഭിക്കുമെന്നാണ് പ്രതീക്ഷിക്കുന്നതെന്ന് പാർട്ടി ജനറൽ സെക്രട്ടറി പി.കെ.കുഞ്ഞാലിക്കുട്ടിയും വ്യക്തമാക്കി.&nbsp;

വയനാട് ദുരന്തം: മുസ്‌ലിം ലീഗ് 100 വീടുകൾ നിർമിച്ചു നൽകും

മലപ്പുറം: മലപ്പുറത്ത് വികസനം വരാൻ മുസ്‌ലിം ലീഗ് എൻ.ഡി.എ മുന്നണിയുടെ ഭാഗമാകണമെന്ന് ഡോ. എം. അബ്ദുൽ സലാം. മുസ്‌ലിംകളെ ബി.ജെ.പി ഒരിക്കലും ശത്രുവായി കണ്ടിട്ടില്ല. ലീഗിനെ എൻ.ഡി.എയിൽ കൊണ്ടുവരണമെന്ന ആവശ്യം പാർട്ടിയിൽ ഉന്നയിക്കും. പോസിറ്റീവ് ആയ ഫലം ഉണ്ടാകും. ലീഗിന് ഒരു മന്ത്രി സ്ഥാനവും കിട്ടും. ഇത് മലപ്പുറത്തെ ജനങ്ങൾക്ക് ഗുണം ചെയ്യുമെന്നും അബ്ദുൽ സലാം പറഞ്ഞു.
ബി.ജെ.പിക്ക് 2047 വരെയുള്ള കൃത്യമായ അജണ്ടയുണ്ട്. കൃത്യമായ പദ്ധതികളുണ്ട്. ലക്ഷ്യബോധമുണ്ട്. മോദി നിങ്ങളുടെയെല്ലാം ശത്രുവാണെന്ന കള്ളപ്രചാരണം നടത്തുകയായിരുന്നു ഇവിടുത്തെ ഇൻഡ്യ മുന്നണി. അതിന്‍റെ ഭാഗമായാണ് ഇവിടെ മാറി വോട്ട് ചെയ്തത്. മുസ്‌ലിംകൾ വലിയ തോതിൽ വോട്ട് ചെയ്തു. എന്നാൽ, അവർ അറിയുന്നില്ല രാജ്യത്തിന്‍റെ വികസനം താഴേക്ക് പോയാൽ അത് എല്ലാവരേയുമാണ് ബാധിക്കുന്നത് എന്ന് -അബ്ദുൽ സലാം പറഞ്ഞു.കാലിക്കറ്റ് സർവകലാശാല മുൻ വൈസ് ചാൻസലർ കൂടിയായ അബ്ദുൽ സലാമിന് മലപ്പുറത്ത് 85,361 വോട്ട് മാത്രമാണ് നേടാനായത്.&nbsp;

മുസ്‌ലിം ലീഗ് എൻ.ഡി.എ മുന്നണിയുടെ ഭാഗമാകണമെന്ന് ഡോ. എം. അബ്ദുൽ സലാം

യു എ ഇ: മുസ്‌ലിം ലീഗ് കോഴിക്കോട് ജില്ലാ കമ്മറ്റിയുടെ കീഴിൽ കോഴിക്കോട് സ്ഥാപിക്കുന്ന ബാഫഖി തങ്ങൾ കമ്മ്യൂണിറ്റി റിസോഴ്സ് സെന്റർ പ്രചരണാർത്ഥം ദുബൈയിൽ എത്തി ചേർന്ന മുസ്‌ലിം ലീഗ് കോഴിക്കോട് ജില്ലാ നേതാക്കളായ എം എ റസാക്ക്, ടി ടി ഇസ്മായിൽ , സൂപ്പി നരിക്കാട്ടേരി , അഹമ്മദ് പുന്നക്കൽ എന്നിവർക്ക് ദുബൈ കെ എം സി സി കോഴിക്കോട് ജില്ലാ കമ്മറ്റിയുടെ ആഭിമുഖ്യത്തിൽ സ്വീകരണം നൽകി.
സ്വീകരണ സമ്മേളനം മുസ്‌ലിം ലീഗ് സംസ്ഥാന സെക്രട്ടറിയും എം എൽ എ യുമായ പ്രൊഫസർ ആബിദ് ഹുസ്സൈൻ തങ്ങൾ ഉത്ഘാടനം ചെയ്തു. ദുബൈ കെ എം സി സി കോഴിക്കോട് ജില്ലാ പ്രസിഡന്റ് കെ പി മുഹമ്മദ് അധ്യക്ഷത വഹിച്ചു. എം എ റസാക്ക് (പ്രസിഡന്റ് കോഴിക്കോട് ജില്ലാ മുസ്ലിം ലീഗ് ) , ടി ടി ഇസ്മായിൽ ( ജനറൽ സെക്രട്ടറി കോഴിക്കോട് ജില്ലാ മുസ്ലിം ലീഗ് ), സൂപ്പി നരിക്കാട്ടേരി (ട്രഷറർ , കോഴിക്കോട് ജില്ലാ മുസ്ലിം ലീഗ് ), അഹമ്മദ് പുന്നക്കൽ (വൈസ് പ്രസിഡന്റ് , കോഴിക്കോട് ജില്ലാ മുസ്ലിം ലീഗ്) , അഡ്വക്കറ്റ് സാജിദ് അബൂബക്കർ (ദുബൈ കെ എം സി സി സംസ്ഥാന സീനിയർ സെക്രട്ടറി), എം കെ ജലീൽ (മുസ്ലിം ലീഗ് , നടുവണ്ണൂർ പഞ്ചായത്ത് സെക്രട്ടറി), ഹാരിസ് മുറിച്ചാണ്ടി , ഇല്യാസ് എന്നിവർ സംസാരിച്ചു. ദുബൈ കെ എം സി സി കോഴിക്കോട് ജില്ലാ ജനറൽ സെക്രട്ടറി ജലീൽ മഷ്ഹൂർ തങ്ങൾ സ്വാഗതവും , ട്രഷറർ ഹംസ കാവിൽ നന്ദിയും പറഞ്ഞു. ജില്ലാ ഭാരവാഹികളായ ഇസ്മായിൽ ചെരുപ്പേരി, തെക്കയിൽ മുഹമ്മദ്, ടി.എൻ അഷ്റഫ്, മൊയ്തീൻ കോയ ഹാജി, മൊയ്തു അരൂർ, മജീദ് കൂനഞ്ചേരി, സിദ്ദീഖ് യു.പി, സറീജ് ചീക്കിലോട്, ഗഫൂർ പാലോളി എന്നിവർ നേതൃത്വം നൽകി. പ്രൊഫസർ ആബിദ് ഹുസ്സൈൻ തങ്ങൾ എം എൽ എ നേതാക്കൾക്ക് ഉപഹാരം നൽകി.

മുസ്‌ലിം ലീഗ് കോഴിക്കോട് ജില്ലാ നേതാക്കൾക്ക് ദുബൈയിൽ സ്വീകരണം

Gulf

കൊച്ചി: മുസ്ലിം ലീഗ് ജില്ലാ പ്രസിഡന്റ് ഹംസ പാറക്കാട്ടിനെ തിരഞ്ഞെടുക്കപ്പെട്ട എല്ലാ സ്ഥാനങ്ങളില്‍നിന്നും നീക്കി. ലീഗ് എറണാകുളം ജില്ലാ കമ്മിറ്റി ഓഫീസ് നിര്‍മാണ ഫണ്ട് വിനിയോഗവുമായി ബന്ധപ്പെട്ടുയര്‍ന്ന ആരോപണങ്ങളുടെ അടിസ്ഥാനത്തില്‍ അന്വേഷണ സമിതിയുടെ ശുപാര്‍ശയുടെ അടിസ്ഥാനത്തിലാണ് സംസ്ഥാന പ്രസിഡന്റ് സയ്യിദ് സാദിഖലി ശിഹാബ് തങ്ങള്‍ നടപടി സ്വീകരിച്ചത്. നേതൃത്വത്തിന്റെ നടപടിയില്‍ പ്രതിഷേധിച്ച് ജില്ലയിലെ മുസ്ലിം ലീഗ്, യൂത്ത് ലീഗ്, എം.എസ്.എഫ്., എസ്.ടി.യു. നേതാക്കള്‍ യോഗം ചേര്‍ന്ന് മാര്‍ച്ച് മൂന്നിന് ആലുവയില്‍ വിപുലമായ കണ്‍വെന്‍ഷന്‍ വിളിക്കാന്‍ തീരുമാനിച്ചു. മൂന്ന് വൈസ് പ്രസിന്റുമാരുടെയും നാല് സെക്രട്ടറിമാരുടെയും സംസ്ഥാന ഭാരവാഹികളുടെയും നേതൃത്വത്തിലാണ് ജില്ലയിലെ നേതാക്കളുടെ യോഗം ചേര്‍ന്നത്.
ജില്ലയിലെ ഭാരവാഹി തിരഞ്ഞെടുപ്പുമായി ബന്ധപ്പെട്ട തര്‍ക്കങ്ങളാണ് ജില്ലാ പ്രസിഡന്റിന്റെ സസ്പെന്‍ഷനിലേക്ക് എത്തിയത്. ഇബ്രാഹിംകുഞ്ഞ് വിഭാഗം നല്‍കിയ പരാതിയുടെ അടിസ്ഥാനത്തിലാണ് നടപടി. ജില്ലയിലെ പാര്‍ട്ടിയില്‍ വലിയ ഭൂരിപക്ഷം അവകാശപ്പെടുന്ന ഇബ്രാഹിംകുഞ്ഞ് വിരുദ്ധ വിഭാഗം പ്രസിഡന്റ് സ്ഥാനവും ജനറല്‍ സെക്രട്ടറി സ്ഥാനവും തങ്ങള്‍ക്ക് വേണമെന്ന അവകാശവാദമാണ് ആദ്യംമുതല്‍ ഉന്നയിച്ചിരിക്കുന്നത്. അതിനെ മറികടന്നുകൊണ്ട് ഇബ്രാഹികുഞ്ഞിന്റെ മകന്‍ വി.ഇ. അബ്ദുള്‍ ഖഫൂറിനെ ജനറല്‍ സെക്രട്ടറിയായി നേതൃത്വം പ്രഖ്യാപിച്ചതുമുതലാണ് ജില്ലയിലെ മുസ്ലിം ലീഗില്‍ പ്രശ്നങ്ങള്‍ രൂക്ഷമായത്. ഭാരവാഹി തിരഞ്ഞെടുപ്പിനെതിരേ മുന്‍സിഫ് കോടതിയില്‍ നല്‍കിയ കേസില്‍ രണ്ടുദിവസത്തിനകം വിധി വരാനിരിക്കെയാണ് ജില്ലാ പ്രസിഡന്റിനെത്തന്നെ നീക്കിയത്.
ജില്ലാ ആസ്ഥാന മന്ദിരവുമായി ബന്ധപ്പെട്ട് ഉയര്‍ന്നിട്ടുള്ള ആരോപണങ്ങള്‍ കെട്ടിച്ചമച്ചതാണെന്നും വ്യക്തമായ കണക്കുകളും കാര്യങ്ങളും അന്വേഷണ സമിതിക്കു മുന്നില്‍ ബോധ്യപ്പെടുത്തിയതാണെന്നുമാണ് ഇബ്രാഹിംകുഞ്ഞ് വിരുദ്ധര്‍ പറയുന്നത്. ജില്ലാ ഭാരവാഹി തിരഞ്ഞെടുപ്പുമായി ബന്ധപ്പെട്ട് തങ്ങള്‍ ഉറച്ച നിലപാടില്‍ നില്‍ക്കുന്നതിനാലാണ് പ്രസിഡന്റിനെത്തന്നെ നീക്കിക്കൊണ്ടുള്ള ഇടപെടല്‍ ഉണ്ടായിരിക്കുന്നതെന്നും അവര്‍ ആരോപിച്ചു. അടുത്തിടെ ആലുവയില്‍ നടന്ന യൂത്ത് ലീഗ് യോഗത്തില്‍ പാര്‍ട്ടിയിലെ ഇരു വിഭാഗങ്ങളും തമ്മില്‍ തര്‍ക്കവും ൈകയാങ്കളിയും നടന്നിരുന്നു. ഇതിനെതിരേയും നേതൃത്വത്തിന് പരാതികള്‍ പോയിരുന്നു. കോടതിയില്‍ നില്‍ക്കുന്ന കേസില്‍ അനുകൂല വിധിയുണ്ടാവുമെന്ന പ്രതീക്ഷയില്‍ ഇബ്രാഹിംകുഞ്ഞ് വിരുദ്ധര്‍ ഉറച്ച നിലപാടുമായി മുന്നോട്ടുപോകുന്നതിനിടെയാണ് അതിന് നേതൃത്വം നല്‍കുന്ന ആളെത്തന്നെ സ്ഥാനത്തുനിന്ന് നീക്കിയത്. വരുന്ന ലോക്സഭാ തിരഞ്ഞെടുപ്പിലടക്കം സ്വന്തം നിലയിലുള്ള പ്രവര്‍ത്തനങ്ങളുമായി മുന്നോട്ടുപോകാനാണ് അവരുടെ തീരുമാനം.

എറണാകുളം മുസ്‌ലിംലീഗില്‍ പൊട്ടിത്തെറി; ജില്ലാ പ്രസിഡന്റിനെ നീക്കിയ നടപടിയിൽ പ്രതിഷേധം ശക്തം

തിരുവനന്തപുരം: ലോക്സഭാ തിരഞ്ഞെടുപ്പിൽ മുസ്‍ലിം ലീഗിന് മൂന്നാം സീറ്റില്ല. രാജ്യസഭാ സീറ്റ് പകരമായി മുസ്‍ലിം ലീഗിന് നൽകും. മുസ്‍ലിം ലീഗ് മലപ്പുറത്തും, പൊന്നാനിയിലും മത്സരിക്കും. കോൺഗ്രസ് 16 സീറ്റിൽ മത്സരിക്കും. ഇത്തവണ രാജ്യസഭാ സീറ്റ് ലീഗിനു നൽകുന്നതിനു പകരമായി, പിന്നീട് വരുന്ന രാജ്യസഭാ സീറ്റ് കോൺഗ്രസ് എടുക്കുമെന്ന് പ്രതിപക്ഷ നേതാവ് വി.ഡി.സതീശൻ പറഞ്ഞു.
യുഡിഎഫ് ഭരണത്തിലെത്തുമ്പോൾ മൂന്ന് രാജ്യസഭാ സീറ്റ് കോൺഗ്രസിനും രണ്ടു സീറ്റ് മുസ്‍ലിം ലീഗിനുമാണ് ഉണ്ടാകാറുള്ളത്. അത് ഉറപ്പു വരുത്തും. ലീഗ് നേതാക്കളും പ്രവർത്തകരും ലോക്സഭയിലേക്ക് മൂന്നാം സീറ്റ് ചോദിച്ചിരുന്നു. കൊടുക്കണമെന്ന് കോൺഗ്രസിന് ആഗ്രമുണ്ടായെങ്കിലും പ്രായോഗിക ബുദ്ധിമുട്ടുണ്ടായതായി പ്രതിപക്ഷ നേതാവ് പറഞ്ഞു. മൂന്നാം സീറ്റിന് ലീഗിന് അർഹതയുണ്ട്. സാധാരണ പ്രതിപക്ഷത്തുള്ളപ്പോൾ ലീഗിന് ഒരു രാജ്യസഭാ സീറ്റാണ് ഉണ്ടാകാറുള്ളത്. എന്നാൽ, രണ്ടു വർഷം മുൻപ് തന്നെ രണ്ടു രാജ്യസഭാ സീറ്റ് ലീഗിന് ലഭിച്ചു. സീറ്റ് വിഭജനം ദേശീയ നേതൃത്വവുമായി ആലോചിച്ച് എടുത്ത തീരുമാനമാണ്.
കോൺഗ്രസ് സ്ഥാനാർഥി ചർച്ചകളിലേക്ക് ഇന്ന് കടക്കുമെന്ന് പ്രതിപക്ഷ നേതാവ് പറഞ്ഞു. കേന്ദ്ര നേതൃത്വവുമായി സംസാരിച്ച് തീരുമാനം പ്രഖ്യാപിക്കും. കോൺഗ്രസ് സ്ഥാനാർഥി ചർച്ചകൾ വൈകിയിട്ടില്ല. തിരഞ്ഞെടുപ്പ് പ്രഖ്യാപിച്ചിട്ടില്ല. 5 ദിവസം മുൻപാണ് എല്‍ഡിഎഫ് സ്ഥാനാർഥി ചർച്ച പൂർത്തിയാക്കിയത്. ആദ്യം കോൺഗ്രസിന്റെ സ്ക്രീനിങ് കമ്മിറ്റി യോഗം ചേരും. ഇവിടുത്തെ ചർച്ചകൾ കമ്മിറ്റിയെ അറിയിക്കും. പിന്നീട് സെൻട്രൽ ഇലക്ഷൻ കമ്മിറ്റി ചേരുമെന്നും പ്രതിപക്ഷ നേതാവ് പറഞ്ഞു.
ടി.പി കൊലപാതക കേസിൽ നിയമപോരാട്ടം തുടരുമെന്ന് കെപിസിസി പ്രസിഡന്റ് കെ.സുധാകരൻ പറഞ്ഞു. കൊലയിൽ സിപിഎമ്മിന് പങ്കില്ലെന്ന വാദം പൊളിഞ്ഞു. ഗൂഢാലോചന നടത്തിയ മുഴുവൻ പേരെയും പിടികൂടണം. ടി.പി കേസിലെ പ്രതികൾക്ക് പരോൾ ലഭിക്കുന്നത് സർക്കാർ സഹായത്തോടെയാണെന്ന് കോടതിക്ക് മനസിലായി. ടി.പി കേസിലെ പ്രതികളുടെ വാലാട്ടി നിൽക്കുന്ന ഉദ്യോഗസ്ഥരാണ് ജയിലുകളിലുള്ളത്. പാർട്ടി ഭരിക്കുമ്പോൾ പ്രതികൾക്ക് സുഖജീവിതം ലഭിക്കുമെന്ന് കണ്ടതിനാലാണ് കോടതി ശിക്ഷ വർധിപ്പിച്ചതും പരോൾ ഒഴിവാക്കണമെന്ന് നിർദേശിച്ചതും. സിപിഎമ്മിന്റെ അക്രമരാഷ്ട്രീയം തിരഞ്ഞെടുപ്പിൽ പ്രചാരണവിഷയമാകും. മുഖ്യമന്ത്രിയടക്കം രക്തദാഹിയാണെന്നും കെ.സുധാകരൻ പറഞ്ഞു.

യുഡിഎഫ് സീറ്റ് വിഭജനം പൂർത്തിയായി; മൂന്നാം സീറ്റില്ല, മലപ്പുറത്തും പൊന്നാനിയിലും മാത്രം മുസ്‍ലിം ലീഗ് മത്സരിക്കും

Kerala

അഴിയൂർ: മുസ്ലീം ലീഗ് അഴിയൂർ പഞ്ചായത്ത് സമ്മേളനത്തിന്റെ ഭാഗമായി പ്രവാസി സംഗമം കുഞ്ഞിപ്പള്ളി മശിരിഖ് ഓഡിറ്റോറിയത്തിൽ (ടി.പി.അഷ്റഫ് നഗർ) സംഘടിപ്പിച്ചു. പ്രവാസി ലീഗ് സംസ്ഥാന പ്രസിഡണ്ട് ഹനീഫ മുന്നിയൂർ പരിപാടി ഉൽഘാടനം ചെയ്തു. കെ.അൻവർഹാജി അദ്ധ്യക്ഷത വഹിച്ചു.
കെ.എം.സി.സി ദുബൈ ജലാലുദ്ദീൻ ടി.കെ. സ്വാഗതം പറഞ്ഞു. പ്രവാസി ലീഗ് വടകര മണ്ഡലം പ്രസിഡണ്ട് എം.കെ.യൂസഫ് ,മുസ്ലീം ലീഗ് പഞ്ചായത്ത് പ്രസിഡണ്ട് യു.എ.റഹിം, ജനറൽ സെക്രട്ടറി പി.പി.ഇസ്മായിൽ, വടകര മണ്ഡലം വൈസ്പ്രസിഡണ്ട് കാസിം ഹാജി നെല്ലോളി, മണ്ഡലം സെക്രട്ടറി പാമ്പള്ളി മഹമൂദ്, ഇസ്മായിൽ ഹാജി അജ്മാൻ , ടി.സി.എച്ച് അബൂബക്കർ ഹാജി, നൌഷാദ് കുഞ്ഞിപ്പള്ളി, പഞ്ചായത്ത് യൂത്ത് ലീഗ് പ്രസിഡണ്ട് ജലീൽ ടി.സി.എച്ച്, ജനറൽ സെക്രട്ടറി ഷാനിസ് മൂസ, റഹീം കൊട്ടരത്തിൽ, പി.കെ. സിറാജ് എന്നിവർ സംസാരിച്ചു. അബ്ദുറഹീം പി.പി, നവാസ് ചാപ്പയിൽ , എം.ടി. സലാം, ഒ കെ ഇബ്രാഹിം, പി.കെ. കാസ്മി , മൊയ്തു അഴിയൂർ, ഖാദർ ഏറാമല, ഇ.ടി. മൊയ്തു ഹാജി, സവാദ് ടി.സി.എച്ച്, സമീർ കൂടാളി, ലത്തീഫ് ടി.സി.എച്ച്, നസീർ അജ്മാൻ , മജീദ് കല്ലാമല, അബ്ദുൽ അസീസ് അസീസിയ, ഫൈസൽ ടി.കെ , ടി. ജി യൂസഫ്, അർഷാദ് നെല്ലോളി , മഹമ്മൂദ് ഫനാർ , സഫീർ പുല്ലമ്പി, ജബ്ബാർ നെല്ലോളി , റഹീസ് അഴിയൂർ , നൌഷാദ് പി.കെ എന്നിവർ സംബന്ധിച്ചു.

പ്രവാസി സംഗമം സംഘടിപ്പിച്ചു

അഴിയൂർ: ഈ മാസം 16, 17, 18 തീയ്യതികളിൽ നടക്കുന്ന മുസ്ലീം ലീഗ് അഴിയൂർ പഞ്ചായത്ത് സമ്മേളനത്തോടനുബന്ധിച്ച്‌ എം.എസ്.എഫ് വിദ്യാർത്ഥി സമ്മേളനം സി.എച്ച് നഗർ ഹാജിയാർ പള്ളി (ആസിഫ്, റഫ്നാസ് നഗർ) ൽ സംഘടിപ്പിച്ചു. സംസ്ഥാന എം.എസ്.എഫ് പ്രസിഡണ്ട് പി.കെ. നവാസ് പരിപാടി ഉൽഘാടനം ചെയ്തു. എം.എസ്.എഫ് പഞ്ചായത്ത് പ്രസിഡണ്ട് ഫജർ ഫാറൂക്ക് അദ്ധ്യക്ഷത വഹിച്ചു. കോഴിക്കോട് ജില്ലാ എം.എസ് എഫ് പ്രസിഡണ്ട് അഫ്നാസ് ചോറോട് , എം.എസ്, എഫ് മണ്ഡലം സെക്രട്ടറി മുബശ്ശിർ പി.കെ, മുസ്ലീം ലീഗ് പഞ്ചായത്ത് ജനറൽ സെക്രട്ടറി പി.പി.ഇസ്മായിൽ, യൂത്ത് ലീഗ് ജനറൽ സെക്രട്ടറി ഷാനീസ് മൂസ, ഇ ടി.അയ്യൂബ്, വടകര മണ്ഡലം മുസ്ലിം ലീഗ് സെക്രട്ടറി പാമ്പളളി മഹമ്മൂദ്, ടി.സി.എച്ച് അബൂബക്കർ ഹാജി, അലി ഹാജി ഏ.വി, വാർഡ് മെമ്പർ സാജിദ് നെല്ലോളി , നൌഷാദ് പി.കെ., ഷക്കീർ ടി.ജി എന്നിവർ സംസാരിച്ചു.&nbsp;
എം.എസ്.എഫ് പഞ്ചായത്ത് ജനറൽ സെക്രട്ടറി സലാവുദ്ധീൻ അയ്യൂബി സ്വാഗതവും അജ്മൽ പൂഴിത്തല നന്ദിയും പറഞ്ഞു. വിദ്യാർത്ഥികളടെ സംഗമവും കലാപരിപാടിയും ഉണ്ടായി. ഹൈസം, സഫ്വാൻ, സൽമാൻ ,അബ്ദുള്ള സഫീർ , ഫൈസൽ ടി.കെ., ജലീൽ ടി.സി.എച്ച്, ജബ്ബാർ നെല്ലോളി, നൂർ മുഹമ്മദ്, സഫീർ പുല്ലമ്പി, മഹമൂദ് ഫനാർ, റഹീസ് എന്നിവർ നേതൃത്വം നൽകി.

എം.എസ്.എഫ് വിദ്യാർത്ഥി സമ്മേളനം നടത്തി

കൊച്ചി: എറണാകുളത്ത് മുസ്‍ലിം ലീഗ് യോഗത്തില്‍ സംഘർഷം. ജില്ലാ പ്രസിഡണ്ട് ഹംസ പറക്കാട്ടില്‍ പ്രസംഗിക്കുമ്പോള്‍ യൂത്ത് ലീഗ് ജില്ലാ വൈസ് പ്രസിഡണ്ട് മൈക്ക് തട്ടിത്തെറിപ്പിച്ചു. വിഭാഗീയതയെ കുറിച്ച് സംസാരിക്കുന്നതിനിടെയാണ് എതിർപക്ഷം സ്റ്റേജ് കയ്യേറിയത്. സംഘർഷത്തില്‍ നാല് പേർക്ക് പരിക്കേറ്റു.എറണാകുളത്ത് കബീർ - ഇബ്രാഹിംകുഞ്ഞ് ഗ്രൂപ്പ് തർക്കം രൂക്ഷമായതിന് പിറകേയാണ് സംഘർഷം.

ജില്ലാ പ്രസിഡണ്ട് പ്രസംഗിക്കവേ മൈക്ക് തട്ടിത്തെറിപ്പിച്ചു; മുസ്‍ലിം ലീഗ് യോഗത്തിൽ സംഘർഷം

മലപ്പുറം: പട്ടിക്കാട്​ ജാമിഅ നൂരിയ വാർഷിക സനദ്​ദാന സമ്മേളനത്തിൽനിന്നും സ്ഥിരംപ്രഭാഷകനായ അബ്ദുൽ ഹമീദ്​ ഫൈസി അമ്പലക്കടവിനെ ഒഴിവാക്കിയതുമായി ബന്ധപ്പെട്ട്​ വിവാദം. വിഷയത്തിൽ, പാണക്കാട്​ സാദിഖലി ശിഹാബ്​ തങ്ങൾ ​പ്രതികരിക്കാൻ തയ്യാറായില്ല. ബുധനാഴ്ച രാവിലെ മലപ്പുറത്തെ ഒരു ചടങ്ങിൽ പ​ങ്കെടുക്കാനെത്തിയ സാദിഖലി തങ്ങൾ ഇതേകുറിച്ച്​ അറിയില്ലെന്നാണ്​ മാധ്യമങ്ങളോട്​ പറഞ്ഞത്​. സുന്നി യുവജനസംഘം സംസ്ഥാന വർക്കിംഗ്​ സെക്രട്ടറിയായ അബ്​ദുൽ ഹമീദ്​ ഫൈസി അമ്പലക്കടവ്​ വർഷങ്ങളായി ജാമിഅ നൂരിയ്യ സമ്മേളനത്തിലെ സ്ഥിരം പ്രഭാഷകനാണ്​. ഇത്തവണ പ്രോഗ്രാം നോട്ടീസിൽ അദ്ദേഹത്തിന്‍റെ പേരില്ല. സത്താർ പന്തല്ലൂർ, സലാഹുദ്ദീൻ ഫൈസി തുടങ്ങിയ നേതാക്കളേയും തഴഞ്ഞതായി ആരോപണമുണ്ട്​. എസ്​.വൈ.എസിന്‍റെ സംസ്ഥാന അധ്യക്ഷനായ പാണക്കാട്​ സാദിഖലി ശിഹാബ്​ തങ്ങളാണ്​ ജാമിഅയുടേയും പ്രസിഡന്‍റ്​.&nbsp;
മുസ്​ലിംലീഗ്​ തീരുമാനപ്രകാരമാണ്​ അബ്​ദുൽ ഹമീദ്​ ഫൈസി അടക്കമുള്ളവരെ മാറ്റിനിർത്തിയതെന്നാണ്​ ആരോപണം. സമസ്തയിലെ ഒരു വിഭാഗവും ലീഗും തമ്മിൽ കുറച്ചുകാലമായി പല വിഷയങ്ങളിലും ഭിന്നദ്രുവങ്ങളിലാണ്​. കേക്ക്​ മുറിക്കൽ അടക്കമുള്ള വിഷയങ്ങളിൽ സാദിഖലി തങ്ങളുമായുള്ള വിയോജിപ്പ്​ സമസ്ത നേതാക്കൾ പരസ്യമായി പ്രകടിപ്പിച്ചിരുന്നു. ജാമിഅയുടെ പൂർവ്വ വിദ്യാർഥികൂടിയായ അബ്ദുൽ ഹമീദ്​ ഫൈസി​യെ മാറ്റിനിർത്തിയതിനെതി​രെ ചില പോഷക സംഘടനകളിൽനിന്നും പ്രതിഷേധം ഉയർന്നിട്ടുണ്ട്​.&nbsp;&nbsp;

ജാമിഅ നൂരിയ സമ്മേളനത്തിൽ നിന്ന് അബ്​ദുൽ ഹമീദ്​ ഫൈസിയെ ഒഴിവാക്കി; ലീഗ്​ തീരുമാനപ്രകാരമെന്ന് ആരോപണം

ശ്രീന​ഗർ: ജമ്മു കശ്മീരിലെ ഉധംപുരിൽ സിആർപിഎഫ് വാഹനം അപകടത്തിൽപ്പെട്ട് മൂന്ന് സൈനികർ മരിച്ചു. 12 സൈനികർക്ക് പരിക്കേറ്റു. സിആർപിഎഫുകാർ സഞ്ചരിച്ചിരുന്ന വാഹനം കൊക്കയിലേക്ക് മറിയുകയായിരുന്നു.&nbsp;
വ്യാഴാഴ്ച കഡ്വ-ബസന്ത്ഗഢ് മേഖലയിലായിരുന്നു അപകടം. ഉധംപുർ എഎസ്‌പി സന്ദീപ് ഭട്ട് അപകടം സ്ഥിരീകരിക്കുകയും രക്ഷാപ്രവർത്തനം ആരംഭിച്ചതായി വ്യക്തമാക്കുകയും ചെയ്തു.സാധ്യമായ എല്ലാ സഹായവും ഉറപ്പാക്കിയതായി കേന്ദ്രമന്ത്രി ജിതേന്ദ്ര സിങ് വ്യക്തമാക്കി. '

ഉധംപുരിൽ സിആർപിഎഫ് വാഹനം കൊക്കയിലേക്ക് മറിഞ്ഞ് മൂന്ന് സൈനികർ മരിച്ചു

National

കൊച്ചി: നടനും സംവിധായകനുമായ ബാലചന്ദ്ര മേനോനെ ഭീഷണിപ്പെടുത്തി പണം തട്ടിയ കേസിൽ അഭിഭാഷകൻ അറസ്റ്റിൽ. കൊല്ലം സ്വദേശി അഡ്വക്കേറ്റ് സം​ഗീത് ലൂയിസാണ് അറസ്റ്റിലായത്. കാക്കനാട് സൈബർ പോലീസിന്റേതാണ് നടപടി.
സാമൂഹിക മാധ്യമങ്ങളിലൂടെയും ഫോണിലൂടെയുമാണ് സം​ഗീത് ലൂയിസ് ബാലചന്ദ്രമേനോനെ പണമാവശ്യപ്പെട്ട് വിളിച്ച് ഭീഷണിപ്പെടുത്തിയത്. കേസിലെ രണ്ടാം പ്രതിയാണ് ഇയാൾ. ഒന്നാം പ്രതി മിനു മുനീർ നേരത്തെ അറസ്റ്റിലായിരുന്നു. കൊച്ചി സിറ്റി സൈബർ ക്രൈം പൊലീസാണ് മിനുവിനെ അറസ്റ്റ് ചെയ്തത്. പിന്നീട് ഇവർ ജാമ്യത്തിലിറങ്ങി. ബാലചന്ദ്രമേനോനിൽ നിന്നും പണംതട്ടാൻ മീനുവും സംഗീതും ഗ‍ൂഢാലോചന നടത്തിയിരുന്നുവെന്നും കൂടുതൽ പേർ സംഘത്തിലുണ്ടോ എന്നും പോലീസ് അന്വേഷിക്കുന്നുണ്ട്.

ബാലചന്ദ്ര മേനോനെ ഭീഷണിപ്പെടുത്തി പണം തട്ടി: അഭിഭാഷകൻ അറസ്റ്റിൽ

തിരുവനന്തപുരം : മെസിയെ ക്ഷണിക്കാനെന്ന പേരിൽ കായികമന്ത്രി വി അബ്ദുറഹ്മാൻ നടത്തിയ സ്പെയിൻ യാത്രയ്ക്ക് ചെലവായത് ലക്ഷങ്ങളെന്ന് കണക്ക്.ഏകദേശം 13 ലക്ഷം രൂപയാണ് ഇതിനായി സർക്കാരിന് ചെലവായതെന്ന് വിവരാവകാശരേഖയിൽ പറയുന്നു.2024 സെപ്തംബറിലായിരുന്നു മന്ത്രിയുടെ യാത്ര.
മന്ത്രിക്കൊപ്പം കായിക വകുപ്പ് സെക്രട്ടറിയും കായിക യുവജനകാര്യ ഡയറക്ടറും സ്‌പെയിൻ സന്ദർശിച്ചിരുന്നു. മെസിയെ കൊണ്ടുവരുന്നതിൽ സർക്കാരിന് ഒരു രൂപപോലും ചെലവായില്ലെന്ന മന്ത്രിയുടെ വാദവും പൊളിയുകയാണ്.മെസി ഈ വർഷം കേരളത്തിലേക്ക് വരില്ലെന്ന് കഴിഞ്ഞദിവസം മന്ത്രി സ്ഥിരീകരിച്ചിരുന്നു.ഈ ഒക്ടോബറിൽ മെസിയെയും അർജന്റീന ടീമിനെയും കേരളത്തിലെത്തിക്കാനായിരുന്നു ശ്രമം.&nbsp;

മെസിയെ ക്ഷണിക്കാൻ സർക്കാരിന് ചെലവായത് 13 ലക്ഷം രൂപ, വിവരങ്ങൾ പുറത്ത്

തിരുവനന്തപുരം: തദ്ദേശസ്ഥാപനങ്ങളിലേയ്ക്കുള്ള പൊതുതിരഞ്ഞെടുപ്പിനു മുന്നോടിയായി വോട്ടര്‍പട്ടിക പുതുക്കുന്നതിനുള്ള അവസാനതീയതി ഓഗസ്റ്റ് 12 വരെ നീട്ടിയതായി സംസ്ഥാന തിരഞ്ഞെടുപ്പ് കമ്മീഷണര്‍ എ.ഷാജഹാന്‍അറിയിച്ചു. വോട്ടര്‍പട്ടികയില്‍ പേരുചേര്‍ക്കാനുള്ള അവസാന തിയതി ഇന്നുവരെയായിരുന്നു. എന്നാല്‍ പട്ടികയില്‍ പേരുചേര്‍ക്കാനുള്ള സമയപരിധി നീട്ടി നല്‍കണമെന്ന് പ്രതിപക്ഷ കക്ഷികള്‍ ആവശ്യപ്പെട്ടിരുന്നു. ഈ സാഹചര്യത്തിലാണ് സമയപരിധി നീട്ടിയത്.
അതേസമയം വോട്ടര്‍പട്ടികയില്‍ പേരുചേര്‍ക്കാനായി ഓണ്‍ലൈന്‍ വഴി നിരവധി അപേക്ഷകളാണ് കമ്മീഷന് ലഭിക്കുന്നത്. കഴിഞ്ഞ രണ്ടാഴ്ചക്കിടെ 19.21 ലക്ഷം അപേക്ഷകളാണ് ലഭിച്ചത്. രാഷ്ട്രീയ കക്ഷികള്‍ വ്യാപകമായി അര്‍ഹരായ യുവാക്കളെ കണ്ടെത്തി പട്ടികയില്‍ പേരുചേര്‍പ്പിക്കാന്‍ മത്സരിക്കുന്നുണ്ട്.
ഇവയില്‍ ഭൂരിഭാഗവും ഹിയറിങ് നടത്തിയിട്ടില്ല. ഹിയറിങ്ങിന് വിളിക്കുമ്പോള്‍ ദൂരെസ്ഥലത്ത് പഠിക്കുകയോ ജോലി ചെയ്യുകയോ ചെയ്യുന്നവര്‍ക്ക് പകരം സംവിധാനമുണ്ട്. ഇവര്‍ക്ക് വേണ്ടി രക്തബന്ധമുള്ള ബന്ധുക്കള്‍ തിരിച്ചറിയല്‍ രേഖകള്‍ ഇലക്ടറല്‍ രജിസ്‌ട്രേഷന്‍ ഓഫീസറായ തദ്ദേശ സ്ഥാപന സെക്രട്ടറിക്ക് മുന്നില്‍ ഹാജരാകണം. അല്ലെങ്കില്‍ ഹിയറിങ്ങിന് നേരിട്ട് ഹാജരാകാന്‍ ഒരവസരം കൂടി അപേക്ഷകര്‍ക്ക് നല്‍കും.

വോട്ടര്‍പട്ടിക പുതുക്കുന്നതിനുള്ള സമയപരിധി നീട്ടി, പേരുചേര്‍ക്കാന്‍ അപേക്ഷാ പ്രവാഹം

കൊച്ചി: തനിക്കെതിരേ എടുത്ത കേസിൽ എഫ്ഐആർ റദ്ദാക്കണമെന്ന് ആവശ്യപ്പെട്ട് നടി ശ്വേതാ മേനോൻ ഹൈക്കോടതിയെ സമീപിച്ചു. വ്യാഴാഴ്ച രാവിലെയാണ് നടി ഹൈക്കോടതിയിൽ ഹർജി സമർപ്പിച്ചത്. അന്വേഷണം അടിയന്തരമായി സ്റ്റേ ചെയ്യണമെന്ന് ആവശ്യപ്പെട്ടാണ് ഹർജി.
തനിക്കെതിരായ നടപടി വസ്തുതകൾ പരിശോധിക്കാതെയാണെന്നാണ് ഹർജിയിൽ ശ്വേത പറയുന്നത്. രാജ്യത്ത് സെൻസർ ചെയ്ത ചിത്രങ്ങളിലാണ് അഭിനയിച്ചത്. അതിന് പുരസ്കാരങ്ങളടക്കം ലഭിച്ചിരുന്നു. നിയമവിരുദ്ധമായി താൻ ഒന്നും ചെയ്തിട്ടില്ലെന്നും അവർ വ്യക്തമാക്കുന്നു. വ്യാഴാഴ്ച തന്നെ ഹർജി പരി​ഗണിക്കുമെന്നാണ് റിപ്പോർട്ടുകൾ.സാമ്പത്തികലാഭത്തിനുവേണ്ടി സിനിമയിൽ അശ്ലീലരംഗങ്ങളിൽ അഭിനയിച്ചെന്ന പരാതിയിലാണ് നടി ശ്വേതാ മേനോന്റെപേരിൽ പോലീസ് കേസെടുത്തത്.&nbsp;

ശ്വേതാ മേനോൻ ഹൈക്കോടതിയെ സമീപിച്ചു; എഫ്ഐആർ റദ്ദാക്കണമെന്ന് ആവശ്യം

Search Results for: cyber police