എരുമേലി: കിണർ വൃത്തിയാക്കാൻ ഇറങ്ങിയപ്പോൾ ശ്വാസംമുട്ടൽ അനുഭവപ്പെട്ട തൊഴിലാളിയും രക്ഷിക്കാനിറങ്ങിയ വ്യക്തിയും മരിച്ചു. മുക്കട സ്വദേശി അനീഷ്, രക്ഷിക്കാനെത്തിയ എരുമേലി സ്വദേശി ഗോപകുമാർ(50) എന്നിവരാണ് മരിച്ചത്. എരുമേലി ടൗണിൽ തുണ്ടിയിൽ ഷൈബുവിന്റെ പുരയിടത്തിലെ കിണറ്റിൽ ഇറങ്ങിയപ്പോഴായിരുന്നു അപകടം.
35 അടി താഴ്ചയുള്ള കിണർ വൃത്തിയാക്കാനാണ് അനീഷ് ഇറങ്ങിയത്. മൂന്നടിയിൽ താഴെ വെള്ളം മാത്രമേ കിണറ്റിൽ ഉണ്ടായിരുന്നുള്ളൂ. ഇരുവരുടേയും മൃതദേഹം എരുമേലി സർക്കാർ ആശുപത്രിയിൽ സൂക്ഷിച്ചിരിക്കുകയാണ്.

കിണർ വൃത്തിയാക്കുന്നതിനിടെ തൊഴിലാളിയും രക്ഷിക്കാനിറങ്ങിയ ആളും മരിച്ചു

Kerala

പെരുമ്പെട്ടി: സഹോദരിമാർക്കൊപ്പം കളിക്കുന്നതിനിടെ വീടിന് സമീപമുള്ള പുരയിടത്തിലെ കിണറ്റിൽവീണ് രണ്ടുവയസ്സുകാരിക്ക് ദാരുണാന്ത്യം.പെരുമ്പെട്ടി അമ്പലവയലിൽ താമസിക്കുന്ന മലയാലപ്പുഴ തലച്ചിറ കുരുട്ടുംമൂടിയിൽ കെ.കെ.ഷാജിയുടെയും വെള്ളയിൽ സരളയുടെയും മകൾ അരുണിമ (പാറു) ആണ് മരിച്ചത്. വ്യാഴാഴ്ച വൈകീട്ട് അഞ്ചിനായിരുന്നു അപകടം.
സഹോദരിമാരായ അമയയ്ക്കും അനഘയ്ക്കുമൊപ്പമാണ് കുട്ടി കളിച്ചുകൊണ്ടിരുന്നത്. ഇതിനിടെ സമീപത്തുള്ള പുരയിടത്തിലേക്ക് കയറിയപ്പോൾ ആൾമറയില്ലാത്ത കിണറ്റിൽ വീഴുകയായിരുന്നു.
കുട്ടികളുടെ കരച്ചിൽകേട്ട് ഒാടിയെത്തിയ തോട്ടംതൊഴിലാളികൾ അരുണിമയെ റാന്നി താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം വെള്ളിയാഴ്ച പോസ്റ്റുമോർട്ടത്തിനുശേഷം ബന്ധുക്കൾക്ക് വിട്ടുനൽകും.&nbsp;

സഹോദരിമാർക്കൊപ്പം കളിക്കുന്നതിനിടെ കിണറ്റിൽവീണ് രണ്ടുവയസ്സുകാരിക്ക്  ദാരുണാന്ത്യം

തിരുവനന്തപുരം: വീട്ടുമുറ്റത്തെ കിണറ്റിൽ വീണ് അഞ്ചുവയസുകാരന് ദാരുണാന്ത്യം. നേമം കുളകുടിയൂര്‍ക്കോണത്ത് സര്‍വോദയം റോഡ് പത്മവിലാസത്തില്‍ സുമേഷ് – ആര്യ ദമ്പതികളുടെ മകന്‍ ദ്രുവനാണ് മരിച്ചത്. കഴിഞ്ഞ ദിവസം വൈകിട്ട് നഴ്‌സറിയില്‍ നിന്നെത്തിയ ശേഷം വീട്ടുമുറ്റത്ത് രണ്ട് വയസുള്ള സഹോദരി ദ്രുവികയോടൊപ്പം കളിക്കവേയാണ് ദ്രുവന്‍ കിണറ്റില്‍ വീണത്. സംസാര ശേഷിയില്ലാത്തതിനാൽ ദ്രുവൻ വീണത് ആരും അറിഞ്ഞില്ല. കുട്ടിയെ കാണാതെ പരിഭ്രാന്തിയിലായ കുടുംബം വീടിന് ചുറ്റും അന്വേഷിച്ചു. ഒടുവിൽ കിണറ്റിൽ പരിശോധിച്ചപ്പോഴാണ് കുട്ടിയെ കണ്ടെത്തുന്നത്.
ഒരാഴ്ച മുൻപ് ദ്രുവൻ കിണറ്റിലെറിഞ്ഞ പാവക്കുട്ടിയെ തിരയാനായി കിണറിലേക്ക് നോക്കിയപ്പോഴാകാം അപകടമെന്നാണ് കരുതുന്നത്. അതെടുക്കാൻ കസേര വലിച്ചിട്ട് കിണറിലേക്ക് നോക്കിയെന്ന് സംശയിക്കുന്നു. അഗ്നിരക്ഷാ സേന സ്ഥലത്തെതിയാണ് കുട്ടിയുടെ മൃതദേഹം പുറത്തെടുക്കുന്നത്. സംഭവം നടക്കുമ്പോൾ പെയിന്റിങ് തൊഴിലാളിയായ അച്ഛൻ സുമേഷ് ജോലിക്കു പോയിരിക്കുകയായിരുന്നു. അമ്മ ആര്യ തുണികൾ കഴുകിക്കൊണ്ടിരിക്കുകയായിരുന്നു. തിരിച്ചുവന്നപ്പോൾ വീട്ടുമുറ്റത്ത് കളിച്ചുകൊണ്ടിരുന്ന സഹോദരിയെ മാത്രമാണ് കണ്ടത്.

സംസാര ശേഷിയില്ലാത്ത അഞ്ചു വയസുകാരൻ കിണറ്റിൽ മരിച്ച നിലയിൽ

തിരുവല്ലം: യുവാവിനെ വീട്ടുവളപ്പിലെ കിണറ്റില്‍ വീണ് മരിച്ചനിലയില്‍ കണ്ടെത്തി. തിരുവല്ലം പുഞ്ചക്കരി പേരകം കല്ലുപറമ്പത്ത് വീട്ടില്‍ പരേതനായ കൃഷ്ണന്റെയും രമണിയുടെയും മകന്‍ കെ. രാജേഷ്(43) ആണ് മരിച്ചത്. ചൊവ്വാഴ്ച അര്‍ധരാത്രി ഒന്നോടെയാണ് സംഭവം. രാജേഷിനെ കാണാതായതിനെ തുടര്‍ന്ന് വീട്ടുകാര്‍ നടത്തിയ തിരച്ചിലിലാണ് കിണറ്റില്‍ മൃതദേഹം കണ്ടെത്തിയത്.&nbsp;
തുടര്‍ന്ന് വിഴിഞ്ഞം അഗ്‌നിരക്ഷാസേനയുടെ സഹായത്തോടെ മൃതദേഹം പുറത്തെടുത്തു. പോസ്റ്റുമോര്‍ട്ടത്തിനുശേഷം മൃതദേഹം സംസ്‌കരിച്ചു. രാജേഷ് തിരുവല്ലം കെ.എസ്.ഇ.ബി ഓഫീസിലെ ലൈന്‍മാനായിരുന്നു. സംഭവത്തില്‍ തിരുവല്ലം പോലീസ് കേസെടുത്തിട്ടുണ്ട്. ഭാര്യ: സ്വപ്ന. മക്കള്‍: സ്നേഹ, സഞ്ചന.

യുവാവ് കിണറ്റില്‍ മരിച്ചനിലയില്‍

വയനാട് : തൊണ്ടർനാട് തേറ്റമലയില്‍ വയോധികയെ കിണറ്റില്‍ മരിച്ച നിലയില്‍ കണ്ടെത്തി. 75 വയസ്സ് പ്രായമുള്ള കുഞ്ഞാമിയുടെ മൃതദേഹമാണ് വീടിന് അരകിലോമീറ്ററോളം അകലെയുള്ള ഉപയോഗിക്കാത്ത കിണറ്റില്‍ നിന്ന് കണ്ടെത്തിയത്.&nbsp;&nbsp;
കുഞ്ഞാമിയെ ഇന്നലെ മുതല്‍ കാണാതായിരുന്നു. പൊലീസും ഫയർഫോഴ്സും ചേർന്ന് മൃതദേഹം കിണറ്റില്‍ നിന്ന് പുറത്തെത്തിച്ചു. ഡോഗ് സ്ക്വാഡ്, വിരലടയാള വിദഗ്ധർ എന്നിവർ സ്ഥലത്തുണ്ട്

മാനന്തവാടിയിൽ വയോധികയെ കിണറ്റിൽ മരിച്ച നിലയിൽ കണ്ടെത്തി

കോഴിക്കോട്: ചേവായൂരിൽ നിയന്ത്രണംവിട്ട കാർ കിണറ്റിലേക്ക് മറിഞ്ഞു. ഇടറോഡിൽനിന്നും പ്രധാന റോഡിലേക്ക് കയറുന്നതിനിടെ സമീപത്തെ വീടിന്റെ ​ഗെയ്റ്റും മതിലും തകർത്തശേഷം കിണറ്റിലേക്ക് തലകീഴായി വീഴുകയായിരുന്നു.
കിണറിന് മുകളിലുള്ള ഇരുമ്പ് നെറ്റിൽ തങ്ങിയാണ് കാർ നിന്നത്. ശനിയാഴ്ച രാത്രിയിലാണ് സംഭവം. ചേവായൂർ സ്വദേശി രാധാകൃഷ്ണനാണ് വാഹനം ഓടിച്ചിരുന്നത്. കാറിനുള്ളിൽ കുടുങ്ങിയ ഇദ്ദേഹത്തെ അ​ഗ്നിരക്ഷാസേന എത്തിയാണ് പുറത്തെത്തിച്ചത്. നിസാര പരിക്കുകളുണ്ട്..

ചേവായൂരിൽ നിയന്ത്രണംവിട്ട കാർ തലകീഴായി കിണറ്റിലേക്ക് മറിഞ്ഞു

Kozhikode

തൃശൂർ: വേലൂരിൽ കിണർ ഇടിഞ്ഞ് താണതിനൊപ്പം കിണറ്റിൽ വീണ് യുവാവിന് പരിക്കേറ്റു. വേലൂർ പോസ്റ്റ് ഓഫീസ് സെൻ്ററിന് സമീപം തലക്കോടൻ വീട്ടിൽ ജെയ്സണിന്റെ മകൻ ബ്രിട്ടാസിനെയാണ് (18) മുളങ്കുന്നത്തുകാവ് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. അയൽവാസിയായ വെള്ളേേടത്ത് വീട്ടിൽ കൃഷ്ണൻകുട്ടിയുടെ വീട്ടുമുറ്റത്തെ കിണറാണ് വ്യാഴാഴ്ച ഉച്ചക്ക് 12.30ന് ഇടിഞ്ഞുതാഴ്ന്നത്. കിണറ്റിൽ എന്തോ വീഴുന്ന ശബ്ദംകേട്ട് ബ്രിട്ടാസ് കൃഷ്ണൻകുട്ടിയുടെ വീട്ടിലെത്തി ചുറ്റുമതിലിൽ പിടിച്ച് കിണറ്റിൽ നോക്കുന്നതിനിടെ നിന്ന ഭാഗം ചുറ്റുമതിലിനൊപ്പം ഇടിഞ്ഞ് താഴ്ന്ന് കിണറ്റിൽ വീഴുകയായിരുന്നു.
നിലവിളികേട്ട് ഓടി കൂടിയ നാട്ടുകാരാണ് ബ്രിട്ടാസിനെ കിണറ്റിൽ നിന്നും രക്ഷിച്ച് ആശുപത്രിയിലെത്തിച്ചത്. കിണറിന്റെ ചുറ്റുമതിലിനൊപ്പം കിണറിൽ സ്ഥാപിച്ചിരുന്ന മോട്ടോർ, പമ്പ് സെറ്റ്, തുടിക്കാൽ എന്നിവയും കിണറ്റിലേക്ക് വീണു. വയോധികരായ കൃഷ്ണൻകുട്ടിയും ഭാര്യയുമാണ് വീട്ടിലെ താമസക്കാർ.

കിണർ ഇടിഞ്ഞത് നോക്കുന്നതിനിടെ കിണറ്റിൽ വീണ യുവാവിന് പരിക്ക്

വൈക്കിലശ്ശേരി: ചോറോട് ഗ്രാമ പഞ്ചായത്ത് ഏഴാം വാർഡിലെ എളമ്പിലാങ്കണ്ടിയിൽ സുരേന്ദ്രന്റെ വീടിനോട് ചേർന്ന കിണർ ആൾമറയും ഭിത്തിയും ഉൾപ്പടെ താഴ്ന്നുപോയി. ഈ സമയം വീട്ടിൽ ആരും ഉണ്ടായിരുന്നില്ല. രാവിലെ അയൽ വീട്ടുകാർ വന്നപ്പോഴാണ് കിണർ ആൾമറയും ഉൾപ്പടെ താഴ്ന്നു പോയത് കാണുന്നത്. വെള്ളം കോരുന്ന ബക്കറ്റും കപ്പിയും കയറുമെല്ലാം കിണറിലേക്ക് പോയി.

ചോറോട് കിണർ ഇടിഞ്ഞു താഴ്ന്നു

Vadakara

കക്കോടി: വീട്ടുമുറ്റത്തെ കിണര്‍ വെള്ളത്തിന്റെ നിറംമാറ്റത്തിന്റെ കാരണംതേടി വീട്ടുടമയും ആരോഗ്യവകുപ്പും. മടവൂര്‍ പഞ്ചായത്തിലെ ചക്കാലക്കല്‍ തറയങ്ങല്‍ മരക്കാറിന്റെ വീട്ടിലെ കിണറ്റിലെ ജലത്തിനാണ് നിറവ്യത്യാസം. കഴിഞ്ഞ രണ്ടുദിവസമായി കിണറ്റിലെ വെള്ളത്തിന് കടുംനീല നിറമാണ്.പത്തടിയോളം ആഴമുള്ള ആള്‍മറയുള്ള വലയിട്ട് വൃത്തിയായി സൂക്ഷിക്കുന്ന കിണറിനാണ് നിറവ്യത്യാസം കണ്ടത്. ജൂനിയര്‍ ഹെല്‍ത്ത് ഇന്‍സ്പെക്ടര്‍ (ജെഎച്ച്ഐ) അനഘ വെള്ളത്തിന്റെ സാമ്പിള്‍ പരിശോധനക്കയച്ചു. പരിശോധനാഫലം വന്നാല്‍ മാത്രമേ കാരണം അറിയാന്‍ കഴിയൂവെന്ന് ജെഎച്ച്ഐ പറഞ്ഞു.&nbsp;

വീട്ടുമുറ്റത്തെ കിണര്‍ വെള്ളത്തിന് കടുംനീല നിറം

കാസർകോ‍ഡ്: കാഞ്ഞങ്ങാട് ആൾമറയില്ലാത്ത കിണറ്റിൽ വീണ വൃദ്ധ മരിച്ചു. അരയി അങ്കൺവാടിക്ക് സമീപം താമസിക്കുന്ന മണക്കാട്ട് നാരായണി (85) യാണ്‌ മരിച്ചത്. ശനിയാഴ്‌ച രാവിലെ 10.30 മണിയോടെ പറമ്പിലെ കൃഷി ആവശ്യത്തിന് ഉപയോഗിക്കുന്ന ആൾ മറയില്ലാത്ത കിണറിൽ അബദ്ധത്തിൽ വീഴുകയായിരുന്നു.
രാവിലെ പറമ്പിലേക്ക് പോയ നാരായണിയെ കാണാതായതിനെ തുടർന്ന് വീട്ടുകാർ നടത്തിയ തിരച്ചിലിലാണ് കിണറിൽ വീണ നിലയിൽ കണ്ടത്. സംഭവമറിഞ്ഞ് ഫയർഫോഴ്സ് എത്തുമ്പോഴേക്കും നാട്ടുകാർ കരക്കെത്തിച്ചിരുന്നു. ജില്ലാ ആശുപത്രിയിലെത്തിച്ചെങ്കിലും മരിച്ചു.

ആൾമറയില്ലാത്ത കിണറ്റിൽ വീണ് മരിച്ചു

കുറ്റ്യാടി : കനത്തമഴയിൽ കിണർ ഇടിഞ്ഞുതാഴ്ന്നു. നിട്ടൂർ വടക്കെ മഠത്തിൽ മിനിയുടെ ഉടമസ്ഥതയിലുള്ള വീടിനോടുചേർന്ന കിണറാണ് കഴിഞ്ഞദിവസത്തെ മഴയിൽ ഇടിഞ്ഞത്. കിണർ ഇടിഞ്ഞുതാഴ്ന്നത് വീടിന്‌ ഭീഷണിയായി മാറിയിട്ടുണ്ട്. വാർഡ് മെമ്പർ കെ.പി. ശോഭ, വില്ലേജ് അധികൃതർ തുടങ്ങിയവർ സ്ഥലം സന്ദർശിച്ചു.

&nbsp;

നിട്ടൂരിൽ കിണർ ഇടിഞ്ഞുതാഴ്ന്നു

Kuttiadi

കൊല്ലം: ആടിനെ രക്ഷിക്കാന്‍ കിണറ്റിലിറങ്ങിയ യുവാവ് ശ്വാസംമുട്ടി മരിച്ചു. കൊല്ലം മടത്തറ സ്വദേശി അല്‍ത്താഫ്(25) ആണ് മരിച്ചത്. ബുധനാഴ്ച ഉച്ചയ്ക്ക് 12 മണിയോടെയായിരുന്നു അറുപത് അടിയോളം താഴ്ചയുള്ള കിണറ്റിലേക്ക് ആട് വീണത്. തുടർന്ന് കയറിൽ തൂങ്ങിക്കൊണ്ട് അൽത്താഫ് താഴേയ്ക്ക് ഇറങ്ങുകയായിരുന്നു. താഴേയ്ക്കെത്തിയതോടെ യുവാവ് ശ്വാസം കിട്ടാതെ ഭിത്തിയിൽ ചാരി നിന്നതായി ദൃക്സാക്ഷികൾ പറഞ്ഞു.
ഓക്സിജനുണ്ടെന്ന് ഉറപ്പാക്കാതെ കിണറ്റിലിറങ്ങിയതാണ് മരണത്തിലേക്ക് നയിച്ചതെന്ന് അ​ഗ്നിരക്ഷാസേനാ ഉദ്യോ​ഗസ്ഥർ പറഞ്ഞു. ആടിനെ രക്ഷിക്കാനുള്ള ശ്രമത്തിനിടിയൽ യുവാവ് ശ്വാസം കിട്ടാതെ വെള്ളത്തിലേക്ക് വീണുപോകുകയായിരുന്നെന്നും ഉദ്യോ​ഗസ്ഥർ വ്യക്തമാക്കി. അൽത്താഫ് രക്ഷിക്കാൻ ശ്രമിച്ച ആടും ചത്തു.
തിരുവനന്തപുരത്ത് സോളാറുമായി ബന്ധപ്പെട്ട സ്വകാര്യ കമ്പനിയില്‍ ജോലി ചെയ്ത് വരികയായിരുന്നു അല്‍ത്താഫ്. ഓക്സിജനുണ്ടെന്ന് ഉറപ്പാക്കാതെ കിണറ്റിലിറങ്ങാൻ ശ്രമിക്കരുതെന്ന് അ​ഗ്നിരക്ഷാസേനാ ഉദ്യോ​ഗസ്ഥർ പരിസരവാസികൾക്ക് മുന്നറിയിപ്പ് നൽകിയിട്ടുണ്ട്. കിണർ വൃത്തിയാക്കാൻ ഇറങ്ങുന്ന സാഹചര്യങ്ങളിൽ ഇക്കാര്യം ഉറപ്പുവരുത്തണമെന്നും നിർദേശം നൽകി.

കിണറ്റിൽ വീണ ആടിനെ രക്ഷിക്കാനിറങ്ങിയ യുവാവ് ശ്വാസംമുട്ടി മരിച്ചു

കോട്ടയം: പോലീസിനെകണ്ട് ചിതറിയോടിയ സംഘത്തിലെ യുവാവിന്റ മൃതദേഹം ആളൊഴിഞ്ഞ പുരയിടത്തിലെ കിണറ്റില്‍ കണ്ടെത്തി. അതിരമ്പുഴ നാല്‍പ്പാത്തിമല തടത്തില്‍ സുരേന്ദ്രന്‍-ഷീബാ ദമ്പതികളുടെ മകന്‍ ആകാശ്‌സുരേന്ദ്രന്റ (19) മൃതദേഹമാണ് എം.ജി.യൂണിവേഴ്‌സിറ്റിക്ക് സമീപമുള്ള കിണറ്റില്‍ കണ്ടെത്തിയത്.
ഞായറാഴ്ച രാത്രി 10 മണിയോടെ ആകാശും സുഹൃത്തുക്കളും പുരയിടത്തിൽ ഇരിക്കുകയായിരുന്നു എന്നാണ് വിവരം. ആകാശിന്റ വീടിനുസമീപം രാവിലെനടന്ന ഒരു അടിപിടികേസുമായി ബന്ധപ്പെട്ട് പോലീസ് സംഘം രാത്രി ഇതുവഴിവന്നിരുന്നു. ഈ സമയം ആകാശും സുഹൃത്തുക്കളും ഓടുകയായിരുന്നു എന്നാണ് പറയുന്നത്. തുടര്‍ന്ന് നടന്ന അന്വേഷണത്തില്‍ തിങ്കളാഴ്ച പുലര്‍ച്ചയൊടെ ആകാശിന്റ മൃതദേഹം കിണറ്റിന്‍ നിന്നും കണ്ടെത്തുകയായിരുന്നു.&nbsp;

പോലീസിനെ കണ്ട് ചിതറിയോടിയ യുവാക്കളിൽ ഒരാളുടെ മൃതദേഹം ആളൊഴിഞ്ഞ പുരയിടത്തിലെ കിണറ്റില്‍

ആയഞ്ചേരി: കിണർ വൃത്തിയാക്കാനിറങ്ങി ഉള്ളിൽ അകപ്പെട്ട യുവാവിനെ നാട്ടുകാരും വടകരയിൽ നിന്നെത്തിയ അഗ്നി രക്ഷ സേനയും ചേർന്ന് രക്ഷപ്പെടുത്തി. അയഞ്ചേരി പഞ്ചായത്തിലെ 11-ാം വാർഡിലെ കണ്ടോത്ത് കുഞ്ഞിരാമൻ്റെ ഉടമസ്ഥതയിലുള്ള കിണർ വൃത്തിയാക്കുന്നതിനിടെയാണ് ബബനീഷ് (35) മുകളിൽ കയറാൻ കഴിയാതെ കുടുങ്ങി പോയത്. 25 അടിയിലേറെ ആഴമുള്ള കിണറായിരുന്നു.
വിവരമറിയിച്ചതിനെ തുടർന്ന്, എ എസ് ടി ഒ വിജിത്ത് കുമാറിൻ്റെ നേതൃത്വത്തിൽ സ്ഥലത്തെത്തിയ വടകര അഗ്നി രക്ഷസേന റെസ്ക്യൂ നെറ്റിന്റെ സഹായത്തോടെ യുവാവിനെ സുരക്ഷിതമായി പുറത്തെടുക്കുകയായിരുന്നു. ഫയർ ആൻ്റ് റെസ്ക്യൂ ഓഫീസർമാരായ കെ എം ഷിജു, കെ സുബൈർ, എം ജാഹിർ, പി എം സഹീർ, അമൽരാജ്, ഹോം ഗാർഡ് ആർ രതീഷ് എന്നിവരും രക്ഷാപ്രവർത്തനത്തിൽ പങ്കാളികളായി.

ആയഞ്ചേരിയിൽ വൃത്തിയാക്കുന്നതിനിടെ കിണറ്റിൽ അകപ്പെട്ട യുവാവിനെ രക്ഷപ്പെടുത്തി

തിരുവനന്തപുരം: മൊബൈൽ ഫോണിൽ സംസാരിച്ചു നടന്ന യുവാവ് സംരക്ഷണഭിത്തി കെട്ടാത്ത കിണറ്റിൽ വീണ് മരിച്ചു. നേമം പുന്നമംഗലം ഭാസ്കരാലയത്തിൽ രാഹുൽ കൃഷ്ണ(ചന്തു-26)യാണ് മരിച്ചത്.
ചൊവ്വാഴ്ച രാത്രി എട്ടുമണിയോടെ കൂട്ടുകാരുമായി ഇദ്ദേഹം കാലടിയിൽ ഒത്തുകൂടിയിരുന്നു. കോൾ വന്നപ്പോൾ ഫോണെടുത്ത് കിണറിനടുത്തേക്കു നടക്കുകയായിരുന്നു. അഗ്നിരക്ഷാസേനയെത്തി പുറത്തെടുത്തെങ്കിലും രക്ഷിക്കാനായില്ല.&nbsp;&nbsp;

മൊബൈൽ ഫോണിൽ സംസാരിച്ചു നടക്കവേ കിണറ്റിൽവീണു മരിച്ചു

തിരുവനന്തപുരം: സബ് ജയിൽ സൂപ്രണ്ട് വീട്ടിലെ കിണറ്റിൽ വീണ് മരിച്ച നിലയിൽ. തിരുവനന്തപുരം സബ് ജയിൽ സൂപ്രണ്ട് എസ് സുരേന്ദ്രൻ (55) ആണ് മരിച്ചത്. സര്‍വീസിൽ നിന്ന് വിരമിക്കാൻ നാലു മാസം മാത്രമാണ് ബാക്കിയിരിക്കെയാണ് മരണം. അപകട മരണമാണോയെന്ന് വ്യക്തമല്ല. വെങ്ങാനൂർ വെണ്ണിയൂർ സ്വദേശിയാണ്. വിഴിഞ്ഞം ഫയർ ആന്റ് റെസ്‌ക്യൂ ഉദ്യോഗസ്ഥരെത്തിയാണ് സുരേന്ദ്രനെ പുറത്തെടുത്തത്. സംഭവത്തെ കുറിച്ച് പൊലീസ് അന്വേഷണം തുടങ്ങി.

സബ് ജയിൽ സൂപ്രണ്ട് കിണറ്റിൽ മരിച്ചനിലയിൽ

പാനൂർ: ചൊക്ലിയില്‍ യുവതിയെ ഭര്‍തൃവീട്ടിലെ കിണറ്റില്‍ മരിച്ച നിലയില്‍ കണ്ടെത്തിയ സംഭവം കൊലപാതകമാണെന്ന് ബന്ധുക്കള്‍. തൊട്ടിൽപ്പാലം സ്വദേശിയായ ഷഫ്‌നയെയാണ് (26) പുല്ലൂക്കരയിൽ ഭർതൃവീട്ടിലെ കിണറ്റിൽ മരിച്ച നിലയിൽ കണ്ടെത്തിയത്. ഭര്‍തൃവീട്ടുകാര്‍ ഷഫ്‌നയെ നിരന്തരമായി പീഡിപ്പിച്ചിരുന്നെന്നു കുടുംബം ആരോപിച്ചു.
സ്ത്രീധനത്തുക കുറഞ്ഞുപോയെന്ന് ആരോപിച്ച്‌ ഷഫ്‌നയെ ഭര്‍തൃവീട്ടുകാര്‍ ശാരീരികമായി ഉപദ്രവിക്കാറുണ്ടായിരുന്നെന്ന് ബന്ധുക്കള്‍ പറഞ്ഞു. ഭര്‍തൃപിതാവ് കഴുത്ത് പിടിച്ച്‌ ഞെരിച്ചതായി ഒരിക്കല്‍ പരാതി പറഞ്ഞിട്ടുണ്ടെന്നും ബന്ധുക്കള്‍ ആരോപിച്ചു. ഷഫ്‌നയുടെ പോസ്റ്റ്‌മോര്‍ട്ടം റിപ്പോര്‍ട്ടില്‍ ശരീരത്തില്‍ മുറിവുകള്‍ ഉള്ളതായി കണ്ടെത്തിയിരുന്നു. സംഭവത്തില്‍ അസ്വാഭാവിക മരണത്തിനു ചൊക്ലി പൊലീസ് കേസെടുത്തിട്ടുണ്ടെങ്കിലും അന്വേഷണത്തില്‍ തൃപ്തിയില്ലെന്നു കുടുംബം പ്രതികരിച്ചു.
കഴിഞ്ഞ തിങ്കളാഴ്ച രാവിലെ ഒൻപതുമണിയോടെയാണ് ഷഫ്നയെ ഭർതൃവീട്ടിലെ കിണറ്റിൽ മരിച്ചനിലയിൽ കണ്ടെത്തിയത്. ഞായറാഴ്ച രാത്രി ഭർത്താവിനോടും കുടുംബാംഗങ്ങൾക്കുമൊപ്പം പെരിങ്ങത്തൂർ എക്സ്പോ കണ്ടു മടങ്ങിയെത്തിയ ഷഫ്നയെ രാവിലെ ഏഴുമണിയോടെ കാണാതാവുകയായിരുന്നു. വീട്ടുകാർ നടത്തിയ അന്വേഷണത്തിലാണ് കിണറ്റിൽ വീണു മരിച്ച നിലയിൽ കണ്ടെത്തിയത്. പാനൂരിൽ നിന്നും അഗ്നിരക്ഷാ സേന എത്തിയാണ് മൃതദേഹം പുറത്തെടുത്തത്. അഞ്ചുവർഷം മുൻപായിരുന്നു ഷഫ്നയുടെ വിവാഹം. നാലുവയസ്സുള്ള മകളുണ്ട്. വിദേശത്ത് ജോലി ചെയ്യുന്ന ഭർത്താവ് മരണത്തിന് ഒരാഴ്ച മുൻപാണ് അവധിക്ക് നാട്ടിലെത്തിയത്.&nbsp;
&nbsp;

ശരീരത്തില്‍ മുറിവുകള്‍; ചൊക്ലിയില്‍ യുവതിയെ കിണറ്റില്‍ മരിച്ച നിലയില്‍ കണ്ട സംഭവം കൊലപാതകമെന്ന് ബന്ധുക്കൾ

Mahe

നാദാപുരം: പെരിങ്ങത്തൂരിലെ വീട്ടുമുറ്റത്തെ കിണറ്റിൽ പുള്ളിപ്പുലി വീണു. ഇന്ന് രാവിലെ 10 മണിയോടെയാണ് സൗത്ത് അണിയാരം എൽ.പി സ്കൂളിന് സമീപം നിർമാണത്തിലിരിക്കുന്ന മലാൽ സുനീഷിന്‍റെ ഉടമസ്ഥതയിലുള്ള കിണറ്റിൽ പുലി വീണത്.
ശബ്ദം കേട്ട് അയൽവാസികൾ ഓടിയെത്തിയപ്പോഴാണ് കിണറ്റിൽ പുലിയാണെന്ന് തിരിച്ചറിഞ്ഞത്. സംഭവമറിഞ്ഞ് ചൊക്ലി പോലീസ്, പാനൂർ ഫയർഫോഴ്സ്, വനംവകുപ്പ് ഉദ്യോഗസ്ഥർ എന്നിവർ സ്ഥലത്തെത്തി. പുലിയെ കിണറ്റിൽ നിന്നും പുറത്തെത്തിക്കാനുള്ള ശ്രമങ്ങൾ തുടരുകയാണ്. കനകമലയിൽ നിന്ന് ഇറങ്ങി വന്നതാണ് പുലിയെന്നാണ് വനംവകുപ്പ് ഉദ്യോഗസ്ഥരുടെ നിഗമനം. പൊതുവെ വന്യമൃഗങ്ങൾ കാണാത്ത പ്രദേശത്ത് പുലിയിറങ്ങിയ ഭീതിയിലാണ് നാട്ടുകാർ.

ശബ്ദം കേട്ട് അയൽവാസികൾ ഓടിയെത്തിയപ്പോഴാണ് കിണറ്റിൽ പുലിയാണെന്ന് തിരിച്ചറിഞ്ഞത്

Nadapuram

പെരിങ്ങത്തൂരിൽ വീട്ടുമുറ്റത്തെ കിണറ്റിൽ പുള്ളിപ്പുലി വീണു

വടകര: പഴങ്കാവ് പരവന്തല ക്ഷേത്രത്തിന്റെ സമീപം കിണറിൽ വീണ വീട്ടമ്മയെ വടകരയിൽ നിന്നെത്തിയ അഗ്നിരക്ഷാസേന രക്ഷപെടുത്തി. രാവിലെ വെള്ളം കോരുന്നതിനടിയിൽ അബദ്ധത്തിൽ വീട്ടുമുറ്റത്തെ കിണറിൽ വീഴുകയായിരുന്നു. സീനിയർ ഫയർ &amp; റെസ്ക്യൂ ഓഫീസർ വിജിത് കുമാറിന്റെ നേതൃത്വത്തിൽ എത്തിയ സേനയിലെ സീനിയർ ഫയർ &amp; റെസ്ക്യൂ ഓഫീസർ എം. കെ ഗംഗാധരൻ കിണറ്റിൽ ഇറങ്ങി മറ്റു സേനാംഗങ്ങളുടെ സഹായത്തോടെ വീട്ടമ്മയെ രക്ഷപ്പെടുത്തുകയായിരുന്നു. ചെറിയ പരിക്ക് പറ്റിയ വീട്ടമ്മയെ സേനയുടെ വാഹനത്തിൽ തന്നെ വടകര ജില്ലാ ആശുപത്രിയിൽ എത്തിച്ചു. കിണറിനു 60 അടി താഴ്ചയും 6 ആൾ ഉയരത്തിൽ വെള്ളവും ഉണ്ടായിരുന്നു. രക്ഷപ്രവർത്തനത്തിൽ ഫയർ &amp; റെസ്ക്യൂ ഓഫീസർമാരായ ഷിജു കെ എം, ജൈസൽ. കെ, ആദർശ്. വി. കെ, സുദീപ് എസ്. ഡി, അർജുൻ സി. കെ, വിപിൻ. എം, ഹോം ഗാർഡ് സുരേഷ് എന്നിവർ പങ്കെടുത്തു.

വടകരയിൽ കിണറ്റിൽ വീണ വീട്ടമ്മയെ അഗ്നിരക്ഷാസേന രക്ഷപ്പെടുത്തി

കൊച്ചി: ചട്ടം ലംഘിച്ച് ഗോകുലം ഗ്രൂപ്പ് 593 കോടി രൂപ സമാഹരിച്ചെന്ന് ഇ.ഡി. ചിട്ടിക്കെന്ന പേരില്‍ പ്രവാസികളില്‍നിന്ന് 593 കോടി രൂപ നേരിട്ട് വാങ്ങുകയും പിന്നീട് ഈ തുക അക്കൗണ്ട് വഴി കൈമാറുകയുമായിരുന്നു. ചട്ടം ലംഘിച്ച് വിദേശത്തേക്ക് പണം അയച്ചെന്നും ഇ.ഡി കണ്ടെത്തിയിട്ടുണ്ട്. ആര്‍ബിഐ, ഫെമ ചട്ടലംഘനങ്ങളാണ് ഇ.ഡി കണ്ടെത്തിയിരിക്കുന്നത്.
നേരത്തെ ഒന്നരക്കോടി രൂപയും രേഖകളും ഇ.ഡി പിടിച്ചെടുത്തിരുന്നു. പിടിച്ചെടുത്ത ഒന്നരക്കോടിയുടെ ചിത്രങ്ങളും ഇ.ഡി പുറത്തുവിട്ടിരുന്നു. പണത്തിന്റെ ഉറവിടം വ്യക്തമാക്കണമെന്ന് ഇ.ഡി ഗോകുലം ഗോപാലനോട് ആവശ്യപ്പെട്ടിട്ടുമുണ്ട്. വെള്ളിയാഴ്ച രാവിലെ തുടങ്ങിയ ഇ.ഡി റെയ്ഡ് ശനിയാഴ്ച പുലര്‍ച്ചയോടെയാണ് അവസാനിച്ചത്. ചെന്നൈ കോടമ്പാക്കത്തെ ഗോകുലം ചിറ്റ്സ് ആന്റ് ഫിനാന്‍സിലും ചെന്നൈയിലെ വീട്ടിലും കോഴിക്കോട്ടെ കോര്‍പറേറ്റ് ഓഫീസിലും ഗോകുലം മാളിലും ഇ.ഡി റെയ്ഡ് നടത്തിയിരുന്നു.

ഗോകുലം ഗ്രൂപ്പ് ചട്ടം ലംഘിച്ച്  593 കോടി രൂപ സമാഹരിച്ചെന്ന് ഇ.ഡി

കേരളത്തിൽ ഏറ്റവും ഉയർന്ന കളക്ഷൻ നേടുന്ന മലയാളസിനിമയെന്ന ഖ്യാതി ഇനി എമ്പുരാന് സ്വന്തം. ചിത്രത്തിന്റെ അണിയറപ്രവർത്തകരാണ് ഇക്കാര്യം ഔദ്യോ​ഗികമായി അറിയിച്ചത്. കഴിഞ്ഞവർഷം മഞ്ഞുമ്മൽ ബോയ്സ് കരസ്ഥമാക്കിയ നേട്ടമാണ് എമ്പുരാൻ പഴങ്കഥയാക്കിയത്. മഞ്ഞുമ്മൽ ബോയ്സ് 72 ദിവസംകൊണ്ട് നേടിയ കളക്ഷൻ വെറും പത്ത് ദിവസംകൊണ്ട് എമ്പുരാൻ തിരുത്തിയെഴുതിയത്.
'മലയാളത്തിൽ ഏറ്റവുംകൂടുതൽ കളക്ഷൻ ലഭിച്ച ചിത്രമായി എമ്പുരാൻ ആധിപത്യം ഉറപ്പിച്ചിരിക്കുന്നു. മലയാളസിനിമാ വ്യവസായത്തിലെ പുതിയ അടയാളപ്പെടുത്തലായിരിക്കുന്നു ഇത്. ഈ നിമിഷം ഞങ്ങളുടേത് മാത്രമല്ല, നിങ്ങളുടേതുംകൂടിയാണ്. തിയേറ്ററുകളിൽ പ്രതിധ്വനിച്ച നിങ്ങളുടെ ഓരോ ഹൃദയമിടിപ്പിനും ആഹ്ലാദനിമിഷങ്ങൾക്കും കണ്ണീരിനുംകൂടിയാണ്'. അണിയറപ്രവർത്തകർ പുറത്തുവിട്ട കുറിപ്പിൽ പറയുന്നു. പുതിയ പോസ്റ്റർ പങ്കുവെച്ചാണ് പുതിയ നേട്ടത്തേക്കുറിച്ച് അവർ സന്തോഷം പ്രകടിപ്പിച്ചത്.
ചിത്രത്തിന്റെ നിർമാതാവിനു കിട്ടുന്ന ഷെയർ തുക 100 കോടി പിന്നിട്ടുവെന്ന് കഴിഞ്ഞദിവസം അണിയറക്കാർ വെളിപ്പെടുത്തിയിരുന്നു. മലയാള സിനിമയുടെ ചരിത്രത്തിൽ തന്നെ ഇതാദ്യമായാണ് ഒരു സിനിമയ്ക്കു 100 കോടി ഷെയർ ലഭിക്കുന്നതെന്നും അണിയറക്കാർ പറഞ്ഞു. സിനിമയുടെ ആഗോള ഷെയർ കളക്ഷനാണിത്. ചിത്രത്തിന്റെ ആ​ഗോള ബോക്സോഫീസ് കളക്ഷൻ 250 കോടി പിന്നിട്ടെന്നാണ് റിപ്പോർട്ട്.

എമ്പുരാൻ ഇൻഡസ്ട്രി ഹിറ്റെന്ന് ഔദ്യോ​ഗിക സ്ഥിരീകരണം;സന്തോഷം പങ്കിട്ട് അണിയറപ്രവർത്തകർ

മലപ്പുറം: മലപ്പുറം ജില്ലയെ അപകീർത്തിപ്പെടുത്തുന്ന പരാമർശം നടത്തിയ എസ്.എൻ.ഡി.പി യോഗം സംസ്ഥാന ജനറൽ സെക്രട്ടറി വെള്ളാപ്പള്ളി നടേശനെതിരെ നടപടി ആവശ്യപ്പെട്ടു എസ്.ഡി.പി.ഐ മലപ്പുറം ജില്ല പ്രസിഡന്റ് അൻവർ പഴഞ്ഞി ജില്ല പൊലീസ് മേധാവിക്ക് പരാതി നൽകി.
വെള്ളാപ്പള്ളി നടേശൻ ചുങ്കത്തറയിൽ നടത്തിയ പ്രസംഗം കൃത്യമായ വർഗീയ വിഭജനം ലക്ഷ്യം വെച്ചുള്ളതും മലപ്പുറം ജില്ലയേയും ജില്ലയിലെ ജനങ്ങളെയും അപകീർത്തിപ്പെടുത്തുന്നതാണ്. കൃത്യമായ ഗൂഢാലോചനയുടെ ഭാഗമായി നടത്തിയ പ്രസംഗത്തിനെതിരെ കേസെടുത്ത് അന്വേഷണം നടത്തണമെന്നും പരാതിയിൽ പറഞ്ഞു.

വെള്ളാപ്പള്ളി നടേശന്റെ അപകീർത്തി പരാമർശം ;എസ്.ഡി.പി.ഐ പരാതി നൽകി

തിരുവനന്തപുരം: കാ​ര്യ​വ​ട്ടം കാ​മ്പ​സി​ലെ മ​ല​യാ​ളം വി​ഭാ​ഗ​ത്തി​ലെ ഗ​വേ​ഷ​ണ വി​ദ്യാ​ർ​ഥി​നി​ക്ക് വ​ന്ന പാ​ഴ്സ​ലി​ൽ ക​ഞ്ചാ​വ് പൊ​തി ക​ണ്ടെ​ത്തി. കോ​ഴി​ക്കോ​ട് സ്വ​ദേ​ശി ശ്രീ​ലാ​ൽ എ​ന്ന പേ​രി​ൽ​നി​ന്നാ​ണ് പോ​സ്റ്റ്​ ഓ​ഫി​സ് വ​ഴി പാ​ഴ്സ​ൽ വ​ന്ന​ത്. നാ​ല്​ ഗ്രാം ​ക​ഞ്ചാ​വ് അ​ട​ങ്ങു​ന്ന പൊ​തി​യാ​ണ് ല​ഭി​ച്ച​ത്.&nbsp;
കോ​ള​ജ് അ​ധി​കൃ​ത​ർ ശ്രീ​കാ​ര്യം പൊ​ലീ​സി​ൽ അ​റി​യി​ച്ച​തി​നെ​തു​ട​ർ​ന്ന് പൊ​ലീ​സ് കാ​മ്പ​സി​ലെ​ത്തി പ​രി​ശോ​ധ​ന ന​ട​ത്തി. വി​ദ്യാ​ർ​ഥി​നി​യു​ടെ മൊ​ഴി രേ​ഖ​പ്പെ​ടു​ത്തി പൊ​ലീ​സ് കേ​സെ​ടു​ത്തു.

കാര്യവട്ടം കാ​മ്പ​സിൽ ഗ​വേ​ഷ​ണ വി​ദ്യാ​ർ​ഥി​നി​ക്ക് ലഭിച്ച പാഴ്സലിൽ കഞ്ചാവ്

നിലമ്പൂർ: മലപ്പുറം ഒരു പ്രത്യേക രാജ്യമാണെന്നും പ്രത്യേകം ചിലയാളുകളുടെ സംസ്ഥാനമാണെന്നും എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. മലപ്പുറത്ത് ഈഴവര്‍ക്കായി ഒന്നുമില്ലെന്നും വെറും തൊഴിലുറപ്പ് മാത്രമേയുള്ളൂവെന്നും വെള്ളാപ്പള്ളി പറഞ്ഞു. എസ്എന്‍ഡിപി യോഗം നിലമ്പൂര്‍ യൂണിയന്‍ സംഘടിപ്പിച്ച കണ്‍വെന്‍ഷനില്‍ സംസാരിക്കുമ്പോഴായിരുന്നു വെള്ളാപ്പള്ളിയുടെ പരാമർശങ്ങൾ.
മലപ്പുറത്ത് സ്വതന്ത്രമായ വായു ശ്വസിച്ചും സ്വതന്ത്രമായി അഭിപ്രായം പറഞ്ഞും നിങ്ങള്‍ക്ക് ജീവിക്കാന്‍ സാധിക്കും എന്നെനിക്ക് തോന്നുന്നില്ല. മലപ്പുറം പ്രത്യേകതരം രാജ്യമാണ്. പ്രത്യേക ചിലയാളുകളുടെ സംസ്ഥാനമാണ്. അവര്‍ക്കിടയില്‍ ഭയന്ന് ജീവിക്കുന്നവരാണ് ഈഴവരെന്നും വെള്ളാപ്പള്ളി പറഞ്ഞു.
ഇന്ത്യയ്ക്ക് സ്വാതന്ത്ര്യം കിട്ടിയിട്ട് ഇത്രനാളായിട്ടും അതിന്റെ ഗുണഫലങ്ങളുടെ ഒരംശം പോലും മലപ്പുറത്തെ പിന്നാക്കവിഭാഗങ്ങള്‍ക്ക് ലഭിച്ചിട്ടില്ലെന്ന് വെള്ളാപ്പള്ളി പറഞ്ഞു. പിന്നാക്കവിഭാഗക്കാര്‍ക്ക് ഒരു പള്ളിക്കൂടമോ കോളേജോ ഹയര്‍സെക്കൻഡറി സ്‌കൂളോ ഇല്ല. തൊഴിലുറപ്പുണ്ടായിരിക്കും. വോട്ടുകുത്തിയന്ത്രങ്ങളാണ് മലപ്പുറത്തെ പിന്നാക്കവിഭാഗമെന്നും വെള്ളാപ്പള്ളി പറഞ്ഞു. വോട്ട് ബാങ്ക് രാഷ്ട്രീയത്തില്‍ തകര്‍ന്നടിഞ്ഞത് ഇവിടുത്തെ പിന്നാക്കക്കാരുടെ സ്വപ്‌നങ്ങളാണെന്നും വെള്ളാപ്പള്ളി നടേശന്‍ കൂട്ടിച്ചേര്‍ത്തു.&nbsp;

മലപ്പുറം പ്രത്യേകതരം ആളുകളുടെ രാജ്യം;വിവാദ പരാമർശവുമായി വെള്ളാപ്പള്ളി

Search Results for: Rape case