തിരുവനന്തപുരം: നിയമസഭാ മന്ദിരത്തിന്റെ വരാന്തയിൽ മേൽച്ചുവരിൽ നിന്ന് ഒരു ഭാഗം അടർന്നുവീണ് സുരക്ഷാ ഉദ്യോഗസ്ഥന് പരിക്ക്. നിയമസഭയിലെ ഡോക്ടർ എത്തി ആവശ്യമായ ചികിത്സ നൽകി.
വൈകിട്ട് നാല് മണിയോടെ ആയിരുന്നു സംഭവം. സഭ സമ്മേളിക്കുന്ന ഹാളിനകത്തേക്ക് കയറുന്ന കവാടത്തിന് പുറത്തുള്ള വരാന്തയിലെ മേൽഭാഗത്തു നിന്നാണ് റൂഫ് അടർന്ന് വീണത്. ഈ സമയം ഇവിടെ ഉണ്ടായിരുന്ന സുരക്ഷാ ഉദ്യോഗസ്ഥന്റെ ദേഹത്തേക്ക് പതിക്കുകയായിരുന്നു. കൈയ്ക്ക് നിസാര പരിക്കേറ്റു. സഭ സമ്മേളിക്കുന്ന സമയത്തായിരുന്നു സംഭവം.

നിയമസഭാ മന്ദിരത്തിന്റെ വരാന്തയിലെ ചുവരിന്റെ സീലിങ് അടർന്നുവീണു; സുരക്ഷാ ഉദ്യോഗസ്ഥന് പരിക്ക്

Kerala

ന്യൂഡൽഹി: നീറ്റ് പരീക്ഷാ ചോദ്യ പേപ്പര്‍ ചോർച്ചയുമായി ബന്ധപ്പെട്ട പ്രതിഷേധത്തിനിടെ യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിലിന് മർദ്ദനമേറ്റു. ജന്തർമന്തറിലുണ്ടായ പ്രതിഷേധത്തിനിടെയാണ് ലാത്തിച്ചാർജ് ഉണ്ടായത്.
വൻ പ്രതിഷേധത്തിനാണ് ജന്തർമന്തർ ഇന്ന് സാക്ഷ്യം വഹിച്ചത്. പാർലമെന്റ് മാർച്ച് എന്ന നിലയ്ക്കായിരുന്നു യൂത്ത്കോൺഗ്രസ് നേതൃത്വം പ്രതിഷേധം നടത്തിയത്. നേതാക്കളും പ്രവർത്തകരും മുന്നോട്ട് നീങ്ങി. ബാരിക്കേഡുകൾ അടക്കം മറികടന്ന് മുന്നോട്ട് പോകാൻ ശ്രമിച്ചപ്പോഴാണ് ലാത്തി ചാർജ് അടക്കമുള്ള നടപടികളിലേക്ക് പോലീസ് കടന്നത്.നീറ്റ് ക്രമക്കേട്, അഗ്നിവീർ അവസാനിപ്പിക്കണം തുടങ്ങിയ ആവശ്യമുന്നയിച്ചായിരുന്നു പ്രതിഷേധം.&nbsp;

നീറ്റ് പരീക്ഷാ ചോദ്യ പേപ്പര്‍ ചോർച്ചയുമായി ബന്ധപ്പെട്ട പ്രതിഷേധം; രാഹുല്‍ മാങ്കൂട്ടത്തിലിന് മർദ്ദനമേറ്റു

കൊല്ലം: അഞ്ചൽ - ആയൂർ റൂട്ടിൽ കെഎസ്ആർടിസി ബസും ലോറിയും കൂട്ടിയിടിച്ച് ഒരു മരണം. ലോറി ഡ്രെെവർ വെളിയം സ്വദേശി ഷിബുവാണ് (37) മരിച്ചത്. അഞ്ചൽ - ആയൂർ പാതയിൽ കെെപ്പള്ളിമുക്ക് ഐസ് പ്ലാന്റിന് സമീപത്താണ് അപകടം നടന്നത്. സംഭവത്തിൽ 14 പേർക്ക് പരിക്കേറ്റു.
മല്ലപ്പള്ളിയിൽ നിന്ന് തിരുവനന്തപുരത്തേക്ക് പോവുകയായിരുന്ന കെഎസ്ആർടിസി ഫാസ്റ്റ് പാസഞ്ചർ ബസും ആയൂരിൽ നിന്ന് അഞ്ചലിലേക്ക് റബ്ബർ തെെകളുമായി വന്ന ലോറിയുമാണ് കൂട്ടിയിടിച്ചത്. ഇടിയുടെ ആഘാതത്തിൽ ലോറിയുടെ മുൻഭാഗം പൂർണമായും തകർന്നു.അപകടത്തിൽ അതീവ ഗുരുതരമായി പരിക്കേറ്റ ലോറി ഡ്രെെവറെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.നാട്ടുകാരും യാത്രക്കാരുമാണ് രക്ഷാപ്രവർത്തനം നടത്തിയത്.&nbsp;

കൊല്ലത്ത് കെഎസ്ആർടിസി ബസും ലോറിയും കൂട്ടിയിടിച്ച് അപകടം; ഒരാൾ മരിച്ചു, നിരവധി പേർക്ക് പരിക്ക്

കൊല്ലത്ത് കെഎസ്ആർടിസി ബസും ലോറിയും കൂട്ടിയിടിച്ച് അപകടം; ഒരാൾ മരിച്ചു

കൊച്ചി: വൈദികനെ ലോഡ്ജ് മുറിയില്‍ ഭീഷണിപ്പെടുത്തി പണവും ഫോണും കവര്‍ന്ന യുവാവ് അറസ്റ്റില്‍. തളിപ്പറമ്പ് സ്വദേശി ആല്‍ബിന്‍ ആന്റണിയെ (29) യാണ് കൊച്ചി സെന്‍ട്രല്‍ പോലീസ് പിടികൂടിയത്. പാലായിലെ പള്ളി വികാരിയായ വൈദികന്റെ പരാതിയിലാണ് നടപടി. വൈദികന്റെ 40,000 രൂപയും ഐഫോണും ഐവാച്ചും പ്രതി കൈക്കലാക്കിയിരുന്നു.
23-ന് എറണാകുളം കെ.എസ്.ആര്‍ടി.സി. സ്റ്റാന്‍ഡിനു സമീപമുള്ള ലോഡ്ജിലായിരുന്നു സംഭവം. എറണാകുളത്ത് എത്തിയതായിരുന്നു വൈദികന്‍. തിരിച്ച് കോട്ടയത്തേക്കു പോകാന്‍ കെ.എസ്.ആര്‍.ടി.സി. സ്റ്റാന്‍ഡിലേക്ക് പോകുന്നതിനിടെ ബാത്ത് റൂം ഉപയോഗിക്കാനായി ലോഡ്ജില്‍ മുറിയെടുത്തു.
മുറിയിലിരിക്കെ കതക് തള്ളിത്തുറന്ന് അകത്തുകടന്ന പ്രതി, കഴുത്തില്‍ കത്തിവെച്ച് പണവും സാധനങ്ങളും കവര്‍ന്നതായാണ് വൈദികന്‍ പോലീസിനു നല്‍കിയ പരാതിയിലുള്ളത്.അന്വേഷണത്തില്‍ ആല്‍ബിന്‍ ഇതേ ലോഡ്ജില്‍ മുറിയെടുത്തിരുന്നതായി കണ്ടെത്തി. ലോഡ്ജില്‍നിന്ന് പ്രതിയുടെ തിരിച്ചറിയല്‍ രേഖയും ഫോണ്‍ നമ്പറും കണ്ടെത്തി. ഫോണ്‍ സ്വിച്ച് ഓഫായിരുന്നു.വികാരിയില്‍നിന്ന് കൈക്കലാക്കിയ ഐഫോണില്‍ ചൊവ്വാഴ്ച സിം ഇട്ടതോടെ പോലീസിന് വിവരം ലഭിക്കുകയും ടവര്‍ ലൊക്കേഷന്‍ വഴി പ്രതിയെ കണ്ടെത്തുകയുമായിരുന്നു.

വൈദികനെ ഭീഷണിപ്പെടുത്തി ഐഫോണും പണവും മോഷ്ടിച്ചു; തളിപ്പറമ്പ് സ്വദേശി പിടിയില്‍

ജിദ്ദ: തീപൊള്ളലേറ്റ് ജിദ്ദയിൽ ചികിത്സയിലായിരുന്ന മലയാളി മരിച്ചു. മലപ്പുറം വടക്കാങ്ങര സ്വദേശി മുഹമ്മദ് മുസ്തഫ (45) ആണ് മരിച്ചത്. തീപൊള്ളലേറ്റ് ഒരാഴ്ച്ചയായി ആശുപത്രിയിൽ ചികിത്സയിലായിരുന്നു.
പിതാവ്: തടത്തിൽകുണ്ടിലെ പുതിയപറമ്പത്ത് അബ്​ദു. മാതാവ്: പരേതയായ പാത്തുമ്മക്കുട്ടി. ഭാര്യ: ഷബ്ന ഹഫ്സത്ത്. മക്കൾ: മുഹമ്മദ് ഷജാഹ്, മുഹമ്മദ് ഷഹസാദ്‌, ആയിഷ ഷിസ. സഹോദരങ്ങൾ: കബീർ (ജിദ്ദ), അനസ്, ഹാജറുമ്മ, സുഹറ, ജസീല, ഫൗസിയ, സൈന. മൃതദേഹം നടപടിക്രമങ്ങൾ പൂർത്തിയാക്കി ജിദ്ദയിൽ മറവുചെയ്യും.

തീപൊള്ളലേറ്റ് ജിദ്ദയിൽ ചികിത്സയിലായിരുന്ന മലയാളി മരിച്ചു

Gulf

ജ്യൂസ് കുടിക്കാന്‍ പൊതുവേ എല്ലാവര്‍ക്കും ഇഷ്ടമാണ്.മധുരം കൂടിയ പഴങ്ങള്‍ കൊണ്ടുള്ള ജ്യൂസുകള്‍ക്ക് തന്നെയാണ് ഡിമാന്‍ഡ്. എന്നാല്‍ ചില ജ്യൂസുകള്‍ക്ക് നമ്മള്‍ കരുതുന്നതിനും അപ്പുറം വലിയ ആരോഗ്യഗുണങ്ങളുണ്ട്. ഉറക്കമില്ലായ്മയും മലബന്ധവും നമ്മളില്‍ പലരേയും ബുദ്ധിമുട്ടിക്കുന്ന പ്രശ്‌നമാണ്. ജീവിതശൈലി തന്നെയാണ് ഇതിന് പിന്നിലെ പ്രധാനവില്ലന്‍. ഇത്തരം പ്രശ്‌നങ്ങള്‍ക്ക് പരിഹാരമായി കുടിക്കാവുന്ന ജ്യൂസുകള്‍ ഏതൊക്കെയാണെന്ന് അറിഞ്ഞിരിക്കാം.
ചെറിയില്‍ ഉറക്കത്തെ സഹായിക്കുന്ന 'മെലാറ്റോണിന്‍' എന്ന ഹോര്‍മോണ്‍ അടങ്ങിയിട്ടുണ്ട്. മഗ്‌നീഷ്യവും അടങ്ങിയ ചെറി ജ്യൂസ് ഡയറ്റില്‍ ഉള്‍പ്പെടുത്തുന്നതും രാത്രി നല്ല ഉറക്കം ലഭിക്കാന്‍ സഹായിക്കും. കുടലിന്റെ ആരോഗ്യം മെച്ചപ്പെടുത്താനും ഇത് നല്ലതാണ്.
ഉണങ്ങിയ പ്ലം പഴമാണ് പ്രൂണ്‍സ്. പ്രൂണ്‍ കൊണ്ടുള്ള ജ്യൂസ് വളരെ വിളരമായിരിക്കാം നമ്മള്‍ കുടിച്ചിട്ടുണ്ടാകുക. എന്നാല്‍ ഇതിന് നിരവധി ആരോഗ്യഗുണങ്ങളുണ്ട്. ഫൈബര്‍ ധാരാളം അടങ്ങിയ പ്രൂണ്‍ ജ്യൂസ് ഡയറ്റില്‍ ഉള്‍പ്പെടുത്തുന്നത് മലബന്ധത്തെ പ്രതിരോധിക്കാന്‍ നല്ലതാണ്.കൂടാതെ ദഹനം മെച്ചപ്പെടുത്താനും വയര്‍ വീര്‍ത്തിരിക്കുന്നത് തടയാനും കുടലില്‍ നല്ല ബാക്ടീരിയകള്‍ വര്‍ധിപ്പിച്ച് കുടലിന്റെ ആരോഗ്യം സംരക്ഷിക്കാനും ഗുണം ചെയ്യും. മഗ്‌നീഷ്യം ധാരാളം അടങ്ങിയ പ്രൂണ്‍ ജ്യൂസ് കുടിക്കുന്നത് നല്ല ഉറക്കം പ്രദാനം ചെയ്യും.
ക്രാന്‍ബെറി ജ്യൂസും അത്ര സുപരിചിതമായ ജ്യൂസല്ല നമ്മള്‍ക്ക്. എന്നാല്‍ ഇത് ആന്റി ഓക്‌സിഡന്റുകളുടെ മികച്ച കലവറയാണ്. വിറ്റാമിന്‍ സി, കെ, അയേണ്‍, പൊട്ടാസ്യം, കാത്സ്യം, മിനറല്‍സ്, ഫൈബര്‍ തുടങ്ങിയവയും ഇതില്‍ അടങ്ങിയിട്ടുണ്ട്. ക്രാന്‍ബെറി ജ്യൂസ് ഡയറ്റില്‍ ഉള്‍പ്പെടുത്തുന്നത് മൂത്രാശയ അണുബാധയെ പ്രതിരോധിക്കാന്‍ ഗുണം ചെയ്യും.&nbsp;

മലബന്ധം  അകറ്റാൻ  ഈ ജ്യൂസുകള്‍ ശീലമാക്കാം

Health

പൊയിനാച്ചി (കാസർകോട്): കനത്ത മഴയില്‍ കാസർകോട് ദേശീയപാതയില്‍ തെക്കിലിലും ബേവിഞ്ചയിലും കുന്നിടിഞ്ഞു. ആറുവരിപ്പാതയുടെ നിര്‍മാണം പുരോഗമിക്കുന്ന ഭാഗത്താണ് വ്യാഴാഴ്ച രാവിലെ മണ്ണിടിഞ്ഞത്. ഇതേത്തുടര്‍ന്ന് ചട്ടഞ്ചാല്‍-ചെര്‍ക്കള ദേശീയപാതയില്‍ വലിയ വാഹനങ്ങള്‍ക്ക് നിയന്ത്രണം ഏര്‍പ്പെടുത്തി.
കാസര്‍കോട്ടേക്കും തിരിച്ചുമുള്ള ബസ്സുകളും ലോറികളും ചട്ടഞ്ചാലില്‍നിന്നും ദേളി റോഡിലൂടെ ചന്ദ്രഗിരി സംസ്ഥാനപാതയിലേക്ക് വഴിതിരിച്ചുവിട്ടു. തെക്കിലില്‍ മണ്ണിടിച്ചല്‍ പ്രതിരോധിക്കാന്‍ നിര്‍മ്മിച്ച കോണ്‍ക്രീറ്റ് കവചം മഴവെള്ള കുത്തൊഴുക്കില്‍ ഒലിച്ചുപോയി.ബേവിഞ്ച സ്റ്റാര്‍നഗറില്‍ മഴവെള്ളം ഒഴുകി 10 മീറ്റര്‍ നീളത്തില്‍ ദേശീയപാതയുടെ കരയിടിഞ്ഞു.താഴെ വലിയ കുഴിയായതിനാല്‍ ഇതിലൂടെ വലിയവാഹനങ്ങള്‍ പോകുന്നത് അപകടഭീഷണി സൃഷ്ടിച്ചിരിക്കുകയാണ്.

കാസർകോട് ദേശീയപാതയില്‍ മണ്ണിടിച്ചില്‍; ഗതാഗതനിയന്ത്രണം

വടകര: നിലവിൽ നാഫെഡ് പ്രഖ്യാപിച്ച നാളികേര സംഭരണം കേരളത്തിലെ കർഷകർക്ക് യാതൊരു പ്രയോജനവും ലഭിക്കാത്തതാണെന്നും, കേരളത്തിന് അനുവദിച്ച മുഴുവൻ വിഹിതവും വേണ്ടരീതിയിൽ ഉപയോഗിച്ച് കർഷകരെ സമയബന്ധിതമായി സഹായിക്കാൻ നടപടി സ്വീകരിക്കണമെന്നും ബന്ധപ്പെട്ട അധികാരികളോട് വടകര പ്രൊഡ്യൂസ് മർച്ചൻറസ് അസോസിയേഷൻ ജനറൽ ബോഡി യോഗം ആവശ്യപ്പെട്ടു.
വടകരയിൽ ചേർന്ന പ്രൊഡ്യൂസ് മർച്ചൻറസ് അസോസിയേഷൻ ജനറൽ ബോഡി യോഗത്തിൽ 2024 - 26 കാലഘട്ടത്തിലേക്കുള്ള അസോസിയേഷൻ ഭാരവാഹികളായി രാമചന്ദ്രൻ വരപ്രത്ത് ( പ്രസിഡണ്ട് ), കെ. പി സലീം ( ജന. സിക്രട്ടറി ) , കീർത്തി ജെ. ( ട്രഷറർ ) , പി.കെ കരീം , പി കെ സി അഷ്റഫ് ( വൈസ്. പ്രസിഡണ്ട് ), ടി.കെ ചന്ദ്രൻ , പി. എം ഹരീന്ദ്രൻ ( സിക്രട്ടറി ) എന്നിവരെ തിരഞ്ഞെടുത്തു. യോഗം ജില്ല ജന. സിക്രട്ടറി കെ.ടി വിനോദൻ ഉദ്ഘാടനം ചെയ്തു. ടി. ഐ. നാസർ , ടി.കെ ചന്ദ്രൻ , പി.എം ഹരീന്ദ്രൻ എന്നിവർ സംസാരിച്ചു.

'കൊപ്ര , ഉണ്ടകൊപ്ര സംഭരണം യാഥാർത്ഥ്യബോധത്തോടെയുള്ളതാവണം'

പ്രസിഡൻ്റ് രാമചന്ദ്രൻ വരപ്രത്ത്, ജന: സിക്രട്ടരി കെ.പി സലീം

Vadakara

മണിയൂർ: വെട്ടിൽ പീടിക, മുടപ്പിലാവിൽ പ്രദേശങ്ങളിലെ കലാ - സംസ്കാരിക രംഗത്തെ സജീവ സാന്നിധ്യമായ പി.പി.ഡി. എന്ന പി.പി.ദാമോദരൻ്റെ അഞ്ചാം ചരമവാർഷിക ദിനം ആചരിച്ചു. മണിയൂർ ഗ്രാമപഞ്ചായത്ത് വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ കെ.ശശിധരൻ ഉദ്ഘാടനം ചെയ്തു. എം ജനാർദ്ദനൻ മുഖ്യ പ്രഭാഷണം നടത്തി. അഡ്വ: സി.ഒ.രഞ്ജിത്കുമാർ, ഇ.സി.രാഘവൻ, ചന്ദ്രബാബു കോണിച്ചേരി, ടി. ശശീന്ദ്രൻ ,ബാബു കോണിച്ചേരി, രാജീവൻ കണ്ണമ്പത്ത് എന്നിവർ സംസാ രി ച്ചു. വി.കെ. കരുണാകരൻ അധ്യക്ഷത വഹിച്ചു. കെ.കെ. പ്രദീപൻ സ്വാഗതവും കെ.പി. അനിൽ കുമാർ നന്ദിയും പറഞ്ഞു.&nbsp;

പി.പി.ഡി അനുസ്മരണം നടത്തി

ആയഞ്ചേരി: ലോക ലഹരി വിരുദ്ധ ദിനത്തോടനുബന്ധിച്ച് വള്ളിയാട് ഈസ്റ്റ് എൽ പി സ്കൂളിൽ സ്കൂൾ ജാഗ്രത സമിതിയുടെയും അലിഫ് അറബി ക്ലബ്ബിന്റെയും സംയുക്താഭിമുഖ്യത്തിൽ ലഹരി വിരുദ്ധ ബോധവൽക്കരണ ക്ലാസ്സ് സംഘടിപ്പിച്ചു. വളയം സബ്ബ് ഇൻസ്പെകടർ ഹരിദാസൻ മണ്ണ്കണ്ടി ലഹരി വിരുദ്ധ ബോധവൽക്കരണം നടത്തി. ലഹരി വിരുദ്ധ പ്രതിജ്ഞ, ലഹരിക്കെതിരെ കയ്യൊപ്പ്, പോസ്റ്റർ പ്രദർശനം എന്നിവ നടന്നു. സ്കൂൾ ജാഗ്രത സമിതിയുടെ ലോഗോ കൺവീനർ ലിൻസി , ഹരിദാസൻ മണ്ണ്കണ്ടിക്ക് നൽകി പ്രകാശനം നിർവ്വഹിച്ചു. ഹെഡ്മിസ്ട്രസ്സ് ബിന്ദു സി.എച്ച്, മുഹമ്മദ് ശാക്കിർ കെ.കെ, മുഹമ്മദ് നിജാഫ് എന്നിവർ സംസാരിച്ചു.

ലഹരി വിരുദ്ധ ബോധവൽക്കരണം സംഘടിപ്പിച്ചു

പയ്യോളി : ആറുവരിപ്പാതയുടെ നിർമാണം പയ്യോളിഭാഗത്തുണ്ടാക്കിയ ദുരിതം പരിഹരിക്കണമെന്നാവശ്യപ്പെട്ട് നിർമാണക്കരാർ കമ്പനിയുടെ ഓഫീസ് നാട്ടുകാർ ഉപരോധിച്ചു. പ്രവൃത്തിനടത്തുന്ന വഗാഡ് ഇൻഫ്രാ പ്രൊജക്ട്സ് പ്രൈവറ്റ് ലിമിറ്റഡിന്റെ പ്ലാൻറ് സ്ഥിതിചെയ്യുന്ന നന്തിയിലെ ഓഫീസാണ് ഉപരോധിച്ചത്. നഗരസഭാ ചെയർമാൻ വി.കെ. അബ്ദുറഹിമാൻ, ദേശീയപാതാ വികസനസമിതി ചെയർമാൻ അഷറഫ് കോട്ടക്കൽ, കൺവീനർ കെ.ടി. സിന്ധു എന്നിവരുടെ നേതൃത്വത്തിലായിരുന്നു സമരം.
കമ്പനി ഡയറക്ടർ സാവനുമായിനടന്ന ചർച്ചയെത്തുടർന്ന് കോടതിക്കുമുന്നിലെ സർവീസ് റോഡ് ക്വാറി വേസ്റ്റ്‌ ഉപയോഗിച്ച് ഉയർത്തി അതിനുമുകളിൽ ബേബി മെറ്റലും സിമൻറുചേർത്ത മണൽ മിശ്രിതവും നിക്ഷേപിച്ചിട്ടുണ്ട്. കാലവർഷമായതോടെ ആംബുലൻസുപോലും കുടുങ്ങിക്കിടക്കുകയും ചെളിയിൽ താഴ്ന്നുപോകുന്ന സ്ഥിതിയുമുണ്ടായി. മൂരാടുമുതൽ നന്തിവരെ ഇതാണവസ്ഥ. രണ്ട് ഇരുചക്രവാഹന യാത്രക്കാർ ഇതിനകം ലോറികയറി മരിക്കുകയും നിരവധിപ്പേർക്ക് പരിക്കുപറ്റുകയുംചെയ്തു.
&nbsp;കുഴികളിൽ അടിക്കടി നിർമാണക്കമ്പനി ക്വാറി വേസ്റ്റ്‌ കൊണ്ടിടുമെങ്കിലും ഒരുമഴയിൽ എല്ലാം ഒലിച്ചുപോകും. കടുത്ത ജനരോഷമുയർന്ന സാഹചര്യത്തിലാണ് നഗരസഭയുടെ ഇടപെടലുണ്ടായത്. മൂരാടും കുറ്റിയിൽ പീടികയും പെരുമാൾപുരവും തിക്കോടിയുമെല്ലാമാണ് പ്രധാനമായും ദുരിതമനുഭവിക്കുന്ന പ്രദേശങ്ങൾ.

പയ്യോളിയിൽ റോഡിലെ വെള്ളക്കെട്ട്: നിർമാണക്കമ്പനി ഓഫീസ് ഉപരോധിച്ച് നാട്ടുകാർ

Koyilandy

മിക്ക വീടുകളിലും അയമോദകം ഉണ്ടാകാറുണ്ട്. അതിന്റെ ആരോഗ്യഗുണങ്ങളാണ് ഇതിന് പിന്നില്‍. വിറ്റാമിനുകളും ധാതുക്കളുമെല്ലാം ഇതിലടങ്ങിയിട്ടിട്ടുണ്ട്. അയമോദകം ഇട്ട് തിളപ്പിച്ച വെള്ളം കുടിക്കുന്നത് കൊണ്ട് നിരവധി ഗുണങ്ങളുണ്ട്. വയറിനുണ്ടാകുന്ന പ്രശ്‌നങ്ങള്‍ക്ക് എളുപ്പത്തിലൊരു പരിഹാരമാണ് അയമോദകവെള്ളം. അസിഡിറ്റി, നെഞ്ചെരിച്ചില്‍, ഗ്യാസ് കയറി വയര്‍ വീര്‍ത്തുകെട്ടുന്ന അവസ്ഥ, എന്നിങ്ങനെയുള്ള പ്രശ്‌നങ്ങള്‍ക്ക് അകറ്റാന്‍ അയമോദക വെള്ളം കുടിക്കുന്നത് നല്ലതാണ്.&nbsp;
ശ്വാസകോശത്തിന്റെ ആരോഗ്യം മെച്ചപ്പെടുത്തുന്നതിനും രോഗ പ്രതിരോധശേഷി കൂട്ടാനും ഇതിന് കഴിവുണ്ട്. ശരീരത്തില്‍ നിന്ന് വിഷാംശങ്ങളെ പുറന്തള്ളാനും അയമോദക വെള്ളം കുടിക്കുന്നത് ഗുണം ചെയ്യും. ചര്‍മത്തെ ആരോഗ്യമുള്ളതാക്കിത്തീര്‍ക്കുന്നതിനും അയമോദക വെള്ളം പതിവാക്കാം. സ്ത്രീകള്‍ക്ക് ആര്‍ത്തവ വേദന കുറയ്ക്കാനും സന്ധിവേദനയെ കുറയ്ക്കാനും അയമോദക വെള്ളം കുടിയ്ക്കാം.ശരീരഭാരം കുറയ്ക്കാന്‍ ആഗ്രഹിക്കുന്നവര്‍ക്കും ധൈര്യമായി അയമോദകം ഇട്ട വെള്ളം കുടിയ്ക്കാം. കലോറി കുറഞ്ഞ ഈ പാനീയം ഡയറ്റില്‍ ഉള്‍പ്പെടുത്തുന്നത് വിശപ്പ് കുറയ്ക്കാനും ശരീരഭാരം നിയന്ത്രിക്കാനും ഗുണകരമാണ്.&nbsp;
തയ്യാറാക്കുന്ന രീതി
അയമോദക വെള്ളം വളരെ എളുപ്പത്തില്‍ വീട്ടില്‍ തയ്യാറാക്കാം. ഇതിനായി ആദ്യം ഒരു ടേബിള്‍സ്പൂണ്‍ അയമോദകം രാത്രി മുഴുവന്‍ വെള്ളത്തില്‍ കുതിരാന്‍ വെയ്ക്കുക. രാവിലെ, ഈ മിശ്രിതം ഒന്ന് തിളപ്പിക്കുക. ശേഷം അരിച്ചെടുത്ത് ഈ വെള്ളം ഉപയോഗിക്കാം.

അയമോദകമിട്ട് തിളപ്പിച്ച വെള്ളം കുടിയ്ക്കാം; ആരോഗ്യഗുണങ്ങൾ ഒട്ടേറെയുണ്ട്

കൊച്ചി: പറവൂരില്‍ യുവാവ് സ്വയം കഴുത്തറത്തു മരിച്ചു. വടക്കേക്കര പാല്യത്തുരുത്ത് കുറുപ്പുപറമ്പില്‍ അനിരുദ്ധന്റെ മകന്‍ അഭിലാഷ് (41) ആണ് മരിച്ചത്. വ്യാഴാഴ്ച രാവിലെ വീട്ടിലെ അടുക്കളയില്‍ വച്ചാണ് സംഭവം.
'തൊണ്ടയില്‍ കല്ല് ഇരിക്കുന്നു' എന്നു പറഞ്ഞ് അഭിലാഷ് മൂര്‍ച്ചയേറിയ അരിവാള്‍ കൊണ്ട് സ്വയം കഴുത്ത് മുറിക്കുകയായിരുന്നെന്ന് പഞ്ചായത്ത് മെമ്പര്‍ ഷാജി പറഞ്ഞു. അഭിലാഷിന്റെ പിതാവ് തെങ്ങുകയറ്റ തൊഴിലാളിയാണ്. ഇദ്ദേഹം ഉപയോഗിക്കുന്ന അരിവാള്‍ ഉപയോഗിച്ചാണ് അഭിലാഷ് കഴുത്തറുത്തത്. സംഭവസമയത്ത് അമ്മ വത്സല മാത്രമേ വീട്ടിലുണ്ടായിരുന്നുള്ളൂ. അഭിലാഷ് അരിവാള്‍ എടുക്കുന്നത് കണ്ട് ഭര്‍ത്താവിനെ വിളിക്കാന്‍ വത്സല പുറത്തിറങ്ങിയെങ്കിലും ഇതിനിടെ യുവാവ് കഴുത്ത് മുറിക്കുകയായിരുന്നു. ഉടന്‍ തന്നെ ആശുപത്രിയിലേക്ക് കൊണ്ടുവന്നെങ്കിലും അവിടെയെത്തും മുമ്പേ മരണം സംഭവിക്കുകയായിരുന്നെന്ന് പഞ്ചായത്ത് മെമ്പര്‍ കൂട്ടിച്ചേര്‍ത്തു.
അവിവാഹിതനായ അഭിലാഷും മാതാപിതാക്കളുമാണ് വീട്ടില്‍ താമസം. കൂലിപ്പണിക്കാരനായ ഇയാള്‍ സ്ഥിരമായി മദ്യപിക്കാറുണ്ടെന്ന് പറയപ്പെടുന്നു. മൃതദേഹം പറവൂര്‍ താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.&nbsp;

'തൊണ്ടയില്‍ കല്ല് ഇരിക്കുന്നു' ; യുവാവ് സ്വയം കഴുത്തറത്തു മരിച്ചു

വില്യാപ്പള്ളി: വില്യാപ്പള്ളി യു പി സ്കൂളിൽ സ്കൗട്ട്, ഗൈഡ്സ്, ജെ ആർ സി നേതൃത്വത്തിൽ ലഹരി വിരുദ്ധ ദിനം ആചരിച്ചു. പ്ലക്കാർഡ് നിർമ്മാണം, റാലി, ലഹരി വിരുദ്ധ പ്രതിജ്ഞ എന്നിവ നടത്തി. ലഹരി വിരുദ്ധ ബോധവൽക്കരണത്തിനായി കുട്ടികൾ അവതരിപ്പിച്ച ഫ്ലാഷ് മൊബ് ഏറെ ശ്രദ്ധയാകർഷിച്ചു. കുട്ടികൾ തയാറാക്കിയ ലഹരി വിരുദ്ധ മുദ്ര ഗീതങ്ങൾ പരിപാടിയിൽ ആലപിച്ചു.

വില്യാപ്പള്ളി യു പി സ്കൂളിൽ ലഹരി വിരുദ്ധ ദിനം ആചരിച്ചു

വിവാഹിതയാകാന്‍ ഒരുങ്ങുകയാണ് നടി മീരാ നന്ദന്‍. ലണ്ടനില്‍ അക്കൗണ്ടന്റായ ശ്രീജുവാണ് മീരയുടെ വരന്‍. കൊച്ചിയില്‍ നടന്ന വിവാഹ നിശ്ചയത്തില്‍ അടുത്ത സുഹൃത്തുക്കളും ബന്ധുക്കളുമാണ് പങ്കെടുത്തത്.
ഇപ്പോഴിതാ മെഹന്ദി ചടങ്ങില്‍ നിന്നുള്ള ചിത്രങ്ങളാണ് താരം പങ്കുവെച്ചത്. നടിമാരായ നസ്രിയ നസീം, ശ്രിന്ദ, ആന്‍ അഗസ്റ്റിന്‍, സെലിബ്രിറ്റി മേക്കപ്പ് ആര്‍ട്ടിസ്റ്റുമായ ഉണ്ണി പി.എസ് , സജിത്ത് ആന്റ് സുജിത്ത് എന്നിവരെ ചിത്രങ്ങളില്‍ കാണാം. അച്ഛനും അമ്മയ്ക്കുമൊപ്പമുള്ള ചിത്രങ്ങളും ശ്രീജുവിനൊപ്പമുള്ള ചിത്രവും മീര ഇന്‍സ്റ്റഗ്രാമില്‍ പോസ്റ്റ് ചെയ്തിട്ടുണ്ട്. പിങ്ക് നിറത്തിലുള്ള ഐ-ലൈന്‍ ഡ്രസ്സാണ് മീര ധരിച്ചിരിക്കുന്നത്.കൂട്ടുകാരോടൊപ്പമുള്ള ആഘോഷത്തിന്റെ വീഡിയോയും മീര പോസ്റ്റ് ചെയ്തിട്ടുണ്ട്.
കൊച്ചി എളമക്കര സ്വദേശിനിയായ മീര നന്ദനെ മുല്ല എന്ന ചിത്രത്തിലൂടെ സംവിധായകന്‍ ലാല്‍ജോസാണ് മലയാളസിനിമയ്ക്ക് പരിചയപ്പെടുത്തിയത്. 2008 ലാണ് മുല്ല റിലീസായത്. നിലവില്‍ ദുബായില്‍ മലയാളം റേഡിയോ സ്റ്റേഷന്‍ ഗോള്‍ഡ് 101.3 എഫ്എമ്മില്‍ ആര്‍ജെയാണ് മീര.

വിവാഹത്തിനൊരുങ്ങി മീര നന്ദന്‍; മെഹന്ദി ചിത്രങ്ങൾ വൈറൽ

കാലിഫോര്‍ണിയ: ഹോളിവുഡ് നടനും ടെലിവിഷന്‍ താരവുമായ ബില്‍ കോബ്‌സ് (90) അന്തരിച്ചു. കാലിഫോര്‍ണിയയിലെ റിവര്‍സൈഡിലെ വസതിയില്‍ വാര്‍ധക്യസഹജമായ രോഗങ്ങളെ തുടര്‍ന്നായിരുന്നു അന്ത്യം.
1934 ല്‍ ഒഹായോയിലെ ക്ലീവ്‌ലാന്റിലാണ് ബില്‍ കോബ്‌സ് ജനിച്ചത്. മാതാപിതാക്കള്‍ കെട്ടിട നിര്‍മാണ തൊഴിലാളികളായിരുന്നു. യു.എസ് എയര്‍ ഫോഴ്‌സില്‍ റഡാര്‍ ടെക്‌നീഷ്യനായി ജോലി ചെയ്തിരുന്ന കോബ്‌സ് 1960 കളുടെ അവസാനത്തില്‍ അഭിനയ മോഹവുമായി ന്യൂയോര്‍ക്കിലേക്ക് താമസം മാറുകയായിരുന്നു. ടാക്‌സി ഡ്രൈവറായും കളിപ്പാട്ടങ്ങള്‍ വില്‍ക്കുന്ന കച്ചവടക്കാരനായും ആദ്യകാലത്ത് ഉപജീവനമാര്‍ഗം കണ്ടെത്തിയത്.
ആഫ്രിക്കന്‍ അമേരിക്കന്‍ പെര്‍ഫോമിങ് ആര്‍ട്ട്‌സെന്ററിന്റെ നാടകങ്ങളിലൂടെയാണ് അഭിനയ ജീവിതത്തിന് തുടക്കമിടുന്നത്. 1974 ല്‍ ദ ടേക്കിങ് ഓഫ് പെലം വണ്‍ ടു ത്രീ എന്ന ചിത്രത്തിലൂടെ സിനിമയില്‍ അരങ്ങേറ്റം കുറിച്ചു. ദ ഹിറ്റലര്‍, ദ ബ്രദര്‍ ഫ്രം അനതര്‍ പ്ലാനെറ്റ്, നൈറ്റ് അറ്റ് ദ മ്യൂസിയം, ഐ വില്‍ ഫ്‌ലൈ എവേ, തുടങ്ങിയവ ശ്രദ്ധേയ ചിത്രങ്ങളാണ്.സിനിമയിലേതുപോലെ ടെലിവിഷന്‍ രംഗത്തും കോബ്‌സ് ഏറെ ശ്രദ്ധിക്കപ്പെട്ട നടനായി. ഡിനോ ഡനാ എന്ന സീരീസിലൂടെ ടേ ടൈം എമ്മി പുരസ്‌കാരം ലഭിക്കുകയും ചെയ്തു.

ഹോളിവുഡ് നടൻ ബില്‍ കോബ്‌സ് അന്തരിച്ചു

മണിയൂർ: മുടപ്പിലാവിൽ എൽ പി സ്കൂളിൽ ലോക ലഹരി വിരുദ്ധ ദിനത്തോടനുബന്ധിച്ച് 'ലഹരി ക്കെതിരെ ഞങ്ങളും' പരിപാടി നടന്നു. ഹെഡ്മിസ്ട്രെസ് സുധ കണ്ണമ്പത്തിന്റെ അധ്യക്ഷതയിൽ കെ ഹരിദാസൻ, ബിജേഷ്‌കുമാർ. കെ. ജെ, രേഷ്മ. എം എന്നിവർ സംസാരിച്ചു. എല്ലാ കുട്ടികളും അധ്യാപകരും ലഹരിക്കെതിരെ കൈപ്പത്തി പതിപ്പിച്ചു.&nbsp;

'ലഹരിക്കെതിരെ ഞങ്ങളും'

Inshort

കോഴിക്കോട്: സംസ്ഥാന സർക്കാറിൻ്റെ ഭരണ വീഴ്ചയാണ് ലോക്സഭ തിരഞ്ഞെടുപ്പിൽ എൽഡിഎഫിന് കനത്ത പരാജയം ഉണ്ടാവാൻ കാരണമെന്ന് ആർ.ജെ.ഡി. കോഴിക്കോട് ജില്ലാ കമ്മറ്റി. ചില കാര്യങ്ങൾ പർവ്വതികരിച്ചു യു.ഡി.എഫ് പ്രചരിപ്പിച്ചപ്പോൾ ചെയ്ത നല്ല കാര്യങ്ങൾ നിഷ്പ്രഭമായിപ്പോയി. കോഴിക്കോട് ചേർന്ന ജില്ലാ ഭാരവഹികളുടെയും മേൽ കമ്മറ്റി അംഗങ്ങളുടേയും യോഗത്തിലാണ് വിമർശനം. ജില്ലാ പ്രസിഡണ്ട് എം.കെ. ഭാസ്ക്കരൻ അദ്യക്ഷത വഹിച്ചു. സംസ്ഥാന ജനറൽ സെക്രട്ടരി വി. കുഞ്ഞാലി ഉൽഘാടനം ചെയ്തു. ജില്ലാസെക്രട്ടരിമാരായ ഭാസ്കരൻ കൊഴുക്കല്ലൂർ സ്വാഗതവും, ജെ.എൻ. പ്രേം ഭാസിൻനന്ദിയും പറഞ്ഞു. സംസ്ഥാന ഭാരവാഹികളായ സലിം മടവൂർ, എൻ.കെ. വത്സൻ, ഇ.പി.ദാമോദരൻ, കെ. ലോഹ്യാ, എം.പി ശിവാനന്ദൻ, പി.എം. തോമസ്, എൻ.സി. മോയിൻകുട്ടി, അഡ്വ രവീന്ദ്രനാഥ്, എടയത്ത് ശ്രീധരൻ, ജീജാദാസ്, എം.കെ. സതി, സി.പി രാജൻ എന്നിവർ പ്രസംഗിച്ചു.

പരാജയ കാരണം സർക്കാറിൻ്റെ ഭരണ വീഴ്ച; ആർ.ജെ.ഡി

Kozhikode

അഴിയൂർ: അന്താരാഷ്ട്ര ലഹരി വിരുദ്ധ ദിനമായ ജൂൺ 26 ന് അഴിയൂർ ഗവ:ഹയർ സെക്കൻ്ററി സ്കൂളിൽ വിദ്യാർത്ഥികൾക്കും രക്ഷിതാക്കൾക്കും ലഹരിവിരുദ്ധ ബോധവൽക്കരണ ക്ലാസ് നടത്തി. എക്സൈസ് പ്രിവൻ്റീവ് ഓഫീവർ ജയരാജ് ക്ലാസ് കൈകാര്യം ചെയ്തു. പ്രധാനാധ്യാപിക രേഖ കക്കാടി അധ്യക്ഷം വഹിച്ച ചടങ്ങിൽ വിൻഷ സ്വാഗതവും ഐശ്വര്യ നന്ദിയും പറഞ്ഞു. പരിപാടിയുടെ ഭാഗമായി ലഹരി വിരുദ്ധ പ്രതിജ്ഞ, ഫ്ലാഷ് മോബ് , പോസ്റ്റർ രചനയും പ്രദർശനവും എന്നിവ സംഘടിപ്പിച്ചു.

ലഹരിവിരുദ്ധ ബോധവൽക്കരണ ക്ലാസ് നടത്തി

കക്കട്ടിൽ: കുളങ്ങരത്തെ മാക്കൂട്ടത്തിൽ ദേവി(85) അന്തരിച്ചു. ഭർത്താവ്: പരേതനായ കുഞ്ഞിരാമൻ. മക്കൾ: കമല, സദാനന്ദൻ(റിട്ട.ക്ലർക്ക് എ.ഇ.ഒ ഓഫീസ് കല്ലാച്ചി) , കരുണാകരൻ(റിട്ട. എച്ച്.എം കാവിലുമ്പാറ ഹൈസ്കൂൾ),വിനോദൻ. മരുമക്കൾ: കണാരൻ(ചുഴലി), ഷൈലജ, സുധ, രമ.

കുളങ്ങരത്ത് മാക്കൂട്ടത്തിൽ ദേവി അന്തരിച്ചു

Obituary

അമരാവതി: വളർത്തുനായയുടെ കടിയേറ്റ് പേവിഷബാധയെ തുടർന്ന് അച്ഛനും മകനും മരിച്ചു. വിശാഖപട്ടണം ഭിംലി സ്വദേശികളായ നരസിം​ഗറാവു (59), മകൻ ഭാർ​ഗവ് (27) എന്നിവരാണ് മരിച്ചത്.
ഒരാഴ്ച മുമ്പാണ് ഇരുവരെയും വീട്ടിലെ വളർത്തുനായ കടിച്ചത്. എന്നാൽ ഉടൻ ചികിത്സ തേടിയിരുന്നില്ല. രണ്ടു ദിവസത്തിനു ശേഷം നായ ചത്തതോടെയാണ് ഇരുവരും പേവിഷബാധയ്ക്കെതിരായ കുത്തിവയ്പ്പെടുക്കുന്നത്. എന്നാൽ ഫലമുണ്ടായില്ല.പേവിഷബാധാ വൈറസ് ഇരുവരുടെയും തലച്ചോറിനെയും കരളിനേയും ​ഗുരുതരമായി ബാധിച്ചിരുന്നു. തുടർന്ന് ചികിത്സയിലിരിക്കെ മരണത്തിന് കീഴടങ്ങുകയായിരുന്നു.&nbsp;

വളർത്തുനായയുടെ കടിയേറ്റ് പേവിഷബാധ ; അച്ഛനും മകനും മരിച്ചു

National

കോഴിക്കോട്: ദേശീയതലത്തിലോ സംസ്ഥാനതലത്തിലോ എന്‍സിപി കോണ്‍ഗ്രസില്‍ ലയിക്കില്ലെന്ന് സംസ്ഥാന അധ്യക്ഷന്‍ പി.സി.ചാക്കോ. മഹാരാഷ്ട്രയില്‍ വന്‍ വിജയമാണ് എന്‍സിപിക്കുണ്ടായതെന്നും പി.സി.ചാക്കോ പറഞ്ഞു.
കേരളത്തില്‍ ഭരണവിരുദ്ധ വികാരം ഉണ്ടായിട്ടുണ്ടെന്നും അദ്ദേഹം സമ്മതിച്ചു. എന്നാല്‍, ഭരണവിരുദ്ധ വികാരത്തിന് കാരണം കേന്ദ്രം ഫണ്ട് തരാത്തതാണെന്ന് ചാക്കോ വ്യക്തമാക്കി. കേന്ദ്രം ഫണ്ട് തരാത്തതിനാല്‍ ക്ഷേമ പെന്‍ഷന്‍ മുടങ്ങിയെന്നും അദ്ദേഹം പറഞ്ഞു.മുഖ്യമന്ത്രിയെ സിപിഐ വിമര്‍ശിച്ചെന്ന് പറയുന്നതെല്ലാം മാധ്യമ വാര്‍ത്തകള്‍ മാത്രമാണ്. സിപിഐ ജില്ലാ കമ്മിറ്റികള്‍ ഇക്കാര്യം സ്ഥിരീകരിച്ചിട്ടില്ല. ഇടതുപക്ഷത്തെ തോല്‍പ്പിക്കാന്‍ കഴിയുന്ന ശക്തിയാണ് യുഡിഎഫെന്ന് കരുതുന്നില്ലെന്നും പി.സി. ചാക്കോ പറഞ്ഞു. ഇപ്പോഴത്തെ വിമര്‍ശനങ്ങള്‍ താത്കാലികം മാത്രമാണെന്നും അദ്ദേഹം കൂട്ടിച്ചേര്‍ത്തു.

കേരളത്തില്‍ ഭരണവിരുദ്ധ വികാരം ഉണ്ടായി ;വിമര്‍ശനങ്ങള്‍ താത്കാലികം മാത്രമാണെന്നും പി.സി.ചാക്കോ

ബെംഗളൂരു:കോഴിക്കോട്ടുനിന്ന് ബുധനാഴ്ച രാത്രി ബെംഗളൂരിലേക്ക് പോയ കർണാടക ആർ.ടി.സി.യുടെ സ്ലീപ്പർ ബസ് അപകടത്തിൽപ്പെട്ടു. വ്യാഴാഴ്ച പുലർച്ചെ ബംഗളൂരു-മൈസൂരു അതിവേഗ പാതയിൽ രാംനഗറിലെ ബിഡദിയിൽ വെച്ചാണ് അപകടമുണ്ടായത്.
നിരവധി പേർക്ക് പരിക്കേറ്റിട്ടുണ്ട്. ഡ്രൈവർക്കും കണ്ടക്ടർക്കും സാരമായ പരിക്കുണ്ട്. ബസിൻ്റെ പിൻസീറ്റുകളിൽ ഉള്ളവർ മാത്രമാണ് പരിക്കില്ലാതെ രക്ഷപ്പെട്ടത്. പരിക്കേറ്റവരെ ഉടൻതന്നെ ബിഡദിയിലെ ആശുപത്രിയിൽ പ്രവേശിപ്പിച്ചു.ബെംഗളൂരു-മൈസൂര്‍ എക്‌സ്പ്രസ്‌വേയിലാണ് അപകടം നടന്നത്. ഡ്രൈവര്‍ ഉറങ്ങിയതാണ് അപകടത്തിന് കാരണമെന്നാണ് നിഗമനം. ബസ് തെറ്റായ വശത്തേക്ക് കയറിയാണ് ഇടിച്ചത്. അപകടത്തില്‍ ബസിന്റെ മുന്‍വശത്തെ ചില്ല് പൂര്‍ണ്ണമായും തകര്‍ന്നിട്ടുണ്ട്.

കോഴിക്കോട് നിന്ന് ബെംഗളൂരുവിലേക്കുപോയ കര്‍ണാടക ആർ.ടി.സിബസ് അപകടത്തില്‍പ്പെട്ടു; നിരവധി പേർക്ക് പരിക്ക്

കൊച്ചി: നടന്‍ സിദ്ദിഖിന്റെ മകന്‍ റാഷിന്‍ സിദ്ദിഖ് (37) അന്തരിച്ചു. വ്യാഴാഴ്ച രാവിലെ കൊച്ചിയിലെ സ്വകാര്യ ആശുപത്രിയില്‍ വച്ചായിരുന്നു അന്ത്യം.
പടമുകള്‍ പള്ളിയില്‍ വൈകീട്ട് നാല് മണിക്ക് കബറടക്കം നടക്കും. നടന്‍ ഷഹീന്‍ സിദ്ദിഖ്, ഫര്‍ഹീന്‍ സിദ്ദിഖ് എന്നിവര്‍ സഹോദരങ്ങളാണ്.സാപ്പി എന്ന് വിളിപ്പേരുള്ള റാഷിന്റെ പിറന്നാള്‍ ആഘോഷത്തില്‍ നിന്നുള്ള ചിത്രങ്ങളും വിഡിയോകളുമെല്ലാം സിദ്ദിഖും ഷഹീന്‍ സിദ്ദിഖും സമൂഹമാധ്യമങ്ങളിലൂടെ പങ്കുവയ്ക്കാറുണ്ടായിരുന്നു.

നടന്‍ സിദ്ദിഖിന്റെ മകന്‍ റാഷിന്‍ അന്തരിച്ചു

കൊച്ചി: യുവതിയെ വീടിനുളളിൽ തൂങ്ങിമരിച്ച നിലയിൽ കണ്ടെത്തി.പെരുമ്പാവൂർ ഓടക്കാലി പുളിയാമ്പിള്ളി മുഗൾ നെടുമ്പുറത്ത് വീട്ടിൽ വിഷ്ണുവിന്റെ ഭാര്യ ചാന്ദിനിയാണ് (29) മരിച്ചത്. കഴിഞ്ഞ ദിവസം രാത്രിയോടു കൂടിയായിരുന്നു സംഭവം. യുവതി ഒരു സ്വകാര്യ മൈക്രോ ഫിനാൻസ് സ്ഥാപനത്തിൽ നിന്ന് പണം വായ്പയായി എടുത്തിരുന്നുവെന്നാണ് വിവരം. കഴിഞ്ഞ ദിവസം വായ്പയുടെ ഗഡുക്കൾ അടയ്ക്കേണ്ടതായിരുന്നു. ഇതിൽ കുടിശികയും ഉണ്ടായിരുന്നു.
ഫിനാൻസ് സ്ഥാപനത്തിലെ ജീവനക്കാരിൽ ചിലർ ബുധനാഴ്ച ചാന്ദിനിയുടെ വീട്ടിൽ വന്നിരുന്നതായി ബന്ധുക്കൾ പറയുന്നുണ്ട്. കുറുപ്പുംപടി പൊലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.

വായ്‌പയുടെ ഗഡുക്കൾ അടച്ചില്ല; 29കാരി വീടിനുളളിൽ തൂങ്ങിമരിച്ച നിലയിൽ

ന്യൂഡല്‍ഹി: മുതിര്‍ന്ന കോണ്‍ഗ്രസ് നേതാവ് സാം പിത്രോദയെ ഇന്ത്യന്‍ ഓവര്‍സീസ് കോണ്‍ഗ്രസ് (ഐ.ഒ.സി.) ചെയര്‍മാനായി വീണ്ടും നിയമിച്ചു. മേയ് എട്ടിനാണ് പിത്രോദ സ്ഥാനത്തുനിന്ന് രാജിവെച്ചത്.
ഒരു മാധ്യമത്തിന് നല്‍കിയ അഭിമുഖത്തില്‍ ഇന്ത്യയുടെ കിഴക്കുഭാഗത്തുള്ളവര്‍ ചൈനക്കാരെയും തെക്കുഭാഗത്തുള്ളവര്‍ ആഫ്രിക്കക്കാരെയും പോലെയാണെന്നുമുള്ള പിത്രോദയുടെ പരാമര്‍ശം വലിയ വിവാദത്തിന് തിരികൊളുത്തിയിരുന്നു. ഇന്ത്യയുടെ വൈവിധ്യങ്ങള്‍ക്കിടയിലും ജനങ്ങള്‍ ഒന്നാണെന്ന് വിശദീകരിക്കുന്നതിന്റെ ഭാഗമായായിരുന്നു പിത്രോദ ഇങ്ങനെ പറഞ്ഞത്.കൂടാതെ പിന്തുടര്‍ച്ചാസ്വത്ത് നികുതിയുമായി ബന്ധപ്പെട്ട് പിത്രോദ നടത്തിയ പരാമര്‍ശങ്ങളും വിവാദമായിരുന്നു. ലോക്‌സഭാ തിരഞ്ഞെടുപ്പുകാലത്ത് അദ്ദേഹം സൃഷ്ടിച്ച വിവാദങ്ങള്‍ കോണ്‍ഗ്രസിനെ പ്രതിരോധത്തിലാക്കിയ പശ്ചാത്തലത്തിലായിരുന്നു രാജി.&nbsp;

സാം പിത്രോദയെ ഇന്ത്യന്‍ ഓവര്‍സീസ് കോണ്‍ഗ്രസ് ചെയര്‍മാനായി വീണ്ടും നിയമിച്ചു

തിരുവനന്തപുരം: സംസ്ഥാന പോലീസ് മേധാവി ഷെയ്ഖ് ദര്‍വേഷ് സാഹേബിന്റെ സേവനകാലാവധി ദീര്‍ഘിപ്പിച്ചു. ചുമതലയേറ്റ 2023 ജൂലായ് ഒന്ന് മുതല്‍ രണ്ട് വര്‍ഷമായാണ് നിശ്ചയിച്ചത്. ഇതോടെ 2025 ജൂണ്‍ വരെ അദ്ദേഹത്തിന് തുടരാനാകും.&nbsp;
ബുധനാഴ്ചത്തെ മന്ത്രിസഭാ യോഗത്തിലാണ് തീരുമാനം. നിലവിലുള്ള സുപ്രീംകോടതി ഉത്തരവ് കണക്കിലെടുത്താണ് തീരുമാനമെന്ന് വാര്‍ത്താക്കുറിപ്പില്‍ അറിയിച്ചു.

സംസ്ഥാന പോലീസ് മേധാവിയായി ഷെയ്ഖ് ദര്‍വേഷ് സാഹേബ്‌ തുടരും; കാലാവധി നീട്ടി

കൊരട്ടി : മകനുമൊത്ത് ആശുപത്രിയിലേക്ക് പോകവെ ചരക്കുലോറി സ്കൂട്ടറിൽ ഇടിച്ച് യുവതി മരിച്ചു. അങ്കമാലി വേങ്ങൂർ മഠത്തിപ്പറമ്പിൽ ഷിജി(44)യാണ് മരിച്ചത്. പരിക്കേറ്റ മകൻ രാഹുലിനെ (22) ചാലക്കുടി സെയ്ന്റ് ജെയിംസ് ആശുപത്രിയിൽ പ്രവേശിപ്പിച്ചു. ബുധനാഴ്ച രാവിലെ ദേശീയപാതയിൽ കൊരട്ടി ചിറങ്ങര സിഗ്നലിന് സമീപമായിരുന്നു അപകടം.ഷിജിയാണ് സ്കൂട്ടറോടിച്ചിരുന്നത്.
സ്കൂട്ടറും ലോറിയും ചാലക്കുടി ഭാഗത്തേക്ക് പോകുകയായിരുന്നു. സ്കൂട്ടറിൽ ലോറി ഇടിച്ചതിനെത്തുടർന്ന് ഷിജി ലോറിക്കടിയിലേക്കു വീണു.ശരീരത്തിലൂടെ ലോറിയുടെ പിൻചക്രം കയറി. ഉടൻ കറുകുറ്റി അപ്പോളോ അഡ്‌ലക്സ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
മൂന്നു ദിവസം മുൻപ് വിമാനത്താവള റോഡിലുണ്ടായ വാഹനാപകടത്തിൽ മകൻ രാഹുലിന് കാലിന് പരിക്കേറ്റിരുന്നു. സർക്കാർ ആശുപത്രിയിൽ ചികിത്സ തേടിയെങ്കിലും കാലിലെ മുറിവിന് ആഴമുണ്ടെന്നു കണ്ട് രാഹുലിനെ ചാലക്കുടിയിലെ ആശുപത്രിയിലേക്ക് കൊണ്ടുപോകുമ്പോഴാണ് അപകടത്തിൽപ്പെട്ടത്.അങ്കമാലി മുനിസിപ്പൽ ബസ് സ്റ്റാൻഡിന് സമീപമുള്ള സ്വകാര്യസ്ഥാപനത്തിലെ ജീവനക്കാരിയാണ് ഷിജി. ഭർത്താവ്: ഷാജു. മറ്റൊരു മകൻ: അതുൽ (കിടങ്ങൂർ സെയ്ന്റ് ജോസഫ് സ്കൂൾ പ്ലസ് ടു വിദ്യാർഥി). മൃതദേഹം ചാലക്കുടി സർക്കാർ ആശുപത്രി മോർച്ചറിയിൽ. സംസ്കാരം വ്യാഴാഴ്ച വൈകീട്ട് നടക്കും.

മകനുമൊത്ത് ആശുപത്രിയിലേക്ക് പോകവെ ലോറി സ്കൂട്ടറിലിടിച്ച് അപകടം; യുവതി മരിച്ചു

ഇരവിപേരൂർ(പത്തനംതിട്ട): പുഴയിൽവീണ് കാണാതായ വള്ളംകുളം പ്രിയാമഹൽ (കുന്നുംപുറത്ത്) കെ.ജി. സോമശേഖരൻ നായരുടെ മകൻ പ്രദീപ് നായരുടെ മൃതദേഹം അച്ഛന്റെ സംസ്‌കാരം നടക്കുന്നതിനിടെ കണ്ടെത്തി. ശനിയാഴ്ച ഹൃദയാഘാതത്താൽ മരിച്ച സോമശേഖരൻ നായരുടെ സംസ്‌കാരച്ചടങ്ങുകൾ നടത്തുന്ന വേളയിലാണ് മകന്റെ മൃതദേഹം കണ്ടെത്തുന്നത്.
മണിമലയാറ്റിലെ കറ്റോട് ചക്കുകടവിനുസമീപമാണ് മൃതദേഹം കണ്ടെത്തിയത്. വാർഡുമെമ്പർ വീനിഷും അനുജനും പോലീസിനെ സഹായിക്കാൻ എത്തിയ സോമനും കൂടിയാണ് മൃതദേഹം കരയ്ക്കടുപ്പിച്ചത്. പ്രദീപ് വീണ പൂവപ്പുഴയിൽനിന്ന് നാലുകിലോമീറ്ററോളം താഴെയാണ് മൃതദേഹം കണ്ടെത്തിയത്. തിരുവല്ല പോലീസ് മേൽനടപടികൾ സ്വീകരിച്ചു. അച്ഛന് തയ്യാറാക്കിയ അതേ ചിതയിൽ മകനെയും ദഹിപ്പിച്ചു. സോമശേഖരൻ നായരുടെ സംസ്‌കാരകാര്യങ്ങളെക്കുറിച്ച് സംസാരിക്കാൻ ഞായറാഴ്ച കരയോഗത്തിൽ എത്തിയപ്പോഴാണ് പ്രദീപ് പുഴയിൽ വീണത്. കരയോഗം പ്രസിഡന്റുമായി സംസാരിച്ചശേഷം മുഖം കഴുകാനായി ആറ്റിലേക്കുപോയി. ഷർട്ടിന്റെ പോക്കറ്റിൽ കിടന്ന മൊബൈൽ ഫോൺ വെള്ളത്തിലേക്ക് വീഴുന്നതുകണ്ട് പിടിക്കാൻ ശ്രമിക്കവേ കാൽവഴുതി കുത്തൊഴുക്കിലേക്ക് വീണതായി പറയുന്നു.

പുഴയിൽവീണ് കാണാതായ മകന്‍റെ മൃതദേഹം അച്ഛന്റെ സംസ്‌കാരച്ചടങ്ങിനിടെ കണ്ടെത്തി

ന്യൂമാഹി: തലശ്ശേരി-മാഹി ബൈപ്പാസിൽ ന്യൂമാഹി മങ്ങാട് ഭാഗത്തുണ്ടായ വാഹനാപകടത്തിൽ റോഡിൽനിന്ന്‌ താഴെ വീണ് കരിയാട് സ്വദേശിയായ യുവാവ് മരിച്ചു. പാനൂർ പുത്തൂർ കണ്ണമ്പള്ളിയിൽ താമസിക്കുന്ന കരിയാട് നാംറോഡിൽ മാരാൻവീട്ടിൽ മുഹമ്മദ് നസീറാണ്‌ (35) മരിച്ചത്.
ബുധനാഴ്ച രാത്രിയാണ് സംഭവം. വടകര ഭാഗത്തേക്ക് പോകുന്ന കാർ റോഡരികിൽ നിർത്തിയശേഷം നസീർ പുറത്തിറങ്ങിയിരുന്നു. ഈ സമയത്ത് നിയന്ത്രണം വിട്ട മറ്റൊരു കാർ ഡിവൈഡറിലിടിച്ച ശേഷം നിർത്തിയിട്ട കാറിൽ ഇടിക്കുകയായിരുന്നു. നസീർ ബൈപ്പാസിൽ നിന്ന് താഴെ വീണതെങ്ങനെയെന്ന് വ്യക്തമായിട്ടില്ല.വാഹനങ്ങൾ കൂട്ടിയിടിക്കുന്ന ശബ്ദം കേട്ടതായി സമീപത്തെ വീട്ടുകാർ പറഞ്ഞു.കുറച്ച് കഴിഞ്ഞാണ് താഴെ എന്തോ വീഴുന്ന ശബ്ദം കേട്ടതെന്നും ഇവർ പറഞ്ഞു. തലശ്ശേരി ജനറൽ ആസ്പത്രിയിലെത്തിച്ചെങ്കിലും രക്ഷിക്കാനായില്ല.പിതാവ് : കണ്ണങ്കോട് കുറൂളിൽ പരേതനായ കുഞ്ഞമ്മത്. മാതാവ്: കരിയാട് മാരാൻ വീട്ടിൽ സുബൈദ. സഹോദരങ്ങൾ: നവാസ്, ഫവാസ്, സുമയ്യ.

തലശ്ശേരി-മാഹി ബൈപ്പാസിൽ വാഹനാപകടം ;കരിയാട് സ്വദേശിയായ യുവാവ് മരിച്ചു

Mahe

ന്യൂഡൽഹി: ആശുപത്രിയിൽ പ്രവേശിപ്പിച്ച മുൻ ഉപ പ്രധാനമന്ത്രിയും ബിജെപി സ്ഥാപക നേതാവുമായ എൽ.കെ അദ്വാനിയുടെ ആരോഗ്യനില തൃപ്തികരം. പ്രായാധിക്യത്താലുളള അസ്വസ്ഥതകളെ തുടർന്ന് കഴിഞ്ഞ ദിവസം രാത്രിയോടെയാണ് അദ്ദേഹത്തെ ഡൽഹി എയിംസ് ആശുപത്രിയിൽ പ്രവേശിപ്പിച്ചത്. അദ്ദേഹം ഇപ്പോഴും നിരീക്ഷണത്തിൽ തുടരുകയാണെന്നാണ് ആശുപത്രി വൃത്തങ്ങൾ സൂചിപ്പിക്കുന്നത്. അദ്വാനിയെ എയിംസിലെ യൂറോളജി വിഭാഗം ഡോക്ടർമാരാണ് ചികിത്സിക്കുന്നതെന്നാണ് വിവരം.
96കാരനായ ലാൽ കൃഷ്‌ണ അദ്വാനിയ്‌ക്ക് മൂന്ന് മാസം മുൻപാണ് രാജ്യത്തിന്റെ പരമോന്നത ബഹുമതിയായ ഭാരതരത്ന സമ്മാനിച്ചത്. ഡൽഹിയിലെ അദ്ദേഹത്തിന്റെ വസതിയിൽ വച്ചാണ് ഭാരത രത്ന സമ്മാനിച്ചത്. രാഷ്‌‌ട്രപതി ദ്രൗപതി മുർമ്മു ബഹുമതി സമ്മാനിച്ച ചടങ്ങിൽ ഉപരാഷ്‌ട്രപതി ജഗ്‌ദീപ് ധൻകറും പ്രധാനമന്ത്രി നരേന്ദ്ര മോദിയും പ്രതിരോധ മന്ത്രി രാജ്‌നാഥ് സിംഗും ആഭ്യന്തര മന്ത്രി അമിത് ഷായും അദ്ദേഹത്തിന്റെ കുടുംബാംഗങ്ങളും സന്നിഹിതരായിരുന്നു.2002 ജൂൺ മുതൽ 2004 മേയ് വരെ വാജ്‌പേയി മന്ത്രിസഭയിലാണ് അദ്ദേഹം ഉപ പ്രധാനമന്ത്രി പദം വഹിച്ചത്.&nbsp;

മുതിർന്ന ബിജെപി നേതാവ് എൽ.കെ അദ്വാനി ആശുപത്രിയിൽ

അഗളി: അട്ടപ്പാടി വടകോട്ടത്തറയിൽ അരിവാൾകോശരോഗം ബാധിച്ച ആദിവാസി ബാലിക മരിച്ചു. അഗളി സർക്കാർ എൽ.പി. സ്കൂളിലെ മൂന്നാംക്ലാസ് വിദ്യാർഥിനി അമൃത ലക്ഷ്മിയാണ്‌ (10) മരിച്ചത്.
ബുധനാഴ്ച രാവിലെ അനക്കമറ്റ നിലയിൽ കണ്ടതിനെത്തുടർന്ന് വീട്ടുകാർ കോട്ടത്തറ താലൂക്ക് ട്രൈബൽ സ്പെഷ്യാലിറ്റി ആശുപത്രിയിൽ എത്തിക്കയായിരുന്നു. ഡോക്ടർമാർ മരണം സ്ഥിരീകരിച്ചു. അഗളി പോലീസിന്റെ നേതൃത്വത്തിൽ മൃതദേഹം പാലക്കാട് ജില്ലാ ആശുപത്രി മോർച്ചറിയിലേക്ക്‌ മാറ്റി. പോസ്റ്റുമോർട്ടത്തിനു ശേഷം മൃതദേഹം ബന്ധുക്കൾക്ക് വിട്ടുനൽകി.
അട്ടപ്പാടിയിൽ രണ്ട് അരിവാൾകോശ രോഗികൾ മേയ് 31-ന്‌ മരിച്ചിരുന്നു.അമൃതലക്ഷ്മിയുടെ അച്ഛൻ: വെള്ളിങ്കരി. അമ്മ: കാളിയമ്മ. സഹോദരങ്ങൾ: ശിവശങ്ക

അരിവാൾകോശരോഗം ബാധിച്ച ആദിവാസി ബാലിക മരിച്ചു

കോഴിക്കോട്: സ്വർണവിലയിൽ ഇന്ന് വൻ ഇടിവ്. പവന് 800 രൂപ കുറഞ്ഞ് 46,280 രൂപയാണ് ഇന്നത്തെ വില. ഗ്രാമിന് 100 രൂപ കുറഞ്ഞ് 5785 രൂപയായി. ഇന്നലെ ഈ മാസത്ത ഏറ്റവുമുയർന്ന വിലയായ 47,080 രൂപയായിരുന്നു പവൻ വില. തുടർച്ചയായി വില കയറിയ ശേഷമാണ് ഇന്ന് പവന് 800 രൂപ കുറഞ്ഞത്.
രാജ്യാന്തര ഓഹരിവിപണികളിലുൾപ്പടെ വൻ നേട്ടമുണ്ടായ പശ്ചാത്തലത്തിലാണ് സ്വർണത്തിന് വില കുറഞ്ഞത്. നിക്ഷേപകർ ഓഹരികളിലേക്ക് തിരിയുന്നതായാണ് അനുമാനം. നവംബർ 13ന് 44,360 രൂപയായിരുന്നു സ്വർണവില. മൂന്നാഴ്ചകൊണ്ട് ഇത് 47,080 വരെ വർധിച്ചു. 2720 രൂപയുടെ വർധനവാണ് പവനുണ്ടായത്.

പവന് 800 രൂപ കുറഞ്ഞ് 46,280 രൂപയാണ് ഇന്നത്തെ വില

Search Results for: 30.05.2025