വടകര: നഷ്ടപെട്ട തന്റെ മൊബൈൽ ഫോണിൽ ഒരാൾ ഇൻസ്റ്റാഗ്രാം ഉപയോഗിക്കുന്നു എന്ന പരാതിയുമായി പോലീസിനെ സമീപിച്ച അധ്യാപകന് മൊബൈൽ ഫോൺ വീണ്ടെടുത്ത് നൽകി കോഴിക്കോട് റൂറൽ സൈബർ ക്രൈം പോലീസ്. കായണ്ണ ജി യു പി സ്കൂളിലെ സംസ്‌കൃതം അധ്യാപകൻ ദേവരാജനാണ് തന്റെ നഷ്ടപെട്ട മൊബൈൽ ഫോൺ തിരികെ ലഭിച്ചത്. പോലീസ് അന്വേഷണത്തിൽ ഈ ഫോൺ ഉപയോഗിച്ച് ഇൻസ്റ്റാഗ്രാം ഉപയോഗിച്ചിരുന്നത് കോഴിക്കോട് കാരപറമ്പ് സ്വദേശി ഷഹൻഷാ എന്നയാളാണെന്നും ഇയാൾ വെള്ളയിൽ പോലീസ് രജിസ്റ്റർ ചെയ്ത കേസിൽ കോഴിക്കോട് ജില്ലാ ജയിലിൽ റിമാൻഡിൽ കഴിയുകയാണെന്നും മനസ്സിലായി.&nbsp;
തുടർന്ന് നടത്തിയ അന്വേഷണത്തിൽ മൊബൈൽ ഫോൺ ഇയാളുടെ സുഹൃത്തിന്റെ കൈവശം ആണെന്ന് മനസ്സിലാക്കുകയും ഫോൺ കണ്ടെത്തുകയും ചെയ്യുകയായിരുന്നു. ഇൻ സ്‌പെക്ടർ സി. ആർ. രാജേഷ്‌കുമാർ, എസ് സി പി ഓ ഷഫീർ എന്നിവർ ചേർന്ന് സ്റ്റേഷനിൽ വെച്ച് ഫോൺ ഉടമസ്ഥന് തിരികെ നൽകി.

അജ്ഞാതൻ ഇൻസ്റ്റാഗ്രാം ഉപയോഗിച്ചു; നഷ്ടപെട്ട മൊബൈൽ ഫോൺ അധ്യാപകന് വീണ്ടെടുത്ത് നൽകി സൈബർ ക്രൈം പോലീസ്

പ്രതീകാത്മക ചിത്രം

Vadakara

കണ്ണൂർ: കണ്ണൂർ സെൻട്രൽ ജയിലിൽ നിന്ന് മൊബൈൽ ഫോൺ കണ്ടെത്തി. ശുചിമുറിയുടെ സ്ലാബിനടിയിൽ ഒളിപ്പിച്ച ഫോണാണ് ജയില്‍ അധികൃതര്‍ പിടികൂടിയത്. പത്താം ബ്ലോക്കിലെ ശുചിമുറി പൈപ്പിലെ തടസ്സം നീക്കുമ്പോഴാണ് ഫോൺ കണ്ടെത്തിയത്. സംഭവത്തില്‍ കണ്ണൂർ ടൗൺ പൊലീസ് കേസെടുത്തു.

കണ്ണൂർ സെൻട്രൽ ജയിലിൽ നിന്ന് മൊബൈൽ ഫോൺ കണ്ടെത്തി

Kerala

ഒരുപാട് നേരം ടോയ്‌ലറ്റ് സീറ്റിൽ ഇരിക്കുന്നവരെ കാത്തിരിക്കുന്നത് ഗുരുതരമായ ആരോഗ്യ പ്രശ്നങ്ങളെന്ന് വിദഗ്ധർ. അർശ്ശസ്, പെൽവിക് മസിലുകളുടെ ദുർബലമാകുക തുടങ്ങിയ പ്രശ്നങ്ങളാണ് ഇത്തരക്കാരെ കാത്തിരിക്കുന്നതെന്നാണ് ആരോഗ്യ വിദഗ്ധർ മുന്നറിയിപ്പ് നൽകുന്നത്. പലരും മൊബൈൽ ഫോണും കൊണ്ടാണ് ടോയ്‌ലറ്റിലേക്ക് പോകുന്നത് തന്നെ. ഇരിക്കുന്ന സമയമത്രയും ഫോണിൽ സ്​​ക്രോൾ ചെയ്തുകൊണ്ടിരിക്കും. അത്രയും രോഗാണുക്കളെയാണ് നാം മൊബൈലിലേക്ക് ആവാഹിക്കുന്നത്.10 മിനിറ്റിലേറെ ടോയ്‍ലറ്റിൽ ചെലവഴിക്കരുതെന്നാണ് ആരോഗ്യ വിദഗ്ധരുടെ മുന്നറിയിപ്പ്.
ടോയ്‌ലറ്റ് സംബന്ധമായ പ്രശ്നങ്ങളുമായി എത്തുന്നവരിൽ കൂടുതലും ബാത്റൂമിൽ ഏറ്റവും കൂടുതൽ സമയം ചെലവഴിക്കുന്നവരാണെന്ന് ടെക്സാസിലെ ഡോ. ലായ് ക്സു പറയുന്നു. ഒരു കസേരയിൽ ഇരിക്കുന്നത് പോലെയല്ല, ടോയ്‌ലറ്റിൽ ഇരിക്കുന്നത്. ശരീരത്തിന്റെ ചില ഭാഗങ്ങൾക്ക് മാത്രമാണ് ഓവൽ ഷേപ്പിലുള്ള ടോയ്‌ലറ്റ് സീറ്റിൽ സപ്പോർട്ട് ലഭിക്കുന്നത്. മറ്റ് ഭാഗം താണുമാണ് ഇരിക്കുക. ഒരു പാട് നേരം ഇങ്ങനെ ഇരിക്കുന്നത് ശരീരത്തിന്റെ ബാലൻസ് നഷ്ടപ്പെടുത്തും. മലാശയത്തിന് സമ്മർദവുമുണ്ടാക്കും.
ടോയ്‌ലറ്റിലിരുന്ന് മൊബൈൽ ഫോൺ സ്ക്രോൾ ചെയ്യുന്നത് സമയത്തെ കുറിച്ച് പോലും ബോധമില്ലാതാക്കുമെന്ന് ന്യൂയോർക്കിലെ സ്റ്റോണി ബ്രൂക്ക് മെഡിസിനിലെ ഡയറക്ടറും അസിസ്റ്റന്റ് പ്രഫസറുമായ ഡോ. ഫറ മൻസൂർ ചൂണ്ടിക്കാട്ടി. പെൽവിക് മസിലുകളിൽ വലിയ സമ്മർദമാണ് ഒരുപാട് നേരം ടോയ്‌ലറ്റിൽ ഇരുന്നാൽ സംഭവിക്കുന്നത്. ബാത്റൂമി​ൽ പോകുന്ന സമയം കുറയ്ക്കുക, ശ്രദ്ധ തിരിക്കുന്ന കാര്യങ്ങൾ ഒഴിവാക്കുക എന്നതാണ് ഇത് തടയാനുള്ള ഒരേയൊരു കാര്യമെന്നും അവർ ചൂണ്ടിക്കാട്ടുന്നു.
ഒരിക്കലും മൊബൈലും പുസ്തകങ്ങളും മാഗസിനുകളുമായി ബാത്റൂമിൽ പോകരുത്. ഒരുപാട് നേരം ടോയ്‌ലറ്റിലിരിക്കാൻ അത് കാരണമാകും. നന്നായി വെള്ളം കുടിക്കുക, നാരുകളടങ്ങിയ ഭക്ഷണം കഴിക്കുക, എന്നിവ മലബന്ധം അകറ്റുമെന്നും ടോയ്‌ലറ്റിൽകൂടുതൽ സമയം ചെലവഴിക്കുന്നത് തടയാമെന്നും അന്താരാഷ്ട്ര ഗ്യാസ്ട്രോ എൻട്രോളജി വിദഗ്ധൻ ഡോ. ലാൻസ് ഉറദോമോ പറയുന്നു. അതുപോലെ ടോയ്‌ലറ്റിൽ കൂടുതൽ നേരം ഇരിക്കാനുള്ള പ്രവണത ആരോഗ്യ പ്രശ്നങ്ങളുടെ സൂചനയാണെന്നും ഡോക്ടർമാർ പറയുന്നു. മലബന്ധം കുടലിന് ബാധിക്കുന്ന അർബുദത്തിന്റെ സൂചനയാണെന്നും മുന്നറിയിപ്പുണ്ട്.

ഏറെ നേരം ടോയ്‌ലറ്റ് സീറ്റിൽ ഇരിക്കാറുണ്ടോ? ശീലം മാറ്റിക്കോ, കാത്തിരിക്കുന്നത് ഗുരുതരമായ ആരോഗ്യ പ്രശ്നങ്ങൾ

Health

മലപ്പുറം: കെഎസ്ആർടിസി ബസിൽ ഡ്രൈവിങ്ങിനിടെ മൊബൈൽ ഫോൺ ഉപയോഗിച്ച ഡ്രൈവറുടെ ലൈസൻസ് എംവിഡി സസ്പെൻഡ് ചെയ്തു. പൊന്നാനി ഡിപ്പോയിലെ ഡ്രൈവർ കോഴിക്കോട് തിരുവമ്പാടി സ്വദേശി അബ്ദുൽ അസീസിന്റെ(45) ലൈസൻസാണ് പൊന്നാനി എംവിഡി സസ്പെൻഡ് ചെയ്തത്.&nbsp;
ചൊവ്വാഴ്ച് വൈകിട്ട് തിരുരിൽനിന്ന് പൊന്നാനിയിലേക്കു വരുന്നതിനിടെയാണ് അബ്ദുൽ അസീസ് മൊബൈൽ ഫോൺ ഉപയോഗിച്ചത്. ഡ്രൈവർ അശ്രദ്ധമായി മൊബൈൽ ഫോൺ ഉപയോഗിക്കുന്നത് ശ്രദ്ധയിൽപെട്ടതോടെ ഇതു യാത്രക്കാർ മൊബൈൽ ക്യാമറയിൽ പകർത്തി സമൂഹമാധ്യമത്തിലൂടെ മോട്ടർ വാഹന വകുപ്പിനെ അറിയിക്കുകയായിരുന്നു. പൊന്നാനി ഡിപ്പോയിൽ നിന്ന് സർവീസ് നടത്തുന്ന ബസാണിത്.

ഡ്രൈവിങ്ങിനിടെ മൊബൈൽ ഫോൺ ഉപയോഗം; കെ എസ് ആർ ടി സി ഡ്രൈവറുടെ ലൈസൻസ് സസ്പെൻഡ് ചെയ്തു

കൊച്ചി: തിയേറ്ററില്‍നിന്ന് പുതിയ സിനിമകള്‍ മൊബൈലില്‍ പകര്‍ത്തി വ്യാജപതിപ്പ് പ്രചരിപ്പിക്കുന്ന തമിഴ്‌നാട് സ്വദേശികള്‍ പിടിയിലായി. തിരുവനന്തപുരത്തെ തിയേറ്ററില്‍നിന്ന് സിനിമ പകര്‍ത്തുന്നതിനിടെയാണ് തിയേറ്റര്‍ ഉടമകളുടെ സഹായത്തോടെ രണ്ടുപേരെ പിടികൂടിയത്. കാക്കനാട് സൈബര്‍ പോലീസ് രജിസ്റ്റര്‍ ചെയ്ത കേസിലായിരുന്നു നടപടി.
'ഗുരുവായൂരമ്പലനടയില്‍' ഉള്‍പ്പെടെയുള്ള സിനിമകള്‍ പ്രതികള്‍ മൊബൈല്‍ഫോണില്‍ പകര്‍ത്തി പ്രചരിപ്പിച്ചിരുന്നതായാണ് പോലീസ് പറയുന്നത്. 'ഗുരുവായൂരമ്പലനടയില്‍' റിലീസ് ചെയ്ത് രണ്ടാംദിവസം ചിത്രത്തിന്റെ വ്യാജപതിപ്പ് പ്രചരിച്ചിരുന്നു.ഇതോടെ നിര്‍മാതാക്കളിലൊരാളായ സുപ്രിയ മേനോനാണ് കാക്കനാട് സൈബര്‍ പോലീസില്‍ പരാതി നല്‍കിയത്. തുടര്‍ന്ന് സൈബര്‍ പോലീസ് നടത്തിയ അന്വേഷണത്തിലാണ് രണ്ടുപേര്‍ വലയിലായത്.തിരുവനന്തപുരത്തെ തിയേറ്ററില്‍നിന്നാണ് 'ഗുരുവായൂരമ്പലനടയില്‍' മൊബൈല്‍ഫോണില്‍ പകര്‍ത്തിയതെന്ന് സൈബര്‍ പോലീസിന്റെ അന്വേഷണത്തില്‍ വ്യക്തമായിരുന്നു. തുടര്‍ന്ന് തിയേറ്റര്‍ ഉടമകളുടെ സഹായത്തോടെ നിരീക്ഷണം ശക്തമാക്കുകയും പ്രതികളെ പിടികൂടുകയുമായിരുന്നു. തമിഴ്ചിത്രമായ 'രായന്‍' മൊബൈല്‍ഫോണില്‍ പകര്‍ത്തുന്നതിനിടെയാണ് രണ്ടുപേരും പിടിയിലായത്.&nbsp;

നിർമ്മാതാവ് സുപ്രിയ മേനോന്റെ പരാതി; മൊബൈലിൽ സിനിമ പകർത്തുന്ന സംഘം പിടിയിൽ

മാഹി: ജോലി കഴിഞ്ഞ് പോവുന്ന ജീവനക്കാരൻ്റെ മൊബൈൽ ഫോൺ തട്ടിപ്പറിച്ച് മോഷ്ടാവ് ഓടിരക്ഷപ്പെട്ടു. തിങ്കളാഴ്ച്ച വൈകീട്ട് ഏഴ് മണിയോടെ മാഹി അതിർത്തി റോഡിൽ വെച്ചാണ് സംഭവം. മാഹി പുത്തലത്തെ സൈൻ പ്രിൻ്റേർസിൽ ജോലി ചെയ്യുന്ന അഴിയൂർ കോറോത്ത് റോഡിലെ റുബിൻ്റെ പന്ത്രണ്ടായിരത്തി അഞ്ഞൂറ് രൂപ വില വരുന്ന ഓപ്പോ കമ്പനിയുടെ മൊബൈൽ ഫോണാണ് അജ്ഞാതൻ തട്ടിപ്പറിച്ചത്.&nbsp;
ഫോണുമായി ഇയാൾ റെയിൽവേ സ്റ്റേഷൻ റോഡിലേക്ക് ഓടി മറയുകയായിരുന്നു. മാഹി പോലീസിൽ പരാതി നല്കിയിട്ടുണ്ട്.

അഴിയൂർ സ്വദേശിയുടെ മൊബൈൽ തട്ടിപ്പറിച്ച് അജ്ഞാതൻ ഓടി രക്ഷപ്പെട്ടു

Mahe

കൊല്ലം: തെന്മല ഡാം ജങ്ഷനില്‍ ഗ്രാമപ്പഞ്ചായത്തിന്റെ ടേക്ക് എ ബ്രേക്കില്‍ സ്ത്രീകളുടെ ശൗചാലയദൃശ്യങ്ങള്‍ പകര്‍ത്തിയെന്ന പരാതിയില്‍ നടത്തിപ്പുകാരന്‍ പിടിയില്‍. ഉറുകുന്ന് സ്വദേശി ആഷിക്കാ(26)ണ് സംഭവവുമായി ബന്ധപ്പെട്ട് തെന്മല പോലീസിന്റെ കസ്റ്റഡിയിലുള്ളത്. ആഷിക് യൂത്ത് കോണ്‍ഗ്രസ് ഭാരവാഹികൂടിയാണ്.
തിങ്കളാഴ്ച വൈകീട്ടോടെയാണ് സംഭവം. ടേക്ക് എ ബ്രേക്കിലെ ശൗചാലയം ഉപയോഗിക്കുന്നതിനിടയില്‍ സ്ത്രീകളുടെ ചിത്രം പകര്‍ത്തിയതായാണ് പരാതി. ചിത്രം പകര്‍ത്തുന്നത് സ്ത്രീകളില്‍ ഒരാള്‍ കാണുകയും തൊട്ടടുത്തുള്ള തെന്മല പോലീസ് സ്റ്റേഷനില്‍ പരാതിനല്‍കുകയും ചെയ്തു. തുടര്‍ന്ന് പോലീസ് ആഷിക്കിനെ കസ്റ്റഡിയിലെടുക്കുകയും മൊബൈല്‍ ഫോണ്‍ പരിശോധിക്കുകയും ചെയ്തു.
ഫോണില്‍ പരാതി നല്‍കിയവരുടെ ദൃശ്യങ്ങള്‍ കണ്ടെത്തിയില്ലെങ്കിലും ഇതേ സമയത്തെടുത്ത മറ്റു സ്ത്രീകളുടെ ദൃശ്യങ്ങളുള്ളതായി പോലീസ് പറഞ്ഞു. കൂടുതല്‍ പരിശോധനയ്ക്കായി മൊബൈല്‍ ഫോണ്‍ സൈബര്‍ സംഘത്തിന് കൈമാറുമെന്നും പോലീസ് പറഞ്ഞു.&nbsp;

സ്ത്രീകളുടെ ശൗചാലയദൃശ്യങ്ങൾ പകർത്തിയെന്ന പരാതിയിൽ യൂത്ത്‌കോണ്‍ഗ്രസ് ഭാരവാഹി പിടിയിൽ

വടകര: രണ്ടു വയസ്സിന് താഴെയുള്ള കുട്ടികൾക്ക് കളിക്കാൻ മൊബൈൽ ഫോൺ നൽകുന്നത് സംസാര ശേഷി വൈകുന്നത് ഉൾപ്പെടെയുള്ള വെറുച്വൽ ഓട്ടിസത്തിന് കാരണമാകുമെന്ന് വടകര വിവാ സ്പെഷ്യൽ സ്കൂളിൽ ലോക ഓട്ടീസം ദിനത്തിന്റെ ഭാഗമായി ഇന്ത്യൻ അക്കാദമി ഓഫ് പീഡിയാട്രിക്സ് വടകരയുടെ ആഭിമുഖ്യത്തിൽ രക്ഷിതാക്കൾക്കായി നടത്തിയ കൗൺസിലിംഗിൽ ആരോഗ്യ രംഗത്തെ വിദഗ്ദർ അഭിപ്രായപെട്ടു. പരിപാടി ഐ. എ. പി. പ്രസിഡന്റ്‌ ഡോ. എം. നൗഷീദ് അനി ഉത്ഘാടനം ചെയ്തു.
എയ്ഞ്ചൽസ് എക്സിക്യൂട്ടീവ് ഡയറക്ടർ പി. പി. രാജൻ ആദ്യക്ഷം വഹിച്ചു. ക്ലിനിക്കൽ സൈക്കോളജിസ്റ് പി.ശാലിമ ഓട്ടിസവുമായി ബന്ധപ്പെട്ട ബോധവത്കരണ ക്ലാസ്സ്‌ നൽകി. കുട്ടികൾക്കുള്ള ആഹാര ക്രമീകരണത്തെ സംബന്ധിച്ചു ഡയറ്റീഷൻ രേഖ രവീന്ദ്രൻ ക്ലാസ്സ്‌ എടുത്തു. കുട്ടികൾക്ക് റംസാൻ കിറ്റുകൾ ചടങ്ങിൽ വിതരണം ചെയ്തു. സ്കൂൾ പ്രിൻസിപ്പൽ അബ്ദുൽ സലാം, വൈസ് പ്രിൻസിപ്പൽ പി. എസ്‌. അശ്വതി, സ്കൂൾ മാനേജ്മെന്റ് ജനറൽ സെക്രട്ടറി കെ. പി. സുബൈർ, പി. ടി. എ. പ്രസിഡന്റ്‌ സി. കെ. സുഗതൻ, എന്നിവർ പ്രസംഗിച്ചു. പീഡിയട്രിഷ്യൻ, ഒക്യൂപെഷണൽ തെറാപ്പിസ്റ്റ്, ഫിസിയോ തെറാപ്പിസ്റ്റ്, ക്ലിനിക്കൽ സായിക്കോളജിസ്റ്റ്, ഡയറ്റീഷൻ എന്നിവർ കൗൺസിലിംഗിന് നേതൃത്വം നൽകി.

'കുട്ടികൾക്ക് കളിക്കാൻ മൊബൈൽ ഫോൺ നൽകുന്നത് അപകടകരം'

തിരുവനന്തപുരം: മൊബൈൽ ഫോണിൽ സംസാരിച്ചു നടന്ന യുവാവ് സംരക്ഷണഭിത്തി കെട്ടാത്ത കിണറ്റിൽ വീണ് മരിച്ചു. നേമം പുന്നമംഗലം ഭാസ്കരാലയത്തിൽ രാഹുൽ കൃഷ്ണ(ചന്തു-26)യാണ് മരിച്ചത്.
ചൊവ്വാഴ്ച രാത്രി എട്ടുമണിയോടെ കൂട്ടുകാരുമായി ഇദ്ദേഹം കാലടിയിൽ ഒത്തുകൂടിയിരുന്നു. കോൾ വന്നപ്പോൾ ഫോണെടുത്ത് കിണറിനടുത്തേക്കു നടക്കുകയായിരുന്നു. അഗ്നിരക്ഷാസേനയെത്തി പുറത്തെടുത്തെങ്കിലും രക്ഷിക്കാനായില്ല.&nbsp;&nbsp;

മൊബൈൽ ഫോണിൽ സംസാരിച്ചു നടക്കവേ കിണറ്റിൽവീണു മരിച്ചു

തൃശ്ശൂര്‍: യുവാവ് ഉറങ്ങുന്നതിനിടെ സമീപത്തുണ്ടായിരുന്ന മൊബൈല്‍ ഫോണ്‍ പൊട്ടിത്തെറിച്ചു. പിന്നാലെ കിടപ്പുമുറിയിലാകെ പുകയും നിറഞ്ഞു. ചാവക്കാട് ഒരുമനയൂരില്‍ ബുധനാഴ്ച പുലര്‍ച്ചെയാണ് സംഭവം.
ഒരുമനയൂര്‍ മൂന്നാംകല്ലില്‍ പാറാട്ട് വീട്ടില്‍ കാസിമിന്റെ മകന്‍ മുഹമ്മദ് ഫഹീമിന്റെ മൊബൈല്‍ഫോണ്‍ ആണ് പൊട്ടിത്തെറിച്ചത്. ഫോണ്‍ അടുത്തുവെച്ച് ഫഹീം ഉറങ്ങുന്നതിനിടെ പുലര്‍ച്ചെ നാലുമണിയോടെയാണ് പൊട്ടിത്തെറിയുണ്ടായത്. ശബ്ദം കേട്ട് ഫഹീം എഴുന്നേറ്റപ്പോള്‍ മുറിയിലാകെ പുക നിറഞ്ഞിരിക്കുന്നതാണ് കണ്ടത്. ഇതേസമയം ശബ്ദംകേട്ട് വീട്ടിലുണ്ടായിരുന്നവരും മുറിയിലെത്തി. പിന്നീട് വെള്ളം ഒഴിച്ചാണ് കിടക്കയിലെ തീയണച്ചത്. സംഭവത്തിൽ ആർക്കും പരിക്കില്ല.
റെഡ്മി ഫോണാണ്‌ പൊട്ടിത്തെറിച്ചതെന്ന് വീട്ടുകാര്‍ പറഞ്ഞു. അപകടത്തിന്റെ കാരണം വ്യക്തമല്ല. സംഭവത്തെത്തുടര്‍ന്ന് മുറിയിലെ കിടക്ക ഭാഗികമായി കത്തിനശിച്ചു.

യുവാവ് ഉറങ്ങുന്നതിനിടെ കിടക്കയിലുണ്ടായിരുന്ന മൊബൈല്‍ഫോണ്‍ പൊട്ടിത്തെറിച്ചു

തലശ്ശേരി : തലശ്ശേരി പെട്രോൾ പമ്പിന് സമീപം റെയിൽവേ മേൽപ്പാലത്തിനടിയിൽ ഡോക്ടറിൽനിന്ന് മൊബൈൽ ഫോണും 800 രൂപയും തട്ടിയെടുത്ത സംഭവത്തിൽ ഒരാളെ തലശ്ശേരി പോലീസ് അറസ്റ്റ് ചെയ്തു. തലശ്ശേരി ചാലിൽ സ്വദേശി ഇപ്പോൾ മുഴപ്പിലങ്ങാട് താമസിക്കുന്ന ഫൗസിയ മൻസിൽ എ.കെ. നസീർ (28) ആണ് അറസ്റ്റിലായത്.
കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. 14-ന് രാത്രിയാണ് സംഭവം.നസീറിനൊപ്പമുള്ളവരെ കണ്ടെത്താൻ പോലീസ് അന്വേഷണം തുടങ്ങി. 13,000 രൂപ വില വരുന്നതാണ്‌ മൊബൈൽ ഫോൺ.

തലശ്ശേരിയിൽ ഡോക്ടറുടെ മൊബൈൽ ഫോൺ തട്ടിയെടുത്തു; ഒരാൾ അറസ്റ്റിൽ

Kannur

പയ്യന്നൂര്‍: നഗരത്തില്‍ മോഷണം. പഴയ ബസ്സ്റ്റാന്‍ഡിന് സമീപത്തെ മൊബൈല്‍ ഷോപ്പിന്റെ ഷട്ടറിന്റെ പൂട്ട് തകര്‍ത്ത് അകത്തുകടന്ന മോഷ്ടാവ് ഫോണുകളും പണവും കവര്‍ന്നു. അറുപതിനായിരത്തോളം രൂപയും 25 മൊബൈല്‍ ഫോണുകളും നഷ്ടപ്പെട്ടതായാണ് പരാതി.
പഴയ ബസ്സ്റ്റാന്‍ഡിന് സമീപം സംസം മെഡിക്കല്‍സിനടുത്ത് പ്രവര്‍ത്തിക്കുന്ന കോറോം ചാലക്കോട് സ്വദേശി പി. ശ്രീനിവാസന്റെ ഉടമസ്ഥതയിലുള്ള മൊബൈല്‍ സോണ്‍ എന്ന സ്ഥാപനത്തിലാണ് കഴിഞ്ഞദിവസം രാത്രിയില്‍ മോഷണം നടന്നത്. ശനിയാഴ്ച രാവിലെ സമീപത്തെ വ്യാപാരികള്‍ കടയുടെ ഷട്ടര്‍ തുറന്നുകിടക്കുന്നത് കണ്ട് ഉടമയെ വിവരമറിയിച്ചു. ഷോപ്പിനുള്ളില്‍ സാധനങ്ങള്‍ വലിച്ചുവാരിയിട്ട നിലയിലായിരുന്നു. സമീപത്തെ കണ്ണടക്കടയുടെ നിരീക്ഷണ ക്യാമറ തിരിച്ചുവെച്ചിട്ടുണ്ട്. കെട്ടിടത്തിന്റെ മുകള്‍നിലയില്‍നിന്ന് കൈയുറയും സംഭവസ്ഥലത്തുനിന്ന് മോഷ്ടാവിന്റേതെന്ന് കരുതുന്ന മാസ്‌കും കണ്ടെത്തി.
കണ്ണൂരില്‍നിന്നെത്തിയ വിരലടയാള വിദഗ്ധര്‍ വിരലടയാളങ്ങള്‍ ശേഖരിച്ചു. മണംപിടിച്ചെത്തിയ പോലീസ് നായ കെട്ടിടത്തിന്റെ മുകള്‍നിലയിലേക്ക് ഓടിക്കയറി കൈയുറ കിടന്ന സ്ഥലത്തെത്തിയശേഷം പഴയ ബസ്സ്റ്റാന്‍ഡ് ഭാഗത്തേക്കാണ് ഓടിയത്. മൊബൈല്‍ ഷോപ്പിലെ നിരീക്ഷണ ക്യാമറാ ദൃശ്യങ്ങളില്‍ രാത്രി പന്ത്രണ്ടോടെയാണ് കവര്‍ച്ച നടക്കുന്നതെന്ന് കണ്ടെത്തിയിട്ടുണ്ട്.

പയ്യന്നൂരില്‍ കടയുടെ ഷട്ടര്‍ തകര്‍ത്ത് മോഷണം; 25 മൊബൈല്‍ഫോണുകളും 60,000 രൂപയും കവര്‍ന്നു

മേപ്പയൂർ: വീട്ടിൽ നിന്നും ഷോക്കേറ്റ് വയോധികൻ മരിച്ചു. ചങ്ങരം വെള്ളിയിലെ ചെറുകുന്നുമ്മൽ പ്രഭാകരൻ ആണ് മരിച്ചത്. അറുപത്തിരണ്ട് വയസ്സായിരുന്നു.
അച്ഛൻ: പരേതനായ കുഞ്ഞികൃഷ്ണ‌ൻ നായർ.അമ്മ: ചിരുതേയി.ഭാര്യ: ഓമന.മക്കൾ: അനുപമ(ഫുഡ് ആൻഡ് സേഫ്റ്റി പേരാമ്പ്ര), പ്രവീണ, പ്രനീഷ് (മാരുതി വർഷോപ്പ് കണ്ണൂർ).മരുമക്കൾ: രഞ്ജിത്ത് കാഞ്ഞിക്കാവ് (എൽഐസി ഏജൻ്റ് കൊയിലാണ്ടി), ലിനീഷ് (കുന്നത്തറ), സഹോദരൻ ഗംഗാധരൻ (റിട്ടയേഡ് കെഎസ്ഇബി കുറ്റ്യാടി) സംസ്‌കാരം ഇന്ന് ഉച്ചയ്ക്ക് വീട്ടു വളപ്പിൽ.

മേപ്പയ്യൂരിൽ വീട്ടിൽ നിന്നും ഷോക്കേറ്റ് വയോധികൻ മരിച്ചു

Perambra

വടകര: മൂരാട് പാലത്തിന് സമീപം ദേശീയപാതയിൽ വിള്ളൽ. ആറ് വരി പാതയിൽ കണ്ണൂർ ഭാഗത്തേക്കുള്ള രണ്ട് വരി പാത അടച്ചു. ഇന്നലെ രാത്രിയോടെയാണ് റോഡിൽ വിള്ളൽ ശ്രദ്ധയിൽപെട്ടത്. പത്ത് മീറ്ററോളം നീളത്തിലാണ് വിള്ളൽ കണ്ടെത്തിയത്. കണ്ണൂർ ഭാഗത്തേക്ക് പോകുന്ന പടിഞ്ഞാറ് ഭാഗത്തെ റോഡിലാണിത്.
പൊലീസ് സ്ഥലത്തെത്തി വിള്ളലുള്ള ഭാഗത്തെ റോഡ് അടച്ച് ഗതാഗതം നിരോധിച്ചു. പാലത്തോട് ചേർന്ന് നിർമാണം പൂർത്തിയായ റോഡിലാണ് വിള്ളൽ. മഴ ശക്തമായാൽ വിള്ളൽ വലുതാകാൻ സാധ്യതയുണ്ട്. ദേശീയപാത അതോറിറ്റി ഉദ്യോഗസ്ഥർ ഇന്ന് സ്ഥലത്ത് പരിശോധന നടത്തും.

ദേശീയപാതയില്‍ മൂരാട് പാലത്തിനു സമീപം വിള്ളല്‍ ;കണ്ണൂർ ഭാഗത്തേക്കുള്ള രണ്ട് വരി പാത അടച്ചു

തിരുവനന്തപുരം: മഴ കനത്തതോടെ പലയിടങ്ങളിലും കാറ്റിലും മരം ഒടിഞ്ഞ് വീണ് പോസ്റ്റുകൾ ഒടിഞ്ഞും ലൈനുകൾ പൊട്ടിയും മറ്റും വെദ്യുതി മുടങ്ങുന്നത് പതിവാണ്. വ്യാപകമായി മരം ഒടിയുന്നതും മറ്റും കാരണം കെഎസ്ഇബി ജീവനക്കാർക്ക് നിന്ന് തിരിയാൻ സമയമില്ലാത്ത അവസ്ഥയാണ്.
വൈദ്യുതി മുടങ്ങിയാലുടൻ തുടരെ തുടരെ വിളികൾ വരുന്നതിനാൽ പലർക്കും കെഎസ്ഇബി ഓഫീസുകളിൽ വിളിച്ചാൽ കിട്ടാത്ത അവസ്ഥയാണ്. വിളിച്ചാൽ മന:പൂർവം എടുക്കാത്തതാണെന്ന പരാതിയും ഉണ്ട്. ഈ സാഹചര്യത്തിലാണ് കെഎസ്ഇബി ഓഫീസിൽ വിളിച്ചിട്ട് കിട്ടിയില്ലെങ്കിൽ വിളിക്കാനുള്ള നമ്പർ മന്ത്രി കെ.കൃഷ്ണൻ കുട്ടി സോഷ്യൽമീഡിയയിൽ പങ്കുവെച്ചത്.
1912 എന്ന നമ്പരിലോ, അല്ലെങ്കിൽ, 9496001912 എന്ന നമ്പറിലോ വിളിച്ച് അറിയിക്കാം. ​അതല്ലെങ്കിൽ 9496001912 എന്ന നമ്പരി​ലെ വാട്സ് ആപ്പിലേക്ക് മെസേജ് അയക്കാം. വൈദ്യുതി സംബന്ധമായ അപകടമോ, അപകടസാധ്യതയോ ശ്രദ്ധയിൽപ്പെട്ടാൽ എത്രയും വേഗം അതത് സെക്ഷൻ ഓഫീസുകളിലോ അറിയിക്കണം. 9496010101 എന്ന എമർജൻസി നമ്പറിലും അറിയിക്കാം. ഈ നമ്പർ അടിയന്തരസ​ന്ദേശങ്ങൾ അറിയിക്കാനുള്ളതാണ്.

വൈദ്യുതി മുടങ്ങിയോ?കെഎസ്ഇബി ഓഫീസിൽ വിളിച്ചിട്ട് കിട്ടുന്നില്ലേ, ഈ നമ്പറിൽ വിളിച്ചു നോക്കൂ

ഊട്ടി: ഊട്ടിയില്‍ വിനോദസഞ്ചാരത്തിനെത്തിയ മലയാളിയായ 15 വയസ്സുകാരന്‍ മരം ദേഹത്തുവീണ് മരിച്ചു. മൊകേരിയിലെ പ്രസീദ-രേഖ ദമ്പതിമാരുടെ മകന്‍ ആദിദേവ് ആണ് മരിച്ചത്. ഞായറാഴ്ച ഉച്ചയ്ക്ക് 12.30 ഓടെ ഊട്ടി ഏയ്റ്റ്ത് മൈല്‍സിലായിരുന്നു (എട്ടാംമൈല്‍) സംഭവം.
23-ാം തീയതിയാണ് ആദിദേവ് ഉള്‍പ്പെടെയുള്ള 14 അംഗസംഘം വിനോദസഞ്ചാരത്തിനെത്തിയത്. ഞായറാഴ്ച തിരികെ നാട്ടിലേക്ക് മടങ്ങവേ ഊട്ടി-ഗൂഡല്ലൂര്‍ റോഡില്‍ എട്ടാംമൈലില്‍ പ്രകൃതിഭംഗി ആസ്വദിക്കുന്നതിനിടെ ആദിദേവിന്റെ ദേഹത്തേക്ക് മരം കടപുഴകി വീഴുകയായിരുന്നു. ഊട്ടി മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.സംഭവത്തില്‍ ഊട്ടി പൈക്കര പോലീസ് കേസെടുത്ത് അന്വേഷണം ആരംഭിച്ചു.&nbsp;

ഊട്ടിയിൽ വിനോദയാത്രയ്ക്കെത്തിയ മൊകേരി സ്വദേശിയായ വിദ്യാർഥി മരം കടപുഴകി വീണ് മരിച്ചു

National

അഴിയൂർ: അഴിയൂരിൽ കിണർ കുഴിക്കുന്നതിനിടെ അപകടം. രണ്ടുപേർ കിണറ്റിൽ കുടുങ്ങി. ഉച്ചയോടെയാണ് അപകടമുണ്ടായത്. ഒരാളെ രക്ഷപ്പെടുത്തി തലശ്ശേരി സഹകരണ ആശുപത്രിയിലേക്ക് മാറ്റി.
ഉള്ളിൽ അകപ്പെട്ട മറ്റൊരു തൊഴിലാളിയെ രക്ഷപ്പെടുത്താനുള്ള ശ്രമങ്ങൾ തുടരുകയാണ്. മാഹി - വടകര ഫയർ ഫോഴ്സും ചോമ്പാല പോലീസും നാട്ടുകാരും ചേർന്നാണ് രക്ഷാ പ്രവർത്തനം നടത്തുന്നത്. കൂടുതൽ വിവരങ്ങൾ ലഭ്യമായിട്ടില്ല.

updating.....

അഴിയൂരിൽ കിണർ കുഴിക്കുന്നതിനിടെ അപകടം; തൊഴിലാളി മണ്ണിനടിയിൽ കുടുങ്ങി

പുത്തൻകുരിശ്: നാലുവയസ്സുകാരിയെ പീഡിപ്പിച്ച കേസിൽ അറസ്റ്റിലായ പ്രതി ലൈംഗികവൈകൃതത്തിന് അടിമയെന്ന്‌ പൊലീസ്‌. മൊബൈൽ ഫോൺ പരിശോധിച്ചപ്പോഴാണ്‌ ഇക്കാര്യം വ്യക്തമായത്‌. കുട്ടികളുടെ അശ്ലീല വീഡിയോകളുള്ള വെബ്‌സൈറ്റുകളാണ്‌ ഏറെയും സന്ദർശിച്ചിരുന്നത്‌. കുട്ടിയുടെ സ്വകാര്യഭാഗങ്ങളിൽ ഉൾപ്പെടെയുള്ള ആന്തരികക്ഷതങ്ങൾ ഇയാളുടെ രതിവൈകൃതത്തിന്റെ പ്രതിഫലനമാണെന്നാണ്‌ നിഗമനം.
പ്രതിക്ക്‌ നാട്ടിൽ പൊതുവെ ആരോടും വലിയ ബന്ധമില്ല. സ്വകാര്യ കമ്പനിയിലെ ജോലിക്കാരനാണെങ്കിലും സ്ഥിരമായി പോകുന്ന ശീലമില്ല. ഇയാളുടെ രണ്ട് സഹോദരന്മാർ നാട്ടിൽ എല്ലാവരുമായും അടുപ്പം പുലർത്തിയിരുന്നു. എന്നാൽ, ഇവരുടേതിന്‌ നേർവിപരീത സ്വഭാവമാണ്‌ ഇയാളുടേത്‌. വീട്ടിൽ മുറിക്കുള്ളിൽ ഭൂരിഭാഗം സമയവും കഴിച്ചുകൂട്ടിയിരുന്ന പ്രതി, കുട്ടിയുമായി നല്ല അടുപ്പത്തിലുമായിരുന്നു. കുട്ടിയുടെ ദൈനംദിനകാര്യങ്ങളിലടക്കം രക്ഷാകർത്താക്കളേക്കാൾ താൽപ്പര്യത്തോടെ പെരുമാറി.
കുട്ടി കൊല്ലപ്പെട്ടന്നറിഞ്ഞതുമുതൽ സങ്കടത്തിന്റെ മുഖംമൂടിയണിഞ്ഞായിരുന്നു പ്രതിയുടെ പെരുമാറ്റം. സംസ്‌കാരദിവസം സുഹൃത്തുക്കൾ താങ്ങിപ്പിടിച്ചാണ്‌ ഇയാളെ കുട്ടിയുടെ മൃതദേഹത്തിനരികിൽ എത്തിച്ചത്‌. സംസ്‌കരിക്കാൻ എടുക്കുംവരെ ഇയാൾ കരഞ്ഞു.&nbsp;
പോസ്‌റ്റ്‌മോർട്ടം നടത്തിയ ഫോറൻസിക്‌ സർജൻ ലിസ ജോൺ, കുട്ടി പീഡനത്തിനിരയായ വിവരം പൊലീസിനെ അറിയിച്ചിരുന്നു. ഇതോടെ എറണാകുളം റൂറൽ എസ്‌പി എം ഹേമലതയുടെ നേതൃത്വത്തിൽ പ്രതിയെ പിടികൂടാൻ നീക്കം ആരംഭിച്ചു. കുട്ടിയുമായി കൂടുതൽ അടുപ്പംപുലർത്തിയിരുന്നവരുടെ ലിസ്‌റ്റ്‌ തയ്യാറാക്കി. ഇവരെ ചോദ്യം ചെയ്‌തു. മൃതദേഹം സംസ്കരിച്ച ദിവസം രാത്രിതന്നെ അച്ഛന്റെ അടുത്ത ബന്ധുക്കളെ ചോദ്യംചെയ്തുതുടങ്ങി. വീട്ടിലെ സ്ത്രീകളുടെ മൊഴി എടുത്തു. പ്രതിയിലേക്ക്‌ സംശയങ്ങൾ നീളുന്നതായിരുന്നു പലരുടെയും മൊഴി. ആദ്യഘട്ടത്തിൽ ചോദ്യം ചെയ്ത് ഇയാളെ വിട്ടയച്ചു.ബുധനാഴ്ച മറ്റ് രണ്ടു ബന്ധുക്കൾക്കൊപ്പം വീണ്ടും വിളിച്ചുവരുത്തി വിശദമായി ചോദ്യം ചെയ്തു. മൂന്നു മണിക്കൂർ ഇത്‌ നീണ്ടു. കുറ്റം സമ്മതിക്കാതെ ഒഴിഞ്ഞുമാറി അഭിനയം തുടർന്നു. ഇടയ്‌ക്കിടെ വിങ്ങിപ്പൊട്ടി. കൊല്ലപ്പെട്ട ദിവസം പുലർച്ചെ കുട്ടി പീഡനത്തിനരയായെന്ന്‌ പൊലീസിന്‌ അറിയാമായിരുന്നു. തലേദിവസം രാത്രി പ്രതിക്കൊപ്പമാണ്‌ കുട്ടി ഉറങ്ങിയത്‌. പ്രതിയുടെ അമ്മ മാത്രമാണ്‌ വീട്ടിലുണ്ടായിരുന്നത്‌.
കുട്ടിയുടെ അച്ഛനും പ്രതിയുടെ മറ്റൊരു സഹോദരനും അവരുടെ അച്ഛൻ കോലഞ്ചേരിയിലെ ആശുപത്രിയിലെ ഐസിയുവിലായതിനാൽ അവിടെയായിരുന്നു. ഈ വിവരങ്ങളും വീട്ടിൽനിന്നും ശേഖരിച്ച തെളിവുകളും മൊബൈൽ ഫോൺ വീഡിയോകളും നിരത്തി ചോദ്യം ചെയ്‌തതോടെ പ്രതി അടിപതറി. ഒടുവിൽ കുറ്റസമ്മതം നടത്തുകയായിരുന്നു.

നാല് വയസുകാരിയെ പീഡിപ്പിച്ച പ്രതി വൈകൃതത്തിന്‌ അടിമ; കാണുന്നത്‌ കുട്ടികളുടെ അശ്ലീലദൃശ്യങ്ങൾ

&nbsp;കോ​ല​ഞ്ചേ​രി​:​ ​പു​ത്ത​ൻ​കു​രി​ശിൽ നാല് വയസുകാരിയെ ​ ​അ​മ്മ​ ​ ചാ​ല​ക്കു​ടി​ ​പു​ഴ​യി​ലെ​റി​ഞ്ഞു​ ​കൊ​ന്ന​ ​സം​ഭ​വ​ത്തി​ൽ​ ​അ​ടു​ത്ത​ ​ബ​ന്ധു​വി​നെ​ ​പു​ത്ത​ൻ​കു​രി​ശ് ​പൊ​ലീ​സ് ​ക​സ്​​റ്റ​ഡി​യി​ൽ എടുത്തു. ഇയാളെ ചോദ്യം ചെയ്തുവരുന്നു. ​ പോസ്റ്റ്മോർട്ടം റിപ്പോർട്ടിൽ കുട്ടി പീഡനത്തിന് ഇരയായെന്ന് കണ്ടെത്തിയതിനെ തുടർന്നാണ് ബന്ധുവിനെ കസ്റ്റഡിയിൽ എടുത്തത്. സംഭവത്തിൽ പുത്തൻകുരിശ് പൊലീസ് പോക്സോ കേസും രജിസ്റ്റർ ചെയ്തു. ഉ​ന്ന​ത​ ​ഉ​ദ്യോ​ഗ​സ്ഥ​രു​ടെ​ ​നേ​തൃ​ത്വ​ത്തി​ൽ​ ​അ​ന്വേ​ഷ​ണ​ ​ഉ​ദ്യോ​ഗ​സ്ഥ​രു​മാ​യി​ ​റൂ​റ​ൽ​ ​എ​സ്.​പി​ ​ഓ​ഫീ​സി​ൽ​ ​ഇ​ന്ന് ​ ​അ​ടി​യ​ന്ത​ര​യോ​ഗം​ ​ചേ​ർ​ന്നി​രു​ന്നു.​ ​പി​ന്നാ​ലെ​യാ​ണ് ​ബ​ന്ധു​വി​നെ​ ​വി​ളി​ച്ചു​വ​രു​ത്തി​യ​ത്.​ ​കു​ട്ടി​യു​ടെ​ ​പി​താ​വി​ന്റെ​ ​സ​ഹോ​ദ​ര​നാ​ണ് ​ക​സ്റ്റ​ഡി​യി​ലു​ള്ള​തെ​ന്നാ​ണ് ​അ​റി​യു​ന്ന​ത്.​ ​ഇ​യാ​ളെ​ ​രാ​ത്രി​ ​വൈ​കി​യും​ ​വി​ട്ട​യ​ച്ചി​ട്ടി​ല്ല.​ ​ഇ​ക്കാ​ര്യ​ത്തി​ൽ​ ​പ്ര​തി​ക​രി​ക്കാ​ൻ​ ​പൊ​ലീ​സ് ​ത​യ്യാ​റാ​യി​ല്ല.
കേ​സി​ൽ​ ​റി​മാ​ൻ​ഡി​ൽ​ ​ക​ഴി​യു​ന്ന​ ​മാ​താ​വിനെ വി​ശ​ദ​മാ​യി​ ​ചോ​ദ്യം​ ​ചെ​യ്യാ​ൻ​ ​പൊ​ലീ​സ് ​ക​സ്റ്റ​ഡി​യി​ൽ​ ​വാ​ങ്ങും.​ ​നാളെ ആ​ലു​വ​ ​കോ​ട​തി​യി​ൽ​ ​ഏ​ഴ് ​ദി​വ​സ​ത്തെ​ ​ക​സ്റ്റ​ഡി​ ​അ​പേ​ക്ഷ​ ​സ​മ​ർ​പ്പി​ക്കു​മെ​ന്ന് ​ചെ​ങ്ങ​മ​നാ​ട് ​ പൊലീസ് അറിയിച്ചു.

നാല് വയസുകാരിയെ ​പുഴയിലെറിഞ്ഞു കൊന്ന കേസിൽ വഴിത്തിരിവ് ,​ കുട്ടി പീഡനത്തിന് ഇരയായെന്ന് പോസ്റ്റ്മോർട്ടം റിപ്പോർട്ട്,ബന്ധു കസ്റ്റഡിയിൽ

വാണിമേൽ: മാഹി മദ്യവുമായി യുവാവ് അറസ്റ്റിൽ. നിടുംപറമ്പത്ത് കുനിയിൽ വീട്ടിൽ പ്രവീഷ് (38) ആണ് ആറ് ലിറ്റർ മാഹി വിദേശ മദ്യവുമായി പിടിയിലായത്. നാദാപുരം എക്സൈസ് റേഞ്ച് ഓഫീസിലെ എക്സൈസ് ഇൻസ്പെക്ടർ അനുശ്രീ എമ്മും പാർട്ടിയും ചേർന്നാണ് ഇയാളെ പിടികൂടിയത്. പാർട്ടിയിൽ പ്രിവൻ്റീവ് ഓഫീസർ ജയൻ, സിഇഒ ശ്രീജേഷ്, അശ്വിൻ ആനന്ദ്, ദീപുലാൽ, വനിത സിഇഒ സൂര്യ, സിവിൽ എക്സൈസ് ഡ്രൈവർ ബബിൻ എന്നിവർ പങ്കെടുത്തു.

മാഹി മദ്യവുമായി യുവാവ് അറസ്റ്റിൽ

Nadapuram

പേരാമ്പ്ര: പേരാമ്പ്രയിൽ വിവാഹവീട്ടിൽ വൻകവര്‍ച്ച. പൈതോത്ത് സദാനന്ദന്റെ വീട്ടിലാണ് മോഷണം നടന്നത്. സദാനന്ദന്റെ മകളുടെ വിവാഹത്തിന് സമ്മാനമായി ലഭിച്ച പത്ത് ലക്ഷത്തിലധികം രൂപ മോഷണം പോയെന്നാണ് കണക്കുകൂട്ടൽ. ഞായറാഴ്ചയായിരുന്നു സദാനന്ദന്റെ മകളുടെ വിവാഹം.
അതിഥികളായി എത്തിയവർ വിവാഹസമ്മാനമായി നൽകിയ പണമാണ് മോഷ്ടാവ് കവർന്നത്. രാത്രി പണമടങ്ങിയ പെട്ടി വീട്ടിലെ ഒരു മുറിയിൽ വെച്ച് പൂട്ടിയിരുന്നു. വാതിൽ കുത്തിത്തുറന്ന് അകത്തുകയറിയ കള്ളൻ പെട്ടി പൊളിച്ച് പണം കവരുകയായിരുന്നു. പെട്ടി വീടിനുസമീപം ഉപേക്ഷിച്ച നിലയിൽ കണ്ടെത്തി. സംഭവത്തിൽ പോലീസ് അന്വേഷണം പുരോ​ഗമിക്കുകയാണ്.

പേരാമ്പ്രയിൽ വിവാഹവീട്ടില്‍ വന്‍കവര്‍ച്ച; പണമടങ്ങിയ പെട്ടി കുത്തിത്തുറന്ന് ലക്ഷങ്ങൾ കവർന്നു

Search Results for: 27.05.2025