വടകര: എന്‍ജിനിയര്‍മാരുടെയും സൂപ്പര്‍വൈസര്‍മാരുടെയും സംഘടനയായ ലൈസന്‍സ്ഡ് എന്‍ജിനിയേഴ്‌സ് ആന്‍ഡ് സൂപ്പര്‍വൈസേഴ്‌സ് ഫെഡറേഷന്‍ (ലെന്‍സ്‌ഫെഡ്) സംഘടിപ്പിക്കുന്ന നാലാമത് വസതീയം ബില്‍ഡ് എക്‌സ്‌പോയ്ക്ക് നാരായണ നഗര്‍ ഗ്രൗണ്ടില്‍ തുടക്കമായി. നിര്‍മാണരംഗത്ത് പ്രവര്‍ത്തിക്കുന്ന സാങ്കേതിക വിദഗ്ധര്‍, കരാറുകാര്‍, വ്യവസായികള്‍, ആര്‍ക്കിടെക്റ്റുകള്‍, പൊതുജനങ്ങള്‍, വിദ്യാര്‍ഥികള്‍ എന്നിവര്‍ക്കെല്ലാം ഉപകാരപ്രദമായ രീതിയിലാണ് പ്രദര്‍ശനം ഒരുക്കിയിരിക്കുന്നത്.&nbsp;
നൂതനവും വ്യത്യസ്തവുമായ നിര്‍മാണസാമഗ്രികളും വിവിധ നിര്‍മാണ രീതികളും സാങ്കേതിക വിദ്യകളും സേവനങ്ങളും പരിചയപ്പെടുത്തുന്ന ശീതീകരിച്ച 100 സ്റ്റാളുകളാണ് പ്രദര്‍ശനത്തിലുള്ളത്. കെ കെ രമ എംഎല്‍എ പ്രദര്‍ശനം ഉദ്ഘാടനം ചെയ്തു. എക്‌സ്‌പോ ചെയര്‍മാന്‍ പ്രദീപ്കുമാര്‍ എന്‍ അധ്യക്ഷത വഹിച്ചു. എക്‌സ്‌പോ ജനറല്‍ കണ്‍വീനര്‍ സികെ ഫവാസ്, കൗണ്‍സിലര്‍ അജിത ചീരാംവീട്ടില്‍, വടകര ഏരിയാ ട്രഷറര്‍ എം മോഹനന്‍, ബിജു പികെ എന്നിവര്‍ സംസാരിച്ചു.
പ്രദര്‍ശനത്തിന്റെ ഭാഗമായി നിര്‍മാണ സുരക്ഷ എന്ന വിഷയത്തില്‍ ബോധവല്‍ക്കരണ സെമിനാര്‍ നടത്തി. അശാസ്ത്രീയ നിര്‍മാണ പ്രവര്‍ത്തനങ്ങള്‍ മൂലം കെട്ടിടങ്ങള്‍ തകരുന്നതും അപകട മരണങ്ങള്‍ സംഭവിക്കുന്നതും വര്‍ദ്ധിച്ച സാഹചര്യത്തിലാണ് ലെന്‍സ്‌ഫെഡിന്റെ നേതൃത്വത്തില്‍ ബോധവല്‍ക്കരണ സെമിനാര്‍ സംഘടിപ്പിച്ചത്. സെമിനാര്‍ ലെന്‍സ്‌ഫെഡ് സംസ്ഥാന വൈസ് പ്രസിഡണ്ട് മുഹമ്മദ് ഫസല്‍ കെഇ ഉദ്ഘാടനം ചെയ്തു. ഏരിയാ സെക്രട്ടറി വിനോദ് സി അധ്യക്ഷത വഹിച്ചു. ഡോ. എന്‍ എന്‍ സുരേഷ്ബാബു മുഖ്യപ്രഭാഷണം നടത്തി. എക്‌സ്‌പോ ജോയിന്റ് കണ്‍വീനര്‍ ശ്രീജിത്ത് കെ, കൗണ്‍സിലര്‍ റീജ പറമ്പത്ത്, പബ്ലിസിറ്റി കണ്‍വീനര്‍ വിപിന്‍ പികെ എന്നിവര്‍ സംസാരിച്ചു. മൂന്നു ദിവസങ്ങളിലായി നടക്കുന്ന എക്‌സ്‌പോയില്‍ സംസ്ഥാനത്തിന്റെ വിവിധ ഭാഗങ്ങളില്‍ നിന്നും 4000 എന്‍ജിനിയര്‍മാര്‍ പങ്കെടുക്കും.
ഞായറാഴ്ച്ച വൈകിട്ട് 4.30ന് നിര്‍മിത ബുദ്ധിയും നാളത്തെ ലോകവും എന്ന വിഷയത്തില്‍ സെമിനാര്‍ നടക്കും. ലെന്‍സ്‌ഫെഡ് കോഴിക്കോട് ജില്ലാ പ്രസിഡണ്ട് സിഎച്ച് ഹാരിസ് ഉദ്ഘാടനം ചെയ്യും. എക്‌സ്‌പോയുടെ ഭാഗമായി ഫുഡ്‌കോര്‍ട്ടുമുണ്ട്. വിവിധ കലാപരിപാടികളും നടക്കും. രാവിലെ 9.30 മുതല്‍ രാത്രി 8.30 വരെയാണ് പ്രദര്‍ശനം. പ്രവേശനം സൗജന്യമാണ്. പ്രദര്‍ശനം തിങ്കളാഴ്ച്ച സമാപിക്കും.&nbsp;

ലെന്‍സ്‌ഫെഡ് വസതീയം ബില്‍ഡ് എക്‌സ്‌പോയ്ക്ക് തുടക്കമായി

Vadakara

വടകര: ചോറോട് ഗ്രാമ പഞ്ചായത്തിലെ പത്ത് സ്ഥാപനങ്ങൾക്ക് ഹരിത കേരളം മിഷന്റെഹരിത പദവി സർട്ടിഫിക്കറ്റ് ലഭിച്ചു. കൃഷി, ജലസംരക്ഷണം, ഊർജ സംരക്ഷണം എന്നിവയാണ് ഹരിത സ്ഥാപനത്തിനുള്ള മാന ദണ്ഡം. ചോറോട് ഗ്രാമ പഞ്ചായത്ത് ഓഫിസ്, ചോറോട് കുടുംബ ആരോഗ്യ കേന്ദ്രം, ഗവ. ഫിഷറീസ് എൽ.പി. സ്ക്കൂൾ, ഗവ. എൽ.പി. മുട്ടുങ്ങൽ, ഹരിശ്രീ അങ്കണവാടി( 11-ാം വാർഡ്), അക്ഷര അങ്കണവാടി ( 16-ാം വാർഡ്) ,ചോറോട് കൃഷി ഭവൻ, മൃഗാശുപത്രി മാങ്ങോട്ട് പാറ, ഗവ. ആയൂർവേദ ആശുപത്രി, ബഡ്സ് സ്കൂൾ എന്നീ സ്ഥാപനങ്ങൾക്ക് കെ.കെ. രമ എം എൽ ഏ സർട്ടിഫിക്കറ്റ് നൽകി. ഗ്രാമ പഞ്ചായത്ത് പ്രസിഡണ്ട് പി.പി. ചന്ദ്രശേഖരൻ അധ്യക്ഷത വഹിച്ചു. വൈസ് പ്രസിഡണ്ട് രേവതി പെരുവാണ്ടിയിൽ, സ്ഥിരം സമിതി അദ്ധ്യക്ഷരായ കെ. മധുസൂദനൻ, സി. നാരായണൻ, ശ്യാമള പൂവ്വേരി, ഹരിത കേരളം മിഷൻ ടെക്നിക്കൽ അസിസ്റ്റന്റ് വിവേക് വിനോദ്എന്നിവർ സംസാരിച്ചു.

ചോറോട് പത്ത് സ്ഥാപനങ്ങൾക്ക് ഹരിത പദവി സർട്ടിഫിക്കറ്റ് നൽകി

ദോ​ഹ: ​ഞാ​യ​റാ​ഴ്ച വൈ​കീ​ട്ട് റ​മ​ദാ​ൻ മാ​സ​പ്പി​റ​വി ദൃ​ശ്യ​മാ​കാ​ൻ സാ​ധ്യ​ത​യു​ള്ള​തി​നാ​ൽ നി​രീ​ക്ഷി​ക്ക​ണ​മെ​ന്ന് ഖ​ത്ത​ർ ഇ​സ്‍ലാ​മി​ക മ​ത​കാ​ര്യ മ​ന്ത്രാ​ല​യം ഔ​ഖാ​ഫി​ന്റെ മാ​സ​പ്പി​റ​വി നി​രീ​ക്ഷ​ണ ക​മ്മി​റ്റി അ​റി​യി​ച്ചു. ഞാ​യ​റാ​ഴ്ച ശ​അ​ബാ​ൻ 29 ആ​യ​തി​നാ​ൽ ​അ​ന്നേ​ദി​വ​സം മാ​സ​പ്പി​റ​വി ദൃ​ശ്യ​മാ​വാ​ൻ സാ​ധ്യ​ത കൂ​ടു​ത​ലാ​ണ്.
രാ​ജ്യ​ത്തി​ന്റെ ഏ​തെ​ങ്കി​ലും മേ​ഖ​ല​ക​ളി​ൽ മാ​സ​പ്പി​റ​വി ദൃ​ശ്യ​മാ​കു​ന്ന​വ​ർ ദോ​ഹ ദ​ഫ്ന ട​വ​റി​ലെ ഔ​ഖാ​ഫ് കാ​ര്യാ​ല​യ​ത്തി​ൽ അ​റി​യി​ക്ക​ണ​മെ​ന്ന് അ​ധി​കൃ​ത​ർ പ്ര​സ്താ​വ​ന​യി​ൽ അ​റി​യി​ച്ചു. വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ ചേ​രു​ന്ന ​ക​മ്മി​റ്റി യോ​ഗം റ​മ​ദാ​ൻ പ്ര​ഖ്യാ​പ​നം ന​ട​ത്തും. ഗോ​ള​ശാ​സ്ത്ര നി​രീ​ക്ഷ​ണ പ്ര​കാ​രം തി​ങ്ക​ളാ​ഴ്ച​യാ​യി​രി​ക്കും റ​മ​ദാ​ൻ ഒ​ന്ന് എ​ന്ന് ഖ​ത്ത​ർ ക​ല​ണ്ട​ർ ഹൗ​സ് നേ​ര​ത്തെ പ്ര​ഖ്യാ​പ​നം ന​ട​ത്തി​യി​രു​ന്നു.

നാ​ളെ മാ​സ​പ്പി​റ​വി നി​രീ​ക്ഷി​ക്ക​ണം; ഖ​ത്ത​ർ ഔ​ഖാ​ഫ്

Gulf

പാലക്കാട്: കനല്‍ചാട്ടത്തിനിടെ വിദ്യാർഥിക്ക് പൊള്ളലേറ്റ സംഭവത്തില്‍ ആലത്തൂര്‍ പൊലീസ് കേസെടുത്തു. ബാലാവകാശ കമീഷന്റെ നിര്‍ദേശപ്രകാരമാണ് കേസെടുത്തത്. ആലത്തൂര്‍ മേലാര്‍ക്കോട് പത്തു വയസ്സുകാരനാണ് പൊള്ളലേറ്റത്. പുത്തന്‍ത്തറ മാരിയമ്മന്‍ കോവിലിലെ പൊങ്കല്‍ ആഘോഷ ചടങ്ങിനിടെ പുലര്‍ച്ചെയായിരുന്നു അപകടം.
ബാലാവകാശ കമീഷന്‍ സംഭവത്തിൽ കൂടുതല്‍ അന്വേഷണം ആരംഭിച്ചു. രക്ഷിതാക്കളുടെ ഭാഗത്തും വീഴ്ചയുണ്ടായോന്ന് പരിശോധിക്കുന്നുണ്ട്. കുട്ടിക്ക് ആവശ്യമായ കൗണ്‍സിലിങ്ങും സംരക്ഷണവും ഉറപ്പാക്കുമെന്ന് ചൈൽഡ് വെൽഫെയർ കമ്മിറ്റി അറിയിച്ചു. മുതിര്‍ന്ന ചിലര്‍ക്കൊപ്പം കനല്‍ ചാടികടക്കുന്നതിനിടെ കുട്ടി പാതിയില്‍ വീഴുകയായിരുന്നു. സാരമായി പൊള്ളലേറ്റ കുട്ടിയെ ഉടന്‍ പാലക്കാട് നെന്മാറയിലെ സ്വകാര്യ ആശുപത്രിയില്‍ പ്രവേശിപ്പിച്ചു. തുടർന്ന് വിദഗ്ധ ചികിത്സക്കായി കോയമ്പത്തൂരിലേക്ക് കൊണ്ടുപോവുകയായിരുന്നു.

കനൽചാട്ടത്തിനിടെ വിദ്യാർഥിക്ക് പൊള്ളൽ: പൊലീസ് കേസെടുത്തു

Kerala

വടകര: അറക്കിലാട് മുസ്‌ലിം ലീഗ് കമ്മിറ്റി റമദാൻ പ്രമാണിച്ചു എല്ലാ വീടുകളിലും ഈന്തപ്പഴ കിറ്റ് വിതരണം ചെയ്തു. ആദ്യകിറ്റ് മേക്കോത്ത് യൂസഫിന് നൽകി കൊണ്ട് പ്രസിഡന്റ് കരുവാണ്ടി ഹംസ ഉദ്ഘാടനം ചെയ്തു. ജനറൽ സെക്രട്ടറി കെ. വി ഹാഷിം ആദ്യക്ഷത വഹിച്ചു. റഫീക്ക് വടക്കയിൽ, യൂസഫ്കരുവാണ്ടി, നസീർ കെ. പി, അസിസ് കരുവാണ്ടി, റിയാസ് പൈക്കാടി, മജീദ് പൈക്കാടി, വനിതാ ലീഗ് ഖജാൻജി സുഹറ കെ. വി, നൗഷാദ് കരുവാണ്ടി, ജബ്ബാർ കരുവാണ്ടി എന്നിവർ സംസാരിച്ചു.

ഈന്തപ്പഴ കിറ്റ് വിതരണം ചെയ്തു

Inshort

മണിയൂർ: കെ.പി. ഷാജി ഗ്രന്ഥായം വെട്ടിൽ പീടിക, യുവശക്തി കലാസമിതി, മലബാർ ക്യാൻസർ സെൻ്റർ തണൽ വീട്, ബ്ലഡ് ഡൊണഷൻ ഫോറം കേരള വടകര എന്നിവയുടെ ആഭിമുഖ്യത്തിൽ വൃക്ക രോഗ നിർണ്ണയ ക്യാമ്പും, രക്ത ദാന ക്യാമ്പും നടത്തി. പഞ്ചായത്ത് പ്രസിഡൻ്റ് ടി കെ അഷറഫ് ഉദ്ഘാടനം ചെയ്തു. കെ . ശശിധരൻ അധ്യക്ഷത വഹിച്ചു. താലൂക് ലൈബ്രറി കൗൺസിൽ പ്രസിഡൻ്റ് കെ ബാലൻ, പി. കെ. ബിന്ദു, ഹസ്സൻ എന്നിവർ പ്രസംഗിച്ചു. കെ കെ പ്രദീപൻ സ്വാഗതവും മിഥുൻ കെ പി നന്ദിയും പറഞ്ഞു.

മെഡിക്കൽ ക്യാമ്പ് നടത്തി

ഉള്ള്യേരി: ആനവാതിലില്‍ റോഡ് റോളര്‍ മറിഞ്ഞ് ഡ്രൈവര്‍ മരിച്ചു. മധ്യപ്രദേശിലെ റിവ സ്വദേശിയായ മോലിയാണ് മരിച്ചത്. റോഡ് റോളറിനടിയിൽപ്പെട്ട് ഗുരുതര പരുക്കേറ്റ മോലിയെ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. വെള്ളിയാഴ്ച ഉച്ചയ്ക്കു രണ്ടു മണിയോടെയായിരുന്നു അപകടം.

ഉള്ള്യേരിയിൽ റോഡ് റോളര്‍ മറിഞ്ഞ് ഡ്രൈവർക്ക് ദാരുണാന്ത്യം

Koyilandy

തൃശൂർ: ശാസ്താംപൂവം കാടർ കോളനിയിൽ നിന്ന് കാണാതായ രണ്ടു കുട്ടികളുടെയും മൃതദേഹം കണ്ടെത്തി. വനംവകുപ്പും പൊലീസും സംയുക്തമായി നടത്തിയ പരിശോധനയില്‍ കോളനിയ്ക്കടുത്തുള്ള പാറയുടെ സമീപത്തു നിന്നാണ് മൃതദേഹങ്ങൾ കണ്ടെത്തിയത്. കോളനിക്കു സമീപം ഉൾവനത്തിലാണു കാടർ വീട്ടിൽ കുട്ടന്റെ മകൻ സജി കുട്ടൻ (15),രാജശേഖരന്റെ മകൻ അരുൺ കുമാർ (8) എന്നിവരെ മാർച്ച് രണ്ടാം തീയതി പകൽ 10 മുതൽ കാണാതായത്.&nbsp;
മാർച്ച് രണ്ടാം തീയതി രാവിലെ മുതൽ കുട്ടികളെ കാണാനില്ലെന്നു കാണിച്ച് കോളനി അധികൃതർ കഴിഞ്ഞ ദിവസം വെള്ളിക്കുളങ്ങര പൊലീസിൽ പരാതി നൽകിയിരുന്നു. പോകാനിടയുള്ള സ്ഥലങ്ങളിൽ നടത്തിയ അന്വേഷണം വിഫലമായതിനെ തുടർന്നാണ് പരാതി നൽകിയത്. വെള്ളിക്കുളങ്ങര പൊലീസിന്റെയും, പരിയാരം, വെള്ളിക്കുളങ്ങര ഫോറസ്റ്റ് റേഞ്ച് ഓഫിസിലെ ജീവനക്കാരുടെയും നാട്ടുകാരുടെയും നേതൃത്വത്തിലായിരുന്നു കുട്ടികൾക്കായി തിരച്ചിൽ നടത്തിയത്.&nbsp;

ആദിവാസി കോളനിയില്‍ നിന്ന് കാണാതായ കുട്ടികളുടെ മൃതദേഹം കണ്ടെത്തി

തിരുവനന്തപുരം: വടകരയില്‍ കോൺഗ്രസ്‌ ബിജെപി സഖ്യ നീക്കമെന്ന്‌ മന്ത്രി എം ബി രാജേഷ്. ലോക്‌സഭാ തെരഞ്ഞെടുപ്പില്‍ വടകരയില്‍ ഷാഫി പറമ്പിലിനെ ബിജെപി സഹായിക്കുമെന്ന് എം ബി രാജേഷ് പറഞ്ഞു. വടകരയില്‍ യുഡിഎഫിനെ സഹായിക്കുന്ന ബിജെപിക്ക് പാലക്കാട് സഹായം തിരിച്ച് നല്‍കും. നേമത്തിന് ശേഷം ബിജെപിക്ക് അക്കൗണ്ട് തുറക്കാന്‍ വഴിയൊരുക്കുകയാണ് ലക്ഷ്യമെന്നും എം ബി രാജേഷ് ഫെയ്‌സ്‌ബുക്ക്‌ കുറിപ്പിൽ പറഞ്ഞു.
കഴിഞ്ഞ തവണ എല്‍ഡിഎഫിന് കിട്ടുമായിരുന്ന വോട്ടുകള്‍ കൂടി ലഭിച്ചാണ് ഷാഫി പറമ്പില്‍ കഷ്‌ടിച്ച് ജയിച്ചത്. പാലക്കാട് കോണ്‍ഗ്രസ് ബിജെപിയെ സഹായിച്ചാല്‍, സീറ്റ് ബിജെപി നേടും. കോണ്‍ഗ്രസ് ബിജെപിയെ സഹായിക്കാനാണ് ഇത്തവണ ശ്രമിക്കുന്നതെന്നും എം ബി രാജേഷ് പറഞ്ഞു.
എം ബി രാജേഷിന്റെ കുറിപ്പ്‌:
വടകരക്ക് കേരള രാഷ്ട്രീയ ചരിത്രത്തിൽ ഒരു സവിശേഷ സ്ഥാനമുണ്ട്. കോ ലീ ബി സഖ്യത്തിന്റെ പരീക്ഷണശാലയായിരുന്നു വടകരയും ബേപ്പൂരും. തൊണ്ണൂറ്റിഒന്നിലെ തെരഞ്ഞെടുപ്പിലാണ് വടകര പാർലമെന്റ് മണ്ഡലത്തിൽ കോ ലീ ബി സഖ്യത്തിന്റെ പൊതു സ്വതന്ത്ര സ്ഥാനാർഥിയായി അഡ്വ. രത്‌നസിങ് എൽ ഡി എഫ് സ്ഥാനാർഥി കെ പി ഉണ്ണികൃഷ്‌ണനെതിരെയും ബേപ്പൂരിൽ ഡോ. മാധവൻകുട്ടി സഖാവ് ടി കെ ഹംസക്കെതിരെയും മത്സരിച്ചത്. പരസ്യ സഖ്യം ജനങ്ങൾക്ക് തിരിച്ചറിയാൻ പ്രയാസമുണ്ടായില്ല. രണ്ടിടത്തും കോ ലീ ബി സംഖ്യത്തെ ജനങ്ങൾ തകർത്തു തരിപ്പണമാക്കി. ഇപ്പോൾ വടകര വീണ്ടും കോൺഗ്രസ്സ് - ബി ജെ പി പാക്കേജിന്റെ പരീക്ഷണശാലയാകുകയാണ്.
കേരളത്തിൽ കഴിഞ്ഞ നിയമസഭ തെരഞ്ഞെടുപ്പിൽ ബി ജെ പി ജയത്തിന്റെ തൊട്ടരികിലെത്തിയ പാലക്കാട് നിയമസഭ മണ്ഡലത്തിൽ നിന്നുള്ള എം എൽ എ യെ വടകരയിൽ കൊണ്ടുപോയി മത്സരിപ്പിക്കുന്നതിന്റെ ഉദ്ദേശ്യമെന്താണ്? വടകരയിൽ ജയിക്കാൻ ബി ജെ പി യുടെ പിന്തുണക്ക് പകരം പാലക്കാട് നിയമസഭ ഉപതെരഞ്ഞെടുപ്പ് വന്നാൽ ബി ജെ പി യെ സഹായിക്കാം എന്നതാണ് പാക്കേജ്. നേമത്ത് സ. ശിവൻകുട്ടിയിലൂടെ എൽ ഡി എഫ് പൂട്ടിച്ച ബി ജെ പി യുടെ അക്കൌണ്ട് പാലക്കാടിലൂടെ തുറന്നു കൊടുക്കാനാണ് കോൺഗ്രസ്സ് ശ്രമിക്കുന്നത്. കഴിഞ്ഞ തെരഞ്ഞെടുപ്പിൽ ബി ജെ പി യുടെ പരാജയം ഉറപ്പ് വരുത്താനാഗ്രഹിച്ച, സാധാരണ ഗതിയിൽ ഇടതുപക്ഷത്തിന് കിട്ടുമായിരുന്ന മതനിരപേക്ഷ വോട്ടുകൾ കൂടി കിട്ടിയപ്പോഴാണ് ഷാഫി പറമ്പിൽ തൊണ്ണൂറ് കഴിഞ്ഞ ഇ ശ്രീധരനെതിരെ കഷ്ടിച്ച് കടന്നു കൂടിയത്. ആ സീറ്റിലെ എം എൽ എ യെയാണ് വേണമെങ്കിൽ ഒരു ഉപതെരഞ്ഞെടുപ്പ് സാധ്യതയിലേക്ക് വിട്ടു കൊടുത്തു കൊണ്ട് കോൺഗ്രസ്‌ മത്സരിപ്പിക്കുന്നത്. ബി ജെ പി ക്ക് വടകര പാർലമെന്റ് സീറ്റിൽ ഒരു സാധ്യതയും ഇല്ല എന്നെല്ലാവർക്കുമറിയാം. എന്നാൽ പാലക്കാട് നിയമസഭ സീറ്റിൽ അങ്ങനെയല്ല.എൽ ഡി എഫ് സിറ്റിംഗ് സിറ്റിങ് എം എൽ എ മാർ മത്സരിക്കുന്ന ഒരു സീറ്റിലും ഉപതെരഞ്ഞെടുപ്പ് ഉണ്ടായാൽ ഒരിടത്തു പോലും ബി ജെ പി ക്ക് വിദൂരവിജയസാധ്യത പോലുമില്ലെന്നോർക്കണം.
91 ൽ വടകരയും ബേപ്പൂരുമായിരുന്നെങ്കിൽ ഇപ്പോൾ വടകരയും ആലപ്പുഴയുമാണ്. ആലപ്പുഴയിൽ മത്സരിക്കാനെത്തുന്ന കെ സി വേണുഗോപാൽ രാജസ്ഥാനിലെ രാജ്യസഭ അംഗമാണ്. ജയിച്ചാൽ രാജി വക്കണം. രാജിവച്ചാൽ രാജസ്ഥാനിലെ ഇന്നത്തെ കക്ഷി നില വച്ച് സീറ്റ് ബി ജെ പിക്ക് ഉറപ്പ്. അതോടെ രാജ്യസഭയിൽ ബി ജെ പി ക്ക് ഇപ്പോഴില്ലാത്ത കേവല ഭൂരിപക്ഷവും ഉറപ്പാവും. ആരെയാണ് ഈ കോൺഗ്രസ്‌ എതിർക്കുന്നത്? ആരെയാണിവർ സഹായിക്കുന്നത്? ഇനിയും മനസിലാകാത്തവർ അത്രയും നിഷ്കളങ്കരായിരിക്കണം.രാജ്യമാകെ കൊൺഗ്രസ്സിന്റെ കഥ കഴിച്ച് ബി ജെ പി യിലേക്ക് കോൺഗ്രസ്സ് നേതാക്കളുടെ ഘോഷയാത്രക്ക് വഴിയൊരുക്കിയ വേണുഗോപാൽ ഇപ്പോൾ കേരളത്തിലേക്ക് വരികയാണ്. വരുന്നത് സി പി ഐ എമ്മിനോട് യുദ്ധം ചെയ്ത് ബി ജെ പി യെ സഹായിക്കാനാണ്. പത്മജ പത്മം ചൂടിയത് യാദൃശ്ചികമല്ല എന്നാണ് കോൺഗ്രസ്സ് സ്ഥാനാർഥി പട്ടിക വ്യക്തമാക്കുന്നത്. സോണിയ ഗാന്ധിയേയും രാഹുൽ ഗാന്ധിയെയും വഞ്ചിച്ചു കൊണ്ട് കെ സി വേണുഗോപാൽ കളിക്കുന്ന കളി ബി ജെ പി ക്ക് വേണ്ടിയിട്ടുള്ളതാണ്.
ജനിച്ച ശേഷം ചോറൂണ് മുതൽ ഇന്നേവരെ കോൺഗ്രസ്‌ ചെലവിൽ ഉണ്ടു വളർന്ന ആന്റണി -കരുണാകരൻമാരുടെ മക്കൾക്ക് ഒരു മന:സാക്ഷിക്കുത്തുമില്ലാതെ ബി ജെ പി യിലേക്ക് പോകാമെങ്കിൽ കെ സി വേണുഗോപാലിനും കെ സുധാകരനും വി ഡി സതീശനുമൊക്കെ പോകാൻ തടസമുണ്ടാകുമോ? ശാഖക്ക് കാവൽ നിന്നത് അഭിമാനമായും എനിക്ക് തോന്നിയാൽ ബി ജെ പി യിലേക്ക് പോകുമെന്ന് പ്രഖ്യാപിക്കുന്നത് ധീരതയാണെന്ന് കരുതുകയും ചെയ്യുന്ന സുധാകരനും, ഗോൾവാൾക്കാർ ചിത്രത്തിന് മുന്നിൽ നിലവിളക്ക് കൊളുത്തി കൂപ്പുകൈകളുമായി നിന്ന വി ഡി സതീശനും പോവില്ലെന്ന് എന്താണുറപ്പ്? കെ സി വേണുഗോപാൽ കോൺഗ്രസ്സ് ദേശീയ നേതൃത്വത്തിൽ എത്തിയ ശേഷമാണ് ഒരു ഡസനിലേറെ മുൻ മുഖ്യമന്ത്രിമാരും നിരവധി കേന്ദ്ര മന്ത്രിമാരും എം പി മാരുമുൾപ്പെടെ ഏറ്റവും കൂടുതൽ കോൺഗ്രസ്സ് നേതാക്കളെ ബി ജെ പി യിലേക്ക് എത്തിച്ചത്.
വടകര-ആലപ്പുഴ പാക്കേജ് കേരള രാഷ്ട്രീയത്തിൽ അങ്ങേയറ്റം ആപൽക്കരമായൊരു പുതിയ വഴിത്തിരിവ് സൃഷ്ടിക്കാൻ ലക്ഷ്യം വച്ചുള്ളതാണ്. ആ ചതിക്കുഴി കോൺഗ്രസസിനകത്തും ലീഗിലുമുള്ള മത നിരപേക്ഷ വാദികൾ തിരിച്ചറിഞ്ഞാൽ നല്ലത്.ജനങ്ങൾ എന്തായാലും ഇത്തവണ തിരിച്ചറിയും 91 ലെ വടകര -ബേപ്പൂർ മോഡലിനുണ്ടായ അതേ അനുഭവം ആയിരിക്കും ഈ വടകര -ആലപ്പുഴ പാക്കേജിനുമുണ്ടാവുക.

‘വടകരയില്‍ കോൺഗ്രസ്സ് - ബിജെപി പാക്കേജ്‌’; കുറിപ്പുമായി മന്ത്രി എം ബി രാജേഷ്

വ​ട​ക​ര: മ​ന്ത​ര​ത്തൂ​രി​ൽ സാ​മൂ​ഹി​ക വി​രു​ദ്ധ​രു​ടെ അ​ഴി​ഞ്ഞാ​ട്ടം. ക​ർ​ഷ​ക​ന്റെ 75ഓ​ളം നേ​ന്ത്ര​വാ​ഴ​ക​ൾ ന​ശി​പ്പി​ച്ചു. തി​രു​വ​ള്ളൂ​ർ ബാ​വു​പ്പാ​റ സ്വ​ദേ​ശി ഇ​ല്ല​ത്ത് മീ​ത്ത​ൽ സു​രേ​ഷ് ബാ​ബു​വി​ന്റെ വാ​ഴ​ക​ളാ​ണ് ന​ശി​പ്പി​ച്ച​ത്. മ​ന്ത​ര​ത്തൂ​ർ കു​ടി​യം​വെ​ള്ളി കു​ഞ്ഞ​മ്മ​തി​ന്റെ പാ​ട്ട​ത്തി​നെ​ടു​ത്ത ര​ണ്ട​ര ഏ​ക്ക​ർ സ്ഥ​ല​ത്ത് കൃ​ഷി ചെ​യ്ത വാ​ഴ​ക​ളാ​ണ് ഇ​രു​ട്ടി​ന്റെ മ​റ​വി​ൽ ന​ശി​പ്പി​ച്ച​ത്. കു​ല​ച്ച​തും കു​ല​ക്കാ​ത്ത​തു​മാ​യ വാ​ഴ​ക​ൾ ന​ശി​പ്പി​ച്ച​തി​ൽ ഉ​ൾ​പ്പെ​ടും. വാ​ഴ​ക​ൾ പി​ഴു​തും ഒ​ടി​ച്ചു​മാ​ണ് ന​ശി​പ്പി​ച്ച​ത്. സു​രേ​ഷ് ബാ​ബു​വി​ന്റെ പ​രാ​തി​യി​ൽ വ​ട​ക​ര പൊ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി. പൊ​ലീ​സ് സ്ഥ​ല​ത്ത് പ​രി​ശോ​ധ​ന ന​ട​ത്തി.&nbsp;&nbsp;

മ​ന്ത​ര​ത്തൂ​രി​ൽ സാ​മൂ​ഹി​ക വി​രു​ദ്ധർ നേ​ന്ത്ര​വാ​ഴ​ക​ൾ ന​ശി​പ്പി​ച്ചു

കോഴിക്കോട്: കെ. കരുണാകരനെ, അദ്ദേഹത്തിന്റെ ആത്മാവി​ന്റെ മുകളിൽപോലും സംഘി പതാക പുതപ്പിക്കാൻ തങ്ങൾ സമ്മതിക്കില്ലെന്ന് കെ. മുരളീധരൻ. കെ. കരുണാകരനെ സംഘികൾക്ക് വിട്ടുകൊടുക്കാൻ ശരീരത്തിൽ ജീവനുള്ള കാലത്തോളം സമ്മതിക്കി​ല്ലെന്നും മാധ്യമപ്രവർത്തകരോട് സംസാരിക്കവേ, മുരളീധരൻ വ്യക്തമാക്കി.
‘പത്മജ ബി.ജെ.പിയിൽ പോയതുകൊണ്ട് കോൺഗ്രസിന് ഒരു നഷ്ടവുമില്ല. എന്നാൽ, കരുണാകരന്റെ പടം വെച്ച് ചില കളികൾ കളിക്കാൻ ബി.ജെ.പിക്ക് കഴിയുന്നു എന്നതാണ് ദുഃഖം. കെ. കരുണാകരൻ ഏതു പ്രസ്ഥാനത്തെയാണോ അദ്ദേഹത്തിന്റെ ജീവിതം മുഴുവൻ എതിർത്തത്, അവർക്ക് അദ്ദേഹത്തിന്റെ ചിത്രം വച്ചൊരു കളി കളിക്കാൻ അവസരമുണ്ടായി. പക്ഷേ, നിലമ്പൂരിലെ കോൺഗ്രസുകാർ ശക്തമായി പ്രതികരിച്ചു. എല്ലായിടത്തും അതേ നിലപാട് തന്നെയായിരിക്കും. കെ. കരുണാകരനെ സംഘികൾക്ക് വിട്ടുകൊടുക്കാൻ ഞങ്ങളുടെ ശരീരത്തിൽ ജീവനുള്ള കാലത്തോളം സമ്മതിക്കില്ല.
ചതി ആരുകാണിച്ചാലും അത് കേരളത്തിന്റെ മണ്ണിൽ ചെലവാകില്ല. കെ. കരുണാകരനെ ഞാൻ വിചാരിച്ചാലും തട്ടിയെടുക്കാൻ കഴിയില്ല. ഒരു കാരണവശാലും കെ. കരുണാകരനെ, അദ്ദേഹത്തിന്റെ ആത്മാവി​ന്റെ മുകളിൽപോലും സംഘി പതാക പുതപ്പിക്കാൻ ഞങ്ങൾ സമ്മതിക്കില്ല’ -മുരളീധരൻ പറഞ്ഞു.
ബി.ജെ.പിയെ എല്ലായിടത്തും മൂന്നാം സ്ഥാനത്തേക്ക് എത്തിക്കുകയാണ് കോൺഗ്രസിന്റെ ദൗത്യമെന്ന് മുരളി വ്യക്തമാക്കി. ഒരിടത്തും അവർക്ക് രണ്ടാം സ്ഥാനം കിട്ടാൻ പാടില്ലെന്ന് ഞങ്ങൾക്ക് നിർബന്ധമുണ്ട്. ബി.ജെ.പി എ ഗ്രേഡ് മണ്ഡലമെന്നു പറയുന്ന എല്ലായിടത്തും ഞങ്ങൾ ശക്തമായിത്തന്നെ രംഗത്തുണ്ടാകും. അവരെ മൂന്നാം സ്ഥാനത്തേക്കയക്കും. കേരളമണ്ണിൽ അവർക്ക് ഇനി നിലംതൊടാൻ കഴിയില്ല. തൃശൂരിൽ പാർട്ടി ഏൽപിച്ച ദൗത്യം സന്തോഷപൂർവം ഏറ്റെടുക്കുന്നു. ബി.ജെ.പിയെ മൂന്നാം സ്ഥാനത്തേക്ക് തള്ളിവിടുകയും തൃശൂർ സീറ്റ് നിലനിർത്തുകയുമാണ് ലക്ഷ്യം. ബി.ജെ.പിയെ എതിർക്കാനുള്ള ഒരവസരം പോലും ഇന്നുവരെ താൻ പാഴാക്കിയിട്ടി​ല്ലെന്നും മുരളി പറഞ്ഞു.

പത്മജ പോയതുകൊണ്ട് ഒരു നഷ്ടവുമില്ല; കരുണാകരനെ സംഘികൾക്ക് വിട്ടുകൊടുക്കാൻ ജീവനുള്ള കാലത്തോളം സമ്മതിക്കില്ലെന്ന് കെ. മുരളീധരൻ

വളയം: കുയ്തേരി എം എൽ പി സ്കൂൾ ശതാബ്ദി ആഘോഷം ഗ്രാമപഞ്ചായത്ത് പ്രസിഡന്റ് കെ.പി. പ്രദീഷ് ഉദ്ഘാടനം ചെയ്തു. പരിപാടിയോടനുബന്ധിച്ച് പൂർവ്വ അധ്യാപക വിദ്യാർത്ഥി സംഗമം സംഘടിപ്പിച്ചു. ഗ്രാമ പഞ്ചായത്ത് അംഗം സി.പി. സുശാന്ത് അധ്യക്ഷത വഹിച്ചു. ഗ്രാമ പഞ്ചായത്ത് അംഗം എം. കെ അശോകൻ പൂർവ്വ അധ്യാപകരെ ആദരിച്ചു. ബ്ളോക്ക് അംഗം നജ്മ നാസർ, ഗ്രാമ പഞ്ചായത്ത് അംഗങ്ങളായ എൻ പി ദേവി,
റൈഹാനത്ത്, സ്കൂൾ മേനേജർ കെ രവീന്ദ്രൻ, ദിവ്യ ഭാമോദരൻ, എം. ദിവാകരൻ, ടി. എം വി അബ്ദുൾ ഹമീദ്, പി.പി സജീലേഷ്, അബു ഹാജി, എം.കെ മജീദ്, പി.കെ ദിവാകരൻ, പ്രധാനാധ്യാപകൻ ശ്രീരാജ്, ഫാത്തിമ തുടങ്ങിയവർ സംസാരിച്ചു. സി പി ജെനിൽകുമാർ സ്വാഗതവും കെ കെ മുഹമ്മദ് നന്ദിയും പറഞ്ഞു.

ശതാബ്ദി നിറവിൽ കുയ്തേരി എം.എൽ.പി

Nadapuram

തിരുവനന്തപുരം: പൂക്കോട് വെറ്ററിനറി സര്‍വകലാശാല വിദ്യാര്‍ഥി ജെ.എസ്. സിദ്ധാര്‍ഥന്റ മരണത്തില്‍ അന്വേഷണം സി.ബി.ഐക്ക് വിട്ട് സര്‍ക്കാര്‍ ഉത്തരവിറക്കി. സംഭവത്തിലെ ഗൂഢാലോചനയെക്കുറിച്ച് അന്വേഷിക്കണമെന്ന് ആവശ്യപ്പെട്ട് കുടുംബം ശനിയാഴ്ച മുഖ്യമന്ത്രിയെ കണ്ടിരുന്നു. സിദ്ധാര്‍ഥന്റെ പിതാവ് ജയപ്രകാശും അമ്മാവന്‍ ഷിബുവുമായിരുന്നു മുഖ്യമന്ത്രിയെ സന്ദര്‍ശിച്ചത്. തുടര്‍ന്ന് അന്വേഷണം സി.ബി.ഐക്ക് വിടണമെന്ന് ആവശ്യപ്പെടുകയായിരുന്നു. ഇതിന് ശേഷമാണ് കുടുംബത്തിന്റെ ആവശ്യം പരിഗണിച്ച് ഇപ്പോള്‍ ഉത്തരവ് വന്നിരിക്കുന്നത്. ഇക്കാര്യം മുഖ്യമന്ത്രിയുടെ ഓഫീസ് സ്ഥിരീകരിച്ചിട്ടുണ്ട്.
നിലവില്‍ ലോക്കല്‍ പോലീസാണ് കേസ് അന്വേഷിക്കുന്നത്. ഈ അന്വേഷണത്തില്‍ കുടുംബം തൃപ്തരായിരുന്നില്ല. തുടര്‍ന്നായിരുന്നു മുഖ്യമന്ത്രിയെ സന്ദര്‍ശിച്ചത്. മുഖ്യമന്ത്രിയെ കണ്ട് സിദ്ധാര്‍ഥന് നേരിടേണ്ടി വന്ന ക്രൂരതയെ കുറിച്ച് വിവരിച്ചിരുന്നു. മരിച്ചതല്ല കൊന്നതാണെന്ന് തുറന്നുപറഞ്ഞു. സി.ബി.ഐ അന്വേഷണം ആവശ്യപ്പെട്ടപ്പോള്‍ നോക്കട്ടെ എന്നല്ല, ഉറപ്പാണ് പറഞ്ഞതെന്നും ജയപ്രകാശ് മാധ്യമങ്ങളോട് വ്യക്തമാക്കിയിരുന്നു.
'അസിസ്റ്റന്റ് വാര്‍ഡനേയും ഡീനിനേയും കൊലക്കുറ്റത്തിന് പ്രതിചേര്‍ക്കണമെന്ന് ആവശ്യപ്പെട്ടു. സസ്പെന്‍ഷല്ല, ഇരുവരേയും പുറത്താക്കി സര്‍വീസില്‍നിന്ന് മാറ്റിനിര്‍ത്തി അന്വേഷണം നടത്തണം. 2019-ന് ശേഷം സര്‍വകലാശാലയില്‍ ഒരുപാട് ആത്മഹത്യകളും അപകടമരണങ്ങളും നടന്നിട്ടുണ്ട്. അവയും അന്വേഷിക്കണം', അദ്ദേഹം ആവശ്യപ്പെട്ടു.

സിദ്ധാര്‍ഥന്റെ മരണം സി.ബി.ഐ അന്വേഷിക്കും

വടകര: വടകര മണ്ഡലത്തിൽ കെ. മുരളീധരന് വോട്ടുതേടി തയ്യാറാക്കിയത് രണ്ടുലക്ഷം പോസ്റ്ററുകൾ. കഴിഞ്ഞദിവസം മണ്ഡലത്തിൽ മുരളീധരന്റെ ചിത്രമുള്ള ബോർഡുകളുമെത്തി. വടകര മണ്ഡലത്തിന്റെ പലകോണിലും മുരളീധരനുവേണ്ടി ചുവരെഴുത്തുകളും തുടങ്ങിയിരുന്നു. ഒരു രാത്രികൊണ്ട് രാഷ്ട്രീയസാഹചര്യം മാറിമറിയുമെന്ന് കെ. മുരളീധരനും പ്രവർത്തകരോ വടകരയോ കരുതിയിരുന്നില്ല. പാർട്ടി ഫണ്ടൊന്നും കൊടുത്തുതുടങ്ങിയിരുന്നില്ലെന്നും സ്വന്തംനിലയിൽ താനിറക്കിയതാണ് പോസ്റ്ററുകളും ബോർഡുകളുമെന്ന് കെ. മുരളീധരൻ പറഞ്ഞു.&nbsp;
ആയിരം ബോർഡുകളാണ് കഴിഞ്ഞദിവസം വടകര മണ്ഡലത്തിന്റെ വിവിധഭാഗങ്ങളിൽ എത്തിച്ചത്. തിരഞ്ഞെടുപ്പ് പ്രചാരണവുമായി ഏറെ മുന്നോട്ടുപോയിരുന്നു. പ്രവർത്തകർ വലിയ ആവേശത്തിലായിരുന്നെന്നും താഴെത്തട്ടിൽ മുതൽ അവിടെ പ്രവർത്തിക്കാൻ തനിക്ക്‌ കഴിഞ്ഞിരുന്നെന്നും മുരളീധരൻ പറഞ്ഞു. ആ അടിത്തറയിൽ വടകരയിൽ ആരു വന്നാലും ജയിക്കുമെന്ന വിശ്വാസവുമുണ്ട്. മണ്ഡലം മാറുന്നതിൽ നീരസമൊന്നുമില്ല. ഇപ്പോൾ പോകുന്നത് കോൺഗ്രസിന്റെ പൊതുസ്വത്തായ കെ. കരുണാകരന്റെ തട്ടകത്തേക്കാണെന്നും മുരളീധരൻ പറഞ്ഞു.

വടകരയിൽ മുരളീധരനുവേണ്ടി തയ്യാറാക്കിയത് രണ്ടുലക്ഷം പോസ്റ്ററുകളും ആയിരം ബോർഡുകളും

തിക്കോടി: ദയ എഡ്യൂക്കേഷണൽ ആൻഡ് ചാരിറ്റബിൾ സൊസൈറ്റി സ്നേഹതീരത്ത് സംഘടിപ്പിച്ച സ്നേഹസംഗമം പ്രശസ്ത സാഹിത്യകാരൻ ഡോ: സോമൻ കടലൂർ ഉദ്ഘാടനം ചെയ്തു. ടി.വി അബ്ദുൾ ഗഫൂർ അധ്യക്ഷത വഹിച്ചു. മൈൻഡ് കോച്ച് മെഹനാസ് ഹാരിസ് മുഖ്യാതിഥിയായി. ദയയുടെ ഡോക്യുമെൻററി ലോഞ്ചിംഗ് മുഹമ്മദ് റോഷൻ വി വി നിർവ്വഹിച്ചു. മുഹമ്മദ് നജീബ് ടിവി പദ്ധതി വിശദീകരണം നടത്തി. സാഹിറ ജമാൽ പി കെ പ്രവർത്തന ഫണ്ട് ഉദ്ഘാടനം ചെയ്തു. ദാമോദരൻ പുതുവോത്ത്, ഹമീദ് എ കെ , റഷീദ് മണ്ടോളി, സത്യൻ എ കെ എന്നിവർ ആശംസകൾ നേർന്നു .കെ ബഷീർ സ്വാഗതവും പി അബ്ദുല്ല നന്ദിയും പറഞ്ഞു.

ദയ സ്നേഹതീരം സ്നേഹ സംഗമം നടത്തി

വടകര: കീഴൽ മുക്കിൽ താമസിക്കുന്ന കടലൂർ പോസ്റ്റുമാൻ ബാലകൃഷ്ണനെ സമതാ സാമൂഹ്യ മാധ്യമ കൂട്ടായ്മയും, നാട്ടുകാരും, കഥാകൃത്തും ചേർന്ന് ആദരിച്ചു. 35 വർഷങ്ങൾക്കു മുമ്പ് ഇബ്രാഹിം തിക്കോടി എഴുതിയ 'സത്യവ്രതനുള്ള കത്തുകൾ' എന്ന ചെറുകഥയിലെ ആദർശ പ്രതീക കഥാപാത്രം ആയിരുന്നു ബാലകൃഷ്ണൻ. പ്രശസ്ത എഴുത്തുകാരൻ ഡോ. ശശികുമാർ പുറമേരി പരിപാടി ഉദ്ഘാടനം ചെയ്തു. ഇബ്രാഹിം തിക്കോടി അധ്യക്ഷത വഹിച്ചു. സാമൂഹ്യ മാധ്യമ കൂട്ടായ്മ സംസ്ഥാന പ്രസിഡണ്ട് ശശികുമാർ മലയിൻകീഴ്, ജനറൽ സെക്രട്ടറി ഷാജിലാൽ തൃശൂർ എന്നിവർ മൊമെന്റോ നൽകി ആദരിച്ചു .ഉഷ.സി.നമ്പ്യാർ, ജിംലി വി.കെ, ആവള എന്നിവർ പൊന്നാട അണിയിച്ചു.&nbsp;
സി.എ റഹ്മാൻ, ഡൽമൺ നന്തി, മൊയ്തു മീത്തലെ വാണിമേൽ ,മുഹമ്മദ് പീടികയിലകത്ത്, സജേന്ദ്ര ഘോഷ് പള്ളിക്കര, കുഞ്ഞിക്കണ്ണൻ തുറശ്ശേരികടവ് ,അജ്ന കടലൂർ ,ഒ.പി. ബാബു, മോഹനൻ വാരം കണ്ണൂർ , ജയപ്രകാശ് വാരം കണ്ണൂർ എന്നിവർ സംസാരിച്ചു. ബാലകൃഷ്ണൻ മറുമൊഴി പ്രകാശിപ്പിച്ചു. മൃദുല കീഴൂർ, ഗോപിക ജയപ്രകാശ് എന്നിവർ ഗാനാലാപനവും നടത്തി.

പോസ്റ്റുമാന് ആദരം

കാക്കൂർ: 2024 ജൂലൈ ഒന്നിന് പ്രാബല്യത്തിൽ വരുംവിധം പെൻഷൻ പരിഷ്കരണം നടപ്പിലാക്കണമെന്നും, കേന്ദ്രം കേരളത്തോട് കാണിക്കുന്ന സാമ്പത്തിക ഉപരോധം നിർത്തലാക്കണമെന്നും കെ.എസ്.എസ്.പി.യു 32 ആം ജില്ലാ സമ്മേളനം ആവശ്യപ്പെട്ടു. കാക്കൂർ റീഗൽ അവന്യു കൺവെൻഷൻ ഹാളിൽ നടന്ന പ്രതിനിധി സമ്മേളനം സംസ്ഥാന പ്രസിഡണ്ട് എൻ.സദാശിവൻ നായർ ഉദ്ഘാടനം ചെയ്തു. ജില്ലാ പ്രസിഡണ്ട് കെ .വി ജോസഫ് അധ്യക്ഷത വഹിച്ചു. സംസ്ഥാന കമ്മിറ്റി അംഗം സി.അപ്പുക്കുട്ടി, രക്ഷാധികാരി പി.സൗദാമിനി എന്നിവർ സംസാരിച്ചു. ജില്ലാ സെക്രട്ടറി കെ പി ഗോപിനാഥൻ സ്വാഗതം പറഞ്ഞു. ബ്ലോക്ക് പ്രസിഡണ്ട് കെ.എൻ.എ.വേണുഗോപാൽ നന്ദി രേഖപ്പെടുത്തി.
പുതുവർഷത്തേക്കുള്ള ഭാരവാഹികളായി കെ .വി ജോസഫ് (പ്രസിഡണ്ട്), ഇ. ദാമോദരൻ, പി കെ ദാമു ഇ.കെ. കമലാ ദേവി ,എം. രാഘവൻ (വൈസ് പ്രസിഡണ്ട്മാർ), കെ .പി ഗോപിനാഥൻ (സെക്രട്ടറി) , അശോകൻ കൊടക്കാട്ട് , ടി.രമണി, എം ചെക്കായി, സി. അശോകൻ (ജോ.സെക്രട്ടറി), എൻ. കെ ബാലകൃഷ്ണൻ (ട്രഷറർ ) എന്നിവരടങ്ങുന്ന 35 അംഗ കമ്മിറ്റിയെ തെരെഞ്ഞെടുത്തു.

പെൻഷൻ പരിഷ്കരണം നടപ്പിലാക്കുക; കെ.എസ്.എസ്.പി.യു

കൊച്ചി: തുടർച്ചയായി അഞ്ചാം ദിവസവും ​റെക്കോഡ് ​തകർത്ത് സ്വർണ്ണവില. ഇന്ന് പവന് 400 രൂപയും ഗ്രാമിന് 50 രൂപയും വർധിച്ചു. ഇതോടെ 48,600രൂപയാണ് ഒരു പവന്റെ വില. ഗ്രാമിന് 6075 രൂപയായി. ഇന്നലെ പവന് 120 കൂടി 48,200 രൂപയായിരുന്നു. വ്യാഴാഴ്ച 48,080 രൂപയായിരുന്നു വില. അഞ്ച് ദിവസത്തിനിടെ 1600 രൂപയുടെ വർധനയാണ് സ്വർണത്തിനുണ്ടായത്.
പല വിപണികളിൽ അഞ്ച് മാസത്തിനിടയിലെ ഉയർന്ന നിരക്കി​ലാണ് സ്വർണത്തിന്റെ വ്യാപാരം പുരോഗമിക്കുന്നത്. പലിശനിരക്കുകൾ കുറക്കുമെന്ന ഫെഡറൽ റിസർവ് ചെയർമാൻ ജെറോ പവലിന്റെ പ്രസ്താവനയാണ് സ്വർണവിലയെ സ്വാധീനിക്കുന്നത്. ജൂണിൽ പലിശനിരക്കുകൾ കുറക്കുമെന്നാണ് ഫെഡറൽ റിസർവിന്റെ അറിയിപ്പ്. ആഗോള ഓഹരി വിപണികളിലും മുന്നേറ്റം ദൃശ്യമാണ്.

അഞ്ചാം ദിവസവും റെക്കോഡ്; സ്വർണവില വീണ്ടും കൂടി

വടകര: മണിയൂരിലെ ഫ്രണ്ട്സ് ചൈനാമുക്ക് സൗഹൃദ കൂട്ടായ്മയിലെ വനിതകളുടെ ആഭിമുഖ്യത്തിൽ വനിതാദിനാഘോഷം സംഘടിപ്പിച്ചു. എഴുത്തുകാരനും അധ്യാപകനുമായ ജോബിഷ് വി കെ മുഖ്യ പ്രഭാഷണം നടത്തി. പ്രത്യാശയുടെ ആകാശം പ്രബുദ്ധതയുടെ ചിറകുകൾ സ്ത്രീ മുന്നേറ്റങ്ങളുടെ വർത്തമാനം എന്ന വിഷയത്തിലാണ് പ്രഭാഷണം സംഘടിപ്പിച്ചത്.&nbsp;
സംരംഭകയായ ഷീന പരിപാടിയിൽ ജീവിതാനുഭവങ്ങൾ പങ്ക് വെച്ചു. വാർഡ് മെമ്പർ ടി ഗീത അധ്യക്ഷത വഹിച്ച ചടങ്ങിൽ അക്ഷയ സ്വാഗതം പറഞ്ഞു. ദിൽന, ഹൃദ്യ, ദിഗിഷ എന്നിവർ സംസാരിച്ചു. ശ്രീലക്ഷ്മി നന്ദി പറഞ്ഞു.

വനിതാദിനാഘോഷം സംഘടിപ്പിച്ചു

വടകര: തോടന്നൂർ യു.പി.സ്കൂളിലെ പഠനോത്സവും, ദീർഘകാലത്തെ സേവനത്തിന് ശേഷം സർവ്വീസിൽ നിന്നും വിരമിക്കുന്ന അധ്യാപകരായ കെ.സുനീതി, എം.സിന്ധു എന്നിവർക്കുള്ള യാത്രയയപ്പു സമ്മേളനവും, പ്രീ പ്രൈമറി കലോത്സവവും തിരുവള്ളൂർ ഗ്രാമപഞ്ചായത്ത് പ്രസിഡൻറ് സബിത മണക്കുനി ഉദ്ഘാടനം ചെയ്തു. പി.ടി.എ യുടെ സ്നേഹോപഹാരം സബിത മണക്കുനി നൽകി. പി.ടി.എ.പ്രസിഡൻ്റ് എ.ടി.മൂസ്സ അധ്യക്ഷത വഹിച്ചു. വിരമിക്കുന്ന അധ്യാപകർക്കുള്ള സ്റ്റാഫ് കൗൺസിലിൻ്റെ ഉപഹാരം പ്രധാനാധ്യാപകർ സി.ആർ.സജിത്ത് കൈമാറി. വിവിധ മേളകളിൽ ഉന്നത വിജയം നേടിയ പ്രതിഭകളെ ഗ്രാമ പഞ്ചായത്ത് വൈസ് പ്രസിഡൻ്റ് എഫ്.എം.മുനീർ ആദരിച്ചു.
മികച്ച വിദ്യാർത്ഥികൾക്കുള്ള സ്കോളർഷിപ്പ് ബ്ലോക്ക് പഞ്ചായത്ത് അംഗം രഞ്ജിനി വെള്ളാച്ചേരി വിതരണം ചെയ്തു. വിവിധ എൻഡോവ്മെൻ്റ് വിതരണം ഗ്രാമ പഞ്ചായത്ത് അംഗം രമ്യ പുലക്കുന്നുമ്മൽ നിർവഹിച്ചു. 'ബെസ്റ്റ് സ്റ്റുഡൻ്റ് ഓഫ് ദി ഇയർ അവാർഡ് ' എ.ഇ.ഒ എം.വിനോദ് അഭയ് കൃഷ്ണയ്ക്ക് കൈമാറി. പി.എം.നിഷാന്ത്, ജയചന്ദ്രൻ പാലോളി, കെ.എം. ബിജില, കെ.സറീന, പി.കെ.മൊയ്തു, എം.ടി.രാജൻ, മഹേഷ് പയ്യs, കെ.വിശ്വനാഥൻ, സി.കെ. മനോജ് കുമാർ,പി.എം.വിശ്വനാഥൻ, സാബിറ പി.കെ, ജയേഷ്.കെ.ടി, പി.ശുഭ, മനു റാം ആർ, വി.കെ.സുബൈർ എന്നിവർ സംസാരിച്ചു.

തോടന്നൂർ യു.പിയിൽ പഠനോത്സവവും യാത്രയയപ്പും

വടകര: വടകരയിലെ തീരദേശ മേഖലയിലെ കാലങ്ങളായുള്ള ആവശ്യത്തിന് പരിഹാരമാകുന്നു. കഴിഞ്ഞ കടൽക്ഷോഭത്തിൽ തകർന്നടിഞ്ഞ കടൽഭിത്തിയുടെ പുനർ നിർമ്മാണത്തിന് 2.54 കോടിരൂപ അനുവദിച്ചു കിട്ടിയതായി കെ.കെ.രമ എം.എൽ.എ പറഞ്ഞു. വടകര മുനിസിപ്പാലിറ്റിയിലെ മുകച്ചേരി ഭാഗം കടൽഭിത്തി സിപി സ്റ്റോൺ 2065 നു തെക്കു ഭാഗത്തു 60 മീറ്റർ വടക്കോട്ടും, സിപി സ്റ്റോൺ 2064 നു തെക്ക് 67 മീറ്റർ മുതൽ വടക്കോട്ടുമായി തകർന്നു കിടക്കുന്ന കടൽഭിത്തിയുടെ പുനർനിർമ്മാണത്തിനാണ് ജലവിഭവ വകുപ്പിന്റെ അനുമതി ലഭിച്ചതെന്നും എം.എൽ.എ പറഞ്ഞു. ഏറ്റവും ദുരിതപൂർണ്ണവും, ഭയപ്പാടോടും കൂടെ ജീവിക്കുന്ന ജനവിഭാഗമാണ് തീരദേശമേഖലയിൽ ഉള്ളത്. വർഷകാലങ്ങളിൽ പലകുടുംബങ്ങളും ഇവിടെ നിന്നും വീടൊഴിഞ്ഞു പോകേണ്ടിവരുന്ന അവസ്ഥയാണ് ഉണ്ടാവാറുള്ളത്.&nbsp;
എം.എൽ.എ ആയി ചുമതല ഏറ്റെടുത്ത നാളുകൾ മുതൽ ഏറ്റവും കൂടുതൽ ഊന്നൽ നൽകിയതും ഇടപെട്ടതും ഈ മേഖലയിലെ പ്രശ്നങ്ങൾക്ക് പരിഹാരം കാണുന്നതിനായിരുന്നു. വിവിധ ഘട്ടങ്ങളിലായി ചെറുതും വലുതുമായ തുകകൾ കടൽഭിത്തിയുടെ പുനർ നിർമ്മാനത്തിനായി നേടിയെടുക്കാൻ കഴിഞ്ഞിട്ടുണ്ട്. കൊയിലാണ്ടി വളപ്പ് ഭാഗത്തുള്ള പ്രവർത്തികൾ നേരത്തെ തന്നെ ആരംഭിച്ചതാണ്. കുരിയാടി മേഖലയിലും തുക നേടിയെടുക്കാൻ കഴിഞ്ഞിരുന്നു. മുകച്ചേരിഭാഗത്തെ പ്രവൃത്തികൂടെ പൂർത്തീകരിക്കപ്പെടുന്നതോടെ വലിയ പരിധിവരെ ഈ മേഖലയിലെ പ്രശ്നങ്ങൾക്ക് പരിഹാരമാകുമെന്നും എം.എൽ.എ പറഞ്ഞു. സാങ്കേതിക നടപടികൾ പൂർത്തിയാക്കി വൈകാതെ തന്നെ പ്രവൃത്തി ആരംഭിക്കാനുള്ള നടപടികൾ ത്വരിതപ്പെടുത്താൻ ബന്ധപ്പെട്ട വകുപ്പിന് നിർദ്ദേശം നൽകിയതായും എം.എൽ.എ പറഞ്ഞു.

വടകര തീരദേശ മേഖലയിലെ തകർന്ന കടൽഭിത്തി നിർമ്മിക്കാൻ 2.54 കോടിരൂപ അനുമതിയായി; കെ.കെ.രമ എം.എൽ.എ

വടകര: കുറുന്തോടി തുഞ്ചൻ സ്മാരക ലൈബ്രറി വനിത വേദിയുടെ നേതൃത്വത്തിൽ വനിതാ ദിനം വിവിധ പരിപാടികളോടെ ആഘോഷിച്ചു. വനിത സംഗമം , ആദരവ് , വിനോദയാത്ര ,ഗാനാലാപനം ,പ്രഭാഷണം തുടങ്ങിയവ പരിപാടിയുടെ ഭാഗമായി നടന്നു. കാനത്തിൽ ജമീല എം എൽ എ പരിപാടികൾ ഉദ്ഘാടനം ചെയ്തു. മണിയൂർ ഗ്രാമപഞ്ചായത്ത് മെമ്പർ പി.കെ.ബിന്ദു അധ്യക്ഷത വഹിച്ചു.&nbsp;
ജൂഡോ മത്സരത്തിൽ ഇൻ്റർ യൂനിവേഴ്സിറ്റി തലത്തിൽ ഗോൾഡ് മെഡൽ നേടിയ അൽക.പി.യെ ചടങ്ങിൽ ആദരിച്ചു. ബീന അജിതാലയം ,ജാനു തറോൽ , സതി എം.കെ, പത്മിനി പത്മശ്രീ ,ജയലക്ഷ്മി കെ .പി, സലീന സൈദ്, വി.ടി.രാധ ,സുമ സി കെ , ജാനു പടിഞ്ഞാത്ത്, അമേയ അശോകൻ ,അൽക പി എന്നിവർ പ്രസംഗിച്ചു. വനിത വേദി കൺവീനർ സി.വി.ലിഷ സ്വാഗതവും ഒ എം ഗീത നന്ദിയും പറഞ്ഞു.

വനിതാ ദിനത്തിൽ വിവിധ പരിപാടികൾ സംഘടിപ്പിച്ച് തുഞ്ചൻ സ്മാരക ലൈബ്രറി

പത്തനംതിട്ട: കനത്ത മഴയില്‍ വീടിന് മുകളിലേക്ക് പാറവീണ് വീട്ടമ്മ മരിച്ചു. പത്തനംതിട്ട ജില്ലയിലെ സീതത്തോട് ആങ്ങമൂഴി ഇടിപ്പുകല്ല് പുത്തന്‍പുരയ്ക്കല്‍ പത്മകുമാരി (57) ആണ് മരിച്ചത്. വീട് പൂര്‍ണ്ണമായി തകര്‍ന്നു. വെള്ളിയാഴ്ച വൈകിട്ട് ആറുമണിയോടെയായിരുന്നു സംഭവം.
അപകടമുണ്ടായ ഉടന്‍ ഓടിക്കൂടിയ നാട്ടുകാര്‍ പത്മകുമാരിയെ പുറത്തെടുത്ത് ആശുപത്രിയിൽ എത്തിച്ചെങ്കിലും ജീവന്‍ രക്ഷിക്കാനായില്ല. വീടിന് മുകളിലായുണ്ടായിരുന്ന പാറ കനത്ത മഴയില്‍ നിരങ്ങിനീങ്ങി വീടിന് മുകളിലേക്ക് പതിക്കുകയായിരുന്നു, സംഭവസമയം പത്മകുമാരി മാത്രമാണ് വീട്ടിലുണ്ടായിരുന്നത്.

കനത്ത മഴയിൽ വീടിനുമുകളിലേക്ക് പാറവീണ് വീട്ടമ്മ മരിച്ചു

അരൂർ : കല്ലുമ്പുറം കെ കെ എം എം എൽ പി സ്കൂൾ വാർഷികാഘോഷവും വിരമിക്കുന്ന പ്രധാന അദ്ധ്യാപകൻ വി.പി കുഞ്ഞമ്മദിനുള്ള യാത്രയയപ്പ് സമ്മേളനവും കെ മുരളീധാൻ എം.പി ഉദ്ഘാടനം ചെയ്തു. ജില്ലാ പഞ്ചായത്ത് അംഗം കൂടുത്താംകണ്ടി സുരേഷ് അധ്യക്ഷനായി. സുധൻ കൈവേലി മുഖ്യാതിഥിയായി. വാർഡ് മെമ്പർ റീത്ത കണ്ടോത്ത്, പി.എം സുരേന്ദ്രൻ , കെ.കെ നാരായണൻ ,സി .പി നിധീഷ് ,കെ സജീവൻ, ടി.വി കുഞ്ഞമ്മദ് മൗലവി ,സി ശ്യാമള , ടി ശുഭ, കെ. പി മൊയ്തു ,സ്കൂൾ ലീഡർ ധ്രുവ വേദ്, ആർ പി മഹേഷ് പി.എം സുനി എന്നിവർ സംസാരിച്ചു.

വാർഷിക ആഘോഷവും യാത്രയയപ്പും നടത്തി

പാലക്കാട്‌: ട്രാക്ക്‌ അറ്റകുറ്റപ്പണി നടക്കുന്നതിനാൽ ട്രെയിൻ സമയങ്ങളിൽ മാറ്റം. പാലക്കാട്‌ ഡിവിഷന്‌ കീഴിൽ ചില ട്രെയിനുകൾ റദ്ദാക്കി. മൂന്ന്‌ ട്രെയിനുകൾ വൈകിയോടും.
പൂർണമായി റദ്ദാക്കിയ ട്രെയിനുകൾ
ഷൊർണൂർ- കോഴിക്കോട് എക്സ്പ്രസ്- 9,16,23 തിയതികളിൽ റദ്ദാക്കി
കോഴിക്കോട്- ഷൊർണൂർ എക്സ്പ്രസ്- 10,17,24 തിയതികളിൽ റദ്ദാക്കി
നിലമ്പൂർ റോഡ് - ഷൊർണൂർ എക്സ്പ്രസ്- 10, 16, 17 തിയതികളിൽ റദ്ദാക്കി
ഷൊർണൂർ റോഡ്- നിലമ്പൂർ എക്സ്പ്രസ് -10, 16, 17 തിയതികളിൽ റദ്ദാക്കി
വൈകിയോടുന്നവ
കൊച്ചുവേളി- ശ്രീ ​ഗം​ഗാന​ഗർ എക്സ്പ്രസ് ഇന്ന് 45 മിനിറ്റ് വൈകി വൈകിട്ട് 4.30ന് കൊച്ചുവേളിയിൽ നിന്ന് പുറപ്പെടും. 16ന് നാലു മണിക്കൂറും 23ന് ഒരു മണിക്കൂറും വൈകും.
കൊയമ്പത്തൂർ- ജബൽപുർ എക്സ്പ്രസ്- 11, 18, 25 തിയതികളിൽ ഒരു മണിക്കൂർ വൈകി രാവിലെ 6.05ന് കൊയമ്പത്തൂരിൽ നിന്ന് പുറപ്പെടും.
കൊച്ചുവേളി- നിലമ്പൂർ റോഡ് രാജ്യറാണി എക്സ്പ്രസ് 9, 15, 16 തിയതികളിൽ ഒരു മണിക്കൂർ വൈകി രാത്രി ഒൻപതിന് പുറപ്പെടും.

ട്രാക്ക്‌ അറ്റകുറ്റപ്പണി: ട്രെയിനുകൾ റദ്ദാക്കി, മൂന്നെണ്ണം വൈകിയോടും

ഇടുക്കി: ഉത്സവത്തിനിടെയുണ്ടായ വാക്കുതര്‍ക്കത്തില്‍ യുവാവ് കുത്തേറ്റ് മരിച്ചു. കുമളി അട്ടപ്പള്ളം സ്വദേശി ജിത്തു (22) വാണ് മരിച്ചത്. സംഭവത്തിൽ പ്രതിയായ വണ്ടിപ്പെരിയാര്‍ മഞ്ജുമല പഴയകാട് സ്വദേശിയായ രാജ (മാക്‌സ്) യെ പോലീസ് കസ്റ്റഡിയിലെടുത്തു. വെള്ളിയാഴ്ച രാത്രിയിലാണ് കേസിനാസ്പദമായ സംഭവം നടന്നത്. വണ്ടിപ്പെരിയാറിലെ ക്ഷേത്രത്തില്‍ ശിവരാത്രി ഉത്സവത്തിന് എത്തിയതായിരുന്നു ജിത്തു. ഇവിടെ വെച്ച് രാജയുമായി വാക്കുതര്‍ക്കത്തിലേര്‍പ്പെട്ടു. തുടര്‍ന്ന് നാട്ടുകാര്‍ ചേര്‍ന്ന് ഇരുവരെയും അനുനയിപ്പിച്ച് വിട്ടെങ്കിലും ഇരുവരും തമ്മില്‍ കുറച്ച് സമയത്തിനു ശേഷം വീണ്ടും വാക്കുതര്‍ക്കമുണ്ടാവുകയും രാജ, കൈയ്യില്‍ കരുതിയിരുന്ന കത്തി ഉപയോഗിച്ച് ജിത്തുവിനെ കുത്തുകയുമായിരുന്നു.
നാട്ടുകാര്‍ ഉടന്‍ തന്നെ ജിത്തുവിനെ വണ്ടിപ്പെരിയാര്‍ ആശുപത്രിയിലും തുടര്‍ന്ന് പീരുമേട് താലൂക്ക് ആശുപത്രിയിലും എത്തിച്ചെങ്കിലും ജീവന്‍ രക്ഷിക്കാനായില്ല. മരിച്ച ജിത്തു ഓട്ടോറിക്ഷ ഡ്രൈവറും മേളം വാദ്യത്തിനു പോകുന്ന ആളുമാണ്. പ്രതിയായ രാജയും പശുമല ജങ്ഷനില്‍ഓട്ടോ ഡ്രൈവറാണ്.&nbsp;

ശിവരാത്രി ഉത്സവത്തിനിടെ യുവാവ് കുത്തേറ്റ് മരിച്ചു

കുത്തേറ്റ് മരിച്ച ജിത്തു

കൊച്ചി: പറവൂരിൽ വെച്ച് മുഖ്യമന്ത്രിയെ കരിങ്കൊടി കാണിച്ച കേസ് ഹൈക്കോടതി റദ്ദാക്കി. കരിങ്കൊടി കാണിച്ചാൽ അപമാനിക്കലാകില്ലെന്നു പറഞ്ഞ കോടതി ഉദ്യോ​ഗസ്ഥരുടെ ജോലി തടസ്സപ്പെടുത്തിയെന്ന കേസും റദ്ദാക്കി.
നിസ്സാര കാര്യങ്ങൾക്ക് കേസെടുക്കുന്ന പ്രവണത വർധിച്ചുവരുന്നതായി കോടതി നിരീക്ഷിച്ചു. പ്രതിഷേധങ്ങൾക്കിടെ ചെറിയ രീതിയിലുള്ള ബലപ്രയോ​ഗം സ്വാഭാവികമാണ്. ചെറിയ വിഷയങ്ങളിലെ നിയമനടപടികൾ ഒഴിവാക്കണമെന്നും കോടതി വ്യക്തമാക്കി.2017-ലാണ് സംഭവം. പറവൂരിൽ മുഖ്യമന്ത്രിക്കെതിരേ കോൺഗ്രസ് പ്രവർത്തകർ കരിങ്കൊടി കാണിച്ചു നടത്തിയ പ്രതിഷേധത്തിലാണ് പോലീസ് കേസെടുത്തത്. ഉദ്യോ​ഗസ്ഥരുടെ ജോലി തടസ്സപ്പെടുത്തിയെന്ന കുറ്റവും ഇവർക്കെതിരേ ചുമത്തിയിരുന്നു. ഈ കേസ് റദ്ദാക്കണമെന്ന് ആവശ്യപ്പെട്ടാണ് പ്രവർത്തകർ ഹൈക്കോടതിയെ സമീപിച്ചത്

മുഖ്യമന്ത്രിയെ കരിങ്കൊടി കാണിച്ച കേസ് ഹൈക്കോടതി റദ്ദാക്കി

മലപ്പുറം: ഭരണഘടനാവിരുദ്ധ പരാമര്‍ശവുമായി ബന്ധപ്പെട്ട കേസില്‍ ഹൈക്കോടതി പുനരന്വേഷണത്തിന് ഉത്തരവിട്ട സാഹചര്യത്തില്‍ അന്വേഷണം നടക്കുമ്പോള്‍ സജി ചെറിയാന്‍ മന്ത്രിയായിരിക്കുന്നത് ശരിയല്ലെന്ന് മുസ്‌ലിം ലീഗ് ദേശീയ സെക്രട്ടറി പി.കെ കുഞ്ഞാലിക്കുട്ടി.
മുമ്പ് അന്വേഷണം നടക്കുമ്പോള്‍ മന്ത്രിയായിരിക്കുന്നത് ശരിയല്ലെന്ന് പറഞ്ഞാണ് അദ്ദേഹം കഴിഞ്ഞ തവണ രാജിവെച്ചത്. സമാന സാഹചര്യമാണ് ഇപ്പോഴുള്ളത്. സാങ്കേതികമായി, അന്വേഷണം നടക്കുന്ന ഘട്ടത്തില്‍ അദ്ദേഹം മന്ത്രിയായിരിക്കാന്‍ പാടില്ല. സംസ്ഥാനത്തെ പോലീസ് കേസ് അന്വേഷിക്കുമ്പോള്‍, ആ അന്വേഷണം ഫലപ്രദമായി നടക്കണമെങ്കില്‍ അദ്ദേഹം മന്ത്രിസ്ഥാനത്തു നിന്ന് മാറി നില്‍ക്കുക എന്നതാണ് കീഴ്‌വഴക്കം. അതുകൊണ്ടുതന്നെ അദ്ദേഹം രാജിവെയ്ക്കുന്നതാകും ഉത്തമമെന്നും കുഞ്ഞാലിക്കുട്ടി പറഞ്ഞു.

സജി ചെറിയാന്‍ മന്ത്രിയായി തുടരുന്നത് ശരിയല്ല; രാജിവെക്കുന്നതാണ് ഉചിതമെന്ന് കുഞ്ഞാലിക്കുട്ടി

തിരുവനന്തപുരം: ഹൈക്കോടതിയുടെ ഉത്തരവ് പരിശോധിച്ച് നിയമപരമായ നടപടികളുമായി മുന്നോട്ടുപോകുമെന്ന് മന്ത്രി സജി ചെറിയാൻ. ധാർമികപരമായ ഒരു പ്രശ്നവുമില്ല. പോലീസ് അന്വേഷിച്ചു. കീഴ്‌ക്കോടതി ആ റിപ്പോർട്ടിനെ സാധൂകരിക്കുന്ന തീരുമാനമെടുത്തു. അതിന് ശേഷമാണ് സിബിഐ അന്വേഷണം ആവശ്യപ്പെട്ട് ഒരാൾ ഹൈക്കോടതിയെ സമീപിച്ചത്.
അന്വേഷണത്തെ സംബന്ധിച്ചാണ് കോടതി പറഞ്ഞിട്ടുള്ളത്. കോടതി അന്വേഷിക്കാൻ പറഞ്ഞിട്ടുള്ള ഭാ​ഗമേതാണോ അതിന്റെ അടിസ്ഥാനത്തിൽ അന്വേഷിക്കട്ടേ. മുമ്പ് ധാർമികതയുടെ പേരിൽ രാജിവെച്ചു. ആ ധാർമികതയുടെ ഉത്തരവാദിത്വം കഴിഞ്ഞു. അതിന് ശേഷം കോടതി വിധിയുടെ അടിസ്ഥാനത്തിൽ മന്ത്രിയായി വീണ്ടും സത്യപ്രതിജ്ഞ ചെയ്തു. താനിപ്പോഴും തന്റെ ജോലി ചെയ്തുകൊണ്ടിരിക്കുകയാണ്.
തന്റെ പ്രസം​ഗത്തിലെ പരാമർശങ്ങളെ കുറിച്ചുള്ള കണ്ടെത്തലുകളിലേക്ക് ഹൈക്കോടതി കടന്നിട്ടില്ല. ഒരു കോടതി പറഞ്ഞു ശരി. അടുത്ത കോടതി പറഞ്ഞു തെറ്റ്. ഇതിന്റെ മുകളിൽ കോടതി ഉണ്ട്. നിയമപരമായ കാര്യങ്ങൾ പരിശോധിച്ചതിന് ശേഷം മാത്രമേ ഒരു അഭിപ്രായം പറയാൻ സാധിക്കുകയുള്ളൂവെന്നും മന്ത്രി പറഞ്ഞു.

നിയമപരമായ നടപടികളുമായി മുന്നോട്ടുപോകും;രാജി വെക്കില്ലെന്ന് സജി ചെറിയാൻ

പെര്‍ത്ത്: ഓസ്‌ട്രേലിയയില്‍ ക്രിക്കറ്റ് മത്സരത്തിനിടെ മുഖത്ത് പന്തിടിച്ചതിനെത്തുടര്‍ന്ന് അംപയര്‍ക്ക് ഗുരുതര പരിക്ക്. പെര്‍ത്തില്‍ നടന്ന ആഭ്യന്തര മത്സരത്തിനിടെയാണ് സംഭവം. ടോണി ഡെ നൊബ്രെഗ എന്ന് പേരുള്ള അംപയര്‍ക്കാണ് പരിക്കേറ്റത്. മുഖത്ത് ഗുരുതര പരിക്കേറ്റ ഇദ്ദേഹത്തെ ആശുപത്രിയില്‍ പ്രവേശിപ്പിച്ചു. ബാറ്ററുടെ സ്‌ട്രെയ്റ്റ് ഡ്രൈവ് നൊബ്രെഗയുടെ മുഖത്ത് വന്നിടിക്കുകയായിരുന്നു.
ഓസ്‌ട്രേലിയന്‍ ആഭ്യന്തര മത്സരത്തില്‍ നോര്‍ത്ത് പെര്‍ത്തും വെംബ്ലി ഡിസ്ട്രിക്ട്‌സും തമ്മിലുള്ള മത്സരം നിയന്ത്രിച്ചുകൊണ്ടിരിക്കേയാണ് സംഭവം. മുഖത്തെ എല്ലുകള്‍ക്ക് പൊട്ടലില്ലെങ്കിലും ശസ്ത്രക്രിയയ്ക്ക് വിധേയനാക്കേണ്ടി വന്നേക്കാം എന്നാണ് റിപ്പോര്‍ട്ടുകള്‍. മുഖത്തിന്റെ ഒരു ഭാഗത്തിനും കണ്‍പോളകള്‍ക്കും പരിക്കേറ്റിട്ടുണ്ട്.

ക്രിക്കറ്റ് മത്സരത്തിനിടെ സ്‌ട്രെയ്റ്റ് ഡ്രൈവില്‍ പന്ത് മുഖത്തിടിച്ചു; അംപയര്‍ക്ക് ഗുരുതര പരിക്ക്

കൊച്ചി: ഭരണഘടന വിരുദ്ധ പരാമർശത്തിൽ മന്ത്രി സജി ചെറിയാന് തിരിച്ചടി. സജി ചെറിയാനെതിരേ കുറ്റം നിലനിൽക്കില്ലെന്ന പോലീസ് റിപ്പോർട്ടും ഈ റിപ്പോർട്ട് അം​ഗീകരിച്ച മജിസ്ട്രേറ്റ് റിപ്പോർട്ടും ഹൈക്കോടതി തള്ളി. കേസിൽ പുനരന്വേഷണത്തിനും ഹൈക്കോടതി ഉത്തരവിട്ടു. സംസ്ഥാന പോലീസ് മേധാവി ക്രൈംബ്രാഞ്ചിലെ വിശ്വാസ്യതയുള്ള ഉദ്യോ​ഗസ്ഥനെക്കൊണ്ട് അന്വേഷിപ്പിക്കണമെന്നും കോടതി വ്യക്തമാക്കി. കേസിന്റെ അന്വേഷണവുമായി ബന്ധപ്പെട്ട് വലിയ പാളിച്ചകളാണ് സംഭവിച്ചിട്ടുള്ളത്. കൃത്യമായ മൊഴി രേഖപ്പെടുത്തുകയോ വേണ്ടുന്ന തെളിവുകൾ ശേഖരിക്കുകയോ ചെയ്തില്ല. വേദിയിൽ ഉണ്ടായിരുന്നവരുടെ മൊഴികൾ മാത്രമാണ് അന്വേഷണ ഉദ്യോ​ഗസ്ഥൻ രേഖപ്പെടുത്തിയിട്ടുള്ളതെന്നും കോടതി ചൂണ്ടികാട്ടി.
ഡിജിപിയുടെ നേതൃത്വത്തിലായിരിക്കണം അന്വേഷണമെന്നും കോടതി നിർദേശിച്ചിട്ടുണ്ട്. ജസ്‌റ്റിസ് ബെച്ചു കുര്യൻ തോമസിന്റെ ബെഞ്ചാണ് കേസ് പരിഗണിച്ചത്.കേസിൽ ക്ലീൻചിറ്റ് നൽകിയ പൊലീസ് റിപ്പോർട്ട് പരിഗണിച്ച് സജി ചെറിയാനെ മജിസ്‌ട്രേറ്റ് കോടതി കുറ്റവിമുക്തനാക്കിയിരുന്നു. ഇതിനെ ചോദ്യം ചെയ്തും സി.ബി.ഐ അന്വേഷണമാവശ്യപ്പെട്ടും അഡ്വ. എം. ബൈജു നോയലാണ് ഹൈക്കോടതിയെ സമീപിച്ചത്.&nbsp;
നാഷണൽ ഓണർ ആക്ടിന്റെ 2003ലെ ഭേദഗതി പ്രകാരം, പ്രസംഗത്തിലെ ചില വാചകങ്ങൾ ഭരണഘടനയോടുള്ള അനാദരമായി കരുതാമെന്ന് കോടതി നേരത്തെ തന്നെ ചൂണ്ടിക്കാട്ടിയിരുന്നു.''ഇന്ത്യയിൽ ഏറ്റവുമധികം ജനങ്ങളെ കൊള്ളയടിക്കാൻ പറ്റിയ ഭരണഘടനയാണ് എഴുതിവച്ചിരിക്കുന്നത്. ജനാധിപത്യം, മതേതരത്വം, കുന്തവും കുടച്ചക്രവുമൊക്കെ അതിന്റെ മൂലയിലുണ്ട്'' എന്നീ പ്രയോഗങ്ങളാണ് സജി ചെറിയാൻ നടത്തിയത്. മന്ത്രിയുടെ ശബ്ദപരിശോധന നടത്താതെയും ചില സാക്ഷിമൊഴികൾ തള്ളിയുമാണ് പൊലീസ് നിഗമനമെന്ന് ഹർജിക്കാരൻ ആരോപണം കോടതി ശരിവച്ചു. ഹർജി നിലനിൽക്കുന്നതല്ലെന്നും ആരോപണങ്ങൾ ശരിയല്ലെന്നായിരുന്നു സർക്കാർ വാദം.2022 ജൂലായ് മൂന്നിന് സി.പി.എം മല്ലപ്പള്ളി ഏരിയാ കമ്മിറ്റിയുടെ പരിപാടിയിൽ സജി ചെറിയാൻ നടത്തിയ പ്രസംഗമാണ് കേസായത്. തുടർന്ന് അദ്ദേഹം രാജിവച്ചെങ്കിലും വിചാരണക്കോടതി കുറ്റവിമുക്തനാക്കിയതോടെ മന്ത്രി സ്ഥാനത്ത് തിരിച്ചെത്തി.

ഭരണഘടന വിരുദ്ധ പരാമർശം; മന്ത്രി സജി ചെറിയാന് തിരിച്ചടി, പുനരന്വേഷണത്തിന് ഹൈക്കോടതി ഉത്തരവ്

Search Results for: 24.10.2024