വടകര: വടകരയ്ക്കും മാഹിക്കും മധ്യേ പൂവാടൻഗേറ്റിനുസമീപം റെയിൽവേയുടെ കേബിൾ മുറിച്ചുമാറ്റിയതിനെത്തുടർന്ന് സിഗ്നൽസംവിധാനം താറുമാറായി. വെള്ളിയാഴ്ച രാവിലെയാണ് സംഭവം. ഏഴുതീവണ്ടികൾ ഇതേത്തുടർന്ന് വൈകി. മോഷ്ടാക്കളാണ് കേബിൾ മുറിച്ചുമാറ്റിയതെന്നാണ് ആർ.പി.എഫ്. സംശയം. കുറച്ച് കേബിൾ നഷ്ടപ്പെട്ടിട്ടുണ്ട്. അതിഥിത്തൊഴിലാളികളായ രണ്ടുപേരെ ആർ.പി.എഫ്. കസ്റ്റഡിയിലെടുത്ത് ചോദ്യംചെയ്യുന്നുണ്ട്.
വെള്ളിയാഴ്ച രാവിലെ ആറുമണിയോടെയാണ് വടകരയ്ക്കും മാഹിക്കും ഇടയിൽ സിഗ്നൽസംവിധാനം പ്രവർത്തിക്കുന്നില്ലെന്ന വിവരം റെയിൽവേക്ക്‌ കിട്ടിയത്. തുടർന്നുനടത്തിയ പരിശോധനയിൽ പൂവാടൻഗേറ്റിലെ കേബിൾ മുറിച്ചനിലയിൽ കണ്ടെത്തി. ഇവിടെ അടിപ്പാതനിർമാണം നടക്കുന്നതിനാൽ കേബിൾ പുറത്താണുള്ളത്. സാധാരണ ഭൂമിക്കടിയിലാണ് കേബിൾ ഉണ്ടാവുക. ചെറിയൊരുഭാഗത്ത് കേബിൾ സമീപത്തെ മരത്തിലും മറ്റുമായി കെട്ടിയിട്ടിരിക്കുകയാണ്.
നല്ലവിലയുള്ള കേബിളായതിനാൽ ഇത് നേരത്തേ കണ്ടുവെച്ചവരാണ് മോഷണത്തിനുപിന്നിലെന്നാണ് സംശയം. റെയിൽവേയുടെ സിഗ്നൽവിഭാഗം സ്ഥലത്തെത്തി പത്തുമണിയോടെ കേബിൾ യോജിപ്പിച്ച് സിഗ്നൽസംവിധാനം പൂർവസ്ഥിതിയിലാക്കി. കേബിൾ മുറിഞ്ഞതോടെ തീവണ്ടികൾക്ക് മുന്നോട്ടുപോകാനുള്ള സിഗ്നൽ കിട്ടിയില്ല. ഇതോടെ വണ്ടികൾ നിർത്തിയിട്ടു. വടകര സ്റ്റേഷൻ മാസ്റ്ററിൽനിന്ന് ലോക്കോ പൈലറ്റുമാർക്ക് മെമ്മോ എത്തിച്ചാണ് യാത്ര തുടർന്നത്. ആർ.പി.എഫ്. കോഴിക്കോട് ഇൻസ്പെക്ടർ ഉപേന്ദ്രകുമാറിന്റെ നേതൃത്വത്തിൽ പ്രത്യേകസംഘം സ്ഥലത്തെത്തി.

വടകരയ്ക്ക് സമീപം റെയിൽവേയുടെ കേബിൾ മുറിച്ചുമാറ്റി; തീവണ്ടികൾ വൈകി

Vadakara

കോഴിക്കോട്: ഫറോക്ക് റെയിൽവേ സ്റ്റേഷനിൽ ട്രെയിനിൽ കയറുന്നതിനിടെ വീണ് വീട്ടമ്മക്ക് ദാരുണാന്ത്യം. തലശ്ശേരി പുല്ലൂക്കര ജാസ്‌മിൻ വില്ലയിൽ ഹാഷിമിന്‍റെ ഭാര്യ വാഹിദ (44) ആണ് മരിച്ചത്. സി.എം.എ പരീക്ഷ എഴുതുന്ന മകൾക്കൊപ്പം രാമനാട്ടുകരയിലെ പരീക്ഷ സെന്‍ററിൽ എത്തിയതായിരുന്നു. മടങ്ങുന്നതിനിടെ ബുധനാഴ്ച വൈകീട്ടാണ് അപകടം സംഭവിച്ചത്.
എറണാകുളം - നിസാമുദ്ദീൻ മംഗള ലക്ഷദ്വീപ് എക്‌സ്‌പ്രസിൽ കയറുന്നതിനിടെ ഇവർ പിടിവിട്ട് താഴേക്ക് വീഴുകയായിരുന്നു. ട്രെയിനിനും പ്ലാറ്റ്ഫോമിനുമിടയിലേക്ക് വീണ ഇവർ തൽക്ഷണം മരിച്ചു.

ട്രെയിനിൽ കയറുന്നതിനിടെ വീണ് തലശ്ശേരി സ്വദേശിനിക്ക് ദാരുണാന്ത്യം

Kannur

സേലം∙ യശ്വന്ത്പുർ–കണ്ണൂർ എക്സ്പ്രസ് ട്രെയിനിൽ വൻ കവർച്ച. ഇരുപതോളം യാത്രക്കാരുടെ ഫോണുകളും ആഭരണവും പണവും നഷ്ടപ്പെട്ടു. സേലത്തിനു ധർമപുരിക്കും ഇടയിൽ ട്രെയിനിന്റെ എസി കോച്ചുകളിലാണ് കവർച്ച നടന്നത്. സംഭവത്തിൽ റെയിൽവേ പൊലീസിന് പരാതി നൽകാനായി യാത്രക്കാർ സേലം സ്റ്റേഷനിൽ ഇറങ്ങി.&nbsp;
സേലം∙ യശ്വന്ത്പുർ–കണ്ണൂർ എക്സ്പ്രസ് ട്രെയിനിൽ വൻ കവർച്ച. ഇരുപതോളം യാത്രക്കാരുടെ ഫോണുകളും ആഭരണവും പണവും നഷ്ടപ്പെട്ടു. സേലത്തിനു ധർമപുരിക്കും ഇടയിൽ ട്രെയിനിന്റെ എസി കോച്ചുകളിലാണ് കവർച്ച നടന്നത്. സംഭവത്തിൽ റെയിൽവേ പൊലീസിന് പരാതി നൽകാനായി യാത്രക്കാർ സേലം സ്റ്റേഷനിൽ ഇറങ്ങി. സേലം∙ യശ്വന്ത്പുർ–കണ്ണൂർ എക്സ്പ്രസ് ട്രെയിനിൽ വൻ കവർച്ച. ഇരുപതോളം യാത്രക്കാരുടെ ഫോണുകളും ആഭരണവും പണവും നഷ്ടപ്പെട്ടു. സേലത്തിനു ധർമപുരിക്കും ഇടയിൽ ട്രെയിനിന്റെ എസി കോച്ചുകളിലാണ് കവർച്ച നടന്നത്. സംഭവത്തിൽ റെയിൽവേ പൊലീസിന് പരാതി നൽകാനായി യാത്രക്കാർ സേലം സ്റ്റേഷനിൽ ഇറങ്ങി.&nbsp;

പണവും മറ്റും കവർന്ന ശേഷം മോഷ്ടാക്കൾ യാത്രക്കാരുടെ ബാഗുകൾ ട്രെയിനിലെ ശുചിമുറിയിൽ ഉപേക്ഷിക്കുകയായിരുന്നു. സേലം കേന്ദ്രീകരിച്ചാണ് കവർച്ചാ സംഘമുള്ളതെന്നാണ് പ്രാഥമിക നിഗമനം.

യശ്വന്ത്പുർ–കണ്ണൂർ എക്സ്പ്രസിൽ ഇരുപതോളം യാത്രക്കാരുടെ പണവും ആഭരണങ്ങളും ഫോണും കവർന്നു

National

തൃശൂർ: ടിക്കറ്റ് ചോദിച്ച ടി.ടി.ഇയെ ഇതരസംസ്ഥാന തൊഴിലാളി ട്രെയിനിൽനിന്ന് തള്ളിയിട്ട് കൊന്നു. എറണാകുളം സ്വദേശി ഇ.കെ. വിനോദ് ആണ് മരിച്ചത്. പ്രതിയായ ഒഡീഷ സ്വദേശിയെ പൊലീസ് പാലക്കാട്ടുനിന്നും അറസ്റ്റ് ചെയ്തു. വിനോദിന്‍റെ മൃതദേഹം തൃശൂർ ഗവ. മെഡിക്കൽ കോളജിലേക്ക് മാറ്റി.
കഴിഞ്ഞ ദിവസം വൈകുന്നേരം ഏഴോടെ പട്ന സൂപ്പർഫാസ്റ്റിലാണ് സംഭവം. ബന്ധപ്പെട്ട കോച്ചിൽ യാത്ര ചെയ്യാനുള്ള ടിക്കറ്റ് ഇതരസംസ്ഥാന തൊഴിലാളിയുടെ പക്കൽ ഇല്ലായിരുന്നു. തുടർന്ന്, കോച്ചിൽനിന്ന് പോകാനും പിഴയടക്കാനും ടി.ടി.ഇ ആവശ്യപ്പെട്ടു. ഇതിൽ പ്രകോപിതനായി ടി.ടി.ഇയെ പുറത്തേക്ക് തള്ളിയിടുകയായിരുന്നു.
തൃശൂർ വെളപ്പായയിൽ വെച്ചാണ് ടി.ടി.ഇയെ പുറത്തേക്ക് തള്ളിയത്. ഉടൻ യാത്രക്കാർ ട്രെയിനിലുണ്ടായിരുന്ന മറ്റൊരു ടി.ടി.ഇയെ വിവരമറിയിച്ചു. പിന്നാലെ റെയിൽവേ പൊലീസിന് വിവരം കൈമാറുകയായിരുന്നു.

തൃശൂരിൽ ടിക്കറ്റ് ചോദിച്ചതിന് ടി.ടി.ഇയെ ഇതരസംസ്ഥാന തൊഴിലാളി ട്രെയിനിൽനിന്ന് തള്ളിയിട്ട് കൊന്നു

കൊല്ലപ്പെട്ട വിനോദ്

Kerala

ന്യൂഡല്‍ഹി: ഓടിക്കൊണ്ടിരിക്കുന്ന ട്രെയിനിന്റെ മുകളില്‍ നിന്ന് അഭ്യാസപ്രകടനം നടത്തുന്ന യുവാവിന്റെ വീഡിയോ വൈറല്‍. സബ് വേ സര്‍ഫേഴ്‌സ് എന്ന ജനപ്രിയ ഗെയിമിലെ കഥാപാത്രത്തെപ്പോലെ അപകടങ്ങള്‍ ഒഴിവാക്കി, ട്രാക്കിലൂടെ കുതിക്കുന്ന തീവണ്ടിയുടെ മുകളില്‍ കയറിയാണ് യുവാവ് അഭ്യാസം നടത്തുന്നത്.&nbsp;
ബംഗ്ലാദേശില്‍ നിന്ന് ഷൂട്ട് ചെയ്ത വീഡിയോ ആണ് വ്യാപകമായി സോഷ്യല്‍ മീഡിയയില്‍ പ്രചരിക്കുന്നത്.പാലത്തിലൂടെ ട്രെയിന്‍ കടന്നുപോകുമ്പോള്‍ യുവാവിന്റെ സാഹസികത അത്ഭുതപ്പെടുത്തുന്നതാണ്. ഓരോ തവണയും ഇരുമ്പ് ബാര്‍ വരുമ്പോള്‍ തലകുനിച്ച് രക്ഷപ്പെടുന്ന അപകടരമായ അഭ്യാസപ്രകടനമാണ് ദൃശ്യങ്ങളിലുള്ളത്. മരണത്തിലേക്കുള്ള വഴിയെന്നാണ് സോഷ്യല്‍ മീഡിയ കമന്റ് ചെയ്തു.
ഇത്തരം മണ്ടത്തരം ദയവായി പ്രോത്സാഹിപ്പിക്കരുതെന്നും ആളുകള്‍ കമന്റ് ചെയ്യുന്നുണ്ട്. വീഡിയോക്ക് താഴെ യുവാവിനെ അനുകൂലിച്ചും എതിര്‍ത്തും നിരവധി പേരാണ് രംഗത്തെത്തിയത്.

വീഡിയോ ഗെയിം അനുകരിച്ച് ട്രെയിന് മുകളില്‍ അഭ്യാസ പ്രകടനവുമായി യുവാവ്

പാലക്കാട്: മലമ്പുഴ കൂർമ്പാച്ചിമലയിൽ കയറി കുടുങ്ങിയ ബാബുവിന്റെ അമ്മയും സഹോദരനും തീവണ്ടി തട്ടി മരിച്ചു. ബാബുവിന്റെ അമ്മ റഷീദ (46), ഇളയസഹോദരൻ ഷാജി (23) എന്നിവരാണ് മരിച്ചത്.&nbsp;
ചൊവ്വാഴ്ച രാത്രി പത്തരയോടെ തിരുവനന്തപുരം-ചെന്നൈ മെയിലിനുമുന്നിലേക്ക് ഇവർ ചാടുകയായിരുന്നെന്നാണ് വിവരം. മലമ്പുഴ മന്തക്കാട് ഭാഗത്ത് വാടകയ്ക്ക് താമസിക്കുകയായിരുന്നു ഇവർ.

കൂർമ്പാച്ചിമലയിൽ കയറി കുടുങ്ങി ശ്രദ്ധിക്കപ്പെട്ട ബാബുവിന്റെ അമ്മയും സഹോദരനും തീവണ്ടി തട്ടി മരിച്ചു

അരൂര്‍: പ്ലാറ്റ്ഫോമിൽനിന്ന് റെയിൽ പാളത്തിലേക്ക് കാൽതെറ്റിവീണ ഗൃഹനാഥൻ തീവണ്ടി തട്ടി മരിച്ചു. അരൂര്‍ ഗ്രാമപഞ്ചായത്ത് 17-ാം വാര്‍ഡ് നെയ്ത്തുപുരക്കല്‍ (മുകളിത്തറ) അഗസ്റ്റിന്‍ (അത്തോ-59) ആണ് മരിച്ചത്. അരൂര്‍ റെയില്‍വേ സ്റ്റേഷനിൽ ഞായറാഴ്ച രാത്രി 9.30-ഓടെയായിരുന്നു അപകടം. പ്ലാറ്റ്‌ഫോമിലൂടെ നടന്ന് വീട്ടിലേക്ക് പോകുമ്പോൾ അഗസ്റ്റിൻ കാല്‍വഴുതി ട്രാക്കില്‍ വീണു. ഈ സമയത്ത് തിരുവനന്തപുരത്തുനിന്ന് ഗുരുവായൂരിലേക്ക് പോകുകയായിരുന്ന ഇന്റര്‍സിറ്റി എക്‌സ്പ്രസ് അഗസ്റ്റിനെ ഇടിക്കുകയായിരുന്നു. റെയില്‍വേ സ്റ്റേഷന് പടിഞ്ഞാറ് ഭാഗത്താണ് അഗസ്റ്റിന്റെ വീട്. കല്‍പ്പണിക്കാരനായിരുന്നു. ഭാര്യ: ഷേര്‍ളി. മക്കള്‍: സോണറ്റ്, റോണക്‌സ്. മരുമകള്‍: ഷാര.

കാല്‍ വഴുതി പാളത്തിൽ വീണ ഗൃഹനാഥന്‍ തീവണ്ടി തട്ടി മരിച്ചു

കണ്ണൂര്‍: കണ്ണൂര്‍-ആലപ്പുഴ (16308) എക്‌സിക്യുട്ടീവ് എക്‌സ്പ്രസിന്റെ കോച്ചുകള്‍ ഷണ്ടിങിനിടെ പാളംതെറ്റി. രാവിലെ സര്‍വീസ് നടത്തുന്നതിനായുള്ള ഒരുക്കങ്ങള്‍ക്കിടെ കണ്ണൂര്‍ യാര്‍ഡില്‍വെച്ചാണ് ട്രെയിനിന്റെ രണ്ട് കോച്ചുകള്‍ പാളം തെറ്റിയത്.
രാവിലെ 5.10ന് കണ്ണൂരില്‍ നിന്ന് പുറപ്പെടേണ്ട ട്രെയിന്‍ പിന്നീട് 6.43 ഓടെയാണ് സര്‍വീസ് ആരംഭിച്ചത്. പാളം തെറ്റിയ കോച്ചുകള്‍ ഒഴിവാക്കിയാണ് ട്രെയിന്‍ ഓടിത്തുടങ്ങിയത്. പാളംതെറ്റിയ കോച്ചുകള്‍ ഇടിച്ച് സിഗ്നല്‍ ബോക്‌സ് തകര്‍ന്നിട്ടുണ്ട്.&nbsp;

ഷണ്ടിങിനിടെ കണ്ണൂര്‍- ആലപ്പുഴ എക്‌സിക്യുട്ടീവ് ട്രെയിനിന്റെ കോച്ചുകള്‍ പാളംതെറ്റി

പാലക്കാട്‌: ട്രാക്കിൽ നവീകരണ പ്രവൃത്തി നടക്കുന്നതിനാൽ 16 മുതൽ 20 വരെ പാലക്കാട്‌ ഡിവിഷനിലെ ട്രെയിൻ സർവീസിൽ നിയന്ത്രണമുണ്ടാകുമെന്ന്‌ റെയിൽവേ അറിയിച്ചു. 16, 19 തീയതികളിൽ കോയമ്പത്തൂർ– കണ്ണൂർ എക്‌സ്‌പ്രസ്‌ (16608) കോഴിക്കോടുവരെയേ സർവീസ്‌ നടത്തൂ. 16ന്‌ ഓഖ –- എറണാകുളം ദ്വൈവാര എക്‌സ്‌പ്രസ്‌ (16337) 45 മിനിറ്റും നിസാമുദ്ദീൻ–-തിരുവനന്തപുരം സെൻട്രൽ പ്രതിവാര എക്‌സ്‌പ്രസ്‌ (22654) 30 മിനിറ്റും കണ്ണൂർ യശ്വന്ത്‌പുർ എക്‌സ്‌പ്രസ്‌ (16528) 50 മിനിറ്റും കണ്ണൂർ ഷൊർണൂർ മെമു (06024) ഒരു മണിക്കൂർ 20 മിനിറ്റും മംഗളൂരു–-ചെന്നൈ സൂപ്പർ ഫാസ്‌റ്റ്‌ (12686) 30 മിനിറ്റും നിയന്ത്രിക്കും. 18ന്‌ മംഗളൂരു–- തിരുവനന്തപുരം ഏറനാട്‌ എക്‌സ്‌പ്രസ്‌ (16605) 1.10 മണിക്കൂറും തിരുവനന്തപുരം –-മംഗളൂരു –- ഏറനാട്‌ എക്‌സ്‌പ്രസ്‌ (16606) 55 മിനിറ്റും കോയമ്പത്തൂർ–-മംഗളുരു എക്‌സ്‌പ്രസ്‌ (16323) 20 മിനിറ്റും നിസാമുദ്ദീൻ–-എറണാകുളം മംഗള സൂപ്പർഫാസ്‌റ്റ്‌ എക്‌സ്‌പ്രസ്‌ (12618) 50 മിനിറ്റും വൈകും.
19ന്‌ വെരാവൽ–-തിരുവനന്തപുരം പ്രതിവാര സൂപ്പർഫാസ്‌റ്റ്‌ എക്‌സ്‌പ്രസ്‌ (16333), കണ്ണൂർ–-യശ്വന്ത്‌പുർ എക്‌സ്‌പ്രസ്‌, കണ്ണൂർ–-ഷൊർണൂർ മെമു (06024) എന്നിവ ഒരു മണിക്കൂറും മംഗളുരു –- പുതുച്ചേരി പ്രതിവാര എക്‌സ്‌പ്രസ്‌ (16856) 20 മിനിറ്റും നിസാമുദ്ദീൻ–-എറണാകുളം മംഗള എക്‌സ്‌പ്രസ്‌ (12618) 40 മിനിറ്റും മംഗളൂരു–-ചെന്നൈ വെസ്‌റ്റ്‌കോസ്‌റ്റ്‌ എക്‌സ്‌പ്രസ്‌ (22638) 20 മിനിറ്റും നിയന്ത്രിക്കും.
20ന്‌ മംഗളൂരു–-തിരുവനന്തപുരം സെൻട്രൽ എക്‌സ്‌പ്രസ്‌ (16348) ഒരു മണിക്കൂറും ഗാന്ധിധാം –- നാഗർകോവിൽ പ്രതിവാര എക്‌സ്‌പ്രസ്‌ (16335) 50 മിനിറ്റും കണ്ണൂർ – -യശ്വന്ത്‌പുർ എക്‌സ്‌പ്രസ്‌ (16528) 50 മിനിറ്റും നിസാമുദ്ദീൻ–-എറണാകുളം പ്രതിവാര എക്‌സ്‌പ്രസ്‌ (22656), കണ്ണൂർ–-ഷൊർണൂർ മെമു (06024) എന്നിവ 20 മിനിറ്റും നിയന്ത്രിക്കും.

ട്രാക്ക് നവീകരണം: 20 വരെ ട്രെയിൻ സർവീസിൽ നിയന്ത്രണം

കോട്ടയം: അമൃത എക്‌സ്പ്രസില്‍ യുവതിയോട് ലൈംഗികാതിക്രമം നടത്തിയ യുവാവ് അറസ്റ്റില്‍. ഇരിങ്ങല്‍ സ്വദേശി അഭിലാഷിനെയാണ് കോട്ടയം റെയില്‍വേ പോലീസ് അറസ്റ്റ് ചെയ്തത്. മധുരയില്‍നിന്ന് തിരുവനന്തപുരത്തേക്ക് പുറപ്പെടുന്ന അമ്യത എക്‌സ്പ്രസില്‍ ശനിയാഴ്ച്ച വൈകിട്ടോടെയാണ് ലൈംഗികാതിക്രമം നടന്നത്. ട്രെയിന്‍ കോട്ടയം വിട്ടപ്പോഴായിരുന്നു സംഭവം. തിരുവനന്തപുരം സ്വദേശിനിയായ ഇരുപത്തിനാലുകാരിയോട് ജനറല്‍ കമ്പാര്‍ട്ടുമെന്റില്‍വെച്ച് പ്രതി അപമര്യാദയായി പെരുമാറുകയായിരുന്നു. ഇതിനുപിന്നാലെ യുവതി കായംകുളം റെയില്‍വേ സ്റ്റേഷനില്‍ ഇറങ്ങി പോലീസില്‍ പരാതി നല്‍കി. യുവതിയുടെ പരാതിയുടെ അടിസ്ഥാനത്തില്‍ കേസെടുത്ത കോട്ടയം റെയില്‍വേ പോലീസ് അന്വേഷണം ആരംഭിക്കുകയും പ്രതിയെ പിടികൂടുകയുമായിരുന്നു. റെയില്‍വേ എസ്.എച്ച്.ഒ. റെജി പി. ജോസഫിന്റെ നേതൃത്വത്തിലുള്ള അനേഷണ സംഘമാണ് പ്രതിയെ അറസ്റ്റ് ചെയ്തത്. എറണാകുളത്തെ ഇവന്റ് മാനേജ്‌മെന്റ് കമ്പനിയിലേക്ക് ജോലിക്കാരെ വിതരണംചെയ്യുന്നയാളാണ് അഭിലാഷ്.

അമൃത എക്‌സ്പ്രസില്‍ യുവതിക്കുനേരെ ലൈംഗികാതിക്രമം; ഇരിങ്ങൽ സ്വദേശി അറസ്റ്റില്‍

തൃശൂര്‍: ട്രെയിനിനും പ്ലാറ്റ്‌ഫോമിനുമിടയില്‍ കാലുകുടുങ്ങി രണ്ടുവിദ്യാര്‍ഥികള്‍ക്ക് ഗുരുതരമായി പരിക്കേറ്റു. ആലുവ സ്വദേശികളായ ഫര്‍ഹാന്‍, ഷമീം എന്നിവര്‍ക്കാണ് പരിക്ക്. അമൃത എക്‌സ്പ്രസ് ഒല്ലൂര്‍ സ്‌റ്റേഷനിലൂടെ കടന്നുപോകുമ്പോള്‍ തിങ്കളാഴ്ച രാത്രിയായിരുന്നു അപകടം.
ട്രെയിനിന്റെ വാതില്‍പ്പടിയില്‍ കാല്‍പുറത്തേക്കിട്ട് ഇരിക്കുകയായിരുന്നു ഇരുവരും. അമൃത എക്‌സ്പ്രസിന് ഒല്ലൂരില്‍ സ്‌റ്റോപ്പില്ലായിരുന്നു. ഇതോടെ പ്ലാറ്റ്‌ഫോമിനും ട്രെയിനിനും ഇടയില്‍ കാല്‍ കുടുങ്ങുകയായിരുന്നു.
ഗുരുതര പരിക്കേറ്റ ഇരുവരേയും ആദ്യം തൃശൂരിലെ സ്വകാര്യ ആശുപത്രിയിലും പിന്നീട് വിദഗ്ധചികിത്സക്കായി എറണാകുളത്തേക്കും കൊണ്ടുപോയി. കൊടൈക്കനാലില്‍പോയി തിരിച്ചുവരികയായിരുന്നു രണ്ടുപേരും.

വാതില്‍പ്പടിയിലിരുന്ന് യാത്ര; ട്രെയിനിനും പ്ലാറ്റ്‌ഫോമിനുമിടയില്‍ കാല്‍ കുരുങ്ങി വിദ്യാര്‍ഥികള്‍ക്ക് ഗുരുതര പരിക്ക്

മോസ്കോ : റഷ്യൻ പ്രസിഡന്റ് വ്ലാഡിമിർ പുട്ടിൻ ഉടൻ ഇന്ത്യ സന്ദർശിക്കും. ക്രെംലിൻ പ്രസ് സെക്രട്ടറി ദിമിത്രി പെസ്കോവിനെ ഉദ്ധരിച്ച് രാജ്യാന്തര മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. സന്ദർശന തീയതിയുടെ കാര്യത്തിൽ തീരുമാനമായിട്ടില്ല. തീയതി സംബന്ധിച്ച തീരുമാനം ഉടൻ ഉണ്ടാകുമെന്ന് ദിമിത്രി പെസ്കോവ് പറഞ്ഞു.
കഴിഞ്ഞ മാസമാദ്യം, കസാനിൽ നടന്ന പതിനാറാമത് ഉച്ചകോടിക്കിടെ പ്രധാനമന്ത്രി നരേന്ദ്ര മോദി പുട്ടിനുമായി കൂടിക്കാഴ്ച നടത്തിയിരുന്നു. 23–ാമത് ഇന്ത്യ-റഷ്യ വാർഷിക ഉച്ചകോടിക്കായി അടുത്ത വർഷം ഇന്ത്യ സന്ദർശിക്കാൻ പുട്ടിനെ അന്ന് നരേന്ദ്ര മോദി ക്ഷണിച്ചിരുന്നു.

റഷ്യൻ പ്രസിഡന്റ് വ്ലാഡിമിർ പുട്ടിൻ ഉടൻ ഇന്ത്യ സന്ദർശിക്കും

കൊട്ടരക്കര: മുന്‍ എം.എല്‍.എയും ഓള്‍ ഇന്ത്യ ലോയേഴ്സ് യൂണിയന്‍ സംസ്ഥാന ട്രഷററുമായ ഐഷ പോറ്റി രാഷ്ട്രീയം വിടുന്നു. ആരോഗ്യപ്രശ്‌നങ്ങളെ തുടര്‍ന്നാണ് ഇങ്ങനെയൊരു തീരുമാനം എടുത്തതെന്ന് ഐഷ പോറ്റി പറയുന്നു. കുറച്ച് കാലങ്ങളായി പാര്‍ട്ടി പരിപാടികളില്‍നിന്ന് ഇവര്‍ വിട്ടുനില്‍ക്കുകയായിരുന്നു. ഒന്നും ചെയ്യാനാകാതെ പാര്‍ട്ടിയില്‍ നില്‍ക്കാനാകില്ല. ഓടി നടന്നു ചെയ്യാന്‍ കഴിയുന്നവര്‍ തുടരട്ടെ- ഐഷ പോറ്റി പറഞ്ഞു.
പാര്‍ട്ടി പ്രവര്‍ത്തനങ്ങളില്‍ സജീവമല്ലെന്നു കാട്ടി സി.പി.എം. കൊട്ടാരക്കര ഏരിയ കമ്മിറ്റിയില്‍നിന്ന് ഐഷ പോറ്റിയെ ഒഴിവാക്കിയിരുന്നു. ഏരിയ സമ്മേളനത്തില്‍നിന്നു വിട്ടുനിന്ന ഐഷ പോറ്റി ഏറെനാളായി നേതൃത്വവുമായി അകല്‍ച്ചയിലാണ്. സമ്മേളനത്തിന്റെ രണ്ടാംദിവസമെങ്കിലും ഐഷ പോറ്റി സമ്മേളനത്തിന് എത്തുമെന്നു കരുതിയിരുന്നെങ്കിലും പങ്കെടുത്തില്ല.

ഐഷ പോറ്റി സജീവ രാഷ്ട്രീയം അവസാനിപ്പിക്കുന്നു

ഡല്‍ഹി: തൊണ്ടിമുതൽ കേസില്‍ മുന്‍മന്ത്രി ആന്റണി രാജുവിന് തിരിച്ചടി. ആന്റണി രാജു നൽകിയ അപ്പീൽ സുപ്രീം കോടതി തള്ളി. വിചാരണ നേരിടണമെന്നും ഒരു വർഷത്തിനുള്ളിൽ വിചാരണ പൂർത്തിയാക്കണമെന്നും സുപ്രീം കോടതി നിർദേശിച്ചു. അടുത്ത മാസം 20ന് ആന്റണി രാജു ഹാജരാകണം. ജസ്റ്റിസ് സിടി രവികുമാർ അദ്ധ്യക്ഷനായ ബെഞ്ചാണ് വിധി പറഞ്ഞത്.
1990ലായിരുന്നു സംഭവമെങ്കിലും 2024വരെ കേസിൽ വിചാരണ പോലും നടന്നിരുന്നില്ല. ജൂനിയർ അഭിഭാഷകനായിരിക്കെ, ലഹരിമരുന്ന് കേസിലെ തൊണ്ടിമുതലായ അടിവസ്‌ത്രത്തിൽ ആന്റണി രാജു കൃത്രിമം നടത്തിയെന്നായിരുന്നു കേസ്. കേസിൽ പുനരന്വേഷണത്തിനുള്ള ഹൈക്കോടതി ഉത്തരവിനെ ചോദ്യം ചെയ്‌തായിരുന്നു ആന്റണി രാജുവിന്റെ ഹർജി. കേസിൽ രണ്ടാം പ്രതിയായ ആന്റണി രാജു കുറ്റം ചെയ്‌തിട്ടില്ലെന്നാണ് സർക്കാ‌ർ സുപ്രീം കോടതിയിൽ നൽകിയ സത്യവാംങ്‌മൂലത്തിൽ പറഞ്ഞിരുന്നത്.

തൊണ്ടിമുതൽ കേസ്; മുന്‍മന്ത്രി ആന്റണി രാജുവിന് തിരിച്ചടി; വിചാരണ നേരിടണമെന്ന് സുപ്രീം കോടതി

സ്വര്‍ണ വിലയില്‍ വീണ്ടും വര്‍ധന. ഗ്രാമിന് 50 രൂപ കൂടി 7,115 രൂപയയായി. പവന്റെ വിലയാകട്ടെ 400 രൂപ വര്‍ധിച്ചു. ഇതോടെ എട്ട് ഗ്രാം സ്വര്‍ണത്തിന്റെ വില 56,920 രൂപയായി.
അന്താരാഷ്ട്ര വിപണിയായ എംസിഎക്സില്‍ 10 ഗ്രാം 24 കാരറ്റ് സ്വര്‍ണത്തിന്റെ വില 76,493 നിലവാരത്തിലാണ്. 680 രൂപയാണ് കൂടിയത്. അന്താരാഷ്ട്ര വിപണിയല്‍ സ്പോട് ഗോള്‍ഡ് ട്രോയ് ഔണ്‍സിന് 2,635 ഡോളറിലെത്തി.

സ്വര്‍ണ വിലയില്‍ വീണ്ടും വര്‍ധന;പവന് 400 രൂപ കൂടി 56,920 രൂപയായി

കോഴിക്കോട്: അര്‍ജന്റീന ദേശീയ ഫുട്‌ബോള്‍ ടീം കേരളത്തില്‍ പന്തുതട്ടാനെത്തുമെന്ന് അറിയിച്ച് കായിക വകുപ്പ് മന്ത്രി വി. അബ്ദുറഹ്‌മാന്‍. ഇതിഹാസ താരം ലയണല്‍ മെസ്സി ഉള്‍പ്പെടെയുള്ള ടീമായിരിക്കും വരികയെന്നും അദ്ദേഹം അറിയിച്ചു. 2025-ലായിരിക്കും മത്സരം. കേരളം സന്ദര്‍ശിക്കുന്നതിന് അര്‍ജന്റീന ഫുട്‌ബോള്‍ അസോസിയേഷന്റെ അനുമതി ലഭിച്ചതായും മന്ത്രി പറഞ്ഞു.
വലിയ സാമ്പത്തിക ബാധ്യത വരുന്നതിനാല്‍ കേരള ഗോള്‍ഡ് ആന്‍ഡ് സില്‍വര്‍ മെര്‍ച്ചന്റ്‌സ് അസോസിയേഷനും സംസ്ഥാന വ്യാപാരി വ്യവസായി സമിതിയുമായി ചര്‍ച്ച നടത്തി ഇവര്‍ ഒന്നിച്ച് ഈ മത്സരം കേരളത്തില്‍ സംഘടിപ്പിക്കാന്‍ സന്നദ്ധത അറിയിച്ചിട്ടുണ്ട്. ഒന്നരമാസത്തിനകം അര്‍ജന്റീനാ ടീം അധികൃതര്‍ കേരളത്തിലെത്തും. തുടര്‍ന്ന് ഔദ്യോഗികമായി സര്‍ക്കാരും അര്‍ജന്റീന ദേശീയ ടീമും സംയുക്തമായി ഒരു പ്രഖ്യാപനം നടത്താനാണ് തീരുമാനിച്ചത്. അർജൻ്റീന ടീം ആണ് തീയതി ഔദ്യോ​ഗികമായി തീയതി പ്രഖ്യാപിക്കേണ്ടത്. കേരളത്തിൽ എവിടെയെന്ന് അവർ പരിശോധിക്കട്ടെ. 50,000 കാണികളെ ഉൾക്കൊള്ളാനാകുന്ന സ്ഥലത്ത് വേണം മത്സരം നടത്താൻ. രണ്ട് മത്സരങ്ങൾ ഉണ്ടാകുമെന്നും മന്ത്രി അറിയിച്ചു.മത്സരവേദിയും എതിര്‍ടീമിനെയും തീരുമാനിച്ചശേഷം തീയതി പിന്നീട് അറിയിക്കും

കേരളത്തിലെത്തുന്ന അര്‍ജന്റീനാ ടീമില്‍ മെസ്സിയും; സ്ഥിരീകരിച്ച് മന്ത്രി വി.അബ്ദുറഹ്‌മാന്‍

Search Results for: 12.09.2024