കൊയിലാണ്ടി: കോവിഡ് കാലത്ത് നിർത്തലാക്കിയ റെയിൽവെ കൺസെഷൻ ഉടനടി പുന:സ്ഥാപിക്കണമെന്നും 70 കഴിഞ്ഞവർക്കുള്ള സൗജന്യ ഇൻഷുറൻസ് ഉടനെ നടപ്പിലാക്കണമെന്നും കേരള സീനിയർ സിറ്റിസൺസ് ഫോറം കൊയിലാണ്ടി മേഖല കൺവെൻഷൻ കേന്ദ്ര സർക്കാരിനോടും, സംസ്ഥാന സർക്കാരിനോടും ആവശ്യപ്പെട്ടു. അരിക്കുളം, ചേമഞ്ചേരി, തുറയൂർ തുടങ്ങി ഒമ്പതോളം യൂണിറ്റുകൾ ചേർന്നുള്ള കൊയിലാണ്ടി മേഖല കമ്മിറ്റി രൂപീകരണ കൺവെൻഷൻ പന്തലായനി ബി .ഇ .എം യു .പി സ്കൂളിൽ നടന്നു. സംസ്ഥാന മുൻ സെക്രട്ടറി പൂതേരി ദാമോദരൻ നായർ ഉദ്ഘാടനം നിർവഹിച്ചു. ഇബ്രാഹിം തിക്കോടി അധ്യക്ഷതവഹിച്ചു.&nbsp;
നവതിയോട് അടുത്ത് നിൽക്കുന്ന കൊയിലാണ്ടി യൂണിറ്റ് പ്രസിഡണ്ട് എൻ കെ പ്രഭാകരനെ ചടങ്ങിൽ ആദരിച്ചു. ജില്ലാ സെക്രട്ടറി കെ.എം ശ്രീധരൻ സംഘടനാ കാര്യങ്ങൾ വിശദീകരിച്ചു. ജില്ലാ വൈസ് പ്രസിഡണ്ട് ഈ.സി ബാലൻ, ജില്ലാ ജോ.സെക്രട്ടറി കെ.പി.വിജയ, അണേല ബാലകൃഷ്ണൻ, യു.പി കുഞ്ഞികൃഷ്ണൻ, ടി പി രാഘവൻ ചേമഞ്ചേരി , ചന്ദ്രൻ കരിപ്പാലി, ബാലൻ കേളോത്ത്, അബൂബക്കർ പി പി, കെ സുകുമാരൻ, വി.എം രാഘവൻ, വി പി രാമകൃഷ്ണൻ പൊയിൽക്കാവ് ,മാധവൻ ബോധി ,ശാന്ത കുറ്റിയിൽ , ഓ.കെ.വാസു, ഗോപാലൻ എം.കെ എന്നിവർ സംസാരിച്ചു. എൻ. കെ പ്രഭാകരൻ സ്വാഗതവും പുഷ്പരാജൻ കൊയിലാണ്ടി നന്ദിയും രേഖപ്പെടുത്തി. . മേഖല ഭാരവാഹികളായി എൻ .കെ പ്രഭാകരൻ (പ്രസിഡണ്ട്), ടി .പി രാഘവൻ ചേമഞ്ചേരി (സെക്രട്ടറി), അണേല ബാലകൃഷ്ണൻ (ട്രഷറർ ) എന്നിവരെ തെരെഞ്ഞെടുത്തു.

അനുവദിക്കപ്പെട്ട ആനുകൂല്യങ്ങൾ ഉടനടി നടപ്പിലാക്കണം; സീനിയർ സിറ്റിസൺസ് ഫോറം

Koyilandy

കോഴിക്കോട്: ഗവര്‍ണര്‍ രാജേന്ദ്ര ആര്‍ലേക്കര്‍ക്കെതിരേ പ്രതിഷേധവുമായി എസ്എഫ്‌ഐ. കണ്ണൂരും കോഴിക്കോട്ടും എസ്എഫ്‌ഐ പ്രവര്‍ത്തകര്‍ ചൊവ്വാഴ്ച പ്രതിഷേധവുമായെത്തി. കണ്ണൂര്‍ സര്‍വകലാശാല ആസ്ഥാനത്ത് എസ്എഫ്‌ഐ നടത്തിയ മാര്‍ച്ച് സംഘര്‍ഷത്തില്‍ കലാശിച്ചു.
കണ്ണൂരിലെ പ്രതിഷേധമാര്‍ച്ച് പോലീസ് ബാരിക്കേഡ് ഉപയോഗിച്ച് തടഞ്ഞെങ്കിലും പ്രവര്‍ത്തകര്‍ പിന്മാറാന്‍ തയ്യാറായില്ല. പോലീസ് ജലപീരങ്കി പ്രയോഗിച്ചിട്ടും ഫലമുണ്ടായില്ല. പ്രവര്‍ത്തകര്‍ പിരിഞ്ഞുപോകാതെ സ്ഥലത്ത് തുടരുകയായിരുന്നു. പിന്നാലെ ബാരിക്കേഡ് മറികടന്ന് ഒരു വിഭാഗം പ്രവര്‍ത്തകര്‍ സര്‍വകലാശാല ആസ്ഥാനത്തിന് അകത്തേക്ക് പ്രവേശിച്ചു. സര്‍വകലാശാലയുടെ ഗേറ്റിന് അകത്തും പുറത്തും നിന്ന് പ്രവര്‍ത്തകര്‍ മുദ്രാവാക്യം മുഴക്കുകയാണ്.സര്‍വകലാശാലകളെ കാവിവത്കരിക്കുന്നുവെന്ന് ആരോപിച്ചാണ് ഗവര്‍ണര്‍ക്കെതിരേ എസ്എഫ്‌ഐ പ്രതിഷേധം നടത്തുന്നത്.കാലിക്കറ്റ് സര്‍വകലാശാലയിലേക്ക് എസ്എഫ്‌ഐ നടത്തിയ മാര്‍ച്ചും സംഘര്‍ഷത്തില്‍ കലാശിച്ചു. പോലീസ് മാര്‍ച്ച് തടഞ്ഞെങ്കിലും പ്രവര്‍ത്തകര്‍ പിരിഞ്ഞുപോയില്ല. ഉന്തും തള്ളുമുണ്ടായി.

ഗവര്‍ണര്‍ക്കെതിരേ പ്രതിഷേധവുമായി എസ്എഫ്‌ഐ ;സംഘർഷം

Kerala

വടകര: പഴങ്കാവ് മീത്തലെ രയരോത്തന്റവിട കമല (68) നിര്യാതയായി. ഭർത്താവ്; ആർ. ശങ്കരൻ. മക്കൾ; ശാലിനി ആർ (ഹെഡ് ടീച്ചർ പുല്ലൂക്കരനോർത്ത് എൽ.പി സ്കൂൾ), കനകേഷ് (കെ.എസ് എസ് സി വകുപ്പ് കണ്ണൂർ കലക്ട്രേറ്റ്), സനൽ ബാബു (ആർ സി.എസ്.സി സെൻ്റർ വടകര), മരുമക്കൾ; നിഷാനന്ദ് സി.സി. (ഹെഡ്മാസ്റ്റർ നോർത്ത് മേനപ്രം എൽ.പി സ്ക്കൂൾ ചൊക്ലി), പ്രിയങ്ക. കെ. സഹോദരങ്ങൾ; നാരായണി, ശാരദ ,ചന്ദ്രൻ എം ആർ , ഭാസ്ക്കരൻ എം.ആർ, രാജീവൻ.എം.ആർ, പരേതയായ ലത.

പഴങ്കാവ് മീത്തലെ രയരോത്തന്റവിട കമല നിര്യാതയായി

Obituary

തൃശ്ശൂർ: നടി വിൻ സി അലോഷ്യസിനോട് ക്ഷമ ചോ​ദിച്ച് നടന്‍ ഷൈന്‍ ടോം ചാക്കോ. മനഃപൂർവം അങ്ങിനെ ഒന്നും ഉദ്ദേശിച്ചിട്ടല്ല പറഞ്ഞത്. നമ്മൾ പറയുന്ന കാര്യങ്ങൾ അഞ്ച് പേർ അഞ്ച് വ്യത്യസ്ത രീതിയിലാണ് എടുക്കുക. വേദനിപ്പിച്ചെങ്കിൽ മാപ്പ് ചോദിക്കുന്നുവെന്നും ഷൈൻ പറഞ്ഞു. വിവാദങ്ങൾക്കെല്ലാം ശേഷം സൂത്രവാക്യം എന്ന സിനിമയുടെ പ്രൊമോഷനുമായി ബന്ധപ്പെട്ട് ഇരുവരും ആദ്യമായി ഒരുമിച്ച് ഒരേ വേദിയിൽ എത്തിയപ്പോഴായിരുന്നു സംഭവം.
'വേദനിപ്പിച്ചെങ്കിൽ മാപ്പ് ചോദിക്കുന്നു. നമ്മള്‍ ഓരോ നിമിഷവും ആളുകളെ രസിപ്പിക്കുവാൻ ഉദ്ദേശിച്ച് തമാശ രീതിയിൽ പറയുന്ന കാര്യങ്ങൾ ഒരുപക്ഷേ മറ്റുള്ളവരെ വിഷമിപ്പിച്ചേക്കാം. എല്ലാവരും ഒരുപോലെയല്ല. ആളുകളെ കാണാനും അവരുടെ ആശയവുമെല്ലാം വ്യത്യസ്തമാണ്. ഒരേ കാര്യം അഞ്ച് പേര്‍ അഞ്ച് രീതിയിലാണ് എടുക്കുന്നത്. അത് പലപ്പോഴും എനിക്ക് മനസ്സിലായിരുന്നില്ല', ഷൈൻ വിൻ സിയോട് പറഞ്ഞു.വലിയ വിവാദമായി മാറിയ വിഷയമായിരുന്നു ഇതെന്നായിരുന്നു വിൻ സിയുടെ മറുപടി. 'കാര്യങ്ങളെല്ലാം ഷൈൻ സമ്മിതിക്കുന്നുണ്ട്. ഈ മാറ്റം കാണുമ്പോൾ ഇദ്ദേഹത്തോട് വലിയ ബഹുമാനം തോന്നുന്നു. ഞാനും പെർഫക്ട് ആയ വ്യക്തിയൊന്നുമല്ല. അനാവശ്യമായി ഷൈനിന്റെ കുടുംബത്തെ ഇതിലേക്ക് വലിച്ചിഴച്ചു എന്നൊരു തോന്നൽ എനിക്കുണ്ട്. അത് ഒരു കുറ്റബോധത്തോടെ തന്നെ നിലനിൽക്കും', വിൻ സി മറുപടിയിൽ വ്യക്തമാക്കി. എന്നാൽ, തന്റെ കുടുംബത്തിന് ഇക്കാര്യം മനസ്സിലാകുമെന്നും അവർക്കും പെൺമക്കൾ ഉള്ളതല്ലേ എന്നുമായിരുന്നു ഷൈനിന്റെ മറുപടി.

മനഃപൂർവം അങ്ങിനെ ഒന്നും ഉദ്ദേശിച്ചിട്ടല്ല പറഞ്ഞത് ;വിൻസിയോട് ക്ഷമ ചോദിച്ച് ഷൈൻ ടോം ചാക്കോ

തിരുവനന്തപുരം: ഡിജിറ്റൽ ലോകത്ത്, ആർട്ടിഫിഷ്യൽ ഇന്റലിജൻസ് ഉപയോഗിച്ച് അനേകം ആനിമേഷൻ കഥാപാത്രങ്ങളും വീഡിയോകളും ഉണ്ടാക്കാറുണ്ട്. കുട്ടികൾ വിനോദത്തിനും പഠനത്തിനും ഇവ ഉപയോഗിക്കുന്നു. എന്നാൽ ഇപ്പോൾ സമൂഹ മാധ്യമങ്ങളിൽ വയറലായ ഓറഞ്ച് പൂച്ചയുടെ വീഡിയോ അങ്ങനെയല്ല. ക്രൂരതയും അക്രമ സ്വഭാവവുമാണ് ഓറഞ്ച് പൂച്ചയുടെ മുഖമുദ്രയെന്നും സൂക്ഷിക്കണമെന്നും പൊലീസ് സോഷ്യൽ മീഡിയയിലുടെ വ്യക്തമാക്കി.
ക്ലാസിലെ ഒരു കുട്ടി ദിവസവും മറ്റുള്ളവരെ പേനയ്ക്ക് കുത്തുന്നത് ശ്രദ്ധയിൽ പെട്ടു. മറ്റുള്ളവർ കരയും വരെ അത് തുടരും. വഴക്കുപറഞ്ഞാലും കൂസലില്ല. രക്ഷിതാക്കളെ വിളിച്ച് അന്വേഷിച്ചപ്പോഴാണ് കുട്ടി നിരന്തരം ഇത്തരം വീഡിയോകൾ കാണാറുണ്ടെന്ന് അറിഞ്ഞത്.ഇത്തരം വിഡിയോകൾ ചെറുപ്പത്തിൽ തന്നെ അനുകരണചിന്ത വളർത്തുവാനും മറ്റുള്ളവരെ അക്രമിക്കുവാനും ക്രൂരമായ പ്രതികരണങ്ങളിലേക്കും മറ്റുള്ളവരുടെ വേദനയിൽ സന്തോഷിക്കുന്ന നാർസിസിസ്റ്റിക്ക് സ്വഭാവമുള്ളവരായും മാറ്റും.കുട്ടികൾ എന്ത് കാണുന്നു എന്ന് മാതാപിതാക്കൾ ശ്രദ്ധിക്കുകയും ആപ്പുകളിൽ പാരന്റൽ കൺട്രോൺ ഫീച്ചറിടുകയും കുട്ടികളിലെ പെരുമാറ്റത്തിലെ ചെറിയ മാറ്റങ്ങൾ പോലും രക്ഷിതാക്കൾ അദ്ധ്യാപകരെ അറിയിക്കുകയും വേണമെന്നും കുറിപ്പിൽ പറയുന്നു.​

പോസ്റ്റിന്റെ പൂർണരൂപം
ഇന്നത്തെ ഡിജിറ്റൽ ലോകത്ത്, ആർട്ടിഫിഷ്യൽ ഇന്റലിജൻസ് ഉപയോഗിച്ച് അനേകം ആനിമേഷൻ കഥാപാത്രങ്ങളും വീഡിയോകളും ഉണ്ടാക്കുന്നു. കുട്ടികൾ വിനോദത്തിനും പഠനത്തിനും ഇവ ഉപയോഗിക്കുന്നു.
എന്നാൽ ഇപ്പോൾ സമൂഹ മാധ്യമങ്ങളിൽ വയറലായ ഓറഞ്ച് പൂച്ചയുടെ വീഡിയോ അങ്ങനെയല്ല. ക്രൂരതയും അക്രമ സ്വഭാവവുമാണ് ഓറഞ്ച് പൂച്ചയുടെ മുഖമുദ്ര.
സഹജീവികളെ ചതിച്ച് കെണിയിലാക്കി മാരകമായി ആക്രമിച്ചു കൊന്നു തിന്നുന്നതും ഉറ്റസുഹൃത്തുക്കളെ ഭക്ഷണത്തിന് വീട്ടിലേക്ക് ക്ഷണിച്ച് മദ്യം നൽകി മയക്കി കൊല്ലുന്നതാണ് ഒട്ടുമിക്ക വീഡിയോകളുടെയും ഉള്ളടക്കം. ഇവ സമൂഹ മാധ്യമങ്ങളിൽ ട്രെൻഡിങ്ങുമാണ്.ക്ലാസിലെ ഒരു കുട്ടി ദിവസവും മറ്റുള്ളവരെ പേനയ്ക്ക് കുത്തുന്നത് ശ്രദ്ധയിൽ പെട്ടു. മറ്റുള്ളവർ കരയും വരെ അത് തുടരും. വഴക്കുപറഞ്ഞാലും കൂസലില്ല. രക്ഷിതാക്കളെ വിളിച്ച് അന്വേഷിച്ചപ്പോഴാണ് കുട്ടി നിരന്തരം ഇത്തരം വീഡിയോകൾ കാണാറുണ്ടെന്ന് അറിഞ്ഞത്.
ഇത്തരം വിഡിയോകൾ ചെറുപ്പത്തിൽ തന്നെ അനുകരണചിന്ത വളർത്തുവാനും മറ്റുള്ളവരെ അക്രമിക്കുവാനും ക്രൂരമായ പ്രതികരണങ്ങളിലേക്കും മറ്റുള്ളവരുടെ വേദനയിൽ സന്തോഷിക്കുന്ന നാർസിസിസ്റ്റിക്ക് സ്വഭാവമുള്ളവരായും മാറ്റും.
കുട്ടികൾ എന്ത് കാണുന്നു എന്ന് മാതാപിതാക്കൾ ശ്രദ്ധിക്കുകയും ആപ്പുകളിൽ പാരന്റ്ൽ കൺട്രോൺ ഫീച്ചറിടുകയും കുട്ടികളിലെ പെരുമാറ്റത്തിലെ ചെറിയ മാറ്റങ്ങൾ പോലും രക്ഷിതാക്കൾ അദ്ധ്യാപകരെ അറിയിക്കുകയും വേണം.

ഇൻസ്റ്റഗ്രാമിൽ വൈറലാവുന്ന ഓറഞ്ച് പൂച്ചയെ സൂക്ഷിക്കണം; മുന്നറിയിപ്പുമായി പൊലീസ്

കോഴിക്കോട്: ബേപ്പൂര്‍ ലോഡ്ജില്‍ കൊല്ലം സ്വദേശി കൊല്ലപ്പെട്ട കേസില്‍ രണ്ട് പൊലീസ് ഉദ്യോഗസ്ഥര്‍ക്ക് സസ്‌പെന്‍ഷന്‍. കൊലപാതകം ഉണ്ടായെന്ന് അറിയിച്ചിട്ടും സ്ഥലത്തെത്താതിരുന്നതിനാണ് നടപടി.
ബേപ്പൂര്‍ സ്റ്റേഷനിലെ ഗ്രേഡ് എഎസ്‌ഐ ആനന്ദന്‍, സിപിഒ ജിതിന്‍ ലാല്‍ എന്നിവര്‍ക്കെതിരെയാണ് നടപടി. മെയ് 24 നാണ് കൊല്ലം സ്വദേശി സോളമനെ കഴുത്തറുത്ത നിലയില്‍ കണ്ടെത്തിയത്. വിവരം അറിയിച്ചിട്ടും പൊലീസ് എത്താത്തതിലാണ് നടപടി. സമീപത്തുണ്ടായിട്ടും സ്ഥലത്ത് എത്താതിരിക്കുകയായിരുന്നു.

ബേപ്പൂര്‍ ലോഡ്ജിലെ കൊലപാതകം; രണ്ട് പൊലീസുകാര്‍ക്ക് സസ്‌പെന്‍ഷന്‍

Kozhikode

തിരുവനന്തപുരം: ഹൃദയാഘാതത്തെ തുടർന്ന് ആശുപത്രിയിൽ പ്രവേശിച്ച മുൻ മുഖ്യമന്ത്രി വി.എസ് അച്യുതാനന്ദന്റെ ആരോഗ്യ നില ഗുരുതരമായി തുടരുന്നു. വിശദമായ മെഡിക്കൽ ബോർഡ് യോഗം ഉടൻ ചേരും.
ഇന്ന് ചേരുന്ന മെഡിക്കൽ ബോർഡ് യോഗത്തിൽ കുടുംബാംഗങ്ങളും പങ്കെടുക്കുന്നുണ്ട്. കഴിഞ്ഞമാസം 23-ാം തീയതിയാണ് ഹൃദയാഘാതത്തെ തുടർന്ന് വി.എസ് അച്യുതാനന്ദനെ പട്ടത്തുള്ള എസ്യുട്ടി ആശുപത്രിയിൽ പ്രവേശിപ്പിച്ചത്.

വി.എസ് അച്യുതാനന്ദന്റെ ആരോഗ്യ നില ഗുരുതരമായി തുടരുന്നു

കുട്ടികളടക്കം മിക്കവരും നോ പറയുന്ന പച്ചക്കറിയാണ് വെണ്ടയ്ക്ക. വെണ്ടയ്ക്കയിലെ വഴുവഴുപ്പാണ് മിക്കവാറും പേർക്കും ഇതിനോടുള്ള ഇഷ്ടമില്ലായ്മയ്ക്ക് കാരണം. വെണ്ടയ്ക്ക കൊണ്ട് തോരൻ, മെഴുക്ക് പുരട്ടി എന്നിവ തയ്യാറാക്കാറുണ്ട്. സാമ്പാറിലും വെണ്ടയ്ക്ക ഒഴിവാക്കാനാവാത്ത ചേരുവയാണ്. എന്നാൽ എങ്ങനെ തയ്യാറാക്കിയാലും വെണ്ടയ്ക്കയിലെ വഴുവഴുപ്പ് മിക്കപ്പോഴും അതുപോലെ തന്നെ കാണാറുണ്ട്.&nbsp;
എന്നാൽ വെണ്ടയ്ക്കയുടെ വഴുവഴുപ്പ് മാറ്റാൻ വഴിയുണ്ടെങ്കിലോ?ഒരിക്കലും പാചകം ചെയ്യുന്നതിന് തൊട്ടുമുൻപായി വെണ്ടയ്ക്ക കഴുകരുത്. കുറച്ച് സമയം മുൻപുതന്നെ വെണ്ടയ്ക്ക കഴുകി വയ്ക്കണം. വെണ്ടയ്ക്ക പാകം ചെയ്യുമ്പോൾ അൽപം തൈരോ നാരങ്ങാനീരോ ചേർത്താൽ വഴുവഴുപ്പ് മാറികിട്ടും.ധാരാളം പോഷകങ്ങളുടെ കലവറയാണ് വെണ്ടയ്ക്ക. നിരവധി രോഗങ്ങളെ അകറ്റാനും സഹായിക്കുന്നു. ഫൈബർ അടങ്ങിയിരിക്കുന്നതിനാൽ ദഹനപ്രക്രിയ സുഖമമാക്കി മലബന്ധത്തെ അകറ്റുന്നു. ആന്റി ഓക്സിഡന്റ് ഗുണങ്ങൾ ഉള്ളതിനാൽ കരളിനെ സംരക്ഷിക്കുന്നു

വെണ്ടയ്‌ക്കയിലെ വഴുവഴുപ്പ്  മാറ്റാൻ ചില വഴികളുണ്ട്

Health

കോന്നി: കോന്നി പാറമട അപകടത്തില്‍ രക്ഷാപ്രവര്‍ത്തനം താത്കാലികമായി നിര്‍ത്തിവെച്ചു. അപകടം നടന്ന സ്ഥലത്ത് വീണ്ടും പാറ ഇടിഞ്ഞു വീണതോടെയാണ് രക്ഷാപ്രവര്‍ത്തനം നിര്‍ത്തിവെച്ചത്. നിലവിലെ സാഹചര്യത്തില്‍ രക്ഷാപ്രവര്‍ത്തനം ദുഷ്‌കരമാണെന്ന് കണ്ടാണ് നിര്‍ത്തിവെച്ചത്.
അപകടത്തിന് ശേഷം രക്ഷാപ്രവര്‍ത്തനം നടക്കുന്നതിനിടെ മൂന്ന് തവണ പാറമടയിടിഞ്ഞിരുന്നു. ഇതോടെയാണ് ദൗത്യം താത്കാലികമായി നിര്‍ത്തിവെയ്ക്കാന്‍ തീരുമാനിച്ചത്. കരുനാഗപ്പള്ളിയില്‍ നിന്ന് വലിയ ക്രെയിന്‍ എത്തിച്ചതിന് ശേഷം ദൗത്യം പുനഃരാരംഭിക്കുമെന്നാണ് വിവരം.
രണ്ടിടങ്ങളില്‍ നിന്നാണ് യന്ത്രസാമഗ്രികള്‍ എത്തിക്കേണ്ടത്. ആലപ്പുഴയില്‍ നിന്ന് ഹിറ്റാച്ചിയും എത്തിക്കേണ്ടതുണ്ട്. ഉച്ചയ്ക്ക് ശേഷമെ ഇനി ദൗത്യം ആരംഭിക്കാന്‍ സാധിക്കു. ഇന്ന് രാവിലെ ഒമ്പതുമണിയോടെയാണ് രക്ഷാപ്രവര്‍ത്തനം തുടങ്ങിയത്.

പാറമട അപകടം;രക്ഷാപ്രവര്‍ത്തനം താത്കാലികമായി നിര്‍ത്തിവെച്ചു

മലയാള സിനിമയിൽ ചിരിയുടെ മറുവാക്കാണ് പഞ്ചാബി ഹൗസിലെ രമണൻ. ഇപ്പോഴിതാ, പഞ്ചാബി ഹൗസിൽ നമ്മെയെല്ലാം ചിരിപ്പിച്ച രമണന്റെ ഒരു സീൻ അഭിനയിച്ചു കാണിക്കുകയാണ് ബോളിവുഡ് താരം വിദ്യാ ബാലൻ.
ചപ്പാത്തി നഹീ..ചോർ ചോർ എന്ന് രമണൻ പറയുന്ന സംഭാഷണമാണ് വിദ്യ ഇപ്പോൾ അഭിനയിച്ചിരിക്കുന്നത്. തിങ്കളാഴ്ച വൈകീട്ടോടെ പുറത്തുവിട്ട റീൽ ഇതിനോടകം ആരാധകർ ഏറ്റെടുത്തുകഴിഞ്ഞു. ഒട്ടേറെ പേർ വിദ്യയുടെ റീലിന് അഭിനന്ദനങ്ങളേകിയും രം​ഗത്തെത്തി.വിദ്യ രം​ഗം അടിപൊളിയായി അഭിനയിച്ചുവെന്ന് മറ്റ് ചിലരും കമന്റ് ബോക്സിൽ എഴുതി.

'ചപ്പാത്തി നഹീ..ചോർ ചോർ'; രമണനായി തകർത്ത് വിദ്യാ ബാലൻ

തിരുവനന്തപുരം:കേരളത്തിൽ ഇന്നുമുതൽ 5 ദിവസം കനത്ത മഴയ്ക്കു സാധ്യത. മഹാരാഷ്ട്ര തീരം മുതൽ ഗോവ വരെ തീരത്തോടുചേർന്ന് ന്യൂനമർദ പാത്തി സ്ഥിതിചെയ്യുന്നതായി കേന്ദ്ര കാലാവസ്ഥ വകുപ്പ് അറിയിച്ചു. 11 വരെ ഒറ്റപ്പെട്ട ശക്തമായ മഴയുണ്ടാകും. ഈ ദിവസങ്ങളിൽ കണ്ണൂർ, കാസർകോട് ജില്ലകളിൽ യെലോ അലർട്ട് പ്രഖ്യാപിച്ചു.
24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കാനിടയുണ്ട്. കേരളത്തിൽ ഒറ്റപ്പെട്ടയിടങ്ങളിൽ 9 വരെ മണിക്കൂറിൽ 40 മുതൽ 50 കിലോമീറ്റർ വരെ വേഗത്തിൽ കാറ്റിനും സാധ്യതയുണ്ട്. കേരള, ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസ്സമില്ല. എന്നാൽ കർണാടക തീരത്ത് 11 വരെ മീൻപിടിത്തം വിലക്കിയിട്ടുണ്ട്.&nbsp;

സംസ്ഥാനത്ത് 5 ദിവസം കനത്ത മഴയ്ക്കു സാധ്യത

സിനിമാപ്രേക്ഷകരുടെ ഇഷ്ടതാരങ്ങളായ ജയറാമും മകന്‍ കാളിദാസ് ജയറാമും 22 വര്‍ഷങ്ങള്‍ക്ക് ശേഷം ഒരുമിച്ചഭിനയിക്കുന്ന 'ആശകള്‍ ആയിരം' എന്ന ചിത്രത്തിന്റെ ടൈറ്റില്‍ പോസ്റ്റര്‍ റിലീസായി. അരവിന്ദ് രാജേന്ദ്രനും ജൂഡ് ആന്റണി ജോസഫുമാണ് ആശകള്‍ ആയിരത്തിന്റെ രചന നിര്‍വഹിക്കുന്നത്. 'ഒരു വടക്കന്‍ സെല്‍ഫി' എന്ന ചിത്രത്തിലൂടെ മലയാളി സിനിമാ പ്രേക്ഷകര്‍ക്കു സുപരിചിതനായ ജി. പ്രജിത് ആണ് 'ആശകള്‍ ആയിരം' സംവിധാനം ചെയ്യുന്നത്. ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ ആണ് ചിത്രത്തിന്റെ നിര്‍മാണം നിര്‍വഹിക്കുന്നത്. ജൂഡ് ആന്റണി ജോസഫ് ആണ് 'ആശകള്‍ ആയിര'ത്തിന്റെ ക്രിയേറ്റിവ് ഡയറക്ടര്‍.
ബാലതാരമായി 'കൊച്ചു കൊച്ചു സന്തോഷങ്ങളി'ലും 'എന്റെ വീട് അപ്പുവിന്റെ'യും ചിത്രങ്ങളില്‍ കാളിദാസ് ജയറാം അച്ഛനോടൊപ്പം അഭിനയിച്ച് പ്രേക്ഷക ഹൃദയങ്ങള്‍ കീഴടക്കി. നായകവേഷങ്ങളിലേക്ക് ചേക്കേറിയപ്പോഴും മലയാളി പ്രേക്ഷകര്‍ എന്നും ആഗ്രഹിച്ചിരുന്ന ജയറാം- കാളിദാസ് കൂട്ടുകെട്ട് 'ആശകള്‍ ആയിര'ത്തിലൂടെ നിറവേറുകയാണ്.

കോ പ്രൊഡ്യൂസേഴ്സ്: ബൈജു ഗോപാലന്‍, വി.സി. പ്രവീണ്‍, എക്‌സിക്യൂട്ടീവ് പ്രൊഡ്യൂസര്‍: കൃഷ്ണമൂര്‍ത്തി, ഡിഒപി: ഷാജി കുമാര്‍, പ്രോജക്റ്റ് ഡിസൈനര്‍: ബാദുഷാ എന്‍.എം, എഡിറ്റര്‍: ഷഫീഖ് പി.വി, മ്യൂസിക്: സനല്‍ ദേവ്, ആര്‍ട്ട്: നിമേഷ് താനൂര്‍, കോസ്റ്റ്യൂം: അരുണ്‍ മനോഹര്‍, മേക്കപ്പ്: ഹസ്സന്‍ വണ്ടൂര്‍, ചീഫ് അസ്സോസിയേറ്റ് ഡയറക്ടര്‍: ബേബി പണിക്കര്‍, പബ്ലിസിറ്റി ഡിസൈന്‍: ടെന്‍ പോയിന്റ്, പിആര്‍ഒ: പ്രതീഷ് ശേഖര്‍.

22 വർഷങ്ങൾക്കുശേഷം ജയറാമും കാളിദാസും ഒന്നിക്കുന്നു;

22 വർഷങ്ങൾക്കുശേഷം ജയറാമും കാളിദാസും ഒന്നിക്കുന്നു

ന്യൂഡല്‍ഹി: കേന്ദ്രസര്‍ക്കാര്‍ നയങ്ങളില്‍ പ്രതിഷേധിച്ച് 10 തൊഴിലാളി യൂണിയനുകള്‍ സംയുക്തമായി പ്രതിഷേധിക്കുന്നു. ബുധനാഴ്ച പ്രഖ്യാപിച്ചിരിക്കുന്ന അഖിലേന്ത്യാ പണിമുടക്കിൽ വിവിധ വിഭാഗങ്ങളിലായി 25 കോടിയോളം വരുന്ന തൊഴിലാളികള്‍ പങ്കെടുക്കുമെന്നാണ് തൊഴിലാളി യൂണിയനുകള്‍ അവകാശപ്പെടുന്നത്.
കര്‍ഷകര്‍, ബാങ്കിങ് മേഖല, ഇന്ത്യാ പോസ്റ്റ്, കല്‍ക്കരി ഖനനം, ഫാക്ടറികള്‍, പൊതുഗതാഗതം എന്നീ മേഖലയില്‍ നിന്നുള്ള തൊഴിലാളികള്‍ പണിമുടക്കുമെന്ന് തൊഴിലാളി നേതാക്കള്‍ പറയുന്നു. എഐടിയുസി, ഹിന്ദ് മസ്ദൂര്‍ സഭ, സംയുക്ത കിസാന്‍ മോര്‍ച്ച, ഐഎന്‍ടിയുസി, സിഐടിയു, ഓള്‍ ഇന്ത്യ യുണൈറ്റഡ് ട്രേഡ് യൂണിയന്‍ സെന്റര്‍, ട്രേഡ് യൂണിയന്‍ കോര്‍ഡിനേറ്റ് സെന്റര്‍, സെല്‍ഫ് എംപ്ലോയ്ഡ് വുമണ്‍സ് അസോസിയേഷന്‍, ഓള്‍ ഇന്ത്യ സെന്‍ട്രല്‍ കൗണ്‍സില്‍ ഓഫ് യൂണിയന്‍സ്, ലേബര്‍ പ്രോഗ്രസീവ് ഫെഡറേഷന്‍, യുണൈറ്റഡ് ട്രേഡ് യൂണിയന്‍ കോണ്‍ഗ്രസ് തുടങ്ങിയ സംഘടനകളാണ് പങ്കുചേരുക.
യൂണിയനുകള്‍ മുന്നോട്ടുവെച്ച 17 ഇന നിര്‍ദ്ദേശങ്ങള്‍ കേന്ദ്രസര്‍ക്കാര്‍ തുടര്‍ച്ചയായി അവഗണിക്കുന്നതില്‍ പ്രതിഷേധിച്ചാണ് സമരം. പ്രധാനമായും കേന്ദ്രം കൊണ്ടുവന്ന തൊഴില്‍ നിയമം, സ്വകാര്യവത്കരണം, കരാര്‍ തൊഴില്‍ വ്യാപകമാക്കല്‍ തുടങ്ങിയ വിഷയങ്ങളിലാണ് യൂണിയനുകള്‍ക്ക് എതിര്‍പ്പുള്ളത്. അതേസമയം സംഘപരിവാര്‍ സംഘടനയായ ബിഎംഎസ് പണിമുടക്കിൽ പങ്കാളിയാകില്ല.
കേരളത്തില്‍ സിഐടിയു, എഐടിയുസി, ഐഎന്‍ടിയുസി എന്നീ സംഘടനകള്‍ പിന്തുണയ്ക്കും. കെ.എസ്.ആര്‍.ടി.സി, സ്വകാര്യ ബസ് സര്‍വീസുകളും, ബാങ്കിങ് മേഖല, പോസ്റ്റല്‍ സര്‍വീസ് എന്നിവയേയും പണിമുടക്ക് ബാധിക്കുമെന്നാണ് കരുതുന്നത്. എന്നാല്‍ റെയില്‍ സേവനങ്ങളോ, ബാങ്കിങ് സേവനങ്ങളിലൊ തടസമുണ്ടാകുമെന്ന് അധികൃതര്‍ വ്യക്തമാക്കിയിട്ടില്ല.

നാളെ അഖിലേന്ത്യാ പണിമുടക്ക്; 25 കോടിയാളുകള്‍ പണിമുടക്കുമെന്ന് യൂണിയനുകള്‍

National

മൂന്നിയൂര്‍: ദേശീയപാതയിലെ തലപ്പാറ വലിയപറമ്പിന് സമീപം സ്‌കൂട്ടറും കാറും തമ്മിലിടിച്ചതിനെത്തുടര്‍ന്ന് തോട്ടിലേക്ക് തെറിച്ചുവീണ യുവാവിന്റെ മൃതദേഹം കണ്ടെത്തി. തലപ്പാറ വലിയപറമ്പിന് സമീപത്തെ ചാന്ത് മുഹമ്മദ് കോയയുടെ മകന്‍ മുഹമ്മദ് ഹാഷിര്‍(22)ആണ് മരിച്ചത്.
ഞായറാഴ്ച വൈകുന്നേരം 6.30-ഓടെയാണ് ആറുവരിപ്പാതയിലെ സര്‍വീസ് റോഡില്‍ അപകടമുണ്ടായത്. ഒന്നര ദിവസത്തോളം നീണ്ട തിരച്ചിലിനൊടുവില്‍ ചൊവ്വാഴ്ച രാവിലെയാണ് ഹാഷിറിന്റെ മൃതദേഹം കണ്ടെത്തിയത്.സ്‌കൂട്ടര്‍ ഓടിച്ചിരുന്ന ഹാഷിര്‍ തോട്ടിലേക്ക് തെറിച്ചുവീഴുകയായിരുന്നു. ഞായറാഴ്ച രാത്രിയും തിങ്കളാഴ്ചയും മൂന്നിയൂര്‍ കിഴക്കന്‍ തോട്ടില്‍ തിരച്ചില്‍ നടത്തിയെങ്കിലും യുവാവിനെ കണ്ടെത്താനായിരുന്നില്ല. ദേശീയ ദുരന്തനിവാരണ സേന, അഗ്‌നിരക്ഷാസേന, സന്നദ്ധപ്രവര്‍ത്തകര്‍ തുടങ്ങിയവരുടെ നേതൃത്വത്തിലായിരുന്നു തിരച്ചില്‍.

കാറിടിച്ച് തോട്ടിൽ വീണ  സ്കൂട്ടർ യാത്രക്കാരന്റെ മൃതദേഹം  കണ്ടെത്തി

വാഷിംഗ്ടൺ: അമേരിക്കയിൽ വാഹനാപകടത്തിൽ ഹെെദരാബാദ് സ്വദേശികൾ കൊല്ലപ്പെട്ടു. ഡാലസിൽ തിങ്കളാഴ്ചയാണ് സംഭവം നടന്നത്. ശ്രീ വെങ്കട്ട്, ഭാര്യ തേജസ്വിനി, രണ്ട് മക്കൾ എന്നിവരാണ് മരിച്ചത്. ബന്ധുക്കളെ സന്ദർശിച്ച് മടങ്ങുന്നതിനിടെ ഇവർ സഞ്ചരിച്ച കാർ ട്രക്കിൽ ഇടിക്കുകയായിരുന്നു.
തുടർന്ന് കാറിന് തീപിടിച്ചു. കാറിൽ നിന്ന് രക്ഷപ്പെടാനാകാതെ നാലുപേരും സംഭവസ്ഥലത്ത് തന്നെ വെന്തുമരിച്ചു. യുഎസിൽ അവധി ആഘോഷിക്കാൻ എത്തിയവരാണ്. തെറ്റായ ദിശയിലൂടെ എത്തിയ ഒരു മിനിട്രക്കാണ് ഇവരുടെ കാറിൽ ഇടിച്ചെതെന്നാണ് റിപ്പോർട്ട്. മൃതദേഹങ്ങൾ കത്തിക്കരിഞ്ഞതിനാൽ ഡിഎൻഎ പരിശോധന നടത്തിയ ശേഷം ബന്ധുക്കൾക്ക് വിട്ടുകൊടുത്തതായി അധികൃതർ അറിയിച്ചു.

ട്രക്കും കാറും കൂട്ടിയിടിച്ച് തീപിടിച്ചു; അമേരിക്കയിൽ  ഹെെദരാബാദ് കുടുംബം വെന്തുമരിച്ചു

കോഴിക്കോട്: കക്കാടംപൊയില്‍ പീടികപ്പാറ തേനരുവിയില്‍ വീട്ടു മുറ്റത്ത് നിര്‍ത്തിയിട്ട ജീപ്പ് കാട്ടാന കുത്തി മറിച്ചിട്ടു. ഏറ്റുമാനൂര്‍കാരന്‍ അവറാച്ചന്റെ വീട്ടുമുറ്റത്തെ ജീപ്പാണ് കാട്ടാന നശിപ്പിച്ചത്.
കഴിഞ്ഞ കുറേ ദിവസങ്ങളായി ഒരു കാട്ടാനയെ പ്രദേശത്ത് കാണുന്നുണ്ടെന്നും വീടുകള്‍ക്കു ചുറ്റിലും എത്തുന്ന ആന കൃഷി മുഴുവനായും നശിപ്പിച്ചതായും നാട്ടുകാര്‍ പറയുന്നു.നിരവധി തവണ വനവകുപ്പിനെ അറിയിച്ചിട്ടും ആനയെ കാട്ടിലേക്ക് തിരികെ അയക്കുന്നതിനുള്ള യാതൊരു നടപടിയും ഉണ്ടായില്ലെന്നും പ്രദേശവാസികള്‍പറയുന്നു.

കക്കാടംപൊയില്‍ വീട്ടു മുറ്റത്ത് നിര്‍ത്തിയിട്ട ജീപ്പ് കാട്ടാന കുത്തി മറിച്ചിട്ടു

പാലക്കാട്: നിപ സമ്പർക്കപ്പട്ടികയിലുൾപ്പെട്ട അതിഥിത്തൊഴിലാളിയെ കണ്ടെത്താൻ ശ്രമവുമായി പോലീസ്. ഇയാൾ മലപ്പുറത്തുള്ളതായി വിവരം ലഭിച്ചെന്ന് മന്ത്രി വീണാ ജോർജ് പറഞ്ഞു. മണ്ണാർക്കാട്ടെ സ്വകാര്യ ക്ലിനിക്കിലെത്തിയ ഇയാളെ സിസിടിവി ദൃശ്യങ്ങൾ പരിശോധിച്ചപ്പോഴാണ് പ്രാഥമിക സമ്പർക്കപ്പട്ടികയിലുൾപ്പെട്ടതായി കണ്ടെത്തിയത്. പോലീസിന്റെ പ്രത്യേകസംഘം അന്വേഷണം ഊർജിതമാക്കിയെന്ന് പാലക്കാട് ഗവ. മെഡിക്കൽ കോളേജിൽ ചേർന്ന നിപ അവലോകന യോഗത്തിനുശേഷം മന്ത്രി മാധ്യമങ്ങളോട് പറഞ്ഞു.
നിപ കേസുകളുടെ ഉറവിടം കണ്ടെത്താൻ‍ ജൂൺ ഒന്നുമുതൽനടന്ന മരണങ്ങൾ പരിശോധിക്കും. ആറുമാസത്തിനിടെ മസ്തിഷ്കജ്വരം ബാധിച്ച് മരിച്ചവരുടെ രോഗകാരണവും പരിശോധിക്കും. സ്വകാര്യ ആശുപത്രികളുടെയും ഇന്ത്യൻ മെഡിക്കൽ അസോസിയേഷന്റെയും സഹകരണത്തോടെയാകും പരിശോധന.നിപ ബാധിച്ച് കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലുള്ള തച്ചനാട്ടുകര സ്വദേശിനിയുടെ നില ഗുരുതരമായി തുടരുകയാണ്. രോഗിക്ക് മോണോക്ലോണൽ ആന്റിബോഡിയുടെ രണ്ടാംഡോസ് തിങ്കളാഴ്ച നൽകി. രോഗിയുടെ വീട്ടിലും പരിസരത്തും മൃഗങ്ങൾ ചത്തിട്ടുണ്ടോയെന്ന് പരിശോധിച്ചുവരികയാണ്. വവ്വാലുകളുടെ സ്രവപരിശോധനയ്ക്കുള്ള അനുമതി മൃഗസംരക്ഷണ വകുപ്പിന് നൽകാൻ കേന്ദ്രത്തോട് അഭ്യർഥിച്ചതായും മന്ത്രി പറഞ്ഞു.&nbsp;

നിപ; പാലക്കാട് സ്വദേശിനിയുടെ നില ​ഗുരുതരമായി തുടരുന്നു,സമ്പർക്കപ്പട്ടികയിലുള്ള അതിഥിത്തൊഴിലാളിക്കായി അന്വേഷണം

കൊച്ചി: സ്കൂളുകളിൽ സൂംബ ഡാൻസ് പദ്ധതി നടപ്പാക്കുന്നതിനെതിരേ ഫെയ്സ്ബുക്ക് പോസ്റ്റിട്ട അധ്യാപകനും വിസ്ഡം ഇസ്‌ലാമിക് ഓർഗനൈസേഷൻ ജനറൽ സെക്രട്ടറിയുമായ ടി.കെ. അഷ്‌റഫിനെ സസ്പെൻഡ് ചെയ്ത നടപടി ഹൈക്കോടതി റദ്ദാക്കി. മൂന്നുദിവസത്തിനകം മറുപടിനൽകാൻ ആവശ്യപ്പെട്ട് മെമ്മോ നൽകിയതിൻറെ പിറ്റേന്നുതന്നെ സസ്പെൻഡ് ചെയ്തത് നിയമവിരുദ്ധമാണെന്നുകാണിച്ച് അഷ്റഫ് നൽകിയ ഹർജി പരിഗണിച്ച് ജസ്റ്റിസ് ഡി.കെ. സിങ്ങിൻറേതാണ് ഉത്തരവ്. മറുപടിക്ക്‌ സമയം നൽകിയില്ലെന്നത് കണക്കിലെടുത്താണ് സസ്പെൻഷൻ റദ്ദാക്കിയത്. നടപടി സ്കൂൾമാനേജർ പുനഃപരിശോധിക്കണമെന്നും നോട്ടീസിന് ഹർജിക്കാരൻ നൽകിയ മറുപടി പരിഗണിക്കണമെന്നും കോടതി നിർദേശിച്ചു.
എടത്തനാട്ടുകര പികെഎം യുപി സ്കൂൾ അധ്യാപകനാണ് ടി.കെ. അഷ്റഫ്. അധ്യാപകനെ സര്‍വീസില്‍ നിന്ന് സസ്‌പെന്‍ഡ് ചെയ്യണമെന്ന് കാണിച്ച് പാലക്കാട് വിദ്യാഭ്യാസ ഉപഡയറക്ടര്‍ സ്‌കൂള്‍ മാനേജര്‍ക്ക് നോട്ടീസ് നൽകിയിരുന്നു. സര്‍ക്കാരിനെയും പൊതുവിദ്യാഭ്യാസ വകുപ്പിനെയും അപകീര്‍ത്തിപ്പെടുത്തും വിധം ടി.കെ അഷ്‌റഫ് സാമൂഹിക മാധ്യമങ്ങളില്‍ പോസ്റ്റിട്ടുവെന്നാണ് മാനേജര്‍ക്ക് വിദ്യാഭ്യാസ വകുപ്പ് നല്‍കിയ കത്തിലുണ്ടായിരുന്ന പരാമര്‍ശം.ടി.കെ അഷ്റഫിനെതിരെ വിദ്യാഭ്യാസ വകുപ്പ് നടപടി സ്വീകരിച്ചതിൽ പ്രതിഷേധവുമായി വിസ്ഡം ഇസ്ലാമിക് ഓർ​ഗനൈസേഷൻ രം​ഗത്തെത്തിയിരുന്നു.

സൂംബ ഡാൻസിനെതിരേ ഫെയ്സ്ബുക്ക് പോസ്റ്റിട്ട ടി.കെ. അഷ്‌റഫിന്റെ സസ്പെൻഷൻ റദ്ദാക്കി ഹൈക്കോടതി

ഇരിട്ടി : എംഡിഎംഎയുമായി പിടിയിലായ സിപിഎം വളപട്ടണം ലോക്കല്‍ കമ്മിറ്റിയംഗം ഉള്‍പ്പെടെ രണ്ടുപേര്‍ റിമാന്‍ഡില്‍. കൂട്ടുപുഴ പോലീസ് ചെക്പോസ്റ്റില്‍ നടത്തിയ പരിശോധനയിയിലാണ് ഇരുവരും പിടിയിലായത്. വളപട്ടണം ലോക്കല്‍ കമ്മിറ്റിയംഗം എച്ച്എസ് ബ്രയിറ്റില്‍ വി.കെ. ഷമീര്‍ (38), വളപട്ടണത്തെ കെ.വി. ഹഷിര്‍ (42), എന്നിവരാണ് 17.753 ഗ്രാം എംഡിഎംഎയുമായി ഇരിട്ടി പോലീസ് അറസ്റ്റ് ചെയ്തത്.
ഇരിട്ടി എസ്ഐ കെ. ഷറഫുദ്ദീനും സംഘവും കണ്ണൂര്‍ റൂറല്‍ പോലീസ് മേധാവിയുടെ ലഹരി വിരുദ്ധ സ്‌ക്വാഡും ചേര്‍ന്ന് നടത്തിയ വാഹന പരിശോധനയിലാണ് കര്‍ണാടകയില്‍നിന്ന് കാറില്‍ കടത്തിക്കൊണ്ടുവന്ന എംഡിഎംഎ പിടിച്ചത്. ബെംഗളൂരൂ വഴിയാണ് കാറില്‍ ലഹരി ഉത്പന്നം എത്തിച്ചതെന്ന് പോലീസ് പറഞ്ഞു. കാര്‍ കസ്റ്റഡിയിലെടുത്തു.
വി.കെ. ഷമീറിനെ പാര്‍ട്ടിയുടെ അംഗത്വത്തില്‍നിന്ന് സസ്‌പെന്‍ഡ് ചെയ്തതായി സിപിഎം ജില്ലാ കമ്മിറ്റി ഓഫീസ് അറിയിച്ചു. പാര്‍ട്ടിയുടെ യശസ്സിന് കളങ്കമേല്‍പ്പിക്കും വിധം പ്രവര്‍ത്തിച്ചതിന് പാര്‍ട്ടി അംഗത്വത്തില്‍നിന്ന് അന്വേഷണ വിധേയമായി സസ്‌പെഡ് ചെയ്യാന്‍ തീരുമാനിച്ചതായാണ് അറിയിപ്പ്.

എംഡിഎംഎയുമായി  സിപിഎം ലോക്കല്‍ കമ്മിറ്റിയംഗം ഉള്‍പ്പെടെ രണ്ടുപേര്‍ റിമാന്‍ഡില്‍

Kannur

കോഴിക്കോട്: കാക്കൂരിൽ ചേലാകർമത്തിന് എത്തിച്ച കുഞ്ഞ് മരിച്ച സംഭവത്തിൽ ആരോഗ്യ വകുപ്പ് അന്വേഷണം തുടങ്ങി. കുഞ്ഞിനെ എത്തിച്ച കാക്കൂരിലെ കോ ഓപ്പറേറ്റീവ് ക്ലിനിക്കിൽ ആരോഗ്യ വകുപ്പ് പരിശോധന നടത്തി. കുട്ടിയെ ചികിൽസിച്ച ഡോക്ടറിൽ നിന്നും വിവരങ്ങൾ ശേഖരിച്ചു.
കുഞ്ഞിന്റെ മരണത്തിൽ ബാലവകാശ കമ്മീഷനും സ്വമേധയാ കേസ് എടുത്തു. സംഭവത്തിൽ അന്വേഷണം നടത്തി 10 ദിവസത്തിനകം റിപ്പോർട്ട്‌ പരിശോധനയ്ക്ക് അയക്കാൻ ആരോഗ്യവകുപ്പിനോടും കക്കൂർ പോലീസിനോടും ആവശ്യപ്പെട്ടിട്ടുണ്ട്.അതേസമയം കുഞ്ഞിന്റെ മരണത്തിൽ ചികിത്സാ പിഴവ് ഉണ്ടായിട്ടില്ലെന്ന വിശദീകരണവുമായി ആശുപത്രി അധികൃതർ രംഗത്തെത്തി. കുഞ്ഞിന് ലോക്കൽ അന്സ്തീഷ്യ ആണ് നൽകിയത് എന്നും ഡോസ് എടുക്കാൻ തുടങ്ങിയപ്പോൾ തന്നെ കുഞ്ഞിന് ക്ഷീണം അനുഭവപ്പെട്ടതിനാൽ ഉടൻ നടപടി ക്രമങ്ങൾ അവസാനിപ്പിച്ച് വിദഗ്ദ ചികിത്സയ്ക്കായി മാറ്റിയെന്നും ആശുപത്രി അധികൃതർ അറിയിച്ചു.

ചേലാകർമത്തിന് എത്തിച്ച കുഞ്ഞ് മരിച്ച സംഭവം: ആരോഗ്യ വകുപ്പ് അന്വേഷണം തുടങ്ങി

ചെന്നൈ: തമിഴ്‌നാട്ടിലെ കടലൂരില്‍ സ്‌കൂള്‍ വാനില്‍ ട്രെയിനിടിച്ച് മൂന്നു കുട്ടികള്‍ക്ക് ദാരുണാന്ത്യം. വാഹനത്തിൽ ഉണ്ടായിരുന്ന മറ്റു കുട്ടികൾക്കും പരിക്കേറ്റു. കടലൂരിന് സമീപം ശെമ്പന്‍കുപ്പം എന്ന സ്ഥലത്താണ് അപകടമുണ്ടായത്. ഇതൊരു ആളില്ലാ ലെവല്‍ ക്രോസാണ്.
ദൂരെ നിന്ന് ട്രെയിന്‍ വരുന്നത് കണ്ടിട്ടും സ്‌കൂള്‍ വാനിന്റെ ഡ്രൈവര്‍ വാഹനം മുന്നോട്ടെടുക്കുകയായിരുന്നു. ഇതാണ് അപകടത്തിന് കാരണം. 10 കുട്ടികളും ഡ്രൈവറും ആയയും വാഹനത്തിലുണ്ടായിരുന്നു. അപകടത്തില്‍ വാഹനത്തിലുണ്ടായിരുന്ന മൂന്ന് കുട്ടികളുടെ മരണം സ്ഥിരീകരിച്ചു.പരിക്കേറ്റവരെ സമീപത്തുള്ള ആശുപത്രിയിലേക്ക് മാറ്റി. സംഭവത്തില്‍ അന്വേഷണം ആരംഭിച്ചിട്ടുണ്ട്.

തമിഴ്‌നാട്ടിലെ കടലൂരില്‍ സ്‌കൂള്‍ വാനില്‍ ട്രെയിനിടിച്ച് 3 കുട്ടികള്‍ക്ക് ദാരുണാന്ത്യം

തിരുവനന്തപുരം: സ്വകാര്യ ബസുടമകൾ ട്രാൻസ്പോർട്ട് കമീഷണറുമായി നടത്തിയ ചർച്ച പരാജയപ്പെട്ടു. ജൂലൈ എട്ടിന് സ്വകാര്യ ബസുടമകൾ പണിമുടക്ക് പ്രഖ്യാപിച്ച സാഹചര്യത്തിലാണ് ചർച്ച നടന്നത്. എന്നാൽ ചർച്ച പരാജയമായിരുന്നുവെന്ന് സ്വകാര്യ ബസ് ഉടമകൾ പറഞ്ഞു.
ദീർഘദൂര ലിമിറ്റഡ് സ്റ്റോപ് ഉൾപ്പെടെയുള്ള പെർമിറ്റുകൾ യഥാസമയം പുതുക്കി നൽകണമെന്നും അർഹതപ്പെട്ടവർക്കു മാത്രമായി കുട്ടികളുടെ കൺസഷൻ പരിമിതപ്പെടുത്തണമെന്നും ആവശ്യപ്പെട്ടായിരുന്നു സ്വകാര്യ ബസുകൾ എട്ടിന് സൂചന പണിമുടക്ക് നടത്തുമെന്ന് അറിയിച്ചിരുന്നത്. ബസ് വ്യവസായമേഖല നേരിടുന്ന വിവിധ പ്രശ്നങ്ങൾ പരിഹരിക്കാൻ സർക്കാർ തയാറാകാത്തതിൽ പ്രതിഷേധിച്ചാണ് ചൊവ്വാഴ്ച സൂചന പണിമുടക്കും 22 മുതൽ അനിശ്ചിതകാല സമരവും നടത്തുന്നതെന്ന് ഉടമകൾ പറയുന്നു.

ചർച്ച പരാജയപ്പെട്ടു ;സംസ്ഥാനത്ത് നാളെ സ്വകാര്യ ബസ് പണിമുടക്ക്

നാദാപുരം: വളയത്ത് വ്യാപാര സ്ഥാപനത്തിന് മുന്നിൽ സ്റ്റീൽ ബോംബ് കണ്ടെത്തി. സ്റ്റീൽ ബോംബ് പോലീസ് കസ്റ്റഡിയിൽ എടുത്തു. വളയം നിരവുമ്മലിലെ നടുക്കണ്ടിയിൽ ദാമോദരൻ്റെ കടക്ക് മുന്നിലാണ് സ്റ്റീൽ കണ്ടെയ്നർ കണ്ടെത്തിയത്.
കണ്ടെയ്നറിൻ്റെ മൂടി ഭാഗം തുറന്ന് കിടക്കുന്ന നിലയിലായിരുന്നു. വെടിമരുന്ന് ഉൾപ്പെടെയുള്ളവ നിലത്ത് ചിതറി കിടന്നിരുന്നു. വളയം പോലീസ് സ്ഥലത്ത് പരിശോധന നടത്തി.

വളയത്ത് വ്യാപാര സ്ഥാപനത്തിന് മുന്നിൽ സ്റ്റീൽ ബോംബ് കണ്ടെത്തി

Nadapuram

പേ​രാ​മ്പ്ര: ബ​സ് യാ​ത്ര​ക്കി​ട​യി​ല്‍ യു​വ​തി​ക്കെ​തി​രെ ലൈം​ഗി​കാ​തി​ക്ര​മം ന​ട​ത്തി ഒ​ളി​വി​ല്‍ പോ​യ ക​ണ്ട​ക്ട​ര്‍ പി​ടി​യി​ല്‍. നൊ​ച്ചാ​ട് മാ​പ്പ​റ്റ​കു​നി റ​ഊ​ഫ് (38) ആ​ണ് പി​ടി​യി​ലാ​യ​ത്. കോ​ഴി​ക്കോ​ട്-​കു​റ്റ്യാ​ടി റൂ​ട്ടി​ല്‍ ഓ​ടു​ന്ന സ്വ​കാ​ര്യ ബ​സി​ന്റെ ക​ണ്ട​ക്ട​റാ​യി​രു​ന്നു ഇ​യാ​ൾ.
ജൂ​ണ്‍ 10നാ​യി​രു​ന്നു സം​ഭ​വം. ആ​ക്ര​മ​ണ​ത്തി​നി​ര​യാ​യ യു​വ​തി ന​ൽ​കി​യ പ​രാ​തി​യി​ൽ പേ​രാ​മ്പ്ര പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ന​ട​ത്തു​ന്ന​തി​നി​ടെ പ്ര​തി മു​ങ്ങു​ക​യാ​യി​രു​ന്നു. കോ​യ​മ്പ​ത്തൂ​ര്‍, കോ​ഴി​ക്കോ​ട് തു​ട​ങ്ങി പ​ല സ്ഥ​ല​ങ്ങ​ളി​ലാ​യി ഇ​യാ​ള്‍ ഒ​ളി​വി​ല്‍ ക​ഴി​ഞ്ഞു.പൊ​ലീ​സ് അ​ന്വേ​ഷി​ക്കു​ന്ന​തി​നി​ട​യി​ല്‍ പ്ര​തി വ്യാ​ജ പേ​രി​ല്‍ സ്റ്റേ​ഷ​നി​ൽ മ​റ്റൊ​രാ​വ​ശ്യ​ത്തി​ന് എ​ത്തി​യ​താ​യി പൊ​ലീ​സി​ന് വി​വ​രം ല​ഭി​ച്ചു. തു​ട​ര്‍ന്നു​ള്ള അ​ന്വേ​ഷ​ണ​ത്തി​ലാ​ണ് പി​ടി​യി​ലാ​യ​ത്. ഇ​ന്‍സ്‌​പെ​ക്ട​ര്‍ പി. ​ജം​ഷി​ദി​ന്റെ നി​ർ​ദേ​ശ​പ്ര​കാ​രം സ​ബ് ഇ​ന്‍സ്‌​പെ​ക്ട​ര്‍ ടി.​സി. ഷാ​ജി, എ​സ്‌.​സി.​പി.​ഒ സി.​എം. സു​നി​ല്‍കു​മാ​ര്‍ എ​ന്നി​വ​ര്‍ ചേ​ര്‍ന്നാ​ണ് പ്ര​തി​യെ അ​റ​സ്റ്റ് ചെ​യ്ത​ത്.

ബസ് യാത്രക്കിടെ ലൈം​ഗി​കാ​തി​ക്ര​മം:നൊ​ച്ചാ​ട് സ്വദേശിയായ ​​​ക​ണ്ട​ക്ട​ർ പി​ടി​യി​ൽ

Perambra

കുറ്റ്യാടി: കുറ്റ്യാടിയിൽ രാസലഹരി നല്‍കി വിദ്യാര്‍ഥികളെ പീഡിപ്പിച്ച സംഭവത്തില്‍ ഒരാള്‍ കൂടി പിടിയില്‍. കുറ്റ്യാടി അടുക്കത്ത് സ്വദേശി പാറക്ക്താഴ സഫീറിനെ ആണ് കുറ്റ്യാടി പൊലീസ് അറസ്റ്റ് ചെയ്തത്. രാസലഹരി നല്‍കി വിദ്യാര്‍ഥികളെ ലൈംഗികമായി ഉപദ്രവിച്ചയാളും കേസിലെ ഒന്നാം പ്രതിയുമായ അടുക്കത്ത് സ്വദേശി അജിനാസിന് എംഡിഎംഎ എത്തിച്ച് നല്‍കിയത് സഫീര്‍ ആണെന്ന വിവരത്തിന്‍റെ അടിസ്ഥാനത്തിലാണ് നടപടി.
അടുക്കത്തെ വീട്ടില്‍ നിന്ന് പിടികൂടിയ പ്രതിയെ കോടതില്‍ ഹാജരാക്കി റിമാന്‍ഡ് ചെയ്തു. കേസില്‍ നേരത്തെ അജിനാസിനെ കൂടാതെ ഭാര്യ മിസ്രിയയെയും അറസ്റ്റ് ചെയ്തിരുന്നു. മൂന്നാമത്തെ അറസ്റ്റാണിത്. ഒരു വര്‍ഷം മുന്‍പ് പരാതിക്കാരനായ പതിനെട്ടുകാരനെ ലഹരിനല്‍കി പീഡിപ്പിച്ചെന്നാണ് ആദ്യത്തെ കേസ്. പിന്നാലെ മറ്റൊരു വിദ്യാര്‍ഥി കൂടി പരാതിയുമായെത്തി. മൂന്നാമത്തെ കേസില്‍ പെണ്‍കുട്ടിയാണ് പരാതി നല്‍കിയത്. ആദ്യത്തെ കേസിലെ പരാതിക്കാരന്‍റെ സുഹൃത്താണ് ഈ പെണ്‍കുട്ടി. അജിനാസിന്‍റെ നിര്‍ബന്ധപ്രകാരം പെണ്‍കുട്ടിയെ എത്തിച്ചെന്നും പീഡിപ്പിച്ചെന്നുമാണ് കേസ്. ഇതുപോലെ പ്രായപൂര്‍ത്തിയാകാത്ത മറ്റുചില കുട്ടികളെക്കൂടി ഭീഷണിപ്പെടുത്തി എത്തിച്ചതായും സംശയമുണ്ട്.

കുറ്റ്യാടിയിൽ രാസലഹരി നല്‍കി വിദ്യാര്‍ഥികളെ പീഡിപ്പിച്ച കേസ്; ഒരാള്‍ കൂടി പിടിയില്‍

Kuttiadi

തിരുവല്ല: അവിവാഹിതയായ നാല്പതുകാരിയെ വിവാഹവാഗ്ദാനം നൽകി പീഡിപ്പിച്ചകേസിൽ തൊടുപുഴ ഉടുമ്പന്നൂർ മലയിഞ്ചി തെങ്ങനാരക്കൽ വീട്ടിൽ ടി.ആർ. ബൈജു (49) അറസ്റ്റിലായി. വിവാഹിതനും രണ്ട് കുട്ടികളുടെ അച്ഛനുമാണ് ഇയാൾ. മൂന്ന് വർഷം മുമ്പ് ഫെയ്സ്ബുക്കിലൂടെയാണ് ബൈജു യുവതിയുമായി പരിചയത്തിലായത്.
2022 ജൂൺ ഒന്നുമുതൽ 2025 മേയ് നാലുവരെയുളള കാലയളവിൽ വിവിധ ഇടങ്ങളിൽവെച്ച് പീഡിപ്പിച്ചതായാണ് യുവതിയുടെ പരാതി. വിവാഹമോചിതനാണെന്നും യുവതിയെ വിവാഹം കഴിച്ചോളാം എന്നും വിശ്വസിപ്പിച്ചാണ് ഇയാൾ ബന്ധം ഉണ്ടാക്കിയെടുത്തത്. യുവതിയുടെ അമ്മയേയും ഇയാൾ സ്വാധീനിച്ചു.തമ്പാനൂരിലെ ലോഡ്ജിൽ എത്തിച്ചായിരുന്നു അദ്യ പീഡനം. ചെങ്ങന്നൂർ, കോഴഞ്ചേരി, തിരുവല്ല, ഇടുക്കി എന്നിവിടങ്ങളിലെ ലോഡ്ജുകളിലും പിഡബ്ല്യുഡി റെസ്റ്റ് ഹൗസുകളിലും യുവതിയെ എത്തിച്ച് പീഡനം തുടർന്നു. കഴിഞ്ഞ ദിവസം തിരുവല്ല പോലീസിൽ യുവതി പരാതി നൽകുകയായിരുന്നു. പരാതിക്കാര്യം അറിയാതെ യുവതിയെക്കാണാൻ തിരുവല്ലയിലെത്തിയ ബൈജുവിനെ ബസ്‌സ്റ്റാൻഡിൽ വെച്ച് പോലീസ് പിടികൂടി.പ്രതിയെ റിമാൻഡ് ചെയ്തു.

അവിവാഹിതയായ യുവതിയെ വിവാഹ വാഗ്ദാനം നല്‍കി പീഡിപ്പിച്ച 49-കാരൻ അറസ്റ്റിൽ

കരുനാഗപ്പള്ളി:പ്രായപൂർത്തിയാകാത്ത പെൺകുട്ടിയെ ലൈംഗികമായി ഉപദ്രവിച്ച കേസിൽ 25-കാരന്‌ 58 വർഷം തടവും 3.85 ലക്ഷം രൂപ പിഴയും ശിക്ഷിച്ചു. കൊല്ലം ഈസ്റ്റ് ഉളിയക്കോവിൽ കണ്ണമത്ത് നിധിൻനിവാസിൽ ബേബി രാജിനെയാണ് ശിക്ഷിച്ചത്.
പിഴ ഒടുക്കിയില്ലെങ്കിൽ മൂന്നുവർഷവും ഏഴുമാസവുംകൂടി അധികതടവ് അനുഭവിക്കണം. കരുനാഗപ്പള്ളി ഫാസ്റ്റ് ട്രാക്ക് പ്രത്യേക കോടതി ജഡ്ജി എ. സമീറാണ് ശിക്ഷ വിധിച്ചത്. 2016-ലാണ് കേസിന്‌ സംഭവം.
അതിജീവിത പഠിക്കുന്ന സ്കൂളിലെ അധ്യാപകരുടെ ഇടപെടലിനെത്തുടർന്ന് വിവരം ബന്ധുക്കൾ ചൈൽഡ് ലൈനിൽ അറിയിച്ചിരുന്നു. ചൈൽഡ് ലൈനിന്റെ നിർദേശപ്രകാരം കൊല്ലം ഈസ്റ്റ് പോലീസ് കേസ് രജിസ്റ്റർ ചെയ്ത് അന്വേഷണം നടത്തുകയായിരുന്നു. പ്രോസിക്യൂഷൻ ഭാഗത്തുനിന്ന്‌ 17 സാക്ഷികളെ വിസ്തരിച്ചു. 14 രേഖകൾ ഹാജരാക്കി.

പ്രായപൂർത്തിയാകാത്ത പെൺകുട്ടിയെ ലെെം​ഗികമായി ഉപദ്രവിച്ച കേസിൽ  25-കാരന് 58 വർഷം തടവും പിഴയും

നാദാപുരം: വളയത്ത് വീണ്ടും ഓൺലൈൻ തട്ടിപ്പ്. ഇരട്ടിയിലധികം പണം ലാഭം തരാമെന്ന് വിശ്വസിപ്പിച്ച് റിട്ട: അധ്യാപകൻ്റെ ഏഴ് ലക്ഷത്തിൽ പരം രൂപ തട്ടി എടുത്തതായാണ് പരാതി. സഞ്ജന എ എസ് എന്ന ആൾക്കെതിരെ വളയം പോലീസ് കേസെടുത്തു. റിട്ട അധ്യാപകൻ ചെക്യാട് അമ്പൂൻ്റ പറമ്പ് സ്വദേശി വിപഞ്ചിക വീട്ടിൽ കെ ശശിധരനാണ് പരാതിക്കാരൻ.&nbsp;
2025 ജനുവരി 24 മുതൽ ജൂൺ 6 വരെയുള്ള കാലയളവിൽ 714036 രൂപ സഞ്ജന എ എസ് എന്നയാൾ തട്ടിയെടുത്തതായാണ് പരാതി. ടാറ്റ പ്രോപ്പർട്ടി ഹൗസിംഗ് സൈറ്റ് പ്രൊജക്ട് എന്ന സൈറ്റിൽ ലാഭം തരാമെന്ന് വിശ്വസിപ്പിച്ച് പണം നിക്ഷേപിപ്പിച്ച് മുതലും ലാഭവും തരാതെ വഞ്ചിച്ചെന്ന് പരാതിയിൽ പറയുന്നു.

ഓൺലൈൻ തട്ടിപ്പ്; വളയത്ത് റിട്ട അധ്യാപകന് ഏഴ് ലക്ഷത്തിലധികം നഷ്ട്ടമായി

കൊച്ചി: പി ജി വിദ്യാർത്ഥിനി ആത്മഹത്യ ചെയ്തു. പെരുമ്പാവൂർ സ്വദേശിനി അക്ഷരയാണ് (23) മരിച്ചത്. പരീക്ഷയ്‌ക്ക് തോൽക്കുമോയെന്ന മനോവിഷമത്തിലാണ് പെൺകുട്ടി ജീവനൊടുക്കിയതെന്നാണ് റിപ്പോർട്ടുകൾ. കുറുപ്പംപടിയിലെ സ്വകാര്യ കോളേജിൽ എം എസ് ഡബ്ല്യൂ വിദ്യാർത്ഥിനിയാണ്.
ഇന്നലെ പരീക്ഷയുണ്ടായിരുന്നു. ഇന്ന് രാവിലെ വീട്ടിലെ കിടപ്പുമുറിയിൽ തൂങ്ങമരിച്ചനിലയിലാണ് അക്ഷരയെ കണ്ടെത്തിയത്. മുറിയിൽ നിന്ന് ആത്മഹത്യാക്കുറിപ്പും കിട്ടിയിട്ടുണ്ട്. കഴിഞ്ഞ ദിവസത്തെ പരീക്ഷ പ്രതീക്ഷിച്ച രീതിയിൽ എഴുതാനായില്ലെന്നാണ് ആത്മഹത്യാക്കുറിപ്പിലുള്ളത്. സംഭവത്തിൽ ദുരൂഹതയില്ലെന്നാണ് പൊലീസിന്റെ പ്രാഥമിക നിഗമനം.

പരീക്ഷയ്‌ക്ക് തോൽക്കുമോയെന്ന പേടി; പി ജി വിദ്യാർത്ഥിനി ആത്മഹത്യ ചെയ്തു

Search Results for: 08.07.2025