വടകര: ഓണത്തിന് പൂക്കൾ എത്തിക്കുക എന്ന ലക്ഷ്യത്തോടെ കാർഷിക മേഖലയിൽ കുടുംബശ്രീ നടപ്പാക്കുന്ന 'നിറപ്പൊലിമ' പദ്ധതിക്ക് ചോറോട് തുടക്കം കുറിച്ചു. ഗ്രാമപഞ്ചായത്ത് മോഡൽ സി ഡി എസിലെ വാർഡ് അഞ്ചിലെ 'സുകൃതി' ജെ എൽജി ഗ്രൂപ്പിൻ്റെ നേതൃത്വത്തിൽ തൈ നട്ടു കൊണ്ട് പഞ്ചായത്ത് പ്രസിഡൻ്റ് പി പി ചന്ദ്രശേഖരൻ ഉദ്ഘാടനം ചെയ്തു.&nbsp;
വൈസ് പ്രസിഡൻ്റ് രേവതി പെരുവാണ്ടിയിൽ അദ്ധ്യക്ഷത വഹിച്ചു. ആശംസകളർപ്പിച്ചു കൊണ്ട് കുടുബശ്രീ ചെയർപേഴ്സൺ അനിത കെ , എം സി ബാലകൃഷ്ണ , എ പി ചന്ദ്രൻ എന്നിവർ സംസാരിച്ചു. , എ ഡി എസ് മെമ്പർമാർ , കുടുംബശ്രീ അംഗങ്ങൾ, നാട്ടുകാരും പങ്കെടുത്തു. ജെ എൽ ജി കൺവീനർ ബീന ജി ആർ സ്വാഗതം പറഞ്ഞു. ഗ്രൂപ്പ് അംഗം ശോഭ വി കെ, സി ഡി എസ് മെമ്പർ മഞ്ജുള എം എന്നിവർ നേതൃത്വം നൽകി.

ചെണ്ടുമല്ലി കൃഷി ആരംഭിച്ചു

Vadakara

കാസർകോട്: ദേശീയപാത പ്രവൃത്തി നടക്കുന്ന പിലിക്കോട് ഗവ. ഹയർസെക്കൻഡറി സ്കൂളിന് സമീപം പാർശ്വ റോഡിൽ ഗർത്തം. ബുധനാഴ്ച രാവിലെയാണ് ഗർത്തം രൂപപ്പെട്ടത്. നാലടിയോളം ആഴമുണ്ട്. പിലിക്കോട് ഗവ. ഹയർസെക്കൻഡറി സ്കൂളിലേക്ക് വിദ്യാർഥികൾ കടന്നുപോകുന്ന വഴി കൂടിയാണിത്.
ഗർത്തം രൂപപ്പെട്ടത് നാട്ടുകാരുടെ ശ്രദ്ധയിൽ പെട്ടതിനാൽ അപകടം ഒഴിവായി. അധ്യാപകരെത്തി അപകട മുന്നറിയിപ്പ് നൽകി. തുടർന്ന് കരാർ കമ്പനിയുടെ എൻജിനിയർമാരും തൊഴിലാളികളുമെത്തി ഗർത്തത്തിൽ മണ്ണിട്ട് ഉറപ്പിച്ചു.

കാസർകോട്ട് നിർമാണത്തിലിരിക്കുന്ന ദേശീയപാതയിൽ ഗർത്തം

Kerala

അഴിയൂർ: മുസ്ലീം ലീഗ് അഴിയൂർ പഞ്ചായത്ത് പ്രവർത്തക സംഗമം സംഘടിപ്പിച്ചു. വടകര മണ്ഡലം മുസ്ലീം ലീഗ് ആക്ടിംഗ് സെക്രട്ടറി സുബൈർ ഏറാമല സംഗമം ഉദ്ഘാടനം ചെയ്തു. പഞ്ചായത്ത് പ്രസിഡണ്ട് യു.എ.റഹീം അദ്ധ്യക്ഷത വഹിച്ചു. ആയിഷ ഉമ്മർ , കാസിം നെല്ലോ ളി, റഹീം പി.പി, ജബ്ബാർ നെല്ലോളി, അഫ്ഷീല ഷെഫീക്ക്, നവാസ് നെല്ലോളി, ശ്യാമള കൃഷ്ണാർപ്പിതം, മൈമൂന, ശക്കീർ ടി.ജി, ജലീൽ ടി.സി.എച്ച്, യൂസഫ് കുന്നുമ്മൽ , സിറാജ് എം.പി, സഫീർ കല്ലാമല , സവാദ് ടി.സി.എച്ച് എന്നിവർ സംസാരിച്ചു. പഞ്ചായത്ത് മുസ്ലീം ലീഗ് സെക്രട്ടറി ഇസ്മായിൽ പി.പി. സ്വാഗതവും ട്രഷറർ ഏ.വി. അലി നന്ദിയും പറഞ്ഞു.

മുസ്ലീം ലീഗ് പ്രവർത്തക കൺവെൻഷൻ നടത്തി

തിരുവനന്തപുരം: സംസ്ഥാനത്ത് അതിതീവ്ര മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. കണ്ണൂർ, കാസർകോട് ജില്ലകളിൽ കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചു. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 115.6 മില്ലീമീറ്റർ മുതൽ 204.4 മില്ലിമീറ്റർ വരെ മഴ ലഭിക്കുമെന്നാണ് പ്രവചനം. തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ ഇന്ന് യെലോ അലർട്ടാണ്. വരുംദിവസങ്ങളിൽ യെലോ അലർട്ട് പ്രഖ്യാപിച്ച ജില്ലകൾ:
03/07/2025: കോഴിക്കോട്, വയനാട്, കണ്ണൂർ, കാസർകോട്
4/07/2025: കണ്ണൂർ, കാസർകോട്
05/07/2025: കണ്ണൂർ, കാസർകോട്
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഈ ജില്ലകളിൽ പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കും.

അതിതീവ്ര മഴയ്ക്ക് സാധ്യത ;രണ്ടു ജില്ലകളിൽ ഓറഞ്ച് അലർട്ട്

കണ്ണൂര്‍: പെണ്‍സുഹൃത്തിനൊപ്പം വളപട്ടണം പാലത്തില്‍നിന്ന് പുഴയിലേക്ക് ചാടിയ യുവാവിന്റെ മൃതദേഹം കണ്ടെത്തി. ബേക്കല്‍ സ്വദേശിയും പന്തല്‍ ജോലിക്കാരനുമായ രാജുവിന്റെ മൃതദേഹമാണ് പുഴയില്‍നിന്ന് കണ്ടെടുത്തത്. യുവാവിനൊപ്പം പുഴയില്‍ ചാടിയ ഭര്‍തൃമതിയായ പെണ്‍സുഹൃത്ത് നീന്തിരക്ഷപ്പെട്ടിരുന്നു.
ഞായറാഴ്ച അര്‍ധരാത്രിയോടെയാണ് യുവാവും യുവതിയും പാലത്തില്‍നിന്ന് പുഴയിലേക്ക് ചാടിയത്. ഞായറാഴ്ച രാവിലെ യുവതി വീട്ടില്‍നിന്ന് ഇറങ്ങിപ്പോയതായി ഭര്‍ത്താവ് ബേക്കല്‍ പോലീസില്‍ പരാതി നല്‍കിയിരുന്നു. ഇതിനുപിന്നാലെ രാജുവിനെ കാണാനില്ലെന്ന പരാതിയും സ്റ്റേഷനിലെത്തി.
രാജുവിനൊപ്പമാണ് യുവതി കണ്ണൂരിലെത്തിയതെന്നാണ് പോലീസ് പറയുന്നത്. വിവിധ സ്ഥലങ്ങളില്‍ ചുറ്റിക്കറങ്ങി ഇരുവരും ഞായറാഴ്ച അര്‍ധരാത്രിയോടെ വളപട്ടണം പാലത്തിലെത്തി. വാഹനത്തിരക്ക് കുറഞ്ഞതോടെ പാലത്തില്‍നിന്ന് യുവാവും തൊട്ടുപിന്നാലെ യുവതിയും പുഴയിലേക്ക് ചാടി. നീന്തലറിയാവുന്ന യുവതി ഒഴുക്കില്‍പ്പെട്ട് അഴീക്കോട് ബോട്ടുപാലത്തിന് സമീപമെത്തി.തോണിയില്‍ മീന്‍പിടിക്കുകയായിരുന്നവര്‍ അവശനിലയില്‍ കണ്ട യുവതിയെ കരയ്ക്കെത്തിച്ച് പോലീസില്‍ വിവരമറിയിച്ചു. പ്രാഥമികചികിത്സയ്ക്കുശേഷം ആരോഗ്യം വീണ്ടെടുത്ത യുവതിയെ ബേക്കല്‍ പോലീസ് കോടതിയില്‍ ഹാജരാക്കി. ഇതിനിടെ പുഴയില്‍ ചാടിയ യുവാവിനായി അഗ്നിരക്ഷാസേനയും തീരദേശ പോലീസും മത്സ്യത്തൊഴിലാളികളും വളപട്ടണം പോലീസും തിരച്ചില്‍ ആരംഭിച്ചിരുന്നു. തുടര്‍ന്ന് ബുധനാഴ്ച രാവിലെയാണ് യുവാവിന്റെ മൃതദേഹം കണ്ടെത്തിയത്.

പാലത്തിൽനിന്ന് പുഴയിൽചാടിയ യുവാവിന്റെ മൃതദേഹം കണ്ടെത്തി;ഒപ്പംചാടിയ പെൺസുഹൃത്ത് നീന്തിരക്ഷപ്പെട്ടു

തൃശൂർ: വൈദ്യുതിക്ഷാമത്തിന് പുതുവഴി തേടി സോളാറിലേക്ക് കടക്കുന്നവരെ വട്ടംചുറ്റിച്ച് കെ.എസ്.ഇ.ബി. സോളാർ വച്ച വീടുകളിൽ മാസങ്ങളായി കെ.എസ്.ഇ.ബി മീറ്റർ വയ്ക്കാത്തതിനാൽ പ്രവർത്തിപ്പിക്കാൻ കഴിയാത്ത സാഹചര്യമാണ്. കെ.എസ്.ഇ.ബിയുമായി ബന്ധപ്പെടുമ്പോൾ മീറ്റർ സ്‌റ്റോക്കില്ലെന്നാണ് മറുപടി.
അത്യാവശ്യമുള്ളവർ സ്വകാര്യ സ്ഥാപനങ്ങളിൽ നിന്ന് മീറ്റർ വാങ്ങി വയ്ക്കാനാണ് കെ.എസ്.ഇ.ബി നിർദ്ദേശം. 2000 രൂപ വരുമെന്ന് നിർദ്ദേശിച്ചാണ് പറഞ്ഞുവിടുന്നത്. മീറ്റർ ക്ഷാമമായതോടെ 4000 രൂപയാണ് സ്വകാര്യ സ്ഥാപനങ്ങൾ ഈടാക്കുന്നത്. എറണാകുളത്താണ് പ്രധാനമായും മീറ്ററുകൾ കിട്ടുന്നത്. അതിനാൽ പലരും കെ.എസ്.ഇ.ബി മീറ്റർ വരുന്നതുവരെ കാത്തിരിക്കുകയാണ്. നാല് മാസത്തിലധികമായി മീറ്റർ ഘടിപ്പിക്കാതെ സോളാർ സ്ഥാപിച്ച വീടുകൾ വിവിധ ഭാഗങ്ങളിലുണ്ട്. സോളാറിൽ നിന്നുള്ള വൈദ്യുതി ഇലക്ട്രിസിറ്റി ബോർഡിലേക്കാണ് നൽകുന്നത്. ബാറ്ററി വാങ്ങി വീടുകളിൽ വൈദ്യുതി സംഭരിച്ച് ഉപയോഗിക്കാൻ വൻ തുക വേണ്ടിവരുമെന്നതിനാൽ ബഹൂഭൂരിപക്ഷം പേരും കെ.എസ്.ഇ.ബിക്ക് വൈദ്യുതി നൽകുകയാണ് ചെയ്യുന്നത്. ഇതിനായി കെ.എസ്.ഇ.ബി മീറ്റർ വയ്ക്കണം. വാടക ഉടമയിൽ നിന്ന് ഈടാക്കുകയും ചെയ്യും.
സംസ്ഥാനം വൈദ്യുതി പുറത്തുനിന്ന് വാങ്ങുമ്പോൾ അതിനൊരു പരിഹാരമെന്ന നിലയിലാണ് സോളാർ പാനലുകൾ സ്ഥാപിക്കാൻ സർക്കാർ പ്രോത്സാഹനം നൽകുന്നത്. ഇതിനായി സബ്‌സിഡികളും കേന്ദ്ര - സംസ്ഥാന സർക്കാരുകൾ നൽകുന്നുണ്ട്. പക്ഷേ കെ.എസ്.ഇ.ബി ഇതിനെ നിരുത്സാഹപ്പെടുത്തുകയാണെന്നാണ് ആക്ഷേപം. സ്വന്തമായി മീറ്റർ വാങ്ങി വയ്ക്കുന്നവർക്ക് കെ.എസ്.ഇ.ബി കണക്ഷൻ കൊടുക്കുന്നുണ്ട്. അവരിൽ നിന്ന് മീറ്ററിന്റെ വാടക വാങ്ങാറില്ല.&nbsp;

വീട്ടിൽ സോളാർ സ്ഥാപിച്ചവരെ വട്ടം ചുറ്റിച്ച് കെഎസ്‌ഇബി; പ്രവർത്തിപ്പിക്കാനാകാത്ത അവസ്ഥ

തൃശ്ശൂര്‍: പോര്‍ക്കുളം സ്വദേശിയായ സന്ന്യാസിയെ തെലങ്കാനയിലെ മരിച്ചനിലയില്‍ കണ്ടെത്തിയ സംഭവത്തില്‍ ദുരൂഹതയെന്ന് പരാതി. പോര്‍ക്കുളം വെസ്റ്റ് മങ്ങാട് കുറുമ്പൂര്‍ വീട്ടില്‍ ശ്രിബിന്‍ എന്ന ബ്രഹ്‌മാനന്ദഗിരി സ്വാമി(37)യുടെ മരണത്തിലാണ് കുടുംബം പരാതിയുമായി രംഗത്തെത്തിയിരിക്കുന്നത്.
നേപ്പാളില്‍ ആശ്രമജീവിതം നയിച്ചിരുന്ന സന്ന്യാസിയെ നാട്ടിലേക്കുള്ള യാത്രയ്ക്കിടെയാണ് ശനിയാഴ്ച തെലങ്കാനയില്‍ മരിച്ചനിലയില്‍ കണ്ടെത്തിയത്. എന്നാല്‍, നാട്ടിലേക്കുള്ള ട്രെയിന്‍ യാത്രയ്ക്കിടെ വ്യാഴാഴ്ച സന്ന്യാസി തന്റെ സുഹൃത്തായ കുന്നംകുളം സ്വദേശിയെ ഫോണില്‍ വിളിച്ചിരുന്നു. ട്രെയിനില്‍ ഒരുസംഘം തന്നെ അപായപ്പെടുത്താന്‍ ശ്രമിക്കുകയാണെന്നും തനിക്ക് എന്തും സംഭവിക്കാമെന്നുമാണ് ബ്രഹ്‌മാനന്ദഗിരി സുഹൃത്തിനോട് പറഞ്ഞിരുന്നത്.
''മുന്‍പ് ഒരു പെണ്‍കുട്ടിയുടെ മരണം ഉണ്ടായിട്ടില്ലേ, അതുപോലെ ഒരു ഗ്യാങ് ആണിത്. അതുകൊണ്ട് എനിക്കുറപ്പാ, എനിക്ക് എന്തെങ്കിലും സംഭവിക്കും. ഭഗവാന്‍ മാത്രമേയുള്ളൂ രക്ഷിക്കാന്‍, വേറെ ആരുമില്ല'', ഇതായിരുന്നു ബ്രഹ്‌മാനന്ദഗിരി സുഹൃത്തിനോട് പറഞ്ഞത്.സ്വന്തമായി ഫോണ്‍ ഉപയോഗിക്കാത്ത ഇദ്ദേഹം മറ്റൊരാളുടെ ഫോണില്‍നിന്നായിരുന്നു വിളിച്ചത്. പിന്നീട് സന്ന്യാസിയെക്കുറിച്ച് വിവരമൊന്നും ലഭിച്ചില്ല. ഇതിനുപിന്നാലെയാണ് തെലങ്കാനയില്‍ മരിച്ചനിലയില്‍ കണ്ടെത്തിയെന്നവിവരം ബന്ധുക്കള്‍ക്ക് ലഭിച്ചത്. തുടര്‍ന്ന് ചൊവ്വാഴ്ച ഉച്ചയോടെ വീട്ടിലെത്തിച്ച മൃതദേഹം ഷൊര്‍ണൂര്‍ ശാന്തിതീരത്ത് സംസ്‌കരിക്കുകയായിരുന്നു.

മലയാളിയായ സന്ന്യാസിയുടെ മരണത്തില്‍ ദുരൂഹതയെന്ന് പരാതി

മലപ്പുറം :സുംബാ ഡാൻസിന് എതിരായി പോസ്റ്റിടുകയും എതിർപ്പ് പ്രകടിപ്പിക്കുകയും ചെയ്ത അധ്യാപകന് എതിരെ നടപടിയുമായി വിദ്യാഭ്യാസ വകുപ്പ്. എടത്തനാട്ടുകര പികെഎം യുപി സ്കൂൾ അധ്യാപകൻ ടി.കെ അഷ്റഫിനെതിരെയാണ് വിദ്യാഭ്യാസ വകുപ്പിൻ്റെ നടപടി. അധ്യാപകനെ സര്‍വീസില്‍ നിന്ന് സസ്‌പെന്‍ഡ് ചെയ്യണമെന്ന് കാണിച്ച് പാലക്കാട് വിദ്യാഭ്യാസ ഉപ ഡയറക്ടര്‍ സ്‌കൂള്‍ മാനേജര്‍ക്ക് നോട്ടീസ് നല്‍കി. 24 മണിക്കൂറിനകം നടപടിയെടുത്ത് റിപ്പോര്‍ട്ട് സമര്‍പ്പിക്കണമെന്നാണ് ഉത്തരവ്. സര്‍ക്കാരിനെയും പൊതുവിദ്യാഭ്യാസ വകുപ്പിനെയും അപകീര്‍ത്തിപ്പെടുത്തും വിധം ടി.കെ അഷ്‌റഫ് സാമൂഹിക മാധ്യമങ്ങളില്‍ പോസ്റ്റിട്ടുവെന്നാണ് മാനേജര്‍ക്ക് വിദ്യാഭ്യാസ വകുപ്പ് നല്‍കിയ കത്തിലുള്ള പരാമര്‍ശം.
ലഹരിക്കെതിരെ നിര്‍ബന്ധമായി സ്‌കൂളില്‍ സുംബാ ഡാന്‍സ് കളിപ്പിക്കണമെന്ന നിര്‍ദേശം നടപ്പാക്കുന്നതില്‍ നിന്ന് ഒരധ്യാപകന്‍ എന്ന നിലയ്ക്ക് താന്‍ വിട്ടുനില്‍ക്കുന്നുവെന്നും തന്റെ മകനും ഈ പരിപാടിയില്‍ പങ്കെടുക്കില്ലെന്നും ഫെയ്‌സ്ബുക്ക്‌ പോസ്റ്റില്‍ ടി.കെ അഷ്‌റഫ് കുറിച്ചു. ഈ വിഷയത്തില്‍ വകുപ്പ് എടുക്കുന്ന ഏത് നടപടിയും നേരിടാന്‍ താന്‍ തയ്യാറാണെന്നും ഫെയ്‌സ്ബുക്ക് പോസ്റ്റില്‍ ടി.കെ അഷ്‌റഫ് കൂട്ടിച്ചേര്‍ത്തു.

സുംബാ ഡാൻസിന് എതിരെ ഫെയ്സ്ബുക്ക് പോസ്റ്റ്; അധ്യാപകന് എതിരെ നടപടി ഉണ്ടയേക്കും

സുംബാ ഡാൻസിന് എതിരെ ഫെയ്സ്ബുക്ക് പോസ്റ്റ്; അധ്യാപകന് എതിരെ നടപടി ഉണ്ടായേക്കും

ഓർക്കാട്ടേരി: ഏറാമല ഗ്രാമ പഞ്ചായത്ത് ഭരിക്കുന്ന ആർ എം പി ഐ - ലീഗ് കൂട്ടുകെട്ട് ക്ഷേത്രമൈതാനി കയ്യേറി അനധികൃതമായി ശൗചാലയം ഉൾപ്പെടെ കെട്ടിടം നിർമ്മിക്കുന്നതിനെതിരെ സമരം ചെയ്യുന്ന ഹിന്ദു ഐക്യവേദി പ്രവർത്തകന്മാരുടെ പേരിൽ എടച്ചേരി പോലീസ് കാപ്പക്ക് സമാനമായ കള്ളക്കേസ് ചുമത്തിയതിൽ പ്രതിഷേധിച്ച് ഹിന്ദു ഐക്യവേദി പ്രതിഷേധ പ്രകടനം നടത്തി.&nbsp;
അനധികൃത കെട്ടിടം നിർമിക്കുന്ന കാര്യത്തിൽ ഗ്രാമപഞ്ചായത്തിന് പൂർണമായ പരാജയം സംഭവിക്കും എന്ന് മനസ്സിലാക്കിയതോടെ പണം നൽകി പോലീസിനെയും പഞ്ചായത്ത് സെക്രട്ടറിയും സ്വാധീനിച്ചിട്ടാണ് ഇത്തരം കേസുകൾ ചുമത്തുന്നത് എന്ന് ഹിന്ദു ഐക്യവേദി ആരോപിച്ചു. പ്രകടനത്തിന് എംപി മന്മദൻ, പി കെ ദിനേശൻ, സത്യൻ വള്ളിക്കാട്, ശാലു വടകര, സന്തോഷ് മണപ്പുറം, സതീശൻ പടയമ്പള്ളി, രമേഷ് കുമാർ, ശ്രീജിത്ത് ഇല്ലം എന്നിവർ നേതൃത്വം നൽകി.

ഹിന്ദു ഐക്യവേദി പ്രതിഷേധ പ്രകടനം നടത്തി

പാലക്കാട്: സ്കൂൾ ബസിടിച്ച് ആറുവയസുകാരന് ദാരുണാന്ത്യം. പാലക്കാട് പട്ടാമ്പി സ്വദേശി കൃഷ്‌ണകുമാറിന്റെ മകൻ ആരവ് ആണ് മരിച്ചത്. വാടാനം കുറുശ്ശി സ്‌കൂളിലെ രണ്ടാം ക്ലാസ് വിദ്യാർത്ഥിയാണ്. കുട്ടിയുടെ അമ്മയുടെ മുന്നിൽവച്ച് ഇന്നലെ വെെകിട്ടാണ് അപകടം നടന്നത്.&nbsp;
സ്കൂളിൽ നിന്ന് വന്ന കുട്ടി അമ്മയുടെ കെെവിട്ട് ഓടുകയായിരുന്നു. പുറകെ വന്ന മറ്റൊരു സ്കൂൾ ബസാണ് കുട്ടിയെ ഇടിച്ചത്. ഗുരുതരമായി പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചിരുന്നു. ചികിത്സയിലിരിക്കെ ഇന്ന് രാവിലെ മരിക്കുകയായിരുന്നു.

അമ്മയുടെ മുന്നിൽവച്ച് സ്കൂൾ ബസിടിച്ച് ആറുവയസുകാരന് ദാരുണാന്ത്യം

കര്‍ണാടകയില്‍ വെറ്റില ഒരു മരുന്നാണ്. മുറുക്കാനും അവരത് ഉപയോഗിക്കുമെങ്കിലും അതില്‍ കവിഞ്ഞൊരു ഉപയോഗം വെറ്റിലക്കുണ്ട്. പനിയോ ജലദോഷമോ വന്നാല്‍ വെറ്റില പിച്ചിയെടുത്ത് രസം വെക്കും. തൊണ്ടക്കു നല്‍കാവുന്ന ഏറ്റവും നല്ല മരുന്നാണ് അതെന്നാണ് ആ നാട്ടുകാരുടെ പക്ഷം.
ദഹനം, രോഗപ്രതിരോധം, വായയുടെ ആരോഗ്യം തുടങ്ങി മിതമായ രീതിയില്‍ ദിവസവും ഉപയോഗിച്ചാല്‍ വെറ്റില വളരെ ഉത്തമമായ ഒരു മരുന്നാണ്. വെറ്റില രസം എങ്ങനെ തയ്യാറാക്കുമെന്ന് നോക്കാം.
ആവശ്യമായ സാധനങ്ങള്‍
വെറ്റില -3 എണ്ണം
തക്കാളി -1
പച്ചമുളക് -1
കുരുമുളക് -അര ടീസ്പൂണ്‍
ജീരകം -1 സ്പൂണ്‍
പച്ചമല്ലി -1 സ്പൂണ്‍
തുവര പരിപ്പ് -1 സ്പൂണ്‍
വെളുത്തുള്ളി -5 അല്ലി
പുളി -ഒരു നെല്ലിക്ക വലിപ്പത്തില്‍
മഞ്ഞള്‍ പൊടി -കാല്‍ സ്പൂണ്‍
മല്ലിയില
ഉപ്പ് ആവശ്യത്തിന്
വെള്ളം ആവശ്യത്തിന്
നെയ്യ് -2 സ്പൂണ്‍
കടുക് -അര സ്പൂണ്‍
കായം -ഒരു നുള്ള്
ഉണക്കമുളക് -2

തയ്യാറാക്കുന്ന രീതി

തണ്ട് നീക്കം ചെയ്ത വെറ്റില, അരിഞ്ഞ തക്കാളി, പച്ചമുളക്, പുളി, കുരുമുളക്, ജീരകം, പച്ചമല്ലി, തുവര പരിപ്പ്, വെളുത്തുള്ളി എന്നിവക്കൊപ്പം നന്നായി അരച്ചെടുക്കുക. ഈ മിശ്രിതം ചുവടു കട്ടിയുള്ള ഒരു പാത്രത്തിലേക്ക് മാറ്റിയശേഷം ഉപ്പും മഞ്ഞള്‍ പൊടിയും ഒരു കപ്പ് വെള്ളവും ചേര്‍ത്ത് നല്ല മണം വരുന്നത് വരെ തിളപ്പിക്കുക.

ശേഷം, കടുകും, ജീരകവും, ഉണക്കമുളകും, കായവും നെയ്യില്‍ മൂപ്പിച്ച ശേഷം ഇതിലേക്ക് ചേര്‍ത്ത് കൊടുക്കുക. അവസാനമായി മല്ലിയില തൂവി ചട്ടി അടുപ്പില്‍നിന്ന് മാറ്റിവെക്കാം. ആരോഗ്യഗുണങ്ങളുള്ള വെറ്റില രസം തയ്യാര്‍. ഇത് ചൂട് ചോറിനൊപ്പം ഒഴിച്ച് കഴിക്കാം.

പനിയും ജലദോഷവും ചെറുക്കാൻ സ്വാദിഷ്ടമായ  വെറ്റില രസം തയ്യാറാക്കിയാലോ

Health

ന്യൂഡല്‍ഹി : വിസ്മയ കേസില്‍ പ്രതി കിരണ്‍കുമാറിന് ജാമ്യം.സുപ്രീംകോടതിയാണ് കിരണ്‍കുമാറിന് ജാമ്യം അനുവദിച്ചത്.കേസിലെ ശിക്ഷാവിധി മരവിപ്പിക്കണമെന്ന ആവശ്യവും കോടതി അംഗീകരിച്ചു.
സ്ത്രീധനപീഡനത്തെത്തുടര്‍ന്ന് ബിഎഎംഎസ് വിദ്യാര്‍ഥിനിയായ വിസ്മയ ജീവനൊടുക്കിയ കേസില്‍ ഭര്‍ത്താവ് കിരണ്‍കുമാറിനെ പത്തുവര്‍ഷത്തെ തടവിനാണ് കോടതി ശിക്ഷിച്ചത്. എന്നാല്‍, ഇതിനെതിരേ കിരണ്‍കുമാര്‍ ഹൈക്കോടതിയില്‍ അപ്പീല്‍ നല്‍കിയിരുന്നു. ഈ അപ്പീലില്‍ തീരുമാനമെടുക്കുന്നതുവരെ ശിക്ഷാവിധി മരവിപ്പിക്കണമെന്ന് ആവശ്യപ്പെട്ടാണ് കിരണ്‍കുമാര്‍ സുപ്രീം കോടതിയെ സമീപിച്ചത്.ഈ ആവശ്യം സുപ്രീംകോടതി അംഗീകരിക്കുകയായിരുന്നു. നേരത്തേ കേസില്‍ കിരണ്‍കുമാറിന് കോടതി പരോളും അനുവദിച്ചിരുന്നു.ശാരീരികമായും മാനസികമായും പീഡിപ്പിച്ചതിനെ തുടര്‍ന്ന് 2021 ജൂണ്‍ 21-ന് ഭര്‍തൃഗൃഹത്തില്‍ വിസ്മയ ആത്മഹത്യ ചെയ്തെന്നാണ് കേസ്.&nbsp;

വിസ്മയ കേസില്‍ കിരണ്‍കുമാറിന് ജാമ്യം അനുവദിച്ച് സുപ്രീംകോടതി; ശിക്ഷാവിധി മരവിപ്പിച്ചു

തിരുവനന്തപുരം : മാധ്യമപ്രവർത്തകന്റെ മൈക്ക് കണ്ണിൽ തട്ടിയതും അതിന് നടൻ നൽകിയ മറുപടിയും സമൂഹമാധ്യമത്തിൽ വൈറൽ. ഇന്നലെ ജിഎസ്ടി ദിനാഘോഷ ചടങ്ങിൽ പങ്കെടുത്ത് ടാഗോർ തിയറ്ററിൽനിന്നു പുറത്തിറങ്ങുന്നതിനിടെയാണ് മാധ്യമപ്രവർത്തകന്റെ മൈക്ക് മോഹൻലാലിന്റെ കണ്ണിൽ തട്ടിയത്. ചടങ്ങ് കഴിഞ്ഞു പുറത്തിറങ്ങിയ മോഹൻലാലിനോട് മകൾ വിസ്മയുടെ സിനിമ പ്രവേശത്തെ കുറിച്ചാണ് മാധ്യമപ്രവർത്തകർ ചോദിച്ചത്.
ഒന്നും പറയാനില്ലെന്നു പറഞ്ഞ് കാറിലേക്കു കയറുന്നതിനിടെ മൈക്ക് മോഹൻലാലിന്റെ കണ്ണിൽ തട്ടുകയായിരുന്നു. പെട്ടെന്നുണ്ടായ തിക്കിലും തിരക്കിലും പെട്ടാണ് മൈക്ക് ഐഡി മോഹൻലാലിന്റെ കണ്ണിൽ തട്ടിയത്. ‘എന്താ മോനേ ഇത് കണ്ണല്ലേ’ എന്ന് ചോദിച്ച മോഹൻലാൽ ‘നിന്നെ ഞാൻ നോക്കി വച്ചിട്ടുണ്ട്’ എന്ന് പറഞ്ഞാണ് കാറിലേക്ക് കയറിയത്. കനത്ത പൊലീസ് കാവലിനിടെയായിരുന്നു സംഭവം.ചടങ്ങിനെത്തിയത്.

‘എന്താ മോനേ, ഇത് കണ്ണല്ലേ?..: കണ്ണിൽ മൈക്ക് തട്ടിയ മാധ്യമപ്രവർത്തകനോട് മോഹൻലാൽ

നിലമ്പൂര്‍: ഹോട്ടലില്‍നിന്ന് വീണ് യുവാവ് മരിച്ച സംഭവത്തില്‍ അന്വേഷണമാവശ്യപ്പെട്ട് മാതാപിതാക്കള്‍ പോലീസില്‍ പരാതി നല്‍കി. ചക്കിട്ടപ്പാറ പിള്ളപെരുവണ്ണ വലിയവളപ്പില്‍ അജയ് കുമാര്‍ (23) ആണ് ജൂണ്‍ 22-ന് പുലര്‍ച്ചെ രണ്ടിന് നിലമ്പൂരിലെ ഒരു ഹോട്ടലിന്റെ നാലാംനിലയില്‍നിന്ന് വീണ് മരിച്ചത്. അന്വേഷണമാവശ്യപ്പെട്ട് പിതാവ് എന്‍. ദിനേശന്‍, മാതാവ് ഷീബ, സഹോദരന്‍ അര്‍ജുന്‍ തുടങ്ങിയവരാണ് നിലമ്പൂര്‍ പോലീസ് എസ്എച്ച്ഒ സുനില്‍ പുളിക്കലിന് പരാതി നല്‍കിയത്.
മൈസൂരുവില്‍ ബിബിഎ കോഴ്സ് പൂര്‍ത്തിയാക്കിയ അജയ് കുമാര്‍ സപ്‌ളിമെന്ററി പരീക്ഷ എഴുതാന്‍ കഴിഞ്ഞ 13-ന് മൈസൂരുവിലേക്ക് പോയിരുന്നുവെന്ന് മാതാപിതാക്കള്‍ പറഞ്ഞു. പരീക്ഷ കഴിഞ്ഞ് സുഹൃത്തുക്കളുമൊത്ത് ബെംഗളൂരുവിലുള്ള ഒരു സ്വാമിയെ കാണാന്‍ പോയി. തുടര്‍ന്ന് സ്വാമിയുടെ കൂടെ നിലമ്പൂരിലെത്തി ഹോട്ടല്‍മുറിയില്‍ താമസിച്ചു. അജയ് കുമാറിന് താമസിക്കാന്‍ മറ്റൊരു മുറി എടുത്തുനല്‍കിയിരുന്നെങ്കിലും നാലാം നിലയിലെ സ്വാമിയുടെ മുറിയില്‍നിന്ന് എഴുന്നേറ്റാണ് താഴേക്ക് വീണതെന്നാണ് പോലീസ് പറയുന്നത്. സംഭവശേഷം പോലീസ് അറിയിക്കുമ്പോഴാണ് സ്വാമി വിവരമറിഞ്ഞതെന്നും പറയുന്നുണ്ട്.
ഉടന്‍ നിലമ്പൂര്‍ ജില്ലാ ആശുപത്രിയിലെത്തിച്ചെങ്കിലും മരിച്ചിരുന്നു. സ്വാമിയുടെ നിയന്ത്രണത്തിലുള്ള നൂറിലധികം പേരുള്ള വാട്ട്സാപ്പ് ഗ്രൂപ്പില്‍ അംഗമായിരുന്നു അജയ് കുമാര്‍. നാലുദിവസം മാത്രം പരിചയമുള്ള സ്വാമിയുടെ കൂടെ എന്തിനാണ് യുവാവിനെ താമസിപ്പിച്ചതെന്നും രക്ഷിതാക്കള്‍ ചോദിക്കുന്നുണ്ട്.രാസലഹരിക്കതെിരേ സ്വാമി ഒരു കാംപെയ്ന്‍ നടത്തുന്നുണ്ടെന്നും അതുകഴിഞ്ഞ് നാട്ടിലേക്കു വരുമെന്നുമാണ് അജയ് ഫോണില്‍ വീട്ടുകാരോടു പറഞ്ഞിരുന്നത്. 21-ന് രാത്രി ഒമ്പതേകാലിന് വരെ വീട്ടിലേക്ക് വിളിച്ചിരുന്നുവെന്നും അസ്വാഭാവികമായി ഒന്നും തോന്നിയിരുന്നില്ലെന്നും മാതാപിതാക്കള്‍ പറഞ്ഞു.

ഹോട്ടലില്‍നിന്ന് വീണ് ചക്കിട്ടപ്പാറ സ്വദേശി മരിച്ച സംഭവത്തിൽ ദുരൂഹത

തൃശൂർ: സംഗീതജ്ഞനും വിവേകോദയം ഹയർസെക്കൻഡറി സ്കൂളിലെ ഗാന്ധിയൻ സ്റ്റഡീസ് അധ്യാപകനും സ്കൂൾ വൃന്ദവാദ്യ സംഘം പരിശീലകനും കലാകാരനുമായ അനൂപ് വെള്ളാറ്റഞ്ഞൂരിനെ (41) മരിച്ചനിലയിൽ കണ്ടെത്തി. വടക്കേച്ചിറയ്ക്കു സമീപത്തെ ഫ്ലാറ്റിൽ ചൊവ്വാഴ്ച രാവിലെയാണ് തൂങ്ങിമരിച്ച നിലയിൽ കണ്ടത്. വെള്ളാറ്റഞ്ഞൂർ കല്ലാറ്റ് പരേതനായ പീതാംബരന്റെയും തയ്യൂർ ഗവ.സ്കൂൾ റിട്ട.അധ്യാപിക രാജലക്ഷ്മിയുടെയും മകനാണ്.
ഗായകനും ഇടയ്ക്ക വാദകനും ആയിരുന്നു. ഗിറ്റാർ, കീബോർഡ് തുടങ്ങിയ സംഗീതോപകരണങ്ങളിലും പ്രാവീണ്യം തെളിയിച്ചിട്ടുണ്ട്. വിവേകോദയം ഹൈസ്കൂളിൽ ഇംഗ്ലിഷ് അധ്യാപകനായും സേവനമനുഷ്ഠിച്ചു. ഇവിടത്തെ ഹൈസ്കൂൾ, ഹയർസെക്കൻഡറി വൃന്ദവാദ്യ സംഘത്തെ പരിശീലിപ്പിച്ചിരുന്നത് അനൂപ് ആണ്. 2022 മുതൽ 2024 വരെ സംസ്ഥാന സ്കൂൾ കലോത്സവത്തിൽ ഇരു ടീമുകളും എ ഗ്രേഡോടെ മികവു തെളിയിച്ചിരുന്നു. കാണിപ്പയ്യൂർ കൈകൊട്ടിക്കളി സംഘത്തിന്റെ ഇടയ്ക്ക വാദകനും ആയിരുന്നു.
തൃശൂർ ആസ്ഥാനമായുള്ള ഇലഞ്ഞിക്കൂട്ടം എന്ന ബാൻഡിന്റെ അമരക്കാരനാണ്. സംസ്കാരം ബുനധനാഴ്ച രാവിലെ 10.30ന് വെള്ളാറ്റഞ്ഞൂരിലെ വീട്ടുവളപ്പിൽ. ഭാര്യ: പാർവതി (ആയുർവേദ ഡോക്ടർ). മക്കൾ: പാർവണ, പാർഥിപ്.&nbsp;

ഗിറ്റാർ, കീബോർഡ് തുടങ്ങിയ സംഗീതോപകരണങ്ങളിലും പ്രാവീണ്യം തെളിയിച്ചിട്ടുണ്ട്.

യുവ സംഗീതജ്ഞൻ അനൂപ് വെള്ളാറ്റഞ്ഞൂർ ഫ്ലാറ്റിൽ തൂങ്ങിമരിച്ച നിലയിൽ

തിരുവനന്തപുരം: സംസ്ഥാനത്ത് വിവിധയിടങ്ങളിൽ ഇന്ന് മുതൽ ഒറ്റപ്പെട്ട ശക്തമായ മഴക്ക് സാധ്യതയെന്ന് കാലാവസ്ഥ വകുപ്പ്. ഇന്ന് മൂന്ന് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. കോഴിക്കോട്, കണ്ണൂർ, കാസർകോട് ജില്ലകളിലാണ് യെല്ലോ അലർട്ട്.
ഒറ്റപ്പെട്ട ശക്തമായ മഴക്കുള്ള സാധ്യതയാണ് ഈ ജില്ലകളിൽ പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അർത്ഥമാക്കുന്നത്.ജാർഖണ്ഡിന് മുകളിലായി ന്യൂനമർദ്ദം സ്ഥിതിചെയ്യുന്നതിന്‍റെ സ്വാധീന ഫലമായാണ് മഴ തുടരുന്നത്. മണിക്കൂറിൽ 40 കിലോമീറ്റർ വരെ വേഗതയിൽ കാറ്റിനും സാധ്യതയുണ്ട്. തീരദേശ മേഖലയിൽ കടൽക്ഷോഭ സാധ്യതയുള്ളതിനാൽ തീരപ്രദേശത്തുള്ളവർക്ക് ജാഗ്രത നിർദ്ദേശം നൽകിയിട്ടുണ്ട്. വ്യാഴാഴ്ച കണ്ണൂർ, കാസർകോട് ജില്ലകളിലും വെള്ളിയാഴ്ച എറണാകുളം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലും യെല്ലോ അലർട്ടാണ്.

സംസ്ഥാനത്ത് ശക്തമായ മഴക്ക് സാധ്യത ;മൂന്ന് ജില്ലകളിൽ യെല്ലോ അലർട്ട്

കൊച്ചി: പി ജി വിദ്യാർത്ഥിനി ആത്മഹത്യ ചെയ്തു. പെരുമ്പാവൂർ സ്വദേശിനി അക്ഷരയാണ് (23) മരിച്ചത്. പരീക്ഷയ്‌ക്ക് തോൽക്കുമോയെന്ന മനോവിഷമത്തിലാണ് പെൺകുട്ടി ജീവനൊടുക്കിയതെന്നാണ് റിപ്പോർട്ടുകൾ. കുറുപ്പംപടിയിലെ സ്വകാര്യ കോളേജിൽ എം എസ് ഡബ്ല്യൂ വിദ്യാർത്ഥിനിയാണ്.
ഇന്നലെ പരീക്ഷയുണ്ടായിരുന്നു. ഇന്ന് രാവിലെ വീട്ടിലെ കിടപ്പുമുറിയിൽ തൂങ്ങമരിച്ചനിലയിലാണ് അക്ഷരയെ കണ്ടെത്തിയത്. മുറിയിൽ നിന്ന് ആത്മഹത്യാക്കുറിപ്പും കിട്ടിയിട്ടുണ്ട്. കഴിഞ്ഞ ദിവസത്തെ പരീക്ഷ പ്രതീക്ഷിച്ച രീതിയിൽ എഴുതാനായില്ലെന്നാണ് ആത്മഹത്യാക്കുറിപ്പിലുള്ളത്. സംഭവത്തിൽ ദുരൂഹതയില്ലെന്നാണ് പൊലീസിന്റെ പ്രാഥമിക നിഗമനം.

പരീക്ഷയ്‌ക്ക് തോൽക്കുമോയെന്ന പേടി; പി ജി വിദ്യാർത്ഥിനി ആത്മഹത്യ ചെയ്തു

തിരുവനന്തപുരം: മുൻ മുഖ്യമന്ത്രി വി എസ് അച്യുതാനന്ദന്റെ ആരോഗ്യനില അതീവ ഗുരുതരമായി തുടരുന്നു. രക്തസമ്മർദ്ദവും വൃക്കകളുടെ പ്രവർത്തനവും സാധാരണ നിലയിലാക്കാൻ ചികിത്സ തുടരുകയാണ്. വിദഗ്ധ ഡോക്ടർമാരുടെ സംഘം നിർദേശിച്ചത് അനുസരിച്ച് ഡയാലിസിസ് നൽകുന്നുണ്ട്. മരുന്നുകളോട് പ്രതികരിക്കുന്നുണ്ടെന്ന് ഡോക്ടർമാർ പറയുന്നു.
ആരോഗ്യസ്ഥിതി വിലയിരുത്താൻ തിരുവനന്തപുരം മെഡിക്കൽ കോളേജിലെ ഏഴ് ഡോക്ടർമാർ അടങ്ങുന്ന വിദഗ്ദ്ധ സംഘത്തെ സർക്കാർ നിയോഗിച്ചിരിക്കുകയാണ്. ഇന്ന് 11 മണിയോടെ മെഡിക്കൽ ബോർഡ് യോഗം ചേർന്ന് ആരോഗ്യസ്ഥിതി വിലയിരുത്തും. ഹൃദയാഘാതത്തെത്തുടർന്ന് ജൂൺ 23നാണ് വി എസിനെ ആശുപത്രിയിൽ പ്രവേശിപ്പിച്ചത്. അന്നുമുതൽ തീവ്രപരിചരണ വിഭാഗത്തിലാണ് ചികിത്സയിൽ കഴിയുന്നത്.

വി എസ് അച്യുതാനന്ദന്റെ നില അതീവ ഗുരുതരമായി തുടരുന്നു

കോഴിക്കോട്: കൂടത്തായി കൂട്ടക്കൊലക്കേസ് ഒന്നാംപ്രതി ജോളിക്കെതിരേ ഭർത്താവ് പൊന്നാമറ്റം ഷാജു സക്കറിയാസ് നൽകിയ വിവാഹമോചനഹർജി കോടതി അനുവദിച്ചു. കോഴിക്കോട് കുടുംബകോടതിയിലാണ് കേസ് പരിഗണിച്ചത്.കൂട്ടക്കൊല നടത്തിയ ഭാര്യ ഇനിയും ഏത് ആക്രമണത്തിനും മുതിരുമെന്നും കേസിൽ ഉൾപ്പെട്ട് റിമാൻഡിൽ വിചാരണ നീളുകയാണെന്നും അതിനാൽ വിവാഹമോചനം അനുവദിക്കണമെന്നും ആവശ്യപ്പെട്ടാണ് ഷാജു സക്കറിയാസ് കോടതിയെ സമീപിച്ചത്. അഡ്വ. ജി. മനോഹർലാൽ മുഖേന നൽകിയ ഹർജിയാണ് കോടതി അനുവദിച്ചത്. 2021-ൽ നൽകിയ ഹർജി, എതിർഭാഗം പലതവണ കേസ് പരിഗണിച്ചിട്ടും ഹാജരാകാത്തതിനാൽ ഒടുവിൽ തിങ്കളാഴ്ച തീർപ്പാക്കുകയായിരുന്നു.
കൂടത്തായിയിൽ 2002മുതൽ 2016വരെ ഒരേ കുടുംബത്തിലെ ആറുപേരെ ജോളി കൊലപ്പെടുത്തിയെന്നാണ് പ്രോസിക്യൂഷൻ കേസ്. റിട്ട. വിദ്യാഭ്യാസവകുപ്പ് ഉദ്യോഗസ്ഥൻ കൂടത്തായി പൊന്നാമറ്റം ടോം തോമസ് (66), ഭാര്യ റിട്ട. അധ്യാപിക അന്നമ്മ തോമസ് (60), ജോളിയുടെ ആദ്യ ഭർത്താവ് റോയ് തോമസ് (40), അന്നമ്മയുടെ സഹോദരൻ എം.എം. മാത്യു മഞ്ചാടിയിൽ (68), ടോം തോമസിന്റെ സഹോദരപുത്രൻ ഷാജു സ്കറിയയുടെ ഭാര്യ സിലി (44), മകൾ ആൽഫൈൻ (2) എന്നിവർ കൊല്ലപ്പെട്ടെന്നാണ്‌ കേസ്.

കൂടത്തായി കേസ്: ജോളിയുടെ ഭർത്താവ് നൽകിയ വിവാഹമോചനഹർജി അനുവദിച്ചു

Kozhikode

കാസര്‍കോട്: ഭക്ഷ്യപൊതുവിതരണവകുപ്പ് 'വിശപ്പുരഹിത കേരളം' പദ്ധതിയുടെ ഭാഗമായി സംസ്ഥാനത്ത് തുടങ്ങിയ 'സുഭിക്ഷ' ഹോട്ടലുകളില്‍ ഉച്ചയൂണ്‍ നിരക്ക് 20 രൂപയില്‍നിന്ന് 30 രൂപയാക്കി. കുടുംബശ്രീ 'ജനകീയ' ഹോട്ടലുകളിലേതുപോലെ 'സുഭിക്ഷ' ഹോട്ടലുകളിലും ഊണിന് 30 രൂപയാക്കണമെന്ന് പൊതുവിതരണ ഉപഭോക്തൃകാര്യ കമ്മിഷണര്‍ ശുപാര്‍ശ ചെയ്തിരുന്നു.
അതേസമയം, പ്രാരംഭ ചെലവുകള്‍ക്കായി ഹോട്ടലുകള്‍ക്ക് അനുവദിച്ചിരുന്ന തുക കുറയ്ക്കുകയും ചെയ്തു. ഒരു ഹോട്ടലിന് 10 ലക്ഷം രൂപവരെ നല്‍കിയിരുന്നത് ഏഴുലക്ഷമായാണ് കുറച്ചത്. ഓരോ ജില്ലയിലും ഒന്നിലധികം ഹോട്ടലുകള്‍ തുടങ്ങാന്‍ ശുപാര്‍ശ ലഭിക്കുന്ന സാഹചര്യത്തിലാണിത്. ഹോട്ടലുകളുടെ തുടര്‍ പ്രവര്‍ത്തനത്തിന് ആവര്‍ത്തനച്ചെലവിനത്തില്‍ ദ്വൈമാസാടിസ്ഥാനത്തില്‍ അനുവദിക്കുന്ന വൈദ്യുതിനിരക്ക് 2000 രൂപയായും വെള്ളക്കരം 600 രൂപയായും നിശ്ചയിച്ചു. സബ്‌സിഡി നിരക്കിലുള്ള അരി യഥാസമയം ലഭിക്കാത്തതും മറ്റുകാരണംകൊണ്ടും 'സുഭിക്ഷ' ഹോട്ടലുകള്‍ പലതും പ്രതിസന്ധിയിലായിരുന്നു. കുടുംബശ്രീ മുഖേന നടപ്പാക്കുന്ന 'ജനകീയ' ഹോട്ടലുകളുടെ മറ്റൊരു പതിപ്പാണ് 'സുഭിക്ഷ'

'സുഭിക്ഷ' ഹോട്ടല്‍ ഊണ്‍നിരക്ക് 30 രൂപയാക്കി; ഹോട്ടലുകള്‍ക്ക് അനുവദിച്ചിരുന്ന തുക കുറച്ചു

മോഹൻലാലിന്റെ മകൾ വിസ്മയ സിനിമയിലേക്ക്. ആശിർവാദ് സിനിമാസ് നിർമിക്കുന്ന 37-ാം സിനിമയിലാണ് വിസ്മയ നായികയായി തുടക്കം കുറിക്കുന്നത്. സഹോദരൻ പ്രണവിന് പിന്നാലെയാണ് വിസ്മയയും സിനിമയിലേക്കെത്തുന്നത്.
തുടക്കം എന്നാണ് സിനിമയുടെ പേര്. 2018 എന്ന ചിത്രത്തിനുശേഷം ജൂഡ് ആന്റണി ജോസഫ് സംവിധാനം ചെയ്യുന്ന സിനിമയാണിത്.ചിത്രത്തിന്റെ ടൈറ്റിൽ പോസ്റ്റർ മോഹൻലാൽ സോഷ്യൽ മീഡിയയിലൂടെ അവതരിപ്പിച്ചു.

പ്രണവ് മോഹൻലാൽ, കല്യാണി പ്രിയദർശൻ തുടങ്ങിയവർ സിനിമയിൽ അരങ്ങേറിയപ്പോൾ മുതൽ വിസ്മയയും വെള്ളിത്തിരയിലേക്കുവരുമോ എന്ന ചോദ്യം ഉയർന്നിരുന്നു. ഇതിനാണ് ഇപ്പോൾ ഉത്തരമായിരിക്കുന്നത്. തായ് ആയോധനകലയും അഭ്യസിച്ചിട്ടുള്ള താരപുത്രി ഇതിന്റെ വീഡിയോ ഇന്‍സ്റ്റഗ്രാമില്‍ പങ്കുവെച്ചിരുന്നു. ചിത്രത്തെക്കുറിച്ചുള്ള കൂടുതൽ വിവരങ്ങൾ പുറത്തുവന്നിട്ടില്ല.

'വിസ്മയ തുടക്കം';മോഹൻലാലിന്റെ മകൾ നായികയാവുന്നു

തിരുവല്ല : ഇൻസ്റ്റഗ്രാമിലൂടെ പരിചയപ്പെട്ട പത്താംക്ലാസ് വിദ്യാർഥിനിയെ ലൈംഗികാതിക്രമത്തിന് ഇരയാക്കിയ യുവാവ് അറസ്റ്റിൽ. നെടുമ്പ്രം പൊടിയാടി വൈക്കത്തില്ലം മാധവംവീട്ടിൽ സഞ്ജയ് എസ്.നായർ(23) ആണ് അറസ്റ്റിലായത്.
പെൺകുട്ടിക്ക് ഇയാൾ തന്റെ സ്വകാര്യഭാഗങ്ങളിലെ ദൃശ്യങ്ങൾ അയച്ചുനൽകി. തുടർന്ന് പെൺകുട്ടിയുടെ ദൃശ്യങ്ങൾ ആവശ്യപ്പെട്ടു. തടിയൂരിലെ വെള്ളച്ചാട്ടത്തിന് സമീപത്ത് കാറിലെത്തിച്ച് ശാരീരികമായി ഉപദ്രവിക്കുകയായിരുന്നു.ശിശുസംരക്ഷണസമിതിക്ക് ലഭിച്ച വിവരത്തിന്റെ അടിസ്ഥാനത്തിൽ തിരുവല്ല പോലീസ് കേസ് എടുത്ത് പ്രതിയെ അറസ്റ്റുചെയ്തു. വിദഗ്ധ പരിശോധനയ്ക്കായി ഇയാളുടെ മൊബൈൽ ഫോൺ പോലീസ് കസ്റ്റഡിയിലെടുത്തിട്ടുണ്ട്.

സ്വകാര്യചിത്രങ്ങൾ അച്ചുകൊടുത്തു, പത്താംക്ലാസുകാരിയെ ലൈംഗികമായി ഉപദ്രവിച്ച യുവാവ് അറസ്റ്റിൽ

Search Results for: 02.07.2025