ന്യൂജഴ്സി: മലയാളി വിദ്യാർഥിനി അമേരിക്കയിൽ വാഹനാപകടത്തിൽ മരിച്ചു. വടകര സ്വദേശി ഹെന്ന (21) യാണ് മരിച്ചത്. ന്യൂജഴ്സിയിലെ റട്ട്ഗേസ് യൂണിവേഴ്സിറ്റി വിദ്യാർഥിനിയാണ്. കോളേജിലേക്ക് പോകും വഴി ഹന്നയുടെ കാറിൽ മറ്റൊരു കാർ ഇടിച്ചാണ് അപകടം. കസ്റ്റംസ് റോഡ് ചീക്കിൽ അസ്‍ലം - സാദിജ ചേളന്നൂർ ദമ്പതികളുടെ മകളാണ്. രക്ഷിതാക്കൾക്കൊപ്പം ന്യൂജഴ്സിയിലായിരുന്നു താമസം. മൃതദേഹം മോർച്ചറിയിൽ സൂക്ഷിച്ചിരിക്കുകയാണ്. പൊലീസ് നടപടികൾ പുരോഗമിക്കുന്നു.

വടകര സ്വദേശിനിയായ വിദ്യാർഥിനി യുഎസിൽ വാഹനാപകടത്തിൽ മരിച്ചു

വാഷിംഗ്‌ടൺ: മുൻ പ്രധാനമന്ത്രി മൻമോഹൻ സിംഗിന്റെ വിയോഗത്തിൽ അനുശോചനം രേഖപ്പെടുത്തി അമേരിക്ക. 'തന്ത്രപരമായ ഉഭയകക്ഷി പങ്കാളിത്തതിന്റെ ഏറ്റവും മികച്ച ചാമ്പ്യന്മാരിൽ ഒരാൾ' എന്നാണ് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കെൻ അദ്ദേഹത്തെ വിശേഷിപ്പിച്ചത്.
യുഎസ് - ഇന്ത്യ നയതന്ത്രപരമായ പങ്കാളിത്തത്തിൽ ഏറ്റവും വലിയ പങ്ക് വഹിച്ചവരിൽ ഒരാളാണ് മൻമോഹൻ സിംഗ്. കഴിഞ്ഞ രണ്ട് പതിറ്റാണ്ടുകളായി ഇരുരാജ്യങ്ങളും ഒരുമിച്ചുണ്ടാക്കിയ പല നേട്ടങ്ങൾക്കും അടിത്തറയിട്ടതും മൻമോഹൻ സിംഗാണെന്ന് ആന്റണി ബ്ലിങ്കെൻ പറഞ്ഞു. അദ്ദേഹത്തിന്റെ വേർപാടിൽ ബ്ലിങ്കെൻ അനുശേചനം രേഖപ്പെടുത്തി. യുഎസ് - ഇന്ത്യ സിവിൽ ആണവ ഉടമ്പടി മുന്നോട്ടുകൊണ്ടുപോകുന്നതിൽ മൻമോഹൻ സിംഗ് നൽകിയ പ്രാധാന്യത്തെക്കുറിച്ചും അദ്ദേഹം ഓർത്തു.&nbsp;

മൻമോഹൻ സിംഗിന്റെ വിയോഗത്തിൽ അനുശോചനം രേഖപ്പെടുത്തി അമേരിക്ക

വാഷിങ്ടണ്‍: യു.എസ്. പ്രസിഡന്റ് തിരഞ്ഞെടുപ്പില്‍ നിന്ന് ഡെമോക്രാറ്റിക് പാര്‍ട്ടി സ്ഥാനാര്‍ഥിയും നിലവിലെ യു.എസ്. പ്രസിഡന്റുമായ ജോ ബൈഡന്‍ പിന്മാറി. വാർത്താക്കുറിപ്പിലൂടെയാണ് അദ്ദേഹം ഇക്കാര്യം അറിയിച്ചത്. പാര്‍ട്ടിയുടേയും രാജ്യത്തിന്റേയും താത്പര്യം മുൻനിർത്തിയാണ് തീരുമാനമെന്ന് ബൈഡൻ വ്യക്തമാക്കി. റിപ്പബ്ലിക്കന്‍ സ്ഥാനാര്‍ഥി ഡൊണാള്‍ഡ് ട്രംപുമായി ജൂണില്‍ നടന്ന സംവാദത്തിലെ ദുര്‍ബലമായ പ്രകടനത്തെ തുടര്‍ന്ന് സ്ഥാനാര്‍ഥിത്വത്തില്‍നിന്ന് പിന്മാറാന്‍ ജോ ബൈഡനുമേല്‍ പാര്‍ട്ടിയില്‍നിന്ന് വലിയ സമ്മര്‍ദ്ദമുണ്ടായിരുന്നു.
സ്ഥാനാർഥിത്വത്തിൽനിന്ന് പിന്മാറുകയാണെന്ന് പ്രഖ്യാപിച്ചതിന് പിന്നാലെ തിരഞ്ഞെടുപ്പിൽ ഡെമോക്രാറ്റിക് പാർട്ടിയുടെ സ്ഥാനാർഥിയായി വൈസ് പ്രസിഡന്റും ഇന്ത്യൻ വംശജയുമായ കമല ഹാരിസിനെ ജോ ബൈഡൻ നിർദേശിച്ചു. കമലയ്ക്ക് പൂർണ പിന്തുണ പ്രഖ്യാപിക്കുന്നതായി അദ്ദേഹം എക്സിൽ കുറിച്ചു. ഒന്നിച്ചുനിന്ന് ട്രംപിനെ തോൽപ്പിക്കണമെന്നും ഡെമോക്രാറ്റിക് പാർട്ടിയെ പിന്തുണയ്ക്കുന്നവരോട് അദ്ദേഹം ആഹ്വാനം ചെയ്തു. കമല ഹാരിസിനൊപ്പമുള്ള ചിത്രം പങ്കുവെച്ചുകൊണ്ടായിരുന്നു ബൈഡന്റെ ട്വീറ്റ്. കമല ഹാരിസിന്റെ തിരഞ്ഞെടുപ്പ് പ്രചാരണത്തിന് ഓൺലൈനായി സംഭാവന ചെയ്യാനുള്ള ലിങ്കും ബൈഡൻ എക്സിൽ പങ്കുവെച്ചിട്ടുണ്ട്.

യു.എസ് പ്രസിഡന്റ് തിരഞ്ഞെടുപ്പിൽ നിന്ന് ജോ ബൈഡന്‍ പിന്മാറി

ന്യൂയോർക്ക്: അൽബാനിയിൽ ബാർബർവില്ലെ വെള്ളച്ചാട്ടത്തിൽ വീണ് 26കാരനായ ഇന്ത്യൻ വിദ്യാർഥി മുങ്ങിമരിച്ചു. ആന്ധ്രയിലെ കിഴക്കൻ ഗോദാവരി ജില്ലയിലെ ചിത്യാലയിൽ നിന്നുള്ള സായി സൂര്യ അവിനാഷ് ഗഡ്ഡെ എന്ന യുവാവാണ് ജൂലൈ 7ന് മരിച്ചത്. ട്രൈൻ യൂണിവേഴ്സിറ്റിയിലെ വിദ്യാർഥിയായിരുന്നു സായി സൂര്യ.
ന്യൂയോർക്കിലെ ഇന്ത്യൻ കോൺസുലേറ്റ് ജനറൽ മരണത്തിൽ അനുശോചനം അറിയിച്ചു. മൃതദേഹം ഇന്ത്യയിലേക്ക് കൊണ്ടുപോകുന്നതിന് എൻ.ഒ.സി നൽകുന്നതുൾപ്പെടെ ആവശ്യമായ എല്ലാ സഹായവും നൽകുമെന്ന് കോൺസുലേറ്റ് അറിയിച്ചു.
ജൂലൈ ഏഴിന് സഹോദരിയുടെ കുടുംബത്തോടൊപ്പം വിദ്യാർഥി സുഹൃത്തിൻ്റെ വീട്ടിൽ പോയിരുന്നു. അവിടെനിന്ന് ഇരുകുടുംബങ്ങളിലെയും അംഗങ്ങൾ സമീപത്തെ വെള്ളച്ചാട്ടം കാണാൻ പോയി. അവിടെവെച്ച് സായി അബദ്ധത്തിൽ വെള്ളച്ചാട്ടത്തിൽ വീണ് മരിക്കുകയായിരുന്നു.

യു.എസിൽ വെള്ളച്ചാട്ടത്തിൽ വീണ് ഇന്ത്യൻ വിദ്യാർഥി മരിച്ചു

വാഷിങ്ടൺ: മധ്യ അമേരിക്കയിൽ രണ്ടുദിവസമായിത്തുടരുന്ന കൊടുങ്കാറ്റിലും പേമാരിയിലും മരണം 22 ആയി. ഇടിമിന്നലോടുകൂടിയ മഴയും കാറ്റും 13 സംസ്ഥാനങ്ങളെ ബാധിച്ചു. പലയിടത്തും വൈദ്യുതി വിച്ഛേദിക്കപ്പെട്ട് ആറുലക്ഷത്തോളംപേർ ഇരുട്ടിലായി.&nbsp;
തിങ്കളാഴ്ച അലബാമമുതൽ ന്യൂയോർക്കുവരെയുള്ള സംസ്ഥാനങ്ങളിൽ കാലാവസ്ഥാവകുപ്പ് ജാഗ്രതാനിർദേശം നൽകി. ഇവിടങ്ങളിൽ 13 ലക്ഷം പേരാണ് താമസിക്കുന്നത്. കിഴക്കൻതീരങ്ങളിൽ ശക്തമായ മഴയുണ്ടാകുമെന്നും മുന്നറിയിപ്പുണ്ട്.&nbsp;

കൊടുങ്കാറ്റ്: യു.എസിൽ 22 പേർ മരിച്ചു

ന്യൂഡല്‍ഹി/വാഷിങ്ടണ്‍: ഏദന്‍ കടലിടുക്കില്‍ അമേരിക്കന്‍ ചരക്കുകപ്പലിനു നേരെ ഹൂതികളുടെ ആക്രമണം. മാര്‍ഷല്‍ ഐലന്‍ഡിന്റെ പതാകവഹിക്കുന്ന എം.വി. ജെന്‍കോ പികാര്‍ഡി എന്ന കപ്പലാണ് ആക്രമിക്കപ്പെട്ടത്. ആക്രമണ വിവരം ലഭിച്ച ഉടന്‍ ഇന്ത്യന്‍ നാവികസേന കപ്പലിന്റെ രക്ഷയ്‌ക്കെത്തി. ബുധനാഴ്ച രാത്രി 11.11-നാണ് യു.എസ്. കപ്പലിനുനേരെ ഇറാന്റെ പിന്തുണയുള്ള യെമനിലെ ഹൂതികള്‍ ഡ്രോണ്‍ ആക്രമണം നടത്തിയത്. ഇന്ത്യന്‍ നാവികസേനയുടെ മിസൈല്‍ വേധ കപ്പലായ ഐ.എന്‍.എസ്. വിശാഖപട്ടണത്തിലേക്കാണ് സഹായം ആവശ്യപ്പെട്ടുകൊണ്ടുള്ള സന്ദേശം ലഭിച്ചത്. ഉടന്‍ രക്ഷാദൗത്യത്തിനായി പുറപ്പെട്ട നാവികസേന 18-ന് 12:30-ഓടെ അമേരിക്കന്‍ കപ്പലിലെത്തി.
ഒമ്പത് ഇന്ത്യക്കാര്‍ ഉള്‍പ്പെടെ 22 ജീവനക്കാരാണ് ജെന്‍കോ പികാര്‍ഡിയില്‍ ഉണ്ടായിരുന്നത്. ആര്‍ക്കും പരിക്കില്ല. ആക്രമണത്തെ തുടര്‍ന്ന് കപ്പലിലുണ്ടായ അഗ്നിബാധ നിയന്ത്രണവിധേയമാണ്. യു.എസ്. കപ്പലില്‍ പ്രവേശിച്ച ഇന്ത്യന്‍ നാവികസേനാംഗങ്ങള്‍ വിശദമായ പരിശോധന നടത്തി കപ്പല്‍ സുരക്ഷിതമാണെന്ന് ഉറപ്പുവരുത്തി. തുടര്‍ന്ന് ഏറ്റവുമടുത്ത തുറമുഖത്തേക്ക് കപ്പല്‍ യാത്ര തിരിച്ചു.
ഏദന്‍ കടലിടുക്കില്‍ കടല്‍ക്കൊള്ളക്കാര്‍ക്കെതിരെ പട്രോളിങ് നടത്തുന്ന കപ്പലാണ് ഇന്ത്യന്‍ നാവികസേനയുടെ ഐ.എന്‍.എസ്. വിശാഖപട്ടണം. യു.എസ്. കപ്പല്‍ ആക്രമിക്കപ്പെട്ടതായും ഐ.എന്‍.എസ്. വിശാഖപട്ടണം രക്ഷയ്‌ക്കെത്തിയതായും ഇന്ത്യന്‍ നാവികസേനയുടെ വക്താവാണ് എക്‌സിലൂടെ അറിയിച്ചത്. ആക്രമിക്കപ്പെട്ട കപ്പലിന്റെ ചിത്രങ്ങളും നാവികസേന പുറത്തുവിട്ടിട്ടുണ്ട്. ഇന്ത്യന്‍ നാവികസേനയുടെ മിസൈല്‍ വേധ കപ്പൽ ഐ.എൻ.എസ്. വിശാഖപട്ടണം | Photo: PTI
നേരത്തേ അറബിക്കടലില്‍ കടല്‍ക്കൊള്ളക്കാര്‍ തട്ടിയെടുക്കാന്‍ ശ്രമിച്ച ലൈബീരിയന്‍ പതാക വഹിക്കുന്ന എം.വി. ലില നോര്‍ഫോക് എന്ന കപ്പലിന് രക്ഷയായതും ഇന്ത്യന്‍ നാവികസേനയാണ്. സേനയുടെ ഐ.എന്‍.എസ്. ചെന്നൈ എത്തിയാണ് കടല്‍ക്കൊള്ളക്കാരെ തുരത്തി കപ്പല്‍ മോചിപ്പിച്ചത്. ആറ് ആയുധധാരികളാണ് കപ്പലിനകത്ത് കയറി കപ്പല്‍ തട്ടിയെടുക്കാന്‍ ശ്രമിച്ചത്. നാവികസേനയുടെ മറൈന്‍ കമാന്‍ഡോ സംഘമായ മാര്‍കോസ് ആണ് രക്ഷാദൗത്യം നടത്തിയത്.

ഏദന്‍ കടലിടുക്കില്‍ അമേരിക്കന്‍ കപ്പലിനുനേരെ ഹൂതി ആക്രമണം; രക്ഷകരായത് ഇന്ത്യന്‍ നാവികസേന

തിരുവനന്തപുരം: പി വി അൻവർ കോൺഗ്രസുമായും യുഡിഎഫുമായും സഹകരിക്കുമെന്ന് പ്രതിപക്ഷനേതാവ് വി ഡി സതീശൻ. അൻവറിന്റെ മുന്നണി പ്രവേശനം യുഡിഎഫ് ചർച്ച ചെയ്ത് തീരുമാനിക്കുമെന്നും അദ്ദേഹം വ്യക്തമാക്കി. അൻവറുമായി കോൺഗ്രസ് നേതൃത്വം നടത്തിയ ചർച്ചയ്ക്കുശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
'അൻവർ കോൺഗ്രസുമായും യുഡിഎഫുമായും സഹകരിച്ച് നിൽക്കും. ആ നിർദ്ദേശങ്ങൾ കോൺഗ്രസിലും യുഡിഎഫിലും ചർച്ച ചെയ്ത് തീരുമാനമെടുത്ത് അദ്ദേഹത്തെ അറിയിക്കും. ഒപ്പം നിന്ന് പ്രവർത്തിക്കുമെന്ന് അൻവർ പറഞ്ഞിട്ടുണ്ട്. ആ സഹകരണം കോൺഗ്രസ് സ്വീകരിച്ചിട്ടുണ്ട്. മുന്നണിയിൽ ആലോചിക്കാതെ മുന്നണി പ്രവേശനത്തെക്കുറിച്ച് പറയാനാകില്ല. എല്ലാ യുഡിഎഫ് ഘടകകക്ഷികളുമായി ചർച്ച ചെയ്ത ശേഷമേ മുന്നണി പ്രവേശനം സംബന്ധിച്ച് തീരുമാനം എടുക്കാനാകൂ.കോൺഗ്രസും യുഡിഎഫും പ്രഖ്യാപിക്കുന്ന ഏതു സ്ഥാനാർത്ഥിക്കും പി വി അൻവർ പരിപൂർണ പിന്തുണ നൽകും.'- വി ഡി സതീശൻ പറഞ്ഞു.

പി വി അൻവർ കോൺഗ്രസുമായി സഹകരിക്കുമെന്ന്  വി ഡി സതീശൻ

കൊച്ചി: കൊച്ചി കേന്ദ്രീയ ഭവനിൽ ഇമെയിൽ വഴി ബോംബ് ഭീഷണി സന്ദേശം. ബുധാനാഴ്ച പുലർച്ചെ നാല് മണിയോടെയാണ് ഭീഷണി സന്ദേശം വന്നത്. കേന്ദ്രീയ ഭവനിന്റെ കെട്ടിടത്തിൽ ബോംബ് വെച്ചിട്ടുണ്ടെന്നാണ് സന്ദേശമെത്തിയത്.
തുടർന്ന് പൊലീസും ബോംബ് സ്ക്വാഡും പരിശോധന തുടരുകയാണ്. മൂന്ന് ബ്ലോക്കുകളുള്ള വലിയ കെട്ടിടമാണ് കേന്ദ്രീയ ഭവന്റെത്. ഇതുവരെ ഒന്നും സംശയാസ്പദമായി ഒന്നും കണ്ടെത്തിയിട്ടില്ല.
കഴിഞ്ഞ ദിവസം ഹൈകോടതിയിലും ബോംബ് ഭീഷണി എത്തിയിരുന്നു. പരിശോധനയിൽ വ്യാജമാണെന്ന് തെളിയുകയും ചെയ്തു.

കൊച്ചി കേന്ദ്രീയ ഭവനിൽ ഇമെയിൽ വഴി ബോംബ് ഭീഷണി സന്ദേശം ;പരിശോധന തുടരുന്നു

Kerala

കൊച്ചി: ഇരിങ്ങാലക്കുട കൂടൽമാണിക്യം ക്ഷേത്രത്തിലെ കഴകം തസ്തികയിലേക്കുള്ള നിയമനം ഒരാഴ്ചത്തേക്ക്​ തടഞ്ഞ്​ ഹൈകോടതി. ദേവസ്വം റിക്രൂട്ട്മെന്റ് ബോർഡിന്റെ റാങ്ക് പട്ടികയിൽ നിന്നുള്ള നിയമനമാണ്​ ജസ്റ്റിസ് ദേവൻ രാമചന്ദ്രൻ, ജസ്റ്റിസ് പി.വി. ബാലകൃഷ്ണൻ എന്നിവരടങ്ങുന്ന ബെഞ്ച്​ തടഞ്ഞത്​.
കഴകത്തിന് പാരമ്പര്യാവകാശമുന്നയിച്ച് ഇരിങ്ങാലക്കുട തേക്കേ വാരിയത്ത് ടി.വി. ഹരികൃഷ്ണനടക്കം നൽകിയ ഹരജിയാണ്​ കോടതി പരിഗണിച്ചത്​. ഒന്നാം പേരുകാരനായ ബി.എ. ബാലു രാജിവെച്ച ഒഴിവിലേക്ക്​ രണ്ടാമനായ​ കെ.എസ്. അനുരാഗിനാണ്​ നിയമനം നൽകേണ്ടിയിരുന്നത്​. ഹരജി വീണ്ടും 29ന്​ പരിഗണിക്കും.

കൂടൽമാണിക്യം ക്ഷേത്രത്തിലെ കഴകം നിയമനം ഒരാഴ്ചത്തേക്ക്​ തടഞ്ഞ്​ ഹൈകോടതി

പഹൽഗാം: പഹൽഗാമിൽ ആക്രമണം നടത്തിയ ഭീകരരുടെ രേഖാചിത്രങ്ങൾ പുറത്തുവിട്ട് സുരക്ഷാസേന. ആസിഫ് ഫുജി, സുലെെമാൻ ഷാ, അബു തൽഹ എന്നീ മൂന്ന് ഭീകരരെയാണ് തിരിച്ചറിഞ്ഞത്. ഇവർക്കായുള്ള തെരച്ചിൽ ശക്തമാക്കിയിട്ടുണ്ട്.
കാശ്‌മീരിലുള്ള രണ്ടുപേർ ഉൾപ്പടെ ആറ് ഭീകരരാണ് ആക്രമണം നടത്തിയതെന്നാണ് റിപ്പോർട്ട്. ഇതിൽ രണ്ടുപേർ പ്രാദേശിക തീവ്രവാദികളാണ്. ഇവരെ സുരക്ഷാസേന തിരിച്ചറിഞ്ഞിട്ടുണ്ട്. 2017ൽ പരിശീലനത്തിനായി ഇവർ പാകിസ്ഥാനിലേക്ക് കടന്ന് വിദേശ ഭീകരരുടെ അവസാന ബാച്ചിനൊപ്പം ചേർന്നുവെന്നാണ് വിലയിരുത്തൽ.പാകിസ്ഥാൻ ആസ്ഥാനമായുള്ള ഭീകര സംഘടനയായ ലഷ്‌കർ ഇ തയ്‌ബയുടെ പ്രാദേശിക ശാഖയായ റെസിസ്റ്റൻസ് ഫ്രണ്ട് ആക്രമണത്തിന്റെ ഉത്തരവാദിത്തം ഏറ്റെടുത്തു. ആക്രമണത്തിന് ലഷ്‌കർ ഇ തയ്‌ബയുടെ കമാൻഡർ സെയ്‌ഫുള്ള കസൂരിയാണ് നേതൃത്വം നൽകിയതെന്നാണ് റിപ്പോർട്ട്.

പഹൽഗാം ഭീകരാക്രമണം; മൂന്ന് ഭീകരരുടെ രേഖാചിത്രം പുറത്തുവിട്ട് സുരക്ഷാ സേന

National

തിരുവനന്തപുരം: കേരളത്തിലെ അമ്പതാമത് ചീഫ് സെക്രട്ടറിയായ എ ജയതിലക് ഐഎഎസിനെ തിരഞ്ഞെടുത്തു. ഇന്നുചേർന്ന മന്ത്രിസഭാ യോഗത്തിലേതാണ് തീരുമാനം. നിലവിൽ ധനകാര്യവകുപ്പിലെ അഡീഷണൽ ചീഫ് സെക്രട്ടറിയാണ് അദ്ദേഹം.
ശാരദാ മുരളീധരൻ ഈ മാസം 30ന് വിരമിക്കാനിരിക്കെയാണ് പുതിയ തീരുമാനം. ഈ സ്ഥാനത്തേക്ക് രണ്ട് പേരുകളാണ് ഉയർന്നുവന്നിരുന്നത്. പുതിയ ചീഫ് സെക്രട്ടറി സ്ഥാനത്തേക്ക് കേരള കേഡറിലെ മുതിർന്ന ഐഎഎസ് ഉദ്യോഗസ്ഥനും ഡൽഹിയിൽ കേന്ദ്ര ഡെപ്യൂട്ടേഷനിലുമുളള മനോജ് ജോഷിയെയാണ് നിർദ്ദേശിച്ചത്. അദ്ദേഹം താൽപര്യം പ്രകടിപ്പിക്കാതെ വന്നതോടെയാണ് ജയതിലകിനെ തിരഞ്ഞെടുത്തത്. 2026 ജൂൺ വരെയാണ് കാലാവധി.

പുതിയ ചീഫ് സെക്രട്ടറിയായി എ ജയതിലക് ഐഎഎസിനെ തിരഞ്ഞെടുത്തു

Search Results for: us