കോഴിക്കോട് :അടിമുടി നാടകീയതകള്‍ നിറഞ്ഞതായിരുന്നു പന്തീരാങ്കാവിലെ ഗാര്‍ഹിക പീഡനക്കേസ്. ട്വിസ്റ്റുകളില്‍നിന്ന് ട്വിസ്റ്റുകളിലേക്ക് നീണ്ട കേസില്‍ ഒടുവില്‍ പരാതിക്കാരിയും ഭര്‍ത്താവും ഒത്തുതീര്‍പ്പിലെത്തിയതോടെ കേസ് ഹൈക്കോടതി റദ്ദാക്കുകയുംചെയ്തു. എന്നാല്‍, ഒന്നരമാസത്തിന് ശേഷം അതേ യുവതി വീണ്ടും ഭര്‍ത്താവിനെതിരെ സമാന പരാതിയുമായി രംഗത്തെത്തിയിരിക്കുകയാണ്.
മീന്‍കറിക്ക് പുളിയില്ലെന്ന് പറഞ്ഞ് ഭര്‍ത്താവായ രാഹുല്‍ പി. ഗോപാല്‍ മര്‍ദിച്ചെന്നാണ് യുവതിയുടെ ഇപ്പോഴത്തെ ആരോപണം. 2024 മെയ് 12-ാം തീയതിയാണ് കേസിന്റെ തുടക്കം. ഭര്‍ത്തൃവീട്ടില്‍വെച്ച് പറവൂര്‍ സ്വദേശിനിയായ യുവതിയെ ഭര്‍ത്താവ് രാഹുല്‍ പി. ഗോപാല്‍ ക്രൂരമായി മര്‍ദിച്ചെന്നായിരുന്നു അന്നത്തെ പരാതി. വിവാഹം കഴിഞ്ഞ് ഒരാഴ്ചയ്ക്ക് ശേഷം യുവതിയുടെ ബന്ധുക്കള്‍ ഭര്‍ത്തൃവീട്ടില്‍ അടുക്കളകാണല്‍ ചടങ്ങിനെത്തിയപ്പോളാണ് മര്‍ദനവിവരം പുറത്തറിഞ്ഞതെന്നും അന്ന് പരാതിയിലുണ്ടായിരുന്നു.
മർദിച്ചെന്ന് പരാതി, രാജ്യംവിട്ട് പ്രതി
2024 മെയ് അഞ്ചാം തീയതിയാണ് പന്തീരാങ്കാവ് 'സ്‌നേഹതീര'ത്തില്‍ രാഹുല്‍ പി. ഗോപാലും(29) എറണാകുളം പറവൂര്‍ സ്വദേശിയായ യുവതിയും വിവാഹിതരായത്. ഗുരുവായൂര്‍ ക്ഷേത്രത്തില്‍വെച്ചായിരുന്നു വിവാഹം. ഒരാഴ്ചയ്ക്ക് ശേഷം പറവൂരില്‍നിന്ന് രാഹുലിന്റെ വീട്ടില്‍ അടുക്കളകാണല്‍ ചടങ്ങിനെത്തിയ യുവതിയുടെ ബന്ധുക്കളാണ് യുവതിയുടെ ശരീരത്തില്‍ മര്‍ദനമേറ്റ പാടുകള്‍ ശ്രദ്ധിച്ചത്. തുടര്‍ന്ന് യുവതിയെയും കൂട്ടി ഇവര്‍ പോലീസ് സ്‌റ്റേഷനിലെത്തി പരാതി നല്‍കുകയായിരുന്നു.
മദ്യലഹരിയില്‍ രാഹുല്‍ മര്‍ദിച്ചെന്നും മൊബൈല്‍ ചാര്‍ജറിന്റെ കേബിള്‍ കഴുത്തിലിട്ട് മുറുക്കിയെന്നുമായിരുന്നു യുവതി നല്‍കിയ മൊഴി. സ്ത്രീധനമായി കൂടുതല്‍ പണവും കാറും ആവശ്യപ്പെട്ടതായും അന്ന് ആരോപിച്ചിരുന്നു. ഒരുമിച്ച് കുളിക്കാത്തതിന് രാഹുല്‍ പിണങ്ങിയെന്നും രാഹുലിന് ചോറുവാരികൊടുക്കാൻ നിർബന്ധിച്ചെന്നുമെല്ലാം യുവതി അന്ന് മാധ്യമങ്ങളോട് പ്രതികരിച്ചിരുന്നു.
പോലീസ് കേസെടുത്തതിന് പിന്നാലെ രാഹുല്‍ പി. ഗോപാല്‍ നാട്ടില്‍നിന്നും കടന്നുകളഞ്ഞു. സംഭവം വിവാദമായതോടെ രാഹുലിനായി പോലീസും ഊര്‍ജിതമായ തിരച്ചില്‍ ആരംഭിച്ചു.ഇതിനിടെ രാഹുലിനെ രക്ഷപ്പെടാന്‍ സഹായിച്ചതിന് ഒരു സുഹൃത്തിനെ പോലീസ് പിടികൂടി.&nbsp;
&nbsp;സ്ത്രീധനം ചോദിച്ചെന്ന ആരോപണം തെറ്റാണെന്ന് വിദേശത്തുനിന്ന് രാഹുലും മാധ്യമങ്ങളോട് പ്രതികരിച്ചിരുന്നു. ഭാര്യയുടെ ഫോണില്‍വന്ന ചില കോളുകളും സന്ദേശങ്ങളും കണ്ടതിലുണ്ടായ പ്രകോപനത്തിലണ് അടിച്ചതെന്നായിരുന്നു ഇയാളുടെ പ്രതികരണം. ഇതിനുശേഷം ഒരുമിച്ചിരുന്ന് സംസാരിച്ച് എല്ലാം ഒത്തുതീര്‍പ്പാക്കിയതാണ്. എന്നാല്‍, യുവതിയുടെ വീട്ടുകാര്‍ അടുക്കള കാണല്‍ ചടങ്ങിന് എത്തിയതിന് പിന്നാലെയാണ് പ്രശ്‌നം വഷളായതെന്നും രാഹുല്‍ പറഞ്ഞിരുന്നു.&nbsp;
ഒരുമാസത്തിന് ശേഷം വന്‍ ട്വിസ്റ്റ്...
പന്തീരാങ്കാവ് ഗാര്‍ഹിക പീഡനക്കേസിലെ ട്വിസ്റ്റ് സംഭവിക്കുന്നത് 2024 ജൂണ്‍ പത്താം തീയതിയായിരുന്നു. അന്നുവരെ രാഹുലിനെതിരേ ആരോപണം ഉന്നയിക്കുകയും പരാതിയില്‍ ഉറച്ചുനില്‍ക്കുകയും ചെയ്ത യുവതി മൊഴിമാറ്റി. താന്‍ പറഞ്ഞതെല്ലാം കള്ളമാണെന്നായിരുന്നു യൂട്യൂബ് ചാനലിലൂടെ യുവതിയുടെ വെളിപ്പെടുത്തല്‍.
രാഹുലിനെതിരേ മോശമായ കാര്യങ്ങള്‍ പറഞ്ഞതില്‍ കുറ്റബോധമുണ്ടെന്നും വീട്ടുകാരും ബന്ധുക്കളും നിര്‍ബന്ധിച്ചതിനാലാണ് നുണകള്‍ പറഞ്ഞതെന്നുമായിരുന്നു യുവതി പറഞ്ഞത്. രാഹുല്‍ രണ്ടുതവണ തല്ലിയെന്നത് ശരിയാണ്. അത് ഒരു തെറ്റിദ്ധാരണയുടെ പുറത്തായിരുന്നു. തലയ്ക്ക് പരിക്കേറ്റത് ബാത്ത്‌റൂമില്‍ വീണതിനാലാണെന്നും കേസിന് ബലം കിട്ടാനായാണ് മറ്റുപല ആരോപണങ്ങളും ഉന്നയിച്ചതെന്നും യുവതി പറഞ്ഞിരുന്നു.&nbsp;
ഈ വെളിപ്പെടുത്തലിന് പിന്നാലെ വീട്ടില്‍നിന്ന് വധഭീഷണിയുണ്ടെന്ന് ആരോപിച്ച് യുവതി വീണ്ടും രംഗത്തെത്തി. പിന്നാലെ യുവതിയെ കാണാനില്ലെന്ന് വീട്ടുകാരും പരാതി നല്‍കി. എന്നാല്‍, ആരും തട്ടിക്കൊണ്ടുപോയിട്ടില്ലെന്ന് വെളിപ്പെടുത്തി യുവതി തന്നെ പിന്നീട് രംഗത്തെത്തി. ഇതിനിടെ, ഗാര്‍ഹിക പീഡനക്കേസ് റദ്ദാക്കാനായി രാഹുല്‍ ഹൈക്കോടതിയെ സമീപിച്ചു. രാഹുലടക്കം അഞ്ചുപേരെ പ്രതിചേര്‍ത്ത് പോലീസ് കേസില്‍ കുറ്റപത്രം സമര്‍പ്പിച്ചിരുന്നു. പിന്നാലെ രാഹുല്‍ പി. ഗോപാല്‍ വിദേശത്തുനിന്ന് നാട്ടിലെത്തുകയുംചെയ്തു.
കേസ് റദ്ദാക്കണമെന്ന ഹര്‍ജിയില്‍ രാഹുലിനോടും പരാതിക്കാരിയായ ഭാര്യയോടും ആദ്യം കൗണ്‍സിലിങ്ങിന് വിധേയമാകാനാണ് ഹൈക്കോടതി നിര്‍ദേശിച്ചത്. പിന്നാലെ പരാതിക്കാരി കേസില്‍നിന്ന് പിന്മാറിയതിന്റെ പശ്ചാത്തലത്തില്‍ കേസ് ഹൈക്കോടതി റദ്ദാക്കുകയും ചെയ്തു. 2024 ഒക്ടോബര്‍ 25-നാണ് ഹൈക്കോടതി കേസ് റദ്ദാക്കിയത്. ഇതിനുശേഷം രാഹുലും ഭാര്യയും വീണ്ടും ഒരുമിച്ച് താമസം തുടങ്ങി. കൃത്യം ഒരുമാസത്തിന് ശേഷമാണ് ഇപ്പോൾ യുവതി വീണ്ടും രാഹുലിനെതിരേ പരാതിയുമായി രംഗത്തെത്തിയിരിക്കുന്നത്

'ഒരുമിച്ച് കുളിച്ചില്ലെങ്കിൽ  പിണങ്ങും',മീന്‍കറിക്ക് പുളിയില്ലെന്ന് പറഞ്ഞ് മർദിച്ചു; പന്തീരാങ്കാവ് കേസിലെ നാൾവഴികൾ ഇങ്ങനെ

Kozhikode

കൊച്ചി: സീരിയലുകൾക്ക് സെൻസറിംഗ് ആവശ്യമാണെന്ന് നടനും ചലച്ചിത്ര അക്കാദമി ചെയർമാനുമായ പ്രേംകുമാർ. സിനിമയും സീരിയലും വെബ്‌സീരിസുമെല്ലാം ഒരു വലിയ ജനസമൂഹത്തെയാണ് കെെകാര്യം ചെയ്യുന്നത്. അത് പാളിപ്പോയാൽ ഒരു ജനതയെ തന്നെ അപചയത്തിലേക്ക് നയിക്കുമെന്ന തിരിച്ചറിവ് കല സൃഷ്ടിക്കുന്നവർക്ക് ഉണ്ടാകണമെന്നും പ്രേംകുമാർ പറഞ്ഞു. കൊച്ചിയിൽ വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം. ചില മലയാള സീരിയലുകൾ എൻഡോസൾഫാൻ പോലെ സമൂഹത്തിന് മാരകമാണെന്നും സെൻസറിംഗ് വേണം നടൻ കൂട്ടിച്ചേർത്തു.
'എല്ലാ സീരിയലുകളെയും അടച്ചാക്ഷേപിക്കുകയല്ല. കലാകാരന് ആതിരുകളില്ലാത്ത ആവിഷ്കാരസ്വാതന്ത്ര്യം വേണമെന്ന് ആഗ്രഹിക്കുന്ന ആളാണ് ഞാൻ. സിനിമയിൽ സെൻസറിംഗ് ഉണ്ട്. എന്നാൽ ടെലിവിഷൻ സീരിയലുകൾക്കില്ല. അതിൽ പ്രായോഗിക പ്രശ്നങ്ങളുണ്ട്. അന്നന്ന് ഷൂട്ട് ചെയ്യുന്നത് അതേദിവസം തന്നെ കാണിക്കുകയാണെന്നാണ് ഈ രംഗത്തുള്ളവർ പറയുന്നത്.അതിനിടെ സെൻസറിംഗിന് സമയമില്ല. എന്നാൽ ടെലിവിഷൻ സീരിയലുകൾ കുടുംബ സദസുകളിലേക്കാണ് എത്തുന്നത്. ഈ ദൃശ്യങ്ങളുടെ ശീലത്തിൽ വളരുന്ന കുട്ടികൾ ഇതാണ് ജീവിതം,​ ഇങ്ങനെയാണ് മനുഷ്യബന്ധങ്ങൾ എന്നൊക്കെയാകും കരുതുക. അങ്ങനെയൊരു കാഴ്ചപ്പാട് ഉണ്ടാകുന്ന തലമുറയെ കുറിച്ചുള്ള ആശങ്കയാണ് ഞാൻ പങ്കുവയ്ക്കുന്നത്. കല കെെകാര്യം ചെയ്യുന്നവർക്ക് ആ ഉത്തരവാദിത്തം വേണം',- പ്രേംകുമാർ വ്യക്തമാക്കി.

സീരിയലുകൾ എൻഡോസൾഫാൻ പോലെ മാരകം ;സെൻസറിംഗ് വേണമെന്ന് പ്രേംകുമാർ

Kerala

ടോക്കിയോ: ജപ്പാനിലെ ഇഷിക്വാവയിലും സമീപ്രദേശത്തും ഭൂചലനം അനുഭവപ്പെട്ടതായി റിപ്പോർട്ട്. 6.4 തീവ്രതയുള്ള ഭൂചലനമാണ് രേഖപ്പെടുത്തിയിരിക്കുന്നത്. ചൊവ്വാഴ്ച രാത്രിയാണ് ഭൂചലനമുണ്ടായതെന്ന് ഭൗമശാസ്ത്രവിഭാഗം അറിയിച്ചു. പ്രാദേശികസമയം രാത്രി 10: 47 ന് ഇഷിക്വാവയിലെ നോതോ റീജിയണിലാണ് സംഭവം.
ജപ്പാന്റെ പടിഞ്ഞാറന്‍ തീരത്തെ ഹൊന്‍ഷുവില്‍ 6.2 തീവ്രത രേഖപ്പെടുത്തിയ മറ്റൊരു ഭൂചലനവുമുണ്ടായി. യൂറോപ്യന്‍ മെഡിറ്ററേനിയന്‍ സീസ്‌മോളജി സെന്റര്‍(ഇഎംഎസ്‌സി) ആണ് ഈ വിവരം പുറത്തുവിട്ടത്. ചൊവ്വാഴ്ച രേഖപ്പെടുത്തിയ ഭൂചലനങ്ങളില്‍ നാശനഷ്ടങ്ങളോ പരിക്കുകളോ രേഖപ്പെടുത്തിയിട്ടില്ല.

ജപ്പാനില്‍ രണ്ടിടത്ത് ഭൂചലനം; 6.4 തീവ്രത രേഖപ്പെടുത്തി

കൊച്ചി: എഡിഎം നവീൻ ബാബുവിന്റേത് കൊലപാതകമാണോയെന്ന് സംശയമുന്നയിച്ച് കുടുംബം. കൊലപ്പെടുത്തി കെട്ടിത്തൂക്കാനുള്ള സാധ്യത തള്ളിക്കളയാനാകില്ലെന്നും ബന്ധുക്കളെത്തും മുമ്പ് ഇൻക്വസ്റ്റ് നടത്തിയെന്നും കുടുംബം ആരോപിച്ചു. ഹൈക്കോടതിയിൽ സിബിഐ അന്വേഷണം ആവശ്യപ്പെട്ട് നവീനിന്റെ ഭാര്യ മഞ്ജുഷ സമർപ്പിച്ച ഹർജിയിലാണ് ഇക്കാര്യം പറയുന്നത്.
ആത്മഹത്യ എന്ന നിഗമനം മുഖവിലക്കെടുക്കാനാകില്ല. ഇൻക്വസ്റ്റ് നടത്തുന്നതിലടക്കം പൊലീസിന് വീഴ്‌ച സംഭവിച്ചിട്ടുണ്ട്. ബന്ധുക്കളെത്തുന്നതിന് മുമ്പ് തന്നെ ഇൻക്വസ്റ്റ് നടത്തി. സിസിടിവി ദൃശ്യങ്ങളും അന്വേഷണ ഉദ്യോഗസ്ഥർ ശേഖരിച്ചില്ല. തെളിവുകൾ കുഴിച്ചുമൂടാനുള്ള ശ്രമമാണ് നടക്കുന്നതെന്നും കുടുംബം ആരോപിക്കുന്നു.പൊലീസ് അന്വേഷണത്തിൽ കുടുംബത്തിന് തൃപ്തിയില്ല.&nbsp;

നവീൻബാബുവിനെ കൊന്ന് കെട്ടിത്തൂക്കിയതെന്ന് സംശയമുന്നയിച്ച് കുടുംബം

ബംഗളൂരു: നെഞ്ചിൽ കുത്തേറ്റ മുറിവുകളോടെ അസാം സ്വദേശിനിയായ യുവതിയുടെ മൃതദേഹം കണ്ടെത്തി. ബംഗളൂരു ഇന്ദിരാ നഗറിൽ സർവീസ് അപ്പാർട്ട്മെന്റിലാണ് കോറമംഗലയിലെ സ്വകാര്യ കമ്പനി ജീവനക്കാരിയും വ്ളോഗറുമായ അസാം സ്വദേശിനി മായ ഗൊഗോയി(25)യുടെ മൃതദേഹം കണ്ടെത്തിയത്. യുവതിയുടെ ആൺസുഹൃത്തും കണ്ണൂർ‌ സ്വദേശിയുമായ ആരവ് ഹർണി ആണ് കൊലപാതകത്തിന് പിന്നിലെന്നാണ് പൊലീസ് സംശയിക്കുന്നത്. ഇയാൾക്കായി അന്വേഷണം ആരംഭിച്ചു.
ആരവും അസാം സ്വദേശിനിയും അപ്പാർട്ട്‌മെന്റിൽ ഒരുമിച്ചെത്തുന്നതിന്റെ ദൃശ്യങ്ങൾ പൊലീസിന് ലഭിച്ചിട്ടുണ്ട്. പിന്നാലെ യുവതിയെ കൊലപ്പെടുത്തി ആരവ് കടന്നുകളഞ്ഞുവെന്നാണ് പൊലീസ് നിഗമനം. നെഞ്ചിൽ ഒന്നിലധികം തവണ കുത്തേറ്റിട്ടുണ്ട്. ഞായറാഴ്‌‌ച ആരവ് യുവതിയെ കൊലപ്പെടുത്തിയെന്നും ഇതിന് ശേഷം ചൊവ്വാഴ്‌ച പുലർച്ചെയോടെ സ്ഥലത്ത് നിന്നും കടന്നുകളഞ്ഞതായുമാണ് പൊലീസ് അറിയിക്കുന്നത്. . കൊലയ്‌ക്ക് ശേഷം ചൊവ്വാഴ്‌ച പുലർച്ചെ വരെ ആരവ് മൃതദേഹത്തോടൊപ്പം ഇതേ അപ്പാർട്ടുമെന്റിൽ കഴിഞ്ഞതായി പൊലീസ് കണ്ടെത്തിയിട്ടുണ്ട്. പ്രതിയ്‌ക്കായി അന്വേഷണം തുടരുകയാണെന്ന് ഡെപ്യൂട്ടി കമ്മീഷണർ (ഈസ്‌റ്റ്) ഡി.ദേവരാജ് പറഞ്ഞു.

നെഞ്ചിൽ കുത്തേറ്റ നിലയിൽ ആസാം യുവതിയുടെ മൃതദേഹം, കണ്ണൂർ സ്വദേശിയായ ആൺസുഹൃത്തിനെ തേടി പൊലീസ്

National

കോഴിക്കോട്: പന്തീരാങ്കാവ് ഗാര്‍ഹിക പീഡനക്കേസ് പ്രതി രാഹുല്‍ പി. ഗോപാലിനെ കോടതിയില്‍ ഹാജരാക്കി റിമാന്‍ഡ് ചെയ്തു. കോഴിക്കോട് ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി മൂന്നിലാണ് രാഹുലിനെ ഹാജരാക്കിയത്. 14 ദിവസത്തേക്കാണ് റിമാന്‍ഡ് ചെയ്തിട്ടുള്ളത്. രാഹുലിന്റെ ഭാര്യയുടെ പരാതിയുടെ അടിസ്ഥാനത്തില്‍ രജിസ്റ്റര്‍ ചെയ്ത കേസ് 29-ാം തീയതി കോടതി പരിഗണിക്കും.
വീണ്ടും രാഹുലിന്റെ മര്‍ദനമേറ്റതായി കാണിച്ച് ഭാര്യ നല്‍കിയ പരാതിയിലാണ് പോലീസ് കേസ് എടുത്തത്. പഴയ ഗാര്‍ഹിക പീഡനക്കേസ് ഹൈക്കോടതി റദ്ദാക്കി ഒന്നരമാസത്തിനിടെയാണ് പുതിയ കേസ്.

പന്തീരാങ്കാവ് ഗാർഹിക പീഡനക്കേസ്: രാഹുലിനെ 14 ദിവസത്തേക്ക് റിമാൻഡ് ചെയ്തു

പേരാമ്പ്ര: കൃഷിസ്ഥലത്ത് ഇറങ്ങുന്ന വന്യമൃഗങ്ങളെ വെടിവെച്ച് കൊല്ലാനുള്ള അവകാശം കർഷകർക്ക് നൽകണമെന്ന് കർഷക കോൺഗ്രസ് ജില്ലാ പ്രസിഡണ്ട് അഡ്വ: ബിജു കണ്ണന്തറ ആവശ്യപ്പെട്ടു. ചെറുവണ്ണൂർ മണ്ഡലം കർഷക കോൺഗ്രസ് ചെറുവണ്ണൂർ കൃഷിഭവനിലേക്ക് നടത്തിയ ധർണ്ണ ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം. വന്യജീവികളിൽ നിന്നും കാർഷിക വിളകൾക്ക് സംരക്ഷണം നൽകുക, വന്യ ജീവികൾ നശിപ്പിച്ച കാർഷിക വിളകൾക്ക് നഷ്ടപരിഹാരം നൽകുക, ആവള പാണ്ടിയും, കരുവോട് ചിറയും, പരപ്പുഴ പാണ്ടിയും പൂർണ്ണമായും കൃഷിയോഗ്യമാക്കുന്നതിനുള്ള നടപടികൾ സ്വീകരിക്കുക, കർഷക പെൻഷൻകുടിശ്ശിക സഹിതം വിതരണം ചെയ്യുക, കരുണാകരൻ സർക്കാർ കൃഷിഭവൻ മുഖേന നടപ്പിലാക്കിയ ഒരു ലക്ഷം തൊഴിൽദാന പദ്ധതിയിൽ റജീസ്റ്റർ ചെയ്തവർക്ക് സർക്കാർ സർവ്വിസിലെ മിനിമം പെൻഷൻ നൽകുക തുടങ്ങിയ മുദ്രാവാക്യങ്ങൾ ഉന്നയിച്ചാണ് ധർണ നടത്തിയത്.&nbsp;
കർഷക കോൺഗ്രസ് ജില്ലാ സെക്രട്ടറിയും മണ്ഡലം കർഷക കോൺഗ്രസ് പ്രസിഡണ്ടുമായിരുന്ന വി.ദാമോദരൻ അദ്ധ്യക്ഷം വഹിച്ചു. മണ്ഡലം കോൺഗ്രസ് പ്രസിഡണ്ട് എം.കെ.സുരേന്ദ്രൻ, കർഷക കോൺഗ്രസ് ജില്ലാ സെക്രട്ടറിമാരായ സി.പി.നാരായണൻ, പട്ടയാട്ട് അബ്ദുള്ള, മഹിളാ കോൺഗ്രസ് ബ്ലോക്ക് പ്രസിഡണ്ട് നളിനി നല്ലൂര്, മഹിളാ കോൺഗ്രസ് മണ്ഡലം പ്രസിഡണ്ട് സുജാത, ബ്ലോക്ക് കോൺഗ്രസ് സെക്രട്ടറിമാരായ കെ.പി അരവിന്ദൻ ,എം.പി.കുഞ്ഞികൃഷ്ണൻ, യു ഡി എഫ് കൺവീനർ പിലാക്കാട്ട് ശങ്കരൻ, കെ.പി.രവീന്ദ്രൻ, ക്ഷീരസംഘം പ്രസിഡണ്ട് കുഞ്ഞമ്മത്, ബഷിർ കറുത്തെടുത്ത്, വി.കണാരൻ, വേണുഗോപാലൻ മുയിപ്പോത്ത്, നിരയിൽ പ്രശാന്ത് , ഷാഫി ഇടത്തിൽ എന്നിവർ സംസാരിച്ചു. പി.പി.ഗോപാലൻ സ്വാഗവും ബ്ലോക്ക് കോൺഗ്രസ് ജനറൽ സിക്രട്ടറിയും കർഷക കോൺഗ്രസ് നേതാവുമായ വിജയൻ ആവള നന്ദിയും പറഞ്ഞു.

കൃഷിസ്ഥലത്ത് ഇറങ്ങുന്ന വന്യമൃഗങ്ങളെ വെടിവെക്കാനുള്ള അവകാശം കർഷകർക്ക് നൽകണം; കർഷക കോൺഗ്രസ്

Perambra

വടകര: ജില്ലാ സ്‌കൂൾ കലോത്സവത്തിൽ മേമുണ്ട ഹയർ സെക്കൻഡറി സ്‌കൂളിന് വീണ്ടും അഭിമാനനേട്ടം. ഇഞ്ചോടിഞ്ച് പോരാട്ടത്തിൽ 322 പോയിന്റ് നേടി ഓവറോൾ രണ്ടാം സ്ഥാനം കരസ്ഥമാക്കി. ഒന്നാം സ്ഥാനത്തുള്ള സിൽവർ ഹിൽസ് സ്‌കൂളിനേക്കാൾ നാല് പോയിന്റു മാത്രമാണ് കുറവ്. കലോത്സവം അവസാനിക്കുതിന് തൊട്ടുമുമ്പുവരെ മേമുണ്ടയായിരുന്നു ഒന്നാമത്. അവസാനനിമിഷമാണ് സിൽവർ ഹിൽസ് ഒന്നാമതെത്തിയത്.&nbsp;&nbsp;
ഹൈസ്‌കൂൾ വിഭാഗത്തിൽ 152 പോയിന്റ് നേടി ഒന്നാമതെത്താൻ മേമുണ്ടയ്ക്ക് കഴിഞ്ഞു. ഹയർ സെക്കൻഡറിയിൽ 139 പോയിന്റുമായി രണ്ടാമതെത്തി. യു.പിയിൽ 31 പോയിന്റുണ്ട്. 12 ഇനങ്ങളിൽ ഒന്നാംസ്ഥാനം നേടി സംസ്ഥാന കലോത്സവത്തിന് യോഗ്യത നേടി. ഹൈസ്‌കൂൾ വിഭാഗത്തിൽ പൂരക്കളി, മലയാളപ്രസംഗം, ലളിതഗാനം, അഷ്ടപദി, ഗാനാലാപനം,. സംസ്‌കൃതം സംഘഗാനം, ഹയർ സെക്കൻഡറിയിൽ പൂരക്കളി, മിമിക്രി, ഓട്ടൻതുള്ളൽ, മലയാളം കഥാരചന, ഹിന്ദി പദ്യം ചൊല്ലൽ, ഇരുളനൃത്തം എന്നിവയിലാണ് ഒന്നാമതെത്തിയത്. എട്ട് ഇനങ്ങൾക്ക് രണ്ടാം സ്ഥാനം എ ഗ്രേഡും ലഭിച്ചു. രണ്ടാം സ്ഥാനം ലഭിച്ച മലയാളം നാടകം "ശ്വാസം" ശ്രദ്ധ പിടിച്ചുപറ്റി. നാടകത്തിൽ അഭിനയിച്ച ഫിദൽഗൗതം ജില്ലയിലെ മികച്ച നടനായും തിരഞ്ഞെടുക്കപ്പെട്ടു. ജില്ലാ സ്കൂൾ കലോത്സവത്തിൽ പങ്കെടുത്ത് ഓവറോൾ രണ്ടാം സ്ഥാനം വാങ്ങിയെടുത്ത മേമുണ്ടയിലെ മുഴുവൻ പ്രതിഭകളെയും പിടിഎ യും മാനേജ്മെൻ്റും ചേർന്ന് അഭിനന്ദിച്ചു.

ജില്ലയിൽ ഓവറോൾ രണ്ടാമത്; അഭിമാനനേട്ടത്തിൽ മേമുണ്ട

Vadakara

ചേമഞ്ചേരി: കേരള സീനിയർ സിറ്റിസൺസ് ഫോറം ചേമഞ്ചേരി യൂണിറ്റ് വാർഷികവും, എം.സി.വി ഭട്ടതിരിപ്പാട് അനുസ്മരണവും തിരുവങ്ങൂർ ഹയർ സെക്കൻഡറി സ്കൂളിൽ കവിയും മോട്ടിവേറ്ററുമായ ഇബ്രാഹിം തിക്കോടി ഉദ്ഘാടനം ചെയ്തു. എം. കെ ഗോപാലൻ സ്വാഗതം പറഞ്ഞു. വൈസ് പ്രസിഡണ്ട് പി.ദാമോദരൻ അധ്യക്ഷത വഹിച്ചു. അച്യുതൻ അനുശോചന പ്രമേയം അവതരിപ്പിച്ചു.&nbsp;
സംസ്ഥാന കൗൺസിലർ എൻ .കെ. കെ മാരാർ എം .സി. വി ഭട്ടതിരിപ്പാട് അനുസ്മരണം നടത്തി. ടി. പി രാഘവൻ, ഇ. ഗംഗാധരൻ, കാർത്തി മേലോത്ത് എന്നിവർ സംസാരിച്ചു. സ്മാർട്ട്ഫോൺ എങ്ങനെ ഫലപ്രദമായും, സുരക്ഷിതമായും ഉപയോഗിക്കാം എന്ന വിഷയത്തിൽ ഇ. രാജൻ (റിട്ട ബി.എസ്.എൻ.എൽ) ക്ലാസ് എടുത്തു .സെക്രട്ടറി വി.വി. ഉണ്ണി മാധവൻ റിപ്പോർട്ടും ഖജാൻജി ഒ.കെ വാസു വരവ് ചെലവ് കണക്കും അവതരിപ്പിച്ചു. ഉണ്ണിമാധവൻ നന്ദി രേഖപ്പെടുത്തി.

സീനിയർ സിറ്റിസൺസ് ഫോറം വാർഷികവും അനുസ്മരണവും നടത്തി

Koyilandy

വടകര: ബ്രാൻഡഡ് മരുന്നുകൾ ഏറ്റവും വിലക്കുറവിൽ ലഭ്യമാകുന്ന മലബാർ ഗോൾഡ് -തണൽ ഫാർമസിയുടെ മണിയൂർ ശാഖ ഹൈസ്‌കൂളിന് മുൻവശം പ്രവർത്തനം ആരംഭിച്ചു. മണിയൂർ കാരുണ്യം പാലിയേറ്റിവുമായി സഹകരിച്ചാണ് ഫാർമസി പ്രവർത്തിക്കുക. കെ.പി കുഞ്ഞമ്മദ് കുട്ടി എം എൽ എ ഉദ്‌ഘാടനം നിർവഹിച്ചു. വാർഡ് മെമ്പർ ശോഭന ടി .പി ആദ്യ വില്പന ഏറ്റുവാങ്ങി.&nbsp;&nbsp;
അജ്‌മൽ പി .പി സ്വാഗതം പറഞ്ഞു. പഞ്ചായത്ത് പ്രസിഡന്റ് ടി കെ അഷ്‌റഫ് അധ്യക്ഷനായി. പഞ്ചായത്ത് വൈസ് പ്രസിഡണ്ട് ജയപ്രഭ ,പ്രമോദ് മൂഴിക്കൽ, അമ്മദ് പി.കെ, കെ വി സത്യൻ, ഹമീദ് എം കെ , ബാബു സി ടി, പറമ്പത്ത് കുഞ്ഞബ്ദുള്ള, റഷീദ് പി .കെ തുടങ്ങിയവർ ആശംസകൾ അർപ്പിച്ചു. ഉദ്ഘാടനത്തോടനുബന്ധിച്ചു കാരുണ്യം പാലിയേറ്റീവും വടകര സഹകരണ ആശുപത്രിയും ചേർന്ന് മെഗാ മെഡിക്കൽ ക്യാമ്പ് നടത്തി.
മലബാർ ചാരിറ്റബിൾ ട്രസ്റ്റുമായി ചേർന്ന് തണൽ നടത്തുന്ന ഫാർമസിയിൽ ഇംഗ്ലീഷ് മരുന്നുകൾക്ക് 20 % മുതൽ 50 % വരെ വില കിഴിവ് ലഭിക്കുന്നുണ്ട്. ജീവിത ശൈലി രോഗങ്ങൾക്കുള്ള മരുന്നുകളും, കിഡ്നി സംബന്ധമായ അസുഖങ്ങൾക്കുള്ള മരുന്നുകളും, ഡയാലിസിസ് രോഗികൾ ഉപയോഗിക്കുന്ന ബ്ലഡ്‌ ട്യൂബും, ഡയലൈസറുകളും കൂടാതെ ഹൃദയസംബന്ധമായ അസുഖങ്ങൾക്ക് കഴിക്കുന്ന മരുന്നുകളും ഇൻഹേലർ, നെബുലൈസർ, ഡയപ്പറുകൾ എന്നിവയും മിതമായ വിലയിൽ ലഭിക്കുന്നതാണ്.,ഇൻസുലിൻ ഇൻജെക്ഷൻ എന്നിവക്ക് 10% മുതൽ 60% വരെ വില കുറവ് ലഭിക്കുന്നുണ്ട്.

മലബാർ ഗോൾഡ് -തണൽ ഫാർമസി മണിയൂരിൽ തുറന്നു

അഴിയൂർ: വിശ്വാസം വിശുദ്ധി വിമോചനം എന്ന പ്രമേയത്തിൽ വിസ്ഡം ഇസ്‌ലാമിക് ഓർഗനൈസേഷൻ സംഘടിപ്പിക്കുന്ന ത്രൈമാസ കാംപയിൻ്റെ ഭാഗമായി അഴിയൂരിൽ മദ്റസ വിദ്യാർത്ഥികൾക്കായി നടന്ന ജില്ലാതല സർഗവസന്തത്തിൽ 462 പോയിൻ്റുമായി കൊയിലാണ്ടി കോംപ്ലക്സ് ജേതാക്കളായി. 459 പോയിൻ്റ് നേടി കുറ്റ്യാടി കോംപ്ലക്സ് രണ്ടാം സ്ഥാനവും 413 പോയിൻ്റ് നേടി ബാലുശ്ശേരി കോംപ്ലക്സ് മൂന്നാം സ്ഥാനവും നേടി. 7 വേദികളിലായി നടന്ന സർഗവസന്തത്തിൽ 8 വിഭാഗങ്ങളിൽ നിന്നായി അഞ്ഞൂറോളം വിദ്യാർത്ഥികൾ 108 ഇനങ്ങളിൽ മാറ്റുരച്ചു.
സർഗവസന്തത്തിൻ്റെ ഉദ്ഘാടനം ജില്ലാ പ്രസിഡണ്ട് ടി.പി അബ്ദുൽ അസീസ് നിർവ്വഹിച്ചു. സ്വാഗതസംഘം ജനറൽ കൺവീനർ നൗഫൽ അഴിയൂർ അധ്യക്ഷത വഹിച്ചു. വിസ്ഡം ജില്ല സെക്രട്ടറി കെ ജമാൽ മദനി, ട്രഷറർ സി.പി സാജിദ്, പ്രോഗ്രാം കമ്മിറ്റി ചെയർമാൻ ഒ. റഫീഖ്, വടകര മണ്ഡലം സെക്രട്ടറി വി.വി ബഷീർ, അബ്ദുൽ ഫത്താഹ്, റിയാസ് സ്വലാഹി, ഹമീദ് സി.കെ, ശംസുദ്ദീൻ എന്നിവർ ആശംസകൾ നേർന്നു. ജില്ലാ വിദ്യാഭ്യാസ വകുപ്പ് കൺവീനർ കെ. അബ്ദുൽ നാസർ മദനി സ്വാഗതവും ടി.എൻ ഷക്കീർ സലഫി നന്ദിയും പറഞ്ഞു.
സമാപന സമ്മേളനം വിസ്ഡം ഇസ്ലാമിക് ഓർഗനൈസേഷൻ സംസ്ഥാന സെക്രട്ടറി നാസർ ബാലുശ്ശേരി ഉദ്ഘാടനം ചെയ്തു. പ്രോഗ്രാം കമ്മിറ്റി കൺവീനർ സി.പി സജീർ അധ്യക്ഷത വഹിച്ചു. വിജയികൾക്കുള്ള ട്രോഫികളും സർട്ടിഫിക്കറ്റുകളും നാസർ ബാലുശ്ശേരി വിതരണം ചെയ്തു. വിസ്ഡം ജില്ലാ പ്രസിഡണ്ട് ടി.പി അബ്ദുൽ അസീസ്, ജനറൽ സെക്രട്ടറി കെ ജമാൽ മദനി, സെക്രട്ടറി നൗഫൽ വി.വി , വിസ്ഡം യൂത്ത് ജില്ലാ പ്രസിഡണ്ട് സാജിദ് ബിസ്മി,വിസ്ഡം സ്റ്റുഡൻ്റ്സ് ജില്ലാ ട്രഷറർ വി.കെ ബാസിം മുഹമ്മദ്, ഫാഇസ് പേരാമ്പ്ര, ടി.എം നൗഫൽ, കെ ആദിൽ അമീൻ, ആശിഖ് വടകര, അബ്ദു റസാഖ്, ഹംസ വള്ളോത്ത്, ഫർസീൻ സംസാരിച്ചു. സി.പി സാജിദ് സ്വാഗതവും കെ.അബ്ദുൽ നാസർ മദനി നന്ദിയും പറഞ്ഞു.

വിസ്ഡം ജില്ലാ മദ്റസ സർഗവസന്തം; കൊയിലാണ്ടി കോംപ്ലക്സ് ജേതാക്കൾ

തൊട്ടിൽപ്പാലം: സഹകരണ സ്ഥാപനങ്ങൾ സർക്കാർ ഒത്താശയോടു കൂടി സിപിഎം പിടിച്ചെടുക്കാൻ ശ്രമിക്കുന്നുവെന്ന് കാവിലുംപാറ ബ്ലോക്ക് കോൺഗ്രസ് കമ്മിറ്റി. കോഴിക്കോട് ചേവായൂർ സഹകരണ ബാങ്ക് അടക്കം പോലീസിനെ ഉപയോഗപ്പെടുത്തിക്കൊണ്ട് യഥാർത്ഥ വോട്ടർമാരെ ഭീഷണിപ്പെടുത്തി വോട്ട് ചെയ്യാൻ അനുവദിക്കാതെ ഭരണസമിതി പിടിച്ചെടുത്ത നടപടിക്കെതിരെ മൂന്നാം തീയതി നടക്കുന്ന പോലീസ് കമ്മീഷൻ ഓഫീസ് മാർച്ചിൽ ഓരോ പഞ്ചായത്തിൽ നിന്നും നൂറിൽ കുറയാത്ത ആളെ പങ്കെടുപ്പിക്കുവാൻ യോഗം തീരുമാനിച്ചു.&nbsp;
ബ്ലോക്ക് കോൺഗ്രസ് കമ്മിറ്റി പ്രസിഡണ്ട് ജമാൽ കോരം കോട്ട് അധ്യക്ഷത വഹിച്ചു. ഡിസിസി സെക്രട്ടറി നിജേഷ് അരവിന്ദ് ഉദ്ഘാടനം ചെയ്തു. കെപിസിസി മെമ്പർമാരായ കെ ടി ജയിംസ്, സത്യൻ കടിയങ്ങാട്, നേതാക്കളായ കെ പി രാജൻ, കോരങ്ങോട്ടു മൊയ്തു, കെ കുഞ്ഞാലി എന്നിവർ പ്രസംഗിച്ചു. ബ്ലോക്ക് സെക്രട്ടറി പപ്പൻ തൊട്ടിൽപ്പാലം സ്വാഗതവും മുകുന്ദൻ മരുതോങ്കര നന്ദിയും പറഞ്ഞു.

'മാർച്ച് വിജയിപ്പിക്കും'

Kuttiadi

കോഴിക്കോട്: നഗരത്തിലെ ലോഡ്ജ്മുറിയില്‍ യുവതിയെ മരിച്ചനിലയില്‍ കണ്ടെത്തി. മലപ്പുറം പട്ടിക്കാട് സ്വദേശി ഫസീലയെയാണ് ചൊവ്വാഴ്ച എരഞ്ഞിപ്പാലത്തെ ലോഡ്ജില്‍ മരിച്ചനിലയില്‍ കണ്ടെത്തിയത്. യുവതിക്കൊപ്പം താമസിച്ചിരുന്ന അബ്ദുള്‍ സനൂഫ് എന്നയാളെ തിങ്കളാഴ്ച രാത്രി മുതല്‍ കാണാതായിട്ടുണ്ട്. സംഭവത്തില്‍ പോലീസ് അന്വേഷണം ആരംഭിച്ചു.
24-ാം തീയതി രാത്രി 11 മണിയോടെയാണ് യുവാവും യുവതിയും ലോഡ്ജില്‍ മുറിയെടുത്തത്. കഴിഞ്ഞദിവസം രാത്രി പത്തുമണിയോടെ മുറിയില്‍നിന്ന് പുറത്തുപോയ യുവാവ് പിന്നീട് തിരികെ എത്തിയില്ലെന്നാണ് വിവരം. തുടര്‍ന്ന് നടത്തിയ പരിശോധനയിലാണ് മുറിയില്‍ യുവതിയെ മരിച്ചനിലയില്‍ കണ്ടത്.മുറിയില്‍നിന്ന് ആധാര്‍ കാര്‍ഡ്, റേഷന്‍ കാര്‍ഡ് തുടങ്ങിയ രേഖകള്‍ പോലീസ് കണ്ടെടുത്തു. നടക്കാവ് പോലീസാണ് സംഭവത്തില്‍ കേസെടുത്ത് അന്വേഷണം നടത്തുന്നത്.

കോഴിക്കോട് ലോഡ്ജ്മുറിയില്‍ യുവതി മരിച്ചനിലയില്‍ ;ഒപ്പമുണ്ടായിരുന്ന യുവാവിനെ കാണാനില്ല

ഒറ്റപ്പാലം: ഒറ്റപ്പാലത്ത് നാലു വയസുകാരന്‍ കിണറ്റില്‍ വീണ് മരിച്ചു. ചുനങ്ങാട് കിഴക്കേതില്‍ തൊടി വീട്ടില്‍ ജിഷ്ണു എന്ന ഉണ്ണിക്കുട്ടന്റെ മകന്‍ അദ്വിനാണ് മരിച്ചത്. വീട്ടുമുറ്റത്ത് കളിച്ചുകൊണ്ടിരിക്കുമ്പോള്‍ ആള്‍മറയില്ലാത്ത കിണറ്റില്‍ വീഴുകയായിരുന്നു.
ചൊവ്വാഴ്ച രാവിലെ 11. 15-ഓടെ യാണ് സംഭവം. ബന്ധുക്കളുടെ നിലവിളികേട്ട് ഓടിക്കൂടിയ നാട്ടുകാര്‍ കിണറിലങ്ങി കുട്ടിയെ മുകളിലേക്ക് കയറ്റിയപ്പോഴേക്കും മരിച്ചിരുന്നു.

വീട്ടുമുറ്റത്ത് കളിച്ചുകൊണ്ടിരിക്കെ ആള്‍മറയില്ലാത്ത കിണറ്റില്‍ വീണ് നാലുവയസ്സുകാരന് ദാരുണാന്ത്യം

പത്തനംതിട്ട: പ്ലസ് ടു വിദ്യാർത്ഥിനി പനി ബാധിച്ചുമരിച്ചു. പെൺകുട്ടി അഞ്ച് മാസം ഗർഭിണിയായിരുന്നുവെന്നാണ് പോസ്റ്റ്‌മോർട്ടം റിപ്പോർട്ടിലുള്ളത്. കുട്ടി അമിതമായി മരുന്നു കഴിച്ചതായും സംശയിക്കുന്നുണ്ട്. ഇന്നലെയാണ് മരണം സംഭവിച്ചത്.
പനി ബാധിച്ച പെൺകുട്ടിയെ നാല് ദിവസം മുമ്പാണ് വീടിന് സമീപത്തെ ആശുപത്രിയിൽ പ്രവേശിപ്പിച്ചത്. പനി കൂടിയതോടെ വണ്ടാനം മെഡിക്കൽ കോളേജിലേക്ക് മാറ്റി. ചികിത്സയിലിരിക്കെ മരണം സംഭവിച്ചു. തുടർന്ന് പോസ്റ്റ്‌മോർട്ടം റിപ്പോർട്ടിലാണ് ഗർഭിണിയാണെന്ന് കണ്ടെത്തിയത്. സംഭവത്തിൽ പൊലീസ് അസ്വാഭാവിക മരണത്തിന് കേസെടുത്തു.

പ്ലസ് ടു വിദ്യാർത്ഥിനി പനി ബാധിച്ചുമരിച്ചു ; ഗർഭിണിയെന്ന് പോസ്റ്റ്‌‌മോർട്ടം റിപ്പോർട്ട്

ഹോട്ടൽ ഭക്ഷണം നല്ലതല്ല, വീട്ടിലുണ്ടാക്കിയ ഭക്ഷണം കഴിക്കുക എന്നെല്ലാമാണ് നമ്മൾക്കെല്ലാം കിട്ടുന്ന ഉപദേശം. വീട്ടിലുണ്ടാക്കിയ ഭക്ഷണം വൃത്തിയും ആരോഗ്യത്തിന് ദോഷം ചെയ്യാത്തതുമാകും എന്ന ബോധം നമ്മിൽ ഉള്ളതുകൊണ്ടാണ് വീട്ടിലെ ഊണ്, നാടൻ ഭക്ഷണം എന്ന ബോർഡുകൾ നമ്മുടെ നാട്ടിൽ നിറയുന്നത്. ഹോട്ടലുകളിൽ കയറാതെ എങ്ങനെയെങ്കിലും വീട്ടിലെത്തി ഭക്ഷണം കഴിക്കാൻ ശ്രദ്ധിക്കുന്നവരും നിരവധിയാണ്. എന്നാൽ, വീട്ടിൽ ഉണ്ടാക്കുന്ന ഭക്ഷണം എല്ലായിപ്പോഴും ഹെൽത്തിയാണോ?
വീട്ടിലുണ്ടാക്കുന്ന ഭക്ഷണം പലപ്പോഴും അനാരോഗ്യകരമാണെന്നാണ് ഇന്ത്യൻ കൗൺസിൽ ഓഫ് മെഡിക്കൽ റിസർച്ചിന്‍റെ അഭിപ്രായം. ഉയർന്ന കൊഴുപ്പും പഞ്ചസാരയും അടങ്ങിയ ഭക്ഷണങ്ങളുടെ പതിവ് ഉപഭോഗം അമിതവണ്ണത്തിനും അമിതഭാരത്തിനും ഒപ്പം പ്രോട്ടീൻ, വിറ്റാമിനുകൾ, ഫൈബർ തുടങ്ങിയ അവശ്യ പോഷകങ്ങളുടെ അഭാവത്തിനും കാരണമാകുന്നതാണെന്ന് എല്ലാവർക്കും അറിയാം. വീട്ടിലുണ്ടാക്കുന്ന ഭക്ഷണത്തിലും അമിതമായി കൊഴുപ്പ്, പഞ്ചസാര, ഉപ്പ് എന്നിവ ഉപയോഗിക്കുന്നുണ്ടെന്ന് ഐ.സി.എം.ആർ പറയുന്നു.
ഭക്ഷണം രുചികരമാക്കാൻ നമ്മൾ പലപ്പോഴും അധികമായി ഓയിൽ, ബട്ടർ, പഞ്ചസാര, സുഗന്ധവ്യഞ്ജനങ്ങൾ എന്നിവയെല്ലാം ചേർക്കാറുണ്ട്. ഇതെല്ലാം അനാരോഗ്യകരമായ പാചക രീതിയാണ്. മാത്രമല്ല, എണ്ണയിൽ മുക്കി പൊരിച്ചെടുക്കുന്ന പൂരി, ബട്ടൂര എന്നിവ ഹൃദയസംബന്ധിയായ അസുഖങ്ങൾ, ഭാരക്കൂടുതൽ, ടൈപ്പ് 2 പ്രമേഹം എന്നിവയുണ്ടാക്കുന്നു.
ചിലർ ഇഞ്ചി-വെളുത്തുള്ളി പേസ്റ്റ്, തക്കാളി സോസ് പോലുള്ള സംസ്കരിച്ച മസാലകൾ എല്ലായിപ്പോഴും ഉപയോഗിക്കാറുണ്ട്. ദോഷകരമായ പ്രിസർവേറ്റീവുകളും നിറങ്ങളും ചേർത്താണ് പലപ്പോഴും ഇവ പാക്ക് ചെയ്ത് വരുന്നത്. കൂടാതെ, മറ്റൊരു പ്രശ്നമാണ് അമിതമായി വേവിക്കുന്നത്.ഉയർന്ന തീയിൽ പച്ചക്കറികൾ പാകം ചെയ്യുന്നത് അവശ്യ പോഷകങ്ങൾ ഇല്ലാതാക്കുകയാണ്.ഈ കാര്യങ്ങൾ ഒക്കെ വീട്ടിൽ ഭക്ഷണം പാകം ചെയ്യുമ്പോൾ ശ്രദ്ധിക്കണം.

വീട്ടിലുണ്ടാക്കുന്ന ഭക്ഷണവും എപ്പോഴും ആരോഗ്യകരമല്ല; ഇക്കാര്യങ്ങൾ ശ്രദ്ധിക്കണം

Health

കൊച്ചി: കണ്ണൂർ എഡിഎമ്മായിരുന്ന നവീൻ ബാബുവിന്റെ മരണത്തിൽ സി ബി ഐ അന്വേഷണം ആവശ്യപ്പെട്ട് കുടുംബം. നിലവിൽ നടക്കുന്ന പൊലീസ് അന്വേഷണത്തിൽ വിശ്വാസമില്ല. സി പി എം നേതാവ് പ്രതിയായ കേസിൽ കാര്യക്ഷമമായ അന്വേഷണം നടക്കുമെന്ന് കരുതുന്നില്ല. ഈ സാഹചര്യത്തിൽ സി ബി ഐ അന്വേഷണം വേണമെന്നാണ് കുടുംബത്തിന്റെ ആവശ്യം. നവീൻ ബാബുവിന്റെ ഭാര്യയാണ് ഹൈക്കോടതിയിൽ ഹർജി നൽകിയിരിക്കുന്നത്.
പൊലീസ് അന്വേഷണത്തിൽ കുടുംബത്തിന് തൃപ്തിയില്ല. സംസ്ഥാന പൊലീസ് അന്വേഷിച്ചാൽ പലതും പുറത്തേക്ക് വരില്ല. സംഭവവുമായി ബന്ധപ്പെട്ട് പല കഥകളും പലരും പുറത്തുവിടുന്നുണ്ട്. സി പി എം നേതാവാണ് കേസിലെ പ്രതി.ഭരണതലത്തിലടക്കം അവർക്ക് സ്വാധീനമുണ്ട്. ഇത് കേസന്വേഷണത്തെ ബാധിച്ചേക്കാം. ഇക്കാര്യത്തിൽ നീതിപൂർവമായ അന്വേഷണമാണ് വേണ്ടത്. ഇപ്പോഴത്തെ സാഹചര്യത്തിൽ അത് സംസ്ഥാന പൊലീസിന്റെ ഭാഗത്തുനിന്ന് ഉണ്ടാകുമെന്ന് കരുതുന്നില്ല. നീതി ലഭിക്കാൻ കേന്ദ്ര ഏജൻസികളുടെ അന്വേഷണം വേണം. കുറ്റക്കാർക്കെതിരെ കൃത്യമായ അന്വേഷണം വേണം എന്നാണ് ഹർജിയിൽ പറയുന്നത്.

നവീന്‍ ബാബുവിന്റെ മരണം;സിബിഐ അന്വേഷണം ആവശ്യപ്പെട്ട് കുടുംബം

കൊച്ചി: ആലുവ സ്വദേശിയായ നടിയുടെ പരാതിയില്‍ നടന്‍ മണിയന്‍പിള്ള രാജുവിനെതിരെ കേസെടുത്ത് പോലീസ്. ലൈംഗിക ചുവയോടെയുള്ള സംസാരം, ശരീരത്തില്‍ കടന്നുപിടിച്ചു തുടങ്ങിയ പരാതിയിലാണ് കേസ്. പീരുമേട് പോലീസാണ് കേസെടുത്തിരിക്കുന്നത്.

നടിയുടെ പരാതി;  മണിയൻ പിള്ള രാജുവിനെതിരേ കേസ്

കോഴിക്കോട്: പന്തീരാങ്കാവ് ഗാര്‍ഹിക പീഡനക്കേസിലെ പ്രതി രാഹുല്‍ പി. ഗോപാലിനെതിരെ പന്തീരാങ്കാവ് പോലീസ് കേസ് എടുത്തു. കൊലപാതക ശ്രമം, ഗാര്‍ഹിക പീഡനം, എന്നീ കുറ്റങ്ങള്‍ ചുമത്തിയാണ് കേസ് എടുത്തത്. വീണ്ടും ഭര്‍ത്താവിന്റെ മര്‍ദനമേറ്റതായി കാണിച്ച് യുവതി നല്‍കിയ പരാതിയിലാണ് പോലീസ് കേസ് എടുത്തത്. ഗാര്‍ഹിക പീഡനക്കേസ് ഹൈക്കോടതി റദ്ദാക്കി ഒന്നരമാസത്തിനിടെയാണ് പുതിയ കേസ്.
മീന്‍ കറിക്ക് പുളി കുറഞ്ഞെന്ന കാരണത്താലായിരുന്നു മര്‍ദനമെന്നാണ് യുവതി പോലീസില്‍ പരാതി നല്‍കിയത്. പരിക്കേറ്റ യുവതിയെ ഭര്‍ത്താവ് രാഹുലും അമ്മയും ചേര്‍ന്ന് ഇന്നലെ രാത്രി മെഡിക്കല്‍ കോളേജ് ആശുപത്രിയില്‍ എത്തിച്ചിരുന്നു. എന്നാല്‍ പോലീസ് എത്തിയപ്പോള്‍ തനിക്ക് പരാതിയില്ലെന്നായിരുന്നു യുവതിയുടെ മറുപടി. ഇന്ന് രാവിലെ രക്ഷിതാക്കള്‍ക്ക് ഒപ്പമെത്തിയാണ് യുവതി പന്തീരാങ്കാവ് പോലീസില്‍ പരാതി നല്‍കിയത്.

കൊലപാതക ശ്രമം, ഗാര്‍ഹിക പീഡനം; പന്തീരാങ്കാവ് ഗാര്‍ഹിക പീഡനക്കേസ് പ്രതിക്കെതിരെ പോലീസ് കേസെടുത്തു

ന്യൂഡല്‍ഹി: ദുരന്തനിവാരണത്തിന് കേരളത്തിന് 72 കോടി രൂപ അനുവദിച്ച് കേന്ദ്രം. പതിനഞ്ച് സംസ്ഥാനങ്ങള്‍ക്കായി 1115 കോടി രൂപയാണ് അനുവദിച്ചത്. കേന്ദ്ര ആഭ്യന്തരമന്ത്രി അമിത് ഷായുടെ നേതൃത്വത്തിലുള്ള ഉന്നതാധികാരസമിതിയാണ് തീരുമാനമെടുത്തത്.
പ്രത്യേക മേഖലകള്‍ക്കോ മറ്റു പദ്ധതികള്‍ക്കോ ആയിട്ടല്ല പണം അനുവദിച്ചത്. ദുരന്തനിവാരണവുമായി ബന്ധപ്പെട്ടുള്ള ഫണ്ടിലേക്കുള്ള കേന്ദ്രവിഹിതമാണ് അനുവദിച്ചത്. ഇത് എങ്ങനെ ചെലവഴിക്കണമെന്ന കാര്യത്തില്‍ സംസ്ഥാനസര്‍ക്കാരിന് തീരുമാനമെടുക്കാം.വയനാട് പുനരധിവാസത്തിന് പ്രത്യേക ഫണ്ട് അനുവദിക്കുന്നതില്‍ അനുകൂല തീരുമാനമുണ്ടാകുമെന്ന് നേരത്തേ ധനമന്ത്രി നിര്‍മല സീതാരാമന്‍ പറഞ്ഞിരുന്നു.

ദുരന്തനിവാരണത്തിന് കേരളത്തിന് 72 കോടി രൂപ അനുവദിച്ച് കേന്ദ്രം

ആഗോള വിപണിയിലെ ഇടിവ് സംസ്ഥാനത്തെ സ്വര്‍ണ വിലയിലും പ്രതിഫലിച്ചു. പവന്റെ വില 960 രൂപ കുറഞ്ഞ് 56,640 രൂപയായി. ഗ്രാമിന്റെ വിലയാകട്ടെ 120 രൂപ കുറഞ്ഞ് 7,080 രൂപയുമായി. ഇതോടെ രണ്ട് ദിവസത്തിനിടെ പവന്റെ വിലയില്‍ 1,760 രൂപയാണ് ഇടിവുണ്ടായത്.
ഡോളര്‍ ശക്തിയാര്‍ജിച്ചതാണ് സ്വര്‍ണത്തിന് തിരിച്ചടിയായത്. ഇസ്രായേല്‍-ഹിസ്ബുള്ള സംഘര്‍ഷത്തിന് അയവുവന്നേക്കുമെന്ന സൂചനകളും സ്വര്‍ണ വിലയെ ബാധിച്ചു.ആഗോള വിപണിയില്‍ സ്‌പോട് ഗോള്‍ഡ് വില ട്രോയ് ഔണ്‍സിന് 2,624 ഡോളര്‍ നിലവാരത്തിലാണ്. രാജ്യത്തെ കമ്മോഡിറ്റി വിപണിയായ എംസിഎക്‌സില്‍ 10 ഗ്രാം 24 കാരറ്റ് സ്വര്‍ണത്തിന്റെ വില 75,472 രൂപയുമാണ്.

സ്വർണത്തിന് 960 രൂപ കുറഞ്ഞ് പവന് 56,640 രൂപയായി.

തിരുവനന്തപുരം: കേരളാ ബാങ്ക് എംപ്ലോയീസ് കോൺഗ്രസിന്റെ നേതൃത്വത്തിൽ കേരളാ ബാങ്ക് ജീവനക്കാർ നവംബർ 28, 29, 30 തിയതികളിൽ സംസ്ഥാന വ്യാപകമായി പണിമുടക്കും. ബാങ്കിൻറെ സംസ്ഥാനത്തെ 823 ശാഖകളിലെയും ഹെഡ് ഓഫീസിലെയും റീജണൽ ജില്ലാ ഓഫീസുകളിലെയും ജീവനക്കാർ പണിമുടക്കിൽ പങ്കെടുക്കും.
ജീവനക്കാരുടെ കുടിശ്ശികയായ 39 ശതമാനം ക്ഷാമ ബത്ത അനുവദിക്കുക, കാലാവധി കഴിഞ്ഞ് മൂന്ന് വർഷമായ ശമ്പള പരിഷ്ക്കരണത്തിന് കമ്മിറ്റിയെ നിയമിക്കുക, ബാങ്കിലെ രണ്ടായിരത്തോളം ഒഴിവുകൾ പി.എസ്.സി. ക്ക് റിപ്പോർട്ട് ചെയ്യുക, മലപ്പുറം ജില്ലയിലെ ജീവനക്കാരുടെ മൂന്ന് വർഷമായി തടഞ്ഞുവെച്ചു കൊണ്ടിരിക്കുന്ന പ്രമോഷനുകൾ അനുവദിക്കുക തുടങ്ങിയ ആവശ്യങ്ങളിൽ സർക്കാരും സഹകരണ മന്ത്രിയും കേരളാ ബാങ്ക് മാനേജ്മെൻ്റും സ്വീകരിക്കുന്ന നിഷേധാത്മക നിലപാടിൽ പ്രതിഷേധിച്ചാണ് പണിമുടക്ക്.
സഹകരണ മന്ത്രി ജീവനക്കാരുടെ വിഷയങ്ങളുമായി ബന്ധപ്പെട്ട് ഫെബ്രുവരി 26 ന് സംഘടനാ പ്രതിനിധികളുമായി നടത്തിയ ചർച്ചയിലെ തീരുമാനങ്ങളിൽ ഒന്ന് പോലും ഒമ്പത് മാസമായിട്ടും നടപ്പിലാക്കിയില്ല. മന്ത്രി തല ചർച്ചയിലെ തീരുമാനങ്ങൾ നടപ്പിലാക്കണമെന്നാവശ്യപ്പെട്ട് ജൂലായ് 30, 31 ന് ദ്വിദിന പണിമുടക്ക് നടത്തിയിരുന്നു.
സെപ്തംബർ മുതൽ നിസഹകരണ സമരവും നവംബർ ഒന്ന് മുതൽ തുടർച്ചയായി 15 ദിവസം ബാങ്ക് ഹെഡ് ഓഫീസിന് മുമ്പിൽ സത്യാഗ്രഹ സമരവും നടത്തി. തുടർന്ന് മന്ത്രി വസതിയിലേക്ക് മാർച്ചും നടത്തിയെങ്കിലും സർക്കാരും മാനേജ്മെൻറും നീതി നിഷേധം തുടരുകയാണെന്ന് പ്രസ്താവനയിൽ അറിയിച്ചു.ഇതിൽ പ്രതിഷേധിച്ചാണ് ബാങ്കിൻറെ അഞ്ചാം വാർഷിക ദിനമായ നവംബർ 29 ഉൾപ്പടെയുള്ള മൂന്നു ദിവസങ്ങളിൽ സംഘടന പണിമുടക്കിന് നിർബന്ധിതമായിരിക്കുന്നത്. തുടർന്നും വിഷയങ്ങൾക്ക് പരിഹാരമുണ്ടാകുന്നില്ലെങ്കിൽ അനിശ്ചിതകാല പണിമുടക്കുമായി ജീവനക്കാർ മുന്നോട്ട് പോകുമെന്ന് കേരളാ ബാങ്ക് എംപ്ലോയീസ് കോൺഗ്രസ് വാർത്താക്കുറിപ്പിൽ അറിയിച്ചു.

കേരളാ ബാങ്ക് ജീവനക്കാർ നവംബർ 28,29,30 തിയതികളിൽ പണിമുടക്കും

തിരുവനന്തപുരം: തൃശൂർ നാട്ടികയിൽ തടിലോറി പാഞ്ഞുകയറി രണ്ട് കുട്ടികളടക്കം അഞ്ചുപേർ മരിച്ച സംഭവത്തിൽ പ്രതികരിച്ച് ഗതാഗത മന്ത്രി കെബി ഗണേശ് കുമാർ. വാഹനത്തിന്റെ രജിസ്‌ട്രേഷനും ഡ്രൈവറുടെ ലൈസൻസും റദ്ദാക്കും. തികച്ചും ദൗർഭാഗ്യകരമായ സംഭവമാണ് നടന്നതെന്നും മന്ത്രി വാർത്താ സമ്മേളനത്തിൽ പറഞ്ഞു.
ഗണേശ് കുമാറിന്റെ വാക്കുകൾ:
ക്ലീനറും ഇപ്പോഴും മദ്യലഹരിയിൽ തന്നെയാണ്. വാഹനം ഓടിച്ച് തുടങ്ങിയ സമയം മുതൽ രണ്ടുപേരും മദ്യപിക്കുകയായിരുന്നു. ഡ്രൈവർ ഉറങ്ങിയപ്പോൾ വണ്ടിയോടിച്ച ക്ലീനർക്ക് ലൈസൻസില്ല. ഡ്രൈവർ ജോസിന് 50 വയസാണ്. ക്ലീന‌ർ അലക്‌സിന് 33 വയസാണ്. രണ്ടുപേരും പൊലീസ് കസ്റ്റഡിയിലാണ്. ട്രാൻസ്‌പോർട്ട് കമ്മീഷണറുടെ നിർദേശപ്രകാരം മോട്ടോർ വാഹന വകുപ്പ് വണ്ടിയുടെ രജിസ്‌‌ട്രേഷൻ സസ്‌പെൻഡ് ചെയ്‌തു. കണ്ണൂർ സ്വദേശിയുടെ പേരിലാണ് വാഹനം. രജിസ്‌ട്രേഷൻ വൈകാതെ റദ്ദാക്കും. ഉടമയ്‌ക്ക് നോട്ടീസ് നൽകിക്കഴിഞ്ഞു. ഡ്രൈവറുടെ ലൈസൻസും റദ്ദാക്കും. വാഹനത്തിന്റെ പെർമിറ്റും പോകും.നരഹത്യയാണിത്. അടച്ചുവച്ചിരുന്ന റോഡിലെ ബാരിക്കേഡുകൾ ഉൾപ്പെടെ തകർത്താണ് വാഹനം അവിടേക്ക് കയറ്റിയത്. രണ്ട് പിഞ്ച് കുഞ്ഞുങ്ങളടക്കം അവിടെ കിടന്നുറങ്ങിയവരുടെ പുറത്തുകൂടെയാണ് വാഹനം കയറിപ്പോയത്. രാത്രി കാലങ്ങളിൽ മദ്യപിച്ച് ട്രക്ക് ഡ്രൈവർമാർ വാഹനമോടിക്കുന്നത് ശ്രദ്ധയിൽപ്പെട്ടിട്ടുണ്ട്. ഇതിൽ അടുത്ത ആഴ്‌ച മുതൽ നടപടി ആരംഭിക്കാനിരിക്കുകയായിരുന്നു. ട്രാൻസ്‌പോർട്ട് കമ്മീഷണറുടെ നേതൃത്വത്തിലാണ് ഇത് നടത്താനുദ്ദേശിക്കുന്നത്. കഴിഞ്ഞ ആഴ്‌ച തന്നെ ഇക്കാര്യം തീരുമാനിച്ചതാണ്. ഇന്നത്തെ സംഭവം തികച്ചും ദൗർഭാഗ്യകരമാണ്. സംഭവസ്ഥലത്ത് നിന്നും 600 മീറ്റർ അകലെ തൃപ്രയാർ ക്ഷേത്രത്തിൽ ഉത്സവത്തിനെത്തിയ ജനങ്ങളാണ് വണ്ടി തടഞ്ഞത്. സ്ഥലംവിട്ട് പോവുക എന്നതായിരുന്നു ഡ്രൈവറുടെയും ക്ലീനറുടെയും ഉദ്ദേശം.ജനങ്ങൾ പരമാവധി റോഡിൽ കിടന്ന് ഉറങ്ങാതിരിക്കുക. സ്ഥലം എസ്‌ഐ രണ്ട് ദിവസം മുമ്പ് ഇവരോട് മാറാൻ ആവശ്യപ്പെട്ടതാണ്. എങ്കിലും വാഹനമോടിച്ചവർ ചെയ്‌തത് വളരെ വലിയ തെറ്റാണ് അവർക്കെതിരെ കർശന നടപടി തന്നെയെടുക്കും. വാഹനം ഓടിച്ചയാളുടെ പേരിൽ ലൈസൻസ് ഇല്ലായെങ്കിൽ ഏറ്റവും വലിയ വകുപ്പ് ചുമത്തി കേസെടുക്കും. നിയമപരമായി കഴിയുന്നതെല്ലാം ചെയ്യും. പരിക്കേറ്റവർക്ക് സഹായം നൽകുന്ന കാര്യത്തിൽ മുഖ്യമന്ത്രിയുമായി ചർച്ച ചെയ്യും.

'ഇരുവരും ഇപ്പോഴും മദ്യലഹരിയിൽ';വാഹനത്തിന്റെ രജിസ്‌ട്രേഷനും ഡ്രൈവറുടെ ലൈസൻസും റദ്ദാക്കുമെന്നും മന്ത്രി ഗണേശ് കുമാർ

കൊച്ചി: ശബരിമലയിലെ സുരക്ഷാ ക്രമീകരണങ്ങളില്‍ നിലപാട് കടുപ്പിച്ച് ഹൈക്കോടതി. ശബരിമലയിലെ മൊബൈല്‍ ഫോണുകള്‍ക്കുള്ള നിയന്ത്രണം കര്‍ശനമായി നടപ്പിലാക്കണമെന്ന് ഹൈക്കോടതി . ഡിസംബര്‍ ഒന്ന് മുതല്‍ ആറ് വരെ ശബരിമലയിലെ സുരക്ഷാ ക്രമീകരണങ്ങള്‍ ശക്തമാക്കാനും കോടതി നിർദേശിച്ചു. ഇതിന്റെ ഭാഗമായി വഴിയോര കച്ചവടങ്ങള്‍ക്കും കര്‍ശന നിയന്ത്രണങ്ങള്‍ വരും.
അതീവ സുരക്ഷാ മേഖലയായി സര്‍ക്കാര്‍ പ്രഖ്യാപിച്ച സ്ഥലമാണ് ശബരിമല. ഇതിന്റെ ഭാഗമായി സോപാനത്തും മുറ്റത്തും വീഡിയോ ചിത്രീകരണവും മൊബൈല്‍ ഫോണിന്റെ ഉപയോഗവും നേരത്തെ തന്നെ ഹൈക്കോടതി വിലക്കിയിട്ടുണ്ട്. എന്നാല്‍ സാമൂഹികമാധ്യമങ്ങളിലടക്കം ശബരിമല തിരുമുറ്റത്ത് നിന്നുള്ള ചിത്രങ്ങളടക്കം പങ്കുവെക്കപ്പെടുന്നുണ്ട്. അത് പാടില്ലെന്നാണ് ഹൈക്കോടതിയുടെ ശക്തമായ നിലപാട്. നിയന്ത്രണം കര്‍ശനമായി നടപ്പിലാക്കണമെന്നാണ് ഹൈക്കോടതി നല്‍കിയിരിക്കുന്ന നിര്‍ദേശം. ഇത് സംബന്ധിച്ച് ശബരിമല എക്‌സിക്യൂട്ടീവ് ഓഫീസറോട് റിപ്പോര്‍ട്ട് ആവശ്യപ്പെട്ടിട്ടുണ്ട്.

ശബരിമലയില്‍ മൊബൈല്‍ ഫോണുകള്‍ക്ക് കര്‍ശന നിയന്ത്രണം വേണം- നിലപാട് കടുപ്പിച്ച് ഹൈക്കോടതി

ബംഗളൂരു: ശ്രീമൂകാംബിക ദേവി ക്ഷേത്രത്തിൽ ദർശനം നടത്തി നടൻ സൂര്യയും ഭാര്യ ജ്യോതികയും. ക്ഷേത്രദർശനത്തിന്റെ ചിത്രങ്ങൾ സമൂഹമാദ്ധ്യമങ്ങളിലടക്കം ശ്രദ്ധനേടുകയാണ്. വളരെ ലളിതമായ വേഷത്തിൽ താരപ്രൗഡിയൊന്നുമില്ലാതെയാണ് ഇരുവരും ക്ഷേത്രത്തിലെത്തിയത്.
അതേസമയം, സൂര്യയുടേതായി പുറത്തിറങ്ങിയ ഏറ്റവും പുതിയ ചിത്രം 'കങ്കുവ' ഏറ്റവും വലിയ നഷ്ടം നേരിട്ട ദക്ഷിണേന്ത്യൻ ചിത്രങ്ങളിൽ ഒന്നാം സ്ഥാനത്താണ്. വലിയ വിമർശനമാണ് ആരാധകരിൽ നിന്ന് കങ്കുവ ഏറ്റുവാങ്ങിയത്. വലിയ പ്രൊമോഷനോടെ എത്തിയ ചിത്രം ബോക്‌സോഫീസിൽ തക‌ർന്നടിയുകയായിരുന്നു. 300 കോടിയോളം ബജറ്റിൽ ഒരുക്കിയ സിനിമയ്ക്ക് പകുതി തുക പോലും നേടാനായില്ലെന്നാണ് റിപ്പോർട്ടുകൾ വ്യക്തമാക്കുന്നത്.

മൂകാംബിക ദേവി ക്ഷേത്രത്തിൽ ദർശനം നടത്തി സൂര്യയും ജ്യോതികയും

കോഴിക്കോട്: ഉപതെരഞ്ഞെടുപ്പ് പരാജയത്തിന് പിന്നാലെ തുടങ്ങിയ പോരിനിടെ ബിജെപി നേതൃത്വത്തിനെതിരെ കോഴിക്കോട്ട് പോസ്റ്റര്‍ പ്രതിഷേധം. ബിജെപിയില്‍ കുറുവാ സംഘം എന്ന് ആരോപിച്ചാണ് പലയിടത്തായി പോസ്റ്ററുകള്‍ പ്രത്യക്ഷപ്പെട്ടത്. സേവ് ബി.ജെ.പി എന്ന പേരിലാണ് പോസ്റ്ററുകള്‍ പതിച്ചിരിക്കുന്നത്.
ബി.ജെ.പി. നേതാക്കളായ വി മുരളീധരന്‍, കെ സുരേന്ദ്രന്‍, പി രഘുനാഥ് എന്നിവര്‍ക്കെതിരെയാണ് പോസ്റ്ററുകള്‍. ബി.ജെ.പി ജില്ലാ കമ്മിറ്റി ഓഫീസിന്റെ ബോര്‍ഡിനു മുകളിലും പോസ്റ്റര്‍ പതിപ്പിച്ചിട്ടുണ്ട്. വി മുരളീധരന്‍, കെ സുരേന്ദ്രന്‍, പി രഘുനാഥ് എന്നിവര്‍ കുറുവാ സംഘമാണെന്ന് പോസ്റ്ററില്‍ ആരോപിക്കുന്നു. നേതൃത്വത്തെ മാറ്റി ബി.ജെ.പിയെ രക്ഷിക്കണമെന്നാണ് ആവശ്യം.

'ബിജെപിയില്‍ കുറുവാ സംഘം ' ;നേതൃത്വത്തിനെതിരെ കോഴിക്കോട്ട് പോസ്റ്റര്‍ പ്രതിഷേധം

കോഴിക്കോട്: ഹൈക്കോടതി റദ്ദാക്കിയ പന്തീരാങ്കാവ് ഗാര്‍ഹിക പീഡന കേസില്‍ ഉള്‍പ്പെട്ട പെണ്‍കുട്ടിക്ക് വീണ്ടും മര്‍ദ്ദനമേറ്റതായി പരാതി. മീന്‍കറിക്ക് പുളി ഇല്ലെന്ന് പറഞ്ഞ് ഭര്‍ത്താവ്‌ രാഹുല്‍ മര്‍ദ്ദിച്ചതായാണ് പരാതി. ഞായറാഴ്ചയാണ് ആദ്യം മര്‍ദ്ദിച്ചതെന്നും തിങ്കളാഴ്ച വീണ്ടും മര്‍ദ്ദിച്ചെന്നുമാണ് പെണ്‍കുട്ടിയുടെ ആരോപണം.
ഒന്നരമാസം മുമ്പാണ് ആദ്യ കേസ് ഹൈക്കോടതി റദ്ദാക്കിയതിനെ തുടര്‍ന്ന് ഇരുവരും പന്തീരങ്കാവിലെ രാഹുലിന്റെ വീട്ടില്‍ താമസം തുടങ്ങിയത്. മെഡിക്കല്‍ കോളേജ് ആശുപത്രിയില്‍ ചികിത്സയില്‍ ആയിരുന്ന യുവതി രക്ഷിതാക്കള്‍ക്കൊപ്പമാണ് പന്തീരങ്കാവ് പോലീസ് സ്റ്റേഷനില്‍ എത്തിയത്. ഇന്നലെ പരാതി ഇല്ലെന്ന് എഴുതി നല്‍കി എങ്കിലും ഇന്ന് പരാതി നല്‍കുകയായിരുന്നു. പെണ്‍കുട്ടിയുടെ മൊഴി പോലീസ് രേഖപ്പെടുത്തി. പെണ്‍കുട്ടിയുടെ ആവശ്യപ്രകാരം സര്‍ട്ടിഫിക്കറ്റുകള്‍ രാഹുലിന്റെ വീട്ടില്‍ നിന്നും കണ്ടെടുക്കാനായി പോലീസ് വീട്ടില്‍ പരിശോധന നടത്തുകയാണ്.
ഇതിനിടെ പെണ്‍കുട്ടിയുടെ ഭര്‍ത്താവ് രാഹുല്‍ പി. ഗോപാലിനെ പോലീസ് കസ്റ്റഡിയില്‍ എടുത്തു. മദ്യപിച്ച് പൊതു സ്ഥലത്ത് ബഹളം വെച്ചതിനാണ് പോലീസ് 24 മണിക്കൂര്‍ നേരത്തേക്ക് കരുതല്‍ തടങ്കലില്‍ വെച്ചിരിക്കുന്നത്.

പന്തീരാങ്കാവ് കേസ്;രാഹുല്‍ പിടിയില്‍,യുവതിയെ മര്‍ദ്ദിച്ചത്‌ മീന്‍കറിക്ക് പുളിയില്ലെന്ന് പറഞ്ഞ്

കൊല്ലം: അധ്യാപികയെ കുളത്തിൽ മരിച്ച നിലയിൽ കണ്ടെത്തി. കടയ്ക്കൽ ഗവ. യുപി സ്കൂളിലെ അറബി അധ്യാപിക കാഞ്ഞിരത്തുമൂട് കുന്നുംപുറത്ത് വീട്ടിൽ ശ്രീജയെ (36) ആണ് വീടിനു സമീപത്തെ കുളത്തിൽ മരിച്ച നിലയിൽ കണ്ടെത്തിയത്. ശ്രീജയുടെ ഭർത്താവ് രാഗേഷ് വിദേശത്താണ്. ഭർത്താവുമായി ശ്രീജ പിണങ്ങി കഴിയുകയായിരുന്നുവെന്ന് പൊലീസ് പറഞ്ഞു.
‌ഇന്നലെ ഉച്ചയ്ക്ക് വീട്ടിൽ നിന്ന് ഇറങ്ങിയ ശ്രീജയെ പിന്നീട് ആരും കണ്ടിരുന്നില്ല. കുളത്തിൽ ചെരുപ്പ് കണ്ടെത്തിയതിനെ തുടർന്ന് നടത്തിയ പരിശോധനയിലാണ് ശ്രീജയുടെ മൃതദേഹം കണ്ടെത്തിയത്. ചിതറ പൊലീസും കടയ്ക്കൽ ഫയർ ഫോഴ്‌സും സ്‌ഥലത്തെത്തി മൃതദേഹം പുറത്തെടുത്ത് കടയ്ക്കൽ താലൂക്ക് ആശുപത്രിയിലേക്കു മാറ്റി.&nbsp;

അധ്യാപികയെ കുളത്തിൽ മരിച്ച നിലയിൽ കണ്ടെത്തി

മ​ക്ക: രാ​ജ്യം പൂ​ർ​ണ​മാ​യി ത​ണു​പ്പി​​ലേ​ക്ക്​ നീ​ങ്ങി​യി​ട്ടി​ല്ലെ​ങ്കി​ലും പ​ല പ്ര​ദേ​ശ​ങ്ങ​ളി​ലും മ​ഴ തു​ട​രു​ന്നു​. മ​ക്ക, മ​ദീ​ന, ജി​ദ്ദ, അ​ബ​ഹ, അ​ൽ​ബാ​ഹ, ജി​സാ​ൻ തു​ട​ങ്ങി​യ ഭാ​ഗ​ങ്ങ​ളി​ലാ​ണ്​ മ​ഴ പെ​യ്യു​ന്ന​ത്. തി​ങ്ക​ളാ​ഴ്ച ശ​ക്ത​മാ​യ മ​ഴ​യാ​ണ് പെ​യ്ത​ത്. വ​രും ദി​വ​സ​ങ്ങ​ളി​ലും വി​വി​ധ ഭാ​ഗ​ങ്ങ​ളി​ൽ മ​ഴ പെ​യ്യാ​ൻ സാ​ധ്യ​ത​യു​ള്ള​താ​യി കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം അ​റി​യി​ച്ചു. ക​ഴി​ഞ്ഞ ദി​വ​സം പെ​യ്ത മ​ഴ​യെ തു​ട​ർ​ന്ന് മ​ക്ക​യി​ലെ വി​വി​ധ ഭാ​ഗ​ങ്ങ​ളി​ലും ജി​ദ്ദ​യി​ലെ ചി​ല ഭാ​ഗ​ങ്ങ​ളി​ലും ക​ന​ത്ത വെ​ള്ള​പ്പാ​ച്ചി​ലു​ണ്ടാ​യി.
ജി​ദ്ദ​യി​ലെ അ​ൽ ഹം​റ, റു​വൈ​സ്, ഖാ​ലി​ദ് ബി​ൻ വ​ലീ​ദ് തു​ട​ങ്ങി​യ പ്ര​ദേ​ശ​ങ്ങ​ളി​ൽ ന​ല്ല മ​ഴ​യാ​ണ് ല​ഭി​ച്ച​ത്. വ​രും ദി​വ​സ​ങ്ങ​ളി​ൽ മ​ഴ​യോ​ടൊ​പ്പം ത​ണു​പ്പു​ള്ള കാ​ലാ​വ​സ്ഥാ​മാ​റ്റ​വും പ്ര​തീ​ക്ഷി​ക്കു​ന്ന​താ​യി അ​ധി​കൃ​ത​ർ അ​റി​യി​ച്ചു. തി​ങ്ക​ളാ​ഴ്ച മ​ക്ക​യി​ലെ ചി​ല പ്ര​ദേ​ശ​ങ്ങ​ളി​ൽ ക​ന​ത്ത മ​ഴ പെ​യ്ത​തി​നാ​ൽ സ്കൂ​ൾ വി​ദ്യാ​ർ​ഥി​ക​ൾ​ക്കും യാ​ത്ര​ക്കാ​ർ​ക്കും ഏ​റെ പ്ര​യാ​സം അ​നു​ഭ​വ​പ്പെ​ട്ട​താ​യി റി​പ്പോ​ർ​ട്ടു​ണ്ട്.സൗ​ദി​യു​ടെ വ​ട​ക്ക​ൻ ഭാ​ഗ​ങ്ങ​ളി​ൽ ശൈ​ത്യം തു​ട​ങ്ങി​യി​ട്ടു​ണ്ട്. മ​ഴ തു​ട​രു​ന്ന​തോ​ടെ വ​രും ആ​ഴ്ച​ക​ളി​ൽ താ​പ​നി​ല വീ​ണ്ടും കു​റ​ഞ്ഞ് അ​തി​ശൈ​ത്യം അ​നു​ഭ​വ​പ്പെ​​ട്ടേ​ക്കും. അ​ൽ ബാ​ഹ, അ​ബ​ഹ, അ​സീ​ർ, ന​ജ്‌​റാ​ൻ പ്ര​ദേ​ശ​ങ്ങ​ളി​ൽ ഏ​റി​യ സ​മ​യ​വും​ ആ​കാ​ശം മൂ​ടി​ക്കെ​ട്ടി​യ നി​ല​യി​ലാ​ണ്. ഹാ​ഇ​ൽ, അ​ൽ ഖ​സീം പ്ര​വി​ശ്യ​ക​ളി​ലും മ​ദീ​ന​യി​ലെ കി​ഴ​ക്ക​ൻ ഭാ​ഗ​ങ്ങ​ളി​ലും മ​ക്ക​യു​ടെ ചി​ല​യി​ട​ങ്ങ​ളി​ലും മ​ഴ​യാ​യി​രി​ക്കും തു​ട​ർ​ന്നു​ള്ള ദി​വ​സ​ങ്ങ​ളി​ലു​മെ​ന്നാ​ണ്​ പ്ര​വ​ച​നം.

മ​ക്ക​യി​ലും മ​ദീ​ന​യി​ലും ജി​ദ്ദ​യി​ലും വ്യാ​പ​ക മ​ഴ

Gulf

തൃശൂർ: നാട്ടികയിൽ അഞ്ചുപേരുടെ മരണത്തിനിടയാക്കിയ ലോറി ഡ്രൈവർക്കും ക്ളീനർക്കുമെതിരെ മനഃപൂർവ്വമായ നരഹത്യയ്ക്ക് കേസെടുത്തുവെന്ന് റവന്യൂമന്ത്രി കെ രാജൻ അറിയിച്ചു. അപകടത്തെ സംബന്ധിച്ച റിപ്പോർട്ട് ഉടൻ സർക്കാരിന് കൈമാറും. നടപടിക്രമങ്ങൾ ഏകോപിപ്പിക്കാൻ കളക്‌ടറെ ചുമതലപ്പെടുത്തിയതായും മന്ത്രി വ്യക്തമാക്കി.
വണ്ടി ഓടിച്ചവരിൽ നിന്ന് ഗുരുതരമായ പിഴവാണ് ഉണ്ടായത്. മാഹിയിൽ വണ്ടി നിർത്തി മദ്യം വാങ്ങി ഇരുവരും ഉപയോഗിച്ചുവെന്ന് പൊലീസ് റിപ്പോർട്ടിൽ വ്യക്തമാക്കുന്നു. മനഃപ്പൂർവ്വമായ നരഹത്യയ്ക്കാണ് കേസെടുത്തിട്ടുള്ളത്. കുറ്റക്കാർക്കെതിരെ കർശന നടപടി സ്വീകരിക്കണമെന്ന് നി‌ർദേശം നൽകിയിട്ടുണ്ട്. മരണപ്പെട്ടവരുടെ പോസ്റ്റുമോർട്ടത്തിനുശേഷം മൃതദേഹം സ്വദേശത്ത് എത്തിക്കാനുള്ള നടപടികൾ സർക്കാ‌ർ തന്നെ സ്വീകരിക്കുമെന്നും മന്ത്രി വ്യക്തമാക്കി.അതേസമയം, അപകടത്തിൽ പരിക്കേറ്റ് ചികിത്സയിൽ കഴിയുന്ന മൂന്നുപേരിൽ രണ്ടുപേരുടെ നില അതീവഗുരുതമാണ്. ജയവർദ്ധൻ, വിജയ്, ചിത്ര എന്നിവരാണ് ചികിത്സയിൽ കഴിയുന്നത്. ഇവർക്കാവശ്യമായ എല്ലാ ചികിത്സാസൗകര്യങ്ങളും ലഭ്യമാക്കാൻ ജില്ലാ ഭരണകൂടം മെഡിക്കൽ കോളേജിന് നി‌ർദേശം നൽകിയിട്ടുണ്ട്.

നാട്ടികയിലെ വാഹനാപകടം ;ഡ്രൈവർക്കും ക്ളീനർക്കുമെതിരെ നരഹത്യയ്ക്ക് കേസെടുത്തു

കൊയിലാണ്ടി : കൊയിലാണ്ടിയിൽ ഒരാൾ ട്രെയിൻ തട്ടി മരിച്ചു.നന്തിമേൽപാലത്തിനടിയിൽ വച്ചാണ് അപകടം. ചിന്നിച്ചിതറിയ നിലയിലാണ് മൃതദേഹം കണ്ടെത്തിയത്. മരിച്ചയാളെ തിരിച്ചറിഞ്ഞിട്ടില്ല. തിങ്കളാഴ്ച വൈകിട്ട് ഏഴരയോടെയാണ് സംഭവം. ഏത് ട്രെയിനാണ് ഇടിച്ചതെന്നും വ്യക്തമായിട്ടില്ല.

കൊയിലാണ്ടിയിൽ ഒരാൾ ട്രെയിൻ തട്ടി മരിച്ചു

തൃശൂർ: ഭാര്യയേയും മകനെയും കൊലപ്പെടുത്തിയ കേസില്‍ ജീവപര്യന്തം ശിക്ഷ അനുഭവിക്കുന്ന തടവുകാരന്‍ മരിച്ചു. എരണുനെല്ലൂര്‍ കല്ലേൂര്‍കാട് ലക്ഷമി കോളനിയില്‍ മാന്‍കൂട്ടില്‍ വീട്ടില്‍ രാമന്‍ (64) ആണ് മരിച്ചത്. ഹ്യദയാഘാതം മൂലം തൃശൂർ ഗവ മെഡിക്കല്‍ കോളജ് ആശുപത്രിയില്‍ ചികിത്സയില്‍ ആയിരുന്നു.&nbsp;
ആന പാപ്പന്‍ ആയിരുന്ന ഇയാള്‍ ഭാര്യയേയും മകനെയും കൊലപ്പെടുത്തിയ കേസില്‍ രണ്ട് വര്‍ഷമായി തവനൂര്‍ സെന്‍ട്രല്‍ ജയിലില്‍ കഴിഞ്ഞ് വരികയായിരുന്നു. ഇവിടെ നിന്നും ഇക്കഴിഞ്ഞ 15 ന് ആണ് വിയ്യൂര്‍ സെന്‍ട്രല്‍ ജയിലേക്ക് മാറ്റിയത്. ഇവിടെ വെച്ച് നെഞ്ചു വേദന അനുഭവപ്പെട്ടതിനെ തുടര്‍ന്ന് ത്യശൂര്‍ ഗവ മെഡിക്കല്‍ കോളജ് ആശുപത്രിയിൽ പ്രവേശിപ്പിക്കുകയായിരുന്നു. ചികിത്സയില്‍ ഇരിക്കെ മരണപ്പെടുകയായിരുന്നു.&nbsp;

ഇരട്ടക്കൊല കേസിൽ ജീവപര്യന്തം ശിക്ഷ അനുഭവിക്കുന്നതിനിടെ തടവുകാരന്‍ മരിച്ചു

കൊച്ചി: റിപ്പോര്‍ട്ടര്‍ ടിവി പ്രിന്‍സിപ്പല്‍ കറസ്‌പോണ്ടന്റ് ആര്‍ റോഷിപാലിനെതിരായ വധഭീഷണിയില്‍ സംസ്ഥാന പൊലീസ് മേധാവിക്ക് പരാതി നല്‍കി. റിപ്പോര്‍ട്ടര്‍ ടിവി മാനേജിങ് എഡിറ്റര്‍ ആന്റോ അഗസ്റ്റിനാണ് സംസ്ഥാന പൊലീസ് മേധാവിക്ക് പരാതി നല്‍കിയത്.
എഫ്‌ഐആര്‍ രജിസ്റ്റര്‍ ചെയ്ത് അന്വേഷണത്തിന് നിര്‍ദേശം നല്‍കണമെന്നാണ് ആവശ്യം. ഫേസ്ബുക്ക്, വാട്‌സ്ആപ്പ് എന്നിവ വഴിയാണ് കോണ്‍ഗ്രസ് പ്രവര്‍ത്തകരുടെ ഭീഷണി. മാധ്യമ സ്വാതന്ത്ര്യത്തിന് എതിരാണ് വധഭീഷണിയും ആക്രമണ ആഹ്വാനവും. ഭീഷണി ഉയര്‍ത്തിയവര്‍ക്കെതിരെ കര്‍ശന നടപടിയെടുക്കണമെന്നും പരാതിയില്‍ ആവശ്യപ്പെടുന്നു.
പാലക്കാട് ഉപതിരഞ്ഞെടുപ്പ് റിപ്പോര്‍ട്ടിങിന്റെ ഭാഗമായി നല്‍കിയ വാര്‍ത്തകള്‍ക്ക് പിന്നാലെയാണ് സാമൂഹിക മാധ്യമങ്ങളിലൂടെ കോണ്‍ഗ്രസ് പ്രവര്‍ത്തകര്‍ കൊലവിളി നടത്തിയത്

ആര്‍ റോഷിപാലിനെതിരായ വധഭീഷണി: സംസ്ഥാന പൊലീസ് മേധാവിക്ക് പരാതി നല്‍കി റിപ്പോര്‍ട്ടര്‍ ടിവി

നെടുങ്കണ്ടം: രണ്ടാം ക്ലാസില്‍ പഠിക്കുന്ന ദളിത് വിഭാഗത്തില്‍പ്പെട്ട വിദ്യാര്‍ഥിയെക്കൊണ്ട് അധ്യാപിക സഹപാഠിയുടെ ഛര്‍ദി വാരിപ്പിച്ചതായി പരാതി. കുട്ടിയുടെ അമ്മയാണ് എ.ഇ.ഒ.യ്ക്ക് പരാതി നല്‍കിയത്.
ഉടുമ്പന്‍ചോലയ്ക്കടുത്ത് സ്ലീബാമലയില്‍ പ്രവര്‍ത്തിക്കുന്ന എല്‍.പി.സ്‌കൂളിലെ അധ്യാപികയ്‌ക്കെതിരേയാണ് പരാതി. ഈ മാസം 13-ന് കുട്ടിയുടെ സഹപാഠി പനിയും ശാരീരിക അസ്വസ്ഥതകളും മൂലം ക്ലാസില്‍ ഛര്‍ദിച്ചു. കുട്ടികളോട് മണല്‍വാരിയിട്ട് ഇത് മൂടാന്‍ ആവശ്യപ്പെട്ടു. പിന്നീട് ഈ കുട്ടിയോട് മാത്രമായി അത് ചെയ്യാന്‍ പറഞ്ഞു. എന്നാല്‍, ആറര വയസ്സു മാത്രമുള്ള കുട്ടി ഇത് നിരസിക്കുകയും ടീച്ചറെ ഞാന്‍ ഇവിടെയിരുന്ന് എഴുതിക്കോളാം എന്നുപറഞ്ഞു. എന്നാല്‍, അതുകേട്ട് അധ്യാപിക ദേഷ്യപ്പെടുകയും കുട്ടിയെക്കൊണ്ട് നിര്‍ബന്ധപൂര്‍വം കോരിക്കളയിപ്പിക്കുകയുമായിരുന്നു. സഹപാഠിയായ കുട്ടി സഹായിക്കാന്‍ തുനിഞ്ഞപ്പോള്‍ അധ്യാപിക തടയുകയും ചെയ്തു.
കുട്ടി ഇക്കാര്യം വീട്ടില്‍ അറിയിച്ചില്ല. എന്നാല്‍, അടുത്ത ദിവസം സഹപാഠിയില്‍നിന്ന് വിവരമറിഞ്ഞ മാതാപിതാക്കള്‍ ഇക്കാര്യം പ്രഥമാധ്യാപികയെ അറിയിച്ചു. എന്നാല്‍, അവര്‍ അധ്യാപികയ്ക്ക് താക്കീത് നല്‍കുന്നതില്‍ മാത്രം നടപടി ഒതുക്കിയെന്ന് പരാതിയില്‍ പറയുന്നു. തുടര്‍ന്ന് മാതാപിതാക്കള്‍ പോലീസില്‍ പരാതി നല്‍കി. പരാതി ജില്ലാ കളക്ടര്‍ക്ക് കൈമാറിയിട്ടുണ്ടെന്നും പ്രഥമാധ്യാപികയോട് കളക്ടര്‍ മുമ്പാകെ ഹാജരാകാന്‍ നിര്‍ദേശിച്ചിട്ടുണ്ടെന്നും ഇടുക്കി വിദ്യാഭ്യാസ ഉപഡയറക്ടര്‍ എസ്.ഷാജി പറഞ്ഞു.

ദളിത് വിദ്യാര്‍ഥിയെക്കൊണ്ട് സഹപാഠിയുടെ ഛര്‍ദി വാരിപ്പിച്ചു; അധ്യാപികയ്‌ക്കെതിരേ പരാതി

കൊച്ചി: ബലാത്സംഗക്കേസില്‍ നടന്‍ ബാബുരാജിന് മുന്‍കൂര്‍ ജാമ്യം. കര്‍ശന ഉപാധികളോടെയാണ് ഹൈക്കോടതി ജാമ്യം അനുവദിച്ചത്. അന്വേഷണവുമായി സഹകരിക്കാനും പത്തുദിവസത്തിനകം അന്വേഷണ ഉദ്യോഗസ്ഥന് മുന്നില്‍ കീഴടങ്ങാനും കോടതി നിര്‍ദേശിച്ചിട്ടുണ്ട്.
ജസ്റ്റിസ് സി.എസ്.ഡയസിന്റെ ബെഞ്ചാണ് ബാബുരാജിന്റെ മുന്‍കൂര്‍ ജാമ്യഹര്‍ജി പരിഗണിച്ചത്. പരാതി നല്‍കാനുള്ള കാലതാമസം പരിഗണിച്ചുകൊണ്ടാണ് ജാമ്യം അനുവദിച്ചത്.സിനിമയില്‍ അവസരം വാഗ്ദാനം ചെയ്ത് ജൂനിയര്‍ നടിയെ പീഡിപ്പിച്ചു എന്നായിരുന്നു ബാബുരാജിനെതിരായ കേസ്. ബാബുരാജിന്റെ ആലുവയിലെ വീട്ടില്‍വെച്ചും ഇടുക്കി കമ്പിലൈനിലെ റിസോര്‍ട്ടില്‍വെച്ചും പീഡിപ്പിച്ചെന്നായിരുന്നു യുവതിയുടെ പരാതി. അടിമാലി പോലീസാണ് കേസ് രജിസ്റ്റര്‍ ചെയ്തത്. ഇതിനെതിരെ ബാബുരാജ് ഹൈക്കോടതിയെ സമീപിക്കുകയായിരുന്നു.
അമ്മയുടെ ജോയിന്റ് സെക്രട്ടറിയായി തിരഞ്ഞെടുക്കപ്പെട്ടതിനു പിന്നാലെയായിരുന്നു ബാബുരാജിനെതിരേ താരത്തിന്റെ തന്നെ റിസോര്‍ട്ടിലെ മുന്‍ ജീവനക്കാരിയായ ജൂനിയര്‍ ആര്‍ട്ടിസ്റ്റ് പരാതിയുമായി രംഗത്തെത്തിയത്. സിനിമയില്‍ അവസരം തരാമെന്ന് പറഞ്ഞ് ആലുവയിലെ വീട്ടില്‍ കൊണ്ടുപോയി ബാബുരാജ് ബലാത്സംഗം ചെയ്തുവെന്നായിരുന്നു യുവതിയുടെ ആരോപണം. .

ജൂനിയര്‍ നടിയെ ബലാത്സംഗം ചെയ്‌തെന്ന കേസ്; നടന്‍ ബാബുരാജിന് മുന്‍കൂര്‍ ജാമ്യം

കോട്ടയം:ഇ.പി ജയരാജന്റെ ആത്മകഥയുമായി ബന്ധപ്പെട്ട വിവാദത്തില്‍ നടപടിയുമായി ഡി.സി ബുക്‌സ്. സംഭവത്തില്‍ പബ്ലിക്കേഷന്‍സ് വിഭാഗം മാനേജർ എ.വി ശ്രീകുമാറിനെ ഡി.സി.ബുക്സ് സസ്‌പെന്‍ഡ് ചെയ്തു. പുസ്തകം പ്രസിദ്ധീകരിക്കുന്നതുമായി ബന്ധപ്പെട്ട കരാര്‍ നടപടികളില്‍ വീഴ്ചയുണ്ടായെന്ന് ചൂണ്ടിക്കാട്ടിയാണ് നടപടിയെടുത്തിരിക്കുന്നത്.
പുസ്തകം പ്രസിദ്ധീകരിക്കുന്നതില്‍ ഇ.പി ജയരാജനുമായി കരാറുണ്ടാക്കിയിട്ടില്ലെന്ന് ഡി.സി ബുക്‌സ് ഉടമ ഡി.സി രവി പോലീസിന് മൊഴി നല്‍കിയിരുന്നു. ഇതിന് പിന്നാലെയാണ് നടപടി. നടപടിക്രമങ്ങള്‍ പാലിച്ചുകൊണ്ടേ ഡി.സി പുസ്തകങ്ങള്‍ പ്രസിദ്ധീകരിക്കാറുള്ളൂവെന്ന് ഡി.സി തങ്ങളുടെ ഔദ്യോഗിക ഫെയ്‌സ്ബുക്ക് പേജില്‍ വിശദീകരണവും നല്‍കിയിരുന്നു.

ആത്മകഥാ വിവാദം; പബ്ലിക്കേഷന്‍സ് വിഭാഗം മാനേജരെ ഡി.സി ബുക്‌സ് സസ്‌പെന്‍ഡ് ചെയ്തു

കോഴിക്കോട് : പന്തീരാങ്കാവ് ഗാർഹികപീഡനക്കേസിലുൾപ്പെട്ട യുവതിയെ ഗുരുതരപരിക്കുകളോടെ കോഴിക്കോട് മെഡിക്കൽ കോളേജാശുപത്രിയിൽ പ്രവേശിപ്പിച്ചു.
തിങ്കളാഴ്ച രാത്രി എട്ടുമണിയോടെ ഭർത്താവ് രാഹുൽ ആംബുലൻസിൽ ആശുപത്രിയിലെത്തിക്കുകയായിരുന്നു. തുടർന്ന്, അമ്മയെ യുവതിക്കൊപ്പം നിർത്തി രാഹുൽ മുങ്ങി.രാഹുൽ തന്നെ വീട്ടിൽവെച്ചും ആശുപത്രിയിലേക്ക് കൊണ്ടുവരുംവഴി ആംബുലൻസിൽവെച്ചും മർദിച്ചെന്നും മുഖത്തും തലയ്ക്കും ചുണ്ടിനും ഇടത്തേ കണ്ണിനും മുറിവേറ്റെന്നുമാണ് ആശുപത്രിയിൽ യുവതി നൽകിയ മൊഴി.
എന്നാൽ, തനിക്ക് പരാതിയില്ലെന്നും അച്ഛനും അമ്മയും വന്നാൽ പോകാൻ അനുവദിക്കണമെന്നും രാത്രി 11 മണിയോടെ ആശുപത്രിയിലെത്തിയ പന്തീരാങ്കാവ് പോലീസിന് ഇവർ എഴുതി നൽകി.ഭർത്താവിന്റെ വീട്ടിൽ നിന്നും തന്റെ സർട്ടിഫിക്കറ്റുകൾ എടുക്കാൻ പോലീസ് സഹായിക്കണമെന്നും പോലീസിനോട് ആവശ്യപ്പെട്ടു.സംഭവമറിഞ്ഞ് ഫറോക്ക് അസിസ്റ്റന്റ് കമ്മിഷണർ എ.എം. സിദ്ദിഖിന്റെ നേതൃത്വത്തിൽ അന്വേഷണം ആരംഭിച്ചിട്ടുണ്ട്.യുവതിയെ ആശുപത്രിയിൽ പരിക്കുകളോടെ പ്രവേശിപ്പിച്ചിട്ടുണ്ടെന്ന് പോലീസ് അറിയിച്ചതിനെത്തുടർന്ന് യുവതിയുടെ മാതാപിതാക്കൾ കോഴിക്കോട്ടേക്കു പുറപ്പെട്ടിട്ടുണ്ട്.

പന്തീരാങ്കാവ് ഗാർഹികപീഡനക്കേസിലുൾപ്പെട്ട യുവതി ഗുരുതരപരിക്കുകളോടെ ആശുപത്രിയിൽ

തൃശ്ശൂര്‍ : നാട്ടികയില്‍ ലോറികയറി അഞ്ചുപേര്‍ മരിച്ചു. തടിലോറി പാഞ്ഞുകയറിയാണ് അപകടം. പണി പുരോഗമിക്കുന്ന ദേശീയപാതാ ബൈപ്പാസിനരികിൽ ഉറങ്ങിക്കിടന്നിരുന്ന നാടോടികൾക്കിടയിലേക്കാണ് ലോറി പാഞ്ഞുകയറിയത്. രണ്ടുകുട്ടികളുള്‍പ്പെടെ അഞ്ചുപേര്‍ തത്ക്ഷണം മരിച്ചു. 11 പേർക്ക് പരിക്കേറ്റു. ചൊവ്വാഴ്ച പുലർച്ചെ 3.50- നാണ് സംഭവം. കാളിയപ്പന്‍(50),ബംഗാഴി(20), നാഗമ്മ(39), ജീവന്‍(4), വിശ്വ(1) എന്നിവരാണ് മരിച്ചത്.
കണ്ണൂരിൽ നിന്ന് മരം കയറ്റി പോയിരുന്ന ലോറിയാണ് ദേശീയ പാതയിൽ നിന്ന് ബൈപ്പാസിലേക്ക് നിയന്ത്രണം വിട്ട് പാഞ്ഞുകയറിയത്. ദേശീയ പാതയിൽ സ്ഥാപിച്ചിരുന്ന ഡിവൈഡർ തകർത്താണ് ലോറി ഉറങ്ങിക്കിടന്നവർക്കിടയിലേക്ക് കയറിയത്.
108 ആംബുലൻസുകൾ, തളിക്കുളം ആംബുലൻസ്, തളിക്കുളം മെക്സിക്കൻ ആംബുലൻസ് എന്നിവയിലാണ് മരിച്ചവരേയും പരിക്കേറ്റവരേയും ആശുപത്രികളിലേക്ക് മാറ്റിയത്. പരിക്കേറ്റവരിൽ ഒരാൾ കരഞ്ഞ് ഓടി വരുന്നത് കണ്ട് നാട്ടിക ബീച്ച് സ്വദേശി ആഘോഷാണ് പോലീസിൽ വിവരമറിയിച്ചത്. കൊടുങ്ങല്ലൂർ ഡി.വൈ.എസ്.പി, വി.കെ. രാജു, വലപ്പാട് എസ്.എച്ച്.ഒ. എം.കെ. രമേഷ് എന്നിവർ സ്ഥലത്തെത്തി. ലോറിയിലുണ്ടായിരുന്ന കണ്ണൂർ ആലക്കോട് സ്വദേശികളായ ഏഴിയക്കുന്നിൽ അലക്സ് (33), ചാമക്കാലച്ചിറ ജോസ് (54) എന്നിവരെ വലപ്പാട് പോലീസ് കസ്റ്റഡിയിലെടുത്തു.

തൃശൂരിൽ ഉറങ്ങിക്കിടന്നവര്‍ക്ക് മേല്‍ തടിലോറി പാഞ്ഞുകയറി അഞ്ചുപേർക്ക് ദാരുണാന്ത്യം

തിരുവനന്തപുരം: മന്ത്രി വി. ശിവന്‍കുട്ടിക്കെതിരെ രാജ്ഭവന്‍. വിദ്യാഭ്യാസ മന്ത്രി പ്രോട്ടോക്കോള്‍ ലംഘനം നടത്തിയെന്നും ഗവര്‍ണ്ണറെ അപമാനിച്ചെന്നും രാജ്ഭവന്‍ പുറത്തിറക്കിയ വാര്‍ത്താക്കുറിപ്പില്‍ ആരോപിക്കുന്നു.പരിപാടിക്കിടെ ഇറങ്ങിപ്പോയത് അറിയിച്ചില്ല. മന്ത്രി ചെയ്തത് തെറ്റായ കീഴ്വഴക്കമാണെന്നും വാര്‍ത്താക്കുറിപ്പ് പറയുന്നു.
മന്ത്രി വി. ശിവന്‍കുട്ടി തെറ്റായ മാതൃക സൃഷ്ടിച്ചു. മന്ത്രിയുടെ പെരുമാറ്റത്തെ ആശങ്കയോടെയാണ് കാണുന്നത്. ഭാരതാംബയുടെ ചിത്രം മന്ത്രിക്ക് അറിയില്ല എന്നാണ്‌ മന്ത്രി പ്രസംഗത്തില്‍ പറഞ്ഞത്. മന്ത്രിയുടെയും ഗവര്‍ണറുടെയും കയ്യില്‍നിന്ന് അവാര്‍ഡ് വാങ്ങിക്കാനായി എത്തിയ അച്ചടക്കത്തോടെ പ്രവര്‍ത്തിക്കുന്ന സ്‌കൗട്ട് ആന്‍ഡ് ഗൈഡ് കുട്ടികളുടെ മുന്നില്‍ വച്ചായിരുന്നു ഇങ്ങനെ പറഞ്ഞത്. ഇത് വിദ്യാര്‍ത്ഥികളെ അപമാനിക്കുന്നതിന് തുല്യമായിരുന്നുവെന്നും വാര്‍ത്താക്കുറിപ്പില്‍ പറയുന്നു

മന്ത്രി ശിവന്‍കുട്ടിക്കെതിരെ രാജ്ഭവന്‍; പ്രോട്ടോക്കോള്‍ ലംഘനം നടത്തി,ഗവര്‍ണറെ അപമാനിച്ചെന്ന്‌ ആരോപണം

മലപ്പുറം : നിലമ്പൂര്‍ ഉപതിരഞ്ഞെടുപ്പ് പ്രചാരണത്തിന് തന്നെ ക്ഷണിക്കാത്തതില്‍ പരസ്യമായി അതൃപ്തി പ്രകടിപ്പിച്ച് മുതിര്‍ന്ന കോണ്‍ഗ്രസ് നേതാവും എം പിയുമായ ശശി തരൂര്‍.ഉപതിരഞ്ഞെടുപ്പ് പ്രചാരണത്തിന് ക്ഷണിച്ചിട്ടില്ല എന്നത് സത്യം തന്നെയാണ്.ഞാന്‍ കേരളത്തിന് പുറത്തായിരുന്നു.തിരിച്ച് കേരളത്തില്‍ എത്തിയപ്പോഴും മറ്റു സന്ദേശങ്ങളൊന്നും ലഭിച്ചില്ല.നിലമ്പൂരില്‍ വരാന്‍ ആവശ്യപ്പെട്ടിരുന്നുവെങ്കില്‍ ഉറപ്പായും പോവുമായിരുന്നെന്നും തരൂര്‍ പറഞ്ഞു.
നിലമ്പൂരില്‍ കോണ്‍ഗ്രസ് പ്രവര്‍ത്തകര്‍ ആത്മാര്‍ത്ഥമായി പ്രവര്‍ത്തിച്ചിട്ടുണ്ട്. മികച്ച സ്ഥാനാര്‍ത്ഥിയാണ് നിലമ്പൂരില്‍ യുഡിഎഫിനുള്ളത്. മണ്ഡലത്തില്‍ കോണ്‍ഗ്രസ് ജയിക്കണമെന്ന് തന്നെയാണ് ആഗ്രഹം. ഉപതിരഞ്ഞെടുപ്പ് പ്രചാരണത്തിന് തനിക്ക് പ്രത്യേകിച്ച് ക്ഷണമുണ്ടായിരുന്നില്ല. ക്ഷണം വേണമെന്നില്ല. പക്ഷേ, പരിപാടി സംഘടിപ്പിക്കുമ്പോള്‍ സംഘാടകര്‍ അറിയിക്കുമല്ലോ. നിലമ്പൂരില്‍ തന്നെ ആവശ്യപ്പെട്ടിരുന്നുവെങ്കില്‍ ഉറപ്പായും പോവുമായിരുന്നു. തന്റെ ആവശ്യം അവിടെയുണ്ടായിരുന്നില്ലെന്നാണ് തനിക്ക് തോന്നുന്നതെന്നും തരൂര്‍ പറഞ്ഞു.&nbsp;
കേരളത്തിലെ കോണ്‍ഗ്രസ് നേതൃത്വത്തോട് പലപ്പോഴും അഭിപ്രായവ്യത്യാസമുണ്ടായിട്ടുണ്ടെന്ന് എല്ലാവര്‍ക്കുമറിയാം.പക്ഷേ, പാര്‍ട്ടിയോടും പാര്‍ട്ടി പ്രവര്‍ത്തകരോടുമെല്ലാം സൗഹൃദപരമായാണ് മുന്നോട്ടുപോകുന്നതെന്നും അദ്ദേഹം പറഞ്ഞു.ബി.ജെപിയിലേക്ക് പോകുന്നു എന്ന അഭ്യൂഹം അദ്ദേഹം തള്ളി. താന്‍ കോണ്‍ഗ്രസ് പാര്‍ട്ടിയിലെ ഒരംഗമാണ്. എവിടേക്കും പോകുന്നില്ലെന്നും അദ്ദേഹം കൂട്ടിച്ചേർത്തു.

നിലമ്പൂരിലേക്ക് വരാന്‍ ആവശ്യപ്പെട്ടിരുന്നുവെങ്കില്‍ ഉറപ്പായും പോവുമായിരുന്നു;അതൃപ്തി വ്യക്തമാക്കി ശശി തരൂര്‍

തിരുവനന്തപുരം: രാജ്ഭവനിൽ ഭാരതാംബയുടെ ചിത്രത്തെച്ചൊല്ലി വീണ്ടും വിവാദം. പൊതുപരിപാടിൽ പങ്കെടുക്കാനെത്തിയ മന്ത്രി വി ശിവൻകുട്ടി ചിത്രം കണ്ടതോടെ പരിപാടി ബഹിഷ്‌കരിച്ച് ഇറങ്ങിപ്പോയി.
സ്‌കൗട്ട് ആൻഡ് ഗൈഡ്‌സ്‌‌ പുരസ്‌കാര ചടങ്ങിൽ പങ്കെടുക്കാനാണ് മന്ത്രിയെത്തിയത്. എന്നാൽ താൻ എത്തുമ്പോഴേക്ക് ഭാരതാംബയുടെ ചിത്രത്തിൽ പുഷ്‌പാർച്ചന നടത്തി ചടങ്ങ് തുടങ്ങിയിരുന്നുവെന്ന് മന്ത്രി വ്യക്തമാക്കി. ഇന്ത്യ തന്റെ രാജ്യമാണെന്ന് പറഞ്ഞുകൊണ്ട് മൈക്കിലൂടെ തന്നെയാണ് അദ്ദേഹം വിയോജിപ്പ് അറിയിച്ചത്.കാര്യപരിപാടിയിൽ പുഷ്പാർച്ചന ഇല്ലായിരുന്നു. ഞാൻ ചെല്ലുമ്പോൾ കാണുന്നത് പുഷ്പാർച്ചന നടത്തുന്നതാണ്. ഗവർണർ വളരെ അഹങ്കാരത്തോടെ നിലപാടെടുത്തു. രാജ്ഭവനെ തനി രാഷ്ട്രീയ കേന്ദ്രമാക്കി.'- മന്ത്രി വിമർശിച്ചു.
ഭാരതാംബയുടെ ചിത്രം വയ്ക്കില്ലെന്ന് രാജ്ഭവൻ മന്ത്രിയുടെ ഓഫീസിനെ അറിയിച്ചിരുന്നു. ഇതുകൊണ്ടുമാത്രമാണ് അദ്ദേഹം ചടങ്ങിൽ പങ്കെടുത്തത്.&nbsp;

രാജ്‌ഭവനിലെ പരിപാടിയിൽ വീണ്ടും ഭാരതാംബയുടെ ചിത്രം; ബഹിഷ്‌കരിച്ച് മന്ത്രി ശിവൻകുട്ടി

നിലമ്പൂർ: നിയമസഭയിലേക്ക് സത്യപ്രതിജ്ഞ ചെയ്യാൻ നിലമ്പൂരിൽനിന്ന് കാൽനടയായി പോകുമെന്ന് പി.വി. അൻവർ. ഇത് അമിതമായ ആത്മവിശ്വാസമല്ലെന്നും ജനങ്ങളെ അറിയാവുന്നതുകൊണ്ടുള്ള ആത്മവിശ്വാസമാണെന്നും അൻവർ പറഞ്ഞു.
'പി.വി. അൻവർ ഒറ്റക്കല്ല നിയമസഭയിലേക്ക് പോകുക. നിലമ്പൂരിലെ ആയിരക്കണക്കിന് ആളുകളുമായിട്ടാണ് സത്യപ്രതിജ്ഞചെയ്യാൻ പോകുക. ചർച്ച ചെയ്തുകഴിഞ്ഞു. ചിലപ്പോൾ കാൽനടയായി ഒരാഴ്ചയെടുത്തായിരിക്കും പോകുക. അങ്ങനെയും ആലോചിക്കുന്നുണ്ട്. ഇത് സംഭവിക്കും. അമിതമായ ആത്മവിശ്വാസമല്ല. അത് ജനങ്ങളെ എനിക്ക് അറിയുന്നതുകൊണ്ടുള്ള ആത്മവിശ്വാസമാണ്. എന്റെ പോരാട്ടം മലയോര കർഷകർക്ക് വേണ്ടിയാണ്. ചെറുതായിട്ട് തുടങ്ങിയിട്ടേയുള്ളൂ. റിസൾട്ട് വന്നതിന്റെ പിറ്റേദിവസം പോരാട്ടത്തിന് ആരംഭം കുറിക്കും', അദ്ദേഹം പറഞ്ഞു.
ഇന്ന് വോട്ടുചെയ്യുന്ന വോട്ടർ നാളെ രാവിലെ ജീവിച്ചിരിക്കും എന്ന് ഉറപ്പില്ലാത്ത നാട്ടിലാണ് ഞങ്ങൾ ജീവിക്കുന്നത്. മനുഷ്യരേയും മൃഗങ്ങളേയും വേർതിരിക്കുന്ന ഒരു വേലികെട്ടിത്തരണമെന്ന് മാത്രമേ ഞങ്ങൾ ആവശ്യപ്പെടുന്നുള്ളൂ. ആകാശത്തെ അമ്പിളിമാമനെ പിടിച്ചുകൊണ്ടുതരണമെന്ന് സർക്കാരിനോട് പറഞ്ഞിട്ടില്ല. ആന ചവിട്ടിക്കൊന്നാലും കരടി കടിച്ചുതിന്നാലും പത്തുലക്ഷം. ഒരു മനുഷ്യ ജീവന് പിണറായി വിജയൻ വിലയിട്ടത് പത്ത് ലക്ഷം രൂപയാണ്. അദ്ദേഹത്തിന്റെ മരുമകന് വെറും രണ്ട് മിനിറ്റുള്ള റീൽ ഉണ്ടാക്കാൻ 9.9 ലക്ഷം രൂപയാണ്. ആ രണ്ട് മിനിറ്റ് റീലിന്റെ വിലയാണ് പിണറായി വിജയൻ മലയോരത്ത് ജീവിക്കുന്ന മനുഷ്യർക്ക് ഇട്ടിരിക്കുന്ന വില. ഈ ജാതി സഖാക്കളെ നിലമ്പൂരിലെ ജനങ്ങൾ ആട്ടിവിടാൻ പോകുകയാണ്, പി.വി. അൻവർ പറഞ്ഞു.തനിക്ക് ലഭിക്കുന്ന വോട്ട് 75,000-ലൊന്നും നിൽക്കില്ലെന്നും രണ്ടുദിവസംകഴിഞ്ഞ് കാണാമെന്നും അദ്ദേഹം പറഞ്ഞു.

നിയമസഭയിലേക്ക് സത്യപ്രതിജ്ഞ ചെയ്യാൻ കാൽനടയായി പോകും;തനിക്ക് ലഭിക്കുന്ന വോട്ട് 75,000-ലൊന്നും നിൽക്കില്ലെന്നും അൻവർ

ഡൽഹി: പ്രതിപക്ഷ നേതാവും കോൺഗ്രസ് നേതാവുമായ രാഹുൽ ഗാന്ധിക്ക് ഇന്ന് 55-ാം പിറന്നാൾ. ജൻമദിനത്തോടനുബന്ധിച്ച് കോൺഗ്രസ് വിപുലമായ പരിപാടികളാണ് സംഘടിപ്പിച്ചിരിക്കുന്നത്. വ്യാഴാഴ്ച, പാർട്ടിയുടെ ഡൽഹി യൂണിറ്റും യൂത്ത് കോൺഗ്രസും സംയുക്തമായി തൽക്കത്തോറ സ്റ്റേഡിയത്തിൽ ഒരു മെഗാ ജോബ് ഫെയർ സംഘടിപ്പിക്കും.
രാവിലെ 10 മുതൽ വൈകിട്ട് 4 വരെ നടക്കുന്ന തൊഴിൽ മേളയിൽ 20,000 ത്തോളം തൊഴിൽരഹിതരായ യുവാക്കൾ രജിസ്റ്റർ ചെയ്തതായി ഡൽഹി കോൺഗ്രസ് പ്രസിഡന്‍റ് ദേവേന്ദർ യാദവ് പറഞ്ഞു. നിരവധി പേരാണ് രാഹുലിന് പിറന്നാൾ ആശംസകൾ നേര്‍ന്നുകൊണ്ട് രംഗത്തെത്തുന്നത്

രാഹുൽ ഗാന്ധിക്ക് ഇന്ന് 55-ാം പിറന്നാൾ

Search Results for: gold theft