തിരുവനന്തപുരം: 2026-27 അധ്യയനവര്‍ഷം മുതല്‍ ഒന്നാംക്ലാസ് പ്രവേശന പ്രായം ആറുവയസാക്കേണ്ടതുണ്ടെന്ന് വിദ്യാഭ്യാസമന്ത്രി വി ശിവന്‍കുട്ടി. കേരളത്തില്‍ നിലവില്‍ ഒന്നാംക്ലാസിലേക്കുള്ള പ്രവേശത്തിനുള്ള പ്രായം അഞ്ചുവയസാണെന്നും അതേസമയം ശാസ്ത്രീയമായ പഠനങ്ങള്‍ ആറുവയസാണ് നിര്‍ദേശിക്കുന്നതെന്നും മന്ത്രി പറഞ്ഞു. അതുകൊണ്ടുതന്നെ അടുത്ത അധ്യയനവര്‍ഷം മുതല്‍ മാറ്റം കൊണ്ടുവരാനുള്ള ആലോചനയിലാണ് സര്‍ക്കാരെന്നും വിദ്യാഭ്യാസമന്ത്രി പറഞ്ഞു. തിരുവനന്തപുരത്ത് മാധ്യമങ്ങളെ കാണുകയായിരുന്നു മന്ത്രി.
ഔപചാരിക വിദ്യാഭ്യാസത്തിനായുള്ള സ്‌കൂള്‍ പ്രവേശന പ്രായം കേരളത്തില്‍ അഞ്ച് വയസാണ്. ശാസ്ത്രീയ പഠനങ്ങളും മറ്റും നിര്‍ദ്ദേശിക്കുന്നത് ഔപചാരിക വിദ്യാഭ്യാസത്തിനായി കുട്ടികള്‍ സജ്ജമാകുന്നത് ആറ് വയസിന് ശേഷമാണ് എന്നതാണ്. അതുകൊണ്ടാണ് വിദ്യാഭ്യസപരമായി വികസിത രാജ്യങ്ങളെല്ലാം ഔപചാരിക വിദ്യാഭ്യാസ പ്രവേശന പ്രായം ആറ് വയസ്സോ അതിന് മുകളിലോ ആക്കുന്നത്. പക്ഷേ കേരളീയ സമൂഹം എത്രയോ കാലങ്ങളായി കുട്ടികളെ അഞ്ച് വയസ്സിലാണ് ഒന്നാം ക്ലാസ്സില്‍ ചേര്‍ക്കുന്നത്. ഇതില്‍ മാറ്റം വരണമെന്ന് മന്ത്രി അഭിപ്രായപ്പെട്ടു.
അതേസമയം, വലിയൊരു വിഭാഗം കുട്ടികളെ ആറ് വയസില്‍ സ്‌കൂളില്‍ ചേര്‍ക്കുന്ന അവസ്ഥ നിലവിലുണ്ട്. ഏതാണ്ട് 50 ശതമാനത്തിലധികം കുട്ടികള്‍ നിലവില്‍ ആറ് വയസിന് ശേഷമാണ് സ്‌കൂളില്‍ എത്തുന്നത്. ഇത് പ്രോത്സാഹിപ്പിക്കപ്പെടണം. 2026-'27 അക്കാദമിക വര്‍ഷം മുതല്‍ ഒന്നാം ക്ലാസ്സ് പ്രവേശന പ്രായം ആറ് വയസാക്കി മാറ്റാന്‍ നമുക്ക് കഴിയണമെന്നും മന്ത്രി ആവശ്യപ്പെട്ടു. മാത്രമല്ല, ഒന്നാം ക്ലാസ്സ് പ്രവേശനത്തിന് കുട്ടികള്‍ക്ക് പരീക്ഷയോ ക്യാപ്പിറ്റേഷന്‍ ഫീസോ വാങ്ങുന്നത് ശിക്ഷാര്‍ഹമാണെന്നും അദ്ദേഹം ഓര്‍മിപ്പിച്ചു.
2009-ലെ വിദ്യാഭ്യാസ അവകാശ നിയമം അധ്യായം നാലിലെ വ്യവസ്ഥകള്‍ അനുസരിച്ച് ഒന്നാം ക്ലാസ്സ് പ്രവേശനത്തിന് കുട്ടികള്‍ക്ക് പരീക്ഷയോ തലവരിപ്പണം വാങ്ങുകയോ ചെയ്യുന്നത് ശിക്ഷാര്‍ഹമായ നടപടിയാണെന്ന് പ്രഖ്യാപിച്ചിട്ടുണ്ട്. സെക്ഷന്‍ 13-ല്‍ ഒന്നില്‍ എ, ബി ക്ലോസ്സുകള്‍ ഈ കാര്യങ്ങള്‍ വിശദീകരിച്ചിട്ടുണ്ട്. ഈ നിയമം കാറ്റില്‍ പറത്തി ചില വിദ്യാലയങ്ങള്‍ ഇത് തുടരുന്നതായി ശ്രദ്ധയില്‍പെട്ടിട്ടുണ്ട്. അവര്‍ക്കെതിരെ പരാതി ലഭിച്ചാല്‍ രാജ്യത്തെ നിയമം അനുശാസിക്കുന്ന രീതിയില്‍ നടപടികള്‍ സ്വീകരിക്കുന്നതാണെന്നും മന്ത്രി പറഞ്ഞു.

ഒന്നാംക്ലാസ് പ്രവേശനപ്രായം 6 വയസാക്കും, തലവരിപ്പണം വാങ്ങുന്നത് ശിക്ഷാർഹം - വിദ്യാഭ്യാസമന്ത്രി

Kerala

മംഗളൂരു: കർണാടക മിൽക്ക് ഫെഡറേഷൻ (കെ.എം.എഫ്) വിതരണം ചെയ്യുന്ന നന്ദിനി പാലിന്റെ വില ലിറ്ററിന് നാല് രൂപ വർധിപ്പിക്കാൻ വ്യാഴാഴ്ച മന്ത്രിസഭ യോഗം തീരുമാനിച്ചു. കെ.എം.എഫിന്റെയും കർഷക സംഘടനകളുടെയും നിരന്തരമായ ആവശ്യത്തെ തുടർന്നാണിത്.
ഈ മാസം 30 ന് കർണാടകയിലുടനീളം ആഘോഷിക്കുന്ന ഉഗാദി ഉത്സവത്തിന് മുമ്പാണ് കുത്തനെയുള്ള വർധനവ്. ഈ വർധന ഹോട്ടലുകളിലും മധുരപലഹാര കടകളിലും കാപ്പി, ചായ, മറ്റ് പാലുൽപ്പന്നങ്ങൾ എന്നിവയുടെ വിലയിൽ പ്രതിഫലിക്കുമെന്ന് മംഗളൂരുവിൽ ഈ മേഖലയിലെ വ്യാപാരികൾ പറഞ്ഞു. മെട്രോ, ആർ‌.ടി.‌സി ബസ് ചാർജ് വർധന വൈദ്യുതി നിരക്ക് പരിഷ്കരണം, ടോൾ നിരക്ക് വർധന തുടങ്ങിയവക്ക് പിന്നാലെയാണ് പാലിനും വിലക്കയറ്റം. ഇതും ഏപ്രിൽ ഒന്നിന് പ്രാബല്യത്തിൽ വരും.

നന്ദിനി പാലിന്റെ വില ലിറ്ററിന് നാല് രൂപ കൂട്ടി

ന്യൂഡൽഹി: പോക്സോ കേസിൽ നടൻ കൂട്ടിക്കൽ ജയചന്ദ്രന് സുപ്രീംകോടതി മുൻകൂർ ജാമ്യം നൽകി. കോഴിക്കോട് കസബ പൊലീസ് രജിസ്റ്റർ ചെയ്ത കേസിലാണ് ജാമ്യം. അറസ്റ്റ് ചെയ്താൽ 25,000 രൂപയുടെ ആൾജാമ്യത്തിൽ വിടണമെന്ന് കോടതി നിർദേശിച്ചു. അന്വേഷണ ഉദ്യോഗസ്ഥർ ആവശ്യപ്പെടുമ്പോൾ ഹാജരാകണം. ജാമ്യവ്യവസ്ഥ ലംഘിച്ചാ‌ൽ ജാമ്യം റദ്ദാക്കാൻ പൊലീസിന് ഇടപെടാം.
കേസ് അന്വേഷണഘട്ടത്തിലായതിനാൽ മറ്റ് നിരീക്ഷണങ്ങൾ നടത്തുന്നില്ലെന്ന് ജസ്റ്റിസുമാരായ ബി. വിനാഗരത്ന, സതീഷ് ചന്ദ്ര ശര്‍മ്മ എന്നിവരുടെ ബെഞ്ച് കോടതി വ്യക്തമാക്കി.നാലു വയസുകാരിയെ പീഡിപ്പിച്ചെന്ന പരാതിയിലാണ് നടനെതിരെ കസബ പൊലീസ് പോക്സോ കേസെടുത്തത്.&nbsp;

പോക്സോ കേസിൽ നടൻ കൂട്ടിക്കൽ ജയചന്ദ്രന് മുൻകൂർ ജാമ്യം

കൊച്ചി: പെരുമ്പാവൂരിൽ ഭർത്താവിന്റെ സ്വകാര്യ ഭാ​ഗത്ത് ഭാര്യ തിളച്ച എണ്ണ ഒഴിച്ചതായി പരാതി. ​ഗുരുതരമായി പരിക്കേറ്റ യുവാവ് എറണാകുളത്തെ സ്വകാര്യ ആശുപത്രിയിൽ ചികിത്സയിലാണ്. ഭർത്താവിന്റെ ഫോണിൽ മറ്റൊരു യുവതിയുടെ ചിത്രങ്ങൾ കണ്ടതിൽ പ്രകോപിതയായാണ് ഭാര്യ കൃത്യം ചെയ്തതെന്നാണ് വിവരം.
ചൊവ്വാഴ്ചയാണ് സംഭവം നടന്നത്. യുവാവുമായി മുമ്പ് പ്രണയബന്ധത്തിലായിരുന്ന സ്ത്രീയുടെ ചിത്രങ്ങളും സന്ദേശങ്ങളും ഇദ്ദേഹത്തിൻറെ ഫോണിൽ ഭാര്യ കണ്ടതോടെയാണ് പ്രശ്നങ്ങളുണ്ടായത്. ഇതിനെചൊല്ലി ഇരുവരും തമ്മിൽ തർക്കം ഉടലെടുക്കയും ഇതിനിടയിൽ യുവതി തിളച്ച എണ്ണ ഭർത്താവിന്റെ സ്വകാര്യഭാ​ഗത്തുൾപ്പെടെ ഒഴിക്കുകയുമായിരുന്നുവെന്നാണ് പോലീസിന്റെ പ്രാഥമിക നി​ഗമനം.പെരുമ്പാവൂർ പോലീസ് കേസ് രജിസ്റ്റർ ചെയ്തിട്ടുണ്ടെങ്കിലും യുവതിയെ കസ്റ്റഡിയിലെടുത്തിട്ടില്ല. ജാമ്യമില്ലാ വകുപ്പ് ചുമത്തിയാണ് കേസെടുത്തിരിക്കുന്നത്.

പെരുമ്പാവൂരിൽ  ഭർത്താവിന്റെ സ്വകാര്യ ഭാ​ഗത്ത് ഭാര്യ തിളച്ച എണ്ണ ഒഴിച്ചതായി പരാതി

വടകര: വടകര ടൗണിൽ പാർക്ക് റോഡിൽ ഫാമിലി വെഡിങ്‌സ്, മലബാർ ഗോൾഡ് എന്നിവയുടെ പാർക്കിങ്‌ ഗ്രൗണ്ടിലെ അടിക്കാടിനും പുല്ലിനും തീപിടിച്ചു. വടകര അഗ്നിരക്ഷാസേനയെത്തി തീയണച്ചു. ഗ്രൗണ്ടിന്റെ ഒരുവശത്ത് വാഹനങ്ങൾ പാർക്ക് ചെയ്തിരുന്നെങ്കിലും നാശനഷ്ടമൊന്നുമില്ല. സീനിയർ ഫയർ റസ്‌ക്യൂ ഓഫീസർ ഒ. അനീഷിന്റെ നേതൃത്വത്തിൽ ഫയർ ഓഫീസർമാരായ കെ. സന്തോഷ്, ടി. ഷിജേഷ്, മനോജ് കിഴക്കെക്കര, എസ്.ആർ. സാരംഗ്, എൻ. സത്യൻ എന്നിവരടങ്ങിയ സംഘമാണ് തീയണച്ചത്.

വടകരയിൽ പാർക്കിങ് ഗ്രൗണ്ടിൽ തീ പിടിച്ചു

Vadakara

പാലക്കാട്: സംസ്ഥാനത്ത് സ്വകാര്യ ബസ് ഉടമകൾ സമരത്തിലേക്ക് നീങ്ങുന്നു. വിദ്യാർത്ഥികളുടെ യാത്രാ നിരക്ക് വർദ്ധിപ്പിക്കണം എന്നാണ് സ്വകാര്യ ബസുടമകളുടെ ആവശ്യം. വിദ്യാർത്ഥികളുടെ മിനിമം നിരക്കായ ഒരു രൂപയിൽ നിന്ന് അഞ്ച് രൂപയായി ഉയർത്തണമെന്നാണ് ആവശ്യം.


വരുന്ന അദ്ധ്യയന വർഷത്തിൽ പുതിയ നിരക്ക് വേണമെന്നും ഇല്ലെങ്കിൽ ബസ് സർവീസ് നിർത്തി വയ്‌ക്കുമെന്നും ഓൾ കേരള ബസ് ഓപ്പറേറ്റേഴ്‌സ് ഓർഗനൈസേഷൻ പാലക്കാട് നടത്തിയ വാർത്താസമ്മേളനത്തിൽ അറിയിച്ചു. സമരത്തിന് മുന്നോടിയായി ബസ് സംരക്ഷണ ജാഥ കാസർകോട് മുതൽ തിരുവനന്തപുരം വരെ നടത്തും. ഏപ്രിൽ മൂന്ന് മുതൽ ഒമ്പത് വരെ ആയിരിക്കും ബസ് സംരക്ഷണ ജാഥ.


ബസിലെ ഭൂരിഭാഗം യാത്രക്കാരും വിദ്യാർത്ഥികളാണെന്ന് സ്വകാര്യ ബസുടമകൾ പറയുന്നു. 13 വർഷമായി ഒരു രൂപയാണ് വിദ്യാർത്ഥികളുടെ മിനിമം ചാർജ്. ഈ നിരക്കിൽ ഓടാനാകില്ലെന്നാണ് ബസ് ഉടമകൾ പറയുന്നത്.

വിദ്യാർത്ഥികളുടെ മിനിമം ചാർജ് അഞ്ച് രൂപയാക്കണം; സമരത്തിനൊരുങ്ങി സ്വകാര്യ ബസ് ഉടമകൾ

മലപ്പുറം: വളാഞ്ചേരിയില്‍ ലഹരി കുത്തിവെക്കാനായി ഒരേ സിറിഞ്ച് ഉപയോഗിച്ച പത്ത് പേര്‍ക്ക് എച്ച്ഐവി ബാധ . കഴിഞ്ഞ രണ്ട് മാസം ആരോഗ്യവകുപ്പ് നടത്തിയ പഠനത്തിലാണ് ഇക്കാര്യം കണ്ടെത്തിയത്. പ്രദേശവാസികളും ഇതരസംസ്ഥാന തൊഴിലാളികളും ഉള്‍പ്പെടെയുള്ളവര്‍ക്കാണ് അണുബാധ സ്ഥിരീകരിച്ചതെന്നും മലപ്പുറം ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക പറഞ്ഞു.

എയ്ഡ്സ് ബാധിക്കാന്‍ സാധ്യതയുള്ളവര്‍ക്കിടയില്‍ കേരള എയ്ഡ്‌സ് കണ്‍ട്രോള്‍ സൊസൈറ്റി ജനുവരിയില്‍ ഒരു പഠനം നടത്തിയിരുന്നു. ലൈംഗിക തൊഴിലാളികള്‍, ലഹരി ഉപയോഗിക്കുന്നവര്‍ എന്നിവര്‍ക്കിടയിലായിരുന്നു പ്രധാനമായും സര്‍വേ നടത്തിയത്. ഈ സര്‍വേയില്‍ വളാഞ്ചേരിയില്‍ ഒരാള്‍ക്ക് എച്ച്ഐവി സ്ഥിരീകരിച്ചു.

പിന്നീട് ഇയാളെ കേന്ദ്രീകരിച്ച് നടത്തിയ അന്വേഷണത്തിലാണ് ഇയാള്‍ ഉള്‍പ്പെട്ട വലിയ ലഹരി സംഘത്തിലേക്ക് ആരോഗ്യവകുപ്പ് എത്തിയത്. സംഘത്തിലെ എല്ലാവരേയും ആരോഗ്യവകുപ്പ് പരിശോധനയ്ക്ക് വിധേയരാക്കി. ഈ പരിശോധനയിലാണ് ഒമ്പതുപേര്‍ക്ക് എയ്ഡ്സ് സ്ഥിരീകരിച്ചത്. ഇവര്‍ ലഹരിക്കായി ഒരേ സൂചികള്‍ പങ്കിട്ടതായും വിതരണക്കാര്‍ സൂചികള്‍ വീണ്ടും വീണ്ടും ഉപയോഗിച്ചതായും കണ്ടെത്തിയെന്നും മലപ്പുറം ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക പറഞ്ഞു.

കുത്തിവെക്കുന്ന ലഹരി ഉപയോഗത്തിലൂടെ സംസ്ഥാനത്ത് ഓരോമാസവും ശരാശരി പത്തിലധികം പേര്‍ക്ക് എച്ച്‌ഐവി സ്ഥിരീകരിക്കുന്നുണ്ട്. ഈ വര്‍ഷം മലപ്പുറം ജില്ലയില്‍മാത്രം 10 പേര്‍ക്ക് രോഗം കണ്ടെത്തിയതായി നോഡല്‍ ഓഫീസര്‍ ഡോ. സി. ഷുബിന്‍ പറഞ്ഞു.

വളാഞ്ചേരിയില്‍ മാത്രമല്ല, ജില്ലയിലേയും സംസ്ഥാനത്തേയും മറ്റിടങ്ങളിലും സമാനമായ രോഗവ്യാപനത്തിന് സാധ്യതയുണ്ടെന്നാണ് ആരോഗ്യവകുപ്പ് പറയുന്നത്. ഇതിനായി വ്യാപകമായ പരിശോധന ആവശ്യമാണെന്നും ആരോഗ്യവകുപ്പ് വൃത്തങ്ങള്‍ പറയുന്നു.

ലഹരി കുത്തിവെക്കാനായി ഒരേ സിറിഞ്ച് ഉപയോഗിച്ച പത്ത്പേർക്ക് എച്ച്. ഐ. വി ബാധ

വളാഞ്ചേരിയിൽ ലഹരി കുത്തിവെക്കാനായി ഒരേ സിറിഞ്ച് ഉപയോഗിച്ച പത്ത്പേർക്ക് എച്ച്. ഐ. വി ബാധ

കൊയിലാണ്ടി: തിക്കോടി കോടിക്കല്‍ കടലില്‍ തോണി മറിഞ്ഞ് മല്‍സ്യ തൊഴിലാളി മരിച്ചു. രണ്ട് പേര്‍ക്ക് പരിക്ക്. കോടിക്കല്‍പുതിയവളപ്പില്‍ പാലക്കുളങ്ങര കുനി ഷൈജു (42). ആണ് മരിച്ചത്. പരിക്കേറ്റ പീടിക വളപ്പില്‍ ദേവദാസന്‍ (30), പുതിയ വളപ്പില്‍ രവി (45) എന്നിവരെ ആശുപത്രിയില്‍ പ്രവേശിപ്പിച്ചു.&nbsp;
ഇന്ന് പുലര്‍ച്ചെ നാലു മണിയോടെയാണ് ഇവര്‍ മല്‍സ്യ ബന്ധനത്തിനായി പുറംകടലിലേക്ക് പോയത്. ശക്തമായ കാറ്റിലും കോളിലും തോണി മറിയുകയായിരുന്നു.

തിക്കോടി കോടിക്കല്‍ കടലില്‍  തോണി മറിഞ്ഞ് മല്‍സ്യ തൊഴിലാളി മരിച്ചു ; രണ്ട് പേര്‍ക്ക് പരിക്ക്

Koyilandy

കൊല്ലം : കരുനാഗപ്പള്ളിയില്‍ കൊലക്കേസ് പ്രതിയെ വീട്ടില്‍ക്കയറി വെട്ടിക്കൊന്നു. കരുനാഗപ്പള്ളി താച്ചെയില്‍മുക്കില്‍ സന്തോഷ് ആണ് കൊല്ലപ്പെട്ടത്. പുലര്‍ച്ചെ രണ്ടേകാലോടെയാണ് സന്തോഷിനുനേരെ ആക്രമണം നടന്നത്. മുന്‍വൈരാഗ്യമാണ് കൊലപാതകത്തിലേക്ക് നയിച്ചത് എന്നാണ് പോലീസിന്റെ പ്രാഥമിക നിഗമനം. വീടിനുനേരെ ബോംബെറിഞ്ഞ ശേഷമാണ് അക്രമിസംഘം സന്തോഷിനെ വീട്ടിനകത്ത് കയറി വെട്ടിക്കൊന്നത്.
2024 നവംബര്‍ 13-ന് പങ്കജ് എന്നയാളെ വെട്ടിക്കൊലപ്പെടുത്താന്‍ ശ്രമിച്ച കേസിലെ പ്രതിയാണ് സന്തോഷ്. ദിവസങ്ങള്‍ക്ക് മുമ്പാണ് ഇയാള്‍ ജയിലില്‍ നിന്ന് ഇറങ്ങിയത്. ഇതിന്റെ വൈരാഗ്യമാണോ സന്തോഷിന്റെ കൊലപാതകത്തിലേക്ക് നയിച്ചത് എന്നാണ് പോലീസിന്റെ സംശയം. വെള്ളനിറത്തിലുള്ള കാറിലാണ് അക്രമിസംഘം എത്തിയത് എന്നാണ് പോലീസിന് ലഭിച്ചിരിക്കുന്ന വിവരം. അഞ്ചുപേരാണ് സംഘത്തില്‍ ഉണ്ടായിരുന്നത്.
സംഭവസ്ഥലത്തെത്തിയ ഉടന്‍ ഇവര്‍ സന്തോഷിന്റെ വീട്ടിലേക്ക് ബോംബെറിഞ്ഞു. പിന്നാലെ ഒരു വാതില്‍ ചവിട്ടിത്തുറന്നു. ആ മുറിയില്‍ സന്തോഷിന്റെ അമ്മ മാത്രമായിരുന്നു ഉണ്ടായിരുന്നത്. തൊട്ടുപിന്നാലെ അടുത്ത മുറിയുടെ വാതിലും ഇവര്‍ ചവിട്ടിത്തുറന്നു. ആ മുറിയിലാണ് സന്തോഷ് ഉണ്ടായിരുന്നത്. ആദ്യംതന്നെ സന്തോഷിന്റെ കാല് ഇവര്‍ വലിയ ചുറ്റിക ഉപയോഗിച്ച് തകര്‍ത്തു. അതിനുശേഷമാണ് കൈക്കുവെട്ടിയത്.സന്തോഷിനെ ഗുരുതരമായി വെട്ടി പരിക്കേല്‍പ്പിച്ച ശേഷം അക്രമികള്‍ കടന്നുകളയുകയായിരുന്നു. അക്രമികള്‍ പോയ ഉടന്‍ സന്തോഷ് ഒരു സുഹൃത്തിനെ വിളിച്ച് വിവരം പറഞ്ഞു. എന്നാല്‍ സുഹൃത്ത് എത്തുമ്പോഴേക്കും വലിയ തോതില്‍ രക്തംവാര്‍ന്നുപോയി ഗുരുതരാവസ്ഥയിലായിരുന്നു സന്തോഷ്. ഉടന്‍തന്നെ ആശുപത്രിയില്‍ എത്തിച്ചെങ്കിലും അവിടെവെച്ച് മരണം സംഭവിക്കുകയായിരുന്നു.

കൊലക്കേസ് പ്രതിയെ വീട്ടില്‍ക്കയറി വെട്ടിക്കൊന്നു; ആക്രമണം ബോംബെറിഞ്ഞശേഷം

തീയേറ്ററുകളെ പൂരപ്പറമ്പുകളാക്കി ബ്രഹ്‌മാണ്ഡ മലയാള ചിത്രം 'എമ്പുരാന്‍' റിലീസ്. വ്യാഴാഴ്ച രാവിലെ ആറുമണിയോടെയാണ് മോഹന്‍ലാല്‍ നായകനായ, പൃഥ്വിരാജ് സംവിധാനംചെയ്ത 'എമ്പുരാന്‍റെ' ആദ്യ പ്രദര്‍ശനം ആരംഭിച്ചത്. കേരളത്തില്‍ മാത്രം 750-ഓളം സ്‌ക്രീനുകളിലാണ് ചിത്രത്തിന്റെ പ്രദര്‍ശനം.
മോഹന്‍ലാല്‍ ഉള്‍പ്പെടെയുള്ള വന്‍താര നിരയും ചിത്രത്തിന്റെ ആദ്യപ്രദര്‍ശനത്തിന് എത്തിയിരുന്നു. കൊച്ചിയിലെ കവിതാ തീയേറ്ററിലാണ് മോഹന്‍ലാല്‍, പൃഥ്വിരാജ്, ടൊവിനോ തോമസ്, മഞ്ജു വാരിയര്‍, ഇന്ദ്രജിത്ത് തുടങ്ങിയ താരങ്ങള്‍ ആദ്യഷോ കാണാനെത്തിയത്.
'എമ്പുരാന്‍' റിലീസിനോട് അനുബന്ധിച്ച് ബുധനാഴ്ച രാത്രി മുതല്‍തന്നെ പല തീയേറ്ററുകളിലും ആരാധകരുടെ ആഘോഷപരിപാടികള്‍ ആരംഭിച്ചിരുന്നു. വ്യാഴാഴ്ച രാവിലെ ആറുമണിവരെ പലയിടത്തും ആഘോഷങ്ങള്‍ തുടര്‍ന്നു. പല സ്‌ക്രീനുകളിലും ഒരുദിവസം മാത്രം ഒട്ടേറെ ഷോകളാണ് എമ്പുരാന് വേണ്ടി ഒരുക്കിയിരിക്കുന്നത്.

റിലീസിന് മുമ്പേ മലയാളസിനിമയിലെ പല റെക്കോഡുകളും 'എമ്പുരാന്‍' ഭേദിച്ചിരുന്നു. റിലീസ് ദിനത്തിലെ ടിക്കറ്റ് വില്‍പ്പനയിലൂടെ മാത്രം ചിത്രം 50 കോടി രൂപ നേടിയെന്നായിരുന്നു അവകാശവാദം. മലയാളസിനിമയുടെ ചരിത്രത്തില്‍ ആദ്യമായാണ് ഒരു സിനിമ റിലീസ് ദിനത്തില്‍ ഇത്രയും വലിയ തുക നേടുന്നത്. മാത്രമല്ല, 58 കോടിയിലേറെ രൂപയുടെ അഡ്വാന്‍സ് ടിക്കറ്റ് ബുക്കിങ്ങും സിനിമയ്ക്ക് ലഭിച്ചിരുന്നു.

നാടെങ്ങും 'എമ്പുരാൻ' വൈബ്;ഫസ്റ്റ് ഷോ ആവേശമാക്കി ആരാധകർ

നോമ്പുതുറയ്ക്കും അല്ലാതെയും കഴിക്കാൻ പറ്റിയ സ്മൂത്തി. ഒട്ടും പഞ്ചസാര ചേർക്കാതെ തയാറാക്കാം.
ചേരുവകൾ
<ul>
<li>പഴുത്ത ചക്ക - 8 എണ്ണം</li>
<li>വാൾനട്ട് - 4 എണ്ണം</li>
<li>ബദാം / അണ്ടിപരിപ്പ് - 6 എണ്ണം</li>
<li>പാൽ - 1 കപ്പ്‌</li>
<li>തേൻ - 1 ടേബിൾ സ്പൂൺ</li>
</ul>
തയാറാക്കുന്ന വിധം
ചക്ക ചുളയും വാൾനട്ടും ബദാമും പാലും തേനും ചേർത്തു മിക്സിയുടെ ബ്ലെൻഡറിൽ ഇട്ട് ബ്ലൻഡ് ചെയ്തെടുക്കുക. ആവശ്യമെങ്കിൽ പഞ്ചസാര ചേർക്കാം. ഗ്ലാസിലേക്കു മാറ്റിയശേഷം കുറച്ചു ചക്ക കഷ്ണങ്ങളും ബദാം കഷ്ണങ്ങളും മുകളിൽ ഇട്ടുകൊടുക്കാം. വയറു നിറയ്ക്കുന്ന നല്ല ഹെൽത്തി സ്മൂത്തി റെഡി.

നോമ്പുതുറക്കാൻ ചക്ക സ്മൂത്തി തയ്യാറാക്കിയാലോ

Health

കോഴഞ്ചേരി (പത്തനംതിട്ട): എസ്എസ്എല്‍സി പരീക്ഷയെഴുതാന്‍ വിദ്യാര്‍ഥി എത്തിയത് മദ്യലഹരിയില്‍. കോഴഞ്ചേരി നഗരത്തിലെ സ്‌കൂളിലാണ് സംഭവം. പരീക്ഷഹാളില്‍ ഇരുന്ന കുട്ടിയെ കണ്ടപ്പോള്‍ ഡ്യൂട്ടിയ്‌ക്കെത്തിയ അധ്യാപകന് സംശയം തോന്നി.
തുടര്‍ന്ന് അധ്യാപകര്‍ കുട്ടിയുടെ ബാഗ് പരിശോധിച്ചപ്പോള്‍ മദ്യക്കുപ്പിയും പതിനായിരത്തോളം രൂപയും കണ്ടെത്തി. പരീക്ഷയ്ക്കുശേഷം ആഘോഷം നടത്താന്‍ ശേഖരിച്ച പണമാണെന്ന് പോലീസ് പറഞ്ഞു. ക്ലാസിനു പുറത്തിറക്കിയ വിദ്യാര്‍ഥിയുടെ വീട്ടുകാരെ സ്‌കൂള്‍ അധികൃതര്‍ വിവരം അറിയിച്ചു. കുട്ടി പരീക്ഷ എഴുതിയില്ല.

എസ്എസ്എല്‍സി പരീക്ഷയെഴുതാന്‍ വിദ്യാര്‍ഥി എത്തിയത് മദ്യലഹരിയില്‍ ; ബാഗില്‍ കുപ്പിയും പതിനായിരം രൂപയും

തിരുവനന്തപുരം: നവമാധ്യമപ്രചാരണം ശക്തിപ്പെടുത്താന്‍ സര്‍ക്കാരിലും സി.പി.എമ്മിലും പുതിയ ചുമതലക്കാരെ നിയമിക്കുന്നു. മുഖ്യമന്ത്രിയുടെ ഓഫീസിലെയും പാര്‍ട്ടി ആസ്ഥാനത്തെയും നവമാധ്യമപ്രചാരണവിഭാഗങ്ങള്‍ യോജിച്ച് പ്രവര്‍ത്തിക്കും. ഏകോപനത്തിനായാണ് പുതിയ ചുമതലക്കാരെ നിയമിക്കുന്നത്.
ദേശാഭിമാനിയില്‍നിന്ന് വിരമിച്ച മനോഹരന്‍ മോറായിയൊണ് സര്‍ക്കാരിന്റെ ഭാഗമായി നിയമിക്കുക. മുഖ്യമന്ത്രിയുടെ ഓഫീസിലോ, സി-ഡിറ്റിന്റെ കീഴില്‍ തുടങ്ങുന്ന നവമാധ്യമപ്രചാരണത്തിന്റെ തലപ്പത്തോ ആയിരിക്കും മോറായിയുടെ നിയമനം.
പാര്‍ട്ടിയുടെ നവമാധ്യമപ്രചാരണത്തിന്റെ ചുമതല എം.വി. നികേഷ് കുമാറിന് നല്‍കും. നിലവില്‍ കണ്ണൂര്‍ കേന്ദ്രീകരിച്ച് പ്രവര്‍ത്തിക്കുന്ന നികേഷ് കുമാറിനോട് തിരുവനന്തപുരത്തേക്ക് പ്രവര്‍ത്തനം മാറ്റാന്‍ നിര്‍ദേശിച്ചു. പാര്‍ട്ടി സംസ്ഥാനകമ്മിറ്റി ഓഫീസ് പുതിയ കെട്ടിടത്തിലേക്ക് മാറുന്നതോടെ, എ.കെ.ജി. പഠനഗവേഷണകേന്ദ്രത്തില്‍ സമൂഹമാധ്യമങ്ങള്‍ക്കുള്ള പാര്‍ട്ടിസംവിധാനം ശക്തിപ്പെടുത്താനാണ് തീരുമാനം.
മുഖ്യമന്ത്രിയുടെ പ്രസ് സെക്രട്ടറി പി.എം. മനോജിനെ മാറ്റുമെന്ന റിപ്പോര്‍ട്ടുകളുണ്ടായിരുന്നു. ചില ആരോപണങ്ങളെത്തുടര്‍ന്ന് പിആര്‍ഡിയുടെ ചുമതലയില്‍നിന്ന് അദ്ദേഹത്തെ മാറ്റാനായിരുന്നു ആലോചന. എന്നാല്‍, ഇക്കാര്യത്തില്‍ ഔദ്യോഗിക തീരുമാനം ഉണ്ടായിട്ടില്ല.മനോഹരന്‍ മോറായിയെ പിആര്‍ഡി ചുമതല നല്‍കി മുഖ്യമന്ത്രിയുടെ ഓഫീസില്‍ നിയമിക്കാനും ആലോചിച്ചിരുന്നു. മുഖ്യമന്ത്രി ഓഫീസില്‍ വീണ്ടും പാര്‍ട്ടിനിയമനം വന്നാല്‍, വിവാദമായേക്കുമെന്നതിന്റെ അടിസ്ഥാനത്തിലാണ് നവമാധ്യമത്തിന് പ്രത്യേകവിഭാഗം രൂപവത്കരിച്ച് നിയമനം നല്‍കുന്നത്.സര്‍ക്കാരിന്റെ നയങ്ങളും പദ്ധതികളും വികസനപ്രവര്‍ത്തനങ്ങളും ജനങ്ങളിലെത്തിക്കുകയാണ് പുതിയ പ്രചാരണവിഭാഗത്തിന്റെ ലക്ഷ്യം. സി-ഡിറ്റും പിആര്‍ഡിയും ചേര്‍ന്നാണ് ഇതിനുള്ള പദ്ധതി ഒരുക്കുന്നത്.

പാർട്ടിയുടെയും സർക്കാരിന്റെയും നവമാധ്യമപ്രചാരണത്തിന് മനോഹരന്‍ മോറായിയെയും  നികേഷ് കുമാറിനെയും നിയമിച്ചു

കാസർകോട് : ലൈംഗികാവയവത്തില്‍ മെറ്റൽ നട്ട് കുടുങ്ങിയ 46കാരനെ രക്ഷപ്പെടുത്തി ഫയര്‍ഫോഴ്സ്. കാഞ്ഞങ്ങാടാണ് സംഭവം. വാഷറിനും മറ്റും ഉപയോഗിക്കുന്ന ഒന്നര ഇഞ്ചോളം വ്യാസമുള്ള നട്ടാണ് 46കാരന്റെ ലൈംഗികാവയവത്തിൽ കുടുങ്ങിയത്. ചൊവ്വാഴ്ച രാത്രിയാണ് ഇയാൾ ചികിത്സ തേടി കാഞ്ഞങ്ങാട് ജില്ലാ ആശുപത്രിയില്‍ എത്തിയത്.
നട്ട് നീക്കം ചെയ്യാൻ ആശുപത്രിയില്‍ നടത്തിയ ശ്രമങ്ങളും ഫലിക്കാതായതോടെ, അവിടുത്തെ ഡോക്ടർ ഫയർഫോഴ്‌സിനെ വിവരമറിയിക്കുകയായിരുന്നു. ‌‌അഗ്നിരക്ഷാ സേനാംഗങ്ങൾ കട്ടർ ഉപയോഗിച്ച് ഒന്നര മണിക്കൂറോളം നീണ്ട പരിശ്രമത്തിനൊടുവിലാണ് അർധ രാത്രിയോടെയാണ് നട്ട് മുറിച്ചുനീക്കിയത്.
കട്ടർ ഉപയോഗിച്ച് നട്ട് മുറിച്ചുനീക്കുമ്പോൾ ചൂടാകുന്നതിനാൽ ലൈംഗികാവയത്തിന് ക്ഷതമേൽക്കാനുള്ള സാധ്യത കൂടുതലായിരുന്നു. അതുകൊണ്ടുതന്നെ വെള്ളമൊഴിച്ച് തണുപ്പിച്ച് ഏറെ സമയമെടുത്താണ് നട്ടിന്‍റെ രണ്ട് ഭാഗവും മുറിച്ചുനീക്കിയത്. നട്ട് കുടുങ്ങിയിട്ട് രണ്ട് ദിവസം കഴിഞ്ഞിട്ടുണ്ടാവുമെന്ന് അഗ്നിരക്ഷാ സേന ഉദ്യോഗസ്ഥർ പ്രതികരിച്ചു.മദ്യലഹരിയിൽ ബോധമില്ലാതിരുന്നപ്പോൾ അജ്ഞാതരാണ് നട്ട് കയറ്റിയതെന്നാണ് യുവാവ് പറയുന്നത്. ലൈംഗികാവയവത്തില്‍ കുടുങ്ങിയ നട്ട് ഊരിയെടുക്കാനായി രണ്ട് ദിവസത്തോളം സ്വയം ശ്രമിച്ചിട്ടും പറ്റാതായതോടെയാണ് ഇയാൾ ആശുപത്രിയിലെത്തിയത്.

ലൈംഗികാവയവത്തില്‍ മെറ്റൽ നട്ട് കുടുങ്ങി; 46കാരനെ രക്ഷപ്പെടുത്തി ഫയര്‍ഫോഴ്സ്

വടകര: വില്യാപ്പള്ളി എംജെ വിഎച്ച്എസ്എസിൽ എസ്എസ്എൽസി പരീക്ഷ എഴുതുന്ന വിദ്യാർഥികൾക്ക് അനധികൃതമായി സഹായം ചെയ്തു നൽകുന്നതായി ശബ്ദസന്ദേശം പുറത്തു വന്നതിനു പിന്നാലെ സ്കൂളിലെ അധ്യാപകനെ സസ്പെൻഡ് ചെയ്തു. എം. സുലൈമാനെയാണ് സ്കൂൾ മനേജ്മെന്റ് സസ്പെൻഡ് ചെയ്തത്. അധ്യാപകരേയും വിദ്യാർഥികളേയും അപമാനിക്കാൻ ശ്രമിച്ചു എന്നും അധ്യാപകരുടെ ഗ്രൂപ്പിൽ വന്ന സന്ദേശം ചോർത്തി തെറ്റായ രീതിയിൽ പ്രചരിപ്പിച്ചുവെന്നുമാണ് അധ്യാപകനെ സസ്പെൻഡ് ചെയ്യാൻ കാരണായി പറയുന്നത്.
കുട്ടികളെ അനധികൃതമായി സഹായിക്കാൻ അധ്യാപകരെ ചുമതലപ്പെടുത്തിയിരുന്നതായി സൂചിപ്പിക്കുന്ന ശബ്ദസന്ദേശമാണ് പുറത്തു വന്നത്. സംഭവത്തെക്കുറിച്ച് വിദ്യാഭ്യാസ വകുപ്പ് അന്വേഷണം ആരംഭിച്ചിരുന്നു. എന്നാൽ പ്രചാരണം അടിസ്ഥാന രഹിതമാണെന്നാണ് സ്കൂൾ മാനേജ്മെന്റ് വ്യക്തമാക്കിയത്.&nbsp;
പൊതുവിദ്യാഭ്യാസ സെക്രട്ടറിക്കു ലഭിച്ച ആളില്ലാ പരാതിയുടെ അടിസ്ഥാനത്തിലാണ് സ്കൂളിനെതിരെ പ്രചാരണം നടക്കുന്നത്. പരീക്ഷയുടെ ഇടവേളകളിലും പരീക്ഷ നടക്കുന്ന ദിവസങ്ങളിലും രാവിലെ 8.30 മുതൽ 9 വരെ സംശയ നിവാരണത്തിനായി അധ്യാപകർ സ്കൂളിലെത്താറുണ്ട്. ഇതിനെ വളച്ചൊടിച്ച് അനധികൃതമായി സഹായം നടത്തുന്നുവെന്ന് പ്രചരിപ്പിക്കുകയായിരുന്നുവെന്നാണ് സ്കൂൾ അധികൃതർ അറിയിച്ചത്.

എസ്എസ്എൽസി പരീക്ഷ നടക്കുമ്പോൾ സഹായം ചെയ്തുവെന്ന പ്രചാരണം അടിസ്ഥാനരഹിതം; വില്യാപ്പള്ളിയിൽ അധ്യാപകന് സസ്പെൻഷൻ

കോഴിക്കോട്: കഴിഞ്ഞ ദിവസം അന്തരിച്ച ത​മി​​ഴ് ന​ട​നും സം​വി​ധാ​യ​ക​നു​മാ​യ മ​നോ​ജ് ഭാ​ര​തി​രാ​ജ (48)യുടെ വിയോഗം ഉൾ​ക്കൊള്ളാനാവാതെ ഭാര്യവീടായ കോഴിക്കോട് കോട്ടണ്‍മില്‍ റോഡിലെ 'ശ്രീരാഗം'. നടിയും മലയാളിയുമായ കോഴിക്കോട് സ്വദേശി നന്ദന (അശ്വതി)യാണ് മനോജിന്റെ ജീവിത പങ്കാളി.
മാര്‍ച്ച് ഏഴിന് ഹൃദയവാല്‍വിന് ശസ്ത്രക്രിയ നടത്തി വിശ്രമത്തിലായിരുന്നു മനോജ്. സുഖം പ്രാപിച്ചുവരുന്നതിനിടെ ചൊവ്വാഴ്ച വൈകീട്ടാണ് അപ്രതീക്ഷി തമായി മരണത്തിന് കീഴടങ്ങിയത്. 2006 ഡിസംബറിൽ കാരപ്പറമ്പ് ആശീര്‍വാദ് ലോണ്‍സില്‍ വെച്ചായിരുന്നു മ​നോ​ജ് ഭാ​ര​തി​രാ​ജയുടെയും നന്ദനയുടെയും വിവാഹം.
പ്ര​ശ​സ്ത സം​വി​ധാ​യ​ക​​ൻ ഭാ​ര​തി രാ​ജ​യു​ടെ മ​ക​നാ​ണ് മ​നോ​ജ്. സൗ​ത്ത് ഫ്ലോ​റി​ഡ സ​ർ​വ​ക​ലാ​ശാ​ല​യി​ലാ​യി​രു​ന്നു നാ​ട​ക പ​ഠ​നം. പി​താ​വ് സം​വി​ധാ​നം ചെ​യ്ത ഫൈ​ന​ൽ ക​ട്ട് ഓ​ഫ് ഡ​യ​റ​ക്ട​ർ സി​നി​മ​യി​ൽ സ​ഹ​സം​വി​ധാ​യ​ക​നാ​യി​രു​ന്നു. ഭാ​ര​തി​രാ​ജ​യു​ടെ ‘താ​ജ്മ​ഹ​ൽ’ എ​ന്ന ചി​ത്ര​ത്തി​ലൂ​ടെ​യാ​ണ് നാ​യ​ക ന​ട​നാ​യി അ​ര​ങ്ങേ​റ്റം കു​റി​ച്ച​ത്. ‘സാദുരിയാന്‍’ എന്ന തമിഴ് ചിത്രത്തില്‍ ഒന്നിച്ചഭിനയിച്ചപ്പോഴാണ് മ​നോ​ജും നന്ദനയും പ്രണയത്തിലായത്. അ​ർ​ഷി​ത, മ​തി​വ​ദ​നി എന്നിവരാണ് മ​ക്ക​ൾ. സ​മു​ദി​രം, വ​രു​ഷ​മെ​ല്ലാം വ​സ​ന്തം, ഈ​ര നി​ലം, അ​ന്ന​ക്കൊ​ടി, ഈ​ശ്വ​ര​ൻ, വി​രു​മാ​ൻ തു​ട​ങ്ങി പ​തി​നെ​ട്ടോ​ളം ചി​ത്ര​ങ്ങ​ളി​ൽ മനോജ് അ​ഭി​ന​യി​ച്ചിട്ടുണ്ട്. ക​ട​ൽ​പൂ​ക്ക​ൾ, അ​ല്ലി അ​ർ​ജു​നചി​ത്ര​ങ്ങ​ളി​ലെ അ​ഭി​ന​യം ഏ​റെ ശ്ര​ദ്ധ​പി​ടി​ച്ചു​പ​റ്റി.&nbsp;

അന്തരിച്ച നടൻ മ​നോ​ജ് ഭാ​ര​തി​രാ​ജ കോഴിക്കോടിന്റെ മരുമകൻ ;ഭാര്യ മലയാളിയും നടിയുമായ നന്ദന

മാ​ന​ന്ത​വാ​ടി: ഓ​ഡി​റ്റോ​റി​യ​ത്തി​ന്റെ ച​വി​ട്ടു​പ​ടി​യി​ൽ​നി​ന്നു വീ​ണു യു​വാ​വ് മ​രി​ച്ചു. മാ​ന​ന്ത​വാ​ടി ചോ​യി​മൂ​ല എ​ട​ത്തോ​ള ഷ​മാ​സ് (37) ആ​ണ് മ​രി​ച്ച​ത്. ബു​ധ​നാ​ഴ്ച വൈ​കീ​ട്ട് നാ​ലോ​ടെ മാ​ന​ന്ത​വാ​ടി എ​രു​മ​ത്തെ​രു​വ് അ​മ്പു​കു​ത്തി സെ​ന്റ് തോ​മ​സ് ഓ​ഡി​റ്റോ​റി​യ​ത്തി​ലാ​യി​രു​ന്നു അ​പ​ക​ടം.
വ​ലി​യ സൗ​ണ്ട് ബോ​ക്സ് ചു​മ​ന്ന് പ​ടി​ക​ൾ ഇ​റ​ങ്ങാ​ൻ ശ്ര​മി​ക്കു​ന്ന​തി​നി​ടെ തെന്നി വീ​ഴുകയായിരുന്നു. വ​യ​നാ​ട് ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ​ത്തി​ച്ച​പ്പോ​ഴേ​ക്കും മ​രി​ച്ചു. വൈ​കീ​ട്ട് മാ​ന​ന്ത​വാ​ടി ന​ഗ​ര​സ​ഭ ഓ​ഡി​റ്റോ​റി​യ​ത്തി​ൽ ന​ട​ത്താ​നി​രു​ന്ന ഇ​ഫ്‌​താ​ർ സം​ഗ​മം ഷ​മാ​സി​ന്റെ വേ​ർ​പാ​ടി​നെ തു​ട​ർ​ന്ന് ഒ​ഴി​വാ​ക്കി.പ​രേ​ത​നാ​യ എ.​എ​സ്.​എം. സ​ലി​മി​ന്റേ​യും ന​ബീ​സ​യു​ടേ​യും മ​ക​നാ​ണ്. ഭാ​ര്യ: ഷ​ബ്ന. മ​ക്ക​ൾ: ഷാ​ദി​യ പ​ർ​വീ​ൺ, ഷാ​ഹി​ദ് ഷാ.

സൗണ്ട് ബോക്സ് ചുമന്ന് പടികൾ ഇറങ്ങാൻ ശ്രമിക്കുന്നതിനിടെ തെന്നിവീണു;യുവാവിന് ദാരുണാന്ത്യം

കണ്ണൂർ: ദുബായിയിൽ പ്രവാസികളെ ഭീഷണിപ്പെടുത്തി അഞ്ചരക്കോടി രൂപയോളം തട്ടിയെടുത്ത യുവാവിനെ രഹസ്യാന്വേഷണ വിഭാഗത്തിന്റെയും കേരള പോലീസിന്റെയും സഹായത്തോടെ ഇന്റർപോൾ അറസ്റ്റ്‌ചെയ്തു.
ചെറുകുന്ന് മുണ്ടപ്രം സ്വദേശി വളപ്പിലെ പീടികയിലെ വി.പി. സവാദിനെ (30) ആണ് ചൊവ്വാഴ്ച വൈകീട്ട് പയ്യന്നൂർ പാലക്കോട്ടുനിന്ന്‌ അറസ്റ്റ്‌ചെയ്തത്. പട്യാല അസിസ്റ്റന്റ് ചീഫ് ജുഡീഷ്യൽ മജിസ്ട്രേറ്റ് കോടതി ഇയാൾക്കെതിരെ വാറണ്ട് പുറപ്പെടുവിച്ചിരുന്നു.പ്രവാസികളെ ഭീഷണിപ്പെടുത്തി പണം തട്ടിയശേഷം നാട്ടിലേക്ക് കടന്നതാണെന്ന് കരുതുന്നു. ഒന്നാം പ്രതി കണ്ണൂർസിറ്റിയിലെ യുവാവിനായി അന്വേഷണം ഊർജിതമാക്കി.

ദുബായിയിൽ പ്രവാസികളെ ഭീഷണിപ്പെടുത്തി അഞ്ചരക്കോടി തട്ടിയ യുവാവ്‌ കണ്ണൂരിൽ പിടിയിൽ

Kannur

തിരുവനന്തപുരം: നെയ്യാറ്റിന്‍കര പൂവ്വാറില്‍ പത്താംക്ലാസ് പരീക്ഷ കഴിഞ്ഞ് വീട്ടിലെത്തിയ വിദ്യാര്‍ഥിയെ തൂങ്ങി മരിച്ച നിലയില്‍ കണ്ടെത്തി. കഞ്ചാംപഴിഞ്ഞി ആയിരംതൈയില്‍ ജോസ് രാജിന്റെയും ബീനയുടേയും വളര്‍ത്തുമകള്‍ അശ്വതി മരിയ (15) യെയാണ് തൂങ്ങിമരിച്ച നിലയില്‍ കണ്ടെത്തിയത്.
ഓലത്താന്നി വിക്ടറി ഹയര്‍സെക്കന്‍ഡറി സ്‌കൂളിലെ വിദ്യാര്‍ഥിയാണ്. ബുധനാഴ്ച പരീക്ഷ കഴിഞ്ഞ് വീട്ടിലെത്തിയ അശ്വതി മരിയ സഹോദരനെ കാണാന്‍ ബന്ധുവീട്ടില്‍ പോകാന്‍ നിര്‍ബന്ധം പിടിച്ചിരുന്നു. എന്നാല്‍ അമ്മ പോകാന്‍ അനുവദിച്ചില്ല. തുടര്‍ന്ന് കുട്ടി മുറിക്കകത്ത് കയറി കതകടച്ചു.ഏറെനേരം കഴിഞ്ഞ് പുറത്തിറങ്ങാത്തതിനെത്തുടര്‍ന്ന് നടത്തിയ പരിശാധനയിലാണ് മുറിക്കുള്ളില്‍ തൂങ്ങിമരിച്ച നിലയില്‍ കണ്ടെത്തിയത്. കെ.എസ്.ഇ.ബി.ജീവനക്കാരാണ് ജോസും ബീനയും. പൂവ്വാര്‍ പോലീസ് കേസെടുത്തു.

തിരുവനന്തപുരത്ത് പത്താം ക്ലാസ് വിദ്യാര്‍ഥിയെ തൂങ്ങി മരിച്ച നിലയില്‍ കണ്ടെത്തി

നാദാപുരം: ലക്ഷങ്ങളുടെ വാടക കുടിശ്ശികയായതോടെ നാദാപുരം മേഖലയിൽ ബി.എസ്.എൻ.എൽ ഇൻ്റർനെറ്റ് കണക്ഷൻ കെ.എസ്.ഇ.ബി വിച്ഛേദിച്ചു. സർക്കാർ ഓഫിസുകളുടെ അടക്കം പ്രവർത്തനം അവതാളത്തിലായി.
ഇന്റർനെറ്റ് കേബിൾ കടന്ന് പോവുന്ന വൈദ്യുതി വകുപ്പിന്റെ പോസ്റ്റുകളുടെ വാടകയാണ് കുടിശ്ശികയായത്. 2023 - 24 വർഷത്തിൽ നാല് ലക്ഷത്തോളം രൂപയാണ് കെഎസ്ഇബിക്ക് ലഭിക്കാനുള്ളത്.

വാടക കുടിശ്ശിക; നാദാപുരം മേഖലയിൽ ബി.എസ്.എൻ.എൽ  ഇൻ്റർനെറ്റ് കണക്ഷൻ വിച്ഛേദിച്ച് കെ.എസ്.ഇ.ബി

Nadapuram

പത്തനംതിട്ട: കൊവിഡ് ബാധിതയെ ആംബുലൻസിൽ വച്ച് പീഡിപ്പിച്ച കേസിൽ പ്രതിക്ക് ജീവപര്യന്തം തടവ് ശിക്ഷ വിധിച്ച് കോടതി. കായംകുളം സ്വദേശി നൗഫിലിനെയാണ് ജീവപര്യന്തം തടവിന് പത്തനംതിട്ട കോടതി ശിക്ഷിച്ചത്. 2020 സെപ്​റ്റംബർ അഞ്ചിനാണ് സംഭവം നടന്നത്. ജീവപര്യന്തം തടവ് ശിക്ഷയ്ക്ക് പുറമെ 1,08000 രൂപ പിഴയും കോടതി വിധിച്ചു. ആറു വകുപ്പുകളിലായാണ് കോടതി ശിക്ഷ പുറപ്പെടുവിച്ചിരിക്കുന്നതെന്നും ഏറെ സങ്കീർണമായ അന്വേഷണമാണ് കേൊവിഡ് കാലത്ത് നടന്നതെന്നും സമയ ബന്ധിതമായി കുറ്റപത്രം നൽകിയെന്നും പത്തനംതിട്ട അഡീഷണൽ എസ്‍പി ആർ ബിനു പറഞ്ഞു.
യുവതിയെ കൊവിഡ് സെന്ററിലേക്ക് കൊണ്ടുപോകുന്നതിനിടെ നൗഫൽ പീഡിപ്പിക്കുകയായിരുന്നു. ഡിഎൻഎ പരിശോധനയിൽ യുവതി പീഡനത്തിനിരയായെന്ന് തെളിഞ്ഞിരുന്നു. ബലാത്സംഗം, തട്ടിക്കൊണ്ടുപോകൽ എന്നീ കുറ്റങ്ങളും ചുമത്തിയിട്ടുണ്ട്.&nbsp;

കൊവിഡ് ബാധിതയെ ആംബുലൻസിൽ വച്ച് പീഡിപ്പിച്ച കേസ്; പ്രതിക്ക് ജീവപര്യന്തം തടവ്

ഒഞ്ചിയം : പടക്കനിർമാണത്തിന് നിയമവിരുദ്ധമായി സൂക്ഷിച്ച സ്ഫോടകവസ്തുക്കളും അനുബന്ധ വസ്തുക്കളും ചോമ്പാല പോലീസ് പിടിച്ചെടുത്തു. മടപ്പള്ളി കരുനിലം കുനിയിൽ ചന്ദ്രൻ എന്നയാളുടെ വീട്ടിൽ അനധികൃതമായി സ്ഫോടകവസ്തുക്കൾ സൂക്ഷിച്ചിട്ടുണ്ടെന്ന രഹസ്യവിവരത്തിന്റെ അടിസ്ഥാനത്തിൽ ചോമ്പാല പോലീസ് സബ് ഇൻസ്പെക്ടർ വികാസ് പി.യുടെ നേതൃത്വത്തിൽ സബ് ഇൻസ്പെക്ടർ അനിൽ കുമാർ പി., എഎസ്‍ഐ ചിത്രദാസ്, എസ്‍സി‍പിഒ ലിനീഷ്, സിപിഒ രമ്യ, സിപിഒ അജേഷ് എന്നിവരടങ്ങിയ സംഘമാണ് വീടുപരിശോധിച്ച് സ്ഫോടകവസ്തുക്കളും അനുബന്ധ സാമഗ്രികളും പിടിച്ചെടുത്തത്. വീട്ടുടമയുടെപേരിൽ കേസ് രജിസ്റ്റർചെയ്തു.

മടപ്പള്ളിയിൽ അനധികൃത സ്ഫോടകവസ്തുക്കൾ പോലീസ് പിടിച്ചെടുത്തു

നാദാപുരം: കഞ്ചാവുമായി പശ്ചിമ ബംഗാൾ സ്വദേശി പോലീസ് പിടിയിൽ. സൗത്ത് 24 ഫർഗാന സ്വദേശി അൽനൂർ സർദാർ (31) നെയാണ് നാദാപുരം എസ് ഐ എം.പി. വിഷ്ണുവും സബ് ഡിവിഷണൽ ഡി വൈ എസ് പി എ.പി. ചന്ദ്രൻ്റെ നേതൃത്വത്തിലുള്ള സ്ക്വാഡും പിടികൂടിയത്. പ്രതിയിൽ നിന്ന് 34 ഗ്രാം കഞ്ചാവ് പോലീസ് പിടികൂടി. കുമ്മങ്കോട് വരിക്കോളി റോഡിൽ ഒമ്പത് കണ്ടം ഗാർഡന് സമീപമാണ് പ്രതി പിടിയിലായത്. കഴിഞ്ഞ ദിവസം ബ്രൗൺ ഷുഗറുമായി ബംഗാൾ സ്വദേശി പോലീസ് പിടിയിലായിരുന്നു

നാദാപുരത്ത് കഞ്ചാവുമായി ബംഗാൾ സ്വദേശി അറസ്റ്റിൽ

നാദാപുരം: തൂണേരിയില്‍ കോളജ് വിദ്യാര്‍ഥിനി തീ കൊളുത്തി മരിച്ച നിലയില്‍. ടൗണിനടുത്ത് കൈതേരിപ്പൊയില്‍ കാര്‍ത്തികയാണ് (20) മരിച്ചത്. മാഹി മഹാത്മാഗാന്ധി ഗവ.കോളേജ് ബിഎസ്‌സി ഫിസിക്‌സ് രണ്ടാം വര്‍ഷ വിദ്യാര്‍ഥിനിയാണ്. തിങ്കളാഴ്ച വൈകിട്ടാണ് വീടിനു മുകളിലത്തെ മുറിയില്‍ തീകൊളുത്തിയ നിലയില്‍ വിദ്യാര്‍ഥിനിയെ കണ്ടത്.
ഉടന്‍ നാദാപുരം ഗവ. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. നാദാപുരം പോലീസ് കേസെടുത്ത് അന്വേഷണം ആരംഭിച്ചു. സ്വയം കൊളുത്തിയതാണെന്നാണ് പ്രാഥമിക നിഗമനം. മൃതദേഹം പോസ്റ്റ് മോര്‍ട്ടത്തിനായി കോഴിക്കോട് മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. സുകുമാരന്റെയും ശോഭയുടെയും മകളാണ്. സഹോദരി: ദേവിക.

തൂണേരിയില്‍ ബിരുദ വിദ്യാര്‍ഥിനി തീ കൊളുത്തി മരിച്ച നിലയില്‍

റാന്നി: ടോയ്​ലറ്റ്​ ഉപയോഗിക്കാന്‍ നല്‍കാത്ത പെട്രോൾ പമ്പുടമക്കെതിരെ 1.65 ലക്ഷം രൂപ പിഴയിട്ട് പത്തനംതിട്ട ഉപഭോക്തൃ തർക്കപരിഹാര കമീഷൻ. പരാതിക്കാരിക്ക്​ 1,50,000 രൂപ നഷ്‌ടപരിഹാരവും 15,000 രൂപ കോടതി ചെലവും ചേർത്ത് 1,65,000 രൂപ നൽകാനാണ് വിധി.
അടൂർ ഏഴകുളം ഊരകത്ത് ഇല്ലംവീട്ടിൽ അധ്യാപികയായ സി.എൽ. ജയകുമാരി നൽകിയ പരാതിയിലാണ്​ പയ്യോളി തെനംകാലിലെ പെട്രോൾ പമ്പുടമ ഫാത്തിമ ഹന്ന പിഴ അടക്കേണ്ടത്​. 2024 മേയ് എട്ടിന്​ ജയകുമാരി കാസർകോട്ടുനിന്ന്​ ഏഴംകുളത്തെ വീട്ടിലേക്ക് കാറിൽ വരവേ രാത്രി 11ന്​ പെട്രോൾ പമ്പിൽ കയറി ഇന്ധനം നിറച്ചശേഷം ടോയ്​ലറ്റ്​ ഉപയോഗിക്കാൻ പോയപ്പോൾ അത്​ അടച്ചിട്ടിരിക്കുകയായിരുന്നു.
താക്കോലുമായി മാനേജർ വീട്ടിൽ പോയെന്നായിരുന്നു ജീവനക്കാരുടെ മറുപടി. തുടർന്ന്​ പയ്യോളി പൊലീസ്​ ഇടപെട്ട്​​ ടോയ്‌ലറ്റ് തുറന്നുനൽകി. ഇതേതുടർന്ന്​ നൽകിയ പരാതിയിൽ​ പൊലീസ്​ കേസെടുത്തിരുന്നു. പെട്രോൾ പമ്പിൽ ടോയ്‌ലറ്റ് സൗകര്യം നൽകണമെന്ന്​ നിബന്ധനയുണ്ടെന്ന്​ കമീഷൻ ചൂണ്ടിക്കാട്ടി. കമീഷൻ പ്രസിഡന്‍റ്​ ബേബിച്ചൻ വെച്ചൂച്ചിറയും അംഗമായ നിഷാദ് തങ്കപ്പനും ചേർന്നാണ് വിധി പ്രസ്താവിച്ചത്.

ടോയ്​ലറ്റ്​ ഉപ‍യോഗിക്കാൻ നൽകിയില്ല; പയ്യോളിയിലെ പെട്രോൾ പമ്പുടമക്ക്​ 1.65 ലക്ഷം പിഴ

നാദാപുരം: വിൽപ്പനക്കായി സൂക്ഷിച്ച മയക്ക് മരുന്നുമായി ബംഗാൾ സ്വദേശി പോലീസ് പിടിയിലായി. വെസ്റ്റ് ബംഗാൾ 24 ഫർഗാന സ്വദേശി അമാനുള്ള ഖയാൽ (29 ) നെയാണ് നാദാപുരം എസ് ഐ എം.പി. വിഷ്ണു അറസ്റ്റ് ചെയ്തത്. പ്രതിയിൽ നിന്ന് O.17 ഗ്രാം നിരോധിത മയക്ക് മരുന്നായ ബ്രൗൺ ഷുഗർ പോലീസ് പിടികൂടി. കഴിഞ്ഞ ദിവസം രാത്രി നാദാപുരം - കല്ലാച്ചി സംസ്ഥാന പാതയിൽ രജിസ്ട്രർ ഓഫിസ് പരിസരത്ത് നിന്നാണ് പ്രതി പിടിയിലായത്.

നാദാപുരത്ത് ബ്രൗൺ ഷുഗറുമായി അറസ്റ്റിൽ

തളിപ്പറമ്പ്: സുഹൃത്തിന്റെ വീട്ടിലേക്ക് എന്ന് പറഞ്ഞ് വീട്ടിൽനിന്നും പോയ യുവതികളെയും സുഹൃത്തുക്കളെയും എം.ഡി.എം.എയുമായി ലോഡ്ജിൽനിന്ന് പിടികൂടി. മട്ടന്നൂർ മരുതായി സ്വദേശി മുഹമ്മദ് ഷംനാദ് (23), വളപട്ടണം സ്വദേശി മുഹമ്മദ്‌ ജെംഷീൽ (37), ഇരിക്കൂർ സ്വദേശിനീ റഫീന (24), കണ്ണൂർ സ്വദേശിനി ജസീന (22) എന്നിവരാണ് അറസ്റ്റിലായത്. ഇവരിൽനിന്ന് 490 മില്ലി ഗ്രാം എം.ഡി.എം.എ കണ്ടെടുത്തു. ലഹരി ഉപയോഗിക്കാനുള്ള ടെസ്‌റ്റ്ട്യൂബുകളും സിഗർ ലാമ്പുകളും ഇവരുടെ പക്കലുണ്ടായിരുന്നു.
യുവതികൾ പെരുന്നാൾ ദിവസമാണ് വീട്ടിൽനിന്ന് പോയ​തെന്ന് റെയ്ഡിന് നേതൃത്വം നൽകിയ എക്സൈസ് സംഘം പറഞ്ഞു. തുടർന്ന് വിവിധ സ്ഥലങ്ങളിൽ ലോഡ്ജിൽ മുറി എടുത്ത് മയക്കുമരുന്നു ഉപയോഗിച്ച് വരികയായിരുന്നു. എക്സൈസ് സർക്ക്ൾ ഇൻസ്‌പെക്ടർ ഷിജിൽകുമാറിന്റെ നേതൃത്വത്തിൽ പറശ്ശിനി, കോൾമൊട്ട ഭാഗങ്ങളിൽ നടത്തിയ റെയ്ഡിലാണ് സംഘം പിടിയിലായത്.

ലോഡ്ജിൽ റെയ്ഡ്; എം.ഡി.എം.എയുമായി യുവതികൾ ഉൾപ്പടെ പിടിയിൽ

വടകര: നഷ്ടപെട്ട തന്റെ മൊബൈൽ ഫോണിൽ ഒരാൾ ഇൻസ്റ്റാഗ്രാം ഉപയോഗിക്കുന്നു എന്ന പരാതിയുമായി പോലീസിനെ സമീപിച്ച അധ്യാപകന് മൊബൈൽ ഫോൺ വീണ്ടെടുത്ത് നൽകി കോഴിക്കോട് റൂറൽ സൈബർ ക്രൈം പോലീസ്. കായണ്ണ ജി യു പി സ്കൂളിലെ സംസ്‌കൃതം അധ്യാപകൻ ദേവരാജനാണ് തന്റെ നഷ്ടപെട്ട മൊബൈൽ ഫോൺ തിരികെ ലഭിച്ചത്. പോലീസ് അന്വേഷണത്തിൽ ഈ ഫോൺ ഉപയോഗിച്ച് ഇൻസ്റ്റാഗ്രാം ഉപയോഗിച്ചിരുന്നത് കോഴിക്കോട് കാരപറമ്പ് സ്വദേശി ഷഹൻഷാ എന്നയാളാണെന്നും ഇയാൾ വെള്ളയിൽ പോലീസ് രജിസ്റ്റർ ചെയ്ത കേസിൽ കോഴിക്കോട് ജില്ലാ ജയിലിൽ റിമാൻഡിൽ കഴിയുകയാണെന്നും മനസ്സിലായി.&nbsp;
തുടർന്ന് നടത്തിയ അന്വേഷണത്തിൽ മൊബൈൽ ഫോൺ ഇയാളുടെ സുഹൃത്തിന്റെ കൈവശം ആണെന്ന് മനസ്സിലാക്കുകയും ഫോൺ കണ്ടെത്തുകയും ചെയ്യുകയായിരുന്നു. ഇൻ സ്‌പെക്ടർ സി. ആർ. രാജേഷ്‌കുമാർ, എസ് സി പി ഓ ഷഫീർ എന്നിവർ ചേർന്ന് സ്റ്റേഷനിൽ വെച്ച് ഫോൺ ഉടമസ്ഥന് തിരികെ നൽകി.

അജ്ഞാതൻ ഇൻസ്റ്റാഗ്രാം ഉപയോഗിച്ചു; നഷ്ടപെട്ട മൊബൈൽ ഫോൺ അധ്യാപകന് വീണ്ടെടുത്ത് നൽകി സൈബർ ക്രൈം പോലീസ്

പ്രതീകാത്മക ചിത്രം

Search Results for: Liqueur