തിരുവനന്തപുരം: ബാലരാമപുരത്ത് നിന്ന് കാണാതായ രണ്ടുവയസുകാരിയെ കിണറ്റിൽ മരിച്ചനിലയിൽ. ശ്രീതു - ശ്രീജിത്ത് ദമ്പതികളുടെ മകളായ ദേവേന്ദുവാണ് മരിച്ചത്. കുട്ടിയെ കാണാനില്ലെന്ന് ഇന്ന് രാവിലെയാണ് മാതാപിതാക്കൾ പൊലീസിൽ പരാതിനൽകിയത്. തുടർന്ന് നടത്തിയ പരിശോധനയിലാണ് കിണറ്റിൽ നിന്ന് കുട്ടിയുടെ മൃതദേഹം കണ്ടെത്തിയത്. മരണത്തിൽ ദുരൂഹതയുണ്ടെന്നാണ് നിഗമനം. രാത്രി അച്ഛനും അമ്മയ്ക്കുമൊപ്പം ഉറങ്ങാൻ കിടന്ന കുട്ടിയെയാണ് രാവിലെ കാണാതാകുന്നത്.

ബാലരാമപുരത്ത് കാണാതായ രണ്ടുവയസുകാരി കിണറ്റിൽ മരിച്ചനിലയിൽ

Kerala

തൃശ്ശൂര്‍: സംഗീത സംവിധായകന്‍ ഗോപി സുന്ദറിന്റെ അമ്മ കൂര്‍ക്കഞ്ചേരി അജന്ത അപ്പാര്‍ട്ട്‌മെന്റ്‌സില്‍ ലിവി സുരേഷ് ബാബു(65) അന്തരിച്ചു. ഭര്‍ത്താവ്: സുരേഷ് ബാബു. മക്കള്‍: ഗോപി സുന്ദര്‍ (സംഗീത സംവിധായകന്‍), ശ്രീ(മുംബൈ). മരുമക്കള്‍: പ്രിയ ഗോപി സുന്ദര്‍, ശ്രീകുമാര്‍ പിള്ള (എയര്‍ഇന്ത്യ, മുംബൈ). സംസ്‌കാരം വ്യാഴാഴ്ച മൂന്നിന് വടൂക്കര ശ്മശാനത്തില്‍.

സംഗീത സംവിധായകന്‍ ഗോപിസുന്ദറിന്റെ അമ്മ ലിവി സുരേഷ് ബാബു അന്തരിച്ചു

കോട്ടയം: വാഹനാപകടത്തിൽ പ്രതിശ്രുത വരന് ദാരുണാന്ത്യം. കടപ്ലാമറ്റം സ്വദേശി ജിജോ ജിൻസൻ(21) ആണ് മരിച്ചത്. വ്യാഴാഴ്ച വിവാഹിതനാകാൻ ഇരിക്കെയാണ് ജിജോയുടെ മരണം. ജിജോയ്ക്ക് ഒപ്പമുണ്ടായിരുന്ന സുഹൃത്തിനെ പരിക്കുകളോടെ ആശുപത്രിയിൽ പ്രവേശിപ്പിച്ചു.
ബുധനാഴ്ച രാത്രി പത്തിനായിരുന്നു അപകടം. എം.സി. റോഡിൽ കളിക്കാവ് ഭാഗത്ത് വെച്ച് ബൈക്കും ട്രാവലറും കൂട്ടിയിടിക്കുകയായിരുന്നു. സംഭവസ്ഥലത്ത് വെച്ചുതന്നെ ജിജോയ്ക്ക് ഗുരുതരമായി പരിക്കേറ്റിരുന്നു. തുടർന്ന്, ആശുപത്രിയിലേക്ക് കൊണ്ടുപോകുന്നതിനിടെയാണ് ഇദ്ദേഹം മരിച്ചത്.

ബൈക്കും ട്രാവലറും കൂട്ടിയിടിച്ച് അപകടം; വിവാഹത്തലേന്ന് വരന് ദാരുണാന്ത്യം

കല്‍പ്പറ്റ: പ്രിയങ്കാ ഗാന്ധി ഡി.സി.സി ട്രഷറര്‍ എന്‍.എം വിജയന്റെ വീട് സന്ദര്‍ശിച്ചതിന് പിന്നാലെ നേതാക്കള്‍ക്കെതിരേ ഡി.സി.സി ഓഫീസില്‍ പോസ്റ്ററുകള്‍. ഡി.സി.സി പ്രസിഡന്റ് എം.ഡി അപ്പച്ചനും ടി. സിദ്ദിഖ് എംഎല്‍എക്കും എതിരെയാണ് പോസ്റ്ററുകള്‍. കൊലയാളി സംഘത്തില്‍നിന്ന് കോണ്‍ഗ്രസിനെ രക്ഷിക്കൂ എന്നാണ് സേവ് കോണ്‍ഗ്രസ് എന്ന പേരില്‍ ഒട്ടിച്ച പോസ്റ്ററുകളില്‍ ഉള്ളത്. അതേസമയം ഐ.സി ബാലകൃഷ്ണന്റെ പേര് പോസ്റ്ററുകളില്‍ പരാമര്‍ശിച്ചിട്ടില്ല.
എന്‍.എം വിജയന്റെ മരണമുള്‍പ്പെടെ പരാമര്‍ശിച്ചുകൊണ്ട് ഡി.സി.സി ഓഫീസിന്റെ മുന്‍ഭാഗത്താണ് പോസ്റ്ററുകള്‍ പതിച്ചിരിക്കുന്നത്. ആരോപണ വിധേയര്‍ അധികാരം ഒഴിയണം എന്ന് ഡി.സി.സി യോഗത്തിലുള്‍പ്പെടെ ആവശ്യമുന്നയിച്ചിരുന്നെങ്കിലും ഇവര്‍ തത്സ്ഥാനത്ത് തുടരുന്നതിലുള്ള വിയോജിപ്പും പോസ്റ്ററുകളിലുണ്ട്. എന്‍.എം വിജയന്റെ മൃതദേഹത്തിന് മുമ്പില്‍ ഒഴുക്കിയ കണ്ണീര്‍ പാര്‍ട്ടിക്കാരുടെ ശാപമാണെന്നും ചുരംകയറിവന്ന എംഎല്‍എയെ കൂട്ടുപിടിച്ച് ഡിസിസി നേതൃത്വം പാര്‍ട്ടിയെ നശിപ്പിക്കുകയാണെന്നും പോസ്റ്ററില്‍ പരാമര്‍ശമുണ്ട്.

കൊലയാളി സംഘത്തില്‍നിന്ന് കോണ്‍ഗ്രസിനെ രക്ഷിക്കൂ ;നേതാക്കള്‍ക്കെതിരേ വയനാട് ഡി.സി.സി ഓഫീസില്‍ പോസ്റ്ററുകള്‍

വടകര: 24ാം പാർട്ടി കോൺഗ്രസിന്‌ മുന്നോടിയായുള്ള സിപിഎം ജില്ലാ സമ്മേളനത്തിന്‌ വടകരയിൽ തുടക്കം. പ്രതിനിധി സമ്മേളനം കോടിയേരി ബാലകൃഷ്‌ണൻ നഗറിൽ പൊളിറ്റ്‌ബ്യൂറോ അംഗം മുഖ്യമന്ത്രി പിണറായി വിജയൻ ഉദ്‌ഘാടനം ചെയ്തു. മൂന്നുദിവസത്തെ സമ്മേളനത്തിൽ തെരഞ്ഞെടുത്ത 439 പേരുൾപ്പെടെ അഞ്ഞൂറിലേറെ പ്രതിനിധികളാണ് പങ്കെടുക്കുന്നത്. പൊളിറ്റ്ബ്യൂറോ അംഗം എ. വിജയരാഘവൻ, കേന്ദ്രകമ്മിറ്റി അംഗങ്ങളായ ഇ. പി ജയരാജൻ, പി. കെ ശ്രീമതി, എ. കെ ബാലൻ, എളമരം കരീം, പി. സതീദേവി, സംസ്ഥാന സെക്രട്ടറിയറ്റംഗങ്ങളായ ടി പി രാമകൃഷ്ണ‌ൻ, ആനാവൂർ നാഗപ്പൻ, പുത്തലത്ത് ദിനേശൻ, പി.എ മുഹമ്മദ് റിയാസ്, പി.കെ ബിജു എന്നിവരും പങ്കെടുക്കുന്നുണ്ട്.
അര ലക്ഷം പേരുടെ റാലിയോടെ സമ്മേളനം 31ന്‌ വൈകിട്ട്‌ സമാപിക്കും. വൈകിട്ട്‌ നാലിന്‌ 25,000 റെഡ് വളന്റിയർമാർ അണിനിരക്കുന്ന മാർച്ച് ആരംഭിക്കും. സീതാറാം യെച്ചൂരി നഗറിൽ ചേരുന്ന പൊതുസമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.

സിപിഎം ജില്ലാ സമ്മേളനത്തിന്‌ വടകരയിൽ ആവേശോജ്ജ്വല തുടക്കം

Vadakara

തിരുവനന്തപുരം: സംസ്ഥാനത്ത് ഇന്ന് സ്വർണവില കുത്തനെ ഉയർന്നു. ഒരു പവന് 680 രൂപയാണ് ഒറ്റയടിക്ക് വർദ്ധിച്ചത്. ഇതോടെ സ്വർണവില പുതിയ റെക്കാഡിട്ടിരിക്കുകയാണ്. ഒരു പവൻ സ്വർണത്തിന്റെ ഇന്നത്തെ വിപണിവില 60,​760 രൂപയാണ്. കഴിഞ്ഞ രണ്ട് ദിവസമായി സ്വർണവില കുറഞ്ഞത് ജനങ്ങൾക്ക് അല്പം ആശ്വാസമായിരുന്നു.
360 രൂപയാണ് രണ്ട് ദിവസം കൊണ്ട് കുറഞ്ഞത്. എന്നാൽ ഇന്ന് കുത്തനെ വില ഉയരുകയായിരുന്നു. ഇന്നത്തെ വിലയനുസരിച്ച് ഒരു പവൻ സ്വർണം വാങ്ങണമെങ്കിൽ ജിഎസ്ടിയും പണിക്കൂലിയുമടക്കം 65,​000 രൂപയ്ക്ക് മുകളിൽ കൊടുക്കണം. ആഗോള വിപണിയിൽ സ്വർണവില വർദ്ധിച്ചതാണ് വില ഉയരാൻ കാരണം. ഇനിയും സ്വർണവില ഉയരാൻ സാദ്ധ്യതയുണ്ട്.ഇന്ന് ഒരു ഗ്രാം സ്വർണവിലയിൽ 85 രൂപയാണ് വർദ്ധിച്ചത്. ഒരു ഗ്രാം 22 കാരറ്റ് സ്വർണത്തിന്റെ ഇന്നത്തെ വിപണി വില 7,​595 രൂപയാണ്. 18 കാരറ്റ് ഗ്രാമിന് 75 രൂപ വർദ്ധിച്ചു. ഒരു ഗ്രാം 18 കാരറ്റ് സ്വർണത്തിന്റെ വിപണി വില 6,​275 രൂപയാണ്.

സ്വർണവില സർവകാല റെക്കോർഡിലേക്ക്; പവന് 680 രൂപ കൂടി 60,​760 രൂപയായി

തിരൂര്‍: സ്ത്രീയും പുരുഷനും തുല്യരല്ലെന്ന വിവാദ പരാമര്‍ശവുമായി മുസ്ലിം ലീഗ് സംസ്ഥാന ജനറല്‍ സെക്രട്ടറി പി.എം.എ സലാം. തുല്യരാണെന്ന് ലോകം അംഗീകരിച്ചിട്ടില്ല. തുല്യരാണെന്ന വാദം കണ്ണടച്ച് ഇരുട്ടാക്കലാണ്. സമൂഹത്തില്‍ കയ്യടി കിട്ടാനാണ് ഈ വാദം ചിലര്‍ ഉയര്‍ത്തുന്നതെന്നും പി.എം.എ സലാം പറഞ്ഞു.
മലപ്പുറത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം. സ്ത്രീക്ക് സാമൂഹിക നീതിയാണ് വേണ്ടത്. സ്ത്രീ പുരുഷ തുല്യതയല്ല, ലിംഗ നീതിയാണ് ലീഗിന്റെ നിലപാടെന്നും പി.എം.എ സലാം കൂട്ടിച്ചേര്‍ത്തു.
''പ്രായോഗികമല്ലാത്ത, മനുഷ്യന്റെ യുക്തിക്ക് എതിരായ വാദങ്ങള്‍ എന്തിനാണ് കൊണ്ടുവരുന്നത്. സ്ത്രീയും പുരുഷനും എല്ലാ നിലയ്ക്കും തുല്യമാണെന്ന് പറയാന്‍ കഴിയുമോ. ഇത് ലോകം അംഗീകരിച്ചിട്ടുണ്ടോ,'' അദ്ദേഹം ചോദിച്ചു.ഒളിമ്പിക്‌സില്‍ പോലും സ്ത്രീകള്‍ക്ക് വേറെ മത്സരമാണ്. ബസില്‍ പ്രത്യേക സീറ്റുകളാണ്. ഇതെല്ലാം രണ്ടും വ്യത്യസ്തമായത് കൊണ്ടല്ലേയെന്നും സലാം ചോദിച്ചു. മതനേതാക്കള്‍ പോലും പറയാത്ത കാര്യങ്ങളാണ് സലാം പറയുന്നതെന്നും ഇത് ലീഗിന്റെ നിലപാടാണോ എന്ന് നേതാക്കള്‍ വ്യക്തമാക്കണമെന്നും സലാമിന്റെ പ്രസ്താവനയ്ക്കു പിന്നാലെ വിമര്‍ശനമുയരുന്നുണ്ട്.

സ്ത്രീയും പുരുഷനും തുല്യരല്ല ; വിവാദ പ്രസ്താവനയുമായി പി.എം.എസലാം

ഡെറാഡൂണ്‍: 38-ാമത് ദേശീയ ഗെയിംസിന് ഉത്തരാഖണ്ഡില്‍ പ്രൗഢോജ്ജ്വല തുടക്കം. പ്രധാനമന്ത്രി നരേന്ദ്രമോദി ഗെയിംസിന്റെ ഉദ്ഘാടനം നിര്‍വഹിച്ചു. ഉത്തരാഖണ്ഡില്‍ നിന്നുള്ള ബാഡ്മിന്റണ്‍ താരമായ ലക്ഷ്യസെന്‍ എത്തിച്ച ദീപശിഖ പ്രധാനമന്ത്രി ഗെയിംസ് വേദിയില്‍ സ്ഥാപിച്ചതോടെ ദേശീയ ഗെയിംസിന് ഔദ്യോഗിക തുടക്കമായി. ഡെറാഡൂണിലെ രാജീവ് ഗാന്ധി അന്താരാഷ്ട്ര ക്രിക്കറ്റ് സ്‌റ്റേഡിയത്തിലാണ് ഉദ്ഘാടന ചടങ്ങുകള്‍ നടന്നത്.
2036ല്‍ രാജ്യം ഒളിമ്പിക്‌സിന് വേദിയാകാനുള്ള പരിശ്രമം നടത്തിക്കൊണ്ടിരിക്കുകയാണെന്ന് പ്രധാനമന്ത്രി ഉദ്ഘാടന സമ്മേളനത്തില്‍ പറഞ്ഞു. 20236ലെ ഒളിമ്പിക്‌സിന് ആതിഥേയരാകാനുള്ള അവകാശത്തിനായി ശ്രമിച്ചുകൊണ്ടിരിക്കുകയാണ്. ഒളിമ്പിക്‌സ് രാജ്യത്തിന്റെ കായികരംഗത്തിനെ പുതിയ ഉയരങ്ങളിലെത്തിക്കുമെന്നും പ്രധാനമന്ത്രി പറഞ്ഞു.

ദേശീയ ഗെയിംസിന് ഉത്തരാഖണ്ഡിൽ തുടക്കം ;2036ലെ ഒളിമ്പിക്‌സിന് ആതിഥേയരാകുമെന്ന് മോദി

Search Results for: 30.01.2025