കാസർകോട്: കാഞ്ഞങ്ങാട് ആത്മഹത്യയ്ക്ക് ശ്രമിച്ച നഴ്സിംഗ് വിദ്യാർത്ഥിനി മരിച്ചു. മൻസൂർ ആശുപത്രിയിലെ മൂന്നാം വർഷ നഴ്സിംഗ് വിദ്യാർത്ഥിനി ചൈതന്യയാണ് മരിച്ചത്.പാണത്തൂർ സ്വദേശിനിയാണ്. കഴിഞ്ഞ ഡിസംബർ ഏഴിനാണ് കാഞ്ഞങ്ങാട്ടെ നഴ്‌സിംഗ് കോളേജ് ഹോസ്റ്റൽ മുറിയിൽ ചൈതന്യ ആത്മഹത്യയ്ക്ക് ശ്രമിച്ചത്. കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിൽ കഴിയവേയാണ് മരണം.ഹോസ്റ്റൽ വാർഡന്റെ മാനസിക പീഡനം മൂലമാണ് പെൺകുട്ടി ആത്മഹത്യയ്ക്ക് ശ്രമിച്ചതെന്ന് ആരോപിച്ച് വിദ്യാർത്ഥികൾ പ്രതിഷേധ സമരം നടത്തിയിരുന്നു.&nbsp;
വാർഡനെതിരെ ഗുരുതര ആരോപണങ്ങളായിരുന്നു വിദ്യാർത്ഥികൾ ഉന്നയിച്ചത്. ചൈതന്യയ്ക്ക് സുഖമില്ലാതായപ്പോൾ ഭക്ഷണം കൊടുക്കാൻ പോലും വാർഡൻ തയ്യാറായില്ല. സുഖമില്ലാതിരുന്ന അവസ്ഥയിലും മാനസികപീഡനം തുടർന്നു. ഇത് താങ്ങാൻ വയ്യാതെയാണ് ചൈതന്യ ആത്മഹത്യയ്ക്ക് ശ്രമിച്ചത്. മാനേജ്മെന്റ് വിദ്യാർത്ഥികളെ വിവരങ്ങൾ അറിയിച്ചില്ല. രക്തസമ്മർദ്ദം കുറയുന്നതുൾപ്പെടെ അസുഖമുള്ള ചൈതന്യയെ വാർഡൻ മാനസികമായി പീഡിപ്പിക്കുന്നത് തുടരുകയായിരുന്നുവെന്നും സുഹൃത്തുക്കൾ ആരോപിച്ചിരുന്നു. ആരോഗ്യപ്രശ്നങ്ങൾ കാരണം പരീക്ഷയ്ക്ക് ശരിയായി തയ്യാറെടുക്കാൻ കഴിയാത്തതിനാൽ വിദ്യാർത്ഥിനി മാനസിക പ്രശ്നങ്ങൾ അനുഭവിച്ചിരുന്നുവെന്നാണ് ആശുപത്രി അധികൃതർ പൊലീസിനോട് പറഞ്ഞത്. ഈ വാദങ്ങൾ തെറ്റാണെന്ന് വിദ്യാർത്ഥികൾ ആരോപിച്ചിരുന്നു.വിദ്യാർത്ഥിനി ആത്മഹത്യയ്ക്ക് ശ്രമിച്ചതിൽ പ്രതിഷേധിച്ച് വിവിധ വിദ്യാർത്ഥി രാഷ്ട്രീയ സംഘടനകൾ സമരം നടത്തിയിരുന്നു. പിന്നാലെ വാർഡൻ രജനിയെ സസ്‌പെൻഡ് ചെയ്തു.
ചൈതന്യയുടെ ചികിത്സാ ചെലവുകൾ ആശുപത്രി അധികൃതരാണ് വഹിച്ചത്. ചൈതന്യയെ ആദ്യം മംഗളൂരുവിലെ സ്വകാര്യ ആശുപത്രിയിലാണ് പ്രവേശിപ്പിച്ചത്. കോമയിലായ പെൺകുട്ടിയെ പിന്നീട് കോഴിക്കോട് മെഡിക്കൽ കോളേജിലേയ്ക്ക് മാറ്റുകയായിരുന്നു.&nbsp;

കാഞ്ഞങ്ങാട് ആത്മഹത്യയ്ക്ക് ശ്രമിച്ച നഴ്സിംഗ് വിദ്യാർത്ഥിനി ചികിത്സയിലിരിക്കേ മരിച്ചു

Kerala

തിരുവനന്തപുരം: സംസ്ഥാനത്ത് ഇന്ന് മൂന്ന് ജില്ലകളിൽ യെല്ലോ അലർട്ട് പ്രഖ്യാപിച്ചു. പാലക്കാട്, മലപ്പുറം, വയനാട് ജില്ലകളിലാണ് യെല്ലോ അലർട്ട് പ്രഖ്യാപിച്ചത്. വിവിധ ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ ഇടത്തരം മഴയ്‌ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നൽകി. ഞായറാഴ്‌ച മലപ്പുറം, വയനാട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട പ്രദേശങ്ങളിൽ ശക്തമായ മഴയാണ് കാലാവസ്ഥാ വകുപ്പ് പ്രവചിക്കുന്നത്. ഇവിടുത്തെ ജനങ്ങൾ ജാഗ്രത പാലിക്കണമെന്നും കാലാവസ്ഥാ വകുപ്പ് ജാഗ്രതാ നൽകിയിട്ടുണ്ട്.
ഇന്നലെ ശക്തമായ കാറ്റിലും മഴയിലും കോട്ടയം നഗരത്തിലും സമീപ പ്രദേശങ്ങളിലും പരക്കെ നാശനഷ്‌ടം സംഭവിച്ചിരുന്നു. പോസ്റ്റുകൾ ഒടിഞ്ഞ് മണിക്കൂറുകളോളം വൈദ്യുതി നിലച്ചിരുന്നു. പലയിടങ്ങളിലും വൈദ്യുതി പുനഃസ്ഥാപിച്ചിട്ടില്ല. മരം കടപുഴകി പ്രധാന റോഡുകളിൽ ഗതാഗത തടസമുണ്ടായി. പത്ത് വീടുകൾക്ക് നാശമുണ്ടായി.

ശക്തമായ മഴയ്‌ക്കും കാറ്റിനും സാധ്യത; മൂന്ന് ജില്ലകളിൽ യെല്ലോ അലർട്ട്

ദോഹ : വടകര, മടപ്പള്ളിയിലെയും പരിസര പ്രദേശത്തിലെയും ഖത്തറിൽ പ്രവാസ ജീവിതം നയിക്കുന്നവരുടെ സൗഹൃദ കൂട്ടായ്മയായ മാഫ് ഖത്തർ ഇഫ്താർ മീറ്റ് സംഘടിപ്പിച്ചു. ഖത്തർ മുൻസിപാലിറ്റി &amp; പരിസ്ഥിതി മന്ത്രാലയത്തിന്റെ അനുമതിയോടെ ദോഹ ,മമൂറ അൽ കുലൈഫത്ത്‌ ഫാമിലി പാർക്കിൽ നടത്തിയ ഇഫ്താർ മീറ്റിൽ മാഫ് ഖത്തർ അംഗങ്ങളും കുടുംബാംഗങ്ങളും പങ്കെടുത്തു. മാഫ് ഖത്തർ ലേഡീസ് വിംഗ് അംഗങ്ങൾ തയ്യാറാക്കി കൊണ്ടുവന്ന നോമ്പ് തുറ വിഭവങ്ങൾ ഇഫ്താറിന് മാറ്റ് കൂട്ടി.&nbsp;
മാഫ് ഖത്തർ ജനറൽ സെക്രെട്ടറി ശിവൻ വള്ളിക്കാട് സ്വാഗതം പറഞ്ഞു. പ്രസിഡന്റ്‌ ശംസുദ്ധീൻ കൈനാട്ടി അധ്യക്ഷത വഹിച്ചു. മാഫ് ഖത്തർ അഡ്വൈസറി ബോർഡ് ചെയർമാൻ കെ.കെ മുസ്തഫ ഹാജി ഇഫ്താർ സന്ദേശം നൽകി. പ്രശാന്ത് ഒഞ്ചിയം , റയീസ് മടപ്പള്ളി , യോജിഷ് കെ ടി കെ ,ഷമീർ മടപ്പള്ളി എന്നിവർ ആശംസ അർപ്പിച്ചു സംസാരിച്ചു. നൗഫൽ ചോറോട് നന്ദി പറഞ്ഞു. മാഫ് ഖത്തർ അംഗങ്ങളും സഹ ഭാരവാഹികളും എക്സിക്യൂട്ടീവ് അംഗങ്ങളും ലേഡീസ് വിംഗ് ഭാരവാഹികളും നേതൃത്വo നൽകി.

മാഫ് ഖത്തർ ഇഫ്താർ മീറ്റ് സംഘടിപ്പിച്ചു

Gulf

ബംഗളൂരു : മലയാളി വിദ്യാർത്ഥിനി ബംഗളൂരുവിൽ കെട്ടിടത്തിൽ നിന്ന് ചാടി ജീവനൊടുക്കി. കോഴിക്കോട് സ്വദേശിനി ലക്ഷ്‌മി മിത്ര (21) ആണ് മരിച്ചത്. ബംഗളൂരു സൊലദേവനഹള്ളിയിലെ ആചാര്യ ഇൻസ്റ്റിറ്റ്യൂട്ടിൽ ഇന്നലെയായിരുന്നു സംഭവം. ബിബിഎ ഏവിയേഷൻ മൂന്നാംവർഷ വിദ്യാർത്ഥിനിയായിരുന്നു ലക്ഷ്‌മി.
ഇന്നലെ ഉച്ചയ്ക്ക് ഒന്നേമുക്കാലോടെ കോളേജ് കെട്ടിടത്തിന്റെ നാലാം നിലയിൽ നിന്ന് ലക്ഷ്‌മി മിത്ര ചാടുകയായിരുന്നു. ഉടൻ തന്നെ സമീപത്തെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ആത്മഹത്യയുടെ കാരണം വ്യക്തമല്ല. വിദ്യാർത്ഥിനിയുടെ മാതാപിതാക്കളെ വിവരമറിയിച്ചിട്ടുണ്ടെന്നും അസ്വാഭാവിക മരണത്തിന് കേസെടുത്തതായും പൊലീസ് അറിയിച്ചു. പോസ്റ്റുമോർട്ടത്തിനുശേഷം മൃതദേഹം ബന്ധുക്കൾക്ക് വിട്ടുനൽകും.

ബംഗളൂരുവിൽ കോഴിക്കോട് സ്വദേശിനിയായ വിദ്യാർത്ഥിനി കെട്ടിടത്തിൽ നിന്ന് ചാടി മരിച്ചു

National

വടകര : ചോറോടിലെ കോൺഗ്രസ് നേതാവിന്റെ വീടിനോട് ചേർന്ന വിറകുപുരയിൽ തീപ്പിടിത്തം. പിന്നാലെ വീട്ടുപരിസരത്ത് രക്തത്തുള്ളികളും കണ്ടെത്തി. വടകര ബ്ലോക്ക് കോൺഗ്രസ് സെക്രട്ടറിയും വാർഡ് കോൺഗ്രസ് കമ്മിറ്റി പ്രസിഡന്റുമായ രയരങ്ങോത്ത് കൃഷ്ണകൃപയിൽ കെ. രമേശന്റെ വീട്ടിലാണ് സംഭവം. തന്നെയും കുടുംബത്തെയും അപായപ്പെടുത്താനുള്ള ശ്രമമാണ് നടന്നതെന്നും തീവെച്ചയാളുടേതാണ് രക്തത്തുള്ളികളെന്നും ചൂണ്ടിക്കാട്ടി രമേശൻ വടകര പോലീസിൽ പരാതി നൽകി.
തീപ്പിടിത്തത്തിൽ വിറകുപുരയിൽ ഉണ്ടായിരുന്ന വാഷിങ് മെഷീൻ, മരങ്ങൾ, വിറക് തുടങ്ങിയവ കത്തിനശിച്ചു. തറയ്ക്കും കേടുപാട് സംഭവിച്ചു. വെള്ളിയാഴ്ച പുലർച്ചയാണ് 2.30-ഓടെയാണ് സംഭവം. വൈദ്യുതി നിലച്ചതിനെത്തുടർന്ന് എഴുന്നേറ്റപ്പോഴാണ് വിറകുപുരയിൽ തീ കണ്ടത്. ഉടൻ ഭാര്യയെയും മകനെയും വിളിച്ച് തീകെടുത്തുകയായിരുന്നെന്ന് രമേശൻ പറഞ്ഞു.
ഷോർട്ട് സർക്യൂട്ടാണ് തീപ്പിടിത്തത്തിന്റെ കാരണമെന്ന് ആദ്യം കരുതിയെങ്കിലും രാവിലെ വീടിന് സമീപത്തായി പലസ്ഥലങ്ങളിലും രക്തത്തുള്ളികൾ കണ്ടു. ഇതോടെ തീവെച്ചതാണെന്ന് സംശയം ഉയരുകയും പോലീസിൽ പരാതി നൽകുകയും ചെയ്തു. വടകര പോലീസ് സ്ഥലത്തെത്തി പരിശോധന നടത്തി.
സംഭവത്തിൽ കുറ്റക്കാരെ കണ്ടെത്താൻ പോലീസ് നടപടി സ്വീകരിക്കണമെന്നും അല്ലാത്തപക്ഷം സമരരംഗത്തിറങ്ങുമെന്നും സ്ഥലം സന്ദർശിച്ച കോൺഗ്രസ് നേതാക്കൾ ആവശ്യപ്പെട്ടു. ബ്ലോക്ക് കോൺഗ്രസ് കമ്മിറ്റി പ്രസിഡന്റ് സതീശൻ കുരിയാടി, ചോറോട് മണ്ഡലം കോൺഗ്രസ് കമ്മിറ്റി പ്രസിഡന്റ് പി.ടി.കെ. നജ്മൽ, യൂത്ത് കോൺഗ്രസ് നിയോജകമണ്ഡലം പ്രസിഡന്റ് സി. നിജിൻ തുടങ്ങിയവർ സ്ഥലം സന്ദർശിച്ചു.

വടകര ബ്ലോക്ക് കോൺഗ്രസ് സെക്രട്ടറിയുടെ വീടിന് തീയിടാൻ ശ്രമമെന്ന് പരാതി

Vadakara

പാലക്കാട്: നഗരത്തിൽ വിപണിയിലെത്തുന്ന പഴവർഗ്ഗങ്ങളിൽ കാർബൈഡ് പോലുള്ള രാസവസ്തുക്കളുടെ ഉപയോഗം വ്യാപകമായതിനെ തുടർന്ന് വരും ദിവസങ്ങളിൽ അന്വേഷണം ഊർജിതമാക്കുമെന്നും കർശന നടപടി സ്വീകരിക്കുമെന്നും ഭക്ഷ്യ സുരക്ഷാ അസി.കമ്മീഷണർ വി.ഷൺമുഖൻ പറഞ്ഞു.കുറഞ്ഞ അളവിൽ എഥിലിൻ ഉപയോഗിച്ച് പഴുപ്പിക്കുന്നത് അനുവദനീയമാണ്. ആദ്യകാലങ്ങളിൽ മാങ്ങ പഴുപ്പിക്കാൻ മാത്രമായിരുന്നു കാർബൈഡ് വ്യാപകമായി ഉപയോഗിച്ചിരുന്നത്. എന്നാൽ ഇപ്പോൾ വാഴപ്പഴങ്ങൾ പഴുപ്പിക്കുന്നതിനും കാർബൈഡ് കട്ടകളുപയോഗിക്കുന്നുണ്ട്.തണ്ണിമത്തന് മധുരവും ഉൾഭാഗത്ത് കടുംചുവപ്പുനിറവും ലഭിക്കുന്നതിനായി കാർബൈഡ് മിശ്രിത രാസലായനി ഉപയോഗിക്കുന്നുണ്ട്. കാർബൈഡിന്റെ അംശം മനുഷ്യശരീരത്തിലേക്ക് പ്രവേശിക്കുന്നത് കാൻസർ പോലുള്ള മാരകരോഗങ്ങൾക്ക് കാരണമാകുന്നുണ്ട്.
 കാർബൈഡ് പഴങ്ങൾ തിരിച്ചറിയാം
 ഇത്തരം പഴങ്ങൾ പുറമേ വളരെ മൃദുലമായിരിക്കും.
 എല്ലാ ഭാഗവും ഒരുപോലെ ആകർഷമായ നിറം ഉണ്ടാകും.
 സ്വയം പഴുത്ത പഴങ്ങളേക്കാൾ മധുരവും ഗന്ധവും കുറവായിരിക്കും
 പെട്ടെന്ന് ചീഞ്ഞ് പോവും
 ഉൾവശം ശരിക്കും പഴുക്കാതെ കല്ലിച്ച് ഇരിക്കും
 പഴം വാങ്ങി രണ്ടു ദിവസം കഴിഞ്ഞാൽ തൊലിപുറമേ കറുത്ത പാടുകൾ കാണാം പഴങ്ങളുടെ പുറം തൊലിയിൽ കറുത്ത കുത്തുകളുണ്ടെങ്കിൽ വാങ്ങാതിരിക്കുക
 വാങ്ങുന്ന ഓരോ പഴങ്ങളും ഒരോന്നായി ടാപ്പിനു കീഴെ വെച്ച് കഴുകുക
 മഞ്ഞൾ പൊടി, ഉപ്പ് എന്നിവ ഒരോ സ്പൂൺ വീതം വെള്ളത്തിൽ ചേർക്കുക ഈ മിശ്രിതത്തിൽ പഴങ്ങൾ കഴുകിയെടുക്കുക

തണ്ണിമത്തന് മധുരവും ചുവപ്പുനിറവും കൂടുതലാണോ ;ശ്രദ്ധിക്കുക,അപകടമാണ്

Health

മോഹൻലാലിനെ നായകനാക്കി പൃഥ്വിരാജ് സുകുമാരൻ സംവിധാനം ചെയ്ത എമ്പുരാൻ റിലീസിന് മുമ്പേ ഇന്ത്യൻ സിനിമയിൽ പുതിയ റെക്കോഡുകൾ സൃഷ്ടിച്ച് മുന്നേറുന്നു. ചിത്രത്തിൻ്റെ ഓൾ ഇന്ത്യ അഡ്വാൻസ് ടിക്കറ്റ് ബുക്കിംഗ് മാർച്ച് 21 ന് രാവിലെ 9 മണിക്കാണ് ആരംഭിച്ചത്. ബുക്കിംഗ് ആരംഭിച്ച് 24 മണിക്കൂറുകൾ പിന്നിട്ടപ്പോൾ തന്നെ 645K ടിക്കറ്റുകൾ ആണ് ബുക്ക് മൈ ഷോ എന്ന ആപ്ലിക്കേഷൻ വഴി മാത്രം ഇന്ത്യയിൽ വിറ്റഴിഞ്ഞത്. ഇത് ഇന്ത്യൻ സിനിമയിലെ തന്നെ പുതിയ റെക്കോഡ് ആണ്. 24 മണിക്കൂറിൽ ഒരു ഇന്ത്യൻ ചിത്രത്തിന് ഇത്രയധികം ടിക്കറ്റുകൾ ബുക്ക് മൈ ഷോയിലൂടെ വിറ്റ് പോകുന്നത് ഇതാദ്യമായാണ്. ഇന്ത്യൻ സിനിമയിലെ മറ്റ് ബിഗ് ബജറ്റ് തമിഴ്, തെലുങ്ക്, കന്നഡ, ഹിന്ദി ചിത്രങ്ങളുടെയെല്ലാം റെക്കോഡുകൾ ഇതിലൂടെ എമ്പുരാൻ ഭേദിച്ചു. ബുക്കിംഗ് ട്രെൻഡിംഗിൽ ഒരു മണിക്കൂറിൽ ഒരു ലക്ഷത്തിനടുത്ത് ടിക്കറ്റുകൾ വിറ്റും ചിത്രം ഇന്നലെ റെക്കോർഡ് സൃഷ്ടിച്ചിരുന്നു. ലൈക്ക പ്രൊഡക്ഷൻസ്, ആശീർവാദ് സിനിമാസ്, ശ്രീ ഗോകുലം മൂവീസ് എന്നിവയുടെ ബാനറിൽ സുഭാസ്കരൻ, ആന്റണി പെരുമ്പാവൂർ, ഗോകുലം ഗോപാലൻ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്.
മുരളി ഗോപി രചിച്ച ഈ ചിത്രം മലയാള സിനിമയുടെ ചരിത്രത്തിലെ ആദ്യത്തെ ഐമാക്സ് റിലീസായി എത്തുന്ന ചിത്രം കൂടിയാണ്. മാർച്ച് 27 നു ആഗോള റിലീസായി എത്തുന്ന ചിത്രം ഇന്ത്യൻ സമയം രാവിലെ ആറ് മണി മുതൽ ആഗോള പ്രദർശനം ആരംഭിക്കും. ചിത്രത്തിൻ്റെ തമിഴ്നാട് ഡിസ്ട്രിബ്യൂഷൻ ശ്രീ ഗോകുലം ഗോപാലൻ്റെ ഉടമസ്ഥതയിലുള്ള ശ്രീ ഗോകുലം മൂവീസ് ആണ്. ദിൽ രാജുവിൻ്റെ ഉടമസ്ഥതയിലുള്ള ശ്രീ വെങ്കടേശ്വര ക്രിയേഷൻസ് ചിത്രം ആന്ധ്രാ/തെലുങ്കാന സംസ്ഥാനങ്ങളിൽ വിതരണം ചെയ്യുമ്പോൾ, അനിൽ തടാനി നേതൃത്വം നൽകുന്ന എ എ ഫിലിംസ് ആണ് ചിത്രം നോർത്ത് ഇന്ത്യയിൽ എത്തിക്കുന്നത്. കർണാടകയിലെ ഡിസ്ട്രിബ്യൂഷൻ പാർട്ണർ കന്നഡയിലെ വമ്പൻ സിനിമാ നിർമ്മാണ വിതരണ കമ്പനിയായ ഹോംബാലേ ഫിലിംസ് ആണ്.&nbsp;

ബുക്ക് മൈ ഷോയിലൂടെ 24 മണിക്കൂറിൽ 645K ടിക്കറ്റുകൾ ;റെക്കോർഡുകൾ ഭേദിച്ച് എമ്പുരാൻ

കൊച്ചി: സഹോദരിമാരായ കുട്ടികളെ ബലാത്സംഗത്തിനിരയാക്കിയ സംഭവത്തില്‍ ഞെട്ടിപ്പിക്കുന്ന വിവരങ്ങള്‍ പുറത്ത്. പത്തും പന്ത്രണ്ടും വയസുള്ള പെണ്‍കുട്ടികള്‍ക്ക് അമ്മയും ആണ്‍സുഹൃത്തായ ധനേഷും ചേര്‍ന്ന് മദ്യം നല്‍കി. പ്രതി ധനേഷ് വീട്ടില്‍ എത്തുമ്പോഴെല്ലാം നിര്‍ബന്ധിപ്പിച്ചു മദ്യം കുടിപ്പിച്ചിരുന്നതായും പെണ്‍കുട്ടികള്‍ മൊഴി നല്‍കി.&nbsp;
ധനേഷ് ഇവരുടെ കൂട്ടുകാരികളേയും ലക്ഷ്യമിട്ടതായ വിവരവും പുറത്തുവന്നു. കൂട്ടുകാരിയെ കൂട്ടിക്കൊണ്ടുവരാന്‍ മൂത്ത കുട്ടിയോട് ധനേഷ് ആവശ്യപ്പെട്ടിരുന്നു. ഇക്കാര്യം ചൂണ്ടിക്കാട്ടി കൂട്ടുകാരിക്ക് പെണ്‍കുട്ടി അയച്ച കത്ത് ക്ലാസ് ടീച്ചര്‍ കണ്ടതോടെയാണ് ഞെട്ടിപ്പിക്കുന്ന ബലാത്സംഗ വിവരം വെളിച്ചത്തുവരുന്നത്. പന്ത്രണ്ടു വയസുകാരി നടന്നതെല്ലാം ക്ലാസ് ടീച്ചറോട് തുറന്നുപറഞ്ഞു.
രണ്ടു വര്‍ഷത്തോളമായി പെണ്‍കുട്ടികളെ ധനേഷ് പീഡിപ്പിക്കുന്നുണ്ട്. ഇവരുടെ അച്ഛന്‍ ചികിത്സയിലായിരിക്കുന്ന സമയത്താണ് ധനേഷുമായി അമ്മ അടുക്കുന്നത്. അച്ഛനെ ചികിത്സയ്ക്കായി ആശുപത്രിയിലേക്കും മറ്റും കൊണ്ടുപോയിരുന്നത് ധനേഷ് കുമാറിന്റെ ടാക്സിയിലാണ്. ഈ ഘട്ടത്തില്‍ ധനേഷുമായി പെണ്‍കുട്ടികളുടെ അമ്മ അടുത്തു. ഇതിനിടെ ചികിത്സയിലായിരുന്ന ഇവരുടെ അച്ഛന്‍ മരിക്കുകയും ചെയ്തു. ഇതോടെ ധനേഷ് ഇവര്‍ക്കൊപ്പം താമസമാക്കി. കുറുപ്പംപടിയില്‍ ഒരു വാടകവീട്ടിലായിരുന്നു ഈ കുടുംബവും താമസിച്ചിരുന്നത്. എല്ലാ ആഴ്ചയിലും ധനേഷ് ഇങ്ങോട്ടേക്ക് എത്താറുണ്ടായിരുന്നുവെന്നാണ് വിവരം.ഇതിനിടെ സോഷ്യല്‍മീഡിയയില്‍ കണ്ട പെണ്‍കുട്ടികളുടെ കൂട്ടുകാരികളെ ധനേഷ് ലക്ഷ്യംവെച്ചു. മൂത്ത പെണ്‍കുട്ടിയോട് ഒരു കൂട്ടുകാരിയെ പരിചയപ്പെടുത്തി തരണമെന്ന് നിരന്തരം ആവശ്യപ്പെട്ടു. രണ്ടാനച്ഛന്‍ എന്ന നിലയിലായിരുന്നു പെണ്‍കുട്ടികള്‍ ധനേഷിനെ കണ്ടിരുന്നത്.ധനേഷിന്റെ സമ്മര്‍ദ്ദത്തിന് വഴങ്ങി പെണ്‍കുട്ടി തന്റെ സുഹൃത്തിനോട് വീട്ടിലേക്ക് വരാന്‍ ആവശ്യപ്പെട്ട് ഒരു കുറിപ്പ് എഴുതുകയും ചെയ്തു. അച്ഛന് നിന്നെ കാണണം എന്നായിരുന്നു കത്തില്‍ ആവശ്യപ്പെട്ടിരുന്നത്. ഇത് സ്‌കൂളിലെ അധ്യാപിക കണ്ടെത്തുകയായിരുന്നു. ഇവര്‍ ഉടനെ പോലീസില്‍ വിവരമറിയിച്ചതിനെ തുടര്‍ന്നാണ് ധനേഷ് പെണ്‍കുട്ടികളെ ദുരുപയോഗം ചെയ്ത വിവരങ്ങള്‍ പുറത്തുവരുന്നത്.&nbsp;

കുറുപ്പംപടി പീഡനം ;എല്ലാം അമ്മയുടെ അറിവോടെ, ആണ്‍സുഹൃത്തിനൊപ്പം ചേര്‍ന്ന് കുട്ടികളെ മദ്യം കുടിപ്പിച്ചു

പെരുമ്പിലാവ്: പെരുമ്പിലാവ് മുല്ലപ്പിള്ളിക്കുന്നിലെ നാലുസെന്റ് കോളനിയില്‍ ലഹരിമാഫിയാ സംഘാംഗങ്ങള്‍ തമ്മിലുണ്ടായ ഏറ്റുമുട്ടലില്‍ ഒരാള്‍ വെട്ടേറ്റുമരിച്ചു. മരത്തങ്ങോട്ട് വാടകയ്ക്ക് താമസിക്കുന്ന കടവല്ലൂര്‍ സ്വദേശി കൊട്ടിലിങ്ങല്‍ വീട്ടില്‍ അക്ഷയ് (കൂത്തന്‍-28) ആണ് മരിച്ചത്. കേസിലെ മുഖ്യപ്രതി മുല്ലപ്പിള്ളി നാലുസെന്റ് കോളനിയില്‍ മണ്ടുമ്പാല്‍ വീട്ടില്‍ ലിഷോയ് ഉൾപ്പെടെ നാലുപേർ പിടിയിലായി. കാർ വാടകയ്ക്കെടുത്തതുമായി ബന്ധപ്പെട്ട തർക്കമാണ് കൊലപാതകത്തിലേക്ക് നയിച്ചത്.
വെള്ളിയാഴ്ച രാത്രി എട്ടോടെയാണ് അക്ഷയ് ഭാര്യ നന്ദനയുമൊന്നിച്ച് ലിഷോയുടെ വീട്ടിലെത്തുന്നത്. പെരുമ്പിലാവിലെ വീട്ടിലേക്ക് അക്ഷയിയെ വിളിച്ചുവരുത്തി കൊലപ്പെടുത്തുകയായിരുന്നു. ഈ സമയം ലിഷോയുടെ സുഹൃത്തുക്കളും വീട്ടിലുണ്ടായിരുന്നു. ഇവര്‍ തമ്മില്‍ വാക്കുതര്‍ക്കമുണ്ടായി. വീടിനു മുന്നില്‍ ഉണ്ടായിരുന്ന കാര്‍ തല്ലിത്തകര്‍ത്തിട്ടുമുണ്ട്. കൊലയ്ക്കുശേഷം ലിഷോയ് വീടിനടുത്തുതന്നെയുള്ള ഒരു പാടത്ത് ഒളിച്ചു. അവിടെനിന്ന് ശനിയാഴ്ച രാവിലെ രക്ഷപ്പെടാനുള്ള ശ്രമത്തിനിടെ പോലീസ് പിടികൂടി. ലഹരി കേസില്‍ ജയിലിലായിരുന്ന ലിഷോയ് അടുത്തിടെയാണ് പുറത്തിറങ്ങിയത്. അടുത്തിടെയാണ് അക്ഷയ്യുടെ വിവാഹം നടന്നത്. ഷബിനാണ് അക്ഷയ്യുടെ പിതാവ്. ഷീജയാണ് അമ്മ.

കാർ വാടകയ്ക്കെടുത്തതിൽ തർക്കം; യുവാവിനെ കൊന്ന കേസിൽ നാലുപേർ പിടിയിൽ

തിരുവനന്തപുരം: ബിജെപി കേന്ദ്രഘടകത്തിന്റെ രഹസ്യപ്പട്ടികയിലെ കേരളഘടകം സംസ്ഥാനപ്രസിഡന്റിനെ തിങ്കളാഴ്ച പ്രഖ്യാപിക്കും. പ്രസിഡന്റുസ്ഥാനത്തേക്ക്‌ പരിഗണിക്കുന്ന നേതാവിൽനിന്ന് ഞായറാഴ്ച പത്രിക സ്വീകരിക്കും. മത്സരം ഒഴിവാക്കാൻ ഒരാളിൽനിന്നേ പത്രിക സ്വീകരിക്കാൻ സാധ്യതയുള്ളൂ.
പ്രസിഡന്റാകാൻ സാധ്യതയുള്ള അരഡസനോളം നേതാക്കളുടെ പേരുകൾ പ്രചരിക്കുന്നതോടെ അഭ്യൂഹങ്ങൾക്കും അറുതിയില്ല. നിലവിലുള്ള പ്രസിഡന്റ് കെ. സുരേന്ദ്രൻ തുടരുമോ മറ്റാരുടെയെങ്കിലും കൈകളിൽ പദവിയെത്തുമോ എന്നതാണ് പാർട്ടിഘടകങ്ങൾ ഉറ്റുനോക്കുന്നത്.
ഞായറാഴ്ച രാവിലെ കോർകമ്മിറ്റിയോഗം തിരുവനന്തപുരത്ത് ചേരുന്നുണ്ട്. സംസ്ഥാനപ്രസിഡന്റിനെ നിശ്ചയിക്കുന്നത് പൂർണമായും കേന്ദ്രഘടകത്തിന്റെ തീരുമാനമായതിനാൽ ആരാകുമെന്നതിൽ സംസ്ഥാനത്തെ നേതാക്കൾക്കും ഇതുവരെ സൂചനകളൊന്നുമില്ല. കേരളത്തിൽവെച്ചുതന്നെ പ്രസിഡന്റിനെ പ്രഖ്യാപിക്കും.
2020 ഫെബ്രുവരിയിലാണ് സുരേന്ദ്രൻ പ്രസിഡന്റായത്. ആദ്യടേം കഴിഞ്ഞും തുടരുന്ന സുരേന്ദ്രനുപകരം ഇപ്പോൾ ജനറൽ സെക്രട്ടറിയായ എം.ടി. രമേശിന് അനുകൂലസാഹചര്യമാണെന്നാണ് പി.കെ. കൃഷ്ണദാസ് പക്ഷത്തെ നേതാക്കൾ പറയുന്നത്. വനിതാപ്രസിഡന്റുമതിയെന്ന് കേന്ദ്രഘടകം തീരുമാനിച്ചാൽ ഇപ്പോൾ വൈസ് പ്രസിഡന്റായ ശോഭാ സുരേന്ദ്രനാണ് സാധ്യത.കഴിഞ്ഞ ലോക്‌സഭാ തിരഞ്ഞെടുപ്പിൽ തിരുവനന്തപുരത്ത് സ്ഥാനാർഥിയായിരുന്ന മുൻകേന്ദ്രമന്ത്രി രാജീവ് ചന്ദ്രശേഖറാണ് സാധ്യതാപട്ടികയിലെ മറ്റൊരാൾ.

ബിജെപി സംസ്ഥാന പ്രസിഡന്റിനെ തിങ്കളാഴ്ച പ്രഖ്യാപിക്കും

ടെക്‌സാസ്: മുന്‍ ലോക ഹെവി വെയ്റ്റ് ബോക്‌സിങ് ചാമ്പ്യനും ഒളിമ്പിക്സ് സ്വര്‍ണമെഡല്‍ ജേതാവുമായ ജോര്‍ജ് ഫോര്‍മാന്‍ (76) അന്തരിച്ചു. 1974-ല്‍ കോംഗോയില്‍ മുഹമ്മദ് അലിയുമായി നടന്ന വാശിയേറിയ ബോക്‌സിങ് മത്സരത്തിന്റെ പേരില്‍ പ്രസിദ്ധനാണ് ഫോര്‍മാന്‍. 'റംബിള്‍ ഇന്‍ ദി ജംഗിള്‍' എന്ന പേരിലാണ് ഈ മത്സരം അറിയപ്പെടുന്നത്. ഇൻസ്റ്റഗ്രാമിലൂടെയാണ് കുടുംബം ഫോർമാന്റെ മരണവിവരം പുറത്തുവിട്ടത്. മരണകാരണം എന്തെന്ന് വെളിപ്പെടുത്തിയിട്ടില്ല.
ബോക്‌സിങ് റിങ്ങിൽ 'ബിഗ് ജോര്‍ജ്'എന്ന പേരില്‍ പ്രശസ്തനായിരുന്നു അദ്ദേഹം. 1949-ല്‍ ടെക്‌സാസിലെ മാര്‍ഷലില്‍ ജനിച്ച ഫോര്‍മാന്‍, 1968-ല്‍ മെക്‌സിക്കോയില്‍ നടന്ന ഒളിമ്പിക്‌സില്‍ സ്വര്‍ണം നേടി. 19 വയസ്സായിരുന്നു അന്ന്. 1973-ല്‍ ജമൈക്കയിലെ കിങ്സ്റ്റണില്‍ നടന്ന മത്സരത്തില്‍ ലോക ചാമ്പ്യനായ ജോ ഫ്രേസിയറിനെ പരാജയപ്പെടുത്തി. 1973-ല്‍ ആദ്യ ഹെവിവെയ്റ്റ് ചാമ്പ്യന്‍ പട്ടം നേടി. 1977-ല്‍ ജിമ്മി യങ്ങിനോട് പരാജയപ്പെട്ടതോടെ കരിയര്‍ അവസാനിപ്പിച്ചതായി പ്രഖ്യാപിച്ചു.എന്നാല്‍ പത്തുവര്‍ഷങ്ങള്‍ക്കുശേഷം, തന്റെ 45-ാം വയസ്സില്‍ അദ്ദേഹം വീണ്ടും ബോക്‌സിങ് രംഗത്തേക്കുവന്നു. 1994-ല്‍ 46 വയസ്സുള്ളപ്പോൾ വിഖ്യാതനായ മൈക്കിള്‍ മൂററെ പരാജയപ്പെടുത്തിക്കൊണ്ട് ഫോര്‍മാന്‍ അദ്ഭുതം സൃഷ്ടിച്ചു.&nbsp;

ബോക്‌സിങ് ഇതിഹാസം ജോര്‍ജ് ഫോര്‍മാന്‍ അന്തരിച്ചു

കൊല്ലം: എം ഡി എം എയുമായി പിടിയിലായ യുവതിയിൽ നിന്ന് കൂടുതൽ മയക്കുമരുന്ന് പിടിച്ചെടുത്തു. മെഡിക്കൽ പരിശോധനയ്ക്കിടെ സ്വകാര്യ ഭാഗത്ത് ഒളിപ്പിച്ച നിലയിൽ 40.45 ഗ്രാം എം ഡി എം എയാണ് കണ്ടെത്തിയത്. ഇതോടെ യുവതിയിൽ നിന്ന് 90.45 ഗ്രാം എം ഡി എം എ കണ്ടെത്തി.
ഇന്നലെ ശക്തികുളങ്ങര പൊലീസ് സ്റ്റേഷന് സമീപത്ത് നിന്നാണ് പനയം രേവതിയിൽ വാടകയ്ക്ക് താമസിക്കുന്ന അനില രവീന്ദ്രൻ (34) അറസ്റ്റിലായത്. സിറ്റി ഡാൻസാഫ് ടീമും ശക്തികുളങ്ങര പൊലീസും സംയുക്തമായി നടത്തിയ റെയ്ഡിലാണ് യുവതി പിടിയിലായത്.യുവതി നേരത്തെയും എം ഡി എം എ കേസിൽ പ്രതിയാണ്. കർണാടകത്തിൽ നിന്ന് വാങ്ങിയ എം ഡി എം എ കൊല്ലം നഗരത്തിലെ സ്‌കൂൾ, കോളേജ് വിദ്യാർത്ഥികൾക്ക് വിൽപ്പനയ്ക്കായി സ്വന്തം കാറിൽ ഒരു യുവതി കൊണ്ടുവരുന്നതായി കമ്മിഷണർക്ക് രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തിൽ ഇന്നലെ രാവിലെ മുതൽ സിറ്റി പരിധിയിൽ വ്യാപക പരിശോധന ആരംഭിച്ചിരുന്നു.കൊല്ലം എ സി പി എസ് ഷെറീഫിന്റെ നേതൃത്വത്തിൽ മൂന്ന് ടീമുകളായി തിരിഞ്ഞായിരുന്നു പരിശോധന. വൈകിട്ട് അഞ്ചരയോടെ നീണ്ടകര പാലത്തിന് സമീപത്ത് വച്ച് കാർ കണ്ടു. പൊലീസ് കൈ കാണിച്ചിട്ടും നിറുത്തിയില്ല. തുടർന്ന് ശക്തികുളങ്ങര പൊലീസ് സ്റ്റേഷന് സമീപത്ത് വച്ച് പൊലീസ് വാഹനം തടഞ്ഞിടുകയായിരുന്നു. കാറിനുള്ളിൽ ഒളിപ്പിച്ച നിലയിലാണ് എം ഡി എം എ കണ്ടെത്തിയത്.

കൊല്ലത്ത് പിടിയിലായ യുവതിയുടെ സ്വകാര്യഭാഗത്തുനിന്ന് 40 ഗ്രാം എം ഡി എം എ കണ്ടെത്തി

ഏ​റ്റു​മാ​നൂ​ർ​ ​:​ ​കോ​ട്ട​യം​ ​എ​ൻ​ഫോ​ഴ്‌​സ്‌​മെ​ന്റ് ​എ.​എം.​വി.​ഐ​യെ​ ​വീ​ടി​ന് ​സ​മീ​പം​ ​കാ​റി​ൽ​ ​മ​രി​ച്ച​നി​ല​യി​ൽ​ ​ക​ണ്ടെ​ത്തി.​ ​പ​ട്ടി​ത്താ​നം​ ​കാ​ട്ടാ​ത്തി​ ​സ്വ​ദേ​ശി​ ​എ​സ്.​ഗ​ണേ​ഷ് ​കു​മാ​ർ​ ​(46​)​ ​ആ​ണ് ​മ​രി​ച്ച​ത്.​ ​ ​ഉ​ച്ച​യോ​ടെ​യാ​ണ് ​മൃ​ത​ദേ​ഹം​ ​ക​ണ്ടെ​ത്തി​യ​ത്.​ ​ക​ണ്ണൂ​രി​ലേ​ക്ക് ​സ്ഥ​ലം​മാ​റ്റം​ ​ല​ഭി​ച്ച​ ​ഗ​ണേ​ഷ് ​കു​മാ​റി​ന് ​തെ​ള്ള​ക​ത്തെ​ ​ഓ​ഫീ​സി​ൽ​ ​യാ​ത്ര​അ​യ​പ്പ് ​ച​ട​ചടങ്ങ് ക്രമീകരിച്ചിരുന്നു&nbsp;
ചടങ്ങിൽ എ​ത്താ​തി​രു​ന്ന​തി​നെ​ ​തു​ട​ർ​ന്ന് ​സ​ഹ​പ്ര​വ​ർ​ത്ത​ക​ർ​ ​വീ​ട്ടി​ല​ന്വേ​ഷി​ച്ച് ​എ​ത്തി​യ​പ്പോ​ഴാ​ണ് ​സം​ഭ​വ​മ​റി​യു​ന്ന​ത്.​ ​ മൃ​ത​ദേ​ഹം​ ​തു​ട​ർ​ന​ട​പ​ടി​ക​ൾ​ക്കാ​യി​ ​കാ​രി​ത്താ​സ് ​ആ​ശു​പ​ത്രി​ ​മോ​ർ​ച്ച​റി​യി​ലേ​ക്ക് ​മാ​റ്റി.​ ​ഭാ​ര്യ​ ​:​ ​ജൂ​ണാ​ ​(​ന​ഴ്‌​സ്,​ ​കോ​ട്ട​യം​ ​ജ​ന​റ​ൽ​ ​ആ​ശു​പ​ത്രി​).​ ​മ​ക​ൻ​ ​:​ ​ആ​ഷോ​ ​ഗ​ണേ​ഷ് ​(​കേ​ന്ദ്രീയ ​വി​ദ്യാ​ല​യം​ ​അ​ഞ്ചാം​ക്ലാ​സ് ​വി​ദ്യാ​ർ​ത്ഥി​).​ ​ഏ​റ്റു​മാ​നൂ​ർ​ ​പൊ​ലീ​സ് ​മേ​ൽ​ന​ട​പ​ടി​ക​ൾ​ ​സ്വീ​ക​രി​ച്ചു.​ ​

സ്ഥലംമാറ്റത്തിന് പിന്നാലെ എംവിഡി ഉദ്യോഗസ്ഥനെ കാറിൽ മരിച്ച നിലയിൽ കണ്ടെത്തി

ന്യൂഡൽഹി: മാർച്ച് 24,25 തീയതികളിൽ ഒൻപത് ട്രേഡ് യൂണിയനുകളുടെ ഐക്യവേദിയായ യുണൈറ്റഡ് ഫോറം ഓഫ് ബാങ്ക് യൂണിയൻ ആഹ്വാനം ചെയ്‌ത പണിമുടക്ക് മാറ്റിവച്ചു. സെൻട്രൽ ലേബർ കമ്മീഷണറുമായി ട്രേഡ് യൂണിയനുകൾ ചർച്ച നടത്തിയതിന് പിന്നാലെയാണ് പുതിയ പ്രഖ്യാപനം. തൊഴിലാളികളുടെ ആവശ്യം ചർച്ചയിൽ പരിഗണിക്കാമെന്ന് സെൻട്രൽ ലേബർ കമ്മീഷണർ ഉറപ്പുനൽകിയതോടെയാണ് പണിമുടക്ക് മാറ്റിവച്ചത്.
എല്ലാ തസ്തികകളിലും ആവശ്യത്തിനു ജീവനക്കാരെ നിയമിക്കുക, കരാർ, താൽക്കാലിക ജീവനക്കാരെ സ്ഥിരപ്പെടുത്തുക, പഞ്ചദിന ബാങ്കിംഗ് നടപ്പിലാക്കുക, ഗ്രാറ്റുവിറ്റി ആക്ട് പരിഷ്‌കരിക്കുക തുടങ്ങിയ ആവശ്യങ്ങൾ ഉന്നയിച്ചാണ് യുഎഫ്‌ബിയു പണിമുടക്കിന് ആഹ്വാനം ചെയ്‌തത്. ഗ്രാറ്റുവിറ്റി ആക്‌ട് പരിഷ്‌കരണം, ഐഡിബിഐ ബാങ്ക് സർക്കാർ ഉടമസ്ഥതയിൽ നിലനിർത്തുക തുടങ്ങിയവയും ആവശ്യങ്ങളിൽ പെടുന്നു. പണിമുടക്ക് മാറ്റിവച്ചെങ്കിലും 22,23 നാലാം ശനി, ഞായർ ദിനങ്ങളും മാർച്ച് 30 ഞായർ, 31 ചെറിയ പെരുനാൾ, ഏപ്രിൽ 1 കണക്കെടുപ്പ് എന്നിവ കാരണം ബാങ്കുകൾ വരുന്ന 10 ദിവസങ്ങളിൽ അഞ്ച് ദിവസത്തോളം അടഞ്ഞുകിടക്കും.

മാർച്ച് 24,25 തീയതികളിൽ പ്രഖ്യാപിച്ചിരുന്ന അഖിലേന്ത്യാ ബാങ്ക് പണിമുടക്ക് മാറ്റിവച്ചു

കോഴിക്കോട് : താമരശേരിയിൽ പൊലീസ് പിടികൂടിയ യുവാവ് എംഡിഎംഎ വിഴുങ്ങിയെന്ന് സ്‌കാനിംഗ് റിപ്പോർട്ട്. താമരശേരി അരയേറ്റുംചാലിൽ സ്വദേശി ഫായിസിന്റെ വയറ്റിലാണ് ക്രിസ്റ്റൽ തരികളുള്ള പായ്‌ക്കറ്റ് കണ്ടെത്തിയത്. എംഡിഎംഎ വിഴുങ്ങിയെന്ന സംശയത്തെ തുടർന്ന് വൈദ്യ പരിശോധനയ്ക്കായാണ് ഇയാളെ മെഡിക്കൽ കോളേജ് ആശുപത്രിയിലേക്ക് പൊലീസ് മാറ്റിയത്. യുവാവിനെ ഇനി ശസ്‌ത്രക്രിയയ്‌ക്ക് വിധേയനാക്കും.
ഇന്നലെയാണ് ഫായിസിനെ പൊലീസ് പിടികൂടിയത്. ഒരാഴ്ച മുമ്പാണ് ഇയാൾ വിദേശത്ത് നിന്നെത്തിയത്. ഫായിസ് വീട്ടിൽ ബഹളം വച്ചതിനെ തുടർന്ന് നാട്ടുകാർ പൊലീസിൽ വിവരമറിയിക്കുകയായിരുന്നു. വീട്ടുകാരെ കൊല്ലുമെന്ന് ഭീഷണിപ്പെടുത്തിയായിരുന്നു ബഹളം. പൊലീസ് എത്തിയപ്പോൾ ഇയാൾ രക്ഷപ്പെടാൻ ശ്രമിച്ചു. ഇതിനിടെ എംഡിഎംഎ വിഴുങ്ങുകയായിരുന്നു.&nbsp;

താമരശേരിയിൽ പൊലീസ് പിടികൂടിയ യുവാവ് എംഡിഎംഎ വിഴുങ്ങി ;ശസ്‌ത്രക്രിയയ്‌ക്ക് വിധേയനാക്കും.

Kozhikode

താമരശേരിയിൽ പൊലീസ് പിടികൂടിയ യുവാവ് എംഡിഎംഎ വിഴുങ്ങി ;ശസ്‌ത്രക്രിയയ്‌ക്ക് വിധേയനാക്കും

തിരൂരങ്ങാടി: താലൂക്ക്‌ ആശുപത്രി അത്യാഹിതവിഭാഗത്തിൽ ചുമതലയുള്ള ഡോക്‌ടർക്കു പകരം ഇവരുടെ ഭർത്താവായ മറ്റൊരു ഡോക്‌ടർ ഡ്യൂട്ടിയെടുത്തത്‌ വിവാദമായി. തിരൂരങ്ങാടി താലൂക്ക്‌ ആശുപത്രിയിൽ ഡ്യൂട്ടിയുണ്ടായിരുന്ന ഡോ. സഹീദയ്ക്ക്‌ പകരം ഇവരുടെ ഭർത്താവ്‌ കൊണ്ടോട്ടി താലൂക്ക്‌ ആശുപത്രിയിലെ ഡോ. സഫീൽ ഡ്യൂട്ടിയെടുത്തതാണു വിവാദമായത്‌.
പ്രസവാവധി കഴിഞ്ഞെത്തിയ ഡോക്ടർ കുഞ്ഞിന്‌ പാൽ കൊടുക്കുന്നതിന്‌ മാറിനിന്ന സമയത്താണ്‌ ഭർത്താവായ ഡോ. സഫീൽ അത്യാഹിതവിഭാഗത്തിൽ പരിശോധനയ്ക്കിരുന്നതെന്ന്‌ ആശുപത്രി സൂപ്രണ്ട്‌ ഡോ. പ്രഭുദാസ്‌ പറഞ്ഞു. പല ദിവസങ്ങളിലും ഭാര്യക്കു പകരം ഭർത്താവ് പരിശോധന നടത്തിയിട്ടുണ്ടെന്നാണ് വിവരം.
വിവരമറിഞ്ഞ മുസ്‌ലിം യൂത്ത് ലീഗ് പ്രവർത്തകരാണ് സംഭവം പുറത്തുകൊണ്ടുവന്നത്. സംഭവം അന്വേഷിക്കണമെന്നാവശ്യപ്പെട്ട്‌ മുസ്‌ലിം യൂത്ത്‌ലീഗ്‌ മണ്ഡലം പ്രസിഡന്റ്‌ യു.എ. റസാഖ്‌ ആരോഗ്യമന്ത്രിക്കും ഡി.എം.ഒ.യ്ക്കും പരാതി നൽകി.അതേസമയം, കെ.പി.എ. മജീദ്‌ എം.എൽ.എ.യുടെ ബന്ധുവാണ്‌ ആൾമാറാട്ടം നടത്തിയതെന്നും സംഭവം അന്വേഷിക്കണമെന്നും സി.പി.എം. തിരൂരങ്ങാടി ലോക്കൽ കമ്മിറ്റി ആവശ്യപ്പെട്ടു. ജോലിചെയ്യാതെ ശമ്പളം വാങ്ങിയ ഡോക്‌ടർക്കെതിരേ നടപടി വേണമെന്നും ഇങ്ങനെ സൗകര്യം ലഭിക്കുന്നതിന്‌ കെ.പി.എ. മജീദ്‌ നടത്തിയ ഇടപെടൽ അന്വേഷിക്കണമെന്നും സി.പി.എം. ആവശ്യപ്പെട്ടു

ഡോക്ടർ ഭാര്യക്ക്‌ പകരം ഡോക്ടർ ഭർത്താവ്‌ ഡ്യൂട്ടിയിൽ; തിരൂർ താലൂക്ക്‌ ആശുപത്രിയിൽ വിവാദം

തിരുവനന്തപുരം: ബുധനാഴ്ച മുതൽ ഞായറാഴ്ച വരെയുള്ള ദിവസങ്ങളിൽ സംസ്ഥാനത്ത് മഴ ശക്തമാകുമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ബുധൻ, വ്യാഴം ദിവസങ്ങളിൽ സംസ്ഥാനത്ത് ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴക്കും പിന്നീട് ഞായറാഴ്ച വരെ മഴക്കൊപ്പം മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് മുന്നറിയിപ്പിൽ പറ‍യുന്നു. ഇടിമിന്നൽ വ്യാപകമാകാനുള്ള സാഹചര്യത്തിൽ ജാഗ്രതാ നിർദേശങ്ങൾ പുറപ്പെടുവിച്ചിട്ടുണ്ട്.
ഇടിമിന്നൽ അപകടകാരികളാണ്. അവ മനുഷ്യന്‍റെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകൾക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. പൊതുജനങ്ങൾ താഴെപ്പറയുന്ന കാർമേഘം കണ്ടുതുടങ്ങുന്ന സമയം മുതൽ തന്നെ മുൻകരുതൽ സ്വീകരിക്കേണ്ടതാണ്. ഇടിമിന്നൽ എപ്പോഴും ദൃശ്യമാകണമെന്നില്ലാത്തതിനാൽ ഇത്തരം മുൻകരുതൽ സ്വീകരിക്കുന്നതില്‍നിന്നും വിട്ടുനിൽക്കരുത്.
ജാഗ്രതാ നിർദേശങ്ങൾ
<ul>
<li>ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറുക. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാധ്യത വർധിപ്പിക്കും.</li>
<li>ശക്തമായ കാറ്റിനും ഇടിമിന്നലിനും സാധ്യതയുള്ള ഘട്ടത്തിൽ ജനലും വാതിലും അടച്ചിടുക. വാതിലിനും ജനലിനും അടുത്ത് നിൽക്കാതെയിരിക്കുക. കെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പർശിക്കാതിരിക്കാൻ ശ്രമിക്കുകയും ചെയ്യുക.</li>
<li>ഗൃഹോപകരണങ്ങളുടെ വൈദ്യുതിബന്ധം വിഛേദിക്കുക. വൈദ്യുതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കുക.</li>
<li>ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കണം. മൊബൈൽ ഫോൺ ഉപയോഗിക്കുന്നതുകൊണ്ട് കുഴപ്പമില്ല.</li>
<li>അന്തരീക്ഷം മേഘാവൃതമാണെങ്കിൽ തുറസായ സ്ഥലത്തും ടെറസിലും കുട്ടികൾ ഉൾപ്പെടെ, കളിക്കുന്നത് ഒഴിവാക്കുക.</li>
<li>ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടിൽ നിൽക്കരുത്‌. വാഹനങ്ങൾ മരച്ചുവട്ടിൽ പാർക്ക് ചെയ്യുകയുമരുത്.</li>
<li>ഇടിമിന്നലുള്ള സമയത്ത് വാഹനത്തിനകത്ത് തന്നെ തുടരുക. കൈകാലുകൾ പുറത്തിടാതിരിക്കുക. വാഹനത്തിനകത്ത് നിങ്ങൾ സുരക്ഷിതരായിരിക്കും. സൈക്കിൾ, ബൈക്ക്, ട്രാക്ടർ തുടങ്ങിയ വാഹനങ്ങളിലുള്ള യാത്ര ഇടിമിന്നൽ സമയത്ത് ഒഴിവാക്കുകയും ഇടിമിന്നൽ അവസാനിക്കുന്നതുവരെ സുരക്ഷിതമായ കെട്ടിടത്തിൽ അഭയം തേടുകയും വേണം.</li>
<li>മഴക്കാറ് കാണുമ്പോൾ തുണികൾ എടുക്കാൻ ടെറസിലേക്കോ, മുറ്റത്തേക്കോ ഇടിമിന്നലുള്ള സമയത്ത് പോകരുത്.</li>
<li>കാറ്റിൽ മറിഞ്ഞു വീഴാൻ സാധ്യതയുള്ള വസ്തുക്കൾ കെട്ടി വെക്കുക.</li>
<li>ഇടിമിന്നലുള്ള സമയത്ത് കുളിക്കുന്നത്‌ ഒഴിവാക്കുക. ടാപ്പുകളിൽ നിന്ന് വെള്ളം ശേഖരിക്കുന്നതും ഒഴിവാക്കുക. പൈപ്പിലൂടെ മിന്നൽ മൂലമുള്ള വൈദ്യുതി സഞ്ചരിച്ചേക്കാം.</li>
<li>ഇടിമിന്നൽ ഉണ്ടാകുമ്പോൾ ജലാശയത്തിൽ മീൻ പിടിക്കാനോ കുളിക്കാനോ ഇറങ്ങുവാൻ പാടില്ല. കാർമേഘങ്ങൾ കണ്ട് തുടങ്ങുമ്പോൾ തന്നെ മത്സ്യബന്ധനം, ബോട്ടിങ് തുടങ്ങിയ പ്രവൃത്തികൾ നിർത്തി വച്ച് ഉടനെ അടുത്തുള്ള കരയിലേക്ക് എത്താൻ ശ്രമിക്കണം. ഇടിമിന്നലുള്ള സമയത്ത് ബോട്ടിന്റെ ഡെക്കിൽ നിൽക്കരുത്. ചൂണ്ടയിടുന്നതും വലയെറിയുന്നതും ഇടിമിന്നലുള്ള സമയത്ത് നിർത്തി വയ്ക്കണം.</li>
<li>പട്ടം പറത്തുന്നത് ഒഴിവാക്കുക.</li>
<li>ഇടിമിന്നലുള്ള സമയത്ത്‌ ടെറസിലോ മറ്റ്‌ ഉയരമുള്ള സ്ഥലങ്ങളിലോ വൃക്ഷക്കൊമ്പിലോ ഇരിക്കുന്നത്‌ അപകടകരമാണ്‌.</li>
<li>വളർത്തു മൃഗങ്ങളെ തുറസായ സ്ഥലത്ത് ഈ സമയത്ത് കെട്ടരുത്. അവയെ അഴിക്കുവാനും സുരക്ഷിതമായി മാറ്റി കെട്ടുവാനും മഴ മേഘം കാണുന്ന സമയത്ത് പോകരുത്. ഇത് നിങ്ങൾക്ക് ഇടിമിന്നലേൽക്കാൻ കാരണമായേക്കാം.</li>
<li>അടുത്തുള്ള കെട്ടിടത്തിലേക്ക് മാറാൻ സാധിക്കാത്ത വിധത്തിൽ തുറസായ സ്ഥലത്താണങ്കിൽ പാദങ്ങൾ ചേർത്തുവച്ച്‌ തല, കാൽ മുട്ടുകൾക്ക്‌ ഇടയിൽ ഒതുക്കി പന്തുപോലെ ഉരുണ്ട്‌ ഇരിക്കുക.</li>
<li>ഇടിമിന്നലിൽനിന്ന് സുരക്ഷിതമാക്കാൻ കെട്ടിടങ്ങൾക്കു മുകളിൽ മിന്നൽ രക്ഷാ ചാലകം സ്ഥാപിക്കാം. വൈദ്യുതോപകരണങ്ങളുടെ സുരക്ഷക്കായി സർജ് പ്രൊട്ടക്ടർ ഘടിപ്പിക്കാം.</li>
<li>മിന്നലിന്റെ ആഘാതത്താൽ പൊള്ളൽ ഏൽക്കുകയോ കാഴ്ച്ചയോ കേൾവിയോ നഷ്ടമാവുകയോ ഹൃദയാഘാതം സംഭവിയ്ക്കുകയോ വരെ ചെയ്യാം. മിന്നലാഘാതം ഏറ്റ ആളിന്റെ ശരീരത്തിൽ വൈദ്യുത പ്രവാഹം ഇല്ല എന്ന് മനസ്സിലാക്കണം. അതിനാൽ മിന്നലേറ്റ ആളിന്‌ പ്രഥമ ശുശ്രൂഷ നൽകുവാൻ മടിക്കരുത്‌. മിന്നൽ ഏറ്റാല്‍ ആദ്യ മുപ്പത്‌ സെക്കൻഡ് ജീവൻ രക്ഷിക്കാനുള്ള സുവർണ നിമിഷങ്ങളാണ്. മിന്നലേറ്റ ആളിന് ഉടൻ വൈദ്യ സഹായം എത്തിക്കുക.</li>
<li>ശക്തമായ കാറ്റിനെ നേരിടാനുള്ള പൊതുജാഗ്രതാ നിർദേശങ്ങൾ https://sdma.kerala.gov.in/windwarning എന്ന ലിങ്കിൽ ലഭ്യമാണ്.</li>
</ul>

മഴ ശക്തമാകും; ഇടിമിന്നൽ ജാഗ്രതാ നിർദേശം പുറപ്പെടുവിച്ച് കാലാവസ്ഥാ വകുപ്പ്

കോഴിക്കോട്: താമരശേരിയിൽ പത്താം ക്ലാസ് വിദ്യാർത്ഥി ഷഹബാസിന്റെ കൊലപാതകത്തിൽ കുറ്റാരോപിതരായവരുടെ എസ്എസ്എൽസി പരീക്ഷാഫലം പ്രസിദ്ധീകരിച്ചു. ഹൈക്കോടതിയുടെ നിർദ്ദേശപ്രകാരമാണ് ഫലം പ്രസിദ്ധീകരിച്ചത്.&nbsp;
കുറ്റാരോപിതരുടെ പരീക്ഷാഫലം പ്രഖ്യാപിക്കാത്തതിൽ ഹൈക്കോടതി സർക്കാരിനെ വിമർശിച്ചിരുന്നു. ഫലം പ്രസിദ്ധീകരിച്ചില്ലെങ്കിൽ അനാസ്ഥയായി കണക്കാക്കുമെന്ന് കോടതി പറഞ്ഞിരുന്നു. കേസിലെ കുറ്റാരോപിതർക്ക് തുടർപഠനത്തിന് അവസരം ലഭിക്കും.

ഷഹബാസ് വധക്കേസ്; കുറ്റാരോപിതരായ ആറ് വിദ്യാർത്ഥികളുടെ പരീക്ഷാഫലം പ്രസിദ്ധീകരിച്ചു

കോഴിക്കോട് : താമരശ്ശേരിയില്‍ പത്താംക്ലാസ് വിദ്യാര്‍ഥി ഷഹബാസിനെ കൊലപ്പെടുത്തിയ കേസില്‍ കുറ്റാരോപിതരായ വിദ്യാര്‍ഥികള്‍ക്ക് ഹയര്‍സെക്കൻഡറി, വൊക്കേഷണല്‍ ഹയര്‍സെക്കൻഡറി കോഴ്സുകളില്‍ അപേക്ഷിക്കുന്നതിനുള്ള സൗകര്യത്തിനായി അപേക്ഷ സ്വീകരിക്കുന്നത് ബുധനാഴ്ച വൈകീട്ട് അഞ്ചുവരെ നീട്ടി.
മുന്‍നിശ്ചയപ്രകാരം ചൊവ്വാഴ്ച വൈകീട്ട് അഞ്ചുവരെയാണ് അപേക്ഷ സ്വീകരിച്ചത്. ഇതിനിടെയാണ് കുറ്റാരോപിതരായ ആറു വിദ്യാര്‍ഥികളുടെ പത്താം ക്ലാസ് ഫലം പ്രസിദ്ധീകരിക്കാനും അവര്‍ക്ക് ഉന്നതവിദ്യാഭ്യാസത്തിന് അപേക്ഷിക്കാനും സൗകര്യം ഏര്‍പ്പെടുത്താന്‍ ഹൈക്കോടതി ഇടക്കാല ഉത്തരവിട്ടത്.കോടതി ഉത്തരവനുസരിച്ച് അഡ്മിഷന്‍പോര്‍ട്ടല്‍ ഒരുദിവസംകൂടി തുറക്കാന്‍ ഹയര്‍സെക്കൻഡറി ജോ. ഡയറക്ടര്‍ (അക്കാദമിക്) ആണ് നിര്‍ദേശം നല്‍കിയത്. കുറ്റാരോപിതരായ കുട്ടികളുടെ പത്താംക്ലാസ് പരീക്ഷാഫലം പ്രസിദ്ധീകരിക്കണമെന്ന് നേരത്തെ ബാലവകാശ കമ്മിഷനും നിര്‍ദേശിച്ചിരുന്നു.

ഹൈക്കോടതി ഉത്തരവ്; ഷഹബാസ് വധക്കേസ് പ്രതികള്‍ക്കുവേണ്ടി ഹയര്‍സെക്കൻഡറി പ്രവേശനം നീട്ടി

ന്യൂഡൽഹി: മുൻ പ്രധാനമന്ത്രിയും കോൺഗ്രസ് നേതാവുമായിരുന്ന രാജീവ് ഗാന്ധിയുടെ 34ാം രക്തസാക്ഷിത്വ ദിനത്തിൽ വൈകാരിക കുറിപ്പുമായി മകനും ലോക്സഭ പ്രതിപക്ഷ നേതാവുമായ രാഹുൽ ഗാന്ധി. പിതാവിന്‍റെ ഓർമകളാണ് തന്നെ ഓരോ ചുവടുവെപ്പിലും നയിക്കുന്നതെന്നും അദ്ദേഹത്തിന്‍റെ പൂർത്തീകരിക്കപ്പെടാത്ത സ്വപ്നങ്ങൾ സാക്ഷാത്കരിക്കുമെന്നും രാഹുൽ എക്സിലെ കുറിച്ചു.
'പപ്പാ, നിങ്ങളുടെ ഓർമകളാണ് എന്നെ ഓരോ ചുവടുവെപ്പിലും നയിക്കുന്നത്. നിങ്ങളുടെ പൂർത്തീകരിക്കപ്പെടാത്ത സ്വപ്നങ്ങൾ സാക്ഷാത്കരിക്കുക എന്നതാണ് എന്റെ ദൃഢനിശ്ചയം - ഞാൻ തീർച്ചയായും അവ നിറവേറ്റും'. -രാഹുൽ എക്സിൽ കുറിച്ചു.
1991 മെയ് 21ന് തമിഴ്നാട്ടിലെ ശ്രീപെരുമ്പത്തൂരിൽ തെരഞ്ഞെടുപ്പ് പ്രചാരണ റാലിക്കിടെ തമിഴ്പുലികൾ ആസൂത്രണം ചെയ്ത ചാവേർ ബോംബ് സ്ഫോടനത്തിലാണ് രാജീവ് ഗാന്ധി വധിക്കപ്പെട്ടത്

'പപ്പാ, നിങ്ങളുടെ ഓർമകളാണ് എന്നെ നയിക്കുന്നത്' ; രാജീവ് ഗാന്ധിയുടെ രക്തസാക്ഷിത്വ ദിനത്തിൽ വൈകാരിക കുറിപ്പുമായി രാഹുൽ ഗാന്ധി

ന്യൂഡല്‍ഹി: പാക് ഭീകരസംഘടനയായ ലഷ്‌കറെ തൊയ്ബയുടെ സ്ഥാപകരിലൊരാളായ അമീര്‍ ഹംസയ്ക്ക് ഗുരുതരമായി പരിക്കേറ്റതായി റിപ്പോര്‍ട്ട്. ലാഹോറിലെ വീട്ടില്‍വെച്ച് എന്തോ അപകടം സംഭവിച്ചെന്നും ഗുരുതരമായി പരിക്കേറ്റ അമീര്‍ ഹംസ ആശുപത്രിയില്‍ ചികിത്സയിലാണെന്നും ദേശീയമാധ്യമങ്ങള്‍ റിപ്പോര്‍ട്ട് ചെയ്തു.
എങ്ങനെയാണ് അമീര്‍ ഹംസയ്ക്ക് അപകടം സംഭവിച്ചതെന്നും പരിക്കേറ്റതെന്നും ഇതുവരെ വ്യക്തമല്ല. അതേസമയം, വീട്ടില്‍വെച്ച് വെടിയേറ്റാണ് ഇയാള്‍ക്ക് പരിക്കേറ്റതെന്ന് സാമൂഹികമാധ്യമങ്ങളില്‍ അഭ്യൂഹമുണ്ട്. ചോരയില്‍ കുളിച്ച് കിടക്കുന്ന അമീര്‍ ഹംസയുടെ ചില ദൃശ്യങ്ങളും സാമൂഹികമാധ്യമങ്ങളില്‍ പ്രചരിക്കുന്നുണ്ട്. എന്നാൽ, വെടിയേറ്റതാണെന്ന അഭ്യൂഹം ചില അന്വേഷണഉദ്യോഗസ്ഥർ തള്ളിക്കളഞ്ഞതായും റിപ്പോർട്ടുകളിൽ പറയുന്നു.നിരോധിത ഭീകരസംഘടനയായ ലഷ്‌കറിന്റെ മുതിര്‍ന്ന നേതാക്കളിലൊരാളാണ് അമീര്‍ ഹംസ. തീവ്രപ്രസംഗങ്ങളിലൂടെയും ലഷ്‌കറിന്റെ പ്രസിദ്ധീകരണങ്ങളിലൂടെയും ഇയാള്‍ കുപ്രസിദ്ധി നേടിയിരുന്നു. അമീര്‍ ഹംസ ഉള്‍പ്പെടെയുള്ള 17 ഭീകരവാദികള്‍ ചേര്‍ന്നാണ് ലഷ്‌കറെ തൊയ്ബ സ്ഥാപിച്ചത്.&nbsp;

ലഷ്കർ സ്ഥാപകന്‍ അമീര്‍ ഹംസയ്ക്ക് ഗുരുതരമായി പരിക്കേറ്റെന്ന് റിപ്പോര്‍ട്ട്

Search Results for: 26.01.2024