മാവേലിക്കര: ധനകാര്യ സ്ഥാപനങ്ങളില്‍ മുക്കുപണ്ടം പണയംവെച്ച് തട്ടിപ്പുനടത്തുന്ന സംഘത്തിലെ യുവതി അറസ്റ്റില്‍. തൃശ്ശൂര്‍ വാടാനപ്പള്ളി രായംമരയ്ക്കാര്‍ വീട്ടില്‍ റുക്‌സാന ഭാഗ്യവതി(സോന-38)യാണു പിടിയിലായത്. മാവേലിക്കരയിലെ ധനകാര്യ സ്ഥാപനത്തില്‍ മുക്കുപണ്ടം പണയംവെച്ച് തട്ടിപ്പു നടത്തിയതിനാണ് അറസ്റ്റ്. ഹണിട്രാപ്പ് കേസിലെ പ്രധാന പ്രതിയാണു റുക്‌സാനയെന്നും പോലീസ് പറഞ്ഞു.
മുക്കുപണ്ടം പണയംവെച്ച കേസില്‍ ഒന്നാംപ്രതിയായ മാവേലിക്കര തഴക്കര കോലേഴത്തു വീട്ടില്‍ സുധീഷ് (43), റുക്‌സാനയുടെ ഭര്‍ത്താവ് സജീര്‍ എന്നിവരെ മാവേലിക്കര പോലീസ് നേരത്തേ അറസ്റ്റുചെയ്തിരുന്നു. കേരളത്തിലങ്ങോളമിങ്ങോളം സമാനമായ തട്ടിപ്പു നടത്തിവന്ന സംഘത്തിലെ പ്രധാന കണ്ണിയാണു റുക്‌സാന. 2023 ഫെബ്രുവരിയില്‍ നടത്തിയ തട്ടിപ്പിനുശേഷം ഒളിവിലായിരുന്നു.
ഇവരെ പിടികൂടാന്‍ മാവേലിക്കര ഇന്‍സ്‌പെക്ടര്‍ സി. ശ്രീജിത്തിന്റെ നേതൃത്വത്തില്‍ പ്രത്യേകസംഘമുണ്ടാക്കിയിരുന്നു. തൃശ്ശൂര്‍ വടക്കാഞ്ചേരിയില്‍നിന്നാണു പിടിയിലായത്. മാവേലിക്കര കോടതിയില്‍ ഹാജരാക്കിയ പ്രതിയെ റിമാന്‍ഡു ചെയ്തു.

മുക്കുപണ്ടം പണയംവെച്ച് തട്ടിപ്പ് നടത്തുന്ന സംഘത്തിലെ യുവതി പിടിയില്‍

Kerala

തിരുവനന്തപുരം: കെപിസിസി പ്രസിഡന്റ് കെ.സുധാകരനും പ്രതിപക്ഷ നേതാവ് വി.ഡി.സതീശനും ചേർന്നു നയിക്കുന്ന ‘സമരാഗ്നി’ സംസ്ഥാന ജാഥ ഫെബ്രുവരിയിലേക്കു മാറ്റും. ഈ മാസം നിയമസഭാ സമ്മേളനം നടക്കുന്ന സാഹചര്യത്തിലാണു മാറ്റം. പുതിയ തീയതി നിയമസഭാ സമ്മേളനത്തിന്റെ തീയതി നിശ്ചയിച്ച ശേഷം തീരുമാനിക്കും. ജാഥാ പര്യടനത്തിന്റെ സമയവും ചുരുക്കി. ഈ മാസം 21നു തുടങ്ങി അടുത്തമാസം പകുതിയോടെ അവസാനിപ്പിക്കാനാണു നേരത്തേ ആലോചിച്ചിരുന്നത്.&nbsp;
സമയം ചുരുക്കിയതിനാൽ 140 നിയമസഭാ മണ്ഡലങ്ങളിലും പര്യടനമുണ്ടാകില്ല. മൂന്നോ, നാലോ മണ്ഡലങ്ങൾക്ക് ഒരു പരിപാടി എന്ന നിലയിൽ ക്രമീകരിക്കും. എവിടെയെല്ലാം വേണമെന്ന കാര്യം ജില്ലാ കോൺഗ്രസ് നേതൃത്വവുമായി ചർച്ച ചെയ്തു തീരുമാനിക്കും. ഗവർണറുടെ നയപ്രഖ്യാപന പ്രസംഗം, നന്ദി പ്രമേയ ചർച്ച, ബജറ്റ് അവതരണം എന്നിവ നടക്കുന്ന ഈ സഭാ സമ്മേളനം പ്രതിപക്ഷത്തിനും വളരെ നിർണായകമാണ്. തൊട്ടുപിന്നാലെ ലോക്സഭാ തിരഞ്ഞെടുപ്പു പ്രഖ്യാപനം വരുമെന്നും പ്രതീക്ഷിക്കുന്നു. ഈ സാഹചര്യങ്ങളെല്ലാം പരിഗണിച്ചാണു മാറ്റം.
ജാഥയുടെ സംഘാടനത്തിനായി കെപിസിസി രൂപീകരിച്ച 11 അംഗ സംഘാടക സമിതിയുടെ ആദ്യയോഗം പ്രതിപക്ഷ നേതാവ് വി.ഡി.സതീശൻ, യുഡിഎഫ് കൺവീനർ എം.എം.ഹസൻ എന്നിവരുടെ സാന്നിധ്യത്തിൽ ചേർന്നു.&nbsp;

കെ പി സി സി ‘സമരാഗ്നി’ ജാഥ ഫെബ്രുവരിയിലേക്ക് മാറ്റും

പത്തനംതിട്ട: മന്ത്രി കെ. രാധാകൃഷ്ണനെ ജാതീയമായി അധിക്ഷേപിച്ച കേസിൽ ഒരാൾ അറസ്റ്റിൽ. തിരുവല്ല കടപ്ര സ്വദേശി ശരത് നായർ എന്നയാളെയാണ് പൊലീസ് അറസ്റ്റ് ചെയ്തത്. ആർ.എസ്.എസ് അനുഭാവിയാണ് ഇയാൾ. മന്ത്രി ശബരിമല സന്ദർശനം നടത്തിയ ഫോട്ടോ ഉപയോഗിച്ച് സമൂഹമാധ്യമത്തിലൂടെയാണ് ഇയാള്‍ ജാതീയമായി അധിക്ഷേപിച്ച് പോസ്റ്റിട്ടത്. കഴിഞ്ഞ വ്യാഴാഴ്ചയാണ് കേസിനാസ്പദമായ സംഭവമുണ്ടായത്.
ഫാൻഫൈറ്റ് ക്ലബ്ബ് എന്ന് പേരിലുള്ള ഫേസ്ബുക്ക് ഗ്രൂപ്പിലാണ് ഇയാൾ മന്ത്രിയുടെ ശബരിമല സന്ദർശനം നടത്തിയ സമയത്തെ ഫോട്ടോ വെച്ച് ജാതീയമായ പോസ്റ്റ് ഇട്ടത്. ജാതിപ്പേര് അടക്കം വിളിച്ചുകൊണ്ടായിരുന്നു ഇയാളുടെ പോസ്റ്റ്. പോസ്റ്റിനുപിന്നാലെ ഡി.വൈ.എഫ്.ഐ തിരുവല്ല പൊലീസിൽ പരാതി നൽകുകയായിരുന്നു. ഈ പരാതിയിൻമേൽ നടത്തിയ അന്വേഷണത്തിലാണ് ഇപ്പോൾ പ്രതിയെ അറസ്റ്റ് ചെയ്തത്. എസ്.സി.എസ്.ടി വകുപ്പ് പ്രകാരവും കലാപാഹ്വാനത്തിനുള്ള വകുപ്പ് പ്രകാരവുമായി കേസെടുത്തിട്ടുള്ളത്.

മന്ത്രി കെ.രാധാകൃഷ്ണനെ ജാതീയമായി അധിക്ഷേപിച്ച കേസ്; ബി.ജെ.പി അനുഭാവി അറസ്റ്റിൽ

ഇടുക്കി: മുൻ മന്ത്രി എം എം മണിയുടെ സഹോദരൻ ലംബോധരന്റെ സ്ഥാപനത്തിൽ കേന്ദ്ര ജി എസ് ടി വകുപ്പിന്റെ റെയ്ഡ്. ഇടുക്കി അടിമാലി ഇരുട്ടുകാനത്തെ ഹൈറേഞ്ച് സ്‌പൈസസിലാണ് പരിശോധന. ലംബോധരൻ നികുതി വെട്ടിപ്പ് നടത്തിയെന്ന പരാതിയുടെ അടിസ്ഥാനത്തിലാണ് ജി എസ് ടി വകുപ്പിന്റെ നടപടി. രാവിലെ പത്തരയോടെയാണ് എട്ടിലധികം ഉദ്യോഗസ്ഥർ സ്ഥലത്തെത്തി പരിശോധന ആരംഭിച്ചത്. സ്ഥാപനത്തിൽ ഒൻപത് ജീവനക്കാരുണ്ട്. ഇവരെ ആരെയും പുറത്തുവിട്ടില്ല. ഇടുക്കിയിലെത്തുന്ന വിനോദ സഞ്ചാരികളെ ലക്ഷ്യമിട്ട് പ്രവർത്തിക്കുന്ന സ്ഥാപനമാണ് ഹൈ റേഞ്ച് സ്‌പൈസസ്.
ലംബോധരന്റെ പേരിൽ ഇതിനുമുമ്പും വിവാദങ്ങളുണ്ടായിട്ടുണ്ട്. ഭാര്യയുടെ പേരിൽ ഇരുട്ടുകാനത്തു സിപ് ലൈൻ പദ്ധതി ആരംഭിക്കുന്നതുമായി ബന്ധപ്പെട്ട് മാസങ്ങൾക്ക് മുമ്പ് വിവാദമുയർന്നിരുന്നു. സിപ് ലൈൻ പദ്ധതിക്ക് പഞ്ചായത്തും ടൂറിസം വകുപ്പും അനുമതി നൽകിയിരുന്നു. എന്നാൽ വീട് നിർമാണത്തിനും കൃഷിയ്ക്കും മാത്രം ഉപയോഗിക്കാൻ അനുമതിയുള്ള ഭൂമിയിൽ സിപ് ലൈൻ പദ്ധതി കൊണ്ടുവരാൻ റവന്യു അധികൃതർ നിയമവിരുദ്ധമായി സഹായിച്ചെന്നായിരുന്നു ആരോപണം.

എംഎം മണിയുടെ സഹോദരന്റെ സ്ഥാപനത്തിൽ ജിഎസ് ടി വകുപ്പിന്റെ പരിശോധന

കോഴിക്കോട്: ശുചിത്വ മാലിന്യ സംസ്കരണ സംവിധാനങ്ങൾ തദ്ദേശസ്വയംഭരണ സ്ഥാപനങ്ങളിൽ പ്രവർത്തിക്കുന്നുണ്ടോ എന്ന് പരിശോധിച്ച് ഓരോ തദ്ദേശ സ്ഥാപനത്തിന്റെയും ശുചിത്വ ഗ്രേഡിങ് നിർണയിക്കുന്നതിനുള്ള ഉദ്യോഗസ്ഥ സംഘ പരിശോധന കോഴിക്കോട് കോർപ്പറേഷൻ ഓഫീസിൽ നടന്നു പൊതു ശുചിത്വ മാലിന്യ സംസ്കരണം നടപ്പിലാക്കുന്നതിന് ഓരോ നോഡൽ ഓഫീസറെ നിയമിച്ചത് അടക്കം അജൈവജൈവമാലിന്യ സംസ്കരണം,ജീവനക്കാരുടെ സ്വന്തം വീട്ടിൽ നിന്ന് അജൈവ വസ്തുക്കൾ ഹരിത കർമ്മ സേനയ്ക്ക് കൈമാറുന്നുണ്ടോ എന്ന പരിശോധന, സാനിറ്ററി മാലിന്യ സംസ്കരിക്കുവാനുള്ള സംവിധാനം , ഇ മാലിന്യങ്ങൾ , പഴയ ഫർണിച്ചറുകൾ ,എന്നിവയുടെ കൈ ഒഴിയൽ ,ഓഫീസ് ശുചിമുറികളുടെ ശുചിത്വം, ദ്രവമാലിന്യ സംസ്കരണം, സോക്ക് പിറ്റിന്റെ നിർമ്മാണം ,ഓഫീസ് പരിസരത്ത് കൂട്ടിയിട്ട മാലിന്യങ്ങൾ, പരിസരത്ത് പൂന്തോട്ട നിർമ്മാണം, ഹരിത പെരുമാറ്റ ചട്ടങ്ങൾ, ശുചിത്വ പരിശീലനം, എന്നിങ്ങനെ 28 ഘടകങ്ങൾ പരിശോധിച്ചാണ് പരമാവധി 200 മാർക്കിലുള്ള ഗ്രേഡിങ് പരിശോധന നടത്തുന്നത്.&nbsp;
പരിശോധന റിപ്പോർട്ട് തദ്ദേശ സ്വയംഭരണ വകുപ്പിന്കൈമാറി. ശുചിത്വത്തിൽ പിറകിലായ തദ്ദേശസ്വയംഭരണ സ്ഥാപനങ്ങൾക്ക്എതിരെ തുടർ നടപടി സ്വീകരിക്കുന്നതാണ്. കോഴിക്കോട് ബ്ലോക്ക് പഞ്ചായത്ത് ,കുന്ദ മംഗലം എന്നിവയുടെ കീഴിലുള്ള ഗ്രാമപഞ്ചായത്തുകൾ,കോഴിക്കോട് നഗരസഭ, ഫറോക്ക് ,രാമനാട്ടുകര നഗരസഭ എന്നിവിടങ്ങളിൽ പരിശോധന പൂർത്തിയായി റിപ്പോർട്ട് ജോയിൻറ് ഡയറക്ടർക്ക് പെർഫോമ സഹിതം സമർപ്പിച്ചു. കോർപ്പറേഷനിലെ പരിശോധനയിൽ വിജിലൻസ് ഓഫീസർ ടി. ഷാഹുൽ ഹമീദ്, കില തീമാറ്റിക് എക്സ് പേർട്ട് സനീഷ തോമസ്, ശുചിത്വ മിഷിൻ റിസോഴ്സ് പേഴ്സൺ ആർ ജിഷ, കോർപ്പറേഷനിലെ ശുചിത്വമിഷൻ യങ് പ്രൊഫഷണൽ ഐ കെ നിരഞ്ജന എന്നിവർ നേതൃത്വം നൽകി.

കോർപ്പറേഷനിൽ ഉദ്യോഗസ്ഥരുടെ നേതൃത്വത്തിൽ ശുചിത്വ ഗ്രേഡിംഗ് പരിശോധന

Kozhikode

മാഹി: പള്ളൂരിലെ സബർമതി ട്രസ്റ്റ്, ദിയ ചാരിറ്റബിൾ ട്രസ്റ്റ് മൈസൂർ എന്നിവയുടെ സംയുക്താഭിമുഖ്യത്തിൽ മാഹിയിലെയും സമീപ പഞ്ചായത്ത്, നഗരസഭയിലെയും എല്ലാ വിഭാഗം ഭിന്നശേഷിക്കാർക്കുമായി തൊഴിൽ നൈപുണ്യ പരിശീലന ക്യാമ്പ് (ലൈവ്‌ലിഹുഡ് ക്യാമ്പെയിൻ) സംഘടിപ്പിക്കുന്നു. ജനുവരി ഏഴിന് രാവിലെ 10.30 മുതൽ മാഹി സഹകരണ ബി.എഡ് കോളേജ് ഓഡിറ്റോറിയത്തിൽ വച്ച് നടക്കുന്ന ക്യാമ്പെയിൻ, മാഹി എം.എൽ.എ രമേഷ് പറമ്പത്ത് ഉദ്ഘാടനം ചെയ്യും.സ്നേഹസദൻ ഇൻസ്റ്റിറ്റ്യൂട്ട് ഓഫ് ഡിഫറൻ്റലി എബിൾഡ് ചിൽഡ്രൻ്റെ ഡയറക്ടർ സജിത്ത് നാരായണൻ മുഖ്യാതിഥി ആയിരിക്കും. വർഷങ്ങളായി ഭിന്നശേഷിക്കാർക്ക് നൈപുണ്യ പരിശീലനം നൽകി അവരെ ജോലിയിൽ പ്രവേശിപ്പിക്കുന്നത് വരെയുള്ള കാര്യങ്ങളിൽ ശ്രദ്ധ പതിപ്പിച്ച മൈസൂരിലെ ദിയ ചാരിറ്റബിൾ ട്രസ്റ്റിൻ്റെ സഹകരണത്തോടെയാണ് സബർമതി ട്രസ്റ്റ് തൊഴിൽ നൈപുണ്യ പരിശീലന ക്യാമ്പ് സംഘടിപ്പിക്കാൻ മുന്നോട്ട് വന്നത്. സംശയങ്ങൾക്ക് 9446669970, 9048869327, 8943765284 എന്നീ നമ്പറുകളിൽ വിളിക്കാവുന്നതാണ്. സബർമതി ട്രസ്റ്റ് വൈസ് ചെയർമാൻ മുനവർ പന്തക്കൽ, സബർമതി ട്രസ്റ്റ് ഡിസേബിലിറ്റീസ് &amp; പാലിയേറ്റീവ് കെയർ കൗൺസിൽ കൺവീനർ അഷിത ബഷീർ, ദിയ ചാരിറ്റബിൾ ട്രസ്റ്റ് പ്രൊജക്ട് കോർഡിനേറ്റർ കെ.യു.അഭിൻകൃഷ്ണ, അർബൻ റിസോഴ്സ് സെന്റർ-അർബൻ മിത്ര കോർഡിനേറ്റർ കലയരശു എം, ആപ്ത പ്രസിഡന്റ് ജോഷിത്ത് കുമാർ, സെക്രട്ടറി സുജിൻ ടി, രക്ഷാധികാരി രേഖ ഇ എം, കോർഡിനേറ്റർ ലത്തീഫ് ഗ്രാമത്തി എന്നിവർ വാർത്ത സമ്മേളനത്തിൽ പങ്കെടുത്തു.

ഭിന്നശേഷിക്കാർക്കായി തൊഴിൽ  നൈപുണ്യ പരിശീലന ക്യാമ്പ് മാഹിയിൽ

Mahe

ഒഞ്ചിയം: ലയം റസിഡൻസ് അസോസിയേഷൻ തയ്യിൽ ഒഞ്ചിയം ലയം ഫെസ്റ്റ് '23 എന്ന പേരിൽ വാർഷികാഘോഷം വിവിധ പരിപാടികളോടെ നടത്തി. രാവിലെ ഒൻപത് മുതൽ എൽ.കെ.ജി മുതൽ ഹയർ സെക്കൻഡറി വരെ പഠിക്കുന്ന കുട്ടികൾക്ക് കായിക മത്സരങ്ങൾ നടത്തി. വൈകുന്നേരം സാസ്കാരിക സമ്മേളനം നടത്തി. സമ്മേളനത്തിൽ ലയം റസിഡൻസ് അസോസിയേഷൻ സെക്രട്ടറി രാജൻ വെള്ളാറ സ്വാഗതം പറഞ്ഞു.
വാർഡ് മെമ്പർ ഒ.കെ.ചന്ദ്രി അധ്യക്ഷതവഹിച്ചു. യോഗം ഡോ. ശശികുമാർ പുറമേരി ഉത്ഘാടനം ചെയ്തു. വടകര ബ്ലോക്ക് മെമ്പർ ശ്രീമതി ശശികലാ ദിനേശൻ വിജയി കൾക്ക് സമ്മാന വിതരണം നടത്തി. വാർഡ് മെമ്പർ ശ്രീമതി. ഷജിന കൊടക്കാട്ട് ആശംസകൾ അർപ്പിച്ചു. ലയം റസിഡൻസ് ട്രഷറർ സി.കെ. ചാത്തു നന്ദി പറഞ്ഞു. സാംസ്കാരിക സമ്മേളനാനന്തരം റസിഡൻസ് അംഗങ്ങളുടെ വിവിധ കലാപരികൾ നടന്നു.

ലയം റസിഡൻസ് അസോസിയേഷൻ വാർഷികാഘോഷം സംഘടിപ്പിച്ചു

Vadakara

കരിപ്പൂർ: സൗദി അറേബ്യയിൽ നിന്നും കടത്തിയ ഒരു കിലോ സ്വർണം കരിപ്പൂർ എയർപോർട്ടിന് പുറത്തു വച്ച് പൊലീസ് പിടികൂടി. ജിദ്ദയിൽ നിന്ന് രാവിലെ ഒമ്പതരയ്ക്ക് ഇൻഡിഗോ ഫ്‌ളൈറ്റിൽ കരിപ്പൂർ എയർപോർട്ടിലെത്തിയ കരുവാരകുണ്ട് സ്വദേശി ഫിറോസിൽ (47) നിന്നാണ് പൊലീസ് ഒരു കിലോ സ്വർണം പിടികൂടിയത്.
ജ്യൂസർ മെഷീനിന്റെ മോട്ടോറിനകത്ത് ആർമേച്ചറിൽ രഹസ്യ അറയുണ്ടാക്കി സ്വർണം ഉരുക്കിയൊഴിച്ച് ഇരുമ്പിന്റെ ഷീറ്റ് വച്ചടച്ച് വെൽഡ് ചെയ്ത രൂപത്തിലാണ് സ്വർണം കടത്തിക്കൊണ്ടു വന്നത്. 999.6 ഗ്രാം തുക്കമുണ്ട്. വിപണിവില പ്രകാരം 63.87 ലക്ഷം രൂപ വില മതിക്കും. ജില്ലാ പൊലീസ് മേധാവിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു അറസ്റ്റ്.
പാർക്കിംഗ് ഏരിയയിൽ വച്ച് ഫിറോസിനെ കസ്റ്റഡിയിലെടുത്ത് ചോദ്യം ചെയ്തതിൽ നിന്ന് ലഭിച്ച വിവരപ്രകാരം എയർപോർട്ടിന് പുറത്ത് ഇയാളെ കാത്തുനിന്ന കരൂവാങ്കല്ല് സ്വദേശി ഷംസുദ്ദീൻ (49), വാണിയമ്പലം സ്വദേശി നൗഫൽ ബാബു (37) എന്നിവരെയും പിടികൂടി. വണ്ടൂർ കേന്ദ്രീകരിച്ചുള്ള സംഘമാണ് കള്ളക്കടത്തിന് പിന്നിൽ. പിടിച്ചെടുത്ത സ്വർണം കോടതിയിലും തുടരന്വേഷണത്തിനായി വിശദമായ റിപ്പോർട്ട് കസ്റ്റംസ് പ്രിവന്റീവിനും സമർപ്പിക്കും.&nbsp;

സ്വർണക്കടത്തിന് കണ്ടെത്തിയത് പുതിയ രീതി; ഒരു കിലോയുമായി കരിപ്പൂരിൽ യാത്രക്കാരൻ പിടിയിൽ

നാദാപുരം: ഗ്രാമപഞ്ചായത്തിന്റെ ആഭിമുഖ്യത്തിൽ 12 മുതൽ 26 വരെ കല്ലാച്ചിയിൽ നടക്കുന്ന നാദാപുരം ഫെസ്റ്റിന്റെ ലോഗോ പ്രകാശനം ജില്ലാ കളക്ടർ സ്നേഹിൽ‌ കുമാർ സിംഗ്‌ നിർവഹിച്ചു. ലഗേഷ്‌ ജി.എല്ലാണ് ലോഗോ രൂപകൽപന ചെയ്തത്‌. ഗ്രാമ പഞ്ചായത്ത്‌ പ്രസിഡന്റ്‌ വി.വി. മുഹമ്മദലി, സ്വാഗതസംഘം കൺവീനർ വി.പി. കുഞ്ഞികൃഷണൻ, ഗ്രാമപഞ്ചായത്ത്‌ വൈസ്‌ പ്രസിഡന്റ്‌ അഖില മര്യാട്ട്‌, സ്ഥിരംസമിതി അദ്ധ്യക്ഷന്മാരായ സി.കെ. നാസർ, എം. സി. സുബൈർ, ഗ്രാമപഞ്ചായത്ത്‌ സെക്രട്ടറി എൻ. ഷാമില, സംഘാടകസമിതി ഭാരവാഹികളായ അഡ്വ.കെ.എം.രഘുനാഥ്, കെ.പി. കുമാരൻ, കരിമ്പിൽ ദിവാകരൻ, ഇ.പി. സജീവൻ എന്നിവർ സന്നിഹിതരായി.

നാദാപുരം ഫെസ്റ്റ്‌: ലോഗോ പ്രകാശനം ചെയ്തു

Nadapuram

തലയോലപ്പറമ്പ്: പുതുവത്സരാഘോഷത്തിന് സുഹൃത്തുക്കളോടൊപ്പം ഗോവയിലെത്തിശേഷം കാണാതായ മറവന്തുരുത്ത് സന്തോഷ് വിഹാറിൽ സഞ്ജയ് സന്തോഷ് (20) ന്റെ മൃതദേഹം കടപ്പുറത്തുനിന്നും കണ്ടെത്തി. സഞ്ജയിന്റെ അച്ഛൻ മൃതദേഹം സൂക്ഷിച്ചിട്ടുള്ള ആശുപത്രിയിലെത്തി തിരിച്ചറിഞ്ഞതായാണ് വിവരം.
മരണം എങ്ങനെ സംഭവിച്ചു എന്നതിനെ സംബന്ധിച്ച് വിവരം ലഭിച്ചിട്ടില്ല. ഡിസംബർ 29നാണ് കുലശേഖരമംഗലം സ്വദേശികളായ കൃഷ്‌ണദേവ്, ജയകൃഷ്‌ണൻ എന്നിവരോടൊപ്പം സഞ്ജയ് ഗോവയിലേക്ക് തിരിച്ചത്. ഡിസംബർ 31 -ാം തീയതി പുതുവത്സരാഘോഷം കഴിഞ്ഞ് സഞ്ജയിനെ കാണാതായി എന്നാണ്‌ കൂട്ടുകാരുടെ മൊഴി. ഗോവ പൊലീസ് അന്വേഷണം നടത്തവെയാണ്‌ മൃതദേഹം കണ്ടെത്തിയത്‌.

പുതുവത്സരാഘോഷത്തിനിടെ ഗോവയിൽ കാണാതായ മലയാളിയുടെ മൃതദേഹം കണ്ടെത്തി

വടകര: സഹകരണ ആശുപത്രിയിൽ സൗജന്യ ഗൈനക്കോളജി മെഡിക്കൽ ക്യാമ്പ് സംഘടിപ്പിക്കുന്നു. നാളെ (ജനുവരി 5) വെള്ളിയാഴ്ച രാവിലെ 9 30 മുതൽ ഒരു മണി വരെയാണ് ക്യാമ്പ്. കോഴിക്കോട് മെഡിക്കൽ കോളേജ് റിട്ടയേർഡ് പ്രൊഫസറും എച്ച് ഒ ഡിയുമായിരുന്ന ഡോക്ടർ മിനി സി എച്ച്, ഡോക്ടർ ഗംഗാദേവി, ഡോക്ടർ ദീപ്തി രാജ് എന്നിവർ ക്യാമ്പിന് നേതൃത്വം നൽകും. ക്യാമ്പിൽ പങ്കെടുക്കുന്നവർക്ക് സൗജന്യ ഡോക്ടർ പരിശോധന , പ്രഷർ, പ്രമേഹ പരിശോധന , ഡോക്ടർ നിർദ്ദേശിക്കുന്നവർക്ക് അൾട്രാസൗണ്ട് സ്കാനിങ് (സ്ക്രീനിംഗ് ) ടെസ്റ്റ്, പാപ് സ്മിയർ ടെസ്റ്റ് എന്നിവ ലഭ്യമാകും. കൂടുതൽ വിവരങ്ങൾക്കും ബുക്കിങ്ങിനും 8281699305 എന്ന നമ്പറിൽ ബന്ധപ്പെടാവുന്നതാണ്.

വടകര സഹകരണ ആശുപത്രിയിൽ സൗജന്യ ഗൈനക്കോളജി മെഡിക്കൽ ക്യാമ്പ് നാളെ

തലശ്ശേരി: പെൻഷൻകാർക്ക് ആനുകൂല്യം നൽകാതെ കേരള സർക്കാർ ലാഭമുണ്ടാകുക എന്ന ലക്ഷ്യത്തോടെ പ്രവർത്തിച്ചു വരികയാണെന്ന് കേരള സ്റ്റേറ്റ് പെൻഷനേഴ്‌സ് സംസ്ഥാന വൈസ് പ്രസിഡന്റ്‌ എം. ഈശ്വർ റാവു. കേരള സ്റ്റേറ്റ് പെൻഷനേഴ്‌സ് സംഘ് 26 ആമത് കണ്ണൂർ ജില്ലാ സമ്മേളനം തലശ്ശേരി ചക്യത്ത് മുക്ക് മാതാ അമൃതാനന്ദമയി മഠം ഹാളിൽ വച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സ്വാമി അഭേദാമൃതാനന്ദപുരി ദീപപ്രോജ്ജ്വലനം നടത്തി. ജില്ലാ പ്രസിഡന്റ്‌ കെ. എൻ. വിനോദ് അധ്യക്ഷത വഹിച്ചു. ബി എം സ് ജില്ലാ പ്രസിഡന്റ്‌ കെ ജഗദീശൻ, തലശ്ശേരി നഗരസഭ കൗൺസിലർ പ്രീത പ്രദീപ്, എൻ ജി ഒ സംഘ് ജില്ലാ വൈസ് പ്രസിഡണ്ട് വി പ്രജിത്ത്, ബിജെപി സ്റ്റേറ്റ് കമ്മിറ്റി മെമ്പർ മോഹനൻ മാനന്തേരി എന്നിവർ ആശംസകൾ നേർന്നു. കെ എസ് പി എസ് ജില്ലാ സെക്രട്ടറി എൻ വി മോഹനൻ സ്വാഗതവും ജനറൽ കൺവീനർ സി പി രാജൻ നന്ദിയും പറഞ്ഞു. പുതിയ അംഗങ്ങൾക്കുള്ള മെമ്പർഷിപ്പ് വിതരണം നടന്നു.

പെൻഷൻകാർക്ക് ആനുകൂല്യം നൽകാതെ കേരള സർക്കാർ ലാഭമുണ്ടാക്കുന്നുവെന്ന് എം ഈശ്വർ റാവു

കോട്ടയം: തൃശൂര്‍ തേക്കിൻകാട് മൈതാനിയിൽ ബിജെപി സംഘടിപ്പിച്ച ‘സ്ത്രീശക്തി മോദിക്കൊപ്പം’ മഹിളാ സമ്മേളനത്തിൽ നടി ശോഭന പങ്കെടുത്തതിനെ വിമർശിക്കുന്നതിൽ പ്രതികരണവുമായി എഴുത്തുകാരി ശാരദക്കുട്ടി. ശോഭനയെ സംഘിയാക്കിയാൽ ശോഭനക്കൊന്നുമില്ലെന്നും സംഘികൾക്കതു ഗുണം ചെയ്യുമെന്നു മാത്രമെന്നും അവർ ഫെയ്സ്ബുക്കിൽ കുറിച്ചു. മഹിളാ സമ്മേളനത്തിന്റെ പ്രസംഗത്തിനിടെ, ‘നമ്മൾ ജീവിക്കുന്നതു ശക്തമായ നേതൃത്വമുള്ളപ്പോളാണെന്നും ഏറെ പ്രതീക്ഷയോടെയാണ് വനിതാ സംരക്ഷണ ബിൽ നോക്കിക്കാണുന്നത്’ എന്നും ശോഭന പറഞ്ഞിരുന്നു.
ഫെയ്സ്ബുക് കുറിപ്പിന്റെ പൂർണരൂപം:
നൃത്തവും സിനിമയും അല്ലാതെ മറ്റൊന്നിനെ കുറിച്ചും ശോഭന ഇന്നുവരെ സംസാരിച്ചു കേട്ടിട്ടില്ല. നീണ്ട അഭിമുഖങ്ങളിൽ പോലും അവർ കലാജീവിതമല്ലാതെ വ്യക്തിപരമായതൊന്നും വെളിപ്പെടുത്താറില്ല. മറ്റൊന്നും അവർ ശ്രദ്ധിക്കുന്നതായി തോന്നിയിട്ടില്ല. അവരുടെ വേദികൾ, രാഷ്ട്രീയ ഇടമായല്ല, കലാകാരി എന്ന നിലയിൽ കിട്ടുന്ന വേദി ആയി മാത്രമാണ് അവർ കാണുന്നത്.&nbsp;
നവകേരള സദസ്സിന്റെ ഭാഗമായ കേരളീയത്തെയും മോദി വേദിയെയും അവർ ഒരുപോലെ കാണുന്നത് അതുകൊണ്ടാണ്. രാഷ്ട്രീയ അജ്ഞതയാണത്. മോദിയെ കുറിച്ചും പിണറായിയെ കുറിച്ചും രാഹുൽ ഗാന്ധിയെ കുറിച്ചും എഴുതിക്കൊടുക്കുന്നത് അവർ പറയും. രാഷ്ട്രീയ ബോധത്തിൽ അതാണ് അവരുടെ നില. നില മാത്രമാണത്. നിലപാടല്ല.
നാളെ ഗവർണറുടെ വേദിയിലും കോൺഗ്രസിന്റെ വേദിയിലും അവരെത്തും. അവരുടെ നിലക്കൊത്ത ചെലവുകൾ വഹിക്കാൻ സംഘാടകർ തയാറെങ്കിൽ. എഴുതിക്കൊണ്ടുവന്ന പ്രസംഗം അവർ തപ്പിയും തടഞ്ഞും വായിക്കും. അവരുടെ സംഘി ചായ് എന്നൊക്കെ ഇതിനെ പെരുപ്പിച്ചാലും അവരിത് അറിയാനോ ശ്രദ്ധിക്കാനോ പോകുന്നില്ല. ശ്രദ്ധിച്ചാലും പതിവ് i dnt care ഭാവമായിരിക്കും അവരുടേത്. എന്നെ ഒന്നും ബാധിക്കില്ല എന്നൊരു മട്ട് ആ സ്വയംപ്രഖ്യാപിത ഇരിപ്പിലും നടപ്പിലുമുണ്ട്.&nbsp;
മല്ലികാ സാരാഭായിയെ പോലെയോ ഷബാന ആസ്മിയെ പോലെയോ രാഷ്ട്രീയ ചിന്തകളുള്ള ഒരു വ്യക്തിയല്ല ശോഭന. ബിജെപി സമ്മേളനത്തിൽ പങ്കെടുക്കില്ല എന്ന തീരുമാനമെടുക്കാൻ മാത്രമൊന്നുമുള്ള രാഷ്ട്രീയബോധമില്ലാത്ത ഒരാളെ കുറിച്ചും അവർ വായിച്ചു തീർത്ത ഒരു കുറിപ്പിനെ കുറിച്ചും ഇത്ര ബേജാറാകേണ്ട കാര്യമുണ്ടെന്നു തോന്നുന്നില്ല. ശോഭനയെ സംഘിയാക്കിയാൽ ശോഭനക്കൊന്നുമില്ല, സംഘികൾക്കതു ഗുണം ചെയ്യുമെന്നു മാത്രം.

ശോഭനയെ സംഘിയാക്കിയാൽ ശോഭനക്കൊന്നുമില്ല, സംഘികൾക്കു ഗുണം ചെയ്യുമെന്നു മാത്രം; പ്രതികരണവുമായി ശാരദക്കുട്ടി

ബെംഗളൂരു: ബെളഗാവിയിൽ താലികെട്ടിന് തൊട്ടുമുൻപ് വധുവിനോടു കൂടുതൽ സ്ത്രീധനം ആവശ്യപ്പെട്ട വരനെ അറസ്റ്റ് ചെയ്തു. സർക്കാർ ജോലിക്കാരനാണ് ഇയാൾ. ഹുബ്ബള്ളി സ്വദേശി സച്ചിൻ പാട്ടീലാണ് പിടിയിലായത്. ബെളഗാവി ഖാനാപുരയിലെ വധുവിന്റെ വീടിനു സമീപത്തെ കല്യാണ മണ്ഡപത്തിൽ ഡിസംബർ 31നായിരുന്നു വിവാഹം നിശ്ചയിച്ചിരുന്നത്.
ബെളഗാവി കലക്ടറേറ്റിൽ ജീവനക്കാരനായ സച്ചിന് 5 ലക്ഷം രൂപയും 50 ഗ്രാം സ്വർണവും വിവാഹ നിശ്ചയ സമയത്ത് നൽകിയിരുന്നു. എന്നാൽ വിവാഹച്ചടങ്ങിനെത്തിയപ്പോൾ 100 ഗ്രാം സ്വർണവും 10 ലക്ഷം രൂപയും നൽകിയാൽ മാത്രമേ താലികെട്ടുകയുള്ളൂവെന്ന് നിർബന്ധം പിടിച്ചതോടെ യുവതി വിവാഹത്തിൽനിന്നു പിൻമാറി. വധുവിന്റെ മാതാപിതാക്കൾ പരാതി നൽകിയതോടെ സച്ചിനെ അറസ്റ്റ് ചെയ്തു.&nbsp;

താലികെട്ടിന് തൊട്ടുമുൻപ് കൂടുതൽ സ്ത്രീധനം ആവശ്യപ്പെട്ടു; വരൻ അറസ്റ്റിൽ

National

ബെംഗളൂരു∙ ചിക്കമംഗളൂരുവിൽ 14 വയസ്സുകാരിയുടെയും 38 വയസ്സുള്ള സ്കൂൾ ബസ് ഡ്രൈവറുടെയും മൃതദേഹം റെയിൽവേ ട്രാക്കിൽ കണ്ടെത്തി. സംഭവത്തിൽ സ്കൂൾ മാനേജ്മെന്റിനെതിരെ കേസെടുത്തു. വിദ്യാർഥിനിയുടെ പിതാവിന്റെ പരാതിയിലാണ് നടപടി.
അജാംപുരയ്ക്ക് സമീപത്താണ് ഇരുവരുടെയും മൃതദേഹം കണ്ടെത്തിയത്. വിഷം കഴിച്ച ശേഷം ജീവനൊടുക്കുകയായിരുന്നുവെന്ന് പൊലീസ് പറഞ്ഞു. ഡ്രൈവർ പ്രണയാഭ്യർഥനയുമായി വിദ്യാർഥിനിയെ ശല്യം ചെയ്തിരുന്നതായി പിതാവ് സ്കൂൾ പ്രിൻസിപ്പലിന് നേരത്തെ പരാതി നൽകിയിരുന്നു.&nbsp;&nbsp;

14കാരിയായ വിദ്യാർഥിനിയും 38കാരനായ സ്കൂൾ ബസ് ഡ്രൈവറും മരിച്ച നിലയിൽ

തിരുവനന്തപുരം∙ കേരള എൻജിനീയറിങ് പ്രവേശന പരീക്ഷ (കീം) ഈ അധ്യയന വർഷം മുതൽ ഓൺലൈനായി നടത്തുമെന്ന് ഉന്നത വിദ്യാഭ്യാസ - സാമൂഹികനീതി മന്ത്രി ഡോ. ആർ ബിന്ദു അറിയിച്ചു. പ്രവേശന പരീക്ഷാ കമ്മിഷണർക്ക് ഇതിന് അനുമതി നൽകിയ ഉത്തരവിനു മന്ത്രിസഭായോഗം സാധൂകരണം നൽകിയതായി മന്ത്രി ആർ. ബിന്ദു പറഞ്ഞു. പരീക്ഷ സമയബന്ധിതമായും കൂടുതൽ കാര്യക്ഷമമായും നടത്താനാണ് ഈ തീരുമാനമെന്നും മന്ത്രി പറഞ്ഞു.
ചോദ്യങ്ങൾ സജ്ജീകരിക്കൽ, അച്ചടി, ഗതാഗതം, ഒഎംആർ അടയാളപ്പെടുത്തൽ, മൂല്യനിർണയം എന്നിവ ഉൾപ്പെടുന്ന നിലവിലെ പരീക്ഷാ നടത്തിപ്പ് ബുദ്ധിമുട്ടുകൾ പരിഗണിച്ച് പരീക്ഷ ഓൺലൈനായി നടത്താനുള്ള നിർദ്ദേശം പ്രവേശന പരീക്ഷാ കമ്മിഷണർ സർക്കാരിന്റെ പരിഗണനയ്ക്ക് സമർപ്പിച്ചിരുന്നു. എൻജിനീയറിങ് വിദ്യാഭ്യാസത്തിനു പ്രസക്തമായ പൊതുവായതും വിഷയാധിഷ്ഠിത കഴിവുകൾ പരിശോധിക്കുന്നതുമായ ഒറ്റപ്പേപ്പര് ഉണ്ടാകുക, പരീക്ഷ കംപ്യൂട്ടർ അധിഷ്ഠിത (സിബിടി) ടെസ്റ്റ് ആയി നടത്തുക തുടങ്ങിയവയായിരുന്നു പ്രധാന നിർദ്ദേശങ്ങൾ. കാര്യക്ഷമത, വഴക്കം, കുറഞ്ഞ പേപ്പർ ഉപഭോഗം, കാര്യക്ഷമമായ മൂല്യനിർണയം, വേഗത്തിലുള്ള ഫല പ്രോസസിങ് എന്നിവയുൾപ്പെടെ നേട്ടങ്ങൾ സിബിടി മോഡിനുള്ളതായും ശുപാർശ ചൂണ്ടിക്കാട്ടിയിരുന്നു.
ഈ ശുപാർശകൾ പരിഗണിച്ച് പ്രഫഷനൽ ബിരുദ കോഴ്‌സുകളിലേക്കുള്ള കീം പ്രവേശന പരീക്ഷ ഓൺലൈനായി നടത്താൻ അനുമതി നൽകി പുറപ്പെടുവിച്ച ഉത്തരവാണ് മന്ത്രിസഭായോഗം സാധൂകരിച്ചത് - മന്ത്രി ഡോ. ആർ ബിന്ദു അറിയിച്ചു.

ഈ വർഷം മുതൽ 'കീം' ഓൺലൈനിൽ; മന്ത്രി ഡോ. ആർ ബിന്ദു

തൃശൂർ: മോദി പ്രസംഗിച്ച വടക്കുന്നാഥ മൈതാനിയിലെ വേദിയിൽ യൂത്ത് കോൺഗ്രസ് പ്രവർത്തകർ ചാണക വെള്ളം തളിക്കാൻ ശ്രമിച്ചു. ഇതേ തുടർന്ന് സ്ഥലത്ത് ബിജെപി - യൂത്ത് കോൺഗ്രസ് സംഘർഷം. ബിജെപി വാടകയ്ക്ക് എടുത്ത സ്ഥലത്തു വേദി പൊളിക്കുന്നതിനു മുൻപു ചാണക വെള്ളം തളിച്ചതാണു തടഞ്ഞതെന്നു ബിജെപി പറയുന്നു. സംഘർഷം പൊലീസ് ഇടപെട്ടു തടഞ്ഞു. പ്രവർത്തകർ തമ്മിൽ ഉന്തും തള്ളും അസഭ്യവർഷവും ഉണ്ടായി. ഇരുകൂട്ടർക്കുമിടയിൽ ഉദ്യോഗസ്ഥർ നിലയുറപ്പിച്ചതോടെയാണ് സംഘർഷാവസ്ഥയ്ക്ക് അയവു വന്നത്. പ്രധാനമന്ത്രിയുടെ തൃശ്ശൂരിലെ സന്ദശനവുമായി ബന്ധപ്പെട്ട് തേക്കിൻകാട് മെെതാനിയിലെ ആൽമരത്തിന്റെ ശിഖരങ്ങൾ വെട്ടിമാറ്റിയത് വലിയ വിവാദമായിരുന്നു. സുരക്ഷാപ്രശ്നങ്ങൾ ചൂണ്ടിക്കാട്ടിയായിരുന്നു നടപടി.

&nbsp;

മോദി പ്രസംഗിച്ച വേദിയിൽ ചാണക വെള്ളം തളിക്കാൻ ശ്രമിച്ചതിനെ ചൊല്ലി യൂത്ത് കോൺഗ്രസ് – ബിജെപി സംഘർഷം

ചെന്നൈ: തമിഴ്നാട് ബിജെപി അധ്യക്ഷൻ കെ.അണ്ണാമലൈ നടത്തുന്ന പദയാത്രയ്ക്കിടെ പൊലീസ് യൂണിഫോമിൽ പാർട്ടി അംഗത്വം സ്വീകരിച്ച രണ്ട് ഉദ്യോഗസ്ഥർക്ക് സസ്പെൻഷൻ. കഴിഞ്ഞ 27നു നാഗപട്ടണത്തു പദയാത്രയ്ക്കിടെ സുരക്ഷ ജോലിയിലുണ്ടായിരുന്ന സ്‌പെഷൽ പൊലീസ് അസി. ഇൻസ്‌പെക്ടർമാരായ രാജേന്ദ്രനും കാർത്തികേയനുമാണ് അണ്ണാമലൈയിൽ നിന്ന് ഔദ്യോഗിക വേഷത്തിൽ അംഗത്വം സ്വീകരിച്ചത്. സമൂഹ മാധ്യമങ്ങളിൽ ഇത് പ്രചരിച്ചതോടെ തഞ്ചാവൂർ ഡിഐജി ഇരുവരെയും സസ്പെൻഡ് ചെയ്യുകയായിരുന്നു. തുടർന്ന് ഇരുവരെയും നാഗപട്ടണം സായുധ സേനാ വിഭാഗത്തിലേക്ക് സ്ഥലം മാറ്റി.

യൂണിഫോമിൽ ബിജെപി അംഗത്വം സ്വീകരിച്ച പൊലീസുകാർക്ക് സസ്പെൻഷൻ

അത്തോളി: ഉള്ളിയേരിയിൽ കാർ യാത്രക്കാരനെ മർദിച്ച കേസിൽ ഒളിവിലായിരുന്ന ബസ് കണ്ടക്ടർ അറസ്റ്റിൽ. പെരുവണ്ണാമുഴി പൂവാറമ്മൽ വീട്ടിൽ റിജിലിനെ (31) ആണ് അത്തോളി എസ്ഐ ആർ.രാജീവും സംഘവും അറസ്റ്റ് ചെയ്തത്. കുറ്റ്യാടി –കോഴിക്കോട് റൂട്ടിൽ സർവീസ് നടത്തുന്ന എടത്തിൽ ബസിലെ കണ്ടക്ടറാണ് റിജിൽ.&nbsp;
ബസ് ഡ്രൈവർ പാലേരി ചെറിയകുമ്പളം എടവലത്ത് വീട്ടിൽ മുഹമ്മദ് ഇജാസി (27) നെ ഡിസംബർ 27 ന് അറസ്റ്റ് ചെയ്തിരുന്നു. മൊബൈൽ ഫോൺ കേന്ദ്രീകരിച്ച് നടത്തിയ അന്വേഷണത്തിലാണ് കണ്ടക്ടറും പിടിയിലായത്. ഡിസംബർ 25ന് ആയിരുന്നു കേസിനാസ്പദമായ സംഭവം. ഉള്ളിയേരി കാഞ്ഞിക്കാവ് കാഞ്ഞിരത്തിങ്കൽ ബിപിൻലാലിനാണ് (43) മർദനമേറ്റത്. പ്രതിയെ കോടതി റിമാൻഡ് ചെയ്തു. രണ്ട് പേരുടെയും ലൈസൻസ് റദ്ദാക്കിയിരുന്നു. സംഭവത്തിൽ ഇനിയും 2 പേർ കൂടി പിടിയിലാകാനുണ്ടെന്ന് പൊലീസ് പറഞ്ഞു.

ഉള്ളിയേരിയിൽ കാർ യാത്രക്കാരനെ മർദിച്ച സംഭവം; ബസ് കണ്ടക്ടറും പിടിയിൽ‌

Perambra

തിരുവനന്തപുരം: കേരളാ പബ്ലിക് സര്‍വ്വീസ് കമ്മീഷന്‍ (പി.എസ്.സി) വിവിധ തസ്തികകളിലേക്ക് അപേക്ഷ സമര്‍പ്പിക്കാനുള്ള അവസാന തിയ്യതി നീട്ടി. ജനുവരി മൂന്ന് അവസാന തിയ്യതിയായി നിശ്ചയിച്ച തസ്തികകളിലേക്ക് അപേക്ഷിക്കാനുള്ള സമയമാണ് നീട്ടിയത്. ഈ തസ്തികകളിലേക്ക് ജനുവരി അഞ്ചിന് രാത്രി 12 മണി വരെ അപേക്ഷിക്കാമെന്ന് പി.എസ്.സി. അറിയിച്ചു.

പി.എസ്.സി: അപേക്ഷ സമര്‍പ്പിക്കാനുള്ള തിയ്യതി നീട്ടി

തൃശ്ശൂര്‍: പ്രധാനമന്ത്രി നരേന്ദ്ര മോദിക്ക് മറുപടിയുമായി മന്ത്രി കെ.രാജന്‍. തൃശ്ശൂര് കണ്ട് ആരും പനിക്കേണ്ടെന്ന് വ്യക്തമാക്കിയ മന്ത്രി മത്സരിച്ചാല്‍ മിഠായിത്തെരുവില്‍ ഹലുവ കൊടുത്തത് പോലെയാകുമെന്നും പറഞ്ഞു. തൃശ്ശൂര്‍ പൂരത്തില്‍ രാഷ്ട്രീംകലര്‍ത്തുന്നത് പ്രധാനമന്ത്രിയുടെ പാര്‍ട്ടി തന്നെയാകുമെന്നും കെ.രാജന്‍ കൂട്ടിച്ചേര്‍ത്തു. തൃശ്ശൂര്‍ പൂരത്തെ അട്ടിമറിക്കാനുള്ള ശ്രമമാണ് സംസ്ഥാന സര്‍ക്കാരിന്റെ ഭാഗത്തുനിന്നുണ്ടാകുന്നതെന്ന് പ്രധാനമന്ത്രി മോദി വിമര്‍ശിച്ചിരുന്നു. ഇതിന് മറുപടി പറയുകയായിരുന്നു മന്ത്രി രാജന്‍.
'ഞങ്ങളാരും തൃശ്ശൂര്‍ പൂരത്തില്‍ രാഷ്ട്രീയംകലര്‍ത്തുന്നില്ല. അദ്ദേഹത്തിന്റെ പാര്‍ട്ടി നടത്തുന്നുണ്ടാകും. തൃശ്ശൂര്‍പൂരം ലോകത്തിന്റെ ഉത്സവമാണ്. എല്ലാ മലയാളികളുടേയും അഭിമാനമായ പൂരമാണത്. അതില്‍ മത-ജാതി-രാഷട്രീയഭേദങ്ങളില്ല. അതില്‍ രാഷ്ട്രീയംകലര്‍ത്താന്‍ ശ്രമിച്ചാല്‍ പ്രയാസകരമായിരിക്കും', മന്ത്രി രാജന്‍ പറഞ്ഞു.
തൃശ്ശൂരില്‍ സുരേഷ് ഗോപിയെ സ്ഥാനാര്‍ഥിയായി പ്രഖ്യാപിക്കാൻ തീരുമാനിച്ചതായി മാധ്യമപ്രവര്‍ത്തകര്‍ ചൂണ്ടിക്കാട്ടിയപ്പോള്‍ മന്ത്രി ഇങ്ങനെ മറുപടി നല്‍കി- 'ചില പാര്‍ട്ടികള്‍ മര്യാദയനുസരിച്ച് കമ്മിറ്റി കൂടി സ്ഥാനാര്‍ഥിയെ പ്രഖ്യാപിക്കും. ചിലര്‍ ഒറ്റയ്ക്ക് പ്രഖ്യാപിക്കും. അത് അവരവരുടെ താത്പര്യം. എന്തായാലും തൃശ്ശൂര്‍ കണ്ട് ആരും പ്രത്യേകമായി ഒന്നും കരുതേണ്ട. മിഠായിത്തെരുവില്‍ ഹലുവ കൊടുത്തപോലെയാകും. മത്സരിച്ചാല്‍ വിവരം അറിയും', മന്ത്രി വ്യക്തമാക്കി.

തൃശ്ശൂര് കണ്ട് ആരും പനിക്കേണ്ട, മിഠായിത്തെരുവില്‍ ഹലുവ കൊടുത്തതുപോലെയാകുമത്; മന്ത്രി കെ രാജന്‍

പാലക്കാട് : പെരുവെമ്പിൽ നവവധുവിനെ തൂങ്ങിമരിച്ചനിലയിൽ കണ്ടെത്തിയ സംഭവത്തിൽ പുതുനഗരം പോലീസ് അസ്വാഭാവിക മരണത്തിന് കേസെടുത്തു. പുണ്യംകാവ് തോട്ടുപാലം ‘റിഥ’ത്തിൽ നർമദയെ (28) ആണ് ചൊവ്വാഴ്ച രാത്രി 11-ന് സാരിയിൽ തൂങ്ങിയനിലയിൽ കണ്ടെത്തിയത്. സംഭവത്തിൽ ആർ.ഡി.ഒ.യുടെ പ്രതിനിധി ചിറ്റൂർ തഹസിൽദാർ എൻ.എൻ. മുഹമ്മദ് റാഫി ഇൻക്വസ്റ്റ് തയ്യാറാക്കി. പ്രാഥമിക അന്വേഷണത്തിൽ ശരീരത്തിൽ മുറിപ്പാടുകളോ മറ്റോ കണ്ടെത്തിയില്ലെന്ന് അധികൃതർ പറഞ്ഞു. പോലീസ് സയന്റിഫിക് സംഘവും സ്ഥലത്തെത്തി പരിശോധന നടത്തി. ഭർത്താവ് കുനിശ്ശേരി സ്വദേശി രാധാകൃഷ്ണനിൽനിന്നു പുതുനഗരം പോലീസ് മൊഴിയെടുത്തു.
രണ്ടുവർഷം ഒരുമിച്ച് താമസിച്ച ഇവർ കഴിഞ്ഞമാസമാണ് വിവാഹിതരായത്. നർമദയുടെ അച്ഛൻ രാജമാണിക്യവും അമ്മ ജ്യോതിയും മരിച്ചതാണ്. അമ്മയുടെ അമ്മ രഞ്ജിതം മാത്രമാണ് അടുത്ത ബന്ധുവായിട്ടുള്ളത്. പാലക്കാട്ടെ ചേരിപ്രദേശത്തുവളർന്ന നർമദ അധ്വാനിച്ച് പഠിച്ച്, ദുബായിൽ ഫ്ലൈ എമിറേറ്റ്സ് വിമാനക്കമ്പനിയിൽ ഉദ്യോഗസ്ഥയായി. സ്വന്തം അധ്വാനത്തിൽ പെരുവെമ്പിൽ വാങ്ങിയസ്ഥലത്ത് വീടുവെച്ച് താമസിക്കുകയായിരുന്നു. ഇതിനിടയ്ക്കാണ് ഇവരുടെ വിവാഹം. എന്നാൽ, ഭർത്താവുമായി ചില അസ്വാരസ്യങ്ങൾ ഉണ്ടായിരുന്നതായി അമ്മൂമ്മ രഞ്ജിതം പറഞ്ഞു.&nbsp;

നവവധു തൂങ്ങിമരിച്ച സംഭവത്തിൽ പോലീസ് കേസെടുത്തു

കാസർകോട്: കനത്ത മഴയുടെ പശ്ചാത്തലത്തിൽ കാസർകോട് ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. കാസർകോട് ജില്ലയിൽ ഇന്ന് റെഡ് അലർട്ടാണ്. നാളെ ഓറഞ്ച് അലർട്ടും പ്രഖ്യാപിച്ചിട്ടുണ്ട്.
പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കാണ് നാളെ ജില്ലാ കളക്‌ടർ ഇമ്പശേഖർ അവധി പ്രഖ്യാപിച്ചിരിക്കുന്നത്. ട്യൂഷൻ സെന്ററുകൾ, അങ്കണവാടികൾ, മദ്രസകൾ എന്നിവയ്‌ക്കും അവധി ബാധകമാണ്. മോഡൽ റസിഡൻഷ്യൽ സ്‌കൂളുകൾക്ക് അവധി ബാധകമല്ല.

കനത്ത മഴ തുടരുന്നു;കാസർകോട് ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി

മലപ്പുറം: കനത്ത മഴയില്‍ മലപ്പുറം വഴിക്കടവ് ആദിവാസി നഗര്‍ ഒറ്റപ്പെട്ടു. പുന്നപ്പുഴയില്‍ ജലനിരപ്പുയര്‍ന്നതോടെയാണ് പുഞ്ചക്കൊല്ലി, അളക്കല്‍ ആദിവാസി നഗറുകള്‍ ഒറ്റപ്പെട്ടത്. നീലഗിരി മേഖലയില്‍ കനത്ത മഴ പെയ്തതോടെയാണ് പുന്നപ്പുഴയില്‍ ജലനിരപ്പ് ഉയര്‍ന്നത്.
വഴിക്കടവിനേയും പുഞ്ചക്കൊല്ലി അളക്കല്‍ നഗറിനേയും ബന്ധിച്ചിരുന്ന കോണ്‍ക്രീറ്റ് പാലം 2018ല്‍ ഉണ്ടായ പ്രളയത്തില്‍ ഒലിച്ചുപോയിരുന്നു. അതിനുശേഷം മുളകൊണ്ട് ഉണ്ടാക്കിയ ചങ്ങാടമാണ് ഈ പ്രദേശത്തുള്ളവര്‍ പുഴ കടക്കാന്‍ ഉപയോഗിച്ചിരുന്നത്. പുഴയില്‍ പെട്ടന്ന് ജലനിരപ്പ് ഉയര്‍ന്നതോടെ ഇവര്‍ക്ക് ചങ്ങാടം ഉപയോഗിച്ച് പുഴകടക്കാന്‍ സാധിക്കാതെ വന്നതോടെയാണ് ഈ മേഖലയില്‍ ഉള്ളവര്‍ ഒറ്റപ്പെട്ട അവസ്ഥയിലായത്.&nbsp;

മലപ്പുറത്ത് കനത്ത മഴ; വഴിക്കടവ് ആദിവാസി നഗര്‍ ഒറ്റപ്പെട്ടു

തിരുവനന്തപുരം: സംസ്ഥാനത്ത് അതിതീവ്ര മഴയ്ക്ക് സാധ്യത തുടരുന്നു. കേന്ദ്ര കാലാവസ്ഥാ വകുപ്പ് പുതുക്കിയ മഴ മുന്നറിയിപ്പ് പുറപ്പെടുവിച്ചു. നേരത്തെ റെഡ് അലര്‍ട്ട് പ്രഖ്യാപിച്ച നാലുജില്ലകളില്‍ തിങ്കളാഴ്ച മുന്നറിയിപ്പ് തുടരും. ഇതിന് പുറമേ കാസര്‍കോടും റെഡ് അലര്‍ട്ട് പ്രഖ്യാപിച്ചിട്ടുണ്ട്.
അഞ്ച് വടക്കന്‍ ജില്ലകളിലാണ് തിങ്കളാഴ്ച റെഡ് അലർട്ട്. മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ തിങ്കളാഴ്ച അതിതീവ്ര മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില്‍ 204.4 മില്ലി മീറ്ററിൽ കൂടുതല്‍ മഴ ലഭിക്കാം. ഇടുക്കി, എറണാകുളം, തൃശ്ശൂര്‍, പാലക്കാട് ജില്ലകളില്‍ ഓറഞ്ച് അലര്‍ട്ടാണ്. പത്തനംതിട്ട, ആലപ്പുഴ, കോട്ടയം ജില്ലകളില്‍ മഞ്ഞ അറിയിപ്പാണ്. കൊല്ലത്തും തിരുവനന്തപുരത്തും മഴ മുന്നറിയിപ്പില്ല.
ചൊവ്വാഴ്ച കണ്ണൂര്‍, കാസര്‍ഗോഡ് ജില്ലകളില്‍ ഓറഞ്ച് അലര്‍ട്ടാണ്. മലപ്പുറം, കോഴിക്കോട്, വയനാട് ജില്ലകളില്‍ മഞ്ഞ മുന്നറിയിപ്പും പ്രഖ്യാപിച്ചിട്ടുണ്ട്.ശക്തമായ മഴ ലഭിച്ചുകൊണ്ടിരിക്കുന്ന മലയോര മേഖലയില്‍ മണ്ണിടിച്ചില്‍, ഉരുള്‍പൊട്ടല്‍, മലവെള്ളപ്പാച്ചില്‍ സാധ്യതയുണ്ട്. വെള്ളച്ചാട്ടങ്ങള്‍, ജലാശയങ്ങള്‍, മലയോര മേഖലകള്‍ എന്നിവിടങ്ങളിലേക്കുള്ള വിനോദ യാത്രകള്‍ മഴ മുന്നറിയിപ്പ് മാറുന്നത് വരെ ഒഴിവാക്കണമെന്ന് നിര്‍ദേശമുണ്ട്.

വടക്കന്‍ ജില്ലകളിൽ അതിതീവ്ര മഴയ്ക്ക് സാധ്യത ;ജാഗ്രതാനിർദ്ദേശം

കണ്ണൂർ: വളപട്ടണം മോഷണക്കേസിൽ കൃത്യം നടന്ന് പന്ത്രണ്ടാം ദിവസമാണ് പ്രതിയെ പൊലീസ് പിടികൂടിയത്. ഇക്കഴിഞ്ഞ 20ാം തീയതിയാണ് മോഷണം നടക്കുന്നത്. പക്ഷേ മോഷണവിവരം പുറത്തറിഞ്ഞത് നാല് ദിവസങ്ങൾക്ക് ശേഷമായിരുന്നു.&nbsp;
മോഷണം നടന്ന വീടിന്റെ തൊട്ടടുത്ത് തന്നെയാണ് പ്രതി ലിജീഷ് താമസിക്കുന്നത്. ലിജീഷ് അടക്കം 215 പേരെ കേസുമായി ബന്ധപ്പെട്ട് പൊലീസ് ആദ്യഘട്ടത്തിൽ ചോദ്യം ചെയ‌്തു. കോഴിക്കോട് മുതൽ ബംഗളൂരു വരെയുള്ള സിസിടിവ് ദൃശ്യങ്ങൾ, സമാനമായ രീതിയിൽ ഭവനഭേദനം നടന്ന പഴയ 63 കേസുകൾ എന്നിവയെല്ലാം അന്വേഷണസംഘം പരിശോധിച്ചു. ഒടുവിലാണ് റൂമിൽ നിന്ന് പ്രതി പുറത്തേക്കിറങ്ങുന്ന ദൃശ്യങ്ങൾ ലഭ്യമായത്. പിന്നീട് ഇത് കേന്ദ്രീകരിച്ചായിരുന്നു കൂടുതൽ അന്വേഷണം.രണ്ടുതവണയാണ് ലിജീഷ് അയൽപക്കത്തെ അരി വ്യാപാരിയുടെ വീട്ടിൽ മോഷണത്തിന് കയറിയത്. രണ്ടും ഒരേ സമയങ്ങളിൽ. വീടിനെ കുറിച്ച് നന്നായി അറിയാവുന്ന, വീട്ടിൽ ആൾ ഉടനൊന്നും വരില്ലെന്ന് കൃത്യമായി ബോധ്യമുള്ള ആളാണ് മോഷണത്തിന് പിന്നിലെന്ന് ഇതോടെ പൊലീസിന് മനസിലായി.&nbsp;
സിസിടിവിയിൽ ലിജീഷിന്റെ ദൃശ്യങ്ങൾ അവ്യക്തമായിരുന്നു. ഇയാളുടെ ശരീരഭാഷ മനസിലാക്കുന്നതിനായി നാട്ടിലെ പലർക്കും ദൃശ്യങ്ങൾ അന്വേഷണ സംഘം കൈമാറി. അങ്ങനെയാണ് ഈ രൂപത്തിന് ലിജീഷുമായി സാദൃശ്യങ്ങളുണ്ടെന്ന് ചിലർ വിവരം നൽകുന്നത്. മറ്റൊരു സുപ്രധാന തെളിവ്, കൃത്യം നടത്തിയ സമയത്ത് ലിജീഷ് ധരിച്ച ടീഷർട്ട് ആയിരുന്നു. ഇതേ ടീഷർട്ട് നേരത്തെ കണ്ടിട്ടുള്ളവർ അത് സംബന്ധിച്ചും വിവരം കൈമാറി.കാര്യങ്ങൾ ഏറെക്കുറെ വ്യക്തമായതോടെ വീട്ടിലെത്തി ലിജീഷിനെ പൊലീസ് തന്ത്രപരമായി കൂട്ടികൊണ്ടുവരികയായിരുന്നു. ചോദ്യം ചെയ്യലിന്റെ ആദ്യഘട്ടത്തിലൊന്നും പ്രതി പൊലീസിനോട് സഹകരിച്ചില്ല. ഒടുവിൽ വീടിന്റെ പറമ്പിനോട് ചേർന്ന് ഇയാൾ കത്തിച്ച ടീഷർട്ടിന്റെയും ഗ്ളൗസിന്റെ ഭാഗങ്ങൾ കൊണ്ടുവന്നു കാണിച്ചു. ഫിംഗർ പ്രിന്റും ഒത്തുവന്നതോടെ കള്ളൻ കുടുങ്ങുകയായിരുന്നു.
മോഷണം നടത്തിയ സ്വർണവും പണവും കിടപ്പു മുറിയിൽ പ്രത്യേകം പണികഴിപ്പിച്ച അറയിലാണ് ലിജീഷ് ഒളിപ്പിച്ചത്. ഗൾഫിലായിരുന്ന ലിജീഷ് നാട്ടിലെത്തി വെൽഡിംഗ് വർക്കുകൾ ചെയ്തു വരികയായിരുന്നു.&nbsp;

തൊണ്ടിമുതൽ കിടപ്പു മുറിയിൽ പ്രത്യേകം പണികഴിപ്പിച്ച അറയിൽ;വളപട്ടണം മോഷണക്കേസിലെ പ്രതിയെ കുടുക്കിയത് ഇങ്ങനെ

Kannur

തിരുവനന്തപുരം:മാധ്യമപ്രവർത്തകൻ ആര്‍ റോഷിപാലിനെതിരായ വധഭീഷണിയില്‍ കേസെടുത്ത് പൊലീസ്. നിസാര്‍ കുമ്പിള അടക്കം എട്ട് പേര്‍ക്കെതിരെയാണ് കേസെടുത്തിരിക്കുന്നത്.&nbsp;
ഭീഷണിപ്പെടുത്തല്‍, കുറ്റകൃത്യം ചെയ്യാനുള്ള പൊതു ഉദ്ദേശ്യം എന്നീ കുറ്റങ്ങള്‍ ചുമത്തിയാണ് കേസെടുത്തിരിക്കുന്നത്. റിപ്പോർട്ടർ മാനേജിംഗ് എഡിറ്റർ ആൻ്റോ അഗസ്റ്റിൻ്റെ പരാതിയിൽ തിരുവനന്തപുരം സിറ്റി സൈബർ പൊലീസാണ് കേസെടുത്തത്.പാലക്കാട് ഉപതിരഞ്ഞെടുപ്പ് റിപ്പോര്‍ട്ടിങിന്റെ ഭാഗമായി നല്‍കിയ വാര്‍ത്തകള്‍ക്ക് പിന്നാലെയാണ് സാമൂഹിക മാധ്യമങ്ങളിലൂടെ റോഷിപാലിനെതിരെ കൊലവിളി നടത്തിയത്.

ആര്‍ റോഷിപാലിനെതിരായ കൊലവിളി; പൊലീസ് കേസെടുത്തു

Search Results for: nevin dalvin