തിരുവനന്തപുരം: സിദ്ദിഖിനെതിരെ ​​അതീവ ​ഗൗരവകരമായ മൊഴി നൽകി പരാതിക്കാരിയായ നടി. ക്രൂര ബലാത്സം​ഗം നടന്നതായി യുവതി മൊഴി നൽകിയതായാണ് വിവരം. നടിയെ വൈദ്യപരിശോധനക്ക് വിധേയയാക്കി. സംഭവം നടന്ന ദിവസത്തെ രേഖകൾ ഹാജരാക്കാൻ മസ്കറ്റ് ഹോട്ടലിന് നിർദേശവും നൽകിയിട്ടുണ്ട്. സിദ്ദിഖിന്റെ അറസ്റ്റിലേക്ക് നയിക്കുന്ന നിർണായകമൊഴിയാണ് നടി നൽകിയിരിക്കുന്നതെന്നാണ് റിപ്പോർട്ട്.
നടിയുടെ രഹസ്യമൊഴി വ്യാഴാഴ്ച രേഖപ്പെടുത്തും. തിരുവനന്തപുരം കോടതിയിൽ വനിതാ മജിസ്ട്രേറ്റാണ് മൊഴി രേഖപ്പെടുത്തുക. മൊഴി രേഖപ്പെടുത്തിയതിന് ശേഷം തുടർ നടപടികൾ സ്വീകരിക്കുമെന്ന് അന്വേഷണ സംഘം വ്യക്തമാക്കി. രഹസ്യമൊഴി രേഖപ്പെടുത്തിയതിന് ശേഷം എഫ്ഐആർ പ്രത്യേക അന്വേഷണ സംഘത്തിന് കൈമാറുകയും പൂർണമായും കേസ് സംഘം ഏറ്റെടുക്കുമെന്നുമാണ് വിവരം. വനിതാ ഉദ്യോ​ഗസ്ഥരാകും കേസിൽ മേൽനോട്ടം വഹിക്കുക.
കഴിഞ്ഞ ദിവസമാണ് നടി രേഖാമൂലം പരാതി നൽകിയത്.

സിദ്ദിഖിനെതിരെ ​​അതീവ​ ​ഗുരുതരമായ മൊഴിനൽകി  യുവനടി

തൃശൂർ : തൃശൂരിൽ മാധ്യമ പ്രവർത്തകരെ കൈയേറ്റം ചെയ്ത സംഭവത്തിൽ നടനും കേന്ദ്രമന്ത്രിയുമായ സുരേഷ് ഗോപിക്കെതിരെ അന്വേഷണം,​ അനിൽ അക്കരയുടെ പരാതിയിലാണ് സുരേഷ് ഗോപിക്കെതിരെ പ്രാഥമികാന്വേഷണത്തിന് നിർദ്ദേശം നൽകിയത്. തൃശൂർ സിറ്റി എ.സി.പിക്കാണ് കമ്മിഷണ‍ർ നിർദ്ദേശം നൽ കിയത്.&nbsp;
പരാതിക്കാരനിൽ നിന്നും മാധ്യമപ്രവർത്തകരിൽ നിന്നും വേണ്ടി വന്നാൽ മൊഴിയെടുക്കുമെന്ന് എ.സി.പി അറിയിച്ചു.ലൈംഗികാരോപണം നേരിടുന്ന മുകേഷ് എം.എൽ.എയുടെ രാജിയുമായി ബന്ധപ്പെട്ട ചോദ്യങ്ങളോടായിരുന്നു സുരേഷ് ഗോപിയുടെ പ്രകോപനം. രാമനിലയത്തിൽ സുരേഷ് ഗോപിയുടെ പ്രതികരണം റിപ്പോർട്ട് ചെയ്യാനെത്തിയ മാധ്യമങ്ങളോട് പ്രതികരിക്കാൻ സൗകര്യമില്ലെന്ന് പറഞ്ഞ് സുരേഷ് ഗോപി തള്ളിമാറ്റുകയായിരുന്നു.

മാധ്യമ പ്രവർത്തകരെ കൈയേറ്റം ചെയ്ത സംഭവം,​ സുരേഷ് ഗോപിക്കെതിരെ അന്വേഷണം

Kerala

നിലമ്പൂർ: കരുളായിയിൽ കരടിയുടെ ആക്രമണത്തിൽ യുവാവിന് ഗുരുതരമായി പരിക്കേറ്റു. കരുളായി സ്വദേശി ജംഷീറലിക്കാണ് പരിക്കേറ്റത്. യുവാവിനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
ബുധനാഴ്ച വൈകിട്ടാണ് സംഭവം നടന്നത്. കാട്ടിൽ കൂൺ പറിക്കാൻ പോയ ജംഷീറലിയെ കരടി ആക്രമിക്കുകയായിരുന്നു. മറ്റു മൂന്ന് പേർ കൂടി യുവാവിനൊപ്പമുണ്ടായിരുന്നു.

കരടിയുടെ ആക്രമണത്തിൽ യുവാവിന് ഗുരുതര പരിക്ക്

പാലക്കാട്: പി.കെ ശശിക്കെതിരെ സിപിഎം അച്ചടക്ക നടപടിയ്‌ക്ക് സംസ്ഥാന സെക്രട്ടറിയേറ്റ് അംഗീകാരം. പാലക്കാട് ജില്ലാ കമ്മിറ്റി തീരുമാനം സംസ്ഥാന സെക്രട്ടറിയേറ്റ് അംഗീകരിക്കുകയായിരുന്നു. ഇന്ന്ചേർന്ന ജില്ലാ സെക്രട്ടറിയേറ്റ് യോഗത്തിൽ നടപടി റിപ്പോർട്ട് ചെയ്‌തു. ഇതോടെ തിരഞ്ഞെടുക്കപ്പെട്ട എല്ലാ പദവിയും ശശിയ്‌ക്ക് നഷ്‌ടമാകും, ഇനി പാർട്ടിയുടെ പ്രാഥമികാംഗത്വം മാത്രമാകും ശശിക്കുണ്ടാകുക. പാർട്ടി ജില്ലാ കമ്മിറ്റിയംഗമായിരുന്നു ശശി.&nbsp;
മുൻ എംഎൽഎയും കെടിഡിസിയുടെ ചെയർമാനുമാണ്.ഒരു കമ്മ്യൂണിസ്റ്റ് നേതാവിന്റെ ഭാഗത്തുനിന്നുമുണ്ടാകാൻ പാടില്ലാത്ത സാമ്പത്തിക തിരിമറി, സ്വജനപക്ഷപാതം ഇവയാണ് പി.കെ ശശിയുടെ ഭാഗത്ത് നിന്നും ഉണ്ടായതെന്നാണ് പാലക്കാട് ജില്ലാ കമ്മിറ്റിയിൽ ഉയർന്ന ആരോപണം. പാർട്ടിയിൽ ചർച്ച ചെയ്യാതെയാണ് പി.കെ ശശി പ്രവർത്തിച്ചിരുന്നത്

പി കെ ശശിക്കെതിരായ അച്ചടക്ക നടപടിക്ക് സിപിഎം അംഗീകാരം ;ഇനി പ്രാഥമികാംഗത്വം മാത്രം

കുറ്റ്യാടി: വിദ്യാർത്ഥികളുടെ കഠിനാധ്വാനവും അർപ്പണബോധവും അംഗീകരിക്കാനും അവർക്ക് പ്രചോദനമായി പ്രവർത്തിക്കാനും രക്ഷിതാക്കൾക്ക് കഴിയണമെന്ന് ഷാഫി പറമ്പിൽ എം.പി പറഞ്ഞു. അന്തരിച്ച കോൺഗ്രസ് നേതാവും അധ്യാപകനുമായിരുന്ന സി.സി. സൂപ്പിയുടെ സ്മരണയ്ക്കായി കുറ്റ്യാടി മണ്ഡലം കോൺഗ്രസ് കമ്മിറ്റി ഉന്നത വിജയികൾക്കായി സംഘടിപ്പിച്ച 'സ്നേഹാദരം വിജയോത്സവം' ഉദ്ഘാടനം ചെയ്യുകയായിരുന്നു അദ്ദേഹം.&nbsp;
വിവിധ രംഗങ്ങളിൽ തിളക്കമാർന്ന നേട്ടം കൈവരിച്ച കുറ്റ്യാടി പഞ്ചായത്തിലെ നൂറ്റമ്പതോളം പേരെ ചടങ്ങിൽ അനുമോദിക്കുകയും ഉപഹാരങ്ങൾ വിതരണം ചെയ്യുകയും ചെയ്തു. മണ്ഡലം പ്രസിഡൻ്റ് പി.കെ.സുരേഷ് അധ്യക്ഷനായി. ജൂനിയർ ചാപ്റ്റർ ട്രെയിനർ പി.പി.വിനോദ് കുമാർ ക്ലാസ് എടുത്തു. ഡി.സി.സി ജനറൽ സെക്രട്ടറി പ്രമോദ് കക്കട്ടിൽ, ബ്ലോക്ക് പ്രസിഡൻ്റ് ശ്രീജേഷ് ഊരത്ത്, ടി. സുരേഷ് ബാബു, എസ്.ജെ.സജീവ് കുമാർ, വിലങ്ങിൽ കുഞ്ഞിക്കേളു നമ്പ്യാർ, സലീൽ സുതാര്യ, ടി.അശോകൻ, എ.ടി.ഗീത, മംഗലശ്ശേരി ബാലകൃഷ്ണൻ, കെ.പി.ഷാജു, കെ.ഷിജീഷ്, കെ.വി.ഉണ്ണി തുടങ്ങിയവർ പങ്കെടുത്തു.

വിദ്യാർത്ഥികളുടെ കഠിനാധ്വാനവും അർപ്പണ ബോധവും അംഗീകരിക്കണം; ഷാഫി പറമ്പിൽ

Kuttiadi

വടകര: കരിമ്പനപ്പാലം കണ്ണങ്കുഴിയിൽ ശാരദ ചെക്കനാരീന്റവിട (84) അന്തരിച്ചു. ഭർത്താവ്; പരേതനായ നാരായണൻ പൊന്നാനി. മക്കൾ; അംബിക പുതിയാപ്പ്, അജിത പുതിയാപ്പ്, സവിത, സലിലൻ, സുകേശൻ. മരുമക്കൾ; രാഘുട്ടി പുതിയാപ്പ്, ദിനേശ് ബാബു, സന്ധ്യ കോട്ടപ്പള്ളി, രഹിന പഴങ്കാവ്, പരേതനായ ബാലൻ പുതിയാപ്പ്. സഹോദരങ്ങൾ; രാജു, രവീന്ദ്രൻ, സരസ, പരേതരായ കമല, ലീല, ശാന്ത, നാരായണി.

കരിമ്പനപ്പാലം കണ്ണങ്കുഴിയിൽ ശാരദ ചെക്കനാരീന്റവിട അന്തരിച്ചു

Inshort

കുറ്റ്യാടി: എഴുത്തുകാരൻ എം.മുകുന്ദൻ്റെ നോവലായ മയ്യഴിപുഴയുടെ തീരങ്ങൾ അമ്പത് വർഷം പൂർത്തിയാക്കുന്നതോടനുബന്ധിച്ച് നടത്തിയ സാഹിത്യ സെമിനാർ ശ്രദ്ധേയമായി. പൊതു വിദ്യാഭ്യാസ വകുപ്പ് വിദ്യാരംഗം കലാ സാഹിത്യ വേദി കുന്നുമ്മൽ ഉപജില്ല കമ്മിറ്റിയുടെ ആഭിമുഖ്യത്തിലാണ് ഹൈസ്കൂളുകളിൽ നിന്നും തിരഞ്ഞെടുത്ത വിദ്യാർത്ഥികൾക്കായി 'എം.മുകുന്ദനും മയ്യഴിപുഴയുടെ തീരങ്ങളും' എന്ന വിഷയത്തിൽ സെമിനാർ സംഘടിപ്പിച്ചത്. കോഴിക്കോട് ഡയറ്റ് ലക്ചറർ ഡി.ദിവ്യ ഉദ്ഘാടനം ചെയ്തു. ഉപജില്ല വിദ്യാഭ്യാസ ഓഫീസർ പി.എം.അബ്ദുറഹ്മാൻ അധ്യക്ഷനായി. കൺവീനർ പി.പി.ദിനേശൻ, കെ.പി.ബിജു, കെ.ശ്യാമള, രമേശ് ബാബു കാക്കന്നൂർ, ഗീത ഹരി, എ.റഷീദ്, എ.അനീഷ്‌, ബി.മുഷ്താഖ്, കെ.കെ.ഷറഫുന്നിസ തുടങ്ങിയവർ സംസാരിച്ചു.പി. ധ്രുവിക (നാഷണൽ എച്ച്.എസ്.എസ് വട്ടോളി) ,അൻവിദ (ജി.എച്ച്.എസ്.എസ് കുറ്റ്യാടി) ,എൻ.സി. ധിഷൺ ചന്ദ് (സംസ്കൃതം എച്ച്.എസ് വട്ടോളി) തുടങ്ങിയവർ സെമിനാർ അവതരണത്തിൽ യഥാക്രമം ഒന്ന്, രണ്ട്, മൂന്ന് സ്ഥാനങ്ങൾ കരസ്ഥമാക്കി.

എം മുകുന്ദനും മയ്യഴിപുഴയുടെ തീരങ്ങളും; സെമിനാറിൽ ശ്രദ്ധേയരായി വിദ്യാർത്ഥികൾ

കോഴിക്കോട് : തലക്കുളത്തൂരിൽ ചീഞ്ഞ കോഴിയിറച്ചി വിറ്റ കട പൂട്ടിച്ചു. അണ്ടിക്കോട് പ്രവർത്തിക്കുന്ന സിപിആർ ചിക്കൻ സ്റ്റാളാണ് പൂട്ടിയത്. ദുർഗന്ധം വന്ന് ഇറച്ചി പരിശോധിച്ചപ്പോൾ പുഴുക്കളെ കണ്ടെത്തി. ഇന്നലെ വൈകിട്ടായിരുന്നു സംഭവം. നാട്ടുകാർ വിവരം എലത്തൂർ പൊലീസിനെയും പഞ്ചായത്ത് പ്രസിഡന്റ് ഉൾപ്പെടെയുള്ള അധികൃതരെയും അറിയിച്ചു. തുടർന്ന് പൊലീസെത്തി കടയിലെ ഇതരസംസ്ഥാന ജോലിക്കാരനെ കസ്റ്റഡിയിൽ എടുത്ത് കട അടപ്പിച്ചു.
രാവിലെ പഞ്ചായത്ത് അധികൃതരും ഹെൽത്ത് ഇൻസ്പെക്ടറും ഉൾപ്പെടെയുള്ളവർ കടയിൽ പരിശോധന നടത്തി. 33 കിലോ ചത്ത കോഴി കടയിൽനിന്നു കണ്ടെടുത്തു. കടയുടെ ലൈസൻസ് റദ്ദ് ചെയ്യാനുള്ള നടപടികൾ സ്വീകരിക്കുമെന്നു പഞ്ചായത്ത് അധിക‍ൃതർ അറിയിച്ചു.

കോഴിക്കോട് തലക്കുളത്തൂരിൽ ചീഞ്ഞ കോഴിയിറച്ചി വിറ്റ കട പൂട്ടിച്ചു.

Kozhikode

തലക്കുളത്തൂരിൽ ചീഞ്ഞ കോഴിയിറച്ചി വിറ്റ കട പൂട്ടിച്ചു

ഷിംല: സ്ത്രീകളുടെ കുറഞ്ഞ വിവാഹപ്രായം 18 ൽ നിന്ന് 21 വയസ്സായി ഉയർത്തുന്ന ബിൽ പാസാക്കി ഹിമാചൽ പ്രദേശ് നിയമസഭ. വര്‍ഷകാല സമ്മേളനത്തിലാണ് ശൈശവ വിവാഹ നിരോധന (ഹിമാചൽ പ്രദേശ് ഭേദഗതി) ബിൽ, 2024 ശബ്ദവോട്ടോടെ പാസാക്കിയത്. വനിതാ ശാക്തീകരണ മന്ത്രി ധനി റാം ഷാൻഡിലാണ് സഭയിൽ ബിൽ അവതരിപ്പിച്ചത്. ലിംഗസമത്വത്തെയും ഉന്നത വിദ്യാഭ്യാസത്തെയും പിന്തുണയ്ക്കുന്നതിന്റെ ഭാ​ഗമായാണ് നടപടി.
സ്ത്രീകൾ എല്ലാ മേഖലയിലും മുന്നേറുകയാണ്. നേരത്തെയുള്ള വിവാഹങ്ങൾ അവരുടെ ഔദ്യോഗികജീവിതത്തെ മാത്രമല്ല, ശാരീരിക വളർച്ചയ്ക്കും തടസ്സമാകുന്നുണ്ട്. ലിംഗസമത്വവും ഉന്നതവിദ്യാഭ്യാസത്തിനുള്ള അവസരവും ഉറപ്പാക്കുന്നതിന് പെൺകുട്ടികളുടെ കുറഞ്ഞ വിവാഹപ്രായം വർധിപ്പിക്കേണ്ടത് അനിവാര്യമാണ്. അതിനാൽ, 2006-ലെ ശൈശവ വിവാഹ നിരോധന നിയമവും മറ്റ് അനുബന്ധ നിയമങ്ങളും ഭേദഗതി ചെയ്യാനും പെൺകുട്ടികളുടെ വിവാഹത്തിനുള്ള കുറഞ്ഞ പ്രായം 21 വയസ്സായി ഉയർത്താനും ബില്‍ നിര്‍ദേശിക്കുന്നു.

സ്ത്രീകളുടെ വിവാഹപ്രായം 21 വയസ്സായി ഉയർത്തുന്ന ബിൽ പാസാക്കി ;ചരിത്രതീരുമാനവുമായി ഹിമാചൽ സർക്കാർ

National

വയറിലെ കൊഴുപ്പ് കുറയ്ക്കാനായി കൃത്യമായ ഡയറ്റും വ്യായാമവും ഒരു പോലെ പ്രധാനമാണ്. ഇതിനായി കൊഴുപ്പും കാര്‍ബോഹൈട്രേറ്റും പഞ്ചസാരയും അടങ്ങിയ ഭക്ഷണങ്ങള്‍ ഒഴിവാക്കുകയും കലോറി വളരെ കുറഞ്ഞ ഭക്ഷണങ്ങള്‍ ഡയറ്റില്‍ ഉള്‍പ്പെടുത്തുകയും ചെയ്യണം. വയറിലെ കൊഴുപ്പിനെ പുറംതള്ളാന്‍ കുടിക്കാവുന്ന ചില ജ്യൂസുകളെ പരിചയപ്പെടാം.&nbsp;
1. ചീര ജ്യൂസ് 
ഫൈബറും ആന്‍റി ഓക്സിഡന്‍റുകളും അടങ്ങിയ ചീര ജ്യൂസ് കുടിക്കുന്നത് വയറിലെ കൊഴുപ്പിനെ കുറയ്ക്കാനും ശരീരഭാരം നിയന്ത്രിക്കാനും സഹായിക്കും.&nbsp;
2. വെള്ളരിക്ക ജ്യൂസ്&nbsp;
കലോറി വളരെ കുറഞ്ഞ, ഫൈബര്‍ ധാരാളം അടങ്ങിയ വെള്ളരിക്ക വിശപ്പിനെ നിയന്ത്രിക്കാന്‍ സഹായിക്കും. അതുവഴി ശരീരഭാരം കുറയ്ക്കാനും കഴിയും. അതിനാല്‍ വെള്ളരിക്ക ജ്യൂസും ഡയറ്റില്‍ ഉള്‍പ്പെടുത്താം.&nbsp;
3. ക്യാരറ്റ് ജ്യൂസ് 
ഫൈബര്‍ ധാരാളവും കലോറി വളരെ കുറഞ്ഞതുമായ ക്യാരറ്റ് വണ്ണം കുറയ്ക്കാന്‍ സഹായിക്കും. ദഹനം മെച്ചപ്പെടുത്താനും ക്യാരറ്റ് ജ്യൂസ് നല്ലതാണ്. 100 മില്ലിലിറ്റര്‍ ക്യാരറ്റ് ജ്യൂസില്‍ 39 കലോറി മാത്രമാണ് അടങ്ങിയിട്ടുള്ളത്. അതിനാല്‍ ക്യാരറ്റ് ജ്യൂസും ഡയറ്റില്‍ ഉള്‍പ്പെടുത്താം.&nbsp;
4. ബീറ്റ്റൂട്ട് ജ്യൂസ് 
ധാരാളം പോഷക​ഗുണങ്ങളുള്ള ഒന്നാണ് ബീറ്റ്റൂട്ട്. കലോറി കുറഞ്ഞതും ഫൈബര്‍ ധാരാളം അടങ്ങിയതുമായ ബീറ്റ്റൂട്ട് വിശപ്പിനെ നിയന്ത്രിക്കാനും അതുവഴി വണ്ണം കുറയ്ക്കാനും വയറു കുറയ്ക്കാനും സഹായിക്കും. അതിനാല്‍ ബീറ്റ്റൂട്ട് ജ്യൂസും ഡയറ്റില്‍ ഉള്‍പ്പെടുത്താം.&nbsp;

വയറിലെ കൊഴുപ്പ് കുറയ്ക്കാൻ ഈ  ജ്യൂസുകള്‍ ശീലമാക്കുക

Health

തിരുവനന്തപുരം: ഓണത്തോടനുബന്ധിച്ച്‌ സംസ്ഥാനത്തെ 62 ലക്ഷംപേർക്ക്‌ മൂന്നു മാസത്തെ ക്ഷേമപെൻഷൻ വിതരണം ചെയ്യും. ഈയാഴ്ച ഒരു മാസത്തെ പെൻഷനും അടുത്തമാസം രണ്ടു മാസത്തെ പെൻഷനും നൽകാനാണ്‌ ആലോചന. ഈ മാസത്തെ ക്ഷേമപെൻഷൻ അനുവദിച്ച്‌ ധനവകുപ്പ്‌ ഉത്തരവിറക്കി. ഈയാഴ്ചതന്നെ വിതരണം ആരംഭിക്കും. അടുത്ത മാസം രണ്ടു ഗഡു പെൻഷനായ 3200 രൂപയും നൽകാനാണ്‌ ആലോചന. ഇതോടെ ഓണത്തോടനുബന്ധിച്ച്‌ ഒരാൾക്ക്‌ 4800 രൂപവീതം ലഭിക്കും.
ഒരു മാസത്തെ പെൻഷനായി 900 കോടി രൂപയാണ്‌ സർക്കാർ ചെലവിടുന്നത്‌. മൂന്നു മാസത്തെ പെൻഷൻ നൽകാൻ 2700 കോടി രൂപ വേണ്ടിവരും. ബാങ്ക്‌ അക്കൗണ്ട്‌ നമ്പർ നൽകിയവർക്ക്‌ അക്കൗണ്ട്‌ വഴിയും മറ്റുള്ളവർക്ക്‌ സഹകരണ സംഘങ്ങൾവഴി നേരിട്ടും പെൻഷൻ എത്തിക്കും.

ഓണത്തിനുമുമ്പ്‌ 3 മാസത്തെ പെൻഷൻ നൽകും

കോഴിക്കോട്: എം.ഡി.എം.എ കടത്തുന്നതിനിടെ യുവതി ഉൾപ്പെടെ രണ്ടുപേരെ തിരുവമ്പാടി പോലീസ് പിടികൂടി. കൊടുവള്ളി വാവാട് വരലാട്ട് മുഹമ്മദ് ഡാനിഷ്(24), പുതുപ്പാടി കൈതപ്പൊയിൽ ആനോറമ്മൽ ജിൻഷ(25) എന്നിവരാണ് പിടിയിലായത്.
ആനക്കാംപൊയിലിലെ റിസോർട്ടിൽ വെച്ചാണ് ഇവർ കസ്റ്റഡിയിലായത്. കെ.എൽ. 57 സെഡ് 7913 നമ്പർ കാറിൽ മയക്കുമരുന്ന് കടത്തുന്നുണ്ടെന്ന വിവരത്തെ തുടർന്ന് പോലീസ് പരിശോധന നടത്തിയെങ്കിലും ആദ്യം വാഹനം കണ്ടെത്താനായില്ല. പിന്നീട് നടത്തിയ പരിശോധനയിലാണ് റിസോർട്ടിൽവെച്ച് ഇരുവരേയും പിടികൂടിയത്.6.32 ഗ്രാം എം.ഡി.എം.എ പോലീസ് കണ്ടെടുത്തു. ഇവർ സഞ്ചരിച്ച കാറും പോലീസ് കസ്റ്റഡിയിലെടുത്തു. കൊടുവള്ളി പോലീസ് സ്‌റ്റേഷനിലെ റൗഡി ലിസ്റ്റിൽ ഉൾപ്പെട്ട ഡാനിഷ് ആറോളം മയക്കുമരുന്ന് കേസുകളിൽ പ്രതിയാണെന്ന് പോലീസ് പറഞ്ഞു.

എം.ഡി.എം.എ കടത്താൻ ശ്രമം ; യുവാവും യുവതിയും കോഴിക്കോട്ടെ റിസോർട്ടിൽ പിടിയിൽ

കോഴിക്കോട്: ഷിരൂരിൽ മണ്ണിടിച്ചിലിൽ കാണാതായ അർജുന്റെ കുടുംബം ഇന്ന് വൈകിട്ടോടെ കർണാടക മുഖ്യമന്ത്രി സിദ്ധരാമയ്യയെ കാണും. ഗംഗാവാലി പുഴിയിലെ തിരച്ചിലിന് എത്രയും പെട്ടെന്ന് ഡ്രഡ്ജർ എത്തിക്കണമെന്ന് കർണാടക മുഖ്യമന്ത്രിയോട് ആവശ്യപ്പെടുമെന്നും അർജുന്റെ കുടുംബം അറിയിച്ചു.
ഡ്രഡ്ജറിൻ്റെ പേര് പറഞ്ഞാണ് നേരത്തേയും ഇപ്പോഴും തിരച്ചിൽ വൈകുന്നത്. ഡ്രഡ്ജറില്ലാതെ തിരച്ചിൽ നടക്കില്ലെന്ന് എല്ലാവർക്കും ഉറപ്പുള്ള കാര്യമാണ്. എത്രയും വേഗം ഇതെത്തിച്ച് തിരച്ചിൽ പുനരാരംഭിക്കണം. അനുകൂല നടപടി ഉണ്ടാകുമെന്ന് പ്രതീക്ഷിക്കുന്നു.കാര്യങ്ങൾ അനുകൂലം ആയില്ലെങ്കിൽ കേരള മുഖ്യമന്ത്രിയെ കണ്ട് കാര്യങ്ങൾ അറിയിക്കുമെന്നും ഇടപെടൽ ആവശ്യപ്പെടുമെന്നും അർജുൻ്റെ കുടുംബം പറഞ്ഞു.

അർജുന്റെ കുടുംബം ഇന്ന് സിദ്ധരാമയ്യയെ കാണും ;തിരച്ചിൽ പുനരാരംഭിക്കാൻ അഭ്യർത്ഥിക്കും

കൊല്ലം: ലൈം​ഗികാരോപണം നേരിടുന്ന മുകേഷ് എംഎൽഎ സ്ഥാനം രാജിവെക്കണമെന്ന് ആവശ്യപ്പെട്ട് എംഎൽഎ ഓഫീസിലേയ്ക്ക് നടത്തിയ യുഡിഎഫ്- ആർവൈഎഫ് പ്രതിഷേധമാർച്ചിൽ സംഘർഷം. പോലീസിന് നേരെ പ്രതിഷേധക്കാർ കല്ലെറിഞ്ഞു.
മുകേഷിന്റെ ഓഫീസിലേയ്ക്ക് ആര്‍വൈഎഫിന്റെ പ്രതിഷേധമാണ് ആദ്യം ഉണ്ടായത്. ഹെല്‍മറ്റും തടിക്കഷ്ണങ്ങളും പോലീസിനു നേരെ എറിഞ്ഞു. പോലീസിനു നേരെ കല്ലേറും ഉണ്ടായി. ആര്‍വൈഎഫിന്റെ സംസ്ഥാന പ്രസിഡന്റ് അഡ്വ. വിഷ്ണു മതില്‍ ചാടിക്കടക്കാന്‍ ശ്രമിച്ചതിനെ തുടര്‍ന്ന് അറസ്റ്റ് ചെയ്തു. എംഎല്‍എ രാജിവെക്കണമെന്നാവശ്യപ്പെട്ട് മഹിളാമോര്‍ച്ച പ്രവര്‍ത്തകരും മാര്‍ച്ച് നടത്തി. പിന്നീട് പ്രവര്‍ത്തകരെ പോലീസ് കസ്റ്റഡിയിലെടുത്തു.

മുകേഷ് രാജിവെക്കണമെന്ന് ആവശ്യപ്പെട്ട് യുഡിഎഫ്- ആർവൈഎഫ് മാർച്ച്; സംഘർഷം

തിരുവനന്തപുരം: പൊതുവിദ്യാലയങ്ങളിലെ 10–ാം ക്ലാസ് വരെയുള്ള ക്ലാസുകളിലെ ഓണപ്പരീക്ഷ സെപ്റ്റംബർ 3 മുതൽ 12 വരെ നടക്കും. ഹൈസ്കൂൾ വിഭാഗം പരീക്ഷ സെപ്റ്റംബർ 3നും യുപി വിഭാഗം പരീക്ഷകൾ 4നും എൽപി വിഭാഗം പരീക്ഷകൾ 6നും തുടങ്ങും. പരീക്ഷയുടെ ടൈംടേബിൾ പൊതുവിദ്യാഭ്യാസ വകുപ്പ് പ്രസിദ്ധീകരിച്ചു. പരീക്ഷാ ദിവസങ്ങളിൽ സർക്കാർ അവധി പ്രഖ്യാപിക്കുകയാണെങ്കിൽ അന്നത്തെ പരീക്ഷ 13ന് നടത്തും. ഓണാവധിക്കായി സ്കൂളുകൾ അടയ്ക്കുന്നതും 13നാണ്. അവധിക്കു ശേഷം 23ന് സ്കൂളുകൾ വീണ്ടും തുറക്കും.
&nbsp;

ഓണപ്പരീക്ഷ സെപ്റ്റംബർ 3 മുതൽ 12 വരെ

പയ്യോളി: സ്നേഹ സംഗമ സൗഹൃദ കൂട്ടായ്മ 2024 പെരുമ ഓഡിറ്റോറിയത്തിൽ നടന്നു. കെ. കെ സുദർശന കുമാർ അധ്യക്ഷത വഹിച്ചു. പയ്യോളി മുൻസിപ്പൽ ചെയർമാൻ വി. കെ അബ്ദുറഹിമാൻ പരിപാടി ഉദ്ഘാടനം ചെയ്തു. വടകര സബ് ഇൻസ്പെക്ടർ സുനിൽകുമാർ മുഖ്യപ്രഭാഷണം നടത്തി. ജീവേഷ് ഒ.ബി സ്വാഗതവും, വിനോദിനി കുഞ്ഞിപ്പള്ളി നന്ദിയും രേഖപ്പെടുത്തി.

സ്നേഹ സംഗമ സൗഹൃദ കൂട്ടായ്മ സംഘടിപ്പിച്ചു

Koyilandy

ആയഞ്ചേരി: അനുദിനം പുരോഗമിക്കുന്ന ആയഞ്ചേരി ടൗണിൽ ദിനേനയെത്തുന്ന നൂറു കണക്കിന് യാത്രക്കാർക്ക് പ്രാഥമികാവശ്യത്തിന് പോലും സൗകര്യമേർപ്പെടുത്താൻ സാധിക്കാത്ത ഗ്രാമപഞ്ചായത്ത് അധികൃതർ തികഞ്ഞ പരാജയമാണെന്നും ഭരണ കാലാവധി കഴിയുന്നതിന് മുമ്പ് ടൗണിലെത്തുന്ന സ്ത്രീയാത്രക്കാരടക്കമുള്ളവർക്കായി ടൗണിൽ ശൗചാലയവും വിശ്രമ കേന്ദ്രവും നിർമ്മിക്കാൻ ഭരണസമിതി അടിയന്തിര നടപടി സ്വീകരിക്കണമെന്നും ആയഞ്ചേരി മണ്ഡലം കോൺഗ്രസ് എസ് പ്രവർത്തക സമിതി യോഗം ആവശ്യപ്പെട്ടു.&nbsp;
വർഷങ്ങൾക്ക് മുമ്പ് മത്തായി ചാക്കോ എം എൽ എ യുടെ ആസ്തി വികസന ഫണ്ട് ഉപയോഗിച്ച് നിർമ്മിച്ച ബസ് സ്റ്റാൻ്റ് ഇന്നും ഉപയോഗ്യശൂന്യമായി കിടക്കുന്നതും സാമൂഹിക വിരുദ്ധരുടെ കേന്ദ്രമായി മാറുന്നതും പഞ്ചായത്ത് ഭരണ സമിതിയുടെ കൊള്ളരുതായ്മയാണെന്ന് യോഗം കുറ്റപ്പെടുത്തി. ആയഞ്ചേരി ടൗണിൽ അടിസ്ഥാന സൗകര്യങ്ങൾ ഏർപ്പെടുത്തുന്നതിൽ ഇനിയും അമാന്തം കാണിച്ചാൽ ഭരണ സമിതിക്കെതിരെ പ്രക്ഷോഭ പരിപാടികൾ ആരംഭിക്കുമെന്ന് യോഗം മുന്നറിയിപ്പ് നല്കി. മണ്ഡലം പ്രസിഡണ്ട് കരീം സി കെ ചേറ്റുകൊട്ടി അധ്യക്ഷത വഹിച്ചു. കരീം പിലാക്കി , അഷ്റഫ് ടി.എം എന്നിവർ സംസാരിച്ചു. മണ്ഡലം ജനറൽ സെക്രട്ടറി ഫൈസൽ പി.കെ സ്വാഗതവും മുഹമ്മദ് എം.കെ നന്ദിയും പറഞ്ഞു.

ആയഞ്ചേരി ടൗണിൽ ശൗചാലയവും വിശ്രമ കേന്ദ്രവും നിർമ്മിക്കണം; കോൺഗ്രസ് എസ്

Vadakara

ആയഞ്ചേരി: ഗ്രാമ പഞ്ചായത്ത് 8-ാം വാർഡിലെ കരുവണ്ടി, വെള്ളറാട്ട് ഭാഗങ്ങളിലെ ജനങ്ങളുടെ വളരെയേറെ കാലത്തെ യാത്രാക്ലേശത്തിന് പരിഹാരമായി. കെ.പി കുഞ്ഞമ്മത്കുട്ടി എം എൽ എയുടെ പ്രത്യേക വികസന ഫണ്ടിൽഉൾപ്പെടുത്തി 10 ലക്ഷം രൂപ ചെലവഴിച്ചാണ് റോഡ്പണി പൂർത്തിയാക്കിയത്. കരുവാണ്ടിമുക്കിൽ വെച്ച് കെ.പി കുഞ്ഞമ്മത് കുട്ടി എം.എൽ എ റോഡ് ഉൽഘാടനം ചെയ്തു. പഞ്ചായത്ത് പ്രസിഡണ്ട് എൻ. അബ്ദുൾ ഹമീദ് അധ്യക്ഷം വഹിച്ചു. വൈസ് പ്രസിഡണ്ട് പി.കെ ആയിഷ, സ്ഥിരം സമിതി അധ്യക്ഷൻ ടി.വി. കുഞ്ഞിരാമൻ, വാർഡ് മെമ്പർ ലിസ പുനയംകോട്ട്, കെ.സോമൻ, കിളിയമ്മൽ കുഞ്ഞബ്ദുള്ള, കണ്ണോത്ത് ദാമോദരൻ, ടി.വി ഭരതൻ, സി.വി. കുഞ്ഞിരാമൻ, കണ്ടോത്ത് കുഞ്ഞിരാമൻ, എൻ കെ സുരേന്ദ്രൻ, കെ മധു എന്നിവർ പ്രസംഗിച്ചു.

യാത്രാക്ലേശത്തിന് പരിഹാരം; റോഡ് ഉദ്ഘാടനം ചെയ്‌തു

പയ്യോളി: തിക്കോടിയൻ സ്മാരക ഗവൺമെൻറ് വൊക്കേഷണൽ ഹയർ സെക്കൻഡറി സ്കൂൾ വിഎച്ച്എസ്ഇ വിഭാഗം എൻഎസ്എസ് ക്യാമ്പിനോടനുബന്ധിച്ച് വനിത ശിശു വികസന വകുപ്പുമായി സഹകരിച്ച് "സമം ശ്രേഷ്ഠം" സ്ത്രീകൾക്കെതിരെയുള്ള ലിംഗദേദ വിവേചനം അക്രമങ്ങൾക്കും ചൂഷണങ്ങൾക്കും എതിരെ സമത്വജ്വാല തെളിയിച്ചു. ജെൻഡർ പാർലമെന്റും ഇതിൻറെ ഭാഗമായി നടന്നു. വളണ്ടിയർമാർക്ക് പിടിഎ പ്രസിഡൻറ് സബീഷ് കുന്നങ്ങോത്ത് സമത്വജാല പ്രതിജ്ഞ ചൊല്ലിക്കൊടുത്തു .പ്രിൻസിപ്പാൾ നിഷ.വി, എൻഎസ്എസ് പ്രോഗ്രാം ഓഫീസർ രനീഷ്. ഒ എം , പ്രജീഷ കെ, രജീഷ് വി., സജിത്ത് കെ, അനീഷ് പാലിയിൽ എന്നിവർ നേതൃത്വം നൽകി.

സമത്വജാല തെളിയിച്ച് എൻഎസ്എസ് വളണ്ടിയർമാർ

തിരുവങ്ങൂർ: ജോലിക്കിടെ കോൺക്രീറ്റ് സ്ലാബ് തകർന്നുവീണ് മധ്യവയസ്‌കൻ മരിച്ചു.ചെറുപുനത്തിൽ സ്വാമി (63) ആണ് മരിച്ചത്. ബന്ധുവീട്ടിലെ പഴയ കോൺക്രീറ്റ് വീട് പൊളിച്ചുകൊണ്ടിരിക്കെയാണ് അപകടം. അരക്ക് മുകളിൽ സ്ലാബിൽ കുടുങ്ങി ഏറെ സമയം കഴിഞ്ഞാണ് അടുത്ത വീട്ടുകാർ സംഭവമറിയുന്നത്. മറ്റാരും ജോലി സ്ഥലത്തുണ്ടായിരുന്നില്ല.
ഉടനെ ഹോസ്പിറ്റലിൽ എത്തിച്ചെങ്കിലും രക്ഷിക്കാനായില്ല. ഭാര്യ: ശുഭ. മകൻ: സബീഷ്. മരുമകൾ: സോണിമ. സഹോദരങ്ങൾ: രാമൻ, ശശി, അമ്മുക്കുട്ടി, പുഷ്പ, പരേതനായ ബാലൻ.

തിരുവങ്ങൂരിൽ കോൺക്രീറ്റ് വീട് പൊളിക്കുന്നതിനിടെ സ്ലാബിനിടയിൽ കുടുങ്ങി മധ്യവയസ്‌കൻ മരിച്ചു

വടകര: താഴെ അങ്ങാടി ശാന്തിനികേതൻ ഇംഗ്ലീഷ് മീഡിയം സ്കൂളിൽ കോൺക്രീറ്റ് കൈവരികൾക്കുള്ളിൽ കൈ കുടുങ്ങിയ വിദ്യാർത്ഥിനിയെ അഗ്നിരക്ഷാസേന രക്ഷപ്പെടുത്തി. കഴിഞ്ഞ ദിവസം വൈകുന്നേരം നാലുമണിയോടെ സ്കൂളിലെ ഒന്നാം നിലയിലെ കോൺക്രീറ്റ് കൈവരികൾക്കുള്ളിൽ രണ്ടാം ക്ലാസ്സ് വിദ്യാർഥി നൗലയുടെ വലതു കൈ കുടുങ്ങുകയായിരുന്നു.&nbsp;
അധ്യാപകർ ഉടൻതന്നെ അഗ്നി രക്ഷാ സേനയെ വിവരം അറിയിച്ചു. ഹൈഡ്രോളിക് സ്പ്രഡർ ഉപയോഗിച്ച് സ്ലാബ് വിടർത്തി മാറ്റിയാണ് അഗ്നിരക്ഷാസേന സ്ലാബിൽ നിന്നും കുട്ടിയുടെ കൈ സുരക്ഷിതമായി പുറത്തെടുത്തത്. സ്റ്റേഷൻ ഓഫീസർ പി ഒ വർഗീസ് ,സീനിയർ ഫയർ ആൻഡ് റെസ്ക്യൂ ഓഫീസർ സി കെ ഷൈജേഷ് എന്നിവരുടെ നേതൃത്വത്തിൽ അർജുൻ സി കെ , സിബിഷാൽ പി ടി, അനിത് കുമാർ ,അനുരാഗ് പി പി, എൻ സത്യൻ എന്നിവർ ചേർന്നാണ് രക്ഷാ പ്രവർത്തനം നടത്തിയത്.

വടകരയിൽ കോൺക്രീറ്റ് കൈവരികൾക്കുള്ളിൽ കൈ കുടുങ്ങിയ വിദ്യാർത്ഥിനിയെ അഗ്നിരക്ഷാസേന രക്ഷപ്പെടുത്തി

മലപ്പുറം: വിവാഹ ദിവസം പ്രതിശ്രുത വരനെ മരിച്ച നിലയിൽ കണ്ടെത്തി. കുമ്മണിപ്പറമ്പ് സ്വദേശി ജിബിൻ (30) ആണ് മരിച്ചത്. ഇന്ന് രാവിലെയാണ് സംഭവം. വിവാഹത്തിനായി തയ്യാറാകാൻ ശുചിമുറിയിലേക്ക് പോയതായിരുന്നു ജിബിൻ. ഏറെ നേരം കഴിഞ്ഞിട്ടും ശുചിമുറിയിൽ നിന്ന് പുറത്തിറങ്ങാത്തതിനെത്തുടർന്ന് വാതിൽ പൊളിച്ച് ബന്ധുക്കൾ അകത്തുകയറുകയായിരുന്നു. അപ്പോഴാണ് കൈ ഞരമ്പ് മുറിച്ചനിലയിൽ കണ്ടെത്തിയത്.
ഉടൻ കൊണ്ടോട്ടിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ കരിപ്പൂർ പൊലീസ് അന്വേഷണം ആരംഭിച്ചു. വിദേശത്തായിരുന്ന ജിബിൻ കുറച്ച് ദിവസം മുമ്പാണ് നാട്ടിലെത്തിയത്. മരണ കാരണം എന്താണെന്ന് വ്യക്തമല്ല.

വിവാഹ ദിവസം പ്രതിശ്രുത വരൻ ജീവനൊടുക്കി

നാദാപുരം : ചെക്യാട് താനക്കോട്ടൂരിൽ ഭാര്യയെ വെട്ടിയും കുത്തിയും പരിക്കേൽപ്പിച്ച കേസിൽ ഭർത്താവ് അറസ്റ്റിൽ. മാവുള്ളതിൽ ഹാരിസ് ( 48) നെയാണ് വളയം എസ് എച്ച് ഒ ഇ.വി.ഫായിസ് അലി അറസ്റ്റ് ചെയ്തത്. ഹാരിസിൻ്റെ ഭാര്യ നസീറ (41 ) ക്കാണ് കുത്തേറ്റത്. തിങ്കളാഴ്ച്ച രാത്രി 9.45 ഓടെയാണ് സംഭവം. വീട്ടിൽ വച്ച് ഹാരിസും ഭാര്യ നസീറയും തമ്മിൽ വഴക്കുണ്ടാവുകയും പ്രകോപിതനായ ഹാരിസ് കത്തിയെടുത്ത് കുത്തുകയുമായിരുന്നു. വയറിനും കൈക്കും ഗുരുതര പരിക്കേറ്റ നസീറയെ പാറക്കടവ് സ്വകാര്യ ആശുപത്രിയിൽ പ്രാഥമിക ചികിസ നൽകിയ ശേഷം മലബാർ മെഡിക്കൽ കോളജിലേക്ക് മാറ്റുകയായിരുന്നു.&nbsp;
വളയം പോലീസ് സ്ഥലത്തെത്തി ഹാരിസിനെ കസ്റ്റഡിയിലെടുക്കുകയും വധശ്രമം ഉൾപ്പെടെയുള്ള വകുപ്പുകൾ ചേർത്ത് കേസെടുത്ത് അറസ്റ്റ് ചെയ്യുകയുമായിരുന്നു. കോടതിയിൽ ഹാജരാക്കിയ പ്രതിയെ രണ്ടാഴ്ച്ചത്തേക്ക് റിമാൻ്റ ചെയ്തു. കുടുംബ പ്രശ്നമാണ് സംഭവത്തിന് പിന്നിലെന്ന് പോലീസ് പറഞ്ഞു.&nbsp;

ചെക്യാട് താനക്കോട്ടൂരിൽ ഭാര്യയെ കുത്തി പരിക്കേൽപ്പിച്ച കേസിൽ ഭർത്താവ് അറസ്റ്റിൽ

Nadapuram

കോട്ടയം: അപ്പാൻചിറയിൽ ചൂണ്ടയിടുന്നതിനിടെ കുളത്തിൽ വീണ് ആറു വയസ്സുകാരൻ മരിച്ചു. ആലപ്പുഴ സ്വദേശി ബെന്നി ആൻ്റണി (6) ആണ് മരിച്ചത്. ആപ്പാൻചിറയിലെ ബന്ധു വീട്ടിൽ എത്തിയതായിരുന്നു കുട്ടി. ചൂണ്ടയിടുന്നതിനിടെ കാൽ വഴുതി കുളത്തിൽ വീണായിരുന്നു അപകടം.

ചൂണ്ടയിടുന്നതിനിടെ കുളത്തിൽ വീണ് ആറു വയസ്സുകാരൻ മരിച്ചു

ഹേമ കമ്മിറ്റി റിപ്പോര്‍ട്ടില്‍ ലൈംഗികാതിക്രമ പരാമര്‍ശമുള്ള എല്ലാവരുടെയും പേര് പുറത്തുവരണമെന്ന് സിനിമാ സാങ്കേതിക പ്രവര്‍ത്തകരുടെ സംഘടനയായ ഫെഫ്ക(ഫിലിം എംപ്ലോയീസ് ഫെഡറേഷൻ ഓഫ് കേരള). സംഘടനയിലെ അംഗങ്ങളുടെ അറസ്റ്റുണ്ടായാല്‍ അച്ചടക്ക നടപടികള്‍ സ്വീകരിക്കുമെന്നും ഫെഫ്ക വ്യക്തമാക്കി.
പ്രത്യേക അന്വേഷണ സംഘത്തെ സമീപിക്കാനും നിയമനടപടികള്‍ സ്വീകരിക്കാനും അതിജീവിതരെ സഹായിക്കും. അതിജീവിതകള്‍ക്ക് സഹായം നല്‍കാന്‍ സ്ത്രീ അംഗങ്ങളുടെ കോര്‍ കമ്മിറ്റിയെ ചുമതലപ്പെടുത്തും . ഭയാശങ്കകളെ അകറ്റാന്‍ ക്ലിനിക്കല്‍ സൈക്കോളജിസ്റ്റിന്റെ സേവനം ലഭ്യമാക്കും. കുറ്റാരോപിതരായ ഫെഫ്ക അംഗങ്ങളുടെ കാര്യത്തില്‍ പ്രധാന കണ്ടെത്തലോ അറസ്റ്റോ ഉണ്ടായാല്‍ വലിപ്പ ചെറുപ്പമില്ലാതെ അച്ചടക്ക നടപടികള്‍ സ്വീകരിക്കുമെന്നും ഫെഫ്ക പറയുന്നു. 'അമ്മ' എക്സിക്യൂട്ടീവ് കമ്മിറ്റി ഒന്നാകെ രാജിവെച്ചത് ആ സംഘടന വിപ്ലവകരമായി നവീകരിക്കപ്പെടുന്നതിന്റെ തുടക്കമാവട്ടെയെന്ന് പ്രത്യാശിക്കുന്നുവെന്നും ഫെഫ്ക പുറത്തിറക്കിയ വാര്‍ത്താക്കുറിപ്പില്‍ വ്യക്തമാക്കി.

ഹേമ കമ്മിറ്റി റിപ്പോര്‍ട്ടിലുള്ള അക്രമികളുടെ പേര് പുറത്തുവിടണമെന്ന്‌ 'ഫെഫ്ക'

കോഴിക്കോട്: താമരശ്ശേരി ചുരത്തിൽ ചിപ്പിലിത്തോട് ജങ്ഷനിൽ കാർ താഴ്ചയിലേക്ക് മറിഞ്ഞ് അപകടം. പുലർച്ചെ അഞ്ചു മണിയോടെയാണ് സംഭവം. കാർ എതിരെ വന്ന വാഹനത്തെ വെട്ടിച്ചപ്പോൾ താഴ്ചയിലേക്ക് മറിയുകയായിരുന്നു.
ജമാഅത്ത്പള്ളിയുടെ മുറ്റത്തേക്കാണ് കാർ മറിഞ്ഞത്. അപകടത്തിൽ ആർക്കും കാര്യമായ പരിക്കില്ല. ഹൈവേ പൊലീസ് സ്ഥലത്തെത്തി.

താമരശ്ശേരി ചുരത്തിൽകാർ താഴ്ചയിലേക്ക് മറിഞ്ഞു

ചവറ: പ്രായപൂര്‍ത്തിയാകാത്ത പെൺകുട്ടിയോട് വീട്ടിൽ അതിക്രമിച്ച് കയറി ലൈംഗികാതിക്രമം നടത്തുകയും ദൃശ്യങ്ങൾ പകർത്തി ഭീഷണിപ്പെടുത്തുകയും ചെയ്ത കരാട്ടെ മാസ്റ്റര്‍ അറസ്റ്റിലായി. നീണ്ടകര പനയിത്ര കിഴക്കതിൽ രതീഷ് (30) ആണ് ചവറ പൊലീസിന്‍റെ പിടിയിലായത്.
കരാട്ടെ പരിശീലിക്കാൻ എത്തിയ 13കാരിയെ വശീകരിച്ച ശേഷം ഇയാള്‍ പകര്‍ത്തിയ അശ്ലീല ചിത്രങ്ങള്‍ കാട്ടി ഭീഷണിപ്പെടുത്തിയാണ് പീഡിപ്പിച്ചത്. കുട്ടിയുടെ പെരുമാറ്റത്തിൽ വ്യത്യാസങ്ങൾ പ്രകടമായതിനെ തുടർന്ന് രക്ഷകർത്താക്കൾ നടത്തിയ അന്വേഷണത്തിലാണ് പീഡന വിവരം പുറത്തറിഞ്ഞത്.പെൺകുട്ടിയുടെ മൊഴിയുടെ അടിസ്ഥാനത്തിൽ ചവറ പൊലീസ് കേസ് രജിസ്റ്റർ ചെയ്ത് നടത്തിയ അന്വേഷണത്തിൽ രതീഷ് മൈസൂരിലാണെന്ന് അറിയാൻ കഴിഞ്ഞു. പൊലീസ് നിരീക്ഷിക്കുന്നതിനിടെ ഇയാൾ ട്രെയിൻ മാർഗം കൊല്ലത്തേക്ക് വരുമ്പോൾ കായംകുളത്ത് നിന്ന് അറസ്റ്റ് ചെയ്യുകയായിരുന്നു.

13കാരിക്ക് നേരെ  ലൈംഗികാതിക്രമം; കരാട്ടേ മാസ്റ്റർ അറസ്റ്റിൽ

കൊച്ചി: ബംഗാളി നടിയുടെ പരാതിയിൽ സംവിധായകൻ രഞ്ജിത്തിനെതിരായ കേസ് പ്രത്യേക പോലീസ് സംഘത്തിന് കൈമാറി. കൊച്ചി നോർത്ത് പോലീസ് രജിസ്റ്റർ ചെയ്ത കേസാണ് പ്രത്യേക പോലീസ് സംഘത്തിന് കൈമാറിയിരിക്കുന്നത്. നടിയുടെ വിശദമൊഴി അന്വേഷണസംഘം രേഖപ്പെടുത്തും.
ഐപിസി 354 ജാമ്യമില്ലാ വകുപ്പ് പ്രകാരമുള്ള കേസാണ് സംവിധായകനെതിരെ രജിസ്റ്റർ ചെയ്തിരിക്കുന്നത്. മൂന്ന് വർഷംവരെ തടവ് ശിക്ഷ ലഭിക്കാവുന്ന കുറ്റമാണിത്. പ്രത്യേക അന്വേഷണസംഘത്തിന്റെ ഗൈഡ്ലൈൻ അനുസരിച്ചാകും മൊഴിയെടുക്കലും കേസുമായി ബന്ധപ്പെട്ട തുടർനടപടികളും.
നടിയുടെ മൊഴി രേഖപ്പെടുത്തുന്നതിന് അന്വേഷണസംഘം കൊല്‍ക്കത്തയിലേക്ക് പോകുമെന്നാണ് വിവരം. ഓണ്‍ലൈനായി മൊഴി രേഖപ്പെടുത്താനുള്ള നിയമസാധ്യതയും എസ്.ഐ.ടി. പരിശോധിക്കുന്നുണ്ട്.&nbsp;

രഞ്ജിത്തിനെതിരായ കേസ് പ്രത്യേക പോലീസ് സംഘത്തിന് കൈമാറി

ത​ളി​പ്പ​റ​മ്പ്: ദേ​ശീ​യ​പാ​ത ഏ​ഴാം​മൈ​ലി​ൽ സ്വ​കാ​ര്യ ബ​സു​ക​ൾ കൂ​ട്ടി​യി​ടി​ച്ച്‌ 70 പേ​ർ​ക്ക്‌ പ​രി​ക്കേ​റ്റു. കാ​ഞ്ഞ​ങ്ങാ​ടു​നി​ന്ന് ക​ണ്ണൂ​രി​ലേ​ക്ക്‌ പോ​കു​ന്ന ‘റെ​യി​ൻ​ഡ്രോ​പ്’ ബ​സും ക​ണ്ണൂ​രി​ൽ​നി​ന്ന്‌ പ​യ്യ​ന്നൂ​രി​ലേ​ക്ക്‌ പോ​കു​ന്ന ‘അ​ശ്വി​ൻ’ ബ​സു​മാ​ണ്‌ നേ​ർ​ക്കു​നേ​ർ കൂ​ട്ടി​യി​ടി​ച്ച​ത്‌. ഇ​ടി​യു​ടെ ആ​ഘാ​ത​ത്തി​ൽ ഇ​രു​ ബ​സു​ക​ളു​ടേ​യും മു​ൻ​ഭാ​ഗം പൂ​ർ​ണ​മാ​യി ത​ക​ർ​ന്നു.
ഏ​ഴാം​മൈ​ൽ നി​യ​ർ​ബൈ സൂ​പ്പ​ർ​മാ​ർ​ക്ക​റ്റി​ന്‌ സ​മീ​പം ചൊ​വ്വാ​ഴ്ച രാ​വി​ലെ 11ഓ​ടെ​യാ​ണ്‌ അ​പ​ക​ടം. റെ​യി​ൻ​ഡ്രോ​പ്‌ ബ​സ്‌ അ​മി​ത​വേ​ഗ​ത്തിൽ നി​യ​ന്ത്ര​ണം​വി​ട്ട്‌ എ​തി​രെ വ​രുക​യാ​യി​രു​ന്ന അ​ശ്വി​ൻ ബ​സി​ലി​ടി​ക്കു​ക​യാ​യി​രു​ന്നു​വെ​ന്ന് ദൃ​ക്സാ​ക്ഷി​ക​ൾ പ​റ​ഞ്ഞു. ഇ​രു​ബ​സു​ക​ളി​ലെ​യും ഡ്രൈ​വ​ർ​മാ​ർ​ക്കും യാ​ത്ര​ക്കാ​ർ​ക്കു​മാ​ണ്‌ പ​രി​ക്കേ​റ്റ​ത്‌.അ​പ​ക​ട​ത്തെ​തു​ട​ർ​ന്ന്‌ ദേ​ശീ​യ​പാ​ത​യി​ൽ ഒ​രു​മ​ണി​ക്കൂ​ർ ഗ​താ​ഗ​തം ത​ട​സ്സ​പ്പെ​ട്ടു.

തളിപ്പറമ്പിൽ ബസുകൾ കൂട്ടിയിടിച്ച്‌ അപകടം; 70 പേർക്ക്‌ പ​രി​ക്കേ​റ്റു

Kannur

പാനൂര്‍: പ്രതിശ്രുത വധു പനി ബാധിച്ച് മരിച്ചു. പാനൂരിനടുത്ത് മാക്കൂല്‍ പീടികയിലെ അത്തലാം കണ്ടിയില്‍ വിസ്മയ (26) ആണ് ചികിത്സയിലിരിക്കേ മരിച്ചത്. സപ്തംബര്‍ ഏഴിന് വിവാഹം നിശ്ചയിച്ചതായിരുന്നു. പരേതനായ രവീന്ദ്രന്റെയും അത്തലാം കണ്ടിയില്‍ സനിലയുടെയും മകളാണ്. സഹോദരങ്ങള്‍: വിവര്‍ണ, വിഘ്‌ന.

പാനൂരിൽ പ്രതിശ്രുത വധു പനി ബാധിച്ച് മരിച്ചു

മലപ്പുറം: പിതാവ് കാറിന്റെ താക്കോൽ നൽകാത്തതിൽ പ്രകോപിതനായ മകൻ കാർ കത്തിച്ചതായി പരാതി. കൊണ്ടോട്ടിയിലാണ് സംഭവം. നീറ്റാണിമ്മൽ സ്വദേശി ഡാനിഷ് മിൻഹാജിനെ (21)​ പൊലീസ് അറസ്റ്റ് ചെയ്തു.പിതാവിന്റെ പരാതിയിലാണ് പൊലീസ് പ്രതിയെ അറസ്റ്റ് ചെയ്തത്. ചൊവ്വാഴ്ച്ച വെെകിട്ടാണ് സംഭവം നടന്നത്.&nbsp;
ഡാനിഷ് മിൻഹാജിന് ലെെസൻസ് ഇല്ലാത്തതിനാൽ പിതാവ് കാർ ഓടിക്കാൻ താക്കോൽ നൽകിയില്ല. ഇതിൽ പ്രകോപിതനായ യുവാവ് വീട്ടുപകരണങ്ങളും ഫർണിച്ചറുകളും തല്ലിത്തകർത്തശേഷം കാർ പെട്രോൾ ഒഴിച്ച് കത്തിക്കുകയായിരുന്നു. കാർ പൂർണമായും കത്തിനശിച്ചു.

പിതാവ് താക്കോൽ നൽകിയില്ല; മലപ്പുറത്ത് 21കാരൻ കാർ കത്തിച്ചു

വടകര: തെങ്ങിൽനിന്ന് വീണ് തെങ്ങുകയറ്റ തൊഴിലാളി മരിച്ചു. മേമുണ്ട കൊയോത്ത് മീത്തൽ ഭാസ്‌കരനാണ് (62) മരിച്ചത്. ചൊവ്വാഴ്ച രാവിലെ മേമുണ്ട ടൗണിന് സമീപത്തെ വീട്ടുപറമ്പിലാണ് സംഭവം.
തേങ്ങയിട്ടശേഷം താഴേക്ക് ഇറങ്ങുന്നതിനിടെയാണ് അപകടം. വടകര ഗവ. ജില്ല ആശുപത്രിയിലെത്തിച്ച് പ്രാഥമിക ശുശ്രൂഷ നൽകിയശേഷം കോഴിക്കോട് മെഡിക്കൽ കോളജ് ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരിച്ചു. ഭാര്യ: ചന്ദ്രി (ബഡ്‌സ് സ്‌കൂൾ വില്യാപ്പള്ളി). മക്കൾ: അഖിൽ, അരുൺ, അഞ്ജു. മരുമക്കൾ: മിഥുൻ, അഞ്ജന. സഹോദരങ്ങൾ: നാണു, രാജൻ, നാരായണി, ജാനു, ശാന്ത, കമല.

മേമുണ്ടയിൽ തെങ്ങുകയറ്റ തൊഴിലാളി തെങ്ങില്‍നിന്ന് വീണുമരിച്ചു

കോഴിക്കോട്: ശക്തമായ മഴയുടെ സാധ്യത മുൻനിർത്തി മൂന്ന് ജില്ലകളിൽ കേന്ദ്ര കാലാവസ്ഥാ വകുപ്പ് ഇന്ന് മഞ്ഞ അലർട്ട് നൽകി. കോഴിക്കോട്, കണ്ണൂർ, കാസർകോട് ജില്ലകളിലാണ് മഞ്ഞ അലർട്ട്. വ്യാഴാഴ്ച കോഴിക്കോട്, കണ്ണൂർ ജില്ലകളിൽ ഓറഞ്ച് അലർട്ടുണ്ട്.
ആറ് ജില്ലകളിൽ വ്യാഴാഴ്ച മഞ്ഞ അലർട്ടുണ്ട്. എറണാകുളം, തൃശൂർ, പാലക്കാട്, മലപ്പുറം, വയനാട്, കാസർകോട് ജില്ലകളിലാണ് അലർട്ട്.30ന് മൂന്ന് ജില്ലകളിൽ ഓറഞ്ച് അലർട്ടുണ്ട്. മലപ്പുറം, കോഴിക്കോട്, വയനാട്, കണ്ണൂർ ജില്ലകളിലാണ് ഓറഞ്ച് അലർട്ട്. എറണാകുളം, ഇടുക്കി, തൃശൂർ, പാലക്കാട്, കാസർകോട് ജില്ലകളിൽ മഞ്ഞ അലർട്ടുമുണ്ട്. 31ന് മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ മഞ്ഞ അലർട്ടുണ്ട്.
മത്സ്യത്തൊഴിലാളി ജാഗ്രത നിർദേശം
കേരള - ലക്ഷദ്വീപ് തീരങ്ങളിൽ ആഗസ്റ്റ് 29 മുതൽ 31 വരെയും; കർണാടക തീരത്ത് 2024 ആഗസ്റ്റ് 27 മുതൽ 31 വരെയും മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ശക്തമായ മഴ: ഇന്ന് മൂന്ന് ജില്ലകളിൽ മഞ്ഞ അലർട്ട്, നാളെ രണ്ട് ജില്ലകളിൽ ഓറഞ്ച് അലർട്ട്

ന്യൂഡല്‍ഹി: അന്താരാഷ്ട്ര ക്രിക്കറ്റ് സംഘടനയായ ഐ.സി.സി യുടെ പുതിയ ചെയര്‍മാനായി ബി.സി.സി.ഐ സെക്രട്ടറി ജയ് ഷായെ തിരഞ്ഞെടുത്തു. ഇത് സംബന്ധിച്ച് ഐ.സി.സി ഔദ്യോഗികമായി വാര്‍ത്താക്കുറിപ്പ് പുറത്തിറക്കി. എതിരില്ലാതെയാണ് ജയ് ഷാ തിരഞ്ഞെടുക്കപ്പെട്ടത്. 2024-ഡിസംബര്‍ ഒന്ന് മുതലാണ് ജയ് ഷാ ചെയര്‍മാനായി ചുമതലയേല്‍ക്കുക.
ചെയര്‍മാനായ ഗ്രഗ് ബാര്‍ക്ലേയുടെ പകരക്കാരനായിട്ടാണ് ജയ് ഷായെത്തുക. രണ്ട് വട്ടം ഐ.സി.സി ചെയര്‍മാനായ ബാര്‍ക്ലേ ഇനി ചെയര്‍മാന്‍ സ്ഥാനത്തേക്കില്ലെന്ന് നേരത്തേ വ്യക്തമാക്കിയിരുന്നു. അദ്ദേഹത്തിന്റെ കാലാവധി നവംബറില്‍ അവസാനിക്കും. 2020-ല്‍ ഐ.സി.സിയുടെ തലപ്പത്തെത്തിയ ബാര്‍ക്ലേ 2022-ല്‍ വീണ്ടും തിരഞ്ഞെടുക്കപ്പെടുകയായിരുന്നു.ഇതോടെ ഏറ്റവും പ്രായം കുറഞ്ഞ ഐ.സി.സി ചെയര്‍മാനായി ജയ്ഷാ മാറി.കേന്ദ്ര ആഭ്യന്തരമന്ത്രി അമിത്ഷായുടെ മകന്‍ കൂടിയായ ജയ്ഷാ ഐ.സി.സി തലപ്പത്തെത്തുന്ന അഞ്ചാമത്തെ ഇന്ത്യക്കാരനാണ്.

ക്രിക്കറ്റ് തലപ്പത്ത് ജയ് ഷാ; ഐ.സി.സി യുടെ പുതിയ ചെയര്‍മാനായി തിരഞ്ഞെടുക്കപ്പെട്ടു

അങ്കമാലി: ശിൽപ്പിയും ജാന്‍ എ മന്‍, തല്ലുമാല, മഞ്ഞുമ്മല്‍ ബോയ്‌സ്, തെക്ക് വടക്ക് സിനിമകളുടെ സഹ സംവിധായകനുമായ അനില്‍ സേവ്യര്‍ (39) അന്തരിച്ചു. ഫുട്‌ബോള്‍ കളിക്കിടയിലുണ്ടായ ഹൃദയസ്തംഭനത്തെ തുടര്‍ന്ന് ചികിത്സയിലായിരുന്നു. അങ്കമാലി കിടങ്ങൂര്‍ പുളിയേല്‍പ്പടി വീട്ടില്‍ പി.എ. സേവ്യറിന്റെയും അല്‍ഫോണ്‍സയുടെയും മകനാണ്.
ഭാര്യയും ചിത്രകാരിയുമായ അനുപമ ഏലിയാസുമൊത്ത് അങ്കമാലി കേന്ദ്രീകരിച്ച് കലാപരിശീലനം നടത്തിവരുകയായിരുന്നു.തൃപ്പൂണിത്തുറ ആര്‍.എല്‍.വി. കോളേജില്‍നിന്ന് ബി.എഫ്.എ. പൂര്‍ത്തിയാക്കിയ ശേഷം ഹൈദരാബാദ് കേന്ദ്ര സര്‍വകലാശാലയില്‍നിന്ന് ശില്പകലയില്‍ എം.എഫ്.എ. ചെയ്തു.സഹോദരന്‍: അജീഷ് സേവ്യര്‍. മൃതശരീരം മെഡിക്കല്‍ വിദ്യാര്‍ഥികള്‍ക്ക് പഠനത്തിന് നല്‍കണമെന്ന അനിലിന്റെ ആഗ്രഹം നടപ്പാക്കുമെന്ന് ബന്ധുക്കള്‍ അറിയിച്ചു.

സഹ സംവിധായകന്‍ അനില്‍ സേവ്യര്‍ അന്തരിച്ചു

കൊല്ലം: എം. മുകേഷ് എം.എൽ.എ.യ്ക്കെതിരേ ഉണ്ടായ പരാതിയും ആരോപണവും പാർട്ടിക്ക് അവമതിപ്പുണ്ടാക്കിയെന്ന് സി.പി.എം. കൊല്ലം ജില്ലാ സെക്രട്ടേറിയറ്റിൽ വിമർശനം. പാർട്ടി സമ്മേളനങ്ങൾ തുടങ്ങാനിരിക്കെ എം.എൽ.എ.യ്ക്കെതിരായ ആരോപണം ദോഷംചെയ്യുമെന്ന് അംഗങ്ങൾ പറഞ്ഞു. മുകേഷിനെതിരേ അംഗങ്ങൾ രൂക്ഷമായി പ്രതികരിച്ചതായാണ് വിവരം.
കൊല്ലത്ത് പ്രതിപക്ഷസംഘടനകൾ നടത്തുന്ന പ്രതിഷേധങ്ങൾ പാർട്ടിക്ക് ദോഷമാകുമെന്നും അഭിപ്രായമുണ്ടായി. അന്വേഷിക്കാൻ പ്രത്യേക സംഘത്തെ നിയോഗിച്ച സർക്കാർതീരുമാനം ഉചിതമായെന്ന് സെക്രട്ടേറിയറ്റ് വിലയിരുത്തി. പരാതി അതിഗൗരവത്തോടെ അന്വേഷിക്കണമെന്ന് അംഗങ്ങൾ ആവശ്യപ്പെട്ടു.കൊല്ലത്തെ സംഭവങ്ങൾ സംസ്ഥാനനേതൃത്വത്തെ അറിയിക്കാൻ ജില്ലാ സെക്രട്ടേറിയറ്റ് തീരുമാനിച്ചിട്ടുണ്ട്. സിനിമാതാരം എന്നനിലയിലുള്ള ആരോപണത്തിൻറെപേരിൽ എം.എൽ.എ.സ്ഥാനം രാജിവെക്കേണ്ടതില്ല എന്ന നിലപാടിലാണ് പാർട്ടി. ഇത്തരം ആരോപണങ്ങളുടെപേരിൽ പ്രതിപക്ഷ എം.എൽ.എ.മാരൊന്നും രാജിവെച്ചിട്ടില്ല.

മുകേഷിനെതിരേ സി.പി.എം ജില്ലാ സെക്രട്ടേറിയറ്റിൽ രൂക്ഷ വിമർശനം ;പാർട്ടിക്ക് അവമതിപ്പുണ്ടാക്കിയെന്ന് വിലയിരുത്തൽ

തിരുവനന്തപുരം: ആശുപത്രിയിൽ ചികിത്സയിൽ കഴിയുന്ന മുൻ മുഖ്യമന്ത്രി വി.എസ്.അച്യുതാനന്ദന്റെ ആരോഗ്യനില മാറ്റമില്ലാതെ തുടരുന്നുവെന്നു മെഡിക്കൽ ബുള്ളറ്റിൻ. പട്ടത്തെ എസ്‌യുടി ആശുപത്രിയിലെ തീവ്രപരിചരണ വിഭാഗത്തിലാണ് അദ്ദേഹം ചികിത്സയിൽ കഴിയുന്നത്.&nbsp;
ഉപകരണങ്ങളുടെ സഹായമില്ലാതെ വിഎസ് സ്വയം ശ്വസിച്ചു തുടങ്ങിയതായി അദ്ദേഹത്തിന്റെ പഴ്സനൽ സ്റ്റാഫ് അംഗമായിരുന്ന വി.കെ. ശശിധരൻ സമൂഹമാധ്യമത്തിൽ ഇന്നലെ കുറിച്ചിരുന്നു. വെന്റിലേറ്ററിന്റെ സഹായം ഇപ്പോൾ ആവശ്യമായി വരുന്നില്ലെന്നും അദ്ദേഹം പറഞ്ഞു.

വിഎസിന്റെ ആരോഗ്യനിലയിൽ മാറ്റമില്ല: മെഡിക്കൽ ബുള്ളറ്റിൻ

തിരുവനന്തപുരം: അടുത്ത വർഷത്തെ സംസ്ഥാന സ്കൂൾകലോത്സവം, കായികമേള ശാസ്ത്രമേള എന്നിവ നടക്കുന്ന ജില്ലകൾ പ്രഖ്യാപിച്ചു. സ്കൂൾ കലോത്സവം തൃശ്ശൂരിലും കായികമേള തിരുവനന്തപുരത്തും ശാസ്ത്ര മേള പാലക്കാട്ടും സ്പെഷ്യൽ സ്കൂൾ മേള മലപ്പുറത്തും നടക്കും.
ഈ വർഷം 63-ാമത് സംസ്ഥാന സ്കൂൾ കലോത്സവം ജനുവരി 4 മുതൽ 8 വരെ തിരുവനന്തപുരത്താണ് നടന്നത്. 1008 പോയന്റുകൾ നേടി തൃശ്ശൂർ ജില്ല ഒന്നാം സ്ഥാനവും പാലക്കാട് -1007ഉം പോയിന്‍റുകൾ നേടിയിരുന്നു.കായിക മേള ‘സ്കൂൾ ഒളിമ്പിക്സ്’ എന്ന പേരിലാണ് നടത്തുന്നത്.

അടുത്ത സ്കൂൾ കലോത്സവം തൃശൂരിൽ, കായികമേള തിരുവനന്തപുരത്ത്

തിരുവനന്തപുരം: സെക്രട്ടേറിയേറ്റിൽ വീണ്ടും പാമ്പിനെ പിടികൂടി. ഇന്ന് രാവിലെ പത്തരയോടെ ദർബാർ ഹാളിന് പിൻഭാഗത്തായി ഭക്ഷ്യവകുപ്പ് സി സെക്ഷനിലാണ് പാമ്പിനെ കണ്ടെത്തിയത്. രാവിലെ ജീവനക്കാരെത്തിയതോടെയാണ് പാമ്പിന്റെ സാന്നിദ്ധ്യം ശ്രദ്ധയിൽപ്പെട്ടത്.
ഹൗസ് കീപ്പിംഗ് വിഭാഗം പാമ്പ് പിടിത്തക്കാരെ എത്തിച്ച് നടത്തിയ പരിശോധനയിൽ പാമ്പിനെ കണ്ടെത്തി. അരമണിക്കൂറിലധികം പരിശ്രമിച്ചാണ് ഇതിനെ പിടികൂടിയത്. ചേരപ്പാമ്പിനെയാണ് സെക്രട്ടേറിയേറ്റിൽ കണ്ടെത്തിയതെന്നാണ് വിവരം. ഫയൽ റാക്കുകൾ കൂട്ടിയിട്ടിരുന്ന സ്ഥലത്താണ് പാമ്പുണ്ടായിരുന്നത്. സെക്രട്ടേറിയറ്റിൽ ഇതേഭാഗത്ത് കുറച്ച് മാസങ്ങൾക്ക് മുമ്പ് പാമ്പിനെ കണ്ടെത്തിയിരുന്നു.

സെക്രട്ടേറിയറ്റിൽ വീണ്ടും പാമ്പ്; കണ്ടെത്തിയത് ഭക്ഷ്യ വകുപ്പിന്റെ ഓഫീസിൽ

തിരുവനന്തപുരം: കേരള ക്രിക്കറ്റ് ലീഗ് ലേലത്തിൽ ഇന്ത്യൻ ക്രിക്കറ്റ് താരം സഞ്ജു സാംസണെ കൊച്ചി ബ്ലൂ ടൈഗേഴ്‌സ് 26.80 ലക്ഷം രൂപയ്ക്ക് സ്വന്തമാക്കി. സഞ്ജുവിന്റെ അടിസ്ഥാന വില 3 ലക്ഷമായിരുന്നെങ്കിലും കൊച്ചി ബ്ലൂ ടൈഗേഴ്‌സ്, തൃശൂർ ടൈറ്റൻസ്, ട്രിവാൻഡ്രം റോയൽസ് എന്നിവർ തമ്മിലുള്ള കടുത്ത ലേലമാണ് വില ഉയരാൻ കാരണമായത്. ഇതോടെ കെസിഎൽ ചരിത്രത്തിലെ ഏറ്റവും വിലയേറിയ കളിക്കാരനായി സഞ്ജു.
തിരുവനന്തപുരം: കേരള ക്രിക്കറ്റ് ലീഗ് ലേലത്തിൽ ഇന്ത്യൻ ക്രിക്കറ്റ് താരം സഞ്ജു സാംസണെ കൊച്ചി ബ്ലൂ ടൈഗേഴ്‌സ് 26.80 ലക്ഷം രൂപയ്ക്ക് സ്വന്തമാക്കി. സഞ്ജുവിന്റെ അടിസ്ഥാന വില 3 ലക്ഷമായിരുന്നെങ്കിലും കൊച്ചി ബ്ലൂ ടൈഗേഴ്‌സ്, തൃശൂർ ടൈറ്റൻസ്, ട്രിവാൻഡ്രം റോയൽസ് എന്നിവർ തമ്മിലുള്ള കടുത്ത ലേലമാണ് വില ഉയരാൻ കാരണമായത്. ഇതോടെ കെസിഎൽ ചരിത്രത്തിലെ ഏറ്റവും വിലയേറിയ കളിക്കാരനായി സഞ്ജു.

കെസിഎൽ താരലേലം; സഞ്ജുവിനെ റെക്കോ‌‌‌ർഡ് തുകയ്ക്ക് സ്വന്തമാക്കി കൊച്ചി ബ്ലൂ ടൈഗേഴ്‌സ്

തിരുവനന്തപുരം: സംസ്ഥാനത്തുണ്ടാകുന്ന വാഹനാപകടങ്ങളിലും അപകടമരണങ്ങളിലും ചെറിയ ശതമാനത്തിനെങ്കിലും കാരണമായി തെരുവുനായ്ക്കൾ.കഴിഞ്ഞ വർഷമുണ്ടായ 3875 വാഹനാപകട മരണങ്ങളിൽ 17 മരണത്തിന്‌ കാരണമായത് തെരുവിൽ അലഞ്ഞ മൃഗങ്ങളായിരുന്നുവെന്നാണ് പോലീസിന്റെ കണക്ക്.ഇക്കൊല്ലം ഇതുവരെയുണ്ടായ 956 മരണങ്ങളിൽ ആറെണ്ണത്തിന് കാരണവും തെരുവു നായ്ക്കളാണെന്നും ഉദ്യോഗസ്ഥർ ചൂണ്ടിക്കാട്ടി.
കഴിഞ്ഞ വർഷമുണ്ടായ 48841 റോഡപകടങ്ങളിൽ 147 അപകടങ്ങൾക്ക് കാരണമായത് പ്രധാനമായും തെരുവുനായ്ക്കളാണ്. കാട്ടുപന്നി വാഹനത്തിലിടിച്ച ഏതാനും സംഭവങ്ങളുമുണ്ടായി. മൃഗങ്ങൾ കാരണമായ അപകടങ്ങളിൽ 127 പേർക്ക് ഗുരുതരമായ പരിക്കേറ്റിരുന്നു. 33 പേർക്ക് ചെറു പരിക്കുകളുമുണ്ടായി. മൃഗങ്ങൾ കാരണമുണ്ടായ മൊത്തം അപകടങ്ങളിൽ 118 എണ്ണം ഗുരുതര പരിക്കുകൾക്ക് കാരണമായ അപകടങ്ങളാണെന്നും ഉദ്യോഗസ്ഥർ ചൂണ്ടിക്കാട്ടി.&nbsp;
പോലീസ് കേസ് രജിസ്റ്റർ ചെയ്ത 147 അപകടങ്ങളിൽ നാലെണ്ണത്തിൽ മാത്രമാണ് വാഹനയാത്രക്കാർക്ക് പരിക്കേൽക്കാതിരുന്നത്.വാഹനങ്ങൾക്ക് കുറുകെ തെരുവിൽ അലയുന്ന മൃഗങ്ങൾ അപ്രതീക്ഷിതമായി ചാടുന്നതാണ് അപകടങ്ങൾക്ക് ഇടയാക്കുന്നതും അവ ഗുരുതരമാക്കുന്നതെന്നും ഉദ്യോഗസ്ഥർ പറഞ്ഞു.മൊത്തം അപകടമരണത്തിന്റെ ഒരു ശതമാനത്തിൽ താഴെമാത്രമാണ് ഇത്തരം അപകടങ്ങളെങ്കിലും എല്ലാ വർഷവും ഇത് മാറ്റമില്ലാതെ തുടരുന്നുണ്ട്.

തെരുവുനായകൾ കാരണമായ വാഹനാപകടങ്ങൾ; കഴിഞ്ഞ വർഷം മരിച്ചത് 17 പേർ

Search Results for: 23.09.2024