ഉള്ളിയേരി: സംസ്ഥാന സ്കൂൾ കലോത്സവത്തിൽ മികച്ച നാടകത്തിനുള്ള ബഹുമതി ലഭിച്ച തിരുവങ്ങൂർ ഹയർ സെക്കന്ററി സ്കൂളിന്റെ നാടകത്തിലെ നടൻ കുറുവാളൂർ പ്രോഗ്രസ്സീവ് റെസിഡൻസ് അസോസിയേഷൻ കുടുംബാംഗം അർജുൻ ബാബുവിനെ അസോസിയേഷൻ വാർഷിക ജനറൽ ബോഡിയോഗം അനുമോദിച്ചു.&nbsp;
പ്രസിഡന്റ് ടി ദേവദാസൻ അധ്യക്ഷത വഹിച്ച യോഗത്തിൽ കെ. ഗംഗാധരൻ നായർ ഉപഹാരം നൽകി. അസോസിയേഷന്റെ 2025 വർഷത്തേക്കുള്ള ഭാരവാഹികളായി. ടി. ദേവദാസൻ (പ്രസിഡന്റ്‌) , ഷൈജു കൊളങ്ങരക്കണ്ടി (വൈസ് പ്രസിഡന്റ്), ടി കെ കരുണാകരൻ (സെക്രട്ടറി), കെ കെ ബഷീർ (ജോ. സെക്രട്ടറി). ഇ കെ വിജയൻ (ഖജാൻജി) എന്നിവരടങ്ങുന്ന ഇരുപത്തി ഒന്നംഗ എക്സിക്യൂട്ടിവ് കമ്മറ്റിയെയും തെരഞ്ഞെടുത്തു.

അർജുൻ ബാബുവിനെ അനുമോദിച്ചു

Koyilandy

മണിയൂർ: .പി.ഐ.എം ജില്ലാ സമ്മേളനത്തിൻ്റെ ഭാഗമായി മണിയൂർ ലോക്കൽ സംഘാടക സമിതിയുടെ നേതൃത്വത്തിൽ 'സർഗവസന്തം' കലാ സാംസ്കാരിക പരിപാടി സംഘടിപ്പിച്ചു. നാടൻ പാട്ട് കലാകരൻ ബിനീഷ് മങ്കര ഉദ്ഘാടനം നിർവഹിച്ചു. സായ് ബാലൻ മുഖ്യാതിഥിയായി. എ.വി.ബാബു അധ്യക്ഷത വഹിച്ചു.
ബി.സുരേഷ് ബാബു, എം.എം സജിന എന്നിവർ സംസാരിച്ചു. കെ.മുരളി സ്വാഗതം പറഞ്ഞു. സംഘാടക സമിതി കൺവീനർ കെ.കെ.പ്രദീപൻ നന്ദി പറഞ്ഞു. ജില്ലാ സമ്മേളന സംഘാടക സമിതി ഓഫീസ് നിർമ്മാണ മത്സരത്തിൽ യുവധാര ബ്രാഞ്ച് ഒന്നും ചങ്ങരോത്ത് വെസ്റ്റ് ബ്രാഞ്ച് രണ്ടും വെട്ടിൽ വെസ്റ്റ് ബ്രാഞ്ച് മൂന്നും സ്ഥാനം നേടി. വിജയികൾക്ക് സമ്മാനം വിതരണം ചെയ്തു.

'സർഗവസന്തം' സംഘടിപ്പിച്ചു

Vadakara

കൊയിലാണ്ടി: കേരള സീനിയർ സിറ്റിസൺസ് ഫോറം കോഴിക്കോട് ജില്ലാ സമ്മേളനം ജനുവരി 14ന് കൊയിലാണ്ടി കൈരളി ഓഡിറ്റോറിയത്തിൽ നടക്കും. ആർ പി രവീന്ദ്രൻ നഗറിൽ നടക്കുന്ന സമ്മേളനം വടകര എം.പി ഷാഫി പറമ്പിൽ ഉദ്ഘാടനം ചെയ്യും. കാനത്തിൽ ജമീല എംഎൽഎ മുഖ്യപ്രഭാഷണം നടത്തും. 'വയോജനങ്ങളും പ്രാദേശിക ഭരണകൂടവും' എന്ന വിഷയത്തിൽ കൊയിലാണ്ടി മുനിസിപ്പൽ ചെയർപേഴ്സൺ സുധ കിഴക്കേപ്പാട്ട് പ്രഭാഷണം നടത്തും.&nbsp;
സംഘടനയുടെ സംസ്ഥാന ജനറൽ സെക്രട്ടറി പി കുമാരൻ, സെക്രട്ടറി ചാത്തു എന്നിവർ സന്നിഹിതരാകും. ചടങ്ങിൽ പൂതേരി ദാമോദരൻ നായർ, ഉണ്ണീരിക്കുട്ടി കുറുപ്പ് , കുഞ്ഞിച്ചെക്കിണി എന്നിവരെ മുൻസംസ്ഥാന വൈസ് പ്രസിഡൻറ് സത്യപാലൻ ആദരിക്കും. തുടർന്ന് , മുതിർന്ന പൗരന്മാരുടെ കലാപരിപാടികളും അരങ്ങേറും. വാർത്താ സമ്മേളനത്തിൽ സംസ്ഥാന വൈസ് പ്രസിഡണ്ട് കെ വി ബാലൻ കുറുപ്പ് ജില്ലാ പ്രസിഡണ്ട് ഇ. കെ അബൂബക്കർ, ജില്ലാ സെക്രട്ടറി സോമൻ ചാലിൽ, മീഡിയ കൺവീനർ ഇബ്രാഹിം തിക്കോടി, ജില്ലാ ട്രഷറർ പി. കെ രാമചന്ദ്രൻ നായർ എന്നിവർ പങ്കെടുത്തു.

സീനിയർ സിറ്റിസൺസ് ഫോറം ജില്ലാ സമ്മേളനം കൊയിലാണ്ടിയിൽ

വടകര: മേപ്പയിൽ റോഡ് തെക്കെ വട്ടക്കണ്ടിയിൽ താമസിക്കും പി.കെ രാമചന്ദ്രൻ ( 81) (റിട്ട ജെ എസ് സബ് ട്രഷറി വടകര) നിര്യാതനായി. സഹോദരങ്ങൾ; പി.കെ രാജൻ , പി.കെ വിശ്വനാഥൻ, പി.കെ ശ്രീമതി.

മേപ്പയിൽ റോഡ് തെക്കെ വട്ടക്കണ്ടിയിൽ താമസിക്കും പി.കെ രാമചന്ദ്രൻ നിര്യാതനായി

Obituary

വടകര : ഒഞ്ചിയം ഗ്രാമ പഞ്ചായത്തിലെ എൽ എസ് എസ് പരീക്ഷ എഴുതുന്ന കുട്ടികൾക്കുള്ള പരിശീലന പരിപാടി ആരംഭിച്ചു. ഒഞ്ചിയം ഗ്രാമപഞ്ചായത്തിന്റെ പ്രതിഭാ പോഷണം പദ്ധതിയുടെ ഭാഗമായാണ് 'ഉയരാം പറക്കാം ' എന്ന പേരിൽ എൽ.എസ്.എസ് പരിശീലനം ആരംഭിച്ചിരിക്കുന്നത്. ഉദ്ഘാടനം മടപ്പള്ളി ഗവ: ഹയർ സെക്കണ്ടറി സ്കൂളിൽ ഒഞ്ചിയം ഗ്രാമ പഞ്ചായത്ത് പ്രസിഡണ്ട് പി ശ്രീജിത്ത് നിർവഹിച്ചു. വിദ്യാഭ്യാസ സ്റ്റാൻ്റിംഗ് കമ്മിറ്റി കൺവീനർ യു.എം സുരേന്ദ്രൻ അധ്യക്ഷത വഹിച്ചു. പ്രമോദ് എം എൻ, ശ്രുതി.ആർ എന്നിവർ പ്രസംഗിച്ചു . മാനോജ്, നിഖില എന്നിവർ ആദ്യ ദിവസം ക്ലാസെടുത്തു.

ഉയരാം പറക്കാം; സ്കോളർഷിപ്പ് പരീക്ഷാ പരിശീലനം ആരംഭിച്ചു

നന്തി ബസാർ: ദയ സ്നേഹതീരം - സാന്ത്വനം കടലൂർ പാലിയേറ്റീവ് സബ് സെൻ്റർ ഒന്നാം വാർഷികം മൂടാടി ഗ്രാമ പഞ്ചായത്ത് പ്രസിഡൻ്റ് ശ്രീകുമാർ സി.കെ ഉദ്ഘാടനം ചെയ്തു. കോഴിക്കോട് മെഡിക്കൽ കോളേജ് ഇൻസ്റ്റിറ്റ്യൂട്ട് ഓഫ് പാലിയേറ്റീവ് മെഡിസിൻ ഡയരക്ടർ ഡോ. സുരേഷ് കുമാർ മുഖ്യപ്രഭാഷണം നടത്തി.
കമ്യൂണിറ്റി പാലിയേറ്റിവ് വളണ്ടിയർ പരിശീലനം പൂർത്തിയാക്കിയ 40 വളണ്ടിയർമാർക്കുള്ള സർട്ടിഫിക്കറ്റ് അദ്ദേഹം വിതരണം ചെയ്തു. വളണ്ടിയർ പ്രതിജ്ഞയ്ക്ക് കെ. ബഷീർ നേതൃത്വം നൽകി. പാലിയേറ്റീവ് പരിശീലകൻ ഇല്ല്യാസ് തരുവണ പ്രഭാഷണം നടത്തി. ബ്ലോക് മെമ്പർ സുഹറ കാദർ , സ്റ്റാൻ്റിംഗ് കമ്മിറ്റി ചെയർമാൻ മോഹനൻ എം.കെ, വാർഡ് മെമ്പർമാരായ റഫീഖ് പുത്തലത്ത്, പി.പി.കരീം, എ.വി. ഹുസ്ന എന്നിവർ ആശംസകൾ അർപ്പിച്ചു. ടി.വി. അബ്ദുൽ ഗഫൂർ അദ്ധ്യക്ഷത വഹിച്ചു. മൊയ്തീൻ കോയ എൻ.കെ, റഷീദ് മണ്ടോളി, മുഹമ്മദ് നജീബ് ടി.വി, ബഷീർ സഫാർ , ഹനീഫ സ്റ്റാർ എന്നിവർ പ്രസീഡിയം നിയന്ത്രിച്ചു. അബ്ദുൽ കബീർ ടി.കെ സ്വാഗതവും അംബിക പ്രകാശ് നന്ദിയും രേഖപ്പെടുത്തി.

ദയ - സ്വാന്തനം പാലിയേറ്റീവ് സബ് സെൻ്റർ വാർഷികം ആഘോഷിച്ചു

ചിങ്ങപുരം: ചിങ്ങപുരം മഹാവിഷ്ണു ക്ഷേത്രോത്സവത്തിന്റെ ധന സമാഹരണം തുടങ്ങി. എടക്കുടി സുലോചന അമ്മയിൽ നിന്നും ആദ്യ സംഭാവന ആഘോഷ കമ്മിറ്റി പ്രസിഡൻ്റ് സുരേഷ് ബാബു എടക്കുടി ഏറ്റുവാങ്ങി.&nbsp;
ടി. രാഘവൻ നായർ, വേണു പുതിയെടുത്ത്, കുഞ്ഞനന്തൻ നായർ, നാരായണൻ വള്ളിൽ, രവി വീക്കുറ്റിയിൽ, പത്മനി അമ്മ, അജിത, സിന്ധു, സുനിൽ കള്ളയിൽ, സുരേഷ് കാരാറ്റിയിൽ, സുരേഷ് പാല‌ത്തിൽ, മേൽ ശാന്തി അശോക ഭട്ട്, പ്രപഞ്ച്‌ കുമാർ, പ്രഭാത് എ.വി, ശ്രീനിവാസൻ പി. എന്നിവർ പങ്കെടുത്തു.

ക്ഷേത്രാേത്സവ ധനസമാഹരണം തുടങ്ങി

എല്ലാവർക്കും പ്രിയപ്പെട്ട ഒന്നാണ് തെെര്. തെെരിൽ കാൽസ്യം പ്രോട്ടീൻ എന്നിവ അടങ്ങിയിരിക്കുന്നു. ഇവ ആരോഗ്യത്തിന് വളരെ നല്ലതാണ്. ചർമത്തിനും മുടിയ്ക്കും തെെര് വളരെ നല്ലതാണ്. മിക്കവരും വീട്ടിൽ തന്നെ തെെര് ഉണ്ടാക്കാറാണ് പതിവ്. എന്നാൽ വീട്ടിൽ തെെര് ഉണ്ടാകുമ്പോൾ കട്ട തെെര് ലഭിക്കണമെന്നില്ല. തെെര് തയ്യാറാക്കുമ്പോൾ നാം ചെയ്യുന്ന ചില തെറ്റുകളാണ് ഇതിന് പ്രധാനകാരണം. തെെര് തയ്യാറാക്കുമ്പോൾ ശ്രദ്ധിക്കേണ്ട ചില കാര്യങ്ങൾ നോക്കിയാലോ?
തെെര് തയ്യാറാക്കാൻ എല്ലായ്‌പ്പോഴും നല്ല കൊഴുപ്പുള്ള പാൽ ഉപയോഗിക്കുന്നതാണ് നല്ലത്. പാൽ വെള്ളം ചേർക്കാതെ ആദ്യം കുറുക്കി എടുക്കുക. അതിന് ശേഷം ചെറിയ ചൂടോടെ തന്നെ നല്ല കട്ട തെെര് ഒരു ടീസ്പൂൺ ഇതിലേക്ക് മിക്സ് ചെയ്യുക. ഇത് പുറത്ത് തന്നെ സൂക്ഷിക്കാം. പിറ്റേദിവസം നല്ല കട്ട തെെര് ലഭിക്കുന്നതാണ്.നല്ല വൃത്തിയുള്ളതും എണ്ണമയം ഇല്ലാത്തതുമായ പാത്രത്തിൽ വേണം തെെര് സൂക്ഷിക്കാൻ. മീൻ, ഇറച്ചി എന്നിവ സൂക്ഷിച്ച പാത്രങ്ങളിൽ തെെര് സൂക്ഷിക്കുന്നതിന് മുൻപ് നല്ല വൃത്തിയായി കഴുകുക. ഇല്ലെങ്കിൽ തെെരിൽ മീനിന്റെയും ഇറച്ചിയുടെയും ഗന്ധം ഉണ്ടാകും. പ്ലാസ്റ്റിക് പാത്രത്തിൽ തെെര് സൂക്ഷിക്കാതിരിക്കാൻ ശ്രദ്ധിക്കുക. മൺ പാത്രത്തിൽ സൂക്ഷിക്കുന്നതാണ് നല്ലത്. അതിൽ കുറച്ച് കറിവേപ്പിലയുടെ തണ്ട് ചേർക്കുന്നത് തെെരിന്റെ ഗുണങ്ങൾ വർദ്ധിപ്പിക്കുന്നു

നല്ല കട്ട തെെര് വീട്ടിൽ തന്നെ ഉണ്ടാക്കാം

Health

വടകര: കടത്തനാട് ആർട്സ് ആൻഡ് സയൻസ് കോളേജിൽ പ്ലസ് ടു, കോളേജ് വിദ്യാർത്ഥികൾക്കായി സൗജന്യ കരിയർ ഗൈഡൻസ്, മോട്ടിവേഷൻ, ഓറിയന്റേഷൻ ക്ലാസുകൾ സംഘടിപ്പിച്ചു. വടകര ടൌൺ ഹാളിൽ നടന്ന പരിപാടി കോളേജ് ചെയർമാൻ ഡോ. കെ എം. സുഭാഷ് ഉത്ഘാടനം ചെയ്തു. ചടങ്ങിൽ പ്രിൻസിപ്പൽ ഡോ. കെ. സി. ബബിത ആദ്യക്ഷം വഹിച്ചു. പ്രമുഖ ട്രൈനെർമാരായ രാജമണി പുളിക്കുൽ, ജാഫർ സിദ്ധിഖ് എന്നിവർ വിവിധ ക്ലാസുകൾക്ക് നേതൃത്വം നൽകി. പി. പി. രാജൻ, മുഹമ്മദ്‌ പൂറ്റൊൽ, എസ്‌. ആർ. അനുശ്രീ, ആർ. അക്ഷയ, പി. എം. മോഹനൻ, രേഷ്മ കുഞ്ഞിരാമൻ, കെ. എം. ജിൻസി, എൻ. കെ. മായ, ആർ. അപർണ, എന്നിവർ സംസാരിച്ചു.

കരിയർ ഗൈഡൻസ്, മോട്ടിവേഷൻ ക്ലാസുകൾ നടത്തി

വടകര: തിരുവള്ളൂർ - ആയഞ്ചേരി പി ഡബ്ലു ഡി റോഡ് പരിഷ്കരണ പ്രവൃത്തിക്കായി 2024-25 ബഡ്ജറ്റ് വിഹിതമായി ലഭിച്ച 3 കോടി രൂപയുടെ പ്രവൃത്തി നടത്തുന്നതിൻ്റെ മുന്നോടിയായി ഗൂണഭോക്താക്കളുടേയും നാട്ടുകാരുടേയും യോഗം ചേർന്നു. നിലവിലുള്ള റോഡ് 10 മീറ്റർ വീതിയാക്കി, 1680 മീറ്റർ നീളത്തിൽ അഞ്ചര മീറ്റർ വീതിയിൽ ബി എം &amp; ബി സി നിലവാരത്തിൽ ടാർ ചെയ്യുന്നതിനും ആവശ്യമായ സ്ഥലങ്ങളിൽ അഴുക്ക് ചാൽ, മൂന്ന് പാലങ്ങൾ, റോഡിൻ്റെ ഇരുവശങ്ങളിലും ഐരിഷ് ചെയ്യൽ എന്നിവയാണ് എസ്റ്റിമേറ്റിൽ ഉൾപ്പെടുത്തിയത്. തിരുവള്ളൂർ പഞ്ചായത്തിലെ അഞ്ച്മുറി മുതൽ ആയഞ്ചേരി പഞ്ചായത്തിലെ ചേറ്റുകെട്ടി വരെയാണ് പ്രവൃത്തി നടക്കുക.&nbsp;
പൈങ്ങോട്ടായി അൽ മദ്റസത്തുൽ ഇസ്ലാമിയ മദ്റസയിൽ ചേർന്ന യോഗം കെ.പി. കുഞ്ഞമ്മത് കുട്ടി എം എൽ എ ഉദ്ഘാടനം ചെയ്തു. ആയഞ്ചേരി പഞ്ചായത്ത് പ്രസിഡണ്ട് എൻ അബ്ദുൾ ഹമീദ് അധ്യക്ഷം വഹിച്ചു. ആയഞ്ചേരി പഞ്ചായത്ത് സ്റ്റാൻ്റിംഗ് കമ്മിറ്റി ചെയർമാൻ ടി.വി. കുഞ്ഞിരാമൻ , തിരുവള്ളൂർ പഞ്ചായത്ത് മെമ്പർമാരായ ഹംസ വായേരി, സഫീറ ടി.വി, അസി: എക്സിക്യൂട്ടീവ് എഞ്ചിനിയർ നിതിൽ ലക്ഷ്മണൻ, നൊച്ചാട്ട് കുഞ്ഞബ്ദുള്ള, കെ.വി ജയരാജൻ, കിളിയമ്മൽ കുഞ്ഞബ്ദുള്ള, അസി: എഞ്ചിനിയർ ഷക്കീർ പി പി, ഓവർസിയർ സൗമ്യ ടി, ടി കെ അലി, എ.കെ അബ്ദുൽ ലത്തീഫ് എന്നിവർ സംസാരിച്ചു. ഗുണഭോക്തൃ കമ്മിറ്റി ചെയർപേഴ്സണായി ആയഞ്ചേരി ഗ്രാമ പഞ്ചായത്ത് വൈസ് പ്രസിഡണ്ട് പി.കെ ആയിഷയെയും, കൺവീനരായി തിരുവള്ളൂർ പഞ്ചായത്ത് മെമ്പർ ഹംസ വായേരിയേയും തിരഞ്ഞെടുത്തു.

തിരുവള്ളൂർ - ആയഞ്ചേരി റോഡ് പരിഷ്കരണം; ഗുണഭോക്താക്കളുടെ യോഗം ചേർന്നു

ചോറോട് : സംസ്ഥാന സ്കൂൾ കലോത്സവത്തിൽ ഓട്ടൻതുള്ളൽ, മിമിക്രി എന്നിവയിൽ എ ഗ്രേഡ് നേടിയ യുക്ത നമ്പ്യാരെ യൂത്ത് കോൺഗ്രസ്‌ ചോറോട് മണ്ഡലം കമ്മിറ്റിയുടെ നേതൃത്വത്തിൽ അനുമോദിച്ചു. മേമുണ്ട ഹയർ സെക്കന്ററി സ്കൂൾ വിദ്യാർത്ഥിനിയാണ് യുക്ത. കൽഹാര ഹൗസിൽ വച്ചുനടന്ന ചടങ്ങിൽ കെപിസിസി മെമ്പർ അഡ്വ.സി വത്സലൻ, മണ്ഡലം പ്രസിഡന്റ്‌ കാർത്തിക് ചോറോട്, മുരുകദാസ് കെ കെ, അഭിലാഷ്, ജിബിൻരാജ്, ഇസ്നാസ്, അരുൺ നാഥ്, സിദ്ധാർഥ് എന്നിവർ പങ്കെടുത്തു.

ഇരട്ട എ ഗ്രേഡിന്റെ തിളക്കം; യുക്ത നമ്പ്യാരെ അനുമോദിച്ച് യൂത്ത് കോൺഗ്രസ്‌

വടകര: കൈനാട്ടി മീത്തലെ കുഞ്ഞേരിന്റവിട വിജയൻ (62) അന്തരിച്ചു. ഭാര്യ: സതി . മക്കൾ: വിപിന, വിപിൻ. മരുമക്കൾ: നിധിൻ(ബാലുശേരി), സൂര്യ. സഹോദരങ്ങൾ: ദാമോദരൻ, ശശീന്ദ്രൻ, സജീവൻ.

കൈനാട്ടി മീത്തലെ കുഞ്ഞേരിന്റവിട വിജയൻ അന്തരിച്ചു

വടകര: അനുദിനം വർഗീയവൽക്കരിക്കപ്പെട്ടു കൊണ്ടിരിക്കുന്ന നമ്മുടെ സമൂഹത്തിൽ മാനവികത ഉയർത്തിപ്പിടിക്കാനുള്ള ഉത്തമമായ മാർഗം ഗാന്ധിയൻമൂല്യങ്ങളെ തിരിച്ചുപിടിക്കലാണെന്ന് മുൻ മന്ത്രി സി കെ നാണു അഭിപ്രായപ്പെട്ടു. ഗാന്ധി എന്ന വെളിച്ചത്തിൽനിന്നുള്ള അകലമാണ് നമ്മുടെ രാജ്യം ഇന്ന് നേരിടുന്ന പല പ്രതിസന്ധികൾക്കും കാരണം.&nbsp;
വടകര താലൂക്കിലെ തെരഞ്ഞെടുക്കപ്പെട്ട നാല്പത് ഗ്രന്ഥാലയങ്ങൾക്ക് പി ഹരീന്ദ്രനാഥ് രചിച്ച ' മഹാത്മാഗാന്ധി : കാലവും കർമപർവവും 1869-1915' എന്ന പുസ്തകം ആക്കുറേറ്റ് കൺട്രോൾ സ്വിച്ച്ഗിയർ (യു എ ഇ ആൻഡ് ഇന്ത്യ) എന്ന സ്ഥാപനം അക്ഷരോപഹാരമായി നൽകുന്ന ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം. സുനില ജോൺ ആദ്യപുസ്തകം ഏറ്റുവാങ്ങി. ബി സുരേഷ് ബാബു അധ്യക്ഷത വഹിച്ച ചടങ്ങിൽ ഡോ. രാജേന്ദ്രൻ എടത്തുംകര മുഖ്യപ്രഭാഷണം നടത്തി. പുറന്തോടത്ത് സുകുമാരൻ, പി പി രാജൻ, ടി പി റഷീദ്, കെ പി പ്രദീപ്കുമാർ എന്നിവർ ആശംസ നേർന്നു. എം ജനാർദ്ദനൻ സ്വാഗതവും വി ടി ബാലൻ നന്ദിയും രേഖപ്പെടുത്തി.

ഗാന്ധിയൻമൂല്യങ്ങൾ തിരിച്ചുപിടിക്കണം; സി കെ നാണു

തിരുവനന്തപുരം: ഗോപന്‍സ്വാമിയുടെ 'സമാധി' പൊളിച്ച് മൃതദേഹം പോസ്റ്റ്‌മോര്‍ട്ടം നടത്താനുള്ള നീക്കം താത്കാലികമായി നിര്‍ത്തിവെച്ചു. സാമുദായിക സംഘടനകളുടേയും കുടുംബത്തിന്റേയും എതിര്‍പ്പിനെ തുടര്‍ന്നാണിത്. ഇവരെ ചര്‍ച്ചയ്ക്കായി സബ് കളക്ടര്‍ പോലീസ് സ്‌റ്റേഷനിലേക്ക് വിളിപ്പിച്ചു. ചര്‍ച്ചയ്ക്ക് ശേഷമായിരിക്കും തുടര്‍നടപടികള്‍ സ്വീകരിക്കുക. സമാധിയില്‍ ദുരൂഹത ആരോപിച്ച് രംഗത്തെത്തിയ നാട്ടുകാരേയും ചര്‍ച്ചയ്ക്ക് വിളിച്ചു.
ക്രമസമാധാന പ്രശ്‌നങ്ങള്‍ ഉണ്ടാവാനുള്ള സാധ്യത കൂടെ കണക്കിലെടുത്താണ് പോലീസിന്റെ നടപടി. കല്ലറ തുറന്ന് പോസ്റ്റ്‌മോര്‍ട്ടം നടത്തുന്നതിനെതിരെ സാമുദായിക സംഘടനകളടക്കം രംഗത്തെത്തിയിരുന്നു. ഇവരും നാട്ടുകാരുമായി ഏറ്റുമുട്ടുന്ന അവസ്ഥവരെയെത്തിയിരുന്നു. ഗോപന്‍ സ്വാമിയെ അടക്കിയിരിക്കുന്നത് കല്ലറയല്ലെന്നും സമാധിമണ്ഡപമാണെന്നുമാണ് കുടുംബത്തിന്റേയും സമുദായ സംഘടനകളുടേയും അവകാശവാദം. അത് തകര്‍ക്കാന്‍ അനുവദിക്കില്ല. മതവും വിശ്വാസവും ആചാരങ്ങളും നടത്താനുള്ള അവകാശം ഭരണഘടന നല്‍കുന്നുണ്ടെന്നും കുടുംബവും സമുദായസംഘടനകളും പറയുന്നു.അതേസമയം, ഗോപന്‍സ്വാമി എങ്ങനെയാണ് മരണപ്പെട്ടതെന്ന് അറിയണമെന്നേ തങ്ങള്‍ക്കുള്ളൂ എന്നാണ് നാട്ടുകാര്‍ പറയുന്നത്.&nbsp;

ഗോപന്‍സ്വാമിയുടെ കല്ലറ തുറക്കുന്നത് താത്കാലികമായി നിര്‍ത്തിവെച്ചു

Kerala

റഷ്യന്‍ കൂലിപ്പട്ടാളത്തില്‍ ചേര്‍ന്ന തൃശ്ശൂര്‍ കുട്ടനെല്ലൂര്‍ സ്വദശി യുദ്ധത്തില്‍ കൊല്ലപ്പെട്ടു. ഉക്രൈയിന്‍ - റഷ്യ യുദ്ധത്തിനിടെ കുട്ടനെല്ലൂര്‍ സ്വദേശി ബിനില്‍ ബാബുവാണ് കൊല്ലപ്പെട്ടത്. ഇതുസംബന്ധിച്ച് നോര്‍ക്കയുടെ അറിയിപ്പ് തൃശ്ശൂര്‍ ജില്ലാ ഭരണകൂടത്തിന് ലഭിച്ചു.
ബിനിലിനൊപ്പം റഷ്യയില്‍ ജോലിക്കുപോയ ജയന്‍ കുര്യനും യുദ്ധത്തില്‍ ഗുരുതര പരിക്കേറ്റതായി അറിയുന്നു. ജെയിന്‍ മോസ്‌കോയിലെ ആശുപത്രിയില്‍ ചികിത്സയിലാണെന്ന് ഇന്ത്യന്‍ എംബസി അറിയിച്ചു. മാസങ്ങള്‍ക്ക് മുന്‍പ് തൃശ്ശൂര്‍ സ്വദേശിയായ മറ്റൊരാളും യുദ്ധത്തില്‍ കൊല്ലപ്പെട്ടിരുന്നു. ക
മനുഷ്യക്കടത്ത് സംഘത്തിന്റെ തട്ടിപ്പില്‍പ്പെട്ടാണ് പല യുവാക്കളും റഷ്യന്‍ കൂലിപ്പട്ടാളത്തിന്റെ ഭാഗമായി മാറുന്നത്. വന്‍ ശമ്പളം വാ​ഗ്ദാനംചെയ്താണ് പല യുവാക്കളെയും കബളിപ്പിക്കുന്നത്. റഷ്യന്‍ സൈന്യത്തിന്റെകൂടി അറിവോടെയാണ് ഇത്തരത്തില്‍ മനുഷ്യക്കടത്ത് നടത്തുന്നതെന്ന അഭ്യൂഹങ്ങള്‍ പുറത്തുവന്നിട്ടുണ്ട്.

റഷ്യൻ കൂലിപ്പട്ടാളത്തിൽ ചേർന്ന തൃശ്ശൂര്‍ സ്വദേശി യുദ്ധത്തിൽ കൊല്ലപ്പെട്ടു

തിരുവനന്തപുരം: വി.ഡി സതീശനെതിരെ ഉന്നയിച്ച 150 കോടി രൂപയുടെ കോഴ ആരോപണം മുഖ്യമന്ത്രിയുടെ പൊളിറ്റിക്കല്‍ സെക്രട്ടറി പി.ശശി ഡ്രാഫ്റ്റ് ചെയ്തതാണെന്ന് പി.വി അന്‍വര്‍. പാര്‍ട്ടി തന്നെ ഏല്‍പിച്ച ജോലി മാത്രമാണ് സ്പീക്കറുടെ അറിവോടെ താന്‍ ചെയ്തതെന്നും അതിന്റെ പാപഭാരം താനിപ്പോഴും ചുമക്കുകയാണെന്നും അദ്ദേഹം മാധ്യമങ്ങളോട് പറഞ്ഞു
പ്രതിപക്ഷ നേതാവ് വി.ഡി സതീശനെതിരെ 150 കോടിയുടെ കോഴ ആരോപണം സഭയില്‍ ഉന്നയിച്ചത് പി.ശശി നിര്‍ബന്ധം പിടിച്ചതുകൊണ്ടാണ്. അതും സ്പീക്കറുടെ അറിവോടെ. പിതാവിന് തുല്യം സ്‌നേഹിക്കുകയും ബഹുമാനിക്കുകയും ചെയ്യുന്ന മുഖ്യമന്ത്രിയേയും കുടുംബത്തേയും സഭയിലിട്ട് ആക്രമിക്കുന്നത് കണ്ടതിന്റെ മാനസിക സംഘര്‍ഷത്തിലാണ് അന്ന് താൻ ആ വിഷയം സഭയില്‍ അവതരിപ്പിച്ചതെന്നും അന്‍വര്‍ പറഞ്ഞു.
പാര്‍ട്ടി ഏല്‍പിച്ച കാര്യം മാത്രമാണ് താന്‍ ചെയ്തത്. പക്ഷേ, വിജിലന്‍സ് അന്വേഷണത്തില്‍ അതില്‍ കഴമ്പില്ലെന്ന് തെളിഞ്ഞു. കോണ്‍ഗ്രസ് നേതൃത്വത്തിന് മുന്നില്‍ ശത്രുവായി അവതരിപ്പിക്കാനാണോ അന്നങ്ങനെ ഒരു പ്ലാനിങ് നടന്നതെന്ന് അറിയില്ല. അന്ന് നടന്ന സംഭവത്തില്‍ വി.ഡി സതീശനുണ്ടായ മാനഹാനിക്ക് കേരളസമൂഹത്തോട് മാപ്പ് പറയുകയാണെന്നും അന്‍വര്‍ കൂട്ടിച്ചേര്‍ത്തു.സ്പീക്കറെ കണ്ട് രാജിക്കത്ത് നല്‍കിയശേഷം തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം.&nbsp;

150 കോടി രൂപയുടെ കോഴ ആരോപണം ;വി.ഡി സതീശനോട് പരസ്യമായി മാപ്പ് ചോദിച്ച് പി.വി അന്‍വര്‍

തൃശ്ശൂര്‍: പീച്ചി ഡാം റിസര്‍വോയറില്‍ വീണ പെണ്‍കുട്ടികളില്‍ ഒരാള്‍കൂടി മരിച്ചു. പട്ടിക്കാട് ചാണോത്ത് പാറശ്ശേരി വീട്ടില്‍ സജിയുടെയും സെറീനയുടെയും മകള്‍ ആന്‍ ഗ്രേസ് (16) ആണ് ചികിത്സയിലിരിക്കെ മരിച്ചത്. തൃശ്ശൂര്‍ സെയ്ന്റ് ക്ലേയേഴ്‌സ് സ്‌കൂളിലെ പ്ലസ് വണ്‍ വിദ്യാര്‍ഥിനിയാണ്.
തൃശ്ശൂരിലെ സ്വകാര്യ മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കെ തിങ്കളാഴ്ച ഉച്ചയോടെയായിരുന്നു ആനിന്റെ മരണം. ഇതോടെ അപകടത്തില്‍ മരിച്ചവരുടെ എണ്ണം രണ്ടായി. അപകടത്തില്‍പ്പെട്ട പട്ടിക്കാട് ചുങ്കത്ത് ഷാജന്റെയും സിജിയുടെയും മകള്‍ അലീനാ ഷാജന്‍ (16) തിങ്കളാഴ്ച പുലര്‍ച്ചെയോടെ മരിച്ചിരുന്നു. ഇതിനുപിന്നാലെയാണ് ആനിന്റെയും മരണം സംഭവിച്ചത്.നാല് പെണ്‍കുട്ടികളാണ് പീച്ചി ഡാം റിസര്‍വോയറിന്റെ തെക്കേക്കുളം ഭാഗത്ത് വെള്ളത്തില്‍ വീണത്. ഞായറാഴ്ച വൈകീട്ട് മൂന്നുമണിയോടെയായിരുന്നു സംഭവം.

പീച്ചി റിസര്‍വോയറിലെ അപകടം: ചികിത്സയിലായിരുന്ന ഒരു പെണ്‍കുട്ടി കൂടി മരിച്ചു

മസ്‌കറ്റ്: മസ്‌കറ്റിലെ വാദി കബീറില്‍ ക്രിക്കറ്റ് കളിക്കുന്നതിനിടെ ഹൃദയാഘാതത്തെതുടര്‍ന്ന് തൃശ്ശൂര്‍ കരുവന്നൂര്‍ കുടറത്തി വീട്ടില്‍ പ്രദീപ് (39) അന്തരിച്ചു. കളിസ്ഥലത്തുവെച്ച് ശാരീരിക അസ്വസ്ഥത അനുഭവപ്പെട്ടതിനെത്തുടര്‍ന്ന് റൂവിയിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും മരിക്കുകയായിരുന്നു. തങ്കപ്പന്‍-തങ്ക ദമ്പതികളുടെ മകനാണ്. ഭാര്യ: നീതുമോള്‍.
ഖൗല ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം കെഎംസിസിയുടെ നേതൃത്വത്തില്‍ തുടര്‍നടപടികള്‍ പൂര്‍ത്തിയാക്കി തിങ്കളാഴ്ച രാത്രി കൊച്ചിയിലേക്കുള്ള ഒമാന്‍ എയറില്‍ നാട്ടിലെത്തിക്കുമെന്ന് ബന്ധപ്പെട്ടവര്‍ അറിയിച്ചു.

ക്രിക്കറ്റ് കളിക്കുന്നതിനിടെ ഹൃദയാഘാതം; തൃശ്ശൂര്‍ സ്വദേശി ഒമാനില്‍ മരിച്ചു

Gulf

തിരുവനന്തപുരം: അതിയന്നൂർ കാവുവിളാകം കൈലാസനാഥ മഹാദേവ ക്ഷേത്രത്തിലെ ഗോപൻ സ്വാമിയുടെ (81) സമാധി ഉടൻ തുറക്കും. സമാധി തുറക്കാൻ അനുവദിക്കാത്ത കുടുംബാംഗങ്ങളെ പൊലീസ് ബലം പ്രയോഗിച്ച് മാറ്റി.
സമാധിയ്ക്ക് മുന്നിൽ ഗോപൻ സ്വാമിയുടെ ഭാര്യയും മകനും ഉണ്ടായിരുന്നു. സബ് കളക്ടർ ആൽഫ്രഡിൻ്റെ സാന്നിദ്ധ്യത്തിലാകും തുറന്ന് പരിശോധിക്കുക. വേണ്ട തയ്യാറെടുപ്പികളെല്ലാം പൊലീസ് പൂർത്തിയാക്കി. മൃതദേഹം ഇന്നുതന്നെ പോസ്റ്റുമോർട്ടത്തിനായി കൈമാറും. ഫോറൻസിക് വിദഗ്ധരും സ്ഥലത്ത് പരിശോധന നടത്തും.സമാധി സ്ഥലത്ത് പൊലീസ് കാവലേർപ്പെടുത്തിയിട്ടുണ്ട്. സംഘർഷ സാദ്ധ്യത കണക്കിലെടുത്ത് കൂടുതൽ പൊലീസിനെയും വിന്യസിച്ചിരുന്നു. സമാധി സ്ഥലം പൊളിച്ച് മൃതദേഹം പോസ്റ്റുമോർട്ടം നടത്തണമെന്നും മരണകാരണത്തെ കുറിച്ച് അന്വേഷിക്കണമെന്നും നാട്ടുകാരാണ് ആവശ്യപ്പെട്ടത്. സംഭവത്തെ കുറിച്ച് പൊലീസ് ജില്ലാ കളക്ടർക്ക് റിപ്പോർട്ട് നൽകിയിരുന്നു.&nbsp;
സമാധിയിടം പൊളിച്ച് മൃതദേഹം പുറത്തെടുത്ത് പോസ്റ്റ്‌മോര്‍ട്ടം ചെയ്യാനെത്തിയ പോലീസ് സംഘത്തെ കുടുംബാംഗങ്ങളും ഒരുവിഭാഗം നാട്ടുകാരും തടഞ്ഞു.സ്ഥലത്ത് സംഘര്‍ഷാവസ്ഥയുണ്ടായി.സമാധിപീഠം ഒരുകാരണവശാലും പൊളിക്കാന്‍ അനുവദിക്കില്ലെന്നാണ് കുടുംബത്തിന്റെ നിലപാട്.&nbsp;

ഗോപൻ സ്വാമിയുടെ കല്ലറ ഉടൻ തുറക്കും ;സമ്മതിക്കില്ലെന്ന് കുടുംബം,പ്രദേശത്ത് സംഘർഷാവസ്ഥ

കോഴിക്കോട്: ബീച്ച് ആശുപത്രിയില്‍ ചികിത്സ കിട്ടാതെ രോഗി മരിച്ചതായി പരാതി. കാല്‍വിരലുകളിലെ പഴുപ്പിനെ തുടര്‍ന്ന് ആശുപത്രിയില്‍ പ്രവേശിപ്പിച്ച അത്തോളി സ്വദേശി രാജന്‍ ഗുരുതരാവസ്ഥയിലായിട്ടും ആരും തിരിഞ്ഞുനോക്കിയില്ല എന്നാണ് പരാതി. സംഭവത്തില്‍ ആരോഗ്യമന്ത്രിയുള്‍പ്പടെയുള്ളവര്‍ക്ക് കുടുംബം പരാതി നല്‍കും.
കാലിന്റെ പഴുപ്പിന് സര്‍ജന്റെ സേവനം ആവശ്യമായിവന്നതിനാലാണ് അത്തോളിയിലെ സ്വകാര്യ ആശുപത്രിയില്‍നിന്ന് രാജനെ കോഴിക്കോട് ബീച്ച് ആശുപത്രിയിലേക്ക് മാറ്റിയത്. ബുധനാഴ്ച രാത്രി ബീച്ച് ആശുപത്രിയിലെ അത്യാഹിത വിഭാഗത്തില്‍ പ്രവേശിപ്പിച്ച രാജനെ പിന്നീട് വാര്‍ഡിലേക്ക് മാറ്റി. പരിശോധനയ്ക്ക് എത്തിയ ഡോക്ടര്‍ കാലിലെ കെട്ടഴിച്ച് ഫോട്ടോയെടുത്തശേഷം മടങ്ങിയെന്നും പിന്നീട് ആരും പരിശോധിക്കാന്‍ എത്തിയില്ലെന്നും കുടുംബം ആരോപിച്ചു.
ഇതിനിടെ രാജന്റെ ആരോഗ്യസ്ഥിതി മോശമായപ്പോള്‍ നഴ്‌സ് എത്തി കുത്തിവെപ്പ് നല്‍കി. ഡോക്ടര്‍ ഫോണില്‍ നിര്‍ദ്ദേശിച്ച പ്രകാരമാണ് കുത്തിവെപ്പ് എടുക്കുന്നതെന്നാണ് നഴ്‌സ് കുടുംബത്തെ അറിയിച്ചത്. പിന്നാലെ രാജന്റെ ആരോഗ്യസ്ഥിതി കൂടുതല്‍ മോശമായെന്നും എന്നിട്ടും ഡോക്ടര്‍മാര്‍ തിരിഞ്ഞുനോക്കിയില്ലെന്നും കുടുംബം ആരോപിച്ചു. പലതവണ നഴ്‌സിങ് റൂമില്‍ എത്തി വിവരം അറിയിച്ചിട്ടും ഡോക്ടര്‍ വരുമെന്ന മറുപടി മാത്രമാണ് കിട്ടിയതെന്നും ബന്ധുക്കള്‍ ആരോപിച്ചു. പിന്നീട് പുലര്‍ച്ചെ ഡോക്ടര്‍ എത്തി പരിശോധിച്ചപ്പോളേക്കും രാജന്‍ മരിച്ചിരുന്നു.&nbsp;

കോഴിക്കോട് ബീച്ച് ആശുപത്രിയിൽ കാലിൽ പഴുപ്പ് ബാധിച്ചയാൾ ചികിത്സ കിട്ടാതെ മരിച്ചെന്ന് ആരോപണം

Kozhikode

ന്യൂഡല്‍ഹി: പി.വി അന്‍വര്‍ ഇനി തൃണമൂല്‍ കോണ്‍ഗ്രസ് കേരള സംസ്ഥാന കണ്‍വീനര്‍. തൃണമൂല്‍ കോണ്‍ഗ്രസ് തങ്ങളുടെ ഔദ്യോഗിക എക്‌സ് പേജിലൂടെയാണ് പി.വി അന്‍വറിനെ സംസ്ഥാന കണ്‍വീനറായി തിരഞ്ഞെടുത്ത വിവരം അറിയിച്ചത്. പാര്‍ട്ടി ചെയര്‍പേഴ്‌സണും പശ്ചിമ ബംഗാള്‍ മുഖ്യമന്ത്രിയുമായ മമതാബാനര്‍ജിയാണ് അന്‍വറിനെ പാര്‍ട്ടിയുടെ പുതിയ സ്ഥാനത്തേക്ക് നിയമിച്ചത്. എം.എൽ.എ. സ്ഥാനം രാജിവെച്ചശേഷം അൻവർ പത്രസമ്മേളനം നടത്തിയതിന് പിന്നാലെയാണ് അദ്ദേഹത്തെ സംസ്ഥാന കണ്‍വീനറാക്കിയ പ്രഖ്യാപനമുണ്ടായത്.
ജനുവരി പത്താംതീയതി വെള്ളിയാഴ്ച വൈകീട്ടായിരുന്നു കൊല്‍ക്കത്തയിലെത്തിയ അന്‍വന്‍ തൃണമൂല്‍ കോണ്‍ഗ്രസിന്റെ ആസ്ഥാനത്തെത്തുകയും പാര്‍ട്ടി ദേശീയ ജനറല്‍ സെക്രട്ടറി അഭിഷേക് ബാനര്‍ജിയില്‍നിന്ന് അംഗത്വം സ്വീകരിക്കുകയും ചെയ്തത്. ഇതിന് ശേഷമാണ് മൂന്ന് ദിവസത്തിനിപ്പുറം എം.എല്‍.എ സ്ഥാനം രാജിവെച്ചത്. ഇതോടെ തൃണമൂല്‍ പ്രവേശനത്തിന് ഔദ്യോഗിക പരിവേഷമൊരുങ്ങുകയും ചെയ്തു.

പി.വി അന്‍വര്‍ ഇനി തൃണമൂല്‍ കോണ്‍ഗ്രസ് സംസ്ഥാന കണ്‍വീനര്‍

National

വാഷിങ്ടണ്‍: ഹോളിവുഡ് സിനിമാവ്യവസായത്തിന്‍റെ തലസ്ഥാനമായ ലോസ് ആഞ്ജലിസില്‍ കഴിഞ്ഞ ആറുദിവസമായി തുടരുന്ന കാട്ടുതീയില്‍ ജീവന്‍ നഷ്ടപ്പെട്ടവരുടെ എണ്ണം 24 ആയി. പാലിസേഡ് മേഖലയില്‍ എട്ടുപേരും ഈറ്റണ്‍ മേഖലയിലെ കാട്ടുതീയില്‍ പതിനാറുപേരുമാണ് മരിച്ചത്. ഓസ്‌ട്രേലിയന്‍ താരം റോറി സൈക്‌സും മരിച്ചവരില്‍ ഉള്‍പ്പെടുന്നുണ്ട്. 1990-കളില്‍ ബ്രിട്ടീഷ് ടി.വി. ഷോ ആയ കിഡ്ഡി കേപേഴ്‌സിലെ താരമായിരുന്നു റോറി.
ആയിരക്കണക്കിന് വീടുകള്‍ ഉള്‍പ്പെടെ 12,000 കെട്ടിടങ്ങള്‍ തീയില്‍ നശിച്ചുവെന്നാണ് റിപ്പോര്‍ട്ട്. ഒരു ലക്ഷത്തോളം പേരെ സ്ഥലത്തുനിന്ന് ഒഴിപ്പിക്കേണ്ടിവന്നു. പാലിസേഡില്‍ 23,600 ഏക്കറില്‍ തീ പടര്‍ന്നുപിടിച്ചപ്പോള്‍ ഈറ്റണ്‍ മേഖലയില്‍ 14,000 ഏക്കറാണ് തീവിഴുങ്ങിയത്. 13,500-15,000 കോടി ഡോളറിന്റെ നഷ്ടമുണ്ടായെന്നാണ് വിലയിരുത്തപ്പെടുന്നത്. ആന്തണി ഹോപ്കിന്‍സ്, പാരിസ് ഹില്‍ട്ടണ്‍,മെല്‍ ഗിബ്‌സണ്‍, ബില്ലി ക്രിസ്റ്റല്‍ തുടങ്ങി പലസൂപ്പര്‍ താരങ്ങളുടെയും വീടുകള്‍ അഗ്നിക്കിരയായി.

ലോസ് ആഞ്ജലിസിലെ കാട്ടുതീ ;മരണം 24 ആയി

തിരുവനന്തപുരം: തൈപ്പൊങ്കൽ പ്രമാണിച്ച് സംസ്ഥാനത്തെ ആറ് ജില്ലകൾക്ക് നാളെ (2025 ജനുവരി 14) പ്രാദേശിക അവധിയായിരിക്കും. സംസ്ഥാന സർക്കാറിന്റെ ഔദ്യോഗിക കലണ്ടർ പ്രകാരമുള്ള അവധിയാണിത്. നേരത്തെ തന്നെ സ‍ർക്കാ‍ർ വിജ്ഞാപനം ചെയ്ത് ഔദ്യോഗിക കലണ്ടറിൽ ഉൾപ്പെടുത്തിയിട്ടുള്ള അവധിയാണ് ഈ ദിവസത്തേത്.&nbsp;
തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, വയനാട് ജില്ലകൾക്കാണ് പ്രാദേശിക അവധി. തമിഴ്നാടുമായി അതിർത്തി പങ്കിടുന്ന ജില്ലകൾക്കാണ് അവധി. ശബരിമലയിലെ മകരവിളക്ക്, ശ്രീപത്മനാഭ സ്വാമി ക്ഷേത്രത്തിലെ മകരശീവേലി എന്നിവയും നാളെയാണ്.&nbsp;

തൈപ്പൊങ്കൽ ; ആറ് ജില്ലകൾക്ക് ചൊവ്വാഴ്ച പ്രാദേശിക അവധി

തിരുവനന്തപുരം: നിലമ്പൂര്‍ എം.എല്‍.എ പി.വി അന്‍വര്‍ എം.എല്‍.എ സ്ഥാനം രാജിവെച്ചു. തിങ്കളാഴ്ച രാവിലെ സ്പീക്കര്‍ എ.എന്‍ ഷംസീറിനെ കണ്ടാണ് രാജിക്കത്ത് കൈമാറിയത്. ഇടതുപക്ഷവുമായി തെറ്റിപ്പിരിഞ്ഞ ശേഷം തൃണമൂല്‍ കോണ്‍ഗ്രസില്‍ ഔദ്യോഗികമായി അംഗത്വമെടുത്തതിന് പിന്നാലെയാണ് അന്‍വര്‍ എം.എല്‍.എ സ്ഥാനം രാജിവെച്ചത്. മുപ്പത് വര്‍ഷത്തോളം കോണ്‍ഗ്രസിലെ ആര്യാടന്‍ മുഹമ്മദ് കൈവശം വെച്ചിരുന്ന നിലമ്പൂര്‍ മണ്ഡലത്തിൽ രണ്ട് തവണ അട്ടിമറി വിജയം നേടി ചരിത്രംകുറിച്ച അൻവർ ഇതോടെ ഇടതുപക്ഷവുമായുള്ള ബന്ധം ഔദ്യോഗികമായി വേർപെടുത്തി.
പോലീസിനെതിരേ ആരോപണം ഉന്നയിച്ച് സി.പി.എമ്മിനെതിരേയും മുഖ്യമന്ത്രി പിണറായി വിജയനെതിരേയും യുദ്ധപ്രഖ്യാപനം തുടങ്ങിയ അന്‍വര്‍ 14 വര്‍ഷത്തിന് ശേഷമാണ് ഇടതുപക്ഷവുമായുള്ള ബന്ധം വേർപെടുത്തുന്നത്

നിലമ്പൂര്‍ ഉപതെരഞ്ഞെടുപ്പിലേക്ക്;പി.വി അന്‍വര്‍ എം.എല്‍.എ സ്ഥാനം രാജിവെച്ചു

വർക്കല: മസാജ് ചെയ്യാനെത്തിയ വിദേശ വനിതയോടു ലൈംഗികാതിക്രമം കാട്ടിയ മസാജ് സെന്റർ ജീവനക്കാരനായ യുവാവ് അറസ്റ്റിൽ.ഓടനാവട്ടം കട്ടയിൽ പുത്തൻവിളവീട്ടിൽ ആദർശ്(29) ആണ് പിടിയിലായത്.
വർക്കല ഹെലിപ്പാഡിനു സമീപം പ്രവർത്തിക്കുന്ന മസാജ് സെന്ററിൽ മസാജ് ചെയ്യാനെത്തിയ അമേരിക്കൻ സ്വദേശിനിയായ 46-കാരിയെയാണ് ഉപദ്രവിച്ചത്.കഴിഞ്ഞ ദിവസം രാത്രിയായിരുന്നു സംഭവം. മസാജ് ചെയ്യുന്നതിനിടെ യുവാവ് ലൈംഗികാതിക്രമം നടത്തിയെന്ന വിദേശ വനിതയുടെ പരാതിയിൽ വർക്കല പോലീസ് കേസെടുക്കുകയായിരുന്നു. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

മസാജ് സെന്ററിലെത്തിയ വിദേശ വനിതയോടു ലൈംഗികാതിക്രമം ;ജീവനക്കാരൻ അറസ്റ്റിൽ

പീച്ചി/തൃശ്ശൂര്‍: പീച്ചി ഡാം റിസര്‍വോയറിന്റെ തെക്കേക്കുളം ഭാഗത്തു വീണ നാല് വിദ്യാര്‍ഥിനികളില്‍ ഒരാള്‍ മരിച്ചു. രണ്ടുപേരുടെ നില ഗുരുതരമാണ്. പട്ടിക്കാട് ചുങ്കത്ത് ഷാജന്റെയും സിജിയുടെയും മകള്‍ അലീനാ ഷാജനാണ് (16) മരിച്ചത്. തൃശ്ശൂര്‍ ജൂബിലി മിഷന്‍ മെഡിക്കല്‍ കോളേജ് ആശുപത്രിയില്‍ വെന്റിലേറ്ററിലായിരുന്നു.&nbsp;
തൃശ്ശൂര്‍ സെയ്ന്റ് ക്ലേയേഴ്‌സ് ഗേള്‍സ് ഹയര്‍ സെക്കന്‍ഡറി സ്‌കൂളിലെ പ്ലസ് വണ്‍ വിദ്യാര്‍ഥിനിയാണ് അലീന. സഹോദരി: ക്രിസ്റ്റീന. വെള്ളത്തില്‍വീണ മറ്റു മൂന്നു പേരും ജൂബിലി മിഷന്‍ മെഡിക്കല്‍ കോളേജ് ആശുപത്രിയില്‍ വെന്റിലേറ്ററിലാണ്.ഞായറാഴ്ച വൈകീട്ട് മൂന്നോടെയാണ് സംഭവം. പട്ടിക്കാട് ചാണോത്ത് സ്വദേശിനികളായ പാറശ്ശേരി വീട്ടില്‍ സജിയുടെയും സെറീനയുടെയും മകള്‍ ആന്‍ ഗ്രേസ് (16), ചുങ്കത്ത് ഷാജന്റെയും സിജിയുടെയും മകള്‍ അലീനാ ഷാജന്‍ (16), മുരിങ്ങത്തുപറമ്പില്‍ ബിനോജിന്റെയും ജൂലിയുടെയും മകള്‍ എറിന്‍ (16), പീച്ചി സ്വദേശിനി പുളിയമ്മാക്കല്‍ ജോണിയുടെയും ഷാലുവിന്റെയും മകള്‍ നിമ (12) എന്നിവരാണ് അപകടത്തില്‍പ്പെട്ടത്.

പീച്ചി ഡാം റിസര്‍വോയറില്‍ വീണ നാല് പെണ്‍കുട്ടികളില്‍ ഒരാള്‍ മരിച്ചു

മലപ്പുറം: രാജി പ്രഖ്യാപിക്കുമെന്ന അഭ്യൂഹത്തിന് ആക്കംകൂട്ടി വീണ്ടും സാമൂഹികമാധ്യത്തില്‍ പോസ്റ്റിട്ട് നിലമ്പൂര്‍ എം.എല്‍.എ. പി.വി. അന്‍വര്‍. അല്പസമയത്തിന് ശേഷം തിരുവനന്തപുരത്ത് സ്പീക്കറുമായി കൂടിക്കാഴ്ച നടത്തുമെന്നാണ് അന്‍വറിന്റെ പുതിയ ഫേസ്ബുക്ക് പോസ്റ്റ്. നേരത്തെ, തിങ്കളാഴ്ച മാധ്യമങ്ങളെ കാണുമെന്നും പ്രധാനപ്പെട്ട കാര്യം അറിയിക്കാനുണ്ടെന്നും അന്‍വര്‍ ഫേസ്ബുക്ക് പോസ്റ്റിലൂടെ അറിയിച്ചിരുന്നു. മാധ്യമങ്ങളെ കാണുന്നതിനാണ് മുമ്പായിട്ടാണ്‌ അന്‍വര്‍ സ്പീക്കറെ കാണുക
സ്പീക്കറെ കണ്ട് എം.എല്‍.എ. സ്ഥാനം രാജിവെക്കുന്നതായുള്ള കത്ത് സമര്‍പ്പിച്ച ശേഷം മാധ്യമങ്ങളെക്കണ്ട് ഇക്കാര്യം വ്യക്തമാക്കാനാണ് അന്‍വറിന്റെ നീക്കമെന്നാണ് വിലയിരുത്തപ്പെടുന്നത്. 'പ്രിയമുള്ളവരെ, നാളെ രാവിലെ ഒമ്പത് മണിക്ക് ബഹുമാനപ്പെട്ട സ്പീക്കറെ കാണും,' എന്നാണ് 9.45 പങ്കുവെച്ചിട്ടുള്ള ഫേസ്ബുക്ക് പോസ്റ്റില്‍ അന്‍വര്‍ പറഞ്ഞിട്ടുള്ളത്.

രാജി അഭ്യൂഹങ്ങള്‍ക്കിടെ പി.വി. അന്‍വര്‍ ഉടനെ സ്പീക്കറെ കാണും

കുമ്പള(കാസര്‍കോട്): പിസ്തയുടെ തോട് തൊണ്ടയില്‍ കുരുങ്ങി രണ്ടുവയസ്സുകാരന്‍ മരിച്ചു. കുമ്പള-ബദിയടുക്ക റോഡില്‍ ഭാസ്‌കര നഗറിലെ അന്‍വറിന്റെയും മെഹ്‌റൂഫയുടെയും മകന്‍ മുഹമ്മദ് റിഫാഇ അനസാണ് മരിച്ചത്.
ശനിയാഴ്ച വൈകിട്ട് പിസ്തയുടെ തോട് കുട്ടി അറിയാതെ കഴിച്ചിരുന്നു. ഇത് ശ്രദ്ധയില്‍പ്പെട്ട ഉടന്‍ വീട്ടിലുണ്ടായിരുന്നവര്‍ തൊണ്ടയില്‍ വിരലിട്ട് പുറത്തെടുക്കാന്‍ ശ്രമിച്ചെങ്കിലും ചെറിയൊരു കഷ്ണം മാത്രമാണ് ലഭിച്ചത്. പിന്നീട് ഉപ്പളയിലെ സ്വകാര്യ ആസ്പത്രിയിലെത്തിച്ച് എക്‌സ്‌റേ എടുത്തെങ്കിലും ഒന്നും കണ്ടെത്താനായില്ല.വീട്ടില്‍ തിരിച്ചെത്തിയശേഷം ഞായറാഴ്ച പുലര്‍ച്ചെയോടെ ശ്വാസതടസ്സം അനുഭവപ്പെടുകയും കുട്ടി അസ്വസ്ഥത പ്രകടിപ്പിക്കുകയും ചെയ്തു. തുടര്‍ന്ന് മംഗളൂരുവിലെ ആസ്പത്രിയിലേക്ക് പോകവെയാണ് കുട്ടി മരിച്ചത്.സഹോദരി: ആയിഷു.

പിസ്തയുടെ തോട് തൊണ്ടയില്‍ കുരുങ്ങി രണ്ടുവയസ്സുകാരന്‍ മരിച്ചു

തൃശൂർ: പീച്ചി ഡാമിന്റെ റിസർവോയറിൽ നാല് പെൺകുട്ടികൾ വീണു. വെള്ളത്തിൽ മുങ്ങിയ നാലുപേരെയും നാട്ടുകാർ രക്ഷപ്പെടുത്തി ആശുപത്രിയിൽ എത്തിച്ചു. ഇവരിൽ മൂന്നുപേരുടെ നില ഗുരുതരമാണെന്നും ഒരാളുടെ നില അതീവ ഗുരുതരമാണെന്നുമാണ് പൊലീസ് അറിയിക്കുന്നത്.
16 വയസുകാരായ നിമ, ആൻഗ്രേസ്, അലീന, എറിൻ എന്നിവരാണ് വെള്ളത്തിൽ വീണത്. തൃശൂർ സ്വദേശികളാണ് നാലുപേരും എന്നാണ് വിവരം. ഇന്ന് വൈകുന്നേരമാണ് സംഭവം നടന്നത്. പീച്ചി ഡാമിന്റെ പള്ളിക്കുന്ന് അംഗനവാടിക്ക് താഴെയുള്ള ഭാഗത്താണ് അപകടമുണ്ടായത്.പീച്ചി പുളിമാക്കൽ സ്വദേശി നിമയുടെ വീട്ടിൽ തിരുനാൾ ആഘോഷത്തിന് എത്തിയതായിരുന്നു ഇവർ. കുട്ടികളുടെ നിലവിളി കേട്ടെത്തിയ നാട്ടുകാരാണ് നാലുപേരെയും പുറത്തെടുത്ത് ആശുപത്രിയിൽ എത്തിച്ചത്.നാലുപേരും നിലവിൽ ജൂബിലി ആശുപത്രിയിൽ ചികിത്സയിലാണ്.

തൃശൂർ പീച്ചി ഡാമിന്റെ റിസർവോയറിൽ നാല് പെൺകുട്ടികൾ വീണു;മൂന്നുപേരുടെ നില ഗുരുതരം

പേരാമ്പ്ര : ജാനകിക്കാട് കുറ്റ്യാടി പുഴയില്‍ കുളിക്കാനിറങ്ങിയ വിദ്യാര്‍ഥി മുങ്ങിമരിച്ചു. 18 വയസുള്ള നിവേദാണ് മുങ്ങിമരിച്ചത്. ചവറ മൂഴിക്കടുത്ത് ഇന്ന് വൈകുന്നേരം ആറരയോടെയായിരുന്നു സംഭവം.
പെരുവണ്ണാമുഴിക്കടുത്ത് ജാനകിക്കാട് ഇക്കോടൂറിസം സെന്ററിനോട് ചേര്‍ന്ന സ്ഥലത്ത് കുളിക്കാനായി ഇറങ്ങിയപ്പോഴാണ് അപകടം സംഭവിച്ചത്. മലപ്പുറം പെരിന്തല്‍മണ്ണ മൗലാന കോളേജിലെ വിദ്യാര്‍ഥിയാണ് നിവേദ്.


&nbsp;

കുറ്റ്യാടി പുഴയില്‍ കുളിക്കാനിറങ്ങിയ വിദ്യാര്‍ഥി മുങ്ങിമരിച്ചു

Perambra

കോഴിക്കോട്: സംസ്ഥാനത്തെ എല്ലാ പെട്രോള്‍ പമ്പുകളും തിങ്കളാഴ്ച രാവിലെ ആറുമുതല്‍ 12 വരെ അടച്ചിടുമെന്ന് ഓള്‍ കേരള ഫെഡറേഷന്‍ ഓഫ് പെട്രോളിയം ഡീലേഴ്‌സ്. എലത്തൂര്‍ എച്ച്.പി.സി.എല്‍. ഡിപ്പോയില്‍ ചര്‍ച്ചയ്ക്ക് എത്തിയ പെട്രോളിയം ഡീലേഴ്‌സ് ഭാരവാഹികളെ ടാങ്കര്‍ ഡ്രൈവര്‍മാര്‍ കൈയ്യേറ്റം ചെയ്തതില്‍ പ്രതിഷേധിച്ചാണ് തീരുമാനം. ചൊവ്വാഴ്ച ഇരുമ്പനം എച്ച്.പി.സി.എല്‍. ടെര്‍മിനല്‍ ഉപരോധിക്കാനും സംഘടന തീരുമാനിച്ചു.&nbsp;&nbsp;
പെട്രോളിയം ഡീലര്‍മാരും ടാങ്കര്‍ ഡ്രൈവര്‍മാരും തമ്മില്‍ കുറച്ചുദിവസമായി തര്‍ക്കം തുടര്‍ന്നുവരികയായിരുന്നു. 'ചായ പൈസ' എന്ന് വിളിക്കുന്ന തുകയുമായി ബന്ധപ്പെട്ടായിരുന്നു തര്‍ക്കം. പെട്രോള്‍ പമ്പില്‍ ഇന്ധനമെത്തിക്കുന്ന ടാങ്കര്‍ ഡ്രൈവര്‍മാര്‍ക്ക് ചായ പൈസ എന്ന പേരില്‍ 300 രൂപ ഡീലര്‍മാര്‍ നല്‍കിവരുന്നുണ്ട്. ഈ തുക വര്‍ധിപ്പിക്കണമെന്ന് ഡ്രൈവര്‍മാര്‍ ആവശ്യപ്പെട്ടു. എന്നാല്‍, ആവശ്യം ഡീലര്‍മാര്‍ നിഷേധിച്ചു.
ഇക്കാര്യത്തിലാണ് എലത്തൂരിലെ ഡിപ്പോയില്‍വെച്ച് ചര്‍ച്ച നടന്നത്. യോഗത്തിനിടെ ടാങ്കര്‍ ഡ്രൈവര്‍മാര്‍ ഡീലേഴ്‌സ് ഫെഡറേഷന്‍ ഭാരവാഹികളെ കൈയ്യേറ്റം ചെയ്തുവെന്നാണ് ആരോപണം. കൈയ്യേറ്റത്തില്‍ പോലീസില്‍ പരാതി നല്‍കാനും തീരുമാനമായി. അടിയന്തര ഓണ്‍ലൈന്‍ മീറ്റിങ്ങിലാണ് തീരുമാനം.

തിങ്കളാഴ്ച ഉച്ചവരെ പെട്രോള്‍ പമ്പുകള്‍ അടച്ചിടും

ആലപ്പുഴ: കഞ്ചാവ് കേസിൽ മകൻ കുറ്റക്കാരനല്ലെന്ന് ആവർത്തിച്ച് യു.പ്രതിഭ.എം.എൽ.എ. ശരിയായി അന്വേഷിച്ചല്ല കേസെടുത്തതെന്ന് അവർ സി.പി.എം ആലപ്പുഴ ജില്ലാ സമ്മേളനവേദിയിൽ പറഞ്ഞു. മകനെ കഞ്ചാവുകേസിൽ പ്രതിയാക്കിയത് പോലീസ് ഉദ്യോ​ഗസ്ഥർ മാധ്യമങ്ങൾക്ക് ചോർത്തിക്കൊടുത്തുവെന്നും അവർ ആരോപിച്ചു. ഒരു കിലോമീറ്ററോളം നടന്നാണ് എക്സൈസ് ഉദ്യോ​ഗസ്ഥർ മകനെ കസ്റ്റഡിയിലെടുത്തതെന്നും അവർ പറഞ്ഞു.
സമ്മേളനത്തിൽ മാധ്യമങ്ങൾക്കെതിരെ രൂക്ഷ വിമർശനമാണ് അവർ ഉന്നയിച്ചത്. തനിക്കെതിരെയുണ്ടായത് മാധ്യമ ​ഗൂഡാലോചനയാണെന്ന് എം.എൽ.എ ആരോപിച്ചു. വലതുപക്ഷ കോർപ്പറേറ്റ് മാധ്യമങ്ങൾ തന്നെ ഇരയാക്കുകയായിരുന്നുവെന്നും അവർ പറഞ്ഞു.

പോലീസ് ശരിയായി അന്വേഷിച്ചില്ല ;കഞ്ചാവ് കേസിൽ മകൻ കുറ്റക്കാരനല്ലെന്ന് ആവർത്തിച്ച് യു.പ്രതിഭ

തിരുവനന്തപുരം: പ്ലസ് ടു വിദ്യാർത്ഥിനിയെ പീ‌‌ഡിപ്പിക്കാൻ ശ്രമിച്ച സിപിഐ നേതാവ് വിഷ്ണു ബാബുവിനെതിരെ പോക്‌സോ കേസെടുത്ത്. വിഴിഞ്ഞം പൊലീസാണ് കേസെടുത്തത്. കഴിഞ്ഞ സെപ്റ്റംബറിലാണ് സംഭവം നടന്നത്. മുല്ലൂരിലെ വീട്ടിൽ വച്ച് വിഷ്ണു പെൺകുട്ടിയെ പീഡിപ്പിക്കാൻ ശ്രമിച്ചെന്നാണ് പരാതി.സ്വകാര്യ വിദ്യാലയത്തിലാണ് പരാതിക്കാരി പഠിക്കുന്നത്.
കുട്ടിയുടെ സഹോദരനെതിരെ സ്‌കൂൾ അധികൃതർ സ്വീകരിച്ച അച്ചടക്ക നടപടി പിൻവലിക്കാൻ ഇടപെടണം എന്ന് ആവശ്യപ്പെട്ട് വിഷ്ണുവിനെ പെൺകുട്ടിയും മാതാവും സമീപിച്ചിരുന്നു. തുടർന്ന് ഇവരുടെ കുടുംബവുമായി വിഷ്ണുവും കുടുംബവും അടുപ്പത്തിലായി.ഇതിനിടെ സെപ്റ്റംബര്‍ 18ന് മുല്ലൂരിലെ വീട്ടിലെത്തിയ വിഷ്ണു കുട്ടിയെ ലൈംഗിക ഉദ്ദേശ്യത്തോടെ സ്പർശിക്കുകയായിരുന്നു. കുട്ടിയും കുടുംബവും വിഴിഞ്ഞം പൊലീസിന് നൽകിയ പരാതിയുടെ അടിസ്ഥാനത്തിലാണ് കേസെടുത്തിരിക്കുന്നത്.

പ്ലസ് ടു വിദ്യാർത്ഥിനിയെ പീഡിപ്പിക്കാൻ ശ്രമം; സിപിഐ നേതാവിനെതിരെ പോക്‌സോ കേസ്

രാഹുല്‍ ഈശ്വറിനെതിരെ നിയമനടപടിക്കൊരുങ്ങി നടി ഹണി റോസ്. തനിക്കെതിരെ അധിക്ഷേപം നടത്തിയെന്ന് ആരോപിച്ചാണ് ഹണി റോസ് രാഹുല്‍ ഈശ്വറിനെതിരെ നിയമത്തിന്റെ വഴി തിരഞ്ഞെടുത്തത്.തന്റെ സ്ത്രീത്വത്തെ അപമാനിക്കുന്ന രീതിയിലും തൊഴില്‍ നിഷേധരീതിയിലും നേരിട്ടും സോഷ്യല്‍ മീഡിയ വഴിയും വരുന്ന എല്ലാ വെല്ലുവിളി, പോര്‍വിളി കമന്റുകള്‍ക്കും ആഹ്വാനം നടത്തിയ രാഹുല്‍ ഈശ്വറിനെതിരെ നിയമനടപടി കൈകൊള്ളുന്നുവെന്ന് ഹണിറോസ് സോഷ്യല്‍ മീഡിയയില്‍ പങ്കുവെച്ച പോസ്റ്റില്‍ പറയുന്നു.
ഫെയ്‌സ്ബുക്ക് പോസ്റ്റ്
രാഹുൽ ഈശ്വർ,
ഞാനും എന്റെ കുടുംബവും കടുത്ത മാനസികസമ്മർദ്ദത്തിലൂടെ ആണ് കടന്നുപോകുന്നത് .അതിനു പ്രധാന കാരണക്കാരിൽ ഒരാൾ ഇപ്പോൾ താങ്കൾ ആണ് .ഞാൻ എനിക്കെതിരെ പബ്ലിക് പ്ലാറ്റ്ഫോമിൽ നടന്ന പകൽ പോലെ വ്യക്തമായ അധിക്ഷേപത്തിന് എതിരെ പരാതി കൊടുത്തു .പോലീസ് എന്റെ പരാതിയിൽ കാര്യം ഉണ്ടെന്നു കണ്ട് കേസെടുക്കുകയും കോടതി ഞാൻ പരാതി കൊടുത്ത വ്യക്തിയെ റിമാൻഡിൽ ആക്കുകയും ചെയ്തു . പരാതി കൊടുക്കുക എന്നതാണ് ഞാൻ ചെയ്യേണ്ട കാര്യം . ബാക്കി ചെയ്യണ്ടത് ഭരണകൂടവും പോലീസും കോടതിയും ആണ് .ഞാൻ കൊടുത്ത പരാതിയുടെ ഗൗരവം ചോർത്തിക്കളയാനും ജനങ്ങളുടെ പൊതുബോധം എന്റെ നേരെ തിരിയാനും എന്ന ഉദ്ദേശത്തോടെ സൈബർ ഇടത്തിൽ ഒരു ഓർഗനൈസ്ഡ് ക്രൈം ആസൂത്രണം ചെയ്യുകയും ആണ് രാഹുൽ ഈശ്വർ ചെയ്യുന്നത് .ഇന്ത്യൻ നിയമവ്യവസ്ഥയിൽ,
Indian Constitution: Guarantees the right to make choices about one's attire.
Indian Constitution: Protects an individual's right to privacy and personal autonomy, which encompasses the right to choose what to wear.
Indian Penal Code (IPC): Doesn't have any specific provisions restricting or regulating clothing choices.
ഇങ്ങനെ ആണെന്നിരിക്കെ തുടർച്ചയായി മാധ്യമങ്ങളിലൂടെ എനിക്കെതിരെ, എന്റെ മൗലിക അവകാശങ്ങൾക്കെതിരെ നിയന്ത്രണം ഏർപ്പെടുത്താനും എനിക്കെതിരെ ഒരു പൊതുബോധം സൃഷ്ട്ടിച്ച് എന്നെ ആക്രമിക്കാനും താങ്കൾ കഴിഞ്ഞ ദിവസങ്ങൾ ആയി നടത്തിയ ശ്രമഫലമായി എനിക്കെതിരെ വരുന്ന, എന്റെ തൊഴിലിനു നേരെ വരുന്ന ഭീഷണികൾ, തൊഴിൽ നിഷേധഭീഷണികൾ, അപായഭീഷണികൾ,അശ്ളീല, ദ്വയാർത്ഥ , അപമാനകുറിപ്പുകൾ തുടങ്ങിയ എല്ലാ സൈബർ ബുള്ളിയിങിനും പ്രധാന കാരണക്കാരൻ താങ്കൾ ആണ് . കോടതിയിൽ ഇരിക്കുന്ന കേസിലെ പരാതിക്കാരി ആയ എന്നെ കടുത്ത മാനസികവ്യഥയിലേക്കു തള്ളിയിടുകയും ആത്മഹത്യയിലേക്കു തള്ളിയിടാൻ ശ്രമിക്കുകയും ചെയ്യുന്ന പ്രവർത്തികൾ ആണ് രാഹുൽ ഈശ്വറിന്റെ ഭാഗത്തു നിന്ന് തുടർച്ചയായി ഉണ്ടായിക്കൊണ്ടിരിക്കുന്നത് .
രാഹുൽ ഈശ്വറിനെപോലെ ഉള്ളവരുടെ ഇത്തരം ഓർഗനൈസ്ഡ് ക്രൈം ഓപ്പറേഷൻ കാരണം ഇത്തരം അവസ്ഥയിൽ പെട്ട് പോകുന്ന സ്ത്രീകൾ പരാതിയുമായി മുന്നോട്ടു വരാൻ മടിക്കും . അത്തരം നടപടികൾ ആണ് തുടർച്ചയായി രാഹുൽ ഈശ്വർ എല്ലാ സ്ത്രീകളായ പരാതിക്കാരോടും കാണിക്കുന്നത് . താങ്കളും താങ്കൾ പിന്തുണക്കുന്ന, ഞാൻ പരാതി കൊടുത്ത വ്യക്തിയുടെ PR ഏജൻസികളും എനിക്കെതിരെ നടത്തുന്നത് ഈ ഓർഗനൈസ്ഡ് ക്രമിന്റെ ഭാഗം ആണ് . എന്റെ മൗലിക അവകാശങ്ങളെ നിഷേധിച്ചു കൊണ്ട്, എന്റെ മൗലിക അവകാശങ്ങളിലേക്കു കടന്നുകയറി എന്നെ അപമാനിച്ചു കൊണ്ട് എനിക്കെതിരെ, സ്ത്രീത്വത്തെ അപമാനിക്കുന്ന രീതിയിലും എന്നെ ആക്രമിക്കുകയും അപായപ്പെടുത്തുമെന്നുമുള്ള ഭീഷണികളുടെ രീതിയിലും തൊഴിൽ നിഷേധരീതിയിലും, നേരിട്ടും സോഷ്യൽ മീഡിയ വഴിയും വരുന്ന എല്ലാ വെല്ലുവിളി, പോർവിളി കമന്റുകൾക്കും ആഹ്വാനം നടത്തിയ രാഹുൽ ഈശ്വറിനെതിരെ ഞാൻ നിയമനടപടി കൈക്കൊള്ളുന്നു .
Insulting or making derogatory comments about a woman's dressing in public, including on social media considered as a form of harassment or cyberbullying, which is punishable under various laws in India.
Cyberbullying especially when orchestrated by a person or PR agency is considered as a form of organized crime in India.
Using public media to trigger a cyber attack on someone based on their appearance or dressing is also an organized crime.
രാഹുൽ ഈശ്വർ മാപ്പർഹിക്കുന്നില്ല .
ഹണി റോസ് വർഗീസും കുടുംബവും .

നിങ്ങളെന്നെ ആത്മഹത്യയിലേക്ക് തള്ളിയിടാന്‍ ശ്രമിക്കുന്നു';രാഹുലിനെതിരെ നിയമനടപടിക്കൊരുങ്ങി ഹണി റോസ്

കൊച്ചി: ഭാവഗായകന്‍ പി. ജയചന്ദ്രന്‍ ഇനി ഓര്‍മ. അദ്ദേഹത്തിന്റെ തറവാടു വീടായ ചേന്ദമംഗലം പാലിയം നാലുകെട്ടിന് മുന്നിലെ ശ്മശാനത്തിലായിരുന്നു സംസ്‌കാര ചടങ്ങുകള്‍. ഗാര്‍ഡ് ഓഫ് ഓണറിന് ശേഷം മകന്‍ ദിനനാഥന്‍ ചിതയ്ക്ക് തീ കൊളുത്തി.
സർക്കാരിന്റെ ഔദ്യോഗിക ബഹുമതികൾക്ക് ശേഷം രാവിലെ ഏഴരയോടെയാണ് പൂങ്കുന്നത്തെ വീട്ടിൽ നിന്ന് മൃതദേഹം ഇരിങ്ങാലക്കുടയിലേക്ക് കൊണ്ടുവന്നത്. പി ജയചന്ദ്രൻ പ്രാഥമിക വിദ്യാഭ്യാസം പൂർത്തിയാക്കിയ ഇരിങ്ങാലക്കുട നാഷണൽ ഹയർ സെക്കൻഡറി സ്‌കൂളിൽ മൃതദേഹം പൊതുദർശനത്തിന് വച്ചു. തുടർന്നാണ് ചേന്നമംഗലത്തെ പാലിയത്ത് തറവാട് വീട്ടിലേക്ക് കൊണ്ടുവന്നത്.സിനിമാ രാഷ്ട്രീയ സാംസ്‌കാരിക മേഖലകളില്‍ നിന്നുള്ളവരും ആയിരക്കണക്കിന് സംഗീത പ്രേമികളും പൂങ്കുന്നത്തെ വീട്ടിലും സംഗീത നാടക അക്കാഡമി തീയറ്ററിലുമെത്തി പി ജയചന്ദ്രന് അന്ത്യാഞ്ജലി അര്‍പ്പിച്ചു. സംസ്ഥാന സര്‍ക്കാരിന് വേണ്ടി മന്ത്രിമാരായ കെ രാജന്‍, ആര്‍ ബിന്ദു എന്നിവര്‍ പുഷ്പചക്രം സമര്‍പ്പിച്ചു. മമ്മൂട്ടി അടക്കമുള്ള താരങ്ങളും പൂങ്കുന്നത്തെ വീട്ടിലെത്തി അന്തിമോപചാരം അര്‍പ്പിച്ചിരുന്നു.

ഭാവഗായകന് വിട നൽകി ജന്മനാട്;ഔദ്യോഗിക ബഹുമതികളോടെ സംസ്കാരം

Search Results for: 13.01.2025