തിരുവനന്തപുരം: പോക്‌സോ കേസില്‍ ട്യൂഷന്‍ അധ്യാപകന് 111 വര്‍ഷം കഠിന തടവ് വിധിച്ച് കോടതി. പ്ലസ് വണ്‍ വിദ്യാര്‍ഥിനിയെ ലൈംഗികമായി പീഡിപ്പിച്ച കേസിലാണ് ശിക്ഷാവിധി വന്നത്. സര്‍ക്കാര്‍ ഉദ്യോഗസ്ഥനായ പ്രതി കുട്ടിയെ വീട്ടിലേക്ക് വിളിച്ചുവരുത്തി പീഡിപ്പിപ്പിക്കുകയായിരുന്നു.തിരുവനന്തപുരം പ്രത്യേക പോക്‌സോ കോടതിയാണ് ശിക്ഷ വിധിച്ചത്.

വിദ്യാര്‍ഥിനിയെ പീഡിപ്പിച്ച കേസില്‍ അധ്യാപകന് 111 വര്‍ഷം കഠിന തടവ്

Kerala

റിയാദ്: സ്വകാര്യ ഗ്രൂപ്പിൽ ഉംറ നിർവഹിക്കാനെത്തിയ മലപ്പുറം സ്വദേശിനിയായ തീർഥാടക മക്കയിൽ മരിച്ചു. പാണ്ടിക്കാട് ചാത്തങ്ങോട്ടുപുറം നിരന്നപറമ്പിൽ താമസിക്കുന്ന കാളികാവ് അടക്കാകുണ്ട് ക്രസന്റ് ഹൈസ്‌കൂൾ ഉറുദു അധ്യാപിക സുബൈദ (64) ആണ് മരിച്ചത്.&nbsp;
കുടുംബസമേതം ഉംറ നിർവഹിക്കാനെത്തിയ ഇവർക്ക് രണ്ടാഴ്ച്ച മുമ്പ് ഹൃദയാഘാതം സംഭവിക്കുകയായിരുന്നു. മക്ക കിങ് അബ്ദുൽ അസീസ് ആശുപത്രി തീവ്രപരിചരണ വിഭാഗത്തിൽ ചികിത്സയിലിരിക്കെ തിങ്കളാഴ്ച്ച രാവിലെയാണ് മരണം.കിഴക്കേ വെട്ടിക്കാട്ടിരി പരേതനായ ഏലംകുളവൻ മുഹമ്മദ്‌ എന്ന ചെറിയാപ്പ ഹാജിയുടെ മകളാണ്. ഭർത്താവ്: കെ. അബ്ദുൽ കരീം (വനിത കോളേജ്, വണ്ടൂർ ഹിന്ദി അധ്യാപകൻ), മകൻ: ഫാസിൽ. ഭർത്താവും മകനും മക്കയിലുണ്ട്. നടപടിക്രമങ്ങൾ പൂർത്തിയാക്കി മൃതദേഹം മക്കയിൽ ഖബറടക്കുമെന്ന് ബന്ധുക്കൾ അറിയിച്ചു.

ഉംറക്കെത്തിയ മലയാളി അധ്യാപിക മക്കയിൽ മരിച്ചു

Gulf

പാലക്കാട്: മുണ്ടുടുത്ത് നെറ്റിയിൽ കുങ്കുമക്കുറിയുമായി പാലക്കാട്ടെ ക്ഷേത്രത്തിൽ ദർശനം നടത്തി മുൻ ഇന്ത്യൻ ക്രിക്കറ്റ് താരം വീരേന്ദർ സേവാഗ്. കാവിൽപ്പാട് പുളിക്കൽ വിശ്വനാഗയക്ഷിക്കാവിൽ ദർശനത്തിനെത്തിയതായിരുന്നു സേവാഗ്. പാലക്കാട്ടെ ഒരു സുഹൃത്തിനൊപ്പമാണ് താരം ക്ഷേത്രത്തിലെത്തിയത്.
കഴിഞ്ഞദിവസം കോയമ്പത്തൂർ ഈഷ യോഗ സെന്ററിൽ ഗ്രാമോത്സവം പരിപാടിക്കെത്തിയ സേവാഗ് ഇന്നലെ രാവിലെ 11.30ഓടെ പാലക്കാട്ട് എത്തുകയായിരുന്നു. മത്സരങ്ങൾക്കുവേണ്ടിയല്ലാതെ ഇതുവരെ കേരളത്തിൽ വന്നിട്ടില്ലെന്നും ഇവിടത്തെ കാഴ്‌ചകൾ അതിമനോഹരമാണെന്നും സന്ദർശനം മികച്ചൊരു അനുഭവമാണെന്നും സേവാഗ് പറഞ്ഞു.
&nbsp;അടുത്തുവന്നവരോടെല്ലാം കൈകൂപ്പി വണങ്ങി. ഫോട്ടോയെടുക്കാനും പോസ് ചെയ്തു.താരത്തിനായി കാവിൽ പ്രത്യേക അലങ്കാര പൂജ നടന്നിരുന്നു. കാവിൽ പ്രദ‌ഷണം നടത്തിയതിനുശേഷം മാനവേന്ദ്രവർമ യോഗാതിരിപ്പാടിൽ നിന്ന് അദ്ദേഹം പ്രസാദവും ഏറ്റുവാങ്ങി. പായസം സഹിതം സദ്യയുമുണ്ട് വൈകിട്ട് നാലുമണിയോടെയാണ് അദ്ദേഹം മടങ്ങിയത്.

മുണ്ടുടുത്ത് നെറ്റിയിൽ കുങ്കുമക്കുറിയുമായി പാലക്കാട്ടെ ക്ഷേത്രത്തിൽ ദർശനം നടത്തി വീരേന്ദർ സേവാഗ്

രാത്രി ഭക്ഷണമൊക്കെ കഴിഞ്ഞ്‌ ഉറങ്ങാന്‍ കിടക്കുമ്പോഴാണ്‌ പല ദമ്പതികളും ലൈംഗിക ബന്ധത്തില്‍ ഏര്‍പ്പെടാറുള്ളത്‌. എന്നാല്‍ ഈ ശീലം ലൈംഗിക ബന്ധത്തിലെ സംതൃപ്‌തിയെയും സുഖത്തെയുമൊക്കെ സാരമായി ബാധിക്കാമെന്ന്‌ ഗാര്‍ഡിയനില്‍ പ്രസിദ്ധീകരിച്ച ഒരു ലേഖനം ചൂണ്ടിക്കാട്ടുന്നു.&nbsp;
ഭക്ഷണത്തിന്‌ ശേഷം ഇത്‌ ദഹിപ്പിക്കാനായി രക്തം പ്രധാനമായും നിങ്ങളുടെ ദഹന സംവിധാനത്തിലേക്കാണ്‌ ഒഴുകുക. ഈ സമയത്ത്‌ ലൈംഗികാവയവങ്ങളിലേക്ക്‌ ആവശ്യത്തിന്‌ രക്തമെത്തില്ല എന്നതിനാല്‍ ശരിയായ ഉത്തേജനവും രതിമൂര്‍ച്ഛയും സംഭവിക്കില്ലെന്ന്‌ ലേഖനം വ്യക്തമാക്കുന്നു.&nbsp;
ഭക്ഷണത്തിന്‌ ശേഷം ഇന്‍സുലിന്‍, സെറോടോണിന്‍ ഹോര്‍മോണ്‍ തോത്‌ വര്‍ധിക്കുന്നത്‌ ക്ഷീണമുണ്ടാക്കുകയും ഊര്‍ജ്ജത്തിന്റെ തോത്‌ കുറയ്‌ക്കുകയും ചെയ്യും. ഇതും ലൈംഗിക ബന്ധത്തിലെ അടുപ്പത്തെ ബാധിക്കും. കൂടുതല്‍ കട്ടിയായ ആഹാരം കഴിക്കുന്നവര്‍ക്ക്‌ ദഹനം പതിയെ നടക്കുമെന്നതിനാല്‍ ഈ അവസ്ഥ കൂടുതല്‍ രൂക്ഷമാകും.&nbsp;
വെളുപ്പിനെയും ദിവസത്തിന്റെ ആദ്യ പകുതിയിലുമൊക്കെയാണ്‌ നമ്മുടെ ഊര്‍ജ്ജവും ഹോര്‍മോണ്‍ തോതും മൂഡുമൊക്കെ ഉച്ചസ്ഥായിയില്‍ എത്തുന്നത്‌. ലൈംഗിക ബന്ധത്തിനായി ഈ നേരങ്ങളില്‍ സമയം കണ്ടെത്തുന്നത്‌ പങ്കാളികള്‍ക്കിടയിലെ സ്‌നേഹവും താത്‌പര്യവും വര്‍ധിപ്പിക്കുമെന്ന്‌ ലേഖനം കൂട്ടിച്ചേര്‍ക്കുന്നു. തിരക്കുള്ള സമയക്രമം കാരണം ഈ നേരം മാത്രമേ തങ്ങള്‍ക്ക്‌ ലൈംഗിക ബന്ധത്തിന്‌ ലഭിക്കൂ എന്നുള്ളവര്‍ ലഘുവായ രാത്രി ഭക്ഷണം കഴിക്കാനെങ്കിലും ശ്രദ്ധിക്കേണ്ടതാണ്‌.ലൈംഗിക താത്‌പര്യങ്ങളെ പറ്റി പരസ്‌പരം മനസ്സ്‌ തുറന്ന്‌ സംസാരിക്കേണ്ടതും അത്യാവശ്യമാണ്‌.

ലൈംഗിക ബന്ധത്തില്‍ ഏര്‍പ്പെടാൻ ഏറ്റവും അനിയോജ്യമായ സമയം അറിയാമോ

Health

പാലക്കാട്: വല്ലപ്പുഴയിൽ 15 കാരിയെ കാണാനില്ലെന്ന് പരാതി. വല്ലപ്പുഴ സ്വദേശി അബ്ദുൾ കരീമിന്റെ മകൾ ഷെഹ്ന ഷെറിനെയാണ് ഇന്നലെ മുതൽ കാണാതായത്. രാവിലെ വീട്ടിൽ നിന്നിറങ്ങിയ കുട്ടി ട്യൂഷൻ ക്ലാസിനുശേഷം ബന്ധുവീട്ടിൽ പുസ്തകമെടുക്കാൻ പോകുകയാണെന്ന് കൂട്ടുകാരികളോട് പറഞ്ഞു. അതിന് ശേഷം വസ്ത്രം മാറിയതിന് ശേഷമാണ് പോയതെന്ന് കൂട്ടുകാരികൾ മൊഴി നൽകിയിട്ടുണ്ട്.
&nbsp;ഒൻപത് മണിയോടെയാണ് സംഭവം. കുട്ടി സ്കൂളിൽ എത്താതിരുന്നതിനെ തുടർന്ന് രക്ഷിതാക്കൾ പൊലീസിൽ പരാതി നൽകുകയായിരുന്നു. കുട്ടിയുടേതെന്ന് സംശയിക്കുന്ന ദൃശ്യങ്ങൾ പട്ടാമ്പി റെയിൽവേ സ്റ്റേഷനിൽ നിന്ന് ലഭിച്ചിട്ടുണ്ട്. ഈ ദൃശ്യങ്ങൾ കേന്ദ്രീകരിച്ചാണ് അന്വേഷണം പുരോ​ഗമിക്കുന്നത്. പട്ടാമ്പി പൊലീസ് കേസെടുത്ത് അന്വേഷണം ആരംഭിച്ചു.&nbsp;

പാലക്കാട് വല്ലപ്പുഴയിൽ 15 കാരിയെ കാണാനില്ലെന്ന് പരാതി ;അന്വേഷണം

ബം​​ഗ​ളൂ​രു: മ​ല​യാ​ളി ന​ഴ്സി​ങ് വി​ദ്യാ​ർ​ഥി ബം​​ഗ​ളൂ​രു​വി​ൽ ഹൃ​ദ​യാ​ഘാ​തം​മൂ​ലം മ​ര​ണ​പ്പെ​ട്ടു. മ​ണ്ണാ​ർ​ക്കാ​ട് നെ​ല്ലി​പ്പു​ഴ സ്വ​ദേ​ശി സൈ​നു​ൽ ആ​ബി​ദ് (24) ആ​ണ് മ​ര​ണ​പ്പെ​ട്ട​ത്. സ്വ​കാ​ര്യ ന​ഴ്സി​ങ് കോ​ള​ജി​ലെ മൂ​ന്നാം വ​ർ​ഷ വി​ദ്യാ​ർ​ഥി​യാ​യി​രു​ന്നു. ആ​നേ​ക്ക​ൽ മ​ര​സൂ​ർ ​ഗേ​റ്റി​ലെ ഹോ​സ്റ്റ​ലി​ൽ​വെ​ച്ച് ഹൃ​ദ​യാ​ഘാ​ത​മു​ണ്ടാ​യ​തി​നെ​ത്തു​ട​ർ​ന്ന് സു​ഹൃ​ത്തു​ക്ക​ൾ ചേ​ർ​ന്ന് ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.&nbsp;
ബം​​ഗ​ളൂ​രു കെ.​എം.​സി.​സി​യു​ടെ നേ​തൃ​ത്വ​ത്തി​ൽ നാ​ട്ടി​ലെ​ത്തി​ച്ച മൃ​ത​ദേ​ഹം ഇ​ന്ന​ലെ രാ​ത്രി 9 മ​ണി​ക്ക് മ​ണ്ണാ​ർ​ക്കാ​ട് മ​ണ​ല​ടി ജു​മാ മ​സ്ജി​ദി​ൽ മ​റ​വ് ചെ​യ്തു. പി​താ​വ്: ക​ക്കാ​ട​ൻ അ​സീ​സ്, മാ​താ​വ്: സ​ജു​മ. ര​ണ്ട് സ​ഹോ​ദ​രി​മാ​രു​ണ്ട്.

മ​ല​യാ​ളി ന​ഴ്സി​ങ് വി​ദ്യാ​ർ​ഥി ബം​​ഗ​ളൂ​രു​വി​ൽ നിര്യാതനായി

National

തിരുവനന്തപുരം: പി.എ. അസീസ് കോളേജിനുള്ളില്‍ കത്തിക്കരിഞ്ഞ നിലയില്‍ മൃതദേഹം കണ്ടെത്തി. കോളേജിനുള്ളിലെ പണിതീരാത്ത കെട്ടിടത്തനുള്ളിലാണ് പുരുഷന്റെ മൃതദേഹം കണ്ടെത്തിയത്. ചൊവ്വാഴ്ച രാവിലെയാണ് മൃതദേഹം കണ്ടത്.
കോളേജ് ഉടമ മുഹമ്മദ് അബ്ദുള്‍ അസീസ് താഹയുടേതാണ് മൃതദേഹമെന്നാണ് പോലീസിന്റെ സംശയം. അദ്ദേഹത്തിന്റെ കാറും മൊബൈൽ ഫോണുമെല്ലാം സമീപത്തുണ്ട്.മുഹമ്മദ് അബ്ദുള്‍ അസീസിന് കടബാധ്യതയുണ്ടായിരുന്നതായാണ് പുറത്തുവരുന്ന റിപ്പോർട്ടുകൾ. ഇദ്ദേഹം പണം തിരികെ നൽകാനുള്ളവർ വന്ന് ബഹളമുണ്ടാക്കിയതായും വിവരമുണ്ട്. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. ഫോറൻസിക് വിദ​ഗ്ധരും സ്ഥലത്തുണ്ട്.

തലസ്ഥാനത്തെ കോളേജിനുള്ളിൽ കത്തിക്കരിഞ്ഞ നിലയിൽ മൃതദേഹം

തിരുവനന്തപുരം: ബാറുകൾക്കും ഹോട്ടലുകൾക്കും പുതിയ നിർദേശവുമായി മോട്ടോർ വാഹന വകുപ്പ് (എംവിഡി). വാഹനത്തിലെത്തി മദ്യപിച്ചവർക്ക് ബാറുകൾ ഡ്രൈവറെ ഏർപ്പാടാക്കി നൽകണമെന്നാണ് നിർദേശം. പ്രൊഫഷണൽ ഡ്രൈവർമാരുടെ സേവനം ബാർ വളപ്പിൽ ലഭ്യമാക്കണമെന്ന് ആർടിഒ (എൻഫോഴ്‌സ്‌മെന്റ്) ജില്ലയിലെ ബാർ ഹോട്ടൽ മാനേജർമാർക്ക് നൽകിയ ഉത്തരവിൽ പറയുന്നു. മദ്യപിച്ചുള്ള റോഡ് അപകടങ്ങൾ ഒഴിവാക്കുന്നത് ലക്ഷ്യമിട്ടാണ് എംവിഡിയുടെ പുതിയ നിർദേശം.
ഡ്രൈവറുടെ സേവനം ലഭ്യമാണെന്ന വിവരം ബാറിലെത്തുന്ന കസ്റ്റമേഴ്‌സിനെ അറിയിക്കണം. മദ്യപിച്ച് വാഹനം ഓടിക്കുമ്പോഴുണ്ടാകാവുന്ന അപകട സാധ്യതകളെക്കുറിച്ചുള്ള അറിയിപ്പ് നൽകണം. ആരൊക്കെ ഡ്രൈവറുടെ സേവനം ഉപയോഗപ്പെടുത്തി എന്ന് വിശദമാക്കുന്ന രജിസ്റ്റ‌ർ സൂക്ഷിക്കണം. മദ്യപിച്ചതിനുശേഷം ഉപഭോക്താക്കൾ ഡ്രൈവറുടെ സേവനം നിരസിക്കുകയോ വാഹനം സ്വയം ഓടിക്കാൻ ശ്രമിക്കുകയോ ചെയ്താൽ ഹോട്ടൽ അധികൃതർ അടുത്ത പൊലീസ് സ്റ്റേഷനിലോ ആർടി ഓഫീസിലോ അറിയിക്കണമെന്നും ഉത്തരവിൽ വ്യക്തമാക്കുന്നു.
മദ്യപിച്ചുള്ള ഡ്രൈവിംഗ്, മൊബൈൽ ഫോൺ ഉപയോഗിച്ചുള്ള ഡ്രൈവിംഗ്, അമിതവേഗത, രണ്ടിലധികം ആളുകളെ കയറ്റിയുള്ള ഇരുചക്രവാഹന യാത്ര, സിഗ്നൽ ലംഘനം തുടങ്ങിയ കുറ്റങ്ങൾക്ക് പിഴയ്ക്ക് പുറമെ ലൈസൻസ് റദ്ദ് ചെയ്യും. രൂപമാറ്റം നടത്തിയ വാഹനങ്ങൾ, അമിത ശബ്ദം പുറപ്പെടുവിക്കുന്ന രീതിയിൽ സൈലൻസർ മാറ്റിയിട്ടുള്ള വാഹനങ്ങൾ എന്നിവയുടെ രജിസ്‌ട്രേഷൻ റദ്ദാക്കുന്നത് ഉൾപ്പെടെയുള്ള നടപടികൾ സ്വീകരിക്കും.&nbsp;

'മദ്യപിച്ച കസ്റ്റമറിന് തിരികെ പോകാൻ ബാറുകൾ ഡ്രൈവറെ ഏർപ്പാടാക്കണം', പുതിയ നിർദേശവുമായി എം.വി.ഡി

കണ്ണൂര്‍: ടി.പി ചന്ദ്രശേഖരന്‍ വധക്കേസില്‍ ശിക്ഷിക്കപ്പെട്ട് ജയിലില്‍ കഴിയുന്ന കൊടി സുനിക്ക് പരോള്‍ അനുവദിച്ചതിനെ ന്യായീകരിച്ച് സി.പി.എം നേതാവ് പി. ജയരാജന്‍. ഫേസ്ബുക്കില്‍ പങ്കുവെച്ച കുറിപ്പിലാണ് ജയരാജന്‍, സുനിക്ക് ജാമ്യം അനുവദിച്ചതിനെ ന്യായീകരിക്കുന്നത്.
"കൊലക്കേസില്‍ ശിക്ഷിക്കപ്പെട്ട് തടവില്‍ക്കഴിയുന്ന കൊടിസുനിക്ക് പരോളിന് അര്‍ഹതയുണ്ടായിരുന്നെങ്കിലും, കഴിഞ്ഞ ആറുവര്‍ഷമായി ജയില്‍ വകുപ്പ് പരോള്‍ അനുവദിച്ചിരുന്നില്ല. സുനിയുടെ പേരില്‍ ഇടക്കാലത്ത് ചുമത്തിയ കേസുകളായിരുന്നു അതിനു കാരണം. എന്നാല്‍ സുനിയുടെ അമ്മ മനുഷ്യാവകാശ കമ്മിഷന് നല്‍കിയ പരാതിയെ തുടര്‍ന്നാണ് മാനുഷിക പരിഗണയില്‍ പരോള്‍ അനുവദിക്കാമോ എന്ന കാര്യം തീരുമാനിക്കാന്‍ ജയില്‍ വകുപ്പിനോട് ആവശ്യപ്പെട്ടത്". അത് പരിഗണിച്ചാണ് ജയില്‍ മേധാവി 30 ദിവസത്തെ പരോള്‍ അനുവദിച്ച് ഉത്തരവായതെന്ന് ജയരാജന്‍ പോസ്റ്റില്‍ പറയുന്നു.
കോവിഡ് കാലത്ത് പോലും കൊടിസുനിക്ക് പരോള്‍ നല്‍കിയിരുന്നില്ലെന്നും ആറുവര്‍ഷങ്ങള്‍ക്ക് ശേഷം അമ്മയുടെ പരാതിയെ തുടര്‍ന്ന് പരോള്‍ നല്‍കിയതില്‍ എന്ത് മഹാപരാധമാണുള്ളതെന്നും അദ്ദേഹം ചോദിക്കുന്നു.30 ദിവസത്തെ പരോളാണ് സുനിക്ക് അനുവദിച്ചിരിക്കുന്നത്. മനുഷ്യാവകാശ കമ്മിഷന്റെ കത്ത് പരിഗണിച്ചാണ് ജയില്‍ വകുപ്പിന്റെ നടപടി.പരോള്‍ ലഭിച്ചതോടെ 28-ന് തവനൂര്‍ ജയിലില്‍നിന്ന് സുനി പുറത്തിറങ്ങി.&nbsp;

'അതിൽ എന്ത് മഹാപരാധമാണുള്ളത്'; കൊടി സുനിക്ക് പരോള്‍ അനുവദിച്ചതിനെ ന്യായീകരിച്ച് പി. ജയരാജന്‍

വയനാട് : മേപ്പാടിയില്‍ മിഠായി കഴിച്ചതിന് പിന്നാലെ കുട്ടികള്‍ ദേഹാസ്വാസ്ഥ്യം. പതിനാല് കുട്ടികളെ മേപ്പാടി ആശുപത്രിയില്‍ പ്രവേശിപ്പിച്ചു.
മേപ്പാടി മദ്രസ്സയിലെ ഏഴാം ക്ലാസ്സിലെ കുട്ടികള്‍ക്കാണ് മിഠായി കഴിച്ചതിന് ശേഷം ശാരീരികാസ്വസ്ഥതകള്‍ അനുഭവപ്പെട്ടത്. ക്ലാസ്സിലെ ഒരു കുട്ടിയുടെ ജന്മദിനത്തിന് നല്‍കിയ മിഠായി കഴിച്ചതിന് ശേഷമായിരുന്നു സംഭവം. സമീപത്തെ കടയില്‍ നിന്ന് വാങ്ങിയ മിഠായി ആണ് ക്ലാസ്സില്‍ വിതരണം ചെയ്തത്.ആശങ്കപ്പെടേണ്ട കാര്യമില്ലെന്ന് ഡോക്ടര്‍മാരും രക്ഷിതാക്കളും വ്യക്തമാക്കി. മിഠായിയുടെ സാമ്പിള്‍ പരിശോധനയ്ക്കയച്ചു.

മിഠായി കഴിച്ചതിന് പിന്നാലെ ദേഹാസ്വാസ്ഥ്യം ;14 വിദ്യാര്‍ഥികൾ ആശുപത്രിയില്‍

ദോശ ഇഷ്ടമല്ലാത്ത മലയാളികൾ വളരെ കുറവാണ്. പലതരത്തിലുള്ള ദോശകൾ ലഭ്യമാണ്. മസാലദോശ, തക്കാളി ദോശ, നെയ് ദോശ തുടങ്ങി വ്യത്യസ്തതരം രുചിയിലുള്ള ദോശകൾ വീട്ടിൽ ഉണ്ടാകാറുണ്ട്. ഏത് തരം ദോശയാണെങ്കിലും അത് ക്രിസ്പിയായി ഇരിക്കുമ്പോഴാണ് രുചി കൂടുന്നത്. എന്നാൽ പലപ്പോഴും നാം വിചാരിക്കുന്നത് പോലെ ദോശ ഉണ്ടാക്കാൻ കഴിയണമെന്നില്ല. ചിലപ്പോൾ ദോശ ചുടുമ്പോൾ അത് കരിഞ്ഞ് പോകുന്നു. എന്നാൽ ചില സമയത്ത് നല്ല മൊരിഞ്ഞതും സോഫ്റ്റുമായ ദോശ ഉണ്ടാക്കാനും കഴിയുന്നു. ദോശ തയ്യാറാക്കുമ്പോൾ ചില കാര്യങ്ങൾ ശ്രദ്ധിച്ചാൽ നല്ല കിടിലൻ ക്രിസ്പി ദോശ ഉണ്ടാകാൻ കഴിയും. അവ എന്തൊക്കെയാണെന്ന് നോക്കിയാലോ?.
ദോശമാവ് കൃത്യമായി അരച്ചാൽ നല്ല ദോശ ഉണ്ടാക്കാൻ പറ്റും. ശരിയായി പുളിച്ച് പൊന്തിവന്ന മാവ് ഉപയോഗിച്ച് തയ്യാറാക്കിയാൽ നല്ല ദോശ ലഭിക്കും. അരിയും ഉഴുന്നും കൃത്യമായ അളവ് ചേർത്ത് വേണം മാവ് അരയ്ക്കാൻ. ദോശ സോഫ്റ്റ് ആകാൻ അരയ്ക്കുമ്പോൾ ചോറ് അല്ലെങ്കിൽ അവിൽ ചേർക്കുന്നത് നല്ലതാണ്. എന്നാൽ ചോറ് അമിതമായാൽ ദോശ ക്രിസ്പിയായിരിക്കില്ല.ദോശ ചുടുമ്പോൾ ദോശക്കല്ലിന് ചൂട് ഉണ്ടായിരിക്കണം. പലരും ദോശമാവ്ഒ ഴിക്കുന്നതിന് മുൻപ് കല്ലിൽ എണ്ണ തടവുന്നു. എന്നാൽ ശരിക്കും ദോശമാവ് കല്ലിൽ ഒഴിച്ച് പരത്തിയ ശേഷം അതിന് മുകളിൽ വേണം എണ്ണ തടവാൻ. ഇത് ദോശയെ ക്രിസ്പി ആക്കുന്നു. ഒരു ദോശ ചുട്ട് കഴിഞ്ഞാൽ ദോശക്കല്ലിൽ കുറച്ച് വെള്ളം തളിയ്ക്കുക. ഇത് ചൂട് അധികമാകാതെ ഇരിക്കാൻ സഹായിക്കും.

നല്ല ക്രിസ്‌പി ദോശയാണോ കഴിക്കാൻ ഇഷ്ടം;ഈ പൊടികൈ പരീക്ഷിക്കാം

സ്വര്‍ണ വിലയില്‍ ചൊവ്വാഴ്ച്ച ഇടിവ് രേഖപ്പെടുത്തി. പവന് 320 രൂപയാണ് കുറഞ്ഞത്. ഇതോടെ ഒരു പവന്‍ സ്വര്‍ണത്തിന്റെ വില 56,880 രൂപ ആയി. ഒരു ഗ്രാം സ്വര്‍ണത്തിന്റെ വില 40 രൂപ കുറഞ്ഞ് 7110 രൂപയുമായി.
എംസി എക്സില്‍ 10 ഗ്രാം 24 കാരറ്റ് സ്വര്‍ണത്തിന്റെ വില 76,279 രൂപയാണ്. അന്താരാഷ്ട്ര വിപണിയില്‍ സ്‌പോട് ഗോള്‍ഡിന്റെ വില ട്രോയ് ഔണ്‍സിന് 2,605.23 ഡോളര്‍ ആണ്.

സ്വര്‍ണ വിലയില്‍ ഇടിവ് ;പവന് 320 രൂപ കുറഞ്ഞ് 56,880 രൂപയായി

കൊല്ലം: സ്‌ത്രീധന പീഡനത്തെ തുടർന്ന് വിസ്‌മയ ജീവനൊടുക്കിയ കേസിലെ പ്രതി കിരണിന് പരോൾ അനുവദിച്ചതിനെതിരെ മുഖ്യമന്ത്രിയെ സമീപിക്കുമെന്ന് വിസ്‌മയയുടെ കുടുംബം. മുഖ്യമന്ത്രിയെ കണ്ട് നിവേദനം നൽകുമെന്ന് വിസ്‌മയയുടെ അച്ഛൻ ത്രിവിക്രമൻ പ്രതികരിച്ചു. പരോൾ അനുവദിച്ചുള്ള നടപടി പൊലീസ് റിപ്പോർട്ടിന് വിരുദ്ധമാണ്. ജയിലിനുള്ളിൽ നിന്ന് പ്രതിക്ക് സഹായം കിട്ടിയെന്നാണ് സംശയിക്കുന്നത്. സംഭവത്തിൽ സമഗ്രമായ അന്വേഷണം വേണം. നീതി കിട്ടുമെന്നാണ് പ്രതീക്ഷയെന്നും ത്രിവിക്രമൻ പറഞ്ഞു
കിരണിന് 30 ദിവസത്തെ പരോളാണ് അനുവദിച്ചിരിക്കുന്നത്. പൊലീസ് റിപ്പോർട്ട് എതിരായിട്ടും ജയിൽ മേധാവിയാണ് പരോൾ അനുവദിച്ചത്. പത്ത് വർഷത്തെ തടവ് ശിക്ഷയാണ് കിരണിന് വിധിച്ചത്. പൂജപ്പുര സെൻട്രൽ ജയിലിൽ കഴിയുന്ന കിരൺ പരോളിന് ആദ്യം അപേക്ഷ നൽകിയെങ്കിലും പ്രൊബേഷൻ റിപ്പോർട്ടും പൊലീസ് റിപ്പോർട്ടും എതിരായതിനാൽ ജയിൽ സൂപ്രണ്ട് അപേക്ഷ തള്ളി. വീണ്ടും അപേക്ഷ നൽകിയപ്പോൾ പൊലീസ് റിപ്പോർട്ട് എതിരായിരുന്നെങ്കിലും പ്രൊബേഷൻ റിപ്പോർട്ട് അനുകൂലമായി വന്നു.അപേക്ഷ സൂപ്രണ്ട് ജയിൽ മേധാവിയുടെ പരിഗണനയ്‌ക്ക് വിട്ടു. തുടർന്ന് ജയിൽ മേധാവി ബൽറാം കുമാർ ഉപാധ്യായ 30 ദിവസത്തെ പരോൾ അനുവദിക്കുകയും ചെയ്‌തു.&nbsp;

കിരണിന് പരോൾ അനുവദിച്ചതിനെതിരെ മുഖ്യമന്ത്രിയെ സമീപിക്കുമെന്ന്  വിസ്‌മയയുടെ പിതാവ്

കൊച്ചി: സ്റ്റേജില്‍ നിന്ന് വീണ് ഉമാ തോമസ് എംഎല്‍എക്ക് പരിക്കേറ്റ സംഭവത്തില്‍ ദിവ്യ ഉണ്ണിയെയും സിജോയ് വര്‍ഗീസിനെയും മൊഴിയെടുക്കാനായി വിളിപ്പിക്കും. പരിപാടിയുടെ മുഖ്യവിവരങ്ങള്‍ ഇവരില്‍ നിന്ന് തേടും.
കൂടുതല്‍ ആളുകളെ ചോദ്യം ചെയ്ത് വിവരം ശേഖരിക്കുകയാണ് അന്വേഷണ സംഘം. ദിവ്യ ഉണ്ണിയുടെ നേതൃത്ത്വത്തിലായിരുന്നു ഗിന്നസ് റെക്കോഡിനായുള്ള നൃത്ത പരിപാടി കലൂരില്‍ നടന്നത്. ദിവ്യ ഉണ്ണിയെ വിളിച്ചു വരുത്തി മൊഴി രേഖപ്പെടുത്താനാണ് അന്വേഷണ സംഘത്തിന്റെ ഉദ്ദേശം. നൃത്തപരിപാടിയുടെ സംഘാടനത്തില്‍ ചുമതലയുണ്ടായിരുന്ന വ്യക്തിയാണ് സുജോയ് വര്‍ഗീസ്. ഇതുമായി ബന്ധപ്പെട്ട് നിരവധി പേരോട് സ്‌റ്റേഷനില്‍ ഹാജരാകാന്‍ പോലീസ് ആവശ്യപ്പെട്ടിരുന്നു.

ഉമാതോമസിന് പരിക്കേറ്റ സംഭവം ; ദിവ്യ ഉണ്ണിയെയും സിജോയ് വര്‍ഗ്ഗീസിനെയും മൊഴിയെടുക്കാനായി വിളിപ്പിക്കും

നാദാപുരം: ചെക്യാട് പഞ്ചായത്തിലെ കണ്ടി വാതുക്കലിൽ കാർ കൊക്കയിലേക്ക് മറിഞ്ഞ് രണ്ട് പേർക്ക് പരിക്ക്. മൊകേരി സ്വദേശി ബാബു (61), കല്ലാച്ചി സ്വദേശി കുഞ്ഞിക്കണ്ണൻ (72) എന്നിവർക്കാണ് പരിക്കേറ്റത്. നാല് പേർ സഞ്ചരിച്ച കാർ കണ്ടി വാതുക്കലിന് സമീപം പനോലക്കാവിലാണ് അപകടത്തിൽ പെട്ടത്. പനോലക്കാവിൽ ചെങ്കുത്തായ കയറ്റം കയറുന്നതിനിടെ കാർ പിന്നിലേക്ക് ഉരുളുകയും റോഡിൽ നിന്ന് തെന്നി മാറി 30 മീറ്ററോളം താഴ്ച്ചയിലേക്ക് മറിയുകയായിരുന്നു. അപകടത്തിൽ സാരമായി പരിക്കേറ്റ ബാബു കാറിൽ നിന്ന് ഡോർ തുറന്ന് പുറത്തേക്ക് തെറിച്ച് പോവുകയായിരുന്നെന്ന് കൂടെ ഉണ്ടായിരുന്നവർ പറഞ്ഞു. പരിക്കേറ്റവരെ നാദാപുരം ഗവ താലൂക്ക് ആശുപത്രിയിൽ പ്രാഥമിക ചികിത്സക്ക് ശേഷം വടകര ആശുപത്രിയിലേക്ക് മാറ്റി. ഡ്രൈവറടക്കം രണ്ട് പേർ പരിക്കേൽക്കാതെ അത്ഭുതകരമായി രക്ഷപ്പെട്ടു.&nbsp;
പനോലക്കാവ് റോഡിലെ കുത്തനെയുള്ള കയറ്റം നിരന്തരമായി അപകടമുണ്ടാകുന്ന സ്ഥലമാണെന്ന് നാട്ടുകാർ പറഞ്ഞു. ഞായറാഴ്ച്ച സ്കൂട്ടർ കൊക്കയിലേക്ക് മറിഞ്ഞു രണ്ട് പേർ കോഴിക്കോട് ആശുപത്രിയിൽ ചികിത്സയിലാണെന്നും അശാസ്ത്രീയമായി കോൺക്രീറ്റ് ചെയ്ത റോഡിൽ ഗ്രിപ്പ് ഇല്ലാത്തതും സുരക്ഷാ ഭിത്തിയില്ലാത്തതുമാണ് അപകട കാരണമെന്നും നാട്ടുകാർ പറയുന്നു. ഒരു മാസത്തിനിടെ ഓട്ടോറിക്ഷകളും ബൈക്കുകളും അപകടത്തിൽ പെട്ടിട്ടുണ്ട്. റോഡ് പരിചയമില്ലാത്ത മറ്റ് ദിക്കുകളിൽ നിന്ന് മലയോരത്തെ കാഴ്ച്ചകൾ കാണാനെത്തുന്നവരാണ് അപകടത്തിൽ പെടുന്നവർ കൂടുതൽ. റോഡിൽ സുരക്ഷ ഭിത്തി നിർമിക്കണമെന്ന ആവശ്യം ഗ്രാമസഭയിൽ പോലും നാട്ടുകാർ ഉന്നയിച്ചിരുന്നെന്ന് പരിസരവാസികൾ പറയുന്നു.

കണ്ടിവാതുക്കൽ മലയിൽ കാർ കൊക്കയിലേക്ക് മറിഞ്ഞ് രണ്ട് പേർക്ക് പരിക്ക്

Nadapuram

നാദാപുരം: കല്ലാച്ചി - വിലങ്ങാട് റോഡിൽ വാണിമേൽ പാലത്തിനടുത്ത് കലുങ്ക് നിർമ്മാണ പ്രവൃത്തി നടക്കുന്നതിനാൽ ജനുവരി രണ്ട് മുതൽ പ്രവൃത്തി പൂർത്തിയാകുന്നത് വരെ ഈ റോഡിൽ പൂർണമായും ഗതാഗതം നിരോധിച്ചതായി പൊതുമരാമത്ത് നിരത്ത് ഉപ വിഭാഗം അസിസ്റ്റന്റ് എൻജിനീയർ അറിയിച്ചു. കല്ലാച്ചിയിൽ നിന്നും വിലങ്ങാട്ടേക്ക് പോകേണ്ട വാഹനങ്ങൾ കല്ലാച്ചി-വളയം റോഡിൽ പ്രവേശിച്ച് ചുഴലി-പുതുക്കയം വഴി വിലങ്ങാട്ടേക്കും തിരിച്ചും പോകേണ്ടതാണെന്ന് അറിയിപ്പിൽ പറഞ്ഞു.

കലുങ്ക് നിർമ്മാണം; കല്ലാച്ചി -വിലങ്ങാട് റോഡിൽ ജനുവരി രണ്ട് മുതൽ ഗതാഗതം നിരോധിച്ചു

കൊച്ചി: കലൂർ അന്താരാഷ്ട്ര സ്റ്റേഡിയത്തിലെ വേദിയിൽനിന്നു വീണ് ഗുരുതരമായി പരിക്കേറ്റ ഉമാ തോമസ് എം.എൽ.എ.യുടെ ആരോഗ്യനിലയില്‍ നേരിയ പുരോഗതി. മകന്‍ കയറി കണ്ടപ്പോള്‍ എം.എല്‍.എ. കണ്ണ് തുറന്നതായും കൈകാലുകള്‍ അനക്കിയതായും റിപ്പോര്‍ട്ട്.
ചൊവ്വാഴ്ച രാവിലെ പത്തിന് മെഡിക്കൽ ബുള്ളറ്റിൻ പുറത്ത് വന്നാൽ മാത്രമേ ആരോ​ഗ്യനിലയിൽ എത്രത്തോളം പുരോ​ഗതിയുണ്ടെന്ന് വ്യക്തമാകുകയുള്ളൂ. ശ്വാസകോശത്തിന് ഗുരുതര പരിക്കേറ്റ ഉമ ഇപ്പോഴും പാലാരിവട്ടം റിനൈ മെഡി സിറ്റിയിൽ വെന്റിലേറ്ററിലാണ്.ഗിന്നസ് ലോക റെക്കോഡ് ലക്ഷ്യമിട്ട് കലൂർ അന്താരാഷ്ട്ര സ്റ്റേഡിയത്തിൽ നടന്ന മെഗാ ഭരതനാട്യം പരിപാടിയുടെ 15 അടി ഉയരമുള്ള ഉദ്ഘാടന വേദിയിൽനിന്നു വീണാണ് ഉമാ തോമസ് എം.എൽ.എ.യ്ക്ക് ഗുരുതര പരിക്കേൽക്കുന്നത്. പരിപാടി തുടങ്ങുന്നതിനു മുൻപ് ഞായറാഴ്ച വൈകീട്ട് ആറരയോടെയായിരുന്നു അപകടം.&nbsp;

ഉമാ തോമസ് എം.എൽ.എ.യുടെ ആരോഗ്യനിലയില്‍ നേരിയ പുരോഗതി ; കണ്ണുതുറന്നു, കൈകാലുകൾ അനക്കി

കുന്നംകുളം: ആര്‍ത്താറ്റ് കിഴക്കുമുറിയില്‍ വീട്ടില്‍ സ്ത്രീയെ മോഷണശ്രമത്തിനിടെ വെട്ടിക്കൊലപ്പെടുത്തി. നാടന്‍ചേരി വീട്ടില്‍ സിന്ധു (50) വിനെയാണ് കൊലപ്പെടുത്തിയത്. തിങ്കളാഴ്ച രാത്രി എട്ടോടെയാണ് ഇവരെ കൊല്ലപ്പെട്ട നിലയില്‍ കണ്ടെത്തിയത്. മണിക്കൂറുകള്‍ക്കുള്ളില്‍ തന്നെ പ്രതിയെ നാട്ടുകാര്‍ പിടികൂടി. മുതുവറ സ്വദേശി കണ്ണനാണ് പിടിയിലായത്.
ഭര്‍ത്താവ് മണികണ്ഠനും സിന്ധുവുമാണ് വീട്ടിലുണ്ടായിരുന്നത്. ധാന്യങ്ങള്‍ പൊടിക്കുന്ന സ്ഥാപനവും വീടിന് സമീപം പ്രവര്‍ത്തിക്കുന്നുണ്ട്. പണി കഴിഞ്ഞ് മണികണ്ഠന്‍ വീട്ടില്‍ നിന്ന് പുറത്ത് പോയ സമയത്താണ് ആക്രമണം നടന്നതെന്ന് കരുതുന്നു. മണികണ്ഠന്‍ തിരിച്ചെത്തിയപ്പോള്‍ സിന്ധുവിനെ മരിച്ചുകിടക്കുന്ന നിലയിലാണ് കണ്ടത്. കഴുത്തിന് മാരകമായ രീതിയില്‍ വെട്ടേറ്റിരുന്നു. കുന്നംകുളം പോലീസ് സ്ഥലത്തെത്തി അന്വേഷണം തുടങ്ങി.സിന്ധുവിന്റെ സ്വര്‍ണ്ണാഭരണങ്ങള്‍ പ്രതിയില്‍ നിന്ന് കണ്ടെത്തി. പോലീസ് ചോദ്യം ചെയ്യല്‍ പുരോഗമിക്കുന്നു

സ്ത്രീയെ മോഷണശ്രമത്തിനിടെ വെട്ടിക്കൊലപ്പെടുത്തി

നാദാപുരം: തണ്ണീർപന്തലിൽ സ്വകാര്യ ബസ് തടഞ്ഞ് നിർത്തി തൊഴിലാളികളെ മർദിച്ച സംഭവത്തിൽ പ്രതികൾ അറസ്റ്റിൽ. പൊൻമേരി പറമ്പ് സ്വദേശികളായ കല്ലുള്ള പറമ്പത്ത് കുറ്റിയിൽ ഫൈസൽ ( 40 ) , പുളിക്കൂൽ നടുവിലക്കണ്ടിയിൽ അസ് ലം ( 29 ) , കുനിങ്ങാട് സ്വദേശി കോട്ടോള്ളതിൽ അജ്മൽ ( 29 ) എന്നിവരാണ് അറസ്റ്റിലായത്. പ്രതികൾ അറസ്റ്റിലായതോടെ വടകര താലൂക്കിൽ ചൊവ്വാഴ്ച്ച മുതൽ നടത്താനിരുന്ന സ്വകാര്യ ബസ് സൂചന പണിമുടക്കും 10 മുതൽ നടത്താനിരുന്ന അനിശ്ചിത കാല സമരവും പിൻവലിച്ചു.&nbsp;
വടകര - തണ്ണീർ പന്തൽ റൂട്ടിൽ സർവീസ് നടത്തുന്ന അശ്വിൻ ബസിലെ തൊഴിലാളികളെയാണ് കഴിഞ്ഞ മാസം 11 ന് വൈകുന്നേരം കുനിങ്ങാട് സി സി മുക്കിൽ ബസ് തടഞ്ഞ് നിർത്തി മൂന്നംഗ സംഘം മർദ്ദിച്ചത്. കാറിന് സൈഡ് നൽകിയില്ലെന്ന് പറഞ്ഞാണ് പ്രതികളുടെ ആഡംബര കാർ റോഡിന് കുറുകെ നിർത്തി ബസ് തടഞ്ഞ് ജീവനക്കാരെ അക്രമിച്ചത്. തൊഴിലാളികളുടെ പരാതിയിൽ പോലീസ് കേസ് എടുത്തതോടെ പ്രതികൾ ഒളിവിൽ പോവുകയായിരുന്നു. അക്രമത്തിൽ പ്രതിഷേധിച്ച് വടകര - തണ്ണീർ പന്തൽ റൂട്ടിൽ തൊഴിലാളികൾ നാല് ദിവസത്തോളം പണിമുടക്ക് നടത്തിയിരുന്നു. ഇതിനിടയിൽ പ്രതികൾ ജില്ല കോടതിയിൽ നിന്ന് മുൻകൂർ ജാമ്യം നേടി നാദാപുരം സ്റ്റേഷനിൽ അന്വേഷണ ഉദ്യോഗസ്ഥന് മുന്നിൽ ഹാജരാവുകയായിരുന്നു.

തണ്ണീർപന്തലിൽ സ്വകാര്യ ബസ് തടഞ്ഞ് നിർത്തി തൊഴിലാളികളെ മർദിച്ച സംഭവത്തിൽ പ്രതികൾ അറസ്റ്റിൽ

Vadakara

കോഴിക്കോട്: എറണാകുളം - വടകര യാത്രയ്‌ക്കിടെ ട്രെയിൻ നിന്ന് തെറിച്ചുവീണ ചോമ്പാല സ്വദേശി അത്ഭുതകരമായി രക്ഷപ്പെട്ടു. കിഴക്കേ പുതിയപറമ്പത്ത് വിനായക് ദത്ത് (25) ആണ് ഇരിങ്ങാലക്കുട എത്തിയപ്പോൾ ട്രെയിനിൽ നിന്ന് പുറത്തേക്ക് വീണത്. ഇയാൾക്ക് ചെറിയ രീതിയിൽ പരിക്കേറ്റിട്ടുണ്ട്.
ജനുവരി ഒന്നിനാണ് സംഭവം. എറണാകുളത്ത് നിന്നും സുഹൃത്തുക്കൾക്കൊപ്പം ന്യൂ ഇയർ ആഘോഷം കഴിഞ്ഞ് മടങ്ങുമ്പോഴായിരുന്നു അപകടം. ഇന്റർസിറ്റി എക്‌സ്‌പ്രസിലെ വലിയ തിരക്കുകാരണം ഡോറിനടുത്തിരുന്ന് യാത്ര ചെയ്യുകയായിരുന്നു. ഉറങ്ങിപ്പോയ വിനായക് പുറത്തേക്ക് തെറിച്ചുവീഴുകയായിരുന്നു. ഒന്നും തിരിച്ചറിയാൻ സാധിക്കാതെ കണ്ണുതുറന്ന് നോക്കിയപ്പോൾ ട്രെയിൻ അതിവേഗത്തിൽ പോകുന്നതാണ് കണ്ടത്. എന്തോ പുറത്ത് വീണതായി യാത്രക്കാർ പറയുന്നതുകേട്ടാണ് ഒപ്പമുണ്ടായിരുന്ന സുഹൃത്തുക്കൾ അന്വേഷിച്ചത്. തുടർന്ന് വിനായകിനെ ഫോണിൽ വിളിച്ചപ്പഴാണ് സംഭവമറിയുന്നത് .പിന്നീട് റോഡിലെത്തി ഒരു ബൈക്കിന് കൈകാട്ടി വിളിച്ചു. സംഭവം പറഞ്ഞപ്പോൾ അവർ വിനായകിനെ ഇരിങ്ങാലക്കുട സഹകരണ ആശുപത്രിയിൽ എത്തിച്ചു. പുറംഭാഗത്തും തലയ്‌ക്കും പരിക്കേറ്റ വിനായകിനെ പ്രാഥമിക ചികിത്സയ്‌ക്ക് ശേഷം, മാഹി സർക്കാർ ആശുപത്രിയിൽ ചികിത്സയിൽ പ്രവേശിപ്പിച്ചു.
ചോമ്പാല അന്നപൂർണേശ്വരി ശ്രീ ഭദ്ര വിഷ്‌‌ണുമായ ദേവസ്ഥാനം മഠാധിപതി ദേവദത്തന്റെയും ബിനിയുടെയും ഏകമകനാണ് വിനായക് ദത്ത്.

യാത്രയ്‌ക്കിടെ ട്രെയിനിൽ നിന്ന് തെറിച്ചുവീണു ;ചോമ്പാല സ്വദേശി അത്ഭുതകരമായി രക്ഷപ്പെട്ടു

നാദാപുരം : കഞ്ചാവുമായി യുവാവ് എക്സൈസ് പിടിയിലായി. നരിപ്പറ്റ സ്വദേശി കാപ്പുംങ്ങര ചെറിയ പറമ്പത്ത് വീട്ടിൽ അൻസാർ ( 32) നെയാണ് നാദാപുരം എക്സൈസ് അസി. ഇൻസ്പെക്ടർ സി.പി.ചന്ദ്രൻ അറസ്റ്റ് ചെയ്തത്. വിൽപ്പനക്കായി സൂക്ഷിച്ച് വെച്ച 12 ഗ്രാം കഞ്ചാവ് അധികൃതർ പിടികൂടി.
എക്സൈസ് പട്രോംളിംഗിനിടെ കക്കട്ടിലെ വ്യാപാര സ്ഥാപനത്തിന് മുന്നിൽ സംശയാസ്പദമായ സാഹചര്യത്തിൽ കണ്ട അൻസാറിനെ ചോദ്യം ചെയ്തപ്പോഴാണ് കഞ്ചാവ് പിടികൂടിയത്.

കഞ്ചാവുമായി യുവാവ് നാദാപുരം എക്സൈസ് പിടിയിൽ

വടകര: കാരവാനിലെ മരണത്തിന് പിന്നിൽ ജനറേറ്ററിൽ നിന്നുള്ള വിഷവാതകമെന്ന് സൂചന. വിദഗ്ധ സംഘത്തിൻ്റെ പരിശോധനയിൽ വാഹനത്തിൽ കാർബൺ മോണോക്സൈഡിന്റെ സാന്നിധ്യം കണ്ടെത്തി. വാഹനത്തിലെ അടച്ചിട്ട അറയിൽ ജനറേറ്റർ പ്രവർത്തിപ്പിച്ചതാവാം അപകടത്തിനിടയാക്കിതെന്ന് നിഗമനം. വിഷവാതകത്തിൻ്റെ തോത് 400 പോയിൻറ് കടന്നാൽ ജീവഹാനി സംഭവിക്കുമെന്ന് വിദഗ്ധർ പറയുന്നു. പരിശോധനയിൽ ജനറേറ്റർ പ്രവർത്തിപ്പിച്ച് ഒരു മണിക്കൂർ പിന്നിടുമ്പോഴേക്കും 400 പോയിൻ്റ മറികടന്നു. ഇതാവാം മരണത്തിലേക്ക് നയിച്ചത്. അതേ സമയം, എ സിയിൽ വിഷവാതകത്തിൻ്റെ സാന്നിധ്യം കണ്ടെത്തിയില്ല.
വിദഗ്‌ധരും, ഫൊറൻസിക്, സയൻ്റിഫിക് ഉദ്യോഗസ്ഥരും ഉൾപ്പെടുന്ന വിദഗ്ധ സംഘമാണ് പരിശോധന നടത്തിയത്. പൊലീസ്, മോട്ടോർ വാഹന വകുപ്പ് ഉദ്യോഗസ്ഥരുടെ സാന്നിധ്യത്തിലായിരുന്നു പരിശോധന .
ഡിസംബർ 23 നാണ് വടകരയിൽ കാരവാനിൽ രണ്ട് പേർ വിഷവാതകം ശ്വസിച്ച് മരിച്ചത്. മലപ്പുറം വണ്ടൂർ വാണിയമ്പലം സ്വദേശി മനോജ്‌, കണ്ണൂർ പറശേരി സ്വദേശി ജോയൽ എന്നിവരെയാണ് കാരവനുള്ളിൽ മരിച്ച നിലയിൽ കണ്ടെത്തിയത്. പൊന്നാനിയില്‍ കാരവൻ ടൂറിസം കമ്പനിയിലെ ഡ്രൈവറായിരുന്നു മനോജ്. ഇതേ കമ്പനിയിൽ ജീവനക്കാരനാണ് ജോയൽ.

കാരവനിലെ മരണം: അപകടത്തിന് കാരണം ജനറേറ്ററിൽ നിന്നുള്ള വിഷവാതകമെന്ന് നിഗമനം

കുറ്റ്യാടി: കുറ്റ്യാടിയില്‍ കാറില്‍ ഉറങ്ങിക്കിടന്ന എട്ട് വയസുകാരിയെ വാഹന സഹിതം തട്ടിക്കൊണ്ടു പോകാൻ ശ്രമിച്ച ആൾ പിടിയിൽ. അടുക്കത്ത് സ്വദേശി വിജീഷ് ആണ് പിടിയിലായത്.കഴിഞ്ഞ ദിവസം കുറ്റ്യാടിയില്‍ നിന്ന് രണ്ടര കിലോമീറ്റര്‍ അകലെ അകത്തട്ട് എന്ന സ്ഥലത്താണ് സംഭവം. മന്‍സൂര്‍-ജല്‍സ ദമ്പതികളുടെ മകളെയാണ് തട്ടിക്കൊണ്ടുപോകാൻ ശ്രമിച്ചത്.
കുട്ടി ഉറങ്ങിയതിനാല്‍ കാറില്‍ കിടത്തി കടയിലേക്ക് പോയതായിരുന്നു മന്‍സൂറും ജല്‍സയും. ഈ സമയം പ്രതി കാറും കുട്ടിയുമായി കടന്നുകളയുകയായിരുന്നു. സുഹൃത്തിന്റെ വാഹനത്തില്‍ മന്‍സൂറും ജല്‍സയും കാറിനെ പിന്തുടര്‍ന്ന് പോയി കുട്ടിയെ രക്ഷിക്കുകയായിരുന്നു.രക്ഷിതാക്കള്‍ നല്‍കിയ പരാതിയുടെ അടിസ്ഥാനത്തില്‍ കുട്ടിയെ തട്ടിക്കൊണ്ടു പോകാൻ ശ്രമിച്ചതിനും, മോഷണത്തിനും കുറ്റ്യാടി പൊലീസ് കേസ് രജിസ്റ്റര്‍ ചെയ്തു. മാതാപിതാക്കളുടെ മൊഴി പൊലീസ് രേഖപ്പെടുത്തി. വിജീഷ് നിലവില്‍ പൊലീസ് കസ്റ്റഡിയിലാണ്. ഇയാളെ വിശദമായി ചോദ്യം ചെയ്യും.

കുറ്റ്യാടിയില്‍ എട്ട് വയസുകാരിയെ തട്ടിക്കൊണ്ടുപോകാൻ ശ്രമം; പ്രതി പിടിയിൽ

Kuttiadi

കൊയിലാണ്ടി: യുവതി മുത്താമ്പിപുഴയില്‍ ചാടി മരിച്ചു. മണമല്‍ ചാത്തോത്ത് ദേവീ നിവാസില്‍ അതുല്യയാണ് (38) മരിച്ചത്.ബുധനാഴ്ച വൈകീട്ടായിരുന്നു സംഭവം. യുവതി പുഴയില്‍ ചാടുന്നതുകണ്ട നാട്ടുകാര്‍ രക്ഷാ പ്രവര്‍ത്തനം നടത്തിയെങ്കിലും മരണപ്പെട്ടിരുന്നു.&nbsp;
ആക്ടിവ സ്‌കൂട്ടറില്‍ എത്തി പാലത്തില്‍ വണ്ടി നിര്‍ത്തിയ ശേഷം പുഴയിലേക്ക് ചാടുകയായിരുന്നു. അഗ്‌നി രക്ഷാ സേനയും പോലീസും സ്ഥലത്തെത്തി. മൃതദേഹം കൊയിലാണ്ടി താലൂക്ക് ആശുപത്രി മോര്‍ച്ചറിയിലേക്ക് മാറ്റി. ഭര്‍ത്താവ്: സുമേഷ്. മകള്‍: സാന്ദ്ര. മണിയുടെയും സതിയുടെയും മകളാണ്.

മുത്താമ്പിപുഴയില്‍ ചാടിയ യുവതി മരിച്ചു

Koyilandy

വടകര: പഴയ സ്റ്റാൻ്റ് വഴി സർവ്വീസ് നടത്തുന്ന സ്വകാര്യ ബസുകളുടെ ഓട്ടം ദേശീയ പാത വഴിയാക്കിയതോടെ യാത്രക്കാർ ദുരിതത്തിൽ. നാദാപുരം, തലശേരി ഭാഗങ്ങളിൽ നിന്നും വരുന്ന സ്വകാര്യ ബസുകളാണ് പെരുവാട്ടുംതാഴ- അഞ്ചു വിളക്ക് റോഡ് ഒഴിവാക്കി പുതിയ സ്റ്റാൻ്റിലേക്ക് പ്രവേശിക്കുന്നത്. റെയിൽവെ സ്റ്റേഷൻ, കോടതി, ആർ.ടി ഒ. ഓഫീസ്, സിവിൽ സ്റ്റേഷനിലെ വിവിധ ഓഫീസുകൾ, സ്വകാര്യ ആശുപത്രികൾ എന്നിവിടങ്ങളിൽ എത്തിച്ചേരേണ്ട യാത്രക്കാരാണ് പെരുവഴിയിലാവുന്നത്. ട്രെയിനിൽ യാത്ര ചെയ്യേണ്ടവർക്ക് പലപ്പോഴും ട്രെയിൻ ലഭിക്കാത്ത അവസ്ഥയാണ്. സ്വകാര്യ ബസിൽ പുതിയ സ്റ്റാൻ്റിൽ വന്നിറങ്ങിയാൽ പഴയ സ്റ്റാൻ്റിലെത്താൻ ഓട്ടോയിൽ കയറണം. ബസ് ചാർജിന് പുറമെ 30 രൂപ ഓട്ടോയ്ക്ക് നൽകി വേണം യാത്രക്കാർക്ക് പഴയ സ്റ്റാൻ്റിലും റെയിൽവേ സ്റ്റേഷനിലും എത്താൻ. ജെ ടി ജെ ടി റോഡിൽ ഓവ്പാലം നിർമാണം നടക്കുന്നുണ്ട്. ഇവിടെ ട്രാഫിക്പൊലീസ് ഗതാഗത നിയന്ത്രണം ഏർപെടുത്തിയിട്ടുണ്ട്. ഇത് ചൂണ്ടികാട്ടിയാണ് സ്വകാര്യ ബസുകൾ തോന്നിയ പോലെ സർവ്വീസ് നടത്തുന്നത്.
ഇവിടെ രണ്ട് പൊലീസുകാരുടെ സ്ഥിര സാനിധ്യമുള്ളതിനാൽ ഗതാഗതം വലിയ തടസമില്ലാതെയാണ് നീങ്ങുന്നത്. ചില സമയങ്ങളിലുണ്ടാവുന്ന ചെറിയ ഗതാഗത കുരുക്ക് പരിഹരിക്കുന്നുമുണ്ട്. അഞ്ച് വിളക്കിന് സമീപത്തും ഹോം ഗാർഡിൻ്റ സേവനം ലഭിക്കുന്നുണ്ട്. ഇതൊന്നും മുഖവിലക്കെടുക്കാതെയാണ് മലയോര മേഖലയിൽ നിന്നും വരുന്ന യാത്രക്കാരെ ദേശീയ പാത വഴി സഞ്ചരിച്ച് പുതിയ സ്റ്റാൻ്റിൽ ഇറക്കിവിടുന്നത്. കഴിഞ്ഞ ദിവസം സ്വകാര്യ ആശുപത്രിയിൽ എത്തേണ്ട സ്ത്രീകൾ പഴയ സ്റ്റാൻറ് ഒഴിവാക്കിയുള്ള ബസിൻ്റ ഓട്ടം ചോദ്യം ചെയ്തത് പ്രശ്നങ്ങൾക്കിടയാക്കുകയും ബസ് ദേശീയപാതയിൽ നിന്നും ടൗൺ ഹാൾ വഴി പഴയ സ്റ്റാൻ്റ് റോഡിലേക്ക് കയറ്റി അഞ്ച് വിളക്ക് റോഡിൽ യാത്രക്കാരെ ഇറക്കി തലയൂരുകയുമുണ്ടായി. പൊലീസ് നിർദ്ദേശമാണെന്നാണ് ബസ് ജീവനക്കാർ യാത്രക്കാരോട് പറഞ്ഞത്. എന്നാൽ പൊലീസിൽ വിളിച്ചതോടെ ഇങ്ങനെ നിർദ്ദേശമില്ലെന്ന് പറയുകയുണ്ടായി. യാത്രക്കാരെ പുതിയ സ്റ്റാൻറിലിറക്കുന്നത് ബസ്തൊഴിലാളികളും യാത്രക്കാരും തമ്മിൽ വാക്കേറ്റത്തിലും കൈയ്യാങ്കളിക്കും ഇടയാക്കുന്നുമുണ്ട്.

വടകര പഴയ സ്റ്റാൻ്റ്  ഒഴിവാക്കി സ്വകാര്യ ബസുകളുടെ യാത്ര ദേശീയ പാതയിലൂടെ; യാത്രക്കാർ പെരുവഴിയിൽ

Search Results for: 31.12.2024