കൊച്ചി: പോലീസ് ഉദ്യോഗസ്ഥനെ വീട്ടില്‍ മരിച്ചനിലയില്‍ കണ്ടെത്തി. ഞാറയ്ക്കല്‍ പോലീസ് സ്‌റ്റേഷനിലെ ഗ്രേഡ് എസ്.ഐ. പറവൂര്‍ കരിങ്ങാത്തുരുത്ത് സ്വദേശി ഷിബുവിനെയാണ് ഞായറാഴ്ച രാവിലെ തൂങ്ങിമരിച്ച നിലയില്‍ കണ്ടത്. മൃതദേഹം നോര്‍ത്ത് പറവൂര്‍ ഗവ. ആശുപത്രി മോര്‍ച്ചറിയില്‍.

ഗ്രേഡ് എസ്.ഐ വീട്ടിൽ മരിച്ചനിലയില്‍

Kerala

കണ്ണൂര്‍: കതിരൂര്‍ പത്തായക്കുന്ന് മൂഴിവയലില്‍ ആക്രിസാധനങ്ങള്‍ തരംതിരിക്കുന്നതിനിടെയുണ്ടായ സ്‌ഫോടനത്തില്‍ മൂന്നുപേര്‍ക്ക് പരിക്കേറ്റു. അസം സ്വദേശിയായ പിതാവിനും രണ്ടുമക്കള്‍ക്കുമാണ് പരിക്കേറ്റത്. ഞായറാഴ്ച രാവിലെ ഒമ്പതുമണിയോടെയായിരുന്നു സംഭവം.
ആക്രിസാധനങ്ങള്‍ക്കിടയിലെ ഫ്‌ളാസ്‌ക് പോലെയുള്ള പാത്രം തുറന്നപ്പോഴാണ് സ്‌ഫോടനമുണ്ടായത്. സ്‌ഫോടനത്തില്‍ പിതാവിന്റെ കൈപ്പത്തി തകര്‍ന്നു. വയറിനും പരിക്കേറ്റിട്ടുണ്ട്. ഇയാളെ പരിയാരം മെഡിക്കല്‍ കോളേജ് ആശുപത്രിയിലും രണ്ടുകുട്ടികളെ കൂത്തുപറമ്പ് താലൂക്ക് ആശുപത്രിയിലും പ്രവേശിപ്പിച്ചു.

കണ്ണൂരില്‍ ആക്രിസാധനങ്ങള്‍ തരംതിരിക്കുന്നതിനിടെ സ്‌ഫോടനം; മൂന്ന് പേർക്ക് പരിക്ക്

തിരുവനന്തപുരം: അന്തരിച്ച മുന്‍ മുഖ്യമന്ത്രി ഉമ്മന്‍ചാണ്ടിയെ അപകീര്‍ത്തിപ്പെടുത്തിയതില്‍ വലിയ പങ്കുള്ള കെ.ബി ഗണേഷ് കുമാറിനെ മന്ത്രിസഭയില്‍ ഉള്‍പ്പെടുത്തുന്നതിനെതിരേ പ്രതിപക്ഷ നേതാവ് വി.ഡി സതീശന്‍. ഗണേഷ് കുമാറിനെ മന്ത്രിയാക്കാനുള്ള തീരുമാനത്തില്‍നിന്ന് ഇടതുമുന്നണിയും മുഖ്യമന്ത്രിയും പിന്‍മാറണമെന്ന് സതീശന്‍ ആവശ്യപ്പെട്ടു. മന്ത്രിമാരുടെ സത്യപ്രതിജ്ഞ യു.ഡി.എഫ് ബഹിഷ്‌കരിക്കുമെന്നും അദ്ദേഹം പറഞ്ഞു.
'മുന്‍ മുഖ്യമന്ത്രി ഉമ്മന്‍ചാണ്ടിയെ അപകീര്‍ത്തിപ്പെടുത്താന്‍ ശ്രമിച്ചുവെന്നതിന്റെ പേരില്‍ ഗണേഷ് കുമാറിനെതിരേ കോടതിയില്‍ കേസ് നടക്കുകയാണ്. ആ വിഷയം അന്വേഷിച്ച സി.ബി.ഐയുടെ റിപ്പോര്‍ട്ടില്‍ ഉമ്മന്‍ചാണ്ടിയെ അപകീര്‍ത്തിപ്പെടുത്തുന്നതില്‍ വലിയ ഗൂഢാലോചന നടന്നുവെന്ന് പറയുന്നുണ്ട്. ആ ഗൂഢാലോചനയിലെ ഏറ്റവും പ്രധാന പങ്കാളിയാണ് ഗണേഷ് കുമാര്‍. അതുെകാണ്ട് അദ്ദേഹത്തെ മന്ത്രിയാക്കാനുള്ള തീരുമാനത്തില്‍നിന്ന് ഇടതുമുന്നണിയും മുഖ്യമന്ത്രിയും പിന്‍മാറണമെന്ന് ഞങ്ങള്‍ ആവശ്യപ്പെടുകയാണ്', സതീശന്‍ പറഞ്ഞു.
കേരളത്തിലെ ജനങ്ങളുടെ ഹൃദയത്തിലുള്ള ആളാണ് ഉമ്മന്‍ചാണ്ടി. അദ്ദേഹത്തിന് ഏറ്റവും പ്രായംചെന്ന സമയത്താണ് ഒരു ഇല്ലാത്ത കേസില്‍ കുടുക്കി അപമാനിക്കാന്‍ ശ്രമം നടത്തിയത്. ഇതുസംബന്ധിച്ച ഗൂഢാലോചനയിലെ പ്രധാന പങ്കാളിയെ മന്ത്രിയാക്കിക്കൊണ്ട് അധികാരത്തില്‍ വരാന്‍ കഴിഞ്ഞതിന് പിണറായി നന്ദി പ്രകടിപ്പിക്കുകയാണ് ഇപ്പോള്‍ ചെയ്യുന്നത്. അത് ഒരു കാരണവശാലും വെച്ചുപൊറുപ്പിക്കാന്‍ കഴിയില്ലെന്നും സതീശന്‍ പറഞ്ഞു.
ഗണേഷിനെ മന്ത്രിയാക്കുന്ന പശ്ചാത്തലത്തിലും കേരളത്തില്‍ നൂറുകണക്കിന് കോണ്‍ഗ്രസ് പ്രവര്‍ത്തകര്‍ ജയിലില്‍ കിടക്കുകയും മര്‍ദ്ദനമേറ്റ് ആശുപത്രിയില്‍ കിടക്കുകയും ചെയ്യുന്ന സാഹചര്യത്തിലും പുതിയ മന്ത്രിമാരുടെ സത്യപ്രതിജ്ഞാ ചടങ്ങ് യുഡിഎഫ് ബഹിഷ്‌കരിക്കുമെന്നും സതീശന്‍ പറഞ്ഞു.

സത്യപ്രതിജ്ഞാ ചടങ്ങ് യുഡിഎഫ് ബഹിഷ്‌കരിക്കും: ഗണേഷിനെ മന്ത്രിയാക്കരുതെന്ന് വി.ഡി സതീശന്‍

കണ്ണൂർ: കോൺഗ്രസ് നേതാവും കണ്ണൂർ ഡി.സി.സി. സെക്രട്ടറിയുമായിരുന്ന സി. രഘുനാഥ് ബി.ജെ.പിയിലേക്ക്. കണ്ണൂർ: കോൺഗ്രസ് നേതാവും കണ്ണൂർ ഡി.സി.സി. സെക്രട്ടറിയുമായിരുന്ന സി. രഘുനാഥ് ബി.ജെ.പിയിലേക്ക്.&nbsp;

നിയമസഭാ തിരഞ്ഞെടുപ്പിൽ മുഖ്യമന്ത്രി പിണറായി വിജയനെതിരെ ധർമ്മടത്ത് യു.ഡി.എഫ്. സ്ഥാനാർഥിയായി മത്സരിച്ച സി. രഘുനാഥ്, കെ.പി.സി.സി. അധ്യക്ഷൻ കെ. സുധാകരന്റെ അടുത്ത അനുയായി ആയി അറിയപ്പെട്ടിരുന്ന നേതാവാണ്.നിയമസഭാ തിരഞ്ഞെടുപ്പിൽ മുഖ്യമന്ത്രി പിണറായി വിജയനെതിരെ ധർമ്മടത്ത് യു.ഡി.എഫ്. സ്ഥാനാർഥിയായി മത്സരിച്ച സി. രഘുനാഥ്, കെ.പി.സി.സി. അധ്യക്ഷൻ കെ. സുധാകരന്റെ അടുത്ത അനുയായി ആയി അറിയപ്പെട്ടിരുന്ന നേതാവാണ്.

കോൺഗ്രസ് നേതൃത്വത്തിന്റെ ഭാഗത്തുനിന്ന് ഏറെ കാലമായി അവഗണന നേരിടേണ്ടിവന്നുവെന്ന് ചൂണ്ടിക്കാട്ടി രഘുനാഥ് ഈ മാസം ആദ്യം കോൺ​ഗ്രസ് വിട്ടിരുന്നു. കോൺഗ്രസിനകത്ത് ഗ്രൂപ്പ് വേണ്ടെന്ന് പറഞ്ഞവരൊക്കെ നാലും അഞ്ചും ഗ്രൂപ്പുകളുണ്ടാക്കിയെന്നും അദ്ദേഹം ആരോപിച്ചിരുന്നു.കോൺഗ്രസ് നേതൃത്വത്തിന്റെ ഭാഗത്തുനിന്ന് ഏറെ കാലമായി അവഗണന നേരിടേണ്ടിവന്നുവെന്ന് ചൂണ്ടിക്കാട്ടി രഘുനാഥ് ഈ മാസം ആദ്യം കോൺ​ഗ്രസ് വിട്ടിരുന്നു. കോൺഗ്രസിനകത്ത് ഗ്രൂപ്പ് വേണ്ടെന്ന് പറഞ്ഞവരൊക്കെ നാലും അഞ്ചും ഗ്രൂപ്പുകളുണ്ടാക്കിയെന്നും അദ്ദേഹം ആരോപിച്ചിരുന്നു.

1973-ൽ സുധാകരനൊപ്പം ബ്രണ്ണൻ കോളേജിൽ കെ.എസ്.യു. പ്രവർത്തനം ആരംഭിച്ച ആളാണ് താൻ. കഴിഞ്ഞ ആറുമാസക്കാലത്തോളമായി പാർട്ടിയിലെ തഴയപ്പെടുന്ന സാഹചര്യത്തെക്കുറിച്ച് കെ. സുധാകരനോട് പരാതിപ്പെട്ടിരുന്നുവെന്നും എന്നാൽ യാതൊരു പരിഹാരവും ഉണ്ടായില്ലെന്നും അദ്ദേഹം ആരോപിച്ചിരുന്നു.1973-ൽ സുധാകരനൊപ്പം ബ്രണ്ണൻ കോളേജിൽ കെ.എസ്.യു. പ്രവർത്തനം ആരംഭിച്ച ആളാണ് താൻ. കഴിഞ്ഞ ആറുമാസക്കാലത്തോളമായി പാർട്ടിയിലെ തഴയപ്പെടുന്ന സാഹചര്യത്തെക്കുറിച്ച് കെ. സുധാകരനോട് പരാതിപ്പെട്ടിരുന്നുവെന്നും എന്നാൽ യാതൊരു പരിഹാരവും ഉണ്ടായില്ലെന്നും അദ്ദേഹം ആരോപിച്ചിരുന്നു.

കെ. സുധാകരന്റെ അടുത്ത അനുയായി: കോൺഗ്രസ് വിട്ട സി. രഘുനാഥ് ബിജെപിയിലേക്ക്

വാണിമേൽ: മലർവാടി റെസിഡന്റ്‌സ് അസോസിയേഷൻ അയ്യങ്കി - കരുകുളം മലബാർ മെഡിക്കൽ കോളേജ് ഉള്ളിയേരിയുടെ സഹകരണത്തോടെ മെഗാ മെഡിക്കൽ ക്യാമ്പ് സംഘടിപ്പിച്ചു. വാണിമേൽ കരുകുളം ശിശുമന്ദിരത്തിൽ വെച്ച് നടന്ന ക്യാമ്പ് പഞ്ചായത്ത്‌ പ്രസിഡന്റ്‌ ശ്രീമതി പി സുരയ്യ ഉദ്ഘാടനം ചെയ്തു. വാർഡ് മെമ്പർ ശാരദ പി അധ്യക്ഷയായി. ചടങ്ങിൽ അസോസിയേഷൻ സെക്രട്ടറി അജീഷ് ബാലകൃഷ്ണൻ, എം എം സി എച്ച് പ്രതിനിധി ഡോക്ടർ അഖിൽ, സുനിത ഷാജി എന്നിവർ സംസാരിച്ചു. ജനറൽ മെഡിസിൻ, ദന്തരോഗ വിഭാഗം, നേത്ര രോഗ വിഭാഗം, ത്വക് രോഗ വിഭാഗം എന്നിവയിലായി ഇരുന്നൂറിലധികം പേർ ചികിത്സ നേടി. തുടർച്ചയായി മെഡിക്കൽ ക്യാമ്പുകൾ സംഘടിപ്പിക്കാൻ സഹകരിക്കുന്ന എം എം സി ഹോസ്പിറ്റലിന് അസോസിയേഷൻ വൈസ് പ്രസിഡന്റ്‌ സുനിൽ കെ പി സ്നേഹോപഹാരം നൽകി.

മെഗാ മെഡിക്കൽ ക്യാമ്പ് സംഘടിപ്പിച്ചു

Nadapuram

വടകര: ഗവ: മോഡൽ പോളിടെക്നിക് കോളേജ് വടകരയിലെ എൻ എസ് എസ് യൂനിറ്റിന്റെ സപ്തദിന സഹവാസ ക്യാമ്പ് 'ഒരുമ 2023' പുതപ്പണം ചീനം വീട് യു.പി.സ്കൂളിൽ തുടങ്ങി. സ്വാഗത സംഘം ചെയർമാൻ പി.കെ.ബാലന്റെ അദ്ധ്യക്ഷതയിൽ റൂറൽ എസ്.പി. ഓഫീസ് എസ് ഐ ഏ കെ സജീഷ് ഉദ്ഘാടനം ചെയ്തു. തെസ്നി ബാനു പദ്ധതി വിശദീകരണം നടത്തി. നഗരസഭ വിദ്യാഭ്യാസ സ്റ്റാൻഡിങ്ങ് കമ്മിറ്റി ചെയർപേഴ്സൺ സിന്ധു പ്രേമൻ, മണലിൽ മോഹനൻ, വി.പി.സുനിൽ കുമാർ, പി. നാണു. , പി.കെ.കൃഷ്ണൻ, സജിത മണലിൽ, അനൂപ്, സുനിൽ, പി.പി.ശശി എന്നിവർ ആശംസയർപ്പിച്ചു സംസാരിച്ചു. പ്രിൻസിപ്പൽ അശോകൻ ഒ.വി. സ്വാഗതവും ദിയ നന്ദിയും പറഞ്ഞു.

എൻ എസ് എസ് സഹവാസ ക്യാമ്പ് തുടങ്ങി

Vadakara

വടകര: തിരുവനന്തപുരത്ത് ഡിജിപി ഓഫീസ് മാർച്ചിനിടെ കെപിസിസി പ്രസിഡന്റ് ഉൾപ്പെടെയുള്ള നേതാക്കൾക്കെതിരെ ഉണ്ടായ പോലീസ് അതിക്രമത്തിൽ പ്രതിഷേധിച്ച് ചോറോട് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ കൈനാട്ടിയിൽ പന്തം കൊളുത്തി പ്രകടനവും പ്രതിഷേധ സംഗമവും സംഘടിപ്പിച്ചു. പ്രതിഷേധ സംഗമം ബ്ലോക്ക് കോൺഗ്രസ് കമ്മിറ്റി പ്രസിഡണ്ട് സതീശൻ കുരിയാടി ഉദ്ഘാടനം ചെയ്തു.
മണ്ഡലം പ്രസിഡണ്ട് അഡ്വക്കേറ്റ് പി. ടി. കെ നജ്മൽ അധ്യക്ഷത വഹിച്ചു. രാജേഷ് ചോറോട്, രമേശൻ കിഴക്കയിൽ, ആർ കെ പ്രവീൺകുമാർ, കെ കെ റിനീഷ്, കെ ജി രാകേഷ്, ബാബു ബാലവാടി, രജിത്ത് മലോൽ, വിനോദൻ. ടി. എം,രവി മരത്തപ്പള്ളി, പ്രകാശൻ. കെ. പി, ചെനേങ്കി ബാലകൃഷ്ണൻ, ശ്രീജിഷ് യു. എസ്, ഗോപാലകൃഷ്ണൻ, രാജൻ കുഴിച്ചാലിൽ, ഷിനിത കാർത്തിക് രാജേഷ് തുടങ്ങിയവർ സംസാരിച്ചു.
പ്രകടനത്തിന് വിനോദൻ, സുഭാഷ്, മോഹൻദാസ്, പവിത്രൻ അജിനാസ് താഴത്ത്, ജിബിൻ കൈനാട്ടി, ദിൽരാജ്, റഹീസ്, സിജു പുഞ്ചിരിമിൽ, പ്രകാശൻ ബലവാടി തുടങ്ങിയവർ നേതൃത്വം നൽകി.

കോൺഗ്രസ്‌ പന്തം കൊളുത്തി പ്രകടനവും പ്രതിഷേധ സംഗമവും നടത്തി

വടകര: വടകര മുനിസിപ്പൽ പ്രദേശത്തെ പടിഞ്ഞാറൻ മേഖലയിലെ ആതുരാലയമായ ഫാമിലി ഹെൽത്ത് സെൻ്റർ കാര്യക്ഷമമാക്കുന്നതിന് മെഡിക്കൽ ഓഫീസർ ഡോ: അബ്ദുൾ ബാരിയുമായി യു.ഡി.എഫ് വടകര മുനിസിപ്പൽ നേതൃത്വം ചർച്ച നടത്തി. വൈകുന്നേരം വരെ ഒ.പി. പ്രവർത്തിക്കുന്ന മുകച്ചേരി ഭാഗത്തെ എഫ് എച്ച് സി കുറഞ്ഞ കാലം ഉച്ചവരെയായിരുന്നു. ഡോക്ടർമാരുടെയും പാരാമെഡിക്കൽ സ്റ്റാഫിൻ്റെയും ,മിനിസ്റ്റീരിയൽ സ്റ്റാഫിൻ്റെയും കുറവാണ് സെൻ്റർ പ്രവർത്തനം അവതാളത്തിലാകുന്നതെന്ന് ഡോക്ടർ പറഞ്ഞു. ഫാമിലി ഹെൽത്ത് സെൻ്റർ എന്ന് ബോർഡ് വെച്ചെങ്കിലും ഇപ്പോഴും പ്രൈമറി ഹെൽത്ത് സെൻ്ററിൻ്റെ സ്റ്റാഫ് പാറ്റേൺ പോലും ഇവിടെ ഇല്ലാത്ത സാഹചര്യമാണ്. 300 ൽ പരം രോഗികൾ ദിനേന ചികിത്സയ്ക്ക് എത്തിച്ചേരുന്ന സെൻ്ററിന് ആവശ്യമായ സൗകര്യങ്ങൾ നടത്തുന്നതിന് ആരോഗ്യ മന്ത്രിക്കും എം.എൽ.എയ്ക്കും പ്രതിപക്ഷ നേതാവിനും നിവേദനം നൽകുമെന്ന് യു.ഡി.എഫ് നേതാക്കൾ പറഞ്ഞു.
വടകര മുനിസിപ്പൽ ചെയർമാൻ എം.ഫൈസൽ ,കൺവീനർ പി.എസ്.രഞ്ജിത്ത് കുമാർ ,കോൺഗ്രസ് ബ്ലോക്ക് സിക്രട്ടറി കെ.പി. നജീബ് , മുകച്ചേരി ശാഖാ മുസ്ലീം ലീഗ് നേതാക്കളായ വി.പി. മുഹമ്മദ് റാഫി, എൻ.വി. നാസർ എന്നിവർ സന്നിഹിതരായി.

ഫാമിലി ഹെൽത്ത് സെൻ്റർ കാര്യക്ഷമമാക്കണം: യു.ഡി.എഫ്

തിരുവനന്തപുരം: ഡിജിപിയുടെ വീട്ടിലേക്കുള്ള മഹിളാ മോർച്ച പ്രതിഷേധത്തിൽ മൂന്ന് പൊലീസുകാർക്ക് സസ്പെൻഷൻ. പൊലീസുകാർക്കെതിരെ വകുപ്പുതല നടപടിയെടുത്ത് കൊണ്ടുള്ള ഉത്തരവ് പുറത്തിറങ്ങി. ആർആർആർഎഫിലെ പൊലീസുകാരായ മുരളീധരൻ നായർ, മുഹമ്മദ് ഷെബിൻ, സജിൻ എന്നിവരെയാണ് സസ്പെൻഡ് ചെയ്തത്. ഈ പൊലീസുകാരാണ് ഡിജിപിയുടെ വീട്ടിൽ ഗാർഡ് ഡ്യൂട്ടിയിലുണ്ടായിരുന്നത്.
സുരക്ഷാവീഴചയിലാണ് ബാറ്റാലിയൻ ഡിഐജി ഇവരെ സസ്പെൻഡ് ചെയ്തത്. മഹിളാ മോർച്ചാ പ്രവർത്തകർ ഡിജിപിയുടെ ഔദ്യോഗിക വസതിയിലേക്ക് അതിക്രമിച്ചു കയറിയിരുന്നു. തുടർന്ന് പ്രതിഷേധിക്കുകയായിരുന്നു. ഇവരെ സ്ഥലത്ത് നിന്ന് മാറ്റാൻ വളരെ പ്രയാസപ്പെട്ടിരുന്നു. സ്ഥലത്ത് വനിതാ പൊലീസ് ഇല്ലാത്തതിനാൽ പ്രതിഷേധം തുടരുകയും പിന്നീട് പൊലീസെത്തി ഇവരെ ബലംപ്രയോ​ഗിച്ച് നീക്കുകയുമായിരുന്നു. ഡിജിപിയുടെയോ ഉന്നത ഉദ്യോഗസ്ഥരുടെയോ അനുമതിയില്ലാതെയാണ് പൊലീസുകാർ ഗേറ്റ് തുറന്നതെന്നും നടപടി പൊലീസിന്റെ പേരിന് കളങ്കമുണ്ടാക്കിയെന്നും സസ്പെൻഡ് ചെയ്തു കൊണ്ടുള്ള ഉത്തരവിൽ പറയുന്നു.

ഡിജിപിയുടെ ഔദ്യോഗിക വസതിയിലെ മഹിളാ മോർച്ച പ്രതിഷേധം; മൂന്ന് പൊലീസുകാർക്ക് സസ്‌പെൻഷൻ

വടകര: സംസ്ഥാന വനിതാ കമ്മീഷനും കാളിദാസ സോഷ്യോ- കൾച്ചറൽ സെൻ്ററും സംയുക്തമായി പ്രീ ആൻ്റ് പോസ്റ്റ് മാരിറ്റൽ കൗൺസലിംങ്ങ് സംഘടിപ്പിച്ചു. ചോറോട് സഹകരണ ബാങ്ക് എം ദാസൻ മെമ്മോറിയൽ ഹാളിൽ പഞ്ചായത്ത് പ്രസിഡൻ്റ് പി പി ചന്ദ്രശേഖരൻ ഉദ്ഘാടനം ചെയ്തു. സജീവൻ ചോറോട് അധ്യക്ഷനായി. വാർഡ് അംഗങ്ങളായ കെ മധുസൂധനൻ, ലളിത ഗോവിന്ദാലയം, ജിഷ പനങ്ങാട്ട്, കെ കെ റിനീഷ്, ഐസിഡിഎസ് സുപ്പർവൈസർ ഷാരി, സിഡിഎസ് ചെയർപേഴ്സൺ കെ അനിത എന്നിവർ സംസാരിച്ചു. കുടുംബകോടതി അഡീഷനൽ കൗൺസിലർ കെ ബി സ്മിത ക്ലാസെടുത്തു .കെ സുരേഷ് ബാബു സ്വാഗതവും കെ ഷീല നന്ദിയും പറഞ്ഞു.

പ്രീ ആൻ്റ് പോസ്റ്റ് മാരിറ്റൽ കൗൺസലിംങ്ങ് സംഘടിപ്പിച്ചു

ആയഞ്ചേരി: ഗ്രാമപഞ്ചായത്ത് 12-ാം വാർഡിലെ താനക്കണ്ടി പൊതുകുളം നവീകരിച്ച് കൃഷിക്ക് ഉപയോഗപ്രദമാക്കണമെന്ന് ആവശ്യപ്പെട്ട് പഞ്ചായത്ത് സ്ഥിരം സമിതി അധ്യക്ഷൻ ടി.വി.കുഞ്ഞിരാമൻ നവകേരള സദസ്സിൽ സമർപ്പിച്ച നിവേദനത്തിന്റെ അടിസ്ഥാനത്തിൽ ചെറുകിട ജലസേചന വിഭാഗം 25 ലക്ഷം രൂപയുടെ എസ്റ്റിമേറ്റ് തയ്യാറാക്കി സാമ്പത്തിക അനുമതിക്കായി സമർപ്പിച്ച വിവരം കോഴിക്കോട് ജില്ലാ എക്സിക്യൂട്ടിവ് എഞ്ചിനിയർ സ്ഥിരം സമിതി അധ്യക്ഷനെ രേഖാപരമായി അറിയിച്ചു. 40 വർഷങ്ങൾക്ക് മുമ്പ് നിർമ്മിച്ച കുളം ഉപയോഗപ്രദമാക്കിയാൽ 10 ഹെക്ടർ സ്ഥലത്ത് പുഞ്ച കൃഷിയും പരിസര പ്രദേശത്തെ തെങ്ങുകൃഷി , വാഴ കൃഷി , പച്ചക്കറി കൃഷി എന്നിവയ്ക്ക് വെള്ളമെത്തിക്കാൻ കഴിയുമെന്ന് നിവേദനത്തിൽ സൂചിപ്പിച്ചിരുന്നു.

നവകേരള സദസ്സിലെ നിവേദനം; താനക്കണ്ടി കുളം നവീകരണത്തിന് 25 ലക്ഷം രൂപയുടെ എസ്റ്റിമേറ്റ്

തിരുവനന്തപുരം: ഗണേഷ് കുമാറും കടന്നപ്പള്ളി രാമചന്ദ്രനും മന്ത്രിമാരാകുന്നതിൽ അന്തിമതീരുമാനം നാളെ. ഇത് സംബന്ധിച്ച് ഇടത് മുന്നണിയോഗത്തിൽ പ്രഖ്യാപനമുണ്ടായേക്കും. സത്യപ്രതിജ്ഞ 29ന് നടക്കും. ഗണേഷിന് ഗതാഗതവും കടന്നപ്പള്ളിക്ക് തുറമുഖ വകുപ്പുമാണ് ലഭിക്കുക. നവകേരള സദസിന് ശേഷം ഡിസംബർ അവസാനം മന്ത്രിസഭാ പുനഃസംഘടന നടക്കുമെന്ന് ഇടത് മുന്നണി കൺവീനർ ഇ പി ജയരാജൻ അറിയിച്ചിരുന്നു.
രണ്ടാം പിണറായി മന്ത്രിസഭയുടെ പുനഃസംഘടന വേഗത്തിൽ വേണമെന്നാവശ്യപ്പെട്ട് കേരളാ കോൺഗ്രസ് (ബി) എൽഡിഎഫ് മുന്നണി നേതൃത്വത്തിന് കത്ത് നൽകിയിരുന്നു. നവകേരള സദസിന് മുമ്പ് പുനഃസംഘടന വേണമെന്നായിരുന്നു ആവശ്യം. ആദ്യ രണ്ടര വർഷം കെ കൃഷ്ണൻകുട്ടി, ആന്റണി രാജു എന്നിവർക്കും രണ്ടാമത്തെ രണ്ടര വർഷം ഗണേഷ് കുമാറിനും രാമചന്ദ്രൻ കടന്നപ്പള്ളിക്കും മന്ത്രിസ്ഥാനം നൽകുമെന്നത് എൽഡിഎഫ് നേതൃത്വം നേരത്തെ നൽകിയ ഉറപ്പാണ്. ഇതാണ് ഇടത് മുന്നണി പാലിക്കാനൊരുങ്ങുന്നത്. എന്നാൽ മന്ത്രിസഭാ പുനഃസംഘടന നവകേരള സദസിന് ശേഷം മാത്രമേ നടക്കൂവെന്ന് മുഖ്യമന്ത്രി പിണറായി വിജയൻ മറുപടി നൽകിയിരുന്നു.
&nbsp;

മന്ത്രി സ്ഥാനത്തേക്ക് ഗണേഷും കടന്നപ്പള്ളിയും; സത്യപ്രതിജ്ഞ 29ന്

വ​ട​ക​ര: ര​ണ്ട് വ്യ​ത്യ​സ്ത വാ​ഹ​നാ​പ​ക​ട കേ​സി​ൽ 76 ല​ക്ഷം രൂ​പ ന​ഷ്ട​പ​രി​ഹാ​രം ന​ൽ​കാ​ൻ വി​ധി. വ​ട​ക​ര ജെ.​ടി റോ​ഡി​ൽ ബൈ​ക്ക് യാ​ത്ര​ക്കാ​ര​ൻ കാ​റി​ടി​ച്ച് മ​രി​ച്ച കേ​സി​ലും പാ​ല​യാ​ട് ന​ട​യി​ൽ ബൈ​ക്ക് യാ​ത്ര​ക്കാ​ര​ന് കാ​റി​ടി​ച്ച് പ​രി​ക്കേ​റ്റ കേ​സി​ലു​മാ​ണ് വി​ധി. വ​ട​ക​ര ജെ.​ടി റോ​ഡി​ലു​ണ്ടാ​യ അ​പ​ക​ട​ത്തി​ൽ പൂ​വാ​ട​ൻ ഗേ​റ്റി​ൽ ഗ്രെ​യ്സ് വി​ല്ല​യി​ൽ അ​ബ്ദു​ൽ ല​ത്തീ​ഫ് (42) വാ​ഹ​നാ​പ​ക​ട​ത്തി​ൽ മ​രി​ച്ച കേ​സി​ൽ 66,51,000 രൂ​പ​യും പാ​ല​യാ​ട് ന​ട​യി​ൽ തെ​ക്ക​യി​ൽ ലി​ജി​ത്തി​ന് (23) കാ​റി​ടി​ച്ച് പ​രി​ക്കേ​റ്റ കേ​സി​ൽ 9,91,000 രൂ​പ​യും ന​ഷ്ട​പ​രി​ഹാ​രം ന​ൽ​കാ​ൻ വ​ട​ക​ര എം.​എ.​സി.​ടി ജ​ഡ്ജി കെ. ​രാ​മ​കൃ​ഷ്ണ​ൻ വി​ധി​ച്ചു. ര​ണ്ടു വി​ധി​യി​ലും ഒ​മ്പ​തു ശ​ത​മാ​നം പ​ലി​ശ​യും കോ​ട​തി​ച്ചെ​ല​വും ന​ൽ​ക​ണം.&nbsp;

ര​ണ്ട് വാ​ഹ​നാ​പ​ക​ട കേ​സി​ൽ 76 ല​ക്ഷം ന​ഷ്ട​പ​രി​ഹാ​രം ന​ൽ​കാ​ൻ വടകര കോടതി വി​ധി

വടകര: ക്രിസ്തുമസ്- ന്യൂ ഇയർ സ്പെഷൽ ഡ്രൈവ് പരിശോധന കർശനമാക്കി എക്‌സൈസ്. കോഴിക്കോട് ഡെപ്യൂട്ടി എക്സൈസ് കമ്മീഷണറുടെ നിർദ്ദേശ പ്രകാരം വടകര എക്സൈസ് റെയിഞ്ച് ഇൻസ്പെക്ടർ പി.പി വേണുവും പാർട്ടിയും വടകര എക്സൈസ് സർക്കിൾ പാർട്ടി, കോഴിക്കോട് എക്സൈസ് ഇൻ്റലിജൻ്റ്സ് ബ്യൂറോ യൂണിറ്റ് ,ചെക്ക് പോസ്റ്റ് പാർട്ടിയും കോഴിക്കോട് റൂറൽ കെ-9 ഡോഗ് സ്ക്വാഡും സംയുക്തമായി അഴിയൂർ എക്സൈസ് ചെക്ക് പോസ്റ്റിൽ കണ്ണൂർ - കോഴിക്കോട്‌ ദേശീയ പാതയിലും വടകര റെയിൽവേ സ്റ്റേഷനിലും പരിശോധന നടത്തി.&nbsp;
ദേശീയപാതയിൽ വിവിധങ്ങളായ 55 വാഹനങ്ങൾ പരിശോധിച്ചു. പരിശോധനയിൽ വടകര റെയിഞ്ചിലെ പ്രിവൻ്റീവ് ഓഫീസർ വിനോദൻ എൻ.കെ, സിവിൽ എക്സൈസ് ഓഫീസർമാരായ അനിരുദ്ധ് പി.കെ, വിജേഷ് പി, ശ്യാംരാജ്‌, വുമൺ സിവിൽ എക്സൈസ് ഓഫീസർ ബബിത ബി, വടകര സർക്കിൾ ഓഫിസിലെ പ്രിവൻ്റീവ് ഓഫീസർ അബ്ദുൾ സമദ് കെ കെ, സിവിൽ എക്സൈസ് ഓഫീസർമാരായ ലിനീഷ് പി, കോഴിക്കോട് ഐ.ബി പ്രിവൻ്റീവ് ഓഫീസർ പ്രമോദ് പുളിക്കൂൽ, അഴിയൂർ എക്സൈസ് ചെക്ക് പോസ്റ്റിലെ പ്രിവൻ്റീവ് ഓഫീസർ റഷീദ് കെ പി, സിവിൽ എക്സൈസ് ഓഫീസർമാരായ അഖിൽ എ എം, മുസ് ബിൻ ഇ.എം, വിവേക് കോഴിക്കോട് റൂറൽ കെ - 9 ഡോഗ് സ്ക്വാഡും സീനിയർ സിവിൽ പോലീസ് ഓഫീസർ വിജിൽ, പ്രതീഷ്, ജിനു എന്നിവർ പങ്കെടുത്തു. ചെക്ക് പോസ്റ്റിലെ പരിശോധനയ്ക്ക് ശേഷം വടകര റെയിൽവേ പ്രൊട്ടക്ഷൻ ഫോഴ്സും സംയുക്തമായാണ് വടകര റെയിൽവേ സ്‌റ്റേഷൻ പരിസരവും പ്ലാറ്റ്ഫോമും പരിശോധിച്ചത്. പരിശോധനയിൽ വടകര റെയിൽവേ പ്രൊട്ടക്ഷൻ ഫോഴ്സ് ഉദ്യോഗസ്ഥരായ അസിസ്റ്റൻറ് സബ് ഇൻസ്പെക്ടർ പി.പി ബിനീഷ്, ഹെഡ് കോൺസ്റ്റബിൾ മഹേഷ് എന്നിവർ പങ്കെടുത്തു.

സ്പെഷൽ ഡ്രൈവ് പരിശോധന കർശനമാക്കി എക്‌സൈസ്

മാഹി: അന്തരിച്ച സി പി എം നേതാവ് കോടിയേരി ബാലകൃഷ്ണന്റെ ജീവിതത്തിന്റെ അവിസ്മരണീയമായ ഏടുകൾ പകർത്തിയ പ്രശസ്ത ചിത്രകാരനും ഫോട്ടോഗ്രാഫറുമായ സെൽവൻമേലുരിന്റെ കോടിയേരി ഓർമ്മച്ചിത്രങ്ങൾ ഫോട്ടോഗ്രാഫി പ്രദർശനം ഡിസമ്പർ 26 മുതൽ 28 വരെ മലയാള കലാഗ്രാമംആർട്ട് ഗാലറിയിൽ നടക്കും. 26 ന് വൈകുന്നേരം 4.30 ന് ഡോ.എ.പി. ശ്രീധരന്റെ അദ്ധ്യക്ഷതയിൽ വിഖ്യാത നോവലിസ്റ്റ് എം.മുകുന്ദൻ ഉദ്ഘാടനം ചെയ്യും.
27 ന് വൈകുന്നേരം 5.30 ന് ജിത്തു കോളയാട് സംവിധാനം ചെയ്ത കോടിയേരി ദേശം കാലം ഡോക്യുമെന്ററി പ്രദർശനവുമുണ്ടായിരിക്കും. ചൊക്ലി കോടിയേരി ബാലകൃഷ്ണൻ ലൈബ്രറി, പുരോഗമന കലാ സാഹിത്യ സംഘം, ന്യൂമാഹി റെഡ് സ്റ്റാർലൈബ്രറി, ഏടന്നൂർ ടാഗോർ ലൈബ്രറി, കുറിച്ചിയിൽ യണ്ട് പയനിയേർസ്, മാഹി സ്പോർട്സ് ക്ലബ്ബ് എന്നിവരാണ് പ്രദർശനത്തിന്റെ സംഘാടകർ. വാർത്താ സമ്മേളനത്തിൽ കെ.ജയപ്രകാശൻ , കെ.പി.സുനിൽകുമാർ, വൈ.എം. അനിൽ കുമാർ ,ചിത്രകാരൻ സെൽവൻമേലൂർ എന്നിവർ സംബന്ധിച്ചു.

കോടിയേരി ഓർമ്മച്ചിത്രങ്ങൾ ത്രിദിന പ്രദർശനം നടത്തുന്നു

Mahe

അഴിയൂർ: ഒളവിലം ഓട്ട് കൂലോത്ത് രജുലാസിൽ ഇസ്മായിൽ (82) നിര്യാതനായി. ഭാര്യ: കുഞ്ഞിപ്പാത്തു. മക്കൾ: റജുല, റഷീദ്, റംസീന. മരുമക്കൾ: കരിപ്പാൽ റഫീക്, സഫറീന, മുനീർ. സഹോദരങ്ങൾ: മൊയ്തു, സാറ, പരേതരായ ഒ കെ ഖാദർ, നബീസ, അയിഷ, റുഖിയ.
&nbsp;

അഴിയൂർ ഒളവിലം രജുലാസിൽ ഇസ്മായിൽ നിര്യാതനായി

Obitury

തൂണേരി: മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ ലീഡർ കെ കരുണാകരൻ അനുസ്മരണവും പുഷ്പാർച്ചനയും സംഘടിപ്പിച്ചു. ഡിസിസി ജനറൽ സെക്രട്ടറി ആവോലം രാധാകൃഷ്ണൻ ഉദ്ഘാടനം ചെയ്തു. മണ്ഡലം കോൺഗ്രസ് പ്രസിഡണ്ട് അശോകൻ തൂണേരി അധ്യക്ഷനായി. പി രാമചന്ദ്രൻ , അഡ്വക്കേറ്റ് വി അലി, യു കെ വിനോദ് കുമാർ, വി കെ രജീഷ്, കെ മധു മോഹനൻ, ജസീർ ടി പി, അഭിഷേക് എൻ കെ , ഹരിശങ്കർ എം, ജയൻ പി കെ ,സി എം ചന്ദ്രൻ , കുഞ്ഞിരാമൻ കെ എന്നിവർ സംസാരിച്ചു.

ലീഡർ അനുസ്മരണം

വടകര: ഇന്ത്യന്‍ ഭരണഘടനാ മൂല്യങ്ങളെ ഭരണാധികാരികള്‍ തന്നെ നശിപ്പിച്ചു കൊണ്ടിരിക്കുന്ന ഒരു കാലഘട്ടത്തിലൂടെയാണ് നാം കടന്നു പോകുന്നതെന്നും ഇതുവരെ നാം നേടിയെടുത്ത നേട്ടങ്ങള്‍ നിലനിര്‍ത്താനാകുമോ എന്ന ആശങ്കയിലാണ് നമ്മളെന്നും താലൂക്ക് ലൈബ്രറി കൌണ്‍സില്‍ സെക്രട്ടരി എം ജനാര്‍ദ്ദനന്‍ അഭിപ്രായപ്പെട്ടു. ഭരണഘടന നമുക്ക് നല്‍കുന്ന അവകാശങ്ങളും ചുമതലകളും നഷ്ടപ്പെടാതിരിക്കാന്‍ നാം ജാഗരൂകരായിരിക്കേണ്ടതുണ്ടെന്നും അദ്ദേഹം പറഞ്ഞു. സ്വാതന്ത്ര്യ സമര സേനാനി, കമ്മ്യൂണിസ്റ്റ് നേതാവ്, അധ്യാപക പ്രസ്ഥാനത്തിന്‍റെ സ്ഥാപക നേതാവ്, എഴുത്തുകാരന്‍, പത്ര പ്രവര്‍ത്തകന്‍, ഉജ്വല വാഗ്മി എന്നിങ്ങനെ ഒട്ടേറെ വിശേഷണങ്ങള്‍ക്ക് ഉടമയായ പി ആർ നമ്പ്യാരുടെ സ്മരണാർത്ഥം പി ആർ നമ്പ്യാർ ലൈസിയം ലൈബ്രറി ആന്‍റ് റീഡിംഗ് റൂം ഒരുക്കിയ അനുസ്മരണ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പി ആര്‍ന്‍റെ മുപ്പത്തിയേഴാം ചരമ വാര്‍ഷികദിനത്തിൽ വടകര അടക്കാതെരുവിലെ അഡ്വ.ടി കുഞ്ഞിരാമക്കുറുപ്പ് ഓഡിറ്റോറിയത്തില്‍ നടന്ന അനുസ്മരണ യോഗത്തില്‍ അഡ്വ.എല്‍ ജ്യോതി കുമാര്‍ അധ്യക്ഷത വഹിച്ചു. ഡോ.പി കെ സബിത്ത് അനുസ്മരണ പ്രഭാഷണം നടത്തി. സിപിഐ ജില്ലാ എക്സിക്യുട്ടീവ്‌ അംഗം പി സുരേഷ് ബാബു സംസാരിച്ചു. പി ആര്‍ ട്രസ്റ്റ് മാനേജിംഗ് ട്രസ്റ്റി സോമന്‍ മുതുവന സ്വാഗതവും പി അനീഷ്‌ നന്ദിയും പറഞ്ഞു.

പി ആര്‍ നമ്പ്യാര്‍ അനുസ്മരണം നടത്തി

വടകര: ഗവ. സംസ്കൃതം ഹയർ സെക്കന്ററി സ്കൂളിൽ ക്രിസ്തുമസ് പുതുവത്സര ആഘോഷം നടത്തി. നഗരസഭാ ചെയർപേഴ്സൺ കെ.പി. ബിന്ദു ഉദ്ഘാടനം ചെയ്തു. ചടങ്ങിൽ എൽ.എസ്. എസ്, യു.എസ് എസ് , ജില്ലാ കലോത്സവ വിജയികളെ അനുമോദിച്ചു. നാടക സംവിധായകൻ ജയരാജ് പുത്തൂരിനെ ആദരിച്ചു. ക്രിസ്തുമസ് കരോൾ , കുട്ടികളുടെ കലാപരിപാടികൾ എന്നിവ നടന്നു. ഹെഡ് മിസ്ട്രസ് സുനന്ദ.ടി അധ്യക്ഷത വഹിച്ചു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ സിന്ധു പ്രേമൻ , ജീന പുത്തലത്ത്, എം.ജിതേഷ്, ജയേഷ് ടി.കെ., കെ.പ്രകാശിനി എന്നിവർ സംസാരിച്ചു.&nbsp;

ക്രിസ്തുമസ്- പുതുവത്സരാഘോഷം നടത്തി

കോഴിക്കോട്: ജില്ലയിൽ കോവിഡ് ബാധ കൂടിവരുന്ന പശ്ചാത്തലത്തിൽ ആശുപത്രികളിൽ മാസ്ക് നിർബന്ധമാക്കി. മെഡിക്കൽ കോളജിൽ വിവിധ രോഗങ്ങൾക്ക് ചികിത്സ തേടിയെത്തിയവരിൽ 25 പേർക്ക് കോവിഡ് സ്ഥിരീകരിച്ചിരുന്നു. ഇതിൽ 9 പേരാണ് ചികിത്സയിലുള്ളത്. കോവിഡ് ബാധിതരെ പ്രത്യേക വാർഡിലാണ് പ്രവേശിപ്പിച്ചത്. ഗവ. ജനറൽ (ബീച്ച്) ആശുപത്രിയിൽ 3 സ്റ്റാഫ് നഴ്സുമാരും ഒരു ഡോക്ടറും ഉൾപ്പെടെ 4 പേർക്ക് കോവിഡ് സ്ഥിരീകരിച്ചു.
മെഡിസിൻ ഐസിയുവിൽ ചികിത്സയിലുണ്ടായിരുന്ന ആരോഗ്യ പ്രവർത്തകർക്ക് കോവിഡ് സ്ഥിരീകരിച്ചതിനാൽ അടുത്ത ദിവസം ഇവിടെ അണുവിമുക്തമാക്കും. ആശുപത്രി പനി ക്ലിനിക്കിൽ ദിവസം 60 മുതൽ 80 വരെ പേരാണ് ചികിത്സ തേടുന്നത്. ആർപിഎച്ച് ലാബിനു സമീപമാണ് പനി ക്ലിനിക് പ്രവർത്തിക്കുന്നത്.ജില്ലയിൽ ഒരാഴ്ചയ്ക്കിടെ 3 പേരാണ് കോവിഡ് ബാധിച്ച് മരിച്ചത്. ഇവരുടെ മൃതദേഹങ്ങൾ കോവിഡ് പ്രോട്ടോക്കോൾ പ്രകാരമാണ് സംസ്കരിച്ചത്. എന്നാൽ, ആരോഗ്യ വകുപ്പിന്റെ കണക്കിൽ ഒരാളുടെ മരണം മാത്രമാണ് കോവിഡ് പ്രകാരമാണെന്നു സ്ഥിരീകരിച്ചത്.

കോവിഡ്; ജില്ലയിലെ ആശുപത്രികളിൽ മാസ്ക് നിർബന്ധമാക്കി

Kozhikode

നന്തി ബസാർ: നോർക്കയുടെ പ്രവാസി പെൻഷൻ അപേക്ഷ സമർപ്പിക്കാനുള്ള പ്രായപരിധി എടുത്തു മാറ്റാൻ ഉള്ള ഇടപെടലുകൾ നടത്തുമെന്ന് ഷാർജ ഇന്ത്യൻ അസോസിയേഷൻ പ്രസിഡൻറ് നിസാർ തളങ്കര പറഞ്ഞു. ഇന്ത്യൻ കമ്മ്യൂണിറ്റിക്കാവശ്യമായ ഇടപെടലുകൾ ഷാർജയിൽ നടത്തുമെന്നും അദ്ദേഹം പറഞ്ഞു. കോഴിക്കോട് ലീഗ് സംസ്ഥാന ഓഫീസിൽ എക്സ് കെഎംസിസി ഷാർജ കമ്മിറ്റി നിസാർ തളങ്കരക്ക് നൽകിയ സ്വീകരണ പരിപാടിയിൽ സംസാരിക്കുകയായിരുന്നു അദ്ദേഹം. സെക്രട്ടറി സഹദ് പുറക്കാട് സ്വാഗതം പറഞ്ഞു. പ്രസിഡന്റ് കെ ഹസ്സൻ കുട്ടി അധ്യക്ഷത വഹിച്ചു. ഷാർജ കെ.എം.സി.സി മുൻ പ്രസിഡന്റ് ഹമീദ് മദീന ഉദ്ഘാടനം ചെയ്തു. ബീരാൻ ആക്കോട്, ചാലിയം മുഹമ്മദലി, ടി കെ അബ്ബാസ്, റഷീദ് മലപ്പാടി, നിസാർ വെളളികുളങ്ങര, കാട്ടിൽ അഹമ്മദ് ഹാജി, റഷീദ് മണ്ടോളി, അബ്ദുള്ള മാണിക്കോത്ത്, ഷാഫി തച്ചങ്ങാട്, അബ്ദുള്ള പടിഞ്ഞാർ, ഫൈസൽ എറോറക്കൽ, മുഹമ്മദലി വേളം, അസീസ് കൊയിലാണ്ടി, എ.ജെ അബ്ദുള്ള എന്നിവർ സംസാരിച്ചു.&nbsp;&nbsp;

നിസാർ തളങ്കരയ്ക്ക് സ്വീകരണം നൽകി

Inshort

ആയഞ്ചേരി: ഗ്രാമ പഞ്ചായത്ത് 12-ാം വാർഡിലെ മാക്കം മുക്ക് - ചരുവത്ത് നട റോഡ് പരിഷ്കരണത്തിന് വെള്ളപ്പൊക്ക ദുരിതാശ്വാസ നിധിയിൽ നിന്ന് 10 ലക്ഷം രൂപ അനുവദിച്ചു. വെള്ളം കെട്ടി നിന്ന് റോഡ് തകർന്നത് പൂർവ്വസ്ഥിതിയിലാക്കാൻ ഫണ്ട് അനുവദിക്കണമെന്നാവശ്യപ്പെട്ട് പഞ്ചായത്ത് സ്ഥിരം സമിതി അധ്യക്ഷൻ ടി.വി.കുഞ്ഞിരാമൻ, കുറ്റ്യാടി എം.എൽ എ കെ.പി.കുഞ്ഞമ്മത് കുട്ടി മുഖേന സമർപ്പിച്ച നിവേദനത്തിന്റെ അടിസ്ഥാനത്തിലാണ് ഫണ്ട് അനുവദിക്കപ്പെട്ടത്. റോഡിന്റെ എസ്റ്റിമേറ്റ് തയ്യാറാക്കുന്നതിന് പഞ്ചായത്ത് സ്ഥിരം സമിതി അധ്യക്ഷൻ ടി.വി.കുഞ്ഞിരാമൻ, ബ്ലോക്ക് അസി: എഞ്ചിനിയർ സനിഷ, ഓവർസിയർമാരായ അഭിജിത്ത്, സുധീഷ് , അയൽ കൂട്ടം കൺവീനർമാരായ രാജീവൻ പുത്തലത്ത്, റിനീഷ് തൈക്കണ്ടി, കെ കെ രാജീവൻ , വരിക്കോട്ട് രാജീവൻ എന്നിവർ സന്നിഹിതരായിരുന്നു.

റോഡ് പരിഷ്കരണത്തിന് 10 ലക്ഷം രൂപ അനുവദിച്ചു

വിലങ്ങാട്: വാണിമേൽ ഗ്രാമപഞ്ചായത്ത് കുടുംബാരോഗ്യ കേന്ദ്രത്തിന്റെ ആഭിമുഖ്യത്തിൽ ജീവതാളം പദ്ധതിയുടെ ഭാഗമായി 'ആരോഗ്യ ജീവിതത്തിന് ചെറുധാന്യങ്ങളുടെ പ്രാധാന്യം' എന്ന വിഷയത്തിൽ ബോധവൽക്കരണ ക്ലാസ് സംഘടിപ്പിച്ചു. വാണിമേൽ ഗ്രാമപഞ്ചായത്ത് പ്രസിഡണ്ട് പി സുരയ്യ ഉദ്ഘാടനം ചെയ്തു. ഗ്രാമപഞ്ചായത്ത് അംഗം കെ ഷൈനി അധ്യക്ഷത വഹിച്ചു. സർക്കാറിന്റെ വനമിത്ര പുരസ്കാര ജേതാവ് വടയക്കണ്ടി നാരായണൻ മില്ലറ്റ് ബോധവൽക്കരണ ക്ലാസ് എടുത്തു. മെഡിക്കൽ ഓഫീസർ ഡോ. സഫർ ഇഖ്ബാൽ, ഹെൽത്ത് ഇൻസ്പെക്ടർ കെ ജയരാജൻ, കെ രാധ, സിപി സതീഷ്, വിജയരാഘവൻ, കെ ദീപ, സി ആരിഫ, എലിസബത്ത് തുടങ്ങിയവർ സംസാരിച്ചു. ജീവിതശൈലി രോഗങ്ങളെ ചെറുക്കാൻ മില്ലറ്റുകളെ എങ്ങനെ പ്രയോജനപ്പെടുത്താം എന്നും ഒൻപത് മില്ലറ്റുകളെക്കുറിച്ചും അവയിലെ വിവിധ ഘടകങ്ങളെ കുറിച്ചും ക്ലാസിൽ വിശദീകരിച്ചു. പങ്കെടുത്ത മുഴുവൻ പേർക്കും മില്ലറ്റ് വിഭവം കഴിക്കാൻ നൽകി.

'ആരോഗ്യ ജീവിതത്തിന് ചെറുധാന്യങ്ങളുടെ പ്രാധാന്യം'; ബോധവൽക്കരണ ക്ലാസ് സംഘടിപ്പിച്ചു

വടകര: മണ്ഡലം കോൺഗ്രസ്സ് കമ്മിറ്റിയുടെ നേതൃത്വത്തിൽ കെ കരുണാകരൻ അനുസ്മരണവും, പുഷ്പാർച്ചനയും സംഘടിപ്പിച്ചു. അനുസ്മരണ സമ്മേളനം മുൻ കെ പി സി സി മെമ്പർ സി വത്സലൻ ഉത്ഘാടനം ചെയ്തു. മണ്ഡലം പ്രസിഡന്റ്‌ വി കെ പ്രേമൻ അദ്യക്ഷത വഹിച്ചു. ബ്ലോക്ക്‌ കോൺഗ്രസ്സ് പ്രസിഡന്റ്‌ സതീശൻ കുരിയാടി, കളത്തിൽ പീതാംബരൻ, പി. എസ്സ്. രഞ്ജിത്ത് കുമാർ, അജിത് പ്രസാദ് കുയ്യാലിൽ, രഞ്ജിത്ത് കണ്ണോത്ത്, എൻ. കെ രവീന്ദ്രൻ, പി. കെ. പുഷ്പവല്ലി, ബിജുൽ ആയാടത്തിൽ, കെ.സുനിൽ കുമാർ, ശംസുദ്ധീൻ കല്ലിങ്ങൽ, രാജേഷ് കിണറ്റിൻകര, കുട്ടികൃഷ്ണൻ നാരായണ നഗരം എന്നിവർ സംസാരിച്ചു.

കെ കരുണാകരനെ അനുസ്മരിച്ച് കോൺഗ്രസ്

നാദാപുരം: സംസ്ഥാന പാതയിൽ ഓടിക്കൊണ്ടിരിക്കുന്ന വാഹനത്തിന് മുകളിൽ കൂറ്റൻ മരം കടപുഴകി വീണു. ചേലക്കാട് റേഷൻ ഷോപ്പിന് സമീപമാണ് കുറ്റ്യാടി ഭാഗത്തേക്ക് സഞ്ചരിക്കുകയായിരുന്ന കാറിന് മുകളിൽ മരം കടപുഴകി വീണത്. കഴിഞ്ഞ ദിവസം രാത്രി എട്ട് മണിയോടെയാണ് സംഭവം. കാറിന് സാരമായ കേടുപാടുകൾ സംഭവിച്ചെങ്കിലും യാത്രക്കാർ പരിക്കുകളില്ലാതെ അത്ഭുതകരമായി രക്ഷപ്പെട്ടു. ചേലക്കാട് അഗ്നിരക്ഷാ നിലയത്തിൽ നിന്ന് സേന എത്തി മരം മുറിച്ചുമാറ്റിയാണ് കാർ പുറത്തെടുത്തത്. സംഭവത്തെ തുടർന്ന് സംസ്ഥാന പാതയിൽ ഏറെ നേരം ഗതാഗതം തടസ്സപ്പെട്ടു.&nbsp;

ചേലക്കാട് ഓടിക്കൊണ്ടിരിക്കുന്ന കാറിന് മുകളിൽ കൂറ്റൻ മരം കടപുഴകി വീണു

കരിയാട്: പടന്നക്കരയിലെ റിട്ടയേർഡ് പി ഡബ്ള്യു ഡി എൻജിനീയർ അരുണോദയം വായോത്ത് കെ.നാരായണൻ നമ്പ്യാർ (89) നിര്യാതനായി. ഭാര്യ ജാനകി അമ്മ. മക്കൾ; ജിതേന്ദ്രൻ (അഡ്വക്കേറ്റ്), അജിത്ത് കുമാർ (എൻജിനീയർ കോയമ്പത്തൂർ ), പരേതനായ സുധീർ ബാബു ( കെ.എസ്.ഇ.ബി എക്സി). മരുമക്കൾ; ജഷി, ചിത്ര, ബിന്ദു.

പടന്നക്കര അരുണോദയം വായോത്ത് കെ.നാരായണൻ നമ്പ്യാർ നിര്യാതനായി

ഒഞ്ചിയം : അന്തരിച്ച കോൺഗ്രസ്‌ നേതാവ് കെ. കരുണാകരന്റെ ചരമ വാർഷിക ദിനത്തിൽ ഒഞ്ചിയം മണ്ഡലം കോൺഗ്രസ്‌ കമ്മിറ്റിയുടെ നേതൃത്വത്തിൽ കെ. കരുണാകരൻ അനുസ്മരണവും പുഷ്പാർച്ചനയും നടത്തി. അനുസ്മരണ സമ്മേളനം അഴിയൂർ ബ്ലോക്ക്‌ കോൺഗ്രസ്‌ മുൻ പ്രസിഡണ്ട്‌ സി. കെ. വിശ്വനാഥൻ ഉദ്ഘാടനം ചെയ്തു. മണ്ഡലം പ്രസിഡന്റ്‌ സുബിൻ മടപ്പള്ളി അധ്യക്ഷനായിരുന്നു. രാജൻ. എ, ഉത്തമൻ, റോബിൻ. ഒ, ശ്രീജിത്ത്‌. യു, വിനോദൻ. എം. പി, ബിന്ദു, ഇസ്മായിൽ കെ. സി തുടങ്ങിയവർ സംസാരിച്ചു.

കെ കരുണാകരനെ അനുസ്മരിച്ചു

വടകര: അന്തരിച്ച കോൺഗ്രസ്‌ നേതാവ് കെ. കരുണാകരന്റെ ചരമ വാർഷിക ദിനത്തിൽ ചോറോട് മണ്ഡലം കോൺഗ്രസ്‌ കമ്മിറ്റിയുടെ നേതൃത്വത്തിൽ അനുസ്മരണവും പുഷ്പാർച്ചനയും നടത്തി. അനുസ്മരണ സമ്മേളനം വടകര ബ്ലോക്ക്‌ കോൺഗ്രസ്‌ പ്രസിഡണ്ട്‌ സതീശൻ കുരിയാടി ഉദ്ഘാടനം ചെയ്തു. മണ്ഡലം പ്രസിഡന്റ്‌ അഡ്വ : പി. ടി. കെ നജ്മൽ അധ്യക്ഷനായിരുന്നു. രാജേഷ് ചോറോട്, കെ. കെ റിനീഷ്, ശ്രീജിഷ് യു. എസ്, ബാബു എൻ. കെ, രജിത്ത് മലോൽ, ശ്രീകുമാർ, പ്രകാശൻ ബാലവാടി,വിനോദൻ ടി. എം, സിജു പുഞ്ചിരിമിൽ, പ്രേമദാസൻ, ശിവൻ, വല്ലീഷ് കുമാർ തുടങ്ങിയവർ സംസാരിച്ചു.

കെ കരുണാകരൻ അനുസ്മരണവും പുഷ്പാർച്ചനയും

വടകര: കുട്ടോത്ത് മീത്തലെ മമ്മള്ളി പ്രദീപൻ (50) നിര്യാതനായി. അച്ഛൻ; പരേതനായ എം എം കേളപ്പൻ. അമ്മ; രാധ. സഹോദരങ്ങൾ; എം എം രാജീവൻ (സി പി ഐ എം കാവിൽറോഡ് ബ്രാഞ്ച് മെമ്പർ), വിനോദൻ, പ്രമോദ് (സി പി ഐ എം കുട്ടോത്ത് ഈസ്റ്റ്‌ ബ്രാഞ്ച് മെമ്പർ, വില്ല്യാപ്പള്ളി വനിതാ കോ-ഓപ്പറേറ്റീവ് സൊസൈറ്റി), പ്രദോഷ് (സി പി ഐ എം കാവിൽ റോഡ് ബ്രാഞ്ച് സെക്രട്ടറി), പ്രജിത്ത്, പ്രസാദ്.

കുട്ടോത്ത് മീത്തലെ മമ്മള്ളി പ്രദീപൻ നിര്യാതനായി

മോസ്കോ : റഷ്യൻ പ്രസിഡന്റ് വ്ലാഡിമിർ പുട്ടിൻ ഉടൻ ഇന്ത്യ സന്ദർശിക്കും. ക്രെംലിൻ പ്രസ് സെക്രട്ടറി ദിമിത്രി പെസ്കോവിനെ ഉദ്ധരിച്ച് രാജ്യാന്തര മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. സന്ദർശന തീയതിയുടെ കാര്യത്തിൽ തീരുമാനമായിട്ടില്ല. തീയതി സംബന്ധിച്ച തീരുമാനം ഉടൻ ഉണ്ടാകുമെന്ന് ദിമിത്രി പെസ്കോവ് പറഞ്ഞു.
കഴിഞ്ഞ മാസമാദ്യം, കസാനിൽ നടന്ന പതിനാറാമത് ഉച്ചകോടിക്കിടെ പ്രധാനമന്ത്രി നരേന്ദ്ര മോദി പുട്ടിനുമായി കൂടിക്കാഴ്ച നടത്തിയിരുന്നു. 23–ാമത് ഇന്ത്യ-റഷ്യ വാർഷിക ഉച്ചകോടിക്കായി അടുത്ത വർഷം ഇന്ത്യ സന്ദർശിക്കാൻ പുട്ടിനെ അന്ന് നരേന്ദ്ര മോദി ക്ഷണിച്ചിരുന്നു.

റഷ്യൻ പ്രസിഡന്റ് വ്ലാഡിമിർ പുട്ടിൻ ഉടൻ ഇന്ത്യ സന്ദർശിക്കും

കൊട്ടരക്കര: മുന്‍ എം.എല്‍.എയും ഓള്‍ ഇന്ത്യ ലോയേഴ്സ് യൂണിയന്‍ സംസ്ഥാന ട്രഷററുമായ ഐഷ പോറ്റി രാഷ്ട്രീയം വിടുന്നു. ആരോഗ്യപ്രശ്‌നങ്ങളെ തുടര്‍ന്നാണ് ഇങ്ങനെയൊരു തീരുമാനം എടുത്തതെന്ന് ഐഷ പോറ്റി പറയുന്നു. കുറച്ച് കാലങ്ങളായി പാര്‍ട്ടി പരിപാടികളില്‍നിന്ന് ഇവര്‍ വിട്ടുനില്‍ക്കുകയായിരുന്നു. ഒന്നും ചെയ്യാനാകാതെ പാര്‍ട്ടിയില്‍ നില്‍ക്കാനാകില്ല. ഓടി നടന്നു ചെയ്യാന്‍ കഴിയുന്നവര്‍ തുടരട്ടെ- ഐഷ പോറ്റി പറഞ്ഞു.
പാര്‍ട്ടി പ്രവര്‍ത്തനങ്ങളില്‍ സജീവമല്ലെന്നു കാട്ടി സി.പി.എം. കൊട്ടാരക്കര ഏരിയ കമ്മിറ്റിയില്‍നിന്ന് ഐഷ പോറ്റിയെ ഒഴിവാക്കിയിരുന്നു. ഏരിയ സമ്മേളനത്തില്‍നിന്നു വിട്ടുനിന്ന ഐഷ പോറ്റി ഏറെനാളായി നേതൃത്വവുമായി അകല്‍ച്ചയിലാണ്. സമ്മേളനത്തിന്റെ രണ്ടാംദിവസമെങ്കിലും ഐഷ പോറ്റി സമ്മേളനത്തിന് എത്തുമെന്നു കരുതിയിരുന്നെങ്കിലും പങ്കെടുത്തില്ല.

ഐഷ പോറ്റി സജീവ രാഷ്ട്രീയം അവസാനിപ്പിക്കുന്നു

ഡല്‍ഹി: തൊണ്ടിമുതൽ കേസില്‍ മുന്‍മന്ത്രി ആന്റണി രാജുവിന് തിരിച്ചടി. ആന്റണി രാജു നൽകിയ അപ്പീൽ സുപ്രീം കോടതി തള്ളി. വിചാരണ നേരിടണമെന്നും ഒരു വർഷത്തിനുള്ളിൽ വിചാരണ പൂർത്തിയാക്കണമെന്നും സുപ്രീം കോടതി നിർദേശിച്ചു. അടുത്ത മാസം 20ന് ആന്റണി രാജു ഹാജരാകണം. ജസ്റ്റിസ് സിടി രവികുമാർ അദ്ധ്യക്ഷനായ ബെഞ്ചാണ് വിധി പറഞ്ഞത്.
1990ലായിരുന്നു സംഭവമെങ്കിലും 2024വരെ കേസിൽ വിചാരണ പോലും നടന്നിരുന്നില്ല. ജൂനിയർ അഭിഭാഷകനായിരിക്കെ, ലഹരിമരുന്ന് കേസിലെ തൊണ്ടിമുതലായ അടിവസ്‌ത്രത്തിൽ ആന്റണി രാജു കൃത്രിമം നടത്തിയെന്നായിരുന്നു കേസ്. കേസിൽ പുനരന്വേഷണത്തിനുള്ള ഹൈക്കോടതി ഉത്തരവിനെ ചോദ്യം ചെയ്‌തായിരുന്നു ആന്റണി രാജുവിന്റെ ഹർജി. കേസിൽ രണ്ടാം പ്രതിയായ ആന്റണി രാജു കുറ്റം ചെയ്‌തിട്ടില്ലെന്നാണ് സർക്കാ‌ർ സുപ്രീം കോടതിയിൽ നൽകിയ സത്യവാംങ്‌മൂലത്തിൽ പറഞ്ഞിരുന്നത്.

തൊണ്ടിമുതൽ കേസ്; മുന്‍മന്ത്രി ആന്റണി രാജുവിന് തിരിച്ചടി; വിചാരണ നേരിടണമെന്ന് സുപ്രീം കോടതി

സ്വര്‍ണ വിലയില്‍ വീണ്ടും വര്‍ധന. ഗ്രാമിന് 50 രൂപ കൂടി 7,115 രൂപയയായി. പവന്റെ വിലയാകട്ടെ 400 രൂപ വര്‍ധിച്ചു. ഇതോടെ എട്ട് ഗ്രാം സ്വര്‍ണത്തിന്റെ വില 56,920 രൂപയായി.
അന്താരാഷ്ട്ര വിപണിയായ എംസിഎക്സില്‍ 10 ഗ്രാം 24 കാരറ്റ് സ്വര്‍ണത്തിന്റെ വില 76,493 നിലവാരത്തിലാണ്. 680 രൂപയാണ് കൂടിയത്. അന്താരാഷ്ട്ര വിപണിയല്‍ സ്പോട് ഗോള്‍ഡ് ട്രോയ് ഔണ്‍സിന് 2,635 ഡോളറിലെത്തി.

സ്വര്‍ണ വിലയില്‍ വീണ്ടും വര്‍ധന;പവന് 400 രൂപ കൂടി 56,920 രൂപയായി

കോഴിക്കോട്: അര്‍ജന്റീന ദേശീയ ഫുട്‌ബോള്‍ ടീം കേരളത്തില്‍ പന്തുതട്ടാനെത്തുമെന്ന് അറിയിച്ച് കായിക വകുപ്പ് മന്ത്രി വി. അബ്ദുറഹ്‌മാന്‍. ഇതിഹാസ താരം ലയണല്‍ മെസ്സി ഉള്‍പ്പെടെയുള്ള ടീമായിരിക്കും വരികയെന്നും അദ്ദേഹം അറിയിച്ചു. 2025-ലായിരിക്കും മത്സരം. കേരളം സന്ദര്‍ശിക്കുന്നതിന് അര്‍ജന്റീന ഫുട്‌ബോള്‍ അസോസിയേഷന്റെ അനുമതി ലഭിച്ചതായും മന്ത്രി പറഞ്ഞു.
വലിയ സാമ്പത്തിക ബാധ്യത വരുന്നതിനാല്‍ കേരള ഗോള്‍ഡ് ആന്‍ഡ് സില്‍വര്‍ മെര്‍ച്ചന്റ്‌സ് അസോസിയേഷനും സംസ്ഥാന വ്യാപാരി വ്യവസായി സമിതിയുമായി ചര്‍ച്ച നടത്തി ഇവര്‍ ഒന്നിച്ച് ഈ മത്സരം കേരളത്തില്‍ സംഘടിപ്പിക്കാന്‍ സന്നദ്ധത അറിയിച്ചിട്ടുണ്ട്. ഒന്നരമാസത്തിനകം അര്‍ജന്റീനാ ടീം അധികൃതര്‍ കേരളത്തിലെത്തും. തുടര്‍ന്ന് ഔദ്യോഗികമായി സര്‍ക്കാരും അര്‍ജന്റീന ദേശീയ ടീമും സംയുക്തമായി ഒരു പ്രഖ്യാപനം നടത്താനാണ് തീരുമാനിച്ചത്. അർജൻ്റീന ടീം ആണ് തീയതി ഔദ്യോ​ഗികമായി തീയതി പ്രഖ്യാപിക്കേണ്ടത്. കേരളത്തിൽ എവിടെയെന്ന് അവർ പരിശോധിക്കട്ടെ. 50,000 കാണികളെ ഉൾക്കൊള്ളാനാകുന്ന സ്ഥലത്ത് വേണം മത്സരം നടത്താൻ. രണ്ട് മത്സരങ്ങൾ ഉണ്ടാകുമെന്നും മന്ത്രി അറിയിച്ചു.മത്സരവേദിയും എതിര്‍ടീമിനെയും തീരുമാനിച്ചശേഷം തീയതി പിന്നീട് അറിയിക്കും

കേരളത്തിലെത്തുന്ന അര്‍ജന്റീനാ ടീമില്‍ മെസ്സിയും; സ്ഥിരീകരിച്ച് മന്ത്രി വി.അബ്ദുറഹ്‌മാന്‍

Search Results for: 23.12.2023