തണ്ണീർപന്തൽ: തണ്ണീർപന്തൽ ശ്രീ അയ്യപ്പക്ഷേത്രത്തിലെ അയ്യപ്പൻ വിളക്ക് മഹോത്സവം ഡിസംബർ 7,8 തിയ്യതികളിൽ നടക്കുമെന്ന് ആഘോഷക്കമ്മിറ്റി ഭാരവാഹികൾ വാർത്താ സമ്മേളനത്തിൽ അറിയിച്ചു. ഡിസംബർ 7 ന് വൈകുന്നേരം 6 ന് ദീപാരാധന, 7 മണിക്ക് രക്ഷാധികാരി ഇല്ലത്ത് ബാലകൃഷ്ണൻ നമ്പ്യാർ, മുൻ ഗുരുസ്വാമി വി.കെ.ശ്രീധരൻ എന്നിവർക്ക് ആദരവ്, തുടർന്ന് മെഗാഷോ 2023. ഡിസംബർ 8 ന് രാവിലെ 5 ന് ഹരിനാമകീർത്തനം, 5.15 ന് അഭിഷേകം, 5.30ന് മലർ നിവേദ്യം, 6.45 ന് ഗണപതി ഹോമം, 7ന് ഉഷ: പൂജ, 11 ന് തന്ത്രി ബ്രഹ്മ:ശ്രീ തെക്കിനിയേടത്ത് തരണനെല്ലൂർ പത്മനാഭനുണ്ണി നമ്പൂതിരിപ്പാടിൻ്റെ കാർമ്മികത്വത്തിൽ ഉച്ച പൂജ, 12 മുതൽ അന്നദാനം, വൈകു: 4 ന് കർപ്പൂരാരാധന, 6 ന് എളയടം പരദേവത ക്ഷേത്രത്തിൽ നിന്നും താലപ്പൊലി ഘോഷയാത്ര, രാത്രി 8.30 ന് ഭജന, 9 ന് ഭിക്ഷ, 9.30 ന് എളയടം ശ്രീ ഉണ്ണികൃഷ്ണമാരാരും സംഘവും അവതരിപ്പിക്കുന്ന തായമ്പക, 10.30 ന് അത്താഴപൂജ, 11 ന് ചുറ്റുവിളക്ക് എന്നിവ നടക്കും. വാർത്താ സമ്മേളനത്തിൽ ക്ഷേത്ര കമ്മിറ്റി പ്രസിഡൻ്റ് എ.അശോകൻ, സെക്രട്ടറി സി.എച്ച്.വാസു, പ്രചരണ കമ്മിറ്റി കൺവീനർ കെ.സി രവി എന്നിവർ പങ്കെടുത്തു.

തണ്ണീർപന്തൽ അയ്യപ്പക്ഷേത്രത്തിൽ അയ്യപ്പൻ വിളക്ക് മഹോത്സവം നാളെ തുടങ്ങും

Nadapuram

പേരാമ്പ്ര: കോഴിക്കോട് റവന്യു ജില്ലാ സ്കൂൾ കലോത്സവം പ്രമാണിച്ച് നാളെ ( 07.12.2023 വ്യാഴം) കോഴിക്കോട് ജില്ലയിലെ മുഴുവൻ വിദ്യാലയങ്ങൾക്കും അവധിയായിരിക്കുമെന്ന് വിദ്യാഭ്യാസ ഉപഡയറക്ടർ സി മനോജ് കുമാർ അറിയിച്ചു. വി എച്ച് എസ് സി , ഹയർ സെക്കന്ററി സ്കൂളുകൾക്കും അവധി ബാധകമായിരിക്കുമെന്ന് റീജിയണൽ ഡെപ്യുട്ടി ഡയറക്ടറും , വൊക്കേഷണൽ ഹയർ സെക്കന്ററി അസിസ്റ്റന്റ് ഡയറക്ടറും അറിയിച്ചിട്ടുണ്ട്. പകരം അടുത്ത ഒരു അവധി ദിവസം പ്രവർത്തി ദിനമാക്കി ക്രമീകരിക്കും.

ജില്ലയിലെ മുഴുവൻ വിദ്യാലയങ്ങൾക്കും നാളെ അവധി

Kozhikode

പേരാമ്പ്ര: കലോത്സവ നഗരയിലെ ഭക്ഷണ വിഭവങ്ങൾ എപ്പോഴും ചർച്ചയാവാറുണ്ട്. അത്തരത്തിൽ കോഴിക്കോട് റവന്യൂ ജില്ലാ സ്കൂൾ കലോത്സവം നടക്കുന്ന പേരാമ്പ്രയിലെ ഊട്ടുപുരയിലെ കാഴ്ചകളും വിശേഷങ്ങളും ഭക്ഷണത്തിന്റെ കേമത്തം വിളിച്ചോതുന്നുണ്ട്. ഓരോ ദിവസവും നല്ല തിരക്കാണ് ‘നവരസം’ എന്നു പേരിട്ടിരിക്കുന്ന ഭക്ഷണ ഹാളിൽ അനുഭവപ്പെടുന്നത്. കുത്തരിച്ചോര്‍, വെള്ളരി പായസം, കുമ്പളച്ചോറ്, പാല്‍ ചമന്തി, കാന്താരിത്തേന്‍, മുന്തിരി മുളക് എന്നിങ്ങനെ വ്യത്യസ്തമായി നാമകരണം ചെയ്തിട്ടുള്ള ആറ് കൗണ്ടറുകളിലായാണ് ഭക്ഷണം വിളമ്പുന്നത്. കെഎസ്ടിഎക്കാണ് ഭക്ഷണ ചുമതല. കുടുംബശ്രീ പ്രവര്‍ത്തകരും അധ്യാപകരും, പ്രദേശവാസികളും സജീവമായി ഇവിടെയുണ്ട്. വാഴയിലയിലാണ് പായസമുൾപ്പടെ വിഭവ സമൃദ്ധമായ ഊൺ. കൂടാതെ പ്രഭാത ഭക്ഷണവും രാത്രി അത്താഴവുമുണ്ട്. വയറും മനസ്സും നിറഞ്ഞ് ചെറു ചിരിയോടെയാണ് ഓരോരുത്തരും ഭക്ഷണം കഴിച്ചു മടങ്ങുന്നത്.&nbsp;

‘നവരസ'ത്തിലെ തിരക്ക് കണ്ടാലറിയാം ഭക്ഷണം കേമമാണെന്ന്

പേരാമ്പ്ര: കോഴിക്കോട് റവന്യൂ ജില്ലാ സ്കൂൾ കലോത്സവത്തിൻ്റെ സുഗമമായ പ്രവർത്തനത്തിന് സുസജ്ജമായ സന്നാഹങ്ങൾ ഒരുക്കിവെൽഫെയർ കമ്മിറ്റി. അലോപ്പതി ആയുർവേദ, ഹോമിയോ വിഭാഗങ്ങളുടെ പ്രഥമ ശുശ്രൂഷകൾ വെൽഫെയർ കമ്മിറ്റി ഒരുക്കിയിട്ടുണ്ട്. പേരാമ്പ്ര ഗവ.താലൂക്ക് ആശുപത്രി മെഡിക്കൽ ഓഫീസർ ഡോ.വിനോദ് കോ-ഓർഡിനേറ്ററായ മെഡിക്കൽ ടീം പൂർണ്ണ സജ്ജരായി രംഗത്തുണ്ട്. ഡോ മുഹമ്മദ് തസ്ലിം , ഡോ രൂപശ്രീ, ഡോ സനിത്ത്, ഡോ.വിൻസി, ഡോ.അബ്ദുൾ ഗഫൂർ, ഡോ. ജ്യോതി ,ഡോ. സഫല എന്നിവരുടെ നേതൃത്വത്തിലുള്ള മെഡിക്കൽ ടീമിൻ്റെ മുഴുവൻ സമയ സേവനം ഇവിടെ ലഭ്യമാണ്. സർക്കാർ സംവിധാനങ്ങൾക്കൊപ്പം പേരാമ്പ്ര ഇ എം എസ് സഹകരണ ആശുപത്രിയുടെ മെഡിക്കൽ സംഘം ഗ്രൗണ്ടിൽ പ്രത്യേക പവലിയനിൽ എല്ലാ വിധ സൗകര്യങ്ങളുമായി രംഗത്തുണ്ട്. ഇതോടൊപ്പം കുടിവെള്ള വിതരണത്തിനും വിപുലമായ ഒരുക്കങ്ങളാണ് വെൽഫെയർ കമ്മറ്റി ഒരുക്കിയിട്ടുള്ളത്. പൂർണ്ണമായും ഗ്രീൻ പ്രോട്ടോക്കോൾ പാലിച്ചുകൊണ്ടുള്ള രീതിയാണ് അവലംബിച്ചിട്ടുള്ളത്.&nbsp;
മണ്ണു കൊണ്ട് ഉണ്ടാക്കിയ തണ്ണീർ കൂജകളും മൺഗ്ലാസുകളും എല്ലാ വേദികളിലും കുടിവെളള വിതരണത്തിന് ഒരുക്കിയിട്ടുണ്ട്. വിദ്യാഭ്യാസ ഉപഡയറക്ടർ ഉൾപ്പടെയുള്ളവർ വെൽഫെയർ കമ്മറ്റി ഓഫീസിലെത്തി സജ്ജീകരണങ്ങൾ വിലയിരുത്തി സംതൃപ്തി രേഖപ്പെടുത്തി. വെൽഫെയർ കമ്മിറ്റി ചെയർപേഴ്സൺ എം ശ്രീലജ പുതിയെടുത്ത്, കൺവീനർ സുരേഷ് കുമാർ, ജോ: കൺവീനർമാരായ റഷീദ് പാണ്ടിക്കോട്, ശ്രീഷു കെ കെ , ഒ.എം. മുഹമ്മദലി, സുഭാഷ് ചന്ദ്രൻ ,കബീർ, കെ.പി സജീഷ്, വിനോദ് മേച്ചേരി, പി. പവിത്രൻ, സഫാ മജീദ്, ജാഫർ, ശ്രീനി പാലേരി, ശ്രീലേഷ് സായൂജ് ,പി. ബൈജു, വേലു, ഉമേഷ് എന്നിവർ പ്രവർത്തനങ്ങൾ ഏകോപിപ്പിക്കുന്നു.

റവന്യൂ ജില്ലാ സ്കൂൾ കലോത്സവം: സന്നാഹങ്ങളുമായി വെൽഫെയർ കമ്മിറ്റിയുടെ സേവനം

Perambra

തിരുവനന്തപുരം: നവകേരള സദസ്സില്‍ കേരളത്തിന്റെ മുഖ്യമന്ത്രി ഒരു പാവപ്പെട്ടവന്റെ കൈയില്‍നിന്നും നേരിട്ട് പരാതി വാങ്ങിയിട്ടുണ്ടെങ്കില്‍ ആ പരാതിക്കാരന് സ്വര്‍ണമോതിരം നല്‍കുമെന്ന് കോണ്‍ഗ്രസ് നേതാവ് രമേശ് ചെന്നിത്തല. മുഖ്യമന്ത്രി ഇതുവരെ ഒരാളുടെ കൈയില്‍നിന്നുപോലും പരാതി വാങ്ങിച്ചിട്ടില്ല. ബൂത്തിലാണ് പരാതി കൊടുക്കുന്നത്. അങ്ങനെയാണെങ്കില്‍ ജില്ലാ കളക്‌ട്രേറ്റില്‍ ബൂത്ത് സ്ഥാപിച്ച് അവിടെ കൊടുത്താല്‍പ്പോരെയെന്നും എന്തിനാണ് ഈ മാമാങ്കമെന്നും അദ്ദേഹം ചോദിച്ചു.
നവകേരളസദസ്സ്‌ നടക്കുന്നത് യുഡിഎഫിന് അനുകൂലമാണ്. ഒരു പരാതിയും പരിഹരിക്കപ്പെടുന്നില്ല. മുഖ്യമന്ത്രിക്ക് അയച്ചുകൊടുക്കേണ്ട പരാതി മേയര്‍ക്ക് അയച്ചുകൊടുക്കുന്നു. കാസര്‍കോട്‌ 4000-ത്തിലധികം പരാതി ലഭിച്ചു. 199 പരാതി മാത്രമാണ് പരിശോധിച്ച് മറ്റ് വകുപ്പുകളിലേക്ക് നല്‍കിയത്. ഒരു പരാതിയും പരിഹരിക്കപ്പെടുന്നില്ലെന്നും ചെന്നിത്തല പറഞ്ഞു.

&nbsp;

&nbsp;

മുഖ്യമന്ത്രി കൈകൊണ്ടൊരു പരാതി വാങ്ങിയാല്‍ ആ പരാതിക്കാരന് സ്വര്‍ണമോതിരം നൽകുമെന്ന് രമേശ് ചെന്നിത്തല

Kerala

പേരാമ്പ്ര: ജില്ലാ കലോത്സവത്തിൽ ചിത്രരചനാ മത്സരങ്ങളിൽ ദേവിക വി ഒന്നാം സ്ഥാനം കരസ്ഥമാക്കി. ചിത്രരചന പെൻസിൽ, ജലച്ചായം, എണ്ണച്ചായം എന്നീ മൂന്നിനനങ്ങളിലും ദേവികയാണ് സംസ്ഥാനതലത്തിലേക്ക് തെരഞ്ഞെടുക്കപ്പെട്ടത്. പ്രവർത്തിപരിചയമേളയിൽ ഫാബ്രിക് പെയിൻറിംഗ് മത്സരത്തിലും ദേവിക സംസ്ഥാനതലത്തിൽ എ ഗ്രേഡ് നേടിയിട്ടുണ്ട്. വിദ്യാരംഗം സാഹിത്യോത്സവം ഉൾപ്പെടെ നിരവധി മത്സരങ്ങളിൽ സംസ്ഥാനതല വിജയിയാണ് ദേവിക. കലാരംഗത്തോടൊപ്പം പഠനത്തിലും മികവ് പുലർത്തുന്ന ഈ മിടുക്കി പന്തലായിനി ഗവൺമെൻറ് ഹയർ സെക്കൻഡറി സ്കൂൾ പത്താം ക്ലാസ് വിദ്യാർത്ഥിനിയാണ്. കൊയിലാണ്ടി കോതമംഗലം സ്വദേശികളായ ജഗദീഷിന്റെയും ബവിതയുടെയും മകളാണ് ഈ പ്രതിഭ. ചിത്രകലാധ്യാപകൻ ശ്രീ ലിജീഷ് ചേമഞ്ചേരിയാണ് ഗുരു.

ചിത്രരചന പെൻസിൽ, ജലച്ചായം, എണ്ണച്ചായം എന്നിവയിൽ ദേവികയാണ് താരം

കോഴിക്കോട്: കേരളത്തിൽ സിപിഎമ്മും ഡിവൈഎഫ്ഐയും എസ്എഫ്ഐയും മിശ്രവിവാഹങ്ങളെ പ്രോൽസാഹിപ്പിക്കുന്നുവെന്നും, മുസ്‌ലിം പെൺകുട്ടികളെ തട്ടിക്കൊണ്ടുപോയി വിവാഹം നടത്തുന്നുവെന്നും എസ്‌വൈഎസ് സംസ്ഥാന ജനറൽ സെക്രട്ടറി നാസർ ഫൈസി കൂടത്തായി. ഹിന്ദു, മുസ്‌ലിമിനെ വിവാഹം കഴിച്ചാൽ മതേതരത്വമായെന്നാണ് ചിലർ കരുതുന്നത്. ഇതിനെതിരെ മഹല്ല് കമ്മിറ്റികൾ ജാഗ്രത പുലർത്തണമെന്നും നാസർ ഫൈസി ആവശ്യപ്പെട്ടു. കൊയിലാണ്ടിയിൽ നടന്ന സുന്നി മഹല്ല് ഫെഡറേഷൻ ജില്ലാ സാരഥി സംഗമത്തിൽ പ്രസംഗിക്കുകയായിരുന്നു അദ്ദേഹം.
‘‘ഹിന്ദു, മുസ്‍ലിമിനെ കല്യാണം കഴിച്ചാലേ ഭാരതീയ സംസ്കാരമാകൂ, മതേതരത്വമാകൂ എന്നതാണ് ചിലരുടെ കുടിലതന്ത്രം. പാർട്ടി ഓഫീസുകളിലും പത്ര ഓഫീസുകളിലും നേതാക്കളുടെ പിൻബലത്തിൽ മുസ്‌ലിം പെൺകുട്ടികളെ തട്ടിക്കൊണ്ടുപോയി അമുസ്‍ലിംകൾക്ക് വിവാഹം ചെയ്തുകൊടുക്കുന്ന വിധത്തിൽ മിശ്രവിവാഹം പ്രോൽസാഹിപ്പിക്കുന്ന സിപിഎമ്മിന്റേയും ഡിവൈഎഫ്ഐയുടേയും എസ്എഫ്ഐയുടേയും മതനിഷേധത്തെ ചെറുക്കാൻ മഹല്ല് കമ്മിറ്റികൾ ശക്തമായി സംഘടിച്ചേ മതിയാകൂ’’ –നാസർ ഫൈസി പറഞ്ഞു. നമ്മൾ, നമ്മുടെ ഇസ്‌ലാമിക ഐഡന്റിറ്റി കളഞ്ഞുകുളിക്കണമെന്ന രീതിയിലാണ് ഏതെങ്കിലും രാഷ്ട്രീയ പാർട്ടികളുടെ ശ്രമമെങ്കിൽ അതിനെ ശക്തമായി നേരിടാൻ മഹല്ല് ജാഗ്രത പുലർത്തേണ്ടതുണ്ട്. സമുദായത്തിനുള്ളിൽ നിന്നുതന്നെ വിവാഹം കഴിക്കുന്ന രീതിയാണ് ഇന്ത്യയിൽ പിന്തുടർന്നു വരുന്നതെന്നും അതു സംരക്ഷിക്കാൻ മഹല്ല് കമ്മിറ്റികൾ തയാറാകണമെന്നും നാസർ ഫൈസി കൂട്ടിച്ചേര്‍ത്തു.
പരാമർശം വിവാദമായതോടെ വിശദീകരണവുമായി നാസർ ഫൈസി രംഗത്തുവന്നു. കായികമായി തട്ടിക്കൊണ്ടുപോകുന്നു എന്നല്ല താൻ ഉദ്ദേശിച്ചതെന്നും മുസ്‌ലിം പെൺകുട്ടികളെ പ്രണയം നടിച്ച് വശീകരിക്കുന്നു എന്നാണ് അർഥമാക്കിയതെന്നും നാസർ ഫൈസി പറഞ്ഞു. ക്യാംപസുകളില്‍ എസ്എഫ്ഐ നടത്തുന്ന ‘മൈ ബോഡി മൈ ചോയ്സ്’ ക്യാംപെയ്ൻ ഇതിന്റെ ഭാഗമാണെന്നും സമസ്ത പഠിപ്പിച്ച കാര്യങ്ങളാണ് താൻ പറയുന്നതെന്നും നാസർ ഫൈസി പറഞ്ഞു.

ഹിന്ദു, മുസ്‌ലിമിനെ വിവാഹം കഴിച്ചാൽ മതേതരത്വമായെന്നാണ് ചിലർ കരുതുന്നത്; സിപിഎം മുസ്‌ലിം പെൺകുട്ടികളെ തട്ടിക്കൊണ്ടുപോയി കല്യാണം നടത്തുന്നുവെന്ന് നാസർ ഫൈസി കൂടത്തായി

Koyilandy

ബെംഗളൂരു: ശിവമൊഗ്ഗയിൽ കോളജ് കെട്ടിടത്തിന് മുകളിൽ നിന്ന് വീണു വിദ്യാർഥിനി മരിച്ചു. ശരാവതി നഗർ ആദിചുഞ്ചനഗിരി കോളജിലെ പിയു രണ്ടാം വർഷ (പ്ലസ് ടു) വിദ്യാർഥിനി മേഘശ്രീ (18) ആണ് മരിച്ചത്. ദാവനഗരെ ചന്നപുര സ്വദേശിയാണ്. നാലാം നിലയിൽ നിന്ന് താഴേക്ക് ചാടുകയായിരുന്നുവെന്ന് ദൃക്സാക്ഷികൾ പറഞ്ഞു. കോളജ് ഹോസ്റ്റലിലായിരുന്നു താമസിച്ചിരുന്നത്. ഹോസ്റ്റൽ വാർഡന്റെ പീഡനമാണ് മകൾ ജീവനൊടുക്കാൻ കാരണമെന്ന് മാതാപിതാക്കൾ ആരോപിച്ചു.&nbsp;&nbsp;

നാലാം നിലയിൽനിന്ന് ചാടി വിദ്യാർഥിനി ജീവനൊടുക്കി; ഹോസ്റ്റൽ വാർഡനെതിരെ മാതാപിതാക്കളുടെ പരാതി

National

വടകര: നിയോജക മണ്ഡലത്തിലെ ഏറാമല പഞ്ചായത്തിലെ തിരുത്തിമുക്ക്, നാദാപുരം മണ്ഡലത്തിലെ എടച്ചേരി,കണ്ണൂർ ജില്ലയിലെ കിടഞ്ഞി എന്നീ ഭാഗങ്ങളെ ബന്ധിപ്പിക്കുന്ന തുരുത്തിമുക്ക് പാലത്തിൻ്റെ നിർമാണവുമായി ബന്ധപ്പെട്ട ഇൻവെസ്റ്റിഗേഷൻ നടപടികൾ പൂർത്തിയായതായി കെ.കെ രമ എം.എൽ.എ അറിയിച്ചു. പൊതുമരാമത്ത് ബ്രിഡ്ജസ് വിഭാഗം 4.4 ലക്ഷം രൂപ ചിലവഴിച്ചാണ് പാലം നിർമാണത്തിന്റെ ഇൻവെസ്റ്റിഗേഷൻ നടപടികൾ പൂർത്തിയാക്കിയത്. പാലത്തിന്റെ ഡിസൈനിങ് തയാറാക്കുന്നതിനായി ഇതുസംബന്ധിച്ച വിശദാംശങ്ങൾ തിരുവനന്തപുരത്തെ ഡൈസൈനിങ്‌ വിഭാഗത്തിൽ സമർപ്പിച്ചിട്ടുണ്ട്. ഡിസൈൻ പൂർത്തിയായ ശേഷം വിശദമായ എസ്റ്റിമേറ്റ് തയാറാക്കുകയും ഭരണാനുമതി ലഭ്യമാക്കുന്നതിനുള്ള തുടർനടപടികൾ കൈക്കൊള്ളുകയും വേണം. ആഭ്യന്തര ടൂറിസത്തിന് ഏറെ സാധ്യതയുള്ളതും, ഏറാമല നിവാസികളുടെ ചിരകാല സ്വപ്നവും ആണ് പദ്ധതി പൂർത്തീകരണത്തിലൂടെ സാധ്യമാകാൻ പോകുന്നത്. നാദാപുരം മണ്ഡലത്തിലെ എടച്ചേരിയും കൂത്തുപറമ്പ് മണ്ഡലത്തിലെ കിടഞ്ഞിയും ഏറാമല തുരുത്തിമുക്കും ബന്ധിപ്പിച്ചുകൊണ്ടുള്ള ഒരു പാലം എന്നത് ഇവിടുത്തെ ജനങ്ങളുടെ കാലങ്ങളായുള്ള ആവശ്യമാണ്. ഇംഗ്ലീഷ് അക്ഷരമാല ക്രമത്തിലെ 'വൈ' മോഡൽ പാലം എന്ന പ്രപ്പോസൽ നേരത്തെ തന്നെ സർക്കാരിന് മുൻപിലുണ്ടായിരുന്നു. പലകാരണങ്ങളാൽ ഇത് നിലച്ചുപോവുകയും എടച്ചേരിയേയും കിടഞ്ഞിയേയും മാത്രം ബന്ധിപ്പിക്കുന്ന നേർപാലമായി പദ്ധതി പരിമിതിപ്പെടുകയുമായിരുന്നു.
നോക്കിയാൽ കാണുന്ന മറുകരയിലേക്ക് റോഡ് മാർഗം പോകണമെങ്കിൽ കിലോമീറ്ററുകൾ ചുറ്റിസഞ്ചരിക്കേണ്ട അവസ്ഥയാണ്. അതിനാൽ ആളുകൾക്ക് ഇപ്പോഴും കടത്തുതോണിയാണ് ആശ്രയം. പ്രശ്‌നപരിഹാരത്തിന് നേരത്തെ പൊതുമരാമത്തു വകുപ്പ് മന്ത്രിയെ നേരിൽ കണ്ടുനിവേദനം നൽകുകയും, നിയമസഭയിൽ സബ്മിഷൻ ഉന്നയിക്കുകയും ചെയ്തിരുന്നു. ഈ സാമ്പത്തിക വർഷത്തെ ബജറ്റ് പ്രപ്പോസലിൽ മണ്ഡലത്തിന്റെ പ്രധാന ആവശ്യങ്ങളിലൊന്നായി ഇത് നിർദ്ദേശിക്കുകയും, ബജറ്റിൽ പാലത്തിനായി ടോക്കൺ എമൗണ്ട് വകയിരുത്തുകയും ചെയ്തിട്ടുണ്ട്. നടുതുരുത്തി, ഏറാമലകോട്ട, മാഹി-വളപട്ടണം ജലഗതാഗതപാത, ഇതോടനുബന്ധിച്ചുവരുന്ന ബോട്ട്‌ജെട്ടി, കരിയാട്, കിടഞ്ഞി ഭാഗങ്ങളിലെത്തുന്ന തീരദേശ ഹൈവേ എന്നിവ വടകര മണ്ഡലത്തിലെ ടൂറിസത്തിന്റെ അനന്തസാധ്യതകൾ തുറക്കുന്ന പദ്ധതികളായിരിക്കും. ഏറാമല തുരുത്തിമുക്കിനെ കൂടെ ബന്ധിപ്പിച്ചു പാലം വരുന്നതോടെ വലിയ ടൂറിസം സാധ്യതകളാണ് ഇവിടെ തുറക്കുന്നത്. ഇതുകൂടെ മുൻപിൽ കണ്ടുവേണം പാലം രൂപകൽപന ചെയ്യപ്പെടേണ്ടതെന്നു ഉദ്യോഗസ്ഥരോട് നിർദേശിച്ചിട്ടുള്ളതായും എം.എൽ.എ പറഞ്ഞു. വൈകാതെ തന്നെ എസ്റ്റിമേറ്റ് തയാറാക്കി സർക്കാരിൽ സമർപ്പിക്കുന്നതിനുള്ള അടിയന്തിര നടപടികൾ സ്വീകരിക്കുന്നതാണ്. ഏറെ വൈകാതെ തന്നെ തുരത്തിമുക്ക് പാലം എന്ന ആഗ്രഹം സഫലീകരിക്കപ്പെടും എന്ന് പ്രതീക്ഷിക്കാമെന്നും എം.എൽ.എ കൂട്ടിച്ചേർത്തു.

തുരുത്തിമുക്ക് പാലം; ഇൻവെസ്റ്റിഗേഷൻ നടപടികൾ പൂർത്തിയായതായി കെ.കെ രമ എം.എൽ.എ

Vadakara

കോട്ടയ്ക്കൽ : കോട്ടയ്ക്കൽ മുനിസിപ്പാലിറ്റിയിൽ ലീഗിന് തിരിച്ചടി. പുതിയ ചെയര്‍പേഴ്‌സനെ കണ്ടെത്താനുള്ള തിരഞ്ഞെടുപ്പിൽ ലീഗിന്റെ ഔദ്യോഗിക സ്ഥാനാര്‍ഥി ഡോ. ഹനീഷ പരാജയപ്പെട്ടു. എല്‍.ഡി.എഫ് പിന്തുണച്ച ലീഗ് വിമത മുഹ്‌സിന പൂവന്‍മഠത്തിലാണ് പുതിയ ചെയര്‍പേഴ്‌സണ്‍.
13 വോട്ടുകൾക്കെതിരെ 15 വോട്ടുകൾ നേടിയായിരുന്നു മുഹ്സിനയുടെ വിജയം. വോട്ടെടുപ്പില്‍ ആറ് ലീ​ഗ് വിമതർ ഇവരെ പിന്തുണച്ചു. കോട്ടയ്ക്കൽ നഗരസഭാധ്യക്ഷ ബുഷ്‌റ ഷബീർ നേരത്തെ അധ്യക്ഷസ്ഥാനവും കൗൺസിലർസ്ഥാനവും രാജിവെച്ചിരുന്നു. ഏറെക്കാലമായി കോട്ടയ്ക്കൽ മുനിസിപ്പൽ മുസ്‌ലിംലീഗ് കമ്മിറ്റിയിൽ നിലനിന്ന വിഭാഗീയതയായിരുന്നു രാജിയിലേക്കു നയിച്ചത്.
ഇത്തരമൊരു സാഹചര്യത്തിൽ ബുഷ്‌റ ഷബീർ വിഭാഗത്തെയും മറുഭാഗത്തെയും ഒരുമിച്ചിരുത്തി പാണക്കാട്ട് പലതവണ ചർച്ചകൾ നടന്നിരുന്നു. ഇക്കാര്യത്തിൽ ഒരു തീരുമാനമുണ്ടാക്കാൻ അടുത്തിടെ സംസ്ഥാനാധ്യക്ഷൻ പാണക്കാട് സാദിഖലി ശിഹാബ് തങ്ങൾ, റഷീദലി ശിഹാബ് തങ്ങളെ ചുമതലപ്പെടുത്തി. ഇതനുസരിച്ച് പാണക്കാട്ടുനടന്ന ചർച്ചയിലാണ് ബുഷ്‌റ ഷബീറും ഉമ്മറും സ്ഥാനമൊഴിയാൻ പാർട്ടി നിർദേശിച്ചത്.

ലീഗ് ഔദ്യോഗിക സ്ഥാനാര്‍ഥി പരാജയപ്പെട്ടു; കോട്ടയ്ക്കലിൽ എൽ ഡി എഫ് പിന്തുണച്ച ലീഗ് വിമത നഗരസഭ ചെയര്‍പേഴ്‌സണ്‍

പേരാമ്പ്ര: ജില്ലാ സ്കൂൾ കലോത്സവ വേദിക്ക് സമീപം സ്വകാര്യ സ്ഥാപനത്തിന്റെ കമാനം വാഹനമിടിച്ച് തകർന്ന് വീണ് വിദ്യാർത്ഥികൾ ഉൾപ്പടെ മൂന്ന് പേർക്ക് പരിക്കേറ്റു. കഴിഞ്ഞ ദിവസം ഉച്ചയോടെയാണ് സംഭവം. നടുവണ്ണൂർ മാമ്പൊയിൽ ഫർസാൻ , പേരാമ്പ്ര യു പി സ്കൂളിലെ അഞ്ചാം ക്ലാസ് വിദ്യാർത്ഥി ആത്മീയ, വടകര സ്വദേശി ബേബി എന്നിവർക്കാണ് പരിക്കേറ്റത്. ഇവരെ പേരാമ്പ്രയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഭക്ഷണ ശാലയ്ക്കും പ്രധാന വേദിക്കും സമീപത്തായി സ്ഥാപിച്ച കാമനമാണ് തകർന്നത്.&nbsp;

പേരാമ്പ്രയിലെ കലോത്സവ വേദിക്കരികെ കമാനം തകർന്ന് വീണ് മൂന്ന് പേർക്ക് പരിക്ക്

വടകര : വ്യാജ ഓൺലൈൻ ലോൺ ആപ്പിനെതിരേ ജാഗ്രതപാലിക്കണം എന്ന സന്ദേശവുമായി കോഴിക്കോട് റൂറൽ പോലീസ് രംഗത്ത്. റൂറലിലെ വിവിധ സ്ഥലങ്ങളിൽ സൈബർ ബോധവത്കരണ കാമ്പയിൻ ആരംഭിച്ചു. ലോൺ ആപ്പ് കേസുകൾ കൂടിവരുന്ന സാഹചര്യത്തിൽ ഇതിനെതിരേ ആളുകളെ ബോധവത്‌കരിക്കുക എന്ന ഉദ്ദേശ്യത്തിലാണ് പരിപാടി സംഘടിപ്പിക്കുന്നത്. ഓരോമാസവും കാമ്പയിൻ നടത്തും. റൂറൽ പോലീസ് മേധാവി ഡോ. അരവിന്ദ് സുകുമാറിന്റെ നേതൃത്വത്തിലാണ് ബോധവത്കരണ കാമ്പയിൻ ആരംഭിച്ചത്.
വ്യാജലോൺ ആപ്പിലൂടെ പണം എടുക്കരുത്, ഫോണുകൾ സുരക്ഷിതമായി ഉപയോഗിക്കുക, ലിങ്കുകൾ ക്ലിക്ക് ചെയ്യാതിരിക്കുക, പണമയയ്ക്കുമ്പോൾ കൂടുതൽ ജാഗ്രതകാണിക്കുക, ഓൺലൈൻ ജോലിക്കായി പണം ആവശ്യപ്പെടുന്നുവെങ്കിൽ ശ്രദ്ധിക്കുക തുടങ്ങിയ സന്ദേശങ്ങളാണ് പോലീസ് ജനങ്ങളിലേക്ക് എത്തിക്കുന്നത്. സ്കൂളുകൾ, കാമ്പസുകൾ, ബസ്‌സ്റ്റാൻഡുകൾ, ആളുകൾകൂടുന്ന മറ്റിടങ്ങൾ തുടങ്ങിയ സ്ഥലങ്ങളിൽ പൊതുജനങ്ങളെ ബോധവത്കരിക്കുകയാണ് പരിപാടിയിലൂടെ ഉദ്ദേശിക്കുന്നത്. ഓൺലൈൻ ചതികളെക്കുറിച്ച് ജനങ്ങളോട് വിവരിക്കുന്ന പരിപാടിയാണിത്. ചൊവ്വാഴ്ച വടകരയിലെ വിവിധ സ്ഥലങ്ങളിൽ കാമ്പയിൻ നടത്തി.

ലോൺ ആപ്പ് കെണിയിൽ വീഴരുത്; ബോധവത്കരണവുമായി പോലീസ്

തിരുവനന്തപുരം: ബുധനാഴ്ച മുതൽ ഞായറാഴ്ച വരെയുള്ള ദിവസങ്ങളിൽ സംസ്ഥാനത്ത് മഴ ശക്തമാകുമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ബുധൻ, വ്യാഴം ദിവസങ്ങളിൽ സംസ്ഥാനത്ത് ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴക്കും പിന്നീട് ഞായറാഴ്ച വരെ മഴക്കൊപ്പം മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് മുന്നറിയിപ്പിൽ പറ‍യുന്നു. ഇടിമിന്നൽ വ്യാപകമാകാനുള്ള സാഹചര്യത്തിൽ ജാഗ്രതാ നിർദേശങ്ങൾ പുറപ്പെടുവിച്ചിട്ടുണ്ട്.
ഇടിമിന്നൽ അപകടകാരികളാണ്. അവ മനുഷ്യന്‍റെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകൾക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. പൊതുജനങ്ങൾ താഴെപ്പറയുന്ന കാർമേഘം കണ്ടുതുടങ്ങുന്ന സമയം മുതൽ തന്നെ മുൻകരുതൽ സ്വീകരിക്കേണ്ടതാണ്. ഇടിമിന്നൽ എപ്പോഴും ദൃശ്യമാകണമെന്നില്ലാത്തതിനാൽ ഇത്തരം മുൻകരുതൽ സ്വീകരിക്കുന്നതില്‍നിന്നും വിട്ടുനിൽക്കരുത്.
ജാഗ്രതാ നിർദേശങ്ങൾ
<ul>
<li>ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറുക. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാധ്യത വർധിപ്പിക്കും.</li>
<li>ശക്തമായ കാറ്റിനും ഇടിമിന്നലിനും സാധ്യതയുള്ള ഘട്ടത്തിൽ ജനലും വാതിലും അടച്ചിടുക. വാതിലിനും ജനലിനും അടുത്ത് നിൽക്കാതെയിരിക്കുക. കെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പർശിക്കാതിരിക്കാൻ ശ്രമിക്കുകയും ചെയ്യുക.</li>
<li>ഗൃഹോപകരണങ്ങളുടെ വൈദ്യുതിബന്ധം വിഛേദിക്കുക. വൈദ്യുതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കുക.</li>
<li>ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കണം. മൊബൈൽ ഫോൺ ഉപയോഗിക്കുന്നതുകൊണ്ട് കുഴപ്പമില്ല.</li>
<li>അന്തരീക്ഷം മേഘാവൃതമാണെങ്കിൽ തുറസായ സ്ഥലത്തും ടെറസിലും കുട്ടികൾ ഉൾപ്പെടെ, കളിക്കുന്നത് ഒഴിവാക്കുക.</li>
<li>ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടിൽ നിൽക്കരുത്‌. വാഹനങ്ങൾ മരച്ചുവട്ടിൽ പാർക്ക് ചെയ്യുകയുമരുത്.</li>
<li>ഇടിമിന്നലുള്ള സമയത്ത് വാഹനത്തിനകത്ത് തന്നെ തുടരുക. കൈകാലുകൾ പുറത്തിടാതിരിക്കുക. വാഹനത്തിനകത്ത് നിങ്ങൾ സുരക്ഷിതരായിരിക്കും. സൈക്കിൾ, ബൈക്ക്, ട്രാക്ടർ തുടങ്ങിയ വാഹനങ്ങളിലുള്ള യാത്ര ഇടിമിന്നൽ സമയത്ത് ഒഴിവാക്കുകയും ഇടിമിന്നൽ അവസാനിക്കുന്നതുവരെ സുരക്ഷിതമായ കെട്ടിടത്തിൽ അഭയം തേടുകയും വേണം.</li>
<li>മഴക്കാറ് കാണുമ്പോൾ തുണികൾ എടുക്കാൻ ടെറസിലേക്കോ, മുറ്റത്തേക്കോ ഇടിമിന്നലുള്ള സമയത്ത് പോകരുത്.</li>
<li>കാറ്റിൽ മറിഞ്ഞു വീഴാൻ സാധ്യതയുള്ള വസ്തുക്കൾ കെട്ടി വെക്കുക.</li>
<li>ഇടിമിന്നലുള്ള സമയത്ത് കുളിക്കുന്നത്‌ ഒഴിവാക്കുക. ടാപ്പുകളിൽ നിന്ന് വെള്ളം ശേഖരിക്കുന്നതും ഒഴിവാക്കുക. പൈപ്പിലൂടെ മിന്നൽ മൂലമുള്ള വൈദ്യുതി സഞ്ചരിച്ചേക്കാം.</li>
<li>ഇടിമിന്നൽ ഉണ്ടാകുമ്പോൾ ജലാശയത്തിൽ മീൻ പിടിക്കാനോ കുളിക്കാനോ ഇറങ്ങുവാൻ പാടില്ല. കാർമേഘങ്ങൾ കണ്ട് തുടങ്ങുമ്പോൾ തന്നെ മത്സ്യബന്ധനം, ബോട്ടിങ് തുടങ്ങിയ പ്രവൃത്തികൾ നിർത്തി വച്ച് ഉടനെ അടുത്തുള്ള കരയിലേക്ക് എത്താൻ ശ്രമിക്കണം. ഇടിമിന്നലുള്ള സമയത്ത് ബോട്ടിന്റെ ഡെക്കിൽ നിൽക്കരുത്. ചൂണ്ടയിടുന്നതും വലയെറിയുന്നതും ഇടിമിന്നലുള്ള സമയത്ത് നിർത്തി വയ്ക്കണം.</li>
<li>പട്ടം പറത്തുന്നത് ഒഴിവാക്കുക.</li>
<li>ഇടിമിന്നലുള്ള സമയത്ത്‌ ടെറസിലോ മറ്റ്‌ ഉയരമുള്ള സ്ഥലങ്ങളിലോ വൃക്ഷക്കൊമ്പിലോ ഇരിക്കുന്നത്‌ അപകടകരമാണ്‌.</li>
<li>വളർത്തു മൃഗങ്ങളെ തുറസായ സ്ഥലത്ത് ഈ സമയത്ത് കെട്ടരുത്. അവയെ അഴിക്കുവാനും സുരക്ഷിതമായി മാറ്റി കെട്ടുവാനും മഴ മേഘം കാണുന്ന സമയത്ത് പോകരുത്. ഇത് നിങ്ങൾക്ക് ഇടിമിന്നലേൽക്കാൻ കാരണമായേക്കാം.</li>
<li>അടുത്തുള്ള കെട്ടിടത്തിലേക്ക് മാറാൻ സാധിക്കാത്ത വിധത്തിൽ തുറസായ സ്ഥലത്താണങ്കിൽ പാദങ്ങൾ ചേർത്തുവച്ച്‌ തല, കാൽ മുട്ടുകൾക്ക്‌ ഇടയിൽ ഒതുക്കി പന്തുപോലെ ഉരുണ്ട്‌ ഇരിക്കുക.</li>
<li>ഇടിമിന്നലിൽനിന്ന് സുരക്ഷിതമാക്കാൻ കെട്ടിടങ്ങൾക്കു മുകളിൽ മിന്നൽ രക്ഷാ ചാലകം സ്ഥാപിക്കാം. വൈദ്യുതോപകരണങ്ങളുടെ സുരക്ഷക്കായി സർജ് പ്രൊട്ടക്ടർ ഘടിപ്പിക്കാം.</li>
<li>മിന്നലിന്റെ ആഘാതത്താൽ പൊള്ളൽ ഏൽക്കുകയോ കാഴ്ച്ചയോ കേൾവിയോ നഷ്ടമാവുകയോ ഹൃദയാഘാതം സംഭവിയ്ക്കുകയോ വരെ ചെയ്യാം. മിന്നലാഘാതം ഏറ്റ ആളിന്റെ ശരീരത്തിൽ വൈദ്യുത പ്രവാഹം ഇല്ല എന്ന് മനസ്സിലാക്കണം. അതിനാൽ മിന്നലേറ്റ ആളിന്‌ പ്രഥമ ശുശ്രൂഷ നൽകുവാൻ മടിക്കരുത്‌. മിന്നൽ ഏറ്റാല്‍ ആദ്യ മുപ്പത്‌ സെക്കൻഡ് ജീവൻ രക്ഷിക്കാനുള്ള സുവർണ നിമിഷങ്ങളാണ്. മിന്നലേറ്റ ആളിന് ഉടൻ വൈദ്യ സഹായം എത്തിക്കുക.</li>
<li>ശക്തമായ കാറ്റിനെ നേരിടാനുള്ള പൊതുജാഗ്രതാ നിർദേശങ്ങൾ https://sdma.kerala.gov.in/windwarning എന്ന ലിങ്കിൽ ലഭ്യമാണ്.</li>
</ul>

മഴ ശക്തമാകും; ഇടിമിന്നൽ ജാഗ്രതാ നിർദേശം പുറപ്പെടുവിച്ച് കാലാവസ്ഥാ വകുപ്പ്

കോഴിക്കോട്: താമരശേരിയിൽ പത്താം ക്ലാസ് വിദ്യാർത്ഥി ഷഹബാസിന്റെ കൊലപാതകത്തിൽ കുറ്റാരോപിതരായവരുടെ എസ്എസ്എൽസി പരീക്ഷാഫലം പ്രസിദ്ധീകരിച്ചു. ഹൈക്കോടതിയുടെ നിർദ്ദേശപ്രകാരമാണ് ഫലം പ്രസിദ്ധീകരിച്ചത്.&nbsp;
കുറ്റാരോപിതരുടെ പരീക്ഷാഫലം പ്രഖ്യാപിക്കാത്തതിൽ ഹൈക്കോടതി സർക്കാരിനെ വിമർശിച്ചിരുന്നു. ഫലം പ്രസിദ്ധീകരിച്ചില്ലെങ്കിൽ അനാസ്ഥയായി കണക്കാക്കുമെന്ന് കോടതി പറഞ്ഞിരുന്നു. കേസിലെ കുറ്റാരോപിതർക്ക് തുടർപഠനത്തിന് അവസരം ലഭിക്കും.

ഷഹബാസ് വധക്കേസ്; കുറ്റാരോപിതരായ ആറ് വിദ്യാർത്ഥികളുടെ പരീക്ഷാഫലം പ്രസിദ്ധീകരിച്ചു

കോഴിക്കോട് : താമരശ്ശേരിയില്‍ പത്താംക്ലാസ് വിദ്യാര്‍ഥി ഷഹബാസിനെ കൊലപ്പെടുത്തിയ കേസില്‍ കുറ്റാരോപിതരായ വിദ്യാര്‍ഥികള്‍ക്ക് ഹയര്‍സെക്കൻഡറി, വൊക്കേഷണല്‍ ഹയര്‍സെക്കൻഡറി കോഴ്സുകളില്‍ അപേക്ഷിക്കുന്നതിനുള്ള സൗകര്യത്തിനായി അപേക്ഷ സ്വീകരിക്കുന്നത് ബുധനാഴ്ച വൈകീട്ട് അഞ്ചുവരെ നീട്ടി.
മുന്‍നിശ്ചയപ്രകാരം ചൊവ്വാഴ്ച വൈകീട്ട് അഞ്ചുവരെയാണ് അപേക്ഷ സ്വീകരിച്ചത്. ഇതിനിടെയാണ് കുറ്റാരോപിതരായ ആറു വിദ്യാര്‍ഥികളുടെ പത്താം ക്ലാസ് ഫലം പ്രസിദ്ധീകരിക്കാനും അവര്‍ക്ക് ഉന്നതവിദ്യാഭ്യാസത്തിന് അപേക്ഷിക്കാനും സൗകര്യം ഏര്‍പ്പെടുത്താന്‍ ഹൈക്കോടതി ഇടക്കാല ഉത്തരവിട്ടത്.കോടതി ഉത്തരവനുസരിച്ച് അഡ്മിഷന്‍പോര്‍ട്ടല്‍ ഒരുദിവസംകൂടി തുറക്കാന്‍ ഹയര്‍സെക്കൻഡറി ജോ. ഡയറക്ടര്‍ (അക്കാദമിക്) ആണ് നിര്‍ദേശം നല്‍കിയത്. കുറ്റാരോപിതരായ കുട്ടികളുടെ പത്താംക്ലാസ് പരീക്ഷാഫലം പ്രസിദ്ധീകരിക്കണമെന്ന് നേരത്തെ ബാലവകാശ കമ്മിഷനും നിര്‍ദേശിച്ചിരുന്നു.

ഹൈക്കോടതി ഉത്തരവ്; ഷഹബാസ് വധക്കേസ് പ്രതികള്‍ക്കുവേണ്ടി ഹയര്‍സെക്കൻഡറി പ്രവേശനം നീട്ടി

ന്യൂഡൽഹി: മുൻ പ്രധാനമന്ത്രിയും കോൺഗ്രസ് നേതാവുമായിരുന്ന രാജീവ് ഗാന്ധിയുടെ 34ാം രക്തസാക്ഷിത്വ ദിനത്തിൽ വൈകാരിക കുറിപ്പുമായി മകനും ലോക്സഭ പ്രതിപക്ഷ നേതാവുമായ രാഹുൽ ഗാന്ധി. പിതാവിന്‍റെ ഓർമകളാണ് തന്നെ ഓരോ ചുവടുവെപ്പിലും നയിക്കുന്നതെന്നും അദ്ദേഹത്തിന്‍റെ പൂർത്തീകരിക്കപ്പെടാത്ത സ്വപ്നങ്ങൾ സാക്ഷാത്കരിക്കുമെന്നും രാഹുൽ എക്സിലെ കുറിച്ചു.
'പപ്പാ, നിങ്ങളുടെ ഓർമകളാണ് എന്നെ ഓരോ ചുവടുവെപ്പിലും നയിക്കുന്നത്. നിങ്ങളുടെ പൂർത്തീകരിക്കപ്പെടാത്ത സ്വപ്നങ്ങൾ സാക്ഷാത്കരിക്കുക എന്നതാണ് എന്റെ ദൃഢനിശ്ചയം - ഞാൻ തീർച്ചയായും അവ നിറവേറ്റും'. -രാഹുൽ എക്സിൽ കുറിച്ചു.
1991 മെയ് 21ന് തമിഴ്നാട്ടിലെ ശ്രീപെരുമ്പത്തൂരിൽ തെരഞ്ഞെടുപ്പ് പ്രചാരണ റാലിക്കിടെ തമിഴ്പുലികൾ ആസൂത്രണം ചെയ്ത ചാവേർ ബോംബ് സ്ഫോടനത്തിലാണ് രാജീവ് ഗാന്ധി വധിക്കപ്പെട്ടത്

'പപ്പാ, നിങ്ങളുടെ ഓർമകളാണ് എന്നെ നയിക്കുന്നത്' ; രാജീവ് ഗാന്ധിയുടെ രക്തസാക്ഷിത്വ ദിനത്തിൽ വൈകാരിക കുറിപ്പുമായി രാഹുൽ ഗാന്ധി

ന്യൂഡല്‍ഹി: പാക് ഭീകരസംഘടനയായ ലഷ്‌കറെ തൊയ്ബയുടെ സ്ഥാപകരിലൊരാളായ അമീര്‍ ഹംസയ്ക്ക് ഗുരുതരമായി പരിക്കേറ്റതായി റിപ്പോര്‍ട്ട്. ലാഹോറിലെ വീട്ടില്‍വെച്ച് എന്തോ അപകടം സംഭവിച്ചെന്നും ഗുരുതരമായി പരിക്കേറ്റ അമീര്‍ ഹംസ ആശുപത്രിയില്‍ ചികിത്സയിലാണെന്നും ദേശീയമാധ്യമങ്ങള്‍ റിപ്പോര്‍ട്ട് ചെയ്തു.
എങ്ങനെയാണ് അമീര്‍ ഹംസയ്ക്ക് അപകടം സംഭവിച്ചതെന്നും പരിക്കേറ്റതെന്നും ഇതുവരെ വ്യക്തമല്ല. അതേസമയം, വീട്ടില്‍വെച്ച് വെടിയേറ്റാണ് ഇയാള്‍ക്ക് പരിക്കേറ്റതെന്ന് സാമൂഹികമാധ്യമങ്ങളില്‍ അഭ്യൂഹമുണ്ട്. ചോരയില്‍ കുളിച്ച് കിടക്കുന്ന അമീര്‍ ഹംസയുടെ ചില ദൃശ്യങ്ങളും സാമൂഹികമാധ്യമങ്ങളില്‍ പ്രചരിക്കുന്നുണ്ട്. എന്നാൽ, വെടിയേറ്റതാണെന്ന അഭ്യൂഹം ചില അന്വേഷണഉദ്യോഗസ്ഥർ തള്ളിക്കളഞ്ഞതായും റിപ്പോർട്ടുകളിൽ പറയുന്നു.നിരോധിത ഭീകരസംഘടനയായ ലഷ്‌കറിന്റെ മുതിര്‍ന്ന നേതാക്കളിലൊരാളാണ് അമീര്‍ ഹംസ. തീവ്രപ്രസംഗങ്ങളിലൂടെയും ലഷ്‌കറിന്റെ പ്രസിദ്ധീകരണങ്ങളിലൂടെയും ഇയാള്‍ കുപ്രസിദ്ധി നേടിയിരുന്നു. അമീര്‍ ഹംസ ഉള്‍പ്പെടെയുള്ള 17 ഭീകരവാദികള്‍ ചേര്‍ന്നാണ് ലഷ്‌കറെ തൊയ്ബ സ്ഥാപിച്ചത്.&nbsp;

ലഷ്കർ സ്ഥാപകന്‍ അമീര്‍ ഹംസയ്ക്ക് ഗുരുതരമായി പരിക്കേറ്റെന്ന് റിപ്പോര്‍ട്ട്

Search Results for: 20.07.2024