തച്ചനാട്ടുകര: ദേശീയപാതയിൽ മണ്ണാർക്കാട് മേലേകൊടക്കാട് ലോറികളുടെ ഇടയിൽപെട്ട് ബൈക്ക് യാത്രക്കാരനായ യുവാവ് മരിച്ചു. പട്ടാമ്പി വിളയൂർ കളിക്കൊട്ടിൽ അബുവിന്റെറെ മകൻ മുഹമ്മദ് സക്കീർ (37) ആണ് മരിച്ചത്. വൈകീട്ട് അഞ്ചരയോടെയാണ് അപകടം.
പെരിന്തൽമണ്ണ ഭാഗത്തേക്ക് പോകുകയായിരുന്ന ലോറിയുടെ ടയർ പൊട്ടിയതാണ് അപകടത്തിന് തുടക്കമിട്ടത്. ഈ ലോറിയുടെ തൊട്ടുപിറകിൽ ഉണ്ടായിരുന്ന മറ്റൊരു ലോറി ബ്രേക്കിട്ട് നിർത്തിയതോടെ പിന്നാലെയെത്തിയ സക്കീർ സഞ്ചരിച്ച ബൈക്കും നിർത്തി. എന്നാൽ, പിറകെ അതിവേഗതയിലെത്തിയ കോഴിമുട്ട കയറ്റിയ ലോറി, സക്കീർ സഞ്ചരിച്ച ബൈക്കിലിടിക്കുകയായിരുന്നു. ഇരുവാഹനങ്ങൾക്കും ഇടയിൽപെട്ട സക്കീർ സംഭവസ്ഥലത്ത് തന്നെ മരണപ്പെടുകയായിരുന്നു. അപകടത്തെ തുടർന്ന് ദേശീയപാതയിൽ ഏറെ നേരം ഗതാഗതം തടസ്സപ്പെട്ടു. ഫാത്തിമയാണ് സക്കീറിന്റെ മാതാവ്. ഭാര്യ: മുശ് രിഫ. മക്കൾ: സയാൻ, സൻഹ ഫാത്തിമ. സഹോദരങ്ങൾ: മുഹമ്മദ് അലി, സാബിറ, മുബഷിർ, മുർഷിദ.

ലോറികളുടെ ഇടയിൽപെട്ട് ബൈക്ക് യാത്രികൻ മരിച്ചു

Kerala

തിരുവനന്തപുരം: ജൂണ്‍ നാലിന് തിരഞ്ഞെടുപ്പ് ഫലം പുറത്തുവരുമ്പോള്‍ കോണ്‍ഗ്രസിന്റെ പല പ്രമുഖരുടെയും കാലിടറുമെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍. കേരളത്തില്‍ ചരിത്രത്തിലാദ്യമായി ഇത്തവണ ബിജെപി അക്കൗണ്ട് തുറക്കുമെന്നും വോട്ട് ശതമാനം ഗണ്യമായി ഉയരുമെന്നും അദ്ദേഹം പറഞ്ഞു. സംസ്ഥാന കോര്‍കമ്മിറ്റി യോഗത്തിനിടെ നടത്തിയ വാര്‍ത്താ സമ്മേളനത്തിലാണ് സുരേന്ദ്രന്റെ അവകാശ വാദം.
കേരളത്തില്‍ ഇത്തവണ മികച്ച വിജയ പ്രതീക്ഷയുണ്ടെന്നും ബൂത്ത്തലം മുതല്‍ ലഭിച്ച റിപ്പോര്‍ട്ടുകള്‍ പ്രതീക്ഷ വെച്ച സീറ്റുകളില്‍ വിജയിക്കാമെന്നതാണെന്നും സുരേന്ദ്രന്‍ പറഞ്ഞു. തിരുവനന്തപുരത്ത് ശശി തരൂര്‍ ഇത്തവണ തോറ്റ് തുന്നംപാടുമെന്നും എന്‍ഡിഎ സ്ഥാനാര്‍ഥി രാജീവ് ചന്ദ്രശേഖറാണ് തിരുവനന്തപുരത്ത് ജയിക്കാന്‍ പോകുന്നതെന്നും സുരേന്ദ്രന്‍ അവകാശപ്പെട്ടു.
അതേസമയം, കോര്‍കമ്മിറ്റി യോഗം കൃഷ്ണദാസ് പക്ഷം ബഹിഷ്‌കരിച്ചുവെന്ന വാര്‍ത്തകള്‍ സുരേന്ദ്രന്‍ തള്ളിക്കളഞ്ഞു. അങ്ങനെ ആരും യോഗം ബഹിഷ്‌കരിച്ചിട്ടില്ല. ബഹിഷ്‌കരിച്ചുവെന്ന് ആരോടെങ്കിലും പറഞ്ഞിട്ടുണ്ടൊയെന്നും സുരേന്ദ്രന്‍ മാധ്യമങ്ങളോട് ചോദിച്ചു. വിഷയത്തില്‍ ഇടപെട്ട് സംസാരിച്ച ബിജെപി കേരള പ്രഭാരി പ്രകാശ് ജാവഡേക്കര്‍ ഏത് യോഗത്തിലും കുറെപ്പേര്‍ പലകാരണങ്ങളാല്‍ വരാതിരിക്കാമെന്ന് വിശദീകരിച്ചു. ഇവിടെ വരാതിരുന്നവര്‍ അധ്യക്ഷനില്‍നിന്ന് അനുമതി നേടിയിരുന്നതായും ജാവ്‌ദേക്കര്‍ പറഞ്ഞു.
കേരളത്തില്‍ അഞ്ച് സീറ്റില്‍ വിജയിക്കാനുള്ള സാധ്യതയുണ്ടെന്നാണ് പ്രകാശ് ജാവഡേക്കര്‍ വ്യക്തമാക്കിയത്. മാസങ്ങള്‍ക്ക് മുമ്പും ഇതേ കാര്യം തന്നെയാണ് താന്‍ പറഞ്ഞതെന്നും അതേ നിലപാട് തന്നെയാണ് ഇപ്പോഴെന്നും ജാവ്‌ദേക്കര്‍ വ്യക്തമാക്കി. ദല്ലാള്‍ നന്ദകുമാറുമായി ബന്ധപ്പെട്ടുയര്‍ന്ന വിവാദങ്ങളോട് പക്ഷെ ജാവഡേക്കര്‍ അകലംപാലിച്ചു. മാധ്യമങ്ങള്‍ ചിലരുടെ പ്രസ്താവനകള്‍ക്ക് ആവശ്യമില്ലാത്ത പ്രാധാന്യം നല്‍കുകയാണ് ചെയ്യുന്നതെന്നും അദ്ദേഹം പറഞ്ഞു.
തിരഞ്ഞെടുപ്പ് കാലത്ത് വളരെ ബോധപൂര്‍വമായി ഉയര്‍ത്തിക്കൊണ്ടുവന്നതാണ് ദല്ലാള്‍ വിവാദമെന്ന് കെ.സുരേന്ദ്രന്‍ പറഞ്ഞു. പത്തനംതിട്ടയിലും ആലപ്പുഴയിലും എന്‍ഡിഎയ്ക്ക് വിജയ സാധ്യതയുണ്ടെന്നുവന്നതോടെ യുഡിഎഫ് കേന്ദ്രങ്ങള്‍ ഉയര്‍ത്തിക്കൊണ്ടുവന്നതാണ് വിവാദം. അത് മനസിലാക്കാനുള്ള വിവേകം കേരളത്തിലെ ജനങ്ങള്‍ക്കുണ്ട്. യുഡിഎഫ് കേന്ദ്രങ്ങളുടെ പ്രചാരണത്തില്‍ ചില മാധ്യമങ്ങളും വീണുപോയെന്നും സുരേന്ദ്രന്‍ കുറ്റപ്പെടുത്തി.
ബിജെപി കോര്‍കമ്മിറ്റി യോഗത്തില്‍ പറയാത്തതും നടന്നിട്ടില്ലാത്തതുമായ കാര്യങ്ങള്‍ അങ്ങനെ സംഭവിച്ചിട്ടുണ്ട് എന്നതരത്തില്‍ മാധ്യമങ്ങള്‍ വാര്‍ത്തയായി കൊടുക്കുന്നു. മാധ്യമങ്ങളില്‍ പറഞ്ഞതൊന്നും യോഗത്തില്‍ സംഭവിച്ചിട്ടില്ലെന്ന് പറയാനാണ് പത്രസമ്മേളനം വിളിച്ചതെന്നും ജാവഡേക്കര്‍ വ്യക്തമാക്കി. കേരളം വളരെക്കാലമായി രണ്ട് രാഷ്ട്രീയ മുന്നണികളെ കേന്ദ്രീകരിച്ചിരിക്കുന്ന സംസ്ഥാനമാണ്. എന്നാല്‍, ഇത്തവണമുതല്‍ കാര്യങ്ങള്‍ മാറി. കേരളത്തില്‍ മൂന്നാമതൊരു രാഷ്ട്രീയ ശക്തി ഉയര്‍ന്നുവന്നത് തെളിയിക്കുന്ന തിരഞ്ഞെടുപ്പാണ് നടന്നതെന്നും അദ്ദേഹം പറഞ്ഞു.

പ്രമുഖർക്ക് കാലിടറും; കേരളത്തില്‍ ബിജെപി അക്കൗണ്ട് തുറക്കുമെന്ന് കെ സുരേന്ദ്രൻ

തിരുവനന്തപുരം: സംസ്ഥാനത്ത് എസ്എസ്എല്‍സി പരീക്ഷ ഫലം പ്രഖ്യാപിച്ചതിനൊപ്പം പ്ലസ് വണ്‍ പ്രവേശന നടപടികളും വിശദീകരിച്ച് വിദ്യാഭ്യാസ മന്ത്രി കെ ശിവൻ കുട്ടി. സംസ്ഥാനത്ത് പ്ലസ് വണ്‍ പ്രവേശന നടപടി മെയ് 16 മുതല്‍ ആരംഭിക്കുമെന്ന് ശിവൻ കുട്ടി പറഞ്ഞു. മെയ് 16 മുതല്‍ പ്ലസ് വണ്‍ പ്രവേശനത്തിന് ഓണ്‍ലൈനായി അപേക്ഷിക്കാം. മെയ് 29ന് ട്രയല്‍ അലോട്ട്മെന്‍റ് പ്രസിദ്ധീകരിക്കും. ആദ്യ അലോട്ട്മെന്‍റ് ജൂണ്‍ അഞ്ചിന് പ്രസിദ്ധീകരിക്കും. പ്രവേശന നടപടികള്‍ പൂര്‍ത്തിയാക്കി ജൂണ്‍ 24ന് സംസ്ഥാനത്ത് പ്ലസ് വണ്‍ ക്ലാസുകള്‍ ആരംഭിക്കും.&nbsp;
ഇത്തവണ പ്ലസ് ടുവിന് ആകെ 4,33,23 സീറ്റുകളാണുള്ളതെന്ന് മന്ത്രി ശിവൻ കുട്ടി പറഞ്ഞു. 4,33,231 സീറ്റുകളാണ് ആകെ പ്ലസ് വണ്‍ പ്രവേശനത്തിനായുള്ളത്. വിഎച്ച്സിയില്‍ ആകെ 33,030 സീറ്റുകളും പോളിടെക്നിക്കില്‍ 9990 സീറ്റുകളുമാണുല്ളത്. ബാച്ച് വര്‍ധനവിലൂടെ ഇത്തവണ പ്ലസ് വണ്‍ പ്രവേശനത്തിന് ആകെ 73,724 സീറ്റുകളുടെ വര്‍ധനവുണ്ടാകുമെന്നും മന്ത്രി ശിവൻ കുട്ടി പറഞ്ഞു. ഏകജാലക സംവിധാനം വഴിയായിരിക്കും പ്ലസ് വണ്‍ പ്രവേശനം. https://hscap.kerala.gov.in/ എന്ന വെബ് സൈറ്റ് വഴിയായിരിക്കും മെയ് 16 മുതല്‍ പ്ലസ് വണ്‍ പ്രവേശനത്തിന് അപേക്ഷിക്കാനാകുക.

പ്ലസ് വൺ പ്രവേശനത്തിന് മെയ് 16 മുതല്‍ അപേക്ഷിക്കാം

വടകര: തെരഞ്ഞെടുപ്പിനോടനുബന്ധിച്ച് തന്റെ പേരില്‍ വ്യാജ വാട്ട്സ്ആപ്പ് സന്ദേശം പ്രചരിപ്പിച്ചവരെ നിയമത്തിന് മുന്നില്‍ കൊണ്ടുവരാന്‍ കോടതിയെ സമീപിക്കാനൊരുങ്ങി തിരുവള്ളൂരിലെ യൂത്ത് ലീഗ് പ്രവർത്തകന്‍ പി.കെ. മുഹമ്മദ് കാസിം. കാഫിർ പരാമർശമുള്ള വാട്ട്സ് അപ് സന്ദേശം സി.പി.എം ഇപ്പോഴും വ്യാപകമായി പ്രചരിപ്പിക്കുന്ന സാഹചര്യത്തിലാണ് കോടതിയില്‍ സ്വകാര്യ അന്യായം ഫയല്‍ ചെയ്യുന്നതെന്ന് മുഹമ്മദ് കാസിം പറഞ്ഞു.
സന്ദേശം താന്‍ അയച്ചതല്ലെന്ന് വടകര പൊലീസിന് വ്യക്തമായെങ്കിലും യഥാർഥ പ്രതികളെ കണ്ടെത്താൻ തയ്യാറാകുന്നില്ലെന്നാണ് കാസിമിന്റെ പരാതി. ഫോണും മറ്റു വിവരങ്ങളും ഇദ്ദേഹം പൊലീസിന് നൽകിയിരുന്നു. അതേസമയം, അന്വേഷണം പുരോഗമിക്കുകയാണെന്ന് വടകര പൊലീസ് അറിയിച്ചു. മെറ്റയോടും ഫെയ്സ്ബുക്കിനോടും വിവരങ്ങള്‍ അന്വേഷിച്ചിട്ടുണ്ട്. മറുപടി ലഭിക്കുന്ന മുറക്ക് അന്വേഷണം മുന്നോട്ടു കൊണ്ടുപോകുമെന്നും വടകര പൊലീസ് അറിയിച്ചു. സംഭവത്തിന് പിന്നിലുള്ളവരെ പിടികൂടണമെന്നാവശ്യപ്പെട്ട് യൂത്ത് ലീഗ് എസ്.പി ഓഫിസ് മാർച്ച് പ്രഖ്യാപിച്ചിട്ടുണ്ട്.
വടകരയിൽ വർഗീയ പ്രചാരണം നടത്തിയെന്ന് പറഞ്ഞ് വ്യാജ പോസ്റ്റുകൾ പ്രചരിപ്പിക്കുന്നവർക്കെതിരെ നടപടി സ്വീകരിക്കണമെന്നാവശ്യപ്പെട്ട് യൂത്ത് ലീഗ് നേരത്തേ പൊലീസിൽ പരാതി നൽകിയിരുന്നു. ഇത്തരം പ്രചാരണങ്ങൾ സമൂഹത്തിൽ വലിയ അളവിൽ ഭിന്നത സൃഷ്ടിക്കുന്നതിനാലും മത സ്‌പർദ്ധയുണ്ടാക്കുന്നതിനാലും ഇവർക്കെതിരെ ഇന്ത്യൻ ശിക്ഷാ നിയമം, ഐ.ടി നിയമം, യു.എ.പി.എ തുടങ്ങിയ വകുപ്പുകൾ പ്രകാരം കേസെടുത്ത് അന്വേഷിച്ച് നടപടി സ്വീകരിക്കണമെന്നും പരാതിയിൽ ആവശ്യപ്പെടുന്നു.

വടകരയിലെ കാഫിർ പരാമർശമുള്ള സന്ദേശം; കോടതിയെ സമീപിക്കാൻ യൂത്ത് ലീഗ്

Vadakara

കോഴിക്കോട്: മുസ്‌ലിം ലീഗിന്റെ ഭാരവാഹികൾ ആരാകണമെന്ന് തീരുമാനിക്കേണ്ടത് പാർട്ടിയാണ്. അത് പാർട്ടിയുടെ ആഭ്യന്തര കാര്യമാണെന്നും സമസ്ത അക്കാര്യത്തിൽ അഭിപ്രായം പറഞ്ഞിട്ടില്ലെന്നും പറയുകയുമില്ലെന്നും മുസ്‌ലിം ലീഗ് സംസ്ഥാന പ്രസിഡൻറ് സാദിഖലി തങ്ങൾ പറഞ്ഞു. മുസ്‌ലിം ലീഗ് സംസ്ഥാന ജനറൽ സെക്രട്ടറി പി.എം.എ സലാമിനെ തൽസ്ഥാനത്ത് നീക്കണമെന്ന ഉമർ ഫൈസി മുക്കത്തിന്റെ പ്രസ്താവനയിൽ പ്രതികരിക്കുകയായിരുന്നു അദ്ദേഹം.
അതേസമയം, തെരഞ്ഞെടുപ്പിൽ മുസ്ലിം ലീഗ് പൊന്നാനിയിലും മലപ്പുറത്തും വൻ വിജയം നേടുമെന്നാണ് പാർട്ടിയുടെ വിലയിരുത്തലെന്നും സാദിഖലി തങ്ങൾ പറഞ്ഞു. സമസ്തയുടെ പിന്തുണ തനിക്കുണ്ടെന്ന കെ.എസ് ഹംസയുടെ അവകാശവാദത്തെ കുറിച്ചുള്ള ചോദ്യത്തിന് തങ്ങളുടെ മറുപടി ഇങ്ങനെയായിരുന്നു.
"പൊന്നാനിയിൽ യു.ഡി.എഫും എൽ.ഡി.എഫും തമ്മിലാണ് മത്സരിച്ചത്. യു.ഡി.എഫാണ് സ്ഥിരം ജയിക്കാറുള്ളത്. ഇത്തവണയും അതിന് മാറ്റമുണ്ടാവില്ല. മറ്റൊരു ഘടകവും പൊന്നാനിയിൽ ഉണ്ടായിട്ടുമില്ല" -സാദിഖലി തങ്ങൾ പറഞ്ഞു.

പി.എം.എ സലാമിനെ മാറ്റണമെന്ന് സമസ്ത പറഞ്ഞിട്ടില്ല; പൊന്നാനിയിൽ യു.ഡി എഫ് തന്നെ ജയിക്കുമെന്ന് സാദിഖലി തങ്ങൾ

തി​രു​വ​ന​ന്ത​പു​രം: 2024 മാർച്ചിലെ എ​സ്‌.​എ​സ്‌.​എ​ൽ.​സി പ​രീ​ക്ഷ ഫ​ലം പ്രഖ്യാപിച്ചു. 99.69 ശതമാനം പേർ വിജയിച്ചു. 71831 പേർ എല്ലാ വിഷയങ്ങളിലും എ പ്ലസ് നേടി. വിജയശതമാനം ഏറ്റവും കൂടുതൽ കോട്ടയം റവന്യു ജില്ല (99.92%). കുറവ് തിരുവനന്തപുരം. ഏറ്റവും കൂടുതൽ എ പ്ലസ് മലപ്പുറത്ത് (4934). വൈ​കീ​ട്ട്‌ നാ​ലോ​ടെ www.result.kerala.gov.in, www.prd.kerala.gov.in, www.examresults.kerala.gov.in, https://sslcexam.kerala.gov.in, www.results.kite.kerala.gov.in, https://pareekshabhavan.kerala.gov.in എ​ന്നീ വെ​ബ്സൈ​റ്റു​ക​ളി​ലും PRD Live മൊ​ബൈ​ൽ ആ​പ്പി​ലും ഫ​ലം അറിയാം.
ടി.​എ​ച്ച്‌.​എ​സ്‌.​എ​ൽ.​സി, എ.​എ​ച്ച്‌.​എ​സ്‌.​എ​ൽ.​സി പ​രീ​ക്ഷ ഫ​ല​ങ്ങ​ളും ഇ​തോ​ടൊ​പ്പം പ്ര​സി​ദ്ധീ​ക​രി​ക്കും. കൈ​റ്റി​ന്റെ ‘സ​ഫ​ലം 2024’ മൊ​ബൈ​ൽ ആ​പ്പി​ലൂ​ടെ​യും ഫ​ല​മ​റി​യാം. റി​സ​ൽ​ട്ട്‌ അ​നാ​ലി​സി​സ്‌ എ​ന്ന ലി​ങ്ക്‌ വ​ഴി ലോ​ഗി​ൻ ചെ​യ്യാ​തെ ത​ന്നെ റി​സ​ൽ​ട്ട്‌ ല​ഭി​ക്കും. 4,27,105 വി​ദ്യാ​ർ​ഥി​ക​ളാ​ണ്‌ ഇ​ക്കു​റി പ​രീ​ക്ഷ എ​ഴു​തി​യ​ത്‌. ക​ഴി​ഞ്ഞ വ​ർ​ഷം 99.7 ശ​ത​മാ​ന​മായിരുന്നു വിജയം.

എസ്.എസ്.എൽ.സി പരീക്ഷ ഫലം പ്രഖ്യാപിച്ചു; വിജയശതമാനം 99.69

സൊഹാര്‍: ഒമാനില്‍ വാഹനാപകടത്തില്‍ മലയാളി ഉൾപ്പടെ മൂന്ന് മരണം. പാലക്കാട് ഒറ്റപ്പാലം സ്വദേശി സുനില്‍ ആണ് മരിച്ച മലയാളി. അപകടത്തില്‍ രണ്ട് സ്വദേശികളും മരണപ്പെട്ടതായും പതിനഞ്ചിലധികം ആളുകള്‍ക്ക് പരിക്കേറ്റതായും റോയല്‍ ഒമാന്‍ പോലീസ് അറിയിച്ചു. പരിക്കേറ്റവരെ സോഹാര്‍ ആശുപത്രിയിലേക്ക് മാറ്റി.
സ്വകാര്യ കമ്പനിയില്‍ അഡ്മിന്‍ മാനേജരായി പ്രവര്‍ത്തിച്ചുവരികയായിരുന്നു മരിച്ച സുനിൽ. റെസിഡന്റ് കാര്‍ഡ് പുതുക്കാന്‍ കുടുംബത്തോടൊപ്പം ലിവയില്‍ പോയി തിരിച്ചു വരുന്ന വഴിയിലായിരുന്നു അപകടം. മലയാളി കുടുംബം സഞ്ചരിച്ച കാറും ട്രക്കുകളുമടക്കം ഏഴ് വാഹനങ്ങള്‍ അപകടത്തില്‍പെട്ടിട്ടുണ്ട്. സൊഹാറില്‍ ലിവ റൗണ്ട് എബൗട്ടില്‍ തെറ്റായദിശയില്‍ വന്ന ട്രക്കിടിച്ചാണ് അപകടമുണ്ടായത്.

ഒമാനിൽ വാഹനാപകടം: മലയാളി ഉൾപ്പടെ മൂന്ന് മരണം

Gulf

തൃശ്ശൂർ: പെരുമ്പിലാവ് കുന്നംകുളം പാറേമ്പാടത്ത് ബസും ബൈക്കും കൂട്ടിയിടിച്ചു യുവാവ് മരിച്ചു. വടക്കേ കോട്ടോൽ തെക്കത്തുവളപ്പിൽ മണികണ്ഠന്റെയും ജയപ്രഭയുടെയും മകൻ അഭിഷിക്താണ് (22) മരിച്ചത്. വൈകിട്ട് അഞ്ചോടെയായിരുന്നു അപകടം.
പെരുമ്പിലാവ് ഭാഗത്തുനിന്നും വന്നിരുന്ന ബസ് എതിർദിശയിൽ സഞ്ചരിച്ച ബൈക്കുമായി ഇടിക്കുകയായിരുന്നു. തലയ്ക്കു ഗുരുതര പരുക്കേറ്റ അഭിഷിക്തിനെ കുന്നംകുളത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

ബസും ബൈക്കും കൂട്ടിയിടിച്ച് യുവാവ് മരിച്ചു

ദുബായ് : സഫാരിപാർക്ക് ഇത്തവണ വേനൽക്കാലത്ത് തുറന്നിരിക്കുമെന്ന് ദുബായ് മുനിസിപ്പാലിറ്റി അധികൃതർ അറിയിച്ചു. ഇതിനായി പ്രത്യേക സമ്മർപാസ് പുറത്തിറക്കി. തിങ്കളാഴ്ച അറേബ്യൻ ട്രാവർ മാർക്കറ്റിന്റെ ഉദ്ഘാടനവേളയിലാണ് ദുബായ് മുനിസിപ്പാലിറ്റി അധികൃതർ ഇക്കാര്യം അറിയിച്ചത്.
കഴിഞ്ഞവർഷം വേനലിൽ പരീക്ഷണാർഥം അല്പദിവസം പാർക്ക് തുറന്നിരുന്നു. അതിലൂടെ മൃഗങ്ങളുടെ ഉറക്കം, ഭക്ഷണരീതികൾ എന്നിവ പഠിക്കാനായതായി മുനിസിപ്പാലിറ്റിയിലെ പബ്ലിക് പാർക്ക്‌സ് വകുപ്പ് മേധാവി അഹമ്മദ് ഇബ്രാഹിം അൽസറൂനി പറഞ്ഞു. ചൂടധികമേൽക്കാതെ മൃഗങ്ങൾക്കുപുറത്ത് വിഹരിക്കാൻ ഓരോ ദിവസവും പ്രത്യേകസമയം നിശ്ചയിക്കും. മാത്രമല്ല, പത്തുപേർ വീതമുള്ള ചെറിയ സംഘങ്ങൾക്ക് മാത്രമേ വേനൽക്കാലത്ത് പാർക്കിലേക്ക് പ്രവേശനം നൽകൂ.
&nbsp;ജൂൺമുതൽ സെപ്റ്റംബർവരെ രാവിലെയും വൈകുന്നേരവും ഒരിക്കൽമാത്രം പ്രവേശിക്കാവുന്നവിധത്തിലുള്ള സമ്മർപാസ് ആയിരിക്കും നൽകുക. 10 സന്ദർശകരെ ഉൾക്കൊള്ളാവുന്ന എയർകണ്ടീഷൻ ചെയ്ത സ്വകാര്യവാഹനത്തിൽ 90 മിനിറ്റ് ഗൈഡഡ് ടൂർ, വൈൽഡ് ടൂർ എന്ന പാക്കേജും ഉണ്ടാകും. സമ്മർ ടൂറുകൾ, സമ്മർ സഫാരിയാത്ര, വാക്ക് ഇൻ ദി വൈൽഡ് എന്നിങ്ങനെ മൂന്നുവിധത്തിലായിരിക്കും
ജൂൺമുതൽ സെപ്റ്റംബർവരെ സമ്മർപാസ് നൽകുക. രാവിലെയും വൈകീട്ടും രണ്ടുമണിക്കൂർ വീതമായിരിക്കും പൊതുജനങ്ങൾക്ക് പ്രവേശനം. സന്ദർശകർക്ക് മൃഗങ്ങളെ അവയുടെ സ്വാഭാവിക ആവാസവ്യവസ്ഥയിൽ കാണാനും നിരീക്ഷിക്കാനും ചിത്രങ്ങളെടുക്കാനും അവസരമുണ്ടാകും.
മൂവായിരത്തിലേറെ മൃഗങ്ങളും അതിൽ 300 വ്യത്യസ്തയിനങ്ങളും വസിക്കുന്ന ദുബായ് സഫാരിപാർക്ക് സന്ദർശകരുടെ പ്രിയപ്പെട്ട ഇടമാണ്. കഴിഞ്ഞവർഷം റെക്കോഡ് സന്ദർശകരായിരുന്നു എത്തിയത്. അൽ വാദി, ആഫ്രിക്കൻ വില്ലേജ്, എക്സ്പ്ലോറർ വില്ലേജ്, അറേബ്യൻ ഡെസേർട്ട് സഫാരി, ഏഷ്യൻ വില്ലേജ്, കിഡ്സ് ഫാം എന്നിങ്ങനെ ആറുമേഖലകളാണ് പാർക്കിലുള്ളത്.

ദുബായ് സഫാരിപാർക്ക് വേനലിലും തുറന്നിരിക്കുമെന്ന് അധികൃതർ

പ്രേക്ഷക-നിരൂപക പ്രശംസ നേടിയ 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി' റിലീസിനൊരുങ്ങുന്നു. മെയ് 10ന് ചിത്രം തിയറ്ററുകളിലെത്തും. സണ്ണി വെയ്ൻ, വിനയ് ഫോർട്ട്‌, ലുക്ക്‌മാൻ അവറാൻ എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. വ്യത്യസ്തമായ വേഷപ്പകർച്ചകളോടെ പ്രതീക്ഷയുണർത്തി എത്തുന്ന ഈ ചിത്രം പുത്തൻ ദൃശ്യാവിഷ്കാരം സമന്വയിപ്പിക്കുന്ന സിനിമ അനുഭവം പ്രേക്ഷകർക്ക് സമ്മാനിക്കും എന്നാണ് നിർമ്മാതാക്കളും അഭിനേതാക്കളും അണിയറ പ്രവർത്തകരും അവകാശപ്പെടുന്നത്. പെരുമാനി എന്ന ഗ്രാമവും അവിടുത്തെ മനുഷ്യർ അഭിമുഖീകരിക്കുന്ന സംഭവവികാസങ്ങളും പശ്ചാത്തലമാക്കി ഒരുങ്ങുന്ന ഈ ഫാന്റസി ഡ്രാമയുടെ തിരക്കഥ തയ്യാറാക്കിയത് സംവിധായകൻ മജു തന്നെയാണ്. ഫിറോസ് തൈരിനിലാണ് നിർമ്മാതാവ്. യൂൻ വി മൂവീസും മജു മൂവീസും ചേർന്ന് അവതരിപ്പിക്കുന്ന ചിത്രം സെഞ്ച്വറി ഫിലിംസാണ് വിതരണത്തിനെത്തിക്കുന്നത്.
ചിത്രീകരണ വേള മുതൽ ചിത്രത്തിലെ കഥാപാത്രങ്ങളുടെ ലുക്ക് ശ്രദ്ധ ആകർഷിച്ചിരുന്നു. കൂടാതെ ചിത്രത്തിന്റെ വ്യത്യസ്തത നിറഞ്ഞ പ്രൊമോഷനും പ്രതീക്ഷ ഉയർത്തിയിട്ടുണ്ട്. പെരുമാനിയുടെ നേര് എന്ന ടൈറ്റിലോടെ 'മുജി' എന്ന കഥാപാത്രമായ് സണ്ണി വെയ്ൻ പ്രത്യക്ഷപ്പെടുന്ന ചിത്രത്തിൽ 'നാസർ' എന്ന പേരിൽ പെരുമാനിയിലെ പുതുമാരനായിട്ടാണ് വിനയ് ഫോർട്ട് എത്തുന്നത്. മറ്റ് സുപ്രധാന വേഷങ്ങൾ കൈകാര്യം ചെയ്യുന്ന ലുക്ക്‌മാൻ അവറാൻ, നവാസ് വള്ളിക്കുന്ന്, ദീപ തോമസ് എന്നിവരുടെ കഥാപാത്രങ്ങളുടെ ലുക്കും ട്രെയിലർ ഇറങ്ങിയതോടെ സ്വീകാര്യതനേടി. രാധിക രാധാകൃഷ്ണൻ, വിജിലേഷ്, ഫ്രാങ്കോ തുടങ്ങിയവരാണ് മറ്റ് അഭിനേതാക്കൾ.
അഞ്ച് പാട്ടുകളാണ് ചിത്രത്തിലുള്ളത്. മു.രിയുടെ വരികൾക്ക് ഗോപി സുന്ദർ സംഗീതം പകർന്ന് ജിഷ്ണു വിജയ് ആലപിച്ച ആദ്യ ഗാനം 'പെണ്ണായി പെറ്റ പുള്ളെ' അടുത്തിടെ പുറത്തുവിട്ടു. 1 മിനിറ്റും 38 സെക്കന്റും ദൈർഘ്യം വരുന്ന ചിത്രത്തിന്റെ ട്രെയിലർ ടൊവിനോ തോമസും തനി നാടൻ മട്ടിൽ കളർഫുളായെത്തിയ ടീസർ ദുൽഖർ സൽമാനുമാണ് റിലീസ് ചെയ്തത്. പെരുമാനിക്കാരെ പുറം ലോകവുമായ് ബന്ധിപ്പിക്കുന്ന പൊതുശകടം 'പെരുമാനി മോട്ടോഴ്സ്' എന്ന ബസ്സിന്റെ ഫോട്ടോ അടങ്ങുന്ന ചിത്രത്തിലെ പ്രോപ്പർട്ടികളുടെ പോസ്റ്ററുകളും പെരുമാനിയിലെ ചായക്കടയുടെ വീഡിയോയും അണിയറ പ്രവർത്തകർ പ്രേക്ഷകർക്കായ് പങ്കുവെച്ചിട്ടുണ്ട്. പെരുമാനീലെ കലഹങ്ങൾ തുടങ്ങണതും തീർപ്പാക്കണതും ഈ ചായക്കയിൽ നിന്നാണ് എന്ന് പറഞ്ഞുകൊണ്ടാണ് വീഡിയോ റിലീസ് ചെയ്തത്. ചിത്രത്തിലെ പ്രധാന അഭിനേതാക്കളെ അണിനിരത്തി ഒരുക്കിയ ഫസ്റ്റ് ലുക്കും സോഷ്യൽ മീഡിയകളിൽ ഇടം പിടിച്ചിരുന്നു.
എക്സിക്യൂട്ടീവ് പ്രൊഡ്യുസേർസ്: സഞ്ജീവ് മേനോൻ, ശ്യാംധർ, ഛായാഗ്രഹണം: മനേഷ് മാധവൻ, ചിത്രസംയോജനം: ജോയൽ കവി, സംഗീതം: ഗോപി സുന്ദർ, സൗണ്ട് ഡിസൈൻ: ജയദേവൻ ചക്കാടത്ത്, സിങ്ക് സൗണ്ട്: വൈശാഖ് പി വി, ഗാനരചന: മുഹ്സിൻ പെരാരി, സുഹൈൽ കോയ, പ്രൊജക്ട് ഡിസൈനർ: ഷംസുദീൻ മങ്കരത്തൊടി, പ്രൊഡക്ഷൻ കൺട്രോളർ: ഗിരീഷ് അത്തോളി, ചീഫ് അസോസിയേറ്റ് ഡയറെക്ടർ: അനീഷ് ജോർജ്, അസോസിയേറ്റ് ഡയറക്ടേർസ്: ഷിന്റോ വടക്കേക്കര, അഭിലാഷ് ഇല്ലിക്കുളം, പ്രൊഡക്ഷൻ എക്സിക്യൂട്ടീവ്: ഹാരിസ് റഹ്മാൻ, പ്രൊജക്റ്റ്‌ കോർഡിനേറ്റർ: അനൂപ് കൃഷ്ണ, ഫിനാൻസ് കൺട്രോളർ: വിജീഷ് രവി, കലാസംവിധാനം: വിശ്വനാഥൻ അരവിന്ദ്, വസ്ത്രാലങ്കാരം: ഇർഷാദ് ചെറുകുന്ന്, മേക്കപ്പ്: ലാലു കൂട്ടലിട, വി.എഫ്.എക്സ്: സജി ജൂനിയർ എഫ് എക്സ്, കളറിസ്റ്റ്: രമേശ്‌ അയ്യർ, ആക്ഷൻ: മാഫിയ ശശി, സ്റ്റിൽസ്: സെറീൻ ബാബു, പോസ്റ്റർ ഡിസൈൻ: യെല്ലോ ടൂത്ത്, ഡിസ്ട്രിബൂഷൻ: സെഞ്ചുറി ഫിലിംസ്, പിആർഒ &amp; മാർക്കറ്റിംഗ്: വൈശാഖ് വടക്കേവീട്, ജിനു അനിൽകുമാർ.

വ്യത്യസ്തമായ വേഷപ്പകർച്ചകളോടെ 'പെരുമാനി' മെയ് 10ന് റിലീസ്

താമരശ്ശേരി: ഭര്‍ത്താവ് വീട്ടിലുള്ളപ്പോള്‍ കിടപ്പുമുറിയിൽ കയറി യുവതിക്കൊപ്പം കിടന്ന കാമുകന് വെട്ടേറ്റു. താമരശ്ശേരിക്ക് സമീപം കട്ടിപ്പാറ അമരാട് രാത്രി ഒരു മണിക്കാണ് സംഭവം. അരീക്കോട് സ്വദേശിയായ ലുഹൈബിനെ (24) ആണ് യുവതിയുടെ ഭര്‍ത്താവായ പുതുപ്പാടി മലപുറം സ്വദേശി ഫാഹിസ് തലയിലും മുഖത്തും വെട്ടിപ്പരുക്കേല്‍പ്പിച്ചത്. സാരമായി പരുക്കേറ്റ ലുഹൈബിനെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
മൂന്നു ദിവസം മുൻപ്, കൂട്ടുകാരിയുടെ വീട്ടിലേക്കെന്നു പറഞ്ഞ് രണ്ടു വയസ്സായ കുഞ്ഞുമായി യുവതി വീട്ടിൽനിന്നു പോയിരുന്നു. അവർ ലുഹൈബിന്റെ വീട്ടിലായിരുന്നെന്നാണ് വിവരം. അവരെ കാണാനില്ലെന്ന് ഫാഹിസ് പൊലീസിൽ പരാതി നൽകിയതിനു പിന്നാലെ ഇന്നലെ രാത്രി 11 മണിയോടെ ലുഹൈബിന്റെ ബന്ധുക്കൾ യുവതിയെ താമരശ്ശേരി പൊലീസ് സ്റ്റേഷനിൽ എത്തിച്ചു. ഫാഹിസും ബന്ധുക്കളുമായി പൊലീസ് നടത്തിയ ചർച്ചയ്ക്കു ശേഷം പന്ത്രണ്ടരയോടെ യുവതി ഫാഹിസിനൊപ്പം വീട്ടിലേക്കു പോയി. യുവതിയുടെ അമ്മവീട്ടിലാണ് ഇവര്‍ താമസിക്കുന്നത്. അൽപസമയത്തിനു ശേഷം അവിടെയെത്തിയ ലുഹൈബ്, കിടപ്പുമുറിയിലിരുന്നു സംസാരിക്കുകയായിരുന്ന ഫാഹിസിന്റെയും യുവതിയുടെയും അടുത്തെത്തുകയും യുവതിക്കൊപ്പം കട്ടിലിലേക്കു കിടക്കുകയുമായിരുന്നു.
ഇതു കണ്ട ഫാഹിസ് ടേബിൾ ഫാൻ കൊണ്ട് ലുഹൈബിനെ മർദിക്കുകയും അടുക്കളയില്‍നിന്നു കത്തിയെടുത്ത് ലുഹൈബിനെ വെട്ടുകയും ചെയ്തു. മുറിവുകളുമായി വീട്ടിൽനിന്ന് ഇറങ്ങിയോടിയ ലുഹൈബിനൊപ്പം യുവതിയും വീടുവിട്ടിറങ്ങി. ലുഹൈബ് കട്ടിപ്പാറ അങ്ങാടിയില്‍ എത്തിയപ്പോൾ നാട്ടുകാര്‍ ആംബുലന്‍സ് വിളിച്ചു താമരശ്ശേരി താലൂക്ക് ആശുപത്രിയില്‍ എത്തിക്കുകയായിരുന്നു. പ്രാഥമിക ചികിത്സയ്ക്കു ശേഷം കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി. യുവതിയും ലുഹൈബിനൊപ്പമുണ്ട്.&nbsp;

കിടപ്പുമുറിയിൽ കയറി യുവതിക്കൊപ്പം കിടന്നു; കാമുകനെ വെട്ടിപ്പരുക്കേൽപ്പിച്ച് ഭർത്താവ്

Kozhikode

പേരാമ്പ്ര: വാഹനാപകടത്തിൽ പരുക്കേറ്റ് ചികിത്സയിലായിരുന്നയാൾ മരിച്ചു. പേരാമ്പ്ര ചെമ്പ്ര റോഡിൽ എളമ്പിലാശ്ശേരി കുഞ്ഞിമൊയ്തീ (57) നാണ് മരിച്ചത്. കഴിഞ്ഞ ദിവസം രാവിലെ 8 മണിയോടെ പേരാമ്പ്ര ബൈപ്പാസിൽ പൈതോത്ത് റോഡ് ജങ്ഷനിൽ കുഞ്ഞിമൊയ്തീൻ സഞ്ചരിച്ച സ്കൂട്ടറിൽ കാറിടിച്ചാണ് അപകടമുണ്ടായത്.
കക്കാട് ഭാഗത്ത് നിന്ന് കല്ലോടേക്ക് പോവുകയായിരുന്നു കാർ. സാരമായി പരുക്കേറ്റ കുഞ്ഞിമൊയ്തീൻ മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. ഭാര്യ: സൗദ. മക്കൾ: ഷിബില, ശിഹാബ് (കുവൈത്ത്), ശിഫ ഫാത്തിമ. മരുമകൻ: ആഷിർ .

പേരാമ്പ്രയിൽ കാറിടിച്ച് സ്കൂട്ടർ യാത്രക്കാരൻ മരിച്ചു

Perambra

കോഴിക്കോട്: മുക്കത്ത് ബൈക്കുകൾ കൂട്ടിയിടിച്ചുണ്ടായ അപകടത്തിൽ പരുക്കേറ്റ് ചികിത്സയിലായിരുന്ന യുവാവ് മരിച്ചു. അഗസ്ത്യൻമുഴി ഇരുൽകുന്നുമ്മൽ (കുനിയിൽ) സൈനീഷ് കുമാറാണ് (37) മരിച്ചത്. മുക്കം പൊലീസ് സ്റ്റേഷനു സമീപം ശനിയാഴ്ച രാത്രി പന്ത്രണ്ടോടെയായിരുന്നു അപകടം.&nbsp;
മുക്കം ഭാഗത്തുനിന്ന് അഗസ്ത്യൻ മുഴി ഭാഗത്തേക്ക് പോവുകയായിരുന്ന സൈനീഷ് സഞ്ചരിച്ചിരുന്ന ബൈക്കിൽ എതിർദിശയിൽ നിന്ന് വന്ന ബൈക്ക് ഇടിക്കുകയായിരുന്നു. തലയ്ക്ക് ഗുരുതരമായി പരുക്കേറ്റ സൈനീഷിനെ മുക്കം പൊലീസാണ് കോഴിക്കോട് മെഡിക്കൽ കോളജ് ആശുപത്രിയിൽ എത്തിച്ചത്. തീവ്രപരിചരണ വിഭാഗത്തിൽ ചികിത്സയിലായിരുന്നു.

ബൈക്കുകൾ കൂട്ടിയിടിച്ച് പരിക്കേറ്റ യുവാവ് മരിച്ചു

തിരുവനന്തപുരം: കെ.പി.സി.സി. അധ്യക്ഷനായി കെ.സുധാകരൻ വീണ്ടും ചുമതലയേറ്റു. മുതിർന്ന കോൺ​ഗ്രസ് നേതാവ് എ.കെ. ആന്റണിയെ അദ്ദേഹത്തിന്റെ വസതിയിൽ സന്ദർശിച്ച ശേഷം കെ.പി.സി.സി. ആസ്ഥാനമായ ഇന്ദിരാഭവനിലെത്തി അദ്ദേഹം അധ്യക്ഷസ്ഥാനം ഏറ്റെടുക്കുകയായിരുന്നു.
കണ്ണൂരിൽ സ്ഥാനാർഥിയായതിനെ തുടർന്നാണ് കെ. സുധാകരൻ താൽക്കാലികമായി അധ്യക്ഷസ്ഥാനത്തുനിന്ന് മാറിനിന്നത്. പ്രസിഡന്റിന്റെ ചുമതല എം.എം. ഹസനെ ഹൈക്കമാൻഡ് ഏൽപ്പിക്കുകയും ചെയ്തു. തിരഞ്ഞെടുപ്പ് നടപടികൾ തീരുംവരെയാണ് ഹസന് ചുമതലയെന്നായിരുന്നു നിയമന ഉത്തരവിൽ. തിരഞ്ഞെടുപ്പ് നടപടികളെന്നാൽ വോട്ടെണ്ണൽ കഴിയുംവരെയെന്ന വ്യാഖ്യാനത്തിൽ ഹസൻ ചുമതലയിൽ തുടരുകയായിരുന്നു. ഇത് വലിയ വിവാദങ്ങൾക്ക് ഇടയായി. പിന്നീട് കെ. സുധാകരന്റെ സമ്മർദത്തിനു മുന്നിൽ ഹൈക്കമാൻഡ് വഴങ്ങുകയായിരുന്നു.
കഴിഞ്ഞദിവസം ചേർന്ന തിരഞ്ഞെടുപ്പ് അവലോകനയോഗത്തിലും ഹസനായിരുന്നു അധ്യക്ഷൻ. ജില്ലകളിൽ നടക്കേണ്ട വിശദമായ തിരഞ്ഞെടുപ്പ് അവലോകനത്തിനുള്ള നിർദേശവും നൽകിയിരുന്നു. ഈ യോഗത്തിൽ താൻ തിരികെ പ്രസിഡന്റിന്റെ ചുമതല ഏറ്റെടുക്കുന്നതിനെക്കുറിച്ച് ഹൈക്കമാൻഡ് പ്രതിനിധികളായ കെ.സി. വേണുഗോപാലോ ദീപാ ദാസ്‌ മുൻഷിയോ സൂചന നൽകുമെന്നായിരുന്നു സുധാകരന്റെ പ്രതീക്ഷ.
എന്നാൽ അതുണ്ടായില്ല. ഫലം വരുംവരെ ഹസനാകും ചുമതലയെന്ന നിലയിൽ കാര്യങ്ങൾ പുരോഗമിക്കുന്നതിൽ സുധാകരൻ അതൃപ്തിയിലായി. ചുമതല കൈമാറിയില്ലെങ്കിൽ കടുത്ത പ്രതികരണങ്ങൾ നടത്തുമെന്ന സൂചന സുധാകരൻ പാർട്ടി കേന്ദ്രനേതൃത്വത്തെ അറിയിച്ചെന്നാണ് വിവരം. ദേശീയതലത്തിൽ തിരഞ്ഞെടുപ്പിനെ നേരിടുന്നതിനിടെ കേരളത്തിൽ അത്തരമൊരു അസ്വാസ്ഥ്യമുണ്ടാക്കേണ്ടെന്ന് വിലയിരുത്തിയ ഹൈക്കമാൻഡ് സുധാകരന് ബുധനാഴ്ചതന്നെ ചുമതല ഏറ്റെടുക്കാൻ അനുമതി നൽകി. ഹസനെയും വിവരം ധരിപ്പിച്ചു.

കെ.പി.സി.സി. അധ്യക്ഷ സ്ഥാനത്തേക്ക് കെ.സുധാകരൻ തിരിച്ചെത്തി

തലശ്ശേരി: പാനൂർ വള്ള്യായിയിലെ വിഷ്ണുപ്രിയ(23)യെ വീട്ടിനകത്ത് കഴുത്തറുത്ത് കൊലപ്പെടുത്തിയ കേസിൽ വിധി പറയുന്നത് വെള്ളിയാഴ്ചയിലേക്ക് മാറ്റി. തലശ്ശേരി അഡീഷണൽ ജില്ലാ കോടതി (ഒന്ന്) ആണ് കേസ് വിധി പറയാൻ മാറ്റിയത്. വിഷ്ണുപ്രിയയുടെ മുൻസുഹൃത്ത് മാനന്തേരി താഴെക്കളത്തിൽ എ. ശ്യാംജിത്ത് (27) ആണ് കേസിലെ പ്രതി. 2022 ഒക്ടോബർ 22-നായിരുന്നു നാടിനെ നടുക്കിയ കൊലപാതകം.
ശ്യാംജിത്ത് മുൻകൂട്ടി തീരുമാനിച്ച് കൊലപ്പെടുത്തിയെന്നായിരുന്നു പ്രോസിക്യൂഷന്റെ വാദം. സംഭവത്തിന്റെ രണ്ടുദിവസം മുൻപ്‌ കൂത്തുപറമ്പിലെ കടയിൽനിന്ന് പ്രതി ചുറ്റികയും കൈയുറയും വാങ്ങിയിരുന്നു. ഇവ വാങ്ങുന്നതിന്റെ സി.സി.ടി.വി. ദൃശ്യങ്ങൾ പ്രോസിക്യൂഷൻ കോടതിയിൽ ഹാജരാക്കി. വിഷ്ണുപ്രിയയുടെ ശരീരത്തിൽ 29 മുറിവുകളുണ്ടായിരുന്നു. അതിൽ 10 മുറിവ് മരണശേഷമുള്ളതാണ്. സംഭവത്തിന് ദൃക്‌സാക്ഷികളില്ല.
സാഹചര്യതെളിവും ശാസ്ത്രീയതെളിവുകളും പ്രോസിക്യൂഷനുവേണ്ടി പബ്ലിക് പ്രോസിക്യൂട്ടർ കെ. അജിത്ത്കുമാർ കോടതിയിൽ ഹാജരാക്കിയിരുന്നു. വിഷ്ണുപ്രിയയും പ്രതിയും തമ്മിൽ നേരത്തേ സംസാരിച്ചതിന്റെ ഫോൺരേഖകളും തെളിവായി കോടതിയിൽ ഹാജരാക്കി.
കൊലപാതകം നടന്ന് ഒരുവർഷം പൂർത്തിയാകുന്നതിന് മുൻപ് തന്നെ വിചാരണ തുടങ്ങി. പ്രതി ജുഡീഷ്യൽ കസ്റ്റഡിയിലായതിനാലാണ് വിചാരണ വേഗത്തിലായത്. പ്രതിയായ ശ്യാംജിത്തിന് ജാമ്യവും കിട്ടിയിരുന്നില്ല. കേസിൽ 73 സാക്ഷികളാണുണ്ടായിരുന്നത്. പ്രോസിക്യൂഷൻ മൂന്ന് ഫോറൻസിക് വിദഗ്ധരെ സാക്ഷികളായി പുതുതായി ഉൾപ്പെടുത്തി. വിഷ്ണുപ്രിയയുടെ സഹോദരിമാർ, സുഹൃത്ത് വിപിൻരാജ് തുടങ്ങി 49 സാക്ഷികളെ വിസ്തരിച്ചു. ഇരുതലമൂർച്ചയുള്ള കത്തി, ചുറ്റിക, കുത്തുളി എന്നിവ കൊണ്ട് കുത്തിക്കൊലപ്പെടുത്തിയെന്നാണ് കേസ്. വിഷ്‌ണുപ്രിയ വീട്ടിൽ തനിച്ചായ സമയത്ത് അതിക്രമിച്ചുകയറിയ പ്രതി ചുറ്റികകൊണ്ട് തലയ്‌ക്കടിച്ചശേഷം ഇരുകൈകൾക്കും പരിക്കേൽപ്പച്ച്‌ കഴുത്തറുത്ത് കൊലപ്പെടുത്തിയെന്നാണ് കേസ്.

പാനൂരിലെ വിഷ്ണുപ്രിയ കൊലക്കേസ്: വിധി പറയുന്നത് വെള്ളിയാഴ്ചയിലേക്ക് മാറ്റി

വടകര : മയക്കുമരുന്നുകേസിൽ പത്തുവർഷം കഠിനതടവും ഒരു ലക്ഷം രൂപ പിഴയും ശിക്ഷ. കോഴിക്കോട് പന്നിയങ്കര ചക്കുംകടവ് ഇ.സി. ഹൗസിൽ റജീസിനെയാണ്‌ (42) വടകര എൻ.ഡി.പി.എസ്. കോടതി ജഡ്ജി വി.പി.എം. സുരേഷ്ബാബു ശിക്ഷിച്ചത്. 2022 ജൂലായ്‌ രണ്ടിനാണ് കേസിനാസ്പദമായ സംഭവം. കോഴിക്കോട് കോട്ടപ്പറമ്പ് റോഡിൽ ഐടെൻ ഇലക്‌ട്രിക്കൽസിന്‌ മുകളിലത്തെ ഒന്നാംനിലയിലെ എ-5 മുറിയിൽവെച്ച് 100 ഗ്രാം മെത്താഫിറ്റമിനുമായി എക്സൈസ് എൻഫോഴ്‌സ്‌മെന്റ് ആൻഡ് ആന്റി നർക്കോട്ടിക് സ്പെഷ്യൽ സ്ക്വാഡാണ് റജീസിനെ അറസ്റ്റുചെയ്തത്. പ്രോസിക്യൂഷനുവേണ്ടി ഇ.വി. ലിജീഷ് ഹാജരായി.

മയക്കുമരുന്നുകേസിൽ കഠിനതടവും പിഴയും വിധിച്ച് വടകര എൻ.ഡി.പി.എസ്. കോടതി

പാലക്കാട്: കാട്ടാനയുടെ ആക്രമണത്തിൽ മാതൃഭൂമി ന്യൂസ് ക്യാമറാമാൻ എ.വി മുകേഷിന് (34) ദാരുണാന്ത്യം. ബുധനാഴ്ച രാവിലെ പാലക്കാട് കൊട്ടെക്കാട് വച്ച് റിപ്പോർട്ടിങ്ങിനിടെയായിരുന്നു കാട്ടാന ആക്രമണം. കാട്ടാനക്കൂട്ടം പുഴ മുറിച്ചുകടക്കുന്നതിന്റെ ദൃശ്യം പകര്‍ത്തുന്നതിനിടെ ആന ആക്രമിക്കുകയായിരുന്നു. ഉടന്‍ തന്നെ പാലക്കാട് ജില്ലാ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം പാലക്കാട്‌ ജില്ലാ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
ദീര്‍ഘകാലം ഡല്‍ഹിയില്‍ ജോലി ചെയ്തിരുന്നു. കഴിഞ്ഞ ഒരു വര്‍ഷമായി പാലക്കാട് ബ്യൂറോയിലാണ്. മാതൃഭൂമി ഡോട്ട്കോമിൽ പാർശ്വവത്ക്കരിക്കപ്പെട്ട മനുഷ്യരെ അടയാളപ്പെടുത്തുന്ന 'അതിജീവനം' എന്ന കോളം എഴുതിയിരുന്നു. മലപ്പുറം പരപ്പനങ്ങാടി ചെട്ടിപ്പടി സ്വദേശി അവത്താന്‍ വീട്ടില്‍ പരേതനായ ഉണ്ണിയുടേയും ദേവിയുടേയും മകനാണ്. ഭാര്യ: ടിഷ.

പാലക്കാട്ട് റിപ്പോര്‍ട്ടിങ്ങിനിടെ കാട്ടാന ആക്രമണം; മാതൃഭൂമി ന്യൂസ് ക്യാമറാമാന്‍ മരിച്ചു

വടകര: മണിയൂരിലെ ആദ്യകാല ഹോമിയോ ഡോക്ടർ ശങ്കരൻ എം കാനത്തായി (88) അന്തരിച്ചു.ഭാര്യ; കൗസു കെ. പി ( റിട്ട ഹെഡ് നഴ്സ് ഒളവണ്ണ ഹെൽത്ത് സെൻ്റർ). മക്കൾ: സുധ എസ്.കെ , ഷൈനി എസ്.കെ. സുനിൽ കുമാർ എസ് കെ ( സി. പി. ഐ മണിയൂർ ബ്രാഞ്ച് സെക്രട്ടറി). മരുമക്കൾ: ചന്ദ്രൻ ചെറുവണ്ണൂർ , അനീഷ് ചോറോട് , സുഭാഷിണി (അധ്യാപിക വി ഇ എം യു പി സ്കൂൾ മേപ്പയ്യൂർ). സഹോദരങ്ങൾ; പരേതരായ ശേഖരൻ , യശോദ.

മണിയൂരിലെ ആദ്യകാല ഹോമിയോ ഡോക്ടർ ശങ്കരൻ എം കാനത്തായി അന്തരിച്ചു

Obituary

വടകര: കീഴൽ ചെക്കോട്ടിബസാറിലേ പറയറുകണ്ടി നാരായണി (90) നിര്യാതയായി. ഭർത്താവ്; പരേതനായ പറയറുകണ്ടി കോരൻ.മക്കൾ: ദേവകി, ശ്രീധരൻ , സുരേന്ദ്രൻ , ഗീത,സതി, സജീവൻ പി കെ (ബി ജെ പി മുൻ ബൂത്ത് പ്രസിഡണ്ട് കീഴൽ), പി.കെ.അശോകൻ (അദ്ധ്യാപകൻ മേമുണ്ട ഹയർ സെക്കണ്ടറി സ്കൂൾ ,സി പി ഐ എം കുട്ടോത്ത് ലോക്കൽ കമ്മിറ്റി അംഗം) ബിന്ദു, പി കെ സജിത്ത് (ജന:സെക്രട്ടറി വില്ല്യാപ്പള്ളി ബ്ലോക്ക് കോൺഗ്രസ്സ് കമ്മിറ്റി). മരുമക്കൾ: ബാലൻ (പരേതൻ) കീഴൽ, അഞ്ജലി (മേപ്പയിൽ ), സജിത (അഴിയൂർ), കണാരൻ (തോടന്നൂർ ) , കൃഷ്ണൻ(കോട്ടപ്പള്ളി) , സീമ (ആയഞ്ചേരി ), സൂര്യ (അറക്കിലാട് അദ്ധ്യാപിക ചോറോട് ഗവൺമെന്റ് ഹയർ സെക്കണ്ടറി സ്കൂൾ), ബാബു (മന്തരത്തൂർ ) ,ജിമ്ന വടകര (അദ്ധ്യാപിക മേപ്പയിൽ ഈസ്റ്റ് എസ്.ബി സ്കൂൾ ). സഹോദരങ്ങൾ: നാണു, ബാലൻ, കുഞ്ഞിക്കണ്ണൻ, മാത.

ചെക്കോട്ടിബസാറിലേ പറയറുകണ്ടി നാരായണി നിര്യാതയായി

പാർശ്വഫല വിവാദങ്ങൾക്ക് പിന്നാലെ കൊവിഷീൽഡ് നിർമാതാക്കളായ ആസ്ട്രസെനിക്ക കോവിഡ് വാക്സിൻ പിൻവലിക്കുന്നു. യൂറോപ്യൻ യൂനിയൻ രാജ്യങ്ങളിൽ വാക്സിൻ പിൻവലിച്ചു. ആഗോളതലത്തിൽ വാക്സിൻ പിൻവലിക്കാൻ ആസ്ട്രസെനിക്ക ഒരുങ്ങുകയാണെന്നാണ് റിപ്പോർട്ട്. നേരത്തെ കൊവിഷീൽഡ് വാക്സിൻ അപൂർവമായി ഗുരുതര പ്രത്യാഘാതമുണ്ടാക്കുമെന്ന് ആസ്ട്രസെനിക്ക കോടതിയിൽ സമ്മതിച്ചിരുന്നു. അതേസമയം, വാണിജ്യപരമായ കാരണങ്ങൾ കൊണ്ടാണ് വാക്സിൻ പിൻവലിക്കുന്നതെന്ന് കമ്പനി അറിയിച്ചു. ആസ്ട്രസെനിക്കയുടെ വാക്സിൻ കോവിഷീൽഡ് എന്ന പേരിൽ സെറം ഇൻസ്റ്റിറ്റ്യൂട്ടാണ് ഇന്ത്യയിൽ നിർമിച്ച് വിതരണം ചെയ്യുന്നത്. യൂറോപ്യൻ രാജ്യങ്ങളിലുൾപ്പെടെ വാക്സെവെറിയ എന്ന പേരിലാണ് ആസ്ട്രസെനിക്ക കോവിഡ് വാക്സിൻ വിപണിയിലുള്ളത്.
വാക്സിൻ ഇനി നിർമിക്കുകയോ വിതരണം ചെയ്യുകയോ ഇല്ലെന്ന് ആസ്ട്രസെനിക്ക അറിയിച്ചതായി ദ ടെലഗ്രാഫ് റിപ്പോർട്ട് ചെയ്തു. അതേസമയം, വാക്സിൻ ഉപയോഗിച്ചാലുണ്ടാവുന്ന ഗുരുതര പാർശ്വഫലങ്ങൾ കൊണ്ടല്ല ഇത് പിൻവലിക്കുന്നതെന്നും ആസ്ട്രസെനിക്ക വ്യക്തമാക്കിയിട്ടുണ്ട്. വാക്സിൻ പിൻവലിക്കാനുണ്ടായ കാരണത്തെ കുറിച്ച് ആസ്ട്രസെനിക്ക കൂടുതൽ കാര്യങ്ങൾ വെളിപ്പെടുത്തിയിട്ടില്ല. വാക്സിന്റെ മാർക്കറ്റിങ് അംഗീകാരം ആസ്ട്രസെനിക്ക പിൻവലിച്ചിട്ടുണ്ട്. ഈ​യൊരു സാഹചര്യത്തിൽ യൂറോപ്യൻ യൂണിയൻ വാക്സിൻ ഉപയോഗിക്കില്ല. മാർച്ച് അഞ്ചിന് യൂറോപ്യൻ യൂണിയൻ രാജ്യങ്ങളിൽ നിന്നും വാക്സിൻ പിൻവലിക്കാനുള്ള അപേക്ഷ ആസ്ട്രസെനിക്ക സമർപ്പിച്ചിട്ടുണ്ട്.
യു.കെയിലും വാക്സിൻ പിൻവലിക്കാനുള്ള അപേക്ഷ കമ്പനി നൽകി. വക്സസെവ്രിയ എന്ന പേരിലാണ് യു.കെയിൽ ആസ്ട്രസെനിക്കയുടെ വാക്സിൻ അറിയപ്പെടുന്നത്. ഈ വാക്സിൻ രക്തം കട്ടപിടിക്കുന്നതിനും പ്ലേറ്റ്ലെറ്റുകളുടെ അളവ് കുറയുന്നതിന് കാരണമാകുന്നുണ്ടെന്ന് റിപ്പോർട്ടുണ്ടായിരുന്നു. ഇതുമായി ബന്ധപ്പെട്ട് യു.കെ കോടതിയിൽ ആസ്ട്രസെനിക്കക്കെതിരെ കേസും നിലവിലുണ്ട്. രക്തംകട്ടപിടിച്ച 81ഓളം ആളുകൾ യു.കെയിൽ മരിച്ചിരുന്നു. ഇതിൽ 51 പേരുടെ ബന്ധുക്കളാണ് ആസ്ട്രസെനിക്കക്കെതിരെ കേസ് നൽകിയത്.
കോവിഡ് മഹാമാരി ഇല്ലാതാക്കുന്നതിൽ വക്സസെവ്രിയ വലിയ പങ്കുവഹിച്ചിട്ടുണ്ടെന്ന് ആസ്ട്രസെനിക്ക അറിയിച്ചു. 6.5 മില്യൺ ജീവനുകളെങ്കിലും വാക്സിൻ മൂലം രക്ഷിക്കാൻ സാധിച്ചു. 3.5 ബില്യൺ ഡോസ് വാക്സിനാണ് വിതരണം ചെയ്തതെന്നും ആസ്ട്രസെനിക്ക അറിയിച്ചിട്ടുണ്ട്.

കോവിഷീൽഡ് വാക്സിൻ പിൻവലിച്ച് നിർമാതാക്കളായ ആസ്ട്രസെനിക്ക

തിരുവനന്തപുരം: ഈ വർഷത്തെ എസ്.എസ്.എൽ.സി. പരീക്ഷാ ഫലം പി.ആർ.ഡി ലൈവ് മൊബൈൽ ആപ്പിലൂടെ വേഗത്തിലറിയാം. ബുധനാഴ്ച ഔദ്യോഗികമായി ഫലപ്രഖ്യാപനം നടന്നാലുടൻ ആപ്പിൽ ഫലം ലഭ്യമാകും. ഹോം പേജിലെ ലിങ്കിൽ രജിസ്റ്റർ നമ്പർ മാത്രം നൽകിയാൽ വിശദമായ ഫലം ലഭിക്കും.
ക്ലൗഡ് സംവിധാനത്തിലൂടെ പോസ്റ്റ് ചെയ്തിരിക്കുന്ന ആപ്പിൽ തിരക്കുകൂടുന്നതിനനുസരിച്ച് ബാൻഡ് വിഡ്ത്ത് വികസിക്കുന്ന ഓട്ടോ സ്‌കെയിലിങ് സംവിധാനമാണ് ഉപയോഗിച്ചിരിക്കുന്നത്. അതുകൊണ്ടുതന്നെ ഫലം തടസമില്ലാതെ വേഗത്തിൽ ലഭ്യമാകും. ഇൻഫർമേഷൻ പബ്ലിക് റിലേഷൻസ് വകുപ്പിന്റെ ഔദ്യോഗിക മൊബൈൽ ആപ്പായ PRD Live ഗൂഗിൾ പ്ലേ സ്റ്റോറിലും ആപ്പ് സ്റ്റോറിലും ലഭ്യമാണ്.

എസ്.എസ്.എൽ.സി ഫലം പി.ആർ.ഡി ലൈവ് ആപ്പിലൂടെ അറിയാം

പാലക്കാട്: പാലക്കാട് ഭാരത് മാതാ സ്‌കൂൾ അധ്യാപകനായ ശേഖരിപുരം സ്വദേശി വത്സനും അഭിഭാഷകയായ ബിന്ദുവും വിങ്ങിപ്പൊട്ടുകയാണ്. ആലപ്പുഴയിലെ കാർ അപകടത്തിൽ അവർക്ക് നഷ്ടമായത് ഏക മകൻ ശ്രീദീപിനെയാണ്. സുഹൃത്തുക്കളോടൊപ്പം സിനിമയ്ക്ക് പോയ് വരാമെന്ന് അറിയിച്ചാണ് ശ്രീദീപ് അവസാനമായി വീട്ടിലേക്ക് ഫോൺ വിളിച്ചത്.&nbsp;
ഏകമകൻ ശ്രീദീപ് ഇനി തിരിച്ചുവരില്ലെന്ന യാഥാർത്ഥ്യം ഇനിയും അവർക്ക് ഉൾക്കൊള്ളാൻ കഴിയുന്നില്ല. സംസ്ഥാന ഹാർഡിൽസ് താരം കൂടിയായ ശ്രീദീപ് തന്റെ രണ്ടാമത്തെ ശ്രമത്തിലാണ് എൻട്രൻസിലൂടെ വണ്ടാനം മെഡിക്കൽ കോളേജിൽ എംബിബിഎസിന് പ്രവേശനം നേടിയത്. മകൻ ഡോക്ടർ കുപ്പായം അണിഞ്ഞ് വീട്ടിലേക്ക് വരുമെന്ന് സ്വപ്നം കണ്ട കുടുംബം കാത്തിരിക്കുന്നത് മകന്റെ ചേതനയറ്റ ശരീരത്തെയാണ്.പഠിക്കാൻ മിടുമിടുക്കനായിരുന്നു ശ്രീദീപ്. ആ കുഞ്ഞിന്റെ വേർപാടിൽ ഈ നാട് ഒന്നാകെ വിങ്ങുകയാണ്. പോസ്റ്റ്‌മോർട്ടം നടപടികൾക്ക് ശേഷം മൃതദേഹം ശേഖരീപുരത്തെ 'ശ്രീവിഹാർ' എന്ന വീട്ടിലേക്ക് എത്തിക്കും.വീട്ടിൽ നിന്ന് കോളേജിലേക്ക് പോയി 55 ദിവസം പിന്നിട്ടപ്പോഴാണ് അപകട വാർത്ത ഉറ്റവരെ തേടിയെത്തിയത്.&nbsp;

ഏകമകൻ ശ്രീദീപ് ഇനി തിരിച്ചുവരില്ലെന്ന യാഥാർത്ഥ്യം ഉൾക്കൊള്ളാൻ കഴിയാതെ മാതാപിതാക്കൾ

വടകര: ഒരുവര്‍ഷം മുമ്പ് പ്ലസ് വണ്‍ വിദ്യാര്‍ഥിനിയെ കാറില്‍വെച്ച് പീഡിപ്പിച്ചെന്ന പരാതിയില്‍ യുവാവിനെതിരെ കേസെടുത്ത് വടകര പോലീസ്. പോക്സോ വകുപ്പ് പ്രകാരമാണ് കേസ്. തീക്കുനിയിലെ ഒറ്റപ്പിലാവുള്ളതില്‍ അജിത്തിനെതിരെയാണ് കേസ്. 2023 ജൂലായ് 27ന് തീക്കുനിയില്‍ നിന്നു വടകരയിലേക്കുള്ള യാത്രാമധ്യേ കാറില്‍വെച്ച് ഇയാള്‍ പെണ്‍കുട്ടിയെ ഉപദ്രവിച്ചെന്നാണ് കേസ്. രാവിലെ ട്യൂഷന് പോവുകയായിരുന്നു പെണ്‍കുട്ടി. തീക്കുനിയില്‍ ബസ് കാത്തുനില്‍ക്കുന്നതു കണ്ട് കാറില്‍ കയറ്റുകയായിരുന്നു.&nbsp;
അടുത്തിടെ സ്‌കൂളില്‍ നടന്ന കൗണ്‍സിലിങിനിടെയാണ് കുട്ടി ഈ വിവരം അധ്യാപികമാരോട് പറഞ്ഞത്. തുടര്‍ന്ന് അധ്യാപകര്‍ ബന്ധുക്കളെ വിവരം അറിയിക്കുകയും പോലീസില്‍ പരാതി നല്‍കുകയും ചെയ്തു. പോലീസ് ഇയാളെ അന്വേഷിച്ച് എത്തിയെങ്കിലും പിടികൂടാനായിട്ടില്ല.

പ്ലസ് വണ്‍ വിദ്യാര്‍ഥിനിയെ കാറില്‍വെച്ച് പീഡിപ്പിച്ചു; തീക്കുനി സ്വദേശിക്കെതിരെ കേസ്

ആലപ്പുഴ: കളർകോട് കെ.എസ്.ആർ.ടി.സി ബസും കാറും കൂട്ടിയിടിച്ച് അഞ്ചുപേർ മരിച്ചു.രണ്ടു പേർക്ക് ഗുരുതരമായി പരിക്കേറ്റു. കാർ യാത്രികരാണ് മരിച്ചത് ഏഴു യുവാക്കളാണ് കാറിലുണ്ടായിരുന്നത്. പൂർണമായി തകർന്ന കാർ വെട്ടിപ്പൊളിച്ചാണ് യുവാക്കളെ പുറത്തെടുത്തത്. മരിച്ചവരുടെ പേരുവിവരങ്ങൾ പുറത്തുവന്നിട്ടില്ല. മരിച്ചവർ വണ്ടാനം മെഡിക്കൽ കോളജ് വിദ്യാർഥികളാണെന്ന് റിപ്പോർട്ടുകളുണ്ട്.
കെ.എസ്.ആർ.ടി.സി സൂപ്പർ ഫാസ്റ്റ് ബസിലേക്ക് കാർ ഇടിച്ചു കയറുകയായിരുന്നു. കളർകോട് ജങ്ഷനു സമീപമാണ് അപകടം. വൈറ്റിലയിൽനിന്ന് കായംകുളത്തേക്ക് വന്ന കെ.എസ്.ആർ.ടി.സി ഫാസ്റ്റ് ബസും ആലപ്പുഴയിലേക്ക് വന്ന കാറുമാണ് കൂട്ടിയിടിച്ചത്.പരിക്കേറ്റവരെ വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

ആലപ്പുഴയിൽ ബസും കാറും കൂട്ടിയിടിച്ച് അപകടം;അഞ്ച് യുവാക്കൾ മരിച്ചു,രണ്ടു പേരുടെ നില ഗുരുതരം

ആലപ്പുഴയിൽ ബസും കാറും കൂട്ടിയിടിച്ച് അപകടം;അഞ്ച് യുവാക്കൾ മരിച്ചു

കൊയിലാണ്ടി: കൊല്ലം പിഷാരികാവ് ക്ഷേത്രം ചിറയില്‍ കൂട്ടുകാരോടൊപ്പം നീന്തുന്നതിനിടയില്‍ വിദ്യാര്‍ഥി മുങ്ങി മരിച്ചു.മൂടാടി മലബാര്‍ കോളജ് ബിബിഎ മൂന്നാം സെമസ്റ്റര്‍ വിദ്യാര്‍ഥി വെള്ളറക്കാട് ചന്ദ്രാട്ടില്‍ നിയാസ് (19) ആണ് മരിച്ചത്. തിങ്കളാഴ്ച വൈകിട്ട് അഞ്ചരയോടെയായിരുന്നു സംഭവം.
ഫയര്‍ഫോഴ്‌സും നാട്ടുകാരും ചേര്‍ന്ന് ചിറയില്‍ തിരച്ചില്‍ നടത്തിയതിനെ തുടർന്ന് രാത്രി ഏഴ് മണിയോടെയാണ് മൃതദേഹം കണ്ടെത്തിയത്. തെരച്ചിലിന് കോഴിക്കോട് നിന്ന് സ്‌കൂബാ ടീമും എത്തിയിരുന്നു. മൃതദേഹം കൊയിലാണ്ടി താലൂക്ക് ആശുപത്രിയിലേക്ക് മാറ്റി.ചന്ദ്രാട്ടില്‍ നാസറിന്റെയും ഷംസീറയുടെയും മകനാണ്. സഹോദരി: ജസ്‌ന. മൃതദേഹം പിന്നീട് മെഡിക്കല്‍ കോളജ് ആശുപത്രിയിലേക്ക് പോസ്റ്റ്‌മോമോര്‍ട്ടത്തിനായി കൊണ്ടു പോയി&nbsp;

കൊല്ലം ചിറയില്‍ കൂട്ടുകാരോടൊപ്പം നീന്തുന്നതിനിടയില്‍ വിദ്യാര്‍ഥി മുങ്ങി മരിച്ചു.

Koyilandy

കൊല്ലം ചിറയില്‍ കൂട്ടുകാരോടൊപ്പം നീന്തുന്നതിനിടയില്‍ വിദ്യാര്‍ഥി മുങ്ങി മരിച്ചു

നാദാപുരം: വീട്ടിൽ വൈദ്യുതി കിട്ടിയതിന്റെ ആഹ്ലാദത്തിൽ വിളിച്ചുവരുത്തിയ കൂട്ടുകാരനൊപ്പം കുളിക്കാനിറങ്ങിയ വിദ്യാർഥി പാറക്കുളത്തിൽ മുങ്ങി മരിച്ചു. പുറമേരി നടുക്കണ്ടിയിൽ കനകത്ത് താഴെ കുനി ശശിയുടെ മകൻ സൂര്യജിത് (16) ആണ് മരിച്ചത്. വീട്ടിൽ വൈദ്യുതി ലഭിച്ചതിന്റെ സന്തോഷത്തിൽ സൂര്യജിത്ത് തൂണേരിയുള്ള സുഹൃത്തിനെ വിളിച്ചുവരുത്തുകയായിരുന്നുവെന്ന് പറയുന്നു.
വീടിനടുത്തുള്ള പാറക്കുളത്തിലാണ് കുളിക്കാനിറങ്ങിയത്. നീന്തൽ അറിയാത്ത സൂര്യജിത് കുളത്തിൽ മുങ്ങിത്താഴുകയായിരുന്നു. ഇതോടെ, സമീപത്തുളളവരെ വിവരം അറിയിച്ചു. ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. കടത്തനാട് രാജാസ് ഹയർ സെക്കൻഡറി സ്കൂൾ പ്ലസ് വൺ വിദ്യാർഥിയാണ്. മൃതദേഹം വടകര ഗവ. ആശുപത്രി മോർച്ചറിയിൽ. മാതാവ്: മോനിഷ, സഹോദരി: തേജലക്ഷ്മി.

പുറമേരിയില്‍ കൂട്ടുകാരനൊപ്പം കുളിക്കാനിറങ്ങിയ വിദ്യാർഥി പാറക്കുളത്തിൽ മുങ്ങി മരിച്ചു

Nadapuram

നാദാപുരം : ഇൻസ്റ്റാഗ്രാം വഴി പരിചയപ്പെട്ട യുവതിയുടെ 5 പവന്റെ ആഭരണവുമായി മുങ്ങിയ പ്രതി പൊലീസ് പിടിയിൽ. മയ്യന്നൂർ പാലോള്ള പറമ്പത്ത് പി.പി.മുഹമ്മദ് നജീറിനെ(29)യാണ് നാദാപുരം ഡിവൈഎസ്പി പി.പ്രമോദും സംഘവും അറസ്റ്റ് ചെയ്തത്. നവംബർ 22നായിരുന്നു സംഭവം. വീടിനു മുൻപിൽ ബൈക്കിൽ താനക്കോട്ടൂരിലെ യുവതിയുടെ വീടിനു മുൻപിൽ എത്തി യുവതിയുടെ സ്വർണത്തിനു ലാഭം നൽകാമെന്നു വിശ്വസിപ്പിച്ചായിരുന്നു തട്ടിപ്പ്. പകരം മുക്കു പണ്ടത്തിന്റെ ആഭരണവും മധുര പലഹാരങ്ങളും അടങ്ങിയ ബാഗ് നൽകി യുവതിയെ കബളിപ്പിക്കുകയായിരുന്നു.&nbsp;
കുറ്റ്യാടി പൊലീസ് സ്റ്റേഷൻ പരിധിയിൽ നിന്ന് 15 പവന്റെ ആഭരണം കൈക്കലാക്കിയതിനും പ്രതിക്കെതിരെ കേസുണ്ടെന്ന് ഡിവൈഎസ്പി അറിയിച്ചു. നാദാപുരം കോടതി പ്രതിയെ രണ്ടാഴ്ചത്തേക്കു റിമാൻഡ് ചെയ്തു. കുറ്റ്യാടിയിൽ റജിസ്റ്റർ ചെയ്ത കേസിൽ അടക്കം പ്രതിയെ ചോദ്യം ചെയ്യാനായി കസ്റ്റഡിയിൽ വാങ്ങാനാണ് പൊലീസിന്റെ നീക്കം.

ഇൻസ്റ്റാഗ്രാം വഴി പരിചയപ്പെട്ട യുവതിയുടെ ആഭരണവുമായി മുങ്ങിയ മയ്യന്നൂർ സ്വദേശി പിടിയിൽ

വാണിമേൽ: പനി ബാധിച്ച് ചികിത്സയിലായിരുന്ന ബാലിക മരിച്ചു. വാണിമേൽ വില്ലേജ് ഓഫിസിന് സമീപം മബ്രോൽ വിജയന്റെയും ശ്രീജയുടെയും മകൾ നിവേദ്യ (5) ആണ് മരിച്ചത്. മറ്റു അസുഖങ്ങളൊന്നുമില്ലാത്ത കുഞ്ഞിന് പെട്ടെന്നാണ് പനി ബാധിച്ചത്. ഒരു മാസത്തിൽ ഏറെയായി കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. സഹോദരൻ: നിവേദ്.

വാണിമേലിൽ പനി ബാധിച്ച് ചികിത്സയിലായിരുന്ന ബാലിക മരിച്ചു

കൊയിലാണ്ടി: അഞ്ചു വയസ്സുകാരിയെ പീഡിപ്പിച്ച പ്രതിക്ക് ഇരുപതുവർഷം കഠിന തടവും അൻപതിനായിരം രൂപ പിഴയും ശിക്ഷവിധിച്ചു. മുക്കം നെല്ലിക്കാപറമ്പ്, കരിമ്പനക്കണ്ടി കോളനിയിൽ വലിയ പറമ്പ് വീട്ടിൽ അബ്ദു റഹിമാനെയാണ്‌ (61) കൊയിലാണ്ടി ഫാസ്റ്റ് ട്രാക്ക് സ്പെഷ്യൽ കോടതി ജഡ്ജി കെ. നൗഷാദലി പോക്സോ നിയമപ്രകാരം ശിക്ഷിച്ചത്.&nbsp;
2023-ലാണ് കേസിനാസ്പദമായ സംഭവം. പ്രതിയുടെ വീട്ടിൽ ചീർപ്പു വാങ്ങാൻപോയ കുട്ടിയെ വീടിനകത്തേക്കു കൂട്ടിക്കൊണ്ടുപോയി ലൈംഗികമായി പീഡിപ്പിക്കുകയായിരുന്നു. പിന്നീട് കുട്ടി വിവരം അമ്മയോട് പറയുകയും മുക്കം സ്റ്റേഷനിൽ പരാതി നൽകുകയുമായിരുന്നു. മുക്കം പോലീസ് രജിസ്റ്റർ ചെയ്ത കേസ്‌ ഇൻസ്പെക്ടർമാരായ കെ. പ്രജീഷ്, കെ. സുമിത്ത്‌കുമാർ എന്നിവരാണ് അന്വേഷിച്ചത്. പ്രോസിക്യൂഷനുവേണ്ടി അഡ്വ. പി. ജെതിൻ ഹാജരായി.

പോക്സോ കേസിൽ ഇരുപതുവർഷം കഠിനതടവും പിഴയും

&nbsp;പൂന്തുറ (തിരുവനന്തപുരം): ആണ്‍സുഹൃത്തിൻ്റെ വീട്ടില്‍ കടന്നുകയറിയ ഭര്‍തൃമതിയായ യുവതി കിടപ്പുമുറിയിലെത്തി ഫാനില്‍ തൂങ്ങിമരിച്ചു. മുട്ടത്തറ കല്ലുമ്മൂട് പുതുവല്‍ പുത്തന്‍വീട്ടില്‍ പരേതരായ രാമചന്ദ്രന്റെയും കുമാരിയുടെയും മകള്‍ കെ. സിന്ധു(38) ആണ് മരിച്ചത്.
മുട്ടത്തറ വടുവൊത്ത് ക്ഷേത്രത്തിന് സമീപം എസ്.എന്‍ നഗറില്‍ വാടകയ്ക്ക് താമസിക്കുന്ന യുവതിയുടെ ആണ്‍സുഹ്യത്ത് അരുണ്‍ വി. നായരുടെ വീട്ടില്‍ വെളളിയാഴ്ച രാവിലെയായിരുന്നു സംഭവം. അവിവാഹിതനായ അരുണ്‍ വിവാഹം കഴിക്കാന്‍ നീക്കം നടത്തുന്നുവെന്ന വിവരം യുവതി അറിഞ്ഞിരുന്നു. ഇതിന്‍റെ പ്രകോപനത്തിലാണ് യുവതി വീട്ടില്‍ കടന്നുകയറി മുറിയ്ക്കുളളില്‍ മരിച്ചതെന്ന് പൂന്തുറ പോലീസ് പറഞ്ഞു.അരുണിന്റെ വീട്ടിലെത്തിയ യുവതി കിടപ്പുമുറിയിലേക്ക് തളളിക്കയറി. തടയാന്‍ ശ്രമിച്ച അരുണിന്റെ വല്യമ്മയെ യുവതി തളളി തറയിലിട്ടു. മുറിക്കുളളില്‍ കയറി കതകടച്ച് കുറ്റിയിട്ടു. വല്യമ്മ ബഹളംവെച്ചെങ്കിലും മുറിതുറന്നിരുന്നില്ല. പിന്നീട് നാട്ടുകാരും പൂന്തുറ പോലീസും സ്ഥലത്തെത്തി മുറി ചവിട്ടി തുറന്നെങ്കിലും യുവതി മരിച്ചിരുന്നു. അരുണിനെ പൂന്തുറ പോലീസ് കസ്റ്റഡിയിലെടുത്ത് ചോദ്യം ചെയ്ത് വിട്ടയച്ചു.
അരുണിന്റെ വിവാഹക്കാര്യത്തെച്ചൊല്ലി വ്യാഴാഴ്ച രാത്രിയും ഇരുവരും തമ്മില്‍ വഴക്കുണ്ടായിരുന്നു. സ്‌കൂളില്‍ ഒരുമിച്ച പഠിച്ചിരുന്ന സിന്ധുവും അരുണും പൂര്‍വവിദ്യാര്‍ഥി സംഗമത്തില്‍വെച്ച് കണ്ടുമുട്ടിയതോടെയാണ് സൗഹൃദത്തിലായത്.&nbsp;

ആൺസുഹൃത്തിന്റെ വീട്ടിൽ കടന്നുകയറിയ യുവതി കിടപ്പുമുറിയിലെത്തി തൂങ്ങിമരിച്ചു

Search Results for: 08.05.2024