ഹൈദരാബാദ്: തിരുപ്പതി തിരുമല വെങ്കടേശ്വര ക്ഷേത്രത്തില്‍ തിക്കിലും തിരക്കിലും പെട്ട് ആറ് മരണം. നിരവധി പേര്‍ക്ക് പരിക്കേറ്റു. ബുധനാഴ്ച സന്ധ്യയോടെയാണ് സംഭവം. വൈകുണ്ഠ ഏകാദശിയോടനുബന്ധിച്ച് വൈകുണ്ഠദ്വാര ദര്‍ശനത്തിന്റെ ടോക്കണ്‍ വിതരണ കൗണ്ടറിന് മുമ്പിലാണ് തിക്കും തിരക്കുമുണ്ടായത്.&nbsp;
പരിക്കേറ്റവരെ ആശുപത്രിയിലേക്ക് മാറ്റി. ചിലരുടെ നില ഗുരുതരമാണ്. വിഷ്ണു നിവാസിലെ കൗണ്ടറിലാണ് അപകടമുണ്ടായത്. ടോക്കണ്‍ വിതരണത്തിനായി ഒമ്പതിടത്തായി 94-ഓളം കൗണ്ടറുകള്‍ ഒരുക്കിയിരുന്നതായി പ്രദേശിക മാധ്യമങ്ങള്‍ റിപ്പോര്‍ട്ടു ചെയ്തു.സംഭവത്തില്‍ ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു നടുക്കം രേഖപ്പെടുത്തി. പരിക്കേറ്റവര്‍ക്ക് ആവശ്യമായ ചികിത്സ ഉറപ്പാക്കാന്‍ മുഖ്യമന്ത്രി നിര്‍ദേശിച്ചതായി അധികൃതര്‍ അറിയിച്ചു.&nbsp;

തിരുപ്പതി ക്ഷേത്രത്തില്‍ തിക്കിലും തിരക്കിലും പെട്ട് 6 മരണം; നിരവധി പേര്‍ക്ക് പരിക്ക്

National

പുല്‍പള്ളി (വയനാട്): കൊല്ലിവയല്‍ കോളനിയിൽ കര്‍ണാടക സ്വദേശി കാട്ടാനയുടെ ആക്രമണത്തില്‍ കൊല്ലപ്പെട്ടു. കുട്ട സ്വദേശി വിഷ്ണു(22) ആണ് മരിച്ചത്.
പാതിരി റിസര്‍വ് വനത്തില്‍ പൊളന്ന കൊല്ലിവയല്‍ ഭാഗത്തുവെച്ചാണ് ആനയുടെ ആക്രമണമുണ്ടായത്. ഗുരുതരമായി പരിക്കേറ്റ വിഷ്ണുവിനെ രാത്രികാല പരിശോധനയിലുണ്ടായിരുന്ന വനപാലകര്‍ ഉടന്‍ മാനന്തവാടി മെഡിക്കല്‍ കോളേജില്‍ എത്തിച്ചെങ്കിലും യാത്രാമധ്യേ മരിക്കുകയായിരുന്നു.വിഷ്ണു റിസര്‍വ് വനത്തിനുള്ളിലൂടെ കബനി നദി കടന്ന് കര്‍ണാടകയിലേക്ക് പോകുന്ന വഴിയാണ് അപകടമുണ്ടായത്..&nbsp;

പുല്‍പള്ളിയിൽ കാട്ടാനയുടെ ആക്രമണത്തില്‍ കര്‍ണാടക സ്വദേശി കൊല്ലപ്പെട്ടു.

Kerala

പരസ്പര സ്നേഹവും അടുപ്പവും ഉണ്ടെങ്കിൽ മാത്രമേ സെക്സ് ആനന്ദകരമാകൂ. ലൈംഗിക ബന്ധത്തിലേർപ്പെടുമ്പോൾ പലർക്കും വേദന ഉണ്ടാകാറുണ്ട്. എന്നാൽ, ഇത് സ്ഥിരമാണെങ്കിൽ ശ്രദ്ധ വേണം. സെക്‌സ് വേദനാജനകമാകുന്നത് എന്തുകൊണ്ടാണെന്നും അതെങ്ങനെ മാറ്റാമെന്നതിനെക്കുറിച്ചും വിശദീകരിക്കുകയാണ് ഈ ലേഖനത്തിലൂടെ.&nbsp;
ആദ്യ സമയത്ത് ലൈംഗിക ബന്ധത്തിലേർപ്പെടുമ്പോഴോ അല്ലെങ്കിൽ നീണ്ട ഇടവേളകൾക്ക് ശേഷമോ നേരിയ അസ്വസ്ഥതകൾ ഉണ്ടാകുന്നത് സ്വാഭാവികമാണ്. എന്നാൽ, സ്ഥിരമായതോ കഠിനമായതോ ആയ വേദന എന്തോ ശരിയല്ല എന്നതിന്റെ സൂചനയാണ്. രക്തസ്രാവം, ഡിസ്ചാർജ് അല്ലെങ്കിൽ ലൈംഗികബന്ധത്തിലേർപ്പെടാൻ ബുദ്ധിമുട്ട് എന്നിവ ഉണ്ടാകുമ്പോൾ ശ്രദ്ധിക്കണം.
<ul>
<li>ലൈംഗിക ബന്ധത്തിലേർപ്പെടുന്നതിനു മുൻപ് കുറച്ചുനേരം ഒരുമിച്ച് ചെലവിടുക. ഇത് ലൈംഗിക ബന്ധത്തിലേർപ്പെടുന്ന സമയത്ത് പരസ്പര അടുപ്പത്തിന് സഹായിക്കും.&nbsp;</li>
<li>ലൈംഗിക ആവശ്യങ്ങളും ആഗ്രഹങ്ങളും തുറന്ന് സംസാരിക്കുക.&nbsp;</li>
<li>അനാവശ്യ ഉത്കണ്ഠകൾ മാറ്റിവച്ച് സെക്സ് ആനന്ദകരമാക്കാൻ ശ്രമിക്കുക.&nbsp;</li>
<li>സെക്സിനായുള്ള മൂഡ് ക്രിയേറ്റ് ചെയ്യാൻ ഒരു റൊമാന്റിക് ചുറ്റുപാട് സൃഷ്ടിക്കുക.&nbsp;</li>
<li>സ്ഥിരമായി ലൈംഗിക ബന്ധത്തിലേർപ്പെടുന്നതിനുള്ള സമയം തീരുമാനിക്കുക.&nbsp;</li>
<li>സെക്സ് ആനന്ദകരമാക്കാൻ പുതിയ കാര്യങ്ങൾ പരീക്ഷിക്കുകയോ പൊസിഷനുകളിൽ മാറ്റം വരുത്തുകയോ ചെയ്യുക.&nbsp;</li>
</ul>
ലൈംഗികബന്ധത്തിലേർപ്പെടുമ്പോഴുള്ള വേദനയുടെ ശരിയായ കാരണങ്ങൾ മനസിലാക്കുകയും മുകളിൽ പറഞ്ഞ ടിപ്‌സുകൾ പിന്തുടരുകയും ചെയ്യുന്നതിലൂടെ സെക്സ് കൂടുതൽ ആസ്വാദ്യകരമാക്കാൻ സാധിക്കും

ലൈംഗിക ബന്ധത്തിൽ ഏർപ്പെടുമ്പോൾ വേദന ഉണ്ടാവാറുണ്ടോ..?ശ്രദ്ധിക്കുക

Health

കൊച്ചി: ലൈംഗികാധിക്ഷേപം നടത്തിയെന്ന കേസിൽ പോലീസ് കസ്റ്റഡിയിലെടുത്ത ബോബി ചെമ്മണ്ണൂരിനെതിരേ പരാതിക്കാരിയായ നടി ഹണി റോസ് രഹസ്യമൊഴി നല്‍കി. എറണാകുളം ഫസ്റ്റ്ക്ലാസ് മജിസ്‌ട്രേറ്റ് കോടതിയിലാണ് രഹസ്യമൊഴി നല്‍കിയത്. ബുധനാഴ്ച വൈകുന്നേരം കോടതിയില്‍ നേരിട്ട് എത്തിയാണ് രഹസ്യമൊഴി നല്‍കിയത്. ബോബി ചെമ്മണ്ണൂരിനെ കസ്റ്റഡിയിലെടുത്ത ശേഷമുള്ള പ്രധാനപ്പെട്ട നീക്കമാണ് പോലീസിന്റെ ഭാഗത്തുനിന്നുണ്ടായത്.
കേസില്‍ ബോബി ചെമ്മണ്ണൂരിനെ എറണാകുളത്ത് എത്തിച്ച ശേഷം അറസ്റ്റ് രേഖപ്പെടുത്തി എത്രയും ഇന്നുതന്നെ കോടതിയിൽ ഹാജരാക്കാനാണ് പോലീസ് നീക്കം. കോടതിയിൽ ഹാജരാക്കുമ്പോൾ ബോബി ചെമ്മണ്ണൂര്‍ ജാമ്യഹര്‍ജി നല്‍കിയേക്കും.

ബോബി ചെമ്മണ്ണൂരിനെതിരായ അധിക്ഷേപ കേസ്: ഹണി റോസ് രഹസ്യമൊഴി നൽകി

കൊച്ചി: ലൈംഗികാധിക്ഷേപം നടത്തിയെന്ന കേസില്‍ പോലീസ് കസ്റ്റഡിയിലെടുത്ത ബോബി ചെമ്മണ്ണൂരിന്റെ അറസ്റ്റ് രേഖപ്പെടുത്തി. എറണാകുളം സെന്‍ട്രല്‍ പോലീസാണ് ബോബി ചെമ്മണ്ണൂരിനെ അറസ്റ്റ് ചെയ്തത്. ചോദ്യംചെയ്യലിന് ശേഷം നാളെ കോടതിയില്‍ ഹാജരാക്കും.
സ്ത്രീകള്‍ക്കുനേരേ അശ്ലീലപരാമര്‍ശം നടത്തൽ, അത്തരം പരാമര്‍ശങ്ങള്‍ സാമൂഹികമാധ്യമങ്ങളിലൂടെ പ്രചരിപ്പിക്കല്‍ എന്നീ കുറ്റങ്ങൾ ചുമത്തിയാണ് എറണാകുളം സെന്‍ട്രല്‍ പോലീസ് ബോബി ചെമ്മണ്ണൂരിനെതിരെ കേസ് രജിസ്റ്റര്‍ ചെയ്തത്. തുടർന്ന് ബുധനാഴ്ച രാവിലെ വയനാട്ടില്‍ നിന്ന് പോലീസ് കസ്റ്റഡിയിലെടുത്തു. തുടർന്ന് ബോബി ചെമ്മണ്ണൂരിനെ വൈകുന്നേരത്തോടെ കൊച്ചിയിൽ എത്തിക്കുകയായിരുന്നു.

ബോബി ചെമ്മണ്ണൂരിനെ കൊച്ചിയിലെത്തിച്ചു;അറസ്റ്റ് രേഖപ്പെടുത്തി

തിരുവനന്തപുരം: കൗമാരകലയുടെ കനകകിരീടം തൃശൂരിലേയ്ക്ക്. അവസാന മത്സരം വരെ നീണ്ട പേരാട്ടത്തില്‍ ഫോട്ടോഫിനിഷിലാണ് കിരീടനേട്ടം. ഒരൊറ്റ പോയന്റ് വ്യത്യാസത്തിലാണ് തൃശൂര്‍ പാലക്കാടിനെ മറികടന്നത്. തൃശൂരിന് 1008 പോയന്റും പാലക്കാടിന് 1007 പോയന്റും.
കാല്‍നൂറ്റാണ്ടിനുശേഷമാണ്, കേരളത്തിന്റെ സാംസ്‌കാരിക തലസ്ഥാനമെന്ന വിശേഷണം പേറുന്ന തൃശൂര്‍ സംസ്ഥാന സ്‌കൂള്‍ യുവജനോത്സവത്തില്‍ സ്വര്‍ണക്കപ്പ് സ്വന്തമാക്കുന്നത്. 1999ല്‍ നടന്ന കൊല്ലം കലോത്സവത്തിലാണ് തൃശൂര്‍ ഇതിന് മുന്‍പ് ജേതാക്കളായത്. കഴിഞ്ഞ വര്‍ഷത്തെ ജേതാക്കളായ കണ്ണൂരിന് 1003 പോയന്റുമായി മൂന്നാം സ്ഥാനം കൊണ്ട് തൃപ്തിപ്പെടേണ്ടിവന്നു. 21 വര്‍ഷം കിരീടം സ്വന്തമാക്കി റെക്കോഡിട്ട കോഴിക്കോടിന് നാലാം സ്ഥാനമേ ഉള്ളൂ.
സ്‌കൂളുകളുടെ വിഭാഗത്തില്‍ പാലക്കാട് ആലത്തൂര്‍ ബി.എസ്. ജി.ഗുരുകുലം ഹയര്‍ സെക്കന്‍ഡറി സ്‌കൂളാണ് ഒന്നാമത്. 171 പോയിന്റോടെ ബഹുദൂരം മുന്നിലാണ് അവര്‍. തിരുവനന്തപുരം കാര്‍മല്‍ ഹയര്‍ സെക്കന്‍ഡറിയാണ് രണ്ടാമത്. ഇടുക്കി എം.കെ. എന്‍.എം.എച്ച്.എസ് സ്‌കൂളാണ് മൂന്നാമത്.

കപ്പടിച്ചു ഗഡിയേ... ; കലാകിരീടം തൃശൂരിന്

വീട്ടിൽ അരി സൂക്ഷിക്കുമ്പോൾ അതിൽ പ്രാണികളും ചെറുജീവികളും കയറുന്നതും മുട്ടയിട്ട് പെരുകുന്നതും പലരും നേരിടുന്ന പ്രശ്‌നമാണ്. അരിയിലെ പോഷകങ്ങൾ കഴിച്ചാണ് ഈ ചെറുജീവികൾ വളരുന്നത്. അതിനാൽ തന്നെ നമ്മൾ ഉപയോഗിക്കുന്നത് പലപ്പോഴും കേടുവന്ന പോഷകങ്ങൾ നഷ്ടമായ അരിയായിരിക്കും. ചില പൊടിക്കൈകൾ ഉപയോഗിച്ച് ഇത്തരം പ്രാണികളെ പൂർണമായി അകറ്റാൻ സാധിക്കും.
<ul>
<li>വേപ്പില: വേപ്പിലയിലെ ശക്തമായ മണം പ്രാണികളെ അകറ്റും. കുറച്ച് ഉണങ്ങിയ വേപ്പില അരിയിൽ വിതറുന്നത് പ്രാണികളെ മുഴുവൻ ഓടിക്കും.</li>
<li>ബേ ഇല (വയനയില): മൂന്നോ നാലോ വഴയിന അരിയിൽ വിതറി നന്നായി അടച്ചുവയ്ക്കുക. ഇതിന്റെ മണം പ്രാണികളെ അകറ്റുകയും മുട്ടയിട്ട് പെരുകുന്നത് തടയുകയും ചെയ്യും.</li>
<li>ഗ്രാമ്പൂ: ഗ്രാമ്പൂവിന്റെ ശക്തമായ മണവും പ്രാണികളെ അകറ്റും.</li>
<li>പുതിന ഇല: പുതിന ഇല അരിയിൽ ഇട്ടുവയ്ക്കുന്നതും പ്രാണികളെ അകറ്റും. എന്നാൽ ഇലയിൽ നനവുണ്ടാകാൻ പാടില്ല. നനവുള്ള ഇല അരി കേടുവരുന്നതിന് കാരണമാവുകയും ആരോഗ്യപ്രശ്‌നങ്ങൾ ഉണ്ടാക്കുകയും ചെയ്യും.</li>
<li>വെളുത്തുള്ളി: വെളുത്തുള്ളിയിലെ സൾഫർ ഒരു കീടനാശിനിയായി പ്രവർത്തിക്കുന്നു. വെളുത്തുള്ളി അല്ലികൾ അരിയിലിട്ട് സൂക്ഷിക്കാം.</li>
<li>തീപ്പെട്ടി: തീപ്പെട്ടി തുറന്ന് അരിക്ക് സമീപത്തായി വയ്ക്കാം. തീപ്പെട്ടിയിലെ സൾഫർ ഫംഗിസൈഡ് ആയി പ്രവർത്തിക്കുകയും പ്രാണികളെ അകറ്റുകയും ചെയ്യും.</li>
<li>അരിയിൽ പ്രാണികൾ കടന്നാൽ അത് വെയിലത്ത് കുറച്ചുനേരം വയ്ക്കുന്നത് പ്രാണികൾ പോകാൻ സഹായിക്കും. കുറച്ച് അരി മാത്രമേ ഉള്ളൂവെങ്കിൽ അത് ഫ്രിഡ്‌ജിൽ സൂക്ഷിക്കാം.</li>
</ul>

അരിയിൽ പ്രാണികൾ കയറിയോ..? തുരത്താൻ വഴിയുണ്ട്

ഇടുക്കി: മൂന്നാർ ചിത്തിരപുരത്ത് റിസോർട്ടിന്റെ ആറാം നിലയിൽ നിന്ന് വീണ് ഒമ്പത് വയസുകാരൻ മരിച്ചു, മദ്ധ്യപ്രദേശ് സ്വദേശിയായ പ്രഭ ദയാലാലാണ് മരിച്ചത്. മൂന്നാർ ടി കാസ്റ്റിൽ റിസോർട്ടിലാണ് സംഭവം.ഇന്ന് പുലർച്ചയോടായിരുന്നു അപകടം. ഗുരുതര പരിക്കേറ്റ കുട്ടിയെ അങ്കമാലിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
റിസോർട്ടിന്റെ മുറിയിലെ സ്ലൈഡിംഗ് ജനൽ വഴി കുട്ടി താഴേക്ക് വീണെന്നാണ് വിവരം. സംഭവത്തിൽ ഇടുക്കി വെള്ളത്തൂവൽ പൊലീസ് അസ്വഭാവിക മരണത്തിന് കേസെടുത്തിട്ടുണ്ട്.

മൂന്നാറിൽ റിസോർട്ടിന്റെ ആറാം നിലയിൽ നിന്ന് വീണ് ഒമ്പതുവയസുകാരൻ മരിച്ചു

എറണാകുളം: നൂറ് ഗ്രാം എംഡിഎംഎയുമായി രണ്ട് പേർ പൊലീസ് പിടിയിൽ. ആലുവ സ്വദേശി ആസിഫ് അലി, കൊല്ലം സ്വദേശി ആഞ്ജല എന്നിവരെയാണ് റൂറൽ ജില്ല ഡാൻസാഫ് സംഘവും, നെടുമ്പാശേരി പൊലീസും ചേർന്ന് പിടികൂടിയത്. ജില്ലാ പൊലീസ് മേധാവി ഡോ. വൈഭവ് സക്സേനയ്ക്ക് ലഭിച്ച രഹസ്യവിവരത്തിൻ്റെ അടിസ്ഥാനത്തിലാണ് അറസ്റ്റ്. ബെംഗളൂരുവിൽ നിന്ന് വന്ന ബസിൽ നിന്നാണ് ഇവരെ കസ്റ്റഡിയിലെടുത്തത്.
ഒമ്പതുലക്ഷത്തിലേറെ രൂപ വിലവരുന്നതാണ് പിടികൂടിയ രാസലഹരി. യുവതിയുടെ പാൻ്റിൻ്റെ പോക്കറ്റിൽ ഒളിപ്പിച്ച നിലയിലായിരുന്നു മയക്കുമരുന്ന് കണ്ടെടുത്തത്. ഇൻസ്റ്റാഗ്രാമിലൂടെയാണ് യുവതിയും ആസിഫ് അലിയും പരിചയത്തിലാകുന്നത്. തുടർന്ന് ഒരുമിച്ച് താമസിച്ചു വരികയായിരുന്നു. മുമ്പ് പല തവണ യുവാവ് രാസലഹരി കേരളത്തിലേക്ക് കടത്തിയിട്ടുണ്ട്. കടത്തിനായി ആഞ്ജലയേയും കൂടെ കൂട്ടുകയായിരുന്നു. ഇരുവരും ചേർന്ന് രണ്ടു പ്രാവശ്യം രാസലഹരി കേരളത്തിലേക്ക് കൊണ്ടുവന്നിട്ടുണ്ട്. മയക്കുമരുന്ന് കടത്തുകാരനാണെന്ന് അറിയാതെയാണ് ഇയാളോടൊപ്പം കൂടിയതെന്ന് യുവതി പറയുന്നു. വീട്ടിലിരുന്ന് ഒൺലൈൻ ട്രേഡിംഗായിരുന്നു ആഞ്ജല ചെയ്തിരുന്നത്. രാസലഹരിക്കുള്ള പണം സിഡിഎമ്മിലൂടെ മാഫിയാ സംഘത്തിന് അയച്ച് കൊടുക്കും. അവർ മയക്കുമരുന്ന് ആളൊഴിഞ്ഞ ഭാഗത്തെ പ്രത്യേക സ്ഥലത്ത് കൊണ്ടുവയ്ക്കും. തുടർന്ന് ലൊക്കേഷൻ അയച്ചുകൊടുക്കും. അവിടെ നിന്ന് ടൂറിസ്റ്റ് ബസിൽ കേരളത്തിലേക്ക് എത്തിക്കും. നാട്ടിൽ കൊണ്ടുവന്ന് 5,10 ഗ്രാം പായ്ക്കറ്റുകളിലാക്കി വിൽപ്പന നടത്താറാണ് പതിവ്.
ഡാൻസാഫ് ടീമിനെ കൂടാതെ നർക്കോട്ടിക് സെൽ ഡിവൈഎസ്പി പി.പി ഷംസ്, ആലുവ ഡിവൈഎസ്പി ടി.ആർ രാജേഷ്, ഇൻസ്പെക്ടർ സാബുജി എം.എ.എസ്, എസ്ഐ എ.സി ബിജു, എഎസ്ഐ റോണി അഗസ്റ്റിൻ, സീനിയർ സിപിഒമാരായ സി.കെ രശ്മി, എം.എം രതീഷ്, ഇ.കെ അഖിൽ തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.

എം ഡി എം എയുമായി യുവതിയും യുവാവും പിടിയിൽ

കണ്ണൂര്‍: പെരിയ ഇരട്ടക്കൊലക്കേസില്‍ ശിക്ഷയനുഭവിക്കുന്ന പ്രതികളെ ജയിലിലെത്തി സന്ദര്‍ശിച്ച് സി.പി.എം. നേതാക്കളായ പി.പി. ദിവ്യയും പി.കെ. ശ്രീമതിയും. ഉദുമ മുന്‍ എം.എല്‍.എ. കെ.വി. കുഞ്ഞിരാമന്‍ ഉള്‍പ്പെടെ നാല് പ്രതികളുടെ ശിക്ഷ ഹൈക്കോടതി സ്‌റ്റേ ചെയ്തതിന് പിന്നാലെയാണ് ഇരുവരും കണ്ണൂര്‍ സെന്‍ട്രല്‍ ജയിലിലെത്തി പ്രതികളെ സന്ദര്‍ശിച്ചത്. നാല് പ്രതികളും അല്‍പ്പസമയത്തിനകം ജയിലില്‍ നിന്ന് പുറത്തിറങ്ങും.
ശിക്ഷാവിധി ഹൈക്കോടതി മരവിപ്പിച്ചത് എല്ലാവരും പ്രതീക്ഷിച്ച കാര്യമാണ് എന്ന് പ്രതികളെ സന്ദര്‍ശിച്ചശേഷം പി.കെ. ശ്രീമതി മാധ്യമങ്ങളോട് പറഞ്ഞു. ഈ നാലുപേരുടെ കാര്യത്തില്‍ മേല്‍ക്കോടതിയില്‍ നിന്ന് നീതി കിട്ടുമെന്ന് എം.വി. ഗോവിന്ദന്‍ ഇന്നലെ തന്നെ പറഞ്ഞതാണ് എന്നും ശ്രീമതി പറഞ്ഞു. പ്രതികളെ കാണാനെത്തിയത് മനുഷ്യത്വപരമായ കാര്യമാണെന്നും ശ്രീമതി കൂട്ടിച്ചേര്‍ത്തു.

പെരിയ കേസിലെ പ്രതികളെ ജയിലില്‍ സന്ദര്‍ശിച്ച്  പി.പി.ദിവ്യയും പി.കെ. ശ്രീമതിയും

വില്യാപ്പള്ളി: നീർച്ചാലുകളുടെയും ജലസ്രോതസ്സുകളുടെയും പുനരുജ്ജീവനം ലക്ഷ്യമിട്ട് ഹരിത മിഷൻ തുടക്കം കുറിച്ച 'ഇനി ഞാൻ ഒഴുകട്ടെ' ജനകീയ ക്യാമ്പയിൻ വില്യാപ്പള്ളി പഞ്ചായത്തിൽ തുടങ്ങി. പഞ്ചായത്തിലെ വാർഡ് 12 ൽ കുന്നുമ്മൽ പൊയിൽ താഴ- തട്ടാറത്ത് താഴെ തോട് ശുചീകരണ ക്യാമ്പയിൻ പഞ്ചായത്ത്‌ പ്രസിഡന്റ്‌ കെ കെ ബിജുള ഉദ്ഘാടനം ചെയ്തു.&nbsp;
ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ സുബിഷ അധ്യക്ഷയായി. ഹരിത കേരള മിഷൻ ആർ പി സി എം സുധ, തൊഴിലുറപ്പ് എ ഇ ആതിര, രമ്യ എന്നിവർ പദ്ധതി വിശദീകരിച്ചു. വാർഡ് മെമ്പർ സനിയ സ്വാഗതം പറഞ്ഞു. മാലിന്യ മുക്ത നവകേരളത്തിന്റെ ഭാഗമായി ഒക്ടോബർ 2 ന് ആരംഭിച്ച് മാർച്ച്‌ 30 വരെ നടത്തുന്ന പ്രവർത്തനത്തിന്റെ ഭാഗമായാണ് ഇനി ഞാൻ ഒഴുകട്ടെ ക്യാമ്പയിൻ പ്രവർത്തനം നടത്തുന്നത്.

'ഇനി ഞാൻ ഒഴുകട്ടെ'; മൂന്നാം ഘട്ട ശുചീകരണത്തിന് തുടക്കമായി

Vadakara

കോഴിക്കോട് : ജില്ലയിലെ അന്തിമ വോട്ടർപട്ടികയിൽ ആകെയുള്ളത് 26,57,561 പേർ. 12,85,257 പുരുഷന്മാരും 13,72,255 സ്ത്രീകളും 49 ട്രാൻസ്‌ജെൻഡേഴ്സും ഉൾപ്പെടെയാണിത്. ജില്ലയിൽ 74,323 വോട്ടർമാർ വർധിച്ചു. വോട്ടർപട്ടികയിൽ 33,966 ഭിന്നശേഷി വോട്ടർമാർ ഉൾപ്പെട്ടിട്ടുണ്ട്. 21,336 വോട്ടർമാർ 80 വയസ്സിനു മുകളിലുള്ളവരാണ്.
പ്രത്യേക വോട്ടർപട്ടിക പുതുക്കൽ യജ്ഞം 2025-മായി ബന്ധപ്പെട്ടാണ് അന്തിമപട്ടിക പ്രസിദ്ധീകരിച്ചത്. പട്ടികയുടെ പകർപ്പ് അംഗീകൃത രാഷ്ട്രീയപ്പാർട്ടികൾക്കും ബി.എൽ.ഒ.മാർക്കും നിയമാനുസൃതം കൈമാറുന്നതിനായി എല്ലാ ഇലക്ടറൽ രജിസ്‌ട്രേഷൻ ഓഫീസർമാരുടെ ഓഫീസുകളിലും എത്തിച്ചിട്ടുണ്ട്.
കരട് വോട്ടർപട്ടികയിന്മേൽ ഡിസംബർ 20 വരെ ലഭിച്ച അപേക്ഷകൾ പരിശോധിച്ച് തീർപ്പാക്കിയിരുന്നു. 2024 ഒക്ടോബർ 29-ന് പ്രസിദ്ധീകരിച്ച കരട് പട്ടികയിൽ 25,83,238 വോട്ടർമാരാണ് ഉണ്ടായിരുന്നത്. കരട് പട്ടിക സംബന്ധിച്ച് പൊതുജനങ്ങളിൽനിന്ന്‌ ലഭിച്ച ആക്ഷേപങ്ങളും അപാകങ്ങളും പരിഹരിച്ചതിനുശേഷമാണ് അന്തിമപട്ടിക പ്രസിദ്ധീകരിച്ചത്.

കൂടിയത് 74,323 വോട്ടർമാർ; ജില്ലയിലെ വോട്ടർപട്ടികയിൽ 26,57,561 പേർ

Kozhikode

കോഴിക്കോട്: ബോബി ചെമ്മണ്ണൂരിനെ കസ്റ്റഡിയിലെടുത്ത പോലീസ് നടപടിയില്‍ പ്രതികരണവുമായി പരാതിക്കാരിയായ ഹണി റോസ്. വലിയ ആശ്വാസമാണ് ഇപ്പോള്‍ തോന്നുന്നതെന്ന് ഹണി റോസ് പറഞ്ഞു.
'എന്നെ സംബന്ധിച്ചിടത്തോളം വലിയ ആശ്വാസമാണ് തോന്നുന്നത്. എനിക്ക് സംരക്ഷണം നല്‍കുന്ന സര്‍ക്കാരും പോലീസ് ഡിപ്പാര്‍ട്ടുമെന്റുമുള്ള സംസ്ഥാനത്താണ് ജീവിക്കുന്നതെന്ന ഉറച്ച ബോധ്യം എനിക്കുണ്ട്. അതുകൊണ്ടുതന്നെയാണ് ഈ പോരാട്ടത്തിന് ഇറങ്ങിത്തിരിച്ചത്. ഞാന്‍ അനുഭവിച്ച സൈബര്‍ ബുള്ളിയിങ് അത്ര വലുതാണ്. ആവര്‍ത്തിക്കരുതെന്ന് പലതവണ പറഞ്ഞിട്ടും തുടര്‍ന്നു. അത് പണത്തിന്റെ ഹുങ്കായും വെല്ലുവിളിയായും മാത്രമേ എനിക്ക് കാണാന്‍ കഴിയൂ. എല്ലാത്തിനും ഒരു അവസാനം വേണം. അതുകൊണ്ടാണ് പോരാട്ടത്തിന് ഇറങ്ങാമെന്ന് തീരുമാനിച്ചത്.' -ഹണി പറഞ്ഞു.
'ഭയങ്കരമായ സന്തോഷമുണ്ട്. സന്തോഷത്തിനപ്പുറം എന്റെ തലയില്‍ നിന്ന് വലിയ ഭാരം ഒഴിഞ്ഞതുപോലെയാണ് തോന്നുന്നത്. പരാതി നല്‍കിയത് മുതല്‍ മുഖ്യമന്ത്രിയോട് സംസാരിക്കണമെന്ന ആഗ്രഹം പ്രകടിപ്പിച്ചിരുന്നു. അതിന് അവസരം കിട്ടി. അപ്പോള്‍ ഞാന്‍ എനിക്കും കുടുംബത്തിനുമുണ്ടായ വിഷമങ്ങള്‍ പറഞ്ഞു. നടപടി സ്വീകരിക്കാമെന്ന് അദ്ദേഹം പറഞ്ഞിരുന്നു. കൂടാതെ ഡി.ജി.പി. ഉള്‍പ്പെടെയുള്ള പോലീസ് ഉദ്യോഗസ്ഥരോടും സംസാരിച്ചിരുന്നു. വേണ്ട രീതിയില്‍ കൈകാര്യം ചെയ്യാമെന്ന ഉറപ്പ് അവരെല്ലാം തന്നിരുന്നു. ഇത്രവേഗം നടപടിയെടുത്തത് കാര്യക്ഷമമായ സംവിധാനം ഇവിടെയുള്ളതുകൊണ്ടാണ്.ഇപ്പോള്‍ സാമൂഹിക മാധ്യമങ്ങളിലെ കമന്റ് സെക്ഷനില്‍ വലിയ മാറ്റമാണ് ഉണ്ടായത്. ഇത് ഇങ്ങനെ തന്നെ മുന്നോട്ടും ഉണ്ടാകണം. അങ്ങനെയാകുമോ എന്ന് അറിയില്ല. പക്ഷേ അതിനുള്ള പോരാട്ടത്തിനാണ് ഇറങ്ങിയിരിക്കുന്നത്.' -ഹണി റോസ് കൂട്ടിച്ചേര്‍ത്തു.

വലിയ ആശ്വാസമാണ് ഇപ്പോള്‍ തോന്നുന്നത് ;ബോബി ചെമ്മണ്ണൂരിനെ കസ്റ്റഡിയിലെടുത്ത നടപടിയില്‍ പ്രതികരിച്ച് ഹണി റോസ്

പാലക്കാട്: പൊമ്പ്ര മണ്ണോത്തുംപടിയിൽ സ്‌കൂൾബസ്സും സ്വകാര്യബസ്സും കൂട്ടിയിടിച്ച് അഞ്ച് വിദ്യാർഥികൾക്കും ഡ്രൈവർക്കും പരിക്കേറ്റു. മണ്ണാർക്കാട്-ചങ്ങിലീരി-പൊമ്പ്ര-കൂട്ടിലക്കടവ് റൂട്ടിലോടുന്ന സ്വകാര്യ ബസും പൊമ്പ്ര പി.പി.ടി.എം.എച്ച്. സ്കൂളിന്റെ ബസുമാണ് കൂട്ടിയിടിച്ചത്. ബുധനാഴ്ച രാവിലെ ഒമ്പതുമണിക്കായിരുന്നു അപകടം.
പൊമ്പ്ര എ.യു.പി.സ്‌കൂളിലെ വിദ്യാർഥികൾക്കാണ് പരിക്കേറ്റത്. മുഹമ്മദ് ഷമാസ്, ആസിഫലി, സൈഫുദ്ദീൻ, അർഷാദ്, ലബീദ് എന്നിവർക്കാണ് നിസ്സാര പരിക്കേറ്റത്. പരിക്കേറ്റ അഞ്ചു വിദ്യാർഥികളെ കാരാകുറിശിയിലെ സ്വകാര്യ ആശുപത്രിയിൽ പ്രവേശിപ്പിച്ചു. സ്‌കൂൾ ബസ്സിലെ ഡ്രൈവർ കരിമ്പുഴ സ്വദേശി ബാബുവിനും പരിക്കുണ്ട്.രാവിലെ കൂട്ടിലക്കടവിൽനിന്ന് പൊമ്പ്രയിലേക്ക് വരികയായിരുന്നു സ്‌കൂൾ ബസ്. കുട്ടികളെ എടുക്കാൻ തുടങ്ങിയ സമയത്തായതിനാൽ കുറച്ച് കുട്ടികളും അധ്യാപികയും മാത്രമാണ് ബസ്സിലുണ്ടായിരുന്നത്.

പാലക്കാട്ട് സ്‌കൂൾബസും സ്വകാര്യബസും കൂട്ടിയിടിച്ച് അപകടം;വിദ്യാർഥികൾക്കും ഡ്രൈവർക്കും പരിക്ക്

പേ​രാ​മ്പ്ര: ചേ​നോ​ളി ക​ളോ​ളി പൊ​യി​ലി​ൽ​നി​ന്ന് മ​ഹാ​ശി​ലാ​യു​ഗ ശേ​ഷി​പ്പു​ക​ൾ ക​ണ്ടെ​ത്തി. ഒ​റ്റ​പു​ര​ക്ക​ൽ ര​വീ​ന്ദ്ര​ൻ പു​തു​താ​യി പ​ണി​ത വീ​ടി​നാ​യി ശൗ​ചാ​ല​യ ടാ​ങ്ക് നി​ർ​മി​ക്കാ​ൻ കു​ഴി​യെ​ടു​ക്കു​മ്പോ​ഴാ​ണ് ഗു​ഹ​യും മ​ഹാ​ശി​ലാ​യു​ഗ ശേ​ഷി​പ്പു​ക​ളും ക​ണ്ടെ​ത്തി​യ​ത്.
കു​ഴി എ​ടു​ക്ക​ൽ ഒ​രു മീ​റ്റ​ർ താ​ഴ്ച​യി​ൽ എ​ത്തി​യ​പ്പോ​ളാ​ണ് കു​ഴി​യു​ടെ ഓ​ര​ത്ത് ക​രി​ങ്ക​ൽ പാ​ളി ശ്ര​ദ്ധ​യി​ൽ​പ്പെ​ട്ട​ത്. ഈ ​ക​ല്ലി​ൽ കൈ​ക്കോ​ട്ട് കൊ​ണ്ട് ത​ട്ടി​യ​പ്പോ​യ​പ്പോ​ളാ​ണ് ചെ​ങ്ക​ൽ ഗു​ഹ ശ്ര​ദ്ധ​യി​ൽ​പ്പെ​ട്ട​ത്.ഇ​വി​ടെ​നി​ന്ന് വി​വി​ധ ത​ര​ത്തി​ലു​ള്ള മ​ൺ​പാ​ത്ര​ങ്ങ​ളാ​ണ് ധാ​രാ​ള​മാ​യി ക​ണ്ടെ​ത്തി​.ഇ​രി​പ്പി​ട​വും ഇ​രു​മ്പ് കൊ​ണ്ടു​ള്ള ഉ​പ​ക​ര​ണ​ങ്ങ​ളും, പാ​നം ചെ​യ്യു​ന്ന ചെ​റു​പാ​ത്ര​ങ്ങ​ളു​ടെ ശേ​ഖ​ര​വും ഉ​ണ്ട്. മ​ൺ​പാ​ത്ര​ത്തി​നു​ള്ളി​ൽ എ​ന്തെ​ല്ലാ​മു​ണ്ടെ​ന്ന് പ​രി​ശോ​ധി​ച്ചി​ട്ടി​ല്ല.
പൊ​തു പ്ര​വ​ർ​ത്ത​ക​ൻ കെ.​ടി. ബാ​ല​കൃ​ഷ്ണ​ൻ വി​വ​ര​മ​റി​യി​ച്ച​തി​നെ തു​ട​ർ​ന്ന് പു​രാ​വ​സ്തു ഗ​വേ​ഷ​ക​ൻ പ്ര​ഫ. കൃ​ഷ്ണ​രാ​ജി​ന്റെ നേ​തൃ​ത്വ​ത്തി​ലു​ള്ള സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ഗു​ഹ​ക്ക് 2000- 2500 വ​ർ​ഷം പ​ഴ​ക്ക​മു​ണ്ടെ​ന്നാ​ണ് ഇ​വ​രു​ടെ പ്രാ​ഥ​മി​ക നി​ഗ​മ​നം.പ​രേ​ത​രു​ടെ ശ​രീ​ര​ത്തോ​ടൊ​പ്പം അ​വ​ർ ഉ​പ​യോ​ഗി​ച്ചി​രു​ന്ന പാ​ത്ര​ങ്ങ​ളും മ​റ്റ് ഉ​പ​ക​ര​ണ​ങ്ങ​ളും സ​ഹി​തം അ​ട​ക്കം ചെ​യ്ത സ​മാ​ധി​സ്ഥ​ല​മാ​ണ് ഇ​ത്ത​രം ഗു​ഹ​ക​ളെ​ന്നാ​ണ് അ​വ​രു​ടെ നി​ഗ​മ​നം. സ​മീ​പ പ്ര​ദേ​ശ​ങ്ങ​ളി​ൽ ഇ​നി​യും ഇ​ത്ത​രം ഗു​ഹ​ക​ൾ ഉ​ണ്ടാ​വു​മെ​ന്നും അ​വ​ർ പ​റ​ഞ്ഞു. മാ​സ​ങ്ങ​ൾ​ക്ക് മു​മ്പ് അ​രി​ക്കു​ളം കാ​ളി​യ​ത്ത് മു​ക്കി​ലും ഇ​ത്ത​രം ചെ​ങ്ക​ല്ല​റ​ക​ൾ ക​ണ്ടെ​ത്തി​യി​രു​ന്നു.ഇ​വി​ടെ ഉ​ൽ​ഖ​ന​നം ന​ട​ത്തി കൂ​ടു​ത​ൽ തെ​ളി​വു​ക​ൾ ക​ണ്ടെ​ത്താ​നാ​ണ് ശ്ര​മം. ഉ​ൽ​ഖ​ന​ന​ത്തി​നു​ള്ള സ​ർ​ക്കാ​റി​ന്റെ അ​നു​മ​തി വാ​ങ്ങി ഉ​ട​ൻ ത​ന്നെ ദി​വ​സ​ങ്ങ​ൾ നീ​ണ്ടു​നി​ൽ​ക്കു​ന്ന ഉ​ൽ​ഖ​ന​നം ന​ട​ത്താ​നാ​ണ് പു​രാ​വ​സ്തു​ഗ​വേ​ഷ​ണ വ​കു​പ്പി​ന്റെ തീ​രു​മാ​നം.&nbsp;

പേ​രാ​മ്പ്ര ചേനോളിയിൽ ചെങ്കൽ ഗുഹയും പുരാവസ്തുക്കളും കണ്ടെത്തി

Perambra

തിരുവനന്തപുരം: 63–ാമത് സംസ്ഥാന സ്‌കൂള്‍ കലോത്സവത്തിന് ബുധനാഴ്ച കൊടിയിറങ്ങും. സമാപന സമ്മേളനം വൈകിട്ട് 5 മണിക്ക് പ്രധാന വേദിയായ സെന്‍ട്രല്‍ സ്‌റ്റേഡിയത്തില്‍ ആരംഭിക്കും. പ്രതിപക്ഷ നേതാവ് വി.ഡി.സതീശന്‍ സമാപന സമ്മേളനം ഉദ്ഘാടനം ചെയ്യുമെന്ന് വിദ്യാഭ്യാസ മന്ത്രി വി.ശിവന്‍കുട്ടി അറിയിച്ചു. ചലച്ചിത്ര താരങ്ങളായ ടൊവിനോ തോമസ്, ആസിഫ് അലി എന്നിവര്‍ മുഖ്യാതിഥികളായെത്തും.&nbsp;
മന്ത്രി ജി.ആര്‍.അനില്‍ അധ്യക്ഷനാകും. കലോത്സവ സ്വര്‍ണക്കപ്പ് വിതരണവും 62–ാമത് സംസ്ഥാന സ്‌കൂള്‍ കലോത്സവത്തിന്റെയും 2024 സംസ്ഥാന സ്‌കൂള്‍ കായികമേളയുടെയും മാധ്യമ പുരസ്‌കാര വിതരണവും മന്ത്രി വി.ശിവന്‍കുട്ടി നിര്‍വഹിക്കും. സ്പീക്കര്‍ എ.എന്‍. ഷംസീര്‍ മുഖ്യപ്രഭാഷണം നടത്തും. മന്ത്രിമാരായ കെ.എന്‍.ബാലഗോപാല്‍, കെ. കൃഷ്ണന്‍കുട്ടി, രാമചന്ദ്രന്‍ കടന്നപ്പള്ളി, കെ.ബി.ഗണേഷ് കുമാര്‍, വി.എന്‍.വാസവന്‍, പി.എ.മുഹമ്മദ് റിയാസ്, എം.ബി.രാജേഷ്, പി.പ്രസാദ്, സജി ചെറിയാന്‍, ഡോ. ആര്‍ ബിന്ദു, ജെ.ചിഞ്ചുറാണി, ഒ.ആര്‍.കേളു, വി.അബ്ദുറഹ്മാന്‍ എന്നിവര്‍ സമ്മാനദാനം നിര്‍വഹിക്കും.&nbsp;
സ്വര്‍ണ കപ്പ് രൂപകൽപന ചെയ്ത ചിറയിന്‍കീഴ് ശ്രീകണ്ഠന്‍നായരെ സമാപനസമ്മേളനത്തില്‍ ആദരിക്കും. പാചക രംഗത്ത് 25 വര്‍ഷം പൂര്‍ത്തിയാക്കുന്ന പഴയിടം മോഹനന്‍ നമ്പൂതിരി, കലോത്സവത്തിന്റെ സുഗമമായ നടത്തിപ്പില്‍ പ്രധാന പങ്ക് വഹിച്ച ഹരിത കര്‍മസേന, പന്തല്‍, ലൈറ്റ് ആന്‍ഡ് സൗണ്ട്‌സ് പ്രവർത്തകരെയും ആദരിക്കും. പല ഇനങ്ങളിലായി എഴുപത്തി എട്ടോളം പുരസ്‌കാരങ്ങളാണ് നല്‍കുന്നത്.&nbsp;
സമാപന സമ്മേളനത്തോടനുബന്ധിച്ച് തിരുവനന്തപുരം നഗരത്തില്‍ ഗതാഗത ക്രമീകരണം ഉണ്ടാകും. സെന്‍ട്രല്‍ സ്റ്റേഡിയത്തിനുള്ളിലേക്ക് പൊതുജനങ്ങളുടെ വാഹനങ്ങള്‍ക്ക് പ്രവേശിക്കാന്‍ അനുമതി ഉണ്ടായിരിക്കില്ല. ഉച്ചക്ക് രണ്ടുമണിയോടെ മത്സരങ്ങള്‍ എല്ലാം പൂര്‍ത്തിയാക്കുന്ന രീതിയിലാണ് ക്രമീകരണം. ഉച്ചതിരിഞ്ഞ് മൂന്നരയ്ക്ക് അപ്പീലുകള്‍ ഉള്‍പ്പെടെയുള്ള എല്ലാ നടപടിക്രമങ്ങളും പൂര്‍ത്തിയാക്കും. നാല് മണിയോടെ സ്വര്‍ണ കപ്പ് വേദിയിലേക്ക് കൊണ്ട് വരുമെന്ന് മന്ത്രി വി.ശിവന്‍കുട്ടി അറിയിച്ചു. സ്‌കൂള്‍ കലാമേള മികച്ച രീതിയില്‍ സംഘടിപ്പിക്കുന്നതിനും പൊതുജനങ്ങള്‍ക്ക് ബുദ്ധിമുട്ടില്ലാത്ത വിധം ഗതാഗതക്രമീകരണങ്ങള്‍ നടത്തുന്നതിനും സഹായിച്ച പൊലീസിനും സന്നദ്ധപ്രവര്‍ത്തകര്‍ക്കും സ്വാഗതസംഘം ചെയര്‍മാന്‍ കൂടിയായ മന്ത്രി ജി.ആര്‍.അനില്‍ നന്ദി അറിയിച്ചു.&nbsp;

63–ാമത് സംസ്ഥാന സ്‌കൂള്‍ കലോത്സവത്തിന് ഇന്ന് കൊടിയിറങ്ങും ;സമാപന സമ്മേളനത്തിന് ടൊവിനോയും ആസിഫ് അലിയും

അഹമ്മദാബാദ്: ഗുജറാത്തിലുണ്ടായ വാഹനാപകടത്തിൽ മലയാളി ദമ്പതികൾ മരിച്ചു. ആലപ്പുഴ തുറവൂർ സ്വദേശികളായ വാസുദേവൻ, യാമിനി എന്നിവരാണ് മരിച്ചത്. ദ്വാരക ക്ഷേത്ര ദർശനത്തിനായി എത്തിയതായിരുന്നു ദമ്പതികൾ. ഇവർ സഞ്ചരിച്ച കാറിന്റെ ഡ്രെെവറും അപകടത്തിൽ മരിച്ചു.
ദ്വാരകയിൽ നിന്ന് താമസിച്ചിരുന്ന ലോഡ്‌ജിലേക്ക് ടാക്സിയിൽ മടങ്ങവേ ട്രക്കുമായി കൂട്ടിയിടിക്കുകയായിരുന്നു. നാളെ നാട്ടിലേക്ക് മടങ്ങാനിരിക്കെയാണ് അപകടം ഉണ്ടായത്. വാസുദേവൻ സംഭവ സ്ഥലത്തുവച്ചും യാമിനി ആശുപത്രിയിൽ വച്ചുമാണ് മരിച്ചത്. ആശുപത്രിയിലേക്കുളള വഴി മധ്യേ ഡ്രെെവറും മരിച്ചു.

നാട്ടിലേക്ക് മടങ്ങാനിരിക്കെ വാഹനാപകടം ; ഗുജറാത്തിൽ മലയാളി  ദമ്പതികൾ  മരിച്ചു

പുറമേരി: പുറമേരിപഞ്ചായത്ത് മുസ്ലിം ലീഗ് പ്രസിഡന്റ് കെ.മുഹമ്മദ് സാലിഹിന്റെ മകന്‍ മുഹമ്മദ് സാബിത്ത് ( 21) അന്തരിച്ചു. എസ്പാന്‍ഷെ ഓഫീസില്‍ അക്കൗണ്ടന്റ് ആയിരുന്നു. വിലാതപുരം ശാഖ യൂത്ത് ലീഗ് ജനറല്‍ സെക്രട്ടറി, എസ്‌കെഎസ്എസ് എഫ് ശാഖ വൈസ് പ്രസിഡന്റ് തുടങ്ങിയ സ്ഥാനങ്ങള്‍ വഹിക്കുന്നുണ്ട്.
ഇന്നലെ രാത്രി 9 മണിവരെ യൂത്ത് ലീഗ് ഓഫീസില്‍ സുഹൃത്തുക്കള്‍ക്കൊപ്പം ചെലവഴിച്ച സാബിത്ത് വീട്ടിലെത്തി ഉറങ്ങാന്‍ കിടന്നപ്പോള്‍ ശ്വാസ തടസം അനുഭവപ്പെടുകയായിരുന്നു. ആശുപത്രിയിലേക്ക് കൊണ്ടു പോകുംവഴിയാണ് മരണം. ആശുപത്രിയില്‍ എത്തുന്നതിന് മുമ്പ് മരണം സംഭവിച്ചതിനാല്‍ ഡോക്ടറുടെ നിര്‍ദ്ദേശപ്രകാരം പോലീസ് ഇന്‍ക്വസ്റ്റ് നടപടികള്‍ പൂര്‍ത്തിയാക്കി.&nbsp;
ഉമ്മ: റസീന ചിറപുറത്ത് മുതുവടത്തൂര്‍. സഹോദരങ്ങള്‍: സല്‍മാനുല്‍ ഫാരിസ് (കുവൈറ്റ്), ആയിഷ പാര്‍വീന്‍ (പ്ലസ് ടു വിദ്യാര്‍ഥിനി സൈത്തൂന്‍ മലപ്പുറം), ഫാത്തിമ സാലിഹ്. മൃതദേഹം ഉച്ചതിരിഞ്ഞ് കബറടക്കും.&nbsp;

വിലാതപുരത്തെ യൂത്ത് ലീഗ് നേതാവ് മുഹമ്മദ് സാബിത്ത് അന്തരിച്ചു

വയനാട്: നടിയുടെ പരാതിയിൽ ബോബി ചെമ്മണ്ണൂരിനെ കസ്റ്റഡിയിലെടുത്തു. വയനാടുനിന്നാണ് ഇദ്ദേഹത്തെ കസ്റ്റഡിയിലെടുത്തത്. എറണാകുളം സെൻട്രൽ പോലീസാണ് ബോബി ചെമ്മണ്ണൂരിനെതിരെ കേസ് രജിസ്റ്റർ ചെയ്തത്. സ്ത്രീകൾക്കുനേരേ അശ്ലീലപരാമർശം നടത്തുക, അത്തരം പരാമർശങ്ങൾ സാമൂഹികമാധ്യമങ്ങളിലൂടെ പ്രചരിപ്പിക്കൽ എന്നീ കുറ്റകൃത്യങ്ങളാണ് ചുമത്തിയിരിക്കുന്നത്.
ബോബി ചെമ്മണൂർ തുടർച്ചയായി അശ്ലീല അധിക്ഷേപങ്ങൾ നടത്തിയെന്നാരോപിച്ച് പരാതി നൽകിയശേഷം നടി തന്നെയാണ് ഇത് സാമൂഹികമാധ്യമത്തിലൂടെ വെളിപ്പെടുത്തിയത്.&nbsp;

ഹണിറോസിന്റെ പരാതി ;ബോബി ചെമ്മണ്ണൂർ കസ്റ്റഡിയിൽ

കൊച്ചി: പെരിയ ഇരട്ടക്കൊലക്കേസില്‍ നാലു പ്രതികളുടെ ശിക്ഷവിധി ഹൈക്കോടതി സ്‌റ്റേ ചെയ്തു. സി.പി.എം. നേതാവും മുന്‍ എം.എല്‍.എ.യുമായ കെ.വി. കുഞ്ഞിരാമന്‍ ഉള്‍പ്പെടെയുള്ള നാലുപ്രതികളുടെ ശിക്ഷയ്ക്കാണ് ഹൈക്കോടതി സ്‌റ്റേ നല്‍കിയിരിക്കുന്നത്. അഞ്ചുവര്‍ഷം തടവിനാണ് ഇവരെ സിബിഐ കോടതി ശിക്ഷിച്ചിരുന്നത്.
പോലീസ് കസ്റ്റഡിയില്‍നിന്നു പ്രതിയെ നിയമവിരുദ്ധമായി കടത്തിക്കൊണ്ടുപോയെന്ന കുറ്റമാണ് കെ.വി.കുഞ്ഞിരമാന്‍, കെ.മണികണ്ഠന്‍, വെളുത്തോളി രാഘവന്‍, കെ.വിഭാസ്‌കരന്‍ എന്നിവര്‍ക്കെതിരെ ചുമത്തിയിരുന്നത്.ഇവരുടെ അപ്പീല്‍ സ്വീകരിച്ചുകൊണ്ടാണ് ഹൈക്കോടതി ശിക്ഷ മരവിപ്പിച്ചിരിക്കുന്നത്. സിബിഐക്ക് കോടതി നോട്ടീസ് അയക്കുകയും ചെയ്തിട്ടുണ്ട്. ഇതിന് മറുപടി ലഭിച്ച ശേഷമായിരിക്കും ഹര്‍ജിയില്‍ തുടര്‍വാദം. ശിക്ഷാവിധി സ്‌റ്റേ ചെയ്തതോടെ കെ.വി.കുഞ്ഞിരാമന്‍ ഉള്‍പ്പടെയുള്ള നാല് സിപിഎം നേതാക്കള്‍ക്ക് ഇന്ന് തന്നെ ജയില്‍മോചിതരാകാം.

പെരിയ ഇരട്ടക്കൊലക്കേസ്: മുന്‍എംഎല്‍എ അടക്കമുള്ള നാലു പ്രതികളുടെ ശിക്ഷ സ്റ്റേ ചെയ്ത് ഹൈക്കോടതി

തിരുനാവായ: എം.ടി വാസുദേവന്‍ നായരുടെ കുടുംബം തിരുനാവായയില്‍ ബലിതര്‍പ്പണം നടത്തി. എം.ടിയുടെ വിയോഗത്തിന്റെ പതിനാറാം ദിവസം നടന്ന ചടങ്ങിലാണ് ഭാര്യ കലാമണ്ഡലം സരസ്വതി, മകള്‍ അശ്വതി വി നായര്‍, പേരക്കുട്ടി മാധവ്, എം.ടിയുടെ ജ്യേഷ്ഠന്റെ മകനായ ടി. സതീശന്‍ അടുത്ത ബന്ധുക്കള്‍ തുടങ്ങിയവര്‍ പിതൃതര്‍പ്പണം നടത്തിയത്.
ഹൃദയാഘാതത്തെ തുടര്‍ന്ന് കോഴിക്കോട് സ്വകാര്യ ആശുപത്രിയില്‍ ചികിത്സയിലായിരുന്ന എം.ടി ഡിസംബര്‍ 25-ന് രാത്രി പത്തുമണിയോടെയായിരുന്നു അന്തരിച്ചത്.

എം.ടി വാസുദേവന്‍ നായരുടെ കുടുംബം തിരുനാവായയില്‍ ബലിതര്‍പ്പണം നടത്തി

തിരുവനന്തപുരം: തൊഴിലുറപ്പ് ജോലിക്കിടെ അമ്പത്തിയൊന്നുകാരന്റെ കഴുത്തിൽ മൂർഖൻ പാമ്പ് ചുറ്റി. കടിയൂർകോണം സി എൻ ഭവനിൽ സി ഷാജിയുടെ കഴുത്തിലാണ് പാമ്പ് ചുറ്റിയത്. അത്ഭുതകരമായിട്ടാണ് ഷാജി രക്ഷപ്പെട്ടത്. ചൊവ്വാഴ്ച ഉച്ചയ്‌ക്കായിരുന്നു സംഭവം.
ഭക്ഷണം കഴിച്ച് ജോലി സ്ഥലത്ത് വിശ്രമിക്കുകയായിരുന്നു ഷാജി. ഇതിനിടെ മൂർഖൻ പാമ്പ് നിലത്തുകിടക്കുകയായിരുന്ന ഷാജിയുടെ കഴുത്തിൽ ചുറ്റി. ഉടൻ തന്നെ അദ്ദേഹം പാമ്പിനെ കൈകൊണ്ടെടുത്ത് വലിച്ചെറിഞ്ഞു. തലനാരിഴയ്ക്കാണ് കടിയേൽക്കാതെ രക്ഷപ്പെട്ടത്. പാമ്പിനെ കൂടെയുണ്ടായിരുന്ന തൊഴിലാളികൾ അടിച്ചുകൊന്നു.

തൊഴിലുറപ്പ് ജോലിക്കിടെ തൊഴിലാളിയുടെ കഴുത്തിൽ മൂർഖൻ പാമ്പ് ചുറ്റി ;രക്ഷപ്പെട്ടത് തലനാരിഴയ്‌ക്ക്

നാല് ദിവസം മാറ്റമില്ലാതെ തുടര്‍ന്ന സ്വര്‍ണ വിലയില്‍ നേരിയ വര്‍ധന. 80 രൂപയാണ് പവന് കൂടിയത്. നിലവിലെ വില 57,800 രൂപയാണ്. ഗ്രാമിന്റെ വിലയാകട്ടെ 10 രൂപ വര്‍ധിച്ച് 7225 രൂപയായി.
രാജ്യത്തെ കമ്മോഡിറ്റി എക്‌സ്‌ചേഞ്ച് ആയ എംസിഎക്സില്‍ 10 ഗ്രാം 24 കാരറ്റ് സ്വര്‍ണ വില 77,470 രൂപയാണ്. അന്താരാഷ്ട്ര വിപണിയില്‍ സ്‌പോട് ഗോള്‍ഡിന് ട്രോയ് ഔണ്‍സിനു 2,647.85 ഡോളര്‍ നിലവാരത്തിലുമാണ് വ്യാപാരം നടക്കുന്നത്.

സ്വര്‍ണവിലയില്‍ വര്‍ധന ;പവന് 80 രൂപ കൂടി 57,800 രൂപയായി

കണ്ണൂര്‍ : ഉളിയില്‍ കാര്‍ സ്വകാര്യബസിലേക്ക് ഇടിച്ചുകയറി ഉണ്ടായ അപകടത്തില്‍ രണ്ടുപേര്‍ മരിച്ചു. ഉളിക്കല്‍ സ്വദേശികളായ ബീന, ലിജോ എന്നിവരാണ് മരിച്ചത്. നാലുപേര്‍ക്ക് പരിക്ക്. കര്‍ണാടക രജിസ്‌ട്രേഷന്‍ കാറാണ് അപകടത്തില്‍ പെട്ടത്. ഉളിക്കല്‍ സ്വദേശികളാണ് കാറിലുണ്ടായിരുന്നത്. കാര്‍ പൂര്‍ണമായും തകര്‍ന്ന നിലയിലാണ്. പരിക്കേറ്റ എല്ലാവരുടേയും നില ഗുരുതരമാണ്.
ഇന്ന് (ഡിസംബര്‍ എട്ട്, ബുധന്‍) രാവിലെ എട്ടുമണിയോടെ സംസ്ഥാനപാതയില്‍ മട്ടന്നൂര്‍ - ഇരിട്ടി റൂട്ടില്‍ ഉളിയില്‍ പാലത്തിന് തൊട്ടടുത്താണ് അപകടം നടന്നത്. തലശ്ശേരി ഭാഗത്തേക്ക് പോകുകയായിരുന്നു സ്വകാര്യ ബസ്. കാര്‍ ഇരിട്ടി ഭാഗത്തേക്കാണ് പോയിരുന്നത്. ബസ് സ്‌റ്റോപ്പില്‍ നിര്‍ത്തിയ സമയത്ത് നിയന്ത്രണംവിട്ടുവന്ന കാര്‍ ബസിലേക്ക് വന്നിടിക്കുകയായിരുന്നു എന്നാണ് ദൃക്‌സാക്ഷികള്‍ പറയുന്നത്.കാറില്‍ ആറുപേരാണ് ഉണ്ടായിരുന്നത് എന്നാണ് വിവരം. അഗ്നിരക്ഷാസേന എത്തി വളരെ പണിപ്പെട്ടാണ് കാറിനുള്ളില്‍ ഉണ്ടായിരുന്നവരെ പുറത്തെടുത്തത്. മട്ടന്നൂര്‍ പോലീസും സ്ഥലത്തെത്തിയിട്ടുണ്ട്.&nbsp;

മട്ടന്നൂരിൽ കാർ ബസിലേക്ക് ഇടിച്ചുകയറി അപകടം;രണ്ടുപേര്‍ മരിച്ചു

Kannur

കൊച്ചി: ആശുപത്രിയിലെ ഐസിയു മുറിയില്‍നിന്ന് സ്റ്റാഫ് അംഗങ്ങള്‍ക്ക് ഫോണിലൂടെ നിര്‍ദേശങ്ങള്‍ കൈമാറിക്കൊണ്ട് ഉമാ തോമസ് എംഎല്‍എ സാധാരണ ജീവിതത്തിലേക്ക് മടങ്ങുന്നതിന്റെ സൂചനകള്‍ നല്‍കി. കലൂര്‍ സ്‌റ്റേഡിയത്തില്‍ നൃത്തപരിപാടിക്കെടെ വീണുപരിക്കേറ്റ് ആശുപത്രിയില്‍ കഴിയുന്ന ഉമാ തോമസ് മെല്ലെ മെല്ലെ സാധാരണ ജീവിതത്തിലേക്ക് പിച്ചവയ്ക്കുകയാണെന്ന് അവരുടെ സ്റ്റാഫ് അംഗങ്ങള്‍ അറിയിച്ചു.
കഴിഞ്ഞ ദിവസം അവര്‍ കോണ്‍ഫറന്‍സ് കോളിലൂടെ സ്റ്റാഫ് അംഗങ്ങളുമായും സോഷ്യല്‍ മീഡിയ ടീമിനേയും ബന്ധപ്പെട്ടു. 'പിന്നീട് 'Coordinate Everything'.., തന്റെ അഭാവത്തിലും ഓഫിസ് കൃത്യമായി പ്രവര്‍ത്തിക്കണമെന്നും.. എംഎല്‍എയുടെ തന്നെ ഇടപെടല്‍ ആവശ്യമായുള്ള അടിയന്തര സാഹചര്യങ്ങളില്‍ നമ്മുടെ മറ്റ് നിയമസഭ സാമാജികരുടെ സഹായം തേടണമെന്നും നിര്‍ദ്ദേശിച്ചു..' ഫെയ്‌സ്ബുക്ക് പോസ്റ്റില്‍ പറയുന്നു.
പോസ്റ്റിന്റെ പൂര്‍ണ്ണരൂപം...
'Coordinate everything'..
അപകടം നടന്നിട്ട് ഇന്ന് പത്താം ദിവസം..
മെല്ലെ മെല്ലെ ജീവിതത്തിലേക്ക് പിച്ചവയ്ക്കുകയാണ് നമ്മുടെ ഉമ ചേച്ചി ..??
ശരീരമാസകലം കലശലായ വേദനയുണ്ട്.
ഇന്നലെ ചേച്ചി ബെഡില്‍ നിന്ന് എഴുന്നേറ്റ് പരസഹായത്തോടെ കസേരയില്‍ ഇരുന്നത് ഏറെ ആശ്വാസകരമാണ്..
രാവിലെ മകന്‍ വിഷ്ണു അമ്മയെ കാണുന്നതിന് അകത്തു പ്രവേശിച്ചപ്പോഴാണ്, ഒപ്പമുള്ള സ്റ്റാഫ് അംഗങ്ങളെയും, സോഷ്യല്‍ മീഡിയ ടീമിനെയും ഫോണില്‍ വിളിയ്ക്കാന്‍ ആവശ്യപ്പെട്ടത്..
ഏകദേശം 5 മിനിറ്റോളം നടത്തിയ കോണ്‍ഫറന്‍സ് കോളില്‍ കഴിഞ്ഞ
പത്തു ദിവസമായി ക്വാറന്റീനില്‍ കഴിയുന്നതിന്റെ നിരാശയാണ് ആദ്യം പ്രകടിപ്പിച്ചത്..
പിന്നീട് 'Coordinate Everything'.., തന്റെ അഭാവത്തിലും ഓഫിസ് കൃത്യമായി പ്രവര്‍ത്തിക്കണമെന്നും.. ങഘഅ യുടെ തന്നെ ഇടപെടല്‍ ആവശ്യമായുള്ള അടിയന്തര സാഹചര്യങ്ങളില്‍ നമ്മുടെ മറ്റ് നിയമസഭ സാമാജികരുടെ സഹായം തേടണമെന്നും നിര്‍ദ്ദേശിച്ചു..
മണ്ഡലത്തില്‍ നടന്നുകൊണ്ടിരിക്കുന്ന വികസന പ്രവര്‍ത്തനങ്ങളുടെ പുരോഗതിയും കൃത്യമായി വിലയിരുത്തണമെന്ന് സ്റ്റാഫ് അംഗങ്ങള്‍ക്ക് നിര്‍ദ്ദേശം നല്‍കി ചേച്ചി..
വരുന്ന നിയമസഭ സമ്മേളനത്തെ പറ്റി വിഷ്ണുവിനോട് ചോദിച്ചടക്കം ചേച്ചി
സാധാരണ ജീവിതത്തിലേക്ക് തിരിച്ചുവരുന്നതിന്റെ നല്ല സൂചനയാണ് നല്‍കുന്നത്..
ഒരാഴ്ച കൂടി ചേച്ചി ഐ.സി.യു.വില്‍ തുടരുമെന്നാണ് ഡോക്ടര്‍മാരുടെ വിലയിരുത്തല്‍.
Our Heartfelt Thank You to Everyone for Your Prayers and Thoughts..??
þTeam Admin

ഉമാ തോമസ് സാധാരണ ജീവിതത്തിലേക്ക് മടങ്ങുന്നു ;എല്ലാം ഏകോപിപ്പിക്കാൻ സ്റ്റാഫ് അംഗങ്ങൾക്ക് നിർദേശം നൽകി

തിരുവനന്തപുരം: നടി ഹണി റോസിനെ പിന്തുണച്ച് വിമൻ ഇൻ സിനിമ കളക്ടീവ്. ഹണി റോസിന്റെ ഫേസ്ബുക്ക് പോസ്റ്റ് പങ്കുവച്ച് അവൾക്കൊപ്പമെന്ന ഹാഷ്‌ടാഗും പങ്കുവച്ചാണ് ഡബ്ല്യുസിസി പിന്തുണ അറിയിച്ചിരിക്കുന്നത്. ഇന്നലെ വ്യവസായി ബോബി ചെമ്മണ്ണൂരിനെതിരെ ഹണി റോസ് നൽകിയ പരാതിയിൽ പൊലീസ് കേസെടുത്തിരുന്നു.
'ഇന്ത്യയിലെ നിയമസംവിധാനം അനുവദിക്കാത്ത ഒരു വസ്ത്രവും ധരിച്ച് ഞാൻ പൊതുവേദിയിൽ എത്തിയിട്ടില്ല. നിങ്ങൾ ഓരോരുത്തരും അവരവരുടെ ചിന്തകൾ അനുസരിച്ച് സ്വയം നിയമസംഹിതകൾ സൃഷ്ടിക്കുന്നതിൽ ഞാൻ ഉത്തരവാദി അല്ല.ഒരു അഭിനേത്രി എന്ന നിലയിൽ എന്നെ വിളിക്കുന്ന ചടങ്ങുകൾക്ക് പോകുന്നത് എന്റെ ജോലിയുടെ ഭാഗമാണ്. എന്റെ വസ്ത്രധാരണത്തെക്കുറിച്ചോ എന്നെക്കുറിച്ചോ ക്രിയാത്മകമായോ സർഗാത്മകമായോ വിമർശിക്കുന്നതിലും തമാശ ഉണ്ടാക്കുന്നതിലും എനിക്ക് വിരോധം ഇല്ല, പരാതി ഇല്ല. പക്ഷെ അത്തരം പരാമർശങ്ങൾക്ക്, ആംഗ്യങ്ങൾക്ക് ഒരു Reasonable restriction വരണം എന്ന് ഞാൻ വിശ്വസിക്കുന്നു.ആയതിനാൽ എന്റെ നേരെ ഉള്ള വിമർശനങ്ങളിൽ അസഭ്യഅശ്ലീലപരാമർശങ്ങൾ ഉണ്ടെങ്കിൽ ഭാരതീയ ന്യായ സംഹിത അനുസരിച്ച് സ്ത്രീക്ക് തരുന്ന എല്ലാ സംരക്ഷണസാധ്യതകളും പഠിച്ച് ഞാൻ നിങ്ങളുടെ നേരെ വരും. ഒരിക്കൽ കൂടി പറയുന്നു സമൂഹമാധ്യമങ്ങളിലെ അസഭ്യഅശ്ലീലഭാഷപണ്ഡിതമാന്യന്മാരെ നിങ്ങളോട് ഇതേ അവസ്ഥയിൽ കടന്നു പോകുന്ന എല്ലാ സ്ത്രീകൾക്കും വേണ്ടി ഹണി റോസ് എന്ന ഞാൻ യുദ്ധം പ്രഖ്യാപിക്കുന്നു',- ഡബ്ല്യുസിസി പങ്കുവച്ച പോസ്റ്റിലെ കുറിപ്പ്.

'അവൾക്കൊപ്പം'; നടി ഹണി റോസിന്  പിന്തുണയുമായി ഡബ്ല്യുസിസി

മലപ്പുറം: തിരൂർ ബി.പി. അങ്ങാടി നേർച്ചയ്ക്കിടെ ആന ഇടഞ്ഞു. പാക്കത്ത് ശ്രീക്കുട്ടൻ എന്ന ആനയാണ് ഇടഞ്ഞത്. നേർച്ചയുടെ സമാപനദിവസമായ ബുധനാഴ്ച, പെട്ടിവരവ് ജാറത്തിന് മുമ്പിലെത്തിയപ്പോഴാണ് ആനയിടഞ്ഞത്.
രാത്രി 12.30 ഓടെയായിരുന്നു സംഭവം. 17 പേർക്ക് പരിക്കേറ്റു. ഒരാളുടെ നില ഗുരുതരമാണ്. ഗുരുതരമായി പരിക്കേറ്റയാളെ കോട്ടയ്ക്കൽ മിംസ് ആശുപത്രിയിൽ പ്രവേശിപ്പിച്ചു. പുലർച്ചെ 2.15 ഓടെ ആനയെ തളച്ചു.

നേർച്ചയ്‌ക്കിടെ ആനയിടഞ്ഞു; നിരവധി പേർക്ക് പരിക്ക്, ഒരാളുടെ നിലഗുരുതരം

തിരുവനന്തപുരം: ഹണി റോസിന് പിന്നാലെ പോലീസില്‍ പരാതി നല്‍കി നടി മാലാ പാര്‍വതിയും. യുട്യൂബ് വഴി മോശമായ രീതിയില്‍ ദൃശ്യങ്ങള്‍ പ്രചരിപ്പിച്ചുവെന്നാണ് മാലാ പാര്‍വതിയുടെ പരാതി. രണ്ടാഴ്ച്ച മുമ്പാണ് നടി തിരുവന്തപുരം സിറ്റി പോലീസ് കമ്മീഷണര്‍ക്ക് പരാതി നല്‍കിയത്.
സിനിമയില്‍ നിന്നുള്ള ദൃശ്യങ്ങള്‍ എഡിറ്റ് ചെയ്ത് മോശമായ രീതിയില്‍ ചില യുട്യൂബര്‍മാര്‍ പ്രചരിപ്പിച്ചുവെന്നാണ് പരാതിയില്‍ പറയുന്നത്. ഈ വീഡിയോകളുടെ ലിങ്കും പരാതിയുടെ കൂടെ നല്‍കിയിട്ടുണ്ട്. കേസെടുത്ത സൈബര്‍ പോലീസ് അന്വേഷണം ആരംഭിച്ചിട്ടുണ്ട്.

യുട്യൂബ് വഴി മോശമായ രീതിയില്‍ ദൃശ്യങ്ങള്‍ പ്രചരിപ്പിച്ചു; പരാതി നല്‍കി നടി മാലാ പാര്‍വതി

Search Results for: 08.01.2025