വാടാനപ്പള്ളി (തൃശൂർ): വീടിന് മുകളിൽനിന്ന് വീണ വ്യാപാരി മരിച്ചു. കണ്ടശ്ശാംകടവിൽ അരി വ്യാപാരം നടത്തുന്ന ഏനാമാക്കൽ ട്രഡേഴ്സ് ഉടമയും അരിമ്പൂർ കൈമഠത്തിൽ അന്തോണിയുടെ മകനുമായ ആന്റോ (65) ആണ് മരിച്ചത്.
രാവിലെ വീടിന് മുകളിൽ കെട്ടിക്കിടക്കുന്ന വെള്ളം ഒഴിവാക്കാൻ കയറിയപ്പോൾ വഴുതി വീണതാകാമെന്നാണ് നിഗമനം. ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ജാൻസിയാണ് ഭാര്യ. മക്കൾ: അഖില, അമൽ.

വീടിന് മുകളിൽനിന്ന് വീണ വ്യാപാരി മരിച്ചു

Kerala

ന്യൂ​ഡ​ൽ​ഹി: സ​ത്യ​പ്ര​തി​ജ്ഞ​ക്കാ​യി ഡ​ൽ​ഹി​യി​ലെ കേ​ര​ള ഹൗ​സി​ൽ നി​ന്ന് കോ​ട്ട​യം എം.​പി ഫ്രാ​ൻ​സി​സ് ജോ​ർ​ജ് പാ​ർ​ല​മെ​ന്‍റി​ലെ​ത്തി​യ​ത് ഓ​ട്ടോ​റി​ക്ഷ​യി​ൽ. ഓ​ട്ടോ ചി​ഹ്ന​ത്തി​ലാ​ണ് ഫ്രാ​ൻ​സി​സ് ജോ​ർ​ജ് മ​ത്സ​രി​ച്ച​ത്.
വ​ന്യ​ജീ​വി വി​ഷ​യ​ത്തി​ൽ പാ​ർ​ല​മെ​ന്‍റി​ല്‍ സ്വ​കാ​ര്യ ബി​ൽ അ​വ​ത​രി​പ്പി​ക്കു​മെ​ന്ന് ഫ്രാ​ൻ​സി​സ് ജോ​ര്‍​ജ് വ്യ​ക്ത​മാ​ക്കി. ലോ​ക്സ​ഭ​യി​ൽ സം​സാ​രി​ക്കാ​ൻ കി​ട്ടു​ന്ന ആ​ദ്യ അ​വ​സ​ര​ത്തി​ൽ ത​ന്നെ റ​ബ​ർ ഉ​ൾ​പ്പെ​ടെ​യു​ള്ള വി​ഷ​യ​ങ്ങ​ൾ ഉ​ന്ന​യി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.കൊ​ടി​ക്കു​ന്നി​ൽ സു​രേ​ഷി​ന് മു​ന്നി​ൽ സ​ത്യ​പ്ര​തി​ജ്ഞ ചെ​യ്യ​ണ​മെ​ന്നാ​ണ് കേ​ര​ള​ത്തി​ലെ എം​.പി​മാ​ർ ആ​ഗ്ര​ഹി​ച്ചി​രു​ന്ന​ത്. വാ​ജ്പേ​യ് സ​ർ​ക്കാ​രി​ന്‍റെ കാ​ല​ത്ത് സി.​പി​.ഐ അം​ഗം ഇ​ന്ദ്ര​ജി​ത്ത് ഗു​പ്ത​യെ പ്രോ​ ടേം സ്പീ​ക്ക​റാ​ക്കി​യി​ട്ടു​ണ്ടെ​ന്നും ഫ്രാ​ൻ​സി​സ് ജോ​ർ​ജ് പറഞ്ഞു.

സത്യപ്രതിജ്ഞ ചെയ്യാൻ ഫ്രാ​ൻ​സി​സ് ജോർജ് എത്തിയത് ഓ​ട്ടോറിക്ഷയിൽ

തിരുവനന്തപുരം: ദിവ്യ എസ്. അയ്യർ ഐ.എ.എസ് തന്നെ ആലിംഗനം ചെയ്തത് സ്നേഹം പ്രകടിപ്പിച്ചതാണെന്നും അത് വലിയ ചർച്ചയാക്കേണ്ട കാര്യമില്ലെന്നും കെ. രാധാകൃഷ്ണൺ എം.പി. ഒരു സ്നേഹപ്രകടനം ഇത്ര ചർച്ചയാക്കേണ്ട കാര്യമുണ്ടോ​? ആർക്കും സ്നേഹിക്കാൻ പാടില്ലേ എന്നും അദ്ദേഹം ചോദിച്ചു.രാജ്യത്തിന്റെ പൊതു സ്ഥിതി പാർലമെന്റിൽ ചർച്ചയാകുമെന്നും താൻ ആദ്യമായാണ് പാർലമെന്റിൽ എത്തുന്നതെന്നും രാധാകൃഷ്ണൻ കൂട്ടി​ച്ചേർത്തു.
ദിവ്യ എസ്. അയ്യർ മുൻ മന്ത്രി കെ. രാധാകൃഷ്ണനെ ആശ്ലേഷിക്കുന്ന ചിത്രം സാമൂഹിക മാധ്യമങ്ങളിൽ വൈറലായിരുന്നു. സ്നേഹത്തിന് പ്രോട്ടോക്കോൾ ഇല്ലെന്നും കെ. രാധാകൃഷ്ണനെ ആലിംഗനം ചെയ്തത് ഹൃദയത്തിന്റെ ഭാഷയിലാണെന്നുമാണ് ദിവ്യ എസ്. അയ്യർ പ്രതികരിച്ചത്. ഫോട്ടോയെ കുറിച്ചുള്ള ജാതീയമായ പരാമർശങ്ങൾ വേദനിപ്പിച്ചുവെന്നും അവർ പറഞ്ഞു.

ദിവ്യ എസ്. അയ്യരുടേത്  സ്നേഹപ്രകടനം ; അത് വലിയ ചർച്ചയാക്കേണ്ട ആവശ്യമില്ലെന്ന് കെ. രാധാകൃഷ്ണൺ

തിരുവനന്തപുരം: യു.ഡി.എഫ്. യോഗത്തില്‍ അവഗണന നേരിട്ടുവെന്ന പരാതി ഉന്നയിച്ച രമേശ് ചെന്നിത്തലയെ വീട്ടിലെത്തി കണ്ട് പ്രതിപക്ഷ നേതാവ് വി.ഡി. സതീശന്‍. തിങ്കളാഴ്ച രാവിലെയാണ് അനുനയ നീക്കവുമായി സതീശന്‍ എത്തിയത്. പ്രശ്‌നങ്ങളെല്ലാം പരിഹരിച്ചുവെന്ന് സതീശന്‍ പറഞ്ഞു.
യു.ഡി.എഫ്. നേതൃത്വവുമായി കുറച്ചുനാളുകളായി ചെന്നിത്തലയ്ക്ക് അതൃപ്തിയുണ്ട്. പുതുതായി തിരഞ്ഞെടുക്കപ്പെട്ട എം.പിമാരുടെയും യു.ഡി.എഫ് നേതാക്കന്മാരുടെയും യോഗം പ്രതിപക്ഷ നേതാവിന്റെ വസതിയില്‍ കഴിഞ്ഞ ദിവസം ചേര്‍ന്നിരുന്നു. കേരളത്തിന്റെ ചുമതലയുള്ള എ.ഐ.സി.സി. സെക്രട്ടറി, സംഘടനാകാര്യ ജനറല്‍ സെക്രട്ടറി കെ.സി. വേണുഗോപാല്‍, മുസ്‌ലിം ലീഗ് നേതാവ് പി.കെ. കുഞ്ഞാലിക്കുട്ടി ഉള്‍പ്പെടെയുള്ളവര്‍ യോഗത്തില്‍ പങ്കെടുത്തിരുന്നു.ഘടകകക്ഷി നേതാക്കള്‍ക്ക് സംസാരിക്കാന്‍ അവസരം ലഭിച്ചിട്ടും ചെന്നിത്തലയ്ക്ക് സംസാരിക്കാന്‍ അവസരം നല്‍കിയില്ല. തുടര്‍ന്ന് അവിടെ ഒരുക്കിയിരുന്ന വിരുന്നില്‍ പങ്കെടുക്കാതെ ചെന്നിത്തല മടങ്ങുകയും ചെയ്തിരുന്നു.&nbsp;
ഇതിന് പിന്നാലെയാണ് അനുനയനീക്കവുമായി വി.ഡി, സതീശന്‍ നേരിട്ട് ഇറങ്ങിയതും ചെന്നിത്തലയെ വീട്ടിലെത്തി കാണുകയും ചെയ്തത്. ഒന്നിച്ച് പ്രഭാതഭക്ഷണം കഴിച്ചാണ് പിരിഞ്ഞത്. തങ്ങള്‍ തമ്മിലുള്ളത് സഹോദരതുല്യമായ ബന്ധമാണെന്നും വിഷയത്തില്‍ ഹൈക്കമാന്‍ഡ് ഇടപെടേണ്ട ആവശ്യമില്ലെന്നും സതീശന്‍ വ്യക്തമാക്കി.&nbsp;

യു.ഡി.എഫ്. യോഗത്തിലെ അവഗണന ;രമേശ് ചെന്നിത്തലയെ വീട്ടിലെത്തി കണ്ട് പ്രതിപക്ഷ നേതാവ്

തിരുവനന്തപുരം: പ്ലസ് വൺ സീറ്റ് പ്രതിസന്ധിയുമായി ബന്ധപ്പെട്ട് സംസ്ഥാന വ്യാപക പ്രതിഷേധം. കൊല്ലത്തും തിരുവനന്തപുരത്തും നടന്ന കെ.എസ്.യു. മാർച്ച് സംഘർഷത്തിൽ കലാശിച്ചു. പോലീസ് കണ്ണീർ വാതകം പ്രയോഗിച്ചു.
കൊല്ലത്ത് മാർച്ച് ഉദ്ഘാടനം ചെയ്തതിന് പിന്നാലെ, പോലീസ് സ്ഥാപിച്ച ബാരിക്കേഡുകൾ തകർക്കാൻ പ്രതിഷേധക്കാർ ശ്രമിച്ചു. പോലീസുകാർക്ക് നേരെയും പ്രതിഷേധക്കാർ തിരിഞ്ഞു. പോലീസുകാർക്ക് നേരെ കല്ലെറിയുകയും വടി ഉപയോഗിച്ച് ആക്രമിക്കുകയും ചെയ്തു. ഇതോടെ കണ്ണീർവാതകം പ്രയോഗിക്കുകയായിരുന്നു. .

പ്ലസ് വണ്‍ പ്രതിസന്ധി: കെ.എസ്.യു മാര്‍ച്ചില്‍ സംഘര്‍ഷം, കല്ലേറ്, ജലപീരങ്കി

കുവൈത്ത് സിറ്റി: ബേക്കൽ സ്വദേശി കുവൈത്തിൽ നിര്യാതനായി. മാസ്തിഗുഡയിലെ അറഫാത്ത് ആണ് മരിച്ചത്.
ജോലി സ്ഥലത്ത് കുഴഞ്ഞു വീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പിതാവ്: അബ്ദുൽ ഹമീദ്. മാതാവ്: ഹവ്വാ ബീവി.ഭാര്യ: ആയിശത്ത് മഷ്ഹൂറ. മക്കൾ: മുഹമ്മദ് സയാൻ, ഇസ അറഫാത്ത്. സഹോദരങ്ങൾ: അർഷാദ്, അബ്റാൻ, ഹർഷാന.

കാസർകോട് സ്വദേശി കുവൈത്തിൽ നിര്യാതനായി

Gulf

പയ്യോളി: വടകരയിലെ വിവാദ കാഫിർ സ്ക്രീൻ ഷോട്ട് ഫേസ്ബുക്കിൽ നിന്ന് പിൻവലിക്കാത്ത സിപിഎം പയ്യോളി ഏരിയ സെക്രട്ടറി എം.പി ഷിബുവിനെതിരെ പൊലീസിൽ പരാതി. ഷിബുവിനെതിരെ നിയമനടപടി ആവശ്യപ്പെട്ട് യൂത്ത് കോൺഗ്രസ് സംസ്ഥാന ജനറൽ സെക്രട്ടറി വി.പി.ദുൽഖിഫിൽ ആണ് വടകര റൂറൽ എസ് പിക്ക് പരാതി നൽകിയത്.
മതസ്പർദ്ധ ഉണ്ടാക്കുക, ഇതര മത വിഭാഗങ്ങൾക്കിടയിൽ സംഘർഷം ഉണ്ടാക്കുക എന്നീ ഉദ്ദെഹസത്തോടെയാണ് എഫ്ബി പോസ്റ്റിട്ടതെന്നും പരാതിയിൽ പറയുന്നു. സ്ഥാനാർഥിയുടെ മതത്തിന്റെ പേര് പറഞ്ഞ് ജനങ്ങൾക്കിടയിൽ തെറ്റായ ധാരണ ഉണ്ടാക്കാൻ ഷിബുവും മുൻ എംഎൽഎ കെ.കെ ലതികയും തമ്മിൽ ഗൂഡാലോചന നടത്തിയെന്നും പരാതിയിലുണ്ട്.
ആരോപണം നേരിട്ട യൂത്ത് ലീഗ് തിരുവള്ളൂർ ശാഖാ സെക്രട്ടറി അല്ല വിവാദ മെസേജിന് പിന്നിൽ എന്ന് പൊലീസ് ഹൈക്കോടതിയിൽ റിപ്പോർട്ട് നൽകിയിരുന്നു. പൊലീസ് റിപ്പോർട്ടിന് പിന്നാലെ സിപിഎം സംസ്ഥാന സമിതി അംഗം കെ.കെ ലതിക കാഫിർ സ്ക്രീൻ ഷോട്ട് പോസ്റ്റ് ഫേസ്ബുക്കിൽ നിന്ന് പിൻവലിച്ചിരുന്നു.

കാഫിർ പോസ്റ്റ് പിൻവലിച്ചില്ല; പയ്യോളിയിലെ സിപിഎം നേതാവിനെതിരെ പരാതി നൽകി യൂത്ത് കോൺഗ്രസ്

Koyilandy

കോഴിക്കോട്: ടി.പി. കേസ് പ്രതികളുടെ ശിക്ഷാ ഇളവ് നൽകാനുള്ള നീക്കത്തിനെതിരെ രൂക്ഷ വിമർശനവുമായി വടകര എം.പി ഷാഫി പറമ്പിൽ. 20 വർഷത്തേക്ക് പ്രതികൾക്ക് ഒരു ഇളവും നൽകരുതെന്ന് ഹൈകോടതി വിധിയുടെ 155-ാം പേജിൽ പറയുന്നുണ്ടെന്ന് ഷാഫി ചൂണ്ടിക്കാട്ടി. ഇക്കാര്യം അറിഞ്ഞിട്ടും 56 പേർക്ക് ശിക്ഷാ ഇളവ് കൊടുക്കാനുള്ള പട്ടികയിൽ ടി.പി കേസിലെ മൂന്നു പ്രതികൾ നുഴഞ്ഞു കയറുന്നു. പട്ടിക ജയിൽ സൂപ്രണ്ട് കൊടുത്തതാണെന്ന് പറയുന്നു. ടി.പി. കേസിലെ പ്രതികൾ സൂപ്രണ്ടിന്‍റെ അളിയനൊന്നും അല്ലല്ലോ പ്രത്യേക താൽപര്യം കാണിക്കാനെന്നും ഷാഫി പറമ്പിൽ പറഞ്ഞു.
സൂപ്രണ്ട് പട്ടിക നൽകണമെങ്കിൽ അതിന് പിന്നിൽ രാഷ്ട്രീയ ഡയറക്ഷനുണ്ട്. മുഖ്യമന്ത്രിയും മുഖ്യമന്ത്രിയുടെ ഓഫീസും ആഭ്യന്തര വകുപ്പും അറിയാതെ ടി.പി കേസ് പ്രതികൾക്ക് ശിക്ഷാ ഇളവ് നൽകാനായി സൂപ്രണ്ട് എഴുതി നൽകുമെന്ന് കേരളം വിശ്വസിക്കുമോ എന്നും ഷാഫി ചോദിച്ചു. ടി.പി. കേസ് പ്രതികളെ സന്തോഷിപ്പിച്ചും സമാധാനപ്പെടുത്തിയും നിർത്തേണ്ടത് ഉന്നത പദവിയിലുള്ള പാർട്ടി നേതാക്കൾക്കും സർക്കാറിനും അനിവാര്യതയാണ്. അല്ലെങ്കിൽ ഈ പ്രതികൾ എന്തെങ്കിലുമൊക്കേ വിളിച്ചു പറയും. ടി.പിയുടെ കൊലപാതകത്തിലുള്ള പങ്ക് ഇപ്പോഴത്തെ പ്രതികളിൽ നിൽക്കാതെ മുകളിലേക്ക് പോകുമെന്നും ഷാഫി പറമ്പിൽ വ്യക്തമാക്കി.

ടി.പി. കേസ് പ്രതികൾ ജയിൽ സൂപ്രണ്ടിന്‍റെ അളിയനൊന്നും അല്ലല്ലോ? വിമർശിച്ച് ഷാഫി പറമ്പിൽ

Kozhikode

പയ്യോളി: പൊതുജന വായനശാല കുറിഞ്ഞിത്താര, വായനപക്ഷാചരണത്തിന്റെ ഭാഗമായി പി എൻ പണിക്കർ, ഐ വി ദാസ് അനുസ്മരണം നടത്തി. ഡോക്ടർ സോമൻ കടലൂർ ഉത്ഘാടനം ചെയ്തു. വായനശാല പ്രസിഡന്റ്‌ പി എം അഷ്‌റഫ്‌ അദ്യക്ഷനായിരുന്നു. ഇബ്രാഹിം തിക്കോടി, എ ടി ചന്ദ്രൻ. ടി ഇ കെ ഷൈജു, പി എം ഹൈറുന്നിസ എന്നിവർ സംസാരിച്ചു. പരിസ്ഥിതി ദിനത്തിൽ വായനശാല വനിതാവേദി അംഗങ്ങൾക്കായി നടത്തിയ ക്വിസ്സ് മത്സരത്തിൽ ഒന്നും രണ്ടും സ്ഥാനങ്ങൾ നേടിയ ഷിഹാന വി പി, രന്യ ടി എന്നിവർക്കും, നീറ്റ് പരീക്ഷയിൽ റാങ്ക് ഹോൾഡറായ നിഹാല ജാസ്മിനും സോമൻ കടലൂർ ഉപഹാര വിതരണം നടത്തി.

വായനാപക്ഷാചരണം

Inshort

കോട്ടയം: പച്ചക്കറി വിലവർദ്ധനവിൽ നട്ടംതിരിഞ്ഞ് പൊതുജനം.സാധാരണക്കാരുടെ അടുക്കള ബഡ്ജറ്റ് താളം തെറ്റിയിരിക്കുകയാണ്. ദക്ഷിണേന്ത്യൻ സംസ്ഥാനക്കാരാണ് കൂടുതലും പ്രതിസന്ധി നേരിടുന്നത്. തമിഴ്‌നാട്ടിൽ നിന്നുള്ള പച്ചക്കറിവരവ് കുറഞ്ഞതും കേരളത്തിൽ വിലവർധനവിന് കാരണമായെന്ന് കച്ചവടക്കാർ പറയുന്നു.&nbsp;
കൊച്ചിയിൽ പച്ചക്കറിക്ക് വൻ വിലക്കയറ്റമാണ് ഉണ്ടായിരിക്കുന്നത്. കാരറ്റ്- 80 രൂപ, തക്കാളി-100 രൂപ, സവാള- 45 രൂപ, ബീൻസ്-120 രൂപ, വെളുത്തുള്ളി-300 രൂപ, മുരിങ്ങക്കായ-200 രൂപ എന്നിങ്ങനെയാണ് നിലവിലെ വില.അതിർത്തി ഗ്രാമങ്ങളിലും പച്ചക്കറി വില ഉയരുകയാണ്. മലയാളികളുടെ തീൻമേശയിൽ സാധാരണ എത്താറുള്ള അന്യസംസ്ഥാനക്കാരുടെ പച്ചക്കറിയും കിട്ടുമെന്ന കാര്യത്തിൽ സംശയമാണ്.&nbsp;
തമിഴ്നാട്ടിലെ പച്ചക്കറി നിലങ്ങളായ കുറുവാൻകോട്ടയ്, കുളുപ്പൻകുളം, ചെട്ടിയാർപെട്ടി, ഉഗ്രൻ കോട്ട, കിളിമാനൂർ, അളകാണ്ടിപ്പുറം, കൂത്ത് മലൈ, വീരാനം, വിവിപുറം, വീരാനു കൂത്ത്മലൈ, നായനാർകുറിച്ചി, കുഞ്ഞുകുളം, അപ്പിത്ത്, ആഴംകുളം, മരുതപ്പെട്ടി, കാന്തപുരം, മുക്കനാർ, പള്ളക്കൽ, പുതുക്കുടി, ബ്രഹ്മദേശം തുടങ്ങിയ വില്ലേജുകളിലെ പച്ചക്കറി കൃഷിപ്പാടത്താണ് ഏറ്റവും കൂടുതൽ കാലവർഷക്കെടുതി ഉണ്ടായത്. ഇതോടെയാണ് അതിർത്തിയിൽ പച്ചക്കറിവില വർദ്ധിച്ചത്.

പച്ചക്കറി വിലവർധനവിൽ വലഞ്ഞ് മലയാളികൾ

വടകര: പുറങ്കര മാപ്പിള ജെ ബി സ്കൂളിലെ ഈ വർഷത്തെ വിദ്യാരംഗം കലാസാഹിത്യവേദിയുടെ ഉദ്ഘാടനം റിട്ട. അധ്യാപകൻ അജിത് കുമാർ നിർവ്വഹിച്ചു. ഹെഡ്മിസ്ട്രസ് ബിന്ദു സ്വാഗതം പറഞ്ഞ ചടങ്ങിൽ പിടിഎ വൈസ് പ്രസിഡൻറ് സ്വാലിഹ അധ്യക്ഷത വഹിച്ചു. ഹർഷിന , ലേഖ, താഹിറ, വിദ്യാർത്ഥി പ്രതിനിധി മുഹമ്മദ് സിനാൻ എന്നിവർ ആശംസകളർപ്പിച്ചു. ബൈജ നന്ദി പറഞ്ഞു. വായനാദിനത്തിൽ നടത്തിയ വിവിധ മത്സരങ്ങളിലെ വിജയികൾക്കുള്ള സമ്മാനദാനവും ചടങ്ങിൽ നടന്നു.&nbsp;
രക്ഷിതാക്കൾക്ക് നടത്തിയ കയ്യെഴുത്ത് മത്സരത്തിൽ ഒന്നാം സ്ഥാനം ഫസ്ന, രണ്ടാം സ്ഥാനം സാലിഹ .കെ, മൂന്നാം സ്ഥാനം രണ്ടു പേർക്ക് നൂർജ്ജഹാൻ &amp; ഹർഷിന പി എം എന്നിവർ വിജയികളായി. വിദ്യാർത്ഥികൾക്ക് വേണ്ടി നടത്തിയ വായനാ മത്സരത്തിൽ നഫീസത്തുൽ മിസ് രിയ , അയ്ന (എൽ കെ ജി) ,ആയിഷത്തുൽ റിസ് വാന , നയറ ജബിൻ, മുഹമ്മദ് അയ്ദിൽ, മുഹമ്മദ് ഫൈസാൻ ( ഒന്നാം ക്ലാസ്) ,മുഹമ്മദ് സയാൻ ( രണ്ടാം ക്ലാസ്സ്), മുഹമ്മദ് ഷഹബാസ് ( മൂന്നാം ക്ലാസ്), മുഹമ്മദ് റൈഹാൻ (നാലാം ക്ലാസ്) എന്നിവർ വിജയികളായി.

വിദ്യാരംഗം കലാസാഹിത്യവേദി ഉദ്ഘാടനം ചെയ്തു

Vadakara

വടകര: കൊയിലോത്ത് കണ്ടി രാമകൃഷ്ണൻ അഞ്ചാം വാർഷിക അനുസ്മരണ ദിനാചരണം നടത്തി. രാവിലെ വൈക്കിലശ്ശേരിയിൽ പുഷപാർച്ചന നടത്തി. കെ.പി.സി.സി. സെക്രട്ടറി അഡ്വ: ഐ.മൂസ്സ ഉദ്ഘാടനം ചെയ്തു. കെ.കെ.മോഹൻദാസ് അധ്യക്ഷത വഹിച്ച യോഗത്തിൽ സുരേന്ദ്രനാഥ് സ്വാഗതവും വിനോദ് നന്ദിയും രേഖപ്പെടുത്തി. ബ്ലോക്ക് കോൺഗ്രസ്സ് പ്രസിഡണ്ട് സതീശൻ കുരിയാടി, മണ്ഡലം പ്രസിഡണ്ട് അഡ്വക്കറ്റ് നജ്മൽ, ബ്ലോക്ക് മഹിളാ കോൺഗ്രസ് പ്രസിഡണ്ട് മഠത്തിൽ പുഷ്പ, മരത്തപ്പള്ളി രവി, കെ.കെ.പവിത്ര രാജൻ, പുത്തൻപുരയിൽ ബാലക്കുറുപ്പ് ,ഗോപാലകൃഷ്ണൻ, രാധാകൃഷ്ണൻ എന്നിവർ ശ്രദ്ധാഞ്ജലികൾ അർപ്പിച്ചു.

കൊയിലോത്ത് കണ്ടി രാമകൃഷ്ണനെ അനുസ്മരിച്ചു

തിരുവനന്തപുരം: പൂന്തുറയിൽ പൊലീസ് ഉദ്യോഗസ്ഥൻ മരിച്ച നിലയിൽ. സിറ്റി ട്രാഫിക് എൻഫോഴ്‌സ്‌മെന്റ് യൂണിറ്റിൽ (നോർത്ത്) ജോലി ചെയ്യുന്ന മദനകുമാ‌ർ എന്ന സിവിൽ പൊലീസ് ഓഫീസറെയാണ് മരിച്ച നിലയിൽ കണ്ടെത്തിയത്.മദനകുമാർ താമസിച്ചിരുന്ന പൂന്തുറ പൊലീസ് സ്റ്റേഷൻ പരിധിയിലെ പൊലീസ് ക്വാർട്ടേഴ്‌സ് സി2യിൽ കെട്ടിത്തൂങ്ങി നിൽക്കുന്ന നിലയിലാണ് മൃതദേഹം കണ്ടെത്തിയത്. മൃതദേഹത്തിന് രണ്ട് ദിവസത്തിലേറെ പഴക്കമുണ്ട്.&nbsp;
പാറശാല പരശുവയ്‌ക്കൽ സ്വദേശിയാണ് മരിച്ച മദനകുമാർ. അഞ്ചുമാസത്തിലേറയായി ക്വാർട്ടേഴ്‌സിൽ ഒറ്റയ്‌ക്കായിരുന്നു താമസം. ആത്മഹത്യയുടെ കാരണം വ്യക്തമല്ല.

പൊലീസ് ഉദ്യോഗസ്ഥൻ ക്വാർട്ടേഴ്‌സിൽ മരിച്ച നിലയിൽ; മൃതദേഹത്തിന് രണ്ട് ദിവസത്തെ പഴക്കം

കുറ്റ്യാടി: പഴയകാല കോൺഗ്രസ് പ്രവർത്തകൻ ചേരാപുരം പുത്തലത്ത് വടക്കയിൽ മീത്തൽ ഗംഗാധരൻ നമ്പ്യാർ (85) അന്തരിച്ചു. ഭാര്യ: രാധാമ്മ. മക്കൾ: ഷാജി, സജി. മരുമക്കൾ: വിമല, ഗ്രീഷ്മ. സഹോദരങ്ങൾ: നാരായണൻ നമ്പ്യാർ, പരേതനായ പത്മനാഭൻ നമ്പ്യാർ. സഞ്ചയനം: ബുധൻ.

വടക്കയിൽ മീത്തൽ ഗംഗാധരൻ നമ്പ്യാർ അന്തരിച്ചു

Obituary

ചെന്നൈ: പഠനത്തിൽ മോശമായതിന് ശകാരിച്ചതിന്റെ പേരിൽ കോളേജ് വിദ്യാർത്ഥി അമ്മയെയും സഹോദരനെയും കൊലപ്പെടുത്തി. ചെന്നൈയിൽ മൂന്നാം വർഷ ബിഎസ്‌സി വിദ്യാർത്ഥിയായ നിതേഷാണ് (20) അമ്മ പത്മ (45), പത്താം ക്ലാസ് വിദ്യാർത്ഥിയായ സഹോജരൻ സഞ്ജയ് (15) എന്നിവരെ കഴുത്തറുത്ത് കൊന്നത്. സംഭവം നടന്ന് രണ്ട് ദിവസം കഴിഞ്ഞാണ് വിവരം പുറത്തറിഞ്ഞത്.
മൃതദേഹങ്ങൾ പ്ലാസ്റ്റിക്കിൽ പൊതിഞ്ഞ നിലയിലായിരുന്നു. അമ്മയോടായിരുന്നു പകയെങ്കിലും, അമ്മ മരിക്കുന്നതോടെ സഹോദരൻ ഒറ്റപ്പെട്ടുപോകും എന്ന ആശങ്കയുള്ളതിനാലാണ് രണ്ടുപേരെയും കൊലപ്പെടുത്തിയതെന്നാണ് നിതേഷ് പൊലീസിന് നൽകിയ മൊഴി. പിതാവ് മുരുകൻ വിദേശത്താണ്. വ്യാഴാഴ്‌ചയാണ് നിതേഷ് കൊലപാതകം നടത്തിയത്. ശേഷം വീടുവിട്ടുപോയി. അടുത്ത ദിവസം ബന്ധുവായ മഹാലക്ഷ്‌മിയുടെ മൊബൈലിലേക്ക് സംഭവത്തെക്കുറിച്ച് സന്ദേശം അയക്കുകയായിരുന്നു. വീടിന് സമീപം താക്കോൽ ഉണ്ടെന്നും വേഗം അവിടെപ്പോയി നോക്കണമെന്നുമായിരുന്നു സന്ദേശം.
ഒരു ദിവസം വൈകിയാണ് മഹാലക്ഷ്‌മി ഈ മെസേജ് കണ്ടത്. തുടർന്ന് ശനിയാഴ്‌ച വീട്ടിൽ പോയി നോക്കിയപ്പോൾ ദുർഗന്ധം വമിക്കുന്ന നിലയിലായിരുന്നു മൃതദേഹങ്ങൾ. ഇവർ ഉടൻ തന്നെ പൊലീസിൽ വിവരമറിയിച്ചു. മൃതദേഹങ്ങൾക്കരികിൽ നിന്നും കൃത്യത്തിനായി ഉപയോഗിച്ച കത്തി പോലീസ് കണ്ടെടുത്തു. മുറിയിൽ മുഴുവൻ രക്തക്കറയായിരുന്നു. പൊലീസ് നടത്തിയ അന്വേഷണത്തിൽ നിതേഷിനെ കണ്ടെത്തി അറസ്റ്റ് ചെയ്‌തു.

പഠിക്കാത്തതിന് വഴക്കുപറഞ്ഞു; ഉറങ്ങിക്കിടന്ന അമ്മയെയും അനുജനെയും കൊലപ്പെടുത്തി വിദ്യാർത്ഥി

National

ആയഞ്ചേരി: ചീക്കിലോട് യു പി സ്കൂളിലെ വായന വാരാചരണത്തിന്റെയും വിദ്യാരംഗം സാഹിത്യ വേദിയുടെയും ഉദ്ഘാടനം പ്രശസ്ത കവിയും ഗായകനും സംഗീതജ്ഞനുമായ ഇ പി സജീവൻ നിർവഹിച്ചു പി ടി എ പ്രസിഡണ്ട് രാജൻ പുതുശ്ശേരി അധ്യക്ഷത വഹിച്ചു .ഹെഡ് മാസ്റ്റർ സി എച്ച് മൊയ്തു, വി സി കെ സാജിത, ഷബ്ന പി പി ,അഷ്റഫ് ടി , ഇ ലീന , അഭിജിത്ത് ടി വി ,റഹ്മത്ത് കെ കെ , ഇർഫാദ് ടി എം എന്നിവർ സംസാരിച്ചു. ലൈബ്രറി കൗൺസിൽ കൺവീനർ മനീഷ് കെ വി സ്വാഗതം പറഞ്ഞ ചടങ്ങിന് വിദ്യാരംഗം കൺവീനർ അനുഷ ബി നന്ദി പറഞ്ഞു.

വായന വാരാചരണവും വിദ്യാരംഗം കലാ സാഹിത്യവേദി ഉദ്ഘാടനവും

പലരിലും മുഖക്കുരുവും പാടുകളും സൃഷ്ടിക്കുന്ന അസ്വസ്ഥത ചില്ലറയല്ല. കുരു വീർക്കുകയും പൊട്ടുകയും ചെയ്യുമ്പോഴുണ്ടാകുന്ന ബുദ്ധിമുട്ടുകൾക്ക് പുറമേ കാഴ്ചയിൽ എങ്ങനെയാകുമെന്ന ആശയങ്കയാണ് പലരെയും അസ്വസ്ഥമാക്കുന്നത്. പ്രകൃതിദത്ത മാർഗത്തിലൂടെ, സുരക്ഷിതമായി മുഖക്കുരുവിന് പരിഹാരം കണ്ടെത്തണമെന്ന് ആഗ്രഹിക്കുന്ന ഒരാളാണെങ്കിൽ തീർച്ചയായും മഞ്ഞൾ ഉപയോഗിക്കാം. തലമുറകളായി സൗന്ദര്യസംരക്ഷണത്തിൽ സ്ഥാനം പിടിച്ചിട്ടുള്ള മഞ്ഞളിന് മുഖക്കുരുവും പാടുകളും പരിഹരിക്കാനുള്ള കഴിവുണ്ട്.
&nbsp;മുഖത്തെ പാടുകളും മുഖക്കുരുവും എങ്ങനെ മഞ്ഞൾ പ്രയോഗത്തിലൂടെ മാറുമെന്ന് നോക്കാം.
1. മഞ്ഞളും, തുളസിനീരും ചേർത്ത് കുഴമ്പുരൂപത്തിലാക്കിയശേഷം മുഖത്തു പുരട്ടുക. പഴക്കംചെന്ന കറുത്ത പാടുകൾ മാറികിട്ടും.
2. മഞ്ഞൾപ്പൊടി, കടലമാവ്, വേപ്പില അരച്ചത് എന്നിവ പാലിൽ ചേർത്ത് കുഴമ്പുരൂപത്തിലാക്കി മുഖത്തു തേച്ച ശേഷം 15 മിനിട്ടുകൾക്ക് ശേഷം കഴുകി കളയുക. മുഖത്തെ പാടുകൾക്കും മുഖക്കുരുവിനുമെതിരെ ഇത് പ്രവർത്തിക്കും.
3. പനിനീരിൽ മഞ്ഞൾപ്പൊടി ചേർത്ത് മുഖക്കുരു മാത്രമുള്ള ഭാഗത്തു പുരട്ടി അര മണിക്കൂർ ശേഷം കഴുകി കളഞ്ഞാൽ മുഖക്കുരുവിന് ശമനം കിട്ടും.
4. ചെറുചൂടുവെള്ളത്തിൽ മുഖം കഴുകിയ ശേഷം മഞ്ഞളും, വേപ്പിലയും ചേർത്ത് അരച്ച് കുഴമ്പു രൂപത്തിലാക്കി മുഖത്തു പുരട്ടിയാൽ മുഖത്തെ പാടുകൾ മാറികിട്ടും.
പച്ചമഞ്ഞളും, ആര്യവേപ്പിലയും കൂടി കുഴമ്പു രൂപത്തിലാക്കി ദിവസവും തേച്ചുകുളിച്ചാൽ ശരീരത്തിലെ എല്ലാ കറുത്ത പാടുകളും മാറുകയും ചർമ്മകാന്തി വർദ്ധിക്കുകയും, ചർമ്മ രോഗങ്ങളെ അകറ്റി നിർത്തുകയും ചെയ്യും.

മുഖക്കുരുവും പാടുകളും മാറ്റാം ;പ്രകൃതി ദത്ത വസ്തുക്കൾ ഉപയോഗിച്ച് തന്നെ

Health

ബാലുശ്ശേരി : ഉള്ളിയേരിയില്‍ വീട്ടമ്മയുടെ ആത്മഹത്യയില്‍ അയല്‍വാസികള്‍ക്കെതിരേ പോലീസില്‍ പരാതി നല്‍കി മകള്‍. പാലോറ കാവോട്ട് ഷൈജി(42)യുടെ മരണത്തിലാണ് മകള്‍ പോലീസില്‍ പരാതി നല്‍കിയത്.
ജൂണ്‍ 19-ന് പുലര്‍ച്ചെയാണ് ഷൈജിയെ ജീവനൊടുക്കിയനിലയില്‍ കണ്ടെത്തിയത്. ആത്മഹത്യചെയ്തതിന്റെ തലേദിവസം അയല്‍വാസികളായ രണ്ടുപേര്‍ വീട്ടിലെത്തി ഷൈജിയെയും മക്കളെയും ഭീഷണിപ്പെടുത്തിയെന്നാണ് പരാതിയില്‍ പറയുന്നത്.
അയല്‍വാസികളായ സ്ത്രീയും അവരുടെ മകളുമാണ് വീട്ടിലെത്തിയത്. ഇവര്‍ ഷൈജിയുടെ വ്യാജഫോട്ടോകള്‍ മകളെ കാണിച്ചതായും ജീവിക്കാന്‍ അനുവദിക്കില്ലെന്ന് ഭീഷണിപ്പെടുത്തിയെന്നുമാണ് പരാതിയിലുള്ളത്. സംഭവത്തിന്റെ തൊട്ടടുത്തദിവസം പുലര്‍ച്ചെയാണ് വീടിന് സമീപത്തെ മരത്തില്‍ ഷൈജിയെ തൂങ്ങിമരിച്ച നിലയില്‍ കണ്ടത്. മരണവുമായി ബന്ധപ്പെട്ട് അസ്വാഭാവിക മരണത്തിന് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.&nbsp;

വ്യാജ ഫോട്ടോകള്‍ കാണിച്ച് ഭീഷണിപ്പെടുത്തി; ഉള്ളിയേരിയിൽ  വീട്ടമ്മയുടെ മരണത്തില്‍ പരാതിയുമായി മകൾ

വ്യാജ ഫോട്ടോകള്‍ കാണിച്ച് ഭീഷണിപ്പെടുത്തി; ഉള്ളിയേരിയിലെ  വീട്ടമ്മയുടെ മരണത്തില്‍ പരാതിയുമായി മകൾ

തിരുവനന്തപുരം: മലപ്പുറത്തെ പ്ലസ് വണ്‍ സീറ്റ് പ്രതിസന്ധിയുമായി ബന്ധപ്പെട്ട് പ്രതിഷേധത്തിന് ഇറങ്ങിയ എസ്.എഫ്.ഐയെ പരിഹസിച്ച് വിദ്യാഭ്യാസമന്ത്രി വി. ശിവന്‍കുട്ടി. കുറേ നാളായി സമരം ചെയ്യാതെ ഇരിക്കുന്നവരല്ലേ. സമരം ചെയ്ത് ഉഷാറായി വരട്ടെയെന്ന്‌ മന്ത്രി മാധ്യമങ്ങളോട് പറഞ്ഞു.
വിദ്യാഭ്യാർത്ഥി സംഘടനകളുടെ സമരം ചെയ്യാനുള്ള അവകാശത്തെ താന്‍ നിഷേധിക്കുന്നില്ല. കുറേ നാളായി സമരം ചെയ്യാതെ ഇരുന്നവരല്ലേ. സമരം ചെയ്ത് ഉഷാറായി വരട്ടെയെന്നും ശിവൻകുട്ടി കൂട്ടിച്ചേര്‍ത്തു.എസ്.എഫ്.ഐ മുൻ സംസ്ഥാനഭാരവാഹി കൂടിയായിരുന്നു ശിവൻകുട്ടി.
സര്‍ക്കാരിന്റെ മനസ്സ് സമരക്കാര്‍ മനസ്സിലാക്കണം. ഒരു കുട്ടിക്കും പ്രവേശനത്തിന് പ്രയാസം ഉണ്ടാകരുത് എന്നാണ് സര്‍ക്കാര്‍ നിലപാട്. അവർ എന്താണ് മനസിലാക്കിയിരിക്കുന്നതെന്ന് അറിയില്ല.നാളെ വിദ്യാര്‍ഥി സംഘടനകളുമായി നടത്തുന്ന ചര്‍ച്ചയില്‍ എല്ലാം മനസിലാക്കുമെന്നും മന്ത്രി കൂട്ടിച്ചേർത്തു.

അവർ കുറേനാളായി സമരം ചെയ്യാതെ ഇരിക്കുവല്ലേ, ഒന്ന് ഉഷാറായി വരട്ടെ ;എസ്.എഫ്.ഐയെ പരിഹസിച്ച് മന്ത്രി ശിവൻ കുട്ടി

തിരുവനന്തപുരം: പ്ലസ് വൺ സീറ്റുമായി ബന്ധപ്പെട്ട സമരത്തിലെ പോലീസ് നടപടിയിൽ പ്രതിഷേധിച്ച് സംസ്ഥാനത്ത് വിദ്യാഭ്യാസ ബന്ദിന് ആഹ്വാനം ചെയ്ത് കെ.എസ്.യു. ചൊവ്വാഴ്ച സംസ്ഥാന വ്യാപകമായി വിദ്യാഭ്യാസ സ്ഥാപനങ്ങളിൽ ബന്ദിന് ആഹ്വാനം ചെയ്യുന്നതായി കെ.എസ്.യു. സംസ്ഥാന പ്രസിഡന്റ് അലോഷ്യസ് സേവ്യർ വാർത്താകുറിപ്പിൽ അറിയിച്ചു.
പ്ലസ് വൺ ക്ലാസുകൾ ആരംഭിച്ചിട്ടും സീറ്റ് പ്രതിസന്ധി പരിഹരിക്കാതെ വിദ്യാർത്ഥികളെ വഞ്ചിക്കുന്ന നിലപാട് തുടരുകയും, കെ.എസ്.യു സംസ്ഥാന വ്യാപകമായി നടത്തുന്ന പ്രതിഷേധ പരിപാടികളെ പോലീസിനെ ഉപയോഗിച്ച് അടിച്ചമർത്താനും ശ്രമിക്കുന്ന സർക്കാർ നിലപാടിനെതിരെ സംസ്ഥാന വ്യാപകമായി പ്രൊഫഷണൽ കോളേജ് ഉൾപ്പടെയുള്ള വിദ്യാഭ്യാസ സ്ഥാപനങ്ങളിൽ കെ.എസ്.യു വിദ്യാഭ്യാസ ബന്ദിന് ആഹ്വാനം ചെയ്യുന്നതായി വാർത്താ കുറിപ്പിൽ പറയുന്നു.

പ്ലസ് വൺ സീറ്റ് പ്രതിസന്ധിയിൽ പ്രതിഷേധം; സംസ്ഥാനത്ത് നാളെ കെ.എസ്.യുവിന്റെ വിദ്യാഭ്യാസ ബന്ദ്

ന്യൂഡൽഹി: 18-ാം ലോക്‌സഭയുടെ ആദ്യ സമ്മേളനത്തിൽ സത്യപ്രതിജ്ഞ ചെയ്ത് കേന്ദ്രമന്ത്രി സുരേഷ് ഗോപി. സത്യപ്രതിജ്ഞ ചെയ്യുന്നതിന് പീഠത്തിലേക്ക് കയറും മുൻപ് ഭഗവാന്റെ നാമം ജപിച്ച് കൊണ്ടാണ് അദ്ദേഹം വന്നത്. 'കൃഷ്‌ണാ ഗുരുവായൂരപ്പാ ഭഗവാനേ' എന്ന് ചൊല്ലിക്കൊണ്ടാണ് അദ്ദേഹം പീഠത്തിന് അരികിലേക്ക് വരുന്നത്.മലയാളത്തിൽ ദെെവനാമത്തിലായിരുന്നു സുരേഷ് ഗോപി സത്യപ്രതിജ്ഞ ചെയ്തത്. സത്യപ്രതിജ്ഞയ്ക്ക് ശേഷം ഭരണപക്ഷത്തെയും പ്രതിപക്ഷത്തെയും നോക്കി തൊഴുതാണ് അദ്ദേഹം സീറ്റിലേക്ക് മടങ്ങിയത്. മൂന്നാം മോദി സര്‍ക്കാരിൽ ടൂറിസം, പെട്രോളിയം വകുപ്പുകളുടെ സഹമന്ത്രിയാണ് അദ്ദേഹം.
ലോക്‌സഭയിൽ എം പിമാരുടെ സത്യപ്രതിജ്ഞാ ചടങ്ങ് പുരോഗമിക്കുകയാണ്. പ്രധാനമന്ത്രി നരേന്ദ്ര മോദിയാണ് ആദ്യം സത്യപ്രതിജ്ഞ ചെയ്തത്. രണ്ടാമതായി രാജ് നാഥ് സിംഗും മൂന്നാമതായി അമിത് ഷായും സത്യപ്രതിജ്ഞ ചെയ്തു. കേന്ദ്ര സഹമന്ത്രിമാരുടെ സത്യപ്രതിജ്ഞ ഉള്‍പ്പെടെ പൂര്‍ത്തിയായശേഷമായിരിക്കും എംപിമാരുടെ സത്യപ്രതിജ്ഞ നടക്കുക.

'കൃഷ്ണാ, ഗുരുവായൂരപ്പാ'; ലോക്‌സഭയിൽ മലയാളത്തിൽ സത്യപ്രതിജ്ഞ ചെയ്ത് സുരേഷ് ഗോപി

മുക്കാളി: 35 വർഷമായി തുടർ സമരം നടത്തുകയും കുടിയൊഴിപ്പിക്കപ്പെടുന്നവർക്ക് ഇതേവരെ ശാശ്വത പരിഹാരം ലഭിക്കാത്തതിനാലും നർമദ ബചാവോ ആന്തോളൻ നേതാവ് മേധാ പട്കർ ജൂൺ 15 മുതൽ നടത്തിവരുന്ന നിരാഹാര സമരത്തിന് ഐക്യദാർഡ്യം പ്രഖ്യാപിച്ച് സെൻട്രൽ മുക്കാളിയിൽ സിൽവർ ലൈൻ വിരുദ്ധ ജനകീയ സമരസമിതി ജനകീയ സദസ്സ് സംഘടിപ്പിച്ചു.
സമരസമിതി അഴിയൂർ യൂനിറ്റ് കൺവീനർ ഷുഹൈബ് കൈതാൽ സ്വാഗതം പറഞ്ഞ ചടങ്ങിൽ സമരസമിതി അഴിയൂർ മേഖല കൺവീനർ ബാലകൃഷ്ണൻ പാമ്പള്ളി അദ്ധ്യക്ഷത വഹിച്ചു. സിൽവർ ലൈൻ വിരുദ്ധ ജനകീയ സമരസമിതി സംസ്ഥാന കമ്മിറ്റി അംഗം ടി.സി രാമചന്ദ്രൻ മുഖ്യപ്രഭാഷണം നടത്തി. ഐക്യദാർഢ്യ സംഗമത്തിന് രാജൻ തീർത്ഥം, നസീർ വീരോളി , പി.കെ കോയ, സ്മിത സരയു, രമ കുനിയിൽ, ബാലകൃഷ്ണൻ വണ്ണാറത്ത് എന്നിവർ ആശംസ നേർന്നു. സമരസമിതി വനിതാ കമ്മിറ്റി അംഗം സജ്ന സി.കെ.നന്ദി പ്രകാശിപ്പിച്ചു.

കെ റെയിൽ സിൽവർ ലൈൻ വിരുദ്ധ ജനകീയ സമരസമിതി ജനകീയ സദസ്സ് സംഘടിപ്പിച്ചു

കോട്ടയം: മുഖ്യമന്ത്രിക്കെതിരെ ആഞ്ഞടിച്ച് കേരളാ കോണ്‍ഗ്രസ് (എം) നേതാവ്‌ തോമസ് ചാഴികാടന്‍. ലോക്‌സഭാ തിരഞ്ഞെടുപ്പിലെ എല്‍.ഡി.എഫിന്റെ കനത്ത തോല്‍വിക്ക് കാരണം മുഖ്യമന്ത്രിയുടെ നിലപാടെന്ന് തോമസ് ചാഴികാടന്‍ പറഞ്ഞു. നവകേരളസദസ്സിലെ തനിക്കെതിരായ വിമര്‍ശനം തോല്‍വിക്ക് ആക്കംകൂട്ടിയെന്നും അദ്ദേഹം പറഞ്ഞു. കേരളാ കോണ്‍ഗ്രസ് സ്റ്റിയറിങ് കമ്മിറ്റി യോഗത്തിലാണ് തോമസ് ചാഴികാടന്‍ കടുത്ത വിമര്‍ശനം ഉന്നയിച്ചത്.
കഴിഞ്ഞ ലോക്‌സഭാ തിരഞ്ഞെടുപ്പില്‍ കോട്ടയത്ത് വി.എന്‍. വാസവന്‍ എല്‍.ഡി.എഫ്. സ്ഥാനാര്‍ഥിയായി മത്സരിച്ചപ്പോള്‍ ലഭിച്ച വോട്ട് പോലും തനിക്ക് ഇത്തവണ കിട്ടിയില്ലെന്നും തോമസ് ചാഴികാടന്‍ യോഗത്തില്‍ പറഞ്ഞു. തിരഞ്ഞെടുപ്പ് തോല്‍വിയില്‍ മുഖ്യമന്ത്രിയെ മാത്രം പഴിചാരുന്നത് ശരിയല്ലെന്നായിരുന്നു ജോസ് കെ. മാണിയുടെ നിലപാട്.&nbsp;

എല്‍.ഡി.എഫിന്റെ കനത്ത തോല്‍വിക്ക് കാരണം മുഖ്യമന്ത്രിയുടെ നിലപാടെന്ന് തോമസ് ചാഴികാടന്‍

കണ്ണൂർ: തലശ്ശേരിയിൽ കനത്ത മഴയിൽ ഓവുചാലിൽ വീണ് യുവാവിന് ദാരുണാന്ത്യം. മഞ്ഞോടി കണ്ണിച്ചിറയിലാണ് അപകടമുണ്ടായത്. സ്വകാര്യ സ്ഥാപനത്തിലെ സെക്യൂരിറ്റി ജീവനക്കാരനായ രഞ്ജിത്ത് കുമാറാണ് മരിച്ചത്. സ്ലാബില്ലാത്ത ഓടയിലാണ് യുവാവ് വീണത്.
തിങ്കളാഴ്ച രാവിലെയാണ് അപകടമുണ്ടായത്. കാൽവഴുതി ഓടയിലേക്ക് വീണതാവമെന്നാണ് പ്രാഥമിക നിഗമനം. തലശേരിയിൽനിന്ന് ഫയർഫോഴ്‌സ് എത്തിയാണ് മൃതദേഹം പുറത്തെടുത്തത്. ജോലിസ്ഥലത്തേക്കുള്ള യാത്രക്കിടെയാകാം അപകടമെന്നാണ് സംശയിക്കുന്നത്.
ഓവുചാൽ സ്ലാബിട്ടുമൂടാത്തതിനാൽ അപകട ഭീഷണി നിലനിൽക്കുകയാണ്. മുൻപും പ്രദേശത്ത് സമാന രീതിയിൽ അപകടം സംഭവിച്ചിട്ടുണ്ട്.

തലശ്ശേരിയിൽ കനത്ത മഴയിൽ ഓവുചാലിൽ വീണ് യുവാവ് മരിച്ചു

Kannur

വിവാഹവാർഷികദിനത്തിൽ മക്കളെ സാക്ഷിയാക്കി ഭാര്യ അനൂജയ്ക്ക് വീണ്ടും താലി ചാർത്തി നടൻ ധർമജൻ ബോൾ​ഗാട്ടി. തിങ്കളാഴ്ച രാവിലെ ഒമ്പതരയ്ക്കും പത്തരയ്ക്കും ഇടയിൽ കൊച്ചിയിലെ ഒരു ക്ഷേത്രത്തിൽവെച്ചായിരുന്നു ചടങ്ങ്. മക്കളായ വൈ​ഗ, വേദ എന്നിവരും അടുത്ത കുറച്ച് സുഹൃത്തുക്കളും മാത്രമായിരുന്നു ചടങ്ങിനുണ്ടായിരുന്നത്.
പതിനാറ് വർഷം മുമ്പ് ഒളിച്ചോടിയ ആളുകളാണ് തങ്ങളിരുവരും എന്നും തന്റെ നാട്ടിലെ ക്ഷേത്രത്തിൽ വച്ചാണ് വിവാഹം നടത്തിയതെന്നും ധർമജൻ പറഞ്ഞു. അന്ന് രജിസ്ട്രേഷനെക്കുറിച്ച് വലിയ ധാരണ ഉണ്ടായിരുന്നില്ല. ഇപ്പോഴാണ് അങ്ങനെയൊരു തോന്നലുണ്ടായത്. കുട്ടികൾ ഒരാൾ പത്തിലും ഒരാൾ ഒൻപതിലുമായി. അവരുടെ സാന്നിധ്യത്തിൽ കല്യാണം കഴിച്ചുവെന്നു മാത്രമല്ല രജിസ്റ്ററും ചെയ്തു.&nbsp;
റെക്കോർഡിക്കൽ ആയി നമുക്കൊരു രേഖ ആവശ്യമാണ്. പല കാര്യങ്ങൾക്കും ചെല്ലുമ്പോൾ ഇതില്ലെങ്കിൽ പ്രശ്നമാകും. അല്ലാതെ ആളുകളുടെ മുമ്പിൽ കാണിക്കാൻ വേണ്ടി ചെയ്തതല്ല. നമ്മുടെ ഭാവിക്കും സുരക്ഷിതത്വത്തിനും വേണ്ടി ചെയ്ത കല്യാണമാണെന്ന് ധർമജൻ പ്രതികരിച്ചു

വിവാഹവാർഷികദിനത്തിൽ മക്കളെ സാക്ഷിയാക്കി ഭാര്യക്ക് വീണ്ടും താലികെട്ടി നടൻ ധർമജൻ

കാസർകോട്: സിപിഎം കാസർകോട് ജില്ലാ കമ്മറ്റിയോ​ഗത്തിൽ ഇ.പി. ജയരാജന് രൂക്ഷ വിമർശനം. ഇ.പിയുടെ ബിജെപി അനുകൂല നിലപാടുകൾ പാർട്ടിക്ക് അവമതിപ്പുണ്ടാക്കിയെന്നും സ്ഥാനാർഥി നിർണയത്തിലും പ്രചാരണങ്ങളിലും പാളിച്ചയുണ്ടായെന്നും വിമർശനമുയർന്നു. ഇ.പി. ജയരാജനും കെ.കെ ശൈലജയും പങ്കെടുത്ത യോ​ഗത്തിലാണ് വിമർശനം.
ഇ.പി. ജയരാജന് പ്രത്യേക ചുമതലയുണ്ടായിരുന്ന മണ്ഡലമായിരുന്നു കാസർകോട്. ഇടതുകോട്ടയെന്ന് അറിയപ്പെട്ടിരുന്ന കാസർകോട് വലിയൊരു തോൽവിയിലേക്ക് ഇടതുപക്ഷമെത്തിയതിൽ ഇ.പിയുടെ നിരുത്തരവാദപരമായ നിലപാടുകളും അഭിപപ്രായങ്ങളുമായിരുന്നെന്ന് കമ്മറ്റിയിൽ വിമർശനമുണ്ടായി. സർക്കാരിനെതിരെയും ശക്തമായ വിമർശനങ്ങളുയർന്നുവെന്നാണ് വിവരം.

ബിജെപി അനുകൂല നിലപാടുകൾ പാർട്ടിക്ക് അവമതിപ്പുണ്ടാക്കി ; ഇ.പി. ജയരാജന് രൂക്ഷ വിമർശനം

മുൻ ഇന്ത്യൻ ക്രിക്കറ്റ് താരം ഇർഫാൻ പഠാന്റെ മേക്കപ്പ് ആർട്ടിസ്റ്റ് സ്വിമ്മിങ് പൂളിൽ മുങ്ങിമരിച്ചു. പഠാനൊപ്പം ടി20 ലോകകപ്പിനായി വെസ്റ്റ് ഇൻഡീസിലെത്തിയ മേക്കപ്പ് ആർട്ടിസ്റ്റ് ഫയാസ് അൻസാരിയാണ് മുങ്ങിമരിച്ചത്. ബിജ്‌നോറിലെ നാഗിന സ്വദേശിയായ ഫയാസ് ഏറെക്കാലമായി പഠാന്റെ മേക്കപ്പ് ആർട്ടിസ്റ്റായി ജോലി ചെയ്തുവരികയാണ്.
ഐസിസി ടി20 ലോകകപ്പിൽ കമൻ്റേറ്ററി ടീമിൻ്റെ ഭാഗമായി പഠാൻ വെസ്റ്റ് ഇൻഡീസിലേക്ക് പോയപ്പോൾ ഫയാസിനെ കൂടെ കോണ്ടുപോകുകയായിരുന്നു. വെള്ളിയാഴ്ച വൈകുന്നേരം അൻസാരി ഹോട്ടൽ സ്വിമ്മിങ് പൂളിൽ കുളിക്കുന്നതിനിടെ മുങ്ങിമരിച്ചുവെന്നാണ് വെസ്റ്റ് ഇൻഡീസിൽനിന്ന് ലഭിച്ച വിവരം.ഫയാസ് മുംബൈയിൽ സ്വന്തമായി സലൂൺ ആരംഭിച്ച സമയത്ത്, പഠാൻ സലൂണിലെത്തിയിരുന്നു. തുടർന്ന്, തൻ്റെ സ്വകാര്യ മേക്കപ്പ് ആർട്ടിസ്റ്റാക്കി നിയമിക്കുകയായിരുന്നു. അന്താരാഷ്ട്ര യാത്രകളില‍ടക്കം താരത്തിനൊപ്പം പോകാറുണ്ടായിരുന്നു.

ഇർഫാൻ പഠാന്റെ മേക്കപ്പ് ആർട്ടിസ്റ്റ് സ്വിമ്മിങ് പൂളിൽ മുങ്ങിമരിച്ചു

ന്യൂഡൽഹി: കെ സി വേണുഗോപാലിന് കാർ സമ്മാനമായി നൽകി രാഹുൽ ഗാന്ധി. കോൺഗ്രസിന്റെ സംഘടനാ ചുമതലയുള്ള ജനറൽ സെക്രട്ടറിയായ വേണുഗോപാലിന് താൻ നേരത്തെ ഉപയോഗിച്ചിരുന്ന ടൊയോട്ട ഇന്നോവ ക്രിസ്റ്റ കാറാണ് രാഹുൽ ഗാന്ധി നൽകിയത്.
പാർട്ടി ആവശ്യങ്ങൾക്ക് വേണ്ടി മാത്രമേ താൻ ഈ കാറ് ഉപയോഗിക്കുകയുള്ളൂവെന്ന് കെ സി വേണുഗോപാൽ ഒരു മാധ്യമത്തിന് നൽകിയ അഭിമുഖത്തിൽ പറഞ്ഞു.
'ഇത് എ ഐ സി സി തന്ന കാറാണ്. രാഹുൽ ഗാന്ധിയുടെ കാർ ഞങ്ങൾ മാറ്റി. രാഹുൽ ഉപയോഗിച്ച കാർ എ ഐ സി സിക്ക് വിട്ടുതന്നു. അത് ഞാൻ പാർട്ടിയുടെ ആവശ്യത്തിന് വേണ്ടി ഉപയോഗിക്കുന്നു. പാർട്ടിയുടെ കാറാണ്.'- കെ സി വേണുഗോപാൽ പറഞ്ഞു.
രാഹുൽ നൽകിയ കാറിലാണ് കെ സി വേണുഗോപാൽ ലോക്‌സഭാ സമ്മേളനത്തിന്റെ ആദ്യ ദിവസം പാർലമെന്റിലെത്തിയത്. അദ്ദേഹം ഇന്ന് എം പിയായി സത്യപ്രതിജ്ഞ ചെയ്‌തേക്കും.&nbsp;

കെ.സി. വേണുഗോപാലിന് ഇന്നോവ ക്രിസ്റ്റ സമ്മാനിച്ച് രാഹുല്‍ ഗാന്ധി

നാദാപുരം: ഛര്‍ദ്ദിയും വയറിളക്കവും ബാധിച്ച് ഗുരുതരാവസ്ഥയിലായിരുന്ന വിദ്യാര്‍ഥിനി മരിച്ചു. ജന്മഭൂമിനാദാപുരം ലേഖകന്‍ സജീവന്‍ വളയത്തിന്റെ മകള്‍ ദേവതീര്‍ഥയാണ് (14) കോഴിക്കോട് സ്വകാര്യ ആശുപത്രിയില്‍ മരിച്ചത്.
വളയം ഗവ. ഹയര്‍ സെക്കന്ററി സ്‌കൂള്‍ ഒന്‍പതാം ക്ലാസ് വിദ്യാര്‍ഥിനിയാണ്. അമ്മയോടൊപ്പം പൊയിലൂരിലെ വീട്ടിലായിരുന്ന ദേവതീര്‍ഥക്ക് രണ്ടു ദിവസം മുമ്പാണ് ഛര്‍ദ്ദിയും വയറിളക്കവും മറ്റ് അസ്വസ്ഥതകളും അനുഭവപ്പെട്ടത്. തുടര്‍ന്ന് തലശ്ശേരിഇന്ദിരാഗാന്ധി സഹകരണ ആശുപത്രിയില്‍ ചികിത്സയിലായിരുന്ന കുട്ടിയെ രോഗം മൂർച്ചിച്ഛതോടെ കോഴിക്കോടേക്ക് മാറ്റുകയായിരുന്നു. ഇന്നു രാവിലെയാണ് മരണം.
മൃതദേഹം പോസ്റ്റ് മോര്‍ട്ടത്തിനായി മെഡിക്കല്‍ കോളജ് മോര്‍ച്ചറിയിലേക്ക് മാറ്റും. പോസ്റ്റ് മോര്‍ട്ടത്തിന് ശേഷം മൃതദേഹം വൈകീട്ട് വളയത്തെ വീട്ടുവളപ്പില്‍ സംസ്‌കരിക്കും. അമ്മ: ഷൈജ. ഒരു സഹോദരിയുണ്ട്.

വളയത്ത് ഛര്‍ദ്ദിയും വയറിളക്കവും ബാധിച്ച് ചികിത്സയിലായിരുന്ന വിദ്യാര്‍ഥിനി മരിച്ചു

Nadapuram

മണിയൂർ: വിശ്വകലാവേദി ഗ്രന്ഥാലയം കുന്നത്തുകരയുടെ ആഭിമുഖ്യത്തിൽ ഉന്നത വിജയികൾക്ക് അനുമോദനവും വായന പക്ഷാചരണവും നടത്തി. ഗ്രന്ഥാലയം പ്രസിഡണ്ട് എം കൃഷ്ണന്റെ അധ്യക്ഷതയിൽ എ ശശിധരൻ ഉദ്ഘാടനം ചെയ്തു. മൂഴിക്കൽ ജബ്ബാർ ആശംസ അർപ്പിച്ച് സംസാരിച്ചു. ശരത് സ്വാഗതം പറഞ്ഞ ചടങ്ങിൽ പ്ലസ് ടു, എസ്എസ്എൽസി പരീക്ഷകളിൽ ഉന്നത വിജയം നേടിയ വിദ്യാർത്ഥികൾക്കും എൽ എസ് എസ് വിജയികൾക്കും അനുമോദനം നൽകി. സെക്രട്ടറി എ.എം ബാലൻ നന്ദി പറഞ്ഞു.

വിജയികൾക്ക് അനുമോദനവും വായന പക്ഷാചരണവും

ആയഞ്ചേരി: കടമേരി ആർഎസി ഹയർ സെക്കൻഡറി സ്കൂൾ അന്താരാഷ്ട്ര യോഗാ ദിനം വിവിധ പരിപാടികളോടെ ആഘോഷിച്ചു. എൻഎസ്എസ്, സ്കൗട്ട് ഗൈഡ്, സൗഹൃദ വളണ്ടിയർമാർ പരിപാടിയിൽ പങ്കെടുത്തു. 'ആരോഗ്യമുള്ള ശരീരം ആരോഗ്യമുള്ള മനസ്സ്' എന്ന യോഗാദിന സന്ദേശം വിദ്യാർത്ഥികൾക്ക് കൈമാറി. എൻഎസ്എസ് പ്രോഗ്രാം ഓഫീസർ കുഞ്ഞമ്മദ് കെ പി സംസാരിച്ചു. നിസാർ എൻ കെയുടെ നേതൃത്വത്തിൽ നൂറോളം വിദ്യാർത്ഥികൾ യോഗ അഭ്യസിച്ചു. സ്കൗട്ട് മാസ്റ്റർ മുഹമ്മദലി എം.കെ, ഗൈഡ് ക്യാപ്റ്റൻ റസിയ.എം, സൗഹൃദ കോഡിനേറ്റർ ബീന കുമാരി എ എന്നിവർ സംസാരിച്ചു.

അന്താരാഷ്ട്ര യോഗാ ദിനം

'ഗഗനചാരി' എന്ന ചിത്രം കണ്ടതിനുശേഷം കേന്ദ്രമന്ത്രി സുരേഷ് ​ഗോപി വിളിച്ച് അഭിനന്ദനം അറിയിച്ചുവെന്ന് നടനും സംസ്ഥാന ഗതാഗതമന്ത്രിയുമായ കെ.ബി. ​ഗണേഷ് കുമാർ. സിനിമയുടെ പ്രമോഷൻ പരിപാടിക്കിടെയാണ് ​ഗണേഷ് ഇക്കാര്യം അറിയിച്ചത്. 'നീ പടത്തിൽ നന്നായിട്ടുണ്ട്' എന്ന് ഫോൺ വിളിച്ച് സുരേഷ് ​ഗോപി പറഞ്ഞുവെന്ന് ​ഗണേഷ് കുമാർ പറഞ്ഞു.
അത് സന്തോഷമുള്ള കാര്യമാണ്. ഒരു പടം ചെയ്യുമ്പോൾ അതിന് അഭിനന്ദനം കിട്ടുകയെന്നത് ഒരു കലാകാരനെന്ന നിലയില്‍ വളരെ താത്പര്യമുള്ള കാര്യമാണെന്നും ഗണേഷ് കുമാര്‍ പറഞ്ഞു.&nbsp;
അരുൺ ചന്തു സംവിധാനം ചെയ്ത 'ഗഗനചാരി' ജൂണ്‍ 21-നാണ് തിയേറ്ററുകളിൽ എത്തിയത്. ഒരു ഡിസ്‌ടോപ്പിയൻ ഏലിയൻ ചിത്രമായ 'ഗഗനചാരി'ക്ക് തിയേറ്ററുകളിൽ നിന്ന് നല്ല പ്രതികരണമാണ് ലഭിക്കുന്നത്.കെ.ബി ഗണേഷ് കുമാറിനെ കൂടാതെ ഗോകുൽ സുരേഷ്, അജു വർഗീസ്, അനാർക്കലി മരിക്കാർ, ജോൺ കൈപ്പള്ളിൽ തുടങ്ങിയവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്.

'നീ പടത്തിൽ നന്നായിട്ടുണ്ട്', ​സുരേഷ് ​ഗോപി വിളിച്ച് അഭിനന്ദനം അറിയിച്ചുവെന്ന് ​ഗണേഷ് കുമാർ

വടകര: മേപ്പയിൽ പീപ്പ്ൾസ് ലൈബ്രറി സംഘടിപ്പിച്ച സ൪ഗസായാഹ്ന൦ പി. പി പ്രഭാകരൻ ഉദ്ഘാടനം ചെയ്തു. കവിയും പ്രഭാഷകനുമായ സോമൻ കടലൂർ മുഖ്യപ്രഭാഷണം നടത്തി. ജൂലൈ ഏഴ് വരെ നടക്കുന്ന വായനപക്ഷാചരണത്തി൯്റെ ഭാഗമായാണ് പരിപാടി സ൦ഘടിപ്പിച്ചത്. വിവിധ ദിവസങ്ങളിലായി പി. എ൯.പണിക്കർ അനുസ്മരണം, പുസ്തകച൪ച്ച, ക്വിസ്, സിനിമ പ്രദർശനം എന്നിവ നടക്കു൦. ലൈബ്രറി പ്രസിഡന്റ് സി. കെ മോഹനൻ അധ്യക്ഷത വഹിച്ചു. സെക്രട്ടറി ടി. വി രമേശൻ, കൌൺസില൪ ടി. വി ഹരിദാസ൯, കെ പുഷ്പ എന്നിവർ സംസാരിച്ചു.&nbsp;

സ൪ഗസായാഹ്നം സംഘടിപ്പിച്ചു

വടകര: ചോറോട് ഗ്രാമപഞ്ചായത്ത് ഏഴാം വാർഡ് വികസന സമിതി പൊതു പരീക്ഷകളിൽ വിജയിച്ച മുഴുവൻ വിദ്യാർത്ഥികളെയും അനുമോദിക്കുകയും കഴിഞ്ഞ സാമ്പത്തിക വർഷത്തിൽ 100 തൊഴിൽ ദിനം നേടിയ തൊഴിലുറപ്പ് തൊഴിലാളികളെ ആദരിക്കുകയും ചെയ്തു. ചോറോട് ഗ്രാമപഞ്ചായത്ത് പ്രസിഡണ്ട് പി പി ചന്ദ്രശേഖരൻ ചടങ്ങ് ഉദ്ഘാടനം ചെയ്തു. വാർഡ് മെമ്പർ പി ലിസി അധ്യക്ഷം വഹിച്ചു. വടകര സബ് ഇൻസ്പെക്ടർ സുനിൽകുമാർ മുഖ്യാതിഥിയായി. ബ്ലോക്ക് മെമ്പർ ഗീത മോഹൻ തൊഴിലാളികളെ ആദരിച്ചു. കണ്ണൂർ യൂണിവേഴ്സിറ്റിയിൽ നിന്നും ബയോകെമിസ്ട്രിയിൽ ഒന്നാം റാങ്ക് നേടിയ അഷിജയെ അനുമോദിച്ചു. =വിനോദൻ വി, ശശി ടി വി, ഹമീദ് കുന്നുമ്മൽ, മൊയ്തു മാണിക്കോത്ത്, സി എം രജി, ശശി കെ പി, ചന്ദ്രൻ ടി എം, സുരേന്ദ്രൻ ,റീന പി കെ, രേണുക എന്നിവർ സംസാരിച്ചു.

വിജയികൾക്ക് അനുമോദനം

വയനാട്: കേണിച്ചിറയിൽ പ്രദേശവാസികൾക്കും വളർത്തുമൃഗങ്ങൾക്കും ഭീഷണിയായിരുന്ന കടുവയുടെ ആരോഗ്യ സ്ഥിതി മോശം. തോൽപ്പെട്ടി 17 എന്ന കടുവയാണ് കേണിച്ചിറയിലെ കെണിയിൽ കഴിഞ്ഞദിവസം രാത്രിയിൽ കുടുങ്ങിയത്. കടുവയുടെ താഴത്തെനിരയിലെ രണ്ട് പല്ലുകൾ തകർന്നിട്ടുണ്ട്. ആരോഗ്യപ്രശ്‌നമുള്ളതിനാൽ ഇപ്പോൾ കാട്ടിലേക്ക് തുറന്നുവിടില്ല. നിലവിൽ ഇരുളം വനംവകുപ്പ് കേന്ദ്രത്തിലുള്ള കടുവയെ മൃഗശാലയിൽ പുനരധിവസിപ്പിച്ചേക്കാം.
കടുവയുടെ വിശദമായ ആരോഗ്യ പരിശോധന ഇന്ന് നടക്കും. കേണിച്ചിറയിൽ ഒറ്റ രാത്രിയിൽ മൂന്ന് പശുക്കളെയാണ് കടുവ കൊന്നത്. പശുക്കളെ കൊന്ന തൊഴുത്തിൽ ഞായറാഴ്‌ച വീണ്ടുമെത്തിയപ്പോഴാണ് കടുവ കൂട്ടിലായത്.&nbsp;

വയനാട്ടിൽ പിടിയിലായ കടുവയുടെ രണ്ട് പല്ലുകൾ തകർന്ന നിലയിൽ

മലപ്പുറം: പള്ളിക്കൽ കോഴിപ്പുറത്ത് സ്‌കൂൾ വിദ്യാർഥികൾക്ക് ഭഷ്യവിഷബാധയേറ്റ സംഭവത്തിൽ ചികിത്സ തേടിയ കുട്ടികളുടെ എണ്ണം 60 ആയി. കോഴിപ്പുറം എ.എം. എൽ.പി സ്‌കൂളിലെ വിദ്യാർഥികൾക്കാണ് ഭക്ഷ്യവിഷബാധയേറ്റത്.സ്വകാര്യ-സർക്കാർ ആശുപത്രികളിലായി വിദ്യാർഥികൾ ചികിത്സ തേടുകയായിരുന്നു. ആറ് വിദ്യാർഥികളെ കൊണ്ടോട്ടി താലൂക്ക് ആശുപത്രിയിലേക്ക് മാറ്റിയിട്ടുണ്ട്.
സ്‌കൂളിൽ നൽകിയ ഭക്ഷണത്തിലെ കറിയിൽ നിന്നാകാം വിഷബാധയുണ്ടായതെന്നാണ് പ്രാഥമിക വിവരം. വയറിളക്കം, പനി, ഛർദ്ദി എന്നിവ അനുഭവപ്പട്ടതിനെ തുടർന്നാണ് വിവിധ ആശുപത്രികളിലായി വിദ്യാർത്ഥികൾ ചികിത്സ തേടിയത്.

മലപ്പുറപ്പുറത്തെ സ്‌കൂളിൽ ഭക്ഷ്യവിഷബാധ ; 60 കുട്ടികൾ ചികിത്സ തേടി

വടകര: സോഷ്യലിസ്റ്റ് സൈദ്ധാന്തികനും അദ്ധ്യാപക സംഘടനാ നേതാവും അദ്ധ്യാപക അവാർഡ് ജേതാവും വടകരയിലെ നിരവധി സംഘടനകളുടെ ഭാരവാഹിയുമായിരുന്ന പി. ബാലന്റെ നിര്യാണത്തിൽ രാഷ്ട്രീയ ജനതാദൾ വടകര മണ്ഡലം കമ്മിറ്റി അനുസ്മരണം നടത്തി. ചരിത്ര ഗ്രന്ഥ രചയിതാവ് പി.ഹരീന്ദ്ര നാഥ് ഉദ്ഘാടനം ചെയ്തു. ആർ.ജെ. ഡി. വടകര മണ്ഡലം പ്രസിഡണ്ട് അഡ്വ. സി. വിനോദൻ അദ്ധ്യക്ഷത വഹിച്ചു. മനയത്ത് ചന്ദ്രൻ, നഗരസഭാ വൈസ് ചെയർമാൻ സതീശൻ,പുറന്തോടത്ത് സുകുമാരൻ, ഡോ. ജയശ്രീ., ആർ സത്യൻ, അടിയേരി രവീന്ദ്രൻ, അഡ്വ. ഇ. നാരായണൻ നായർ, ടി. ശ്രീനിവാസൻ, എടയത്ത് ശ്രീധരൻ, പി.പി. രാജൻ, സി. കുമാരൻ എന്നിവർ പ്രസംഗിച്ചു. മണ്ഡലം സെക്രട്ടറി പ്രസാദ് വിലങ്ങിൽ സ്വാഗതവും പറമ്പത്ത് രാജൻ നന്ദിയും പറഞ്ഞു.

പി. ബാലൻ അനുസ്മരണം നടത്തി

തളിപ്പറമ്പ് : 15 കാരിയായ കൊച്ചുമകളെ പീഡിപ്പിച്ച് ഗർഭിണിയാക്കിയ കേസിൽ മുത്തച്ഛന് മരണം വരെ തടവും 4 ലക്ഷം രൂപ പിഴയും വിധിച്ചു.&nbsp;
നേപ്പാൾ സ്വദേശിയായ 65 കാരനെയാണ് തളിപ്പറമ്പ് പോക്സോ അതിവേഗ കോടതി ജഡ്ജി ആർ. രാജേഷ് ശിക്ഷിച്ചത്. 2023 ഫെബ്രുവരി മുതൽ ഓഗസ്റ്റ് വരെയാണ് പീഡനം നടന്നത്. തുടർന്ന്, പെൺകുട്ടി പ്രസവിക്കുകയും ചെയ്തു. കേസ് അന്വേഷണത്തിന്റെ ഭാഗമായി കുഞ്ഞിന്റെ ഡിഎൻഎ പരിശോധനയും നടത്തിയിരുന്നു.

പേരക്കുട്ടിയെ പീഡിപ്പിച്ചു ഗർഭിണിയാക്കിയ  മുത്തച്ഛന് മരണം വരെ തടവു ശിക്ഷ

ന്യൂ​ഡ​ൽ​ഹി: 18ാം ലോ​ക്സ​ഭ​യു​ടെ പ്രോ​ടെം സ്പീ​ക്ക​റായി ബി.​ജെ.​പി എം.പി ഭ​ർ​തൃ​ഹ​രി മെ​ഹ്താ​ബ് സത്യപ്രതിജ്ഞ ചെയ്തു. രാഷ്ട്രപതി ദ്രൗപതി മുർമുവാണ് സത്യവാചകം ചൊല്ലി കൊടുത്തത്. ഏ​ഴു ​ത​വ​ണ എം.​പി​യാ​യ മെ​ഹ്താ​ബ് ഒ​ഡി​ഷ​യി​ൽ ​നി​ന്നു​ള്ള ബി.​ജെ.​പി നേ​താ​വാണ്.
അതേസമയം, പ്രോ​ടെം സ്പീ​ക്ക​ർ നി​യ​മ​ന​ത്തി​ൽ എ​ട്ടു​ ത​വ​ണ ലോ​ക്സ​ഭ എം.​പി​യാ​യ കേ​ര​ള​ത്തി​ൽ​ നി​ന്നു​ള്ള കോ​ൺ​ഗ്ര​സി​ന്റെ ദ​ലി​ത് മു​ഖം കൊ​ടി​ക്കു​ന്നി​ൽ സു​രേ​ഷി​നെ അവഗണിച്ചതിൽ കടുത്ത പ്രതിഷേധം അറിയിക്കാനാണ് ഇൻഡ്യ സഖ്യ തീരുമാനം. ഇതിന്‍റെ ഭാഗമായി കൊ​ടി​ക്കു​ന്നി​ൽ സു​രേ​ഷ് അ​ട​ക്കമുള്ള ഇൻഡ്യ സഖ്യത്തിലെ അംഗങ്ങൾ പ്രോ​ടെം സ്പീ​ക്ക​ർ പാനലിൽ നിന്ന് പിന്മാറി.കൊ​ടി​ക്കു​ന്നി​ൽ സു​രേ​ഷി​നെ മറികടന്ന് ഏ​ഴു ​ത​വ​ണ മാത്രം എം.​പി​യാ​യ മെ​ഹ്താ​ബി​നെയാണ് പ്രോ​ടെം സ്പീ​ക്ക​ർ ആ​ക്കി​യ​ത്. ര​ണ്ടു ​ദി​വ​സം നീ​ളു​ന്ന സ​ത്യ​പ്ര​തി​ജ്ഞ​ക്ക് മെ​ഹ്താ​ബി​നെ സ​ഹാ​യി​ക്കാ​ൻ കൊ​ടി​ക്കു​ന്നി​ൽ സു​രേ​ഷ് അ​ട​ക്കം മൂ​ന്ന് പ്ര​തി​പ​ക്ഷ എം.​പി​മാ​രെയും ഉൾപ്പെടുത്തി.&nbsp;

പ്രോ​ടെം സ്പീ​ക്ക​റായി ഭ​ർ​തൃ​ഹ​രി മെ​ഹ്താ​ബ് സത്യപ്രതിജ്ഞ ചെയ്തു

റിയോ ഡി ജനൈറോ: ഫുട്ബോൾ ഇതിഹാസം പെലെയുടെ അമ്മ സെലസ്റ്റി അരാന്റസ് (101) അന്തരിച്ചു. പെലെ വിടവാങ്ങി 18 മാസങ്ങൾക്കുശേഷമാണ് അരാൻറസിന്റെ മരണം. പ്രായാധിക്യം കാരണമുള്ള ഓർമ്മപ്രശ്നങ്ങളാൽ പെലെയുടെ മരണം അരാന്റസ്‌ അറിഞ്ഞിരുന്നില്ല.
പെലെയുടെ പിതാവ് ജാവു റാമോസ് ഡി നാസിമെന്റോ 16-ാം വയസ്സിലാണ് അരാന്റയെ വിവാഹംചെയ്തത്. പതിനേഴാം വയസ്സിൽ അവർ പെലെക്ക് ജന്മം നൽകി. ചെറിയ പ്രായത്തിൽതന്നെ ജിവിതത്തിൽ പുലർത്തേണ്ട മൂല്യങ്ങളും സ്നേഹവും അമ്മയിൽനിന്നാണ് ലഭിച്ചതെന്ന് അരാൻറസിന്റെ നൂറാംജന്മദിനത്തിൽ പെലെ ഇൻസ്റ്റയിൽ കുറിച്ചിരുന്നു.

പെലെയുടെ മാതാവ് സെലസ്റ്റി അരാന്റസ് അന്തരിച്ചു

വര്‍ക്കല: ലൈഫ് ഗാര്‍ഡിന്റെ നിര്‍ദേശം അവഗണിച്ച് കടലില്‍ കുളിക്കാനിറങ്ങിയ യുവാവ് തിരയില്‍പ്പെട്ട് മരിച്ചു. മധുര ബൈപ്പാസ് റോഡ് ദുരൈസ്വാമി നഗര്‍ ഭഗവതി സ്ട്രീറ്റില്‍ രവിചന്ദ്രന്റെ മകന്‍ രഘു( 23) ആണ് മരിച്ചത്. വര്‍ക്കല തിരുവമ്പാടി ബീച്ചിന് സമീപം ശനിയാഴ്ച രാവിലെയായിരുന്നു അപകടം.ഏഴ് പുരുഷന്മാരും അഞ്ച് സ്ത്രീകളും അടങ്ങുന്ന സംഘമാണ് തിരുവമ്പാടി തീരത്തെത്തിയത്. ലൈഫ് ഗാര്‍ഡ് നല്‍കിയ മുന്നറിയിപ്പ് കൂട്ടാക്കാതെ ഇവര്‍ തിരുവമ്പാടിക്കും ഓടയത്തിനും മധ്യേയുള്ള ഭാഗത്ത് കടലില്‍ ഇറങ്ങുകയായിരുന്നു.
ഇവരോട് കരയിലേക്ക് കയറാന്‍ ലൈഫ് ഗാര്‍ഡ് തുടര്‍ച്ചയായി ആവശ്യപ്പെട്ടപ്പോള്‍ സംഘത്തിലെ മറ്റുള്ളവര്‍ കരയ്ക്ക് കയറി. ദേഹത്തെ മണല്‍ കഴുകിക്കളയാനായി രഘു വീണ്ടും കടലില്‍ ഇറങ്ങിയപ്പോള്‍ ശക്തമായ തിരയില്‍ പെടുകയായിരുന്നു. തിരമാലകള്‍ രഘുവിനെ തീരത്തെ പാറക്കല്ലുകളിലേക്ക് അടിച്ചുകയറ്റി. മത്സ്യത്തൊഴിലാളികളുടെ സഹായത്തോടെ ലൈഫ് ഗാര്‍ഡ് സന്തോഷാണ് രഘുവിനെ കരയ്ക്കെത്തിച്ചത്. വര്‍ക്കല താലൂക്ക് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.&nbsp;

ലൈഫ് ഗാര്‍ഡിൻ്റെ നിർദേശം അവഗണിച്ച് കടലിൽ കുളിക്കാനിറങ്ങിയ യുവാവ് തിരയിൽപ്പെട്ട് മരിച്ചു

കൊച്ചി-പത്തനംതിട്ട: മുഖ്യമന്ത്രി പിണറായി വിജയനെതിരെ സി.പി.എം എറണാകുളം,പത്തനംതിട്ട ജില്ലാ കമ്മിറ്റിയിലും വിമർശനം. മകൾക്കെതിരെ ആരോപണമുയർന്നപ്പോൾ മൗനം പാലിച്ചത് തെരഞ്ഞെടുപ്പ് പരാജയത്തിന്റെ മുഖ്യകാരണമായി, വിശ്വസനീയ മറുപടിയും നൽകിയില്ല,മക്കൾക്കെതിരായ ആരോപണങ്ങളിൽ കോടിയേരിയുടെ മാതൃക പിണറായി പിന്തുടർന്നില്ലെന്നും വിമർശനമുണ്ടായി.&nbsp;
പാർട്ടിയ്ക്കും, തനിക്കും പങ്കില്ലെന്നു കോടിയേരി പറഞ്ഞെങ്കിൽ മുഖ്യമന്ത്രി ആ മാതൃക കാട്ടിയില്ലെന്ന് നേതാക്കൾ കുറ്റപ്പെടുത്തി. ബിഷപ്പ് ഡോ. ഗീവർഗീസ് മാർ കൂറിലോസിനെതിരെ നടത്തിയത് അതിരുവിട്ട വാക്കുകളെന്നും മുഖ്യമന്ത്രിയും പാർട്ടി സെക്രട്ടറിയും മാധ്യമങ്ങളോട് ഇടപെടുന്നത് ശരിയായ രീതിയിലല്ലെന്നും വിമർശനമുയർന്നു.
മൈക്കിനോട് പോലും മുഖ്യമന്ത്രി അരിശം കാണിക്കുന്നെന്നായിരുന്നു പത്തനംതിട്ടയിലെ വിമർശനം. മുപ്പതിനായിരത്തിലധികം ഉറച്ച ഇടത് വോട്ടുകൾ ചോർന്നു, പാർട്ടി കത്ത് കൊടുത്തിട്ട് പോലും ഒന്നും നടക്കുന്നില്ലെന്നും മന്ത്രിമാരുടെ പ്രൈവറ്റ് സെക്രട്ടറിമാർക്ക് ജില്ലാ കമ്മിറ്റി അംഗങ്ങളെ പുച്ഛമാണെന്നും നേതാക്കൾ യോഗത്തിൽ പറഞ്ഞു.

മകൾക്കെതിരെ ആരോപണമുയർന്നപ്പോൾ മൗനം പാലിച്ചത് പരാജയത്തിന്റെ കാരണമായി ;മുഖ്യമന്ത്രിക്കെതിരെ വീണ്ടും വിമർശനം

കോഴിക്കോട്: കനത്ത മഴയിൽ ബാലുശ്ശേരിയില്‍ വീടിന് മുകളില്‍ തെങ്ങ് വീണ് ആറുവയസുകാരന് പരിക്ക്. കോട്ടൂർനരയംകുളം കുന്നത്ത് ജുബീഷിന്റെ വീടിന് മുകളിലാണ് തെങ്ങ് വീണത്. പരിക്കേറ്റ കുട്ടിയുടെ ആരോഗ്യനില തൃപ്തികരമാണ്.
ഇന്നലെ വൈകിട്ട് ആറുമണിയോടെയാണ് തെങ്ങ് വീണത്.കനത്തമഴയില്‍ തൊട്ടടുത്ത പറമ്പിലെ തെങ്ങ് കടപുഴകി വീഴുകയായിരുന്നു. അപകടത്തില്‍ വീടിന്റെ മേല്‍ക്കൂര പൂര്‍ണമായി തകര്‍ന്നു.

ബാലുശ്ശേരിയില്‍ വീടിന് മുകളില്‍ തെങ്ങ് വീണ് ആറുവയസുകാരന് പരിക്ക്

തിരുവനന്തപുരം: സംസ്ഥാനത്ത് കാലവർഷം സജീവമായിരിക്കെ ഇന്ന് മൂന്ന് ജില്ലകളിൽ അതിശക്തമായ മഴ മുന്നറിയിപ്പ്. കോഴിക്കോട്, കണ്ണൂ‌ർ, കാസർകോട് ജില്ലകളിലാണ് ഇന്ന് ഓറഞ്ച് അലർട്ട് പ്രഖ്യാപിച്ചിരിക്കുന്നത്. ഏഴ് ജില്ലകളിൽ യെല്ലോ അലർട്ടാണ്. പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, മലപ്പുറം, വയനാട് ജില്ലകളിലാണ് യെല്ലോ അലർട്ട്. തിരുവനന്തപുരത്തും കൊല്ലത്തും ഗ്രീൻ അലർട്ട് മാത്രമാണുള്ളത്. ഇവിടെ ലഘുവായതോ ഒറ്റപ്പെട്ടതോ ആയ മഴ ലഭിക്കാം. മറ്റിടങ്ങളിൽ ഒറ്റപ്പെട്ട ശക്തമായ മഴയാണ് പ്രതീക്ഷിക്കുന്നത്.&nbsp;
ഇന്ന് പുതുക്കിയ ഉയർന്ന തിരമാല ജാഗ്രതാ മുന്നറിയിപ്പ് പ്രകാരം കാസർകോട്, കണ്ണൂർ, തിരുവനന്തപുരം തീരങ്ങൾക്ക് പ്രത്യേക ജാഗ്രത നിർദേശമുണ്ട്. കാസർകോട്, കണ്ണൂർ, തിരുവനന്തപുരം ജില്ലകളിലെ തീരങ്ങളിൽ ഞായറാഴ്‌ച വൈകുന്നേരം 05.30 മുതൽ 25-06-2024 രാത്രി 11.30 വരെ 2.9 മുതൽ 3.4 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.കേരള തീരത്തും, തമിഴ്നാട് തീരത്തും 25-06-2024 ന് രാത്രി 11.30 വരെ കള്ളക്കടൽ പ്രതിഭാസത്തിനും, ഉയർന്ന തിരമാലയ്ക്കും സാദ്ധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രംഅറിയിച്ചു. ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിയ്ക്കുക.

കോഴിക്കോട് ഉൾപ്പെടെ മൂന്ന് ജില്ലകളിൽ അതിശക്തമായ മഴ മുന്നറിയിപ്പ് ;അതീവ ജാഗ്രതാ നിർദേശം

വിട പറഞ്ഞ മിമിക്രി താരവും നടനുമായ കൊല്ലം സുധിയുടെ ഭാര്യ രേണു അഭിനയരംഗത്തേക്ക്. കൊച്ചിൻ സംഗമിത്രയുടെ ഇരട്ട നഗരം എന്ന നാടകത്തിൽ കോളേജ് വിദ്യാർത്ഥിനിയായാണ് രേണു അഭിനയ രംഗത്തേക്ക് എത്തുന്നത് . റിഹേഴ്സൽ അടുത്ത ആഴ്ച ആരംഭിക്കും. ആഗസ്റ്റ് ആദ്യവാരം നാടകം അവതരിപ്പിച്ചുതുടങ്ങും.
അഭിനയവും നൃത്തവും ഏറെ ഇഷ്ടമാണെന്ന് രേണു പറയുന്നു. മുൻപ് ഒരു ആൽബത്തിൽ അഭിനയിച്ചിട്ടുണ്ട്. സ്കൂൾ പഠനകാലത്ത് നാടകത്തിൽ വേഷമിട്ടു. നൃത്തവും ഇഷ്ടമാണ്. നിർമ്മാണത്തിലിരിക്കുന്ന സിനിമയിൽ ഒരുവേഷം ചെയ്യുന്നുണ്ടെന്നും രേണു പറഞ്ഞു.വാകത്താനം പുതുക്കാട്ടിൽ തങ്കച്ചൻ- കുഞ്ഞൂഞ്ഞമ്മ ദമ്പതികളുടെ ഇളയമകളാണ് രേണു. 2017 മേയിലായിരുന്നു കൊല്ലം സുധിയുമായുള്ള വിവാഹം. 2023 ജൂൺ അഞ്ചിനാണ് തൃശൂർ കയ്‌പ്പമംഗലം പറമ്പിക്കുന്നിൽ ഉണ്ടായ വാഹനാപകടത്തിൽ സുധി മരിച്ചത്.ടെലിവിഷൻ ഷോ കഴിഞ്ഞ് തിരികെയുള്ള യാത്രക്കിടെയായിരുന്നു അപകടം.സുധിയുടെ വിയോഗം മൂലം ഉണ്ടായ ആഘാതത്തിൽ നിന്ന് മെല്ലെ കരകയറുകയാണ് രേണുവും മക്കളും. സുധിയുടെ ഓർമ്മകൾ പങ്കുവച്ച് സമൂഹ മാധ്യമങ്ങളിലും സജീവമാണ് രേണു.

അകാലത്തിൽ പൊലിഞ്ഞ പ്രിയതമന്റെ ഓർമ്മകളുമായി കൊല്ലം സുധിയുടെ ഭാര്യ അഭിനയ രംഗത്തേക്ക്

കേണിച്ചിറ: ഒരുരാത്രികൊണ്ട് മൂന്ന് വളർത്തുപശുക്കളെ കൊന്ന് കേണിച്ചിറയെ വിറപ്പിച്ച കടുവ കൂട്ടിലായി. ഞായറാഴ്ച രാത്രി പള്ളിത്താഴെ കിഴക്കയിൽ സാബുവിന്റെ വീടിനുസമീപത്ത് വെച്ച കൂട്ടിലാണ് കടുവ കുടുങ്ങിയത്.
കടുവയെ കണ്ടാൽ മയക്കുവെടിവെക്കാൻ തീരുമാനിച്ചിരുന്നു. ജനങ്ങളുടെ സുരക്ഷ കണക്കിലെടുത്ത് പ്രദേശത്ത് നിരോധനാജ്ഞ പ്രഖ്യാപിച്ചിരുന്നു. ഇതിനിടെയാണ് കടുവ കൂട്ടിലായത്. 10 വയസ്സുള്ള തോൽപ്പെട്ടി 17 എന്ന ആൺകടുവയാണിത്.നേരത്തെ ഒമ്പതുമണിയോടെ മാളിയേക്കല്‍ ബെന്നിയുടെ വീടിനോട് ചേര്‍ന്നുള്ള തൊഴുത്തില്‍ കടുവ എത്തിയിരുന്നു. തൊഴുത്തിലെത്തിയതിന്റെ ദൃശ്യം പുറത്തുവന്നു. പശുക്കളെ കൊന്ന അതേ തൊഴുത്തിലാണ് കടുവയെത്തിയത്. കടുവയ്ക്ക് അവശതയുള്ളതായി സംശയമുണ്ട്.&nbsp;

വയനാട്ടിൽ വളർത്തുപശുക്കളെ കൊന്ന കടുവ കൂട്ടിലായി

തിരുവനന്തപുരം : ഗവർണർ പങ്കെടുത്ത പരിപാടിയിൽ സുരേഷ് ഗോപി എം.പി.കൊടി വീശി. അന്താരാഷ്ട്ര ഒളിമ്പിക് ദിനാഘോഷത്തിനിടെയാണ് സംഭവം.
മാനവീയംവീഥിയിൽ സംഘടിപ്പിച്ച ഒളിമ്പിക് റൺ ഉദ്ഘാടകൻ ഗവർണർ ആരിഫ് മുഹമദ്ഖാനായിരുന്നു. സുരേഷ്‌ഗോപി എം.പി.യും മന്ത്രിമാരായ ജി.ആർ.അനിലും വി.ശിവൻകുട്ടിയും ചീഫ് സെക്രട്ടറി വി.വേണുവും ചടങ്ങിനെത്തിയിരുന്നു.വിവിധ സ്കൂളുകളിൽനിന്നുള്ള വിദ്യാർഥികൾ പങ്കെടുക്കുന്ന ഒളിമ്പിക് റൺ ഫ്ളാഗ്ഓഫ് നടക്കുന്നതിന് മുൻപ് മഴ പെയ്തു. ഗവർണർ സംസാരിക്കുന്നതിനിടെ സുരേഷ് ഗോപി വിദ്യാർഥികൾക്ക് ഇടയിലേക്ക് ഇറങ്ങി. ഇതോടെ കുട്ടികൾ അദ്ദേഹത്തിന് ചുറ്റുംകൂടി.
വേദിയിൽനിന്ന് ഗവർണർ ഉൾപ്പെടെയുള്ളവർ ഫ്ളാഗ്ഓഫ് ചെയ്യുമ്പോൾ സുരേഷ് ഗോപി വിദ്യാർഥികൾക്കു നടുവിൽനിന്ന് പതാക വീശി.ഇതിനെതിരേ വിമർശനവുമായി മന്ത്രി വി.ശിവൻകുട്ടി രംഗത്തെത്തി. ഗവർണറെയും ദേശീയഗാനത്തെയും അപമാനിക്കുന്ന നിലപാടാണ് സുരേഷ് ഗോപി സ്വീകരിച്ചതെന്ന് ശിവൻകുട്ടി ആരോപിച്ചു. പ്രോട്ടോകോൾ ലംഘനമാണ്. ജനപ്രതിനിധിയാണെന്ന തോന്നലില്ലെന്നും മന്ത്രി കുറ്റപ്പെടുത്തി.

വേദിയിൽനിന്നിറങ്ങി ഫ്‌ളാഗ് ഓഫ് നടത്തി സുരേഷ് ഗോപി; പ്രോട്ടോകോൾ ലംഘനമെന്ന് മന്ത്രി വി ശിവൻകുട്ടി

ന്യൂഡൽഹി: പതിനെട്ടാം ലോക്‌സഭയുടെ ആദ്യസമ്മേളനത്തിന് തിങ്കളാഴ്ച തുടക്കം. പുതിയ അംഗങ്ങൾ രണ്ടുദിവസങ്ങളിലായി സത്യപ്രതിജ്ഞ ചെയ്യും. ബുധനാഴ്ച സ്പീക്കറെ തിരഞ്ഞെടുക്കും. ലോക്‌സഭയിലെയും രാജ്യസഭയിലെയും അംഗങ്ങളെ വ്യാഴാഴ്ച രാഷ്ട്രപതി ദ്രൗപദി മുർമു അഭിസംബോധനചെയ്യും. ഒഡിഷയിൽനിന്നുള്ള ഭർതൃഹരി മെഹ്താബാണ് പ്രോടെം സ്പീക്കർ. പുതിയ അംഗങ്ങൾക്ക് പ്രോടെം സ്പീക്കർ സത്യവാചകം ചൊല്ലിക്കൊടുക്കും.
തിങ്കളാഴ്ച രാവിലെ രാഷ്ട്രപതിഭവനിൽ രാഷ്ട്രപതി ദ്രൗപദി മുർമു ഭർതൃഹരിക്ക് പ്രോടെം സ്പീക്കറായി സത്യവാചകം ചൊല്ലിക്കൊടുക്കും. ഇതിനുശേഷം ഭർതൃഹരി പാർലമെന്റ് മന്ദിരത്തിലെത്തി ലോക്‌സഭാംഗങ്ങൾക്ക് സത്യവാചകം ചൊല്ലിക്കൊടുക്കും.
അന്തരിച്ച അംഗങ്ങൾക്കും വിശിഷ്ടവ്യക്തികൾക്കും മൗനം ആചരിച്ച് ചടങ്ങുകൾ തുടങ്ങും. ലോക്‌സഭാസെക്രട്ടറി ജനറൽ ഉത്പൽകുമാർ സിങ് തിരഞ്ഞെടുക്കപ്പെട്ട അംഗങ്ങളുടെ പട്ടിക മേശപ്പുറത്ത് വെക്കും. പിന്നാലെ ലോക്‌സഭാനേതാവായ പ്രധാനമന്ത്രി നരേന്ദ്രമോദിയെ സത്യപ്രതിജ്ഞയ്ക്കായി വിളിക്കും.&nbsp;

പതിനെട്ടാം ലോക്‌സഭയുടെ ആദ്യസമ്മേളനത്തിന് ഇന്ന് തുടക്കം; സ്‌പീക്കർ തിരഞ്ഞെടുപ്പ് ബുധനാഴ്ച

മോസ്‌കോ: റഷ്യയിലെ ഡാഗസ്താന്‍ പ്രവിശ്യയില്‍ വ്യത്യസ്ത ഇടങ്ങളിലുണ്ടായ വെടിവെപ്പില്‍ 15 പേര്‍ മരിച്ചതായി റിപ്പോര്‍ട്ട്. ഡെര്‍ബന്റ്, മഖച്കല എന്നിവിടങ്ങളിലാണ് വെടിവെപ്പുണ്ടായത്. സംഭവത്തില്‍ 25 പേര്‍ക്ക് പരിക്കേറ്റിട്ടുണ്ട്.
ഡര്‍ബെന്റിലെ രണ്ട് ഓർത്തഡോക്സ് പള്ളികൾക്കും ഒരു ജൂത ദേവാലയത്തിനും നേരെയും മഖച്കലയിലെ പോലീസ് എയ്ഡ് പോസ്റ്റിനും നേരെയായിരുന്നു ആക്രമണം. മരിച്ചവരില്‍ പോലീസുകാരും ഒരു വൈദികനും പള്ളിയിലെ സുരക്ഷാ ഉദ്യോഗസ്ഥനും ഉള്‍പ്പെടുന്നതായി റഷ്യന്‍ ആഭ്യന്തര മന്ത്രാലയം അറിയിച്ചു. ജൂത ദേവാലയം അഗ്നിക്കിരയാക്കിയതായും റിപ്പോര്‍ട്ടുണ്ട്.ആക്രമണം നടത്തിയത് ഒരു അന്താരാഷ്ട്ര ഭീകര സംഘടനയില്‍പ്പെട്ടവരാണെന്ന് റഷ്യന്‍ അധികൃതര്‍ വ്യക്തമാക്കി.&nbsp;

റഷ്യയിൽ പള്ളികൾക്കും പോലീസിനും നേരെ വെടിവെപ്പ്: 15 പേർ കൊല്ലപ്പെട്ടു

തിരുവനന്തപുരം: ഡിസംബര്‍ 10ന് നടക്കുന്ന തദ്ദേശസ്ഥാപന ഉപതിരഞ്ഞെടുപ്പില്‍ വോട്ട് ചെയ്യുന്നവരുടെ ഇടത് കൈയ്യിലെ നടുവിരലിലാണ് മഷി പുരട്ടേണ്ടതെന്ന് സംസ്ഥാന തിരഞ്ഞെടുപ്പ് കമ്മീഷന്‍. നവംബര്‍ 13നും 20നും സംസ്ഥാനത്ത് നടന്ന ലോക്‌സഭ, നിയമസഭ ഉപതിരഞ്ഞെടുപ്പുകളില്‍ സമ്മതിദാനാവകാശം വിനിയോഗിച്ച വോട്ടര്‍മാരുടെ ഇടതു കൈയ്യിലെ ചൂണ്ടുവിരലിലെ മഷി അടയാളം മാഞ്ഞു പോകാന്‍ ഇടയില്ലാത്തതിനാലാണിത്.
തദ്ദേശസ്ഥാപന ഉപതിരഞ്ഞെടുപ്പുകളില്‍ വോട്ട് ചെയ്യാനെത്തുന്നവരുടെ നിജസ്ഥിതി പോളിങ് ഉദ്യോഗസ്ഥര്‍ക്ക് മനസ്സിലാകുന്നതിന് കൂടിയാണ് ഈ നടപടി. നിര്‍ദ്ദേശം ഡിസംബര്‍ 10ന് നടക്കുന്ന ഉപതിരഞ്ഞെടുപ്പിനു വേണ്ടി മാത്രമുള്ളതായിരിക്കും. സംസ്ഥാനത്തെ 31 തദ്ദേശസ്ഥാപന വാര്‍ഡുകളിലേക്കാണ് ഡിസംബര്‍ 10ന് ഉപതിരഞ്ഞെടുപ്പ് നടക്കുന്നത്.തിരഞ്ഞെടുപ്പ് ചട്ടങ്ങളിലെ ആള്‍മാറാട്ടത്തിനെതിരേയുള്ള മുന്‍കരുതല്‍ വ്യവസ്ഥ പ്രകാരം ഇടതു കൈയ്യിലെ ചൂണ്ടുവിരലില്‍ പ്രിസൈഡിങ് ഓഫീസറോ പോളിങ് ഓഫീസറോ മഷി പുരട്ടേണ്ടതുണ്ട്. വോട്ടറുടെ ഇടതു ചൂണ്ടുവിരലില്‍ അത്തരത്തിലുള്ള മഷിയടയാളം നേരത്തേ ഉണ്ടെങ്കില്‍ വോട്ട് ചെയ്യാനാകില്ല. അതിനാലാണ് തിരഞ്ഞെടുപ്പ് കമ്മീഷന്‍ ഇത്തരത്തില്‍ നിര്‍ദ്ദേശം പുറപ്പെടുവിച്ചത്.

തദ്ദേശസ്ഥാപന ഉപതിരഞ്ഞെടുപ്പിൽ മഷി പുരട്ടുക നടുവിരലില്‍

വടകര: കാഫിര്‍ സ്‌ക്രീന്‍ഷോട്ട് കേസിലെ അന്വേഷണ പുരോഗതി റിപ്പോര്‍ട്ട് ഇന്ന് തന്നെ ഹാജരാക്കണമെന്ന് കോടതി. വടകര ഫസ്റ്റ്ക്ലാസ് ജുഡീഷ്യല്‍ മജിസ്‌ട്രേറ്റ് കോടതിയാണ് പോലീസിന് നിര്‍ദേശം നല്‍കിയത്. ഇന്ന് കേസ് പരിഗണിച്ചപ്പോള്‍ പോലീസ് റിപ്പോര്‍ട്ട് സമര്‍പ്പിച്ചിരുന്നില്ല.
അന്വേഷണ പുരോഗതിയുടെ റിപ്പോര്‍ട്ടും പിടിച്ചെടുത്ത ഫോണുകളുടെ ഫോറന്‍സിക് പരിശോധന ഫലവും ഹാജരാക്കാന്‍ രണ്ടാഴ്ച മുന്നേ പോലീസിന് കോടതി നിര്‍ദേശം നല്‍കിയിരുന്നു. പക്ഷെ ഇന്ന് കേസ് പരിഗണിച്ചപ്പോള്‍ പോലീസത് ഹാജരാക്കിയില്ല. കൂടുതല്‍ സമയം ആവശ്യപ്പെടുകയും ചെയ്തു. എന്നാല്‍ ഇന്ന് ഉച്ചക്ക് ശേഷം കോടതി ചേരുമ്പോള്‍ തന്നെ റിപ്പോര്‍ട്ടുകള്‍ ഹാജരാക്കണമെന്നാണ് കോടതി പോലീസിന് നല്‍കിയിരിക്കുന്ന നിര്‍ദേശം.കേസെടുത്ത് എട്ട് മാസമായിട്ടും അന്വേഷണത്തിലെ മെല്ലെപ്പോക്ക് ചൂണ്ടിക്കാട്ടിയും അന്വേഷണത്തില്‍ കോടതി മേല്‍നോട്ടം ആവശ്യപ്പെട്ടുമാണ് പരാതിക്കാരനായ എം.എസ്.എഫ് നേതാവ് മുഹമ്മദ് കാസിം വടകര മജിസ്‌ട്രേറ്റ് കോടതിയെ സമീപിച്ചത്.&nbsp;

കാഫിര്‍ സ്‌ക്രീന്‍ഷോട്ട് കേസ്;അന്വേഷണ റിപ്പോര്‍ട്ട് ഇന്ന് തന്നെ ഹാജരാക്കാൻ നിർദ്ദേശം

കൊച്ചി: വയനാട്ടിൽ എൽ.ഡി.എഫും യു.ഡി.എഫും ചൊവ്വാഴ്ച നടത്തിയ ഹർത്താലിൽ വിമർശനവുമായി ഹൈക്കോടതി. ദൈവത്തിന്റെ സ്വന്തം നാട്ടിൽ എന്ത് നടക്കുന്നുവെന്ന് ദൈവത്തിനു പോലും അ‌റിയാത്ത അ‌വസ്ഥയാണെന്ന് കോടതി പറഞ്ഞു. മുണ്ടക്കൈ-ചൂരൽമല ഉരുൾപൊട്ടൽ ദേശീയദുരന്തമായി പ്രഖ്യാപിക്കില്ലെന്ന കേന്ദ്രനിലപാടിൽ പ്രതിഷേധിച്ചായിരുന്നു ഹർത്താൽ.
വയനാട് പുനർനിർമാണവുമായി ബന്ധപ്പെട്ട് സ്വമേധയാ എടുത്ത കേസ് പരിഗണിക്കവേയാണ് ഹൈക്കോടതി സർക്കാരിനെയും പ്രതിപക്ഷത്തെയും വിമർശിച്ചത്. ഹർത്താൽ കൊണ്ട് എന്തു നേടിയെന്നും കോടതി ചോദിച്ചു.ടൂറിസം ഡെസ്റ്റിനേഷനെന്ന നിലയിൽ ദൈവത്തിന്റെ സ്വന്തം നാടെന്നാണ് കേരളം അ‌റിയപ്പെടുന്നത്. എന്നാൽ, ഇവിടെ എന്ത് നടക്കുന്നുവെന്ന് ദൈവത്തിനുപോലും അ‌റിയില്ല. ഭരണകക്ഷി ഹർത്താൽ നടത്തിയത്‌ എന്തിനാണ്? മിന്നൽ ഹർത്താൽ നടത്തില്ലെന്ന പ്രതിപക്ഷകക്ഷിയുടെ ഉറപ്പും പാലിക്കപ്പെട്ടില്ലെന്നും ഹൈക്കോടതി ചൂണ്ടിക്കാട്ടി.

'എന്നിട്ട് എന്തു നേടി'; വയനാട് ഹർത്താലിനെതിരെ രൂക്ഷവിമർശനവുമായി ഹൈക്കോടതി

ആലപ്പുഴ: നഗരത്തിലെ പിഡബ്ല്യുഡി റസ്റ്റ് ഹൗസിലെ ടോയ്‌ലറ്റിൽ കോൺക്രീറ്റ് സീലിംഗ് ഇളകി വീണു. ലീഗൽ മെട്രോളജി വകുപ്പിലെ ഉദ്യോഗസ്ഥൻ തലനാരിഴയ്‌ക്കാണ് പരിക്കേൽക്കാതെ രക്ഷപ്പെട്ടത്. ഇന്നലെ സെക്രട്ടേറിയറ്റിലെ ടോയ്‌ലറ്റിലുണ്ടായ അപകടത്തിൽ ജീവനക്കാരിക്ക് ഗുരുതര പരിക്കേറ്റതിന് പിന്നാലെയാണ് ആലപ്പുഴയിലും അപകടമുണ്ടായിരിക്കുന്നത്.
ഇന്ന് രാവിലെയായിരുന്നു സംഭവം. ആലപ്പുഴ സിവിൽ സ്റ്റേഷനിൽ പ്രവർത്തിക്കുന്ന ഡെപ്യൂട്ടി കൺട്രോളർ ഓഫീസിലേക്ക് പരിശോധനയ്‌ക്ക് എത്തിയതായിരുന്നു ലീഗൽ മെട്രോളജി വകുപ്പിലെ ഉദ്യോഗസ്ഥർ. പിഡബ്ല്യുഡി റസ്റ്റ് ഹൗസിലായിരുന്നു ഇവർ താമസിച്ചിരുന്നത്. രാവിലെ ടോയ്‌ലറ്റിൽ പോയ ശേഷം ഒരു ഉദ്യോഗസ്ഥൻ പുറത്തേക്ക് ഇറങ്ങുന്നതിനിടെയാണ് സീലിംഗ് തകർന്ന് വീണത്. അൽപ്പം വൈകിയിരുന്നെങ്കിൽ അദ്ദേഹം അപകടത്തിൽപ്പെട്ടേനെ. ലീഗൽ മെട്രേളജി വകുപ്പിലെ ജൂനിയർ സൂപ്രണ്ട് ജി ആർ അനിലാണ് അപകടത്തിൽ നിന്ന് തലനാരിഴയ്‌ക്ക് രക്ഷപ്പെട്ടത്. കോൺക്രീറ്റ് നിലത്ത് വീണ് പൊട്ടിച്ചിതറിയതിന്റെ ദൃശ്യങ്ങളും പുറത്തുവന്നിട്ടുണ്ട്.പിഡബ്ല്യുഡി റസ്റ്റ് ഹൗസ് പൊതു ജനങ്ങൾക്ക് ഉൾപ്പെടെ തുറന്ന് കൊടുക്കുന്നതിനെപ്പറ്റി സർക്കാർ ആലോചിക്കുന്നതിനിടെയാണ് ഇത്തരമൊരു അപകടമുണ്ടായിരിക്കുന്നത്. ജി സുധാകരൻ പൊതുമരാമത്ത് വകുപ്പ് മന്ത്രിയായിരുന്നപ്പോഴാണ് അവസാനമായി റസ്റ്റ് ഹൗസിൽ അറ്റകുറ്റ പണികൾ നടത്തിയിരുന്നത്.

വീണ്ടും ടോയ്‌ലറ്റ് അപകടം; പിഡബ്ല്യുഡി റസ്റ്റ് ഹൗസിൽ സീലിംഗ് ഇളകി വീണു

തിരുവനന്തപുരം: ഭരണഘടനാവിരുദ്ധ പ്രസംഗത്തിന്റെപേരില്‍ സജി ചെറിയാന്‍ മന്ത്രിസ്ഥാനം രാജിവെക്കേണ്ടതില്ലെന്ന് സിപിഎം സംസ്ഥാന സെക്രട്ടേറിയറ്റിൽ തീരുമാനം. കേസ് നിയമപരമായി നേരിടുമെന്നാണ് സിപിഎം വ്യക്തമാക്കുന്നത്.
ഒരിക്കൽ ധാർമ്മികത മുൻനിർത്തി സജി ചെറിയാൻ രാജിവച്ചതാണെന്നും അതിനാൽ ഇപ്പോൾ ഒരേ വിഷയത്തിൽ രണ്ട് തവണ രാജി വേണ്ടെന്നുമാണ് പാർട്ടി നിലപാട്. ഇതേനിലപാട് തന്നെയാണ് കഴിഞ്ഞദിവസം മന്ത്രിയും സ്വീകരിച്ചത്. കേസിൽ സ്വതന്ത്രമായ അന്വേഷണം നടക്കട്ടെ.&nbsp;
സജി ചെറിയാന്റെ ഭാഗം കേട്ടില്ലെന്ന അദ്ദേഹത്തിന്റെ വാദം ശരിയാണെന്നാണ് പാർട്ടി നിലപാട്. മന്ത്രിസ്ഥാനത്തിരിക്കുന്ന ആളാണെങ്കിലും അന്വേഷണം വേണം എന്ന് ഹൈക്കോടതി പറയുമ്പോൾതന്നെ അദ്ദേഹത്തിന്റെ മന്ത്രി സ്ഥാനത്തെ കോടതി ചോദ്യം ചെയ്‌തിട്ടില്ല എന്നും സംസ്ഥാനത്തെ നീതിന്യായ വ്യവസ്ഥയിൽ സത്യസന്ധമായ അന്വേഷണം നടക്കുമെന്ന് കോടതി വിശ്വാസം അർപ്പിച്ചിട്ടുണ്ട് എന്നും സിപിഎം പറയുന്നു അതിനാൽ തന്നെ മന്ത്രിസ്ഥാനം സജി ചെറിയാൻ രാജിവയ്‌ക്കേണ്ട എന്നാണ് പാർട്ടി വ്യക്തമാക്കുന്നത്.

പാർട്ടി ഒപ്പമുണ്ട്; സജി ചെറിയാന്‍ മന്ത്രിസ്ഥാനം രാജിവെക്കേണ്ടതില്ലെന്ന് സിപിഎം

Search Results for: 24.06.2024