തിരുവനന്തപുരം: രണ്ടുമാസത്തെ വേനലവധിക്ക് ശേഷം സംസ്ഥാനത്തെ കുട്ടികൾ നാളെ വീണ്ടും സ്കൂളിലേക്ക്. സംസ്ഥാന തല പ്രവേശനോത്സവം എറണാകുളത്ത് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. മൂന്നു ലക്ഷത്തിലധികം കുരുന്നുകൾ ഇക്കുറി പുതിയതായി വിദ്യാലയങ്ങളിലെക്ക് എത്തുമെന്നാണ് കണക്കുകൂട്ടൽ.
ആദ്യമായി എത്തുന്നവരെ സ്വീകരിക്കാൻ വർണാഭമായ സ്വീകരണമാണ് സർക്കാർ ഒരുക്കിയിരിക്കുന്നത്. . ജില്ലാകേന്ദ്രങ്ങളിലൂം സ്കൂൾതലത്തിലും പ്രത്യേകം പരിപാടികൾ സംഘടിപ്പിക്കുന്നുണ്ട്. 40 ലക്ഷത്തോളം കുട്ടികളാണ് സംസ്ഥാനത്ത് ആകമാനം സ്കൂളുകളിൽ എത്തുന്നത്. പ്രവേശനോത്സവത്തിന്റെ ഔദ്യോഗിക ഗാനം കഴിഞ്ഞ ദിവസം വിദ്യാഭ്യാസ വകുപ്പ് പുറത്തുവിട്ടിരുന്നു. വിവിധ വകുപ്പുകൾ ഏകോപിപ്പിച്ചു കൊണ്ടാണ് പ്രവേശനോത്സവം സംഘടിപ്പിക്കുന്നത്.സ്‌കൂൾബസ്സുകൾ, കുട്ടികളെ എത്തിക്കുന്ന സ്വകാര്യ വാഹനങ്ങൾ എന്നിവയുടെ ഫിറ്റ്‌നസ് ഗതാഗത വകുപ്പ് ഉറപ്പുവരുത്തിയിട്ടുണ്ട്.

വേനലവധിക്ക് വിട; സംസ്ഥാനത്തെ സ്കൂളുകൾ നാളെ തുറക്കും

Kerala

നിലമ്പൂര്‍: അര്‍ധരാത്രിയില്‍ പി.വി. അന്‍വറിന്റെ വീട്ടില്‍ പോയതില്‍ വിശദീകരണവുമായി രാഹുല്‍ മാങ്കൂട്ടത്തില്‍. പിണറായിസത്തിനെതിരേ പോരാട്ടം പ്രഖ്യാപിച്ചിട്ടുണ്ടെങ്കില്‍ അതില്‍ ജയിക്കാന്‍ കഴിയുക യുഡിഎഫിനാണെന്നും അതിവൈകാരികമായി തീരുമാനങ്ങളെടുക്കരുതെന്ന് അന്‍വറിനോട് പറഞ്ഞതായി രാഹുല്‍ മാങ്കൂട്ടത്തിൽ പ്രതികരിച്ചു.
അതിവൈകാരികമായി തീരുമാനങ്ങളെടുക്കരുത്. പിണറായിസത്തിനെതിരായി പോരാട്ടം പ്രഖ്യാപിച്ചിട്ടുണ്ടെങ്കില്‍ അതില്‍ ജയിക്കാനാവുക യുഡിഎഫിനാണ്. അതിനാല്‍ യുഡിഎഫിനെ പിന്തുണയ്ക്കണമെന്നാണ് അന്‍വറിനോട് ആവശ്യപ്പെട്ടത്. അത് ഏതെങ്കിലും ഒരു ചുമതലയുടെയോ അനുനയത്തിന്റെയോ അടിസ്ഥാനത്തിലല്ല. പിണറായിസത്തോട് വിയോജിക്കുന്നതിന് മുന്‍പ് പി.വി. അന്‍വറുമായി ഒരു ബന്ധവുമുണ്ടായിരുന്നില്ല. അന്‍വറിന്റെ രാഷ്ട്രീയത്തോട് യോജിപ്പോ താത്പര്യമോ ഉണ്ടായിരുന്ന ആളല്ല താനെന്നും മാങ്കൂട്ടത്തില്‍ പറഞ്ഞു.
തന്റെ കൈയില്‍ പണമില്ലെന്നാണ് അന്‍വര്‍ പറയുന്നത്. നമുക്കറിയുന്ന പി.വി. അന്‍വര്‍ എന്നത് ഒരു ധനാഢ്യനാണ്. ഒന്‍പത് വര്‍ഷംകൊണ്ട് അദ്ദേഹത്തിന്റെ സമ്പത്തിനെവരെ കൊള്ളയടിച്ച ഒരു സംവിധാനത്തിനെതിരായി സംസാരിച്ചുകൊണ്ടിരിക്കുമ്പോള്‍ അതിവൈകാരികമായി തീരുമാനങ്ങളെടുത്ത് ലക്ഷ്യം മാറരുതെന്നു മാത്രമാണ് അദ്ദേഹത്തോട് സൂചിപ്പിച്ചത്. പാര്‍ട്ടിയുടെ അനുമതിയോടെയാണോ അന്‍വറിന്റെ വീട്ടില്‍ പോയതെന്ന ചോദ്യത്തിന്, പാര്‍ട്ടി അത്തരത്തില്‍ ചുമതലപ്പെടുത്തേണ്ട അത്ര ഗ്രേഡിലുള്ള ആളല്ല താനെന്ന് മാങ്കൂട്ടത്തില്‍ മറുപടി പറഞ്ഞു. അതിന് കുറെക്കൂടി മുതിര്‍ന്ന ആളുകള്‍ പാര്‍ട്ടിയിലുണ്ട്. തന്നെ ഒരാളും ചുമതലപ്പെടുത്തിയിട്ടില്ല. പിണറായിസത്തിനെതിരേ സംസാരിച്ചുതുടങ്ങിയതുമുതല്‍ അന്‍വറുമായി പരിചയമുണ്ടെന്നും അതിന്റെ അടിസ്ഥാനത്തിലാണ് സന്ദര്‍ശനമെന്നും മാങ്കൂട്ടത്തില്‍ പറഞ്ഞു.

ഏതെങ്കിലും ഒരു ചുമതലയുടെയോ അനുനയത്തിന്റെയോ അടിസ്ഥാനത്തിലല്ല അൻവറിനെ സന്ദർശിച്ചത്;വിശദീകരണവുമായി രാഹുല്‍ മാങ്കൂട്ടത്തില്‍

നിലമ്പൂർ: കഴിഞ്ഞ ദിവസം മത്സരിക്കില്ലെന്ന് പ്രഖ്യാപിച്ച അന്‍വര്‍ ഇന്ന് വാര്‍ത്താസമ്മേളനം നടത്തി മത്സരിക്കുമെന്ന് അറിയിച്ചു.തൃണമൂൽ കോൺഗ്രസ് സ്ഥാനാർഥിയായി തിങ്കളാഴ്ച നാമനിർദേശ പത്രിക സമർപ്പിക്കുമെന്ന് അദ്ദേഹം പറഞ്ഞു.
തന്റെ ജീവൻ നിലമ്പൂരിലെ പാവപ്പെട്ട ജനങ്ങളുടെ കൈയിലാണ്. മലയോര കർഷകർക്ക് വേണ്ടിയിട്ടാണ് താൻ ഈ പോരാട്ടം മുഴുവൻ നടത്തിയത്. അവർക്ക് വേണ്ടിയിട്ടാണ് തന്റെ പോരാട്ടമെന്നും അദ്ദേഹം കൂട്ടിച്ചേർത്തു.
'ഇപ്പോൾ എന്റെ ജീവൻ പോലും അപകടത്തിലാണ്. ഒരു ഭാഗത്ത് പിണറായി, ഒരു ഭാഗത്ത് സതീശൻ, ഒരു ഭാഗത്ത് ആർഎസ്എസ്. ഇവർ മൂന്നും കൂടി എന്നെ ഞെക്കിപ്പിഴിയാനുള്ള തീരുമാനമാണ്. 2026-ലെ തിരഞ്ഞെടുപ്പുവരെ ഒരുപക്ഷെ ജീവിച്ചിരിക്കും. ജനങ്ങൾ നിലമ്പൂരിൽ എന്നെ കൈവിട്ടാൽ ഞാൻ ഉണ്ടാകും എന്ന പ്രതീക്ഷ എനിക്കില്ല. എന്റെ വിധി അതാണെങ്കിൽ അത് നടക്കട്ടെ എന്നാണ് എന്റെയും തീരുമാനം. മരണത്തെ ഞാൻ ഭയപ്പെടുന്നില്ല. എന്റെ ജീവൻ നിലമ്പൂരിലെ പാവപ്പെട്ട ജനങ്ങൾക്ക് സമർപ്പിക്കുന്നു. ജനങ്ങൾക്ക് വേണ്ടി പദവികളും സൗകര്യങ്ങളും മുഴുവൻ ത്യജിച്ച് നിങ്ങളെ വിശ്വസിച്ച് പോരാട്ടത്തിനിറങ്ങുന്നു.എന്റെ കൂടെ വരാൻ ഒരാളുമില്ല'- അൻവർ പറഞ്ഞു.
താൻ അല്ല സ്ഥാനാർത്ഥി, നിലമ്പൂരിലെ ഓരോ വോട്ടറും സ്ഥാനാർത്ഥിയാണ്. ഈ തിരഞ്ഞെടുപ്പ് കേരളത്തിലെ പാവപ്പെട്ട, പീഡനങ്ങൾ അനുഭവിച്ചുകൊണ്ടിരിക്കുന്ന മലയോര കർഷകരുൾപ്പെടെ എല്ലാ സാധാരണക്കാർക്കും സമർപ്പിക്കുന്നെന്നും പി.വി. അൻവർ കൂട്ടിച്ചേർത്തു.
അസോസിയേറ്റ് പാർട്ടി എന്ന നിലക്ക് യുഡിഎഫ് ചർച്ച നടത്തി. അതിന് താൻ സമ്മതിച്ചു. എന്നാൽ പിന്നീട് ഉണ്ടായത് പഞ്ചായത്ത് തിരഞ്ഞെടുപ്പ് വരെ വാലിൽ കെട്ടാമെന്ന് ദുരുദ്ദേശമാണ്. യുഡിഎഫ് ഒറ്റക്കെട്ടായെടുത്ത തീരുമാനം പോലും വി.ഡി. സതീശൻ പ്രഖ്യാപിക്കാത്തത് അതുകൊണ്ടാണെന്ന് പി.വി. അൻവർ വാർത്താ സമ്മേളനത്തിൽ പറഞ്ഞു.
'അസോസിയേറ്റ് പാർട്ടി എന്ന നിലക്ക് ചർച്ച നടത്തി. അതിനും ഞാൻ സമ്മതിച്ചു. ഞങ്ങളുടെ പാർട്ടിക്ക് നിങ്ങൾ എവിടെ സീറ്റ് തരും എന്ന് ചോദിച്ചു. ഈ മാസം രണ്ടാം തീയതി കോഴിക്കോട് നടന്ന യുഡിഎഫ് യോഗത്തിന് മുമ്പ് നിരുപാധികം, നിങ്ങൾ എന്ത് വേണമെങ്കിലും തീരുമാനിച്ചോ, ബസിന്റെ സ്റ്റെപ്പിൽ ഞാൻ പോരാം എന്ന് കുഞ്ഞാലിക്കുട്ടിയോട് വാക്കുകൊടുത്തതാണ്. കുഞ്ഞാലിക്കുട്ടി, പാണക്കാട് തങ്ങൾ ഉൾപ്പെടെയുള്ള യുഡിഎഫ് നേതൃത്വം ഏൽപ്പിച്ച ഉത്തരവാദിത്വം നിർവഹിച്ചില്ലെന്ന് മാത്രമല്ല അത് നീട്ടി നീട്ടി നീട്ടിക്കൊണ്ടുപോയി. തിരഞ്ഞെടുപ്പ് ഉണ്ടായില്ലെങ്കിൽ അടുത്ത പഞ്ചായത്ത് തിരഞ്ഞെടുപ്പ് വരെ ഞങ്ങളെ വാലിൽ കെട്ടാമെന്ന ദുരുദ്ദേശത്തിലാണ് യുഡിഎഫ് ഒറ്റക്കെട്ടായെടുത്ത തീരുമാനം പോലും യുഡിഎഫ് ചെയർമാൻ പ്രഖ്യാപിക്കാതിരുന്നത്'- അൻവർ പറഞ്ഞു.
യുഡിഎഫ് സ്ഥാനാർത്ഥി പ്രഖ്യാപനം നടത്തുമ്പോൾ തന്നോട് ചോദിച്ചില്ലെന്നും അതിന് താൻ അർഹനല്ലേ എന്നും അൻവർ ചോദിച്ചു.
'തൂക്കിക്കൊല്ലാൻ പോകുന്ന പ്രതിയോട് ചോദിക്കും അവസാനമായിട്ട് എന്തെങ്കിലും പറയാനുണ്ടോ എന്ന്. ഏറ്റവും ചെറിയനീതി. ഏയ് മനുഷ്യാ, നിങ്ങൾ മരിക്കാൻ പോകാ, എന്തെങ്കിലും പറയാനുണ്ടോ? വല്ല ആഗ്രഹവുമുണ്ടോ എന്ന് ചോദിക്കും. അതിനെങ്കിലും ഞാൻ അർഹനല്ലേ? എന്നെ തൂക്കിലേറ്റുകയാണല്ലോ? ഞാൻഅറിഞ്ഞിട്ടില്ല. എന്നോട് ചോദിച്ചിട്ടില്ല. ആര്യാടൻ ഷൗക്കത്തിനെ സ്ഥാനാർഥിയായി പ്രഖ്യാപിക്കുന്നതിനോടൊപ്പം അത് പ്രഖ്യാപിക്കാനുള്ള ചെറിയൊരു സാമൂഹിക മര്യാദയെങ്കിലും ഇദ്ദേഹത്തിന്റെ ഭാഗത്ത് നിന്നുണ്ടായില്ല. പിന്നെ ഞാൻ എന്ത് ചെയ്യും. ആ സ്ഥാനാർഥിക്ക് വേണ്ടിയിട്ട് പ്രവർത്തന രംഗത്ത് ഇറങ്ങിയതോടെ ഈ ദുഷ്ടബുദ്ധി എന്താണോ കണക്കാക്കിയത്, ഞങ്ങൾ ലോക്കായില്ലേ.. ആയിരക്കണക്കിന് പ്രവർത്തകരില്ലേ. എഐടിസിയോട് ബാധ്യതയില്ലേ. മമത ബാനർജി എന്ന മുഖ്യമന്ത്രിയും ഇരുനൂറോളം എംഎൽഎമാരും 42 എംപിമാരുമുള്ള പാർട്ടിയുടെ സംസ്ഥാനത്തെ ഉത്തരവാദിത്തപ്പെട്ട നേതാവാണ് ഞാൻ. ഞാൻ എന്ത് ചെയ്യും. ഷൌക്കത്തിനെ വെച്ച് മുമ്പോട്ട് പോകില്ല. ജയിക്കില്ല. വലിയ അബദ്ധത്തിലേക്കാ പോകുന്നത്. പറ്റില്ലെന്ന് ഞാൻ പറഞ്ഞു. എനിക്കൊരു നീതിയുംകിട്ടാൻ പോകുന്നില്ലെന്ന് ഉറപ്പിച്ച് പറഞ്ഞതുകൊണ്ടാണ്. അവിടെയാണ് പ്രശ്നങ്ങൾ ആരംഭിക്കുന്നത്. പിന്നീടാണ് ചർച്ചകൾ ആരംഭിക്കുന്നത്. ഉത്തരവാദിത്തപ്പെട്ടവരൊക്കെ വി.ഡി. സതീശന്റെ നിലപാട് ശരിയല്ലെന്ന് ഒളിഞ്ഞു തെളിഞ്ഞും പറഞ്ഞു. ചർച്ചകൾ തുടരുന്നതിനിടെ സീറ്റ് എവിടെയെന്ന് ചോദിച്ചു. ബേപ്പൂരോ, പേരാമ്പ്രയിലോ, മലമ്പുഴയിലോ മത്സരിക്കാൻ എന്നെ തള്ളിവിടുകയാണ്. ഒരു വട്ടം തൂക്കിക്കൊന്നു രണ്ടാമതു തൂക്കിക്കൊല്ലാനാണ് തീരുമാനം. ഞാൻ പറഞ്ഞു ആലോചിക്കണം. അസോസിയേറ്റെങ്കിൽ അസോസിയേറ്റ്, ഒരു സീറ്റെങ്കിൽ ഒരു സീറ്റ്. അത് പരസ്യമായി പറയണം. അതിന് അവർ തയ്യാറായില്ല'- പി.വി. അൻവർ പറഞ്ഞു.
മുഖ്യമന്ത്രിയാകുമ്പോൾ ആര് കൈപൊക്കണം എന്ന താത്പര്യമാണ് യുഡിഎഫ് നേതൃത്വത്തിന്. ഈ നേതൃത്വത്തെയും വെച്ചാണ് യുഡിഎഫ് മുമ്പോട്ട് പോകുകയാണെങ്കിൽ 99 സീറ്റിന്റെയും മാനദണ്ഡം കൈപൊക്കുന്നവർക്ക് മാത്രമായിരിക്കും. 2026-ലെ ഭരണം പിണറായിയെ താഴെ ഇറക്കാൻ ഈ നേതൃത്വത്തെ വെച്ച് കഴിയുമെന്ന് തനിക്ക് തോന്നുന്നില്ല. അതുകൊണ്ട് ആലോചിച്ച് തീരുമാനമെടുക്കണമെന്ന് നേതൃത്വത്തോട് പറഞ്ഞതായി അൻവർ കൂട്ടിച്ചേർത്തു.
'ഞാൻ യുഡിഎഫിനെ തോൽപ്പിക്കാൻ നോക്കിയിട്ടില്ല. ഈ പറയുന്ന മുഴുവൻ അപമാനവും സഹിച്ച് ഞാൻ പറഞ്ഞു, മത്സരിക്കാനില്ലെന്ന്. സാമ്പത്തികപ്രതിസന്ധിയുണ്ടെന്ന്. വളരെ കൃത്യമായി പറഞ്ഞതാണ്. അപ്പോഴുംയുഡിഎഫിന്റെ വാതിൽ എനിക്ക് അടഞ്ഞിട്ടില്ല. ഏതെങ്കിലും ഒരു രീതിയിൽ അപമാനം സഹിച്ചാലും ഇവർക്ക്പിന്തുണ കൊടുത്തുകൊണ്ട് പിണറായിസത്തെ താഴെ ഇറക്കാൻ കഴിയുമോ എന്നാണ് ഞാൻ ആലോചിക്കുന്നത്. എന്നാൽ വാതിൽ അടച്ചുവെന്നാണ് യുഡിഎഫ് ചെയർമാൻ പറഞ്ഞത്. ഇനി ഞാൻ എങ്ങോട്ടാ പോകേണ്ടത്. ആരെ കാത്ത് നിൽക്കണം. പിവി അൻവറിന്റെ വാതിൽ തുറന്നിട്ടുമില്ല, അടച്ചിട്ടുമില്ലെന്നായിരുന്നു അദ്ദേഹം നേരത്തെ പറഞ്ഞത്. അങ്ങനൊരു വാതിലുണ്ടോ? ഇപ്പോൾ അദ്ദേഹം ലോക്കിട്ട് പൂട്ടി. ഇനി ഞാൻ എന്ത് ചെയ്യണം. പിണറായിസത്തെ അവസാനിപ്പിക്കാൻ ഷൗക്കത്തിന് സാധിക്കുമോ?'- അൻവർ ചോദിച്ചു.
'എഐടിസി പിന്തുണച്ച് യുഡിഎഫ് കെട്ടിമറിഞ്ഞ് പ്രവർത്തനം നടത്തിയാലും ഷൗക്കത്ത് ജയിക്കില്ല. ഷൗക്കത്ത് പരാജയപ്പെട്ടാൽ , കഴിഞ്ഞ ഒൻപതുമാസമായി ആവർത്തിച്ചാവർത്തിച്ച് ഞാൻ പറയുന്ന കുടുംബാധിപത്യവും പിണറായിസവും മരുമോനിസവും കേരളത്തിന്റെമണ്ണിൽ മൂടപ്പെട്ടില്ലേ. ഞാൻ ഉയർത്തിയ മുദ്രാവാക്യത്തിന് എന്തടിസ്ഥാനം. സർക്കാരിനെതിരേ എന്ത് ജനവികാരം. തീർന്നില്ലേ രാഷ്ട്രീയം. 2026-ൽ ഒരു മുടക്കുമില്ലാതെ സർക്കാർ തിരിച്ചുവരില്ലേ. അതിന് ഞാൻ കൂട്ടു നിൽക്കണോ. അതല്ല, ഞങ്ങൾ മാറി നിന്ന് പിണറായിസത്തിനെതിരേ ഒരു പോരാട്ടം നടത്തി 25000 വോട്ട് ഏറ്റവും ചുരുങ്ങിയത് കിട്ടിയാൽ, ഞാൻ ജയിക്കാൻ പോകുവാ. ഞാൻ സ്ഥാനാർത്ഥിപ്രഖ്യാപനത്തിൽ കടക്കുവാ. ചങ്കൂറ്റത്തോടെ കേരളത്തിലെ ജനങ്ങളോട് പറയാൻ പറ്റും, 25000 വോട്ട് ഞാൻ പറഞ്ഞ പിണറായിസത്തിനെതിരേ നിലമ്പൂരിലെ ജനങ്ങൾ പ്രതികരിച്ചത് കണ്ടോ. ഈ വോട്ടും യുഡിഎഫിലെ വോട്ടും രണ്ടുംകൂട്ടിയ വോട്ടാണ് പിണറായിസത്തിനെതിരായ വോട്ട്. അവിടെ പിണറായിസത്തിനെതിരേ ഒറ്റക്കെട്ടായി നിൽക്കാൻ ആഗ്രഹിക്കുന്ന ജനങ്ങളുടെ മുമ്പിൽ ആര്യാടൻ ഷൗക്കത്ത് എന്ന വലിയ ബാരിക്കേഡ് ഉണ്ട്. അതിനെ മറകടക്കാൻ സാധിക്കില്ല'- അൻവർ പറഞ്ഞു.

മലയോര കർഷകർക്ക് വേണ്ടിയിട്ടാണ്  ഈ പോരാട്ടം;സ്ഥാനാർഥിത്വം പ്രഖ്യാപിച്ച് പി.വി അൻവർ

നിലമ്പൂര്‍: പി.വി. അന്‍വറിന്റെ വീട്ടില്‍ രാഹുല്‍ മാങ്കൂട്ടത്തില്‍ അനുനയത്തിന് പോയതില്‍ പ്രതികരണവുമായി പ്രതിപക്ഷ നേതാവ് വി.ഡി. സതീശന്‍. യുഡിഎഫിന്റെയോ കോണ്‍ഗ്രസിന്റെയോ നേതൃത്വത്തിന്റെ അറിവോടെയല്ല
യുഡിഎഫിന്റെയോ കോണ്‍ഗ്രസിന്റെയോ നേതൃത്വത്തിന്റെ അറിവോടെയല്ല രാഹുല്‍ മാങ്കൂട്ടത്തില്‍ പി.വി. അന്‍വറിനെ ഒതായിയിലെ വീട്ടില്‍പ്പോയി കണ്ടതെന്ന് സതീശൻ പറഞ്ഞു. അന്‍വറുമായി ഇനിയൊരു ചര്‍ച്ചയുമില്ലെന്നാണ് യുഡിഎഫിന്റെ തീരുമാനം. മുന്നണിയോഗം ചേര്‍ന്ന് ആ തീരുമാനം ഔദ്യോഗികമായി അന്‍വറിനെ അറിയിച്ചതുമാണ്. യുഡിഎഫ് സ്ഥാനാര്‍ഥിയെ പിന്തുണച്ചാല്‍ ആലോചിക്കാമെന്നായിരുന്നു നേരത്തേ പറഞ്ഞിരുന്നത്. പക്ഷേ, പിറ്റേദിവസംതന്നെ അന്‍വര്‍ പഴയ നിലപാട് ആവര്‍ത്തിച്ചതോടെ ചര്‍ച്ചയുടെ വാതിലടച്ചു. ഇനി ചര്‍ച്ചയില്ലെന്നും സതീശന്‍ വ്യക്തമാക്കി.
അന്‍വറിനെക്കാണാന്‍ ആരെയും ചുമതലപ്പെടുത്തിയിട്ടില്ല. ജൂനിയര്‍ ആയിട്ടുള്ള എംഎല്‍എയെയാണോ ഇതിനായി ചുമതലപ്പെടുത്തുക? മാങ്കൂട്ടത്തില്‍ സ്വയം തീരുമാനത്തില്‍ പോയതാണ്. അദ്ദേഹം പോയത് തെറ്റാണെന്നാണ് വ്യക്തിപരമായ അഭിപ്രായം. അക്കാര്യത്തില്‍ വിശദീകരണം ചോദിക്കേണ്ടത് താനല്ല. വിശദീകരണമൊന്നും ചോദിക്കില്ല. മാങ്കൂട്ടത്തില്‍ തനിക്ക് സ്വന്തം അനിയനെപ്പോലെയാണ്. രാഹുലിനെ നേരിട്ട് വ്യക്തിപരമായ രീതിയില്‍ ശാസിക്കുമെന്നും സതീശന്‍ പറഞ്ഞു.&nbsp;

'രാഹുൽ അൻവറിനെ കാണാൻ പോയത് തെറ്റ്,'; വ്യക്തിപരമായി ശാസിക്കുമെന്ന് സതീശൻ

നിലമ്പൂർ: നിലമ്പൂർ ഉപതിരഞ്ഞെടുപ്പിൽ അഡ്വ. മോഹൻ ജോർജ് ബിജെപി സ്ഥാനാർഥി. കേരളാ കോൺഗ്രസ് മുൻ നേതാവായ ഇദ്ദേഹം നിലമ്പൂർ സ്വദേശിയാണ്. നാമ നിർദേശപത്രിക സമർപ്പിക്കേണ്ട അവസാന തീയതിക്ക് തൊട്ടുതലേന്ന് ബിജെപിയും സ്ഥാനാർഥിയെ പ്രഖ്യാപിച്ചതോടെ നിലമ്പൂരിലെ തിരഞ്ഞെടുപ്പ് ചിത്രം വ്യക്തമായി.
നേരത്തെ, നിലമ്പൂരിൽ മത്സരിക്കേണ്ട ആവശ്യമില്ല എന്ന തരത്തിൽ ബിജെപി അധ്യക്ഷൻ രാജീവ് ചന്ദ്രശേഖർ പ്രതികരിച്ചിരുന്നു. ഇതിൽ പാർട്ടിക്കുള്ളിൽ തന്നെ വിമർശനങ്ങളും ഉയർന്നിരുന്നു. ഇതിന് പിന്നാലെയാണ് ബിജെപി സ്ഥാനാർഥിയെ പ്രഖ്യാപിച്ചിരിക്കുന്നത്. തിങ്കളാഴ്ചയാണ് നാമനിർദേശ പത്രിക നൽകേണ്ട അവസാന തീയതി.കഴിഞ്ഞ 47 വർഷമായി രാഷ്ട്രീയപ്രവർത്തനം നടത്തുന്നയാളാണ് താനെന്ന് മോഹൻ ജോർജ് പ്രതികരിച്ചു. സ്ഥാനാർഥിയാകുന്നതിനെക്കുറിച്ച് കഴിഞ്ഞ ദിവസമാണ് അഭിപ്രായം ചോദിച്ചത്. ഞാൻ കുഴപ്പമില്ലെന്ന് പറഞ്ഞു. മാധ്യമങ്ങളിലൂടെയാണ് സ്ഥാനാർഥിത്വത്തെക്കുറിച്ച് അറിയുന്നത്. ബിജെപി നല്ല മുന്നേറ്റം നടത്തുമെന്ന് മോഹൻ ജോർജ് പറഞ്ഞു.

നിലമ്പൂർ ഉപതിരഞ്ഞെടുപ്പിൽ അഡ്വ. മോഹൻ ജോർജ് ബിജെപി സ്ഥാനാർഥി

മലപ്പുറം: മുൻ എംഎൽഎ പിവി അൻവറെ അനുനയിപ്പിക്കാൻ അവസാന അടവുകളുമായി കോൺഗ്രസ്. ഇതിന്റെ ഭാഗമായി പാലക്കാട് എംഎൽഎ രാഹുൽ മാങ്കൂട്ടത്തിൽ അൻവറുമായി കൂടിക്കാഴ്ച നടത്തി. ഇന്നലെ രാത്രി അൻവറിന്റെ വീട്ടിലെത്തിയ രാഹുൽ ഏറെ സമയം അദ്ദേഹവുമായി സംസാരിച്ചു. ഇതിന്റെ ദൃശ്യങ്ങൾ ഒരു വാർത്താചാനൽ പുറത്തുവിടുകയും ചെയ്തു.
അൻവർ മത്സര സന്നദ്ധത വ്യക്തമാക്കിയതിന് ശേഷമാണ് രാഹുലിന്റെ കൂടിക്കാഴ്ച.സിപിഎമ്മിനെയും പിണറായിസത്തെയും തോൽപ്പിക്കാൻ ഒന്നിച്ചു നിൽക്കണം എന്നും അതിനുള്ള അവസരം നഷ്ടപ്പെടുത്തരുതെന്നും രാഹുൽ അൻവറിനോട് ആവശ്യപ്പെട്ടു. എന്നാൽ വിശ്വാസ ലംഘകരുമായി ഇനി ബന്ധമില്ലെന്ന് അൻവർ അറിയിച്ചതായാണ് റിപ്പോർട്ടുകൾ.

രാഹുൽ മാങ്കൂട്ടത്തിൽ അൻവറുമായി കൂടിക്കാഴ്ച നടത്തി

Search Results for: woman died