ചൊക്ലി: ഖുതുബി പള്ളിക്ക് സമീപം കാട്ടിൽ പീടികയിൽ അബ്ദുൽ സലാം (69) നിര്യാതനായി. പാനൂരിൽ വെച്ച് നടന്ന വാഹനപകടത്തിൽ പരിക്കേറ്റ് കോഴിക്കോട് സ്വകാര്യ ഹോസ്പിറ്റലിൽ ചികിത്സയിലായിരുന്നു. പാനൂർ നാജാത്തുൽ ഇസ്ലാം മദ്രസ്സയിൽ അദ്ധ്യാപകനായിരുന്നു. ചൊക്ലി പരേതനായ ഖുത്തുബി മുഹമ്മദ് മുസ്ലിയാരുടെ പൗത്രനാണ്. ഭാര്യ: പെരിങ്ങാടി പുതിയ പുരയിൽ ഉമ്മു കുൽസു (പുളിഞ്ഞോൽ). മക്കൾ: സ്വാലിഹ , സുബൈബ,അഹമ്മദ്. മരുമക്കൾ: മുനീർ , റൗഫ് (പെരിങ്ങാടി).

കാട്ടിൽ പീടികയിൽ അബ്ദുൽ സലാം നിര്യാതനായി

Obituary

വടകര: തണൽ വടകരയും നഗരസഭാ 45ാം വാർഡും സംയുക്തമായി വൃക്ക രോഗ ബോധവത്ക്കരണ ക്യാമ്പ് നടത്തി. വലിയവളപ്പ് സൈക്ലോൺ ഷെൽറ്ററിൽ നിരവധി ആളുകൾ ക്യാമ്പിൽ പങ്കെടുത്തു. വാർഡ് കൗൺസിലർ ഹക്കിം പി. എസ്‌, തണൽ ഏർലി ഡീറ്റെക്ഷൻ ഡിപ്പാർട്മെന്റ് ടീം അംഗങ്ങളായ വിൽ‌സൺ വർഗീസ്, ഫൗസിയ , കുടുംബശ്രീ അംഗം റസീന വി കെ എന്നിവർ പങ്കെടുത്തു.

ക്യാമ്പ് സംഘടിപ്പിച്ചു

Vadakara

അഴിയൂർ: ബ്ലോക്ക് ജവഹർ ബാൽ മഞ്ചിൻ്റെ ആഭിമുഖ്യത്തിൽ പ്രശസ്ത ചിത്രകാരൻ സദു അലിയൂർ അനുസ്മരണവും ബാലചിത്രകലാ ക്യാമ്പും സംഘടിപ്പിച്ചു. ചോമ്പാല കാപ്പുഴക്കൽ തീരത്തെ ചിത്രഗ്രാമത്തിൽ നടന്ന ക്യാമ്പിൽ വടകര താലൂക്കിൽ നിന്നുള്ള 95 കുട്ടികൾ പങ്കെടുത്തു. കേരള ലളിതകലാ അക്കാദമി മുൻ വൈസ് ചെയർമാൻ സുരേഷ് കൂത്തുപറമ്പ് ഉൽഘാടനം ചെയ്തു. ജവഹർ ബാൽ മഞ്ച് അഴിയൂർ ബ്ലോക്ക് ചെയർമാൻ ടി.സി. രാമചന്ദ്രൻ അധ്യക്ഷത വഹിച്ചു. ബ്ലോക്ക് പഞ്ചായത്ത് മുൻ പ്രസിഡൻ്റ് കോട്ടയിൽ രാധാകൃഷ്ണൻ മുഖ്യപ്രഭാഷണം നടത്തി. ചിത്രകാരൻ പ്രജീഷ് പേരാമ്പ്ര സദു അലിയൂർ അനുസ്മരണവും ആർട്ടിസ്റ്റ് സുരേഷ് എസ്.ആർ.എസ് ജലച്ചായ ചിത്രകലാ ഡമോൺസ്ട്രേഷനും നടത്തി.&nbsp;
ജവഹർ ബാൽ മഞ്ച് ജില്ലാ പ്രസിഡണ്ട് സരിഷ്ണവി വി.എം ,സംസ്കാരസാഹിതി സംസ്ഥാന ജന. സെക്രട്ടറി സുനിൽ മടപ്പള്ളി, അഴിയൂർ ബ്ലോക്ക് കോൺഗ്രസ് പ്രസിഡന്റ് പറമ്പത്ത് പ്രഭാകരൻ, ജവഹർ ബാൽ മഞ്ച് അഴിയൂർ ബ്ലോക്ക് ചീഫ് കോ-ഓർഡിനേറ്റർ വി.കെ. അനിൽകുമാർ, അഴിയൂർ പഞ്ചായത്ത് വൈസ് പ്രസിഡണ്ട് തോട്ടത്തിൽ ശശിധരൻ, ചിത്രകാരൻ ജഗദീഷ് പാലയാട്, പി. ബാബുരാജ്, കെ.പി.രവീന്ദ്രൻ, റംല, അഡ്വ. എ.എം സന്തോഷ്, ജയരാജൻ, ശ്രീജേഷ് പി.വി, ജവഹർ ബാൽ മഞ്ച് ഭാരവാഹികളായ സായി ചേതൻ ലാൽ.വി.കെ.എ, ദക്ഷ. ആർ.എസ് എന്നിവർ സംസാരിച്ചു.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
ഉച്ചയ്ക്ക് ശേഷം നടന്ന സെഷനിൽ കുട്ടികൾ ഒറ്റയ്ക്കും കൂട്ടായും ജലച്ചായ ചിത്രങ്ങൾ വരച്ചു. ചിത്രകാരൻ രമേശ് രഞ്ജനം രേഖാചിത്രങ്ങൾ വരച്ച് ക്ലാസ് നയിച്ചു. സജീവൻ ചെമ്മരത്തൂർ നാടൻ പാട്ടുകൾ അവതരിപ്പിച്ചു. വൈകീട്ട് നടന്ന സമാപന സമ്മേളനം കെ.പി.സി.സി സെക്രട്ടറി സുനിൽ മടപ്പള്ളി ഉൽഘാടനം ചെയ്തു. ഗ്രാമപഞ്ചായത്ത് അംഗം കവിത അനിൽകുമാർ അധ്യക്ഷത വഹിച്ചു. പി.കെ.കോയ മാസ്റ്റർ, കെ.പി. വിജയൻ, കളത്തിൽ അശോകൻ, പുരുഷോത്തമൻ, ശാലിനി.സി.എച്ച്, സുരേന്ദ്രൻ പറമ്പത്ത്, രഞ്ജിത്ത്.കെ.വി, ജവഹർ ബാൽ മഞ്ച് ഭാരവാഹികളായ നേഹ ഫാത്തിമ, സിയ ഫാത്തിമ എന്നിവർ സംസാരിച്ചു. പങ്കെടുത്ത മുഴുവൻ കുട്ടികൾക്കും സർട്ടിഫിറ്റുകളും മെമൻ്റോയും, ബാലസാഹിത്യ പുസ്തകങ്ങളും വിതരണം ചെയ്തു.

സദു അലിയൂർ അനുസ്മരണവും ബാലചിത്രകലാ ക്യാമ്പും

നാദാപുരം: കണ്ടിവാതുക്കൽ അഭയഗിരിയിൽ കോഴിക്കോട്- കണ്ണൂർ ജില്ല അതിർത്തിയിൽ വാഴമലയിൽ 50 ഏക്കറോളം കൃഷി ഭൂമി കത്തി നശിച്ചു. കണ്ണൂർ ജില്ലയോട് ചേർന്ന ഭാഗങ്ങളിൽ കഴിഞ്ഞ ദിവസം തീപിടിച്ചിരുന്നു. വനം വകുപ്പ് തീ നിയന്ത്രണ വിധേയമാക്കിയിരുന്നു. തിങ്കളാഴ്ച രാവിലെ തീ കോഴിക്കോട് ജില്ലയുടെ ഭാഗത്തേക്ക് പടർന്ന് കയറുകയായിരുന്നു.&nbsp;
റബ്ബർ, തെങ്ങ്, വാഴ തുടങ്ങിയ കൃഷികളും ഇടവിള കൃഷിയും കത്തി നശിച്ചു. പാനൂരിൽ നിന്നും അഗ്നി ശമന സേന സ്ഥലത്ത് എത്തിയെങ്കിലും ഉൾഭാഗത്ത് എത്തിച്ചേരാൻ കഴിഞ്ഞില്ല. റോഡിനോട് ചേർന്ന ഭാഗത്തുള്ള തീ അഗ്നിശമന അണക്കുകയും ഉയർന്ന ഭാഗങ്ങളിലുള്ളത് നാട്ടുകാർ കെടുത്തുകയുമുണ്ടായി. തീ അണച്ചെങ്കിലും കൃഷിയിടത്ത് പല ഭാഗത്ത് നിന്നും തീയും പുക ഉയരുന്നത് ആശങ്കക്കിടയാക്കുന്നുണ്ട്. കർഷകർക്ക് കനത്ത നഷ്ടമാണ് ഉണ്ടായത്.

വാഴമലയിലെ തീ പിടുത്തം; കത്തി നശിച്ചത് 50 ഏക്കറോളം കൃഷി ഭൂമി

Nadapuram

നാദാപുരം : എടച്ചേരി കച്ചേരി സ്‌കൂൾ പരിസരത്ത് മദ്യ വിൽപ്പന ഒരാൾ എക്സൈസ് പിടിയിലായി. കച്ചേരി സ്വദേശി അരിയം പൊയിൽ വീട്ടിൽ രാജേഷ് ( 45 ) നെയാണ് വടകര എക്സൈസ് അസി. ഇൻസ്പെക്ടർ പി.പി. രാമചന്ദ്രനും സംഘവും പിടികൂടിയത്. പ്രതിയിൽ നിന്ന് ഏഴര ലിറ്റർ മദ്യം അധികൃതർ പിടികൂടി. രഹസ്യ വിവരത്തിൻ്റെ അടിസ്ഥാനത്തിൽ കഴിഞ്ഞ ദിവസം രാത്രി കച്ചേരി സ്ക്കൂൾ പരിസരത്ത് നടത്തിയ പരിശോധനയിലാണ് പ്രതി പിടിയിലായത്.&nbsp;
മേഖലയിൽ അനധികൃത മദ്യ വിൽപ്പന പതിവായതോടെ വ്യാപകമായ പരാതി ഉയർന്നിരുന്നു. ഇതേ തുടർന്നാണ് എക്സൈസ് നടപടി. സിവിൽ എക്സൈസ് ഓഫീസർ കെ. എൻ.ജിജു, ഇ.എം.മുസ്‌ബിൻ, വനിത സിവിൽ എക്‌സൈസ് ഓഫീസർ ടി.പി. തുഷാര,ഡ്രൈവർ പ്രജീഷ് എന്നിവർ സംഘത്തിൽ ഉണ്ടായിരുന്നു. പ്രതിയെ റിമാൻ്റ് ചെയ്തു.

അനധികൃത മദ്യ വിൽപ്പന; എടച്ചേരിയിൽ യുവാവ് അറസ്റ്റിൽ

മുട്ടുങ്ങൽ: ചോറോട് ഗ്രാമ പഞ്ചായത്ത് വയോജന സംഗമം നടത്തി. മുട്ടുങ്ങൽഗവ: എൽ.പി.സ്കൂളിൽ നടന്ന പരിപാടി പഞ്ചായത്ത് പ്രസിഡണ്ട് പി.പി.ചന്ദ്രശേഖരൻ ഉദ്ഘാടനം ചെയ്തു. 60 വയസ് പിന്നിട്ട നൂറ്റി അമ്പതോളം വയോജനങ്ങൾ പങ്കെടുത്തു. നിരവധി പേർ പാട്ടുകൾ പാടി. നാടൻ പാട്ട്, ഒപ്പനപ്പാട്ട്, മാപ്പിള പാട്ട്, കോൽക്കളി, എന്നിവയുണ്ടായി. ഗ്രാമ പഞ്ചായത്ത് വൈസ് പ്രസിഡണ്ട് രേവതി പെരുവാണ്ടിയിൽ അദ്ധ്യക്ഷത വഹിച്ചു. സ്ഥിരം സമിതി അദ്ധ്യക്ഷരായ കെ.മധുസൂദനൻ, സി.നാരായണൻ, ശ്യാമള പൂവ്വേരി, പഞ്ചായത്തംഗങ്ങളായ അബൂബക്കർ വി.പി., കെ.കെ. റിനീഷ്, പ്രസാദ് വിലങ്ങിൽ, പ്രിയങ്ക സി.പി., സാജിദ എന്നിവർ പ്രസംഗിച്ചു. ഐ.സി.ഡി.എസ് സൂപ്പർവൈസർ ഷൈജി.കെ നന്ദി പറഞ്ഞു.

വയോജന സംഗമം നടത്തി

പാനൂർ: ചോറോട് രാമത്ത് പുതിയ കാവ് ശ്രീ മുച്ചിലോട്ട് കാവിലെ ഈ വർഷത്തെ കളിയാട്ട മഹോത്സവത്തിന്റെ അടയാളം കുറിക്കൽ (നിശ്ചയം) പാനൂരിലെ കുറ്റേരി കാവിൽ നടന്നു. മുച്ചിലോട്ട് ഭഗവതി രാമത്ത് തറവാട്ടിൽ എത്തിയത് പാനൂരിലെ കൂറ്റേരി കാവിൽ നിന്നുമാണ്. മാർച്ച് നാലുമുതൽ ഏഴുവരെ നാലു ദിവസമാണ് കളിയാട്ടം. കണ്ണൂരിലെ കോമരങ്ങളും, പെരുവണ്ണാൻമാരുമിവിടെ എത്തിയാണ് തെയ്യ കോലങ്ങൾ കെട്ടിയാടുന്നത്. നാൽപ്പതിൽ ഒന്നു കുറവ് തെയ്യങ്ങൾ ഇവിടുത്തെ പ്രത്യേകതയാണ്.&nbsp;
ക്ഷേത്ര കമ്മിറ്റി പ്രസിഡണ്ട് കരിപ്പള്ളി രാജൻ ഷിബിൻ കോമരത്തിന് അടയാളം കൈമാറി. പ്രദീപൻ പെരുവണ്ണാൻ, ഗോപാലൻ നായർ, സെക്രട്ടറി ബിജു വി.ടി.കെ, പ്രസാദ് വിലങ്ങിൽ, എം.എം.ഗോപാലൻ , രാധാകൃഷ്ണൻ, ടി.എൻ.കെ.മോഹനൻ, രാജേഷ് കെ.പി, സനോഷാബിൻ എന്നിവർ നേതൃത്വം നൽകി.

ചോറോട് രാമത്ത് കാവ് കളിയാട്ടം; അടയാളം കുറിച്ചു

Mahe

പ്രായഭേദമന്യേ മിക്കവരിലും കണ്ട് വരുന്ന ചർമ്മപ്രശ്നമാണ് മുഖക്കുരു. പല കാരണങ്ങൾ കൊണ്ട് മുഖക്കുരു ഉണ്ടാകാം. പ്രായപൂർത്തിയാവുന്ന ഘട്ടത്തിലും ആർത്തവചക്രത്തിലുമുള്ള ഹോർമോൺ ഉത്പാദനം മുഖക്കുരു ഉണ്ടാവുന്നതിന് കാരണമാകാറുണ്ട്. മുഖക്കുരു തടയാൻ വീട്ടിൽ തന്നെ പരീക്ഷിക്കാവുന്ന ഒരു ഫേസ് പാക്കിനെ കുറിച്ചാണ് ഇനി പറയുന്നത്.
വേണ്ട ചേരുവകൾ
തേൻ 1 സ്പൂൺ
കറുവപ്പട്ട പൊടിച്ചത് 1 സ്പൂൺ
തെെര് 1 സ്പൂൺ
മഞ്ഞൾ ഒരു നുള്ള്
നാരങ്ങ നീര് ഒരു സ്പൂൺ
ഈ ഫേസ് പാക്ക് തയ്യാറാക്കുന്ന വിധം
മുകളിൽ പറഞ്ഞിരിക്കുന്ന ചേരുവകളെല്ലാം നന്നായി യോജിപ്പിച്ച് പാക്ക് ഉണ്ടാക്കിയ ശേഷം 15 മിനുട്ട് നേരം സെറ്റാകാനായി മാറ്റിവയ്ക്കുക. ശേഷം പാക്ക് മുഖത്തും കഴുത്തിലുമായി നന്നായി തേച്ച് പിടിപ്പിക്കുക. ഉണങ്ങിയതിന് ശേഷം കഴുകി കളയുക. ആഴ്ചയിൽ രണ്ടോ മൂന്നോ തവണ ഈ പാക്ക് ഇടാവുന്നതാണ്.

മുഖക്കുരുവിനെ എളുപ്പം ഇല്ലാതാക്കാൻ ഒരു നാച്ചുറൽ ഫേസ് പാക്ക്

Health

വടകര: തൈവളപ്പിൽ ശിവഭഗവതി ക്ഷേത്രത്തിൽ പ്രതിഷ്ഠ ദിനവും ശിവരാത്രി മഹോത്സവവും 2025 ഫെബ്രുവരി 19,26 തീയ്യതികളിൽ നടക്കും. ഫെബ്രുവരി 19 ന് പ്രതിഷ്ഠാദിനത്തിൽ 6 മണിക്ക് നിർമ്മാല്യം, 6.20 അഭിഷേകം, കാലത്ത് 7 മണിക്ക് പ്രതിഷ്ഠാദിന പൂജ,12.30 ന് അന്നദാനം എന്നിവയുണ്ടാകും. ഫെബ്രുവരി 26 ബുധൻ ശിവരാത്രി ദിനത്തിൽ കാലത്ത് 5.30 ന് നട തുറക്കൽ, 6 മണി നിർമ്മാല്യം ,6.20 ന് അഭിഷേകം, 8 മണി ഉഷ പൂജ ,വൈകുന്നേരം 5 മണി നട തുറക്കൽ ,6.30 ന് ദീപാരാധന, വൈകുന്നേരം 7 മണി താലപ്പൊലി.&nbsp;
പരേതനായ ഈച്ചീന്റെ കീഴൽ ബാബുവിന്റെ വസതിയിൽ നിന്നും പുറപ്പെട്ട് നഗര പ്രദിക്ഷണത്തോടെ ക്ഷേത്രത്തിൽ എത്തിച്ചേരുന്നു. രാത്രി 7.30 ന് 108 ഇളനീർ അഭിഷേകം ,രാത്രി 8 മുതൽ പ്രദേശവാസികളുടെ കലാപരിപാടികൾ. 12.30 ന് മറിമായം ഫെയിം അനിൽ ബേബി, ഓസ്കാർ മനോജ്, അഷ്കർ കലാഭവൻ എന്നിവർ ചേർന്ന് നയിക്കുന്നലൈവ് സ്റ്റേജ് ഷോ. പുലർച്ചെ 4.30 ന് നാദസ്വരമേളത്തോടെ കലശ അഭിഷേകം.

തൈ വളപ്പിൽ ശിവ-ഭഗവതി ക്ഷേത്രത്തിൽ പ്രതിഷ്ഠദിനവും ശിവരാത്രി മഹോത്സവവും

തിരുവനന്തപുരം: ശശി തരൂർ എംപിയുടെ വിവാദ ലേഖനത്തിൽ പ്രതികരണവുമായി എഐസിസി ജനറൽ സെക്രട്ടറി കെ സി വേണുഗോപാൽ. വിഷയത്തിൽ ഇനി വിവാദം വേണ്ട, അത് അടഞ്ഞ അദ്ധ്യായമായി കാണാനാണ് കോൺഗ്രസിനിഷ്ടമെന്നും അദ്ദേഹം വ്യക്തമാക്കി.
'ലഭിച്ച ഡാറ്റയുടെ അടിസ്ഥാനത്തിലാണ് തരൂർ ലേഖനം എഴുതിയത്. ശരിയായ ഡാറ്റ കിട്ടിയാൽ നിലപാട് മാറ്റുമെന്ന് തരൂർ പറഞ്ഞിട്ടുണ്ട്. അത് മുഖവിലയ്ക്ക് എടുക്കാനാണ് പാർട്ടി ആഗ്രഹിക്കുന്നത്. കോൺഗ്രസ് നേതാക്കൾക്കിടയിൽ ഭിന്നാഭിപ്രായമില്ല. കേരളത്തിൽ ചെറുകിട സംരംഭങ്ങൾ പൂട്ടിക്കൊണ്ടിരിക്കുകയാണ്. കൃത്രിമ കണക്കുകളുമായാണ് സർക്കാർ മുന്നോട്ട് പോകുന്നത്. തരൂരുമായി പാർട്ടി സംസാരിച്ചിട്ടുണ്ട്. തിരുത്തുമെന്ന് തന്നെയാണ് കരുതുന്നത്. ഇനി വിവാദം വേണ്ട'- കെ സി വേണുഗോപാൽ പറഞ്ഞു.ഒരു പ്രമുഖ ഇംഗ്ലീഷ് പത്രത്തിൽ ശശി തരൂർ എഴുതിയ ലേഖനമാണ് കോൺഗ്രസിനെ പ്രതിരോധത്തിലാക്കിയത്. പിണറായി സർക്കാർ സ്റ്റാർട്ടപ്പ് പ്രവർത്തനങ്ങളിൽ കൈവരിച്ച നേട്ടത്തെ അഭിനന്ദിച്ച് കൊണ്ടായിരുന്നു തരൂരിന്റെ ലേഖനം

'ശശി തരൂരുമായി പാർട്ടി സംസാരിച്ചിട്ടുണ്ട്, തിരുത്തുമെന്നാണ് കരുതുന്നതെന്ന് കെ സി വേണുഗോപാൽ

തിരുവനന്തപുരം: കാര്യവട്ടം ഗവണ്‍മെന്‍റ് കോളേജിൽ ഒന്നാം വർഷ ബിരുദ വിദ്യാർഥിയെ റാഗിങ്ങിന് വിധേയരാക്കിയ എസ്.എഫ്.ഐ പ്രവർത്തകർക്ക് സസ്പെൻഷൻ. മൂന്നാം വർഷ ബിരുദധാരികളായ ഏഴുപേരെയാണ് സസ്പെൻഡ് ചെയ്തത്. വിവസ്ത്രനാക്കിയും മുളവടികൊണ്ട് തലയ്ക്കടിച്ചും തുപ്പിയ വെള്ളം കുടിപ്പിച്ചുമായിരുന്നു ക്രൂരത.&nbsp;
എസ്.എഫ്.ഐ. യൂണിറ്റ് റൂമിലെത്തിച്ചായിരുന്നു തന്നെ അതിക്രൂരമായി എസ്.എഫ്.ഐ പ്രവർത്തകർ ഉപദ്രവിച്ചതെന്ന് റാ​ഗിങ്ങിനിരയായ വിദ്യാർഥി പറഞ്ഞു. ഒരു മണിക്കൂറോളം മുറിയിൽ തടഞ്ഞുവെച്ച് വിചാരണ ചെയ്തു. എസ്.എഫ്.ഐ. യൂണിറ്റ് സെക്രട്ടറിയടക്കമുള്ളവരാണ് പ്രതിപ്പട്ടികയിലുള്ളത്. സിസിടിവി ദൃശ്യങ്ങളും സാക്ഷിമൊഴിയും പരിശോധിച്ചാണ് റാ​ഗിങ് കമ്മിറ്റി റിപ്പോർട്ട് സമർപ്പിച്ചത്.പോലീസ് അന്വേഷണത്തിലൂടെ സത്യം പുറത്തുവരട്ടെയെന്നും പിന്നീട് പ്രതികരിക്കാമെന്നുമാണ് എസ്.എഫ്.ഐ. ജില്ലാ നേതൃത്വത്തിന്റെ വിശദീകരണം.

കാര്യവട്ടം ഗവ. കോളേജിലെ റാഗിങ്; എസ്.എഫ്.ഐ. പ്രവർത്തകർക്ക് സസ്പെൻഷൻ

Kerala

വടകര: റിട്ട; എ.ഇ.ഒ മേപ്പയിൽ കോട്ടോള്ളതിൽ എൻ ശ്രീധരൻ (77) അന്തരിച്ചു. കട്ടപ്പന, കുന്നുമ്മൽ, കൊയിലാണ്ടി, ഉപജില്ലാ വിദ്യാഭ്യാസ ഓഫീസറായും മടപ്പള്ളി ജി എച്ച്.എസ്.എസ് പ്രിൻസിപ്പൾ, ചോറോട് ഗവ എച്ച്.എസ്, പുത്തൂർ ഗവ എച്ച് എസ് എസ് എന്നിവിടങ്ങളിൽ അധ്യാപകനായും ജോലി ചെയ്തിട്ടുണ്ട്. അച്ഛൻ: എസ്.ജി.എം.എസ്. ബി സ്കൂൾ റിട്ട: അധ്യാപകൻ കോട്ടോള്ളതിൽ പരേതനായ രാമൻ നായർ. അമ്മ; : നെല്ലാടത്ത് പരേതയായ ലക്ഷ്മി അമ്മ. ഭാര്യ: പടിഞ്ഞാറക്കണ്ടി പ്രസന്ന (അരൂർ ).&nbsp;
മക്കൾ: ശ്രീജിത്ത്, ശ്രീജേഷ് (കോമൺവെൽത്ത് ബേങ്ക് ഓഫ് ഓസ്ട്രേലിയ). മരുമക്കൾ: ബിന്ദ്യ (ചെറുവണ്ണൂർ) ,ഷിജിന (കൊയിലാണ്ടി). സഹോദരങ്ങൾ: എൻ ബാലൻ നായർ (റിട്ട: പോസ്റ്റ് മാസ്റ്റർ വടകര), എൻ ഭാസ്കരൻ നായർ (റിട്ട: അഡ്മിനിസ്ട്രേറ്റീവ് ഓഫീസർ എൽ.ഐ.സി വടകര), സരോജിനി ( റിട്ട: എച്ച്.എം വാസുദേവാ ശ്രമം എച്ച്.എസ് നടുവത്തൂർ), വത്സല (എച്ച്.എം കായലോട് എൽ. പി. എസ് മേപ്പയൂർ). സംസ്കാരം ഇന്ന് വൈകീട്ട് 5 ന് വീട്ടുവളപ്പിൽ. സഞ്ചയനം ശനിയാഴ്ച.&nbsp;&nbsp;

മേപ്പയിൽ കോട്ടോള്ളതിൽ ശ്രീധരൻ അന്തരിച്ചു

വടകര: യൂത്ത് കോൺഗ്രസ് വടകര നിയോജകമണ്ഡലം കമ്മിറ്റിയുടെ നേതൃത്വത്തിൽ ഷുഹൈബ്, കൃപേഷ്, ശരത് ലാൽ അനുസ്മരണം നടത്തി. യൂത്ത് കോൺഗ്രസ് ജില്ലാ പ്രസിഡണ്ട് ആർ.ഷഹിൻ ഉദ്ഘാടനം ചെയ്തു. സി. നിജിൻ അധ്യക്ഷ്യം വഹിച്ചു. യുഡിഎഫ് വടകര നിയോജക മണ്ഡലം ചെയർമാൻ കോട്ടയിൽ രാധാകൃഷ്ണൻ മുഖ്യപ്രഭാഷണം നടത്തി. ബാബു ഒഞ്ചിയം, പറമ്പത്ത് പ്രഭാകരൻ, സതീശൻ കുരിയാടി, സി.കെ ഹരിദാസൻ,പി. ടി. കെ നജ്മൽ, സുധീഷ് വള്ളിൽ,ദിൽരാജ് പനോളി, രഞ്ജിത്ത് കണ്ണോത്ത്, പി എസ് രഞ്ജിത്ത് കുമാർ, ഫസലു, ജുനൈദ് കാർത്തികപ്പള്ളി, കാർത്തിക് ചോറോട് എന്നിവർ സംസാരിച്ചു.

അനുസ്മരിച്ചു

അഴിയൂർ: വടകര ബ്ലോക്ക് പഞ്ചായത്ത് സംസ്ഥാന സാംസ്കാരിക വകുപ്പിന്റെയും, മഹാത്മ പബ്ലിക് ലൈബ്രറി ചോമ്പാലയുടെയും കേരള ഫോക്‌ലോർ അക്കാദമിയുടെയും കുടുംബ ശ്രീ മിഷന്റെയും സഹകരണത്തോടെ സംഘടിപ്പിക്കുന്ന കടത്തനാടൻ അങ്കം സംഘാടകസമിതി രൂപീകരിച്ചു. രൂപീകരണയോഗം കേരള ഫോക് ലോർ അക്കാദമി പ്രസിഡൻറ് ഉണ്ണികൃഷ്ണൻ ഉദ്ഘാടനം ചെയ്തു. കേരള ലളിതകലാ അക്കാദമി അംഗം വി ടി മുരളി മുഖ്യപ്രഭാഷണം നടത്തി. മെയ് ആദ്യവാരത്തിൽ തുടങ്ങി രണ്ടാം വാരത്തിൽ അവസാനിക്കുന്ന ഒമ്പത് ദിവസം നീണ്ടു നിൽക്കുന്ന മേളയ്ക്ക് ചോമ്പാല മിനി സ്റ്റേഡിയത്തിൽ വേദി ഉണരും. അന്യം നിന്നു പോകുന്ന കടത്തനാടിന്റെ കളരി പെരുമയെ നിലനിർത്തുകയും പുതിയ തലമുറയ്ക്ക് പകർന്നു നൽകുകയും ചെയ്യുക എന്ന ലക്ഷ്യമാണ് സാംസ്കാരിക ഉത്സവത്തിലൂടെ ബ്ലോക്ക് പഞ്ചായത്ത് ലക്ഷ്യമിടുന്നത്. ഒമ്പത് ദിവസം നീണ്ടുനിൽക്കുന്ന മേളയിൽ വിവിധ ശൈലികളിലുള്ള കേരളത്തിൻറെ കളരി മുറകളെയും കളരി ചികിത്സയും ആയോധനകലക്കായി ഉപയോഗിക്കുന്ന ആയുധങ്ങളുടെയും പ്രദർശനവും സെമിനാറുകളും ഉണ്ടായിരിക്കും.&nbsp;
ഒപ്പം പാട്ടും താളവും നൃത്തവും സമന്വയിക്കുന്ന കേരളത്തിലെയും ഇന്ത്യയിലെയും പ്രഗൽഭ ഗ്രൂപ്പുകളുടെ കലാ പരിപാടികളോടൊപ്പം പ്രാദേശിക സംഘത്തിൻറെ വിവിധ പരിപാടികളും നാടൻ കലകളും അരങ്ങേറും. കരകൗശല മേളയും വിവിധ വസ്തുക്കൾ കൊണ്ടുള്ള നിർമ്മാണം അടുത്തറിയുന്നതിനും മേളയിലൂടെ കഴിയും. ഗവൺമെന്റിനെയും വിവിധ പൊതുമേഖലാ സ്ഥാപനങ്ങളുടെയും പ്രവർത്തനങ്ങൾ വിശദീകരിക്കുന്ന സ്റ്റാളുകളും പുസ്തകോത്സവം ,ഭക്ഷ്യമേള, കാർഷിക മേള തുടങ്ങിയവയും മേളയുടെ ഭാഗമാകും. യോഗത്തിൽ ബ്ലോക്ക് പഞ്ചായത്ത് വൈസ് പ്രസിഡണ്ട് വി കെ സന്തോഷ് കുമാർ സ്വാഗതം പറഞ്ഞു. പ്രസിഡണ്ട് കെ പി ഗിരിജ അധ്യക്ഷത വഹിച്ചു. ആസൂത്രണ സമിതി ഉപാധ്യക്ഷൻ വി മധുസൂദനൻ പരിപാടികൾ വിശദീകരിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ എം സത്യൻ, ടി പി ബിനീഷ്, കുഞ്ഞബ്ദുള്ള, പ്രഭാകരൻ പറമ്പത്ത്, കോട്ടയിൽ രാധാകൃഷ്ണൻ, എ ടി ശ്രീധരൻ, പി കെ പ്രകാശൻ, പ്രകാശൻ പാറമ്മൽ, പ്രമോദ് കരുവയൽ, ലാലു , പ്രദീപ് ചോമ്പാല, കുഞ്ഞിമൂസ ഗുരുക്കൾ, ദേവരാജൻ ഗുരുക്കൾ തുടങ്ങിയവർ സംസാരിച്ചു. മുഖ്യമന്ത്രി പിണറായി വിജയൻ മുഖ്യരക്ഷാധികാരി ആയും, മന്ത്രിമാരായ മുഹമ്മദ് റിയാസ്, എം ബി രാജേഷ്, എ കെ ശശീന്ദ്രൻ, ഒ ആർ കേളൂ, ഷാഫി പറമ്പിൽ എംപി, എംഎൽഎമാരായ കെ കെ രമ , കുഞ്ഞമ്മദ് കുട്ടി, കാനത്തിൽ ജമീല എന്നിവർ രക്ഷാധികാരികളുമായി 501 അംഗ സ്വാഗതസംഘം കമ്മിറ്റി രൂപീകരിച്ചു. കെ പി ഗിരിജ ചെയർമാൻ, കെഎം സത്യൻ ജനറൽ കൺവീനർ, ഫോക്‌ലോർ അക്കാദമി പ്രോഗ്രാം ഓഫീസർ ലൗലിൻ ഫെസ്റ്റിവൽ ഡയറക്ടർ, വി മധുസൂദനൻ ജോയിൻ ഫെസ്റ്റിവൽ ഡയറക്ടർ ആയ സ്വാഗതസംഘം കമ്മിറ്റി നിലവിൽ വന്നു.

'കടത്തനാടൻ അങ്കം' സംഘാടകസമിതി രൂപീകരിച്ചു

ചൊക്ലി: എസ് കെ എസ് എസ് എഫ് ചൊക്ലി ക്ലസ്റ്റർ സംഘടിപ്പിക്കുന്ന സമസ്തയുടെ നൂറാം വാർഷിക പ്രചാരണവും ആദർശ സമ്മേളനവും സംഘടനയുടെ സ്ഥാപക ദിനമായ ഫെബ്രുവരി 19 ബുധനാഴ്ച്ച രാത്രി 7 മണിക്ക് ചൊക്ലി ശംസുൽ ഉലമ ഖുതുബി നഗറിൽ വെച്ച് നടക്കും. കണ്ണോത്ത് മഹല്ല് ഖാസി പി ഇബ്രാഹിം ദാരിമിയുടെ അധ്യക്ഷതയിൽ നടക്കുന്ന സമ്മേളനം ഗ്രാമത്തി മഹല്ല് ഖത്തീബ് ഉസ്താദ് ഷംസീർ അൽ അസ്ഹരിആറളം ഉദ്ഘാടനം ചെയ്യും.&nbsp;
തുടർന്ന് "ആദർശ വിശുദ്ധി നൂറ്റാണ്ടിലൂടെ" എന്ന വിഷയത്തിൽ എസ് കെ എസ് എസ് എഫ് സംസ്ഥാന ഓർഗനൈസിംഗ് സിക്രട്ടറി ബഷീർ അസ്ഹദി നമ്പ്രം, "പുത്തനാശയത്തിന്റെ കാണാപ്പുറങ്ങൾ" എന്ന വിഷയത്തിൽ പ്രമുഖ പണ്ഡിതനും പ്രഭാഷകനുമായ ഉസ്താദ് മുസ്തഫ അഷ്‌റഫി കക്കുപ്പടി എന്നിവർ പ്രഭാഷണം നടത്തും. വിവിധ മദ്രസ വിദ്യാർഥികൾ അവതരിപ്പിക്കുന്ന തിരുനബി മദ്ഹ് ഗാനങ്ങളും ഉണ്ടായിരിക്കുമെന്ന് സംഘാടകർ അറിയിച്ചു.

എസ് കെ എസ് എസ് എഫ് ആദർശ സമ്മേളനം 19 ന്

തൃശ്ശൂര്‍: മുന്‍ രഞ്ജി ട്രോഫി ക്രിക്കറ്റ് താരം ആര്‍. രഘുനാഥ് അന്തരിച്ചു. തൃശ്ശൂര്‍ സ്വകാര്യ ആശുപത്രിയില്‍ ചൊവ്വാഴ്ച രാവിലെ പതിനൊന്നരയോടെയാണ് അന്ത്യം. വാര്‍ധക്യസഹജമായ അസുഖങ്ങളെത്തുടര്‍ന്ന് ചികിത്സയിലായിരുന്നു. വൈകീട്ട് പാലക്കാട്ട് കെ.എസ്.ആര്‍.ടി.സി.ക്കടുത്ത് ഡി.പി.ഒ. റോഡിലെ 'റിട്രീറ്റ്' വീട്ടിലേക്ക് മൃതദേഹം കൊണ്ടുവരും. ബുധനാഴ്ച ഉച്ചയ്ക്ക് ഒരുമണിക്ക് പാലക്കാട് ചന്ദ്രനഗര്‍ വൈദ്യുത ശ്മശാനത്തില്‍ സംസ്‌കാരിക്കും.
1958-ല്‍ ആദ്യമായി പാലക്കാട്ട് രഞ്ജി ട്രോഫി ക്രിക്കറ്റ് നടക്കുമ്പോള്‍ കേരളത്തിന്റെ ഓപ്പണറായിരുന്നു രഘുനാഥ്. വിക്ടോറിയ കോളേജ് മൈതാനത്ത് മൈസൂരുവിനെതിരേ കളിക്കുമ്പോള്‍ ഓപ്പണ്‍ ചെയ്ത് അവസാനംവരെ പുറത്താകാതെനിന്ന് റെക്കോഡ് സ്ഥാപിച്ച (68 റണ്‍സ് നോട്ടൗട്ട്) കേരളത്തിന്റെ പ്രഥമതാരമാണ്.17 മത്സരങ്ങളിലായി 30 ഇന്നിങ്‌സുകളില്‍ സംസ്ഥാനത്തിനുവേണ്ടി ബാറ്റേന്തി. പിന്നീട് കേരളത്തിന്റെയും ദക്ഷിണമേഖലയുടെയും വിവിധ വിഭാഗം ടീമുകളുടെ സെലക്ടറായിരുന്നു.

മുന്‍ രഞ്ജി ട്രോഫി ക്രിക്കറ്റ് താരം ആര്‍. രഘുനാഥ് അന്തരിച്ചു

വയനാട് : തലപ്പുഴയിൽ കടുവയുടെ സാന്നിദ്ധ്യം സ്ഥിരീകരിച്ച സാഹചര്യത്തിൽ തലപ്പുഴ സർക്കാർ എഞ്ചിനീയറിംഗ് കോളേജിന് ഒരാഴ്‌ച അവധി. ഒരാഴ്‌ച പഠനം ഓൺലൈനായി നടത്തുമെന്നാണ് കോളേജ് അധികൃതർ അറിയിച്ചിരിക്കുന്നത്. കോളേജ് ഹോസ്റ്റലുകളിലും സ്വകാര്യ ഹോസ്റ്റലുകളിലും കഴിയുന്ന വിദ്യാർത്ഥികളോ‌ട‌് വീടുകളിലേയ്ക്ക് മടങ്ങാൻ നിർദേശം നൽകി.
വരയാൽ ഫോറസ്റ്റ് സ്റ്റേഷൻ പരിധിയിലെ കണ്ണോത്ത്‌മല, 44ാം മൈൽ, കമ്പിപ്പാലം, തലപ്പുഴ എന്നിവിടങ്ങളിലെ ജനവാസ മേഖലകളിലാണ് കടുവയുടേതെന്ന് കരുതപ്പെടുന്ന കാൽപ്പാടുകൾ കണ്ടെത്തിയത്. പിന്നാലെ ജനങ്ങളുടെ വലിയ പ്രതിഷേധം ഉണ്ടായതിനെത്തുടർന്ന് പ്രദേശത്ത് കൂടുകൾ സ്ഥാപിച്ചു. 14 ക്യാമറ ട്രാപ്പുകളും രണ്ട് ലൈവ് ക്യാമറകളും സ്ഥാപിച്ചിട്ടുണ്ട്. ഡ്രോൺ ഉപയോഗിച്ച് വനഭാഗങ്ങളിൽ നിരീക്ഷണവും നടത്തിവരികയാണ്. ജനങ്ങൾ പരിഭ്രാന്തരാകരുതെന്നും രാത്രി ഒറ്റയ്ക്കുള്ള യാത്രകൾ ഒഴിവാക്കണമെന്നും വനംവകുപ്പ് നേരത്തെ നിർദേശം നൽകിയിരുന്നു.&nbsp;

കടുവാഭീതി; വയനാട്ടിലെ സർക്കാർ എഞ്ചിനീയറിംഗ് കോളേജിന് ഒരാഴ്‌ച അവധി

മലയാള സിനിമയിലെ ഹിറ്റ് കോംബോയായ മോഹന്‍ലാലും എം.ജി. ശ്രീകുമാറും വീണ്ടും ഒന്നിക്കുന്നു. തരുണ്‍ മൂര്‍ത്തി സംവിധാനം ചെയ്യുന്ന ശോഭന- മോഹന്‍ലാല്‍ ചിത്രത്തിന് വേണ്ടിയാണ് വീണ്ടും ഇരുവരും ഒന്നിക്കുന്നത്. സിനിമയിലെ ആദ്യഗാനം ഫെബ്രുവരി 21-ന് പുറത്തിറങ്ങും. പാട്ടിന്റെ പ്രമോ അണിയറപ്രവര്‍ത്തകര്‍ സാമൂഹികമാധ്യമങ്ങളില്‍ പങ്കുവെച്ചു.
'കണ്മണി പൂവേ' എന്ന് തുടങ്ങുന്ന പാട്ടിന്റെ പ്രൊമോയാണ് പുറത്തുവന്നത്. ജേക്‌സ്‌ ബിജോയ് ആണ് സംഗീതസംവിധാനം. ബി.കെ. ഹരിനാരായണനാണ് വരികള്‍ എഴുതിയിരിക്കുന്നത്. രജപുത്ര വിഷ്വല്‍ മീഡിയയുടെ ബാനറില്‍ എം. രഞ്ജിത്താണ് സിനിമ നിര്‍മിക്കുന്നത്.മോഹന്‍ലാലും എം.ജി. ശ്രീകുമാറും ചേര്‍ന്ന് ഗാനം ആലപിക്കുന്നതിന്റെ കുഞ്ഞുവീഡിയോയാണ് പ്രൊമോയായി പുറത്തുവിട്ടിരിക്കുന്നത്.വെള്ളിയാഴ്ച രാത്രി ഏഴുമണിക്കാണ് ആദ്യഗാനം പുറത്തുവിടുക. സോണി മ്യൂസിക്കിനാണ് ചിത്രത്തിലെ ഗാനങ്ങളുടെ അവകാശം.

മോഹന്‍ലാലിന് വേണ്ടി വീണ്ടും പാട്ടുപാടി എം.ജി ശ്രീകുമാര്‍; ആ ഹിറ്റ് കോംബോ വീണ്ടും ഒന്നിക്കുന്നു

മോഹന്‍ലാലിന് വേണ്ടി പാട്ടുപാടി എം.ജി ശ്രീകുമാര്‍; ആ ഹിറ്റ് കോംബോ വീണ്ടും ഒന്നിക്കുന്നു

അടൂർ: അയൽവീട്ടിലെ പൂവൻകോഴിയുടെ കൂവൽ കാരണം ഉറങ്ങാൻ കഴിയുന്നില്ലെന്ന പരാതിയിൽ ഇടപെട്ട് ആർഡിഒ. പള്ളിക്കൽ കൊച്ചുതറയിൽ അനിൽ കുമാറിന്റെ വീടിന്റെ മുകൾനിലയിൽ സ്ഥാപിച്ചിരിക്കുന്ന കോഴിക്കൂട്ടിലെ പൂവൻകോഴിയുടെ കൂവൽ ശല്യമാണെന്ന് ചൂണ്ടിക്കാട്ടി അടൂർ പള്ളിക്കൽ വില്ലേജിൽ ആലുംമൂട് പ്രണവത്തിൽ രാധാകൃഷ്ണക്കുറുപ്പ് നൽകിയ പരാതിയാണ് അടൂർ ആർഡിഒ ബി രാധാകൃഷ്ണൻ പരിഗണിച്ചത്.
തുടർന്ന് രാധാകൃഷ്ണന്റെ ഉറക്കം തടസപ്പെടുത്തുന്ന കോഴിയുള്ള കൂട് അനിൽ കുമാറിന്റെ വീടിന്റെ കിഴക്കുഭാഗത്തേക്ക് മാറ്റണമെന്ന് ആർഡിഒ ഉത്തരവിട്ടു. ഉത്തരവ് കൈപ്പറ്റി 14 ദിവസത്തിനുള്ളിൽ നിർദേശം പാലിക്കണം. പുലർച്ചെ മൂന്നു മുതൽ അനിൽകുമാറിന്റെ കോഴി കൂവുകയാണെന്നും ഇത് സ്വൈര്യ ജീവിതത്തിന് തടസമാണെന്നുമാണ് രാധാകൃഷ്ണക്കുറുപ്പിന്റെ പരാതി പറയുന്നത്. തുടർന്ന് ആർഡിഒയുടെ നേതൃത്വത്തിലുള്ള പ്രത്യേകസംഘം സ്ഥലവും കോഴിക്കൂടും പരിശോധിച്ചു.കെട്ടിടത്തിന്റെ മുകളിൽ വളർത്തുന്ന കോഴികളുടെ കൂവൽ പ്രായമായതും രോഗാവസ്ഥയിൽ കഴിയുന്നതുമായ പരാതിക്കാരന് രാത്രിയിൽ സ്വസ്ഥമായി ഉറങ്ങുന്നതിന് തടസം ഉണ്ടാക്കുന്നതായി അന്വേഷണ സംഘത്തിന് ബോധ്യപ്പെട്ടു.&nbsp;

അയൽവീട്ടിലെ പൂവൻ കോഴി കൂവുന്നത് കൊണ്ട് ഉറങ്ങാൻ പറ്റുന്നില്ല, പരാതിക്കാരന് ആർഡിഒയുടെ പരിഹാരം

ബംഗളൂരു: വാഹനാപകടത്തിൽ രണ്ട് മലയാളി വിദ്യാർത്ഥികൾക്ക് ദാരുണാന്ത്യം. ബന്നാഘട്ടയിൽ ഇന്നലെ രാത്രി പതിനൊന്നുമണിയോടെയായിരുന്നു സംഭവം. നിലമ്പൂർ സ്വദേശി അർഷ് പി ബഷീർ (23), കൊല്ലം സ്വദേശി മുഹമ്മദ് ഷാഹൂബ് (28) എന്നിവരാണ് മരിച്ചത്.
ഇവർ സഞ്ചരിച്ച കാർ നിയന്ത്രണം വിട്ട് മരത്തിൽ ഇടിക്കുകയായിരുന്നു. അപകടത്തിൽ കാറിന്റെ മുൻവശം പൂർണമായി തകർന്നിരുന്നു. ഇരുവരും സംഭവസ്ഥലത്തുവച്ചുതന്നെ മരിച്ചു. കൂടെയുണ്ടായിരുന്ന രണ്ട് പേർക്ക് പരിക്കേറ്റു. ഇവർ ആശുപത്രിയിൽ ചികിത്സയിലാണ്.അർഷിന്റെയും മുഹമ്മദ് ഷാഹൂബിന്റെയും മൃതദേഹങ്ങൾ പോസ്റ്റ്‌മോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും. എം ബി എ വിദ്യാർത്ഥിയായ അർഷ് നിലമ്പൂർ നഗരസഭാ വൈസ് ചെയർമാൻ പി എം ബഷീറിന്റെ മകനാണ്.

ബംഗളൂരുവിൽ വാഹനാപകടം; നിലമ്പൂർ നഗരസഭാ വൈസ് ചെയർമാന്റെ മകനടക്കം രണ്ട് മലയാളികൾക്ക് ദാരുണാന്ത്യം

National

തിരുവനന്തപുരം: കന്യാകുമാരി തീരത്ത് ഇന്ന് ഉയർന്ന തിരമാല, കള്ളക്കടൽപ്രതിഭാസം എന്നിവക്ക് സാധ്യതയുണ്ടെന്ന് ദേശീയ സമുദ്രസ്ഥിതി പഠന ഗവേഷണ കേന്ദ്രം (ഐ.എൻ.സി.ഒ.ഐ.എസ്) അറിയിച്ചു. ചൊവ്വാഴ്ച ഉച്ചക്ക് 2.30 മുതൽ രാത്രി 11.30 വരെ ഒരു മീറ്റർ വരെ തിരമാലകൾ ഉയരാൻ ഇടയുണ്ട്. കടലാക്രമണത്തിന് സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്നും അറിയിപ്പിലുണ്ട്.
പ്രധാന നിർദേശങ്ങൾ
1. കടൽക്ഷോഭം രൂക്ഷമാകാൻ സാധ്യതയുള്ളതിനാൽ അപകട മേഖലകളിൽ നിന്ന് അധികൃതരുടെ നിർദേശാനുസരണം മാറി താമസിക്കണം.
2. ചെറിയ വള്ളങ്ങളും ബോട്ടുകളും കടലിലേക്ക് ഇറക്കുന്നത് ഒഴിവാക്കേണ്ടതാണ്.
3. കള്ളക്കടൽ പ്രതിഭാസത്തിനും ഉയർന്ന തിരമാലക്കും സാധ്യതയുള്ള ഘട്ടത്തിൽ കടലിലേക്ക് മത്സ്യബന്ധന യാനങ്ങൾ ഇറക്കുന്നത് പോലെ തന്നെ അപകടകരമാണ് കരക്കടുപ്പിക്കുന്നതും. ആയതിനാൽ തിരമാല ശക്തിപ്പെടുന്ന ഘട്ടത്തിൽ കടലിലേക്ക് ഇറക്കുന്നതും കരക്കടുപ്പിക്കുന്നതും ഒഴിവാക്കേണ്ടതാണ്.
4. അധികൃതരുടെ മുന്നറിയിപ്പ് പിൻവലിക്കുന്നത് വരെ ബീച്ചുകൾ കേന്ദ്രീകരിച്ചുള്ള വിനോദസഞ്ചാരമുൾപ്പെടെയുള്ള എല്ലാ പ്രവർത്തനങ്ങളിലും ശ്രദ്ധ പുലർത്തേണ്ടതാണ്.
5. മത്സ്യബന്ധന യാനങ്ങൾ (ബോട്ട്, വള്ളം, മുതലായവ) ഹാർബറിൽ സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങൾ തമ്മിൽ സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മൽസ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
6. ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കുക.
7. തീരത്തു നിന്നു കടൽ പെട്ടെന്നു ഉൾവലിയാൻ സാധ്യതയുള്ളതിനാൽ പ്രത്യേകം ജാഗ്രത പുലർത്തുക.

കള്ളക്കടൽ പ്രതിഭാസത്തിന് സാധ്യത: കന്യാകുമാരി തീരത്ത് കടലാക്രമണ മുന്നറിയിപ്പ്

ത​ല​ശ്ശേ​രി: പി​ന്നാ​ക്ക വി​ഭാ​ഗ​ത്തി​ൽ​പെ​ട്ട 12കാ​രി​യെ വീ​ട്ടി​ൽ അ​തി​ക്ര​മി​ച്ച് ക​യ​റി ലൈം​ഗി​കാ​തി​ക്ര​മം ന​ട​ത്തി​യ കേ​സി​ൽ പ്ര​തി​ക്ക് വി​വി​ധ വ​കു​പ്പു​ക​ളി​ലാ​യി 10 വ​ർ​ഷം ക​ഠി​ന​ത​ട​വും 40,000 രൂ​പ പി​ഴ​യും. എ​ട​ക്കാ​ട് ദേ​ശ​ബ​ന്ധു വാ​യ​ന​ശാ​ല​ക്ക് സ​മീ​പം എ​രോ​ത്ത് ഇ​ല്ലം വീ​ട്ടി​ൽ എ​ൻ. ഗ​ണേ​ശ​നെ​യാ​ണ് (55) ത​ല​ശ്ശേ​രി അ​തി​വേ​ഗ കോ​ട​തി (പോ​ക്സോ) ജ​ഡ്ജി വി. ​ശ്രീ​ജ ശി​ക്ഷി​ച്ച​ത്. എ​ട​ക്കാ​ട് സ്വ​ദേ​ശി​നി​യാ​യ കു​ട്ടി​യാ​ണ് അ​തി​ക്ര​മ​ത്തി​നി​ര​യാ​യ​ത്.
2022 ഡി​സം​ബ​ർ 16ന് ​വൈ​കീ​ട്ട് ഏ​ഴ​ര​ക്കാ​ണ് സം​ഭ​വം. പെ​ൺ​കു​ട്ടി താ​മ​സി​ച്ചു​വ​രു​ന്ന വീ​ട്ടി​ൽ അ​തി​ക്ര​മി​ച്ചു ക​യ​റി മു​ന്നാ​ക്ക വി​ഭാ​ഗ​ത്തി​ൽ​പ്പെ​ട്ട പ്ര​തി ലൈം​ഗി​ക അ​തി​ക്ര​മം ന​ട​ത്തി​യെ​ന്നാ​ണ് എ​ട​ക്കാ​ട് പൊ​ലീ​സ് ര​ജി​സ്റ്റ​ർ ചെ​യ്ത കേ​സ്.

ത​ല​ശ്ശേ​രിയിൽ 12കാരിക്ക് നേരെ ലൈംഗികാതിക്രമം: പ്രതിക്ക് 10 വർഷം കഠിനതടവ്

Kannur

കൊയിലാണ്ടി: കുറുവങ്ങാട് മണക്കുളങ്ങര ക്ഷേത്ര ഉത്സവത്തിനിടെ ആനയിടഞ്ഞ് മരിച്ച വട്ടാങ്കണ്ടി ലീലയുടെസ്വര്‍ണാഭരണങ്ങള്‍ കാണാനില്ലെന്ന് കുടുംബം. ലീല ധരിച്ച സ്വര്‍ണ മാലയും കമ്മലുകളും കാണാനില്ലെന്നാണ് കുടുംബം ആരോപിക്കുന്നത്. മൃതദേഹത്തില്‍ നിന്നു കിട്ടിയത് സ്വര്‍ണ വളകള്‍ മാത്രമാണ്. ലീല ധരിച്ച സ്വര്‍ണ മാലയും കമ്മലുകളും കാണാനില്ല. നാല് പവനോളം സ്വര്‍ണാഭരണങ്ങള്‍ കാണാതായതായി ലീലയുടെ മക്കളും സഹോദരന്‍ ശിവദാസനും പറഞ്ഞു. കൊയിലാണ്ടി പോലീസില്‍ പരാതി നല്‍കുമെന്നു കുടുംബം വ്യക്തമാക്കി.
നാല് വളകള്‍ കോഴിക്കോട് മെഡിക്കല്‍ കോളജ് ആശുപത്രിയില്‍ നിന്നു ലഭിച്ചിട്ടുണ്ട്. ഒരു ഭാഗത്തെ കമ്മല്‍ ആന ചവിട്ടിയതിന്റെഭാഗമായി നഷ്ടപ്പെട്ടു. ഇതില്‍ സ്വര്‍ണത്തിന്റെ ചെറിയ ഭാഗം ബന്ധുക്കള്‍ക്ക് ലഭിച്ചിട്ടുണ്ട്. സംഭവം നടന്ന ക്ഷേത്ര പരിസരത്ത് വിശദമായ പരിശോധന നടത്തിയെങ്കിലും സ്വര്‍ണം കണ്ടെത്താന്‍ കഴിഞ്ഞിട്ടില്ല.

ആനയിടഞ്ഞുണ്ടായ അപകടത്തിൽ  മരിച്ച ലീലയുടെ സ്വര്‍ണാഭരണങ്ങള്‍ കാണാനില്ലെന്ന് കുടുംബം

Koyilandy

പാലോട്(തിരുവനന്തപുരം): സ്‌കൂട്ടറിൽ വരുകയായിരുന്ന യുവാക്കളെ കാട്ടാന ആക്രമിച്ചു. ശാസ്താംനട സ്വദേശികളായ സുധി(32), രാജീവ്(40) എന്നിവരെയാണ് ആന ആക്രമിച്ചത്. പെരിങ്ങമ്മല പഞ്ചായത്തിലെ വേങ്കൊല്ല, ശാസ്താംനട റോഡിൽ രാത്രി 7.30ഓടെയാണ് സംഭവം.
സ്കൂട്ടറിൽ വന്ന രണ്ടുപേരെയും വണ്ടിയോടെ ആന മറിച്ചിടുകയായിരുന്നു. രാജീവിനാണ് കൂടുതൽ പരിക്ക്. ഇയാളുടെ ഇരു കാലുകൾക്കും പൊട്ടലുണ്ട്. സുധി വണ്ടിയുപേക്ഷിച്ച് ഓടി രക്ഷപ്പെടാൻ ശ്രമിക്കുന്നതിനിടെ വീണു പരിക്കേറ്റു. ഇവർ സഞ്ചരിച്ചിരുന്ന ഇരുചക്രവാഹനം ആന ദൂരേക്കു വലിച്ചെറിഞ്ഞു.
വേങ്കൊല്ല ചെക്പോസ്റ്റിൽനിന്ന്‌ രണ്ട്‌ കിലോമീറ്റർ മാറി റോഡിലാണ് അപകടം. ഇവിടെ ക്ഷേത്രത്തിനു സമീപത്തെ കരിങ്കുറിഞ്ഞിപ്പച്ച എന്ന സ്ഥലത്താണ് കാട്ടാന ഇറങ്ങിയത്.ജോലി കഴിഞ്ഞുവന്ന്‌ വേങ്കൊല്ല ജങ്ഷനിൽനിന്നും വീട്ടുസാധനങ്ങൾ വാങ്ങി മടങ്ങുകയായിരുന്നു ഇരുവരും. പിന്നാലെ ജീപ്പിൽ വന്നവരാണ് പരിക്കേറ്റു കിടക്കുന്ന സുധിയെയും രാജീവിനെയും കണ്ടത്. വനംവകുപ്പ് അധികൃതർ സ്ഥലത്തെത്തിയാണ് പരിക്കേറ്റവരെ കുളത്തൂപ്പുഴ താലൂക്ക് ആശുപത്രിയിൽ പ്രവേശിപ്പിച്ചത്. പരിക്ക് ഗുരുതരമായതിനാൽ കൊല്ലം ജില്ലാ ആശുപത്രിയിലേക്ക് ഇരുവരെയും മാറ്റി.

സ്കൂട്ടർ യാത്രികരായ യുവാക്കളെ വണ്ടിയോടെ മറിച്ചിട്ട് കാട്ടാന; ഗുരുതര പരിക്ക്

കൊച്ചി: പാതിവില തട്ടിപ്പുമായി ബന്ധപ്പെട്ട് 12 ഇടങ്ങളിൽ എൻഫോഴ്സ്മെന്റ് ഡയറക്ടറേറ്റ് (ഇഡി) റെയ്ഡ്. കേസിലെ ഒന്നാംപ്രതി അനന്തുക‍ൃഷ്ണൻ, സത്യസായി ട്രസ്റ്റ് എക്സിക്യുട്ടീവ് ഡയറക്ടർ കെ.എൻ. ആനന്ദകുമാർ എന്നിവരുടെ സ്ഥാപനങ്ങളിലും വീടുകളിലും കോൺഗ്രസ് നേതാവ് ലാലി വിൻസെന്റിന്റെ കൊച്ചിയിലെ വസതിയിലുമാണ് പരിശോധന പുരോ​ഗമിക്കുന്നത്. മറൈൻ ഡ്രൈവിലെ ഫ്ലാറ്റിലാണ് ലാലി വിൻസെന്റ് താമസിക്കുന്നത്. അവരുടെ ഓഫീസും ഇവിടെ തന്നെയാണുള്ളത്.
ചൊവ്വാഴ്ച പുലർച്ചെ മുതലാണ് കൊച്ചിയിൽനിന്നുള്ള അറുപതോളം ഉദ്യോ​ഗസ്ഥർ വിവിധ സംഘങ്ങളായി തിരിഞ്ഞ് റെയ്ഡ് ആരംഭിച്ചത്. കള്ളപ്പണ, ചൂതാട്ടവിരുദ്ധ നിയമത്തിന്റെ അടിസ്ഥാനത്തിൽ കേസെടുത്ത ഇഡി കഴിഞ്ഞ ദിവസം പരാതിക്കാരിൽനിന്ന് വിശദമായ മൊഴിയെടുക്കുകയും ചെയ്തിരുന്നു.159 കോടി രൂപയുടെ ഇടപാട് മൊത്തത്തിൽ നടന്നുവെന്നാണ് ഇഡിയുടെ പ്രാഥമികാന്വേഷണത്തിൽ കണ്ടെത്തിയിരിക്കുന്നത്. പാതിവിലയിൽ സ്ക്കൂട്ടർ ഉൾപ്പടെ നൽകാമന്ന് പറഞ്ഞ് സാധാരണക്കാരിൽനിന്ന് പിരിച്ചെടുത്ത ഈ പണം, കള്ളപ്പണമായി പലർക്കും കൈമാറിയിട്ടുണ്ടെന്ന് കണ്ടെത്തലിന്റെ അടിസ്ഥാനത്തിലാണ് അന്വേഷണവുമായി ഇഡി മുന്നോട്ടുപോകുന്നത്

പാതിവില തട്ടിപ്പിൽ ഇഡി റെയ്ഡ്; ലാലി വിൻസെന്റിന്റെ വീട്ടിൽ ഉൾപ്പെടെ പരിശോധന നടത്തുന്നു

തിരുവനന്തപുരം: കാര്യവട്ടം ഗവ. കോളേജില്‍ റാഗിങ് നടന്നതായി വിദ്യാര്‍ഥിയുടെ പരാതി. ബയോടെക്‌നോളജി ഒന്നാം വര്‍ഷ വിദ്യാര്‍ഥി ബിന്‍സ് ജോസാണ് പ്രിന്‍സിപ്പലിനും കഴക്കൂട്ടം പോലീസിലും പരാതി നല്‍കിയത്. സംഭവത്തില്‍ അന്വേഷണം നടത്തിയ ആന്റി -റാഗിങ് കമ്മിറ്റിയാണ് റാഗിങ് നടന്നതായി സ്ഥിരീകരിച്ചത്. മൂന്നാം വര്‍ഷ ബിരുദ വിദ്യാര്‍ഥികളായ ഏഴുപേര്‍ക്കെതിരെയാണ് പരാതി.
സി.സി.ടി.വി. ദൃശ്യങ്ങളും സാക്ഷിമൊഴികളും പരിശോധിച്ചാണ് സമിതി റാഗിങ് നടന്നതായി കണ്ടെത്തിയത്. കഴിഞ്ഞ 11-ാം തീയതി സീനിയര്‍ ജൂനിയര്‍ വിദ്യാര്‍ഥികള്‍ തമ്മില്‍ അടിപിടി നടന്നിരുന്നു. ബിന്‍സ് ജോസിന്റെ സുഹൃത്തായ അഭിഷേകിന് സീനിയര്‍ വിദ്യാര്‍ഥികളുടെ മര്‍ദ്ദനത്തില്‍ പരിക്കേറ്റു. ഇരുകൂട്ടരുടെയും പരാതിയില്‍ അന്ന് കഴക്കൂട്ടം പോലീസ് കേസെടുക്കുകയും ചെയ്തു.
അഭിഷേകിനെ അന്വേഷിച്ചെത്തിയ സീനിയര്‍ വിദ്യാര്‍ഥികള്‍ ബിന്‍സിനെ പിടിച്ചു കൊണ്ടു യൂണിറ്റ് റൂമില്‍ കൊണ്ടുപോയി സംഘം ചേര്‍ന്ന് മര്‍ദ്ദിച്ചുവെന്നാണ് പരാതി. ഷര്‍ട്ട് വലിച്ചു കീറി മുട്ടുകാലില്‍ നിർത്തി മുതുകിലും ചെകിടത്തും അടിച്ചു. തറയില്‍ വീണ ബിന്‍സിനെ വീണ്ടും മര്‍ദ്ദിച്ചു. വെള്ളം ചോദിച്ചപ്പോള്‍ തുപ്പിയ ശേഷം കുപ്പിവെള്ളം നല്‍കിയതായും ബിന്‍സ് പറയുന്നു. പിന്നാലെയാണ് ബിന്‍സ് കഴക്കൂട്ടം പോലീസിലും പ്രിന്‍സിപ്പലിനും പരാതി നല്‍കിയത്.സീനിയര്‍ വിദ്യാര്‍ഥികളായ വേലു, പ്രിന്‍സ്, അനന്തന്‍, പാര്‍ത്ഥന്‍, അലന്‍, ശ്രാവണ്‍, സല്‍മാന്‍ തുടങ്ങി ഏഴ് പേരാണ് റാഗിങ് നടത്തിയത് എന്നാണ് പരാതിയിൽ പറയുന്നത്.&nbsp;

ക്രൂരമായി മര്‍ദ്ദിച്ചു; ഷര്‍ട്ട് വലിച്ചു കീറി മുട്ടുകാലില്‍ നിർത്തി; കാര്യവട്ടം ഗവ. കോളേജിലും റാഗിങ് പരാതി

ഇന്ത്യയിലെ നല്ലൊരു ശതമാനം ആളുകളും ചായ പ്രേമികളാണ്. ചൂട് ചായ ജീവിതത്തിൽ വില്ലനായി മാറും എന്നു എത്ര പേർ വിശ്വസിക്കും? പുതിയ പഠനം പറയുന്നതനുസരിച്ച് ചൂട് ചായ കുടിക്കുന്നത് കാൻസറിന് വരെ കാരണമായേക്കാം.ചൂടുള്ള ചായ കുടിക്കുന്നത് അന്നനാളത്തെ ബാധിക്കുന്ന അപൂർവമായ ഒസോഫൊജിയൽ കാൻസർ വരാനുള്ള സാധ്യത വര്‍ധിപ്പിക്കുമെന്നാണ് പഠനങ്ങൾ പറയുന്നത്. ചായയിലെയോ കാപ്പിയിലേയൊ രാസ വസ്തുക്കളാണ് കാൻസർ ഉണ്ടാക്കുന്നത് എന്ന് വിചാരിച്ചാൽ തെറ്റി. അങ്ങനെയല്ല കാര്യം.ചൂടാണ് കാൻസർ ഉണ്ടാക്കുന്നത്.
ഗവേഷണ പഠനങ്ങളുടെ സമന്വയമായ മെറ്റ-അനാലിസിസുകളുടെ ഗവേഷണമാണ് ഓസോഫോഗൽ സ്‌ക്വമാസ് സെൽ കാർസിനോമ എന്ന കാൻസർ വരാൻ ചൂട് പാനീയങ്ങൾ കുടിക്കുന്നവർക്കുള്ള സാധ്യത കൂടുതലാണെന്ന് കണ്ടെത്തിയത്. ചൂട് ചായ കുടിക്കുന്നത് നാക്കിനെ പൊള്ളിക്കാറുണ്ട്. അതുപോലെ തന്നെ നമ്മുടെ അന്നനാളത്തെയും പൊള്ളിക്കും. അങ്ങനെ സ്ഥിരമായി അന്നനാളത്തിൽ പൊള്ളലേൽക്കുന്നത് കാൻസറിന് കാരണമാവുന്നു.
നമ്മൾ അമിത ചൂടുള്ള ഭക്ഷണം കഴിക്കുകയും കുടിക്കുകയും ചെയ്യുമ്പോൾ അന്നനാളത്തിലെ ആവരണം ചൂടു ആഗിരണം ചെയ്യുന്നു.അമിതമായ ചൂട് അന്നനാളത്തില്‍ പോറലേല്‍പ്പിക്കുന്നു. വീണ്ടും വീണ്ടും ചൂട് പാനീയങ്ങള്‍ കുടിക്കുന്നത് തുടരുമ്പോൾ ഈ പോറല്‍ ഉണങ്ങാതിരിക്കുകയും വീക്കമുണ്ടാക്കാനും അതിലൂടെ കോശങ്ങൾ നശിക്കുന്നതിനും ഒടുവിൽ കാൻസർ ആയി മാറുന്നതിനും കാരണമാകുന്നു.
ലോകാരോഗ്യ സംഘടനയുടെ കാൻസർ ഗവേണഷണ വിഭാഗം 65ഡിഗ്രി സെൽഷ്യസിന് മുകളിലുള്ള പാനീയങ്ങൾ കാൻസറിന് കാരണമായേക്കാം എന്ന് കണ്ടെത്തിയിട്ടുണ്ട്. ചൂടുള്ള പാനീയങ്ങള്‍ക്ക് പുറമെ പുകവലിക്കുകയും കൊഴുപ്പ് കൂടുതലുള്ള മാംസാഹാരം കഴിക്കുന്നതും അന്നനാള കാന്‍സര്‍ വരാനുള്ള സാധ്യത പത്തു മടങ്ങ് വര്‍ധിപ്പിക്കുമെന്നാണ് ഗവേഷകരുടെ കണ്ടെത്തല്‍.&nbsp;

തിളച്ച ചായ ഊതി ഊതി കുടിക്കാൻ ആണോ നിങ്ങൾക്ക് ഇഷ്ടം ;എങ്കിൽ ശ്രദ്ധിക്കണം

ഒരുപാട് നേരം ടോയ്‌ലറ്റ് സീറ്റിൽ ഇരിക്കുന്നവരെ കാത്തിരിക്കുന്നത് ഗുരുതരമായ ആരോഗ്യ പ്രശ്നങ്ങളെന്ന് വിദഗ്ധർ. അർശ്ശസ്, പെൽവിക് മസിലുകളുടെ ദുർബലമാകുക തുടങ്ങിയ പ്രശ്നങ്ങളാണ് ഇത്തരക്കാരെ കാത്തിരിക്കുന്നതെന്നാണ് ആരോഗ്യ വിദഗ്ധർ മുന്നറിയിപ്പ് നൽകുന്നത്. പലരും മൊബൈൽ ഫോണും കൊണ്ടാണ് ടോയ്‌ലറ്റിലേക്ക് പോകുന്നത് തന്നെ. ഇരിക്കുന്ന സമയമത്രയും ഫോണിൽ സ്​​ക്രോൾ ചെയ്തുകൊണ്ടിരിക്കും. അത്രയും രോഗാണുക്കളെയാണ് നാം മൊബൈലിലേക്ക് ആവാഹിക്കുന്നത്.10 മിനിറ്റിലേറെ ടോയ്‍ലറ്റിൽ ചെലവഴിക്കരുതെന്നാണ് ആരോഗ്യ വിദഗ്ധരുടെ മുന്നറിയിപ്പ്.
ടോയ്‌ലറ്റ് സംബന്ധമായ പ്രശ്നങ്ങളുമായി എത്തുന്നവരിൽ കൂടുതലും ബാത്റൂമിൽ ഏറ്റവും കൂടുതൽ സമയം ചെലവഴിക്കുന്നവരാണെന്ന് ടെക്സാസിലെ ഡോ. ലായ് ക്സു പറയുന്നു. ഒരു കസേരയിൽ ഇരിക്കുന്നത് പോലെയല്ല, ടോയ്‌ലറ്റിൽ ഇരിക്കുന്നത്. ശരീരത്തിന്റെ ചില ഭാഗങ്ങൾക്ക് മാത്രമാണ് ഓവൽ ഷേപ്പിലുള്ള ടോയ്‌ലറ്റ് സീറ്റിൽ സപ്പോർട്ട് ലഭിക്കുന്നത്. മറ്റ് ഭാഗം താണുമാണ് ഇരിക്കുക. ഒരു പാട് നേരം ഇങ്ങനെ ഇരിക്കുന്നത് ശരീരത്തിന്റെ ബാലൻസ് നഷ്ടപ്പെടുത്തും. മലാശയത്തിന് സമ്മർദവുമുണ്ടാക്കും.
ടോയ്‌ലറ്റിലിരുന്ന് മൊബൈൽ ഫോൺ സ്ക്രോൾ ചെയ്യുന്നത് സമയത്തെ കുറിച്ച് പോലും ബോധമില്ലാതാക്കുമെന്ന് ന്യൂയോർക്കിലെ സ്റ്റോണി ബ്രൂക്ക് മെഡിസിനിലെ ഡയറക്ടറും അസിസ്റ്റന്റ് പ്രഫസറുമായ ഡോ. ഫറ മൻസൂർ ചൂണ്ടിക്കാട്ടി. പെൽവിക് മസിലുകളിൽ വലിയ സമ്മർദമാണ് ഒരുപാട് നേരം ടോയ്‌ലറ്റിൽ ഇരുന്നാൽ സംഭവിക്കുന്നത്. ബാത്റൂമി​ൽ പോകുന്ന സമയം കുറയ്ക്കുക, ശ്രദ്ധ തിരിക്കുന്ന കാര്യങ്ങൾ ഒഴിവാക്കുക എന്നതാണ് ഇത് തടയാനുള്ള ഒരേയൊരു കാര്യമെന്നും അവർ ചൂണ്ടിക്കാട്ടുന്നു.
ഒരിക്കലും മൊബൈലും പുസ്തകങ്ങളും മാഗസിനുകളുമായി ബാത്റൂമിൽ പോകരുത്. ഒരുപാട് നേരം ടോയ്‌ലറ്റിലിരിക്കാൻ അത് കാരണമാകും. നന്നായി വെള്ളം കുടിക്കുക, നാരുകളടങ്ങിയ ഭക്ഷണം കഴിക്കുക, എന്നിവ മലബന്ധം അകറ്റുമെന്നും ടോയ്‌ലറ്റിൽകൂടുതൽ സമയം ചെലവഴിക്കുന്നത് തടയാമെന്നും അന്താരാഷ്ട്ര ഗ്യാസ്ട്രോ എൻട്രോളജി വിദഗ്ധൻ ഡോ. ലാൻസ് ഉറദോമോ പറയുന്നു. അതുപോലെ ടോയ്‌ലറ്റിൽ കൂടുതൽ നേരം ഇരിക്കാനുള്ള പ്രവണത ആരോഗ്യ പ്രശ്നങ്ങളുടെ സൂചനയാണെന്നും ഡോക്ടർമാർ പറയുന്നു. മലബന്ധം കുടലിന് ബാധിക്കുന്ന അർബുദത്തിന്റെ സൂചനയാണെന്നും മുന്നറിയിപ്പുണ്ട്.

ഏറെ നേരം ടോയ്‌ലറ്റ് സീറ്റിൽ ഇരിക്കാറുണ്ടോ? ശീലം മാറ്റിക്കോ, കാത്തിരിക്കുന്നത് ഗുരുതരമായ ആരോഗ്യ പ്രശ്നങ്ങൾ

മലയാളികള്‍ക്ക് ഊണിനൊപ്പം ഏറ്റവും പ്രിയപ്പെട്ട വിഭവമേതെന്ന് ചോദിച്ചാല്‍ അതിന് ഒരേയൊരു ഉത്തരമേ ഉള്ളൂ, അത് മത്സ്യമാണ്. ആരോഗ്യത്തിന് വളരെയധികം ഗുണകരമായ ഭക്ഷണമെന്നതാണ് മത്സ്യത്തിന്റെ സവിശേഷത. കൊഴുപ്പ് കുറവാണെങ്കിലും പോഷകങ്ങളും വൈറ്റമിനുകളും ധാതുക്കളും ഉള്‍പ്പെടുന്ന ഒരു കലവറയാണ് മത്സ്യം. ശരീരത്തിന് ആവശ്യമായ പ്രോട്ടീന്‍, സിങ്ക്, കാല്‍ഷ്യം എന്നിവ മത്സ്യങ്ങളില്‍ ധാരാളം അടങ്ങിയിട്ടുണ്ട്.ഭക്ഷണത്തില്‍ പതിവായി മീന്‍ ഉള്‍പ്പെടുത്തുന്നത് നിരവധി ആരോഗ്യ പ്രശ്‌നങ്ങള്‍ക്കുള്ള പരിഹാരം കൂടിയാണ്.&nbsp;
മീനില്‍ അടങ്ങിയിരിക്കുന്ന പോഷകങ്ങള്‍ ക്യാന്‍സറുമായി ബന്ധപ്പെട്ട ഹൈപ്പര്‍ലിപ്പിഡാമിയ എന്ന രോഗലക്ഷണത്തോട് പോരുതുന്നു. അതോടൊപ്പം തന്നെ ഒമേഗ 3യും വൈറ്റമിന്‍ ഡിയും ഉയര്‍ന്ന അളവില്‍ അടങ്ങിയിട്ടുള്ളതിനാല്‍ ശരീരത്തിന്റെ രോഗപ്രതിരോധ ശേഷിയേയും വര്‍ദ്ധിപ്പിക്കാന്‍ മീൻ കഴിക്കുന്നത് സഹായിക്കും.മീന്‍ വിഭവങ്ങള്‍ പതിവായി കഴിക്കുന്നതിലൂടെ അസ്ഥി രോഗങ്ങള്‍ വരാനുള്ള സാധ്യത കുറയുകയും എല്ലുകളുടെ ബലം വര്‍ദ്ധിക്കുക്കയും ചെയ്യും. മീന്‍ പതിവാക്കുന്നതിലൂടെ ജീവിതശൈലി രോഗമായ പ്രമേഹത്തില്‍ നിന്ന് രക്ഷനേടാന്‍ കഴിയും. അതോടൊപ്പം കരളിന്റെ ആരോഗ്യത്തിനും വളരെ നല്ലതാണ്. ആസ്തമ പോലെയുള്ള അസുഖങ്ങള്‍ക്കും വളരെ ഫലപ്രദമാണ്.അല്‍ഷിമേഴ്‌സ് രോഗത്തേയും വിഷാദ രോഗത്തേയും പ്രതിരോധിക്കാനും മത്സ്യം ഭക്ഷണത്തില്‍ പതിവാക്കുന്നത് സഹായിക്കും. എന്നാല്‍ ഏറ്റവും പ്രധാനമായി ശ്രദ്ധിക്കേണ്ട കാര്യം രാസ പദാര്‍ത്ഥങ്ങള്‍ ചേര്‍ക്കാത്ത മത്സ്യമാണ് കഴിക്കുന്നുവെന്ന് ഉറപ്പുവരുത്താനാണ്.&nbsp;

മീന്‍ വിഭവങ്ങള്‍ പതിവായി കഴിച്ചാൽ ഗുണങ്ങൾ ഏറെയാണ്

സംസ്ഥാനത്ത് വീണ്ടും നിപ ബാധയെന്ന സംശയം ഉയർന്ന സാഹചര്യത്തിൽ അതീവജാഗ്രത പുലര്‍ത്തേണ്ടതുണ്ട്. എന്താണ് നിപ വൈറസെന്നും സ്വീകരിക്കേണ്ട മുന്‍കരുതലുകളെ കുറിച്ചും എല്ലാവരും അറിഞ്ഞിരിക്കേണ്ടതാണ്. 2018 മുതൽ കേരളത്തിൽ നാലുതവണയാണ് നിപ രോഗബാധയുണ്ടായത്.&nbsp;
നിപ വൈറസ്
ഹെനിപാ വൈറസ് ജീനസിലെ നിപ വൈറസ് പാരാമിക്‌സോ വൈറിഡേ ഫാമിലിയിലെ അംഗമാണ്. ഇതൊരു ആര്‍.എന്‍.എ. വൈറസ് ആണ്. മൃഗങ്ങളില്‍ നിന്നും മൃഗങ്ങളിലേക്ക് പകരുന്ന വൈറസാണ് നിപ. വൈറസ് ബാധയുള്ള വവ്വാലുകളില്‍ നിന്നോ പന്നികളില്‍ നിന്നോ ഇത് മനുഷ്യരിലേക്ക് പകരാന്‍ സാധ്യതയുണ്ട്. മനുഷ്യരില്‍ നിന്ന് മനുഷ്യരിലേക്കും പകരാം. അസുഖ ബാധയുള്ളവരെ പരിചരിക്കുന്നവരിലേക്ക് രോഗം പകരാനും സാധ്യതയുണ്ട്. അതുപോലെ തന്നെ ആശുപത്രി ജീവനക്കാരും വളരെയധികം ശ്രദ്ധിക്കണം.
രോഗലക്ഷണങ്ങള്‍
വൈറസ് ശരീരത്തിനുള്ളില്‍ പ്രവേശിച്ച് രോഗലക്ഷണങ്ങള്‍ പ്രകടമാകുന്ന കാലയളവ് (ഇന്‍ക്യുബേഷന്‍ പിരീഡ്) 4 മുതല്‍ 14 ദിവസം വരെയാണ്. ഇത് ചിലപ്പോള്‍ 21 ദിവസം വരെയാകാം. രോഗബാധ ഉണ്ടായാലും ലക്ഷണങ്ങള്‍ വ്യക്തമാകാന്‍ ഇത്രയും ദിവസങ്ങള്‍ വേണം. പനിയും തലവേദനയും തലകറക്കവും ബോധക്ഷയവുമൊക്കെയാണ് ലക്ഷണങ്ങള്‍. ചുമ, വയറുവേദന, മനംപിരട്ടല്‍, ചര്‍ദി, ക്ഷീണം, കാഴ്ചമങ്ങല്‍ തുടങ്ങിയ ലക്ഷണങ്ങളും അപൂര്‍വമായി പ്രകടിപ്പിക്കാം. രോഗലക്ഷണങ്ങള്‍ ആരംഭിച്ച് ഒന്നു രണ്ടു ദിവസങ്ങള്‍ക്കകം തന്നെ കോമ അവസ്ഥയിലെത്താനും സാധ്യതയുണ്ട്. തലച്ചോറിനെ ബാധിക്കുന്ന എന്‍സഫലൈറ്റിസ് ഉണ്ടാവാനും വലിയ സാധ്യതയാണുള്ളത്. വൈറസ് ശ്വാ സകോശത്തേയും ബാധിക്കാന്‍ സാധ്യതയുണ്ട്.
രോഗസ്ഥിരീകരണം
തൊണ്ടയില്‍ നിന്നും മൂക്കില്‍ നിന്നുമുള്ള സ്രവം, രക്തം, മൂത്രം, തലച്ചോറിലെ സെറിബ്രോ സ്‌പൈനല്‍ ഫ്‌ളൂയിഡ് എന്നിവയില്‍ നിന്നുമെടുക്കുന്ന സാമ്പിളുകളുടെ ആര്‍.ടി.പി.സി.ആര്‍. പരിശോധന വഴിയാണ് രോഗം സ്ഥിരീകരിക്കുന്നത്.
സ്വീകരിക്കേണ്ട മുന്‍കരുതലുകള്‍
<ul>
<li>അസുഖം വന്നതിനു ശേഷമുള്ള ചികിത്സ മിക്കവരിലും അതിസങ്കീര്‍ണമാണ്. അതുകൊണ്ടുതന്നെ പ്രതിരോധമാണ് ഏറ്റവും പ്രധാനം.</li>
<li>വൈറസ് ബാധയുള്ള വവ്വാലുകളില്‍ നിന്നും രോഗം പകരാതിരിക്കാന്‍ സ്വീകരിക്കേണ്ട മുന്‍ കരുതലുകള്‍</li>
<li>വവ്വാലിന്റെ ആവാസ കേന്ദ്രങ്ങളില്‍ കഴിവതും പോകരുത്. വവ്വാല്‍ കടിച്ച പഴങ്ങളോ മറ്റോ സ്പര്‍ശിക്കാനോ കഴിക്കാനോ പാടില്ല.</li>
<li>രോഗം പകരാതിരിക്കാന്‍ വേണ്ടി എടുക്കേണ്ട മുന്‍കരുതലുകള്‍</li>
<li>കൃത്യമായി മാസ്‌ക് ഉപയോഗിക്കുക</li>
<li>·സാമൂഹിക അകലം പാലിക്കുക</li>
<li>·ഇടയ്ക്കിടയ്ക്ക് കൈകള്‍ സോപ്പും വെള്ളവും ഉപയോഗിച്ച് 20 സെക്കൻഡ് സമയം നന്നായി കഴുകുക. ഇത് ലഭ്യമല്ലെങ്കില്‍ ആൽക്കഹോള്‍ അടങ്ങിയ സാനിറ്റൈസര്‍ ഉപയോഗിച്ച് കൈ വൃത്തിയാക്കണം.</li>
<li>രോഗിയുമായി ഒരു മീറ്റര്‍ എങ്കിലും ദൂരം പാലിക്കുകയും രോഗി കിടക്കുന്ന സ്ഥലത്തു നിന്നും അകലം പാലിക്കുകയും ചെയ്യുക</li>
<li>രോഗിയുടെ വ്യക്തിപരമായ ആവശ്യങ്ങള്‍ക്കുള്ള സാമഗ്രികള്‍ പ്രത്യേകം സൂക്ഷിക്കുകയും ഉപയോഗിക്കുകയും ചെയ്യുക.</li>
</ul>

രോഗം പടരാതിരിക്കാന്‍ വേണ്ടി ആശുപത്രികള്‍ ശ്രദ്ധിക്കേണ്ട കാര്യങ്ങള്‍
<ul>
<li>രോഗ ലക്ഷണങ്ങളുമായി വരുന്ന എല്ലാ രോഗികളെയും ഐസൊലേഷന്‍ വാര്‍ഡില്‍ പ്രവേശിപ്പിക്കുക</li>
<li>രോഗമുണ്ടെന്ന് സംശയിക്കുന്ന ആളുകളോട് സംസാരിക്കുമ്പോഴും പരിശോധിക്കുമ്പോഴും, മറ്റു ഇടപഴകലുകള്‍ നടത്തുമ്പോഴും കയ്യുറകളും മാസ്‌കും ധരിക്കുക</li>
<li>·സാംക്രമിക രോഗങ്ങളില്‍ എടുക്കുന്ന എല്ലാ മുന്‍കരുതലുകളും ഇത്തരം രോഗികളിലും എടുക്കുക, രോഗമുണ്ടെന്നു സംശയിക്കുന്ന രോഗിയെ ആശുപത്രിയിൽ പ്രവേശിപ്പിച്ചാൽ അധികൃതരെ വിവരം അറിയിക്കുക.</li>
</ul>
സ്വീകരിക്കേണ്ട സുരക്ഷാ രീതികള്‍
· ആൽക്കഹോള്‍ അടങ്ങിയ ഹാന്‍ഡ് റബ്ബുകള്‍ ഉപയോഗിച്ച് കൈ കഴുകുക
· രോഗി, രോഗചികിത്സക്ക് ഉപയോഗിച്ച ഉപകരണങ്ങള്‍ രോഗിയുടെ വസ്ത്രം, വിരി മുതലായവയെല്ലാം സുരക്ഷിതമായി മാത്രം കൈകാര്യം ചെയ്യുക
· നിപ രോഗികളെ മറ്റു രോഗികളുമായുള്ള ഇടപഴകല്‍ തീര്‍ത്തും ഒഴിവാക്കി വേര്‍തിരിച്ച് പ്രത്യേക വാര്‍ഡുകളിലേക്ക് മാറ്റുക.
· ഇത്തരം വാര്‍ഡുകളില്‍ ആരോഗ്യരക്ഷാ പ്രവര്‍ത്തകരുടെ എണ്ണം പരിമിതപ്പെടുത്തുക.
· രണ്ട് രോഗികളുടെ കട്ടിലിനിടയില്‍ ഒരു മീറ്റര്‍ അകലമെങ്കിലും ഉറപ്പാക്കുക
· രോഗികളെ അല്ലെങ്കില്‍ രോഗമുണ്ടെന്ന് സംശയിക്കുന്നവരെ ശുശ്രൂഷിക്കുമ്പോള്‍ പകരാതിരിക്കാനുള്ള മുന്‍ കരുതലുകള്‍ സ്വീകരിക്കേണ്ടത് പരമ പ്രധാനമാണ്.
സ്വയം രക്ഷാ സജ്ജീകരണങ്ങളുടെ ഉപയോഗം
<ul>
<li>മാസ്‌ക്, കൈയുറ (ഗ്ലൗസ്), ഗൗണ്‍ എന്നിവയൊക്കെ ഉള്‍പ്പെടുന്ന പിപിഇ കിറ്റ് രോഗിയുമായി ഇടപഴകുമ്പോള്‍ ഉപയോഗിക്കേണ്ടതാണ്. തീര്‍ത്തും സൂക്ഷ്മമായ വായുവിലെ കണങ്ങളില്‍ 95 ശതമാനവും ശ്വസിക്കുന്നത് തടയാന്‍ കഴിയുന്ന എന്‍-95 മാസ്‌കുകള്‍ രക്തവും സ്രവങ്ങളും ടെസ്റ്റിനായെടുക്കുമ്പോഴും ട്യൂബ് ഇടുന്നത് പോലുളള ഇടപെടല്‍ വേളയിലും നിഷ്‌കര്‍ഷിക്കേണ്ടതാണ്.</li>
<li>· കൈകള്‍ സോപ്പുപയോഗിച്ച് 20 സെക്കൻഡെങ്കിലും കഴുകുക.</li>
<li>· അണുനശീകാരികളായ ക്ലോറോഹെക്‌സിഡൈന്‍ അല്ലെങ്കില്‍ ആൽക്കഹോള്‍ അടങ്ങിയ ഹസ്ത ശുചീകരണ ദ്രാവകങ്ങള്‍ ശുശ്രൂഷയ്ക്ക് ശേഷം കൈ കഴുകാവുന്നതാണ്</li>
<li>· ശുശ്രൂഷയ്ക്ക് ഉപയോഗിക്കുന്ന ഉപകരണങ്ങളും മറ്റ് വസ്തുക്കളും പരമാവധി ഡിസ്‌പോസബിള്‍ ആവുന്നതാണ് ഉത്തമം. പുനരുപയോഗം അനിവാര്യമെങ്കില്‍ ശരിയായ രീതിയില്‍ അണുനശീകരണത്തിന് ശേഷം മാത്രമെന്ന് ഉറപ്പ് വരുത്തണം.</li>
</ul>

വീണ്ടും നിപ ഭീതിയിൽ സംസ്ഥാനം ;സ്വീകരിക്കേണ്ട മുന്‍കരുതലുകള്‍ അറിയാം

ഭക്ഷ്യവസ്തുക്കള്‍ എന്താണെങ്കിലും ബാക്കിയുണ്ടെങ്കില്‍അത് ഫ്രിഡ്ജില്‍ സൂക്ഷിക്കുന്നത് നമ്മുടെ ശീലത്തിന്റെ ഭാഗമാണ്. വേണ്ടതും വേണ്ടതാത്തതുമായവ കൊണ്ട് ഫ്രിഡ്ജ് നിറഞ്ഞിരിക്കുന്നതും ഒരു പതിവാണ്. എന്നാല്‍ ചില ഭക്ഷണസാധനങ്ങള്‍ ഫ്രിഡ്ജില്‍ വെച്ച് ഉപയോഗിക്കുന്നത് ആരോഗ്യത്തിനൊട്ടും നല്ലതല്ല. മാത്രമല്ല, ചിലത് സൂക്ഷിക്കുന്നതില്‍ കൃത്യമായ രീതിയും കാലാവധിയുമുണ്ട്. എന്തായാലും ഫ്രിഡ്ജില്‍ അധികം സൂക്ഷിക്കാന്‍ പാടില്ലാത്ത, നാല് ഭക്ഷണസാധനങ്ങളെ കുറിച്ച് അറിഞ്ഞിരിക്കാം.
ബാക്കി വരുന്ന ചോറ് ഫ്രിഡ്ജിലെടുത്തു വെക്കുന്നത് ഇക്കാലത്ത് പതിവാണ്. എന്നാല്‍ ചോറ് ഫ്രിഡ്ജില്‍ സൂക്ഷിക്കുന്നത് അത്ര നല്ലതല്ല. അടച്ചുറപ്പോടെ ഫ്രിഡ്ജില്‍ വയ്ക്കുകയാണെങ്കില്‍ ഒരു ദിവസത്തേക്ക് മാത്രം ഇത് വയ്ക്കാം. അതും അത്യാവശ്യമെങ്കില്‍ മാത്രം. അതിലധികം സമയം ചോറ് ഫ്രിഡ്ജില്‍ വച്ചാല്‍ പെട്ടെന്ന് പൂപ്പല്‍ വരാന്‍ സാധ്യതയേറെയാണ്. ചോറിലായാലും മറ്റ് ഭക്ഷണസാധനങ്ങളിലായാലും വരുന്ന വഴുവഴുപ്പ് ശ്രദ്ധിച്ചിട്ടുണ്ടോ, ഇതാണ് പൂപ്പല്‍. പതിവായി ഇങ്ങനെ പൂപ്പല്‍ പിടിച്ച ഭക്ഷണപദാര്‍ത്ഥങ്ങള്‍ ഉപയോഗിക്കുന്നത് ആന്തരികാവയവങ്ങള്‍ക്കെല്ലാം ഭീഷണിയാണ്. അതിനാല്‍ ഈ ശീലമുണ്ടെങ്കില്‍ നിര്‍ബന്ധമായും ഒഴിവാക്കണം. അസുഖങ്ങളെ വിളിച്ചുവരുത്തുന്ന എളുപ്പമാര്‍ഗമാണിത്.
ചിലരെങ്കിലും വെളുത്തുള്ളി ഫ്രിഡ്ജില്‍ സൂക്ഷിച്ചു കാണാറുണ്ട്. വെളുത്തുള്ളി സാധാരണഗതിയില്‍ ഫ്രിഡ്ജില്‍ വയ്ക്കേണ്ടതില്ല. തൊലി കളയാതെ വെളുത്തുള്ളി തീരെയും ഫ്രിഡ്ജില്‍ വയ്ക്കരുത്. തൊലി കളഞ്ഞ ശേഷമാണെങ്കില്‍ എയര്‍ടൈറ്റ് പാത്രത്തിലോ ബാഗിലോ സൂക്ഷിക്കാം. അല്ലാതെ വച്ച വെളുത്തുള്ളി ആരോഗ്യത്തിന് നല്ലതല്ല. കാരണം ഇതില്‍ ഒരു തരം പൂപ്പല്‍ വരും. ഈ പൂപ്പലാകട്ടെ ശരീരത്തിന് കേടാണ്. അതുപോലെ വെളുത്തുള്ളിയില്‍ പെട്ടെന്ന് മുള വരാനും ഫ്രിഡ്ജില്‍ വയ്ക്കുന്നത് കാരണമാകും. മുള വന്ന വെളുത്തുള്ളി ഉപയോഗിക്കരുത്. കാരണം ഇതില്‍ 'മൈക്കോടോക്സിന്‍സ്' എന്ന വിഷപദാര്‍ത്ഥം ഉണ്ടാകും. ഇഞ്ചിയും ഇതുപോലെ തന്നെ. ഫ്രിഡ്ജില്‍ സൂക്ഷിക്കാതിരിക്കുന്നതാണ് നല്ലത്. പുറത്തുതന്നെ വയ്ക്കാം. ഇഞ്ചിയുടെ കാര്യത്തിലും ഫ്രിഡ്ജില്‍ വയ്ക്കുമ്പോഴുണ്ടാകുന്ന പൂപ്പല്‍ ശരീരത്തിന് ഹാനികരമാണ്.
ഉള്ളിയാണ് അടുത്തതായി ഫ്രിഡ്ജില്‍ സൂക്ഷിക്കരുതാത്ത ഭക്ഷണസാധനം. ഇതും തൊലിയോടെ ഒട്ടും വയ്ക്കരുത്. തൊലി കളഞ്ഞതാണെങ്കില്‍ എയര്‍ടൈറ്റ് പാത്രമോ ബാഗോ നിര്‍ബന്ധമാണ്. അഥവാ സൂക്ഷിക്കുകയാണെങ്കില്‍ കൂടി അധികദിവസം ഫ്രിഡ്ജില്‍ വയ്ക്കരുത്. വെളുത്തുള്ളിയിലെന്ന പോലെ തന്നെ ഉള്ളിയിലും പൂപ്പല്‍ പിടിപെടും. ഈ പൂപ്പല്‍ ആരോഗ്യത്തിന് വലിയ പ്രശ്നമാണ്.

ചോറ് ഫ്രിഡ്ജില്‍ സൂക്ഷിക്കാറുണ്ടോ? അസുഖങ്ങളെ വിളിച്ചുവരുത്തരുത്

കോട്ടയം: സന്തോഷകരമായ മാതൃത്വത്തിനിടയിലും കേരളത്തിൽ 28 ശതമാനം വരെ അമ്മമാർ പ്രസവാനന്തര വിഷാദം അനുഭവിക്കുന്നതായി സർവേ. ബയോസയൻസ് ബയോടെക്നോളജി റിസർച്ച് കമ്യൂണിക്കേഷൻ 2023 ആരംഭത്തിൽ നടത്തിയ സർവേയിൽ പ്രസവാനന്തര വിഷാദം അനുഭവിക്കുന്നവർ തന്നെയും ഇതിനെ ഒരു മാനസികാരോഗ്യ പ്രശ്നമായി മനസ്സിലാക്കുന്നില്ലെന്ന് തെളിഞ്ഞു.കേരളത്തിൽ ജനിച്ചു വളർന്ന 25 മുതൽ 40വരെ പ്രായമുള്ള 150 അമ്മമാരിൽ നിന്ന് ശേഖരിച്ച വിവരമനുസരിച്ച് 53.9 ശതമാനം പേരെ പ്രസവാനന്തര മനഃസംഘർഷത്തെപ്പറ്റി കേട്ടിട്ടുള്ളൂ. എന്നാൽ, 77.3 ശതമാനം പേരിൽ ലക്ഷണങ്ങൾ കണ്ടു. ഇതിൽ 28.3 ശതമാനം പേർക്ക് ആറുമാസവും 24.2 ശതമാനം പേർക്ക് ഒരുവർഷം വരെയും പ്രസവാനന്തര വിഷാദം നീണ്ടുനിന്നു.
പ്രസവത്തിന് പിന്നാലെ ചെറിയ കാലത്തേക്ക് അനുഭവപ്പെടുന്ന വിഷാദാവസ്ഥ ‘ബേബി ബ്ലൂസ്’ എന്നാണറിയപ്പെടുന്നത്. ഇത് കൂടുതൽ കാലം നീണ്ടു നിൽക്കുകയും കൂടുതൽ തീവ്രമാവുകയും ചെയ്യുമ്പോൾ ‘പോസ്റ്റ്പാർട്ടം ഡിപ്രഷൻ’ എന്ന വിഷാദാവസ്ഥയായി മാറുന്നു. സംസ്ഥാനത്തെ തൃതീയ പരിചരണ സംവിധാനത്തിൽപ്പെടുന്ന ആശുപത്രികൾ, 2023 നവംബറിൽ നടത്തിയ മറ്റൊരു പഠനറിപ്പോർട്ട് കറന്റ് വിമെൻസ് ഹെൽത്ത് റിവ്യു ജേണലിൽ പ്രസിദ്ധീകരിച്ചിരുന്നു. ഇതനുസരിച്ച് പ്രസവശേഷം രണ്ടാഴ്ചമുതൽ ആറുമാസം വരെയുള്ള 427 സ്ത്രീകളിൽ 112 പേർക്ക് (26.2ശതമാനം) പ്രസവാനന്തര വിഷാദം കണ്ടെത്തി.

പ്രസവത്തിന് പിന്നാലെ ചെറിയ കാലത്തേക്ക് അനുഭവപ്പെടുന്ന വിഷാദാവസ്ഥ ‘ബേബി ബ്ലൂസ്’ എന്നാണറിയപ്പെടുന്നത്

പ്രസവാനന്തര വിഷാദം കേരളത്തിൽ 28 ശതമാനം വരെയെന്ന് റിപ്പോർട്ട്

ന്യൂഡൽഹി: ശീത കാലാവസ്ഥയിൽ ആരോഗ്യം ഏറെ ശ്രദ്ധിക്കണമെന്നും യുവാക്കളിൽ നിരവധി അസുഖങ്ങൾക്കൊപ്പം ഹൃദയാഘാതവും ഇക്കാലത്ത് വർധിക്കുമെന്ന് റിപ്പോർട്ട്. കാലവസ്ഥയും മോശം ജീവിതശൈലിയും കാരണം കഴിഞ്ഞ മാസത്തെ അപേക്ഷിച്ച് ഹൃദയാഘാത കേസുകൾ ഇരട്ടിച്ചെന്ന് മാക്സ് ആശുപത്രി മേധാവി ഡോ. ബൽബീർ സിങ് പറയുന്നു. ഇക്കാലയളവിൽ പകർച്ചപ്പനിയും ജലദോഷവും, സന്ധി വേദന, തൊണ്ട വേദന, ആസ്ത്മ, കോവിഡ്-19 , ഹൃദയ സംബന്ധമായ അസുഖങ്ങൾ തുടങ്ങിയവ വ്യാപകമാകുന്നു. വായു മലിനീകരണം വർധിച്ചതും ഇതിന് കാരണമാണ്.
ഹൃദ്രോഗവുമായി ബന്ധപ്പെട്ട് ശൈത്യകാലം വെല്ലുവിളിയായിരിക്കുകയാണ്. ആശുപത്രിയിൽ ദിനേനെ വരുന്ന കേസുകൾ വർദ്ധിച്ചു. ദിവസം ശരാശരി രണ്ട് കേസുകളാണ് റിപ്പോർട്ട് ചെയ്യുന്നത്. ജനുവരിയിൽ ഇത് കൂടിയേക്കാമെന്ന് ഡോക്ടർ പറയുന്നു. യുവാക്കളിലാണ് അപകടസാധ്യത കൂടുതൽ കാണുന്നത്. 'രണ്ട് മാസം മുമ്പ് 26 വയസ്സുകാരിയെ ഹൃദയാഘാതത്തെ തുടർന്ന് ആശുപത്രിയിൽ പ്രവേശിപ്പിച്ചു. അവർ പുകവലിക്കില്ല, ടെൻഷനല്ലാതെ മറ്റൊരു ശാരീരിക പ്രശ്നങ്ങളും അവർക്കില്ല. ഈ പ്രായത്തിൽ ഒരു യുവതിയെ ഹൃദയാഘാതത്തിന് ചികിത്സിക്കുന്നത് സ്വപ്നത്തിൽ പോലും ചിന്തിച്ചിട്ടില്ല' -ഡോ. ബൽബീർ സിങ്ങ് പറഞ്ഞു.
അതിനാൽ യുവാക്കളും ജാഗ്രത പാലിക്കേണ്ടതുണ്ട്. ഇപ്പോൾ പ്രതിരോധ ശേഷിയുള്ള പ്രായപരിധി എന്നൊന്നില്ല. ശൈത്യകാലമാവും അതീവ അപകടകാരിയാണ്. രക്തക്കുഴലിലുള്ള കോശങ്ങൾ ചുരുങ്ങുകയും അത് ശരീരത്തിൽ ചൂട് പിടിച്ചുവെക്കാൻ ശ്രമിക്കുകയും ചെയ്യുന്നു. ഇത് ഹൃദയമിടിപ്പും രക്തസമ്മർദ്ദവും ഉയർത്തുന്നു. ഹൃദയമിടിപ്പും രക്തസമ്മർദ്ദവും ചെറിയ തോതിൽ ഉയരുന്നത് പോലും അപകടകരമാണ്. പുകവലി, വ്യായാമത്തിന്‍റെ അഭാവം, അമിത മദ്യപാനം, തെറ്റായ ഭക്ഷണരീതി എന്നിവയും ഹൃദയാഘാതത്തിലേക്ക് നയിക്കുന്ന കാരണങ്ങളാണെന്നും ഡോക്ടർ കൂട്ടിച്ചേർത്തു.

ഹൃദ്രോഗവുമായി ബന്ധപ്പെട്ട് ശൈത്യകാലം വെല്ലുവിളിയായിരിക്കുകയാണ്

ശൈത്യകാലത്ത് ഹൃദയാഘാത സാധ്യത കൂടുതൽ

മുംബൈ: നാലുവയസ്സിനു താഴെയുള്ള കുട്ടികളിൽ ജല​ദോഷ മരുന്നുകൾ ഉപയോ​ഗിക്കുന്നതുമായി ബന്ധപ്പെട്ട് നിർദേശവുമായി സെൻട്രൽ ഡ്ര​ഗ്സ് സ്റ്റാൻഡേർഡ് കൺട്രോൾ ഓർ​ഗനൈസേഷൻ. ഈ പ്രായത്തിലുള്ള കുട്ടികളിൽ ഉപയോ​ഗിക്കുന്ന ജലദോഷ മരുന്നുകളുടെ സംയുക്തങ്ങൾക്കാണ് വിലക്കേർപ്പെടുത്തിയിരിക്കുന്നത്. കഫ് സിറപ്പുകൾ കഴിച്ചതുമൂലം ആ​ഗോളതലത്തിൽ തന്നെ 141 കുട്ടികൾ മരണപ്പെട്ട സാഹചര്യത്തിലാണിത്. കുട്ടികൾക്കിടയിൽ അം​ഗീകൃതമല്ലാത്ത ​മരുന്ന് സംയുക്തങ്ങൾ ഉപയോ​ഗിക്കുന്നതിന്മേലുള്ള ആശങ്ക പ്രകടിപ്പിക്കുകയും നാലുവയസ്സിനു താഴെയുള്ള പ്രായക്കാരിൽ അവ ഉപയോ​ഗിക്കരുതെന്നും വ്യക്തമാക്കിയിട്ടുണ്ട്. ഫിക്സഡ് ഡ്ര​ഗ് കോമ്പിനേഷൻ(എഫ്.ഡി.സി.) എന്നു വിളിക്കുന്ന സംയുക്തങ്ങൾ നാലുവയസ്സിനു താഴെയുള്ള കുട്ടികൾക്കുള്ള സിറപ്പുകളിൽ ഉപയോ​ഗിച്ചിട്ടില്ലെന്ന് ഉത്പന്നങ്ങളിൽ ലേബൽ ചെയ്യണമെന്നും നിർദേശമുണ്ട്.
ക്ലോർഫെനിരാമൈൻ(chlorpheniramine), മാലിയേറ്റ്(maleate), ഫിനൈലിഫ്രിൻ(phenylephrine) എന്നിവയാണ് ജലദോഷത്തിനുള്ള സിറപ്പുകളിലും ​ഗുളികകളിലും ഉപയോ​ഗിക്കുന്ന ഫിക്സഡ് ഡ്ര​ഗ് കോമ്പിനേഷൻ. ഇവയ്ക്ക് നാലുവയസ്സിനു കീഴെയുള്ള കുട്ടികളിൽ ഉപയോ​ഗിക്കാൻ അം​ഗീകാരമില്ലെന്നാണ് അധികൃതർ പറയുന്നത്. അഞ്ചുവയസ്സിനു താഴെയുള്ള കുട്ടികളിലെ ജലദോഷത്തിനും ചുമയ്ക്കും സ്വയംചികിത്സ നടത്തി കഫ് സിറപ്പുകൾ വാങ്ങിക്കൊടുക്കരുതെന്ന് ലോകാരോ​ഗ്യസംഘടനയുടെ കൃത്യമായ നിർദേശമുണ്ട്. 2019 മുതൽ രാജ്യത്ത് നിർമിക്കുന്ന സിറപ്പുകളിൽ വിഷമമയമാർന്ന ഘടകങ്ങളടങ്ങിയതു കണ്ടെത്തിയതും ഉസ്ബെക്കിസ്താൻ, ​ഗാംബിയ, കാമറൂൺ തുടങ്ങിയ രാജ്യങ്ങളിൽ ഇതുസംബന്ധിച്ച് 141 മരണങ്ങളുണ്ടാകുകയും ചെയ്ത പശ്ചാത്തലത്തിലാണ് പുതിയ നടപടി. ഇന്ത്യയിൽ മാത്രം ഇത്തരം കഫ് സിറപ്പുകളുടെ ഉപയോ​ഗം മൂലം 12 കുട്ടികൾ മരണപ്പെടുകയും നാലുപേർ മറ്റു രോ​ഗങ്ങളുമായി ജീവിക്കുന്നുണ്ടെന്നും അധികൃതർ വ്യക്തമാക്കി.
നേരത്തേയും വിവിധ ഇന്ത്യൻ നിർമിത മരുന്നുകൾക്കെതിരെ വ്യാപക പരാതി ഉയർന്നിരുന്നു. തുടർന്ന് ഡി.സി.ജി.ഐ നടത്തിയ വ്യാപകമായ പരിശോധനയിൽ പതിനെട്ട് കമ്പനികളുടെ ലൈസൻസ് റദ്ദാക്കുകയും 26 കമ്പനികൾക്ക് കാരണം കാണിക്കൽ നോട്ടീസ് നൽകുകയും ചെയ്തിരുന്നു. ഗാംബിയയിലും ഉസ്‌ബെക്കിസ്താനിലും നിരവധി കുട്ടികളുടെ മരണത്തിന് കാരണമായ ചുമയ്ക്കുള്ള സിറപ്പുകളും ഇന്ത്യയിൽ നിർമിച്ചതായിരുന്നു. നോയിഡ ആസ്ഥാനമായി പ്രവർത്തിക്കുന്ന മാരിയോൺ ബയോടെക് നിർമിച്ച ചുമമരുന്ന് കുടിച്ച് ഉസ്ബെക്കിസ്താനിൽ 18 കുട്ടികൾ മരിച്ചതിനു പിന്നാലെ പ്രസ്തുത കമ്പനിയുടെ ലൈസൻസ് റദ്ദാക്കിയിരുന്നു. ഹരിയാണയിലെ മെയ്ഡൻ ഫാർമ കയറ്റുമതി ചെയ്ത മരുന്നു കഴിച്ച് ഗാംബിയയിൽ 66 കുട്ടികളാണ് വൃക്കത്തകരാറിനെത്തുടർന്ന് മരിച്ചത്. മാർഷൽ ഐലൻഡ്സിലും മൈക്രോനേഷ്യയിലും വിതരണം ചെയ്ത കഫ് സിറപ്പുകളും ​ഗുണനിലവാരമില്ലാത്തതെന്ന് കണ്ടെത്തിയിരുന്നു.പ്രസ്തുത മരുന്നിൽ അനിയന്ത്രിതമായ അളവിൽ ഈതലീൻ ​ഗ്ലൈക്കോളിന്റെയും ഡയാതൈലീൻ ​ഗ്ലൈക്കോളിന്റെയും സാന്നിധ്യം കണ്ടെത്തുകയായിരുന്നു.&nbsp;

കഫ് സിറപ്പുകൾ കഴിച്ചതുമൂലം ആ​ഗോളതലത്തിൽ തന്നെ 141 കുട്ടികൾ മരണപ്പെട്ട സാഹചര്യത്തിലാണിത്

Search Results for: 16.01.2025