മലപ്പുറം: കോടിയേരിയുടെ മൃതദേഹം എകെജി സെന്ററിൽ പൊതുദർശനത്തിന് വെച്ചില്ലെന്ന കാര്യം ചൂണ്ടിക്കാട്ടി പത്രസമ്മേളനത്തിന് വരുന്ന സമയത്ത് ഒരു പാർട്ടി സഖാവ് തനിക്ക് മെസ്സേജ് അയച്ചെന്ന് പി.വി അൻവർ.&nbsp;
ഏറ്റവും പ്രിയപ്പെട്ട നേതാവായിരുന്നു കോടിയേരി സഖാവ്. ആ മനുഷ്യന്റെ മരണം നടന്നിട്ട് തിരുവനന്തപുരം എ.കെ.ജി. സെന്ററിൽ മൃതദേഹം വെച്ചിട്ടില്ല. കേരളത്തിൽ ഉടനീളമുള്ള സഖാക്കൾ അതിനുവേണ്ടി കാത്തിരുന്നതാണ്. തിരുവനന്തപുരം തൊട്ട് കണ്ണൂര് വരെ ഒരുപാട് സഖാക്കൾ ഉണ്ടായിരുന്നു. അന്ന് വൈകുന്നേരം മുഖ്യമന്ത്രിക്കും കുടുംബത്തിനും യുറോപ്പിലേക്ക് പോണം. അതിനുവേണ്ടിയാണ് അദ്ദേഹം അങ്ങനെ ചെയ്തത്, അൻവർ പറഞ്ഞു. കോടിയേരി ഉണ്ടായിരുന്നെങ്കിൽ ഇന്ന് ഇങ്ങനെ ഒരു പത്രസമ്മേളനം തനിക്ക് നടത്തേണ്ടിവരില്ലായിരുന്നുവെന്നും പിവി അൻവർ പറഞ്ഞു.

കോടിയേരിയുടെ മൃതദേഹം എ.കെ.ജി സെന്ററിൽ പൊതുദർശനത്തിനുവെക്കാഞ്ഞത് മുഖ്യമന്ത്രിക്ക് യൂറോപ്പിൽപോകാനെന്ന് അൻവർ

കോഴിക്കോട്: പി.വി. അന്‍വര്‍ ശത്രുക്കളുടെ കൈയില്‍ കളിക്കുകയാണെന്ന് സംശയിക്കുന്നതായി എല്‍.ഡി.എഫ്. കണ്‍വീനര്‍ ടി.പി. രാമകൃഷ്ണന്‍. അന്‍വറിന്റെ ചെയ്തികള്‍ തെറ്റാണ്. ജനങ്ങളില്‍നിന്ന് നേടിയ അംഗീകരമാണ് മുഖ്യമന്ത്രിക്കുള്ളത്. ജനങ്ങള്‍ നല്‍കിയ സൂര്യതേജസാണ് മുഖ്യമന്ത്രിയുടേത്. മുഖ്യമന്ത്രിയുടെ തേജസ് കൃത്രിമമായി നിര്‍മിച്ചതല്ലെന്നും ടി.പി. രാമകൃഷ്ണന്‍ മാധ്യമങ്ങളോട് പറഞ്ഞു.
അന്‍വര്‍ നല്‍കിയ പരാതിയില്‍ അന്വേഷണം പുരോഗമിക്കുകയാണ്. അത് പൂര്‍ത്തിയാകുംമുമ്പ് ഏതെങ്കിലും ആക്ഷേപം പരസ്യമായി ഉന്നയിക്കുന്നത് ശരിയല്ല. പാര്‍ട്ടി നിലപാടാണ് മുഖ്യമന്ത്രി വ്യക്തമാക്കിയത്. അദ്ദേഹം സി.പി.എമ്മിന്റെ പോളിറ്റ്ബ്യൂറോ അംഗമാണ്. മുഖ്യമന്ത്രി ചതിച്ചു എന്ന് അന്‍വര്‍ പറയുന്നത് അടിസ്ഥാനരഹിതമാണ്.അന്‍വര്‍ ജനങ്ങളുടെ വിശ്വാസത്തിന് വിരുദ്ധമായി പ്രവര്‍ത്തിക്കുന്നു. അദ്ദേഹം നിലപാട് തിരുത്തണം.സി.പി.എം അംഗമാണെങ്കില്‍ അന്‍വറിനെ സസ്‌പെന്‍ഡ് ചെയ്യാം.പക്ഷേ,അന്‍വര്‍ സ്വതന്ത്ര എം.എല്‍.എ.യാണ്. ഓരോ ദിവസവും ഓരോ പുതിയ ആരോപണങ്ങളാണ് അന്‍വര്‍ ഉന്നയിക്കുന്നത്. അത് ശരിയായ രീതിയല്ലെന്നും ടി.പി. രാമകൃഷ്ണന്‍ പ്രതികരിച്ചു.

മുഖ്യമന്ത്രിയുടെ സൂര്യതേജസ് കൃത്രിമമായി നിർമിച്ചതല്ല, അൻവർ ശത്രുക്കളുടെ കൈകളിലെന്ന്  ടി.പി. രാമകൃഷ്ണന്‍

വടകര : മുഖ്യമന്ത്രിക്കെതിരായ പി.വി. അൻവറിന്റെ വിമർശനത്തിന് പിന്നാലെ പ്രതികരണവുമായി വടകര എം.എൽ.എയും ആർ.എം.പി നേതാവുമായ കെ.കെ. രമ. 'ഇന്നോവ, മാഷാ അള്ള എന്നാണ് കെ.കെ.രമ ഫേസ്ബുക്കിൽ കുറിച്ചത്.&nbsp;
ടി,പി. ചന്ദ്രശേഖരന്റെ കൊലപാതകവുമായി ബന്ധപ്പെട്ടാണ് രമയുടെ പോസ്റ്റ്.ടി.പി. ചന്ദ്രശേഖരൻ വധക്കേസുമായി ബന്ധപ്പെട്ട അന്വേഷണത്തെ വഴി തിരിച്ചുവിടാൻ ഉപയോഗിച്ച മാഷാ അള്ളാ സ്റ്റിക്കർ ഏറെ ചർച്ചയായിരുന്നു. കൊലയാളി സംഘം സഞ്ചരിച്ച ഇന്നോവ കാറിന്റെ പിന്നിലായിരുന്നു ഇത്തരത്തിൽ സ്റ്റിക്കർ ഒട്ടിച്ചിരുന്നത്. കെ.കെ. രമയുടെ പോസ്റ്റ് നിമിഷങ്ങൾക്കുള്ളിൽ സോഷ്യൽ മീഡിയയിൽ വൈറലായി അൻവറിനെ തേടിയും ഇന്നോവ എത്തുമോ എന്നാണ് ഇനി കണ്ടറിയേണ്ടതെന്നും ചിലർ കുറിച്ചിട്ടുണ്ട്.

'ഇന്നോവ, മാഷാ അള്ള ';പി.വി. അൻവറിന്റെ വിമർശനത്തിന് പിന്നാലെ ഫേസ്ബുക്ക് പോസ്റ്റുമായി കെ.കെ. രമ

മലപ്പുറം: മുഖ്യമന്ത്രി പിണറായി വിജയനെതിരെ ആഞ്ഞടിച്ച് നിലമ്പൂർ എംഎൽഎ പി.വി അൻവർ. എഡിജിപി അജിത് കുമാർ എഴുതിക്കൊടുത്ത തിരക്കഥയാണ് മുഖ്യമന്ത്രി മാധ്യമങ്ങൾക്ക് മുമ്പിൽ വായിച്ചതെന്ന് അൻവർ വിമർശിച്ചു. മുഖ്യമന്ത്രിയുടെ പരിഹാസം പി.വി അൻവർ കള്ളപ്പണക്കാരുടെ പങ്കാളിയാണെന്ന തോന്നൽ പൊതുജനങ്ങൾക്കിടയിലുണ്ടാക്കി. മാധ്യമങ്ങളുടെ ചോദ്യങ്ങളിൽ നിന്ന് രക്ഷപ്പെടണമെങ്കിൽ അദ്ദേഹത്തിന് വേറെ പലതും പറയാമായിരുന്നു. പക്ഷേ എന്നെ കുറ്റക്കാരനാക്കുകയാണ് മുഖ്യമന്ത്രി ചെയ‌്തത്. പാർട്ടി അദ്ദേഹത്തെ തിരുത്തിയുമില്ലെന്ന് വാർത്താ സമ്മേളനത്തിൽ അൻവർ പറഞ്ഞു.കേരളത്തിലെ ഏറ്റവും സാധാരണപാർട്ടി പ്രവർത്തകന് പോലും മനസിലാകുന്ന രീതിയിലാണ് താൻ പരാതി നൽകിയിത്. എന്നിട്ടും മുഖ്യമന്ത്രിക്ക് അത് മനസിലായില്ല. പി. ശശിക്കെതിരെയുള്ള പരാതിയിൽ കഴമ്പില്ലെന്നായിരുന്നു അദ്ദേഹത്തിന്റെ മറുപടി.&nbsp;
പാർട്ടി പ്രവർത്തകരുടെ പൊതുവികാരമാണ് താൻ പറഞ്ഞത്. കമ്മ്യൂണിസ്‌റ്റുകാരൻ എന്നു പറഞ്ഞാൽ പൊലീസ് സ്‌റ്റേഷനിൽ നിന്ന് രണ്ടടി കൂടുതൽ കിട്ടുന്ന അവസ്ഥയാണ് കേരളത്തിലുള്ളത്. അതിന് പിന്നിൽ പി. ശശിയാണ്.എഡിജിപി അജിത് കുമാർ നൊട്ടോറിയസ് ക്രിമിനലാണ്. അയാൾ എഴുതികൊടുത്ത കഥയും തിരക്കഥയുമാണ് മുഖ്യമന്ത്രി വായിച്ചുകേൾപ്പിച്ചത്. അല്ലാതെ അദ്ദേഹത്തിന് അറിയില്ലല്ലോ? മലപ്പുറത്തെ സഖാക്കളെ വിളിച്ചു ചോദിച്ചിരുന്നെങ്കിൽ സത്യം എന്താണെന്ന് അവർ മുഖ്യമന്ത്രിയോട് പറയുമായിരുന്നു.എന്നെ അറസ്‌റ്റ് ചെയ‌്ത് കുഴിയിലാക്കുന്നതിന് മുമ്പ് സത്യം പറയണമല്ലോ? പാർട്ടിയുടെ വാക്ക് വിശ്വസിച്ചുകൊണ്ടാണ് പരസ്യപ്രതികരണം താൽക്കാലികമായി നിറുത്തിവച്ചത്. പക്ഷേ താൻ ഉന്നയിച്ച കാര്യങ്ങളിലൊന്നും അന്വേഷണം ഫലപ്രദമല്ലെന്ന് മനസിലായി. മരംമുറിക്കേസിൽ ഇക്കാര്യം പ്രകടമാണ്. പൊലീസിന്റെ അന്വേഷണം തൃപ്‌തികരമല്ലെന്നും ഇനി അടുത്ത സ്‌റ്റെപ്പ് ഹൈക്കോടതിയിലേക്കാണെന്നും അൻവർ വിശദമാക്കി.കരിപ്പൂർ വിമാനത്താവളത്തിൽ നടന്ന സ്വർണക്കടത്ത് സിറ്റിംഗ് ജഡ്‌ജിയെ കൊണ്ട് അന്വേഷിപ്പിക്കാൻ മുഖ്യമന്ത്രി തയ്യാറാണോയെന്നും അൻവർ വെല്ലുവിളിച്ചു. അജിത് കുമാർ എഴുതി തരുന്ന വാറോല വായിക്കുകയല്ല മുഖ്യമന്ത്രി ചെയ്യേണ്ടതെന്നും അൻവർ പരിഹസിച്ചു.എങ്ങനെയൊക്കെ ആ മനുഷ്യൻ (മുഖ്യമന്ത്രി) എന്നെ ചതിച്ചിട്ടുണ്ട്. അദ്ദേഹത്തെ ഉള്ളു തുറന്ന് വിശ്വസിച്ചു.&nbsp;
ശശിയും അജിത് കുമാറും ചതിക്കുമെന്ന് ഞാൻ പറഞ്ഞതാണ്. തെളിവുകൾ നിരത്തിയിട്ടും വിശ്വസിച്ചില്ല. പൊളിറ്റിക്കൽ സെക്രട്ടറിയായ പി. ശശി കാട്ടുകള്ളനാണ്. മുഖ്യമന്ത്രിയെ വികൃതമാക്കുന്നത് അയാളാണ്. ശശിയെ താഴെ ഇറക്കണമെന്ന് അന്ന് ഞാൻ വിചാരിച്ചതാണ്. കേരളത്തിലെ പൊതുസമൂഹത്തിന് മുന്നിൽ മുഖ്യമന്ത്രി കെട്ടുപോയി. പലർക്കും നിങ്ങളോട് വെറുപ്പാണെന്ന് മുഖത്തു നോക്കി പറഞ്ഞു. മുഖ്യമന്ത്രിയുടെ ഗ്രാഫ് ഇപ്പോൾ പൂജ്യമായി.കേരളത്തിലെ സിപിഎം അഭിപ്രായ സ്വാതന്ത്ര്യം അനുവദിക്കുന്നില്ല. ഉന്നതരായ നേതാക്കൾക്ക് എന്ത് അഴിമതിയും നടത്താം എന്ന സ്ഥിതിയാണിപ്പോൾ. സ്വജനപക്ഷപാതം സഹിക്കാൻ കഴിയാതെയാണ് കോൺഗ്രസിൽ നിന്ന് വന്നത്.കേരളത്തിലെ എല്ലാ രാഷ്‌ട്രീയപാർട്ടികളുടെയും നേതാക്കന്മാർ ഒന്നാണ്. അതാണ് കേരളം നേരിടുന്ന ഏറ്റവും വലിയ പ്രശ്നം. പല കേസുകളും കേരളത്തിൽ തെളിഞ്ഞുവരാത്തത് അത് കൊണ്ടാണെന്നും അൻവർ വിമർശിച്ചു.

പിതാവിനെ പോലെ സ്നേഹിച്ച ആ മനുഷ്യൻ എന്നെ ചതിച്ചു ;മുഖ്യമന്ത്രിക്കെതിരെ ആഞ്ഞടിച്ച് പി.വി അൻവർ

ആലപ്പുഴ: നെഹ്റു ട്രോഫി വള്ളംകളി പ്രമാണിച്ച് ആലപ്പുഴ ജില്ലക്ക് ശനിയാഴ്ച പൊതു അവധി പ്രഖ്യാപിച്ച് കലക്ടര്‍. ഈ മാസം 28-നാണ് വള്ളം കളി. ഉച്ചകഴിഞ്ഞ് രണ്ടിനാണ് ഉദ്ഘാടന ചടങ്ങ്. ഉദ്ഘാടന സമ്മേളനത്തില്‍ മന്ത്രിമാർ, ജില്ലയിലെ എം.പിമാര്‍, എം.എൽ.എമാര്‍ തുടങ്ങിയവർ പങ്കെടുക്കും.
വയനാട് ഉരുള്‍ പൊട്ടലിന്റെ പശ്ചാത്തലത്തില്‍ ഇത്തവണ വള്ളം കളിയോട് അനുബന്ധിച്ചുള്ള സാംസ്‌കാരിക പരിപാടികള്‍ ഒഴിവാക്കി. ക്ലബുകള്‍ ലക്ഷങ്ങള്‍ മുടക്കി പരിശീലനം ഉള്‍പ്പെടെ നടത്തിയ സാഹചര്യത്തിലാണ് വള്ളം കളി നടത്താനുള്ള തീരുമാനം ഉണ്ടായത്. 70ാമത് നെഹ്‌റു ട്രോഫി ജലോത്സവത്തില്‍ ഒമ്പത് വിഭാഗങ്ങളിലായി 19 ചുണ്ടന്‍ വള്ളങ്ങളടക്കം 74 വള്ളങ്ങള്‍ മത്സരത്തിനുള്ളത്.ആഗസ്റ്റ് 10ന് നടത്താനിരുന്ന വള്ളംകളി വയനാട് ദുരന്തത്തിന്‍റെ പശ്ചാത്തലത്തിലാണ് മാറ്റിവെച്ചത്.&nbsp;

നെഹ്റു ട്രോഫി വള്ളംകളി ; ആലപ്പുഴയിൽ ശനിയാഴ്ച പൊതു അവധി

Kerala

പട്ന: ബിഹാറിൽ ഉത്സവാഘോഷ ചടങ്ങിനിടെ 43 പേർ മുങ്ങി മരിച്ചതായി റിപ്പോർട്ട്. 37 കുട്ടികളും മരിച്ചവരിൽ ഉൾപ്പെടുന്നു. മൂന്നുപേരെ കാണാതായെന്നും ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു.
'ജീവിത് പുത്രിക' ഉത്സവച്ചടങ്ങിന്റെ ഭാഗമായി പുഴയിൽ സ്നാനത്തിനിറങ്ങിയവരാണ് മുങ്ങിമരിച്ചതെന്ന് സർക്കാർ വ്യാഴാഴ്ച പുറത്തിറക്കിയ ഔദ്യോഗിക വാർത്താ കുറിപ്പിൽ പറയുന്നു. കുട്ടികളുടെ ഐശ്വര്യത്തിന് വേണ്ടി സ്ത്രീകൾ വ്രതമനുഷ്ഠിക്കുന്നതാണ് ചടങ്ങ്.ബുധനാഴ്ച നടന്ന ആഘോഷത്തിൽ സംസ്ഥാനത്തെ 15-ഓളം ജില്ലകളിൽ വിവിധയിടങ്ങളിലായി നടന്ന ചടങ്ങിൽ നിരവധി പേർ പങ്കെടുത്തിരുന്നു. വിവിധ ജില്ലകളിലുണ്ടായ അപകടങ്ങളിലാണ് 43 മരണങ്ങളെന്നാണ് റിപ്പോർട്ട്.&nbsp;

ബിഹാറിൽ ഉത്സവാഘോഷ ചടങ്ങിനിടെ 43 പേർ മുങ്ങിമരിച്ചു

National

എളുപ്പത്തിലുണ്ടാക്കാവുന്ന രുചികരമായ പഴം സ്മൂത്തിയാണ് പീനട്ട് ബട്ടര്‍ ബനാന സ്മൂത്തി. അഞ്ചുമിനിട്ടില്‍ ഇതുണ്ടാക്കിയെടുക്കാന്‍ കഴിയും. ലഘുഭക്ഷണമായും പ്രഭാതഭക്ഷണമായും കഴിയ്ക്കാം.ശരീരഭാരം കുറയ്ക്കാനും ഇത് കഴിക്കുന്നത് നല്ലതാണ്.
ചേരുവകള്
വാഴപ്പഴം- 2
പാല്‍- 2 കപ്പ്
പീനട്ട് ബട്ടര്‍- അര കപ്പ്
തേന്‍-2 ടേബിള്‍ സ്പൂണ്‍
ഐസ്-2 ക്യൂബ്‌
തയ്യാറാക്കുന്ന രീതി
വാഴപ്പഴം തൊലി കളഞ്ഞ് വൃത്തിയാക്കി കഷ്ണങ്ങളാക്കിയെടുക്കുക. ഒരു ബ്ലെന്‍ഡറിലേയ്ക്ക് വാഴപ്പഴം മുറിച്ചത്, പാല്‍, പീനട്ട് ബട്ടര്‍, തേന്‍, ഐസ് ക്യൂബ് എന്നിവ ചേര്‍ത്ത് നന്നായി അടിച്ചെടുക്കാം.മധുരം വേണ്ടത്തവര്‍ക്ക് തേന്‍ ഒഴിവാക്കാം. പാലിന് പകരം ബദാം പാല്‍, ഓട്‌സ് പാല്‍ എന്നിവയുപയോഗിക്കുന്നതും വളരെ നല്ലതാണ്.

പീനട്ട് ബട്ടറും പഴവും ചേർത്ത് രുചികരമായ സ്മൂത്തി തയ്യാറാക്കാം

Health

മസ്കറ്റ്: ഒമാനിൽ മഴക്ക് സാധ്യതയെന്ന് കാലാവസ്ഥ കേന്ദ്രത്തിന്റെ മുന്നറിയിപ്പ്. ദോഫാർ ഗവർണറേറ്റിലെ തീരപ്രദേശങ്ങളിലും പർവതപ്രദേശങ്ങളിലും സെപ്റ്റംബർ 29 മുതൽ ഒക്‌ടോബർ 1 വരെയാണ് വ്യത്യസ്ത തീവ്രതയിലുള്ള മഴയ്ക്ക് സാധ്യത.&nbsp;
അൽ ഹജർ പർവതനിരകളിലും മഴ പെയ്തേക്കും. വാദികൾ നിറയുമെന്നും വെള്ളപ്പൊക്കത്തിന് കാരണമാകുമെന്നും കാലാവസ്ഥാ കേന്ദ്രത്തിന്റെ ഏറ്റവും പുതിയ അപ്ഡേറ്റുകൾ പിന്തുടരണമെന്നും പൗരന്മാരും താമസക്കാരോടും കാലാവസ്ഥ കേന്ദ്രം നിർദേശം നൽകി

ഒമാനിൽ ശക്തമായ  മഴക്ക് സാധ്യതയെന്ന് കാലാവസ്ഥ കേന്ദ്രത്തിന്റെ മുന്നറിയിപ്പ്

Gulf

വടകര: പ്രമുഖ സോഷ്യലിസ്റ്റ് കൊടക്കാട്ട് ബാലന്റെ ചരമദിനം ആചരിച്ചു. ഏറാമല പത്തൊൻപതാം വാർഡ് സോഷ്യലിസ്റ്റ് സൗഹൃദ കൂട്ടായ്മയും കൊടക്കാട്ട് ബാലൻ അനുസ്മരണവും എച്ച് എം എസ് കോഴിക്കോട് ജില്ലാ സെക്രട്ടരി കെ.കെ.കൃഷ്ണൻ ഉദ്ഘാടനം ചെയ്തു. പി.പി. പ്രസീത് കുമാർ സ്വാഗതം പറഞ്ഞു. കെ.ടി. ദാമോധരൻ അധ്യക്ഷം വഹിച്ചു. എൻ.കെ.സുധാകരൻ, വി.കെ.ശശികുമാർ, സി.ടി.സി ബാബു. രജിൽ കെ. പി.എന്നിവർ സംസാരിച്ചു.

സോഷ്യലിസ്റ്റ് സൗഹൃദ കൂട്ടായ്മ നടത്തി

Inshort

തിരുവനന്തപുരം: ഏറ്റവും കൂടുതല്‍ രക്തം ദാനം ചെയ്ത സംഘടനയ്ക്കുള്ള ഈ വര്‍ഷത്തെ സംസ്ഥാന സര്‍ക്കാര്‍ അവാര്‍ഡ് ഡിവൈഎഫ്‌ഐ തൃശൂര്‍ ജില്ലാ കമ്മിറ്റിക്ക്. കഴിഞ്ഞ 10 മാസം തൃശൂര്‍ മെഡിക്കല്‍ കോളേജില്‍ മാത്രം 4,953 യൂണിറ്റ് രക്തമാണ് ഡിവൈഎഫ്‌ഐ പ്രവര്‍ത്തകര്‍ നല്‍കിയത്.&nbsp;
മാര്‍ച്ചില്‍ കടുത്ത രക്ത ക്ഷാമം കാരണം ഒപ്പറേഷനുകള്‍ ഉള്‍പ്പെടെ മാറ്റി വെക്കേണ്ടി വന്നപ്പോള്‍ മെഗാ രക്ത ദാന ക്യാമ്പ് പ്രഖ്യാപിച്ച് മൂന്ന് ആഴ്ചകൊണ്ട് 1035 യൂണിറ്റ് രക്തം ദാനം ചെയ്തുവെന്ന് ഡിവൈഎഫ്‌ഐ സംസ്ഥാന സെക്രട്ടറി വി കെ സനോജ് ഫെയ്‌സ്ബുക്കില്‍ കുറിച്ചു.

ഏറ്റവും കൂടുതല്‍ രക്തം ദാനം ചെയ്ത സംഘടന ; ഡിവൈഎഫ്‌ഐക്ക് സര്‍ക്കാര്‍ പുരസ്‌കാരം

വടകര: ഐസിഡിഎസ് പ്രോജക്ടിലെ ചോറോട് ഗ്രാമപഞ്ചായത്തിൽ പോഷൺ മാ പരിപാടിയോട് അനുബന്ധിച്ച് ബോധവൽക്കരണ ക്ലാസ്സും പോഷകാഹാര പ്രദർശനവും നടത്തി. പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശ്യാമള പൂവേരി അധ്യക്ഷത വഹിച്ചു. പഞ്ചായത്ത് പ്രസിഡണ്ട് പി പി ചന്ദ്രശേഖരൻ ഉദ്ഘാടനം നിർവഹിച്ചു.&nbsp;
സ്ഥിരം സമിതി അധ്യക്ഷരായ കെ.മധുസൂദനൻ, സി നാരായണൻ , പഞ്ചായത്തംഗം പ്രസാദ് വിലങ്ങിൽ, സിഡിപിഒ രജിഷ, ഐ സി ഡിഎസ്‌ സൂപ്പർവൈസർ ഷൈജി എന്നിവർ സംസാരിച്ചു. ചോറോട് പി എച്ച് സിയിലെ ജെ എച്ച് ഐ സുനിൽ അനീമിയ ബോധവൽക്കരണ ക്ലാസ് കൈകാര്യം ചെയ്തു. ഡയറ്റീഷ്യൻ ശിവപ്രിയ പോഷകാഹാരം കഴിക്കേണ്ടതിന്റെ ആവശ്യകത പറഞ്ഞുകൊടുത്തു. പോഷകാഹാര നിർമ്മാണ മത്സരത്തിൽ പങ്കെടുത്ത് വിജയികളായ മൂന്നു സ്ഥാനക്കാർക്ക് സമ്മാനദാനം നടത്തി. ഉപയോഗശൂന്യമായ വസ്തുക്കൾ, ഓല എന്നിവയിൽ നിന്നുള്ള കളിപ്പാട്ടങ്ങളും നാട്ടറിവിൽ നിന്നുള്ള ചെലവ് കുറഞ്ഞ പോഷകാഹാര വിഭവങ്ങളുടെ പ്രദർശനവും നടന്നു.

ബോധവൽക്കരണ ക്ലാസ്സും പോഷകാഹാര പ്രദർശനവും

Vadakara

മീനും കൂട്ടി ഊണ് കഴിക്കാന്‍ ഇഷ്ടപ്പെടാത്ത മലയാളികളുണ്ടാകില്ല. വറുത്തത് ആയാലും കറി വച്ചത് ആയാലും ശരി നിരവധി ആളുകളുടെ ഇഷ്ടപ്പെട്ട ഭക്ഷണങ്ങളില്‍ ഒന്നാണ് മത്സ്യം. എന്നാല്‍ മീനിന്റെ മുള്ള് തൊണ്ടയില്‍ കുരുങ്ങുന്നത് അത്ര രസമുള്ള ഒരു പരിപാടിയല്ല.മുള്ള് വെള്ളം കുടിച്ചാല്‍ മതി, വെറും ചോറ് മാത്രം വിഴുങ്ങിയാല്‍ മതി മുള്ള് പൊയ്‌ക്കൊള്ളും തുടങ്ങിയ ടിപ്‌സും നമുക്ക് സുപരിചിതമാണ്.എന്നാല്‍ ചിലപ്പോഴെങ്കിലും ഈ പറഞ്ഞ മാര്‍ഗങ്ങളൊന്നും പരിഹാരമാകുന്നില്ലെന്ന് വരാം.&nbsp;
ഇതില്‍ പല പരിഹാരങ്ങളും നമ്മുടെ അടുക്കളയില്‍ തന്നെയുണ്ട്. അത്തരത്തില്‍ ഒന്നാണ് നാരങ്ങാനീര്. തൊണ്ടയില്‍ കുടുങ്ങിയ മീന്‍ മുള്ള് എളുപ്പത്തില്‍ നീക്കാന്‍ നാരങ്ങാ നീര് സഹായിക്കും. ഒരു ടേബിള്‍ സ്പൂണ്‍ നാരങ്ങാ നീര് ഒലിവ് ഓയിലില്‍ മിക്‌സ് ചെയ്ത് കുടിക്കുന്നത് വളരെ നല്ലതാണ്.നാരങ്ങാ നീരും ഒലിവ് ഓയിലും ചേര്‍ത്ത് കഴിക്കുമ്പോള്‍ തൊണ്ടയില്‍ കുടുങ്ങിയ മീന്‍മുള്ള് വളരെ സോഫ്റ്റ് ആയി മാറുകയും തൊണ്ടയില്‍ നിന്ന് ഇറങ്ങി പോകുകയും ചെയ്യും. മീന്‍ മുള്ള് തൊണ്ടയില്‍ കുടുങ്ങിയാല്‍ ശ്രദ്ധിക്കേണ്ട കാര്യം ഒരിക്കല്‍ കൈ കൊണ്ട് എടുക്കാന്‍ ശ്രമിച്ചിട്ട് അത് നടന്നില്ലെങ്കില്‍ വീണ്ടും വീണ്ടും ശ്രമിക്കാതിരിക്കുന്നതാണ് നല്ലത്. ഇങ്ങനെ ആവര്‍ത്തിച്ച് ചെയ്യുമ്പോള്‍ മുള്ള് തൊണ്ടയില്‍ നിന്ന് കൂടുതല്‍ ഉള്ളിലേക്ക് ഇറങ്ങിപ്പോകാനുള്ള സാധ്യത കൂടുതലാണ്.

മീന്‍മുള്ള് തൊണ്ടയില്‍ കുടുങ്ങിയാല്‍ എന്ത് ചെയ്യണം ...?

കൽപ്പറ്റ: ഉരുൾപൊട്ടലിൽ കുടുംബത്തെയും വാഹനാപകടത്തിൽ പ്രതിശ്രുത വരനെയും നഷ്ടപ്പെട്ട ശ്രുതിക്ക് വീടൊരുങ്ങുന്നു.പൊന്നടയിലാണ് വീട് നിർമിക്കുന്നത്. പതിനൊന്നര സെൻ്റ് ഭൂമിയിൽ 1,500 ചതുരശ്ര അടി വിസ്തീർണമുള്ള വീടാണ് നിർമിക്കുന്നത്. ടി സിദ്ദിഖ് എം.എൽ.എ വീടിന് തറക്കല്ലിട്ടു. തറക്കല്ലിടുന്നത് ആംബുലൻസിലിരുന്നാണ് ശ്രുതി കണ്ടത്.
ചാലക്കുടി സ്വദേശികളായ ഡെനിഷ് ഡേവിസ്, ഇനോക്ക് ജോസഫ് ആൻ്റണി എന്നിവരാണ് വീടിന് ധനസഹായം നല്‍കുന്നത്. വീട് നിർമാണത്തിനുള്ള ചെലവ് പൂർണമായും തങ്ങൾതന്നെ വഹിക്കുമെന്ന് ഡെനിഷും ഇനോക്കും പറഞ്ഞു. നിർമാണത്തിന് 35 ലക്ഷം രൂപയോളം ചെലവ് വരും.ചൂരല്‍മലയിലെ പുതിയ വീടിന്‍റെ ഗൃഹപ്രവേശനം പൂര്‍ത്തിയായി കല്യാണ ഒരുക്കത്തിലേക്ക് കടക്കുമ്പോഴാണ് ഉരുള്‍പൊട്ടലുണ്ടായത്. ഉരുൾപ്പൊട്ടലിൽ രക്ഷിതാക്കളേയും സഹോദരിയെയും നഷ്ടപ്പെട്ടു. വിവാഹത്തിനായി കരുതിവെച്ച പണവും ആഭരണങ്ങളും നഷ്ടമായി. രക്ഷിതാക്കളുടെ വിയോ​ഗത്തോട് പൊരുത്തപ്പെട്ടുവരുന്നതിനിടെയായിരുന്നു താങ്ങായ പ്രതിശ്രുത വരൻ ജെൻസന്റെ വാഹാനപകടത്തിലുള്ള മരണം.&nbsp;

ശ്രുതിക്ക് വീടൊരുങ്ങുന്നു  ;ടി സിദ്ദിഖ് എം.എൽ.എ തറക്കല്ലിട്ടു

ചെന്നൈ: നിര്‍ത്തിയിട്ട കാറിനുള്ളില്‍ അഞ്ചംഗകുടുംബത്തെ മരിച്ചനിലയില്‍ കണ്ടെത്തി. സേലം സ്വദേശികളായ മണികണ്ഠന്‍(50) ഭാര്യ നിത്യ, ഇവരുടെ രണ്ട് മക്കള്‍, മണികണ്ഠന്റെ അമ്മ സരോജ എന്നിവരെയാണ് കാറിനുള്ളില്‍ മരിച്ചനിലയില്‍ കണ്ടത്. തിരുച്ചിറപ്പള്ളി-കാരക്കുടി ദേശീയപാതയില്‍ പുതുക്കോട്ട ജില്ലയിലെ നാമനസമുദ്രം ഭാഗത്തായിരുന്നു സംഭവം.
കഴിഞ്ഞദിവസം വൈകീട്ട് മുതല്‍ കാര്‍ ഇതേസ്ഥലത്തുണ്ടായിരുന്നതായി പരിസരവാസികള്‍ പറഞ്ഞു. തുടര്‍ന്ന് സംശയം തോന്നി പരിശോധിച്ചതോടെയാണ് അഞ്ച് പേരെയും മരിച്ചനിലയില്‍ കണ്ടത്. സംഭവം കൂട്ട ആത്മഹത്യയാണെന്നാണ് പോലീസിന്റെ പ്രാഥമിക കണ്ടെത്തല്‍. കാറില്‍നിന്ന് ആത്മഹത്യാക്കുറിപ്പും കണ്ടെടുത്തിട്ടുണ്ട്. ആത്മഹത്യയ്ക്കുള്ള കാരണം കുറിപ്പില്‍ വ്യക്തമാക്കിയിട്ടില്ലെന്നും പോലീസ് പറഞ്ഞു.
വിഷം ഉള്ളില്‍ച്ചെന്നാണ് അഞ്ച് പേരുടെയും മരണം സംഭവിച്ചതെന്നാണ് സംശയം. സേലത്ത് ലോഹവ്യാപാരിയായ മണികണ്ഠന് സാമ്പത്തികബാധ്യതകളുണ്ടായിരുന്നതായി സൂചനയുണ്ട്. ഇതാകാം ആത്മഹത്യയിലേക്ക് നയിച്ചതെന്ന് കരുതുന്നു.&nbsp;

അഞ്ചംഗകുടുംബം കാറിനുള്ളില്‍ മരിച്ച നിലയിൽ ;കൂട്ട ആത്മഹത്യയെന്ന് നിഗമനം

വടകര: ഗവ. സംസ്കൃതം ഹയർ സെക്കൻഡറി സ്കൂൾ എൻഎസ്എസ് യൂണിറ്റിന്റെ നേതൃത്വത്തിൽ ഈ വർഷത്തെ എൻഎസ്എസ് ദിനം ആചരിച്ചു. വടകര റോട്ടറി ബധിര മൂക വിദ്യാലയത്തിൽ വച്ചാണ് ദിനാചരണ പരിപാടികൾ നടത്തിയത്. സ്കൂൾ ഹെഡ്‌മിസ്ട്രെസ് മിനി ഉദ്ഘാടനം നിർവഹിച്ചു. എൻഎസ്എസ് പ്രോഗ്രാം ഓഫീസർ വി കെ ഷിജിത് കുമാർ അധ്യക്ഷത വഹിച്ചു. അദ്ധ്യാപകരായ അബ്ബാസ് സി പി, അയൂസി പവിത്രൻ, ഗായത്രി, കീർത്തന, നിവേദ് എന്നിവർ സംസാരിച്ചു. എൻഎസ്എസ് വളണ്ടിയർ ലീഡർ ഗൗതം കൃഷ്ണ സ്വാഗതവും വൃന്ദ പ്രകാശ് നന്ദിയും പറഞ്ഞു.&nbsp;
ദിനാചരണത്തിന്റെ ഭാഗമായി റോട്ടറി ബധിര മൂക വിദ്യാലയത്തിലെ വിദ്യാർത്ഥികൾക്ക് കായിക ഉപകരണങ്ങൾ കൈമാറി. എൻഎസ്എസ് യൂണിറ്റുകളുടെയും, ശുചിത്വ മിഷന്റെയും സംയുക്താഭിമുഖ്യത്തിൽ നടന്ന വടകര കെഎസ്ആർടിസി ഡിപ്പോ ശുചീകരണത്തിൽ സ്കൂളിലെ കലാന റഖീബ്, സ്വാതി കൃഷ്ണ കെ , അമൃത്ശ്രീ, നൗറിൻ ജെ എൻ, പ്രയാഗ് എസ് എന്നിവർ നേതൃത്വം നൽകി.

എൻഎസ്എസ് ദിനം ആചരിച്ചു

വടകര: തൃശ്ശൂർ പൂരം അലങ്കോലമാക്കുന്നതിന് നേതൃത്വം നൽകിയ എഡിജിപി അജിത് കുമാറിനെ സംരക്ഷിക്കുന്ന മുഖ്യമന്ത്രിയുടെ നിലപാട് സാംസ്കാരിക കേരളത്തിന് അപമാനകരമാണെന്ന് കെപിസിസി ജനറൽ സെക്രട്ടറി എം ലിജു പറഞ്ഞു. മുഖ്യമന്ത്രിയും ആർഎസ്എസും തമ്മിലുള്ള രഹസ്യബന്ധമാണ് ഇതിലൂടെ പുറത്തേക്ക് വന്നത്. മുഖ്യമന്ത്രിക്കെതിരായുള്ള കേസുകളിൽ നിന്ന് സംരക്ഷണം നേടുന്നതിനാണ് ആർ. എസ്. എസ് അനുകൂല നിലപാടുമായി കേരളത്തിന്റെ ആഭ്യന്തരമന്ത്രി കൂടിയായ മുഖ്യമന്ത്രി മുന്നോട്ടു പോകുന്നതെന്ന് അദ്ദേഹം കുറ്റപ്പെടുത്തി.&nbsp;
ഭരണപക്ഷ എംഎൽഎയായ പി വി അൻവറിന്റെ ആരോപണങ്ങൾ മുഖ്യമന്ത്രിയും, ആഭ്യന്തരവകുപ്പിലെ ഉന്നത ഉദ്യോഗസ്ഥരും മാഫിയ സംഘങ്ങൾക്ക് അനുകൂലമായ സമീപനം സ്വീകരിക്കുന്നു എന്നുള്ളതിന്റെ ഉത്തമ ഉദാഹരണം ആണെന്നും അദ്ദേഹം പറഞ്ഞു. അഴിയൂർ ബ്ലോക്ക് കോൺഗ്രസ് കമ്മിറ്റി സംഘടിപ്പിച്ച പ്രതിഷേധ കൂട്ടായ്മ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ബ്ലോക്ക് കോൺഗ്രസ് പ്രസിഡണ്ട് പറമ്പത്ത് പ്രഭാകരൻ അധ്യക്ഷ്യം വഹിച്ചു. കോട്ടയിൽ രാധാകൃഷ്ണൻ മുഖ്യ പ്രഭാഷണം നടത്തി. ആർ. ഷഹിൻ, ബാബു ഒഞ്ചിയം,സി.നിജിൻ, സി കെ.വിശ്വനാഥൻ, സി.കെ ഹരിദാസൻ ,പി ബാബുരാജ്, ദിൽരാജ് .പി ,രാജഗോപാലൻ രയരോത്ത് എന്നിവർ സംസാരിച്ചു.

എഡിജിപി അജിത് കുമാറിനെ സംരക്ഷിക്കുന്ന മുഖ്യമന്ത്രിയുടെ നിലപാട് അപമാനകരം; എം. ലിജു

വടകര: തകർന്ന റോഡിൽ ജനങ്ങളുടെ തട്ടിക്കൂട്ട് വർക്ക്‌ നടത്തി ജനരോഷത്തിൽ നിന്നും ഒളിച്ചോടാൻ കാണിക്കുന്ന ശ്രമം വിലപ്പോവിലെന്നും അടിയന്തിരമായി റോഡ് നിർമ്മാണം നടത്താൻ ചോറോട് പഞ്ചായത്ത് തയ്യാറാകണമെന്നും യൂത്ത് കോൺഗ്രസ്‌ ചോറോട് മണ്ഡലം കമ്മിറ്റി ആവശ്യപ്പെട്ടു. ചോറോട് പഞ്ചായത്തിലെ ഇരുപതാം വാർഡിൽ തീരദേശ മേഖലയെ ടൗണുമായി ബന്ധിപ്പിക്കുന്ന റോഡിന്റെ പുനർ നിർമ്മാണം നല്ല രീതിയിൽ നടത്താതിൽ പ്രതിഷേധിച്ചു കൊണ്ട് യൂത്ത് കോൺഗ്രസ്‌ ചോറോട് മണ്ഡലം കമ്മിറ്റിയുടെ നേതൃത്വത്തിൽ ശക്തമായ പ്രക്ഷോഭം വരും ദിവസം സംഘടിപ്പിക്കുമെന്ന് മണ്ഡലം പ്രസിഡന്റ്‌ കാർത്തിക് ചോറോട് പറഞ്ഞു.&nbsp;
പഞ്ചായത്ത് പ്രസിഡന്റ് പ്രതിനിധീകരിക്കുന്ന വാർഡിലാണ് ദേശീയപാതയുടെ വികസനത്തിന്റെ ഭാഗമായി മണ്ണെടുത്തതിന്റെ ഫലമായി റോഡ് തകർന്ന് കിടക്കുന്നത്. നൂറുകണക്കിനാളുകൾ ഗതാഗതത്തിന് ഉപയോഗിക്കുന്ന ഈ റോഡ് പൂർവസ്ഥിതിയിൽ ആക്കാൻ പഞ്ചായത്ത് അടിയന്തരമായ നടപടികൾ സ്വീകരിക്കേണ്ടതായിട്ടുണ്ട് എന്ന് ആവശ്യപ്പട്ട് സൂചനാ പ്രതിഷേധം യൂത്ത് കോൺഗ്രസ്‌ കൈനാട്ടി മേഖല കമ്മിറ്റി സംഘടിപ്പിചിരുന്നു. തുടർന്ന് പഞ്ചായത്ത് ഇടപെടുകയും വാഗഡ് അധികൃതരുടെ സഹായത്തോടെ തട്ടിക്കൂട്ട് വർക്ക്‌ നടത്തുകയുമാണ് ഉണ്ടായത്.&nbsp;
കൈനാട്ടിയിൽ നിന്ന് റേഷൻ പീടികയിലേക്കും കക്കാട്ടു പള്ളി, മീത്തലങ്ങാടി ഹെൽത്ത് സെന്റർ എന്നിവിടങ്ങളിലേക്കും പോകേണ്ടേ റോഡിൽ കൂടി പോകാൻ വാഹനങ്ങൾ പ്രയാസപ്പെടുകയാണ്. ഇരുചക്ര വാഹനങ്ങൾ വീണ് അപകടം പറ്റുന്നത് സ്ഥിരം കാഴ്ചയാണ്. മാസങ്ങൾ കഴിഞ്ഞിട്ടും തകർന്ന റോഡ് പുനർനിർമ്മിക്കുന്നതിൽ വാർഡ് മെമ്പറും പഞ്ചായത്തും പരാജയം ആണെന്ന് യൂത്ത് കോൺഗ്രസ്‌ ചോറോട് മണ്ഡലം കമ്മിറ്റി ആരോപിച്ചു. അടിയന്തിര പരിഹാരം ഉണ്ടാകാത്ത പക്ഷം ബഹു ജനങ്ങളെ അണി നിരത്തി ശക്തമായ പ്രക്ഷോഭങ്ങൾക്ക് നേതൃത്വം നൽകുമെന്ന് യൂത്ത് കോൺഗ്രസ്‌ ചോറോട് മണ്ഡലം കമ്മിറ്റി അറിയിച്ചു.

ചോറോട് തകർന്ന റോഡ് പുനർനിർമ്മിക്കുക; യൂത്ത് കോൺഗ്രസ്‌ പ്രക്ഷോഭത്തിലേക്ക്

കൊച്ചി: അഖില്‍ പി. ധര്‍മ്മജന്റെ ‘റാം c/o ആനന്ദി’ എന്ന നോവലിന്റെ വ്യാജപതിപ്പ് നിര്‍മിക്കുകയും വിതരണം ചെയ്യുകയും ചെയ്ത തിരുവനന്തപുരം പൂന്തുറ സ്വദേശി ഹബീബ് റഹ്മാന്‍ കസ്റ്റഡിയില്‍. എറണാകുളം സെന്‍ട്രല്‍ പൊലീസിന്റേതാണ് നടപടി.
ഡി.സി ബുക്സിനാണ് പുസ്‌തകത്തിന്‍റെ പ്രസിദ്ധീകരണ പകര്‍പ്പവകാശം. മറൈന്‍ ഡ്രൈവില്‍ നടന്ന ഗുണാകേവ് എക്സിബിഷന്‍ സെന്ററിലെ പുസ്തക സ്റ്റാളിലാണ് 'റാം c/o ആനന്ദി' എന്ന പുസ്തകത്തിന്റെ വ്യാജ പതിപ്പുകള്‍ പകര്‍പ്പവകാശ നിയമത്തിന് വിരുദ്ധമായി വില്‍ക്കുന്നതായി കണ്ടെത്തിയത്.
എഴുത്തുകാരുടെയും പുസ്തകപ്രസാധന മേഖലയുടെയും അതിജീവനത്തിന് വെല്ലുവിളിയുയര്‍ത്തി കൊണ്ട് ഇത്തരത്തില്‍ വ്യാജപുസ്തകങ്ങള്‍ വ്യാപകമായി പ്രചരിക്കുന്നതിനെതിരെ ശക്തമായ നടപടികളാണ് പൊലീസ് സ്വീകരിക്കുന്നത്. ഇന്ത്യന്‍ പകര്‍പ്പവകാശ നിയമപ്രകാരമാണ് പ്രതികള്‍ക്കെതിരെ കേസെടുക്കുന്നത്.‘റാം C/O ആനന്ദി’യുടെ വ്യാജ പതിപ്പ് ഇറക്കിയതിനെതിരെ എഴുത്തുകാരൻ അഖിൽ പി. ധർമ്മജൻ നേരത്തെ പരാതി നൽകിയിരുന്നു.&nbsp;

‘റാം c/o ആനന്ദി’ നോവലിന്റെ വ്യാജപതിപ്പ് പ്രചരിപ്പിച്ചു; ഒരാൾ കസ്റ്റഡിയില്‍

തിരുവനന്തപുരം: പീഢനക്കേസിൽ ഹൈക്കോടതി മുൻകൂർ ജാമ്യം നിഷേധിച്ചതോടെ ഒളിവിൽ കഴിയുന്ന നടൻ സിദ്ദിഖിനെ പിടികൂടാത്തതിൽ പോലീസിനെ വിമർശിച്ച് സി.പി.ഐ മുഖപത്രം ജന​യു​ഗം. കടുത്ത കുറ്റങ്ങൾ ആരോപിക്കപ്പെട്ട സിദ്ദിഖിനെ പിടികൂടുന്നതിൽ അന്വേഷണസംഘത്തിന് അമാന്തമുണ്ടായോ എന്ന സംശയവുമുയർന്നിട്ടുണ്ടെന്ന്, 'പഴുതുണ്ടാകരുത് പണക്കൊഴുപ്പിന്, അതിജീവിതർക്ക് നീതി ലഭിക്കണം' എന്ന തലക്കെട്ടിലുള്ള മുഖപ്രസം​ഗത്തിൽ പറയുന്നു.
'പീഡന പരാതിയിൽ കഴിഞ്ഞദിവസം മൂന്ന് പ്രമുഖ നടന്മാർക്കെതിരെ നടപടികളുണ്ടായി. നടനും എംഎൽഎയുമായ മുകേഷിനെയും നടൻ ഇടവേള ബാബുവിനെയും പ്രത്യേക അന്വേഷണ സംഘം അറസ്റ്റുചെയ്ത് വിട്ടയച്ചു. കോടതികൾ മുൻകൂർ ജാമ്യം അനുവദിച്ചതുകൊണ്ടാണ് ഇവരെ ചോദ്യം ചെയ്തശേഷം വിട്ടയച്ചത്. അതേസമയം മറ്റൊരു നടൻ സിദ്ദിഖിന് ജാമ്യം നിഷേധിച്ചെങ്കിലും ഇതെഴുതുന്നതുവരെ അറസ്റ്റ് ചെയ്യാൻ കഴിഞ്ഞിട്ടില്ല.
നേരത്തെ, നടിയെ ആക്രമിച്ച കേസുമായി ബന്ധപ്പെട്ട് നടൻ ദിലീപ് മുൻകൂർ ജാമ്യാപേക്ഷ സമർപ്പിച്ച സാഹചര്യത്തിൽ അദ്ദേഹത്തിന്റെ ആലുവയിലെ വീട്ടുപടിക്കൽത്തന്നെ പൊലീസുണ്ടായിരുന്നു. ജാമ്യാപേക്ഷ തള്ളുന്ന സ്ഥിതിയുണ്ടായാൽ അറസ്റ്റ് ചെയ്യാനായിരുന്നു നടപടി. ഇത്തരമൊരു ജാഗ്രത സിദ്ദിഖിന്റെ കാര്യത്തിൽ പൊലീസിനുണ്ടായോ എന്ന് സംശയിക്കുന്നവരെ എങ്ങനെ കുറ്റപ്പെടുത്തും', മുഖപ്രസം​ഗത്തിൽ പറയുന്നു.പീഡക സ്ഥാനത്ത് പ്രമുഖരാണ്. അവർക്ക് കേസിനെ സ്വാധീനിക്കാൻ പണവും പ്രാപ്തിയുമുണ്ടാകും. അതിജീവിതർക്ക് നീതി ലഭ്യമാക്കാൻ നിയമനടപടികൾ ശക്തമാകുകയും അന്വേഷണ സംഘം ഉണർന്നുപ്രവർത്തിക്കുകയും ചെയ്യുമെന്ന് പ്രത്യാശിക്കാം എന്ന് പറഞ്ഞുകൊണ്ടാണ് മുഖപ്രസം​ഗം അവസാനിക്കുന്നത്.

സിദ്ദിഖിനെ പിടികൂടാത്തതിൽ പോലീസിനെ രൂക്ഷമായി വിമർശിച്ച് സി.പി.ഐ മുഖപത്രം

പാട്ടും ഡാന്‍സുമായി വിവാഹം കൂടുതല്‍ ആഘോഷമാക്കാന്‍ എല്ലാവരും ശ്രമിക്കാറുണ്ട്. ചിലപ്പോള്‍ വധു തന്നെ നൃത്തച്ചുവടുകളുമായാണ് വേദിയിലെത്താറുള്ള കാഴ്ചയും നാം കാണാറുണ്ട്. ഇത്തരത്തില്‍ വൈറലായ ഒരുപാട് വീഡിയോകള്‍ നമ്മള്‍ സോഷ്യല്‍ മീഡിയയില്‍ കണ്ടിട്ടുണ്ട്. വിവാഹ ദിനത്തില്‍ മകള്‍ക്കൊപ്പം നൃത്തം ചെയ്യുന്ന ഒരു അച്ഛന്റെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ തരംഗം. മുക്കാല മുക്കാബല ഗാനത്തിന് അനുസരിച്ചായിരുന്നു ഇവരുടെ നൃത്തം. തൃശ്ശൂർ ചെന്ത്രാപ്പിന്നി സ്വദേശി കോറോട്ട് ലാലുവും മകള്‍ ദേവികയുമാണ് വീഡിയോയിലുള്ളത്. മലപ്പുറം ചേലമ്പ്ര സ്വദേശി അഖിലുമായിട്ടായിരുന്നു ദേവികയുടെ വിവാഹം.
ചടങ്ങുകള്‍ക്കുശേഷം വേദിയില്‍ മക്കള്‍ നൃത്തം ചെയ്യുന്നതുകണ്ട് ലാലുവും ഇവര്‍ക്കൊപ്പം കൂടുകയായിരുന്നു. പാട്ട് തുടങ്ങിശേഷം വേദിയിലേക്ക് ലാലു എത്തുമ്പോള്‍ തന്നെ സദസ് ആവേശത്തിലാകുന്നത് വീഡിയോയില്‍ കാണാം. എടമുട്ടം ആല്‍ഫ പാലിയേറ്റീവ് കേന്ദ്രത്തിലെ ജീവനക്കാരനാണ് ലാലു.ഈ വൈറല്‍ വീഡിയോയ്ക്ക് താഴെ ലാലുവിനെ അഭിനന്ദിച്ച് നിരവധി പേരാണ് കമന്റ് ചെയ്തത്.&nbsp;

'ബ്രോ ഡാഡി'; വിവാഹവേദിയെ ഇളക്കിമറിച്ച് വൈറല്‍ ഡാന്‍സുമായി വധുവും അച്ഛനും

തിരുവനന്തപുരം: കേരള ഹൈക്കോടതിയുടെ പുതിയ ചീഫ് ജസ്റ്റിസായി ജസ്റ്റിസ് നിതിൻ മധുകർ ജാംദാർ സത്യപ്രതിജ്ഞ ചെയ്തു. രാജ്‌ഭവനിൽ ഗവർണർ ആരിഫ് മുഹമ്മദ് ഖാൻ സത്യവാചകം ചൊല്ലിക്കൊടുത്തു. മുഖ്യമന്ത്രി പിണറായി വിജയനും ചടങ്ങിൽ പങ്കെടുത്തു.&nbsp;
മഹാരാഷ്ട്ര സ്വദേശിയായ നിതിൻ മധുകർ നേരത്തെ മുംബൈ ഹെെക്കോടതി ചീഫ് ജസ്റ്റിസായിരുന്നു.കേരള ഹെെക്കോടതി ചീഫ് ജസ്റ്റിസായി നിതിൻ മധുകർ ജാംദാറിനെ നിയമിക്കാനുള്ള നിർദ്ദേശം നേരത്തെ തന്നെ സുപ്രീംകോടതി കൊളീജിയം കേന്ദ്രത്തിന് നൽകിയിരുന്നു. എന്നാൽ കേന്ദ്രം തീരുമാനം വെെകിപ്പിക്കുകയായിരുന്നു. .

കേരള ഹൈക്കോടതിയുടെ പുതിയ ചീഫ് ജസ്റ്റിസായി നിതിൻ മധുകർ ജാംദാർ സത്യപ്രതിജ്ഞ ചെയ്തു

ഷിരൂർ: ട്രക്കിന്റെ ക്യാബിനിൽ നിന്ന് അർജുന്റെ സാധനങ്ങൾ കണ്ടെത്തി. രണ്ട് മൊബൈൽ ഫോണുകൾ, കുക്കർ, ചെരുപ്പ്, വസ്ത്രങ്ങൾ, വാച്ച്, ഭക്ഷണം കഴിച്ച പാത്രം എന്നിവയാണ് കണ്ടെത്തിയത്. കൂടാതെ അർജുന്റെ മകന്റെ കളിപ്പാട്ടവും കിട്ടിയിട്ടുണ്ട്. ലോറിയുടെ മാതൃകയിലുള്ളതാണിത്.ദൂരയാത്രയ്ക്ക് പോകുമ്പോൾ മകന്റെ ഓർമ്മകളെ ഒപ്പം കൂട്ടാനായി അർജുൻ കൊണ്ടുപോയതായിരുന്നു ഈ കളിപ്പാട്ടം.കോഴിക്കോട്ടേക്ക് മടങ്ങാനിരിക്കെയാണ് അർജുന് അപകടം സംഭവിച്ചത്. ലോറിയുടെ ആർസി ബുക്ക് അടക്കമുള്ള രേഖകളും ലഭിച്ചു. ലോറി പൂർണമായും ഗംഗാവലി പുഴയുടെ കരയിലേക്ക് കയറ്റി. ലോറി പൊലീസ് വിശദമായി പരിശോധിക്കും.മൃതദേഹം അർജുന്റേതാണെന്ന് സ്ഥിരീകരിക്കാനായി സാമ്പിൾ ഡി എൻ എ പരിശോധനയ്ക്കയച്ചിട്ടുണ്ട്.&nbsp;
അർജുന്റെ ബന്ധുക്കളും ലോറി ഉടമ മനാഫ് അടക്കമുള്ളവരും ഷിരൂരിലുണ്ട്.'അർജുന്റെ വസ്ത്രങ്ങളെല്ലാം ലഭിച്ചുകഴിഞ്ഞു. രണ്ട് മൊബൈൽ ഫോണുകൾ, വാച്ച്, അർജുന്റെ മകന്റെ കളിപ്പാട്ടം, രേഖകൾ, പാചകം ചെയ്യാനുള്ള പാത്രങ്ങൾ അങ്ങനെ അവൻ ഉപയോഗിച്ച എല്ലാ സാധനങ്ങളും ഉണ്ടായിരുന്നു. അർജുൻ മകന് വേണ്ടി വാങ്ങിക്കൊണ്ടുവന്ന കളിപ്പാട്ടമായിരുന്നു ഇത്. കുട്ടിക്ക് ഒരുപാട് ഇഷ്ടപ്പെട്ട കളിപ്പാട്ടമാണ്. അതുകൊണ്ടാണ് അത് ക്യാബിനിൽ സൂക്ഷിച്ചുവച്ചത്. അത് വണ്ടിയുടെ മുന്നിൽ വച്ചാണ് അർജുൻ യാത്ര ചെയ്തിരുന്നത്. വീട്ടിലെത്തുമ്പോൾ അത് മകന് കൊടുക്കും. യാത്ര പോകുമ്പോൾ അതുമായിട്ടാണ് പോകാറ്.'- ജിതിൻ പറഞ്ഞു.

ക്യാബിനിൽ മകന്റെ കളിപ്പാട്ടവും ; അർജുന്റെ ലോറിയിൽ കരളുരുകുന്ന കാഴ്ചകൾ, ഫോൺ, വാച്ച് എന്നിവയും കണ്ടെടുത്തു

തൃശ്ശൂര്‍: പൂരം കലക്കിയതില്‍ വിശദമായ അന്വേഷണത്തിനൊരുങ്ങി സര്‍ക്കാര്‍. ഡി.ജി.പി യുടെ നേതൃത്വത്തില്‍ പ്രത്യേക സംഘം രൂപവത്കരിച്ചായിരിക്കും അന്വേഷണം. എഡിജിപി എം.ആര്‍ അജിത് കുമാറിന്റെ ഇടപെടല്‍ അന്വേഷിക്കാന്‍ എ.ഡി.ജി.പി റാങ്കിലുള്ള ഉദ്യോഗസ്ഥന്റെ നേതൃത്വത്തില്‍ മറ്റൊരു സംഘത്തേയും നിയോഗിക്കും. അജിത് കുമാറിന്റെ വീഴ്ചകള്‍ അക്കമിട്ട് നിരത്തിയാണ് മുഖ്യമന്ത്രിക്ക് ഡി.ജി.പി റിപ്പോര്‍ട്ട് നല്‍കിയത്.
ആരോപണ വിധേയനായ എഡിജിപി അജിത് കുമാര്‍ തന്നെയാണ് ഡി.ജി.പിക്ക് റിപ്പോര്‍ട്ട് സമര്‍പ്പിച്ചത്. പൂരം കലങ്ങിയതുമായി ബന്ധപ്പെട്ട് സംഭവിച്ച കാര്യങ്ങള്‍ വിശദമാക്കിയാണ് റിപ്പോര്‍ട്ട്. എന്നാല്‍ റിപ്പോര്‍ട്ടിലുള്ള കണ്ടെത്തലുകള്‍ പോലീസിന് സംഭവിച്ച ചില കാര്യങ്ങള്‍ മാത്രമേ ചൂണ്ടിക്കാട്ടിയിരുന്നുള്ളൂ. ദേവസ്വം ബോര്‍ഡിനെ അടക്കം പ്രതിക്കൂട്ടില്‍ നിര്‍ത്തുകയും ചെയ്തു. ഈ റിപ്പോര്‍ട്ട് പൂര്‍ണമായും അംഗീകരിക്കാന്‍ ഡി.ജി.പി തയ്യാറായില്ല.രണ്ട് തരത്തിലുള്ള അന്വേഷണത്തിനാണ് സര്‍ക്കാര്‍ ആലോചിക്കുന്നത്. ക്രൈം ബ്രാഞ്ച് അന്വേഷണം, ജുഡീഷ്യല്‍ അന്വേഷണം എന്നിവയാണ് പരിഗണനയിലുള്ളത്. അതോടൊപ്പം ഡി.ജി.പി യുടെ നേതൃത്വത്തില്‍ പ്രത്യേക അന്വേഷണ സംഘം രൂപീകരിക്കുന്നതും പരിശോധിക്കുന്നുണ്ട്.

.&nbsp;

പൂരം കലക്കല്‍,അജിത്കുമാറിന്റെ റിപ്പോര്‍ട്ട് തള്ളി;വിശദമായ അന്വേഷണത്തിനൊരുങ്ങി സര്‍ക്കാര്‍.

പൂരം കലക്കല്‍,അജിത്കുമാറിന്റെ റിപ്പോര്‍ട്ട് തള്ളി;വിശദമായ അന്വേഷണത്തിനൊരുങ്ങി സര്‍ക്കാര്‍

ന്യൂഡൽഹി: മുൻ പ്രധാനമന്ത്രി ഡോ. മൻമോഹൻ സിങ്ങിന് ഇന്ന് 92-ാം പിറന്നാൾ. പ്രധാനമന്ത്രി നരേന്ദ്ര മോദി, പ്രതിപക്ഷനേതാവ് രാഹുൽ ഗാന്ധി തുടങ്ങിയവർ അദ്ദേഹത്തിന് ആശംസയറിയിച്ചു. ആരോഗ്യത്തോടെ ദീർഘായുസ് ഉണ്ടാവട്ടെ എന്ന് പ്രധാനമന്ത്രി ആശംസാ സന്ദേശത്തിൽ പറഞ്ഞു.
പ്രതിപക്ഷനേതാവ് രാഹുൽ ഗാന്ധിയും മൻമോഹൻ സിങ്ങിനെ ആശംസയറിയിച്ചു. ''ജന്മദിനാശംകൾ മൻമോഹൻ ജി, നമ്മുടെ രാജ്യത്തിന്റെ ഭാവി രൂപപ്പെടുത്തുന്നതിൽ നിങ്ങളുടെ വിനയവും വിവേകവും നിസ്വാർഥ സേവനവും എന്നെയും ദശലക്ഷക്കണക്കിന് ഇന്ത്യക്കാരെയും പ്രചോദിപ്പിക്കുന്നു. നിങ്ങൾക്ക് എല്ലായ്‌പ്പോഴും നല്ല ആരോഗ്യവും സന്തോഷവും നേരുന്നു!''-രാഹുൽ എക്‌സിൽ കുറിച്ചു.

മുൻ പ്രധാനമന്ത്രി ഡോ.മൻമോഹൻ സിങ്ങിന് ഇന്ന് 92-ാം പിറന്നാൾ

അങ്കോള: കഴിഞ്ഞ ദിവസം കണ്ടെത്തിയ അർജുന്റെ ലോറിയിലെ ക്യാബിനുളളിൽ നിന്ന് അസ്ഥിഭാഗങ്ങൾ കണ്ടെത്തി. പൂർണമായും തകർന്ന ലോറി കരയിലേക്കെത്തിച്ചതിനുശേഷം ക്യാബിനുളളിൽ കുടുങ്ങികിടക്കുന്ന ശരീരഭാഗങ്ങൾ പൂർണമായും പുറത്തെടുക്കുമെന്ന് ജില്ലാഭരണകൂടം ഉറപ്പുനൽകിയിട്ടുണ്ട്.&nbsp;
കഴിഞ്ഞ ദിവസം അർജുന്റെ പകുതി ശരീരഭാഗം മാത്രമാണ് ദൗത്യസംഘത്തിന് പുറത്തെടുക്കാനായത്.രണ്ട് ക്രെയിനുകൾ ഉപയോഗിച്ചാണ് ലോറി കരയിലേക്കെത്തിച്ചത്. അതേസമയം, അർജുന്റെ മൃതദേഹം നാട്ടിലെത്തിക്കാനുള്ള നടപടികൾ ഇന്ന് തുടങ്ങുമെന്നാണ് അധികൃതർ അറിയിച്ചത്. ഡിഎൻഎ പരിശോധനയ്‌ക്കായി സാംപിളുകൾ ഇന്നുതന്നെ ശേഖരിച്ചു. ഇതിന്റെ ഫലം രണ്ടുദിവസത്തിനുള്ളിൽ ലഭിക്കുമെന്നാണ് പ്രതീക്ഷ. എത്രയും വേഗം നടപടികൾ പൂർത്തികരിക്കുകയാണ് ലക്ഷ്യമെന്ന് ജില്ലാ ഭരണകൂടം ഇന്നലെ തന്നെ വ്യക്തമാക്കിയിരുന്നു.

അർജുന്റെ ലോറിയിലെ ക്യാബിനുളളിൽ നിന്ന് കൂടുതൽ അസ്ഥിഭാഗങ്ങൾ കണ്ടെത്തി

തവനൂര്‍: വിദ്യാഭ്യാസ വകുപ്പിന്റെ ഔദ്യോഗിക വെബ്സൈറ്റില്‍ അതിക്രമിച്ചുകയറി അജ്ഞാതര്‍ 17 വിദ്യാര്‍ഥികളെ 'ടി.സി. നല്‍കി വിട്ടു'. തവനൂരിലെ കേളപ്പന്‍ സ്മാരക ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂളിലാണ് സംഭവം.
ഈ വര്‍ഷം പുതിയതായി സ്‌കൂളില്‍ച്ചേര്‍ന്ന വിദ്യാര്‍ഥികളെയാണ് സ്‌കൂള്‍ അധികൃതര്‍ അറിയാതെ സ്‌കൂളില്‍നിന്ന് 'വിടുതല്‍' ചെയ്തത്.രേഖകള്‍പ്രകാരം ടി.സി. അനുവദിച്ചതോടെ സാങ്കേതികമായി വിദ്യാര്‍ഥികള്‍ സ്‌കൂളില്‍നിന്ന് പുറത്തായി. എന്നാല്‍, ആര്‍ക്കെല്ലാമാണ് ടി.സി. അനുവദിച്ചതെന്ന് അധ്യാപകര്‍ അറിയിച്ചിട്ടില്ല. പ്രിന്‍സിപ്പല്‍ വി. ഗോപിയുടെ പരാതിയില്‍ കുറ്റിപ്പുറം പോലീസ് കേസെടുത്ത് അന്വേഷണമാരംഭിച്ചു.
<a href="തവനൂരില്‍ അജ്ഞാതര്‍ വെബ്സൈറ്റില്‍ നുഴഞ്ഞുകയറി 17 വിദ്യാര്‍ഥികളെ 'ടി.സി. നല്‍കി വിട്ടു' " target="_blank">hscap.kerala.gov.in</a> എന്ന ഔദ്യോഗിക വെബ ്‌സൈറ്റില്‍ കയറിയാണ് കുട്ടികളുടെ ടി.സി. പിന്‍വലിച്ചത്. ഒന്നാംവര്‍ഷ പരീക്ഷയുടെ നോമിനല്‍ റോള്‍ പരിശോധനയ്ക്കിടെയാണ് സംഭവം പ്രിന്‍സിപ്പലിന്റെ ശ്രദ്ധയില്‍പ്പെട്ടത്. കൊമേഴ്സിലെ മൂന്നും ഹ്യുമാനിറ്റീസിലെ രണ്ടും സയന്‍സിലെ പന്ത്രണ്ടും വിദ്യാര്‍ഥികളുടെ ടി.സി.യാണ് പ്രിന്‍സിപ്പല്‍ അറിയാതെ അനുവദിച്ചിരിക്കുന്നത്. ഔദ്യോഗിക വെബ്സൈറ്റ് വഴി പ്രിന്‍സിപ്പലിന്റെ യൂസര്‍ ഐ.ഡി.യും പാസ്വേഡും ഉപയോഗിച്ച് ലോഗിന്‍ ചെയ്താണ് ടി.സി. അനുവദിച്ചത്

തവനൂരില്‍ അജ്ഞാതര്‍ വെബ്സൈറ്റില്‍ നുഴഞ്ഞുകയറി 17 വിദ്യാര്‍ഥികളെ 'ടി.സി. നല്‍കി വിട്ടു'

താമരശ്ശേരി : തിളച്ച പാൽ ദേഹത്ത് വീണ് പൊള്ളലേറ്റ് ചികിത്സയിലായിരുന്ന പിഞ്ചുകുഞ്ഞ് മരിച്ചു. ചുങ്കം കയ്യേലിക്കുന്നിൽ വാടക ഫ്ലാറ്റിൽ താമസിക്കുന്ന ഇല്ലിപ്പറമ്പിൽ നസീബ് - ജസ്ന ദമ്പതികളുടെ മകൻ അസ്‌ലൻ അബ്ദുല്ല (1) ആണ് മരിച്ചത്.&nbsp;
ശനിയാഴ്ച രാത്രിയാണ് പാൽപ്പാത്രം തട്ടി പാൽ കുഞ്ഞിന്റെ ദേഹത്ത് വീണത്. തുടർന്ന് താമരശ്ശേരിയിലെ സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കൽ കോളജ് ആശുപത്രിയിലും പ്രവേശിപ്പിച്ചു. ബുധനാഴ്ച ഉച്ചയോടെ മരിച്ചു. സഹോദരങ്ങൾ: നേഹ നസീബ്, അംദാൻ അബ്ദുല്ല, അൽഹാൻ അബ്ദുല്ല.&nbsp;

താമരശ്ശേരിയിൽ തിളച്ച പാൽ ദേഹത്ത് വീണ് പൊള്ളലേറ്റ് ചികിത്സയിലായിരുന്ന പിഞ്ചുകുഞ്ഞ് മരിച്ചു

Kozhikode

തിരുവനന്തപുരം: നടൻ സിദ്ദീഖിനായി ലുക്ക്ഔട്ട് നോട്ടീസ് പുറപ്പെടുവിച്ച് പൊലീസ്. പ്രത്യേക അന്വേഷണ സംഘത്തിലെ തിരുവനന്തപുരം ക്രൈംബ്രാഞ്ച് എസ്.പിയാണ് ഫോട്ടോ പതിച്ച നോട്ടീസ് പുറപ്പെടുവിച്ചത്. എല്ലാ സ്‌റ്റേഷനുകളിലും പതിക്കാൻ എസ്.പിമാർക്ക് നിർദേശം നൽകി. മറ്റു സംസ്ഥാനങ്ങളിലേക്ക് കടക്കാനുള്ള സാധ്യത കണക്കിലെടുത്ത് നോട്ടീസ് അയച്ചിട്ടുണ്ട്.
മ്യൂസിയം പൊലീസ് സ്‌റ്റേഷനിൽ രജിസ്റ്റർ ചെയ്ത പീഡനക്കേസിലാണ് നോട്ടീസ്. സിദ്ദീഖ് മാമ്മത്തി(65)നെക്കുറിച്ചുള്ള വിവരങ്ങൾ അറിയിക്കണമെന്ന് കാണിക്കുന്ന നോട്ടീസിൽ പൊലീസിന്റെ ഫോൺ നമ്പറുകളും നൽകിയിട്ടുണ്ട്.

സിദ്ദീഖിനായി ലുക്ക്ഔട്ട് നോട്ടീസ് പുറപ്പെടുവിച്ച് പൊലീസ് ;എല്ലാ സ്‌റ്റേഷനുകളിലും പതിക്കാൻ നിർദേശം

ബംഗളൂരു: യുവതിയെ കൊന്ന് കഷ്‌ണങ്ങളാക്കി ഫ്രിഡ്‌ജിൽ വച്ച സംഭവത്തിൽ പ്രതിയെ മരിച്ച നിലയിൽ കണ്ടെത്തി. മഹാലക്ഷ്‌മി കൊലക്കേസിൽ കഴിഞ്ഞ കുറച്ച് ദിവസങ്ങളായി പൊലീസ് തെരഞ്ഞുകൊണ്ടിരുന്ന മുക്തി രഞ്ജൻ റോയിയെ ആണ് ഒഡീഷയിൽ ആത്മഹത്യ ചെയ്‌ത നിലയിൽ കണ്ടെത്തിയത്. മരത്തിൽ തൂങ്ങി മരിച്ചതായാണ് പ്രാഥമിക നിഗമനം. യുവതിയെ കൊലപ്പെടുത്തിയത് താനാണെന്ന് സമ്മതിച്ചുകൊണ്ട് എഴുതിയ ആത്മഹത്യാ കുറിപ്പും കണ്ടെത്തി.&nbsp;
സംഭവത്തിൽ ഒഡീഷ പൊലീസ് അസ്വാഭാവിക മരണത്തിന് കേസ് രജിസ്റ്റർ ചെയ്‌തിട്ടുണ്ട്. കുറിപ്പ് ലഭിച്ചതോടെ മഹാലക്ഷ്‌മിയെ കൊലപ്പെടുത്തിയത് മുക്തി രഞ്ജൻ തന്നെയെന്ന് പൊലീസ് സ്ഥിരീകരിച്ചു.ദിവസങ്ങൾക്ക് മുമ്പ് ബംഗളൂരു വയലിക്കാവിലെ വിനായക നഗറിലുള്ള വാടക വീട്ടിലാണ് യുവതിയുടെ മൃതദേഹം 50 കഷ്‌ണങ്ങളാക്കി ഫ്രിഡ്‌ജിൽ സൂക്ഷിച്ച നിലയിൽ കണ്ടെത്തിയത്. യുവതിയുടെ സഹപ്രവർത്തകനായിരുന്ന മുക്തി രഞ്ജനെ കേന്ദ്രീകരിച്ചായിരുന്നു ആദ്യം മുതലേ അന്വേഷണം നീങ്ങിയത്. ഒരു മാളിൽ ,സെയിൽസ് വുമണായി ജോലി ചെയ്യുകയായിരുന്നു മഹാലക്ഷ്‌മി. 2023 മുതൽ മഹാലക്ഷ്‌മിയുടെ സുഹൃത്തായിരുന്നു മുക്തി രഞ്ജൻ.ആറ് വർഷത്തെ വിവാഹബന്ധം അവസാനിപ്പിച്ച ശേഷം മഹാലക്ഷ്‌മി ഒറ്റയ്‌ക്കായിരുന്നു ബംഗളൂരുവിൽ താമസം. ഇതിനിടെയാണ് ഇവർ മുക്തി രഞ്ജനുമായി അടുത്തത്.&nbsp;

യുവതിയെ കഷ്‌ണങ്ങളാക്കി ഫ്രി‌ഡ്‌ജിൽ വച്ച സംഭവത്തിലെ പ്രതി ആത്മഹത്യ ചെയ്‌ത നിലയിൽ

കൊച്ചി: സി.പി.എം നേതാവ് എം.എം. ലോറന്‍സിന്റെ മൃതദേഹം മതാചാരപ്രകാരം സംസ്‌കരിക്കണമെന്ന മകള്‍ ആശയുടെ ആവശ്യം തള്ളി. മൃതദേഹം വൈദ്യപഠനത്തിനായി ഉപയോഗിക്കുമെന്ന് പ്രത്യേക സമിതി അറിയിച്ചു. അനാട്ടമി ആക്ട് അനുസരിച്ചാണ് അനുമതി പത്രമെന്ന് മെഡിക്കല്‍ കോളജ് പ്രിന്‍സിപ്പല്‍ പറഞ്ഞു.
വിഷയത്തിൽ തീരുമാനം എടുക്കുന്നതിനായി പ്രിന്‍സിപ്പല്‍, സൂപ്രണ്ട്, ഫൊറന്‍സിക്, അനാട്ടമി വിഭാഗങ്ങളുടെ മേധാവികള്‍, വിദ്യാര്‍ഥി പ്രതിനിധി എന്നിവര്‍ ഉള്‍പ്പെട്ട പ്രത്യേക സമിതിയെ കളമശേരി മെഡിക്കല്‍ കോളജ് നിയോഗിച്ചിരുന്നു.
ലോ​റ​ൻ​സി​ന്‍റെ മൂ​ന്ന്​ മ​ക്ക​ളി​ൽ ഒ​രാ​ളാ​യ ആ​ശ ലോ​റ​ൻ​സാ​ണ്​ പി​താ​വി​ന്‍റെ മൃ​ത​ദേ​ഹം പ​ഠ​നാ​വ​ശ്യ​ത്തി​ന്​ കൈ​മാ​റാ​നു​ള്ള തീ​രു​മാ​നം ചോ​ദ്യം ചെ​യ്ത്​ ഹൈ​കോ​ട​തി​യെ സ​മീ​പി​ച്ച​ത്. എ​ന്നാ​ൽ, രേ​ഖാ​മൂ​ലം സ​മ്മ​ത​പ​ത്ര​മി​ല്ലെ​ങ്കി​ലും മൃ​ത​ദേ​ഹം മെ​ഡി​ക്ക​ൽ കോ​ള​ജി​ന്​ കൈ​മാ​റ​ണ​മെ​ന്ന ആ​ഗ്ര​ഹം പി​താ​വ്​ പ്ര​ക​ടി​പ്പി​ച്ചി​ട്ടു​ണ്ടെ​ന്ന്​ കാ​ണി​ച്ച്​ മ​റ്റ്​ ര​ണ്ട്​ മ​ക്ക​ൾ സ​ത്യ​വാ​ങ്​​മൂ​ല​വും ന​ൽ​കി. 1957ലെ ​അ​നാ​ട്ട​മി ആ​ക്ട്​​ പ്ര​കാ​രം മൃ​​ത​ദേ​ഹം പ​ഠ​നാ​വ​ശ്യ​ത്തി​ന്​ കൈ​മാ​റാ​ൻ മ​ര​ണ​പ്പെ​ട്ട​യാ​ൾ രേ​ഖാ​മൂ​ലം ന​ൽ​കി​യ സ​മ്മ​ത​പ​ത്ര​മോ അ​വ​സാ​ന നാ​ളു​ക​​ളി​ലെ​ങ്കി​ലും ര​ണ്ടോ അ​തി​ല​ധി​ക​മോ പേ​രോ​ട്​ വാ​ക്കാ​ൽ ന​ൽ​കി​യ നി​ർ​ദേ​ശ​മോ ആ​വ​ശ്യ​മാ​ണ്.ഇ​തോ​ടെ​യാ​ണ്​ മൃ​ത​ദേ​ഹം ഏ​റ്റെ​ടു​ക്കാ​ൻ മെ​ഡി​ക്ക​ൽ കോ​ള​ജ്​ പ്രി​ൻ​സി​പ്പ​ലി​ന്​ കോ​ട​തി നി​ർ​ദേ​ശം ന​ൽ​കി​യ​ത്

എം.എം.ലോറന്‍സിന്റെ മൃതദേഹം വൈദ്യപഠനത്തിന് വിട്ടു നൽകും

കോഴിക്കോട്: പി. ശശിക്കും എ.ഡി.ജി.പി എം.ആര്‍ അജിത് കുമാറിനും എതിരെ ഉന്നയിച്ച ആരോപണങ്ങളിൽനിന്ന് പിന്നോട്ടില്ലെന്നും പാർട്ടിക്ക് ഒരുതരത്തിലും വഴങ്ങില്ലെന്നുമുള്ള മുന്നറിയിപ്പുമായി പി.വി.അൻവർ എം.എൽ.എ. വ്യാഴാഴ്ച വൈകീട്ട് മാധ്യമങ്ങളെ കാണുമെന്ന് അറിയിച്ചുകൊണ്ട് ഫെയ്സ് ബുക്കിലിട്ട കുറിപ്പിലാണ് അദ്ദേഹം നിലപാട് കടുപ്പിച്ചിരിക്കുന്നത്.
'വിശ്വാസങ്ങൾക്കും വിധേയത്വത്തിനും താൽക്കാലികതയ്ക്കും അപ്പുറം ഓരോ മനുഷ്യനിലും ഉള്ള ഒന്നാണു ആത്മാഭിമാനം. അതിത്തിരി കൂടുതലുണ്ട്‌."നീതിയില്ലെങ്കിൽ നീ തീയാവുക"എന്നാണല്ലോ. ഇന്ന് വൈകിട്ട്‌ നാലരയ്ക്ക് മാധ്യമങ്ങളെ കാണുന്നുണ്ട്‌', അദ്ദേഹം ഫെയ്സ്ബുക്കിൽ കുറിച്ചു.സിപിഎമ്മിനെയും സര്‍ക്കാരിനെയും മുള്‍മുനയില്‍ നിര്‍ത്തുന്ന തരത്തിലുള്ള ആരോപണങ്ങള്‍ നിരന്തരം ഉന്നയിച്ചതിനു പിന്നാലെയാണ് അന്‍വര്‍ അപ്രതീക്ഷിത വാര്‍ത്താസമ്മേളനം വീണ്ടും വിളിച്ചിരുക്കുന്നത്.

'നീതിയില്ലെങ്കിൽ നീ തീയാവുക, ആത്മാഭിമാനം ഇത്തിരി കൂടുതലുണ്ട്‌' ;പാർട്ടി നിർദേശം തള്ളി അന്‍വര്‍ മാധ്യമങ്ങളെ കാണും

അർജുൻ്റെ കുടുംബത്തിന് ആശ്വാസവാക്കുകൾ നേർന്നുകൊണ്ട് സിനിമാലോകം. ഇപ്പോഴിതാ അര്‍ജുന് ആദരാഞ്ജലികൾ അ‍ർപ്പിച്ചുകൊണ്ട് എത്തിയിരിക്കുകയാണ് നടൻ മോഹൻലാൽ. മനമുരുകി പ്രാർഥിച്ച എല്ലാവരുടേയും ഹൃദയങ്ങളിൽ അർജുൻ നൊമ്പരമായി മാറിയെന്ന് മോഹൻലാൽ ഫെയ്സ്ബുക്കിൽ കുറിച്ചു.
'മനമുരുകി പ്രാർഥിച്ച നാം എല്ലാവരുടേയും ഹൃദയങ്ങളിലേക്ക് നൊമ്പരമായി പ്രിയപ്പെട്ട അർജുൻ..
പ്രിയ സഹോദരന് കണ്ണീരിൽ കുതിർന്ന ആദരാഞ്ജലികൾ', മോഹൻലാലിൻ്റെ വാക്കുകൾ. മൂന്നാംഘട്ടത്തിലുള്ള തിരച്ചിലില്‍ ഡ്രഡ്ജിങ് നടത്തിയാണ് ലോറി പുഴയില്‍നിന്ന് കണ്ടെടുത്തത്. ലോറി അര്‍ജുന്‍ ഓടിച്ചിരുന്നതാണെന്ന് ഉടമ മനാഫും ബന്ധപ്പെട്ടവരും സ്ഥിരീകരിച്ചിട്ടുണ്ട്.ജൂലായ് 16-ന് രാവിലെ കര്‍ണാടക-ഗോവ അതിര്‍ത്തിയിലൂടെ കടന്നുപോകുന്ന പന്‍വേല്‍-കന്യാകുമാരി ദേശീയ പാതയിലായിരുന്നു മണ്ണിടിച്ചിലുണ്ടായി അര്‍ജുന്റെ ലോറി അപകടത്തില്‍പ്പെട്ടത്.&nbsp;

മനമുരുകി പ്രാർഥിച്ച എല്ലാവരുടേയും ഹൃദയങ്ങളിലേക്ക് നൊമ്പരമായി അർജുൻ- ആദരാഞ്ജലികളുമായി മോഹൻലാൽ

മണ്ണഞ്ചേരി: സി.പി.എം ബ്രാഞ്ച് സമ്മേളനത്തിനിടെ പ്രതിനിധി കുഴഞ്ഞ് വീണ് മരിച്ചു. പഞ്ചായത്ത് 21ാം വാർഡ് ഞാറകുളങ്ങരക്ക് സമീപം പട്ടേകാട്ട് ചിറയിൽ ജലഗതാഗത വകുപ്പ് റിട്ട. ജീവനക്കാരൻ എസ്. വേണുഗോപാലാണ് (61) മരിച്ചത്.
മണ്ണഞ്ചേരി ലോക്കൽ കമ്മിറ്റിയിലെ പനയിൽ ബ്രാഞ്ചിൽ ബുധനാഴ്ച ഉച്ചക്ക് രണ്ട് മണിക്കായിരുന്നു സംഭവം. ബ്രാഞ്ച് സമ്മേളനത്തിൽ പങ്കെടുത്ത് സംസാരിക്കുന്നതിനിടെ കുഴഞ്ഞു വീഴുകയായിരുന്നു. ഉടൻ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.ഭാര്യ: ഗീത. മക്കൾ: വിഷ്ണു, നന്ദകുമാർ. സംസ്കാരം വ്യാഴാഴ്ച രാവിലെ 11.30ന് വീട്ടുവളപ്പിൽ.

സി.പി.എം ബ്രാഞ്ച് സമ്മേളനത്തിനിടെ പ്രതിനിധി കുഴഞ്ഞ് വീണ് മരിച്ചു

കാസർകോട്: കനത്ത മഴയുടെ പശ്ചാത്തലത്തിൽ കാസർകോട് ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. കാസർകോട് ജില്ലയിൽ ഇന്ന് റെഡ് അലർട്ടാണ്. നാളെ ഓറഞ്ച് അലർട്ടും പ്രഖ്യാപിച്ചിട്ടുണ്ട്.
പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കാണ് നാളെ ജില്ലാ കളക്‌ടർ ഇമ്പശേഖർ അവധി പ്രഖ്യാപിച്ചിരിക്കുന്നത്. ട്യൂഷൻ സെന്ററുകൾ, അങ്കണവാടികൾ, മദ്രസകൾ എന്നിവയ്‌ക്കും അവധി ബാധകമാണ്. മോഡൽ റസിഡൻഷ്യൽ സ്‌കൂളുകൾക്ക് അവധി ബാധകമല്ല.

കനത്ത മഴ തുടരുന്നു;കാസർകോട് ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി

മലപ്പുറം: കനത്ത മഴയില്‍ മലപ്പുറം വഴിക്കടവ് ആദിവാസി നഗര്‍ ഒറ്റപ്പെട്ടു. പുന്നപ്പുഴയില്‍ ജലനിരപ്പുയര്‍ന്നതോടെയാണ് പുഞ്ചക്കൊല്ലി, അളക്കല്‍ ആദിവാസി നഗറുകള്‍ ഒറ്റപ്പെട്ടത്. നീലഗിരി മേഖലയില്‍ കനത്ത മഴ പെയ്തതോടെയാണ് പുന്നപ്പുഴയില്‍ ജലനിരപ്പ് ഉയര്‍ന്നത്.
വഴിക്കടവിനേയും പുഞ്ചക്കൊല്ലി അളക്കല്‍ നഗറിനേയും ബന്ധിച്ചിരുന്ന കോണ്‍ക്രീറ്റ് പാലം 2018ല്‍ ഉണ്ടായ പ്രളയത്തില്‍ ഒലിച്ചുപോയിരുന്നു. അതിനുശേഷം മുളകൊണ്ട് ഉണ്ടാക്കിയ ചങ്ങാടമാണ് ഈ പ്രദേശത്തുള്ളവര്‍ പുഴ കടക്കാന്‍ ഉപയോഗിച്ചിരുന്നത്. പുഴയില്‍ പെട്ടന്ന് ജലനിരപ്പ് ഉയര്‍ന്നതോടെ ഇവര്‍ക്ക് ചങ്ങാടം ഉപയോഗിച്ച് പുഴകടക്കാന്‍ സാധിക്കാതെ വന്നതോടെയാണ് ഈ മേഖലയില്‍ ഉള്ളവര്‍ ഒറ്റപ്പെട്ട അവസ്ഥയിലായത്.&nbsp;

മലപ്പുറത്ത് കനത്ത മഴ; വഴിക്കടവ് ആദിവാസി നഗര്‍ ഒറ്റപ്പെട്ടു

തിരുവനന്തപുരം: സംസ്ഥാനത്ത് അതിതീവ്ര മഴയ്ക്ക് സാധ്യത തുടരുന്നു. കേന്ദ്ര കാലാവസ്ഥാ വകുപ്പ് പുതുക്കിയ മഴ മുന്നറിയിപ്പ് പുറപ്പെടുവിച്ചു. നേരത്തെ റെഡ് അലര്‍ട്ട് പ്രഖ്യാപിച്ച നാലുജില്ലകളില്‍ തിങ്കളാഴ്ച മുന്നറിയിപ്പ് തുടരും. ഇതിന് പുറമേ കാസര്‍കോടും റെഡ് അലര്‍ട്ട് പ്രഖ്യാപിച്ചിട്ടുണ്ട്.
അഞ്ച് വടക്കന്‍ ജില്ലകളിലാണ് തിങ്കളാഴ്ച റെഡ് അലർട്ട്. മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ തിങ്കളാഴ്ച അതിതീവ്ര മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില്‍ 204.4 മില്ലി മീറ്ററിൽ കൂടുതല്‍ മഴ ലഭിക്കാം. ഇടുക്കി, എറണാകുളം, തൃശ്ശൂര്‍, പാലക്കാട് ജില്ലകളില്‍ ഓറഞ്ച് അലര്‍ട്ടാണ്. പത്തനംതിട്ട, ആലപ്പുഴ, കോട്ടയം ജില്ലകളില്‍ മഞ്ഞ അറിയിപ്പാണ്. കൊല്ലത്തും തിരുവനന്തപുരത്തും മഴ മുന്നറിയിപ്പില്ല.
ചൊവ്വാഴ്ച കണ്ണൂര്‍, കാസര്‍ഗോഡ് ജില്ലകളില്‍ ഓറഞ്ച് അലര്‍ട്ടാണ്. മലപ്പുറം, കോഴിക്കോട്, വയനാട് ജില്ലകളില്‍ മഞ്ഞ മുന്നറിയിപ്പും പ്രഖ്യാപിച്ചിട്ടുണ്ട്.ശക്തമായ മഴ ലഭിച്ചുകൊണ്ടിരിക്കുന്ന മലയോര മേഖലയില്‍ മണ്ണിടിച്ചില്‍, ഉരുള്‍പൊട്ടല്‍, മലവെള്ളപ്പാച്ചില്‍ സാധ്യതയുണ്ട്. വെള്ളച്ചാട്ടങ്ങള്‍, ജലാശയങ്ങള്‍, മലയോര മേഖലകള്‍ എന്നിവിടങ്ങളിലേക്കുള്ള വിനോദ യാത്രകള്‍ മഴ മുന്നറിയിപ്പ് മാറുന്നത് വരെ ഒഴിവാക്കണമെന്ന് നിര്‍ദേശമുണ്ട്.

വടക്കന്‍ ജില്ലകളിൽ അതിതീവ്ര മഴയ്ക്ക് സാധ്യത ;ജാഗ്രതാനിർദ്ദേശം

കണ്ണൂർ: വളപട്ടണം മോഷണക്കേസിൽ കൃത്യം നടന്ന് പന്ത്രണ്ടാം ദിവസമാണ് പ്രതിയെ പൊലീസ് പിടികൂടിയത്. ഇക്കഴിഞ്ഞ 20ാം തീയതിയാണ് മോഷണം നടക്കുന്നത്. പക്ഷേ മോഷണവിവരം പുറത്തറിഞ്ഞത് നാല് ദിവസങ്ങൾക്ക് ശേഷമായിരുന്നു.&nbsp;
മോഷണം നടന്ന വീടിന്റെ തൊട്ടടുത്ത് തന്നെയാണ് പ്രതി ലിജീഷ് താമസിക്കുന്നത്. ലിജീഷ് അടക്കം 215 പേരെ കേസുമായി ബന്ധപ്പെട്ട് പൊലീസ് ആദ്യഘട്ടത്തിൽ ചോദ്യം ചെയ‌്തു. കോഴിക്കോട് മുതൽ ബംഗളൂരു വരെയുള്ള സിസിടിവ് ദൃശ്യങ്ങൾ, സമാനമായ രീതിയിൽ ഭവനഭേദനം നടന്ന പഴയ 63 കേസുകൾ എന്നിവയെല്ലാം അന്വേഷണസംഘം പരിശോധിച്ചു. ഒടുവിലാണ് റൂമിൽ നിന്ന് പ്രതി പുറത്തേക്കിറങ്ങുന്ന ദൃശ്യങ്ങൾ ലഭ്യമായത്. പിന്നീട് ഇത് കേന്ദ്രീകരിച്ചായിരുന്നു കൂടുതൽ അന്വേഷണം.രണ്ടുതവണയാണ് ലിജീഷ് അയൽപക്കത്തെ അരി വ്യാപാരിയുടെ വീട്ടിൽ മോഷണത്തിന് കയറിയത്. രണ്ടും ഒരേ സമയങ്ങളിൽ. വീടിനെ കുറിച്ച് നന്നായി അറിയാവുന്ന, വീട്ടിൽ ആൾ ഉടനൊന്നും വരില്ലെന്ന് കൃത്യമായി ബോധ്യമുള്ള ആളാണ് മോഷണത്തിന് പിന്നിലെന്ന് ഇതോടെ പൊലീസിന് മനസിലായി.&nbsp;
സിസിടിവിയിൽ ലിജീഷിന്റെ ദൃശ്യങ്ങൾ അവ്യക്തമായിരുന്നു. ഇയാളുടെ ശരീരഭാഷ മനസിലാക്കുന്നതിനായി നാട്ടിലെ പലർക്കും ദൃശ്യങ്ങൾ അന്വേഷണ സംഘം കൈമാറി. അങ്ങനെയാണ് ഈ രൂപത്തിന് ലിജീഷുമായി സാദൃശ്യങ്ങളുണ്ടെന്ന് ചിലർ വിവരം നൽകുന്നത്. മറ്റൊരു സുപ്രധാന തെളിവ്, കൃത്യം നടത്തിയ സമയത്ത് ലിജീഷ് ധരിച്ച ടീഷർട്ട് ആയിരുന്നു. ഇതേ ടീഷർട്ട് നേരത്തെ കണ്ടിട്ടുള്ളവർ അത് സംബന്ധിച്ചും വിവരം കൈമാറി.കാര്യങ്ങൾ ഏറെക്കുറെ വ്യക്തമായതോടെ വീട്ടിലെത്തി ലിജീഷിനെ പൊലീസ് തന്ത്രപരമായി കൂട്ടികൊണ്ടുവരികയായിരുന്നു. ചോദ്യം ചെയ്യലിന്റെ ആദ്യഘട്ടത്തിലൊന്നും പ്രതി പൊലീസിനോട് സഹകരിച്ചില്ല. ഒടുവിൽ വീടിന്റെ പറമ്പിനോട് ചേർന്ന് ഇയാൾ കത്തിച്ച ടീഷർട്ടിന്റെയും ഗ്ളൗസിന്റെ ഭാഗങ്ങൾ കൊണ്ടുവന്നു കാണിച്ചു. ഫിംഗർ പ്രിന്റും ഒത്തുവന്നതോടെ കള്ളൻ കുടുങ്ങുകയായിരുന്നു.
മോഷണം നടത്തിയ സ്വർണവും പണവും കിടപ്പു മുറിയിൽ പ്രത്യേകം പണികഴിപ്പിച്ച അറയിലാണ് ലിജീഷ് ഒളിപ്പിച്ചത്. ഗൾഫിലായിരുന്ന ലിജീഷ് നാട്ടിലെത്തി വെൽഡിംഗ് വർക്കുകൾ ചെയ്തു വരികയായിരുന്നു.&nbsp;

തൊണ്ടിമുതൽ കിടപ്പു മുറിയിൽ പ്രത്യേകം പണികഴിപ്പിച്ച അറയിൽ;വളപട്ടണം മോഷണക്കേസിലെ പ്രതിയെ കുടുക്കിയത് ഇങ്ങനെ

Kannur

തിരുവനന്തപുരം:മാധ്യമപ്രവർത്തകൻ ആര്‍ റോഷിപാലിനെതിരായ വധഭീഷണിയില്‍ കേസെടുത്ത് പൊലീസ്. നിസാര്‍ കുമ്പിള അടക്കം എട്ട് പേര്‍ക്കെതിരെയാണ് കേസെടുത്തിരിക്കുന്നത്.&nbsp;
ഭീഷണിപ്പെടുത്തല്‍, കുറ്റകൃത്യം ചെയ്യാനുള്ള പൊതു ഉദ്ദേശ്യം എന്നീ കുറ്റങ്ങള്‍ ചുമത്തിയാണ് കേസെടുത്തിരിക്കുന്നത്. റിപ്പോർട്ടർ മാനേജിംഗ് എഡിറ്റർ ആൻ്റോ അഗസ്റ്റിൻ്റെ പരാതിയിൽ തിരുവനന്തപുരം സിറ്റി സൈബർ പൊലീസാണ് കേസെടുത്തത്.പാലക്കാട് ഉപതിരഞ്ഞെടുപ്പ് റിപ്പോര്‍ട്ടിങിന്റെ ഭാഗമായി നല്‍കിയ വാര്‍ത്തകള്‍ക്ക് പിന്നാലെയാണ് സാമൂഹിക മാധ്യമങ്ങളിലൂടെ റോഷിപാലിനെതിരെ കൊലവിളി നടത്തിയത്.

ആര്‍ റോഷിപാലിനെതിരായ കൊലവിളി; പൊലീസ് കേസെടുത്തു

Search Results for: 26.09.2024