തിരുവനന്തപുരം: മുഖ്യമന്ത്രിയുടെ പിണറായി വിജയന്റെ അംഗരക്ഷകർക്കെതിരെ വധശ്രമത്തിന് കേസെടുക്കണമെന്ന് കോൺഗ്രസ് നേതാവ് രമേശ് ചെന്നിത്തല. പ്രതിഷേധിക്കുന്ന യൂത്ത് കോൺഗ്രസ് കെ. എസ്.യു പ്രവർത്തകാരെ ഭീകരമായി മർദിക്കുന്ന പോലീസും സി.പി.എം ഗുണ്ടകളും പ്രതിഷേധിക്കുന്ന ബി.ജെ.പി ക്കാരോട് കരുതലോടെ പെരുമാറുന്നത് മുഖ്യമന്ത്രിയുടെ നിർദേശപ്രകാരമാണെന്നും ചെന്നിത്തല പറഞ്ഞു. ജനാധിപത്യ രീതിയിൽ പ്രതിഷേധിക്കുന്ന യൂത്ത് കോൺഗ്രസ്- കെ.എസ്.യു പ്രവർത്തകരെ മൃഗീയമായി കൈകാര്യം ചെയ്യുന്ന പോലീസിന്റെയും ഗുണ്ടകളുടെയും വീര്യം പോരാത്തതു കൊണ്ടാണ് ഇന്നലെ മുഖ്യമന്ത്രിയുടെ അംഗരക്ഷകർ പ്രവർത്തകരെ തലക്കടിച്ച് ഗുരുതരമായി പരിക്കേൽപ്പിച്ചത്. കായംകുളത്ത് ഭിന്നശേഷിക്കാരനായ ഡി.വൈ.എഫ്.ഐക്കാർ മർദ്ധിച്ച് അവശനാക്കിയതിനെ നോക്കി നിന്ന പോലീസ് അയാളെ വലിച്ചിഴച്ച് കൊണ്ട് പോയത് നികൃഷ്ടമായ സംഭവമായിപ്പോയി.സമനില തെറ്റിയ രീതിയിലാണ് മുഖ്യമന്ത്രിയുടെ അംഗരക്ഷകർ ആലപ്പുഴയിൽ പ്രവർത്തകരെ മർദിച്ചത്. ഇവർക്കെതിരെ വധശ്രമത്തിന് കേസെടുക്കണമെന്നു ചെന്നിത്തല ആവശ്യപ്പെട്ടു. അടുത്ത കാലത്ത് ബി.ജെ.പി യുവജന വിഭാഗങ്ങൾ നടത്തിയ ഒരു പ്രതിഷേധ സമരത്തിന്റെ നേർക്കു പോലും പോലീസ് ലാത്തി വീശാത്തത് മുഖ്യമന്ത്രിയുടെ പ്രത്യേക നിർദേശുള്ളത് കൊണ്ടാണെന്ന് ചെന്നിത്തല പറഞ്ഞു.
സി.പി.എമ്മും ബി.ജെ.പിയും തമ്മിലുള്ള അന്തർധാര ദിനംപ്രതി സജീവമായിക്കൊണ്ടിരിക്കുന്നതിന്റെ അനന്തരഫലങ്ങളാണിതൊക്കെ. അത് കൊണ്ടാണല്ലോ ബി.ജെ.പിയുടെ ഘടകക്ഷിയായ ജെ.ഡി.എസിന്റെ മന്ത്രി കൃഷ്ണൻ കുട്ടി ഇപ്പോഴും മന്ത്രിസഭയിൽ തുടരാൻ പിണറായി അനുവദിച്ചിരിക്കുന്നത്. ഇതിന്റെ നന്ദി ദേവഗൗ‍ഡ പരസ്യമായിട്ടാണ് പിണറായിയെ അറിയിച്ചതെന്നും ചെന്നിത്തല. സമനില തെറ്റിയ പിണറായിയും പോലീസും ഗുണ്ടകളും എത്ര മർദിച്ചാലും യൂത്ത് കോൺ​ഗ്രസ് പ്രതിഷേധങ്ങളെ അടിച്ചമർത്താമെന്ന് കരുതണ്ട. ഗവർണർക്കെതിരെ സ്വന്തം പാർട്ടിക്കാരെ പോലീസ് സംരക്ഷണയിൽ കരിങ്കൊടി കാണിക്കാൻ പറഞ്ഞു വിടുകയും തനിക്കെതിരേയുള്ള പ്രതിഷേധങ്ങളെ അടിച്ചൊതുക്കുകയും ചെയ്യുന്ന പിണറായിയുടെ ഇരട്ടത്താപ്പ് ഒരിക്കലും അംഗീകരിക്കാൾ കഴിയില്ല. പ്രവർത്തകരെ എത്തിച്ചത് കെ.പി.സി.സി സെക്രട്ടറി ജോബാണെന്ന് ആരോപിച്ച് ജോബിൻ്റെ വീടാക്രമിച്ച നടപടിയെ ചെന്നിത്തല ശക്തമായി അപലപിച്ചു. പിണറായി തീക്കൊള്ളി കൊണ്ട് തല ചൊറിയരുത്. ഇത്തരം പ്രവണത മുളയിലെ നുള്ളിയിച്ചെങ്കിൽ വലിയ വില നൽകേണ്ടി വരും.യൂത്ത് കോൺ​ഗ്രസ് പ്രവർത്തകരെ എങ്ങനെയും കൈകാര്യം ചെയ്ത് എന്നും സർവീസിൽ തുടരാമെന്ന് പോലീസ് കരുത്തേണ്ടെന്നും ചെന്നിത്തല പറഞ്ഞു.

പ്രതിഷേധിക്കുന്ന ബി.ജെ.പി ക്കാരോട് കരുതലോടെ പെരുമാറുന്നത് മുഖ്യമന്ത്രിയുടെ നിർദേശപ്രകാരമാണെന്നും ചെന്നിത്തല പറഞ്ഞു

Kerala

മുഖ്യമന്ത്രിയുടെ അംഗരക്ഷകർക്കെതിരെ വധശ്രമത്തിന് കേസെടുക്കണം; രമേശ് ചെന്നിത്തല

തിരുവനന്തപുരം: നവകേരള സദസ് വൻപരാജയമാണെന്നും ജനങ്ങൾക്ക് ഇതുകൊണ്ട് യാതൊരു പ്രയോജനവുമില്ലെന്നും രമേശ് ചെന്നിത്തല. സർക്കാരിന്റെ പരാജയം മറയ്ക്കാനുള്ള പാഴ്‌വേലയാണിതെന്നും സർക്കാർ മെഷിനറിയെ ദുരുപയോഗം ചെയ്യുകയാണെന്നും രമേശ് ചെന്നിത്തല ആരോപിച്ചു. മുഖ്യമന്ത്രിക്കോ മന്ത്രിമാർക്കോ പരാതി നൽകാൻ ഒരാൾക്കും സാധിക്കുന്നില്ലെന്നും കോഴിക്കോട് നടന്ന വാർത്താസമ്മേളനത്തിൽ രമേശ് ചെന്നിത്തല കൂട്ടിച്ചേർത്തു.
"എന്തിനാണ് മുഖ്യമന്ത്രി നവകേരള സദസ് നടത്തുന്നത്, പാർലമെന്റ് തിരഞ്ഞെടുപ്പ് മുന്നിൽ കണ്ടുള്ള രാഷ്ട്രീയക്കളി മാത്രമാണിത്. തിരഞ്ഞെടുപ്പ് പ്രചാരണം എൽ.ഡി.എഫിന്റെ ബാനറിൽ നടത്തണമായിരുന്നു. സഖാക്കൾ നിർബന്ധിച്ചാണ് ആളുകളെ എത്തിക്കുന്നത്. സർക്കാർ ഉദ്യോഗസ്ഥരെയും കുടുംബശ്രീക്കാരെയും തൊഴിലുറപ്പ് തൊഴിലാളികളെയും ഭീഷണിപ്പെടുത്തി കൊണ്ടു വരികയാണ്. ഉമ്മൻചാണ്ടിയും കരുണാകരനും നടത്തിയ മാതൃകയിലുള്ള ജനസമ്പർക്കമായിരിക്കും ഇതെന്നാണ് കരുതിയത്. പി.ആർ ഏജൻസിയുടെ ബുദ്ധിയാണ് നവകേരള സദസ്", രമേശ് ചെന്നിത്തല പറഞ്ഞു.
സർക്കാർ പരിപാടിയിൽ രാഷ്ട്രീയ വിമർശനം ഉയർത്തുന്നത് ശരിയാണോയെന്ന് ചോദിച്ച രമേശ് ചെന്നിത്തല യൂത്ത് കോൺഗ്രസുകാരെ ആക്രമിച്ചതിനെ കുറിച്ച് മുഖ്യമന്ത്രി നടത്തിയത് വില കുറഞ്ഞ അഭിപ്രായ പ്രകടനമെന്നും കൂട്ടിച്ചേർത്തു. മുഖ്യമന്ത്രി പ്രകോപനം ഉണ്ടാക്കാൻ ശ്രമിക്കുകയാണെന്നും ഡിവൈഎഫ്ഐക്കാർക്ക് അക്രമം നടത്താൻ ലൈസൻസ് നൽകുകയാണ് മുഖ്യമന്ത്രിയെന്നും അദ്ദേഹം ആരോപിച്ചു. മുഖ്യമന്ത്രി പദത്തിന് യോജിച്ച വാക്കുകളല്ല പിണറായിയുടേതെന്നും മുഖ്യമന്ത്രി ഇപ്പോഴും പാർട്ടി സെക്രട്ടറിയുടെ റോളിൽ തന്നെയാണുള്ളതന്നും രമേശ് ചെന്നിത്തല പറഞ്ഞു. യു.ഡി.എഫ് പ്രതിഷേധത്തിന് ആഹ്വാനം ചെയ്തിട്ടില്ലെന്നും അദ്ദേഹം അറിയിച്ചു.
മുഖ്യമന്ത്രിയുടെ പ്രസ്താവന അതിരുകടന്നു. തിരഞ്ഞെടുപ്പിൽ വോട്ട് ഉറപ്പിക്കാനുള്ള രാഷ്ട്രീയ നാടകമാണിത്. ജനപിന്തുണ ലഭിക്കാത്തതിനാൽ കോൺഗ്രസിനെതിരെയും യു.ഡി.എഫിനെതിരെയും ആരോപണങ്ങൾ ഉയർത്തുന്നു. നവകേരള സദസ് പരിപൂർണ്ണ പരാജയമാണ്. അതിൽ യു.ഡി.എഫിന് ഒരു അങ്കലാപ്പുമില്ല. സദസ് എൽ.ഡി.എഫിന് തിരിച്ചടിയാകും. യു.ഡി.എഫിന് ഗുണം ചെയ്യും. മുഖ്യമന്ത്രി ഇന്നലെ പറഞ്ഞ വാക്കുകൾ പിൻവലിക്കണമെന്നും ജനങ്ങളോട് മാപ്പ് പറയാൻ തയ്യാറാകണമെന്നും ചെന്നിത്തല പറഞ്ഞു.

സർക്കാരിന്റെ പരാജയം മറയ്ക്കാനുള്ള പാഴ്‌വേലയാണിതെന്നും സർക്കാർ മെഷിനറിയെ ദുരുപയോഗം ചെയ്യുകയാണെന്നും രമേശ് ചെന്നിത്തല ആരോപിച്ചു

നവകേരള സദസ് വൻപരാജയം, ജനങ്ങൾക്ക് ഇതുകൊണ്ട് യാതൊരു ഗുണവുമില്ല; രമേശ് ചെന്നിത്തല

കാസർകോട്: കനത്ത മഴയുടെ പശ്ചാത്തലത്തിൽ കാസർകോട് ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. കാസർകോട് ജില്ലയിൽ ഇന്ന് റെഡ് അലർട്ടാണ്. നാളെ ഓറഞ്ച് അലർട്ടും പ്രഖ്യാപിച്ചിട്ടുണ്ട്.
പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കാണ് നാളെ ജില്ലാ കളക്‌ടർ ഇമ്പശേഖർ അവധി പ്രഖ്യാപിച്ചിരിക്കുന്നത്. ട്യൂഷൻ സെന്ററുകൾ, അങ്കണവാടികൾ, മദ്രസകൾ എന്നിവയ്‌ക്കും അവധി ബാധകമാണ്. മോഡൽ റസിഡൻഷ്യൽ സ്‌കൂളുകൾക്ക് അവധി ബാധകമല്ല.

കനത്ത മഴ തുടരുന്നു;കാസർകോട് ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി

മലപ്പുറം: കനത്ത മഴയില്‍ മലപ്പുറം വഴിക്കടവ് ആദിവാസി നഗര്‍ ഒറ്റപ്പെട്ടു. പുന്നപ്പുഴയില്‍ ജലനിരപ്പുയര്‍ന്നതോടെയാണ് പുഞ്ചക്കൊല്ലി, അളക്കല്‍ ആദിവാസി നഗറുകള്‍ ഒറ്റപ്പെട്ടത്. നീലഗിരി മേഖലയില്‍ കനത്ത മഴ പെയ്തതോടെയാണ് പുന്നപ്പുഴയില്‍ ജലനിരപ്പ് ഉയര്‍ന്നത്.
വഴിക്കടവിനേയും പുഞ്ചക്കൊല്ലി അളക്കല്‍ നഗറിനേയും ബന്ധിച്ചിരുന്ന കോണ്‍ക്രീറ്റ് പാലം 2018ല്‍ ഉണ്ടായ പ്രളയത്തില്‍ ഒലിച്ചുപോയിരുന്നു. അതിനുശേഷം മുളകൊണ്ട് ഉണ്ടാക്കിയ ചങ്ങാടമാണ് ഈ പ്രദേശത്തുള്ളവര്‍ പുഴ കടക്കാന്‍ ഉപയോഗിച്ചിരുന്നത്. പുഴയില്‍ പെട്ടന്ന് ജലനിരപ്പ് ഉയര്‍ന്നതോടെ ഇവര്‍ക്ക് ചങ്ങാടം ഉപയോഗിച്ച് പുഴകടക്കാന്‍ സാധിക്കാതെ വന്നതോടെയാണ് ഈ മേഖലയില്‍ ഉള്ളവര്‍ ഒറ്റപ്പെട്ട അവസ്ഥയിലായത്.&nbsp;

മലപ്പുറത്ത് കനത്ത മഴ; വഴിക്കടവ് ആദിവാസി നഗര്‍ ഒറ്റപ്പെട്ടു

തിരുവനന്തപുരം: സംസ്ഥാനത്ത് അതിതീവ്ര മഴയ്ക്ക് സാധ്യത തുടരുന്നു. കേന്ദ്ര കാലാവസ്ഥാ വകുപ്പ് പുതുക്കിയ മഴ മുന്നറിയിപ്പ് പുറപ്പെടുവിച്ചു. നേരത്തെ റെഡ് അലര്‍ട്ട് പ്രഖ്യാപിച്ച നാലുജില്ലകളില്‍ തിങ്കളാഴ്ച മുന്നറിയിപ്പ് തുടരും. ഇതിന് പുറമേ കാസര്‍കോടും റെഡ് അലര്‍ട്ട് പ്രഖ്യാപിച്ചിട്ടുണ്ട്.
അഞ്ച് വടക്കന്‍ ജില്ലകളിലാണ് തിങ്കളാഴ്ച റെഡ് അലർട്ട്. മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ തിങ്കളാഴ്ച അതിതീവ്ര മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില്‍ 204.4 മില്ലി മീറ്ററിൽ കൂടുതല്‍ മഴ ലഭിക്കാം. ഇടുക്കി, എറണാകുളം, തൃശ്ശൂര്‍, പാലക്കാട് ജില്ലകളില്‍ ഓറഞ്ച് അലര്‍ട്ടാണ്. പത്തനംതിട്ട, ആലപ്പുഴ, കോട്ടയം ജില്ലകളില്‍ മഞ്ഞ അറിയിപ്പാണ്. കൊല്ലത്തും തിരുവനന്തപുരത്തും മഴ മുന്നറിയിപ്പില്ല.
ചൊവ്വാഴ്ച കണ്ണൂര്‍, കാസര്‍ഗോഡ് ജില്ലകളില്‍ ഓറഞ്ച് അലര്‍ട്ടാണ്. മലപ്പുറം, കോഴിക്കോട്, വയനാട് ജില്ലകളില്‍ മഞ്ഞ മുന്നറിയിപ്പും പ്രഖ്യാപിച്ചിട്ടുണ്ട്.ശക്തമായ മഴ ലഭിച്ചുകൊണ്ടിരിക്കുന്ന മലയോര മേഖലയില്‍ മണ്ണിടിച്ചില്‍, ഉരുള്‍പൊട്ടല്‍, മലവെള്ളപ്പാച്ചില്‍ സാധ്യതയുണ്ട്. വെള്ളച്ചാട്ടങ്ങള്‍, ജലാശയങ്ങള്‍, മലയോര മേഖലകള്‍ എന്നിവിടങ്ങളിലേക്കുള്ള വിനോദ യാത്രകള്‍ മഴ മുന്നറിയിപ്പ് മാറുന്നത് വരെ ഒഴിവാക്കണമെന്ന് നിര്‍ദേശമുണ്ട്.

വടക്കന്‍ ജില്ലകളിൽ അതിതീവ്ര മഴയ്ക്ക് സാധ്യത ;ജാഗ്രതാനിർദ്ദേശം

കണ്ണൂർ: വളപട്ടണം മോഷണക്കേസിൽ കൃത്യം നടന്ന് പന്ത്രണ്ടാം ദിവസമാണ് പ്രതിയെ പൊലീസ് പിടികൂടിയത്. ഇക്കഴിഞ്ഞ 20ാം തീയതിയാണ് മോഷണം നടക്കുന്നത്. പക്ഷേ മോഷണവിവരം പുറത്തറിഞ്ഞത് നാല് ദിവസങ്ങൾക്ക് ശേഷമായിരുന്നു.&nbsp;
മോഷണം നടന്ന വീടിന്റെ തൊട്ടടുത്ത് തന്നെയാണ് പ്രതി ലിജീഷ് താമസിക്കുന്നത്. ലിജീഷ് അടക്കം 215 പേരെ കേസുമായി ബന്ധപ്പെട്ട് പൊലീസ് ആദ്യഘട്ടത്തിൽ ചോദ്യം ചെയ‌്തു. കോഴിക്കോട് മുതൽ ബംഗളൂരു വരെയുള്ള സിസിടിവ് ദൃശ്യങ്ങൾ, സമാനമായ രീതിയിൽ ഭവനഭേദനം നടന്ന പഴയ 63 കേസുകൾ എന്നിവയെല്ലാം അന്വേഷണസംഘം പരിശോധിച്ചു. ഒടുവിലാണ് റൂമിൽ നിന്ന് പ്രതി പുറത്തേക്കിറങ്ങുന്ന ദൃശ്യങ്ങൾ ലഭ്യമായത്. പിന്നീട് ഇത് കേന്ദ്രീകരിച്ചായിരുന്നു കൂടുതൽ അന്വേഷണം.രണ്ടുതവണയാണ് ലിജീഷ് അയൽപക്കത്തെ അരി വ്യാപാരിയുടെ വീട്ടിൽ മോഷണത്തിന് കയറിയത്. രണ്ടും ഒരേ സമയങ്ങളിൽ. വീടിനെ കുറിച്ച് നന്നായി അറിയാവുന്ന, വീട്ടിൽ ആൾ ഉടനൊന്നും വരില്ലെന്ന് കൃത്യമായി ബോധ്യമുള്ള ആളാണ് മോഷണത്തിന് പിന്നിലെന്ന് ഇതോടെ പൊലീസിന് മനസിലായി.&nbsp;
സിസിടിവിയിൽ ലിജീഷിന്റെ ദൃശ്യങ്ങൾ അവ്യക്തമായിരുന്നു. ഇയാളുടെ ശരീരഭാഷ മനസിലാക്കുന്നതിനായി നാട്ടിലെ പലർക്കും ദൃശ്യങ്ങൾ അന്വേഷണ സംഘം കൈമാറി. അങ്ങനെയാണ് ഈ രൂപത്തിന് ലിജീഷുമായി സാദൃശ്യങ്ങളുണ്ടെന്ന് ചിലർ വിവരം നൽകുന്നത്. മറ്റൊരു സുപ്രധാന തെളിവ്, കൃത്യം നടത്തിയ സമയത്ത് ലിജീഷ് ധരിച്ച ടീഷർട്ട് ആയിരുന്നു. ഇതേ ടീഷർട്ട് നേരത്തെ കണ്ടിട്ടുള്ളവർ അത് സംബന്ധിച്ചും വിവരം കൈമാറി.കാര്യങ്ങൾ ഏറെക്കുറെ വ്യക്തമായതോടെ വീട്ടിലെത്തി ലിജീഷിനെ പൊലീസ് തന്ത്രപരമായി കൂട്ടികൊണ്ടുവരികയായിരുന്നു. ചോദ്യം ചെയ്യലിന്റെ ആദ്യഘട്ടത്തിലൊന്നും പ്രതി പൊലീസിനോട് സഹകരിച്ചില്ല. ഒടുവിൽ വീടിന്റെ പറമ്പിനോട് ചേർന്ന് ഇയാൾ കത്തിച്ച ടീഷർട്ടിന്റെയും ഗ്ളൗസിന്റെ ഭാഗങ്ങൾ കൊണ്ടുവന്നു കാണിച്ചു. ഫിംഗർ പ്രിന്റും ഒത്തുവന്നതോടെ കള്ളൻ കുടുങ്ങുകയായിരുന്നു.
മോഷണം നടത്തിയ സ്വർണവും പണവും കിടപ്പു മുറിയിൽ പ്രത്യേകം പണികഴിപ്പിച്ച അറയിലാണ് ലിജീഷ് ഒളിപ്പിച്ചത്. ഗൾഫിലായിരുന്ന ലിജീഷ് നാട്ടിലെത്തി വെൽഡിംഗ് വർക്കുകൾ ചെയ്തു വരികയായിരുന്നു.&nbsp;

തൊണ്ടിമുതൽ കിടപ്പു മുറിയിൽ പ്രത്യേകം പണികഴിപ്പിച്ച അറയിൽ;വളപട്ടണം മോഷണക്കേസിലെ പ്രതിയെ കുടുക്കിയത് ഇങ്ങനെ

Kannur

തിരുവനന്തപുരം:മാധ്യമപ്രവർത്തകൻ ആര്‍ റോഷിപാലിനെതിരായ വധഭീഷണിയില്‍ കേസെടുത്ത് പൊലീസ്. നിസാര്‍ കുമ്പിള അടക്കം എട്ട് പേര്‍ക്കെതിരെയാണ് കേസെടുത്തിരിക്കുന്നത്.&nbsp;
ഭീഷണിപ്പെടുത്തല്‍, കുറ്റകൃത്യം ചെയ്യാനുള്ള പൊതു ഉദ്ദേശ്യം എന്നീ കുറ്റങ്ങള്‍ ചുമത്തിയാണ് കേസെടുത്തിരിക്കുന്നത്. റിപ്പോർട്ടർ മാനേജിംഗ് എഡിറ്റർ ആൻ്റോ അഗസ്റ്റിൻ്റെ പരാതിയിൽ തിരുവനന്തപുരം സിറ്റി സൈബർ പൊലീസാണ് കേസെടുത്തത്.പാലക്കാട് ഉപതിരഞ്ഞെടുപ്പ് റിപ്പോര്‍ട്ടിങിന്റെ ഭാഗമായി നല്‍കിയ വാര്‍ത്തകള്‍ക്ക് പിന്നാലെയാണ് സാമൂഹിക മാധ്യമങ്ങളിലൂടെ റോഷിപാലിനെതിരെ കൊലവിളി നടത്തിയത്.

ആര്‍ റോഷിപാലിനെതിരായ കൊലവിളി; പൊലീസ് കേസെടുത്തു

Search Results for: rameshchennithala