കണ്ണൂര്‍: ആര്‍.എസ്.എസ്. നേതാവ് അശ്വിനികുമാര്‍ വധക്കേസില്‍ കുറ്റക്കാരനാണെന്ന് കണ്ടെത്തിയ മൂന്നാം പ്രതി എന്‍.ഡി.എഫ്. പ്രവര്‍ത്തകന്‍ എം.വി. മര്‍ഷൂക്കിന് ജീവപര്യന്തം തടവും 50,000 രൂപ പിഴയും വിധിച്ച് തലശ്ശേരി അഡിഷണല്‍ ജില്ലാ സെഷന്‍സ് കോടതി. കേസില്‍ പ്രതികളായിരുന്ന 13 എന്‍.ഡി.എഫ്. പ്രവര്‍ത്തകരെ വെറുതെവിട്ടുകൊണ്ടുള്ള വിധി കോടതി നവംബര്‍ രണ്ടിന് പുറത്തുവന്നിരുന്നു. 2005 മാര്‍ച്ച് 10-നാണ് ഇരിട്ടി സ്വദേശിയായ അശ്വിനികുമാറിനെ മുഖംമൂടി ധരിച്ചെത്തിയ ആറംഗസംഘം കൊലപ്പെടുത്തിയത്.
കേസില്‍ ഉള്‍പ്പെട്ട 14 പേരില്‍ മൂന്നാം പ്രതി മര്‍ഷൂക്ക് മാത്രമാണ് കുറ്റക്കാരന്‍ എന്നായിരുന്നു കോടതി വിധിച്ചത്. ആര്‍.എസ്.എസ്. കണ്ണൂര്‍ ജില്ലാ ബൗദ്ധിക് ശിക്ഷണ്‍ പ്രമുഖും ഹിന്ദു ഐക്യവേദി ജില്ലാ കണ്‍വീനറുമായിരുന്നു പുന്നാട് സ്വദേശി അശ്വിനികുമാര്‍. ഇരിട്ടിയിലേക്ക് സ്വകാര്യ ബസില്‍ യാത്ര ചെയ്യവേ ജീപ്പില്‍ പിന്തുടര്‍ന്നെത്തിയ സംഘം ബോംബെറിഞ്ഞ് ഭീകരാന്തരീക്ഷം സൃഷ്ടിച്ച ശേഷമാണ് അശ്വിനികുമാറിനെ കുത്തിയും വെട്ടിയും കൊന്നത്.

അശ്വിനികുമാര്‍ വധക്കേസ്; പ്രതി മര്‍ഷൂക്കിന് ജീവപര്യന്തം തടവും 50,000 രൂപ പിഴയും

Kerala

കുറ്റ്യാടി: കുറ്റ്യാടി ചുരം റോഡിൽ മുളവട്ടത്ത് നിയന്ത്രണം വിട്ട പിക്കപ്പ് വാൻ താഴ്ചയിലേക്ക് മറിഞ്ഞ് നാല് പേർക്ക് പരിക്ക്. പരിക്കേറ്റ ഡ്രൈവർ കോഴിക്കോട് എലത്തൂർ സ്വദേശി ഷൈജു, ഉത്തർപ്രദേശ് സ്വദേശികളും അതിഥിത്തൊഴിലാളികളുമായ പരമേശ്, റിസ്‌വാൻ, ഗുൽബേശ് അലി എന്നിവരെ തൊട്ടിൽപ്പാലത്തെ സ്വകാര്യ ആശുപത്രിയിലും തുടർന്ന് കോഴിക്കോട്ടെ സ്വകാര്യ ആശുപത്രിയിലും പ്രവേശിപ്പിച്ചു. ആരുടെയും പരിക്ക് ഗുരുതരമല്ല. വയനാട് പടിഞ്ഞാറത്തറയിൽനിന്ന് ജോലി കഴിഞ്ഞ് കോഴിക്കോട്ടേക്ക് പോകുകയായിരുന്ന വെൽഡിങ് തൊഴിലാളികളാണ് അപകടത്തിൽപ്പെട്ടത്. ചുരം ഇറങ്ങിവരികയായിരുന്ന പിക്കപ്പ് വാൻ പൂതംപാറയിലെ മുളവട്ടത്ത് നിയന്ത്രണം വിട്ട് മറിയുകയായിരുന്നു.&nbsp;
&nbsp;
&nbsp;

കുറ്റ്യാടി ചുരം റോഡിൽ പിക്കപ്പ് വാൻ താഴ്ചയിലേക്ക് മറിഞ്ഞ് 4 പേർക്ക് പരിക്ക്

Kuttiadi

തിരുവനന്തപുരം: കേരളത്തിൽ അഞ്ച് ദിവസം ഇടിമിന്നലോടുകൂടിയ മഴയ്‌ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. തെക്കു കിഴക്കൻ ബംഗാൾ ഉൾക്കടലിൽ നിന്നും തെക്കൻ തമിഴ്നാട് വരെ ന്യുനമർദ്ദ പാത്തി സ്ഥിതി ചെയ്യുന്നുണ്ട്. തെക്കു കിഴക്കൻ അറബിക്കടലിൽ ചക്രവാതച്ചുഴി സ്ഥിതിചെയ്യുന്നു.
ഇതിനെതുടർന്ന് കേരളത്തിൽ അഞ്ച് ദിവസം ഇടിമിന്നലോടു കൂടിയ നേരിയ / ഇടത്തരം മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. ഒറ്റപ്പെട്ട സ്ഥലങ്ങളിൽ നവംബർ നാല്, എട്ട് തീയതികളിൽ ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ജാഗ്രതാ നിർദേശങ്ങൾ
<ul>
<li>ഇടിമിന്നൽ അപകടകാരികളാണ്. അവ മനുഷ്യന്റെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകൾക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. ആയതിനാൽ പൊതുജനങ്ങൾ താഴെപ്പറയുന്ന മുൻകരുതലുകൾ കാർമേഘം കണ്ട് തുടങ്ങുന്ന സമയം മുതൽ തന്നെ സ്വീകരിക്കേണ്ടതാണ്. ഇടിമിന്നൽ എപ്പോഴും ദൃശ്യമാകണമെന്നില്ലാത്തതിനാൽ ഇത്തരം മുൻകരുതൽ സ്വീകരിക്കുന്നതില്‍ നിന്നും വിട്ടുനിൽക്കരുത്.</li>
<li>ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറുക. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാദ്ധ്യത വർധിപ്പിക്കും.</li>
<li>ശക്തമായ കാറ്റിനും ഇടിമിന്നലിനും സാദ്ധ്യതയുള്ള ഘട്ടത്തിൽ ജനലും വാതിലും അടച്ചിടുക. വാതിലിനും ജനലിനും അടുത്ത് നിൽക്കാതെയിരിക്കുക. കെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പർശിക്കാതിരിക്കാൻ ശ്രമിക്കുകയും ചെയ്യുക.</li>
<li>ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക. വൈദ്യുതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കുക.</li>
<li>ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കണം. മൊബൈൽ ഫോൺ ഉപയോഗിക്കുന്നത് കൊണ്ട് കുഴപ്പമില്ല.</li>
<li>അന്തരീക്ഷം മേഘാവൃതമാണെങ്കിൽ തുറസായ സ്ഥലത്തും ടെറസിലും, കുട്ടികൾ ഉൾപ്പെടെ, കളിക്കുന്നത് ഒഴിവാക്കുക.</li>
<li>ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടിൽ നിൽക്കരുത്‌. വാഹനങ്ങൾ മരച്ചുവട്ടിൽ പാർക്ക് ചെയ്യുകയുമരുത്.</li>
<li>ഇടിമിന്നലുള്ള സമയത്ത് വാഹനത്തിനകത്ത് തന്നെ തുടരുക. കൈകാലുകൾ പുറത്തിടാതിരിക്കുക. വാഹനത്തിനകത്ത് നിങ്ങൾ സുരക്ഷിതരായിരിക്കും. സൈക്കിൾ, ബൈക്ക്, ട്രാക്ടർ തുടങ്ങിയ വാഹനങ്ങളിലുള്ള യാത്ര ഇടിമിന്നൽ സമയത്ത് ഒഴിവാക്കുകയും ഇടിമിന്നൽ അവസാനിക്കുന്നത് വരെ സുരക്ഷിതമായ ഒരു കെട്ടിടത്തിൽ അഭയം തേടുകയും വേണം.</li>
<li>മഴക്കാറ് കാണുമ്പോൾ തുണികൾ എടുക്കാൻ ടെറസിലേക്കോ, മുറ്റത്തേക്കോ ഇടിമിന്നലുള്ള സമയത്ത് പോകരുത്.</li>
<li>കാറ്റിൽ മറിഞ്ഞു വീഴാൻ സാധ്യതയുള്ള വസ്തുക്കൾ കെട്ടി വെക്കുക.</li>
<li>ഇടിമിന്നലുള്ള സമയത്ത് കുളിക്കുന്നത്‌ ഒഴിവാക്കുക. ടാപ്പുകളിൽ നിന്ന് വെള്ളം ശേഖരിക്കുന്നതും ഒഴിവാക്കുക. പൈപ്പിലൂടെ മിന്നൽ മൂലമുള്ള വൈദ്യുതി സഞ്ചരിച്ചേക്കാം.</li>
<li>ഇടിമിന്നൽ ഉണ്ടാകുമ്പോൾ ജലാശയത്തിൽ മീൻ പിടിക്കാനോ കുളിക്കാനോ ഇറങ്ങുവാൻ പാടില്ല. കാർമേഘങ്ങൾ കണ്ട് തുടങ്ങുമ്പോൾ തന്നെ മത്സ്യബന്ധനം, ബോട്ടിങ് തുടങ്ങിയ പ്രവൃത്തികൾ നിർത്തി വച്ച് ഉടനെ അടുത്തുള്ള കരയിലേക്ക് എത്താൻ ശ്രമിക്കണം. ഇടിമിന്നലുള്ള സമയത്ത് ബോട്ടിന്റെ ഡെക്കിൽ നിൽക്കരുത്. ചൂണ്ടയിടുന്നതും വലയെറിയുന്നതും ഇടിമിന്നലുള്ള സമയത്ത് നിർത്തി വയ്ക്കണം.</li>
<li>പട്ടം പറത്തുന്നത് ഒഴിവാക്കുക</li>
</ul>

അറബിക്കടലിൽ ചക്രവാതച്ചുഴി; അഞ്ച് ദിവസം ഇടിമിന്നലോടുകൂടിയ മഴയ്ക്ക് സാധ്യത, ജാഗ്രതാ നിർദേശം

ബത്തേരി: ഓട്ടോറിക്ഷ മറിഞ്ഞ് അടിയിൽപ്പെട്ട് രണ്ടു വയസ്സുകാരി മരിച്ചു. നായ്ക്കട്ടി പിലാക്കാവ് ഊരാളി ഉന്നതിയിലെ രാജേഷ് സുമ ദമ്പതികളുടെ മകൾ രാജലക്ഷ്മിയാണ് മരിച്ചത്. ഇന്നു രാവിലെ എട്ടുമണിയോടെ ബത്തേരി കോട്ടക്കുന്നിന് സമീപമാണ് അപകടം.
നായ്ക്കട്ടിയിൽനിന്ന് ബത്തേരിയിലേക്ക് ഓട്ടോറിക്ഷയിൽ വരുമ്പോൾ കോട്ടക്കുന്നിന് സമീപം അതേ ദിശയിൽലെത്തി യൂടേൺ എടുത്ത കാറുമായി ഇടിച്ച് ഓട്ടോറിക്ഷ മറിയുകയായിരുന്നു. ഇതിനടിയിൽപെട്ട രാജലക്ഷ്മിയെ ഉടനെ ബത്തേരിയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.
ഇരുളത്തെ ബന്ധുവീട്ടിലേക്ക് മതാപിതാക്കൾക്കും സഹോദരങ്ങൾക്കുമൊപ്പം പോകും വഴിയാണ് അപകടം. അർജുനൻ, രാജേശ്വരി എന്നിവർ സഹോദരങ്ങളാണ്.&nbsp;

യൂടേണെടുത്ത കാറിൽ ഇടിച്ച് ഓട്ടോ മറിഞ്ഞു; അടിയിൽപ്പെട്ട രണ്ടു വയസ്സുകാരിക്ക് ദാരുണാന്ത്യം

നടിയും ഇന്ദ്രജിത്ത്-പൃഥ്വിരാജ് താരപുത്രന്‍മാരുടെ അമ്മയും അന്തരിച്ച നടൻ സുകുമാരന്റെ ഭാര്യയുമായ മല്ലികാ സുകുമാരന്റെ പിറന്നാളാണ് തിങ്കളാഴ്ച. ഇപ്പോൾ, മല്ലികക്ക് ആശംസകൾ അറിയിച്ചിരിക്കുകയാണ് മക്കളായ പൃഥ്വിരാജും ഇന്ദ്രജിത്തും. ''കുടുംബത്തിലെ ഏറ്റവും ഇളയ അം​ഗത്തിന് ജന്മദിനാശംസകൾ, എക്കാലവും അമ്മ 16-കാരിയായി തുടരട്ടെ'', പൃഥ്വിരാജ് സാമൂഹികമാധ്യമങ്ങളിൽ കുറിച്ചു. അമ്മയ്ക്ക് ആശംസകൾ നേർന്നുകൊണ്ട് ഇന്ദ്രജിത്തും ചിത്രങ്ങൾ പങ്കുവെച്ചിട്ടുണ്ട്.
1974ല്‍ ജി അരവിന്ദന്റെ ഉത്തരായനത്തിലൂടെയാണ് മല്ലിക സുകുമാരന്‍ മലയാള സിനിമയിലെത്തുന്നത്. അതേ വര്‍ഷം പുറത്തിറങ്ങിയ സ്വപ്‌നാടനത്തിലൂടെ സംസ്ഥാന ചലച്ചിത്ര അവാര്‍ഡും ലഭിച്ചു. കന്യാകുമാരി, രാഗം, മദനോത്സവം, തൃഷ്ണ, മേഘസന്ദേശം, സ്ഥിതി, അമ്മക്കിളിക്കൂട്, ഛോട്ടാമുംബൈ, തിരക്കഥ, ഇവര്‍ വിവാഹിതരായാല്‍, ടമാര്‍ പടാര്‍, പഞ്ചവര്‍ണതത്ത, ബ്രോ ഡാഡി തുടങ്ങിയ 90 ഓളം ചിത്രങ്ങളില്‍ മല്ലിക തിളങ്ങി.
പെയ്‌തൊഴിയാതെ, ഹരിചന്ദനം, ഇന്ദുമുഖി ചന്ദ്രമതി, അമേരിക്കന്‍ ഡ്രീംസ് തുടങ്ങിയ സീരിയലുകളിലും നിരവധി പരസ്യ ചിത്രങ്ങളിലും മല്ലിക അഭിനയിച്ചു. തമിഴില്‍ മാധവന്റെ 'വാഴ്ത്തുക്കളി'ലൂടെ തമിഴിലുമെത്തിയിരുന്നു.&nbsp;

'എന്നും 16-കാരിയായി തുടരട്ടെ'; മല്ലിക സുകുമാരന്റെ പിറന്നാൾ ആഘോഷമാക്കി കുടുംബം

പാലക്കാട്: സമവായമല്ല പരിഹാരമായിരുന്നു തനിക്ക് വേണ്ടിയിരുന്നതെന്നും അതിന്റെ സമയം കഴിഞ്ഞെന്നും സന്ദീപ് വാര്യര്‍. തനിക്ക് നിരവധി അപമാനങ്ങള്‍ നേരിടേണ്ടിവന്നെന്നും ആത്മാഭിമാനത്തിന് മുറിവേറ്റെന്നും അദ്ദേഹം പറഞ്ഞു. പാലക്കാട്ടെ സ്ഥാനാര്‍ഥി സി.കൃഷ്ണകുമാറിനെ ഉന്നമിട്ട് കുറിച്ച ഫെയ്‌സ്ബുക്ക് പോസ്റ്റിന് പിന്നാലെ മാധ്യമങ്ങളെ കണ്ടപ്പോഴാണ് അദ്ദേഹം ഇക്കാര്യം പറഞ്ഞത്‌. അപമാനിതനായതിനാല്‍ പാലക്കാട്ട് പ്രചാരണത്തിനിറങ്ങില്ലെന്നും സി.കൃഷ്ണകുമാര്‍ സ്ഥിരം സ്ഥാനാര്‍ഥിയാണെന്നും അദ്ദേഹം പറഞ്ഞു
ലോക്‌സഭാ തിരഞ്ഞെടുപ്പ് സമയത്തെ ഒഴിവാക്കലുകള്‍ ഉള്‍പ്പെടെ ഒരുപാട് പരിപാടികളില്‍നിന്ന് എന്നെ മാറ്റിനിര്‍ത്തി. പ്രധാനമന്ത്രിയോ മറ്റ് കേന്ദ്രമന്ത്രിമാരോ വരുന്ന പരിപാടികള്‍ എന്നെ അറിയിച്ചില്ല. അഖിലേന്ത്യാ പ്രസിഡന്റ് വന്ന പരിപാടിയും എന്നെ അറിയിച്ചില്ല. ജില്ലയുടെ പ്രധാനപ്പെട്ട വാട്‌സ്ആപ്പ് ഗ്രൂപ്പില്‍പോലും ഇടംനല്‍കിയില്ലെന്നും അദ്ദേഹം പറഞ്ഞു.ഞാന്‍ നേരിട്ട വിഷമം പാര്‍ട്ടിയിലെ മുതിര്‍ന്ന ആളുകളെ അറിയിച്ചിരുന്നു. അവര്‍ വരും എന്നെ ആശ്വസിപ്പിക്കും എന്ന് പ്രതീക്ഷിച്ചെങ്കിലും അതുണ്ടായില്ല. ഇന്നാണ് സംസ്ഥാന ജനറല്‍ സെക്രട്ടറി സുധീര്‍ വരുന്നത്. ആശ്വാസവാക്കല്ല, പ്രവര്‍ത്തിക്കണം എന്ന് മാത്രമാണ് അവര്‍ എന്നോട് പറയുന്നത്.എന്നെ സംസ്ഥാന പ്രസിഡന്റ് വിളിച്ചിരുന്നു. പ്രചാരണത്തിന് ഇറങ്ങണം എന്നാണ് എന്നോട് അദ്ദേഹം പറഞ്ഞത്. അഞ്ചോ ആറോ ദിവസമായി. പ്രചരണത്തിന് വരണമെന്നതിനപ്പുറം ഏതെങ്കിലും ക്രിയാത്മകമായ നടപടി ഉണ്ടായില്ല. കൃഷ്ണകുമാറിനേക്കാള്‍ പ്രായം കുറഞ്ഞയാള്‍ എന്ന നിലയ്ക്ക് അദ്ദേഹത്തിന്റെ സാമീപ്യം ആഗ്രഹിച്ച നിമിഷങ്ങള്‍ ജീവിതത്തിലുണ്ടായിരുന്നു. ഇനി ഓടിയെത്തണമെന്നില്ല.
പ്രതികരിക്കാന്‍ കുറേ ദിവസങ്ങളായി സമ്മര്‍ദമുണ്ടായിരുന്നു. അപ്പോഴൊക്കെ ഞാന്‍ മൗനം പാലിച്ചു. എന്നാല്‍ ആ മൗനത്തിന് വലിയ വില നല്‍കേണ്ടിവരുമെന്ന് എനിക്ക് തോന്നി. അസത്യമായ വാര്‍ത്തകള്‍ പ്രചരിക്കുന്നത് ശ്രദ്ധയില്‍പെട്ടതിന്റെ അടിസ്ഥാനത്തിലാണ് പ്രതികരിക്കാം എന്ന് തീരുമാനിച്ചതെന്നും അദ്ദേഹം വ്യക്തമാക്കി.

സമവായമല്ല വേണ്ടത് പരിഹാരമായിരുന്നു;അതിന്റെ സമയം കഴിഞ്ഞുവെന്നും സന്ദീപ് വാര്യർ

തൃശൂർ: രക്തസമ്മർദ്ദം കൂടിയതിനെ തുടർന്ന് ആരോഗ്യ വകുപ്പ് മന്ത്രി വീണ ജോർജിനെ തൃശൂർ മുളങ്കുന്നത്തുകാവ് ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. രാത്രി എട്ട് മണിയോടെയാണ് മന്ത്രിയെ മെഡിക്കൽ കോളജിൽ കൊണ്ടുവന്നത്. ആശുപത്രിയിൽ പ്രവേശിപ്പിച്ച് പരിശോധനകൾ നടത്തിയതിൽ രക്തസമ്മർദ്ദം കൂടിയതാണെന്ന് വ്യക്തമായി.
പ്രാഥമിക ചികിത്സയും വിശ്രമവും കഴിഞ്ഞ് അരമണിക്കൂറിന് ശേഷം മന്ത്രി തൃശൂർ രാമനിലയത്തിലേക്ക് പോയി.

രക്തസമ്മർദ്ദം ; മന്ത്രി വീണ ജോർജ്  മെഡിക്കൽ കോളജിൽ ചികിത്സ തേടി

ന്യൂഡല്‍ഹി: ഇടതുപക്ഷ ജനാധിപത്യ മുന്നണിയുടെ രാഷ്ട്രീയകാര്യങ്ങള്‍ സംബന്ധിച്ച് കൃത്യമായ നിലപാട് സ്വീകരിക്കുന്ന എല്ലാവരെയും തങ്ങള്‍ സ്വാഗതം ചെയ്യുമെന്ന് സി.പി.എം. സംസ്ഥാന സെക്രട്ടറി എം.വി. ഗോവിന്ദന്‍. പാർട്ടിയുമായി ഇടഞ്ഞ ബിജെപി നേതാവ് സന്ദീപ് വാര്യരെ സി.പി.എമ്മിലേക്ക് സ്വാഗതം ചെയ്യുമോ എന്ന ചോദ്യത്തോട് പ്രതികരിക്കുകയായിരുന്നു അദ്ദേഹം.
ഞങ്ങള്‍ ആരെയാണ് സ്വാഗതം ചെയ്യാതിരിക്കുന്നത്. ഇടതുപക്ഷ ജനാധിപത്യ മുന്നണിയുമായി സഹകരിക്കുന്ന എല്ലാവരെയും സ്വാഗതം ചെയ്യുന്ന നിലപാടാണ് ഞങ്ങള്‍ സ്വീകരിക്കുന്നത്. നയമാണ് പ്രശ്‌നം. ഒരു ആൾ അല്ല. നിലപാടാണ് പ്രശ്‌നമെന്നും എം.വി. ഗോവിന്ദന്‍ പറഞ്ഞു. അതേസമയം, സന്ദീപ് വാര്യരുമായി ബന്ധപ്പെട്ട വിഷയത്തിൽ ചര്‍ച്ചയൊന്നും നടന്നിട്ടില്ലെന്നും അദ്ദേഹം കൂട്ടിച്ചേര്‍ത്തു.

കൃത്യമായ നിലപാട് സ്വീകരിക്കുന്ന എല്ലാവരെയും സംഘടനയിലേക്ക് സ്വാഗതം ചെയ്യുമെന്ന് എം.വി. ഗോവിന്ദന്‍

ന്യൂഡൽഹി: പാലക്കാട് ഉപതിരഞ്ഞെടുപ്പിന്റെ വോട്ടെടുപ്പ് തീയതി മാറ്റി. വോട്ടെടുപ്പ് ഈ മാസം 20ലേക്കാണ് മാറ്റിയത്. കൽപാത്തി രഥോത്സവം കണക്കിലെടുത്താണ് തീരുമാനം. വോട്ടെടുപ്പ് മാറ്റണമെന്ന് വിവിധ രാഷ്ട്രീയ പാർട്ടികൾ ആവശ്യപ്പെട്ടിരുന്നു. നവംബർ 13നായിരുന്നു തെരഞ്ഞെടുപ്പ് തീരുമാനിച്ചിരുന്നത്.

പാലക്കാട് ഉപതിരഞ്ഞെടുപ്പ് തീയതി മാറ്റി

കൊയിലാണ്ടി: കേരള സ്റ്റേറ്റ് സർവീസ് പെൻഷനേഴ്സ് യൂണിയൻ കോക്കല്ലൂർ യൂണിറ്റ് കുടുംബ സംഗമം നടത്തി. ബാലുശ്ശേരി ഗ്രാമപഞ്ചായത്ത് പ്രസിഡണ്ട് രൂപലേഖ കൊമ്പിലാട് ഉദ്ഘാടനം ചെയ്തു. പ്രമുഖ സാഹിത്യകാരനും മോട്ടിവേറ്ററുമായ ഇബ്രാഹിം തിക്കോടി മുഖ്യപ്രഭാഷണം നടത്തി. യൂണിറ്റ് പ്രസിഡണ്ട് പി പുഷ്പരാജൻ അധ്യക്ഷത വഹിച്ചു. എൻ കൃഷ്ണൻകുട്ടി അനുശോചന പ്രമേയം അവതരിപ്പിച്ചു.&nbsp;
ജില്ലാ കമ്മിറ്റിയംഗം പി. സുധാകരൻ മുതിർന്ന പൗരന്മാരെ ആദരിച്ചു. ബ്ലോക്ക് സെക്രട്ടറി പി കെ ശശിധരൻ കൈത്താങ്ങ് വിതരണം നടത്തി. ബ്ലോക്ക് ജോ. സെക്രട്ടറി എം.കെ ഗണേശൻ, ട്രഷറർ ഒ.പി. ചന്ദ്രൻ, ബ്ലോക്ക് ജോ. സെക്രട്ടറി എം.സുധാകരൻ എന്നിവർ സംസാരിച്ചു. യൂണിറ്റ് സെക്രട്ടറി കെ കെ ഇസ്മായിൽ സ്വാഗതവും, യൂണിറ്റ് ട്രഷറർ പി സദാനന്ദൻ നന്ദിയും രേഖപ്പെടുത്തി. വിവിധ കലാപരിപാടികളും ഉണ്ടായി.

കെ എസ് എസ് പി യു കുടുംബ സംഗമം നടത്തി

Koyilandy

പാലക്കാട്: ഉപതിരഞ്ഞെടുപ്പ് പ്രചാരണത്തിനില്ലെന്ന് പറഞ്ഞ സന്ദീപ് വാര്യര്‍ക്ക് മറുപടിയുമായി ബി.ജെ.പി. സ്ഥാനാര്‍ഥി സി. കൃഷ്ണകുമാര്‍. സംഘടനയോട് ആത്മാര്‍ഥതയുള്ള, സംഘടനയില്‍ ഉറച്ചുനില്‍ക്കുന്ന ഒരാള്‍ക്കും തിരഞ്ഞെടുപ്പില്‍നിന്ന് വിട്ടുനില്‍ക്കാന്‍ കഴിയില്ലെന്ന് അദ്ദേഹം പാലക്കാട്ട് പറഞ്ഞു.
അമ്മ മരിച്ച സമയത്ത് വീട്ടില്‍ വരികയോ ഫോണില്‍ വിളിക്കുകയോ ചെയ്തില്ലെന്ന സന്ദീപ് വാര്യരുടെ ആരോപണത്തിനും കൃഷ്ണകുമാര്‍ മറുപടി നല്‍കി. സന്ദീപിന്റെ അമ്മ മരിച്ച സമയത്ത് താന്‍ സ്ഥലത്തുണ്ടായിരുന്നില്ല. സന്ദീപിനെ ഫോണില്‍ വിളിച്ചിരുന്നു. ഉത്തമബോധ്യമുണ്ട്, കൃഷ്ണകുമാര്‍ പറഞ്ഞു. അപമാനം നേരിട്ട പാലക്കാട്ടേക്ക് ഇല്ലെന്ന സന്ദീപിന്റെ നിലപാടിനേക്കുറിച്ച് ചോദിച്ചപ്പോള്‍ അങ്ങനെ ഒരു ബി.ജെ.പി പ്രവര്‍ത്തകനും ഒരു അപമാനവും സഹിക്കേണ്ട ആവശ്യമില്ലെന്നായിരുന്നു മറുപടി. ബി.ജെ.പി. പ്രവര്‍ത്തകര്‍ക്കൊപ്പം ബിജെപിയുടെ നേതാക്കളും സംസ്ഥാന നേതൃത്വവും ജില്ലാനേതൃത്വവും ഒക്കെയുണ്ടെന്നും കൃഷ്ണകുമാർ പറഞ്ഞു.
വിഷയവുമായി ബന്ധപ്പെട്ട സന്ദീപിന്റെ ഫെയ്‌സ്ബുക്ക് കുറിപ്പ് കണ്ടിട്ടില്ല. അദ്ദേഹം തന്റെ സഹപ്രവര്‍ത്തകനാണ്. സന്ദീപിന് എന്തെങ്കിലും വിഷമങ്ങള്‍ ഉണ്ടെങ്കില്‍ തീര്‍ച്ചയായും അദ്ദേഹത്തോട് സംസാരിച്ച് പരിഹാരം കാണുമെന്നും കൃഷ്ണകുമാര്‍ പറഞ്ഞു.

സംഘടനയോട് ആത്മാര്‍ഥതയുള്ള ഒരാള്‍ക്കും തിരഞ്ഞെടുപ്പില്‍നിന്ന് വിട്ടുനില്‍ക്കാന്‍ കഴിയില്ല;സന്ദീപ് വാര്യര്‍ക്ക് മറുപടിയുമായി കൃഷ്ണകുമാര്‍

പേരാമ്പ്ര: ആവളയിലെ എടവലത്ത് അമ്മാളു അമ്മ (82) നിര്യാതയായി. ഭർത്താവ്; കേളു കുറുപ്പ്. മക്കൾ; സുരേഷ്, സഹദേവൻ (റിട്ട ആർമി), സന്തോഷൻ (റിട്ട ആർമി), ശാന്ത പള്ളിക്കര,വ സന്ത കീഴൽ. മരുമക്കൾ; പ്രസീത, ശ്രീഷ, ഷീബ, രവി പള്ളിക്കര, പ്രഭാകരൻ കീഴൽ. സഹോദരങ്ങൾ; പരേതയായ പുതിയോട്ടിൽ ജാനു അമ്മ എരവട്ടൂർ, സരോജിനി അമ്മ വലിയ പറമ്പിൽ, ചുള്ളിയോത്ത് രാഘവൻ നായർ, ഭാസ്ക്കരൻ നായർ, രാജൻ നായർ, രാധാമ്മ പള്ളിയത്ത്.

ആവള എടവലത്ത് അമ്മാളു അമ്മ നിര്യാതയായി

Obituary

പാലക്കാട്: സന്ദീപ് വാര്യർ ബിജെപി വിട്ട് വന്നാൽ സ്വീകരിക്കുമെന്ന് സിപിഎം നേതാവ് എകെ ബാലൻ. മറ്റ് പാർട്ടികളിൽ നിന്നെല്ലാം എത്രയോപേരെ സ്വീകരിച്ചിട്ടുണ്ട്. മുൻകാലങ്ങളിൽ സന്ദീപ് പാർട്ടിക്കെതിരെ പറഞ്ഞതൊന്നും കാര്യമാക്കുന്നില്ലെന്നും എകെ ബാലൻ വ്യക്തമാക്കി.
എകെ ബാലന്റെ വാക്കുകൾ: അമ്മ മരിച്ചിട്ട് പോലും നേതാക്കന്മാർ വീട്ടിലെത്തിയില്ല എന്ന് പറയുമ്പോൾ മനുഷ്യത്വമുള്ള പാർട്ടിയാണോ ബിജെപിയും ആർഎസ്‌എസും. സന്ദീപ് വാര്യർ ആർഎസ്‌എസിന്റെ ശക്തനായ വക്താവാണ്. കമ്മ്യൂണിസ്റ്റ് പാർട്ടിയെ അതിശക്തമായി വിമർശിക്കുന്ന വ്യക്തിയാണ്. അതിലൊന്നും ഞങ്ങൾക്ക് അഭിപ്രായ വ്യത്യാസമില്ല. സ്വന്തം പാർട്ടിയിലെ നേതാക്കളുമായി അഭിപ്രായ വ്യത്യാസം ഉണ്ടായി എന്നതിന്റെ പേരിൽ അമ്മ മരിച്ചിട്ട് പോലും അന്വേഷിച്ചിട്ടില്ല എന്ന് പറഞ്ഞാൽ എന്താണിത്. എങ്ങോട്ടേക്കാണ് ഈ പാർട്ടി എത്തിനിൽക്കുന്നത്. സന്ദീപ് വാര്യർ നാളെ ഇടതുപക്ഷത്തിലേക്ക് വരുമെന്നൊന്നും ഞാൻ പറയുന്നില്ല.ഓരോ ദിവസം കഴിയുന്തോറും പാലക്കാട്ടെ എൽഡിഎഫ് സ്ഥാനാർത്ഥിക്ക് ലഭിക്കുന്ന സ്വീകാര്യത, ജനസമ്മതി എല്ലാം ഞങ്ങളെ ഞെട്ടിപ്പിക്കുന്നതാണ്.&nbsp;
സന്ദീപ് വാര്യർ എൽഡിഎഫിലേക്ക് വരാൻ സന്നദ്ധത കാണിച്ചാൽ ആ സാഹചര്യം നോക്കി ഞങ്ങൾ തീരുമാനിക്കും. ഇടതുപക്ഷ മുന്നണിയുടെ തിളക്കമാർന്ന രാഷ്‌ട്രീയവും ഞങ്ങളുടെ തൊഴിലാളി വർഗ പ്രതിബദ്ധതയും കേന്ദ്രത്തിനെതിരായ ശക്തമായ തെളിവാണ്. ഐക്യദാർഢ്യം പ്രഖ്യാപിച്ച് വന്നുകഴിഞ്ഞാൽ ഞങ്ങൾ സ്വീകരിക്കാതിരിക്കുന്നത് എന്തിനാണ്. നേരത്തേ പാർട്ടിക്കെതിരെ പറഞ്ഞതൊന്നും ഞങ്ങൾ കാര്യമാക്കുന്നില്ല. ഞങ്ങളും പറഞ്ഞിട്ടുണ്ട്. പിന്നീട് അവരുമായി സഖ്യമുണ്ടാക്കിയിട്ടുമുണ്ട്.എവി ഗോപിനാഥിനെ കണ്ടില്ലേ, കോൺഗ്രസിൽ തന്നെ നിന്ന് ഞങ്ങൾക്ക് പിന്തുണ നൽകുന്നു. അതൊരു പുതിയ പ്രതിഭാസമാണ്. രാഷ്‌ട്രീയം എന്നത് വസ്‌തുനിഷ്‌ടമായ കാര്യങ്ങളെ അപഗ്രഥിച്ചുകൊണ്ടെടുക്കുന്ന നിലപാടാണ്. ആരെയും പാർട്ടിയിലെത്തിക്കാൻ ചൂണ്ടയിടുന്ന ആളൊന്നുമല്ല ഞാൻ. ബുദ്ധിയില്ലാത്ത ആർഎസ്‌എസുകാരനല്ല സന്ദീപ് വാര്യർ. അദ്ദേഹത്തിന്റെ നിലപാടിൽ പോലും മാറ്റം വരുന്നു എന്നത് അത്ഭുതത്തോടെയാണ് കാണുന്നത്. സന്ദീപ് വാര്യരെ പോലുള്ളവരെ എത്രകാലമാണ് ഒതുക്കി നിർത്തുക.

സന്ദീപ് വാര്യർ ബിജെപി വിട്ട് വന്നാൽ സ്വീകരിക്കുമെന്ന് എ.കെ ബാലൻ

പേരാമ്പ്ര: നവംബർ 6,7,8,9 തീയ്യതികളിൽ ചെറുവണ്ണൂർ ഗവ : ഹൈസ്കൂളിൽ വച്ച് നടക്കുന്ന മേലടി സബ്ജില്ലാ കലോത്സവത്തിന്റെ പബ്ലിസിറ്റി കമ്മിറ്റി ഓഫീസ് ചെറുവണ്ണൂർ ടൗണിൽ തുറന്നു. ഗ്രാമപഞ്ചായത്ത് പ്രസിഡന്റ് എൻ. ടി.ഷിജിത്ത് ഉദ്ഘാടനം ചെയ്തു. ഗ്രാമപഞ്ചായത്ത് അംഗം ഏ.കെ.ഉമ്മർ അധ്യക്ഷത വഹിച്ചു. പ്രശസ്ത സിനിമ പിന്നണി ഗായകൻ അജയ് ഗോപാൽ മുഖ്യ അതിഥി ആയിരുന്നു. എ. ബാലകൃഷ്ണൻ, പിലാക്കാട്ട് ശങ്കരൻ, ശശി പൈതോത്ത്, മുനീർ, ഹരിദാസൻ, വി.കെ മൊയ്തു, വിജയൻ ആവള, ടി. എം. ബാലൻ എന്നിവർ സംസാരിച്ചു. പബ്ലിസിറ്റി കമ്മിറ്റി ചെയർമാൻ കെ. കെ.വിനോദൻ സ്വാഗതവും കൺവീനർ സുഭാഷ് നന്ദിയും പറഞ്ഞു.

മേലടി സബ്ജില്ലാ കലോത്സവം; പബ്ലിസിറ്റി കമ്മിറ്റി ഓഫീസ് തുറന്നു

Perambra

പേരാമ്പ്ര: അസറ്റ് പേരാമ്പ്രയുടെ ഈ വർഷത്തെ മികച്ച സ്കൂൾ പി. ടി. എ അവാർഡ് ആവള ജി. എം. എൽ. പി സ്കൂളിന്. പേരാമ്പ്രയിൽ നടന്ന ചടങ്ങിൽ ശശി തരൂർ എം. പി യിൽ നിന്നും സ്കൂൾ ഹെഡ് മിസ്സ്ട്രസ്സ് കെ. ബിജുന , ഗ്രാമപഞ്ചായത്ത് അംഗം ബിജിഷ കെ. എം, സ്കൂൾ പി. ടി. എ പ്രസിഡന്റ് വിജീഷ് അവാമി, മദർ പി. ടി എ പ്രസിഡന്റ് രജിത ടി. കെ, രൂപിത വി. കെ എന്നിവർ ചേർന്ന് അവാർഡ് ഏറ്റുവാങ്ങി. പേരാമ്പ്ര നിയോജക മണ്ഡലത്തിലെ മികച്ച പി ടി എ എന്ന നിലയിലാണ് അവാർഡ്.

ആവള ജി എം എൽ പിക്ക് മികച്ച പി ടി എ അവാർഡ്

പാക്കറ്റ് ഭക്ഷണങ്ങളിലെ ഉപ്പ് നിയന്ത്രിച്ചാല്‍ മാത്രം രക്ഷപ്പെടുത്താവുന്നത് ഇന്ത്യയിലെ മൂന്നുലക്ഷം ജീവനുകളെന്ന് പഠനം. ലാന്‍സെറ്റ് ജേണല്‍ പുറത്തിറക്കിയ പഠനത്തിലാണ് ഇന്ത്യക്കാരുടെ ഉപ്പുപയോഗം വിഷയമായിരിക്കുന്നത്.ശരീരത്തില്‍ സോഡിയം നിയന്ത്രിക്കുന്നതിലൂടെ ആഗോളതലത്തില്‍ പതിനേഴ് ലക്ഷം പേരിലെ ഹൃദയസംബന്ധിയായ രോഗങ്ങള്‍ക്ക് ഒരുപരിധിവരെ തടയിടാന്‍ പറ്റുമെന്നും പഠനം വിശദമാക്കുന്നു.
പാക്കറ്റ് ഭക്ഷണങ്ങളില്‍ ചേര്‍ക്കുന്ന സോഡിയത്തിന്റെ അളവ് സംബന്ധിച്ച് ലോകാരോഗ്യസംഘടന കൃത്യമായ മാര്‍ഗനിര്‍ദ്ദേശങ്ങള്‍ നല്‍കിയിട്ടുള്ളതാണ്. ജോര്‍ജ് ഇന്‍സ്റ്റിറ്റ്യൂട്ട് ഓഫേ ഗ്ലോബല്‍ ഹെല്‍ത് നടത്തിയ പഠനം പ്രകാരം ഉപ്പ് ഉപഭോഗം വളരെ കണിശമായും സത്വരമായും കുറയ്‌ക്കേണ്ടവരുടെ പട്ടികയില്‍ പ്രഥമസ്ഥാനം ഇന്ത്യക്കാര്‍ക്കാണ്.ആഗോളതലത്തില്‍ സോഡിയത്തിന്റെ അമിതോപയോഗം കാരണം കൂടിവരുന്ന മരണങ്ങളും അസുഖങ്ങളുമാണ് ഇത്തരത്തില്‍ ഒരു പഠനം നടത്താന്‍ കാരണമായിരിക്കുന്നത്.ഒരു ദിവസം ഒരാള്‍ അഞ്ചുഗ്രാമില്‍ താഴെ മാത്രമേ ഉപ്പ് ഉപയോഗിക്കാന്‍ പാടുള്ളൂ എന്നാണ് ലോകാരോഗ്യസംഘടന നിര്‍ദ്ദേശിക്കുന്നത്. അഞ്ചുഗ്രാം ഉപ്പ് എന്നുപറയുമ്പോള്‍ ഏതാണ്ട് 2 ഗ്രാം സോഡിയത്തിന്റെ അളവായി.ആഗോളതലത്തില്‍ മരണങ്ങള്‍ കൂടുതലും സംഭവിക്കുന്നത് ഹൃദയസംബന്ധിയായ അസുഖങ്ങള്‍ മൂലമാണ്.പായ്ക്ക് ചെയ്ത് ലഭിക്കുന്ന ഭക്ഷണങ്ങളില്‍ സോഡിയത്തിന്റെ അളവ് ഗണ്യമായി കുറയ്ക്കുന്നതിലൂടെ ഭക്ഷണത്തിന്റെ ഗുണനിലവാരം വര്‍ധിപ്പിക്കാന്‍ ഇന്ത്യയ്ക്ക് കഴിയുമെന്ന് പഠനം സമര്‍ഥിക്കുന്നു. ഉപ്പ് കൂടുതലുള്ള ഭക്ഷണങ്ങളോട് ഉപഭോക്താക്കള്‍ അഭിരുചി വളര്‍ത്തിയാല്‍ സോഡിയം അളവ് കുറയ്ക്കുന്നത് കൂടുതല്‍ ബുദ്ധിമുട്ടായേക്കാമെന്നും ഗവേഷകര്‍ പറയുന്നു.
ലോകാരോഗ്യസംഘടന നിര്‍ദ്ദേശിക്കുന്ന സോഡിയം മാർ​ഗനിർദേശങ്ങൾ പിന്തുടരുക വഴി ഹൃദയസംബന്ധമായ പ്രശ്‌നങ്ങള്‍ കാരണം സംഭവിക്കുന്ന ഏകദേശം മൂന്നുലക്ഷത്തോളം മരണങ്ങള്‍ തടയാന്‍ കഴിയുമെന്നും ഗുരുതര വൃക്കരോഗങ്ങളെ ആരംഭദശയില്‍ത്തന്നെ തടയാന്‍ കഴിയുമെന്നും പഠനം പറയുന്നു.ഉപ്പിന്റെ അമിതോപയോഗം കുറയ്ക്കുക വഴി ആഗോളതലത്തില്‍ പതിനേഴ് ലക്ഷം പേരുടെ ഹൃദയസംബന്ധമായ രോഗങ്ങളും ഏഴുലക്ഷം പേരുടെ വൃക്കരോഗങ്ങളും തടയാന്‍ കഴിയും. ഗുരുതര ആരോഗ്യപ്രശ്‌നങ്ങള്‍ നേരിടുന്നവര്‍ തങ്ങളുടെ ചികിത്സയ്ക്കായി ചെലവഴിക്കുന്ന ഭീമന്‍ തുക ഒഴിവാക്കാനായി ദിനംപ്രതി അകത്താക്കുന്ന ഉപ്പില്‍ മാത്രം ശ്രദ്ധിച്ചാല്‍ മതിയെന്നാണ് ആരോഗ്യവിദഗ്ധരുടെ വിലയിരുത്തല്‍. ആരോഗ്യസംരക്ഷണത്തില്‍ ഉപ്പിന്റെ പങ്കിനെക്കുറിച്ച് വിശദമായി പ്രതിപാദിക്കുന്ന പഠനപ്രകാരം എത്രമാത്രം പാക്കറ്റ് ഫുഡ്ഡിലെ ഉപ്പ് മാറ്റി നിര്‍ത്തുന്നുവോ അത്രയും കുറഞ്ഞ ആരോഗ്യപ്രശ്‌നങ്ങള്‍ നേരിടാന്‍ കഴിയുമെന്ന് വിലയിരുത്തുന്നു. ഭാവിയില്‍ പാക്കറ്റ് ഭക്ഷണങ്ങളില്‍ നിന്നും സോഡിയത്തിന്റെ അളവ് കുറയ്ക്കേണ്ട തരത്തില്‍ ആരോഗ്യനിയമങ്ങള്‍ പ്രാബല്യത്തില്‍ വരുമെന്നതിന്റെ സൂചന കൂടിയാണ് ഈ പഠനം

പാക്കറ്റ് ഭക്ഷണങ്ങളുടെ അമിത ഉപയോഗം ഹൃദയവും വൃക്കയും തകരാറിലാക്കുമെന്ന് പഠനം

Health

നാദാപുരം : ദുബായിൽ നടന്ന അറബിക് അന്താരാഷ്ട്ര സെമിനാറിൽ പ്രബന്ധം അവതരിപ്പിച്ച മടപ്പളളി ഗവ.കോളജ് അറബിക് വിഭാഗം മേധാവി ഡോ. സി. എച്ച് അബ്ദുൽ നാസറിനെ എസ് .ഇ .എ (സമസ്ത എംപ്ലോയീസ് അസോസിയേഷൻ) നാദാപുരം നിയോജക മണ്ഡലം കമ്മിറ്റി അനുമോദിച്ചു .കെ. പി ശംസീർ അധ്യക്ഷനായി. ഷൈജൽ അഹമ്മദ്, ബഷീർ എടച്ചേരി, ഡോ. എം കെ മുനീർ എടച്ചേരി, എൻ. സൂപ്പി തിനൂർ, വി.കെ അബൂബക്കർ, ബഷീർ വേവം, പട്ടർ കുളങ്ങര ലത്തീഫ്, നൗഫൽ നീലിയോട്ട്, അഹമ്മദ് ഫസൽ കണ്ടോത്ത്, ഹരീദ് ചങ്ങരംകുളം എന്നിവർ സംസാരിച്ചു.

ഡോ.സി എച്ച് നാസറിന് അനുമോദനം

Nadapuram

മണിയൂർ : വോയിസ് ഓഫ് കുന്നത്തുകര ദശവാർഷിക ആഘോഷം വോക്ക് ഫെസ്റ്റ് 24 മായി ബന്ധപ്പെട്ട് ലഹരിക്കെതിരെ നാടിൻറെ ഒരുമ എന്ന പേരിൽ ബൈക്ക് റാലി സംഘടിപ്പിച്ചു. തുറശ്ശേരിക്കടവിൽ പയ്യോളി പോലീസ് സ്റ്റേഷൻ സി ഐ രാജേഷ് എ കെ ഫ്ലാഗ് ഓഫ് ചെയ്തു. അസിസ്റ്റന്റ് സബ് ഇൻസ്‌പെക്ടർ രഖീബ് ടി , അസിസ്റ്റന്റ് എക്സ്സൈസ് ഇൻസ്‌പെക്ടർ സോമസുന്ദരൻ കെ എം, ഫയർ &amp; റെസ്‌ക്ക്യു ഓഫീസർ ബൈജു പലയാട് തുടങ്ങിയവർ പങ്കെടുത്തു.

ലഹരിക്കെതിരെ ബൈക്ക് റാലി നടത്തി

Vadakara

പാലക്കാട്: ബിജെപി നേതാവിന്റെ മകളുടെ വിവാഹവേദിയിൽ വെച്ച് എൽഡിഎഫ് സ്വതന്ത്ര സ്ഥാനാർത്ഥി പി സരിന് ഷാഫി പറമ്പിലും യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിലും കൈകൊടുക്കാതിരുന്നത് വലിയ വാർത്തയായിരുന്നു. വിവാഹ വേദിയിൽ കണ്ടതോടെ സരിൻ ഇരുവരുമായും ഹസ്തദാനത്തിന് ശ്രമിച്ചു. എന്നാൽ ഷാഫിയും രാഹുലും ഇതിന് തയ്യാറായില്ല. ഇതോടെ കല്യാണവേദിയിലും പിണക്കം മാറാതെ നേതാക്കളെന്ന വാർത്തകളും വന്നു.
സംഭവത്തിന് പിന്നാലെ പി സരിനെ പരിഹസിച്ച് രം​ഗത്തെത്തിയിരിക്കുകയാണ് കോൺ​ഗ്രസ് നേതാവ് വി ടി ബൽറാം. ഷാഫീ ഷാഫീ ഞാനിപ്പുറത്തുണ്ട് എന്ന് പറയുന്ന സരിനോട് ആ അപ്പുറത്ത് തന്നെ ഉണ്ടാകണം എന്നായിരുന്നു ഷാഫിയുടെ പ്രതികരണം. എജ്ജാതി ടൈമിം​ഗ് ആണ് മറുപടിക്കെന്നാണ് ബൽറാമിന്റെ കുറിപ്പ്.കഴിഞ്ഞ ദിവസം പണി സിനിമയെ വിമർശിച്ചതിന് റിവ്യൂവർ ആദർശിനെ വിളിച്ച് സംവിധായകൻ ജോജു ജോർജ് നടത്തിയ സംഭാഷണത്തെയും ബൽറാം പരാമർശിക്കുന്നുണ്ട്. ജോജു-ആദർശ് സംഭാഷണത്തിന് ശേഷം ഇന്നത്തെ ത​ഗ്​ഗ് എന്നാണ് ഷാഫിയുടെ മറുപടിയെക്കുറിച്ച് ബൽറാം കുറിക്കുന്നത്.

എജ്ജാതി ടൈമിം​ഗ് ആണ്; ഷാഫിയുടെ മറുപടിയിൽ സരിനെ പരിഹസിച്ച് വി ടി ബൽറാം

അഴിയൂർ: ജനങ്ങളുടെ യാത്രാ ക്ലേശം പരിഹരിക്കാൻ അടിയന്തിരമായി ദേശീയ പാതാ നിർമ്മാണം പൂർത്തിയാക്കണമെന്നും സർവീസ് റോഡുകൾ കുറ്റമറ്റ രീതിയിൽ നിർമ്മിക്കണമെന്നും സിപിഐഎം ഒഞ്ചിയം ഏരിയാ സമ്മേളനം ആവശ്യപ്പെട്ടു. പാതാ നിർമ്മാണ ഭാഗമായി അശാസ്ത്രീയമായ സംരക്ഷണ ഭിത്തികളും ഓവ്ചാലുകളും ജനങ്ങൾക്ക് ദുരിതമായി മാറി. രൂക്ഷമായ വെള്ളക്കെട്ടിന് ഇടയാക്കുന്ന ഓവ് ചാലുകളാണ് പലയിടങ്ങളിലും നിർമ്മിച്ചത്. ഇതൊക്കെ പരിഹരിച്ചു പാതാനിർമ്മാണം ഉടൻ പൂർത്തിയാക്കണം.&nbsp;
ചോമ്പാൽ ഹാർബറിന്റെ അടിസ്ഥാനസൗകര്യങ്ങൾ വർധിപ്പിക്കുക, ഓർക്കാട്ടേരി കമ്യൂണിറ്റി ഹെൽത്ത് സെന്ററിൽ കിടത്തിചികിത്സ പുനരാരംഭിക്കുക, കുരിയാടിയിൽ ഫിഷിംങ്ങ് ഹാർബർ സ്ഥാപിക്കുക, ഓർക്കാട്ടേരി കച്ചേരി മൈതാനത്തിലെ പഞ്ചായത്ത് അനധികൃത കൈയ്യേറ്റം അവസാനിപ്പിക്കുക, മുക്കാളി - നാദാപുരം റോഡ് റെയിൽവേ സ്റ്റേഷനിൽ നിർത്തൽ ചെയ്ത ട്രെയിനുകൾ പുന:രാരംഭിക്കുക തുടങ്ങിയ പ്രമേയങ്ങളും സമേളനം അംഗീകരിച്ചു. റിപ്പോർട്ടിൻ മേലുള്ള ചർച്ചയിൽ 12 ലോക്കലുകളിൽ നിന്നായി 24 പേർ പങ്കെടുത്തു. ജില്ലാസെക്രട്ടറി പി മോഹനൻ, ഏരിയാ സെക്രട്ടറി ടി പി ബിനീഷ് എന്നിവർ ചർച്ചക്ക് മറുപടിനൽകി.&nbsp;
ചർച്ചക്കും മറുപടിക്കും ശേഷം റിപ്പോർട്ട്, സമ്മേളനം അംഗീകരിച്ചു. വി ജിനീഷ് ക്രഡൻഷ്യൽ റിപ്പോർട്ട് അവതരിപ്പിച്ചു. സമ്മേളന പ്രതിനിധികളും ഉപരികമ്മറ്റി അംഗങ്ങളും ഉൾപ്പെടെ 142 പേർ പ്രതിനിധി സമ്മേളനത്തിൽ പങ്കെടുത്തു. 1 മുതൽ 7 മാസം വരെ ജയിൽവാസം അനുഭവിച്ചവർ പ്രതിനിധികളായി. 23 കാരൻ മുതൽ, അവിഭക്ത കമ്യുണിസ്റ്റ് പാർട്ടിയിൽ അംഗമായ 82 കാരൻ ചോമ്പാലിലെ കെ കുഞ്ഞികൃഷ്ണൻ വരെ സമ്മേളന പ്രതിനിധികളായി.

ദേശീയ പാത നിർമ്മാണം അടിയന്തിരമായി പൂർത്തിയാക്കണം; സിപിഐഎം ഒഞ്ചിയം ഏരിയാ സമ്മേളനം

പാലക്കാട്: പാലക്കാട് ഉപതിരഞ്ഞെടുപ്പില്‍ രാഹുല്‍ മാങ്കൂട്ടത്തിലിനെ സ്ഥാനാര്‍ഥിയാക്കിയതിനെതിരേ വീണ്ടും വിമര്‍ശനവുമായി ബി.ജെ.പി.നേതാവ് പത്മജാ വേണുഗോപാല്‍. പാലക്കാടൊന്നും ആരുമില്ലേ സ്ഥാനാര്‍ഥിയായി നിര്‍ത്താനെന്നും പത്തനംതിട്ടയില്‍നിന്ന് കൊണ്ടുവരേണ്ടതുണ്ടോ എന്നും പത്മജ ചോദിച്ചു.
കെ. മുരളീധരന്‍ ഒരിക്കലും സ്വന്തം താല്‍പര്യപ്രകാരം പാലക്കാട്ട് തിരഞ്ഞെടുപ്പ് പ്രചാരണത്തിന് വരില്ലെന്നും പത്മജ പറഞ്ഞു. മുരളീധരന്‍ അമ്മക്കുട്ടിയായിരുന്നു. അമ്മ എന്നു പറഞ്ഞാല്‍ അദ്ദേഹത്തിന് അത്ര ജീവനായിരുന്നു. ആ അമ്മയെ പറഞ്ഞ ആരോടും മുരളീധരന്‍ മനസ്സില്‍ ക്ഷമിക്കില്ല. അത് തനിക്ക് അറിയാം. പാര്‍ട്ടി പറഞ്ഞാല്‍ അദ്ദേഹത്തിന് പലതും ചെയ്യേണ്ടിവരും. എന്റെ ജീവിതത്തില്‍ മുരളീധരന്‍ കരഞ്ഞുകണ്ടത് അമ്മ മരിച്ച സമയത്താണ്. അച്ഛന്‍ മരിച്ച സമയത്ത് സ്‌ട്രോങ്ങായി നിന്നയാളാണ്. അത്രയ്ക്ക് അമ്മയോട് അടുപ്പമുള്ളയാണ്. രാഹുല്‍ ജയിക്കാന്‍ അദ്ദേഹം ഒരിക്കലും മനസ്സില്‍ ആഗ്രഹിക്കില്ല, പത്മജ കൂട്ടിച്ചേര്‍ത്തു

അമ്മയെ പറഞ്ഞ ആരോടും മുരളീധരന്‍ ക്ഷമിക്കില്ല; രാഹുല്‍ ജയിക്കാന്‍ അദ്ദേഹം ആഗ്രഹിക്കില്ലെന്നും പത്മജ

ആയഞ്ചേരി: വില്ല്യാപ്പള്ളി , തിരുവള്ളൂർ,ആയഞ്ചേരി എന്നീ ഗ്രാമപഞ്ചായത്തുകളിലൂടെ കടന്നുപോകുന്നതും വില്ല്യാപ്പള്ളിയെയും ആയഞ്ചേരിയും തമ്മിൽ ബന്ധിപ്പിക്കുന്നതുമായ വില്യാപ്പള്ളി ആയഞ്ചേരി റോഡ് നവീകരണം അന്തിമ ഘട്ടത്തിൽ. പൊതുമരാമത്ത് വകുപ്പിന്റെ നേതൃത്വത്തിൽ വലിയ മാറ്റമാണ് വില്ല്യാപ്പള്ളി ആയഞ്ചേരി റോഡിൽ ഉണ്ടായിരിക്കുന്നത് എന്ന് കെ പി കുഞ്ഞമ്മദ് കുട്ടി എം എൽ എ പറഞ്ഞു. വില്ല്യാപ്പള്ളി-ആയഞ്ചേരി റോഡ് മുഴുവനായി ഉന്നത നിലവാരത്തിൽ എത്തിക്കാൻ വേണ്ടി പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസിനോട് അഭ്യർത്ഥിച്ചിരുന്നു. വില്ല്യാപ്പള്ളിയിൽ നിന്നും ആരംഭിക്കുന്ന ആദ്യ റീച്ചിലെ 1.25 കോടി രൂപയുടെ ബിസി ഓവർ ലേ പ്രവർത്തിയുടെ ഭാഗമായുള്ള ഐറിഷ് ഡ്രൈനേജ് നിർമ്മാണം ഉൾപ്പെടെ ഭൂരിഭാഗം പ്രവൃത്തികളും പൂർത്തിയാകാൻ പോവുകയാണ്. താന്നി മുക്കു വരെയുള്ള 1.65 കി മി ഭാഗമാണ് ഈ പ്രവർത്തിയിൽ ഉൾപ്പെടുക. ബി സി ഓവർ ലേ പ്രവൃത്തി പൂർത്തിയായതോടെ പറമ്പിൽ പാലത്തിനു മുകളിലായി വളരെക്കാലമായി നിലനിന്നിരുന്ന നിരപ്പ് വ്യത്യാസം പരിഹരിക്കപ്പെട്ടു. വില്ല്യാപ്പള്ളി ആയഞ്ചേരി റോഡിൽ അരയാക്കൂൽ താഴെമുതൽ വള്ളിയാട് വരെ വയലുകൾ വരുന്ന റോഡിന്റെ ഭാഗങ്ങൾ അരികുകെട്ടി സുരക്ഷിതമാക്കുന്നതിന് 25 ലക്ഷം രൂപയുടെ അനുമതി ലഭിച്ച പ്രവൃത്തിയും പുരോഗമിക്കുകയാണ്. രണ്ടാം റീച്ചിലെ 2.27 കോടി രൂപയുടെ പ്രവൃത്തി പൂർത്തിയായിരി. ആയഞ്ചേരിയിൽ എത്തുന്ന അവസാന റീച്ചിലെ 2 കോടി രൂപയുടെ പ്രവൃത്തിയും പൂർത്തീകരണ ഘട്ടത്തിലാണ്. വിവിധ ഘട്ടങ്ങളിലായി ഭൂവുടമകൾ സൗജന്യമായി ഭൂമി വിട്ടു തന്നതിന്റെ അടിസ്ഥാനത്തിലാണ് 5.77 കോടി രൂപയുടെ റോഡ് വികസനം യാഥാർത്ഥ്യമായത്. പൊതുമരാമത്ത് വകുപ്പ് മന്ത്രിയുടെ നേതൃത്വത്തിൽ നടത്തിയ ഇടപെടലുകളാണ് പദ്ധതിക്ക് ഇത്രയും പണം ലഭിക്കാനിടയായത്.
അനുമതി ലഭിച്ച് വളരെ ചുരുങ്ങിയ കാലത്തിനുള്ളിൽ തന്നെ പൂർത്തീകരണത്തിലേക്ക് എത്തിക്കുന്നതിന് പരിശ്രമം നടത്തിയ പൊതുമരാമത്ത് വകുപ്പ് ഉദ്യോഗസ്ഥർ, കരാറുകാർ, ജനപ്രതിനിധികൾ , സഹകരിച്ച നാട്ടുകാർ എല്ലാവർക്കും നന്ദി രേഖപ്പെടുത്തുന്നുവെന്നും എം എൽ എ പറഞ്ഞു.

വില്ല്യാപ്പള്ളി-ആയഞ്ചേരി റോഡ് ഉന്നത നിലവാരത്തിൽ

കൊല്ലം: കളക്ടറേറ്റ് വളപ്പിലെ ബോംബ് സ്ഫോടനക്കേസിൽ മൂന്ന് പ്രതികള്‍ കുറ്റക്കാര്‍. പ്രതികളിൽ ഒരാളെ കോടതി കുറ്റവിമുക്തനാക്കി. നിരോധിത ഭീകരസംഘടനയായ ബേസ്‌ മൂവ്‌മെന്റ് പ്രവർത്തകരും മധുര സ്വദേശികളുമായ അബ്ബാസ് അലി (31), ഷംസൂൺ കരീംരാജ (33), ദാവൂദ് സുലൈമാൻ (27) എന്നിവരെയാണ് കോടതി കുറ്റക്കാരെന്ന് കണ്ടെത്തിയിട്ടുള്ളത്. ഷംസുദ്ദീൻ എന്ന പ്രതിയെയാണ് കോടതി വെറുതേവിട്ടത്.
കൊല്ലം പ്രിൻസിപ്പൽ ഡിസ്ട്രിക്ട് ആൻഡ് സെഷൻസ് കോടതി ആണ് വിധിപറഞ്ഞത്.കേസിന്റെ വിചാരണ കഴിഞ്ഞ ദിവസം പൂര്‍ത്തിയായിരുന്നു. പ്രതികൾക്കുള്ള ശിക്ഷാവിധി കോടതി ചൊവ്വാഴ്ച പ്രഖ്യാപിക്കും.2016 ജൂൺ 15-ന്‌ രാവിലെ കൊല്ലം കളക്ടറേറ്റ് വളപ്പിലെ ഉപയോഗിക്കാതെ കിടന്ന ജീപ്പിലായിരുന്നു സ്‌ഫോടനം നടന്നത്. സംഭവത്തിൽ ഒരാൾക്ക് പരിക്കേറ്റിരുന്നു.&nbsp;

കൊല്ലം കളക്ട്രേറ്റ് സ്‌ഫോടനക്കേസ്: മൂന്ന് പ്രതികള്‍ കുറ്റക്കാര്‍,ഒരാളെ വെറുതെ വിട്ടു

മാഹി: യുവാവ് ട്രെയിൻ തട്ടി മരിച്ചു. ഗവ. ആശുപത്രിക്ക് സമീപം ശ്രീനാഥം വീട്ടിൽ പരേതനായ ശ്രീനാഥിൻ്റെയും സിന്ധുവിന്റേയും മകൻ വിഷ്ണു (അപ്പു) (30) വാണ് മരിച്ചത്. മാഹി റയിൽ വേ സ്റ്റേഷന് സമീപത്ത് വച്ചാണ് അപകടമുണ്ടായത്. സഹോദരങ്ങൾ: ജുബിൻ ശ്രീനാഥ്, ഐശ്വര്യ.
&nbsp;

മാഹിയിൽ യുവാവ് ട്രെയിൻ തട്ടി മരിച്ചു

Mahe

തിരുവനന്തപുരം: പാലോട് വാഹനാപകടത്തിൽ പൊലീസുകാരന് ദാരുണാന്ത്യം. പെരിങ്ങമ്മല കാട്ടിലക്കുഴി സ്വദേശി കാർത്തിക് (29) ആണ് മരിച്ചത്. പാലോട്-പെരിങ്ങമ്മല റോഡിലെ പാപ്പനംകോട് വെച്ച് സ്വകാര്യ ബസും ഇരുചക്ര വാഹനവും കൂട്ടിയിടിച്ചായിരുന്നു അപകടമുണ്ടായത്. ഞായറാഴ്ച രാത്രി ഏഴരയോടെയായിരുന്നു സംഭവം.
അപകടത്തിൽ തലയ്ക്ക് ​ഗുരുതര പരിക്കേറ്റ കാർത്തിക്കിനെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചുവെങ്കിലും രക്ഷിക്കാനായില്ല. തൃശ്ശൂർ ടെമ്പിൾ സ്റ്റേഷനിലെ പൊലിസുകാരനാണ് കാർത്തിക്.

ബൈക്കും സ്വകാര്യ ബസും കൂട്ടിയിടിച്ച് അപകടം; പൊലീസുകാരന് ദാരുണാന്ത്യം

പാലക്കാട്: എല്‍.ഡി.എഫ്. സ്ഥാനാര്‍ഥി പി. സരിന് ഹസ്തദാനം നല്‍കാന്‍ വിസമ്മതിച്ച കോണ്‍ഗ്രസ് സ്ഥാനാര്‍ഥി രാഹുല്‍ മാങ്കൂട്ടത്തിലിനും ഷാഫി പറമ്പില്‍ എം.പിക്കുമെതിരെ ബി.ജെ.പി. നേതാവ് പത്മജ വേണുഗോപാല്‍. കോണ്‍ഗ്രസ് കുട്ടിനേതാക്കളുടെ നിലവാരമില്ലായ്മയാണ് ഇവിടെ തെളിഞ്ഞുകാണുന്നതെന്ന് പറഞ്ഞ പത്മജ, ഇത് രാഷ്ട്രീയം മാറ്റിവെച്ചുള്ള തന്റെ അഭിപ്രായമാണെന്നും വ്യക്തമാക്കി. ഫെയ്‌സ്ബുക്കിലൂടെയായിരുന്നു പത്മജ വേണുഗോപാലിന്റെ പ്രതികരണം.
'രാഷ്ട്രീയ അഭിപ്രായ വ്യത്യാസങ്ങള്‍ ഉണ്ടാകാം. ഇവിടെ സരിന്റെ രാഷ്ട്രീയ മാന്യതയാണ് ഉയര്‍ന്നത്. എതിര്‍ സ്ഥാനാര്‍ത്ഥി കൈ കൊടുത്തില്ലെങ്കില്‍ സരിന് ഒന്നുമില്ല. പക്ഷേ കോണ്‍ഗ്രസ് കുട്ടി നേതാക്കളുടെ നിലവാരമില്ലായ്മയാണ് ഇവിടെ തെളിഞ്ഞു കാണുന്നത്. ഇക്കാര്യത്തില്‍ രാഷ്ട്രീയം മാറ്റി വെച്ചുള്ള എന്റെ അഭിപ്രായമാണിത്.' -പത്മജ ഫെയ്‌സ്ബുക്കില്‍ കുറിച്ചു.
താന്‍ കോണ്‍ഗ്രസ് വിട്ടപ്പോള്‍ തന്റെ അമ്മയെ സംസ്‌കാരശൂന്യമായി അധിക്ഷേപിച്ച പയ്യനല്ലേ ഈ രാഹുല്‍ എന്ന ആമുഖത്തോടെയായിരുന്നു പത്മജയുടെ ഫെയ്‌സ്ബുക്ക് പോസ്റ്റ്.
ഒരു കല്യാണ ചടങ്ങിനിടെ കണ്ടപ്പോഴാണ് രാഹുല്‍ മാങ്കൂട്ടത്തിലും ഷാഫി പറമ്പിലും പി. സരിന് ഹസ്തദാനം നല്‍കാതെ പോയത്. മുന്‍ കോണ്‍ഗ്രസ് നേതാവ് എ.വി. ഗോപിനാഥിന് ഇരുവരും കൈക്കൊടുക്കുകയും ആലിംഗനം ചെയ്യുകയും ചെയ്‌തെങ്കിലും സരിനെ ​ഗൗനിക്കാതെ പോകുകയായിരുന്നു.

എന്റെ അമ്മയെ സംസ്‌കാരശൂന്യമായി അധിക്ഷേപിച്ച പയ്യനല്ലേ രാഹുല്‍ ;കോണ്‍ഗ്രസ് കുട്ടിനേതാക്കളുടെ നിലവാരമില്ലായ്മയെന്ന് പത്മജ

തൃശൂർ: തനിക്കെതിരെ ഉയർന്ന ആരോപണങ്ങൾ തെളിയ്‌ക്കുന്ന തെളിവ് പുറത്തുവിടാൻ വെല്ലുവിളിച്ച് ബിജെപി നേതാവ് ശോഭാ സുരേന്ദ്രൻ. കഴിഞ്ഞ ദിവസം ആന്റോ അഗസ്റ്റിൻ പറഞ്ഞ കാര്യങ്ങൾ തെറ്റാണെന്നും ധെെര്യമുണ്ടെങ്കിൽ അവയുടെ തെളിവ് പുറത്തുവിടണമെന്നുമാണ് ശോഭാ സുരേന്ദ്രൻ ആവശ്യപ്പെട്ടത്. ആന്റോ അഗസ്റ്റിന്റെ വീട്ടിൽ താൻ എത്തിയതിന്റെ ഒരു ഫോട്ടോ തെളിവെങ്കിലും പൊതുജനങ്ങൾക്ക് മുന്നിൽ എത്തിക്കാൻ ശോഭ പറഞ്ഞു. അവർ.
'ഒരു 500 തവണയെങ്കിലും ഞാൻ ആന്റോ അഗസ്റ്റിന്റെ വീട്ടിലെത്തിയിരുന്നുവെന്ന് അയാൾ പറഞ്ഞു. അതിൽ നിന്ന് രണ്ട് പൂജ്യം ഞാൻ കളഞ്ഞു. ഒരു അ‌ഞ്ച് തവണയെങ്കിലും ഞാൻ ആന്റോയുടെ വീട്ടിൽ വന്നതിന്റെ തെളിവ് പുറത്തുവിടണം. ഞാൻ ആന്റോ അഗസ്റ്റിനെ ഫോണിൽ വിളിച്ചുവെന്ന് അയാൾ പറഞ്ഞു. ഞാൻ വിളിച്ച സമയം,​ നമ്പർ,​ തീയതി എന്നിവ കേരളത്തിലെ ജനങ്ങൾക്ക് മുന്നിൽ വയ്ക്കാൻ അയാൾ തയ്യാറാവണം. എനിക്ക് വേണ്ടി മുറികൾ എടുത്തിട്ടുണ്ടന്നാണ് അയാൾ കഴിഞ്ഞ ദിവസം പറഞ്ഞത്.ഇന്ത്യയിലെ ഏതെങ്കിലും ഒരു ഹോട്ടലിൽ എനിക്ക് വേണ്ടി നിങ്ങൾ മുറി ബുക്ക് ചെയ്തിട്ടുണ്ടെങ്കിൽ ഒറ്റ തന്തയ്ക്ക് പിറന്നവനാണെങ്കിൽ അതിന്റെ തെളിവ് കേരളത്തിലെ ജനങ്ങൾക്ക് മുന്നിൽ വയ്ക്കണം. ശോഭയ്ക്ക് വിമാനത്തിൽ കയറാൻ ടിക്കറ്റ് എടുത്ത് കൊടുക്കുന്നത് അയാൾ ആണെന്ന് പറഞ്ഞു. ഇല്ലാത്ത ബലാത്സംഗ കുറ്റം ചുമത്താൻ ഒരു സ്ത്രീക്ക് പണം വാഗ്ദാനം ചെയ്ത ആളാണ് ആന്റോ. അതിന്റെ സാക്ഷിയാണ് ഞാൻ. തിരൂർ സതീശന് പിന്നിൽ ആന്റോ അഗസ്റ്റിൻ ആണ്',​- ശോഭാ സുരേന്ദ്രൻ ആരോപിച്ചു.
അതേസമയം,​ ബിജെപി മുൻ ഓഫീസ് സെക്രട്ടറി തിരൂർ സതീഷിന്റെ വീട്ടിൽ എത്തിയില്ലെന്ന ശോഭാ സുരേന്ദ്രന്റെ വാദം പൊളിയുന്നു. തന്റെ വീട്ടിൽ വന്നിട്ടില്ലെന്ന വാദം തെറ്റാണെന്ന് തെളിയിക്കുന്ന ചിത്രങ്ങളാണ് തിരൂർ സതീഷ് പുറത്തുവിട്ടു. അദ്ദേഹത്തിന്റെ വീട്ടിൽ ഭാര്യയോടും മകനോടും ഒപ്പം ശോഭാ നിൽക്കുന്ന ചിത്രമാണ് പുറത്തുവന്നത്.സതീഷന്റെ വീട്ടിൽ താൻ വന്നിട്ടേയില്ലെന്നായിരുന്നു ശോഭാ സുരേന്ദ്രൻ വാർത്താസമ്മേളനത്തിൽ പറഞ്ഞത്. എന്നാൽ ശോഭാ സുരേന്ദ്രൻ വീട്ടിലെത്തിയതിനുള്ള തെളിവാണ് പുറത്തുവന്ന ചിത്രങ്ങൾ.

'ഒറ്റ തന്തയ്ക്ക് പിറന്നവനാണെങ്കിൽ തെളിവ് പുറത്തുവിടണം'; വെല്ലുവിളിച്ച് ശോഭാ സുരേന്ദ്രൻ

നെയ്യാറ്റിൻകര: ഷാരോൺ കൊലപാതകത്തിൽ നിർണായക വെളിപ്പെടുത്തലുകളുമായി മെഡിക്കൽ സംഘം കോടതിയിൽ. കളനാശിനിയായി ഉപയോഗിക്കുന്ന പാരക്വിറ്റാണ് ഗ്രീഷ്മ കഷായത്തിൽ കലർത്തി നൽകിയതെന്നാണ് ഡോക്ടർമാരുടെ സംഘം കോടതിയിൽ മൊഴി നൽകിയത്. നേരത്തേ ഏത് കളനാശിനിയാണ് നൽകിയത് എന്നത് സംബന്ധിച്ച് വ്യക്തതയില്ലായിരുന്നു.
നെയ്യാറ്റിൻകര അഡീഷണൽ ജില്ലാ സെഷൻസ് ജഡ്ജി എ.എം.ബഷീറിന് മുന്നിലാണ് ഷാരോണിനെ ചികിത്സിച്ച മെഡിക്കൽ കോളേജിലെ വിദഗ്ധരായ ഡോക്ടർമാർ മൊഴി നൽകിയത്. 2022 ഒക്ടോബർ 14-ന് രാവിലെ പത്തരയ്ക്കാണ് ഗ്രീഷ്മ ആൺസുഹൃത്തായ ഷാരോൺരാജിന് കഷായത്തിൽ വിഷം കലർത്തി നൽകിയത്. വിഷം നൽകുന്നതിന് മണിക്കൂറുകൾക്ക് മുൻപ്‌ ഗ്രീഷ്മ ഷാരോണിന് നൽകാനുറച്ച പാരക്വിറ്റ് വിഷം മനുഷ്യശരീരത്തിൽ എങ്ങനെയാണ് പ്രവർത്തിക്കുന്നതെന്ന് ഇന്റർനെറ്റിൽ തിരഞ്ഞു. 15 മില്ലി വിഷം ശരീരത്തിലെത്തിയാല്‍ മരണം ഉറപ്പാണെന്ന് വെബ്‌സെര്‍ച്ചിലൂടെ ഗ്രീഷ്മ മനസിലാക്കി. ഗ്രീഷ്മ വിഷത്തിന്റെ പ്രവർത്തനരീതി ഇന്റർനെറ്റിൽ തിരഞ്ഞതിന്റെ തെളിവ് പ്രോസിക്യൂഷൻ കോടതിയിൽ ഹാജരാക്കി. വിഷം ശരീരത്തിൽ എങ്ങനെയാണ് പ്രവർത്തിക്കുന്നതെന്ന് മെഡിക്കൽ കോളേജിലെ മെഡിസിൻ വിഭാഗം മേധാവി ഡോ.അരുണ കോടതിയിൽ മൊഴി നൽകി.
ഷാരോണിന് വിഷം കലർത്തി നൽകുന്നതിന് ദിവസങ്ങൾക്ക് മുൻപ് ഗ്രീഷ്മ ജ്യൂസ് ചലഞ്ച് എന്ന പേരിൽ പാരസെറ്റമോൾ ഗുളികകൾ കലർത്തിയ പഴച്ചാർ നൽകിയിരുന്നു. ഇത് നൽകുന്നതിന് മുൻപും ഗ്രീഷ്മ പലപ്രാവശ്യം പാരസെറ്റമോൾ എത്ര അളവിൽ നൽകിയാലാണ് ശരീരത്തിന് ഹാനികരമാകുന്നതെന്ന് മനസ്സിലാക്കിയിരുന്നതായി പ്രോസിക്യൂഷൻ ഡിജിറ്റൽ തെളിവുകൾ നൽകി. സ്‌പെഷ്യൽ പബ്ളിക് പ്രോസിക്യൂട്ടർ വി.എസ്.വിനീത്കുമാറാണ് പ്രോസിക്യൂഷനായി കോടതിയിൽ ഹാജരാകുന്നത്.
ഗ്രീഷ്മയ്ക്ക് പാരക്വിറ്റ് കളനാശിനി വാങ്ങിനൽകിയത് മൂന്നാം പ്രതിയായ അമ്മാവൻ നിർമൽകുമാറാണ്. ഷാരോണിന് നൽകിയ വിഷത്തിന്റെ കുപ്പിയും മറ്റുതെളിവുകളും പ്രോസിക്യൂഷൻ കോടതിയിൽ ഹാജരാക്കിയിരുന്നു. ഗ്രീഷ്മ വെബ് സെർച്ച് ചെയ്ത തെളിവുകൾ തഹസിൽദാർ നൗഷാദിന്റെ സാന്നിധ്യത്തിലാണ് ഫോണിൽനിന്നു കണ്ടെടുത്ത് മഹസർ തയ്യാറാക്കിയത്.
പാറശ്ശാല സമുദായപ്പറ്റ് സ്വദേശിയായ ഷാരോൺ രാജും തമിഴ്‌നാട്ടിലെ ദേവിയോട് സ്വദേശിനിയായ ഗ്രീഷ്മയും പ്രണയത്തിലായിരുന്നു. ഇതിനിടെ ഗ്രീഷ്മയ്ക്ക് ആർമി ഉദ്യോഗസ്ഥന്റെ വിവാഹാലോചന വന്നു. ഗ്രീഷ്മയുടെ ജാതകപ്രകാരം ആദ്യ ഭർത്താവ് മരിച്ചുപോകുമെന്ന് ജ്യോത്സ്യൻ പറഞ്ഞിരുന്നു. ഇതിനെ തുടർന്നാണ് ഷാരോണിനെ താലികെട്ടിയശേഷം കഷായത്തിൽ വിഷം കലർത്തി നൽകി കൊലപ്പെടുത്തിയത്. ഗ്രീഷ്മയുടെ അമ്മ സിന്ധു രണ്ടും അമ്മാവൻ നിർമൽകുമാർ മൂന്നും പ്രതികളാണ്.

ഷാരോണിന് ഗ്രീഷ്മ കഷായത്തിൽ കലർത്തി നൽകിയത് പാരക്വിറ്റ് കളനാശിനി; നിർണായക വെളിപ്പെടുത്തലുകളുമായി മെഡിക്കൽ സംഘം

കൊ​ച്ചി: ഗെ​യിം​സും അ​ത്‍ല​റ്റി​ക്സും ഒ​രു​മി​ച്ച് ചേ​രു​ന്ന കൗ​മാ​ര കാ​യി​ക മാ​മാ​ങ്ക​ത്തി​ന് ഇ​ന്ന് കൊ​ച്ചി​യി​ൽ തു​ട​ക്കം. ഭി​ന്ന​ശേ​ഷി​ക്കാ​രും ഗ​ൾ​ഫ് രാ​ജ്യ​ങ്ങ​ളി​ൽ നി​ന്നു​മു​ള്ള കാ​യി​ക താ​ര​ങ്ങ​ളു​മു​ൾ​പ്പെ​ടെ പ​തി​നാ​യി​ര​ക്ക​ണ​ക്കി​ന് താ​ര​ങ്ങ​ൾ മാ​റ്റു​ര​ക്കു​ന്ന ഒ​ളി​മ്പി​ക്സ് മാ​തൃ​ക​യി​ലു​ള്ള ‘കേ​ര​ള സ്കൂ​ൾ കാ​യി​ക​മേ​ള കൊ​ച്ചി 24’നാ​ണ് തി​ങ്ക​ളാ​ഴ്ച വി​സി​ൽ മു​ഴ​ങ്ങു​ന്ന​ത്.
വൈ​കീ​ട്ട് നാ​ലി​ന് എ​റ​ണാ​കു​ളം മ​ഹാ​രാ​ജാ​സ് കോ​ള​ജ് സ്റ്റേ​ഡി​യ​ത്തി​ൽ ഉ​ദ്ഘാ​ട​ന​ച്ച​ട​ങ്ങ് പൊ​തു​വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി ഉ​ദ്ഘാ​ട​നം ചെ​യ്യും. വ​ർ​ണാ​ഭ​മാ​യ ക​ലാ​പ​രി​പാ​ടി​ക​ളും ഇ​തോ​ട​നു​ബ​ന്ധി​ച്ച് അ​ര​ങ്ങേ​റും. വി​വി​ധ ജി​ല്ല​ക​ളി​ലൂ​ടെ ക​ട​ന്നു​വ​ന്ന ദീ​പ​ശി​ഖ പ്ര​യാ​ണ​വും ട്രോ​ഫി പ​ര്യ​ട​ന​വും തി​ങ്ക​ളാ​ഴ്ച തൃ​പ്പൂ​ണി​ത്തു​റ​യി​ൽ ഒ​ത്തു​ചേ​ർ​ന്ന് സം​യു​ക്ത പ്ര​യാ​ണ​മാ​യി വേ​ദി​യി​ലേ​ക്കെ​ത്തും.
എ​റ​ണാ​കു​ളം മ​ഹാ​രാ​ജാ​സ് സ്റ്റേ​ഡി​യം ഉ​ൾ​പ്പെ​ടെ ജി​ല്ല​യി​ലെ 17 വേ​ദി​ക​ളി​ലാ​യി 24,000 മ​ത്സ​രാ​ർ​ഥി​ക​ൾ പ​ങ്കെ​ടു​ക്കു​ന്ന കാ​യി​ക മ​ത്സ​ര​ങ്ങ​ൾ​ക്ക് ചൊ​വ്വാ​ഴ്ച​യാ​ണ് തു​ട​ക്ക​മാ​വു​ക. 11ന് ​സ​മാ​പ​ന സ​മ്മേ​ള​ന​വും സ​മ്മാ​ന​ദാ​ന​ച്ച​ട​ങ്ങും മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്ഘാ​ട​നം ചെ​യ്യും.

സംസ്ഥാന സ്കൂൾ കായികമേള ഇന്നുമുതൽ കൊച്ചിയിൽ

ൾ കാ​യി​ക​മേ​ള​യി​ലെ ചീ​ഫ് മി​നി​സ്റ്റേ​ഴ്‌​സ് ട്രോ​ഫി​ക്കും ഭാ​ഗ്യ​ചി​ഹ്ന​മാ​യ ത​ക്കു​ടു​വി​നും ഇ​ട​പ്പ​ള്ളി സെ​ന്റ് ജോ​ർ​ജ് ഹൈ​സ്കൂ​ളി​ൽ ന​ൽ​കി​യ സ്വീ​ക​ര​ണം

നാ​ദാ​പു​രം: കൂ​ട്ടു​കാ​രു​മൊ​ത്ത് ഗ്രൗ​ണ്ടി​ൽ ക​ളി​ക്കു​ക​യാ​യി​രു​ന്ന വി​ദ്യാ​ർ​ഥി​യെ ക്രൂ​രമാ​യി മ​ർ​ദി​ച്ച് പ​രി​ക്കേ​ൽ​പി​ച്ചു. എ​ട​ച്ചേ​രി ത​ലാ​യി മു​സ്ല്യാ​ര​വി​ട താ​ഴ​ക്കു​നി ഇ​ബ്രാ​ഹി​മി​ന്റെ മ​ക​ൻ മി​സ്ഹ​ബ് (13) എ​ന്ന വി​ദ്യാ​ർ​ഥി​ക്ക് നേ​രെ​യാ​ണ് അ​ക്ര​മ​മു​ണ്ടാ​യ​ത്. ശ​നി​യാ​ഴ്ച വൈ​കീ​ട്ട് ത​ലാ​യി ക​ണ്ണു​ക്കു​റ്റി പാ​റ ഗ്രൗ​ണ്ടി​ൽ കൂ​ട്ടു​കാ​രു​മാ​യി ക​ളി​ച്ചു​കൊ​ണ്ടി​രി​ക്കു​മ്പോ​ൾ പു​ന​ത്തി​ൽ ശ​മി​ൽ​രാ​ജി​ന്‍റെ നേ​തൃ​ത്വ​ത്തി​ൽ നാ​ലം​ഗ​സം​ഘം കു​ട്ടി​യെ ക്രൂ​ര​മാ​യി മ​ർ​ദി​ച്ച് അ​വ​ശ​നാ​ക്കുകയായിരുന്നു.
മ​ർ​ദ​ന​ത്തി​ൽ മു​ഖ​ത്തും നെ​ഞ്ചി​നും പ​രി​ക്കേ​റ്റ കു​ട്ടി​യെ നാ​ദാ​പു​രം താ​ലൂ​ക്ക് ആ​ശു​പ​ത്രി​യി​ലും പി​ന്നീ​ട് വ​ട​ക​ര​യി​ലും ചി​കി​ത്സ​ക്ക് വി​ധേ​യ​നാ​ക്കി. ഗ്രൗ​ണ്ടി​ൽ ക​ളി​ക്കാ​ൻ പാ​ടി​ല്ലെ​ന്ന് പ​റ​ഞ്ഞാ​യി​രു​ന്നു അ​ക്ര​മ​മെ​ന്ന് കു​ട്ടി​യോ​ടൊ​പ്പ​മു​ണ്ടാ​യി​രു​ന്ന​വ​ർ പ​റ​ഞ്ഞു. കൂ​ടെ ക​ളി​ക്കു​ന്ന കു​ട്ടി​ക​ളും പ​രി​സ​ര​ത്തു​ള്ള വീ​ട്ടി​ലെ സ്ത്രീ​ക​ളും ബ​ഹ​ളം വെ​ച്ച​തോ​ടെ അ​ക്ര​മി​ക​ൾ വാ​ഹ​ന​ത്തി​ൽ ക​യ​റി ര​ക്ഷ​പ്പെ​ടു​ക​യാ​യി​രു​ന്നു​വെ​ന്ന് ദൃ​ക്സാ​ക്ഷി​ക​ൾ പ​റ​ഞ്ഞു. സം​ഭ​വ​ത്തി​ൽ എ​ട​ച്ചേ​രി പൊ​ലീ​സി​ൽ പ​രാ​തി ന​ൽ​കി. എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത പൊ​ലീ​സ് അ​ന്വേ​ഷ​ണം ആ​രം​ഭി​ച്ചു.

എ​ട​ച്ചേ​രിയിൽ യു​വാ​ക്ക​ൾ ചേ​ർ​ന്ന് വി​ദ്യാ​ർ​ഥി​യെ ക്രൂ​ര​മാ​യി മ​ർ​ദി​ച്ചതായി പരാതി

തൃശ്ശൂര്‍: ചേലക്കരയിൽ നടത്തിയ അധിക്ഷേപ പരാമര്‍ശത്തില്‍ കേന്ദ്രമന്ത്രി സുരേഷ് ഗോപിക്കെതിരെ കേസ്. മുഖ്യമന്ത്രിയെ അധിക്ഷേപിച്ചതിന് ചേലക്കര പോലീസില്‍ ലഭിച്ച പരാതിയിലാണ് കേസെടുത്തത്. കെ.പി.സി.സി. മീഡിയ പാനലിസ്റ്റായ വി.ആര്‍. അനൂപാണ് പരാതിക്കാരന്‍.
ചേലക്കരയിലെ ബി.ജെ.പി. ഉപതിരഞ്ഞെടുപ്പ് കണ്‍വെന്‍ഷന്‍ വേദിയിലെ പരാമര്‍ശത്തിനെതിരെയാണ് പരാതി. പോലീസ് പരാതിക്കാരനായ വി.ആര്‍. അനൂപിന്റെ മൊഴി രേഖപ്പെടുത്തും.നേരത്തെ, പൂരനഗരയില്‍ ആംബുലന്‍സില്‍ വന്നതിന് സുരേഷ് ഗോപിക്കെതിരെ കേസെടുത്തിരുന്നു. തൃശ്ശൂര്‍ ഈസ്റ്റ് പോലീസും മോട്ടോര്‍ വാഹനവകുപ്പുമാണ് കേസെടുത്തത്.&nbsp;

മുഖ്യമന്ത്രിക്കെതിരെ അധിക്ഷേപ പരാമര്‍ശം; കോണ്‍ഗ്രസ് നേതാവിന്റെ പരാതിയില്‍ സുരേഷ് ഗോപിക്കെതിരെ കേസ്

പാലക്കാട്: ഷൊർണൂരിൽ ട്രെയിൻ തട്ടിയുണ്ടായ അപകടത്തിൽ മരിച്ച നാലാമത്തെയാളുടെ മൃതദേഹം കണ്ടെത്തി. സേലം പുത്തൂർ സ്വദേശി ലക്ഷ്മണന്റെ മൃതദേഹമാണ് ഫയർ ഫോഴ്സിന്റെ മുങ്ങൽ വിദ​ഗ്ധർ കണ്ടെത്തിയത്. ഷൊർണൂർ റെയിൽവേ പാലത്തിൽ ശുചീകരണ ജോലി നടത്തുന്നതിനിടെയാണ് മൂന്നുപേർ തീവണ്ടിയിയിടിച്ച് തത്ക്ഷണം മരിച്ചത്.
കൊച്ചിൻ പാലത്തിന്റെ തൂണിനോടുചേർന്നായിരുന്നു ലക്ഷ്മണന്റെ മൃതദേഹം കിടന്നിരുന്നത്. ട്രെയിൻ തട്ടാതിരിക്കാൻ പുഴയിലേക്ക് എടുത്ത് ചാടിയ ലക്ഷ്മണൻ ഒഴുക്കിൽപ്പെടുകയായിരുന്നു. ലക്ഷ്മണന്റെ ഭാര്യ റാണി കഴിഞ്ഞദിവസം മരിച്ചിരുന്നു.ഒറ്റപ്പാലം റെയിൽവേ സ്റ്റേഷൻ പരിസരത്ത് വാടകയ്ക്ക് താമസിക്കുന്ന തമിഴ്നാട് സേലം അയോധ്യപട്ടണം, പുത്തൂർ വില്ലേജ്, അടിമലൈ ലക്ഷ്മണൻ (60), ഭാര്യ വള്ളി (55) എന്നിവരാണ് അപകടത്തിൽ മരിച്ച മറ്റുള്ളവർ. റാണിയും വള്ളിയും ബന്ധുക്കളാണ്. ട്രാക്കിൽനിന്ന് പുഴയിലെ മണലിലേക്ക് തെറിച്ചുവീണാണ് റാണിയും വള്ളിയും മരിച്ചത്. ലക്ഷ്മണന്റെ മൃതദേഹം കാൽ അറ്റുപോയനിലയിൽ ട്രാക്കിൽ കണ്ടെത്തുകയായിരുന്നു.

ഷൊര്‍ണൂർ അപകടത്തിൽ  മരണം നാലായി; രക്ഷപ്പെടാൻ പുഴയിലേയ്ക്ക് ചാടിയ ആളുടെ മൃതദേഹം കണ്ടെത്തി

തിരുവനന്തപുരം: സംസ്ഥാനത്ത് അടുത്ത അഞ്ചുദിവസം ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. 10 ജില്ലകളില്‍ മഞ്ഞ ജാഗ്രത പുറപ്പെടുവിച്ചിട്ടുണ്ട്. നവംബര്‍ നാലുമുതല്‍ എട്ട് വരെയുള്ള ദിവസങ്ങളില്‍ ഇടിമിന്നലോട് കൂടിയ മഴ പെയ്യുമെന്നാണ് അറിയിപ്പ്.
തിരുവനന്തപുരം, കൊല്ലം, പത്തനംതിട്ട, ഇടുക്കി, എറണാകുളം, തൃശ്ശൂര്‍, പാലക്കാട്, കോഴിക്കോട്, വയനാട്, കണ്ണൂര്‍ ജില്ലകളിലാണ് മഞ്ഞ ജാഗ്രതാ നിര്‍ദേശം നല്‍കിയിരിക്കുന്നത്. തിങ്കള്‍ മുതല്‍ വെള്ളിവരെ ഒറ്റപ്പെട്ട ശക്തമായ മഴയായിരിക്കും ലഭിക്കുക എന്നും കാലാവസ്ഥാ കേന്ദ്രത്തിന്റെ മുന്നറിയിപ്പ്.

സംസ്ഥാനത്ത് തിങ്കള്‍ മുതല്‍ വെള്ളിവരെ ശക്തമായ മഴയ്ക്ക് സാധ്യത; 10 ജില്ലകളില്‍ മഞ്ഞ ജാഗ്രത

കൽപ്പറ്റ: പുഴയിൽ ചാടി ജീവനൊടുക്കിയ യുവാവിന്റെ മൃതദേഹം കണ്ടെത്തി. അഞ്ചുകുന്ന് മാങ്കാനി കോളനിയിലെ രതിനാണ് (24) മരിച്ചത്. ഓട്ടോ ഡ്രൈവറായിരുന്ന യുവാവിനെ കഴിഞ്ഞ ദിവസം മുതൽ കാണാനില്ലായിരുന്നു. ബന്ധുക്കളും നാട്ടുകാരും നടത്തിയ തിരച്ചിലിലാണ് രതിന്റെ ഓട്ടോറിക്ഷ പുഴയ്ക്കരികിൽ കിടക്കുന്നത് കണ്ടത്. തുടർന്ന് സംശയം തോന്നി സിഎച്ച് റസ്‌ക്യൂ പ്രവർത്തകരും നാട്ടുകാരും നടത്തിയ തിരച്ചിലിലാണ് മൃതദേഹം കണ്ടെടുത്തത്.
രതിൻ മരിക്കുമെന്ന സൂചന നൽകിയതായും മരണ കാരണം വ്യക്തമാക്കി വീഡിയോ ചെയ്തിരുന്നതായും ബന്ധുക്കൾ പറഞ്ഞു. കഴിഞ്ഞ ദിവസം രതിൻ ഒരു പെൺകുട്ടിയുമായി സംസാരിച്ച് നിൽക്കുന്നതിനിടെ പൊലീസ് പിടികൂടിയിരുന്നു. ശേഷം പോക്‌സോ കേസിൽ ഉൾപ്പെടുത്തുമെന്ന് പറഞ്ഞ് പൊലീസ് ഭീഷണിപ്പെടുത്തിയതായാണ് ബന്ധുക്കൾ പറയുന്നത്. അതുമായി ബന്ധപ്പെട്ടുള്ള വീഡിയോ ചെയ്തതിന് ശേഷമാണ് യുവാവ് പുഴയിൽ ചാടി ജീവനൊടുക്കിയത്.

പോക്സോ കേസിൽ ഉൾപ്പെടുത്തുമെന്ന് പൊലീസ് പറഞ്ഞു; 24കാരൻ പുഴയിൽ ചാടി ജീവനൊടുക്കി

ബം​ഗ​ളൂ​രു​:​ ​ക​ന്ന​ട​ ​സി​നി​മാ​ ​സം​വി​ധാ​യ​ക​നും നടനുമായ ​ ​ഗു​രു​പ്ര​സാ​ദി​നെ​ ​(52​)​ ​ഫ്ലാറ്റിൽ മ​രി​ച്ച​നി​ല​യി​ൽ​ ​ക​ണ്ടെ​ത്തി.​ ബംഗളുരുവിന് സമീപം ​മ​ദ​നാ​യ​ക​ന​ഹ​ള്ളി​യി​ലെ​ ​അ​പ്പാ​ർ​ട്‌​മെ​ന്റി​ൽ​ ​സീ​ലിം​ഗ് ​ഫാ​നി​ൽ​ ​തൂ​ങ്ങി​യ​ ​നി​ല​യി​ലാ​യി​രു​ന്നു​ ​മൃ​ത​ദേ​ഹം.​ ​മൃ​ത​ദേ​ഹം​ ​അ​ഴു​കി​യി​രു​ന്നു.​ ​ദി​വ​സ​ങ്ങ​ൾ​ക്ക് ​മു​മ്പ് ​ഗു​രു​പ്ര​സാ​ദ് ​ആ​ത്മ​ഹ​ത്യ​ ​ചെ​യ്ത​താ​കാ​മെ​ന്നാ​ണ് ​പൊ​ലീ​സി​ന്റെ​ ​പ്രാ​ഥ​മി​ക​ ​നി​ഗ​മ​നം. അ​പ്പാ​ർ​ട്‌​മെ​ന്റി​ൽ​നി​ന്ന് ​രൂക്ഷ​ ​ഗ​ന്ധം​ ​വ​രു​ന്നു​വെ​ന്ന​ ​അ​യ​ൽ​ക്കാ​രു​ടെ​ ​പ​രാ​തി​യെ​ത്തു​ട​ർ​ന്ന് ​പൊ​ലീ​സ് ​എ​ത്തി​ ​പ​രി​ശോ​ധി​ക്കു​ക​യാ​യി​രു​ന്നു.​ ​
ഗുരുപ്രസാദ് സാമ്പത്തിക പ്രതിസന്ധിയിലായിരുന്നുവെന്ന് റിപ്പോർട്ടുണ്ട്. ​സംഭവത്തിൽ പൊലീസ് കേസെടുത്ത് അ​ന്വേ​ഷ​ണം​ ​ആ​രം​ഭി​ച്ചു.​ ​കന്നഡ ചലച്ചിത്ര മേഖലയിലെ പ്രമുഖനായിരുന്നു ഗുരുപ്രസാദ്. മാ​ത,​ ​എ​ഡ്ഡെ​ലു​ ​മ​ഞ്ജു​നാ​ഥ,​ ​ഡ​യ​റ​ക്ടേ​ഴ്സ് ​സ്‌പെ​ഷ്യ​ൽ​ ​തു​ട​ങ്ങി​യ​വ​യാ​ണ് ​പ്ര​ധാ​ന​ ​സി​നി​മ​ക​ൾ.​ ​അ​ഡോമ​ ​എ​ന്ന​ ​ചി​ത്ര​ത്തി​ന്റെ​ ​പ്ര​വ​ർ​ത്ത​ന​ങ്ങ​ൾ​ ​ന​ട​ക്കു​മ്പോ​ഴാ​യി​രു​ന്നു​ ​അ​ന്ത്യം.​ പത്തോളം സിനിമകളിൽ അദ്ദേഹം അഭിനയിച്ചിട്ടുമുണ്ട്,ഗുരുപ്രസാദിന്റെ അപ്രതീക്ഷിത വിയോഗത്തിൽ കന്നഡ സിനിമാ ലോകം ദുഃഖം രേഖപ്പെടുത്തി.

നടനും സംവിധായകനുമായ ഗുരുപ്രസാദിനെ മരിച്ചനിലയിൽ കണ്ടെത്തി

ബ്രാംപ്‌ടൺ: കാനഡയിൽ ഹൈന്ദവ ക്ഷേത്രപരിസരത്ത് ആക്രമണം. ബ്രാംപ്‌ടണിലെ ഹിന്ദു സഭാ മന്ദിറിന്റെ പരിസരത്താണ് ഖാലിസ്ഥാൻ കൊടികളുമായി എത്തിയ ആളുകൾ ആക്രമണം നടത്തിയത്. ഹിന്ദു സഭാ മന്ദിറിൽ ദർശനത്തിനെത്തിയവർക്ക് നേരെ ഒരുകൂട്ടം ആളുകൾ അതിക്രമിച്ച് കയറി വടിയുപയോഗിച്ച് മർദ്ദിക്കുന്ന ദൃശ്യങ്ങൾ സമൂഹമാധ്യമങ്ങളിലൂടെ പുറത്തുവന്നു.
സംഭവത്തെ കനേഡിയൻ പ്രധാനമന്ത്രി ജസ്‌റ്റിൻ ട്രൂഡോ ശക്തമായി അപലപിച്ചു. അക്രമം അംഗീകരിക്കാനാവില്ലെന്നും ട്രൂഡോ പറഞ്ഞു. ഖാലിസ്ഥാൻ വാദികളുടെ ആക്രമണത്തെ കനേഡിയൻ പാർലമെന്റംഗം ചന്ദ്ര ആര്യയും അപലപിച്ചു. 'കനേഡിയൻ ഖാലിസ്ഥാനി തീവ്രവാദികൾ അതിരുകടന്നു, ബ്രാംപ്‌ടണിലെ ഹിന്ദു സഭാ മന്ദിർ പരിസരത്തിൽ ഹിന്ദു കനേഡിയൻ ഭക്തരുടെ നേരെ ഖാലിസ്ഥാൻ നടത്തിയ കടന്നാക്രമണം രാജ്യത്ത് എത്രത്തോളം ആഴത്തിൽ ഖാലിസ്ഥാൻ തീവ്രവാദം വ്യാപിച്ചെന്ന് കാണിക്കുന്നു.' ചന്ദ്ര ആര്യ എക്‌സിൽ കുറിച്ചു.രാഷ്‌ട്രീയത്തിന് പിറകെ നിയമനിർവഹണ സംവിധാനത്തിലും ഖാലിസ്ഥാനികൾ നുഴഞ്ഞുകയറിയതായി സംശയിക്കുന്നതായി ചന്ദ്ര ആര്യ ആശങ്ക പ്രകടിപ്പിച്ചു.&nbsp;

കാനഡയിൽ ഹിന്ദു ക്ഷേത്ര പരിസരത്ത് ആക്രമണം ;അക്രമികൾ എത്തിയത് ഖാലിസ്ഥാൻ കൊടികളുമായി

ചെന്നൈ : ഷൊർണൂരിൽ ട്രെയിനിടിച്ച് മരിച്ച ശുചീകരണ തൊഴിലാളികളുടെ കുടുംബങ്ങൾക്ക് മൂന്നുലക്ഷം രൂപ വീതം ധനസഹായം പ്രഖ്യാപിച്ച് തമിഴ്‌നാട് സർക്കാർ. സേലം സ്വദേശികളായ തൊഴിലാളികളുടെ കുടുംബങ്ങളെ അനുശോചനം അറിയിച്ച തമിഴ്‌നാട് മുഖ്യമന്ത്രി എം.കെ. സ്റ്റാലിൻ ദുരിതാശ്വാസ തുക നൽകാൻ നിർദ്ദേശിക്കുകയായിരുന്നു.&nbsp;
മരിച്ച നാലുപേരുടെയും കുടുംബങ്ങൾക്ക് മൂന്നുലക്ഷം രൂപ വീതം നൽകാനാണ് ഉത്തരവ്. മരിച്ചവരുടെ കുടുംബാഗങ്ങൾക്ക് ഒരു ലക്ഷം രൂപ വീതം റെയിൽവേയും ധനസഹായം പ്രഖ്യാപിച്ചിരുന്നു.

ഷൊർണൂരിൽ ട്രെയിനിടിച്ച മരിച്ച തൊഴിലാളികളുടെ കുടുംബങ്ങൾക്ക് ധനസഹായം പ്രഖ്യാപിച്ച് തമിഴ്‌നാട്

National

മലപ്പുറം: തലപ്പാറയില്‍ കെഎസ്ആർടിസി ബസ് തലകീഴായി മറിഞ്ഞ് നാൽപതോളം പേർക്ക് പരിക്ക്. തൊട്ടില്‍പ്പാലത്തു നിന്ന് തിരുവനന്തപുരത്തേക്കു പോകുന്ന സൂപ്പര്‍ഫാസ്റ്റ് ബസാണ് നിയന്ത്രണം വിട്ട് മറിഞ്ഞത്. ഞായറാഴ്ച രാത്രി പതിനൊന്നോടെയായിരുന്നു അപകടം. റോഡിൽ നിന്ന് പത്തടി താഴ്ചയിലേക്ക് ബസ് മറിയുകയായിരുന്നു. ദേശീയപാത നിര്‍മാണം നടക്കുന്ന സ്ഥലത്താണ് അപകടമുണ്ടായത്. അറുപതോളം പേര്‍ ബസ്സിലുണ്ടായിരുന്നു.
പരിക്കേറ്റവരെ തിരൂരങ്ങാടിയിലെയും സമീപത്തെയും ആശുപത്രികളില്‍ പ്രവേശിപ്പിച്ചു. തിരൂരങ്ങാടി താലൂക്കാശുപത്രിയില്‍ മുപ്പതിലേറെപ്പേരെ പ്രവേശിപ്പിച്ചു. അഞ്ചുപേരെ കോഴിക്കോട് മെഡിക്കല്‍കോളേജിലേക്ക് മാറ്റി. നാട്ടുകാരും മറ്റു വാഹനങ്ങളിൽ സ്ഥലത്തെത്തിയവരും ചേർന്നാണ് രക്ഷാപ്രവർത്തനം നടത്തിയത്.&nbsp;

തൊട്ടില്‍പാലം-തിരുവനന്തപുരം കെഎസ്ആര്‍ടിസി ബസ് തലകീഴായി മറിഞ്ഞു; 40ഓളം പേര്‍ക്ക് പരിക്ക്

കാസര്‍കോട്: നീലേശ്വരം വെടിക്കെട്ട് അപകടത്തില്‍ പരിക്കേറ്റ് ചികിത്സയിലായിരുന്ന ;രണ്ട് പേർ കൂടി മരിച്ചു.ചെറുവത്തൂര്‍ സ്വദേശി ഷിബിന്‍രാജ്(19), കരിന്തളം കൊല്ലമ്പാറ സ്വദേശി കെ ബിജു (38 എന്നിവരാണ് മരിച്ചത്.ഇതോടെ വെടിക്കെട്ട് അപകടത്തില്‍ മരിച്ചവരുടെ എണ്ണം നാലായി.
വെടിക്കെട്ട് അപകടത്തില്‍ പരിക്കേറ്റ് ചികിത്സയിലായിരുന്ന മറ്റുരണ്ടുപേരും നേരത്തെ മരിച്ചിരുന്നു. കിനാനൂര്‍ സ്വദേശി രതീശ് ഞായറാഴ്ച രാവിലെയും ചോയ്യങ്കോട് കിണാവൂര്‍ സന്ദീപ് ശനിയാഴ്ചയും മരിച്ചിരുന്നു.
നീലേശ്വരം അഞ്ഞൂറ്റമ്പലം വീരര്‍ക്കാവ് ക്ഷേത്ര കളിയാട്ടത്തിനിടെ പടക്കശേഖരത്തിന് തീപിടിച്ചായിരുന്നു കഴിഞ്ഞ ചൊവ്വാഴ്ച പുലര്‍ച്ചെ വലിയ അപകടമുണ്ടായത്. പുലര്‍ച്ചെ 12.15-ഓടെയായിരുന്നു അപകടം.

നീലേശ്വരം വെടിക്കെട്ട് അപകടത്തില്‍ മരണസംഖ്യ ഉയരുന്നു;രണ്ട് പേർ കൂടി മരിച്ചു

കൊച്ചി: പറവൂരിൽ വെച്ച് മുഖ്യമന്ത്രിയെ കരിങ്കൊടി കാണിച്ച കേസ് ഹൈക്കോടതി റദ്ദാക്കി. കരിങ്കൊടി കാണിച്ചാൽ അപമാനിക്കലാകില്ലെന്നു പറഞ്ഞ കോടതി ഉദ്യോ​ഗസ്ഥരുടെ ജോലി തടസ്സപ്പെടുത്തിയെന്ന കേസും റദ്ദാക്കി.
നിസ്സാര കാര്യങ്ങൾക്ക് കേസെടുക്കുന്ന പ്രവണത വർധിച്ചുവരുന്നതായി കോടതി നിരീക്ഷിച്ചു. പ്രതിഷേധങ്ങൾക്കിടെ ചെറിയ രീതിയിലുള്ള ബലപ്രയോ​ഗം സ്വാഭാവികമാണ്. ചെറിയ വിഷയങ്ങളിലെ നിയമനടപടികൾ ഒഴിവാക്കണമെന്നും കോടതി വ്യക്തമാക്കി.2017-ലാണ് സംഭവം. പറവൂരിൽ മുഖ്യമന്ത്രിക്കെതിരേ കോൺഗ്രസ് പ്രവർത്തകർ കരിങ്കൊടി കാണിച്ചു നടത്തിയ പ്രതിഷേധത്തിലാണ് പോലീസ് കേസെടുത്തത്. ഉദ്യോ​ഗസ്ഥരുടെ ജോലി തടസ്സപ്പെടുത്തിയെന്ന കുറ്റവും ഇവർക്കെതിരേ ചുമത്തിയിരുന്നു. ഈ കേസ് റദ്ദാക്കണമെന്ന് ആവശ്യപ്പെട്ടാണ് പ്രവർത്തകർ ഹൈക്കോടതിയെ സമീപിച്ചത്

മുഖ്യമന്ത്രിയെ കരിങ്കൊടി കാണിച്ച കേസ് ഹൈക്കോടതി റദ്ദാക്കി

മലപ്പുറം: ഭരണഘടനാവിരുദ്ധ പരാമര്‍ശവുമായി ബന്ധപ്പെട്ട കേസില്‍ ഹൈക്കോടതി പുനരന്വേഷണത്തിന് ഉത്തരവിട്ട സാഹചര്യത്തില്‍ അന്വേഷണം നടക്കുമ്പോള്‍ സജി ചെറിയാന്‍ മന്ത്രിയായിരിക്കുന്നത് ശരിയല്ലെന്ന് മുസ്‌ലിം ലീഗ് ദേശീയ സെക്രട്ടറി പി.കെ കുഞ്ഞാലിക്കുട്ടി.
മുമ്പ് അന്വേഷണം നടക്കുമ്പോള്‍ മന്ത്രിയായിരിക്കുന്നത് ശരിയല്ലെന്ന് പറഞ്ഞാണ് അദ്ദേഹം കഴിഞ്ഞ തവണ രാജിവെച്ചത്. സമാന സാഹചര്യമാണ് ഇപ്പോഴുള്ളത്. സാങ്കേതികമായി, അന്വേഷണം നടക്കുന്ന ഘട്ടത്തില്‍ അദ്ദേഹം മന്ത്രിയായിരിക്കാന്‍ പാടില്ല. സംസ്ഥാനത്തെ പോലീസ് കേസ് അന്വേഷിക്കുമ്പോള്‍, ആ അന്വേഷണം ഫലപ്രദമായി നടക്കണമെങ്കില്‍ അദ്ദേഹം മന്ത്രിസ്ഥാനത്തു നിന്ന് മാറി നില്‍ക്കുക എന്നതാണ് കീഴ്‌വഴക്കം. അതുകൊണ്ടുതന്നെ അദ്ദേഹം രാജിവെയ്ക്കുന്നതാകും ഉത്തമമെന്നും കുഞ്ഞാലിക്കുട്ടി പറഞ്ഞു.

സജി ചെറിയാന്‍ മന്ത്രിയായി തുടരുന്നത് ശരിയല്ല; രാജിവെക്കുന്നതാണ് ഉചിതമെന്ന് കുഞ്ഞാലിക്കുട്ടി

തിരുവനന്തപുരം: ഹൈക്കോടതിയുടെ ഉത്തരവ് പരിശോധിച്ച് നിയമപരമായ നടപടികളുമായി മുന്നോട്ടുപോകുമെന്ന് മന്ത്രി സജി ചെറിയാൻ. ധാർമികപരമായ ഒരു പ്രശ്നവുമില്ല. പോലീസ് അന്വേഷിച്ചു. കീഴ്‌ക്കോടതി ആ റിപ്പോർട്ടിനെ സാധൂകരിക്കുന്ന തീരുമാനമെടുത്തു. അതിന് ശേഷമാണ് സിബിഐ അന്വേഷണം ആവശ്യപ്പെട്ട് ഒരാൾ ഹൈക്കോടതിയെ സമീപിച്ചത്.
അന്വേഷണത്തെ സംബന്ധിച്ചാണ് കോടതി പറഞ്ഞിട്ടുള്ളത്. കോടതി അന്വേഷിക്കാൻ പറഞ്ഞിട്ടുള്ള ഭാ​ഗമേതാണോ അതിന്റെ അടിസ്ഥാനത്തിൽ അന്വേഷിക്കട്ടേ. മുമ്പ് ധാർമികതയുടെ പേരിൽ രാജിവെച്ചു. ആ ധാർമികതയുടെ ഉത്തരവാദിത്വം കഴിഞ്ഞു. അതിന് ശേഷം കോടതി വിധിയുടെ അടിസ്ഥാനത്തിൽ മന്ത്രിയായി വീണ്ടും സത്യപ്രതിജ്ഞ ചെയ്തു. താനിപ്പോഴും തന്റെ ജോലി ചെയ്തുകൊണ്ടിരിക്കുകയാണ്.
തന്റെ പ്രസം​ഗത്തിലെ പരാമർശങ്ങളെ കുറിച്ചുള്ള കണ്ടെത്തലുകളിലേക്ക് ഹൈക്കോടതി കടന്നിട്ടില്ല. ഒരു കോടതി പറഞ്ഞു ശരി. അടുത്ത കോടതി പറഞ്ഞു തെറ്റ്. ഇതിന്റെ മുകളിൽ കോടതി ഉണ്ട്. നിയമപരമായ കാര്യങ്ങൾ പരിശോധിച്ചതിന് ശേഷം മാത്രമേ ഒരു അഭിപ്രായം പറയാൻ സാധിക്കുകയുള്ളൂവെന്നും മന്ത്രി പറഞ്ഞു.

നിയമപരമായ നടപടികളുമായി മുന്നോട്ടുപോകും;രാജി വെക്കില്ലെന്ന് സജി ചെറിയാൻ

പെര്‍ത്ത്: ഓസ്‌ട്രേലിയയില്‍ ക്രിക്കറ്റ് മത്സരത്തിനിടെ മുഖത്ത് പന്തിടിച്ചതിനെത്തുടര്‍ന്ന് അംപയര്‍ക്ക് ഗുരുതര പരിക്ക്. പെര്‍ത്തില്‍ നടന്ന ആഭ്യന്തര മത്സരത്തിനിടെയാണ് സംഭവം. ടോണി ഡെ നൊബ്രെഗ എന്ന് പേരുള്ള അംപയര്‍ക്കാണ് പരിക്കേറ്റത്. മുഖത്ത് ഗുരുതര പരിക്കേറ്റ ഇദ്ദേഹത്തെ ആശുപത്രിയില്‍ പ്രവേശിപ്പിച്ചു. ബാറ്ററുടെ സ്‌ട്രെയ്റ്റ് ഡ്രൈവ് നൊബ്രെഗയുടെ മുഖത്ത് വന്നിടിക്കുകയായിരുന്നു.
ഓസ്‌ട്രേലിയന്‍ ആഭ്യന്തര മത്സരത്തില്‍ നോര്‍ത്ത് പെര്‍ത്തും വെംബ്ലി ഡിസ്ട്രിക്ട്‌സും തമ്മിലുള്ള മത്സരം നിയന്ത്രിച്ചുകൊണ്ടിരിക്കേയാണ് സംഭവം. മുഖത്തെ എല്ലുകള്‍ക്ക് പൊട്ടലില്ലെങ്കിലും ശസ്ത്രക്രിയയ്ക്ക് വിധേയനാക്കേണ്ടി വന്നേക്കാം എന്നാണ് റിപ്പോര്‍ട്ടുകള്‍. മുഖത്തിന്റെ ഒരു ഭാഗത്തിനും കണ്‍പോളകള്‍ക്കും പരിക്കേറ്റിട്ടുണ്ട്.

ക്രിക്കറ്റ് മത്സരത്തിനിടെ സ്‌ട്രെയ്റ്റ് ഡ്രൈവില്‍ പന്ത് മുഖത്തിടിച്ചു; അംപയര്‍ക്ക് ഗുരുതര പരിക്ക്

കൊച്ചി: ഭരണഘടന വിരുദ്ധ പരാമർശത്തിൽ മന്ത്രി സജി ചെറിയാന് തിരിച്ചടി. സജി ചെറിയാനെതിരേ കുറ്റം നിലനിൽക്കില്ലെന്ന പോലീസ് റിപ്പോർട്ടും ഈ റിപ്പോർട്ട് അം​ഗീകരിച്ച മജിസ്ട്രേറ്റ് റിപ്പോർട്ടും ഹൈക്കോടതി തള്ളി. കേസിൽ പുനരന്വേഷണത്തിനും ഹൈക്കോടതി ഉത്തരവിട്ടു. സംസ്ഥാന പോലീസ് മേധാവി ക്രൈംബ്രാഞ്ചിലെ വിശ്വാസ്യതയുള്ള ഉദ്യോ​ഗസ്ഥനെക്കൊണ്ട് അന്വേഷിപ്പിക്കണമെന്നും കോടതി വ്യക്തമാക്കി. കേസിന്റെ അന്വേഷണവുമായി ബന്ധപ്പെട്ട് വലിയ പാളിച്ചകളാണ് സംഭവിച്ചിട്ടുള്ളത്. കൃത്യമായ മൊഴി രേഖപ്പെടുത്തുകയോ വേണ്ടുന്ന തെളിവുകൾ ശേഖരിക്കുകയോ ചെയ്തില്ല. വേദിയിൽ ഉണ്ടായിരുന്നവരുടെ മൊഴികൾ മാത്രമാണ് അന്വേഷണ ഉദ്യോ​ഗസ്ഥൻ രേഖപ്പെടുത്തിയിട്ടുള്ളതെന്നും കോടതി ചൂണ്ടികാട്ടി.
ഡിജിപിയുടെ നേതൃത്വത്തിലായിരിക്കണം അന്വേഷണമെന്നും കോടതി നിർദേശിച്ചിട്ടുണ്ട്. ജസ്‌റ്റിസ് ബെച്ചു കുര്യൻ തോമസിന്റെ ബെഞ്ചാണ് കേസ് പരിഗണിച്ചത്.കേസിൽ ക്ലീൻചിറ്റ് നൽകിയ പൊലീസ് റിപ്പോർട്ട് പരിഗണിച്ച് സജി ചെറിയാനെ മജിസ്‌ട്രേറ്റ് കോടതി കുറ്റവിമുക്തനാക്കിയിരുന്നു. ഇതിനെ ചോദ്യം ചെയ്തും സി.ബി.ഐ അന്വേഷണമാവശ്യപ്പെട്ടും അഡ്വ. എം. ബൈജു നോയലാണ് ഹൈക്കോടതിയെ സമീപിച്ചത്.&nbsp;
നാഷണൽ ഓണർ ആക്ടിന്റെ 2003ലെ ഭേദഗതി പ്രകാരം, പ്രസംഗത്തിലെ ചില വാചകങ്ങൾ ഭരണഘടനയോടുള്ള അനാദരമായി കരുതാമെന്ന് കോടതി നേരത്തെ തന്നെ ചൂണ്ടിക്കാട്ടിയിരുന്നു.''ഇന്ത്യയിൽ ഏറ്റവുമധികം ജനങ്ങളെ കൊള്ളയടിക്കാൻ പറ്റിയ ഭരണഘടനയാണ് എഴുതിവച്ചിരിക്കുന്നത്. ജനാധിപത്യം, മതേതരത്വം, കുന്തവും കുടച്ചക്രവുമൊക്കെ അതിന്റെ മൂലയിലുണ്ട്'' എന്നീ പ്രയോഗങ്ങളാണ് സജി ചെറിയാൻ നടത്തിയത്. മന്ത്രിയുടെ ശബ്ദപരിശോധന നടത്താതെയും ചില സാക്ഷിമൊഴികൾ തള്ളിയുമാണ് പൊലീസ് നിഗമനമെന്ന് ഹർജിക്കാരൻ ആരോപണം കോടതി ശരിവച്ചു. ഹർജി നിലനിൽക്കുന്നതല്ലെന്നും ആരോപണങ്ങൾ ശരിയല്ലെന്നായിരുന്നു സർക്കാർ വാദം.2022 ജൂലായ് മൂന്നിന് സി.പി.എം മല്ലപ്പള്ളി ഏരിയാ കമ്മിറ്റിയുടെ പരിപാടിയിൽ സജി ചെറിയാൻ നടത്തിയ പ്രസംഗമാണ് കേസായത്. തുടർന്ന് അദ്ദേഹം രാജിവച്ചെങ്കിലും വിചാരണക്കോടതി കുറ്റവിമുക്തനാക്കിയതോടെ മന്ത്രി സ്ഥാനത്ത് തിരിച്ചെത്തി.

ഭരണഘടന വിരുദ്ധ പരാമർശം; മന്ത്രി സജി ചെറിയാന് തിരിച്ചടി, പുനരന്വേഷണത്തിന് ഹൈക്കോടതി ഉത്തരവ്

Search Results for: krishnapriya