തലശ്ശേരി: കുളം വൃത്തിയാക്കുന്നതിനിടെ വിരല്‍ത്തുമ്പില്‍ മീന്‍ കുത്തിയതുമൂലമുണ്ടായ അണുബാധയെത്തുടര്‍ന്ന് യുവാവിന്റെ വലത് കൈപ്പത്തി മുറിച്ചുമാറ്റി. മാടപ്പീടിക ഗുംട്ടിക്കടുത്ത് പൈക്കാട്ട് കുനിയില്‍ ടി.രജീഷിന്റെ (38) കൈപ്പത്തിയാണ് നീക്കിയത്. ഫെബ്രുവരി ഒന്‍പതിന് വീടിനോടുചേര്‍ന്ന വയലില്‍ ചെറുകുളം വൃത്തിയാക്കവെയാണ് കുത്തേറ്റത്. കടു എന്ന് വിളിക്കുന്ന, മുഷിയെപ്പോലെയുള്ള മീനിന്റെ മുന്‍ഭാഗത്തെ കൂര്‍ത്ത മുള്ളാണ് കൊണ്ടത്. ആദ്യം സാരമാക്കിയില്ല. വേദന കൂടിയപ്പോള്‍ കോടിയേരി പ്രാഥമികാരോഗ്യകേന്ദ്രത്തില്‍നിന്ന് പ്രതിരോധ കുത്തിവെപ്പെടുത്തു.
വേദന കുറയാഞ്ഞതിനാല്‍ പള്ളൂര്‍, മാഹി ഗവ. ആസ്പത്രികളില്‍ ചികിത്സ തേടി. ക്രമേണ കൈ മടങ്ങാതായി. കഠിനവേദനയ്‌ക്കൊപ്പം വിരലിലും കൈപ്പത്തിയിലും കുമിളകള്‍ രൂപപ്പെട്ടു. മാഹിയിലെ സര്‍ജന്‍ കുമിള കീറി പരിശോധിച്ചപ്പോള്‍ ഗൗരവമുള്ളതാണെന്ന് മനസ്സിലാക്കി കോഴിക്കോട് ബേബി മെമ്മോറിയില്‍ ആസ്പത്രിയിലേക്ക് അയച്ചു. അവിടത്തെ പരിശോധനയിലാണ് ഗ്യാസ്ഗാംഗ്രീന്‍ എന്ന അപൂര്‍വ രോഗാവസ്ഥയാണെന്ന് കണ്ടെത്തിയത്. ആദ്യം രണ്ടുവിരലുകള്‍ മുറിച്ചുമാറ്റി. ഫലമില്ലാഞ്ഞ് കൈപ്പത്തി നീക്കുകയായിരുന്നു. ക്ലോസ്ട്രിഡിയം, ക്ലബ്‌സിയല്ല എന്നീ ബാക്ടീരിയകളാണ് അണുബാധയുണ്ടാക്കിയത്. മണ്ണിലടക്കം കാണപ്പെടുന്ന ബാക്ടീരിയകളാണിത്. മുറിവിലൂടെ ഈ ബാക്ടീരിയകള്‍ അകത്ത് കടന്നിട്ടുണ്ടാകുമെന്ന് കരുതുന്നു.

വിരല്‍ത്തുമ്പില്‍ മീന്‍ കുത്തിയതിനെത്തുടര്‍ന്ന് അണുബാധ; തലശ്ശേരിയിൽ യുവാവിന്റെ കൈപ്പത്തി മുറിച്ചുമാറ്റി

Kannur

സ്ത്രീകളുടെ സ്വാകാര്യ ഭാഗങ്ങളിൽ അണുബാധയ്ക്കു കാരണമാകുന്നത് ബാക്ടീരിയ , വൈറസ്, ഫംഗസ് എന്നിവയാണ്.ഇവിടെ അണുബാധ ഉണ്ടാകാതിരിക്കാൻ പ്രത്യേകം ശ്രദ്ധിക്കേണ്ടതുണ്ട്. ചില സ്ത്രീകളിൽ തുടയിടുക്കിൽ കറുപ്പു നിറമോ പൂപ്പലോ സാധാരണമാണ്. ഇങ്ങനെയുള്ളവർ ശുചിത്വ കാര്യത്തിൽ പ്രത്യേകം ശ്രദ്ധ കൊടുക്കേണ്ടതുണ്ട്.&nbsp;
ഓരോതരം അണുബാധയിലും ലക്ഷണങ്ങൾ വ്യത്യസ്തമാകാം. പുകച്ചിൽ, ചൊറിച്ചിൽ, അടിവയർ വേദന, അസ്വാഭവിക ഗന്ധമുള്ള സ്രവം എന്നിവയാണ് പൊതുലക്ഷണങ്ങൾ. അണുബാധ തടയാനുള്ള ചില സ്വാഭാവിക മാർഗങ്ങൾ എന്തിക്കെയെന്ന് നോക്കാം.

<ul>
<li>∙ സ്വകാര്യ ഭാഗത്തെ രോമങ്ങൾ മുറിച്ചു നീളം കുറച്ചു സൂക്ഷിക്കുക.&nbsp;</li>
<li>∙ യോനീഭാഗത്തു വെള്ളം ചീറ്റിയൊഴിച്ചു കഴുകാതിരിക്കുക.&nbsp;</li>
<li>∙ അടിവസ്ത്രങ്ങൾ ധരിക്കും മുമ്പും ഓരോ തവണ മൂത്രമൊഴിച്ച ശേഷവും സ്വകാര്യഭാഗങ്ങൾ ഈർപ്പമില്ലാതെ സൂക്ഷിക്കുക.</li>
<li>∙ അടിവസ്ത്രങ്ങൾ മറ്റു വസ്ത്രങ്ങൾക്കൊപ്പം കഴുകാതെ പ്രത്യേകമായി, ഉപയോഗിച്ച ഉടൻ കഴുകാൻ ശ്രദ്ധിക്കുക.</li>
<li>∙ കോട്ടൺ അടിവസ്ത്രങ്ങൾ തിരഞ്ഞെടുക്കുന്നതാകും നല്ലത്.&nbsp;</li>
<li>∙ പുതുതായി വാങ്ങുന്ന അടിവസ്ത്രങ്ങൾ ഒന്നു കഴുകിയ ശേഷം ഉപയോഗിക്കുന്നതാകും നല്ലത്.&nbsp;</li>
<li>∙ ആർത്തവകാലത്ത് മൂന്നും നാലും മണിക്കൂറുകൾ കൂടുമ്പോൾ നനവുണ്ടായാലും ഇല്ലെങ്കിലും നിർബന്ധമായും സാനിറ്ററി പാഡുകൾ മാറ്റി ഉപയോഗിക്കണം.&nbsp;</li>
</ul>

സ്ത്രീകൾക്ക് സ്വകാര്യ ഭാഗത്തുണ്ടാകുന്ന അണുബാധ ഒഴിവാക്കാൻ ഇക്കാര്യങ്ങൾ ശ്രദ്ധിക്കുക

Health

സ്ത്രീകളുടെ സ്വകാര്യ ഭാഗത്തുണ്ടാകുന്ന അണുബാധ ഒഴിവാക്കാൻ ഇക്കാര്യങ്ങൾ ശ്രദ്ധിക്കുക

വളർത്തു നായയുടെ നഖം കൊണ്ട് മുറിഞ്ഞതിന് പിന്നാലെ ഹോമിയോ ഡോക്ടർ മരിച്ച വാർത്ത പുറത്ത് വന്നിരുന്നു.മണ്ണാർക്കാട് സ്വദേശി റംലത്താണ് മരിച്ചത്. രണ്ടുമാസം മുമ്പ് വളർത്തുനായയ്ക്ക് ഭക്ഷണം കൊടുക്കുന്നതിനിടെ റംലത്തിന്റെ കൈയുടെ മുകളിൽ പോറലേറ്റതായി ബന്ധുക്കൾ പറഞ്ഞിരുന്നു. പേവിഷബാധ പ്രതിരോധ കുത്തിവെപ്പ് എടുത്തിരുന്നുമില്ല.വളർത്തു നായ പിന്നീട് ചാവുകയും ചെയ്തു.
തെരുവുനായ്ക്കളിൽ നിന്നുമാത്രമല്ല വളർത്തുമൃ​ഗങ്ങളിൽ നിന്നും പേവിഷബാധയേൽക്കാം. വീട്ടിൽ വളർത്തുന്ന നായയോ, പൂച്ചയോ മാന്തിയാലും കടിച്ചാലും പേവിഷബാധ പ്രതിരോധ കുത്തിവെപ്പെടുക്കണം. പേ ലക്ഷണമുള്ള നായ ചത്താൽ തീർച്ചയായും പരിശോധനയ്ക്ക് വിധേയമാക്കുകയും മൃഗസംരക്ഷണവകുപ്പിൽ അറിയിക്കുകയും വേണം. മാത്രമല്ല വളർത്തുനായകൾക്ക് പ്രതിരോധ കുത്തിവെപ്പുകൾ നിർബന്ധമായും എടുക്കണം.
മനുഷ്യരിൽ പേവിഷബാധയുടെ ലക്ഷണങ്ങൾ
പനി, തലവേദന, വിശപ്പില്ലായ്മ, ഛർദി, മുറിവിൽ വേദന, ചൊറിച്ചിൽ എന്നിവയാണ് പ്രഥമിക ലക്ഷണങ്ങൾ.
രോഗം മൂർച്ഛിച്ചാൽ പിച്ചും പേയും പറയൽ, വിഭ്രാന്തി കാട്ടൽ, ഉമനീർ പോലും ഇറക്കാനാകാത്ത അവസ്ഥ, വെള്ളം കാണുമ്പോൾ പേടി, കടുത്ത ദാഹം. ഒടുവിൽ വായിൽനിന്ന് നുരയും പതയും വരും.
പ്രതിവിധി
പേവിഷബാധ മരണകാരണമാണെങ്കിലും പ്രതിരോധ കുത്തിവെപ്പ് അതിനെ നിസ്സാരമാക്കിമാറ്റുന്നു. അതായത് പ്രതിരോധ കുത്തിവെപ്പ് നടത്തുന്ന ആളിൽ റാബീസ് വൈറസ് അപ്പോൾ നശിക്കുന്നുവെന്നർഥം.
മൃഗങ്ങളുടെ കടിയേറ്റ ഉടൻ മുറിവിൽ 10 മിനിറ്റുനേരം വെള്ളം ശക്തമായി ഒഴിച്ച് സോപ്പിട്ട് കഴുകണം. നഗ്‌നമായ കൈകൊണ്ടു മുറിവ് തൊടരുത്. എണ്ണ, മഞ്ഞൾ, ചെറുനാരങ്ങ, ഉപ്പ്, മുളക് എന്നിവയൊന്നും മുറിവിൽ പുരട്ടരുത്. കഴുകിയശേഷം മുറിവിന്റെ നനവ് മാറ്റി ഏതെങ്കിലും അണുനാശിനി പുരട്ടുക. തുടർന്ന് പ്രതിരോധ കുത്തിവെപ്പ്. തോൾ ഭാഗത്തിന് താഴെയാണ് കുത്തിവെക്കുന്നത്. ആദ്യ കുത്തിവെപ്പ് കഴിഞ്ഞാൽ മൂന്നാം ദിവസവും ഏഴാം ദിവസവും 28-ാം ദിവസവും തുടർകുത്തിവെപ്പും നടത്തണം.&nbsp;

വളർത്തുമൃ​ഗം മാന്തിയാലും കടിച്ചാലും പേവിഷ പ്രതിരോധകുത്തിവെപ്പ് എടുക്കണം; ഇക്കാര്യങ്ങൾ ശ്രദ്ധിക്കുക

വടകര: വിവിധ ഇടങ്ങളിൽ പാർക്ക് ചെയ്യുന്ന ബൈക്കുകൾ മോഷണം പോവുന്ന സംഭവത്തിൽ വടകരയിൽ ഒരു പ്ളസ് ടു വിദ്യാർത്ഥി കൂടി പിടിയിൽ. ഉപേക്ഷിക്കപെട്ട നിലയിൽ ഒരു ബൈക്ക് കൂടി പൊലീസ് കസ്റ്റഡിയിലെടുത്തു. വടകര പഴങ്കാവിൽ വെച്ചാണ് ഉപേക്ഷിക്കപെട്ട നിലയിൽ ബൈക്ക് പൊലീസ് കസ്റ്റഡിയിലെടുത്തത്. ഇതോടെ മോഷണം പോയ ഏഴ് ബൈക്കുകൾ വടകര പൊലീസ് കസ്റ്റഡിയിലായി.&nbsp;
വടകരയിലെയും സമീപ പ്രദേശങ്ങളിലെയും പ്രമുഖ സ്കൂളുകളിലെ ആറ് വിദ്യാർത്ഥികളെയാണ് പൊലീസ് ഇതുവരെ കസ്റ്റഡിലെടുത്തിട്ടുള്ളത്. കഴിഞ്ഞ ദിവസം അഞ്ച്‌ വിദ്യാർത്ഥികളെ പൊലീസ് പിടികൂടിയിരുന്നു. ഒൻപത്, പത്ത് ക്ലാസ്സുകളിൽ പഠിക്കുന്ന വിദ്യാർത്ഥികളെയാണ് കഴിഞ്ഞ ദിവസം വടകര പൊലീസ് പിടികൂടിയത്. മോഷ്ടിച്ച ബൈക്കുകൾ രൂപമാറ്റം വരുത്തിയും വ്യാജ നമ്പർ പ്ലേറ്റുകൾ ഘടിപ്പിച്ചും ചേസിസ് നമ്പർ ചുരണ്ടിമാറ്റിയുമാണ് ഇവർ ഉപയോഗിച്ചിരുന്നത്.

കുട്ടികള്ളന്മാർ വിലസുന്നു; ബൈക്ക് മോഷണം; വടകരയിൽ ഒരു വിദ്യാർത്ഥി കൂടി പിടിയിൽ

Vadakara

കൊയിലാണ്ടി: നെല്യാടിക്കടവ് പാലത്തില്‍ നിന്നു പുഴയിലേക്ക് ചാടി മരിച്ച ആളുടെ മൃതദേഹം തിരിച്ചറിഞ്ഞു.മുചുകുന്ന് താവോടിച്ചി കണ്ടി വേണുവാണ് (55) മരിച്ചത്. അത്തോളി സ്വദേശിയായ വേണു മുചുകുന്നിലാണ് താമസം. ഓട്ടോഡ്രൈവറാണ്. ഭാര്യ: അനിത.
വ്യാഴാഴ്ച ഒരു മണിയോടെ പാലത്തിനു സമീപം ചെരുപ്പും കണ്ണടയും അഴിച്ച് വെച്ച് പുഴയിലേക്ക് ചാടുകയായിരുന്നു. നാട്ടുകാര്‍ കണ്ടതിനെ തുടര്‍ന്ന് അഗ്‌നി രക്ഷാ സേനയെ വിവരമറിയിച്ചു. കോഴിക്കോട് നിന്നെത്തിയ അഗ്‌നിരക്ഷ സേനയുടെ സ്‌കൂബ ടീമും നാട്ടുകാരും സംയുക്തമായി നടത്തിയ തിരച്ചിലിനൊടുവില്‍ നാലരയോടുകൂടി പാലത്തിനു സമീപത്തു നിന്നു മൃതദേഹം കണ്ടെത്തുകയായിരുന്നു.&nbsp;
കൊയിലാണ്ടി ഫയര്‍ സ്റ്റേഷന്‍ ഓഫീസര്‍ സി.കെ.മുരളീധരന്റെ നേതൃത്വത്തില്‍ എഎസ്ടിഒ പി.എം.അനില്‍കുമാര്‍, എഫ്ആര്‍ഒമാരായ എം. ജാഹിര്‍, കെ.സുകേഷ്, ഇ.എം.നിധിപ്രസാദ്, എന്‍.പി.അനൂപ്, അമല്‍ദാസ്, കെ.ഷാജു, എസ്.പി.സുജിത്ത്, മുഹമ്മദ് റയീസ്, നിഖില്‍ മല്ലിശേരി, അഭിലാഷ്, സിബി, മനു, ഹോം ഗാര്‍ഡുമാരായ ബാലന്‍ ടി പി, രാംദാസ് വിച്ചിച്ചേരി, ബാലന്‍, ഇ എം. ഷൈജു എന്നിവര്‍ ദൗത്യത്തില്‍ പങ്കു ചേർന്നു.

കൊയിലാണ്ടിയിൽ പുഴയിൽ ചാടി മരിച്ചത് അത്തോളി സ്വദേശിയായ ഓട്ടോഡ്രൈവർ

Koyilandy

വടകര: സമൂഹ മാധ്യമങ്ങളിലൂടെ യുവതികളുടെ ഫോട്ടോകൾ ശേഖരിച്ച് അശ്ലീല ഇൻസ്റ്റഗ്രാം പേജുകളിൽ പ്രചരിപ്പിച്ച യുവാവിനെ സൈബർ ക്രൈം പൊലീസ് അറസ്റ്റ് ചെയ്തു. കൈതപ്പൊയിൽ സ്വദേശി ശരൺ രഘു (20) ആണ് അറസ്റ്റിലായത്. ഇൻസ്റ്റഗ്രാം, ഫേസ്ബുക്ക് തുടങ്ങിയ സോഷ്യൽ മീഡിയ പ്ലാറ്റ് ഫോമുകളിലെ സ്ത്രീകളുടെ പ്രൊഫൈലുകളിൽ നിന്നും ഫോട്ടോസ് ഡൗൺലോഡ് ചെയ്ത് അശ്ലീല ശബ്ദ ശകലങ്ങളോടുകൂടി എഡിറ്റ് ചെയ്ത് അശ്ലീല പേരോടുകൂടിയ ഇൻസ്റ്റഗ്രാം അക്കൗണ്ടിൽ പ്രചരിപ്പിക്കുകയായിരുന്നു. താമരശ്ശേരി സ്വദേശികളായ നിരവധി സ്ത്രീകൾ പരാതികളുമായി പൊലീസിനെ സമീപിച്ചതിനെ തുടർന്നു നടത്തിയ അന്വേഷണത്തിലാണ് യുവാവ് അറസ്റ്റിലായത്. വടകര കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

യുവതികളുടെ ഫോട്ടോകൾ ശേഖരിച്ച് അശ്ലീല ഇൻസ്റ്റഗ്രാം പേജുകളിൽ പ്രചരിപ്പിച്ച യുവാവ് അറസ്റ്റിൽ

വടകര: കാറില്‍ കഞ്ചാവുമായി യുവാവ് എക്‌സൈസിന്റെ പിടിയിൽ. കോട്ടപ്പള്ളി സ്വദേശി വലിയ പറമ്പത്ത് വീട്ടില്‍ അപ്പു, ചാപ്പന്‍ എന്നിങ്ങനെ വിളിപ്പേരുള്ള ജോഷിത്തിനെയാണ് (33) വടകര എക്‌സൈസ് സര്‍ക്കിള്‍ ഇന്‍സ്‌പെക്ടര്‍ വി.ആര്‍.ഹിറോഷും പാര്‍ട്ടിയും ചേര്‍ന്ന് അറസ്റ്റ് ചെയ്തത്. വടകര ഗവ. ആശുപത്രിക്ക് സമീപം മേപ്പയില്‍ വച്ചാണ് കെഎല്‍ 18 ഇ 4175 നമ്പര്‍ ആള്‍ട്ടോ കാറില്‍ 70 ഗ്രാം കഞ്ചാവുമായി ഇയാൾ പിടിയിലായത്.&nbsp;
വയനാട്ടില്‍ നിന്നു വന്‍തോതില്‍ കഞ്ചാവ്കടത്തിക്കൊണ്ടുവന്ന് കോളജ്, സ്‌കൂള്‍ വിദ്യാര്‍ഥികള്‍ക്ക് ഇയാൾ നല്‍കിവരുന്നതായി എക്‌സൈസ് അറിയിച്ചു. പരിശോധനയില്‍ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ഗ്രേഡ് പ്രമോദ് പുളിക്കൂല്‍, പ്രിവന്റീവ് ഓഫീസര്‍ ഗ്രേഡ് ഉനൈസ് എന്‍ എം, ഷൈജു പി.പി, സായിദാസ് കെപി, സിവില്‍ എക്‌സൈസ് ഓഫീസര്‍മാരായ ഷിരാജ്, മുസ്ബിന്‍, ഡ്രൈവര്‍ പ്രജീഷ് എന്നിവര്‍ പങ്കെടുത്തു.

കാറില്‍ കഞ്ചാവുമായി യുവാവ് വടകരയിൽ എക്‌സൈസ് പിടിയിൽ

ഓർക്കാട്ടേരി: കാർ റോഡിന് വശത്തെ താഴ്ചയിലേക്ക് മറിഞ്ഞു. കാറിലുണ്ടായിരുന്ന യാത്രക്കാരൻ നിസ്സാരപരിക്കുകളോടെ രക്ഷപ്പെട്ടു. കളിയാംവെള്ളിക്ക് സമീപം റോയൽ കാർവാഷിന് മുൻവശത്ത് ചൊവ്വാഴ്ച രാവിലെ 9.30-ഓടെയാണ് സംഭവം. വടകര ഭാഗത്തുനിന്ന് എടച്ചേരി ഭാഗത്തേക്കുവരുകയായിരുന്ന ഇന്നോവ കാർ ആണ് അപകടത്തിൽപ്പെട്ടത്.&nbsp;
നിയന്ത്രണം നഷ്ടമായ കാർ റോഡിന് വശത്തെ ബാരിക്കേഡ് തകർത്ത് വലിയ താഴ്ചയിലേക്ക് മറിയുകയായിരുന്നു. ഇതിനിടയിൽ വൈദ്യുത്തതൂണിന്റെ സ്റ്റേവയറിൽ ഇടിച്ചത് കാരണം തൂണ് മുറിഞ്ഞുവീണു. ഇതിനെത്തുടർന്ന് അഞ്ചുമണിക്കൂറോളം ഈ ഭാഗങ്ങളിൽ വൈദ്യുതി വിതരണം തടസ്സപ്പെട്ടു. കാർ ഓടിച്ചിരുന്ന നാദാപുരം സ്വദേശിയായ യുവാവ് പരിക്കേൽക്കാതെ രക്ഷപ്പെട്ടു.&nbsp;&nbsp;

ഓർക്കാട്ടേരിയിൽ നിയന്ത്രണം വിട്ട കാർ താഴ്ചയിലേക്ക് മറിഞ്ഞു

കക്കട്ടില്‍: കക്കട്ട് ടൗണില്‍ ഒരാള്‍ക്ക് വെട്ടേറ്റു. മധുകുന്ന് സ്വദേശി പുന്നൂ ക്കണ്ടി ഗംഗാധരനാണ് (65) വെട്ടേറ്റത്. കൈവേലി റോഡ് ജംഗ്ഷനടുത്ത് ബൈക്കിലെത്തിയ സംഘം വെട്ടിയതായാണ് പരാതി. സാരമായി പരിക്കേറ്റ ഗംഗാധരനെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. നാദാപുരം ഡിവൈഎസ്പി ചന്ദ്രന്റെ നേതൃത്വത്തില്‍ പോലീസ് സംഭവ സ്ഥലത്തെത്തി നടപടികൾ സ്വീകരിച്ചു.

കക്കട്ടില്‍ ഒരാള്‍ക്ക് വെട്ടേറ്റു

Kuttiadi

വടകര : 33 കുപ്പി മാഹി വിദേശമദ്യവുമായി യുവാവിനെ എക്സൈസ് ഉദ്യോഗസ്ഥർ പിടികൂടി. പയ്യന്നൂർ കരുതെക്കേൽ വീട്ടിൽ റിന്റോ ജോസഫി(38)നെയാണ് പിടികൂടിയത്. വടകര എക്സൈസ് സർക്കിൾ ഓഫീസിലെ അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) പ്രമോദ് പുളിക്കോലും സംഘവും നടത്തിയ പരിശോധനയിലാണ് മാഹി റെയിൽവേ സ്റ്റേഷനിലേക്ക് പോകുന്ന റോഡിൽ ഗവ. പ്രീമെട്രിക് ഹോസ്റ്റലിനു മുൻവശത്തുനിന്ന് ഇയാളെ പിടികൂടിയത്.&nbsp;
റിന്റോയുടെ അറസ്റ്റ് രേഖപ്പെടുത്തി. സംഘത്തിൽ പ്രിവന്റീവ് ഓഫീസർ ഗ്രേഡ് എൻ.എം. ഉനൈസ്, സി.ഇ.ഒ. സി.എം. സുരേഷ് കുമാർ, ഡ്രൈവർ ഇ.കെ. പ്രജീഷ് എന്നിവരും ഉണ്ടായിരുന്നു.

33 കുപ്പി വിദേശമദ്യവുമായി യുവാവ് വടകര എക്സൈസ് പിടിയിൽ

നാദാപുരം : അരൂരില്‍ എം.ഡി.എം.എയുമായി മൂന്ന് യുവാക്കളെ പോലീസ് അറസ്റ്റ് ചെയ്തു. പിടുപിടുപാഞ്ചാലില്‍ മുഹമ്മദലി(30),ചേലക്കാട് ചരളില്‍ അര്‍ഷാദ്(26),മൊകേരിയില്‍ വാടകക്ക് താമസിക്കുന്ന കല്ലാച്ചി കൊറ്റോത്താന്റവിടെ അന്‍വര്‍സാദത്ത്(30)എന്നിവരെയാണ് നാദാപുരം എസ്.ഐ വിഷ്ണുവും സംഘവും പിടികൂടിയത്.
ഇവര്‍ സഞ്ചരിച്ച കാറും പോലീസ് കസ്റ്റഡിയിലെടുത്തു.കഴിഞ്ഞ ദിവസം ബാംഗ്ലൂരില്‍ നിന്നെത്തച്ചതാണ് ലഹരി വസ്തുവെന്ന് പോലീസ് പറഞ്ഞു.ഇവരെ ഞായറാഴ്ച കോടതിയില്‍ ഹാജരാക്കും.

അരൂരില്‍ എം.ഡി.എ യുമായി മൂന്ന് പേർ അറസ്റ്റിൽ

Search Results for: infection