തിരുവനന്തപുരം : ആറ്റുകാൽ ഭഗവതി ക്ഷേത്രത്തിലെ പൊങ്കാല മഹോത്സവത്തോടനുബന്ധിച്ച് പൊങ്കാല നടക്കുന്ന മാർച്ച് 13ന് തിരുവനന്തപുരം ജില്ലയിൽ ജില്ലാകളക്ടർ പ്രാദേശിക അവധി പ്രഖ്യാപിച്ചു. ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും സർക്കാർ ,​ അർദ്ധ സർക്കാർ സ്ഥാപനങ്ങൾക്കും അന്നേദിവസം അവധി ആയിരിക്കുമെന്ന് ജില്ലാ കളക്ടർ അനുകുമാരി അറിയിച്ചു.
​മാ​ർ​ച്ച് 5​ന് ​രാ​വി​ലെ​ 10​ന് ​കാ​പ്പു​കെ​ട്ടി​ ​കു​ടി​യി​രു​ത്തു​ന്ന​തോ​ടെ.യാണ്​ ആ​റ്റു​കാ​ൽ​ ​ഭ​ഗ​വ​തി​ ​ക്ഷേ​ത്ര​ത്തി​ലെ​ ​പൊ​ങ്കാ​ല​ ​മ​ഹോ​ത്സ​വത്തിന് തുടക്കമാകുന്നത്.​ 14​ന് ​രാ​ത്രി​ 10​ന് ​കാ​പ്പ​ഴി​ക്കു​ന്ന​തോ​ടെ​ ​ഉ​ത്സ​വം​ ​സ​മാ​പി​ക്കും.​ 13​നാ​ണ് ​പൊ​ങ്കാല 5​ന് ​വൈ​കി​ട്ട് 6​ന് ​ക​ലാ​പ​രി​പാ​ടി​ക​ൾ​ ​ച​ല​ച്ചി​ത്ര​താ​രം​ ​ന​മി​താ​ ​പ്ര​മോ​ദ് ​ഉ​ദ്ഘാ​ട​നം​ ​ചെ​യ്യും. അ​ഞ്ചാം​ ​ഉ​ത്സ​വ​ദി​ന​മാ​യ​ ​മാ​ർ​ച്ച് 9​ന് ​ന​ട​ൻ​ ​ജ​യ​റാ​മി​ന്റെ​ ​നേ​തൃ​ത്വ​ത്തി​ൽ​ ​പ​ഞ്ചാ​രി​ ​മേ​ളം​ ​ക്ഷേ​ത്ര​ന​ട​യി​ൽ​ ​ന​ട​ക്കും.​ 101​ൽ​ ​പ​രം​ ​വാ​ദ്യ​ക​ലാ​കാ​ര​ന്മാ​ർ​ ​അ​ണി​നി​ര​ക്കും.​ ​ 6​ന് ​രാ​ത്രി​ 10​ന് ​'​അം​ബ​'​യി​ൽ​ ​ച​ല​ച്ചി​ത്ര​താ​രം​ ​ജ​യ​രാ​ജ് ​വാ​ര്യ​രും​ ​പി​ന്ന​ണി​ഗാ​യ​ക​ൻ​ ​ക​ല്ല​റ​ ​ഗോ​പ​നും​ ​ന​യി​ക്കു​ന്ന​ ​മ​ധു​ര​സം​ഗീ​ത​ ​രാ​ത്രി,​ 7​ന് ​വൈ​കി​ട്ട് 6.30​ന് ​എ.​ഡി.​ജി.​പി​ ​ശ്രീ​ജി​ത്ത് ​ന​യി​ക്കു​ന്ന​ ​സം​ഗീ​ത​സ​ന്ധ്യ,​ 10​ന് ​ഡോ.​ ​മ​നോ​യു​ടെ​ ​ഇ​സൈ​ ​മ​ഴൈ,​ 9​ന് ​പി​ന്ന​ണി​ഗാ​യ​ക​ൻ​ ​ഹ​രി​ശ​ങ്ക​ർ​ ​ന​യി​ക്ക​ന്ന​ ​മെ​ഗാ​ ​ബാ​ൻ​ഡ്,​ 10​ന് ​രാ​ത്രി​ 10​ന് ​അ​തു​ൽ​ ​ന​റു​ക​ര​ ​ന​യി​ക്കു​ന്ന​ ​നാ​ട​ൻ​പാ​ട്ടു​ക​ൾ,​ 11​ന് ​ന​ടി​മാ​രാ​യ​ ​പ​ദ്മ​പ്രി​യ,​ ​മി​യ,​ ​പ്രി​യ​ങ്കാ​നാ​യ​ർ​ ​എ​ന്നി​വ​ർ​ ​ന​യി​ക്കു​ന്ന​ ​താ​ളം​മേ​ള​ ​മെ​ഗാ​ഷോ​ ​തു​ട​ങ്ങി​യ​ ​ക​ലാ​പ​രി​പാ​ടി​ക​ളു​ണ്ടാ​കും.

ആറ്റുകാൽ പൊങ്കാല ; മാർച്ച് 13ന് പ്രാദേശിക അവധി

Kerala

കോട്ടയം: സി.പി.എം. കോട്ടയം ജില്ലാസെക്രട്ടറി എ.വി. റസലിന് അന്തിമോപചാരം അർപ്പിച്ച് മുഖ്യമന്ത്രി പിണറായി വിജയൻ. കോട്ടയം ജില്ലാ കമ്മറ്റി ഓഫീസിലെത്തിയാണ് അദ്ദേഹം അന്ത്യാഭിവാദ്യം അർപ്പിച്ചത്. സിപിഎം സംസ്ഥാന സെക്രട്ടറി എം വി ഗോവിന്ദൻ, മന്ത്രിമാരായ വി.എൻ വാസവൻ, വീണാ ജോർജ് എന്നിവരും അന്തിമോപചാരം അർപ്പിച്ചു.
വെള്ളിയാഴ്ച ചെന്നൈ അപ്പോളോ ആശുപത്രിയിയിലായിരുന്നു എ.വി.റസലിന്റെ അന്ത്യം. അർബുദബാധിതനായി ചികിത്സയിലായിരുന്നു. ശസ്ത്രക്രിയയ്ക്ക് വിധേയനായി സുഖപ്പെട്ടശേഷം നാട്ടിലേക്ക് മടങ്ങാനിരിക്കെ ഹൃദയാഘാതമുണ്ടായി.
നാലരപ്പതിറ്റാണ്ടായി യുവജന, തൊഴിലാളി മേഖലകളിൽ പ്രവർത്തിച്ചുവരുകയായിരുന്നു. 2021-ലെ നിയമസഭാ തിരഞ്ഞെടുപ്പിൽ വി.എൻ.വാസവൻ സ്ഥാനാർഥിയായതോടെ താത്കാലിക ജില്ലാസെക്രട്ടറിയായ റസലിനെ, 2022 ജനുവരിയിൽ നടന്ന ജില്ലാ സമ്മേളനത്തിലാണ് ഔദ്യോഗികമായി തിരഞ്ഞെടുത്തത്. ജനുവരിയിൽ രണ്ടാമതും ജില്ലാ സെക്രട്ടറിയായി.1981-ൽ പാർട്ടി അംഗമായ റസൽ 13 വർഷം ചങ്ങനാശ്ശേരി ഏരിയ സെക്രട്ടറിയായിരുന്നു. 15 വർഷമായി ജില്ലാ സെക്രട്ടേറിയറ്റിലും 28 വർഷമായി ജില്ലാ കമ്മിറ്റിയിലും നാല് വർഷമായി സംസ്ഥാന കമ്മിറ്റിയിലും അംഗമാണ്. ഡി.വൈ.എഫ്.ഐ. സംസ്ഥാന വൈസ് പ്രസിഡന്റും കേന്ദ്ര കമ്മിറ്റിയംഗവും ഏഴുവർഷം ജില്ലാ സെക്രട്ടറിയുമായിരുന്നു. സി.ഐ.ടി.യു. അഖിലേന്ത്യാ വർക്കിങ് കമ്മിറ്റി അംഗമാണ്. 2006-ൽ ചങ്ങനാശ്ശേരിയിൽനിന്ന് നിയമസഭയിലേക്ക് മത്സരിച്ചിരുന്നു. 2000-05 കാലത്ത്‌ ജില്ലാ പഞ്ചായത്ത് അംഗവുമായിരുന്നു.

എ.വി. റസലിന് അന്തിമോപചാരം അർപ്പിച്ച്  മുഖ്യമന്ത്രിയും നേതാക്കളും

ഈരാറ്റുപേട്ട: മത വിദ്വേഷ പരാമര്‍ശത്തില്‍ ഹൈക്കോടതിയും കൈയൊഴിഞ്ഞതോടെ ബി.ജെ.പി. നേതാവും പൂഞ്ഞാര്‍ മുന്‍ എം.എല്‍.എയുമായ പി.സി. ജോര്‍ജിനെ അറസ്റ്റ് ചെയ്യാന്‍ നീക്കം. രണ്ടു മണിക്ക് ഹാജരാകാന്‍ ആവശ്യപ്പെട്ട് നോട്ടീസുമായാണ് ഈരാറ്റുപേട്ട പോലീസ് ജോര്‍ജിന്റെ വീട്ടിലെത്തിയത്. എന്നാല്‍, പി.സി. ജോര്‍ജ് വീട്ടിലില്ലായിരുന്നുവെന്നാണ് വിവരം
ചാനല്‍ ചര്‍ച്ചയില്‍ മതവിരുദ്ധ പരാമര്‍ശം നടത്തിയെന്നാരോപിച്ച് ഈരാറ്റുപേട്ട പോലീസ് രജിസ്റ്റര്‍ചെയ്ത കേസില്‍ ജോര്‍ജിന്റെ മുന്‍കൂര്‍ ജാമ്യാപേക്ഷ കഴിഞ്ഞ ദിവസം ഹൈക്കോടതി തള്ളിയിരുന്നു. മുപ്പതുവര്‍ഷത്തോളം എം.എല്‍.എ. ആയിരുന്നിട്ടും എളുപ്പം പ്രകോപനത്തിന് വശംവദനാകുന്ന പി.സി. ജോര്‍ജിന് രാഷ്ട്രീയക്കാരനായി തുടരാന്‍ അര്‍ഹതയില്ലെന്ന് ഹൈക്കോടതി ജാമ്യം തള്ളിക്കൊണ്ട് നിരീക്ഷിച്ചിരുന്നു.

പി.സി. ജോര്‍ജിനെ അറസ്റ്റ് ചെയ്യാന്‍ നീക്കം ;രണ്ടു മണിക്ക് ഹാജരാകാൻ നിർദ്ദേശം

ബീജിംഗ്: വവ്വാലുകളിൽ നിന്ന് പടർന്നുപിടിക്കാൻ സാധ്യതയേറുന്ന കൊറോണ വൈറസിന്റെ പുതിയ വകഭേദം ചൈനയിൽ കണ്ടെത്തി. HKU5-CoV-2 ആണ് പുതിയ ഇനം വകഭേദം. കൊവിഡ് 19ന് കാരണമായ SARS-CoV-2ന്റെ അതേശേഷിയുളള വൈറസാണിത്. ഇതിന് കോശ ഉപരിതല പ്രോട്ടീൻ കോശങ്ങളിലേക്ക് നുഴഞ്ഞു കയറാൻ ശേഷിയുളളതിനാൽ മനുഷ്യരിൽ അണുബാധയുണ്ടാക്കാൻ സാധ്യതയുണ്ട്. ചൈനീസ് ജേർണലായ സെൽ സയന്റിഫിക്കിലാണ് പുതിയ വൈറസിനെക്കുറിച്ചുളള വിവരങ്ങൾ പ്രസിദ്ധീകരിച്ചത്. ബാ​റ്റ് വുമൺ എന്നറിയപ്പെടുന്ന ചൈനീസ് വൈറോളജിസ്​റ്റായ ഷി ഷെംഗ്‌ലിയാണ് ഗ്വാംഗ്‌ഷോ ലബോറട്ടറിയിൽ ഗവേഷണം നടത്തിയത്.
പുതിയ വൈറസിന് മനുഷ്യരിലേക്ക് രോഗം വ്യാപിപ്പിക്കാനുളള ശേഷിയുണ്ടെങ്കിലും മൃഗങ്ങളിൽ നിന്ന് മനുഷ്യരിലേക്ക് പടരുന്നതുമായി ബന്ധപ്പെട്ടുളള കൂടുതൽ ഗവേഷണം നടന്നുവരികയാണ്. ഇതിനകം തന്നെ കൊറോണ വൈറസിന്റെ നിരവധി വകഭേദങ്ങൾ കണ്ടെത്തിയെങ്കിലും അവയിൽ ചിലത് മാത്രമേ മനുഷ്യരിലേക്ക് വ്യാപിക്കുന്നുളളൂ. ഹോങ്കോംഗിലെ ജാപ്പനീസ് പെപ്പിസ്‌ട്രെൽ വവ്വാലിൽ നിന്ന് തിരിച്ചറിഞ്ഞ HKU5 എന്ന കൊറോണ വൈറസിൽ നിന്നുളള വകഭേദമാണ് ഇത്. മിഡിൽ ഈസ്​റ്റ് റെസ്പിറേ​റ്ററി സിൻഡ്രോമിന് കാരണമാകുന്ന വൈറസും ഇതിൽ ഉൾപ്പെടുന്നു.

കൊറോണ വൈറസിന്റെ പുതിയ വകഭേദം ചൈനയിൽ കണ്ടെത്തി

തിരൂരങ്ങാടി: താലൂക്ക്‌ ആശുപത്രി അത്യാഹിതവിഭാഗത്തിൽ ചുമതലയുള്ള ഡോക്‌ടർക്കു പകരം ഇവരുടെ ഭർത്താവായ മറ്റൊരു ഡോക്‌ടർ ഡ്യൂട്ടിയെടുത്തത്‌ വിവാദമായി. തിരൂരങ്ങാടി താലൂക്ക്‌ ആശുപത്രിയിൽ ഡ്യൂട്ടിയുണ്ടായിരുന്ന ഡോ. സഹീദയ്ക്ക്‌ പകരം ഇവരുടെ ഭർത്താവ്‌ കൊണ്ടോട്ടി താലൂക്ക്‌ ആശുപത്രിയിലെ ഡോ. സഫീൽ ഡ്യൂട്ടിയെടുത്തതാണു വിവാദമായത്‌.
പ്രസവാവധി കഴിഞ്ഞെത്തിയ ഡോക്ടർ കുഞ്ഞിന്‌ പാൽ കൊടുക്കുന്നതിന്‌ മാറിനിന്ന സമയത്താണ്‌ ഭർത്താവായ ഡോ. സഫീൽ അത്യാഹിതവിഭാഗത്തിൽ പരിശോധനയ്ക്കിരുന്നതെന്ന്‌ ആശുപത്രി സൂപ്രണ്ട്‌ ഡോ. പ്രഭുദാസ്‌ പറഞ്ഞു. പല ദിവസങ്ങളിലും ഭാര്യക്കു പകരം ഭർത്താവ് പരിശോധന നടത്തിയിട്ടുണ്ടെന്നാണ് വിവരം.
വിവരമറിഞ്ഞ മുസ്‌ലിം യൂത്ത് ലീഗ് പ്രവർത്തകരാണ് സംഭവം പുറത്തുകൊണ്ടുവന്നത്. സംഭവം അന്വേഷിക്കണമെന്നാവശ്യപ്പെട്ട്‌ മുസ്‌ലിം യൂത്ത്‌ലീഗ്‌ മണ്ഡലം പ്രസിഡന്റ്‌ യു.എ. റസാഖ്‌ ആരോഗ്യമന്ത്രിക്കും ഡി.എം.ഒ.യ്ക്കും പരാതി നൽകി.അതേസമയം, കെ.പി.എ. മജീദ്‌ എം.എൽ.എ.യുടെ ബന്ധുവാണ്‌ ആൾമാറാട്ടം നടത്തിയതെന്നും സംഭവം അന്വേഷിക്കണമെന്നും സി.പി.എം. തിരൂരങ്ങാടി ലോക്കൽ കമ്മിറ്റി ആവശ്യപ്പെട്ടു. ജോലിചെയ്യാതെ ശമ്പളം വാങ്ങിയ ഡോക്‌ടർക്കെതിരേ നടപടി വേണമെന്നും ഇങ്ങനെ സൗകര്യം ലഭിക്കുന്നതിന്‌ കെ.പി.എ. മജീദ്‌ നടത്തിയ ഇടപെടൽ അന്വേഷിക്കണമെന്നും സി.പി.എം. ആവശ്യപ്പെട്ടു

ഡോക്ടർ ഭാര്യക്ക്‌ പകരം ഡോക്ടർ ഭർത്താവ്‌ ഡ്യൂട്ടിയിൽ; തിരൂർ താലൂക്ക്‌ ആശുപത്രിയിൽ വിവാദം

കൊച്ചി: നടിയും നിര്‍മാതാവുമായ സാന്ദ്രാ തോമസിന്റെ പരാതിയില്‍ പ്രൊഡ്യൂസേഴ്‌സ് അസോസിയേഷന്‍ ഭരവാഹികളും സംവിധായകരുമായ ശാന്തിവിള ദിനേശിനും ജോസ് തോമസിനുമെതിരെ കേസെടുത്ത് എറണാകുളം സെന്‍ട്രല്‍ പോലീസ്. ഫോട്ടോ ഉപയോഗിച്ച് തന്നെ യൂട്യൂബില്‍ അപമാനിച്ചു എന്നാണ് പരാതി.
ഹേമാ കമ്മിറ്റിക്ക് മുമ്പാകെ മൊഴിനല്‍കിയതിനെ തുടര്‍ന്ന് ബി. ഉണ്ണിക്കൃഷ്ണന്‍ തന്നെ അപമാനിച്ചുവെന്ന് കാണിച്ച് നേരത്തെ സാന്ദ്രാ തോമസ് നല്‍കിയ പരാതിയില്‍ അദ്ദേഹത്തിനെതിരെ കേസെടുത്തിരുന്നു. ഇതേത്തുടര്‍ന്ന് ലൈറ്റ്‌സ് ക്യാമറ ആക്ഷന്‍ എന്ന, ശാന്തിവിള ദിനേശന്റെ യൂട്യൂബ് ചാനല്‍ വഴി ഫോട്ടോ ഉപയോഗിച്ച് സാന്ദ്രാ തോമസിനെതിരെ വീഡിയോ പ്രചരിപ്പിച്ച് അപമാനിച്ചെന്ന് ആരോപിച്ചാണ് പരാതി.

'ഫോട്ടോ ഉപയോഗിച്ച് യുട്യൂബിലൂടെ അപമാനിച്ചു'; ശാന്തിവിള ദിനേശിനെതിരേ പരാതിനൽകി സാന്ദ്രാ തോമസ്

Search Results for: 8th grader death