ലൈംഗിക ചിന്തകൾ, പ്രേരണകൾ, എന്നിവയിലുള്ള നിയന്ത്രണമില്ലായ്മയെയാണ് സെക്‌സ് അഡിക്ഷൻ എന്ന് നിർവചിച്ചിരിക്കുന്നത്. ലൈംഗിക പ്രേരണകൾ സ്വാഭാവികമാണെങ്കിലും, അത് അമിതമായി ഉണ്ടാവുന്നതും ചെയ്യുന്നതും, ഒരാളുടെ ജീവിതത്തെ പ്രതികൂലമായി ബാധിക്കുന്നതുമായ പെരുമാറ്റങ്ങളെയാണ് സെക്സ് അഡിക്ഷൻ എന്നത് കൊണ്ട് ഉദ്ദേശിക്കുന്നത്.
സെക്‌സ് അഡിക്ഷൻ ഉള്ള ഒരു വ്യക്തിക്ക് ലൈംഗിക ഉത്തേജനം നിർബന്ധമായും ആവശ്യമായി വന്നേക്കാം. ഈ ആഗ്രഹം പലപ്പോഴും അവരുടെ ദൈനംദിന ജീവിതത്തെ തടസ്സപ്പെടുത്തുന്നു. സെക്‌സ് അഡിക്ഷൻ പല തരത്തിൽ ഉണ്ടാവാം, താഴെ പറയുന്നവ ഉൾപ്പടെ
<ul>
<li>ലൈംഗിക പ്രവർത്തനങ്ങൾ അല്ലെങ്കിൽ സെക്ഷ്വൽ ആക്റ്റ്</li>
<li>വേശ്യാവൃത്തി</li>
<li>പോർണോഗ്രാഫി കാണുന്നത്</li>
<li>സ്വയംഭോഗം അല്ലെങ്കിൽ ലൈംഗിക ഫാന്റസി</li>
<li>പ്രദർശനം അല്ലെങ്കിൽ വോയറിസം</li>
</ul>
ലൈംഗികതയ്ക്ക് അടിമപ്പെട്ടവർ തുടർന്ന് ചെയ്യാനായി തങ്ങളുടെ മറ്റു പ്രവർത്തനങ്ങളിൽ മാറ്റം വരുത്തിയേക്കാം. കാര്യമായ അനന്തരഫലങ്ങൾ ഉണ്ടായിട്ടും പെരുമാറ്റം നിയന്ത്രിക്കാൻ കഴിയാതെ സ്ഥിരമായി ലൈംഗിക പ്രവർത്തികളിൽ ഏർപ്പെട്ടേക്കാം.
നിർബന്ധിത ലൈംഗിക പെരുമാറ്റം ഗുരുതരമായ വ്യക്തിപരമായ പ്രത്യാഘാതങ്ങൾ ഉണ്ടാക്കും. മയക്കുമരുന്ന് അല്ലെങ്കിൽ മദ്യപാനം പോലെ, അമിതമായ ലൈംഗിക ആസക്തി എന്നത് ശാരീരിക ആരോഗ്യം, മാനസികാരോഗ്യം, വ്യക്തിബന്ധങ്ങൾ, ജീവിത നിലവാരം എന്നിവയെ ബാധിക്കും.
സെക്സ് അഡിക്ഷന്റെ ലക്ഷണങ്ങൾ
അമിത ലൈംഗിക ആസക്തി എന്നത് ശാരീരികവും വൈകാരികവുമായി പല തരത്തിൽ പ്രകടമാകാം. വ്യക്തമായ രോഗനിർണയം നടത്താൻ ഒരു വൈദ്യസഹായം ആവശ്യമാണ്, എന്നാൽ ലൈംഗിക ആസക്തി ഉള്ള ഒരാൾക്ക് ഉണ്ടാവാൻ സാധ്യതയുള്ള ചില ലക്ഷണങ്ങൾ ഇതാണ്
<ul>
<li>സെക്സിനെക്കുറിച്ചു തന്നെ എപ്പോഴും ആലോചിച്ചിരിക്കുക (Obsessive Sexual Thoughts)</li>
<li>സെക്‌സിനായി അമിത സമയം ചെലവഴിക്കുക (Spending Excessive Time on Sex)</li>
<li>ലജ്ജയോ വിഷാദമോ അനുഭവപ്പെടുക (Feeling Shame or Depression)</li>
<li>മറ്റ് കാര്യങ്ങൾ ഒഴിവാക്കുക (Excluding Other Activities)</li>
<li>അമിതമായി സ്വയംഭോഗം ചെയ്യുക (Masturbating Excessively)</li>
<li>അപകടകരമായ അല്ലെങ്കിൽ അനുചിതമായ പെരുമാറ്റങ്ങളിൽ ഏർപ്പെടുക (Engaging in Risky or Inappropriate Behaviors)</li>
<li>പങ്കാളികളെ വഞ്ചിക്കുക (Cheating on Partners)</li>
<li>ക്രിമിനൽ ലൈംഗിക കുറ്റകൃത്യങ്ങൾ ചെയ്യുക (Committing Criminal Sex Offenses)</li>
</ul>
സെക്സ് അഡിക്ഷന്റെ ചികിത്സ
<ul>
<li>ഒരു മാനസികാരോഗ്യ പ്രൊഫഷണലുമായി ഒറ്റത്തവണയുള്ള തെറാപ്പി</li>
<li>കോഗ്നിറ്റീവ് ബിഹേവിയറൽ തെറാപ്പി (CBT)</li>
<li>ഐ മൂവ്മെന്റ് ഡിസെൻസിറ്റൈസേഷനും റീപ്രോസസിംഗും (EMDR)</li>
<li>സൈക്കോഡൈനാമിക് തെറാപ്പി</li>
<li>ഗ്രൂപ്പ് തെറാപ്പി</li>
<li>പിന്തുണ ഗ്രൂപ്പുകൾ</li>
<li>ഇൻപേഷ്യൻ്റ് ചികിത്സ</li>
<li>ദമ്പതികളുടെ കൗൺസിലിംഗ്</li>
</ul>

എന്താണ് സെക്സ് അഡിക്ഷൻ...?ഇക്കാര്യങ്ങൾ അറിയണം

Health

വടകര:ദേശീയ പാതയിൽ ഓടികൊണ്ടിരുന്ന സ്വകാര്യ ബസ്സിൽ തീയും പുകയും. കണ്ണൂരിൽ നിന്ന് കോഴിക്കോട്ടേക്ക് യാത്രക്കാരുമായി പോവുകയായിരുന്ന വൊളന്റ് ബസ്സിന്റെ എഞ്ചിനിൽ നിന്നാണ് പുക ഉയർന്നത്. വടകര നാദാപുരം റോഡിലാണ് സംഭവം. ഉടൻ തന്നെ ബസ് ജീവനക്കാർ യാത്രക്കാരെ പുറത്തിറക്കി.

നാദാപുരം റോഡിൽ ഓടിക്കൊണ്ടിരുന്ന ബസിൽ തീയും പുകയും

Vadakara

ദോഹ: ഖത്തർ ദേശീയ ദിനാഘോഷങ്ങളുടെ ഭാഗമായി ഡിസംബർ 18, 19 (ബുധൻ, വ്യാഴം) ദിവസങ്ങളിൽ പൊതു അവധി പ്രഖ്യാപിച്ച് അമിരി ദിവാൻ. ബുധനാഴ്ചയാണ് ഖത്തറിന്‍റെ ദേശീയ ദിനം.
വ്യാഴവും അവധി നൽകിയതോടെ വാരാന്ത്യ അവധിയും കഴിഞ്ഞ് ഡിസംബർ 22നാകും (ഞായറാഴ്ച) പ്രവൃത്തി ദിനം ആരംഭിക്കുന്നത്.അതേസമയം, ഖത്തർദേശീയ ദിനാഘോഷങ്ങളുടെ ഭാഗമായ പരേഡ് റദ്ദാക്കി. ദേശീയ ദിന സംഘാടകസമിതിയുടെ തീരുമാനം ഖത്തർ സാംസ്കാരിക മന്ത്രാലയമാണ് പ്രഖ്യാപിച്ചത്. ദേശീയ ദിനമായ ഡിസംബർ 18ന് ദോഹ കോർണിഷിലാണ് വിവിധ സേനാ വിഭാഗങ്ങളും പാരാട്രൂപ്പേഴ്സും ഉൾപ്പെടെ അണിനിരക്കുന്ന ദേശീയ ദിന പരേഡ് അരങ്ങേറുന്നത്.

ദേശീയ ദിനം: ബുധൻ, വ്യാഴം ദിവസങ്ങളിൽ ഖത്തറിൽ പൊതുഅവധി

Gulf

പേരാമ്പ്ര: എംഡിഎംഎ ലഹരി വിൽപനക്കാരനെയും സഹോദരനെയും പോലീസ് പിടികൂടി. പേരാമ്പ്ര പുറ്റംപൊയിൽ താമസിക്കുന്ന ചേനോളി സ്വദേശി കണിക്കുളങ്ങര അഫ്നാജ് എന്ന ചിമ്പി, മുഹസിൻ എന്നിവരാണ് പിടിയിലായത്. പേരാമ്പ്ര ലാസ്റ്റ് കല്ലോട് ഭാഗത്ത് വാഹന പരിശോധന നടത്തുകയായിരുന്ന എസ്ഐ ഷമീറും സംഘവും കൈ കാണിച്ചു നിർത്താതെ പോയ കാർ പിൻതുടരുകയും ലാസ്റ്റ് കല്ലോടുള്ള കേദാരം കാർ വർക്ഷോപ്പിലേക്ക് ഓടിച്ചു കയറ്റുകയുമായിരുന്നു.&nbsp;
പിന്നാലെയെത്തിയ എസ്ഐയും സംഘവും പേരാമ്പ്ര ഡിവൈഎസ്പി വി.വി. ലതീഷിന്റെ കീഴിലെ ലഹരി വിരുദ്ധസ്ക്വാഡും ചേർന്ന് ഇവരെ സാഹസികമായി കീഴടക്കുകയായിരുന്നു. പരിശോധനയിൽ മാരക മയക്കുമരുന്നായ 6 ഗ്രാം എംഡിഎംഎ കണ്ടെത്തി. പ്രതി സ്ഥിരമായി വൻതോതിൽ ലഹരിമരുന്ന് വിൽപന നടത്തുന്നയാളാണെന്നും നിരവധി സ്കൂൾ കുട്ടികൾക്കും യുവാക്കൾക്കും പെൺകുട്ടികൾക്കും ഇയാൾ ഇതു വിതരണം ചെയ്യാറുണ്ടെന്നും പരാതിയുണ്ടായിരുന്നു.&nbsp;
വാടക വീടുകളിൽ മാറി മാറി താമസിച്ചും മൊബൈൽ നമ്പർ മാറ്റിയും ദിവസവും കാറുകൾ മാറ്റി മാറ്റി ഉപയോഗിച്ചും പോലീസിനെ കബളിപ്പിക്കുകയായിരുന്നു ഇവർ. ഒരു വർഷത്തോളമായി നിരീക്ഷിച്ചു വരികയാണെന്നും സ്ഥിരം നോട്ടപ്പുള്ളിയായ ചിമ്പി നിരവധി ക്രിമിനൽ കേസിലും കളവ് കേസിലുമുൾപ്പെട്ടയാളാണെന്നും പൊലീസ് പറഞ്ഞു.

പേരാമ്പ്രയിൽ എം‍ഡിഎംഎയുമായി സഹോദരങ്ങൾ പിടിയിൽ

Perambra

വടകര: വാഹനാപകടത്തിന്റെ പേരില്‍ തൊഴിലാളികളെ ദ്രോഹിക്കുന്നത് നിര്‍ത്തണമെന്ന് ജില്ലാമോട്ടോര്‍ എംപ്ലോയിസ്അസോസിയേഷന്‍ (ഐഎന്‍ടിയുസി) വടകര താലുക്ക് നേതൃത്വയോഗം ആവശ്യപ്പെട്ടു.
നാഷണല്‍ ഹൈവേയുടെ ജോലി ഇപ്പോഴും മന്ദ ഗതിയില്‍ നടക്കുന്നത് കാരണം ഗതാഗത തടസ്സങ്ങള്‍ അനുദിനം വര്‍ധിച്ചു വരുന്ന സാഹചര്യമാണ്. ബസുകള്‍ക്ക് സമയത്തിന് എത്തിപ്പെടാന്‍ സാധിക്കുന്നില്ല. ഇതാണ് മത്സര ഓട്ടത്തിന് വഴിവെക്കുന്നത്. വിലപ്പെട്ട ജീവനുകള്‍ അകാലത്തില്‍ പൊലിഞ്ഞ് പോകാന്‍ ഇടയാക്കുന്ന സാഹചര്യം ഒഴിവാക്കാന്‍ ബന്ധപ്പെട്ടവര്‍ മുന്‍കൈ എടുക്കണമെന്ന് യോഗം ആവശ്യപ്പെട്ടു. കൈനാട്ടി മുതല്‍ കരിമ്പനപ്പാലം വരെയുള്ള സര്‍വീസ് റോഡ് ഉടന്‍ പൂര്‍ത്തികരിച്ചാല്‍ വലിയൊരു ശതമാനം ഗതാഗത തടസം ഒഴിവാക്കാന്‍ സാധിക്കുമെന്ന് യോഗം ചുണ്ടിക്കാട്ടി.
യാത്രാ ബുദ്ധിമുട്ട് അനുഭവിക്കുന്ന വടകരക്കാരുടെ പ്രശ്‌നങ്ങള്‍ പാര്‍ലമെന്റില്‍ ഉന്നയിച്ച വടകര എംപി ഷാഫി പറമ്പിലിനെ യോഗം അഭിനന്ദിച്ചു. ജില്ലാ വൈസ് പ്രസിഡന്റ് കെ.എന്‍.എ.അമീര്‍ അധ്യക്ഷത വഹിച്ചു. നാരായണനഗരം പത്മനാഭന്‍, രാജേഷ് കിണറ്റുംകര, അന്‍വര്‍ കുരിയാടി, ബാബു കണ്ണൂര്‍, വി കെ പ്രകാശന്‍, കെ.കെ സഗീഷ്, റിമേഷ് ലാല്‍, നെല്ലിക്കല്‍ പ്രേമന്‍, ഉണ്ണികൃഷണന്‍ കൊയിലാണ്ടി, പി ടി അനില്‍കുമാര്‍ എന്നിവര്‍ സംസാരിച്ചു. എം രാജന്‍ സ്വാഗതവും ബി പ്രതിഷ് നന്ദിയും പറഞ്ഞു.

വാഹനാപകടത്തിന്റെ പേരില്‍ തൊഴിലാളികളെ ദ്രോഹിക്കുന്നത് നിര്‍ത്തണം; ഐഎന്‍ടിയുസി

വടകര: ചോറോട് ഗ്രാമ പഞ്ചായത്ത് പതിനൊന്നാം വാർഡ് പാഞ്ചേരി പൊക്കൻ മെമ്മോറിയൽ ഹരിശ്രീ അംഗണവാടിയിൽ കലോത്സവം നടത്തി. പഞ്ചായത്ത് തല കലോത്സവത്തിലേക്കുള്ള മത്സരാർത്ഥികളെ തെരഞ്ഞെടുക്കുന്നതിനായുള്ള അംഗണവാടി തല മത്സര പരിപാടികളാണ് സംഘടിപ്പിച്ചത്. അംഗണവാടി കുട്ടികൾ, പൂർവ്വ വിദ്യാർത്ഥികൾ, അമ്മമാർ, സി ഡി എസ് കുടുംബശ്രീ എന്നിവർ കലാപരിപാടികളിൽ പങ്കെടുത്തു. പരിപാടിയുടെ ഉദ്ഘാടനവും സമ്മാനദാനവും പഞ്ചായത്ത് അംഗം പ്രസാദ് വിലങ്ങിൽ നിർവ്വഹിച്ചു. സി ഡി എസ് അംഗം ലീബപി.ടി.കെ അധ്യക്ഷത വഹിച്ചു. ശൈലജ ചന്ദ്രൻ ആശംസ നേർന്നു. അംഗണവാടി വർക്കർ പ്രഭാവതി സ്വാഗതവും ഹെൽപ്പർ ദേവി നന്ദിയും പറഞ്ഞു.

അംഗണവാടി കലോസവം സംഘടിപ്പിച്ചു

കൊയിലാണ്ടി: ലഹരി നിർമ്മാർജ്ജന സമിതി കൊയിലാണ്ടി മണ്ഡലം കമ്മിറ്റി യോഗം ഗ്രേയ്സ് കോളേജിൽ ലത്തീഫ് കവലാടിൻ്റെ അധ്യക്ഷതയിൽ സംസ്ഥാന സീനിയർ വൈസ് പ്രസിഡൻ്റ് ഇമ്പിച്ചു മമ്മു ഹാജി ഉദ്ഘാടനം ചെയ്തു. ഹുസൈൻ കമ്മന മുഖ്യ പ്രഭാഷണം നടത്തി. സഹദ് പുറക്കാട്, അബ്ബാസ് തങ്ങൾ നന്തി , റഷീദ് മണ്ടോളി, സജ്ന പിരിഷത്തിൽ , ഹംസ കൊല്ലം, ആസിയ എം, റഹ്മത്ത് സി എന്നിവർ പ്രസംഗിച്ചു.&nbsp;
ഭാരവാഹികളായി ചെയർമാൻ; അബ്ബാസ് തങ്ങൾ, വൈസ്സ് ചെയർമാൻ; ഹംസ കൊല്ലം, ജനറൽ കൺവീനർ; സഹദ് പുറക്കാട്, കൺവീനർ; കെ.വി മുഹമ്മദലി, ട്രഷറർ; ടി മുഹമ്മദ് ഷാഫി കൊയിലാണ്ടി എന്നിവരെ തിരഞ്ഞെടുത്തു. യോഗത്തിൽ ലഹരി നിർമ്മാർജ്ജന സമിതി കൊയിലാണ്ടി മണ്ഡലം കൺവൻഷൻ ഡിസംബർ 27ന് കൊയിലാണ്ടി ഗ്രേയ്സ് കോളേജിൽ വെച്ച് നടത്താൻ തീരുമാനിച്ചു. കെ.വി മുഹമ്മദലി സ്വാഗതവും ടി. മുഹമ്മദ് ഷാഫി കൊയിലാണ്ടി നന്ദിയും പറഞ്ഞു

ലഹരി നിർമ്മാർജ്ജന സമിതി കൺവൻഷൻ 27ന്

Koyilandy

പത്തനംതിട്ട: പുനലൂര്‍ മൂവാറ്റുപുഴ സംസ്ഥാനപാതയില്‍ കലഞ്ഞൂര്‍ മുറിഞ്ഞകല്ലില്‍ ശബരിമല തീര്‍ത്ഥാടകരുടെ ബസ്സിലേക്ക് കാര്‍ ഇടിച്ചുകയറിയുണ്ടായ അപകടത്തില്‍ കൊല്ലപ്പെട്ടത് നവദമ്പതികളും അവരുടെ അച്ഛന്മാരും. കുമ്പഴ മല്ലശ്ശേരി സ്വദേശികളായ നിഖില്‍ മത്തായി, അനു നിഖില്‍, നിഖിലിന്റെ പിതാവ് മത്തായി ഈപ്പന്‍, അനുവിന്റെ പിതാവ് ബിജു പി ജോര്‍ജ് എന്നിവരാണ് മരിച്ചത്. പുലര്‍ച്ചെ നാലിനാണ് അപകടം.
മലേഷ്യയില്‍ ഹണിമൂണിന് പോയ ഇരുവരെയും തിരുവനന്തപുരം വിമാനത്താവളത്തില്‍ നിന്ന് വീട്ടിലേക്ക് കൂട്ടിക്കൊണ്ടുവരുന്നതിനിടെയാണ് അപകടം. നവംബര്‍ 30-ന് പൂങ്കാവ് സെന്റ് മേരീസ് മലങ്കര പള്ളിയില്‍വെച്ചായിരുന്നു അനുവിന്റേയും നിഖിലിന്റേയും വിവാഹം. യു.കെയില്‍ ജോലി ചെയ്യുകയായിരുന്നു നിഖില്‍. അനു എംഎസ്ഡബ്ല്യു പൂര്‍ത്തിയാക്കിയിരുന്നു. വിവാഹം കഴിഞ്ഞ് രണ്ട് ദിവസത്തിന് ശേഷമാണ് ഇവർ യാത്ര പുറപ്പെട്ടത്.അമിതവേഗത്തില്‍ എത്തിയ കാര്‍ ബസിലേക്ക് ഇടിച്ചു കയറുകയായിരുന്നു എന്നാണ് വിവരം.&nbsp;

കല്യാണം കഴിഞ്ഞിട്ട് 15 നാൾ മാത്രം ;നിഖിലിനെയും അനുവിനെയും  മരണം കവർന്നെടുത്തത് ഹണിമൂൺ കഴിഞ്ഞെത്തിയപ്പോൾ

Kerala

പാലക്കാട്: ബൈക്കും ജീപ്പും കൂട്ടിയിടിച്ച് ബൈക്ക് യാത്രക്കാരനായ യുവാവ് മരിച്ചു. മേട്ടുപാളയം അത്തിമണി സ്വദേശി മുഹമ്മദ് ഷിയാദ് ആണ് മരിച്ചത്. പാലക്കാട് ചിറ്റൂര്‍ തത്തമംഗലം പള്ളത്താംപ്പുള്ളിയില്‍ രാത്രിയായിരുന്നു അപകടം നടന്നത്. ഒപ്പമുണ്ടായിരുന്ന സുഹൃത്തിന് ഗുരുതരമായി പരിക്കേറ്റു
അത്തിമണിയില്‍ നിന്നും തത്തമംഗലം മേട്ടുപാളയം ഭാഗത്തേക്ക് പോവുകയായിരുന്ന ഷിയാദും സുഹൃത്ത് അനസും. വണ്ടിത്താവളം ഭാഗത്തേക്ക് വന്ന ജീപ്പുമായാണ് ഇവരുടെ ബൈക്ക് കൂട്ടിയിടിച്ചത്. സംഭവസ്ഥലത്ത് തന്നെ ഷിയാദ് മരിച്ചു.

ബൈക്കും ജീപ്പും കൂട്ടിയിടിച്ച്  അപകടം;യുവാവ് മരിച്ചു

പയ്യോളി: കീഴൂർ ശിവക്ഷേത്ര ആറാട്ടുമഹോത്സവത്തോടനുബന്ധിച്ച് ആറാട്ട് ദിനമായ ഇന്ന് പയ്യോളി നഗരസഭയിലെ മദ്യഷാപ്പുകൾ അടച്ചുപൂട്ടാനുള്ള ഉത്തരവ് പുറപ്പെടുവിച്ചു. ജില്ലാ കളക്ടറും ജില്ലാ മജിസ്‌ട്രേറ്റുമായ സ്നേഹിൽ കുമാർ സിംഗ് ഐഎഎസ് ആണ് ഉത്തരവ് നൽകിയത്. പയ്യോളി നഗരസഭാ പരിധിയിലെ കള്ളുഷാപ്പുകൾ, ബാറുകൾ, ബിവറേജസ് ഔട്ട്ലറ്റുകൾ എന്നിവയ്ക്ക് ഉത്തരവ് ബാധകമായിരിക്കും.
ഉത്സവത്തോടനുബന്ധിച്ച്, ശാന്തിയും സമാധാനവും നിലനിർത്തുന്നതിന് മദ്യഷാപ്പുകൾക്ക് അവധി നൽകണമെന്നാവശ്യപ്പെട്ട് ശ്രീ കിഴൂർ ശിവക്ഷേത്രം ട്രസ്റ്റി ബോർഡ് ചെയർമാൻ്റെ അഭ്യർഥനയനുസരിച്ചാണ് അവധി പ്രഖ്യാപിച്ചത്.ഇതനുസരിച്ച്, ക്രമസമാധാന പ്രശ്‌നങ്ങൾ ഉണ്ടാകാനുള്ള സാധ്യത കണക്കിലെടുത്ത് പ്രദേശത്തെ എല്ലാ ബിവറേജസ് ഔട്ട്‌ലെറ്റുകളും കള്ള് ഷോപ്പുകളും അടച്ചുപൂട്ടാൻ കോഴിക്കോട് (റൂറൽ) ജില്ലാ പോലീസ് മേധാവിയും, കോഴിക്കോട് ഡെപ്യൂട്ടി എക്‌സൈസ് കമ്മീഷണറും ശുപാർശ ചെയ്തിട്ടുണ്ട്.
ബിവറേജസ് ഔട്ട്‌ലെറ്റുകൾ അടച്ചുപൂട്ടുന്നത് കാരണം, പ്രദേശത്ത് അനധികൃത മദ്യവിൽപ്പനയ്ക്ക് സാധ്യതയുണ്ടായാൽ അബ്കാരി സെക്ഷൻ 54 അനുസരിച്ച് കർശന നടപടിയെടുക്കുമെന്നും ഉത്തരവിലുണ്ട്.

കീഴൂർ ശിവക്ഷേത്ര ആറാട്ടുമഹോത്സവം: മദ്യഷാപ്പുകൾക്ക് ഇന്ന് അവധി

തോടന്നൂർ: എടത്തുംകര കുനിയിൽ മീനാക്ഷി അമ്മ (80) നിര്യാതയായി.ഭർത്താവ്: പരേതനായ എം.പി ചാത്തു നായർ. മക്കൾ : ബാലകൃഷ്ണൻ, രാജേന്ദ്രൻ എടത്തുംകര , രാധ മരുമക്കൾ ബീന ( വയനാട് അമ്പലവയൽ),ജിഷ ( കായക്കൊടി) ,വിശ്വനാഥൻ (വയനാട് കുഞ്ഞോം) സഹോദരങ്ങൾ: കുനിയിൽ ശ്രീധരൻ നായർ (റിട്ടേർഡ് തഹസിൽദാർ ) ,വസന്ത (തോലേരി).സംസ്കാരം രാവിലെ 10 മണി വീട്ടുവളപ്പിൽ

എടത്തുംകര കുനിയില്‍ മീനാക്ഷി അമ്മ നിര്യാതയായി

Obituary

പത്തനംതിട്ട: അയ്യപ്പ ഭക്തര്‍ സഞ്ചരിച്ച മിനി ബസും കാറും കൂട്ടിയിടിച്ചുണ്ടായ അപകടത്തിൽ നാല് പേര്‍ മരിച്ചു. പുനലൂര്‍-മൂവാറ്റുപുഴ സംസ്ഥാന പാതയിലാണ് സംഭവം.തെലങ്കാനയിൽ നിന്നുള്ള ശബരിമല ഭക്തര്‍ സഞ്ചരിച്ച മിനി ബസ് എതിര്‍ദിശയില്‍ വന്ന കാറുമായി കൂട്ടിയിടിക്കുകയായിരുന്നു. കലഞ്ഞൂർ മുറിഞ്ഞകല്ലിൽ പുലര്‍ച്ചെ 4:05 നായിരുന്നു അപകടം സംഭവിച്ചത്.
കോന്നി മല്ലശ്ശേരി സ്വദേശികളാണ് മരിച്ചത്. മത്തായി ഈപ്പൻ , നിഖിൻ (29), അനു (26), ബിജു പി ജോർജ്ജ് എന്നിവരാണ് മരിച്ചത്. അനുവും നിഖിലും നവദമ്പതികളാണ്. അനുവിന്റെ പിതാവാണ് ബിജു. നിഖിലിന്റെ പിതാവാണ് മത്തായി ഈപ്പൻ. നവംബർ 30നായിരുന്നു നിഖിലിന്റെയും അനുവിന്റെയും വിവാ​ഹം. മലേഷ്യയിൽ മധുവിധുവിന് പോയ ശേഷം മടങ്ങിയെത്തിയതായിരുന്നു അനുവും നിഖിലും. ഇവരെ തിരുവനന്തപുരം വിമാനത്താവളത്തിൽ നിന്ന് കൂട്ടിക്കൊണ്ടുവരികയായിരുന്നു ബിജുവും ഈപ്പൻ മത്തായിയും. കാർ ഡ്രൈവർ ഉറങ്ങിപ്പോയതാണ് അപകടകാരണം എന്നാണ് പ്രാഥമിക നിഗമനം. ബിജു ആണ് കാർ ഓടിച്ചിരുന്നത്. വീടിന് വെറും ഏഴ് കിലോമീറ്റർ അകലെയാണ് അപകടം നടന്നത്.
കാറിന്റെ മുന്‍വശം ആകെ തകര്‍ന്ന നിലയിലായിരുന്നു. ഫയർഫോഴ്സും നാട്ടുകാരും ചേർന്ന് കാര്‍ വെട്ടിപ്പൊളിച്ചാണ് ഇവരെ പുറത്തെടുത്തത്. ഈപ്പൻ മത്തായി, നിഖിൽ, ബിജു എന്നിവർ സംഭവസ്ഥലത്ത് മരിച്ചു. ആശുപത്രിയിലേക്ക് കൊണ്ടുപോകും വഴിയാണ് അനു മരിച്ചത്.ഈപ്പൻ മത്തായിയുടെയും ബിജുവിന്റെയും നിഖിലിന്റെയും മൃതദേഹങ്ങൾ കോന്നി താലൂക്ക് ആശുപത്രിയിലാണ്. അനുവിന്റെ മൃതദേഹം പത്തനംതിട്ട സ്വകാര്യ ആശുപത്രിയിലും.&nbsp;

മിനി ബസും കാറും കൂട്ടിയിടിച്ച് അപകടം;നവദമ്പതിമാരടക്കം നാല് പേർക്ക് ദാരുണാന്ത്യം

കൊച്ചി : ഫോർട്ട് കൊച്ചി വെളി ഗ്രൗണ്ടിലും പാപ്പാഞ്ഞിയെ കത്തിക്കാൻ ഹൈക്കോടതിയുടെ അനുമതി. ഉപാധികളോടെയാണ് അനുമതി നൽകിയിരിക്കുന്നത്. പാപ്പാഞ്ഞിക്ക് ചുറ്റും 72 അടി ദൂരത്തിൽ സുരക്ഷാ വേലി വേണമെന്നാണ് പ്രധാന നിർദേശം. നാൽപത് അടിയിലാണ് നിലവിൽ സുരക്ഷാ വേലി ഒരുക്കിയിരിക്കുന്നത്. ഇത് 72 അടി ആക്കി മാറ്റാനാണ് ഹൈക്കോടതി അറിയിച്ചിരിക്കുന്നത്. വലിയ പാപ്പാഞ്ഞി കത്തിക്കുമ്പോള്‍ അവശിഷ്ടങ്ങള്‍ കൂടി നില്‍ക്കുന്നവരുടെ ദേഹത്ത് വീഴുന്നത് ഒഴിവാകുക ലക്ഷ്യമിട്ടാണ് നിര്‍ദേശം.
നേരത്തെ സുരക്ഷാ പ്രശ്നം ചൂണ്ടിക്കാണിച്ച് വെളി ഗ്രൗണ്ടിൽ ഗാലാഡി ഫോർട്ട് കൊച്ചി ക്ലബ്ബ് സ്ഥാപിച്ച പാപ്പാഞ്ഞിയെ നീക്കം ചെയ്യാൻ പോലീസ് നിർദേശം നൽകിയിരുന്നു. ഇതിന് പിന്നാലെയാണ് ക്ലബ്ബ് ഹൈക്കോടതിയെ സമീപിച്ചത്.കൊച്ചിക്കാരുടെ ക്രിസ്മസ് ന്യൂഇയർ ആഘോഷങ്ങളിൽ പ്രധാനമാണ് പാപ്പാഞ്ഞിയെ കത്തിക്കൽ ചടങ്ങ്. ഫോർട്ട് കൊച്ചി പരേഡ് ഗ്രൗണ്ടിലാണ് കാർണിവലിനോട് അനുബന്ധിച്ച് ഈ ചടങ്ങ് നടക്കുന്നത്. പരേഡ് ഗ്രൗണ്ടിൽ നിന്ന് വെറും രണ്ട് കിലോമീറ്റർ അകലെയുള്ള വെളി ഗ്രൗണ്ടിലാണ് ഗാലാഡി ക്ലബ്ബ് തങ്ങളുടെ പാപ്പാഞ്ഞിയെ ഒരുക്കിയത്. ലക്ഷക്കണക്കിന് ആളുകൾ എത്തുന്ന കാർണിവൽ ആഘോഷങ്ങൾക്ക് പുറമേ ചുറ്റുവട്ടത്ത് തന്നെ സ്വകാര്യ ക്ലബ്ബ് നടത്തുന്ന പാപ്പാഞ്ഞിയെ കത്തിക്കുന്ന ചടങ്ങിനും മതിയായ സുരക്ഷ ക്രമീകരണങ്ങൾ ഒരുക്കുന്നത് സാധ്യമല്ല എന്ന് ചൂണ്ടിക്കാണിച്ചാണ് ഗാലാഡി ക്ലബ്ബിന് മട്ടാഞ്ചേരി അസിസ്റ്റന്റ് കമ്മീഷണർ നോട്ടീസ് നൽകിയത്

പുതുവത്സരത്തില്‍ രണ്ടിടത്ത് പാപ്പാഞ്ഞിയെ കത്തിക്കാം;ഹൈക്കോടതി അനുമതി

ന്യൂഡല്‍ഹി: മുന്‍ പ്രധാനമന്ത്രി മന്‍മോഹന്‍ സിങ്ങിന്റെ വിയോഗത്തില്‍ അനുശോചിച്ച് രാജ്യത്ത് ഏഴുദിവസത്തെ ദുഃഖാചരണം. കേന്ദ്രസര്‍ക്കാര്‍ സ്ഥാപനങ്ങള്‍ക്ക് ശനിയാഴ്ച പകുതി ദിവസത്തെ അവധിയും കേന്ദ്രസര്‍ക്കാര്‍ പ്രഖ്യാപിച്ചു. 2025 ജനുവരി ഒന്ന് വരെയാണ് ദുഃഖാചരണം. ദുഃഖാചരണത്തിന്റെ ഭാഗമായി രാജ്യത്തിനകത്തും പുറത്തുമുള്ള എല്ലാ സര്‍ക്കാര്‍ സ്ഥാപനങ്ങളിലും ദേശീയപതാക താഴ്ത്തിക്കെട്ടും.
തെലങ്കാനയും കര്‍ണാടകയും വെള്ളിയാഴ്ച എല്ലാ വിദ്യാഭ്യാസ സ്ഥാപനങ്ങള്‍ക്കും സര്‍ക്കാര്‍ ഓഫീസുകള്‍ക്കും അവധി നല്‍കിയിരുന്നു. കോണ്‍ഗ്രസും ഏഴുദിവസത്തേക്ക് ഔദ്യോഗിക പരിപാടികളെല്ലാം റദ്ദാക്കി.

മന്‍മോഹന്‍ സിങ്ങിന്റെ വിയോഗം;കേന്ദ്രസർക്കാർ സ്ഥാപനങ്ങൾക്ക് ശനിയാഴ്ച പകുതി ദിവസം അവധി

National

ഇടുക്കി: സിപിഎം ഇടുക്കി ജില്ലാ സമ്മേളനത്തിന് ലോഗോ അയച്ച് യൂത്ത് കോൺഗ്രസ് ജില്ലാ കമ്മിറ്റി. കട്ടപ്പനയിലെ നിക്ഷേപകൻ സാബുവിന്റെ ആത്മഹത്യ പ്രമേയമാക്കിയാണ് ലോഗോ രൂപകൽപ്പന ചെയ്തിരിക്കുന്നത്. സാബുവിന്റെ ആത്മഹത്യക്ക് കാരണക്കാരായ പ്രതികളെ സിപിഎം സംരക്ഷിക്കുന്നുവെന്ന് ആരോപിച്ച് വ്യത്യസ്തമായ പ്രതിഷേധം എന്ന നിലക്കാണ് ലോഗോ അയച്ചത്.
കട്ടപ്പന റൂറൽ ഡെവലപ്‌മെന്റ് കോ-ഓപ്പറേറ്റീവ് സൊസൈറ്റിയിൽ നിക്ഷേപിച്ച പണം തിരികെ കിട്ടാത്തതിനെ തുടർന്നാണ് സാബു ആത്മഹത്യ ചെയ്തത്. ഭാര്യയുടെ ചികിത്സക്കായി ആവശ്യപ്പെട്ട രണ്ട് ലക്ഷം രൂപ ബാങ്ക് നൽകിയിരുന്നില്ല. പണം ആവശ്യപ്പെട്ട് ബാങ്കിലെത്തിയപ്പോൾ ജീവനക്കാർ അസഭ്യം പറഞ്ഞുവെന്നും പിടിച്ചു തള്ളിയെന്നും സാബുവിന്റെ ആത്മഹത്യാക്കുറിപ്പിൽ പറഞ്ഞിരുന്നു. സംഭവവുമായി ബന്ധപ്പെട്ട് ആരോപണവിധേയരായ മൂന്ന് ജീവനക്കാരെ ഭരണസമിതി സസ്‌പെൻഡ് ചെയ്തിരുന്നു.&nbsp;

സിപിഎം ഇടുക്കി ജില്ലാ സമ്മേളനത്തിന് ലോഗോ അയച്ച് യൂത്ത് കോൺഗ്രസ്‌ പ്രതിഷേധം

കൊച്ചി: സര്‍ക്കാര്‍ പരിപാടികളിലും വെടിക്കെട്ട് മാനദണ്ഡങ്ങള്‍ പാലിച്ചേ നടത്താവൂ എന്ന് ഹൈക്കോടതി. വെടിക്കെട്ടിന് അനുമതി നിഷേധിച്ച പാലക്കാട് ജില്ലാ കളക്ടറുടെ തീരുമാനം ചോദ്യംചെയ്ത് മണ്ണപ്ര മഹാവിഷ്ണു അയ്യപ്പന്‍കാവ് ആറാട്ട് ഉത്സവ കമ്മിറ്റി പ്രസിഡന്റ് എ. വിജയന്‍ ഫയല്‍ചെയ്ത ഹര്‍ജിയില്‍ പുറപ്പെടുവിച്ച ഇടക്കാല ഉത്തരവിലാണ് ജസ്റ്റിസ് എസ്. ഈശ്വരന്റെ നിര്‍ദേശം.
ഒക്ടോബര്‍ 11-ന് കേന്ദ്ര സര്‍ക്കാര്‍ പുറത്തിറക്കിയ വിജ്ഞാപനപ്രകാരം വെടിക്കെട്ട് നടത്തുന്നതിന് ഫയര്‍ ഡിസ്പ്ലേ അസിസ്റ്റന്ററ് അല്ലെങ്കില്‍ ഫയര്‍ ഡിസ്പ്ലേ ഓപ്പറേറ്ററെ നിയമിക്കേണ്ടതുണ്ട്. ഈ സര്‍ട്ടിഫിക്കറ്റില്ലാതെ അപേക്ഷ നല്‍കിയതാണ് അനുമതി നിഷേധിക്കാന്‍ കാരണമെന്നായിരുന്നു സര്‍ക്കാര്‍ വിശദീകരണം. ഫയര്‍ ഡിസ്പ്ലേ ഓപ്പറേറ്ററെ നിയമിക്കാനുള്ള മാനദണ്ഡങ്ങള്‍ എന്തൊക്കെയാണെന്ന് കേന്ദ്ര വിജ്ഞാപനത്തില്‍ പറഞ്ഞിട്ടില്ലെന്നും അതിനാല്‍ വെടിക്കെട്ടിന് അനുമതി നല്‍കാന്‍ നിര്‍ദേശിക്കണമെന്നുമായിരുന്നു ഹര്‍ജിക്കാരുടെ ആവശ്യം. കേന്ദ്ര വിജ്ഞാപനത്തിലെ വ്യവസ്ഥയുമായി ബന്ധപ്പെട്ട് തങ്ങള്‍ക്കൊന്നും ചെയ്യാനില്ലെന്നായിരുന്നു സര്‍ക്കാര്‍ വിശദീകരണം.
ചട്ടങ്ങള്‍ നിലനില്‍ക്കുമ്പോള്‍, വെടിക്കെട്ടിനുള്ള അനുമതിക്ക് ഇളവനുവദിക്കാനാവില്ലെന്ന് കോടതി പറഞ്ഞു. ജില്ലാ ടൂറിസം പ്രമോഷന്‍ കൗണ്‍സിലുകളക്കം നടത്തുന്ന വെടിക്കെട്ടുകളിലും വ്യവസ്ഥകള്‍ പാലിക്കണമെന്നാണ് നിര്‍ദേശിച്ചിരിക്കുന്നത്. എക്‌സ്പ്ലോസീവ് കണ്‍ട്രോളറുടെ സര്‍ട്ടിഫിക്കറ്റ് ലഭിക്കാന്‍ പ്രത്യേക മാനദണ്ഡങ്ങള്‍ പറഞ്ഞിട്ടില്ലെങ്കിലും ശ്രമം നടത്തുമെന്ന് ഹര്‍ജിക്കാര്‍ അറിയിച്ചു.&nbsp;

സര്‍ക്കാര്‍ പരിപാടികളിലും വെടിക്കെട്ട് നടത്തുമ്പോഴും മാനദണ്ഡങ്ങള്‍ പാലിക്കണമെന്ന് ഹൈക്കോടതി

വാഷിംഗ്‌ടൺ: മുൻ പ്രധാനമന്ത്രി മൻമോഹൻ സിംഗിന്റെ വിയോഗത്തിൽ അനുശോചനം രേഖപ്പെടുത്തി അമേരിക്ക. 'തന്ത്രപരമായ ഉഭയകക്ഷി പങ്കാളിത്തതിന്റെ ഏറ്റവും മികച്ച ചാമ്പ്യന്മാരിൽ ഒരാൾ' എന്നാണ് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കെൻ അദ്ദേഹത്തെ വിശേഷിപ്പിച്ചത്.
യുഎസ് - ഇന്ത്യ നയതന്ത്രപരമായ പങ്കാളിത്തത്തിൽ ഏറ്റവും വലിയ പങ്ക് വഹിച്ചവരിൽ ഒരാളാണ് മൻമോഹൻ സിംഗ്. കഴിഞ്ഞ രണ്ട് പതിറ്റാണ്ടുകളായി ഇരുരാജ്യങ്ങളും ഒരുമിച്ചുണ്ടാക്കിയ പല നേട്ടങ്ങൾക്കും അടിത്തറയിട്ടതും മൻമോഹൻ സിംഗാണെന്ന് ആന്റണി ബ്ലിങ്കെൻ പറഞ്ഞു. അദ്ദേഹത്തിന്റെ വേർപാടിൽ ബ്ലിങ്കെൻ അനുശേചനം രേഖപ്പെടുത്തി. യുഎസ് - ഇന്ത്യ സിവിൽ ആണവ ഉടമ്പടി മുന്നോട്ടുകൊണ്ടുപോകുന്നതിൽ മൻമോഹൻ സിംഗ് നൽകിയ പ്രാധാന്യത്തെക്കുറിച്ചും അദ്ദേഹം ഓർത്തു.&nbsp;

മൻമോഹൻ സിംഗിന്റെ വിയോഗത്തിൽ അനുശോചനം രേഖപ്പെടുത്തി അമേരിക്ക

Search Results for: 15.12.2024