നാദാപുരം : കല്ലാച്ചിയില്‍ കാറ്ററിങ് യൂണിറ്റില്‍നിന്ന് വാങ്ങിയ അല്‍ഫാമില്‍ പുഴു. ആരോഗ്യവകുപ്പ് പരിശോധന നടത്തി യൂണിറ്റ് അടച്ചുപൂട്ടാന്‍ നോട്ടീസ് നല്‍കി. കാറ്ററിങ് യൂണിറ്റില്‍നിന്ന് കൂടുതല്‍ പഴകിയ ഭക്ഷണസാധനങ്ങള്‍ പിടിച്ചെടുത്തു.
കാറ്ററിങ് യൂണിറ്റില്‍നിന്ന് വാങ്ങിയ അല്‍ഫാം കഴിച്ചുതുടങ്ങിയപ്പോഴാണ് പുഴു ശ്രദ്ധയില്‍പ്പെട്ടത്. കഴിച്ചയാള്‍ക്ക് വയറുവേദന അനുഭവപ്പെട്ടതിനെത്തുടര്‍ന്ന് നാദാപുരം സര്‍ക്കാര്‍ ആശുപത്രിയില്‍ ചികിത്സതേടി.പിന്നാലെ ഭക്ഷണത്തില്‍നിന്ന് പുഴുവിനെ കിട്ടിയ കാര്യം ആരോഗ്യവിഭാഗത്തെ അറിയിച്ചു. തുടര്‍ന്നാണ് പരിശോധന നടത്തിയത്. മാനദണ്ഡങ്ങള്‍ പാലിക്കാതെയാണ് ഇവിടെ ഭക്ഷണസാധനങ്ങള്‍ സൂക്ഷിച്ചിരുന്നതെന്ന് പരിശോധനയില്‍ വ്യക്തമായി.&nbsp;

അൽഫാമിൽ പുഴു, കഴിച്ചയാൾക്ക് വയറുവേദന; കല്ലാച്ചിയില്‍ കാറ്ററിങ് യൂണിറ്റ് അടച്ചുപൂട്ടി

Nadapuram

വടകര: കോഫി ഹൗസിനു സമീപം ഉണങ്ങിയ പുല്ലിന് തീപിടിച്ചത് പരിഭ്രാന്തി പരത്തി. വടകര സ്റ്റേഷനിൽ നിന്നും ഒരു യൂണിറ്റ് അഗ്നിരക്ഷാ സേന എത്തി തീയണച്ചു. മാലിന്യത്തിന് തീയ്യിട്ടതിൽ നിന്ന് പുല്ലിലേക്ക് പടർന്നതാവാം എന്ന് ഉദ്യോഗസ്ഥർ പറഞ്ഞു. പെട്ടെന്നു തീയണച്ചതിനാൽ സമീപത്തെ ട്രാൻസ് ഫോമറിനടുത്തേക്ക് ഉൾപ്പടെ തീ പടർന്നില്ല. സീനിയർ ഫയർ &amp; റസ്ക്യു ഓഫീസർ അനീഷ് ഒയുടെ നേതൃത്വത്തിലുള്ള സംഘത്തിൽ ഫയർ ഓഫീസർമാരായ റാഷിദ് എം.ടി, വിജീഷ് കെ.എം, സാരംഗ് എസ്.ആർ, റഷീദ്.കെ.പി. എന്നിവരും ഉണ്ടായി.

വടകര കോഫി ഹൗസിന് സമീപം ഉണങ്ങിയ പുല്ലിന് തീപിടിച്ചു

Vadakara

നാദാപുരം: പുറമേരി ഗ്രാമ പഞ്ചായത്ത് 14ാം വാർഡിൽ (കുഞ്ഞല്ലൂർ) ഫിബ്രവരി 24 ന് നടക്കുന്ന ഉപതെരഞ്ഞെടുപ്പിൽ മത്സരിക്കുന്ന ഇടതുപക്ഷ ജനാധിപത്യമുന്നണി സ്ഥാനാർത്ഥി അഡ്വ: വിവേക് കൊടുങ്ങാംമ്പുറത്ത് നാമനിർദ്ദേശക പത്രിക സമർപ്പിച്ചു. പുറമേരി ഗ്രാമ പഞ്ചായത്ത് ഓഫീസിൽ തെരഞ്ഞെടുപ്പ് ഭരണാധികാരിക്കാണ് പത്രിക സമർപ്പിച്ചത്. സി.പി.ഐ.എം ഏരിയ സെക്രട്ടറി ഏ. മോഹൻ ദാസ് , ഏരിയ കമ്മിറ്റി അംഗങ്ങളായ കെ.കെ.ദിനേശൻ, ടി.വി. ഗോപാലൻ , കെ.പി. വനജ, ലോക്കൽ സെക്രട്ടറിമാരായ കെ.ടി. കെ. ബാലകൃഷ്ണൻ, സി.പി. നിധീഷ്, ലോക്കൽ കമ്മിറ്റി മെമ്പർമാർ ,പഞ്ചായത്ത് പ്രസിഡണ്ട് അഡ്വ: ജോതി ലക്ഷ്മി, വൈസ് പ്രസിഡണ്ട് സീന. ടി.പി, ജനപ്രതിനിധികൾ തുടങ്ങിയർ പങ്കെടുത്തു.

നാമനിർദ്ദേശക പത്രിക സമർപ്പിച്ചു

വില്യാപ്പള്ളി: കുട്ടോത്ത് സ്ഥിതി ചെയ്യുന്ന വില്ല്യാപ്പള്ളി ഗ്രാമപഞ്ചായത്തിന്റെ ഗവ. ആയുർവേദ ഡിസ്‌പെൻസറി ആയുഷ് ഹെൽത്ത്‌ ആൻഡ് സെന്ററിനു വടകര ബാങ്ക് ഓഫ് ബറോഡയുടെ സി.എസ്. ആർ ഫണ്ട്‌ ൽ നിന്നും വീൽ ചെയർ, പ്ലാസ്റ്റിക് കസേരകൾ എന്നിവ വിതരണം ചെയ്തു. ബാങ്ക് മാനേജർ ഷിന്റോ വാസുദേവനിൽ നിന്നും ഗ്രാമ പഞ്ചായത്ത്‌ പ്രസിഡന്റ്‌ കെ. കെ. ബിജുള ഉപഹാരങ്ങൾ ഏറ്റു വാങ്ങി.&nbsp;
ആയുർവേദ മെഡിക്കൽ ഓഫീസർ ഡോ. അനീഷ് കുമാർ, ബാങ്ക് ജീവനക്കാരനായ അജി. ടി. കെ ,എച്ച്. എം. സി. മെമ്പർമാരായ രാജൻ. പി. പി., സുരേഷ് പടിയുള്ളതിൽ, ഡിസ്‌പെൻസറി ജീവനക്കാരായ ഷൈനി, വിജിത്ത്, പ്രേമി എന്നിവരും രോഗികളും ചടങ്ങിൽ സംബന്ധിച്ചു.

വില്ല്യാപ്പള്ളി ആയുർവേദ ഡിസ്‌പെൻസറിക്ക് വീൽ ചെയർ നൽകി

വടകര :ചെറുകിട ജലസേചന ജലവിഭവ വകുപ്പിന് കീഴിലുള്ള ഒഞ്ചിയം പഞ്ചായത്തിലെ മാടക്കര തോട് ഭിത്തി കെട്ടി സംരക്ഷണം, ഏറാമല പഞ്ചായത്തിലെ ഓലപ്പുഴ പെരുമ്പുഴക്കര തോട് നവീകരണം എന്നീ പ്രവർത്തികൾക്ക് ഭരണാനുമതി ലഭിച്ചതായി കെ.കെ.രമ എം.എൽ.എ അറിയിച്ചു. 2024 വർഷത്തെ ബജറ്റ് നിർദ്ദേശമായി സർക്കാരിൽ സമർപ്പിച്ച പദ്ധതികൾക്കാണ് ഇപ്പോൾ ഭരണാനുമതിയായിരിക്കുന്നത്. യഥാക്രമം 75ലക്ഷം, 50ലക്ഷം രൂപ വീതമാണ് അനുവദിക്കപ്പെട്ട തുക.&nbsp;
മണ്ഡലത്തിൽ ഉൾനാടൻ ജലസ്രോതസ്സുകളുടെയും കനാലുകളുടെയും നവീകരണത്തിന് ഊന്നൽ നൽകിയാണ് കഴിഞ്ഞ വർഷത്തെ ബജറ്റ് നിർദ്ദേശങ്ങൾ ക്രമീകരിച്ചിരുന്നത്. ജലക്ഷാമത്തിനുള്ള പരിഹാരത്തിനും ജല സ്രോതസുകളുടെ മലിനീകരണം ഇല്ലാതാക്കുമെന്നുമുള്ള പ്രകടനപത്രികയിലെ വാഗ്ദാനം പൂർത്തീകരിക്കുക എന്ന ലക്ഷ്യത്തോടെയാണ് കഴിഞ്ഞ ബജറ്റിലും ഈ ബജറ്റിലും നവീകരിക്കപ്പെടേണ്ട തോടുകളുടെയും കനാലുകളുടെയും വിശദവിവരങ്ങൾ ബജറ്റ് നിർദേശമായി നൽകിയത്. നേരത്തെ നിർദ്ദേശിച്ചിരുന്ന ഒ.വി.സിതോട്, എൻ.സി കനാൽ, കല്ലറക്കൽ തോട്, കാപ്പുഴക്കൽ തോട് തുടങ്ങിയവയുടെ പ്രവൃത്തികൾ വിവിധ ഘട്ടങ്ങളിലാണ്. ഈ ബജറ്റിൽ ലഭിച്ച നവീകരണ പ്രവർത്തികളും ഭരണാനുമതി ആയതോടെ തുടർ നടപടികൾ ത്വരിതപ്പെടുത്തുമെന്നും എം.എൽ.എ പറഞ്ഞു.

ഉൾനാടൻ ജലസ്രോതസ്സുകളുടെയും കനാലുകളുടെയും നവീകരണം; വിവിധ പ്രവർത്തികൾക്ക് ഭരണാനുമതിയായതായി കെ.കെ.രമ എം.എൽ.എ

ചൊക്ലി: ഈ മാസം 24 ന് ഉപതെരഞ്ഞെടുപ്പ് നടക്കുന്ന പന്ന്യന്നൂർ പഞ്ചായത്തിലെ മൂന്നാം വാർഡിൽ യു.ഡി.എഫ് സ്ഥാനാർഥിയായി മത്സരിക്കുന്ന മുസ്ലീം ലീഗിലെ എം.വി അബ്ദുല്ല നാമനിർദേശ പത്രിക സമർപ്പിച്ചു.യു.ഡി.എഫ് നേതാക്കളോടൊപ്പം എത്തി പന്ന്യന്നൂർ പഞ്ചായത്ത് സെക്രട്ടറി എം.വി ഷീജക്ക് മുമ്പാകെയാണ് പത്രിക സമർപ്പിച്ചത്. പന്ന്യന്നൂർ പഞ്ചായത്ത് പ്രസിഡന്റായിരിക്കെ മരിച്ച സി.കെ. അശോകൻ പ്രതിനിധാനം ചെയ്ത മൂന്നാം വാർഡിലാണ് ഉപതെരഞ്ഞെടുപ്പ് നടക്കുന്നത്.

യു.ഡി.എഫ് സ്ഥാനാർഥി പത്രിക നൽകി

വടകര: പുത്തൂർ ഗവ. ഹയർ സെക്കൻ്ററി സ്കൂളിലെ നാഷണൽ സർവ്വീസ് സ്കീംമിൻ്റെ തനതിടം പദ്ധതിയായ 'ചങ്ങാതിത്തണൽ' സ്റ്റേറ്റ് എൻ എസ് എസ് ഓഫീസർ ഡോ. ആർ എൻ അൻസർ ഉദ്ഘാടനം ചെയ്തു. സ്കൂൾ പരിസരത്ത് ഉപയോഗശൂന്യമായി കിടക്കുന്ന പ്രദേശം വളണ്ടിയർമാരുടെ നേതൃത്വത്തിൽ വൃത്തിയാക്കി മിനി പാർക്ക് രീതിയിൽ സജ്ജമാക്കിയത് വിദ്യാർഥികൾക്ക് ഒഴിവ് സമയത്ത് സമയം ചെലവാക്കാ൯ ഉപകരിക്കും. പി.ടി.എ പ്രസിഡന്റ് പി.എം ജയപ്രകാശ് അദ്ധ്യക്ഷത വഹിച്ചു. പ്രോഗ്രാം ഓഫീസർ സുജ എ വി സ്വാഗതവും ഉത്തര എം നന്ദിയും പറഞ്ഞു. പ്രിൻസിപ്പൽ ബിന്ദു കെ വി, കെ നളിനാക്ഷൻ, കെ ഷാജി, പി രാജൻ എന്നിവർ സംസാരിച്ചു.&nbsp;

പുത്തൂർ ഹയർ സെക്കൻ്ററിയിൽ 'ചങ്ങാതിത്തണൽ' ഉദ്ഘാടനം ചെയ്തു

തിരുവനന്തപുരം: ക്ഷേമപെൻഷനിൽ വർധന വരുത്താതെ പിണറായി വിജയൻ സർക്കാറിന്റെ അവസാന സമ്പൂർണ ബജറ്റ്. ക്ഷേമ പെൻഷൻ സമയബന്ധിതമായി കൊടുത്ത് തീർക്കുമെന്ന് ധനമന്ത്രി കെ.എൻ ബാലഗോപാൽ അറിയിച്ചു. ബജറ്റിൽ തലോടൽ ലഭിച്ചത് സംസ്ഥാന സർക്കാർ ജീവനക്കാർക്കും പെൻഷൻകാർക്കുമാണ്. അർഹതപ്പെട്ട ക്ഷാമബത്ത, ശമ്പളപരിഷ്‍കരണ കുടിശ്ശികകൾ നൽകുമെന്ന പ്രഖ്യാപനം ജീവനക്കാർക്കും പെൻഷൻകാർക്കും ആശ്വാസകരമാണ്.
സർവീസ് പെൻഷൻ പരിഷ്‍കരണ കുടിശ്ശികയുടെ അവസാന ഗഡുവായ 600 കോടി രൂപ ഫെ​ബ്രുവരിയിൽ വിതരണം ചെയ്യും. ശമ്പള പരിഷ്‍കരണ കുടിശ്ശികയുടെ രണ്ട് ഗഡു ഈ വർഷം തന്നെ അനുവദിക്കും. എന്നാൽ, ഇത് പി.എഫിൽ ലയിപ്പിക്കും. ജീവനക്കാരുടെ ഡി.എ കുടിശ്ശികയുടെ രണ്ട് ഗഡുക്കളുടെ ലോക്ക് ഇൻ പിരീഡ് ഒഴിവാക്കി. ഒരു ഗഡു ക്ഷാമബത്ത കുടിശ്ശിക ഈ ഏപ്രിലിൽ നൽകുമെന്നും ധനമന്ത്രി അറിയിച്ചു.
രണ്ട് തെരഞ്ഞെടുപ്പുകൾ മുന്നിൽനിൽക്കെ കേരളത്തിലെ വലിയ വിഭാഗം സംസ്ഥാന ജീവനക്കാരേയും പെൻഷൻകാരേയും ഒപ്പം കൂട്ടാൻ ലക്ഷ്യമിട്ടാണ് സർക്കാർ പ്രഖ്യാപനം.കേന്ദ്രസർക്കാർ പൂർണമായും അവഗണിച്ച വയനാട് പുനരധിവാസത്തിനായി 750 കോടി വകയിരുത്തി. ലൈഫ് മിഷൻ, കാരുണ്യ, റീബിൽഡ് കേരള തുടങ്ങിയ സംസ്ഥാന സർക്കാറിന്റെ പദ്ധതിക്കായി പണംനീക്കിവെച്ചിട്ടുണ്ട്.
ആർട്ടിഫിഷ്യൽ ഇന്റലിജൻസ്, ആരോഗ്യം, വ്യവസായം തുടങ്ങിയ മേഖലകളിൽ ഊന്നിയാണ് ഈ വർഷത്തെ ബജറ്റ്. കാർഷിക മേഖലക്കായി വലിയ പ്രഖ്യാപനങ്ങൾ ബജറ്റിൽ ഇടംപിടിച്ചില്ല. തീരദേശത്തിനായി പ്രത്യേക പാക്കേജ് പ്രഖ്യാപിച്ചിട്ടുണ്ട്. കേരളത്തെ വ്യവസായ സൗഹൃദമാക്കുന്നതിനുള്ള നിർദേശങ്ങളും ബജറ്റിൽ ഇടംപിടിച്ചിട്ടുണ്ട്.

അടിസ്ഥാന സൗകര്യ വികസനത്തിന് വലിയ പ്രാധാന്യം നൽകാൻ സർക്കാർ ശ്രമിക്കുന്നുണ്ട്. തിരുവനന്തപുരം, കോഴിക്കോട് മെട്രോകൾ, കൊച്ചി മെട്രോയുടെ വികസനം, വിഴിഞ്ഞം തുറമുഖ അനുബന്ധ പദ്ധതി തുടങ്ങി വൈ-ഫൈക്ക് വരെ പണം നീക്കിവെച്ചിട്ടുണ്ട്. ടൂറിസം മേഖലയിലും കെ-ഹോം പോലുള്ള പദ്ധതികൾ പ്രഖ്യാപിച്ചു.ഉന്നതവിദ്യാഭ്യാസ മേഖലയെ വിദേശവിദ്യാർഥികളെ പോലും ആകർഷിപ്പിക്കുന്ന രീതിയിൽ വികസിപ്പിക്കുമെന്നാണ് പ്രഖ്യാപനം.

അതേസമയം, ഭൂനികുതി ഉൾപ്പടെ കുത്തനെ ഉയർത്തിയാണ് പ്രതിസന്ധി മറികടക്കാനുള്ള വഴി സംസ്ഥാന സർക്കാർ തേടുന്നത്. 50 ശതമാനം വർധനയാണ് ഭുനികുതിയിൽ വരുത്തിയിരിക്കുന്നത്. കോടതി ഫീസുകളിലും വർധന വരുത്തിയിട്ടുണ്ട്. സർക്കാറിന്റെ പാട്ട നിരക്കുകളും വർധിപ്പിച്ചു. കോൺട്രാക്ട് കാര്യജുകളുടെ നികുതി ഏകീകരിച്ചതിലൂടെ അധിക വരുമാനം ലക്ഷ്യമിടുന്ന സർക്കാർ പൊതുഗതാഗതം പ്രോൽസാഹിപ്പിക്കുന്നതിനായി സ്റ്റേജ് ക്യാരിയറുകളുടെ നികുതി കുറച്ചു. 15 വർഷം പഴക്കമുള്ള വാഹനങ്ങളുടെ നികുതി കൂടും

ക്ഷേമപെൻഷൻ വർധനയില്ല ;ഭൂനികുതി കുത്തനെ ഉയർത്തി, ബജറ്റിലെ പ്രധാന പ്രഖ്യാപനങ്ങൾ

Kerala

പയ്യോളി: ലൈബ്രറി കൗൺസിൽ പയ്യോളി മേഖല നേതൃസമിതിയുടെ ആഭിമുഖ്യത്തിൽ പ്രവർത്തന സംഗമവും, എം .ടി വാസുദേവൻ നായർ, പി. ജയചന്ദ്രൻ അനുസ്മരണവും നടന്നു. മുൻസിപ്പൽ ചെയർമാൻ വി കെ അബ്ദുറഹിമാൻ ഉദ്ഘാടനം ചെയ്തു. ലൈബ്രറി കൗൺസിൽ മേഖല സമിതി ചെയർമാൻ പി .എം അഷറഫ് അധ്യക്ഷത വഹിച്ചു.&nbsp;
45 വർഷം ലൈബ്രേറിയനായി സേവനം കാഴ്ചവച്ച, ജ്ഞാനോദയം ലൈബ്രറിയിലെ ടി.സോമനെ മൊമെന്റോ നൽകി ചെയർമാൻ ആദരിച്ചു. ടി.ചന്തു പൊന്നാട അണിയിച്ചു. എം.ടി. വാസുദേവൻ നായർ, പി.ജയചന്ദ്രൻ എന്നിവരെ അനുസ്മരിച്ച് കെ സജീവന്‍, സി.സി ചന്ദ്രൻ, ഇബ്രാഹിം തിക്കോടി എന്നിവർ സംസാരിച്ചു. കൗൺസിലർ ടി.ചന്തു, കെ.വി രാജൻ ,കെ .ജയകൃഷ്ണൻ, വടക്കെയിൽ ഷഫീഖ്, വി.ടി.ഉഷ, കെ .വി ചന്ദ്രൻ ,പി .സോമൻ, അനിൽകുമാർ എന്നിവർ സംസാരിച്ചു.

ലൈബ്രറി പ്രവർത്തക കൗൺസിൽ സംഗമവും അനുസ്മരണവും

Koyilandy

വടകര: ബസ്സുകളുടെ അമിതവേഗത നിയന്ത്രിക്കണമെന്ന് ആവശ്യപ്പെട്ട് വടകര ആർ ടിഒ യ്ക്ക് എസ് ഡി പി ഐ നിവേദനം നൽകി. കഴിഞ്ഞയാഴ്ച ചോറോട് വച്ച് ബസ്സിടിച്ച് ഓട്ടോ ഡ്രൈവർ ഗുരുതരാവസ്ഥയിൽ സ്വകാര്യ ആശുപത്രിയിൽ തീവ്ര പരിചരണ വിഭാഗത്തിലാണ്. അഴിയൂരിൽ ഈയടുത്താണ് സ്കൂൾ വിദ്യാർത്ഥി ബസ്സിടിച്ച് മരണപ്പെട്ടത്. മടപ്പള്ളിയിൽ സീബ്ര ലൈനിലൂടെ കടന്നുപോകുന്ന വിദ്യാർത്ഥികളെ ബസ്സിടിച്ചത് അടുത്ത കാലത്താണ്. നിരന്തരം അപകടം നടന്നിട്ടും അധികാരികൾ നടപടിയെടുക്കാത്തത് ഇത്തരം സംഭവങ്ങൾ ആവർത്തിക്കാൻ ഇടയാക്കുന്നു എന്ന് എസ് ഡി പി ഐ കുറ്റപ്പെടുത്തി.
ബസ്സുകളുടെ അമിതവേഗത നിയന്ത്രിക്കാൻ വേഗ പൂട്ട് നിലവിൽ ഉണ്ടെങ്കിലും പല ബസ്സുകളിലും ഇത് ഉപയോഗിക്കുന്നില്ല. ബസ് ജീവനക്കാരിൽ ചിലർ ലഹരി ഉപയോഗിച്ചാണ് ജോലി ചെയ്യുന്നത് എന്ന പരാതി വ്യാപകമാണ്. വേഗപ്പൂട്ട് ഇല്ലാത്തതും ജീവനക്കാരുടെ ലഹരി ഉപയോഗവും അപകടത്തിന് കാരണമാവുമ്പോൾ ഇതിൽ ഇടപെടേണ്ട അധികാരികൾ നിസ്സംഗത വെടിഞ്ഞ് നിയമലംഘനങ്ങൾക്കെതിരെ കർശന നടപടി സ്വീകരിക്കണമെന്ന് എസ്ഡിപിഐ വടകര നിയോജക മണ്ഡലം പ്രസിഡണ്ട് ഷംസീർ ചോമ്പാല വടകര ആർടിഒ യ്ക്ക് നൽകിയ നിവേദനത്തിൽ ആവശ്യപ്പെട്ടു.വടകര നിയോജക മണ്ഡലം സെക്രട്ടറി സജീർ വള്ളിക്കാട്, ഓർഗനൈസിംഗ് സെക്രട്ടറി ഫിയാസ് ടി, സഫീർ വൈക്കിലശ്ശേരി, അൻസാർ യാസർ എന്നിവർ നിവേദക സംഘത്തിൽ ഉണ്ടായിരുന്നു.

ബസ്സുകളുടെ അമിതവേഗത; എസ്ഡിപിഐ ആർടിഒക്ക് നിവേദനം നൽകി

വില്യാപ്പള്ളി: ആരോഗ്യം ആനന്ദം, അകറ്റാം അർബുദ സ്ത്രീകളിലെ ക്യാൻസർ പ്രതിരോധ ജനകീയ ക്യാമ്പയിൻ വില്ല്യാപ്പള്ളിഗ്രാമ പഞ്ചായത്ത്‌ ഷോപ്പിംഗ്‌ കോംപ്ലെക്സിൽ പ്രസിഡണ്ട് കെ കെ ബിജുള ഉദ്ഘാടനം ചെയ്തു. ഹെൽത്ത് ഇൻസ്പെക്ടർ ഇ. കെ ബാബു സ്വാഗതം പറഞ്ഞു. മെഡിക്കൽ ഓഫീസർ ഡോ.ജ്യോതി കെ.എം വിഷയാവതരണം നടത്തി.&nbsp;
പഞ്ചായത്ത് ആരോഗ്യ സ്റ്റാന്റിങ്ങ് കമ്മിറ്റി ചെയർപെഴ്സൺ സുബിഷ അധ്യക്ഷത വഹിച്ചു. ഗ്രാമപഞ്ചായത്ത് സി ഡി എസ് പ്രസിഡന്റ്‌ സവിത ആശംസകൾ നേർന്നു. സി ഡി എസ് പ്രവർത്തകർ, ആയുർവേദ ആശുപത്രി നേഴ്സ്, ആശാവർക്കർമാർ, കുടുംബാരോഗ്യ കേന്ദ്രം ജീവനക്കാർ എന്നിവർ ചടങ്ങിൽ പങ്കെടുത്തു. ജൂനിയർ ഹെൽത്ത് ഇൻസ്പെക്ടർ സുഷികുമാർ. എ നന്ദി പറഞ്ഞു.

ക്യാൻസർ പ്രതിരോധ ജനകീയ ക്യാമ്പയിൻ ഉദ്ഘാടനം ചെയ്തു

വില്ല്യാപ്പള്ളി: ഗ്രാമ പഞ്ചായത്ത് വാർഡ് പത്തൊൻപത്തിലെ യോഗ ക്ലാസ്സ് സമാപന പരിപാടി തോടന്നൂർ ബ്ലോക്ക് പഞ്ചായത്ത് പ്രസിഡണ്ട് പി എം ലീന ഉദ്ഘാടനം ചെയ്തു. ആയുർവേദ ഡിസ്‌പെൻസിറിയിലെ ഡോ അനീഷ്, യോഗ ഇൻസ്‌ട്രക്ടർ വിജിത്ത്, തോടന്നൂർ ബ്ലോക്ക് പഞ്ചായത്ത് മെമ്പർ ഓ എം ബാബു, മുൻ പഞ്ചായത്തഗം പത്മനാഭൻ എന്നിവർ സംബന്ധിച്ചു. ടി എം ഉഷ സ്വാഗതം പറഞ്ഞു. വാർഡ് മെമ്പർ സുബിഷ അധ്യക്ഷത വഹിച്ചു. ആശാവർക്കർ ശ്രീജ നന്ദി പറഞ്ഞു. വാർഡിലെ യോഗ കൂട്ടായ്മ ഒരു എൽ സി ഡി ടി വി ആയുർവേദ ഹോസ്പിറ്റലിനു കൈമാറി.

യോഗ ക്ലാസ്സ് സമാപിച്ചു

അരൂർ: പെരുമുണ്ടച്ചേരി കൂട്ടായ്മ ചാരിറ്റബിൾ ട്രസ്റ്റ് ഉദ്ഘാടനവും പാലിയേറ്റീവ് ഉപകരണങ്ങൾക്കുള്ള ഫണ്ട് കൈമാറലും വാർഡ് അംഗം കൂടത്താങ്കാണ്ടി രവി ഉദ്ഘാടനം ചെയ്തു. പെരുമുണ്ടച്ചേരിയിലെ അവശത അനുഭവിക്കുന്നവർക്ക്കൈത്താങ്ങാവുക എന്ന ലക്ഷ്യത്തോടെ പ്രവർത്തനം ആരംഭിച്ചതാണ് ട്രസ്റ്റ്. ട്രസ്റ്റ് ചെയർമാൻ ശ്രീകാന്ത് എസ്. പരിപ്പിൽ അധ്യക്ഷത വഹിച്ചു. ട്രസ്റ്റ് വൈസ് ചെയർമാൻ പി. കെ ശ്രീജിത്ത് പ്രവർത്തന റിപ്പോർട്ട് അവതരിപ്പിച്ചു. പാലിയേറ്റീവ് പ്രവർത്തനങ്ങൾക്കുള്ള ആദ്യ ഫണ്ട് പ്രവാസിയും പാലിയേറ്റീവ് പ്രവർത്തകനുമായ ഉരുട്ടിൻ്റവിട അബ്ദുള്ളയിൽ നിന്ന് ട്രസ്റ്റ് ട്രഷറർ അനീഷ് കുറ്റിയിൽ ഏറ്റുവാങ്ങി.&nbsp;
വ്യക്തികളും സംഘടനകളും സംഭാവന നല്കിയ പാലിയേറ്റിവ് ഉപകരണങ്ങൾ ട്രസ്റ്റ് അംഗങ്ങൾ ഏറ്റുവാങ്ങി. പുറമേരി ഗ്രാമപഞ്ചായത്ത് വാർഡ് മെമ്പർമാരായ റീത്താ കണ്ടോത്ത്, പി. കെ അലീമത്ത്, ഉദയ ഗ്രന്ഥശാല സെക്രട്ടറി എൻ .ടി ഹരിദാസൻ , ടൈഗേഴ്സ് ക്ലബ്ബ് സെക്രട്ടറി എൻ. ടി ഷാജി ,ട്രസ്റ്റ് ഡയറക്ടർമാരായ എം .കെ ശശി , കെ .പി സുജിത്ത്, പി. ടി .കെ അനീഷ്, എൻ .കെ ഗണേശൻ , സി .കെ ബാബു, കെ .പി ഷാജി, എ .പവിത്രൻ , വി .വി ലിജിന, പി എം. ഷിൽന തുടങ്ങിയവർ പ്രസംഗിച്ചു. ട്രസ്റ്റ് കൺവീനർ പി .കെ അജിത് കുമാർ സ്വാഗതവും ഡയറക്ടർ വി.കെ പുരുഷോത്തമൻ നന്ദി പറഞ്ഞു.

പെരുമുണ്ടച്ചേരി കൂട്ടായ്മ ചാരിറ്റബിൾ ട്രസ്റ്റ് പാലിയേറ്റീവ് ഉപകരണങ്ങൾ നാടിന് സമർപ്പിച്ചു

വടകര: അഴിയൂരില്‍ 20 ഗ്രാം കഞ്ചാവുമായി യുവാവ് എക്‌സൈസ് പിടിയില്‍. ന്യൂമാഹി ആയ്യത്താന്‍ വീട്ടില്‍ ശ്രീരാഗിനെയാണ് (24) വടകര എക്‌സൈസ് സംഘം അറസ്റ്റ് ചെയ്തത്. ചോമ്പാലില്‍ കണ്ണൂര്‍-കോഴിക്കോട് ദേശീയപാതയില്‍ സി ഫുഡ് റസ്റ്റോറന്റിനു മുന്‍വശത്ത് നിന്നാണ് ഇയാള്‍ പിടിയിലായത്. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ഗ്രേഡ് പ്രമോദ് പുളിക്കൂല്‍, പ്രിവന്റീവ് ഓഫീസര്‍ ഗ്രേഡ് സുരേഷ് കുമാര്‍ സി.എം, സിവില്‍ എക്‌സൈസ് ഓഫീസര്‍മാരായ ഷിരാജ് കെ, മുസ്ബിന്‍, ഡ്രൈവര്‍ പ്രജീഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.

ചോമ്പാലിൽ കഞ്ചാവുമായി യുവാവ് പിടിയില്‍

തിരുവനന്തപുരം: കേരളത്തിൽ ഇന്ന് ഒറ്റപ്പെട്ടയിടങ്ങളിൽ സാധാരണയെക്കാൾ 2 ഡി​ഗ്രി സെൽഷ്യസ് മുതൽ 3 ഡി​ഗ്രി സെൽഷ്യസ് വരെ താപനില ഉയരാൻ സാധ്യതയെന്ന് കേന്ദ്ര കാലാവസ്ഥാ വകുപ്പ്. ഉയർന്ന ചൂട് സൂര്യാഘാതം, സൂര്യാതപം, നിർജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങൾക്ക് കാരണമാകും. ഉയർന്ന താപനിലയും ഈർപ്പമുള്ള വായുവും കാരണം ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ടെന്നും മുന്നറിയിപ്പുണ്ട്. സംസ്ഥാനത്ത് ഉയർന്ന ചൂട് റിപ്പോർട്ട് ചെയ്യപ്പെടുന്ന സാഹചര്യത്തിൽ പൊതുജനങ്ങൾക്കായി സംസ്ഥാന ദുരന്ത നിവാരണ അതോറിറ്റി ജാഗ്രതാ നിർദേശങ്ങൾ പുറപ്പെടുവിച്ചു.
&nbsp;* പകൽ 11 മണി മുതല്‍ 3 മണി വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കുക.
* പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക.
* നിർജലീകരണമുണ്ടാക്കുന്ന മദ്യം, കാപ്പി, ചായ, കാർബണേറ്റഡ് ശീതള പാനീയങ്ങൾ തുടങ്ങിയവ പകല്‍ സമയത്ത് ഒഴിവാക്കുക.
* അയഞ്ഞ, ഇളം നിറത്തിലുള്ള കോട്ടൺ വസ്ത്രങ്ങള്‍ ധരിക്കുക.
* പുറത്തിറങ്ങുമ്പോൾ പാദരക്ഷകൾ ധരിക്കുക. കുടയോ തൊപ്പിയോ ഉപയോഗിക്കുന്നത് നല്ലതായിരിക്കും.
* പഴങ്ങളും പച്ചക്കറികളും ധാരാളമായി കഴിക്കുക. ഒആർഎസ് ലായനി, സംഭാരം തുടങ്ങിയവയുടെ ഉപയോഗം പ്രോത്സാഹിപ്പിക്കുക.
* മാർക്കറ്റുകൾ, കെട്ടിടങ്ങൾ, മാലിന്യശേഖരണ-നിക്ഷേപ കേന്ദ്രങ്ങൾ (ഡംപിങ് യാർഡ്) തുടങ്ങിയ ഇടങ്ങളിൽ തീപിടുത്തങ്ങൾ വർധിക്കാനും വ്യാപിക്കാനുമുള്ള സാധ്യത കൂടുതലാണ്. ഫയർ ഓഡിറ്റ് നടത്തേണ്ടതും കൃത്യമായ സുരക്ഷാ മുൻകരുതൽ സ്വീകരിക്കുകയും ചെയ്യേണ്ടതാണ്. ഇവയോട് ചേർന്ന് താമസിക്കുന്നവരും സ്ഥാപനങ്ങൾ നടത്തുന്നവരും പ്രത്യേകം ജാഗ്രത പാലിക്കുക.
* ചൂട് അധികരിക്കുന്ന സാഹചര്യത്തിൽ കാട്ടുതീ വ്യാപിക്കാനുള്ള സാധ്യതയുണ്ട്. വനമേഖലയോട് ചേർന്ന് താമസിക്കുന്നവരും വിനോദ സഞ്ചാരികളും പ്രത്യേകം ജാഗ്രത പാലിക്കണം. കാട്ടുതീ ഉണ്ടാകാനുള്ള സാഹചര്യങ്ങൾ ഒഴിവാക്കണം. വനം വകുപ്പിൻറെ നിർദേശങ്ങൾ കർശനമായി പാലിക്കണം.
* വിദ്യാഭ്യാസ സ്ഥാപനങ്ങളിൽ വിദ്യാർഥികൾക്ക് ശുദ്ധമായ കുടിവെള്ളം ഉറപ്പാക്കേണ്ടതും ക്‌ളാസ്മുറികളിൽ വായു സഞ്ചാരം ഉറപ്പാക്കേണ്ടതുമാണ്. പരീക്ഷാക്കാലമായാൽ പരീക്ഷാഹാളുകളിലും ജലലഭ്യത ഉറപ്പാക്കണം.
* വിദ്യാർഥികളുടെ കാര്യത്തിൽ സ്കൂള്‍ അധിക‍ൃതരും രക്ഷിതാക്കളും പ്രത്യേക ശ്രദ്ധ പുലർത്തേണ്ടതാണ്. കുട്ടികൾക്ക് കൂടുതൽ വെയിലേൽക്കുന്ന അസംബ്ലികളും മറ്റ് പരിപാടികളും ഒഴിവാക്കുകയോ സമയക്രമീകരണം നടത്തുകയോ ചെയ്യേണ്ടതാണ്. കുട്ടികളെ വിനോദ സഞ്ചാരത്തിന് കൊണ്ടുപോകുന്ന സ്കൂളുകള്‍ 11 മണി മുതല്‍ 3 മണി വരെ കുട്ടികൾക്ക് നേരിട്ട് ചൂട് ഏൽക്കുന്നില്ല എന്ന് ഉറപ്പ് വരുത്തുക.
* അംഗനവാടി കുട്ടികൾക്ക് ചൂട് ഏൽക്കാത്ത തരത്തിലുള്ള സംവിധാനം നടപ്പാക്കാൻ അതാത് പഞ്ചായത്ത്‌ അധികൃതരും അംഗനവാടി ജീവനക്കാരും പ്രത്യേകം ശ്രദ്ധിക്കണം.
* കിടപ്പ് രോഗികൾ, പ്രായമായവർ, ഗർഭിണികൾ, കുട്ടികൾ, ഭിന്നശേഷിക്കാർ, മറ്റ് രോഗങ്ങൾ മൂലമുള്ള അവശത അനുഭവിക്കുന്നവർ തുടങ്ങിയ വിഭാഗങ്ങൾ പകൽ 11 മണി മുതൽ 3 മണി വരെ നേരിട്ട് സൂര്യപ്രകാശം ഏൽക്കാതെയിരിക്കാൻ പ്രത്യേകം ശ്രദ്ധിക്കണം. ഇത്തരം വിഭാഗങ്ങൾക്ക് എളുപ്പത്തിൽ സൂര്യാഘാതം ഏൽക്കാനുള്ള സാധ്യതയുള്ളതിനാൽ ഇവരുടെ കാര്യത്തിൽ പ്രത്യേക ശ്രദ്ധ പുലർത്തേണ്ടതാണ്.
* ഇരുചക്ര വാഹനങ്ങളിൽ ഓൺലൈൻ ഭക്ഷണ വിതരണം നടത്തുന്നവർ ഉച്ച സമയത്ത് സുരക്ഷിതരാണെന്ന് അതാത് സ്ഥാപനങ്ങൾ ഉറപ്പുവരുത്തേണ്ടതാണ്. അവർക്കു ചൂട് ഏൽക്കാതിരിക്കാൻ ഉതകുന്ന രീതിയിലുള്ള വസ്ത്രധാരണം നടത്താൻ നിർദേശം നൽകുകയും ആവശ്യമെങ്കിൽ യാത്രയ്ക്കിടയിൽ അല്പസമയം വിശ്രമിക്കാനുള്ള അനുവാദം നൽകുകയും ചെയ്യേണ്ടതാണ്.
* മാധ്യമപ്രവർത്തകരും പോലീസ് ഉദ്യോഗസ്ഥരും ഈ സമയത്ത് കുടകൾ ഉപയോഗിക്കുകയും നേരിട്ട് വെയിൽ ഏൽക്കാതിരിക്കാൻ ശ്രദ്ധിക്കുകയും ചെയ്യുക. ജോലിയിൽ ഏർപ്പെട്ടിരിക്കുന്ന ഉദ്യോഗസ്ഥർക്ക് കുടിവെള്ളം നൽകി നിർജലീകരണം തടയാൻ സഹായിക്കുക.
* പൊതുപരിപാടികൾ, സമ്മേളനങ്ങൾ എന്നിവ നടത്തുമ്പോൾ പങ്കെടുക്കുന്നവർക്ക് ആവശ്യമായ കുടിവെള്ളം, തണൽ എന്നിവ ലഭ്യമാണെന്ന് സംഘാടകർ ഉറപ്പുവരുത്തുക. പകൽ 11 മുതല്‍ വൈകുന്നേരം 3 വരെ കഴിവതും സമ്മേളനങ്ങൾ ഒഴിവാക്കുക.
* യാത്രയിലേർപ്പെടുന്നവർ ആവശ്യമായ വിശ്രമത്തോടെ യാത്ര തുടരുന്നതാകും നല്ലത്. കയ്യിൽ വെള്ളം കരുതുക.
* നിർമാണത്തൊഴിലാളികൾ, കർഷകത്തൊഴിലാളികൾ, വഴിയോരക്കച്ചവടക്കാർ, മറ്റേതെങ്കിലും കാഠിന്യമുള്ള ജോലികളിൽ ഏർപ്പെടുന്നവർ എന്നിവർ ജോലി സമയം ക്രമീകരിക്കുക. ജോലിയിൽ ആവശ്യമായ വിശ്രമം ഉറപ്പ് വരുത്തുക.
* ഉച്ചവെയിലിൽ കന്നുകാലികളെ മേയാൻ വിടുന്നതും മറ്റു വളർത്തുമൃഗങ്ങളെ വെയിലത്ത് കെട്ടിയിടുന്നതും ഒഴിവാക്കണം. മൃഗങ്ങൾക്കും പക്ഷികൾക്കും ജലലഭ്യത ഉറപ്പാക്കുക.
* കുട്ടികളെയോ വളർത്തുമൃഗങ്ങളെയോ പാർക്ക് ചെയ്ത വാഹനങ്ങളിൽ ഇരുത്തി പോകാൻ പാടില്ല.
* ജലം പാഴാക്കാതെ ഉപയോഗിക്കാനും മഴ ലഭിക്കുമ്പോൾ പരമാവധി ജലം സംഭരിക്കാനുമുള്ള നടപടികൾ സ്വീകരിക്കണം. നിർജലീകരണം തടയാന്‍ എപ്പോഴും ഒരു ചെറിയ കുപ്പിയില്‍ കുടിവെള്ളം കയ്യില്‍ കരുതുക.
* അസ്വസ്ഥകൾ അനുഭവപ്പെട്ടാൽ ഉടനെ വിശ്രമിക്കുകയും വൈദ്യസഹായം തേടുകയും ചെയ്യുക.
* കാലാവസ്ഥാ വകുപ്പിൻ്റെയും ദുരന്ത നിവാരണ അതോറിറ്റിയുടെയും ഔദ്യോഗിക മുന്നറിയിപ്പുകൾ ശ്രദ്ധിക്കുകയും അനുസരിക്കുകയും ചെയ്യുക.

സംസ്ഥാനത്ത് ഇന്ന് സാധാരണയെക്കാൾ 3 ഡിഗ്രി സെല്‍ഷ്യസ് വരെ ചൂട് കൂടാൻ സാധ്യത

ബെംഗളൂരു : കുട്ടിയുടെ മുറിവ് പശ ഉപയോഗിച്ച് ഒട്ടിച്ച നഴ്സിനെ കർണാടക ആരോഗ്യവകുപ്പ് സസ്പെൻഡ് ചെയ്തു. രക്ഷിതാക്കളുടെ പരാതിയിൽ അന്വേഷണം നടത്തിയാണ് ഹാവേരി പ്രാഥമികാരോഗ്യ കേന്ദ്രത്തിലെ നഴ്സ് ജ്യോതിക്കെതിരെ അച്ചടക്ക നടപടി സ്വീകരിച്ചത്. കഴിഞ്ഞ മാസം 14ന് കളിക്കുന്നതിനിടെ കവിളിൽ പരുക്കേറ്റ ഏഴു വയസ്സുകാരന്റെ മുറിവാണ് ഒട്ടിച്ചത്.&nbsp;
രക്ഷിതാക്കൾ ചോദ്യം ചെയ്തെങ്കിലും താൻ സ്ഥിരമായി പശയാണ് ഉപയോഗിക്കുന്നതെന്ന് ജ്യോതി വിശദീകരിച്ചിരുന്നു. ദൃശ്യങ്ങൾ സഹിതമാണ് പരാതി നൽകിയത്. പരാതി ഉയർന്നപ്പോൾ മറ്റൊരു ആശുപത്രിയിലേക്കു സ്ഥലം മാറ്റിയിരുന്നു. കുട്ടിക്ക് ആരോഗ്യ പ്രശ്നങ്ങളില്ലെങ്കിലും നിരീക്ഷണം തുടരുന്നതായി അധികൃതർ അറിയിച്ചു.

7 വയസ്സുകാരന്റെ മുറിവിൽ പശ ഒട്ടിച്ചു; നഴ്സിനു സസ്പെൻഷൻ

National

മലപ്പുറം: ചങ്ങരംകുളത്ത് നഴ്സിങ് വിദ്യാര്‍ഥിനിയെ വീടിനകത്ത് തൂങ്ങി മരിച്ച നിലയില്‍ കണ്ടെത്തി. പാലപ്പെട്ടി പുതിയിരുത്തി സ്വദേശി കളത്തില്‍ രാജേഷിന്റെ മകള്‍ ദര്‍ശനയാണ് (20) അമ്മ വീട്ടില്‍ തൂങ്ങി മരിച്ചത്. ബെംഗളുരുവിൽ നഴ്സിങിന് പഠിച്ചിരുന്ന ദര്‍ശന ചങ്ങരംകുളത്ത് അമ്മ വീട്ടിലാണ് താമസിച്ചിരുന്നത്. വൈകീട്ട് ആറ് മണിയോടെയാണ് സംഭവം.

നഴ്സിങ് വിദ്യാര്‍ഥിനിയെ വീടിനകത്ത് തൂങ്ങി മരിച്ച നിലയില്‍ കണ്ടെത്തി

തിരുവനന്തപുരം: കൊല്ലം, കണ്ണൂർ നഗരങ്ങളിൽ പുതിയ ഐടി പാർക്ക് സ്ഥാപിക്കുമെന്ന് സംസ്ഥാന ബഡ്‌ജറ്റിൽ പ്രഖ്യാപിച്ച് ധനമന്ത്രി കെഎൻ ബാലഗോപാൽ. കിഫ്‌ബിയും കിൻഫ്രയും കൊല്ലം കോർപ്പറേഷനും തമ്മിലേർപ്പെടുന്ന കരാറിന്റെ അടിസ്ഥാനത്തിലായിരിക്കും ഐടി പാർക്ക് പദ്ധതിക്ക് രൂപം നൽകുക. 2025 - 2026ൽ പാർക്കിന്റെ ആദ്യഘട്ടം പൂർത്തിയാക്കാനാണ് ലക്ഷ്യമിടുന്നത്.

കൊല്ലം, കണ്ണൂർ നഗരങ്ങളിൽ പുതിയ ഐടി പാർക്ക് സ്ഥാപിക്കും

കണ്ണൂർ: റോഡ് മുറിച്ചുകടക്കുകയായിരുന്ന സ്ത്രീ കാറിടിച്ച് മരിച്ചു. എരിപുരം സ്വദേശി ഭാനുമതിയാണ് (58) മരിച്ചത്. ഇന്ന് രാവിലെ ആറ് മണിയോടെയായിരുന്നു സംഭവം. സൊസൈറ്റിയിൽ പാല് നൽകി വീട്ടിലേക്ക് മടങ്ങുന്നതിനിടയിലാണ് അപകടമുണ്ടായത്.
ഭാനുമതിയുടെ കൂടെ ഭർത്താവുമുണ്ടായിരുന്നു. ഭർത്താവിന് ചെറിയ കാഴ്ചക്കുറവുണ്ട്. ആദ്യം ഭർത്താവിനെ റോഡ് മുറിച്ചുകടക്കാൻ സഹായിച്ചു. തുടർന്ന് തിരിച്ചുവന്ന് സമീപത്തെ ഹോട്ടലിൽ നിന്ന് പശുവിന് നൽകാനുള്ള കഞ്ഞിവെള്ളമെടുത്ത് റോഡ് മുറിച്ചുകടക്കുകയായിരുന്നു.ഈ സമയം അമിത വേഗത്തിലെത്തിയ കാർ ഭാനുമതിയെ ഇടിച്ചുതെറിപ്പിക്കുകയായിരുന്നു. ഇടിയുടെ ആഘാതത്തിൽ ഇരുന്നൂറ് മീറ്ററോളം ദൂരത്തിൽ ഭാനുമതി തെറിച്ചുവീണുവെന്നാണ് ദൃക്സാക്ഷികൾ പറയുന്നത്.&nbsp;

കണ്ണൂരിൽ റോഡ് മുറിച്ചുകടക്കുകയായിരുന്ന സ്ത്രീ കാറിടിച്ച് മരിച്ചു

Kannur

ക​ണ്ണൂ​ർ​:​ ​ക​ർ​ണാ​ട​ക​ ​രാ​മ​ന​ഗ​രി​ ​ദ​യാ​ന​ന്ദ​ ​സാ​ഗ​ർ​ ​നേ​ഴ്‌​സിം​ഗ് ​കോ​ളേ​ജി​ലെ​ ​ഒ​ന്നാം​ ​വ​ർ​ഷ​ ​ബി.​എ​സ്.​സി​ ​വി​ദ്യാ​ർ​ത്ഥി​ ​മു​ഴു​പ്പി​ല​ങ്ങാ​ട് ​സ്വ​ദേ​ശി​ ​അ​നാ​മി​ക​ ​ആ​ത്മ​ഹ​ത്യ​ ​ചെ​യ്ത​ ​സം​ഭ​വ​ത്തി​ൽ​ ​പ്രി​ൻ​സി​പ്പ​ൽ​ ​സ്വീ​റ്റ് ​റോ​സി,​ ​ക്ളാ​സ് ​കോ​ ​ഓ​ർ​ഡി​നേ​റ്റ​ർ​ ​സു​ജാ​ത​ ​എ​ന്നി​വ​രെ​ ​കോ​ളേ​ജ് ​മാ​നേ​ജ്മെ​ന്റ് ​സ​സ്പെ​ൻ​ഡ് ​ചെ​യ്തു.​ ​അ​നാ​മി​ക​യു​ടെ​ ​മ​ര​ണ​ത്തി​ൽ​ ​ബ​ന്ധു​ക്ക​ളും​ ​സ​ഹ​പാ​ഠി​ക​ളും​ ​ആ​രോ​പ​ണ​വു​മാ​യി​ ​രം​ഗ​ത്തു​വ​ന്ന​തി​ന് ​പി​ന്നാ​ലെ​യാ​ണ് ​ന​ട​പ​ടി.
കോ​ളേ​ജ് ​മാ​നേ​ജ്മെ​ന്റി​ൽ​ ​നി​ന്ന് ​അ​നാ​മി​ക​ ​ക​ടു​ത്ത​ ​മാ​ന​സി​ക​ ​പീ​ഡ​നം​ ​അ​നു​ഭ​വി​ച്ചി​രു​ന്നു​വെ​ന്നും​ ​കോ​ളേ​ജ് ​അ​ധി​കാ​രി​ക​ളാ​ണ് ​മ​ര​ണ​ത്തി​നു​ ​ഉ​ത്ത​ര​വാ​ദി​ക​ളെ​ന്നു​മാ​ണ് ​കു​ടും​ബാം​ഗ​ങ്ങ​ളും​ ​സ​ഹ​പാ​ഠി​ക​ളും​ ​ആ​രോ​പി​ച്ച​ത്.​ ​
ചൊ​വാ​ഴ്ച​ ​രാ​ത്രി​യാ​ണ് ​അ​നാ​മി​ക​യെ​ ​ഹോ​സ്റ്റ​ൽ​ ​മു​റി​യി​ൽ​ ​തൂ​ങ്ങി​ ​മ​രി​ച്ച​ ​നി​ല​യി​ൽ​ ​ക​ണ്ട​ത്.​ ​സം​ഭ​വ​ത്തി​ൽ​ ​സ​മ​ഗ്രാ​ന്വേ​ഷ​ണം​ ​വേ​ണ​മെ​ന്ന് ​ആ​വ​ശ്യ​പ്പെ​ട്ട് ​കെ.​എ​സ്.​യു​ ​ജി​ല്ല​ ​സെ​ക്ര​ട്ട​റി​ ​അ​ലേ​ഖ്‌​ ​കാ​ടാ​ച്ചി​റ​ ​ക​ർ​ണാ​ട​ക​ ​സ​ർ​ക്കാ​രി​ന് ​പ​രാ​തി​ ​ന​ൽ​കി​യി​ട്ടു​ണ്ട്.​ ​

മ​ല​യാ​ളി​ ​വി​ദ്യാ​ർ​ത്ഥി​യു​ടെ​ ​ആ​ത്മ​ഹ​ത്യ: കോ​ളേ​ജ് ​പ്രി​ൻ​സി​പ്പ​ലി​നും​ ​ക്ളാ​സ്കോ​ഓ​ർ​ഡി​നേ​റ്റ​ർ​ക്കും​ ​സ​സ്പെ​ൻ​ഷൻ

അടൂർ: അടൂര്‍ ബൈപ്പാസില്‍ ടൂറിസ്റ്റ് ബസും ബൈക്കും കൂട്ടിയിടിച്ച് രണ്ട് യുവാക്കൾ മരിച്ചു.അടൂർ അമ്മ കണ്ടകര സ്വദേശികളായ അമൽ (20) നിഷാന്ത്(23) എന്നിവരാണ് മരിച്ചത്.വെള്ളിയാഴ്ച പുലർച്ചെ 12.30ന് എം.സി റോഡിൽ അടൂർ അരമനപടിയിലായിരുന്നു അപകടമുണ്ടായത്.

അടൂര്‍ ബൈപ്പാസില്‍ ടൂറിസ്റ്റ് ബസും ബൈക്കും കൂട്ടിയിടിച്ച് രണ്ട്  യുവാക്കൾ മരിച്ചു

തിരുവനന്തപുരം: രണ്ടാം പിണറായി സർക്കാരിന്റെ അവസാന സമ്പൂർണ ബഡ്ജറ്റ് ഇന്ന്. ഒൻപത് മണിക്ക് ധനമന്ത്രി കെ എൻ ബാലഗോപാൽ നിയമസഭയിൽ ബഡ്ജറ്റ് അവതരിപ്പിക്കും. കെ എൻ ബാലഗോപാലിന്റെ അഞ്ചാമത്തെ ബഡ്ജറ്റാണിത്.
ഈ വർഷം അവസാനം തദ്ദേശ തിരഞ്ഞെടുപ്പ് നടക്കാനിരിക്കെ ബഡ്ജറ്റ് ജനപ്രിയമാകാനാണ് സാധ്യത. ക്ഷേമ പെൻഷനിൽ 200 രൂപയുടെയെങ്കിലും വർദ്ധന പ്രതീക്ഷിക്കുന്നു. നിലവിൽ 1600 രൂപയാണ് ക്ഷേമ പെൻഷൻ. ഇതിനായി ഒരു മാസത്തേക്ക് 900 കോടി രൂപ ആവശ്യമുണ്ട്. 2021ൽ ക്ഷേമ പെൻഷൻ 100 രൂപ കൂട്ടിയിരുന്നു.മെഡിസെപ് പുന:സംഘടന, സർക്കാർ ജീവനക്കാർക്ക് ഡി എ കുടിശിക, അടുത്ത ശമ്പളകമ്മിഷൻ എന്നിവയിലും പ്രഖ്യാപനം പ്രതീക്ഷിക്കുന്നു. പങ്കാളിത്ത പെൻഷൻ പിൻവലിക്കണമെന്ന് സി പി ഐയുൾപ്പെടെ ആവശ്യപ്പെട്ടിട്ടുണ്ട്.&nbsp;
വിവാദ കിഫ്ബി റോഡ് ടോൾ പിരിവ് പ്രഖ്യാപനമുണ്ടാകുമോ എന്ന ആശങ്ക ജനത്തിനുണ്ട്.വയനാട് പുനരധിവാസത്തിൽ സംസ്ഥാനത്തിന്റെ പദ്ധതി പ്രഖ്യാപിക്കും. വിഴിഞ്ഞം വ്യവസായ ഇടനാഴി പ്രഖ്യാപനവും പ്രതീക്ഷിക്കാം. കടുത്ത സാമ്പത്തിക പ്രതിസന്ധിയിലായതിനാൽ സർക്കാർ വരുമാനം വർദ്ധിപ്പിക്കാനുള്ള നിർദേശങ്ങളുണ്ടായേക്കും. ഇതിനായി ഫീസുകളും പിഴത്തുകകളും വർദ്ധിപ്പിച്ചേക്കും.നികുതി വർദ്ധനയ്ക്ക് സാദ്ധ്യത കുറവാണ്. എന്നാൽ ഭൂമിയുടെ ന്യായവില വർദ്ധനയ്ക്ക് സാദ്ധ്യതയുണ്ട്. വന്യജീവി പ്രശ്നപരിഹാരത്തിന് കുടുതൽ പരിഗണന നൽകിയേക്കും.&nbsp;

രണ്ടാം പിണറായി സർക്കാരിന്റെ അവസാന സമ്പൂർണ ബഡ്ജറ്റ് ഇന്ന് ;ജനപ്രിയ പ്രഖ്യാപനങ്ങൾ ഉണ്ടായേക്കും

ന്യൂഡൽഹി: ആശ വർക്കർമാരുടെ വേതനം വർധിപ്പിക്കുമെന്ന് കേന്ദ്ര ആരോഗ്യ മന്ത്രി ജെ.പി. നദ്ദ. രാജ്യസഭയിൽ സന്തോഷ് കുമാർ എം.പിയുടെ ചോദ്യത്തിന് നൽകിയ മറുപടിയിലാണ് കേന്ദ്ര മന്ത്രി ഇക്കാര്യം വ്യക്തമാക്കിയത്. സാമ്പത്തിക സഹായം നൽകുന്ന വിഷയം ചർച്ച ചെയ്യാൻ ദേശീയ ആരോഗ്യ മിഷന്‍റെ യോഗം കഴിഞ്ഞയാഴ്ച ചേർന്നിരുന്നു. ആശ വർക്കർമാരുടെ വേതനം വർധിപ്പിക്കും. ആശ വർക്കർമാരുടെ കഠിനാധ്വാനത്തെയും ഗ്രാമീണമേഖലയിൽ ചെയ്യുന്ന കടമകളെയും അഭിനന്ദിക്കുന്നുവെന്നും ജെ.പി. നദ്ദ വ്യക്തമാക്കി.
അതേസമയം, ദേശീയ ആരോഗ്യ മിഷനിൽ നിന്നും ആശ വർക്കർമാർക്കുള്ള കേന്ദ്രവിഹിതം നൽകിയില്ലെന്ന കേരളത്തിന്‍റെ ആക്ഷേപം ശരിയല്ലെന്ന് കേന്ദ്ര ആരോഗ്യ മന്ത്രി പറഞ്ഞു. കേരളത്തിന് വിഹിതം കൃത്യമായി നൽകിയിട്ടുണ്ടെന്നും അദ്ദേഹം വ്യക്തമാക്കി. കേരളത്തിന് കുടിശ്ശിക തുകയായി ഒന്നും നൽകാനില്ല. മുഴുവൻ തുക നൽകിയിട്ടും അതിന്‍റെ വിനിയോഗത്തിന്‍റെ വിശദാംശങ്ങൾ കേരളം തന്നിട്ടില്ലെന്നും ജെ.പി. നദ്ദ ചൂണ്ടിക്കാട്ടി.

കഠിനാധ്വാനത്തെയും ഗ്രാമീണമേഖലയിൽ ചെയ്യുന്ന കടമകളെയും അഭിനന്ദിക്കുന്നു; ആശ വർക്കർമാരുടെ വേതനം വർധിപ്പിക്കുമെന്ന് കേന്ദ്രമന്ത്രി

തി​രു​വ​ന​ന്ത​പു​രം: സം​സ്ഥാ​ന​ത്ത് മു​ൻ​ഗ​ണ​ന വി​ഭാ​ഗ​ത്തി​ലു​ള്ള മ​ഞ്ഞ, പി​ങ്ക് റേ​ഷ​ൻ​കാ​ർ​ഡു​ക​ളി​ൽ മ​സ്റ്റ​റി​ങ് ന​ട​ത്താ​ത്ത 11,56,693 പേ​രു​ടെ റേ​ഷ​ൻ മ​ര​വി​പ്പി​ച്ചു. നി​ര​വ​ധി അ​വ​സ​ര​ങ്ങ​ൾ ഭ​ക്ഷ്യ​വ​കു​പ്പ് ന​ൽ​കി​യെ​ങ്കി​ലും ഇ​തി​ലൊ​ന്നും സ​ഹ​ക​രി​ക്കാ​തെ മാ​റി​നി​ന്ന​വ​രെ​യാ​ണ് കേ​ര​ള​ത്തി​ലെ സ്ഥി​ര​താ​മ​സ​ക്കാ​ര​ല്ലെ​ന്ന് (നോ​ൺ റെ​സി​ഡ​ന്‍റ് കേ​ര​ള- എ​ന്‍.​ആ​ർ.​കെ) ചൂ​ണ്ടി​ക്കാ​ട്ടി സ​ർ​ക്കാ​ർ ഒ​ഴി​വാ​ക്കു​ന്ന​ത്.&nbsp;
ഇ​വ​രു​ടെ പേ​ര് റേ​ഷ​ൻ കാ​ർ​ഡി​ലു​ണ്ടാ​കു​മെ​ങ്കി​ലും മാ​ർ​ച്ച് 31ന്​ ​ശേ​ഷം ഇ​വ​രു​ടെ ഭ​ക്ഷ്യ​വി​ഹി​തം പൂ​ർ​ണ​മാ​യും റ​ദ്ദു​ചെ​യ്യു​മെ​ന്ന് കേ​ന്ദ്ര​സ​ർ​ക്കാ​ർ സം​സ്ഥാ​ന സ​ർ​ക്കാ​റി​നെ അ​റി​യി​ച്ചി​ട്ടു​ണ്ട്. അ​തി​നാ​ൽ നി​ല​വി​ൽ മ​സ്റ്റ​റി​ങ് ന​ട​ത്താ​ത്ത​വ​രു​ണ്ടെ​ങ്കി​ൽ അ​ടി​യ​ന്ത​ര​മാ​യി മ​സ്റ്റ​റി​ങ് പൂ​ർ​ത്തി​യാ​ക്ക​ണ​മെ​ന്ന് ഭ​ക്ഷ്യ​വ​കു​പ്പ് അ​റി​യി​ച്ചു.

മസ്റ്ററിങ്​ നടത്തിയില്ല; 11 ലക്ഷം പേരുടെ റേഷൻ മരവിപ്പിച്ചു

തി​രു​വ​ന​ന്ത​പു​രം: ക​ടു​ത്ത ചൂ​ടി​ന് പു​റ​മെ, കേ​ര​ള​ത്തി​ന്‍റെ ഉ​റ​ക്കം​കെ​ടു​ത്തി സൂ​ര്യ​നി​ൽ​നി​ന്നു​ള്ള അ​ൾ​ട്രാ​വ​യ​ല​റ്റ് (യു.​വി) കി​ര​ണ​ങ്ങ​ളു​ടെ തീ​വ്ര​ത​യും വ​ർ​ധി​ക്കു​ന്നു. കൊ​ല്ല​ത്ത് തി​ങ്ക​ളാ​ഴ്ച യു.​വി വി​കി​ര​ണ തോ​ത് പ​ത്തി​ലേ​ക്ക് ഉ​യ​ർ​ന്നു. തി​രു​വ​ന​ന്ത​പു​രം, പ​ത്ത​നം​തി​ട്ട, ആ​ല​പ്പു​ഴ, കോ​ട്ട​യം, ഇ​ടു​ക്കി ജി​ല്ല​ക​ളി​ൽ വി​ക​ര​ണ തോ​ത് എ​ട്ടി​ന് മു​ക​ളി​ലാ​ണെ​ന്ന് സം​സ്ഥാ​ന ദു​ര​ന്ത നി​വാ​ര​ണ അ​തോ​റി​റ്റി പു​റ​ത്തു​വി​ട്ട ക​ണ​ക്കു​ക​ളി​ൽ വ്യ​ക്ത​മാ​കു​ന്നു. യു.​വി ഇ​ൻ​ഡ​ക്സ് ആ​റ് ക​ട​ന്നാ​ൽ യെ​ല്ലോ അ​ല​ർ​ട്ടും എ​ട്ടു മു​ത​ൽ 10 വ​രെ ഓ​റ​ഞ്ച് അ​ല​ർ​ട്ടും 11നു ​മു​ക​ളി​ൽ റെ​ഡ് അ​ല​ർ​ട്ടു​മാ​ണ്. വ​രും​ദി​വ​സ​ങ്ങ​ളി​ൽ ചൂ​ട് ഉ​യ​രു​ന്ന​തി​നോ​ടൊ​പ്പം അ​ൾ​ട്രാ​വ​യ​ല​റ്റ് കി​ര​ണ​ങ്ങ​ളു​ടെ തോ​തും വ​ർ​ധി​ക്കും. ഇ​ത് മ​നു​ഷ്യ​ശ​രീ​ര​ത്തി​ന് അ​പ​ക​ട​ക​ര​വു​മാ​ണ്.
സൂ​ര്യ​പ്ര​കാ​ശം നേ​രി​ട്ട് ശ​രീ​ര​ത്തി​ൽ ഏ​ൽ​ക്കു​ന്ന​ത് ആ​രോ​ഗ്യ​പ്ര​ശ്ന​ങ്ങ​ൾ​ക്കും ച​ർ​മ​രോ​ഗ​ങ്ങ​ൾ​ക്കും ഇ​ട​യാ​ക്കും. തി​മി​ര​ത്തി​നും നേ​ത്ര​രോ​ഗ​ങ്ങ​ൾ​ക്കും സാ​ധ്യ​ത ഏ​റെ​യാ​ണ്. ഉ​ഷ്ണ​മേ​ഖ​ല പ്ര​ദേ​ശ​ങ്ങ​ളി​ലും മ​ല​യോ​ര​ങ്ങ​ളി​ലും യു.​വി തോ​ത് പൊ​തു​വെ, ഉ​യ​ർ​ന്നി​രി​ക്കും. പ​ക​ൽ 11 മു​ത​ൽ മൂ​ന്നു​വ​രെ​യു​ള്ള സ​മ​യ​ത്ത് നേ​രി​ട്ട്​ കൂ​ടു​ത​ൽ സ​മ​യം വെ​യി​ലേ​ൽ​ക്കാ​തി​രി​ക്ക​ണ​മെ​ന്നാ​ണ്​ വി​ദ​ഗ്ധ​രു​ടെ നി​ർ​ദേ​ശം. ദാ​ഹ​മി​ല്ലെ​ങ്കി​ലും ധാ​രാ​ളം ശു​ദ്ധ​ജ​ലം കു​ടി​ക്ക​ണം. കു​ട​യോ തൊ​പ്പി​യോ സ​ൺ​ഗ്ലാ​സോ ഉ​പ​യോ​ഗി​ക്ക​ണം.
അ​സം​ബ്ലി പോ​ലെ പു​റ​ത്തു​ള്ള പ​രി​പാ​ടി​ക​ളി​ൽ ജാ​ഗ്ര​ത​യും നി​യ​ന്ത്ര​ണ​വും വേ​ണം. വ​ള​ർ​ത്തു​മൃ​ഗ​ങ്ങ​ൾ​ക്ക്​ ത​ണ​ലും തീ​റ്റ​യും വെ​ള്ള​വും ഉ​റ​പ്പാ​ക്ക​ണം. ജ​ലാ​ശ​യം, മ​ണ​ൽ പോ​ലെ​യു​ള്ള പ്ര​ത​ല​ങ്ങ​ൾ യു.​വി ര​ശ്മി​ക​ളെ പ്ര​തി​ഫ​ലി​പ്പി​ക്കു​ന്ന​തി​നാ​ൽ ഇ​ത്ത​രം മേ​ഖ​ല​ക​ളി​ലും യു.​വി സൂ​ചി​ക ഉ​യ​ർ​ന്നി​രി​ക്കും. ക​ടു​ത്ത ചൂ​ടി​നെ തു​ട​ർ​ന്ന് കൊ​ല്ലം, പ​ത്ത​നം​തി​ട്ട, കോ​ട്ട​യം, എ​റ​ണാ​കു​ളം, തൃ​ശൂ​ർ, മ​ല​പ്പു​റം, പാ​ല​ക്കാ​ട്, കോ​ഴി​ക്കോ​ട്, ക​ണ്ണൂ​ർ, കാ​സ​ർ​കോ​ട്​ ജി​ല്ല​ക​ൾ യെ​ല്ലോ അ​ല​ർ​ട്ടി​ലാ​ണ്. സാ​ധാ​ര​ണ​യെ​ക്കാ​ൾ (2-3 ഡി​ഗ്രി സെ​ൽ​ഷ്യ​സി​ൽ കൂ​ടു​ത​ൽ) ചൂ​ട് ഉ​യ​രാ​നാ​ണ് സാ​ധ്യ​ത. തി​ങ്ക​ളാ​ഴ്ച കോ​ട്ട​യ​ത്താ​ണ് ഉ​യ​ർ​ന്ന ചൂ​ട് രേ​ഖ​പ്പെ​ടു​ത്തി​യ​ത്.-38.2 ഡി​ഗ്രി സെ​ൽ​ഷ്യ​സ്.

സംസ്ഥാനത്ത് തീവ്രത കൂടിയ അ​ൾ​ട്രാ​വ​യ​ല​റ്റ്  കിരണങ്ങൾ ;അതീവ ജാഗ്രതാനിർദ്ദേശം

തിരുവനന്തപുരം: മൃ​ഗശാലയിൽ കഴിഞ്ഞ ദിവസം ചത്ത മ്ലാവിനു പേവിഷബാധ സ്ഥിരീകരിച്ചു. ഞായറാഴ്ചയാണ് മ്ലാവ് വർ​ഗത്തിൽപ്പെട്ട സാമ്പാർ ‍ഡിയർ ചത്തത്. തിങ്കളാഴ്ച തിരുവനന്തപുരം മൃ​ഗശാലയിൽ നടത്തിയ പോസ്റ്റുമോർട്ടം പരിശോധനക്കു ശേഷം പാലോട് സ്റ്റേറ്റ് ഇൻസ്റ്റിറ്റ്യൂട്ട് ഫോർ ആനിമൽ ഡിസീസിൽ നടത്തിയ വിശദ പരിശോധനയിലാണ് പേവിഷബാധ സ്ഥിരീകരിച്ചത്. പേവിഷബാധയുടെ ഉറവിടം കണ്ടെത്താനായിട്ടില്ല.
ഈ സാഹചര്യത്തിൽ മ്ലാവുമായി അടുത്തു ഇടപഴകിയ ജീവനക്കാർക്കെല്ലാം പോസ്റ്റ് ഏസ്പോഷർ ആന്റി റാബീസ് വാക്സിൻ നൽകാൻ തീരുമാനിച്ചിരിക്കുകയാണ്. മ്ലാവിനെ പാർപ്പിച്ചിരുന്ന കൂടിനുള്ളിലെ മുഴുവൻ മൃ​ഗങ്ങൾക്കും അടിയന്തരമായി ആന്റി റാബീസ് വാക്സിൻ നൽകാനും തീരുമാനിച്ചു. ഇതിനായി വെറ്ററിനറി സർജൻ ‍ഡോ. നികേഷ് കിരണിന്റെ നേതൃത്വത്തിൽ ടീമിനേയും രൂപവൽകരിച്ചു. മൃ​ഗങ്ങൾക്കുള്ള വാക്സിനേഷൻ ഇന്നാരംഭിക്കും.

ചത്ത മ്ലാവിന് പേവിഷബാധ; തിരുവനന്തപുരം മൃ​ഗശാലയിലെ ജീവനക്കാർക്ക് വാക്സിൻ നൽകും

ഇലോൺ മസ്‌കിന്റെ ഉടമസ്ഥതയിലുള്ള മൈക്രോബ്ലോഗിങ് പ്ലാറ്റ്‌ഫോമായ 'എക്സ്' ഇന്ത്യയുൾപ്പടെ വിവിധ രാജ്യങ്ങളിൽ പണിമുടക്കിയതായി റിപ്പോർട്ട്. എക്സ് ഉപയോക്താക്കൾക്ക് പേജ് ലോഡ് ചെയ്യാനും പോസ്റ്റു ചെയ്യാനും കഴിയുന്നില്ലെന്നാണ് ഓൺലൈൻ സേവനങ്ങൾ നിരീക്ഷിക്കുകയും സാങ്കേതിക തകരാറുകൾ ആഗോള തലത്തിൽ ട്രാക്ക് ചെയ്യുകയും ചെയ്യുന്ന ഡൗൺ ഡിറ്റക്ടറിന്റെ റിപ്പോർട്ട്.
യു.കെ, യു.എസ്, ഇന്ത്യ, ഓസ്‌ട്രേലിയ, കാനഡ എന്നിവയുൾപ്പെടെ പ്രധാന രാജ്യങ്ങളിലാണ് തിങ്കളാഴ്ച പലവട്ടം തടസ്സം നേരിട്ടത്. ലോകമെമ്പാടുമുള്ള 40000ത്തിലധികം ഉപയോക്താക്കൾ സേവനത്തിലുണ്ടായ തടസ്സം സംബന്ധിച്ച പരാതികൾ രജിസ്റ്റർ ചെയ്തിട്ടുണ്ട്.ഇന്ത്യയിലെ ആയിരക്കണക്കിന് ഉപയോക്താക്കളാണ് പ്രശ്നങ്ങൾ റിപ്പോർട്ടു ചെയ്യുന്നത്. പ്ലാറ്റ്ഫോം ആക്സസ് ചെയ്യാൻ സാധിക്കാത്തതാണ് പ്രശ്നം. തിങ്കളാഴ്ച വൈകീട്ട് മൂന്നുമണിയോടെയാണ് പ്രശ്നം രൂക്ഷമായത്. 2200 റിപ്പോർ‌ട്ടുകളാണ് രേഖപ്പെടുത്തിയത്. പിന്നീട് രാത്രി ഏഴ് മണിയോടെ 1500 പരാതികളും രജിസ്റ്റർ ചെയ്യപ്പെട്ടു.
52 ശതമാനം പ്രശ്നങ്ങളും വെബ്സൈറ്റുമായി ബന്ധപ്പെട്ടുള്ളതാണെന്നും 41 ശതമാനം ആപ്പുമായും എട്ട് ശതമാനം സെർവ്വർ കണക്ഷൻ പ്രശ്നങ്ങളും ആണെന്നാണ് ഡൗൺഡിക്റ്റക്ടർ റിപ്പോർട്ട്. ചിലയിടങ്ങളിൽ സേവനങ്ങൾ ഭാഗികമായി പുനഃസ്ഥാപിച്ചിട്ടുണ്ടെങ്കിലും ഉപയോക്താക്കൾ പ്രശ്നങ്ങൾ റിപ്പോർട്ട് ചെയ്യുന്നത് തുടരുകയാണ്. ഇതിൽ കമ്പനി ഇതുവരെ ഔദ്യോ​ഗിക പ്രസ്താവന പുറത്തിറക്കിയിട്ടില്ല.&nbsp;&nbsp;

ഇന്ത്യയുൾപ്പടെ വിവിധ രാജ്യങ്ങളിൽ പണിമുടക്കി എക്സ്; പരാതിയുമായി ഉപയോക്താക്കൾ

Search Results for: 07.02.2025