കോഴിക്കോട്: കോഴിക്കോട് ഡിസിസി പ്രസിഡന്റിനെതിരെ ഉള്ളിയേരിയിൽ പോസ്റ്ററുകൾ പ്രത്യക്ഷപ്പെട്ടു. അഡ്വക്കേറ്റ് കെ പ്രവീൺകുമാറിനെതിരെയാണ് ഉള്ളിയേരിയിൽ പോസ്റ്ററുകൾ പ്രത്യക്ഷപ്പെട്ടത്. പ്രവർത്തകരെ പുറത്താക്കി ഗിന്നസ് റെക്കോർഡ് നേടാൻ ശ്രമിക്കുന്നുവെന്നാണ് വിമർശനം.
പാർട്ടിയിലെ അഭിപ്രായവ്യത്യാസങ്ങൾ പരിഹരിക്കാതെ പക്ഷപാതപരമായി പെരുമാറുന്നുവെന്നും പോസ്റ്ററിൽ ആരോപണമുണ്ട്. അധികാര ദുർവിനിയോഗം നടത്തി പാർട്ടിയെ നശിപ്പിച്ചു, ഐസിയുവിൽ ആയ പാർട്ടിയെ വെന്റിലേറ്ററിലാക്കി, കൗരവസേനയെ വളർത്തി ജയിക്കാമെന്ന് വ്യാമോഹിക്കേണ്ട എന്നിങ്ങനെ രൂക്ഷമായ പരാമർശങ്ങൾ പേസ്റ്ററിലുണ്ട്. പ്രവീൺ കുമാർ എവിടെ മത്സരിച്ചാലും തോൽപ്പിക്കുമെന്നും പോസ്റ്ററിൽ വെല്ലുവിളിച്ചിട്ടുണ്ട്. ഉള്ളിയേരി പഞ്ചായത്ത് പ്രസിഡന്റിൻ്റെ അഴിമതിക്കും ധിക്കാരത്തിനും കുടപിടിക്കുന്നുവെന്നും പോസ്റ്ററുകളിലെ വിമശനങ്ങളിൽ ചൂണ്ടിക്കാണിച്ചിട്ടുണ്ട്. കഴിഞ്ഞദിവസം ബ്ലോക്ക് പഞ്ചായത്ത് വൈസ് പ്രസിഡണ്ട് ടി ഹരിദാസിനെ പാർട്ടിയിൽ നിന്നും പുറത്താക്കിയിരുന്നു. ഇതിന് പിന്നാലെയാണ് പോസ്റ്റർ പ്രത്യക്ഷപ്പെട്ടിരിക്കുന്നത്.

'എവിടെ മത്സരിച്ചാലും തോൽപ്പിക്കും' ; കോഴിക്കോട് ഡിസിസി പ്രസിഡന്റ് അഡ്വ കെ പ്രവീൺകുമാറിനെതിരെ പോസ്റ്ററുകൾ

നാദാപുരം : നാദാപുരം ഗവൺമെന്റ് താലൂക്ക് ആശുപത്രിയിൽ കിടത്തി ചികിത്സ നിർത്തിയതിനെതിരെ കോൺഗ്രസ് പ്രതിഷേധ സമരം നടത്തി. ഇവിടേക്ക് എത്തുന്ന എത്തുന്ന രോഗികളെ സ്വകാര്യ ആശുപത്രികളിലേക്ക് പറഞ്ഞയക്കുകയാണെന്ന് കോൺഗ്രസ് ആരോപിച്ചു. നിരവധി കിടക്കകൾ ഉള്ള ആശുപത്രിയിൽ ഒരു രോഗിയെ പോലും കിടത്തി ചികിത്സക്കായി പ്രവേശിപ്പിക്കാതെ വാർഡുകൾ അടച്ചിട്ട സാചര്യത്തിലാണ് കോൺഗ്രസ് സമരത്തിനിറങ്ങിയത്.&nbsp;
ഗവൺമെൻറ് ആശുപത്രിയോട് അധികൃതർ കാണിക്കുന്ന അനാസ്ഥയ്ക്കെതിരെ നാദാപുരം മണ്ഡലം കമ്മിറ്റിയുടെ നേതൃത്വത്തിൽ ആശുപത്രിക്ക് മുമ്പിൽ നടത്തിയ പ്രതിഷേധ പ്രകടനവും ധർണ്ണയും ബ്ലോക്ക് കോൺഗ്രസ് പ്രസിഡണ്ട് മോഹനൻ പാറക്കടവ് ഉദ്ഘാടനം ചെയ്തു. മണ്ഡലം പ്രസിഡണ്ട് വി. വി റിനീഷ് അധ്യക്ഷത വഹിച്ചു. അഡ്വ: എ സജീവൻ, അഡ്വ: കെ.എം രഘുനാഥ്, കോടിക്കണ്ടി മൊയ്തു , കെ.ടി കെ അശോകൻ, പി പി മൊയ്തു, എ പി ജയേഷ്, ഉമേഷ് പെരുവങ്കര, കക്കാടൻ റാഷിദ്, ഷംസീർ നാദാപുരം, പി.വി ചാത്തു, എം.കെ വിജേഷ്, സി.കെ കുഞ്ഞാലി തുടങ്ങിയവർ സംസാരിച്ചു.

നാദാപുരം താലൂക്ക് ആശുപത്രിയിൽ കിടത്തി ചികിത്സ നിർത്തിയതിനെതിരെ കോൺഗ്രസ് പ്രതിഷേധം

Nadapuram

മരുതോങ്കര: ഇന്ത്യയുടെ മുൻ പ്രധാനമന്ത്രി ഡോ: മൻമോഹൻ സിംഗിൻ്റെ നിര്യാണത്തിൽ മുള്ളൻകുന്നിൽ ചേർന്ന സർവകക്ഷി യോഗം അനുശോചനം രേഖപ്പെടുത്തി. കോൺഗ്രസ് മണ്ഡലം പ്രസിഡണ്ട് ശ്രീധരൻ അധ്യക്ഷത വഹിച്ചു. യു ഡി എഫ് കൺവീനർ കെ.കെ. പാർത്ഥൻ അനുശോചന പ്രമേയം അവതരിപ്പിച്ചു.&nbsp;
ഗ്രാമ പഞ്ചായത്ത് പ്രസിഡണ്ട് കെ.സജിത്ത്, ബ്ലോക്ക് കോൺഗ്രസ് പ്രസിഡണ്ട് കോരങ്കോട്ട് ജമാൽ, കെ. ആർ ബിജു, വി.കെ. കുഞ്ഞബ്ദുള്ള, ബാബു കെ.ജെ,.പി.പി.വിനോദൻ, ഭാസ്കരൻ മരുതോങ്കര, ബിന്ദു കൂരാറ, ത്രേസ്യാമ്മ ജോർജ്, കെ.സി കൃഷ്ണൻ, പി കെ സുരേന്ദ്രൻ, മനോജൻ ചാലക്കണ്ടി, കെ.കെ. സുകുമാരൻ എന്നിവർ സംസാരിച്ചു. മുള്ളൻകുന്നിൽ നടന്ന മൗന ജാഥയ്ക്ക് പി.പി.കെ നവാസ്, പി.സി. നിസാർ, ഫിറോസ് കോരങ്കോട്ട് , ചന്ദ്രൻ കല്ലേരി, സനൽ എന്നിവർ നേതൃത്വം നൽകി.

മൻമോഹൻ സിംഗിൻ്റെ നിര്യാണത്തിൽ അനുശോചനം

Kuttiadi

പാലക്കാട്: ബി.ജെ.പിക്കുപോലും പറയാന്‍ പറ്റാത്ത വര്‍ഗീയ നിലപാടുകള്‍ സി.പി.എം പറയുന്നുവെന്ന് കോണ്‍ഗ്രസ് നേതാവ് സന്ദീപ് വാര്യര്‍. ഇത്തരം നിലപാടുകള്‍ കൊണ്ട് ബി.ജെ.പിക്ക് അനുകൂലമായ ഒരു രാഷ്ട്രീയ സാഹചര്യം ഉണ്ടാക്കുകയാണ് സിപി.എം ചെയ്യുന്നതെന്നും ഇതാണ് സിപിഎം- ബി.ജെ.പി ബാന്ധവത്തിന്റെ അടിസ്ഥാനമെന്നും സന്ദീപ് ആരോപിച്ചു. മുതിര്‍ന്ന സിപിഎം നേതാവ് എ വിജയരാഘവന്‍ സി.പി.എം വയനാട് ജില്ലാ സമ്മേളനത്തില്‍ നടത്തിയ വര്‍ഗീയ പരാമര്‍ശങ്ങളോട് പ്രതികരിക്കുകയായിരുന്നു സന്ദീപ്.
'തൃശൂര്‍പൂരം കലക്കലുമായി ബന്ധപ്പെട്ട് അജിത് കുമാറിന്റെ റിപ്പോര്‍ട്ട് പുറത്തുവന്നല്ലോ. ബി.ജെ.പിക്ക് അനുകൂലമായ രാഷ്ട്രീയസാഹചര്യം ഉണ്ടാക്കുന്നതെങ്ങനെയാണ്? വര്‍ഗീയ പരാമര്‍ശങ്ങള്‍ സിപിഎം നേതാക്കള്‍ പറയുന്നു, ഇടതുപക്ഷം അതിനെ പ്രോത്സാഹിപ്പിക്കുന്നു, അത് ബി.ജെ.പിക്ക് അനുകൂലമായ രാഷ്ട്രീയസാഹചര്യം കേരളത്തില്‍ ഉണ്ടാക്കുന്നു. പാലക്കാട്ടെ പത്രപ്പരസ്യവിവാദത്തിലും വഖഫ് നിയമഭേദഗതിയിലും സിപിഎം സ്വീകരിക്കുന്ന നിലപാട് പലപ്പോഴും കേരളത്തില്‍ ബി.ജെ.പിക്ക് അനുകൂലമായ സാഹചര്യമുണ്ടാക്കാന്‍ സഹായകമായിട്ടുള്ളതാണ്.' - സന്ദീപ് വാര്യര്‍ പറഞ്ഞു.

ബി.ജെ.പിക്കുപോലും പറയാന്‍ പറ്റാത്ത വര്‍ഗീയ നിലപാടുകള്‍ സി.പി.എം പറയുന്നു ;രൂക്ഷ വിമർശനവുമായി സന്ദീപ് വാര്യര്‍

കോഴിക്കോട്: എസ്എഫ്ഐ മുൻ ജില്ലാ സെക്രട്ടറിയേറ്റ് അംഗവും സിപിഐഎം നടുവണ്ണൂർ കോട്ടപ്പുറം ബ്രാഞ്ച് സെക്രട്ടറിയുമായ അക്ബറലി കോയമ്പത്ത് കോൺഗ്രസിൽ ചേർന്നു. ഡിസിസി പ്രസിഡൻ്റ് കെ പ്രവീൺകുമാർ ഷാൾ അണിയിച്ച് പാർട്ടിയിലേക്ക് സ്വീകരിച്ചു.
മെക്ക് സെവനെതിരെയുള്ള പി മോഹനന്റെ പ്രതികരണത്തിൽ പ്രതിഷേധിച്ചാണ് അക്ബറലി പാർട്ടി വിട്ടത്. ന്യൂനപക്ഷങ്ങളെ സംശയനിഴലിൽ നിർത്തിയ മെക് സെവൻ വിവാദത്തിലൂടെ പി മോഹനൻ യാതൊരു ഉത്തരവാദിത്വവുമില്ലാത്ത പ്രസ്താവനയാണ് നടത്തിയതെന്നും സാമൂഹ്യ സമ്മർദ്ദം ഉയർന്നതോടെ മോഹനൻ ആ നിലപാട് വിഴുങ്ങിയെന്നും അക്ബറലി കുറ്റപ്പെടുത്തി.
ദേശീയരാഷ്ട്രീയത്തിൽ കോൺഗ്രസിന് മാത്രമേ ഭരണഘടനയനുസരിച്ച് രാജ്യത്തെ മുന്നോട്ടുകൊണ്ടുപോകാനാകൂ എന്നും അദ്ദേഹം കൂട്ടിച്ചേർത്തു. എസ്എഫ്ഐ ബാലുശ്ശേരി ഏരിയ സെക്രട്ടറി, ജില്ലാ സെക്രട്ടറിയേറ്റ് അംഗം തുടങ്ങിയ നിലയിൽ അക്ബറലി പ്രവർത്തിച്ചിട്ടുണ്ട്. നടുവണ്ണൂർ കോട്ടപ്പുറം ബ്രാഞ്ച് സെക്രട്ടറിയുമാണ്. മലബാറിൽ പ്രചാരം നേടിയ വ്യായാമ കൂട്ടായ്മയായ മെക് സെവനിൽ തീവ്രവാദ ശക്തികൾ നുഴഞ്ഞുകയറിയിട്ടുണ്ട് എന്നാണ് കഴിഞ്ഞ ദിവസം പി മോഹനൻ നടത്തിയ പ്രസ്താവന. വിവാദമായതോടെ പ്രസ്താവന പിൻവലിക്കുകയായിരുന്നു.

പി മോഹനന്‍റെ വിവാദ പ്രസ്താവനയില്‍ അതൃപ്തി; നടുവണ്ണൂരിലെ സിപിഐഎം ബ്രാഞ്ച് സെക്രട്ടറി കോണ്‍ഗ്രസില്‍

Kozhikode

തൊട്ടിൽപ്പാലം: വൈദ്യുതി നിരക്ക് വർദ്ധനയിൽ പ്രതിഷേധിച്ച് കാവിലുംപാറ ബ്ലോക്ക് കോൺഗ്രസ് കമ്മിറ്റിയുടെ ആഭിമുഖ്യത്തിൽ തൊട്ടിൽപ്പാലം കെ.എസ്.ഇ.ബി ഓഫീസിലേക്ക് മാർച്ചും ധർണ്ണയും നടത്തി. ഡി.സി.സി പ്രസിഡൻ്റ് അഡ്വ: കെ.പ്രവീൺ കുമാർ ഉദ്ഘാടനം ചെയ്തു. ബ്ലോക്ക് പ്രസിഡൻ്റ് ജമാൽ കോരങ്കോട്ട് അദ്ധ്യക്ഷനായി.&nbsp;
കെ.ടി.ജെയിംസ്, കെ.പി.രാജൻ, കോരങ്കോട്ട് മൊയ്തു, കെ.കെ.ഷമീന, പപ്പൻ തൊട്ടിൽപ്പാലം, ഒ.ടി.ഷാജി, മനോജ് ചാലിക്കണ്ടി, കെ.ജി.സത്യനാഥ്, കെ.പി.ബിജു, സി .കെ.നാണു, കക്കട്ടിൽ ശ്രീധരൻ, എൻ.കെ.മുത്തലിബ്ബ്, കെ സി ബാലകൃഷ്ണൻ, അനസ് നങ്ങാണ്ടി തുടങ്ങിയവർ സംസാരിച്ചു. ബ്ലോക്ക്‌ കോൺഗ്രസ്‌ ഭാരവാഹികളും മണ്ഡലം ഭാരവാഹികളും നേതൃത്വം നൽകി.

കെ എസ് ഇ ബി ഓഫീസ് മാർച്ചും ധർണ്ണയും നടത്തി

മേപ്പയൂർ: വൈദ്യുതി ചാർജ്ജ് വർദ്ധനവിൽ പ്രതിഷേധിച്ച് ബ്ലോക്ക് കോൺഗ്രസ് കമ്മറ്റി നേതൃത്വത്തിൽ മേപ്പയൂർ ഇലക്ട്രിസിറ്റി ഓഫീസിലേക്ക് മാർച്ചും ധർണയും സംഘടിപ്പിച്ചു. ഡി സി സി ജനറൽ സിക്രട്ടറി ഇ അശോകൻ ഉദ്ഘാടനം ചെയ്തു. ബ്ലോക്ക് പ്രസിഡണ്ട് കെ.പി രാമചന്ദ്രൻ ആധ്യക്ഷ്യം വഹിച്ചു. ഡി സിസി എക്സിക്യൂട്ടീവ് മെമ്പർ കെ.പി വേണു ഗോപാൽ മുഖ്യപ്രഭാഷണം നടത്തി.&nbsp;
രാമചന്ദ്രൻ നീലാംബരി, കെ അഷറഫ്, ശ്രീനിലയം വിജയൻ, സുധാകരൻ പറമ്പാ,ട്ട് ടി.കെ. ഗോപാലൻ, പി അശോകൻ, എ അർഷാദ്, പ്രസന്നകുമാരി മൂഴിക്കൽ, കെ ശ്രീകുമാർ, എംപി കുഞ്ഞികൃഷ്ണൻ, പി പി ഗോപാലൻ, പി.കെ ബീന എന്നിവർ പ്രസംഗിച്ചു. കെ കെ ദാസൻ, ഷബീർ ജന്നത്ത്, ഒകെ ചന്ദ്രൻ, ജിഷ മാടായി, ശശി ഊട്ടേരി, ശശി പാറോളി, എം കെ സുരേഷ് ബാബു, ഇ പ്രദീപ്കുമാർ, ആന്തേരി ഗോപാലകൃഷ്ണൻ, കെ. പി അരവിന്ദൻ, വിജയൻ ആവള എന്നിവർ നേതൃത്വം നൽകി.

വൈദ്യുതി ചാർജ്ജ് വർദ്ധന; മാർച്ചും ധർണയും സംഘടിപ്പിച്ചു

Perambra

കണ്ണൂര്‍: മാടായി കോളജിലെ നിയമന വിവാദത്തിൽ പ്രതിഷേധിച്ച് കോൺഗ്രസ് പ്രവർത്തകർ എം.കെ. രാഘവൻ എം.പിയുടെ കോലം കത്തിച്ചു. കണ്ണൂർ കുഞ്ഞിമംഗലത്തെ എം.പിയുടെ വീട്ടിലേക്ക് മാർച്ച് നടത്തിയ ശേഷമാണ് കോലം കത്തിച്ചത്.
കഴിഞ്ഞ ദിവസങ്ങളിലും കോൺഗ്രസ് പ്രവർത്തകർ എം.കെ. രാഘവനെതിരെ പ്രതിഷേധിച്ചിരുന്നു. മാടായി കോളജിലെത്തിയ രാഘവനെ കോൺഗ്രസ് പ്രവർത്തകർ തടഞ്ഞിരുന്നു.

എം.കെ. രാഘവന്‍റെ കോലം കത്തിച്ച് കോൺഗ്രസ് പ്രവർത്തകർ; വീട്ടിലേക്ക് മാർച്ച് നടത്തി

നരിപ്പറ്റ: ആശാസ്ത്രീയമായ വാർഡ് വിഭജനത്തിൽ നരിപ്പറ്റ മണ്ഡലം കോൺഗ്രസ്‌ കമ്മിറ്റി പ്രതിഷേധം രേഖപെടുത്തി. നരിപ്പറ്റ പഞ്ചായത്ത്‌ വാർഡ് വിഭജനം മാർഗ രേഖ പരിഗണിക്കാതെ, രാഷ്ട്രീയ പ്രേരിതമായി തയ്യാറാക്കിയതാണെന്ന് മണ്ഡലം യോഗം വിലയിരുത്തി. ഇതിനെതിരെ സമരപരിപാടികൾ ആരംഭിക്കാൻ യോഗം തീരുമാനിച്ചു. ബ്ലോക്ക് കോൺഗ്രസ്സ് പ്രസിഡന്റ് ജമാൽ കോരങ്കോട് ഉദ്ഘാടനം ചെയ്തു. സി കെ നാണു അധ്യക്ഷനായി. പി അരവിന്ദക്ഷൻ, ടി. പി വിശ്വനാഥൻ, കുഞ്ഞിക്കണ്ണൻ എം, ഭാസ്കരൻ കൊയ്യാൽ, ഹമീദ് ചങ്ങാരോത്ത്, അച്യുതൻ, ഹരിപ്രസാദ് നരിപ്പറ്റ, സജിത സുധാകരൻ, ലേഖ, ലിബിയ, അഖിൽ നരിപ്പറ്റ, സഫനാദ് എന്നിവർ സംസാരിച്ചു.

വാർഡ് വിഭജനം; നരിപ്പറ്റയിൽ കോൺഗ്രസ്‌ പ്രതിഷേധം

പാലക്കാട്: രാഹുൽ മാങ്കൂട്ടത്തിൽ മുന്നേറ്റം കുറിച്ചതോടെ ആഘോഷവുമായി കോൺഗ്രസ് പ്രവർത്തകർ. പ്രചാരണ കാലത്തുണ്ടായ കള്ളപ്പണ വിവാദത്തെ ട്രോളിക്കൊണ്ടാണ് പാലക്കാട്ട് കോൺഗ്രസ് പ്രവർത്തകരുടെ പ്രകടനം നടന്നത്. കള്ളപ്പണമുണ്ടെന്ന് ആരോപണമുയർന്ന ട്രോളി ബാഗിനെ ഓർമിപ്പിച്ചുകൊണ്ട് ട്രോളി ബാഗുമായി ആയിരുന്നു പ്രവർത്തകർ ആഘോഷം സംഘടിപ്പിച്ചത്.
പ്രചാരണ രംഗത്ത് ഏറെ വിവാദം സൃഷ്ടിച്ചതായിരുന്നു രാഹുല്‍ മാങ്കൂട്ടത്തില്‍ നീല ട്രോളിയില്‍ പണം കടത്തിയെന്ന വിവാദം. സി.പി.എമ്മും ബി.ജെ.പിയുമായിരുന്നു രാഹുലിനെതിരേ ട്രോളി വിവാദം ഉയര്‍ത്തുകയും ഇതിന്റെ പേരില്‍ വനിതാ നേതാക്കളടക്കം താമസിക്കുന്ന ഹോട്ടല്‍ മുറിയില്‍ പോലീസ് റെയ്ഡ് നടത്തുകയും ചെയ്തത്. എന്നാല്‍, ഒന്നും തെളിയിക്കാനാവാതെ വന്നതോടെ ആരോപണത്തില്‍ നിന്ന് അവര്‍ക്ക് പിന്‍വാങ്ങേണ്ടിയും വന്നു.ഇതിനെ പരിഹസിച്ചുകൊണ്ടാണ് ഇപ്പോള്‍ യു.ഡി.എഫ് പ്രവര്‍ത്തകര്‍ ട്രോളിബാഗുമായി തിരഞ്ഞെടുപ്പ് വിജയാഘോഷം നടത്തിയത്.വോട്ടെണ്ണലിന്‍റെ ആദ്യഘട്ടത്തിൽ എന്‍.ഡി.എ സ്ഥാനാര്‍ഥി സി.കൃഷ്ണകുമാറാണ് മുന്നിട്ടുനിന്നതെങ്കിലും പിന്നീട് രാഹുൽ മാങ്കൂട്ടത്തിൽ ലീഡുനില പിടിച്ചെടുക്കുകയായിരുന്നു. ഇതോടെയാണ് ആഘോഷവും തുടങ്ങിയത്.

ട്രോളി ബാഗുമായി പാലക്കാട്ട് യുഡിഎഫ് പ്രവർത്തകരുടെ ആഘോഷം

പാലക്കാട്: താന്‍ കോണ്‍ഗ്രസില്‍ ചേര്‍ന്നതിന്റെ പൂര്‍ണ ഉത്തരവാദിത്തം ബി.ജെ.പി. സംസ്ഥാന പ്രസിഡന്റ് കെ. സുരേന്ദ്രനും സംഘത്തിനുമാണെന്ന് സന്ദീപ് വാര്യര്‍. ഒരു ഏകാധിപത്യ പ്രവണതയുള്ള ഒരു പാര്‍ട്ടിക്കുള്ളില്‍ ഞാന്‍ വീര്‍പ്പുമുട്ടുകയായിരുന്നു. കേരളത്തില്‍ ഹിന്ദുവും മുസ്ലിമും ക്രിസ്ത്യാനിയും പരസ്പരം ഉപരോധം ഏര്‍പ്പെടുത്തി ജീവിക്കാനാവില്ല എന്ന പോസ്റ്റിട്ടതിന്റെ പേരില്‍ ഒരു വര്‍ഷക്കാലം അച്ചടക്ക നടപടി നേരിട്ടയാളാണ് താന്‍. ഇനി സ്‌നേഹത്തിന്റെ കടയില്‍ ഒരു മെംബര്‍ഷിപ്പ് എടുക്കാനാണ് തന്റെ തീരുമാനമെന്നും സന്ദീപ് പറഞ്ഞു.
''കോണ്‍ഗ്രസ് നേതാക്കളുമായെല്ലാം നല്ല സൗഹൃദം സൂക്ഷിച്ചിട്ടുള്ളയാളാണ് ഞാന്‍. ആശയപരമായി എതിര്‍ത്തിട്ടുണ്ടാവാം. രാഷ്ട്രീയത്തില്‍ മാനവികമായി ചിന്തിക്കുക എന്നത് വളരെ പ്രധാനപ്പെട്ട കാര്യമാണെന്ന് വിശ്വസിക്കുന്ന ആളാണ് ഞാന്‍. ഒരു സംഘടനയില്‍ പ്രവര്‍ത്തിക്കുമ്പോള്‍ അതില്‍ നിന്ന് ചില കാര്യങ്ങള്‍ നാം പ്രതീക്ഷിക്കും. എല്ലാ ദിവസവും വെറുപ്പ് മാത്രം ഉത്പാദിപ്പിക്കുന്ന ഒരു ഫാക്ടറിയായി നില്‍ക്കുന്ന ഒരു പാര്‍ട്ടിയില്‍ നിന്നാണ് സ്‌നേഹവും കരുതലുമെല്ലാം ഞാന്‍ പ്രതീക്ഷിച്ചത്. അതാണ് ഞാന്‍ ചെയ്ത തെറ്റ്.സ്വന്തം അഭിപ്രായങ്ങള്‍ പറയാനോ വ്യക്തിത്വം കാത്തുസൂക്ഷിക്കാനോ മനുഷ്യ പക്ഷത്ത് നിന്ന് ഒരു നിലപാട് പോലും പറയാനുള്ള സ്വാതന്ത്ര്യമില്ലാതെ അച്ചടക്ക നടപടി നേരിട്ടയാളാണ് ഞാന്‍. ഞാന്‍ ജീവിച്ചു വളര്‍ന്ന എന്റെ സാമൂഹിക പരിസരത്ത് മതം തിരഞ്ഞ് പോകാന്‍ എനിക്ക് താല്‍പര്യമില്ല. അതിന്റെ പേരിലാണ് സംഘടനയില്‍ നിന്ന് മാറ്റി നിര്‍ത്തപ്പെട്ടത്. ആ കാലഘട്ടത്തില്‍ പോലും സംഘടനയെ തള്ളിപ്പറയാന്‍ ഞാന്‍ തയ്യാറായിട്ടില്ല.
കേരളത്തിലുടനീളം നടന്ന് തൊണ്ടപൊട്ടുമാറുച്ചത്തില്‍ ഞാന്‍ സംസാരിച്ചിട്ടുണ്ട്. ചാനല്‍ ചര്‍ച്ചകളില്‍ പല സുഹൃത്തുക്കളുമായും വലിയ തര്‍ക്കത്തിലേര്‍പ്പെട്ടു. അത്രത്തോളം പാര്‍ട്ടിക്ക് വേണ്ടി ഞാന്‍ ആത്മാര്‍ഥമായി ഞാന്‍ പ്രവര്‍ത്തിച്ചു. ഇന്ന് ഈ നിമിഷം കോണ്‍ഗ്രസിന്റെ ആപ്പിസില്‍ ഈ ത്രിവര്‍ണ ഷാള്‍ അണിഞ്ഞ് ഇവിടെ ഇരിക്കുന്നുണ്ടെങ്കില്‍ അതിന്റെ ഉത്തരവാദി കെ. സുരേന്ദ്രനും സംഘവുമാണ്. പാര്‍ട്ടിയിലെ തെറ്റുകള്‍ക്കെതിരായി നിലനിന്നു എന്നതാണ് ഞാന്‍ ചെയ്ത കുറ്റം. ആ കുറ്റം അംഗീകരിച്ച് സ്‌നേഹത്തിന്റെ കടയില്‍ ഒരു മെംബര്‍ഷിപ്പ് എടുക്കാനാണ് എന്റെ തീരുമാനം."-സന്ദീപ് വാര്യര്‍ പറഞ്ഞു

കോണ്‍ഗ്രസില്‍ ചേര്‍ന്നതിന്റെ പൂര്‍ണ ഉത്തരവാദിത്തം കെ. സുരേന്ദ്രനും സംഘത്തിനും;ഇനി സ്നേഹത്തിന്റെ കടയിലെന്ന് സന്ദീപ് വാര്യര്‍

പാലക്കാട്: നേതൃത്വവുമായി ഇടഞ്ഞ് നില്‍ക്കുന്ന ബി.ജെ.പി നേതാവ് സന്ദീപ് വാര്യര്‍ കോണ്‍ഗ്രസിൽ ചേർന്നു. കേരളത്തിന്റെ ചുമതലയുള്ള എ.ഐ.സി.സി സെക്രട്ടറി ദീപാ ദാസ് മുന്‍ഷി, കെ.പി.സി.സി പ്രസിഡന്റ് കെ.സുധാകരൻ,പ്രതിപക്ഷ നേതാവ് വി.ഡി. സതീശന്‍,ഉള്‍പ്പടെയുള്ള നേതാക്കൾ ചേർന്ന് സന്ദീപിനെ സ്വാഗതം ചെയ്തു. വൻ സ്വീകരണമാണ് പാലക്കാട്ട് സന്ദീപിന് കോൺഗ്രസ് നേതാക്കളൊരുക്കിയത്.
ബി.ജെ.പി സംസ്ഥാന നേതൃത്വവുമായി ഏറെ നാളുകളായി ഇടഞ്ഞു നിന്നിരുന്ന സന്ദീപ് വാര്യര്‍ പാലക്കാട് ഉപതിരഞ്ഞെടുപ്പുമായി ബന്ധപ്പെട്ടാണ് ബിജെപി വിടാനുള്ള തീരുമാനത്തിലേക്ക് എത്തിയത്‌. പ്രചരണ രംഗത്ത് അദ്ദേഹം സജീവമല്ലാതായതോടെ പാര്‍ട്ടി വിടുമെന്ന ചര്‍ച്ചകള്‍ സജീവമായിരുന്നു.

'കൈപിടിച്ച്' സന്ദീപ് വാര്യർ; ബിജെപി വിട്ട്  കോണ്‍ഗ്രസില്‍ ചേര്‍ന്നു,സ്വീകരിച്ച് നേതാക്കൾ

പാലക്കാട്: നേതൃത്വവുമായി ഇടഞ്ഞ് നില്‍ക്കുന്ന ബി.ജെ.പി നേതാവ് സന്ദീപ് വാര്യര്‍ കോണ്‍ഗ്രസിലേക്ക്. ഇക്കാര്യം പ്രഖ്യാപിക്കാനായി കോണ്‍ഗ്രസ് നേതൃത്വം അല്‍പസമയത്തിനകം വാര്‍ത്താ സമ്മേളനം വിളിക്കും. കേരളത്തിന്റെ ചുമതലയുള്ള എ.ഐ.സി.സി സെക്രട്ടറി ദീപാ ദാസ് മുന്‍ഷി, പ്രതിപക്ഷ നേതാവ് വി.ഡി. സതീശന്‍ ഉള്‍പ്പടെയുള്ള നേതാക്കളുമായി സന്ദീപ് ചര്ച്ചനടത്തി
ബി.ജെ.പി സംസ്ഥാന നേതൃത്വവുമായി ഏറെ നാളുകളായി ഇടഞ്ഞു നിന്നിരുന്ന സന്ദീപ് വാര്യര്‍ പാലക്കാട് ഉപതിരഞ്ഞെടുപ്പുമായി ബന്ധപ്പെട്ടാണ് ബിജെപി വിടാനുള്ള തീരുമാനത്തിലേക്ക് എത്തിയത്‌. പ്രചരണ രംഗത്ത് അദ്ദേഹം സജീവമല്ലാതായതോടെ പാര്‍ട്ടി വിടുമെന്ന ചര്‍ച്ചകള്‍ സജീവമായിരുന്നു

സന്ദീപ് വാര്യര്‍ കോണ്‍ഗ്രസിലേക്ക് ;ഉടൻ പ്രഖ്യാപനമുണ്ടായേക്കും

പേരാമ്പ്ര: മേപ്പയ്യൂർ ബ്ലോക്ക് കോൺഗ്രസ്സ് കമ്മറ്റിയുടെ നേതൃത്വത്തിൽ ജവഹർ ലാൽ നെഹ്റു അനുസ്മരണം നടത്തി. മേപ്പയ്യൂർ ഇന്ദിരാഭവനിൽ നടന്ന ചടങ്ങ് ഡി സി സി ജനറൽ സെക്രട്ടറി ഇ അശോകൻ ഉദ്ഘാടനം ചെയ്തു. നെഹ്റുവിൻ്റെ ദീർഘവീക്ഷണത്തോടെയുള്ള നയങ്ങളാണ് രാജ്യത്ത് ഇന്ന് കാണുന്ന പുരോഗതിക്ക് കാരണമെന്ന് ഇദ്ദേഹം അനുസ്മരിച്ചു.&nbsp;
ബ്ലോക്ക് പ്രസിഡണ്ട് കെ പി രാമചന്ദ്രൻ അധ്യക്ഷത വഹിച്ചു. കെ എസ് യു ജില്ലാ സെക്രട്ടറി ഫായിസ് നടുവണ്ണൂർ മുഖ്യപ്രഭാഷണം നടത്തി. കെ പി വേണുഗോപാലൻ , രാമദാസ് സി , കെ വി ശശികുമാർ , മുരളി കൈപ്പുറത്ത്, ആർ പി ഷോഭിഷ്, പി കെ അനീഷ് , കെ എം ശ്യാമള , ഷബീർ ജന്നത്ത്, ജിഷ മാടായി, കിഷോർ കാന്ത് , വിജയൻ ആവള , സി എം ബാബു , കെ പി അബ്ദുറഹിമാൻ , മുണ്ടിയത്ത് കുഞ്ഞമ്മദ് , അനുരാഗ് കെ കെ , ആദിൽ മുണ്ടിയത്ത് , എം എം അർഷിന എന്നിവർ സംസാരിച്ചു.

ജവഹർ ലാൽ നെഹ്റു അനുസ്മരണം നടത്തി

വടകര : ദേശീയപാത നിർമ്മാണവുമായി ബന്ധപ്പെട്ട് ചോറോട് പെരുവാട്ടം താഴയിൽ ഗതാഗതത്തിനായി ഉപയോഗിക്കുന്ന സർവീസ് റോഡ് ഉടൻ റീ-ടാർ ചെയ്യണമെന്ന് ചോറോട് മണ്ഡലം കോൺഗ്രസ് കമ്മിറ്റി ആവശ്യപ്പെട്ടു. നിലവിൽ തകർന്നു കിടക്കുന്ന സർവീസ് റോഡിൽ ഗതാഗതം ദുഷ്കരമാകുന്നത് മേഖലയിൽ വൻ ട്രാഫിക് ബ്ലോക്കിനും അപകടത്തിനും കാരണമാകുന്നുണ്ട്. റോഡിൽ രൂപപ്പെട്ട വലിയ ഗർത്തങ്ങൾ ബൈക്ക് യാത്രക്കാർ ഉൾപ്പെടെയുള്ളവർക്ക് അപകടം ഉണ്ടാക്കുന്നുണ്ട്. തകർന്ന സ്ഥലങ്ങളിൽ ക്വാറി വേസ്റ്റ് ഇടുന്നത് മൂലം പൊടി ശല്യവും കൂടുതലാണ്. കണ്ണൂർ ഭാഗത്തുനിന്ന് പഴയ സ്റ്റാൻഡിലേക്ക് വരുന്ന വാഹനങ്ങൾ പെരുവട്ടം താഴ ജംഗ്ഷനിൽ നിന്ന് തിരിഞ്ഞാണ് പഴയ സ്റ്റാൻഡ് ഭാഗത്തേക്ക്‌ പോകേണ്ടത്. ആ ഭാഗത്തും കുഴികൾ രൂപപ്പെട്ടത് മൂലം ഗതാഗത കുരുക്കിനും അപകടത്തിനും ഇടയാക്കുന്നുണ്ട്.&nbsp;
മാത്രമല്ല പെരുവാട്ടം താഴ ജംഗ്ഷനിൽ കിഴക്കുഭാഗത്തായി പ്രവർത്തിക്കുന്ന വാഗഡ് കമ്പനിയുടെ കോൺഗ്രീറ്റ് മിക്സിങ് സ്ഥലത്ത് നിന്ന് വരുന്ന വെള്ളം റോഡിൽ ഒഴുക്കുന്നതും റോഡിന്റെ ശോചനീയാവസ്ഥക്ക് കാരണമാകുന്നുണ്ട്. ഇതിൽ അടിയന്തിര നടപടി സ്വീകരിക്കണമെന്നും അല്ലാത്ത പക്ഷം ശക്തമായ സമരവുമായി മുന്നോട്ട് വരുമെന്നും യോഗം മുന്നറിയിപ്പ് നൽകി. മണ്ഡലം കോൺഗ്രസ് കമ്മിറ്റി പ്രസിഡണ്ട് അഡ്വ: പി. ടി. കെ നജ്മൽ അധ്യക്ഷത വഹിച്ചു. ഭാസ്കരൻ.എ, ബിന്ദു വാഴയിൽ, ബാലകൃഷ്ണൻ ചെനേങ്കിയിൽ, ഷാജി.ഐ, രാജൻ കുഴിച്ചാലിൽ, ശിവകുമാർ പി. കെ, പ്രഭാകരൻ. ഇ. കെ, സുകുമാരൻ ബാലവാടി, കെ.കെ മോഹൻദാസ്, ഗോകുൽദാസ്, ബാലകൃഷ്ണൻ. എ, വിനോദൻ കൂടത്തിൽ, നജീബ് ചോറോട്, ശ്രീനിവാസൻ കുരിക്കിലാട് തുടങ്ങിയവർ സംസാരിച്ചു.

ഗതാഗത കുരുക്കും അപകടവും; ചോറോട് തകർന്ന സർവീസ് റോഡ് റീടാർ ചെയ്യണമെന്ന് കോൺഗ്രസ്

Vadakara

വടകര: ജില്ലാ സ്കൂൾക്രിക്കറ്റ്‌ ടീമിലേക്ക് സെലക്ഷൻ ലഭിച്ച വാളാഞ്ഞിയിലെ ബൈജു- സുരേഖ ദമ്പതികളുടെ മകൻ എസ്.ബി ആൽവിനെ ആയഞ്ചേരി മണ്ഡലം കോൺഗ്രസ്‌ കമ്മിറ്റിയുടെ ആഭിമുഖ്യത്തിൽ അനുമോദിച്ചു. മണ്ഡലം പ്രസിഡന്റ്‌ ദാമോദരൻ കണ്ണോത്ത് അദ്ധ്യക്ഷം വഹിച്ചു. കുറ്റ്യാടി ബ്ലോക്ക്‌ കോൺഗ്രസ്‌ പ്രസിഡന്റ്‌ ശ്രീജേഷ്ഊരത്ത് ഉപഹാരം നൽകി. മലയിൽ ബാലകൃഷ്ണൻ, ടി. എൻ. അബ്ദുൽനാസർ, എൻ. കെ. ബാലകൃഷ്ണൻ, സുപ്രസാദൻ, സി. എച്ച് പത്മനാഭൻ, സമീർ, കണ്ണോത്ത് പത്മനാഭൻ , മുഹമ്മദ് യൂനുസ്, എൻ. കെ. അശോകൻ, വി. കെ. രാജൻ, കെ. എം വേണു, ആയഞ്ചേരി നാരായണൻ, ബാബു കുളങ്ങരത്ത് എന്നിവർ സംസാരിച്ചു. ഷിജു വളാഞ്ഞി സ്വാഗതം പറഞ്ഞു.

എസ് ബി അൽവിൻ ജില്ലാ ക്രിക്കറ്റ് ടീമിലേക്ക്; കോൺഗ്രസ് കമ്മറ്റി അനുമോദിച്ചു

വടകര: വടക്കെ തിരുമംഗലത്ത് ബാബുവിൻ്റെ ഒന്നാം വാർഷിക അനുസ്മരണ ദിനാചരണവും പുഷ്പാർച്ചനയും ചോറോട് പഞ്ചായത്ത് അഞ്ചാം വാർഡ് കോൺഗ്രസ്സ് കമ്മറ്റിയുടെ നേതൃത്യത്തിൽ ആചരിച്ചു. അഞ്ചാം വാർഡ് മുൻ വൈസ് പ്രസിഡണ്ടായിരുന്നു ബാബു.
വാർഡ് പ്രസിഡണ്ട് കെ.കെ പവിത്രരാജൻ അധ്യക്ഷത വഹിച്ച യോഗം വടകര ബ്ലോക്ക് മഹിളാ കോൺഗ്രസ്സ് പ്രസിഡണ്ട് മഠത്തിൽ പുഷ്പ ഉദ്ഘാടനം ചെയ്തു. മരത്തപ്പള്ളി രവി, കെ.കെ.മോഹൻദാസ്, കനോത്ത് ചന്ദ്രൻ , ഗോപാലകൃഷ്ണൻ, ബാലകൃഷ്ണൻ, പത്മാവതി, കെ.സുരേന്ദ്രനാഥ്, അസീസ്, വിനോദ് , കുന്നിക്കാവിൽ വാസു എന്നിവർ സംസാരിച്ചു.

വടക്കെ തിരുമംഗലത്ത് ബാബുവിനെ അനുസ്മരിച്ചു

നാദാപുരം : നാദാപുരം-കല്ലാച്ചി സംസ്ഥാന പാതയിലെ കുഴികൾ അടക്കണമെന്നും ഗതാഗത പ്രശ്നം പരിഹരിക്കണമെന്നും ആവശ്യപ്പെട്ട് കോൺഗ്രസ് സമരം. നാദാപുരം ടൗണിലേയും കല്ലാച്ചിയിലേയും വാരിക്കുഴികളിൽ വീണ് ആളുകൾക്ക് പരുക്ക് പറ്റുന്ന അവസ്ഥയിലാണ് കോൺഗ്രസ് പ്രവർത്തകർ സമരവുമായി രംഗത്തെത്തിയത്. കല്ലാച്ചിയിൽ നിന്നും പ്രകടനമായി വന്ന പ്രവർത്തകർ കസ്തൂരിക്കുളത്തെ റോഡിലെ വലിയ ഗർത്തത്തിനടുത്തു നിലയുറപ്പിച്ചു മുദ്രാവാക്യം വിളിച്ചു. തുടർന്ന് കുഴിയിൽ വാഴ നട്ടു.
മണ്ഡലം പ്രസിഡണ്ട് വി വി റിനീഷ് അധ്യക്ഷനായി. ബ്ലോക്ക് കോൺഗ്രസ് പ്രസിഡന്റ് മോഹനൻ പാറക്കടവ് ഉദ്ഘാടനം ചെയ്തു. അഡ്വ: കെ.എം രഘുനാഥ്, അഡ്വ എ സജീവൻ, പി.കെ ദാമു, ടി.രവീന്ദ്രൻ തുടങ്ങിയവർ സംസാരിച്ചു. എരഞ്ഞിക്കൽ വാസു, എം.കെ.പ്രേംദാസ് ,കോടിക്കണ്ടി മെയ്തു, അഖിലമര്യാട്ട്, കെ പ്രേമൻ, എ.വി മുരളീധരൻ, ഉമേഷ് പെരുവങ്കര, ഒ പിഭാസ്കർ, പി വി ചാത്തു, റീന കിണേമ്പ്രമ്മൽ, ബീന അണിയാരീമ്മൽ, എം.കെ വിജേഷ് എന്നിവർ നേതൃത്വം നൽകി.

കല്ലാച്ചിയിൽ റോഡിലെ കുഴിയിൽ വാഴനട്ട് കോൺഗ്രസ് പ്രതിഷേധം

പാലക്കാട്: പാലക്കാട് ഉപതിരഞ്ഞെടുപ്പില്‍ രാഹുല്‍ മാങ്കൂട്ടത്തിലിനെ സ്ഥാനാര്‍ഥിയാക്കിയതിനെതിരേ വീണ്ടും വിമര്‍ശനവുമായി ബി.ജെ.പി.നേതാവ് പത്മജാ വേണുഗോപാല്‍. പാലക്കാടൊന്നും ആരുമില്ലേ സ്ഥാനാര്‍ഥിയായി നിര്‍ത്താനെന്നും പത്തനംതിട്ടയില്‍നിന്ന് കൊണ്ടുവരേണ്ടതുണ്ടോ എന്നും പത്മജ ചോദിച്ചു.
കെ. മുരളീധരന്‍ ഒരിക്കലും സ്വന്തം താല്‍പര്യപ്രകാരം പാലക്കാട്ട് തിരഞ്ഞെടുപ്പ് പ്രചാരണത്തിന് വരില്ലെന്നും പത്മജ പറഞ്ഞു. മുരളീധരന്‍ അമ്മക്കുട്ടിയായിരുന്നു. അമ്മ എന്നു പറഞ്ഞാല്‍ അദ്ദേഹത്തിന് അത്ര ജീവനായിരുന്നു. ആ അമ്മയെ പറഞ്ഞ ആരോടും മുരളീധരന്‍ മനസ്സില്‍ ക്ഷമിക്കില്ല. അത് തനിക്ക് അറിയാം. പാര്‍ട്ടി പറഞ്ഞാല്‍ അദ്ദേഹത്തിന് പലതും ചെയ്യേണ്ടിവരും. എന്റെ ജീവിതത്തില്‍ മുരളീധരന്‍ കരഞ്ഞുകണ്ടത് അമ്മ മരിച്ച സമയത്താണ്. അച്ഛന്‍ മരിച്ച സമയത്ത് സ്‌ട്രോങ്ങായി നിന്നയാളാണ്. അത്രയ്ക്ക് അമ്മയോട് അടുപ്പമുള്ളയാണ്. രാഹുല്‍ ജയിക്കാന്‍ അദ്ദേഹം ഒരിക്കലും മനസ്സില്‍ ആഗ്രഹിക്കില്ല, പത്മജ കൂട്ടിച്ചേര്‍ത്തു

അമ്മയെ പറഞ്ഞ ആരോടും മുരളീധരന്‍ ക്ഷമിക്കില്ല; രാഹുല്‍ ജയിക്കാന്‍ അദ്ദേഹം ആഗ്രഹിക്കില്ലെന്നും പത്മജ

പാലക്കാട്: എല്‍.ഡി.എഫ്. സ്ഥാനാര്‍ഥി പി. സരിന് ഹസ്തദാനം നല്‍കാന്‍ വിസമ്മതിച്ച കോണ്‍ഗ്രസ് സ്ഥാനാര്‍ഥി രാഹുല്‍ മാങ്കൂട്ടത്തിലിനും ഷാഫി പറമ്പില്‍ എം.പിക്കുമെതിരെ ബി.ജെ.പി. നേതാവ് പത്മജ വേണുഗോപാല്‍. കോണ്‍ഗ്രസ് കുട്ടിനേതാക്കളുടെ നിലവാരമില്ലായ്മയാണ് ഇവിടെ തെളിഞ്ഞുകാണുന്നതെന്ന് പറഞ്ഞ പത്മജ, ഇത് രാഷ്ട്രീയം മാറ്റിവെച്ചുള്ള തന്റെ അഭിപ്രായമാണെന്നും വ്യക്തമാക്കി. ഫെയ്‌സ്ബുക്കിലൂടെയായിരുന്നു പത്മജ വേണുഗോപാലിന്റെ പ്രതികരണം.
'രാഷ്ട്രീയ അഭിപ്രായ വ്യത്യാസങ്ങള്‍ ഉണ്ടാകാം. ഇവിടെ സരിന്റെ രാഷ്ട്രീയ മാന്യതയാണ് ഉയര്‍ന്നത്. എതിര്‍ സ്ഥാനാര്‍ത്ഥി കൈ കൊടുത്തില്ലെങ്കില്‍ സരിന് ഒന്നുമില്ല. പക്ഷേ കോണ്‍ഗ്രസ് കുട്ടി നേതാക്കളുടെ നിലവാരമില്ലായ്മയാണ് ഇവിടെ തെളിഞ്ഞു കാണുന്നത്. ഇക്കാര്യത്തില്‍ രാഷ്ട്രീയം മാറ്റി വെച്ചുള്ള എന്റെ അഭിപ്രായമാണിത്.' -പത്മജ ഫെയ്‌സ്ബുക്കില്‍ കുറിച്ചു.
താന്‍ കോണ്‍ഗ്രസ് വിട്ടപ്പോള്‍ തന്റെ അമ്മയെ സംസ്‌കാരശൂന്യമായി അധിക്ഷേപിച്ച പയ്യനല്ലേ ഈ രാഹുല്‍ എന്ന ആമുഖത്തോടെയായിരുന്നു പത്മജയുടെ ഫെയ്‌സ്ബുക്ക് പോസ്റ്റ്.
ഒരു കല്യാണ ചടങ്ങിനിടെ കണ്ടപ്പോഴാണ് രാഹുല്‍ മാങ്കൂട്ടത്തിലും ഷാഫി പറമ്പിലും പി. സരിന് ഹസ്തദാനം നല്‍കാതെ പോയത്. മുന്‍ കോണ്‍ഗ്രസ് നേതാവ് എ.വി. ഗോപിനാഥിന് ഇരുവരും കൈക്കൊടുക്കുകയും ആലിംഗനം ചെയ്യുകയും ചെയ്‌തെങ്കിലും സരിനെ ​ഗൗനിക്കാതെ പോകുകയായിരുന്നു.

എന്റെ അമ്മയെ സംസ്‌കാരശൂന്യമായി അധിക്ഷേപിച്ച പയ്യനല്ലേ രാഹുല്‍ ;കോണ്‍ഗ്രസ് കുട്ടിനേതാക്കളുടെ നിലവാരമില്ലായ്മയെന്ന് പത്മജ

ചെരണ്ടത്തൂർ: ഇന്ദിരാഗാന്ധിയുടെ നാല്പതാമത് രക്തസാക്ഷിത്വ ദിനം ചെരണ്ടത്തൂർ വാർഡ് കോൺഗ്രസ് കമ്മിറ്റിയുടെ നേതൃത്വത്തിൽ വിവിധ പരിപാടികളോടെ ആചരിച്ചു. തറമ്മൽ പീടികയ്ക്ക് സമീപം നിർമ്മിച്ച രക്തസാക്ഷി സ്തൂപത്തിൽ പ്രവർത്തകർ പുഷ്പാർച്ചന നടത്തി. അനുസ്മരണ സമ്മേളനം കോൺഗ്രസ് നേതാവ് കാവിൽ പി മാധവൻ ഉദ്ഘാടനം ചെയ്തു. വാർഡ് പ്രസിഡണ്ട്‌ പ്രകാശൻ പാറോൽ അധ്യക്ഷത വഹിച്ചു. ചന്ദ്രൻ മൂഴിക്കൽ മുഖ്യ പ്രഭാഷണം നടത്തി.ബ്ലോക്ക് കോൺഗ്രസ് പ്രസിഡണ്ട് പി.സി ഷീബ, ചാലിൽ അഷ്റഫ്, പി.എം അഷ്റഫ്, ഗീമേഷ് മങ്കര, കെ.കെ പ്രശാന്ത്, ഒ.പി പ്രമീള എന്നിവർ പ്രസംഗിച്ചു.

ഇന്ദിരാഗാന്ധി അനുസ്മരണം നടത്തി

വൈക്കിലശ്ശേരി: മുൻ പ്രധാനമന്ത്രി ഇന്ദിരാഗാന്ധിയുടെ നാല്പതാം രക്ഷസാക്ഷിത്വദിനത്തിൽ ചോറോട് മണ്ഡലം 5-ാം വാർഡ് കോൺഗ്രസ് കമ്മിറ്റിയുടെ നേതൃത്വത്തിൽ അനുസ്മരണ സദസ്സും പുഷ്പാർച്ചനയും സംഘടിപ്പിച്ചു. അനുസ്മരണ സദസ്സ് പുത്തൻപുരയിൽ ബാലക്കുറുപ്പ് ഉദ്ഘാടനം ചെയ്തു. വാർഡ് പ്രസിഡണ്ട് കെ കെ പവിത്രരാജൻ അധ്യക്ഷത വഹിച്ച യോഗത്തിൽ മഠത്തിൽ പുഷ്പ, മരത്തപ്പള്ളി രവി, കെ.കെ.മോഹൻദാസ്, കെ.സുരേന്ദ്രനാഥ് , പത്മാവതി, മുരളീധരൻ, അഭിലാഷ്, ബിന്ദു വാഴയിൽ എന്നിവർ സംസാരിച്ചു.

അനുസ്മരണ സദസ്സും പുഷ്പാർച്ചനയും

തൊട്ടിൽപ്പാലം: പ്രിയദർശിനി ഇന്ദിരാഗാന്ധിയുടെ നാൽപ്പതാം രക്തസാക്ഷിത്വത്തോടനുബന്ധിച്ച് കാവിലുംപാറ ഗവ ഹൈസ്കൂളിന്റെ സമീപം ബൂത്ത് പ്രസിഡണ്ട് എം ഡി നാരായണന്റെ നേതൃത്വത്തിൽ ഛായാചിത്രത്തിൽ പുഷ്പാർച്ചന നടത്തി. അനുസ്മരണ സംഗമത്തിൽ കാവിലുംപാറ ബ്ലോക്ക്‌ പ്രസിഡണ്ട് ജമാൽ കോരംങ്കോട്ട് വർഗീയ വിരുദ്ധ പ്രതിജ്ഞ ചൊല്ലി.&nbsp;
മുൻ കെ പി സി സി മെമ്പർ കെ പി രാജൻ, കെ.സി ബാലകൃഷ്ണൻ, ബ്ലോക്ക് ഭാരവാഹികളായ ഒ രവീന്ദ്രൻ , സി പി ജിനചന്ദ്രൻ, ഒ ടി ഷാജി, ഹമീദ് കെ പി, ഫിറോസ്, മണ്ഡലം ഭാരവാഹികളായ പി കെ ബാബു, കെ ടി രാജൻ, കെ.വാസു, സുരേന്ദ്രൻ കൊളോറ, പവിത്രൻ പാലോറ, കണ്ടോത്ര രാജൻ, കെ ടി കെ ബാലൻ, കെ പി പ്രഭാകരൻ തുടങ്ങിയവർ പങ്കെടുത്തു.

ഇന്ദിരാഗാന്ധി രക്തസാക്ഷിത്വ ദിനത്തിൽ പുഷ്പാർച്ചനയും അനുസ്മരണ സംഗമവും

വടകര: മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ അഞ്ചു വിളക്കിനു സമീപം ഇന്ദിരാഗാന്ധി അനുസ്മരണവും പുഷ്പാർച്ചനയും ഐക്യദാർഢ്യ പ്രതിജ്ഞയും സംഘടിപ്പിച്ചു. മണ്ഡലം പ്രസിഡണ്ട് വി.കെ. പ്രേമൻ അധ്യക്ഷത വഹിച്ച അനുസ്മരണ പരിപാടി ഡി.സി.സി വൈസ്: പ്രസിഡന്റ് അഡ്വ ഇ.കെ. നാരായണൻ നായർ ഉദ്ഘാടനം ചെയ്തു.&nbsp;
അനുസ്മരണ യോഗത്തിൽ സതീശൻ കുരിയാടി, പുറന്തോടത്ത് സുകുമാരൻ, നടക്കൽ വിശ്വനാഥൻ, കൊറോത്ത് ബാബു, ലത്തീഫ് കല്ലറയിൽ, നാസർ മീത്തൽ,കമറുദ്ധീൻ കുരിയാടി, ടി. പി. ശ്രീലേഷ്, എം.സുരേഷ് ബാബു, അജിത് പ്രസാദ് കുയ്യാലിൽ, രഞ്ജിത്ത് കണ്ണോത്ത്, ഷംസുദ്ദീൻ കല്ലിങ്കൽ, ഭാസ്കരൻ വി കെ, രാജൻ. എം, നിരേഷ് എടോടി, എം. വേണുഗോപാൽ എന്നിവർ സംസാരിച്ചു.

ഇന്ദിരാഗാന്ധി അനുസ്മരണവും പുഷ്പാർച്ചനയും

തിരുവനന്തപുരം: കോണ്‍ഗ്രസ് ചത്ത കുതിരയാണെന്ന് പരിഹസിച്ച് എസ്.എന്‍.ഡി.പി ജനറല്‍ സെക്രട്ടറി വെളളാപ്പള്ളി നടേശന്‍. അഞ്ചുപേരാണ് കോണ്‍ഗ്രസ്സിനുളളില്‍ മുഖ്യമന്ത്രിയാവാന്‍ ഒരുങ്ങി നില്‍ക്കുന്നതെന്നും വെള്ളാപ്പള്ളി പറഞ്ഞു.
പാലക്കാട്ടെ ത്രികോണ മത്സരത്തില്‍ ഗുണം കിട്ടുന്നത് ഇടതുപക്ഷത്തിനായിരിക്കുമെന്നും സരിന്‍ മിടുക്കനായ സ്ഥാനാര്‍ഥിയാണെന്നും വെളളാപ്പള്ളി അഭിപ്രായപ്പെട്ടു. അടുത്ത തവണയും എല്‍ഡിഎഫ് തന്നെ ഭരണത്തില്‍ വരുമെന്നും അദ്ദേഹം പറഞ്ഞു.പാലക്കാട് ഇടതുസ്വതന്ത്ര സ്ഥാനാര്‍ഥി പി. സരിന്‍ വെളളാപ്പള്ളിയുമായി കൂടിക്കാഴ്ച നടത്തിയിരുന്നു.

കോണ്‍ഗ്രസ് ചത്ത കുതിര ;അഞ്ചുപേർ മുഖ്യമന്ത്രിയാവാന്‍ ഒരുങ്ങി നില്‍ക്കുന്നു;പരിഹസിച്ച് വെളളാപ്പള്ളി നടേശന്‍

പുറമേരി : മിഷൻ 2025 ൻ്റെ ഭാഗമായി പുറമേരി മണ്ഡലത്തിലെ 4 ,13 വാർഡുകളുടെ സമ്മേളനം മണ്ഡലം പ്രസിഡണ്ട് പി അജിത്തിന്റെ അധ്യക്ഷതയിൽ കോൺഗ്രസ് നേതാവ് കെ.കെ അബ്ദുല്ല ഉദ്ഘാടനം ചെയ്തു. ടി കുഞ്ഞികണ്ണൻ ,വാർഡ് മെമ്പർ ഇ.ടി.കെ രജീഷ്, മൊയ്തു, പനമ്പറ പ്രഭാകരൻ, ടി കെ ശശി,വി കെ അശോകൻ, ധന്യ തോണിയത്ത് എന്നിവർ സംസാരിച്ചു. നാലാം വാർഡ് പ്രസിഡൻറായി ടി.കെ ശശിയെയും പതിമൂന്നാം വാർഡ് പ്രസിഡൻറയി പനമ്പറ ശ്രീജിത്തിനെയും തിരഞ്ഞെടുത്തു.

പുറമേരിയിൽ കോൺഗ്രസ് ബൂത്ത് സമ്മേളനം

ചേലക്കര: ഇടക്കാലത്ത് കൈവിട്ട് പോയെങ്കിലും ചേലക്കര കോണ്‍ഗ്രസിന്റെ ഉറച്ചകോട്ടയാണെന്ന് മുതിർന്ന നേതാവ് വി.എം. സുധീരന്‍. ഇത്തവണ മണ്ഡലം തിരിച്ചുപിടിക്കണമെന്ന ഉറച്ചവാശി പ്രവര്‍ത്തകരില്‍ കാണാന്‍ കഴിയുന്നുണ്ടെന്നും അദ്ദേഹം പറഞ്ഞു. കമ്മ്യൂണിസ്റ്റ് പ്രസ്ഥാനങ്ങള്‍ക്ക് പോലും അപമാനകരമായ ഭരണമാണ് പിണറായി വിജയന്‍ സര്‍ക്കാര്‍ നടത്തുന്നത്.&nbsp;
പിണറായി വിജയന്റെ ഭരണം കേരളത്തെ സര്‍വനാശത്തിലേക്കാണ് എത്തിച്ചിരിക്കുന്നത്. ജനങ്ങളുടെ മനസില്‍ ഇത്ര മടുപ്പുളവാക്കുന്ന ഒരു സര്‍ക്കാര്‍ ഇതുവരെ വന്നിട്ടില്ല. സര്‍വമേഖലയിലും പരാജയമാണ് ഈ സര്‍ക്കാര്‍. സ്വാര്‍ത്ഥതാൽപര്യങ്ങള്‍ക്ക് വേണ്ടി മാത്രം നിലകൊള്ളുന്ന ഭരണമാണ് ഇതെന്നും അദ്ദേഹം പറഞ്ഞു. ബി.ജെ.പിയുടെ സാന്നിധ്യവും ഭീഷണിയായി കാണുന്നില്ല. പാലക്കാടോ, ചേലക്കരയിലോ വയനാട്ടിലോ ബി.ജെ.പിക്ക് ഒരു ചലനവുമുണ്ടാക്കാന്‍ സാധിക്കില്ലെന്നും സുധീരന്‍ അഭിപ്രായപ്പെട്ടു.ഇന്ത്യന്‍ നാഷണല്‍ കോണ്‍ഗ്രസ് ഒരു ജനാധിപത്യ പ്രസ്ഥാനമാണ്. എതിര്‍പ്പുകളും മറ്റും പല സന്ദര്‍ഭങ്ങളിലായി പുറത്തുവരും. എന്നാല്‍, പാര്‍ട്ടി നേതൃത്വം സ്ഥാനാര്‍ഥികളെ പ്രഖ്യാപിച്ച് കഴിഞ്ഞാല്‍ പിന്നീട് എതിര്‍പ്പുകള്‍ ഉണ്ടാകാന്‍ പാടില്ല. ആ തരത്തിലുള്ള പ്രവര്‍ത്തനങ്ങള്‍ ഉണ്ടാകരുതെന്നാണ് എന്റെ അഭിപ്രായം.അഭിപ്രായ വ്യത്യാസങ്ങള്‍ ഉണ്ടായിട്ടുണ്ടെങ്കിലും അതൊന്നും തിരഞ്ഞെടുപ്പിനെ ബാധിക്കില്ലെന്നാണ് സുധീരന്‍ പറയുന്നത്.

പിണറായി വിജയന്റെ ഭരണം കേരളത്തെ സര്‍വനാശത്തിലേക്കെത്തിച്ചുവെന്ന് വി.എം. സുധീരന്‍

കോഴിക്കോട്: കോൺ​ഗ്രസുകാരുടെ വെളള വസ്ത്രം തന്നെ ആകർഷിക്കാറുണ്ടെന്നും അതിനാൽ കോൺ​ഗ്രസുകാരനാകാൻ ആ​ഗ്രഹമുണ്ടെന്നും എഴുത്തുകാരൻ എം മുകുന്ദൻ. കോഴിക്കോട് കെ പി കേശവമേനോന്‍ ഹാളില്‍ നടന്ന സുഭാഷ് ചന്ദ്രന്റെ പുസ്തക പ്രകാശനച്ചടങ്ങില്‍ സംസാരിക്കുകയായിരുന്നു അദ്ദേഹം. കമ്യൂണിസ്റ്റ് നേതാക്കന്മാര്‍ വെള്ളവസ്ത്രം ധരിക്കാറില്ല. അവരെപ്പോഴും ക‌ടുത്ത നിറത്തിലുളള കുപ്പായങ്ങളാണ് ധരിക്കുന്നത്. കോൺ​ഗ്രസുക്കാരെ എപ്പോഴും വെളള വസ്ത്രത്തിലാണ് കാണുന്നത്. അത് തന്നെ ആകർഷിക്കാറുണ്ട്. അതിനാൽ കോണ്‍ഗ്രസുകാരനാവാന്‍ ആഗ്രഹമുണ്ടെന്ന് എം മുകുന്ദൻ പറഞ്ഞു.
വേദിയിലുണ്ടായ പ്രതിപക്ഷ നേതാവ് എം മുകുന്ദന് മറുപടിയായി ഇക്കാലത്ത് കമ്യൂണിസ്റ്റായാലും കോണ്‍ഗ്രസായാലും സത്യം പറയാനുള്ള ആര്‍ജവം മതിയെന്നാണ് പ്രതികരിച്ചത്. വി ഡി സതീശനൊപ്പമുളള ഒരു യാത്രാ അനുഭവവും എം മുകുന്ദൻ പങ്കുവെച്ചു. രാഷ്ട്രീയക്കാര്‍ പൊതുവേ വായിക്കാറില്ലയെന്ന് പറയാറുണ്ട്. ഒരിക്കല്‍ തിരുവനന്തപുരത്തേക്ക് തീവണ്ടിയില്‍ യാത്രയിൽ ഒരാൾ പുസ്തകം വായിക്കുന്നത് കണ്ട് അത്ഭുതപ്പെട്ടു. ആ വ്യക്തി വി ഡി സതീശനായിരുന്നു. രാഷ്ട്രീയക്കാരില്‍ അദ്ദേഹം നല്ലൊരു വായനക്കാരനാണ്. അന്ന് ട്രെയിനിൽ വെച്ച് അദ്ദേഹത്തെ കണ്ടപ്പോൾ എനിക്ക് വലിയ അത്ഭുതമായിരുന്നു. ഞാനൊരു കമ്യൂണിസ്റ്റ് സഹയാത്രികനാണല്ലോ അതുകൊണ്ട് കോണ്‍ഗ്രസ് നേതാവിന്റെ അടുത്തുപോവാന്‍ എനിക്ക് ഭയവും സന്ദേഹവുമുണ്ടായിരുന്നു. പക്ഷേ അന്ന് സതീശനുമായി കുറച്ചുനേരം സംസാരിച്ചുവെന്നും എം മുകുന്ദൻ പറഞ്ഞു.
ഇന്ന് വെളള വസ്ത്രത്തോടുളള ഇഷ്ടം സത്യ സന്ധമായി അദ്ദേഹം വിളിച്ചു പറഞ്ഞു. ഇക്കാലത്ത് അതുമതി. കമ്യൂണിസ്റ്റായാലും കോണ്‍ഗ്രസായാലും സത്യം പറയാനുള്ള ആര്‍ജവമാണ് വേണ്ടതെന്നും വി ഡി സതീശൻ പറഞ്ഞു. ജാതിയോ മതമോ രാഷ്ട്രീയമോ നോക്കിയല്ല ആളുകളെ വേര്‍തിരിച്ച് നിര്‍ത്തേണ്ടത്. ഒരുമിച്ച് നിന്നാണ് ചെറുത്ത് നില്‍പ് സംഘടിപ്പിക്കേണ്ടതെന്നും അദ്ദേഹം കൂട്ടിച്ചേർത്തു.

എന്നെ ആകർഷിച്ചത് വെളള വസ്ത്രം; കോൺ​ഗ്രസുകാരനാകാൻ ആ​ഗ്രഹമുണ്ടെന്ന് എം മുകുന്ദൻ

പാലക്കാട്: മൂന്നാം പിണറായി സർക്കാരിന് സാധ്യതയുണ്ടെന്ന് ഡോ. പി സരിൻ. രാഷ്ട്രീയ കാഴ്ചപ്പാടിലാണ് മുമ്പ് സി പി എമ്മിനെ വിമർശിച്ചതെന്നും താൻ പാർട്ടി മാറിയത് ശരിയായ തീരുമാനമാണെന്ന് ജനങ്ങൾ മനസിലാക്കുമെന്നും അദ്ദേഹം ഒരു മാധ്യമത്തോട് പറഞ്ഞു.
'ആർക്ക് ആരോടാണ് ഡീലെന്ന് ജനങ്ങൾ തീരുമാനിക്കും. എന്റെ പ്രതികരണം ചില ഇരിപ്പിടങ്ങളെ ഇളക്കിയിട്ടുണ്ട്. എന്റെ രാഷ്ട്രീയ ദൗത്യം അന്തസോടെ നിർവഹിക്കാൻ കിട്ടുന്ന ഒരവസരമായിട്ടാണ് ഇതിനെ കാണുന്നത്. ഇടതുപക്ഷത്തോട് ചേർന്ന് നിന്ന് എങ്ങനെയാണ് മൂന്നാം എൽ ഡി എഫ് സർക്കാർ അവതരിപ്പിക്കേണ്ടതെന്ന വലിയ രാഷ്ട്രീയ ദൗത്യത്തിന്റെ ഭാഗമാകാനാണ് ഞാൻ പോകുന്നത്. അതൊരു ചലഞ്ചിംഗ് റോളായിട്ടാണ് കാണുന്നത്.&nbsp;
കോൺഗ്രസ് എന്ത് പറഞ്ഞ് വോട്ട് ചോദിക്കും. സി പി എം മോശമാണെന്ന് മാത്രമല്ലേ അവർക്ക് പറയാനുള്ളൂ. ഈ പറച്ചിലിന് എന്താണ് മാനദണ്ഡമായി നൽകാനുള്ളത്.'- സരിൻ ചോദിച്ചു.സഖാവ് എന്ന വിളി കേട്ടുതുടങ്ങിയെന്നും അതിൽ സന്തോഷമുണ്ടെന്നും സരിൻ പറഞ്ഞു.ഭാര്യ സൗമ്യയ്‌ക്കെതിരായ സൈബർ ആക്രമണം ദൗർഭാഗ്യകരമാണെന്നും അദ്ദേഹം കൂട്ടിച്ചേർത്തു.

സഖാവ് എന്ന വിളി കേൾക്കുമ്പോൾ സന്തോഷം ;മൂന്നാം പിണറായി സർക്കാരിന് സാധ്യതയുണ്ടെന്നും പി സരിൻ

പാലക്കാട്: സ്ഥാനാര്‍ഥി പട്ടികയില്‍ തിരുത്തലുണ്ടാവണമെന്ന ആവശ്യവുമായി കോണ്‍ഗ്രസ് നേതാവ് പി. സരിന്‍. പാലക്കാട് സ്ഥാനാര്‍ഥിത്വത്തില്‍ തിരുത്തലുകളുണ്ടായില്ലെങ്കില്‍ ഹരിയാന ആവര്‍ത്തിക്കും. തോറ്റാല്‍ തോല്‍ക്കുന്നത് രാഹുല്‍ മാങ്കൂട്ടത്തിലല്ല രാഹുല്‍ ഗാന്ധിയാണ്. കോണ്‍ഗ്രസ് സ്ഥാനാര്‍ഥി ചര്‍ച്ച പ്രഹസനമായിരുന്നെന്നും നല്ല തീരുമാനത്തിന് കാത്തിരിക്കുകയാണെന്നും സരിന്‍ വാര്‍ത്താസമ്മേളനത്തില്‍ പറഞ്ഞു.
2016-ല്‍ പാര്‍ട്ടിയിലെത്തിയ ഒരു സാധാരണ രാഷ്ട്രീയ പ്രവര്‍ത്തകനാണ് താന്‍. നാടിന്റെ നല്ലതിന് വേണ്ടിയാണ് സിവില്‍ സര്‍വീസ് ജോലി രാജി വെച്ചത്. ശരിക്ക് വേണ്ടിയാണ് ഇറങ്ങിത്തിരിച്ചത്. താന്‍ മീഡിയ ഗ്രൂപ്പില്‍നിന്ന് ലെഫ്റ്റായി എന്നത് തെറ്റായ വാര്‍ത്തയാണെന്നും സരിൻ പറഞ്ഞു.
"ഞാന്‍ കഷ്ടപ്പെട്ട് ഉണ്ടാക്കിയ സ്‌ട്രെക്ചറാണ്. സോഷ്യല്‍ മീഡിയയില്‍ സജീവമായി ഇടപെട്ടു. അതിന് പാര്‍ട്ടിയില്‍നിന്ന് പിന്തുണ കിട്ടിയില്ല. സ്ഥാനാര്‍ഥികളെ കുറിച്ച് പ്രവര്‍ത്തകര്‍ക്ക് വലിയ പ്രതീക്ഷകളുണ്ട്. സിവില്‍ സര്‍വീസില്‍ ചേരുമ്പോള്‍ പത്ത് വര്‍ഷം കഴിഞ്ഞാല്‍ ജോലി രാജി വെക്കും എന്ന് കാമുകിയോട് പറഞ്ഞിരുന്നു. ആ വാക്ക് ഞാന്‍ പാലിച്ചു. 33-ാം വയസ്സിലാണ് സിവില്‍ സര്‍വീസ് രാജി വെച്ചത്. നാടിന് വേണ്ടി പ്രവര്‍ത്തിക്കാന്‍ ഒരു വേദി ഉണ്ടാവുക എന്നതായിരുന്നു പ്രധാന കാര്യം.
ഒറ്റപ്പാലത്ത് വാടകവീട്ടില്‍നിന്നാണ് പ്രവര്‍ത്തിച്ചത്. കുറച്ച് ആളുകളുടെ താത്പര്യങ്ങള്‍ക്ക് വഴങ്ങിക്കൊടുത്ത് പാര്‍ട്ടിയെ വരുതിയിലാക്കാന്‍ ശ്രമിക്കുന്നവരെ തിരുത്തിയില്ലെങ്കില്‍ പാലക്കാട്ട്‌ ഹരിയാന ആവര്‍ത്തിക്കും. കണ്ണടച്ച് ഇരുട്ടാക്കുന്നവരെ തിരുത്തിയില്ലെങ്കില്‍ വില കൊടുക്കേണ്ടി വരുന്നത് കോണ്‍ഗ്രസ് പാര്‍ട്ടിയാണ്. അല്ലെങ്കില്‍ തിരഞ്ഞെടുപ്പ് ഫലം കയ്യില്‍ നിക്കാത്ത സ്ഥിതി വരും. പാര്‍ട്ടിയുടെ ചില മൂല്യങ്ങളില്‍ ഇപ്പോഴും വിശ്വസിക്കുന്നുണ്ട്. അവസാന നിമിഷം വരെ പാര്‍ട്ടി തീരുമാനത്തില്‍ പ്രതീക്ഷയുണ്ടായിരുന്നു. പാര്‍ട്ടിയില്‍ തീരുമാനം എടുക്കുന്ന രീതി മാറി. കോണ്‍ഗ്രസ് പ്രസിഡന്റിനും രാഹുല്‍ ഗാന്ധിക്കും ഇന്നലെ കത്തെഴുതി. കത്തില്‍ എന്നെ സ്ഥാനാര്‍ഥിയാക്കിയാലുള്ള ഗുണങ്ങളെ കുറിച്ച് പറഞ്ഞിട്ടുണ്ട്. പാലക്കാട് ജയിച്ചേ പറ്റൂ. അല്ലെങ്കില്‍ ഇവിടെ തോല്‍ക്കുന്നത് രാഹുല്‍ മാങ്കൂട്ടത്തില്‍ അല്ല രാഹുല്‍ ഗാന്ധിയാണ്. പുനഃപരിശോധനയ്ക്ക് ശേഷവും രാഹുലാണ് മികച്ച സ്ഥാനാര്‍ഥിയെന്ന് പാര്‍ട്ടിക്ക് തോന്നിയാല്‍ അവിടെ തന്നെ പകുതി ജയിച്ചു.
ജയിലില്‍ കിടക്കുന്നത് മാത്രമല്ല ത്യാഗം. പാര്‍ട്ടിക്ക് തെറ്റ് പറ്റിയെങ്കില്‍ പാര്‍ട്ടി തിരുത്തണം. ഇത് എന്റെ ആവശ്യമല്ല. പാര്‍ട്ടിയെ സ്‌നേഹിക്കുന്ന ഒരുപാട് ആളുകളുടെ ആവശ്യമാണ്. പാര്‍ട്ടിയില്‍ സുതാര്യത ഉണ്ടാവണം. നല്ല തീരുമാനത്തിന് കാത്തിരിക്കുകയാണ്. കോണ്‍ഗ്രസ് സ്ഥാനര്‍ഥി ആരാണെന്ന് ഉറപ്പായതിന് ശേഷം മറ്റു കാര്യങ്ങള്‍ തീരുമാനിക്കുമെന്നും സരിന്‍ പറഞ്ഞു.

ജയിലില്‍ കിടക്കുന്നത് മാത്രമല്ല ത്യാഗം; സ്ഥാനാര്‍ഥി പട്ടികയില്‍ തിരുത്തലുണ്ടാവണം, കോൺഗ്രസ് നേതൃത്വത്തെ വിമർശിച്ച് പി.സരിൻ

ഉപതിരഞ്ഞെടുപ്പ് പ്രഖ്യാപിച്ച് മണിക്കൂറുകള്‍ക്കുള്ളിലാണ് കോണ്‍ഗ്രസ് സ്ഥാനാര്‍ഥികളെ പ്രഖ്യാപിച്ചത്. വയനാട് പ്രിയങ്ക ഗാന്ധി തന്നെ മത്സരിക്കുമ്പോള്‍ പാലക്കാട്ട് രാഹുല്‍ മാങ്കൂട്ടത്തിലും ചേലക്കര രമ്യ ഹരിദാസും തിരഞ്ഞെടുപ്പ് അങ്കത്തിനിറങ്ങും.
&nbsp;പാലക്കാട്ട് രാഹുല്‍ തന്നെ മത്സരിക്കുമെന്ന് തുടക്കം മുതല്‍ തന്നെ റിപ്പോര്‍ട്ടുകളുണ്ടായിരുന്നു. മണ്ഡലം നിലനിര്‍ത്താന്‍ ഏറ്റവും അനുയോജ്യനായ സ്ഥാനാര്‍ഥി രാഹുല്‍ തന്നെയാണെന്ന നിഗമനത്തില്‍ കോണ്‍ഗ്രസ് നേതൃത്വമെത്തുകയായിരുന്നു. ലോക്‌സഭാ തിരഞ്ഞെടുപ്പില്‍ പാലക്കാട് എം.എല്‍.എ ആയിരുന്ന ഷാഫി പറമ്പില്‍ വടകര മണ്ഡലത്തില്‍ നിന്ന് വിജയിച്ചതോടെയാണ് പാലക്കാട് ഉപതിരഞ്ഞെടുപ്പിലേക്ക് കടക്കുന്നത്. ഷാഫിയുടെ പിന്‍ഗാമിയായി മാങ്കൂട്ടത്തിലിനെ നിയമസഭയിലയക്കാനുള്ള ഒരുക്കത്തിലാണ് കോണ്‍ഗ്രസ്. ഷാഫിയുടെയും പ്രതിപക്ഷനേതാവ് വി.ഡി സതീശന്റേയും പൂർണ പിന്തുണയാണ് രാഹുലിന് നേട്ടമായത്.&nbsp;
2006-ല്‍ കെ.എസ്.യു വിലൂടെയാണ് രാഹുല്‍ മാങ്കൂട്ടത്തില്‍ രാഷ്ട്രീയ ജീവിതം ആരംഭിക്കുന്നത്. എന്‍.എസ്.യു ദേശീയ ജനറല്‍ സെക്രട്ടറി, കെ.എസ്.യു സംസ്ഥാന ജനറല്‍ സെക്രട്ടറി, കെ.എസ്.യു ജില്ലാ പ്രസിഡന്റ് തുടങ്ങിയ പദവികള്‍ വഹിച്ചിട്ടുണ്ട്. പത്തനംതിട്ട അടൂര്‍ സ്വദേശിയാണ്. സാമൂഹിക മാധ്യമങ്ങളില്‍ സജീവമായി ഇടപെടുന്നയാള്‍ കൂടിയാണ് രാഹുല്‍. ചാനല്‍ ചര്‍ച്ചകളിലെ കോണ്‍ഗ്രസിന്റെ മുഖമെന്ന നിലയില്‍ അണികള്‍ക്കിടയിലും രാഹുലിനെ ഇഷ്ടപ്പെടുന്നവരേറെയാണ്.&nbsp;
നിലവില്‍ യൂത്ത് കോണ്‍ഗ്രസ് സംസ്ഥാന അധ്യക്ഷനായ രാഹുല്‍ തന്റെ രാഷ്ട്രീയ ജീവിതത്തിലെ കന്നിയങ്കത്തുനുള്ള പോരാട്ടത്തിനാണ് ഇറങ്ങുന്നത്. പാര്‍ട്ടി തന്നത് വലിയൊരു അംഗീകാരമായി കണക്കാക്കുന്നുവെന്നും പൊതുവിലുള്ള രാഷ്ട്രീയ കാലാവസ്ഥ അനുകൂലമാണെന്നുമാണ് രാഹുലിന്റെ പ്രതികരണം.രാഹുല്‍ യൂത്ത് കോണ്‍ഗ്രസ് അധ്യക്ഷനായതുമുതല്‍ നിരവധി സമരപരിപാടികള്‍ക്കാണ് നേതൃത്വം കൊടുത്തത്. സര്‍ക്കാരിനെതിരേ പ്രതിപക്ഷനിരയില്‍ നിന്ന് ശക്തമായി വിമര്‍ശനമുന്നയിച്ച യുവനേതാക്കളിലൊരാള്‍ കൂടിയാണ് രാഹുല്‍. സര്‍ക്കാര്‍ വിരുദ്ധ സമരങ്ങളിലൂടെ ശ്രദ്ധേയനായി. ഈ വർഷമാദ്യം സെക്രട്ടറിയേറ്റ് മാര്‍ച്ചിനിടെയുണ്ടായ സംഘര്‍ഷവുമായി ബന്ധപ്പെട്ട് രാഹുൽ അറസ്റ്റിലായത് ഏറെ ചർച്ചയായിരുന്നു.

കോൺഗ്രസിന്റെ യുവമുഖം; ഷാഫി പറമ്പിലിന്റെ പിന്‍ഗാമിയാവാൻ രാഹുൽ മാങ്കൂട്ടത്തിൽ

പേരാമ്പ്ര: ആവളയിലെ കലാ - സാംസ്കാരിക - രാഷ്ട്രീയ പ്രവർത്തകനും, ആവള യു. പി സ്കൂൾ അദ്ധ്യാപകനുമായിരുന്ന രവി അരീക്കലിന്റെ 4 -ാം ചരമവാർഷിക ദിനാചരണം പത്തൊൻപത്തിന് നടക്കും. ആവള മഹാത്മ കൾച്ചറൽ ആന്റ് ചാരിറ്റബിൾ ട്രസ്റ്റ് സംഘടിപ്പിക്കുന്ന അനുസ്മരണ പരിപാടി ജില്ലാ പഞ്ചായത്ത് മെമ്പർ ദുൽഖിഫിൽ ഉദ്ഘാടനം ചെയ്യും. ഗ്രാമപഞ്ചായത്ത് വൈസ് പ്രസിഡന്റ് ആദില നിമ്പ്രാസ്, വേണുഗോപാൽ പേരാമ്പ്ര തുടങ്ങിയവർ സംബന്ധിക്കും.

രവി അരീക്കൽ അനുസ്മരണം 19 ന് ആവളയിൽ

Inshort

നാദാപുരം: സ്ത്രീവിരുദ്ധ രാഷ്ട്രീയത്തിന്റെ പര്യായമായി കേരളത്തിലെ പിണറായി സർക്കാർ മാറിയിരിക്കുകയാണെന്ന് മുൻ കെപിസിസി പ്രസിഡണ്ട് മുല്ലപ്പള്ളി രാമചന്ദ്രൻ അഭിപ്രായപ്പെട്ടു. ഹേമ കമ്മീഷൻ റിപ്പോർട്ട് നാലു വർഷത്തിലേറെ പൂഴ്ത്തി വെച്ചത് പിണറായി സർക്കാരിന്റെ സ്ത്രീവിരുദ്ധതയുടെ ഏറ്റവും വലിയ ഉദാഹരണമാണ്. സിനിമാ മേഖലയിലെ പ്രശ്നങ്ങൾ അറിഞ്ഞിട്ടും പിണറായിയുടെ മൗനമാണ് പ്രശ്നം സങ്കീർണമാക്കിയതെന്ന് അദ്ദേഹം പറഞ്ഞു.
നാദാപുരം ബ്ലോക്ക് മഹിളാ കോൺഗ്രസ് സാഹസ് ക്യാമ്പ് നാദാപുരത്ത് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പി കെ സുജാത അധ്യക്ഷത വഹിച്ചു. മഹിളാ കോൺഗ്രസ് ജില്ലാ പ്രസിഡണ്ട് ഗൗരി പുതിയടത്ത് മുഖ്യപ്രഭാഷണം നടത്തി. കാവിൽ പി മാധവൻ, അഡ്വ പ്രമോദ് കക്കട്ടിൽ, മോഹനൻ പാറക്കടവ്, സന്ധ്യ കരണ്ടോട്, വി കെ ബാലാമണി, കെ സുമിത ,അനില കൊക്കണീൻറവിട എന്നിവർ സംസാരിച്ചു. കോൺഗ്രസ് ബ്ലോക്ക് പ്രസിഡണ്ടായി കെ സുമിത ചടങ്ങിൽ വെച്ച് ചുമതലയേറ്റു.

ഇടതുമുന്നണി സ്ത്രീവിരുദ്ധതയുടെ പര്യായം; മുല്ലപ്പള്ളി രാമചന്ദ്രൻ

ന്യൂഡല്‍ഹി: എക്‌സിറ്റ്‌പോള്‍ പ്രവചനങ്ങളെ തള്ളി ഹരിയാണയില്‍ ഇഞ്ചോടിഞ്ച് പോരാട്ടം. തുടക്കത്തില്‍ കോണ്‍ഗ്രസ് മുന്നേറ്റമായിരുന്നെങ്കില്‍ വോട്ടെണ്ണല്‍ ഒരു മണിക്കൂര്‍ പിന്നിടുമ്പോള്‍ ബിജെപി ഒപ്പത്തിനൊപ്പം പിടിച്ചു. രാവിലെ 9.55 ലെ ലീഡ് നില വച്ച് ബിജെപി 47 സീറ്റിലും കോണ്‍ഗ്രസ് 37 സീറ്റിലുമാണ് ലീഡ് ചെയ്യുന്നത്. കേവല ഭൂരിപക്ഷം 46 ആണ്.&nbsp;
എക്‌സിറ്റ്‌പോളുകളെല്ലാം കോണ്‍ഗ്രസിന്റെ തിരിച്ചുവരവ് പ്രവചിപ്പിച്ചപ്പോഴും ബി.ജെ.പി ആത്മവിശ്വാസത്തിലായിരുന്നു. മോദി മാജിക്കില്‍ ഇത്തവണയും ഭരണം കൈവിട്ട് പോവില്ലെന്ന് ബിജെപി കണക്കു കൂട്ടി. ആകെയുള്ള 90 സീറ്റില്‍ 46 സീറ്റായിരുന്നു കേവല ഭൂരിപക്ഷത്തിന് ആവശ്യമെങ്കിലും 55 സീറ്റ് വരെയായിരുന്നു കോണ്‍ഗ്രസിന് പ്രധാന എക്‌സിറ്റ് പോളുകളുടെയെല്ലാം പ്രവചനം.&nbsp;

ഹരിയാനയിൽ വൻ ട്വിസ്റ്റ്; ലീഡ് ഉയർത്തി ബിജെപി

കൊച്ചി: എറണാകുളത്ത് അമ്പതോളം സി.പി.എം പ്രവർത്തകർ കോൺഗ്രസിലേക്ക്. തൃപ്പൂണിത്തുറ ഉദയംപേരൂരിലാണ് സി.പി.എം മുന്‍ ഏരിയാ കമ്മിറ്റി അംഗവും എട്ട് മുന്‍ ലോക്കല്‍ കമ്മിറ്റി അംഗങ്ങളും അടക്കമുള്ള പ്രവര്‍ത്തകര്‍ കോണ്‍ഗ്രസില്‍ ചേരുന്നത്. ഈ മാസം 11ന് പ്രതിപക്ഷ നേതാവില്‍ നിന്ന് അംഗത്വം സ്വീകരിക്കുമെന്ന് ഡി.സി.സി പ്രസിഡന്‍റ് മുഹമ്മദ് ഷിയാസ് പറഞ്ഞു.
നിയമസഭ തെരഞ്ഞെടുപ്പിനെ തുടർന്ന് സി.പി.എമ്മിലുണ്ടായ അഭിപ്രായ ഭിന്നതകളാണ് കാരണമെന്നാണ് വിവരം. എറണാകുളം പ്രസ് ക്ലബിൽ നടത്തിയ വാർത്ത സമ്മേളനത്തിലാണ് സി.പി.എം പ്രവർത്തകർ പാർട്ടി വിടുന്ന വിവരം മുഹമ്മദ് ഷിയാസ് അറിയിച്ചത്.

എറണാകുളത്ത് അമ്പതോളം സി.പി.എം പ്രവർത്തകർ കോൺഗ്രസിലേക്ക്

വടകര : മഹത്തായ ലക്ഷ്യത്തോടെ രൂപം കൊടുത്ത പഞ്ചായത്തീരാജ് സംവിധാനത്തെ കേരളത്തിൽ സിപിഐഎം തകർത്തതിന്റെ മകുടോദാഹരണമാണ് ചോറോട് പഞ്ചായത്തെന്നും വാടക കെട്ടിടത്തിൽ അസൗകര്യങ്ങളിൽ പ്രവർത്തിക്കുന്ന പഞ്ചായത്തിന് നാളിതുവരെ സ്വന്തം കെട്ടിടം പോലും നിർമ്മിക്കാൻ കഴിയാത്തത് പഞ്ചായത്തിന്റെ കെടുകാര്യസ്ഥതയ്ക്ക് ഉദാഹരണമാണെന്നും മുല്ലപ്പള്ളി രാമചന്ദ്രൻ. ചോറോട് പഞ്ചായത്ത് ഭരണ സമിതിയുടെ കെടുകാര്യസ്ഥതക്കെതിരെ ചോറോട് മണ്ഡലം കോൺഗ്രസ് കമ്മിറ്റി കൈനാട്ടിയിൽ സംഘടിപ്പിച്ച സായാഹ്ന ധർണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.&nbsp;
നാഷണൽ ഹൈവേയുടെ വികസനവുമായി ബന്ധപ്പെട്ട് മഴക്കാലത്ത് ചോറോട് പ്രദേശത്ത് നൂറോളം വീടുകളിൽ വെള്ളം കയറി ആളുകൾക്ക് ഒഴിഞ്ഞു പോകേണ്ട അവസ്ഥ ഉണ്ടായത് ഡ്രൈനേജ് നിർമ്മാണ സമയത്ത് പഞ്ചായത്ത് വേണ്ട രീതിയിൽ ഇടപെടാതിരുന്നതിന്റെ ഫലമായിട്ടാണെന്നും പൊട്ടിപ്പൊളിഞ്ഞ പഞ്ചായത്ത് റോഡുകളിൽ അപകടം നിത്യ സംഭവമായിട്ടും പഞ്ചായത്ത് നടപടി സ്വീകരിക്കാത്തത് കുറ്റകരമായ അനാസ്ഥയാണെന്നും അദ്ദേഹം ചൂണ്ടിക്കാട്ടി. മണ്ഡലം കോൺഗ്രസ്‌ പ്രസിഡണ്ട് അഡ്വ: പി.ടി. കെ നജ്മൽ അധ്യക്ഷത വഹിച്ചു. ബ്ലോക്ക്‌ കോൺഗ്രസ് കമ്മിറ്റി പ്രസിഡണ്ട് സതീശൻ കുരിയാടി മുഖ്യ പ്രഭാഷണം നടത്തി. കെ പി കരുണൻ, കെ. കെ റിനീഷ്, രാജേഷ് ചോറോട്, കെ. കെ മോഹൻദാസ്, രാഗേഷ് കെ.ജി, ഭാസ്കരൻ എ, കാർത്തിക് ചോറോട് തുടങ്ങിയവർ സംസാരിച്ചു.

ചോറോട് പഞ്ചായത്ത് ഭരണ സമിതിയുടെ കെടുകാര്യസ്ഥതക്കെതിരെ കോൺഗ്രസ് പ്രതിഷേധം

വടകര: തദ്ദേശ സ്വയം ഭരണ സ്ഥാപനങ്ങളിലേക്കുള്ള തെരെഞ്ഞെടുപ്പിന് മുന്നോടിയായി പാർട്ടിയെ സജ്ജമാക്കുക എന്ന ലക്ഷ്യത്തോടെ ചോറോട് മണ്ഡലം കോൺഗ്രസ്‌ കമ്മിറ്റിയുടെ നേതൃത്വത്തിൽ ക്യാമ്പ് എക്സിക്യൂട്ടീവ് സംഘടിപ്പിച്ചു. കെപിസിസി സെക്രട്ടറി വി എം ചന്ദ്രൻ ഉദ്ഘാടനം ചെയ്തു. മണ്ഡലം കോൺഗ്രസ്‌ കമ്മിറ്റി പ്രസിഡന്റ്‌ അഡ്വ പി. ടി. കെ നജ്മൽ അധ്യക്ഷത വഹിച്ചു. വടകര ബ്ലോക്ക്‌ കോൺഗ്രസ്‌ പ്രസിഡന്റ്‌ സതീശൻ കുരിയാടി പ്രവർത്തന മാർഗ്ഗ രേഖ അവതരിപ്പിച്ചു. ഗ്രാമീണ തൊഴിലുറപ്പ് പദ്ധതിയിൽ 100 ദിനം പൂർത്തിയാക്കിയ തൊഴിലാളികൾക്ക് സർക്കാർ പ്രഖ്യാപിച്ച ഉത്സവ ബത്ത നൂറു ദിനമെന്ന മാനദണ്ഡം ഒഴിവാക്കി മുഴുവൻ തൊഴിലുറപ്പ് തൊഴിലാളികൾക്കും നൽകണമെന്ന് ചോറോട് മണ്ഡലം ക്യാമ്പ് എക്സിക്യൂട്ടീവ് പ്രമേയത്തിലൂടെ ആവശ്യപ്പെട്ടു. ആവോലം രാധാകൃഷ്ണൻ, കെ പി കരുണൻ, എ ഭാസ്ക്കരൻ, ബാബു ഒഞ്ചിയം, സി നിജിൻ, രാജേഷ് ചോറോട്, സുകുമാരൻ ബാലവാടി, കെ. വി മോഹൻദാസ്, കെ. ജി രാഗേഷ്, രമേശൻ കിഴക്കയിൽ, ബിന്ദു വാഴയിൽ, ഷാജി. ഐ, കെ. കെ റിനീഷ്, ചെനേങ്കി ബാലകൃഷ്ണൻ, കാർത്തിക് ആർ, വിജയ് പ്രകാശ് തുടങ്ങിയവർ സംസാരിച്ചു.&nbsp;

കോൺഗ്രസ്‌ ചോറോട് മണ്ഡലം ക്യാമ്പ് എക്സിക്യൂട്ടീവ് സംഘടിപ്പിച്ചു

നാദാപുരം: ഉരുൾപൊട്ടൽ ദുരന്തത്തിൽ ഏറെ നഷ്ടമുണ്ടായ വളയം ഗ്രാമപഞ്ചായത്തിലെ മലയോരം ദുരന്ത മേഖലയായി പ്രഖ്യാപിക്കണമെന്ന് കോൺഗ്രസ്. വിലങ്ങാട് കഴിഞ്ഞാൽ ഏറ്റവുമധികം ദുരിതമുണ്ടായത് വളയത്തെ മല മേഖയിലാണ്. കൃഷിനാശവും മണ്ണിടിച്ചിലും ഉണ്ടായി. ആദിവാസി ഊരുകളിലുള്ളവരുൾപ്പടെ ഏറെ ദിവസം കല്ലുനിരയിലും കുറുന്തേരിയിലുമുള്ള ദുരിതാശ്വാസ ക്യാമ്പുകളിലാണ് കഴിഞ്ഞത്. ഈ മേഖലയിൽ ഇതു വരെ ജില്ലാ ഭരണകൂടത്തിന്റെ ശ്രദ്ധ പതിഞ്ഞിട്ടില്ല. ദുരന്തബാധിത മേഖലയുടെ പട്ടികയിൽ നിന്നും വളയത്തെ ഒഴിവാക്കിയതിൽ മണ്ഡലം കോൺഗ്രസ്സ് ക്യാമ്പ് എക്സിക്യൂട്ടിവ് പ്രതിഷേധിച്ചു.&nbsp;
കെ പി സി സി രാഷ്ട്രീയകാര്യ സമിതി അംഗം എൻ സുബ്രഹ്മണ്യൻ ഉദ്ഘാടനം ചെയ്തു. മണ്ഡലം പ്രസിഡന്റ് കെ ചന്ദ്രൻ അധ്യക്ഷത വഹിച്ചു. കാവിൽ പി മാധവൻ മാർഗ രേഖ അവതരിപ്പിച്ചു. കെ പി സി സി സെക്രട്ടറി സത്യൻ കടിയങ്ങാട്, ജില്ലാ ഭാരവാഹികളായ ഇ നാരായണൻ നായർ ,മാക്കൂൽ കേളപ്പൻ, ബ്ലോക്ക് കോൺഗ്രസ് പ്രസിഡണ്ട് മോഹനൻ പാറക്കടവ്, പി കെ ശങ്കരൻ, കെ കൃഷ്ണൻ, ഇ കെ ചന്തമ്മൻ, രവീഷ് വളയം, വി കെ ഗോവിന്ദൻ, സുനിൽ കാവുന്തറ, തയ്യിൽനാണു , കെ സുശാന്ത്, കെ വരുൺ ദാസ്, വി വി ലാലു, എ പി ബാബു, സുരേന്ദ്രൻ പി കെ, ടി ഇ കൃഷ്ണകുമാർ , പി പി സിനില, രാജൻ ചന്ദ്രോത്ത് എന്നിവർ സംസാരിച്ചു.

ഉരുൾപൊട്ടൽ ദുരിതബാധിത പട്ടികയിൽ  വളയത്തെ ഉൾപ്പെടുത്തണം; കോൺഗ്രസ്

നരിപ്പറ്റ : പഞ്ചായത്ത്‌ തിരഞ്ഞെടുപ്പിന്റെ മുന്നോടിയയുള്ള മണ്ഡലം ക്യാമ്പ് എക്സിക്യുട്ടീവ് ജില്ലാ കോൺഗ്രസ്‌ അധ്യക്ഷൻ അഡ്വ. കെ. പ്രവീൺ കുമാർ ഉദ്ഘാടനം ചെയ്തു. മണ്ഡലം കോൺഗ്രസ്‌ പ്രസിഡണ്ട്‌ സി. കെ. നാണുവിന്റെ അധ്യക്ഷതയിൽ കണ്ടോത്ത് ഇബ്രാഹിം സ്മാരക ഓഡിറ്റോറിയത്തിൽ വെച്ചു നടന്ന ക്യാമ്പിൽ കെ. പി. സി. സി സെക്രട്ടറി സത്യൻ കടിയങ്ങാട് മുഖ്യ പ്രഭാഷണം നടത്തി. ബ്ലോക്ക്‌ കോൺഗ്രസ്‌ പ്രസിഡണ്ട്‌ ജമാൽ കോരങ്കോട്, പി. അരവിന്ദൻ, എം. കുഞ്ഞിക്കണ്ണൻ, ടി. പി. വിശ്വനാഥൻ, രാജൻ പി. പി, ഫാറൂഖ് കാണംകണ്ടി, ശശി വിലങ്ങാട്, വിപിൻ വിലങ്ങാട്, ഹരിപ്രസാദ്, നിധിൻ മുരളി തുടങ്ങിയവർ സംസാരിച്ചു.

ക്യാമ്പ് എക്സിക്യുട്ടിവ് സംഘടിപ്പിച്ചു

വടകര: കാലങ്ങളായി വടകര നഗരസഭയുടെ ഭരണത്തിൽ ഇരിക്കുന്ന ഇടതുപക്ഷം വടകരയുടെ വികസനത്തെ കാലങ്ങളോളം പിന്നോട്ടടിച്ചിരിക്കുകയാണെന്ന് മുതിർന്ന കോൺഗ്രസ് നേതാവ് മുല്ലപ്പള്ളി രാമചന്ദ്രൻ. പണി പൂർത്തീകരിക്കാത്ത ബി ഓ ടി കെട്ടിടവും, മുൻസിപ്പൽ ഓഫീസ് ഷോപ്പിംഗ് കോംപ്ലക്സ്, അശാസ്ത്രീയമായ രീതിയിൽ നിർമ്മിച്ച ലിങ്ക് റോഡ്, സ്റ്റേഡിയത്തിന്റെ അഭാവം ഇതെല്ലാം ദീർഘവീക്ഷണം ഇല്ലാത്ത തീരുമാനങ്ങളുടെ ബാക്കിപത്രമാണ്. വടകരയുടെ വികസനത്തെ പിന്നോട്ടടിക്കുന്ന ഭരണത്തിനെതിരെ ബഹുജന പ്രക്ഷോഭം ഉയർന്നു വരേണ്ടതാണെന്നും മുല്ലപ്പള്ളി രാമചന്ദ്രൻ അഭിപ്രായപെട്ടു.&nbsp;
വടകര പുതുപ്പണം മണ്ഡലം കമ്മിറ്റികളുടെ നേതൃത്വത്തിൽ നടന്ന മുൻസിപ്പൽ ഏരിയ എക്സിക്യൂട്ടീവ് ക്യാമ്പ് ഉദ് ഘാടനം ചെയ്തു സംസാരിക്കുകയായിരുന്നു അദ്ദേഹം. മഠത്തിൽ നാണു അധ്യക്ഷത വഹിച്ചു. ക്യാമ്പ് അങ്ങൾക്കുള്ള മാർഗ്ഗരേഖ അഡ്വ. ഇ. നാരായണൻ നായർ അവതരിപ്പിച്ചു. ആവോലം രാധാകൃഷ്ണൻ, സതീശൻ കുരിയാടി, വി. കെ. പ്രേമൻ, സുധീഷ് വള്ളിൽ, അഡ്വ. സി. വത്സലൻ, പി. അശോകൻ, പുറന്തോടത്ത് സുകുമാരൻ, കളത്തിൽ പീതാംബരൻ, കരിമ്പനപ്പാലം ശശിധരൻ, പി. എസ്. രഞ്ജിത്ത്കുമാർ തുടങ്ങിയവർ പ്രസംഗിച്ചു.

വികസനത്തെ പിന്നോട്ടടിക്കുന്ന വടകര നഗരസഭയ്‌ക്കെതിരെ ബഹുജന പ്രക്ഷോഭം ഉയർന്നു വരണം; മുല്ലപ്പള്ളി രാമചന്ദ്രൻ

നാദാപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് മുന്നൊരുക്കങ്ങളുടെ ഭാഗമായി കോൺഗ്രസിന്റെ മണ്ഡലം ക്യാമ്പുകൾക്ക് തുടക്കമായി. ജില്ലാതലത്തിലും നിയോജക മണ്ഡലം തലങ്ങളിലും എക്സിക്യൂട്ടീവ് ക്യാമ്പുകൾക്ക് ശേഷമാണ് പഞ്ചായത്ത് തലങ്ങളിലും ക്യാമ്പുകൾ ആരംഭിച്ചത്.
നാദാപുരം മണ്ഡലം കമ്മിറ്റിയുടെ നേതൃത്വത്തിൽ നടന്ന ക്യാമ്പ് എക്സിക്യൂട്ടീവ് എ.ഐ.സി.സി മെമ്പർ ഡോ: എം ഹരി പ്രിയ ഉദ്ഘാടനം ചെയ്തു. മണ്ഡലം കോൺഗ്രസ് പ്രസിഡണ്ട് വി.വി റിനീഷ് അധ്യക്ഷത വഹിച്ചു. ഡി .സി .സി ജനറൽ സെക്രട്ടറി അഡ്വ:പ്രമോദ് കക്കട്ടിൽ ,കാവിൽ പി മാധവൻ, ബ്ലോക്ക് പ്രസിഡന്റ് മോഹനൻ പാറക്കടവ് ,അഡ്വ: എ സജീവൻ, അഡ്വ :കെ . എം രഘുനാഥ്, രവീഷ് വളയം, വി.കെ ബാലാമണി, പുതിയോട്ടിൽ ഷാജി, പി. വി ജയലക്ഷ്മി തുടങ്ങിയവർ സംസാരിച്ചു.

കോൺഗ്രസ് മണ്ഡലം ക്യാമ്പുകൾക്ക് തുടക്കമായി

കൊച്ചി: ഹേമ കമ്മിറ്റി റിപ്പോർട്ട് പുറത്ത് വന്നതിന് പിന്നാലെ നടി ഉയർത്തിയ ആരോപണത്തെ തുടർന്ന് കോൺഗ്രസ് അഭിഭാഷക സംഘടന സംസ്ഥാന പ്രസിഡന്റ് വി.എസ് ചന്ദ്രശേഖരൻ പദവികൾ രാജിവെച്ചു. കെ.പി.സി.സി നിയമസഹായ സെല്ലിന്റെ ചെയർമാൻ സ്ഥാനവും രാജിവെച്ചിട്ടുണ്ട്. ചന്ദ്രശേഖരൻ ചതിയിൽപ്പെടുത്തിയെന്ന് നടി വെളിപ്പെടുത്തിയിരുന്നു. ഇതിന് പിന്നാലെയാണ് രാജി.
സമീപകാല വിവാദങ്ങളുടെ പശ്ചാത്തലത്തിൽ ധാർമിക ഉത്തരവാദിത്തം ഏറ്റെടുത്ത് അഡ്വ. വി.എസ് ചന്ദ്രശേഖരൻ കെ.പി.സി.സി നിയമസഹായ സെല്ലിന്റെ ചെയർമാൻ സ്ഥാനവും ലോയേഴ്‌സ് കോൺഗ്രസ് സംസ്ഥാന അധ്യക്ഷ പദവിയും രാജിവെച്ചുവെന്നാണ് അറിയിച്ചിരിക്കുന്നത്. രാജിക്കത്ത് കെ.പി.സി.സി പ്രസിഡന്റ് കെ.സുധാകരന് കൈമാറിയിട്ടുണ്ട്.ബോൾ​ഗാട്ടിയിൽ ലൊക്കേഷൻ കാണാമെന്ന് പറഞ്ഞാണ് ചന്ദ്രശേഖരൻ തന്നെ കൊണ്ടുപോയതെന്ന് നടി വെളിപ്പെടുത്തിയിരുന്നു. എന്നാൽ മറ്റൊരാളുടെ അടുത്തേക്കാണ് തന്നെ എത്തിച്ചതെന്നും അയാളുടെ അടുത്ത് തന്നെ എത്തിച്ച ശേഷം ചന്ദ്രശേഖരൻ അവിടെ നിന്ന് പോയി എന്നും അവർ പറഞ്ഞിരുന്നു.

നടിയുടെ ആരോപണം: കോൺഗ്രസ് നേതാവ് വി.എസ് ചന്ദ്രശേഖരൻ പദവികൾ രാജിവെച്ചു

കുറ്റ്യാടി: വിദ്യാർത്ഥികളുടെ കഠിനാധ്വാനവും അർപ്പണബോധവും അംഗീകരിക്കാനും അവർക്ക് പ്രചോദനമായി പ്രവർത്തിക്കാനും രക്ഷിതാക്കൾക്ക് കഴിയണമെന്ന് ഷാഫി പറമ്പിൽ എം.പി പറഞ്ഞു. അന്തരിച്ച കോൺഗ്രസ് നേതാവും അധ്യാപകനുമായിരുന്ന സി.സി. സൂപ്പിയുടെ സ്മരണയ്ക്കായി കുറ്റ്യാടി മണ്ഡലം കോൺഗ്രസ് കമ്മിറ്റി ഉന്നത വിജയികൾക്കായി സംഘടിപ്പിച്ച 'സ്നേഹാദരം വിജയോത്സവം' ഉദ്ഘാടനം ചെയ്യുകയായിരുന്നു അദ്ദേഹം.&nbsp;
വിവിധ രംഗങ്ങളിൽ തിളക്കമാർന്ന നേട്ടം കൈവരിച്ച കുറ്റ്യാടി പഞ്ചായത്തിലെ നൂറ്റമ്പതോളം പേരെ ചടങ്ങിൽ അനുമോദിക്കുകയും ഉപഹാരങ്ങൾ വിതരണം ചെയ്യുകയും ചെയ്തു. മണ്ഡലം പ്രസിഡൻ്റ് പി.കെ.സുരേഷ് അധ്യക്ഷനായി. ജൂനിയർ ചാപ്റ്റർ ട്രെയിനർ പി.പി.വിനോദ് കുമാർ ക്ലാസ് എടുത്തു. ഡി.സി.സി ജനറൽ സെക്രട്ടറി പ്രമോദ് കക്കട്ടിൽ, ബ്ലോക്ക് പ്രസിഡൻ്റ് ശ്രീജേഷ് ഊരത്ത്, ടി. സുരേഷ് ബാബു, എസ്.ജെ.സജീവ് കുമാർ, വിലങ്ങിൽ കുഞ്ഞിക്കേളു നമ്പ്യാർ, സലീൽ സുതാര്യ, ടി.അശോകൻ, എ.ടി.ഗീത, മംഗലശ്ശേരി ബാലകൃഷ്ണൻ, കെ.പി.ഷാജു, കെ.ഷിജീഷ്, കെ.വി.ഉണ്ണി തുടങ്ങിയവർ പങ്കെടുത്തു.

വിദ്യാർത്ഥികളുടെ കഠിനാധ്വാനവും അർപ്പണ ബോധവും അംഗീകരിക്കണം; ഷാഫി പറമ്പിൽ

വടകര: വാട്ടർ അതോറിറ്റിയിൽ നിന്ന് വിരമിച്ചവരുടെ സാമ്പത്തിക ആനുകൂല്യം പൂർണ്ണമായി നൽകണമെന്ന് വാട്ടർ അതോറിറ്റി പെൻഷനേഴ്സ് കോൺഗ്രസ് വടകര ഏരിയാ യോഗം ആവശ്യപ്പെട്ടു. കെ.കെ മോഹൻദാസ് അധ്യക്ഷത വഹിച്ചു. സംസ്ഥാന കമ്മറ്റി മെമ്പർ പി ദിനേശൻ ഉദ്ഘാടനം ചെയ്തു. പി.പി ജഗദീശൻ, കെ.പി വിജയൻ , കെ വേണുഗോപാൽ എന്നിവർ പ്രസംഗിച്ചു.

&nbsp;

'പെൻഷൻകാരുടെ ആനുകൂല്യം നഷ്ടപ്പെടുത്തരുത്'

കോഴിക്കോട്: കോൺ​ഗ്രസ് നേതാവ് ടി. എന്‍ പ്രതാപനെതിരെ കോഴിക്കോട് നഗരത്തില്‍ ഫ്ലക്സ് ബോർഡുകള്‍. ചതിയന്‍ പ്രതാപനെ മലബാറിന് വേണ്ട, തൃശൂർ ആർഎസ്എസിന് കൊടുത്ത നയവഞ്ചകന്‍ എന്നീ വാക്യങ്ങളാണ് ബോർഡുകളിലുള്ളത്. ടി.എന്‍ പ്രതാപന് മലബാറിന്റെ ചുമതല നൽകിയതിലുള്ള പ്രതിഷേധമാണിതെന്നാണ് കരുതുന്നത്. കോൺ​ഗ്രസ് പോരാളികള്‍ എന്ന പേരിലാണ് ബോർഡുകള്‍ സ്ഥാപിച്ചിട്ടുള്ളത്.
ലോക്സഭാ തെരഞ്ഞെടുപ്പിൽ സിറ്റിങ് എം.പിയായ പ്രതാപനെ മാറ്റിയാണ് കെ. മുരളീധരനെ തൃശൂരിൽ കോൺഗ്രസ് സ്ഥാനാർഥിയാക്കിയത്. ബി.ജെ.പിയുടെ സുരേഷ് ഗോപി വൻ ഭൂരിപക്ഷത്തിലാണ് ഇവിടെ ജയിച്ചത്. പിന്നാലെ ടി. എന്‍ പ്രതാപനെതിരെ വലിയതോതിൽ വിമർശനം ഉയർന്നിരുന്നു.

' തൃശൂർ ആർഎസ്എസിന് കൊടുത്ത നയവഞ്ചകന്‍ ' ടി. എന്‍ പ്രതാപനെതിരെ കോഴിക്കോട് ഫ്ലക്സ് ബോർഡുകള്‍

Kerala

കക്കട്ടിൽ : മുൻ പ്രധാനമന്ത്രി രാജീവ് ഗാന്ധിയുടെ 80-ാം ജന്മദിനം കുന്നുമ്മൽ തവിടോറ മേഖലാ കോൺഗ്രസ് കമ്മിറ്റിയുടെ നേതൃത്യത്തിൽ ആചരിച്ചു. ബ്ലോക്ക് കോൺഗ്രസ് സെക്രട്ടറി എലിയാറ ആനന്ദൻ ഉദ്ഘാടനം ചെയ്തു. ബുത്ത് പ്രസിഡൻ്റ് പി.കെ ലിഗേഷ് അധ്യക്ഷത വഹിച്ചു. എം.എം ശ്രീനിവാസൻ, ടി.വി ദിലീപൻ, ഇ പ്രകാശൻ , എം.എം. മിഥുൻ, ഷാജഹാൻ കല്ലേരി, എം.പി ശ്രീജിത്ത്, അർജ്ജുൻ ഇ, ടി.വി സുരേന്ദ്രൻ എന്നിവർ പ്രസംഗിച്ചു.

രാജീവ് ഗാന്ധിയുടെ ജന്മദിനം ആചരിച്ചു

ആയഞ്ചേരി: ഇന്ത്യാ രാജ്യത്തെ ഇരുപത്തി ഒന്നാം നൂറ്റാണ്ടിലേക്ക് കൈപിടിച്ചുയർത്താൻ നേതൃത്വം നൽകിയ ക്രാന്തദർശിയായ രാജീവ് ഗാന്ധിയുടെ 80-ാം ജന്മ ദിനം ആയഞ്ചേരി മണ്ഡലം കോൺഗ്രസ്സ് കമ്മിററിയുടെ നേതൃത്വത്തിൽ വിവിധ പരിപാടിളോടെ ആഘോഷിച്ചു. ദേശീയോദ്ഗ്രഥന പ്രതിജ്ഞ മണ്ഡലം പ്രസിഡണ്ട് കണ്ണോത്ത് ദാമോദരൻ ചൊല്ലി കൊടുത്തു. മലയിൽ ബാലകൃഷ്ണൻ, ജി.കെ.കുഞ്ഞിക്കണ്ണൻ, പി.കെ ദേവാനന്ദൻ , വി.കെ രാജൻ, മുഹമ്മദ് യൂനുസ്ആനാണ്ടി ,ഷൈബ മല്ലി വീട്ടിൽ, പി. എം ലതിക, കുളങ്ങര മണി, കെ.സി ശിവരാജ്, കണ്ണോത്ത് പത്മനാഭൻ ,പറമ്പത്ത് കുഞ്ഞിരാമൻ, ദിവാകരൻ കൊള്ളികാവിൽ എന്നിവർ സംബന്ധിച്ചു.

രാജീവ് ഗാന്ധി ജന്മദിനം ആഘോഷിച്ചു

വാണിമേൽ: മു പ്രധാനമന്ത്രി രാജിവ് ഗാന്ധിയുടെ എൺപതാം ജന്മദിനത്തിൽ കാവിലുംപാറ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ അനുസ്മരണവും വർഗീയ വിരുദ്ധ പ്രതിഞ്ജയും നടത്തി. ബ്ലോക്ക് പ്രസിഡൻ്റ ജമാൽ കോരംങ്കോട് അനുസ്മരണ പ്രഭാഷണം നടത്തി. ബ്ലോക്ക് വൈസ് പ്രസിഡൻ്റ് പി.കെ.പ്രസാദ് പ്രതിഞ്ജ ചൊല്ലി കൊടുത്തു.&nbsp;
ഒ.രവീന്ദ്രൻ , ഷെബി സെബാസ്റ്റ്യൻ, നങ്ങാണ്ടി സുലൈമാൻ, കെ.കുഞ്ഞാലി , എം.കെ.കുഞ്ഞബ്ദുല്ല, ജയേഷ് കുമാർ യു.പി, അനസ് നങ്ങാണ്ടി, കല്ലിൽ കുഞ്ഞബ്ദുല്ല, കെ.ബാലകൃഷ്ണൻ, ചള്ളയിൽ കുഞ്ഞാലി, ലത്തീഫ് കുണ്ടിൽ, ഡോൺ കെ.തോമസ്, ലിബിത്ത് , സമീർ കെ.കെ, ഫിറോസ് ചള്ളയിൽ, അസ്ലം കല്ലിൽ, രവി വയലിൽ, ശരീഫ് കെ.കെ, ഇസ്ഹാഖ് ഇ.പി, അഹമ്മദ് കുട്ടി കെ.വി തുടങ്ങിയവർ സംസാരിച്ചു. ബ്ലോക്ക് ജനറൽ സെക്രട്ടറി യു.കെ.അഷറഫ് അധ്യക്ഷത വഹിച്ചു. ബ്ലോക്ക് വൈസ്: പ്രസി: പി.എ.ശശി സ്വാഗതവും വാണിമേൽ മണ്ഡലം പ്രസി: എൻ.കെ.മുത്തലിബ് നന്ദിയും പറഞ്ഞു.

അനുസ്മരണവും വർഗീയ വിരുദ്ധ പ്രതിഞ്ജയും

ചോറോട്: മുൻ പ്രധാനമന്ത്രി രാജീവ്‌ ഗാന്ധിയുടെ എൺപതാം ജന്മദിനത്തിൽ ചോറോട് മണ്ഡലം കോൺഗ്രസ്‌ കമ്മിറ്റിയുടെ നേതൃത്വത്തിൽ രാജീവ്‌ ഗാന്ധി അനുസ്മരണവും പുഷ്പാർച്ചനയും നടത്തി. അനുസ്മരണ സദസ്സ് മണ്ഡലം കോൺഗ്രസ്‌ പ്രസിഡന്റ്‌ പി ടി കെ നജ്മൽ ഉദ്ഘാടനം ചെയ്തു. മോഹൻദാസ് കെ. കെ അധ്യക്ഷനായി.&nbsp;
കർഷക കോൺഗ്രസ്‌ ബ്ലോക്ക്‌ പ്രസിഡന്റ്‌ രാജേഷ് ചോറോട് ദേശ രക്ഷാ പ്രതിജ്ഞ ചൊല്ലിക്കൊടുത്തു. കെ. ജി രാഗേഷ്, ആർ. കെ പ്രവീൺ കുമാർ, കെ. കെ റിനീഷ്, സുകുമാരൻ, വിജയ് പ്രകാശ്, കാർത്തിക് ചോറോട്, രാജൻ കുഴിച്ചാലിൽ, രജിത്ത് മലോൽ, ശ്രീകുമാർ, ബാബു ബലവാടി, ശിവൻ മഠത്തിൽ, ജിബിൻ കൈനാട്ടി, രതീശൻ കെ. പി തുടങ്ങിയവർ സംസാരിച്ചു.

രാജീവ്‌ ഗാന്ധി ജന്മദിനത്തിൽ അനുസ്മരണസദസ് സംഘടിപ്പിച്ചു

ചെന്നൈ: മുല്ലപ്പെരിയാർ ഡാം നിലനിൽക്കുന്നത് ഭീഷണിയാണെന്ന കേന്ദ്രമന്ത്രി സുരേഷ് ഗോപിയുടെ പ്രസ്താവനയ്‌ക്കെതിരെ തമിഴ്‌നാട് കോൺഗ്രസ്. സുപ്രീംകോടതിയുടെ വിധിക്ക്‌ വിരുദ്ധമായ പ്രസ്താവനയാണ് സുരേഷ് ഗോപി നടത്തിയത്. അന്യായമായി കേരളത്തിന്റെ പക്ഷം പിടിക്കാനാണ് ശ്രമിക്കുന്നതെന്നും ടി.എൻ.സി.സി. പ്രസിഡന്റ് കെ. സെൽവപെരുന്തഗൈ ആരോപിച്ചു.&nbsp;
സുരേഷ് ഗോപി കേരളത്തിന്റെമാത്രം മന്ത്രിയാണോയെന്നും സെൽവപെരുന്തഗൈ ചോദിച്ചു.മുല്ലപ്പെരിയാർ ഡാം പൊട്ടിയാൽ ആര് ഉത്തരം പറയുമെന്ന് സുരേഷ് ഗോപി കഴിഞ്ഞദിവസം പ്രതികരിച്ചിരുന്നു.&nbsp;
കോടതികളോ നിയമപോരാട്ടം നടത്തുന്നവരോ ഉത്തരം പറയുമോയെന്നായിരുന്നു സുരേഷ് ഗോപിയുടെ ചോദ്യം. കേരളത്തിന് ഇനി ഒരു കണ്ണീർ താങ്ങാനാകില്ലെന്നും, മുല്ലപ്പെരിയാർ ഡാം ഭീതിയായി നിലനിൽക്കുന്നുവെന്നും അദ്ദേഹം കൂട്ടിച്ചേർത്തു

മുല്ലപ്പെരിയാർ പ്രസ്താവന ; സുരേഷ് ഗോപിക്കെതിരെ തമിഴ്‌നാട് കോൺഗ്രസ്

തോടന്നൂർ: തിരുവള്ളൂർ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ക്വിറ്റ് ഇന്ത്യ ദിനം ആചരിച്ചു. മുതിർന്ന കോൺഗ്രസ് നേതാവ് അമ്മാരപ്പള്ളി കുഞ്ഞിശങ്കരൻ പതാക ഉയർത്തി ഉദ്ഘാടനം ചെയ്തു. ആർ രാമകൃഷ്ണൻ പ്രതിജ്ഞ ചൊല്ലിക്കൊടുത്തു. വികെ ഇസ്ഹാഖ് അധ്യക്ഷത വഹിച്ചു. പ്രമോദ് കോട്ടപ്പള്ളി, എ കെ അബ്ദുല്ല, വി പി കുമാരൻ, സിസി കുഞ്ഞിരാമൻ ഗുരുക്കൾ, പി കെ യൂസഫ് , സുധി കുയ്യന, സതി കൂമുള്ളി, വി കെ എം രവീന്ദ്രൻ എന്നിവർ സംബന്ധിച്ചു.

ക്വിറ്റ് ഇന്ത്യ ദിനം ആചരിച്ചു

തിരുവനന്തപുരം:വയനാട് മേപ്പാടി മുണ്ടക്കൈ, ചൂരല്‍മല തുടങ്ങിയ പ്രദേശങ്ങളിലുണ്ടായ ഉരുള്‍പ്പൊട്ടല്‍ കേരളത്തെ ഞെട്ടിച്ചെന്ന് കെ.പി.സി.സി പ്രസിഡന്റ് കെ. സുധാകരന്‍ എം.പി. കേരളം കണ്ട വലിയ പ്രകൃതി ദുരന്തത്തില്‍ സര്‍വശക്തിയുമെടുത്തുള്ള ഏറ്റവും വലിയ രക്ഷാപ്രവര്‍ത്തനമാണ് ഉണ്ടാകേണ്ടത്. വയനാട് ഉരുള്‍പ്പൊട്ടലിന്റെ പശ്ചാത്തലത്തില്‍ രണ്ടു ദിവസത്തെ കോണ്‍ഗ്രസിന്റെ എല്ലാ ഔദ്യോഗിക പരിപാടികളും മാറ്റിവെച്ച് കോണ്‍ഗ്രസിന്റെ എല്ലാ പ്രവര്‍ത്തകരും കൈമെയ് മറന്ന് ദുരിതാശ്വാസ പ്രവര്‍ത്തനങ്ങള്‍ക്ക് രംഗത്തിറങ്ങണമെന്ന് സുധാകരന്‍ ആഹ്വാനം ചെയ്തു.
ആവശ്യമായ മരുന്ന്, ഭക്ഷണം, വസ്ത്രം ഉള്‍പ്പെടെയുള്ള എല്ലാ സഹായങ്ങളും അടിയന്തരമായി എത്തിക്കണം. മന്ത്രിസഭ ചേര്‍ന്ന് ഉള്‍പ്പൊട്ടലില്‍ മരിച്ചവരുടെ കുടുംബങ്ങള്‍ക്കും നാശനഷ്ടം സംഭവിച്ചവര്‍ക്കും അര്‍ഹമായ സാമ്പത്തിക സഹായം ഉള്‍പ്പെടെയുള്ള നഷ്ടപരിഹാരം ഉടന്‍ നല്‍കണം. ഉള്‍പ്പൊട്ടലില്‍ ഗുരുതരമായ പരിക്കേറ്റവര്‍ക്ക് ആവശ്യമായ ചികിത്സാ സഹായം ഉറപ്പാക്കണം. സംസ്ഥാനത്തിന് അടിയന്തര പ്രളയ ദുരിതാശ്വാസ ഫണ്ട് അനുവദിക്കാന്‍ കേന്ദ്രസര്‍ക്കാര്‍ തയാറാകണം.
സംസ്ഥാനത്തെ വിവിധ ഇടങ്ങളിലുള്ള പ്രകൃതിദുരന്തങ്ങളില്‍ പ്പെട്ടവര്‍ക്ക് സഹായമെത്തിക്കാനുള്ള രക്ഷാപ്രവര്‍ത്തനങ്ങളില്‍ കോണ്‍ഗ്രസിന്റെ പ്രവര്‍ത്തകരുടെ സജീവ പങ്കാളിത്തം ഉറപ്പാക്കണമെന്നും കെ. സുധാകരന്‍ ആവശ്യപ്പെട്ടു.

വയനാട് ദുരന്തം : കോണ്‍ഗ്രസ് പ്രവര്‍ത്തകര്‍ രംഗത്തിറങ്ങണമെന്ന് കെ. സുധാകരന്‍

മുൻ മുഖ്യമന്ത്രി ഉമ്മൻചാണ്ടിയുടെ ഒന്നാം ചരമവാർഷികം കാവിലുംപാറ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ ദേവർകോവിൽ ആചരിച്ചു. പുഷ്പാർച്ചനയും നടത്തി. കെപിസിസി സെക്രട്ടറി സത്യൻ കടിയങ്ങാട് ഉദ്ഘാടനം ചെയ്തു. എല്ലാവർക്കും അവസരം എന്നുള്ള ഉമ്മൻചാണ്ടിയുടെ വാക്യം ഉദ്ധരിച്ചുകൊണ്ട് തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പുകളിൽ സാധാരണക്കാർക്ക് അവസരം കൊടുക്കണമെന്ന് അദ്ദേഹം ആവശ്യപ്പെട്ടു. യോഗത്തിൽ ബ്ലോക്ക് പ്രസിഡണ്ട് ജമാൽ കോരങ്കോട്ട് അധ്യക്ഷത വഹിച്ചു.&nbsp;
വിമത പ്രവർത്തനം നടത്തുന്നവരെ ഒരു തരത്തിലും പാർട്ടിയിൽ വെച്ച് പൊറുപ്പിക്കില്ലെന്ന് അദ്ദേഹം പറഞ്ഞു. കെപിസിസി മെമ്പർ കെ ടി ജയിംസ് മുഖ്യപ്രഭാഷണം നടത്തി. കെ പി രാജൻ, കോരങ്കോട്ട് മൊയ്തു, വി പി കുഞ്ഞബ്ദുള്ള, സന്ധ്യ കരണ്ടോട്, മുത്തലിബ്, വി പി സുരേഷ്, കെ കെ അഷ്റഫ്, അനസ് നങ്ങാണ്ടി, ഇ ലോഹിതക്ഷൻ, സെബി സെബാസ്റ്റ്യൻ, കെ പി പത്മനാഭൻ, കെ പി ഹമീദ് എന്നിവർ സംസാരിച്ചു. വി പി അബ്ദുൽ ലത്തീഫ് കായക്കോടി വരച്ച ഉമ്മൻചാണ്ടിയുടെ രേഖാചിത്രം ബ്ലോക്ക് പ്രസിഡണ്ടിന് കൈമാറി.

ഉമ്മൻചാണ്ടി അനുസ്മരണം നടത്തി

നരിപ്പറ്റ: ജനകീയ നേതാവ് ഉമ്മൻ ചാണ്ടിയുടെ ഒന്നാം ചരമ വാർഷികം നരിപ്പറ്റ മണ്ഡലം കോൺഗ്രസ്‌ കമ്മിറ്റി യുടെ നേതൃത്വത്തിൽ കണ്ടോത്ത് കുനിയിൽ ആചരിച്ചു. ബൂത്ത്‌ കേന്ദ്രങ്ങളിൽ രാവിലെ പുഷ്പാർച്ചന നടത്തി. വൈകുന്നേരം നടന്ന അനുസ്മരണം സംഗമം മണ്ഡലം പ്രസിഡണ്ട് സി. കെ നാണുവിന്റെ അധ്യക്ഷതയിൽ ബ്ലോക്ക്‌ കോൺഗ്രസ്‌ കമ്മിറ്റി പ്രസിഡണ്ട് ജമാൽ കൊരങ്കോട് ഉദ്ഘാടനം ചെയ്തു. പി. അരവിന്ദൻ, ഒ. രവീന്ദ്രൻ, ടി. പി. വിശ്വനാഥൻ, എം. കുഞ്ഞിക്കണ്ണൻ, ഫിർദോസ് എൻ.കെ, ഹമീദ് സി, ഭാസ്കരൻ കോയൽ, സജിത സുധാകരൻ, ലേഖ കെ, ഹരിപ്രസാദ് നരിപ്പറ്റ, വിപിൻ വിലങ്ങാട്, ആർ. കെ. അനീഷ്, ചന്ദ്രൻ കല്ലനാണ്ടി, അഷറഫ് വാരിപൊയിൽ, സുജിഷ തീനൂർ, ഷിജിൽലാൽ നരിപ്പറ്റ തുടങ്ങിയവർ സംസാരിച്ചു.

ഉമ്മൻ ചാണ്ടി അനുസ്മരണം നടത്തി

വടകര: ഉമ്മൻ‌ചാണ്ടിയുടെ ഒന്നാം ചരമ വാർഷികത്തോടനുബന്ധിച്ച് വടകര മണ്ഡലം കോൺഗ്രസ്സ് കമ്മിറ്റിയുടെ നേതൃത്വത്തിൽ ജില്ലാ ആശുപത്രിയിൽ വീൽ ചെയർ വിതരണം ചെയ്തു. പരിപാടി മുൻ കെ പി സി സി മെമ്പർ അഡ്വ: സി. വത്സലൻ ഉത്ഘാടനം ചെയ്തു. ആശുപത്രി സുപ്രണ്ട് വീൽചെയർ ഏറ്റുവാങ്ങി. മണ്ഡലം പ്രസിഡന്റ്‌ വി കെ പ്രേമൻ അദ്യക്ഷത വഹിച്ചു. അജിത ചീരാം വീട്ടിൽ, പുറന്തോടത്ത് സുകുമാരൻ, ഷംസു കല്ലിങ്ങൽ, രഞ്ജിത്ത് കണ്ണോത്ത്, ബിജുൽ ആയാടത്തിൽ, ശ്രീലേഷ്, എം.വേണുഗോപാൽ എന്നിവർ സംസാരിച്ചു.

ഉമ്മൻ‌ചാണ്ടി സ്മരണാർത്ഥം ജില്ലാ ആശുപത്രിയിൽ വീൽ ചെയർ നൽകി

വടകര: ജനഹൃദയങ്ങളിൽ ജീവിച്ച ജനകീയ നേതാവായിരുന്നു ഉമ്മൻ‌ചാണ്ടി എന്നും, കേരളം ഇപ്പോൾ ആഗ്രഹിക്കുന്നത് ഉമ്മൻ ചാണ്ടിയെ പോലെ ഉള്ള ഒരു ജന നേതാവിനെയാണെന്നും ഡിസിസി ജനറൽ സെക്രട്ടറി കാവിൽ രാധാകൃഷ്ണൻ അഭിപ്രായപ്പെട്ടു. ചോറോട് മണ്ഡലം കോൺഗ്രസ് കമ്മിറ്റി സംഘടിപ്പിച്ച ഉമ്മൻചാണ്ടി അനുസ്മരണ ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കേരളത്തിലെ അറിയപ്പെടുന്ന എല്ലാ വികസന പ്രവർത്തനങ്ങളിലും ഉമ്മൻചാണ്ടിയുടെ കയ്യൊപ്പ് പതിഞ്ഞിട്ടുണ്ടെന്നും, വിഴിഞ്ഞം തുറമുഖ ഉദ്ഘാടന പരിപാടിയിൽ ഉമ്മൻ‌ചാണ്ടിയുടെ പേര് പരാമർശിക്കാതിരുന്ന മുഖ്യമന്ത്രി പിണറായി വിജയന്റെ നടപടി അല്പത്തരം ആണെന്നും അദ്ദേഹം കൂട്ടി ചേർത്തു. ചടങ്ങിൽ മണ്ഡലം കോൺഗ്രസ് കമ്മിറ്റി പ്രസിഡണ്ട് അഡ്വക്കേറ്റ് പി ടി കെ നജ്മൽ അധ്യക്ഷത വഹിച്ചു. കൂടാളി അശോകൻ, ഭാസ്കരൻ എ, രാജേഷ് ചോറോട്, ഷാജി ഐ, രാഗേഷ് കെജി, കെ കെ റിനീഷ്, രമേശൻ കിഴക്കയിൽ, ആർ കെ പ്രവീൺ കുമാർ, രജിത് മാലോൽ, ഗോപാല കൃഷ്ണൻ കെ, മോഹൻദാസ്, രാജൻ കുഴിച്ചാലിൽ, ബിജു ടി എം, മുസ്തഫ വള്ളിക്കാട്, നജീബ് ചോറോട് തുടങ്ങിയവർ സംസാരിച്ചു.&nbsp;

ഉമ്മൻചാണ്ടി ജനഹൃദയങ്ങളിൽ ജീവിച്ച ജനകീയ നേതാവ്; കാവിൽ രാധാകൃഷ്ണൻ

വടകര: മുൻ മുഖ്യ മന്ത്രിയും കോൺഗ്രസ്‌ നേതാവുമായിരുന്ന ഉമ്മൻ ചാണ്ടിയുടെ ഒന്നാം ചരമ വാർഷികത്തിൽ വടകര മണ്ഡലം കോൺഗ്രസ്‌ കമ്മിറ്റിയുടെ നേതൃത്വത്തിൽ അനുസ്മരണവും പുഷ്പാർച്ചനയും നടത്തി. അനുസ്മരണ സംഗമം യു ഡി എഫ് നിയോജക മണ്ഡലം ചെയർമാൻ കോട്ടയിൽ രാധാകൃഷ്ണൻ ഉത്ഘാടനം ചെയ്തു. മണ്ഡലം കോൺഗ്രസ്‌ പ്രസിഡന്റ്‌ വി കെ പ്രേമൻ അദ്യക്ഷത വഹിച്ചു. ഇ നാരായണൻ നായർ, സതീശൻ കുരിയാടി, പുറന്തോടത്ത് സുകുമാരൻ, ഷംസുദ്ധീൻ കല്ലിങ്ങൽ, പി. എസ്സ് രഞ്ജിത്ത് കുമാർ, രഞ്ജിത്ത് കണ്ണോത്ത്‌, രതീശൻ. ടി കെ, ബിജുൽ ആയാടത്തിൽ, ലത്തീഫ് കല്ലറക്കൽ കൊറോത്ത്‌ ബാബു, ഫൈസൽ തങ്ങൾ, എം വേണുഗോപാൽ എന്നിവർ സംസാരിച്ചു.

ഉമ്മൻ ചാണ്ടി അനുസ്മരണവും പുഷ്പാർച്ചനയും

തിരുവനന്തപുരം: കെ.പി.സി.സി അധ്യക്ഷൻ കെ.സുധാകരന്റെ നടപടിയിൽ പരസ്യമായ വിമർശനവുമായി പ്രതിപക്ഷനേതാവ് വി.ഡി.സതീശൻ.കെ.പി.സി.സിയുടെ ഓഫിസിൽ നടക്കുന്ന പലകാര്യങ്ങളും പുറത്തുപറയാൻ കൊള്ളില്ലെന്നും ഓഫിസിലേക്ക് കയറാൻ പറ്റാത്ത സാഹചര്യമാണ് നിലവിലെന്നും വി.ഡി സതീശൻ നേതൃ ക്യാമ്പിൽ തുറന്നടിച്ചു. കൂടോത്ര വിവാ​ദത്തിലടക്കമുള്ള അതൃപ്തിയും രാഷ്ട്രീയ കാര്യസമിതിയിൽ സതീശൻ രേഖപ്പെടുത്തി.
മണ്ഡലം പുനഃസംഘടനയിൽ പൂർണമായും അവ​ഗണിച്ചതിലുള്ള പ്രതിഷേധം എ ​ഗ്രൂപ്പും പ്രകടപ്പിച്ചു. എന്നാൽ, വിമർശനങ്ങൾക്കൊന്നും കെ.സുധാകരൻ യോഗത്തിൽ മറുപടി നൽകിയില്ലെന്നാണ് റിപ്പോർട്ട്.

കെ.പി.സി.സി ഓഫീസിൽ നടക്കുന്ന പല കാര്യങ്ങളും പുറത്തു പറയാൻ കൊള്ളില്ല ;സുധാകരനെതിരെ വിമർശനവുമായി സതീശൻ

മുൻമുഖ്യമന്ത്രി ഉമ്മൻ ചാണ്ടിയുടെ വിയോഗത്തിന് ഒരു വർഷം തികയുന്നു. സംസ്ഥാനരാഷ്ട്രീയത്തിലെ ജനകീയ മുഖമായിരുന്നു ഉമ്മൻചാണ്ടി. അഞ്ചു പതിറ്റാണ്ടിലേറെക്കാലം ഭരണ-രാഷ്ട്രീയ രംഗത്ത് നിറഞ്ഞുനിന്ന നേതാവ്. ബന്ധുക്കൾക്കും നാട്ടുകാർക്കും പ്രിയപ്പെട്ട കൂഞ്ഞൂഞ്ഞ്. സുഹൃത്തുക്കളുടേയും കോണ്‍ഗ്രസ് പ്രവര്‍ത്തകരുടേയും ഒ.സി. ഉമ്മൻചാണ്ടിയെന്നാൽ ഒരു വികാരമാണ്. എതിരാളികൾക്ക് പോലും അനിഷേധ്യനായ നേതാവ്. അരനൂറ്റാണ്ടിലേറെക്കാലം നിയമസഭാംഗം. പുതുപ്പള്ളിയില്‍ നിന്ന് തുടര്‍ച്ചയായി 12 തെരഞ്ഞെടുപ്പുകൾ ജയിച്ചു . സംസ്ഥാന രാഷ്ട്രീയത്തില്‍ നിര്‍ണായക ശക്തിയായി മാറിയ വ്യക്തിത്വം.
1970 ൽ 27 ആം വയസ്സില്‍, യൂത്ത് കോണ്‍ഗ്രസ്സ് സംസ്ഥാന അധ്യക്ഷനായിരിക്കെ ആദ്യമായി പുതുപ്പള്ളിയില്‍ മത്സരിച്ചു. ഹാട്രിക് വിജയത്തിനായി മത്സരിച്ച സിറ്റിങ് എം.എല്‍.എ ഇ. എം ജോര്‍ജായിരുന്നു എതിർസ്ഥാനാർത്ഥി. ഫലം വന്നപ്പോള്‍ 7,288 വോട്ടിന്റെ അട്ടിമറിജയം. പുതുപ്പള്ളിയുടെ ആകാശത്ത് ഉമ്മന്‍ചാണ്ടി എന്ന താരം ഉദിച്ചുയരുകയായിരുന്നു.തുടര്‍ച്ചയായി 12 തവണയാണ് ഉമ്മന്‍ചാണ്ടി പുതുപ്പള്ളിയില്‍നിന്ന് ജയിച്ചുകയറിയത്.

ഓർമകളിൽ കുഞ്ഞൂഞ്ഞ്;ഉമ്മൻചാ﻿ണ്ടി വിടപറഞ്ഞിട്ട് ഇന്നേക്ക് ഒരു വർഷം

കോഴിക്കോട്: പി.എസ്.സി. അംഗത്വം നൽകാമെന്ന് വാഗ്ദാനംചെയ്ത് പ്രാദേശിക നേതാവ് കോഴവാങ്ങിയെന്ന് ആരോപണത്തിൽ സി.പി.എമ്മിനെതിരെ രൂക്ഷ വിമർശനവുമായി ഡി.സി.സി. പ്രസിഡന്റ് അഡ്വ. കെ. പ്രവീൺ കുമാർ. പി.എസ്.സി. അംഗത്വം സി.പി.എം. തൂക്കിവിൽക്കുകയാണെന്നും കോഴിക്കോട്ടെ സി.പി.എമ്മിൽ മാഫിയകൾ തമ്മിലുള്ള തർക്കമാണ് നടക്കുന്നതെന്നും അദ്ദേഹം പറഞ്ഞു. ഇത്തരം എല്ലാ ഇടപാടിലും മന്ത്രി മുഹമ്മദ് റിയാസിനും പങ്കുണ്ടെന്നും അദ്ദേഹം ആരോപിച്ചു.
'പി.എസ്‌.സി. അംഗത്വം സി.പി.എം. തൂക്കിവിൽക്കുകയാണ്. കോഴിക്കോട് സി.പി.എമ്മിൽ മാഫിയകൾതമ്മിലുള്ള തർക്കമാണ് നടക്കുന്നത്. അതിൻ്റെ ഭാഗമായാണ് ഈ വിവരം പുറത്തുവന്നത്. ഇത്തരം എല്ലാ ഇടപാടിലും മന്ത്രി മുഹമ്മദ് റിയാസിന് പങ്കുണ്ട്. കോടതി നിരീക്ഷണത്തിലുള്ള പോലീസ് അന്വേഷണം വേണം. അല്ലെങ്കിൽ കേന്ദ്ര ഏജൻസി അന്വേഷണം വേണം. മുഖ്യമന്ത്രിയുടെ കീഴിൽ അന്വേഷിച്ചാൽ സത്യം പുറത്തുവരില്ല', പ്രവീൺ കുമാർ പറഞ്ഞു.
' സഖാക്കൾക്ക് പണത്തിനോട് ആർത്തി കൂടുന്നു എന്ന് എം.വി. ഗോവിന്ദൻതന്നെ പറഞ്ഞതാണ്. അതിനോട് ചേർത്തുവെച്ച് വേണം അഴിമതി ആരോപണത്തെ കാണാൻ. റിയാസിൻ്റെ മാഫിയ പ്രവർത്തനം വളർന്നുപന്തലിക്കുകയാണ്' പ്രവീൺ കുമാർ കൂട്ടിച്ചേർത്തു

പി.എസ്.സി. കോഴ ആരോപണം; എല്ലാ ഇടപാടിലും മന്ത്രി മുഹമ്മദ് റിയാസിന് പങ്കെന്ന് കോൺഗ്രസ്

കോഴിക്കോട്: കൂടോത്ര വിവാദത്തിൽ കോൺ​ഗ്രസ് നേതാക്കൾക്കെതിരെ വിമർശനവുമായി യൂത്ത് കോൺ​ഗ്രസ്. 'പണിയെടുക്കാതെ കൂടോത്രം ചെയ്താൽ പാർട്ടി ഉണ്ടാകില്ല. ജവഹർലാൽ നെഹ്റുവിന്റെ പാർട്ടിയിലെ പിന്മുറക്കാരാണ് നിങ്ങളെന്ന് തിരിച്ചറിയണം. കൂടോത്രം വെക്കാൻ എടുക്കുന്ന പണിയുടെ പകുതി പണിയെടുത്താൽ ഇവർക്കൊക്കെ നേതാക്കന്മാരാകാം'- എന്നായിരുന്നു പരി​ഹാസം. ഇന്ത്യ ബൂത്ത് ലീഡേഴ്സ് മീറ്റിന്റെ കുറ്റ്യാടിയിലെ പരിപാടിയിലാണ് യൂത്ത് കോൺ​ഗ്രസ് സംസ്ഥാന ഉപാധ്യക്ഷൻ അബിൻ വർക്കി കോൺ​ഗ്രസ് നേതാക്കൾക്കെതിരെ ആഞ്ഞടിച്ചത്.
ഇത് 21-ാം നൂറ്റാണ്ട് ആണെന്നും 2024 ആണെന്നും കൂടോത്രക്കാർ ഓർക്കണം. സയന്റിഫിക് ടെമ്പർ എന്ന വാക്ക് പ്രതിഫലിപ്പിച്ച ജവഹർലാൽ നെഹ്റുവിന്റെ പാർട്ടിയാണ് ഇത്. കൂടോത്രം വരുമാനമാർഗമാക്കിയവരും മറ്റുള്ളവരെ നശിപ്പിക്കാൻ ഇറങ്ങിയവരുമായ വ്യക്തികൾ ഇതൊന്ന് മനസിലാക്കി വെക്കണം. കൂടോത്രം ചെയ്തിട്ടൊന്നും കാര്യമില്ല. പണിയെടുത്താലേ പാർട്ടി ഉണ്ടാകൂ. പണിയെടുത്താലെ നിങ്ങൾ നേതാവാകൂ- അബിൻ വർക്കി പറഞ്ഞു.

'പണിയെടുക്കാതെ കൂടോത്രം ചെയ്താൽ പാർട്ടി ഉണ്ടാകില്ല'; കോൺ​ഗ്രസ് നേതാക്കളെ വിമർശിച്ച് യൂത്ത് കോൺ​ഗ്രസ്

തൊട്ടിൽപ്പാലം: എസ് എസ് എൽ സി പാസായ മുഴുവൻ വിദ്യാർത്ഥികൾക്കും പ്ലസ് വൺ കോഴ്സിന് പഠിക്കാനാവശ്യമായ സൗകര്യമേർപ്പെടുത്തണമെന്ന് ആവശ്യപ്പെട്ടുകൊണ്ട് യു ഡി എഫ് കാവിലുമ്പാറ പഞ്ചായത്ത് കമ്മിറ്റിയുടെ ആഭിമുഖ്യത്തിൽ തൊട്ടിൽപ്പാലത്ത് സായാഹ്ന ധർണ്ണ സംഘടിപ്പിച്ചു. ധർണ്ണ ബ്ലോക്ക് കോൺഗ്രസ് പ്രസിഡൻ്റ് ജമാൽ കോരംങ്കോട്ട് ഉദ്ഘാടനം ചെയ്തു. കാവിലുമ്പാറ പഞ്ചായത്ത് യു ഡി എഫ് ചെയർമാൻ കെ.സി ബാലകൃഷ്ണൻ അധ്യക്ഷത വഹിച്ചു. അഡ്വക്കറ്റ് കെ.എം രഘുനാഥ് മുഖ്യപ്രഭാഷണം നടത്തി. കെ.പി രാജൻ, ശംഷീർ, വി.സൂപ്പി, പി.ജി സത്യധാരൻ, സി.എച്ച് സൈതലവി, വി.പി സുരേഷ്, റോബിൻ ജോസഫ്, ഓ. രവീന്ദ്രൻ, സി.പി ജിനചന്ദ്രൻ, ആകാശ്, സണ്ണി ഓലിക്കൽ, വി. എം അസീസ്, സി.പി കുഞ്ഞമ്മദ്, എം.കെ രാജൻ, ഫിർദോസ് കായക്കോടി, പി. വി ചാത്തു നായർ തുടങ്ങിയവർ സംസാരിച്ചു.

പ്ലസ് വൺ സീറ്റ് പ്രതിസന്ധി; കോൺഗ്രസ് സായാഹ്ന ധർണ്ണ സംഘടിപ്പിച്ചു

തിരുവനന്തപുരം: പാലക്കാട് ഉപതെരഞ്ഞെടുപ്പിൽ യുവാവ് സ്ഥാനാർഥിയാവണമെന്നാണ് ആഗ്രഹമെന്ന് യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിൽ. ഇതേ അഭിപ്രായം തന്നെയാണ് ഷാഫി പറമ്പിലും പ്രകടപ്പിച്ചതെന്നും രാഹുൽ പറഞ്ഞു.
​യുവാവായ പൊതുവിഷയങ്ങളിൽ ഇടപെടുന്ന ഒരാൾ സ്ഥാനാർഥിയായി വരണമെന്നാണ് ഷാഫി പറമ്പിൽ പറഞ്ഞതെന്ന് രാഹുൽ കൂട്ടിച്ചേർത്തു. സ്ഥാനാർഥിനിർണയം സംബന്ധിച്ച് പാർട്ടി ഇപ്പോൾ തീരുമാനങ്ങളൊന്നും എടുത്തിട്ടില്ല. നേതാക്കൾ ആദ്യഘട്ടത്തിൽ ചർച്ച പൂർത്തിയാക്കിയതിന് ശേഷമാവും ഇക്കാര്യത്തിൽ തുടർ ചർച്ചകളുണ്ടാവുക. ബി.ജെ.പി ഏറ്റവും ശക്തനായ ഇ.ശ്രീധരനെ സ്ഥാനാർഥിയാക്കിയപ്പോൾ പോലും മൂവായിരത്തിലേറെ വോട്ടുകൾക്ക് മണ്ഡലത്തിൽ നിന്നും ജയിച്ച് കയറാൻ കോൺഗ്രസിന് കഴിഞ്ഞിരുന്നുവെന്നും രാഹുൽ മാങ്കൂട്ടത്തിൽ പറഞ്ഞു.
ഷാഫി പറമ്പിൽ വടകരയിൽ നിന്നും എം.പിയായി തെരഞ്ഞെടുക്കപ്പെട്ടതോടെയാണ് പാലക്കാട് നിയമസഭ ഉപതെരഞ്ഞെടുപ്പ് വന്നത്. കോൺഗ്രസ് സ്ഥാനാർഥിയായി രാഹുൽ മാങ്കൂട്ടത്തിൽ പാലക്കാട് എത്തുമെന്ന അഭ്യൂഹങ്ങൾ ശക്തമാണ്.

പാലക്കാട് യുവാവ് സ്ഥാനാർഥിയാവണമെന്നാണ് ആഗ്രഹം; രാഹുൽ മാങ്കൂട്ടത്തിൽ

ന്യൂഡല്‍ഹി: മുതിര്‍ന്ന കോണ്‍ഗ്രസ് നേതാവ് സാം പിത്രോദയെ ഇന്ത്യന്‍ ഓവര്‍സീസ് കോണ്‍ഗ്രസ് (ഐ.ഒ.സി.) ചെയര്‍മാനായി വീണ്ടും നിയമിച്ചു. മേയ് എട്ടിനാണ് പിത്രോദ സ്ഥാനത്തുനിന്ന് രാജിവെച്ചത്.
ഒരു മാധ്യമത്തിന് നല്‍കിയ അഭിമുഖത്തില്‍ ഇന്ത്യയുടെ കിഴക്കുഭാഗത്തുള്ളവര്‍ ചൈനക്കാരെയും തെക്കുഭാഗത്തുള്ളവര്‍ ആഫ്രിക്കക്കാരെയും പോലെയാണെന്നുമുള്ള പിത്രോദയുടെ പരാമര്‍ശം വലിയ വിവാദത്തിന് തിരികൊളുത്തിയിരുന്നു. ഇന്ത്യയുടെ വൈവിധ്യങ്ങള്‍ക്കിടയിലും ജനങ്ങള്‍ ഒന്നാണെന്ന് വിശദീകരിക്കുന്നതിന്റെ ഭാഗമായായിരുന്നു പിത്രോദ ഇങ്ങനെ പറഞ്ഞത്.കൂടാതെ പിന്തുടര്‍ച്ചാസ്വത്ത് നികുതിയുമായി ബന്ധപ്പെട്ട് പിത്രോദ നടത്തിയ പരാമര്‍ശങ്ങളും വിവാദമായിരുന്നു. ലോക്‌സഭാ തിരഞ്ഞെടുപ്പുകാലത്ത് അദ്ദേഹം സൃഷ്ടിച്ച വിവാദങ്ങള്‍ കോണ്‍ഗ്രസിനെ പ്രതിരോധത്തിലാക്കിയ പശ്ചാത്തലത്തിലായിരുന്നു രാജി.&nbsp;

സാം പിത്രോദയെ ഇന്ത്യന്‍ ഓവര്‍സീസ് കോണ്‍ഗ്രസ് ചെയര്‍മാനായി വീണ്ടും നിയമിച്ചു

ന്യൂഡൽഹി: കോൺ​ഗ്രസ് നേതാവ് രാഹുൽ രാഹുൽ ​ഗാന്ധി പ്രതിപക്ഷ നേതാവാകും. ഡൽഹിയിൽ ചേർന്ന ഇന്ത്യ യോ​ഗത്തിലാണ് ഇതുസംബന്ധിച്ച് തീരുമാനമായത്. ഇക്കാര്യം വ്യക്തമാക്കുന്ന കത്ത് പ്രോടെം സ്പീക്കർക്ക് നൽകി.
വയനാട്ടില്‍ 3,64,422 വോട്ടിന്റെ ഭൂരിപക്ഷത്തിലും റായ്ബറേലിയില്‍ 3,90,030 വോട്ടിന്റെ ഭൂരിപക്ഷത്തിലുമായിരുന്നു രാഹുല്‍ ഗാന്ധിയുടെ വിജയം. പിന്നീട്, വയനാട് എം.പി. സ്ഥാനം രാജിവെച്ച് റായ്ബറേലിയില്‍ തുടരാൻ തീരുമാനിക്കുകയായിരുന്നു.
രാഹുല്‍ ഗാന്ധിയെ ലോക്സഭാ പ്രതിപക്ഷ നേതാവായി തിരഞ്ഞെടുക്കണമെന്ന് ആവശ്യപ്പെട്ടുകൊണ്ട് കോണ്‍ഗ്രസ് പ്രവര്‍ത്തക സമിതി (സി.ഡബ്ല്യു.സി.) നേരത്തെ പ്രമേയം പാസാക്കിയിരുന്നു. രാഹുല്‍ നയിച്ച ഭാരത് ജോഡോ യാത്രയും ഭാരത് ജോഡോ ന്യായ് യാത്രയും തിരഞ്ഞെടുപ്പിനെ സംബന്ധിച്ച് വഴിത്തിരിവുകളായിരുന്നു എന്ന നിലപാടായിരുന്നു കോൺ​ഗ്രസ് നേതൃത്വത്തിന്.

രാഹുൽ ​ഗാന്ധി പ്രതിപക്ഷ നേതാവാകും; ഇന്ത്യ സഖ്യത്തിന്റെ യോ​ഗത്തിൽ തീരുമാനം

കുറ്റ്യാടി: കാലടി സംസ്കൃത സർവ്വകലാശാലയിൽ നിന്നും എം.എ ഭരതനാട്യത്തിൽ ഒന്നാം റാങ്ക് കരസ്ഥമാക്കിയ നന്ദന ദിനേശിന് കോൺഗ്രസ് കമ്മിറ്റിയുടെ സ്നേഹാദരം. നടുപ്പൊയിൽ മേഖല കോൺഗ്രസ് കമ്മിറ്റി നടത്തിയ അനുമോദന ചടങ്ങിൽ കുറ്റ്യാടി ബ്ലോക്ക് കോൺഗ്രസ് കമ്മിറ്റി പ്രസിഡൻ്റ് ശ്രീജേഷ് ഊരത്ത് ഉപഹാരം നൽകി. എൻ.പി.ദിനേശൻ അധ്യക്ഷനായി. മണ്ഡലം കോൺഗ്രസ് പ്രസിഡൻ്റ് പി.കെ.സുരേഷ്, ബ്ലോക്ക് കോൺഗ്രസ് വൈസ് പ്രസിഡൻ്റുമാരായ ടി. സുരേഷ് ബാബു, എസ്.ജെ.സജീവ് കുമാർ, എൻ.സി. കുമാരൻ, കെ.കെ.ജി തിൻ, ആനന്ദ് കൃഷ്ണൻ തുടങ്ങിയവർ പങ്കെടുത്തു. കക്കോട്ട്കണ്ടിയിൽ ദിനേശൻ്റെയും ഉഷയുടെയും മകളാണ്.&nbsp;

ഭരതനാട്യത്തിൽ ഒന്നാം റാങ്ക് നേടിയ നന്ദന ദിനേശിന് സ്നേഹാദരം

നാദാപുരം: ഗ്രാമപഞ്ചായത്ത് വൈസ് പ്രസിഡണ്ട് അഖില മര്യാട്ട് ഡിസിസി പ്രസിഡണ്ടിന് നൽകിയ പരാതി സംബന്ധിച്ച് അന്വേഷണം നടത്താൻ രണ്ടംഗ സമിതിയെ നിയോഗിച്ചു. ഡി.സി.സി വൈസ് പ്രസിഡണ്ട് പി.കെ ഹബീബ്, ജനറൽ സെക്രട്ടറി അഡ്വ: പ്രമോദ് കക്കട്ടിൽ എന്നിവരടങ്ങിയ സമിതിയെയാണ് ചുമതലപ്പെടുത്തിയത്. ഒരാഴ്ചക്കകം റിപ്പോർട്ട് സമർപ്പിക്കണം. സമൂഹ മാധ്യമങ്ങളിൽ അശ്ലീല വീഡിയോ പ്രചരിച്ചത് ഏറെ വിവാദമായിരുന്നു. രാജി ആവശ്യപ്പെട്ട് എൽ.ഡി.എഫ് സമരരംഗത്തിറങ്ങിയതിന് പിന്നാലെയാണ് രാജിവെക്കുന്നതായി അഖില ഡി.സി.സിയെ അറിയിച്ചത്. പോലീസിൽ പരാതി നൽകിയിട്ടും യാതൊരു അന്വേഷണവും നടന്നിരുന്നിലെന്നും പാർട്ടി നേതൃത്വത്തിലെ ചിലരും തനിക്കെതിരെ രംഗത്ത് വന്നു എന്നുമാണ് പരാതി.

അഖില മര്യാട്ടിന്റെ പരാതി അന്വേഷിക്കാൻ സമിതിയെ നിയോഗിച്ച് കോൺഗ്രസ്

നാദാപുരം: സമൂഹ മാധ്യമത്തിൽ പ്രചരിച്ച വീഡിയോയുമായി ബന്ധപ്പെട്ട് ആരോപണ വിധേയായ ഗ്രാമപഞ്ചായത്ത് വൈസ് പ്രസിഡണ്ട് അഖില മര്യാട്ട് വൈസ് പ്രസിഡണ്ട് സ്ഥാനം രാജിവെച്ചു കൊണ്ടുള്ള കത്ത് പാർട്ടിക്ക് കൈമാറി. തനിക്ക് നേരെ വന്നത് വ്യാജ ആരോപണമാണ്. എന്നാൽ ധാർമികതയുടെ പേരിൽ വൈസ് പ്രസിഡണ്ട് സ്ഥാനം രാജിവെക്കാൻ തയ്യാറാണെന്ന് അഖില മര്യാട്ട് ജില്ലാ കോൺഗ്രസ് കമ്മിറ്റി പ്രസിഡന്റ് കെ പ്രവീൺ കുമാറിനെ അറിയിച്ചു. ഇത് സംബന്ധിച്ച കത്ത് ഡിസിസി പ്രസിഡന്റിന് കൈമാറി. തനിക്ക് നേരെ വന്ന ആരോപണം വ്യാജമാണ്.
ചിലർ തന്നെ വേട്ടയാടുകയാണ്. വിഷയം പാർട്ടി തലത്തിൽ അന്വേഷിക്കണം. എൻറെ നിരപരാധിത്വം പൊതു സമൂഹത്തെ ബോധ്യമാക്കണം. പ്രസ്തുത സംഭവത്തെക്കുറിച്ച് പാർട്ടി തല അന്വേഷണം നടത്തി സത്യാവസ്ഥ പുറത്തുകൊണ്ടുവരണമെന്നും അഖില കത്തിലൂടെ ആവശ്യപ്പെട്ടു. ആരോപണം ഉയർന്നുവന്ന അവസരത്തിൽ തന്നെ നിജസ്ഥിതി പുറത്തുകൊണ്ടു വരുന്നതിനു വേണ്ടി താൻ വടകര റൂറൽ എസ് പിക്ക് പരാതി കൊടുത്തിരുന്നു. പോലീസ് ഇതുവരെയും യാതൊരുവിധ നടപടികളും എടുത്തില്ല. പരാതിയെക്കുറിച്ച് സമഗ്ര അന്വേഷണം നടത്തണം. തന്നെ വേട്ടയാടുന്നവരെ നിയമത്തിന്റെ മുന്നിൽ കൊണ്ടു വരാൻ പാർട്ടിയുടെ കൂടെ നിന്ന് പോരാടുമെന്നും അഖില ജില്ലാ നേതൃത്വത്തെ അറിയിച്ചു.

നാദാപുരം ഗ്രാമപഞ്ചായത്ത് വൈസ് പ്രസിഡണ്ട് അഖില മര്യാട്ട് രാജിവെക്കുന്നു

തൃശ്ശൂർ: ജില്ലയിലെ കോൺ​ഗ്രസിൽ ഉടലെടുത്ത അസ്വാരസ്യങ്ങൾ അയയുന്നില്ല. ഡിസിസി ഓഫീസ് മതിലിൽ ടി.എ.ൻ പ്രതാപനെതിരെ പോസ്റ്ററുകൾ പ്രത്യക്ഷപ്പെട്ടു. സംഘപരിവാർ ഏജന്റായി പ്രസ്ഥാനത്തെ ഒറ്റികൊടുത്തെന്നും തിരഞ്ഞെടുപ്പ് നടക്കുമ്പോൾ ​ഗൾഫ് ടൂർ നടത്തി ബിനാമി കച്ചവടം നടത്തിയെന്നുമുൾപ്പെടെ ​ആരോപണങ്ങളാണ് പോസ്റ്ററിലുള്ളത്.
തൃശ്ശൂരിലുണ്ടായ കനത്ത തോൽവിക്കും ഡി.സി.സി. ഓഫീസിലെ കൂട്ടത്തല്ലിനും പിന്നാലെ ജോസ് വള്ളൂർ ഡിഡിസി അധ്യക്ഷസ്ഥാനവും എം.പി വിൻസെന്റ് യുഡിഎഫ് ജില്ലാ ചെയർമാൻ സ്ഥാനവും രാജി വച്ചിരുന്നു. ഡി.സി.സി. പ്രസിഡന്റ് ജോസ് വള്ളൂർ, ടി.എൻ. പ്രതാപൻ എന്നിവർക്കെതിരേ ഡി.സി.സി.യുടെ മതിലിൽ യൂത്ത് കോൺഗ്രസ് പ്രവർത്തകർ പതിച്ച പോസ്റ്ററിനെച്ചൊല്ലിയുള്ള തർക്കമായിരുന്നു കൂട്ടത്തല്ലിൽ കലാശിച്ചത്.വീണ്ടും പോസ്റ്ററുകൾ പ്രത്യക്ഷപ്പെട്ടതോടെ നേതൃത്വം വീണ്ടും പ്രതിസന്ധിയിലായിരിക്കുകയാണ്.

'സംഘപരിവാര്‍ ഏജന്റ് ' പ്രതാപനെതിരെ ഡിസിസി ഓഫീസ് മതിലിൽ വീണ്ടും പോസ്റ്ററുകള്‍

തിരുവനന്തപുരം: പാലക്കാട് ഉപതിരഞ്ഞെടുപ്പിൽ മത്സരിക്കില്ലെന്നും വയനാട്ടിൽ പ്രിയങ്കാ ഗാന്ധിക്കായി പ്രചരണത്തിന് ഇറങ്ങുമെന്നും കെ മുരളീധരൻ. നെഹ്റു കുടുംബം മത്സരിക്കുമ്പോൾ ഒരു കോൺഗ്രസുകാരനും മാറിനിൽക്കാനാകില്ലെന്നും അദ്ദേഹം വ്യക്തമാക്കി. ഒരു മാധ്യമത്തിന് നൽകിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
'പാലക്കാട് ഉപതിരഞ്ഞെടുപ്പിൽ മത്സരിക്കില്ല. അവിടെ മത്സരിക്കാൻ ധാരാളം ചെറുപ്പക്കാർ ഉണ്ട്. വട്ടിയൂർക്കാവാണ് എന്റെ കുടുംബം. വട്ടിയൂർക്കാവിന്റെ സന്തോഷത്തിലും ദുഃഖത്തിലും താൻ കൂടെയുണ്ടായിരുന്നു. അവിടെ സജീവമായി ഉണ്ടാകും. വയനാട്ടിൽ പ്രിയങ്കാ ഗാന്ധിക്കായി പ്രചരണത്തിന് ഇറങ്ങും. നെഹ്റു കുടുംബം മത്സരിക്കുമ്പോൾ ഒരു കോൺഗ്രസുകാരനും മാറിനിൽക്കാനാകില്ല', കെ മുരളീധരൻ വ്യക്തമാക്കി.&nbsp;

പാലക്കാട് ഉപതിരഞ്ഞെടുപ്പിൽ മത്സരിക്കാനില്ല ;വയനാട്ടിൽ പ്രിയങ്കാ ഗാന്ധിക്കായി പ്രചരണത്തിന് ഇറങ്ങുമെന്നും മുരളീധരൻ

തിരുവനന്തപുരം: ​രാഹുൽ ഗാന്ധി വയനാട് മണ്ഡലം ഒഴിയുന്നതിനെ പരിഹസിച്ച് ബി.ജെ.പി സംസ്ഥാന അധ്യക്ഷൻ കെ.സുരേന്ദ്രൻ. ഉപതെരഞ്ഞെടുപ്പ് നടക്കുന്ന പാലക്കാട് നിയമസഭ മണ്ഡലത്തിൽ പ്രിയങ്ക ഗാന്ധിയുടെ ഭർത്താവ് റോബർട്ട് വ​ദ്രയെ കൂടി മത്സരിപ്പിച്ചാൽ കോൺഗ്രസിന്റെ കേരളത്തിലെ കുടുംബാധിപത്യം പൂർണമാകുമെന്ന് സുരേന്ദ്രൻ പറഞ്ഞു.
വയനാട് കുടുംബം പോലെയാണെന്ന് രാഹുൽ പറഞ്ഞതിന്റെ പൊരുൾ ഇപ്പോഴാണ് മനസ്സിലായത്. ദേശീയ അധ്യക്ഷൻ മല്ലികാർജുൻ ഖാർഗെക്ക് പോലും പാർട്ടിയിൽ വലിയ റോളില്ലെന്നും അവിടെ ഒരു കുടുംബമാണ് കാര്യങ്ങൾ തീരുമാനിക്കുന്നതെന്നും സുരേന്ദ്രൻ പറഞ്ഞു.&nbsp;
വയനാട് ബി.ജെ.പി സ്ഥാനാർഥിയായി ആര് മത്സരിക്കണമെന്ന് ദേശീയനേതൃത്വം തീരുമാനിക്കും.&nbsp;

'പാലക്കാട് സീറ്റിൽ റോബർട്ട് വദ്രയെ മത്സരിപ്പിക്കണം'; പ്രിയങ്കയുടെ സ്ഥാനാർഥിത്വത്തെ  പരിഹസിച്ച് കെ.സുരേന്ദ്രൻ

വടകര: ഇന്ത്യൻ നാഷണൽ കോൺഗ്രസ്സ് ചോറോട് മണ്ഡലം കമ്മിറ്റിയുടെ നേതൃത്വത്തിൽ മുൻ വടകര ബ്ലോക്ക് സിക്രട്ടറി ചക്കര ബാലകൃഷ്ണന്റെ എട്ടാം ചരമവാർഷിക ദിനത്തിൽ അനുസ്മരണ ചടങ്ങ് സംഘടിപ്പിച്ചു. സ്‌മൃതി മണ്ഡപത്തിൽ പുഷ്പാർച്ചന നടത്തി. അനുസ്മരണ ചടങ്ങ് മണ്ഡലം പ്രസിഡന്റ് അഡ്വ: പി. ടി. കെ നജ്മലിന്റെ അദ്ധ്യക്ഷതയിൽ മുൻ കെ.പി.സി സി. പ്രസിഡന്റ് മുല്ലപ്പള്ളി രാമചന്ദ്രൻ ഉദ്ഘാടനം ചെയ്തു. ബ്ലോക്ക് പ്രസിഡന്റ് സതീശൻ കുരിയാടി, ബ്ലോക്ക് സിക്രട്ടറി ടി ലക്ഷ്മണൻ , സീനിയർ അംഗം കൂടാളി അശോകൻ, മണ്ഡലം വൈസ് പ്രസിഡന്റ് ചെനേങ്കി ബാലകൃഷ്ണൻ, ഭാസ്‌ക്കരൻ എന്നിവർ സംസാരിച്ചു. കെ.പി. ഗോകുൽദാസ് സ്വാഗതവും ഐ. ഷാജി നന്ദിയും പറഞ്ഞു.

ചക്കര ബാലകൃഷ്ണൻ അനുസ്മരണം നടത്തി

മണിയൂർ: സ്ഫോടക വസ്തു ഏറിൽ കേടുപാടുകൾ സംഭവിച്ച ബ്ലോക്ക് കോൺഗ്രസ് കമ്മിറ്റി ജനറൽ സെക്രട്ടറി ബാബു മുതുവീട്ടിലിന്റെയും യൂത്ത് കോൺഗ്രസ് മണ്ഡലം പ്രസിഡണ്ട് വിഷ്ണു മുതുവീട്ടിലിന്റെയും വീടുകൾ കോൺഗ്രസ് - ആർഎംപിഐ നേതാക്കൾ സന്ദർശിച്ചു. സംഭവത്തിൽ സമഗ്രാന്വേഷണം നടത്തി കുറ്റക്കാരെ പെട്ടെന്ന് തന്നെ പിടികൂടാൻ വേണ്ട നടപടികൾ ഉണ്ടാവണമെന്ന് നേതാക്കൾ ആവശ്യപ്പെട്ടു.
ടിപി വധക്കേസ് പ്രതികൾക്ക് പരോൾ അനുവദിച്ചത് വടകരയിലെ യുഡിഎഫ് - ആർഎംപി പ്രവർത്തകർക്ക് നേരെ അക്രമത്തിന് കോപ്പ് കൂട്ടാൻ ആണെന്നും നേതാക്കൾ ആരോപിച്ചു. കെപിസിസി മീഡിയ സെൽ കൺവീനർ ഡോ. പി സരിൻ , ആർഎംപിഐ സംസ്ഥാന സെക്രട്ടറി എൻ വേണു , ബ്ലോക്ക് കോൺഗ്രസ് കമ്മിറ്റി പ്രസിഡണ്ട് പിസി ഷീബ, കോൺഗ്രസ് നേതാക്കളായ സി.ആർ സജിത്ത്, പ്രതീഷ് കോട്ടപ്പള്ളി, ശുഹൈബ് ഒന്തത്ത്, സച്ചിൻ എന്നിവർ നേതാക്കൾക്കൊപ്പം ഉണ്ടായിരുന്നു.

കോൺഗ്രസ് - ആർഎംപിഐ നേതാക്കൾ സന്ദർശിച്ചു

ന്യൂഡല്‍ഹി: രാഹുല്‍ ഗാന്ധിയെ പ്രതിപക്ഷ നേതാവായി തിരഞ്ഞെടുക്കണമെന്ന് ആവശ്യപ്പെടുന്ന പ്രമേയം പാസാക്കി കോണ്‍ഗ്രസ് പ്രവര്‍ത്തക സമിതി (സിഡബ്ല്യുസി). പ്രചാരണത്തില്‍ രാഹുല്‍ ഗാന്ധി നടത്തിയ ശ്രമങ്ങളെ സിഡബ്ല്യുസി പ്രമേയം പ്രത്യേകം പ്രശംസിച്ചു.പ്രമേയം രാഹുല്‍ ഗാന്ധി എതിര്‍ത്തില്ല. ഇതോടെ രാഹുല്‍ ഗാന്ധി പ്രതിപക്ഷ നേതാവാകുമെന്നതില്‍ സംശയമില്ല.
ലോക്സഭയിലെ പ്രതിപക്ഷ നേതാവിന്റെ ഉത്തരവാദിത്തം ഏറ്റെടുക്കാന്‍ സി.ഡ.ബ്ല്യു.സി രാഹുല്‍ ഗാന്ധിയോട് ഏകകണ്ഠമായി അഭ്യര്‍ഥിച്ചതായി കെസി വേണുഗോപാല്‍ എം.പി വ്യക്തമാക്കി. യുവാക്കള്‍, സ്ത്രീകള്‍, കര്‍ഷകര്‍, തൊഴിലാളികള്‍, ദളിതര്‍, ആദിവാസികള്‍, ഒ.ബി.സിക്കാര്‍ തുടങ്ങി എല്ലാ ന്യൂനപക്ഷങ്ങളുടെയും ആശങ്കകള്‍ സസൂക്ഷ്മം ശ്രദ്ധിച്ച രാഹുല്‍ ഗാന്ധിയുടെ യാത്രകളാണ് പാഞ്ച്‌ന്യായ്-പച്ചീസ് ഗ്യാരണ്ടി പദ്ധതിക്ക് കാരണമായതെന്നും ഇത് തിരഞ്ഞെടുപ്പില്‍ പ്രതിഫലിച്ചതായും സിഡബ്ല്യുസി പ്രമേയത്തില്‍ വ്യക്തമാക്കി.

രാഹുൽ ​ഗാന്ധി പ്രതിപക്ഷ നേതാവ് ; കോൺഗ്രസ് പ്രവർത്തക സമിതി പ്രമേയം പാസാക്കി

വടകര: പാലയാട് കരുവഞ്ചേരിയിൽ കോൺഗ്രസ് നേതാക്കളുടെ വീടിന് നേരെ സ്ഫോടക വസ്തു എറിഞ്ഞു. വില്യാപ്പള്ളി ബ്ലോക്ക് കോൺഗ്രസ് സെക്രട്ടറി മുതുവീട്ടിൽ ബാബു, പാലയാട് മണ്ഡലം യൂത്ത് കോൺഗ്രസ് പ്രസിഡന്റ് വിഷ്ണുദാസ് എന്നിവരുടെ വീടിന് നേരെയാണ് ആക്രമണം.&nbsp;
ഇന്നലെ അർധരാത്രി 12 മണിക്ക് ശേഷമായിരുന്നു സംഭവം. ആക്രമണത്തിൽ വീടിന്റെ ചുമരിനും വാതിലിനും മേൽക്കൂരയ്ക്കും കേടുപാടുകള്‍ സംഭവിച്ചു. ആക്രമണ സമയത്ത് വിഷ്ണു വീട്ടിലുണ്ടായിരുന്നില്ല. ഭാര്യയും കുട്ടിയും അകത്തുണ്ടായിരുന്ന സമയത്തായിരുന്നു ആക്രമണം. യു. ഡി എഫിൻ്റെ തിരഞ്ഞെടുപ്പ് പ്രചരണങ്ങളിൽ സജീവായതോടെ ഭീഷണിയുണ്ടായിരുന്നതായി വിഷ്ണു പറഞ്ഞു. പയ്യോളി പൊലീസിൽ പരാതി നൽകി.

മണിയൂരിൽ കോൺഗ്രസ് നേതാക്കളുടെ വീടിന് നേരെ സ്ഫോടക വസ്തു എറിഞ്ഞു

കണ്ണൂർ: ലോക്സഭ തെരഞ്ഞെടുപ്പിലെ കനത്ത പരാജയത്തിൽ പൊട്ടിത്തെറിച്ച സ്ഥാനാർഥി കെ. മുരളീധരനെ അനുനയിപ്പിക്കാനുള്ള നീക്കം കെ.പി.സി.സി തുടങ്ങി.അധ്യക്ഷൻ കെ. സുധാകരന്‍റെ നേതൃത്വത്തിൽ മുരളീധരനുമായി കൂടിക്കാഴ്ച നടത്തും.
പ്രശ്നപരിഹാരത്തിന് നടപടി സ്വീകരിക്കാൻ തയാറാണെന്ന് കെ.പി.സി.സി അറിയിച്ചതായി കെ. സുധാകരൻ മാധ്യമങ്ങളോട് പറഞ്ഞു. മുരളീധരൻ ഉന്നയിച്ച പ്രശ്നങ്ങൾക്ക് പരിഹാരമുണ്ടാകുമെന്നും താനടക്കമുള്ള നേതാക്കൾ മുരളീധരനെ കാണുമെന്നും സുധാകരൻ വ്യക്തമാക്കി.
കെ. മുരളീധരൻ കോൺഗ്രസ് പാർട്ടിയുടെ എല്ലാമെല്ലാമാണ്. എല്ലാവരും ഒറ്റക്കെട്ടായി മുരളിക്കൊപ്പം നിൽക്കും. എന്തുവിലകൊടുത്തും മുരളീധരനെ പാർട്ടിയിൽ സജീവമായി നിലനിർത്തും. ഏറെ ബഹുമാനത്തോടെ കാണുന്ന കെ. കരുണാകരന്‍റെ മകനെ മറക്കാനോ ത്യജിക്കാനോ സാധിക്കില്ലെന്നും കെ. സുധാകരൻ കൂട്ടിച്ചേർത്തു.

മുരളീധരനെ അനുനയിപ്പിക്കാനുള്ള നീക്കവുമായി കെ.പി.സി.സി ; നേതൃത്വം കൂടിക്കാഴ്ച്ച നടത്തും

തിരുവനന്തപുരം: നരേന്ദ്ര മോദിയുടെയും പിണറായി വിജയന്‍റേയും സർക്കാരുകളുടെ ജനദ്രോഹ ഭരണത്തിനെതിരെേ ജനം നൽകിയ ഇരട്ട പ്രഹരമാണ് ജനവിധിയെന്ന് കെ.പി.സി.സി പ്രസിഡന്റ് കെ. സുധാകരൻ . ഏകാധിപത്യ ഭരണാധികാരികൾക്കും വർഗീയ ശക്തികൾക്കും കേരളത്തിൻറെ മതേതര മനസ്സിൽ സ്ഥാനമില്ലെന്ന് പ്രഖ്യാപിക്കുന്നതാണ് തിരഞ്ഞെടുപ്പ് ഫലം.
സാധാരണക്കാരെ മറന്ന് കോർപറേറ്റുകളെയും മാഫിയ സംഘങ്ങളെയും വഴിവിട്ട് സഹായിച്ച മോദിക്കും പിണറായിക്കും ജനം നൽകിയ ശക്തമായ താക്കീത് കൂടിയാണ് ജനവിധി. പാർട്ടിയും യു.ഡി.എഫും ഒറ്റക്കെട്ടായി ഐക്യത്തോടെ പൊരുതി നേടിയ രാഷ്ട്രീയ വിജയമാണിത്. യു.ഡി.എഫ് സ്ഥാനാർഥികളുടെ വിജയത്തിനായി പ്രവർത്തിച്ച കോൺഗ്രസിന്‍റേയും യു.ഡി.എഫിന്‍റേയും പ്രവർത്തകർക്കും എല്ലാ ജനാധിപത്യ മതേതര വിശ്വാസികൾക്കും അദ്ദേഹം നന്ദി രേഖപ്പെടുത്തി.തൃശ്ശൂരിലെയും ആലത്തൂരിലെയും പരാജയം പാർട്ടി ഗൗരവമായി ചർച്ച ചെയ്യുമെന്നും അദ്ദേഹം വ്യക്തമാക്കി

സർക്കാരുകളുടെ ജനദ്രോഹ ഭരണത്തിനെതിരെ ജനം നൽകിയ ഇരട്ട പ്രഹരം; ജനവിധിയിൽ പ്രതികരണവുമായി കെ. സുധാകരൻ

തിരുവനന്തപുരം: ആകാംക്ഷയുടെ മുൾമുനയിൽ ലോകസഭാ തിരഞ്ഞെടുപ്പിന്റെ വോട്ടെണ്ണൽ ചൊവ്വാഴ്ച രാവിലെ തുടങ്ങും. രാവിലെ എട്ടിന് സംസ്ഥാനത്തെ 20 കേന്ദ്രങ്ങളിൽ വോട്ടെണ്ണിത്തുടങ്ങും. ആദ്യം തപാൽവോട്ട് എണ്ണും. ഒൻപതുമണിയോടെ ആദ്യ ഫലസൂചന കിട്ടുമെന്ന് മുഖ്യ തിരഞ്ഞെടുപ്പ് ഓഫീസർ സഞ്ജയ് കൗൾ പറഞ്ഞു.
11 മണിയോടെ വിജയി ആരെന്ന് ഉറപ്പാവും.ഭൂരിഭാഗം സർവേകളും യു.ഡി.എഫിനാണ് മുൻതൂക്കം പ്രവചിക്കുന്നത്. കേരളത്തിൽ ബി.ജെ.പി. അക്കൗണ്ട് തുറക്കുമെന്നും എൽ.ഡി.എഫിന് നാലു സീറ്റുവരെ കിട്ടാൻ സാധ്യതയുണ്ടെന്നും എക്സിറ്റ്‌ പോളുകൾ പറയുന്നു.മാധ്യമങ്ങൾക്കും പൊതുജനങ്ങൾക്കും തിരഞ്ഞെടുപ്പ് കമ്മിഷന്റെ വെബ്സൈറ്റിലും വോട്ടർ ഹെൽപ്‌ലൈൻ ആപ്പിലും തത്സമയം ഫലമറിയാം. ഇലക്‌ഷൻ കമ്മിഷന്റെ എൻകോർ സോഫ്റ്റ്‌വേറിൽനിന്ന് തിരഞ്ഞെടുപ്പുഫലം <a href="https://results.eci.gov.in" target="_blank">https://results.eci.gov.in </a> എന്ന വെബ്സൈറ്റ് വഴിയാണ് തത്സമയം ലഭ്യമാവുക.

കാത്തിരിപ്പിനു വിരാമം :എട്ട് മണിക്ക് വോട്ടെണ്ണി തുടങ്ങും;ആദ്യ ഫലസൂചന ഒരുമണിക്കൂറിനകം

ന്യൂഡൽഹി: ബി.ജെ.പി മൂന്നാം തവണയും അധികാരത്തില്‍ എത്തുന്നത് തടയുമെന്ന് കോൺ​ഗ്രസ് അധ്യക്ഷൻ മല്ലികാര്‍ജുന്‍ ഖാർ​ഗെ.മുന്നണിക്ക് 128 സീറ്റുകൾ വരെ നേടാനാകുമെന്നാണ് വിശ്വാസം. രാഹുൽ ​ഗാന്ധി പ്രധാനമന്ത്രിയാകുന്നതാണ് ഉചിതമെന്നാണ് താൻ കരുതുന്നതെന്നും അദ്ദേഹം എൻ.ഡി.ടി.വിക്ക് നൽകിയ അഭിമുഖത്തിൽ പറഞ്ഞു.
ഇന്ത്യ സഖ്യത്തിലെ പാർട്ടികൾ തമ്മിൽ വോട്ടുകൾ പരസ്പരം കൈമാറുന്നതിൽ കൃത്യമായി വിജയിച്ചു. വോട്ടെണ്ണുന്നതിൽ ഒരു ഇടപെടലും ഇല്ലെന്ന് ഉറപ്പാക്കുന്നതിനായാണ് ശനിയാഴ്ച യോ​ഗം വിളിച്ചത്..രാഹുൽ ​ഗാന്ധിയെയാണ് ഇന്ത്യ സഖ്യത്തിന്റെ പ്രധാനമന്ത്രി സ്ഥാനാര്‍ഥിയായി താൻ കാണുന്നതെന്നും അദ്ദേഹം വ്യക്തമാക്കി.

രാഹുൽ ​ഗാന്ധി പ്രധാനമന്ത്രിയാകുന്നതാണ് ഉചിതം; കോണ്‍ഗ്രസിന് 128 സീറ്റ് നേടാനാകുമെന്ന് മല്ലികാര്‍ജുന്‍ ഖാർ​ഗെ

പുറമേരി: കോൺഗ്രസ് നേതാവും അധ്യാപക യൂണിയൻ ഭാരവാഹിയുമായിരുന്ന സി.കെ.വിജയൻ്റെ അഞ്ചാം ചരമ വാർഷികത്തോടനുബന്ധിച്ച് പുറമേരി മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ അനുസ്മരണ സമ്മേളനം നടന്നു. ഡിസിസി അംഗം കെ.സജീവൻ ഉദ്ഘാടനം ചെയ്തു. മണ്ഡലം കോൺഗ്രസ് സെക്രട്ടറി പി.ദാമോദരൻ അധ്യക്ഷത വഹിച്ചു. പഞ്ചായത്തംഗം കണ്ടോത്ത് റീത്ത, ടി.കുഞ്ഞിക്കണ്ണൻ, പി.എം.നാണു, എൻ.കെ.വിശ്വംഭരൻ, കണ്ടോത്ത് ശശി, ഐഎൻടിയുസി പഞ്ചായത്ത് പ്രസിഡൻ്റ് മുതുവാട്ട് ശശി, കെ.ചന്ദ്രൻ, കെ.പ്രദീപൻ, കെ.പ്രദീഷ് എന്നിവർ പ്രസംഗിച്ചു.

സി.കെ.വിജയൻ അനുസ്മരണ സമ്മേളനം നടത്തി

വടകര: മണ്ഡലം കോൺഗ്രസ്സ് കമിറ്റിയുടെ നേതൃത്വത്തിൽ രാജീവ്‌ ഗാന്ധിയുടെ രക്തസാക്ഷിത്വ ദിനത്തിൽ വർഗീയ വിരുദ്ധ പ്രതിജ്ഞയും, പുഷ്പാർച്ചനയും നടത്തി. മണ്ഡലം കോൺഗ്രസ്സ് പ്രസിഡന്റ്‌ വി കെ പ്രേമൻ വർഗീയ വിരുദ്ധ പ്രതിജ്ഞ ചൊല്ലി കൊടുത്തു. ജില്ലാ കോൺഗ്രസ്സ് സെക്രട്ടറി കെ പി കരുണൻ, ബ്ലോക്ക്‌ പ്രസിഡന്റ്‌ സതീശൻ കുരിയാടി, പുറന്തോടത്ത് സുകുമാരൻ, എൻ കെ രവീന്ദ്രൻ, കെ സുരേഷ് ബാബു, ബിജുൽ ആയാടത്തിൽ, കെ. സുനിൽ കുമാർ, നടക്കൽ വിശ്വനാഥൻ, രഞ്ജിത്ത് കണ്ണൊത്ത്, ശശി പുറങ്കര, മോഹനൻ കുരിയാടി, കമറുദീൻ കുരിയാടി, സുരേഷ് കുളങ്ങരത്ത്, കെ പി രതീശൻ, നിരേഷ് എടോടി, കെ പി. നജീബ്, വി കെ ഭാസ്കരൻ എന്നിവർ പ്രസംഗിച്ചു.

രാജീവ് ഗാന്ധിയുടെ രക്തസാക്ഷിത്വ ദിനം ആചരിച്ചു

തിരുവനന്തപുരം: എൽ.ഡി.എഫ് ബന്ധം അവസാനിപ്പിച്ച് കേരള കോൺഗ്രസ് എം , യു.ഡി.എഫിലേക്ക് മടങ്ങണമെന്ന് കോൺഗ്രസ് മുഖപത്രം വീക്ഷണം. ജോസ് കെ. മാണി സി.പി.എം അരക്കില്ലത്തിൽ വെന്തുരുകരുത്. കോട്ടയം ലോക്സഭ സീറ്റിൽ തോമസ് ചാഴികാടന്റെ തോൽവി ഉറപ്പായിരിക്കെ മാണി ഗ്രൂപ്പിന് ലോക്സഭയിലും രാജ്യസഭയിലും അംഗത്വമില്ലാതെയാവും. ദേശീയ പാർട്ടി പദവിയും ചിഹ്നവും നിലനിർത്താനുള്ള പോരാട്ടത്തിൽ ഇരു കമ്യൂണിസ്റ്റ് പാർട്ടികൾക്കും ജോസ് കെ മാണിയുടെ മോഹങ്ങൾ നിറവേറ്റിക്കൊടുക്കാൻ സാധ്യമല്ലെന്നും വീക്ഷണം മുഖ പ്രസംഗത്തിൽ പറയുന്നു.
ഘടകകക്ഷിയുടെ ആവശ്യങ്ങൾ നിരാകരിക്കുകയോ അവരെ അവഗണിക്കുകയോ ചെയ്യുന്ന രീതി കോൺഗ്രസിനില്ല. കഴിഞ്ഞ ലോക്സഭ തെരഞ്ഞെടുപ്പിൽ മൂന്നാം സീറ്റിൽ ആവശ്യപ്പെട്ട മുസ് ലിം ലീഗിന് രാജ്യസഭ സീറ്റ് നൽകിയത് മുന്നണി മര്യാദയുടെ പേരിലാണെന്ന് ചൂണ്ടിക്കാട്ടുന്ന മുഖപ്രസംഗം കോൺഗ്രസിനെ പോലെ ഘടകകക്ഷികള കരുതാൻ സി.പി.എം തയാറാകില്ലെന്ന മുന്നറിയിപ്പും നൽകുന്നു.
കെ.എം. മാണി വത്തിക്കാൻ പോലെ കാത്തുസൂക്ഷിച്ച പാലായിൽ ജോസ് കെ. മാണി തോറ്റത് കേരള കോൺഗ്രസിന്റെ ചരിത്രത്തിൽ ഏറ്റവും കഠിനമായതാണ്. നാല് പതിറ്റാണ്ടിലേറെ കാലം തിരുവിതാംകൂറിലെ കർഷകർക്ക് അവകാശബോധത്തിന്റെയും സംഘബോധത്തിന്റേയും സൂക്തങ്ങളും പ്രയോഗങ്ങളും പഠിപ്പിച്ച കെ.എം. മാണിയുടെ മകന് കർഷക രാഷ്ട്രീയത്തിന്‍റെ നഴ്സറി പാഠങ്ങൾ പോലും വശമില്ലെന്നും മുഖപ്രസംഗം പറയുന്നു.

സി.പി.എം അരക്കില്ലത്തിൽ വെന്തുരുകരുത്, ജോസ് കെ. മാണി യു.ഡി.എഫിലേക്ക് മടങ്ങണമെന്ന് കോൺഗ്രസ് മുഖപത്രം

പാലക്കാട്: മതത്തിൻ്റെ അടിസ്ഥാനത്തിൽ ഇന്ത്യൻ ക്രിക്കറ്റ് ടീമിനെ തീരുമാനിക്കുന്നത് കോൺഗ്രസാണെന്ന് പ്രധാനമന്ത്രിയുടെ പ്രസ്താവനയ്ക്കെതിരെ വടകരയിലെ യു ഡി എഫ് സ്ഥാനാർത്ഥി ഷാഫി പറമ്പിൽ എം എൽ എ . 1983 ലോകകപ്പ്, 2007 T20 ലോകകപ്പ്, 2011 ലോകകപ്പ്, 2013 ICC Champions Trophy എന്നിവ നേടിയ കോൺഗ്രസ് കാലത്തെ ഇന്ത്യൻ ക്രിക്കറ്റ് ടീമുകളുടെ ചരിത്രം രേഖപ്പെടുത്തിയാണ് ഷാഫിയുടെ കുറിപ്പ്.

ഷാഫി പറമ്പിൽ ഫേസ്ബുക്കിൽ കുറിച്ചത്
1983 World Cup&nbsp;
2007 T20 WC
2011 World Cup
2013 ICC Champions Trophy
കോൺഗ്രസ്സ് കാലത്തെ ഇന്ത്യൻ ക്രിക്കറ്റ് ടീമുകൾ

പ്രധാനമന്ത്രിയുടെ ഇന്ത്യൻ ക്രിക്കറ്റ് ടീം പരാമർശം; മറുപടിയായി ചിത്രം പങ്കുവച്ച് ഷാഫി പറമ്പിൽ

തിരുവനന്തപുരം: കെ.പി.സി.സി. അധ്യക്ഷനായി കെ.സുധാകരൻ വീണ്ടും ചുമതലയേറ്റു. മുതിർന്ന കോൺ​ഗ്രസ് നേതാവ് എ.കെ. ആന്റണിയെ അദ്ദേഹത്തിന്റെ വസതിയിൽ സന്ദർശിച്ച ശേഷം കെ.പി.സി.സി. ആസ്ഥാനമായ ഇന്ദിരാഭവനിലെത്തി അദ്ദേഹം അധ്യക്ഷസ്ഥാനം ഏറ്റെടുക്കുകയായിരുന്നു.
കണ്ണൂരിൽ സ്ഥാനാർഥിയായതിനെ തുടർന്നാണ് കെ. സുധാകരൻ താൽക്കാലികമായി അധ്യക്ഷസ്ഥാനത്തുനിന്ന് മാറിനിന്നത്. പ്രസിഡന്റിന്റെ ചുമതല എം.എം. ഹസനെ ഹൈക്കമാൻഡ് ഏൽപ്പിക്കുകയും ചെയ്തു. തിരഞ്ഞെടുപ്പ് നടപടികൾ തീരുംവരെയാണ് ഹസന് ചുമതലയെന്നായിരുന്നു നിയമന ഉത്തരവിൽ. തിരഞ്ഞെടുപ്പ് നടപടികളെന്നാൽ വോട്ടെണ്ണൽ കഴിയുംവരെയെന്ന വ്യാഖ്യാനത്തിൽ ഹസൻ ചുമതലയിൽ തുടരുകയായിരുന്നു. ഇത് വലിയ വിവാദങ്ങൾക്ക് ഇടയായി. പിന്നീട് കെ. സുധാകരന്റെ സമ്മർദത്തിനു മുന്നിൽ ഹൈക്കമാൻഡ് വഴങ്ങുകയായിരുന്നു.
കഴിഞ്ഞദിവസം ചേർന്ന തിരഞ്ഞെടുപ്പ് അവലോകനയോഗത്തിലും ഹസനായിരുന്നു അധ്യക്ഷൻ. ജില്ലകളിൽ നടക്കേണ്ട വിശദമായ തിരഞ്ഞെടുപ്പ് അവലോകനത്തിനുള്ള നിർദേശവും നൽകിയിരുന്നു. ഈ യോഗത്തിൽ താൻ തിരികെ പ്രസിഡന്റിന്റെ ചുമതല ഏറ്റെടുക്കുന്നതിനെക്കുറിച്ച് ഹൈക്കമാൻഡ് പ്രതിനിധികളായ കെ.സി. വേണുഗോപാലോ ദീപാ ദാസ്‌ മുൻഷിയോ സൂചന നൽകുമെന്നായിരുന്നു സുധാകരന്റെ പ്രതീക്ഷ.
എന്നാൽ അതുണ്ടായില്ല. ഫലം വരുംവരെ ഹസനാകും ചുമതലയെന്ന നിലയിൽ കാര്യങ്ങൾ പുരോഗമിക്കുന്നതിൽ സുധാകരൻ അതൃപ്തിയിലായി. ചുമതല കൈമാറിയില്ലെങ്കിൽ കടുത്ത പ്രതികരണങ്ങൾ നടത്തുമെന്ന സൂചന സുധാകരൻ പാർട്ടി കേന്ദ്രനേതൃത്വത്തെ അറിയിച്ചെന്നാണ് വിവരം. ദേശീയതലത്തിൽ തിരഞ്ഞെടുപ്പിനെ നേരിടുന്നതിനിടെ കേരളത്തിൽ അത്തരമൊരു അസ്വാസ്ഥ്യമുണ്ടാക്കേണ്ടെന്ന് വിലയിരുത്തിയ ഹൈക്കമാൻഡ് സുധാകരന് ബുധനാഴ്ചതന്നെ ചുമതല ഏറ്റെടുക്കാൻ അനുമതി നൽകി. ഹസനെയും വിവരം ധരിപ്പിച്ചു.

കെ.പി.സി.സി. അധ്യക്ഷ സ്ഥാനത്തേക്ക് കെ.സുധാകരൻ തിരിച്ചെത്തി

കല്‍പ്പറ്റ: ലോക്‌സഭാ തെരഞ്ഞെടുപ്പ് ഘട്ടത്തില്‍ വിദേശയാത്രയ്ക്ക് പോകുന്ന മുഖ്യമന്ത്രിയെ വിമര്‍ശിച്ച് ടി സിദ്ധീഖ്. ഏഴു ഘട്ടമായുള്ള തെരഞ്ഞെടുപ്പില്‍ രണ്ട് ഘട്ടം മാത്രമാണ് കഴിഞ്ഞത്. അഞ്ച് ഘട്ടങ്ങള്‍ ബാക്കി നില്‍ക്കുന്നു. പല കോണ്‍ഗ്രസ് സ്ഥാനാര്‍ഥികള്‍ക്കും മറ്റ് സംസ്ഥാനങ്ങളില്‍ ചുമതല ലഭിച്ച് പോയി കഴിഞ്ഞു. എന്നാല്‍ സിപിഎം നേതാക്കളെല്ലാം വിശ്രമത്തിലാണെന്നാണ് സിദ്ധീഖിന്റെ വിമര്‍ശനം. സിപിഎം പിബി അംഗങ്ങള്‍ കൂടുതല്‍ കേരളത്തില്‍ നിന്നാണ്. അവര്‍ക്ക് ഇന്ത്യാ മുന്നണിയുടെ ഭാഗമായി ബിജെപിക്കെതിരെ പോരാട്ടം നയിക്കാന്‍ ഉത്തരേന്ത്യയിലേക്ക് പോയ് കൂടെയെന്നും സിദ്ധീഖ് ചോദിച്ചു.&nbsp;&nbsp;
ടി സിദ്ധീഖിന്റെ കുറിപ്പ്
കേരളത്തിലെ തിരഞ്ഞെടുപ്പ് കഴിഞ്ഞു. എല്‍ഡിഎഫ് യോഗം കൂടി 12 സീറ്റ് ഉറപ്പിച്ചു. ഇനി സിപിഐഎം വിശ്രമത്തിലേക്ക്..! ദേശീയ തിരഞ്ഞെടുപ്പ് നടക്കുമ്പോള്‍ ആകെയുള്ള സിപിഐഎം മുഖ്യമന്ത്രിയും കുടുംബവും സ്വകാര്യ സന്ദര്‍ശനത്തിന് ദുബായിലേക്ക് പോകുന്നു. മത്സരിച്ച നേതാക്കളെല്ലാം വിശ്രമത്തിലാണ്. കേരളത്തിലെ കോണ്‍ഗ്രസിനും രാഹുല്‍ ഗാന്ധിക്കുമെതിരെ പറയുകയും പ്രവര്‍ത്തിക്കുകയും ചെയ്യുക എന്നത് മാത്രമായിരുന്നു ഈ തിരഞ്ഞെടുപ്പില്‍ സിപിഐഎമ്മിന്റെ അജണ്ട എന്ന് തിരഞ്ഞെടുപ്പിന് ശേഷം അവര്‍ എന്ത് ചെയ്തു എന്ന് നോക്കിയാല്‍ മതി. ഷാഫി പറമ്പില്‍ എന്ന ജനകീയ നേതാവിനെ മതം നോക്കി തീവ്രവാദിയാക്കലാണ് ആകെ ചെയ്യുന്ന പണി.
7 ഘട്ടമായുള്ള തിരഞ്ഞെടുപ്പില്‍ രണ്ട് ഘട്ടം മാത്രമാണ് കഴിഞ്ഞത്. അഞ്ച് ഘട്ടങ്ങള്‍ ബാക്കി നില്‍ക്കുന്നു. പല കോണ്‍ഗ്രസ് സ്ഥാനാര്‍ഥികള്‍ക്കും മറ്റ് സംസ്ഥാനങ്ങളില്‍ ചുമതല ലഭിച്ച് പോയിക്കഴിഞ്ഞു. അവര്‍ രണ്ട് മാസം കൊടും വെയില്‍ കൊണ്ട് പ്രചാരണം നടത്തിയവരാണ്. എന്നിട്ട് പോലും അവര്‍ക്ക് വിശ്രമമില്ല. കോണ്‍ഗ്രസിന് വിശ്രമിക്കാനാവില്ല. ഈ തിരഞ്ഞെടുപ്പ് ഇന്ത്യയുടെ നില നില്‍പ്പിന് വേണ്ടിയുള്ളതാണ്, അല്ലാതെ ചിഹ്നം നില നിര്‍ത്താനുള്ളതല്ല എന്ന തിരിച്ചറിവ് കോണ്‍ഗ്രസിനുണ്ട്.
ഈ തിരഞ്ഞെടുപ്പില്‍ സിപിഎമ്മിന്റെ പ്രസക്തി എത്ര മാത്രമാണെന്ന് ഇപ്പോള്‍ എല്ലാവര്‍ക്കും ബോധ്യമായില്ലേ? പിബി മെമ്പര്‍മാരൊക്കെ കൂടുതല്‍ കേരളത്തില്‍ നിന്നാണ്. അവര്‍ക്ക് ഇന്ത്യാ മുന്നണിയുടെ ഭാഗമായി ബിജെപിക്കെതിരെ പോരാട്ടം നയിക്കാന്‍ ഉത്തരേന്ത്യയിലേക്ക് പൊയ്ക്കൂടെ? പോട്ടെ, ബംഗാളിലേക്കെങ്കിലും പൊയ്ക്കൂടെ. അഖിലേന്ത്യാ തലത്തില്‍ ബിജെപിയ്‌ക്കെതിരെ എന്ത് പോരാട്ടമാണ് സിപിഐഎം അടക്കമുള്ള ഇടത് പാര്‍ട്ടികള്‍ ഇപ്പോള്‍ നടത്തുന്നത്? നിങ്ങള്‍ക്ക് വിശ്രമിക്കാം, രാഹുല്‍ ഗാന്ധി പ്രധാനമന്ത്രിയാവരുതെന്ന് ആഗ്രഹിക്കുന്ന നിങ്ങള്‍ വിശ്രമിച്ചില്ലെങ്കിലേ അത്ഭുതമുള്ളൂ. 'ഇന്ത്യ ഉണ്ടെങ്കിലേ കേരളമുള്ളൂ... കേരളമുണ്ടെങ്കിലേ സിപിഐഎം ഉള്ളൂ...' എന്ന് പാര്‍ട്ടി വിലയിരുത്തുന്നത് നന്ന്.&nbsp;

യോഗം കൂടി 12 സീറ്റ് ഉറപ്പിച്ചു; കേരളത്തിലെ തെരഞ്ഞെടുപ്പ് കഴിഞ്ഞതോടെ സിപിഎം വിശ്രമത്തിലാണെന്ന് സിദ്ധീഖ്

തൃശൂർ: കെ മുരളീധരനോട് തന്നെ പറ്റി ഒന്നും ചോദിക്കരുതെന്ന് മാധ്യമങ്ങളോട് അപേക്ഷിക്കുകയാണെന്ന് ബിജെപി നേതാവും സഹോദരിയുമായ പദ്മജ വേണു​ഗോപാൽ. ബന്ധങ്ങളെ രാഷ്ട്രീയമായി കാണുന്ന ഒരു വികാരജീവിയാണ് മുരളീധരനെന്നും ഒരു മറുപടിയും അർഹിക്കുന്നില്ലെന്നും പദ്മജ പറഞ്ഞു. കോൺ​ഗ്രസിന്റെ കാര്യം നോക്കേണ്ടെന്ന മുരളീധരന്റെ പരാമർശത്തോടാണ് പദ്മജയുടെ പ്രതികരണം. ഫേസ്ബുക്കിലാണ് മുരളീധരനെതിരെയുള്ള പദ്മജയുടെ പരാമർശം ഉണ്ടായത്.&nbsp;
'ഇപ്പോഴും ഒന്നും പറയാമെന്നു എനിക്ക് ആഗ്രഹമില്ലായിരുന്നു. വെറുതെ ഇരിക്കുന്ന എന്നെ വെറുതെ തോണ്ടരുത്. 20 കൊല്ലമായി ഈ മാനസിക പീഡനം തുടങ്ങിയിട്ട്. ഇനി എനിക്കും സഹിക്കാൻ ബുദ്ധിമുട്ടുണ്ട്. അദ്ദേഹം പാർട്ടി പിളർത്തി ഡിഐസി ഉണ്ടാക്കി, എൻസിപിയിൽ പോയപ്പോൾ ഞാൻ വല്ലതും പറഞ്ഞോ? അന്ന് ഞാൻ കോൺഗ്രസ്സുകാരി ആയിരുന്നു. പിന്നെ ഞാൻ ആരെ വിമർശിക്കണം എന്നുള്ളത് ഞാൻ തീരുമാനിച്ചോളാം. എന്നെ ഉപദേശിക്കേണ്ട. എന്തായാലും ഞാൻ പറഞ്ഞത് ശരിയായിരുന്നു എന്ന് അങ്ങേരു തന്നെ സമ്മതിച്ചല്ലോ. ഇപ്പോൾ ഞാൻ പറഞ്ഞു കൊടുത്തിട്ടാണ് എന്ന് പറയില്ലല്ലോ. സന്തോഷം. പിന്നെ കെ. മുരളീധരനെ പറ്റി എന്നോടും ഒന്നും ചോദിക്കരുത്. എത് ഒരു അടഞ്ഞ അധ്യായമാണ്.' -പദ്മജ ഫേസ്ബുക്കിൽ കുറിച്ചു.&nbsp;
കോണ്‍ഗ്രസിന് കേരളത്തിൽ എല്ലായിടത്തും സംഘടന ദൗർബല്യം ഉണ്ടെന്ന് കെ മുരളീധരന്‍ നേരത്തെ പ്രതികരിച്ചിരുന്നു. പഞ്ചായത്ത് തെരഞ്ഞെടുപ്പിന് മുന്നോടിയായി പാര്‍ട്ടിയെ ശക്തിപ്പെടുത്തും. മുൻ അനുഭവം വച്ച് പ്രവർത്തനം ശക്തമാക്കും. പത്മജ കോൺഗ്രസിന്‍റെ കാര്യം നോക്കണ്ട. പ്രശ്നങ്ങൾ ഉണ്ടെങ്കിൽ പരിഹരിക്കുമെന്നും മുരളീധരൻ പറഞ്ഞു.&nbsp;&nbsp;

'അടഞ്ഞ അധ്യായം, കെ. മുരളീധരനെ പറ്റി എന്നോട് ഒന്നും ചോദിക്കരുത്'; പദ്മജ വേണു​ഗോപാൽ

കോഴിക്കോട്: കോണ്‍ഗ്രസിന് കേരളത്തിൽ എല്ലായിടത്തും സംഘടന ദൗർബല്യം ഉണ്ടെന്ന് കെ.മുരളീധരന്‍. പഞ്ചായത്ത് തെരഞ്ഞെടുപ്പിന് മുന്നോടിയായി പാര്‍ട്ടിയെ ശക്തിപ്പെടുത്തും. മുൻ അനുഭവം വച്ച് പ്രവർത്തനം ശക്തമാക്കും. പത്മജ കോൺഗ്രസിന്‍റെ കാര്യം നോക്കണ്ട. പ്രശ്നങ്ങൾ ഉണ്ടെങ്കിൽ പരിഹരിക്കും. തൃശൂർ മാത്രം ആയി പ്രശ്നം ഇല്ല. സെമി കേഡർ ഒന്നും അല്ല കോണ്‍ഗ്രസിന് വേണ്ടത്. താഴെക്കിടയിുള്ള പ്രവർത്തനം ആണ് വേണ്ടത്. ആള് കൂടണം. തൃശൂരിൽ യുഡിഎഫിന് പരാജയ ഭീതി ഇല്ല. സിപിഎം- ബിജെപി അന്തർധാര നടന്നു. ജാവ്ദേക്കർ ജയരാജൻ കൂടിക്കാഴ്ച്ച അതിന്‍റെ ഭാഗമാണ്. കെ. സുധാകരന്‍റെ മടങ്ങിവരവിൽ വിവാദങ്ങളുടെ ആവശ്യമില്ലെന്നും അദ്ദേഹം പറഞ്ഞു.

പ്രശ്നങ്ങൾ ഉണ്ടെങ്കിൽ പരിഹരിക്കും; കോൺഗ്രസിന്‍റെ കാര്യം പദ്മജ നോക്കണ്ടെന്ന് കെ.മുരളീധരന്‍

തിരുവനന്തപുരം : ലോക്സഭാ തെരഞ്ഞെടുപ്പിൽ 20 സീറ്റും നേടുമെന്ന ആത്മവിശ്വാസമുണ്ടെന്ന് കെപിസിസി ആക്ടിംഗ് പ്രസിഡന്റ് എം എം ഹസൻ. വടകര മണ്ഡലത്തിൽ സിപിഎം വിദ്വേഷ പ്രചാരണം നടത്തി. ഷാഫി പറമ്പിലിനെതിരെ വ്യാജ വീഡിയോ ഇറക്കി ദുഷ്പ്രചാരണം നടത്തി. മണ്ഡലത്തിൽ വർഗീയ വിദ്വേഷം ആളിക്കത്തിക്കാനാണ് സിപിഎം ശ്രമിച്ചതെന്നും കെപിസിസി വർഗീയ പ്രചാരണത്തിനെതിരെ പ്രചാരണം തുടങ്ങുമെന്നും കോൺഗ്രസ് വ്യക്തമാക്കി. സിപിഎമ്മിന്റെ വിദ്വേഷ പ്രചാരണം തടയാൻ ഈ മാസം 11 ന് വടകരയിൽ കൂട്ടായ്മ സംഘടിപ്പിക്കുമെന്നും എംഎം ഹസൻ അറിയിച്ചു. തെരഞ്ഞെടുപ്പ് അവലോകന യോഗത്തിന് പിന്നാലെയാണ് പ്രതികരണം.&nbsp;

'ഷാഫി പറമ്പിലിനെതിരെ സി പി എം വ്യാജ വീഡിയോ ഇറക്കി'; 11 ന് വടകരയിൽ കൂട്ടായ്മ സംഘടിപ്പിക്കുമെന്ന് കോൺഗ്രസ്

കണ്ണൂര്‍: ബി.ജെ.പിയുമായി ചര്‍ച്ച നടത്തിയെന്ന കെ.പി.സി.സി. പ്രസിഡന്റ് കെ. സുധാകരന്റെ ആരോപണത്തില്‍ പ്രതികരണവുമായി എല്‍.ഡി.എഫ്. കണ്‍വീനര്‍ ഇ.പി. ജയരാജന്‍. ബി.ജെ.പിയിലേക്കും ആര്‍.എസ്.എസിലേക്കും പോവേണ്ട ആവശ്യം തനിക്കില്ലെന്ന് ഇ.പി. ജയരാജന്‍ പറഞ്ഞു. താന്‍ അവര്‍ക്കെതിരായി പൊരുതിവന്നവനാണ്. തന്നെക്കുറിച്ച് എന്തെങ്കിലും പറഞ്ഞാല്‍ നാട്ടിലെ ജനങ്ങള്‍ വിശ്വസിക്കില്ലെന്നും അദ്ദേഹം പ്രതികരിച്ചു.
'സുധാകരന്‍ അമിത് ഷായുമായും ബി.ജെ.പി. നേതാക്കളുമായും ബന്ധപ്പെടാനുള്ള നടപടികള്‍ സ്വീകരിച്ചിരുന്നുവെന്ന് സുധാകരന്‍ തന്നെ വ്യക്തമാക്കിയിട്ടുണ്ട്. ബി.ജെ.പിയിലേക്ക് പോകാന്‍ സുധാകരന്‍ തയ്യാറെടുത്തുകഴിഞ്ഞു. സുധാകരന്‍ ബി.ജെ.പിയാകുമെന്ന് അദ്ദേഹം തന്നെ വ്യക്തമാക്കിയിരിക്കുകയാണ്. സാധാരണകഴിക്കുന്ന മരുന്ന് സുധാകരന്‍ ഇന്നലെ കഴിച്ചിട്ടില്ലെന്നാണ് തോന്നുന്നത്. അതുകൊണ്ട് ഇന്ന് രാവിലെ അതിന്റെ തകരാറ് പ്രകടിപ്പിച്ച് ഞാനെന്തോ ബി.ജെ.പിയിലേക്ക് പോകാന്‍ പോകുന്നുവെന്ന് പറഞ്ഞ് ഏതോ ഒരു ബി.ജെ.പി. വനിതാനേതാവിന്റെ അസിസ്റ്റന്റായി, അവരുമായി അടുപ്പമുള്ള ആളായി- ബി.ജെ.പി- ആര്‍.എസ്.എസ്. നേതാക്കളുമായി സുധാകരന് അടുപ്പമുണ്ടാവും- അതിന്റെ അടിസ്ഥാനത്തില്‍ തനിക്കൊരു വിവരംകിട്ടിയിരിക്കുന്നുവെന്ന് പറഞ്ഞ് പ്രസ്താവന നടത്തി', ഇ.പി. ആരോപിച്ചു.
'അള്‍ഷിമേഴ്‌സ് ഉണ്ടോ അദ്ദേഹത്തിന്. എന്തോ ഒരു തകരാറുണ്ടിപ്പോള്‍. ഈ തകരാറുംകൊണ്ട് പോയാല്‍ എങ്ങനെ കോണ്‍ഗ്രസിനെ നയിക്കാന്‍ കഴിയും? സാമാന്യഗതിയില്‍ നല്ല മനുഷ്യനാകാന്‍ നോക്ക്, ഒരു നല്ല രാഷ്ട്രീയ നേതാവാകാന്‍ കഴിയുമോയെന്ന് പരിശ്രമിക്ക്, മരുന്ന് കൃത്യമായി കഴിക്ക്, ഓര്‍മശക്തി തിരിച്ചുപിടിക്കൂ, സത്യങ്ങളില്‍ ഊന്നിനില്‍ക്കൂ...', അദ്ദേഹം പറഞ്ഞു.
'എന്നെക്കൊല്ലാന്‍ ആര്‍.എസ്എസുകാര്‍ നിരവധി തവണ ബോംബെറിഞ്ഞതാണ്. സുധാകരന്‍ എന്നെ വെടിവെക്കാന്‍ അയച്ച രണ്ടുപേര്‍ ആര്‍.എസ്.എസുകാരായിരുന്നു. സുധാകരാ, ആ തോക്കിന്റെ പക ഇപ്പോഴും തീര്‍ന്നിട്ടില്ല അല്ലേ? ഇതൊന്നും നല്ല രാഷ്ട്രീയമല്ലെന്ന് മനസിലാക്കണം. മരുന്ന് കഴിച്ചിട്ടില്ല, ഓര്‍മശക്തി നഷ്ടപ്പെടുന്നു... മോഹന്‍ലാലിന്റെ സിനിമയിലെ ഒരുവാക്കുണ്ട്, അത് ഞാന്‍ ഉപയോഗിക്കുന്നില്ല. നിലവാരം കുറഞ്ഞ ഒരാളോടും പ്രതികരിക്കാനില്ല', അദ്ദേഹം കൂട്ടിച്ചേര്‍ത്തു.

'മരുന്ന് കൃത്യമായി കഴിക്ക്, നല്ല മനുഷ്യനാകാൻ നോക്ക്'; സുധാകരന് മറുപടിയുമായി ഇ.പി

കണ്ണൂർ: കെപിസിസി അധ്യക്ഷൻ കെ.സുധാകരന്റെ മുൻ പിഎ വി.കെ മനോജ് ബിജെപിയിൽ ചേര്‍ന്നു. ബിജെപി കണ്ണൂര്‍ ജില്ലാ ആസ്ഥാനത്ത് വെച്ച് എൻഡിഎ സ്ഥാനാർത്ഥി സി രഘുനാഥിൽ നിന്ന് വി.കെ മനോജ് ബിജെപി അംഗത്വം സ്വീകരിച്ചു. ഇന്നത്തെ കോണ്‍ഗ്രസിന് പ്രത്യയശാസ്ത്രമില്ലെന്നും കോണ്‍ഗ്രസ് നേതൃത്വത്തില്‍ മുഴുവന്‍ കുടുംബവാഴ്ചയാണെന്നും വി.കെ മനോജ് പറഞ്ഞു. വിവരമുള്ള ഒരാളും ഇനി അധികകാലം കോണ്‍ഗ്രസിലുണ്ടാകില്ലെന്നും അദ്ദേഹം കൂട്ടിച്ചേര്‍ത്തു. 2004 മുതൽ 2009 വരെ കെ സുധാകരൻ എംപി ആയിരുന്ന സമയത്ത് മനോജ് കുമാർ ആയിരുന്നു പി.എ.
കോൺഗ്രസ് നേതാവും കണ്ണൂർ ഡി.സി.സി സെക്രട്ടറിയുമായിരുന്ന രഘുനാഥ് കഴിഞ്ഞ ഡിസംബറിലാണ് ബി.ജെ.പിയിൽ ചേർന്നത്. ധർമടം മണ്ഡലത്തിൽ മുഖ്യമന്ത്രി പിണറായി വിജയനെതിരെ മത്സരിച്ച രഘുനാഥ് കോൺഗ്രസ് നേതൃത്വത്തിന്റെ ഭാഗത്തുനിന്ന് അവഗണന നേരിടേണ്ടിവന്നുവെന്ന് ചൂണ്ടിക്കാട്ടിയാണ് പാർട്ടി വിട്ടത്.
&nbsp;കെ.പി.സി.സി അധ്യക്ഷൻ കെ. സുധാകരന്റെ അടുത്ത അനുയായിയായിരുന്ന രഘുനാഥ് അഞ്ച് പതിറ്റാണ്ടുനീണ്ട കോൺഗ്രസ് ബന്ധം അവസാനിപ്പിച്ചാണ് ബി.ജെ.പിയിലേക്ക് പോയത്. അര നൂറ്റാണ്ടായി കോൺഗ്രസിൽ പ്രവർത്തിക്കുന്ന താൻ മനം മടുത്താണ് പാർട്ടി വിടുന്നത്. നേതൃത്വം ഒറ്റപ്പെടുത്തുകയാണ്. ഗതികെട്ടാണ് ധർമടത്ത് സ്ഥാനാർഥിയായത്. കെ.പി.സി.സി അധ്യക്ഷനെന്ന നിലയിൽ കെ. സുധാകരനെക്കൊണ്ട് പ്രയോജനവുമില്ല. ധർമടത്ത് യു.ഡി.എഫ് സംഘടിപ്പിച്ച വിചാരണ സദസ്സിൽ പോലും പങ്കെടുപ്പിച്ചില്ല എന്നാണ് പാർട്ടി വിടുമ്പോൾ രഘുനാഥ് പറഞ്ഞത്.

'വിവരമുള്ള ഒരാളും ഇനി അധികകാലം കോണ്‍ഗ്രസിലുണ്ടാകില്ലെന്ന്'; കെ.സുധാകരന്റെ മുൻ പിഎ ബിജെപിയിൽ

Kannur

നാദാപുരം: ഇന്ത്യൻ പാർലമെൻ്റിൽ സിഎഎ നിയമം പാസാക്കുമ്പോൾ കോൺഗ്രസ് മിണ്ടാതിരിക്കുകയായിരുന്നുവെന്ന് ഐഎൻഎൽ അഖിലേന്ത്യ പ്രസിഡൻ്റ് പ്രൊഫ മുഹമ്മദ് സുലൈമാൻ. രാഹുൽ ഗാന്ധിയുടെ റാലിയിൽ മുസ്ലിം ലീഗിന് പതാക ഒളിപ്പിക്കേണ്ട അവസ്ഥ ദുഖകരമാണ്. ജനാധിപത്യം സംരക്ഷിക്കാൻ ഇടതുപക്ഷത്തിനെ വിജയിപ്പിക്കണം. ബിജെപിക്കും ആർഎസ്എസിനുമെതി ശബ്ദു മുയർത്തുന്നത് ഇടതുപക്ഷമാണെന്ന് അദ്ദേഹം കൂട്ടിച്ചേർത്തു. നാദാപുരത്ത് എൽഡിഎഫ് മേഖല റാലി ഉദ്ഘാടനം ചെയ്ത് സംസാരിക്കുയായിരുന്നു പ്രൊഫ മുഹമ്മദ് സുലൈമാൻ.&nbsp;
ആർഎസ്സ്എസ്സ് ബഹുസ്വരത തകർക്കുകയാണ്. ഇന്ത്യൻ പാർലമെൻ്റ് ഉദ്ഘാടനത്തിന് ദളിത് വിഭാഗത്തിൽ ഉൾപ്പെട്ടതിനാൽ ഇന്ത്യ പ്രസിഡൻ്റിനെ ഒഴിവാക്കി. ചതുർവർണ്യത്തിൽ അതിഷ്ഠമായ ആശയം പുൻന്തുടരുന്നതിനാലാണ് പ്രസിഡൻ്റ് മാറ്റി നിർത്തപ്പെട്ടതെന്നും മുഹമ്മദ് സുലൈമൻ പറഞ്ഞു. നാസർ കുറുവമ്പത്ത് അധ്യക്ഷനായി. ഇ കെ വിജയൻ എംഎൽഎ, പി പി ചാത്തു, കെ പി ബിനിഷ, പി എം നാണു, കരിമ്പിൽ ദിവാകരൻ, സി എച്ച് മോഹനൻ, കോടോത്ത് അന്ത്രു, സമദ് നരിപ്പറ്റ എന്നിവർ സംസാരിച്ചു. എരോത്ത് ഫൈസൽ സ്വാഗതം പറഞ്ഞു.

സിഎഎ നിയമം പാസ്സാക്കുമ്പോൾ കോൺഗ്രസ്സ് നിശബ്ദമായിരിക്കുകയായിരുന്നു; പ്രൊഫ മുഹമ്മദ് സുലൈമാൻ

കുറ്റ്യാടി: എല്ലാ ഭരണഘടനാ സ്ഥാപങ്ങളെയും സ്വാധീനിച്ച് രാജ്യത്തെ അട്ടിമറിക്കാന്‍ ശ്രമിക്കുന്ന ബിജെപിക്ക് തിരിച്ചടി നല്‍കാനുള്ള അവസാനത്തെ അവസരമാണ് ഈ തെരഞ്ഞെടുപ്പെന്ന് മുന്‍മന്ത്രിയും കോണ്‍ഗ്രസ് നേതാവുമായ കെ.സി ജോസഫ് പറഞ്ഞു. തെരഞ്ഞെടുപ്പ് കമ്മിഷനെ അവര്‍ സ്വാധീനിച്ചിരിക്കുന്നു.
ഭരണഘടന അട്ടിമറിക്കാനാണ് കേന്ദ്രസര്‍ക്കാരിന്റെ ശ്രമം. അതിനായി വര്‍ഗീയത ആളിക്കത്തിക്കുന്നു. മതേതര സംഘടനകളെ അടിച്ചമര്‍ത്താന്‍ ശ്രമിക്കുന്നു. രാജ്യം നിലനില്‍ക്കണോ എന്നതാണ് ഇപ്പോഴത്തെ ചോദ്യം. രാജ്യം നിലനില്‍ക്കണമെങ്കിലും മോദിയും ബിജെപിയും പരാജയപ്പെടണം. അതിനുള്ള ലാസ്റ്റ് ബസാണ് ഈ തെരഞ്ഞെടുപ്പ്. ഈ ബസും വിട്ടുപോയാല്‍ രാജ്യത്തിന്റെ വീണ്ടെടുപ്പ് പ്രയാസമായിരിക്കുമെന്നും അദ്ദേഹം പറഞ്ഞു. ചെറിയകുമ്പളത്ത് യുഡിഎഫ് സ്ഥാനാര്‍ഥി ഷാഫി പറമ്പിലിന്റെ പേരാമ്പ്ര നിയോജക മണ്ഡലം പര്യടന പരിപാടി ഉദ്ഘാടനം ചെയ്യുകയായിരുന്നു കെ.സി ജോസഫ്.
പരാജയപ്പെട്ട രണ്ടു സര്‍ക്കാരുകളാണ് നമ്മളെ നയിക്കുന്നത്. ഒന്ന് കേന്ദ്രത്തിലും മറ്റൊന്ന് കേരളത്തിലും. അതീവഗുരുതരമാണ് സംസ്ഥാനത്തെ സാമ്പത്തിക സ്ഥിതി. ഖജനാവില്‍ പണമില്ല. ജീവനക്കാര്‍ക്ക് ശമ്പളമില്ല. സാമൂഹ്യ പെന്‍ഷന്‍ കുടിശികയായിട്ട് എട്ടു മാസത്തോടടുക്കുന്നു. വിധവാ പെന്‍ഷന്‍, അശരണര്‍ക്കുള്ള പെന്‍ഷന്‍ തുടങ്ങിയവയെല്ലാം മുടങ്ങിക്കിടക്കുകയാണ്. എന്നാല്‍ സര്‍ക്കാരിന്റെ ആര്‍ഭാടത്തിന് ഒരു കുറവുമില്ല. അതിനുള്ള മറുപടി ഈ തെരഞ്ഞെടുപ്പില്‍ നല്‍കണമെന്നും കെ.സി ജോസഫ് പറഞ്ഞു.

നമ്മെ ഭരിക്കുന്നത് പരാജയപ്പെട്ട സര്‍ക്കാരുകള്‍; കെ.സി ജോസഫ്

തൃശൂർ: കോൺഗ്രസ്‌, യൂത്ത്‌ കോൺഗ്രസ്‌, മഹിളാ കോൺഗ്രസ്‌ നേതാക്കൾ കൂട്ടത്തോടെ ബിജെപിയിലേക്ക്‌. പൂങ്കുന്നത്തെ മുരളീമന്ദിരത്തിൽ പത്മജ വേണുഗോപാലിന്റെ നേതൃത്വത്തിൽ സംഘടിപ്പിച്ച പരിപാടിയിലാണ് കോൺഗ്രസുകാർ ബിജെപിയിൽ ചേർന്നത്‌. 24 കോൺഗ്രസ്‌ നേതാക്കളെയും പ്രവർത്തകരെയും ബിജെപിനേതാക്കൾ ഷാൾ അണിയിച്ച്‌ സ്വീകരിച്ചത്‌.&nbsp;
യൂത്ത്‌ കോൺഗ്രസ്‌ തൃശൂർ നിയോജകമണ്ഡലം വൈസ്‌ പ്രസിഡന്റ്‌ മനു പള്ളത്ത്‌, കോൺഗ്രസ്‌ ബ്ലോക്ക്‌ വൈസ്‌ പ്രസിഡന്റ്‌ കെ രാധാകൃഷ്‌ണൻ, ബ്ലോക്ക്‌ ജനറൽ സെക്രട്ടറിമാരായ കെ കെ രാധാകൃഷ്‌ണൻ, എ ആർ മനോജ്‌, ബ്ലോക്ക്‌ സെക്രട്ടറി ഹരിസ്വാമി, യൂത്ത്‌ കോൺഗ്രസ്‌ അയ്യന്തോൾ മണ്ഡലം വൈസ്‌ പ്രസിഡന്റ്‌ വിഷ്‌ണു വിനോദ്‌, കോൺഗ്രസ്‌ മുൻ മണ്ഡലം സെക്രട്ടറി മണി, മഹിളാ കോൺഗ്രസ്‌ നേതാവ്‌ എസ്‌ ശിവശങ്കരി, പി കെ സംഗീത തുടങ്ങിയവരാണ്‌ ബിജെപിയുടെ മെമ്പർഷിപ്പ്‌ സ്വീകരിച്ചത്‌.

തൃശൂരിൽ കോൺഗ്രസ്‌, യൂത്ത്‌ കോൺഗ്രസ്‌ നേതാക്കൾ ബിജെപിയിൽ ചേർന്നു

തൊട്ടിൽപാലം: മലയോര മേഖലയായ കാവിലുംപാറയിൽ യുഡിഎഫ് സ്ഥാനാർഥി ഷാഫി പറമ്പലിന്റെ പോസ്റ്റർ വ്യാപകമായി നശിപ്പിക്കുന്നതിനെതിരെ പോലീസ് ശക്തമായ നടപടി സ്വീകരിക്കണമെന്നും അല്ലെങ്കിൽ യുഡിഫ് ശക്തമായ സമരപരിപാടികളുമായി മുന്നിട്ടിറങ്ങുമെന്ന് കാവിലുംപാറ ബ്ലോക്ക് കോൺഗ്രസ് പ്രസിഡണ്ട് ജമാൽ കോരംങ്കോട്ട് ആവശ്യപ്പെട്ടു.
കാവിലുംപാറ പഞ്ചായത്തിലെ കുണ്ടുതോട്ടിൽ യുഡിഎഫ് 119 -ാം നമ്പർ ബൂത്ത്‌ യോഗത്തിൽ സംസാരിക്കുകയായിരുന്നു അദ്ദേഹം. ബൂത്ത് കൺവീനർ പി.പി രവീന്ദ്രൻ അധ്യക്ഷത വഹിച്ച യോഗത്തിൽ കവിലുംപാറ പഞ്ചായത്ത്‌ യുഡിഎഫ് ചെയർമാൻ കെ.സി ബാലകൃഷ്ണൻ, കൺവീനർ കെ.പി ശംഷീർ, മണ്ഡലം പ്രസിഡണ്ട് പിജി സത്യനാഥൻ, സോജൻ ആലക്കൽ, ജോയി കുണ്ടുതോട്, മൊയ്തു പൈക്കാടൻ, ഉമേഷ് കുണ്ടുതോട് തുടങ്ങിയ സംസാരിച്ചു.

പോസ്റ്റർ നശിപ്പിക്കുന്നതിനെതിരെ പോലീസ് ശക്തമായ നടപടി സ്വീകരിക്കണമെന്ന് കോൺഗ്രസ്

ന്യൂഡൽഹി: ലോക്‌സഭാ തെരഞ്ഞെടുപ്പിലെ ബി.ജെ.പി സ്ഥാനാർത്ഥികളിൽ നാലിൽ ഒരാൾ മറ്റ് പാർട്ടികൾ വിട്ടുവന്നവരെന്ന് കണക്കുകൾ. ഇത്തരത്തിൽ ​കൂറുമാറിയെത്തിയവരിലേറെയും കോൺഗ്രസിൽ നിന്നാണ്. ബി.ജെ.പി ഇതുവരെ പ്രഖ്യാപിച്ച സ്ഥാനാർഥികളെ പറ്റി ‘ദ പ്രിന്റ്’ തയാറാക്കിയ വിശകലന റിപ്പോർട്ടിലാണ് കൂറുമാറിയെത്തിയവരെ സ്ഥാനാർഥികളാക്കിയതിന്റ കണക്കുകൾ ഉള്ളത്. കൂടുതൽ സംസ്ഥാനങ്ങളിലേക്ക് വേരുറപ്പിക്കുക എന്ന ലക്ഷ്യമാണ് ഇതര പാർട്ടികളിൽ നിന്നുള്ളവ​രെ ബി.ജെ.പിയി​ലെത്തിച്ചതിന് പിന്നിൽ. എന്നാൽ പാർട്ടി പ്രവർത്തകരെ ഒഴിവാക്കി സീറ്റും നേട്ടവും മാത്രം ലക്ഷ്യം​വെച്ച് വന്ന​വരെ സ്ഥാനാർഥിയാക്കിയതിൽ പാർട്ടിക്കുള്ളിൽ പ്രതിഷേധം ഉയർന്നിട്ടുണ്ട്.
ബി.ജെ.പി വിവിധ ഘട്ടങ്ങളിലായി 417 സ്ഥാനാർഥികളുടെ പട്ടികയാണ് ഇതുവരെ പുറത്തിറക്കിയത്. അതിൽ 116 പേർ അതായത് 28 ശതമാനം പേരും മറ്റ് പാർട്ടികളിൽ നിന്ന് ബി.ജെ.പിയിലേക്ക് ചേക്കേറിയവരാണ്. 2014ൽ നരേന്ദ്ര മോദി കേന്ദ്രത്തിൽ അധികാരത്തിലെത്തിയ ശേഷമാണ് ഇവരിൽ ഭൂരിഭാഗം പേരും ബി.ജെ.പിയിൽ ചേർന്നത്.
116 ​പേരിൽ ഏറ്റവും കൂടുതൽ പേർ വന്നത് കോൺഗ്രസിൽ നിന്നാണ്. 37 പേരാണ് കോൺഗ്രസിൽ നിന്നുള്ളത്.ബി.ആർ.എസിൽ നിന്ന് ഒമ്പത്, ബി.എസ്.പിയിൽ നിന്ന് എട്ട്, ടി.എം.സിയിൽ നിന്ന് 7, ബി.ജെ.ഡി, എൻ.സി.പി,എസ്.പി എന്നിവിടങ്ങളിൽ നിന്ന് ആറ് വീതവും, എ.ഐ.എ.ഡി.എം.കെ യിൽ നിന്ന് നാല് പേരുമാണ് ബി.ജെ.പി സ്ഥാനാർഥി പട്ടികയിൽ ഇടം പിടിച്ചത്.
തമിഴ്‌നാട് (11), തെലങ്കാന (12), ഒഡീഷ (8) എന്നീ സംസ്ഥാനങ്ങളിലെ 61 സീറ്റുകളിലാണ് ബി.ജെ.പി മത്സരിക്കുന്നത്. അതിൽ 31 സീറ്റുകളും നൽകിയിരിക്കുന്നത് മറ്റു പാർട്ടികൾ വിട്ട് വന്നവർക്കാണ്. ആന്ധ്രാപ്രദേശിൽ ആറ് സ്ഥാനാർത്ഥികളിൽ അഞ്ച് സീറ്റും പാർട്ടിക്ക് പുറത്ത് നിന്നുള്ളവർക്കാണ് നൽകിയിരിക്കുന്നത്.
ഹിന്ദി ഹൃദയഭൂമിയിലെ സംസ്ഥാനങ്ങളിൽ പോലും പാർട്ടി നേതാക്കളെ തഴഞ്ഞാണ് ബി.ജെ.പി സീറ്റ് നൽകിയിരിക്കുന്നത്. ഉത്തർപ്രദേശിൽ പ്രഖ്യാപിച്ച 64 സ്ഥാനാർത്ഥികളിൽ 20 പേരും മറ്റുള്ള പ്രാദേശിക പാർട്ടികളിൽ നിന്നുള്ളവരാണ്. ഈ 20 സ്ഥാനാർത്ഥികളിൽ 7 പേർ 2014 ലെ ലോക്‌സഭാ തെരഞ്ഞെടുപ്പിന് മുമ്പ് പാർട്ടിയിലേക്ക് വന്നവരാണ്.
ഹരിയാനയിലാണെങ്കിൽ 10 സ്ഥാനാർത്ഥികളിൽ ആറ് പേരും കൂറുമാറിയവരാണ്. മിക്കവരും കോൺഗ്രസിലുണ്ടായിരുന്നവരാണ്. മഹാരാഷ്ട്രയിൽ പ്രഖ്യാപിച്ച 24 സ്ഥാനാർത്ഥികളിൽ ഏഴും ജാർഖണ്ഡിലെ 14 സ്ഥാനാർത്ഥികളിൽ 6 പേരും പുറത്ത് നിന്നുള്ളവരാണ്. എന്തുകൊണ്ടാണ് ഇത്രയധികം ആളുകൾ ബി.ജെ.പിയിൽ ചേർന്നത് എന്ന ചോദ്യത്തിന് ‘തനിക്ക് എവിടെ നിന്നാണ് കൂടുതൽ ആനുകൂല്യങ്ങൾ ലഭിക്കുന്നതെന്നാണ് ഓരോ രാഷ്ട്രിയ പ്രവർത്തകനും ആലോചിക്കുന്നതെന്നായിരുന്നു പാർട്ടി വക്താവായ ആർ.പി സിംഗ് നൽകിയ മറുപടി.

ബി.ജെ.പി സ്ഥാനാർത്ഥികളിൽ നാലിൽ ഒരാൾ മറ്റ് പാർട്ടികൾ വിട്ട് എത്തിയവർ; കൂടുതൽ പേർ വന്നത് കോൺഗ്രസിൽ നിന്ന്

National

തിരുവനന്തപുരം: കെ.പി..സി.സി എക്സിക്യൂട്ടീവ് അംഗവും തിരുവനന്തപുരം ജില്ലാ പഞ്ചായത്തംഗവുമായ വെള്ളനാട് ശശിയും വെള്ളനാട് പ്രദേശത്തെ പ്രവർത്തകരും സി.പി.എമ്മിനൊപ്പം ചേർന്ന് പ്രവർത്തിക്കുവാൻ തീരുമാനിച്ചു. കോൺഗ്രസിന്റെ നയങ്ങളിൽ പ്രതിഷേധിച്ച് പാർടി വിടുന്നതായി ശശി പറഞ്ഞു. ജില്ലാ പഞ്ചായത്ത് അംഗമെന്ന സ്ഥാനം രാജിവെച്ചാണ് സി.പി.എമ്മിനൊപ്പം ചേർന്നത്.

കോൺഗ്രസ് നേതാവ് വെള്ളനാട് ശശി സി.പി.എമ്മിൽ

Search Results for: 04.01.2025