ആയഞ്ചേരി: ഗ്രാമ പഞ്ചായത്ത് ഓഫീസിന് മുന്നിലൂടെ വാഹന ഗതാഗതത്തിനും, കാൽനട യാത്രയ്ക്കും ദുസ്സഹമാവുന്ന വെള്ളക്കെട്ട് രൂപപ്പെട്ടിട്ട് ഒരു മാസം പിന്നിട്ടിട്ടും ഒഴിവാക്കാനുള്ള ഒരു നടപടിയും ഉണ്ടാവാത്ത പഞ്ചായത്ത് അധികൃതരുടെ കഴിവ്കേടിനും അലംഭാവത്തിനുമെതിരെ എൽ ഡി എഫ് നേതൃത്വത്തിൽ മാർച്ച് നടത്തി. പഞ്ചായത്ത് തൊഴിലുറപ്പ് പദ്ധതിയിൽ ഉൾപ്പെടുത്തി നീർച്ചാൽ നികത്തി അശാസ്ത്രീയമായി നിർമ്മിച്ച റോഡാണ് പി.ഡബ്ലു ഡി റോഡിൽ വെള്ളക്കെട്ട് ഉണ്ടാക്കിയത്. നിർമ്മാണം പൊളിച്ച് മാറ്റണെമെന്നാവശ്യപ്പെട്ട് പി ഡബ്ലു ഡി അധികൃതർ പഞ്ചായത്ത് സിക്രട്ടരിക്ക് നോട്ടീസ് നൽകിയിരുന്നു.&nbsp;
മാർച്ച് സി.പി.എം വടകര ഏരിയാ കമ്മിറ്റി അംഗം ആർ ബാലറാം ഉൽഘാടനം ചെയ്തു. കെ കെ രാജൻ അധ്യക്ഷം വഹിച്ചു. വി.ടി.ബാലൻ, ടി.വി. കുഞ്ഞിരാമൻ, സി.എച്ച് ഹമീദ്, പ്രബിത അണിയോത്ത്, എം. മുഹമ്മദ്, മീത്തലെ കാട്ടിൽ നാണു, ടി.പി. ദാമോദരൻ, കെ.വി. ജയരാജൻ എന്നിവർ സംസാരിച്ചു.

വെള്ളക്കെട്ടിന് പരിഹാരമായില്ല; ആയഞ്ചേരിയിൽ എൽ ഡി എഫ് പഞ്ചായത്ത് ഓഫീസ് മാർച്ച്

Vadakara

ആയഞ്ചേരി: ഗ്രാമ പഞ്ചായത്ത് നടത്തിയ അശാസ്ത്രീയമായ റോഡ് നിർമ്മാണത്തിൻ്റെ ഭാഗമായി പി ഡബ്ള്യു ഡി റോഡിൽ വെള്ളം കെട്ടി നിൽക്കുന്ന അവസ്ഥയ്ക്ക് രണ്ട് ആഴ്ചകൾ പിന്നിട്ടിട്ടും പരിഹാരം കാണാൻ കഴിയാത്ത സാഹചര്യത്തിൽ പ്രത്യേക ഭരണ സമിതി യോഗം വിളിച്ച് ചേർക്കണമെന്ന് എൽ ഡി എഫ് മെമ്പർമാർ പ്രസിഡണ്ടിന് നൽകിയ കത്തിൽ ആവശ്യപ്പെട്ടു.&nbsp;
കടമേരി റോഡിൽ പഞ്ചായത്ത് ഓഫീസിന് മുമ്പിൽ മഴ തുടങ്ങിയത് മുതൽ വെള്ളക്കെട്ടാണ്. വാഹന ഗതാഗതം തടസ്സപ്പെടുന്നു. ഇരു ചക്ര വാഹനങ്ങളിൽ പോവുന്നവർ വെള്ളത്തിൽ വീണ് അപകടം പറ്റുന്നത് നിത്യ സംഭവമാവുന്നു. വെള്ളത്തിലൂടെ കടന്ന് പോവുന്ന വാഹനങ്ങൾക്ക് കേടുപാടുകൾ സംഭവിച്ച് സാമ്പത്തിക നഷ്ടമുണ്ടാവുന്നു. രണ്ടാഴ്ച കഴിഞ്ഞിട്ടും ഒരു പരിഹാരവും കാണാത്തത് ജനങ്ങളോടുള്ള വെല്ലുവിളിയാണെന്ന് എൽഡിഎഫ് മെമ്പർമാർ ആരോപിച്ചു.
പഞ്ചായത്ത് രാജ് നിയമം 161 ൽ 1 (എ )വകുപ്പ് പ്രകാരം ഒരു പ്രത്യേക ആവശ്യമുന്നയിച്ച് ഭരണസമിതി അംഗങ്ങളിൽ മൂന്നിൽ ഒരു ഭാഗം കത്ത് നൽകിയാൽ പ്രത്യേക ഭരണ സമിതി യോഗം വിളിച്ച് ചേർക്കണമെന്ന നിയമപ്രകാരമാണ് എൽ ഡി എഫ് മെമ്പർമാർ പ്രസിഡണ്ടിന് കത്ത് നൽകിയത്. പഞ്ചായത്ത് സ്റ്റാൻ്റിഗ് കമ്മിറ്റി ചെയർമാൻ ടി.വി. കുഞ്ഞിരാമൻ, മെമ്പർമാരായ ശ്രീലത എൻ പി , സുധസുരേഷ് ,പ്രബിത അണിയോത്ത്, ടി സജിത്ത്, പി രവീന്ദ്രൻ, ലിസ പുനയംകോട്ട് എന്നിവരാണ് നോട്ടിസ് നൽകിയത്.

ആയഞ്ചേരി പഞ്ചായത്ത് ഓഫീസിന് മുന്നിലെ വെള്ളക്കെട്ട്; പ്രത്യേക ഭരണ സമിതി യോഗം വിളിക്കണമെന്ന് എൽ ഡി എഫ്

തിരുവനന്തപുരം: നിലമ്പൂര്‍ ഉപതിരഞ്ഞെടുപ്പില്‍ സിപിഎം സംസ്ഥാന സെക്രട്ടേറിയറ്റ് അംഗം എം.സ്വരാജ് എല്‍.ഡി.എഫ് സ്ഥാനാര്‍ഥി. സിപിഎം സംസ്ഥാന സെക്രട്ടേറിയറ്റ് യോഗത്തിന് ശേഷം പാര്‍ട്ടി സംസ്ഥാന സെക്രട്ടറി എം.വി.ഗോവിന്ദനാണ് സ്ഥാനാര്‍ഥിയെ പ്രഖ്യാപിച്ചത്. സിറ്റിങ് സീറ്റായ നിലമ്പൂരില്‍ എല്‍ഡിഎഫിനും സിപിഎമ്മിനും അഭിമാന പോരാട്ടമാണ്. ഈ സാഹചര്യത്തിലാണ് പാര്‍ട്ടിയുടെ പ്രമുഖ നേതാവിനെ തന്നെ സ്ഥാനാര്‍ഥിയാക്കാന്‍ തീരുമാനിച്ചിരിക്കുന്നത്. ദീര്‍ഘ കാലങ്ങള്‍ക്ക് ശേഷമാണ് നിലമ്പൂരില്‍ സിപിഎം പാര്‍ട്ടി ചിഹ്നത്തില്‍ സ്ഥാനാര്‍ഥിയെ നിര്‍ത്തുന്നത്.&nbsp;&nbsp;
തൃപ്പൂണിത്തുറ മുന്‍ എംഎല്‍എ ആയ സ്വരാജ് കഴിഞ്ഞ തവണ പരാജയപ്പെട്ടിരുന്നു. ഇടത് സ്വതന്ത്രനായിരുന്ന പി.വി.അന്‍വര്‍ എംഎല്‍എ സ്ഥാനം രാജിവെച്ച് മുന്നണി വിട്ടതോടെയാണ് നിലമ്പൂരില്‍ ഉപതിരഞ്ഞെടുപ്പിന് വഴിയൊരുങ്ങിയത്. അന്‍വറിന്റെ രാജിക്ക് പിന്നാലെ നിലമ്പൂരിലെ തിരഞ്ഞെടുപ്പ് പ്രവര്‍ത്തനങ്ങളുടെ ചുമതല സിപിഎം സ്വരാജിന് നല്‍കിയിരുന്നു.
നിലമ്പൂർ സ്വദേശിയായ സ്വാരാജ്‌ വിദ്യാർഥി, യുവജന പ്രസ്ഥാനങ്ങളിലൂടെയാണ്‌ പൊതുപ്രവർത്തന രംഗത്ത്‌ ഉയർന്ന്‌ വന്നത്‌. ദേശാഭിമാനി റസിഡന്റ്‌ എഡിറ്ററാണ്‌. എസ്‌എഫ്‌ഐ സംസ്ഥാന സെക്രട്ടറി, മലപ്പുറം ജില്ലാ സെക്രട്ടറി, ഡിവൈഎഫ്‌ സംസ്ഥാന പ്രസിഡന്റ്‌, സെക്രട്ടറി, അഖിലേന്ത്യാ ജോയിന്റ്‌ സെക്രട്ടറി എന്നീ പദവികൾ വഹിച്ചിട്ടുണ്ട്‌. 2016–-2021 ൽ കാലഘട്ടത്തിൽ തൃപ്പൂണിത്തുറയിലെ നിയമസഭാംഗമായിരുന്നു. ഡിവൈഎഫ്‌ഐ മുഖമാസിക യുവധാരയുടെ എഡിറ്റർ പദവിയും വഹിച്ചിട്ടുണ്ട്‌.
ആര്യാടന്‍ ഷൗക്കത്താണ് യുഡിഎഫ് സ്ഥാനാര്‍ഥി. ഉപതിരഞ്ഞെടുപ്പില്‍ എന്‍ഡിഎ സ്ഥാനാര്‍ഥിയെ സംബന്ധിച്ചാണ് ഇനി അനിശ്ചിതത്വം നിലനില്‍ക്കുന്നത്. ബിജെപി മത്സരിക്കുന്നില്ലെന്ന് വ്യക്തമാക്കിയ സാഹചര്യത്തില്‍ ബിഡിജെഎസ് മത്സരിച്ചേക്കും. യുഡിഎഫിന്റെ ഭാഗമാക്കിയില്ലെങ്കില്‍ പി.വി.അന്‍വര്‍ മത്സരിക്കുമെന്ന ഭീഷണി മുഴക്കിയിട്ടുണ്ട്.

നിലമ്പൂരില്‍ എം.സ്വരാജ് എല്‍.ഡി.എഫ് സ്ഥാനാര്‍ഥി

Kerala

വടകര: ഇടതുപക്ഷ ജനാധിപത്യമുന്നണി സർക്കാറിൻ്റെ നാലാം വാർഷികത്തിൻ്റെ ഭാഗമായി മെയ് 13 ന്കോഴിക്കോട് നടക്കുന്ന ബഹുജന റാലിയിൽ വടകരയിൽ നിന്ന് 5000 പേർ പങ്കെടുക്കും. മുഖ്യമന്ത്രിയുൾപ്പടെ എൽ ഡി എഫിന്റെ പ്രമുഖ നേതാക്കൾ റാലിയിൽ സംബന്ധിക്കും. പരിപാടികൾ വിജയിപ്പിക്കുന്നതിനെ കുറിച്ച് ആലോചിക്കാൻ എൽ ഡി എഫ് പഞ്ചായത്ത് കമ്മിറ്റികൾ രണ്ട് ദിവസങ്ങളിലായി ചേരും.
11-ാം തിയ്യതി മണ്ഡലത്തിലെ എല്ലാ വാർഡുകളിലും വിളംബര ജാഥകൾ നടക്കും. മണ്ഡലം കമ്മിറ്റി യോഗത്തിൽ പ്രസാദ് വിലങ്ങിൽ അദ്ധ്യക്ഷത വഹിച്ചു. സി. ഭാസ്ക്കരൻ ജില്ലാ കമ്മിറ്റി തീരുമാനങ്ങൾ വിശദീകരിച്ചു. ടി.പി. ബിനീഷ്, എടയത്ത് ശ്രീധരൻ, എൻ.എം ബിജു, അഡ്വ. സി. വിനോദൻ, വി. ഗോപാലൻ, സി.കെ. കരിം തുടങ്ങിയവർ സംസാരിച്ചു

വടകരയിൽ നിന്ന് 5000 പേർ പങ്കെടുക്കും

ആയഞ്ചേരി: കുടുബാരോഗ്യ കേന്ദ്രത്തിന് പുതിയ കെട്ടിടം നിർമ്മിക്കാൻ കെ.പി കുഞ്ഞമ്മത്കുട്ടി എം എൽ എയുടെ ശ്രമഫലമായ് സർക്കാർ അനുവദിച്ച ഒരുകോടി നാല്പത്തിഏഴ് ലക്ഷം രൂപ ഉപയോഗിച്ചുള്ള കെട്ടിട നിർമ്മാണത്തിൻ്റെ ശിലാസ്ഥാപന ചടങ്ങിൽ നിന്ന് ആരോഗ്യ മന്ത്രി വീണാ ജോർജ്ജിനെ ഒഴിവാക്കിയ നടപടിയിൽ പ്രതിഷേധിച്ച് ആശുപത്രി വികസന സമിതി യോഗത്തിൽ നിന്ന് ജനപ്രതിനിധികളും എൽ ഡി എഫ് അംഗങ്ങളും ഇറങ്ങിപ്പോയി. ജില്ലാ പഞ്ചായത്ത് അംഗം എൻ എം വിമല , പഞ്ചായത്ത് ആരോഗ്യ വിദ്യഭ്യാസ സ്റ്റാൻ്റിഗ് കമ്മിറ്റി ചെയർമാൻ ടി.വി. കുഞ്ഞിരാമൻ, മീത്തലെ കാട്ടിൽ നാണു, അശോകൻ പി.ടി എന്നിവരാണ് യോഗം ബഹിഷ്കരിച്ച് ഇറങ്ങിപ്പോയത്.&nbsp;
നൂറ്കണക്കിന് രോഗികൾ ദിവസേന എത്തിച്ചേരുന്ന ആയഞ്ചേരി കുടുബാരോഗ്യേ കേന്ദ്രത്തിലെ സ്ഥലപരിമിതിയും, പ്രയാസങ്ങളും നേരിൽ കണ്ട് മനസ്സിലാക്കിയ കുറ്റ്യാടി എം എൽ എ കെ.പി. കുഞ്ഞമ്മത് കുട്ടി മാസ്റ്റർ വിഷയം ആരോഗ്യ വകുപ്പ് മന്ത്രിയെ ധരിപ്പിച്ചതിൻ്റെ അടിസ്ഥാനത്തിലാണ് സർക്കാർ എൻ എച്ച് എം ഫണ്ടിൽ ഉൾപ്പെടുത്തി 1.47 കോടി രൂപ അനുവദിച്ചത്. കോഴിക്കോട് ജില്ലയിൽ കഴിഞ്ഞ സാമ്പത്തിക വർഷം 2കുടുബാരോഗ്യ കേന്ദ്രങ്ങൾക്കാണ് ഫണ്ട് അനുവദിച്ചത്. ടെണ്ടർ നടപടി പൂർത്തിയാക്കി പ്രവൃത്തി ആരംഭിക്കാനുള്ള ഘട്ടമായപ്പോൾ എൻ എച്ച് എം സർക്കാറിനെ അറിയിച്ചതനുസരിച്ച് തറക്കല്ലിടൽ ചടങ്ങിന് ബഹു: ആരോഗ്യ വകുപ്പ് മന്ത്രി എത്താമെന്ന് അറിയിക്കുകയും ചെയ്തതാണ്. എൻ എച്ച് എം കോഴിക്കോട് ജില്ലാ മാനേജർ ഈ വിവരം രേഖാമൂലം കുടുബാരോഗ്യ കേന്ദ്രം മെഡിക്കൽ ഓഫീസറെ അറിയിക്കുകയും, മെഡിക്കൽ ഓഫീസർ പഞ്ചായത്ത് ഭരണസമിതിക്ക് കത്ത് നൽകുകയും ചെയ്തു.
എന്നാൽ പഞ്ചായത്ത് ഭരണസമിതി യോഗം എൽ ഡി എഫ് അംഗങ്ങളുടെ വിയോജനക്കുറിപ്പോടെ ഭൂരിപക്ഷ പ്രകാരം മന്ത്രിയെ ക്ഷണിക്കേണ്ടതില്ല എന്ന് തീരുമാനിക്കുകയായിരുന്നു. ഈ പരിപാടി നടത്താൻ വേണ്ടി പഞ്ചായത്ത് ഓഫീസിൽ വിളിച്ചു ചേർത്ത ആശുപത്രി വികസന സമിതി യോഗത്തിൽ നിന്നാണ് എൽ ഡി എഫ് അംഗങ്ങൾ ഇറങ്ങിപ്പോക്ക് നടത്തിയത്. പഞ്ചായത്ത് ഓഫീസിന് മുമ്പിൽ ചേർന്ന പ്രതിഷേധ യോഗത്തിൽ സ്റ്റാൻ്റിഗ് കമ്മിറ്റി ചെയർമാൻ ടി.വി. കുഞ്ഞിരാമൻ അധ്യക്ഷം വഹിച്ചു. ജില്ലാപഞ്ചായത്ത് മെമ്പർ എൻ എം വിമല ഉദ്ഘാടനം ചെയ്തു. മീത്തലെ കാട്ടിൽ നാണു, വിനോദൻ പി.ടി എന്നിവർ സംസാരിച്ചു.

ആരോഗ്യ മന്ത്രിയെ ചടങ്ങിൽ നിന്ന് ഒഴിവാക്കി; ആശുപത്രി വികസന സമിതി യോഗം ജനപ്രതിനിധികളും എൽ ഡി എഫ് അംഗങ്ങളും ബഹിഷ്കരിച്ചു

അഴിയൂർ: പഞ്ചായത്തിലെ പ്ലാൻ ക്ലെർക്ക് ,ക്ലർക്കായ വനിതാ ജീവനക്കാരിയെ പഞ്ചായത്തിൽ വെച്ച് അപമാനിച്ച സംഭവത്തിൽ, ഭരണ സമിതി നടപടി തീരുമാനം നടപാക്കത്തതിൽ പ്രതിഷേധിച്ചു എൽ ഡി എഫ് പഞ്ചായത്ത് ഓഫീസ് ഉപരോധിച്ചു. ചോമ്പാല സി ഐ സിജുവിന്റെ നേതൃത്വത്തിൽ പ്രവർത്തകരെ അറസ്റ്റ് ചെയ്തു നീക്കി. ജീവനക്കാരിയുടെ പരാതിയിന്മേൽ മാർച്ച് പത്തിന് അനൗദ്യോഗിക യോഗം വിളിച്ച് ചേർക്കുകയും പ്ലാൻ ക്ലാർക്കിനെ പ്ലാനിംഗ് സെക്ഷനിൽ നിന്ന് മാറ്റാനായി തീരുമാനിക്കുകയും ചെയ്തിരുന്നു. 12 ന് എൽ ഡി എഫ് മെമ്പർമാരുൾപ്പെടെ സെക്രട്ടറിയെ കാണുകയും എടുത്ത തീരുമാനം നടപ്പിലാക്കണമെന്ന് ആവശ്യപ്പെടുകയുമുണ്ടായി. ഇപ്പോൾ മാറ്റാൻ പറ്റില്ല എന്ന് അറിയിച്ചതിൻ്റെ ഭാഗമായി പഞ്ചായത്തിലെ എൽ ഡി എഫ് നേതാക്കൾ പ്രസിഡന്റിനെയും സെക്രട്ടറിയെയും കാണുകയുണ്ടായി. സെക്രട്ടറിയും പ്രസിഡന്റും തീരുമാനം ഇപ്പോൾ നടപ്പിലാക്കാൻ കഴിയില്ലെന്ന് അറിയിച്ചതിന്റെ ഭാഗമായി കഴിഞ്ഞ ദിവസം മെമ്പർമാർ സെക്രട്ടറിയെ ഉപരോധിച്ചിരുന്നു.&nbsp;
ചോമ്പാല സർക്കിൾ ഇൻസ്പെക്റ്ററുടെ സാന്നിധ്യത്തിൽ പഞ്ചായത്ത് ഓഫീസിൽ വെച്ച് ചർച്ച നടത്തുകയും 21ന് മാറ്റമെന്ന് ഉറപ്പ് നൽകുകയും ചെയ്തു. എന്നാൽ പഞ്ചായത്ത് ബോർഡ് മീറ്റിംഗ് വെക്കുകയും സെക്രട്ടറി ആർക്കും ചാർജ് കൊടുക്കാതെ മാറി നിൽക്കുകയും ചെയ്തു. മെമ്പർമാരുടെ ഉപരോധത്തെ തുടർന്നു മീറ്റിംഗ് നടന്നില്ല. 24 ന് എൽ ഡി എഫ് മെമ്പർമാർ ചാർജ് സെക്രട്ടറിയായ ജെ എസ്സിനെ ഉപരോധിച്ചു. വൈകുന്നേരത്തോടെ ചോമ്പാല പോലീസ് എൽ ഡി എഫ് മെമ്പർമാരെ അറസ്റ്റു ചെയ്തു. സെക്രട്ടറി പോലീസിന്റെ സാന്നിധ്യത്തിൽ പ്ലാൻ ക്ലർകിനെ സെക്ഷനിൽ നിന്ന് മാറ്റും എന്ന് ഉറപ്പ് നൽകുകയുണ്ടായി. മാറ്റാത്ത നടപടിയിൽ പ്രതിഷേധിച്ചാണ് എൽ ഡി എഫ് മെമ്പർമാരും അഴിയൂർ പഞ്ചായത്ത് എൽ ഡി എഫ് കമ്മിറ്റിയും പഞ്ചായത്ത് ഓഫീസ് ഉപരോധിച്ചത്. സി പി ഐ എം ഒഞ്ചിയം ഏരിയാ കമ്മറ്റി അംഗം പി ശ്രീധരൻ ഉദ്ഘാടനം ചെയ്തു. കൈപ്പാട്ടിൽ ശ്രീധരൻ അധ്യക്ഷനായി. എ ടി ശ്രീധരൻ, പ്രമോദ് മട്ടാണ്ടി എന്നിവർ സംസാരിച്ചു.

എൽ ഡി എഫ്  അഴിയൂർ പഞ്ചായത്ത് ഓഫീസ് ഉപരോധിച്ചു

വില്യാപ്പള്ളി: കേന്ദ്ര അവഗണനക്കെതിരെ ഇടതുപക്ഷ ജനാധിപത്യമുന്നണി കുറ്റ്യാടി നിയോജക മണ്ഡലം കമ്മിറ്റിയുടെ നേതൃത്വത്തിൽ തിരുവള്ളൂർ പോസ്റ്റ് ഓഫീസ് മാർച്ച് നടത്തി. സി. പി. എം. ജില്ലാ സെക്രട്ടറിയേറ്റ്അംഗം കെ.കെ.ദിനേശൻ ഉദ്ഘാടനം ചെയ്തു. അഭിജിത്ത് കോറോത്ത് അധ്യക്ഷത വഹിച്ചു. ടി.കെ. രാജൻ ,വി.പി. വാസു , ആയാടത്തിൽ രവീന്ദ്രൻ, ശ്രീജിത്ത് വള്ളിൽ, വിനോദ് ചെറിയത്ത് , സി.എച്ച് ഹമീദ് , കെ. ജയപ്രകാശ് ,കെ.കെ. മുഹമ്മദ് , ടി.പി ഗോപാലൻ , ടി.കെ. രാഘവർ എന്നിവർ സംസാരിച്ചു.

പോസ്റ്റ് ഓഫീസ് മാർച്ച് നടത്തി

Kuttiadi

അഴിയൂർ: എസ് ഡി പി ഐയുമായി ചേർന്ന് സി പി എം അഴിയൂർ ഗ്രാമ പഞ്ചായത്ത് ഭരണം അട്ടിമറിക്കാമെന്നത് വെറും വ്യാമോഹം മാത്രമാണെന്ന് മുസ്ലിം ലീഗ് സംസ്ഥാന സെക്രട്ടറി പാറക്കൽ അബ്ദുള്ള പറഞ്ഞു. അഴിയൂർ പഞ്ചായത്തിൽ നടത്തുന്ന നുണ പ്രചരണത്തിന് എതിരെ പഞ്ചായത്ത് ഓഫിസിന് മുന്നിൽ ജനകീയ മുന്നണി നടത്തിയ നേര് അറിയിക്കൽ കൂട്ടായ്മ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജനകീയ മുന്നണി പഞ്ചായത്ത് ചെയർമാൻ കെ. അൻവർ ഹാജി അധ്യഷത വഹിച്ചു.&nbsp;
ആർ എം പി സംസ്ഥാന സെക്രട്ടറി എൻ വേണു , യു.ഡി എഫ് നിയോജക മണ്ഡലം ചെയർമാൻ കോട്ടയിൽ രാധാകൃഷ്ണൻ , പ്രദീപ് ചോമ്പാല, ടി സി രാമചന്ദ്രൻ., പി ബാബുരാജ്, വി പി പ്രകാശൻ, യുസഫ് കുന്നുമ്മൽ, ശശിധരൻ തോട്ടത്തിൽ , പി പി ഇസ്മായിൽ, പി കെ കാസിം, വി കെ അനിൽകുമാർ , സിറാജ് എം പി, ഹാരിസ് മുക്കാളി, സി സുഗതൻ, ബവിത്ത് തയ്യിൽ, കെപി വിജയൻ, പി കെ കോയ, കെ പി രവീന്ദ്രൻ എന്നിവർ സംസാരിച്ചു.

അഴിയൂർ പഞ്ചായത്ത് ഭരണം അട്ടിമറിക്കാമെന്നത് വ്യാമോഹം; നേര് അറിയിക്കൽ കൂട്ടായ്മ നടത്തി ജനകീയ മുന്നണി

അഴിയൂർ: ഗ്രാമ പഞ്ചായത്ത് എ ഇ ഓഫീസിലെ വനിതാ ജീവനക്കാരിയെ കയ്യേറ്റം ചെയ്യുകയും മാനസികമായി പീഡിപ്പിക്കുകയും ചെയ്ത ക്ലാർക്കിനെതിരെ ഭരണസമിതി എടുത്ത തീരുമാനം നടപ്പിലാക്കാൻ തയ്യാറാവാത്ത സെക്രട്ടറിയുടെയും പ്രസിഡൻ്റിൻ്റെയും നിലപാടിൽ പ്രതിഷേധവുമായി എൽ ഡി എഫ്. വിഷയത്തിൽ യുഡിഎഫ് കേന്ദ്രങ്ങൾ നടത്തിവരുന്ന നുണപ്രചരണങ്ങൾക്കെതിരെ എൽ ഡി എഫ് അഴിയൂർ പഞ്ചായത്ത് കമ്മറ്റി നേതൃത്വത്തിൽ പഞ്ചായത്ത് ഓഫീസിന് മുന്നിൽ മാർച്ചും ധർണ്ണയും സംഘടിപ്പിച്ചു.&nbsp;
ധർണ്ണ സി പി ഐ എം ഒഞ്ചിയം ഏരിയ കമ്മറ്റി അംഗം പി ശ്രീധരൻ ഉദ്ഘാടനം ചെയ്തു. എൽ ഡി എഫ് പഞ്ചായത്ത് കൺവീനർ എം പി ബാബു സ്വാഗതം പറഞ്ഞു. കൈപ്പാട്ടിൽ ശ്രീധരൻ അധ്യക്ഷനായി. എൽഡി എഫ് നേതാക്കളായ എ ടി ശ്രീധരൻ, കെ എ സുരേന്ദ്രൻ, മുബാസ് കല്ലേരി, കെ പി പ്രമോദ്, റഫീഖ് അഴിയൂർ, കെ പി പ്രീജിത്ത് കുമാർ, പങ്കജാക്ഷി എന്നിവർ സംസാരിച്ചു.

യു ഡി എഫ് പ്രചരണത്തിനെതിരെ അഴിയൂരിൽ എൽ ഡി എഫ് മാർച്ചും ധർണയും

നാദാപുരം: പഞ്ചായത്തിലേക്ക് എൽഡിഎഫ് മാർച്ച് സംഘടിപ്പിച്ചു. പഞ്ചായത്ത് ഭരണ സമിതിയുടെ കെടുകാര്യസ്ഥത, ഫണ്ട് വിനിയോഗത്തിൽ എൽഡിഎഫ് അംഗങ്ങളോടുള്ള വിവേചനം അവസാനിപ്പിക്കുക, നാദാപുരം ബസ് സ്റ്റാൻഡ്, കല്ലാച്ചി വഴിയോര വിശ്രമ കേന്ദ്രം എന്നിവയുടെ നിർമ്മാണ പ്രവർത്തനത്തിലെ അലംഭാവം അവസാനിപ്പിക്കുക, ഇയ്യങ്കോട് വായനശാല യാഥാർത്യമാക്കുക, പൊട്ടിപൊളിഞ്ഞ റോഡുകൾ ഗതാഗത യോഗ്യമാക്കുക തുടങ്ങിയ ആവശ്യങ്ങൾ ഉയർത്തിയാണ് മാർച്ചും ധർണ്ണയും നടത്തിയത്.
സിപിഐ എം ഏരിയ സെക്രട്ടറി എ മോഹൻദാസ് മാർച്ച് ഉദ്ഘാടനം ചെയ്തു. സി എച്ച് മോഹനൻ അധ്യക്ഷനായി. എൽഡിഎഫ് നേതാക്കളായ ബ്ലോക്ക് സ്ഥിരം സമിതി ചെയർമാൻ രജീന്ദ്രൻ കപ്പള്ളി, കരിമ്പിൽ ദിവാകരൻ, കെ ജി ലത്തീഫ്, പി പി ബാലകൃഷ്ണൻ, സി വി നിഷ മനോജ്, സി എച്ച് ദിനേശൻ ,ടി ബാബു എന്നിവർ സംസാരിച്ചു. ടി സുഗതൻ സ്വാഗതം പറഞ്ഞു.

നാദാപുരം പഞ്ചായത്ത് ഓഫീസിലേക്ക് എൽഡിഎഫ് മാർച്ച് നടത്തി

Nadapuram

കൂത്താട്ടുകുളം: മൂന്നാംതവണയും കേരളത്തിൽ​ പിണറായി തന്നെ വരുമെന്നും ഭരണത്തലപ്പത്ത് പിണറായി അല്ലാതെ ആരെങ്കിലും വന്നാൽ എട്ടുനിലയിൽ പൊട്ടുമെന്നും എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ.
കൂത്താട്ടുകുളം കിഴകൊമ്പ് ശ്രീകാർത്തികേയ ഭജനസമാജം ക്ഷേത്രത്തിലെ ചുറ്റമ്പല സമർപ്പണത്തിനെത്തിയ വെള്ളാപ്പള്ളി മാധ്യമപ്രവർത്തകരോട്​ സംസാരിക്കുകയായിരുന്നു. വർധിച്ചുവരുന്ന മദ്യ ഉപയോഗത്തിന്​ തടയിടാൻ മദ്യ നിരോധനമല്ല, മദ്യവർജനമാണ് വേണ്ടതെന്നും വെള്ളാപ്പള്ളി നടേശൻ പറഞ്ഞു.ഈഴവർക്ക്​ അധികാരമില്ലെന്നും ഒന്നും ലഭിക്കുന്നില്ലെന്നും തങ്ങളുടെ വോട്ട്​ മാത്രമാണ്​ വേണ്ടതെന്നും ഇടതുഭരണത്തിൽ ഈഴവസമൂഹം തൃപ്തരാണോയെന്ന ചോദ്യത്തിന്​ മറുപടിയായി അദ്ദേഹം പറഞ്ഞു.&nbsp;

മൂന്നാംതവണയും എൽ.ഡി.എഫ് വരണം;​ തലപ്പത്ത് പിണറായി അല്ലെങ്കിൽ എട്ടുനിലയിൽ പൊട്ടുമെന്നും വെള്ളാപ്പള്ളി നടേശൻ

അഴിയൂർ: ഗ്രാമ പഞ്ചായത്ത് പ്രസിഡണ്ട് ആയിഷ ഉമ്മറിനെതിരെയുള്ള ഇടത് മുന്നണിയുടെയും എസ്.ഡി.പി.ഐയുടെയും നടപടിയിൽ പ്രതിഷേധിച്ച് ജനകീയ മുന്നണി പഞ്ചായത്ത് കമ്മിറ്റി ജനകീയ കൂട്ടായ്മയും പ്രതിഷേധ പ്രകടനവും നടത്തി. അഴിയൂർ ടൗണിൽ പ്രതിഷേധ പ്രകടനത്തിന് ശേഷം നടന്ന കൂട്ടായ്മ കോൺഗ്രസ് അഴിയൂർ മണ്ഡലം പ്രസിഡണ്ട് പി.ബാബുരാജ് ഉദ്ഘാടനം ചെയ്തു.&nbsp;
നവാസ് നെല്ലോളി അധ്യക്ഷത വഹിച്ചു. ടി.സി.രാമചന്ദ്രൻ , ശശിധരൻ തോട്ടത്തിൽ, വി.കെ. അനിൽകുമാർ , പ്രദീപ് ചോമ്പാല, വി.പി പ്രകാശൻ , പി.കെ. കോയ, സി. സുഗതൻ , കാസിം പി.കെ, പി.കെ.വിജയൻ , ടി.സി എച്ച് ജലീൽ, യൂസഫ് കുന്നുമ്മൽ , ഷാനീസ് മൂസ്സ, ജബ്ബാർ നെല്ലോളി, പി.പി. മർവാൻ, മഹമ്മൂദ് ഫനാർ, സഫീർ പുല്ലമ്പി, ഇക്ക്ബാൽ അഴിയൂർ എന്നിവർ സംസാരിച്ചു.

അഴിയൂരിൽ ജനകീയ മുന്നണിയുടെ പ്രതിഷേധ പ്രകടനം

നാദാപുരം: പുറമേരി ഗ്രാമ പഞ്ചായത്ത് 14ാം വാർഡിൽ (കുഞ്ഞല്ലൂർ) ഫിബ്രവരി 24 ന് നടക്കുന്ന ഉപതെരഞ്ഞെടുപ്പിൽ മത്സരിക്കുന്ന ഇടതുപക്ഷ ജനാധിപത്യമുന്നണി സ്ഥാനാർത്ഥി അഡ്വ: വിവേക് കൊടുങ്ങാംമ്പുറത്ത് നാമനിർദ്ദേശക പത്രിക സമർപ്പിച്ചു. പുറമേരി ഗ്രാമ പഞ്ചായത്ത് ഓഫീസിൽ തെരഞ്ഞെടുപ്പ് ഭരണാധികാരിക്കാണ് പത്രിക സമർപ്പിച്ചത്. സി.പി.ഐ.എം ഏരിയ സെക്രട്ടറി ഏ. മോഹൻ ദാസ് , ഏരിയ കമ്മിറ്റി അംഗങ്ങളായ കെ.കെ.ദിനേശൻ, ടി.വി. ഗോപാലൻ , കെ.പി. വനജ, ലോക്കൽ സെക്രട്ടറിമാരായ കെ.ടി. കെ. ബാലകൃഷ്ണൻ, സി.പി. നിധീഷ്, ലോക്കൽ കമ്മിറ്റി മെമ്പർമാർ ,പഞ്ചായത്ത് പ്രസിഡണ്ട് അഡ്വ: ജോതി ലക്ഷ്മി, വൈസ് പ്രസിഡണ്ട് സീന. ടി.പി, ജനപ്രതിനിധികൾ തുടങ്ങിയർ പങ്കെടുത്തു.

നാമനിർദ്ദേശക പത്രിക സമർപ്പിച്ചു

ചോറോട് : വള്ളിക്കാട് -കാട്ടിൽ മുക്ക് റോഡ് വികസനം അട്ടിമറിച്ച ചോറോട് പഞ്ചായത്ത് ഭരണസമിതി നടപടിക്കെതിരായും പഞ്ചായത്തിലെ വികസന മുരടിപ്പിനെതിരായും ജനകീയ മുന്നണി ചോറോട് പഞ്ചായത്ത് കമ്മിറ്റിയുടെ നേതൃത്വത്തിൽ പ്രതിഷേധ സംഗമം സംഘടിപ്പിച്ചു. യുഡിഎഫ് വടകര നിയോജക മണ്ഡലം ചെയർമാൻ കോട്ടയിൽ രാധാകൃഷ്ണൻ ഉദ്ഘാടനം ചെയ്തു.&nbsp;
ജനകീയ മുന്നണി ചോറോട് പഞ്ചായത്ത് കമ്മിറ്റി ചെയർമാൻ അഡ്വ : നജ്മൽ. പി. ടി. കെ അധ്യക്ഷത വഹിച്ചു. പി. പി ജാഫർ, സതീശൻ കുരിയാടി, പി ഇസ്മായിൽ, കെ കെ സദാശിവൻ, ഒ. കെ കുഞ്ഞബ്ദുള്ള, ശശി വള്ളിക്കാട്, സി. നിജിൻ, ഹാഷിം കാളംകുളത്ത്, എം. സി കരീം, രാജേഷ് ചോറോട്, മനീഷ് വള്ളിക്കാട്, വി. പി റിയാസ്, വിശ്വൻ , ഗീത മോഹൻ, കെ. ജി രാഗേഷ്, കെ. കെ റിനീഷ്, ജംഷിദ തുടങ്ങിയവർ സംസാരിച്ചു.

വികസനം അട്ടിമറിക്കുന്നുവെന്ന്; ജനകീയ മുന്നണി പ്രതിഷേധ സംഗമം നടത്തി

ആയഞ്ചേരി: ഗ്രാമ പഞ്ചായത്ത് 2023-24 സാമ്പത്തിക വർഷം സർക്കാറിൽ നിന്ന് ലഭിച്ച വികസന ഫണ്ട്, മെയൻ്റനൻസ് ഫണ്ട് ഇനത്തിൽ 1,60,88,584 രൂപ വിനിയോഗിക്കാതെ നഷ്ടപ്പെടുത്തിയതായ് ഓഡിറ്റ് പരിശോധനയിൽ കണ്ടെത്തി. പഞ്ചായത്തിൻ്റെ അനിവാര്യ ചുമതലയായ മാലിന്യ സംസ്കരണ മേഖലയാകെ താളം തെറ്റിയതായി റിപ്പോർട്ട് ചുണ്ടിക്കാട്ടി. എം സി എഫ് കെട്ടിടമില്ല, ഖരമാലിന്യമാനേജ്മെൻ്റ് പ്ലാൻ തയ്യാറാക്കിയില്ല, ഹരിത സേനാംഗങ്ങളുടെ ഒഴിവ് നികത്തിയില്ല, അജൈവ മാലിന്യങ്ങൾ തരം തിരിച്ച് കയറ്റി അയക്കാൻ കഴിയാത്തത് കൊണ്ട് പഞ്ചായത്തിന് വർഷം തോറും ലക്ഷങ്ങളുടെ നഷ്ടമുണ്ടാവുന്നു.&nbsp;
ഏഴായിരത്തിലധികം വീടുകളുള്ള പഞ്ചായത്തിൽ ആയിരം വീടുകൾക്കാണ് ഇത് വരെയായി ഉറവിട മാലിന്യ സംവിധാനം ഏർപ്പെടുത്തിയത്. പൊതുമരാമത്ത് മേഖലയിൽ 3 കോടി 52 ലക്ഷം രൂപ വകയിരുത്തി 82 പ്രൊജക്ടുകൾ തയ്യാറാക്കിയെങ്കിലും 57 ലക്ഷം രൂപയുടെ 12 പ്രൊജക്ടുകൾ മാത്രമേ നടപ്പാക്കിയുള്ളു. ചെലവ് 16 ശതമാനം മാത്രം. 19 അംഗൻവാടികളിൽ കുടിവെള്ള സൗകര്യമില്ല, 6 എണ്ണത്തിന് സ്വന്തമായി കെട്ടിടങ്ങൾ പോലുമില്ല. വനിതാ ഘടക പദ്ധതിക്കായി തയ്യാറാക്കിയ പ്രൊജക്ടുകൾ ഒന്നും വനിതകൾക്ക് ഗുണം ചെയ്യുന്നവയെല്ലന്ന് ഓഡിറ്റിൽ കണ്ടെത്തി. പഞ്ചായത്ത് ഭരണസമിതി യോഗത്തിൻ്റെ മിനുട്സ് യഥാസമയം തയ്യാറാക്കാത്തതുൾപ്പടെ ക്രമക്കേടുകളാണ് ഓഡിറ്റ് റിപ്പോർട്ടിലൂടെ പുറത്ത് വന്നത് എന്ന് എൽ ഡി എഫ് അംഗങ്ങൾ കുറ്റപ്പെടുത്തി.
പഞ്ചായത്തിൻ്റെ കഴിവുകേടും, കെടുകാര്യസ്ഥതയും ജനങ്ങൾ അറിയുന്നതിന് വേണ്ടി ഓഡിറ്റ് റിപ്പോർട്ട് ഗ്രാമസഭകളിൽ വായിക്കണമെന്ന് എൽ ഡി എഫ് അംഗങ്ങൾ ഭരണസമിതി യോഗത്തിൽ ആവശ്യപ്പെട്ടു. വർഷംതോറും കോടികൾ ലാപ്സാക്കി ആയഞ്ചേരി പഞ്ചായത്തിൻ്റെ വികസനവും, പുരോഗതിയും തകർത്ത യു.ഡി എഫ് ഭരണസമിതി ജനങ്ങളോട് മാപ്പ് പറഞ്ഞ് ,രാജിവെച്ച് ഇറങ്ങി പോവണമെന്ന് എൽ ഡി എഫ് ആവശ്യപ്പെട്ടു. അസി: എഞ്ചിനിയർ ഉൾപ്പടെയുള്ള തസ്തികളിൽ പഞ്ചായത്തിൽ ഒഴിവ് നികത്തപ്പെടാതെ വന്നാൽ പഞ്ചായത്ത് ഭരണസമിതിക്ക് ഇൻറവ്വു നടത്തി സ്വന്തമായി നിയമനം നടത്താമെന്ന സർക്കാർ ഉത്തരവുണ്ടായിട്ടും, അതിനു പോലും കഴിയാതെ ജീവനക്കാരില്ല എന്ന കാരണം പറഞ്ഞ് ഭരണപരാജയം മറച്ച് വെക്കാൻ നടത്തുന്ന പ്രസ്താവനകൾ ജനങ്ങളെ തെറ്റിദ്ധരിപ്പിക്കാൻ മാത്രമാണെന്നും എൽ ഡി എഫ് ആരോപിച്ചു. വാർഡ് മെമ്പർമാരായ ടി.വി. കുഞ്ഞിരാമൻ, സുധസുരേഷ്, ശ്രീലത എൻ.പി, പ്രബിത അണിയോത്ത്, പി. രവീന്ദ്രൻ, ലിസ പുനയംകോട്ട് എന്നിവർ സംസാരിച്ചു.

ആയഞ്ചേരിയിൽ 1 കോടി 60 ലക്ഷം രൂപ നഷ്ടപ്പെടുത്തി, ഓഡിറ്റ് റിപ്പോർട്ട് പുറത്ത്; എൽ ഡി എഫ് പ്രതിഷേധം

ന്യൂഡൽഹി: കേരള കോൺ​ഗ്രസ്(എം) മുന്നണി മാറുന്നുവെന്ന വാർത്ത തെറ്റാണെന്ന് ജോസ്.കെ.മാണി. എൽ.ഡി.എഫിന്റെ അവിഭാജ്യ ഘടകമാണ് കേരള കോൺ​ഗ്രസ്(എം എന്നും എൽ.ഡി.എഫിൽ പൂർണ തൃപ്തനാണെന്നും അദ്ദേഹം പറഞ്ഞു.
കേരള കോൺ​ഗ്രസ് പാർട്ടി മുന്നണി മാറുന്നതുമായി ബന്ധപ്പെട്ട് ആരുമായും ചർച്ച നടത്തിയിട്ടില്ലെന്നും അദ്ദേഹം പറഞ്ഞു. എൽ.ഡി.എഫിനെ ശക്തിപ്പെടുത്താനുള്ള പ്രവർത്തനങ്ങളാണ് മുന്നോട്ടുകൊണ്ടുപോകുന്നത്. എൽ.ഡി.എഫിനൊപ്പം ഉറച്ചുനിൽക്കുന്നുവെന്നും അദ്ദേഹം വ്യക്തമാക്കി.
കേരള കോൺ​ഗ്രസ് പാർട്ടിയെ സംബന്ധിച്ച് മുന്നണി മാറുന്നുവെന്ന വാർത്ത പൂർണമായും വ്യാജമാണെന്ന് വ്യക്തമാക്കുകയാണെന്നും ജോസ്.കെ.മാണി പറഞ്ഞു. അന്തരീക്ഷത്തിൽ നിന്ന് സൃഷ്ടിച്ച ഈ വാർത്ത സത്യവിരുദ്ധമാണ്. വ്യക്തമായ അജണ്ട ഇതിനു പിന്നിലുണ്ടെന്നും അത് പരിശോധിക്കുമെന്നും അദ്ദേഹം കൂട്ടിച്ചേർത്തു.
കേരള കോൺ​ഗ്രസ്(എം) യു.ഡി.എഫിലേക്ക് പോവുകയാണെന്നതു സംബന്ധിച്ച വാർത്തകളോട് പ്രതികരിക്കുകയായിരുന്നു അദ്ദേഹം. നിയമസഭാ സീറ്റുകൾ സംബന്ധിച്ച് ധാരണയായാൽ യു.ഡി.എഫിലേക്ക് തിരിച്ചെത്താമെന്ന നിലപാടിലാണ് കേരള കോൺ​ഗ്രസ്(എം) എന്നതായിരുന്നു പുറത്തുവന്ന വാർത്തകൾ.&nbsp;

എൽ.ഡി.എഫിനൊപ്പം ഉറച്ചുനിൽക്കും; മുന്നണി മാറുന്നുവെന്ന വാർത്ത അടിസ്ഥാനരഹിതമെന്ന് ജോസ്.കെ.മാണി

പാലക്കാട്: ഫലമറിയാൻ മിനുട്ടുകൾ മാത്രം ശേഷിക്കെ വിജയപ്രതീക്ഷയിലാണ് ഇഞ്ചോടിഞ്ച് പോരാട്ടം നടന്ന പാലക്കാട് മണ്ഡലത്തിലെ മൂന്ന് മുന്നണി സ്ഥാനാർത്ഥികളും. പാലക്കാട് ശുഭകരമായ റിസൾട്ടുണ്ടാവുമെന്നാണ് യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിൽ പറഞ്ഞു. ബിജെപി വലിയ വിജയ പ്രതീക്ഷയിലാണെങ്കിലും അന്തിമ വിജയം മതേതരത്വത്തിനായിരിക്കുമെന്ന് അദ്ദേഹം പറഞ്ഞു.
'ന​ഗരസഭയിൽബിജെപിക്ക് ആധിപത്യമുണ്ടാക്കാൻ സാധിക്കില്ലെന്നാണ് ​ഗ്രൗണ്ടിൽ നിന്ന് കിട്ടുന്ന റിപ്പോർട്ട്. ന​ഗരസഭയിലും പഞ്ചായത്തിലും മതേതര മുന്നണിയുടെ വിജയമുണ്ടാവും. ഒഫീഷ്യലി ഒരു പാട്ടും ഇറക്കിയിട്ടില്ല. ആവേശക്കമ്മിറ്റിക്കാർ എത്തും. ജനങ്ങൾ നമ്മോട് കാണിക്കുന്ന സഹകരണവും ചിരിയുമെല്ലാം മോശമാവില്ല. നല്ല നമ്പറുണ്ടാവും' - രാഹുൽ മാങ്കൂട്ടത്തിൽ പറഞ്ഞു.
ജയം ഉറപ്പെന്ന് ആവർത്തിക്കുകയാണ് ഇടത് സ്ഥാനാർത്ഥി ഡോ. പി സരിൻ. കണക്കുകൾ ഭദ്രമെന്നും ആശങ്കയില്ലെന്നും അദ്ദേഹം പറഞ്ഞു. ആദ്യ രണ്ട് റൗണ്ട് എണ്ണിക്കഴിയുമ്പോൾ വോട്ടെണ്ണൽ കേന്ദ്രത്തിൽ നിന്ന് പുറത്തുവരാനുള്ള സാഹചര്യമുണ്ടാകും. ആദ്യത്തെ അഞ്ച് റൗണ്ടിൽ നിർണായകമായ രണ്ട് ബൂത്തുകളുള്ളതിൽ കഴിഞ്ഞ തവണ എൽഡിഎഫ് നേടിയതിലേറെ വോട്ട് നേടുമെന്നും അദ്ദേഹം പറഞ്ഞു. ഈ ട്രൻഡ് പിരായിരിയിലും മാത്തൂരിലും തുടരുമെന്നും സരിൻ പറഞ്ഞു.
കഴിഞ്ഞ തവണ നഷ്‌ടപ്പെട്ട വിജയം ഇത്തവണ നേടിയെടുക്കുമെന്ന് ബിജെപി സ്ഥാനാർത്ഥി സി കൃഷ്ണകുമാർ പറഞ്ഞു. പല്ലശന ദേവീ ക്ഷേത്രത്തിൽ ദർശനം നടത്തിയതിന് ശേഷം പ്രതികരിക്കുകയായിരുന്നു കൃഷ്ണകുമാർ. ഇത്തവണ വിജയിക്കുമെന്ന ഉറപ്പിലാണ്.പ്രതീക്ഷിക്കുന്ന പോലെ അടിയൊഴുക്ക് ഉണ്ടായാൽ കൂടുതൽ ഭൂരിപക്ഷത്തോടെ വിജയിക്കുമെന്നും സി കൃഷണകുമാർ പറഞ്ഞു.

മതേതര മുന്നണി മുന്നിലാകുമെന്ന് രാഹുൽ, ജയം ഉറപ്പിച്ച് സരിൻ, ഇത്തവണ പാലക്കാട് ബിജെപിക്കൊപ്പമെന്ന് കൃഷ്‌ണകുമാർ

പാലക്കാട്: വടകരയിലെ കാഫിർ സ്ക്രീൻ ഷോട്ടിന് സമാനമാണ് പാലക്കാട്ടെ എൽ.ഡി.എഫിന്‍റെ പത്ര പരസ്യമെന്നും പരസ്യം നൽകിയത് എൽ.ഡി.എഫ് ആണെങ്കിൽ പണം നൽകിയത് ബി.ജെ.പിയാണെന്നും സന്ദീപ് വാര്യർ. പത്രപരസ്യങ്ങളിൽ തന്റെതെന്ന പേരിലുള്ള ഫേസ്ബുക്ക് പോസ്റ്റുകൾ പലതും വ്യജമാണെന്ന് സന്ദീപ് വാര്യർ പറഞ്ഞു.
സി.പി.എം കൃത്രിമമായി നിർമിച്ചതാണിതെന്നും ഇതിനെതിരെ നിയമനടപടി സ്വീകരിക്കുമെന്നും സന്ദീപ് പറഞ്ഞു. രണ്ടു പത്രങ്ങളിൽ മാത്രം പരസ്യം നൽകി ബി.ജെ.പിയെ പോലെ വർഗീയ ധ്രുവീകരണത്തിനാണ് സി.പി.എമ്മും ശ്രമിക്കുന്നതെന്നും സന്ദീപ് വാര്യർ പറഞ്ഞു.പാലക്കാട് എൽ.ഡി.എഫ് സ്വതന്ത്ര സ്ഥാനാർഥി പി. സരിന്റെ തെരഞ്ഞെടുപ്പ് പ്രചാരണത്തിന്റെ ഭാഗമായി നൽകിയ പത്ര പരസ്യമാണ് വിവാദമായത്.&nbsp;

കാഫിർ സ്ക്രീൻ ഷോട്ടിന് സമാനമാണ് എൽ.ഡി.എഫിന്‍റെ പത്ര പരസ്യമെന്ന് സന്ദീപ് വാര്യർ

തിരുവനന്തപുരം: പാലക്കാട് മണ്ഡലത്തിലെ എൽ ഡി എഫ് സ്ഥാനാർത്ഥി ഡോ. പി സരിന്റെ ചിഹ്നം സ്റ്റെതസ്‌കോപ്പ്. ഓട്ടോറിക്ഷ, ടോർച്ച്, സ്റ്റെതസ്‌കോപ്പ് എന്നിങ്ങനെ മൂന്ന് ചിഹ്നം എന്നിവയായിരുന്നു നൽകിയിരുന്നത്.&nbsp;
മണ്ഡലത്തിൽ പത്ത് സ്ഥാനാർത്ഥികളാണുള്ളത്. ഇന്ന് ഒരാൾ പത്രിക പിൻവലിച്ചിരുന്നു. യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിലിന് രണ്ട് അപരന്മാരാണുള്ളത്. ഡി എം കെ സ്ഥാനാർത്ഥി എൻ കെ സുധീറിന് ഓട്ടോറിക്ഷ ചിഹ്നമാണ് ലഭിച്ചത്. ചേലക്കരയിൽ ആറ് സ്ഥാനാർത്ഥികളാണുള്ളത്. എൽ ഡി എഫ്, യു ഡി എഫ്, എൻ ഡി എ. ഡി എം കെ, രണ്ട് സ്വതന്ത്രർ എന്നിവരാണുള്ളത്.

സരിന്റെ ചിഹ്നം സ്റ്റെതസ്‌കോപ്പ് ;പാലക്കാട് മൊത്തം പത്ത് സ്ഥാനാർത്ഥികൾ

പാലക്കാട്: പാലക്കാട് എല്‍ഡിഎഫ് വേദിയിലെത്തി മുന്‍ യൂത്ത് കോണ്‍ഗ്രസ് നേതാവ് എ കെ ഷാനിബ്. ഷാനിബിനെ ഷാളണിയിച്ചും മുദ്രാവാക്യം വിളിച്ചും പ്രവര്‍ത്തകര്‍ സ്വീകരിച്ചു. രാജ്യസഭാ എംപി എ എ റഹീം, ഡിവൈഎഫ്‌ഐ സംസ്ഥാന പ്രസിഡന്റ് വസീഫ് തുടങ്ങിയ നേതാക്കളാണ് ഷാനിബിനെ സ്വീകരിച്ചത്.
അതേസമയം താന്‍ കോണ്‍ഗ്രസായി തന്നെയാണ് ഇപ്പോള്‍ കടന്നുവന്നതെന്ന് ഷാനിബ് വ്യക്തമാക്കി. സിപിഐഎമ്മിലേക്ക് പോകുന്നതിന്റെ മുന്നോടിയായല്ല ഈ പരിപാടിയില്‍ പങ്കെടുത്തതെന്നും അദ്ദേഹം വ്യക്തമാക്കി. സിപിഐഎമ്മിലേക്ക് പോകുന്നതിനെ കുറിച്ച് ആലോചിച്ചിട്ടില്ലെന്നും ഷാനിബ് പറഞ്ഞു. എന്നാല്‍ സരിന് വേണ്ടി പ്രചരണത്തിനിറങ്ങുമെന്ന് അദ്ദേഹം കൂട്ടിച്ചേര്‍ത്തു.
'സരിന് വേണ്ടി എല്ലായിടത്തും വോട്ട് ചോദിക്കണമെന്നാണ് ആഗ്രഹം. കോണ്‍ഗ്രസ് വോട്ട് സരിന്‍ നേടും. സത്യം വിളിച്ച് പറഞ്ഞതിന്റെ പേരില്‍ പുറത്താക്കപ്പെട്ടയാളാണ് ഞാന്‍. വ്യക്തി, സാമ്പത്തിക, അധികാര താല്‍പര്യങ്ങള്‍ മാത്രമാണ് കോണ്‍ഗ്രസിലുള്ളത്. ആര്‍ത്തി മാത്രമാണ് കൈമുതല്‍', അദ്ദേഹം പറഞ്ഞു.

എൽഡിഎഫ് വേദിയിലെത്തി എ.കെ ഷാനിബ് ;സ്വീകരിച്ച്‌ യുവ നേതാക്കൾ

തൃശൂര്‍: പത്രിക സമര്‍പ്പിക്കുന്നതിനു മുന്നോടിയായി കെ. കരുണാകരന്റെയും പത്‌നി കല്യാണിക്കുട്ടിയമ്മയുടെയും സ്മൃതിമന്ദിരങ്ങള്‍ സന്ദര്‍ശിച്ച് പാലക്കാട്ടെ ഇടത് സ്വതന്ത്ര സ്ഥാനാര്‍ഥി പി.സരിന്‍. മണ്ഡപത്തില്‍ അദ്ദേഹം പുഷ്പാര്‍ച്ചനയും നടത്തി. രാവിലെ എട്ടരയോടെയാണ് സ്മൃതിമണ്ഡപത്തില്‍ സന്ദര്‍ശനത്തിനായി സരിന്‍ എത്തിയത്. കോണ്‍ഗ്രസ് സ്ഥാനാര്‍ഥികള്‍ നാമനിര്‍ദേശ പത്രിക സമര്‍പ്പിക്കുന്നതിനുമുമ്പ് ചെയ്തുവരുന്ന കീഴ്‌വഴക്കമാണ് സരിന്‍ ഇപ്പോള്‍ നടത്തിയിരിക്കുന്നത്.
ഉള്ളില്‍ ഒരു കോണ്‍ഗ്രസ്സുകാരന്‍ ഇപ്പോഴുമുള്ളതിനാലാണ് കരുണാകരന്റെ സ്മൃതി മണ്ഡപത്തില്‍ വന്നതെന്ന് സരിന്‍ പറഞ്ഞു. 'ഞാന്‍ ഒരുപാട് തവണ വന്ന ഇടമാണിത്. ആ ഇടത്തില്‍ ഒരിക്കല്‍ക്കൂടി വന്നു, കണ്ടു, പറയാനുള്ളത് പറഞ്ഞു. ഞാന്‍ ഇവിടെ എത്തുമ്പോള്‍ എന്റെ മനസ്സില്‍ ഒരുപാട് കാര്യങ്ങള്‍ ഉണ്ടായിരുന്നു. രാഷ്ട്രീയമായി ഞാന്‍ ചെയ്തുകൊണ്ടിരിക്കുന്നതും ഒരു നിയോഗം പോലെ പാലക്കാട് തിരഞ്ഞെടുപ്പില്‍ ഒരു സ്ഥാനാര്‍ഥിയായതുമൊക്കെ ലീഡര്‍ എന്നുപറയുന്ന, കോണ്‍ഗ്രസ്സുകാരനായ കേരളത്തിന്റെ രാഷ്ട്രീയാചാര്യന്‍ ജീവിച്ചിരുന്നുവെങ്കില്‍ എങ്ങനെയായിരിക്കും വിലയിരുത്തുക എന്നതായിരുന്നു ഞാന്‍ ആലോചിച്ച ഒരുകാര്യം.&nbsp;
സ്വാഭാവികമായും കോണ്‍ഗ്രസ്സില്‍ നിന്ന് പുറത്താക്കിയ ഒരാള്‍, ഉള്ളില്‍ ഇപ്പോഴും കോണ്‍ഗ്രസ്സുകാരനുണ്ട് എന്ന് തുറന്ന് സമ്മതിക്കുന്നതിന്‌ ഒരു മടിയില്ലാത്ത ഒരാള്‍ക്ക് ലീഡറുടെയും പ്രിയപത്‌നി കല്യാണിക്കുട്ടിയമ്മയുടെയും അടുത്ത് എത്തുന്നതില്‍ യാതൊരു തടസ്സവുമില്ല എന്നാണ് എനിക്ക് ബോധ്യമായത്. ഇവിടെ സന്ദര്‍ശിക്കണമെന്ന ആഗ്രഹം അറിയിച്ചപ്പോള്‍ ഇവിടേക്ക് വരുന്നതില്‍ നിന്ന് എന്നെയാരും തടഞ്ഞില്ല, വരരുത് എന്ന് പറഞ്ഞില്ല, കാരണം എന്റെയുള്ളിലെ കോണ്‍ഗ്രസ്സിന്റെ ബോധ്യം എത്രത്തോളം ശരിയായിരുന്നു എന്ന് തിരിച്ചറിയുന്നവര്‍ കോണ്‍ഗ്രസ്സിനകത്ത് ഇപ്പോഴുമുണ്ടാകാം.-സരിന്‍ പറഞ്ഞു.

കെ.കരുണാകരന്റെയും പത്‌നിയുടെയും സ്മൃതിമണ്ഡപം സന്ദര്‍ശിച്ച് സരിന്‍

ദോ​ഹ: കേ​ര​ള​ത്തി​ലെ ഭ​ര​ണം മാ​ഫി​യ പ്ര​വ​ർ​ത്ത​ന​മാ​യി മാ​റി​യി​ട്ട് നാ​ളു​ക​ളേ​റെ​യാ​യെ​ന്ന് കെ.​കെ.ര​മ എം.​എ​ൽ.​എ ദോ​ഹ​യി​ൽ പ​റ​ഞ്ഞു. ഖ​ത്ത​റി​ലെ വ​ട​ക​ര മ​ണ്ഡ​ലം യു.​ഡി.​എ​ഫ് ക​മ്മി​റ്റി സം​ഘ​ടി​പ്പി​ച്ച സ്വീ​ക​ര​ണ പ​രി​പാ​ടി​യി​ൽ സം​സാ​രി​ക്കു​ക​യാ​യി​രു​ന്നു അ​വ​ർ. ‘സാ​ധാ​ര​ണ​ക്കാ​ർ​ക്ക് കേ​ര​ള​ത്തി​ൽ ജീ​വി​ക്കാ​ൻ ക​ഴി​യാ​ത്ത അ​വ​സ്ഥ​യി​ലേ​ക്ക് ഇ​ട​തു സ​ർ​ക്കാ​ർ ന​മ്മു​ടെ സം​സ്ഥാ​ന​ത്തെ മാ​റ്റി. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ സി.​പി.​എം എ​ന്ന പ്ര​സ്ഥാ​ന​ത്തി​ന്റെ അ​ന്ത്യം കു​റി​ച്ചു കൊ​ണ്ടി​രി​ക്കു​ക​യാ​ണ്.
ലോ​ക്ക​ൽ സെ​ക്ര​ട്ട​റി മു​ത​ൽ സം​സ്ഥാ​ന സെ​ക്ര​ട്ട​റി വ​രെ അ​ധി​കാ​ര​ത്തി​ന്റെ ധാ​ർ​ഷ്ട്യ​ത്തി​ലാ​ണ് ജ​ന​ങ്ങ​ളോ​ട് ഇ​ട​പെ​ട്ടു​കൊ​ണ്ടി​രി​ക്കു​ന്ന​ത്. ത​ങ്ങ​ളു​ടെ താ​ൽ​പ​ര്യ​ത്തി​നു വ​ഴ​ങ്ങാ​ത്ത​തി​നാ​ണ്‌ ന​വീ​ൻ ബാ​ബു എ​ന്ന എ.​ഡി.​എ​മ്മി​നെ പൊ​തു​ജ​ന​ത്തി​ന് മു​ന്നി​ൽ പ​ര​സ്യ​മാ​യി വി​ചാ​ര​ണ ചെ​യ്ത് അ​പ​മാ​നി​ക്കു​ക​യും അ​ദ്ദേ​ഹ​ത്തി​ന്റെ ആ​ത്മ​ഹ​ത്യ​യി​ലേ​ക്ക് കാ​ര്യ​ങ്ങ​ൾ എ​ത്തു​ക​യും ചെ​യ്ത​ത്.
ഓ​ൾ​ഡ് ഐ​ഡി​യ​ൽ സ്കൂ​ളി​ൽ ന​ട​ന്ന സ്വീ​ക​ര​ണ മ​ണ്ഡ​ലം യു.​ഡി.​എ​ഫ്‌ ചെ​യ​ർ​മാ​ൻ കോ​ട്ട​യി​ൽ രാ​ധാ​കൃ​ഷ്ണ​ൻ ഉ​ദ്ഘാ​ട​നം ചെ​യ്തു. ഖ​ത്ത​ർ വ​ട​ക​ര മ​ണ്ഡ​ലം യു.​ഡി.​എ​ഫ്‌ ചെ​യ​ർ​മാ​ൻ അ​ൻ​വ​ർ ബാ​ബു അ​ധ്യ​ക്ഷ​ത വ​ഹി​ച്ചു.
കെ.​എം.​സി.​സി സം​സ്ഥാ​ന പ്ര​സി​ഡ​ന്റ് ​ഡോ. ​അ​ബ്ദു​സ്സ​മ​ദ്‌, ഇ​ൻ​കാ​സ്‌ അ​ഡ്വൈ​സ​റി ബോ​ർ​ഡ്‌ ചെ​യ​ർ​മാ​ൻ കെ.​കെ. ഉ​സ്മാ​ൻ, ക​രു​ണ ഖ​ത്ത​ർ പ്ര​തി​നി​ധി ശ്രീ​ജു വ​ട​ക​ര, കെ.​എം. സി.​സി കോ​ഴി​ക്കോ​ട്‌ ജി​ല്ല പ്ര​സി​ഡ​ന്റ്‌ ടി.​ടി. കു​ഞ്ഞ​മ്മ​ദ്, ഇ​ൻ​കാ​സ്‌ കോ​ഴി​ക്കോ​ട്‌ ജി​ല്ല പ്ര​സി​ഡ​ന്റ്‌ വി​പി​ൻ‌‌,‌ സ​മീ​റ അ​ബ്ദു​ൽ​നാ​സ​ർ, സ്നേ​ഹ സി​റി​ൻ എ​ന്നി​വ​ർ ആ​ശം​സ​ക​ൾ അ​ർ​പ്പി​ച്ചു. അ​ഫ്സ​ൽ വ​ട​ക​ര​യും കോ​ട്ട​യി​ൽ രാ​ധാ​കൃ​ഷ്ണ​ന് പ്ര​ശാ​ന്ത്‌ ഒ​ഞ്ചി​യ​വും കെ.​കെ. ര​മ​ക്ക് മെ​മ​ന്റോ ന​ൽ​കി. അ​ഷ​റ​ഫ്‌ വ​ട​ക​ര സ്വാ​ഗ​ത​വും, സു​ധി നി​റം ന​ന്ദി​യും പ​റ​ഞ്ഞു.

പിണറായി ഭ​ര​ണം മാ​ഫി​യ പ്ര​വ​ർ​ത്ത​ന​മാ​യി മാ​റി​യി​ട്ട് നാ​ളു​ക​ളേ​റെ​യാ​യെ​ന്ന് കെ.​കെ.ര​മ

Gulf

പാലക്കാട്: ഇടതുമുന്നണി സ്ഥാനാർഥി പി സരിന്റെ റോഡ് ഷോയ്ക്ക് പാലക്കാട്ട് വന്‍വരവേല്‍പ്പ്. പാലക്കാട് മണ്ഡലത്തിലെ പ്രചാരണത്തിന്റെ ഭാ​ഗമായുള്ള ആദ്യത്തെ റോഡ് ഷോയാണ് നടക്കുന്നത്. പാലക്കാട് വിക്ടോറിയ കോളേജ് മുതല്‍ കോട്ടമൈതാനം വരെയാണ് ജാഥ നടത്തിയത്. സരിന്‍ ബ്രോ എന്നെഴുതിയ പ്ലക്കാര്‍ഡുകളും വഹിച്ചാണ് ചെങ്കൊടി വീശി ജാഥ.
സിപിഎം സംസ്ഥാന സെക്രട്ടറി എം.വി ഗോവിന്ദന്‍ കഴിഞ്ഞദിവസം നടത്തിയ വാര്‍ത്താ സമ്മേളനത്തിലാണ് ഉപതിരഞ്ഞെടുപ്പിലെ സ്ഥാനാര്‍ഥികളെ പ്രഖ്യാപിച്ചത്. ഷാഫി പറമ്പിലും കെ.രാധാകൃഷ്ണനും ലോക്​സഭയിലേയ്ക്ക് തിരഞ്ഞെടുക്കപ്പെട്ടതിനെ തുടർന്നാണ് പാലക്കാട്ടും ചേലക്കരയിലും ഉപതിരഞ്ഞെടുപ്പ് വേണ്ടിവന്നത്. പാലക്കാട് ഇടത് സ്വതന്ത്രനായാണ് കെ.പി.സി.സി ഡിജിറ്റല്‍ മീഡിയ വിഭാഗം കണ്‍വീനറായിരുന്ന ഡോ.പി.സരിന്‍ മത്സരിക്കുന്നത്.&nbsp;
ഇടതുപക്ഷ സ്വതന്ത്ര സ്ഥാനാര്‍ത്ഥിയായി പാലക്കാട് ജനവിധി തേടുന്നതിനുള്ള അവസരം കൈവന്നിരിക്കുന്നതിനുള്ള സന്തോഷവും അതിനേക്കാളേറെ അഭിമാനവുമുണ്ടെന്ന് അദ്ദേഹം വ്യക്തമാക്കിയിരുന്നു.

പി.സരിന്റെ റോഡ് ഷോയ്ക്ക് വന്‍വരവേല്‍പ്പ്; ആവേശമാക്കി എൽ.ഡി.എഫ് പ്രവർത്തകർ

പാലക്കാട് ഉപതിരഞ്ഞെടുപ്പിൽ കോൺഗ്രസ് സ്ഥാനാർഥി പ്രഖ്യാപനത്തിലെ അതൃപ്തി പരസ്യമാക്കി പാർട്ടി വിട്ട് എൽ.ഡി.എഫിൽ ചേർന്ന സരിന്റെ പശ്ചാത്തലം ഇന്റർനെറ്റിൽ തിരയുകയാണ് മലയാളികൾ.&nbsp;
എം.ബി.ബി.എസ്. പൂര്‍ത്തിയാക്കി സിവില്‍ സര്‍വ്വീസിലേക്ക്. ആദ്യ ശ്രമത്തില്‍ തന്നെ 555-ാം റാങ്ക്. സിവില്‍ സര്‍വ്വീസില്‍ എട്ട് വര്‍ഷത്തെ സേവനം. പിന്നീട് ഉദ്യോഗം രാജിവെച്ച് സജീവ രാഷ്ട്രീയത്തിലേക്ക്. എട്ട് വര്‍ഷം കോണ്‍ഗ്രസിനൊപ്പം അടിയുറച്ചുനിന്നു. ഒടുവിലിപ്പോള്‍ കോണ്‍ഗ്രസ് വിട്ട് ഇടതുപാളത്തിലേക്ക് ചേക്കേറിയിരിക്കുകയാണ് സരിൻ.
തിരുവില്വാമല പകവത്ത് കുടുംബാംഗമാണു ഡോ.പി.സരിൻ. കോഴിക്കോട് മെഡിക്കൽ കോളജിൽനിന്ന് 2007ലാണ് എംബിബിഎസ് പഠനം പൂർത്തിയാക്കിയത്. 2008 ലാണ് സിവില്‍ സർവീസ് പരീക്ഷ ആദ്യമായി എഴുതുന്നത്. ആദ്യവസരത്തില്‍ തന്നെ 555 റാങ്ക് നേടിയ സരിന് മുന്നില്‍ ഇന്ത്യന്‍ അക്കൗണ്ടസ് ആൻഡ് ഓഡിറ്റ് സര്‍വീസിലേക്കുള്ള വഴിയാണ് തുറന്നത്. ആദ്യ പോസ്റ്റിങ് തിരുവനന്തപുരത്ത്. പിന്നെ നാലു വര്‍ഷം കർണ്ണാടകത്തിലും ഡെപ്യൂട്ടി അക്കൗണ്ടന്റ് ജനറൽ എന്ന കസേരയില്‍ ഇരുന്നു.
2016-ലായിരുന്നു ജോലി രാജിവെക്കാനുള്ള തീരുമാനം. രക്ഷിതാക്കള്‍ ആദ്യം എതിര്‍ത്തെങ്കിലും സരിന്‍ എടുത്ത തീരുമാനത്തില്‍ ഉറച്ചുനിന്നു.ഭാര്യയും നവജാത ശിശുരോഗ വിദഗ്ധയുമായ ഡോ. സൗമ്യയുടെ പിന്തുണ ലഭിച്ചതോടെ രാജി ഉറപ്പിച്ചു.രാജിവെച്ച് യൂത്ത് കോണ്‍ഗ്രസിലൂടെയായിരുന്നു രാഷ്ട്രീയ പ്രവേശനം. യൂത്ത് കോണ്‍ഗ്രസ് സംസ്ഥാന സെക്രട്ടറിയായും പ്രവര്‍ത്തിച്ചു. 2019-ലെ ലോക്സഭാ തിരഞ്ഞെടുപ്പ് കാലത്ത് കോണ്‍ഗ്രസിന്റെ ഗവേഷണ വിഭാഗത്തിലും ഐടി സെല്ലിലും പ്രവര്‍ത്തിച്ചു. പിന്നാലെ മത്സരരംഗത്തേക്കും വന്നു. 2021 നിയമസഭാ തിരഞ്ഞെടുപ്പില്‍ ഒറ്റപ്പാലം മണ്ഡലത്തില്‍ യുഡിഎഫ് സ്ഥാനാര്‍ഥിയായി മത്സരിച്ചെങ്കിലും സിപിഎമ്മിലെ കെ പ്രേംകുമാറിനോട് പരാജയപ്പെട്ടു.
പി സരിന്റെ അപ്രതീക്ഷിത കടന്നുവരവോടെ പാലക്കാട്ടെ ഉപതിരഞ്ഞെടുപ്പ് ചിത്രം പാടെ മാറിമറിയുകയാണ്. കോണ്‍ഗ്രസിനേറ്റ കനത്ത തിരിച്ചടിയാണ് സരിന്റെ വിമത നീക്കം.

എം.ബി.ബി.എസും സിവില്‍ സര്‍വീസും രാജിവച്ച് രാഷ്ട്രീയത്തില്‍; ഡോ.പി.സരിനെക്കുറിച്ചറിയാം

പാലക്കാട് : പാലക്കാട് ഉപതിരഞ്ഞെടുപ്പില്‍ സ്ഥാനാര്‍ത്ഥിയെ ഔദ്യോഗികമായി പ്രഖ്യാപിക്കുമെന്ന് സി.പി.എം. നേതാവ് എ.കെ.ബാലന്‍.ഔപചാരിക പ്രഖ്യാപനം പാര്‍ട്ടിയുടെ സംസ്ഥാന സെക്രട്ടറി പ്രഖ്യാപിക്കും. നേതൃയോഗങ്ങള്‍ക്ക് ശേഷമായിരുക്കും പ്രഖ്യാപനം. നിരവധി സ്വതന്ത്ര സ്ഥാനാര്‍ത്ഥികളും പാര്‍ട്ടി സ്ഥാനാര്‍ത്ഥികളും മുന്നിലുണ്ട്. അതിനെക്കുറിച്ച് വിവിധതട്ടുകളില്‍ പരിശോധിച്ച് ഉചിതമായ തീരുമാനമെടുക്കും. അതാണ് പാര്‍ട്ടിയുടെ ഘടനയുടെ നടപടിക്രമമെന്നും അദ്ദേഹം പറഞ്ഞു.
സ്ഥാനാര്‍ഥിയെ സ്വീകരിക്കുന്നതില്‍ നടപടിക്രമമുണ്ട്. അതിനെക്കുറിച്ച് സെക്രട്ടറിയേറ്റ് ചര്‍ച്ച ചെയ്യും.അതിനുശേഷം സംസ്ഥാനകമ്മിറ്റിയ്ക്ക് അയക്കും. സംസ്ഥാനകമ്മിറ്റി പരിശോധിച്ച് ആവശ്യമായ മാറ്റങ്ങള്‍ നിര്‍ദ്ദേശിക്കും. വീണ്ടും കമ്മിറ്റി ചേര്‍ന്ന് പ്രപ്പോസല്‍ അയക്കും.
ഞെട്ടിപ്പിക്കുന്ന വാര്‍ത്തയാണ് സരിന്റെ ഭാഗത്ത് നിന്നുണ്ടായിട്ടുള്ളത്. അത് ഗൗരവമായി സമൂഹം ചര്‍ച്ച ചെയ്യണം.എങ്ങനെയാണ് വടകര ഡീല്‍ നടന്നതെന്ന് വ്യക്തമല്ല. വടകരയില്‍ ലോക്‌സഭതിരഞ്ഞെടുപ്പുമായി ബന്ധപ്പെട്ട് ബി.ജെ.പി.ക്കാരുടെ വീട്ടില്‍ പോയിക്കഴിഞ്ഞാല്‍ ഞങ്ങള്‍ ഷാഫിയ്ക്കാണ് വോട്ട് ചെയ്യുന്നതെന്ന് പറയും. അതിന് പ്രത്യുപകാരമായി പാലക്കാട് ജില്ലയില്‍ ഞങ്ങള്‍ക്ക് ഗുണം കിട്ടുമെന്ന് ബി.ജെ.പിക്കാരുടെ വീട്ടില്‍ സ്ത്രീകള്‍ വരെ അടക്കം പറഞ്ഞിട്ടുണ്ട്.
സരിന്റെ വെളിപ്പെടുത്തല്‍ ഗുരുതരമായ പ്രശ്‌നമാണ്. എങ്ങനെയാണ് എല്‍.ഡി.എഫിനേയും ഗവണ്‍മെന്റിനേയും പിണറായി വിജയനേയും ഒറ്റപ്പെടുത്താന്‍ ആര്‍.എസ്.എസും ബി.ജെ.പിയുമായി ഇവര്‍ ഡീല്‍ നടത്തിയതിനുള്ള ഏറ്റവും വലിയ തെളിവാണ് സരിന്റെ ഭാഗത്ത് നിന്നുണ്ടായത്.സംഘടനാപരമായും രാഷ്ടീയപരമായും യു.ഡി.എഫില്‍ നിന്ന് മാറാന്‍ സരിൻ നിര്‍ബന്ധിക്കപ്പെട്ടത് എങ്ങനെയാണെന്നുള്ളതിന്റെ ഞെട്ടിപ്പിക്കുന്ന വാര്‍ത്തയാണ് ഇന്നലെ വന്നിട്ടുള്ളത്. വടകരയിലെ കാര്യം ഞങ്ങള്‍ക്ക് നേരെത്തെയറിയാമായിരുന്നു. സരിന്‍ പറയാതെ തന്നെയറിയാമായിരുന്നു. വടകരയിലെ ബി.ജെ.പിക്കാരന്റെ വീട്ടില്‍ വിളിച്ചുചോദിച്ചാല്‍ ആര്‍ക്കാണ് വോട്ട് ചോദിച്ചതെന്ന് അറിയാന്‍ കഴിയും. വലിയൊരു ഗൂഡാലോചന നടന്നതായി ഞങ്ങള്‍ പറഞ്ഞിരുന്നു". ഇപ്പോള്‍ അതിന്റെ രഹസ്യത്തിന്റെ ഉള്ളറകളിലെ കാവല്‍ഭടന്‍ ആണ് സരിനെന്നും അദ്ദേഹം പറഞ്ഞു.

രഹസ്യത്തിന്റെ കാവല്‍ഭടനാണ് സരിന്‍; സ്ഥാനാര്‍ത്ഥിയെ ഔദ്യോഗികമായി പ്രഖ്യാപിക്കുമെന്ന് എ.കെ.ബാലന്‍

കൽപ്പറ്റ: വയനാട് ലോക്സഭ ഉപതെരഞ്ഞെടുപ്പിൽ കോൺഗ്രസിന്റെ പ്രിയങ്ക ഗാന്ധിയെ നേരിടാൻ സത്യൻ മൊകേരിയെ എൽ.ഡി.എഫ് കളത്തിലിറക്കും. ഇന്ന് ചേർന്ന സി.പി.ഐ സംസ്ഥാന കൗൺസിലിലാണ് സത്യൻ മൊകേരിയുടെ സ്ഥാനാർഥിത്വം സംബന്ധിച്ച തീരുമാനം ഉണ്ടായത്. വയനാട് ജില്ല കമ്മിറ്റിയാണ് സത്യൻ മൊകേരിയുടെ പേര് ശിപാർശ ചെയ്തത്. സി.പി.ഐ ദേശീയ കൗൺസിൽ അംഗമായ ഇദ്ദേഹം മൂന്ന് തവണ എം.എൽ.എ ആയിട്ടുണ്ട്. മുമ്പ് സത്യൻ മൊകേരി മത്സരിച്ചപ്പോൾ വയനാട് മണ്ഡലത്തിൽ സി.പി.ഐ മികച്ച പ്രകടനം നടത്തിയിരുന്നു.
ലോക്സഭ തെരഞ്ഞെടുപ്പിൽ രാഹുൽ ഗാന്ധിക്കെതിരെ ആനി രാജയായിരുന്നു മത്സരിച്ചിരുന്നത്. റാ​യ്ബ​റേ​ലി, വ​യ​നാ​ട് ലോ​ക്സ​ഭ മ​ണ്ഡ​ല​ങ്ങ​ളി​ൽ മ​ത്സ​രി​ച്ച രാ​ഹു​ൽ ര​ണ്ടിടത്തും വിജ​യി​ച്ച​തി​നെ​തു​ട​ർ​ന്ന് വ​യ​നാ​ട്ടി​ൽ​നി​ന്ന് രാ​ജി​വെ​ച്ച​തോ​ടെ​യാ​ണ് ഉ​പ​തെ​ര​ഞ്ഞെ​ടു​പ്പ് വേ​ണ്ടി​വ​ന്ന​ത്. വയനാട്ടിൽ പ്രിയങ്കയെത്തിയതോടെ ദേശീയ ശ്രദ്ധയാകർഷിക്കുന്ന മത്സരത്തിനാണ് വഴിയൊരുങ്ങിയത്. തെരഞ്ഞെടുപ്പ് ഗോദയിൽ പ്രിയങ്കയുടെ കന്നി അങ്കമാണിത്. പ്രി​യ​ങ്ക​യു​ടെ സ്ഥാ​നാ​ർ​ഥി​ത്വം കോൺഗ്രസ് നേ​ര​ത്തേ​ത​ന്നെ പ്ര​ഖ്യാ​പി​ച്ചി​രു​ന്നു . രാ​ജി പ്ര​ഖ്യാ​പ​ന സ​മ​യ​ത്തു​ത​ന്നെ പ്രി​യ​ങ്ക ഗാ​ന്ധി​യു​ടെ സ്ഥാ​നാ​ർ​ഥി പ്ര​ഖ്യാ​പ​ന​വും ന​ട​ത്തി​. പ്രിയങ്കക്ക് രാഹുലിനെക്കാൾ ഭൂരിപക്ഷം ഉണ്ടാകുമെന്നാണ് യു.ഡി.എഫ് വിലയിരുത്തൽ.

വയനാട്ടിൽ സത്യൻ മൊകേരി എൽ.ഡി.എഫ് സ്ഥാനാർഥി

പാലക്കാട്: കോണ്‍ഗ്രസ് ഡിജിറ്റല്‍ മീഡിയ വിങ് കണ്‍വീനറായിരുന്ന ഡോ. പി.സരിന്‍ പാലക്കാട് ഇടത് സ്വതന്ത്ര സ്ഥാനാര്‍ഥിയായി മത്സരിക്കും. നാളെ നടക്കുന്ന വാര്‍ത്താ സമ്മേളനത്തില്‍ ഇക്കാര്യം ഔദ്യോഗികമായി പ്രഖ്യാപിക്കും.
സരിന്റെ നീക്കങ്ങള്‍ക്ക് പിന്തുണ നല്‍കാന്‍ ബുധനാഴ്ച വൈകുന്നേരം ചേര്‍ന്ന സിപിഎം പാലക്കാട് ജില്ലാ സെക്രട്ടേറിയറ്റ് തീരുമാനിച്ചിരുന്നു. സരിനെ ഒപ്പം കൂട്ടിയാല്‍ നേട്ടമുണ്ടാക്കാന്‍ കഴിയുമെന്നാണ് സിപിഎം വിലയിരുത്തല്‍. 2016, 2021 നിയമസഭാ തിരഞ്ഞെടുപ്പുകളില്‍ സിപിഎം മണ്ഡലത്തില്‍ മൂന്നാം സ്ഥാനത്താണ്

പാലക്കാട് സരിന്‍ ഇടത് സ്വതന്ത്ര സ്ഥാനാര്‍ഥിയാകും ;പ്രഖ്യാപനം നാളെ ഉണ്ടായേക്കും

തിരുവള്ളൂർ : തുരുവള്ളൂർ ഗ്രാമപഞ്ചായത്ത് സെക്രട്ടറിയുടെ സ്ഥലം മാറ്റവുമായി ബന്ധപ്പെട്ട് യുഡിഎഫ് നേതൃത്വത്തിൽ ഉള്ള ഭരണ സമിതി നടത്തുന്ന പ്രചരണം ബാലിശവും അടിസ്ഥാനരഹിതവുമാണെന്ന് എൽഡിഎഫ് തിരുവള്ളൂർ പഞ്ചായത്ത്‌ കമ്മിറ്റി പ്രസ്താവനയിൽ അറിയിച്ചു. തിരുവള്ളൂരിൽ മാത്രം സെക്രട്ടറിമാരെയും മറ്റു ഉദ്യോഗസ്ഥരെയും അടിക്കടി സ്ഥലം മാറ്റുന്നു എന്ന നിലയിലാണ് പ്രചരണം. എന്നാൽ കഴിഞ്ഞ നാലുവർഷത്തിനിടയിൽ സർക്കാർ അനുചിതമായി ആരെയും സ്ഥലം മാറ്റിയിട്ടില്ലെന്നതാണ് യാഥാർത്ഥ്യം. തന്നെയുമല്ല സർക്കാർ നിർദ്ദേശങ്ങളും നിയമങ്ങളുമൊന്നും തങ്ങൾക്ക് ബാധകമല്ല എന്ന തൻപ്രമാണിത്തത്തിന്റെ ശൈലിയാണ് പ്രസിഡണ്ടിനും വൈസ് പ്രസിഡണ്ടിനും. അതിന്റെ ഏറ്റവും ഒടുവിലത്തെ ഉദാഹരണമായിരുന്നു പഞ്ചായത്ത്‌ പാലിയേറ്റീവ് നഴ്‌സിനെ പിരിച്ചു വിടാൻ ശ്രമിച്ചതും ഹൈകോടതി നിർദേശം ഉണ്ടായിട്ടു പോലും അവരുടെ വേതനം തടഞ്ഞു വെച്ചതും. ഒടുവിൽ കോഴിക്കോട് മന്ത്രി എം ബി രാജേഷ് നേതൃത്വം കൊടുത്ത ജില്ലാ അദാലത്തിൽ വിഷയം വരികയും നഴ്സിന്റെ തടഞ്ഞു വെച്ച വേതനം അടിയന്തിരമായി നൽകണമെന്ന് മന്ത്രി ഉത്തരവിടുകയും ചെയ്തിട്ട് പോലും സെക്രട്ടറിയെ സമ്മർദ്ദത്തിലാക്കിയും ഭീഷണിപെടുത്തിയും ചെയ്തു കൊണ്ടു നഴ്സിന്റെ വേതനം നൽകാതിരിക്കാൻ അവസാനം വരെ ശ്രമിച്ചവരാണ് പഞ്ചായത്ത്‌ പ്രസിഡണ്ടും വൈസ് പ്രസിഡണ്ടും.&nbsp;
എന്നാൽ സെക്രട്ടറി ശക്തമായ നിലപാടിൽ ഉറച്ചു നിന്നതിനാലാണ് നഴ്സ്ന്റെ വേതനം കുടിശിക സഹിതം ലഭിച്ചത്. സമീപ പഞ്ചായത്ത്‌ കളിലൊക്കെ ലൈഫ് ഗുണഭോക്താക്കൾക്ക് സമയബന്ധിതമായി ഫണ്ട് ലഭിക്കുന്ന സാഹചര്യം ഉണ്ടെന്നിരിക്കെ തിരുവള്ളൂരിൽ മാത്രം ലൈഫ് പദ്ധതി ഇഴഞ്ഞു നീങ്ങുന്നത് യുഡിഎഫിന്റ ഭരണ പരാജയമാണ്. സാധാരണ ഗതിയിൽ സർക്കാർ ഉദ്യോഗസ്ഥർക്ക് ഉണ്ടാകാറുള്ള സ്ഥലം മാറ്റം മാത്രമേ തിരുവള്ളൂരിലും നടന്നിട്ടുള്ളൂ. തന്നെയുമല്ല യുഡിഎഫ് ഭരണ നേതൃത്വത്തിന്റെ ധിക്കാരപരമായ നിലപാട് മൂലം ഒരിക്കൽ തിരുവള്ളൂരിൽ ജോലി ചെയ്ത ഉദ്യോഗസ്ഥരൊക്കെ എങ്ങിനെയെങ്കിലും ഒന്ന് മാറ്റം കിട്ടിയാൽ മതി എന്ന ചിന്തയിലേക്ക് എന്തു കൊണ്ടു എത്തുന്നുവെന്ന് പഞ്ചായത്ത്‌ ഭരണ നേതൃത്വം വ്യക്തമാക്കണം. കളിസ്ഥലം സ്ഥലമെടുപ്പ്മായി ബന്ധപ്പെട്ടു ഉയർന്ന അഴിമതി വ്യാപകമായ ചർച്ച നടക്കുന്ന അവസരത്തിൽ അതിൽ നിന്നൊക്കെ ജനശ്രദ്ധ തിരിച്ചു വിടാനാണ് ശ്രമം. ബസ്സ്‌ സ്റ്റാൻഡ് ഉൾപ്പെടെയുള്ള വികസന പ്രശ്നംങ്ങളിൽ പഞ്ചായത്ത്‌ ഭരണത്തിന്റെ ഭരണ പരാജയം മറച്ചു പിടിക്കാനുള്ള പാഴ്ശ്രമമാണ് യുഡിഎഫ് ഇപ്പോൾ നടത്തുന്നതെന്ന് എൽഡിഎഫ് പഞ്ചായത്ത്‌ കമ്മിറ്റി പറഞ്ഞു.

തിരുവള്ളൂരിൽ ഭരണ പരാജയം മറച്ചു പിടിക്കാനുള്ള യുഡിഎഫ് ശ്രമം അപഹാസ്യം; എൽഡിഎഫ്

ആയഞ്ചേരി: വയനാട് ദുരന്തത്തിൽ പോലും കള്ളവാർത്തകൾ പ്രചരിപ്പിച്ച് എൽ ഡി എഫ് സർക്കാറിനെ അപകീർത്തിപ്പെടുത്താൻ ശ്രമിക്കുന്ന കേരളത്തിലെ ഒരു കൂട്ടം മാധ്യമങ്ങളുടെ നശീകരണ മാധ്യമപ്രവർത്തന ശൈലിക്കെതിരെ സി പി എം നേതൃത്വത്തിൽ ആയഞ്ചേരി ടൗണിൽ ബഹുജന കൂട്ടായ്മ സംഘടിപ്പിച്ചു.
പണമുണ്ടാക്കാനുള്ള ആർത്തിയും, ഇടതുപക്ഷ വിരോധവുമാണ് മാധ്യമങ്ങളെ ഇത്തരം തരംതാണ നിലവാരത്തിലെത്തിച്ചതെന്ന് ബഹുജന കൂട്ടായ്മ ഉൽഘാടനം ചെയ്തു കൊണ്ട് സിപിഎം ജില്ലാ കമ്മിറ്റി അംഗം ഏ എം റഷീദ് ആരോപിച്ചു. ടി.വി കുഞ്ഞിരാമൻ അധ്യക്ഷം വഹിച്ചു. കെ സോമൻ, അനിൽ ആയഞ്ചേരി എന്നിവർ സംസാരിച്ചു.

മാധ്യമങ്ങളുടെ കള്ള പ്രചാരവേലക്കെതിരെ സി പി എം ബഹുജന കൂട്ടായ്മ

കോഴിക്കോട്: അൻവറിന്റെ വെളിപ്പെടുത്തലിൽ സി.പി.എമ്മിന് ഒരു ആശങ്കയുമില്ലെന്ന് എൽ.ഡി.എഫ് കൺവീനർ ടി.പി. രാമകൃഷ്ണൻ. അണികൾ ഭദ്രമാണ്. അൻവറിന്റെ നീക്കം ഗൗരവമായി കാണുന്നില്ല.
അൻവറിനെ കേൾക്കാനെത്തിയ ജനക്കൂട്ടത്തെ കാര്യമായി എടുക്കുന്നില്ല. മറ്റു വിഷയങ്ങൾ കിട്ടുമ്പോൾ മാധ്യമങ്ങൾ ഈ വിഷയം വിടുമെന്നും അദ്ദേഹം പറഞ്ഞു.സി.പി.എമ്മിനെതിരായി സംസാരിക്കുമ്പോൾ ജനങ്ങൾ സ്വാഭാവികമായി വരും. അൻവർ പറയുന്നത് സി.പി.എമ്മിന് എതിരായാണ്. എ.ഡി.ജി.പിക്കെതിരായ പരാതികളിൽ അന്വേഷണം നടക്കുകയാണ്. അതു പുറത്തു വരട്ടെ. കുറ്റക്കാരനെങ്കിൽ നടപടിയുണ്ടാകും. അൻവറിന് സി.പി.എം രീതികൾ അറിയില്ലെന്നും ടി.പി. രാമകൃഷ്ണൻ കൂട്ടിച്ചേർത്തു.

അൻവറിന്റെ വെളിപ്പെടുത്തലിൽ സി.പി.എമ്മിന് ഒരു ആശങ്കയുമില്ലെന്ന് ടി.പി. രാമകൃഷ്ണൻ

ന്യൂഡൽഹി: മുഖ്യമന്ത്രി പിണറായി വിജയനെതിരെ പരസ്യമായി രംഗത്തെത്തിയ പി.വി. അൻവർ എം.എൽ.എയെ എൽ.ഡി.എഫിൽനിന്ന് പുറത്താക്കി.
പാർട്ടി സംസ്ഥാന സെക്രട്ടറി എം.വി. ഗോവിന്ദൻ ഡൽഹിയിൽ നടത്തിയ വാർത്താസമ്മേളനത്തിലാണ് ഇക്കാര്യം വ്യക്തമാക്കിയത്. ഇനി സ്വതന്ത്ര എം.എൽ.എയായി അൻവർ തുടരും. അൻവർ വലതുപക്ഷത്തിന്‍റെ കൈയിലെ കോടാലിയായെന്ന് ഗോവിന്ദൻ വിമർശിച്ചു.
അൻവറിനെതിരെ സഖാക്കളും പാർട്ടിയെ സ്നേഹിക്കുന്നവരും രംഗത്ത് ഇറങ്ങണം. കമ്യൂണിസ്റ്റ് പ്രസ്ഥാനത്തെ കുറിച്ച് അൻവറിന് ധാരണയില്ല. കോൺഗ്രസ് പാരമ്പര്യമുള്ളയാണ് അൻവർ. സാധാരണക്കാരുടെ വികാരങ്ങൾ ഉൾക്കൊണ്ടല്ല അൻവർ സംസാരിക്കുന്നതെന്നും ഗോവിന്ദൻ പറഞ്ഞു. ഡൽഹിയിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.

പി.വി. അൻവറിനെ എൽ.ഡി.എഫിൽനിന്ന് പുറത്താക്കി ;ഇനി സ്വതന്ത്ര എം.എൽ.എ

ആയഞ്ചേരി: പഞ്ചായത്ത് ഭരണസമിതി യോഗത്തിലേക്ക് മെമ്പർമാർ നിയമാനുസൃതമായി നൽകിയ ചോദ്യങ്ങൾ ഭരണസമിതി യോഗത്തിൽ ഉന്നയിക്കാൻ അവസരം നൽകാതെ മറുപടി നിഷേധിച്ച പഞ്ചായത്ത് പ്രസിഡണ്ടിൻ്റെ നടപടിയിൽ പ്രതിഷേധിച്ച് എൽ ഡി എഫ് അംഗങ്ങൾ ഭരണസമിതി യോഗം ബഹിഷ്കരിച്ചു.
പഞ്ചായത്തീരാജ് ആക്ട് പ്രകാരം മെമ്പർ മാർക്ക് ഭരണവുമായ് ബന്ധപ്പെട്ട വിവരങ്ങൾ അറിയുന്നതിന്, ഭരണസമിതി യോഗത്തിൻ്റെ ഏഴ് ദിവസങ്ങൾക്ക് മുമ്പ് ചോദ്യങ്ങൾ ബന്ധപ്പെട്ടവർക്ക് നൽകിയാൽ, യോഗത്തിൻ്റെ അജണ്ടയിൽ ഒന്നാമത്തെ ഇനമായ് ചോദ്യോത്തരങ്ങൾ ചേർത്ത് ചോദ്യം ഉന്നയിക്കാനും മറുപടി നൽകാനും അവസരം ഉണ്ടാക്കണമെന്നാണ്. മറ്റ് നടപടികളിലേക്ക് കടക്കുന്നതിന് മുമ്പേ ഒരു മണിക്കൂർ സമയം ചോദ്യോത്തരങ്ങൾക്ക് മാറ്റിവെക്കണം. എന്നാൽ ആയഞ്ചേരി പഞ്ചായത്തിൽ ഇത് ഉണ്ടാവുന്നില്ല. പഞ്ചായത്തിലെ ലൈഫ് പദ്ധതി ഗുണഭോക്താക്കൾക്ക് ഫണ്ട് അനുവദിക്കുന്നതിലെ അലംഭാവം സംബന്ധിച്ച് സ്ഥിരം സമിതി അധ്യക്ഷൻ ടി.വി. കുഞ്ഞിരാമൻ നൽകിയ ചോദ്യമാണ് അജണ്ടയിൽ ചേർക്കാതെ ഒഴിവാക്കിയത്.&nbsp;
പഞ്ചായത്തിലെ 81 അംഗതി കുടുബങ്ങൾക്ക് ഓണക്കിറ്റ് നൽകുന്നതിന് കുടുബശ്രീ സി.ഡി എസ്സ് ചെയർപേഴ്സൺ നൽകിയ കത്തും അജണ്ടയിൽ ഉൾപ്പെടുത്താതെ ഒഴിവാക്കിയതിലൂടെ പാവപ്പെട്ട അഗതികളോടും കൂരത കാണിച്ചിരിക്കയാണ്. പഞ്ചായത്ത് അധികൃതരുടെ ജനാധിപത്യവിരുദ്ധ നടപടിയിൽ പ്രതിഷേധിച്ച് എൽ ഡി.എഫ് മെമ്പർമാർ പഞ്ചായത്ത് ഓഫീസിന് മുമ്പിൽ ധർണ നടത്തി. സ്ഥിരം സമിതി അധ്യക്ഷൻ ടി.വി. കുഞ്ഞിരാമൻ ഉൽഘാടനം ചെയ്തു. സുധ സുരേഷ് അധ്യക്ഷം വഹിച്ചു. ടി. സജിത്ത്, പ്രബിത അണിയോത്ത്, ലിസ പുനയംകോട്ട്, പി. രവീന്ദ്രൻ എന്നിവർ സംസാരിച്ചു.

ചോദ്യോത്തരവേള അനുവദിച്ചില്ല; ആയഞ്ചേരിയിൽ ഭരണസമിതി യോഗം എൽ ഡി എഫ് ബഹിഷ്കരിച്ചു

കോഴിക്കോട്: പി.വി.അൻവർ എം.എൽ.എ ഉന്നയിച്ച പ്രശ്നങ്ങളെല്ലാം ഗൗരവമുള്ളത് ഉള്ളതാണെന്ന് എൽ.ഡി.എഫ് കൺവീനർ ടി.പി. രാമകൃഷ്ണൻ. അൻവർ പറഞ്ഞത് അദ്ദേഹത്തിന്റെ അനുഭവങ്ങളും പരിശോധനയിൽ കണ്ടെത്തിയ കാര്യങ്ങളുമാണെന്ന് പറഞ്ഞ ടി.പി, അവ പറയുന്നതിൽ തെറ്റില്ലെന്നും വ്യക്തമാക്കി.&nbsp;
പി.വി. അൻവറിന്റെ ഇടപെടൽ മുന്നണിയെ ബാധിക്കില്ലെന്നും തെറ്റ് ചെയ്തോ ഇല്ലയോ എന്നതിൽ അന്വേഷണം നടക്കുമെന്നും എൽ.ഡി.എഫ് കൺവീനർ വ്യക്തമാക്കി. 'ആരോപണം ഉന്നയിച്ചതുകൊണ്ട് മാത്രമായില്ല. അത് അന്വേഷിച്ച് തെളിയിക്കുകയും വേണം. പരാതിയിൽ പരിശോധന നടത്താമെന്നും നടപടി എടുക്കുമെന്നും മുഖ്യമന്ത്രി പറഞ്ഞിട്ടുണ്ട്. മുഖ്യമന്ത്രിയുടെ പൊളിറ്റിക്കൽ സെക്രട്ടറി പി. ശശിക്ക് എതിരായ ആരോപണങ്ങളിൽ വിവരങ്ങൾ പുറത്തുവരട്ടെ. എല്ലാ കാര്യങ്ങളും പരിശോധിക്കും. തെറ്റുകൾക്കതിരെ ശക്തമായ നിലപാട് സ്വീകരിച്ച് മുന്നോട്ട് പോകും, അദ്ദേഹം വ്യക്തമാക്കി.
ഇ.പി. ജയരാജൻ പാർട്ടിയുടെ കേന്ദ്ര കമ്മറ്റി അംഗമാണെന്നും അദ്ദേഹം ആ നേതൃത്വത്തിൽ തുടരുമെന്ന് വിശ്വസിക്കുന്നതായും ടി.പി പറഞ്ഞു. സിപിഎമ്മിന്റെ വളർച്ചയ്ക്കുവേണ്ടി ഒരുപാട് ത്യാ​ഗം അനുഭവിച്ച ആളാണ് ഇ.പിയെന്നും ഇനിയും പാർട്ടിക്ക് സംഭാവന നൽകാൻ അദ്ദേഹത്തിന് സാധിക്കുമെന്നും ടി.പി രാമകൃഷ്ണൻ അഭിപ്രായപ്പെട്ടു.&nbsp;

പി.വി.അൻവർ എം.എൽ.എ ഉന്നയിച്ച ആരോപണം ഗൗരവമുള്ളത് ;പാർട്ടി പരിശോധിക്കുമെന്ന് ടി.പി. രാമകൃഷ്ണൻ

തിരുവനന്തപുരം: സംസ്ഥാനത്തെ ഇടതുമുന്നണിയെ ഇനി കോഴിക്കോട്ടെ സിപിഐഎമ്മിന്‍റെ കരുത്തനായ നേതാവ് ടി പി രാമകൃഷ്ണൻ നയിക്കും. വിദ്യാർഥി രാഷ്ട്രീയത്തിലൂടെ സിപിഐഎം നേതൃത്വത്തിലേക്ക് വളർന്ന രാഷ്ട്രീയ പാരമ്പര്യമാണ് ടി പി രാമകൃഷ്ണനുള്ളത്.&nbsp;
വർ​ഗ-ബഹുജന സംഘടനകളുടെ അമരക്കാരനായുള്ള പ്രവർത്തനമികവുമായി ടി.പി രാമകൃഷ്ണൻ എൽ.ഡി.എഫ് കൺവീനർ സ്ഥാനത്തേക്ക് എത്തുമ്പോൾ അത് മുന്നണിക്കും സിപിഎമ്മിനും കരുത്തേകുമെന്ന വിലയിരുത്തലിലാണ് പാർട്ടി നേതൃത്വം.സൗമ്യമായ പെരുമാറ്റം ടി.പി രാമകൃഷ്ണനെ ജനങ്ങൾക്കിടയിൽ സ്വീകാര്യനാക്കുന്നു.&nbsp;
പേരാമ്പ്ര നിയോജക മണ്ഡലത്തിൽനിന്ന് 2001-ലും 2016-ലും 2021-ലും നിയമസഭയിലെത്തിയ ടി.പി, ഒന്നാം പിണറായി മന്ത്രിസഭയിൽ തൊഴിൽ, എക്സൈസ് വകുപ്പ് മന്ത്രിയായിരുന്നു. നിലവിൽ സി.പി.എം സംസ്ഥാന സെക്രട്ടേറിയറ്റ് അം​ഗവും സി.ഐ.ടി.യു അഖിലേന്ത്യാ വർക്കിങ് കമ്മറ്റി അം​ഗവുമാണ്.
വിദ്യാർഥി രാഷ്ട്രീയത്തിലൂടെ സിപിഎമ്മിലേക്കെത്തി. കേരള വിദ്യാർഥി ഫെഡറേഷൻ പ്രവർത്തകനായിരിക്കെ 1968-ലാണ് സിപിഎം അം​ഗമായത്. 1970-ൽ എസ്എഫ്ഐ കൊയിലാണ്ടി താലൂക്ക് സെക്രട്ടറിയായി. കെ.എസ്‌.വൈ.എഫിന്റെയും ട്രേഡ് യൂണിയന്റെയും സജീവപ്രവർത്തകനായതോടെ ശ്രദ്ധേയനായി.
കീഴരിയൂർ ഉണ്ണിച്ചിരാംവീട്ടിൽ ശങ്കരന്റേയും മാണിക്യത്തിന്റെയും മകനായി 1949 ജൂൺ 15-ന് നമ്പ്രത്തുകരയിലാണ് ജനനം. നമ്പ്രത്തുകര എ.യു.പി, കൊയിലാണ്ടി ഗവ.ബോയ്സ് ഹൈസ്കൂൾ, നടുവത്തൂർ ശ്രീ വാസുദേവാശ്രമം ഹൈസ്കൂൾ, കോഴിക്കോട് ഗവ. ആർട്‌സ് ആൻഡ് സയൻസ് കോളേജ് എന്നിവിടങ്ങളിലായിരുന്നു വിദ്യാഭ്യാസം.
സി.പി.എം കീഴരിയൂർ ലോക്കൽ കമ്മറ്റി അംഗം, കടിയങ്ങാട് ലോക്കൽ സെക്രട്ടറി, ബാലുശേരി, പേരാമ്പ്ര ഏരിയാ സെക്രട്ടറി, കോഴിക്കോട് ജില്ലാ കമ്മിറ്റി അംഗം, ജില്ലാ സെക്രട്ടറിയേറ്റംഗം എന്നീ പദവികൾ വഹിച്ചുകൊണ്ടാണ് നേതൃനിരയിലേക്കെത്തിയത്. 2004 മുതൽ 2014 വരെ ആയിരുന്നു പാർട്ടി ജില്ലാ സെക്രട്ടറി സ്ഥാനം വഹിച്ചത്.പ്ലാൻ്റേഷൻ കോർപറേഷൻ്റെ പേരാമ്പ്ര എസ്റ്റേറ്റ് ലേബർ യൂണിയൻ സെക്രട്ടറി, പ്രസിഡന്റ്, ചെത്ത്തൊഴിലാളി യൂണിയന്റെയും മദ്യവ്യവസായ തൊഴിലാളി യൂണിയന്റെയും താലൂക്ക്- സംസ്ഥാന ഭാരവാഹി, സി.ഐ.ടി.യു ജില്ലാ ജനറൽ സെക്രട്ടറി, ടെക്സ് ഫെഡ് ചെയർമാൻ, മോട്ടോർ എൻജീനീയറിങ് വർക്കേഴ്സ് യൂണിയൻ ജില്ലാ പ്രസിഡന്റ് എന്നീ നിലകളിലും പ്രവർത്തിച്ചു.
1970-ലെ കുടികിടപ്പ് സമരത്തിലും 1972-ലെ മിച്ച ഭൂമി സമരത്തിലും നേതൃനിരയിലുണ്ടായിരുന്നു. 1976 അടിയന്തരാവസ്ഥ കാലത്ത് അറസ്റ്റുചെയ്യപ്പെടുകയും അതിക്രൂരമായ മർദനങ്ങൾക്ക് ഇരയാവുകയും ചെയ്തു. 18 ദിവസം പേരാമ്പ്ര സ്റ്റേഷൻ ലോക്കപ്പിലും മൂന്നുമാസത്തോളം കോഴിക്കോട് ജില്ലാ ജയിലിലുമായിരുന്നു. പ്ലാന്റേഷൻ കോർപ്പറേഷൻ പേരാമ്പ്ര എസ്റ്റേറ്റിലെ സി.ഐ.ടി.യു യൂണിയൻ സെക്രട്ടറിയായിരുന്നു അന്ന് അദ്ദേഹം.എം.കെ.നളിനിയാണ് ഭാര്യ. രാജുലാൽ ടി.പി, രഞ്ജിനി ടി.പി എന്നിവർ മക്കളാണ്.&nbsp;

ഇ.പിക്ക് പകരക്കാരൻ ;ഇടതുമുന്നണിയെ നയിക്കാൻ ഇനി പേരാമ്പ്രയുടെ ടി.പി രാമകൃഷ്ണൻ

ആയഞ്ചേരി: ഗ്രാമ പഞ്ചായത്തിൽ മാലിന്യ സംസ്കരണ പ്രവർത്തനങ്ങൾ താളം തെറ്റിയെന്ന് എൽ ഡി എഫ്. റോഡുകളിലും പൊതു ഇടങ്ങളിലും മാലിന്യം കൂട്ടിയിട്ടതിനാൽ പകർച്ചവ്യാധികളും രോഗങ്ങളും പിടിപെടാൻ സാധ്യത ഏറെയാണ്. ഇതിൽ അടിയന്തര നടപടി ഉണ്ടാവണമെന്നാവശ്യപ്പെട്ട് എൽ ഡി എഫ് നേതൃത്വത്തിൽ ആയഞ്ചേരി ടൗണിൽ പ്രതിഷേധ കൂട്ടായ്മ സംഘടിപ്പിച്ചു. സി.പി.എം ഏരിയാ സിക്രട്ടരി ടി.പി. ഗോപാലൻ ഉൽഘാടനം ചെയ്തു. കെ. കെ. രാജൻ അധ്യക്ഷം വഹിച്ചു. വി. ബാലൻ, ടി.വി കുഞ്ഞിരാമൻ, ടി.കെ രാഘവൻ, സി.എച്ച് ഹമീദ്, പി.കെ ബാലൻ എന്നിവർ സംസാരിച്ചു.

മാലിന്യ സംസ്കരണം അവതാളത്തിൽ; ആയഞ്ചേരിയിൽ എൽ ഡി എഫ് പ്രതിഷേധ കൂട്ടായ്മ

കൊണ്ടോട്ടി: യു.ഡി.എഫ് ധാരണ പ്രകാരം കൊണ്ടോട്ടി നഗരസഭയിൽ ഇനി കോൺഗ്രസ് ചെയർപേഴ്‌സൺ. നീറാട് വാർഡ് കൗൺസിലർ നിദ ഷഹീറിനെ അധ്യക്ഷയായി തെരഞ്ഞെടുത്തു. കെ.പി. നിമിഷ ആയിരുന്നു എൽ.ഡി.എഫ് സ്ഥാനാർഥി. ആകെ 40 സീറ്റുള്ള നഗരസഭയിൽ 32 വോട്ടുകൾ നിദയ്ക്ക് ലഭിച്ചു. നിമിഷക്ക് ആറ് വോട്ടാണ് ലഭിച്ചത്. രണ്ടുവോട്ടുകൾ അസാധുവായി.
നീറാട് വാർഡ് കൗൺസിലർ ആണ് നിദ ഷഹീർ. സംസ്ഥാനത്തെ പ്രായം കുറഞ്ഞ നഗരസഭാ അധ്യക്ഷയാണ് ഇവരെന്ന് കോൺഗ്രസ് ഭാരവാഹികൾ പറഞ്ഞു. മുസ്‌ലിം ലീഗിലെ സി.ടി. ഫാത്തിമത്ത് സുഹ്റാബി സ്ഥാനം ഒഴിഞ്ഞതിനെ തുടർന്നായിരുന്നു ഇന്ന് തെരഞ്ഞെടുപ്പ് നടന്നത്. യു.ഡി.എഫ് ധാരണ പ്രകാരമായിരുന്നു സ്ഥാന മാറ്റങ്ങൾ

നിദ ഷഹീർ കൊണ്ടോട്ടി നഗരസഭാ ചെയർപേഴ്‌സൺ

കോഴിക്കോട്: സംസ്ഥാന സർക്കാറിൻ്റെ ഭരണ വീഴ്ചയാണ് ലോക്സഭ തിരഞ്ഞെടുപ്പിൽ എൽഡിഎഫിന് കനത്ത പരാജയം ഉണ്ടാവാൻ കാരണമെന്ന് ആർ.ജെ.ഡി. കോഴിക്കോട് ജില്ലാ കമ്മറ്റി. ചില കാര്യങ്ങൾ പർവ്വതികരിച്ചു യു.ഡി.എഫ് പ്രചരിപ്പിച്ചപ്പോൾ ചെയ്ത നല്ല കാര്യങ്ങൾ നിഷ്പ്രഭമായിപ്പോയി. കോഴിക്കോട് ചേർന്ന ജില്ലാ ഭാരവഹികളുടെയും മേൽ കമ്മറ്റി അംഗങ്ങളുടേയും യോഗത്തിലാണ് വിമർശനം. ജില്ലാ പ്രസിഡണ്ട് എം.കെ. ഭാസ്ക്കരൻ അദ്യക്ഷത വഹിച്ചു. സംസ്ഥാന ജനറൽ സെക്രട്ടരി വി. കുഞ്ഞാലി ഉൽഘാടനം ചെയ്തു. ജില്ലാസെക്രട്ടരിമാരായ ഭാസ്കരൻ കൊഴുക്കല്ലൂർ സ്വാഗതവും, ജെ.എൻ. പ്രേം ഭാസിൻനന്ദിയും പറഞ്ഞു. സംസ്ഥാന ഭാരവാഹികളായ സലിം മടവൂർ, എൻ.കെ. വത്സൻ, ഇ.പി.ദാമോദരൻ, കെ. ലോഹ്യാ, എം.പി ശിവാനന്ദൻ, പി.എം. തോമസ്, എൻ.സി. മോയിൻകുട്ടി, അഡ്വ രവീന്ദ്രനാഥ്, എടയത്ത് ശ്രീധരൻ, ജീജാദാസ്, എം.കെ. സതി, സി.പി രാജൻ എന്നിവർ പ്രസംഗിച്ചു.

പരാജയ കാരണം സർക്കാറിൻ്റെ ഭരണ വീഴ്ച; ആർ.ജെ.ഡി

Kozhikode

തിരുവനന്തപുരം: ഭാവിയിൽ കെകെ ശൈലജ മുഖ്യമന്ത്രിയായി കാണണമെന്ന് ജനങ്ങൾ ആഗ്രഹിക്കുന്നുണ്ടെന്ന പരാമർശവുമായി പി ജയരാജൻ.സിപിഎം സംസ്ഥാന സമിതിയിലായിരുന്നു പരാമർശം.വടകരയിലെ പരാജയത്തിന് കാരണവും അതാണെന്ന് അദ്ദേഹം പറഞ്ഞു.
വടകരയിലെ ജനങ്ങൾക്കും അത്തരമൊരു ആഗ്രഹമുണ്ട്. അവരെ ഒതുക്കുന്നതിന് വേണ്ടിയാണ് മത്സരിപ്പിച്ചതെന്ന തോന്നൽ ജനങ്ങൾക്കുണ്ടായി. ശൈലജയെ ഡൽഹിയിലേക്ക് അയക്കാതെ സംസ്ഥാനത്തുതന്നെ നിർത്താനുള്ള വടകരയിലുള്ളവരുടെ ആഗ്രഹം തോൽവിയുടെ ഘടകമാണ്- ജയരാജൻ പറഞ്ഞു.
കെകെ ശൈലജയെ ഭാവിയിൽ മുഖ്യമന്ത്രിയാക്കണമെന്ന് നേരത്തേ തന്നെ അണികളിൽ ഒരുവിഭാഗം ആവശ്യപ്പെട്ടിരുന്നു. രണ്ടാം പിണറായി സർക്കാരിന്റെ മന്ത്രിമാരെ നിർണിയിച്ചപ്പോൾ കെ.കെ. ശൈലജയെ മാറ്റിനിറുത്തിയത് വൻ പ്രതിഷേധമാണ് ഉയർന്നത്.

ഭാവിയിൽ ശൈലജ മുഖ്യമന്ത്രിയാകണമെന്ന് ജനങ്ങൾ ആഗ്രഹിക്കുന്നു ;സി.പി.എം.സംസ്ഥാന കമ്മിറ്റിയിൽ   പി ജയരാജൻ

കൊച്ചി: ഒ.ആര്‍. കേളു മന്ത്രിയായി സത്യപ്രതിജ്ഞ ചെയ്യുന്ന ചടങ്ങില്‍ പങ്കെടുക്കുമെന്ന് പ്രതിപക്ഷ നേതാവ് വി.ഡി. സതീശൻ. അതേസമയം, കെ. രാധാകൃഷ്ണനില്‍ നിന്നും കേളുവിലേക്ക് മന്ത്രി സ്ഥാനം മാറിയപ്പോള്‍ ദേവസ്വം നല്‍കാത്തത് എന്തുകൊണ്ടെന്ന് മനസിലാകുന്നില്ലെന്നും അദ്ദേഹം പറഞ്ഞു.
കെ. രാധാകൃഷ്ണനില്‍ നിന്നും കേളുവിലേക്ക് മന്ത്രി സ്ഥാനം മാറിയപ്പോള്‍ ദേവസ്വം എന്തിനാണ് എടുത്തുമാറ്റിയതെന്ന് മനസിലാകുന്നില്ല. അത് തെറ്റായ തീരുമാനമാണ്. ദേവസ്വം പോലുള്ള ഒരു വകുപ്പ് കേളുവില്‍ നിന്നും മാറ്റാന്‍ പാടില്ലായിരുന്നു. കൊടിക്കുന്നില്‍ സുരേഷിനെ പ്രോടെം സ്പീക്കര്‍ ആക്കാതിരുന്ന കേന്ദ്ര സര്‍ക്കാരിന്റെ അതേ നിലപാടാണ് ഒ.ആര്‍. കേളുവിനോട് സംസ്ഥാന സര്‍ക്കാരും കാണിച്ചതെന്നും അദ്ദേഹം കുറ്റപ്പെടുത്തി.അര്‍ഹതപ്പെട്ട സ്ഥാനമാണ് കൊടിക്കുന്നിലിന് നിഷേധിക്കപ്പെട്ടത്. കൊടിക്കുന്നിലിനെ അവഗണിച്ചതിനെതിരെ മുഖ്യമന്ത്രി പ്രതികരിച്ചതിനെ സ്വാഗതം ചെയ്യുന്നുവെന്നും അദ്ദേഹം കൂട്ടിച്ചേർത്തു.&nbsp;

ഒ.ആർ. കേളുവിന് ദേവസ്വം നൽകാത്തത് തെറ്റായ തീരുമാനം ;സത്യപ്രതിജ്ഞ ചടങ്ങിൽ പങ്കെടുക്കുമെന്നും പ്രതിപക്ഷ നേതാവ്

പെരിന്തല്‍മണ്ണ: ഒരു ദശാബ്ദം കൊണ്ട് രാജ്യത്തു തന്നെ ഇടതുപക്ഷസാന്നിധ്യത്തിന് വലിയ തിരിച്ചടി ഉണ്ടായെന്ന് സിപിഎം പോളിറ്റ് ബ്യൂറോ അംഗം എ.വിജയരാഘവൻ പറഞ്ഞു.പാർലമെന്‍റ് അംഗങ്ങൾ 43 -ൽ നിന്ന് മൂന്നായി കുറഞ്ഞു.ഇന്ത്യൻ വലതുപക്ഷത്തിന് ഇടതുപക്ഷത്തെ തകർക്കാനായി.
വോട്ടല്ല കാര്യം, തെറ്റുകൾ പറയണം.ഹിന്ദു വർഗീയവാദികൾക്കും മുസ്ലിം വർഗീയ വാദികൾക്കും കേരളത്തിലെ ഭരണത്തുടർച്ച ഇഷ്ടപ്പെട്ടില്ല.ഇടതുപക്ഷ അടിത്തറ തകർക്കാൻ എല്ലാവരും യോജിക്കുന്നു.വലതുപക്ഷ ആശയത്തിന് കേരളത്തിൽ മേൽക്കൈ കിട്ടുന്നു.ആഗ്രഹിച്ച വിജയം പാർലമെന്‍റ് തിരഞ്ഞെടുപ്പിൽ കിട്ടിയില്ല.തെറ്റുകൾ കണ്ടെത്തി തിരുത്തണമെന്നും എ.വിജയരാഘവൻ പറഞ്ഞു.

ഒരു ദശാബ്ദം കൊണ്ട് രാജ്യത്ത് ഇടതുപക്ഷ സാന്നിധ്യത്തിന് വലിയ തിരിച്ചടി ഉണ്ടായെന്ന് വിജയരാഘവന്‍

കണ്ണൂർ: പോരാളി ഷാജി അടക്കമുള്ള സൈബർ ഗ്രൂപ്പുകൾക്കെതിരെ രൂക്ഷ വിമർശനവുമായി സി.പി.എം കണ്ണൂർ ജില്ല സെക്രട്ടറി എം.വി. ജയരാജൻ. ഇടതുപക്ഷമെന്ന് കരുതുന്ന പല ഗ്രൂപ്പുകളിലും ഇടത് വിരുദ്ധ പ്രചാരണമാണ് നടന്നത്. തെരഞ്ഞെടുപ്പ് കാലത്ത് വ്യാജവാർത്ത പ്രചരിപ്പിച്ചു. വടകരയിലെ സംഭവങ്ങളുടെ പശ്ചാത്തലത്തിലാണ് സമൂഹമാധ്യമ പരാമർശം നടത്തിയതെന്നും ജയരാജൻ പറഞ്ഞു. തെരഞ്ഞെടുപ്പ് കാലത്ത് ഇടത് ഗ്രൂപ്പുകളിൽ വന്ന പോസ്റ്റുകളുടെ പകർപ്പുകൾ സഹിതമായിരുന്നു ജയരാജന്‍റെ വാർത്തസമ്മേളനം.
സൈബർ പോരാളികൾക്കെതിരായ വിമർശനം ചർച്ചയായതിന് പിന്നാലെയാണ് വിശദീകരണവുമായി എം.വി ജയരാജൻ രംഗത്തെത്തിയത്. ഇടത് വിരുദ്ധ നവമാധ്യമ പ്രചാരണത്തിനെതിരെ ജാഗ്രത വേണമെന്നാണ് ആവശ്യപ്പെട്ടത്. പ്രതികരണത്തെ മാധ്യമങ്ങൾ വളച്ചൊടിക്കുകയാണ് ചെയ്തതെന്ന് ജയരാജൻ ആരോപിച്ചു. പാർട്ടിക്കാർ പാർട്ടിയെ വിമർശിക്കുന്നുവെന്ന വ്യാജേന യു.ഡി.എഫ് പ്രചാരണം നടത്തി. സർക്കാറിനെതിരെ കോൺഗ്രസ് സി.പി.എമ്മിന്‍റെ പേരിൽ ഐ.ഡി നിർമിച്ചു.
'വടകരയിൽ ഷാഫിക്ക് ഇത്രയും ഭൂരിപക്ഷം ഉണ്ടാക്കിക്കൊടുത്തത് ഈ എരണംകെട്ടവനാണ്' എന്നാണ് ഇടതു പ്രൊഫൈലിലെന്ന വ്യാജേന വന്ന ഒരു പോസ്റ്റെന്ന് ജയരാജൻ ചൂണ്ടിക്കാട്ടി. മുഖ്യമന്ത്രിയെയും മറ്റ് മന്ത്രിമാരെയും നേതാക്കളെയും വടകരയിലെ സ്ഥാനാർഥി കെ.കെ. ശൈലജയെയും അപഹസിച്ചുള്ള പോസ്റ്റുകളും ഇത്തരത്തിൽ വന്നിട്ടുണ്ടെന്ന് അദ്ദേഹം വ്യക്തമാക്കി.
പോരാളി ഷാജിയുടെ പേരിൽ പല പ്രൊഫൈലുകളുണ്ട്. ഇടത് ഗ്രൂപ്പുകളിൽ കോൺഗ്രസുകാർ നുഴഞ്ഞുകയറി. വ്യാജ പ്രൊഫൈലും നുഴഞ്ഞുകയറ്റവും കരുതിയിരിക്കാനാണ് നിർദേശിച്ചത്. പോരാളി ഷാജിയുടെ അഡ്മിൻ ഐഡന്‍റിറ്റി വെളിപ്പെടുത്തണം. പോരാളി ഷാജി ആരാണെന്നറിയില്ല. യഥാർഥ ഇടത് അനുകൂല ഗ്രൂപ്പ് അഡ്മിൻ ധൈര്യപൂർവം ഐഡന്റിറ്റി വെളിപ്പെടുത്താൻ തയാറാവണം.
ഇടതുപക്ഷത്തിന്റെ പരാജയത്തിന് കാരണമായത് സോഷ്യൽ മീഡിയ പേജുകളുടെ തെറ്റായ രീതിയാണെന്ന് ജയരാജൻ കഴിഞ്ഞ ദിവസം വിമർശിച്ചിരുന്നു. ഇതിനെതിരെ ഇടത് സൈബർ പോരാളികൾ മറുപടിയുമായി രംഗത്തെത്തുകയും ചെയ്തു. തുടർന്നാണ് വിശദീകരണത്തിനായി ജയരാജൻ ഇന്ന് വാർത്താസമ്മേളനം നടത്തിയത്.

'പോരാളി ഷാജിയുടെ അഡ്മിൻ ഐഡന്‍റിറ്റി വെളിപ്പെടുത്തണം'; ഇടത് ഗ്രൂപ്പുകളിൽ കോൺഗ്രസുകാർ നുഴഞ്ഞുകയറിയെന്ന് ജയരാജൻ

തിരുവനന്തപുരം: രാജ്യസഭ സീറ്റ് ലഭിക്കാത്തതിലെ അതൃപ്തി പ്രകടിപ്പിച്ച് ആർ.ജെ.ഡി. തങ്ങൾ വലിഞ്ഞു കയറി വന്നവരല്ലെന്നും അർഹമായ പരിഗണന എൽ.ഡി.എഫിൽ ലഭിക്കുന്നില്ലെന്നും ആർ.ജെ.ഡി സംസ്ഥാന അധ്യക്ഷൻ എം.വി ശ്രേയാംസ് കുമാർ പറഞ്ഞു. തുടക്കം മുതൽ മന്ത്രിസ്ഥാനം ആവശ്യപ്പെട്ടുവെങ്കിലും അത് ലഭിച്ചില്ലെന്നും അദ്ദേഹം പറഞ്ഞു. ഇപ്പോൾ മുന്നണിമാറ്റം പരിഗണനയിലില്ലെന്നും എൽ.ഡി.എഫിൽ ഉറച്ചുനിൽക്കുമെന്നും ശ്രേയാംസ് കുമാർ കൂട്ടിച്ചേർത്തു.
ചില പാർട്ടികൾക്ക് കൂടുതൽ പരിഗണന നൽകുന്നതിൽ അഭിപ്രായ വ്യത്യാസമുണ്ടെന്നും ശ്രേയാംസ് കുമാർ വ്യക്തമാക്കി. മുന്നണിയിലെ നാലാമത്തെ കക്ഷിയാണ് ആർ.ജെ.ഡി. രാജ്യസഭാ സീറ്റിന്റെ കാര്യത്തിൽ സി.പി.എം മാന്യത കാട്ടണമായിരുന്നു.രാജ്യസഭാ അംഗത്വവുമായാണ് 2018 ൽ ഞങ്ങൾ മുന്നണിയിൽ എത്തിയത്. 2019 ൽ ഞങ്ങളുടെ സീറ്റ് സി.പി.ഐ എടുത്തു. 2024 ൽ ആ സീറ്റ് തിരികെ നൽകാൻ സി.പി.ഐ തയ്യാറാകണമായിരുന്നു.&nbsp;
എൽ.ഡി.എഫിൽ ഒഴിവ് വന്ന രണ്ട് രാജ്യസഭ സീറ്റുകൾ സി.പി.ഐക്കും കേരള കോൺഗ്രസിനുമാണ് നൽകിയത്.

വലിഞ്ഞുകയറി വന്നവരല്ല ;രാജ്യസഭ സീറ്റ് ലഭിക്കാത്തതിലെ അതൃപ്തി പരസ്യമാക്കി ആർ.ജെ.ഡി.

മലപ്പുറം: ഇടതില്ലെങ്കിൽ ഇന്ത്യയില്ല എന്ന എൽഡിഎഫ് പരസ്യം അറംപറ്റിയെന്ന പരിഹാസവുമായി മുസ്ലിം ലീഗ് നേതാവ് പി കെ കുഞ്ഞാലിക്കുട്ടി. ഇന്ത്യയുണ്ട് പക്ഷേ ഇടതില്ല എന്ന അവസ്ഥയാണ് തെരഞ്ഞെടുപ്പിന് ശേഷം ഉണ്ടായത്. ഇടതില്ലെങ്കിൽ ന്യൂനപക്ഷ പൗരൻമാർ രണ്ടാം ക്ലാസാകുമെന്ന ധാരണയാണ് ഉണ്ടാക്കിയിരുന്നത്. കോൺഗ്രസ് ജയിച്ചതോടെ രണ്ടാം ക്ലാസ് പൗരൻമാർ ഇല്ലാതായി. ഇൻഡ്യ മുന്നണിയുടെ ജയം ഇന്ത്യയെ രക്ഷിച്ചു. അധികാരത്തിൽ വന്നില്ലെന്നേയുള്ളു. ബിജെപിക്ക് ഒന്നും ചെയ്യാൻ പറ്റാത്ത അവസ്ഥയുണ്ടാക്കി. ഇന്ത്യൻ നാഷണല്‍ കോൺഗ്രസുണ്ടെങ്കിലേ ഇന്ത്യയിൽ എന്തെങ്കിലും ഉണ്ടാകൂ എന്നും കുഞ്ഞാലിക്കുട്ടി പറഞ്ഞു.
ഇൻഡ്യ മുന്നണിയുടെ യോഗങ്ങളിൽ മുഖ്യ കാർമികത്വം വഹിക്കുന്നത് യെച്ചൂരിയും രാജയുമൊക്കെയാണ്. പ്രമേയം ഡ്രാഫ്റ്റ് ചെയ്യുന്നത് അടക്കമുള്ള കാര്യങ്ങൾ രാഹുൽഗാന്ധി ഇവരെയാണ് ഏൽപ്പിച്ചത്. വിശാല മനസോടെയാണ് കാര്യങ്ങൾ കൈകാര്യം ചെയ്യുന്നത്. പൊന്നാനി പരീക്ഷണങ്ങൾ ദുനിയാവിൽ ഇനി ഏതെങ്കിലും ബാക്കിയുണ്ടോ? ഓരോ തെരഞ്ഞെടുപ്പിൽ ഓരോ പരീക്ഷണമാണ്.
ഒരു തിരഞ്ഞെടുപ്പിൽ ആരൊക്കെയാണ് സ്റ്റേജിൽ അണിനിരന്നത്. ഇത്തവണത്തെ പരീക്ഷണത്തിൽ ഒരു തവണ പോലും നിങ്ങളുടെ സ്റ്റേജിൽ കയറാത്ത ആളായിരുന്നു. ലീഗ് പുറത്താക്കിയ ആളെ ചിഹ്നം കൊടുത്തു മത്സരിപ്പിച്ചു. ഇത്തവണത്തെ പൊന്നാനി പരീക്ഷണത്തിൽ ലീഗിനെ വിഭജിക്കാൻ ശ്രമിച്ചു. ഒരു പഞ്ചായത്ത് തിരഞ്ഞെടുപ്പിലോ നിയമസഭാ തിരഞ്ഞെടുപ്പിലോ മത്സരിക്കാൻ പോലും ഇല്ലാത്തയാളാണ് മത്സരിച്ചത്. ലീഗ് പുറത്താക്കി എന്ന ഏക മഹത്വമാണ് അദ്ദേഹത്തിന് ഉള്ളത്. അദ്ദേഹത്തിനെയാണ് പാർലമെന്റിലേക്ക് മത്സരിപ്പിച്ചതെന്നും കുഞ്ഞാലിക്കുട്ടി പറഞ്ഞു.

'ഇന്ത്യയുണ്ട് പക്ഷേ ഇടതില്ല'; എൽഡിഎഫിനെ ട്രോളി കുഞ്ഞാലിക്കുട്ടി

കൊ​ച്ചി: ലോ​ക്സ​ഭ തെ​ര​ഞ്ഞെ​ടു​പ്പി​ൽ എ​റ​ണാ​കു​ളം മണ്ഡലത്തിലെ എ​ൽ.​ഡി.​എ​ഫ് സ്ഥാ​നാ​ർ​ഥി​യാ​യി​രു​ന്ന കെ.​ജെ. ഷൈ​നി​നെ​തി​രെ സി.​പി.​എം നേ​തൃ​ത്വ​ത്തി​ന് പ​രാ​തി. മു​തി​ർ​ന്ന നേ​താ​ക്ക​ള്‍ അ​ട​ക്ക​മു​ള്ള പ്ര​വ​ർ​ത്ത​ക​രോ​ട് ക്ഷോ​ഭി​ച്ചു, ആ​ഡം​ബ​ര സൗ​ക​ര്യ​ങ്ങ​ള്‍ ആ​വ​ശ്യ​പ്പെ​ട്ടു തു​ട​ങ്ങി​യ പ​രാ​തി​ക​ൾ പാ​ർ​ട്ടി​ക്കു​ള്ളി​ൽ​നി​ന്ന് ഉ​യ​ർ​ന്ന​താ​യാ​ണ് വി​വ​രം. 11ന് ​ചേ​രു​ന്ന ജി​ല്ല ക​മ്മി​റ്റി യോ​ഗ​ത്തി​ല്‍ ഇ​ക്കാ​ര്യം ച​ർ​ച്ച​യാ​കും.
ല​ത്തീ​ന്‍ സ​ഭാം​ഗം, വ​നി​ത എ​ന്നീ മാ​ന​ദ​ണ്ഡ​ങ്ങ​ളാ​ണ് ഷൈ​നി​നെ സ്ഥാ​നാ​ർ​ഥി​യാ​യി പ​രി​ഗ​ണി​ക്കാ​ൻ കാ​ര​ണ​മെ​ന്ന് വി​ല​യി​രു​ത്ത​ലു​ക​ളു​ണ്ടാ​യി​രു​ന്നു. പ​റ​വൂ​ർ ലോ​ക്ക​ല്‍ ക​മ്മി​റ്റി അം​ഗ​വും ന​ഗ​ര​സ​ഭ കൗ​ണ്‍സി​ല​റു​മാണ് ഷൈ​ന്‍. എ​ല്‍.​ഡി.​എ​ഫ് നി​ശ്ച​യി​ച്ച പ്ര​ചാ​ര​ണ പ​രി​പാ​ടി​ക​ളോ​ട് അ​വ​ർ വേ​ണ്ട​രീ​തി​യി​ല്‍ സ​ഹ​ക​രി​ച്ചി​ല്ലെ​ന്നാ​ണ് പ​രാ​തി. യു.​ഡി.​എ​ഫി​ലെ ഹൈ​ബി ഈ​ഡ​നോ​ട് 2,50,385 വോ​ട്ടി​നാ​ണ് ഷൈൻ പ​രാ​ജ​യ​പ്പെ​ട്ട​ത്.
പ​ല​പ്പോ​ഴും നി​ശ്ച​യി​ച്ച സ​മ​യ​ത്ത് പ്ര​ചാ​ര​ണ​ത്തി​ന് എ​ത്തി​യി​ല്ല, പ്ര​ചാ​ര​ണ​ച്ചു​മ​ത​ല​യു​ള്ള പ്ര​വ​ർ​ത്ത​ക​രോ​ടും നേ​താ​ക്ക​ളോ​ടും അ​നാ​വ​ശ്യ​മാ​യി ക്ഷോ​ഭി​ച്ചു, വി​ശ്ര​മ​വേ​ള​ക​ളി​ല്‍ എ​യ​ർ​ക​ണ്ടീ​ഷ​ന്‍ സൗ​ക​ര്യ​മു​ള്ള മു​റി വേ​ണ​മെ​ന്ന് വാ​ശി​പി​ടി​ച്ചു തു​ട​ങ്ങി​യ പ​രാ​തി​ക​ളാ​ണ്​ ഉ​യ​രു​ന്ന​ത്.&nbsp;

മു​തി​ർ​ന്ന നേ​താ​ക്ക​ള്‍ അ​ട​ക്ക​മു​ള്ള പ്ര​വ​ർ​ത്ത​ക​രോ​ട് ക്ഷോ​ഭി​ച്ചു ;കെ.​ജെ. ഷൈ​നി​നെ​തി​രെ പ​രാ​തി

കോട്ടയം: മുന്നണി മാറ്റത്തെക്കുറിച്ച് ആലോചിച്ചിട്ടില്ലെന്ന് കേരള കോൺഗ്രസ് എം. ഇടതുപക്ഷത്തോടൊപ്പം ഉറച്ചുനിൽക്കുന്നുവെന്നും ബാക്കിയുള്ളതൊക്കെ പൊളിറ്റിക്കൽ ഗോസിപ്പുകളാണെന്നും ജോസ് കെ മാണി ഉഭയകക്ഷി ചർച്ചയ്ക്ക് ശേഷം മാധ്യമങ്ങളോട് പറഞ്ഞു.
'കേരള കോൺഗ്രസിനെ യു.ഡി.എഫിൽ നിന്ന് പുറത്താക്കി എന്നാണ് അന്നത്തെ യു.ഡി.എഫ്. കൺവീനർ ബെന്നി ബെഹനാൻ പറഞ്ഞത്. അതിനുശേഷം കേരളാ കോൺഗ്രസ് എടുത്ത രാഷ്ട്രീയ തീരുമാനം ഇടതുപക്ഷ ജനാധിപത്യ മുന്നണിയോടൊപ്പം നിൽക്കുക എന്നതാണ്. ആ രാഷ്ട്രീയ നിലപാടിൽ ഉറച്ചുനിൽക്കുന്നു. അതിൽ ഒരു മാറ്റവുമില്ല. ജയപരാജയം ഉണ്ടാകും. പരാജയം വരുമ്പോൾ ഉടനെ മുന്നണി മാറ്റം എന്നതാണോ? അത് ഏതെങ്കിലും ഒരു മാധ്യമം പൊളിറ്റിക്കൽ ഗോസിപ്പ് ഉണ്ടാക്കി ചർച്ച കൊണ്ടുവരാൻ വേണ്ടിയിട്ടാണ്'- ജോസ് കെ മാണി പറഞ്ഞു.
ആരുടേയും അടുത്ത് നിന്ന് ഒരു ക്ഷണം ലഭിച്ചിട്ടില്ലെന്നും ആരുടേയും മുമ്പിൽ പോയിട്ടില്ലെന്നും ജോസ് കെ മാണി പറഞ്ഞു. കേരള കോൺഗ്രസിന്റെ ആവശ്യങ്ങളും അർഹതകളും പറഞ്ഞിട്ടുണ്ടെന്നും ജോസ് കെ മാണി പറഞ്ഞു. തോമസ് ചാഴിക്കാടന്റെ തോൽവിയോടെ കേരള കോൺഗ്രസ് എമ്മിന്റെ ലോക്സഭാ സാന്നിധ്യം നഷ്ടമായിരുന്നു. ജോസ് കെ മാണിയുടെ രാജ്യസഭാംഗത്വം അവസാനിക്കുന്നതോടെ പാർട്ടി കേരളത്തിലൊതുങ്ങും. ഈ സാഹചര്യത്തിലാണ് രാജ്യസഭാ സീറ്റിനായി കേരള കോൺഗ്രസ് എൽ.ഡി.എഫിൽ സമ്മർദ്ദം ചെലുത്തുന്നത്.

മുന്നണിമാറ്റം പൊളിറ്റിക്കൽ ഗോസിപ്പ്; എൽ ഡി എഫിൽ തുടരുമെന്ന് ജോസ് കെ മാണി

തിരുവനന്തപുരം: ആകാംക്ഷയുടെ മുൾമുനയിൽ ലോകസഭാ തിരഞ്ഞെടുപ്പിന്റെ വോട്ടെണ്ണൽ ചൊവ്വാഴ്ച രാവിലെ തുടങ്ങും. രാവിലെ എട്ടിന് സംസ്ഥാനത്തെ 20 കേന്ദ്രങ്ങളിൽ വോട്ടെണ്ണിത്തുടങ്ങും. ആദ്യം തപാൽവോട്ട് എണ്ണും. ഒൻപതുമണിയോടെ ആദ്യ ഫലസൂചന കിട്ടുമെന്ന് മുഖ്യ തിരഞ്ഞെടുപ്പ് ഓഫീസർ സഞ്ജയ് കൗൾ പറഞ്ഞു.
11 മണിയോടെ വിജയി ആരെന്ന് ഉറപ്പാവും.ഭൂരിഭാഗം സർവേകളും യു.ഡി.എഫിനാണ് മുൻതൂക്കം പ്രവചിക്കുന്നത്. കേരളത്തിൽ ബി.ജെ.പി. അക്കൗണ്ട് തുറക്കുമെന്നും എൽ.ഡി.എഫിന് നാലു സീറ്റുവരെ കിട്ടാൻ സാധ്യതയുണ്ടെന്നും എക്സിറ്റ്‌ പോളുകൾ പറയുന്നു.മാധ്യമങ്ങൾക്കും പൊതുജനങ്ങൾക്കും തിരഞ്ഞെടുപ്പ് കമ്മിഷന്റെ വെബ്സൈറ്റിലും വോട്ടർ ഹെൽപ്‌ലൈൻ ആപ്പിലും തത്സമയം ഫലമറിയാം. ഇലക്‌ഷൻ കമ്മിഷന്റെ എൻകോർ സോഫ്റ്റ്‌വേറിൽനിന്ന് തിരഞ്ഞെടുപ്പുഫലം <a href="https://results.eci.gov.in" target="_blank">https://results.eci.gov.in </a> എന്ന വെബ്സൈറ്റ് വഴിയാണ് തത്സമയം ലഭ്യമാവുക.

കാത്തിരിപ്പിനു വിരാമം :എട്ട് മണിക്ക് വോട്ടെണ്ണി തുടങ്ങും;ആദ്യ ഫലസൂചന ഒരുമണിക്കൂറിനകം

കൊച്ചി: ഇടതുപക്ഷത്തോടുള്ള സമീപനത്തെ ചൊല്ലി സമസ്തയില്‍ ഭിന്നത. സമസ്തയിലെ ചിലര്‍ ഇടതുപക്ഷവുമായി അടുക്കാന്‍ ശ്രമിക്കുന്നു എന്ന് മുതിര്‍ന്ന മുശാവറ അംഗം ഡോ ബഹാവുദ്ധീന്‍ മുഹമ്മദ് നദ്‌വി പറഞ്ഞു. സുപ്രഭാതത്തില്‍ നയം മാറ്റത്തെ തുടര്‍ന്നാണ് ഗള്‍ഫ് എഡിഷന്‍ ഉല്‍ഘാടന പരിപാടിയില്‍ നിന്ന് വിട്ടു നിന്നത് എന്നും സുപ്രഭാതം എഡിറ്റര്‍ കൂടിയായ ബഹാവുദ്ധീന്‍ നദ്‌വി പറഞ്ഞു.
സമസ്തയിലെ ഒരു വിഭാഗവും ലീഗും തമ്മിലുള്ള തര്‍ക്കവും ,ഇടതു പക്ഷത്തോടുള്ള സമസ്തയുടെ നിലപാടിനെ ചൊല്ലിയുമാണ് ഇപ്പോള്‍ സമസ്തയില്‍ ഭിന്നത ഉയരുന്നത്. സമസ്ത ഇടതുപക്ഷവുമായി അടുക്കുന്നതിനെ ഒരു വിഭാഗം അനുകൂലിക്കുമ്പോള്‍ ലീഗ് അനുകൂല പക്ഷം പ്രതിരോധം തീര്‍ക്കുകയാണ്. സമസ്തയിലെ ചിലര്‍ ഇടതുപക്ഷവുമായി അടുക്കാന്‍ ശ്രമിക്കുന്നുണ്ടെന്ന് തുറന്ന് പറയുകയാണ് ഡോ ബഹാവുദ്ധീന്‍ മുഹമ്മദ് നദ്‌വി.
യുഎഇയില്‍ നടന്ന സുപ്രഭാതം ഗള്‍ഫ് എഡിഷന്‍ ഉല്‍ഘാടന പരിപാടിയില്‍ നിന്നും മുസ്ലിം ലീഗ് നേതാക്കള്‍ക്ക് ഒപ്പം ഡോ ബഹാവുദ്ധീന്‍ നദ്‌വി വിട്ടു നിന്നതിന് പിന്നാലെയാണ് തുറന്ന് പറച്ചില്‍. സുപ്രഭാതത്തിന്റ നയം മാറ്റവും ഇടത്തിനോടുള്ള മൃതു സമീപനവും അടുത്ത മുശാവറ യോഗത്തില്‍ ചര്‍ചര്‍ച്ചയാക്കാനാണ് ബഹാവുദ്ധീന്‍ നദ്‌വി അടക്കമുള്ളവരുടെ നീക്കം.&nbsp;&nbsp;

സമസ്തയിലെ ചിലര്‍ ഇടതുപക്ഷവുമായി അടുക്കാന്‍ ശ്രമിക്കുന്നുവെന്ന് ബഹാവുദ്ധീന്‍ നദ്വവി

കോഴിക്കോട്: തിരഞ്ഞെടുപ്പിന്റെ തലേദിവസം പ്രചരിപ്പിക്കപ്പെട്ട കാഫിര്‍ വാട്‌സാപ്പ് സന്ദേശത്തിന്റെ ഉറവിടത്തെ ചൊല്ലി രാഷ്ട്രീയപ്പോര് മുറുകുന്നു. വ്യാജവാട്‌സാപ്പ് സന്ദേശത്തിനു പിന്നില്‍ സി.പി.എമ്മാണെന്ന് ജില്ലാ സെക്രട്ടറിയുടെ പേരെടുത്തുപറഞ്ഞ് മുസ്ലിംലീഗ് സംസ്ഥാന സെക്രട്ടറി കെ.എം. ഷാജിയും റവലൂഷണറി യൂത്തും രംഗത്തെത്തിയതോടെയാണ് തര്‍ക്കം പുതിയ തലത്തിലെത്തിയത്.
'വടകരപോലെ സെന്‍സിറ്റീവായ സ്ഥലത്ത് തിരഞ്ഞെടുപ്പ് കഴിഞ്ഞാല്‍ കലാപമുണ്ടാക്കാന്‍ സി.പി.എം. ശ്രമിക്കുന്നു, എന്തുകൊണ്ട് തിരഞ്ഞെടുപ്പ് സമയത്ത് ബോംബ് പൊട്ടി? സമാധാനമുണ്ടാക്കണമെന്ന് അപ്പോള്‍ മുസ്ലിംലീഗ് പറയണ്ടേ? ഉടനെ മോഹനന്‍മാഷ്, സമാധാനമുണ്ടാക്കണ്ടേന്ന്, ആര് മോഹനന്‍മാഷ്. എന്തിനാണ് മനുഷ്യരെ തമ്മില്‍ത്തല്ലിക്കാന്‍ ഇങ്ങനെ ചെയ്യുന്നത്. ആദ്യം ഈ മോഹനന്‍മാഷെ പിടിച്ച് അകത്തിട്ടാല്‍ രാജ്യത്ത് മുഴുവന്‍ സമാധാനമുണ്ടാവും. ഇവിടെമാത്രമല്ല കാസര്‍കോടും ഇങ്ങനെത്തന്നെയാണ് സി.പി.എം. ചെയ്യുന്നത്' എന്നായിരുന്നു കെ.എം ഷാജി കോഴിക്കോട് സംസാരിച്ചത്. അതേ സമയം ഏറെ വിവാദത്തിലായ കാഫിര്‍ സ്‌ക്രീന്‍ ഷോട്ടിന് പിന്നില്‍ പി.മോഹനന്റെ മകന്റെ നേതൃത്വത്തിലുള്ള സൈബര്‍ സംഘമാണെന്നായിരുന്നു റവല്യൂഷണറി യൂത്ത് പ്രസ്താവനയില്‍ പറഞ്ഞത്.
ഇതിനെ അപലപിച്ച് സി.പി.എം. ജില്ലാ സെക്രട്ടേറിയറ്റ് കഴിഞ്ഞദിവസം രംഗത്തെത്തി. വടകരയെ സംഘര്‍ഷഭൂമിയാക്കാനുള്ള നീക്കമാണ് ഷാജിയെപ്പോലുള്ളവര്‍ നടത്തുന്നതെന്നായിരുന്നു സെക്രട്ടേറിയറ്റിന്റെ വിമര്‍ശം. സമാധാനയോഗം വിളിക്കണമെന്ന ആവശ്യത്തെച്ചൊല്ലിയും രാഷ്ട്രീയവിവാദം കൊഴുക്കുന്നുണ്ട്. സര്‍വകക്ഷി സമാധാനയോഗത്തോട് സി.പി.എം. അനുകൂലമായാണ് പ്രതികരിച്ചത്. സമാധാനം പുലരാന്‍ നടപടിവേണമെന്ന നിലപാടാണ് മുസ്ലിംലീഗ് സംസ്ഥാന നേതൃത്വവും സ്വീകരിച്ചത്. എന്നാല്‍, വ്യാജ സന്ദേശം പ്രചരിപ്പിച്ച് നാടിനെ ഭിന്നിപ്പിക്കാന്‍ ശ്രമിച്ചവരെ നിയമത്തിന്റെ മുന്നിലെത്തിച്ചശേഷം മതി സമാധാനയോഗമെന്ന നിലപാട് യു.ഡി.എഫിനുള്ളില്‍ ഉയര്‍ന്നു. വടകരയിലെ കോണ്‍ഗ്രസും ആര്‍.എം.പി.യും ലീഗുമെല്ലാം ഈ നിലപാടിനൊപ്പമായിരുന്നു പിന്നീട്.
സമാധാനയോഗമെന്നത് വ്യാജവാട്‌സാപ്പ് സന്ദേശം സൃഷ്ടിച്ച കുരുക്കില്‍നിന്ന് രക്ഷപ്പെടാന്‍ സി.പി.എം. ആസൂത്രണം ചെയ്തതാണെന്നായിരുന്നു യു.ഡി.എഫിന്റെയും ആര്‍.എം.പി.യുടെയും നിലപാട്. സമാധാനയോഗം വിളിക്കേണ്ടത് സര്‍ക്കാരാണെന്നും സര്‍ക്കാര്‍ വിളിച്ചാല്‍ അപ്പോള്‍ കാര്യങ്ങള്‍ തീരുമാനിക്കുമെന്നുമാണ് യു.ഡി.എഫ്.- ആര്‍.എം.പി. വടകര ലോക്‌സഭാ മണ്ഡലം തിരഞ്ഞെടുപ്പു കമ്മിറ്റി ജനറല്‍ കണ്‍വീനര്‍ എന്‍. വേണു പ്രതികരിച്ചത്. ഇതിനിടെയാണ് സി.പി.എം. നേതൃത്വത്തിനെതിരേ രൂക്ഷവിമര്‍ശവുമായി കെ.എം. ഷാജി രംഗത്തെത്തിയത്. സി.പി.എം. ലീഗുമായി ചേര്‍ന്ന് സമവായനീക്കം നടത്തുന്നുവെന്ന ആരോപണങ്ങള്‍ക്കിടെയാണ് ലീഗ് നേതാവുതന്നെ സി.പി.എം. ജില്ലാ സെക്രട്ടറിക്കെതിരേ ഗുരുതര ആരോപണം ഉന്നയിച്ചത്. വോട്ടെണ്ണല്‍ ദിനം അടുത്തുവരുന്ന പശ്ചാത്തലത്തില്‍ കാഫിര്‍ വിഷയം വീണ്ടും പുകയുന്നത് ക്രമസമാധാനപ്രശ്നമാകുമോ എന്ന ആശങ്ക ഉയരുന്നുണ്ട്. സംഭവം നടന്ന് ഏതാണ്ട് ഒരുമാസമാകാറായിട്ടും വാട്‌സാപ്പ് സന്ദേശത്തിന്റെ ഉറവിടം പോലീസ് കണ്ടെത്തിയിട്ടില്ല.

കാഫിര്‍ സന്ദേശ ഉറവിടം കണ്ടെത്തിയിട്ട് മതി സമാധാനയോഗമെന്ന് യു.ഡി.എഫ്; രാഷ്ട്രീയപ്പോര് മുറുകുന്നു

വടകര: തെരഞ്ഞെടുപ്പിനോടനുബന്ധിച്ച് തന്റെ പേരില്‍ വ്യാജ വാട്ട്സ്ആപ്പ് സന്ദേശം പ്രചരിപ്പിച്ചവരെ നിയമത്തിന് മുന്നില്‍ കൊണ്ടുവരാന്‍ കോടതിയെ സമീപിക്കാനൊരുങ്ങി തിരുവള്ളൂരിലെ യൂത്ത് ലീഗ് പ്രവർത്തകന്‍ പി.കെ. മുഹമ്മദ് കാസിം. കാഫിർ പരാമർശമുള്ള വാട്ട്സ് അപ് സന്ദേശം സി.പി.എം ഇപ്പോഴും വ്യാപകമായി പ്രചരിപ്പിക്കുന്ന സാഹചര്യത്തിലാണ് കോടതിയില്‍ സ്വകാര്യ അന്യായം ഫയല്‍ ചെയ്യുന്നതെന്ന് മുഹമ്മദ് കാസിം പറഞ്ഞു.
സന്ദേശം താന്‍ അയച്ചതല്ലെന്ന് വടകര പൊലീസിന് വ്യക്തമായെങ്കിലും യഥാർഥ പ്രതികളെ കണ്ടെത്താൻ തയ്യാറാകുന്നില്ലെന്നാണ് കാസിമിന്റെ പരാതി. ഫോണും മറ്റു വിവരങ്ങളും ഇദ്ദേഹം പൊലീസിന് നൽകിയിരുന്നു. അതേസമയം, അന്വേഷണം പുരോഗമിക്കുകയാണെന്ന് വടകര പൊലീസ് അറിയിച്ചു. മെറ്റയോടും ഫെയ്സ്ബുക്കിനോടും വിവരങ്ങള്‍ അന്വേഷിച്ചിട്ടുണ്ട്. മറുപടി ലഭിക്കുന്ന മുറക്ക് അന്വേഷണം മുന്നോട്ടു കൊണ്ടുപോകുമെന്നും വടകര പൊലീസ് അറിയിച്ചു. സംഭവത്തിന് പിന്നിലുള്ളവരെ പിടികൂടണമെന്നാവശ്യപ്പെട്ട് യൂത്ത് ലീഗ് എസ്.പി ഓഫിസ് മാർച്ച് പ്രഖ്യാപിച്ചിട്ടുണ്ട്.
വടകരയിൽ വർഗീയ പ്രചാരണം നടത്തിയെന്ന് പറഞ്ഞ് വ്യാജ പോസ്റ്റുകൾ പ്രചരിപ്പിക്കുന്നവർക്കെതിരെ നടപടി സ്വീകരിക്കണമെന്നാവശ്യപ്പെട്ട് യൂത്ത് ലീഗ് നേരത്തേ പൊലീസിൽ പരാതി നൽകിയിരുന്നു. ഇത്തരം പ്രചാരണങ്ങൾ സമൂഹത്തിൽ വലിയ അളവിൽ ഭിന്നത സൃഷ്ടിക്കുന്നതിനാലും മത സ്‌പർദ്ധയുണ്ടാക്കുന്നതിനാലും ഇവർക്കെതിരെ ഇന്ത്യൻ ശിക്ഷാ നിയമം, ഐ.ടി നിയമം, യു.എ.പി.എ തുടങ്ങിയ വകുപ്പുകൾ പ്രകാരം കേസെടുത്ത് അന്വേഷിച്ച് നടപടി സ്വീകരിക്കണമെന്നും പരാതിയിൽ ആവശ്യപ്പെടുന്നു.

വടകരയിലെ കാഫിർ പരാമർശമുള്ള സന്ദേശം; കോടതിയെ സമീപിക്കാൻ യൂത്ത് ലീഗ്

പേരാമ്പ്ര: തിരഞ്ഞെടുപ്പുമായി ബന്ധപ്പെട്ട് നൊച്ചാട് മാവട്ടയിലുണ്ടായ സംഘർഷത്തിൽ പരിക്കേറ്റ യു.ഡി.എഫ്. പ്രവർത്തകരെ ആശുപത്രിയിലെത്തി കസ്റ്റഡിയിലെടുത്തു. പേരാമ്പ്ര പൊലീസാണ് കസ്റ്റഡിയിൽ എടുത്തത്. ലിജാസ് മാവട്ടയില്‍, ജാസര്‍ തയ്യുള്ളതില്‍, സമീര്‍ മാപ്പറ്റ, വികാസ് എന്നിവരെയാണ് ശനിയാഴ്ച രാവിലെ പൊലീസ് ആശുപത്രിയിലെത്തി കസ്റ്റഡിയിൽ എടുത്തത്.
വെള്ളിയാഴ്ച രാത്രി 10 മണിയോടെയാണ് എൽ.ഡി.എഫ്., യു.ഡി.എഫ്. പ്രവർത്തകർ ഏറ്റുമുട്ടിയത്. സംഘര്‍ഷത്തില്‍ 4 യു.ഡി.എഫ്. പ്രവർത്തകർക്കും 2 എൽ.ഡി.എഫ്. പ്രവർത്തകർക്കും പരിക്കേറ്റിരുന്നു.

പേരാമ്പ്രയിൽ സംഘർഷം; യുഡിഎഫ് പ്രവർത്തകരെ ആശുപത്രിയിലെത്തി കസ്റ്റഡിയിൽ എടുത്തു

Perambra

വടകര: വർഗീയധ്രുവീകരണവും മതസ്പർധയും ഉണ്ടാക്കുന്നവിധത്തിൽ നവമാധ്യമങ്ങളിൽ പ്രചാരണംനടത്തിയെന്നാരോപിച്ച് എം.എസ്.എഫ്. നേതാവിനെതിരേ വടകര മണ്ഡലം റിട്ടേണിങ് ഓഫീസർക്ക് എൽ.ഡി.എഫിന്റെ പരാതി. എന്നാൽ, തന്റെ പേരിൽ വ്യാജമായുണ്ടാക്കിയ വാട്‌സാപ്പ് സന്ദേശമാണ് എൽ.ഡി.എഫ്. പ്രചരിപ്പിക്കുന്നതെന്ന് കാണിച്ച് എം.എസ്.എഫ്. ജില്ലാസെക്രട്ടറി മുഹമ്മദ് കാസിം കോഴിക്കോട് റൂറൽ എസ്.പി.ക്കും പരാതി നൽകി.
വ്യാഴാഴ്ച ഉച്ചയ്ക്ക് യൂത്ത് ലീഗ് നിടുമ്പ്രമണ്ണ എന്ന വാട്‌സാപ്പ് ഗ്രൂപ്പിൽ വന്നതായി പറയപ്പെടുന്ന സന്ദേശമാണ് പ്രചരിക്കുന്നത്. ഇതിലെ പരാമർശം വർഗീയധ്രുവീകരണവും മതസ്പർധയും ഉണ്ടാക്കുന്നതാണെന്നാണ് എൽ.ഡി.എഫ്. പരാതി. കാസിമിനെതിരേയും ഇത് പ്രചരിപ്പിക്കുന്നവർക്കെതിരേയും കർശനനടപടി സ്വീകരിക്കണമെന്നും പരാതിയിൽ ആവശ്യപ്പെട്ടു. എന്നാൽ, എൽ.ഡി.എഫ്. പരാതി നൽകിയതിനുപിന്നാലെ മുഹമ്മദ് കാസിമും യൂത്ത് ലീഗ് നിടുമ്പ്രമണ്ണ ശാഖയും റൂറൽ എസ്.പി.ക്ക് പരാതി നൽകി.
അമ്പാടിമുക്ക് സഖാക്കൾ എന്ന ഫെയ്‌സ് ബുക്ക് പേജിലാണ് ഈ പോസ്റ്റ് ആദ്യംവന്നതെന്നും പിന്നീട് നവമാധ്യമങ്ങളിലൂടെ പ്രചരിപ്പിക്കുകയായിരുന്നെന്നുമാണ് കാസിമിന്റെ പരാതി. ഇതേക്കുറിച്ച് വിശദമായ അന്വേഷണം നടത്തി ആരാണ് ഇതുണ്ടാക്കിയതെന്ന് കണ്ടെത്തണമെന്നും പരാതിയിൽ ആവശ്യപ്പെട്ടു.
&nbsp;

സ്പർധയുണ്ടാക്കുന്ന പ്രചാരണം നടത്തിയെന്ന്; എം.എസ്.എഫ്. നേതാവിനെതിരേ എൽ.ഡി.എഫ് പരാതി നൽകി

വടകര: യുഡിഎഫ് സ്ഥാനാര്‍ഥിക്ക് വേണ്ടി വോട്ടര്‍മാരെ സ്വാധീനിക്കാന്‍ കളിപ്പാട്ടം വിതരണം ചെയ്തതായി പരാതി. കുട്ടോത്ത് ഉള്‍പെടെ പല ഭാഗങ്ങളിലും കളിപ്പാട്ടം വിതരണം ചെയ്തതായി കണ്ടെത്തി. തുടർന്ന് ഇലക്ഷന്‍ ഫ്‌ളയിങ്ങ് സ്‌ക്വാഡ് രംഗത്തെത്തി വിശദീകരണം തേടി. ഇതു സംബന്ധിച്ച് അന്വേഷിച്ച് നടപടിയെടുക്കുമെന്ന് അധികൃതര്‍ വ്യക്തമാക്കി. തെരഞ്ഞെടുപ്പുമായി ബന്ധപ്പെട്ട് യാതൊരു വിധത്തിലുമുള്ള പാരിതോഷികവും നല്‍കാന്‍ പാടില്ലെന്നാണ് ചട്ടം. ഇത് ലംഘിച്ചാണ് കളിപ്പാട്ടം വിതരണം ചെയ്തതെന്നാണ് എല്‍ഡിഎഫ് പ്രവര്‍ത്തകരുടെ പരാതി. കളിപ്പാട്ടങ്ങള്‍ കൂട്ടിയോജിപ്പിച്ചാല്‍ ഷാഫി പറമ്പിലിന്റെ ചിത്രം വരുന്ന രൂപത്തിലാണ് ഇത് സെറ്റ് ചെയ്തിരിക്കുന്നത്.&nbsp;

വോട്ടര്‍മാരെ സ്വാധീനിക്കാന്‍ യു ഡി എഫ് കളിപ്പാട്ടം വിതരണം ചെയ്‌തെന്ന് പരാതി

വടകര: ദി പ്രൈം വിറ്റ്നെസ് എന്ന യൂ ട്യൂബ് ചാനൽ വഴി റിട്ടയേർഡ് ജഡ്ജി ബി കമാൽ പാഷ വടകര ലോകസഭ മണ്ഡലം ഇടതുപക്ഷ സ്ഥാനാർഥി കെ കെ ശൈലജക്കെതിരായി നടത്തിയ വ്യക്തഹത്യപരമായ അധിക്ഷപങ്ങൾ പിൻവലിച്ചു മാപ്പു പറയണമെന്ന് എൽ ഡി എഫ് വടകര ലോകസഭ മണ്ഡലം കമ്മറ്റി ആവശ്യപ്പെട്ടു. തെരഞ്ഞെടുപ്പു പെരുമാറ്റ ചട്ടങ്ങൾക്ക് വിരുദ്ധവും സ്ത്രീ വിരുദ്ധവുമായ അധിക്ഷേപങ്ങൾ പിൻവലിച്ച് മാപ്പു പറയുന്നില്ലെങ്കിൽ അദ്ദേഹത്തിനെതിരെ നിയമ നടപടികൾ സ്വീകരിക്കും. മുൻ ന്യായാധിപൻ എന്ന നിലയിൽ തനിക്കുള്ള സാമൂഹിക സ്വീകാര്യതയെ ദുരുപയോഗം ചെയ്തു കൊണ്ടാണ് അങ്ങേയറ്റം വസ്തുത വിരുദ്ധവും സ്ത്രീത്വത്തെ അപമാനിക്കുന്നതുമായ വീഡിയോ തയ്യാറാക്കിയിരിക്കുന്നത്.
കമാൽ പാഷ വസ്തുതകൾക്കും അന്വേഷണ ഉദ്യോഗസ്ഥൻമാർക്ക് മുന്നിലിരിക്കുന്ന തെളിവുകൾക്കുമെതിരെ കണ്ണടച്ച് കൊണ്ടാണ് യൂ ഡി എഫ് സ്ഥാനാർഥിയെ വെള്ളപൂശാനായി ഫേക്ക് വീഡിയോകളും മോർഫ് ചെയ്ത ചിത്രങ്ങളും ഇല്ലെന്നും അതുണ്ടെന്ന് പറഞ്ഞു ശൈലജ പത്രസമ്മേളനം നടത്തിയത് തെരഞ്ഞെടുപ്പു ജയിക്കാനുള്ള തന്ത്രമാണെന്നും ആക്ഷേപിച്ചത്. ഇത് യൂ ഡി എഫ് സ്ഥാനാർഥിക്കു വേണ്ടിയുള്ള കമാൽ പാഷയുടെ വിലകുറഞ്ഞ രാഷ്രീയ പ്രചാരണമാണെന്നും പ്രസ്താവനയിൽ കുറ്റപ്പെടുത്തി.
മുൻ ന്യായാധിപനായ അദ്ദേഹത്തിന് അറിയാത്തതാണോ വസ്തുത വിരുദ്ധമായ ആരോപണങ്ങളും വ്യക്തിഹത്യയും സ്ത്രീത്വത്തെ അപമാനിക്കുന്ന പ്രസ്താവനകളും കുറ്റകരമാണെന്ന കാര്യം. തികച്ചും നിരുത്തരവാദിത്വപരമായ പ്രചരണമാണ് ഈ വീഡിയോയിലൂടെ കമാൽ പാഷ ശൈലജക്കെതിരെ നടത്തിയിരിക്കുന്നതെന്ന് പ്രസ്താവന പറയുന്നു. വടകരയിലെ യൂ ഡി എഫ് സ്ഥാനാർഥിക്കുവേണ്ടി വ്യാജ വീഡിയോകളും പോർണോ ചിത്രങ്ങളും പോസ്റ്ററുകളും കമന്റുകളും പ്രചരിപ്പിച്ചതുമായി ബന്ധപ്പെട്ട് ഇപ്പോൾ തന്നെ നിരവധി പരാതികളുണ്ട്. നിരവധി കേസുകൾ രജിസ്റ്റർ ചെയ്തു അന്വേഷണം തുടങ്ങിയിട്ടുമുണ്ട്. ഇതൊന്നുമറിയാതെയാണോ യൂ ഡി എഫ് സ്ഥാനാർഥിക്കുവേണ്ടി മുൻ ജഡ്ജി എന്ന സ്ഥാനം ദുരുപയോഗം ചെയ്തുകൊണ്ട് കമൽ പാഷാ വ്യക്തിഹത്യ പരമായ പ്രസ്താവന നടത്തിയതെന്ന് പ്രസ്താവനയിൽ ചോദിക്കുന്നു.
എൽ ഡി എഫ് മണ്ഡലം സെക്രട്ടറിയുടെയും മറ്റും പരാതി പ്രകാരം പേരാമ്പ്ര പോലീസ് സ്റ്റേഷനിൽ എഫ് ഐ ആർ നമ്പർ 356/2024 ബാലുശ്ശേരി പോലീസ് സ്റ്റേഷനിൽ എഫ് ഐ ആർ നമ്പർ 365/2024 തൃശ്ശൂർ പോലീസ് സ്റ്റേഷനിൽ എഫ് ഐ ആർ നമ്പർ 38/2024 ചാവക്കാട് പോലീസ് സ്റ്റേഷനിൽ എഫ് ഐ ആർ നമ്പർ 238/2024
മട്ടന്നൂർ പോലീസ് സ്റ്റേഷനിൽ എഫ് ഐ ആർ നമ്പർ 238/2024 തുടങ്ങി നിരവധി കേസുകൾ രജിസ്റ്റർ ചെയ്ത് അന്വേഷണം നടക്കുന്നുണ്ട്. പല യൂ ഡി എഫ് പ്രവർത്തകരെയും അറസ്റ്റ് ചെയ്തിട്ടുമുണ്ട്. ഇതൊന്നുമറിയാതെ യൂ ഡി എഫിനു വേണ്ടി തറ പ്രചാരണം നടത്തുകയാണ് ഈ മുൻ ജഡ്ജി എന്നത് നമ്മുടെ നീതിന്യായ വ്യവസ്ഥയ്ക്ക് തന്നെ അപമാനമാണ്. ശൈലജക്കെതിരായി പ്രചരിക്കുന്ന ഫേക്ക് വീഡിയോകളും പോർണോ ചിത്രങ്ങളും അശ്ലീല കമന്റുകളും അന്വേഷണ ഉദ്യോഗസ്ഥൻമാർക്ക് മുന്നിൽ എത്തിച്ചിട്ടുണ്ട്. വിവിധ പോലീസ് സ്റ്റേഷനുകളിൽ നൽകിയിരിക്കുന്ന പരാതികളും ശാസ്ത്രീയ തെളിവുകളും അനുബന്ധ രേഖകളും പരിശോധിക്കാതെയാണ് കമാൽ പാഷ ശൈലജയെ അപമാനിക്കുകയും വ്യക്തിഹത്യ ചെയ്യുകയും ചെയ്യുന്ന രീതിയിൽ വീഡിയോ പ്രസ്‌താവന നടത്തിയത്.
ഒരു ന്യായാധിപൻ എന്ന നിലയ്ക്ക് പാലിക്കേണ്ട തെളിവുകളെയും അതിനായുള്ള രേഖകളെയും അടിസ്ഥാനമാക്കിയുള്ള അഭിപ്രായ പ്രകടനത്തിന് പകരം ശൈലജയെ വ്യക്തിപരമായും എൽ ഡി എഫിനെ രാഷ്ട്രീയമായും അപകീർത്തിപെടുത്തുന്ന തരത്തിൽ ഹീനമായ പ്രസ്താവന നടത്തുകയാണ് കമാൽ പാഷ ചെയ്തത്. യഥാർത്ഥ വസ്തുകൾ മനസിലാക്കാതെ വടകരയിലെ യൂ ഡി എഫ് സ്ഥാനാർഥിക്കു വേണ്ടി തരംതാണ പ്രചാരകനായി അധംപതിക്കുകയാണ് ഈ റിട്ടയേർഡ് ജഡ്ജി എന്ന് പ്രസ്താവന ചൂണ്ടിക്കാട്ടി.

ബി കമാൽ പാഷ അധിക്ഷപങ്ങൾ പിൻവലിച്ച് മാപ്പ് പറയണം; എൽ ഡി എഫ്

പാലക്കാട്‌: എൽ.ഡി.എഫിന് പരസ്യപിന്തുണ പ്രഖ്യാപിച്ച് കോൺഗ്രസ് വിമതനേതാവ് എ.വി. ഗോപിനാഥ്. പെരിങ്ങോട്ടുകുറിശ്ശിയിൽ സംഘടിപ്പിച്ച പൊതുയോഗത്തിൽ സംസാരിക്കുകയായിരുന്നു അദ്ദേഹം. പെരിങ്ങോട്ടുകുറിശ്ശിയുടെ മനസ്സ് കെ. രാധാകൃഷ്ണനൊപ്പമാണെന്ന് എ.വി. ഗോപിനാഥ് പറഞ്ഞു.
കഴിഞ്ഞതവണ മത്സരിച്ച് വിജയിച്ച ആലത്തൂർ എം.പി.ക്ക് 25 കോടി കിട്ടിയിട്ടും ഒരു ലക്ഷംപോലും പെരിങ്ങോട്ടുകുറിശ്ശിക്ക് നൽകിയില്ല. കെ. കരുണാകരന്‍റെ കാലത്തിനുശേഷം പഞ്ചായത്തിന് ഇത്രത്തോളം പുരോഗതി കണ്ടത് പിണറായിയുടെ കാലത്ത് മാത്രമാണ്. അദ്ദേഹത്തോട് ഈ പഞ്ചായത്തിന് നെറികേട് കാണിക്കാൻ സാധിക്കില്ല. എ.കെ. ബാലൻ മന്ത്രിയായപ്പോൾ പെരിങ്ങോട്ടുകുറിശ്ശിയെ ചേർത്തുപിടിച്ചു. പഞ്ചായത്തിന്റെ ഒരു ആവശ്യത്തിന് വിളിച്ചപ്പോൾ 24 മണിക്കൂറിൽ ആരോഗ്യമന്ത്രി പരിഹാരം കണ്ടു. പിണറായി വിജയനോടും എ.കെ. ബാലനോടും വീണ ജോർജിനോടും പി.പി. സുമോദ് എം.എൽ.എ.യോടും അനീതി കാണിക്കാനാകില്ലെന്നും അദ്ദേഹം പറഞ്ഞു. ആലത്തൂർ മണ്ഡലം എൽ.ഡി.എഫ്. സ്ഥാനാർഥി കെ. രാധാകൃഷ്ണൻ വേദിയിലെത്തി വോട്ടഭ്യർഥിച്ചു.
പ്രസംഗത്തിനിടയിൽ കോൺഗ്രസ് പാർട്ടിയെക്കുറിച്ച് പറഞ്ഞ് വിതുമ്പിക്കരഞ്ഞ് എ.വി. ഗോപിനാഥ്. കുടുംബത്തേക്കാളുപരി ഞാൻ പാർട്ടിയെ സ്നേഹിച്ചു. എന്നാൽ, ഇന്ന് പാർട്ടി എന്നെ വേട്ടയാടുന്നു. മാനസികരോഗം വന്ന കോൺഗ്രസുകാരെ ചികിത്സിക്കണമെന്നും എ.വി. ഗോപിനാഥ് വേദിയിൽ പറഞ്ഞു. 2021-ൽ രാജിവെച്ച എന്നെ 2024-ൽ പുറത്താക്കി. നാളെ രാവിലെ വീണ്ടും പാർട്ടി ചിലപ്പോൾ പുറത്താക്കും. അടുത്ത തിരഞ്ഞെടുപ്പിൽ കെട്ടിവെച്ച കാശുപോലും കിട്ടാതെ കോൺഗ്രസിനെ ഞങ്ങൾ തോൽപ്പിക്കും -എ.വി. ഗോപിനാഥ് പറഞ്ഞു.
എ.വി. ഗോപിനാഥ് നാടിനോട് പ്രതിബദ്ധതയുള്ള നേതാവാണെന്ന് ആലത്തൂർ ലോക്‌സഭാമണ്ഡലം എൽ.ഡി.എഫ്. സ്ഥാനാർഥി കെ. രാധാകൃഷ്ണൻ പറഞ്ഞു. ജയിച്ചാൽ പഞ്ചായത്തിനുവേണ്ടി എന്തൊക്കെ ചെയ്യാൻ കഴിയുമോ അതിനുവേണ്ടിയുള്ള ഇടപെടൽ നടത്തുമെന്നും ഉറപ്പുനൽകി.

മാനസികരോഗം വന്ന കോൺഗ്രസുകാരെ ചികിത്സിക്കണം; എൽ ഡി എഫ്  വേദിയിൽ വിതുമ്പിക്കരഞ്ഞ് എ.വി. ഗോപിനാഥ്

വടകര: ഇടതുപക്ഷ ജനാധിപത്യ മുന്നണി വടകര പാർല്മെന്റ് സ്ഥാനാർത്ഥി കെ.കെ. ശൈലജക്ക് സ്വീകരണവും 12 ബൂത്തുകൾ ഉൾക്കൊള്ളുന്ന വൈക്കിലശ്ശേരി മേഖലാ റാലിയും ഏപ്രിൽ 23 ന് ചൊവ്വാഴ്ച്ച വൈക്കിലശ്ശേരി തെരുവിൽ നടക്കും. റാലി ആർ.ജെ. ഡി. സംസ്ഥാന ജനറൽ സെക്രട്ടറി സലിം മടവൂർ ഉദ്ഘാടനം ചെയ്യും. ഇടതുപക്ഷ ജനാധിപത്യമുന്നണി ഘടകകക്ഷി നേതാക്കൾ പങ്കെടുക്കും.&nbsp;
സ്വാഗത സംഘം രൂപീകരണയോഗം ആർ.ജെ. ഡി. വടകര മണ്ഡലം സെക്രട്ടറി പ്രസാദ് വിലങ്ങിൽ ഉദ്ഘാടനം ചെയ്തു. തെരഞ്ഞെടുപ്പ് കമ്മിറ്റി മേഖലാ ചെയർമാൻ കെ.എം. നാരായണൻ അധ്യക്ഷത വഹിച്ചു. ടി.എം. രാജൻ, എ.പി. വിജയൻ, മനോജ് താപൂ എന്നിവർ പ്രസംഗിച്ചു. ചന്ദ്രൻ കെ.ടി.കെ.( ചെയർമാൻ), എം. അശോകൻ( കൺവീനർ) എന്നിവർ ഭാരവാഹികളായി 101 അംഗ സ്വാഗത സംഘം കമ്മിറ്റി രൂപീകരിച്ചു.

എൽ ഡി എഫ് മേഖലാ റാലിയും സ്ഥാനാർത്ഥിക്ക് സ്വീകരണവും

വടകര: വടകര മണ്ഡലം എൽ.ഡി.എഫ്. സ്ഥാനാർഥി കെ.കെ.ശൈലജ എം.എൽ.എയ്ക്കെതിരെ ഫേസ്ബുക്കിൽ അധിക്ഷേപ പരാമർശം നടത്തിയതിന് പോലീസ് കേസെടുത്തു. നടുവണ്ണൂർ സ്വദേശി കെ.എം. മിൻഹാജിനെതിരെ മട്ടന്നൂർ പോലീസാണ് കേസെടുത്തത്. കലാപാഹ്വാനം ഉൾപ്പടെയുള്ള വകുപ്പുകൾ ചേർത്താണ് കേസ്. ശൈലജയുടെ പരാതിയുടെ അടിസ്ഥാനത്തിലാണ് കേസെടുത്തത്.

കെ.കെ.ശൈലജയ്ക്കെതിരെ അധിക്ഷേപ പരാമർശം; നടുവണ്ണൂർ സ്വദേശിക്കെതിരേ കേസ്

തലശ്ശേരി: സാധാരണക്കാരുടെ ജീവിതത്തെ പറ്റി ചിന്തിക്കുന്നവർ എനിക്ക് വോട്ട് ചെയ്യുമെന്ന് വടകര മണ്ഡലം യു.ഡി.എഫ് സ്ഥാനാര്‍ത്ഥി ഷാഫി പറമ്പിൽ പറഞ്ഞു. ഒരു ലിറ്റര്‍ പെട്രോളിന് പൈസ കൊടുക്കുന്നവര്‍ 40 രൂപയും നല്‍കുന്നത് നികുതിയാണ്. നികുതിയുടെ ഊറ്റലാണ് ഇവിടെ കേന്ദ്ര -സംസ്ഥാന സര്‍ക്കാറുകള്‍ നടത്തുന്നതെന്നും അദ്ദേഹം വ്യക്തമാക്കി. തലശ്ശേരി നിയോജക മണ്ഡലത്തിലെ വിവിധ കേന്ദ്രങ്ങളിലൊന്നായ മഞ്ഞോടിയിലെ സ്വീകരണ യോഗങ്ങളില്‍ പങ്കെടുത്ത് സംസാരിക്കുകയായിരുന്നു അദ്ദേഹം.&nbsp;
ഈ സര്‍ക്കാര്‍ കോടതിയില്‍ പറഞ്ഞത് പെന്‍ഷന്‍ അവകാശമല്ല ഔദ്യാര്യമാണെന്നാണ്. പെന്‍ഷന്‍ ഔദ്യാര്യമാണെന്ന് പറഞ്ഞവരെ ഇനിയും നിങ്ങള്‍ നെഞ്ചേറ്റണമോയെന്ന് ചിന്തിക്കേണ്ടിയിരിക്കുന്നുവെന്നും ഷാഫി പറമ്പില്‍ ചോദിച്ചു. തൊഴിലുറപ്പ് തൊഴിലാളികളെ ഇകഴ്ത്തിയെന്ന് പറഞ്ഞ് പാവപ്പെട്ട തൊഴിലാളികളെ എനിക്ക് നേരെ ഇറക്കിയവര്‍ ആദ്യം പാവപ്പെട്ടവര്‍ക്ക് നല്‍കേണ്ട കുടിശ്ശികയുള്ള പെന്‍ഷന്‍ കൊടുത്ത് തീര്‍ക്കുകയാണ് വേണ്ടതെന്നും ഷാഫി കൂട്ടിച്ചേര്‍ത്തു.

സാധാരണക്കാരുടെ ജീവിതത്തെ പറ്റി ചിന്തിക്കുന്നവർ എനിക്ക് വോട്ട് ചെയ്യും; ഷാഫി പറമ്പിൽ

Kannur

വടകര: ഒന്നര പതിറ്റാണ്ട് കാലം വടകര ലോക്സഭാ മണ്ഡലത്തിൽ നടക്കാതെ പോയ വികസന കാര്യങ്ങൾ ചർച്ച ചെയ്തും നാളെയുടെ സ്വപ്ന പദ്ധതികൾ പങ്ക് വെച്ചും വികസന സംവാദം നടത്തിയത് നാടിന് പുതുമയായി. എൽഡിഎഫ് സ്ഥാനാർത്ഥി കെ കെ ശൈലജയുടെ വിജയത്തിനായി സംഘടിപ്പിച്ച പരിപാടിയിൽ ജനപ്രതിനിധികൾ ഉൾപ്പെടെ നിരവധി പ്രമുഖർ പങ്കെടുത്തു. കേന്ദ്രാവിഷ്കൃത പദ്ധതികൾ മണ്ഡലത്തിൽ എത്തിക്കാതെ ,ജനവിരുദ്ധമായ കേന്ദ്ര നിലപാടുകൾക്കെതിരെ ശബ്ദിക്കാതെ നില കൊണ്ട വടകരയിലെ യുഡിഎഫ് എം പി മാർക്കെതിരെ വിവിധ ജനപ്രതിനിധികൾ പ്രതിഷേധമുയർത്തി.&nbsp;
"വയനാട്ടിലും വടകരയിലുമെല്ലാം വന്യജീവി അക്രമണങ്ങൾ പതിവായപ്പോൾ കേന്ദ്ര വനം മന്ത്രിയെ കണ്ട് പ്രശ്നത്തിൻ്റെ ഗൗരവം ധരിപ്പിക്കാൻ പോയ സംഘത്തിൽ ഒരിക്കൽ പോലും കെ മുരളീധരനോ, രാഹുൽ ഗാന്ധിയോ ഉണ്ടായിരുന്നില്ല" എന്ന് പരിപാടിയുടെ മോഡറേറ്ററായ ജോൺ ബ്രിട്ടാസ് എം പി പറഞ്ഞു. " എം പിയായാൽ നാടിൻ്റെ സമഗ്രമായ വികസനത്തിന് തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികളുടെ വിപുലമായ യോഗം ചേർന്നതിന് ശേഷം വികസന പദ്ധതികൾ ആവിഷ്കരിക്കുമെന്ന് ശൈലജ പറഞ്ഞു.വടകര കൃഷ്ണാ കൃപാ ഓഡിറ്റോറിയത്തിൽ,  കൃഷി,വ്യവസായം, ആരോഗ്യം, തൊഴിൽ, ഗതാഗതം,ടൂറിസം, തുടങ്ങി സമസ്ത മേഖലകളിലെയും ഭാവി വികസനത്തിനായി വഴി തുറന്ന സംവാദത്തിൽ 36 പേർ നിർദ്ദേശങ്ങൾ പങ്ക് വെച്ചു. എൽഡിഎഫ് നേതാക്കളായ ടി പി രാമകൃഷ്ണൻ, പി മോഹനൻ, എം കെ ഭാസ്കരൻ, കെ ടി കുഞ്ഞിക്കണ്ണൻ,  രമേശൻ പാലേരി തുടങ്ങിയവർ പങ്കെടുത്തു.

സ്വപ്ന പദ്ധതികൾ പങ്ക് വച്ച് വികസന സംവാദം

തലശ്ശേരി: എൽ ഡി എഫ് വടകര പാർലിമെന്റ് മണ്ഡലം സ്ഥാനാർഥി കെ കെ ശൈലജയുടെ പര്യടനം തലശ്ശേരി നിയോജകമണ്ഡലത്തിൽ. രാവിലെ അരയാക്കൂൽ നിന്നാണ് പര്യടനം ആരംഭിച്ചത്. ആവേശം നിറഞ്ഞ സ്വീകരണങ്ങളാണ് ഓരോ കേന്ദ്രങ്ങളിലും ലഭിച്ചുകൊണ്ടിരിക്കുന്നത്. തങ്ങളുടെ പ്രിയപ്പെട്ട സ്ഥാനാർഥിയെ കാണാൻ വേനൽ ചൂടിനെ മറികടന്നു കൊണ്ട് നിരവധിയാളുകളാണ് എത്തിയത്. ജനങ്ങളാകെ ഇടതു പക്ഷത്തിനൊപ്പം നിൽക്കുന്ന കാഴ്ചയാണ് വടകരയും കേരളവും കണ്ടു കൊണ്ടിരിക്കുന്നതെന്ന് കെ കെ ശൈലജ പറഞ്ഞു.&nbsp;
ടി വി അനന്തൻ നായർ ക്ലബ്ബ് കുണ്ടുചിറ, നള്ളച്ചേരി,പെരുന്താറ്റിൽ, മഠത്തും ഭാഗം, ചിറമ്മൽ മാപ്പിള സ്കൂൾ എന്നീ കേന്ദ്രങ്ങളിലെ സ്വീകരണം പൂർത്തിയായി. രാത്രി മനേക്കരയിലാണ് പര്യടനം അവസാനിക്കുക. സി പി ഐ എം കണ്ണൂർ ജില്ലാ സെക്രട്ടറിയേറ്റ് അംഗം കാരായി രാജൻ, തലശ്ശേരി നിയോജകമണ്ഡലം സെക്രട്ടറി എം സി പവിത്രൻ, മറ്റു എൽ ഡി എഫ് നേതാക്കളും പര്യടനത്തിന്റെ ഭാഗമായി.

തലശ്ശേരി നിയോജകമണ്ഡലത്തിൽ കെ കെ ശൈലജയ്ക്ക് സ്വീകരണം

മുംബൈ: വയനാട് ലോക്സഭാ മണ്ഡലം എല്‍.ഡി.എഫ് സ്ഥാനാര്‍ത്ഥി ആനി രാജയെ പിന്തുണച്ച് ഗുസ്തി താരം സാക്ഷി മാലിക്. ആനി രാജ തനിക്ക് വളരെ സുപരിചിതയാണെന്നും ബ്രിജ് ഭൂഷണ്‍ സിങ്ങിനെതിരായ പ്രതിഷേധ സമരങ്ങളില്‍ വനിതാ ഗുസ്തി താരങ്ങള്‍ക്കൊപ്പം ആനി രാജയുണ്ടായിരുന്നുവെന്നും സാക്ഷി പറഞ്ഞു. ഒരു വീഡിയോയിലൂടെയാണ് ആനി രാജയെ പിന്തുണച്ച് സാക്ഷി രംഗത്ത് വന്നത്.
''നമസ്‌കാരം. ഞാന്‍ സാക്ഷി മാലിക്. എനിക്ക് വളരെ അടുത്ത പരിചയമുള്ള വ്യക്തിയാണ് ആനി രാജ. കഴിഞ്ഞ ഏപ്രിലില്‍ ഗുസ്തി ഫെഡറേഷന്‍ പ്രസിഡന്റ് ബ്രിജ്ഭൂഷന്‍ നടത്തിയ ലൈംഗികാരോപണത്തിരെ സമരം നടത്തിയപ്പോള്‍ ആനി രാജ ഞങ്ങള്‍ക്കൊപ്പമുണ്ടായിരുന്നു. പ്രതിഷേധ സമരത്തില്‍ അവര്‍ ഒരുപാട് ഞങ്ങളെ സഹായിച്ചു.
ഡല്‍ഹി പൊലീസ് ഞങ്ങള്‍ക്കെതിരെ അതിക്രമം അഴിച്ചുവിട്ടപ്പോള്‍ ആനി രാജ ഞങ്ങള്‍ക്കൊപ്പം നില്‍ക്കുകയും ഞങ്ങള്‍ക്കൊപ്പം അറസ്റ്റ് വരിക്കുകയും ചെയ്തു. ഇപ്പോഴും ഗുസ്തി ഫെഡറേഷനിലെ ലൈംഗിക അതിക്രമത്തിനെതിരെ ആനി രാജ ഞങ്ങളോടൊപ്പം പോരാട്ടം തുടരുകയാണ്’, സാക്ഷി പറഞ്ഞു.
ദേശീയ ഗുസ്തി ഫെഡറേഷൻ പ്രസിഡന്റ് ബ്രിജ് ഭൂഷൻ സിങ്ങിനെതിരേ ലൈംഗികാതിക്രമം ആരോപിച്ച് നടത്തിയ ദീർഘകാല പ്രതിഷേധത്തിനൊടുവിൽ സാക്ഷി മാലിക് ഗുസ്തിമത്സരങ്ങളിൽ നിന്ന് പിന്മാറിയിരുന്നു. ബ്രിജ്‌ഭൂഷണെതിരേ നടപടിയില്ലാത്തിനെത്തുടർന്ന് കഴിഞ്ഞവർഷം ഡിസംബറിലാണ് സാക്ഷി മാലിക് വിരമിക്കൽ പ്രഖ്യാപിച്ചത്. ബ്രിജ് ഭൂഷനെ സ്ഥാനത്തുനിന്ന് നീക്കണമെന്നും അറസ്റ്റ് ചെയ്യണമെന്നും സാക്ഷിമാലികും സഹതാരങ്ങളും ആവശ്യപ്പെട്ടിരുന്നു.

''അവർ ഞങ്ങൾക്കൊപ്പമുണ്ടായിരുന്നു''; എല്‍.ഡി.എഫ് സ്ഥാനാര്‍ത്ഥി ആനി രാജക്ക് പിന്തുണയുമായി ഗുസ്തി താരം സാക്ഷി മാലിക്

വടകര: പരിപാടികളിൽ പങ്കെടുക്കുന്ന തൊഴിലുറപ്പ് തൊഴിലാളികളെ അപമാനിച്ച യു.ഡി. എഫ് സ്ഥാനാർത്ഥിയുടെയും പ്രവർത്തകരുടെയും നടപടിയിൽ ഉള്ള പ്രതിഷേധമായിരിക്കും ഈ തിരഞ്ഞെടുപ്പിൽ തൊഴിലുറപ്പ് തൊഴിലാളികൾ സ്വീകരിക്കുന്ന സമീപനമെന്ന് ആർ. ജെ.ഡി. സംസ്ഥാന സെക്രട്ടറി മനയത്ത് ചന്ദ്രൻ പറഞ്ഞു. പകലന്തിയോളം അന്യന്റെപാടത്തും പറമ്പിലും മണ്ണിൽ പണിയെടുക്കുന്നവർ പൊതുപരിപാടികളിലും സാമൂഹ്യ പ്രവർത്തനക്കളിലും ഇടപെടുന്നതിൽ വിറളി പൂണ്ടവർ പഴയ മാടമ്പി സംസ്കാരത്തിൽ നിന്നും പിൻമാറാൻ കഴിയാത്തവരാണ്.
നാട്ടിൽ ശുചികരണ തൊഴിലാളികൾ മുതൽ എല്ലാവിഭാഗം തൊഴിലാളികളെയും ചേർത്ത് പിടിച്ച് അവരുടെ ഉന്നമനത്തിനായ് പടപൊരുതുന്നവരാണ് ഇടതുപക്ഷം. ഇടതുപക്ഷ ജനാധിപത്യ മുന്നണി വടകര പാർല്മെന്റ് മണ്ഡലം സ്ഥാനാർത്ഥി കെ.കെ. ശൈലജയുടെ തെരഞ്ഞെടുപ്പ് പ്രവർത്തനകൾക്കായി 86, ബൂത്ത് കമ്മിറ്റി ഓഫിസ് കണ്ടോത്ത് മുക്കിൽ ഉദ്ഘാടനം.ചെയ്ത് സംസാരിക്കുകയായിരുന്നു അദ്ദേഹം. ചെയർമാൻ പി. സുരേഷ് അദ്ധ്യക്ഷത വഹിച്ചു. എൻ. നിധിൻ, എൻ. കെ. മോഹനൻ, കെ.എം. നാരായണൻ, കെ.എം. വാസു, വി.എം പ്രജീഷ്, കെ.കെ. രാമചന്ദ്രൻ എന്നിവർ പ്രസംഗിച്ചു.

അപമാനിക്കപ്പെട്ട തൊഴിലുറപ്പ് തൊഴിലാളികളുടെ പ്രതിഷേധം വിധിയെഴുത്തിൽ പ്രതിഫലിക്കും;  മനയത്ത് ചന്ദ്രൻ

വടകര: തൊഴിലുറപ്പ് തൊഴിലാളി സ്ത്രീകളെ ആക്ഷേപിക്കുകയും അപമാനിക്കുകയും ചെയ്ത സംഭവത്തിൽ ഇത്ര ദിവസങ്ങൾ കഴിഞ്ഞിട്ടും യു ഡി എഫ് വടകര പാർലിമെന്റ് മണ്ഡലം സ്ഥാനാർഥി എന്തുകൊണ്ടാണ് നിലപാട് പറയാൻ തയ്യാറാകത്തതെന്ന് എൽ ഡി എഫ് വടകര പാർലിമെന്റ് മണ്ഡലം കമ്മറ്റി പ്രസ്താവനയിലൂടെ ചോദിച്ചു. പണിയെടുക്കുന്നവരെയും പൊതു പ്രവർത്തനത്തിലിടപ്പെടുന്ന സാധാരണക്കാരായ സ്ത്രീകളെയും മോശക്കാരായി കാണുന്ന നിലപാടാണ് യു ഡി എഫും സ്ഥാനാർത്ഥിയും വെച്ചു പുലർത്തുന്നതെന്നാണ് ഈ മൗനം കാണിക്കുന്നതെന്നും പ്രസ്താവനയിൽ പറയുന്നു.
ഏപ്രിൽ നാലാം തീയതി യു ഡി എഫ് സ്ഥാനാർഥിയുടെ നാമനിർദേശപത്രിക നൽകുന്നതിന്റെ ഭാഗമായി സംഘടിപ്പിച്ച റാലിയിലാണ് തൊഴിലുറപ്പ് തൊഴിലാളികളെ ആക്ഷേപിക്കുന്ന അശ്ലീല മുദ്രാവാക്യങ്ങളും പാട്ടും ഉണ്ടായത്. തൊഴിലെടുക്കുന്നവരോട് അവഞ്ജയും പുച്ഛവും പുലർത്തുന്ന അങ്ങേയറ്റം സ്ത്രീവിരുദ്ധവും വരേണ്യ ബോധത്തിൽ നിന്നുമുള്ള അശ്ലീല മുദ്രാവാക്യവും പാട്ടുമാണ് യു ഡി എഫ് റാലിയിൽ അന്ന് മുഴങ്ങി കേട്ടത്. യു ഡി എഫ് നേതൃത്വം എഴുതി തയ്യാറാക്കി വനിതകളെ കൊണ്ട് വിളിപ്പിച്ച ഈ ആക്ഷേപ മുദ്രാവാക്യംവിളിയുടെ പൂർണ്ണമായ ഉത്തരവാദിത്വം യു ഡി എഫ് നേതൃത്വത്തിനാണ്. അത് വിളിച്ചു കൊടുത്ത വനിതാ പ്രവർത്തകയുടെ ചുമലിട്ട് ജനകീയ പ്രതിഷേധത്തിൽ നിന്ന് ഒഴിഞ്ഞ് പോകാമെന്ന് സ്ഥാനാർത്ഥിയും യു ഡി എഫ് നേതാക്കളും കരുതേണ്ടെന്നും പ്രസ്താവന വ്യക്തമാക്കുന്നു.
യു ഡി എഫ് നേതാക്കൾ പുലർത്തുന്ന പണിയെടുക്കുന്നവരോടും പൊതുപ്രവർത്തനത്തിന് വരുന്ന സ്ത്രീകളോടുമുള്ള അവജ്ഞയും പുച്ഛവുമാണ് വടകരയിൽ ഈ മുദ്രാവാക്യം വിളിയിലൂടെ പുറത്തു വന്നത്. ആക്ഷേപകരമായ മുദ്രാവാക്യം വിളിച്ചു കൊടുത്ത വനിത പ്രവർത്തകയ്ക്ക് പറ്റിയ തെറ്റായി ഈ സംഭവത്തെ ലഘൂകരിച്ചു കാണാനാവില്ലെന്നും പ്രസ്താവന പറയുന്നു. റാലിയിൽ വിളിക്കാനായി നേരത്തെ തന്നെ എഴുതി തയ്യാറാക്കി കൊണ്ടു വന്ന മുദ്രാവാക്യമാണിത്. നേതൃത്വത്തിന്റെ അറിവോടെയുള്ളതാണ് ഈ അധിക്ഷേപമുദ്രാവാക്യങ്ങൾ. അത് വിളിച്ചു കൊടുത്ത സ്ത്രീയുടെ മേൽ കുറ്റം ചാരികൊണ്ട് സ്ഥാനാർഥിക്കും യു ഡി എഫ് നേതൃത്വത്തിനും രക്ഷപ്പെടാനാവില്ലെന്നും പ്രസ്താവനയിൽ പറയുന്നു.
വിമോചനസമരക്കാലത്ത് മുഴങ്ങിക്കേട്ട പണിയെടുക്കുന്നവർക്കെതിരായ അതേ മുദ്രാവാക്യങ്ങളുടെ പുതിയ അശ്ലീല ആക്രോശങ്ങളിതെന്ന് തിരിച്ചറിയണമെന്ന് പ്രസ്താവനയിൽ ആവശ്യപ്പെട്ടു. വർഷങ്ങൾ കഴിഞ്ഞിട്ടും പഴയ “പാളയിൽ കഞ്ഞി കുടിപ്പിക്കും തമ്പ്രാനെന്ന് വിളിപ്പിക്കും” എന്ന വലതുപക്ഷപാരമ്പര്യം തന്നെയാണ് യു ഡി എഫ് നേതൃത്വം ഇപ്പോഴും പിൻപറ്റുന്നതെന്നും ഈ മുദ്രാവാക്യങ്ങൾ വ്യക്തമാക്കുന്നു. പണിയെടുക്കുന്ന തൊഴിലാളികളെയും സ്ത്രീകളെയും അധമരായി കാണുന്ന യു ഡി എഫ് സംസ്‍കാരത്തിനെതിരെ എല്ലാവിഭാഗം ജനങ്ങളും ജാതി മത കക്ഷിഭേദമന്യേ രംഗത്തു വരണമെന്നും സ്ത്രീവിരുദ്ധവരേണ്യ സംസ്‍കാരത്തിന് ശക്തമായ മറുപടി നൽകണമെന്നും പ്രസ്താവന അഭ്യർത്ഥിച്ചു.

തൊഴിലുറപ്പ് തൊഴിലാളി സ്ത്രീകളെ ആക്ഷേപിച്ച സംഭവത്തിൽ യു ഡി എഫ് സ്ഥാനാർഥി നിലപാട് പറയാത്തതെന്ത്? എൽ ഡി എഫ്

കുറ്റ്യാടി: വടകര ലോക്സഭ മണ്ഡലം എൽഡിഎഫ് സ്ഥാനാർഥി കെ കെ ശൈലജയുടെ രണ്ടാംഘട്ട മണ്ഡല പര്യടനത്തിന് തുടക്കമായി. നാട് വിറങ്ങലിച്ച നിപയുടെ രണ്ടാം വരവിന് സാക്ഷ്യമായ മംഗലാടായിരുന്നു ആദ്യ സ്വീകരണം. 2018 ൽ കെ കെ ശൈലജയുടെ നേതൃത്വത്തിൽ തുടങ്ങി വെച്ച നിപാ പ്രതിരോധ പ്രവർത്തനങ്ങൾ ഊർജമാക്കി ജനകീയ കൂട്ടായ്മയിൽ നടത്തിയ പ്രതിരോധമാണ് ഭീതിയുടെ ദിനങ്ങൾ അതിവേഗം താണ്ടാൻ മംഗലാടിനെയും പ്രാപ്തമാക്കിയത്. രണ്ടാം പിണറായി സർക്കാറിൻ്റ കരുതൽ ആ ജനത അനുഭവിച്ചറിഞ്ഞു.&nbsp;
അത് പ്രതിഫലിക്കുന്നതായിരുന്നു കെ കെ ശൈലജക്ക് മംഗലാട് നൽകിയ വൻ ജനാവലി അടങ്ങിയ വരവേൽപ്പ്. വിലാതപുരത്തും പുതിയടത്ത് താഴയും പാതിരിപ്പറ്റയിലും വട്ടോളിലും നടുപ്പൊയിലിലും താഴെ വടയവും കൂളിക്കുന്നിലും പൂളക്കൂലിലും സ്ത്രീകളും കുട്ടികളും ഉൾപ്പെടെ നൂറുകണക്കിന് പേരാണ് സ്വീകരിക്കാനെത്തിയത്. കാക്കുനി, ആയഞ്ചേരി, വില്യാപ്പള്ളി യുപി സ്കൂൾ, കോട്ടപ്പള്ളി, ചാനിയംകടവ്, തോടന്നൂർ, കീഴൽ യു പി സ്കൂൾ, പതിയാരക്കര എൽപി സ്കൂൾ, കളരിക്കുന്ന്, എളമ്പിലാട് വയൽ എന്നിവിടങ്ങളിലെ സ്വീകരണ ശേഷം കുറുന്തോടിയിൽ പര്യടനം സമാപിക്കും.
കെ പി കുഞ്ഞമ്മദ് കുട്ടി എംഎൽഎ, സിപിഐ എം ജില്ലാ സെക്രട്ടറിയേറ്റംഗം കെ കെ ദിനേശൻ, ടി പി ഗോപാലൻ, പി സുരേഷ് ബാബു, കെ വാസു, ടി കെ രാഘവൻ, കെ പി കുഞ്ഞിരാമൻ, ടി കെ മോഹൻദാസ്, കെ കെ സുരേഷ് തുടങ്ങിയവർ സ്ഥാനാർഥിക്കൊപ്പമുണ്ടായി. ആയാടത്തിൽ രവീന്ദ്രൻ, ജയപ്രകാശ്, കെ പി പവിത്രൻ, റീന സുരേഷ്, വള്ളിൽ ശ്രീജിത്ത്, കെ പി ശ്രീജിത്ത്, നിധിൻ കെ വൈദ്യർ, സി പി മുകുന്ദൻ, മുഹമ്മദ് കക്കട്ടിൽ, അഡ്വ. ബിനൂപ്, വിനോദ് ചെറിയത്ത്, കുനിയിൽ രാഘവൻ, തായന ശശി, കെ കെ ഗിരീഷ്, കെ കെ സുരേഷ്, മഹേഷ് പയ്യട എന്നിവർ വിവിധ സ്വീകരണ കേന്ദ്രങ്ങളിൽ സംസാരിച്ചു.

രണ്ടാംഘട്ട മണ്ഡല പര്യടനം തുടങ്ങി: നാടറിഞ്ഞ് നാട്ടുകാരിൽ ഒരാളായി കെ കെ ശൈലജ

വടകര: ബി ജെ പി സർക്കാർ രാജ്യത്തെ ജനാധിപത്യ വ്യവസ്ഥിതിയെ ഇല്ലാതാക്കാനുള്ള ശ്രമങ്ങളാണ് നടത്തുന്നതെന്ന് സി പി എം സംസ്ഥാന സെക്രെട്ടറി എം വി ഗോവിന്ദൻ. വടകരയിലെ എൽ ഡി എഫ് സ്ഥാനാർഥി കെ കെ ശൈലജയുടെ തെരഞ്ഞെടുപ്പു പ്രചാരണത്തിന്റെ ഭാഗമായി നടത്തിയ മുഖാമുഖം പരിപാടിയിലായിരുന്നു അദ്ദേഹത്തിന്റെ പ്രതികരണം.
ഭരണഘടന സ്ഥാപനങ്ങളെയാകെ തങ്ങളുടെ വരുതിയിലാക്കികൊണ്ട് മതനിരപേക്ഷ രാഷ്ട്രത്തെ മതരാഷ്ട്രമാക്കാനാണ് ബി ജെ പി ശ്രമിക്കുന്നത്. ഇതിനെ പ്രതിരോധിക്കാൻ കോൺഗ്രസിന് കഴിയില്ല. ബി ജെ പി യുടെ അതേ സ്വരം തന്നെയാണ് ഇന്ന് കോൺഗ്രസിനും. അതുകൊണ്ടാണ് പൗരത്വ ഭേദഗതി നിയമത്തെ കുറിച്ച് കോൺഗ്രസ്‌ ദേശീയ നേതൃത്വം ഇതുവരെയും പ്രതികരിക്കാത്തത്. നയവും നേതൃത്വവുമില്ലാത്ത പാർട്ടിയായി കോൺഗ്രസ്‌ മാറിയിരിക്കുന്നു. അതുകൊണ്ടാണ് എസ് ഡി പി ഐ പോലുള്ള സംഘടനകളുമായി തെരഞ്ഞെടുപ്പിൽ ധാരണകളുണ്ടാക്കിയത്. എന്നാൽ ഈ കോ ലീ ബി, എസ് ഡി പി ഐ സഖ്യത്തെ അതിജീവിച്ച് വടകരയിൽ ഇടതുപക്ഷം വിജയിക്കുമെന്ന് ഗോവിന്ദൻ പറഞ്ഞു.
വടകര കൃഷ്ണകൃപ ഓഡിറ്റോറിയത്തിൽ നടന്ന പരിപാടിയിൽ എൽ ഡി എഫ് വടകര പാർലിമെന്റ് മണ്ഡലം പ്രസിഡന്റ് എം കെ ഭാസ്കരൻ അധ്യക്ഷത വഹിച്ചു. കടത്തനാട് നാരായണൻ, സുവീരൻ, വി ടി മുരളി, ലിസി മുരളീധരൻ, രമേശൻ പാലേരി, പ്രേംകുമാർ വടകര, പി മോഹനൻ, വത്സൻ പനോളി, കെ പി കുഞ്ഞമ്മദ് കുട്ടി എം എൽ എ, കെ പി ബിന്ദു എന്നിങ്ങനെ സമൂഹത്തിന്റെ വിവിധ മേഖലകളെ പ്രതിനിധീകരിച്ച് അറന്നൂറോളം പേർ പരിപാടിയിൽ പങ്കെടുത്തു. പ്രതിനിധികളുമായി സംവദിച്ച ശേഷം ഇടതുപക്ഷം ഈ തെരഞ്ഞെടുപ്പിൽ നിർണായക ശക്തിയാകുമെന്ന് ഗോവിന്ദൻ അഭിപ്രായപ്പെട്ടു.

<iframe width="auto" height="auto" src="https://www.youtube.com/embed/UI7zYAK7uSg?si=52Da9ToTGC3Giqbn" frameBorder="0"></iframe>

രാജ്യത്തെ ജനാധിപത്യം അപകടത്തിൽ : എം വി ഗോവിന്ദൻ

വടകര: ഗ്രാമവീഥികളെ ചെമ്പട്ടണിയിച്ച് വടകര ലോക്സഭ മണ്ഡലം സ്ഥാനാർഥി കെ കെ ശൈലജക്ക് ഊഷ്മള വരവേൽപ് ഒരുക്കി നാട്. ദുരിത നാളുകളിൽ നാടിന് കവചമൊരുക്കിയ പേരാളിയെ കാണാനും അഭിവാദ്യവർപ്പിക്കാനുമായി നൂറ് കണക്കിന് പേരാണ് ഒരോ കേന്ദ്രങ്ങളിലും എത്തിയത്. മന്ത്രിയാപ്പോഴും ജനപ്രതിനിധിയായപ്പോഴും നാടിനെ ചേർത്തു പിടിച്ചപൊലെ ലോക്സഭയിൽ നാടിനായി പോരാടുമെന്ന ടീച്ചറുടെ വാക്കുകൾ കുറച്ചൊന്നുമല്ല നാട്ടുകാർക്ക് ആശ്വാസമേകുന്നത്. ശനി രാവിലെ മന്തരത്തൂർ വായനശാല പരിസരത്തായിരുന്നു കെ കെ ശൈലജയുടെ കുറ്റ്യാടി മണ്ഡലത്തിലെ ആദ്യ സ്വീകരണ പരിപാടി. രാവിലെ മുതൽ തന്നെ സ്ത്രീകളും കുട്ടികളും ഉൾപ്പെടെ നിരവധി പേർ ടീച്ചറെ സ്വീകരിക്കാനെത്തി. ചങ്ങരോത്ത് താഴയിലും ചെല്ലട്ടുപൊയിലിലെ സ്വീകരണ കേന്ദ്രമായ ഫീനിക്സ് ബസ് സ്റ്റോപ്പിനു സമീപവും വർണ ബലൂണുകളും പൂക്കളുമായി സ്ഥാനാർഥിക്ക് ഹൃദ്യമായ വരവേൽപ്പ് നൽകി.&nbsp;&nbsp;
പര്യടനത്തിനിടയിൽ നടുവയലിൽ ഡിവൈഎഫ്ഐ യുടെ ഹൃദയപൂർവ്വം പദ്ധതിയിൽ പതിയാരക്കര മേഖല കമ്മിറ്റിയുടെ മെഡിക്കൽ കോളേജിലേക്ക് പൊതിച്ചോറുമായുള്ള വാഹനം കെ കെ ശൈലജ ഫ്ലാഗ് ഓഫ് ചെയ്തു. മുടപ്പിലാവിൽ നോർത്തിൽ സ്വീകരണത്തിനു ശേഷം കാവിൽ റോഡിൽ നാസിക് ഡോൾ സംഗീത വാദ്യത്തോടെ സ്ഥാനാർഥിയെ എതിരേറ്റു. ഉച്ചവെയിലിൻ്റ കാഠിന്യമൊന്നും ഏശാതെ മയ്യന്നൂരിലെയും കിസാനിലെയും വള്ള്യാട്ടെയും സ്വീകരണ കേന്ദ്രങ്ങൾ ജനനിബിഡമായി. തട്ടോണ്ടി, തറോപൊയിൽ, കുറ്റ്യാടി, കക്കട്ട്, പള്ളിയത്ത് കേളോത്ത് മുക്ക് അരൂര് കടമേരി കുരിങ്ങാട, കല്ലേരി തുടങ്ങിയ സ്വീകരണങ്ങൾക്ക് ശേഷം ചെമ്മരത്തൂരിൽ സമാപിച്ചു. സമാപന പരിപാടി സിപിഐ എം ജില്ലാ സെക്രട്ടറി പി മോഹനൻ ഉദ്ഘാടനം ചെയ്തു. കെ പി കുഞ്ഞമ്മദ് കുട്ടി എംഎൽഎ, കെ കെ ദിനേശൻ, ടി പി ഗോപാലൻ, കെ പുഷ്പജ, കൂടത്താം കണ്ടി സുരേഷ്, കെ കെ സുരേഷ്, പി സുരേഷ് ബാബു, കെ പി പവിത്രൻ, ആയാടത്തിൽ രവീന്ദ്രൻ എന്നിവർ സ്ഥാനാർഥിക്ക് ഒപ്പമുണ്ടായി. വിവിധ സ്വീകരണ കേന്ദ്രങ്ങളിൽ കെ എം ബാബു, കെ വാസു, ടി കെ രാഘവൻ, കെ രാഘവൻ, സി എച്ച് ഹമീദ്, ജയപ്രകാശ്, പി സി ഷൈജു, ടി കെ മോഹൻദാസ്, കെ പി ചന്ദ്രി, കെ പി ശ്രീജിത്ത്, മുഹമ്മദ് കക്കട്ടിൽ, അഡ്വ. ബിനൂപ്, റീന സുരേഷ്, കെ എം ബാബു, വിനോദ് ചെറിയത്ത്, നിധിൻ കെ വൈദ്യർ, തായന ശശി തുടങ്ങിയവർ സംസാരിച്ചു.

ഗ്രാമവീഥികളെ ചെമ്പട്ടണിയിച്ച് കെ കെ ശൈലജക്ക് ഊഷ്മള വരവേൽപ്

ആലപ്പുഴ: തന്റെ പ്രചാരണ ബോർഡുകൾ നശിപ്പിക്കുന്നവെന്ന് എൽഡിഎഫിനെതിരെ ആരോപണവുമായി ആലപ്പുഴയിലെ എൻഡിഎ സ്ഥാനാർത്ഥി ശോഭാ സുരേന്ദ്രൻ. സിപിഐഎം തന്റെ പ്രചാരണ ബോർഡുകൾ നശിപ്പിക്കുന്നുവെന്ന് ശോഭാ സുരേന്ദ്രൻ പറയുന്നു. രാഷ്ട്രീയ സംഘർഷമുണ്ടാക്കാൻ എ എം ആരിഫ് ശ്രമിക്കുന്നു.
പ്രശ്‌നത്തിൽ തെരഞ്ഞടുപ്പ് കമ്മീഷൻ ഇടപെടുന്നില്ല. കീറിയ സ്ഥലങ്ങളിൽ ഫ്ലക്സ് ബോർഡുകൾ ഇനിയും വരുമെന്ന് ശോഭാ സുരേന്ദ്രൻ പറഞ്ഞു. പോസ്റ്ററുകൾ മാറ്റേണ്ടതില്ലെന്നും ഭാവിയിൽ ആരിഫിന് ബിജെപിയിലേക്ക് വരേണ്ടി വരുമെന്നും ശോഭാ സുരേന്ദ്രൻ പറഞ്ഞു. തന്റെ പോസ്റ്ററുകൾ നശിപ്പിക്കുന്നതിന് പിന്നിൽ എഎം ആരിഫിന്‍റെ പ്രത്യേക സംഘമാണെന്ന് ശോഭാ സുരേന്ദ്രൻ ആരോപിച്ചു. നടപടിയില്ലെങ്കിൽ കളക്ടറേറ്റിന് മുന്നിൽ സമരം നടത്തുമെന്നും ശോഭാ സുരേന്ദ്രൻ വ്യക്തമാക്കി. ഹരിപ്പാട് ആർകെ ജം​ഗ്ഷന് സമീപത്തും ബസ് സ്റ്റാൻഡിലുമാണ് ശോഭാ സുരേന്ദ്രന്റെ പോസ്റ്ററിനും ഫ്ലക്സ് ബോർ‍ഡുകൾക്കും നേരെ അതിക്രമമുണ്ടായത്.

എൻ ഡി എ പോസ്റ്ററിൽ എൽ ഡി എഫ് സ്ഥാനാർത്ഥിയുടെ തല; ഭാവിയിൽ ആരിഫിന് ബിജെപിയിലേക്ക് വരേണ്ടി വരുമെന്ന് ശോഭ സുരേന്ദ്രൻ

വടകര: യുഡിഎഫ് സ്ഥാനാര്‍ത്ഥി ഷാഫി പറമ്പിലിനെതിരെ തെരഞ്ഞെടുപ്പ് കമ്മീഷന് കൂടുതല്‍ പരാതി നല്‍കുമെന്ന് എല്‍ഡിഎഫ് സ്ഥാനാര്‍ഥി കെകെ ശൈലജ. തന്റേത് ഉള്‍പെടെ പല എല്‍ഡിഎഫ് നേതാക്കളുടെയും ഫോട്ടോ മോര്‍ഫ് ചെയ്ത വളരെ വൃത്തികെട്ട രീതിയില്‍ ആണ് യുഡിഎഫ് പ്രചാരണം. അത് അനുവദിക്കാനാകില്ലെന്നും ശൈലജ വടകരയില്‍ പറഞ്ഞു
വടകരയില്‍ പ്രചാരണം തുടങ്ങിയത് മുതല്‍ കെകെ ശൈലജക്കെതിരെ കൊവിഡ് കാല പാര്‍ച്ചേസ് സംബന്ധിച്ച ആരോപണങ്ങള്‍ യുഡിഎഫ് ഉന്നയിക്കുന്നുണ്ട്. കൊവിഡ് കള്ളിയെ കെട്ടുകെട്ടിക്കണം തുടങ്ങിയ മുദ്രാവാക്യങ്ങള്‍ റോഡ് ഷോകളിലും മറ്റും ഉന്നയിക്കുന്ന യുഡിഎഫ് പ്രവര്‍ത്തകര്‍ സമൂഹ മാധ്യമങ്ങളില്‍ ഇതിന് വലിയ പ്രചാരവും നല്‍കുന്നു. ഒരു ഭാഗത്ത് കൊവിഡ് ഘട്ടത്തില്‍ നടത്തിയ പ്രവര്‍ത്തനങ്ങള്‍ ജനങ്ങള്‍ക്ക് മുന്നില്‍ വച്ച് കെ.കെ ശൈലജ വോട്ട് അഭ്യര്‍ത്ഥിക്കുമ്പോഴാണ് യുഡിഎഫിന്റെ ഈ പ്രതിരോധം. പ്രതിസന്ധി ഘട്ടത്തില്‍ ആരോഗ്യ പ്രവര്‍ത്തകരുടെയും പൊതു ജനങ്ങളുടെയും ജീവന്‍ രക്ഷിക്കാനായി നടത്തിയ ഇടപെടലിനെ കൊള്ളയായി ചിത്രീകരിച്ചാല്‍ നിയമനടപടി സ്വീകരിക്കേണ്ടി വരുമെന്ന് ശൈലജ നേരത്തെ വ്യക്തമാക്കിയിരുന്നു.&nbsp;

'ഫോട്ടോ മോര്‍ഫ് ചെയ്ത് വൃത്തികെട്ട പ്രചാരണം'; കൂടുതല്‍ പരാതി നല്‍കുമെന്ന് കെകെ ശൈലജ

തിരുവനന്തപുരം: ആറ്റിങ്ങല്‍ ലോക്‌സഭ മണ്ഡലം എല്‍ഡിഎഫ് സ്ഥാനാര്‍ഥി വി. ജോയിയുടെ പോസ്റ്റര്‍ നശിപ്പിച്ചത് ചോദ്യംചെയ്ത ഡിവൈഎഫ്ഐ നേതാവിനെ ബിജെപി സംഘം വീട്ടില്‍ക്കയറി വെട്ടിപ്പരിക്കേൽപിച്ചു. ഡി.വൈ.എഫ്‌.ഐ പുളിമാത്ത് മേഖലാ കമ്മിറ്റി അംഗം കമുകിന്‍കുഴി പുതുവല്‍ പുത്തന്‍ വീട്ടില്‍ എസ്. സുജിത്തിനെയാണ് ആക്രമിച്ചത്.
ബുധനാഴ്ച രാത്രി 11 മണിയോടെയാണ് സംഭവം. കത്തിയും മണ്‍വെട്ടിയും സിമന്റ്കട്ടയും ഉപയോഗിച്ചായിരുന്നു അക്രമണം. സുജിത്തിന്റെ കൈയ്ക്ക് വെട്ടേറ്റു. തലയ്ക്ക് ഗുരുതര പരിക്കുണ്ട്. സുജിത്തിനെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. കമുകിന്‍കുഴി ജങ്ഷനില്‍ സ്ഥാപിച്ച വി. ജോയിയുടെ പോസ്റ്റര്‍ ബിജെപി സംഘം നശിപ്പിച്ചതായാണ് ആരോപണം. ഇതിന് പകരമായി വൈകിട്ട് സുജിത്തടക്കമുള്ള സി പി എം. പ്രവര്‍ത്തകര്‍ പോസ്റ്റര്‍ ഒട്ടിക്കാനെത്തിയപ്പോള്‍ ബിജെപി സംഘം തടഞ്ഞിരുന്നു. ഇതിന്റെ തുടര്‍ച്ചയായാണ് സുജിത്തിനെ വീടുകയറി ആക്രമിച്ചതെന്നാണ് പരാതി.
സംഭവസ്ഥലത്ത് നാട്ടുകാര്‍ തടഞ്ഞുവെച്ച അക്രമിയില്‍നിന്ന് വെട്ടുകത്തിയും ഇരുമ്പ് വടിയും അടക്കമുള്ള ആയുധങ്ങള്‍ പോലീസ് പിടിച്ചെടുത്തു. സംഭവവുമായി ബന്ധപ്പെട്ട് ഒരാളെ കിളിമാനൂര്‍ പോലീസ് കസ്റ്റഡിയിലെടുത്തതായി സൂചനയുണ്ട്.

എൽഡിഎഫിന്‍റെ പോസ്റ്റര്‍ നശിപ്പിച്ചത് ചോദ്യം ചെയ്ത ഡി വൈ എഫ് ഐ നേതാവിനെ ബിജെപി സംഘം വെട്ടിപ്പരിക്കേൽപിച്ചു

വടകര: എൽ ഡി എഫ് സ്ഥാനാർഥി കെ കെ ശൈലജയുടെ പൊതു പര്യടനത്തിന് തുടക്കമായി. കൊയിലാണ്ടി നിയോജകമണ്ഡലത്തിലെ മൂരാട് നിന്ന് ആരംഭിച്ച പര്യടനം എൽ ഡി എഫ് പാർലിമെന്റ് മണ്ഡലം തെരഞ്ഞെടുപ്പ് കമ്മറ്റി പ്രസിഡന്റ് എം.കെ ഭാസ്കരൻ ഫ്ലാഗ് ഓഫ് ചെയ്തു. പാർലിമെന്റ് മണ്ഡലം തെരഞ്ഞെടുപ്പ് കമ്മറ്റി സെക്രട്ടറി വത്സൻ പനോളി, സി പി ഐ എം ജില്ലാ സെക്രട്ടറിയേറ്റ് മെമ്പർമാരായ ഭാസ്കരൻ, കെ കെ മുഹമ്മദ്‌, കൊയിലാണ്ടി നിയോജകമണ്ഡലം സെക്രട്ടറി കെ ദാസൻ, കാനത്തിൽ ജമീല എം എൽ എ, ഇടതുപക്ഷ ജനാധിപത്യ മുന്നണിയുടെ മറ്റു നേതാക്കളും പരിപാടിയിൽ സന്നിഹിതരായിരുന്നു.
വടകര ഇത്തവണ ഇടതുപക്ഷത്തെ നെഞ്ചേറ്റും എന്നതിന്റെ തെളിവാണ് ഈ ആൾക്കൂട്ടമെന്ന് തടിച്ചു കൂടിയ ജനാവലിയെ അഭിസംബോധന ചെയ്തു കൊണ്ട് കെ കെ ശൈലജ പറഞ്ഞു. രാവിലെ 8.30 ന് ആരംഭിച്ച പര്യടനത്തിൽ സ്ത്രീകളും കുട്ടികളുമടക്കം നിരവധിയാളുകൾ പങ്കെടുത്തു. വൻ ജനാവലി അണി നിരന്ന ഘോഷയാത്രയോട് കൂടിയാണ് മൂരാട് ശൈലജയെ എതിരേറ്റത്. മൂന്ന് ഘട്ടങ്ങളായി നടക്കുന്ന പൊതു പര്യടനം ഏഴ് നിയോജകമണ്ഡലങ്ങളിലേയും 1186 ബൂത്തുകളിലൂടെ കടന്നു പോകും. ഒരു ദിവസം ഇരുപതോളം കേന്ദ്രങ്ങളിലാണ് സ്വീകരണ യോഗം ഉണ്ടാവുക.

കെ കെ ശൈലജയുടെ  പൊതു പര്യടനത്തിന് തുടക്കമായി; എങ്ങും ഹൃദ്യമായ വരവേൽപ്പ്

ആയഞ്ചേരി: വടകര ലോക്സഭാ മണ്ഡലം എൽ ഡി എഫ് സ്ഥാനാർത്ഥി കെ കെ ശൈലജയുടെ വിജയത്തിനായുള്ള ബൂത്ത് തല കൺവെൻഷനുകൾ വൻ ജന പങ്കാളിത്തത്തോടെ ആയഞ്ചേരി മേഖലയിൽ പൂർത്തിയാവുന്നു. 31-ാം ബൂത്ത് കൺവെൻഷൻ നാളോംകാട്ടിൽ വെച്ച് കൂടുത്താം കണ്ടി സുരേഷ് ഉൽഘാടനം ചെയ്തു. സി.വി. കുഞ്ഞിരാമൻ അധ്യക്ഷം വഹിച്ചു. വി.ടി.ബാലൻ, ടി.വി. കുഞ്ഞിരാമൻ എന്നിവർ സംസാരിച്ചു. കൺവെൻഷനിൽ വെച്ച് ബൂത്ത് കമ്മിറ്റിയും, വിവിധ സ്ക്വോഡുകളും രൂപീകരിച്ചു. സി.വി. കുഞ്ഞിരാമൻ (പ്രസിഡണ്ട്) പ്രദീഷ് ആർ , ഗീത വി.,ബാലൻ പുനത്തിൽ, ലത്തിഫ് നുപ്പറ്റ (വൈസ് പ്രസിഡണ്ടുമാർ, ടി.വി. കുഞ്ഞിരാമൻ ( സിക്രട്ടരി ) പ്രജിത്ത് ആർ, രജീഷ് കുനിയിൽ (ജോ: സിക്രട്ടരിമാർ) അനിൽ ആയഞ്ചേരി (ഖജാൻജി) എന്നിവരെ തിരഞ്ഞെടുത്തു.

ആയഞ്ചേരിയിൽ എൽ ഡി എഫ് ബൂത്ത് കൺവെൻഷനുകൾ പൂർത്തിയായി

Inshort

മലപ്പുറം: ആലത്തൂർ മണ്ഡലം ഇടത് സ്ഥാനാർത്ഥി കെ രാധാകൃഷ്ണൻ്റെ ബോർഡിന് തീയിട്ടു. കുഴൽമന്ദം ചന്തപ്പുര ജംക്ഷനിൽ സ്ഥാപിച്ച പ്രചാരണ ബോർഡിനാണ് തീയിട്ടത്. യൂ
ഇന്നലെ രാത്രി 12 മണിയോടെയായിരുന്നു സംഭവം. തീ സമീപത്തെ പറമ്പിലേക്കും വ്യാപിച്ചിരുന്നു. ഫയർഫോഴ്സ് എത്തിയാണ് തീ അണച്ചത്. യൂത്ത് കോൺഗ്രസ് പ്രവർത്തകരാണ് സംഭവത്തിന് പിന്നിലെന്ന് എൽഡിഎഫ് ആരോപിച്ചു.

ആലത്തൂരിലെ ഇടത് സ്ഥാനാർത്ഥി കെ.രാധാകൃഷ്ണൻ്റെ പ്രചാരണ ബോർഡ് തീയിട്ടു

വടകര: ഇടതുപക്ഷ ജനാധിപത്യ മുന്നണി നടക്കുതാഴ സൗത്ത് മേഖലാ തിരഞ്ഞെടുപ്പ് കമ്മിറ്റി ഓഫീസ് എം. ദാസൻ സ്മാരക മന്ദിരത്തിൽ ആരംഭിച്ചു. രാഷ്ട്രിയ ജനതാദൾ വടകര മണ്ഡലം സെക്രട്ടറി പ്രസാദ് വിലങ്ങിൽ ഉദ്ഘാടനം ചെയ്തു. ഇ.ടി.കെ. രാഘവൻ അദ്ധ്യക്ഷത വഹിച്ചു. വിവേക് വി. , പി.കെ. ശശി, കെ. പ്രകാശൻ എന്നിവർ സംസാരിച്ചു.

എൽ ഡി എഫ് തിരഞ്ഞെടുപ്പ് കമ്മിറ്റി ഓഫിസ് ഉദ്ഘാടനം ചെയ്തു

വടകര: പൗരത്വ ഭേദഗതി നിയമം നടപ്പിലാക്കരുതെന്നാവശ്യപ്പെട്ട് ഇടതുപക്ഷ മഹിളാ സംഘടനകളുടെ നേതൃത്വത്തിൽ വടകരയിൽ നൈറ്റ് മാർച്ച് നടത്തി. അഞ്ചു വിളക്ക് ജങ്ഷനിൽ നിന്നും ആരംഭിച്ച് പുതിയ ബസ് സ്റ്റാൻഡ് പരിസരത്ത് സമാപിച്ചു. ഏരിയയിലെ വിവിധ മേഖലകളിൽ നിന്നും ആയിരക്കണക്കിന് വനിതകൾ പങ്കെടുത്തു. ജനാധിപത്യ മഹിളാ അസോസിയേഷൻ ജില്ലാ സെക്രട്ടറി കെ പുഷ്പജ, ഏരിയ പ്രസിഡൻ്റ് എ പി പ്രജിത, സെക്രട്ടറി പി എം ലീന, ജനതാദൾ ജില്ലാ വൈസ് പ്രസിഡന്റ് ലതികാ ശ്രീനിവാസ്, രാജിത പതേരി, എൻ എം വിമല തുടങ്ങിയവർ നേതൃത്വം നൽകി.

പൗരത്വ ഭേദഗതി നിയമത്തിനെതിരെ വടകരയിൽ മഹിള സംഘടനകളുടെ നൈറ്റ് മാർച്ച്

പയ്യോളി: പൗരത്വ ഭേദഗതി ബില്ലിനെതിരെ പയ്യോളിയിൽ എൽ.ഡി.എഫ് നൈറ്റ് മാർച്ച് നടത്തി. നൂറുകണക്കിന് ആളുകളാണ് മാർച്ചിൽ പങ്കെടുത്തത്. നെല്ലേരി മാണിക്കോത്ത് നിന്നും വടകര ലോക്സഭാ മണ്ഡലം എൽ ഡി എഫ് സ്ഥാനാർഥി കെ. കെ ശൈലജയുടെ നേതൃത്വത്തിൽ ആരംഭിച്ച മാർച്ച് ബീച്ച് റോഡിലുള്ള ഗാന്ധി പ്രതിമയ്ക്ക് മുമ്പിൽ സമാപിച്ചു.
കാനത്തിൽ ജമീല എംഎൽഎ, കെ .ദാസൻ, ടി. ചന്തു, കെ .കെ മുഹമ്മദ്, എം .ബി ഷിബു, എം .ബി ശിവാനന്ദൻ, രാമ ചന്ദ്രൻ കുയ്യ്യാണ്ടി, വി.എം.ഷാഹുൽ ഹമീദ്, സി.സത്യ ചന്ദ്രൻ, എൻ.ശ്രീധരൻ, കെ .ശശിധരൻ എന്നിവർ നേതൃത്വം നൽകി. സമാപന സമ്മേളനത്തിൽ കെ.കെ .ശൈലജ സംസാരിച്ചു.

പൗരത്വ ഭേദഗതി ബില്ലിനെതിരെ എൽ.ഡി.എഫ് നൈറ്റ് മാർച്ച്

Koyilandy

ആയഞ്ചേരി: പൗരത്വ ഭേദഗതി നിയമത്തിനെതിരെ ആയഞ്ചേരി ടൗണിൽ എൽ ഡി എഫ് നേതൃത്വത്തിൽ പ്രതിഷേധവും കേരളത്തിൽ ഈ നിയമം നടപ്പിലാക്കില്ലെന്ന് പ്രഖ്യാപിച്ച മുഖ്യമന്ത്രി പിണറായി വിജയന് അഭിവാദ്യങ്ങൾ അർപ്പിച്ച് പ്രകടനവും നടത്തി. കെ സോമൻ, ടി.വി. കുഞ്ഞിരാമൻ, കെ ശശി, കെ.വി. ജയരാജൻ, രജനി തിരിക്കോട്ട്, രാജേഷ് പുതുശ്ശേരി, ലിസ പി.കെ, ഗീത വി, ശൈല ഏ.കെ ,ടി കൃഷ്ണൻ, പ്രജിത്ത് ആർ, പ്രതീഷ് ആർ ,വിനീത്, രാജൻ പി, ടി.എൻ മമ്മു എന്നിവർ നേതൃത്വം നൽകി.

പൗരത്വ ഭേദഗതി നിയമത്തിനെതിരെ ആയഞ്ചേരിയിൽ പ്രതിഷേധം

പയ്യോളി: ഭാവി ഭാരതത്തെക്കുറിച്ച് ഒന്നും പറയാനില്ലാത്തവരാണ് യു ഡി എഫും എൽ ഡി എഫുമെന്ന് ബി ജെ പി ദേശീയ നിർവ്വാഹകസമിതി അംഗം കുമ്മനം രാജശേഖരൻ. അടുത്ത പ്രധാനമന്തി ആരെന്നോ അടുത്ത അഞ്ച് വർഷം എന്ത് ചെയ്യുമെന്നോ പറയാൻ കഴിയാത്തവർക്ക് ലോക്‌സഭ തെരഞ്ഞെടുപ്പിൽ എങ്ങിനെ ജനങ്ങളോട് വോട്ട് ചോദിക്കാനാവും. എൽ ഡി എഫ്, യു ഡി എഫ് ചേർന്നതാണ് ഇന്ത്യ മുന്നണി. അവർക്ക് ഒരു നേതാവോ പ്രവർത്തനപദ്ധതിയോ ഇല്ല. ഭാവിയെപ്പറ്റി ഇരുട്ടിൽ തപ്പുന്നവർ ആശയക്കുഴപ്പം കൊണ്ട് ഒന്നും ചെയ്യാൻ കഴിവില്ലാത്തവർ ജനങ്ങളോട് വോട്ട് ചോദിക്കുന്നത് വിരോധാഭാസമാണെന്നും അദ്ദേഹം പറഞ്ഞു.
സി ടി മനോജ് ഭവനിൽ ബി ജെ പി പയ്യോളി മണ്ഡലം കമ്മിറ്റി സംഘടിപ്പിച്ച തെരഞ്ഞെടുപ്പ് പ്രവർത്തകസംഗമം ഉദ്ഘാടനം ചെയ്ത് സംസാരിക്കുകയായിരുന്നു കുമ്മനം രാജശേഖരൻ. മണ്ഡലം പ്രസിഡൻ്റ് എ. കെ. ബൈജു അധ്യക്ഷത വഹിച്ചു. കെ.ഫൽഗുണൻ, നഗരസഭാംഗം ടി എം നിഷാ ഗിരീഷ്, ടി.കെ പത്മനാഭൻ, കെ.പി മോഹനൻ, ഷിജി ടി.പി, പ്രജീഷ് കോട്ടക്കൽ, പ്രഭാകരൻ പ്രശാന്തി, ജയ്കിഷ്, പി. സനൽജിത്ത്, വി. സ്മിതാലക്ഷ്മി എന്നിവർ പ്രസംഗിച്ചു. കെ.പി രമേശൻ സ്വാഗതവും പ്രജീഷ് കോട്ടക്കൽ നന്ദിയും പറഞ്ഞു.

ഭാവി ഭാരതത്തെക്കുറിച്ച് ഒന്നും പറയാനില്ലാത്തവരാണ് യു ഡി എഫും എൽ ഡിഎഫുമെന്ന് കുമ്മനം രാജശേഖരൻ

വടകര: ഇടതുപക്ഷ ജനാധിപത്യ മുന്നണി വടകര ലോകസഭാ സ്ഥാനാർത്ഥി കെ.കെ. ശൈലജയുടെ തെരഞ്ഞെടുപ്പ് കൺവെൻഷനിൽ 2000 പ്രവർത്തകരെ പകെടുപ്പിക്കുവാൻ ആർ.ജെ. ഡി. വടകര മണ്ഡലം കമ്മിറ്റി യോഗം തീരുമാനിച്ചു. മാർച്ച് 10ന് നാദാപുരം റോഡിൽ നടക്കുന്ന കൺവെൻഷൻ ആർ.ജെ.ഡി സംസ്ഥാന ജനറൽ സെക്രട്ടറി മനയത്ത് ചന്ദ്രൻ ഉദ്ഘാടനം ചെയ്യും. യോഗത്തിൽ മണ്ഡലം പ്രസിഡണ്ട് അഡ്വ. സി. വിനോദൻ അധ്യക്ഷത വഹിച്ചു. ജില്ലാ പ്രസിഡണ്ട് എം.കെ. ഭാസ്കരൻ പ്രവർത്തനങ്ങൾ വിശദീകരിച്ചു.&nbsp;
ജില്ലാ സെക്രട്ടറി ഏ.ടി. ശ്രീധരൻ, സംസ്ഥാന സമിതി അംഗം എടയത്ത് ശ്രീധരൻ, ജില്ലാ കമ്മിറ്റി അംഗം കെ.കെ. കൃഷ്ണൻ ,മണ്ഡലം സെക്രട്ടറി പ്രസാദ് വിലങ്ങിൽ, മുൻസിപ്പൽ കമ്മിറ്റി പ്രസിഡണ്ട് സി.കുമാരൻ, പഞ്ചായത്ത് കമ്മിറ്റി പ്രസിഡണ്ടുമാരായ പി.കെ. കുഞ്ഞിക്കണ്ണൻ (ഏറാമല ) , കൈപ്പാട്ടിൽ ശ്രീധരൻ( അഴിയൂർ), പി.പ്രദീപ് കുമാർ( ഒഞ്ചിയം ),കെ.എം. നാരായണൻ( ചോറോട്) എന്നിവർ പ്രസംഗിച്ചു.

എൽ ഡി എഫ് വടകര മണ്ഡലം കൺവെൻഷനിൽ ആർ ജെ ഡി 2000പേരെ പങ്കെടുപ്പിക്കും

വടകര: പാർലിമെൻ്റ് എൽ ഡി എഫ് സ്ഥാനാർത്ഥി കെ കെ ശൈലജക്ക് ആയഞ്ചേരിയിൽ ആവേശകരമായ സ്വീകരണമൊരുക്കി. ശിങ്കാരിമേളത്തിൻ്റെയും, മുത്തുക്കുടയേന്തിയ ബാലികമാരുടേയും അകമ്പടിയോടെ ശൈലജയ്ക്ക് വോട്ട് അഭ്യർത്ഥിച്ച പ്ലേ കാർഡുമേന്തി നിരവധി ആളുകൾ സ്ഥാനാർത്ഥിയെ ആയഞ്ചേരി ടൗണിലൂടെ ആനയിച്ചു.&nbsp;
ടൗണിൻ്റെ ഇരുവശങ്ങളിലും കൂടി നിന്നവർ സ്ഥാനാർത്ഥിക്ക് വിജയാശംസകൾ നേർന്നു. വി.ടി.ബാലൻ, ടി.വി. കുഞ്ഞിരാമൻ, യു വി കുമാരൻ, കെ.കെ. നാരായണൻ, രാജേഷ് പുതുശ്ശേരി , സജിത പി.കെ, രജനി തിരിക്കോട്ട്, ലിസ പി.കെ, കെ കെ രാജൻ, കണ്ടോത്ത് കുഞ്ഞിരാമൻ, സി.എച്ച് ഹമീദ് , കണ്ടോത്ത് ശശി, കെ.വി. ജയരാജൻ, സുരേഷ് എൻ കെ , ജിൻസി കെ പി, പ്രജിത്ത് ആർ, പ്രതീശൻ ആർ എന്നിവർ നേതൃത്വം നൽകി.

കെ കെ ശൈലജയ്ക്ക് ആയഞ്ചേരിയിൽ വരവേൽപ്പ്

പുരം: സംസ്ഥാനത്തെ 23 തദ്ദേശ സ്വയംഭരണ വാര്‍ഡുകളിലേക്ക് നടന്ന ഉപതിരഞ്ഞെടുപ്പില്‍ എല്‍ഡിഎഫിന് നേട്ടം. പത്തിടത്ത് യുഡിഎഫ് വിജയിച്ചപ്പോള്‍ ഒമ്പത് സീറ്റുകള്‍ എല്‍ഡിഎഫ് നേടി. മൂന്നിടത്ത് ബിജെപി വിജയിച്ചു. ഒരിടത്ത് സ്വതന്ത്ര സ്ഥാനാര്‍ഥിക്കും ജയിക്കാനായി. മുന്നണികള്‍ പരസ്പരം സീറ്റുകള്‍ പിടിച്ചെടുത്തപ്പോള്‍ നേട്ടമുണ്ടാക്കിയത് എല്‍ഡിഎഫാണ്. നേരത്തെ നാല് സീറ്റുകളുണ്ടായിരുന്ന എല്‍ഡിഎഫ് അഞ്ച് സീറ്റുകള്‍ അധികമായി നേടി. 14 സീറ്റുകളുണ്ടായിരുന്ന യുഡിഎഫിന്റെ നില പത്തായി ചുരുങ്ങി. നാല് സീറ്റുകളുണ്ടായിരുന്ന ബിജെപിക്ക് ഉപതിരഞ്ഞെടുപ്പില്‍ മൂന്ന് സീറ്റുകളിലെ ജയിക്കാനായുള്ളൂ.
നെടുമ്പാശ്ശേരി 14-ാം വാര്‍ഡില്‍ നടന്ന ഉപതിരഞ്ഞെടുപ്പില്‍ പരാജയപ്പെട്ടതോടെ യുഡിഎഫിന് പഞ്ചായത്ത് ഭരണവും നഷ്ടമായി. എല്‍ഡിഎഫ് സ്ഥാനാര്‍ത്ഥി എന്‍എസ് അര്‍ച്ചന വിജയിച്ചതോടെയാണ് ഭരണം പോയത്. 14-ാം വാര്‍ഡായ കല്‍പകയില്‍ 98 വോട്ടിനാണ് അര്‍ച്ചനയുടെ വിജയം. പഞ്ചായത്ത് വൈസ് പ്രസിഡന്റ് ആയിരുന്ന സന്ധ്യ നാരായണപിള്ള രാജിവെച്ചതോടെയാണ് ഉപതിരഞ്ഞെടുപ്പ് ഉണ്ടായത്. കോണ്‍ഗ്രസിലെ ഗ്രൂപ്പ് തര്‍ക്കമായിരുന്നു രാജിയില്‍ കലാശിച്ചത്.
നിലവില്‍ 19 അംഗ ഭരണസമിതിയില്‍ ഇരുമുന്നണിക്കും 9 അംഗങ്ങള്‍ വീതമാണുണ്ടായിരുന്നത്. ഡിസംബറില്‍ നറുക്കെടുപ്പിലൂടെ സി.പി.എമ്മിലെ ശോഭ ഭരതന്‍ വൈസ് പ്രസിഡന്റ് ആയി തിരഞ്ഞെടുക്കപ്പെട്ടു. യു.ഡി.എഫിലെ പി.വി. കുഞ്ഞാണ് പഞ്ചായത്ത് പ്രസിഡന്റ്. ഉപതിരഞ്ഞെടുപ്പിലൂടെ എല്‍ഡിഎഫിന് ഒരു സീറ്റ് കൂടി ലഭിച്ചതോടെ ഭരണം പൂര്‍ണ്ണമായും അവരുടെ കൈകളിലെത്തും.
ഫലം ഇങ്ങനെ
തിരുവനന്തപുരം
1- മുനിസിപ്പല്‍ കോര്‍പ്പറേഷനിലെ വെള്ളാര്‍ വാര്‍ഡ് ബിജെപിയില്‍ നിന്ന് എല്‍ഡിഎഫ് പിടിച്ചെടുത്തു. സിപിഐയിലെ പനത്തുറ ബൈജു 151 വോട്ടുകള്‍ക്കാണ് വിജയിച്ചത്. ബിജെപി രണ്ടാമതും കോണ്‍ഗ്രസ് മൂന്നാം സ്ഥാനത്തുമെത്തി.
2- ഒറ്റശേഖരമംഗലം ഗ്രാമപഞ്ചായത്തിലെ കുന്നനാട് വാര്‍ഡ് ബിജെപിയില്‍ നിന്ന് എല്‍ഡിഎഫ് പിടിച്ചെടുത്തു. 59 വോട്ടിന്റെ ഭൂരിപക്ഷത്തിന് സിപിഎമ്മിലെ ശ്രീജലയാണ് വിജയിച്ചത്.
3-പൂവച്ചല്‍ ഗ്രാമപഞ്ചായത്തിലെ കോവില്‍വിള വാര്‍ഡ് ബിജെപി നിലനിര്‍ത്തി. 19 വോട്ടുകള്‍ക്കാണ് ബിജെപി സ്ഥാനാര്‍ഥി രജനി ഇവിടെ വിജയിച്ചത്. സിപിഐയിലെ ഷീബ രണ്ടാമതെത്തി.
4-പഴയകുന്നുമ്മേല്‍ ഗ്രാമപഞ്ചായത്തിലെ അടയമണ്‍ വാര്‍ഡ് കോണ്‍ഗ്രസില്‍ നിന്ന് സിപിഎം പിടിച്ചെടുത്തു. സിപിഎമ്മിലെ ആര്‍ച്ച രാജേന്ദ്രന്‍ 12 വോട്ടുകള്‍ക്ക് കോണ്‍ഗ്രസിലെ ഡി.ദീപകിനെ പരാജയപ്പെടുത്തി. ബിജെപിയുടെ സിന്ധുവിന് 13 വോട്ടുകള്‍ ലഭിച്ചു.
കൊല്ലം
5-ചടയമംഗലം പഞ്ചായത്തിലെ കുരിയോട് വാര്‍ഡ് ബിജെപിയില്‍ നിന്ന് എല്‍ഡിഎഫ് പിടിച്ചെടുത്തു. സിപിഐയിലെ പി.എസ്.സുനില്‍കുമാര്‍ 264 വോട്ടുകള്‍ക്കാണ് ജയിച്ചത്. ഇവിടെ കോണ്‍ഗ്രസ് രണ്ടാം സ്ഥാനത്തെത്തി. 58 വോട്ടുകള്‍ മാത്രം ലഭിച്ച ബിജെപിയുടെ ഉദയന്‍ മൂന്നാമതായി.
പത്തനംതിട്ട
6- നാരങ്ങാനം ഗ്രാമപഞ്ചായത്തിലെ കടമ്മനിട്ട വാര്‍ഡില്‍ കോണ്‍ഗ്രസിന് ജയം. കോണ്‍ഗ്രസ് സ്ഥാനാര്‍ഥിയായ രമേഷ് എം.ആര്‍. 174 വോട്ടുകള്‍ക്ക് ബിജെപിയിലെ അമ്പിളിയെ പരാജയപ്പെടുത്തി. സ്വതന്ത്രനായിരുന്നു ഇവിടെ കഴിഞ്ഞ തവണ വിജയിച്ചത്.
ആലപ്പുഴ
7-വെളിയനാട് ഗ്രാമപഞ്ചായത്തിലെ കിടങ്ങറ ബസാര്‍ തെക്ക് വാര്‍ഡില്‍ ബിജെപിക്ക് ജയം. സിപിഎമ്മിന്റെ സിറ്റിങ് സീറ്റാണിത്. ബിജെപിയിലെ സുഭാഷ് ഒരു വോട്ടിനാണ് ജയിച്ചത്. സുഭാഷിന് 251 വോട്ടുകള്‍ ലഭിച്ചപ്പോള്‍ സിപിഎമ്മിലെ ഗീതമ്മ സുനിലിന് 250 വോട്ടുകള്‍ കിട്ടി. സിപിഎം വിമതനായി മത്സരിച്ച എം.ആര്‍.രഞ്ജിത്തിന് 179 വോട്ടുകള്‍ പിടിക്കാനായി.
ഇടുക്കി
8-മൂന്നാര്‍ ഗ്രാമപഞ്ചായത്തിലെ മൂലക്കട വാര്‍ഡ് യുഡിഎഫ് നിലനിര്‍ത്തി. കോണ്‍ഗ്രസിലെ നടരാജന്‍ 35 വോട്ടുകള്‍ക്ക് സിപിഎമ്മിലെ രാജ്കുമാറിനെയാണ് പരാജയപ്പെടുത്തിത്.
9-മൂന്നാര്‍ പഞ്ചായത്തിലെ നടയാര്‍ വാര്‍ഡും യുഡിഎഫ് നിലനിര്‍ത്തി. കോണ്‍ഗ്രസിലെ ലക്ഷ്മി 59 വോട്ടുകള്‍ക്ക് സിപിഐയിലെ നവനീതത്തെയാണ് തോല്‍പ്പിച്ചത്.
എറണാകുളം
10-എടവനക്കാട് ഗ്രാമപഞ്ചായത്തിലെ നേതാജി വാര്‍ഡ് സിപിഎമ്മില്‍ നിന്ന് കോണ്‍ഗ്രസ് പിടിച്ചെടുത്തു. കോണ്‍ഗ്രസിലെ ശാന്തി മുരളി 108 വോട്ടുകള്‍ക്ക് സിപിഎമ്മിലെ പ്രിന്‍സി രാധാകൃഷ്ണനെയാണ് പരാജയപ്പെടുത്തിയത്.
11-നെടുമ്പാശ്ശേരി ഗ്രാമപഞ്ചായത്തിലെ കല്‍പക നഗര്‍ വാര്‍ഡ് യുഡിഎഫില്‍ നിന്ന് എല്‍ഡിഎഫ് പിടിച്ചെടുത്തു. സിപിഎമ്മിലെ അര്‍ച്ചന എന്‍എസ് 98 വോട്ടുകള്‍ക്ക് വിജയിച്ചു.
തൃശ്ശൂർ
12-മുല്ലശ്ശേരി പഞ്ചായത്ത് ഏഴാം വാർഡ് ഉപതിരഞ്ഞെടുപ്പിൽ എൽ.ഡി.എഫിന്.ജയം.വി.എം.മനീഷ് 63 വോട്ടിന് ജയിച്ചു. യു.ഡി.എഫിൻ്റെ സിറ്റിങ് സീറ്റാണ് എൽ.ഡി.എഫ്. പിടിച്ചെടുത്തത്. കോണ്‍ഗ്രസ് ഇവിടെ മൂന്നാം സ്ഥാനത്തെത്തി
പാലക്കാട്
13-ചിറ്റൂര്‍ തത്തമംഗലം മുനിസിപ്പല്‍ കൗണ്‍സില്‍ മുതുകാട് വാര്‍ഡ് സിപിഎം നിലനിര്‍ത്തി. സിപിഎമ്മിലെ ആരോഗ്യസ്വാമി 369 വോട്ടുകള്‍ക്കാണ് വിജയിച്ചത്.
14-എരുത്തേമ്പതി ഗ്രാമപഞ്ചായത്തിലെ പിടാരിമേട് വാര്‍ഡില്‍ സ്വതന്ത്ര സ്ഥാനാര്‍ഥി മാര്‍ട്ടിന്‍ ആന്റണി വിജയിച്ചു. 146 വോട്ടുകള്‍ക്ക് കോണ്‍ഗ്രസിലെ ജപമാലമേരിയെയാണ് പരാജയപ്പെടുത്തിയത്.
15-പൂക്കോട്ടുകാവ് ഗ്രാമപഞ്ചായത്തിലെ പൂക്കോട്ടുകാവ് നോര്‍ത്തില്‍ സിപിഎമ്മിന് ജയം. എല്‍ഡിഎഫിന്റെ സിറ്റിങ് സീറ്റാണിത്. സിപിഎമ്മിലെ സി.കെ.അരവിന്ദാക്ഷന്‍ 31 വോട്ടുകള്‍ക്ക് കോണ്‍ഗ്രസിലെ മണികണ്ഠനെയാണ് പരാജയപ്പെടുത്തിയത്.
16-തിരുവേഗപ്പുറ ഗ്രാമപഞ്ചായത്തിലെ നരിപ്പറമ്പ് വാര്‍ഡ് മുസ്ലിം ലീഗ് നിലനിര്‍ത്തി. ലീഗിലെ കെ.ടി.എ.മജീദ് 470 വോട്ടുകള്‍ക്കാണ് വിജയിച്ചത്.
മലപ്പുറം
17-മക്കരപ്പറമ്പ് ഗ്രാമപഞ്ചായത്തിലെ കാച്ചിനിക്കാട് കിഴക്ക് വാര്‍ഡ് യുഡിഎഫ് നിലനിര്‍ത്തി. മുസ്ലിം ലീഗിലെ നുഹ്‌മാന്‍ ശിബിലി 356 വോട്ടുകള്‍ക്ക് വിജയിച്ചു.
18,19- കോട്ടക്കല്‍ മുനിസിപ്പാലിറ്റിയില്‍ ഉപതിരഞ്ഞെടുപ്പ് നടന്ന രണ്ട് സീറ്റുകളിലും മുസ്ലിം ലീഗ് സ്ഥാനാര്‍ഥികള്‍ ജയിച്ചു. രണ്ട് സീറ്റുകളും ലീഗിന്റെ സിറ്റിങ് സീറ്റുകളായിരുന്നു. വാര്‍ഡ് രണ്ട് ചൂണ്ടയില്‍ ലീഗിലെ നഷ്വ 171 വോട്ടുകള്‍ക്കും 14-ാം വാര്‍ഡ് ഈസ്റ്റ് വില്ലൂരില്‍ ലീഗിലെ ഷഹാന ഷെറിന്‍ 201 വോട്ടുകള്‍ക്കുമാണ് വിജയിച്ചത്.
കണ്ണൂര്‍
20- മുഴുപ്പിലങ്ങാട് ഗ്രാമപഞ്ചായത്തിലെ മമ്മാക്കുന്ന് വാര്‍ഡ് സിപിഎം പിടിച്ചെടുത്തു. കോണ്‍ഗ്രസിന്റെ സിറ്റിങ് സീറ്റില്‍ സിപിഎമ്മിലെ എ.സി.നസിയത്ത് ബീവി 12 വോട്ടുകള്‍ക്കാണ് ജയിച്ചത്. കോണ്‍ഗ്രസിലെ ഷീമീമ രണ്ടാമതും എസ്ഡിപിഐ സ്ഥാനാര്‍ഥി മൂന്നാം സ്ഥാനത്തുമായി.
21- രാമന്തളി ഗ്രാമപഞ്ചായത്തിലെ പാലക്കോട് സെന്‍ട്രല്‍ വാര്‍ഡില്‍ യുഡിഎഫിന് ജയം. യുഡിഎഫിന്റെ സിറ്റിങ് സീറ്റില്‍ ലീഗിലെ മുഹമ്മദ് എം.പി. 464 വോട്ടുകള്‍ക്ക് വിജയിച്ചു.
22- മാടായി ഗ്രാമപഞ്ചായത്ത് മുട്ടം ഇട്ടപ്പുറം വാര്‍ഡ് യുഡിഎഫ് നിലനിര്‍ത്തി. ലീഗിലെ മുഹ്‌സിന എസ്.എച്ച്. 444 വോട്ടുകള്‍ക്ക് വിജയിച്ചു.
23- മട്ടന്നൂര്‍ നഗരസഭയില്‍ ബി.ജെ.പി.അക്കൗണ്ട് തുറന്നു. ഉപതിരഞ്ഞെടുപ്പ് നടന്ന ടൗണ്‍ വാര്‍ഡില്‍ ബി.ജെ.പി. സ്ഥാനാര്‍ഥി എ. മധുസൂദനന്‍ 72 വോട്ടിന് വിജയിച്ചു. യുഡിഎഫിന്റെ സിറ്റിങ് സീറ്റായിരുന്നു ഇത്.

തദ്ദേശ ഉപതിരഞ്ഞെടുപ്പ്; നെടുമ്പാശ്ശേരി പഞ്ചായത്ത് ഭരണം യുഡിഎഫിന് നഷ്ടമായി

തിരുവനന്തപുരം: തദ്ദേശസ്വയംഭരണ സ്ഥാപനങ്ങളിലേക്കുള്ള ഉപതെരഞ്ഞെടുപ്പിൽ അഞ്ചിടത്ത് അട്ടിമറി ജയവുമായി എൽ.ഡി.എഫ്. തിരുവനന്തപുരത്ത് രണ്ട് വാർഡുകളിൽ എൽ.ഡി.എഫ് ബി.ജെ.പിയെ അട്ടിമറിച്ചു. ഒറ്റശേഖരമംഗലം കുന്നനാട് വാർഡിൽ സി.പി.എം അട്ടിമറി വിജയം നേടി. വെള്ളാർ വാർഡിൽ ബി.ജെ.പി സീറ്റ് സി.പി.ഐയാണ് പിടിച്ചെടുത്തത്.
നെടുമ്പാശ്ശേരിയിലും മുല്ലശ്ശേരിയിലും യു.ഡി.എഫിനെ എൽ.ഡി.എഫ് അട്ടിമറിച്ചു. കണ്ണൂർ മുഴിപ്പിലങ്ങാട് അഞ്ചാം വാർഡും എൽ.ഡി.എഫ് പിടിച്ചെടുത്തു. തിരുവനന്തപുരം പഴയകുന്നുമ്മൽ വാർഡ് എൽ.ഡി.എഫ് നിലനിർത്തി. ചടയമംഗലം പഞ്ചായത്തിലെ കുരിയോട് വാർഡിലും എൽ.ഡി.എഫിനാണ് ജയം. പാലക്കാട് പൂക്കോട്ടുകാവിലും എൽ.ഡി.എഫ് വിജയിച്ചു. പാലക്കാട് ചിറ്റൂർ-തത്തമംഗലം നഗരസഭയിലും എൽ.ഡി.എഫിനാണ് മുന്നേറ്റം.
എടവനക്കാട് എൽ.ഡി.എഫിൽ നിന്നും യു.ഡി.എഫ് പിടിച്ചെടുത്തു. മൂന്നാർ, മൂലക്കട വാർഡുകളിലും യു.ഡി.എഫിനാണ് ജയം. നാരങ്ങാനം കടമനിട്ടയിലും യു.ഡി.എഫ് വിജയിച്ചു. കണ്ണൂർ മാടായി, രാമന്തളി വാർഡുകളിലും യു.ഡി.എഫിനാണ് ജയം. പാലക്കാട് തിരുവേഗപ്പുറം സീറ്റ് യു.ഡി.എഫ് നിലനിർത്തി. ഉപതെരഞ്ഞെടുപ്പ് നടന്ന കോട്ടക്കൽ നഗരസഭയിലെ രണ്ടു വാർഡുകളും യു.ഡി.എഫ് നിലനിർത്തി. മുസ്‍ലിം ലീഗ് നഷ്വ ഷാഹിദ് രണ്ടാം വാർഡിലും പതിനാലാം വാർഡിൽ ഷഹാന ഷഫീറുമാണ് വിജയിച്ചത്.

ഉപതെരഞ്ഞെടുപ്പിൽ എൽ ഡി എഫ് കുതിപ്പ്; ബി.ജെ.പിയുടെ രണ്ടും ​യു.ഡി.എഫിന്റെ മൂന്നും സീറ്റുകൾ പിടിച്ചെടുത്തു

നെടുമ്പാശ്ശേരി പഞ്ചായത്ത് വാർഡ് 14ൽ വിജയിച്ച എൽഡിഎഫ് സ്ഥാനാർത്ഥി അർച്ച

തിരുവനന്തപുരം: ലോക്സഭാ തിരഞ്ഞെടുപ്പില്‍ ഓരോ മണ്ഡലത്തിലെയും വിജയസാധ്യത വിലയിരുത്തി സ്ഥാനാര്‍ഥികളെ നിശ്ചയിക്കാനുള്ള പ്രാഥമിക ചര്‍ച്ച സി.പി.എം. സംസ്ഥാന സെക്രട്ടേറിയറ്റില്‍ നടന്നു. നിലവിലെ മന്ത്രിമാരാരും മത്സരിക്കേണ്ടതില്ലെന്നും എം.എല്‍.എ.മാര്‍ അനിവാര്യമായ ഘട്ടത്തില്‍മാത്രം മതിയെന്നുമാണ് ധാരണ. കെ.കെ. ശൈലജ എം.എല്‍.എ.യ്ക്ക് സാധ്യതകല്പിച്ചിരുന്ന കണ്ണൂര്‍, വടകര മണ്ഡലങ്ങളില്‍ അപ്രതീക്ഷിത മുഖമാണ് പരീക്ഷിക്കുന്നത്. കണ്ണൂരില്‍ ജില്ലാസെക്രട്ടറി എം.വി. ജയരാജന്‍ സ്ഥാനാര്‍ഥിയായേക്കും. വടകരയില്‍ മുന്‍ എം.എല്‍.എ. എ. പ്രദീപ്കുമാറിനെയാണ് ആലോചിക്കുന്നത്.
ജില്ലകളില്‍നിന്നുള്ള റിപ്പോര്‍ട്ടുകൂടി പരിശോധിച്ചാകും അന്തിമതീരുമാനം. പട്ടിക അംഗീകരിക്കാനായി 21-ന് സംസ്ഥാന കമ്മിറ്റി വിളിച്ചുചേര്‍ക്കാനും സെക്രട്ടേറിയറ്റ് യോഗം തീരുമാനിച്ചു. ജില്ലയിൽ കോഴിക്കോട്, വടകര മണ്ഡലങ്ങളും വയനാട് മണ്ഡലത്തിന്റെ ഒരു ഭാഗവുമാണ് ഉൾപ്പെട്ടിരിക്കുന്നത്. ഇതിൽത്തന്നെ വടകര മണ്ഡലം കോഴിക്കോട്, കണ്ണൂർ ജില്ലകളിലായി പരന്നു കിടക്കുകയാണ്. ഒ‍ഞ്ചിയം ഏരിയ സെക്രട്ടറിയും മു‍ൻ എസ്എഫ്ഐ സംസ്ഥാന സെക്രട്ടറിയുമായിരുന്ന ടി.പി.ബീനീഷിന്റെ പേരും വടകരയിൽ ഉയർന്ന് കേൾക്കുന്നുണ്ട്. കണ്ണൂർ ജില്ലയിലെ പാർട്ടി ശക്തികേന്ദ്രങ്ങൾ വടകര മണ്ഡലത്തിന്റെ ഭാഗമാണ്. കെ.കെ.ശൈലജയുടെ സ്വീകാര്യതയാണ് വടകരയിൽ മുന്നണിക്കു ഗുണം ചെയ്യുമെന്നാണു മുന്നണിയിലെ പൊതു അഭിപ്രായം. അതേസമയം കോഴിക്കോട് നോർത്ത് മുൻ എംഎൽഎ എ.പ്രദീപ് കുമാറിനെ മത്സരിപ്പിക്കുന്നതിൽ കണ്ണൂർ മേഖലയ്ക്ക് താൽപര്യമുണ്ടെന്നും സൂചനയുണ്ട്. സിപിഎമ്മിന്റെ സൗമ്യ മുഖമായ പ്രദീപിന് ജില്ലയിൽ പരക്കെ വ്യക്തിപരമായ സ്വാധീനമുണ്ട്. ടി.പി.ചന്ദ്രശേഖരന്റെ നാട്ടിൽ നിന്നുള്ള സ്ഥാനാർഥി എന്ന നിലയിൽ ടി.പി.ബിനീഷിനു സ്വീകാര്യതയുണ്ട്. പ്രായം കുറഞ്ഞ ബീനീഷിനെ ഒഞ്ചിയം ഏരിയ കമ്മിറ്റി സെക്രട്ടറിയായി പരിഗണിച്ചതുപോലും പല ലക്ഷ്യങ്ങളും മുന്നിൽ കണ്ടാണെന്നു ചിലർ സംശയം പ്രകടിപ്പിച്ചിരുന്നു.
ആരായിരിക്കും ജില്ലയിലെ യുഡിഎഫ് സ്ഥാനാർഥികൾ എന്നതിനെച്ചൊല്ലി ചർച്ച നടക്കുന്നുണ്ട്. എന്നാൽ വലിയ തർക്കങ്ങളോ അവകാശ വാദങ്ങളോ ഇല്ല എന്നതിലാണ് യുഡിഎഫിന്റെ ആത്മവിശ്വാസം. കോഴിക്കോട്ട് എം.കെ.രാഘവൻ വീണ്ടും മത്സരിക്കണമെന്നാണ് ജനങ്ങളും ഞങ്ങളും ആഗ്രഹിക്കുന്നതെന്ന് ‘സമരാഗ്നി’ പ്രതിഷേധ ജാഥാ വേദിയിൽ കെപിസിസി പ്രസിഡന്റ് കെ.സുധാകരൻ പ്രഖ്യാപിച്ചിരുന്നു. എം.കെ.രാഘവന്റെ ആദ്യ പ്രചാരണ വേദിയാണ് സമരാഗ്നി സമ്മേളനമെന്നും സുധാകരൻ പറഞ്ഞിരുന്നു.&nbsp;
ഈ പ്രഖ്യാപനം ശരിയാണെങ്കിൽ കോഴിക്കോട് മണ്ഡലത്തിൽ നാലാമങ്കത്തിനാണ് എം.കെ.രാഘവൻ വരുന്നത്. ആദ്യ 3 തവണയും പടിപടിയായി ഭൂരിപക്ഷം ഉയർത്തിയ ആളാണ് രാഘവൻ. വടകര മണ്ഡലത്തിൽ യുഡിഎഫ് കെ.മുരളീധരന്റെ പേരു മാത്രമാണ് ഇതുവരെ ഉയർന്നു വന്നിട്ടുള്ളു. സമരാഗ്നി വേദിയിൽ കെപിസിസി പ്രസിഡന്റ് കെ.സുധാകരൻ വടകരയിൽ മുരളീധരനെ മത്സരിപ്പിക്കുന്നതു സംബന്ധിച്ച സൂചനകൾ നൽകിയിട്ടുണ്ട്. ഇദ്ദേഹം മത്സരിക്കുന്നില്ലെങ്കി‍ൽ മാത്രമേ മറ്റു പേരുകൾ പരിഗണിക്കൂ. അത്തരമൊരു സാഹചര്യം ഉണ്ടായാൽ ഡിസിസി പ്രസിഡന്റും മണ്ഡലത്തിലെ താമസക്കാരനുമായ കെ.പ്രവീൺ കുമാറിന്റെ പേരും പരിഗണിക്കപ്പെട്ടേക്കുമെന്നും സൂചനയുണ്ട്.
ജില്ലയിൽ എൻഡിഎ സ്ഥാനാർഥികൾ ആരായിരിക്കുമെന്നതു സംബന്ധിച്ച് ഊഹാപോഹങ്ങളും സൂചനകളുമല്ലാതെ ഇതുവരെ കൃത്യമായ ഒരുത്തരം നേതാക്കൾക്കു പോലുമില്ല. അന്തിമതീരുമാനം കേന്ദ്ര നേതൃത്വത്തിൽ നിന്നാണ്. സ്വകാര്യ ഏജൻസികൾ വഴി നടത്തിയ അഭിപ്രായ സർവേയിലെ മാർക്കു കൂടി പരിഗണിച്ചാണ് സ്ഥാനാർഥി നിർണയം. നിലവിൽ കോഴിക്കോട് മണ്ഡലത്തിൽ ഉയർന്നു കേൾക്കുന്നത് ബിജെപി ദേശീയ നിർവാഹകസമിതി അംഗം പി.കെ.കൃഷ്ണദാസ്, ജില്ലയുടെ ചുമതലയുള്ള സംസ്ഥാന വൈസ് പ്രസിഡന്റ് ശോഭ സുരേന്ദ്രൻ, ബിജെപി ജില്ലാ പ്രസിഡന്റ് വി.കെ.സജീവൻ, സംസ്ഥാന ജനറൽ സെക്രട്ടറി എം.ടി.രമേശ് എന്നിവരുടെ പേരുകളാണ്.
4 മണ്ഡലങ്ങളുടെ ചുമതലക്കാരനാണു നിലവിൽ പി.കെ.കൃഷ്ണദാസ്. ജില്ലയിൽ ചുമതലയേറ്റ ശേഷം സമര രംഗത്തും വിവിധ പ്രവർത്തനങ്ങളിലും ശോഭ സുരേന്ദ്രൻ സജീവമാണ്. വി.കെ.സജീവൻ കഴിഞ്ഞ തവണ സ്വന്തം മണ്ഡലമായ വടകരയിലാണ് മത്സരിച്ചത്. എന്നാൽ ജില്ലാ പ്രസിഡന്റായി ചുമതലയേറ്റ ശേഷം കോഴിക്കോട് മണ്ഡലത്തിൽ സജീവമാണ്. കോഴിക്കോട്ടുകാർക്കു സുപരിചിതനായ എം.ടി.രമേശിനും മണ്ഡലത്തിൽ സ്വാധീനമുണ്ട്. അതേസമയം പൊതുപ്രശ്നങ്ങളിൽ ശക്തമായ ഇടപെടൽ നടത്തുന്ന നഗരസഭാ കൗൺസിലർ ടി.രെനീഷിന്റെ പേരും ചർച്ചകളിലുണ്ട്.
വടകരയിൽ യുവമോർച്ച സംസ്ഥാന പ്രസിഡന്റ് സി.ആർ.പ്രഫുൽക‍ൃഷ്ണനെ പരിഗണിച്ചേക്കുമെന്ന സൂചനകളുണ്ട്. കെ.കെ.ശൈലജയെപ്പോലുള്ള നേതാവാണ് എൽഡിഎഫിനായി രംഗത്തിറങ്ങുന്നതെങ്കിൽ എം.ടി.രമേശിനെ പരിഗണിക്കാനാണ് സാധ്യത. കഴിഞ്ഞ തവണ മത്സരിച്ച ജില്ലാ പ്രസിഡന്റ് വി.കെ.സജീവന്റെ പേരും പരിഗണിക്കപ്പെടുന്നതായി അറിയുന്നു.

കരുത്തരെ ഇറക്കാൻ എൽഡിഎഫ്; വിജയം തുടരാൻ യു ഡി എഫ്, തീരുമാനം കാത്ത് എൻഡിഎ; ജില്ലയിൽ ചർച്ച സജീവം

അഴിയൂർ: കേരളത്തെ തകർക്കരുത്, കേന്ദ്ര അവഗണനയ്ക്കും നീതികേടിനുമെതിരെ ഫെബ്രുവരി 8 ന് മുഖ്യമന്ത്രിയുടെ നേതൃത്വത്തിൽ മന്ത്രിമാരും ജനപ്രതിനിധികളും ഡൽഹി ജന്തർ മന്തറിൽ നടത്തുന്ന പ്രതിഷേധ സമരത്തിന്റെ ഭാഗമായി അതേ ദിവസം എൽ ഡി എഫ് അഴിയൂർ പഞ്ചായത്ത് കമ്മറ്റിയുടെ നേതൃത്വത്തിൽ കുഞ്ഞിപ്പള്ളി ടൗണിൽ വൈകുന്നേരം 4 മണി മുതൽ 6 മണി വരെ നടക്കുന്ന ബഹുജന സദസ്സ് വിജയിപ്പിക്കുന്നതിന് വേണ്ടി എൽ ഡി എഫ് 10 , 11 നമ്പർ ബൂത്ത് ഭാരവാഹികളുടെ യോഗം അഴിയൂർ പാലിയേറ്റീവ് സെന്റെറിൽ ചേർന്നു. ദിനേശൻ കരുവയലിന്റെ അദ്ധ്യക്ഷതയിൽ മുബാസ് കല്ലേരി യോഗം ഉദ്ഘാടനം ചെയ്തു. രാജൻ എം പി, പ്രമോദ് കെ പി എന്നിവർ സംസാരിച്ചു. അനിൽകുമാർ സ്വാഗതവും കരുണൻ എം പി നന്ദിയും പറഞ്ഞു.

എൽ ഡി എഫ് ബഹുജന സദസ്സ് വിജയിപ്പിക്കും

അഴിയൂർ: കേരളത്തെ തകർക്കരുത്, കേന്ദ്ര അവഗണനയ്ക്കും നീതികേടിനുമെതിരെ ഫെബ്രുവരി 8 ന് മുഖ്യമന്ത്രിയുടെ നേതൃത്വത്തിൽ മന്ത്രിമാരും ജനപ്രതിനിധികളും ഡൽഹി ജന്തർ മന്തറിൽ നടത്തുന്ന പ്രതിഷേധ സമരത്തിന്റെ ഭാഗമായി അതേ ദിവസം എൽ ഡി എഫ് അഴിയൂർ പഞ്ചായത്ത് കമ്മറ്റിയുടെ നേതൃത്വത്തിൽ കുഞ്ഞിപ്പള്ളി ടൗണിൽ വൈകുന്നേരം 4 മണി മുതൽ 6 മണി വരെ നടക്കുന്ന ബഹുജന സദസ്സ് വിജയിപ്പിക്കുന്നതിന് വേണ്ടി എൽ ഡി എഫ് 5 , 6 നമ്പർ ബൂത്ത് ഭാരവാഹികളുടെ യോഗം അഴിയൂർ ചുങ്കത്തുള്ള സേട്ട് സാഹിബ് സെന്റെറിൽ ചേർന്നു.എം പി കരുണന്റെ അദ്ധ്യക്ഷതയിൽ വി പി അനിൽകുമാർ യോഗം ഉദ്ഘാടനം ചെയ്തു. കെ വി രാജൻ, മൊയ്തു പി കെ, ഷൗക്കത്ത് കളത്തിൽ എന്നിവർ സംസാരിച്ചു. മുബാസ് കല്ലേരി സ്വാഗതവും മുസ്തഫ പള്ളിയത്ത് നന്ദിയും പറഞ്ഞു.

തിരുവനന്തപുരം: കേന്ദ്ര സർക്കാരിനെതിരായ ഡൽഹി സമരത്തിനില്ലെന്ന് പ്രതിപക്ഷം സർക്കാരിനെ രേഖാമൂലം അറിയിച്ചു. കേന്ദ്രത്തിന് എതിരെ മുഖ്യമന്ത്രി പറഞ്ഞ കാര്യങ്ങളിൽ ചിലതിനോട് യോജിപ്പുണ്ട്. നിരവധി കാരണങ്ങളിൽ ഒന്നു മാത്രമാണ് കേന്ദ്ര അവഗണനയെന്ന് പ്രതിപക്ഷ നേതാവ് മുഖ്യമന്ത്രിക്കയച്ച കത്തിൽ ചൂണ്ടിക്കാട്ടുന്നു. നികുതി പിരിക്കുന്നതിൽ സംസ്ഥാന സർക്കാരിന് കെടുകാര്യസ്ഥതയുണ്ട്. ഇക്കാര്യങ്ങൾ ചൂണ്ടിക്കാട്ടി പ്രതിപക്ഷം രണ്ട് ധവളപത്രങ്ങൾ ഇറക്കിയിരുന്നു. അന്നൊന്നും പ്രതിപക്ഷ വാദങ്ങൾ മുഖവിലയ്‌ക്കെടുക്കാത്ത സർക്കാർ ലോക്‌സഭാ തെരഞ്ഞെടുപ്പ് പടിവാതിൽക്കൽ നിൽക്കെ ചർച്ചയ്ക്ക് വിളിച്ചതിന് പിന്നിൽ സംസ്ഥാന താൽപര്യം മാത്രമല്ല, രാഷ്ട്രീയ താൽപര്യമുണ്ടെന്നും യുഡിഎഫ് സംശയിക്കുന്നതായി കത്തിൽ തുറന്നുപറയുന്നു.
ചരിത്രത്തിൽ ഇതുവരെയില്ലാത്ത ഗുരുതരമായ സാമ്പത്തിക പ്രതിസന്ധിയിലൂടെയാണ് സംസ്ഥാനം കടന്നുപോവുന്നത്. നികുതിപിരിവിലെ പരാജയവും കെടുകാര്യസ്ഥതയും ധൂർത്തുമുൾപ്പെടെയുള്ള കാര്യങ്ങളാണ് ഈ പ്രതിസന്ധിയിലേക്ക് എത്തിച്ചത് എന്നും പ്രതിപക്ഷനേതാവ് കുറ്റപ്പെടുത്തുന്നു. ഐ.ജി.എസ്.ടി പൂളിൽ നിന്നുള്ള വരുമാനം നഷ്ടപ്പെടുത്തുന്നതും സ്വർണം, ബാർ എന്നിവയിൽ നിന്നുള്ള നികുതി പിരിവ് പരാജയപ്പെട്ടതുമാണ് ധനപ്രതിസന്ധിയുടെ മുഖ്യകാരണങ്ങൾ.
വൻകിട പദ്ധതികളുടെ പേരിൽ നടക്കുന്ന അഴിമതിയും ധൂർത്തും ധനപ്രതിസന്ധിക്ക് ആക്കം കൂട്ടിയെന്നും കുറ്റപ്പെടുത്തലുണ്ട്. വിഭവ സമാഹരണത്തിന് ഒരു നടപടിയും സ്വീകരിക്കാതെ കടമെടുപ്പിനെ മാത്രം ആശ്രയിച്ച് മുന്നോട്ടുപോവുന്നതിലും പ്രതിപക്ഷം വിമർശനമുന്നയിക്കുന്നു. ഇത്തരത്തിൽ സംസ്ഥാന സർക്കാരിന്റെവീഴ്ചകൾ അക്കമിട്ടു നിരത്തി സുദീർഘമായ കത്ത് നൽകിയാണ് തങ്ങൾ ഇത്തരമൊരു സമരത്തിനില്ലെന്ന് പ്രതിപക്ഷം വ്യക്തമാക്കിയത്. ഇന്നലെ നടന്ന യു.ഡി.എഫ് ഏകോപന സമിതി യോഗത്തിലാണ് സർക്കാർ നടത്തുന്ന സമരവുമായി സഹകരിക്കേണ്ടതില്ലെന്ന് പ്രതിപക്ഷം തീരുമാനിച്ചത്. പ്രതിപക്ഷം തീരുമാനം അറിയിക്കുന്നതിന് മുമ്പേ എൽ.ഡി.എഫ് സമരം പ്രഖ്യാപിച്ചത് ശരിയായില്ല. സാമ്പത്തിക പ്രതിസന്ധിക്ക് സംസ്ഥാന സർക്കാരും ഉത്തരവാദികളെന്നും യുഡിഎഫ് വിലയിരുത്തി.

കേന്ദ്രത്തിനെതിരായ ഡൽഹി സമരത്തിന് പങ്കെടുക്കില്ല; സർക്കാരിനെ രേഖാമൂലം അറിയിച്ച് പ്രതിപക്ഷം

ആയഞ്ചേരി: ഗ്രാമ പഞ്ചായത്ത് വാർഷിക പദ്ധതി 2023-24 ൽ ഉപ്പെടുത്തിയ വുമൺ ഫെസിലിറ്റേറ്റർ നിയമനത്തിന് നടപടി ക്രമങ്ങൾ പാലിക്കാതെ പിൻവാതിലിലൂടെ നിയമിക്കാനുള്ള നീക്കത്തിനെതിരെ എൽ ഡി എഫ് അംഗങ്ങൾ തദ്ദേശ സ്വയം ഭരണ വകുപ്പ് മന്ത്രിക്കും, വനിതാ ശിശു വികസന വകുപ്പ് മന്ത്രിക്കും പരാതി സമർപ്പിച്ചു. വാർഷിക പദ്ധതി രൂപികരണ മാർഗ്ഗരേഖയിൽ തദ്ദേശ സ്വയം ഭരണ സ്ഥാപനങ്ങളിൽ വനിതാ വികസന പ്രവർത്തനങ്ങളും , ജാഗ്രതാ സമിതികൾ, ജി ആർ സികൾ പോലുള്ള സംവിധാനങ്ങൾ ഏകോപിപ്പിക്കുന്നതിനും , ഫെസിലിറ്റ് ചെയ്യുന്നതിനും നിശ്ചിത യോഗ്യതയുള്ള വനിതകളെ നിയോഗിക്കുന്നതിന് പദ്ധതി രൂപീകരിക്കണമെന്ന് നിർദ്ദേശം നൽകിയിരുന്നു. ഇതിന്റെ അടിസ്ഥാനത്തിൽ ആയഞ്ചേരി ഗ്രാമപഞ്ചായത്ത് സമർപിച്ച പ്രൊജക്ട് കഴിഞ്ഞ മാർച്ച് മാസത്തിൽ അംഗികാരം ലഭിച്ചതാണ്.&nbsp;
തദ്ദേശ സ്വയം ഭരണ സ്ഥാപനങ്ങളിലെ ദിവസ വേതന അടിസ്ഥാനത്തിലുള്ള നിയമനങ്ങൾ വരെ എംപ്ലോയ്മെൻറ് എക്സ്ചേഞ്ച് മുഖേന ഉദ്യോഗാർത്ഥികളുടെ ലിസ്റ്റിൽ നിന്ന് നിയമനം നടത്തണമെന്നതാണ് സർക്കാർ നിർദ്ദേശം. 10 മാസം പിന്നിട്ടിട്ടും നിയമന നടപടികൾ നടത്താതെ, പഞ്ചായത്ത് ഭരണ സമിതി ചർച്ച ചെയ്യുകയോ, ഇൻറർവ്യൂ ബോർഡിനെ നിശ്ചയിക്കുകയോ ചെയ്യാതെ ജനുവരി 12 ന് 11 മണിക്ക് ഇൻറർവ്യൂവിന് ഹാജരാവണമെന്ന് തലേ ദിവസം വാട്സ് ആപ്പിലൂടെ അറിയിപ്പ് കൊടുത്തപ്പോഴാണ് പഞ്ചായത്ത് ഭരണ സമിതി അംഗങ്ങൾ വിവരം അറിയുന്നത്. പ്രതിഷേധം ശക്തമായതോടെ സർട്ടിഫിക്കറ്റുകളുമായ് ഇൻറർവ്യൂവിന് വന്ന ഉദ്യോഗാർത്ഥികളെ ഇന്റർവ്യൂ നടത്താതെ തൽക്കാലം ഒരു ചോദ്യം തയ്യാറാക്കി പരീക്ഷ നടത്തിയിരിക്കയാണ്. സ്വന്തക്കാരെ പിൻവാതിലിലൂടെ നിയമിക്കാനുള്ള നാടകമാണ് ആയഞ്ചേരി പഞ്ചായത്ത് ഓഫീസിൽ നടന്നത്. യൂ ഡി എഫ് ഭരണ സമിതിയുടെ ഈ നീക്കം അന്വേഷണ വിധേയമാക്കണമെന്നും എൽ ഡി എഫ് ആവശ്യപ്പെട്ടു. പഞ്ചായത്ത് സ്റ്റാൻറിഗ് കമ്മിറ്റി ചെയർമാൻ ടി.വി.കുഞ്ഞിരാമൻ അധ്യക്ഷം വഹിച്ചു. മെമ്പർമാരായ സജിത്ത് ടി, ശ്രീലത എൻ പി ,സുധ സുരേഷ്, പ്രബിത അണിയോത്ത്, പി. രവീന്ദ്രൻ , ലിസ പുനയംകോട്ട് എന്നിവർ സംസാരിച്ചു

ആയഞ്ചേരി പഞ്ചായത്തിൽ പിൻവാതിൽ നിയമനമെന്ന്; എൽ ഡി എഫ് പരാതി നൽകി

തൊടുപുഴ: നിയമസഭ ഏകകണ്‌ഠമായി പാസാക്കി ഗവർണർക്കു നൽകിയ 1960ലെ ഭൂപതിവ് നിയമ ഭേദഗതിക്ക് അനുമതി നൽകാത്ത നിലപാടിനെതിരെ പ്രതിഷേധിച്ച് ജനുവരി ഒമ്പതിന് ചൊവ്വാഴ്ച ഇടുക്കിയിൽ എൽഡിഎഫ് ഹർത്താൽ പ്രഖ്യാപിച്ചു. ഒമ്പതിന് തീരുമാനിച്ച രാജ്ഭവൻ മാർച്ചിന്റെ അന്നുതന്നെ തൊടുപുഴയിൽ വ്യാപാരി വ്യവസായി ഏകോപന സമിതിയുടെ പരിപാടിക്ക് തീയതി നൽകിയ ഗവർണറുടെ നടപടിയിലും പ്രതിഷേധിച്ചാണ് ജില്ലാ ഹർത്താൽ.
ഇടുക്കി ജില്ലാ വ്യാപാരി വ്യവസായി ഏകോപന സമിതിയുടെ ക്ഷേമ പദ്ധതിയായ കാരുണ്യത്തിന്റെ ഉദ്ഘാടനത്തിനായാണ് ഗവർണർ തൊടുപുഴയില്‍ എത്താമെന്ന് അറിയിച്ചത്. എന്നാൽ രാജ്ഭവൻ മാർച്ചിനിടെ പരിപാടിയിൽ പങ്കെടുക്കുന്ന ഗവർണറുടെയും ക്ഷണിച്ച വ്യാപാരി വ്യവസായി ഏകോപന സമിതിയുടേയും നടപടി പ്രതിഷേധാര്‍ഹമാണെന്ന് എൽഡിഎഫ് നേതാക്കള്‍ പറഞ്ഞു. ഇരുകൂട്ടരും അവരുടെ തീരുമാനം പിൻവലിക്കണമെന്നും നേതാക്കൾ ആവശ്യപ്പെട്ടു.

ഇടുക്കിയിൽ ഒമ്പതിന് ഹർത്താൽ പ്രഖ്യാപിച്ച് എൽഡിഎഫ്

പയ്യോളി: ഗവർണ്ണർ ആരിഷ് മുഹമ്മദ് ഖാന്റെ സംഘപരിവാർ അനുകൂല ജനാധിപത്യവിരുദ്ധ നടപടികൾക്കെതിരെ "മിസ്റ്റർ സംഘി ഖാൻ ഇത് കേരളമാണ്" എന്ന മുദ്രാവാക്യം ഉയർത്തി എൽഡിഎഫ് പയ്യോളിയിൽ പ്രതിഷേധ കൂട്ടായ്മ സംഘടിപ്പിച്ചു . സിപിഎം ഏരിയ സെക്രട്ടറി എം.പി.ഷിബു ഉദ്ഘാടനം ചെയ്തു. ആർ.ജെ.ഢി. നേതാവ് എം. കെ .പ്രേമൻ അധ്യക്ഷനായി. ഡി .ദീപ, ചന്തു, സി.പി.ഐ നേതാവ് സന്തോഷ് കുന്നുമ്മൽ, എൻ സി പി മണ്ഡലം പ്രസിഡണ്ട് എൻ സി ബാലകൃഷ്ണൻ, കോൺഗ്രസ് എസ് നേതാവ് കെ .കെ കണ്ണൻ, ഐ.എൻ.എൽ പ്രസിഡണ്ട് ഖാലിദ് പയ്യോളി എന്നിവർ സംസാരിച്ചു. വി എം ഷാഹുൽ ഹമീദ് സ്വാഗതം പറഞ്ഞു.

ഗവർണർക്കെതിരെ പയ്യോളിയിൽ എൽഡിഎഫ് പ്രതിഷേധം

തിരുവനന്തപുരം: ഇടതുമുന്നണി സർക്കാരിന്റെ ദുർഭരണത്തിനു കീഴിൽ ദുരിതമനുവിക്കുന്ന ജനങ്ങളുടെ പ്രശ്‌നങ്ങളുടെയും പ്രയാസങ്ങളുടെയും നേർ ചിത്രമായി കുറ്റപത്രം പുറത്തിറക്കി യു.ഡി എഫ്. 140 നിയോജകമണ്ഡലങ്ങളിലും ഡിസംബർ രണ്ട് മുതൽ 22 വരെ വിചാരണ വിചാരണ സദസിന്റെ ഭാഗമായിട്ടാണ് കുറ്റപത്രം പുറത്തിറക്കിയത്. ഈ സദസിൽ ദുരിതമനുഭവിക്കുന്ന ജനങ്ങളുടെ പ്രതിനിധികൾ മുഖ്യമന്ത്രിയെയും, മന്ത്രിമാരെയും പ്രതീകാത്മകമായി വിചാരണ ചെയ്യുമെന്ന് യു.ഡി.എഫ് ചെയർമാൻ വി.ഡി സതീശനും കൺവീനർ എം.എം ഹസനും അറിയിച്ചു. അഴിമതിയും, അക്രമവും, കെടുകാര്യസ്ഥതയും, സ്വജനപക്ഷ പാതവും കൊണ്ട് തകർന്നുകൊണ്ടിരിക്കുന്ന ഭരണത്തിൽ ജനങ്ങൾ മാത്രമല്ല സർക്കാരും അതീവ ഗുരുതരമായ സാമ്പത്തിക പ്രതിസന്ധിയെ നേരിടുകയാണെന്ന് 37 പേജുള്ള കുറ്റപത്രത്തിൽ പറയുന്നു. രൂക്ഷമായ വിലക്കയറ്റം കൊണ്ട് പൊറുതിമുട്ടിയ ജനങ്ങളുടെ ജീവിതഭാരം വർധിപ്പിച്ച സർക്കാർ എല്ലാ ക്ഷേമപ്രവർത്തനങ്ങളും നിർത്തിവച്ചിരിക്കുന്നു.
ആത്മഹത്യയുടെ വക്കിലെത്തി നിൽക്കുന്ന കർഷകരും, ജീവിതം വഴിമുട്ട നിൽക്കുന്ന തൊഴിലാളികളും സർക്കാരിനെതിരെ സമരരംഗത്താണ്. പൊതുവിദ്യാഭ്യാസ മേഖലയും, പൊതുമേഖലയും തകർച്ചയുടെ വക്കിലാണ്. സാമ്പത്തിക പ്രതിസന്ധിയിൽ നിന്നും കരകയറാൻ ധൂർത്തും, ആഡംബരചിലവുകളും ഒഴിവാക്കി നികുതി പിരിവ് ഊർജിതപ്പെടുത്തേണ്ട സർക്കാർ കേരളീയവും, നവകരള സദസും നടത്തി കോടികൾ ധൂർത്തടിക്കുന്ന കാഴ്‌ചയാണ് ജനങ്ങൾ കാണുന്നത്. കേരളത്തിലെ സമസ്തജനവിഭാഗങ്ങളും കഷ്ടപ്പെടുമ്പോൾ വികസനത്തിൻ്റെയും, നേട്ടത്തിന്റെയും പൊള്ളയായ കഥകൾ പ്രചരിപ്പിക്കുവാൻ മുഖ്യമന്ത്രിയും മന്ത്രിമാരും ഭരണത്തിന് അവധി നല്കി ഊരുചുറ്റുകയാണ്. ലോക്സഭാ തെരഞ്ഞെടുപ്പിൻ്റെ പ്രചരണത്തിന് വേണ്ടിയുള്ള മന്ത്രിമാരുടെ ഊരുചുറ്റൽ റോമാനഗരം കത്തിയെരിഞ്ഞപ്പോൾ വീണവായിച്ച നീറോ ചക്രവർത്തിയുടെ നടപടിയോടു മാത്രമേ നമുക്കു താരതമ്യം ചെയ്യാനാവൂ. മാപ്പർഹിക്കാത്ത കുറ്റം ചെയ്യുന്ന മന്ത്രിമാർക്കെതിരെ ജനകീയ വിചാരണ നടത്തുമെന്ന് അറിയിച്ചു.

140 നിയോജകമണ്ഡലങ്ങളിലും ഡിസംബർ രണ്ട് മുതൽ 22 വരെ വിചാരണ വിചാരണ സദസിന്റെ ഭാഗമായിട്ടാണ് കുറ്റപത്രം പുറത്തിറക്കിയത്

ഇടതുസർക്കാരിന്റെ ദുർഭരണത്തിനെതിരെ കുറ്റപത്രം പുറത്തിറക്കി യു.ഡി.എഫ്

കൊച്ചി: കഴിഞ്ഞ നിയമസഭാ തെരഞ്ഞെടുപ്പിൽ ആലുവയിലെ എൽ.ഡി.എഫ് സ്വതന്ത്ര സ്ഥാനാർഥിയായിരുന്ന ഷെൽന നിഷാദ് അന്തരിച്ചു. മജ്ജ മാറ്റിവെയ്ക്കൽ ശസ്ത്രക്രിയയെ തുടർന്ന് ചികിത്സയിലായിരുന്നു. 36 വയസ്സായിരുന്നു. ആലുവ മുൻ എം.എൽ.എ കെ. മുഹമ്മദലിയുടെ മരുമകളാണ് ഷെൽന.
ഇന്ന് ഉച്ചക്ക് രണ്ടുമണിയോടെ കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. ദീർഘകാലമായി അർബുദ രോ​ഗ ചികിത്സയിലായിരുന്നു. കഴിഞ്ഞ ദിവസം ഷെൽനയുടെ മജ്ജ മാറ്റിവെക്കൽ ശസ്ത്രക്രിയ നടത്തിയിരുന്നു. അതിന് ശേഷവും രക്തത്തിൽ പ്ലേറ്റ്ലെറ്റ് കൗണ്ട് കുറഞ്ഞു വരികയായിരുന്നു. ഇതിന് പിന്നാലെ മരണത്തിന് കീഴടങ്ങുകയായിരുന്നു.
കഴിഞ്ഞ നിയമസഭാ തെരഞ്ഞെടുപ്പിൽ ആലുവയിൽ സിറ്റിങ് എം.എല്‍.എ അന്‍വര്‍ സാദത്തിനോടായിരുന്നു ആർകിടെക്ട് കൂടിയായ ഷെൽന മത്സരിച്ചത്. എന്നാൽ 18,886 വോട്ടി​ന്‍റെ ഭൂരിപക്ഷത്തിനാണ് അന്ന് അന്‍വര്‍ സാദത്ത് വിജയിച്ചത്. ഷെല്‍നക്ക് 54,817വോട്ടുകളാണ് ലഭിച്ചത്.&nbsp;&nbsp;

എൽ.ഡി.എഫ് സ്വതന്ത്ര സ്ഥാനാർഥിയായിരുന്ന ഷെൽന നിഷാദ് അന്തരിച്ചു

വടകര : വടകരയിലെ സിപിഎം വിഭാഗീയത അന്വേഷിക്കാൻ രണ്ടംഗ കമ്മീഷനെ നിയോഗിച്ചു. സിപിഎം കോഴിക്കോട് ജില്ലാ സെക്രട്ടറിയേറ്റാണ് അന്വേഷണ കമ്മിറ്റിയെ നിയോഗിച്ചത്. കഴിഞ്ഞ മാസം മുഖ്യമന്ത്രിയുടെ പരിപാടിയിൽ ആളുകുറഞ്ഞത് അടക്കമുള്ള വിഷയങ്ങൾ പരിശോധിക്കും. 15 ദിവസത്തിനുള്ളിൽ റിപ്പോർട്ട്‌ സമർപ്പിക്കാനാണ് ജില്ലാകമ്മിറ്റിയുടെ നിർദേശം.
സംസ്ഥാന സമിതി അംഗം വി വസീഫ്, ജില്ലാ സെക്രട്ടറിയേറ്റ് അംഗം മാമ്പറ്റ ശ്രീധരൻ എന്നിവരാണ് അന്വേഷണകമ്മിറ്റിയിലുള്ളത്. ഇന്നലെ ചേർന്ന ജില്ലാ സെക്രട്ടറിയേറ്റിൽ ആണ് രണ്ടംഗ കമ്മീഷനെ നിയമിച്ചത്. ജില്ലാകമ്മിറ്റിയിൽ നിന്ന് പി.കെ ദിവാകരെ ഒഴിവാക്കിയതിന് പിന്നാലെയാണ് അണികൾ നേതൃത്വത്തെ വിമർശിച്ച് പരസ്യമായി രംഗത്ത് വന്നത്. വടകര സിപിഎമ്മിൽ നിലനിന്ന വിഭാഗീയത ജില്ലാ സമ്മേളനത്തോടെ മറനീക്കി പുറത്ത് വരുകയായിരുന്നു.
ഇതിന് പിന്നാലെ കഴിഞ്ഞമാസം വടകര ജില്ലാ ആശുപത്രിയിൽ മുഖ്യമന്ത്രി പിണറായി വിജയന്‍ പങ്കെടുത്ത ചടങ്ങിൽ ആളെത്താതിരുന്നതിനെതുടർന്ന് പരിപാടി ആരംഭിച്ചത് അരമണിക്കൂറോളം വൈകിയാണ്. ചൂടുകാലമായതിനാൽ തിങ്ങി നിറഞ്ഞ് ഇരിക്കേണ്ടെന്നും സംഘാടകർ വലിയ പന്തലാണ് ഒരുക്കിയതെന്ന് മുഖ്യമന്ത്രി പരോക്ഷ വിമർശനം ഉയർത്തിയിരുന്നു.

വടകര സിപിഎമ്മിലെ വിഭാഗീയത അന്വേഷിക്കാൻ രണ്ടംഗ കമ്മീഷനെ നിയോഗിച്ചു

വടകര: പി.കെ.ദിവാകരനെ സിപിഎം ജില്ലാ കമ്മിറ്റിയില്‍ നിന്ന് ഒഴിവാക്കിയ നടപടി വടകര ഏരിയാ കമ്മിറ്റി യോഗത്തില്‍ കടുത്ത വിമര്‍ശനത്തിന് ഇടയാക്കി. 21 അംഗ ഏരിയാ കമ്മിറ്റി യോഗത്തില്‍ മൂന്നോ നാലോ പേരൊഴികെ മറ്റുള്ളവരെല്ലാം നടപടിയെ കടുത്ത ഭാഷയില്‍ വിമര്‍ശിച്ചതായാണ് വിവരം. ന്യായീകരണമില്ലാത്ത നടപടിയായിപ്പോയെന്ന് ഇവരെല്ലാം പറഞ്ഞു.
സംസ്ഥാന കമ്മിറ്റി അംഗം കെ.കെ.ലതിക, ജില്ലാ സെക്രട്ടറി എം.മഹബൂബ്, ജില്ലാ കമ്മിറ്റി അംഗങ്ങളായ സി.ഭാസ്‌കരന്‍, കെ.ടി.കുഞ്ഞിക്കണ്ണന്‍ എന്നിവര്‍ പങ്കെടുത്ത ഏരിയാ കമ്മിറ്റി യോഗമാണ് ഇന്നലെ വടകരയില്‍ നടന്നത്.&nbsp;
യോഗത്തില്‍ പങ്കെടുത്തവരൊക്കെ പി.കെ.ദിവാകരനെതിരായ നടപടിയെ വിമര്‍ശിച്ചു. അണികളുടെ വികാരം പങ്കുവെക്കും മട്ടിലാണ് ഇവരുടെ പ്രതികരണം. ഇപ്പോള്‍ നാട്ടില്‍ ഇറങ്ങി നടക്കാന്‍ പറ്റാത്ത സ്ഥിതിയായെന്ന് ഇവര്‍ പറഞ്ഞു. ചിട്ടയായി നടന്ന ജില്ലാ സമ്മേളനത്തിന്റെ ശോഭ കെടുത്തും മട്ടിലായി നടപടി. പലരും അംഗത്വം പുതുക്കാന്‍ പോലും തയ്യാറാകാത്ത സാഹചര്യമാണ്.തദ്ദേശ തെരഞ്ഞെടുപ്പ് നടക്കാന്‍ പോകുകയാണെന്ന കാര്യവും അംഗങ്ങള്‍ ഓര്‍മിപ്പിച്ചു. ജില്ലാ സമ്മേളനം കൈക്കൊണ്ട തീരുമാനം തിരുത്താതെ മുന്നോട്ടുപോകാനാവില്ലെന്ന നിലപാടാണ് യോഗത്തിലുയര്‍ന്നത്.യോഗത്തിലെ പൊതുവികാരം നേതാക്കള്‍ മേല്‍കമ്മിറ്റിക്ക് റിപ്പോര്‍ട്ട് ചെയ്യും.&nbsp;

പി.കെ.ദിവാകരനെ സിപിഎം ജില്ലാ കമ്മിറ്റിയില്‍ നിന്ന് ഒഴിവാക്കിയ നടപടി ;ഏരിയാ കമ്മിറ്റി യോഗത്തില്‍ രൂക്ഷ വിമര്‍ശനം

വടകര : സി.പി.എം. ജില്ലാകമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കിയതിനെതിരെ പ്രതിഷേധം തുടരുന്നു. ബുധനാഴ്ച മണിയൂര്‍ പഞ്ചായത്തിലെ മുടപ്പിലാവിലാണ് പ്രതിഷേധമുണ്ടായത്. മുടപ്പിലാവില്‍ സെന്റററില്‍ 25 പേരിലധികം വരുന്ന ചെറുപ്പക്കാര്‍ ദിവാകരനെ ഒഴിവാക്കിയതില്‍ പ്രതിഷേധിച്ച് പ്രകടനം നടത്തി. തിരുവള്ളൂരും സി.പി.എം. പ്രവര്‍ത്തകര്‍ പ്രതിഷേധ പ്രകടനം നടത്തിയിരുന്നു.
'തെറ്റില്ലാത്ത മനുഷ്യരില്ല. തെറ്റാണെന്ന് ബോധ്യപ്പെട്ടാല്‍, തെറ്റുതിരുത്തുക കൂടെച്ചേരുക. പ്രൈവറ്റ് ലിമിറ്റഡ് കമ്പനിയല്ല. കുടിപ്പക വെച്ചുപുലര്‍ത്താതെ ഒന്നിച്ചൊന്നായ് മുന്നോട്ട്', എന്നീ മുദ്രാവാക്യങ്ങളാണ് പ്രതിഷേധിച്ചവര്‍ മുഴക്കിയത്.
പാലയാട് കഴിഞ്ഞദിവസം അണികള്‍ പരസ്യപ്രതിഷേധം നടത്തിയിരുന്നു. തിങ്കളാഴ്ച രാത്രി അന്‍പതോളം പ്രവര്‍ത്തകരാണ് പ്രകടനം നടത്തിയത്. തുറശ്ശേരി മുക്കില്‍നിന്നായിരുന്നു പ്രകടനം ആരംഭിച്ചത്. പ്രതിഷേധം ശക്തമാകുന്നതിനിടെ പാര്‍ട്ടി അംഗത്വം പുതുക്കലിനോടും പ്രവര്‍ത്തകര്‍ നിസ്സഹകരിക്കാന്‍ നീക്കമുണ്ടെന്ന് വിവരമുണ്ടായിരുന്നു.ദിവാകരനെ ഒഴിവാക്കിയതിനെതിരേ സംസ്ഥാനനേതൃത്വത്തിന് വടകര മേഖലയില്‍നിന്നും ജില്ലയുടെ മറ്റുഭാഗങ്ങളില്‍നിന്നും പരാതികള്‍ വരുന്നുണ്ട്. കത്തായും ഇ- മെയിലായും വാട്‌സാപ്പ് സന്ദേശമായും ഒട്ടേറപ്പേര്‍ പരാതി അയച്ചിരുന്നു. സംസ്ഥാനനേതാക്കളെ വിളിച്ചും ചിലര്‍ പ്രതിഷേധം അറിയിച്ചു.

പി.കെ ദിവാകരനെ ഒഴിവാക്കിയതിൽ സിപിഎമ്മിൽ പ്രതിഷേധമൊഴിയുന്നില്ല ;വീണ്ടും പ്രകടനം

കോഴിക്കോട്: സി.പി.എമ്മിന്റെ കോഴിക്കോട് ജില്ലാ സമ്മേളനവുമായി ബന്ധപ്പെട്ട് മാധ്യമങ്ങളിലും സാമൂഹികമാധ്യമങ്ങളിലും നടക്കുന്ന പ്രചാരണങ്ങള്‍ക്ക് അടിസ്ഥാനമില്ലെന്നും അവ തള്ളിക്കളയണമെന്നും ജില്ലാ കമ്മിറ്റി പ്രസ്താവനയില്‍ ആവശ്യപ്പെട്ടു. പാര്‍ട്ടിയില്‍ വിഭാഗീയതയും നേതാക്കളുടെ പക്ഷം പിടിച്ചുള്ള മത്സരവുമാണെന്നൊക്കെയാണ് ചില മാധ്യമങ്ങള്‍ വാര്‍ത്ത കൊടുക്കുന്നതെന്നും പ്രസ്താവനയില്‍ വിമര്‍ശനമുണ്ട്.
പി.കെ. ദിവാകരന്‍ ജില്ലാ കമ്മിറ്റിയില്‍നിന്ന് ഒഴിവാക്കപ്പെട്ടതിനേക്കുറിച്ചും പ്രസ്താവനയില്‍ വിശദീകരിക്കുന്നുണ്ട്. സമ്മേളന പ്രതിനിധികളാണ് കമ്മിറ്റി അംഗങ്ങളെ തെരഞ്ഞെടുക്കുന്നത്. വടകരയില്‍ നടന്ന സമ്മേളനം അംഗീകരിച്ച 47 പേരുടെ പാനല്‍ പി.കെ. ദിവാകരന്‍ ഉള്‍പ്പെടെയുള്ള പ്രതിനിധികള്‍ അംഗീകരിച്ചതാണ്. തന്നെ പാനലില്‍ ഉള്‍പ്പെടുത്തിയില്ല എന്ന നിലയിലുള്ള വിവാദങ്ങളെ ഉയര്‍ന്ന കമ്യൂണിസ്റ്റ് സംഘടനാബോധത്തോടെ പി.കെ. ദിവാകരന്‍ തന്നെ തള്ളിക്കളഞ്ഞിട്ടുണ്ടെന്നും പ്രസ്താവനയില്‍ പറയുന്നു.
നിയമനകോഴയില്‍ പങ്കുള്ളതുകൊണ്ടാണ് മുന്‍ എന്‍.ജി.ഒ. യൂണിയന്‍ നേതാവിനെ ജില്ലാകമ്മറ്റിയില്‍നിന്ന് ഒഴിവാക്കിയതെന്നത് അടിസ്ഥാനമില്ലാത്ത ആരോപണമാണെന്നും പ്രസ്താവനയിലുണ്ട്. മറ്റ് ബൂര്‍ഷ്വാ പാര്‍ട്ടികള്‍ക്കൊന്നും ചിന്തിക്കാന്‍പോലും കഴിയാത്ത ആശയരൂപീകരണത്തിന്റെയും സംഘടനാക്രമീകരണത്തിന്റെയും ജനാധിപത്യപ്രക്രിയയാണ് സി.പി.എം. പോലുള്ള പാര്‍ട്ടികള്‍ സമ്മേളനങ്ങളിലൂടെ കൃത്യമായി നടത്തിവരുന്നത്. ഇതില്‍ അസ്വസ്ഥരായ മാധ്യമങ്ങളും പാര്‍ട്ടിശത്രുക്കളുമാണ് അടിസ്ഥാനമില്ലാത്ത ആരോപണങ്ങള്‍ ഉന്നയിച്ച് വിവാദങ്ങള്‍ സൃഷ്ടിച്ച് പാര്‍ട്ടിയെ താറടിച്ചുകാണിക്കാന്‍ തുടര്‍ച്ചയായി ശ്രമിച്ചുകൊണ്ടിരിക്കുന്നതെന്നും പ്രസ്താവന പറയുന്നു.

നടക്കുന്നത് പാർട്ടിവിരുദ്ധ പ്രചാരണം ; ജാഗ്രത പുലര്‍ത്തണമെന്ന് സിപിഎം ജില്ലാ കമ്മിറ്റി

മണിയൂർ: സി.പി.എം ജില്ലാ കമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കിയതിനെതിരെ പ്രവര്‍ത്തകരുടെ പ്രതിഷേധം. മണിയൂര്‍ തുറശ്ശേരി മുക്കില്‍ നാല്‍പതോളം പേര്‍ പ്രതിഷേധ പ്രകടനം നടത്തി.
പാര്‍ട്ടിയില്‍ തോന്നിയപോലെ തീരുമാനമെടുക്കാമെന്ന് ആരും കരുതേണ്ടെന്ന് പ്രവര്‍ത്തകര്‍ മുദ്രാവാക്യം വിളിച്ചു. ഡി.വൈ.എഫ്.ഐ മുന്‍ ജില്ലാ പ്രസിഡന്റും വടകര ഏരിയ സെക്രട്ടറിയും ആയിരുന്നു പി.കെ ദിവാകരന്‍.
വടകരയില്‍ നടന്ന സി.പി.എം ജില്ലാ സമ്മേളനത്തിലാണ് പി.കെ ദിവാകരന്‍ ഉള്‍പ്പെടെ 11 പേരെ ഒഴിവാക്കുകയും 13 പേരെ പുതുതായി ഉള്‍പ്പെടുത്തുകയും ചെയ്തത്. ഇതിന് പിന്നാലെ സോഷ്യല്‍ മീഡിയയില്‍ ദിവാകരനെ അനുകൂലിച്ചും നേതൃത്വത്തെ വിമര്‍ശിച്ചും പോസ്റ്റുകള്‍ പ്രത്യക്ഷപ്പെട്ടിരുന്നു.
ദിവാകരനെ ജില്ലാ കമ്മിറ്റിയില്‍നിന്ന് ഒഴിവാക്കിയതിനൊപ്പം വടകര നഗരസഭാ അധ്യക്ഷ കെ.പി ബിന്ദുവിനെ ഉള്‍പ്പെടുത്തിയതും പ്രതിഷേധത്തിന് കാരണമായി.

ജില്ലാ കമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കി; തുറശ്ശേരി മുക്കില്‍സിപിഎം പ്രവര്‍ത്തകരുടെ പ്രതിഷേധം

ജില്ലാ കമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കി; തുറശ്ശേരി മുക്കില്‍ സിപിഎം പ്രവര്‍ത്തകരുടെ പ്രതിഷേധം

വടകര: സി.പി.എം കോഴിക്കോട് ജില്ലാ സെക്രട്ടറിയായി എം. മെഹബൂബ് തിരഞ്ഞെടുക്കപ്പെട്ടു. വടകരയില്‍ നടന്ന സി.പി.എം ജില്ലാ സമ്മേളനത്തിലാണ് പുതിയ സെക്രട്ടറിയെ തിരഞ്ഞെടുത്തത്.
കണ്‍സ്യൂമര്‍ ഫെഡ് ചെയര്‍മാനും പാര്‍ട്ടി ജില്ലാ സെക്രട്ടറിയേറ്റ് അംഗവുമാണ് മെഹബൂബ്. ദീര്‍ഘകാലം കോഴിക്കോട് ജില്ലാ സഹകരണ ബാങ്ക് പ്രസിഡന്റായും സംസ്ഥാന സഹകരണ ബാങ്ക് പ്രസിഡന്റായും കേരഫെഡ് വൈസ് ചെയര്‍മാനായും വിവിധ അപെക്‌സ് സഹകരണ സ്ഥാപനങ്ങളുടെ ഭരണസമിതി അംഗമായും പ്രവര്‍ത്തിച്ചിട്ടുണ്ട്.ജില്ലാ സെക്രട്ടറിയേറ്റ് നിര്‍ദ്ദേശിച്ച പേര് ജില്ലാ കമ്മറ്റി അംഗീകരിക്കുകയായിരുന്നു. നിലവിലെ ജില്ല സെക്രട്ടറിയായ പി. മോഹനന്‍ മൂന്ന് ടേം പൂര്‍ത്തിയാക്കിയതിനെ തുടര്‍ന്ന് സെക്രട്ടറി സ്ഥാനത്ത് നിന്ന് മാറുകയായിരുന്നു.

എം മെഹബൂബ് സി.പി.എം കോഴിക്കോട് ജില്ലാ സെക്രട്ടറി

Search Results for: woman death