കോഴിക്കോട്: മാസപ്പിറവി ദൃശ്യമായതിനാൽ കേരളത്തിൽ ചൊവ്വാഴ്ച റമദാൻ ഒന്നായിരിക്കുമെന്ന് വിവിധ ഖാദിമാർ അറിയിച്ചു. പൊന്നാനിയിലാണ് മാസപ്പിറ ദൃശ്യമായത്.

പാണക്കാട് സാദിഖലി ശിഹാബ് തങ്ങൾ, കോഴിക്കോട് ഖാദി സയ്യിദ് മുഹമ്മദ് കോയ തങ്ങൾ ജമലുലൈലി, ഖലീലുൽ ബുഖാരി തങ്ങൾ, പാളയം ഇമാം സുഹൈബ് മൗലവി തുടങ്ങിയ ഖാദിമാർ റമദാൻ പിറ കണ്ടത് സ്ഥിരീകരിച്ചു.
മാസപ്പിറ ദൃശ്യമായതിനാൽ ഒമാൻ ഒഴികെയുള്ള ഗൾഫ് രാജ്യങ്ങളിൽ തിങ്കളാഴ്ച റമദാൻ വ്രതം തുടങ്ങിയിരുന്നു.

മാസപ്പിറവി ദൃശ്യമായി; കേരളത്തിൽ നാളെ വ്രതാരംഭം

Kerala

ക്വീൻസ്‌ലാൻഡ്: ഇന്ത്യന്‍ വംശജയായ ഡോക്ടര്‍ ഓസ്ട്രേലിയയില്‍ വെള്ളച്ചാട്ടത്തില്‍ വീണു മരിച്ചു. ആന്ധ്രപ്രദേശിലെ കൃഷ്ണ ജില്ലയിൽനിന്നുള്ള ഉജ്വല വെമുരു (23) ആണ് മരിച്ചത്. പ്രാദേശിക സമയം ശനിയാഴ്ച ഉച്ചയോടെ ഗോള്‍ഡ് കോസ്റ്റിലെ ലാമിങ്ടണ്‍ നാഷനല്‍ പാര്‍ക്കിലെ യാന്‍ബാക്കൂച്ചി വെള്ളച്ചാട്ടത്തിലാണു സംഭവം.
സുഹൃത്തുക്കള്‍ക്കൊപ്പം ട്രെക്കിങ്ങിനായാണ് ഉജ്വല എത്തിയത്. ചെരുവിലേക്കു വീണ ട്രൈപോഡ് എടുക്കാന്‍ ശ്രമിക്കുന്നതിനു ഇടയില്‍ 20 മീറ്റര്‍ താഴ്ചയിലെ വെള്ളച്ചാട്ടത്തിലേക്കു വീഴുകയായിരുന്നു. ആറ് മണിക്കൂറുകള്‍ നീണ്ട രക്ഷാപ്രവര്‍ത്തനത്തിന് ഒടുവിലാണ് ഉജ്വലയുടെ മൃതദേഹം പുറത്തെടുത്തത്.
ആന്ധ്രപ്രദേശിൽനിന്നു വര്‍ഷങ്ങള്‍ക്കു മുന്‍പ് ഓസ്ട്രേലിയയിലേക്കു കുടിയേറിയവരാണ് ഉജ്വലയുടെ മാതാപിതാക്കള്‍. 2023ൽ ഗോള്‍ഡ് കോസ്റ്റ് ബോണ്ട് സര്‍വകലാശാലയില്‍നിന്നാണ് ഉജ്വല എംബിബിഎസ് പൂർത്തിയാക്കിയത്.

ഓസ്ട്രേലിയയിൽ വെള്ളച്ചാട്ടത്തില്‍ വീണ് യുവഡോക്ടര്‍ മരിച്ചു

തിരുവനന്തപുരം: സംസ്ഥാനത്ത് തിങ്കളാഴ്ചയും ചൊവ്വാഴ്ചയും താപനില ഉയരാൻ സാധ്യതയുള്ളതിനാൽ വിവിധ ജില്ലകളിൽ യെലോ അലർട്ട്. പാലക്കാട് ജില്ലയിൽ 39 ഡിഗ്രി സെൽഷ്യസ് വരെ താപനില ഉയരും. കൊല്ലം,കോട്ടയം, പത്തനംതിട്ട, ആലപ്പുഴ, എറണാകുളം, തൃശൂർ, കോഴിക്കോട്, കണ്ണൂർ, കാസറകോട് ജില്ലകളിൽ സാധാരണയേക്കാൾ 2 മുതൽ 4 ഡിഗ്രി സെൽഷ്യസ് വരെ താപനില ഉയരും. ഉയർന്ന താപനിലയും ഈർപ്പമുള്ള വായുവും കാരണം ഈ ജില്ലകളിൽ, മലയോര മേഖലകളിലൊഴികെ ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്.
&nbsp;

സംസ്ഥാനത്ത് താപനില ഉയരുന്നു; ജില്ലകളിൽ യെലോ അലർട്ട്

കു​ണ്ട​റ: നാ​ട​കം പ​ഠി​പ്പി​ക്കാ​നെ​ത്തി സ്‌​കൂ​ള്‍ വി​ദ്യാ​ർ​ഥി​നി​യെ പീ​ഡി​പ്പി​ച്ച കേ​സി​ല്‍ പെ​രി​നാ​ട് പ​ഞ്ചാ​യ​ത്തം​ഗ​ത്തി​നെ​തി​രെ ര​ണ്ടാ​മ​ത്തെ പോ​ക്‌​സോ കേ​സ് ര​ജി​സ്റ്റ​ര്‍ ചെ​യ്തു. കൊ​റ്റ​ങ്ക​ര ച​ന്ദ​ന​ത്തോ​പ്പ് മു​ണ്ട​ന്‍ചി​റ മാ​ട​ന്‍കാ​വി​ന് സ​മീ​പം പ​ണ​യി​ല്‍വീ​ട്ടി​ല്‍ ടി.​എ​സ്. മ​ണി​വ​ര്‍ണ (47) നെ​തി​രെ​യാ​ണ് കു​ണ്ട​റ പൊ​ലീ​സ് സ്റ്റേ​ഷ​നി​ല്‍ പോ​ക്‌​സോ കേ​സ് ര​ജി​സ്റ്റ​ര്‍ ചെ​യ്ത​ത്. ഈ ​പെ​ണ്‍കു​ട്ടി​യെ ക​ട​ത്തി​ക്കൊ​ണ്ടു​പോ​യ കേ​സി​ല്‍ ഇ​യാ​ള്‍ മാ​ർ​ച്ച്​ 20 വ​രെ റി​മാ​ന്‍ഡി​ലാ​ണ്.
കൊ​ല്ലം ചൈ​ല്‍ഡ് വെ​ല്‍ഫെ​യ​ര്‍ ക​മ്മി​റ്റി​ക്ക് പെ​ണ്‍കു​ട്ടി ന​ല്‍കി​യ മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് കേ​സ് ര​ജി​സ്റ്റ​ര്‍ ചെ​യ്ത​ത്. നി​ര​വ​ധി ത​വ​ണ പ​ല സ്ഥ​ല​ങ്ങ​ളി​ല്‍ കൊ​ണ്ടു​പോ​യി ലൈം​ഗി​കാ​തി​ക്ര​മ​ത്തി​നി​ര​യാ​ക്കി​യെ​ന്നാ​ണ് മൊ​ഴി. സ്‌​കൂ​ളി​ല്‍ നാ​ട​ക അ​ധ്യാ​പ​ക​നാ​യ പ്ര​തി പെ​ണ്‍കു​ട്ടി​ക്ക് സമ്മാനങ്ങ​ള്‍ ന​ല്‍കി​യും ഭീ​ഷ​ണി​പ്പെ​ടു​ത്തി​യു​മാ​ണ് ലൈം​ഗി​കാ​തി​ക്ര​മ​ത്തി​ന് ഇ​ര​യാ​ക്കി​യ​ത്. കൂ​ടു​ത​ല്‍ ചോ​ദ്യം ചെ​യ്യ​ലി​നാ​യി പ്ര​തി​യെ വീ​ണ്ടും പൊ​ലീ​സ് ക​സ്റ്റ​ഡി​യി​ല്‍ വാ​ങ്ങും.

സ്‌കൂൾ വിദ്യാർഥിനിയെ പീഡിപ്പിച്ച പഞ്ചായത്തംഗത്തിനെതിരെ വീണ്ടും പോക്‌സോ കേസ്

വടകര: ലോക്സഭാ മണ്ഡലത്തിൽ ഒരു മാസം കൊണ്ട് എൽഡിഎഫ് സ്ഥാനാർഥി കെ.കെ.ശൈലജ പോയ ദൂരം രണ്ടു മണിക്കൂർ കൊണ്ട് യുഡിഎഫ് സ്ഥാനാർഥി ഷാഫി പറമ്പിൽ മറികടന്നെന്ന് കെ.കെ. രമ എംഎൽഎ. വടകരയിൽ ഒരുലക്ഷത്തിലധികം വോട്ടിന്റെ ഭൂരിപക്ഷത്തിലാണ് ഷാഫി പറമ്പിൽ ജയിക്കാൻ പോകുന്നതെന്നും കെ.കെ. രമ പറഞ്ഞു.
&nbsp;‘‘ആർഎംപിയുടെ പൂർണ പിന്തുണ ഷാഫി പറമ്പിലിനുണ്ടാകും. അഭിപ്രായം പറയുന്നവരെ കൊന്നുതള്ളുന്ന രാഷ്ട്രീയത്തെ ഇപ്പോഴും സിപിഎം ന്യായീകരിച്ചുകൊണ്ടിരിക്കുകയാണ്. 2008ൽ ആർഎംപി രൂപീകരിച്ച ശേഷം വടകരയിൽ എൽഡിഎഫ് നിലംതൊട്ടിട്ടില്ല.’’– കെ.കെ. രമ വ്യക്തമാക്കി.&nbsp;

വടകരയിൽ ഒരുലക്ഷത്തിലധികം വോട്ടിന്റെ ഭൂരിപക്ഷത്തിൽ ഷാഫി ജയിക്കും: കെ.കെ. രമ

Vadakara

കൊടുവള്ളി: നിർമാണം നടന്നുകൊണ്ടിരിക്കുന്ന വീടിന്റെ സൺഷേഡ് സ്ലാബ് തകർന്നുവീണ് വിദ്യാർഥി മരിച്ചു. ആറങ്ങോട് അയ്യപ്പൻകാവിൽ മനോജിന്റെ മകൻ അഭിൻ ദേവ് (14) ആണ് മരിച്ചത്. കൊടുവള്ളി ഗവ. ഹയർ സെക്കൻഡറി സ്കൂൾ എട്ടാം ക്ലാസ് വിദ്യാർഥിയാണ്. ശനിയാഴ്ച വൈകിട്ട് അഞ്ചരയോടെയാണ് സംഭവം. തൊഴിലാളികൾ പണി നിർത്തി പോയതിന് ശേഷം വീടിന്റെ പോർച്ചിന് മുകളിൽ കയറി അവിടെ വൃത്തിയാക്കുന്നതിനിടയിൽ നിർമാണം നടക്കുന്ന മുകളിലത്തെ നിലയിലെ സൺഷേഡ് സ്ലാബ് അടർന്ന് അഭിന്റെ ശരീരത്തിലേക്ക് വീഴുകയായിരുന്നു.
നരിക്കുനിയിൽ നിന്നും അഗ്നിരക്ഷാസേന എത്തുന്നതിന് മുമ്പു തന്നെ നാട്ടുകാർ സ്ലാബിനടിയിൽനിന്നും അഭിനെ പുറത്തെടുത്തിരുന്നു. ഉടൻ കോഴിക്കോട് മെഡിക്കൽ കോളജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.&nbsp;&nbsp;

നിർമാണം നടക്കുന്ന വീടിന്റെ സൺഷേഡ് സ്ലാബ് ദേഹത്തേയ്ക്കു വീണ് വിദ്യാർത്ഥി മരിച്ചു

പയ്യോളി: ഭാവി ഭാരതത്തെക്കുറിച്ച് ഒന്നും പറയാനില്ലാത്തവരാണ് യു ഡി എഫും എൽ ഡി എഫുമെന്ന് ബി ജെ പി ദേശീയ നിർവ്വാഹകസമിതി അംഗം കുമ്മനം രാജശേഖരൻ. അടുത്ത പ്രധാനമന്തി ആരെന്നോ അടുത്ത അഞ്ച് വർഷം എന്ത് ചെയ്യുമെന്നോ പറയാൻ കഴിയാത്തവർക്ക് ലോക്‌സഭ തെരഞ്ഞെടുപ്പിൽ എങ്ങിനെ ജനങ്ങളോട് വോട്ട് ചോദിക്കാനാവും. എൽ ഡി എഫ്, യു ഡി എഫ് ചേർന്നതാണ് ഇന്ത്യ മുന്നണി. അവർക്ക് ഒരു നേതാവോ പ്രവർത്തനപദ്ധതിയോ ഇല്ല. ഭാവിയെപ്പറ്റി ഇരുട്ടിൽ തപ്പുന്നവർ ആശയക്കുഴപ്പം കൊണ്ട് ഒന്നും ചെയ്യാൻ കഴിവില്ലാത്തവർ ജനങ്ങളോട് വോട്ട് ചോദിക്കുന്നത് വിരോധാഭാസമാണെന്നും അദ്ദേഹം പറഞ്ഞു.
സി ടി മനോജ് ഭവനിൽ ബി ജെ പി പയ്യോളി മണ്ഡലം കമ്മിറ്റി സംഘടിപ്പിച്ച തെരഞ്ഞെടുപ്പ് പ്രവർത്തകസംഗമം ഉദ്ഘാടനം ചെയ്ത് സംസാരിക്കുകയായിരുന്നു കുമ്മനം രാജശേഖരൻ. മണ്ഡലം പ്രസിഡൻ്റ് എ. കെ. ബൈജു അധ്യക്ഷത വഹിച്ചു. കെ.ഫൽഗുണൻ, നഗരസഭാംഗം ടി എം നിഷാ ഗിരീഷ്, ടി.കെ പത്മനാഭൻ, കെ.പി മോഹനൻ, ഷിജി ടി.പി, പ്രജീഷ് കോട്ടക്കൽ, പ്രഭാകരൻ പ്രശാന്തി, ജയ്കിഷ്, പി. സനൽജിത്ത്, വി. സ്മിതാലക്ഷ്മി എന്നിവർ പ്രസംഗിച്ചു. കെ.പി രമേശൻ സ്വാഗതവും പ്രജീഷ് കോട്ടക്കൽ നന്ദിയും പറഞ്ഞു.

ഭാവി ഭാരതത്തെക്കുറിച്ച് ഒന്നും പറയാനില്ലാത്തവരാണ് യു ഡി എഫും എൽ ഡിഎഫുമെന്ന് കുമ്മനം രാജശേഖരൻ

Koyilandy

ദോഹ: വേൾഡ് മലയാളി കൗൺസിൽ ഖത്തർ വിമൻസ് ഫോറം അന്തർദേശീയ വനിതാദിനം ആഘോഷിച്ചു. സിനിമാ താരം മല്ലികാ സുകമാരൻ മുഖ്യാതിഥി ആയിരുന്നു. വേൾഡ് മലയാളി കൗൺസിൽ ഖത്തർ ജന. സെക്രട്ടറി കാജൽ, ചെയർമാൻ വി. എസ് നാരായണൻ, പ്രസിഡന്റ സുരേഷ് കരിയാട്, ഷാനവാസ് ബാവ (പ്രസിഡണ്ട്, ഐസിബിഎഫ്), ഇപി അബ്ദുറഹ്മാൻ (പ്രസിഡണ്ട് ഐഎസ്സ്സി), ദീപക് ഷെട്ടി (വൈസ് പ്രസിഡണ്ട് ഐസിബിഎഫ്), ജയപാൽ ട്രാഖ്) എന്നിവർ പ്രസംഗിച്ചു.
വേൾഡ് മലയാളി കൗൺസിൽ ഖത്തർ വിമൻസ് ഫോറം പ്രസിഡണ്ട് ഡോ. ഷീല ഫിലിപ്പോസ് മുഖ്യാതിഥിയെ പൊന്നാട അണിയിച്ചു. മല്ലിക സുകുമാരന് വേൾഡ് മലയാളി കൗൺസിൽ ഖത്തറിന്റെ സ്നേഹോപഹാരം കാജൽ സമ്മാനിച്ചു. ചെയർമാൻ വിഎസ് നാരായണൻ വേൾഡ് മലയാളി കൗൺസിലിൻറെ മെമെൻറ്റൊ മല്ലിക സുകുമാരന് കൈമാറി.

ഖത്തർ വിമൻസ് ഫോറം വനിതാദിനം ആഘോഷിച്ചു

Gulf

ദോ​ഹ: ശൈ​ത്യ​കാ​ല ആ​ഘോ​ഷ​ങ്ങ​ൾ​ക്കും ഉ​ത്സ​വ മേ​ള​ക​ൾ​ക്കും കൊ​ടി​യി​റ​ങ്ങി ഖ​ത്ത​ർ ഉ​ൾ​പ്പെ​ടെ പ്ര​വാ​സ ലോ​ക​ത്തെ വി​ശ്വാ​സി​ക​ൾ റ​മ​ദാ​നി​ന്റെ വി​ശു​ദ്ധ നാ​ളു​ക​ളി​ലേ​ക്ക്. നാ​ട്ടി​ൽ ചൊ​വ്വാ​ഴ്ച​യോ​ടെ​യാ​ണ് നോ​മ്പി​ന് തു​ട​ക്ക​മെ​ങ്കി​ലും ഖ​ത്ത​റി​ലെ പ്ര​വാ​സി​ക​ൾ ഒ​രു ദി​വ​സം മു​മ്പേ ​റ​മ​ദാ​നി​ലേ​ക്ക് പ്ര​വേ​ശി​ക്കു​ക​യാ​ണ്.
ഞാ​യ​റാ​ഴ്ച ശ​അ​ബാ​ൻ 29 തി​ക​ഞ്ഞ​തി​നു​പി​ന്നാ​ലെ രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ച​ന്ദ്ര​പ്പി​റ​വി നി​രീ​ക്ഷി​ക്കാ​ൻ ഇ​സ്‍ലാ​മി​ക മ​ത​കാ​ര്യ മ​ന്ത്രാ​ല​യ​ത്തി​ന്റെ മാ​സ​പ്പി​റ​വി ക​മ്മി​റ്റി സം​വി​ധാ​ന​ങ്ങ​ൾ ഒ​രു​ക്കി​യി​രു​ന്നു. രാ​ജ്യ​ത്തു ത​ന്നെ മാ​സ​പ്പി​റ​വി ദൃ​ശ്യ​മാ​യ​താ​യി ഔ​ഖാ​ഫ് അ​റി​യി​ച്ചു. റ​മ​ദാ​നെ വ​ര​വേ​ൽ​ക്കു​ന്ന​തി​ന്റെ ഭാ​ഗ​മാ​യി വി​പു​ല​മാ​യ സം​വി​ധാ​ന​ങ്ങ​ളാ​ണ് ഒ​രു​ക്കി​യ​ത്. 2150ലേ​റെ പ​ള്ളി​ക​ളി​ൽ ത​റാ​വീ​ഹ് ന​മ​സ്കാ​ര​ത്തി​നും ഇ​ഫ്താ​റി​നും നേ​ര​ത്തേ ത​ന്നെ സൗ​ക​ര്യ​മൊ​രു​ക്കി. ഞാ​യ​റാ​ഴ്ച ത​റാ​വീ​ഹ് ന​മ​സ്കാ​ര​വും ആ​രം​ഭി​ച്ചു. ഔ​ഖാ​ഫി​നു കീ​ഴി​ൽ 20 ഇ​ഫ്താ​ർ ടെ​ന്റു​ക​ളും അ​ഞ്ചി​ട​ങ്ങ​ളി​ൽ ഇ​ഫ്താ​ർ കി​റ്റ് വി​ത​ര​ണ കേ​ന്ദ്ര​ങ്ങ​ളും സ​ജ്ജ​മാ​ണ്. ദി​വ​സേ​ന 24,000ത്തോ​ളം പേ​ർ​ക്കാ​ണ് നോ​മ്പു​തു​റ സൗ​ക​ര്യ​മൊ​രു​ക്കു​ന്ന​ത്. പ്രാ​ർ​ഥ​ന​ക​ൾ​ക്കും പ്ര​ഭാ​ഷ​ണ​ങ്ങ​ൾ​ക്കു​മൊ​പ്പം വി​വി​ധ പ​രി​പാ​ടി​ക​ളും റ​മ​ദാ​നി​ന്റെ ഭാ​ഗ​മാ​യു​ണ്ട്.

ഖ​ത്ത​റി​ൽ ഇ​ഫ്താ​റി​നും പ്രാ​ർ​ഥ​ന​ക​ൾ​ക്കും വി​പു​ല​മാ​യ സൗ​ക​ര്യ​ങ്ങ​ൾ

കോട്ടയം: തീപ്പൊള്ളലേറ്റ് ബാങ്ക് മാനേജരായ യുവതി മരിച്ചു. തലയോലപ്പറമ്പ് ദേവി കൃപയിൽ അരുണിന്റെ ഭാര്യ രാധിക(36) ആണ് മരിച്ചത്. സൗത്ത് ഇന്ത്യൻ ബാങ്ക് കരിങ്കുന്നം ബ്രാഞ്ച് മനേജരാണ് രാധിക. ഞായറാഴ്ച വൈകിട്ട് നാലോടെയായിരുന്നു സംഭവം. പ്രദേശവാസികൾ ഇവരെ കോട്ടയം മെഡിക്കൽ കോളജ് ആശുപത്രിയിൽ എത്തിച്ചെങ്കിലും തിങ്കളാഴ്ച രാവിലെ 11.20 ഓടെ മരിച്ചു.&nbsp;

ബാങ്ക് മാനേജർ തീപ്പൊള്ളലേറ്റ് മരിച്ചു

ബോക്സ്ഓഫീസിൽ പുതു ചരിത്രമെഴുതി മഞ്ഞുമ്മൽ ബോയ്സ്. മോഹൻലാൽ ചിത്രം പുലിമുരുകന്റെ കളക്ഷൻ റെക്കോഡുകൾ മറികടന്ന് പണം വാരി ചിത്രങ്ങളിൽ രണ്ടാം സ്ഥാനത്തെത്തി നിൽക്കുകയാണ് ചിദംബരം രചനയും സംവിധാനവും നിർവ്വഹിച്ച ചിത്രം മഞ്ഞുമ്മൽ ബോയ്സ്. അമേരിക്കൻ ബോക്സ്ഓഫീസിൽ 1 മില്യൺ യു എസ് ഡോളർ കളക്ഷൻ നേടുന്ന ആദ്യ മലയാള സിനിമ എന്ന റെക്കോർഡും മഞ്ഞുമ്മലിന് സ്വന്തം.&nbsp;
ആഗോള ബോക്സ്ഓഫീസിൽ നിന്നും 175 കോടിയുടെ പ്രളയം സൃഷ്‌ടിച്ച ജൂഡ് ആന്റണി ചിത്രം 2018 ആണ് നിലവിൽ ഏറ്റവുമധികം കളക്ഷൻ നേടിയ മലയാള ചിത്രം. മഞ്ഞുമ്മലിന്റെ ഈ കുതിപ്പ് തുടർന്നാൽ വൈകാതെ തന്നെ 2018ന്റെ പ്രളയവും തരണം ചെയ്ത് ബോക്സ് ഓഫീസിൽ നമ്പർ വൺ ആകുമെന്നതിൽ സംശയമില്ല.
ചിദംബരത്തിന്റെ സംവിധാനത്തിൽ ഒരുങ്ങിയ മഞ്ഞുമ്മൽ ബോയ്സ് കേരളത്തെ മാത്രമല്ല ' അതയും താണ്ടി' തമിഴകത്തും മുന്നേറുകയാണ്. സിനിമസൃഷ്‌ടിച്ച തരംഗത്തിന് പുറമെ കമലഹാസന്റെ 'ഗുണ' സിനിമയിലെ കൺമണി എന്ന ഗാനം കൂടെ ആയതോടെ മഞ്ഞുമ്മലിന്റെ തമിഴകത്തെ എൻട്രി വളരെ പെട്ടന്നാക്കി.&nbsp;
തെലുങ്ക് മൊഴിമാറ്റ പതിപ്പുകൂടെ ഇറങ്ങുന്നതോടെ റെക്കോഡുകൾ മാറി മറിഞ്ഞേയ്ക്കും. നിലവിൽ ആഗോള ബോക്സ്ഓഫീസിൽ 150 കോടി മറികടന്ന സിനിമ 200 കോടിയെന്ന നാഴികകല്ല് ലക്ഷ്യമിട്ട് നീങ്ങുകയാണ്.

റെക്കോർഡുകൾ തകർത്ത കുതിപ്പ്; പുലി മുരുകനേയും വീഴ്ത്തി 'മഞ്ഞുമ്മൽ ബോയ്സ്'

അടൂര്‍: കടമ്പനാട് വില്ലേജ് ഓഫിസറെ താമസസ്ഥലത്ത് തൂങ്ങിമരിച്ച നിലയില്‍ കണ്ടെത്തി. പള്ളിക്കല്‍ പയ്യനല്ലൂര്‍ ഇളംപള്ളില്‍ കൊച്ചുതുണ്ടില്‍ കുഞ്ഞുകുഞ്ഞിന്റെ മകന്‍ മനോജാണ് (42) മരിച്ചത്. ജോലിയുമായി ബന്ധപ്പെട്ട സമ്മര്‍ദമാണ് ആത്മഹത്യയിലേക്ക് നയിച്ചതെന്നാണ് ആരോപണം. തിങ്കളാഴ്ച രാവിലെ 10നാണ് മനോജിനെ കിടപ്പുമുറിയിലെ ഫാനില്‍ തൂങ്ങിയ നിലയില്‍ കണ്ടത്. വീട്ടുകാര്‍ തൊട്ടടുത്തുള്ള സ്വകാര്യ ക്ലിനിക്കിലെ ഡോക്ടറെ കൊണ്ടുവന്ന് പരിശോധിച്ചെങ്കിലും മരണം സ്ഥിരീകരിക്കുകയായിരുന്നു. ശൂരനാട് എല്‍.പിസ്‌കൂളിൽ അധ്യാപികയായ ഭാര്യ സ്‌കൂളിലേക്ക് പോയ ശേഷമാണ് മനോജ് ജീവനൊടുക്കിയത്.&nbsp;&nbsp;
ഇതിനു മുമ്പ് ആറന്മുള വില്ലേജ് ഓഫിസര്‍ ആയിരുന്ന മനോജ് അടുത്തിടെയാണ് കടമ്പനാട് വില്ലേജ് ഓഫിസറായെത്തിയത്. കുറിപ്പെഴുതി വെച്ചശേഷമാണ് മനോജ് ജീവനൊടുക്കിയതെന്നും ഇതില്‍ ചിലര്‍ക്കെതിരെ പരാമര്‍ശമുള്ളതിനാൽ പൊലീസ് മുക്കിയെന്നുമുള്ള ആരോപണവുമായി നാട്ടുകാർ രംഗത്തെത്തിയിട്ടുണ്ട്.

വില്ലേജ് ഓഫിസര്‍ വീടിനുള്ളില്‍ മരിച്ച നിലയില്‍

മലപ്പുറം: ഭക്ഷണം തൊണ്ടയിൽ കുടുങ്ങി എട്ടുമാസം പ്രായമുള്ള കുഞ്ഞിന് ദാരുണാന്ത്യം. മലപ്പും കുറ്റിപ്പുറത്ത് റിഷ ഫാത്തിമയാണ് മരിച്ചത്. തിരുനാവായ കളത്തിൽ വെട്ടത്ത് വളപ്പിൽ റാഫിയുടെയും റമീഷയുടെയും മകളാണ്.
ഇന്നലെ ഉച്ചയോടെയാണ് ഭക്ഷണം തൊണ്ടയിൽ കുടുങ്ങിയത്. ഉടൻ കുറ്റിപ്പുറത്തെ സ്വകാര്യ ആശുപത്രിയിലെത്തിച്ചു. കുട്ടിയുടെ ആരോഗ്യനില മോശമായതി​നെ തുടർന്ന് ആദ്യം വളാഞ്ചേരിയിലും പിന്നീട് കോട്ടക്കലിലെയും ആശുപത്രിയിലെത്തിച്ച് ചികിത്സ നൽകി. പിന്നീട് കോഴിക്കോട് മെഡിക്കൽ കോളജിലെത്തിച്ചെങ്കിലും രക്ഷിക്കാനായില്ല.

ഭക്ഷണം തൊണ്ടയിൽ കുടുങ്ങി എട്ടുമാസം പ്രായമുള്ള കുഞ്ഞ് മരിച്ചു

തിരുവനന്തപുരം: കോണ്‍ഗ്രസ് വിടാനൊരുങ്ങി തിരുവനന്തപുരം മുന്‍ ഡി.സി.സി. ജനറല്‍ സെക്രട്ടറി തമ്പാനൂര്‍ സതീഷ്. കെ.പി.സി.സി. പുനഃസംഘടനയില്‍ പരിഗണിക്കപ്പെടാതെ പോയതില്‍ അതൃപ്തി വ്യക്തമാക്കിയാണ് കോണ്‍ഗ്രസ് വിടുന്നത്. സംഘിയും സഖാവുമാകാനില്ലെന്നും കെ. കരുണാകരന്റെ ഉറച്ച ശിഷ്യനായി ജീവിക്കാന്‍ ആഗ്രഹിക്കുന്നുവെന്നും തമ്പാനൂര്‍ സതീഷ് പറഞ്ഞു.
കോണ്‍ഗ്രസില്‍ ഓരോ ഘട്ടത്തിലും പ്രതിസന്ധിയുണ്ടാക്കിയത് നേതാക്കളാണെന്ന് സതീഷ് ആരോപിച്ചു. കാസര്‍കോട്ടുനിന്ന് തുടങ്ങിയ സമരാഗ്നി തിരുവനന്തപുരത്ത് എത്തിയപ്പോള്‍ ചാമ്പലായി. അതിന് ഉത്തരവാദി കെ.പി.സി.സി. പ്രസിഡന്റാണ്. ലക്ഷക്കണക്കിന് രൂപ മുടക്കി നടത്തിയ പരിപാടി ചാമ്പലായി മാറിയപ്പോള്‍ അദ്ദേഹത്തിന് ദുഃഖിക്കാനില്ല. ലക്ഷക്കണക്കിന് കോണ്‍ഗ്രസ് പ്രവര്‍ത്തകരുടെ കണ്ണീരാണ് ചാമ്പലായി മാറിയതെന്ന് അദ്ദേഹം ഓര്‍മിക്കണമെന്നും തമ്പാനൂര്‍ സതീഷ് അഭിപ്രായപ്പെട്ടു.
'കോണ്‍ഗ്രസ് പ്രവര്‍ത്തകര്‍ ഉണ്ടാക്കിയ കെ.പി.സി.സി. ഫണ്ട് പ്രസിഡന്റ് ധൂര്‍ത്തടിക്കുന്നു. കണ്ണൂരിലെ സി.പി.എം. നേതാവ് പി. ശശിക്കെതിരെ വ്യാജ പീഡന പരാതികൊടുത്ത ഡി.വൈ.എഫ്.ഐക്കാരനേയും കുടുംബത്തേയും സുധാകരന്‍ സംരക്ഷിക്കുന്നു'- തമ്പാനൂര്‍ സതീഷ് ആരോപിച്ചു.

'സമരാഗ്നി ചാമ്പലായതിന് കാരണം കെ.പി.സി.സി. പ്രസിഡന്റ്'; കോണ്‍ഗ്രസ് വിടുന്നെന്ന് മുന്‍ ഡി.സി.സി. ജനറല്‍ സെക്രട്ടറി തമ്പാനൂര്‍ സതീഷ്

മേപ്പയ്യൂർ: ഗ്രാമപഞ്ചായത്ത് വിളയാട്ടൂർ ഗവർമെന്റ് എൽ പി സ്കൂൾ 136 ആമത് വാർഷികാഘോഷവും വിരമിക്കുന്ന അധ്യാപിക ആഷക്കുള്ള യാത്രയയപ്പും വിപുലമായി ആഘോഷിച്ചു. ഗ്രാമപഞ്ചായത്ത് പ്രസിഡന്റ് കെ ടി രാജൻ ഉദ്ഘാടനവും ഉപഹാര സമർപ്പണവും നടത്തി. ചടങ്ങിൽ ബ്ലോക്ക് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ മഞ്ഞക്കുളം നാരായണൻ അധ്യക്ഷത വഹിച്ചു. പിടിഎ പ്രസിഡന്റ് ശ്രീ എൻ സി ബിജു സ്വാഗതവും ഹെഡ്മിസ്ട്രസ് ജെയിൻ റോസ് എം എ റിപ്പോർട്ട് അവതരണം നടത്തി. സംസ്ഥാന പോലീസ് മേധാവിയുടെ ബാഡ്ജ് ഓഫ് ഓണർ ബഹുമതി നേടിയ പോലീസ് ഉദ്യോഗസ്ഥൻ ബിനീഷ് വി.സി.യെ ചടങ്ങിൽ ആദരിച്ചു.&nbsp;
എൽ എസ് എസ് പരീക്ഷ വിജയികൾക്കും ടാലെന്റ് സെർച്ച്‌ എക്സാം വിജയികൾക്കുമുള്ള സർട്ടിഫിക്കറ്റ് വിതരണവും നടന്നു. ഭാസ്കരൻ കൊഴുക്കല്ലൂർ ,അഷിദ നടുക്കാട്ടിൽ, വി പി ബിജു, പി പ്രകാശൻ, പി പി രാധാകൃഷ്ണൻ, സി പി നാരായണൻ, അഷറഫ്, സുനിൽ ഓടയിൽ, എം കെ രാമചന്ദ്രൻ, നാരായണൻ മേലാട്ട്, ബൈജു കോളറോത്ത്, ശങ്കരൻ ഇ കെ, രഘു നമ്പിയത്ത്, ശിവദാസ് വി പി, അനുശ്രീ എൻ കെ, ബാബു, നിബിത എന്നിവർ ആശംസകൾ അർപ്പിച്ചു. സ്റ്റാഫ്‌ സെക്രട്ടറി ദിലിത്ത് എൻ എം നന്ദി പറഞ്ഞു .

വാർഷികാഘോഷവും യാത്രയയപ്പും

Perambra

മേപ്പയൂർ: ഗ്രാമ പഞ്ചായത്ത് 2023-2024 സാമ്പത്തിക വർഷം ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി കോൺക്രീറ്റ് ചെയ്ത വാർഡ് ഒമ്പതിലെ കിഴത്തോട്ടത്തിൽ മുക്ക് - കേളൻ കണ്ടി മീത്തൽ റോഡിന്റെ ഉദ്ഘാടന കർമ്മം വികസനസ്റ്റാന്റിങ് കമ്മിറ്റി ചെയർമാൻ വി.സുനിൽ നിർവഹിച്ചു. വാർഡ് മെമ്പർ മിനി അശോകൻ അദ്ധ്യക്ഷത വഹിച്ചു.&nbsp;
ആരോഗ്യ വിദ്യഭ്യാസ സ്റ്റാന്റിങ് കമ്മിറ്റി ചെയർമാൻ ഭാസ്കരൻ കൊഴുക്കല്ലൂർ, വി മോഹനൻ, കെ.ടി വിനോദൻ, അമ്പാടി കുഞ്ഞിക്കണ്ണൻ, മുൻ പഞ്ചായത്ത് പ്രസിഡന്റ് പി.കെ. റീന, ഇ .എം രാജൻ, ദേവി അമ്മ മുതുവോട്ട് എന്നിവർ സംസാരിച്ചു. വാർഡ് കൺവീനർ കെ. എം ബാലൻ സ്വാഗതവും രമ കെ.ടി. നന്ദിയും പറഞ്ഞു.

റോഡ് ഉദ്ഘാടനം ചെയ്തു

ചൊക്ലി : നിടുമ്പ്രം മടപ്പുരയ്ക്ക് സമീപം 'ജിത്തിൽ' പരേതനായ എ ഗോവിന്ദന്റെ ഭാര്യ വി സരള (81) നിര്യാതയായി. തലശ്ശേരി ഗവണ്മെന്റ് ഗേൾസ് ഹൈ സ്കൂൾ പ്രധാന അധ്യാപികയായിരുന്നു. മക്കൾ : ഡോ. സത്യജിത്ത് (ആസ്‌ട്രേലിയ), ശ്രീജിത്ത്‌ (കുവൈറ്റ്), സുജിത്ത്. മരുമകൾ : ജിതിഷ (തലശ്ശേരി). സഹോദരങ്ങൾ : പരേതരായ ശ്രീധരൻ, ഗംഗാധരൻ, സാവിത്രി, ചന്ദ്രശേഖരൻ.

നിടുമ്പ്രം മടപ്പുരയ്ക്ക് സമീപം വി സരള നിര്യാതയായി

Obituary

നാദാപുരം റോഡ്: കാരക്കാട് എം.എൽ.പി.സ്കൂൾ നൂറ്റി ഇരുപതാം വാർഷികാഘോഷം വിവിധ പരിപാടികളോടെ സമാപിച്ചു. വിദ്യാർത്ഥികളുടെ വർണ്ണ ചിറകുകൾ വിവിധ കലാപരിപാടിളോടെ ആഘോഷിച്ചു. ഒഞ്ചിയം ഗ്രാമ പഞ്ചായത്ത് പ്രസിഡണ്ട് പി ശ്രീജിത്ത് പരിപാടി ഉദ്ഘാടനം നിർവ്വഹിച്ചു.
പി.ടി.എ പ്രസിഡണ്ട് പി.പി.ശ്രീജിത്ത് അദ്ധ്യക്ഷത വഹിച്ചു. പ്രധാന അദ്ധ്യാപിക ഷീന സി.പി സ്വാഗതം പറഞ്ഞു. സ്കൂൾ മാനേജർ അഹമ്മദ് കൽപ്പക, ജനപ്രതിനിധികളായ ശശി കല ദിനേശ്, ബിന്ദു വള്ളിൽ, രമ്യ പി.എം ,എസ് എസ് ജി കൺവീനർ മനോജൻ പി , ആതിര രവീന്ദ്രൻ , സ്വാതി കെ.കെ.എന്നിവർ സംസാരിച്ചു.

കാരക്കാട് എം.എൽ.പി.സ്കൂൾ വാർഷികം സമാപിച്ചു

കോട്ടപ്പള്ളി: അനേകം പേർക്ക് അറിവിൻ്റെ അക്ഷരവെളിച്ചം പകർന്നു കൊണ്ടിരിക്കുന്ന കോട്ടപ്പള്ളി എം.എൽ.പി.സ്കൂൾ 145-ാം വാർഷികം തിരുവള്ളൂർ ഗ്രാമപഞ്ചായത്ത് പ്രസിഡണ്ട് സബിത മണക്കുനി ഉൽഘാടനം ചെയ്തു. തോടന്നൂർ എ ഇ ഒ എം.വിനോദ് മുഖ്യ പ്രഭാഷണം നടത്തി. പൂർവ്വാധ്യാപകരെ ആദരിച്ചു. തോടസൂർ ബി.പി.സി. നിഷാന്ത്, ഗോപാലൻ, അമ്മാരപ്പള്ളി കുഞ്ഞി ശങ്കരൻ , വി .പി .കുമാരൻ, കുന്നോത്ത് കുഞ്ഞബ്ദുല്ല, എം.പി.ടി.എ ചെയർപേഴ്സൺ സുനൈന മുറിച്ചാണ്ടി, അഡ്വ-പി.പ്രഭാകരൻ, സ്കൂൾ ലീഡർ സൻ അമേലിയ സി.എൻ എന്നിവർ ആശംസകൾ അർപ്പിച്ചു. വാർഡ് മെമ്പർ ഹംസ വായേരി അധ്യക്ഷം വഹിച്ചു. പ്രധാനാധ്യാപകൻ ടി. അജിത് കുമാർ സ്വാഗതവും കെ.അബ്ദുൾ ലെയ്സ് നന്ദിയും പറഞ്ഞു.

കോട്ടപ്പള്ളി എം.എൽ പി സ്കൂൾ 145-ാം വാർഷികം ആഘോഷിച്ചു

വടകര: പുതുപ്പണം അരവിന്ദഘോഷ് റോഡ് കത്തീന്റവിട വിശ്വസേനൻ (66) അന്തരിച്ചു. ഭാര്യ അജിത. മക്കൾ; സത്യ, അശ്വിൻ. സഹോദരങ്ങൾ ശ്യാമള, ചന്ദ്രശേഖരൻ, ഋഷികേശ്, ഉപേന്ദ്രൻ, സരസ, പരേതനായ ഭൂവേശൻ. മരുമക്കൾ. ബിജേഷ് (കീഴൽ മുക്ക് ലൈൻമാൻ കെ എസ് ഇ ബി മണിയൂർ സെക്ഷൻ).

പുതുപ്പണം കത്തീന്റവിട വിശ്വസേനൻ അന്തരിച്ചു

വടകര: എന്‍ജിനിയര്‍മാരുടെയും സൂപ്പര്‍വൈസര്‍മാരുടെയും സംഘടനയായ ലൈസന്‍സ്ഡ് എന്‍ജിനിയേഴ്‌സ് ആന്‍ഡ് സൂപ്പര്‍വൈസേഴ്‌സ് ഫെഡറേഷന്‍ (ലെന്‍സ്‌ഫെഡ്) നാരായണ നഗര്‍ ഗ്രൗണ്ടില്‍ സംഘടിപ്പിക്കുന്ന വസതീയം ബില്‍ഡ് എക്‌സ്‌പോ ഇന്ന് സമാപിക്കും. നൂതനവും വ്യത്യസ്തവുമായ നിര്‍മാണസാമഗ്രികളും വിവിധ നിര്‍മാണ രീതികളും സാങ്കേതിക വിദ്യകളും സേവനങ്ങളും പരിചയപ്പെടുത്തുന്ന ശീതീകരിച്ച 100 സ്റ്റാളുകളാണ് പ്രദര്‍ശനത്തിലുള്ളത്. പുതിയ വീട് നിര്‍മിക്കാന്‍ ആഗ്രഹിക്കുന്നവര്‍ക്കായി ഗൃഹനിര്‍മാണ മേഖലയിലെ പുതിയ ട്രന്‍ഡുകളും നിര്‍മാണസാമഗ്രികളും അവതരിപ്പിക്കുന്ന സ്റ്റാളുകളുണ്ട്.
വിവിധ തരം കട്ടിളകള്‍, ജനലുകള്‍, കമ്പി, സിമന്റ്, പെയിന്റ്, ടൈലുകള്‍, ഡൈനിംഗ് സെറ്റ്, ഫര്‍ണിഷിങ് ഐറ്റംസ്, ഇന്‍ഡോര്‍ ഗാര്‍ഡനിംഗ്, മാര്‍ബിള്‍, സോളാര്‍ പാനലുകള്‍, ഹോം തിയറ്റര്‍ തുടങ്ങി ഒട്ടേറെ നിര്‍മാണ സാമഗ്രികളുണ്ട് പ്രദര്‍ശനത്തില്‍. കൂടാതെ കെട്ടിട നാര്‍മാണവുമായി ബന്ധപ്പെട്ട നിയമങ്ങള്‍, സാങ്കേതിക വിഷയങ്ങള്‍ എന്നിവ സംബന്ധിച്ച സംശയദൂരീകരണത്തിന് അവസരമുണ്ട്.&nbsp;
നിര്‍മിത ബുദ്ധിയും നാളത്തെ ലോകവും എന്ന വിഷയത്തില്‍ സെമിനാര്‍ നടന്നു. ലെന്‍സ്‌ഫെഡ് കോഴിക്കോട് ജില്ലാ പ്രസിഡണ്ട് സിഎച്ച് ഹാരിസ് ഉദ്ഘാടനം ചെയ്തു. ഗിരീഷ് കുമാര്‍ പി അധ്യക്ഷത വഹിച്ചു. ഡോ. ദാമോദര്‍ പ്രസാദ് മുഖ്യപ്രഭാഷണം നടത്തി. മീഡിയ കണ്‍വീനര്‍ എം സജിത്കുമാര്‍, രാധാകൃഷ്ണന്‍ എ വി, ലെന്‍സ്‌ഫെഡ് ജില്ലാ കമ്മിറ്റി അംഗം ടി സൂര്യകുമാരി, എക്‌സ്‌പോ വൈസ് ചെയര്‍മാന്‍ ഇജാസ് കമാല്‍ പിവി എന്നിവര്‍ സംസാരിച്ചു.&nbsp;
ഇന്ന് വൈകിട്ട് 3ന് ഒരു പ്രൊഫഷണല്‍ എന്ന നിലയില്‍ ഇനിയെന്ത്? എന്ന വിഷയത്തില്‍ സെമിനാര്‍ നടത്തും. ലെന്‍സ്‌ഫെഡ് ജില്ലാ സെക്രട്ടറി വി മനോജ് ഉദ്ഘാടനം ചെയ്യും. പ്രോഗ്രാം കമ്മിറ്റി ചെയര്‍മാന്‍ ടിപി രാമചന്ദ്രന്‍ അധ്യക്ഷത വഹിക്കും. എന്‍ജിനിയര്‍ ടിപി മധുസൂധനന്‍ മുഖ്യപ്രഭാഷണം നടത്തും. എക്‌സ്‌പോയുടെ ഭാഗമായി ഫുഡ്‌കോര്‍ട്ടുമുണ്ട്. വിവിധ കലാപരിപാടികളും നടക്കും. രാവിലെ 9.30 മുതല്‍ രാത്രി 8.30 വരെയാണ് പ്രദര്‍ശനം. പ്രവേശനം സൗജന്യമാണ്.&nbsp;

വസതീയം ബില്‍ഡ് എക്‌സ്‌പോ ഇന്ന് സമാപിക്കും

ഇടുക്കി: നെടുങ്കണ്ടം ചെമ്മണ്ണാര്‍ സ്വദേശിനിയായ ഫിസിയൊതെറാപ്പി വിദ്യാര്‍ഥിനി ബെംഗളൂരുവില്‍ ഹോസ്റ്റല്‍ കെട്ടിടത്തിന് മുകളില്‍ നിന്നുവീണ് മരിച്ചു. ചെമ്മണ്ണാര്‍ എള്ളംപ്ലാക്കല്‍ അനില (19) ആണ് മരിച്ചത്.
ശനിയാഴ്ചയാണ് അപകടം നടന്നത്. ബെംഗളൂരു രാജരാജേശ്വരി മെഡിക്കല്‍ കോളേജിലെ വിദ്യാര്‍ഥിനിയായ അനില മരിച്ച വിവരം കോളേജ് അധികൃതരാണ് വീട്ടില്‍ അറിയിച്ചത്. പോസ്റ്റ് മോര്‍ട്ടത്തിനുശേഷം മൃതദേഹം ബന്ധുക്കള്‍ക്ക് വിട്ടു നല്‍കി. അച്ഛന്‍: ബിജു. അമ്മ: ബീന (ഉടുമ്പന്‍ചോല പഞ്ചായത്ത് വൈസ് പ്രസിഡന്റ്). സഹോദരി: അമൃത

ബെംഗളൂരുവിലെ ഹോസ്റ്റല്‍ കെട്ടിടത്തില്‍ നിന്ന് വീണ് മലയാളി വിദ്യാര്‍ഥിനി മരിച്ചു

National

കണ്ണൂര്‍: എ.ഐ.സി.സി വക്താവ് ഷമ മുഹമ്മദിനെ രൂക്ഷമായി വിമര്‍ശിച്ച് കെ.പി.സി.സി പ്രസിഡന്റും കണ്ണൂരിലെ യുഡിഎഫ് സ്ഥാനാര്‍ഥിയുമായ കെ. സുധാകരന്‍. ഷമ മുഹമ്മദ് പാര്‍ട്ടിയിലെ ആരുമല്ലെന്ന് അദ്ദേഹം പറഞ്ഞു. ലോക്‌സഭാ തിരഞ്ഞെടുപ്പിലെ കോണ്‍ഗ്രസ് സ്ഥാനാര്‍ഥി പ്രഖ്യാപനത്തില്‍ പരസ്യമായ അതൃപ്തിയറിയിച്ച ഷമ മുഹമ്മദിന്റെ നടപടി മാധ്യമങ്ങള്‍ ശ്രദ്ധയില്‍പ്പെടുത്തിയപ്പോഴാണ് സുധാകരന്റെ പ്രതികരണം.
സ്ഥാനാര്‍ഥി നിര്‍ണയത്തില്‍ സ്ത്രീകള്‍ക്ക് പരിഗണന നല്‍കിയില്ലെന്നും മൂന്ന് സീറ്റെങ്കിലും സ്ത്രീകള്‍ക്ക് നല്‍കേണ്ടതായിരുന്നുവെന്നുമുള്ള ഷമയുടെ വിമര്‍ശനം സംബന്ധിച്ച് മാധ്യമപ്രവർത്തകർ ചോദിച്ചപ്പോഴായിരുന്നു സുധാകരന്‍റെ മറുപടി. 'അതൊക്കെ അവരോട് ചോദിച്ചാല്‍ മതി. അവരൊന്നും പാര്‍ട്ടിയുടെ ആരുമല്ല', സുധാകരൻ പറഞ്ഞു.
സ്ഥാനാർഥി നിർണയത്തിൽ രാഹുൽ ​ഗാന്ധിയുടെ വാക്കുകൾ പാലിച്ചില്ലെന്ന് ഷമ മുഹമ്മദ് കഴിഞ്ഞദിവസം വിമർശിച്ചിരുന്നു. കേരളത്തിൽ 51% സ്ത്രീകളാണ്. മറ്റു പാർട്ടികളിൽ സ്ത്രീ സ്ഥാനാർഥികൾ അധികമുണ്ട്. കോൺഗ്രസിൽ സ്ത്രീകൾക്ക് പ്രാധാന്യം കൊടുക്കാത്തതെന്തുകൊണ്ടാണെന്നും ഷമ ചോദിച്ചു.
കഴിഞ്ഞദിവസം പ്രഖ്യാപിച്ച കേരളത്തിലെ കോൺഗ്രസ് സ്ഥാനാർഥിപ്പട്ടികയിൽ ഒരു വനിതാ സ്ഥാനാർഥി മാത്രമാണുള്ളത്. ആലത്തൂരിൽ മത്സരിക്കുന്ന രമ്യാ ഹരിദാസ് മാത്രമാണ് കോൺഗ്രസിൽനിന്നുള്ള വനിതാ സ്ഥാനാർഥി.

അവരൊന്നും പാര്‍ട്ടിയുടെ ആരുമല്ല'; ഷമ മുഹമ്മദിനെ കുറിച്ച് കെ. സുധാകരൻ

തിരുവനന്തപുരം: കേരള ജനത ഒന്നോടെ കാത്തിരിക്കുന്ന ഉപതിരഞ്ഞെടുപ്പ് ഫലത്തിനായുള്ള വോട്ടെണ്ണൽ ആരംഭിച്ചു.പാലക്കാട് ആരെ തുണയ്ക്കും? സിപിഎമ്മിന് ചേലക്കര നിലനിർത്താനാകുമോ? വയനാട്ടിൽ രാഹുൽ ​ഗാന്ധിയുടെ ഭൂരിപക്ഷം പ്രിയങ്ക ഗാന്ധി മറികടക്കുമോ? എന്നീ ചോദ്യങ്ങൾക്കുള്ള ഉത്തരം ഉടൻ അറിയാം. ഒൻപതുമണിയോടെ ആദ്യ ഫലസൂചനകൾ അറിയാനാകും.

വോട്ടെണ്ണൽ ആരംഭിച്ചു; നെഞ്ചിടിപ്പോടെ മുന്നണികൾ

തി​രു​വ​ന​ന്ത​പു​രം: സം​സ്ഥാ​ന​ത്ത്​ വൈ​ദ്യു​തി നി​ര​ക്ക്​ വ​ർ​ധ​ന വൈ​കാ​തെ പ്ര​ഖ്യാ​പി​ക്കു​മെ​ന്നി​രി​ക്കെ ഇ​ന്ധ​ന സ​ർ​ചാ​ർ​ജി​ൽ വ​ർ​ധ​ന ആ​വ​ശ്യ​പ്പെ​ട്ട്​ കെ.​എ​സ്.​ഇ.​ബി റെ​ഗു​ലേ​റ്റ​റി ക​മീ​ഷ​നെ സ​മീ​പി​ച്ചു. 2024 ഏ​പ്രി​ൽ മു​ത​ൽ ജൂ​ലൈ​വ​രെ ഇ​ന്ധ​ന സ​ർ​ചാ​ർ​ജി​ന​ത്തി​ൽ 37.70 കോ​ടി രൂ​പ പി​രി​ക്കാ​ൻ ല​ക്ഷ്യ​മി​ട്ടാ​ണ്​​ അ​പേ​ക്ഷ ന​ൽ​കി​യ​ത്.
യൂ​നി​റ്റി​ന്​ 17 പൈ​സ​യു​ടെ വ​ർ​ധ​ന​യാ​ണ്​ ആ​വ​ശ്യം. നി​ല​വി​ൽ യൂ​നി​റ്റി​ന് 19 പൈ​സ​യാ​ണ് ഈ​ടാ​ക്കി​വ​രു​ന്ന​ത്. ഇ​തി​ൽ 10 പൈ​സ കെ.​എ​സ്.​ഇ.​ബി സ്വ​ന്തം നി​ല​യി​ൽ പി​രി​ക്കു​ന്ന​തും ഒ​മ്പ​ത്​ പൈ​സ റെ​ഗു​ലേ​റ്റ​റി ക​മീ​ഷ​ൻ അം​ഗീ​ക​രി​ച്ച​തു​മാ​ണ്. ഇ​തി​ൽ ഒ​മ്പ​ത്​ പൈ​സ 17 പൈ​സ​യാ​ക്കി വ​ർ​ധി​പ്പി​ക്ക​ണ​മെ​ന്നാ​ണ്​ കെ.​എ​സ്.​ഇ.​ബി ആ​വ​ശ്യം.

ഇന്ധന സർചാർജ്; വൈ​ദ്യു​തി നി​ര​ക്ക് വർധന ആവ​ശ്യപ്പെട്ട്​ കെ.എസ്​.ഇ.ബി

കൊച്ചി: കേരള, ദേശീയ രാഷ്ട്രീയത്തില്‍ ജനം ഉറ്റുനോക്കുന്ന തിരഞ്ഞെടുപ്പുകളുടെ ഫലമറിയാന്‍ ഇനി മണിക്കൂറുകള്‍ മാത്രം. കേരളത്തില്‍ പാലക്കാട്, വയനാട്, ചേലക്കര ഉപതിരഞ്ഞെടുപ്പുകളുടേയും ദേശീയ തലത്തില്‍ മഹാരാഷ്ട്ര, ജാര്‍ഖണ്ഡ് നിയമസഭകളിലേക്ക് നടന്ന തിരഞ്ഞെടുപ്പുകളുടെയും മറ്റ് ഉപതെരഞ്ഞെടുപ്പുകളുടെയും ഫലമാണ് ജനം കാത്തിരിക്കുന്നത്.
ആദ്യം എണ്ണുന്നത് പോസ്റ്റല്‍ബാലറ്റുകളായിരിക്കും. ശേഷമാണ് വോട്ടിങ് യന്ത്രത്തിലെ വോട്ടുകള്‍ എണ്ണിത്തുടങ്ങുക. കൗണ്ടിങ് സൂപ്പര്‍വൈസര്‍മാര്‍, കൗണ്ടിങ് അസിസ്റ്റന്റുമാര്‍, മൈക്രോ ഒബ്സര്‍വര്‍മാര്‍, തെരഞ്ഞെടുപ്പ് കമ്മീഷന്‍പ്രതിനിധികള്‍, നിരീക്ഷകര്‍, തിരഞ്ഞെടുപ്പ് ഡ്യൂട്ടിയിലുള്ള സര്‍ക്കാര്‍ ഉദ്യോഗസ്ഥര്‍, സ്ഥാനാര്‍ത്ഥികള്‍, അവരുടെ തെരഞ്ഞെടുപ്പ് ഏജന്റുമാര്‍, കേന്ദ്ര തെരഞ്ഞെടുപ്പു കമ്മീഷന്റെ അതോറിറ്റി ലെറ്റര്‍ലഭിച്ച മാധ്യമപ്രവര്‍ത്തകര്‍ എന്നിവര്‍ക്ക് മാത്രമാണ് വോട്ടെണ്ണല്‍ കേന്ദ്രത്തിലേക്ക് പ്രവേശനമുള്ളത്.
ഉപതിരഞ്ഞെടുപ്പിന്റെ വോട്ടെണ്ണല്‍ആരംഭിക്കുമ്പോള്‍ പൊതുജനങ്ങള്‍ക്കും മാധ്യമങ്ങള്‍ക്കും തത്സമയം ഫലം അറിയാന്‍ ഏകീകൃത സംവിധാനം സജ്ജമാക്കിയിട്ടുണ്ട്. തെരഞ്ഞെടുപ്പ് കമ്മീഷന്റെ വെബ്സൈറ്റിലും വോട്ടര്‍ഹെല്‍പ് ലൈന്‍ആപ്പിലും തത്സമയം ഫലം അറിയാനാവും.&nbsp;
ഇലക്ഷന്‍കമ്മീഷന്റെ എന്‍കോര്‍സോഫ്റ്റ് വെയറില്‍നിന്ന് തിരഞ്ഞെടുപ്പ് ഫലം <a href="https://results.eci.gov.in" target="_blank">https://results.eci.gov.in</a> എന്ന വെബ്സൈറ്റ് വഴിയാണ് തത്സമയം ലഭ്യമാവുക. ഓരോ റൗണ്ട് വോട്ടെണ്ണല്‍കഴിയുമ്പോഴും വോട്ടെണ്ണല്‍കേന്ദ്രങ്ങളില്‍നിന്ന് നേരിട്ട് അസിസ്റ്റന്റ് റിട്ടേണിങ് ഓഫീസര്‍മാര്‍ തത്സമയം ലഭ്യമാക്കുന്ന ഫലമാണ് വെബ്സൈറ്റില്‍അതത് സമയം ലഭിക്കുക.
ഇലക്ഷന്‍ കമ്മീഷന്റെ വോട്ടര്‍ഹെല്‍പ് ലൈന്‍( <a href="voter helpline" target="_blank">voter helpline</a> ) ആപ്പ് വഴിയും തത്സമയ വിവരം ലഭ്യമാക്കും. ഹോം പേജിലെ ഇലക്ഷന്‍ റിസള്‍ട്ട്സ് എന്ന മെനുവില്‍ക്ലിക്ക് ചെയ്താല്‍ട്രെന്‍ഡ്സ് ആന്റ് റിസള്‍ട്ട്സ് എന്ന പേജിലേക്ക് പോവുകയും ഫലത്തിന്റെ വിശദവിവരങ്ങള്‍ ലഭിക്കുകയും ചെയ്യും. വോട്ടര്‍ഹെല്‍പ്പ് ലൈന്‍ആപ്പ് ഗൂഗിള്‍പ്ലേ സ്റ്റോറില്‍നിന്നോ ആപ്പിള്‍ആപ് സ്റ്റോറില്‍നിന്നോ ഡൗണ്‍ലോഡ് ചെയ്ത് ഉപയോഗിക്കാം.

വോട്ടെണ്ണലിന് മണിക്കൂറുകൾ മാത്രം ;ആദ്യ ഫലസൂചനകൾ എട്ടരയോടെ

തിരുവനന്തപുരം: ഡിസംബര്‍ 10ന് നടക്കുന്ന തദ്ദേശസ്ഥാപന ഉപതിരഞ്ഞെടുപ്പില്‍ വോട്ട് ചെയ്യുന്നവരുടെ ഇടത് കൈയ്യിലെ നടുവിരലിലാണ് മഷി പുരട്ടേണ്ടതെന്ന് സംസ്ഥാന തിരഞ്ഞെടുപ്പ് കമ്മീഷന്‍. നവംബര്‍ 13നും 20നും സംസ്ഥാനത്ത് നടന്ന ലോക്‌സഭ, നിയമസഭ ഉപതിരഞ്ഞെടുപ്പുകളില്‍ സമ്മതിദാനാവകാശം വിനിയോഗിച്ച വോട്ടര്‍മാരുടെ ഇടതു കൈയ്യിലെ ചൂണ്ടുവിരലിലെ മഷി അടയാളം മാഞ്ഞു പോകാന്‍ ഇടയില്ലാത്തതിനാലാണിത്.
തദ്ദേശസ്ഥാപന ഉപതിരഞ്ഞെടുപ്പുകളില്‍ വോട്ട് ചെയ്യാനെത്തുന്നവരുടെ നിജസ്ഥിതി പോളിങ് ഉദ്യോഗസ്ഥര്‍ക്ക് മനസ്സിലാകുന്നതിന് കൂടിയാണ് ഈ നടപടി. നിര്‍ദ്ദേശം ഡിസംബര്‍ 10ന് നടക്കുന്ന ഉപതിരഞ്ഞെടുപ്പിനു വേണ്ടി മാത്രമുള്ളതായിരിക്കും. സംസ്ഥാനത്തെ 31 തദ്ദേശസ്ഥാപന വാര്‍ഡുകളിലേക്കാണ് ഡിസംബര്‍ 10ന് ഉപതിരഞ്ഞെടുപ്പ് നടക്കുന്നത്.തിരഞ്ഞെടുപ്പ് ചട്ടങ്ങളിലെ ആള്‍മാറാട്ടത്തിനെതിരേയുള്ള മുന്‍കരുതല്‍ വ്യവസ്ഥ പ്രകാരം ഇടതു കൈയ്യിലെ ചൂണ്ടുവിരലില്‍ പ്രിസൈഡിങ് ഓഫീസറോ പോളിങ് ഓഫീസറോ മഷി പുരട്ടേണ്ടതുണ്ട്. വോട്ടറുടെ ഇടതു ചൂണ്ടുവിരലില്‍ അത്തരത്തിലുള്ള മഷിയടയാളം നേരത്തേ ഉണ്ടെങ്കില്‍ വോട്ട് ചെയ്യാനാകില്ല. അതിനാലാണ് തിരഞ്ഞെടുപ്പ് കമ്മീഷന്‍ ഇത്തരത്തില്‍ നിര്‍ദ്ദേശം പുറപ്പെടുവിച്ചത്.

തദ്ദേശസ്ഥാപന ഉപതിരഞ്ഞെടുപ്പിൽ മഷി പുരട്ടുക നടുവിരലില്‍

വടകര: കാഫിര്‍ സ്‌ക്രീന്‍ഷോട്ട് കേസിലെ അന്വേഷണ പുരോഗതി റിപ്പോര്‍ട്ട് ഇന്ന് തന്നെ ഹാജരാക്കണമെന്ന് കോടതി. വടകര ഫസ്റ്റ്ക്ലാസ് ജുഡീഷ്യല്‍ മജിസ്‌ട്രേറ്റ് കോടതിയാണ് പോലീസിന് നിര്‍ദേശം നല്‍കിയത്. ഇന്ന് കേസ് പരിഗണിച്ചപ്പോള്‍ പോലീസ് റിപ്പോര്‍ട്ട് സമര്‍പ്പിച്ചിരുന്നില്ല.
അന്വേഷണ പുരോഗതിയുടെ റിപ്പോര്‍ട്ടും പിടിച്ചെടുത്ത ഫോണുകളുടെ ഫോറന്‍സിക് പരിശോധന ഫലവും ഹാജരാക്കാന്‍ രണ്ടാഴ്ച മുന്നേ പോലീസിന് കോടതി നിര്‍ദേശം നല്‍കിയിരുന്നു. പക്ഷെ ഇന്ന് കേസ് പരിഗണിച്ചപ്പോള്‍ പോലീസത് ഹാജരാക്കിയില്ല. കൂടുതല്‍ സമയം ആവശ്യപ്പെടുകയും ചെയ്തു. എന്നാല്‍ ഇന്ന് ഉച്ചക്ക് ശേഷം കോടതി ചേരുമ്പോള്‍ തന്നെ റിപ്പോര്‍ട്ടുകള്‍ ഹാജരാക്കണമെന്നാണ് കോടതി പോലീസിന് നല്‍കിയിരിക്കുന്ന നിര്‍ദേശം.കേസെടുത്ത് എട്ട് മാസമായിട്ടും അന്വേഷണത്തിലെ മെല്ലെപ്പോക്ക് ചൂണ്ടിക്കാട്ടിയും അന്വേഷണത്തില്‍ കോടതി മേല്‍നോട്ടം ആവശ്യപ്പെട്ടുമാണ് പരാതിക്കാരനായ എം.എസ്.എഫ് നേതാവ് മുഹമ്മദ് കാസിം വടകര മജിസ്‌ട്രേറ്റ് കോടതിയെ സമീപിച്ചത്.&nbsp;

കാഫിര്‍ സ്‌ക്രീന്‍ഷോട്ട് കേസ്;അന്വേഷണ റിപ്പോര്‍ട്ട് ഇന്ന് തന്നെ ഹാജരാക്കാൻ നിർദ്ദേശം

Search Results for: private bus collision