ദുബായ്: ദുബായ് മംസാറിൽ മലയാളി വിദ്യാർത്ഥിയെ കടലിൽ കാണാതായി. ദുബായിൽ വസ്ത്ര വ്യാപാരിയായ കാസർകോട് ചെങ്കള തൈവളപ്പ് സ്വദേശി എപി അഷ്റഫ്-നസീമ ദമ്പതികളുടെ മകൻ മഫാസിനെയാണ് കാണാതായത്. ദുബായ് ന്യൂ ഇന്ത്യൻ മോഡൽ സ്‌കൂളിലെ പത്താം ക്ലാസ് വിദ്യാർത്ഥിയാണ്. കുട്ടിയ്ക്ക് വേണ്ടിയുള്ള തെരച്ചിൽ തുടരുകയാണ്.
വെള്ളിയാഴ്ച രാത്രി കുടുംബം ബീച്ചിലെത്തിയതായിരുന്നു. മഫാസ് പന്തു തട്ടിക്കളിക്കുന്നതിനിടെ ബോൾ കടലിൽ വീഴുകയും അത് എടുക്കാൻ ചെന്ന കുട്ടി ഒഴുക്കിൽപ്പെടുകയായിരുന്നു എന്നാണ് വിവരം.

ദുബായിൽ മലയാളി വിദ്യാർത്ഥിയെ കടലിൽ കാണാതായി

Gulf

ദുബായ്: ദുബായ് നൈഫിലെ ഹോട്ടലിലുണ്ടായ തീപിടിത്തത്തില്‍ രണ്ട് പേര്‍ മരിച്ചു. മരിച്ചവരെ തിരിച്ചറിഞ്ഞിട്ടില്ല. തീപിടിത്തത്തെ തുടര്‍ന്നുണ്ടായ പുക ശ്വസിച്ചാണ് മരണമെന്ന് അധികൃതർ അറിയിച്ചു.
അഗ്‌നിബാധയെക്കുറിച്ചുള്ള വിവരം ലഭിച്ചയുടന്‍ ദുബായ് സിവില്‍ ഡിഫന്‍സ് സ്ഥലത്തെത്തി തീയണയ്ക്കുകയായിരുന്നു. കെട്ടിടത്തിലുണ്ടായിരുന്നവരെയെല്ലാം ഒഴിപ്പിച്ചു. തീപിടിത്തത്തിന്റെ കാരണം വ്യക്തമല്ല.

ദുബായ് നൈഫിലെ ഹോട്ടലില്‍ തീപിടിത്തം; രണ്ടുപേർ മരിച്ചു

ദുബായ്: അബുദാബിയില്‍നിന്ന് കാണാതായ മലയാളി യുവാവിനെ ദുബായിലെ പാലത്തില്‍നിന്ന് ചാടി മരിച്ച നിലയില്‍ കണ്ടെത്തി. തിരുവനന്തപുരം കരുംകുളം പുതിയതുറ സ്വദേശി അഴങ്കല്‍ പുരയിടത്തില്‍ ഡിക്‌സണ്‍ സെബാസ്റ്റ്യന്‍ (26) ആണ് മരിച്ചത്.
മെയ് 15 മുതല്‍ കാണാതായ ഡിക്സനെ പോലീസും ബന്ധുക്കളും അന്വേഷിച്ചുവരികയായിരുന്നു. അബുദാബിയിലെ ഒരു ഇലക്ട്രോണിക്സ് കടയില്‍ വാച്ച് മേക്കറായി ജോലി ചെയ്യുകയായിരുന്നു ഡിക്സണ്‍. ദുബായ് ശൈഖ് സായിദ് റോഡില്‍ സാബില്‍ റോഡിനടുത്തെ പാലത്തില്‍നിന്നും ചാടി മരിച്ചതായാണ് സംശയിക്കുന്നതെന്ന് പോലീസ് പറഞ്ഞതായി സാമൂഹിക പ്രവര്‍ത്തകന്‍ നസീര്‍ വാടാനപ്പള്ളി അറിയിച്ചു.
ദുബായ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നടപടികള്‍ക്കുശേഷം നാട്ടിലേക്ക് കൊണ്ടുപോകും. മത്സ്യത്തൊഴിലാളിയായ സെബാസ്റ്റ്യന്റെയും ജെനോബിയുടെയും മകനാണ്. റോബിന്‍ സെബാസ്റ്റ്യന്‍, സ്റ്റെഫിന്‍ സെബാസ്റ്റ്യന്‍ എന്നിവര്‍ സഹോദരങ്ങളാണ്

അബുദാബിയില്‍ കാണാതായ മലയാളി യുവാവിനെ ദുബായില്‍ മരിച്ച നിലയില്‍ കണ്ടെത്തി

ദുബൈ: മലയാളി യുവാവിനെ ദുബൈയില്‍ കെട്ടിടത്തില്‍നിന്നും വീണ് മരിച്ച നിലയില്‍ കണ്ടെത്തി. കണ്ണൂര്‍ മലപ്പട്ടം ചൂളിയാട് കളത്തിലെ വളപ്പില്‍ വീട്ടില്‍ സജിത് അരൂലിനെയാണ് (41) ഖിസൈസിലെ താമസകെട്ടിടത്തില്‍ നിന്നും വീണ് മരിച്ച നിലയില്‍ കണ്ടെത്തിയത്.
സ്വകാര്യകമ്പനിയില്‍ സെയില്‍സ് വിഭാഗത്തില്‍ ജോലി ചെയ്തുവരികയായിരുന്നു. പിതാവ്: നാരായണന്‍ കളത്തില്‍വളപ്പില്‍. മാതാവ്: രോഹിണി. ദുബൈ പൊലീസ് മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നടപടികള്‍ക്ക്‌ശേഷം നാട്ടിലേക്ക് കൊണ്ടുപോകും.

കണ്ണൂര്‍ സ്വദേശി ദുബൈയില്‍ കെട്ടിടത്തില്‍നിന്നും വീണ് മരിച്ച നിലയില്‍

ദുബായ്: എമിറേറ്റിലെ ദേരസിറ്റിയിലുണ്ടായ വാഹനാപകടത്തിൽ പരിക്കേറ്റ് ​ഗുരുതരാവസ്ഥയിലായിരുന്ന മലയാളി മരിച്ചു. കാസര്‍കോട് നീലേശ്വരം കണിച്ചിറ സ്വദേശി നാലുപുരപാട്ടില്‍ ഷെഫീഖ് (38) ആണ് മരിച്ചത്. നാല് ദിവസം മുൻപാണ് അപകടം ഉണ്ടായത്. റോഡിലൂടെ നടന്നുപോകുമ്പോൾ ബൈക്കിടിക്കുകയായിരുന്നു. 10 വര്‍ഷത്തിലേറെയായി ദുബായിൽ കാര്‍ വാഷിങ് ജോലി ചെയ്തുവരികയായിരുന്നു.&nbsp;&nbsp;

ദുബായിൽ ബൈക്കിടിച്ച് മലയാളി മരിച്ചു

ദുബായ്: കഴിഞ്ഞവർഷം 1,58,000 ഗോൾഡൻ വിസ നൽകിയതായി ദുബായ് ജനറൽ ഡയറക്ടറേറ്റ് ഓഫ് റെസിഡൻറ്‌സി ആൻഡ് ഫോറിനേഴ്സ് അഫയേഴ്സ് (ജി.ഡി.ആർ.എഫ്.എ.) അധികൃതർ അറിയിച്ചു. മുൻ വർഷവുമായി താരതമ്യപ്പെടുത്തുമ്പോൾ ഗോൾഡൻ വിസകളുടെ എണ്ണം ഇരട്ടിയിലധികമായെന്ന് ജി.ഡി.ആർ.എഫ്.എ. ഡയറക്ടർ ജനറൽ ലെഫ്. ജനറൽ മുഹമ്മദ് അഹമ്മദ് അൽ മർറി പറഞ്ഞു.
വിവിധ മേഖലയിൽ കഴിവുതെളിയിച്ച പ്രതിഭാശാലികൾ, നിക്ഷേപകർ, വ്യവസായികൾ എന്നിവർക്കെല്ലാമാണ് 10 വർഷത്തെ ഗോൾഡൻ വിസ നൽകുന്നത്. വിസാ ഉടമകൾക്ക് പ്രത്യേക ആരോഗ്യ ഇൻഷുറൻസ് ഉൾപ്പടെ ഒട്ടേറെ ആനൂകൂല്യങ്ങൾ ലഭിക്കും. പ്രവർത്തന മേഖലയിൽ 20 വർഷം പൂർത്തിയാക്കിയ പള്ളി ഇമാമുമാർ, മതപ്രഭാഷകർ, മുഫ്തിമാർ, മത ഗവേഷകർ എന്നിവർക്കും ഗോൾഡൻ വിസ നൽകുന്നുണ്ട്.
&nbsp;

ദുബായ് കഴിഞ്ഞവർഷം നൽകിയത് ഒന്നരലക്ഷം ഗോൾഡൻ വിസ

ദുബായ്: രണ്ട് ദിവസത്തെ സ്വകാര്യ സന്ദർശനത്തിനായി മുഖ്യമന്ത്രി പിണറായി വിജയൻ ദുബായിലെത്തി. ബുധനാഴ്ച പുലർച്ചെയാണ് അദ്ദേഹം കുടുംബവുമൊത്ത് ദുബായിലെത്തിയത്. ഇൻഡൊനീഷ്യയും, സിംഗപ്പൂരും സന്ദർശിച്ച ശേഷമാണ് മുഖ്യമന്ത്രിയുടെ ദുബായ് സന്ദർശനം.
അടുത്ത ശനിയാഴ്ച മുഖ്യമന്ത്രി ദുബായിൽ എത്തുമെന്നാണ് നേരത്തെ അറിയിച്ചിരുന്നത്. ഈ മാസം ആറിനായിരുന്നു വിദേശയാത്രക്കായി അദ്ദേഹം കേരളത്തിൽ നിന്ന് പുറപ്പെട്ടത്. ദുബായ് വഴിയായിരുന്നു യാത്രയെങ്കിലും ട്രാൻസിറ്റ് ആയിരുന്നതിനാൽ വിമാനത്താവളത്തിൽനിന്ന് അന്ന് പുറത്തിറങ്ങിയിരുന്നില്ല. ദുബായിലെത്തിയ അദ്ദേഹം രണ്ടു ദിവസം അവിടെ ഉണ്ടാകുമെങ്കിലും പരിപാടികളിലൊന്നും പങ്കെടുക്കില്ലെന്നാണ് സൂചന.

മുഖ്യമന്ത്രി പിണറായി വിജയന്‍ ദുബായിലെത്തി

തിരുവനന്തപുരം: സ്വകാര്യ സന്ദര്‍ശനത്തിനായി മുഖ്യമന്ത്രി പിണറായി വിജയൻ ദുബൈയിലേക്ക് തിരിച്ചു. കൊച്ചിയിൽനിന്നുള്ള യാത്രയിൽ മന്ത്രി മുഹമ്മദ് റിയാസും ഭാര്യ വീണയും ഒപ്പമുണ്ട്. മകനെ കാണാൻ വേണ്ടിയാണ് മുഖ്യമന്ത്രി ദുബൈയിലേക്ക് പോയത്. കഴിഞ്ഞ ദവസമാണ് കേന്ദ്രത്തിന്റെ യാത്രാനുമതി കിട്ടിയത്.
മൂന്ന് രാജ്യങ്ങളിലാണ് മുഖ്യമന്ത്രി സന്ദർശനം നടത്തുന്നത്. ഇന്നുമുതൽ 12ാം തീയതി വരെ ഇന്തോനേഷ്യയിലായിരിക്കും മുഖ്യമന്ത്രിയുണ്ടാകുക.12 മുതൽ 18 വരെ സിംഗപ്പൂരിലും 19 മുതൽ 21 വരെ യു.എ.ഇയിലും മുഖ്യമന്ത്രി സന്ദർശനം നടത്തുന്നത്. ഔദ്യോഗിക യാത്ര അല്ലാത്തതിനാൽ മുഖ്യമന്ത്രിയുടെ ഓഫീസിൽ നിന്ന് ഔദ്യോഗിക അറിയിപ്പ് നൽകിയിട്ടില്ല. മുഖ്യമന്ത്രിയുടെ മടങ്ങിവരവ് എന്നാണെന്നതില്‍ വ്യക്തതയില്ല. 19 ദിവസത്തെ യാത്രക്കുള്ള അനുമതിയാണ് മന്ത്രി റിയാസിന് ലഭിച്ചത്.

സ്വകാര്യ സന്ദര്‍ശനത്തിനായി മുഖ്യമന്ത്രി ദുബൈയിലേക്ക് തിരിച്ചു

Kerala

ദുബായ്: ദുബായില്‍ കെട്ടിടത്തിന്റെ താഴ്ഭാഗം ഇടിഞ്ഞതിനെ തുടര്‍ന്ന് മലയാളികളടക്കമുള്ള താമസക്കാരെ ഒഴിപ്പിച്ചു. പരിക്കോ നാശനഷ്ടമോ റിപ്പോര്‍ട്ട് ചെയ്തിട്ടില്ല. ഖിസൈസ് മുഹൈസ്‌ന നാലില്‍ മദീന മാളിന് സമീപമുള്ള പത്തുനില കെട്ടിടത്തില്‍ വെള്ളിയാഴ്ച രാത്രി 10 മണിയോടെയാണ് സംഭവം.
കെട്ടിടത്തില്‍ ചെറിയ ഇളക്കമാണ് ആദ്യം അനുഭവപ്പെട്ടതെന്ന് താമസക്കാര്‍ പറഞ്ഞു. 108 ഫ്ളാറ്റുകളാണ് ഇവിടെയുള്ളത്. ഒട്ടേറെ മലയാളികള്‍ താമസിക്കുന്ന കെട്ടിടമാണിത്. ഉടന്‍ സ്ഥലത്തെത്തിയ ദുബായ് പോലീസും റെസ്‌ക്യൂ സംഘവും താമസക്കാരെ കെട്ടിടത്തില്‍നിന്നും ഒഴിപ്പിച്ചു സുരക്ഷിത സ്ഥാനത്തേക്ക് മാറ്റി. മറ്റ് അപകടങ്ങളൊന്നും റിപ്പോര്‍ട്ട് ചെയ്യപ്പെട്ടിട്ടില്ല.
കെട്ടിടത്തിന്റെ സുരക്ഷ സംബന്ധിച്ചു അധികൃതര്‍ പരിശോധിക്കുന്നുണ്ട്. ചൊവ്വാഴ്ച പെയ്ത കനത്ത മഴയെതുടര്‍ന്നാണ് അപകടമെന്നാണ് സൂചന. കൂടുതല്‍ വിവരങ്ങള്‍ അറിവായിട്ടില്ല.

ദുബായില്‍ കെട്ടിടത്തിന്റെ താഴ്ഭാഗം ഇടിഞ്ഞു; താമസക്കാരെ ഒഴിപ്പിച്ചു

യു എ ഇ: ഫെബ്രുവരി 12 മുതൽ 14 വരെ ദുബായിൽ നടക്കുന്ന 2024 ലോക ഗവൺമെൻ്റ് ഉച്ചകോടിയിൽ ഇന്ത്യ, ഖത്തർ, തുർക്കി എന്നീ രാജ്യങ്ങളെ അതിഥികളായി പ്രഖ്യാപിച്ചു. “ഭാവി സർക്കാരുകളെ രൂപപ്പെടുത്തുക” എന്ന പ്രമേയത്തിൽ നടക്കുന്ന ഉച്ചകോടിയിൽ 25-ലധികം സർക്കാർ, സംസ്ഥാന തലവന്മാർ ആതിഥേയത്വം വഹിക്കും.
ഇന്ത്യൻ പ്രധാനമന്ത്രി നരേന്ദ്ര മോദി, ഖത്തർ പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിൻ അബ്ദുൾറഹ്മാൻ ബിൻ ജാസിം അൽതാനി, തുർക്കി പ്രസിഡൻ്റ് റജബ് ത്വയ്യിബ് എർദോഗൻ എന്നിവരുടെ നേതൃത്വത്തിലുള്ള മൂന്ന് അതിഥി രാജ്യങ്ങളിലെയും ഉന്നതതല പ്രതിനിധികൾ സംഘത്തെ നയിക്കും.
അതിഥി രാജ്യങ്ങൾ അവരുടെ വിജയകരമായ സർക്കാർ അനുഭവങ്ങളും മികച്ച വികസന പ്രവർത്തനങ്ങളും ഉച്ചകോടിയിൽ പ്രദർശിപ്പിക്കും.ഉച്ചകോടിയിൽ 85-ലധികം അന്താരാഷ്ട്ര, പ്രാദേശിക സംഘടനകളുടെ പ്രതിനിധികളും 120 ഗവൺമെൻ്റ് പ്രതിനിധികളുമടക്കം 4,000 പേർ പങ്കെടുക്കും.

ദുബായിൽ നടക്കുന്ന ലോക ഗവൺമെൻ്റ് ഉച്ചകോടിയിൽ അതിഥിയായി ഇന്ത്യയും

ദുബായ്: ക​ണ്ണൂ​ർ എ​ട​ക്കാ​ട് ക​ട​മ്പൂ​ർ പ​ണം​കൊ​ട്ട​ത്ത് മോ​ഹ​ന​ന്റെ മ​ക​ൻ മോ​ജി​ത്ത് (33) ദു​ബൈ​യി​ൽ നി​ര്യാ​ത​നാ​യി. ദു​ബൈ​യി​ലെ മു​ഹൈ​സി​ന​യി​ലെ താ​മ​സ​സ്ഥ​ല​ത്ത് രാ​ത്രി ഉ​റ​ങ്ങാ​ൻ കി​ട​ന്ന ഇ​ദ്ദേ​ഹ​ത്തെ രാ​വി​ലെ മ​രി​ച്ച​നി​ല​യി​ൽ ക​ണ്ടെ​ത്തു​ക​യാ​യി​രു​ന്നു. ദു​ബൈ​യി​ലെ ഒ​രു സ്വ​കാ​ര്യ ക​മ്പ​നി​യി​ലെ ജീ​വ​ന​ക്കാ​ര​നാ​ണ്. മാ​താ​വ്: വി​ജി​ത.

ദു​ബൈ​യി​ലെ ഒ​രു സ്വ​കാ​ര്യ ക​മ്പ​നി​യി​ലെ ജീ​വ​ന​ക്കാ​ര​നാ​ണ്

ക​ണ്ണൂ​ർ എ​ട​ക്കാ​ട് സ്വ​ദേ​ശി ദുബാ​യി​ൽ നി​ര്യാ​ത​നാ​യി

ദുബായ്: ഫറോഖ് സ്വദേശി വെള്ളകോട്ട് കുഞ്ഞഹമ്മദ് (61) ദുബൈയിൽ നിര്യാതനായി. താമസ സ്ഥലത്ത് വെച്ച് ശാരീരിക അസ്വസ്ഥതകളെ തുടർന്ന് ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. ദുബൈയിലെ ഒരു ഫയർ ആന്റ് സേഫ്റ്റി കമ്പനിയിൽ ജോലി ചെയ്ത് വരികയായിരുന്നു. ഭാര്യ : അസ്‌റാബി, മക്കൾ; ജഹാന ഷെറിൻ, ജംഷാദ്, മരുമകൻ ഷെമീഷ്. നടപടി ക്രമങ്ങൾ പൂര്‍ത്തീകരിച്ച് മയ്യിത്ത് നാട്ടിലേക്ക് കൊണ്ട് പോകുമെന്ന് ബന്ധുക്കൾ അറിയിച്ചു.

ദുബൈയിലെ ഒരു ഫയർ ആന്റ് സേഫ്റ്റി കമ്പനിയിൽ ജോലി ചെയ്ത് വരികയായിരുന്നു

ഫറോഖ് സ്വദേശി ദുബൈയിൽ നിര്യാതനായി

ന്യൂഡല്‍ഹി: ദുബായില്‍ നടക്കുന്ന ലോക കാലാവസ്ഥ ഉച്ചകോടിയില്‍ പ്രധാനമന്ത്രി നരേന്ദ്രമോദി പങ്കെടുക്കും. ഉച്ചകോടിയില്‍ മോദി ഇന്ന് പ്രസംഗിക്കും. കൂടാതെ, ലോക നേതാക്കളുമായും പ്രധാനമന്ത്രി ചര്‍ച്ച നടത്തും. 21 മണിക്കൂര്‍ ദുബായില്‍ തങ്ങുന്ന പ്രധാനമന്ത്രി ഏഴ് ഉഭയകക്ഷി യോഗങ്ങളില്‍ പങ്കെടുക്കും. നാലു പ്രസംഗങ്ങളും കാലാവസ്ഥാ ഉച്ചകോടിയുമായി ബന്ധപ്പെട്ട രണ്ടു പരിപാടികളിലും സംബന്ധിക്കും.&nbsp;
ഐക്യരാഷ്‌ട്രസഭയുടെ നേതൃത്വത്തിൽ സംഘടിപ്പിക്കപ്പെടുന്ന വാർഷിക കാലാവസ്ഥ ഉച്ചകോടിയുടെ 28-ാം എഡിഷനിൽ ബ്രിട്ടീഷ് പ്രധാനമന്ത്രി ഋഷി സുനക് ഉൾപ്പെടെയുള്ള ലോകനേതാക്കൾ പങ്കെടുക്കുന്നുണ്ട്.&nbsp;&nbsp;
കാലാവസ്ഥാ വ്യതിയാനവുമായി ബന്ധപ്പെട്ട പ്രശ്‌നങ്ങൾ പരിഹരിക്കാൻ ലക്ഷ്യമിട്ടുള്ള നിർണ്ണായക സമ്മേളനമാണ് കോപ് 28. കാലാവസ്ഥ വ്യതിയാനം, കാർബൺ പുറന്തള്ളൽ കുറയ്‌ക്കുന്നതിനുള്ള നടപടികൾ, കാലാവസ്ഥ ധനകാര്യം തുടങ്ങിയ വിഷയങ്ങളിൽ ചർച്ചകൾ നടക്കും. യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാന്റെ ക്ഷണം സ്വീകരിച്ചാണ് നരേന്ദ്രമോദി ഉച്ചകോടിയിൽ പങ്കെടുക്കാൻ യുഎഇയിലെത്തിയത്. കഴിഞ്ഞ എട്ട് വർഷത്തിനിടെ പ്രധാനമന്ത്രിയുടെ ആറാമത്തെ യുഎഇ സന്ദർശനമാണിത്.

21 മണിക്കൂര്‍ ദുബായില്‍ തങ്ങുന്ന പ്രധാനമന്ത്രി ഏഴ് ഉഭയകക്ഷി യോഗങ്ങളില്‍ പങ്കെടുക്കും

ലോക നേതാക്കളുമായി പ്രധാനമന്ത്രി നരേന്ദ്ര മോദി ഇന്ന് ചര്‍ച്ച നടത്തും

ദുബൈ: വടകര കാർത്തികപ്പള്ളി പരേതനായ വടക്കയിൽ അമ്മദിന്റെ മകൻ വടക്കയിൽ അബ്ദുല്ല (58) ദുബൈ കറാമയിൽ നിര്യാതനായി. മാതാവ്​: കുഞ്ഞയിഷ. ഭാര്യ: ജമീല (തണ്ണീർപന്തൽ). മക്കൾ: ഷാഹുൽ (ദുബൈ), ഷംന, മുഹമ്മദ് (വിദ്യാർഥി). മരുമകൻ: സഹദ് കുനിങ്ങാട് (ഒമാൻ). സഹോദരങ്ങൾ: വടക്കയിൽ ഹംസ, വടക്കയിൽ സലീം, പാത്തു കുറൂളിതാഴ, ജമീല കൊമ്പുകുളം കുനി.
നടപടിക്രമങ്ങൾ പൂർത്തീകരിച്ച് ബന്ധുക്കളും കെ.എം.സി.സി നേതാക്കളും നാട്ടുകാരും ചേർന്ന് ഏറ്റുവാങ്ങിയ മയ്യിത്ത് നാട്ടിലെത്തിച്ചു. കഴിഞ്ഞ ദിവസം വൈകുന്നേരത്തോടെ കൊമ്പുകുളം ജുമാമസ്ജിദിൽ ഖബറടക്കി.

വടക്കയിൽ അമ്മദിന്റെ മകൻ വടക്കയിൽ അബ്ദുല്ല ദുബൈ കറാമയിൽ നിര്യാതനായി

വടകര സ്വദേശി ദുബൈയിൽ നിര്യാതനായി

ദുബൈ: കറാമയിൽ കഴിഞ്ഞമാസം ഗ്യാസ് സിലിണ്ടർ പൊട്ടിത്തെറിച്ചുണ്ടായ അപകടത്തിൽ പരിക്കേറ്റ ഒരു മലയാളി കൂടി മരിച്ചു. ദുബൈ റാശിദ് ആശുപത്രിയിൽ ഗുരുതരാവസ്ഥയിൽ കഴിഞ്ഞിരുന്ന തലശ്ശേരി പുല്ലോൾ സ്വദേശി നഹീൽ നിസാറാണ് (26) മരിച്ചത്. ഇതോടെ അപകടത്തിൽ മരിച്ച മലയാളികളുടെ എണ്ണം മൂന്നായി. ഒക്ടോബർ 17 ന് അർധരാത്രിയാണ് കറാമ ബിൻ ഹൈദർ ബിൽഡിങിൽ ഗ്യാസ് സിലിണ്ടർ പൊട്ടിത്തെറിച്ച് തീപിടുത്തമുണ്ടായത്. മലപ്പുറം പറവണ്ണ സ്വദേശി യഅഖൂബ് അബ്ദുല്ല, പരിക്കേറ്റ് ചികിൽസയിലായിരുന്ന തലശ്ശേരി സ്വദേശി നിധിൻ ദാസ് എന്നിവർ നേരത്തേ മരിച്ചു. ഇന്ന് രാവിലെ മരിച്ച നിഹാൽ നിസാർ ഡമാക്ക് ഹോൾഡിങ് ജീവനക്കാരനാണ്. പുന്നോൽ കഴിച്ചാൽ പൊന്നബത്ത് പൂഴിയിൽ നിസാറിന്റെയും ഷഫൂറയുടെയും മകനാണ്. മൃതദേഹം ദുബൈയിൽ ഖബറടക്കുമെന്ന് ബന്ധുക്കൾ അറിയിച്ചു. അപകടത്തിൽ പരിക്കേറ്റ ഒരു യുവാവ് കൂടി ആശുപത്രിയിൽ ചികിൽസയിൽ തുടരുകയാണ്.

കറാമയിൽ കഴിഞ്ഞമാസം ഗ്യാസ് സിലിണ്ടർ പൊട്ടിത്തെറിച്ചുണ്ടായ അപകടത്തിൽ പരിക്കേറ്റ ഒരു മലയാളി കൂടി മരിച്ചു

കറാമയിൽ ഗ്യാസ് സിലിണ്ടർ പൊട്ടിത്തെറിച്ചുണ്ടായ അപകടത്തിൽ ഒരു മലയാളി കൂടി മരിച്ചു

വടകര : 33 കുപ്പി മാഹി വിദേശമദ്യവുമായി യുവാവിനെ എക്സൈസ് ഉദ്യോഗസ്ഥർ പിടികൂടി. പയ്യന്നൂർ കരുതെക്കേൽ വീട്ടിൽ റിന്റോ ജോസഫി(38)നെയാണ് പിടികൂടിയത്. വടകര എക്സൈസ് സർക്കിൾ ഓഫീസിലെ അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) പ്രമോദ് പുളിക്കോലും സംഘവും നടത്തിയ പരിശോധനയിലാണ് മാഹി റെയിൽവേ സ്റ്റേഷനിലേക്ക് പോകുന്ന റോഡിൽ ഗവ. പ്രീമെട്രിക് ഹോസ്റ്റലിനു മുൻവശത്തുനിന്ന് ഇയാളെ പിടികൂടിയത്.&nbsp;
റിന്റോയുടെ അറസ്റ്റ് രേഖപ്പെടുത്തി. സംഘത്തിൽ പ്രിവന്റീവ് ഓഫീസർ ഗ്രേഡ് എൻ.എം. ഉനൈസ്, സി.ഇ.ഒ. സി.എം. സുരേഷ് കുമാർ, ഡ്രൈവർ ഇ.കെ. പ്രജീഷ് എന്നിവരും ഉണ്ടായിരുന്നു.

33 കുപ്പി വിദേശമദ്യവുമായി യുവാവ് വടകര എക്സൈസ് പിടിയിൽ

Vadakara

നാദാപുരം : അരൂരില്‍ എം.ഡി.എം.എയുമായി മൂന്ന് യുവാക്കളെ പോലീസ് അറസ്റ്റ് ചെയ്തു. പിടുപിടുപാഞ്ചാലില്‍ മുഹമ്മദലി(30),ചേലക്കാട് ചരളില്‍ അര്‍ഷാദ്(26),മൊകേരിയില്‍ വാടകക്ക് താമസിക്കുന്ന കല്ലാച്ചി കൊറ്റോത്താന്റവിടെ അന്‍വര്‍സാദത്ത്(30)എന്നിവരെയാണ് നാദാപുരം എസ്.ഐ വിഷ്ണുവും സംഘവും പിടികൂടിയത്.
ഇവര്‍ സഞ്ചരിച്ച കാറും പോലീസ് കസ്റ്റഡിയിലെടുത്തു.കഴിഞ്ഞ ദിവസം ബാംഗ്ലൂരില്‍ നിന്നെത്തച്ചതാണ് ലഹരി വസ്തുവെന്ന് പോലീസ് പറഞ്ഞു.ഇവരെ ഞായറാഴ്ച കോടതിയില്‍ ഹാജരാക്കും.

അരൂരില്‍ എം.ഡി.എ യുമായി മൂന്ന് പേർ അറസ്റ്റിൽ

Nadapuram

അരൂരില്‍ എം.ഡി.എം.എയുമായി മൂന്ന് പേർ അറസ്റ്റിൽ

വടകര: എക്‌സൈസ് സര്‍ക്കിള്‍ ഓഫീസിലെ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ (ഗ്രേഡ്) പ്രമോദ്പുളിക്കൂലും പാര്‍ട്ടിയും വില്ല്യാപ്പള്ളി, കുനിങ്ങാട് ഭാഗങ്ങളില്‍ നടത്തിയ പരിശോധനയില്‍ കഞ്ചാവുമായി യുവാവ് പിടിയിലായി. ആയഞ്ചേരി പറമ്പില്‍ ആക്കായി താഴെകുനിയില്‍ വീട്ടില്‍ അമലിനെയാണ് (27) അറസ്റ്റ് ചെയ്തത്.&nbsp;
ഇയാളില്‍ നിന്ന് 70 ഗ്രാം കഞ്ചാവ് പിടിച്ചെടുത്തു. കൈതകുണ്ട് എന്ന സ്ഥലത്ത് നിന്നാണ് ഇയാളെ പിടികൂടിയത്. പ്രിവന്റിവ് ഓഫീസര്‍ ഗ്രേഡ് സായിദാസ്.കെ.പി, ഷൈജു.പി.പി, സിവില്‍ എക് സൈസ് ഓഫീസര്‍ മുസ്ബിന്‍. ഇ.എം, സിഇഒ ഡ്രൈവര്‍ പ്രജീഷ്. ഇ കെ എന്നിവരും പരിശോധനയില്‍ പങ്കെടുത്തു.

വില്ല്യാപ്പള്ളി, കുനിങ്ങാട് ഭാഗങ്ങളില്‍ പരിശോധനയുമായി എക്‌സൈസ്; 70 ഗ്രാം കഞ്ചാവുമായി യുവാവ് പിടിയില്‍

നാദാപുരം: യുവതിയുടെ വീട്ടില്‍ അതിക്രമിച്ചു കയറി ഭീഷണിപ്പെടുത്തി എന്ന പരാതിയില്‍ പോലീസ് സിഐക്കെതിരെ കേസ്. നാദാപുരം കണ്‍ട്രോള്‍ റൂം സിഐ സ്മിതേഷിനെതിരെയാണ് വടകര പോലീസ് കേസെടുത്തത്. കത്രിക പോലുള്ള വസ്തു കാട്ടി കുത്തുമെന്ന് ഭീഷണിപ്പെടുത്തിയെന്നാണ് പരാതി. യുവതിയുടെ ബഹളം കേട്ട് രാത്രി അയല്‍ക്കാര്‍ ഓടിക്കൂടിയിരുന്നു.
വള്ളിക്കാട് സ്വദേശിനിയായ യുവതിയുടെ വീട്ടിലാണ് സംഭവം. വൈകിട്ട് മകളോടൊപ്പം പുറത്തു പോയ യുവതി രാത്രി എട്ടേമുക്കാലോടെ വീട്ടില്‍ തിരിച്ചെത്തിയപ്പോള്‍ പ്രതിയെ വീട്ടിനുള്ളല്‍ അതിക്രമിച്ച് കയറിയ നിലയില്‍ കാണുകയായിരുന്നെന്ന് പറയുന്നു. പിന്നാലെ കത്രിക പോലുള്ള മൂര്‍ച്ചയുള്ള സാധനം കാണിച്ച്കുത്തുമെന്ന് ഭീഷണി മുഴക്കിയെന്നും പറയുന്നു.&nbsp;
യുവതിയും മകളും ബഹളം വെച്ചതിനെ തുടര്‍ന്ന് നാട്ടുകാര്‍ ഓടിക്കൂടുകയും യുവതി വടകര പോലീസിനെ വിവരം അറിയിക്കുകയുമായിരുന്നു. തുടര്‍ന്ന് വടകര പോലീസെത്തി സിഐ സ്മിതേഷിനെ കസ്റ്റഡിയിലെടുക്കുകയായിരുന്നു. യുവതിയെ നേരത്തെ പരിചയമുള്ള പ്രതി പലപ്രാവശ്യം ഫോണ്‍ ചെയ്തതിനെ തുടര്‍ന്ന് പ്രതിയുടെ കോള്‍ ബ്ലോക്ക് ചെയ്തതിലുള്ള വിരോധമാണ് അതിക്രമത്തിന് കാരണമെന്ന് എഫ്‌ഐആറില്‍ പറയുന്നു. കസ്റ്റഡിയിലെടുത്ത പ്രതിയെ പിന്നീട് സ്റ്റേഷന്‍ ജാമ്യത്തില്‍ വിട്ടു.

വീട്ടില്‍ അതിക്രമിച്ച് കയറി യുവതിയെ ഭീഷണിപ്പെടുത്തിയതായി പരാതി; നാദാപുരത്ത് സിഐക്കെതിര കേസ്

മലപ്പുറം: സ്വകാര്യ ബസ് ജീവനക്കാരുടെ മർദനമേറ്റ ഓട്ടോ ഡ്രൈവർ ആശുപത്രിയിൽ കുഴഞ്ഞുവീണുമരിച്ചു. ഒതുക്കുങ്ങൽ സ്റ്റാൻഡിലെ ഡ്രൈവറായ മാണൂർ സ്വദേശി അബ്ദുൾ ലത്തീഫാണ് മരിച്ചത്. മർദനമേറ്റതിന് പിന്നാലെ ശാരീരിക പ്രശ്നങ്ങൾ ഉണ്ടായതിനെത്തുടർന്ന് സ്വയം ഓട്ടോ ഓടിച്ച് ആശുപത്രിയിൽ എത്തിയ ഉടൻ കുഴഞ്ഞുവീഴുകയായിരുന്നു എന്നാണ് റിപ്പോർട്ട്. ആശുപത്രിയിലുണ്ടായിരുന്ന നാട്ടുകാരനായ ഒരാളാണ് ലത്തീഫിനെ തിരിച്ചറിഞ്ഞത്. സംഭവുമായി ബന്ധപ്പെട്ട് മൂന്ന് ബസ് ജീവനക്കാരെയും ബസിനെയും പൊലീസ് കസ്റ്റഡിയിലെടുത്തിട്ടുണ്ട്. ഇന്ന് രാവിലെയായിരുന്നു സംഭവം.
വടക്കേമണ്ണയിലെ ബസ്‌സ്റ്റോപ്പിൽ നിന്ന് ആളെ കയറ്റിയതുമായി ബന്ധപ്പെട്ടാണ് ബസ് ജീവനക്കാർ ലത്തീഫിനെ മർദിച്ചത്. പിടിബി എന്ന സ്വകാര്യബസിന് മുന്നേ പോയ ലത്തീഫിന്റെ ഓട്ടോയിൽ ബസ്‌സ്റ്റോപ്പിനടുത്ത് റോഡുവക്കിലുണ്ടായിരുന്നു രണ്ട് സ്ത്രീകൾ കയറി. ഇതുകണ്ട ബസ് ജീവനക്കാർ ബസ് കുറുകെയിട്ട് ഓട്ടോ തടയുകയും ലത്തീഫിനെ മർദിക്കുകയുമായിരുന്നു.മർദ്ദനത്തെത്തുടർന്ന് ശാരീരിക പ്രശ്നങ്ങൾ ഉണ്ടായതിനാൽ സ്വയം ആശുപത്രിയിലേക്ക് പോകാൻ ലത്തീഫ് തീരുമാനിക്കുകയായിരുന്നു. ഡോക്ടറെ കണ്ടശേഷം പൊലീസ് സ്റ്റേഷനിലെത്തി പരാതി നൽകാനായിരുന്നു തീരുമാനം. എന്നാൽ ആശുപത്രിയിലെത്തിയ ഉടൻ കുഴഞ്ഞുവീഴുകയായിരുന്നു. ലത്തീഫിന്റെ കഴുത്തിലുൾപ്പെടെ പാടുകളുണ്ടെന്നാണ് ആശുപത്രിയിലുണ്ടായിരുന്ന ചിലർ പറയുന്നത്.&nbsp;
ലത്തീഫിന് മറ്റെന്തെങ്കിലും ആരോഗ്യപ്രശ്നങ്ങൾ ഉണ്ടോ എന്ന് വ്യക്തമല്ല. മൃതദേഹം മോർച്ചറിയിലേക്ക് മാറ്റി. പോസ്റ്റുമോർട്ടം റിപ്പോർട്ട് കിട്ടിയാലേ മരണകാരണം വ്യക്തമാകൂ എന്നാണ് പൊലീസ് പറയുന്നത്.&nbsp;

മലപ്പുറത്ത് ബസ് ജീവനക്കാരുടെ മർദനമേറ്റ ഓട്ടോഡ്രൈവർ ആശുപത്രിയിൽ കുഴഞ്ഞുവീണ് മരിച്ചു

കോഴിക്കോട്: വനിതാ ദിനത്തിൽ വനിതകൾക്ക് മാത്രമായി സ്പെഷ്യൽ ട്രിപ്പൊരുക്കി കെ.എസ്.ആർ.ടി.സി. നാളെ ശനിയാഴ്ച 200 രൂപക്ക് കോഴിക്കോട് നഗരം ചുറ്റിക്കാണാനുള്ള ട്രിപ്പാണ് ഒരുക്കിയിരിക്കുന്നത്.
കോഴിക്കോട് ബീച്ച്, കുറ്റിച്ചിറ പള്ളി, മാനാഞ്ചിറ സ്ക്വയർ, പ്ലാനിറ്റോറിയം, പഴശ്ശി മ്യൂസിയം, ഭട്ട് റോഡ് ബീച്ച്, കോതി ബീച്ച്, കണ്ണംപറമ്പ് ബീച്ച്, സൗത്ത് ബീച്ച്, വെള്ളയിൽ ബീച്ച്, വരയ്ക്കൽ ബീച്ച് തുടങ്ങിയ സ്ഥലങ്ങളാണ് ട്രിപ്പിലുൾപ്പെടുത്തിയിരിക്കുന്നത്.യാത്രക്ക് താൽപര്യമുള്ളവർ നേരത്തെ ബുക്ക് ചെയ്യണം. ഫോൺ: 9946 068 832, 7907 627 645

വനിതകൾക്ക് കോഴിക്കോട് ചുറ്റിക്കാണാം വെറും 200 രൂപക്ക്; കെ.എസ്.ആർ.ടി.സി സ്പെഷ്യൽ ട്രിപ്പ്

Kozhikode

വടകര : എം.ഡി.എം.എ.യുമായി അറസ്റ്റിലായ യുവാവിനെ കൈയേറ്റം ചെയ്യുന്നത് തടയാൻ ശ്രമിക്കുന്നതിനിടെ പോലീസിന്റെ ഔദ്യോഗിക കൃത്യനിർവഹണം തടസ്സപ്പെടുത്തിയതിന് മൂന്നാളുടെ പേരിൽ വടകര പോലീസ് കേസെടുത്തു.
കണ്ടാലറിയാവുന്ന മൂന്നാളുടെ പേരിലാണ്‌ എസ്.ഐ. എം.കെ. രഞ്ജിത്തിന്റെ പരാതിയിൽ കേസെടുത്തത്. ചൊവ്വാഴ്ച നാരായണനഗരം പെട്രോൾ പമ്പിന്‌സമീപം എം.ഡി.എം.എ.യുമായി പിടിയിലായ യുവാവിന്റെ അറസ്റ്റ് നടപടികൾക്കിടെയാണ് ഇയാളുടെ നേരേ കൈയേറ്റം നടന്നത്. പോലീസ് ഇടപെട്ട് ഇത്‌ തടയുകയായിരുന്നു. ഇതിനിടെ പോലീസുമായും സംഘർഷമുണ്ടായി.

അറസ്റ്റിനിടെ കൈയേറ്റം; മൂന്നാളുടെ പേരിൽ വടകര പോലീസ് കേസെടുത്തു

ചോറോട്: പുനർ വിവാഹിതയല്ലെന്ന സർട്ടിഫിക്കറ്റിന് അപേക്ഷിച്ച യുവതിയോട് ജനപ്രതിനിധികളെ വിശ്വസിക്കാൻ കൊള്ളില്ലെന്ന് ചോറോട് വില്ലേജ് ഓഫിസർ പറഞ്ഞതിൽ പ്രതിഷേധം. ജനപ്രതിനിധികൾ പല ഭാഗത്തും നിൽക്കും അതിനാൽ അയൽക്കാരായ രണ്ട് പേരുടെ സാക്ഷ്യപത്രവുമായി വരണമെന്ന് നിർദ്ദേശിച്ച് മടക്കി അയക്കുകയായിരുന്നു. ലൈഫ് ഭവന പതിയിൽ വീട് അനുവദിക്കപ്പെട്ട വിധവയായ സ്ത്രീക്ക് പഞ്ചായത്തിൽ എഗ്രിമെന്റ് വെക്കുന്നതിനായ് സ്ഥലം രജിസ്റ്റർ ചെയ്യാൻ തണ്ടപ്പേരും നികുതി രസീറ്റിനും അപേക്ഷ നൽകിയപ്പോൾ പല കാരണങ്ങൾ പറഞ്ഞ് മടക്കി അയച്ചു. പഞ്ചായത്ത് അംഗം ഓഫീസിൽ എത്തിയപ്പോഴും പല കാരണങ്ങൾ നിരത്തുകയാണ്.&nbsp;
വിദ്യാർത്ഥികളും തൊഴിൽ അന്വേഷകരുമായ നിരവധി പേർ അപേക്ഷ നൽകിയിട്ട് ദിവസങ്ങളോളമായി കാത്തിരിക്കുകയാണ് എന്നും ജനപ്രതിനിധികൾ പറഞ്ഞു. പാവപ്പെട്ട ജനങ്ങളെ ബുദ്ധിമുട്ടിക്കുന്ന ജിവനക്കാരുടെ നടപടി അവസാനിപ്പിക്കാൻ നടപടിക്കായി ചോറോട് ഗ്രാമ പഞ്ചായ ആംഗം പ്രസാദ് വിലങ്ങിൽ മന്ത്രിമാർക്കും കളക്ടർക്കും പരാതി നൽകി. കഴിഞ്ഞ ദിവസം ചേർന്ന ചോറോട് ഗ്രാമ പഞ്ചായത്ത് ഭരണ സമിതി യോഗത്തിലും വിഷയത്തിൽ വിമർശനമുയർന്നിരുന്നു.

ജനപ്രതിനിധികളെ വിശ്വസിക്കാൻ കൊള്ളില്ലെന്ന പരാമർശം; ചോറോട് വില്ലേജ് ഓഫിസർക്കെതിരെ പരാതി

മേപ്പയ്യൂർ : മേപ്പയ്യൂർ സ്വദേശിയായ അധ്യാപകനെ കാണാതായതായി പരാതി.നടുവിലക്കണ്ടി വിനോദന്റെ മകൻ ദേവദർശിനെ ആണ് ഇന്നലെ മുതൽ കാണാതായത്. രാവിലെ 8 മണിക്ക് വീട്ടിൽ നിന്നും വടകര ഗുജറാത്തി എസ്.ബി സ്കൂളിലേക്ക് പോയതാണ്. 165 സി.എം ഉയരം,വെളുത്ത് തടിച്ച ശരീരം, കറുത്ത ഷർട്ടും വെള്ള പാന്റുമാണ് കാണാതാവുമ്പോൾ ഉള്ള വേഷം.
മേപ്പയൂർ പോലീസിൽ പരാതി നൽകിയിട്ടുണ്ട്. എന്തെങ്കിലും വിവരം ലഭിക്കുന്നവർ 04962676220 ഈ നമ്പറിൽ ബന്ധപ്പെടണമെന്ന് പോലീസ് അറിയിച്ചു.

മേപ്പയ്യൂർ സ്വദേശിയായ അധ്യാപകനെ കാണാതായതായി പരാതി

Search Results for: malayali woman