വടകര: കരിമ്പനപ്പാലത്ത് റെയില്‍പാളത്തിനു സമീപം യുവാവിന്റെ മൃതദേഹം കാണപ്പെട്ടു. ആളെ തിരിച്ചറിഞ്ഞിട്ടില്ല. കടവത്തൂര്‍ സ്വദേശിയാണെന്ന് സംശയിക്കുന്നു. രാവിലെ ഒമ്പത് മണിയോടെയാണ് മൃതദേഹം കാണപ്പെട്ടത്.
ട്രെയിനില്‍ നിന്ന് വീണതാണെന്നു കരുതുന്നു. കടവത്തൂര്‍ അമേഗ് എന്ന പേരിലുള്ള ആധാര്‍ കാര്‍ഡ് മൃതദേഹത്തില്‍ നിന്ന് ലഭിച്ചതായി വടകര പോലീസ് അറിയിച്ചു. രാവിലെ ആക്രിസാധനങ്ങള്‍ പെറുക്കാനെത്തിയ ആളാണ് മൃതദേഹം കണ്ടത്.

കരിമ്പനപ്പാലത്ത് റെയില്‍വെട്രാക്കിനു സമീപം യുവാവിന്റെ മൃതദേഹം

Vadakara

കോടഞ്ചേരി(കോഴിക്കോട്): സുഹൃത്തിന്റെ വിവാഹ ത്തിൽ പങ്കെടുക്കാൻ വിദേശത്തുനിന്നെത്തിയ യുവാവ് കിണറ്റിൽ വീണ് മരിച്ചു. തൃശ്ശൂർ കൊടുങ്ങല്ലൂർ ഒറ്റത്തെക്കൽ ഒ.എം. ഷംജീറാണ് (36) മരിച്ചത്. കൂടെ ജോലിചെയ്യുന്ന കോടഞ്ചേരി മൈക്കാവ് ചാമോറയിലുള്ള സുഹൃത്തിൻ്റെ വിവാഹത്തിന് എത്തിയതായിരുന്നു ഷംജീർ.
വാഹനം പാർക്ക് ചെയ്തിടത്തേക്ക് പോകുമ്പോൾ ഇരുട്ടിൽ ആൾമറയില്ലാത്ത കിണറ്റിൽ അബദ്ധത്തിൽ വീഴുകയായിരുന്നുവെന്ന് പോലീസ് പറഞ്ഞു. ഞായറാഴ്ച രാത്രി പത്തരയോടെയാണ് അപകടം. മുക്കത്തുനിന്നെത്തിയ അഗ്നിരക്ഷാസേനയും നാട്ടുകാരും ചേർന്ന് യുവാവിനെ കിണറ്റിന് പുറത്തെത്തിച്ച് ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം കോഴിക്കോട് ഗവ. മെഡിക്കൽ കോളേജ് ആശുപത്രിയിൽ പോസ്റ്റ്‌മോർട്ടത്തിന് ശേഷം ബന്ധുക്കൾക്ക് വിട്ടു നൽകി.&nbsp;

സുഹൃത്തിന്റെ വിവാഹത്തിൽ പങ്കെടുക്കാൻ വിദേശത്തുനിന്നെത്തിയ യുവാവ് കിണറ്റിൽ വീണ് മരിച്ചു.

Kerala

സുഹൃത്തിന്റെ വിവാഹത്തിൽ പങ്കെടുക്കാൻ വിദേശത്തുനിന്നെത്തിയ യുവാവ് കിണറ്റിൽ വീണ് മരിച്ചു

ഇടുക്കി: തൂങ്ങിമരണമെന്ന പേരില്‍ ബന്ധുക്കള്‍ ആശുപത്രിയിലെത്തിച്ച യുവാവിന്റെ മരണത്തില്‍ വഴിത്തിരിവ്. ആശുപത്രി അധികൃതര്‍ പോസ്റ്റ്‌മോര്‍ട്ടം ചെയ്തപ്പോഴാണ് ബിബിന്‍ ബാബു (29) എന്ന യുവാവിന്റെ മരണം കൊലപാതകമാണെന്ന് തെളിഞ്ഞത്. മര്‍ദ്ദനമേറ്റതാണ് കൊലപാതകത്തിന്റെ കാരണമെന്നാണ് റിപ്പോര്‍ട്ട്. പള്ളിക്കുന്ന് വുഡ്‌ലാന്‍സ് എസ്റ്റേറ്റില്‍ കൊല്ലമറ്റത്ത് ബാബുവിന്റെ മകനാണ് ബിബിന്‍.
തലയുടെ പിന്നിലും തലയുടെ മുകളില്‍ ഇരുഭാഗങ്ങളിലും ഇയാള്‍ക്ക് മര്‍ദ്ദനമേറ്റിരുന്നു. ജനനേന്ദ്രീയം മര്‍ദ്ദനത്തില്‍ തകര്‍ന്ന അവസ്ഥയിലായിരുന്നുവെന്നാണ് പരിശോധനയില്‍ കണ്ടെത്തിയത്. തുടര്‍ന്ന് ജില്ലാ പൊലീസ് മേധാവി വിഷ്ണു പ്രദീപ് സംഭവസ്ഥലത്തെത്തി ഫോറന്‍സിക് സര്‍ജന്‍ ഡോ. ആദര്‍ശ് രാധാകൃഷ്ണനുമായി കൂടിക്കാഴ്ച നടത്തി. കോയമ്പത്തൂരില്‍ ഡ്രൈവറായി ജോലി ചെയ്യുകയായിരുന്ന ബിബിന്‍ ദീപാവലി അവധിക്കായി നാട്ടിലെത്തിയതായിരുന്നു.സംഭവത്തില്‍ കുടുംബാംഗങ്ങളെ ഉള്‍പ്പെടെ പൊലീസ് ചോദ്യം ചെയ്തു വരികയാണ്. ചൊവ്വാഴ്ച വൈകീട്ടാണ് അടുത്ത ബന്ധുക്കള്‍ ബിബിന്‍ ബാബുവിനെ ആശുപത്രിയില്‍ എത്തിച്ചത്. വീട്ടിലെ ശുചിമുറിയില്‍ മുണ്ടില്‍ കെട്ടിത്തൂങ്ങി നില്‍ക്കുന്നതായി കണ്ടു എന്നാണ് ആശുപത്രിയിലെ ഡ്യൂട്ടിയിലുള്ള ഡോക്ടറോട് ബന്ധുക്കള്‍ പറഞ്ഞിരുന്നത്. യുവാവ് മരിച്ചുകിടന്ന വീട് പൊലീസ് പരിശോധിച്ചു. ഫോറന്‍സിക് വിദഗ്ദ്ധരും ശ്വാനസേനയും പരിശോധന നടത്തുമെന്ന് പൊലീസ് അറിയിച്ചത്.

ബന്ധുക്കള്‍ ആശുപത്രിയിലെത്തിച്ചത് തൂങ്ങിമരിച്ചെന്ന് പറഞ്ഞ്, പോസ്റ്റ്‌മോര്‍ട്ടം ചെയ്തപ്പോള്‍ കൊലപാതകം

തൃശൂര്‍: മാപ്രാണത്ത് പാടശേഖരത്തിലെ വെള്ളക്കെട്ടില്‍ വീണ് യുവാവ് മരിച്ചു. ഇരിങ്ങാലക്കുട നഗരസഭ 6-ാം വാര്‍ഡ് മാപ്രാണം പീച്ചാംപ്പിള്ളികോണം ചര്‍ച്ച് റോഡ് സ്വദേശി അമയംപറമ്പില്‍ രമേഷ് (34) ആണ് മരിച്ചത്.&nbsp;
തേലപ്പിള്ളിയില്‍ മരകമ്പനിയില്‍ ജോലി ചെയ്യുന്ന രമേഷ് കഴിഞ്ഞ ദിവസം രാത്രി ജോലി കഴിഞ്ഞ് പുത്തന്‍ത്തോട് ബണ്ട് റോഡ് വഴി വീട്ടിലേയ്ക്ക് മടങ്ങുന്നതിനിടെ വെള്ളക്കെട്ടില്‍ വീഴുകയായിരുന്നു എന്നാണ് കരുതുന്നത്. രമേഷിനെ കാണാതായതിനെ തുടര്‍ന്ന് നടത്തിയ തിരിച്ചിലില്‍ ഇന്ന് രാവിലെയാണ് വെള്ളത്തില്‍ നിന്നും മൃതദേഹം കണ്ടെത്തിയത്. ഇരിങ്ങാലക്കുട ഫയര്‍ഫോഴ്‌സും പൊലീസുമെത്തി മൃതദേഹം കരയ്ക്ക് കയറ്റി. അവിവാഹിതനാണ് രമേഷ്. അമ്മ സരസു. സഹോദരി രേഷ്മ.

പാടശേഖരത്തിലെ വെള്ളക്കെട്ടില്‍ വീണ് യുവാവ് മരിച്ചു

ന്യൂഡല്‍ഹി: കേന്ദ്രബജറ്റ് പ്രഖ്യാപനത്തില്‍ കേരളത്തിന് പൊതുവെ നിരാശ. ദീര്‍ഘകാലത്തേക്ക് സംസ്ഥാനങ്ങള്‍ക്ക് വായ്പയായി വകയിരുത്തിയ ഒന്നരലക്ഷം കോടിയിലെ വിഹിതവും പാലക്കാട് ഐഐടിക്കുള്ള സഹായവും മാത്രമാണ് കേരളത്തെ സംബന്ധിച്ച്‌ ബജറ്റ് പ്രസംഗത്തില്‍ ഇടംപിടിച്ചത്‌. കടുത്ത സാമ്പത്തിക പ്രതിസന്ധിയിലായ കേരളം 24,000 കോടിയുടെ പ്രത്യേക സാമ്പത്തിക പാക്കേജാണ് ആവശ്യപ്പെട്ടത്. കൂടാതെ, വയനാട് ഉരുൾപൊട്ടൽ ദുരന്തത്തിൻ്റെ പുനരധിവാസം നടപ്പാക്കുന്നതിനായി 2,000 കോടിയുടെ പാക്കേജ്, മനുഷ്യ-വന്യജീവി സംഘർഷം പരിഹരിക്കുന്നതിനായി 1,000 കോടിയുടെ പ്രത്യേക പാക്കേജ്, വിഴിഞ്ഞം തുറമുഖ വികസനത്തിനായി 5000 കോടി, സിൽവർ ലൈൻ, ദീർഘകാലാവശ്യമായ എയിംസ്‌, ശബരി പാത തുടങ്ങി പല സുപ്രധാനവാശ്യങ്ങളും കേരളം ഉന്നയിച്ചിരുന്നു. എന്നാൽ ഒന്ന് പോലും ബജറ്റില്‍ ഇടംപിടിച്ചില്ല
പൊതുവായി നടത്തിയ പ്രഖ്യാപനങ്ങളൊഴികെ കേരളത്തെ പരിഗണിച്ചില്ലായെന്നത് പ്രതിഷേധങ്ങൾക്ക് വഴിവെക്കുകയും ചെയ്തു. സംസ്ഥാനങ്ങള്‍ക്ക് 50 വര്‍ഷത്തേക്ക് പലിശരഹിത വായ്പയുണ്ട്. ഒന്നരലക്ഷം കോടി രൂപ ഇതിനായി വകയിരുത്തും. പുതിയ പദ്ധതികള്‍ക്കായി പത്തുലക്ഷം കോടി മൂലധനം അഞ്ച് വര്‍ഷത്തേക്ക് നല്‍കും. എഐ പഠനത്തിന് സെന്റര്‍ ഓഫ് എക്‌സലന്‍സ് സ്ഥാപിക്കുന്നതിനായി 500 കോടി മാറ്റിവെച്ചു. ഇത്തരത്തിൽ പൊതുവായി ലഭിക്കുന്ന മാറ്റിയിരുത്തല്‍ തുകയൊഴിച്ച് പ്രത്യേക പരിഗണന കേരളത്തിന് ലഭിച്ചില്ല. പാലക്കാട് ഐഐടി വികസനത്തിന് മാത്രമാണ് തുക അനുവദിച്ചത്. കൂടാതെ തുറമുഖ വികസനത്തിനായി അനുവദിച്ച പദ്ധതിയുടെ ഗുണം കേരളത്തിന് ലഭിക്കുമെന്നതൊഴിച്ചാൽ വിഴിഞ്ഞം പ്രത്യേക പാക്കേജിലും പ്രതികരണമുണ്ടായില്ല.

കേന്ദ്രബജറ്റ് പ്രഖ്യാപനത്തില്‍ കേരളത്തിന് നിരാശ ;വയനാട് പാക്കേജുൾപ്പടെയൊന്നും പരിഗണിച്ചില്ല

ധനമന്ത്രി നിർമല സീതാരാമന്റെ എട്ടാം ബജറ്റിൽ മൊബൈൽ ഫോണുകൾ മുതൽ ഇലക്ട്രിക് വാഹനങ്ങൾക്ക് വരെ നികുതിയിളവ്. അർബുദ രോഗ മരുന്ന് ഉൾപ്പടെയുള്ള ജീവൻരക്ഷാമരുന്നുകളുടെ നികുതിയും ധനമന്ത്രി കുറച്ചിട്ടുണ്ട്. അർബുദത്തിന് ഉൾപ്പടെ ഉപയോഗിക്കുന്ന 36 ജീവൻരക്ഷാ മരുന്നുകളുടെ ഇറക്കുമതി തീരുവയാണ് കേന്ദ്രസർക്കാർ ഒഴിവാക്കിയിരിക്കുന്നത്. ഇതോടെ ഇവയുടെ വില കുറയുന്നതിന് വഴിയൊരുങ്ങും.
ഓപ്പൺ സെൽസിനും അതിന്റെ മറ്റ് ഉപകരണങ്ങൾക്കുമുള്ള ഇറക്കുമതി തീരുവ അഞ്ച് ശതമാനമാക്കി കുറക്കുമെന്നാണ് ബജറ്റ് പ്രഖ്യാപനം. കൊബാൾട്ട്,സ്ക്രാപ്പ്, ലിഥിയം അയൺ, സിങ് എന്നിവ ഉൾപ്പടെയുള്ള 12 മിനറലുകളുടെ ഇറക്കുമതതി തീരുവ കുറയും. ഇലക്ട്രിക് വാഹനങ്ങളുടേയും മൊബൈൽ ഫോണുകളുടേയും ബാറ്ററിയുടെ നിർമാണഘടകങ്ങളുടെ നികുതിയും കേന്ദ്രസർക്കാർ കുറച്ചിട്ടുണ്ട്.
തുകൽ ജാക്കറ്റുകൾ, ഷൂസുകൾ, ബെൽറ്റ്, പേഴ്സ് എന്നിവയുടെ വിലയും കുറയും. സംസ്കരിച്ച ഫിഷ് പേസ്റ്റിന്റെ നികുതി കുറക്കുമെന്നും അറിയിച്ചു. ഫ്ലാറ്റ് പാനൽ ഡിസ്‍പ്ലേയുടെ നികുതി 10 ശതമാനത്തിൽ നിന്ന് 20 ശതമാനമായി വർധിക്കും. സാമൂഹ്യ ക്ഷേമ സർചാർജും ഉയരും. ആദായ നികുതിയിൽ വൻ ഇളവ് പ്രഖ്യാപിച്ചാണ് ധനമന്ത്രി നിർമല സീതാരാമൻ ത​ന്റെ എട്ടാം ബജറ്റ് അവതരിപ്പിച്ചിരിക്കുന്നത്. 12 ലക്ഷം വരെ ഇനി മുതൽ ആദായ നികുതിയുണ്ടാവില്ല.

മൊബൈൽ ഫോണുകൾക്കും ഇലക്ട്രിക് വാഹനങ്ങൾക്കും വില കുറയും; ജീവൻരക്ഷാമരുന്നുകളുടെ നികുതി കുറച്ചു

National

നീ​ലേ​ശ്വ​രം: കി​നാ​നൂ​ർ ക​രി​ന്ത​ളം പ​ഞ്ചാ​യ​ത്തി​ലെ ചാ​മ​ക്കു​ഴി കൂ​വാ​റ്റി അം​ഗ​ൻ​വാ​ടി​യി​ൽ ഭ​ക്ഷ്യ​വി​ഷ​ബാ​ധ. ഇ​തേ​ത്തു​ട​ർ​ന്ന് ആ​റ് കു​ഞ്ഞു​ങ്ങ​ളെ വി​വി​ധ ആ​ശു​പ​ത്രി​ക​ളി​ലാ​ക്കി.നീ​ലേ​ശ്വ​രം വ​ള്ളി​ക്കു​ന്നി​ലെ താ​ലൂ​ക്കാ​ശു​പ​ത്രി, ചോ​യ്യം​കോ​ട്ടെ സ്വ​കാ​ര്യ ന​ഴ്‌​സി​ങ് ഹോം, ​നീ​ലേ​ശ്വ​രം എ​ൻ.​കെ.​ബി.​എം ആ​ശു​പ​ത്രി, നീ​ലേ​ശ്വ​രം തേ​ജ​സ്വി​നി സ​ഹ​ക​ര​ണാ​ശു​പ​ത്രി എ​ന്നി​വി​ട​ങ്ങ​ളി​ലാ​ണ് ഇ​വ​രെ പ്ര​വേ​ശി​പ്പി​ച്ച​ത്.
ഛർ​ദി​യെ തു​ട​ർ​ന്ന് ആ​വ​ശ​നി​ല​യി​ലാ​യ​തോ​ടെ​യാ​ണ് ഇ​വ​രെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. ഇ​വാ​ൻ, ഇ​വാ​ൻ​കൃ​ഷ്ണ, നൈ​തി​ക്, ശി​വാം​ശി, ആ​ര​വ്, സാ​ൻ​വി​ക എ​ന്നീ വി​ദ്യാ​ർ​ഥി​ക​ളാ​ണ് ചി​കി​ത്സ​തേ​ടി​യ​ത്. വെ​ള്ള​ത്തി​ലൂ​ടെ​യോ ഭ​ക്ഷ​ണ​ത്തി​ലൂ​ടെ​യോ ആ​ണ് ഭ​ക്ഷ്യ​വി​ഷ​ബാ​ധ​യു​ണ്ടാ​യ​തെ​ന്നാ​ണ് സം​ശ​യം. ബു​ധ​നാ​ഴ്ച​യാ​ണ് ഇ​വ​ർ​ക്ക് അ​സ്വ​സ്ഥ​ത​യു​ണ്ടാ​യ​ത്.അം​ഗ​ൻ​വാ​ടി​യു​ടെ കെ​ട്ടി​ടം പൊ​ളി​ച്ചു​മാ​റ്റി​യ​ശേ​ഷം നി​ല​വി​ൽ താ​ൽ​ക്കാ​ലി​ക​മാ​യി ചാ​മ​ക്കു​ഴി സ്‌​കൂ​ൾ കെ​ട്ടി​ട​ത്തി​ലാ​ണ് പ്ര​വ​ർ​ത്ത​നം.സം​ഭ​വ​ത്തെ തു​ട​ർ​ന്ന് അ​ധി​കൃ​ത​ർ അം​ഗ​ൻ​വാ​ടി​യി​ൽ പ​രി​ശോ​ധ​ന​ക്കെ​ത്തി.

അം​ഗ​ൻ​വാ​ടി​യി​ൽ ഭ​ക്ഷ്യ​വി​ഷ​ബാ​ധ ;കു​ട്ടി​ക​ൾ ചികിത്സയിൽ

തുടര്‍ച്ചയായി റെക്കോഡ് തിരുത്തി സ്വര്‍ണ വില. ശനിയാഴ്ച പവന്റെ വില 120 രൂപ കൂടി 61,960 രൂപയായി. ഗ്രാമിന്റെ വിലയാകട്ടെ 16 രൂപ വര്‍ധിച്ച് 7,745 രൂപയുമായി.
ആഗോള വിപണിയില്‍ സ്‌പോട് ഗോള്‍ഡ് വില ഒരു ട്രോയ് ഔണ്‍സിന് ഇതാദ്യമായി 2,800 ഡോളര്‍ പിന്നിട്ടു. ട്രംപിന്റെ നയങ്ങള്‍ വിലക്കയറ്റത്തിന് കാരണമായേക്കുമെന്ന ഭീതിയാണ് സ്വര്‍ണം നേട്ടമാക്കിയത്. ജനുവരി 29ന് ചേര്‍ന്ന് ഫെഡ് യോഗം നിരക്കുകള്‍ മാറ്റമില്ലാതെ നിലനിര്‍ത്തിയിരുന്നു.അതേസമയം, രാജ്യത്തെ കമ്മോഡിറ്റി വിപണിയായി എംസിഎക്‌സിലെ തത്സമയ വിലയില്‍ ചാഞ്ചാട്ടം പ്രകടമാണ്.&nbsp;

എന്റെ പൊന്നേ..! ; സ്വര്‍ണ വില 62,000ത്തിലേയ്ക്ക്

ന്യൂഡൽഹി: ഇന്ന് കേന്ദ്ര ബഡ്‌ജറ്റ് അവതരിപ്പിക്കാനിരിക്കെ രാജ്യത്ത് പാചക വാതക സിലിണ്ടർ വില കുറച്ച് എണ്ണ വിപണന കമ്പനികൾ. വാണിജ്യാവശ്യത്തിനുള്ള പാചക വാതക സിലിണ്ടറുകളുടെ വിലയാണ് കുറച്ചിരിക്കുന്നത്. 19 കിലോഗ്രാം സിലിണ്ടറിന്റെ വിലയില്‍ ഏഴ് രൂപയുടെ കുറവാണ് ഉണ്ടായിരിക്കുന്നത്. അതേസമയം, ഗാര്‍ഹികാവശ്യത്തിനുള്ള സിലിണ്ടറിന്റെ വിലയില്‍ മാറ്റമില്ല. പുതുക്കിയ നിരക്ക് ഇന്ന് മുതല്‍ പ്രാബല്യത്തില്‍ വരും.
ഡല്‍ഹിയില്‍ പുതിയ റീട്ടെയില്‍ വില 1804 രൂപയില്‍ നിന്ന് 1797 രൂപയായി കുറഞ്ഞു. വിവിധ നഗരങ്ങളില്‍ വിലയില്‍ വ്യത്യാസങ്ങളുണ്ടാകും. കൊച്ചിയില്‍ ആറ് രൂപ കുറഞ്ഞ് 1806 രൂപയായി. കൊല്‍ക്കത്തയില്‍ 1911 രൂപയില്‍ നിന്ന് 1904 ലേക്ക് സിലിണ്ടര്‍ വില കുറഞ്ഞു. മുംബയില്‍ 1756 രൂപയായിരുന്നു സിലിണ്ടറിന്റെ വില. ഇത് 1749 രൂപയായി കുറഞ്ഞു. ചെന്നൈയില്‍ 1966 രൂപയുണ്ടായിരുന്നത് 1959 രൂപയായി.

കേന്ദ്ര ബഡ്‌ജറ്റ് അവതരിപ്പിക്കാനിരിക്കെ രാജ്യത്ത്  പാചക വാതക സിലിണ്ടറിന് വില കുറച്ചു

Search Results for: deadbody found