അഴിയൂർ: അരിയെവിടെ സർക്കാരെ എന്ന ചോദ്യവുമായി കെ പി സി സിയുടെ ആഹ്വാനപ്രകാരം അഴിയൂർ ചുങ്കത്ത് റേഷൻ കടയ്ക്ക് മുന്നിൽ അഴിയൂർ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പ്രതിഷേധ ധർണ്ണ നടത്തി. കെ പി സി സി സെക്രട്ടറി അഡ്വ ഐ മൂസ്സ ഉദ്ഘാടനം ചെയ്തു. മണ്ഡലം പ്രസിഡണ്ട് പി ബാബുരാജ് അദ്ധ്യക്ഷം വഹിച്ചു.&nbsp;
കെ.പി രവീന്ദ്രൻ, പാമ്പള്ളി ബാലകൃഷ്ണൻ, എം പ്രഭുദാസ്, ബബിത്ത് തയ്യിൽ, ഫിറോസ് കാളാണ്ടി, പുരുഷു രാമത്ത്, അഹമ്മദ് കല്പക എന്നിവർ പ്രസംഗിച്ചു. എം ഇസ്മായിൽ, ഇ. കമല, കെ പി ജയകുമാർ, നസീർ വീരോളി , രാജീവൻ കാർത്തോളി , കെ എം ശശിധരൻ, വിജയൻ കോവുക്കൽ, ഷഹീർ അഴിയൂർ, ശ്രീകുമാർ കോട്ടായി, ഉണ്ണിക്കൃഷ്ണൻ കെ, പി വി പുരുഷോത്തമൻ, ശശി എളമ്പാളി, രജ്ഞിത്ത് ചോമ്പാല, കെ പി ചന്ദൻ, ബാബു വാഴയിൽ, സബാസ്റ്റ്യൻ , ബാബു കൊപ്ളിയിൽ നേതൃത്വം നൽകി.

അരിയെവിടെ സർക്കാരെ; റേഷൻ കടയ്ക്ക് മുന്നിൽ കോൺഗ്രസ് ധർണ

Vadakara

അഴിയൂർ: കേരള വ്യാപാരി വ്യവസായി ഏകോപന സമിതി കോഴിക്കോട് ജില്ല കമ്മിറ്റിയുടെ ആഭിമുഖ്യത്തിൽ ആശ്വാസ് പദ്ധതിയിൽ അംഗമായ മരണമടഞ്ഞ വ്യാപാരിയുടെ കുടുംബത്തിന് പത്ത് ലക്ഷം രൂപ വീതം കൈമാറി. അഴിയൂരിലെ പ്രേമൻ സ്റ്റോർ ഉടമ പ്രേമദാസൻ സി.കെ, മുക്കാളിയിലെ സദൻ സ്റ്റോർ ഉടമ സദാനന്ദൻ എൻ.പി എന്നിവരുടെ കുടുംബത്തിനാണ് പദ്ധതി ചെയർമാൻ എ.വി.എം. കബീർ, ഗ്രാമ പഞ്ചായത്ത് പ്രസിഡണ്ട് ആയിഷ ഉമ്മർ എന്നിവർ ചേർന്ന് ചെക്ക് കൈമാറിയത്. അഴിയൂർ ചുങ്കം ടൗണിൽ നടന്ന ചടങ്ങ് ഗ്രാമ പഞ്ചായത്ത് പ്രസിഡണ്ട് ആയിഷ ഉമ്മർ ഉൽഘാടനം ചെയ്തു. അഴിയൂർ പഞ്ചായത്ത് മർച്ചന്റ്സ് അസോസിയേഷൻ പ്രസിഡണ്ട് പി.കെ.രാമചന്ദ്രൻ അധ്യക്ഷത വഹിച്ചു.&nbsp;
ജില്ല പഞ്ചായത്ത് ആരോഗ്യ - വിദ്യാഭ്യാസ സ്റ്റാൻഡിംഗ് കമ്മിറ്റി ചെയർ പേഴ്സൺ നിഷ പുത്തൻപുരയിൽ മുഖ്യാതിഥിയായിരുന്നു. വ്യാപാരി വ്യവസായി ഏകോപന സമിതി ജില്ല വൈസ് പ്രസിഡണ്ട് എം അബ്ദുസ്സലാം, എ.വി.എം കബീർ, പി.അബ്ദുൽ ഖാദർ, ഹരീഷ് ജയരാജ്, കെ.കെ. അനിൽകുമാർ ,പ്രകാശൻ വി.പി., എ.ടി.ശ്രീധരൻ , കെ.ബാബുരാജ്, കെ.പി. പ്രീജിത്ത്കുമാർ , യൂസഫ് കുന്നുമ്മൽ , ശ്രീധരൻ കൈപ്പാട്ടിൽ, കെ.വി.രാജൻ, പ്രകാശൻ പി.കെ, പ്രമോദ് കെ.പി.,പ്രദീപ് ചോമ്പാല , സമീർ കുഞ്ഞിപ്പള്ളി, റഫീക്ക് അഴിയൂർ, അബ്ദുൽ ജലീൽ, സി.കെ ബാബു, ഹരിപ്രസാദ്, കെ.ടി. ദാമോദരൻ എന്നിവർ സംസാരിച്ചു. ജനറൽ സെക്രട്ടറി സലീം പുനത്തിൽ സ്വാഗതവും ചുങ്കം യൂണിറ്റ് പ്രസിഡണ്ട് അരവിന്ദൻ എം.ടി. നന്ദിയും പറഞ്ഞു.

ആശ്വാസ് പദ്ധതി: മരണമടഞ്ഞ വ്യാപാരികളുടെ കുടുംബത്തിന് തുക കൈമാറി

വ​ട​ക​ര: വാ​ട​ക​വീ​ട് കേ​ന്ദ്രീ​ക​രി​ച്ച് പെ​ൺ​വാ​ണി​ഭം ന​ട​ത്തു​ന്ന സ്ത്രീ​ക​ളും പു​രു​ഷ​ന്മാ​രും പി​ടി​യി​ൽ. കീ​ർ​ത്തി തി​യ​റ്റ​റി​ന് സ​മീ​പ​ത്തെ വാ​ട​ക വീ​ട്ടി​ൽ പൊ​ലീ​സ് ന​ട​ത്തി​യ പ​രി​ശോ​ധ​ന​യി​ലാ​ണ് സം​ഘം പി​ടി​യി​ലാ​യ​ത്. സ്പാ സെ​ന്റ​ർ തു​ട​ങ്ങാ​നെ​ന്ന പേ​രി​ൽ ര​ണ്ടാ​ഴ്ച​മു​മ്പ് വാ​ട​ക​ക്കെ​ടു​ത്ത വീ​ട്ടി​ൽ പെ​ൺ​വാ​ണി​ഭം ന​ട​ക്കു​ന്നു​ണ്ടെ​ന്ന ര​ഹ​സ്യ വി​വ​ര​ത്തെ​ത്തു​ട​ർ​ന്നാ​ണ് പൊ​ലീ​സ് പ​രി​ശോ​ധ​ന ന​ട​ത്തി​യ​ത്. ര​ണ്ട് യു​വ​തി​ക​ളും ന​ട​ത്തി​പ്പു​കാ​ര​ൻ ഉ​ൾ​പ്പെ​ടെ നാ​ല് പു​രു​ഷ​ന്മാ​രു​മാ​ണ് വീ​ട്ടി​ലു​ണ്ടാ​യി​രു​ന്ന​ത്.
ക​ണ്ണൂ​ർ സ്വ​ദേ​ശി​യാ​യ ഉ​ണ്ണി എ​ന്ന യു​വാ​വാ​ണ് വീ​ട് വാ​ട​ക​ക്കെ​ടു​ത്ത​ത്. യു​വ​തി​ക​ൾ ബം​ഗ​ളൂ​രു, തൃ​ശൂ​ർ സ്വ​ദേ​ശി​ക​ളാ​ണ്. ഉ​ണ്ണി​യെ​യും ഇ​വി​ടെ​യെ​ത്തി​യ ര​ണ്ട് വി​ല്ല്യാ​പ്പ​ള്ളി സ്വ​ദേ​ശി​ക​ളെ​യും ഒ​രു ക​ക്ക​ട്ടി​ൽ സ്വ​ദേ​ശി​യെ​യു​മാ​ണ് വ​ട​ക​ര ഇ​ൻ​സ്‌​പെ​ക്ട​ർ എ​ൻ. സു​നി​ൽ കു​മാ​റി​ന്റെ നേ​തൃ​ത്വ​ത്തി​ൽ ക​സ്റ്റ​ഡി​യി​ലെ​ടു​ത്ത​ത്. പ​ണ​വും ഒ​രു​സ​ഞ്ചി നി​റ​യെ ഗ​ർ​ഭ​നി​രോ​ധ​ന ഉ​റ​ക​ളും ഇ​വി​ടെ​നി​ന്ന് ക​ണ്ടെ​ത്തി​യി​ട്ടു​ണ്ട്.
മു​മ്പ് വ​ട​ക​ര​യി​ൽ സ്പാ ​സെ​ന്റ​ർ ന​ട​ത്തി​യ​യാ​ൾ ത​ന്നെ​യാ​ണ് ഈ ​കേ​ന്ദ്ര​ത്തി​ന് പി​ന്നി​ലെ​ന്നാ​ണ് പൊ​ലീ​സി​ന് കി​ട്ടി​യ വി​വ​രം. നേ​ര​ത്തെ ഇ​വി​ടം കേ​ന്ദ്രീ​ക​രി​ച്ച് പെ​ൺ​വാ​ണി​ഭ സം​ഘം പ്ര​വ​ർ​ത്തി​ക്കു​ന്ന​താ​യി പ​രാ​തി ഉ​യ​ർ​ന്ന​തി​നെ തു​ട​ർ​ന്ന് പൊ​ലീ​സ് ഇ​ട​പെ​ട്ട് നി​ർ​ത്തി​ക്കു​ക​യാ​യി​രു​ന്നു. ഇ​തേ സ്ഥ​ലം കേ​ന്ദ്രീ​ക​രി​ച്ച് വീ​ണ്ടും സ് ​പാ സെ​ന്റ​ർ തു​ട​ങ്ങാ​നെ​ന്ന പേ​രി​ൽ വീ​ട് വാ​ട​ക​ക്കെ​ടു​ത്ത് പെ​ൺ​വാ​ണി​ഭം തു​ട​ങ്ങു​ക​യാ​യി​രു​ന്നു. വാ​ട്‌​സ് ആ​പ് വ​ഴി ചി​ത്ര​ങ്ങ​ൾ അ​യ​ച്ചു​ന​ൽ​കി​യാ​ണ് ആ​വ​ശ്യ​ക്കാ​രെ ഇ​വി​ടേ​ക്ക് എ​ത്തി​ച്ചി​രു​ന്ന​ത്.

വടകരയിൽ വാ​ട​ക​വീ​ട് കേ​ന്ദ്രീ​ക​രി​ച്ച് പെ​ൺ​വാ​ണി​ഭം; നാ​ലു​പേ​രെ പൊ​ലീ​സ് ക​സ്റ്റ​ഡി​യി​ലെ​ടു​ത്തു

മണിയൂർ: മാലിന്യമുക്ത നവകേരളം ജനകീയ ക്യാമ്പയിന്റെ ഭാഗമായി ഹരിത കേരളം മിഷന്റെ 'ഇനി ഞാനൊഴുകട്ടെ' പദ്ധതിയിൽ തുറയൂർ ഗ്രാമ പഞ്ചായത്തിലെ ഏണിയോട്ടിട തോടിന്റെ ഒരു കിലോമീറ്റർ ദൂരം ജനകീയ പങ്കാളിത്തത്തോടെ ശുചീകരിച്ചു. അകലാപ്പുഴയുടെയും കുറ്റ്യാടിപ്പുഴയുടെയും സംഗമസ്ഥലത്ത് ഉളള പ്രധാന തോടാണ് ഏണിയോട്ടിട. പയ്യോളി അങ്ങാടിയിൽ വെച്ച് നടന്ന ഇനി ഞാനൊഴുകട്ടെ ക്യാമ്പയിൻ ഗ്രാമ പഞ്ചായത്ത് പ്രസിഡന്റ് സി കെ ഗിരീഷ് ഉദ്ഘാടനം നിർവഹിച്ചു.&nbsp;
ഹരിത കേരളം മിഷൻ ജില്ലാ കോർഡിനേറ്റർ മുഖ്യാതിഥിയായി പങ്കെടുത്തു. നിറയെ മാലിന്യങ്ങളും ചളിയും നിറഞ്ഞ തോടിനെ വീണ്ടെടുക്കാൻ ആയിരത്തിലധികം വരുന്ന മനുഷ്യർ സന്നദ്ധരായി പങ്കെടുത്തു. ഗ്രാമ പഞ്ചായത്ത് ഭരണസമിതി, യുവജന സംഘടനകൾ, തൊഴിലുറപ്പ് തൊഴിലാളികൾ, കുടുംബശ്രീ അംഗങ്ങൾ, ഹെൽത്ത് വിഭാഗം ജീവനക്കാർ, വ്യാപാരി വ്യവസായി അംഗങ്ങൾ, സന്നദ്ധ സാമൂഹിക സാംസ്കാരിക രാഷ്ട്രീയ സംഘടന പ്രവർത്തകർ, ഗ്രാമ പഞ്ചായത്ത് ഉദ്യോഗസ്ഥർ, നാട്ടുകാർ തുടങ്ങിയവർ പങ്കെടുത്തു.

ഏണിയോട്ടിട തോട് ശുചീകരിച്ചു

അഴിയൂർ: റേഷന്‍ വിതരണ മേഖലയിലെ ഗുരുതരമായ പ്രതിസന്ധി മൂലം സാധാരണ ജനങ്ങളുടെ അന്നം മുട്ടുന്ന അവസ്ഥയിലായിട്ടും അനങ്ങാപ്പാറ നയം സ്വീകരിക്കുന്ന ഇടതു സര്‍ക്കാര്‍ നിലപാടിനെതിരേ എസ്ഡിപിഐ അഴിയൂർ പഞ്ചായത്ത് കമ്മിറ്റിയുടെ നേതൃത്വത്തിൽ അഴിയൂർ ചുങ്കത്ത് പ്രതിഷേധ സമരം സംഘടിപ്പിച്ചു. നാളിതുവരെയുണ്ടാവാത്ത തരത്തിലുള്ള കടുത്ത പ്രതിസന്ധിയാണ് പൊതുവിതരണ മേഖല നേരിടുന്നത്.&nbsp;
സ്ഥിതി സങ്കീര്‍ണമായിട്ടും സത്വരമായ പരിഹാരം കാണുന്നതില്‍ മുഖ്യമന്ത്രിയും ഭക്ഷ്യമന്ത്രിയും വേണ്ടത്ര ശ്രദ്ധ ചെലുത്തുന്നില്ല. ഈ വിഷയത്തില്‍ അടിയന്തര പരിഹാരം കാണണമെന്ന് ആവശ്യപ്പെട്ടാണ് പ്രതിഷേധം. അഴിയൂർ പഞ്ചായത്ത് പ്രസിഡണ്ട് സമീർ കുനിയിൽ അധ്യക്ഷത വഹിച്ച പരിപാടിക്ക് സെക്രട്ടറി മനാഫ് കുഞ്ഞിപ്പള്ളി, അൻസാർ യാസർ, സാഹിർ പി, സനൂജ് ബാബരി, സീനത്ത് ബഷീർ ,സബാദ് വിപി, റഹീസ് ബാബരി എന്നിവർ നേതൃത്വം നൽകി.

റേഷൻ കട സ്തംഭനം; പ്രതിഷേധം സമരം സംഘടിപ്പിച്ചു

കണ്ണൂക്കര : എസ്ഡിപിഐ മുൻ ഒഞ്ചിയം പഞ്ചായത്ത് സെക്രട്ടറിയും എസ് ഡി ടി യു ജില്ലാ സെക്രട്ടറിയുമായ ഉനൈസ് ഒഞ്ചിയത്തിന്റെ ഓട്ടോ കഴിഞ്ഞദിവസം രാത്രി കണ്ണൂക്കരയിൽ വെച്ച് ആക്രമിച്ചതിൽ പ്രതിഷേധിച്ച് എസ്ഡിപിഐ ഒഞ്ചിയം പഞ്ചായത്ത് കമ്മിറ്റിയുടെ നേതൃത്വത്തിൽ പ്രതിഷേധ പ്രകടനം സംഘടിപ്പിച്ചു.
എസ്ഡിപിഐ ഒഞ്ചിയം പഞ്ചായത്ത് പ്രസിഡണ്ട് നവാസ് സി കെ ഉദ്ഘാടനം ചെയ്തു. ഒഞ്ചിയം പഞ്ചായത്ത് സെക്രട്ടറി റിയാസ് എം കെ, വടകര മണ്ഡലം കമ്മിറ്റി അംഗം റഹീസ് എം കെ, ഫായിസ് നാദാപുരം റോഡ്,, ഉനൈസ് ഒഞ്ചിയം, നൗഷാദ് പി കെ, അൻവർ വിവി,അർഷാദ് മാളിയേക്കൽ ,ഷമീർ എ കെ , റഹ്മാൻ, ഷെബീർ എന്നിവർ നേതൃത്വം നൽകി.

ഓട്ടോയ്ക്ക് നേരെ ആക്രമണം; എസ് ഡി പി ഐ പ്രതിഷേധ പ്രകടനം നടത്തി

ചോറോട്: ചോറോട് മണ്ഡലം അഞ്ചാം വാർഡ് കോൺഗ്രസ്സ് കമ്മിറ്റി എഴുപത്താറാം റിപ്പബ്ലിക് ദിനം ആഘോഷിച്ചു. വാർഡ് പ്രസിഡണ്ട് കെ.കെ.പവിത്രരാജൻ പ്രതിജ്ഞ ചൊല്ലി കൊടുത്തു. മഹിളാ കോൺഗ്രസ്സ് വടകര ബ്ലോക്ക് പ്രസിഡണ്ട് മഠത്തിൽ പുഷ്‌പ പതാക ഉയർത്തി. കെ.കെ.മോഹൻദാസ്, കെ.വിനോദ് , കെ.സുരേന്ദ്രനാഥ്‌ ,പത്മാവതി, ബിന്ദുവാഴയിൽ, പത്മനാഭൻ, ശിവദാസ് ,ബാലകൃഷ്ണൻ എന്നിവർ നേതൃത്വം നൽകി.

റിപ്പബ്ലിക് ദിനം ആഘോഷിച്ചു

Inshort

പേരാമ്പ്ര: മികച്ച കർഷകനുള്ള സംസ്ഥാന സഹകരണ ബാങ്കിന്റെ അവാർഡ് നേടിയ ആവളയിലെ കെ ടി പത്മനാഭന് എളറങ്കോട്ട് താഴ പാടശേഖരണ സമിതിയുടെ നേതൃത്വത്തിൽ പൗര സ്വീകരണം നൽകി. കുനിയിൽ മുക്കിൽ നിന്നും ഘോഷയാത്രയോടെ ആരംഭിച്ച സ്വീകരണ പരിപാടി കോഴിക്കോട് ജില്ലാ പഞ്ചായത്ത് പ്രസിഡന്റ് ഷീജ ശശി ഉദ്ഘാടനം ചെയ്തു.&nbsp;
സ്വാഗത സംഘം ചെയർമാൻ, ബ്ലോക്ക് പഞ്ചായത്ത് അംഗം കെ അജിത അദ്ധ്യക്ഷത വഹിച്ചു. പേരാമ്പ്ര ബ്ലോക്ക് പഞ്ചായത്ത് പ്രസിഡന്റ് എൻ പി ബാബു ഉപഹാര സമർപ്പണവും ചെറുവണ്ണൂർ ഗ്രാമ പഞ്ചായത്ത് പ്രസിഡന്റ് എൻ ടി ഷിജിത്ത് പൊന്നാടയും അണിയിച്ചു. ജില്ലാ പഞ്ചായത്ത് അംഗം സി എം ബാബു, ബ്ലോക്ക് പഞ്ചായത്ത് അംഗം കെ സജിവൻ, ഗ്രാമ പഞ്ചായത്ത് അംഗം കെ എം ബിജിഷ, എം എം രഘുനാഥ്, ആർ പി ഷോഭിഷ്, വിജയൻ ആവള, കെ ബാബു, പ്രമോദ് ദാസ് ആവള, കെ അപ്പുക്കുട്ടി, ബി എം മൂസ്സ, എം പി ശ്രീധരൻ, പി ഇ രവി, കെ കെ ചന്ദ്രൻ, പി ഇ ഗംഗാധരൻ നമ്പ്യാർ എന്നിവർ സംസാരിച്ചു. ഷൈനി പ്രകാശ് ആവളയും സംഘവും അവതരിപ്പിച്ച നാടൻപാട്ട്, നാട്ടിപ്പാട്ട് തുടങ്ങിയ കലാ പരിപാടികളും അരങ്ങേറി.

മികച്ച കർഷകൻ കെ ടി പത്മനാഭന് ആവള പൗരാവലിയുടെ സ്വീകരണം

Perambra

കോഴിക്കോട്: തിരിച്ചുവന്ന അറുപത് വയസ്സ് കഴിഞ്ഞ പ്രവാസികൾക്ക് ക്ഷേമനിധിയിൽ അഗങ്ങളായി ചേരാൻ നടപടിസ്വീകരിക്കണമെന്ന് പ്രവാസി കൂട്ടായ്മയായ എക്സ് ഷാർജ കെഎംസിസി കോഴിക്കോട് സംഘടിപ്പിച്ച സംഗംമം ആവശ്യപ്പെട്ടു. ഡോ: പി അഹമ്മദ് ഷരീഫ് ഉദ്ഘാടനം ചെയ്തു. കെ അസ്സൻകുട്ടി അദ്ധ്യക്ഷത വഹിച്ചു. സഹദ് പുറക്കാട് സ്വാഗതം പറഞ്ഞു.&nbsp;
ഭാവിപ്രവർത്തനത്തിനായി. റിലീഫ്, സ്നേഹപരിചരണം, ചരിത്ര നിർമ്മിതി എന്നവയ്ക്കായി പ്രത്യേകം സബ്കമ്മിറ്റികൾ നിലവിൽ വന്നു. അലിക്കുഞ്ഞ്കടപ്പുറം, ചേരൂർ അബ്ദുൽകാദർ മൗലവി, ടി ഹാഷിം, മുസ്തഫ ശ്രീകണ്ഠപുരം,സൂപ്പി തിരുവള്ളൂർ, ബീരാൻ ആക്കോട്, റഷീദ് മലപ്പാടി, മുസ്തഫ മുട്ടുങ്ങൽ, ഇസ്മായീൽ എടച്ചേരി, മജീദ്ഹാജി വടകര,യാസീൻ വെട്ടം,മുഹമ്മദലി ചാലിയം, അബ്ദുള്ള പുതംകോട്, സൈതലവി എടച്ചലം, കബീർ നാട്ടിക, റഷീദ് മണ്ടോളി, അബ്ദുള്ള മാണിക്കൊത്ത്, മൊയ്തുബിൻ കുഞ്ഞൂട്ടി, അസൈനാർ ടിടി,അബ്ബാസ് കുന്നിൽ, ഹാഷിം പുന്നക്കൽ, എജി അബ്ദുള്ള, ഫൈസൽ രാമത്ത്, ഉസ്മാൻ കല്ലായിഎന്നിവർ പ്രസംഗിച്ചു.

'അറുപത് വയസ്സ് കഴിഞ്ഞ പ്രവാസികൾക്ക് ക്ഷേമനിധിയിൽ ചേരാൻ അവസരമൊരുക്കണം'

Kozhikode

ചോറോട് : വള്ളിക്കാട് -കാട്ടിൽ മുക്ക് റോഡ് വികസനം അട്ടിമറിച്ച ചോറോട് പഞ്ചായത്ത് ഭരണസമിതി നടപടിക്കെതിരായും പഞ്ചായത്തിലെ വികസന മുരടിപ്പിനെതിരായും ജനകീയ മുന്നണി ചോറോട് പഞ്ചായത്ത് കമ്മിറ്റിയുടെ നേതൃത്വത്തിൽ പ്രതിഷേധ സംഗമം സംഘടിപ്പിച്ചു. യുഡിഎഫ് വടകര നിയോജക മണ്ഡലം ചെയർമാൻ കോട്ടയിൽ രാധാകൃഷ്ണൻ ഉദ്ഘാടനം ചെയ്തു.&nbsp;
ജനകീയ മുന്നണി ചോറോട് പഞ്ചായത്ത് കമ്മിറ്റി ചെയർമാൻ അഡ്വ : നജ്മൽ. പി. ടി. കെ അധ്യക്ഷത വഹിച്ചു. പി. പി ജാഫർ, സതീശൻ കുരിയാടി, പി ഇസ്മായിൽ, കെ കെ സദാശിവൻ, ഒ. കെ കുഞ്ഞബ്ദുള്ള, ശശി വള്ളിക്കാട്, സി. നിജിൻ, ഹാഷിം കാളംകുളത്ത്, എം. സി കരീം, രാജേഷ് ചോറോട്, മനീഷ് വള്ളിക്കാട്, വി. പി റിയാസ്, വിശ്വൻ , ഗീത മോഹൻ, കെ. ജി രാഗേഷ്, കെ. കെ റിനീഷ്, ജംഷിദ തുടങ്ങിയവർ സംസാരിച്ചു.

വികസനം അട്ടിമറിക്കുന്നുവെന്ന്; ജനകീയ മുന്നണി പ്രതിഷേധ സംഗമം നടത്തി

ഓ൪ക്കാട്ടേരി: 25 വർഷം പൂർത്തിയാവുന്ന കെ.കെ.എം ഗവ: ഹയർ സെക്കണ്ടറി സ്കൂളിലെ 2000 മുതൽ 2020 കാലയളവിൽ പഠിച്ചിറങ്ങിയ വിദ്യാർത്ഥികളും പഠിപ്പിച്ച അദ്ധ്യാപകരും ''ഗ്രോസല്ല -ഓർമ്മകൾക്കെന്തു മധുരം " എന്ന പേരിൽ സ്കൂൾ അങ്കണത്തിൽ ഒത്തുചേർന്നു. വിരമിക്കുന്ന അധ്യാപകൻ ജാഫറിനുള്ള യാത്രയയപ്പും മാഗസിൻ കവർ പ്രകാശനവും ഇതോടനുബന്ധിച്ച് നടന്നു. പ്രശസ്ത ബാലസാഹിത്യകാരൻ രാജു കാട്ടുപുനം ചടങ്ങ് ഉദ്ഘാടനം ചെയ്ത. സിനിമാതാരം ചിത്ര നായർ മുഖ്യാതിഥിയായിരുന്നു.
പ്രിൻസിപ്പൽ സീമ എൻ.വി അദ്ധ്യക്ഷയായി. സ്വാഗത സംഘം ചെയർമാൻ കെ ലിബീഷ് സ്വാഗതവും കൺവീനർ ഡോ: ഷൗക്കത്തലി നന്ദിയും പറഞ്ഞു. സിനിമ താരം ചിത്ര നായർ മാഗസിൻ കവർ മാഗസിൻ എഡിറ്റർ രാജീവൻ വിളയാട്ടൂരിന് നൽകി പ്രകാശനം നടത്തി. പി.ടി.എ പ്രസിഡണ്ട് സി.പി രാജൻ, ദേശീയ, സംസ്ഥാന മേളയിൽ വിജയികളായ കുട്ടികൾക്കുള്ള മെമൻ്റോ വിതരണം ചെയ്തു. പിടിഎ വൈസ് പ്രസിഡണ്ട് കെ രവീന്ദ്രൻ, വി.എച്ച്.എസ്.ഇ പ്രിൻസിപ്പൽ സി ജയഹരി എന്നിവർ സംസാരിച്ചു. തുടർന്ന് പൂർവ്വ വിദ്യാർത്ഥികൾ അണിയിച്ചൊരുക്കിയ നൃത്തപരിപാടികളു൦ ഗാനമേളയു൦ ഉണ്ടായി. സ്കൂൾ അലുമിനി അസോസിയേഷൻ രൂപീകരിച്ചു.

ഓ൪മ്മകളുടെ പങ്കിട്ട് പൂർവ്വ വിദ്യാർത്ഥി -അദ്ധ്യാപക സംഗമം

ചോമ്പാല: നിരവധി മോഷണ കേസിൽ പ്രതിയായ യുവാവ് പിടിയിൽ. കൊയിലാണ്ടി എടക്കാട് മാവിളിച്ചി കണ്ടി വീട്ടിൽ സൂര്യൻ എസ് എസ് (24) നെയാണ് ചോമ്പാല പോലീസ് അറസ്റ്റ് ചെയ്തത്. കഴിഞ്ഞ ഡിസംബർ ആറിന് ന്യൂ മാഹി സ്വദേശിയായ കേന്ദ്ര സർക്കാർ ജീവനക്കാരൻ മാഹി റെയിൽവേ സ്റ്റേഷൻ പരിസരത്ത് നിർത്തിയിട്ട സ്കൂട്ടർ ഇയാൾ മോഷ്ട്ടിക്കുകയിരുന്നു. ജോലി ആവശ്യാർത്ഥം പോയ യുവാവ് എട്ടിന് തിരിച്ച് വന്നപ്പോഴാണ് നിർത്തിയിട്ട സ്ഥലത്ത് സ്കൂട്ടർ കാണാനില്ലെന്ന് മനസ്സിലായത്. തുടർന്ന് പോലീസിൽ പരാതി നൽകുകയായിരുന്നു. ചോമ്പാല എസ് ഐ മനീഷ് വി.കെ നടത്തിയ അന്വേഷണത്തിൽ സൂര്യൻ ഈ സ്കൂട്ടറുമായി പോകുന്ന ക്യാമറ ദൃശ്യങ്ങൾ കണ്ടെത്തി.&nbsp;
അതിനിടയിൽ കൊയിലാണ്ടിയിൽ വെച്ച് കളവ് ചെയ്ത ബാറ്ററിയുമായി ഇതേ സ്കൂട്ടറിൽ പോകവെ കൊയിലാണ്ടി പോലീസ് ഇയാളെ പിടികൂടിയിരുന്നു. ഈ കേസിൽ കോടതിയിൽ ഹാജരാക്കിയ പ്രതി ജാമ്യം നേടുകയും ചോമ്പാല പോലീസ് അന്വേഷിക്കുന്നതറിഞ്ഞ് പാലക്കാട്ടേക്ക് ഒളിവിൽ പോകുകയും ചെയ്തു. പ്രതി പാലക്കാട് നിന്നും തിരിച്ചു വരുന്നതായി മനസ്സിലാക്കിയ ചോമ്പാല എസ് ഐയുടെ നേതൃത്വത്തിൽ എസ് സി.പി ഒ മാരായ അഭിജിത്ത് വി.കെ, അനനന്തൻ ടി.കെ എന്നിവർ ചേർന്ന് കൊയിലാണ്ടിയിൽ നിന്ന് പ്രതിയെ കസ്റ്റഡിയിൽ എടുക്കുകയായിരുന്നു. കോടതിയിൽ ഹാജരാക്കിയ പ്രതിയെ വടകര ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് ഷീജ എ എം 14 ദിവസത്തേക്ക് റിമാന്റ് ചെയ്തു.

സ്കൂട്ടർ മോഷ്ടാവായ കൊയിലാണ്ടി സ്വദേശി ചോമ്പാല പോലീസ്  പിടിയിൽ

Koyilandy

നാദാപുരം: പ്രായപൂർത്തിയാവാത്ത പെൺകുട്ടിയെ പീഡിപ്പിച്ച കേസിൽ യുവാവ് അറസ്റ്റിൽ. പുറമേരി സ്വദേശി തൈയ്യുള്ളതിൽ ആദർശ് ( 24 ) നെയാണ് നാദാപുരം പോലിസ് അറസ്റ്റ് ചെയ്തത്. പതിനാറ്കാരിയെ പ്രതിയുടെ വീട്ടിലെത്തിച്ച് പീഡനത്തിനിരയാക്കിയെന്നാണ് പരാതി. കോടതിയിൽ ഹാജരാക്കിയ പ്രതിയെ രണ്ടാഴ്ച്ചത്തേക്ക് റിമാൻ്റ് ചെയ്തു.

പോക്സോ കേസിൽ പുറമേരി സ്വദേശി അറസ്റ്റിൽ

Nadapuram

പ്രിയങ്ക ​ഗാന്ധി എംപി വയനാട്ടിലെത്തും. രാവിലെ പതിനൊന്ന് മണിയോടെ കണ്ണൂർ അന്താരാഷ്ട്ര വിമാനത്താവളത്തിൽ എത്തുന്ന പ്രിയങ്ക റോഡ് മാർഗം മാനന്തവാടിയിൽ എത്തും. കൽപ്പറ്റയിൽ കലക്ടറേറ്റിൽ നടക്കുന്ന ഉന്നത ഉദ്യോഗസ്ഥരുടെ യോഗത്തിൽ പ്രിയങ്ക പങ്കെടുക്കും.പഞ്ചാരക്കൊല്ലിയിൽ കടുവയുടെ ആക്രമണത്തിൽ കൊല്ലപ്പെട്ട രാധയുടെ വീട് പ്രിയങ്കാ ഗാന്ധി എംപി സന്ദർശിക്കും.
ഉച്ചയ്ക്ക് അന്തരിച്ച ഡിസിസി ട്രഷറർ എൻ.എം. വിജയന്റെ കുടുംബാംഗങ്ങളെയും പ്രിയങ്ക ​ഗാന്ധി കാണും. പ്രതിപക്ഷ നേതാവ് വി.ഡി. സതീശൻ നയിക്കുന്ന യുഡിഎഫ് മലയോര ജാഥയുടെ മേപ്പാടിയിൽ നടക്കുന്ന പൊതുയോഗത്തിലും പ്രിയങ്ക ഗാന്ധി പങ്കെടുക്കും. ശേഷം ഡൽഹിയിലേക്ക് മടങ്ങും.
വയനാട്ടിൽ നിരന്തരമായി നടക്കുന്ന വന്യജീവി ആക്രമണത്തിൽ ജനങ്ങൾ ഭീതിയിലാണെന്നും ജനങ്ങളുടെ ആശങ്ക അകറ്റി സുരക്ഷ ഉറപ്പാക്കുന്ന നടപടികൾ അടിയന്തിരമായി സ്വീകരിക്കണമെന്നും പ്രിയങ്ക ഗാന്ധി എം.പി ആവശ്യപ്പെട്ടിരുന്നു.&nbsp;

പ്രിയങ്ക ഗാന്ധി ഇന്ന് വയനാട്ടിലെത്തും; രാധയുടെ വീട് സന്ദർശിക്കും

ടിക്കറ്റ് എടുക്കാത്തതിനെച്ചൊല്ലിയുള്ള തർക്കത്തിൽ ട്രെയിനിനുള്ളിൽ കത്തിക്കുത്ത്. കന്യാകുമാരി എക്‌സ്‌പ്രസിനുള്ളിലാണ് സംഭവം നടന്നത്. കായംകുളത്തേയ്ക്ക് യാത്ര ചെയ്യുകയായിരുന്ന യുവാക്കൾ തമ്മിലാണ് സംഘർഷമുണ്ടായത്.
ബംഗളൂരുവിൽ നിന്ന് ട്രെയിനിൽ കയറിയ യുവാക്കൾക്ക് പാലക്കാട് വരെ മാത്രമേ ടിക്കറ്റ് ഉണ്ടായിരുന്നുള്ളൂ. പരിശോധനയിൽ ടിടിഇ ഫൈൻ ഈടാക്കി. പിന്നാലെ ടിക്കറ്റ് എടുക്കാത്തതിന്റെ പേരിൽ യുവാക്കൾ തമ്മിൽ തർക്കമുണ്ടാവുകയായിരുന്നു. ഇതിനിടെയാണ് യുവാക്കളിൽ ഒരാൾ മറ്റൊരാളെ കുത്തിയത്. പരിക്ക് ഗുരുതരമല്ല. പ്രതിയെ റെയിൽവേ പൊലീസ് കസ്റ്റഡയിലെടുത്തു.&nbsp;

ടിക്കറ്റ് എടുക്കാത്തതിനെച്ചൊല്ലി തർക്കം,ട്രെയിനിനുള്ളിൽ യുവാവിന് കുത്തേറ്റു

Kerala

തിരുവനന്തപുരം: സംസ്ഥാനത്തെ റേഷൻ വ്യാപാരികളുടെ സമരം പിൻവലിച്ചു. വേതന പരിഷ്കരണം ഉൾപ്പടെ നിരവധി വിഷയങ്ങൾ ഉന്നയിച്ച് അഞ്ച് സംഘടനകളാണ് സമരത്തിൽ ഉണ്ടായിരുന്നത്. എല്ലാ മാസത്തെയും കമ്മീഷൻ അടുത്ത മാസം 15 നുള്ളിൽ തന്നെ നൽകുമെന്ന് തീരുമാനമായിട്ടുണ്ടെന്ന് ഭക്ഷ്യ വകുപ്പ് മന്ത്രി ജി ആർ അനിൽ പറഞ്ഞു. ഇതിൽ ധനമന്ത്രിയുമായി സംസാരിച്ച് വ്യവസ്ഥ ഉണ്ടാക്കും. വേതന പാക്കേജ് കമ്മീഷൻ പരിഷ്കരണ ചർച്ചകൾ മാർച്ചിൽ ആരംഭിക്കുമെന്നും ചർച്ചയിലെ തീരുമാനം നടപ്പാക്കുമെന്നും ജി ആർ അനിൽ അറിയിച്ചു.&nbsp;
ഭക്ഷ്യവകുപ്പും വ്യാപാരികളുമായി നടന്ന ചര്‍ച്ചയിലാണ് സമവായം ആയത്. മുഖ്യമന്ത്രി പിണറായി വിജയന്റെ നിര്‍ദേശത്തെ തുടര്‍ന്നാണ് അടിയന്തര സമവായ ചര്‍ച്ച നടന്നത്. ബദല്‍ സംവിധാനം ഏര്‍പ്പെടുത്തിയെന്നും ചര്‍ച്ചയില്‍ സമവായം ആയില്ലെങ്കില്‍ കടകള്‍ ഏറ്റെടുക്കുമെന്നായിരുന്നു ഭക്ഷ്യവകുപ്പ് അറിയിച്ചിരുന്നത്.

സംസ്ഥാനത്തെ റേഷൻ വ്യാപാരികളുടെ സമരം പിൻവലിച്ചു

തിരുവനന്തപുരം: വ്യാജ സൗന്ദര്യവര്‍ധക വസ്തുക്കളുടെ വിപണനം തടയാന്‍ ഡ്രഗ്സ് കണ്‍ട്രോള്‍ വിഭാഗം നടത്തിയ 'ഓപ്പറേഷന്‍ സൗന്ദര്യ' പരിശോധനയില്‍ വിലകൂടിയ സൗന്ദര്യവര്‍ധന ഉത്പന്നങ്ങള്‍ പിടിച്ചെടുക്കുകയും 33 സ്ഥാപനങ്ങള്‍ക്കെതിരേ കേസെടുക്കുകയും ചെയ്തു.
മൂന്നാം ഘട്ടം പരിശോധന ഉടന്‍ ആരംഭിക്കുമെന്ന് മന്ത്രി വീണാ ജോര്‍ജ് അറിയിച്ചു. ഒന്നും രണ്ടും ഘട്ടങ്ങളില്‍ നടത്തിയ പരിശോധനകളില്‍, സൗന്ദര്യവര്‍ധക വസ്തുക്കളില്‍ ശരീരത്തിനു ഹാനികരമാകുന്ന അളവില്‍ രാസവസ്തുക്കള്‍ ചേര്‍ത്തിട്ടുണ്ടെന്നു കണ്ടെത്തിയതിനെ തുടര്‍ന്നാണ് നടപടി.ലിപ്സ്റ്റിക്, ഫേസ് ക്രീം സാമ്പിളുകളില്‍ അനുവദനീയമായതില്‍ കൂടുതല്‍ അളവില്‍ മെര്‍ക്കുറിയുടെ അംശം കണ്ടെത്തിയിട്ടുണ്ട്. സൗന്ദര്യവര്‍ധക വസ്തുക്കള്‍ വാങ്ങി ഉപയോഗിക്കുന്നവര്‍ ശ്രദ്ധിക്കേണ്ടതാണ്. ഇത്തരം ഉത്പന്നങ്ങള്‍ മതിയായ ലൈസന്‍സോടുകൂടി നിര്‍മിച്ചതാണോയെന്നും നിര്‍മാതാവിന്റെ മേല്‍വിലാസം വ്യക്തമായി രേഖപ്പെടുത്തിയിട്ടുണ്ടോയെന്നും ലേബല്‍ പരിശോധിച്ച് ഉറപ്പാക്കേണ്ടതാണ്. പരാതികള്‍ 18004253182 എന്ന ടോള്‍ ഫ്രീ നമ്പരില്‍ അറിയിക്കണം.

സൗന്ദര്യവര്‍ധക വസ്തുക്കളില്‍ അമിതയളവില്‍ മെര്‍ക്കുറി: 33 സ്ഥാപനങ്ങള്‍ക്കെതിരേ കേസ്

ആലപ്പുഴ: ജയിലിൽ നിന്ന് പരോളിലിറങ്ങിയ കൊലക്കേസ് പ്രതി വീടിനുള്ളിൽ തൂങ്ങിമരിച്ച നിലയിൽ. ഭരണിക്കാവ് സ്വദേശി പ്രിൻസ് (55) ആണ് മരിച്ചത്. 2002ൽ വള്ളിക്കുന്നം കാമ്പിശേരിയിൽ യുവതിയെ കുത്തികൊന്ന കേസിൽ ജീവപര്യന്തം തടവ് ശിക്ഷ അനുഭവിച്ച് വരികയായിരുന്നു.
ഈ മാസം എട്ടിനാണ് പ്രിൻസ് പരോളിലിറങ്ങിയത്. ജനുവരി 25ന് തിരുവനന്തപുരം സെൻട്രൽ ജയിലിൽ ഹാജരാകേണ്ടതായിരുന്നു. പരോൾ കാലാവധി അവസാനിച്ചിട്ടും ജയിലിൽ എത്താത്തതിനെത്തുടർന്ന് നടത്തിയ പരിശോധനയിലാണ് വീടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്.

പരോളിലിറങ്ങിയ കൊലക്കേസ് പ്രതി വീടിനുള്ളിൽ തൂങ്ങിമരിച്ച നിലയിൽ

കൊച്ചി: സാമൂഹികമാധ്യമങ്ങള്‍ വഴി സ്ത്രീത്വത്തെ അപമാനിച്ചെന്ന പ്രമുഖ നടിയുടെ പരാതിയില്‍ സംവിധായകന്‍ സനല്‍കുമാര്‍ ശശിധരനെതിരെ കേസ്.എളമക്കര പോലീസാണ് തിങ്കളാഴ്ച കേസ് രജിസ്റ്റര്‍ ചെയ്തത്. കഴിഞ്ഞ ഏതാനും ദിവസമായി നടിയെ പരാമര്‍ശിച്ചും ടാഗ് ചെയ്തും സംവിധായകന്‍ ഒട്ടേറെ പോസ്റ്റുകള്‍ സാമൂഹികമാധ്യമങ്ങളില്‍ പങ്കുവെച്ചിരുന്നു.
നടിയെ പരാമര്‍ശിച്ച് സാമൂഹികമാധ്യമങ്ങളില്‍ പങ്കുവെക്കുന്ന പോസ്റ്റുകളില്‍ അവരുടെ ജീവിതം അപകടത്തിലാണെന്ന് സനല്‍ പറഞ്ഞിരുന്നു. നടിയുടേതെന്ന പേരില്‍ ഓഡിയോ സംഭാഷണങ്ങളും പുറത്തുവിട്ടു. പിന്നാലെ, നടി അഭിനയിച്ച് സനല്‍ സംവിധാനം ചെയ്ത സിനിമ സാമൂഹികമാധ്യമങ്ങള്‍ വഴി സൗജന്യമായി റിലീസ് ചെയ്തിരുന്നു. ഇയാളിപ്പോള്‍ വിദേശത്താണെന്നാണ് വിവരം.നേരത്തേ, ഇതേ നടിയുടെ പരാതിയില്‍ പോലീസ് സനലിനെ അറസ്റ്റ് ചെയ്തിരുന്നു. 2022 മേയില്‍ അറസ്റ്റിലായ സനലിനെ ജാമ്യത്തില്‍ വിടുകയായിരുന്നു.&nbsp;

സ്ത്രീത്വത്തെ അപമാനിച്ചെന്ന നടിയുടെ പരാതി ;സംവിധായകന്‍ സനല്‍കുമാര്‍ ശശിധരനെതിരെ കേസ്

റെക്കോഡ് ഭേദിച്ച് സ്വര്‍ണ വിലയില്‍ കുതിപ്പ് തുടരുന്നു. വ്യാഴാഴ്ച പവന്റെ വില 120 രൂപ ഉയര്‍ന്ന് 60,880 രൂപയായി. ഗ്രാമിന്റെ വിലയാകട്ടെ 15 രൂപ കൂടി 7,610 രൂപയുമായി. ഇതോടെ ഒരു മാസത്തിനിടെ പവന്റെ വിലയിലുണ്ടായ വര്‍ധന 3,680 രൂപയാണ്. ഒരു വര്‍ഷത്തിനിടെയുള്ള വര്‍ധനവാകട്ടെ 14,640 രൂപയുമാണ്.
കുറഞ്ഞ ചെലവിലുള്ള എഐ സാധ്യതകളുമായി ഡീപ്‌സീക്ക് എത്തിയതിന് പിന്നാലെ യുഎസ് ഓഹരി വിപണിയില്‍ നേരിട്ട തിരിച്ചടിയാണ് സ്വര്‍ണം നേട്ടമാക്കിയത്. ഇത്തവണ നിരക്കില്‍ കുറവ് വരുത്തേണ്ടെന്ന യുഎസ് ഫെഡിന്റെ തീരുമാനവും സ്വര്‍ണ വിലയില്‍ പ്രതിഫലിച്ചു.

സ്വര്‍ണ വിലയില്‍ കുതിപ്പ് തുടരുന്നു ;120 രൂപ കൂടി പവന് 60,880 രൂപയായി

തിരുവനന്തപുരം: ബാലരാമപുരത്ത് കാണാതായ രണ്ടു വയസ്സുകാരിയെ മരിച്ച നിലയിൽ കണ്ടെത്തിയ സംഭവത്തിൽ ദുരൂഹതയേറുന്നു. ആൾമറയുള്ള കിണറ്റിൽ നിന്നാണ് രണ്ടു വയസ്സുകാരിയുടെ മൃതദേഹം കണ്ടെത്തിയത്. കുട്ടിയുടെ അച്ഛൻ, അമ്മ, അമ്മയുടെ സഹോദരൻ എന്നിവരെ പോലീസ് കസ്റ്റഡിയിലെടുത്തിട്ടുണ്ട്. കുഞ്ഞിന്റെ പോസ്റ്റ്മോർട്ടം റിപ്പോർട്ട് പുറത്തുവന്നാൽ മാത്രമേ മരണകാരണം വ്യക്തമാകുകയുള്ളൂ.
കുട്ടിയുടെ അമ്മയുടെ സഹോദരൻ കിടന്ന മുറിയിൽ തീപ്പിടിച്ചതായാണ് കുടുംബം പറയുന്നത്. തീ അണച്ചതിനു ശേഷം തിരികെയെത്തിയപ്പോൾ കുഞ്ഞിനെ കാണാനില്ലായിരുന്നു എന്നും ഇവർ പറയുന്നു. മുറിയിൽ മണ്ണെണ്ണയുടെ ​ഗന്ധമുണ്ടായിരുന്നു എന്ന് കോവളം എം.എൽ.എ. എം. വിൻസന്റും പറഞ്ഞു.
വ്യാഴാഴ്ച രാവിലെ എട്ടോടെയാണ് ശ്രീതു- ശ്രീജിത്ത് ദമ്പതികളുടെ മകൾ ദേവേന്ദു(2)വിനെ വീടിന് സമീപത്തെ കിണറ്റിൽ മരിച്ച നിലയിൽ കണ്ടെത്തിയത്.

രണ്ടു വയസ്സുകാരിയെ മരിച്ച നിലയിൽ കണ്ടെത്തിയ സംഭവത്തിൽ ദുരൂഹത ;മാതാപിതാക്കൾ കസ്റ്റഡിയിൽ

തിരുവനന്തപുരം: ബാലരാമപുരത്ത് നിന്ന് കാണാതായ രണ്ടുവയസുകാരിയെ കിണറ്റിൽ മരിച്ചനിലയിൽ. ശ്രീതു - ശ്രീജിത്ത് ദമ്പതികളുടെ മകളായ ദേവേന്ദുവാണ് മരിച്ചത്. കുട്ടിയെ കാണാനില്ലെന്ന് ഇന്ന് രാവിലെയാണ് മാതാപിതാക്കൾ പൊലീസിൽ പരാതിനൽകിയത്. തുടർന്ന് നടത്തിയ പരിശോധനയിലാണ് കിണറ്റിൽ നിന്ന് കുട്ടിയുടെ മൃതദേഹം കണ്ടെത്തിയത്. മരണത്തിൽ ദുരൂഹതയുണ്ടെന്നാണ് നിഗമനം. രാത്രി അച്ഛനും അമ്മയ്ക്കുമൊപ്പം ഉറങ്ങാൻ കിടന്ന കുട്ടിയെയാണ് രാവിലെ കാണാതാകുന്നത്.

ബാലരാമപുരത്ത് കാണാതായ രണ്ടുവയസുകാരി കിണറ്റിൽ മരിച്ചനിലയിൽ

തൃശ്ശൂര്‍: സംഗീത സംവിധായകന്‍ ഗോപി സുന്ദറിന്റെ അമ്മ കൂര്‍ക്കഞ്ചേരി അജന്ത അപ്പാര്‍ട്ട്‌മെന്റ്‌സില്‍ ലിവി സുരേഷ് ബാബു(65) അന്തരിച്ചു. ഭര്‍ത്താവ്: സുരേഷ് ബാബു. മക്കള്‍: ഗോപി സുന്ദര്‍ (സംഗീത സംവിധായകന്‍), ശ്രീ(മുംബൈ). മരുമക്കള്‍: പ്രിയ ഗോപി സുന്ദര്‍, ശ്രീകുമാര്‍ പിള്ള (എയര്‍ഇന്ത്യ, മുംബൈ). സംസ്‌കാരം വ്യാഴാഴ്ച മൂന്നിന് വടൂക്കര ശ്മശാനത്തില്‍.

സംഗീത സംവിധായകന്‍ ഗോപിസുന്ദറിന്റെ അമ്മ ലിവി സുരേഷ് ബാബു അന്തരിച്ചു

പാലക്കാട്: നെന്മാറ ഇരട്ടക്കൊലപാതകക്കേസിലെ പ്രതി ചെന്താമരയെ ഫെബ്രുവരി 12 വരെ റിമാന്‍ഡ് ചെയ്തു. കൃത്യം ചെയ്തത് ഒറ്റയ്ക്കാണെന്നും നൂറ് വര്‍ഷം ശിക്ഷിച്ചോളൂവെന്നും ഉടനെ ശിക്ഷ വിധിക്കണമെന്നും ചെന്താമര പറഞ്ഞു. തന്റെ ജീവിതമാര്‍ഗ്ഗത്തെ തകര്‍ത്തു, അതുകൊണ്ടാണ് കൊലപാതകം ചെയ്തത്. മകളുടേയും മരുമകന്റേയും മുന്നില്‍ തലകാണിക്കാന്‍ വയ്യ, അതിനാല്‍ എത്രയും വേഗം ശിക്ഷ വിധിക്കണമെന്നും ചെന്താമര ആവശ്യപ്പെട്ടു.
പോലീസ് പിടികൂടിയതിന്റെയല്ലാതെ ഏതെങ്കിലും തരത്തിലുള്ള പരിക്കുകള്‍ പറ്റിയിട്ടുണ്ടോയെന്നാണ് ചെന്താമരയോട് കോടതി ആദ്യം ചോദിച്ചത്. എന്നാല്‍ തനിക്ക് ചിലകാര്യങ്ങള്‍ കോടതിയോട് പറയാനുണ്ടെന്ന് പറഞ്ഞാണ് ചെന്താമര സംസാരിക്കാന്‍ ആരംഭിച്ചത്. തനിക്ക് യാതൊരു പരാതിയുമില്ല, ഉദ്ദേശിച്ച കാര്യം ചെയ്തുകഴിഞ്ഞു എന്നായിരുന്നു ചെന്താമരയുടെ ഭാഷ്യം. മകള്‍ എന്‍ജിനീയറാണെന്നും മരുമകന്‍ സ്‌പെഷ്യല്‍ ബ്രാഞ്ചിലാണെന്നും കോടതിയോട് പറഞ്ഞ പ്രതി അവരുടെ മുന്നില്‍ തല കാണിക്കാന്‍ വയ്യെന്നും കൂട്ടിച്ചേര്‍ത്തു.
വിശദമായ ചോദ്യം ചെയ്യലിനുശേഷമാണ് ഇയാളെ ആലത്തൂര്‍ ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയത്. കനത്ത പോലീസ് സുരക്ഷയിലാണ് ചെന്താമരയെ പോലീസ് സ്‌റ്റേഷനില്‍നിന്ന് കോടതിയിലെത്തിച്ചത്.&nbsp;

ചെന്താമരയെ ഫെബ്രുവരി 12 വരെ റിമാന്‍ഡ് ചെയ്തു ;കൃത്യം ചെയ്തത് ഒറ്റയ്ക്കാണെന്നും നൂറ് വര്‍ഷം ശിക്ഷിച്ചോളൂവെന്നും പ്രതി

Search Results for: 28.01.2025