തിരുവനന്തപുരം: വയനാട് ജില്ലയിലെ സൗത്ത് ഡിവിഷന്‍ പരിധിയിലെ കുറുവാ ദ്വീപ് നാളെ മുതല്‍ സഞ്ചാരികള്‍ക്ക് തുറന്നു കൊടുക്കും. ചെമ്പ്രാ പീക്ക് ട്രക്കിങ്, ബാണാസുരമല-മീന്‍മുട്ടി വെളളച്ചാട്ടം, കാറ്റുകുന്ന് -ആനച്ചോല ട്രക്കിങ് എന്നിവിടങ്ങളില്‍ ഈ മാസം 21 മുതല്‍ പ്രവേശനം അനുവദിക്കും. നവംബര്‍ ഒന്നിന് സൂചിപ്പാറ വെള്ളച്ചാട്ടം സഞ്ചാരികള്‍ക്കായി തുറക്കും. ഹൈകോടതി ഉത്തരവിന്റെ അടിസ്ഥാനത്തില്‍ പ്രവേശന ഫീസ് ഇനത്തില്‍ വര്‍ധന വരുത്തുകയും സന്ദര്‍ശകരുടെ എണ്ണം പുതുക്കി നിശ്ചയിക്കുകയും ചെയ്തു. കുറുവാദ്വീപില്‍ മുതിര്‍ന്നവര്‍ക്ക് 220 രൂപയും വിദ്യാര്‍ഥികള്‍ക്ക് 150 രൂപയും വിദേശികള്‍ക്ക് 440 രൂപയുമാണ് പ്രവേശന ഫീസ്. ഒരു ദിവസം പരമാവധി 400 ആളുകളെ മാത്രമേ അനുവദിക്കൂ. (പാക്കം ചെറിയമല ഭാഗത്തുകൂടി 200 പേരെയും പാല്‍വെളിച്ചം ഭാഗത്തുകൂടി 200 പേരെയും) ചെമ്പ്രാ പീക്ക് ട്രക്കിങ് (അഞ്ച് പേരുടെ (ഗ്രൂപ്പിന്) മുതിന്നവര്‍ക്ക് 5000 രൂപയും വിദ്യാര്‍ഥികള്‍ക്ക് 1800 രൂപയും വിദേശികള്‍ക്ക് 8000 രൂപയുമാണ് പ്രവേശന ഫീസ്. ഒരു ദിവസം പരമാവധി 75 ആളുകള്‍.
സൂചിപ്പാറ വെളളച്ചാട്ടത്തില്‍ മുതിര്‍ന്നവര്‍ക്ക് 118 രൂപയും വിദ്യാര്‍ഥികള്‍ക്ക് 70 രൂപയും വിദേശികള്‍ക്ക് 230 രൂപയുമാണ് പ്രവേശന ഫീസ്. ഒരു ദിവസം പരമാവധി 500 ആളുകളെ അനുവദിക്കും. ബാണാസുരമല-മീന്‍മുട്ടി വെള്ളച്ചാട്ടത്തില്‍ മുതിര്‍ന്നവര്‍ക്ക് 100 രൂപയും വിദ്യാര്‍ഥികള്‍ക്ക് 50 രൂപയും വിദേശികള്‍ക്ക് 200 രൂപയുമാണ് പ്രവേശന ഫീസ്. ഒരു ദിവസം പരമാവധി 500 സന്ദര്‍ശകര്‍. കാറ്റുകുന്ന് ആനച്ചോല ട്രക്കിങ് മുതിര്‍ന്നവര്‍ക്ക് (എട്ട് പേരുടെ (ഗ്രൂപ്പിന്) 5000 രൂപയും വിദ്യാര്‍ഥികള്‍ക്ക് 1000 രൂപയും വിദേശികള്‍ക്ക് 7000 രൂപയുമാണ് പ്രവേശന ഫീസ്. ഒരു ദിവസം 25 സന്ദര്‍ശകര്‍. ഹൈകോടതിയുടെ ഇടക്കാല വിധിയുടെ അടിസ്ഥാനത്തിലാണ് നടപടി. ഇക്കോടൂറിസം കേന്ദ്രങ്ങള്‍ അറ്റകുറ്റപ്പണികള്‍ നടത്തി തുറക്കുന്നതിന് നോര്‍ത്തേണ്‍ സര്‍ക്കിള്‍ ചീഫ് ഫോറസ്റ്റ് കണ്‍സര്‍വേറ്റര്‍ കെ. ദീപയുടെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനിച്ചതായി സൗത്ത് വയനാട് ഡിവിഷണല്‍ ഫോറസ്റ്റ് ഓഫീസര്‍ അജിത്ത് കെ. രാമന്‍ അറിയിച്ചു.

കുറുവാ ദ്വീപ് നാളെ മുതല്‍ സഞ്ചാരികള്‍ക്കായി തുറക്കും; മുതിര്‍ന്നവര്‍ക്ക് പ്രവേശന ഫീസ് 220 രൂപ

Kerala

തൃശൂർ: ആർഎസ്എസ് പരിപാടിയിൽ പങ്കെടുത്ത് സംഗീത സംവിധായകൻ ഔസേപ്പച്ചൻ. വിജയദശമി ഉത്സവത്തോടനുബന്ധിച്ചുള്ള പൊതുസമ്മേളനത്തിൽ തൃശൂർ തേക്കിൻകാട് മൈതാനത്ത് സംഘടിപ്പിച്ച പഥസഞ്ചലന പൊതുപരിപാടിയിലാണ് ഔസേപ്പച്ചന്‍ പങ്കെടുത്ത്. പരിപാടിയുടെ അധ്യക്ഷനായിരുന്നു അദ്ദേഹം.
രാഷ്ട്രീയം നല്ല വാക്കാണെന്നും എന്നാൽ, കേരളത്തിൽ അതിന് അർഥം വേറെയാണെന്നും ഔസേപ്പച്ചൻ പറഞ്ഞു. ‘‘ഈ പരിപാടിയിൽ പങ്കെടുക്കാൻ എന്റെ പേര് പറഞ്ഞപ്പോൾ സംഘടനയിലെ എല്ലാവരും കയ്യടിച്ച് സ്വീകരിച്ചെങ്കിൽ അത് ആർഎസ്എസിന്റെ വിശാലതയാണു കാണിക്കുന്നത്. അച്ചടക്കമാണു സംഘ പ്രവർത്തകരിലെ ശ്രദ്ധേയമായ കാര്യം. സംഗീതത്തിലും അതിനു വലിയ പ്രാധാന്യമുണ്ട്. മറ്റുള്ളവർക്കു നന്മ ചെയ്യാനായി വിവാഹം പോലും വേണ്ടെന്നുവച്ച് ജീവിതം സമർപ്പിച്ചവരെ വിശുദ്ധർ എന്നാണ് വിളിക്കേണ്ടത്. സാങ്കേതിക വളർച്ച കൊണ്ട് മനുഷ്യർ പരസ്പരമുള്ള ആശയവിനിമയം ഇല്ലാതെ പോകുന്ന കാലമാണിത്.
ഞാൻ 45 വ‍ർഷമായി യോഗ ചെയ്യുന്നയാളാണ്. ആ യോഗയും ഇവിടെ കാണുന്നു. വിശേഷദിവസങ്ങളിലും മറ്റും നമ്മുടെ പ്രധാനമന്ത്രി നരേന്ദ്ര മോദി യോഗ അഭ്യസിക്കുന്ന ചിത്രങ്ങൾ പത്രങ്ങളിലൂടെ കാണാറുണ്ട്.‌ അതുതന്നെയാണ് അദ്ദേഹത്തിന്റെ മനസ്സിനു കിട്ടുന്ന ധൈര്യവും ഉണർവും ചിന്താശക്തിയും. ആർഎസ്എസിന്റെ അച്ചടക്കം കണ്ടുപഠിക്കേണ്ട കാര്യമാണ്.’’– ഔസേപ്പച്ചൻ പറഞ്ഞു. പഥസഞ്ചലനത്തിനു ശേഷമായിരുന്നു പൊതുസമ്മേളനം.&nbsp;&nbsp;

ആർഎസ്എസിന്റെ അച്ചടക്കം കണ്ടുപഠിക്കേണ്ട കാര്യമാണ്, അവരെ വിശുദ്ധർ എന്നാണ് വിളിക്കേണ്ടത്’:  പഥസഞ്ചലന പരിപാടിയിൽ ഔസേപ്പച്ചൻ

കൊല്ലം: ചിതറ കല്ലുവെട്ടാം കുഴിയിൽ യുവാവിനെ സുഹൃത്ത് കഴുത്തറുത്തു കൊന്നു. നിലമേൽ വളയിടൽ സ്വദേശി ഇർഷാദ് (26) ആണ് മരിച്ചത്. സംഭവത്തിൽ സുഹൃത്ത് സഹദ് (26) പൊലീസ് കസ്റ്റഡിയിൽ. ചിതറ പൊലീസാണ് സഹദിനെ കസ്റ്റഡിയിലെടുത്തത്. സഹദ് കഞ്ചാവുകേസിൽ പ്രതിയാണ്.

യുവാവിനെ സുഹൃത്ത് കഴുത്തറുത്തു കൊന്നു

കണ്ണൂർ: ബന്ധുവിനൊപ്പം സഞ്ചരിക്കവെ സ്കൂട്ടർ നിയന്ത്രണം വിട്ടു മറിഞ്ഞ് നാല് വയസ്സുകാരി മരിച്ചു. ബക്കളം കാനൂൽ ആൻസന്റെയും സൂര്യയുടെയും മകൾ ആൻഡ്രിയ ആൻസൻ ആണ് മരിച്ചത്. കഴിഞ്ഞ ദിവസം ഉച്ചയ്ക്ക് തളിപ്പറമ്പിലേക്ക് വരുന്നതിടെ ബന്ധു ഓടിച്ച സ്കൂട്ടർ ഏഴാംമൈലിൽ നിയന്ത്രണം വിട്ട് മറിയുകയായിരുന്നു. കണ്ണൂരിലെ സ്വകാര്യ ആശുപത്രിയിൽ എത്തിച്ചുവെങ്കിലും മരണം സംഭവിച്ചു.&nbsp;

സ്കൂട്ടർ നിയന്ത്രണം വിട്ട് മറിഞ്ഞ് നാല് വയസ്സുകാരി മരിച്ചു

Kannur

തിരുവനന്തപുരം: പാലക്കാട് നിയമസഭാ മണ്ഡലത്തിലെ ഉപതിരഞ്ഞെടുപ്പില്‍ സ്ഥാനാര്‍ഥിയാകുമോ എന്ന ചോദ്യത്തിന് ഹ ഹ ഹ എന്ന് മറുപടി നല്‍കി കോണ്‍ഗ്രസ് നേതാവ് കെ. മുരളീധരന്‍. മുഖ്യമന്ത്രിയെ കളിയാക്കിയതാണോ എന്ന ചോദ്യത്തിന് അല്ല, ഉത്തരം ആവശ്യമില്ലാത്ത സ്ഥലത്ത് പ്രയോഗിക്കുന്നതാണ് എന്നായിരുന്നു അദ്ദേഹത്തിന്റെ മറുപടി. നടക്കാനിരിക്കുന്ന ഉപതിരഞ്ഞെടുപ്പുകളില്‍ പാലക്കാട് ഉറപ്പായും ജയിക്കുമെന്നും ചേലക്കര ജയിക്കുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേര്‍ത്തു.

പാലക്കാട് സ്ഥാനാര്‍ഥിത്വം സംബന്ധിച്ച ചോദ്യത്തിന് ഹ ഹ ഹ എന്ന് മറുപടിയുമായി കെ. മുരളീധരന്‍

പിവി അൻവർ എല്ലാവർക്കും ഒരു പാഠമാണെന്ന് സി.പി.ഐ. സംസ്ഥാന സെക്രട്ടറി ബിനോയ് വിശ്വം. അത്തരം ആളുകൾ വരുമ്പോൾ തന്നെ അവരെ രണ്ടുകൈയ്യും നീട്ടി സ്വീകരിച്ച്, തലയിൽ എടുത്തുവെച്ച്, അർഹത പരി​ഗണിക്കാതെ അവർക്ക് പ്രൊമോഷൻ കൊടുത്ത്, സ്ഥാനമാനങ്ങളുടെ തൊപ്പിവെച്ച്, അവരെ കൊട്ടിഘോഷിച്ച് വലിയവനാക്കി മാറ്റി. ഇതൊക്കെ ചെയ്യുമ്പോഴും മൗലികമായി അവർ എന്താണോ അതാണ് അവർ. അത് ലവലേശം മാറിയിട്ടില്ല. അപ്പോൾ അത്തരം ആളുകൾ വരുമ്പോൾ ഒരു കമ്യൂണിസ്റ്റ് പാർട്ടി പാലിക്കേണ്ട ജാ​ഗ്രതയെ പറ്റിയുള്ള പാഠമാണ്. ആ പാഠം എല്ലാവർക്കും ബാധകമാണ്. സിപിഎമ്മിന് മാത്രമല്ല, തങ്ങൾക്കും ബാ​ധകമാണെന്നും അദ്ദേഹം പറഞ്ഞു.

തലയിൽ എടുത്തുവെച്ച് വലിയവനാക്കി മാറ്റി; പി വി അൻവർ എല്ലാവർക്കുമൊരു പാഠമെന്ന് ബിനോയ് വിശ്വം

കൊല്ലം: സംസ്ഥാനത്ത് വീണ്ടും അമീബിക് മസ്തിഷ്‍ക ജ്വരം സ്ഥിരീകരിച്ചു. കൊല്ലം ജില്ലയിലെ പത്ത് വയസുകാരനാണ് രോഗം സ്ഥിരീകരിച്ചത്. കടുത്ത പനിയും തലവേദനയും അനുഭവപ്പെട്ടതിനെ തുടർന്നാണ് കുട്ടിയെ ആശുപത്രിയിൽ പ്രവേശിപ്പിച്ചത്. ജില്ലയിൽ ആദ്യമായാണ് അമീബിക് മസ്തിഷ്‍ക ജ്വരം സ്ഥിരീകരിക്കുന്നത്.
കുട്ടിയെ തിരുവനന്തപുരം എസ്.എ.ടി ആശുപത്രിയിലേക്ക് മാറ്റി. രോഗബാധ സ്ഥിരീകരിച്ച സാഹചര്യത്തിൽ ജലാശയത്തിൽ ഇറങ്ങുന്നവർക്ക് ആരോഗ്യവകുപ്പ് ജാഗ്രത നിർദേശം നൽകിയിട്ടുണ്ട്.

സംസ്ഥാനത്ത് വീണ്ടും അമീബിക് മസ്തിഷ്‍ക ജ്വരം സ്ഥിരീകരിച്ചു

തിരുവനന്തപുരം: സംസ്ഥാനത്ത് വീണ്ടും മഴ കനക്കുമെന്ന് കാലാവസ്ഥാ വകുപ്പി‍ന്റെ മുന്നറിയിപ്പ്. നാല് ദിവസം അതിശക്തമായ മഴക്ക് സാധ്യതയുണ്ടെന്നാണ് അറിയിപ്പ്. ജാഗ്രതയുടെ ഭാഗമായി 14 ജില്ലകളിലും മഴ മുന്നറിയിപ്പ് നൽകിയിട്ടുണ്ട്.
ഇടുക്കി, മലപ്പുറം, കോഴിക്കോട്, വയനാട് ജില്ലകളിൽ തിങ്കളാഴ്ച ഓറഞ്ച് അലർട്ടാണ്. പത്തനംതിട്ട, പാലക്കാട്‌, കണ്ണൂർ, കാസർകോട് ജില്ലകളിൽ മഞ്ഞ അലർട്ടും പ്രഖ്യാപിച്ചു. മധ്യ അറബി കടലിൽ തീവ്ര ന്യൂനമർദ്ദം സ്ഥിതി ചെയ്യുന്നുണ്ട്. ഇതിൽ നിന്നുള്ള ന്യൂനമർദപാത്തി തെക്കൻ കേരളത്തിന് കുറുകെയായി നിലനിൽക്കുന്നുണ്ട്. മധ്യ തെക്കൻ ബംഗാൾ ഉൾക്കടലിൽ മറ്റൊരു ന്യൂനമർദ്ദവും രൂപപ്പെട്ടേക്കും. ഇതിന്റെയെല്ലാം സ്വാധീനഫലമായി ഈ ദിവസങ്ങളിൽ കേരളത്തിൽ മഴ കനക്കാനാണ് സാധ്യത.വ്യാഴാഴ്ച ഒമ്പത് ജില്ലകളിൽ ഓറഞ്ച് അലർട്ടാണ. കേരളാ തീരത്ത് മത്സ്യബന്ധത്തിന് വിലക്കേർപ്പെടുത്തി.

സംസ്ഥാനത്ത് മഴ കനക്കും; കോഴിക്കോട് ഉൾപ്പെടെ നാലു ജില്ലകളിൽ ഓറഞ്ച് അലർട്ട്

കോഴിക്കോട് : അത്തോളി കോളിയോട് താഴത്ത് സ്വകാര്യ ബസ്സുകൾ കൂട്ടിയിടിച്ച് അപകടം. നിരവധി പേർക്ക് പരിക്കുണ്ട്. അമിത വേഗതയാണ് അപകടത്തിന് കാരണമെന്നാണ് പ്രാഥമിക നിഗമനം. തിങ്കളാഴ്ച ഉച്ചയ്ക്ക് രണ്ട് മണിയോടെയായിരുന്നു അപകടം. കുറ്റ്യാടിയിൽ നിന്നും കോഴിക്കോട്ടേക്ക് പോവുകയായിരുന്ന ബസ്സും, കോഴിക്കോട് നിന്നും കുറ്റ്യാടിയിലേക്ക് വരികയായിരുന്ന ബസ്സുമാണ് കൂട്ടിയിടിച്ചത്. 37 പേരാണ് ആശുപത്രിയിൽ ചികിത്സയിൽ ഉള്ളത്. ഇതിൽ നാലുപേരുടെ നില ​ഗുരുതരമാണ്. പരിക്കേറ്റവരെ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റി.&nbsp;
എതിർദിശയിൽ വന്ന ബസുകളുടെ മുൻഭാഗം അപകടത്തിൽ തകർന്ന നിലയിലാണ്. രണ്ടു ബസുകളിലേയും ഡ്രൈവന്മാർക്ക് പരിക്കേറ്റിട്ടുണ്ട്. ഡ്രൈവർ സീറ്റിനുസമീപഭാഗം ഭൂരിഭാഗവും തകർന്നനിലയിലാണ്. അതുവഴിയാണ് ഡ്രൈവറെ പുറത്തെടുത്ത് രക്ഷാപ്രവർത്തനം നടത്തിയതെന്ന് നാട്ടുകാർ പറയുന്നു.

അത്തോളിയില്‍ സ്വകാര്യ ബസുകള്‍ കൂട്ടിയിടിച്ച് നിരവധി പേര്‍ക്ക് പരിക്ക്; നാലുപേരുടെ നില ഗുരുതരം

Kozhikode

മണിയൂർ: കുട്ടോത്ത് അട്ടക്കുണ്ട് കടവ് റോഡിൻറെ ഭൂമി ഏറ്റെടുക്കൽ നടപടികളുടെ പുരോഗതി സംബന്ധിച്ച് നിയമസഭയിൽ ചോദ്യം ഉന്നയിച്ച് കെ പി കുഞ്ഞമ്മദ് കുട്ടി എം എൽ എ. രണ്ട് വർഷം മുൻപ് റീ ടാർ ചെയ്ത് ഗതാഗതയോഗ്യമാക്കിയ റോഡ് സംബന്ധിച്ചാണ് ചോദ്യം ഉന്നയിച്ചത്. കുട്ടോത്ത്- അട്ടക്കുണ്ട് കടവ് റോഡ് സർവ്വേ സബ് ഡിവിഷൻ ജോലികൾ 90% പൂർത്തിയായതായും 2013 ലെ ആർ എഫ് സി ടി എൽ എ ആർ ആർ ആക്റ്റ് പ്രകാരം ഏറ്റെടുക്കുന്ന ഭൂമിയുടെ ബി വി ആർ , ഡി ബി എസ് എന്നിവയിൽ ജില്ലാ കലക്ടറുടെ അംഗീകാരം ലഭ്യമായ ശേഷം നഷ്ടപരിഹാരം കണക്കാക്കി പ്രസ്തുത തുക അർത്ഥനാധികാരിയിൽ നിന്നും അനുവദിച്ചു കിട്ടുന്ന മുറയ്ക്ക് 19(1) നോട്ടിഫിക്കേഷൻ പുറപ്പെടുവിക്കുന്നതാണ് എന്നും റവന്യൂ വകുപ്പ് മന്ത്രി കെ രാജൻ നിയമസഭയിൽ അറിയിച്ചു.
നിലവിൽ ലാൻഡ് അക്വിസിഷൻ ഓഫീസറുടെ കാര്യാലയത്തിൽ വിവിധ സർവേ ജോലികൾക്കായി മൂന്ന് സർവേയർമാരാണ് ഉള്ളത് എന്നും ഈ 3 സർവേയർമാരെയും കുട്ടോത്ത് അട്ടക്കുണ്ട് കടവ് റോഡ് വികസനത്തിന്റെ സർവ്വേ ജോലികൾക്കായി നിയോഗിച്ചതായും പ്രവൃത്തി സമയബന്ധിതമായി പൂർത്തീകരിക്കുന്നതിന് നടപടികൾ സ്വീകരിക്കുമെന്നും മന്ത്രി വ്യക്തമാക്കി.

കുട്ടോത്ത് - അട്ടക്കുണ്ട് കടവ് റോഡ്; നിയമസഭയിൽ ചോദ്യം ഉന്നയിച്ച് കെ പി കുഞ്ഞമ്മദ് കുട്ടി എം എൽ എ

രണ്ട് വർഷം മുൻപ് റോഡ് ടാർ ചെയ്തപ്പോൾ

Vadakara

വടകര: വടകര ജില്ലാ ആശുപത്രിയിലെ ഒ.പി ടിക്കറ്റ് നിരക്ക് വർധിപ്പിച്ചത് പിൻവലിക്കണമന്നാവശ്യപ്പെട്ട് യൂത്ത് ലീഗ് സൂപ്രണ്ടിന് നിവേദനം നൽകി. വർധിപ്പിച്ച ഒപി നിരക്ക് താൽക്കാലികമായി പിൻവലിക്കാൻ സൂപ്രണ്ട് തയ്യാറായെന്നും ഇനി കൂട്ടിയാലോചനക്ക് ശേഷം മാത്രമേ ഇത്തരത്തിലുള്ള ടിക്കറ്റ് നിരക്ക് വർദ്ധന നടപ്പിലാക്കുകയുള്ളൂവെന്ന് സൂപ്രണ്ട് പറഞ്ഞതായും നേതാക്കൾ അറിയിച്ചു.
ഹോസ്പിറ്റൽ മാനേജ്മെന്റ് കമ്മിറ്റി കൂടിയെടുത്ത തീരുമാനമാണെന്നും ഹോസ്പിറ്റലിന്റെ വരുമാനം ഉയർത്തി താത്കാലിക ജീവനക്കാർക്ക് ശമ്പളം വർധിപ്പിക്കുന്നതിനായാണ് ഈ തീരുമാനം കൈ കൊണ്ടത് എന്നുമാണ് സൂപ്രണ്ട് വ്യക്തമാക്കിയതെന്നും ഇനിയും ഫീ വർധിപ്പിക്കാനാണ് തീരുമാനമെങ്കിൽ സമരവുമായി യൂത്ത് ലീഗ് രംഗത്ത് വരുമെന്നും ഏകപക്ഷീയ രാഷ്ട്രീയ നിയമനങ്ങളായ താൽക്കാലിക ജോലിക്കാരുടെ ശമ്പളം നൽകാൻ മറ്റ് മാർഗങ്ങൾ തേടണമെന്നും അത് ജനങ്ങളുടെ മേൽ അടിച്ചേൽപ്പിക്കരുതെന്നും നേതാക്കൾ കൂട്ടിച്ചേർത്തു. നിയോജക മണ്ഡലം പ്രസിഡന്റ് അഫ്സൽ പി കെ സി നിവേദനം ആശുപത്രി സൂപ്രണ്ടിന് കൈമാറി. മണ്ഡലം യൂത്ത് ലീഗ് നേതാക്കളായ അൻസീർ പനോളി, മുനീർ പനങ്ങോട്ട്, അക്ബർ കെസി, അബ്ദുൽ ഗനി എൻ, സഹൽ ഇ.എം എന്നിവർ പങ്കെടുത്തു.

വടകര ജില്ലാ ആശുപത്രിയിൽ ഒ പി ടിക്കറ്റ് നിരക്ക് വർദ്ധന; യൂത്ത് ലീഗ് നിവേദനം നൽകി

മണിയൂർ : എറണാകുളം ഏലൂര്‍ കുറ്റിക്കാട്ടുകരയില്‍ ബൈക്കില്‍ മിനിലോറിയിടിച്ച് മണിയൂർ സ്വദേശി ഉൾപ്പെടെ രണ്ട് പേർ മരിച്ചു. മണിയൂർ തൈവെച്ച പറമ്പത്ത് രമേശന്റെ മകൻ ആദിഷ് (21), ഇടുക്കി സ്വദേശിയായ രാഹുല്‍ രാജ്(22), എന്നിവരാണ് മരിച്ചത്. കളമശ്ശേരിയിലെ സ്വകാര്യ സ്ഥാപനത്തിലെ ജീവനക്കാരാണ് ഇരുവരും.
ഞായറാഴ്ച രാത്രി പതിനൊന്ന് മണിയോടെയാണ് അപകടമുണ്ടായത്. ജോലി കഴിഞ്ഞ് കളമശ്ശേരിയിലെ താമസസ്ഥലത്തേക്ക് പോവുകയായിരുന്ന ഇവര്‍ സഞ്ചരിച്ച ബൈക്കില്‍ മിനി ലോറിയിടിക്കുകയായിരുന്നു. ലോറിയുടെ അമിതവേഗതയാണ് അപകടത്തിനിടയാക്കിയതെന്നാണ് വിവരം. ഇരുവരും സംഭവസ്ഥലത്തുവെച്ചുതന്നെ മരണപ്പെട്ടു. ബീനയാണ് ആദിഷിന്റെ മാതാവ്. സഹോദരൻ :അനന്തു. സംസ്കാരം രാത്രി 9 മണിക്ക് വീട്ടുവളപ്പിൽ.

എറണാകുളത്ത് ബൈക്കിൽ ലോറിയിടിച്ച് മണിയൂർ സ്വദേശി ഉൾപ്പടെ രണ്ട് മരണം

Obituary

ചെന്നൈ: തന്റെ പേരും ചിത്രവും ഉൾപ്പെടുത്തി സമൂഹമാധ്യമങ്ങളിലൂടെ പണം ആവശ്യപ്പെട്ടു വ്യാജ സന്ദേശങ്ങൾ പ്രചരിപ്പിക്കുന്നതിനെതിരെ ഗായിക കെ.എസ്.ചിത്ര പൊലീസിൽ പരാതി നൽകി. വ്യാജ സോഷ്യൽമീഡിയാ അക്കൗണ്ടുകൾ ഉണ്ടാക്കി ചിത്രയുടെ പേരും ചിത്രവുംവെച്ച് പണം നിക്ഷേപിക്കാനാവശ്യപ്പെട്ടുകൊണ്ടാണ് തട്ടിപ്പ് നടത്തിയിരുന്നത്.
തട്ടിപ്പുമായി ബന്ധപ്പെട്ട് കഴിഞ്ഞദിവസം ചിത്ര ഒരു സ്ക്രീൻഷോട്ട് പുറത്തുവിട്ടിരുന്നു. ഇത് ശരിക്കും ചിത്ര ചേച്ചിയാണോ എന്ന് ഒരാൾ ചോദിക്കുമ്പോൾ അതെയെന്നും താൻ ഒരു കമ്പനിയുടെ ബ്രാൻഡ് അംബാസിഡറാണെന്നും വ്യാജൻ മറുപടി കൊടുക്കുന്നതാണ് സ്ക്രീൻഷോട്ടിലുണ്ടായിരുന്നത്.
10,000 രൂപ നിക്ഷേപിച്ചാൽ ഒരാഴ്ചയ്ക്കകം 50,000 രൂപ ലഭിക്കുന്ന പദ്ധതിയുടെ അംബാസഡറാണ്, ഐ ഫോൺ ഉൾപ്പെടെ സമ്മാനങ്ങൾ കാത്തിരിക്കുന്നു എന്നിങ്ങനെയെല്ലാമാണ് വ്യാജ വാഗ്ദാനങ്ങൾ. തന്റെ പേരിൽ തട്ടിപ്പ് നടക്കുന്നുണ്ടെന്ന് ശ്രദ്ധയിൽപ്പെട്ടതോടെയാണ് ചിത്ര പോലീസിനെ സമീപിച്ചത്. ഇതേത്തുടർന്ന് സൈബർ ക്രൈം വിഭാഗം അഞ്ച് അക്കൗണ്ടുകൾ പൂട്ടിച്ചു. ഒരു ടെലിഗ്രാം അക്കൗണ്ട് ഉടമ സ്വയം പിൻവലിച്ചു. ‌ഇത്തരം സന്ദേശങ്ങളിൽ വീഴരുതെന്ന് ചിത്ര അഭ്യർത്ഥിച്ചു.

കെ.എസ് ചിത്രയുടെ പേരും ചിത്രവും വെച്ച് തട്ടിപ്പ് ; 10,000 നിക്ഷേപിച്ചാല്‍ 50,000 ലഭിക്കുന്ന പദ്ധതിയെന്ന്

നാദാപുരം: വാണിമേൽ കന്നുകുളത്ത് കണ്ണിൽ മുളക് സ്‌പ്രേ അടിച്ച് യുവാക്കൾക്ക് നേരെ വധശ്രമം. കൂളിക്കുന്ന് സ്വദേശികളായ ഏച്ചിപ്പതേമ്മൽ അവിനാഷിനും പൊടിപ്പിൽ വിപിൻലാലിനുമാണ് പരിക്കേറ്റത്. ശനി രാത്രി എട്ടോടെ ഭൂമിവാതുക്കലിൽനിന്ന് ബൈക്കിൽ വീട്ടിലേക്ക് പോകുന്ന വഴിയിൽ കന്നുകുളം മണികണ്ഠമഠത്തിന് സമീപത്താണ്‌ സംഘം തടഞ്ഞു നിർത്തി ആക്രമിച്ചത്.&nbsp;
ഇരുവരുടെയും കൈകാലുകളുടെ എല്ലുകൾ പൊട്ടിയിട്ടുണ്ട്. ആഴത്തിലുള്ള മുറിവുമുണ്ട്. വാഹനങ്ങളിൽ അതുവഴിവന്ന യാത്രക്കാർ ഒച്ചവച്ചതിനെത്തുടർന്നാണ് അക്രമികൾ ഓടിപ്പോയത്. ലഹരി സംഘത്തിൽ പെട്ടവരാണ് ആക്രമിച്ചതെന്ന്‌ നാട്ടുകാർ പറഞ്ഞു. ഇരുവരും നാദാപുരം ഗവ. താലൂക്ക് ആശുപത്രിയിലും കോഴിക്കോട് മെഡിക്കൽ കോളേജ്‌ ആശുപത്രിയിലും ചികിത്സതേടി. വളയം പൊലീസ്‌ കേസെടുത്ത് അന്വേഷണം ആരംഭിച്ചു.

വാണിമേലിൽ കണ്ണിൽ മുളക് സ്‌പ്രേ അടിച്ച് യുവാക്കൾക്ക് നേരെ അക്രമം

Nadapuram

കൊച്ചി: ചോറ്റാനിക്കരയിൽ നാലംഗ കുടുംബം മരിച്ച നിലയില്‍. പെരുമ്പാവൂര്‍ കണ്ടനാട് സ്‌കൂള്‍ അധ്യാപകനായ രഞ്ജിത്തും കുടുംബവുമാണ് മരിച്ചത്. സാമ്പത്തിക പ്രശ്‌നം മൂലമുള്ള ആത്മഹത്യയാണ് മരണകാരണമെന്നാണ് സൂചന. നാലുപേരുടെയും മൃതദേഹങ്ങള്‍ മെഡിക്കല്‍ കോളേജിന് വൈദ്യപഠനത്തിന് കൈമാറണമെന്ന കുറിപ്പും കണ്ടെത്തിയിട്ടുണ്ട്.
&nbsp;രഞ്ജിത്ത്, ഭാര്യ രശ്മി, മക്കളായ ആദി (9), ആദ്യ (7) എന്നിവരാണ് മരിച്ചത്. രശ്മിയും അധ്യപികയാണ്. ചോറ്റാനിക്കര പോലീസ് സ്ഥലത്തെത്തി ഇന്‍ക്വസ്റ്റ് നടപടികള്‍ ആരംഭിച്ചു. ഇവര്‍ക്ക് സാമ്പത്തിക പ്രശ്‌നങ്ങളുണ്ടായിരുന്നുവെന്നാണ് പുറത്തുവരുന്ന വാര്‍ത്തകള്‍. രഞ്ജിത്തിനെയും രശ്മിയെയും തൂങ്ങിയ നിലയിലും മക്കളെ കിടക്കയില്‍ മരിച്ച നിലയിലുമാണ് കണ്ടെത്തിയത്. സമീപത്ത് നിന്നാണ് കുറിപ്പ് കണ്ടെത്തിയത്. ഇതില്‍ മൃതദേഹങ്ങള്‍ മെഡിക്കല്‍ കോളേജിന് കൈമാറണമെന്ന് പറയുന്നുണ്ട്.

അധ്യാപക ദമ്പതിമാരും മക്കളും വീട്ടിൽ മരിച്ച നിലയില്‍

നന്തി ബസാർ: സീതി സാഹിബ് ഹ്യുമാനിറ്റേറിയൻ സെൻ്റർ ഒന്നാം വാർഷികത്തോടനുബന്ധിച്ച് കോഴിക്കോട് മിംസ് ഹോസ്പിറ്റലുമായി സഹകരിച്ച് സൗജന്യ മെഡിക്കൽ ക്യാമ്പ് നടത്തി. കടലൂർ എൻ ഐ എം ഓഡിറ്റോറിയത്തിൽ നടന്ന ക്യാമ്പ് മേയോൺ ഖാദറിൻ്റെ അദ്ധ്യഷതയിൽ വ്യവസായ പ്രമുഖൻ പി.കെ.അഹമ്മദ് ഉത്ഘാടനം ചെയ്തു. വാർഡ് മെമ്പർ എം.കെ.മോഹനൻ ,കൊയിലോത്ത് അബൂബക്കർ ഹാജി, ടി.കെ നാസർ ,സി.കെ.സുബൈർ , റഷീദ് മണ്ടോളി എന്നിവർ ആശംസകൾ നേർന്നു. ആസ്റ്റർ മിംസിന് ഉപഹാരം നൽകി. 40 വർഷത്തിൽ ഏറെയായി പ്രദേശത്തെ അംഗൻവാടിയിൽ ജോലി ചെയ്യുന്ന ഉഷയെ ആദരിച്ചു.&nbsp;
മുസ്തഫ അമാന ,ഹനീഫ നിലയെടുത്ത് ,കെ.പി.മൂസ്സ, വി.കെ.കെ.ഉമ്മർ ,ഇസ്മയിൽ കൊവുമ്മൽ , ഹനീഫ കക്കുളം ,ഇസ്മയിൽ കുണ്ടിൽ, മൂസ്സ പൂളക്കണ്ടി ,സിറാജ്കമ്മടത്തിൽ ,ഹമീദ് പി.കെ, അഷറഫ് മുക്കാട്ട് , ഇബ്രാഹിംകുട്ടി എരവത്ത് , അഷറഫ് മൊയ്യിൽ ,ആർ വി ,അബൂബക്കർ, മൊയ്തു ഹാജി അമ്പട്ടാരി, അബൂബക്കർ കുതിരോടി ,നിസാർ എ.കെ, .മുഹമ്മദ് ബഷീർ പാലൂക്കുറ്റി ,ലത്തീഫ് കോടിക്കൽ ,ബഷീർ കുറൂളിക്കുനി, അലി ഹാജി ,ഫിറോസ് മുക്കാട്ട് ,ഫൈസൽ മഞ്ചയിൽ, ഫൈസൽ മസ്താൻ, ഒ എ കരീം, ഷെറിൻ ഷിഫാന, മണ്ടോളി ആദില, സിദ്ധീഖ്, ഫാദിയ, ഹമീദ് ഷംന, അനസ് ഷർഫിന, ഇസ്മയിൽ, ഷർജിന റംഷി, ഫാരിഷ റജ്നാസ് തുടങ്ങിയവർ നിയന്ത്രിച്ചു. വി.കെ ഇസ്മയിൽ സ്വാഗതവും റാഫി ദാരിമി നന്ദിയും പറഞ്ഞു.

സൗജന്യ മെഡിക്കൽ ക്യാമ്പ് നടത്തി

Koyilandy

ഗുളികപ്പുഴ: പാണ്ടികശാലയിൽ ജാനകി (61) നിര്യാതയായി. ഭർത്താവ്: ഗോപാലൻ. മക്കൾ: സ്വപ്ന, സുമേഷ്, സൗമ്യ. മരുമക്കൾ: ബൈജു കൊയിലാണ്ടി, വി എം അനുകുമാർ (കൂത്താളി ഗ്രാമപഞ്ചായത്ത് വൈസ് പ്രസിഡൻറ്), അഖില കടിയങ്ങാട്.

ഗുളികപ്പുഴ പാണ്ടിക ശാലയിൽ ജാനകി നിര്യാതയായി

വടകര: മദ്രസ സംവിധാനത്തിൽ കൈകടത്തുന്ന കേന്ദ്രസർക്കാർ നീക്കത്തിനെതിരെ എസ്ഡിപിഐ വടകര നിയോജക മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി. നിയോജകമണ്ഡലം പ്രസിഡണ്ട് ഷംസീര്‍ ചോമ്പാല അധ്യക്ഷത വഹിച്ചു. നിയോജക മണ്ഡലം ജോയിന്റ് സെക്രട്ടറിമാരായ അൻസാർ, യാസർ പൂഴിത്തല, സഫീർ വൈക്കിലശ്ശേരി തുടങ്ങിയവർ സംസാരിച്ചു. ഫിയാസ് ടി, ഷാജഹാൻ കെ വി പി, റാഷിദ് കെ പി, നവാസ് വരിക്കോളി, ഉനൈസ് ഒഞ്ചിയം, റസീന വികെ, ജലീൽ ഇ കെ, സിദ്ദീഖ് പള്ളിത്താഴെ, മനാഫ് കുഞ്ഞിപ്പള്ളി തുടങ്ങിയവർ നേതൃത്വം നൽകി.

മദ്രസ സംവിധാനത്തിൽ കൈകടത്തുന്ന കേന്ദ്ര നീക്കത്തിനെതിരെ എസ്ഡിപിഐ പ്രതിഷേധം

പേരാമ്പ്ര: ആവളയിലെ കലാ - സാംസ്കാരിക - രാഷ്ട്രീയ പ്രവർത്തകനും, ആവള യു. പി സ്കൂൾ അദ്ധ്യാപകനുമായിരുന്ന രവി അരീക്കലിന്റെ 4 -ാം ചരമവാർഷിക ദിനാചരണം പത്തൊൻപത്തിന് നടക്കും. ആവള മഹാത്മ കൾച്ചറൽ ആന്റ് ചാരിറ്റബിൾ ട്രസ്റ്റ് സംഘടിപ്പിക്കുന്ന അനുസ്മരണ പരിപാടി ജില്ലാ പഞ്ചായത്ത് മെമ്പർ ദുൽഖിഫിൽ ഉദ്ഘാടനം ചെയ്യും. ഗ്രാമപഞ്ചായത്ത് വൈസ് പ്രസിഡന്റ് ആദില നിമ്പ്രാസ്, വേണുഗോപാൽ പേരാമ്പ്ര തുടങ്ങിയവർ സംബന്ധിക്കും.

രവി അരീക്കൽ അനുസ്മരണം 19 ന് ആവളയിൽ

Inshort

വടകര : അഴിമതി ഭരണത്തിനെതിരെ നിയമസഭ മാർച്ച് നടത്തിയ യു. ഡി. വൈ. എഫ് നേതാക്കളെ അന്യായമായി ജയിലിൽ അടച്ചതിൽ വടകര നഗരത്തിൽ നിയോജക മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി. യൂ.ഡി.വൈ.എഫ് നേതാക്കളായ അഫ്സൽ പി കെ സി,സി. നിജിൻ, അൻസീർ പനോളി, മുഹമ്മദ്‌ മിറാഷ്, മുനീർ പനങ്ങോട്ട്, സജിത്ത് മാരാർ, അബ്ദുൽ ഗനി എൻ, യൂനുസ് ആവിക്കൽ, അഭിനന്ദ് ജെ മാധവ്, ഹാരിസ് വി. പി, സഫീർ കെ കെ, അനന്ദു വി. കെ, റഹീസ് കോടഞ്ചേരി, ഇമ്രാൻ ജമീല ബിപിൻ പുറങ്കര എന്നിവർ നേതൃത്വം നൽകി.

നേതാക്കളെ ജയിലിലടച്ചതിൽ യു ഡി വൈ എഫ് പ്രതിഷേധം

വടകര: കെ എസ്‌ ഇ ബി ലിമിറ്റഡ്, മുട്ടുങ്ങൽ സബ്ഡിവിഷൻ എയ്ഞ്ചൽസിന്റെ സഹകരണത്തോടെ അടിസ്ഥാന ജീവൻ രക്ഷാ പരിശീലനം സംഘടിപ്പിച്ചു. മുട്ടുങ്ങൽ ഇലക്ട്രിക്കൽ സബ്ഡിവിഷന് കീഴിൽ വരുന്ന ഓർക്കട്ടേരി, മുട്ടുങ്ങൽ, അഴിയൂർ എന്നീ ഇലക്ട്രിക്കൽ സെക്ഷനുകളിലെ ജീവനക്കാർക്കാണ് പരിശീലനം നൽകിയത്.
കൈനട്ടി രമ്യാ ഓഡിറ്റോറിയത്തിൽ വെച്ച് നടന്ന പരിശീലന പരിപാടി വടകര ഇലക്ട്രിക്കൽ ഡിവിഷൻ എക്സിക്യൂട്ടീവ് എഞ്ചിനീയർ എ. വിജയകുമാർ ഉത്ഘാടനം ചെയ്തു. മുട്ടുങ്ങൽ സബ്ഡിവിഷൻ അസിസ്റ്റന്റ് എക്സിക്യൂട്ടീവ് എഞ്ചിനീയർ സുനിൽ കുമാർ അദ്യക്ഷം വഹിച്ചു. എയ്ഞ്ചൽസ് എക്സിക്യൂട്ടീവ് ഡയറക്ടർ പി. പി. രാജൻ ആമുഖ പ്രസംഗം നടത്തി. എയ്ഞ്ചൽസ് ഡയറക്ടർ ഡോ. മുഹമ്മദ് മുഖ്യ പരിശീലകനായി. ഓർക്കട്ടേരി ഇലക്ട്രിക്കൽ സെക്ഷൻ അസിസ്റ്റന്റ് എഞ്ചിനീർ കെ. ബാബു, മുട്ടുങ്ങൽ സെക്ഷൻ അസിസ്റ്റന്റ് എഞ്ചിനീയർ സുദീപ് എന്നിവർ പ്രസംഗിച്ചു. എമർജൻസി മെഡിക്കൽ കെയർ പരിശീലകരായ പി. പി. സത്യനാരായണൻ, എ. സഹദേവൻ, ഷാജി പടത്തല, ഷിജു തയ്യിൽ എന്നിവർ നേതൃത്വം നൽകി.

കെ എസ്‌ ഇ ബി ജീവനക്കാർക്ക് ജീവൻ രക്ഷാ പരിശീലനം നൽകി

ന്യൂഡൽഹി:മദ്രസകൾ നിറുത്തലാക്കണമെന്നാവശ്യപ്പെട്ട് ദേശീയ ബാലാവകാശ കമ്മീഷൻ (എൻസിപിസിആർ ) എല്ലാ സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലെയും ചീഫ് സെക്രട്ടറിമാർക്ക് കത്തെഴുതി. മദ്രസ ബോർഡുകൾ നിർത്തലാക്കാനും അടച്ചുപൂട്ടാനും മദ്രസകൾക്കും മദ്രസ ബോർഡുകൾക്കും ധനസഹായം നൽകുന്നത് നിർത്തലാക്കണമെന്നും കത്തിൽ നിർദ്ദേശിക്കുന്നുണ്ട്. മദ്രസകളിലെ വിദ്യാഭ്യാസ രീതി കുട്ടികളുടെ ഭരണഘടനാവകാശങ്ങള്‍ ലംഘിക്കുന്നുണ്ടെന്ന് ചൂണ്ടിക്കാട്ടിയാണ് നിര്‍ദേശം.
മദ്രസകളിലെ വിദ്യാഭ്യാസത്തിനെതിരെ കാര്യമായ വിമർശനവും കത്തിൽ ഉന്നയിക്കുന്നുണ്ട്. മുസ്ലിം വിദ്യാർത്ഥികളെ മുഖ്യധാരയിലേക്ക് കൊണ്ടുവരുന്നതിൽ പരാജയപ്പെട്ടുവെന്നതാണ് പ്രധാന വിമർശനം. മദ്രസകളിൽ മുസ്ലിം ഇതര വിഭാഗത്തിലെ കുട്ടികൾ പഠിക്കുന്നുവെങ്കിൽ അവരെ പൊതു വിദ്യാലയങ്ങളിലേക്ക് മാ​റ്റണം.മദ്രസയിൽ പഠിക്കുന്ന മുസ്ലിം കുട്ടികൾക്ക് പൊതു വിദ്യാഭ്യാസവും ലഭിക്കുന്നുവെന്ന് ഉറപ്പാക്കണം തുടങ്ങിയ പ്രധാന നിർദ്ദേശങ്ങളും കത്തിൽ ഉൾപ്പെടുത്തിയിട്ടുണ്ട്.&nbsp;

മദ്രസാ ബോർഡുകൾ പിരിച്ചുവിടണം ;നിർദ്ദേശവുമായി ദേശീയ ബാലാവകാശ  കമ്മീഷൻ

National

കോഴിക്കോട്: കോഫി ഹൗസില്‍ വിളമ്പിയ ഭക്ഷണത്തില്‍ പുഴുവിനെ കിട്ടിയതായി പരാതി. ബീച്ചിന് സമീപത്തുള്ള കോഫി ഹൗസിൽ വിതരണം ചെയ്ത സാമ്പാറിൽ നിന്നാണ് പുഴുവിനെ കിട്ടിയത്.
ബോക്‌സിങ് ക്യാമ്പിനായി കോഴിക്കോട്ടെത്തിയ കണ്ണൂർ സ്വദേശികളായ നസൽ, ജഹാൻ എന്നിവരാണ് പുഴുവിനെ കിട്ടിയതായി പരാതി ഉന്നയിച്ചത്.നസലും, ജഹാനും ഇവിടെ നിന്നും മസാല ദോശ ഓർഡർ ചെയ്തിരുന്നു. മസാല ദോശക്കൊപ്പം ലഭിച്ച സാമ്പാറിൽ നിന്നാണ് പുഴുവിനെ കിട്ടിയത്.കോഫി ഹൗസ് അധികൃതരോട് പരാതി പറഞ്ഞപ്പോൾ പച്ചക്കറിയില്‍നിന്ന് അബദ്ധത്തില്‍ വന്നതായിരിക്കാം എന്നാണ് ജീവനക്കാരുടെ മറുപടി.&nbsp;

കോഴിക്കോട് കോഫി ഹൗസിലെ സാമ്പാറിൽ പുഴു

ന്യൂഡല്‍ഹി: മുംബൈയില്‍ നിന്ന് ന്യൂയോര്‍ക്കിലേക്ക് പോവുകയായിരുന്ന എയര്‍ ഇന്ത്യ വിമാനത്തിന് ബോംബ് ഭീഷണി.തുടര്‍ന്ന് വിമാനം ഡല്‍ഹിയില്‍ അടിയന്തരമായി ലാന്‍ഡ് ചെയ്തു. നിലവില്‍ ഇന്ദിരാഗാന്ധി അന്താരാഷ്ട്ര വിമാനത്താവളത്തില്‍ സുരക്ഷാപരിശോധനകള്‍ക്കായി നിര്‍ത്തിയിട്ടിരിക്കുകയാണ് വിമാനം.
മുംബൈ വിമാനത്താവളത്തില്‍ നിന്ന് പുലർച്ചെ രണ്ട് മണിയോടെ ന്യൂയോര്‍ക്കിലെ ജെ.എഫ്.കെ വിമാനത്താവളത്തിലേക്ക് പുറപ്പെട്ട AI 119വിമാനത്തിനാണ് ഭീഷണി ലഭിച്ചത്. തുടര്‍ന്ന് വിമാനം വഴിതിരിച്ചുവിടുകയായിരുന്നു.കഴിഞ്ഞ മാസവും ബോംബ് ഭീഷണി ലഭിച്ചതിനെ തുടര്‍ന്ന് എയര്‍ ഇന്ത്യ വിമാനം അടിയന്തരമായി തിരുവനന്തപുരം വിമാനത്താവളത്തില്‍ ഇറക്കിയിരുന്നു.

മുംബൈ-ന്യൂയോർക്ക് എയര്‍ ഇന്ത്യ വിമാനത്തിന് ബോംബ് ഭീഷണി; അടിയന്തര ലാൻഡിങ്

കാഞ്ഞങ്ങാട്: 16കാരിയായ പ്ലസ് വൺ വിദ്യാർഥിനിയെ പീഡിപ്പിച്ച് ഗർഭിണിയാക്കിയ സംഭവത്തിൽ സി.പി.എം ബ്രാഞ്ച് അംഗം ഉൾപ്പെടെ രണ്ടുപേർ അറസ്റ്റിൽ.അമ്പലത്തറ അട്ടക്കണ്ടത്തെ എം.വി. തമ്പാൻ (62), വ്യാപാരിയായ അട്ടക്കണ്ടത്തെ തുണ്ടുപറമ്പിൽ സജി (51) എന്നിവരാണ് പൊലീസിന്റെ പിടിയിലായത്. സി.പി.എം അട്ടക്കണ്ടം ബ്രാഞ്ച് അംഗമാണ് തമ്പാൻ.
വയറുവേദനയെ തുടർന്ന് കഴിഞ്ഞദിവസം പെൺകുട്ടിയെ കാഞ്ഞങ്ങാട്ടെ സ്വകാര്യ ആശുപത്രിയിൽ പ്രവേശിപ്പിച്ചപ്പോഴാണ് ഗർഭിണിയാ​​ണെന്ന് വ്യക്തമായത്.വിവരം ഹോസ്ദുർഗ് പൊലീസിനെ ആശുപത്രി അധികൃതർ അറിയിച്ചു. പെൺകുട്ടിയുടെ മൊഴിയെടുത്ത് തമ്പാനെ ആദ്യം കസ്റ്റഡിയിലെടുത്തു. തുടർന്ന് കേസ് അമ്പലത്തറ പൊലീസിന് കൈമാറി. കൂടുതൽ ചോദ്യം ചെയ്തപ്പോഴാണ് മറ്റൊരാൾകൂടി പീഡിപ്പിച്ചതായി പറഞ്ഞത്. മറ്റൊരു പോക്സോ കേസ് കൂടി രജിസ്റ്റർ ചെയ്ത് രണ്ടാമത്തെ പ്രതിയെയും അറസ്റ്റു ചെയ്യുകയായിരുന്നു. ഡോക്ടർ വിവരം പറഞ്ഞതോടെ ആശുപത്രി പരിസരത്തുനിന്ന് പെൺകുട്ടിയെ കാണാതായി. പിറ്റേദിവസമാണ് പെൺകുട്ടിയെ കണ്ടെത്തിയത്. പ്രതികളെ ഹോസ്ദുർഗ് കോടതിയിൽ ഹാജരാക്കി.തമ്പാനെ പാർട്ടിയിൽനിന്ന് പുറത്താക്കിയതായി സി.പി.എം പനത്തടി ഏരിയ സെക്രട്ടറി ഒക്ലാവ് കൃഷ്ണൻ പറഞ്ഞു

16കാരിയെ പീഡിപ്പിച്ച് ഗർഭിണിയാക്കി; സി.പി.എം ബ്രാഞ്ച് അംഗം ഉൾപ്പെടെ രണ്ടുപേർ അറസ്റ്റിൽ

തിരുവനന്തപുരം: തെക്കുപടിഞ്ഞാറൻ കാലവർഷം മൂന്നുദിവസത്തിനകം പൂർണമായി പിൻവാങ്ങുമെന്ന് കാലാവസ്ഥാവകുപ്പ്. ഈ ദിവസങ്ങൾക്കകം വടക്കുകിഴക്കൻ കാലവർഷം (തുലാവർഷം) എത്തും. കേരളത്തിൽ 17 വരെ ശക്തമായ മഴയുണ്ടാവുമെന്നാണ് പ്രവചനം.
തിങ്കളാഴ്ച ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ ജില്ലകളിൽ മഞ്ഞ മുന്നറിയിപ്പ് നൽകി. ചൊവ്വാഴ്ച ഇടുക്കി, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും. 17-ന് കണ്ണൂരും കാസർകോട്ടും തീവ്രമഴയ്ക്കുള്ള ഓറഞ്ച് മുന്നറിയിപ്പ് നൽകി.കേരളം, ലക്ഷദ്വീപ്, കർണാടക തീരങ്ങളിൽ 17 വരെ മത്സ്യബന്ധനം വിലക്കിയിട്ടുണ്ട്.

സംസ്ഥാനത്ത് ശക്തമായ മഴ തുടരും, ഇന്ന് ആറ് ജില്ലകളിൽ മഞ്ഞ മുന്നറിയിപ്പ്

കൊച്ചി: കുടുംബവഴക്കിനെ തുടർന്ന് ഭാര്യ ഭർത്താവിനെ കുത്തിക്കൊന്നു.വൈപ്പിൻ നായരമ്പലത്ത് ഞായറാഴ്ച വൈകുന്നേരം ആറുമണിയോടെയാണ് സംഭവം. അറയ്ക്കൽ ജോസഫ് എന്നയാളാണ് കൊല്ലപ്പെട്ടത്. സംഭവത്തിൽ ഭാര്യ പ്രീതിയെ പോലീസ് കസ്റ്റഡിയിലെടുത്തിട്ടുണ്ട്.
നിലവിൽ വിവാഹമോചനത്തിനുള്ള കേസ് കൊടുത്തിരിക്കുകയായിരുന്നു ദമ്പതികൾ. രണ്ട് വീടുകളിലായാണ് ഇവർ താമസിച്ചിരുന്നത്. കാറ്ററിങ് ജോലികൾ ചെയ്യുന്ന ജോസഫ് ഭാര്യ താമസിക്കുന്ന കെട്ടിടത്തിനടുത്ത് ജോലിയുമായി ബന്ധപ്പെട്ട് വരാറുണ്ടായിരുന്നു. അതുമായി ബന്ധപ്പെട്ടുണ്ടായ തർക്കമാണ് കൊലപാതകത്തിലേക്ക് നയിച്ചതെന്നാണ് ലഭിക്കുന്ന വിവരം. പ്രീതിയ്ക്ക് മാനസികാസ്വാസ്ഥ്യമുണ്ടെന്നും സംശയിക്കുന്നുണ്ട്.

കുടുംബവഴക്കിനെ തുടർന്ന് ഭാര്യ ഭർത്താവിനെ കുത്തിക്കൊന്നു

തിരുവനന്തപുരം: മദ്യപിച്ച് വാഹനമോടിക്കുകയും സ്കൂട്ടർ യാത്രക്കാരനെ ഇടിച്ചുവീഴ്ത്തുകയും ചെയ്തതിന് നടൻ ബൈജു സന്തോഷിനെതിരെ മ്യൂസിയം പൊലീസ് കേസെടുത്തു. വെള്ളയമ്പലത്ത് ഞായറാഴ്ച രാത്രി 11.45ഓടെയാണ് സംഭവം. വൈദ്യപരിശോധനക്കായി ആശുപത്രിയിൽ എത്തിച്ചെങ്കിലും രക്ത സാമ്പിൾ നൽകാൻ ബൈജു തയാറായില്ല. പിന്നീട് മദ്യത്തിന്‍റെ ഗന്ധമുണ്ടെന്നും മദ്യപിച്ചതായി ലക്ഷണമുണ്ടെന്നും ഡോക്ടർ നൽകി റിപ്പോർട്ടിന്‍റെ അടിസ്ഥാനത്തിലാണ് കേസ് രജിസ്റ്റർ ചെയ്തത്.
ശാസ്തമംഗലം ഭാഗത്തുനിന്ന് കാറോടിച്ച് എത്തിയ ബൈജു, കവടിയാർ ഭാഗത്തുനിന്ന് വരികയായിരുന്ന സ്കൂട്ടർ യാത്രക്കാരനെയാണ് ഇടിച്ചിട്ടത്. റോഡ് പണി നടക്കുന്നതായുള്ള അറിയിപ്പ് ബോർഡ് കണ്ടയുടൻ കാർ വെട്ടിച്ചപ്പോൾ അപകടമുണ്ടായെന്നാണ് സൂചന. നിയന്ത്രണംവിട്ട കാർ സമീപത്തെ സിഗ്നൽ പോസ്റ്റിൽ ഇടിക്കുകയും ചെയ്തു. ഇതിനു പിന്നാലെ സംഭവ സ്ഥലത്തേക്ക് പൊലീസ് എത്തുകയായിരുന്നു. പരിക്കേറ്റയാളെ ജനറൽ ആശുപത്രിയിൽ പ്രവേശിപ്പിച്ചു. ബൈജുവിനൊപ്പം മകളും വാഹനത്തിൽ ഉണ്ടായിരുന്നു എന്നാണ് വിവരം.&nbsp;
&nbsp;പരിക്കേറ്റയാൾ പരാതി നൽകാത്തതിനാൽ ബൈജുവിനെ രാത്രിതന്നെ സ്റ്റേഷൻ ജാമ്യത്തിൽ വിട്ടയച്ചു. അമിത വേഗത്തിൽ കാറോടിച്ചതിന് ഇന്ത്യൻ ശിക്ഷാ നിയമത്തിലെ 279-ാം വകുപ്പ് പ്രകാരവും മദ്യപിച്ച് വാഹനമോടിച്ചതിന് മോട്ടോർ വാഹന നിയമത്തിലെ 185-ാം വകുപ്പ് പ്രകാരവുമാണ് ബൈജുവിനെതിരെ കേസ് ചുമത്തിയത്.

മദ്യലഹരിയിൽ കാറോടിച്ച്  സ്‌കൂട്ടർ യാത്രക്കാരനെ ഇടിച്ചുവീഴ്ത്തി;നടൻ ബൈജുവിന് എതിരെ കേസ്

കൊച്ചി : നടന്‍ ബാലയെ പോലീസ് അറസ്റ്റ് ചെയ്തു. മുന്‍ ഭാര്യയുടെ പരാതിയിലാണ് നടനെ പോലീസ് അറസ്റ്റ് ചെയ്തത്. സാമൂഹിക മാധ്യമങ്ങളിലൂടെ തന്നെയും മകളെയും അപകീര്‍ത്തിപ്പെടുത്തിയെന്ന പരാതിയില്‍ കടവന്ത്ര പോലീസാണ് നടനെ അറസ്റ്റു ചെയ്തത്.
മകളെയും തന്നെയും പിന്തുടര്‍ന്ന് ശല്യം ചെയ്‌തെന്നും പരാതിയില്‍ ആരോപിക്കുന്നുണ്ട്. നടനെതിരേ ജുവനൈല്‍ ജസ്റ്റിസ് ആക്ട് പ്രകാരം ജാമ്യമില്ലാ കുറ്റം ചുമത്തിയിട്ടുണ്ടെന്നാണ് റിപ്പോര്‍ട്ട്.
ഇന്ന് പുലര്‍ച്ചെയാണ് ബാലയെ ഇടപ്പള്ളിയിലെ ഫ്‌ളാറ്റില്‍ നിന്ന് പോലീസ് അറസ്റ്റ് ചെയ്തത്. ഇപ്പോള്‍ കടവന്ത്ര പോലീസ് സ്‌റ്റേഷനിലാണ് ബാലയെ എത്തിച്ചിരിക്കുന്നത്. ബാലയും സുഹൃത്തുക്കളുമാണ് ഇപ്പോള്‍ പോലീസ് സ്‌റ്റേഷനിലുള്ളത്. ചോദ്യം ചെയ്യല്‍ പുരോഗമിക്കുകയാണ്. വൈകിട്ടോടെ ബാലയെ കോടതിയില്‍ ഹാജരാക്കുമെന്നാണ് പോലീസ് വ്യക്തമാക്കുന്നത്.മുന്‍ ഭാര്യയുടെ പരാതി ഏറെ ഗൗരവമുള്ളതാണെന്നാണ് പോലീസ് പറയുന്നത്. ബന്ധം വേര്‍പെടുത്തിയ ശേഷവും അവരെയും മകളെയും പിന്തുടര്‍ന്ന് ശല്യം ചെയ്തു എന്നതാണ് പരാതി.&nbsp;

മുൻ ഭാര്യയുടെ പരാതി; നടൻ ബാല അറസ്റ്റിൽ

കാറിന്റെ മുൻ സീറ്റിൽ ഡ്രൈവർക്കൊപ്പം ഒരാൾ മാത്രമേ ഇരിക്കാവൂവെന്ന നിയമത്തെ കാറ്റിൽ പറത്തി രേണു സുധിയും സംഘവും. നടനും ബിഗ് ബോസ് മുൻ താരവുമായ രജിത് കുമാർ ഓടിച്ച കാറിലാണ് രേണുവും മറ്റൊരു സ്ത്രീയും കയറിയത്. ഇരുവരും രജിത് കുമാറിനൊപ്പം മുൻസീറ്റിലാണ് ഇരുന്നത്. ഇതിന്റെ വീഡിയോ പുറത്തുവന്നിട്ടുണ്ട്.
നിയമം തെറ്റിക്കല്ലേയെന്ന് പറഞ്ഞ് രജിത് കുമാർ ഇവർക്ക് സീറ്റ് ബെൽറ്റ് ഇട്ടുകൊടുക്കുന്നത് വീഡിയോയിൽ കാണാം. ഒരു സീറ്റ് ബെൽറ്റിനകത്താണ് രണ്ട് പേരും. എന്നാൽ മൂന്ന് പേർ മുൻ സീറ്റിൽ ഇരിക്കുന്നത് നിയമ ലംഘനമാണെന്ന് രജിത് കുമാർ ഓർത്തില്ല.സോഷ്യൽ മീഡിയയിൽ വൈറലാകാൻ വേണ്ടിയാണ് രജിത് കുമാറും രേണുവും ഇത്തരമൊരു കാര്യം ചെയ്തതെന്നാണ് പലരും വീഡിയോയ്ക്ക് താഴെ കമന്റ് ചെയ്തിരിക്കുന്നത്. ഇവർക്കെതിരെ കേസ് എടുക്കണമെന്ന് പറഞ്ഞുകൊണ്ട് നിരവധി പേർ എം വി ഡിയെ ടാഗ് ചെയ്തിട്ടുണ്ട്.എന്നാൽ ചിലർ ഇവരെ സപ്പോർട്ട് ചെയ്തുകൊണ്ടും കമന്റ് ചെയ്തിട്ടുണ്ട്.

കാറിന്റെ മുൻ സീറ്റിൽ ഡ്രൈവറടക്കം മൂന്നുപേർ;നിയമം കാറ്റിൽപ്പറത്തി രജിത് കുമാറും രേണു സുധിയും

കൊച്ചി: ചലച്ചിത്ര – സീരിയൽ താരം വിഷ്ണു പ്രസാദ് അന്തരിച്ചു. കരൾ രോഗത്തെ തുടർന്ന് ഗുരുതരാവസ്ഥയിലായ അദ്ദേഹം ചികിത്സയിൽ കഴിയവേയാണ് മരണത്തിന് കീഴടങ്ങിയത്.
കരൾ മാറ്റിവക്കൽ ശസ്ത്രക്രിയയ്ക്കുള്ള ഒരുക്കത്തിലായിരുന്നു കുടുംബവും സഹപ്രവർത്തകരും. കരൾ നൽകാൻ മകൾ തയാറായിരുന്നെങ്കിലും ചികിത്സയ്ക്കായുള്ള വലിയ തുക കണ്ടെത്താനുള്ള ശ്രമത്തിലായിരുന്നു കുടുംബം. നടൻ കിഷോർ സത്യയാണ് മരണവിവരം തന്റെ സമൂഹമാധ്യമ പേജിലൂടെ അറിയിച്ചത്.
കാശി, കൈ എത്തും ദൂരത്ത്, റൺവേ, മാമ്പഴക്കാലം, ലയൺ, ബെൻ ജോൺസൺ, ലോകനാഥൻ ഐഎഎസ്, പതാക, മാറാത്ത നാട് തുടങ്ങിയ സിനിമകളിൽ അഭിനയിച്ച താരമാണ് വിഷ്ണു പ്രസാദ്. സീരിയൽ രംഗത്തും സജീവമായിരുന്നു.&nbsp;

സിനിമാ-സീരിയൽ താരം വിഷ്ണു പ്രസാദ് അന്തരിച്ചു

അന്തരിച്ച നടൻ കൊല്ലം സുധിയുടെ ഭാര്യ രേണു സമൂഹമാദ്ധ്യമത്തിൽ പങ്കുവച്ച പുതിയ ചിത്രങ്ങൾക്ക് ലഭിക്കുന്നത് രൂക്ഷവിമർശനം. വിഷു ആശംസകൾ എന്ന പേരിൽ പങ്കുവച്ച ചിത്രങ്ങൾക്കാണ് സൈബർ ആക്രമണം നേരിടുന്നത്. 'ഒരു സ്ത്രീക്ക് ഉണ്ടായിരിക്കേണ്ട ഏറ്റവും ആകർഷകമായ കാര്യം ആത്മവിശ്വാസമാണ്', 'സ്ത്രീകളാണ് സമൂഹത്തിന്റെ യഥാർത്ഥ ശില്പികൾ', 'ശക്തരായ സ്ത്രീകൾക്ക് ആറ്റിറ്റ്യൂഡ് ഇല്ല, മാനദണ്ഡങ്ങളുണ്ട്' എന്നിങ്ങനെയുള്ള കുറിപ്പുകളോടെയാണ് ചിത്രങ്ങൾ പങ്കുവച്ചിരിക്കുന്നത്.
നാടൻ ലുക്കിനൊപ്പം മോഡേൺ ടച്ചും കലർന്ന വേഷമാണ് രേണു സുധി ധരിച്ചിരിക്കുന്നത്. പട്ടുപാവാടയും ടോപ്പുമാണ് രേണു അണിഞ്ഞിരിക്കുന്നത്. രേണുവിന്റെ മോഡേൺ ലുക്കിനാണ് വിമർശനങ്ങൾ നേരിടുന്നത്.'ഇതിപ്പോ ഉടുക്കാൻ മറന്നുപോയതാണോ, അതോ ഉടുത്തത് അഴിഞ്ഞു പോയത് ആണോ, ഇനീപ്പോ ഉടുക്കാൻ ഇഷ്ടം ഇല്യാഞ്ഞിട്ടാണോ', 'ഇങ്ങനെ വേണ്ടാരുന്നു', 'ഒന്നും പറയുന്നില്ല പറഞ്ഞ ചെലവിന് കൊടുക്കാൻ പറയും', 'സ്വന്തം ശരീരം പ്രദർശിപ്പിച്ചുകൊണ്ടു മാത്രമല്ല സ്ട്രോങ്ങ് വുമൺ ആവേണ്ടത്', 'നിനക്ക് നാണമില്ലേ രേണു ഇങ്ങനെ തുണി ഉരിഞ്ഞു കാണിക്കാന് ശ്രുതി മരിക്കാൻ നോക്കിയിരുന്നു അവൾ തുണി അഴിക്കാൻ', 'ഇച്ചിരി ഉളുപ്പ് നല്ലതാ ചത്തൂടെ ഒന്ന് സുധി അല്ല മരിക്കേണ്ടത് നീ ആയിരിന്നു നിനക്ക് 2 മക്കൾ ഇല്ലേ', 'ഇത്രയും വേണ്ടായിരുന്നു മോശം ആയി', 'ഭർത്താവ് മരിച്ച ഒരു സ്ത്രീ ചെയ്യുന്ന കാര്യം അല്ല ഇത്'- തുടങ്ങിയ രൂക്ഷ കമന്റുകളാണ് ചിത്രങ്ങൾക്ക് ലഭിക്കുന്നത്.&nbsp;

'സ്വന്തം ശരീരം പ്രദർശിപ്പിച്ചുകൊണ്ടു മാത്രമല്ല സ്ട്രോങ്ങ് വുമൺ ആവേണ്ടത്' ;രേണു സുധിയുടെ ചിത്രങ്ങളിൽ സൈബർ ആക്രമണം

കൊച്ചി: താൻ കടുത്ത മാനസിക വിഷമത്തിലൂടെ കടന്നുപോവുകയാണെന്നും തന്റെ ‘തൊപ്പി’ എന്ന ക്യാരക്ടർ അവസാനിപ്പിക്കുകയാണെന്നും വിവാദ യൂട്യൂബർ നിഹാദ്. കഴിഞ്ഞ മാസം വീട്ടിൽ പോയപ്പോൾ വീട്ടുകാർ തന്റെ മുഖത്തുനോക്കി വാതിൽ അടച്ചുവെന്നും എത്രപണവും പ്രശസ്തിയുമുണ്ടാക്കിയിട്ടും സ്വന്തം വീട്ടുകാർ കൂടെയില്ലെങ്കിൽ പിന്നെ എന്തുകാര്യമെന്നും നിഹാദ് ത​ന്റെ യൂട്യൂബ് ലൈവിൽ ചോദിച്ചു.
‘സമയമായി, സമയമായി. എല്ലാം അവസാനിപ്പിക്കാൻ സമയമായി. പലരും ഞാൻ കഞ്ചാവെന്ന് പറയുന്നു. കഞ്ചാവൊന്നുമല്ല. ഉമ്മയാണെ സത്യം കഞ്ചാവ് അടിച്ചിട്ടില്ല. കഴിഞ്ഞ ഒരുമാസമായി എ​ന്റെ എല്ലാ ദിവസവും ഇങ്ങനെയാണ്. ഒരുമാസമായി ലൈവ് വന്നിട്ട്. അന്ന് വീട്ടിൽ പോയി തിരിച്ചുവന്നു. ആ ദിവസം വിഷമിച്ചത് പോലെ എന്റെ ജീവിതത്തിൽ വിഷമിച്ച മറെറാരു ദിവസവുമില്ല. ഞാൻ എല്ലാ ദിവസവും വന്നിട്ട് ഇക്കാര്യം ലൈവിടണോ? ഈ ക്യാരക്ടർ എനിക്ക് മടുത്തു...’ -പിറന്നാൾ ദിനത്തിലെ യൂട്യൂബ് സ്ട്രീമിങ്ങിൽ തൊപ്പി പറഞ്ഞു.
'ഇന്ന് സ്ട്രീമിങ്ങില്ല. ഇന്നെൻ്റെ പിറന്നാളായിട്ട് രാവിലെ മുതൽ ഇങ്ങനെ തന്നെയാണ്. കിടന്ന് ഉറങ്ങുന്നു, എഴുന്നേൽക്കുന്നു, ഉറങ്ങുന്നു, എഴുന്നേൽക്കുന്നു... ഇതുതന്നെ പണി. ഭ്രാന്തുപിടിച്ചപ്പോൾ ലൈവിട്ടതാണ്. ഒറ്റ കാര്യമേ പറയാനുള്ളൂ. പിറന്നാൾ സമ്മാനം, ആഘോഷം ഒന്നുമില്ല.. ഒന്നിനും ഞാനില്ല. പിറന്നാളിന് പലതും പ്ലാൻ ചെയ്തതായിരുന്നു. എല്ലാം ഒഴിവാക്കി. എനിക്ക് പിറന്നാൾ സമ്മാനമായി തരാനുദ്ദേശിക്കുന്ന പണം വേറെ എന്തിനെങ്കിലും ഉപയോഗിക്കുക. പോയി ഭക്ഷണം കഴിക്കൂ, അല്ലെങ്കിൽ ആർക്കെങ്കിലും ഭക്ഷണം വാങ്ങിക്കൊടുക്കൂ. എനിക്ക് പണം അയക്കണ്ട.
ലൈവ് വരാനാണെങ്കിൽ എന്നും വരാമായിരുന്നു. കഴിഞ്ഞ ഒരുമാസമായി ഞാനിവിടെ കിടന്ന് ഉരുളുകയാണ്. വിഷാദത്തിലേക്ക് പോയ എന്റെ ജീവിതം നിങ്ങളെ കാണിച്ചിട്ട് എന്തിനാണ്. കേൾക്കുമ്പോൾ തമാശയായിട്ട് തോന്നും. ഞാനീ ക്യാരക്ടർ അവസാനിപ്പിക്കാൻ പോവുകയാണ്. അവസാനം ലൈവ് വന്നിട്ട് വീട്ടിൽ പോവുകയാണെന്ന് പറഞ്ഞ് പോയത് ഓർക്കുന്നുണ്ടോ? അന്ന് സ്വന്തം കുടുംബം മുഖത്ത് നോക്കി ഡോർ അടച്ചു. വീട്ടുകാർ ഒപ്പമി​ല്ലെങ്കിൽ എത്ര പണവും പ്രശസ്തിയുമുണ്ടാക്കിയിട്ട് എന്താണ് കാര്യം. എല്ലാം അവസാനിപ്പിക്കാൻ സമയമായി. എനിക്ക് മടുത്തു’ -തൊപ്പി പറയുന്നു.
‘എൻ്റെ അവസ്ഥ എങ്ങനെയാണ് നിങ്ങളെ പറഞ്ഞ് മനസിലാക്കുക എന്നറിയില്ല. എനിക്ക് മുന്നിലുള്ള അവസാനത്തെ ഒരേ ഒരു വഴി 'തൊപ്പി' എന്ന കഥാപാത്രത്തെ ഒഴിവാക്കലാണ്. ഈ ‘തൊപ്പി’ എന്ന ചങ്ങാതിയില്ലേ, ഈ ചങ്ങാതിയെ കൊന്നുവിടുക. നിഹാദ് എന്ന എന്നിലേക്ക് തിരിച്ച് പോവുക. നിങ്ങൾക്കെല്ലാം ഞാനൊരു കോമാളി’ -നിഹാദ് പറഞ്ഞു. ലൈവിനിടെ ആരാധകർ സൂപ്പർ ചാറ്റ് വഴി ഗിഫ്റ്റായി പണം നൽകുന്നത് ശ്രദ്ധയിൽപെട്ടപ്പോൾ ​തൊപ്പി ആ ഓപ്ഷൻ ഓഫ് ചെയ്തു. അതിന് ശേഷം വീണ്ടും സംസാരം തുടർന്നു.
‘തനിക്ക് ഗിഫ്റ്റ് ചെയ്യുന്ന പണം ആർ​ക്കെങ്കിലും കൊണ്ടുപോയി കൊടുക്കുക. ​വേറൊന്നും പറയാനില്ല. ഈ ക്യാരക്ടർ വിടുക എന്നതാണ് പരിഹാരം. ഞാൻ എന്റെ റിയൽ ക്യാരക്ടറിലേക്ക് തിരിച്ചുപോകുകയാണ്. ആളുകൾ എന്തെങ്കിലും കരുതട്ടേ. സ്വന്തം കുടുംബം അംഗീകരിക്കുന്നില്ലെങ്കിൽ പിന്നെ ജീവിച്ചിരുന്നിട്ട് എന്താണ് കാര്യം? ഇങനെയെല്ല ജീവിക്കേണ്ടത്. ഇത് ഞാൻ കുറേ ഉറപ്പിച്ചെടുത്ത തീരുമാനമാണ്. അഞ്ച് നേരം നിസ്കരിച്ചാൽ ശരിയാകുമെന്ന് പറഞ്ഞു. ഈ അവസ്ഥയിൽ നിന്ന് പുറത്തുകടക്കാൻ ഞാൻ ട്രൈ ചെയ്യാത്ത വഴികളില്ല. ജിമ്മിലും പോയി. ഓരോ തവണയും ഞാൻ ഹാപ്പിയാകാനാണ് നിങ്ങളുടെ മുന്നിൽ വന്നത്. എന്റെ ശരിയായ മുഖം മറച്ചിട്ടാണ് വന്നത്. ഇതിൽ കൂടുതൽ എനിക്ക് പറ്റില്ല. ഒന്നൊന്നൊര കൊല്ലത്തെ എന്റെ അധ്വാനമാണ് എന്റെ മുടി. ഇത് ഞാൻ മുറിക്കുകയാണ് (ശേഷം കത്രിക ഉപയോഗിച്ച് മുറിച്ചു കളഞ്ഞു). ഇനി നമ്മൾ കാണുന്നുണ്ടെങ്കിൽ തൊപ്പി മരിച്ചു, ഇനി നിഹാദായി കാണാം.. നിഹാദേ ഉള്ളൂ.. ഈ ക്യാരക്ടർ വിട്ടാൽ വീട്ടിൽ കയറ്റാൻ 90 ശതമാനം സാധ്യതയുണ്ട്. എനിക്കറിയില്ല. നമുക്ക് ചെയ്യാൻ പറ്റുന്നതിന്റെ മാക്സിമം നമ്മൾ ചെയ്യുക. എന്റെ ലൈഫ് ഇങ്ങനെയാകും എന്ന് ഞാൻ വിചാരിച്ചിട്ടില്ല... തൊപ്പി മരിച്ചു. അതേ ഉള്ളൂ വഴി. നോർമൽ ലൈഫിലേക്ക്, നോർമൽ മനുഷ്യനായി തിരിച്ചു പോവുക.. ലൈവ് നിർത്താൻ തോന്നുന്നില്ല, നിർത്തിയാൽ വല്ലാത്ത ഏകാന്തതയാണ്. മതി. എല്ലാം നിർത്തുകയാണ്..’ -എന്ന് പറഞ്ഞാണ് നിഹാദ് യൂട്യൂബ് ലൈവ് അവസാനിപ്പിക്കുന്നത്.
Mrz Thoppi എന്ന പേരിലുള്ള യൂട്യൂബ് ചാനലിലൂടെയാണ് ​കണ്ണൂർ സ്വദേശിയായ നിഹാദ് ചുരുങ്ങിയ കാലം കൊണ്ട് സോഷ്യൽ മീഡിയയിൽ വൈറലായത്. 8.72 ലക്ഷം സബ്സ്ക്രൈബേഴ്സ് ഉണ്ട്. സ്ത്രീത്വത്തെ അപമാനിച്ചതിന്റെയും അശ്ലീല പദപ്രയോഗങ്ങൾ നടത്തിയതിന്റെയും പേരിൽ നിരവധി തവണ വിവാദത്തിലായിട്ടുണ്ട്. സ്കൂൾ വിദ്യാർഥികളാണ് തൊപ്പിയുടെ വിഡിയോകളുടെ സ്ഥിരം കാഴ്ചക്കാർ. തൊപ്പി പങ്കെടുത്ത ഉദ്ഘാടന ചടങ്ങുകളിൽ കുട്ടികൾ കൂട്ടമായെത്തിയതും റോഡ് ബ്ലോക്കായതും വിവാദമായിരുന്നു. പൊതുസ്ഥലത്ത് അശ്ലീല പരാമർശങ്ങൾ നടത്തിയതിനും ഗതാഗതം തസപ്പെടുത്തിയതിനും 'തൊപ്പി'ക്കെതിരെ കേസെടുക്കുകയും താമസസ്ഥലത്തിന്റെ വാതിൽ തകർത്ത് അറസ്റ്റ് ചെയ്യുകയും ചെയ്തിരുന്നു.

‘തൊപ്പി മരിച്ചു, ഇനി നിഹാദായി ജീവിക്കും...;പിറന്നാൾ ദിനത്തിൽ ലൈവുമായി യൂട്യൂബർ തൊപ്പി

സോഷ്യൽമീഡിയയിൽ നടക്കുന്ന വ്യാജപ്രചാരണത്തിൽ പ്രതികരിച്ച് അന്തരിച്ച നടൻ കൊല്ലം സുധിയുടെ ഭാര്യ രേണു. വിധവയാണെന്ന് പറഞ്ഞ് തനിക്ക് ഒന്നും ചെയ്യാൻ കഴിയില്ലേയെന്നും രേണു ചോദിച്ചു. ഒന്നുകിൽ ജീവിതം അവസാനിപ്പിക്കുമെന്നും അല്ലെങ്കിൽ മറ്റൊരു വിവാഹം കഴിക്കുകയാണ് പ്രതിവിധിയെന്നാണ് രേണു വ്യക്തമാക്കിയിരിക്കുന്നത്. സോഷ്യൽമീഡിയയിലൂടെയായിരുന്നു പ്രതികരണം. വാഹനാപകടത്തിൽ സുധി മരിച്ചതോടെ രേണുവിനെയും മക്കളെയും സഹായിക്കാൻ നിരവധിയാളുകൾ രംഗത്തെത്തിയിരുന്നു. അന്നുമുതൽക്കേ രേണു നിരന്തരമായി സൈബർ ആക്രമണം നേരിട്ടിരുന്നു. നല്ല വസ്ത്രമിട്ടാലും ചിരിച്ചുകൊണ്ട് റീൽ ചെയ്താലും നിരവധി വിമർശനങ്ങൾ രേണു നേരിട്ടിരുന്നു. ഇപ്പോഴിതാ സുധിയുടെ ആദ്യ വിവാഹത്തിലെ മകനെ രേണു വീട്ടിൽ നിന്ന് ഇറക്കിവിട്ടുവെന്ന വ്യാജപ്രചാരണത്തിനെ തുടർന്നാണ് പ്രതികരിച്ചിരിക്കുന്നത്.
രേണുവിന്റെ വാക്കുകളിലേക്ക്
ഒന്നിനും ഞാൻ ഇല്ല. എന്നാ തെറ്റാ ചെയ്യുന്നത് എന്ന് എനിക്കറിയില്ല. ഞാൻ വിധവ ആണെന്ന് പറഞ്ഞ് എനിക്കൊന്നും ചെയ്യാൻ പറ്റില്ലേ? എല്ലാം കുറ്റമാ. കേട്ട് കേട്ട് മടുത്തു. ഒന്നെങ്കിൽ ജീവിതം അവസാനിപ്പിക്കും അല്ലേൽ ആരെയെങ്കിലും കെട്ടി ജീവിക്കും, എനിക്കു മടുത്തു. ഇങ്ങനെ കേൾക്കാൻ എന്തേലും തെറ്റ് ചെയ്തിട്ടാണേലും കുഴപ്പമില്ല. വിധവ എന്നു പറഞ്ഞ് ഇങ്ങനെ കുത്തുന്നു. ഞാനെന്നാ ചെയ്താലും പറഞ്ഞാലും കുറ്റം.
ഞാൻ ജീവിതം അവസാനിപ്പിച്ചാലും. ഇനി കെട്ടിയാലും എല്ലാം ഈ പഴി പറയുന്നവർ തന്നെ കാരണം. ശരിക്കും മടുത്തിട്ട് തന്നെയാണ് സ്‌റ്റോറി ഇട്ടത്. അല്ലാതെ വേറെ കെട്ടാൻ മറ്റാരുടേയും സമ്മതം വേണ്ട എനിക്ക്. പക്ഷെ ഇതുവരെ അങ്ങനെ ചിന്തിച്ചിട്ടില്ല. എട്ടൻ മരിച്ചതു കൊണ്ടല്ലേ ഞാൻ എന്ത് ചെയ്താലും പറഞ്ഞാലും ഇരുന്നാലും നിന്നാലും എല്ലാം കുറ്റം. ഒന്നെങ്കിൽ ഈ ജീവിതം അവസാനിപ്പിക്കുക അല്ലെങ്കിൽ വേറെ കെട്ടുക. മക്കളുടെ സമ്മതത്തോടെ അപ്പോൾ പിന്നെ ഈ പേര് അങ്ങ് തീർന്നു കിട്ടുമല്ലോ. അല്ലാതെ എന്ത് വഴിയാ വിധവ എന്നത് മാറാൻ.

'എനിക്ക് മടുത്തു, ഒന്നെങ്കിൽ ജീവിതം അവസാനിപ്പിക്കും അല്ലെങ്കിൽ ആരെയെങ്കിലും കെട്ടി ജീവിക്കും'; കൊല്ലം സുധിയുടെ ഭാര്യ രേണു

കൊച്ചി: യുവനടിയുടെ പരാതിയിൽ വ്ലോഗർ സൂരജ് പാലാക്കാരൻ അറസ്റ്റിലായി. സ്ത്രീത്വത്തെ അപമാനിച്ചെന്ന പരാതിയിൽ പാലാരിവട്ടം പൊലീസാണ് സൂരജിനെ കസ്റ്റഡിയിലെടുത്തത്.
നേരത്തെ, സമാനമായ മറ്റൊരു പരാതിയിൽ ഇയാൾ 14 ദിവസം റിമാൻഡിലായിരുന്നു. അന്ന് ഇടുക്കി സ്വദേശിനിയായ യുവതിയാണ് പരാതി നൽകിയിരുന്നത്. കേസിൽ സൂരജ് ജാമ്യത്തിൽ പുറത്തിറങ്ങിയിരുന്നു.

യുവനടിയുടെ പരാതിയിൽ വ്ലോഗർ സൂരജ് പാലാക്കാരൻ അറസ്റ്റിൽ

തിയേറ്ററിലെ തകർപ്പൻ വിജയത്തിന് ശേഷം സിനിമാ പ്രേമികൾ ഒടിടിയിലെത്താൻ കാത്തിരിക്കുന്ന ചിത്രമാണ് 'ആടുജീവിതം'. പൃഥ്വിരാജിന്റെ കരിയറിലെ തന്നെ അടയാളപ്പെടുത്താവുന്ന കഥാപാത്രമാണ് നജീബ്. ബെന്യാമിന്റെ നോവലിനെ അടിസ്ഥാനമാക്കി ബ്ലെസിയാണ് ആടുജീവിതം സിനിമ ഒരുക്കിയത്. ചിത്രത്തിന്റെ കഥ പത്ത് വരിയിൽ എഴുതിയിരിക്കുകയാണ് മന്തരത്തൂർ എം എൽ പി സ്കൂൾ വിദ്യാർത്ഥിനി നന്മ തേജസ്വിനി എന്ന മിടുക്കി.ചെരണ്ടത്തൂർ സ്വദേശികളായ സുനിൽ ശ്രീധരന്റെയും ആശയുടെയും മകളാണ് നന്മ തേജസ്വിനി. കുട്ടി എഴുതിയ കഥയുടെ ചിത്രം ബെന്യാമിൻ സോഷ്യൽ മീഡിയയിൽ പങ്കുവെച്ചിട്ടുണ്ട്.
'ഒരു ദിവസം നജീബ് എന്ന ഒരാൾ ജീവിച്ചിരുന്നു, ഒരുനാള് നജീബ് ദുബായിൽ പോയി, അവിടത്തെ അറബ് മനുഷ്യൻ നജീബിനെ പറ്റിച്ച് മരുഭൂമിയിൽ ഇട്ടു. കുറെ വർഷങ്ങൾ കഴിഞ്ഞു, നജീബ് ആടിന്റെ പുല്ലും ആടിന്റെ വെള്ളവും കുടിച്ച് ജീവിച്ചു. ഒരു ദിവസം നജീബിനെ രക്ഷിക്കാൻ ഒരാള് വന്നു. രക്ഷിച്ച് കൊണ്ട് പോയി. പെരിയോനേ റഹ്മാനെ... പെരിയോനേ റഹീം... 'എന്നാണ് നോട്ടുബുക്കിൽ നന്മ തേജസ്വിനി എഴുതിയത്. കുറിപ്പിന് താഴെ നജീബിന്റെ ഒരു ചിത്രവും വരച്ചു വെച്ചിട്ടുണ്ട്. ഈ ചിത്രം പങ്കുവെച്ചുകൊണ്ട് 'ഇത്രേ ഒള്ളൂ... മന്തരത്തൂർ എം എൽ പി സ്കൂൾ വിദ്യാർത്ഥിനി നന്മ തേജസ്വിനി എന്ന മിടുക്കിക്കുട്ടി' എന്നാണ് ബെന്യാമിൻ കുറിച്ചിരിക്കുന്നത്.

പത്ത് വരിയിൽ 'ആടുജീവിതം' കഥയെഴുതി മന്തരത്തൂർ എം എൽ പി സ്കൂളിലെ മിടുക്കി, ചിത്രം പങ്കുവെച്ച് ബെന്യാമിൻ

തൃശൂർ: ആൾക്കൂട്ട വിചാരണയ്ക്കും ക്രൂരമർദനത്തിനും പിന്നാലെ പൂക്കോട് വെറ്ററിനറി സർവകലാശാല ക്യാംപസിലെ വിദ്യാർഥി ജെ.എസ്.സിദ്ധാർഥനെ മരിച്ച നിലയിൽ കണ്ടെത്തിയ സംഭവത്തിൽ പ്രതികരണവുമായി കവിയും ഗാനരചയിതാവുമായ റഫീഖ് അഹമ്മദ്. സാംസ്കാരിക കേരളത്തെ പരിഹസിച്ചുകൊണ്ടുള്ള കാർട്ടൂൺ പങ്കുവച്ചാണ് സമൂഹമാധ്യമത്തിൽ റഫീഖിന്റെ പോസ്റ്റ്. ‘സിദ്ധാർഥ്.. മാപ്പ്’ എന്ന കുറിപ്പ് സഹിതമാണ് കാർട്ടൂൺ പങ്കുവച്ചത്.
കഴിഞ്ഞ മാസം 18 നാണു ഹോസ്റ്റലിലെ ശുചിമുറിയിൽ ജീവനൊടുക്കിയ നിലയിൽ സിദ്ധാർഥിനെ കണ്ടെത്തിയത്. ഫെബ്രുവരി 14ന്, കോളജിലെ പരിപാടിക്കിടെ പെൺകുട്ടിയോട് ഇഷ്ടം തുറന്നുപറഞ്ഞെന്ന പേരിൽ സിദ്ധാർഥനെ ഗ്രൗണ്ടിൽ സീനിയർ വിദ്യാർഥികൾ സംഘം ചേർന്നു ചോദ്യം ചെയ്യുകയും മർദിക്കുകയും ചെയ്തെന്നാണ് വിദ്യാർഥികൾ പറയുന്നത്. 14 മുതൽ 18ന് ഉച്ച വരെ സിദ്ധാർഥൻ ക്രൂര മർദനത്തിനിരയായെന്നു ദൃക്സാക്ഷിയായ വിദ്യാർഥി പറയുന്നു. ഹോസ്റ്റലിലെ 130 വിദ്യാർഥികളുടെ മുന്നിൽ നഗ്നനാക്കിയായിരുന്നു മർദനം.
കേസിൽ പ്രതികളായ 18 പേരെയും അറസ്റ്റ് ചെയ്തിരുന്നു. പ്രതികൾക്കെതിരെ ക്രിമിനൽ ഗൂഢാലോചനക്കുറ്റവും പൊലീസ് ചുമത്തി. വീട്ടിലേക്കു പോയ സിദ്ധാർഥനെ കൃത്യമായ ആസൂത്രണത്തിനൊടുവിൽ പൂക്കോട് ക്യാംപസിലേക്കു വിളിച്ചുവരുത്തിയതിനടക്കം തെളിവു ലഭിച്ചതിന്റെ അടിസ്ഥാനത്തിലാണ് കുറഞ്ഞതു 2 വർഷം വരെ തടവുശിക്ഷ കിട്ടിയേക്കാവുന്ന വകുപ്പു ചുമത്തിയത്. കൊലപാതകമെന്നു തെളിഞ്ഞാൽ പ്രതികൾക്കു ജീവപര്യന്തം വരെ ശിക്ഷ ലഭിക്കാം. ആത്മഹത്യാപ്രേരണ, റാഗിങ്, ഗുരുതരമായി മുറിവേൽപിക്കൽ, ആയുധങ്ങൾ ഉപയോഗിച്ചു മുറിവേൽപിക്കൽ, അന്യായമായി തട‍ഞ്ഞുവയ്ക്കൽ എന്നീ വകുപ്പുകളാണു നേരത്തേ ചുമത്തിയിരുന്നത്.

‘പ്രതികരണശേഷി പണ്ടേ നഷ്ടപ്പെട്ടതാണ്’: ‘സിദ്ധാർഥ്.. മാപ്പ്’ എന്ന കുറിപ്പോടെ കാർട്ടൂൺ പങ്കുവച്ച് റഫീഖ് അഹമ്മദ്

തൃശൂര്‍: അപൂർവരോഗമുള്ള കുഞ്ഞിന് ചികിത്സാ സഹായം ചോദിച്ചെത്തിയ അമ്മയെയും കുഞ്ഞിനെയും നടനും ബി.ജെ.പി നേതാവുമായ സുരേഷ് ഗോപി അപമാനിച്ചതായി പരാതി. ചികിത്സക്കായി സഹായം അഭ്യർഥിച്ചപ്പോൾ കളിയാക്കുന്ന തരത്തിൽ ഗോവിന്ദൻ മാസ്റ്ററെ പോയി കാണാനായിരുന്നു മറുപടി.
കോയമ്പത്തൂരിൽ താമസിക്കുന്ന സിന്ധുവാണ് സുരേഷ് ഗോപിയോട് മകൻ അശ്വിന് ചികിത്സക്കായി സഹായം അഭ്യർഥിച്ചത്. ഗോവിന്ദൻ മാസ്റ്ററെ പോയി കാണാൻ പറഞ്ഞപ്പോൾ കളിയാക്കിയതാണെന്ന് മനസ്സിലാകാതെ ക്ഷേത്ര നടയിലുണ്ടായിരുന്നവരോട് ആരാണ് ഗോവിന്ദൻ മാസ്റ്ററെന്ന് സിന്ധു തിരക്കി. പിന്നീട് ക്ഷേത്രത്തിൽ ഉണ്ടായിരുന്നവരാണ് കളിയാക്കിയതാണെന്ന് അവരെ പറഞ്ഞു മനസ്സിലാക്കിയത്. ഇതോടെ ആൾക്കൂട്ടത്തിന് നടുവിൽ നിന്ന് കൈക്കുഞ്ഞുമായി സിന്ധു കരഞ്ഞു. പിന്നീട് ക്ഷേത്രത്തിൽ ഉണ്ടായിരുന്നവരാണ് സിന്ധുവിനെ സമാധാനിപ്പിച്ചത്.
തമിഴ്നാട് സ്വദേശിനിയായ സിന്ധു കോടീശ്വരൻ സ്ഥിരമായി കാണുക വഴിയാണ് സുരേഷ് ഗോപിയെ അറിയുന്നത്. ഗുരുവായൂർ ക്ഷേത്രദർശനത്തിനിടെ സുരേഷ് ഗോപിയേയും സംഘത്തേയും കണ്ടപ്പോൾ രണ്ടു വയസ്സുള്ള മകൻ അശ്വിനേയും എടുത്ത് സഹായം ചോദിക്കുകയായിരുന്നു. മാസ്റ്റോസൈറ്റോസിസ് എന്ന അപൂർവ രോഗത്തിന് ചികിത്സയിലാണ് അശ്വിൻ . ഒരു മാസം മരുന്നിന് മാത്രം 50,000 രൂപയോളം ചെലവുണ്ട്.

ഗോവിന്ദന്‍ മാസ്റ്ററോട് ചോദിക്കൂ; അപൂർവ രോഗത്തിന് ചികിത്സാ സഹായം ചോദിച്ച അമ്മയെയും കുഞ്ഞിനെയും സുരേഷ് ഗോപി അപമാനിച്ചതായി പരാതി

Search Results for: unusual disability