നടൻ ജഗതി ശ്രീകുമാറിനെ വിമാന യാത്രക്കിടെ കണ്ടുമുട്ടി മുഖ്യമന്ത്രി പിണറായി വിജയൻ. മുഖ്യമന്ത്രി തന്നെയാണ് ഇക്കാര്യം ഫേസ്‌ബുക്കിലൂടെ പങ്കുവച്ചത്. 'ഇന്ന് എറണാകുളത്തേക്കുള്ള യാത്രക്കിടെ മലയാളത്തിന്റെ അതുല്യനടൻ ജഗതി ശ്രീകുമാറിനെ കണ്ടുമുട്ടി. സുഖവിവരങ്ങൾ അന്വേഷിച്ചു'- എന്നാണ് ജഗതിക്കൊപ്പമുള്ള ചിത്രം പങ്കുവച്ച് മുഖ്യമന്ത്രി കുറിച്ചത്.
വാഹനാപകടത്തിൽ ഗുരുതരമായി പരിക്കേറ്റതിന് ശേഷം 12 വർഷത്തോളമായി സിനിമയിൽ നിന്ന് വിട്ടുനിൽക്കുകയാണ് ജഗതി ശ്രീകുമാർ. ഇതിനിടെ സിബിഐ 5 എന്ന ചിത്രത്തിൽ അദ്ദേഹം പ്രത്യക്ഷപ്പെട്ടിരുന്നു. ഇപ്പോഴിതാ വീണ്ടും ഒരു തിരിച്ച് വരവിന് ഒരുങ്ങുകയാണ് നടൻ. ജഗതിയുടെ ഔദ്യോഗിക ഫേസ്‌ബുക്ക് പോസ്റ്റിലൂടെയാണ് പുതിയ സിനിമയുടെ വിവരം ആരാധകരെ അറിയിച്ചത്.

വിമാനയാത്രക്കിടെ ജഗതി ശ്രീകുമാറിനെ കണ്ടുമുട്ടി മുഖ്യമന്ത്രി

വടകര: മഴക്കാലമാകുന്നതോടെ എന്‍.സി കനാലില്‍ മാലിന്യം കലര്‍ന്ന് മീനുകള്‍ ചത്തുപൊന്തുന്ന വിഷയത്തില്‍ അടിയന്തിരമായി പഠനസംഘത്തെ അയച്ച് പരിശോധന നടത്തണമെന്ന് ആവശ്യപ്പെട്ട് കെ.കെ രമ എ.എല്‍.എ മുഖ്യമന്ത്രിക്ക് കത്തയച്ചു. വടകര നഗരസഭയിലും ചോറോട് പഞ്ചായത്തിലുമായി കടന്നുപോകുന്ന കനാല്‍ നിരവധി കുടുംബങ്ങള്‍ക്ക് അത്താണിയാണ്. എന്നാല്‍ മഴക്കാലമെത്തുന്നതോടെ കനാലില്‍ മത്സ്യങ്ങള്‍ ചത്തുപൊങ്ങുകയാണ്. സാമൂഹ്യവിരുദ്ധര്‍ വിഷം കലര്‍ത്തുന്നതാണെന്നത് അടക്കം പല സംശയങ്ങളും പ്രദേശവാസികള്‍ പങ്കുവെക്കുന്നുണ്ട്. കുളിക്കാനും അലക്കാനും മാത്രമല്ല, മത്സ്യബന്ധനത്തിനും കനാല്‍ ഉപയോഗക്കുന്നവരാണ് പ്രദേശവാസികള്‍.&nbsp;
ഇത്തരത്തില്‍ മീന്‍ ചത്തുപൊങ്ങുന്നത് ഇവരില്‍ ആശങ്ക സൃഷ്ടിച്ചിട്ടുണ്ട്. കനാലിന്റെ വശങ്ങളില്‍ ഏക്കറുകണക്കിന് പച്ചക്കറി കൃഷി ചെയ്യാറുണ്ടായിരുന്നു. ജലം മലിനമായതോടെ കൃഷി ഇല്ലാതായിരിക്കുകയാണ്. കനാല്‍ ജലം വിഷമയമാകുന്നതോടെ സമീപങ്ങളിലെ കിണറുകളിലും ഈ വെള്ളമെത്തുമെന്ന ആശങ്കയും ജനങ്ങള്‍ക്കുണ്ട്. ഇതുസംബന്ധിച്ച് ഭൂഗര്‍ഭജലവകുപ്പ്, ഭക്ഷ്യസുരക്ഷ, കൃഷി, ആരോഗ്യം എന്നീ വകുപ്പുകളില്‍നിന്നുള്ള വിദഗ്ധരെ പഠനത്തിനായി അയച്ച് ജനങ്ങളുടെ ആശങ്ക പരിഹരിക്കണമെന്ന് മുഖ്യമന്ത്രി പിണറായി വിജയന് എഴുതിയ കത്തില്‍ എം.എല്‍.എ പറഞ്ഞു.

എന്‍.സി കനാലിലെ വിഷമാലിന്യം; അടിയന്തിരമായി പഠനസംഘത്തെ അയക്കണമെന്ന് ആവശ്യപ്പെട്ട് എം.എല്‍.എ മുഖ്യമന്ത്രിക്ക് കത്തയച്ചു

Vadakara

മലപ്പുറം: മുഖ്യമന്ത്രി പിണറായി വിജയനെ പ്രശംസിച്ച് കേന്ദ്രമന്ത്രി സുരേഷ് ഗോപി. ഇത്തവണത്തെ തൃശൂർ പൂരം വളരെ മികച്ച രീതിയിൽ നടത്തിയെന്നും നല്ലതിനെ നല്ലതായി കാണണമെന്നും അദ്ദേഹം പറഞ്ഞു. എൻ ഡി എ നിലമ്പൂർ ഉപതിരഞ്ഞെടുപ്പ് കൺവെൻഷനിൽ സംസാരിക്കവേയാണ് സുരേഷ് ഗോപി ഇക്കാര്യം പറഞ്ഞത്.
പൂരം മികച്ച രീതിയിൽ നടത്തിയതിൽ മന്ത്രി കെ രാജനും അഭിനന്ദനം അർഹിക്കുന്നുണ്ട്. നല്ല വ്യക്തികൾ നമുക്കിടയിലുണ്ടെന്നും അവരെ കണ്ടെത്തണമെന്നും സുരേഷ് ഗോപി വ്യക്തമാക്കി. അതേസമയം, പിഎംഎവൈ പദ്ധതിയുമായി ബന്ധപ്പെട്ട മുഖ്യമന്ത്രിയുടെ പരാമർശത്തെ സുരേഷ് ഗോപി രൂക്ഷമായി വിമർശിച്ചു. കേരള സംസ്‌കാരത്തിന് യോജിച്ചതല്ല ഈ പദ്ധതിയെന്നാണ് പിഎംഎവൈ യോഗത്തിൽ മുഖ്യമന്ത്രി പറഞ്ഞത്. പാവപ്പെട്ടവന് ഒരു മാനക്കുറവുമില്ല. കൂരയില്ലാത്തവന് കൂരയാണ് വേണ്ടതെന്നും സുരേഷ് ഗോപി വ്യക്തമാക്കി.

ഇത്തവണത്തെ തൃശൂർ പൂരം വളരെ മികച്ച രീതിയിൽ നടത്തി ;മുഖ്യമന്ത്രിയേയും മന്ത്രി കെ രാജനെയും പ്രശംസിച്ച് സുരേഷ് ഗോപി

തിരുവനന്തപുരം : കേരള മുഖ്യമന്ത്രി പിണറായി വിജയന് ഇന്ന് 80–ാം പിറന്നാൾ. പതിവുപോലെ ആഘോഷങ്ങളില്ലാതെയാണ്‌ ഇത്തവണയും പിറന്നാൾ കടന്നുപോകുന്നത്‌. സർക്കാറിന്റെ നാലാംവാർഷികാഘോഷ പരിപാടികളുടെ തിരക്കുകൾ വെള്ളിയാഴ്‌ചയാണ്‌ കഴിഞ്ഞത്‌. സംസ്ഥാനരാഷ്ട്രീയത്തിലും ഭരണത്തിലുമായി കടന്നുപോയത് പിണറായി സ്പർശമുള്ള കാൽനൂറ്റാണ്ടാണ്. .സിപിഎം രാഷ്ട്രീയവും വലിയൊരു പരിധി വരെ സംസ്ഥാന രാഷ്ട്രീയവും 1998 നു ശേഷം പിണറായി വിജയനിൽ കേന്ദ്രീകരിച്ചാണ്.
പ്രകൃതിദുരന്തങ്ങൾ സംസ്ഥാനത്തെ പിടിച്ചു കുലുക്കിയപ്പോൾ പതറാതെ മുന്നിൽ നിന്ന് നയിച്ച പിണറായി വിജയന് പഴയ പാ‍ര്‍ട്ടി സെക്രട്ടറിയുടെ കാര്‍ക്കശ്യ മുഖത്തിനപ്പുറം ജനകീയ പ്രതിച്ഛായ കൂടിയുണ്ട്. മുഖ്യമന്ത്രി സ്ഥാനത്ത് പിണറായി വിജയൻ നാളെ 9 വർഷം പൂർത്തിയാക്കും.ലോകമാകെ ഇടതുപക്ഷ പ്രസ്ഥാനങ്ങള്‍ ഇരുളുകാണുന്ന കാലത്ത്, ഇന്ത്യയിലാകമാനം കമ്യൂണിസ്റ്റ് കക്ഷികള്‍ അധികാരവഴിയില്‍ വേച്ചുവീഴുന്ന കാലത്ത്, കേരളത്തിൽ ചെങ്കൊടി ഇപ്പോഴും ഉയരെ പാറിപ്പറക്കുന്നു. പ്രതിബന്ധങ്ങളുടെ മലകള്‍ ഇളകിവരുമ്പോഴും മാര്‍ക്സിസ്റ്റ് പാര്‍ട്ടിയെ അടിപറയാതെ കാത്തുപോരുന്ന കരുത്തിന് ഒരു നേതൃനാമം ഉണ്ടെങ്കില്‍, അതൊരൊറ്റ പേരാണ്.. പിണറായി വിജയന്‍....

കേരളത്തിന്റെ ക്യാപ്റ്റന് നാട്ടൂവാർത്താ ടീമിന്റെ ജന്മദിനാശംസകൾ.

മുഖ്യമന്ത്രിക്ക്‌ ഇന്ന്‌ എൺപതാം പിറന്നാൾ

Kerala

കണ്ണൂര്‍: ഒരു രാജ്യത്തിന്റെ പിന്തുണയോടെ ഇന്ത്യക്കെതിരെ ഭീകരാക്രമണം ഉണ്ടായിരിക്കുന്നെന്നും അതിനെതിരെ രാജ്യം എടുക്കുന്ന നടപടിക്ക് പിന്നില്‍ അണിനിരക്കുകയാണ് വേണ്ടതെന്നും മുഖ്യമന്ത്രി പിണറായി വിജയന്‍. അയല്‍വാസികളുമായി നല്ല ബന്ധം തുടരണമെന്നാണ് ഇന്ത്യ ആഗ്രഹിക്കുന്നത്, എന്നാല്‍ വിപരീതദിശയിലാണ് പാകിസ്താന്‍ ചിന്തിക്കുന്നതെന്നും മുഖ്യമന്ത്രി പറഞ്ഞു.
രാജ്യം ഗുരുതര പ്രശ്‌നം നേരിടുമ്പോള്‍ കേരളം എന്തുചെയ്യണമെന്ന് തീരുമാനമെടുക്കേണ്ടതുണ്ട്. വെള്ളിയാഴ്ച ഉച്ചയോടെ മന്ത്രിസഭാ യോഗം ചേര്‍ന്ന് ഇക്കാര്യം തീരുമാനിക്കുമെന്നും മുഖ്യമന്ത്രി പറഞ്ഞു. കണ്ണൂരില്‍ സംസ്ഥാന സര്‍ക്കാരിന്റെ നാലാം വാര്‍ഷികാഘോഷ പരിപാടിയുടെ ഭാഗമായുള്ള ജില്ലാ തലയോഗത്തില്‍ പങ്കെടുത്ത് സംസാരിക്കുകയായിരുന്നു മുഖ്യമന്ത്രി.

രാജ്യം നേരിടുന്നത് ഗുരുതര പ്രശ്‌നം ;പ്രത്യേക മന്ത്രിസഭായോഗം ചേരുമെന്ന് മുഖ്യമന്ത്രി

ക​ണ്ണൂ​ർ: മു​ഖ്യ​മ​ന്ത്രി പി​ണ​റാ​യി വി​ജ​യ​നെ പു​ക​ഴ്ത്തി അ​ദ്ദേ​ഹ​ത്തി​ന്റെ മു​ൻ പ്രൈ​വ​റ്റ് സെ​ക്ര​ട്ട​റി​യും സി.​പി.​എം ക​ണ്ണൂ​ർ ജി​ല്ല സെ​ക്ര​ട്ട​റി​യു​മാ​യ കെ.​കെ. രാ​ഗേ​ഷ്. ത്യാ​ഗ​പൂ​ര്‍ണ​മാ​യ ജീ​വി​ത​മാ​ണ് അ​ദ്ദേ​ഹ​ത്തി​ന്റേ​തെ​ന്നും സ​ഹ​ജീ​വി​ക​ള്‍ക്കു​വേ​ണ്ടി ക​ത്തി​യെ​രി​യു​ന്ന സൂ​ര്യ​നാ​ണ് പി​ണ​റാ​യി വി​ജ​യ​നെ​ന്നും രാ​ഗേ​ഷ് സ​മൂ​ഹ​മാ​ധ്യ​മ​ത്തി​ല്‍ കു​റി​ച്ചു.
മു​ഖ്യ​മ​ന്ത്രി​യു​ടെ ഓ​ഫി​സി​ല്‍ ജോ​ലി ചെ​യ്ത കാ​ല​യ​ള​വ് രാ​ഷ്ട്രീ​യ ജീ​വി​ത​ത്തി​ലെ ഏ​റ്റ​വും സ​ഫ​ല​മാ​യ ഒ​ന്നാ​ണെ​ന്നും അ​ദ്ദേ​ഹ​ത്തി​ന്റെ അ​ടി​യു​റ​ച്ച നീ​തി​ബോ​ധം എ​ങ്ങ​നെ​യൊ​ക്കെ സ​മൂ​ഹ​ത്തെ മാ​റ്റി​മ​റി​ക്കു​ന്നു​വെ​ന്ന് കാ​ണാ​ന്‍ ക​ഴി​ഞ്ഞു​വെ​ന്നും രാ​ഗേ​ഷ് പ​റ​യു​ന്നു.ഒ​രു പ്ര​ഫ​ഷ​ന​ല്‍ എ​ങ്ങ​നെ​യാ​ണ് കാ​ര്യ​ങ്ങ​ള്‍ പ​ഠി​ക്കു​ക​യും പ്ര​വ​ര്‍ത്തി​ക്കു​ക​യും ചെ​യ്യു​ക എ​ന്ന​തി​ന്റെ ഏ​റ്റ​വും വ​ലി​യ മാ​തൃ​ക​യാ​ണ് മു​ഖ്യ​മ​ന്ത്രി. ദു​ര​ന്ത​ഭൂ​മി​ക​ളി​ല്‍ ഫോ​ട്ടോ​ഷൂ​ട്ട് ന​ട​ത്തു​ന്ന ഭ​ര​ണാ​ധി​കാ​രി​ക​ള്‍ക്ക് ക​ണ്ടു​പ​ഠി​ക്കാം, ആ ​ഇ​ച്ഛാ​ശ​ക്തി​യും നേ​തൃ​പാ​ട​വ​വു​മെ​ന്ന് രാ​ഗേ​ഷി​ന്റെ കു​റി​പ്പി​ല്‍ പ​റ​യു​ന്നു.

‘സഹജീവികൾക്കായി സ്വയംകത്തിയെരിയുന്ന സൂര്യൻ’ ;മുഖ്യമന്ത്രിയെ പുകഴ്ത്തി കെ.​കെ.രാ​ഗേ​ഷ്

തിരുവനന്തപുരം: വീണാ വിജയനെതിരായ മാസപ്പടി കേസില്‍ പ്രതികരണവുമായി മുഖ്യമന്ത്രി പിണറായി വിജയന്‍. താനതിനെ ഗൗരവമായി കാണുന്നില്ലെന്നും കേസ് കോടതിയില്‍ നടക്കട്ടെയെന്നും മുഖ്യമന്ത്രി വാര്‍ത്താസമ്മേളനത്തില്‍ പറഞ്ഞു.
മുഖ്യമന്ത്രിയെ ലക്ഷ്യം വച്ചുള്ള രാഷ്ട്രീയ നീക്കമാണോ ഇതെന്ന ചോദ്യത്തോട് അദ്ദേഹം ഇങ്ങനെ പ്രതികരിച്ചു. ''കേസ് കോടതിയില്‍ നടക്കട്ടെ. എന്നെ ബാധിക്കുന്ന കാര്യമല്ല. നിങ്ങള്‍ വല്ലാതെ ബേജാറാകേണ്ട. ആരോപണം ശുദ്ധ അസംബന്ധമാണെന്ന് എല്ലാവര്‍ക്കും അറിയാം. എന്റെ രാജി വരുമോ എന്ന് മോഹിച്ച് നിന്നോളൂ. നിങ്ങള്‍ക്ക് വേണ്ടത് എന്റെ രക്തമാണ്''- മാധ്യമങ്ങളെ ഉദ്ദേശിച്ച് മുഖ്യമന്ത്രി പറഞ്ഞു.മകള്‍ വാങ്ങിയത് സേവനത്തിനുള്ള പ്രതിഫലമാണെന്നും തന്റെ മകളായതിനാലാണ് വേട്ടയാടുന്നതെന്നും മുഖ്യമന്ത്രി പറഞ്ഞു. മകള്‍ നടത്തിയ സ്ഥാപനം നല്‍കിയ സേവനത്തിനുള്ള പണമാണ് ലഭിച്ചത്. കള്ളപ്പണമല്ല. നികുതിയും കണക്കുകളും രേഖാമൂലം നല്‍കിയതാണ്. അത് മറച്ചു വച്ചല്ലേ നിങ്ങള്‍ പ്രചരണം നടത്തുന്നത്. അവിടെയാണ് ഇന്ന ആളുടെ മകള്‍ എന്ന പേരില്‍ പറയുന്നത്- മുഖ്യമന്ത്രി കൂട്ടിച്ചേര്‍ത്തു.

വേട്ടയാടുന്നത് വീണ മകളായതിനാൽ, നിങ്ങള്‍ക്ക് വേണ്ടത് എന്റെ രക്തം ;മാസപ്പടി കേസില്‍ പ്രതികരണവുമായി മുഖ്യമന്ത്രി

തിരുവനന്തപുരം: എമ്പുരാന്‍ സിനിമ കാണാന്‍ മുഖ്യമന്ത്രി പിണറായി വിജയനും കുടുംബവുമെത്തി. ശനിയാഴ്ച വൈകുന്നേരം ആറു മണിക്ക് തിരുവനന്തപുരം ലുലുമാളിലെ പിവിആർ സിനിമാസിലാണ് മുഖ്യമന്ത്രിയും കുടുംബാംഗങ്ങളും സിനിമ കാണാനെത്തിയത്. ചിത്രം വലിയ വിവാദങ്ങളിലൂടെ കടന്നുപോകുന്നതിനിടെയാണ് മുഖ്യമന്ത്രി സിനിമ കാണാന്‍ എത്തിയതെന്നതാണ് ശ്രദ്ധേയം.
മാര്‍ച്ച് 27-ന് റിലീസ് ചെയ്ത പൃഥ്വിരാജ് സംവിധാനംചെയ്ത് മോഹന്‍ലാല്‍ നായകനായ 'എമ്പുരാന്‍' സിനിമയ്‌ക്കെതിരേ സംഘപരിവാര്‍ അനുകൂലികളില്‍നിന്ന് വ്യാപകമായ വിമര്‍ശനമാണ് ഉയര്‍ന്നിരുന്നത്. പല ബിജെപി പ്രവര്‍ത്തകരും സിനിമയ്‌ക്കെതിരേ സാമൂഹികമാധ്യമങ്ങളിലൂടെ രംഗത്തെത്തി.&nbsp;

വിവാദങ്ങൾക്കിടെ എമ്പുരാൻ കാണാൻ മുഖ്യമന്ത്രിയും കുടുംബവുമെത്തി

തിരുവനന്തപുരം: രമേശ് ചെന്നിത്തല അടുത്ത മുഖ്യമന്ത്രിയാകട്ടെയെന്ന് ആശംസിച്ച സ്വാഗത പ്രാസംഗികന് മറുപടിയുമായി മുഖ്യമന്ത്രി പിണറായി വിജയന്‍. ഒരു പാര്‍ട്ടിക്കകത്ത് വലിയ പ്രശ്‌നങ്ങള്‍ ഉണ്ടാക്കുന്ന ബോംബാണ് പൊട്ടിച്ചതെന്നായിരുന്നു പിണറായിയുടെ മറുപടി.നോര്‍ക്ക സംഘടിപ്പിച്ച, വ്യവസായി രവി പിള്ളയെ ആദരിക്കുന്ന ചടങ്ങിലായിരുന്നു സ്വാഗത പ്രാസംഗികനായ ഡോ. ജി. രാജ്‌മോഹന്‍ നടത്തിയ പരാമര്‍ശത്തിന് മുഖ്യമന്ത്രി മറുപടി നല്‍കിയത്.
'കേരള രാഷ്ട്രീയത്തിലെ ഒരിക്കലും അവഗണിക്കാന്‍ കഴിയാത്ത രമേശ് ചെന്നിത്തല. അടുത്ത മുഖ്യമന്ത്രിയായി അദ്ദേഹം വരട്ടെയെന്ന് ഞാന്‍ ആശംസിക്കുകയാണ്. രാഷ്ട്രീയ ചര്‍ച്ചകള്‍ക്കൊന്നുമുള്ള വേദിയല്ല. സ്‌നേഹത്തോടും ബഹുമാനത്തോടും പെരുമാറുന്ന വലിയ ചാലകശക്തിയാണ് രമേശ് ചെന്നിത്തല', എന്നായിരുന്നു സ്വാഗതപ്രാസംഗികന്റെ വാക്കുകള്‍. സ്വാഗതപ്രാസംഗികന്റെ ആശംസ സദസ്സിലാകെ ചിരിപടര്‍ത്തി.
തുടര്‍ന്ന് തന്റെ പ്രസംഗത്തിനിടെയാണ് മുഖ്യമന്ത്രി ഇതിന് മറുപടി നല്‍കിയത്. 'സ്വാഗതപ്രാസംഗികനെക്കുറിച്ച് ഒരു വാചകം പറഞ്ഞില്ലെങ്കില്‍ അത് മോശമായി തീരുമെന്ന് എനിക്ക് തോന്നുന്നു. അദ്ദേഹം രാഷ്ട്രീയമൊന്നും പറയുന്നില്ലെന്ന് പറഞ്ഞു. പക്ഷേ, ഒരുപാര്‍ട്ടിക്കകത്ത് വലിയ പ്രശ്‌നങ്ങള്‍ ഉണ്ടാക്കുന്ന വലിയ ബോംബാണ് അദ്ദേഹം പൊട്ടിച്ചത്. ഞാന്‍ ആ പാര്‍ട്ടിക്കാരന്‍ അല്ലായെന്ന് നിങ്ങള്‍ക്ക് എല്ലാവര്‍ക്കും അറിയാമല്ലോ? അങ്ങനെയൊരു കൊടുംചതി ചെയ്യാന്‍ പാടില്ലായിരുന്നു എന്നായിരുന്നു എനിക്കദ്ദേഹത്തോട് സ്‌നേഹപൂര്‍വം ഉപദേശിക്കാനുള്ളത്', എന്നായിരുന്നു മുഖ്യമന്ത്രിയുടെ വാക്കുകള്‍.

ചെന്നിത്തല അടുത്ത മുഖ്യമന്ത്രിയാകട്ടേയെന്ന് പ്രാസംഗികൻ; 'ബോംബാണ്' പൊട്ടിച്ചതെന്ന് മുഖ്യമന്ത്രി

കണ്ണൂര്‍: സി.പി.എം കണ്ണൂര്‍ ജില്ലാ സമ്മേളനത്തില്‍ പി.പി ദിവ്യയെ വിമര്‍ശിച്ച് മുഖ്യമന്ത്രി പിണറായി വിജയന്‍. അവനവന്‍ ചെയ്യുന്നതിന്റെ ഫലം അവനവന്‍ അനുഭവിക്കണമെന്ന് മുഖ്യമന്ത്രി പറഞ്ഞു. കോഴിക്കോട് നടന്ന ജില്ലാ സമ്മേളനത്തിലും മുഖ്യമന്ത്രി ദിവ്യക്കെതിരേ വിമര്‍ശനം ഉന്നയിച്ചിരുന്നു. അതിന് പിന്നാലെയാണ് കണ്ണൂര്‍ ജില്ലാ സമ്മേളനത്തിലും മുഖ്യമന്ത്രി വിമര്‍ശനം ആവര്‍ത്തിച്ചത്.
പൊതുചര്‍ച്ചയ്ക്ക് ശേഷം നടന്ന മറുപടിയിലാണ് മുഖ്യമന്ത്രി ഇക്കാര്യം സൂചിപ്പിച്ചത്. അവനവന്‍ ചെയ്യുന്നതിന്റെ ഫലം അവനവന്‍ അനുഭവിക്കണമെന്നാണ് ദിവ്യയുടെ നടപടിയെ സംബന്ധിച്ച് മുഖ്യമന്ത്രി പറഞ്ഞത്. അതേസമയം ദിവ്യയെ പൂര്‍ണമായും തള്ളിക്കൊണ്ടല്ല മുഖ്യമന്ത്രി പ്രതികരണം നടത്തിയത്. പി.പി ദിവ്യയ്ക്ക് പാര്‍ട്ടി സ്ഥാനങ്ങളിലേക്ക് തിരികെ വരാന്‍ സാധിക്കുമെന്നും അദ്ദേഹം സൂചിപ്പിച്ചു.
ജില്ലാ സമ്മേളനത്തിലെ പ്രതിനിധിചര്‍ച്ചകളില്‍ ദിവ്യയെ അനുകൂലിച്ചും പ്രതികൂലിച്ചും അഭിപ്രായങ്ങളുയര്‍ന്നിരുന്നു. ദിവ്യയുടെ ഭാഗത്തുനിന്നുണ്ടായത് ന്യായീകരിക്കാനാവാത്ത നടപടിയെന്നാണ് പ്രവര്‍ത്തനറിപ്പോര്‍ട്ടിലടക്കം ചൂണ്ടിക്കാട്ടിയിരുന്നത്.&nbsp;
&nbsp;

അവനവന്‍ ചെയ്യുന്നതിന്റെ ഫലം അവനവന്‍ അനുഭവിക്കണം ;പി.പി. ദിവ്യയെ വിമര്‍ശിച്ച് മുഖ്യമന്ത്രി

കോഴിക്കോട്: എ.ഡി.എം നവീൻ ബാബുവിന്റെ മരണവുമായി ബന്ധപ്പെട്ട വിഷയത്തിൽ കണ്ണൂർ ജില്ലാ പഞ്ചായത്ത് മുൻ പ്രസിഡന്റ് പി.പി. ദിവ്യക്ക് വീഴ്ച പറ്റിയെന്ന് മുഖ്യമന്ത്രി പിണറായി വിജയന്‍. സി.പി.എം കോഴിക്കോട് ജില്ലാ സമ്മേളന വേദിയിലായിരുന്നു പരാമര്‍ശം. ജില്ല പഞ്ചായത്ത് പ്രസിഡന്റ് എന്ന നിലയില്‍ ദിവ്യ പരാതി പറയേണ്ട സ്ഥലത്ത് പറഞ്ഞില്ലെന്നും വിളിക്കാത്ത പരിപാടിക്ക് പോയി കാര്യങ്ങള്‍ പറഞ്ഞത് ശരിയായില്ലെന്നും മുഖ്യമന്ത്രി പറഞ്ഞു.&nbsp;
പി.പി ദിവ്യക്കെതിരായ നടപടി മാധ്യമ വാര്‍ത്തകള്‍ക്ക് അനുസരിച്ചായിരുന്നു എന്ന പ്രതിനിധികളുടെ വിമര്‍ശനത്തിന് മറുപടിയായാണ് മുഖ്യമന്ത്രി ഇക്കാര്യങ്ങള്‍ വ്യക്തമാക്കിയത്. ദിവ്യക്കെതിരായ നടപടി ശരിയായ രീതിയില്‍ തന്നെയായിരുന്നു കൈക്കൊണ്ടതെന്ന് മുഖ്യമന്ത്രി വ്യക്തമാക്കി.ജില്ല പഞ്ചായത്ത് പ്രസിഡന്റ് എന്ന നിലയില്‍ കാര്യങ്ങള്‍ ചെയ്യേണ്ടതിന് പകരം ഒറ്റയ്ക്ക് ഇടപെടുന്ന രീതിയാണ് ഉണ്ടായത്. വിളിക്കാത്ത പരിപാടിക്ക് പോയി ഈ രീതിയില്‍ കാര്യങ്ങള്‍ അവതരിപ്പിച്ചത് ശരിയായില്ല. ഇതൊക്കെ പാര്‍ട്ടി അന്വേഷിച്ച് ശരിയാണെന്ന് കണ്ടെത്തിയതിനെ തുടര്‍ന്നാണ് പാര്‍ട്ടി നടപടി സ്വീകരിച്ചതെന്നും മുഖ്യമന്ത്രി വ്യക്തമാക്കി.

നവീൻ ബാബുവിന്റെ മരണം ;പി.പി. ദിവ്യക്ക് വീഴ്ച പറ്റിയെന്ന് മുഖ്യമന്ത്രി

കൊച്ചി: കലൂര്‍ അന്താരാഷ്ട്ര സ്‌റ്റേഡിയത്തിലെ നൃത്തപരിപാടിയുടെ ഉദ്ഘാടന വേദിയില്‍നിന്ന് വീണ് ഗുരുതരമായി പരിക്കേറ്റ് ചികിത്സയില്‍ കഴിയുന്ന ഉമാ തോമസ് എം.എല്‍.എയെ കാണാന്‍ മുഖ്യമന്ത്രി പിണറായി വിജയന്‍ ആശുപത്രിയില്‍ എത്തി. മന്ത്രി, കെ.എന്‍. ബാലഗോപാല്‍, സി.പി.എം. ജില്ലാ സെക്രട്ടറി സി.എന്‍. മോഹനന്‍ അടക്കമുള്ള നേതാക്കള്‍ക്കൊപ്പമാണ് മുഖ്യമന്ത്രി കൊച്ചിയിലെ റിനൈ മെഡിസിറ്റി ആശുപത്രിയില്‍ എത്തിയത്. സി.പി.എം. കേന്ദ്രകമ്മിറ്റി യോഗങ്ങള്‍ക്കായി കൊല്‍ക്കത്തയിലേക്ക് തിരിക്കുംമുമ്പാണ് ഉമാ തോമസിനെ കാണാനെത്തിയത്.
ഗുരുതരമായി പരിക്കേറ്റ എം.എല്‍.എയെ വെന്റിലേറ്ററില്‍നിന്ന് മാറ്റിയിരുന്നു. മുഖ്യമന്ത്രി മുറിയിലെത്തി എം.എല്‍.എയെ കണ്ടു. ആരോഗ്യവിവരം ചോദിച്ചറിഞ്ഞു. ഒരാഴ്ച കൂടെ ചികിത്സയില്‍ കഴിഞ്ഞശേഷം സാഹചര്യങ്ങള്‍ വിലയിരുത്തി വീട്ടിലേക്ക് വിടുന്ന കാര്യം പരിശോധിക്കാമെന്നാണ് ഡോക്ടര്‍മാര്‍ അഭിപ്രായപ്പെടുന്നത്.

ഉമാ തോമസിനെ ആശുപത്രിയിലെത്തി സന്ദര്‍ശിച്ച് മുഖ്യമന്ത്രി പിണറായി വിജയന്‍

വടകര: പി വി അൻവർ എം എൽ എയുടെ അറസ്റ്റിൽ പ്രതികരണവുമായി ആർ എം പി ഐ നേതാവ് കെ കെ രമ എം എൽ എ. മുഖ്യമന്ത്രി പിണറായി വിജയൻ കേരളം കണ്ട ഏറ്റവും വലിയ ഭീരുവായ ഭരണാധികാരിയാണെന്ന് അവർ ഫേസ്ബുക്കിൽ കുറിച്ചു.
രമയുടെ കുറിപ്പിലേക്ക്.....
പിണറായി വിജയൻ, താങ്കൾ കേരളം കണ്ട ഏറ്റവും ഭീരുവായ ഭരണാധികാരിയാണ്!! താങ്കളുടെ ഭീരുത്വത്തിന്റെ അടയാളയമാണ് പിവി.അൻവർ എം.എൽ.എയുടെ കാരാഗ്രഹവാസം!!..
ജനാധിപത്യ ഇടങ്ങളെ ഇല്ലാതാക്കി എതിർശബ്ദങ്ങളെ അടിച്ചമർത്തുന്നത് ഭീരുക്കളായ ഭരണാധികാരികളുടെ രീതിയാണ്. പൊതുമുതൽ നശിപ്പിച്ചെന്ന കുറ്റം ചാർത്തി ഒരു ജനപ്രതിനിധിയെ പാതിരാത്രിയിൽ വീടുവളഞ്ഞ് അറസ്റ്റു ചെയ്തിരിക്കുന്നു. മിസ്റ്റർ പിണറായി വിജയൻ താങ്കൾ കേരളം കണ്ട ഏറ്റവും വലിയ ഭീരുവായ ഭരണാധികാരിയാണെന്ന് പറയാതിരിക്കാൻ വയ്യ.
ആശയം കൊണ്ട് എതിരിട്ടവരെ ആയുധം കൊണ്ട് നേരിട്ട ഭീരുക്കളായ ഭരണാധിപൻമാരെ ചരിത്രത്തിൽ ഉടനീളം കാണാം. അധികാരമെന്നത് ആയുസു മുഴുവൻ കയ്യിലുണ്ടാവുമെന്നു കരുതിയ വിഡ്ഢികളായിരുന്നവർ..
ചരിത്രം പിന്നാമ്പുറത്തേക്ക് തള്ളിയവർ!!..
ഭരണകൂടം എന്നും മുഖ്യധാരയ്ക്ക് വെളിയിൽ നിർത്തിയ ആദിവാസി സമൂഹത്തിലെ ഒരു യുവാവാണ് കാട്ടാനയുടെ അക്രമത്തിൽ ഇല്ലാതായത്. പത്തു മണിക്കൂറിനുമേലെയാണ് ആ മൃതദേഹം ഇവിടുത്തെ അധികാരികളുടെ അനാസ്ഥയ്ക്കിരയായി ആശുപത്രിയിൽ കിടത്തിയത്. എന്നിട്ടും ഇതിനെതിരെ ഒരു ജനപ്രതിനിധി ശബ്ദിക്കേണ്ട എന്നാണോ? എന്താണ് ഈ അറസ്റ്റിലൂടെ നിങ്ങൾ മുന്നോട്ടു വെക്കുന്ന ഇടതുപക്ഷ രാഷ്ട്രീയ സന്ദേശം?&nbsp;
മണിയെന്ന ആദിവാസി യുവാവിന്റെ നീതിക്കുവേണ്ടി പ്രതിഷേധിച്ച പി.വി അൻവർ എം.എൽ.എയെ പാതിരാത്രി വീടുവളഞ്ഞു വലിയ പോലീസ് സന്നാഹത്തോടെ അറസ്റ്റു ചെയ്ത് ജയിലിലടച്ച ദിവസം തന്നെയാണ് പെരിയയിലെ രണ്ടു ചെറുപ്പക്കാരെ ക്രൂരമായി വെട്ടിക്കൊന്നതിന് കോടതി ശിക്ഷിച്ച കൊടും ക്രിമിനലുകളെ ആശ്ലേഷിച്ചും ഹസ്തദാനം നൽകിയും ഇൻക്വിലാബ് വിളികളോടെ സി.പി.എം സംസ്ഥാന സമിതിയംഗം പി.ജയരാജൻ അടക്കമുള്ളവർ ജയിലിനു മുന്നിൽ സ്വീകരിച്ചത്. ഈ രണ്ടു കാഴ്ചയും ഒരേ ദിവസം കണ്ട കേരളമാണിത്. ആ കേരള ജനതയെ നോക്കി&nbsp;
ജനകീയമെന്നോ ജനാധിപത്യമെന്നോ ഉള്ള വാക്കുകൾ ഇനി നിങ്ങൾ ഉച്ചരിക്കരുത്. നിസഹായരായ ജനതയുടെ മേൽ സിംഹാസനമിട്ട് പുച്ഛ ചിരിയോടെ വാണരുളുകയാണ് നിങ്ങൾ!!.. നിങ്ങളുടെ അഹന്തയ്ക്കും കൊല വാളുകൾക്കും ഇരയായവരുടെ ബന്ധുക്കൾ കോടതി വരാന്തകളിൽ നീതിക്കായി കൈ നീട്ടിയിരിക്കുമ്പോൾ അധികാരപ്രമത്തതയിൽ നിങ്ങളവരെ വേട്ടയാടുകയാണ്.
ജനങ്ങൾക്കു വേണ്ടി ശബ്ദമുയർത്തിയ ജനപ്രതിനിധിയെയാണ് ജയിലറയ്ക്കുള്ളിൽ അടച്ചിരിക്കുന്നത്.&nbsp;
കാലം ഒരു കണക്കും തീർക്കാതെ പോയിട്ടില്ല!!.&nbsp;
ഓർക്കണം, ഓർത്താൽ നന്ന്..
കെ.കെ രമ

പിണറായി വിജയൻ, താങ്കൾ കേരളം കണ്ട ഏറ്റവും ഭീരുവായ ഭരണാധികാരിയാണ്!!; പി വി അൻവറിന്റെ അറസ്റ്റിൽ കെ കെ രമ

തിരുവനന്തപുരം: കേരള രാജ്യാന്തര ചലച്ചിത്രമേളയുടെ ഉദ്ഘാടനച്ചടങ്ങിനിടെ, മുഖ്യമന്ത്രി പിണറായി വിജയന്‌ കൂവൽ. യുവ അഭിഭാഷകനാണ്‌ നിശാഗന്ധി ഓഡിറ്റോറിയത്തിലെ ഉദ്ഘാടനം കഴിഞ്ഞ് മടങ്ങവെ, മുഖ്യമന്ത്രിക്ക്​ നേരെ കൂവിയത്‌.
വഞ്ചിയൂർ കോടതിയിലെ യുവ അഭിഭാഷകനായ റോമിയോ എസ്. രാജിനെ മ്യൂസിയം പൊലീസ് കസ്റ്റഡിയിലെടുത്തു. ആവേശത്തിൽ കൂകി പോയെന്നാണ് റോമിയോ പറയുന്നത്‌. കേസെടുക്കുന്ന കാര്യത്തിൽ തീരുമാനമായില്ല.

ചലച്ചിത്രമേളയുടെ ഉദ്ഘാടനച്ചടങ്ങിനിടെ മുഖ്യമന്ത്രിക്ക്​ കൂവൽ; ഒരാൾ കസ്‌റ്റഡിയിൽ

പാലക്കാട്: സാദിഖലി ശിഹാബ് തങ്ങള്‍ക്കെതിരേ രൂക്ഷ പരാമര്‍ശങ്ങളുമായി മുഖ്യമന്ത്രി പിണറായി വിജയന്‍. സന്ദീപ് വാര്യര്‍ സാദിഖലി തങ്ങളെ കാണാന്‍ പോയ വാര്‍ത്ത വായിച്ചപ്പോള്‍ പണ്ട് ഒറ്റപ്പാലത്ത് തിരഞ്ഞെടുപ്പ് പ്രവര്‍ത്തനത്തിന് വന്ന അനുഭവമാണ് ഓര്‍ത്തുപോയത്. ബാബറി മസ്ജിദ് തകര്‍ത്തതിന് ശേഷമുള്ള തിരഞ്ഞെടുപ്പായിരുന്നു. ബാബറി മസ്ജിദ് തകര്‍ത്തത് ആര്‍.എസ്.എസിന്റെ നേതൃത്വത്തിലുള്ള സംഘപരിവാറായിരുന്നു. പക്ഷേ, അവര്‍ക്ക് ആവശ്യമായ എല്ലാ ഒത്താശയും ചെയ്തുകൊടുത്തത് അന്നത്തെ കോണ്‍ഗ്രസ് പ്രധാനമന്ത്രിയും കേന്ദ്രസര്‍ക്കാരുമായിരുന്നു. ആഘട്ടത്തില്‍ കോണ്‍ഗ്രസിനൊപ്പം മുസ്ലീം ലീഗ് മന്ത്രിസഭയിലുണ്ടായിരുന്നു. കോണ്‍ഗ്രസിന്റെ നിലപാടുകളോട് പ്രതിഷേധിക്കണം എന്ന് ആവശ്യം ഉയര്‍ന്നു. പക്ഷേ മന്ത്രിസ്ഥാനം വിട്ടുകൊടുത്തുള്ള നടപടി സ്വീകരിക്കേണ്ടതില്ലെന്ന് അവര്‍ നിലപാട് സ്വീകരിച്ചു.
കോണ്‍ഗ്രസിനൊപ്പം മന്ത്രിസഭയില്‍ ലീഗ് തുടര്‍ന്നതില്‍ വ്യാപകമായ അമര്‍ഷം ലീഗ് അണികളിലുണ്ടായിരുന്നു. അപ്പോഴാണ് ഒറ്റപ്പാലം തിരഞ്ഞെടുപ്പ് വരുന്നത്. അന്നത്തെ പാണക്കാട് തങ്ങള്‍ എല്ലാവരും ആദരിക്കുകയും ബഹുമാനിക്കുകയും ചെയ്യുന്ന തങ്ങളാണ്. ഇപ്പോഴത്തെ സാദ്ദിഖലി തങ്ങളെപ്പോലെ അല്ല. സാദ്ദിഖലി തങ്ങള്‍ ഇപ്പോള്‍ ജമാഅത്തെ ഇസ്ലാമിയുടെ ഒരു അനുയായിയുടെ മട്ടില്‍ പെരുമാറുന്നയാളാണ്. പക്ഷേ അന്നത്തെ തങ്ങള്‍ സര്‍വരാലും ആദരിക്കുന്ന തങ്ങളായിരുന്നു. അദ്ദേഹം ലീഗ് അണികളെ തണുപ്പിക്കാന്‍ എത്തിയിരുന്നുവെന്നും അദ്ദേഹം പറഞ്ഞു.

സാദിഖലി തങ്ങള്‍ ജമാഅത്തെ ഇസ്ലാമിയുടെ അനുയായിയുടെ മട്ടില്‍ പെരുമാറുന്നു ; വിമർശിച്ച് മുഖ്യമന്ത്രി

ആലപ്പുഴ: ആത്മകഥാ വിവാദത്തില്‍ ഇ.പി ജയരാജനെ പിന്തുണച്ച് മുഖ്യമന്ത്രി പിണറായി വിജയന്‍. ഈ പറയുന്ന കാര്യങ്ങളൊന്നും ആ പുസ്തകത്തില്‍ എഴുതാന്‍ ഉദ്ദേശിച്ചിട്ടില്ലെന്നും ഇതുവരെ എഴുതിയ ഭാഗത്ത് ഇതൊന്നുമില്ല എന്നുമാണ് അദ്ദേഹം ഞങ്ങളോട് പറഞ്ഞതെന്ന് പിണറായി വ്യക്തമാക്കി. കഞ്ഞിക്കുഴി ഏരിയാ കമ്മറ്റി ഓഫീസ് ഉദ്ഘാടത്തില്‍ സംസാരിക്കുകയായിരുന്നു അദ്ദേഹം.
'ഞങ്ങള്‍ക്ക് സംശയമുണ്ടായിരുന്നു, സരിന്‍ എന്നായാളെ ഇയാള്‍ക്ക് (ജയരാജന്) അറിയുമോ എന്ന്. കാരണം സരിന്‍ ഇപ്പോഴാണല്ലോ ഞങ്ങളുടെ കൂട്ടത്തിലേക്ക് വന്നത്. സരിന്‍ നല്ല മിടുക്കനായ ഒരാളാണ്. അതില്‍ വേറെ സംശയമൊന്നുമില്ല. പക്ഷെ നേരത്തെ സരിന്‍ മറ്റൊരു ചേരിയില്‍ ആയിരുന്നല്ലോ. അതുകൊണ്ട് സരിനെ ജയരാജന് അറിയാമോ എന്നൊരു സംശയം ഉണ്ടായിരുന്നു. സരിനെ കുറിച്ച് പുസ്തകത്തില്‍ വളരെ മോശമായത് ഉണ്ടെന്നായിരുന്നു വാര്‍ത്തകളില്‍ വന്നത്. അപ്പോള്‍ ജയരാജനോട് ചോദിച്ചു, നിങ്ങള്‍ക്ക് സരിനെ അറിയാമായിരുന്നോ എന്ന്. സരിനെ എനിക്ക് അറിയില്ലായിരുന്നു എന്നും താന്‍ അദ്ദേഹത്തെ കുറിച്ച് യാതൊന്നും പുസ്തകത്തില്‍ പരാമര്‍ശിച്ചിട്ടുമില്ലെന്നുമായിരുന്നു ജയരാജന്റെ മറുപടി. എന്താണിത്. ഏതെല്ലാം തരത്തിലാണ് വിവാദങ്ങള്‍ ഉണ്ടാക്കാന്‍ നോക്കുന്നത്.
ഒന്നരവര്‍ഷം മുന്‍പാണ് ബി.ജെ.പി നേതാവായ ജാവദേക്കറെ ജയരാജന്‍ കണ്ടത്. സൂക്ഷ്മം, പാര്‍ലമെന്റ് തിരഞ്ഞെടുപ്പ് നടക്കുന്ന ദിവസം, അന്ന് ജാവദേക്കറെ ജയരാജന്‍ കണ്ടപോലെയാണ് വാര്‍ത്ത വന്നത്. ഇപ്പോള്‍ ഉപതിരഞ്ഞെടുപ്പ് നടക്കുന്നു. ആ ദിവസം നോക്കി സൂക്ഷ്മായി ഈ വാര്‍ത്ത മെനഞ്ഞെടുക്കുന്നു. ഇതല്ലേ വിവാദ പണ്ഡിതന്മാര്‍ ചെയ്യുന്ന കാര്യം. എല്ലാത്തിനും ചില വ്യക്തമായ ഉന്നങ്ങളുണ്ട്. ആ ഉന്നങ്ങള്‍ ജനങ്ങളില്‍നിന്നും ഒറ്റപ്പെട്ടുക്കൊണ്ടിരിക്കുന്ന യുഡിഎഫിനെയും ബിജെപിയേയും സഹായിക്കാനാണ്, മുഖ്യമന്ത്രി കൂട്ടിച്ചേര്‍ത്തു.

പറഞ്ഞ കാര്യങ്ങളൊന്നും പുസ്തകത്തിൽ ഇല്ല; ഇ.പിയെ പിന്തുണച്ച് പിണറായി

തൃശ്ശൂര്‍: ചേലക്കരയിൽ നടത്തിയ അധിക്ഷേപ പരാമര്‍ശത്തില്‍ കേന്ദ്രമന്ത്രി സുരേഷ് ഗോപിക്കെതിരെ കേസ്. മുഖ്യമന്ത്രിയെ അധിക്ഷേപിച്ചതിന് ചേലക്കര പോലീസില്‍ ലഭിച്ച പരാതിയിലാണ് കേസെടുത്തത്. കെ.പി.സി.സി. മീഡിയ പാനലിസ്റ്റായ വി.ആര്‍. അനൂപാണ് പരാതിക്കാരന്‍.
ചേലക്കരയിലെ ബി.ജെ.പി. ഉപതിരഞ്ഞെടുപ്പ് കണ്‍വെന്‍ഷന്‍ വേദിയിലെ പരാമര്‍ശത്തിനെതിരെയാണ് പരാതി. പോലീസ് പരാതിക്കാരനായ വി.ആര്‍. അനൂപിന്റെ മൊഴി രേഖപ്പെടുത്തും.നേരത്തെ, പൂരനഗരയില്‍ ആംബുലന്‍സില്‍ വന്നതിന് സുരേഷ് ഗോപിക്കെതിരെ കേസെടുത്തിരുന്നു. തൃശ്ശൂര്‍ ഈസ്റ്റ് പോലീസും മോട്ടോര്‍ വാഹനവകുപ്പുമാണ് കേസെടുത്തത്.&nbsp;

മുഖ്യമന്ത്രിക്കെതിരെ അധിക്ഷേപ പരാമര്‍ശം; കോണ്‍ഗ്രസ് നേതാവിന്റെ പരാതിയില്‍ സുരേഷ് ഗോപിക്കെതിരെ കേസ്

പാലക്കാട്: മുഖ്യമന്ത്രി പിണറായി വിജയനെ ഫോണില്‍ വിളിച്ച് സംസാരിച്ചെന്ന് പാലക്കാട്ടെ ഇടത് സ്വതന്ത്ര സ്ഥാനാര്‍ത്ഥി പി സരിന്‍.താന്‍ മുന്‍പിട്ട ഫേസ്ബുക്ക് പോസ്റ്റ് അടക്കമുള്ള വിഷയങ്ങള്‍ മുഖ്യമന്ത്രിയുമായി സംസാരിച്ചു. മുഖ്യമന്ത്രി സരസനായ വ്യക്തിയാണെന്നും അദ്ദേഹത്തെ മോശക്കാരനായി ചിത്രീകരിക്കുന്നതിന് മാധ്യമങ്ങളടക്കം ശ്രമം നടത്തിയെന്നും സരിന്‍ പറഞ്ഞു
മുഖ്യമന്ത്രി അടുത്ത ദിവസം പാലക്കാട് വരുന്നുണ്ട്. രണ്ട് ദിവസത്തില്‍ കൂടുതല്‍ അദ്ദേഹം പാലക്കാട് തങ്ങും. എല്‍ഡിഎഫിന്റെ പ്രചരണപരിപാടികളില്‍ മുഖ്യമന്ത്രി പങ്കെടുക്കുമെന്നും സരിന്‍ വ്യക്തമാക്കി.&nbsp;

'മുഖ്യമന്ത്രി സരസനായ വ്യക്തി'; ഫോണില്‍ വിളിച്ച് സംസാരിച്ചെന്ന് പി സരിന്‍

ദോ​ഹ: കേ​ര​ള​ത്തി​ലെ ഭ​ര​ണം മാ​ഫി​യ പ്ര​വ​ർ​ത്ത​ന​മാ​യി മാ​റി​യി​ട്ട് നാ​ളു​ക​ളേ​റെ​യാ​യെ​ന്ന് കെ.​കെ.ര​മ എം.​എ​ൽ.​എ ദോ​ഹ​യി​ൽ പ​റ​ഞ്ഞു. ഖ​ത്ത​റി​ലെ വ​ട​ക​ര മ​ണ്ഡ​ലം യു.​ഡി.​എ​ഫ് ക​മ്മി​റ്റി സം​ഘ​ടി​പ്പി​ച്ച സ്വീ​ക​ര​ണ പ​രി​പാ​ടി​യി​ൽ സം​സാ​രി​ക്കു​ക​യാ​യി​രു​ന്നു അ​വ​ർ. ‘സാ​ധാ​ര​ണ​ക്കാ​ർ​ക്ക് കേ​ര​ള​ത്തി​ൽ ജീ​വി​ക്കാ​ൻ ക​ഴി​യാ​ത്ത അ​വ​സ്ഥ​യി​ലേ​ക്ക് ഇ​ട​തു സ​ർ​ക്കാ​ർ ന​മ്മു​ടെ സം​സ്ഥാ​ന​ത്തെ മാ​റ്റി. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ സി.​പി.​എം എ​ന്ന പ്ര​സ്ഥാ​ന​ത്തി​ന്റെ അ​ന്ത്യം കു​റി​ച്ചു കൊ​ണ്ടി​രി​ക്കു​ക​യാ​ണ്.
ലോ​ക്ക​ൽ സെ​ക്ര​ട്ട​റി മു​ത​ൽ സം​സ്ഥാ​ന സെ​ക്ര​ട്ട​റി വ​രെ അ​ധി​കാ​ര​ത്തി​ന്റെ ധാ​ർ​ഷ്ട്യ​ത്തി​ലാ​ണ് ജ​ന​ങ്ങ​ളോ​ട് ഇ​ട​പെ​ട്ടു​കൊ​ണ്ടി​രി​ക്കു​ന്ന​ത്. ത​ങ്ങ​ളു​ടെ താ​ൽ​പ​ര്യ​ത്തി​നു വ​ഴ​ങ്ങാ​ത്ത​തി​നാ​ണ്‌ ന​വീ​ൻ ബാ​ബു എ​ന്ന എ.​ഡി.​എ​മ്മി​നെ പൊ​തു​ജ​ന​ത്തി​ന് മു​ന്നി​ൽ പ​ര​സ്യ​മാ​യി വി​ചാ​ര​ണ ചെ​യ്ത് അ​പ​മാ​നി​ക്കു​ക​യും അ​ദ്ദേ​ഹ​ത്തി​ന്റെ ആ​ത്മ​ഹ​ത്യ​യി​ലേ​ക്ക് കാ​ര്യ​ങ്ങ​ൾ എ​ത്തു​ക​യും ചെ​യ്ത​ത്.
ഓ​ൾ​ഡ് ഐ​ഡി​യ​ൽ സ്കൂ​ളി​ൽ ന​ട​ന്ന സ്വീ​ക​ര​ണ മ​ണ്ഡ​ലം യു.​ഡി.​എ​ഫ്‌ ചെ​യ​ർ​മാ​ൻ കോ​ട്ട​യി​ൽ രാ​ധാ​കൃ​ഷ്ണ​ൻ ഉ​ദ്ഘാ​ട​നം ചെ​യ്തു. ഖ​ത്ത​ർ വ​ട​ക​ര മ​ണ്ഡ​ലം യു.​ഡി.​എ​ഫ്‌ ചെ​യ​ർ​മാ​ൻ അ​ൻ​വ​ർ ബാ​ബു അ​ധ്യ​ക്ഷ​ത വ​ഹി​ച്ചു.
കെ.​എം.​സി.​സി സം​സ്ഥാ​ന പ്ര​സി​ഡ​ന്റ് ​ഡോ. ​അ​ബ്ദു​സ്സ​മ​ദ്‌, ഇ​ൻ​കാ​സ്‌ അ​ഡ്വൈ​സ​റി ബോ​ർ​ഡ്‌ ചെ​യ​ർ​മാ​ൻ കെ.​കെ. ഉ​സ്മാ​ൻ, ക​രു​ണ ഖ​ത്ത​ർ പ്ര​തി​നി​ധി ശ്രീ​ജു വ​ട​ക​ര, കെ.​എം. സി.​സി കോ​ഴി​ക്കോ​ട്‌ ജി​ല്ല പ്ര​സി​ഡ​ന്റ്‌ ടി.​ടി. കു​ഞ്ഞ​മ്മ​ദ്, ഇ​ൻ​കാ​സ്‌ കോ​ഴി​ക്കോ​ട്‌ ജി​ല്ല പ്ര​സി​ഡ​ന്റ്‌ വി​പി​ൻ‌‌,‌ സ​മീ​റ അ​ബ്ദു​ൽ​നാ​സ​ർ, സ്നേ​ഹ സി​റി​ൻ എ​ന്നി​വ​ർ ആ​ശം​സ​ക​ൾ അ​ർ​പ്പി​ച്ചു. അ​ഫ്സ​ൽ വ​ട​ക​ര​യും കോ​ട്ട​യി​ൽ രാ​ധാ​കൃ​ഷ്ണ​ന് പ്ര​ശാ​ന്ത്‌ ഒ​ഞ്ചി​യ​വും കെ.​കെ. ര​മ​ക്ക് മെ​മ​ന്റോ ന​ൽ​കി. അ​ഷ​റ​ഫ്‌ വ​ട​ക​ര സ്വാ​ഗ​ത​വും, സു​ധി നി​റം ന​ന്ദി​യും പ​റ​ഞ്ഞു.

പിണറായി ഭ​ര​ണം മാ​ഫി​യ പ്ര​വ​ർ​ത്ത​ന​മാ​യി മാ​റി​യി​ട്ട് നാ​ളു​ക​ളേ​റെ​യാ​യെ​ന്ന് കെ.​കെ.ര​മ

Gulf

തിരുവനന്തപുരം: പി.പി. ദിവ്യയെ സംരക്ഷിക്കില്ലെന്ന് മുഖ്യമന്ത്രി പിണറായി വിജയന്‍. ഇടതു മുന്നണി യോഗത്തിലായിരുന്നു മുഖ്യമന്ത്രിയുടെ പരാമര്‍ശം. ആരോപണം ഉയര്‍ന്നപ്പോള്‍ തന്നെ ജില്ലാ പഞ്ചായത്ത് പ്രസിഡന്റ് സ്ഥാനത്തുനിന്ന് മാറ്റി. ഇപ്പോള്‍ നവീന്റെ കുടുംബത്തോടൊപ്പം നില്‍ക്കേണ്ട സമയമാണെന്നും മുഖ്യമന്ത്രി പറഞ്ഞു.ദിവ്യക്കെതിരെ കർശന നടപടി ഉണ്ടാകുമെന്നും മുഖ്യമന്ത്രി ഉറപ്പുനൽകി.
കേസില്‍ അന്വേഷണം പുരോഗമിക്കുകയാണ്. പോലീസ് തെളിവ് ശേഖരണത്തിലാണ്. ആ അന്വേഷണത്തില്‍ ഒരു തരത്തിലുള്ള ബാഹ്യ ഇടപെടലുമുണ്ടാകില്ല. നവീന്റെ കുടുംബത്തോടൊപ്പമാണ് ഇപ്പോള്‍ നില്‍ക്കേണ്ടത്. മറിച്ചുള്ള പ്രസ്താവനകള്‍ എല്‍.ഡി.എഫ് നേതാക്കന്‍മാര്‍ നടത്തരുതെന്നും മുഖ്യമന്ത്രി ആവശ്യപ്പെട്ടു.വിഷയത്തില്‍ മുഖ്യമന്ത്രി ഇതുവരെ പരസ്യമായി പ്രതികരിച്ചിരുന്നില്ല.&nbsp;

പി പി ദിവ്യയെ സംരക്ഷിക്കില്ല ;​ കർശന നടപടി ഉറപ്പെന്ന് മുഖ്യമന്ത്രി

വടകര: വിദ്യാര്‍ഥികളെക്കൊണ്ട് ബാങ്ക് അക്കൗണ്ട് എടുപ്പിച്ച് ഓണ്‍ലൈന്‍ സാമ്പത്തികത്തട്ടിപ്പ് നടത്തുന്ന സംഘം പണം പിന്‍വലിക്കുന്നത് ഗള്‍ഫ് രാജ്യങ്ങളില്‍ നിന്നെന്ന് മുഖ്യമന്ത്രി. അക്കൗണ്ട് എടുത്തുനല്‍കിയതിന്റെ പേരില്‍ വടകര താലൂക്കില്‍നിന്ന് നാലുപേരെ ഭോപാല്‍ പോലീസ് അറസ്റ്റുചെയ്തതിന്റെ പശ്ചാത്തലത്തില്‍ കെ.പി. കുഞ്ഞമ്മദ്കുട്ടി എം.എല്‍.എ. നിയമസഭയില്‍ ഉന്നയിച്ച ചോദ്യത്തിനായിരുന്നു മുഖ്യമന്ത്രിയുടെ മറുപടി.
അറസ്റ്റിലായ നാലുപേരില്‍ ഒരാളാണ് മറ്റുള്ളവരെക്കൊണ്ട് ബാങ്ക് അക്കൗണ്ട് എടുപ്പിച്ച് അക്കൗണ്ട് വിവരങ്ങളും എ.ടി.എം. കാര്‍ഡും തട്ടിപ്പുകാര്‍ക്ക് കൈമാറിയതെന്ന് മറുപടിയില്‍ വ്യക്തമാക്കി. നികുതിയടയ്ക്കാതെ വിദേശത്തുനിന്ന് വരുന്ന പണം പിന്‍വലിക്കാനാണെന്നു പറഞ്ഞാണ് ഇതിലേക്ക് മറ്റുള്ളവരെ ആകര്‍ഷിച്ചത്. കമ്മിഷനായി 5000 രൂപ വീതം ഓരോരുത്തര്‍ക്കും നല്‍കി. ഇതുപോലെ പലരും മുന്‍പ് ഇടപാട് നടത്തി കമ്മിഷന്‍ കൈപ്പറ്റിയിരുന്നെന്നും ഒരു കുഴപ്പവും ഉണ്ടായിട്ടില്ലെന്നും ഇവരെ പറഞ്ഞുവിശ്വസിപ്പിച്ചു. ഓണ്‍ലൈന്‍ തട്ടിപ്പിലൂടെ ലഭിക്കുന്ന പണം തട്ടിപ്പുകാര്‍ പിന്നീട് ഈ അക്കൗണ്ടിലേക്കാണ് ആദ്യമെത്തിച്ചത്. തുടര്‍ന്ന് ഇവര്‍ ഗള്‍ഫ് രാജ്യങ്ങളില്‍നിന്ന് പിന്‍വലിക്കുകയും ചെയ്തു.&nbsp;
ഒരുമാസംമുന്‍പാണ് തീക്കുനി, കടമേരി, ആയഞ്ചേരി, വേളം സ്വദേശികളായ നാലുപേരെ ഭോപാല്‍ പോലീസ് അറസ്റ്റുചെയ്തത്. ഓണ്‍ലൈനായി തട്ടിപ്പ് നടത്തിയ പണം ആദ്യം ഇവരുടെ അക്കൗണ്ടിലാണ് എത്തിയതെന്ന കണ്ടെത്തലിനെത്തുടര്‍ന്നായിരുന്നു ഇത്. പോലീസെത്തിയപ്പോഴാണ് തങ്ങളുടെ പേരിലുള്ള ബാങ്ക് അക്കൗണ്ട് തട്ടിപ്പിന് ഉപയോഗപ്പെടുത്തിയതായി ഇവര്‍ അറിയുന്നത്. നാലുപേരെയും ഭോപാല്‍ കോടതി റിമാന്‍ഡ് ചെയ്തു. സൈബര്‍ ഓപ്പറേഷന്‍ വിഭാഗത്തിന്റെയും ലോക്കല്‍ പോലീസിന്റെയും സംയുക്തപ്രവര്‍ത്തനങ്ങളിലൂടെ ഇത്തരം കേസുകളിലെ പ്രതികളെ അറസ്റ്റുചെയ്ത്, തട്ടിയെടുത്ത തുക വീണ്ടെടുക്കുന്നതിന് നടപടികള്‍ സ്വീകരിക്കുന്നുണ്ടെന്നും മുഖ്യമന്ത്രി അറിയിച്ചു.

വിദ്യാര്‍ഥികളെ ഉപയോഗിച്ച് സാമ്പത്തികത്തട്ടിപ്പ്; പണം പിന്‍വലിക്കുന്നത് വിദേശരാജ്യങ്ങളില്‍ നിന്ന്

തിരുവനന്തപുരം: മുഖ്യമന്ത്രി പിണറായി വിജയനെതിരെ നടത്തിയ മോശം പരാമർശത്തിൽ മാപ്പുപറഞ്ഞ് പിവി അൻവർ എം എൽ എ.രാവിലെ മാധ്യമപ്രവർത്തകരോട് സംസാരിക്കവെയാണ് മുഖ്യമന്ത്രിയുടെ അപ്പന്റെ അപ്പനായാലും മറുപടി പറയുമെന്ന വിവാദ പ്രസ്താവന അൻവർ നടത്തിയത്. പരാമർശം ബോധപൂർവമായിരുന്നില്ലെന്നും നാവുപിഴ ആയിരുന്നുവെന്നും അതിൽ മാപ്പുചോദിക്കുന്നുവെന്നും അൻവർ പറഞ്ഞു.
എന്നെ കള്ളനാക്കിക്കൊണ്ട് മുഖ്യമന്ത്രി നടത്തിയ സ്റ്റേറ്റ്‌മെന്റ്, അങ്ങനെയുള്ള സ്റ്റേറ്റ്‌മെന്റിന് മുഖ്യമന്ത്രിയല്ല, മുഖ്യമന്ത്രിയുടെ മേലുള്ള എത്രവലിയ ആളായാലും പ്രതികരിക്കും,മറുപടി പറയും എന്ന അർത്ഥത്തിലാണ് താൻ അങ്ങനെ പറഞ്ഞതെന്നും വിഷയത്തിൽ മുഖ്യമന്ത്രിയോടും അദ്ദേഹത്തിന്റെ കുടുംബത്തോടും മാപ്പുചോദിക്കുന്നു എന്നുമാണ് വീഡിയോ സന്ദേശത്തിൽ അൻവർ പറഞ്ഞത്.
&nbsp;നിയമസഭയിൽ നിന്ന് ഓഫീസിലെത്തിയപ്പോൾ അവിടത്തെ ജീവനക്കാരാണ് പരമാർശം ശ്രദ്ധയിൽപ്പെടുത്തിയതെന്നും അപ്പോഴാണ് ഇത്രയും വലിയ നാക്കുപിഴ തനിക്ക് വന്ന കാര്യം ശ്രദ്ധയിൽപ്പെട്ടതെന്നും ഉടൻ അതിൽ മാപ്പുപറയുകയായിരുന്നു എന്നുമാണ് അൻവർ വ്യക്തമാക്കുന്നത്.

'മുഖ്യമന്ത്രിയുടെ അപ്പന്റെ അപ്പനായാലും മറുപടി പറയും' ;മോശം പരാമർശത്തിൽ മാപ്പുപറഞ്ഞ് പി.വി അൻവർ

തിരുവനന്തപുരം∙ എഡിജിപി - ആര്‍എസ്എസ് കൂടിക്കാഴ്ചയിലെ അടിയന്തര പ്രമേയ ചര്‍ച്ചയില്‍ മുഖ്യമന്ത്രി പിണറായി വിജയന്‍ പങ്കെടുക്കുന്നില്ല. തൊണ്ടവേദനയും പനിയും കാരണം വിശ്രമത്തിലാണെന്ന് സ്പീക്കര്‍ അറിയിച്ചു. ഡോക്ടര്‍ പരിശോധിച്ച് സമ്പൂര്‍ണ വോയിസ് റെസ്റ്റ് പറഞ്ഞിരിക്കുകയാണെന്നും സ്പീക്കര്‍ പറഞ്ഞു. മുഖ്യമന്ത്രി രാവിലെ സഭയില്‍ എത്തി സംസാരിച്ചിരുന്നു.

തൊണ്ടവേദനയും പനിയും ;അടിയന്തര പ്രമേയ ചര്‍ച്ചയില്‍ മുഖ്യമന്ത്രി പങ്കെടുക്കുന്നില്ല

തിരുവനന്തപുരം: മന്ത്രിമാറ്റ ചര്‍ച്ചയുമായി ബന്ധപ്പെട്ട മുഖ്യമന്ത്രിയുമായുള്ള എ.ന്‍സി.പി നേതാക്കളുടെ നിര്‍ണായക കൂടിക്കാഴ്ച വ്യഴാഴ്ച നടക്കും. എ.കെ ശശീന്ദ്രനെ മാറ്റി തോമസ് കെ തോമസിനെ മന്ത്രിയാക്കണമെന്നാണ് എന്‍സിപി ദേശീയ നേതൃത്വത്തിന്റെ നിലപാട്. ഈ ആവശ്യം എന്‍.സി.പി നേതാക്കള്‍ കൂടിക്കാഴ്ചയില്‍ മുഖ്യമന്ത്രിയെ അറിയിക്കും.
എ.കെ ശശീന്ദ്രന്‍, പിസി ചാക്കോ, തോമസ്.കെ.തോമസ്, എന്നിവരാണ് വൈകിട്ട് മൂന്നരയ്ക്ക് മുഖ്യമന്ത്രിയെ കാണുന്നത്. പാര്‍ട്ടി തീരുമാനം ശശീന്ദ്രന്‍ പൂര്‍ണമായി അംഗീകരിച്ചിട്ടില്ല. തോമസ്.കെ.തോമസിനെ ഈ ഘട്ടത്തില്‍ മന്ത്രിസ്ഥാനത്തേക്ക് കൊണ്ടുവരുന്നതിന് മുഖ്യമന്ത്രി അനുകൂലിക്കില്ലെന്ന പ്രതീക്ഷയിലാണ് ശശീന്ദ്രന്‍ വിഭാഗം. മന്ത്രിമാറ്റത്തെ മുഖ്യമന്ത്രി അനുകൂലിച്ചില്ലെങ്കില്‍ പാര്‍ട്ടിയുടെ ആഭ്യന്തര വിഷയത്തില്‍ മുഖ്യമന്ത്രി ഇടപെടുന്നുവെന്ന പ്രചരണം പി.സി ചക്കോ വിഭാഗം ശക്തമാക്കും.&nbsp;

ശശീന്ദ്രനോ തോമസോ? എന്‍.സി.പിക്ക് ഇന്ന് നിർണായകം, മുഖ്യമന്ത്രിയുമായി നേതാക്കൾ കൂടിക്കാഴ്ച നടത്തും

തിരുവനന്തപുരം: മുഖ്യമന്ത്രി പിണറായി വിജയന്‍ ഇന്ന് മാധ്യമങ്ങളെ കാണും. രാവിലെ 11 മണിക്കാണ് അദ്ദേഹം വാര്‍ത്താസമ്മേളനം വിളിച്ചിരിക്കുന്നത്. ദ ഹിന്ദുവില്‍ വന്ന വിവാദ അഭിമുഖത്തില്‍ പി.ആര്‍. ഏജന്‍സിയുടെ ഇടപെടല്‍ സംബന്ധിച്ചും പി.വി. അന്‍വര്‍ എംഎല്‍എയുടെ ആരോപണങ്ങള്‍ക്കും മുഖ്യമന്ത്രി മറുപടി പറയും.
ആര്‍.എസ്.എസ്. നേതാക്കളുമായി കൂടിക്കാഴ്ച നടത്തിയ എ.ഡി.ജി.പി. എം.ആര്‍. അജിത്കുമാറിനെ ക്രമസമാധാനച്ചുമതലയില്‍നിന്ന് മാറ്റിയേതീരൂവെന്ന ആവശ്യം സിപിഐ ആവര്‍ത്തിക്കുന്ന സാഹചര്യത്തില്‍ അദ്ദേഹത്തിനെതിരായ നടപടി സംബന്ധിച്ചും മുഖ്യമന്ത്രി വിശദീകരിക്കും. രാവിലെ മന്ത്രിസഭാ യോഗം ചേര്‍ന്ന ശേഷമായിരിക്കും മുഖ്യമന്ത്രി മാധ്യമങ്ങളെ കാണുക.

മുഖ്യമന്ത്രി ഉടൻ മാധ്യമങ്ങളെ കാണും;വിവാദ വിഷയങ്ങളിൽ മറുപടി നൽകിയേക്കും

തിരുവനന്തപുരം: എ.ഡി.ജി.പിക്കെതിരായ അന്വേഷണത്തില്‍ ഡി.ജി.പി. റിപ്പോര്‍ട്ട് സമര്‍പ്പിക്കാനിരിക്കെ മുഖ്യമന്ത്രിയുമായി കൂടിക്കാഴ്ച നടത്തി സി.പി.ഐ. സംസ്ഥാന സെക്രട്ടറി ബിനോയ് വിശ്വം. എ.കെ.ജി. സെന്ററിലാണ് ഇരുവരും കൂടിക്കാഴ്ച നടത്തിയത്. സി.പി.എം. സംസ്ഥാന സെക്രട്ടറി എം.വി. ഗോവിന്ദനും യോഗത്തില്‍ പങ്കെടുത്തു.
എ.ഡി.ജി.പിയെ മാറ്റണമെന്ന സി.പി.ഐയുടെ ആവശ്യം വീണ്ടും ഉന്നയിച്ചതായാണ് വിവരം. നിയമസഭാ സമ്മേളനം തുടങ്ങുന്നതിന് മുന്നോടിയായി എ.ഡി.ജി.പി. എം.ആര്‍. അജിത്കുമാറിനെ ക്രമസമാധാന ചുമതലയില്‍ നിന്ന് മാറ്റണമെന്നാണ് സി.പി.ഐയുടെ ആവശ്യം. സി.പി.എം.- സി.പി.ഐ. നേതൃയോഗം വ്യാഴാഴ്ച ചേരാനിരിക്കെയായിരുന്നു നിര്‍ണായകയോഗം.

'എഡിജിപിയെ മാറ്റണം'; മുഖ്യമന്ത്രിയുമായി കൂടിക്കാഴ്ച നടത്തി ബിനോയ് വിശ്വം

കോഴിക്കോട്: മലപ്പുറം ജില്ലയ്ക്കെതിരായ പരാമർശത്തിൽ പ്രതിഷേധിച്ച് യൂത്ത് ലീഗ്, യൂത്ത് കോൺഗ്രസ് പ്രവർത്തകർ മുഖ്യമന്ത്രി പിണറായി വിജയനെതിരേ കോഴിക്കോട് രണ്ടിടത്ത് കരിങ്കൊടികാണിച്ചു. ഫറോക്ക് ചെറുവണ്ണൂരിലും നടക്കാവ് ഇംഗ്ളീഷ് പള്ളി ജങ്ഷനുസമീപവുമാണ് കരിങ്കൊടിവീശിയത്.
ഫറോക്ക് റെസ്റ്റ് ഹൗസ് ഉദ്ഘാടനത്തിന് വരുന്നതിനിടെ ചൊവ്വാഴ്ച വൈകീട്ട് മൂന്നരയേടെ ചെറുവണ്ണൂരിൽവെച്ചായിരുന്നു കരിങ്കൊടികാണിച്ചത്.കടകളുടെ പുറകിൽനിൽക്കുകയായിരുന്ന പ്രവർത്തകർ മുഖ്യമന്ത്രിയുടെ വാഹനവ്യൂഹനത്തിനടുത്തേക്ക് പാഞ്ഞടുക്കുകയായിരുന്നു. ഉടൻതന്നെ പോലീസ് പ്രവർത്തകരെ തടഞ്ഞു. അറസ്റ്റുചെയ്ത് നീക്കുന്നതിനിടെ പോലീസുമായി ഉന്തുംതള്ളുമുണ്ടായി. തുടർന്ന് പ്രവർത്തകർ ദേശീയപാത ഉപരോധിച്ചു.
ഫറോക്ക് സിറ്റി പോലീസ് അസി. കമ്മിഷണർ എ.എം. സിദ്ദിഖ് എത്തിയാണ് പ്രവർത്തകരെ മാറ്റിയത്. 15 പ്രവർത്തകരെ അറസ്റ്റുചെയ്തു.പോലീസ് മർദനത്തിൽ പരിക്കേറ്റെന്നു പറഞ്ഞ് യൂത്ത് ലീഗ് ചെറുവണ്ണൂർ മണ്ഡലം പ്രസിഡന്റ് അൻവർ ഷാഫിയും സെക്രട്ടറി എ.വി.എൻ. ഷിഹാബും ചികിത്സതേടി.
എ.കെ.ജി. ഓഡിറ്റോറിയം ഉദ്ഘാടനംകഴിഞ്ഞ് മടങ്ങുന്നതിനിടെ നടക്കാവ് ഇംഗ്ളീഷ് പള്ളി ജങ്ഷനു സമീപത്തുവെച്ച് വൈകീട്ട് ആറേമുക്കാലിന് യൂത്ത് ലീഗ് പ്രവർത്തകരാണ് കരിങ്കൊടിവീശിയത്. കരിങ്കൊടികാണിച്ച് പ്രവർത്തകർ മടങ്ങിയശേഷമാണ് പോലീസ് എത്തിയത്.

മുഖ്യമന്ത്രി പിണറായി വിജയനെതിരേ കോഴിക്കോട്  രണ്ടിടത്ത് കരിങ്കൊടി

Kozhikode

കോഴിക്കോട്: സ്വർണക്കടത്തുമായി ബന്ധപ്പെട്ട് 'ദ ഹിന്ദു' പത്രത്തിൽ വന്ന വിവാദ അഭിമുഖത്തിൽ വിശദീകരണവുമായി മുഖ്യമന്ത്രി പിണറായി വിജയൻ. പറയാത്ത കാര്യമാണ് പത്രം നൽകിയത്.&nbsp;
കരിപ്പൂർ വഴിയുള്ള സ്വർണക്കടത്തിനെതിരേ പറയുന്നത് മലപ്പുറത്തിനെതിരെ അല്ലെന്ന് മുഖ്യമന്ത്രി പറഞ്ഞു. സ്വർണക്കടത്തും ഹവാല ഇടപാടും ഏറ്റവും കൂടുതൽ നടക്കുന്നത് മലപ്പുറത്താണെന്ന് പറഞ്ഞാൽ അത് ജില്ലക്കെതിരല്ല.&nbsp;
'ഹിന്ദു പത്രം എന്റെയൊരു അഭിമുഖം ഞാൻ ഡൽഹിയിൽ ഉള്ളപ്പോൾ എടുത്തിരുന്നു. ഞാൻ പറയാത്ത ഭാഗം അവർ അഭിമുഖത്തിൽ കൊടുക്കുന്ന നിലവന്നു. വിശദീകരണം നൽകണമെന്ന് ആവശ്യപ്പെട്ട് എന്റെ ഓഫിസിൽനിന്ന് അവർക്ക് കത്തയച്ചു. അവരുടെ വിശദീകരണം വന്നു കഴിഞ്ഞുവെന്നാണ് മനസ്സിലാക്കുന്നത്. വീഴ്ച പറ്റിയെന്ന് അവർ സമ്മതിച്ചിരിക്കുന്നു. ഏതെങ്കിലും മതവിഭാഗത്തെയോ ജില്ലയെയോ പ്രത്യേകമായി കുറ്റപ്പെടുത്തുന്ന സമീപനം എന്റെ ഭാഗത്ത് നിന്നുണ്ടായിട്ടില്ല', മുഖ്യമന്ത്രി പറഞ്ഞു. വിവാദ പരാമർശത്തിൽ വിശദീകരണം ആവശ്യപ്പെട്ട് ദ ഹിന്ദു പത്രത്തിന് കത്തയച്ചിരുന്നുവെന്നും അതിന് മറുപടി ലഭിച്ചെന്നും അദ്ദേഹം പറഞ്ഞു.

ഹിന്ദുവില്‍ വന്നത് പറയാത്ത കാര്യം ; ഏതെങ്കിലും മതവിഭാഗത്തെയോ ജില്ലയെയോ പ്രത്യേകമായി കുറ്റപ്പെടുത്തിയിട്ടില്ലെന്നും മുഖ്യമന്ത്രി

മലപ്പുറം: സ്വർണക്കടത്തിലൂടെയും ഹവാലയിലൂടെയും മലപ്പുറത്തെത്തുന്ന പണം രാജ്യദ്രോഹ പ്രവർത്തനങ്ങൾക്കുള്ളതാണെന്ന മുഖ്യമന്ത്രിയുടെ പരാമർശത്തെ രൂക്ഷമായി വിമർശിച്ച് സംഘടനകൾ. മലപ്പുറം ജില്ലയെ മുഖ്യമന്ത്രി അപമാനിച്ചെന്നാണ് ആരോപണം.
ഒരു ഇംഗ്ലീഷ് പത്രത്തിന് നൽകിയ അഭിമുഖത്തിലാണ് മുഖ്യമന്ത്രിയുടെ പരാമർശം. കാന്തപുരം വിഭാഗമടക്കം പ്രതിഷേധവുമായെത്തി. മുസ്‌ലിം ലീഗ്, കേരള മുസ്‌ലിം ജമാഅത്ത്, എസ്.­വൈ.എസ്., എസ്.കെ.എസ്.എസ്.എഫ്. തുടങ്ങിയ സംഘടനകളും എതിർപ്പുയർത്തി.മുഖ്യമന്ത്രിയുടെ പരാമർശം മതവിരുദ്ധമാണെന്ന് പി.വി. അൻവർ എം.എൽ.എ. കുറ്റപ്പെടുത്തി.പരാമർശം ന്യൂനപക്ഷവിരുദ്ധമാണെന്നും അൻവറിനോടുള്ള വിരോധം മലപ്പുറം ജില്ലയോട് തീർക്കരുതെന്നും കോൺഗ്രസ് നേതാവ് രമേശ് ചെന്നിത്തല പ്രതികരിച്ചു.&nbsp;

മുഖ്യമന്ത്രിയുടെ ‘മലപ്പുറം പരാമർശം’ പുകയുന്നു; രൂക്ഷമായി വിമർശിച്ച് സംഘടനകൾ

കോട്ടയം: ലാവ്നിൽ കേസിൽ മുഖ്യമന്ത്രി പിണറായി വിജയൻ ഡിസംബറിന് മുമ്പ് അറസ്റ്റിലാകുമെന്ന് പി.സി. ജോർജ്. ലാവ്നിൽ കേസ് നീട്ടിക്കൊണ്ടു പോകുന്നത് കോടതിയാണ്. അഭിഭാഷകരെ കേരള സർക്കാർ മാറ്റിമാറ്റി വെക്കുകയാണ്. ഇതുവരെ 42 കോടിയാണ് കേരള സർക്കാർ കേസിനായി ചെലവഴിച്ചത്. വലിയ തെറ്റാണത്. നവംബർ അവസാനം വരെ അറസ്റ്റ് ചെയ്യരുതെന്ന് ഡൽഹി ഹൈകോടതിയുടെ ഉത്തരവുണ്ട്. ഈ ഡിസംബറിനു മുമ്പ് പിണറായി വിജയൻ അറസ്റ്റിലാകും, ജയിലിൽ പോകും -പി.സി. ജോർജ് പറഞ്ഞു.
പി.വി. അൻവറും മുഖ്യമന്ത്രിയും കാട്ടുകള്ളന്മാരാണെന്നു പറഞ്ഞ പി.സി. ജോർജ്, അൻവറിന്‍റെ ആരോപണങ്ങളിൽ സി.ബി.ഐ അന്വേഷണം നടത്തണമെന്ന് ആവശ്യപ്പെട്ടു. അൻവർ പറഞ്ഞ ആരോപണമെല്ലാം ശരിയാണ്. മുഖ്യമന്ത്രി രാജി വെക്കണം. മുഖ്യമന്ത്രിക്കും സി.പി.എം നേതൃത്വത്തിനും എതിരെ വർഷങ്ങളായി നിലനിൽക്കുന്ന ആരോപണങ്ങളാണ് അൻവർ ഉന്നയിച്ചത്. 98 ശതമാനം സ്വർണക്കടത്ത് കേസ് മലപ്പുറത്താണ് നടക്കുന്നത്. എല്ലാം അറിയാമായിരുന്നിട്ടും എന്തുകൊണ്ട് അൻവർ ഇത് നേരത്തെ വെളിപ്പെടുത്തിയില്ലെന്നും പി.സി. ജോർജ് ചോദിച്ചു.എ.ഡി.ജി.പി ആർ.എസ്.എസ് നേതാവിനെ കണ്ടതിൽ തെറ്റില്ലെന്നും കേരളത്തിലെ ക്രമസമാധാന പ്രശ്നവും സംസാരിക്കാമല്ലോ എന്നും ജോർജ് പറഞ്ഞു.ഇടതുപക്ഷം തകർന്നു തരിപ്പണമായി. സി.പി.എമ്മിന് ഒരു പാർട്ടിയെന്ന നിലയിൽ തുടരാനാകില്ല.ബി.ജെ.പിയെ ആശ്രയിക്കാതെ പൊതുജനങ്ങൾക്ക് ജീവിക്കാനാകാത്ത സ്ഥിതിയാണെന്നും പി.സി. ജോർജ് കൂട്ടിച്ചേർത്തു.

പിണറായി വിജയൻ ഡിസംബറിന് മുമ്പ് അറസ്റ്റിലായി ജയിലിൽ പോകുമെന്ന്  പി.സി. ജോർജ്

ന്യൂഡല്‍ഹി: തനിക്കും പാര്‍ട്ടി നേതൃത്വത്തിനുമെതിരെ പി.വി.അന്‍വര്‍ ഉന്നയിച്ച ആരോപണങ്ങള്‍ തള്ളുന്നതായി മുഖ്യമന്ത്രി പിണറായി വിജയന്‍. വിശദമായ മറുപടി പിന്നീട് നല്‍കുമെന്നും മുഖ്യമന്ത്രി അറിയിച്ചു. ഡല്‍ഹിയിൽ പോളിറ്റ് ബ്യൂറോ യോഗത്തില്‍ പങ്കെടുക്കുന്നതിന് മുമ്പായി മാധ്യമങ്ങളോട് സംസാരിക്കുകയായിരുന്നു മുഖ്യമന്ത്രി.
പി.വി.അന്‍വര്‍ നേരത്തെ ചില ആരോപണങ്ങള്‍ ഉന്നയിച്ചപ്പോള്‍ തന്നെ എന്താണ് അതിന് പിന്നിലെന്ന സംശയമുണ്ടായിരുന്നു. ഒരു എംഎല്‍എ എന്ന നിലയ്ക്ക് അദ്ദേഹം ഉന്നയിച്ച കാര്യങ്ങള്‍ ഏറ്റവും മികച്ച അന്വേഷണ സംവിധാനം ഏര്‍പ്പെടുത്തിയാണ് അന്വേഷണം പ്രഖ്യാപിച്ചത്. അതില്‍ അദ്ദേഹം തൃപ്തനല്ലെന്നാണ് പറഞ്ഞിരിക്കുന്നത്. നേരത്തെ സംശയിച്ചത് പോലെ തന്നെയാണ് കാര്യങ്ങള്‍ എത്തിയിരിക്കുന്നത്.പാര്‍ട്ടിക്കും എല്‍ഡിഎഫിനും സര്‍ക്കാരിനുമെതിരെയുള്ള കാര്യങ്ങളാണ് ഇന്നലെ പറഞ്ഞിട്ടുള്ളത്. എല്‍ഡിഎഫിന്റെ ശത്രുക്കള്‍ വ്യാപകമായി പ്രചരിപ്പിക്കാന്‍ ഉദ്ദേശിക്കുന്ന കാര്യങ്ങള്‍ പറയുന്നതും കേട്ടു. ഉദ്ദേശം വ്യക്തമാണ്. അദ്ദേഹം തന്നെ അത് തുറന്ന് പറഞ്ഞു. എല്‍ഡിഎഫില്‍നിന്ന് വിട്ടുനില്‍ക്കുന്നുന്നുവെന്നും പാര്‍ലമെന്ററി പാര്‍ട്ടിയില്‍ പങ്കെടുക്കില്ലെന്നും അറിയിച്ചു. അദ്ദേഹം പറഞ്ഞതിന് വിശദമായി പറയേണ്ടതുണ്ട്. അക്കാര്യങ്ങളിലേക്ക് പിന്നീട് പ്രതികരിക്കാമെന്നും മുഖ്യമന്ത്രി പറഞ്ഞു.

അൻവർ ഉന്നയിച്ച ആരോപണങ്ങൾ തള്ളുന്നു ;വിശദമായ മറുപടി പിന്നീടെന്നും മുഖ്യമന്ത്രി

മലപ്പുറം: മുഖ്യമന്ത്രി പിണറായി വിജയനെതിരെ ആഞ്ഞടിച്ച് നിലമ്പൂർ എംഎൽഎ പി.വി അൻവർ. എഡിജിപി അജിത് കുമാർ എഴുതിക്കൊടുത്ത തിരക്കഥയാണ് മുഖ്യമന്ത്രി മാധ്യമങ്ങൾക്ക് മുമ്പിൽ വായിച്ചതെന്ന് അൻവർ വിമർശിച്ചു. മുഖ്യമന്ത്രിയുടെ പരിഹാസം പി.വി അൻവർ കള്ളപ്പണക്കാരുടെ പങ്കാളിയാണെന്ന തോന്നൽ പൊതുജനങ്ങൾക്കിടയിലുണ്ടാക്കി. മാധ്യമങ്ങളുടെ ചോദ്യങ്ങളിൽ നിന്ന് രക്ഷപ്പെടണമെങ്കിൽ അദ്ദേഹത്തിന് വേറെ പലതും പറയാമായിരുന്നു. പക്ഷേ എന്നെ കുറ്റക്കാരനാക്കുകയാണ് മുഖ്യമന്ത്രി ചെയ‌്തത്. പാർട്ടി അദ്ദേഹത്തെ തിരുത്തിയുമില്ലെന്ന് വാർത്താ സമ്മേളനത്തിൽ അൻവർ പറഞ്ഞു.കേരളത്തിലെ ഏറ്റവും സാധാരണപാർട്ടി പ്രവർത്തകന് പോലും മനസിലാകുന്ന രീതിയിലാണ് താൻ പരാതി നൽകിയിത്. എന്നിട്ടും മുഖ്യമന്ത്രിക്ക് അത് മനസിലായില്ല. പി. ശശിക്കെതിരെയുള്ള പരാതിയിൽ കഴമ്പില്ലെന്നായിരുന്നു അദ്ദേഹത്തിന്റെ മറുപടി.&nbsp;
പാർട്ടി പ്രവർത്തകരുടെ പൊതുവികാരമാണ് താൻ പറഞ്ഞത്. കമ്മ്യൂണിസ്‌റ്റുകാരൻ എന്നു പറഞ്ഞാൽ പൊലീസ് സ്‌റ്റേഷനിൽ നിന്ന് രണ്ടടി കൂടുതൽ കിട്ടുന്ന അവസ്ഥയാണ് കേരളത്തിലുള്ളത്. അതിന് പിന്നിൽ പി. ശശിയാണ്.എഡിജിപി അജിത് കുമാർ നൊട്ടോറിയസ് ക്രിമിനലാണ്. അയാൾ എഴുതികൊടുത്ത കഥയും തിരക്കഥയുമാണ് മുഖ്യമന്ത്രി വായിച്ചുകേൾപ്പിച്ചത്. അല്ലാതെ അദ്ദേഹത്തിന് അറിയില്ലല്ലോ? മലപ്പുറത്തെ സഖാക്കളെ വിളിച്ചു ചോദിച്ചിരുന്നെങ്കിൽ സത്യം എന്താണെന്ന് അവർ മുഖ്യമന്ത്രിയോട് പറയുമായിരുന്നു.എന്നെ അറസ്‌റ്റ് ചെയ‌്ത് കുഴിയിലാക്കുന്നതിന് മുമ്പ് സത്യം പറയണമല്ലോ? പാർട്ടിയുടെ വാക്ക് വിശ്വസിച്ചുകൊണ്ടാണ് പരസ്യപ്രതികരണം താൽക്കാലികമായി നിറുത്തിവച്ചത്. പക്ഷേ താൻ ഉന്നയിച്ച കാര്യങ്ങളിലൊന്നും അന്വേഷണം ഫലപ്രദമല്ലെന്ന് മനസിലായി. മരംമുറിക്കേസിൽ ഇക്കാര്യം പ്രകടമാണ്. പൊലീസിന്റെ അന്വേഷണം തൃപ്‌തികരമല്ലെന്നും ഇനി അടുത്ത സ്‌റ്റെപ്പ് ഹൈക്കോടതിയിലേക്കാണെന്നും അൻവർ വിശദമാക്കി.കരിപ്പൂർ വിമാനത്താവളത്തിൽ നടന്ന സ്വർണക്കടത്ത് സിറ്റിംഗ് ജഡ്‌ജിയെ കൊണ്ട് അന്വേഷിപ്പിക്കാൻ മുഖ്യമന്ത്രി തയ്യാറാണോയെന്നും അൻവർ വെല്ലുവിളിച്ചു. അജിത് കുമാർ എഴുതി തരുന്ന വാറോല വായിക്കുകയല്ല മുഖ്യമന്ത്രി ചെയ്യേണ്ടതെന്നും അൻവർ പരിഹസിച്ചു.എങ്ങനെയൊക്കെ ആ മനുഷ്യൻ (മുഖ്യമന്ത്രി) എന്നെ ചതിച്ചിട്ടുണ്ട്. അദ്ദേഹത്തെ ഉള്ളു തുറന്ന് വിശ്വസിച്ചു.&nbsp;
ശശിയും അജിത് കുമാറും ചതിക്കുമെന്ന് ഞാൻ പറഞ്ഞതാണ്. തെളിവുകൾ നിരത്തിയിട്ടും വിശ്വസിച്ചില്ല. പൊളിറ്റിക്കൽ സെക്രട്ടറിയായ പി. ശശി കാട്ടുകള്ളനാണ്. മുഖ്യമന്ത്രിയെ വികൃതമാക്കുന്നത് അയാളാണ്. ശശിയെ താഴെ ഇറക്കണമെന്ന് അന്ന് ഞാൻ വിചാരിച്ചതാണ്. കേരളത്തിലെ പൊതുസമൂഹത്തിന് മുന്നിൽ മുഖ്യമന്ത്രി കെട്ടുപോയി. പലർക്കും നിങ്ങളോട് വെറുപ്പാണെന്ന് മുഖത്തു നോക്കി പറഞ്ഞു. മുഖ്യമന്ത്രിയുടെ ഗ്രാഫ് ഇപ്പോൾ പൂജ്യമായി.കേരളത്തിലെ സിപിഎം അഭിപ്രായ സ്വാതന്ത്ര്യം അനുവദിക്കുന്നില്ല. ഉന്നതരായ നേതാക്കൾക്ക് എന്ത് അഴിമതിയും നടത്താം എന്ന സ്ഥിതിയാണിപ്പോൾ. സ്വജനപക്ഷപാതം സഹിക്കാൻ കഴിയാതെയാണ് കോൺഗ്രസിൽ നിന്ന് വന്നത്.കേരളത്തിലെ എല്ലാ രാഷ്‌ട്രീയപാർട്ടികളുടെയും നേതാക്കന്മാർ ഒന്നാണ്. അതാണ് കേരളം നേരിടുന്ന ഏറ്റവും വലിയ പ്രശ്നം. പല കേസുകളും കേരളത്തിൽ തെളിഞ്ഞുവരാത്തത് അത് കൊണ്ടാണെന്നും അൻവർ വിമർശിച്ചു.

പിതാവിനെ പോലെ സ്നേഹിച്ച ആ മനുഷ്യൻ എന്നെ ചതിച്ചു ;മുഖ്യമന്ത്രിക്കെതിരെ ആഞ്ഞടിച്ച് പി.വി അൻവർ

തിരുവനന്തപുരം: പി. ശശിക്കെതിരായ പി.വി അൻവർ എം.എൽ.എയുടെ ആരോപണങ്ങളെ തള്ളി മുഖ്യമന്ത്രി പിണറായി വിജയൻ. പി. ശശി നടത്തുന്നത് മാതൃകാപരമായ പ്രവർത്തനമാണെന്നും ഒരു തെറ്റായ കാര്യവും ഇല്ലെന്നും മുഖ്യമന്ത്രി വാർത്താ സമ്മേളനത്തിൽ മാധ്യമപ്രവർത്തകരുടെ ചോദ്യത്തിന് മറുപടിയായി വ്യക്തമാക്കി. പൊളിറ്റിക്കൽ സെക്രട്ടറി സി.പി.എമ്മിന്‍റെ സംസ്ഥാന കമ്മിറ്റി അംഗമാണ്. പാർട്ടി നിയോഗിച്ച് എന്‍റെ ഓഫീസിൽ പൊളിറ്റിക്കൽ സെക്രട്ടറിയായി പ്രവർത്തിക്കുന്നു. മാതൃകാപരമായ പ്രവർത്തനമാണ് അദ്ദേഹം നടത്തുന്നത്. ഒരു തരത്തിലുള്ള തെറ്റായ കാര്യവും അദ്ദേഹത്തിന്‍റെ പക്കലില്ല. ആരു പറഞ്ഞാലും അതെല്ലാം അവജ്ഞയോടെ തള്ളിക്കളയുന്നു. ഒരു പരിശോധനയും അക്കാര്യത്തിൽ ആവശ്യമില്ല -മുഖ്യമന്ത്രി പറഞ്ഞു.
അൻവറോ മറ്റുള്ളവരോ കൊടുക്കുന്ന പരാതി അതേപടി സ്വീകരിച്ച് നടപടിയെടുക്കാനല്ല അവിടെ ഇരിക്കുന്നത്. നിയപ്രകാരമുള്ള നടപടി മാത്രമേ സ്വീകരിക്കാനാകൂ. നിയമപ്രകാരം സ്വീകരിക്കാൻ കഴിയാത്ത എന്തെങ്കിലും കാര്യം പറഞ്ഞിട്ടുണ്ടെങ്കിൽ അത് സ്വാഭാവികമായും ചെയ്തിട്ടുണ്ടാകില്ല. ചെയ്യാത്തതിനൊക്കെയുള്ള വിരോധം വെച്ച് വിളിച്ച് പറഞ്ഞാൽ അങ്ങിനെയൊന്നും മാറ്റുന്നതല്ല അത്തരം ആളുകളെ, അത് മനസ്സിലാക്കണം -മുഖ്യമന്ത്രി വ്യക്തമക്കി.

ആരു പറഞ്ഞാലും അവജ്ഞയോടെ തള്ളിക്കളയുന്നു; പി. ശശി നടത്തുന്നത് മാതൃകാപരമായ പ്രവർത്തനമെന്ന് മുഖ്യമന്ത്രി

കോഴിക്കോട്: സാമൂഹ്യ വിരുദ്ധരെയും കള്ളക്കടത്തുകാരെയും സംരക്ഷിക്കുന്ന നിലയിലേക്ക് സമൂഹത്തിലെ എല്ലാ കൊള്ളക്കാരെയും സാമൂഹ്യ വിരുദ്ധരെയും കള്ളക്കടത്തുകാരെയും സംരക്ഷിക്കുന്ന നിലയിലേക്ക് പിണറായി വിജയന്‍ ഭരണകൂടം മാറിയതായി മുഖ്യമന്ത്രിയുടെ ഇന്നത്തെ വാർത്താസമ്മേളനം വ്യക്തമാക്കുന്നതായി കോണ്‍ഗ്രസ് പ്രവര്‍ത്തക സമിതി അംഗം രമേശ് ചെന്നിത്തല.
മുഖ്യമന്ത്രിയുടെ ഇന്നത്തെ പത്രസമ്മേളനത്തിലൂടെ രണ്ടു കാര്യങ്ങള്‍ വ്യക്തമാകുന്നു. ഒന്ന്, പി. വി അന്‍വര്‍ തെറിക്കും. രണ്ട്, അന്വേഷണത്തിനു ശേഷം വരുന്ന റിപ്പോര്‍ട്ട് എ.ഡി.ജി.പി അജിത് കുമാറിന് അനുകൂലമായിരിക്കും. കാരണം മുഖ്യമന്ത്രി നേരിട്ടു സംരക്ഷിക്കാന്‍ ശ്രമിക്കുന്ന ഒരു ഉദ്യോഗസ്ഥനെതിരെ റിപ്പോര്‍ട്ട് എഴുതാന്‍ ആര്‍ക്കും ധൈര്യമുണ്ടാവില്ല.
അന്‍വര്‍ കോണ്‍ഗ്രസുകാരനാണെന്നാണ് മുഖ്യമന്ത്രി ഇപ്പോള്‍ പറയുന്നത്. നിലമ്പൂരില്‍ രണ്ടു വട്ടം സ്ഥാനാര്‍ഥിയാക്കിയപ്പോള്‍ മുഖ്യമന്ത്രിക്ക് ഇക്കാര്യം ഓർമയുണ്ടായിരുന്നില്ലേ.. ഇത്ര കാലവും കൊണ്ടു നടന്ന അന്‍വറിനെ ഇപ്പോള്‍ തള്ളിപ്പറയുന്നു. ഇനി പുറത്താക്കലാണ് അടുത്ത നടപടി. അതുടന്‍ പ്രതീക്ഷിക്കാം.
കൊള്ളക്കാരായ മുഴുവന്‍ പേരെയും സംരക്ഷിക്കുകയാണ് മുഖ്യമന്ത്രി. ഒരാള്‍ ആരോപണവിധേയനാണെങ്കില്‍ അയാളെ മാറ്റിനിര്‍ത്തിയാണ് അന്വേഷണം നടത്തേണ്ടത്. അതിനു പകരം എ.ഡി.ജി.പിക്കു താഴെയുള്ള ഉദ്യോഗസ്ഥരെ തന്നെ അന്വേഷണം ഏല്‍പിച്ചു. ആർ.എസ്.എസ് നേതാക്കളെ എ.ഡി.ജി.പി സന്ദര്‍ശിച്ച വിഷയത്തില്‍ മുഖ്യമന്ത്രി വെള്ളപൂശുന്നു. കാരണം മുഖ്യനു വേണ്ടിയാണ് കൂടിക്കാഴ്ച. ഇയാള്‍ക്ക് സ്വര്‍ണക്കടത്തും കൊലപാതകത്തിലും പങ്കുണ്ടന്നു പറഞ്ഞ ഭരണകക്ഷി എം.എ.ല്‍എയെ തള്ളിപ്പറഞ്ഞ് എ.ഡി.ജി.പിയെ സംരക്ഷിക്കുകയാണ് മുഖ്യമന്ത്രി.
തൃശൂര്‍ പൂരം അന്വേഷണ ഉത്തരവ് ജനങ്ങളുടെ കണ്ണില്‍ പൊടിയിടാനുള്ള വെറും നമ്പര്‍ മാത്രമായിരുന്നുവെന്ന് വ്യക്തമായിരിക്കുന്നു. ഒരാഴ്ചയ്്കകുള്ളില്‍ തീര്‍ക്കുമെന്ന് ഉറപ്പ് പറഞ്ഞതാണ് സര്‍ക്കാര്‍. അഞ്ചു മാസം കഴിഞ്ഞ് പൂരം കലക്കിയെന്ന് ആരോപണമുയര്‍ന്നപ്പോള്‍ 24 ന് റിപ്പോര്‍ട്ട് നല്‍കുമെന്നു പറയുന്നു. ആരെയാണ് ഈ മുഖ്യമന്ത്രി ഇങ്ങനെ കബളിപ്പിക്കാന്‍ ശ്രമിക്കുന്നത്. തൃശൂര്‍ പൂരം കലക്കിയതുമായി ബന്ധപ്പെട്ട് സമഗ്രമായ അന്വേഷണം വേണം.
ദാവൂദ് ഇബ്രാഹിമിന്റെ ജോലി ചെയ്യുന്ന പൊളിറ്റിക്കല്‍ സെക്രട്ടറിയെ സംരക്ഷിക്കുന്നു. അന്വേഷിക്കുക പോലും ചെയ്യാതെയാണ് മുഖ്യമന്ത്രി ക്ലീന്‍ ചിറ്റ് കൊടുത്തത്. എഴുതിക്കൊടുത്താല്‍ അന്വേഷിക്കുമെന്നു പാര്‍ട്ടി സെക്രട്ടറി പറയുന്നതനുസരിച്ച് എഴുതിക്കൊടുത്തിട്ടും അന്വേഷണമില്ല.
ഇന്നത്തെ വാർത്താസമ്മേളനം ജനങ്ങളെ കബളിപ്പിക്കാനും തെറ്റിദ്ധരിപ്പിക്കാനുമുള്ള പാഴ് വേല മാത്രമാണ്. ഉയര്‍ന്നു വന്ന ഒരാരോപണത്തിനും മറുപടി പറയാതെ ന്യായീകരിക്കുകയും അത് പോലീസുകാരുടെ മനോവീര്യത്തെ കെടുത്താനുള്ള പദ്ധതിയാണെന്നും പറയുന്നു. പണ്ട് ശിവശങ്കറിനെതിരെ സ്പ്രിങ്‌ളര്‍ ആരോപണം ഉയര്‍ത്തിയപ്പോള്‍ അന്നും ഇതേ മുഖ്യമന്ത്രി ന്യായീകരിച്ചത് ഐ.എ.എസ് ഉദ്യോഗസ്ഥരുടെ മനോവീര്യം തകര്‍ക്കാനാണ് എന്നായിരുന്നു. ഇപ്പോള്‍ ആശിവശങ്കരന്‍ എത്ര കാലമായി ജയിലിലാണ്. മുഖ്യമന്ത്രിയുടെ ഓഫീസിനു നേരെ ഞങ്ങള്‍ ഉയര്‍ത്തിയ ആരോപണങ്ങള്‍ എല്ലാം ശരിയെന്നു തെളിഞ്ഞിരിക്കുന്നു.
മാധ്യമവേട്ടയാണ് കേരളത്തിലെ മുഖ്യമന്ത്രി ആ സ്ഥാനത്തിരുന്ന് നടത്തിയത്. അത് അങ്ങേയറ്റം അപലപനീയമാണ്. പിണറായി വിജയനെ പേടിച്ച് മാധ്യമങ്ങള്‍ വാമൂടിക്കെട്ടണം എന്നതിനോട് യോജിക്കാനില്ല. മാധ്യമങ്ങള്‍ നിര്‍ഭയം പ്രവര്‍ത്തനം തുടരും. ഇത് കേരളമാണ്. സി.പി.ഐ നേതാക്കള്‍ക്ക് ഒരു വിലയിലുമില്ല എന്നു മുഖ്യമന്ത്രി വീണ്ടും വീ്ണ്ടും തെളിയിക്കുന്നു. സുനില്‍കുമാറിന്റെ വാക്കിന് പഴയ കീറച്ചാക്കിന്റെ വില പോലുമില്ല.
വാർത്താസമ്മേളനത്തില്‍ ജയറാം പടിക്കലിന്റെ കഥയൊന്നും പറഞ്ഞ് വഴിതിരിച്ചു വിട്ടിട്ടു കാര്യമില്ല. അതുപറയാനാണെങ്കില്‍ അടിയന്തിരാവസ്ഥയ്ക്കു ശേഷം നടന്ന തിരഞ്ഞടുപ്പില്‍ കെജി മാമാര്‍ പിണറായിക്കു വേണ്ടി വോട്ടു പിടിച്ച കഥ പറയേണ്ടി വരും. പിണറായി വിജയന് അന്ന് ബി.ജെ.പി പിന്തുണ ലഭിച്ചില്ലായിരുന്നെങ്കില്‍ അദ്ദേഹം എം.എൽ.എ പോലുമാവില്ലായിരുന്നു. അതൊന്നുമല്ല ഇവിടെ വിഷയം. മുഖ്യമന്ത്രി ആരോ എഴുതിക്കൊടുത്തത് നോക്കിവായിച്ചുകൊണ്ടിരിക്കുകയാണ്.
സാലറി ചലഞ്ചിനെ അട്ടിമറിക്കാന്‍ ഞാന്‍ പ്രതിപക്ഷനേതാവായിരുന്ന കാലത്ത് ശ്രമിച്ചതായി മുഖ്യമന്ത്രി ആരോപണമുയര്‍ത്തിക്കണ്ടു. പ്രശ്‌നങ്ങളില്‍ നിന്ന് ഒളിച്ചോടി വിഷയം മാറ്റിവിടാനാണ് മുഖ്യമന്ത്രിയുടെ ശ്രമം. ബലമായി ശമ്പളം പിടിച്ചെടുക്കാന്‍ സര്‍ക്കാര്‍ തീരുമാനിച്ച ഘട്ടത്തിലാണ് ഇടപെടേണ്ടി വന്നത്. അതൊഴിച്ചാല്‍ പ്രളയത്തിലും എല്ലാ ദുരന്തങ്ങളിലും പ്രതിപക്ഷം സര്‍ക്കാരിനൊപ്പം തന്നെ നിന്നിട്ടുണ്ടെന്നും രമേശ് ചെന്നിത്തല വ്യക്തമാക്കി.

സാമൂഹ്യ വിരുദ്ധരെയും കള്ളക്കടത്തുകാരെയും സംരക്ഷിക്കുന്ന നിലയിലേക്ക് പിണറായി വിജയന്‍ മാറിയെന്ന് രമേശ് ചെന്നിത്തല

തിരുവനന്തപുരം: വയനാട്ടിലെ ദുരിതാശ്വാസവുമായി ബന്ധപ്പെട്ട കണക്കുകള്‍ മാധ്യമങ്ങള്‍ തെറ്റായി പ്രചരിപ്പിച്ചതിന് പിന്നില്‍ അജണ്ടയുണ്ടെന്ന് മുഖ്യമന്ത്രി പിണറായി വിജയന്‍. ഇത് കേവലമൊരു വ്യാജ വാര്‍ത്താ പ്രചാരണമോ മാധ്യമ ധാര്‍മികതയുടെ പ്രശ്‌നമോ അല്ല. വ്യാജ വാര്‍ത്തകളുടെ വലിയ പ്രശ്‌നം നുണകളല്ല. അതിന് പിന്നിലുള്ള അജണ്ടയാണ്. അത് നാടിനും നാട്ടിലെ ജനങ്ങള്‍ക്കും എതിരായുള്ളതാണെന്നും മുഖ്യമന്ത്രി പറഞ്ഞു. വാര്‍ത്താസമ്മേളനത്തില്‍ സംസാരിക്കുകയായിരുന്നു മുഖ്യമന്ത്രി. ഇത്തരം വ്യാജ വാര്‍ത്തകളില്‍ മാധ്യമങ്ങള്‍ക്കെതിരെ നിയമനടപടി സ്വീകരിക്കുമെന്നും മുഖ്യമന്ത്രി പറഞ്ഞു.
വയനാട് ദുരന്തത്തിന്റെ പേരില്‍ സംസ്ഥാന സര്‍ക്കാര്‍ കള്ളക്കണക്ക് കൊടുത്തുവെന്ന് ആരോപിച്ച് പ്രതിപക്ഷത്തെ പ്രധാന നേതാക്കളും രംഗത്തിറങ്ങി. സാമൂഹിക മാധ്യമങ്ങളില്‍ വ്യാപകമായ ആക്ഷേപം വന്നു. എല്ലാ സീമകളും കടന്ന് കേരളത്തിനെതിരെ ദുഷ്പ്രചരണം കുതിച്ചുപാഞ്ഞു. അസത്യം പറക്കുമ്പോള്‍ സത്യം അതിന്റെ പിന്നാലെ മുടന്തുകയാണ് ചെയ്യുക. ഇത് അക്ഷാര്‍ഥത്തില്‍ ശരിയാകുന്നതാണ് ഇവിടെ കാണാനാകുന്നത്. ആദ്യം പിറന്ന വ്യാജ വാര്‍ത്തയ്ക്ക് പിന്നാലെ ഇഴയാനെ സര്‍ക്കാര്‍ ഇതുമായി ബന്ധപ്പെട്ടിറക്കിയ വിശദീകണ കുറിപ്പിനായുള്ളൂ. കേരളം കണക്കുകള്‍ പെരുപ്പിച്ച് അനര്‍ഹമായ കേന്ദ്ര സഹായം തട്ടിയെടുക്കാന്‍ ശ്രമിക്കുന്നുവെന്ന വ്യാജ കഥ വലിയൊരു വിഭാഗത്തിൻ്റെയും ജനമനസ്സിലേക്ക് ഇരച്ചുകയറിയെന്നും മുഖ്യമന്ത്രി കൂട്ടിച്ചേര്‍ത്തു.
ദുരിതാശ്വാസ നിധിയിലേക്ക് സംഭാവന നല്‍കുന്ന സാധാരണ ജനങ്ങളെ പിന്തിരിപ്പിക്കുക എന്നൊരു ദുഷ്ടലക്ഷ്യം ഇതിന്റെ ഭാഗമായുണ്ട്. ഇതൊരു സാധാരണ മാധ്യമ പ്രവര്‍ത്തനമല്ല. നശീകരണ മാധ്യമ പ്രവര്‍ത്തനമാണ്. അത് സമൂഹത്തിനെതിരായ കുറ്റകൃത്യമാണ്. ആ തിരിച്ചറിവ് ബന്ധപ്പെട്ടവര്‍ക്ക് വേണം.
ദുരന്ത നിവാരാണത്തിന് അടിയന്തര ധനസഹായം അനുവദിക്കുന്നതിന് കേന്ദ്ര സര്‍ക്കാരിന് സംസ്ഥാനം മെമ്മോറാണ്ടം സമര്‍പ്പിച്ചു. അതിലെ കണക്കുകള്‍ ചെലവിന്റെ കണക്കായി വ്യാഖ്യാനിച്ചാണ് വ്യാജ വാര്‍ത്ത ഉണ്ടാക്കിയത്. അതിലെ വസ്തുതകള്‍ സ്വയം മനസ്സിലാക്കാന്‍ കഴിയാത്തവര്‍ ബന്ധപ്പെട്ടവരോട് ചോദിച്ച് മനസ്സിലാക്കുകയല്ലേ വേണ്ടത്. കേന്ദ്ര മാനദണ്ഡങ്ങള്‍ കൃത്യമായി പാലിച്ചുകൊണ്ട് തയ്യാറാക്കിയ മെമ്മോറണ്ടമാണ് തയ്യാറാക്കിയത്. അത് ധൂര്‍ത്തും അഴിമതിയുമായി ചിത്രീകരിച്ചു. വിവിധ സര്‍ക്കാരുകള്‍ ദുരന്ത ഘട്ടങ്ങളില്‍ തയ്യാറാക്കി അയച്ച മെമ്മോറാണ്ടങ്ങള്‍ വെബ്‌സൈറ്റില്‍ ലഭ്യമാണ്. 2012 മുതല്‍ 2016 വരെയുള്ള യുഡിഎഫ് സര്‍ക്കാരുകളുടെ കാലത്ത് സമര്‍പ്പിച്ച ഈ മെമ്മോറാണ്ടങ്ങള്‍ ധൂര്‍ത്തായോ പെരുപ്പിച്ച കണക്കായോ ആരെങ്കിലും പറഞ്ഞിട്ടുണ്ടോ. കേന്ദ്ര സര്‍ക്കാരില്‍ നിന്ന് പരമാവധി സഹായം വാങ്ങിയെടുക്കണമെന്നാണ് അന്നത്തെ പ്രതിപക്ഷം നിലപാടെടുത്തത്. ദുരന്ത ഘട്ടത്തില്‍ രക്ഷാപ്രവര്‍ത്തനം നടന്നുകൊണ്ടിരിക്കവെ തയ്യാറാക്കുന്ന മെമ്മോറാണ്ടത്തില്‍ പലസാധ്യതകളും വിലയിരുത്തണം. മെമ്മറാണ്ടം തയ്യാറാക്കിയത് പരിശീലനം കിട്ടിയ പ്രൊഫഷണലുകള്‍ ആണ് അല്ലാതെ സര്‍ക്കാര്‍ അല്ല. വയനാട്ടിലെ ദുരന്ത പ്രദേശം പുനര്‍നിര്‍മിക്കാന്‍ 2200 കൊടിയെങ്കിലും വേണമെന്നും മുഖ്യമന്ത്രി പറഞ്ഞു.
2018-ലെ പ്രളയ രക്ഷാപ്രവര്‍ത്തനത്തിന് 102 കോടി രൂപയുടെ ബില്‍ വ്യോമസേന കേരളത്തിനയച്ചത് 2019 ഫെബ്രുവരിയിലാണ്. അത് എസ്ഡിആര്‍എഫില്‍ നിന്ന് കൊടുക്കാന്‍ സംസ്ഥാനം ബാധ്യസ്ഥമാണ്. 2018-ല്‍ നല്‍കിയ അരിയുടെ വില 205 കോടി ഈടാക്കാന്‍ കത്ത് നല്‍കിയതും 2019-ലാണ്. മേപ്പാടിയിലെ ദുരന്തത്തില്‍ കേന്ദ്ര സേനയ്ക്കുണ്ടായ ചെലവുകള്‍ ബില്ലുകളായി പിന്നീടാണ് വരിക. ഇതെല്ലാം മുന്‍കൂട്ടി കണ്ടാണ് മെമ്മോറാണ്ട തയ്യാറാക്കുന്നത്. അത് മനകണക്ക് വെച്ചുണ്ടാക്കിയതല്ലെന്നും മുഖ്യമന്ത്രി പറഞ്ഞു.
'പ്രളയഘട്ടത്തില്‍ കോണ്‍ഗ്രസ് അനുകൂലികളായ സര്‍ക്കാര്‍ ജീവക്കാരുടെ സംഘടനകള്‍ സാലറി ചാലഞ്ചിനെതിരെ രംഗത്തെത്തി. ദുരന്തമുഖത്ത് പോലും രാഷ്ട്രീയം കളിക്കുന്ന പ്രതിപക്ഷമായി അന്നവര്‍ അധംപതിക്കുന്നതാണ് കണ്ടത്. സാലറി ചാലഞ്ചിനോട് മുഖംതിരിക്കുക മാത്രമല്ല ക്യാമ്പയിന്‍ മുടക്കാന്‍ അഹോരാത്രം പണിയെടുക്കുകയും ചെയ്തു. കോവിഡ് കാലത്ത് ആറ് ദിവസത്തെ ശമ്പളം കടം ചോദിച്ചപ്പോള്‍ സര്‍ക്കാര്‍ ഉത്തരവ് കത്തിക്കുകയാണ് കോണ്‍ഗ്രസ് അനുകൂല സംഘടനകള്‍ ചെയ്തത്. ഇപ്പോള്‍ പെരുപ്പിച്ച കണക്കുകള്‍ എന്ന് വയനാടിനെ കുറിച്ചുള്ള പ്രചാരണത്തിലും ഇതേ കൂട്ടരുണ്ട്. കേന്ദ്രം ഇതുവരെ പ്രത്യേക സഹായംമൊന്നും നല്‍കിയിട്ടില്ല. എന്നാല്‍ സംസ്ഥാനം നല്‍കിയ മെമ്മോറാണ്ടത്തിലെ കണക്കുകള്‍ ഉയര്‍ത്തി നുണ കഥകള്‍ പ്രചരിപ്പിക്കുന്നതില്‍ കേന്ദ്രം ഭരിക്കുന്ന ബിജെപിയുമുണ്ട്' മുഖ്യമന്ത്രി പറഞ്ഞു.
അതേസമയം സംസ്ഥാന സര്‍ക്കാര്‍ മുന്നോട്ട് വെച്ച കണക്കുകള്‍ കേന്ദ്ര സര്‍ക്കാര്‍ തള്ളിയിട്ടില്ലെന്നും മുഖ്യമന്ത്രി വ്യക്തമാക്കി. എല്ലാം പരിഗണിക്കുമെന്ന നിലപാടാണ് എടുത്തിട്ടുള്ളത്. തങ്ങളുടെ ടീം അവിടെയുണ്ട്. അവര്‍ പരിശോധിച്ച ശേഷം നടപടി സ്വീകരിക്കുമെന്നാണ് കേന്ദ്രം അറിയിച്ചിട്ടുള്ളത്. ആ പ്രതീക്ഷയിലാണ് ഉള്ളത്. എന്നാല്‍ അത് വൈകുന്നുവെന്നാണ് താന്‍ പറഞ്ഞത്. പ്രധാനമന്ത്രിയെ കണ്ടപ്പോള്‍ നിഷേധാത്മക മറുപടിയല്ല ലഭിച്ചതെന്നും മുഖ്യമന്ത്രി കൂട്ടിച്ചേര്‍ത്തു.

'വയനാട്ടിലെ കണക്കുകള്‍ തെറ്റായി പ്രചരിപ്പിച്ചതിന് പിന്നില്‍ അജണ്ട'; കേരളത്തിനെതിരെ ദുഷ്പ്രചരണം കുതിച്ചുപാഞ്ഞുവെന്ന് മുഖ്യമന്ത്രി

തിരുവനന്തപുരം: കവിയൂർ പൊന്നമ്മയുടെ വിയോഗത്തിൽ അനുശോചനം രേഖപ്പെടുത്തി മുഖ്യമന്ത്രി പിണറായി വിജയൻ. മാതൃഭാവമുള്ള കഥാപാത്രങ്ങളിലൂടെ മലയാളികളുടെ ഹൃദയത്തിൽ ഇടംനേടിയ കവിയൂർ പൊന്നമ്മയുടെ വിയോഗത്തിൽ അതീവ ദുഃഖം രേഖപ്പെടുത്തുന്നുവെന്ന് അദ്ദേഹം ഫേസ്ബുക്കിൽ കുറിച്ചു. തന്മയത്വത്തോടെ അവതരിപ്പിച്ച അമ്മവേഷങ്ങൾ മലയാളികളിൽ അവരോടുള്ള ആത്മബന്ധം സുദൃഢമാക്കിയെന്നും തൻ്റെ കഥാപാത്രങ്ങളിലൂടെ അവർ മലയാളികളുടെ മനസ്സിൽ മായാതെ നിൽക്കുമെന്നും മുഖ്യമന്ത്രി കൂട്ടിച്ചേ‍ർത്തു. അവരുടെ കുടുംബാംഗങ്ങളുടേയും സുഹൃത്തുക്കളുടേയും ദു:ഖത്തിൽ പങ്കു ചേരുന്നതായും അനുശോചന കുറിപ്പിൽ അറിയിച്ചു.
മുഖ്യമന്ത്രിയുടെ അനുശോചനക്കുറിപ്പ്
മാതൃഭാവമുള്ള കഥാപാത്രങ്ങളിലൂടെ മലയാളികളുടെ ഹൃദയത്തിൽ ഇടംനേടിയ കവിയൂർ പൊന്നമ്മയുടെ വിയോഗത്തിൽ അതീവ ദുഃഖം രേഖപ്പെടുത്തുന്നു. ആ സുദീർഘമായ കലാജീവിതം സിനിമയിൽ മാത്രം ഒതുങ്ങിയിരുന്നില്ല. നാടകത്തിലും ടെലിവിഷനിലുമെല്ലാം ശ്രദ്ധേയമായ സംഭാവനകൾ അവർ അർപ്പിച്ചു.
കവിയൂർ പൊന്നമ്മയുടെ കലാജീവിതം തളിരിട്ടതും വളർന്നതും കേരളത്തിൻ്റെ പുരോഗമന സാംസ്കാരിക മുന്നേറ്റത്തിൽ നിർണ്ണായക പങ്കു വഹിച്ച കെപിഎസി-യിലാണ്. തുടർന്ന് മറ്റു പല പ്രധാന നാടകസമിതികളിലും പ്രവർത്തിച്ച അവർ മൂലധനം, പുതിയ ആകാശം പുതിയ ഭൂമി തുടങ്ങിയ അക്കാലത്തെ ജനപ്രിയ നാടകങ്ങളിൽ അവിസ്മരണീയമായ കഥാപാത്രങ്ങളെ അവതരിപ്പിച്ചു.
തുടർന്ന് അവർ വളരെ പെട്ടെന്നു തന്നെ മലയാള സിനിമയുടെ അവിഭാജ്യഘടകമായി. പ്രഗത്ഭരായ സംവിധായകരുടെ സിനിമകളിൽ വ്യത്യസ്തങ്ങളായ കഥാപാത്രങ്ങളിലൂടെ അവർ തിളങ്ങി. തന്മയത്വത്തോടെ അവതരിപ്പിച്ച അമ്മവേഷങ്ങൾ മലയാളികളിൽ അവരോടുള്ള ആത്മബന്ധം സുദൃഢമാക്കി. നാലു തവണയാണ് മികച്ച സഹനടിക്കുള്ള സംസ്ഥാന ചലച്ചിത്ര പുരസ്കാരം കവിയൂർ പൊന്നമ്മയ്ക്ക് ലഭിച്ചത്. അവരുടെ അഭിനയ മികവിന് അടിവരയിടുന്ന നേട്ടമാണിത്.
മലയാള സിനിമയുടെയും നാടകലോകത്തിൻ്റേയും ചരിത്രത്തിൽ തൻ്റേതായ സ്ഥാനം ഉറപ്പിച്ച കവിയൂർ പൊന്നമ്മയുടെ നിര്യാണത്തോടെ തിളക്കമുള്ള ഒരു അദ്ധ്യായത്തിനാണ് തിരശ്ശീല വീണിരിക്കുന്നത്. തൻ്റെ കഥാപാത്രങ്ങളിലൂടെ അവർ മലയാളികളുടെ മനസ്സിൽ മായാതെ നിൽക്കും. കവിയൂർ പൊന്നമ്മയുടെ നിര്യാണത്തിൽ അനുശോചനം രേഖപ്പെടുത്തുന്നു. അവരുടെ കുടുംബാംഗങ്ങളുടേയും സുഹൃത്തുക്കളുടേയും ദു:ഖത്തിൽ പങ്കു ചേരുന്നു.

മാതൃഭാവമുള്ള കഥാപാത്രങ്ങളിലൂടെ മലയാളികളുടെ ഹൃദയത്തിൽ ഇടംനേടിയ വ്യക്തി;കവിയൂർ പൊന്നമ്മയുടെ വിയോഗത്തിൽ അനുശോചിച്ച് മുഖ്യമന്ത്രി

തിരുവനന്തപുരം: താന്‍ ഉന്നയിച്ച ആരോപണങ്ങളിലും പുറത്തുവിട്ട തെളിവുകളിലും സത്യസന്ധവും വിശദവുമായ അന്വേഷണം നടത്തണമെന്നാവശ്യപ്പെട്ട് ഇടത് എംഎല്‍എ പി.വി. അന്‍വര്‍ ഇന്ന് മുഖ്യമന്ത്രി പിണറായി വിജയനെ കണ്ടേക്കും. ഉച്ചയ്ക്ക് 12 മണിയോടെയാണ് മുഖ്യമന്ത്രി അന്‍വറിന് സമയം അനുവദിച്ചിരിക്കുന്നത്.
&nbsp;രേഖകള്‍ സഹിതം അദ്ദേഹം മുഖ്യമന്ത്രിക്ക് പരാതിനല്‍കും. മുഖ്യമന്ത്രിയുടെ പൊളിറ്റിക്കല്‍ സെക്രട്ടറി പി. ശശിക്കെതിരെ അടക്കം ആഭ്യന്തര വകുപ്പിനെതിരെ ഗുരുതരമായ ആരോപണങ്ങളാണ് അന്‍വര്‍ ഉന്നയിച്ചിരുന്നത്.അന്‍വറിന്റെ ഗുരുതര ആരോപണങ്ങളില്‍ എ.ഡി.ജി.പി. എം.ആര്‍. അജിത്കുമാര്‍ ഉള്‍പ്പെടെയുള്ള പോലീസ് ഉദ്യോഗസ്ഥരുടെ പേരില്‍ മുഖ്യമന്ത്രി തിങ്കളാഴ്ച അന്വേഷണം പ്രഖ്യാപിച്ചിരുന്നു.

പി.വി. അന്‍വര്‍ ഇന്ന് മുഖ്യമന്ത്രിയെ കാണും: രേഖകള്‍ സഹിതം പരാതിനല്‍കും

തിരുവനന്തപുരം: വയനാട്ടിലെ മുണ്ടക്കൈ-ചൂരല്‍മല പ്രദേശങ്ങളിലെ ജനങ്ങളുടെ വായ്പകള്‍ എഴുതിത്തള്ളണമെന്ന് ബാങ്കുകളോട് മുഖ്യമന്ത്രി പിണറായി വിജയന്‍. സംസ്ഥാനതല ബാങ്കേഴ്‌സ് സമിതിയുടെ പ്രത്യേക യോഗത്തിലാണ് മുഖ്യമന്ത്രി ആവശ്യമുന്നയിച്ചത്. വയനാട്ടിലെ സാഹചര്യത്തില്‍ പലിശ ഇളവോ അവധി നീട്ടിക്കൊടുക്കലോ മതിയാവില്ലെന്ന് മുഖ്യമന്ത്രി അഭിപ്രായപ്പെട്ടു.
പ്രദേശത്തെ ജനങ്ങളുടെ വായ്പയാകെ എഴുതിത്തള്ളുക എന്നതാണ് ചെയ്യാന്‍കഴിയുന്ന കാര്യം. ബാങ്കേഴ്‌സ് സമിതിയിലെ ഒരുബാങ്കിനും താങ്ങാനാവാത്തതല്ല ഇത്. ആകെ ഇടപാടിന്റെ ചെറിയ തുകമാത്രമേ ഇവിടെ വരുന്നുള്ളൂവെന്ന് മുഖ്യമന്ത്രി ചൂണ്ടിക്കാട്ടി.
കേരള സഹകരണബാങ്ക് വായ്പ എഴുതിത്തള്ളാനുള്ള മാതൃകപരമായ തീരുമാനം സ്വയമേവ എടുത്തിട്ടുണ്ട്. പ്രദേശത്തെ കടം പൂര്‍ണ്ണമായും ഓരോ ബാങ്കും എഴുതിത്തള്ളുന്ന തീരുമാനം എടുക്കണം.ഇതുപോലൊരു ഘട്ടത്തില്‍ യാന്ത്രികമായി പെരുമാറാൻ പാടില്ലെന്നും ദുരിതബാധിതര്‍ക്ക് നല്‍കിയ ആശ്വാസധനത്തില്‍നിന്ന് വായ്പയുടെ തിരിച്ചടവ് പിടിച്ച ചൂരല്‍മലയിലെ കേരള ഗ്രാമീണ്‍ ബാങ്കിന്റെ നടപടി ചൂണ്ടിക്കാട്ടി മുഖ്യമന്ത്രി പറഞ്ഞു.

പലിശ ഇളവോ അവധി നീട്ടിക്കൊടുക്കലോ മതിയാവില്ല ;വായ്പകൾ പൂർണമായി എഴുതിത്തള്ളണമെന്ന് മുഖ്യമന്ത്രി

തിരുവനന്തപുരം: വയനാട് ഉരുള്‍പൊട്ടല്‍ ദുരന്തത്തില്‍ മരിച്ചവരുടെ ബന്ധുക്കള്‍ക്ക് സര്‍ക്കാര്‍ ആറുലക്ഷംരൂപ ധനസഹായം നല്‍കും. മന്ത്രിസഭാ യോഗത്തിനുശേഷം മുഖ്യമന്ത്രി പിണറായി വിജയന്‍ വാര്‍ത്താ സമ്മേളനത്തില്‍ അറിയിച്ചതാണ് ഇക്കാര്യം. അംഗവൈകല്യം സംഭവിച്ചവര്‍ക്ക് 75,000 രൂപയും കുറഞ്ഞ അംഗവൈകല്യത്തിന് 50,000 രൂപയും നല്‍കും.
വാടക വീടുകളിലേക്ക് മാറിത്താമസിക്കേണ്ടി വരുന്നവർക്ക് ദുരിതാശ്വാസ നിധിയിൽ നിന്നും ഒരു കുടുംബത്തിന് പ്രതിമാസം 6000 രൂപ വരെ നല്‍കും. ബന്ധുവീടുകളിലേക്ക് മാറുന്ന കുടുംബങ്ങൾക്കും ഇത് ലഭിക്കുമെന്നും അദ്ദേഹം വാർത്താ സമ്മേളനത്തിൽ അറിയിച്ചു. സൗജന്യ താമസമൊരുക്കുകയാണ് സർക്കാർ ലക്ഷ്യമെന്ന് പറഞ്ഞ മുഖ്യമന്ത്രി, സർക്കാർ ഉടമസ്ഥതയിലും പൊതു ഉടമസ്ഥതയിലും സ്വകാര്യ വ്യക്തികൾ സൗജന്യമായി നൽകുന്ന വീടുകൾക്കും ഇത്തരത്തിൽ വാടക നൽകേണ്ടതില്ലെന്നും കൂട്ടിച്ചേർത്തു..&nbsp;

വയനാട് ദുരന്തം: മരിച്ചവരുടെ ബന്ധുക്കള്‍ക്ക് ആറുലക്ഷം രൂപ സര്‍ക്കാര്‍ ധനസഹായം

തിരുവനന്തപുരം: മുണ്ടക്കൈ, ചൂരൽമല ഉരുൾപൊട്ടലിൽ ഒന്നും ബാക്കിയാകാതെ നിൽക്കുന്നവർക്ക് മറ്റൊരു വാസസ്ഥലത്തേക്ക് മാറുന്നതിന് സംസ്ഥാന സർക്കാർ അടിയന്തര സഹായം നൽകുമെന്ന് മുഖ്യമന്ത്രി പിണറായി വിജയൻ അറിയിച്ചു. മുണ്ടക്കൈ, ചൂരൽ മല പ്രദേശത്തെ ദുരന്തബാധിതരായ എല്ലാവർക്കുമാണ് സഹായം ലഭിക്കുക.
ഇപ്പോൾ ക്യാമ്പിൽ കഴിയുന്ന ഓരോ കുടുംബത്തിനും അടിയന്തര ധനസഹായമായി പതിനായിരം രൂപ വീതം അനുവദിക്കും. ജീവനോപാധി നഷ്ടപ്പെട്ട കുടുംബത്തിലെ പ്രായപൂർത്തിയായ ഒരു വ്യക്തിക്ക് 300 രൂപ വീതം ദിവസവും നൽകും. ഇപ്രകാരം ഒരു കുടുംബത്തിലെ രണ്ട് വ്യക്തികൾക്കാണ് ആനുകൂല്യം ലഭ്യമാവുക. കിടപ്പുരോഗികളോ ആശുപത്രിയിൽ ദീർഘനാൾ ചികിത്സയിൽ കഴിയുന്ന രോഗികളോ ഉള്ള കുടുംബങ്ങൾക്ക് ഈ ആനുകൂല്യം കുടുംബത്തിൽ മൂന്ന് പേർക്ക് എന്ന നിലയിൽ നൽകും. 30 ദിവസത്തേക്കാണ് ഈ തുക നൽകുക.
മുണ്ടക്കൈ, ചൂരൽമല പ്രദേശത്തെ ദുരന്തത്തെ തുടർന്ന് ക്യാംപുകളിൽ കഴിയുന്നവർക്ക് മറ്റൊരു വാസസ്ഥലത്തേക്ക് തിരിച്ചു പോകുമ്പോൾ സർക്കാർ ഉടമസ്ഥതയിലോ മറ്റു പൊതു ഉടമസ്ഥതയിലോ മാറാൻ കഴിയും വിധമുള്ള താമസ സൗകര്യം ഒരുക്കാനാകുമോ എന്നതിൽ കളക്ടറുടെ റിപ്പോർട്ട് ആവശ്യപെട്ടിട്ടുണ്ട്. കളക്ടറുടെ റിപ്പോർട്ട് ലഭിക്കുന്ന മുറയ്ക്ക് വാടക നിശ്ചയിച്ച് അനുവദിക്കും.

ഓരോ കുടുംബത്തിനും 10,000 രൂപ; ദുരിത ബാധിതർക്ക് അടിയന്തര ധനസഹായം

തിരുവനന്തപുരം: വയനാട് ഉരുള്‍പൊട്ടല്‍ ദുരന്തത്തിന്റെ ഇരകള്‍ക്ക് താങ്ങേകാനായി ദുരിതാശ്വാസ നിധിയിലേക്ക് സംഭാവനകളുടെ ഒഴുക്ക്. മുഖ്യമന്ത്രി പിണറായി വിജയന്റെ കൊച്ചുമകന്‍ ഇഷാന്‍ വിജയ് തന്റെ സമ്പാദ്യത്തില്‍നിന്ന് 12,530 രൂപ ദുരിതാശ്വാസ നിധിയിലേക്ക് നല്‍കി.&nbsp;
മുഖ്യമന്ത്രിയുടെ ഓഫീസിലെത്തി നേരിട്ടാണ് ഇഷാന്‍ തുക കൈമാറിയത്. പിണറായി വിജയന്റെ മകള്‍ വീണാ വിജയന്റെ മകനാണ് ഇഷാന്‍.

വയനാടിനായി 12,530 രൂപ നൽകി മുഖ്യമന്ത്രിയുടെ കൊച്ചുമകന്‍

കല്പറ്റ: വ്യാഴാഴ്ച ജില്ലയിലെത്തുന്ന മുഖ്യമന്ത്രി പിണറായി വിജയന്റെ അധ്യക്ഷതയില്‍ സര്‍വകക്ഷിയോഗം ചേരും. കളക്ടറേറ്റില്‍ രാവിലെ 11.30-നാണ് യോഗം.വയനാട്ടില്‍ ക്യാമ്പ് ചെയ്യുന്ന മന്ത്രിമാര്‍, ജില്ലയിലെ എം.എല്‍.എ.മാര്‍, ജില്ലാപഞ്ചായത്ത് പ്രസിഡന്റ്, രാഷ്ട്രീയപ്പാര്‍ട്ടി നേതാക്കള്‍ എന്നിവര്‍ പങ്കെടുക്കും. രാവിലെ 10.30-ന് മുഖ്യമന്ത്രിയുടെ അധ്യക്ഷതയില്‍ ഉദ്യോഗസ്ഥരുടെ യോഗവും നടക്കും.
ലോക്സഭാ പ്രതിപക്ഷ നേതാവ് രാഹുല്‍ ഗാന്ധിയും എ.ഐ.സി.സി. ജനറല്‍ സെക്രട്ടറി പ്രിയങ്കാ ഗാന്ധിയും വ്യാഴാഴ്ച ജില്ലയിലെത്തും. ദുരിതാശ്വാസ ക്യാമ്പില്‍ കഴിയുന്നവരേയും ആശുപത്രിയില്‍ ചികിത്സയിലുള്ളവരെയും ഇരുവരും സന്ദര്‍ശിക്കും. രാവിലെ ഏഴിനു ഡല്‍ഹിയില്‍ നിന്നു പ്രത്യേക വിമാനത്തില്‍ കണ്ണൂര്‍ രാജ്യാന്തര വിമാനത്താവളത്തില്‍ വന്നിറങ്ങും. റോഡ് മാര്‍ഗം ഒരുമണിയോടെ മേപ്പാടിയിലെത്തും.

മുഖ്യമന്ത്രിയും രാഹുലും പ്രിയങ്കയും ഇന്ന് വയനാട്ടില്‍ ;കളക്ടറേറ്റില്‍ സര്‍വകക്ഷിയോഗം

തിരുവനന്തപുരം: വയനാട് ദുരന്തവുമായി ബന്ധപ്പെട്ട് കേന്ദ്രം നല്‍കിയ മുന്നറിയിപ്പ് കേരളം അവഗണിച്ചുവെന്ന ആഭ്യന്തര മന്ത്രി അമിത് ഷാ നടത്തിയ പ്രസ്താവന വസ്തുതാവിരുദ്ധമാണെന്ന് മുഖ്യമന്ത്രി പിണറായി വിജയന്‍. മുന്നറിയിപ്പ് നല്‍കുന്നതില്‍ കേന്ദ്ര കാലാവസ്ഥ നിരീക്ഷണവകുപ്പിന് ഉണ്ടായ വീഴ്ചകള്‍ ചൂണ്ടിക്കാട്ടിയ മുഖ്യമന്ത്രി, പ്രശ്‌നമുണ്ടാകുമ്പോള്‍ ആരുടെയെങ്കിലും പിടലിയില്‍ വെച്ചുകെട്ടരുതെന്നും ആവശ്യപ്പെട്ടു.
അമിത് ഷാ പറയുന്നതില്‍ ഒരുഭാഗം വസ്തുതയുമുണ്ട്. വസ്തുത അല്ലാത്തതുമുണ്ട്. കാലാവസ്ഥാ മുന്നറിയിപ്പുകള്‍ എല്ലാകാലത്തും അതീവ ഗൗരവമായി എടുക്കാറുണ്ട്. പരസ്പരം പഴിചാരേണ്ട ഒരു സന്ദര്‍ഭമല്ല ഇത്. പക്ഷേ, കേന്ദ്ര ആഭ്യന്തര മന്ത്രി ഇങ്ങനെ ഒരു മുന്നറിയിപ്പ് നല്‍കിയിരുന്നുവെന്നും കേരളം എന്താണ് ചെയ്തതെന്നും ചോദിക്കുകയുണ്ടായി. വസ്തുതകളെല്ലാം എല്ലാവര്‍ക്കും അറിയാവുന്നതാണ്. ദുരന്തമുണ്ടായ പ്രദേശങ്ങളില്‍ ഓറഞ്ച് അലേര്‍ട്ടാണ് ആ ഘട്ടത്തിലുണ്ടായിരുന്നത്. 115 -നും 204 മി.മീറ്ററിനും ഇടയില്‍ മഴപെയ്യും എന്നായിരുന്നു മുന്നറിയിപ്പ്. എന്നാല്‍, എത്ര മഴയാണ് പെയ്തത്? ആദ്യ 24 മണിക്കൂറിനുള്ളില്‍ 200 മി.മീറ്റര്‍ മഴ പെയ്തു. അടുത്ത 24 മണിക്കൂറില്‍ 372 മി.മീറ്ററാണ് ഈ പ്രദേശത്ത് പെയ്തത്. 48 മണിക്കൂറിനുള്ളില്‍ 572 മി.മീറ്റര്‍ മഴയാണ് പെയ്തത്. മുന്നറിയിപ്പ് നല്‍കിയതിനും എത്രയോ അധികമായിരുന്നു അത്. ദുരന്തമുണ്ടായിരുന്ന പ്രദേശത്ത് അപകടമുണ്ടാകുന്നതുവരെ റെഡ് അലേര്‍ട്ട് നല്‍കിയിരുന്നില്ല. അപകടമുണ്ടായതിന് ശേഷം രാവിലെ ആറ് മണിയോട് കൂടിയാണ് റെഡ് അലേര്‍ട്ട് നല്‍കുന്നത്.
ജൂലായ് 23 മുതല്‍ 28 വരെ കേന്ദ്ര കാലാവസ്ഥനിരീക്ഷണ വകുപ്പ് നല്‍കിയ മുന്നറിയിപ്പില്‍ ഒരു ദിവസംപോലും ഓറഞ്ച് അലേര്‍ട്ട് പോലും നല്‍കിയിട്ടില്ല. 29-ന് ഉച്ചയ്ക്ക് ഒരു മണിക്ക് നല്‍കിയ മുന്നറിയിപ്പിലാണ് വയനാട്ടില്‍ ഓറഞ്ച് അലേര്‍ട്ട് നല്‍കിയത്. ഉരുള്‍പൊട്ടിയതിന് ശേഷം രാവിലെ ആറ് മണിക്കാണ് റെഡ് അലേര്‍ട്ട് പ്രഖ്യാപിച്ചത്. കേന്ദ്ര സര്‍ക്കാരിന്റെ മറ്റൊരു സ്ഥാപനമായ ജിയോളജിക്കല്‍ സര്‍വേ ഓഫ് ഇന്ത്യ നല്‍കിയ മുന്നറിയിപ്പില്‍ 30-നും 31-നുമുള്ള മുന്നറിയിപ്പില്‍ പച്ച അലേര്‍ട്ടാണ് നല്‍കിയിട്ടുള്ളത്. എന്നാല്‍ അപ്പോഴേക്കും അതിതീവ്ര മഴ ലഭിക്കുകയും അപകടം സംഭവിക്കുകയുമുണ്ടായെന്നും മുഖ്യമന്ത്രി പറഞ്ഞു.
പ്രളയ മുന്നറിയിപ്പ് നല്‍കുന്ന കേന്ദ്ര ഏജന്‍സിയായ കേന്ദ്ര ജല കമ്മിഷന്‍റെ ജൂലായ് 23 മുതല്‍ 29 വരെ നല്‍കിയ ഒരു മുന്നറിയിപ്പിലും ഇരുവഞ്ഞി പുഴയിലോ ചാലിയാറിലോ പ്രളയ മുന്നറിയിപ്പ് പുറപ്പെടുവിച്ചിട്ടില്ല. ഇതെല്ലാമാണ് വസ്തുത. കേരളം മുന്‍കൂട്ടി ആവശ്യപ്പെട്ടത് പ്രകാരം മഴക്കാലം തുടങ്ങുമ്പോള്‍ത്തന്നെ എന്‍ഡിആര്‍എഫ് സംഘത്തെ ലഭ്യമാക്കിയിരുന്നു. ഒമ്പത് സംഘത്തെയാണ് കേരളം ആവശ്യപ്പെട്ടത്. അതിലൊരു സംഘത്തെ സംസ്ഥാന സര്‍ക്കാര്‍ വയനാട്ടില്‍ വിന്യസിക്കുകയും ചെയ്തിരുന്നുവെന്നും അദ്ദേഹം പറഞ്ഞു.
'കേന്ദ്ര കാലാവസ്ഥാ നിരീക്ഷണ വകുപ്പിന്റെ മുന്നറിയിപ്പ് ലഭിക്കുന്നതിനനുസരിച്ച് മുന്നൊരുക്കങ്ങള്‍ നടത്തിയിട്ടുണ്ട്. ഉരുള്‍പൊട്ടല്‍ സാധ്യതയുള്ള മേഖലകളിലെല്ലാം മുന്നൊരുക്കങ്ങള്‍ നടത്തിയിരുന്നു. അതുകൊണ്ട് കുറേ അപകടങ്ങള്‍ ഒഴിവാക്കാനായിട്ടുണ്ട്. ഇപ്പോള്‍ അപകടം നടന്ന പ്രദേശത്ത് ആരുംപ്രതീക്ഷിക്കാതെയുള്ള ദുരന്തമാണ് ഉണ്ടായത്. കാലവസ്ഥ വ്യതിയാനത്തിന്റെ ഭാഗമായി വന്ന ചില മാറ്റങ്ങളുണ്ട്. അത് കേന്ദ്ര സര്‍ക്കാരും മനസ്സിലാക്കേണ്ടതുണ്ട്. അതിതീവ്രമഴയുടെ കണക്ക് എല്ലാ പ്രതീക്ഷകളും തെറ്റിക്കുന്നതാണ്. ഇങ്ങനെ പ്രശ്‌നങ്ങളുണ്ടാകുമ്പോള്‍ അതിന്റെ ഉത്തരവാദിത്വം ഞങ്ങള്‍ക്കല്ലെന്ന് പറഞ്ഞ് ആരുടെയെങ്കിലും പിടലിയിലേക്ക് ഇടുകയല്ല വേണ്ടത്. ആരേയും പഴിചാരേണ്ട ഘട്ടമല്ല ഇത്. ദുരന്തമുഖത്താണ് നമ്മളിപ്പോള്‍ ഉള്ളത്', മുഖ്യമന്ത്രി പറഞ്ഞു.

' പ്രശ്‌നമുണ്ടാകുമ്പോള്‍ ആരുടെയെങ്കിലും പിടലിയിൽ വെച്ചുകെട്ടരുത് ';അമിത് ഷായ്ക്ക് മറുപടിയുമായി മുഖ്യമന്ത്രി

വയനാട് : ചൂരല്‍മലയിലുണ്ടായ അപകടത്തിന്റെ കൂടുതല്‍ വിവരങ്ങള്‍ പറയാറായിട്ടില്ലെന്നും എയര്‍ഫോഴ്‌സ് ഉള്‍പ്പെടെ എല്ലാ സന്നാഹങ്ങളും അവിടേക്ക് നീങ്ങിക്കൊണ്ടിരിക്കുകയാണെന്നും മുഖ്യമന്ത്രി പിണറായി വിജയന്‍ പറഞ്ഞു.ഉരുൾപൊട്ടലിൽ സാധ്യമായ എല്ലാ രക്ഷാ പ്രവർത്തനവും ഏകോപിപ്പിക്കുമെന്ന് മുഖ്യമന്ത്രി റഞ്ഞു
സംഭവസ്ഥലത്ത് എത്തിപ്പെടാന്‍ ബുദ്ധിമുട്ടുണ്ടെങ്കിലും എല്ലാ സന്നാഹങ്ങളും ഒരുക്കുകയാണ്. പ്രധാനമന്ത്രിയും പ്രതിപക്ഷ നേതാവും വിളിച്ചിരുന്നുവെന്നും എല്ലാവിധ സഹായങ്ങളും വാഗ്ദാനം ചെയ്തിട്ടുണ്ടെന്നും മുഖ്യമന്ത്രി പറഞ്ഞു.ആളുകള്‍ക്ക് കൃത്യമായി ഇപ്പോഴും അവിടെ എത്തിപ്പെടാന്‍ കഴിഞ്ഞിട്ടില്ല. ഫലപ്രദമായി കാര്യങ്ങള്‍ നീക്കാന്‍ പറ്റുമെന്നാണ് കരുതുന്നത്. ഇപ്പോള്‍ കാര്യങ്ങള്‍ കൃത്യമായി പറയാന്‍ പറ്റാത്ത അവസ്ഥയുണ്ട്. കുറച്ചുകൂടി കഴിഞ്ഞാല്‍ ആണ് കാര്യങ്ങളെല്ലാം വ്യക്തമാവുകയെന്നും മുഖ്യമന്ത്രി പറഞ്ഞു.സംസ്ഥാന ദുരന്ത നിവാരണ അതോറിറ്റി ഓഫീസില്‍ എത്തി സ്ഥിതിഗതികള്‍ വിലയിരുത്തിയ ശേഷമായിരുന്നു മുഖ്യമന്ത്രി പിണറായി വിജയന്റെ പ്രതികരണം.

ഉരുൾപൊട്ടൽ; സാധ്യമായ എല്ലാ രക്ഷാ പ്രവർത്തനവും ഏകോപിപ്പിക്കുമെന്ന് മുഖ്യമന്ത്രി

തിരുവനന്തപുരം: അര്‍ജുനുവേണ്ടി നടത്തുന്ന തിരച്ചില്‍ കൂടുതൽ കരുത്തോടെ തുടരണമെന്ന് കർണാടക മുഖ്യമന്ത്രി സിദ്ധരാമയ്യയോട് മുഖ്യമന്ത്രി പിണറായി വിജയൻ. രക്ഷാദൗത്യം അവസാനിപ്പിക്കുന്നതായുള്ള വാർത്തകൾ പുറത്തുവരുന്ന സാഹചര്യത്തിൽ ഇക്കാര്യം സൂചിപ്പിച്ച് സിദ്ധരാമയ്യയ്ക്ക് മുഖ്യമന്ത്രി കത്തയച്ചു.
അർജുനെ കണ്ടെത്തുന്നത് സംബന്ധിച്ച് അനുകൂലമായ ഫലം ലഭിക്കുന്നതുവരെ രക്ഷാപ്രവർത്തനങ്ങൾ തുടരാൻ നിർദേശം നൽകണമെന്ന് മുഖ്യമന്ത്രി ആവശ്യപ്പെട്ടു. ആവശ്യമായ എല്ലാ സാധ്യതകളും ഉപയോഗിച്ച് കൂടുതൽ ശക്തിയോടെ പ്രവർത്തനങ്ങൾ തുടരണം. ഇതുവരെ നടന്നപ്രവർത്തനങ്ങൾ അഭിനന്ദനാർഹമാണ്. രക്ഷാപ്രവർത്തനങ്ങളിൽ ഏർപ്പെട്ടിരിക്കുന്നവരെ കേരളത്തിന്റെ പ്രത്യേക നന്ദി അറിയിക്കുന്നതായും മുഖ്യമന്ത്രി കത്തിൽ വ്യക്തമാക്കി.
തിരച്ചിൽ നിർത്തിയത് കേരളവുമായി കൂടിയാലോചിക്കാതെയെന്ന് മന്ത്രി റിയാസ് പറഞ്ഞു. ശനിയാഴ്ച നടത്തിയ ചർച്ചയിൽ രക്ഷാദൗത്യം തുടരുമെന്നാണ് അറിയിച്ചിരുന്നതെന്നും റിയാസ് മാധ്യമങ്ങളോട് പറഞ്ഞു.&nbsp;

അർജുനായുള്ള തിരച്ചിൽ അവസാനിപ്പിക്കരുത് ;സിദ്ധരാമയ്യയ്ക്ക് കത്തയച്ച് പിണറായി വിജയൻ

ആലപ്പുഴ: മാധ്യമങ്ങൾ തന്റെ വാക്കുകൾ തെറ്റായി വ്യാഖ്യാനിച്ചുവെന്ന് മുൻ മന്ത്രി ജി. സുധാകരൻ. 'പിണറായിയുമായി മാനസിക അടുപ്പമില്ല' എന്ന വാർത്ത വാക്കുകൾ വളച്ചൊടിച്ചു കൊടുത്തതാണെന്നും 62 വർഷമായി പ്രവർത്തിക്കുന്ന പാർട്ടിയെപ്പറ്റി പറയാൻ താൻ മണ്ടനാണോ എന്നും അദ്ദേഹം ചോദിച്ചു.
പിണറായി വിജയനുമായി പഴേ പോലെ അടുപ്പമുണ്ടോ എന്ന ചോദ്യത്തിന്, ഞാൻ ആലപ്പുഴയിലും പിണറായി തിരുവനന്തപുരത്തുമാണെന്നാണ് മറുപടി പറഞ്ഞത്. ആ അകല്‍ചയല്ലാതെ യാതൊരു പ്രശ്നവുമില്ല എന്നായിരുന്നു ടെലിവിഷന്‍ ചാനലിന് നല്‍കിയ അഭിമുഖത്തിൽ പറഞ്ഞത്. എന്നാൽ വാർത്ത വന്നത് 'പിണറായി വിജയനുമായി മാനസിക അടുപ്പമില്ലെന്ന് ജി സുധാകരൻ' എന്നായിരുന്നു- അദ്ദേഹം പറഞ്ഞു.
എന്റെ പാർട്ടിയെപ്പറ്റി പറയാൻ ഞാൻ എന്താ മണ്ടനാണോ. 62 വർഷമായി പ്രവർത്തിക്കുന്ന എന്റെ പാർട്ടിയെപ്പറ്റി ഞാൻ പറയുമോ? അതൊക്കെ പൊളിറ്റിക്കൽ ക്രിമിനലുകളുമായി ആലോചിച്ച് ചെയ്തതാണ്. സ്വന്തം പാർട്ടിയെപ്പറ്റി ഒരിക്കലും പറയില്ല. പറഞ്ഞ ചരിത്രമില്ല. അങ്ങനെ പറയുന്നെങ്കിൽ വേറെ പാർട്ടിയിൽ ചേർന്നാൽ പോരെ. രാഷ്ട്രീയ ജീവിതത്തെ ചോദ്യം ചെയ്യരുത്. ഒരു പ്രസ്ഥാനത്തിന് വേണ്ടി സെൻട്രൽ ജയിലിൽ പോയി മർദ്ദനമേറ്റ് വിദ്യാഭ്യാസം കളഞ്ഞ് പ്രവർത്തിച്ച പ്രസ്ഥാനത്തെ അനാവശ്യമായി പറയുമോ എന്നും അദ്ദേഹം ചോദിച്ചു.

'പാര്‍ട്ടിക്കെതിരെ പറയാന്‍ ഞാന്‍ മണ്ടനാണോ?', രാഷ്ട്രീയ ജീവിതത്തെ ചോദ്യം ചെയ്യരുത്; ജി സുധാകരന്‍

തിരുവനന്തപുരം: മലപ്പുറത്ത് നിപ ബാധിച്ച് മരണമടഞ്ഞ കുട്ടിക്ക് മുഖ്യമന്ത്രി പിണറായി വിജയന്‍ ആദരാഞ്ജലികള്‍ അര്‍പ്പിച്ചു. കുടുംബത്തിന്റെ ദു:ഖത്തില്‍ പങ്കുചേരുന്നു. കുട്ടിയുടെ ജീവന്‍ രക്ഷിക്കാന്‍ സാധ്യമായ എല്ലാ ശ്രമങ്ങളും നടത്തിയിരുന്നുവെന്ന് മുഖ്യമന്ത്രി പറഞ്ഞു.
നിപ വൈറസ് സാഹചര്യത്തില്‍ ആരോഗ്യ വകുപ്പ് മന്ത്രിയുടെ നേതൃത്വത്തില്‍ യോഗം ചേര്‍ന്ന് പ്രതിരോധ പ്രവര്‍ത്തനങ്ങള്‍ ശക്തമാക്കിയിരുന്നു. മന്ത്രി മലപ്പുറത്തെത്തി പ്രവര്‍ത്തനങ്ങള്‍ ഏകോപിപ്പിച്ചു കൊണ്ടിരിക്കുന്നു. നിപ നിയന്ത്രണത്തിനായി മാര്‍ഗ്ഗനിര്‍ദ്ദേശങ്ങള്‍ക്കനുസൃതമായി 25 കമ്മിറ്റികള്‍ മണിക്കൂറുകള്‍ക്കുള്ളില്‍ രൂപീകരിച്ചു. കോണ്ടാക്ട് ട്രെയ്‌സിംഗ് ശനിയാഴ്ച രാവിലെ മുതല്‍ ആരംഭിച്ചു. 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം ആരംഭിച്ചു. സമ്പര്‍ക്ക പട്ടിക തയ്യാറാക്കുകയും റൂട്ട് മാപ്പ് പ്രസിദ്ധീകരിക്കുകയും ചെയ്തു. പ്രാഥമിക സമ്പര്‍ക്ക പട്ടികയില്‍ 246 പേരും അതില്‍ ഹൈ റിസ്‌ക് വിഭാഗത്തില്‍ 63 പേരുമാണ് നിലവിലുള്ളത്. മാര്‍ഗനിര്‍ദേശങ്ങള്‍ക്ക് അനുസൃതമായി രോഗ സാധ്യതയുള്ള എല്ലാവരുടെയും സാമ്പിളുകള്‍ പരിശോധിക്കുമെന്ന് മുഖ്യമന്ത്രി അറിയിച്ചു.
മഞ്ചേരി മെഡിക്കല്‍ കോളേജില്‍ 30 ഐസൊലേഷന്‍ റൂമുകളും കോഴിക്കോട് മെഡിക്കല്‍ കോളേജില്‍ ആവശ്യമായ അതിതീവ്ര പരിചരണ സംവിധാനങ്ങളും ക്രമീകരിച്ചിട്ടുണ്ട്. പാണ്ടിക്കാട്, ആനക്കയം പഞ്ചായത്തുകളില്‍ താല്ക്കാലിക നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്. വണ്ടൂര്‍, നിലമ്പൂര്‍, കരുവാരക്കുണ്ട് എന്നിവിടങ്ങളില്‍ പ്രത്യേക പനി ക്ലിനിക്കുകള്‍ തുടങ്ങാന്‍ നിര്‍ദ്ദേശം നല്‍കി. നിരീക്ഷണത്തിലിരിക്കുന്നവരുടെ വീടുകളില്‍ ഭക്ഷണം, മരുന്ന് ഉള്‍പ്പെടെയുള്ളവ എത്തിക്കുന്നതിന് സന്നദ്ധ പ്രവര്‍ത്തകരുടെ സേവനം ഉറപ്പാക്കാനും നിര്‍ദ്ദേശം നല്‍കിയിട്ടുണ്ടെന്നും അദ്ദേഹം വ്യക്തമാക്കി.
നിപ പ്രതിരോധത്തിന് ഒരുമിച്ച് പ്രവര്‍ത്തിക്കാം. വവ്വാലുകളുടെ ആവാസ വ്യവസ്ഥ നശിപ്പിക്കരുത്, മറ്റേതെങ്കിലും ജീവികള്‍ കടിച്ചതോ ഉപേക്ഷിക്കപ്പെട്ടതോ ആയ പഴങ്ങള്‍ കഴിക്കരുത്, വാഴക്കുലയിലെ തേന്‍ കുടിക്കരുത്, വവ്വാലുകളെയോ അവയുടെ വിസര്‍ജ്യമോ അവ കടിച്ച വസ്തുക്കളോ സ്പര്‍ശിക്കുന്ന സാഹചര്യം ഉണ്ടായാല്‍ കൈകള്‍ സോപ്പ് ഉപയോഗിച്ച് കഴുകുകയോ സാനിട്ടൈസര്‍ ഉപയോഗിച്ച് വൃത്തിയാക്കുകയോ ചെയ്യുക. ഏതെങ്കിലും തരത്തില്‍ സംശയമുള്ളവര്‍ നിപ കണ്‍ടോള്‍ റൂമിലേക്ക് വിളിക്കാമെന്നും മുഖ്യമന്ത്രി അറിയിച്ചു.

നിപ പ്രതിരോധത്തിന് ഒരുമിച്ച് പ്രവര്‍ത്തിക്കാമെന്ന് മുഖ്യമന്ത്രി പിണറായി വിജയന്‍

തിരുവനന്തപുരം: നിയമസഭയില്‍ നേര്‍ക്കുനേര്‍ ഏറ്റുമുട്ടി പ്രതിപക്ഷ നേതാവ് വി.ഡി. സതീശനും മുഖ്യമന്ത്രി പിണറായി വിജയനും. എസ്.എഫ്.ഐയുടെ അതിക്രമങ്ങള്‍ക്കെതിരായ അടിയന്തര പ്രമേയത്തിന് അനുമതി നിഷേധിച്ചശേഷം പ്രതിപക്ഷ നേതാവ് നടത്തിയ പ്രസംഗത്തിനിടെയായിരുന്നു വാക്‌പോര്. താങ്കള്‍ മഹാരാജാവല്ല, മുഖ്യമന്ത്രിയാണ് എന്ന് വി.ഡി. സതീശന്‍ മുഖ്യമന്ത്രിയോട് പറഞ്ഞപ്പോള്‍ താന്‍ മഹാരാജാവല്ല, ജനങ്ങളുടെ ദാസനാണ് എന്നായിരുന്നു മുഖ്യമന്ത്രിയുടെ മറുപടി.
'നിങ്ങള്‍ ജനങ്ങളാല്‍ തിരഞ്ഞെടുക്കപ്പെട്ട മുഖ്യമന്ത്രിയാണ്. നവകേരളസദസ്സില്‍ യാത്ര ചെയ്തപ്പോള്‍ നിങ്ങള്‍ക്ക് തോന്നി നിങ്ങള്‍ മഹാരാജാവാണെന്ന്. നിങ്ങളോട് ഞങ്ങള്‍ പറയുന്നു, നിങ്ങള്‍ മഹാരാജാവല്ല, നിങ്ങള്‍ കേരളത്തിന്റെ മുഖ്യമന്ത്രിയാണ്.' -വി.ഡി. സതീശന്‍ പറഞ്ഞു.
പ്രതിപക്ഷനേതാവിന്റെ പ്രസംഗത്തില്‍ ഇടപെട്ടുകൊണ്ട് മുഖ്യമന്ത്രി ഇതിന് മറുപടി പറഞ്ഞു. 'ഞാന്‍ മഹാരാജാവൊന്നുമല്ല, ഞാന്‍ ജനങ്ങളുടെ ദാസനാണ്. എല്ലാ കാലത്തും ജനങ്ങളോടൊപ്പമാണ്. ജനങ്ങളുടെ കൂടെയാണ് നിന്നിട്ടുള്ളത്. ജനങ്ങള്‍ക്കുവേണ്ടി എന്തും ചെയ്യും. ജനങ്ങള്‍ക്കുവേണ്ടിയാണ്. ജനങ്ങളുടെ കൂടെയാണ്. ജനങ്ങളുടെ ദാസനാണ്.' -മുഖ്യമന്ത്രി പിണറായി വിജയന്‍ പറഞ്ഞു.

താങ്കള്‍ മഹാരാജാവല്ല, മുഖ്യമന്ത്രിയാണെന്ന് സതീശന്‍; ജനങ്ങളുടെ ദാസനാണെന്ന് മുഖ്യമന്ത്രി, നിയമസഭയിൽ വാക്‌പോര്

താങ്കള്‍ മഹാരാജാവല്ല, മുഖ്യമന്ത്രിയാണെന്ന് സതീശന്‍; ജനങ്ങളുടെ ദാസനാണെന്ന് പിണറായി , നിയമസഭയിൽ വാക്‌പോര്

തിരുവനന്തപുരം: സർക്കാർ ചടങ്ങുകൾ മതനിരപേക്ഷമാക്കണമെന്ന് മുഖ്യമന്ത്രി പിണറായി വിജയൻ. ചടങ്ങുകൾ ഒരു പ്രത്യേക രീതിയിൽ സംഘടിപ്പിക്കാൻ പാടില്ല. മതനിരപേക്ഷതയിൽ വിശ്വാസികളും അവിശ്വാസികളുമുണ്ടെന്നും മുഖ്യമന്ത്രി പറഞ്ഞു. 2023-ലെ സിവിൽ സർവീസ് പരീക്ഷയിൽ വിജയിച്ചവരെ ആദരിക്കാൻ കേരള സ്റ്റേറ്റ് സിവിൽ സർവീസ് അക്കാദമി സംഘടിപ്പിച്ച ചടങ്ങിലാണ് മുഖ്യമന്ത്രിയുടെ വിമർശനം.
പരിപാടി ആരംഭിക്കുന്നതിനു മുന്നോടിയായി ഈശ്വരപ്രാർഥനയ്ക്കായി എല്ലാവരോടും എഴുന്നേറ്റുനിൽക്കാൻ നിർദേശമുണ്ടായി. ഇത് മുഖ്യമന്ത്രിയെ ചൊടിപ്പിച്ചുവെന്നാണ് സൂചന.എല്ലാവരും ഇന്ത്യൻ പൗരന്മാരാണെന്ന മനോഭാവം എല്ലാ ചടങ്ങിലും പ്രകടമാകണം. മതങ്ങളിൽ ഈശ്വരവിശ്വാസികളും അവിശ്വാസികളുമുണ്ട്. ഹിന്ദുമതത്തിൽ എല്ലാവരും ഈശ്വരപ്രതിഷ്ഠയിൽ വിശ്വസിക്കുന്നവരല്ല. ആദ്യം മുതൽ ഈശ്വരനെ നിഷേധിച്ചു ജീവിക്കുന്നവരുമുണ്ട്.മതനിരപേക്ഷത രാഷ്ട്രീയ പരികല്പനയല്ല. മറിച്ച് ഭരണഘടനയുടെ അടിസ്ഥാനസ്വഭാവമാണെന്നും അദ്ദേഹം പറഞ്ഞു. കീഴരിയൂർ സ്വദേശി എ.കെ.ശാരികയ്ക്ക് സ്റ്റേജിൽനിന്നിറങ്ങിയാണ് മുഖ്യമന്ത്രി ഉപഹാരം നൽകിയത്. സെറിബ്രൽ പാൾസി രോഗബാധിതയായ ശാരിക, ശാരീരികപരിമിതികൾ മറികടന്നാണ് സിവിൽ സർവീസ് പരീക്ഷയിൽ 922-ാം റാങ്ക് നേടിയത്.

ഈശ്വരപ്രാർഥന വേണ്ട ; സർക്കാർ ചടങ്ങുകൾ മതനിരപേക്ഷമാക്കണമെന്ന് മുഖ്യമന്ത്രി

കീഴരിയൂർ സ്വദേശി എ.കെ.ശാരികയ്ക്ക് ഉപഹാരം നൽകാൻ സ്റ്റേജിൽനിന്ന് ഇറങ്ങി വന്നപ്പോൾ

കൊച്ചി-പത്തനംതിട്ട: മുഖ്യമന്ത്രി പിണറായി വിജയനെതിരെ സി.പി.എം എറണാകുളം,പത്തനംതിട്ട ജില്ലാ കമ്മിറ്റിയിലും വിമർശനം. മകൾക്കെതിരെ ആരോപണമുയർന്നപ്പോൾ മൗനം പാലിച്ചത് തെരഞ്ഞെടുപ്പ് പരാജയത്തിന്റെ മുഖ്യകാരണമായി, വിശ്വസനീയ മറുപടിയും നൽകിയില്ല,മക്കൾക്കെതിരായ ആരോപണങ്ങളിൽ കോടിയേരിയുടെ മാതൃക പിണറായി പിന്തുടർന്നില്ലെന്നും വിമർശനമുണ്ടായി.&nbsp;
പാർട്ടിയ്ക്കും, തനിക്കും പങ്കില്ലെന്നു കോടിയേരി പറഞ്ഞെങ്കിൽ മുഖ്യമന്ത്രി ആ മാതൃക കാട്ടിയില്ലെന്ന് നേതാക്കൾ കുറ്റപ്പെടുത്തി. ബിഷപ്പ് ഡോ. ഗീവർഗീസ് മാർ കൂറിലോസിനെതിരെ നടത്തിയത് അതിരുവിട്ട വാക്കുകളെന്നും മുഖ്യമന്ത്രിയും പാർട്ടി സെക്രട്ടറിയും മാധ്യമങ്ങളോട് ഇടപെടുന്നത് ശരിയായ രീതിയിലല്ലെന്നും വിമർശനമുയർന്നു.
മൈക്കിനോട് പോലും മുഖ്യമന്ത്രി അരിശം കാണിക്കുന്നെന്നായിരുന്നു പത്തനംതിട്ടയിലെ വിമർശനം. മുപ്പതിനായിരത്തിലധികം ഉറച്ച ഇടത് വോട്ടുകൾ ചോർന്നു, പാർട്ടി കത്ത് കൊടുത്തിട്ട് പോലും ഒന്നും നടക്കുന്നില്ലെന്നും മന്ത്രിമാരുടെ പ്രൈവറ്റ് സെക്രട്ടറിമാർക്ക് ജില്ലാ കമ്മിറ്റി അംഗങ്ങളെ പുച്ഛമാണെന്നും നേതാക്കൾ യോഗത്തിൽ പറഞ്ഞു.

മകൾക്കെതിരെ ആരോപണമുയർന്നപ്പോൾ മൗനം പാലിച്ചത് പരാജയത്തിന്റെ കാരണമായി ;മുഖ്യമന്ത്രിക്കെതിരെ വീണ്ടും വിമർശനം

കോഴിക്കോട് : തൃശൂരിൽ ബി.ജെ.പിയെ വിജയിപ്പിച്ചത് സി.പി.എമ്മാണെന്ന് കോൺഗ്രസ് നേതാവ് കെ. മുരളീധരൻ പറഞ്ഞു. സി.പി.എമ്മിന്റെ ഉദ്യോഗസ്ഥർ ബി.ജെ.പിക്ക് വോട്ട് ചേർത്തുകൊടുത്തുവെന്നും മുരളീധരൻ ആരോപിച്ചു. കരുവന്നൂർ കേസിൽ നിന്ന് തലയൂരാനുള്ള ശ്രമത്തിന്റെ ഭാഗമായാണ് ബി.ജെ.പിക്ക് വോട്ട് ചേർത്ത് കൊടുത്തത്. ഒരു ഭാഗത്ത് ബി.ജെ.പിയെ കുറ്റം പറയുകയും മറുഭാഗത്ത് ബി.ജെ.പിയെ സഹായിക്കുകയും ചെയ്യുന്ന പ്രവണതയാണ് മുഖ്യമന്ത്രിയുടേതെന്നും മുരളീധരൻ കുറ്റപ്പെടുത്തി.
മുഖ്യമന്ത്രി പിണറായി വിജയനെയും മുരളീധരൻ രൂക്ഷമായി വിമർശിച്ചു. പിണറായി വിജയൻ തെറ്റിൽ നിന്ന് തെറ്റിലേക്ക് പോകുകയാണ്. അദ്ദേഹത്തിന്റെ നേതൃത്വം ഉള്ളിടത്തോളം കാലം സി.പി.എം കേരളത്തിൽ രക്ഷപ്പെടില്ലെന്നും മുരളീധരൻ കോഴിക്കോട് പറഞ്ഞു.ടി.പി കേസിൽ ഒരു പ്രതിയേയും രക്ഷപ്പെടാൻ യു.ഡി.എഫ് അനുവദിക്കില്ല. ഈ നീക്കത്തെ രാഷ്ട്രീയമായും നിയമപരമായും നേരിടുമെന്നും അദ്ദേഹം പറഞ്ഞു.

മുഖ്യമന്ത്രി തെറ്റിൽ നിന്ന് തെറ്റിലേക്ക് പോകുകയാണ്; രൂക്ഷ വിമർശനവുമായി കെ മുരളീധരൻ

കോഴിക്കോട്: മുഖ്യമന്ത്രിക്ക് നേരെ കോഴിക്കോട് കെഎസ്‌യു എംഎസ്എഫ് പ്രവർത്തകർ കരിങ്കൊടി വീശി. ഗസ്റ്റ് ഹൗസിൽ നിന്നും മുഖ്യമന്ത്രി കോഴിക്കോട് ബീച്ചിലേക്ക് പോകുന്നതിനിടെയായിരുന്നു സംഭവം.&nbsp;
പ്ലസ് വൺ സീറ്റ് പ്രതിസന്ധി പരിഹരിക്കണമെന്ന് ആവശ്യപ്പെട്ടായിരുന്നു പ്രതിഷേധം.വെസ്റ്റ് ഹില്ലിലെ ഹോട്ടലിലാണ് കെഎസ്‌യു - എംഎസ്എഫ് പ്രവർത്തകർ ഉണ്ടായിരുന്നത്. വിവരമറിഞ്ഞ് സ്ഥലത്തെത്തിയ പൊലീസ് കെഎസ്‌യു ജില്ലാ പ്രസിഡന്റ് വിടി സൂരജിനെ കസ്റ്റഡിയിലെടുത്തിരുന്നു. ഒപ്പം ജില്ലാ വെെസ് പ്രസിഡന്റുമാരായ ഷഹബാസ്, എംപി രാഗിൻ എന്നിവരെയും കസ്റ്റഡിയിലെടുത്തു.എന്നാൽ കൂടുതൽ പ്രവർത്തകർ ഇവിടെ തമ്പടിച്ചിരുന്നു. ഇവരെ പൊലീസുകാർക്ക് തിരിച്ചറിഞ്ഞിരുന്നില്ല. മുഖ്യമന്ത്രിയുടെ വാഹനം അടുത്തേക്ക് എത്തിയപ്പോൾ പ്രവർത്തകർ കരിങ്കൊടിയുമായി ചാടി വീഴുകയായിരുന്നു. ഇവരെയും പൊലീസ് കസ്റ്റഡിയിലെടുത്തു.&nbsp;

കോഴിക്കോട് മുഖ്യമന്ത്രിക്ക് നേരെ കരിങ്കൊടി വീശി; കെഎസ്‌യു  - എംഎസ്എഫ്  പ്രവർത്തകർ കസ്റ്റഡിയിൽ

തിരുവനന്തപുരം: ലോക്‌സഭയിലെ പ്രോ ടേം സ്പീക്കര്‍ നിയമനത്തില്‍ കോണ്‍ഗ്രസ് എം.പി. കൊടിക്കുന്നില്‍ സുരേഷിനെ തഴഞ്ഞതില്‍ കേന്ദ്രസര്‍ക്കാരിനെതിരെ മുഖ്യമന്ത്രി പിണറായി വിജയന്‍. പാര്‍ലമെന്ററി കീഴ്‌വഴക്കങ്ങള്‍ ലംഘിച്ച് പ്രോ ടേം സ്പീക്കറെ നിയമിച്ച നടപടി പ്രതിഷേധാര്‍ഹമാണെന്ന് പിണറായി വിജയന്‍ ഫെയ്‌സ്ബുക്കില്‍ കുറിച്ചു.&nbsp;
സഭയില്‍ ഏറ്റവും കൂടുതല്‍ കാലം അംഗമായിട്ടും കൊടിക്കുന്നില്‍ സുരേഷിനെ തഴഞ്ഞത് എന്തിനാണെന്ന് കേന്ദ്ര സര്‍ക്കാര്‍ വ്യക്തമാക്കേണ്ടതുണ്ട്. പാര്‍ലമെന്ററി ജനാധിപത്യ മര്യാദകളെയും സഭയിലെ കീഴ്‌വഴക്കങ്ങളെയും അംഗീകരിക്കില്ല എന്ന ധാര്‍ഷ്ട്യമാണ് ബി.ജെ.പിക്ക്. ഇക്കഴിഞ്ഞ ലോകസഭയില്‍ ഡെപ്യൂട്ടി സ്പീക്കര്‍ പദവി അഞ്ചു വര്‍ഷവും ഒഴിച്ചിടുകയായിരുന്നു. പ്രതിപക്ഷകക്ഷിയില്‍പ്പെട്ട ആരെയും ആ സ്ഥാനത്ത് അംഗീകരിക്കാന്‍ കഴിയില്ല എന്ന മനോഭാവമായിരുന്നു ഇതിന്റെ പിന്നില്‍. ബി.ജെ.പി. നേതൃത്വത്തിന്റെ ഈ ധിക്കാരപരമായ സമീപനം ഇന്ത്യന്‍ ജനാധിപത്യത്തോടുള്ള വെല്ലുവിളിയും അവഹേളനവുമായി മാത്രമേ കാണാന്‍ കഴിയൂയെന്നും അദ്ദേഹം കുറിപ്പില്‍ പറഞ്ഞു.
എട്ടുതവണ എം.പിയായ കൊടിക്കുന്നിലിനെ തഴഞ്ഞ് ഏഴുതവണ എം.പിയായ ബി.ജെ.പിയുടെ ഭര്‍തൃഹരി മഹ്താബിനെ പ്രോം ടേം സ്പീക്കറായി രാഷ്ട്രപതി ദ്രൗപദി മുര്‍മു നിയമിച്ചുവെന്ന് കഴിഞ്ഞദിവസമാണ് പാര്‍ലമെന്ററികാര്യ മന്ത്രി അറിയിച്ചത്.&nbsp;

പ്രോ ടേം സ്പീക്കറെ നിയമിച്ച നടപടി പ്രതിഷേധാര്‍ഹം ;കൊടിക്കുന്നിലിനെ പിന്തുണച്ച് മുഖ്യമന്ത്രി

കണ്ണൂർ: മുഖ്യമന്ത്രി പിണറായി വിജയനെതിരെ വീണ്ടും വിവാദപരാമർശവുമായി കെപിപിസി പ്രസിഡന്റ് കെ സുധാകരൻ.മുഖ്യമന്ത്രിക്കെതിരെ അവന്‍ എന്ന വാക്ക് ഉപയോഗിച്ചുള്ള മോശം പരാമര്‍ശങ്ങളാണ് സുധാകരന്‍ നടത്തിയത്.
'മുഖ്യമന്ത്രിക്ക് ആണത്തം ഉണ്ടോ. അവൻ വെട്ടിക്കൊന്ന ആളെത്രയാണ്. വിവരം കെട്ടവനാണ് മുഖ്യമന്ത്രിയെന്നും സ്കൂളിൽ പഠിക്കുന്ന കാലം മുതൽ വെട്ടാനും കുത്താനും തുടങ്ങിയതല്ലേയെന്നും' സുധാകരൻ ചോദിച്ചു.&nbsp;
'സിപിഎം എന്ന പാർട്ടിയുടെ രാഷ്ട്രീയ അസ്ഥിത്വം തന്നെ അക്രമത്തിലും കൊലപാതകത്തിലുമാണ്. അതിലൊന്ന് ബോംബേറാണ്.'- സുധാകരൻ പറഞ്ഞു.എരഞ്ഞോളി ബോംബ് സ്‌ഫോടനത്തില്‍ 85-കാരന്‍ മരിച്ചതിനെക്കുറിച്ച് നടത്തിയ പ്രതികരണത്തില്‍ വൃദ്ധനല്ലേ മരിച്ചത് ചെറുപ്പക്കാരനല്ലല്ലോ എന്ന പരാമര്‍ശം വന്നതില്‍ വിശദീകരണവും അദ്ദേഹം നൽകി. വൃദ്ധന്‍ മരിച്ചു എന്നല്ല, ചെറുപ്പക്കാരന്‍ മരിച്ചില്ലല്ലോ എന്നാണ് താന്‍ പറഞ്ഞതെന്ന് അദ്ദേഹം വിശദീകരിച്ചു. ബോംബ് സ്‌ഫോടനത്തില്‍ ചെറുപ്പക്കാരെ കൊല്ലാത്ത സി.പി.എമ്മിന്റെ അപൂര്‍വം കൊലകളില്‍ ഒന്നാണിത്. അത് മെച്ചം എന്നല്ലാതെ എന്താണ് പറയേണ്ടതെന്നും അദ്ദേഹം ചോദിച്ചു.

'മുഖ്യമന്ത്രിക്ക് ആണത്തം ഉണ്ടോ; അവന്‍ വെട്ടിക്കൊന്ന ആളെത്രയാ', വിവാദപരാമർശവുമായി കെ സുധാകരൻ

തിരുവനന്തപുരം: കെ രാധാകൃഷ്ണൻ കൈകാര്യം ചെയ്തിരുന്ന വകുപ്പുകൾ മുഖ്യമന്ത്രിക്ക്. പട്ടികജാതി വികസനം ,ദേവസ്വം വകുപ്പുകൾ കൂടിയാണ് മുഖ്യമന്ത്രി പിണറായി വിജയൻ കൈകാര്യം ചെയ്യുക. സർക്കാർ വിജ്ഞാപനം പുറത്തിറങ്ങി.
ഒരു വകുപ്പ് അധികനാൾ ഒഴിച്ചിടാൻ സാധിക്കില്ല. പാർട്ടി തീരുമാനം എടുക്കുന്നതുവരെ താൽക്കാലികമായാണ് മുഖ്യമന്ത്രി ഈ വകുപ്പുകൾ കൈകാര്യം ചെയ്യുക.ഇന്നലെയാണ് കെ രാധാകൃഷ്ണൻ മന്ത്രിസ്ഥാനം രാജിവെച്ചത്. ആലത്തൂർ ലോക്സഭാ മണ്ഡലത്തിൽ എം.പിയായി തെരഞ്ഞെടുക്കപ്പെട്ടതിനാലാണ് രാജി.

പട്ടികജാതി വികസനം, ദേവസ്വം വകുപ്പുകൾ മുഖ്യമന്ത്രി കൈകാര്യം ചെയ്യും

കുവൈറ്റ് തീപിടിത്തത്തിൽ മലയാളികൾ അടക്കം നിരവധി പേർ മരിച്ച സാഹചര്യത്തിൽ കേന്ദ്രസർക്കാരിന്റെ അടിയന്തര ഇടപെടൽ ആവശ്യപ്പെട്ട് മുഖ്യമന്ത്രി വിദേശകാര്യ മന്ത്രി എസ്. ജയശങ്കറിന് കത്തയച്ചു.ദൗർഭാഗ്യകരമായ സംഭവത്തിൽ മലയാളികൾ ഉൾപ്പെടെ നിരവധി ഇന്ത്യക്കാർക്ക് ജീവൻ നഷ്ടപ്പെട്ടതായും ചിലർക്ക് ഗുരുതരമായി പരിക്കേറ്റതായും റിപ്പോർട്ടുണ്ട്. കുവൈറ്റ് സർക്കാരുമായി ബന്ധപ്പെട്ട് ദുരിതാശ്വാസ പ്രവർത്തനങ്ങളും രക്ഷാപ്രവർത്തനങ്ങളും ഏകോപിപ്പിക്കുന്നതിന് ആവശ്യമായ നിർദ്ദേശങ്ങൾ ഇന്ത്യൻ എംബസിക്ക് നൽകണമെന്ന് മുഖ്യമന്ത്രി അഭ്യർത്ഥിച്ചു
.പുലര്‍ച്ചെ 4.30 ഓടെയാണ് തീപിടിത്തമുണ്ടായത്. മലയാളിയുടെ ഉടമസ്ഥതയിലുള്ള എന്‍.ബി.ടി.സി ഗ്രൂപ്പിന്റേതാണ് ഫ്ലാറ്റ്. തീപിടിത്തത്തില്‍ പൊള്ളലേറ്റും ചാടി രക്ഷപ്പെടാന്‍ ശ്രമിച്ചവരുമാണ് മരിച്ചത്.&nbsp;

കുവൈത്ത് തീപ്പിടിത്തം:അടിയന്തര ഇടപെടൽ ആവശ്യപ്പെട്ട് വിദേശകാര്യമന്ത്രിക്ക് കത്തയച്ച് മുഖ്യമന്ത്രി

തിരുവനന്തപുരം: തിരഞ്ഞെടുപ്പ് തോൽവിയുടെ ഉത്തരവാദിത്വം ഏറ്റെടുത്ത് രാജിവെക്കില്ലെന്ന് മുഖ്യമന്ത്രി പിണറായി വിജയൻ. മുഖ്യമന്ത്രി രാജിവെക്കണമെന്ന് ഉപദേശിക്കുന്ന കോൺഗ്രസ്, അവർ ഭരിക്കുന്ന എത്ര സംസ്ഥാനങ്ങളിലെ മുഖ്യമന്ത്രിമാർ രാജിവെച്ചുവെന്ന് വ്യക്തമാക്കണമെന്നും അദ്ദേഹം നിയമസഭയില്‍ പറഞ്ഞു.
തോൽവിയുടെ ഉത്തരവാദിത്വം ഏറ്റെടുത്ത് മുഖ്യമന്ത്രി രാജിവെക്കണം എന്ന് പ്രതിപക്ഷം പറയുന്നു. എന്നാൽ എന്തുകൊണ്ട് ഹിമാചലിലും കർണാടകയിലും മുഖ്യമന്ത്രിമാർ രാജിവെക്കുന്നില്ല. മുഖ്യമന്ത്രി രാജിവെക്കണം എന്ന കോൺഗ്രസ് ഉപദേശം ആ സംസ്ഥാനങ്ങളിലെ മുഖ്യമന്ത്രിമാർക്ക് കൊടുക്കാമായിരുന്നില്ലേ? കോൺഗ്രസ് ഭരിക്കുന്ന എത്ര സംസ്ഥാനങ്ങളിലെ മുഖ്യമന്ത്രിമാർ രാജിവെച്ചുവെന്നും മുഖ്യമന്ത്രി ചോദ്യമുയർത്തി.
ലോക്സഭാ തിരഞ്ഞെടുപ്പിൽ സീറ്റുകൾ കുറഞ്ഞുപോയതിനാൽ സംസ്ഥാന സർക്കാർ രാജിവെക്കണം എന്ന് പറയുന്നത് എന്ത് യുക്തിയുടെ അടിസ്ഥാനത്തിലാണ്. 2004-ൽ എ.കെ. ആന്റണി രാജിവെച്ചത് സീറ്റ് കുറഞ്ഞത് കൊണ്ടല്ല, കോൺഗ്രസിനകത്തുള്ള സംഘടനാ പ്രശ്നം കൊണ്ടായിരുന്നുവെന്നും അതിനെ ഉദാഹരണമാക്കി തന്റെ രാജി ആവശ്യപ്പെടാൻ പുറപ്പെടേണ്ടതില്ലെന്നും പിണറായി വിജയൻ പറഞ്ഞു.

രാജിയും ചോദിച്ച് ഇങ്ങോട്ട് വരണ്ട;പ്രതിപക്ഷത്തിന് മറുപടിയുമായി മുഖ്യമന്ത്രി പിണറായി വിജയൻ

തിരുവനന്തപുരം: കേരളത്തിൽ ഡൽഹി മോഡൽ ബാർക്കോഴയാണ് നടക്കുന്നതെന്ന് ബി.ജെ.പി സംസ്ഥാന അധ്യക്ഷൻ കെ. സുരേന്ദ്രൻ. മുഖ്യമന്ത്രിയുടെ അറിവോടെയാണ് എല്ലാം നടക്കുന്നത്. അരവിന്ദ് കെജരിവാളിന്റെ അവസ്ഥ വരും മുമ്പ് പിണറായി വിജയൻ രാജിവെക്കുന്നതാണ് നല്ലത്. സർക്കാരിന്റെ നയങ്ങൾ തീരുമാനിക്കുന്നത് ബാർ മുതലാളിമാരാണെന്ന് വ്യക്തമായിരിക്കുകയാണ്. കോടികളാണ് സർക്കാരിന് കോഴ കൊടുക്കേണ്ടതെന്ന ബാർ ഉടമ അസോസിയേഷൻ നേതാവിന്റെ ശബ്ദരേഖ ഈ സർക്കാരിന്റെ മുഖം കൂടുതൽ വികൃതമാക്കുന്നതാണ്. മദ്യശാലകൾ അടച്ചുപൂട്ടുമെന്ന് ഉറപ്പ് നൽകി അധികാരത്തിലെത്തിയ ഇടത് സർക്കാർ പൂട്ടിയ ബാറുകളെല്ലാം തുറന്ന കാഴ്ച നമ്മൾ കണ്ടതാണ്. ഇപ്പോൾ ഡ്രൈ ഡേ എടുത്ത് കളയാനും ബാറുകളിലെ സമയം കൂട്ടാനുമുള്ള തീരുമാനം വലിയ അഴിമതിക്ക് വേണ്ടിയുള്ളതാണ്. ഇത് കേരളത്തെ മദ്യത്തിൽ മുക്കികൊല്ലും.
യു.ഡി.എഫ് സർക്കാരിന്റേതിന് സമാനമായ രീതിയിലാണ് എൽ.ഡി.എഫും മുന്നോട്ട് പോകുന്നത്. ഡൽഹി ബാർക്കോഴ കേസിൽ ജയിലിലായ മുഖ്യമന്ത്രി അരവിന്ദ് കെജരിവാളിനെ പിന്തുണച്ച് കോൺഗ്രസും സി.പി.എമ്മും രംഗത്ത് വന്നത് സ്വന്തം താത്പര്യം സംരക്ഷിക്കാനാണെന്ന് വ്യക്തമായിരിക്കുകയാണ്. കേരളത്തിന്റെ സാമൂഹ്യജീവിതം തകർക്കുന്ന ബാർക്കോഴക്കെതിരെ ശക്തമായ ജനകീയ പ്രതിരോധം ഉയർന്നു വരുമെന്നും കെ. സുരേന്ദ്രൻ പറഞ്ഞു.

കെജരിവാളിന്റെ അവസ്ഥ വരും മുമ്പ് പിണറായി രാജിവെക്കുന്നതാണ് നല്ലതെന്ന് കെ. സുരേന്ദ്രൻ

കല്‍പ്പറ്റ: ലോക്‌സഭാ തെരഞ്ഞെടുപ്പ് ഘട്ടത്തില്‍ വിദേശയാത്രയ്ക്ക് പോകുന്ന മുഖ്യമന്ത്രിയെ വിമര്‍ശിച്ച് ടി സിദ്ധീഖ്. ഏഴു ഘട്ടമായുള്ള തെരഞ്ഞെടുപ്പില്‍ രണ്ട് ഘട്ടം മാത്രമാണ് കഴിഞ്ഞത്. അഞ്ച് ഘട്ടങ്ങള്‍ ബാക്കി നില്‍ക്കുന്നു. പല കോണ്‍ഗ്രസ് സ്ഥാനാര്‍ഥികള്‍ക്കും മറ്റ് സംസ്ഥാനങ്ങളില്‍ ചുമതല ലഭിച്ച് പോയി കഴിഞ്ഞു. എന്നാല്‍ സിപിഎം നേതാക്കളെല്ലാം വിശ്രമത്തിലാണെന്നാണ് സിദ്ധീഖിന്റെ വിമര്‍ശനം. സിപിഎം പിബി അംഗങ്ങള്‍ കൂടുതല്‍ കേരളത്തില്‍ നിന്നാണ്. അവര്‍ക്ക് ഇന്ത്യാ മുന്നണിയുടെ ഭാഗമായി ബിജെപിക്കെതിരെ പോരാട്ടം നയിക്കാന്‍ ഉത്തരേന്ത്യയിലേക്ക് പോയ് കൂടെയെന്നും സിദ്ധീഖ് ചോദിച്ചു.&nbsp;&nbsp;
ടി സിദ്ധീഖിന്റെ കുറിപ്പ്
കേരളത്തിലെ തിരഞ്ഞെടുപ്പ് കഴിഞ്ഞു. എല്‍ഡിഎഫ് യോഗം കൂടി 12 സീറ്റ് ഉറപ്പിച്ചു. ഇനി സിപിഐഎം വിശ്രമത്തിലേക്ക്..! ദേശീയ തിരഞ്ഞെടുപ്പ് നടക്കുമ്പോള്‍ ആകെയുള്ള സിപിഐഎം മുഖ്യമന്ത്രിയും കുടുംബവും സ്വകാര്യ സന്ദര്‍ശനത്തിന് ദുബായിലേക്ക് പോകുന്നു. മത്സരിച്ച നേതാക്കളെല്ലാം വിശ്രമത്തിലാണ്. കേരളത്തിലെ കോണ്‍ഗ്രസിനും രാഹുല്‍ ഗാന്ധിക്കുമെതിരെ പറയുകയും പ്രവര്‍ത്തിക്കുകയും ചെയ്യുക എന്നത് മാത്രമായിരുന്നു ഈ തിരഞ്ഞെടുപ്പില്‍ സിപിഐഎമ്മിന്റെ അജണ്ട എന്ന് തിരഞ്ഞെടുപ്പിന് ശേഷം അവര്‍ എന്ത് ചെയ്തു എന്ന് നോക്കിയാല്‍ മതി. ഷാഫി പറമ്പില്‍ എന്ന ജനകീയ നേതാവിനെ മതം നോക്കി തീവ്രവാദിയാക്കലാണ് ആകെ ചെയ്യുന്ന പണി.
7 ഘട്ടമായുള്ള തിരഞ്ഞെടുപ്പില്‍ രണ്ട് ഘട്ടം മാത്രമാണ് കഴിഞ്ഞത്. അഞ്ച് ഘട്ടങ്ങള്‍ ബാക്കി നില്‍ക്കുന്നു. പല കോണ്‍ഗ്രസ് സ്ഥാനാര്‍ഥികള്‍ക്കും മറ്റ് സംസ്ഥാനങ്ങളില്‍ ചുമതല ലഭിച്ച് പോയിക്കഴിഞ്ഞു. അവര്‍ രണ്ട് മാസം കൊടും വെയില്‍ കൊണ്ട് പ്രചാരണം നടത്തിയവരാണ്. എന്നിട്ട് പോലും അവര്‍ക്ക് വിശ്രമമില്ല. കോണ്‍ഗ്രസിന് വിശ്രമിക്കാനാവില്ല. ഈ തിരഞ്ഞെടുപ്പ് ഇന്ത്യയുടെ നില നില്‍പ്പിന് വേണ്ടിയുള്ളതാണ്, അല്ലാതെ ചിഹ്നം നില നിര്‍ത്താനുള്ളതല്ല എന്ന തിരിച്ചറിവ് കോണ്‍ഗ്രസിനുണ്ട്.
ഈ തിരഞ്ഞെടുപ്പില്‍ സിപിഎമ്മിന്റെ പ്രസക്തി എത്ര മാത്രമാണെന്ന് ഇപ്പോള്‍ എല്ലാവര്‍ക്കും ബോധ്യമായില്ലേ? പിബി മെമ്പര്‍മാരൊക്കെ കൂടുതല്‍ കേരളത്തില്‍ നിന്നാണ്. അവര്‍ക്ക് ഇന്ത്യാ മുന്നണിയുടെ ഭാഗമായി ബിജെപിക്കെതിരെ പോരാട്ടം നയിക്കാന്‍ ഉത്തരേന്ത്യയിലേക്ക് പൊയ്ക്കൂടെ? പോട്ടെ, ബംഗാളിലേക്കെങ്കിലും പൊയ്ക്കൂടെ. അഖിലേന്ത്യാ തലത്തില്‍ ബിജെപിയ്‌ക്കെതിരെ എന്ത് പോരാട്ടമാണ് സിപിഐഎം അടക്കമുള്ള ഇടത് പാര്‍ട്ടികള്‍ ഇപ്പോള്‍ നടത്തുന്നത്? നിങ്ങള്‍ക്ക് വിശ്രമിക്കാം, രാഹുല്‍ ഗാന്ധി പ്രധാനമന്ത്രിയാവരുതെന്ന് ആഗ്രഹിക്കുന്ന നിങ്ങള്‍ വിശ്രമിച്ചില്ലെങ്കിലേ അത്ഭുതമുള്ളൂ. 'ഇന്ത്യ ഉണ്ടെങ്കിലേ കേരളമുള്ളൂ... കേരളമുണ്ടെങ്കിലേ സിപിഐഎം ഉള്ളൂ...' എന്ന് പാര്‍ട്ടി വിലയിരുത്തുന്നത് നന്ന്.&nbsp;

യോഗം കൂടി 12 സീറ്റ് ഉറപ്പിച്ചു; കേരളത്തിലെ തെരഞ്ഞെടുപ്പ് കഴിഞ്ഞതോടെ സിപിഎം വിശ്രമത്തിലാണെന്ന് സിദ്ധീഖ്

തോടന്നൂർ: അഴിമതിയിൽ മുങ്ങിക്കുളിച്ച കുറ്റബോധം കൊണ്ടാണ് നിരന്തരമായി രാഹുൽ ഗാന്ധിക്കെതിരെ പിണറായി വിജയൻ പ്രസ്താവന ഇറക്കുന്നതെന്ന് മുൻ കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ ആരോപിച്ചു. മോഡിയെ പ്രീണിപ്പിച്ച് കേന്ദ്ര ഏജൻസിയുടെ അന്വേഷണത്തിൽ നിന്നും രക്ഷപ്പെടാനാണ് ഇത്തരം രാഹുൽ വിരുദ്ധ സമീപനത്തിലൂടെ വിജയൻ ലക്ഷ്യമിടുന്നതെന്ന് മുല്ലപ്പള്ളി കൂട്ടിച്ചേർത്തു. ന്യൂനപക്ഷ സ്നേഹം നടിക്കുകയല്ലാതെ ഒരു കാലത്തും ആത്മാർത്ഥമായി അനുകൂല നിലപാട് സ്വീകരിക്കാത്ത പാർട്ടിയാണ് കേരളത്തിലെ സിപിഎം എന്നും മുല്ലപ്പള്ളി പറഞ്ഞു.
തോടന്നൂരിൽ ഐക്യ ജനാധിപത്യമുന്നണി നടത്തിയ പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പി കെ മൊയ്തു അധ്യക്ഷത വഹിച്ചു. പി കെ യൂസഫ്, അഷ്കർ ഫാറൂഖ്, മൂഴിക്കൽ ചന്ദ്രൻ, സി വി ഹമീദ്, വി കെ ഇസ്ഹാഖ്, പാലോറ മൊയ്തു , കെ കെ അബ്ദുറഹിമാൻ ഹാജി, സി ആർ സജിത്ത് എന്നിവർ സംസാരിച്ചു.

അഴിമതിയുടെ പ്രഭവ കേന്ദ്രം പിണറായി വിജയൻ; മുല്ലപ്പള്ളി രാമചന്ദ്രൻ

തിരുവനന്തപുരം: കേരള മുഖ്യമന്ത്രിയോട് മൈക്ക് പോലും പ്രതിഷേധിക്കുന്ന കാഴ്ചയാണിപ്പോൾ നിരന്തരം കണ്ടുകൊണ്ടിരിക്കുന്നതെന്ന് രമേശ് ചെന്നിത്തല. മുഖ്യമന്ത്രി എവിടെ പ്രസം​ഗിച്ചാലും മൈക്ക് പണിമുടക്കുന്നത് ഒരു പ്രതിഭാസമായി മാറി. ചിലപ്പോൾ മുഖ്യമന്ത്രി തന്നെ മൈക്ക് ഒടിച്ചു കളയുന്നു.
കേടാകുന്ന മൈക്ക് നന്നാക്കുന്നതാണ് ജോസ് കെ. മാണിയുടെ ഇപ്പോഴത്തെ പ്രധാന പരിപാടി. മൈക്ക് റിപ്പയറിങ് ജോസ് കെ. മാണിക്ക് എൽ.ഡി.എഫ് നൽകുന്ന പാരിതോഷികമാണ്. ഇടതുമുന്നണിയുടെ മറ്റൊരു പരിപാടിയിലും ജോസ് കെ മാണിക്ക് റോളില്ല. അതേസമയം, മൈക്ക് നന്നാക്കാൻ പോകാത്തയാളാണ് ബിനോയ് വിശ്വം.
ഇനി അതിന്റെ പേരിൽ ഉണ്ടാകാൻ പോകുന്നത് രാജ്യസഭാ സീറ്റ് തർക്കമാകും. മൈക്ക് നന്നാക്കുന്ന ജോസ് കെ മാണിക്കാണോ, മൈക്ക് നന്നാക്കാത്ത ബിനോയ് വിശ്വത്തിനാണോ പിണറായി വിജയൻ രാജ്യസഭാ സീറ്റ് നൽകുകയെന്ന് കണ്ടറിയണമെന്നും ചെന്നിത്തല പറഞ്ഞു.

മൈക്ക് പോലും മുഖ്യമന്ത്രിയോട് പ്രതിഷേധിക്കുന്നുവെന്ന് രമേശ് ചെന്നിത്തല

ചേർത്തല: ലോക്‌സഭാ തെരഞ്ഞെടുപ്പിൽ കേരളത്തിലെ ഒരു മണ്ഡലത്തിലും ബിജെപിക്ക്‌ ജയിക്കാൻ കഴിയില്ലെന്ന്‌ മുഖ്യമന്ത്രി പിണറായി വിജയൻ. 20 മണ്ഡലങ്ങളിലും ബിജെപിക്ക്‌ രണ്ടാംസ്ഥാനം പോലും കിട്ടില്ല. വർഗീയ രാഷ്‌ട്രീയത്തെ കേരളം കാലുകുത്താൻ അനുവദിക്കില്ല എന്നും മുഖ്യമന്ത്രി പറഞ്ഞു. ചേർത്തലയിൽ മാധ്യമങ്ങളോട്‌ സംസാരിക്കുകയായിരുന്നു മുഖ്യമന്ത്രി.
വയനാട്ടിൽ രാഹുൽഗാന്ധിയുടെ പ്രചാരണത്തിൽ ലീഗിന്റെ കൊടി ഒഴിവാക്കാൻ മുഴുവൻ കൊടികളും ഒഴിവാക്കിയത്‌ കോൺഗ്രസ് സംഘപരിവാറുമായി സമരസപ്പെടുന്നു എന്നത് വ്യക്തമാക്കുന്നതാണ്‌. 2016ൽ നേമത്ത്‌ ബിജെപി അക്കൗണ്ട് തുറന്നത് എങ്ങനെ എന്നത് ബിജെപിക്ക് പോലും അറിയില്ല. 2016 ൽ നേമത്ത് 17.38 ശതമാനം വോട്ട് മാത്രമാണ്‌ യുഡിഎഫിന് ഉണ്ടായത്‌. 7 ശതമാനമായി കുറഞ്ഞപ്പോൾ ആണ് ബിജെപിക്ക് അക്കൗണ്ട് തുറക്കാനായത്. സ്വന്തം വോട്ട് ദാനം ചെയ്‌തു അക്കൗണ്ട് തുറക്കാൻ അവസരം ഒരുക്കിയവരാണ് യുഡിഎഫുകാർ. നാല് വോട്ടിന് വേണ്ടി രാഷ്ട്രീയ നിലപാട് മാറ്റുന്നവരല്ല എൽഡിഎഫ്. പൗരത്വ ഭേദഗതി വിഷയത്തിൽ കോൺഗ്രസ് പാർട്ടി ഇതേവരെ നിലപാട് വ്യക്തമാക്കിയിട്ടില്ല. നിയമത്തിനെതിരെ ഒരക്ഷരം പോലും എതിർത്ത് പറഞ്ഞിട്ടില്ല എന്നും മുഖ്യമന്ത്രി ചൂണ്ടിക്കാട്ടി.
കോൺഗ്രസിന്റെ പ്രകടന പത്രിക സംഘപരിവാർ രാഷ്ട്രീയത്തെ ഗൗരവത്തോടെ സമീപിക്കുന്ന ഒന്നാണോ എന്ന് സംശയം ഉണ്ട്. സിഎഎ വിഷയത്തിൽ കുറ്റകരമായ മൗനം പ്രകടനപത്രികയിലൂടെ കോൺഗ്രസ് കാണിക്കുന്നു. നിയമം റദ്ദ് ചെയ്യുമെന്ന് പറയാൻ തയ്യാറാകുന്നില്ല. വലിയ വിഭാഗത്തിന്റെ ആശങ്കയിൽ രാജ്യത്തെ ഒരു പ്രതിപക്ഷ പാർട്ടിക്ക് ഒന്നും പറയാനില്ല. തെരഞ്ഞെടുപ്പ് ചർച്ചകളിൽ പൗരത്വ ഭേദഗതി ഉണ്ടാകരുതെന്ന നിർബന്ധം കോൺഗ്രസിന് സംഘപരിവാർ അജണ്ടയോടൊപ്പം ചേർന്ന്‌ നിൽക്കാനുള്ള മനസ് ആണ്‌.
എല്ലാ വിഭാഗം ആളുകളുടെയും അവകാശങ്ങൾ സംരക്ഷിക്കുമെന്നാണ് സിപിഐ എം മുന്നോട്ടുവയ്ക്കുന്ന പ്രകടനപത്രിക വ്യക്തമാക്കുന്നത്. കശ്‌മീർ വിഷയത്തിൽ പ്രതിഷേധം ഉയർത്തുന്നതിൽ കോൺഗ്രസ് പരാജയപ്പെട്ടു. സമരസപ്പെടലിനു മറ്റൊരു ഉദാഹരണം ആണിത്. ഭരണത്തിലെത്തിയാൽ ആർട്ടിക്കിൾ 370 പുനസ്ഥാപിക്കും എന്ന് പറയാൻ കോൺഗ്രസിനാകുന്നില്ല. ബാബറി മസ്‌ജിദ് വിഷയത്തിലും കോൺഗ്രസ് നിലപാട് സംഘപരിവാറിന് ഒത്താശ ചെയ്യുന്നതായിരുന്നു.
അയോധ്യയിൽ പ്രാണപ്രതിഷ്ഠ നടന്നപ്പോൾ കർണാടകയിലെ മുഴുവൻ ക്ഷേത്രങ്ങളിലും പ്രത്യേക പൂജ നടത്താൻ കോൺഗ്രസ് സർക്കാർ ഉത്തരവിട്ടു. സംഘപരിവാർ അജണ്ടയോടൊപ്പം ചേർന്നുനിൽക്കാൻ കോൺഗ്രസിന് എങ്ങനെ കഴിയുന്നു?. അതുകൊണ്ടാണ് പൗരത്വ നിയമഭേദഗതിയെക്കുറിച്ച് ആവർത്തിച്ചു പറയുന്നത് എന്നും മുഖ്യമന്ത്രി പറഞ്ഞു.

കേരളത്തിൽ ഒരു മണ്ഡലത്തിലും ബിജെപിക്ക്‌ രണ്ടാംസ്ഥാനം പോലും ഉണ്ടാകില്ലെന്ന് മുഖ്യമന്ത്രി

തിരുവനന്തപുരം: കേരളത്തിനെതിരെ വിദ്വേഷ പ്രചാരണം ലക്ഷ്യമാക്കി നിർമിച്ച സിനിമ ‘കേരള സ്റ്റോറി’ പ്രദർശിപ്പിക്കുമെന്ന തീരുമാനം ദൂരദർശൻ അടിയന്തരമായി പിൻവലിക്കണമെന്ന്‌ മുഖ്യമന്ത്രി പിണറായി വിജയൻ. തെരഞ്ഞെടുപ്പ് വേളയിൽ രാജ്യത്തിന്റെ ഔദ്യോഗിക വാർത്താസംപ്രേഷണ സ്ഥാപനത്തെ ഉപയോഗിച്ച് സംസ്ഥാനത്തെ ഇകഴ്ത്താനുള്ള നീക്കത്തിൽനിന്ന് കേന്ദ്രസർക്കാർ പിന്തിരിയണം. പരസ്പര സാഹോദര്യത്തിൽ വിവിധ മതവിഭാഗത്തിൽപ്പെട്ടവർ ഒരുമയോടെ ജീവിക്കുന്ന പ്രദേശമാണ് കേരളം. ലോകത്തിനുമുമ്പിൽ തലയുയർത്തി നിൽക്കുന്ന കേരളത്തെ അപഹസിക്കാനും മതസ്പർധ വളർത്തുവാനും ലക്ഷ്യമിട്ട് സംഘപരിവാർ തലച്ചോറിൽ ഉടലെടുത്ത കുടിലതയുടെ ഉൽപ്പന്നമാണ് സിനിമ.
അതിദാരിദ്ര്യ നിർമാർജനത്തിൽ രാജ്യത്തിന് തന്നെ മാതൃകയായ നിതി ആയോഗിന്റെയടക്കമുള്ള വിവിധ സൂചികകളിൽ മുൻപന്തിയിലുള്ള കേരളത്തെ സോമാലിയ എന്ന് വിളിച്ച് ആക്ഷേപിച്ചവർ ഇപ്പോൾ മതംമാറ്റത്തിന്റെ കേന്ദ്രമെന്ന്‌ പ്രചരിപ്പിക്കാനുള്ള ഗൂഢശ്രമമാണ് നടത്തുന്നത്. സംഘപരിവാർ സ്ഥിരമായി പ്രചരിപ്പിക്കുന്ന നുണകളും അപര വിദ്വേഷവും അടിസ്ഥാനമാക്കിയ സിനിമക്കെതിരെ വ്യാപകമായ പ്രതിഷേധം ഉയർന്നിരുന്നു. സംഘപരിവാറിന്റെ വർഗീയ അജൻഡക്കനുസരിച്ച്‌ പ്രവർത്തിക്കുന്ന കളിപ്പാവയായി ദൂരദർശൻ പോലൊരു പൊതുമേഖലാ സ്ഥാപനം മാറരുത്. ബിജെപി സ്ഥാനാർഥികൾക്കായി വർഗീയ പ്രചാരണം നടത്താനുള്ള ഏജൻസിയല്ല ദൂരദർശൻ. അഞ്ചിന് സിനിമ സംപ്രേക്ഷണം ചെയ്യുമെന്ന അറിയിപ്പ് കേരളത്തെയാകെ അധിക്ഷേപിക്കുന്നതിന് തുല്യമാണെന്നും വർഗീയ ധ്രുവീകരണത്തിനായി നടത്തുന്ന ഇത്തരം വിധ്വംസക നീക്കങ്ങളെ മതനിരപേക്ഷ കേരളം ഒറ്റക്കെട്ടായി പ്രതിരോധിക്കുമെന്നും മുഖ്യമന്ത്രി പ്രസ്താവനയിൽ പറഞ്ഞു.
ദൂരദർശനിൽ കേരള സ്റ്റോറി പ്രദർശിപ്പിക്കരുത്‌: സിപിഐ എം
തിരുവനന്തപുരം: കേരളജനതയെ അധിക്ഷേപിക്കുന്ന സിനിമ ‘കേരള സ്റ്റോറി’ പ്രദർശിപ്പിക്കാനുള്ള നീക്കത്തിൽ നിന്ന് ദൂരദർശൻ പിന്മാറണമെന്ന്‌ സിപിഐ എം സംസ്ഥാന സെക്രട്ടറിയേറ്റ് ആവശ്യപ്പെട്ടു.&nbsp;
വ്യത്യസ്ത മതവിഭാഗങ്ങൾ സൗഹാർദത്തോടെ കഴിയുന്ന കേരളത്തിൽ വർഗീയതയുടെ വിത്തിട്ട് ഭിന്നിപ്പുണ്ടാക്കാനുള്ള ബിജെപി ശ്രമത്തിന് ദൂരദർശൻ കൂട്ടുനിൽക്കരുത്. സിനിമ സംപ്രേഷണം ചെയ്യുന്നത്‌ കേരളത്തോടുള്ള വെല്ലുവിളിയാണ്‌.
സിനിമയുടെ ട്രെയിലറിൽ ‘32,000 സ്ത്രീകൾ' മതം മാറി തീവ്രവാദ പ്രവർത്തനത്തിന് പോയെന്ന പച്ചക്കള്ളം പ്രചരിപ്പിച്ചപ്പോഴേ കേരളം പ്രതിഷേധവുമായി രംഗത്തുവന്നിരുന്നു. അധിക്ഷേപകരമായ 10 രംഗങ്ങൾ ഒഴിവാക്കണമെന്ന്‌ സെൻസർ ബോർഡ് തന്നെ നിർദേശിച്ച ചിത്രമാണിത്. കമ്യൂണിസ്റ്റ് പാർട്ടികളേയും നേതാക്കളേയും മോശമായി ചിത്രീകരിക്കുന്ന സിനിമ ഏറ്റെടുക്കുന്നത്‌ സംഘപരിവാറിന്റെ കള്ളപ്രചാരണമാണ്‌.
രാഷ്ട്രീയലക്ഷ്യത്തോടെയുള്ള ബിജെപി നീക്കമാണ്‌ ലോക്‌സഭാ തെരഞ്ഞെടുപ്പ്‌ അടുത്തപ്പോൾ സിനിമ പ്രദർശിപ്പിക്കുന്നതിന്‌ പിന്നിൽ. ഒരു മണ്ഡലത്തിലും ബിജെപിക്ക് മുന്നേറാൻ കഴിയാത്ത സാഹചര്യത്തിലാണ് വർഗീയ വിഷം ചീറ്റുന്ന സിനിമ ദൂരദർശൻ പ്രദർശിപ്പിക്കുന്നത്‌. ഇത്തരം നീക്കങ്ങളെ മതനിരപേക്ഷ കേരളം ജാഗ്രതയോടെ പ്രതിരോധിക്കുമെന്നും സെക്രട്ടറിയേറ്റ് പ്രസ്താവനയിൽ പറഞ്ഞു.

'കേരള സ്റ്റോറി’ പ്രദർശിപ്പിക്കാനുള്ള തീരുമാനം ദൂരദർശൻ പിൻവലിക്കണം : മുഖ്യമന്ത്രി

കോഴിക്കോട്: റിയാസ് മൗലവിയുടെ ഘാതകർക്ക് ശിക്ഷ ഉറപ്പാക്കാൻ എല്ലാ നടപടികളും സ്വീകരിക്കുമെന്ന് മുഖ്യമന്ത്രി പിണറായി വിജയൻ. സംസ്ഥാനത്ത് സാധാരഗതിയിൽ സംഭവിക്കാൻ പാടില്ലാത്ത കാര്യമാണ് റിയാസ് മൗലവി കേസിൽ സംഭവിച്ചതെന്നും അദ്ദേഹം പറഞ്ഞു. കോഴിക്കോട് മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.
"സംഭവം നടന്ന് 96 മണിക്കൂറിനുള്ളിൽ മൂന്ന് പ്രതികളെയും അന്വേഷണ സംഘം അറസ്റ്റ് ചെയ്തു. ശക്തമായ പൊലീസ് നിലപാടിന്‍റെ ഭാഗമായി പ്രതികൾ ഏഴ് വർഷം വിചാരണ തടവുകാരായി കഴിഞ്ഞു. നിശ്ചിത സമയത്തിനുള്ളിൽ കുറ്റപത്രം സമർപ്പിച്ചു. ജാമ്യം അനുവദിച്ചില്ല. മതസ്പർദ വളർത്താനുള്ള കുറ്റകൃത്യം എന്ന വകുപ്പ് ചേർക്കാൻ സർക്കാർ അനുമതി നൽകി. കേസ് അന്വേഷണത്തിലും വിചാരണയിലും സുതാര്യതയും തികഞ്ഞ സത്യസന്ധതയുമാണ് അന്വേഷണ സംഘവും പ്രോസിക്യൂഷനും പുലർത്തിയത്" -മുഖ്യമന്ത്രി പറഞ്ഞു.
ഇത്രയധികം തെളിവുകളും ശാസ്ത്രീയ പരിശോധന റിപ്പോർട്ടുകളും സാക്ഷിമൊഴികളും ഉണ്ടായിരുന്നിട്ടും കേസിലെ വിധിന്യായം പ്രോസിക്യൂഷൻ കണ്ടെത്തലുകളെ ശരിവെച്ചില്ല എന്നത് സമൂഹത്തിൽ ഞെട്ടലുളവാക്കിയെന്നും അദ്ദേഹം പറഞ്ഞു. മതവിദ്വേഷത്തിന്‍റെ പുറത്ത് മനുഷ്യനെ കൊല്ലുന്ന രീതി എന്തു വിലകൊടുത്തും അവസാനിപ്പിക്കണമെന്നും അദ്ദേഹം പറഞ്ഞു.
റിയാസ് മൗലവി വധക്കേസിലെ മൂന്ന് പ്രതികളെയും വെറുതെ വിട്ടിരുന്നു. കാസര്‍കോട് ജില്ല പ്രിന്‍സിപ്പല്‍ സെഷന്‍സ് കോടതി ജഡ്ജി കെ.കെ. ബാലകൃഷ്ണനാണ് കേസ് പരിഗണിച്ചത്. കേസ് പരിഗണിക്കുന്ന എട്ടാമത്തെ ജഡ്ജിയാണ് കെ.കെ. ബാലകൃഷ്ണൻ. ആര്‍.എസ്.എസ് പ്രവർത്തകരായ കേളുഗുഡ്ഡെയിലെ അജേഷ് എന്ന അപ്പു, നിതിന്‍കുമാര്‍, കേളുഗുഡ്ഡെ ഗംഗൈ റോഡിലെ അഖിലേഷ് എന്ന അഖില്‍ എന്നിവരാണ് കേസിലെ പ്രതികള്‍. പഴയ ചൂരി മദ്‌റസയിലെ അധ്യാപകനായിരുന്ന കുടക് സ്വദേശി റിയാസ് മൗലവിയെ 2017 മാർച്ച് 20 നാണ് പ്രതികൾ കൊലപ്പെടുത്തിയത്.

റിയാസ് മൗലവിയുടെ ഘാതകർക്ക് ശിക്ഷ ഉറപ്പാക്കാൻ എല്ലാ നടപടികളും സ്വീകരിക്കുമെന്ന് മുഖ്യമന്ത്രി

തിരുവനന്തപുരം: മുഖ്യമന്ത്രിയെ അസഭ്യം പറഞ്ഞ യുവാവിനെതിരെ കേസെടുത്തു. സഹോദരന്റെ കസ്റ്റഡി മരണത്തില്‍ നടപടിയാവശ്യപ്പെട്ട് സെക്രട്ടേറിയറ്റിന് മുന്നില്‍ സമരം ചെയ്യുന്ന ശ്രീജിത്തിനെതിരെയാണ് കേസ്. സെക്രട്ടേറിയറ്റ് വളപ്പിലേക്ക് നോക്കി മൈക്രോഫോണിലൂടെയാണ് അസഭ്യം പറഞ്ഞത്. ഇതിന്റെ വീഡിയോ ദൃശ്യം വ്യാപകമായി പ്രചരിച്ചിരുന്നു. പിന്നാലെയാണ് തിരുവനന്തപുരം കന്റോണ്‍മെന്റ് പൊലീസ് കേസെടുത്തത്. പ്രധാനമായും അഞ്ച് വകുപ്പുകളാണ് ചുമത്തിയിട്ടുള്ളത്. സഹോദരന്റെ കസ്റ്റഡി മരണത്തില്‍ നടപടി ആവശ്യപ്പെട്ട് ഏകദേശം പത്തു വര്‍ഷത്തോളമായി ശ്രീജിത്ത് സെക്രട്ടേറിയേറ്റ് പരിസരത്ത് സമരത്തിലാണ്.

മൈക്രോഫോണിലൂടെ മുഖ്യമന്ത്രിയെ അസഭ്യം പറഞ്ഞു; യുവാവിനെതിരെ കേസെടുത്തു

തൃശൂര്‍: കഴിയുന്നതും വേഗത്തില്‍ തെരഞ്ഞെടുപ്പ് തീരാനാണ് ആഗ്രഹമെന്ന് തൃശൂരിലെ യുഡിഎഫ് സ്ഥാനാര്‍ത്ഥി കെ മുരളീധരൻ. തൃശൂരിൽ ബി ജെ പി യെ മൂന്നാം സ്ഥാനത്താക്കാനാണ് ശ്രമം. ആൾക്കൂട്ടത്തിന്‍റെ പ്രതികരണം വലിയ പ്രതീക്ഷ നല്‍കുന്നതാണ്. എത്ര വോട്ട് കിട്ടും എന്ന കണക്ക് രണ്ടാഴ്ചയ്ക്കുള്ളിൽ പറയാനാകും. മുഖ്യമന്ത്രി സമനില തെറ്റിയ പോലെയാണ് സംസാരിക്കുന്നത്. പൗരത്വ നിയമ ഭേദഗതിയിൽ അതുകൊണ്ടാണ് നുണ പറയുന്നത്. ആരാണ് പിണറായിയെ നുണ പറഞ്ഞ് പഠിപ്പിച്ചതെന്നറിയില്ല. കേരളത്തിൽ പോരാട്ടം എല്‍ഡിഎഫ്-യുഡിഎഫ് തമ്മിലാണെന്ന് പിണറായി വിജയൻ പറഞ്ഞെങ്കിലും ബിജെപിയോട് സിപിഎമ്മിന് മൃദു സമീപനമുണ്ടെന്നും കെ മുരളീധരൻ പറഞ്ഞു.

'തെരഞ്ഞെടുപ്പ് വേഗത്തില്‍ തീരാനാണ് ആഗ്രഹം', മുഖ്യമന്ത്രിക്ക് സമനില തെറ്റിയെന്നും കെ മുരളീധരൻ

കൊച്ചി: പിണറായി വിജയൻ ജയിലിൽ കിടക്കേണ്ട സമയം കഴിഞ്ഞുവെന്ന് കെ. സുധാകരൻ എം.പി. ലൈഫ് മിഷൻ കേസിൽ ശിവശങ്കർ അകത്ത് പോയെങ്കിൽ പിണറായി വിജയനും ജയിലിൽ കിടക്കേണ്ടതല്ലെയെന്നും അദ്ദേഹം ചോദിച്ചു. സമരാഗ്നി വേദിയിലായിരുന്നു വിമർശനം.&nbsp;&nbsp;
ഫെബ്രുവരി 9 ന് തുടങ്ങിയ സമരാഗ്നി പ്രക്ഷോഭ യാത്ര 10 ദിവസം പിന്നിട്ടാണ് എറണാകുളം ജില്ലയിൽ പ്രവേശിച്ചത്. ആലുവയിൽ നടന്ന പൊതുസമ്മേളനം രമേശ് ചെന്നിത്തല ഉദ്ഘാടനം ചെയ്തു. സമരം നയിക്കുന്ന പ്രതിപക്ഷ നേതാവ് വി.ഡി സതീശനും കെപിസിസി പ്രസിഡന്‍റ് കെ.സുധാകരനും മുഖ്യമന്ത്രി പിണറായി വിജയനെതിരെയും സംസ്ഥാന സർക്കാരിനെതിരെയും ആഞ്ഞടിച്ചു.

പിണറായി വിജയൻ ജയിലിൽ കിടക്കേണ്ട സമയം കഴിഞ്ഞു; കെ. സുധാകരൻ

തിരുവനന്തപുരം: മുഖ്യമന്ത്രി പിണറായി വിജയനെ സഭയിലിരുത്തി സിപിഎമ്മിനെതിരെ കുലംകുത്തി പ്രയോഗവുമായി കെകെ രമ എംഎൽഎ. സ്വാശ്രയ കോളേജിനെതിരായ സമരത്തില്‍ പങ്കെടുത്തവരോടുള്ള വഞ്ചനയാണ് സ്വകാര്യ സര്‍വകലാശാലകള്‍ കൊണ്ടുവരാനുള്ള നീക്കമെന്ന് കെകെ രമ നിയമസഭയിൽ പറഞ്ഞു. അന്ന് പരിക്ക് പറ്റിയവര്‍ ഇന്ന് സഭയിലെത്തിയാല്‍ സിപിഎം നേതാക്കളെ നോക്കി കുലംകുത്തികളെന്ന് വിളിക്കുമെന്നും കെകെ രമ വിമർശിച്ചു.&nbsp;
ആർഎംപി നേതാവ് ടിപി ചന്ദ്രശേഖരൻ കൊല്ലപ്പെട്ട സമയത്താണ് പിണറായി വിജയൻ കുലംകുത്തി പ്രയോ​ഗം നടത്തിയത്. ഈ പദപ്രയോ​ഗത്തിനെതിരെ വളരെ രൂക്ഷമായ വിമർശനങ്ങൾ ഉയർന്നെങ്കിലും പ്രയോഗം പിൻവലിക്കാൻ പിണറായി തയ്യാറായില്ല. കുലംകുത്തികൾ എന്നും കുലംകുത്തികൾ തന്നെയെന്നായിരുന്നു അന്നത്തെ സിപിഎം സെക്രട്ടറിയായിരുന്ന പിണറായിയുടെ അധിക്ഷേപം.

അന്ന് പരിക്ക് പറ്റിയവര്‍ ഇന്ന് സിപിഎം നേതാക്കളെ കുലംകുത്തികളെന്ന് വിളിക്കും; മുഖ്യമന്ത്രിയെ സഭയിലിരുത്തി കെ കെ രമ

തിരുവനന്തപുരം: റേഷൻ കടകളിൽ മോദി ചിത്രം വെക്കണമെന്ന കേന്ദ്ര നിർദ്ദേശം നടപ്പിലാക്കില്ലെന്ന് മുഖ്യമന്ത്രി പിണറായി വിജയൻ നിയമസഭയിൽ. കേന്ദ്രം നിർദ്ദേശം ലഭിച്ചു. പ്രധാനമന്ത്രിയുടെ ചിത്രങ്ങൾ റേഷൻ ഷോപ്പുകളിൽ പ്രചരിപ്പിക്കുകയെന്നത് ഇതുവരെയില്ലാത്ത പ്രചരണ പരിപാടിയാണ്. കേരളം ഇത് നടപ്പാക്കില്ല. ഇക്കാര്യം കേന്ദ്രത്തെ അറിയിക്കും. വിഷയത്തിൽ തെരഞ്ഞെടുപ്പ് കമ്മീഷനെ സമീപിക്കുമെന്നും മുഖ്യമന്ത്രി വ്യക്തമാക്കി.&nbsp;
റേഷൻ കടകൾക്ക് മുന്നിൽ പ്രധാനമന്ത്രിയുടെ ചിത്രമുളള ബാനറുകൾ സ്ഥാപിക്കണം, പ്രധാനമന്ത്രിയുടെ ചിത്രങ്ങളുളള കവറുകൾ വിതരണം ചെയ്യണം തുടങ്ങിയവയാണ് കേന്ദ്ര ഭക്ഷ്യസെക്രട്ടറി സംസ്ഥാന ഭക്ഷ്യസെക്രട്ടറിക്ക് നൽകിയ കത്തിലെ നിർദ്ദേശങ്ങൾ.
കേന്ദ്ര സർക്കാർ കിലോയ്ക്ക് 29 രൂപ നിരക്കിൽ ലഭ്യമാകുന്ന ഭാരത് അരി വിഷയവും നിയമസഭയിൽ ചർച്ചയായി. കേന്ദ്രം പല രൂപത്തിൽ ഭക്ഷ്യ പൊതു വിതരണത്തിൽ ഇടപെടുന്ന സ്ഥിതിയാണ് നിലവിലുളളതെന്ന് ഭക്ഷ്യമന്ത്രി ജി ആർ അനിലും സഭയെ അറിയിച്ചു. കേരളത്തിന് ആവശ്യമായ അരി നൽകുന്നതിൽ പോലും കേന്ദ്രം അനുകൂല നിലപാട് സ്വീകരിച്ചില്ല. 8 വർഷമായി നൽകുന്ന അരിയുടെ അളവ് വർധിപ്പിച്ചില്ലെന്നും മന്ത്രി വ്യക്തമാക്കി.&nbsp;

കേന്ദ്ര നിർദ്ദേശം നടപ്പാക്കില്ല; കേരളത്തിൽ റേഷൻ കടകളിൽ മോദി ചിത്രം വെക്കില്ലെന്ന് മുഖ്യമന്ത്രി

ന്യൂഡൽഹി: കേന്ദ്ര സർക്കാരിനെതിരെ നാളെ ഡൽഹിയിൽ കേരളം നടത്തുന്ന സമരം സവിശേഷമായതെന്ന് മുഖ്യമന്ത്രി പിണറായി വിജയൻ. ഈ സമരം ആരെയും തോൽപ്പിക്കാനല്ലെന്നും, അർഹമായതു നേടിയെടുക്കാനാണെന്നും മുഖ്യമന്ത്രി വിശദീകരിച്ചു. ചിലയിടങ്ങളിൽ ലാളനയും മറ്റിടങ്ങളിൽ പീഡനവുമെന്നതാണു കേന്ദ്രത്തിന്റെ നയം. നാളത്തെ സമരത്തിൽ രാജ്യമൊന്നാകെ കേരളത്തിനൊപ്പം അണിചേരുമെന്നാണു പ്രതീക്ഷയെന്നും മുഖ്യമന്ത്രി പറഞ്ഞു. സമരത്തിനായി ഡൽഹിയിൽ എത്തിയ മുഖ്യമന്ത്രി, വാർത്താ സമ്മേളനത്തിലാണ് ഇക്കാര്യം പറഞ്ഞത്.
‘‘കേരളത്തിന്റെ അതിജീവനത്തിനും മുന്നോട്ടു പോക്കിനും അനിവാര്യമായ മാർഗമെന്ന നിലയിലാണ്, ചരിത്രത്തിൽ അധികം കീഴ്‌വഴക്കങ്ങളില്ലാത്ത ഈ പ്രക്ഷോഭത്തിന്റെ മാർഗം തിര‍ഞ്ഞെടുക്കേണ്ടി വന്നത്. കേരളത്തിന്റെ മാത്രമല്ല, പൊതുവിൽ സംസ്ഥാനങ്ങളുടെ ഭരണഘടനാധിഷ്ഠിതമായ അവകാശങ്ങൾ സംരക്ഷിക്കാനുള്ള പ്രക്ഷോഭമാണിത്. ഒരാളെയും തോൽപ്പിക്കുക എന്ന ലക്ഷ്യത്തോടെയല്ല ഈ സമരം. തോറ്റു പിൻമാറുന്നതിനു പകരം അർഹതപ്പെട്ടതു നേടിയെടുക്കുക എന്ന ലക്ഷ്യമാണ് ഇതിനു പിന്നിൽ. രാജ്യമാകെ ഈ സമരത്തിനു പിന്തുണയുമായി കേരളത്തോടൊപ്പം നിലകൊള്ളുകയാണ്.
രാജ്യമാകെ കേരളത്തിനൊപ്പം അണിചേരുമെന്നാണ് ഞങ്ങൾ പ്രതീക്ഷിക്കുന്നത്. ഇതിനു കക്ഷിരാഷ്ട്രീയ നിറം നൽകി കാണാൻ ശ്രമിക്കരുത്. സഹകരണ ഫെഡറലിസം നമ്മുടെ പ്രഖ്യാപിത ആദർശമാണ്. ഈ ആശയത്തിന്റെ അന്തഃസത്ത അടുത്ത കാലത്തെ ചില കേന്ദ്ര നടപടികളിലൂടെ ചോർന്നുപോയിരിക്കുകയാണ്.
രാജ്യത്ത് 17 സംസ്ഥാനങ്ങളിലാണ് ബിജെപി നേരിട്ടോ അവരുടെ പങ്കാളിത്തത്തോടെയോ ഭരണമുള്ളത്. ഈ സംസ്ഥാനങ്ങളോടു സ്വീകരിക്കുന്ന നിലപാടല്ല, എൻഡിഎ ഇതര ഭരണമുള്ള സംസ്ഥാനങ്ങളോടു കേന്ദ്രം സ്വീകരിക്കുന്ന നിലപാട്. 17 ഇടത്ത് ലാളനയും മറ്റുള്ള ഇടങ്ങളിൽ പീഡനവും എന്നതാണു സമീപനം. ഇത്തരം നടപടികൾക്ക് എതിരെയാണു പ്രതീകാത്മക പ്രതിരോധം ഉയർത്തുന്നത്. ഇതിനു വ്യാപകമായ പിന്തുണ അഭ്യർഥിച്ചുകൊണ്ട് മുഖ്യമന്ത്രിമാർ, രാഷ്ട്രീയ നേതാക്കൾ എന്നിവർക്കു കത്തയച്ചിട്ടുണ്ട്.
ഏതുവിധേനയും കേരളത്തെ ബുദ്ധിമുട്ടിക്കാനാണു കേന്ദ്ര സർക്കാരിന്റെ ശ്രമം. ഇല്ലാത്ത അധികാരങ്ങൾ അവർ പ്രയോഗിക്കുകയാണ്. സംസ്ഥാനങ്ങളുടെ കടമെടുപ്പു പരിധി വെട്ടിക്കുറച്ചു. ഇത് ഭരണഘടനാ വിരുദ്ധമാണ്. പതിനഞ്ചാം ധനകാര്യ കമ്മിഷൻ ശുപാർശകൾ കേന്ദ്രം അട്ടിമറിച്ചു.’’ – മുഖ്യമന്ത്രി വിശദീകരിച്ചു.
കേന്ദ്ര നയങ്ങൾ ജനവിരുദ്ധമാണെന്നും മുഖ്യമന്ത്രി ആരോപിച്ചു. അത് സാമ്പത്തിക ഫെഡറലിസത്തിന് എതിരാണ്. സംസ്ഥാന പദ്ധതികൾ കേന്ദ്രത്തിന്റേത് എന്ന പേരിൽ ബ്രാൻഡ് ചെയ്യാനാണ് ശ്രമം. ലൈഫ് മിഷൻ പദ്ധതിയിൽ ഈ കടന്നുകയറ്റം നടക്കുന്നതായി മുഖ്യമന്ത്രി ചൂണ്ടിക്കാട്ടി. ലൈഫ് പദ്ധതിക്കായി കേരളം 17,104 കോടി രൂപയാണ് ചെലവഴിച്ചത്. കേന്ദ്രം നൽകിയത് 12% തുക മാത്രമാണ്. ലൈഫ് മിഷനിലൂടെ നിർമിച്ച വീടുകൾ ബ്രാൻഡ് ചെയ്യാൻ തയാറല്ലെന്ന് മുഖ്യമന്ത്രി ആവർത്തിച്ചു. വീട് ഔദാര്യമല്ല, അവകാശമാണെന്നും അദ്ദേഹം ചൂണ്ടിക്കാട്ടി.

ആരെയും തോൽപ്പിക്കാനല്ല; അർഹമായതു നേടിയെടുക്കാനാണ് ഡൽഹിയിലെ സമരമെന്ന് മുഖ്യമന്ത്രി

കോഴിക്കോട്: കേരള ലിറ്ററേച്ചർ ഫെസ്റ്റ് വേദിയിൽ എം.ടി.വാസുദേവൻ നായർ ഉന്നയിച്ച വിമർശനങ്ങൾ കേരളത്തെ തന്നെ ഉദ്ദേശിച്ചാണെന്നും മുഖ്യമന്ത്രി പിണറായി വിജയനെയാണ് അദ്ദേഹം പരാമർശിച്ചതെന്നും കെ.മുരളീധരൻ എംപി.&nbsp;
‘‘വായിക്കുന്നവർക്ക് കാര്യം മനസ്സിലാകും. പറഞ്ഞത് ഇ.പി. ജയരാജന് മനസ്സിലാകാഞ്ഞിട്ടല്ല. കാര്യം പറഞ്ഞാൽ പണി പോകുമെന്ന പേടിയാണ് ഇപിക്ക്. എംടി പറഞ്ഞത് പ്രധാനമന്ത്രി നരേന്ദ്ര മോദിക്കും പിണറായിക്കും ബാധകമാണ്. എഴുത്തും വായനയും അറിയാവുന്നവർക്ക് കാര്യം മനസ്സിലാകും. സാഹിത്യകാരൻമാരും ബുദ്ധിജീവികളും സിപിഎമ്മിനെതിരെ നിലപാട് എടുക്കാൻ നിർബന്ധിതരാകുന്നു. സാഹിത്യകാരന്മാരും സർക്കാരിനെ കൈവിട്ടെന്നതിനു തെളിവാണ് മുഖ്യമന്ത്രിയെ വേദിയിലിരുത്തി എം.ടി. വാസുദേവൻ നായർ നടത്തിയ വിമർശനം. സാധാരണ സിപിഎമ്മിനൊപ്പം നിൽക്കുന്ന നിലപാട് എല്ലാകാലത്തും എഴുത്തുകാർ സ്വീകരിച്ചിട്ടുളളത്. എന്നാൽ വർത്തമാന കേരളത്തിൽ അവർക്കുപോലും അവർ അസംതൃപ്തരാണെന്നും തെളിയിക്കുന്നതാണ് എംടിയുടെ പ്രസംഗം. കേരളത്തിലെ സിപിഎം പിണറായിയുടെ ഭരണത്തിൻ കീഴിൽ അത്രമേൽ അധപതിച്ചിട്ടുണ്ട്.
എംടിയുടെ പ്രസംഗത്തെ ശക്തമായ താക്കീതായി സർക്കാരും മുഖ്യമന്ത്രിയും കാണണം. എതിർ ശബ്ദങ്ങളെയൊന്നും അടിച്ചമർത്തുന്ന സമീപനം ശരിയല്ല. അഴിമതിയും കൊളളയുമാണ് സംസ്ഥാനത്ത് നടക്കുന്നത്. സർവ സീമകളും ലംഘിച്ചാണ് പിണറായിയുടെ ഭരണം. എംടിയുടെ പ്രസംഗം കേട്ടപ്പോൾ തന്നെ അത് പിണറായിക്ക് എതിരെയാണെന്ന് ഉറപ്പായിരുന്നു. മോദിയെ പറയാനാണെങ്കിൽ ഇഎംഎസുമായി താരതമ്യം ചെയ്യേണ്ട കാര്യമുണ്ടായിരുന്നില്ലല്ലോ’’ – മുരളീധരൻ പറഞ്ഞു.&nbsp;
അയോധ്യ വിഷയത്തിൽ കോൺഗ്രസ്‌ ഉചിതമായ സമയത്ത് ഉചിതമായ തീരുമാനമാണ് എടുത്തത്. ഇടതുപക്ഷത്തിന്റെ സമ്മർദ്ദത്തിനു വഴങ്ങിയാണു തീരുമാനം എടുത്തത് എന്ന പരാമർശം നത്തോലി പറയുന്നത് കേട്ട് തിമിംഗലം തീരുമാനം എടുത്തു എന്നു പറയുന്നത് പോലെയാണെന്നും മുരളീധരൻ പറഞ്ഞു.&nbsp;

&nbsp;

എംടി ഉന്നയിച്ച വിമർശനങ്ങള്‍ കേരളത്തെ ഉദ്ദേശിച്ച്; പരാമർശിച്ചത് മുഖ്യമന്ത്രിയെ ആണെന്നും കെ.മുരളീധരൻ

തിരുവനന്തപുരം: മുഖ്യമന്ത്രി പിണറായി വിജയന് ബോംബ് ഭീഷണി. നവകേരള സദസ്സിലെ വേദിയിൽ കുഴിബോംബ് വെയ്ക്കുമെന്നാണ് ഭീഷണി. ഭീഷണിക്കത്ത് എറണാകുളം എഡിഎമ്മിന്റെ ഓഫീസിലാണ് ലഭിച്ചത്. കാനം രാജേന്ദ്രന്റെ മരണത്തെ തുടർന്ന് എറണാകുളം ജില്ലയിൽ മാറ്റിവെച്ച നവകേരള സദസ് നടക്കാനിരിക്കെയാണ് ഭീഷണി. സംഭവത്തിൽ തൃക്കാക്കര പൊലീസ് കേസെടുത്തു. ജനുവരി 1, 2 തിയതികളിലാണ് സദസ്സ് നടക്കുന്നത്. മുൻ കമ്മ്യൂണിസ്റ്റുകൾ എന്നവകാശപ്പെട്ടാണ് കത്ത് എഴുതിയിട്ടുള്ളത്.

മുഖ്യമന്ത്രി പിണറായി വിജയന് ബോംബ് ഭീഷണി

കൊല്ലം: മുഖ്യമന്ത്രിയും മന്ത്രിമാരും പങ്കെടുക്കുന്ന നവകേരള സദസ് ചക്കുവള്ളി ക്ഷേത്രമൈതാനിയിൽ നടത്തുന്നതിന് ഹൈക്കോടതി കഴിഞ്ഞ ദിവസം അനുമതി നിഷേധിച്ചിരുന്നു. ഇതിനിടെ മുഖ്യമന്ത്രിയുടെ പേരിൽ ഗണപതി ഹോമം നടത്തിയിരിക്കുകയാണ് ഇതേ ക്ഷേത്രത്തിൽ. തിരുവിതാംകൂർ ദേവസ്വംബോർഡിന് കീഴിലുള്ള ചക്കുവള്ളി ക്ഷേത്രത്തിൽ ഇത്തരത്തിൽ വഴിപാട് നടത്തിയതിന്റെ ചിത്രം സമൂഹമാദ്ധ്യമങ്ങളിൽ പ്രചരിക്കുന്നുണ്ട്.
ഇന്ന് കൊല്ലം ജില്ലയിൽ നവകേരള സദസ് നടക്കാനിരിക്കെയാണ് മുഖ്യമന്ത്രിയുടെ പേരിൽ വഴിപാട് നടന്നത്. ജില്ലയിലെ കുന്നത്തൂർ നിയോജക മണ്ഡലത്തിലാണ് പ്രസിദ്ധമായ ചക്കുവള്ളി ക്ഷേത്രം. ഇവിടെവച്ച് സർക്കാർ പരിപാടിയായ നവകേരള സദസ് നടക്കുന്നതിനെതിരെ ഹിന്ദു ഐക്യവേദിയാണ് കോടതിയെ സമീപിച്ചത്. തുടർന്നാണ് ഹൈക്കോടതി ഉത്തരവിട്ടത്.

മുഖ്യമന്ത്രിയുടെ പേരിൽ ചക്കുവള്ളി ക്ഷേത്രത്തിൽ ഗണപതിഹോമ വഴിപാട്

കൊച്ചി: പി ജി വിദ്യാർത്ഥിനി ആത്മഹത്യ ചെയ്തു. പെരുമ്പാവൂർ സ്വദേശിനി അക്ഷരയാണ് (23) മരിച്ചത്. പരീക്ഷയ്‌ക്ക് തോൽക്കുമോയെന്ന മനോവിഷമത്തിലാണ് പെൺകുട്ടി ജീവനൊടുക്കിയതെന്നാണ് റിപ്പോർട്ടുകൾ. കുറുപ്പംപടിയിലെ സ്വകാര്യ കോളേജിൽ എം എസ് ഡബ്ല്യൂ വിദ്യാർത്ഥിനിയാണ്.
ഇന്നലെ പരീക്ഷയുണ്ടായിരുന്നു. ഇന്ന് രാവിലെ വീട്ടിലെ കിടപ്പുമുറിയിൽ തൂങ്ങമരിച്ചനിലയിലാണ് അക്ഷരയെ കണ്ടെത്തിയത്. മുറിയിൽ നിന്ന് ആത്മഹത്യാക്കുറിപ്പും കിട്ടിയിട്ടുണ്ട്. കഴിഞ്ഞ ദിവസത്തെ പരീക്ഷ പ്രതീക്ഷിച്ച രീതിയിൽ എഴുതാനായില്ലെന്നാണ് ആത്മഹത്യാക്കുറിപ്പിലുള്ളത്. സംഭവത്തിൽ ദുരൂഹതയില്ലെന്നാണ് പൊലീസിന്റെ പ്രാഥമിക നിഗമനം.

പരീക്ഷയ്‌ക്ക് തോൽക്കുമോയെന്ന പേടി; പി ജി വിദ്യാർത്ഥിനി ആത്മഹത്യ ചെയ്തു

തിരുവല്ല : ഇൻസ്റ്റഗ്രാമിലൂടെ പരിചയപ്പെട്ട പത്താംക്ലാസ് വിദ്യാർഥിനിയെ ലൈംഗികാതിക്രമത്തിന് ഇരയാക്കിയ യുവാവ് അറസ്റ്റിൽ. നെടുമ്പ്രം പൊടിയാടി വൈക്കത്തില്ലം മാധവംവീട്ടിൽ സഞ്ജയ് എസ്.നായർ(23) ആണ് അറസ്റ്റിലായത്.
പെൺകുട്ടിക്ക് ഇയാൾ തന്റെ സ്വകാര്യഭാഗങ്ങളിലെ ദൃശ്യങ്ങൾ അയച്ചുനൽകി. തുടർന്ന് പെൺകുട്ടിയുടെ ദൃശ്യങ്ങൾ ആവശ്യപ്പെട്ടു. തടിയൂരിലെ വെള്ളച്ചാട്ടത്തിന് സമീപത്ത് കാറിലെത്തിച്ച് ശാരീരികമായി ഉപദ്രവിക്കുകയായിരുന്നു.ശിശുസംരക്ഷണസമിതിക്ക് ലഭിച്ച വിവരത്തിന്റെ അടിസ്ഥാനത്തിൽ തിരുവല്ല പോലീസ് കേസ് എടുത്ത് പ്രതിയെ അറസ്റ്റുചെയ്തു. വിദഗ്ധ പരിശോധനയ്ക്കായി ഇയാളുടെ മൊബൈൽ ഫോൺ പോലീസ് കസ്റ്റഡിയിലെടുത്തിട്ടുണ്ട്.

സ്വകാര്യചിത്രങ്ങൾ അച്ചുകൊടുത്തു, പത്താംക്ലാസുകാരിയെ ലൈംഗികമായി ഉപദ്രവിച്ച യുവാവ് അറസ്റ്റിൽ

സ്വകാര്യചിത്രങ്ങൾ അയച്ചുകൊടുത്തു, പത്താംക്ലാസുകാരിയെ ലൈംഗികമായി ഉപദ്രവിച്ച യുവാവ് അറസ്റ്റിൽ

പേ​രാ​മ്പ്ര: റെ​യി​ൽ​വേ​യി​ൽ ജോ​ലി വാ​ഗ്ദാ​നം ചെ​യ്ത് ല​ക്ഷ​ങ്ങ​ൾ ത​ട്ടി​യ കേ​സി​ലെ മു​ഖ്യ​പ്ര​തി​യെ പി​ടി​കൂ​ടി. ബാ​ലു​ശ്ശേ​രി സ്വ​ദേ​ശി കു​ഞ്ഞാ​ലേ​രി ഷൈ​ലേ​ഷ് (58) ആ​ണ് അ​റ​സ്റ്റി​ലാ​യ​ത്. പേ​രാ​മ്പ്ര സ്വ​ദേ​ശി​ക​ൾ ന​ൽ​കി​യ പ​രാ​തി​യെ​ത്തു​ട​ർ​ന്നാ​ണ് അ​റ​സ്റ്റ്.
പ​ര​സ്യം ന​ൽ​കി ആ​ളു​ക​ളെ സ്ഥാ​പ​ന​ത്തി​ലേ​ക്ക് ആ​ക​ർ​ഷി​ക്കു​ക​യും പി​ന്നീ​ട് ചെ​ന്നൈ തൃ​ച്ചി​യി​ൽ വെ​ച്ച് റി​ക്രൂ​ട്ട്മെ​ന്റ് ന​ട​ത്തി വ്യാ​ജ നി​യ​മ​ന ഉ​ത്ത​ര​വ് ന​ൽ​കു​ക​യും വ്യാ​ജ ട്രെ​യി​നി​ങ് ന​ൽ​കി വി​ശ്വ​സി​പ്പി​ച്ച ശേ​ഷം ഇ​തു​വെ​ച്ച് ഉ​ദ്യോ​ഗാ​ർ​ഥി​ക​ളി​ൽ​നി​ന്നും വ​ൻ​തോ​തി​ൽ പ​ണം വാ​ങ്ങു​ക​യും ചെ​യ്താ​യി​രു​ന്നു ത​ട്ടി​പ്പ്.പ​രാ​തി ല​ഭി​ച്ച​തി​നെ​തു​ട​ർ​ന്ന് ഇ​യാ​ൾ ഒ​ളി​വി​ലാ​യി​രു​ന്നു. ഇ​പ്പോ​ൾ ഇ​യാ​ൾ നാ​ട്ടി​ലു​ണ്ടെ​ന്ന ര​ഹ​സ്യ​വി​വ​രം ല​ഭി​ച്ച​തോ​ടെ​യാ​ണ് ബാ​ലു​ശ്ശേ​രി തു​രു​ത്തി​യാട് നിന്ന് പേ​രാ​മ്പ്ര പൊ​ലീ​സ് പി​ടി​കൂ​ടി​യ​ത്. ത​ട്ടി​പ്പ് പ​ണ​മു​പ​യോ​ഗി​ച്ച് ആ​ഡം​ബ​ര ജീ​വി​ത​മാ​ണ് പ്ര​തി ന​യി​ച്ചി​രു​ന്ന​ത്. പേ​രാ​മ്പ്ര എ​സ്.​ഐ ജം​ഷി​ദി​ന്റെ നേ​തൃ​ത്വ​ത്തി​ൽ സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ സി.​എം. സു​നി​ൽ കു​മാ​ർ, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ജോ​ജോ, ബൈ​ജു എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.

റെ​യി​ൽ​വേ​യി​ൽ ജോ​ലി വാ​ഗ്ദാ​നം ചെ​യ്ത് ല​ക്ഷ​ങ്ങ​ൾ ത​ട്ടി ;പേ​രാ​മ്പ്ര സ്വ​ദേ​ശി​ക​ളുടെ പരാതിയിൽ ഒരാൾ അറസ്റ്റിൽ

Perambra

വടകര: ജൂലൈ നാലിന് വടകരയിൽ സ്വകാര്യ ബസ് പണിമുടക്ക്. താലൂക്കിലെ വിവിധ ഭാഗങ്ങളിലുണ്ടാകുന്ന ഗതാഗത കുരുക്ക് പരിഹരിക്കാൻ തയ്യാറാകാത്ത അധികൃതരുടെ നടപടിയിൽ പ്രതിഷേധിച്ചാണ് സ്വകാര്യ ബസ് തൊഴിലാളികൾ സൂചനാ പണിമുടക്ക് നടത്തുന്നത്.
ദേശീയ പാതയിലെ സർവ്വീസ് റോഡിൻറെയും വടകര-കുറ്റ്യാടി റൂട്ടിലെ നാദാപുരം, കല്ലാച്ചി ഭാഗങ്ങളിലെ റോഡിന്റെ ശോചനീയാവസ്ഥയും കാരണമുണ്ടാകുന്ന ഗതാഗത കുരുക്കും വടകര ടൗണിലെ ഗതാഗത കുരുക്കും പരിഹരിക്കാൻ തയ്യാറാകാത്ത നടപടിയിൽ പ്രതിഷേധിച്ചാണ് സമരം. സംയുക്ത യൂണിയൻ യോഗമാണ് പണിമുടക്കിന് ആഹ്വാനം ചെയ്തത്.യോഗത്തിൽ എ സതീശൻ, ഇ പ്രദീപ് കുമാർ, എം ബാലകൃഷ്ണൻ, വി കെ ബാബു, അഡ്വ.ഇ നാരായണൻ നായർ, മടപ്പള്ളി മോഹനൻ, വിനോദ് ചെറിയത്ത്,പി സജീവ് കുമാർ,മജീദ് എന്നിവർ സംസാരിച്ചു.

ജൂലൈ നാലിന് വടകരയിൽ സ്വകാര്യ ബസ് പണിമുടക്ക്

നരിപ്പറ്റ: മൈസൂരിൽ വാഹനാപകടത്തിൽ പരിക്കേറ്റ് ചികിത്സിലായിരുന്ന വിദ്യാർത്ഥി മരിച്ചു. നരിപ്പറ്റ വടക്കെ കൈതച്ചാലിൽ ഉദിത് വിനുവാണ് (20) മരിച്ചത്. മൈസൂരിൽ ബി.ബി. എ. ആന്റ് ടൂറിസം അവസാന വർഷ വിദ്യാർത്ഥിയാണ്. കഴിഞ്ഞ 18 നാണ് അപകടത്തിൽപെട്ടത്. അച്ഛൻ : വിനു. അമ്മ : ലീന.

മൈസൂരിലുണ്ടായ വാഹനാപകടത്തിൽ നരിപ്പറ്റ സ്വദേശി മരിച്ചു

Nadapuram

വടകര : കഞ്ചാവ് കൈവശംവെച്ച കേസിൽ യുവാവിന് കഠിനതടവും പിഴയും ശിക്ഷ. മലപ്പുറം മേൽമുറി ഉരകം നീലഞ്ചേരി അബ്ബാസിനെയാണ്‌ (37) വടകര എൻഡിപിഎസ് കോടതി ജഡ്ജി വി.ജി. ബിജു ശിക്ഷിച്ചത്. രണ്ടുവർഷം കഠിനതടവും ഇരുപതിനായിരം രൂപ പിഴയുമാണ് ശിക്ഷ. പിഴയടച്ചില്ലെങ്കിൽ രണ്ടുമാസംകൂടി കഠിനതടവ് അനുഭവിക്കണം. 2018 ജൂലായ്‌ 29-നാണ് കേസിനാസ്പദമായ സംഭവം. വടകര പഴയ ബസ് സ്റ്റാൻഡിന് സമീപംവെച്ച് ഒന്നരക്കിലോ കഞ്ചാവുമായി ഇയാൾ പിടിയിലാവുകയായിരുന്നു. പ്രോസിക്യൂഷനുവേണ്ടി എജിപി ഇ.വി. ലിജിഷ് ഹാജരായി.

കഞ്ചാവുകേസ് പ്രതിക്ക് കഠിനതടവും പിഴയും

പാലക്കാട്: ശ്രീകൃഷ്‌ണപുരം സെന്റ് ഡൊമിനിക്‌സ് ഇംഗ്ലീഷ് മീഡിയം സ്‌കൂളിലെ ഒമ്പതാം ക്ലാസ് വിദ്യാർത്ഥിനി ആശിർനന്ദയുടെ മരണത്തിൽ ബാലവകാശ കമ്മീഷൻ കേസെടുത്തു. ജില്ലാ ശിശുസംരക്ഷണ സമിതി സ്‌കൂൾ അധികൃതരിൽ നിന്ന് വിശദമായ റിപ്പോർട്ടും തേടിയിട്ടുണ്ട്.
തച്ചനാട്ടുകര ചോളോടുള്ള ആശിർനന്ദയുടെ വീടും പഠിച്ച സ്‌കൂളും കമ്മീഷൻ ചെയർമാൻ കെവി മനോജ് കുമാർ സന്ദർശിച്ചു. കുട്ടികൾക്ക് അനുകൂലമായ സാഹചര്യം സ്‌കൂളിൽ വളർത്തിയെടുക്കണമെന്നും കമ്മീഷൻ നിർദേശിച്ചു. കുട്ടികൾക്ക് ആഘാതമില്ലാത്ത രീതിയിൽ വേണം സ്‌കൂളിന്റെ തുടർപ്രവർത്തനമെന്നും കമ്മീഷൻ നിർദേശിച്ചു. തിങ്കളാഴ്‌ച കുട്ടികൾ സ്‌കൂളിലെത്തുമ്പോൾ ആവശ്യമായ ക്ലാസും കൗൺസിലിംഗും നൽകണമെന്നും കമ്മീഷൻ കൂട്ടിച്ചേർത്തു. സംഭവത്തിൽ പൊലീസിൽ നിന്നുള്ള റിപ്പോർട്ടും ബാലാവകാശ കമ്മീഷൻ തേടിയിട്ടുണ്ട്.ക്ളാസ് ടെസ്റ്റിൽ ഒന്നര മാർക്ക് കുറഞ്ഞതിന് മാനസികപീഡനം നേരിട്ടതിനെ തുടർന്നാണ് ആശിർനന്ദ ആത്മഹത്യ ചെയ്‌തത്.&nbsp;

ഒമ്പതാം ക്ലാസ് വിദ്യാർത്ഥിനിയുടെ മരണം; സ്വമേധയാ കേസെടുത്ത് ബാലാവകാശ കമ്മീഷൻ

നാദാപുരം: എം ഡി എം എയുമായി രണ്ട് യുവാക്കളെ വളയം പോലീസ് അറസ്റ്റ് ചെയ്തു. ചെക്ക്യാട് പുളിയാവ് സ്വദേശികളായ കൈതോറ മീത്തൽ മുഹമ്മദ് സ്വാലിഹ്(29) , കൈതോറയിൽ മുഹമ്മദ് അജ്മമൽ ( 26) എന്നിവരെയാണ് വളയം സബ് ഇൻസ്പെക്ടർ വി.കെ മനീഷും സംഘവും അറസ്റ്റ് ചെയ്ത്. പാറക്കടവിന് സമീപം വാഹന പരിശോധന നടത്തവെ സ്കൂട്ടർ യാത്രികരായ യുവാക്കളെ പരിശോധിച്ചപ്പോൾ 1.180 ഗ്രാം എം ഡി എം എ പോലീസ് കണ്ടെടുക്കുകയായിരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. സ്കൂട്ടർ പോലീസ് കസ്റ്റഡിയിലെടുത്തു.

എം ഡി എം എയുമായി രണ്ട് യുവാക്കളെ വളയം പോലീസ് അറസ്റ്റ് ചെയ്തു

പേരാമ്പ്ര: മസാജ് സെന്ററില്‍ പോലീസ് നടത്തിയ റെയ്ഡില്‍ നാല് സ്ത്രീകളും രണ്ട് യുവാക്കളും നടത്തിപ്പുകാരുംപിടിയിലായി. പേരാമ്പ്ര ബീവറേജിന് സമീപത്തെ ആയുഷ് സ്പാ എന്ന മസാജ് കേന്ദ്രത്തിലാണ് റെയ്ഡ് നടത്തിയത്. പാലക്കാട് ആലത്തൂര്‍ സ്വദേശി കൃഷ്ണദാസിന്റേതാണ് സ്ഥാപനം. മറ്റു ജില്ലകളില്‍ നിന്നും അന്യസംസ്ഥാനങ്ങളില്‍ നിന്നും സ്ത്രീകളെ എത്തിച്ചായിരുന്നു സ്ഥാപനം പ്രവര്‍ത്തിച്ചിരുന്നത്. ചെമ്പനോട സ്വദേശി ആന്റോ മാനേജറായ ഈ സ്ഥാപനത്തില്‍ ദിവസേന നിരവധി ആളുകളാണ് വന്നു കൊണ്ടിരുന്നത്. ആയിരം രൂപയില്‍ തുടങ്ങി മസാജിന്റെ രീതിക്കനുസരിച്ച് വിവിധ നിരക്കാണ് ഈടാക്കുന്നത്. ഈ സ്ഥാപനത്തിനെതിരെ പരാതി വ്യാപകമായതിനു പിന്നാലെയാണ് പോലീസ് നടപടി.
റൂറല്‍ ജില്ലാ പോലീസ് മേധാവി കെ.ഇ.ബൈജുവിന്റെ കീഴിലെ സ്‌ക്വാഡും പേരാമ്പ്ര ഡിവൈഎസ്പിഎന്‍.സുനില്‍കുമാറിന്റെ നേതൃത്വത്തിലുള്ള സ്‌ക്വാഡും പേരാമ്പ്ര പോലീസും ചേര്‍ന്നാണ് റെയ്ഡ് നടത്തി ആളുകളെ കസ്റ്റിഡിയിലെടുത്തത്. ഇന്‍സ്‌പെക്ടര്‍ ഇ.കെ.ഷിജുവിന്റ നേതൃത്വത്തില്‍ എസ്‌ഐ മനോജ് രാമത്ത്, എഎസ്‌ഐമാരായ അനൂപ്, സദാനന്ദന്‍, സുധാരത്‌നം, സീനിയര്‍ സിവില്‍ പോലീസ് ഓഫീസര്‍മാരായ വിനീഷ് ടി, ഷാഫി എന്‍.എം, സിപിഒമാരായ സിഞ്ചുദാസ്, ജയേഷ് കെ കെ, രജിലേഷ്, സുജില തുടങ്ങിയവര്‍ റെയ്ഡില്‍ പങ്കെടുത്തു.

പേരാമ്പ്രയില്‍ ആയൂര്‍വേദ മസാജ് കേന്ദ്രത്തിന്റെ മറവില്‍ പെണ്‍വാണിഭം; സ്ത്രീകൾ ഉൾപ്പെടെ അറസ്റ്റിൽ

Search Results for: tamil serial actress