കണ്ണൂർ: വ്യാജവാർത്ത ചമച്ച് മാനഹാനി വരുത്തിയെന്ന കേസിൽ എൽ.ഡി.എഫ്‌ കൺവീനർ ഇ.പി. ജയരാജന്റെ ഭാര്യ പി.കെ. ഇന്ദിരക്ക്‌ പത്തു ലക്ഷം രൂപ നഷ്‌ടപരിഹാരം നൽകാൻ ഉത്തരവ്‌. ഇതിന്‌ പുറമെ, കോടതിച്ചെലവും ആറു ശതമാനം പലിശയും നൽകണമെന്നും കണ്ണൂർ സബ്‌കോടതി വിധിച്ചു.
മലയാള മനോരമ പ്രിന്റർ ആൻഡ്‌ പബ്ലിഷർ ജേക്കബ്‌ മാത്യു, എഡിറ്റോറിയൽ ഡയറക്‌ടർ മാത്യൂസ്‌ വർഗീസ്‌, ചീഫ്‌ എഡിറ്റർ മാമ്മൻ മാത്യു, എഡിറ്റർ ഫിലിപ്പ്‌ മാത്യു, റിപ്പോർട്ടർ കെ.പി. സഫീന എന്നിവരാണ്‌ എതിർകക്ഷികൾ. 2020 സെപ്റ്റംബറിൽ പി.കെ. ഇന്ദിര ക്വാറ​ന്റീൻ ലംഘിച്ച് കേരള ബാങ്ക്‌ കണ്ണൂർ ബ്രാഞ്ചിലെത്തി ലോക്കർ തുറന്ന് ഇടപാട്‌ നടത്തിയത്‌ കേന്ദ്ര ഏജൻസി അന്വേഷിക്കുന്നു എന്നായിരുന്നു വാർത്ത.
അഭിഭാഷകരായ എം. രാജഗോപാലൻ നായർ, പി.യു. ശൈലജൻ എന്നിവർ മുഖേന ഇന്ദിര നൽകിയ മാനനഷ്‌ട കേസിലാണ്‌ ഉത്തരവ്‌.
എന്ത് നുണയും എഴുതി ജനങ്ങളെ വിഡ്ഢികളാക്കാം എന്ന് കരുതുന്ന മാധ്യമപ്രവർത്തന ശൈലിക്കുള്ള മറുപടിയാണ് വിധിയെന്ന് ഇ.പി. ജയരാജൻ പ്രതികരിച്ചു. പേരക്കുട്ടികളുടെ ആഭരണമെടുക്കാൻ ബാങ്കിൽ പോയതിനെ മന്ത്രിയുടെ ഭാര്യ ക്വാറന്റീൻ ലംഘിച്ച് ബാങ്ക് ലോക്കർ തുറന്നു​വെന്നും ദുരൂഹമായ ഇടപാട് നടത്തിയെന്നും പ്രചരിപ്പിച്ചതിനുള്ള തിരിച്ചടിയാണിതെന്നും അദ്ദേഹം പറഞ്ഞു.

ഇ.പി ജയരാജന്‍റെ ഭാര്യ പി.കെ. ഇന്ദിരക്ക്‌ മനോരമ 10 ലക്ഷം നഷ്‌ടപരിഹാരം നൽകണമെന്ന് വിധി

Kerala

വടകര: ചന്ദ്രശേഖരൻ വധക്കേസിലെ പ്രതിയായ കുഞ്ഞനന്തനെ പുണ്യാളനായും, കുരിശേറിയവനായും, പാവങ്ങളുടെ പടത്തലവനായും ചിത്രീകരിച്ച കെ.കെ ശൈലജയുടെ നിലപാടിനെതിരെയുള്ള ശക്തമായ വിധിയെഴുത്തായിരിക്കും വടകരയിൽ നടക്കാൻ പോകുന്നതെന്ന് കെ.കെ. രമ എം.എൽ.എ അഭിപ്രായപ്പെട്ടു.
അമ്മമാർക്ക് മക്കളെയും, ഭാര്യമാർക്ക് ഭർത്താവിനെയും, സഹോദരിമാർക്ക് സഹോദരനെയും എന്നു വരെ കാണാമെന്ന് സി.പി.എം തീരുമാനിക്കുന്ന സാഹചര്യത്തിനെതിരെയുള്ള ഒരു സമൂഹത്തിന്റെ വിധിയെഴുത്ത് കൂടിയായിരിക്കും ഇതെ ന്നും അവർ കൂട്ടിച്ചേർത്തു. യു.ഡി.എഫ് സ്ഥാനാർത്ഥി ഷാഫി പറമ്പി ലിന്റെ തെരഞ്ഞെടുപ്പ് വിജയത്തിനായി വടകരയിൽ ചേർന്ന യുഡിഎഫ് വനിതാ കൺവെൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അവർ. ചടങ്ങിൽ ആമിന അധ്യക്ഷത വഹിച്ചു. എൻ. വേണു, കെ. ബാലനാരായണൻ, ഐ.മൂസ, ഗൗരി പുതിയടുത്ത്, പി. കുൽസു, നിജേഷ് അരവിന്ദ്, സന്ധ്യ കര ണ്ടോട്, ഗീതാ മോഹൻ എന്നിവർ സംസാരിച്ചു.&nbsp;&nbsp;

ശൈലജയുടെ നിലപാടിനെതിരെയുള്ള വിധിയെഴുത്താവണം വടകരയിലെന്ന് കെ കെ രമ

Vadakara

കൊച്ചി: ആർ.എൽ.വി. രാമകൃഷ്ണനെ അധിക്ഷേപിച്ച നൃത്താധ്യാപിക സത്യഭാമക്കെതിരെ സംസ്ഥാനത്തുടനീളം പ്രതിഷേധം കനക്കുകയാണ്. രാഷ്ട്രീയപാർട്ടികളും മന്ത്രിമാരും മാത്രമല്ല കലാമണ്ഡലം തന്നെ സത്യഭാമയുടെ പ്രസ്താവനയെ തള്ളിപ്പറഞ്ഞ് രംഗത്തെത്തിയിരുന്നു. കേരളമൊന്നാകെ ആർ.എൽ.വി. രാമകൃഷ്ണന് പിന്തുണയറിയിക്കുകയും സത്യഭാമയെ തള്ളിപ്പറയുകയും ചെയ്തതോടെ വെട്ടിലായത് ബി.ജെ.പിയാണ്. കാരണം, 2019ൽ സത്യഭാമ അംഗത്വം സ്വീകരിച്ച് ബി.ജെ.പിയിൽ ചേർന്നതാണ് എന്നതുതന്നെ.
അധിക്ഷേപ പ്രസംഗം ഒന്നിന് പിറകെ ഒന്നായി നടത്തിയവർ സത്യഭാമയുടെ രാഷ്ട്രീയം തിരഞ്ഞ് പോയപ്പോൾ കണ്ടെത്തിയത് സംഘ്പരിവാർ അടുപ്പമാണ്. 2019ൽ സത്യഭാമ ബി.ജെ.പി അംഗത്വം സ്വീകരിക്കുകയും ചെയ്തിരുന്നു. അംഗത്വം സ്വീകരിച്ചതുമായി ബന്ധപ്പെട്ട് ബി.ജെ.പി കേരളം പേജ് പോസ്റ്റും ഫോട്ടോയും സമൂഹമാധ്യമങ്ങളിൽ പങ്കുവെച്ചിരുന്നു. എന്നാൽ, സത്യഭാമക്കെതിരെ പ്രതിഷേധം ഉയർന്നതോടെ ബി.ജെ.പി പോസ്റ്റ് നൈസായി മുക്കി. എന്നാൽ, സോഷ്യൽ മീഡിയുണ്ടോ വിടുന്നു! പോസ്റ്റിന്‍റെ സ്ക്രീൻ ഷോട്ടുകൾ വ്യാപകമായി പ്രചരിച്ചു. മാത്രമല്ല അന്നത്തെ പരിപാടിയുടെ വിഡിയോ ദൃശ്യങ്ങളും സത്യഭാമ അംഗത്വം സ്വീകരിക്കുന്ന ദൃശ്യങ്ങളുമെല്ലാം പ്രചരിക്കുകയാണ്.
മുന്‍ സംസ്ഥാന പ്രസിഡന്‍റ് പി.എസ്. ശ്രീധരന്‍ പിള്ളയുടെ കയ്യില്‍ നിന്നുമാണ് സത്യഭാമ അന്ന് അംഗത്വം സ്വീകരിച്ചത്. എ.പി. അബ്ദുല്ലക്കുട്ടി ഉള്‍പ്പടെയുള്ളവര്‍ക്കൊപ്പമാണ് സത്യഭാമ ബി.ജെ.പി അംഗത്വം സ്വീകരിച്ചത്. ഒ. രാജഗോപാല്‍, എം.ടി. രമേഷ് എന്നിവര്‍ ഉള്‍പ്പെടെയുള്ളവര്‍ പരിപാടിയിൽ പങ്കെടുത്തിരുന്നു. 2019 ജൂലൈ ആറിനാണ് ഇതുസംബന്ധിച്ച് ബി.ജെ.പി കേരളം ഫേസ്ബുക് പോസ്റ്റിട്ടത്. സത്യഭാമയുടെ പ്രസ്താവന വിവാദമായതോടെ പോസ്റ്റ് ഡിലീറ്റ് ചെയ്യുകയായിരുന്നു.

സത്യഭാമ പാർട്ടിയിൽ ചേർന്ന പോസ്റ്റ് മുക്കി ബി.ജെ.പി; സ്ക്രീഷോട്ട് സഹിതം പ്രചരിപ്പിച്ച് സോഷ്യൽ മീഡിയ

വടകര: ആംആദ്മി പാർടി നേതാവും ഡൽഹി മുഖ്യമന്ത്രിയുമായ അരവിന്ദ് കെജ്‌രിവാളിന്റെ അറസ്റ്റ് അത്യന്തം അപലപനീയവും രാജ്യമെത്തപ്പെട്ട ഫാസിസ്റ്റ് അധികാരഭീഷണിയുടെ സൂചനയുമാണെന്ന് സി.പി.ഐ(എം) കേന്ദ്രകമ്മറ്റിയംഗം കെ.കെ.ശൈലജ പറഞ്ഞു. 18-ാം ലോക്‌സഭാ തെരഞ്ഞെടുപ്പ് പ്രഖ്യാപനം വന്നതിനുശേഷവും ഇ.ഡി ഉൾപ്പെടെയുള്ള കേന്ദ്ര ഏജൻസികൾ ബി.ജെ.പിയുടെ ഏജന്റുമാരായി പ്രവർത്തിക്കുകയാണെന്ന് ശൈലജ പ്രസ്താവനയിൽ പറഞ്ഞു. ഇത്തരം നീക്കങ്ങൾ ജനാധിപത്യ പ്രക്രിയയെ ഭയപ്പെടുന്നവരുടെ ഭീരുത്വമാണെന്ന് കാണണമെന്നും പ്രസ്താവന പറയുന്നു. പ്രതിപക്ഷത്തെ തുറങ്കലിലടച്ച് തെരഞ്ഞെടുപ്പിൽ എതിർശബ്ദങ്ങളെ ഇല്ലാതാക്കാമെന്നാണ് മോഡി സർക്കാർ ചിന്തിക്കുന്നതെന്നാണ് കെജ്‌രിവാളിന്റെ അറസ്റ്റ് വ്യക്തമാക്കുന്നത്.&nbsp;
രണ്ടു വർഷക്കാലമായി ഇ.ഡി അനേ്വഷിച്ചിട്ടും ഒരു തെളിവുമില്ലാത്ത ഡൽഹി മദ്യനയകേസുമായി ബന്ധപ്പെട്ടാണ് കെജ്‌രിവാളിനെ അറസ്റ്റുചെയ്തിരിക്കുന്നത്. രാജ്യത്തിന്റെ ചരിത്രത്തിലാദ്യമായിട്ടാണ് മുഖ്യമന്ത്രിയായിരിക്കുന്ന ഒരാളെ ജനാധിപത്യപരമായ എല്ലാ കീഴ്‌വഴക്കങ്ങളെയും അട്ടിമറിച്ചുകൊണ്ട് കേന്ദ്ര ഏജൻസി കസ്റ്റഡിയിലെടുക്കുന്നത് എന്നത് ലജ്ജാകരവും ഉത്കണ്ഠാകുലവുമായ അവസ്ഥയാണെന്നും പ്രസ്താവനയിൽ പറയുന്നു.
കള്ളപ്പണം വെളുപ്പിക്കൽ നിയമത്തിലെ 50-ാം വകുപ്പ് പ്രകാരം എടുത്ത കേസിൽ 100 കോടി രൂപ എ.എ.പിക്ക് ലഭിച്ചുവെന്നാണ് ഇ.ഡിയുടെ ആരോപണം. രണ്ട് വർഷമായി തുടരുന്ന ഇ.ഡി അനേ്വഷണത്തിൽ 100 കോടിയിൽ ഒരു രൂപപോലും കണ്ടെത്താനായിട്ടില്ല. യാതൊരുവിധ തെളിവുകളുമില്ലാതെയാണ് ആംആദ്മി പാർടിയുടെ മന്ത്രിയായിരുന്ന മനീഷ്‌സിസോദിയയെ നേരത്തെ കള്ളപ്പണം വെളുപ്പിച്ച കുറ്റം ആരോപിച്ച അറസ്റ്റുചെയ്ത് ജയിലിലടച്ചത്.
പ്രതികാരബുദ്ധിയോടെ പ്രതിപക്ഷരാഷ്ട്രീയ നേതാക്കളെ കള്ളക്കേസുകൾ കെട്ടിച്ചമച്ച് വേട്ടയാടുകയാണ് ബി.ജെ.പിയുടെ കേന്ദ്രസർക്കാറെന്ന് പ്രസ്താവനയിൽ കുറ്റപ്പെടുത്തുന്നു. ഡൽഹി ലെഫ.ജനറലിന്റെ ഉത്തരവ് പ്രകാരമാണ് രണ്ട് വർഷം മുമ്പ് അരവിന്ദ് കെജ്‌രിവാളിനെതിരെ കേസെടുത്തത്. ഇപ്പോഴത്തെ ഈ അറസ്റ്റും ഭീകരത സൃഷ്ടിക്കുന്നതുമെല്ലാം ഇലക്ട്രറൽബോണ്ട് ഉൾപ്പെടെ കോടതിയിൽ നിന്ന് ബി.ജെ.പി സർക്കാരിനുണ്ടായിരിക്കുന്ന തിരിച്ചടികളെ മറച്ചുവെക്കാനുള്ള ധൃതിപിടിച്ച നീക്കം കൂടിയായിട്ട് കാണേണ്ടതുണ്ട്.&nbsp;
നേരത്തെ ഝാർഖണ്ഡ് മുഖ്യമന്ത്രിയായിരുന്ന ഹേമന്ത്‌സോറനെയും ഇ.ഡിയെ ഉപയോഗിച്ച് അറസ്റ്റുചെയ്ത് ജയിലിലടക്കുകയും ആ സംസ്ഥാനത്തെ ജെ.എം.എം സഖ്യസർക്കാരിനെ അട്ടിമറിക്കാൻ ഗൂഢാലോചന നടത്തുകയും ചെയ്തിരുന്നു. എന്നാൽ ഗുരുതരമായ സാമ്പത്തിക കുറ്റങ്ങൾ ആരോപിക്കപ്പെട്ട മഹാരാഷ്ട്രയിലെ അശോക്ചവാനും ഝാർഖണ്ഡിലെ മധുഖോണ്ഡയും ഉൾപ്പെടെയുള്ള മുൻ കോൺഗ്രസ് മുഖ്യമന്ത്രിമാർ ബി.ജെ.പിയിലേക്ക് മാറിയതോടെ ഇ.ഡി അനേ്വഷണങ്ങൾ അവസാനിപ്പിക്കുകയായിരുന്നു. ഇതെല്ലാം കാണിക്കുന്നത് കേന്ദ്ര ഏജൻസികളെ ഉപയോഗിച്ചുള്ള പ്രതിപക്ഷങ്ങൾക്കെതിരായുള്ള മോഡി സർക്കാരിന്റെ ലജ്ജാകരവും ജനാധിപത്യവിരുദ്ധവുമായ രാഷ്ട്രീയ നീക്കങ്ങളാണ്. ഇതിനെതിരെ ശക്തമായ പ്രതിഷേധം ഉയർന്നുവരണമെന്ന് ശൈലജ പ്രസ്താവനയിൽ പറഞ്ഞു.

കെജ്‌രിവാളിന്റെ അറസ്റ്റ് രാജ്യമെത്തപ്പെട്ട ഫാസിസ്റ്റ് അധികാരഭീഷണിയുടെ സൂചന; കെ കെ ശൈലജ

തലശ്ശേരി: നിയമസഭാ സ്പീക്കർ എ.എൻ ഷംസീറിനോട് വോട്ടഭ്യർഥിച്ച് യുഡിഫ് വടകര മണ്ഡലം സ്ഥാനാർഥി ഷാഫി പറമ്പിൽ. തലശ്ശേരിയിൽ പ്രചാരണത്തിന് എത്തിയതായിരുന്നു ഷാഫി. മാർക്കറ്റും ബസ് സ്റ്റാൻഡും സർക്കാർ ആശുപത്രിയും കോടതിയും സന്ദർശിച്ച ശേഷമാണ് നഗരസഭാ കാര്യാലയത്തിൽ സ്പീക്കർ എ.എൻ ഷംസീർ ഉള്ള വിവരം ലഭിക്കുന്നത്. ഉടൻ നേരിൽ കാണാനായി അവിടേക്കെത്തുകയായിരുന്നു.&nbsp;
നഗരസഭാധ്യക്ഷ കെ.എം ജമുനാ റാണിയുടെ ചേംബറിൽ ആയിരുന്നു സ്പീക്കർ. ഷാഫി നേരിട്ട് അവിടേക്കെത്തി. കുശലാന്വേഷണങ്ങൾക്ക് ശേഷം മണ്ഡലത്തിലെ തൻ്റെ വോട്ടർ കൂടിയായ സ്പീക്കറോടും നഗരസഭാ അധ്യക്ഷയോടും ഷാഫി വോട്ടഭ്യർഥിച്ചു. തലശ്ശേരി നിയമസഭാ മണ്ഡലത്തെ പ്രതിനിധീകരിക്കുന്ന സ്പീക്കർക്ക് ഇതേ മണ്ഡലത്തിലെ പാറാലാണ് വോട്ടുള്ളത്. വടകര ലോക്സഭാ മണ്ഡത്തിൻ്റെ ഭാഗമാണ് തലശേരി. ഡിസിസി സെക്രട്ടറി അഡ്വ. കെ ശുഹൈബ്, മുസ്ലിംലീഗ് ജില്ലാ വൈസ് പ്രസിഡണ്ട് കെ.എ ലത്തീഫ്, തലശ്ശേരി ബ്ലോക്ക് കോൺഗ്രസ് പ്രസിഡൻ്റ് എം.പി അരവിന്ദാക്ഷൻ, ഡിസിസി സെക്രട്ടറി അബൂട്ടി ഹാജി, സജീവ് മാറോളി, കൗൺസിലർമാരായ ശശി, എം. മോഹനൻ, പി.കെ സോന, വി.സി പ്രസാദ്, നസീർ എം., ടി.പി ഷാനവാസ് തുടങ്ങിയവർ സ്ഥാനാർത്ഥിയെ അനുഗമിച്ചു.

സ്പീക്കറോട് വോട്ടഭ്യർഥിച്ച് ഷാഫി തലശ്ശേരിയിൽ

Kannur

കോഴിക്കോട്: പൂവാട്ടുപറമ്പിൽ ബൈക്കുകൾ കൂട്ടിയിടിച്ച് യുവാവ് മരിച്ചു. മുക്കം മണാശ്ശേരി മഠത്തിൽ തൊടികയിൽ അംബുജാക്ഷന്റെ മകൻ ഷാലിൻ (മണിക്കുട്ടൻ–30) ആണ് മരിച്ചത്. കുറ്റിക്കടവ് സ്വദേശി സനീഷിനു പരുക്കേറ്റു. വെള്ളിയാഴ്ച അർധരാത്രിയിലാണു സംഭവം. നാട്ടുകാരാണു പരുക്കേറ്റവരെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്. ഗുരുതരമായി പരുക്കേറ്റ ഷാലിൻ രാവിലെ മരണത്തിനു കീഴടങ്ങുകയായിരുന്നു. സനീഷിന്റെ പരുക്ക് സാരമല്ല.

കോഴിക്കോട് ബൈക്കുകൾ കൂട്ടിയിടിച്ച് യുവാവ് മരിച്ചു

Kozhikode

അഹമ്മദാബാദ്: പാർലമെന്റ് തിരഞ്ഞെടുപ്പിന് ആഴ്ചകൾ മാത്രം ശേഷിക്കെ കോണ്‍ഗ്രസിൽ വീണ്ടും കൊഴിഞ്ഞുപോക്ക്. ഗുജറാത്തില്‍നിന്നുള്ള ദേശീയ വക്താവ് രോഹൻ ഗുപ്ത പാർട്ടിയുടെ പ്രാഥമിക അംഗത്വം രാജിവച്ചു. നിരന്തരമായ അപമാനവും വ്യക്തിഹത്യയും കാരണമാണ് പാർട്ടി വിടുന്നതെന്ന് അദ്ദേഹം വ്യക്തമാക്കി. അഹമ്മദാബാദ് ഈസ്റ്റ് മണ്ഡലത്തിൽ നിന്നുള്ള കോൺഗ്രസ് സ്ഥാനാർഥിയായി രോഹനെ പ്രഖ്യാപിച്ചിരുന്നു. എന്നാൽ പിതാവിന്റെ അനാരോഗ്യം കണക്കിലെടുത്ത് തിങ്കളാഴ്ച സ്ഥാനാർഥിത്വം ഉപേക്ഷിച്ചു.
പാർട്ടിയിലെ പ്രാഥമിക അംഗത്വത്തിൽനിന്നും ചുമതലകളിൽനിന്നും രാജിവയ്ക്കുന്നതായി കോൺഗ്രസ് അധ്യക്ഷന്‍ മല്ലികാർജുൻ ഖർഗെയ്ക്ക് എഴുതിയ കത്തിൽ രാഹുൽ ഗുപ്ത വ്യക്തമാക്കി. ‘‘കഴിഞ്ഞ രണ്ടു വർഷമായി പാർട്ടിയുടെ മാധ്യമ വിഭാഗവുമായി ബന്ധമുള്ള മുതിർന്ന നേതാവിൽനിന്ന് നിരന്തര അപമാനവും വ്യക്തിഹത്യയും നേരിടുന്നതായി താങ്കളെ അറിയിക്കുന്നു. മുതിർന്ന നേതാക്കളിൽ പലർക്കും ഇക്കാര്യം അറിയാം. നിലവിൽ ഇത് വ്യക്തിപരമായി എനിക്ക് വലിയ പ്രതിസന്ധിയായതിനാൽ ഈ തീരുമാനം എടുക്കാൻ നിർബന്ധിതനായിരിക്കുന്നു. പാർട്ടിയെ നശിപ്പിക്കുന്നതിലും ഈ നേതാവിന് വലിയ പങ്കുണ്ട്. ഇത്തരം നേതാക്കളെ വച്ചുപൊറുപ്പിക്കരുത്’’ –ഗുപ്ത കൂട്ടിച്ചേർത്തു.
രാജിക്കത്തിന്‍റെ പകര്‍പ്പ് രോഹൻ ഗുപ്ത എക്സിൽ പങ്കുവച്ചു. മേയ് ഏഴിനാണ് ഗുജറാത്തിൽ പൊതുതിരഞ്ഞെടുപ്പ് നടക്കുന്നത്. ആകെയുള്ള 26 സീറ്റില്‍ മുഴുവനും ബിജെപി എംപിമാരാണ് നിലവിലുള്ളത്. ഇതില്‍നിന്ന് മറിച്ചൊരു വിധിയെഴുത്ത് ഇത്തവണയുണ്ടാവുമെന്ന് കോൺഗ്രസ് നേതൃത്വത്തിനോ ഇന്ത്യ മുന്നണിക്കോ ഉറപ്പില്ല. ഇതിന് പുറമെയാണ് പരസ്യമായി നേതാക്കള്‍ പാര്‍ട്ടി വിട്ടുപോകുന്നത്. പിന്നാലെ നേതൃത്വത്തിനുനേരെ വിമർശനമുയരുന്നതും പാർട്ടിക്ക് ക്ഷീണമാകുന്നുണ്ട്.

കോൺഗ്രസ് വക്താവ് രോഹൻ ഗുപ്ത പാർട്ടി വിട്ടു

National

കോഴിക്കോട്: സി.പി.എമ്മിന്റെ രണ്ടാം പൗരത്വ പ്രക്ഷോഭ പരിപാടികള്‍ക്ക് കോഴിക്കോട്ട് തുടക്കം. കോഴിക്കോട് കടപ്പുറത്ത് നടന്ന റാലി മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. പൗരത്വ ഭേദഗതി നിയമം കേരളത്തിൽ നടപ്പാക്കില്ലെന്ന് ആവര്‍ത്തിച്ച മുഖ്യമന്ത്രി കോൺഗ്രസിന് ദേശീയതലത്തിൽ സി.എ.എക്കെതിരെ നിലപാടില്ലെന്നും വിമർശിച്ചു. കോഴിക്കോട്, വടകര മണ്ഡലങ്ങളിലെ സ്ഥാനാർഥികളും റാലിയില്‍ പങ്കെടുത്തു.
കുടിയേറ്റക്കരെ മുസ്‍ലിംകളെന്നും അമുസ്‍ലിംകൾ എന്നും വേർതിരിക്കുകയാണ് പൗരത്വ നിയമം ചെയ്യുന്നത്. സംഘ്പരിവാർ അജണ്ട നിയമപരമാക്കാനാണ് പൗരത്വ ഭേദഗതി നിയമം നടപ്പിലാക്കിയതെന്നും മുഖ്യമന്ത്രി പിണറായി വിജയൻ പറഞ്ഞു. കോൺഗ്രസ്‌ സംസ്ഥാന ദേശീയ നേതൃത്വത്തെ രൂക്ഷമായി വിമർശിച്ച മുഖ്യമന്ത്രി രാഹുൽ ഗാന്ധി സംഘടിപ്പിച്ച ഭാരത് ജോഡോ ന്യായ് യാത്രയിൽ പൗരത്വ നിയമത്തിനെതിരായി എന്തെങ്കിലും പറഞ്ഞോ എന്ന ചോദ്യവും ഉന്നയിച്ചു.
വിവിധ മുസ്‍ലിം സംഘടനകളെ പ്രതിനിധീകരിച്ച് സി. മുഹമ്മദ് ഫൈസി, മുസ്തഫ മുണ്ടുപാറ, മജീദ് സ്വലാഹി, ഫസല്‍ ഗഫൂര്‍, ഐ.പി അബ്ദുസ്സലാം, സജാദ് തുടങ്ങിയവർ സംസാരിച്ചു. കോഴിക്കോട്ടെ എല്‍.ഡി.എഫ് സ്ഥാനാർഥി എളമരം കരീം അധ്യക്ഷനായി. വടകര സ്ഥാനാർഥി കെ.കെ ശൈലജ പരിപാടിയില്‍ സംസാരിച്ച് വോട്ടഭ്യർഥനയും നടത്തി. ലോക്സഭ തെരഞ്ഞെടുപ്പിൽ ന്യൂനപക്ഷ വോട്ടുകൾ ലക്ഷ്യമിട്ടാണ് സി.പി.എം വീണ്ടും പൗരത്വ പ്രക്ഷോഭം പ്രഖ്യാപിച്ച് രംഗത്തെത്തിയിരിക്കുന്നതെന്ന വിമര്‍ശനം ഉയര്‍ന്നിട്ടുണ്ട്.

കോൺഗ്രസിന് ദേശീയതലത്തിൽ നിലപാടില്ല; പൗരത്വ ഭേദഗതി നിയമം കേരളത്തിൽ നടപ്പാക്കില്ലെന്ന് ആവര്‍ത്തിച്ച് മുഖ്യമന്ത്രി

ന്യൂഡൽഹി: രാഷ്ട്രപതി ദ്രൗപദി മുർമുവിനെതിരെ അസാധാരണ നീക്കവുമായി കേരളം. നിയമസഭ പാസാക്കിയ ബില്ലുകളിൽ തീരുമാനം വൈകുന്നുവെന്നു ചൂണ്ടിക്കാട്ടി സംസ്ഥാന സർക്കാർ കോടതിയിൽ റിട്ട് ഹരജി സമർപ്പിച്ചു. കേസിൽ രാഷ്ട്രപതിക്കു പുറമെ സെക്രട്ടറിയെയും ഗവർണറെയും കക്ഷി ചേർത്തിട്ടുണ്ട്.
ലോകായുക്ത നിയമ ഭേദഗതി ഉൾപ്പെടെ ഏഴ് സുപ്രധാന ബില്ലുകളാണ് ഗവർണർ രാഷ്ട്രപതിയുടെ അംഗീകാരത്തിനായി വിട്ടിരുന്നത്. ഇതിൽ ചിലതിനു മാത്രമാണ് രാഷ്ട്രപതി അംഗീകാരം നൽകിയത്. ചില ബില്ലുകളിൽ ഇനിയും തീരുമാനം വൈകുകയാണ്. ഇതിനെതിരെയാണ് സർക്കാർ സുപ്രിംകോടതിയിൽ റിട്ട് ഹരജി സമർപ്പിച്ചിരിക്കുന്നത്.

അസാധാരണ നീക്കം; രാഷ്ട്രപതിക്കെതിരെ സുപ്രിംകോടതിയില്‍ റിട്ട് ഹരജിയുമായി സംസ്ഥാന സര്‍ക്കാര്‍

കോഴിക്കോട്: സി.എ.എയെ പിന്തുണക്കുന്നുവെന്നും മുസ്‍ലിംകളെ ഒഴിവാക്കിയത് ശരിയായ തീരുമാനമാണെന്നും ബി.ജെ.പി സഹയാത്രികനായ മെട്രോമാൻ ഇ. ശ്രീധരൻ. ഇനി തെരഞ്ഞെടുപ്പുകളിൽ മത്സരിക്കാനി​ല്ലെന്നു പറഞ്ഞ അദ്ദേഹം, നരേന്ദ്ര മോദി വീണ്ടും അധികാരത്തിലെത്തണമെന്നാണ് ആഗ്രഹമെന്നും വ്യക്തമാക്കി.
സി.എ.എ മതപ്രകാരം ചെയ്യുന്ന കാര്യങ്ങളല്ല. അങ്ങനെ മുദ്ര കുത്തേണ്ടതില്ല. ഇത് രാജ്യത്തിന് ആവശ്യമുള്ള കാര്യങ്ങളാണ്. വികസനം എടുത്തുനോക്കൂ. എല്ലാവർക്കും ഒരുപോലെയല്ലേ വികസനം? സി.എ.എയിൽ മുസ്‍ലിംകളെ ഒഴിച്ചുനിർത്തുന്നത് ശരിയാണ്. സി.എ.എ ഒരു വിഭാഗക്കാർക്ക് ​കൊടുക്കുന്നത് എന്തുകൊണ്ടാണെന്ന് നമ്മൾ ​ആലോചിക്കണം. അവർ മറ്റു രാജ്യങ്ങളിൽനിന്ന് മടങ്ങിവന്ന അവിടുത്തെ ന്യൂനപക്ഷക്കാരാണ്. മുസ്‍ലിം രാജ്യങ്ങളിൽനിന്നു വന്ന ആൾക്കാരാണ് അധികവും. അവിടെ അവർക്ക് നിൽക്കാൻ നിവൃത്തിയില്ലാത്തതുകൊണ്ടാണ് ഓടിവന്നത്. പത്തും പതിനഞ്ചും കൊല്ലം മു​മ്പൊക്കെ വന്നയാളുകളാണ്. അവർക്ക് നമ്മൾ പൗരത്വം കൊടുത്തില്ലെങ്കിൽ പിന്നെ വേറെ ഏത് രാജ്യമാണ് കൊടുക്കുക?
നമുക്ക് മുസ്‍ലിംകൾക്ക് കൊടുക്കേണ്ട ആവശ്യമെന്താണ്? പാകിസ്താനിലും ബംഗ്ലാദേശിലുമൊക്കെയുള്ള മുസ്‍ലിംകൾ അവരുടെ ഇഷ്ടപ്രകാരം അവിടെ പോയി താമസിക്കുന്നവരാണ്. അവർക്ക് സകല സൗകര്യങ്ങളും അവിടെയുണ്ട്. അവരെ ഓടിക്കുന്നില്ല. അവിടെ നിലനിൽപില്ലാതെയെത്തുന്നവരെ, അവർ ഇന്ത്യയെ സ്നേഹിക്കുകയും അംഗീകരിക്കുകയും ചെയ്യുന്നുണ്ടെങ്കിൽ മതം നോക്കാതെ അവരെയും പരിഗണിക്കണം. ആ സ്റ്റേജ് എത്തിയിട്ടില്ല. ആരും വന്നിട്ടില്ല ഇതുവരെ. ഇന്ത്യയിൽ വന്നുകേറിയ എല്ലാവർക്കും പൗരത്വം കൊടുക്കുകയാണെങ്കിൽ എന്തായിരിക്കും ഇവിടുത്തെ സ്ഥിതി? വളരെ കാലമായി വന്നു കാത്തിരിക്കുന്നവർക്ക് കൊടുക്കണം. അവർ കുറച്ചു പേരേയുള്ളൂ.
രാഷ്ട്രീയത്തിൽ സജീവമായ ഒരു റോളും ഇപ്പോഴില്ല. ആശയപരമായ പിന്തു​ണയും തന്ത്രപരമായ സഹായങ്ങളുമൊക്കെ ചെയ്യുന്നുണ്ട്. മോദി സർക്കാർ ഇനിയും അധികാരത്തിൽ വരണമെന്നാണ് ആഗ്രഹം. കഴിഞ്ഞ പത്തു വർഷത്തിൽ രാജ്യത്ത് മോദി സർക്കാർ ഒരുപാട് അഭിവൃദ്ധിയും വികസനവും കൊണ്ടുവന്നിട്ടുണ്ട്. അതിന് തുടർച്ചയുണ്ടാകണം.
ഈ തെരഞ്ഞെടുപ്പിൽ മത്സരിക്കണമെന്ന് ചിന്തിച്ചിട്ടേയില്ല. അവർ ആവശ്യപ്പെട്ടാലും ഞാൻ പോകാൻ തയാറല്ലായിരുന്നു. കാരണം, എനിക്ക് 94 വയസ്സായി. അതുകൊണ്ട് അതു ചെയ്യുന്നത് ശരിയ​ല്ലല്ലോ. പ്രചാരണ രംഗത്ത് സജീവമാകാനും കഴിയില്ല. വെയിലത്ത് ഓടിനടക്കാനൊന്നും സാധിക്കില്ല. രണ്ടരക്കൊല്ലം മുമ്പ് പാലക്കാട്ട് ചെയ്തതാണല്ലോ. അതുപോലെ ഇനി​ ചെയ്യാൻ സാധിക്കില്ല.
പാലക്കാട്ട് ഇനി ഒരു ഉപതെരഞ്ഞെടുപ്പ് നടന്നാലും മത്സരിക്കാനില്ല. ആ വയസ്സു കഴിഞ്ഞു എനിക്ക്. ഒരു അഞ്ചോ പത്തോ കൊല്ലം മുമ്പൊക്കെ അത് പറ്റുമായിരുന്നു. ഇനി മത്സരിക്കാനിറങ്ങുന്നത് ജനങ്ങളോട് ചെയ്യുന്ന ശരികേടാണ്. ജയിച്ചാൽ തന്നെ എന്തുചെയ്യാൻ സാധിക്കും? അതുകൊണ്ട് അങ്ങനെയൊരു ആഗ്രഹമേയില്ല. ഞാൻ മത്സരിച്ചില്ലെങ്കിലും ബി.ജെ.പിക്ക് നല്ല സാധ്യതയുണ്ടെന്നാണ് എന്റെ അഭിപ്രായം’ -ഇ. ശ്രീധരൻ പറഞ്ഞു.

സി.എ.എയെ പിന്തുണക്കുന്നു; ഇനി തെരഞ്ഞെടുപ്പുകളിൽ മത്സരിക്കാനി​ല്ലെന്നും ഇ. ശ്രീധരൻ

ത​ല​ശ്ശേ​രി: വ​ട​ക​ര ലോ​ക്സ​ഭ മ​ണ്ഡ​ല​ത്തി​ൽ മ​ത്സ​രി​ക്കു​ന്ന എ​ൽ.​ഡി.​എ​ഫ് സ്ഥാ​നാ​ർ​ഥി കെ.​കെ. ശൈ​ല​ജ​യും യു.​ഡി.​എ​ഫ് സ്ഥാ​നാ​ർ​ഥി ഷാ​ഫി പ​റ​മ്പി​ലും വി​വാ​ഹ വേ​ദി​യി​ൽ ഒ​രു​മി​ച്ച് സൗഹൃദം പങ്കിട്ടു. രാ​ഷ്ട്രീ​യ​ത്തി​ലെ എ​തി​രാ​ളി​ക​ൾ അ​ടു​ത്തി​രു​ന്ന് സൗ​ഹൃ​ദം പ​ങ്കു​വെ​ച്ച കാഴ്ച കൗതുകമായി. കു​യ്യാ​ലി എം.​സി റി​വ​ർ​സൈ​ഡ് എ​ൻ​ക്ലേ​വാ​ണ് വെ​ള്ളി​യാ​ഴ്ച ഉ​ച്ച​ക്ക് സ്ഥാ​നാ​ർ​ഥി​ക​ളു​ടെ സം​ഗ​മ​വേ​ദി​യാ​യ​ത്. ത​ല​ശ്ശേ​രി​യി​ലെ ഡോ. ​ജ​യ​കൃ​ഷ്ണ​ൻ ന​മ്പ്യാ​ർ-​സൗ​മ്യ ജ​യ​കൃ​ഷ്ണ​ൻ ദ​മ്പ​തി​ക​ളു​ടെ മ​ക​ൾ പാ​ർ​വ​തി​യും ഹൈ​കോ​ട​തി ജ​സ്റ്റി​സ് ദേ​വ​ൻ രാ​മ​ച​ന്ദ്ര​ൻ-​സു​ക​ന്യ ദേ​വ​ൻ ദ​മ്പ​തി​ക​ളു​ടെ മ​ക​ൻ ശ​ശാ​ങ്കും ത​മ്മി​ലു​ള്ള വി​വാ​ഹ​ത്തി​ൽ പ​ങ്കെ​ടു​ക്കാ​നെ​ത്തി​യ​താ​യി​രു​ന്നു സ്ഥാ​നാ​ർ​ഥി​ക​ൾ. വോ​ട്ടു​പി​ടി​ക്കാ​നു​ള്ള ഓ​ട്ട​ത്തി​നി​ട​യി​ലാ​ണ് സ്ഥാ​നാ​ർ​ഥി​ക​ൾ തി​ര​ക്കു​ക​ൾ മാ​റ്റി​വെ​ച്ച് വി​വാ​ഹ വേ​ദി​യി​ലെ​ത്തി​യ​ത്.
മ​ന്ത്രി എ.​കെ. ശ​ശീ​ന്ദ്ര​ൻ, സ്പീ​ക്ക​ർ എ.​എ​ൻ. ഷം​സീ​ർ, രാ​ഷ്ട്രീ​യ പാ​ർ​ട്ടി നേ​താ​ക്ക​ളാ​യ ര​മേ​ശ് ചെ​ന്നി​ത്ത​ല, വി.​എം. സു​ധീ​ര​ൻ, ഇ.​പി. ജ​യ​രാ​ജ​ൻ, സി.​കെ. പ​ത്മ​നാ​ഭ​ൻ, എം.​കെ. രാ​ഘ​വ​ൻ എം.​പി, പി.​കെ. ശ്രീ​മ​തി, പി.​കെ. കൃ​ഷ്ണ​ദാ​സ്, പി. ​ജ​യ​രാ​ജ​ൻ, എ.​പി. അ​ബ്ദു​ല്ല​ക്കു​ട്ടി, അ​ഡ്വ. വി. ​വേ​ണു​ഗോ​പാ​ൽ, തോ​ട്ട​ത്തി​ൽ ര​വീ​ന്ദ്ര​ൻ, എം.​വി. ശ്രേ​യാം​സ് കു​മാ​ർ, പി.​വി. ച​ന്ദ്ര​ൻ, ഹൈ​കോ​ട​തി ജ​ഡ്ജി​മാ​ർ, ത​ല​ശ്ശേ​രി സ​ബ് ക​ല​ക്ട​ർ സ​ന്ദീ​പ് കു​മാ​ർ, എ.​എ​സ്.​പി. ഷ​ഹ​ൻ​ഷ തു​ട​ങ്ങി​യ​വ​ർ പ​ങ്കെ​ടു​ത്തു.

സൗ​ഹൃ​ദത്തിൽ രാഷ്ട്രീയമില്ല; വി​വാ​ഹ വേ​ദി​യി​ൽ കുശലം പറഞ്ഞ് സ്ഥാ​നാ​ർ​ഥി​ക​ൾ

ലണ്ടൻ: അർബുദബാധിതയാണെന്നും ചികിത്സ തുടരുകയാണെന്നും വെളിപ്പെടുത്തി കിരീടാവകാശിയായ വില്യം രാജകുമാരന്റെ ഭാര്യ കേറ്റ് മിഡിൽട്ടൺ. രണ്ട് മിനിറ്റ് ദൈർഘ്യമുള്ള ഇൻസ്റ്റഗ്രാം വിഡിയോ വഴിയാണ് കേറ്റ് മനസു തുറന്നത്. കേറ്റിനെ ​മാസങ്ങളായി പൊതുയിടങ്ങളിൽ കാണാത്തതിനെ കുറിച്ച് നിരവധി അഭ്യൂഹങ്ങളുയർന്നിരുന്നു. ഭർത്താവിന് മറ്റൊരു പ്രണയബന്ധമുള്ളതിനാൽ മനസു തകർന്നാണ് കേറ്റ് പുറത്തിറങ്ങാത്തതെന്നും അതല്ല, ഗുരുതര രോഗം ബാധിച്ച് തളർന്നുകിടക്കുകയാണെന്നുംവരെ പ്രചാരണങ്ങളുണ്ടായി.
ജനുവരിയിൽ കേറ്റിന് വയറ്റിൽ ശസ്ത്രക്രിയ നടത്തിയിരുന്നു. അതിന്റെ പരിശോധന വേളയിലാണ് അർബുദം കണ്ടെത്തുന്നത്. അർബുദത്തിനെതിരെ കീമോതെറാപ്പി നടത്തുകയാണെന്നും കേറ്റ് പറഞ്ഞു.
അർബുദം സ്ഥിരീകരിച്ചത് കുടുംബത്തിന് വലിയ ആഘാതമായിരുന്നു. കുടുംബം വലിയ പിന്തുണ ത​ന്നു. പ്രത്യേകിച്ച് ഭർത്താവ് വില്യം രാജകുമാരൻ. പൂർണ സുഖം പ്രാപിക്കുമെന്ന് മക്കളെ ബോധ്യപ്പെടുത്തുന്നതായിരുന്നു ഏറ്റവും പ്രധാനം. താൻ സുഖമായി​രിക്കുന്നുവെന്നും ഓരോ ദിവസവും കൂടുതൽ ശക്തയായിക്കൊണ്ടിരിക്കുകയാണെന്നും മക്കളോട് പറഞ്ഞുകൊണ്ടിരുന്നു. ചികിത്സ പൂർത്തിയാക്കാൻ കൂടുതൽ സമയവും സ്വകാര്യതയും ആവശ്യമാണ്. വൈകാതെ ജോലിയിലേക്ക് മടങ്ങി വരാൻ കഴിയുമെന്ന് പ്രതീക്ഷിക്കുന്നതായും കേറ്റ് മിഡിൽട്ടൺ പറഞ്ഞു.

അർബുദബാധിത​യാണെന്ന് വെളിപ്പെടുത്തി വില്യം രാജകുമാരന്റെ ഭാര്യ കേറ്റ് മിഡിൽടൺ

കൊ​യി​ലാ​ണ്ടി: മ​യ​ക്കു​മ​രു​ന്ന് ഉ​പ​യോ​ഗി​ച്ച​തി​നെ തു​ട​ർ​ന്ന് യു​വാ​വ് മ​ര​ണ​പ്പെ​ട്ട പ​ശ്ചാ​ത്ത​ല​ത്തി​ൽ കൊ​യി​ലാ​ണ്ടി​യി​ൽ എ​ക്സൈ​സ് പ​രി​ശോ​ധ​ന ശ​ക്ത​മാ​ക്കി. ജി​ല്ല സ്പോ​ർ​ട്സ് കൗ​ൺ​സി​ൽ സ്റ്റേ​ഡി​യം, ഹെ​ഡ് പോ​സ്റ്റ് ഓ​ഫി​സ്, സ​മീ​പ​ത്തെ വ​ഴി​യോ​ര വി​ശ്ര​മ​കേ​ന്ദ്രം, കു​റു​വ​ങ്ങാ​ട് വ​ര കു​ന്നി​ലു​മാ​ണ് എ​ക്സൈ​സ് പ​രി​ശോ​ധ​ന ന​ട​ന്ന​ത്. സ്റ്റേ​ഡി​യ​ത്തി​ൽ ക​ഴി​ഞ്ഞ​ദി​വ​സം കു​റു​വ​ങ്ങാ​ട് ഊ​രാ​ളി വീ​ട്ടി​ൽ അ​മ​ൽ സൂ​ര്യയെ മരിച്ച നിലയിൽ കണ്ടെത്തിയിരുന്നു.&nbsp;
അ​മ​ൽ സൂ​ര്യ​യോ​ടൊ​പ്പം ഉ​ണ്ടാ​യി​രു​ന്ന മ​ൻ​സൂ​റി​നെ​യും ഷാ​ഫി​യെ​യും എ​ക്സൈ​സ് സം​ഘം ചോ​ദ്യം ചെ​യ്തു. ത​ല​ശ്ശേ​രി​യി​ൽ നി​ന്നാ​ണ് മ​യ​ക്കു​മ​രു​ന്ന് എ​ത്തി​ക്കു​ന്ന​തെ​ന്നാ​ണ് സൂ​ച​ന. ഇ​വ​ർ​ക്ക് പി​ന്നി​ലെ റാ​ക്ക​റ്റി​നെ​പ്പ​റ്റി സൂ​ച​ന ല​ഭി​ച്ച​താ​യി എ​ക്സൈ​സ് സം​ഘം പ​റ​ഞ്ഞു. കൂ​ടാ​തെ ഓ​ൺ​ലൈ​ൻ വ​ഴി മാ​ര​ക രോ​ഗ​ങ്ങ​ൾ​ക്കു​പ​യോ​ഗി​ക്കു​ന്ന ഗു​ളി​ക​ക​ൾ വ്യാ​ജ അ​ഡ്ര​സി​ൽ വ​രു​ത്തു​ന്ന​താ​യും വി​വ​രം​ല​ഭി​ച്ചി​ട്ടു​ണ്ട്.
ക​ണ്ണൂ​ർ, ത​ല​ശ്ശേ​രി ഭാ​ഗ​ങ്ങ​ളി​ൽ​നി​ന്ന് ട്രെ​യി​ൻ മാ​ർ​ഗം എ​ത്തി​ക്കു​ന്ന ല​ഹ​രി വ​സ്തു​ക്ക​ൾ രാ​ത്രി​കാ​ല​ങ്ങ​ളി​ൽ സ്റ്റേ​ഡി​യ​ത്തി​ൽ വെ​ച്ചാ​ണ് പാ​ക്ക​റ്റ് ചെ​യ്യു​ന്ന​തെ​ന്നാ​ണ് വി​വ​രം. ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ സ്റ്റേ​ഡി​യ​ത്തി​ലെ പൊ​ളി​ഞ്ഞു കി​ട​ക്കു​ന്ന ഗേ​റ്റു​ക​ൾ പു​നഃ​സ്ഥാ​പി​ക്കാ​ൻ സ്പോ​ർ​ട്സ് കൗ​ൺ​സി​ലി​നോ​ട് ആ​വ​ശ്യ​പ്പെ​ടു​മെ​ന്ന് എ​ക്സൈ​സ് ക​മീ​ഷ​ണ​ർ പ​റ​ഞ്ഞു.
കൂ​ടാ​തെ കൊ​യി​ലാ​ണ്ടി ബ​സ് സ്റ്റാ​ൻ​ഡ്, റെ​യി​ൽ​വേ സ്റ്റേ​ഷ​ൻ പ​രി​സ​രം തു​ട​ങ്ങി​യ കേ​ന്ദ്ര​ങ്ങ​ളി​ൽ സി.​സി.​ടി.​വി സ്ഥാ​പി​ക്കാ​ൻ ന​ഗ​ര​സ​ഭ​യോ​ട് ആ​വ​ശ്യ​പ്പെ​ടും. മ​യ​ക്കു​മ​രു​ന്നി​ന് അ​ടി​മ​ക​ളാ​യ​വ​രെ മോ​ചി​പ്പി​ക്കാ​ൻ പു​ന​ര​ധി​വാ​സ കേ​ന്ദ്ര​ങ്ങ​ളി​ലെ​ത്തി​ക്കാ​നും പ​ദ്ധ​തി​യു​ണ്ടെ​ന്ന് ക​മീ​ഷ​ണ​ർ അ​റി​യി​ച്ചു. പ​രി​ശോ​ധ​ന​ക്ക് അ​സി. എ​ക്സൈ​സ് ക​മീ​ഷ​ണ​ർ കെ.​എ​സ്. സു​രേ​ഷ്, കോ​ഴി​ക്കോ​ട് ആ​ന്റി നാ​ർ​കോ​ട്ടി​ക് സ്പെ​ഷ​ൽ സ്ക്വാ​ഡ് എ​ക്സെ​സ് സ​ർ​ക്കി​ൾ ഇ​ൻ​സ്പെ​ക്ട​ർ കെ.​കെ. ഗി​രീ​ഷ് കു​മാ​ർ, കൊ​യി​ലാ​ണ്ടി റേ​ഞ്ച്, പേ​രാ​മ്പ്ര എ​ക്സൈ​സ് ഇ​ൻ​സ്പെ​ക്ട​ർ​മാ​ർ എ​ന്നി​വ​ർ നേ​തൃ​ത്വം ന​ൽ​കി.

യു​വാ​വി​ന്റെ മ​ര​ണം; കൊ​യി​ലാ​ണ്ടി​യി​ൽ പ​രി​ശോ​ധ​ന കർശനമാക്കി  എ​ക്സൈ​സ്

Koyilandy

കോട്ടയം: 14 വർഷം മുമ്പ് വേശ്യകളുടെയും തെമ്മാടികളുടെയും കേന്ദ്രമായിരുന്നു മാഹിയെന്ന വിവാദ പരാമർശത്തിൽ വിശദീകരണവും ഖേദപ്രകടനവുമായി ബി.ജെ.പി നേതാവ് പി.സി. ജോർജ്. മാഹി കൂടുതൽ സുന്ദരമായി എന്നത് മാത്രമാണ് താൻ ഉദ്ദേശിച്ചതെന്നും മറിച്ച് ആർക്കെങ്കിലും തോന്നുകയോ, മാനസിക വിഷമം ഉണ്ടാകുകയോ ചെയ്തിട്ടുണ്ടെങ്കിൽ അതിൽ ഖേദം പ്രകടിപ്പിക്കുന്നുവെന്നുമാണ് ഫേസ്ബുക്കിൽ കുറിച്ചത്.
കുറിപ്പിന്റെ പൂർണരൂപം:
‘പ്രിയ മാഹി നിവാസികളെ,
കഴിഞ്ഞ ദിവസം എന്റെ പ്രസംഗത്തിൽ, ഞാൻ ഉദ്ദേശിച്ചത് മാഹിയിലൂടെ കടന്ന് പോകാൻ കഴിയാത്ത ഒരുകാലഘട്ടം ഉണ്ടായിരുന്നത് ദേശീയ പാതയുടെ വികസനത്തോട് കൂടി അതെല്ലാം മാറി മാഹി കൂടുതൽ സുന്ദരമായി എന്നത് മാത്രമാണ്.
മറിച്ച് ആർക്കെങ്കിലും തോന്നുകയോ, മാനസിക വിഷമം ഉണ്ടാകുകയോ ചെയ്തിട്ടുണ്ടെങ്കിൽ അതിൽ ഞാൻ ഖേദം പ്രകടിപ്പിക്കുന്നു.’
ജോർജിനെ തള്ളി ബി.​ജെ.പിയും
കോഴിക്കോട് ബി.ജെ.പി സ്ഥാനാർഥി എം.ടി. രമേശിന്റെ തെരഞ്ഞെടുപ്പ് കൺവെൻഷൻ ഉദ്ഘാടനം ചെയ്യുമ്പോഴായിരുന്നു മാഹി വേശ്യകളുടെ കേന്ദ്രമായിരുന്നുവെന്നും ഗുണ്ടകളും റൗഡികളും തെമ്മാടികളും കൂത്താടിയിരുന്ന സ്ഥലമായിരുന്നുവെന്നും പി.സി. ജോർജ് പറഞ്ഞത്. ഇതിനെതിരെ കടുത്ത വിമർശനം ഉയർന്നതോടെ പാർട്ടി പ്രാദേശിക ഘടകം ജോർജിനെ തള്ളിപ്പറഞ്ഞിരുന്നു.
ജോർജിന്റെ മാഹിയെക്കുറിച്ചുള്ള പരാമർശങ്ങൾ അത്യന്തം അപലപനീയവും ഖേദകരവുമാണെന്ന് ബി.ജെ.പി മാഹി മേഖല കമ്മിറ്റി പ്രസിഡന്റ് സി. ദിനേശൻ പറഞ്ഞു. ‘ജോർജ് ബി.ജെ.പിയുടെ വക്താവല്ല. സാംസ്കാരിക പൈതൃകവും സാമൂഹിക ഔന്നത്യവുമുള്ള ഒരു പരിഷ്കൃത ജനതയെ എവിടെനിന്നോ കിട്ടിയ തെറ്റായ വിവരത്തിന്റെ അടിസ്ഥാനത്തിൽ അടച്ചാക്ഷേപിച്ചതിനെ തികഞ്ഞ അവജ്ഞയോടെ തള്ളിക്കളയുന്നു’ എന്നും പ്രസ്താവനയിൽ പറഞ്ഞു.
മാഹിയെയും മാഹിക്കാരെയും അറിയാതെ, ബൈപാസ് വന്നപ്പോഴാണ് മാഹി സുരക്ഷിതമായതെന്നും മാഹിയിൽ റൗഡികളും വേശ്യകളുമാണ് അധിവസിച്ചിരുന്നതെന്നും പറഞ്ഞ പി.സി. ജോർജ് മാഹിക്കാരോട് മാപ്പുപറയണമെന്ന് സി.പി.എം പ്രതിഷേധ കൂട്ടായ്മ ആവശ്യപ്പെട്ടു.
പി.സി. ജോർജിനെതിരെ നിയമ നടപടിയടുക്കണമെന്നാവശ്യപ്പെട്ട് മഹിള കോൺഗ്രസ് പ്രവർത്തകർ മാഹിയിൽ പ്രതിഷേധ പ്രകടനം നടത്തി. ജോർജിന്റെ കോലത്തിൽ പ്രവർത്തകർ ചെരിപ്പ് കൊണ്ടടിച്ചു.

തള്ളിപ്പറഞ്ഞ് ബി.​ജെ.പിയും; ഒടുവിൽ മാഹിയെ കുറിച്ചുള്ള ‘വേശ്യ’ പ്രയോഗത്തിൽ ഖേദവുമായി പി.സി. ജോർജ്

തൃശൂർ: ആർ.എൽ.വി. രാമകൃഷ്ണനെതിരായ സത്യഭാമയുടെ അധിക്ഷേപ പരാമർശത്തിൽ സംഘ്പരിവാർ അജണ്ട കാണാൻ കഴിയുമെന്ന് കോൺഗ്രസ് നേതാവും തൃശൂരിലെ യു.ഡി.എഫ് സ്ഥാനാർഥിയുമായ കെ. മുരളീധരൻ. ഇങ്ങനെയുള്ള മനസ്ഥിതിയുള്ളവർ കേരളത്തിലുണ്ടെന്നറിഞ്ഞപ്പോൾ അത്ഭുതപ്പെട്ടുപോയി. സത്യഭാമയെ പോലുള്ള കലാകാരിയുടെ മനസ്സ് ഇത്ര വികൃതമാണെന്ന് ഇപ്പോഴാണ് അറിയുന്നതെന്നും മുരളീധരൻ പറഞ്ഞു.
ഇത്തരം വികൃതമായിട്ടുള്ള മാനസികാവസ്ഥ കേരളത്തിൽ ഒരിക്കലും വിലപ്പോവില്ലെന്ന് നമുക്ക് തെളിയിക്കാനാകണം. അതിന് എല്ലാവരും ഒറ്റക്കെട്ടായി ഇതുപോലെയുള്ള വംശീയ അധിക്ഷേപങ്ങളെ എതിർത്ത് തോൽപ്പിക്കണം. സംഘ്പരിവാറിന്‍റെ അജണ്ട ഇതിലൊക്കെയും കാണാൻ സാധിക്കുന്നുണ്ട്. കുടുംബക്ഷേത്രത്തിലെ നൃത്തത്തിന് ക്ഷണിച്ചതുകൊണ്ടൊന്നും ഈ പാപക്കറ കഴുകിക്കളയാനാവില്ല -ബി.ജെ.പി നേതാവ് സുരേഷ് ഗോപി ആർ.എൽ.വി. രാമകൃഷ്ണനെ കുടുംബക്ഷേത്രത്തിൽ നൃത്തത്തിന് ക്ഷണിച്ചതിനെ പരാമർശിച്ചുകൊണ്ട് മുരളീധരൻ പറഞ്ഞു.

ഇത്തരം വികൃതമായിട്ടുള്ള മാനസികാവസ്ഥ കേരളത്തിൽ വിലപ്പോവില്ല; സത്യഭാമയുടെ അധിക്ഷേപത്തിൽ സംഘ്പരിവാർ അജണ്ടയുണ്ടെന്ന് കെ. മുരളീധരൻ

കൊച്ചി: ഇന്ന് രാത്രി 8:30 മുതല്‍ 9:30 വരെ ഭൗമ മണിക്കൂറായി ആചരിക്കാമെന്ന് കെഎസ്ഇബി. അത്യാവശ്യമല്ലാത്ത എല്ലാ വൈദ്യുത വിളക്കുകളും ഉപകരണങ്ങളും ഈ ഒരു മണിക്കൂര്‍ സമയം ഓഫ് ചെയ്ത് ഭൂമിയെ ആഗോളതാപനത്തില്‍ നിന്നും കാലാവസ്ഥാ വ്യതിയാനത്തില്‍ നിന്നും രക്ഷിക്കാനുള്ള ആഗോള സംരംഭത്തില്‍ പങ്കാളികളാകാമെന്നും കെഎസ്ഇബി പറഞ്ഞു
ഭൂമിയെ സംരക്ഷിക്കുക എന്ന സന്ദേശവുമായി വേള്‍ഡ് വൈഡ് ഫണ്ട് ഫോര്‍ നേച്ചര്‍ ആരംഭിച്ച ഈ സംരംഭത്തില്‍ 190ല്‍പ്പരം ലോകരാഷ്ട്രങ്ങള്‍ സാധാരണയായി എല്ലാ വര്‍ഷവും മാര്‍ച്ച് മാസത്തിലെ അവസാനത്തെ ശനിയാഴ്ച ഒരു മണിക്കൂര്‍ പ്രതീകാത്മകമായി വൈദ്യുതി വിളക്കുകള്‍ അണച്ച് പങ്കുചേരുന്നു. എന്നാല്‍, ഇത്തവണ മാര്‍ച്ച് 23 ന് ഭൗമ മണിക്കൂര്‍ ആചരിക്കാനാണ് ആഹ്വാനം. വൈദ്യുതി ഉപയോഗം ക്രമാതീതമായി ഉയരുന്ന ഈ കാലഘട്ടത്തില്‍ ഭൗമ മണിക്കൂര്‍ ആചരണത്തിന് വലിയ പ്രസക്തിയാണുള്ളതെന്നും കെഎസ്ഇബി വ്യക്തമാക്കി

'ഇന്ന് രാത്രി ഒരു മണിക്കൂര്‍ അത്യാവശ്യമല്ലാത്ത എല്ലാ വൈദ്യുത വിളക്കുകളും ഉപകരണങ്ങളും ഓഫാക്കുക'; കെഎസ്ഇബി

ചോറുണ്ടാക്കിയിട്ട് കഞ്ഞിവെള്ളം കളയുന്നവരാണ് നമ്മളില്‍ ഭൂരിഭാഗം പേരും. പക്ഷെ ഈ കഞ്ഞിവെള്ളത്തിന് നിരവധി ഗുണങ്ങളുണ്ട്. വേനല്‍ക്കാലത്തെ നിര്‍ജലീകരണത്തെ തടയാന്‍ ഏറ്റവും നല്ല മാര്‍ഗമാണ് കഞ്ഞിവെള്ളം കുടിക്കുന്നത്. നല്ല ഊര്‍ജം പ്രദാനം ചെയ്യുന്ന ഒന്നു കൂടിയാണിത്. കഞ്ഞിവെള്ളത്തില്‍ അന്നജവും അടങ്ങിയിട്ടുണ്ട്.
വയറില്‍ എപ്പോഴും പ്രശ്‌നങ്ങളുള്ള വ്യക്തിയാണെങ്കില്‍ കഞ്ഞിവെള്ളം കുടിക്കുന്നത് വലിയ ഗുണം ചെയ്യും. വയറിളക്കമോ വയറുവേദനയോ മലബന്ധമോ അനുഭവപ്പെടുകയാണെങ്കില്‍, കുറച്ച് കഞ്ഞിവെള്ളം കുടിക്കുന്നത് വയറിന് ഗുണം ചെയ്യും. ശരീരഭാരം കുറയ്ക്കാന്‍ ആഗ്രഹിക്കുന്നവരും കഞ്ഞിവെള്ളം കുടിക്കുന്നത് വളരെ നല്ലതാണ്. ഭാരം കുറയ്ക്കാന്‍ കുറയ്ക്കാന്‍ ശ്രമിക്കുമ്പോള്‍ ശരീരത്തില്‍ ജലാംശം നിലനിര്‍ത്തേണ്ടത് അത്യാവശ്യമാണ്. കഞ്ഞിവെള്ളം കുടിക്കുന്നത് ശരീരത്തില്‍ വെള്ളത്തിന്റെ അളവ് കൂട്ടാന്‍ സഹായിക്കും.
രോഗ പ്രതിരോധശേഷി കൂട്ടാനും കഞ്ഞിവെള്ളം ഗുണം ചെയ്യും. കഞ്ഞിവെള്ളത്തില്‍ ധാരാളം അമിനോ ആസിഡുകള്‍ അടങ്ങിയിട്ടുണ്ട്. ഇത് ശരീരത്തിലെ മസിലുകളുടെ ആരോഗ്യത്തിനും നല്ലതാണ്. വിറ്റാമിനുകളും മറ്റ് ആന്റി ഓക്‌സിഡന്റുകളും അടങ്ങിയ കഞ്ഞിവെള്ളം ചര്‍മത്തിന്റെ ആരോഗ്യം മെച്ചപ്പെടുത്തും. തണുത്ത കഞ്ഞിവെള്ളം ഉപയോഗിച്ച് മുഖം കഴുകുന്നത് മുഖത്തെ അടഞ്ഞ ചര്‍മസുഷിരങ്ങള്‍ തുറക്കാനും മുഖക്കുരുവിനെ തടയാനും ഗുണകരമാണ്.
അതുപോലെ മുഖത്തെ കറുത്ത പാടുകളെ അകറ്റാനും ചര്‍മം തിളക്കമുള്ളതും മൃദുവായതുമാകാനും സഹായിക്കും. തലമുടി കൊഴിച്ചില്‍ തടയാനും മുടിയുടെ ആരോഗ്യം വര്‍ധിപ്പിക്കാനും കഞ്ഞിവെള്ളം സഹായിക്കും.

കഞ്ഞി വെള്ളം കുടിക്കാറുണ്ടോ? ഗുണങ്ങള്‍ ഏറെയുണ്ട്

Health

പുറമേരി: ബൈക്ക് അപകടത്തിൽ പരുക്കേറ്റു ചികിത്സയിലായിരുന്ന യുവാവ് മരിച്ചു. കുനിങ്ങാട് എരേമ്മം കണ്ടിതാഴ കുനി ബിജീഷ് (45 ) ആണ് മരിച്ചത്. ബുധനാഴ്ച വൈകിട്ടാണു അപകടം നടന്നത്. അപകടത്തെ തുടർന്നു കണ്ണൂർ സ്വകാര്യ ആശുപത്രിയിൽ ചികിത്സയിലിരിക്കെയാണു മരിച്ചത്.
നാദാപുരം ഗവ.ആശുപത്രിക്ക് സമീപത്തെ എസി റിപ്പയറിങ് ഷോപ്പ് ഉടമയാണ്. പോസ്റ്റ്‌മോർട്ടത്തിനു ശേഷം മൃതദേഹം വീട്ടുവളപ്പിൽ സംസ്കരിച്ചു. ഭാര്യ: ജിജി, മക്കൾ: ദേവദർശ് (വിദ്യാർഥി,കെആർഎച്ച്എസ്എസ്), ദേവാത്മിക(വിദ്യാർഥി, വിലാപുരം എൽപി സ്കൂൾ). അച്ഛൻ: പരേതനായ ബാലൻ, അമ്മ:ബേബി, സഹോദരി: ബിന്ദു.&nbsp;

ബൈക്ക് അപകടത്തിൽ പരുക്കേറ്റ കുനിങ്ങാട് സ്വദേശി മരിച്ചു

Nadapuram

തൃശൂര്‍: ആറാട്ടുപുഴ തറയ്ക്കല്‍ പൂരത്തിനിടെ ആനയിടഞ്ഞു. അമ്മത്തിരുവടി വിഭാഗത്തിന്‍റെ തിടമ്പേറ്റിയ ആന തൊട്ടിപ്പാൾ ഭഗവതിയുടെ ആനയെ കുത്തുകയായിരുന്നു. ഇരു ആനകളും പൂരപ്പറമ്പിലൂടെ ഓടി. ആളുകള്‍ ചിതറിയോടിയതിനെ തുടര്‍ന്ന് നിരവധി പേർക്ക് പരിക്കേറ്റു. അമ്മത്തിരുവടി വിഭാഗത്തിന്‍റെയും തൊട്ടിപ്പാൾ ഭഗവതി വിഭാഗത്തിന്‍റെയും ആനകളാണ് ഇടഞ്ഞത്.
ഇന്നലെ രാത്രി 11 മണിയോടെയാണ് സംഭവം. ഊരകം അമ്മത്തിരുവടിയുടെ തിടമ്പേറ്റിയ ഗുരുവായൂര്‍ രവികൃഷ്ണനാണ് ഇടഞ്ഞത്. പാപ്പാന്റെ നേര്‍ക്ക് തിരിഞ്ഞ രവികൃഷ്ണന്‍ പാപ്പാനെ കുത്താനും ചവിട്ടാനും ശ്രമിച്ചെങ്കിലും പാപ്പാന്‍ അത്ഭുതകരമായി രക്ഷപ്പെട്ടു. ഇയാള്‍ക്ക് പരിക്കുണ്ട്. ഈ ആന പിന്നീട് ആറാട്ടുപുഴ ശാസ്താവിന്റെ തിടമ്പേറ്റിയ പുതുപ്പള്ളി അര്‍ജുനന്‍ എന്ന ആനയെ കുത്തി. ഇതോടെ രണ്ട് ആനകളും കൊമ്പുകോര്‍ത്തു. പിന്നീട് എലഫന്‍റ് സ്ക്വാഡെത്തി ആനകളെ തളയ്ക്കുകയായിരുന്നു.

ആറാട്ടുപുഴ തറയ്ക്കല്‍ പൂരത്തിനിടെ ആന ഇടഞ്ഞു; തമ്മില്‍ കൊമ്പുകോര്‍ത്തു

വടകര: ലോകജലദിനത്തോടനുബന്ധിച്ച് കോളേജ് ഓഫ് എൻജിനീയറിങ് വടകരയിലെ എൻഎസ്എസ് യൂണിറ്റും നേച്ചർ ക്ലബ്ബും സംയുക്തമായി വാട്ടർ ഫോർ പീസ് എന്ന വിഷയത്തിൽ വിവിധ ബോധവൽക്കരണ പരിപാടികൾ സംഘടിപ്പിച്ചു. പരിസ്ഥിതി പ്രവർത്തകനും മാലിന്യമുക്തം നവകേരളം കോഴിക്കോട് ജില്ലാ കോഡിനേറ്റർമായ മണലിൽ മോഹനൻ ക്ലാസ് എടുത്തു . പ്രിൻസിപ്പൽ ഡോ.ഒ.എ.ജോസഫ് ഉദ്ഘാടനം ചെയ്തു. നേച്ചർ ക്ലബ്ബ് സ്റ്റാഫ് കോഡിനേറ്റർ പ്രീത ആർ ഡി അധ്യക്ഷത വഹിച്ചു. അഡ്മിനിസ്ട്രേറ്റീവ് ഓഫീസ് പി. കെ ശശിധരൻ, എൻഎസ്എസ് പ്രോഗ്രാം ഓഫീസർ രോഹിത്റാം, വളണ്ടിയർമാരായ അഷ്ഫാക്ക്, എ൦ നവ്യജ എന്നിവർ സംസാരിച്ചു.

ലോകജലദിന൦ ആചരിച്ചു

വടകര: മാക്കൂൽപീടിക വാളിച്ചിൻ്റെവിട താമസിക്കും പറമ്പത്ത് ഹമീദ് (68) നിര്യാതനായി. ഭാര്യ; ആയിഷ. മക്കൾ; സിയാത് (ബഹറൈൻ), അർഷിദ്, അഫീദ. മരുമക്കൾ; ഇസ്മായിൽ, ഷനീദ. സഹോദരങ്ങൾ ഖാദർ, അയിശു ,സീനത്ത്.

മാക്കൂൽപീടിക പറമ്പത്ത് ഹമീദ് നിര്യാതനായി

Obituary

അഴിയൂർ: മാഹി റെയിൽവേ സ്റ്റേഷന് സമീപം ബട്ടക്കാരി കായനാട്ത് നസീമ (59) നിര്യാതയായി. ഭർത്താവ്; പരേതനായ റസാഖ്. മക്കൾ; നർഗീസ്, റിംഷാദ്, റിസ്വാൻ (ദുബായ് ). മരുമകൻ; സിദ്ദീഖ്. സഹോദരങ്ങൾ; മമ്മു, മുജീബ്( ദുബായ്).

അഴിയൂർ കായനാടത്ത് നസീമ നിര്യാതയായി

ആയഞ്ചേരി: വടകര ലോക്സഭാ മണ്ഡലം എൽ ഡി എഫ് സ്ഥാനാർത്ഥി കെ കെ ശൈലജയുടെ വിജയത്തിനായുള്ള ബൂത്ത് തല കൺവെൻഷനുകൾ വൻ ജന പങ്കാളിത്തത്തോടെ ആയഞ്ചേരി മേഖലയിൽ പൂർത്തിയാവുന്നു. 31-ാം ബൂത്ത് കൺവെൻഷൻ നാളോംകാട്ടിൽ വെച്ച് കൂടുത്താം കണ്ടി സുരേഷ് ഉൽഘാടനം ചെയ്തു. സി.വി. കുഞ്ഞിരാമൻ അധ്യക്ഷം വഹിച്ചു. വി.ടി.ബാലൻ, ടി.വി. കുഞ്ഞിരാമൻ എന്നിവർ സംസാരിച്ചു. കൺവെൻഷനിൽ വെച്ച് ബൂത്ത് കമ്മിറ്റിയും, വിവിധ സ്ക്വോഡുകളും രൂപീകരിച്ചു. സി.വി. കുഞ്ഞിരാമൻ (പ്രസിഡണ്ട്) പ്രദീഷ് ആർ , ഗീത വി.,ബാലൻ പുനത്തിൽ, ലത്തിഫ് നുപ്പറ്റ (വൈസ് പ്രസിഡണ്ടുമാർ, ടി.വി. കുഞ്ഞിരാമൻ ( സിക്രട്ടരി ) പ്രജിത്ത് ആർ, രജീഷ് കുനിയിൽ (ജോ: സിക്രട്ടരിമാർ) അനിൽ ആയഞ്ചേരി (ഖജാൻജി) എന്നിവരെ തിരഞ്ഞെടുത്തു.

ആയഞ്ചേരിയിൽ എൽ ഡി എഫ് ബൂത്ത് കൺവെൻഷനുകൾ പൂർത്തിയായി

Inshort

ദുബൈ: ദുബൈയിൽ ഹൈപ്പർമാർക്കറ്റ് ജീവനക്കാരനായ മലയാളിയെ ഒരുമാസമായി കാണാനില്ലെന്ന് പരാതി. മലപ്പുറം പെരിന്തൽമണ്ണ സ്വദേശി ഷാജു പയ്യില വളപ്പിലിനെയാണ് കാണാതായത്. ഭർത്താവിനെ കണ്ടെത്താൻ സഹായിക്കണമെന്ന് ആവശ്യപ്പെട്ട് ഭാര്യ നാട്ടിൽ നിന്ന് ദുബൈ ഇന്ത്യൻ കോൺസുലേറ്റിനും അബൂദബിയിലെ ഇന്ത്യൻ എംബസിക്കും പരാതി നൽകി.
ദുബൈ അൽബർഷയിലെ ഹൈപ്പർമാർക്കറ്റിൽ മത്സ്യം മുറിച്ചു നൽകുന്ന ജോലിയായിരുന്നു ഷാജുവിന്​. ഫെബ്രുവരി 19നാണ് ഇദ്ദേഹം ഏറ്റവുമൊടുവിൽ കുടുംബവുമായി ഫോണിൽ ബന്ധപ്പെടുന്നത്. പിന്നീട് വിവരമൊന്നുമില്ല. സാജുവിന്‍റെ മൊബൈൽ ഫോണും മറ്റും താമസസ്ഥലത്ത് തന്നെയുണ്ടെന്നാണ് കമ്പനി അധികൃതർ അറിയിച്ചത്.

ഹൈപ്പർമാർക്കറ്റ് ജീവനക്കാരനായ മലപ്പുറം സ്വദേശിയെ ദുബൈയിൽ കാണാതായി

Gulf

മാഹി: സ്ത്രീ സമൂഹത്തെ അപമാനിക്കുന്ന പ്രസ്താവന നടത്തിയെന്നാരോപിച്ച് ബി.ജെ.പി നേതാവ് പി.സി.ജോർജിനെതിരെ മാഹി പോലീസ് വിവിധ വകുപ്പുകളിൽ കേസെടുത്തു.153 എ, 67 ഐ.ടി.ആക്ട്, 125 ആർ.പി. ആക്ട് എന്നിവ അനുസരിച്ചാണ് കേസ്. സി.പി.എം. മാഹി ലോക്കൽ സെക്രട്ടറി കെ.പി.സുനിൽകുമാർ ഉൾപ്പെടെ മാഹിയിലെ വിവിധ രാഷ്ട്രീയ കക്ഷികളും സംഘടനകളൂം നൽകിയ പരാതിയെത്തുടർന്നാണ് കേസെടുത്തത്.

അധിക്ഷേപ പരാമർശം:  പി.സി.ജോർജിനെതിരെ മാഹി പോലീസ് കേസെടുത്തു

Mahe

പുതുച്ചേരി : മാഹിയുൾപ്പെടുന്ന പുതുച്ചേരി ലോകസഭ മണ്ഡലം കോൺഗ്രസ്സ് സ്ഥാനാർത്ഥിയായി വി.വൈദിലിംഗം മത്സരിക്കുമെന്ന് അഖിലേന്ത്യ കോൺഗ്രസ്സ് കമ്മിറ്റി ഔദ്യോഗികമായി പ്രഖ്യാപിച്ചു. നിലവിലെ എം.പി കൂടിയായ വൈദ്യലിംഗം പുതുച്ചേരി പ്രദേശ് കോൺഗ്രസ്സ് പ്രസിഡണ്ടാണ്. പുതുച്ചേരിയിൽ ഏറെ സ്വീകാര്യനായ വൈദ്യലിംഗം മുഖ്യമന്ത്രി, സ്പീക്കർ എന്നീ നിലയിലും ദീർഘകാലം പ്രവർത്തിച്ചിട്ടുണ്ട്. കഴിഞ്ഞ തിരെഞ്ഞടുപ്പിൽ 1,97,000 ത്തിൽ പരം വോട്ടിൻ്റെ ഭൂരിപക്ഷത്തിലാണ് ലോകസഭാഗംമായത്.

പുതുച്ചേരിയിൽ വി.വൈദ്യലിംഗം കോൺഗ്രസ്സ് സ്ഥാനാർത്ഥി

വടകര: തമിഴ്നാട് സർവ്വേ ഡിപ്പാർട്ട്മെൻറ് അസിസ്റ്റ്റ്റ് ഡയരക്ടറായി വിരമിച്ച ഓർക്കാട്ടേരിയിലെ കൂമുള്ളി കോമത്ത് രാജൻ നമ്പ്യാർ (77) നിര്യാതനായി. ഭാര്യമാർ; ഭാരതിഅമ്മ (റിട്ടേയ്ഡ് ഡി. പി ഐ സുപ്രണ്ട് തമിഴ്നാട്), പരേതയായ കുനിയിൽ ദേവി, മക്കൾ: മജ്ജുള (അധ്യാപിക ജി.എൽ.പി സ്ക്കൂൾ മാങ്ങാട്ടുമുറി),ബിന്ദു (ഹെഡ്മിനിസ്ട്രസ് ചെക്യാട് ഈസ്റ്റ് എൽ.പി സ്ക്കൂൾ) ,സൗമ്യ (ഖത്തർ).&nbsp;
മരുമക്കൾ: ബാലകൃഷ്ണൻ (റിട്ടേർഡ് പ്രധാന അധ്യാപകൻ ജി.എൽ.പി എസ് പുതുക്കോട് ), പ്രേംകുമാർ വാണിമേൽ (റിട്ടേർഡ് ഹോമിയോ ഡിപ്പാർട്ട്മെൻറ്), സന്ദീപ് (അഹമദ് ഹോസ്പിറ്റൽ ഖത്തർ). സഹോദരങ്ങൾ; ശ്രീധരൻ നമ്പ്യാർ (വിശ്വവികാസ് ചിട്ടി ലിമിറ്റഡ് കോയമ്പത്തുർ), വിജയൻ നമ്പ്യാർ (റിട്ടേർഡ് ഇന്ത്യൻ ആർമി,കോൺഗ്രസ് വാർഡ് പ്രസിഡണ്ട്), ചന്ദ്രിക കുറുന്തോടി, വിമല കോമത്ത്, പത്മാവതി കുനിക്ക് താഴെ, വത്സല കുരിക്കിലാട്.

ഓർക്കാട്ടേരി കൂമുള്ളി കോമത്ത് രാജൻ നമ്പ്യാർ നിര്യാതനായി

ന്യൂഡല്‍ഹി: കേന്ദ്രബജറ്റ് പ്രഖ്യാപനത്തില്‍ കേരളത്തിന് പൊതുവെ നിരാശ. ദീര്‍ഘകാലത്തേക്ക് സംസ്ഥാനങ്ങള്‍ക്ക് വായ്പയായി വകയിരുത്തിയ ഒന്നരലക്ഷം കോടിയിലെ വിഹിതവും പാലക്കാട് ഐഐടിക്കുള്ള സഹായവും മാത്രമാണ് കേരളത്തെ സംബന്ധിച്ച്‌ ബജറ്റ് പ്രസംഗത്തില്‍ ഇടംപിടിച്ചത്‌. കടുത്ത സാമ്പത്തിക പ്രതിസന്ധിയിലായ കേരളം 24,000 കോടിയുടെ പ്രത്യേക സാമ്പത്തിക പാക്കേജാണ് ആവശ്യപ്പെട്ടത്. കൂടാതെ, വയനാട് ഉരുൾപൊട്ടൽ ദുരന്തത്തിൻ്റെ പുനരധിവാസം നടപ്പാക്കുന്നതിനായി 2,000 കോടിയുടെ പാക്കേജ്, മനുഷ്യ-വന്യജീവി സംഘർഷം പരിഹരിക്കുന്നതിനായി 1,000 കോടിയുടെ പ്രത്യേക പാക്കേജ്, വിഴിഞ്ഞം തുറമുഖ വികസനത്തിനായി 5000 കോടി, സിൽവർ ലൈൻ, ദീർഘകാലാവശ്യമായ എയിംസ്‌, ശബരി പാത തുടങ്ങി പല സുപ്രധാനവാശ്യങ്ങളും കേരളം ഉന്നയിച്ചിരുന്നു. എന്നാൽ ഒന്ന് പോലും ബജറ്റില്‍ ഇടംപിടിച്ചില്ല
പൊതുവായി നടത്തിയ പ്രഖ്യാപനങ്ങളൊഴികെ കേരളത്തെ പരിഗണിച്ചില്ലായെന്നത് പ്രതിഷേധങ്ങൾക്ക് വഴിവെക്കുകയും ചെയ്തു. സംസ്ഥാനങ്ങള്‍ക്ക് 50 വര്‍ഷത്തേക്ക് പലിശരഹിത വായ്പയുണ്ട്. ഒന്നരലക്ഷം കോടി രൂപ ഇതിനായി വകയിരുത്തും. പുതിയ പദ്ധതികള്‍ക്കായി പത്തുലക്ഷം കോടി മൂലധനം അഞ്ച് വര്‍ഷത്തേക്ക് നല്‍കും. എഐ പഠനത്തിന് സെന്റര്‍ ഓഫ് എക്‌സലന്‍സ് സ്ഥാപിക്കുന്നതിനായി 500 കോടി മാറ്റിവെച്ചു. ഇത്തരത്തിൽ പൊതുവായി ലഭിക്കുന്ന മാറ്റിയിരുത്തല്‍ തുകയൊഴിച്ച് പ്രത്യേക പരിഗണന കേരളത്തിന് ലഭിച്ചില്ല. പാലക്കാട് ഐഐടി വികസനത്തിന് മാത്രമാണ് തുക അനുവദിച്ചത്. കൂടാതെ തുറമുഖ വികസനത്തിനായി അനുവദിച്ച പദ്ധതിയുടെ ഗുണം കേരളത്തിന് ലഭിക്കുമെന്നതൊഴിച്ചാൽ വിഴിഞ്ഞം പ്രത്യേക പാക്കേജിലും പ്രതികരണമുണ്ടായില്ല.

കേന്ദ്രബജറ്റ് പ്രഖ്യാപനത്തില്‍ കേരളത്തിന് നിരാശ ;വയനാട് പാക്കേജുൾപ്പടെയൊന്നും പരിഗണിച്ചില്ല

ധനമന്ത്രി നിർമല സീതാരാമന്റെ എട്ടാം ബജറ്റിൽ മൊബൈൽ ഫോണുകൾ മുതൽ ഇലക്ട്രിക് വാഹനങ്ങൾക്ക് വരെ നികുതിയിളവ്. അർബുദ രോഗ മരുന്ന് ഉൾപ്പടെയുള്ള ജീവൻരക്ഷാമരുന്നുകളുടെ നികുതിയും ധനമന്ത്രി കുറച്ചിട്ടുണ്ട്. അർബുദത്തിന് ഉൾപ്പടെ ഉപയോഗിക്കുന്ന 36 ജീവൻരക്ഷാ മരുന്നുകളുടെ ഇറക്കുമതി തീരുവയാണ് കേന്ദ്രസർക്കാർ ഒഴിവാക്കിയിരിക്കുന്നത്. ഇതോടെ ഇവയുടെ വില കുറയുന്നതിന് വഴിയൊരുങ്ങും.
ഓപ്പൺ സെൽസിനും അതിന്റെ മറ്റ് ഉപകരണങ്ങൾക്കുമുള്ള ഇറക്കുമതി തീരുവ അഞ്ച് ശതമാനമാക്കി കുറക്കുമെന്നാണ് ബജറ്റ് പ്രഖ്യാപനം. കൊബാൾട്ട്,സ്ക്രാപ്പ്, ലിഥിയം അയൺ, സിങ് എന്നിവ ഉൾപ്പടെയുള്ള 12 മിനറലുകളുടെ ഇറക്കുമതതി തീരുവ കുറയും. ഇലക്ട്രിക് വാഹനങ്ങളുടേയും മൊബൈൽ ഫോണുകളുടേയും ബാറ്ററിയുടെ നിർമാണഘടകങ്ങളുടെ നികുതിയും കേന്ദ്രസർക്കാർ കുറച്ചിട്ടുണ്ട്.
തുകൽ ജാക്കറ്റുകൾ, ഷൂസുകൾ, ബെൽറ്റ്, പേഴ്സ് എന്നിവയുടെ വിലയും കുറയും. സംസ്കരിച്ച ഫിഷ് പേസ്റ്റിന്റെ നികുതി കുറക്കുമെന്നും അറിയിച്ചു. ഫ്ലാറ്റ് പാനൽ ഡിസ്‍പ്ലേയുടെ നികുതി 10 ശതമാനത്തിൽ നിന്ന് 20 ശതമാനമായി വർധിക്കും. സാമൂഹ്യ ക്ഷേമ സർചാർജും ഉയരും. ആദായ നികുതിയിൽ വൻ ഇളവ് പ്രഖ്യാപിച്ചാണ് ധനമന്ത്രി നിർമല സീതാരാമൻ ത​ന്റെ എട്ടാം ബജറ്റ് അവതരിപ്പിച്ചിരിക്കുന്നത്. 12 ലക്ഷം വരെ ഇനി മുതൽ ആദായ നികുതിയുണ്ടാവില്ല.

മൊബൈൽ ഫോണുകൾക്കും ഇലക്ട്രിക് വാഹനങ്ങൾക്കും വില കുറയും; ജീവൻരക്ഷാമരുന്നുകളുടെ നികുതി കുറച്ചു

നീ​ലേ​ശ്വ​രം: കി​നാ​നൂ​ർ ക​രി​ന്ത​ളം പ​ഞ്ചാ​യ​ത്തി​ലെ ചാ​മ​ക്കു​ഴി കൂ​വാ​റ്റി അം​ഗ​ൻ​വാ​ടി​യി​ൽ ഭ​ക്ഷ്യ​വി​ഷ​ബാ​ധ. ഇ​തേ​ത്തു​ട​ർ​ന്ന് ആ​റ് കു​ഞ്ഞു​ങ്ങ​ളെ വി​വി​ധ ആ​ശു​പ​ത്രി​ക​ളി​ലാ​ക്കി.നീ​ലേ​ശ്വ​രം വ​ള്ളി​ക്കു​ന്നി​ലെ താ​ലൂ​ക്കാ​ശു​പ​ത്രി, ചോ​യ്യം​കോ​ട്ടെ സ്വ​കാ​ര്യ ന​ഴ്‌​സി​ങ് ഹോം, ​നീ​ലേ​ശ്വ​രം എ​ൻ.​കെ.​ബി.​എം ആ​ശു​പ​ത്രി, നീ​ലേ​ശ്വ​രം തേ​ജ​സ്വി​നി സ​ഹ​ക​ര​ണാ​ശു​പ​ത്രി എ​ന്നി​വി​ട​ങ്ങ​ളി​ലാ​ണ് ഇ​വ​രെ പ്ര​വേ​ശി​പ്പി​ച്ച​ത്.
ഛർ​ദി​യെ തു​ട​ർ​ന്ന് ആ​വ​ശ​നി​ല​യി​ലാ​യ​തോ​ടെ​യാ​ണ് ഇ​വ​രെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. ഇ​വാ​ൻ, ഇ​വാ​ൻ​കൃ​ഷ്ണ, നൈ​തി​ക്, ശി​വാം​ശി, ആ​ര​വ്, സാ​ൻ​വി​ക എ​ന്നീ വി​ദ്യാ​ർ​ഥി​ക​ളാ​ണ് ചി​കി​ത്സ​തേ​ടി​യ​ത്. വെ​ള്ള​ത്തി​ലൂ​ടെ​യോ ഭ​ക്ഷ​ണ​ത്തി​ലൂ​ടെ​യോ ആ​ണ് ഭ​ക്ഷ്യ​വി​ഷ​ബാ​ധ​യു​ണ്ടാ​യ​തെ​ന്നാ​ണ് സം​ശ​യം. ബു​ധ​നാ​ഴ്ച​യാ​ണ് ഇ​വ​ർ​ക്ക് അ​സ്വ​സ്ഥ​ത​യു​ണ്ടാ​യ​ത്.അം​ഗ​ൻ​വാ​ടി​യു​ടെ കെ​ട്ടി​ടം പൊ​ളി​ച്ചു​മാ​റ്റി​യ​ശേ​ഷം നി​ല​വി​ൽ താ​ൽ​ക്കാ​ലി​ക​മാ​യി ചാ​മ​ക്കു​ഴി സ്‌​കൂ​ൾ കെ​ട്ടി​ട​ത്തി​ലാ​ണ് പ്ര​വ​ർ​ത്ത​നം.സം​ഭ​വ​ത്തെ തു​ട​ർ​ന്ന് അ​ധി​കൃ​ത​ർ അം​ഗ​ൻ​വാ​ടി​യി​ൽ പ​രി​ശോ​ധ​ന​ക്കെ​ത്തി.

അം​ഗ​ൻ​വാ​ടി​യി​ൽ ഭ​ക്ഷ്യ​വി​ഷ​ബാ​ധ ;കു​ട്ടി​ക​ൾ ചികിത്സയിൽ

തുടര്‍ച്ചയായി റെക്കോഡ് തിരുത്തി സ്വര്‍ണ വില. ശനിയാഴ്ച പവന്റെ വില 120 രൂപ കൂടി 61,960 രൂപയായി. ഗ്രാമിന്റെ വിലയാകട്ടെ 16 രൂപ വര്‍ധിച്ച് 7,745 രൂപയുമായി.
ആഗോള വിപണിയില്‍ സ്‌പോട് ഗോള്‍ഡ് വില ഒരു ട്രോയ് ഔണ്‍സിന് ഇതാദ്യമായി 2,800 ഡോളര്‍ പിന്നിട്ടു. ട്രംപിന്റെ നയങ്ങള്‍ വിലക്കയറ്റത്തിന് കാരണമായേക്കുമെന്ന ഭീതിയാണ് സ്വര്‍ണം നേട്ടമാക്കിയത്. ജനുവരി 29ന് ചേര്‍ന്ന് ഫെഡ് യോഗം നിരക്കുകള്‍ മാറ്റമില്ലാതെ നിലനിര്‍ത്തിയിരുന്നു.അതേസമയം, രാജ്യത്തെ കമ്മോഡിറ്റി വിപണിയായി എംസിഎക്‌സിലെ തത്സമയ വിലയില്‍ ചാഞ്ചാട്ടം പ്രകടമാണ്.&nbsp;

എന്റെ പൊന്നേ..! ; സ്വര്‍ണ വില 62,000ത്തിലേയ്ക്ക്

ന്യൂഡൽഹി: ഇന്ന് കേന്ദ്ര ബഡ്‌ജറ്റ് അവതരിപ്പിക്കാനിരിക്കെ രാജ്യത്ത് പാചക വാതക സിലിണ്ടർ വില കുറച്ച് എണ്ണ വിപണന കമ്പനികൾ. വാണിജ്യാവശ്യത്തിനുള്ള പാചക വാതക സിലിണ്ടറുകളുടെ വിലയാണ് കുറച്ചിരിക്കുന്നത്. 19 കിലോഗ്രാം സിലിണ്ടറിന്റെ വിലയില്‍ ഏഴ് രൂപയുടെ കുറവാണ് ഉണ്ടായിരിക്കുന്നത്. അതേസമയം, ഗാര്‍ഹികാവശ്യത്തിനുള്ള സിലിണ്ടറിന്റെ വിലയില്‍ മാറ്റമില്ല. പുതുക്കിയ നിരക്ക് ഇന്ന് മുതല്‍ പ്രാബല്യത്തില്‍ വരും.
ഡല്‍ഹിയില്‍ പുതിയ റീട്ടെയില്‍ വില 1804 രൂപയില്‍ നിന്ന് 1797 രൂപയായി കുറഞ്ഞു. വിവിധ നഗരങ്ങളില്‍ വിലയില്‍ വ്യത്യാസങ്ങളുണ്ടാകും. കൊച്ചിയില്‍ ആറ് രൂപ കുറഞ്ഞ് 1806 രൂപയായി. കൊല്‍ക്കത്തയില്‍ 1911 രൂപയില്‍ നിന്ന് 1904 ലേക്ക് സിലിണ്ടര്‍ വില കുറഞ്ഞു. മുംബയില്‍ 1756 രൂപയായിരുന്നു സിലിണ്ടറിന്റെ വില. ഇത് 1749 രൂപയായി കുറഞ്ഞു. ചെന്നൈയില്‍ 1966 രൂപയുണ്ടായിരുന്നത് 1959 രൂപയായി.

കേന്ദ്ര ബഡ്‌ജറ്റ് അവതരിപ്പിക്കാനിരിക്കെ രാജ്യത്ത്  പാചക വാതക സിലിണ്ടറിന് വില കുറച്ചു

Search Results for: petrol bomb explosion