അബുദാബി : യു.എ.ഇ. പ്രസിഡന്റ് ശൈഖ് മുഹമ്മദ്‌ ബിൻ സായിദ് അൽ നഹ്യാൻ, യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ്‌ ബിൻ റാഷിദ് അൽ മക്തൂം എന്നിവർ എക്സിലൂടെ പുതുവത്സരാശംസകൾ നേർന്നു.
എല്ലാവർക്കും പുതുവത്സരാശംസകൾ നേരുന്നതായി ശൈഖ് മുഹമ്മദ്‌ ബിൻ സായിദ് അൽ നഹ്യാൻ എക്സിൽ കുറിച്ചു. നല്ല ഭാവിക്കായി ഐക്യത്തോടെ പ്രവർത്തിക്കുമ്പോൾ യു.എ.ഇ.യിലും ലോകമെമ്പാടുമുള്ള ആളുകളുടെ സമാധാനത്തിനും പുരോഗതിക്കുമായി ഒന്നിച്ച് പ്രാർഥിക്കാമെന്നും അദ്ദേഹം പറഞ്ഞു.
എല്ലാവർഷവും ലോകത്ത് ശാന്തിയും സമാധാനവുമുണ്ടായിരിക്കട്ടെയെന്നും മനുഷ്യരാശി പുതിയ ചക്രവാളങ്ങളിലേക്ക് മുന്നേറട്ടെയെന്നും ശൈഖ് മുഹമ്മദ്‌ ബിൻ റാഷിദ് അൽ മക്തൂം പറഞ്ഞു. കഴിഞ്ഞവർഷം എമിറേറ്റ്സ് അതിന്റെ എല്ലാ സൂചകങ്ങളിലും ചരിത്രപരമായ നേട്ടങ്ങൾ കൈവരിച്ചിട്ടുണ്ട്. കൂടുതൽ ശുഭാപ്തിവിശ്വാസത്തോടെയും വലിയ അഭിലാഷങ്ങളോടെയും ദൃഢനിശ്ചയത്തോടെയും 2025-നെ സ്വാഗതംചെയ്യുന്നതായും ശൈഖ് മുഹമ്മദ്‌ പറഞ്ഞു.

പുതുവത്സരാശംസകൾ നേർന്ന് യു.എ.ഇ. ഭരണാധികാരികൾ

Gulf

കൊച്ചി: ന്യൂ ​ഇ​യ​ർ ആ​ശം​സ​ക​ൾ ക്ലി​ക്ക് ചെ​യ്യു​ന്ന​വ​ർ​ക്ക് മു​ന്ന​റി​യി​പ്പു​മാ​യി കേ​ര​ള പൊ​ലീ​സ്. അ​ടു​ത്ത കു​റ​ച്ച് ദി​വ​സ​ങ്ങ​ളി​ൽ, സൈ​ബ​ർ ത​ട്ടി​പ്പു​കാ​ർ​ക്ക് നി​ങ്ങ​ളു​ടെ വാ​ട്സ് ആ​പ്പി​ലേ​ക്ക് പു​തു​വ​ത്സ​രാ​ശം​സ അ​യ​ക്കാ​ൻ ക​ഴി​യും, അ​തി​ൽ ഒ​രു പു​തി​യ എ.​പി.​കെ ഫ​യ​ൽ ത​രം മാ​ൽ​വെ​യ​റി​ലേ​ക്കു​ള്ള ലി​ങ്ക് അ​ട​ങ്ങി​യി​രി​ക്കാം. നി​ങ്ങ​ളു​ടെ പേ​രി​ൽ നി​ങ്ങ​ളു​ടെ സു​ഹൃ​ത്തു​ക്ക​ൾ​ക്ക് പു​തു​വ​ത്സ​രാ​ശം​സ​ക​ൾ അ​യ​ക്കാം. നി​ങ്ങ​ൾ​ക്ക് താ​ൽ​പ​ര്യ​മു​ണ്ടെ​ങ്കി​ൽ, കാ​ർ​ഡ് ല​ഭി​ക്കാ​ൻ ഇ​തോ​ടൊ​പ്പ​മു​ള്ള ലി​ങ്കി​ൽ ക്ലി​ക്കു​ചെ​യ്യു​ക എ​ന്ന് അ​റി​യി​ക്കും.
അ​ത്ത​ര​മൊ​രു ലി​ങ്ക് അ​യ​ച്ചാ​ൽ, ആ ​ലി​ങ്കി​ൽ ക്ലി​ക്ക് ചെ​യ്യ​രു​തെ​ന്നാ​ണ് കേ​ര​ള പൊ​ലീ​സ് മു​ന്ന​റി​യി​പ്പ് ന​ൽ​കി​യ​ത്. സൈ​ബ​ർ കു​റ്റ​വാ​ളി​ക​ൾ ഫോ​ൺ ഹാ​ക്ക് ചെ​യ്യു​ക​യും ആ​ക്സ​സ് അ​വ​രി​ലേ​ക്ക് പോ​കു​ക​യും ചെ​യ്യും. മൊ​ബൈ​ൽ ഡേ​റ്റ, ഗാ​ല​റി, കോ​ൺ​ടാ​ക്റ്റ് ന​മ്പ​റു​ക​ൾ, ബാ​ങ്ക് അ​ക്കൗ​ണ്ട് വി​ശ​ദാം​ശ​ങ്ങ​ൾ എ​ന്നി​വ മോ​ഷ്ടി​ക്ക​പ്പെ​ടും തു​ട​ർ​ന്ന് ത​ട്ടി​പ്പി​ൽ കു​ടു​ങ്ങാം. അ​തി​നാ​ൽ ഹാ​പ്പി ന്യൂ ​ഇ​യ​ർ റെ​ഡി​മെ​യ്ഡ് ലി​ങ്കു​ക​ളി​ൽ ക്ലി​ക്ക് ചെ​യ്യാ​തി​രി​ക്കാ​ൻ ശ്ര​ദ്ധി​ക്ക​ണ​മെ​ന്നാ​ണ് പൊ​ലീ​സ് മു​ന്ന​റി​യി​പ്പ്.

ന്യൂ ഇയർ ആശംസ ക്ലിക്ക് ചെയ്യല്ലേ! മുന്നറിയിപ്പുമായി പോലീസ്

Kerala

ഷാര്‍ജ: ഷാര്‍ജയില്‍ സര്‍ക്കാര്‍ ജീവനക്കാര്‍ക്ക് പുതുവത്സര അവധി പ്രഖ്യാപിച്ചു. എമിറേറ്റിലെ സര്‍ക്കാര്‍ മേഖലയിലെ ജീവനക്കാര്‍ക്ക് 2025 ജനുവരി ഒന്നിന് അവധി ആയിരിക്കും.&nbsp;
മാനവവിഭവശേഷി വകുപ്പാണ് പൊതു അവധി പ്രഖ്യാപിച്ചത്. എല്ലാ സര്‍ക്കാര്‍ വകുപ്പുകള്‍ക്കും ഏജന്‍സികള്‍ക്കും സ്ഥാപനങ്ങള്‍ക്കും ജനുവരി ഒന്നിന് അവധിയായിരിക്കും. അവധിക്ക് ശേഷം ജനുവരി രണ്ട് വ്യാഴാഴ്ച പ്രവൃത്തി ദിവസം പുനരാരംഭിക്കുമെന്ന് അധികൃതര്‍ അറിയിച്ചു.അതേസമയം യുഎഇയില്‍ സ്വകാര്യ മേഖലയ്ക്ക് പുതുവത്സര അവധി പ്രഖ്യാപിച്ചിരുന്നു. മാവനവവിഭവ ശേഷി സ്വദേശിവത്കരണ മന്ത്രാലയമാണ് അവധി പ്രഖ്യാപിച്ചത്. ജനുവരി 1 ബുധനാഴ്ചയാണ് അവധി പ്രഖ്യാപിച്ചിരിക്കുന്നത്. സ്വകാര്യ മേഖലയിലെ ജീവനക്കാര്‍ക്ക് ശമ്പളത്തോട് കൂടിയ അവധിയാണ് ലഭിക്കുക. യുഎഇയിലെ സര്‍ക്കാര്‍ ജീവനക്കാര്‍ക്കും ജനുവരി ഒന്നിന് അവധി ആയിരിക്കുമെന്ന് ഫെഡറല്‍ അതോറിറ്റി ഫോര്‍ ഗവണ്‍മെന്‍റ് ഹ്യൂമന്‍ റിസോഴ്സസ് പ്രഖ്യാപിച്ചിരുന്നു.&nbsp;

പുതുവത്സരം; പൊതു അവധി പ്രഖ്യാപിച്ച് ഷാർജ

പള്ളൂർ: വെസ്റ്റ് പള്ളൂർ മഹാത്മാ റസിഡൻസ് അസോസിയേഷൻ വിവിധ പരിപാടികളോടെ ക്രിസ്തുമസ് പുതുവത്സരാഘോഷം സംഘടിപ്പിച്ചു. ജീവിതശൈലി രോഗങ്ങളുടെ പ്രതിരോധം ആയുർവേദത്തിലൂടെ എന്ന വിഷയത്തെ ആസ്പ ദമാക്കി ചാലക്കര രാജീവ്‌ഗാന്ധി ആയുർവേദ ഹോസ്പിറ്റലിലെ അസോസിയേറ്റ് പ്രൊഫസർ ഡോ കെ എസ് ബിനു ക്ലാസ്സ്‌ നടത്തി. ജീവിതം അതിജീവനം എന്ന വിഷയത്തെ കുറിച്ച് മന:ശാസ്ത്രഞ്ജൻ ഡോ. സലീം ക്ലാസ്സ്‌ നടത്തി. അസോസിയേഷൻ പ്രസിഡന്റ്‌ ടി സിയാദ് അധ്യക്ഷത വഹിച്ചു. രക്ഷാധികാരി ശ്രീജയൻ, ട്രഷറർ ഡോ ഇക്ബാൽ, വനിതാ വേദി പ്രസിഡന്റ്‌ ഫൗസിയ അഷ്‌റഫ്‌ എന്നിവർ ആശംസ നേർന്നു. അസോസിയേഷൻ സെക്രട്ടറി രൂപേഷ് ബ്രഹ്മം സ്വാഗതവും അസോസിയേഷൻ ജോയിന്റ് സെക്രട്ടറി റയീസ് അടുവാട്ടിൽ നന്ദിയും പറഞ്ഞു. തുടർന്ന് കേക്ക് മുറിക്കൽ, കരോക്ക ഗാനാലാപനവും ഉണ്ടായി. കെ വി പ്രദീപൻ, രാജൻ, സുനിൽ എന്നിവർ നേതൃത്വം നൽകി.

ക്രിസ്തുമസ് പുതുവത്സരാഘോഷം സംഘടിപ്പിച്ചു

Mahe

മലപ്പുറം: ലോകമെങ്ങു​മുള്ള ഫുട്ബാൾ ആരാധകരുടെ ഇഷ്ടതാരമാണ് അർജന്റീനക്കാരൻ ലയണൽ മെസ്സി. ലോകകപ്പടക്കം പ്രധാന കിരീടങ്ങളും എട്ടുതവണ ലോകത്തെ മികച്ച ഫുട്ബാളർക്കുള്ള ബാലൻ ഡി ഓറുമെല്ലാം കരിയറിന് അലങ്കാരമാരമാക്കിയ ഇതിഹാസ താരത്തോടുള്ള ആരാധകരുടെ സ്നേഹപ്രകടനം പലരീതിയിൽ നമ്മൾ കണ്ടിട്ടുമുണ്ട്. കാൽപന്ത് കളിയെ എക്കാലവും നെഞ്ചേറ്റുന്ന മലപ്പുറത്തുകാരുടെ മെസ്സി സ്നേഹത്തിന് മറ്റൊരു സാക്ഷ്യമാവുകയാണ് തിരൂരിനടുത്തുള്ള കൂട്ടായിയിലെ ഐതുന്റെ പുരക്കൽ മൻസൂർ. മൻസൂർ-സഫീല നസ്റിൻ ദമ്പതികൾ തങ്ങളുടെ കുഞ്ഞുമകന് നൽകിയ പേര് ‘ലയണൽ​ മെസ്സി’ എന്നാണ്.
തിരൂർ ശിഹാബ് തങ്ങൾ സഹകരണ ആശുപത്രിയിലായിരുന്നു ‘ലയണൽ മെസ്സി’യുടെ ജനനം. ‘എ.പി ലയണൽ മെസ്സി’ എന്നെഴുതിയ ജനന സർട്ടിഫിക്കറ്റും അർജന്റീനയുടെ കുഞ്ഞു ജഴ്സിയണിഞ്ഞ ‘ലയണൽ മെസ്സി’യുടെ ചിത്രവുമെല്ലാം ഇപ്പോൾ സമൂഹ മാധ്യമങ്ങളിൽ വൈറലാണ്.
മെസ്സിയുടെ കടുത്ത ആരാധകനാണ് എ.പി മൻസൂർ. ഖത്തർ ലോകകപ്പിൽ മെസ്സിയും സംഘവും ലോക കിരീടമുയർത്തുമ്പോൾ സാക്ഷിയാകാൻ അദ്ദേഹം ഉണ്ടായിരുന്നു. ആഗസ്റ്റ് നാലിന് ആൺകുഞ്ഞ് പിറന്നപ്പോൾ മൻസൂറിന് മെസ്സിയെന്നല്ലാതെ മറ്റൊരു പേരും മനസ്സിൽ വന്നില്ല. പിന്തുണയുമായി സഫീല നസ്റിനും ഒപ്പം നിന്നു. പലരും കടുത്ത വിമർശനങ്ങളുമായി എത്തിയപ്പോൾ പിന്തുണക്കാൻ കൂട്ടുകാരുണ്ടായിരുന്നു. മകൻ വളർന്നു വലുതായ ശേഷം അവന് വേണമെങ്കിൽ പേര് മാറ്റാമെന്നാണ് മൻസൂറിന്റെ പക്ഷം. മികച്ച ഫുട്ബാൾ താരമായി മലപ്പുറത്തിന്റെ ‘ലയണൽ മെസ്സി’യെ വളർത്തിയെടുക്കണമെന്നും മൻസൂറിന് ആഗ്രഹമുണ്ട്. സൗദിയിലെ സ്വകാര്യ കമ്പനിയിൽ ലിഫ്റ്റിങ് സൂപ്പർവൈസറാണ് മൻസൂർ. താനൂരിലെ മാതാവിന്റെ വീട്ടിലാണ് ‘ലയണൽ മെസ്സി’ ഇപ്പോൾ കഴിയുന്നത്.

ഇത് മലപ്പുറത്തിന്റെ സ്വന്തം ‘ലയണൽ മെസ്സി’

Search Results for: kattakkada ashokan