തിരുവനന്തപുരം: രണ്ടാമത് പ്രിയദർശിനി സാഹിത്യ പുരസ്കാരത്തിന് പ്രമുഖ നിരൂപക പത്മശ്രീ പ്രൊഫ. എം. ലീലാവതി അർഹയായതായി പ്രിയദർശിനി പബ്ലിക്കേഷൻസ് ചെയർമാൻ കെ. സുധാകരൻ എം.പി. അറിയിച്ചു. ഒരു ലക്ഷം രൂപയും ശില്പവും പ്രശസ്തിപത്രവുമടങ്ങുന്നതാണ് പുരസ്‌കാരം.
മലയാളസാഹിത്യത്തിലെ ശ്രേഷ്ഠനാമങ്ങളിലൊന്നാണ് എം. ലീലാവതിയെന്ന് സുധാകരൻ പറഞ്ഞു. സാഹിത്യനിരൂപണത്തിനു പുറമേ, വിവർത്തനം സാഹിത്യചരിത്രം, ആത്മകഥ, ജീവചരിത്രം തുടങ്ങിയ മേഖലകളിലും അവർ നിസ്തുലമായ സംഭാവനകൾ നൽകിയിട്ടുണ്ട്.മുൻ സാഹിത്യ അക്കാദമി ചെയർമാൻ ശ്രീ പെരുമ്പടവം ശ്രീധരൻ ചെയർമാനും സാഹിത്യനിരൂപകൻ ഡോ. പി.കെ. രാജശേഖരൻ, എഴുത്തുകാരി ശ്രീമതി കെ.എ. ബീന, പ്രിയദർശിനി പബ്ലിക്കേഷൻസ് വൈസ് ചെയർമാൻ അഡ്വ. പഴകുളം മധു എന്നിവർ അംഗങ്ങളുമായുള്ള പുരസ്കാരനിർണ്ണയ സമിതിയാണ് പുരസ്കാരജേതാവിനെ തിരഞ്ഞെടുത്തത്.

പ്രിയദർശിനി സാഹിത്യപുരസ്‌കാരം എം. ലീലാവതിക്ക്

Kerala

വടകര: കടമേരി എസ് മുക്ക് -വള്ള്യാട്-കോട്ടപ്പള്ളി-തിരുവള്ളൂർ റോഡിൽ മംഗലാട് പറമ്പിൽ യു പി സ്കൂളിന് സമീപം കൽവെർട്ടിന്റെ പ്രവൃത്തി നടക്കുന്നതിനാൽ വ്യാഴം മുതൽ പ്രവൃത്തി പൂർത്തിയാകുന്നത് വരെ ഇത് വഴിയുള്ള വാഹന ഗതാഗതം പൂർണ്ണമായി നിരോധിച്ചതായി പൊതുമരാമത്ത് വകുപ്പ് നിരത്ത് വിഭാഗം അസിസ്റ്റന്റ് എൻജിനീയർ അറിയിച്ചു. എസ് മുക്ക് ഭാഗത്തേക്ക് പോകുന്ന വാഹനങ്ങൾ അക്വഡെറ്റിന്റെ ജങ്ക്ഷനിൽ നിന്നും വലത് ഭാഗത്തു കൂടി കീരിയങ്ങാടി വഴി എസ് മുക്കിലും തിരിച്ചും പ്രവേശിക്കേണ്ടതാണ്. മംഗലാട് ഭാഗത്തു നിന്നും വടകര ഭാഗത്തേക്ക് പോകുന്നവർ പൊയിൽപാറ വഴി കളരി മൂക്കിലൂടെ വില്യാപ്പള്ളി വഴിയോ കീരിയങ്ങാടി വഴിയോ തിരിച്ചും പോകേണ്ടതാണെന്നും അറിയിപ്പിൽ പറഞ്ഞു.

വാഹന ഗതാഗതം നിരോധിച്ചു

Vadakara

തിരുവനനന്തപുരം: സെക്രട്ടറിയേറ്റ് മാര്‍ച്ചിനിടെയുണ്ടായ സംഘര്‍ഷവുമായി ബന്ധപ്പെട്ട് അറസ്റ്റിലായ യൂത്ത് കോണ്‍ഗ്രസ് സംസ്ഥാന അധ്യക്ഷന്‍ രാഹുല്‍ മാങ്കൂട്ടത്തിലിന് ജാമ്യം നിഷേധിച്ച് കോടതി. ജനുവരി 22 വരെ രാഹുലിനെ റിമാന്‍ഡ് ചെയ്തു. തിരുവനന്തപുരം വഞ്ചിയൂര്‍ കോടതിയാണ് ജാമ്യം നിഷേധിച്ചത്. ചൊവ്വാഴ്ച രാവിലെയായിരുന്നു രാഹുലിന്റെ അറസ്റ്റ്..
രാഹുലിന് കാര്യമായ ആരോഗ്യപ്രശ്‌നങ്ങളില്ലെന്ന മെഡിക്കല്‍ റിപ്പോര്‍ട്ടിന് പിന്നാലെയാണ് റിമാന്‍ഡ് ചെയ്യാനുള്ള കോടതി തീരുമാനം. കോടതി നിര്‍ദേശപ്രകാരം രാഹുല്‍ മാങ്കൂട്ടത്തിലിന്റെ മെഡിക്കല്‍ പരിശോധന വീണ്ടും നടത്തിയിരുന്നു. ആരോഗ്യ പ്രശ്‌നങ്ങളുണ്ടെന്നും ചികിത്സയിലായിരുന്നുവെന്നും രാഹുല്‍ കോടതിയെ അറിയിച്ചതിനെ തുടര്‍ന്നായിരുന്നു നിര്‍ദേശം. കസ്റ്റഡിയിലെടുക്കുന്നതിന് മുമ്പുള്ള ആരോഗ്യ വിവരങ്ങള്‍ കൃത്യമായി രേഖപ്പെടുത്തണമെന്ന് കോടതി നിര്‍ദേശിച്ചിരുന്നു. കേസിനാസ്പദമായ സംഭവത്തില്‍ പരിക്കേറ്റ് രാഹുല്‍ ചികിത്സയില്‍ കഴിഞ്ഞിരുന്നു. ഇക്കാര്യത്തില്‍ മെഡിക്കല്‍ വിവരങ്ങള്‍ പരിശോധിക്കാനായിരുന്നു കോടതി നിര്‍ദേശം.
അതിനിടെ, അവര്‍ക്ക് ചെയ്യാന്‍ പറ്റുന്നതെല്ലാം ചെയ്യട്ടേയെന്ന് വൈദ്യപരിശോധനയ്ക്ക് ശേഷം രാഹുല്‍ മാധ്യമങ്ങളോട് പറഞ്ഞു. ഇതുകൊണ്ട് ഒന്നും അവസാനിക്കുന്നില്ലെന്നും തുടങ്ങിയിട്ടല്ലേയുള്ളൂവെന്നും കൂട്ടിച്ചേര്‍ത്തു.

ജാമ്യമില്ല; രാഹുല്‍ മാങ്കൂട്ടത്തിൽ 22 വരെ റിമാന്‍ഡില്‍

തിരുവനന്തപുരം: വിപണിയുടെ ആവശ്യവും പുത്തന്‍ പ്രവണതകളും തിരിച്ചറിഞ്ഞ് മില്‍മ പുറത്തിറക്കിയ ഡെലിസ ഡാര്‍ക്ക് ചോക്ലറ്റും ചോക്കോഫുള്‍ സ്നാക്ക്ബാറും തരംഗം തീര്‍ക്കുന്നു. പുതിയ ഉൽപന്നങ്ങൾ രണ്ടു മാസംകൊണ്ട് വന്‍ ജനപ്രീതിയാണ് നേടിയത്.
‘റീപൊസിഷനിങ് മില്‍മ 2023’ പദ്ധതിയുടെ ഭാഗമായി നവംബറില്‍ പുറത്തിറക്കിയ ഡാര്‍ക്ക് ചോക്ലറ്റ്, സ്നാക്ക്ബാര്‍ ഉൽപന്നങ്ങളുടെ വില്‍പന ഒരു കോടി രൂപ കടന്നു. ഡെലിസ എന്ന പേരില്‍ മൂന്നു തരം ഡാര്‍ക്ക് ചോക്ലറ്റുകളും മില്‍ക്ക് ചോക്ലറ്റും ചോക്കോഫുള്‍ എന്ന പേരില്‍ രണ്ട് സ്നാക്ക് ബാറുകളുമാണ് പുറത്തിറക്കിയത്.
താരതമ്യേന കുറഞ്ഞ വിലയാണ് മില്‍മ ഡാര്‍ക്ക് ചോക്ലറ്റിനുള്ളത്. 35 ഗ്രാം, 70 ഗ്രാം പ്ലെയിന്‍ ഡാര്‍ക്ക് ചോക്ലറ്റിനും മില്‍ക്ക് ചോക്ലറ്റിനും യഥാക്രമം 35 ഉം 70 ഉം രൂപയാണ് വില. 35 ഗ്രാം, 70 ഗ്രാം ഓറഞ്ച്-ബദാം, ഉണക്കമുന്തിരി- ബദാം ചോക്ലറ്റുകള്‍ക്ക് യഥാക്രമം 40 ഉം 80 ഉം രൂപയാണ് വില. ചോക്കോഫുള്‍ 12 ഗ്രാമിന് 10 ഉം 30 ഗ്രാമിന് 20 ഉം രൂപയാണ് വില. ഡെലിസ ചോക്ലറ്റ് ഉൽപന്നങ്ങള്‍ അടങ്ങിയ ഗിഫ്റ്റ് പാക്ക് ‘ലിറ്റില്‍ മൊമന്‍റ്സ്’ എന്ന പേരിലും വിപണിയില്‍ ഇറക്കിയിട്ടുണ്ട്.

രണ്ടു മാസംകൊണ്ട് ഒരു കോടി കടന്ന് മില്‍മ ചോക്ലറ്റ് വിൽപ്പന

അബഹ: കാലാവധി കഴിഞ്ഞ ബിസ്​ക്കറ്റ്​ ബഖാലയിൽ (പലവ്യജ്ഞന കട) കണ്ടെത്തിയതിനെ തുടർന്ന്​ ജീവനക്കാരനായ മലയാളിക്ക്​​ നാടുകടത്തലും 1000 റിയാൽ പിഴയും ശിക്ഷ. സ്വദേശി കടയുടമക്ക്​ 12,000 റിയൽ പിഴ. ബിസ്​ക്കറ്റ്​ അല്ല കാലാവധിയില്ലാത്ത ഏത്​ സാധനവും കടകളിൽ വിൽപനക്ക്​ വെച്ചാൽ സൗദി അറേബ്യയിൽ കടുത്ത ശിക്ഷ തന്നെ കിട്ടുമെന്ന്​ അനുഭവസ്ഥൻ തന്നെ പറയുന്നു. അബഹയിലെ ഒരു ബഖാലയിൽ ജീവനക്കാരനായ കൊല്ലം കരുനാഗപ്പള്ളി സ്വദേശി ശാഫിക്കും തൊഴിലുടമക്കുമാണ് ബിസ്​ക്കറ്റ്​ കാരണം ഇത്തരത്തിൽ അനുഭവമുണ്ടായത്.
വാണിജ്യ മന്ത്രാലയം കടയിൽ പരിശോധനക്ക്​ വന്നപ്പോൾ വിൽപനക്കുള്ള സാധനങ്ങളുടെ കൂട്ടത്തിൽ കാലാവധി കഴിഞ്ഞ ബിസ്​ക്കറ്റ്​ കണ്ടെത്തുകയായിരുന്നു. ഉദ്യോഗസ്​ഥർ കടയുടമയായ സ്വദേശി പൗരനെ വിളിച്ചുവരുത്തി. സ്ഥാപനത്തിൽ കണ്ടെത്തിയ നിയമലംഘനത്തെ കുറിച്ച്​ ബോധ്യപ്പെടുത്തി. സെയിൽസ്​മാനെന്ന നിലയിൽ ശാഫിയെക്കൊണ്ട് ഒരു പേപ്പറിൽ ഒപ്പിടീച്ചു അവർ മടങ്ങി. കുറച്ച് ദിവസങ്ങൾക്ക് ശേഷം കോടതിയിൽനിന്ന് ഒരു മെസേജ് വന്നു, നേരിട്ട്​ ഹാജരാകാൻ.
കോടതിയിൽ ഹാജരായപ്പോൾ നിയമലംഘനത്തിന്​ ശിക്ഷ വിധിക്കുകയായിരുന്നു. ശാഫിക്ക്​ 1,000 റിയാൽ പിഴയും നാട് കടത്തലുമായിരുന്നു ശിക്ഷ. സ്ഥാപന ഉടമയ്ക്ക് 12,000 റിയാൽ പിഴയും. പ്രതിസന്ധിയിലായ കടയുടമയും ശാഫിയും മേൽക്കോടതിയിൽ അപ്പീൽ പോയെങ്കിലും നിരാശയായിരുന്നു ഫലം. തുടർന്ന് റിയാദിലെത്തി സുപ്രീം കോടതിയിൽ അപ്പീൽ നൽകി. പക്ഷേ കീഴ്​ക്കോടതി വിധി ശരിവക്കുകയാണ്​ ചെയ്​തത്​ സുപ്രീം കോടതിയും.
ഒടുവിൽ ശാഫിക്ക്​ പിഴ അടച്ച് ഫൈനൽ എക്​സിറ്റ്​ വിസയിൽ നാട്ടിലേക്ക്​ മടങ്ങേണ്ടിവന്നു. ഇനി സൗദിയിലേക്ക്​ മടങ്ങിവരാനാവില്ല എന്ന ആജീവാനന്ത വിലക്കും പേറിയായിരുന്നു ആ യാത്ര. ഒരു ശ്രദ്ധക്കുറവ്​ വരുത്തിവെച്ച വിന. കടയിൽ നിന്ന് കണ്ടെടുത്ത ബിസ്ക്കറ്റ് കാലാവധി കഴിഞ്ഞതും മായംചേർത്തതും ആണെന്നും മനപ്പൂർവം വിൽക്കാൻ വേണ്ടി വെച്ചിരുന്നതാണെന്നുമായിരുന്നു കുറ്റങ്ങൾ. സൗദിയിൽ ജോലി ചെയ്യുന്നവർ ശ്രദ്ധിച്ചില്ലെങ്കിൽ ചെറിയ നോട്ടപ്പിഴവ്​ പോലും വലിയ പ്രത്യാഘാതങ്ങളുണ്ടാക്കുമെന്നും ജീവിതം വഴിമുട്ടിലാവുന്ന അവസ്ഥയുണ്ടാവുമെന്നും നാട്ടിലെത്തിയ ശാഫി പറഞ്ഞു.

കടയിൽ കാലാവധി കഴിഞ്ഞ ബിസ്​ക്കറ്റ്; മലയാളി ജീവനക്കാരന്​​ നാടുകടത്തലും പിഴയും വിധിച്ച് സൗദി

Gulf

ലോകമെമ്പാടും ഏറ്റവും വ്യാപകമായി ഉപയോഗിക്കുന്ന മെസ്സേജിങ് ആപ്പായ വാട്സ് ആപ്പ് പുതിയ ഫീച്ചർ അവതരിപ്പിക്കുന്നതായി റിപ്പോർട്ട്. പുതിയ അപ്ഡേഷനുകൾ അവതരിപ്പിച്ച് ​ഞെട്ടിക്കാറുള്ള വാട്സ് ആപ്പിന്റെ പുതിയ ഫീച്ചർ പരീക്ഷണാടിസ്ഥാനത്തിൽ തെരഞ്ഞെടുക്കപ്പെട്ട ഉപയോക്താക്കൾക്ക് ലഭ്യമാക്കിയിട്ടുണ്ട്.
വീഡിയോ കോളുകൾക്കിടയിൽ മ്യൂസിക് ഓഡിയോ പങ്കിടാൻ പറ്റുന്നതാണ് പുതിയ ഫീച്ചർ. ആൻ​ഡ്രോയ്ഡ് ​വേർഷനിലാണ് പുതിയ ഫീച്ചർ അവതരിപ്പിച്ചിരിക്കുന്നത്. ഏതാനും ആഴ്ചകൾക്കുള്ളിൽ കൂടുതൽ ഉപയോക്താക്കൾക്ക് പുതിയ ഫീച്ചർ ലഭ്യമാകുമെന്നാണ് പുറത്ത്‍വരുന്ന വിവരം. വീഡിയോ കോളിനിടിയിൽ ഫോണിലുള്ള പാട്ടുകളും വോയ്സ് മെസേജുകളും പരസ്പരം പങ്കിടാനാകുമെന്നതാണ് പുതിയ അപ്ഡേഷ​ന്റെ സൗകര്യം. പുതിയ ഫീച്ചറുകളെ പറ്റിയുള്ള കൂടുതൽ വിവരങ്ങൾ ​വാട്ട്സ് ആപ്പിന്റെ മാതൃകമ്പനിയായ മെറ്റ പുറത്തുവിട്ടിട്ടില്ല.
അതെ സമയം രാജ്യത്തെ 71 ലക്ഷത്തിലധികം വാട്സ് ആപ്പ് അക്കൗണ്ടുകൾ മെറ്റ മരവിപ്പിച്ചിരുന്നു. കഴിഞ്ഞ നവംബർ 1 മുതൽ 30 വരെ 71,96,000 അക്കൗണ്ടുകൾക്കാണ് വാട്സ് ആപ്പ് വിലക്കേർപ്പെടുത്തിയത്.ഒരു മാസത്തിനുള്ളിൽ ഇന്ത്യയിൽ ഇത്രയുമധികം വാട്സാപ്പ് അക്കൗണ്ടുകൾക്ക് മാതൃ കമ്പനിയായ മെറ്റ വിലക്കേർപ്പെടുത്തുന്നത് ഇതാദ്യമാണ്. വാട്സ് ആപ്പ് ഉപഭോക്താക്കളിൽ നിന്ന് ലഭിച്ച പരാതികളുടെ അടിസ്ഥാനത്തിലാണ് നടപടി. എന്നാൽ യൂസേഴ്സിൽ നിന്നുള്ള പരാതികൾ ലഭിക്കുന്നതിന് മുമ്പ് തന്നെ 19,54,000 അക്കൗണ്ടുകൾ മരവിപ്പിച്ചതായി മെറ്റ വ്യക്തമാക്കി.
സാമ്പത്തിക തട്ടിപ്പ്, അശ്ലീല അക്കൗണ്ടുകൾ, വ്യാജ വാർത്തകൾ, വിദ്വേഷ ​​പ്രചരണം തുടങ്ങിയവക്കു​പയോഗിച്ച അക്കൗണ്ടുകൾക്കാണ് നിരോധനമേർപ്പെടുത്തിയിരിക്കുന്നത്. പുതിയ ഐടി നിയമങ്ങൾ അനുസരിച്ചാണ് നടപടിയെന്ന് കമ്പനി പുറത്തുവിട്ട റിപ്പോർട്ട് വ്യക്തമാക്കുന്നു.
വാട്ട്‌സ്ആപ്പിന്റെ പ്രതിമാസ കംപ്ലയൻസ് റിപ്പോർട്ടിലാണ് നിരോധനത്തിന്റെ കണക്കുകൾ ഉള്ളത്. രാജ്യത്ത് 500 ദശലക്ഷത്തിലധികം ഉപയോക്താക്കളാണ് വാട്സാപ്പിനുള്ളത്. ഓരോ ദിവസവും ആയിരക്കണക്കിന് അക്കൗണ്ടുകൾക്കെതിരെയാണ് പരാതി ലഭിക്കുന്ന​​തെന്ന് വാട്സാപ്പ് വിശദീകരിക്കുന്നു.

&nbsp;

വീണ്ടും പുതിയ അപ്ഡേഷനുമായി ഞെട്ടിക്കാൻ വാട്ട്സ് ആപ്പ്

Tech

തിരുവനന്തപുരം: യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിലിനെ അതിരാവിലെ വീട്ടിൽ കയറി അറസ്റ്റ് ചെയ്ത സംഭവത്തിൽ പ്രതികരണവുമായി കെ.മുരളീധരൻ എംപി. ഈ രീതിയിലാണ് പോകുന്നതെങ്കിൽ നിയമം കയ്യിലെടുക്കാൻ മടിക്കില്ലെന്ന് മുരളീധരൻ മുന്നറിയിപ്പു നൽകി. അറസ്റ്റ് വാറന്റ് ഉണ്ട് എന്നു പറഞ്ഞാൽ പൊലീസിലോ കോടതിയിലോ ഹാജരാകാൻ മടിയുള്ള ആളല്ല രാഹുൽ. പിണറായിക്കെതിരെ ആരെങ്കിലും സമരത്തിനു പോയാൽ, അവരെ ഇരുമ്പഴിക്കുള്ളിൽ അടയ്ക്കുമെന്നുള്ള സന്ദേശമാണ് ഈ അറസ്റ്റിലൂടെ നൽകുന്നതെന്ന് മുരളീധരൻ ചൂണ്ടിക്കാട്ടി.
‘‘ഇന്നു പുലർച്ചെ, ഒരു പിടികിട്ടാപ്പുള്ളിയെ പിടിക്കുന്നതു പോലെയാണ് രാഹുൽ മാങ്കൂട്ടത്തിലിന്റെ വീട്ടിൽ കയറി ജനലിലൊക്കെ അടിച്ച് ബഹളമുണ്ടാക്കി അദ്ദേഹത്തെ പിടിച്ചുകൊണ്ടുപോയത്. അറസ്റ്റ് വാറന്റ് ഉണ്ട് എന്നു പറഞ്ഞാൽ പൊലീസിലോ കോടതിയിലോ ഹാജരാകാൻ മടിയുള്ള ആളല്ല രാഹുൽ. ഇത് ഒരു ഭീഷണിയാണ്. പിണറായിക്കെതിരെ ആരെങ്കിലും സമരത്തിനു പോയാൽ, അവരെ ഇരുമ്പഴിക്കുള്ളിൽ അടയ്ക്കുമെന്നുള്ള സന്ദേശമാണ് ഞങ്ങൾക്കു മനസ്സിലാക്കാൻ കഴിയുന്നത്.
‘‘ഞങ്ങൾ പറയാനുള്ളത് ഒന്നേയുള്ളൂ. കേരള പൊലീസ് തെരുവുഗുണ്ടകളുടെ ഒരു സംഘമായി മാറിയിരിക്കുകയാണ്. ഇവിടുത്തെ ഡിജിപി എന്ന ഉദ്യോഗസ്ഥനെ പിണറായി ബന്ദിയാക്കി വച്ചിരിക്കുകയാണ്. പകരം ഭരണം നടത്തുന്നത് പിണറായിയുടെ ഓഫിസാണ്. പിണറായിയുടെ ഓഫിസിലുള്ള പാർട്ടി സഖാക്കൾ ഡിജിപിയെ ബന്ദിയാക്കി നിർദ്ദേശങ്ങൾ കൊടുക്കുകയാണ്. അവർ യുഡിഎഫിനെ ദ്രോഹിക്കുന്നു, കോൺഗ്രസുകാരെ കള്ളക്കേസിൽ കുടുക്കാൻ നോക്കുന്നു.
‘‘അതിന്റെ ഒരു ഉദാഹരണമാണ് കഴിഞ്ഞ 23ലെ ഡിജിപി ഓഫിസ് മാർച്ചിൽ ഞങ്ങൾക്കു കാണാൻ കഴിഞ്ഞത്. ഏഴ് എംപിമാരും ആറ് എംഎൽഎമാരും അടങ്ങുന്ന ഒരു മാർച്ചിനെതിരെ ഒരു മുന്നറിയിപ്പും കൂടാതെയാണ് ജലപീരങ്കിയും കണ്ണീർവാതകവും പ്രയോഗിച്ചത്. ഈ നാട്ടിൽ കൊള്ളക്കാരും കൊള്ളിവയ്പ്പു നടത്തുന്നവരും അഴിഞ്ഞാടുമ്പോൾ, യൂത്ത് കോൺഗ്രസിന്റെ സംസ്ഥാന അധ്യക്ഷനെ കൊള്ളക്കാരനെ എന്നപോലെ അറസ്റ്റ് ചെയ്തതിൽ ഞങ്ങൾ പ്രതിഷേധിക്കുന്നു.
‘‘ഈ രീതിയിലാണ് പോകുന്നതെങ്കിൽ നിയമം കയ്യിലെടുക്കാൻ ഞങ്ങൾക്ക് യാതൊരു മടിയുമില്ല. പാർട്ടി തലത്തിൽ ആലോചിച്ച് തുടർ സമരങ്ങൾ തീരുമാനിക്കും. അതു തീരുമാനിച്ചു കഴിഞ്ഞാൽ ഇവിടെ എന്തൊക്കെ സംഭവിക്കുമെന്ന് ഞാൻ ഇപ്പോൾ പറയുന്നില്ല.&nbsp;
‘‘മുൻപ് സെക്രട്ടേറിയറ്റ് മാർച്ച് നടന്നപ്പോൾ, ഡിസിസി ഓഫിസിൽ കയറാൻ പോലും പൊലീസിനു നിർദ്ദേശം നൽകിയതാണ്. പക്ഷേ പൊലീസിൽ ചിലർക്ക് ഭാവിയേക്കുറിച്ച് നല്ല വിവരമുള്ളതുകൊണ്ട് അവർ അതിനു തയാറായില്ല. ആരൊക്കെയാണെന്നു ഞാൻ പറയുന്നില്ല. എന്തായാലും ഇതിനെ ഞങ്ങൾ വെറുതേ വിടുന്നില്ല. തെരുവിൽ ഇറങ്ങേണ്ടി വന്നാൽ ഞങ്ങൾ ഇറങ്ങും. അക്കാര്യത്തിൽ ആരെയും ഭയമില്ല.’’ – മുരളീധരൻ പറഞ്ഞു.

തെരുവിൽ ഇറങ്ങേണ്ടി വന്നാൽ ഞങ്ങൾ ഇറങ്ങും; ഇങ്ങനെയാണ് പോകുന്നതെങ്കിൽ നിയമം കയ്യിലെടുക്കാൻ മടിക്കില്ലെന്ന് കെ.മുരളീധരൻ

പാറ്റ്‌ന: ഇൻസ്റ്റഗ്രാമിൽ റീൽസ് ചെയ്യുന്നത് എതിർത്തതിന്റെ പേരിൽ ഭർത്താവിനെ യുവതി കൊലപ്പെടുത്തി. ബീഹാറിലെ ബെഗുസാരായിലെ ഫഫൗട്ട് ഗ്രാമത്തിലാണ് സംഭവം. മഹേശ്വർ കുമാർ (25) എന്നയാളാണ് കൊല്ലപ്പെട്ടത്. ഇയാളുടെ ഭാര്യ റാണി കുമാരിയെ പൊലീസ് കസ്റ്റഡിയിലെടുത്തിട്ടുണ്ട്. ആറ് വർഷം മുമ്പായിരുന്നു ഇവരുടെ വിവാഹം. അഞ്ച് വയസായ ഒരു മകനുമുണ്ട്.
ഇന്നലെ രാത്രി ഒമ്പത് മണിയോടെയാണ് കൊലപാതകം നടന്നത്. കൊൽക്കത്തയിൽ കൂലിപ്പണി ചെയ്തിരുന്ന മഹേശ്വർ അടുത്തിടെയാണ് നാട്ടിലേയ്‌ക്ക് മടങ്ങിയത്. റാണി കുമാരി ഇൻസ്റ്റഗ്രാമിൽ പതിവായി റീൽ വീഡിയോകൾ ചെയ്തിരുന്നു. ഇവർക്ക് 9,500ലധികം ഫോളോവേഴ്‌സ് ഉണ്ട്. 500ലധികം റീൽസ് വീഡിയോയും അക്കൗണ്ടിൽ പോസ്റ്റ് ചെയ്തിട്ടുണ്ട്. ഭാര്യ റീൽസ് ചെയ്യുന്നത് ഇഷ്ടമല്ലാതിരുന്ന മഹേശ്വർ ഇതിനെ എതിർത്തിരുന്നു. റീൽസിന്റെ പേരിൽ നിരന്തരം ഇവർ തമ്മിൽ വഴക്കിടുന്നത് പതിവായി. ഭാര്യയുടെ വീട്ടിലാണ് മഹേശ്വർ താമസിച്ചിരുന്നത്. സംഭവ ദിവസവും ഇവർ തമ്മിൽ തർക്കമുണ്ടായി. തുടർന്ന് യുവതിയും വീട്ടുകാരും ചേർന്ന് മഹേശ്വറിനെ കഴുത്ത് ഞെരിച്ച് കൊലപ്പെടുത്തുകയായിരുന്നു.
രാത്രി കൊൽക്കത്തയിൽ നിന്ന് മഹേശ്വറിന്റെ സഹോദരൻ വിളിച്ചപ്പോൾ മറ്റൊരാളാണ് കോളെടുത്തത്. തുടർന്ന് സഹോദരനും പിതാവും സ്ഥലത്തെത്തിയപ്പോഴാണ് മഹേശ്വറിനെ മരിച്ച നിലയിൽ കണ്ടെത്തിയത്. യുവാവിന്റെ ബന്ധുക്കൾ നൽകിയ പരാതിയിൽ റാണിയെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് കൊലപാതക വിവരം പുറത്തറിയുന്നത്. മഹേശ്വർ കൊൽക്കത്തയിലേയ്‌ക്ക് മടങ്ങാനിരിക്കെയായിരുന്നു കൊലപാതകം.

റീൽസ് ചെയ്യുന്നത് വിലക്കി; യുവതി ഭർത്താവിനെ കഴുത്ത് ഞെരിച്ച് കൊന്നു

National

മാഹി: 62-ാമത് സംസ്ഥാന സ്കൂൾ കലോത്സവത്തിൽ സ്വർണ കിരീടം നേടിയ കണ്ണൂർ ജില്ലാ ടീമിന് സ്വീകരണം. 23 വർഷത്തിന് ശേഷമുള്ള കിരീടനേട്ടം ആവേശത്തോടെയാണ് ജില്ല വരവേറ്റത് . കൊല്ലത്ത് നിന്ന് കണ്ണൂരിലേക്ക് എത്തിയ ടീമിനെ ജില്ലാ അതിർത്തിയായ മാഹിയിൽ വെച്ച് ജില്ലാ പഞ്ചായത്തിന്റെ നേതൃത്വത്തിൽ സ്വീകരിച്ചു .മന്ത്രി കടന്നപള്ളി രാമചന്ദ്രൻ,
ജില്ലാ കളക്ടർ അരുൺ കെ വിജയൻ ഐഎഎസ്, ജില്ലാ പഞ്ചായത്ത് പ്രസിഡണ്ട് പി പി ദിവ്യ എന്നിവരുടെ നേതൃത്വത്തിലാണ് സ്വീകരിച്ചത്. ആഘോഷപൂർവ്വം ടീമിനെ തുറന്ന വാഹനത്തിൽ കണ്ണൂർ നഗരത്തിലേക്ക് ആനയിച്ചു. കലോത്സവത്തിൽ വിജയികളായ മുഴുവൻ വിദ്യാർത്ഥികളെയും പങ്കെടുപ്പിച്ച് പിന്നീട് വമ്പൻ സ്വീകരണവും വിദ്യാർഥികൾക്ക് നൽകും. കഴിഞ്ഞ വ‍ർഷത്തെ ജേതാക്കളായ കോഴിക്കോടിനെ മൂന്ന് പോയിന്റിന് പിന്നിലാക്കിയാണ് ഒന്നാം സ്ഥാനം നേടി കണ്ണൂർ സ്വർണ കപ്പ് സ്വന്തമാക്കിയത്.

സ്വ‍ർണകിരീടവുമായി 'ടീം കണ്ണൂർ'; വാദ്യമേളങ്ങളോടെ മാഹിയിൽ ​ഗംഭീര സ്വീകരണം

Kannur

കോഴിക്കോട്: ലോക്സഭ തെരഞ്ഞെടുപ്പിൽ ഐ.എൻ.എൽ മത്സരിക്കുമെന്ന് പാർട്ടി സംസ്ഥാന പ്രസിഡന്റും മുൻ മന്ത്രിയുമായ അഹ്മദ് ദേവർകോവിൽ. ഇടതുമുന്നണിയിൽ സീറ്റ് ആവശ്യപ്പെടും. എവിടെ മത്സരിക്കണമെന്നത് ചർച്ചയിലൂടെ തീരുമാനിക്കുമെന്നും അദ്ദേഹം പറഞ്ഞു. കോഴിക്കോട്ട് ചേർന്ന ഐ.എൻ.എൽ സംസ്ഥാന പ്രവർത്തക സമിതി യോഗത്തിന് ശേഷമാണ് ഇക്കാര്യം അറിയിച്ചത്.
‘ഒരു രാഷ്ട്രീയ പാർട്ടി എന്ന നിലക്ക് ലോക്സഭ തെരഞ്ഞെടുപ്പിൽ മത്സരിക്കണമെന്ന് ഐ.എൻ.എൽ സംസ്ഥാന കമ്മിറ്റി തീരുമാനിച്ചിട്ടുണ്ട്. ഇടതുപക്ഷ മുന്നണിയുമായി ചർച്ച ചെയ്തുകൊണ്ടേ ഇക്കാര്യത്തിൽ കൂടുതൽ വ്യക്തത വരുത്താൻ കഴിയുകയൂള്ളൂ’ -അഹ്മദ് ദേവർകോവിൽ പറഞ്ഞു.
രാമക്ഷേത്ര പ്രതിഷ്ഠാ ചടങ്ങുമായി ബന്ധപ്പെട്ട് കോൺഗ്രസ് സ്വീകരിക്കുന്നത് തെറ്റായ നയമാണ്. അയോധ്യയിൽ രാമക്ഷേത്ര പ്രതിഷ്ഠ നടക്കുന്ന ജനുവരി 22ന് ഐ.എൻ.എൽ കോഴിക്കോട്ട് സൗഹാർദ സംഗമം നടത്തും. എൽ.ഡി.എഫ് കൺവീനർ ഇ.പി ജയരാജൻ ഉദ്ഘാടനം ചെയ്യും. വിവിധ മത-സാമൂഹിക-രാഷ്ട്രീയ സംഘടനാ പ്രതിനിധികൾ പങ്കെടുക്കുമെന്നും അദ്ദേഹം അറിയിച്ചു.

ലോക്സഭ തെരഞ്ഞെടുപ്പിൽ ഐ.എൻ.എൽ മത്സരിക്കുമെന്ന് അഹ്മദ് ദേവർകോവിൽ

ന്യൂഡൽഹി: പ്രധാനമന്ത്രി നരേന്ദ്ര മോദിയുടെ ലക്ഷദ്വീപ് സന്ദർശനത്തെ പ്രകീർത്തിച്ച് ഇന്ത്യൻ ക്രിക്കറ്റ് താരം മുഹമ്മദ് ഷമി. ‘‘രാജ്യത്തെ വിനോദ സഞ്ചാര മേഖലയെ നമ്മൾ പ്രോത്സാഹിപ്പിക്കണം. രാജ്യം പുരോഗതിയിലേക്കു പോകുന്നത് എല്ലാവരുടേയും നല്ലതിനു വേണ്ടിയാണ്. പ്രധാനമന്ത്രി രാജ്യത്തെ മുന്നോട്ടു കൊണ്ടുപോകാനാണു ശ്രമിക്കുന്നത്. നമ്മളും അതിനെ പിന്തുണയ്ക്കണം.’’– മുഹമ്മദ് ഷമി വാർത്താ ഏജൻസിയായ എഎൻഐയോടു പറഞ്ഞു.
പരുക്കുമാറി തിരിച്ചെത്തുന്നതിന്റെ ഭാഗമായുള്ള പരിശീലനം മികച്ച രീതിയിൽ നടക്കുന്നുണ്ടെന്നും ഷമി ന്യൂഡ‍ൽഹിയിൽ പറഞ്ഞു. ഇംഗ്ലണ്ടിനെതിരെ അഞ്ചു മത്സരങ്ങളടങ്ങിയ ടെസ്റ്റ് പരമ്പരയിൽ ഷമി കളിക്കുമെന്നാണ് ആരാധകരുടെ പ്രതീക്ഷ. ‘‘ദേശീയ ക്രിക്കറ്റ് അക്കാദമിയിലെ വിദഗ്ധർ എന്റെ ആരോഗ്യ നില പരിശോധിക്കുന്നുണ്ട്. കാലിൽ ചെറിയ ബുദ്ധിമുട്ടുകളുള്ളതൊഴിച്ചാൽ വേറെ പ്രശ്നങ്ങളില്ല. ഞാൻ പരിശീലനം തുടങ്ങിയിട്ടുണ്ട്. ഇംഗ്ലണ്ടിനെതിരായ പരമ്പരയിൽ തിരിച്ചുവരാമെന്നാണു പ്രതീക്ഷിക്കുന്നത്.’’– മുഹമ്മദ് ഷമി പറഞ്ഞു.
പരുക്കിനെ തുടർന്ന് ദക്ഷിണാഫ്രിക്കയ്ക്കെതിരായ രണ്ടു മത്സരങ്ങളടങ്ങിയ ടെസ്റ്റ് പരമ്പര മുഹമ്മദ് ഷമിക്കു നഷ്ടമായിരുന്നു. രാഷ്ട്രപതി ദ്രൗപതി മുർമു അർജുന അവാർഡ് നൽകി ഷമിയെ ആദരിച്ചു. ചൊവ്വാഴ്ച രാഷ്ട്രപതി ഭവനിൽ നടന്ന ചടങ്ങിലാണ് ഷമിക്ക് പുരസ്കാരം നൽകിയത്. പുരസ്കാരം നേടുകയെന്നതു തന്റെ വലിയ സ്വപ്നമായിരുന്നെന്നും ഷമി മാധ്യമങ്ങളോടു പ്രതികരിച്ചു.

മോദിയുടെ ലക്ഷദ്വീപ് സന്ദർശനത്തെ പ്രകീർത്തിച്ച് ഇന്ത്യൻ ക്രിക്കറ്റ് താരം മുഹമ്മദ് ഷമി

ഇടുക്കി: ചിന്നക്കനാലിൽ കാട്ടാന ആക്രമണത്തിൽ പരിക്കേറ്റ തോട്ടം തൊഴിലാളി മരിച്ചു. പന്നിയാർ സ്വദേശി പരിമളമാണ് മരിച്ചത്. തോട്ടം തൊഴിലാളികൾ ജോലിക്ക് പോകുന്നതിനിടെയാണ് കാട്ടന ആക്രമിച്ചത്. പന്നിയാർ എസ്റ്റേറ്റിൽ തമ്പടിച്ചിരുന്ന ആറ് കാട്ടാനകളിലൊന്നാണ് പരിമളത്തെ ആക്രമിച്ചത്. കഴിഞ്ഞ ദിവസം രാവിലെ ജോലിക്ക് പോകുന്നതിനിടെ തൊഴിലാളികൾക്ക് നേരെ ആന പാഞ്ഞടുക്കുകയായിരുന്നു. ഒപ്പമുണ്ടായിരുന്നവർ ഓടി രക്ഷപ്പെട്ടെങ്കിലും പരിമളം ആനയുടെ മുന്നിൽ അകപ്പെടുകയായിരുന്നു.
സമീപത്ത് നിലയുറപ്പിച്ച കാട്ടാനക്കൂട്ടത്തെ അകറ്റിയ ശേഷമാണ് പരിമളത്തെ രാജകുമാരിയിലെ ആശുപത്രിയിലെത്തിച്ചത്. വിദഗ്ധ ചികിൽസക്കായി തേനി മെഡിക്കൽ കോളേജിലേക്ക് മാറ്റിയെങ്കിലും ജീവൻ രക്ഷിക്കാനായില്ല.&nbsp;&nbsp;

ഇടുക്കിയിൽ കാട്ടാനയുടെ ആക്രമണത്തിൽ തോട്ടം തൊഴിലാളി മരിച്ചു

റോം: വാടക ഗർഭധാരണം ആഗോളതലത്തിൽ നിരോധിക്കണമെന്ന് ഫ്രാൻസിസ് മാർപാപ്പ ആഹ്വാനം ചെയ്തു. ഗർഭധാരണത്തെ വാണിജ്യവൽക്കരിക്കുന്നതും സ്ത്രീകളുടെയും കുട്ടികളുടെയും ആത്മാഭിമാനത്തെ ഹനിക്കുന്നതുമാണ് വാടക ഗർഭധാരണം എന്നും വത്തിക്കാനിലെ മറ്റു രാജ്യങ്ങളുടെ പ്രതിധികളുമായുള്ള യോഗത്തിൽ മാർപാപ്പ പറഞ്ഞു.
ഓരോ ശിശുവും മഹത്തായ ദാനമാണെന്നും ഗർഭസ്ഥശിശുവിനെ കച്ചവടച്ചരക്കാക്കുന്നത് ക്രൂരമാണെന്നും അദ്ദേഹം പറഞ്ഞു. യുക്രെയ്നിലെ റഷ്യൻ യുദ്ധം, ഹമാസ്– ഇസ്രയേൽ യുദ്ധം, കുടിയേറ്റം, കാലാവസ്ഥാ പ്രതിസന്ധി, അധാർമികമായി ആണവായുധങ്ങളും മറ്റ് ആയുധങ്ങളും നിർമിക്കുന്നത് തുടങ്ങി ലോക സമാധാനത്തിന് വെല്ലുവിളിയാകുന്ന ഒട്ടേറെ പ്രതിസന്ധികളിലൂടെയാണ് നാം കടന്നുപോകുന്നത്. ഗാസയിലെ ജനങ്ങളുടെ ദുരിതം പ്രത്യേകം പരാമർശിച്ച മാർപാപ്പ യുദ്ധം ഉടൻ അവസാനിപ്പിക്കണമെന്നും അഭ്യർഥിച്ചു.

വാടക ഗർഭധാരണം നിരോധിക്കണമെന്ന് ഫ്രാൻസിസ് മാർപാപ്പ

പനാജി: ഗോവയിൽ വച്ച് നാലു വയസ്സുള്ള മകനെ കൊന്ന് ബാഗിലാക്കി കർണാടകയിലേക്ക് കടക്കുകയായിരുന്ന സ്റ്റാർട്ടപ്പ് സിഇഒ അറസ്റ്റിൽ. മൈൻഡ്ഫുൾ എഐ ലാബ് എന്ന സ്റ്റാർട്ടപ്പിന്റെ മേധാവി സുചന സേഥ് (39) ആണ് അറസ്റ്റിലായത്. വടക്കൻ ഗോവയിലെ കാന്റോളിമിലെ അപ്പാർട്‌മെന്റിൽ വച്ചാണ് ഇവർ മകനെ കൊന്ന് കഷണങ്ങളാക്കി ബാഗിലാക്കിയത്. രണ്ടു ദിവസത്തെ താമസത്തിനിടെയാണ് ഇവര്‍ കൃത്യം നടത്തിയത്.
ചെക്ക് ഔട്ട് ചെയ്യുന്നതിന് മുമ്പ് ബംഗളൂരുവിലേക്ക് പോകണമെന്ന് ആവശ്യപ്പെട്ട് ഹോട്ടൽ ജീവനക്കാരോട് സുചന ടാക്‌സി ആവശ്യപ്പെടുകയായിരുന്നു. ബംഗളൂരുവിലേക്ക് പോകാൻ വിമാനമാണ് കൂടുതൽ നല്ലത്, ടാക്‌സി യാത്ര ചെലവേറിയതാണ് എന്ന് ജീവനക്കാർ പറഞ്ഞെങ്കിലും അവർ സ്വീകരിച്ചില്ല. ജനുവരി എട്ടിന് രാവിലെ ടാക്‌സി ഏർപ്പാടാക്കുകയും ചെയ്തു. സുചന അപാർട്‌മെന്റ് വിട്ട ശേഷം മുറി വൃത്തിയാക്കാനെത്തിയ ജീവനക്കാരൻ ടവ്വലിൽ രക്തക്കറ കണ്ടതാണ് നിര്‍ണായകമായത്. ഇതോടെ ഹോട്ടൽ മാനേജ്‌മെന്റ് വിവരം പൊലീസിനെ അറിയിച്ചു. വരുമ്പോൾ ഒപ്പമുണ്ടായിരുന്ന മകൻ ചെക്ക് ഔട്ട് ചെയ്ത വേളയിൽ കൂടെ ഉണ്ടായിരുന്നില്ലെന്നും ജീവനക്കാർ പറഞ്ഞു. ഇതിനെ തുടർന്ന് പൊലീസ് സുചനയ്ക്കായി വല വിരിക്കുകയായിരുന്നു.
റിസപ്ഷനില്‍ നിന്ന് ഫോണ്‍ നമ്പര്‍ വാങ്ങിയ പൊലീസ് സുചനയെ വിളിച്ചു. ആർത്തവം മൂലമുള്ള രക്തമാണ് ടവ്വലിൽ എന്നാണ് സുചന ചോദ്യം ചെയ്യലിൽ പൊലീസിനോട് പറഞ്ഞത്. മകൻ മർഗാവോ ടൗണിൽ താമസിക്കുന്ന സുഹൃത്തിന് ഒപ്പമാണെന്നും അവർ അറിയിച്ചു. സുഹൃത്തിന്റെ മേൽവിലാസം പൊലീസിന് നൽകുകയും ചെയ്തു. എന്നാൽ അന്വേഷണത്തിനിടെ ഈ മേൽവിലാസം വ്യാജമാണെന്ന് തെളിഞ്ഞു.
ഇതോടെ ടാക്‌സി ഡ്രൈവറെ വിളിച്ച പൊലീസ് സുചനയെ അടുത്തുള്ള പൊലീസ് സ്റ്റേഷനിലെത്തിക്കാൻ ആവശ്യപ്പെടുകയായിരുന്നു. ഇതോടെ ഇരുവരും ചിത്രദുർഗ പൊലീസ് സ്റ്റേഷനിലെത്തി. സ്റ്റേഷനിൽ വച്ച് ബാഗ് തുറന്നപ്പോൾ കൊല്ലപ്പെട്ട മകന്റെ മൃതദേഹമാണ് പൊലീസ് കണ്ടെത്തിയത്. കർണാടകയിലെത്തിയ അന്വേഷണ സംഘം പ്രതിയെ ഗോവയിലേക്ക് കൊണ്ടുപോയി. ഇപ്പോൾ ഇന്തൊനേഷ്യയിലെ ജക്കാർത്തയിലുള്ള ഭർത്താവ് വെങ്കിട്ട് രാമനെ വിവരങ്ങൾ പൊലീസ് അറിയിച്ചിട്ടുണ്ട്. ഭര്‍ത്താവുമായി വിവാഹമോചനത്തിന്‍റെ വക്കിലാണ് സുചന എന്നാണ് പൊലീസ് പറയുന്നത്.

മകനെ കൊന്ന് ബാഗിലാക്കി കർണാടകയിലേക്ക് പുറപ്പെട്ട എഐ സ്റ്റാർട്ടപ്പ് സിഇഒ അറസ്റ്റിൽ

കൊച്ചി: കരിക്ക് വെബ് സീരീസുകളിലൂടെ ശ്രദ്ധേയയായ നടി സ്‌നേഹ ബാബു വിവാഹിതയായി. കരക്കിന്റെ സാമർത്ഥ്യശാസ്ത്രം എന്ന വെബ് സീരീസിന്റെ ഛായാഗ്രഹകൻ അഖിൽ സേവ്യറാണ് വരൻ. സാമർത്ഥ്യശാസ്ത്രത്തിന്റെ സെറ്റിൽ നിന്ന് തുടങ്ങിയ സൗഹൃദം പ്രണയമാകുകയും വിവാഹത്തിലെത്തുകയുമായിരുന്നു.
ആദ്യരാത്രി, ഗാനഗന്ധർവൻ, മിന്നൽ മുരളി എന്നീ ചിത്രങ്ങളിലും സ്‌നേഹബാബു വേഷമിട്ടിട്ടുണ്ട്. സമൂഹമാധ്യമങ്ങളിലും സജീവമാണ്. ഇന്റീരിയർ ഡിസൈനിങ് പഠനകാലത്ത് ചെയ്ത ടിക് ടോക് വീഡിയോകളിലൂടെയാണ് സ്‌നേഹ വെബ് സീരീസിലെത്തിയത്.

നടി സ്‌നേഹ ബാബു വിവാഹിതയായി

നാദാപുരം : നാദാപുരം ഫെസ്റ്റിന്റെ സുരക്ഷയ്ക്കായി ടൗണുകളിൽ നൂറിലധികം സി.സി.ടി.വി.കൾ സ്ഥാപിക്കാൻ നാദാപുരം പോലീസ് സ്റ്റേഷനിൽ ചേർന്ന ഉന്നതതല യോഗം തീരുമാനിച്ചു. നാദാപുരം ഡിവൈ.എസ്.പി. വി.വി. ലതീഷിന്റെ സാന്നിധ്യത്തിൽ ചേർന്ന യോഗത്തിൽ ഗ്രാമപ്പഞ്ചായത്ത് പ്രസിഡന്റ് വി.വി. മുഹമ്മദലി പരിപാടി വിശദീകരിച്ചു. റോഡിലെ തിരക്ക് കുറയ്ക്കുന്നതിനായി സൗകര്യപ്രദമായ സ്ഥലങ്ങൾ കണ്ടെത്തി പാർക്കിങ്‌ സൗകര്യങ്ങൾ ഏർപ്പാടാക്കും. വാഹനങ്ങൾ മറ്റ് വഴികളിലേക്ക് തിരിച്ചു വിടും. ആവശ്യമായ പോലീസിന വിന്ന്യസിച്ച് പരിപാടിയുടെ സുരക്ഷ ഉറപ്പുവരുത്തും.
സംഘാടകസമിതി തിരഞ്ഞെടുക്കുന്ന 100 വൊളന്റിയർമാർ പോലീസിനെ സഹായിക്കും. സംഘാടകസമിതി കൺവീണർ വി.പി. കുഞ്ഞിക്യഷ്ണൻ, ഗ്രാമപ്പഞ്ചായത്ത് വൈസ് പ്രസിഡന്റ് അഖില മര്യാട്ട്, ബ്ലോക്ക് സ്ഥിരംസമിതി ചെയർമാൻ രജീന്ദ്രൻ കപ്പള്ളി, ബംഗ്ലത്ത് മുഹമ്മദ്, സി.എച്ച്. മോഹനൻ, സൂപ്പി നരിക്കാട്ടേരി, പി.കെ. ദാമു, വലിയാണ്ടി ഹമീദ്, കെ.പി. കുമാരൻ തുടങ്ങിയവർ സംസാരിച്ചു.

&nbsp;

നാദാപുരം ഫെസ്റ്റ്: ടൗണുകളിൽ നൂറിലധികം സി.സി.ടി.വി. ക്യാമറകൾ സ്ഥാപിക്കും

Nadapuram

വടകര: കേരള പ്ലാസ്റ്റിക് മാനുഫാക്ചേഴ്സ് അസോസിയേഷന്റെ (കെ. പി. എം. എ ) 2023ലെ പരിസ്ഥിതി പ്രവർത്തനത്തിനുള്ള സംസ്ഥാനതല അവാർഡ് വടകര സ്വദേശി മണലിൽ മോഹനന് എറണാകുളം ഹോട്ടൽ ലിങ്ക് കാസിലിൽ വച്ച് എം.പി ഹൈബി ഈഡൻ സമ്മാനിച്ചു. ദിവസേനയുള്ള പ്രഭാത നടത്തിനിടയിലെ മാലിന്യ ശേഖരണത്തിനും മാലിന്യ പുനരുപയോഗത്തിനുമാണ് ഈ അംഗീകാരം. നിലവിൽ വടകര മുനിസിപ്പാലിറ്റിയിലെ ഹരിയാലി ഹരിത സഹായ സ്ഥാപനം ഡയറക്ടർ, കോഴിക്കോട് മാലിന്യമുക്ത നവകേരളം ജില്ലാ കോർഡിനേറ്റർ, ശാസ്ത്രസാഹിത്യപരിഷത്ത് ജില്ലാ പരിസ്ഥിതി ചെയർമാൻ എന്നീ നിലകളിൽ പ്രവർത്തിക്കുന്നു.മലിനീകരണനിയന്ത്രണ ബോർഡ്, ശുചിത്വമിഷൻ, ക്ലീൻ കേരള എന്നീ വകുപ്പുകളിലെ വിദഗ്ധരടങ്ങുന്ന ജൂറി കമ്മിറ്റിയാണ് അവാർഡ് നിർണയം നടത്തിയത്.
മികച്ച മാലിന്യ പരിപാലനത്തിനുള്ള സ്ഥാപനത്തിന് കണ്ണൂർ ജില്ലയിലെ ക്ലീൻ കേരള കമ്പനി, ജലാശയങ്ങളിൽ നിന്ന് പ്ലാസ്റ്റിക് മാലിന്യം ശേഖരിച്ച് പുനരുപയോഗിക്കുന്നതിന് തിരുവനന്തപുരം ജില്ലയിലെ ബിനു പുഞ്ചക്കരി എന്നിങ്ങനെയും പുരസ്‌കാരം ലഭിച്ചു. എം. എസ് ജോർജ് അധ്യക്ഷം വഹിച്ചു. സിപ്പെറ്റ് ജോയിന്റ് ഡയറക്ടർ കെ. എ.രാജേഷ്, കുസാറ്റ് മേധാവി പ്രൊഫ. പ്രശാന്ത് ആർ.കൃഷ്ണ, കെ എസ് എസ് ഐ എ പ്രസിഡണ്ട് എ.നിസാരുദ്ദീൻ, ജെ.സുനിൽ എന്നിവർ സംസാരിച്ചു. മണലിൽ മോഹനന് ലഭിച്ച അവാർഡ് തുക മികച്ച രീതിയിൽ മാലിന്യപരിപാലനം നടത്തുന്ന ഒരു ജില്ലയിലെ കുട്ടികൾക്ക് പുരസ്കാരം നൽകാനായി സർക്കാരിന് കൈമാറും.

മണലിൽ മോഹനന് സംസ്ഥാനതല അവാർഡ്

തിരുവനന്തപുരം: അടുത്ത മൂന്ന് മണിക്കൂറിനുള്ളിൽ കേരളത്തിലെ കാസർഗോഡ് ജില്ലയിൽ ഒറ്റപ്പെട്ടയിടങ്ങളിൽ മിതമായ മഴയ്ക്കും; തിരുവനന്തപുരം, ആലപ്പുഴ, കോട്ടയം, എറണാകുളം ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്‌ക്കും സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ജാഗ്രതാ നിർദേശങ്ങൾ
ഇടിമിന്നൽ അപകടകാരികളാണ്. അവ മനുഷ്യന്റെയും മൃഗങ്ങളുടെയും ജീവനും വൈദ്യുതആശയവിനിമയ ശൃംഖലകൾക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. ആയതിനാൽ പൊതുജനങ്ങൾ താഴെപ്പറയുന്ന മുൻകരുതൽ കാർമേഘം കണ്ട് തുടങ്ങുന്ന സമയം മുതൽ തന്നെ സ്വീകരിക്കേണ്ടതാണ്. ഇടിമിന്നൽ എപ്പോഴും ദൃശ്യമാകണമെന്നില്ലാത്തതിനാൽ ഇത്തരം മുൻകരുതൽ സ്വീകരിക്കുന്നതിൽ നിന്നും വിട്ടുനിൽക്കരുത്.
– ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക് മാറുക. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാദ്ധ്യത വർധിപ്പിക്കും.
– ശക്തമായ കാറ്റിനും ഇടിമിന്നലിനും സാധ്യതയുള്ള ഘട്ടത്തിൽ ജനലും വാതിലും അടച്ചിടുക. വാതിലിനും ജനലിനും അടുത്ത് നിൽക്കാതെയിരിക്കുക. കെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പർശിക്കാതിരിക്കാൻ ശ്രമിക്കുകയും ചെയ്യുക.
– ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക. വൈദ്യതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കുക.
– ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കണം. മൊബൈൽ ഫോൺ ഉപയോഗിക്കുന്നത് കൊണ്ട് കുഴപ്പമില്ല.
– അന്തരീക്ഷം മേഘാവൃതമാണെങ്കിൽ തുറസായ സ്ഥലത്തും ടെറസിലും, കുട്ടികൾ ഉൾപ്പെടെ, കളിക്കുന്നത് ഒഴിവാക്കുക.
– ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടിൽ നിൽക്കരുത്. വാഹനങ്ങൾ മരച്ചുവട്ടിൽ പാർക്ക് ചെയ്യുകയുമരുത്.
– ഇടിമിന്നലുള്ള സമയത്ത് വാഹനത്തിനകത്ത് തന്നെ തുടരുക. കൈകാലുകൾ പുറത്തിടാതിരിക്കുക. വാഹനത്തിനകത്ത് നിങ്ങൾ സുരക്ഷിതരായിരിക്കും. സൈക്കിൾ, ബൈക്ക്, ട്രാക്ടർ തുടങ്ങിയ വാഹനങ്ങളിലുള്ള യാത്ര ഇടിമിന്നൽ സമയത്ത് ഒഴിവാക്കുകയും ഇടിമിന്നൽ അവസാനിക്കുന്നത് വരെ സുരക്ഷിതമായ ഒരു കെട്ടിടത്തിൽ അഭയം തേടുകയും വേണം.
– മഴക്കാറ് കാണമ്പോൾ തുണികൾ എടുക്കാൻ ടെറസിലേക്കോ, മുറ്റത്തേക്കോ ഇടിമിന്നലുള്ള സമയത്ത് പോകരുത്.
– കാറ്റിൽ മറിഞ്ഞു വീഴാൻ സാധ്യതയുള്ള വസ്തുക്കൾ കെട്ടി വയ്‌ക്കുക.
– ഇടിമിന്നലുള്ള സമയത്ത് കുളിക്കുന്നത് ഒഴിവാക്കുക. ടാപ്പുകളിൽ നിന്ന് വെള്ളം ശേഖരിക്കുന്നതും ഒഴിവാക്കുക. പൈപ്പിലൂടെ മിന്നൽ മൂലമുള്ള വൈദ്യുതി സഞ്ചരിച്ചേക്കാം.
– ഇടിമിന്നൽ ഉണ്ടാകമ്പോൾ ജലാശയത്തിൽ മീൻ പിടിക്കാനോ കുളിക്കാനോ ഇറങ്ങുവാൻ പാടില്ല. കാർമേഘങ്ങൾ കണ്ട് തുടങ്ങമ്പോൾ തന്നെ മത്സ്യബന്ധനം, ബോട്ടിങ് തുടങ്ങിയ പ്രവൃത്തികൾ നിർത്തി വച്ച് ഉടനെ അടുത്തുള്ള കരയിലേക്ക് എത്താൻ ശ്രമിക്കണം. ഇടിമിന്നലുള്ള സമയത്ത് ബോട്ടിന്റെ ഡെക്കിൽ നിൽക്കരുത്. ചൂണ്ടയിടുന്നതും വലയെറിയുന്നതും ഇടിമിന്നലുള്ള സമയത്ത് നിർത്തി വയ്‌ക്കണം.
– പട്ടം പറത്തുന്നത് ഒഴിവാക്കുക.
– ഇടിമിന്നലുള്ള സമയത്ത് ടെറസിലോ മറ്റ് ഉയരമുള്ള സ്ഥലങ്ങളിലോ വൃക്ഷക്കൊമ്പിലോ ഇരിക്കുന്നത് അപകടകരമാണ്.
– വളർത്തു മൃഗങ്ങളെ തുറസായ സ്ഥലത്ത് ഈ സമയത്ത് കെട്ടരുത്. അവയെ അഴിക്കുവാനും സുരക്ഷിതമായി മാറ്റി കെട്ടുവാനും മഴ മേഘം കാണുന്ന സമയത്ത് പോകരുത്. ഇത് നിങ്ങൾക്ക് ഇടിമിന്നലേൽക്കാൻ കാരണമായേക്കാം.
– അടുത്തുള്ള കെട്ടിടത്തിലേക്ക് മാറാൻ സാധിക്കാത്ത വിധത്തിൽ തുറസായ സ്ഥലത്താണങ്കിൽ പാദങ്ങൾ ചേർത്തുവച്ച് തല, കാൽ മുട്ടുകൾക്ക് ഇടയിൽ ഒതുക്കി പന്തപോലെ ഉരുണ്ട് ഇരിക്കുക.
– ഇടിമിന്നലിൽനിന്ന് സുരക്ഷിതമാക്കാൻ കെട്ടിടങ്ങൾക്കു മുകളിൽ മിന്നൽ രക്ഷാ ചാലകം സ്ഥാപിക്കാം. വൈദ്യതോപകരണങ്ങളുടെ സുരക്ഷക്കായി സർജ് പ്രൊട്ടക്‌ടർ ഘടിപ്പിക്കാം.
– മിന്നലിന്റെ ആഘാതത്താൽ പൊള്ളൽ ഏൽക്കുകയോ കാഴ്‌ചയോ കേൾവിയോ നഷ്ടമാവുകയോ ഹൃദയാഘാതം സംഭവിയ്‌ക്കുകയോ വരെ ചെയ്യാം. മിന്നലാഘാതം ഏറ്റ ആളിന്റെ ശരീരത്തിൽ വൈദ്യുത പ്രവാഹം ഇല്ല എന്ന് മനസ്സിലാക്കണം. അതിനാൽ മിന്നലേറ്റ ആളിന് പ്രഥമ ശുശ്രൂഷ നൽകുവാൻ മടിക്കരുത്. മിന്നൽ ഏറ്റാൽ ആദ്യ മുപ്പത് സെക്കൻഡ് ജീവൻ രക്ഷിക്കാനുള്ള സുവർണ നിമിഷങ്ങളാണ്. മിന്നലേറ്റ ആളിന് ഉടൻ വൈദ്യ സഹായം എത്തിക്കുക.

കേരളത്തിൽ അഞ്ച് ജില്ലകളിൽ മഴയ്ക്ക് സാധ്യത

കാസർകോട്‌: പെരിയ ദേശീയപാത കുണിയയിൽ കാറും സ്കൂട്ടറും കൂട്ടിയിടിച്ച് ഇരുചക്ര വാഹനയാത്രക്കാരായ രണ്ടുപേർ മരിച്ചു. കാറിലുണ്ടായിരുന്ന ആറുപേർക്കും വഴിയാത്രക്കാരനും പരിക്കേറ്റു. ചട്ടഞ്ചാൽ സ്വദേശിയും കർഷകനുമായ ഗോപാലകൃഷ്ണൻ (55), സഹോദരി ഭർത്താവും സിപിസിആർഐയിലെ മുൻ ജീവനക്കാരനുമായ പരനടുക്കത്തെ നാരായണൻ (62) എന്നിവരാണ് മരിച്ചത്.&nbsp;
കാറിലുണ്ടായിരുന്ന ബദിയടുക്കയിലെ ഷാഹിൻ (36), ഭാര്യ സഹല, ബന്ധുക്കളായ ശാഹിന, ശംനാസ്, ഫാത്തിമ, ബദിയടുക്കയിലെ മുൻ പഞ്ചായത്തംഗ അൻവറിന്റെ മകൾ ഹന ഫാത്തിമ (എട്ട്) എന്നിവരെ കാസർകോട് ജനറൽ ആശുപത്രിയിൽ പ്രവേശിപ്പിച്ചു. കാറിടിച്ച്‌ ഗുരുതരമായി പരുക്കേറ്റ വഴിയാത്രക്കാരനായ ഹംസയെ (65) മംഗൂരുവിലെ ആശുപത്രിയിലേക്ക് മാറ്റി. ഓടിക്കൂടിയവരാണ് പരുക്കേറ്റവരെയെല്ലാം ആശുപത്രിയിലെത്തിച്ചത്. സ്കൂടറിലിടിച്ച കാർ ദേശീയപാത നിർമാണസ്ഥലത്തെ കുഴിയിലേക്ക് മറിഞ്ഞു.&nbsp;

പെരിയ ദേശീയപാതയിൽ കാർ ബൈക്കിലിടിച്ച്‌ രണ്ട് മരണം

വടകര: നഗരസഭയുടെ സമഗ്ര വിദ്യാഭ്യാസ പദ്ധതിയായ സ്പെയിസിൻ്റെ ആഭിമുഖ്യത്തിൽ നാലാം ക്ലാസിലെ കുട്ടികൾക്കായുള്ള ഇംഗ്ലീഷ് മെയിഡ് ഈ സി എന്ന പരിപാടി ചെയർപേഴ്സൺ കെ പി ബിന്ദു ഉദ്ഘാടനം ചെയ്തു. കാനപ്പള്ളി ബാലകൃഷണൻ അദ്ധ്യക്ഷത വഹിച്ചു. ടി. രാധാകൃഷണൻ സ്വാഗതം പറഞ്ഞു. സെൻ്റ് ആൻ്റണിസ് ജെ. ബി സ്കൂൾ ഹെഡ്മിസ്ട്രസ്സ് സിസ്റ്റർ ഡോമി വർക്കി ആശംസ നേർന്നു.

ഇംഗ്ലീഷ് മെയ്ഡ് ഈസി പരിപാടി നടത്തി

Inshort

കോഴിക്കോട്: ജില്ലയിലെ അപകട മേഖലയെ കുറിച്ച് പഠിച്ച് നാഷനൽ ട്രാൻസ്പോർട്ടേഷൻ പ്ലാനിങ് ആൻഡ് റിസർച് സെൻറർ (നാറ്റ്പാക്). ജില്ലയിൽ ഏറെ കരുതൽ വേണ്ട 32 മേഖലകളുണ്ടെന്നാണ് നാറ്റ്പാക് ഗതാഗതവകുപ്പിന്റെ നിർദേശ പ്രകാരം നടത്തിയ പഠനത്തിൽ കണ്ടെത്തിയത്. ദേശീയ പാതയിൽ 18 ഇടങ്ങളും സംസ്ഥാന പാതയിൽ 14 സ്‌ഥലങ്ങളുമാണ് അപകടമേഖലയായിട്ടുള്ളത്.
ദേശീയപാതയിലെ അപകട മേഖലകളും ദൂരവും ഇങ്ങ​നെ: മാനാഞ്ചിറ-മുഴിക്കൽ ജംങ്ഷൻ (9.40 കിലോമീറ്റർ), പുഷ്പ ജംങ്ഷൻ-പാവങ്ങാട് (8.60), പ്രോവിഡൻസ് കോളജ് ജംങ്ഷൻ-കൊടൽ നടക്കാവ് (11.30), ആനക്കുളം-ചെങ്ങോട്ടുകാവ് (7.90), ചെറുവണ്ണൂർ ജംങ്ഷൻ- കല്ലായ് പാലം (7.60), ചേന്ദമംഗലം തെരു-കരിമ്പന പ്ലാലം (4.70), പൊയിൽക്കാവ് - വെങ്ങളം ജംങ്ഷൻ (5.30), അഴിയൂർ-കൈനാട്ടി (8.20), പയ്യോളി-മൂടാടി (8.20), ചെലവൂർ-പാലക്കുറ്റി (12.60), വാവാട് ടൗൺ പുതുപ്പാടി (13.70), (2.30), പുതുപ്പണം-അയനിക്കാട് (6.40), രാമനാട്ടുകര നിസരി ജംങ്ഷൻ-ഫറോക്ക് പുതിയ പാലം (5.00), പൂളാടിക്കുന്ന് ജംങ്ഷൻ-വേങ്ങേരി ജംങ്ഷൻ (5.10), വെസ്റ്റ് കൈതപ്പൊയിൽ- താമരശ്ശേരി ചുരം വ്യൂ പോയിൻറ് (9.50), രാമനാട്ടുകര ബസ് സ്‌റ്റാൻഡ് ജംങ്ഷൻ-വൈദ്യരങ്ങാടി (2.00), വെങ്ങാലി റെയിൽവേ മേൽപാലം-വെങ്ങളം ജംങ്ഷൻ (4.50).
സംസ്‌ഥാന പാതയിലെ അപകടമേഖലകൾ ഇങ്ങനെ: നൊച്ചാട്-കടിയങ്ങാട് (12.80), ഉള്ളിയേരി- വട്ടോളി ബസാർ (9.20), അഗസ്ത്യമുഴി നെല്ലിക്കാപ്പറമ്പ് (6.40), പറമ്പത്ത് വേളൂർ വെസ്റ്റ് (5.60 ചെറിയ കുമ്പളം-മൊകേരി (4.90), അമ്പലക്കുളങ്ങര ബസ് സ്‌റ്റോപ്പ്-കല്ലാച്ചി (5.80), ഉള്ളിയേരി- കര​ുവന്നൂർ (6.10), പാവങ്ങാട് ജംങ്ഷൻ-പുറക്കാട്ടിരി (4.90), എകരൂർ-കൊരങ്ങാട് (6.30), നാദാപുരം- പെരിങ്ങത്തൂർ പാലം (9.60), ദേവർകോവിൽ -മൂന്നാംകൈ ജംങ്ഷൻ (2.30), മുടൂർ, വെളിമണ്ണ-നീലേശ്വരം (5.70), കൂമുള്ളി-ഉള്ളിയേരി (4.20), നന്മണ്ട-നരിക്കുനി (8.20).

അപകട സാധ്യതയേറെ; അഴിയൂർ-കൈനാട്ടി ഉൾപ്പടെ ജില്ലയിലെ 32 ഇടങ്ങളിൽ ഏറെ കരുതൽവേണമെന്ന് പഠനം

Kozhikode

നോയിഡ: ഓമനിച്ചുവളര്‍ത്തിയ പൂച്ചയെ കണ്ടെത്താന്‍ സഹായിക്കുന്നവര്‍ക്ക് പാരിതോഷികം വാഗ്ദാനം ചെയ്ത് ദമ്പതിമാര്‍. നോയിഡ സ്വദേശിയായ അജയ് കുമാറും ഭാര്യ ദീപയുമാണ് പേര്‍ഷ്യന്‍ പൂച്ചയായ 'ചീക്കു'വിനെ കണ്ടെത്താന്‍ സഹായിക്കുന്നവര്‍ക്ക് ഒരുലക്ഷം രൂപ വാഗ്ദാനം ചെയ്തിരിക്കുന്നത്. ഇക്കാര്യം അറിയിച്ചുകൊണ്ടുള്ള പോസ്റ്ററുകള്‍ തെരുവുകളിലുടനീളം ഒട്ടിക്കുകയും ചെയ്തു ഇവര്‍.
കഴിഞ്ഞ ഡിസംബര്‍ 24 മുതലാണ് ചീകുവിനെ കാണാതായത്. തങ്ങളെ പറ്റിക്കാനായി കട്ടിലിനടിയിലോ വീട്ടിലെ മറ്റേതെങ്കിലും സ്ഥലത്തോ ചീക്കു ഒളിച്ചിരിക്കുകയാകും എന്നുകരുതി കുറേ നേരത്തേക്ക് അജയ്കുമാറും ദീപയും ചീകുവിന്റെ പിറകെ പോയില്ല. ഒളിച്ചുകളി അവന് പതിവുള്ളതാണ്. എന്നാല്‍ നേരം ഏറെ വൈകിയിട്ടും ചീക്കു വരാതായതോടെയാണ് സംഗതി പന്തിയല്ലെന്ന് ഇരുവര്‍ക്കും തോന്നിയത്. പിന്നീടങ്ങോട്ട് കാടടച്ചുള്ള അന്വേഷണമാണ് ചീക്കുവിനായി അജയ്കുമാറും ദീപയും നടത്തിയത്. ഫ്‌ളാറ്റിന്റെ ബാല്‍ക്കണിയില്‍ നിന്ന് ചീക്കു പുറത്തേക്ക് ചാടിയിറങ്ങി പാര്‍ക്കിങ് ഏരിയയിലേക്ക് നടക്കുന്ന സി.സി.ടി.വി. ദൃശ്യം അന്വേഷണത്തിനിടെ ഇവര്‍ക്ക് ലഭിച്ചു. പാര്‍ക്കിങ് ഏരിയയിലേക്ക് നടന്ന് അപ്രത്യക്ഷനായ ചീക്കുവിനെ പിന്നീട് ആരും കണ്ടിട്ടില്ല.
അയല്‍ക്കാര്‍, സന്ദര്‍ശകര്‍, കച്ചവടക്കാര്‍ തുടങ്ങി ആ പരിസരത്തെ എല്ലാവരോടും അജയ്കുമാറും ദീപയും തങ്ങളുടെ പ്രിയപ്പെട്ട ചീക്കുവിനെ കണ്ടോ എന്ന് അന്വേഷിച്ചു. പക്ഷേ, നിരാശയായിരുന്നു ഫലം. തുടര്‍ന്ന് സെക്ടര്‍ 58 പോലീസ് സ്‌റ്റേഷനില്‍ ഇവര്‍ പരാതി നല്‍കി. എന്നാല്‍, ഇതുകൊണ്ടൊന്നും ഫലമുണ്ടാകാതിരുന്നതോടെയാണ് പാരിതോഷികം പ്രഖ്യാപിച്ചത്. ചീക്കുവിനെ കണ്ടെത്താന്‍ സഹായിക്കുന്നവര്‍ക്ക് ഒരുലക്ഷം രൂപ വാഗ്ദാനം ചെയ്തുകൊണ്ടുള്ള പോസ്റ്റര്‍ മതിലുകളിലും പോസ്റ്റുകളിലും ആളുകള്‍ കൂടുന്ന മറ്റിടങ്ങളിലുമെല്ലാം അജയ്കുമാര്‍ ഒട്ടിച്ചു. ചീക്കുവിന്റെ ചിത്രം ഉള്‍പ്പെടെ പോസ്റ്ററിലുണ്ട്. കൂടാതെ ഇതേ കാര്യം അറിയിച്ചുകൊണ്ടുള്ള ലഘുലേഖകളും അജയ്കുമാര്‍ വിതരണം ചെയ്തിട്ടുണ്ട്.
'എന്നെക്കാളും എന്റെ ഭാര്യയോടായിരുന്നു അവന് കൂടുതല്‍ അടുപ്പം. ചീക്കു ഞങ്ങളുടെ ജീവിതത്തിന്റെ ഭാഗമായിരുന്നു. അവനില്ലാത്ത ഓരോ നിമിഷവും തള്ളിനീക്കുന്നത് ഏറെ പ്രയാസപ്പെട്ടാണ്. ഒരു ദിവസം ഞങ്ങളുടെ ഫ്‌ളാറ്റിന്റെ പടികയറി അവന്‍ വരുമെന്നാണ് ഞങ്ങള്‍ പ്രതീക്ഷിക്കുന്നത്. ആറ് മാസം മുമ്പ് ഇതുപോലെ കാണാതായിട്ട് അവന്‍ തിരികെ വന്നിട്ടുണ്ട്', അജയ്കുമാര്‍ പറഞ്ഞു.
ചീക്കു തിരികെവരുമെന്ന പ്രതീക്ഷയ്‌ക്കൊപ്പം വലിയ ആശങ്കയും അദ്ദേഹത്തിനുണ്ട്. പേര്‍ഷ്യന്‍ പൂച്ചയായതിനാല്‍ അതിന്റെ വില അറിയാവുന്ന ആരെങ്കിലും അവനെ കൊണ്ടുപോയിട്ടുണ്ടാകുമോ എന്നാണ് അദ്ദേഹത്തിന്റെ ആശങ്ക. അത്തരം ആളുകള്‍ പരിസരത്ത് ഉണ്ടെന്നും അതുകൊണ്ടാണ് ഇത്രയും വലിയ തുക പാരിതോഷികം പ്രഖ്യാപിച്ചതെന്നും അജയ്കുമാര്‍ പറയുന്നു.
മനുഷ്യരോട് വളരെ എളുപ്പം ഇണങ്ങുന്ന ഇനമാണ് പേര്‍ഷ്യന്‍ പൂച്ചകള്‍. ശാന്തമായ അന്തരീക്ഷത്തില്‍ ജീവിക്കാനാണ് ഇവയ്ക്ക് ഇഷ്ടം. പതിനായിരം മുതല്‍ 50,000 രൂപവരെയാണ് ഒരു പേര്‍ഷ്യന്‍ പൂച്ചയുടെ ഇന്ത്യയിലെ വില.

കാണാതായ പൂച്ചയെ കണ്ടെത്താൻ സഹായിക്കുന്നവര്‍ക്ക് ഒരുലക്ഷം രൂപ പാരിതോഷികം പ്രഖ്യാപിച്ച് ദമ്പതിമാർ

മലപ്പുറം: ബാറ്ററി മാറ്റാൻ നൽകിയ ഫോണിൽനിന്ന് തീ ആളിപ്പടർന്നു. വണ്ടൂരിലാണ് സംഭവം. കേടായ ബാറ്ററിയിൽനിന്നാണ് തീ പടർന്നതെന്നാണു നിഗമനം. ഉടൻതന്നെ വെള്ളമൊഴിച്ച് തീ കെടുത്തിയതിനാൽ അപകടം ഒഴിവായി. തീപിടിത്തത്തിന്റെ ദൃശ്യങ്ങളിൽ പുറത്തുവന്നിട്ടുണ്ട്.
തിങ്കളാഴ്ച വൈകിട്ട് മൂന്നു മണിയോടെയാണു സംഭവം. വണ്ടൂർ ടൗണിൽ പാണ്ടിക്കാട് റോഡിലുള്ള കടയിലാണ് മൊബൈൽ ഫോണിനു തീപിടിച്ചത്. അതിഥി തൊഴിലാളി നന്നാക്കാൻ നൽകിയ ഫോണിനാണു തീപിടിച്ചത്.
കടയിൽ മറ്റു ഫോണുകൾക്കിടയിൽ വച്ചിരുന്ന ഫോണിന് അപ്രതീക്ഷിതമായി തീപിടിക്കുകയായിരുന്നു. അതിഥി തൊഴിലാളി നന്നാക്കാൻ നൽകിയ ഫോണിന്റെ ബാറ്ററി പൊള്ളച്ചിരുന്നതായി കടയിലെ ജീവനക്കാർ പറയുന്നു. ഈ ബാറ്ററിയിൽനിന്ന് തീ പടർന്നുവെന്നാണ് അനുമാനം. ഉടൻതന്നെ കടയിലുണ്ടായിരുന്ന വെള്ളമൊഴിച്ച് തീ കെടുത്തി.

മലപ്പുറത്ത് കടയിൽ നന്നാക്കാൻ നൽകിയ മൊബൈൽ ഫോണിന് തീപിടിച്ചു

പാലക്കാട്: സംസ്ഥാന അധ്യക്ഷന്‍ രാഹുല്‍ മാങ്കൂട്ടത്തിലിനെ വീടുകയറി അറസ്റ്റ് ചെയ്തതിനെതിരെ സംസ്ഥാന വ്യാപക പ്രതിഷേധവുമായി യൂത്ത് കോണ്‍ഗ്രസ്. വിവിധ ഇടങ്ങളില്‍ നടന്ന പ്രതിഷേധ പ്രകടനങ്ങളില്‍ വനിതകള്‍ ഉള്‍പ്പെടെ നിരവധി പ്രവര്‍ത്തകരാണ് പങ്കെടുത്തത്. പലയിടത്തും പ്രവര്‍ത്തകരും പോലീസും തമ്മില്‍ ഉന്തുംതള്ളുമുണ്ടായി. പാലക്കാട് സൗത്ത് പോലീസ് സ്‌റ്റേഷനിലേക്ക് മുദ്രാവാക്യം വിളിച്ച് പ്രകടനമായി എത്തിയ യൂത്ത് കോണ്‍ഗ്രസ് പ്രവര്‍ത്തകരെ പോലീസ് തടഞ്ഞു. പോലീസും പ്രവര്‍ത്തകരും തമ്മില്‍ ഉന്തുംതള്ളുമുണ്ടായതിനെ തുടര്‍ന്ന് പ്രവര്‍ത്തകരെ പോലീസ് അറസ്റ്റ് ചെയ്ത് നീക്കി. സ്റ്റേഷനിലെത്തിച്ച ശേഷവും പ്രവര്‍ത്തകര്‍ മുദ്രാവാക്യം വിളിച്ച് പ്രതിഷേധം തുടര്‍ന്നു.
അറസ്റ്റ് ചെയ്ത ശേഷം പ്രവര്‍ത്തകരോട് പോലീസ് അപമര്യാദമായി പെരുമാറിയെന്ന് യൂത്ത് കോണ്‍ഗ്രസ് ആരോപിച്ചു. പരാതി നല്‍കിയാല്‍ പരിശോധിച്ച് നടപടിയെടുക്കാം എന്ന് പാലക്കാട് സൗത്ത് പോലീസ് ഉറപ്പുനല്‍കിയതിനെ തുടര്‍ന്നാണ് വാക്കുതര്‍ക്കം അവസാനിച്ചത്.
രാഹുല്‍ മാങ്കൂട്ടത്തിലിന്റെ ജില്ലയായ പത്തനംതിട്ടയിലെ അടൂരിലും യൂത്ത് കോണ്‍ഗ്രസ് പ്രതിഷേധ പ്രകടനം നടത്തി. ആന്റോ ആന്റണി എം.പിയുടെ നേതൃത്വത്തിലായിരുന്നു അടൂരിലെ പ്രതിഷേധം. കൊല്ലം ജില്ലയിലെ ചന്ദനത്തോപ്പിലും കണ്ണൂരിലും പ്രതിഷേധമുണ്ടായി. കണ്ണൂരില്‍ ദേശീയപാത ഉപരോധിച്ച പ്രവര്‍ത്തകരെ പോലീസ് അറസ്റ്റ് ചെയ്തുനീക്കി. യൂത്ത് കോണ്‍ഗ്രസ് കോഴിക്കോട് ജില്ലാ കമ്മിറ്റിയുടെ നേതൃത്വത്തിൽ കമ്മിഷണര്‍ ഓഫീസ് ഉപരോധിച്ചു. യൂത്ത് കോണ്‍ഗ്രസ് ജില്ലാ പ്രസിഡന്റ് ആര്‍. ഷഹിന്‍, കെ.എസ്.യു ജില്ലാ പ്രസിഡന്റ് വി.ടി സൂരജ്, നാഷനല്‍ സ്റ്റുഡന്റ്‌സ് യൂണിയന്‍ ദേശീയ ജനറല്‍ സെക്രട്ടറി കെ.എം അഭിജിത്ത് എന്നിവരെ അറസ്റ്റ് ചെയ്ത് നീക്കി.

രാഹുലിന്റെ അറസ്റ്റ്: വിവിധ ഇടങ്ങളിൽ യൂത്ത് കോണ്‍ഗ്രസ് പ്രതിഷേധം, ദേശീയപാത ഉപരോധം

കൊയിലാണ്ടി: കേരളത്തിലെ എൽ.ഡി.എഫ്. സർക്കാർ ജനാധിപത്യവും മതനിരപേക്ഷതയും ഭരണഘടനാ മൂല്യങ്ങളും ഉയർത്തിപ്പിടിക്കുന്ന രാജ്യത്തെ പ്രമുഖ ഇടതുപക്ഷ ജനാധിപത്യ പുരോഗമന ശക്തിയാണെന്നും ഈ സർക്കാർ അധികാരത്തിൽ വന്നതും തുടരുന്നതും അനിഷേധ്യമായ ജനപിന്തുണയോടെയാണെന്നും എൻ.സി.പി. സംസ്ഥാന സെക്രട്ടറി സി. സത്യചന്ദ്രൻ പറഞ്ഞു. മോഡിയുടെ ഏത് ഗ്യാരന്റിയെയും പ്രതിരോധിക്കാനുള്ള കരുത്തും ജനപിന്തുണയും എൽ.ഡി.എഫ്. സർക്കാറിനും സർക്കാറിനെ പിന്തുണക്കുന്ന ജനങ്ങൾക്കുമുണ്ടെന്നും സി.സത്യചന്ദ്രൻ പറഞ്ഞു. എ.സി. ഷൺമുഖദാസ് പഠന കേന്ദ്രം സംഘടിപ്പിച്ച സി.എച്ച്. ഹരിദാസ് അനുസ്മരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
എ.സി. ഷൺമുഖദാസ് പഠന കേന്ദ്രം കൊയിലാണ്ടി പ്രസിഡന്റ് ചേനോത്ത് ഭാസ്ക്കരൻ അധ്യക്ഷത വഹിച്ച ചടങ്ങിൽ എൻ.എസ്.ടി.എ. സംസ്ഥാന പ്രസിഡന്റ് കെ.കെ.ശ്രീഷു, ആവിണേരി ശങ്കരൻ,ഒ. രാഘവൻ, എം.എ.ഗംഗാധരൻ,പി.വി.സജിത്ത്, പത്താലത്ത് ബാലൻ, കെ.കെ.നരായണൻ, പി.എം.ബി. നടേരി, ടി.എം.ശശിധരൻ, പി. പുഷ്പജൻ തുടങ്ങിയവർ സംസാരിച്ചു.

മോഡിയുടെ ഏതു ഗ്യാരന്റിയെയും കേരളം പ്രതിരോധിക്കും; സി. സത്യചന്ദ്രൻ

Koyilandy

ബെംഗളൂരു: കെജിഎഫ് താരം യഷിന്റെ ജന്മദിനം പ്രമാണിച്ച് ഗദഗിൽ താരത്തിന്റെ കൂറ്റൻ കട്ടൗട്ട് ഉയർത്തുന്നതിനിടെ 3 ആരാധകർ ഷോക്കേറ്റു മരിച്ചു. ഹനുമന്ത (21), മുരളി നടുവിനാമണി(20), നവീൻ ഗജ്ജി(19) എന്നിവരാണ് മരിച്ചത്. മറ്റു 3 പേരെ ഗുരുതര പരുക്കുകളോടെ ആശുപത്രിയിൽ പ്രവേശിപ്പിച്ചു. മരിച്ചവരുടെ കുടുംബത്തിന് 2 ലക്ഷം രൂപ വീതവും പരുക്കേറ്റവർക്ക് 50000 രൂപ വീതവും സർക്കാർ നഷ്ടപരിഹാരം പ്രഖ്യാപിച്ചു. തിങ്കളാഴ്ച യഷിന്റെ ജന്മദിനമായതിനാൽ ഞായറാഴ്ച രാത്രി വൈകിയാണു സുരനഗരിയിലെ അംബേദ്കർ നഗറിൽ യുവാക്കൾ കട്ടൗട്ട് ഉയർത്തിയത്. ഇതിന്റെ സ്റ്റീൽ ഫ്രെയിം ഹൈടെൻഷൻ വൈദ്യുതി ലൈനിൽ തട്ടിയതിനെ തുടർന്നാണ് അപകടം. രാത്രിയായതിനാൽ റോഡിനു കുറുകെയുള്ള ഹൈടെൻഷൻ ലൈൻ യുവാക്കളുടെ ശ്രദ്ധയിൽപ്പെട്ടിരുന്നില്ല. പൊലീസ് കേസെടുത്ത് അന്വേഷണം ആരംഭിച്ചു. ഷിറഹട്ടി എംഎൽഎ ഡോ.ചന്ദ്രു ലാമനി പരുക്കേറ്റവരെ ആശുപത്രിയിൽ സന്ദർശിച്ചു.

നടൻ യഷിന്റെ കട്ടൗട്ട് ഉയർത്തുന്നതിനിടെ ഷോക്കേറ്റ് മൂന്ന് മരണം

കണ്ണൂർ: കണ്ണൂരിൽ രണ്ട് പതിറ്റാണ്ടുകാലം ആർ.എസ്.എസിന്റെ തലപ്പത്ത് നിന്നയാൾ ഇനി സി.പി.എമ്മിനൊപ്പം. ഇരിട്ടി താലൂക്ക്‌ ബൗദ്ധിക്ക്‌ ശിക്ഷക് പ്രമുഖ്‌ പരിക്കളത്തെ എം. ഗിരീഷാണ്‌ കാവിക്കൊടി വിട്ട് ​ഇനി ചെ​ങ്കൊടിയേന്തുക. സി.പി.എം നുച്ച്യാട്‌ ലോക്കൽ കമ്മിറ്റി സംഘടിപ്പിച്ച കുടുംബ സംഗമത്തിൽ സി.പി.എം കണ്ണൂർ ജില്ല സെക്രട്ടറി എം.വി. ജയരാജൻ ഇദ്ദേഹ​ത്തിന് ചെ​ങ്കൊടി കൈമാറി. ഒ.കെ. വാസുപോലുള്ള നേതാക്കളുടെ പിന്നാലെയാണ് ഇദ്ദേഹവും ആർ.എസ്.എസ് വിട്ട് സി.പി.എമ്മിലെത്തുന്നത്. ഇരിട്ടി ശാഖാ മുഖ്യ ശിക്ഷകിൽ തുടങ്ങി ഇരിട്ടി താലൂക്ക്‌ ബൗദ്ധിക്ക്‌ ശിക്ഷക്ക്‌ പ്രമുഖ്‌ വരെയുള്ള ചുമതലകൾ വഹിച്ച മുതിർന്ന നേതാവാണ് ഗിരിഷ്. ആർ.എസ്‌.എസിന്റെ ഇരിട്ടി താലൂക്ക്‌ സേവാ പ്രമുഖ്‌ കൂടിയായിരുന്നു. ആർ.എസ്‌.എസ്‌-ബി.ജെ.പി നേതൃത്വത്തിന്റെ തെറ്റായ നിലപാടിൽ പ്രതിഷേധിച്ചാണ്‌ രാജിയെന്ന്‌ സ്വീകരണ ചടങ്ങിൽ പങ്കെടുത്ത്‌ അദ്ദേഹം പറഞ്ഞു.
വെറുപ്പിന്റെയും വിദ്വേഷത്തിന്റെയും വർഗീയവത്കരണത്തിന്റെയും കാര്യപരിപാടി നടത്തിപ്പുകാരായി ആർ.എസ്.എസ് നേതൃത്വം അധഃപതിച്ചു. കരകയറാൻ പറ്റാത്ത വിധമുള്ള അപചയത്തിലാണ് ഇന്ന് സംഘടനയെന്നും ഇതിൽ മടുത്താണ്‌ രാജിയെന്നും ഗിരീഷ്‌ വ്യക്തമാക്കി. ഉളിക്കൽ മണ്ഡലം സഹകാര്യവാഹ്‌, ഖണ്ഡ ശാരീരിക്‌ ശിക്ഷൺ പ്രമുഖ്‌, ഖണ്ഡകാര്യവാഹ്‌, താലൂക്ക്‌ സ്വയം വിഭാഗ്‌ കാര്യവാഹ്‌, താലൂക്ക്‌ സമ്പർക്ക്‌ പ്രമുഖ്‌ എന്നീ പദവികളിലും വിദ്യാർഥിയായിരിക്കെ വിസ്താരക്‌ ചുമതലയിലും പ്രവർത്തിച്ച നേതാവാണ്‌ ഗിരീഷ്‌. ഇരിട്ടി താലൂക്ക് മൊത്തത്തിലും പടിയൂർ, ഉളിക്കൽ, വള്ളിത്തോട്‌ കേന്ദ്രീകരിച്ചുമായിരുന്നു പ്രവർത്തനം. ആർ.എസ്.എസിന്റെ വിവിധ പരിശീലന പദ്ധതികളിലും നിരവധി തവണ പങ്കെടുത്തിട്ടുണ്ട്‌.

കണ്ണൂരിലെ ആർ.എസ്.എസ് നേതാവ് സി.പി.എമ്മിനൊപ്പം ചേർന്നു

അഴിയൂർ: സമ്പൂർണ്ണ മാലിന്യമുക്ത ഗ്രാമപഞ്ചായത്തായി പ്രസിഡന്റ്‌ ആയിഷ ഉമ്മർ പ്രഖ്യാപിച്ചു. പഞ്ചായത്തിലെ മുഴുവൻ വീടുകളിലും സ്ഥാപനങ്ങളിലും ജൈവമാലിന്യം ഉറവിടത്തിൽ തന്നെ സംസ്കരിക്കുന്നുവെന്നും, വീടുകൾ സ്ഥാപനങ്ങൾ എന്നിവയിൽ നിന്നുള്ള അജൈവ മാലിന്യങ്ങൾ യൂസർ ഫീ നൽകി ഹരിത കർമ്മ സേനയ്ക്ക് കൈമാറുന്നുവെന്നും ഉറപ്പുവരുത്തി. പൊതു ഇടങ്ങളിലെയും ജലസ്രോതസ്സുകളിലെയും മാലിന്യങ്ങൾ നീക്കം ചെയ്തു. 18 വാർഡുകളിലും ഇത് സംബന്ധിച്ച റിപ്പോർട്ട് ഗ്രാമസഭകളിൽ അവതരിപ്പിച്ച് വാർഡ് പ്രഖ്യാപനങ്ങളും പൂർത്തിയാക്കി. ഗ്രാമസഭ റിപ്പോർട്ടുകളുടെ അടിസ്ഥാനത്തിൽ പഞ്ചായത്തിലെ സോഷ്യൽ ഓഡിറ്റ് ടീം പരിശോധിച്ച് അംഗീകാരം നേടിയ ശേഷമാണ് സമ്പൂർണ്ണ മാലിന്യമുക്ത പ്രഖ്യാപനം നടത്തിയത്. ഗ്രാമപഞ്ചായത്ത് ഓഫീസിൽ വച്ച് നടന്ന ചടങ്ങിൽ വൈസ് പ്രസിഡണ്ട് ശശിധരൻ തോട്ടത്തിൽ അധ്യക്ഷത വഹിച്ചു. സ്ഥിരം സമിതി അധ്യക്ഷന്മാരായ അനിഷ ആനന്ദ സദനം, അബ്ദുൾ റഹീം പുഴക്കൽ പറമ്പത്ത്, രമ്യ കരോടി, പഞ്ചായത്ത് സെക്രട്ടറി ഷാജി ആർ എസ്, അസിസ്റ്റന്റ് സെക്രട്ടറി സുനീർ കുമാർ എം, സീനത്ത് കെ, ആതിര ആർ, ഷിജിന എന്നിവർ സംസാരിച്ചു. വാർഡ് ജനപ്രതിനിധികൾ, ഉദ്യോഗസ്ഥർ, ഹരിത കർമ്മ സേന അംഗങ്ങൾ എന്നിവർ സംബന്ധിച്ചു.

അഴിയൂരിനെ സമ്പൂർണ്ണ മാലിന്യമുക്തമായി പ്രഖ്യാപിച്ചു

കൊയിലാണ്ടി: നന്തിയിൽനിന്നും കടലിൽ പോയ മത്സ്യത്തൊഴിലാളിയെ കാണാതായി.തിങ്കളാഴ്ച വൈകിട്ട് 6ന് നന്തി കടലൂർ കടപ്പുറത്തുനിന്നും മത്സ്യബന്ധനത്തിനു പോയ രണ്ടു തൊഴിലാളികളിലൊരാളാണ് കാറ്റിൽ പെട്ട് കടലിലേക്ക് തെറിച്ചു വീണത്. കൂടെയുണ്ടായിരുന്നയാൾ രക്ഷപ്പെട്ടു. വൈകിട്ട് 7ന് അപകടം നടന്നെങ്കിലും 8 മണി കഴിഞ്ഞാണ് കരയിലുള്ളവർ വിവരമറിയുന്നത്. ഉടന്‍ തന്നെ തോണിയുമായി പോയി തിരച്ചിൽ നടത്തിയെങ്കിലും കണ്ടെത്താനായില്ല. റസാഖ്‌ പീടികവളപ്പിൽ, തട്ടാൻകണ്ടി അഷ്‌റഫ്‌ എന്നിവരാണ് വള്ളത്തിലുണ്ടായിരുന്നത്. തട്ടാൻകണ്ടി അഷ്‌റഫ്‌ നീന്തി കരയിലെത്തിയെങ്കിലും റസാഖിനെ കണ്ടെത്താനായില്ല. ഇടി മിന്നലേറ്റതിനെ തുടർന്ന് വള്ളത്തിനു കേടുപാടുകൾ സംഭവിച്ചതായി രക്ഷപ്പെട്ട അഷ്‌റഫ്‌ പറഞ്ഞു.
&nbsp;

നന്തിയിൽ മത്സ്യത്തൊഴിലാളിയെ കടലിൽ കാണാതായി

ചെന്നൈ: നയൻതാര നായികയായ ‘അന്നപൂരണി-ദ ഗോഡസ് ഓഫ് ഫുഡ്’ എന്ന തമിഴ് സിനിമ ഹിന്ദുമതവിശ്വാസത്തെ വ്രണപ്പെടുത്തുന്നുവെന്ന പരാതിയിൽ മുംബൈ പോലീസ് കേസെടുത്തു. നയൻതാര, സിനിമയുടെ സംവിധായകൻ നിലേഷ് കൃഷ്ണ, നായകൻ ജയ് എന്നിവരുടെയും നിർമാതാക്കളുടെയും വിതരണക്കാരുടെയും പേരിലാണ് കേസ്. ലവ് ജിഹാദിനെ പ്രോത്സാഹിപ്പിക്കുന്നതും ഹിന്ദുമതത്തെ അവഹേളിക്കുന്നതുമാണ് സിനിമ എന്നുകാണിച്ച് രമേഷ് സോളങ്കിയാണ് മുംബൈയിലെ എൽ.ടി. മാർഗ് പോലീസ് സ്റ്റേഷനിൽ പരാതിനൽകിയത്. ക്ഷേത്രപൂജാരിയുടെ മകൾ ഹിജാബ് ധരിച്ച് നിസ്കരിക്കുന്നതും ബിരിയാണിവെക്കുന്നതുമായ ദൃശ്യങ്ങൾ സിനിമയിലുണ്ട്.
ശ്രീരാമനും സീതയും മാംസഭക്ഷണം കഴിച്ചിരുന്നുവെന്ന് സിനിമയിലെ നായകൻ പറയുന്നു. പൂജാരിമാരുടെ കുടുംബത്തിലെ പെൺകുട്ടി പ്രേമിക്കുന്നത് മുസ്‌ലിം ചെറുപ്പക്കാരനെയാണ്. ഇവയെല്ലാം ഹിന്ദുമതവിശ്വാസികളുടെ വികാരം വ്രണപ്പെടുത്തുന്നുവെന്നാണ് സോളങ്കിയുടെ ആരോപണം. ഡിസംബർ ഒന്നിന് തിയേറ്ററിൽ പ്രദർശനത്തിനെത്തിയ സിനിമ 29-ന് നെറ്റ്ഫ്ലിക്സിൽ റിലീസ് ചെയ്തിട്ടുണ്ട്.

സിനിമ ഹിന്ദുമതവിശ്വാസത്തെ വ്രണപ്പെടുത്തുന്നുവെന്ന പരാതി; നയൻതാരയുടെ പേരിൽ കേസ്

തിരുവനന്തപുരം: തിരുവനന്തപുരത്ത് ശശി തരൂരിനെ തോല്‍പ്പിക്കാനാകില്ലെന്ന് മുതിര്‍ന്ന ബിജെപി നേതാവ് ഒ. രാജഗോപാല്‍. തിരുവനന്തപുരത്തെ ജനങ്ങളെ തിരൂര്‍ സ്വാധീനിച്ചു കഴിഞ്ഞുവെന്നും അദ്ദേഹം പറഞ്ഞു. അന്തരിച്ച മാധ്യമപ്രവര്‍ത്തകന്‍ എന്‍.രാമചന്ദ്രന്റെ പേരിലുള്ള അവാര്‍ഡ് ശശിതരൂരിന് കര്‍ണാടക ഉപമുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ ഡി.കെ ശിവകുമാര്‍ സമ്മാനിക്കുന്ന ചടങ്ങിലാണ് രാജഗോപാലിന്റെ പരാമര്‍ശം. ഒ രാജഗോപാലിന്റെ കാല്‍ തൊട്ട് വന്ദിച്ച ശേഷമാണ് പരിപാടി നടന്ന വേദിയില്‍നിന്ന് തരൂര്‍ മടങ്ങിയത്.
''പാലക്കാട്ടുകാരനായ തരൂരിന്‍റെ മഹിമ ലോകം അംഗീകരിക്കുന്നു. തിരുവനന്തപുരത്ത് മത്സരിക്കാന്‍ തരൂര്‍ തീരുമാനിച്ച അവസരത്തില്‍ ഞാന്‍ സംശയിക്കുകയായിരുന്നു. ഐക്യരാഷ്ട്രസഭയില്‍ ഇന്ത്യയെ പ്രതിനിധീകരിക്കാന്‍ ഏറ്റവും യോഗ്യന്‍ തന്നെയാണ് അദ്ദേഹം. നല്ല ഇംഗ്ലീഷില്‍ ഭംഗിയായി സംസാരിക്കും. എന്നാല്‍ എന്തിനാണ് തിരുവനന്തപുരത്ത് വന്ന് മത്സരിക്കുന്നത് എന്ന് ഞാന്‍ ചോദിച്ചിരുന്നു.
പക്ഷെ അത്ഭുതമെന്നു പറയട്ടെ, തിരുവനന്തപുരത്തുകാരുടെ മനസ്സിനെ സ്വാധീനിക്കാന്‍ തരൂരിന് കഴിഞ്ഞിരിക്കുന്നു. അതുകൊണ്ടാണ് അദ്ദേഹം വീണ്ടും വീണ്ടും തിരുവനന്തപുരത്ത് ജയിക്കുന്നത്. ഇനി അടുത്തകാലത്തൊന്നും വേറെ ആര്‍ക്കെങ്കിലും അവസരം ഉണ്ടാകുമോയെന്ന് ഞാന്‍ സംശയിക്കുകയാണ്''- ഒ.രാജഗോപാല്‍ പറഞ്ഞു.

തിരുവനന്തപുരത്ത് തരൂരിനെ തോല്‍പ്പിക്കാനാവില്ലെന്ന് ഒ. രാജഗോപാല്‍

തിരുവനന്തപുരം: നെയ്യാറ്റിൻകര വഴുതൂർ സ്വദേശി മിഥു മോഹന്‍ (23) ജീവനൊടുക്കിയതിനുപിന്നിൽ പ്രണയപരാജയമെന്ന് കുടുംബം. മരണത്തിൽ അന്വേഷണം ആവശ്യപ്പെട്ട് ബന്ധുക്കൾ നെയ്യാറ്റിൻകര പോലീസിൽ പരാതിനൽകി.

മിഥു മോഹനെ നെയ്യാറ്റിൻകര സ്വദേശിനിയായ പെൺകുട്ടി വിവാഹവാഗ്ദാനം നൽകി പണവും വസ്തുവകകളും കൈക്കലാക്കി വഞ്ചിച്ചുവെന്നാണ് ബന്ധുക്കൾ പോലീസിന് നൽകിയ പരാതിയിൽ ആരോപിക്കുന്നത്. ജനുവരി രണ്ടിനാണ് മിഥു മോഹനെ വഴുതൂരിലെ വീട്ടിൽ മരിച്ച നിലയിൽ കണ്ടെത്തിയത്.
പരാതിയില്‍ പറയുന്നത്: കായികതാരമായ മിഥു കഴിഞ്ഞ അഞ്ച് വർഷമായി നെയ്യാറ്റിൻകര സ്വദേശിനിയുമായി പ്രണയത്തിലായിരുന്നു. ഇരുവീട്ടുകാരുടെയും സമ്മതത്തിൽ വിവാഹനിശ്ചയം വരെ നടന്നിരുന്നു. കഴിഞ്ഞ രണ്ട് മാസമായി പെൺകുട്ടി മിഥു മോഹനെ ഒഴിവാക്കി തുടങ്ങി. ഇതിൽ മനം നൊന്ത് മാനസികമായി തളർന്ന അവസ്ഥ ആയതോടെ മിഥു മോഹന്റെ മാതാവ് പെൺകുട്ടിയുടെ വീട്ടിലെത്തി സംസാരിച്ചു. എന്നാല്‍ പെൺകുട്ടി വഴങ്ങിയില്ല എന്നും തുടർന്ന് മിഥു മോഹനെ ഫോണിൽ വിളിച്ച് 'നിനക്ക് ചത്തൂടേ' എന്ന് ചോദിച്ചതായും ബന്ധുക്കൾ പറയുന്നു.
കഴിഞ്ഞ അഞ്ച് വർഷമായി പെൺകുട്ടിയുടെ പഠനചെലവ് ഉൾപ്പെടെയുള്ള എല്ലാ ചെലവുകളും വഹിക്കുന്നത് മിഥു മോഹനാണെന്നും ലാപ്പ്ടോപ്പ്, മൊബൈൽ ഫോൺ ഉൾപ്പെടെ എല്ലാം വാങ്ങി നൽകിയതും മിഥുവാണെന്ന് ബന്ധുക്കൾ ആരോപിക്കുന്നു.

അഞ്ചുവർഷത്തെ പ്രണയം, നിശ്ചയത്തിനു ശേഷം ഒഴിവാക്കി,  യുവാവിന്റെ മരണത്തിൽ പെൺകുട്ടിക്കെതിരെ പരാതിയുമായി ബന്ധുക്കൾ

തിരുവനന്തപുരം: യൂത്ത് കോണ്‍ഗ്രസ് സംസ്ഥാന അധ്യക്ഷന്‍ രാഹുല്‍ മാങ്കൂട്ടത്തില്‍ അറസ്റ്റില്‍. സെക്രട്ടേറിയറ്റ് മാര്‍ച്ച് സംഘര്‍ഷവുമായി ബന്ധപ്പെട്ട് രജിസ്റ്റര്‍ ചെയ്ത അക്രമകേസിലാണ് കന്റോണ്‍മെന്റ് പോലീസ് അദ്ദേഹത്തെ അറസ്റ്റ് ചെയ്തത്. പത്തനംതിട്ട അടൂരിലെ വീട്ടിലെത്തിയാണ് രാഹുലിനെ കസ്റ്റഡിയില്‍ എടുത്തത്. കസ്റ്റഡിയിലെടുത്ത രാഹുലിനെ തിരുവനന്തപുരത്തേക്ക് കൊണ്ടുവന്ന് വിശദമായി ചോദ്യംചെയ്യും.

നവകേരളസദസ്സിനുനേരെനടന്ന പ്രതിഷേധങ്ങളെ പോലീസും സി.പി.എമ്മും കായികമായി നേരിട്ടതിനെതിരേ ഡിസംബര്‍ 20-ന് യൂത്ത് കോണ്‍ഗ്രസ് സെക്രട്ടേറിയറ്റ് മാര്‍ച്ച് നടത്തിയിരുന്നു. ഇത് സംഘര്‍ഷത്തില്‍ കലാശിക്കുകയായിരുന്നു. ഇതേത്തുടര്‍ന്ന് രജിസ്റ്റര്‍ ചെയ്ത കേസില്‍ പ്രതിപക്ഷ നേതാവ് വി.ഡി. സതീശനാണ് ഒന്നാം പ്രതി.
കേസില്‍ എം.എല്‍.എമാരായ ഷാഫി പറമ്പില്‍, എം. വിന്‍സെന്റ് എന്നിവര്‍ രണ്ടും മൂന്നും പ്രതികളാണ്. രാഹുല്‍ മാങ്കൂട്ടത്തില്‍ നാലാം പ്രതിയാണ്. പോലീസ് അനുമതിയില്ലാതെ ജാഥ നടത്തിയെന്നും പൊതുമുതല്‍ നശിപ്പിച്ചെന്നുമാണ് കേസ്. സംഘംചേര്‍ന്ന് അക്രമം, പൊതുമുതല്‍ നശിപ്പിക്കല്‍, കൃത്യനിര്‍വഹണം തടസ്സപ്പെടുത്തല്‍, ഉദ്യോഗസ്ഥരെ ആക്രമിക്കല്‍ തുടങ്ങിയ ഇന്ത്യന്‍ ശിക്ഷാ നിയമത്തിലെ വകുപ്പുകള്‍ക്കുപുറമേ പോലീസ് ആക്ടിലെ വകുപ്പുകളും ഉള്‍പ്പെടുത്തിയാണ് കേസെടുത്തത്.

രാഹുല്‍ മാങ്കൂട്ടത്തില്‍ അറസ്റ്റില്‍

തിരുവനന്തപുരം: മുൻമുഖ്യമന്ത്രി വി.എസ്. അച്യുതാനന്ദന്റെ ആരോഗ്യനില അതിഗുരുതരമായി തുടരുന്നതായി മെഡിക്കൽ ബുള്ളറ്റിൻ. പട്ടം എസ്.യു.ടി. ആശുപത്രിയില്‍ ഹൃദയാഘാതത്തെ തുടര്‍ന്ന് തീവ്രപരിചരണ വിഭാഗത്തിലാണ് അദ്ദേഹം.
എസ്.യു.ടി. ആശുപത്രിയിൽനിന്നുള്ള മെഡിക്കൽ സംഘത്തിനുപുറമെ തിരുവനന്തപുരം മെഡിക്കൽ കോളേജിൽനിന്ന് ഏഴ് വിദഗ്ധരടങ്ങുന്ന മെഡിക്കൽ സംഘം സർക്കാരിന്റെ പ്രത്യേക നിർദേശപ്രകാരം എസ്.യു.ടി. ആശുപത്രിയിൽ എത്തിയിട്ടുണ്ട്. നിലവിൽ നൽകിവരുന്ന വെന്റിലേറ്റർ സപ്പോർട്ട്, സിആർആർടി, ആന്റിബയോട്ടിക്കുകൾ തുടങ്ങിയ ചികിത്സകൾ തുടരാനും ആവശ്യമെങ്കിൽ ഉചിതമായ മാറ്റംവരുത്താനുമാണ് തീരുമാനമെന്ന് മെഡിക്കൽ ബുള്ളറ്റിനിൽ വ്യക്തമാക്കുന്നു.

വി.എസ്. അച്യുതാനന്ദന്റെ ആരോഗ്യനില അതീവഗുരുതരമായി തുടരുന്നു; ചികിത്സയ്ക്ക് ഏഴംഗ വിദഗ്ധസംഘം

മലപ്പുറം: വിവരാവകാശനിയമപ്രകാരം വിവരങ്ങൾ തേടിയ അപേക്ഷകനോട് ഇന്ത്യൻ പൗരത്വം തെളിയിക്കണമെന്നു ജലഅതോറിറ്റി മലപ്പുറം സൂപ്രണ്ടിങ് കാര്യാലയം. ജലഅതോറിറ്റിയുടെ കീഴിൽ താനൂർ നഗരസഭയിൽ പൈപ്‌ലൈൻ സ്ഥാപിക്കുന്നതുമായി ബന്ധപ്പെട്ട്, ദേശീയ വിവരാവകാശ കൂട്ടായ്മാ അംഗം എം.സിദ്ദിഖ് നൽകിയ അപേക്ഷയ്ക്കു ലഭിച്ച മറുപടിയിലാണു പൗരത്വം തെളിയിക്കുന്ന രേഖകളുമായി ഹാജരാകാൻ നിർദേശം നൽകിയിരിക്കുന്നത്.
‘മറുപടി തയാറാക്കിയിട്ടുണ്ടെന്നും അതു സ്വീകരിക്കാൻ പൗരത്വം തെളിയിക്കുന്ന രേഖകൾ സഹിതം ഓഫിസിലെത്തണമെന്നും’ സൂപ്രണ്ടിങ് എൻജിനീയറിങ് കാര്യാലയത്തിലെ പൊതുഅധികാരി കഴിഞ്ഞ 20ന് നൽകിയ മറുപടിയിൽ പറയുന്നു. അപേക്ഷയിലെ ഒപ്പ് പേപ്പർ കട്ടിങ് ആണെന്ന കാരണത്താലാണ് ഇന്ത്യൻ പൗരത്വം തെളിയിക്കാൻ ആവശ്യപ്പെട്ടതെന്നു സിദ്ദിഖ് പറഞ്ഞു.എന്നാൽ വിവരാവകാശനിയമം 6 (2) പ്രകാരം ഒരു കാരണവശാലും അപേക്ഷകനെ ബന്ധപ്പെടാൻ വേണ്ടിയുള്ള വിവരങ്ങൾ (വിലാസം, ഫോൺ നമ്പർ, ഇ–മെയിൽ ഒഴികെ) വേറെയൊന്നും ആവശ്യപ്പെടാൻ പാടില്ല.&nbsp;
അപേക്ഷകൾ ഇ–മെയിൽ വഴിയും ഡിജിറ്റൽ മാതൃകയിലും അയയ്ക്കുമ്പോൾ കടലാസിൽ ഒപ്പുണ്ടോ എന്നു പോലും നോക്കേണ്ടെന്നും സിദ്ദിഖ് പറയുന്നു. ആവശ്യപ്പെട്ട വിവരങ്ങൾ നൽകാത്ത ജില്ലാ ജലഅതോറിറ്റി സൂപ്രണ്ടിങ് എൻജിനീയറുടെ മറുപടി ദുരൂഹമാണ്. താനൂർ പൈപ്‌ലൈൻ സ്ഥാപിച്ചതുമായി ബന്ധപ്പെട്ടു വ്യാപകമായി അഴിമതി ആരോപണം ഉയർന്നിട്ടുണ്ടെന്നും ഈ സാഹചര്യത്തിലാണു നിജസ്ഥിതി അറിയാൻ വേണ്ടി വിവരാവകാശ നിയമപ്രകാരം അപേക്ഷ നൽകിയതെന്നും പരാതിക്കാരൻ ചൂണ്ടിക്കാട്ടി. മറുപടിക്കെതിരെ വിവരാവകാശ കമ്മിഷനു പരാതി നൽകിയിട്ടുണ്ട്.

‘വിവരം നൽകണമെങ്കിൽ ഇന്ത്യൻ പൗരത്വം തെളിയിക്കണം’: അപേക്ഷകന് ജലഅതോറിറ്റി നൽകിയ മറുപടി വിവാദത്തിൽ

വയനാട്: കേരള-തമിഴ്നാട് അതിർത്തിയായ വയനാട് നമ്പ്യാർകുന്നിൽ ആഴ്ചകളായി ജനങ്ങളെ ഭീതിയിലാക്കിയ പുലി കുടുങ്ങി. നിരവധി വളർത്തുമൃഗങ്ങളെ ആക്രമിച്ച പുലിയാണ് വനം വകുപ്പിന്‍റെ കൂട്ടിൽ വീണത്. പുലിയെ സംരക്ഷണ കേന്ദ്രത്തിലേക്ക് മാറ്റി.
ഇന്ന് പുലർച്ചെ ഒന്നരയോടെ ഒരു വീട്ടിലെ കോഴിയെ പിടികൂടിയ പുലി സമീപത്തുവെച്ച വനം വകുപ്പിന്‍റെ കൂട്ടിൽ കുടുങ്ങുകയായിരുന്നു. കൂട്ടിനുള്ളിൽ കെണിയായി വച്ചിരുന്ന ആടിനെ പിടികൂടാനുള്ള ശ്രമത്തിലായിരുന്നു പുലി. നാട്ടുകാരാണ് പുലി കൂട്ടിൽ കുടുങ്ങിയ വിവരം വനം വകുപ്പിനെ അറിയിച്ചത്.
മുമ്പ് സുൽത്താൻ ബത്തേരി ന​ഗ​ര​ത്തി​ൽ മൈ​സൂ​ർ റോ​ഡി​ൽ കോ​ട്ട​ക്കു​ന്നി​ൽ പുലിയുടെ സാന്നിധ്യം കണ്ടെത്തിയിരുന്നു. പുതുശേരിയിൽ പോൾ മാത്യൂസിന്‍റെ വീടിന്‍റെ പരിസരത്താണ് പുലി നിരവധി തവണ എത്തിയത്. കോഴിക്കൂടിനടുത്ത് പുലി വന്നതിന്‍റെ ദൃശ്യങ്ങൾ സി.സി.ടി.വിയിൽ പതിഞ്ഞിരുന്നു.

വയനാട്ടിലെ  ജനങ്ങളെ ഭീതിയിലാക്കിയ പുലി കുടുങ്ങി

ചെന്നൈ‌\ കണ്ണൂർ: തീവണ്ടിയാത്രാ നിരക്കുവർധന ജൂലായ് ഒന്നിന് നിലവിൽവരുമെന്ന് റെയിൽവേ അറിയിച്ചു. അഞ്ചുവർഷത്തിനുശേഷമാണ്‌ നിരക്കു കൂടുന്നത്. മെയിൽ, എക്സ്പ്രസ് നോൺ എസി ടിക്കറ്റുകളിൽ കിലോമീറ്ററിന് ഒരു പൈസയാണ് കൂടുക. എസി ടിക്കറ്റിന് രണ്ടുപൈസ കൂടും.
ഓർഡിനറി തീവണ്ടികളുടെ നോൺ എസി ടിക്കറ്റിന് കിലോമീറ്ററിന് അരപൈസ വർധനയുണ്ടാവും. എന്നാലിത്, ആദ്യത്തെ 500 കിലോമീറ്ററിന് ബാധകമാവില്ല. നേരത്തേയെടുത്ത ടിക്കറ്റുകൾക്ക് നിരക്കുവർധന ബാധകമാവില്ല. ജിഎസ്ടി ബാധകമായ ടിക്കറ്റുകൾക്ക് വർധനയ്ക്ക് ആനുപാതികമായി നികുതിയും കൂടും. റിസർവേഷൻ നിരക്കോ സൂപ്പർഫാസ്റ്റ് സർച്ചാർജോ കൂടില്ല.തത്കാൽ ഉൾപ്പെടെ ഓൺലൈനായി ടിക്കറ്റെടുക്കാൻ ഇനി ആധാർ ഐആർസിടിസി അക്കൗണ്ടുമായി ബന്ധിപ്പിക്കണം. ജൂലായ് 15 മുതൽ ഇതിന്‌ ആധാർ അധിഷ്ഠിത ഒടിപി നിർബന്ധമാക്കും.

ട്രെയിൻ നിരക്ക് വർധന ഇന്നുമുതൽ, നേരത്തേയെടുത്ത ടിക്കറ്റുകൾക്ക് ബാധകമാവില്ല

തിരുവനന്തപുരം : മുൻ മുഖ്യമന്ത്രി വി.എസ്.അച്യുതാനന്ദന്റെ ആരോഗ്യനില അതീവ ഗുരുതരമായി തുടരുന്നു. മെഡിക്കൽ ബോർഡ് ഇന്ന് രാവിലെ യോഗം ചേരും. ഇന്നലെ വിദഗ്ധ ഡോക്ടർമാരുടെ സംഘം വിഎസ് ചികിത്സയിൽ കഴിയുന്ന പട്ടം എസ്‍യുടി ആശുപത്രിയിലെത്തി ആരോഗ്യസ്ഥിതി വിലയിരുത്തി. രക്തസമ്മർദവും വൃക്കകളുടെ പ്രവർത്തനവും ഹൃദയത്തിന്റെ പ്രവർത്തനവും സാധാരണ നിലയിലാക്കാനുള്ള ശ്രമമാണു നടക്കുന്നത്.
രക്തസമ്മർദം വളരെ താണ നിലയിലാണ്. ഡയാലിസിസ് ഇന്നലെയും തുടർന്നു. കടുത്ത ഹൃദയാഘാതത്തെത്തുടർന്ന് 23 നാണു വിഎസിനെ ആശുപത്രിയിൽ പ്രവേശിപ്പിച്ചത്. അന്നു മുതൽ അതിതീവ്ര പരിചരണ വിഭാഗത്തിൽ വെന്റിലേറ്ററിന്റെ സഹായത്തോടെയാണ് വിഎസ് കഴിയുന്നത്.&nbsp;

വി.എസ്.അച്യുതാനന്ദന്റെ നില അതീവ ഗുരുതരം, രക്തസമ്മർദം താഴ്ന്ന നിലയിൽ

Search Results for: shahabas murder