അരൂർ: ചേരാപുരം കോട്ടയുള്ളതിൽ ശിവ ക്ഷേത്ര പൊതു കുളത്തിൻ്റെ നവീകരണ പ്രവൃത്തി ജില്ലാ പഞ്ചായത്ത് ക്ഷേമകാര്യ സ്റ്റാൻ്റിങ്ങ് കമ്മറ്റി ചെയർമാൻ പി സുരേന്ദ്രൻ ഉദ്ഘാടനം ചെയ്തു. വേളം ഗ്രാമപഞ്ചായത്ത് വൈസ് പ്രസിഡൻ്റ് കെ.സി ബാബു അധ്യക്ഷതവഹിച്ചു. 30 ലക്ഷം രൂപയാണ് നവീകരണത്തിന് ജില്ലാ പഞ്ചായത്ത് അനുവദിച്ചത്.&nbsp;
നേരത്തെ മടത്ത് കണ്ടി ലീലയാണ് ക്ഷേത്രത്തിന് കുളം സംഭാവന ചെയ്തത്. ഗ്രാമപഞ്ചായത്ത് ആരോഗ്യ-വിദ്യാഭ്യാസ സ്റ്റാൻ്റിങ്ങ് കമ്മറ്റി ചെയർപേഴ്സൺ മലയിൽ സുമ, ക്ഷേമകാര്യ സ്റ്റാൻ്റിങ് കമ്മറ്റി ചെയർമാൻ പി സൂപ്പി, വാർഡ് മെമ്പർ കെ.കെ ഷൈനി, രവീന്ദ്രൻ രൂപശ്രീ,എ.കെ രാജീവൻ ,പി.എം ബാലൻ ,ഇ രാജീവൻ, ആർ.കെ ശങ്കരൻ, പി സോമനാഥൻ, ടി അശോകൻ, വികെ അബ്ദുല്ല എന്നിവർ പ്രസംഗിച്ചു

കോട്ടയുള്ളതിൽ ക്ഷേത്ര പൊതു കുളം നവീകരണ പ്രവൃത്തി ഉദ്ഘാടനം ചെയ്തു

Nadapuram

മണിയൂർ: മാലിന്യമുക്ത നവകേരളം ജനകീയ ക്യാമ്പയിന്റെ ഭാഗമായി ഹരിത കേരളം മിഷന്റെ 'ഇനി ഞാനൊഴുകട്ടെ' പദ്ധതിയിൽ തുറയൂർ ഗ്രാമ പഞ്ചായത്തിലെ ഏണിയോട്ടിട തോടിന്റെ ഒരു കിലോമീറ്റർ ദൂരം ജനകീയ പങ്കാളിത്തത്തോടെ ശുചീകരിച്ചു. അകലാപ്പുഴയുടെയും കുറ്റ്യാടിപ്പുഴയുടെയും സംഗമസ്ഥലത്ത് ഉളള പ്രധാന തോടാണ് ഏണിയോട്ടിട. പയ്യോളി അങ്ങാടിയിൽ വെച്ച് നടന്ന ഇനി ഞാനൊഴുകട്ടെ ക്യാമ്പയിൻ ഗ്രാമ പഞ്ചായത്ത് പ്രസിഡന്റ് സി കെ ഗിരീഷ് ഉദ്ഘാടനം നിർവഹിച്ചു.&nbsp;
ഹരിത കേരളം മിഷൻ ജില്ലാ കോർഡിനേറ്റർ മുഖ്യാതിഥിയായി പങ്കെടുത്തു. നിറയെ മാലിന്യങ്ങളും ചളിയും നിറഞ്ഞ തോടിനെ വീണ്ടെടുക്കാൻ ആയിരത്തിലധികം വരുന്ന മനുഷ്യർ സന്നദ്ധരായി പങ്കെടുത്തു. ഗ്രാമ പഞ്ചായത്ത് ഭരണസമിതി, യുവജന സംഘടനകൾ, തൊഴിലുറപ്പ് തൊഴിലാളികൾ, കുടുംബശ്രീ അംഗങ്ങൾ, ഹെൽത്ത് വിഭാഗം ജീവനക്കാർ, വ്യാപാരി വ്യവസായി അംഗങ്ങൾ, സന്നദ്ധ സാമൂഹിക സാംസ്കാരിക രാഷ്ട്രീയ സംഘടന പ്രവർത്തകർ, ഗ്രാമ പഞ്ചായത്ത് ഉദ്യോഗസ്ഥർ, നാട്ടുകാർ തുടങ്ങിയവർ പങ്കെടുത്തു.

ഏണിയോട്ടിട തോട് ശുചീകരിച്ചു

Vadakara

വടകര: നഗരസഭ ഹരിത കേരളം മിഷൻ പദ്ധതിയിൽ ഉൾപ്പെടുത്തി നടപ്പിലാക്കുന്ന 'ഇനി ഞാൻ ഒഴുകട്ടെ' നീർച്ചാലുകളുടെ ജനകീയ വീണ്ടെടുപ്പ് വാർഡ് 28 മേപ്പയിൽ കാച്ചിവയൽ - എടക്കണ്ടി തോടുകളുടെ ശുചീകരണത്തോടെ ആരംഭിച്ചു. നഗരസഭാ വൈസ് ചെയർമാൻ പി കെ സതീശൻ പരിപാടി ഉദ്ഘാടനം ചെയ്തു. വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സിന്ധു പ്രേമൻ അധ്യക്ഷത വഹിച്ചു. കൗൺസിലർ എൻ കെ പ്രഭാകരൻ സ്വാഗതം പറഞ്ഞു. ഹരിത കേരളം മിഷൻ ടെക്നിക്കൽ അസിസ്റ്റൻറ് വിവേക് വിനോദ് പദ്ധതി വിശദീകരണം നടത്തി. ടിവി ഹരിദാസൻ, മുരളി ചേര്യമ്പത്ത്, കൃഷ്ണൻ, പത്മനാഭൻ അരുണോദയം , ഹരിത കേരളം മിഷൻ റിസോഴ്സ് പേഴ്സൺ പി ഷംന എന്നിവർ സംസാരിച്ചു. നഗരസഭ ഹെൽത്ത് ഇൻസ്പെക്ടർ സന്ധ്യ, ജൂനിയർ ഹെൽത്ത് ഇൻസ്പെക്ടർ വിഗിഷ ഗോപാലൻ, കണ്ടിൻസി ജീവനക്കാർ, പ്രദേശവാസികൾ എന്നിവർ പരിപാടികൾ പങ്കെടുത്തു.&nbsp;
വാർഡിലൂടെ 700 മീറ്ററോളം ദൂരത്തിലാണ് ഈ രണ്ടു തോടുകളും ഒഴുകി ബെമ്മിണി തോട്ടിലേക്ക് എത്തിച്ചേരുന്നത്. എടക്കണ്ടി തോടിനോട് ചേർന്ന് മറ്റൊരു ചെറിയ നീർചാലും കൂടി പരിപാടിയുടെ ഭാഗമായി ശുചീകരിച്ചു. നിലവിൽ ഒഴുക്ക് തടസ്സപ്പെടുന്ന രീതിയിൽ വെള്ളം കെട്ടിക്കിടക്കുന്ന അവസ്ഥയാണ് തോടുകൾക്ക് ഉണ്ടായിരുന്നത്. കെട്ടിക്കിടന്ന മാലിന്യങ്ങൾ നീക്കിയപ്പോൾ പല ഭാഗങ്ങളിലും വെള്ളം തടസ്സമില്ലാതെ ഒഴുകിത്തുടങ്ങി. നഗരസഭയിലെ മുഴുവൻ നീർച്ചാലുകളും മാർച്ച് 30 ന് മുമ്പ് ജനകീയമായി ശുചീകരിച്ച് വീണ്ടെടുക്കാനാണ് നഗരസഭ ലക്ഷ്യമിടുന്നത്.

നീർച്ചാലുകളുടെ ജനകീയ വീണ്ടെടുപ്പിന് വടകര നഗരസഭയിൽ തുടക്കം

വടകര: മാലിന്യമുക്തം നവകേരളം ഇനി ഞാൻ ഒഴുകട്ടെ ക്യാമ്പയിന്റെ ഭാഗമായി ചോറോട് ഗ്രാമപഞ്ചായത്ത് രണ്ടാം വാർഡിൽ വണ്ണാത്തിമൂല തോട് ശുചീകരണവും നീർത്തട നടത്തവും സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ്‌ പി പി ചന്ദ്രശേഖരൻ ഉദ്ഘാടനം നിർവഹിച്ചു. സ്ഥിരം സമിതി അംഗം സി നാരായണൻ അധ്യക്ഷത വഹിച്ചു. വാർഡ് അംഗം റീന പി പി സ്വാഗതം ആശംസിച്ചു.&nbsp;
സ്ഥിരം സമിതി അംഗം മധുസൂദനൻ, ഹരിതകേരള മിഷൻ റിസോഴ്സ് പേഴ്സൺ ഷംന, ഹെൽത്ത് ഇൻസ്‌പെക്ടർ ഷീബ, സുരേഷ് ബാബു, ഹരിദാസൻ എന്നിവർ സംസാരിച്ചു. ജനപ്രതിനിധികളായ ശ്യാമള പൂവേരി, പ്രസാദ് വിലങ്ങിൽ, സബിത, പുഷ്പ മഠത്തിൽ, പി ലിസി, ജിഷ കെ, ബിന്ദു ടി, ലളിത ഗോവിന്ദാലയം, ഹെൽത്ത് ഇൻസ്‌പെക്ടർ ലിൻഷി, വി ഇ ഒ വിനീത പി എന്നിവർ സന്നിഹിതരായി.

തോട് ശുചീകരണവും നീർത്തട നടത്തവും സംഘടിപ്പിച്ചു

കോഴിക്കോട്: പുതുപ്പാടി അടിവാരം പൊട്ടിക്കൈയില്‍ മലവെള്ളപ്പാച്ചിലിൽപെട്ട് യുവതി മരിച്ചു. അടിവാരം സ്വദേശി സജ്ന(36) ആണ് മരിച്ചത്. തോട്ടില്‍ അലക്കിക്കൊണ്ടിരിക്കെയായിരുന്നു അപകടം.
അലക്കുന്നതിനിടെ പെട്ടെന്ന് ശക്തമായ വേഗതയില്‍ മലവെള്ളപ്പാച്ചില്‍ ഉണ്ടാവുകയായിരുന്നു. ഒപ്പമുണ്ടായിരുന്ന രണ്ട് സ്ത്രീകളാണ് അപകടവിവരം നാട്ടുകാരെ അറിയിച്ചത്. തുടര്‍ന്ന് മൂന്ന് കി.മീറ്റര്‍ അകലെ കൈതപ്പൊയിൽ രണ്ടാംകൈ ഭാഗത്തുനിന്നു മൃതദേഹം നാട്ടുകാര്‍ കണ്ടെത്തുകയായിരുന്നു.

കോഴിക്കോട് അടിവാരത്ത് മലവെള്ളപ്പാച്ചില്‍പെട്ട് യുവതി മരിച്ചു

Kozhikode

കൊച്ചി: തേവക്കലിൽ പെണ്‍കുട്ടിയെ കുളത്തില്‍ മരിച്ചനിലയില്‍ കണ്ടെത്തി. കങ്ങരപ്പടി കണിയാത്ത് വീട്ടില്‍ സുരേന്ദ്രന്റെ മകള്‍ അമൃത (19)യെ ആണ് മരിച്ചത്.ഞായറാഴ്ച രാത്രി പന്ത്രണ്ടുമണിവരെ പെണ്‍കുട്ടി മുറിയിലിരുന്ന് പഠിച്ചിരുന്നെന്നും പിന്നീട് പെണ്‍കുട്ടിയെ കാണാതാകുകയായിരുന്നെന്നുമാണ് മാതാപിതാക്കള്‍ പറയുന്നത്. തുടര്‍ന്ന് നടത്തിയ പരിശോധനയില്‍ വീടിന് താഴ്ഭാഗത്തുള്ള മുനിസിപ്പാലിറ്റിയുടെ കുളത്തിന് സമീപത്ത് പെണ്‍കുട്ടിയുടെ ചെരുപ്പ് കണ്ടെത്തുകയായിരുന്നു. പിന്നാലെ പോലീസിനേയും ഫയര്‍ഫോഴ്‌സിനേയും വിവരമറിയിക്കുകയും ഫയര്‍ഫോഴ്‌സ് എത്തി മൃതദേഹം ആറ് മണിയോടെ പുറത്തെടുത്തു.
എടത്തല എംഇഎസ് കോളേജിലെ ബിബിഎ വിദ്യാര്‍ഥിനിയാണ് അമൃത. മാതാവ്: ശ്യാമള, സഹോദരന്‍: അതുല്‍ സുരേന്ദ്രന്‍.

19-കാരിയെ കുളത്തിൽ മരിച്ചനിലയിൽ കണ്ടെത്തി

Kerala

വടകര: ചോറോട് ഈസ്റ്റ് പ്രദേശവാസികളുടെ വർഷങ്ങളായുള്ള ആഗ്രഹം പൂവണിയുന്നു. ഏകദേശം പതിനഞ്ചോളം വർഷമായി തോട് നിർമ്മാണം എന്ന ആവശ്യം ഉന്നയിക്കപ്പെടുയാണ് ഇവിടെ. വയലുകൾ നികത്തിയും താഴ്ന്ന സ്ഥലങ്ങളിലും വീടെടുത്ത് താമസിക്കുന്നവർ മഴക്കാലമാവുന്നതോടെ ആധിയിലാണ്. പറമ്പിലും മുറ്റത്തും വിടിനകത്തും വെള്ളം കയറുന്നതിൽ ഭയത്തോടെയാണ് ജീവിക്കുന്നത്. കഴിഞ്ഞ ഒരാഴ്ച്ചയിലധികം ദിവസം ഇവിടങ്ങളിൽ വെള്ളപ്പൊക്കമായിരുന്നു. നിരവധി വീടുകളിൽ നിന്നും ആളുകൾ മാറി താമസിക്കേണ്ടി വന്നു. പ്രായമായവരെയും അസുഖ ബാധിതരായവരെയും കസേരകളിൽ ഇരുത്തിയാണ് അരയ്ക്കുമേൽ വെള്ളത്തിലൂടെ സന്നദ്ധ പ്രവർത്തകർ സുരക്ഷിത സ്ഥലങ്ങളിൽ എത്തിച്ചത്. നിരവധി വാഹനങ്ങൾ സ്റ്റാർട്ട് ചെയ്യാൻ കഴിയാതെ തള്ളിനീക്കി മറ്റുവിടുകളിലേക്ക് മാറ്റുകയായിരുന്നു. വീട്ടിനകത്തെ എല്ലാ സാധനങ്ങളും ഫർണ്ണിച്ചറുകളും ഉയർത്തി വെക്കുകയും ചെയ്യേണ്ടി വന്നു.&nbsp;
മഴക്കാലത്ത് മാത്രമല്ല കുറ്റ്യാടി ഇറിഗേഷൻ കനാലിന്റെ ഭാഗമായ അഴിയൂർ ബ്രാഞ്ച് കനാലിൽ വെള്ളം തുറന്നു വിടുമ്പോഴും ഇവിടങ്ങളിൽ ബുദ്ധിമുട്ട് അനുഭവപ്പെടുന്നു. വിലങ്ങിൽ താഴ, പുതിയോട്ടിൽ താഴ, കേളോത്ത് താഴ, കണ്ണ്യാറത്ത് താഴ, ചാത്തോത്ത് താഴ. കുളങ്ങരത്ത് താഴ എന്നീ പ്രദേശങ്ങളിലെ അമ്പതിൽ പരം വീടുകൾ വെള്ളപ്പൊക്ക ഭീഷണിയിലാണ്. മാപ്ലക്കണ്ടി താഴ മുതൽ തോട് നിലവിലുണ്ട്. ഇത് നടക്കുതാഴ- ചോറോട് കനാലിലേക്ക് എത്തിച്ചേരുന്നു. ചോറോട് ഈസ്റ്റിൽ നിന്നും മാപ്ലക്കണ്ടിതാഴ വരെ ഏകദേശം ഇരുന്നുറ് മീറ്റർ നീളത്തിൽ രണ്ട് മീറ്റർ വീതിയിൽ തോട് നിർമ്മിച്ചാൽ ഈ പ്രദേശമാകെ രക്ഷപ്പെടുമെന്നാണ് കരുതുന്നത്. പഞ്ചായത്തംഗം പ്രസാദ് വിലങ്ങിൽ ഭരണസമിതിയിൽ ആവശ്യപ്പെടുകയും പ്രസിഡണ്ട് പി.പി. ചന്ദ്രശേഖരൻ പ്രദേശവാസികളുടെ ദുരിതം നേരിട്ട് കണ്ട് ബോധ്യപ്പെടുകയും ചെയ്തതിനാൽ ഭരണ സമിതി 36 20000 രൂ പ തോട് നിർമ്മാണത്തിനായ് അനുവദിച്ചു. എത്രയും പെട്ടന്ന് സ്ഥലം അനുവദിച്ച് എസ്റ്റിമേറ്റ് തയ്യാറാക്കിയാൽ ഈ സാമ്പത്തിക വർഷം തന്നെ പണി പൂർത്തിയാക്കാൻ കഴിയുന്നതാണ്.

ചോറോട് ഈസ്റ്റ് നിവാസികളുടെ ദുരിതത്തിന് പരിഹാരം; തോട് നിർമ്മാണത്തിന് 36 ലക്ഷം അനുവദിച്ചു

അടിമാലി: തോട് മുറിച്ചു കടക്കുന്നതിനിടെ വെള്ളത്തിൽ വീണ് യുവാവ് മരിച്ചു. മാങ്കുളം പുതുക്കുടി സ്വദേശി സനീഷ് (23) ആണ് താളും കണ്ടം തോട് മുറിച്ചു കടക്കുന്നതിനിടെ വെള്ളത്തിൽ വീണ് മരിച്ചത്. ഇന്നലെ രാത്രി ഒരു മണിയോടെയാണ് അപകടം. തോടിന്റെ കരയിൽ നിന്നു മറുകരയിലേക്ക് ചാടുന്നതിനിടെ കാൽവഴുതി വീഴുകയായിരുന്നു എന്നാണ് പ്രാഥമിക വിവരം.&nbsp;

തോട് ചാടിക്കടക്കുന്നതിനിടെ കാൽവഴുതി വീണ് യുവാവ് മരിച്ചു

മട്ടാഞ്ചേരി (എറണാകുളം): വീട്ടില്‍നിന്ന് കാണാതായ വിദ്യാര്‍ഥിനിയെ ഞായറാഴ്ച അമ്പലക്കുളത്തില്‍ മരിച്ചനിലയില്‍ കണ്ടെത്തി. കരിപ്പാലം ജി.എച്ച്.എസ്. സ്‌കൂളിനുസമീപം ശ്രീനി കുമാറിന്റെയും രാജേശ്വരിയുടെയും മകള്‍ എസ്. ആരതി(18)യെയാണ് മട്ടാഞ്ചേരി ടി.ഡി. അമ്പലക്കുളത്തില്‍ മരിച്ചനിലയില്‍ കണ്ടെത്തിയത്.
ആരതിയെ ശനിയാഴ്ച വൈകീട്ട് മുതല്‍ കാണാനില്ലെന്നുകാണിച്ച് ബന്ധുക്കള്‍ പോലീസില്‍ പരാതി നല്‍കിയിരുന്നു. മുണ്ടംവേലി എം.ഇ.എസ്. കോളേജില്‍ ബി.കോം ഒന്നാംവര്‍ഷ വിദ്യാര്‍ഥിനിയാണ്. ഫൊറന്‍സിക് വിഭാഗവും മട്ടാഞ്ചേരി അസി. പോലീസ് കമ്മിഷണറും സ്ഥലത്തെത്തിയിരുന്നു. മൃതദേഹം എറണാകുളം ജനറല്‍ ആശുപത്രിയിലേക്ക് മാറ്റി. ആരതിയുടെ സഹോദരി ആതിര.

വീട്ടില്‍നിന്ന് കാണാതായ വിദ്യാര്‍ഥിനിയെ കുളത്തില്‍ മരിച്ചനിലയില്‍ കണ്ടെത്തി

അരീക്കോട്: കുളിക്കുന്നതിനിടെ ക്വാറി കുളത്തില്‍ മുങ്ങി ചികിത്സയിലായിരുന്ന രണ്ടാമത്തെ വിദ്യാര്‍ഥിയും മരിച്ചു. കീഴുപറമ്പ് കുനിയില്‍ ചെറുവാലക്കല്‍ പാലാപറമ്പില്‍ ഗോപിനാഥന്റെ മകള്‍ ആര്യയാണ് (16) വ്യാഴാഴ്ച രാവിലെ മരിച്ചത്. പാലാപറമ്പില്‍ സന്തോഷിന്റെ മകള്‍ അഭിനന്ദ (12) ബുധനാഴ്ച രാത്രി മരിച്ചിരുന്നു. കീഴുപറമ്പ് ഗവ. ഹയര്‍ സെക്കന്‍ഡറി സൂളിലെ വിദ്യാര്‍ഥികളാണ് ഇരുവരും.
ഞായറാഴ്ച ഉച്ചക്ക് രണ്ടോടെ ബന്ധുക്കളോടൊപ്പം കുളിക്കാന്‍ പോയതായിരുന്നു ഇവര്‍. നീന്തി കുളിക്കുന്നതിനിടെ ഇരുവരും മുങ്ങിതാഴുകയായിരുന്നു. ശബ്ദം കേട്ട് ഓടിയെത്തിയ നാട്ടുകാര്‍ ഇരുവരെയും പുറത്തെടുത്ത് അരീക്കോട്ടെ സ്വകാര്യ ആശുപത്രിയില്‍ എത്തിക്കുകയായിരുന്നു. അഭിനന്ദ ഏഴാം ക്ലാസ് വിദ്യാര്‍ഥിനിയും ആര്യ പ്ലസ് വണ്‍ വിദ്യാര്‍ഥിനിയുമാണ്.
&nbsp;

കുളിക്കുന്നതിനിടെ കുളത്തില്‍ മുങ്ങി; ചികിത്സയിലായിരുന്ന രണ്ടാമത്തെ വിദ്യാര്‍ഥിയും മരിച്ചു

ക​ണ്ണൂ​ർ: പു​ഴാ​തി സോ​മേ​ശ്വ​രി ക്ഷേ​ത്ര​ത്തി​ലെ കു​ള​ത്തി​ല്‍ നീ​ന്താ​നെ​ത്തി​യ യു​വാ​വ് കു​ള​ത്തി​ലേ​ക്ക് ചാ​ടാ​ന്‍ ശ്ര​മി​ക്കു​ന്ന​തി​നി​ട​യി​ല്‍ പ​ട​വി​ല്‍ ത​ല​യി​ടി​ച്ച് മ​രി​ച്ചു. തി​ലാ​ന്നൂ​ർ സ്വ​ദേ​ശി​യും പു​ഴാ​തി സോ​മേ​ശ്വ​രി ക്ഷേ​ത്ര​ത്തി​ന് സ​മീ​പ​ത്തെ റെ​ജീ​ന ക്വാ​ർ​ട്ടേ​ഴ്സി​ലെ താ​മ​സ​ക്കാ​ര​നു​മാ​യ ന​ല്ലൂ​ർ ഹൗ​സി​ൽ രാ​ഹു​ല്‍ (25) ആ​ണ് മ​രി​ച്ച​ത്.
ഇന്നലെ വൈ​കീ​ട്ട് 5.30നാ​ണ് സം​ഭ​വം. ഉ​യ​ര​ത്തി​ല്‍നി​ന്ന് കു​ള​ത്തി​ലേ​ക്ക് ചാ​ടാ​ന്‍ ശ്ര​മി​ക്കു​ന്ന​തി​നി​ടെ പ​ട​വി​ല്‍ ത​ല​യി​ടി​ക്കു​ക​യാ​യി​രു​ന്നു. ഉ​ട​ന്‍ നാ​ട്ടു​കാ​ര്‍ എ.​കെ.​ജി സ​ഹ​ക​ര​ണ ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും മ​രി​ച്ചു. പി​താ​വ്: എ​ൻ. സ​ന്തോ​ഷ്. മാ​താ​വ്: എ​സ്. ഷൈ​മ. സ​ഹോ​ദ​ര​ൻ: ശ​ര​ത്ത്.

കു​ള​ത്തി​ല്‍ നീ​ന്താ​നെ​ത്തി​യ യുവാവ് പ​ട​വി​ല്‍ ത​ല​യി​ടി​ച്ച് മ​രി​ച്ചു

Kannur

ആലപ്പുഴ: ചൂണ്ടയിടുന്നതിനിടെ പെണ്‍കുട്ടി കുളത്തില്‍വീണ് മരിച്ചു. കരിയിലക്കുളങ്ങര പത്തിയൂര്‍ക്കാല ശിവനയനത്തില്‍ ശിവപ്രസാദിന്റെ മകള്‍ ലേഖയാണ് മരിച്ചത്. വെള്ളിയാഴ്ച രാവിലെ പത്തുമണിയോടെയായിരുന്നു അപകടം.
വീടിനുസമീപത്തെ കുളത്തില്‍ ചൂണ്ടയിടുന്നതിനിടെ കാല്‍വഴുതി വെള്ളത്തിലേക്ക് വീഴുകയായിരുന്നു. പെണ്‍കുട്ടിക്ക് നീന്തലറിയില്ലായിരുന്നുവെന്നാണ് നാട്ടുകാര്‍ പറയുന്നത്. പ്ലസ്ടു വിജയിച്ച് ബിരുദപ്രവേശനം കാത്തിരിക്കുകയായിരുന്നു ലേഖ.

ചൂണ്ടയിടുന്നതിനിടെ പെണ്‍കുട്ടി കുളത്തില്‍വീണ് മരിച്ചു

കോട്ടയം: ചങ്ങനാശേരി തൃക്കൊടിത്താനത്ത് രണ്ട് കുട്ടികൾ കുളത്തിൽ മുങ്ങി മരിച്ചു. മാടപ്പള്ളി പൊൻപുഴക്കുന്നിൽ താമസിക്കുന്ന ആദർശ്, അഭിനവ് എന്നിവരാണ് മരിച്ചത്. ശനിയാഴ്ച ചെമ്പുംപുറത്ത് പാറക്കുളത്തിൽ വീണായിരുന്നു അപകടം. ചൂണ്ടയിടുന്നതിനിടെയാണ് കുട്ടികൾ കുളത്തിൽവീണത്. ചൂണ്ടയിടുന്നതിനിടെ ഒരാൾ കാൽ വഴുതി കുളത്തിൽ വീഴുകയും രക്ഷിക്കാൻ ശ്രമിക്കവേ രണ്ടാമത്തെ കുട്ടിയും വെള്ളത്തിൽ വീഴുകയായിരുന്നുവെന്നാണ് വിവരം. ചങ്ങനാശ്ശേരി ഫയർഫോഴ്സും നാട്ടുകാരും ചേർന്ന് നടത്തിയ തിരച്ചിലിൽ മൃതദേഹങ്ങൾ പാറക്കുളത്തിൽനിന്ന് പുറത്തെടുത്തു. അഭിനവ് ആറാം ക്ലാസ് വിദ്യാർഥിയാണ്. ആദർശ് പത്താം ക്ലാസിലുമാണ്.

ചൂണ്ടയിടുന്നതിനിടെ പാറക്കുളത്തിൽ വീണ് രണ്ട് കുട്ടികൾക്ക് ദാരുണാന്ത്യം

കോട്ടക്കൽ: നീന്തല്‍ പഠിപ്പിക്കുന്നതിനിടെ മാതാപിതാക്കളുടെ കൈയില്‍നിന്ന് കുളത്തില്‍ വീണ നാലു വയസുകാരന്‍ മരിച്ചു. കോട്ടക്കൽ ഇന്ത്യന്നൂര്‍ പുതുമനതെക്കെ മഠത്തില്‍ മഹേഷിന്‍റെയും ഗംഗാദേവിയുടെയും മകന്‍ ധ്യാന്‍ നാരായണന്‍ ആണ് മരിച്ചത്.
കഴിഞ്ഞ വെള്ളിയാഴ്ച വൈകീട്ടായിരുന്നു അപകടം നടന്നത്. വീടിനടുത്തുള്ള കുളത്തില്‍ അമ്മയും അഛനും നീന്തല്‍ പഠിപ്പിക്കുകയായിരുന്നു.ഇതിനിടെ കുട്ടി കുളത്തിലേക്ക് വീഴുകയായിരുന്നു. ഉടന്‍ പുറത്തെടുത്ത് കോട്ടക്കലിലെ ആശുപത്രിയില്‍ പ്രവേശിപ്പിച്ചിരുന്നു.ചികിത്സയിലിരിക്കെ ഇന്ന് രാവിലെയാണ് മരണം. പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുകൊടുത്തു.

നീന്തല്‍ പഠിപ്പിക്കുന്നതിനിടെ മാതാപിതാക്കളുടെ കൈയിൽനിന്ന് കുളത്തിൽ വീണു ;നാലു വയസ്സുകാരന് ദാരുണാന്ത്യം

കൊട്ടിയം: കാൽ വഴുതി കുളത്തിൽ വീണ ഏഴുവയസുകാരനും മരിച്ചു. മൈലാപ്പൂർ പുതുച്ചിറ അൽഹംദുലില്ലായിൽ അനീസ്-ഹയറുന്നീസ ദമ്പതികളുടെ മകൻ അഹിയാൻ ആണ് മരിച്ചത്. അഹിയാന്റെ മൂത്ത സഹോദരൻ ഫർസീൻ(12) വെള്ളിയാഴ്ച മരിച്ചിരുന്നു. വെള്ളിയാഴ്ച വൈകീട്ടാണ് കുട്ടികൾ ഉമയനല്ലൂർ മാടച്ചിറ വയലിലെ കുളത്തിൽ വീണത്.
കുട്ടികളുടെ മാതാവ് അപകടം നടന്ന സ്ഥലത്തിനടുത്ത് ബേക്കറി കട നടത്തുകയാണ്. ബേക്കറിയിലെത്തിയ കുട്ടികൾ മൂത്രമൊഴിക്കാൻ പോവുകയായിരുന്നു. അപ്പോൾ അഹിയാൻ കാൽ വഴുതി കുളത്തിൽ വീഴുകയായിരുന്നു. സഹോദരനെ രക്ഷിക്കാൻ ഫർസീൻ കുളത്തിലേക്ക് ചാടി. എന്നാൽ രണ്ടുപേരും വെള്ളത്തിൽ മുങ്ങിപ്പോവുകയായിരുന്നു.

സഹോദരന് പിന്നാലെ കുളത്തിൽ വീണ ഏഴുവയസുകാരനും മരിച്ചു

കോട്ടയം: ഗൂഗിൾ മാപ്പ് നോക്കി കാറിൽ യാത്ര ചെയ്ത സംഘം തോട്ടിൽ വീണു. കോട്ടയം കുറുപ്പുന്തറ കടവ് പാലത്തിന് സമീപം ശനിയാഴ്ച പുലർച്ചെ മൂന്ന് മണിയോടെയാണ് അപകടം നടന്നത്. യാത്രക്കാരെയെല്ലാം രക്ഷപ്പെടുത്തി. ഹൈദരാബാദിൽ നിന്നെത്തിയ സംഘമാണ് അപകടത്തിൽപ്പെട്ടത്. മൂന്നാറിൽ നിന്ന് ആലപ്പുഴയിലേക്ക് പോകുന്ന വഴിയായിരുന്നു അപകടം. യാത്രക്കാരെ നാട്ടുകാരും പോലീസും ചേര്‍ന്നാണ് ഉടന്‍തന്നെ രക്ഷപ്പെടുത്തിയത്.
കടവ് പാലത്തിന് എത്തുന്നതിന് മുമ്പായി രണ്ട് പ്രധാനപ്പെട്ട റോഡുകളാണുള്ളത്. തോടിന്റെ വശത്തുകൂടിയുള്ള റോഡും ആലപ്പുഴയിലേക്കുള്ള റോഡും. ആലപ്പുഴയിലേക്കുള്ള റോഡ് പലപ്പോഴും ​ഗൂ​ഗിൾ മാപ്പിൽ കാണിക്കാറില്ലെന്നാണ് നാട്ടുകാർ പറയുന്നത്. ഇങ്ങനെ തോട്ടിലേക്ക് ​ഗൂ​ഗിൾ മാപ്പ് തെറ്റായി കാണിച്ച പാതയാണ് അപകടത്തിലേക്ക് നയിച്ചത്.
മഴയുണ്ടായിരുന്നതിനാൽ തോട്ടിൽ നല്ല ഒഴുക്കുണ്ടായിരുന്നു. കൃത്യ സമയത്തെ നാട്ടുകാരുടെയും പോലീസിന്റെയും ഇടപ്പെടലിൽ യാത്രികരെ രക്ഷിക്കാൻ കഴിഞ്ഞു. അതേസമയം കാർ ഒഴുകിപ്പോയി.&nbsp;

ഗൂഗിള്‍ മാപ്പ് നോക്കി യാത്ര; കാര്‍ തോട്ടില്‍വീണു, യാത്രക്കാരെ രക്ഷപ്പെടുത്തി

കോഴിക്കോട്: ആഴ്ചവട്ടം ശിവക്ഷേത്രക്കുളത്തിൽ വിദ്യാർഥി മുങ്ങി മരിച്ചു. ആഴ്ചവട്ടം ദ്വാരകയിൽ ജയപ്രകാശിന്റെ മകൻ സഞ്ജയ് കൃഷ്ണ (14) ആണ് മരിച്ചത്. വെള്ളിയാഴ്ച രാവിലെ 10.30 ഓടെയായിരുന്നു സംഭവം.
മറ്റുകുട്ടികൾക്കൊപ്പം കുളത്തിൽ കളിക്കാനിറങ്ങിയതായിരുന്നു സഞ്ജയ്. തുടർന്ന് മുങ്ങി പോവുകയായിരുന്നു. നാട്ടുകാർ വിവരം അറിയിച്ചതിനെ തുടർന്ന് ബീച്ച് ഫയർഫോഴ്സ് സ്ഥലത്തെത്തി കുട്ടിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ക്ഷേത്രക്കുളത്തിൽ വിദ്യാർഥി മുങ്ങി മരിച്ചു

തിരുവനന്തപുരം: വെള്ളറട ചിമ്മണ്ടിക്കുളത്തില്‍ പതിനാലുകാരന്‍ മുങ്ങി മരിച്ചു. കുന്നത്തുകാല്‍ ചാവടി പുളിയറത്തല വിജയന്‍ - കല ദമ്പതികളുടെ മകന്‍ അഭിനവാണ് മരിച്ചത്. നാലു സുഹൃത്തുക്കള്‍ക്കൊപ്പം കുളത്തില്‍ കുളിക്കാന്‍ പോയപ്പോൾ കുളത്തിന്റെ പടിയില്‍നിന്ന് കാല്‍ വഴുതി വെള്ളത്തില്‍ വീഴുകയായിരുന്നു.
ഒപ്പമുണ്ടായിരുന്ന മൂന്നു സുഹൃത്തുക്കള്‍ക്കും നീന്തല്‍ അറിയില്ലായിരുന്നു. കുട്ടികളുടെ നിലവിളികേട്ട് നാട്ടുകാരെത്തിയാണ് അഭിനവിനെ പുറത്തെത്തിച്ചത്. ഉടന്‍തന്നെ കാരക്കോണം മെഡിക്കല്‍ കോളേജില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കാരക്കോണം പി.പി.എം.എച്ച്.എസ്സില്‍ പത്താം ക്ലാസില്‍ പരീക്ഷ എഴുതി ഫലം വരാന്‍ കാത്തിരിക്കുകയായിരുന്നു.&nbsp;

കുളത്തിന്റെ പടിയില്‍നിന്ന് കാല്‍ വഴുതി വീണ് വിദ്യാർത്ഥി മുങ്ങിമരിച്ചു

തിരുവനന്തപുരം: കുളത്തിൽ കുളിക്കാൻ ഇറങ്ങിയ യുവാവ് മുങ്ങി മരിച്ചു. നാവായിക്കുളം പ്ലാച്ചിവട്ടം സ്വദേശി രഞ്ജിത്ത്(32) ആണ് മരിച്ചത്. കഴിഞ്ഞ ദിവസം വൈകിട്ട് 7 മണിയോടെ നാവായിക്കുളം വലിയ കുളത്തിലായിരുന്നു അപകടം.

കുളത്തിൽ കുളിക്കാനിറങ്ങിയ യുവാവ് മുങ്ങി മരിച്ചു

കശ്മീർ : കശ്മീരിലെ പഹൽഗാം ഭീകരാക്രമണത്തിന്റെ തീവ്രത വെളിവാക്കുന്ന ഹൃദയംതകരുന്ന ചിത്രമായിരുന്നു വെടിയേറ്റ് മരിച്ച് കിടക്കുന്ന ഭർത്താവിന് മുന്നിൽ നിസ്സഹയതോടെ ഇരിക്കുന്ന ഭാര്യയുടെ ചിത്രം. ഹരിയാന സ്വദേശിയും കൊച്ചിയിൽ നാവിക സേന ഉദ്യോഗസ്ഥനുമായ വിനയ് നർവാളും (26) ഭാര്യ ഹിമാൻഷിയുമാണ് ചിത്രത്തിലുണ്ടായിരുന്നത്.ആക്രമണത്തിന്റെ ഭീകരത വിളിച്ചോതും ചിത്രമാണ് ചൊവ്വാഴ്ച വൈകിട്ട് മുതൽ സമൂഹമാധ്യമങ്ങളിൽ പങ്കുവെച്ചത്.
ഏപ്രിൽ 16നായിരുന്നു വിനയ് നർവാളിന്റെയും ഹിമാൻഷിയുടേയും വിവാഹം. വിവാഹാഘോഷങ്ങള്‍ക്ക് ശേഷം അവധിയെടുത്ത് 19നാണ് കശ്മീരിലേക്ക് പോകുന്നത്. പഹൽഗാമിലെ ബൈസരൻ വാലിയിൽ മധുവിധു ആഘോഷങ്ങൾക്കിടെയാണ് ഭീകരർ ഭാര്യയുടെ മുന്നിൽ വെച്ച് വിനയിനെ വെടിവെച്ച് വീഴ്ത്തുന്നത്.&nbsp;
പ​ഹ​ൽ​ഗാ​മി​ൽ വി​നോ​ദ​സ​ഞ്ചാ​രി​ക​ൾ​ക്കു​നേ​രെ ന​ട​ന്ന ഭീ​ക​രാ​ക്ര​മ​ണ​ത്തി​ൽ കൊല്ലപ്പെട്ടവരുടെ എണ്ണം 29 ആയി. 20 പേ​ർ​ക്കാണ് പ​രി​ക്കേ​റ്റത്. കൊല്ലപ്പെട്ടവരിൽ ഒരു മലയാളിയും ഉൾപ്പെടും. എറണാകുളം ഇടപ്പള്ളി മോഡേൺ ​ബ്രഡിനടുത്ത് എൻ. രാമചന്ദ്രനാണ് (65) മരിച്ചത്.&nbsp;

വെടിയേറ്റ് വീണത് ഭാര്യയുടെ മുന്നിൽ; ഹൃദയംതകരുന്ന ആ ചിത്രം നാവികസേന ഓഫീസറുടേത്, വിവാഹം കഴിഞ്ഞത് 6 ദിവസം മുന്‍പ്

National

ആയഞ്ചേരി: ആയഞ്ചേരി മുക്കടത്തുംവയല്‍ കുനീമ്മല്‍ രാജീവന്റെ (55) മരണത്തില്‍ ദുരൂഹതയാരോപിച്ച് കുടുംബം രംഗത്ത്. മര്‍ദനമാണ് മരണകാരണമെന്നാണ് കുടുംബം ഉന്നയിക്കുന്നത്. ശനിയാഴ്ച രാത്രി ആയഞ്ചേരി പോക്ലാറത്തു താഴെ വെച്ച് ഒരു സംഘമാളുകള്‍ രാജീവനെ മര്‍ദിച്ചതായി പറയുന്നു. പരിക്കേറ്റ് ചികിത്സയിലിരിക്കെ ഞായറാഴ്ച ഉച്ചയോടെ രാജീവന്‍ തലശ്ശേരിയിലെ ആശുപത്രിയില്‍ മരണപ്പെടുകയായിരുന്നു. രാജീവന്റെ മരണം മര്‍ദനം മൂലമാണെന്നാരോപിച്ച് കുടുംബം വടകര പോലീസില്‍ പരാതി നല്‍കി.
കോഴിക്കോട് മെഡിക്കല്‍ കോളജ് ആശുപത്രിയില്‍ പോസ്റ്റ്മോര്‍ട്ടത്തിനു ശേഷം ബന്ധുക്കള്‍ ഏറ്റുവാങ്ങിയ മൃതദേഹം വീട്ടുവളപ്പില്‍ സംസ്‌കരിച്ചു.രാജീവന്റെ ദുരൂഹ മരണത്തെക്കുറിച്ച് അന്വേഷിച്ച് ഉത്തരവാദികളായവരുടെ പേരില്‍ നിയമ നടപടി സ്വീകരിക്കണമെന്ന് ബിജെപി ആവശ്യപ്പെട്ടു.
ഗൃഹപ്രവേശനത്തിനുള്ള ഒരുക്കം നടക്കുന്ന വീട്ടില്‍ നിന്ന് രാത്രി സ്വന്തം വീട്ടിലേക്കു പോകുമ്പോഴാണ്ബൈക്ക് തടഞ്ഞുനിര്‍ത്തി രാജീവനെ ഒരു സംഘമാളുകള്‍ പരിക്കേല്‍പിച്ചത്. ആദ്യം വടകര സഹകരണാശുപത്രിയിലാണ് ചികിത്സ തേടിയത്. പിന്നീട് നാദാപുരത്തെ സ്വകാര്യ ആശുപത്രിയില്‍ ചികിത്സ തേടി. അവിടെ നിന്ന് തലശേരി ആശുപത്രിയില്‍ എത്തുകയായിരുന്നു. ഇതിനു പിന്നാലെയാണ് മരണം. സുധയാണ് രാജീവന്റെ ഭാര്യ. മക്കള്‍: നീതു, നിഖില്‍. മരുമക്കള്‍: രാജേഷ് (മുയിപ്പോത്ത്), കാവ്യ (കീഴരിയൂര്‍). സഹോദരങ്ങള്‍: കുഞ്ഞിക്കേളു, ശാന്ത (ആയഞ്ചേരി), ലീല (ചാവട്ട്), രാധ (എരവട്ടൂര്‍).

ആയഞ്ചേരി കുനീമ്മല്‍ രാജീവന്റെ മരണം; ദുരൂഹതയാരോപിച്ച് ബന്ധുക്കൾ, അന്വേഷണം വേണമെന്ന് ആവശ്യം

കുറ്റ്യാടി: മാതാവിനോടൊപ്പം ഉറങ്ങി കിടന്ന ഒന്നര മാസം പ്രായമുള്ള കുഞ്ഞ് മരിച്ച നിലയില്‍. അരൂര്‍ ഒതയോത്ത്റിയാസിന്റെ മകള്‍ നൂറ ഫാത്തിമ (47 ദിവസം) യാണ് മരിച്ചത്. കക്കട്ടിലെ പൊയോല്‍ മുക്കിലെ മാതാവിന്റെ വീട്ടിലാണ് മരണം. ഇന്ന് രാവിലെ മൂത്ത മകള്‍ നോക്കിയപ്പോഴാണ് ഉറങ്ങിക്കിടക്കുകയായിരുന്ന ഉമ്മയുടെ അടുത്ത് ചലനമറ്റ് ശരീരം തണുത്ത നിലയില്‍ കുട്ടിയെ കണ്ടത്.&nbsp;
ഉടന്‍ ആശുപത്രിയില്‍ എത്തിച്ചെങ്കിലും നേരത്തെ മരണം സംഭവിച്ചതായി ഡോക്ടര്‍മാര്‍ അറിയിച്ചു. കുറ്റ്യാടി പൊലീസ് ഇന്‍ക്വസ്റ്റ് നടത്തിയ മൃതദേഹം കോഴിക്കോട് മെഡിക്കല്‍കോളേജ് ആശുപത്രിയിലേക്ക് പോസ്റ്റ്‌മോര്‍ട്ടത്തിനയച്ചു.രാത്രി നിര്‍ത്താതെ കരഞ്ഞ കുട്ടി പിന്നീട് ഇന്ന് പുലര്‍ച്ചെവരെ മുലപ്പാല്‍ കുടിച്ചിരുന്നതായി പറയുന്നു. മുലപ്പാല്‍ തൊണ്ടയില്‍ കുടുങ്ങിയാണോ മരണമെന്ന് വ്യക്തമല്ല. പോസ്റ്റ്‌മോര്‍ട്ടം റിപ്പോര്‍ട്ട് ലഭിച്ചാലേ മരണകാരണം വ്യക്തമാകൂ.

അരൂരിൽ ഒന്നര മാസം പ്രായമുള്ള കുഞ്ഞ് മരിച്ച നിലയില്‍

Kuttiadi

വടകര: 58.53 ഗ്രാം എംഡിഎംഎ പിടിച്ചെടുത്ത് എന്ന് ആരോപിച്ച് ജയിലിലടക്കപ്പെട്ട പ്രതികള്‍ക്ക് കോടതി സ്വന്തം ജാമ്യം അനുവദിച്ചു. പിടിച്ചെടുത്തത് മയക്കുമരുന്നല്ലെന്ന് രാസ പരിശോധനയില്‍ തെളിഞ്ഞതിനെ തുടര്‍ന്നാണ് കോടതി നടപടി.
ഓഗസ്റ്റ് 23ന് പുതുപ്പാടി അനോറേമ്മലുള്ള വാടക വിട്ടില്‍ നിന്നു 58.53 ഗ്രാം എംഡിഎംഎയുമായി തച്ചംപൊയില്‍ ഇരട്ടകുളങ്ങര പുഷ്പ എന്ന റെജീനയെ (42) താമരശ്ശേരി പോലീസ് പിടികൂടി എന്നാണ് കേസ്. പിന്നീട് പരപ്പന്‍ പൊയില്‍ സ്വദേശി തെക്കെ പുരയില്‍ സനീഷ് കുമാറിനേയും (38) കേസില്‍ പ്രതിചേര്‍ത്ത് അറസ്റ്റ് ചെയ്തു ജയിലടച്ചു. രണ്ടാഴ്ചക്കുള്ളില്‍ രാസപരിശോധനാ ഫലം വരുത്തണമെന്ന നിയമം പോലീസ് പാലിച്ചില്ല. രാസ പരിശോധനാ ഫലം വന്നപ്പോഴേക്കും എട്ടുമാസം കഴിഞ്ഞു. രാസ പരിശോധനയില്‍ മയക്കുമരുന്ന് കണ്ടത്താത്തതിനെ തുടര്‍ന്നാണ് വടകര നാര്‍ക്കോട്ടിക്ക് സ്‌പെഷ്യല്‍ കോടതി ജഡ്ജി വി.ജി.ബിജു ഇരുവര്‍ക്കും സ്വന്തം ജാമ്യം അനുവദിച്ചത്.
അന്യായമായി പുഷ്പയേയും സനീഷ് കുമാറിനേയും ജയിലിലടച്ച താമരശ്ശേരി പോലീസ് സ്റ്റേഷന്‍ ഹൗസ് ഓഫീസര്‍ക്കെതിരെ നിയമനടപടി സ്വീകരിക്കുമെന്നു പ്രതികളുടെ അഭിഭാഷകന്‍ പി.പി.സുനില്‍ കുമാര്‍ പറഞ്ഞു.

പിടിച്ചെടുത്തത് എംഡിഎംഎ അല്ലെന്ന് പരിശോധനാഫലം; എട്ട് മാസമായി ജയിലില്‍ കഴിയുന്ന യുവതിക്കും യുവാവിനും സ്വന്തം ജാമ്യം

നാദാപുരം : വിവാഹ സംഘങ്ങളുടെ വാഹനങ്ങൾ തമ്മിൽ തട്ടിയതിന്റെ പേരിലുണ്ടായ സംഘർഷത്തിൽ 10 പേർക്കെതിരെ പൊലീസ് കേസെടുത്തു. വിവാഹത്തിന് പോകുകയായിരുന്ന സംഘം സഞ്ചരിച്ച കാറിൽ എതിർദിശയിൽ വരികയായിരുന്ന ജീപ്പ് തട്ടിയതോടെയാണ് പ്രദേശത്ത് സംഘർഷമുണ്ടായത്. പ്രദേശത്തെ വേറൊരു വിവാഹ സംഘമാണ് ജീപ്പിലുണ്ടായിരുന്നത്.
ഇ‌തോടെ കാറിലുണ്ടായിരുന്നവർ ജീപ്പിലുണ്ടായിരുന്നവരോട് തർക്കമായി. ഇതിനിടെ ജീപ്പിൽ നിന്നും പുറത്തിറങ്ങിയവർ ആക്രമിച്ചു എന്നാണ് കാറിലുള്ളവരുടെ പരാതി. വാഹനത്തിന്റെ ഗ്ളാസ് തകർക്കുകയും ആറുമാസം മാത്രം പ്രായമുള്ള കുഞ്ഞടക്കം നാലുപേർക്ക് പരിക്കേൽക്കുകയും ചെയ്‌തു. പരിക്കേറ്റവർ ഇന്നലെ ചികിത്സ തേടി. ചെക്യാട് സ്വദേശിയായ നിധിൻലാലിന്റെ ഭാര്യ ആതിര നൽകിയ പരാതിയിലാണ് കണ്ടാ‌ലറിയുന്ന 10 പേർക്കെതിരെ ആക്രമണത്തിന് കേസെടുത്തത്.

വളയത്ത് വാഹനം തട്ടിയ പേരിൽ വിവാഹപാർട്ടിക്കാർ തമ്മിലടിച്ച സംഭവം, 10 പേർക്കെതിരെ പൊലീസ് കേസെടുത്തു

നാദാപുരം : സംസ്ഥാന പാതയിൽ അപകടകരമായി മത്സര ഓട്ടം നടത്തിയ രണ്ട് ബസുകൾ നാദാപുരം പോലീസ് കസ്റ്റഡിയിലെടുത്തു. ഡ്രൈവർമാർക്കെതിരെ കേസ്. തുണേരി സ്വദേശി ബാപ്പറത്ത് താഴെ കുനിയിൽ ബി. ടി.കെ. റെജിത്ത് (30 ) , കുറ്റ്യാടി കായക്കൊടി സ്വദേശി പള്ളിപ്പെരുമ്പടത്തിൽ ജയേഷ് ( 42 ) എന്നിവർക്കെതിരെയാണ് നാദാപുരം പോലീസ് കേസെടുത്തത്. വെള്ളിയാഴ്ച്ച ഉച്ചയ്ക്കാണ് കുറ്റ്യാടി നിന്ന് നാദാപുരം ഭാഗത്തേക്ക് സർവീസ് നടത്തുകയായിരുന്ന കെ എൽ 18 ഡബ്ല്യു 3251 നമ്പർ സോൾമേറ്റ് ബസ്സും , കെ എൽ 13 എ.കെ.6399 നമ്പർ ഹരേ റാം ബസ്സും മൽസര ഓട്ടം നടത്തിയത്.&nbsp;
കല്ലാച്ചി മുതൽ നാദാപുരം സ്റ്റാൻ്റ് വരെ , ബസിലെ യാത്രക്കാർക്കും റോഡിലെ മറ്റ് വാഹനങ്ങൾക്കും അപകടം ഉണ്ടാക്കും വിധമാണ് ഇരു ഡ്രൈവർമാരും വാഹനം ഓടിച്ചത്. നാദാപുരം സ്റ്റാൻ്റിലെത്തിയ ഇരു ബസ്സിലെ ജീവനക്കാർ പരസ്പരം പോർവിളി നടത്തുകയും ചെയ്തു. സംഭവമറിഞ്ഞ് സ്ഥലത്തെത്തിയ പോലീസ് രണ്ട് ബസുകളും കസ്റ്റഡിയിലെടുക്കുകയും ഡ്രൈവർമാർക്കെതിരെ കേസ് എടുക്കുകയും ആയിരുന്നു.

മത്സര ഓട്ടം; നാദാപുരത്ത് രണ്ട് ബസുകൾ കസ്റ്റഡിയിൽ ഡ്രൈവർമാർക്കെതിരെ കേസ്

നാദാപുരം : വിലങ്ങാട്ടെ ആദിവാസി ഉന്നതികൾ കേന്ദ്രീകരിച്ച് വിൽപ്പന നടത്താനായി മാഹിയിൽ നിന്ന് ബസിൽ കടത്തുകയായിരുന്ന മദ്യ ശേഖരവുമായി രണ്ട് പേർ അറസ്റ്റിൽ. വിലങ്ങാട് വാളാം തോട് സ്വദേശി ഓട്ടയിൽ സത്യൻ ( 54 ) , അടുപ്പിൽ ഉന്നതിയിലെ ചന്ദ്രൻ ( 54 ) എന്നിവരാണ് അറസ്റ്റിലായത്. പ്രതികളിൽ നിന്ന് 30 കുപ്പി മാഹിമദ്യം പോലീസ് പിടികൂടി.&nbsp;
നാദാപുരം ഇൻസ്പെക്ടർ ശ്യാം ജെ നായർക്ക് ലഭിച്ച രഹസ്യ വിവരത്തെ തുടർന്ന് നാദാപുരം എസ് ഐ എം.പി. വിഷ്ണുവിൻ്റെ നേതൃത്വത്തിൽ പേരോട് ടൗൺ പരിസരത്ത് നടത്തിയ പരിശോധനയിലാണ് 500 എം എൽ ൻ്റെ 20 കുപ്പി വിദേശ മദ്യവുമായി ചന്ദ്രനെയും , വാണിമേൽ വെള്ളിയോട് പള്ളിക്ക് സമീപം ബസ് സ്റ്റോപ്പിൽ നിന്ന് 10 കുപ്പി മാഹി മദ്യവുമായി സത്യനെ വളയം പോലീസ് അറസ്റ്റ് ചെയ്തത്. ഉന്നതികൾ കേന്ദ്രീകരിച്ച് മാഹി മദ്യം വിൽപ്പന നടത്തുന്ന സംഘത്തിൽ പെട്ടവരാണ് ഇരുവരുമെന്ന് പോലീസ് പറഞ്ഞു. ചന്ദ്രൻ നിലവിൽ അബ്കാരി കേസിൽ പ്രതിയാണെന്ന് പോലീസ് പറഞ്ഞു. കോടതിയിൽ ഹാജരാക്കിയ പ്രതികളെ റിമാൻ്റ് ചെയ്തു.

30 കുപ്പി മാഹിമദ്യവുമായി വിലങ്ങാട് സ്വദേശികൾ  അറസ്റ്റിൽ

വടകര: വടകരയില്‍ യുവാവിനെ ട്രെയിന്‍ തട്ടി മരിച്ച നിലയില്‍ കണ്ടെത്തി. വണ്ണാത്തി ഗേറ്റ് മീത്തല്‍ സെല്‍വരാജിന്റെ മകന്‍ സൗരവ് ആണ് മരിച്ചത്. 23 വയസായിരുന്നു. വെള്ളിയാഴ്ച രാത്രി 8.10 ന് വടകര കരിമ്പനപാലത്തായിരുന്നു സംഭവം. മൃതദേഹം വടകര ജില്ല ആശുപത്രി മോര്‍ച്ചറിയിലേക്ക് മാറ്റി.

വടകരയില്‍ യുവാവിനെ ട്രെയിന്‍ തട്ടി മരിച്ച നിലയില്‍ കണ്ടെത്തി

വടകര : സിഐടിയു ജില്ലാ സെക്രട്ടറിയോട് കൈചൂണ്ടി സംസാരിച്ചതിന് സിഐടിയു നേതാവിനെ സംഘടനയിൽ നിന്ന് പുറത്താക്കി. സിഐടിയു ഹെഡ്‌ലോഡ് വടകര ഏരിയ വൈസ് പ്രസിഡന്റ് കെ മനോജിനെതിരെയാണ് നടപടി. ശരീരഭാഷ ശരിയായില്ല എന്ന് പറഞ്ഞാണ് തന്നെ പുറത്താക്കിയതെന്നാണ് സിപിഎം ബ്രാഞ്ച് സെക്രട്ടറി കൂടിയായ മനോജ് പറയുന്നത്. പൊതുസ്ഥാപനമായ എൻഎംഡിസിയിലെ ജീവനക്കാരനാണ് മനോജ്.
'ഏപ്രിൽ 20ന് സമ്മേളനം നടക്കുകയാണ്. അതിന്റെ ഭാഗമായുള്ള ചർച്ചകൾ നടന്നിരുന്നു. സിഐടിയു ജില്ലാ സെക്രട്ടറി നാസറിനോട് പ്രശ്‌നങ്ങൾ ഉന്നയിച്ച ഞാൻ കുറച്ച് ഉറക്കെ സംസാരിച്ചു. അത് ഞാൻ സമ്മതിക്കുന്നു. എന്നാൽ, തെറ്റായ ഒരുവാക്ക് പോലും ഉപയോഗിച്ചില്ല. പ്രശ്‌നങ്ങൾ അറിയിക്കുക മാത്രമാണ് ചെയ്‌തത്. പിന്നീട് നടത്തിയ യോഗത്തിൽ ഞാൻ നാസറിനെ അടിച്ചുവെന്നാണ് യൂണിയൻ ഏരിയ പ്രസിഡന്റ് കെകെ രമേശൻ കള്ളം പറഞ്ഞത്. കൈചൂണ്ടി വളരെ മോശമായി സംസാരിച്ചുവെന്നും അതിന്റെ പേരിൽ പുറത്താക്കുകയാണെന്നും പറഞ്ഞു. പാർട്ടി വിരുദ്ധമായ ഒന്നുംതന്നെ പറഞ്ഞിട്ടില്ല. സിപിഎമ്മിൽ പരാതി നൽകാനാണ് എന്റെ തീരുമാനം', മനോജ് പറഞ്ഞു.

ജില്ലാ നേതാവിനോട് കൈചൂണ്ടി സംസാരിച്ചു; വടകരയിൽ സിഐടിയു നേതാവിനെ സംഘടനയിൽ നിന്ന് പുറത്താക്കി

Search Results for: kendriya bhavan