ന്യൂയോര്‍ക്ക്: യുഎസിലെ ടെക്‌സാസില്‍ വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ നാല് ഇന്ത്യക്കാര്‍ക്ക് ദാരുണാന്ത്യം. യുഎസ് സംസ്ഥാനമായ അര്‍കന്‍സാസിലെ ബെന്റോന്‍വില്ലയിലേക്കുള്ള യാത്രാമധ്യേയാണ് ഇന്ത്യക്കാര്‍ അപകടത്തില്‍പ്പെട്ടത്. കാര്‍പൂളിങ് ആപ്പ് വഴി ഒരുമിച്ച് യാത്ര നടത്തിയവരാണ് അപകടത്തില്‍പ്പെട്ടവര്‍. അപകടത്തെത്തുടര്‍ന്ന് ഇവര്‍ സഞ്ചരിച്ചിരുന്ന എസ്‌യുവി കത്തിയമര്‍ന്നു. മൃതദേഹങ്ങൾ കത്തിക്കരിഞ്ഞു. ഡിഎന്‍എ പരിശോധന നടത്തിയാണ് മരിച്ചവരെ തിരിച്ചറിഞ്ഞത്.
ആര്യന്‍ രഘുനാഥ് ഒരമ്പട്ടി, ഫാറൂഖ് ഷെയ്ഖ്, ലോകേഷ് പാലച്ചര്‍ല, ദര്‍ശിനി വാസുദേവന്‍ എന്നിവരാണ് മരിച്ചത്. ഡാലസിലെ ബന്ധുവിനെ സന്ദര്‍ശിച്ച് മടങ്ങുകയായിരുന്നു ആര്യന്‍ രഘുനാഥും സുഹൃത്ത് ഫാറൂഖ് ശെയ്ഖും. ലോകേഷ്, ബെന്റോന്‍വില്ലയിലുള്ള തന്റെ ഭാര്യയെ സന്ദർശിക്കുന്നതിന് പോകുകയായിരുന്നു. ടെക്‌സസ് സര്‍വകലാശാലയിലെ വിദ്യാര്‍ഥിയായിരുന്ന ദര്‍ശിനി വാസുദേവന്‍ തന്റെ അമ്മാവനെ കാണുന്നതിനായി പോകുകയായിരുന്നു. കാര്‍ പൂളിങ് ആപ്പ് വഴിയാണ് ഒരുമിച്ച് യാത്രചെയ്തിരുന്നത്.
മാക്സ് അഗ്രി ജനറ്റിക്സ് പ്രൈവറ്റ് ലിമിറ്റഡ് എന്ന പേരില്‍ ഹൈദരാബാദ് ആസ്ഥാനമായുള്ള സ്ഥാപനത്തിന്റെ ഉടമയാണ് ആര്യന്‍ രഘുനാഥിന്റെ പിതാവ്. ഇയാളുടെ സുഹൃത്ത് ഫാറൂഖ് ഷെയ്ഖും ഹൈദരാബാദ് സ്വദേശിയാണ്. തമിഴ്‌നാട് സ്വദേശിയായ ദര്‍ശിനി ടെക്‌സാസിലായിരുന്നു താമസം.
അപകടത്തില്‍ അഞ്ച് വാഹനങ്ങള്‍ ഉള്‍പ്പെട്ടിരുന്നു. അമിത വേഗതയില്‍ വന്ന ട്രക്ക് ഇവര്‍ സഞ്ചരിച്ചിരുന്ന കാറിന്റെ പിന്നിലിടിച്ചു. ഉടനെ കാറിന് തീപിടിക്കുകയും എല്ലാവരും കത്തിയെരിയുകയും ചെയ്തു. എല്ലുകളും പല്ലുകളുമാണ് ഡിഎന്‍എ പരിശോധനയ്ക്കായി അധികൃതര്‍ക്ക് ശേഖരിക്കാനായത്.

യുഎസില്‍ വാഹനങ്ങള്‍ കൂട്ടിയിടിച്ച് വന്‍ അപകടം; നാല് ഇന്ത്യക്കാര്‍ക്ക് ദാരുണാന്ത്യം

വാഷിങ്ടണ്‍: യു.എസ്. പ്രസിഡന്റ് തിരഞ്ഞെടുപ്പിലെ ഡെമോക്രാറ്റിക് പാര്‍ട്ടി സ്ഥാനാര്‍ഥിയും ഇന്ത്യന്‍ വംശജയുമായ വൈസ് പ്രസിഡന്റ് കമലാ ഹാരിസിനെതിരെ വ്യക്തിപരമായ ആക്രമണം തുടര്‍ന്ന് എതിര്‍സ്ഥാനാര്‍ഥി ഡൊണാള്‍ഡ് ജെ. ട്രംപ്. ശാരീരിക സൗന്ദര്യത്തെ കുറിച്ച് പറഞ്ഞാണ് ട്രംപിന്റെ ഇത്തവണത്തെ അധിക്ഷേപം. കമലയെക്കാള്‍ കാണാന്‍ സുന്ദരനാണ് താനെന്നാണ് ശനിയാഴ്ച പെന്‍സില്‍വാനിയയില്‍ നടന്ന റാലിയില്‍ ട്രംപ് പറഞ്ഞത്. അടുത്തിടെ പുറത്തിറങ്ങിയ ടൈം മാഗസിനിലെ കമലാ ഹാരിസിന്റെ കവര്‍ചിത്രം ചൂണ്ടിക്കാട്ടിയായിരുന്നു ട്രംപിന്റെ അധിക്ഷേപം.
'അവളേക്കാള്‍ കാണാന്‍ സുന്ദരനാണ് ഞാന്‍. ടൈം മാഗസിന്റെ കൈവശം അവളുടെ നല്ല ഒരു ചിത്രം പോലും ഇല്ല. കഴിവുള്ള ഒരു ചിത്രകാരനാണ് അവളെ വരച്ചത്. അവര്‍ അവളുടെ ഒരുപാട് ചിത്രങ്ങളെടുത്തുവെങ്കിലും ഒന്നും ശരിയായില്ല. അതുകൊണ്ടാണ് അവര്‍ക്ക് ചിത്രകാരനെ കൊണ്ടുവരേണ്ടിവന്നത്.' -ഡൊണാള്‍ഡ് ട്രംപ് പറഞ്ഞു. അമേരിക്കന്‍ ദിനപത്രമായ 'ദി ഹില്‍' ആണ് ഇക്കാര്യം റിപ്പോര്‍ട്ട് ചെയ്തത്.

'അവളേക്കാള്‍ സുന്ദരനാണ് ഞാന്‍'; കമലാ ഹാരിസിനെതിരെ വ്യക്തിപരമായ ആക്രമണവുമായി ട്രംപ്

കൊല്ലം: അമേരിക്കയിലെ കലിഫോർണിയ സാൻമറ്റെയോയിൽ മരിച്ച കൊല്ലം സ്വദേശികളായ നാലംഗ കുടുംബത്തിന്റെ മൃതദേഹം നാട്ടിലെത്തിക്കില്ല. വ്യാഴാഴ്ച സാൻമറ്റെയോയിൽ തന്നെ സംസ്കാരം നടക്കും. ചിതാഭസ്മം വിമാനമാർ​​​ഗം കൊല്ലത്ത് എത്തിക്കും. നടപടിക്രമങ്ങൾ പൂർത്തിയാക്കി അധികൃതർ മൃതദേഹം കെയർടേക്കർക്കു കൈമാറി.&nbsp;
കൊല്ലം ഫാത്തിമ മാതാ കോളേജ്‌ മുൻ പ്രിൻസിപ്പൽ പട്ടത്താനം വികാസ് നഗർ 57ൽ ജി ഹെൻറിയുടെയും റിട്ട. അധ്യാപിക ശാന്തമ്മയുടെയും മകൻ ആനന്ദ് സുജിത് ഹെൻറി (42), ഭാര്യ ആലീസ് പ്രിയങ്ക (40), ഇരട്ടക്കുട്ടികളായ നോഹ, നെയ്‌ഥൻ (4) എന്നിവരെ 12നാണ് വീട്ടിൽ മരിച്ചനിലയിൽ കണ്ടെത്തിയത്. ഭാര്യയെയും കുട്ടികളെയും കൊലപ്പെടുത്തിയശേഷം ആനന്ദ് സ്വയം വെടിയുതിർത്ത് മരിക്കുകയായിരുന്നുവെന്നാണ് പൊലീസ് പറയുന്നത്. ആലീസ് വെടിയേറ്റാണ് മരിച്ചത്. കുട്ടികളുടെ മരണകാരണം സ്ഥിരീകരിക്കാൻ പോസ്റ്റ്മോർട്ടം നടത്തിയെങ്കിലും റിപ്പോർട്ടിലെ വിവരങ്ങൾ പൊലീസ് പുറത്തുവിട്ടിട്ടില്ല.&nbsp;
പൊലീസ് നി​​ഗമനത്തിൽ ബന്ധുക്കൾ സംശയം പ്രകടിപ്പിക്കുന്നുണ്ട്. ഒരു വർഷത്തോളം ആലീസിന്റെ അമ്മ ജൂലിയറ്റ് ഇവർക്കൊപ്പം സാൻമറ്റെയോയിലെ വീട്ടിലാണ് താമസിച്ചത്. അവിടെനിന്ന് ജൂലിയറ്റ് കേരളത്തിലേക്ക് മടങ്ങിയെത്തിയതിന്റെ പിറ്റേന്നാണ് മരണവാർത്ത അറിയുന്നത്. ആനന്ദിനും കുടുംബത്തിനും സാമ്പത്തിക പ്രതിസന്ധിയോ മറ്റു പ്രശ്നങ്ങളോ ഉണ്ടായിരുന്നില്ലെന്നും ബന്ധുക്കൾ പറയുന്നു. പുറത്തുനിന്നാരെങ്കിലും ഇതിനു പിന്നിലുണ്ടോ എന്നതടക്കം വിശദമായ അന്വേഷണം വേണമെന്നും നിയമനടപടികളിലേക്ക് കടക്കുമെന്നും ബന്ധുക്കൾ അറിയിച്ചു. ആനന്ദിന്റെ ദുബായിലുള്ള സഹോദരൻ അജിത് ഹെൻറിയും സിം​ഗപ്പൂരിലുള്ള സഹോദരൻ അജീഷ് ഹെൻറിയും സാൻമറ്റെയോ കൗണ്ടിയിൽ എത്തിയിട്ടുണ്ട്.

യുഎസിൽ മരിച്ച കൊല്ലം സ്വദേശികളുടെ മൃതദേഹം നാട്ടിലെത്തിക്കില്ല

തിരുവനന്തപുരം: കെ.പി.സി.സി. പ്രസിഡന്റ് കെ. സുധാകരൻ ചികിത്സയ്ക്ക് മുന്നോടിയായുള്ള പരിശോധനകൾക്ക് 31-ന് അമേരിക്കയിലേക്ക് പോകും. പ്രസിഡന്റിന്റെ ചുമതല തത്കാലം ആർക്കും നൽകേണ്ടെന്നാണ് തീരുമാനം. ചികിത്സാകാലയളവിലേക്ക് അദ്ദേഹം അവധി ചോദിക്കുകയും എ.ഐ.സി.സി. അനുവദിക്കുകയും ചെയ്തിരുന്നു. 30-ന് കെ.പി.സി.സി. എക്സിക്യുട്ടീവ് യോഗംചേരും. യോഗത്തിൽ അമേരിക്കയിലേക്കുപോകുന്ന കാര്യം അദ്ദേഹം അറിയിക്കും. യോഗത്തിൽ കേരളത്തിന്റെ ചുമതലയിലേക്ക് നിയോഗിക്കപ്പെട്ട എ.ഐ.സി.സി. ജനറൽസെക്രട്ടറി ദീപാ ദാസ് മുൻഷിയും പങ്കെടുക്കും.
അമേരിക്കയിലെ മയോ ക്ലിനിക്കിലാണ് സുധാകരന്റെ പരിശോധന. ഡോക്ടർമാരുടെ അഭിപ്രായം കണക്കിലെടുത്തായിരിക്കും തുടർചികിത്സ തീരുമാനിക്കുക. ദീർഘകാലം ചികിത്സയ്ക്ക് മാറിനിൽക്കേണ്ടിവന്നാൽ പ്രസിഡന്റ് ചുമതല മറ്റാർക്കെങ്കിലും നൽകുന്നത് പരിഗണനയിലുണ്ട്. ഇതിൽ ഹൈക്കമാൻഡാണ് തീരുമാനമെടുക്കേണ്ടത്. ജനുവരി അവസാനം സുധാകരന്റെ നേതൃത്വത്തിൽ സംസ്ഥാനപര്യടനം പ്രഖ്യാപിച്ചിട്ടുണ്ട്. യാത്രയ്ക്കുവേണ്ട ഒരുക്കങ്ങൾ നടക്കുന്നുണ്ടെങ്കിലും ചികിത്സയുമായി ബന്ധപ്പെട്ട് വ്യക്തതവന്നാലേ പര്യടനകാര്യത്തിൽ തീർപ്പുണ്ടാകൂ.

ചികിത്സയ്ക്കായി കെ. സുധാകരൻ അമേരിക്കയിലേക്ക്

Kerala

പേരാമ്പ്ര: പേരാമ്പ്രയിൽ വിവാഹവീട്ടിൽ വൻകവര്‍ച്ച. പൈതോത്ത് സദാനന്ദന്റെ വീട്ടിലാണ് മോഷണം നടന്നത്. സദാനന്ദന്റെ മകളുടെ വിവാഹത്തിന് സമ്മാനമായി ലഭിച്ച പത്ത് ലക്ഷത്തിലധികം രൂപ മോഷണം പോയെന്നാണ് കണക്കുകൂട്ടൽ. ഞായറാഴ്ചയായിരുന്നു സദാനന്ദന്റെ മകളുടെ വിവാഹം.
അതിഥികളായി എത്തിയവർ വിവാഹസമ്മാനമായി നൽകിയ പണമാണ് മോഷ്ടാവ് കവർന്നത്. രാത്രി പണമടങ്ങിയ പെട്ടി വീട്ടിലെ ഒരു മുറിയിൽ വെച്ച് പൂട്ടിയിരുന്നു. വാതിൽ കുത്തിത്തുറന്ന് അകത്തുകയറിയ കള്ളൻ പെട്ടി പൊളിച്ച് പണം കവരുകയായിരുന്നു. പെട്ടി വീടിനുസമീപം ഉപേക്ഷിച്ച നിലയിൽ കണ്ടെത്തി. സംഭവത്തിൽ പോലീസ് അന്വേഷണം പുരോ​ഗമിക്കുകയാണ്.

പേരാമ്പ്രയിൽ വിവാഹവീട്ടില്‍ വന്‍കവര്‍ച്ച; പണമടങ്ങിയ പെട്ടി കുത്തിത്തുറന്ന് ലക്ഷങ്ങൾ കവർന്നു

Perambra

കൊയിലാണ്ടി : മൂടാടിയില്‍ അമ്മയും മകനും ഒരേദിവസം മരിച്ചു. മൂടാടി വടക്കെ ഇളയിടത്ത് നാരായണി(87)യും മകന്‍ അശോകനു(65)മാണ് മണിക്കൂറുകള്‍ വ്യത്യാസത്തില്‍ മരണപ്പെട്ടത്. മാവിന്റെ മുകളില്‍നിന്ന് പിടിവിട്ട് താഴെ വീണാണ് അശോകന്‍ മരിച്ചത്. ആശുപത്രിയില്‍ ചികിത്സയിലിരിക്കെ, കുറച്ചു സമയത്തിനുള്ളില്‍ അമ്മ നാരായണിയും മരിച്ചു.
രണ്ടുപേരുടെയും സംസ്‌ക്കാരം വീട്ടുവളപ്പില്‍ നടത്തി. നാരായണിയുടെ ഭര്‍ത്താവ്: പരേതനായ കണാരന്‍. മറ്റു മക്കള്‍: പ്രേമന്‍, പുരുഷോത്തമന്‍, ശോഭന, പ്രമീള. മരുമക്കള്‍: ഷൈജ, റീജ, ഷിജ, ഭാസ്‌ക്കരന്‍, അശോകന്‍. സഹോദരങ്ങള്‍: പരേതരായ ചോയിച്ചി, മാണിക്യം, മാത, കല്യാണി കണാരന്‍, മാധവി, ജാനകി. അശോകന്റെ ഭാര്യ: ഷൈജ. മക്കള്‍: അഭിനന്ദ്, ആദര്‍ശ്.

മൂടാടിയില്‍ മാവിൽനിന്ന് വീണ് മകൻ മരിച്ചു; പിന്നാലെ അമ്മയും മരിച്ചു

Koyilandy

വടകര : പിഎഫ് തുക മാറിക്കിട്ടുന്നതിനായി സഹപ്രവർത്തകയായ അധ്യാപികയിൽനിന്ന് കൈക്കൂലി വാങ്ങുന്നതിനിടെ പിടിയിലായ പ്രധാനാധ്യാപകൻ റിമാൻഡിൽ. വടകര പാക്കയിൽ ജെബി സ്കൂൾ പ്രധാനാധ്യാപകൻ ഇ.വി. രവീന്ദ്രനെയാണ് കോഴിക്കോട് വിജിലൻസ് കോടതി 14 ദിവസത്തേക്ക് റിമാൻഡ് ചെയ്തത്.
വെള്ളിയാഴ്ച രാത്രി ഏഴുമണിയോടെ വടകര ലിങ്ക് റോഡിൽനിന്നാണ് രവീന്ദ്രനെ കോഴിക്കോട് വിജിലൻസ് പിടികൂടിയത്. പിഎഫിൽനിന്ന് നോൺ റീഫണ്ടബിൾ അഡ്വാൻസായി മൂന്നുലക്ഷംരൂപ മാറിക്കിട്ടുന്നതിനായി ഒരുലക്ഷംരൂപ പ്രധാനാധ്യാപകൻ കൈക്കൂലി ചോദിച്ചെന്നാണ് അധ്യാപികയുടെ പരാതി. അധ്യാപിക നൽകിയ 10,000 രൂപയും 90,000 രൂപയുടെ ചെക്കും ഇയാളിൽനിന്ന് പിടികൂടിയിരുന്നു.

പിഎഫ് തുകയ്ക്ക് കൈക്കൂലി; വടകരയിലെ പ്രധാനാധ്യാപകൻ റിമാൻഡിൽ

Vadakara

കോഴിക്കോട്: കോഴിക്കോട് നഗരത്തിൽ വന്‍ തീപ്പിടിത്തം. മാവൂർ റോഡിലുള്ള മൊഫ്യൂസിൽ ബസ്റ്റാൻഡിലാണ് തീപ്പിടിത്തമുണ്ടായത്. ബസ് സ്റ്റാൻഡ് കെട്ടിടത്തിലെ മൂന്നാം നിലയിൽ പ്രവർത്തിക്കുന്ന കാലിക്കറ്റ് ടെക്‌സ്റ്റൈല്‍സ് എന്ന തുണിക്കടയ്ക്കാണ് വൈകീട്ട് അഞ്ച് മണിയോടെയാണ് തീപിടിച്ചത്.
നാല് ഫയര്‍ ഫോഴ്‌സ് യൂണിറ്റുകള്‍ എത്തിയാണ് തീയണയ്ക്കാനായി ശ്രമിക്കുന്നത്. കെട്ടിടത്തിന്റെ കൂടുതല്‍ ഭാഗത്തേക്ക് തീ പടരുന്നത് ഫയര്‍ ഫോഴ്‌സിന് വെല്ലുവിളിയായി. കെട്ടിടത്തിന്റെ മറ്റ് നിലകളില്‍ ഉണ്ടായിരുന്നവരെ ഒഴിപ്പിച്ചു.കടയിലും ബില്‍ഡിങ്ങിലും ഉണ്ടായിരുന്ന ആളുകള്‍ ഓടി രക്ഷപ്പെട്ടതിനാല്‍ വന്‍ അപകടം ഒഴിവായി. ബസ്സ്റ്റാന്‍ഡില്‍ പാര്‍ക്ക് ചെയ്ത ബസ്സുകളും സുരക്ഷിത സ്ഥാനക്കേക്ക്മാറ്റി.

കോഴിക്കോട് പുതിയ സ്റ്റാന്‍ഡില്‍ വന്‍ തീപ്പിടിത്തം

Kozhikode

മൂരാട്: മൂരാട് പാലത്തിന് സമീപം കാറും ട്രാവലറും കൂട്ടിയിടിച്ചുണ്ടായ അപകടത്തില്‍ പെട്ട് കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന ചോറോട് ചേന്ദമംഗലം സ്വദേശി സത്യ നാഥന്‍ (റിട്ട: ഇന്ത്യന്‍ ബേങ്ക്) അന്തരിച്ചു.
കഴിഞ്ഞ ഞായര്‍ വൈകിട്ട് 3:15 ഓടെയാണ് മാഹിയില്‍ നിന്നും വിവാഹം കഴിഞ്ഞ് കോവൂരിലെ വരന്റെ വീട്ടിലേക്ക് വധുവിനെ സന്ദര്‍ശിക്കാന്‍ പോയ സംഘം അപകടത്തിൽപെട്ടത്. ഒളിവിലം സ്വദേശി പറമ്പത്ത് നളിനി (62), അഴിയൂര്‍പാറേമ്മല്‍ രജനി (രഞ്ജിനി, 50), അഴിയൂര്‍ കോട്ടമല കുന്നുമ്മല്‍ ഷിഖില്‍ ലാല്‍ (35), പുന്നോല്‍ കണ്ണാട്ടില്‍ മീത്തല്‍ റോജ (56) അന്ന് എന്നിവരാണ് മരിച്ചത്. ഗുരുതരമായി പരിക്കേറ്റ സത്യനാഥന്‍ ചികിത്സയിലായിരിക്കെ ഇന്ന് രാവിലെയാണ് മരണപ്പെട്ടത്. ഇതോടെ അപകടത്തില്‍ മരിച്ചവരുടെ എണ്ണം അഞ്ചായി.

മൂരാട് അപകടം;ചികിത്സയിലായിരുന്ന ചോറോട് സ്വദേശി  മരിച്ചു

കുറ്റ്യാടി: കായക്കൊടി പഞ്ചായത്തിലെ എള്ളിക്കാംപ്പാറയിൽ നേരിയ ഭൂചലനം അനുഭവപ്പെട്ടതായി നാട്ടുകാർ. പഞ്ചായത്തിലെ നാല്, അഞ്ച് വാർഡുകളിലാണ് സംഭവം. ശനിയാഴ്ച രാത്രി 7.30-ഓടെയാണ് ചലനം ഉണ്ടായതെന്നും പ്രത്യേക ശബ്ദം കേട്ടെന്നും പ്രദേശവാസികൾ പറഞ്ഞു. സെക്കൻഡുകൾ മാത്രമാണ് ചലനം തുടർന്നതെങ്കിലും ആളുകൾ വീടുവിട്ട് പുറത്തേക്കിറങ്ങിയെന്നാണ് വിവരം. വില്ലേജ് ഓഫീസർ സ്ഥലത്ത് എത്തിയിട്ടുണ്ട്.
ആശങ്കപ്പെടേണ്ട സാഹചര്യമില്ലെന്നും വെള്ളിയാഴ്ചയും സമാനമായ ചലനം അനുഭവപ്പെട്ടതായി നാട്ടുകാർ അറിയിച്ചിരുന്നുവെന്നും ഇ.കെ.വിജയൻ എംഎൽഎ പറഞ്ഞു. ജില്ലാ കളക്ടറുമായി ബന്ധപ്പെട്ടിട്ടുണ്ടെന്നും ഞായറാഴ്ച വിദഗ്ധസംഘം സ്ഥലത്ത് പരിശോധനയ്ക്ക് എത്തുമെന്നും അദ്ദേഹം വ്യക്തമാക്കി.

കായക്കൊടി എള്ളിക്കാ പാറയിൽ ഭൂചലനം അനുഭവപ്പെട്ടതായി നാട്ടുകാർ

Kuttiadi

കോ​ഴി​ക്കോ​ട്: നി​ർ​ത്തി​യി​ട്ട ഓ​ട്ടോ​യു​ടെ ബാ​റ്റ​റി മോ​ഷ്ടി​ക്കാ​ൻ ​ശ്ര​മി​ച്ച​യാ​ൾ പി​ടി​യി​ൽ. കൊ​യി​ലാ​ണ്ടി ചെ​റി​യ​മ​ങ്ങാ​ട് സ്വ​ദേ​ശി ഫി​ഷ​ർ​മാ​ൻ കോ​ള​നി​യി​ൽ അ​നീ​ഷ് കു​മാ​റി​നെ​യാ​ണ് (26) വെ​ള്ള​യി​ൽ പൊ​ലീ​സ് അ​റ​സ്റ്റു​ചെ​യ്ത​ത്.
കോ​ഴി​ക്കോ​ട് ബീ​ച്ച് ല​യ​ൺ​സ് പാ​ർ​ക്കി​ന് സ​മീ​പം റോ​ഡ​രി​കി​ൽ നി​ർ​ത്തി​യി​ട്ട ഓ​ട്ടോ​റി​ക്ഷ​യി​ൽ​നി​ന്ന് ബാ​റ്റ​റി മോ​ഷ്ടി​ക്കാ​ൻ ശ്ര​മി​ച്ച പ്ര​തി​യെ നാ​ട്ടു​കാ​ർ ത​ട​ഞ്ഞു​വെ​ച്ച് പൊ​ലീ​സി​ൽ അ​റി​യി​ക്കു​ക​യാ​യി​രു​ന്നു. എ​സ്.​ഐ അ​ഭി​ലാ​ഷ്, എ​സ്.​സി.​പി.​ഒ ര​ജി​ത്ത് എ​ന്നി​വ​ർ ചേ​ർ​ന്നാ​ണ് പ്ര​തി​യെ ക​സ്റ്റ​ഡി​യി​ലെ​ടു​ത്ത​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.

ഓട്ടോയുടെ ബാറ്ററി മോഷ്ടിക്കാൻ ശ്രമിച്ച കൊയിലാണ്ടി സ്വദേശി പിടിയിൽ

വടകര : മംഗളൂരു-കോയമ്പത്തൂർ റൂട്ടിൽ പുതിയ ഇന്റർസിറ്റി എക്സ്‌പ്രസ് പരിഗണനയിലുണ്ടെന്ന് ദക്ഷിണറെയിൽവേ ജനറൽ മാനേജർ ആർ.എൻ. സിങ് മറുപടി നൽകിയതായി ഷാഫി പറമ്പിൽ എംപി അറിയിച്ചു. ദക്ഷിണ റെയിൽവേ വിളിച്ചുചേർത്ത എംപിമാരുടെ യോഗത്തിലാണ് ഇക്കാര്യം വ്യക്തമാക്കിയത്. വൈകീട്ട് ആറുമണി കഴിഞ്ഞാൽ പത്തുമണിവരെ കോഴിക്കോട്ടുനിന്ന്‌ വടക്കോട്ടേക്ക് തീവണ്ടി ഇല്ലാത്തതിന് പരിഹാരമായി കോഴിക്കോട്ടുനിന്ന് മംഗളൂരുവിലേക്ക് പോകുന്നതരത്തിൽ സമയക്രമീകരണം നടത്തി ഇന്റർസിറ്റി അനുവദിക്കണമെന്ന് ഷാഫി പറമ്പിൽ ആവശ്യപ്പെട്ടിരുന്നു. തിരക്ക് പരിഗണിച്ച് പരശുരാം എക്സ്‌പ്രസിൽ ഒരുകോച്ച് അധികം അനുവദിച്ചിട്ടുണ്ടെന്നും ജനറൽ മാനേജർ വ്യക്തമാക്കി.
കോവിഡിനുശേഷം മുക്കാളി, നാദാപുരം റോഡ്, ഇരിങ്ങൽ, ചേമഞ്ചേരി തുടങ്ങിയ സ്റ്റേഷനുകളിൽ വരുമാനം കുറഞ്ഞതുകൊണ്ടാണ് സ്റ്റോപ്പ് നിർത്തലാക്കിയതെന്ന റെയിൽവേ വാദം ശരിയല്ലെന്ന് എംപി യോഗത്തിൽ അറിയിച്ചു. സ്റ്റോപ്പ് നിർത്തിയശേഷമാണ് വരുമാനം കുറഞ്ഞത്. കണ്ണൂർ കോയമ്പത്തൂർ എക്സ്‌പ്രസിനുള്ള സ്റ്റോപ്പുകൾ ഈ സ്റ്റേഷനുകളിൽ പുനഃസ്ഥാപിക്കണം. തലശ്ശേരി, വടകര, കൊയിലാണ്ടി സ്റ്റേഷനുകളിൽ പ്രധാനപ്പെട്ട ഒട്ടേറെ തീവണ്ടികൾക്ക് സ്റ്റോപ്പ് അനുവദിക്കാനുള്ള അധികാരം റെയിൽവേ ബോർഡിന് മാത്രമാണെന്നും ബോർഡുമായി ആശയവിനിമയം നടത്തി തീരുമാനം അറിയിക്കുമെന്നും ജനറൽ മാനേജർ അറിയിച്ചു. കൊയിലാണ്ടി, വടകര സ്റ്റേഷനുകളിൽ വരുമാനം കുറഞ്ഞതുകൊണ്ടാണ് പാർസൽ സംവിധാനം നിർത്തിയതെന്നും തലശ്ശേരിയിൽ ഇതിന്റെ പ്രവർത്തനം തുടരുമെന്നും ലഗേജ് ബുക്കിങ് മൂന്ന് സ്റ്റേഷനുകളിലും തുടരുമെന്നും അദ്ദേഹം യോഗത്തിൽ അറിയിച്ചു.

മംഗളൂരു-കോയമ്പത്തൂർ റൂട്ടിൽ പുതിയ ഇന്റർസിറ്റി പരിഗണനയിൽ

കക്കട്ടിൽ: വട്ടോളി സംസ്‌കൃതം ഹൈസ്‌കൂൾ വിദ്യാത്ഥിനിയും ബീഹാർ സ്വദേശിയുമായ തൗസിഫ ഖാതൂന് എസ് എസ് എൽ സി പരീക്ഷയിൽ തിളക്കമാർന്ന വിജയം. 9 വിഷയങ്ങളിൽ A+ ഗ്രേഡും , ഒരു വിഷയത്തിൽ A ഗ്രേഡും നേടിയാണ് സ്കൂളിനഭിമാനമായി മാറിയത്. ബീഹാറിലെ കിഷൻഗഞ്ച് ജില്ലയിലാണ് ജനിച്ചതും ഒൻപതാം ക്ലാസ്സുവരെ പഠിച്ചതും. കഴിഞ്ഞവർഷമാണ് കേരളത്തിലെത്തിയത്. ഈ വിദ്യാലയത്തിൽ പത്താം ക്ലാസ്സിൽ വന്നുചേർന്നു. വിദ്യാലയം മാറിയതോ, ഭാഷാ പരിചയക്കുറവോ, പാഠപുസ്തകങ്ങളുടെ പുതുമയോ തൗസിഫയുടെ പഠനത്തെ ഒട്ടും തളർത്തിയില്ല. ക്ലാസ്സിലെ ഏറ്റവും മിടുക്കിയായി പഠന-പാഠ്യേതര പ്രവർത്തനങ്ങളിൽ നിറഞ്ഞുനിന്നു. പരീക്ഷയ്ക്ക് ശേഷം കുടുംബസമേതം ബീഹാറിലാണ് ഇപ്പോഴുള്ളത്. മിന്നും വിജയത്തിനുശേഷം അധ്യാപകരെ ഫോണിൽ വിളിച്ചു സന്തോഷം പങ്കുവെച്ചു.&nbsp;
"ഒൻപതാം ക്ലാസ്സുവരെ ബീഹാറിൽ പഠിച്ചു, പത്താം ക്ലാസ്സിൽ കേരളത്തിൽ പഠിക്കുമ്പോൾ ആശങ്കകൾ ഉണ്ടായിരുന്നെന്നും, വട്ടോളി സംസ്‌കൃതം ഹൈസ്‌കൂളിലെ ഇംഗ്ലീഷ് മീഡിയം ഡിവിഷനിലെ ക്ലാസ്സുകൾ മികച്ച വിജയം നേടാൻ സഹായിച്ചു വെന്നും, പ്രധാന അദ്ധ്യാപികയും വിഷയാധ്യാപകരും പൂർണപിന്തുണ നൽകിയെന്നും" തൗസിഫ പങ്കുവെച്ചു. അറബിക് ആയിരുന്നു ഫസ്റ്റ് ലാംഗ്വേജ്. ഇംഗ്ലീഷ്, അറബി, ഉർദു,ഹിന്ദി ഭാഷകൾ അനായാസം കൈകാര്യം ചെയ്യും. ഉർദു,ഹിന്ദി, ഇംഗ്ലീഷ് ഭാഷകളിൽ നന്നായി പ്രസംഗിക്കാനും ഉപന്യാസമെഴുതാനുമറിയാം. സ്കൂൾ-സബ്ജില്ലാ കലോത്സവങ്ങളിൽ വിവിധ ഇനങ്ങളിൽ മികച്ച പ്രകടനം കാഴ്ച്ചവെച്ചു. ഈ വർഷം ജില്ലാ സ്കൂൾ കലോത്സവത്തിൽ ഹിന്ദി പ്രസംഗത്തിൽ A ഗ്രേഡ് നേടിയിട്ടുണ്ട്.
ഏതാനും വർഷങ്ങൾക്ക് മുമ്പാണ് പിതാവ് മുഹമ്മദ്‌ സിയാവുൽ ഹഖ് കേരളത്തിലെത്തിയത്. തെങ്ങ് കയറ്റമാണ് ജോലി. ഇപ്പോൾ കുടുംബസമേതം നാദാപുരം-കുമ്മങ്കോട് വാടക വീട്ടിലാണ് താമസം. മിനാരാ ഖാതൂനാണ് തൗസിഫയുടെ മാതാവ്. എട്ട് മക്കളിൽ തൗസിഫയാണ് ഏറ്റവും മുതിർന്നകുട്ടി. ഹയർ സെക്കന്ററിയും കേരളത്തിൽ തന്നെ പഠിക്കുമെന്നും, ഉടനെ കേരളത്തിലേക്ക് തിരിക്കുമെന്നും പിതാവ് പറഞ്ഞു.

വട്ടോളി സംസ്‌കൃതം ഹൈസ്‌കൂളിലെ ബീഹാറി വിദ്യാർത്ഥിനിക്ക് എസ് എസ് എൽ സി പരീക്ഷയിൽ മിന്നും വിജയം

Search Results for: aluva murder